خرج كارلوس عند كريست لكان جالس فوق من شجرة عالية وهو كيشوف فالسما حتى حس ب كارلوس جالس حداه
كريست:واش زعما نكون حبيتها قالها وهو مطلع راسو لسما
كارلوس:هذ السؤال انت لخاصك تجاوب بيه راسك
كريست:ما كتخرجش من بالي واخا كنحاول كنحااااول ننساها عارف هذشي ماشي رجولة مني أني نفكر ف وحدة غير أليس
كارلوس:كريست سمعني هضر وهو كيربط على كتافو من انت قلبك دخل فيه شخص تاني معناه الشخص الأول ما كانش بينك وبينو داك الرابط القوي حيت قوة الروابط هي لكتخلينا نتشبتو بالحب أكيد كاين بينك وبين أليس ضعف فالعلاقة و قلبك كان حاس بالوحدة حيت مالقاش الاكتفاء معها
كريست:شاف فيه رجعتي فيلسوف العشير
كارلوس:ما نحتاجش نولي فيلسوف باش نعرف أن القلب إلى كان عامر و لقي راحتو عمرو يقلب على حاجة أخرى وانت خويا و صاحبي من بعد رافائيل و بغيت لك غير راحتك و سعادتك
كريست:أليس مدة طويلة ما نعسات معيا اي لحظة نحاول نتقرب منها كتحجج ليا من بعد قالت ليا حتى نتزوجو تبسم بسخرية و كمل هذا الزواج لعمرو بغى يوصل اشنو أهلها رافضين شاف في كارلوس بحزن و كمل واش زعما تكون كتخاف مني حيت ماشي بشري
كارلوس:لااا اصاحبي علاش تخاف منك شوفتي انت احسن من ألف بشري و ما تنساش حتى حنا مخلوقات بحالهم اشنو الفرق بينا وبينهم من غير أننا اقوى منهم
كريست:انا مصاص دماء واقلة نسيتي
كارلوس:يمكن نسيتي أن افرا مع مخلوق ما عرفنا حتى اشنو الصنف تاعو و هي بشرية و عايشة معه بسعادة الحب كيكسر اي حااجز الحب كيخليك تشوف الشخص لكتبغي يكون أحسن واحد و ما تشوفش في عيوبو أليس أكيد هي كتتهرب من الزواج يمكن مازال ما مقتنعة بك
كريست:تبسم ليه إيمان كانت مشاغبة ياااك
كارلوس:ههه اه رآها صغيرة ستة أشهر اش تستنى منها ههههههه لكن بصاح هي غير نية و بعد المرات ما كتعرف اش كتقول
كريست:هههههههه عقلتي من قالت ليا اه عفاك طلعو معيا بغيت نكهة البندق فيا جوع ههههههههه ضحك و عينيه كتلمع
كارلوس:شاف فيه وتبسم والله حتى كتبغيها شوف غير هذا الضحكة بالمعان عمري شوفتك درتيها مع أليس
كريست:اشنو غادي ندير دابا و كيفاش إيمان مشات بسبابي من العالم السماوي
كارلوس:لغادي دير هو أنك من رجعو خاصك تهضر مع أليس بصراحة و وضوح مسألة مدة ما نعسات معك رآها كتعني بزاف عاد ما كتحاولش تقنع أهلها هذا إلى فعلا نيت أهلها لرافضين من بعد إلى حسيتي انك فعلا فعلا كتبغي إيمان من بعد الحوار ليكون مع أليس انا كنواعد مستاعد رجع معك هنا و نطلعو العالم السماوي واخا متأكد نسيبك هيرقل غادي يهرقنا لكن نحاولو
كريست:لا غادي رجع بوحدي انت عندك مراتك يكفي غير من رجعو اش غادي دير فيك بلا ما نسبب لك مشاكل اكتر
كارلوس:هههه هذا المرة غادي ناخدها معيا فأي بلاصة مشيت ليها
كريست:ههههه ناري غادي تسبب لك المشاكل تسحاب انت رافا
كارلوس:إنشاء الله تكون هذي آخر المشاكل و نعيشو مزيان و نولدو ولاد كتار نقبلو غير ريوسنا
كريست:اه بصاح ملينا من المغامرات بغيت غير نجلس فالقصر تاعي بكاس نبيذ أحمر و إيمان جنبي قالها بلا شعور
كارلوس:نوض على السلامة راك كتبغيها
----ترمى جنبها على سرير وهو كيقربها ليه و كيعنقها كانت كلها عرقانة وصوت أنفاسها مسموع بعد شعرها على وجهها العرقان و حط ايديه على صدرها العاري كيف حطها تنضمو ليها دقات القلب و رجعات كتنفس عادي عنقها ليه اكتر وهو كيحس بلحمها العرقان ملصق مع لحمو
رافائيل:من ما عندك السوفل علاش كتجابدي معيا
افرا:راه انت كتنسى أني بشرية
رافائيل:ههههههه ههههه اه نسيت بقاي تفكريني هذا المرة
افرا:عنقاتو اكتر اممممم حبي فيك ريحة زوينة
رافائيل:شاف فيها باستغراب مالي كنت خانز من قبل ولا اشنو
افرا:لااا غير دابا فيك ريحة اممممم كتهضر وهي كتشم فيه يا سلام
رافائيل:هز ايديه كيمسح على شعرو اواه ياك ما بداك الوحم من دابا
افرا:اش من وحم ياك تفقنا من بعد ما لقاو فابيان و زواج كريست عاد تنفد
رافائيل:هههه ويلي الحبيبة تاعي على الغول كيعاود الهضرة تحنى طبع بوسة على نيفها بابتسامة مكر
افرا:اشنو زعما علاش كضحك
رافائيل:افرا واش انتي صافا الغول إلى وعد كينقد يعني صافي كلمة يعني صافي ماشي تندمينا على ح*** قالها وهو كيجرها وطلع فوقها كمل وهو كيغمز فيها ايوا اشنو دابا راه فاق ما بقى بغى ينعس اش بان لك العمر تاعي
افرا:وناري اش داني نفيقك هههه غير تكايس تكايس
رافائيل:لواه سايس سايس هههههههه قالها وهو كيتحنى لكل جزء منها عطيه حقو وهي كتبادلو بالمتل
كانو منغامسين في العالم تاعهم حتى قفز رافائيل من احظان افرا
افرا:مالك اشنو واقع
رافائيل:اووووسسسس يارا خارجة كتسلت دار على راسو بطريقة دائرية و بان لابس بودي فالكحل مزير عليه و سروال جينز مقطع من الركبة هز صبعو تجاه افرا لغير هز صبعو تجاهها ظهرو حوايج عليها كانو شبه الحوايج للابس رافائيل
افرا:بصوت مهموس اشنو كتستنى سير تبعها
رافائيل:راني تابعها غير خليني ركز كان مغمض عينيه و صبعانو على جناب راسو مركز مع يارا لكيشوفها كتسلت فالظلام بحكم هي مخلوق ظلامي الظلام ماشي عائق عندها شافها حتى خترقات الجدار و خرجات فتح عينيه بسعادة وهو كيشوف ف افرا
رافائيل:حبي بقاي هنا يمكن هذا ليلة رجعو فحالنا
افرا:لا ديني معك ما نبقاش هنا
رافائيل:رآها بشكلها الطبيعي ما غاديش تتحملي تشوفي المظهر
افرا:نبقى بعيدة مع خويا و كارلوس
رافائيل:ههه بسخرية خوتك فين هما كون عولنا عليهم كنا بقينا هكدا ياله تعالي سربي كيف قالها تهزات افرا لبين ايديه و جات بين ايديه وختفى بيها
كانو كيهضرو حتى ظهر رافائيل و افرا قدامهم
رافا:مزيان عولت عليكم بكري العفريتة خرجات من قدامكم
كارلوس:راه حنا مراقبين
كريست:فين هي دابا
رافا:دخلات وسط الغابة افرا أمانة عندكم والله شعرة منها تتقاص نتفاهم معكم واحد فيكم يمشي يفيق البشري قالها و ختفى
كريست:واقلة هدا رجلك نسى أنك ختي قال شعرة تتقاص
افرا:وانتما نوضو فيقو جو
كارلوس:انا مشيت قالها وختفى
افرا:و نوض انت نمشيو
كريست:فين نمشيو واش انتي صافا
افرا:نتبعو رافائيل حتى يلحق علينا جو
كريست:راه مع عفريتة البشرية شدي الأرض و سوكتي
افرا:والله و ما تحركتي حتى نقول ل أليس خنتيها مع وحدة اخرى
كريست: ياربي سلامة ياك انا خوك ولا عدوك
افرا:انت خويا حبيبي ازين تاع العالم ولكن إلى درتي ليا خاطري
كريست:ياله تحركي نشوفو هذشي فين غادي يخرج شدها من دراعها ودورها على ظهرو مركبها و طار بيها من شجرة لشجرة بسرعة اكتر من سرعة الضوء
بقى رافائيل تابع يارا لكانت كتجري بحال البغلة و سلاسل ف رجليها كيتسمعو من بعيد زائد عليهم صوت أنفاسها حتى حس بيها وقفات غمض عينيه يشوف علاش وقفات كانت وقفات قدام واحد الجبل كبير بقات كتقلب فيه بحال لكيقلب على شي حاجة مهمة لكن على اشنو غادي تقلب في جبل حجري تفكر قصة علي بابا واللصوص زعما تكون بوابة سحرية هناك وكان فعالا كيف فكر غير حطات ايديها على واحد البلاصة محددة تهز واحد الركن من الحجر مربع كانو فيه أزرار ما قدرش يشوف اكتر حيت كيف تفتح حولات بصرها تحت الأرض هزات حجرة قبل ما تضرب بيها الأزرار كان رافائيل طاير عليها راميها على الأرض
غواتات بخوف و زاد خوفها من شافت قدامها رافائيل
رافا:كنت متأكد أنك عارفة البوابة
يارا:كتهضر وهي كتنخر بحال الخنزير بععععععد ما غاديش نخليك تديه مني بعد
رافا:هز ايديه لسما ضربها لوجه جلسي و سوكتي هز ايديه و مشاها على رجليها و ايديها و كمل حركة الأفعى السامة التشلل عن الحركة كيف قالها ما بقات كتحرك من غير فمها
رافائيل:افرا ما غادي يديها مني حتى حد حيت انا وااااضح معها عارفة أصلي و فصلي و كل أسراري أما انتي اووووه كل هذا سنوات مخبية عليه البوابة و حب هذآ واصلا ماشي شغلي فيك انتي وياه انا بغيت رجع نرجع ولدي سمع خطوات كريست و أنفاسها افرا هز ايديه بزربا تجاه يارا حولها لشكل البشري يارا:رافائيل عفاااك هىء هىء ها انت سير انت و مراتك و خليني نحطم البوابة
رافا:واخا دابا نفكر قالها وهو كيشوف ف كريست لتحط من فوق السماء مركب افرا لغير نزلات رجليها للأرض جرات عندو عنقها بقوة
رافا:حبيبة كيف قلت لكم كنت متأكد عارفة البوابة شوفي ها هي كيهضر وهو كيوريها
افرا:اخيرا غادي رجعو قالتها وهي كتعنق فيه اه اخيرا شافت في يارا حرام عليك هذشي خبيتي على جو حاجة مهمة
يارا:بالغوات و ووووووو كنبغيه كنبغيه خفت يمشي يرجع لخطيبتو هىء هىء هىء خفت يخليني خفت يضيع من إيدي
رافائيل:شد في افرا خليها ماشي سوقنا من يوصل جو نشوفو اش يقرر
كريست:دابا غادي رجعو هضر بحزن وهو كيشوف فالسما كيفاش غادي ينسى ديك النجمة لقالت كان مكتاب ليهم يتلقاو وهذا عالمها من غير انها مخلوق سماوي فهي من عالم آخر
رافائيل:شاف فيه بغيتي تبقى ممكن نصيفطك لعالم سماوي إلى بغيتي
كريست:لا انا ماشي العالم تاعي هذاك قالها بحسرة غادي نسى كلشي كيف نخرج من هنا
سمعو خطوات كارلوس و جو تلتفو فيهم و يارا كتبكي و قلبها عالم بيه غير الله صراحة بقات فيا حيت الحب لخلاها دير هكدا ومن كنحبو كرجعو انانين و كنخافو يضيع من ايدينا شخص لكنحبو
وقف جو أول حاجة شاف فيها هي يارا واقفة بلا أي حركة و دموعها نازلة دور عينيه تجاه رافائيل بنظرات كتقول لا ما تقولش ليا شك تاعك كان في محلو حرك رافائيل راسو بايجاب كياكد ليه وهو كيشوف تجاه الجهاز للاصق فالجبل قرب ليه جو و علامة الخيبة على وجهو
يارا:هىء هىء هىء جووووو هىء هىء هىء سمح ليااااا هىء هىء ما كنتش بغيتك تمشي و تخليني حيت كنبغيك كنبغييييييك
جو:دار عندها بغضب سووووووكتي سووووووكتي ماشي حب هذا الحب هو لكيخلينا نضحيو تجاه شخص لكنبغيو الحب هو ليخليك تعيسة على ود الشخص لفي قلبنا قرب ليها و شدها من كتافها كيزعزع فيها بدموع نازلة من عينيه علااااااش علاااااش يااارا علااااش درتي هذشي كل هذا القرون بعدتني من اهلي بعدتني من ماما بابا خوتي كان كيهضر و صوتو مقطع بسبب الدموع هىء هىء ما حظرت جنازة ماما ولا بابا ولا فرحت ف عرس ختي ولا زوجت خويا كيف وعدتو ندير ليه عرس كنكررررهك نفجر بالبكى و الكلمات وحلو ليه
يارا:هىء هىء جوو عفاااك ما تكرهنيش هىء جو انا كنبغيك كنموت عليك انا درت هذشي كلشي على ودك بغيتك تبقى معيا انا حميتك بعدت من العشيرة تاعي على حسابك بعدت من العفاريت و فظلت عليهم بشري حبيتو من كل قلبي
جو:انتي ما كتعرفيش الحب انتي أنانية دور وجهو تجاه رافائيل و افرا و كارلوس و كريست و كمل اهلي كلهم ماتو خليت خطيبتي حاملة مني ما عرفت حتى اش ولدات و حتى إلى ولدات بنت او ولد أكيد تزوج و ولد و ولادو ولدو دار عندها اننننتي تلعبتي بحياتي
شدات افرا في دراع رافائيل و دموعها نازلة شدها رافا قربها ليه
رافائيل:ياله نبعدو من هنا
كريست:اه حسن لينا اشنو كنديرو هنا
كارلوس:ياله من بعد رجعو للبوابة نشوفو كيفاش تتخدم
سمعهم جو وقرب ليهم
جو:فين غادين ياله رجعو فحالنا
افرا:كيفاش ترجع و يارا راها كتبغيك
جو:شاف فيها بغضب ماااااشي شغلللللك دخلي سوق رااااا
قبل ما يكمل الكلمة ترمى للأرض شانق عليه رافائيل بغضب وعيون حمر
رافائيل:مااااا تغوووتش عليها والله حتى نقطع لك لسان من جدر قالها و هو كيجمع ايديه مباشرة ضربو لوجه حتى خرج ليه دم من جنب فمو
يارا:بعد منووو جوو هىء هىء شوفتي هذو بغاو يقتلوك
كريست:رافا صافي خليه راه غير معصب ما عارف اشنو كيقول
افرا:هىء هىء رافا عفاك عفاااك قالتها وهي كتقرب منو حتى حطات ايديها على ظهرو كيف حطاتها دار عندها بسرعة البرق و عنقها ليه
رافائيل:صافي صاافي علاش كتبكي دابا صافي سوكتي
افرا:هىء هىء هىء نفجرات بالدموع عااااا هىء هىء ما عرفت مالي رجعت حساسة
رافائيل:و صافي البكاية وينو وينو على الحميمقة تاعي
كارلوس:شاف ف كريست بدهشة مال ختك عندها حفل دموع
كريست:غير سكت واقلة داك المسخوط الغول دارها
كارلوس:شاف فيه كيفاش دارها خرج عينيه بفرحة لاااا ما تقولش
شاف فيهم رافائيل بعيون لامعة و ابتسامة شريرة كياكد ليهم الشك تاعهم بعد افرا من صدرو شاف فيها
دابا بخير ياله باش رجعو عند فابيان واش ما توحشتيهش
افرا:بعيون دامعة اه توحشتو بزاااف كاع
بتسم ليها و باس جبهتها غادي رجعو ليك وعد
دار عند جو لمازال طايح االارض تحنى مد ليه ايديه شدها جو و وقفو رافائيل كيف وقف عنقو
رافائيل:سمح ليا اصاحبي لكن مراطي خط أحمر قالها و حط ايديه على مكان الضربة و ختفت بحال عمرو ضربو
جو:بابتسامة سمح ليا حتى انت
رافائيل:عادي نسى اشنو غادي دير مع يارا
جو:ما بقيتش بغيت نسمع عليها وااالو ياله رجعو فحالنا قالها وهو غادي
رافا:شدو من كتفو رجعو تعالى هنا يمكن نسيتي راه فالعالم البشري خاصك تكون ميت وشابع موووت يمكن إلى حطيتي رجليك فالبوابة نرجعو غير العظام تاعك
جو:اشنو قصدك
رافائيل:انت راه ميت هناك إلى بقيتي هنا حي يمكن غير بسبب العوالم
جو:غادي تلقى ليا حل انت ياك ما عندكش المستحيل
رافائيل:راه حتى انا غير مخلوق الخالق لما عندو مستحيل حتى وانا عندي تقنية القتل الموت نوع دمي اسود
افرا:انا دمي يخليه يبقى ياك ا حبي
جو:اه بصاح نقية الدم دم لانهاية
رافائيل شاف فيها نظرات سدي فمك لخوفوها و سكتات
رافا:هي ف هذا الحالة ما تقدرش تطبرع ليك ولا بقطرة دم
جو:على مالها
رافا:اممم هي هي
كريست:هي دابا خرجات بزاف دموع ما يمكنش تنفعك
رافا:اه تماما
يارا:جو بقى معيا هنا عمرك تموت عفاااك شافت في رافائيل عفاااك فك عليا التعويدة خليني نتحرك
جو:واخا نعرف يمشيو غير عظامي ما تبقى معك لحظة
كارلوس:ااااه ااااه نشوفو ليه تعويذة
رافائيل:واخا شوف ليه تعويذة لكن بشرط تمشي معنا يارا قالها وهو كيشوف فيها أكيد الجانب البشري الحنون غالب عليه
شافت فيه يارا بفرحة مخلطة مع صدمة حيت ما توقعاتش يقولها أما جو غضب
جو:كيفاش تمشي معنا رآها خائنة
رافائيل:هي دارت هذشي بسبب الحب انا ماشي من طبعي نتدخل فامور الغير لكن إلى خليتيها ما غاديش نعيش مرتاح خاصها تمشي معنا
افرا:شدات ايديه بحب اه ا حياتي هذا قرر حكيم
كريست:شوفو خلونا نفتحو البوابة شوفت هذشي طوال شد في جو من كتفو غادي تمشي معنا يارا وانت من بعد قرر اشنو دير معها المهم غادي تبقى ضيفة عندنا
جو:شاف فيها بغضب واخا دابا شوفو ليا حل
كارلوس:حلك ساهل لكن تعويذة غير عام و تمشي لك
جو:ماشي مشكل لقاو حل آخر ولا نموت حسن
كارلوس:واخا عطيني ايديك عطاه جو ايديه و بدا كارلوس كينطق بكلمات سحرية غير مفهومة
قرب رافائيل من يارا و دوز ايديه على جسدها و برمشة العين بدات كتحرك
رافا:كنتمنى ما تندمينيش حيت كنوعدك المرة جاية نقتلك بلا رحمة
يارا:شافت فيه بعيون مغرغرة كنواعدك شكرا لك
رافائيل:ما عندك علاش تشكرني رجع عند افرا باسمات ليه بادلها الابتسامة شد ايديها و تمشى هو ووياها لعند الجهاز
افرا:رافائيل حبي هذشي باين عصري بزاف كيفاش وصل هنا داير بحال جهاز أشعة
رافائيل:اه العجب لكن كيفاش كيتخدم واش ب كلمة سرية ولا رمز
كريست:قرب ليهم اشنو هذي لهنا حط ايديه واش كاميرا
رافائيل:شاف في يارا عندك شي فكرة لهذشي
يارا:لا اصلا ما يقدرش حتى حد يفتح البوابة من غير الشخص الموعود
كارلوس:الموعود باشنو
يارا:الموعود بالحياة الأبدية سيد العوالم
كارلوس:يعني رافا
رافائيل:هيه تكيس عليا اش دخلني لهذا العوالم انا أول مرة ندخل ليهم
يارا:اصلا سيد العوالم هو التنين الذهبي ماشي مخلوق بحالنا
افرا:وفين لقاو هذا تنين واش دابا ما نفعنا والو هذشي
جو:قرب لجهاز وهو كيتفحص فيه الشباب هذا الكام يمكن فهمت اشنو هذا جهاز كشف العين يعني بلا هذا العين مايمكنش يتفتح والو
كريست:رافا جرب عينيك
افرا:واش انت مريض وإلى عوار ولا وقع ليه شي حاجة
رافائيل:يتسم ليها ساعتها ناخد عينيك ا حياتي قرب للجهاز
افرا:لا رافائيل
شد رافا ايديها و باسها ما تخافيش انا اقوى من كتصوري بقى شاد ايديها و قرب للجهاز حط عينيه على الكام و بدات أحرف كتكتب بكلمات غير مفهومة و أصوات الجهاز كيتسمع فجأة ترفع الجبل طرف منو و بانو دروج
غير شافو البوابة تفتحات نقزو بفرحة وكلشي كيعنق التاني بلا شعور جو عنق يارا غير نتبه رماها للارض بغضب
رافا:عنق افرا اخيرا اخيرا ا حياتي غادي نجيب لك ولدنا وعد قالها و تحنى باسها
افرا:بفرحة و دموع هىء هذى كنبغيك
رافائيل:كنموت عليك انتي و ولادنا عنقها وهو كيطبع بوسة فوق راسها
كارلوس:واش قريتو اش مكتوب فالجهاز
رافائيل:شاف فيه بنظرات تحذيرية ماشي مهم المهم ندخلو كل واحد يشوف حياتو
رافائيل:اه نازلين تحت الأرض ياله تبعوني انا غادي نور لكم المكان هز ايديه و شعل فيها العافية تبعوني شاف فافرا وانتي ما طلقيش من إيدي واخا ما عرفت اش يوقع شد ايديها باسها ليها مع ابتسامة بعيون لامعة
كريست طلع راسو لسما يعني هذآ آخر طريق بينو وبين النجمة إيمان تفكر ابتسامتها غباءها المثير حركتها و القبل لجمعاتهم رجعو للواقع غير صوت رافا
رافائيل:كريست امكن لك تبقى وانا بدوري غادي رجع لك من لقى فابيان
كريست:تبسم ليه لا ياله انا مزيان هكدا هذا العالم ماشي تاعي
دخل رافائيل وسط البوابة لوسط الجبل وهو شاد في افرا و كريست و كارلوس عاد جو و يارا تبعينو شدات يارا ف كتف جو بخوف من ظلام
جو:بعدي ايديك مني زعما خوفتي قالها وهو كينتر دراعو منها راكي مخلوقة ظلامية لعبي غيرها قالها و هو كيبعد منها خلاها كتشوف فيه بزعل واش دابا كرهها واش ما غاديش يسامح ليها هكدا كتقول ف عقلها
بقاو كيتمشاو و رافائيل كل لحظة كيحس أن المكان مألوف ليه بزاف لا فوق من بزاف كانو دروج نازلين بطريقة دائرية و المكان مخيف بزاف وقف و حط ايديه على الحيط
افرا:مالك وقفتي واش انت بخير
كريست:اشنو كمل على طريقك مازال دروج بزاف بحكم أن كريست مصاص دماء النظر في الظلام اكتر وضوح ليه
رافائيل:المكان كنعرفو بزاف
كارلوس:واش غالطين ف الطريق ممكن يكون فخ
جو:كيفاش فخ شد يارا بغضب اشنو درتي لينا انتي هضري قالها وهو كيسوس فيها
يارا؛والو والله ما درت والو هىءهىء راك كتوجعني
رافائيل:غوت بغضب سسسسسسكتوووووووووو
سكت الكل من الكلام بخوف من غضب رافائيل
رافائيل:نزل ايديه من الحيط و نطق بصوت لطيف هذي القلعة السوداء
كريست و كارلوس:كيفاش ما يمكنش علاش ما عمرك قلتي لينا هي بوابة
افرا:اشنو هي القلعة السوداء
رافائيل:قلعة الغول
افرا:اشنو دابا ما فهمتش
رافائيل:حتى انا ما فهمتش لكن هذي القلعة تاعي هذا مكاني هذا عالمي علاش غادي نبقاو نتمشاو مع دروج دامني عارف المكان كيف قالها هز ايديه و ختفو برمشة عين لقاو راسهم وسط صالة كبيرة باتاث كلاسيكي قديم و اثاري من المنظر تاعو باين كل حاجة بقيمة مالية غالية كانت صالة الغول
جو:واو كنز هذا ماشي صالة واش حنا ف عالم البشر دابا
رافائيل:لا ف البحر المسحور غير المخلوقات لعرفينو هذي القلعة تاعي
يارا:شافت ف صورة معلقة على الحيط كان فيها تنين طاير فالسما و مسرح جناحو كان خارج منهم نور قوي شافت فيهم قلعة التنين
كارلوس:قلعة الغول هذي اش من تنين
يارا:شكون كان صاحب هذا القلعة
رافائيل:انا واش ما عجبتكش دابا أول حاجة غادي نديرو هي غادي رجعو عالم البشر انت سير قلب على أهلك ولا ما تبقى منهم كيقصد جو بكلامو وانا خاصني رجع غرفة فابيان نشوف البصمات تاع الأشخاص لكانو تما و نبدا البحت عليه من الصفر هذا المرة غادي لقاوه شاف في افرا بابتسامة
رافائيل:غادي تمشي معنا بقاي مع افرا لكن نحذرك تتحولي قدامها بشكلك الحقيقي
افرا:كيفاش
رافائيل:عنقها واو احياتي ياله بينا شاف ف كارلوس قلب ليا معك على داكشي لقلت لك عاد على موضوع هذا البوابة
كارلوس:واخا غادي نمشي مكتبة الأجداد ياله نخليكم توحشت ريحانة قالها و ختفى كيف ختفى ختفاو حتى هما
ظهرو في عالم البشر تحديدا ف الشقة تاعهم غير شافو المنظر فتحو عينيهم بصدمة
افرا:اشنو وقع هنا واش كانت رياح رملية هنا
كريست:المكان بحال أعوام ما دخل ليه حتى حد قالها وهو كيشوف ف العنكبوت و الغبار الكتير لمغطي كل مكان حتى من لوحات لمعلقة فالحيط
رافائيل:اشنو زعما تقدم الزمان هنا
جو:اشنو قصدك
رافائيل:طار لقرصة تاع ضو كان ضو مقطوع شاف باستغراب اشنو هذشي هز ايديه تجاه تلفاز وهي تشعل بدا كيحرك ايديه و القنوات كتتغير بحال لكيقلب على شي حاجة حتى اخيرا لقى قناة فيها الأخبار وقف وهو كيشوف التاريخ لصدمو صدمة كبرى و صدم افرا و كريست أما جو و يارا ما فهمو والو
افرا24/08/2019 قالتها بصدمة
كريست:داز عام كيفاش هذشي عام حنا ما بقينا هناك حتى صمانة كاملة
افرا:طاحت الأرض هىء هىء عام اويلي اويلي عام ولدي حبيبي شحال عندو دابا 5سنين هىء هىء عام واش مازال عايش وإلى عايش واش غادي يبقى عاقل علينا هىء هىء بدات كتغوت بصوت عالي فااااابيان هىء هىء
رافائيل:تحنى عندها عنقها افرا ما تبكيش يمكن غير عالم البشر لداز فيه عام حنا راه شوفتي القلعة عادية
افرا:هىء هىء طلق مني كلشي بسبابك نسيتي يمكن أن ولدي بسببك رجع بشري عادي هىء هىء
رافائيل:عزت صافيييي كررررهتني حيااااتي نهار لجا تحاسبي فيا كلشي بسبابي كلشي بسبابي هز ايديه وهو كيدوزها على شعرو وكمل راني عيتتت والله عيت كلامك كيوجعني و دموعك كتوجعني اكتر ما خاصكش تبكي خصوصا أنك دابا ماشي بوحدك قالها وحط ايديه على كرشها لغير حطها بدات افرا كتحس بحركة نفس حركة لكانت من كانت حاملة ب فابيان شدات ف عنق رافائيل بخوف بتسم ليها بحال كيطمنها ما تخافش
افرا:لااااا ماشي بصاح ياك قالتها بعيون دامعة
رافائيل:شد وجهها بين ايديه وهو كيشوف في عينيها مباشرة لا بصاح
افرا:علاااش علااااش درتيها بيا تاني هزات ايديها كضرب في صدرو وهي كتغوت هييييي هييييي علاااش علااااش هىء هىء شداتو و عنقاتو ليها بقوة وهي كتبكي بحركة عنقها ليه اكتر
رافائيل:غادي تكون بنيتة هبيلة بحالك و زوينة بحالك الحبيبة تاعي
افرا:وهي مازال كتبكي اه زوينة بحالي لكن بزاف عليك نكون هبيلة غادي نشيبوك انا و ياها
بتسم ليها رافائيل راكي غير انتي مهبلاني الحبيبة تاعي تحنى باسها بلا ما يهتم لا لخوها ولا الباقي وهي شدات في كرشها و مخشية فيه اكتر كتقول في نفسها أنها يمكن اكتر وحدة محظوظة في الكرة الأرضية ب رافائيل سمع رافائيل أفكارها كان اكتر فرح عنقها ليه اكتر حتى سمعو دقان ف الباب كان ماشي دقان لا تهراس الباب
بعد من افرا وهو كيوقف
كريست:شكون كيهرس الباب
رافائيل:الهبيلة مع رجال الشرطة وقف بخطوات أسرع طاير فتح الباب غير شافتو سوزي غوتات برعب
سوزي:واااااع شبح لا
شاف فيها رافائيل كانت مغيرة بشعر مصبوغ بالاصفر مقطوع مابقاش طويل بتسم ليها بشر
كيف حرك ايديها تجاهها جمد ليها لسان بقات غير مخرجة عينيها كتشوف فيه و كدير حركات لشافها البوليس تأكد من كلام رافا مع العلم هي مسكينة كطلب منهم المساعدة و رافا واقف قدامها بابتسامة شريرة
البوليسي:سمح لينا اسيدي دار عند سوزي وانتي عندك زهر مرة أخرى نتفاهم معك إلى مريضة سيري تعالجي قالها و نصرف هو و صاحبو نازلين مع دروج
رافائيل:ياله سيري فحالك حرك ايديه وسد الباب
كيف حرك ايديه تحرك لسان سوزي لغير طلقات غوتة و جرية لشقتها و قلبها كيضرب فالمية صافي تاكدات جيرانها أشباح بدات كتصلي و تدعي بجميع الأدعية لعلماتها ليها صاحبتها
رافا:هذ جارتنا كون كنت مسالي ليها كنت هبلتها كتر من الهبال لفيها قالها وهو كيعنق افرا
كريست:حتى انت خلي عليك زبل نهايتو ف سبيطار
جو:ما عرفت منين غادي نبدا البحت على حفيدي ولا حفيدتي العالم تغير بزاف و دنيا عمارت عاد خاصني طيارة باش نوصل لدياري وانا ما عندي حتى وراق
رافائيل:داكشي ساهل انا نديك فين بغيتي برمشة عين لكن صبر عليا غير لقى ولدي راه افرا عندها مع الهكر و دخلو المعلومات عطيها اسم لكانت خطيبتك انا دابا عندي هدف واحد أني نلقى ولدي كان بإمكاني ندير لك كلشي لكن هذا جهدي عليك
افرا:اوك حبي انا نشوف المعلومات
ظهر قدامهم كارلوس لكان متوتر بزاف غير شافهم هضر
مالقيتش ريحانة و دار كانت كلها مرونة
رافائيل:كيفاش زعما
كارلوس:انا خايف بزاف عليها رافا خاصك تعاوني لقاها دار كانت كلها مقلوبة ياك ما تعرضات لخطف و عاد قبيلتك كيشوف ف كريست كلها كتشى من شي شخص داير شغب تما ما كانش عندي الوقت الكافي نجلس نسمع
كريست:شغب اشنو واقع تما شاف ف افرا ختي خاصني نمشي
افرا:ستنى نمشيو معك وهي كتشوف ف رافا قلبي ما طوعنيش نخليه يمشي
رافائيل:افراااا انتي دابا ماشي بوحدك عاد الحمل تاعك مختلف هذا المرة حيت عندك بنت يعني كتيرة الحساسية و المشاعر لازم تبقاي ف الدار
افرا:لكن..
رافائيل:مااااا نعاودش هضرتيييييي
فجأة تسمع الغوات برا و أصوات مرعبة و غوات اكتر ف العمارة
افرا:بخوف اشنو واقع
رافائيل:غوت لاااااااا ما يمكنش
جرات يارا و جو ل بلاكون وهما يتصدمو من هول المنظر
جو:لااا ما يمكنش قالها و دخل وهو كلو رعب
كريست:اشنووو هذشي واش نهاية العالم
جو:مخلوقات العوالممممم كلها برا
رافائيل:كيفاش هذشي لبقى لينا صافي
افرا:بخوف وهي شادة فيه خاصك تلقى لينا شي حل هذشي خطير بزاف
رافائيل:نتر ايديه منها اشنو غادي ندير انا ماشي الرجل الخارق
كريست:هيه ما تغوتش عليها سممممعتي
جو:هيه شباب تهدنو خاصنا لقاو حل
فجأة بدا يتسمع صوت رصاص افرا سدات ودنيها بخوف وهي كتبكي
افرا:الله ياربي صافي نهاية العالم هذي هىء هىء
كارلوس:البشر الأغبياء واش ما عرفوش الرصاص ما ينفع معهم ب والو غير غادي يازمو الوضع
كريست:انا غادي نمشي القبيلة تاعي نشوف واش بخير و رجع لكم قالها وختفى ما تسناش منهم جواب
رافائيل:نوضو نمشيو فحالنا من هنا
يارا:فين نمشيو
رافائيل:لقلعة تاعي هي لغادي تكون اكتر أمان حاليا
افرا:شافت فيه بعصبية واش انت ما في قلبك رحمة كيفاش نمشيو و نخليو ناس كتموت هىء هىء شوف كيف كياكلو فيهم اكلي اللحوم هىء هىء
رافائيل:انا ما سوقيش فيهم راه ماشي الرجل الخارق انا حتى نبقى نقد فالبشر انا كيهمني غير عائلتي صاااافي
افرا:شافت فيه بحزن لكن انا وانت بشرين هدو راه بني جنسي قالتها بعيون دامعة
رافائيل:ماشي شغلي انا كاع ما نقذت ولدي لما عارف فين كاين نقذ البشر انا ماشي بشري كنت بشري وانتي نساي عليا البشر و زيدي قدامي شد ايديها و دفعها لعندو
افرا:طللللللق مني هىء هىء نتراث ايديها منو و بعدات ورا كارلوس هىء هىء لا ما غاديش نمشي معك إلى غادي يموتو خليني نموت معهم
رافائيل:افراااااا ما تخلينيش نستعمل معك الجانب الخايب فيا
كان صوت الباب عندهم كيتهز بالدقان كانت جارتهم سوزي خايفة و مرعوبة
رافائيل:شد راسو بايديه بعصبية دخلي الخ** انتي لبقبتي كيف قالها تفتح الباب دخلات سوزي كلها صفرا بدموع ترمات على يارا بخوف مسكينة لو كانت عارفة شكون يارا كانت ماتت فالبلاصة
سوزي:ج..ج...ج..جنون في بيتي هىء هىء الماعن كلها كتهز لسما تل...ت.تلفازة كتشعل و طفى بوحدها هىء هىء
يارا:صافي اووووس ماتخافيش
بتسم رافائيل بسخرية من الوضع وفي راسو لو عارفة شكون معنقة ابنيتي شاف في افرا
رافائيل:ياله نمشيو من هنا قالها بهدوء
افرا:لااااااااااااااا
رافائيل:بعصبية افراااا هز ايديه وهو طاير لسما لشعلات فيها العافية سوزي شافت المنظر سخافات طايحة للأرض هربات من جنون طاحت في العفاريت كارلوس:عنق افرا بخوف لتكمشات فيه بخوف اكتر كتستنى تتشوط أما جو و يارا غوتو بكلمة لااااا
حلات عينيها كتستنى تلقى راسها مشوية حتى كتشوف جثة مخلوق بقرون طايح قدامها نقز عليه رافائيل و تبخر رجليها فشلو عليها كانت كظن غادي يشويها صدق عتقها من جن كان فوق من راسها شاف فيها رافائيل بخوف عليها
رافائيل:انتي بخير
كارلوس:تفوووو خلعتنا كنت كنقول صافي تشوط
رافائيل:مال جدكم حماقيتو نادي أهلي غمض عينيه كان كيسمع صوت بنت صغيرة برا كتبكي و تغوت بصوت عالي تجنب الصوت حيت هو الوحيد لسامعو و شاف فيهم اشنو نديرو مع هذا الهبيلة
افرا:خليها ناعسة جلسات للأرض ما بقى عندها جهد توقف قرب ليها رافا وشد ايديها
رافائيل:البنات كيكونو دلوعات ماشي بحال فابيان خلاك قوية شوية البنت غادي تخليك غير كتحبي الخير لكل شي
افرا:رافا عفاااك شوف لينا حل هىء هىء شدات ايديه و طلعات عليها بوسة انا عارفة انت ظريف شوف لينا حل
رافائيل:غمض عينيه سمحي ليا قالها وختفى
افرا:هىء هىء لالا رافائيل لا ما يمكنش
تحنى عندها كارلوس و جو و يارا عنقوها و هما اكتر منها صدمة كيفاش واش رافائيل خلاها صعيب يصدقو لكن شافو بعينيهم فين مشى الحب كلشي فين مشى الوعد تاعو كيفاش يقدر يخلي بنتو و مراتو بهذ سهولة
-في مكان تاني تحديدا في حفرة الظلام كام السيد جالس في عرشو و مايكل جنبو
السيد:رجعو ما طولوش بزاف واخا ف عالم البشر رآهم غابرين عام هذا الغول خطير بزاف و قدر يعرف أن القلعة عندو ماشي اي قلعة خبط ايديه مع العرش كلشي بسبابك ما قدرتي تلقى لينا القلعة ما قدرتي دير حتى حاجة صغيرة
مايكل:سيدي القلعة راه كانت مختفية قلبنا عليها بقنط بقنط والو
السيد:خاصو يتلهى شوية على ما نجمع مليون قلب نقي باش نكون اكتر قوة و ساعتها نواجهو ما يبقى لا غول لا والو نكون غير أما نهااانهاااا الولد مع سام والى تعرف المكان تاعو غادي يتقتل هذشي غير لوقت قليل عاد المخلوقات فتحت ليهم البوابة يلهيوه عليا خصوصا انو عرف انا الشيطان كاين يعني جاي بخطة ف راسو اممممم انا لعارف الغول سمع بغيتك تصيفط ليهم أليس باش دخل وسطهم تخاصم الصحاب و تفرقهم و تجيب لينا معلومات
مايكل:اوامرك سيدي قالها و ختفى
---عند فابيان كان في قبيلة المستذبين عند سام لقال ليه مايكل أن باباه غادي يخليه عند واحد صاحبو باش يعلمو فنون التحكم في النفس كان جالس ف بيت عبارة عن غار لكن زوين بزاف حتى دخل عليه سام وهو شاد ارنب معضوض من رقبتو شاف في فابيان بحب مصطنع أما هو كيكرهو كره كبير كون يلقى يقطع ليه رأس
سام:جبت لك ما طيب لعشاك
فابيان:هذي راه جيفة ماشي عشا خاص هذشي يكون مدبوح ماشي مقتول
سام:قضي بيها انا هنا ماشي خدامك واااش سمعتيييي قالها وهو كيخرج بسرعة البرق من المغارة وقف كيشوف ف شجر حتى سمع صوت وراه كان صوت جدو الأكبر
الجد الاكبر:انا عرفت هذا الولد ولد من انت ماشي لقيتيه تايه كيف قلتي لينا كدبتي علينا
سام:دار عندو كيفاش اشنو قصدك قالها بثوتر
الجد الاكبر:هذا ولد سيد القلعة راه قالب عليه دنيا و ماهي إلى تواني و يعرفو عندك انت خرجتي على راسك و خرجتي على القبيلة كلها بنفخة من سيد القلعة رجعو كلنا رماد
سام:بغضب جدي هذا الولد لقيتو فعلا فالغابة سيد القلعة ولا سيد البراكة راه ماشي بشري يعني ولدو ما غاديش يكون بشري
الجد الاكبر:شاف فيه بعدم تصديق كنتمنى تكون على صح وانا غلط حيت هذشي حتى حد فينا ما قادرش عليه
افرا:هىء هىء كيفاش يمكن ليه يمشي و يخلينا هىء هىء رافائييييييييييييييييييييييييل رجعععععععع
يارا:كانت كطل من شرجم حتى كتصدم بمنظر هيه شباب تعالوووو شوفوووو افرا تعالي رافائيل
نقزات افرا كطل حتى كيبان ليها رافائيل هاز ولد صغير يكون عندو عامين طاير بيه و عطاه لمرا كانت كتغوت غير شدات ولدها عنقاتو و عنقات رافائيل بفرح و كتشكر فيه بعد منها طار في السما و تحول ل تنين ذهبي و بدل كيقتل فاي مخلوق لقى
كارلوس:واااااااو رافا رجع بطل شد في راسو من تفكر أن كل البشر شافوه طاير و متحول ل تنين اووووه فضحتينا ا رافا
افرا:كتشوف فيه بفرحة و دموع نازلة حطات ايديها على زاج الشرجم بحال حطاتها عليه وهي كتبتسم بحب رافائيل البطل تاعي بوحدي شدات في كرشها بحب شوفي الحبيبة تاعي باباك اقوى واحد على وجه الأرض هههه باباك أجمل هذية حصلت عليها
كانو البشر ف صدمة من مظهر رافائيل لكل مرة كيتحول لشكل و كيخرج العافية من ايديه
شخص:واو واش هذا مخلوق بحالهم واش هذوكائنات فضائية
شخص تاني:ما سوقيش شكون هما المهم أن هذا الشخص راه في صفنا كيساعدنا هذا هو البطل الخارق شوف شحال من واحد نقذ يعني ماشي نهاية العالم هذا هز تيلي تاعو كيصور ف رافائيل حتى سمع بنت جنبو
البنت:واش هذا ماشي هو الرسام رافائيل هزات ايديها تجاه رافا اه اه والله حتى هو يااااي كانت كنسنع انو ماشي بشري وااااو شحال قوي و زوين
الشخص:اه هذا رافا الرسام المشهور كانت أخبار كتقول انو ختفى هو و عاءلتو شي سنة هذي حتى حد ما عرف فين كاينين و حتى حد ما شافهم خارجين برا الشقة من دخلو ما خروجو أكيد هو كائن فضائي
رافائيل كان كل همو يحارب المخلوقات واخا أكيد كاين اكتر عدد منهم و في المدينة كلها ولكن هما في عالم البشر أقل قوة حيت ماشي العالم تاعهم بالعكس تاعو هو و أي حاجة تقرب من افرا مصيرها الموت
جو:شاف في كارلوس الكتاب الكتاب واش مازال عندكم منين دخلتو
افرا:اه كاين في غرفة فابيان أكيد مازال تما
كارلوس:الكتاب لغادي يدخلهم تاني اه عندك الصح ختفى بزربا لبيت فابيان بدا يقلب ولكن والو رجع عندهم لا ما كاينش واش هزيتوه قالها ل افرا
افرا:لا ياك أنتما آخر وحدين ستعملوه
كارلوس:ختفى ولا تهز من طرف لحطو
افرا:اشنو الحل دابا
كارلوس:شاف في جو و يارا بقاو معها راه إلى وقع ليها شي حاجة رافا ينفينا من وجه الكرة الأرضية قالها و ختفى ظهر فجأة حدا رافائيل
رافا:اشنو جابك سير رجع عند افرا و بنتي
كارلوس:ما تخافش عليها معها جو و يارا اشنو الخطة تاعك دابا
رافائيل:نبان في تلفازة والجريدة اش من خطط
كارلوس:الكتاب ختفى
رافا:أكيد ما غاديش يبقى
كيهضرو و هما كيقاتلو في المخلوقات
رافائيل:كاين حل واحد
كارلوس:اشنو هو
رافائيل:ثقبة الامتصاص
كارلوس:بصدمة اشنو رآها خطيرة بزاف وانت نجحتي ديرها مرة وحدة
رافائيل:حيت خلعتني و ما تحملتهاش كنت صغير ساعتها أكيد نشوف ثقب في كف ايدي كيمتص كلشي راه كانت صدمة ليا دابا غادي نتحكم فيها و نمص غير هذا زبل المخلوقات راه نتشرو بزاف غير انت تحكم في تعويذة و رد بالك تغلط
كارلوس:بلع ريقو بخوف واخا
عند كريست وصل ل القبيلة تاعو لكان فيها اجتماع كانت تلات مجموعة بحال كيتافقو على شي حاجة غير شافو كريست ظهر قدامهم كلشي تخلع و هبط راسو باحترام ليه
كريست:شاف فيهم بشك اشنو واقع هنا
حتى حد ما قدر يقول كلمة
كريست:بعصبية اشنوووو كاين هنااااا هضرو
...:هو في صراحة ا سيدي صراحة هو
كريست:بعصبية مالك كتهجى عليا هنا شاف فيهم بغضب دايرين انقلاب تسحابو هذشي ما فراسي
شافو فيه بخوف بلا اي كلمة
كريست:واخا مرحبا هز ايديه لفوق و طار فالسما لداير انقلاب يبقى تما لما داير والو يجي عندي
بقى كولشي كيشوف ف بعضو و بداو كيتحركو يجيو تجاهو وهو مربع ايديه طاير و كيشوف حتى بقاو غير خمسة أشخاص و الباقي كولو في تجاهو معه نزل للأرض بابتسامة سخرية من دوك الخمسة لبقاو كيترعدو و كريست كيشم ريحة الخوف تاعهم
كريست:اهاه مرحبا هز ايديه تجاهو القبيلة تاعو و كمل خليونا نسمعو سبب الانقلاب حنا ف قبيلة الحريات هضرو كنسمعوكم
الشخص:حححن..حنا
كريست:غير بشوية عليك انا معكم حتى الغدا
الشخص:انت ماشي بحال دراكولا الأب انت متهاون في الخدمة تاعك و كتعرض القبيلة تاعنا للخطر
كريست:ا شمن خطر
الشخص:مدخل لينا بشرية هنا ناقية دم كل المخلوقات كيتمناو نقطة من دمها و مدخل لينا مخلوق كل المخلوقات كتخاف منو لما عارفين حتى اشنو الجنس تاعو هجين و عاد ساحر زوجتيه لمصاصة دماء و ولد صغير هجين
كريست:أولا هذيك ناقية الدم رآها ختي بنت دراكولا الأب من الصلب تاعو و هذاك المخلوق الغريب نقول لك شكون هو ولا نسيتي يمكن هذاك سيد العوالم وسيد تاعك حتى انت وانا نتحداك تهضر هكدا قدامو إلى ما طير راسك غير برمشة عينيه اه اشنو تاني الولد صغير راه انا خالو و الساحر ريحانة كتبغيه و كيبغيها هما احرار اشنو تاني اه نسيتي أن دراكولا الأب راه كان بشري وانا نقذتو في الصغر تاعي وانا لحولتو و وهبتو دمي اشنو عاجبك دراكولا و ما عجباك بنتو و ولدو انا راه تربية ايديه
دوك خمسة بقاو غير كيشوفو فيهم بغضب من شافو أن الخطة تاعهم أنهم يعمرو ليهم راسهم ما نجحاتش حيت جا كريست فالوقت الغير المناسب
كريست:اه دابا من هذشي كلشي بغيت نعرف الشخص لوراكم حيت أكيد أشخاص أغبياء بحالكم ما يقدروش تكون عندهم هذا الأفكار
الشخص:بيوثر لا سيد دراكولا ما ورانا حد
كريست:هز ايديه ما بقيتش دراكولا تاعكم عندكم ليلة وحدة تخويو القبيلة ولا راكم عارفين اش كيتسناكم و قولو لوراكم مخبي يبان هو ماشي يصيفط ليا أغبياء
الأشخاص:لا عفاك سيدي سمح لينا نزلو الأرض كيطلبو فيه
كريست:غبرو من قدامي قبل ما نحولكم لرماد
غبرو بسرعة حيت كريست ما معاه ضحك فهذشي قرب ليه ريكي من القبيلة لهو اليد اليمنى تاعو
ريكي:سيد دراكولا عندك صح أكيد وراهم شي شخص بغى يدير الفتنة بينا راه صيفط لراقبهم باش نعرفو شكون هذا الشخص
كريست:لعبت غير ف عرسو بغيتك تبعوهم ليا و تشوف لي اشنو عندهم اه و ريحانة فين كاينة
ريكي:مابقاتش كتبان خايف لا تكون تعرضات لشي مكيدة
كريست:ما تخافش عليها رآها عارفة اش كدير وهي قوية انا نطلع البيتي ندبل و بغيت تجيب ليا أي حاجة وقعات ف غيابي فالمكتب
ريكي:اوامرك سيدي
رافائيل:ياااااله بدااااا قالها وهو كيمد كف ايديه اليمنى لفوق و غمض عينيه لغير هزها تفتح فيها ثقب اسود خارج منو رياح فالكحل بحال العاصفة
كارلوس:زيوخ هنطوشان كريشمان طوريخ صاك صاك نطق بتعويذة سريعة لجمدات كل البشر رجعو بحال الأصنام
أما الثقب كان كيمص كل المخلوقات الغريبة من غير البشر و الحيوانات غمض عينيه اكتر سارح في تركيزو كيجدب اي مخلوق بعيد عليه كيدخل وسط الدوامة لفي الكف تاعو
يارا:واو كل هذا القوة عندو قالتها وهي كتعنق جو بل شعور حتى هز فيها عينيه بغضب و كره زولاتهم بزربا و قالت سمح لي ما شعرتش
جو:هذا المرة نتبهي قالها و بعد عليا مشى تجاه سوزي لطايحة الأرض مازال مغيبة تحنى عندها واش نسيتو هذي
افرا:حتى يجي رافائيل يمسح ليها الأحداث تسنى نشوف واش مازال كتنفس بعدا قربات ليها كتحيد شعرها من وجهها ورا ودنيها شافت وشم على شكل نجمة داخل ودنيها
افرا:واو كيف دارت لهذا الوشم زوين لكن باينة صعيب و كيوجع
جو:اه زوين في زمانا ما كانش بحال هذا الوشم
افرا:حتى انا أول مرة نشوفو المهم رآها مازال عايشة طلعات راسها الفوق من حسات ب رافائيل جنبهم غير شافتو بتسمات بسعادة
افرا:رافائيل انت بخير قالتها وهي كتجري تعنقو
رافائيل:عنقها حتى هو بخير الحبيبة تاعي عند مك زهر حاملة كنت عوجت لك الحنك
افرا:هزات عينيها فيه علاش اشنو درت
رافائيل:كيفاش تفكري انتي وهذ مجموعة الأغبياء أني مشيت و خليتك
افرا:بتسمت ليه بحب و نظرات أسى سمح ليا قالتها و عنقانو
رافائيل:عنقها بقوة كيقتلوني نظرات عينيك انا عمري نخليك إلى ف حالة الموت بتسم ههه حتى الموت والله حتى نجر جدك معيا بعدها وهو شاد ايديها شاف ف سوزي هذي مازال هنا اشنو نديرو ليها
كارلوس:نرميوها لعالم الجن و العفاريت ههه
جو:لا اش بغيتوها
رافائيل:بتسم بشر فكرة زوينة هاهاها😈
افرا:الاشرار اشنو هذا الأفكار حبي هز البنت مسح الذكرى تاعها
رافائيل:سمعا و طاعة
كارلوس:ويلي ويلي على الغول كتحكم عليه مراتو
رافائيل:بابتسامة اه قابل بالحكم ياك غير مرتي ههههه ما نجحتيش طيح بينا تحنى حط ايديه على راس سوزي كيف زولها فتحات عينيها
سوزي:هاااا اشنو كندير هنا اشنو واقع وقفات بخوف فين انا
رافائيل:الحمقا سيري سيري لدارك تنعسي قالها وهو جارها لعند الباب فتحو دفعها ياله جا غادي يسدو حتى حس بشخص ورا الباب دار لور شاف بنت زوينة تكون في التلاتينات أكيد عرفها واخا شكلها تغير شعرها كحل و دايرة مكياج سارخ
رافائيل:أليس اشنو كديري هنا
أليس:شافت فيه بفرح و ترمات
عليه ااااه رافائيل اخيرا رجعتو كتهضر وهي كتعنقو كنت كل نهار كنجي هنا ندق عليكم هاء هىء فين مشيتو من بعد موت ماما بقيت بوحدي
افرا:راااافااا فينك مع من كتهضر طلات لقات بنت كتعنق ف رافائيل داخلة فيه تقول باها شافت في افرا
أليس:ااووه افرا ما عرفتنيش
افرا بقات غير كتشوف فيها من بعد تواني ااااه أليس هذي انتي
أليس:توحشتكم بزاف ترمات عليها بالتعناق
افرا:حتى انا حسات بوجع كتير ف كرشها تحملات رغم دلك
افرا:اااييي رافائيل كرشي اييي كتتوجع بزااااف هىء هىء شادة في عنقو بألم لدرجة ظفارها تغرسو في جلدو
أليس:مالها اشنو واقع ليها بخوف مصطنع
رافائيل:غوت ما تقربيييش ليها دخل بيها غير شافوها الباقية وقفو بخوف
كارلوس:افرا شاف في رافا مالها اشنو واقع شاف وراه أليس ل عرفها بسهولة
يارا:حطها هنا ا خويا رافا
حطها رافائيل وهو كلو خوف عليها كانت بخير اشنو وقع ليها حط ايديه على كرشها من بعد ما حط ايديه على راسها باش تنعس كانت حركات في كرشها الجنين كان مضطرب كليا
رافائيل:سسسست الحبيبة تاع باباها انا معك صافي ترخاي ماماك راه غير بشرية ضعيفة ما تمحنيهاش صافي عارف عارف رتاحي دابا نعسي وقفي من الحركة كوني بحال خوك ما محنش ماماك طبع بوسة على كرش افرا و هز راسو واقف
رافائيل:ما تخافوش رآها بخير رآها ناعسة دابا
يارا:واش متأكد راه كانت كتغوت بزاف
أليس:اه نديوها المستشفى
رافائيل:راه قلت لكم رآها بخير شاف في أليس البراكة في راسك من جيهة ماماك باش ماتت
كارلوس:اووه الله يرحهما عنق أليس امتى ماتت
أليس:ماتت من تسع شهور هذي هىء هىء سكتة قلبية
كارلوس:اوووه مسكينة
أليس:فين هو كريست توحشتو واش مازال عاقل عليا من بعد هذا المدة
كارلوس:المدة رآها دازت غير عندكم حنا والو
رافائيل:وهو جالس حدا رأس افرا ما بقاش عاقل عليك
أليس:باستغراب كيفاش
كارلوس:قصدو كيتفكرك كل تانية
أليس:شافت ف جو و يارا شكون هدو
جو:أهلا انا جو و هذي يارا حنا صحابهم
أليس:أهلا بكم
جو:سمحو ليا غادي نمشي نشوف العالم
رافائيل:واخا سير عقل على العنوان باش ما تلفش
يارا:نمشي معك
جو:شاف فيها ما عندك فين تمشي معيا قلت لك بعدي مني قالها و عطاها بالظهر
نفجرات يارا بالبكى
كارلوس:غير صبري غادي يرجع لك واخا نعرف ندير ليه تعويذة الحب
يارا:هىء هىء ولا كيكرهني هىء هىء
رافائيل:لا كيبغيك غير مازال غضبان عطيه الوقت
يارا:ممكن توريني فين رتاح بغيت نبقى بوحدي
رافائيل:سيري على اليسار و دوري البيت التاني رتاحي فيه
يارا:واخا شكرا
أليس:من بعد ما مشات يارا شكون هذو فشكل جاوني فشكل
رافائيل:عادي حنا ف عالم غريب
كارلوس:أليس ختي واش ما بانتش لك ريحانة مشيت دار و لقيت حالتها عاد ما لقيتها فأي بلاصة
أليس:اشنو نقول لك صراحة
كارلوس:اشنو هضري وقعات ليها شي حاجة قالها بخوف
أليس:كارلوس سمح ليا انت عزيز عليا و صعيب نقول لك هذشي لكن خاصك تعرفو ريحانة هربات مع عشيقها
كارلوس:اشنو هووو قالها بصدمة كضحكي عليا ياك
أليس:لا بصاح مشات معه شافت في رافائيل لكان مراقبهم بصمت و كملات هي سبب فاختفاء فابيان
كارلوس:طار لعندها بغضب و شدها من رقبتها سووووووكتي الحقيرة مراتي بزاف عليك
طاحت كلمة ما كتولدش على كارلوس بحال الجمر على قلبو طلقها حتى طاحت الأرض وهي شادة عنقها بألم
كارلوس:لالا هذشي كدوب ياااك ياااك مشى تجاه رافائيل شدو من كتافو كدوووب ياك ا خويا كدوب شاف فيه كان ساكت بلا اي حركة غوت بعصبية هضرررررر مالك سااااكت ياك كتعرف كلشي ياك هذشي كدوب طاح على ركبتو هىء هىء لاااااااااا ريحااااانة
رافائيل:لا ماشي كدوب هذشي بصاح قالها وهو ما كيشوفش فيه
أليس حسات بطمءنية من سمعات كلام رافا يعني خطتها رآها في طريق النجاح بتسمت بخبث
أليس:هىء هىء شوفتي راه بصاح هىء هىء انا اشنو الهدف تاعي أني نكدب
كارلوس:هذشي ما يمكنش هىء هىء أكيد كاين شي غلط
رافائيل:أليس سيري فحالك دابا كارلوس إلى بقيتي ما غاديش يتهدن
أليس:ولكن انا ما درت ليه والو هىء هىء انا عاد فرحت من شوفتكم
رافائيل:غير سيري انا من بعد نجي نهضر معك و نعتذر لك بطريقتي
أليس:شافت فيه واخا انا غادية واخا ما شوفت كريست شافت في كارلوس لكان كيبكي بحرقة و كملات سمح ليا لكن هذي صراحة قالتها و تجهات للباب
رافائيل غير سمع الباب تسد و تأكد أنها مشات نزل لعند كارلوس لطايح فالأرض
رافائيل:نوض تكعد
كارلوس:لااا بغيت نموووووت عفاك عفاك قتلني
رافائيل:طلبتي غير الموجود هز ايديه لسما و خبطها على كارلوس لتهز لسما و عاود ترمى للأرض
كارلوس:ايي اشنو كدييير ااايي
رافائيل:ياك بغيتي تموت قرب ليه و ركلو على كرشو
كارلوس:اااااي رافا حبس حبس واش هبلتي شوف دم قالها وهو كيمسح فمو لنازل معه دم
رافائيل:تحنى لعندو و شدو من شعرو الغبي تستاهل هذشي انا واخا يقول ليا أي شخص كيف ما بغى يكون افرا ناعسة و خدامة مع شخص آخر غيري ما نصدقش عرفتي علاش حيت عارف افرا اشنو هي حيت مراتي عارف كلشي عليها وانت غبي
كارلوس:شاد في كرشو بألم اشنو قصدك
رافائيل:أليس الخائنة
كارلوس:كيفاش اشنو واش متأكد
رافائيل:واش عمري قلت لك شي هضرة ما متأكد منها بنتي من أليس عنقات افرا حسات بنسبة الشر الأكيد دايرة شي تعويذة باش ما نحسوش بيه و عاد قراءة الأفكار عندها مشوشة كنقرا غير الكلام لكتقول لكن بنتي رآها مخلوق بريء يعني يقرب ليها أي شخص تعرف اشنو الصنف تاعو
كارلوس:جنين عارف كلشي
رافائيل:هذيك ماشي اي جنين هذيك بنت الغول
ظهر كريست شاف فيهم كارلوس مرمي مضروب و رافائيل شادو من شعرو
كريست:اشنو واقع هنا😳
رافائيل:عرفنا الخائن فينا ما غاديش تصدق قالها وهو كيمد ايديه ل كارلوس شدها و وقف
كريست:شكون ما تقولوش جارتكم الحمقا
كارلوس:لا الخائن حبيبتك أليس
كريست:اشنو متأكدين لا أليس رآها غير بشرية منين يجيها كتاب العوالم و ظهور من عالم لعالم
رافائيل:حل واحد لعندها هو أنها تبيع روحها
كريست و كارلوس:خادمة الشيطان
رافائيل:اه خادمة الشيطان و بغات تصيدني ليه
كريست:الحقيرة حتى البشر كيبيعو روحهم من امتى هذشي
كارلوس:لااا ما تقولش ليا زعما تكون هي لقتلت ماماها خاصني لقى ريحانة بزربا قبل ما يوقع ليها شي حاجة
كريست:ريحانة رآها رهينة عند جوزيف
كارلوس:اشنوو شكون هذا جوزيف
كريست:خوها هو متطرف من جماعتنا مطرود وهو لكيحاول يدير عليا انقلاب
كارلوس:اشنوو هو غادي نقتل امو
رافائيل:ما خاصكش تتهور أنك تقتل أخ مصاصي دماء كل مصاصي دماء يشربو دمك و منهم ريحانة
كارلوس:ينعل جدوو انا يحبس مراتي غادي نخليه صنم بلا حركة بكلمة مني
كريست:لا ما تتهورش رافا عندو الصح خاصنا نمشيو عندو نتفاهمو معه تما إلى ما كاين تفاهم غادي نستعمل معه الرمح الفضي
رافائيل:انا غادي نمشي نجيب فابيان نقز من بلاصتو طاير افرا أمانة عندكم ما غادي تفيق حتى نفيقها انا
كريست:فين غادي
كارلوس:واش عرفتيه فين كاين
رافائيل:من صبح كنقول اش من ريحة في أليس من جات اخيرا عرفت أنها ريحة الذئاب
كريست و كارلوس:اشنو قصدك🙄
رافائيل:فابيان في قبيلة المستذبين عند سام أكيد ما ظهرش سام فالقصة بلا اي معنى افرا عندكم غادي نحرق القبيلة و نجيب ولدي بأسرع وقت ونجي قالها و ختفى
كارلوس:انا خاصني نمشي نجيب ريحانة
كريست:جلس و شاف فيه جلس وشد الارض جوزيف راه شاد ريحانة طعم و نقول لك راه خوها هداك هو متمرد و شادها لكن كون أكيد ما غاديش يتسبب ليها فأي ادية جسدية هو بغاني و بغاك
كارلوس:غادي نقتل امو غير يوجد راسو قالها بغضب
كريست:غادي تكرهك ريحانة طول عمرها القبيلة عندنا متماسكة و العائلة عندنا مهمة و شي حاجة غالية ولحد ساعة مازال ما عارفين ريحانة و جوزيف فين كاينين خليت المساعد تاعي يجيب الأخبار و تما نمشيو نهضرو معه و نشوفو شروط تاعو
كارلوس:كنتمنى تكون بخير
كريست:ماحدها مع خوها غادي تكون بخير رآهم فصيلتي و عارف اش كنقول سمعت كان اضطراب فالعوالم و كان عالم البشر في خطر لكن دابا كنشوف الوضع مزيان
كارلوس:رافا وانا قدرنا رجعو الوحوش لعالم السفلي أكيد البوابة بقات مفتوحة عاد مسح ذاكرة البشر باش ما يعقلو على والو و مسح ذاكرات تيليفوناتهم شاف فيه دابا انت عندك عذر باش تخلي الكلبة أليس و تمشي تجيب إيمان خاصنا رجعو شوف قريب كلشي يرجع كيف كان غادي رجع معك نقلبو عليها
كارلوس:ما كاينش المستحيل واش عاقل على كلامها قالت كان مكتاب عليكم تلقاو و هي وانت تلاقيتو فالماضي هذشي كلشي ماشي جا غير هكداك خاصك تعقل اشنو كيربطك بيها و خاصك ترمي أليس و تشرب دمها عاد تمشي بجرا تجيب إيمان
كريست:أليس حسابي معها بوحدو أما موضوع إيمان سدو
علينا
كارلوس:ايوا صافي سير دير علاقة مع جارت ختك الهبيلة اشنو بان لك
كريست:هذشي لنستاهل عندك غير الحماق هز وسادة و ضربو بيها
****ف عالم المستذيين كان فابيان جالس كيلعب بلعبة عبارة عن شاحنة و هو باين عليه الملل و بدا يسخط على الوضع
فابيان:واخا ا رافا والله حتى نخرج من هنا و ندير جهدي باش نوصل عند ماما نهرب انا وهي منك المريض النفسي تسحاب غير القوة لخديتي ليا هي كلشي كنكرهك الشرير هز شاحنة لكان كيلعب بيها لسما و خبطها مع الأرض كاين العقل وانا راني بطبعي ذكي الغول شرير شاف جنابو وهو كيحاول يشوف واش كاين شي حد هز وسادة كبيرة حطها ف سرير و غطاها كلها زعما راه هو ناعس و خرج كيتسلت من الكهف المظلم تابع ضو لكل ما كيقرب ليه عينيه كتوجعو بشعى بسبب مدة ما شاف ضو كان قلبو كيضرب فرحة كل ما كيقرب لضو وهو كل خطوة كبر من السابقة خرج وسط أشجار كتار كانت غابة كتيفة ما بقى عرف فين يمشي لكن لعرف انو
خاصو يجري داكشي لدار عطى رجليه لريح وهو كلو أمل يلقى شي سيارة ولا شي حد ف طريق يديه لعند ماماه مازال ما عارف أن هذا العوالم راه عالم آخر ماشي مرتبط مع عالم البشر
--ظهر رافائيل قدام جماعة من الذئاب ذهبية اللون لغير شافوه و شمو ريحتو رجعو باللور بخوف و حذر و بداو يفتحو طريق لواحد ذئب كان الفرو تاعو كتيف بلون ذهبي و اسود أكيد هو سيد القطيع تقدم عند رافائيل لكان كل همو يوصل ريحة فابيان
الذئب:شاف فيه بعيون صفرا أهلا سيد القلعة اشنو جابك هنا
رافائيل:جابني ولدي أكيد عارفين فينو
تحول الذئب لرجل عجوز ابيض الشعر
العجوز:ما عندناش هنا ولدك
رافائيل:بارك من الكدوب وانت في أعماقك خايف و عارف كاين ولد هنا
العجوز:الولد لعندنا ماشي ولدك قالها بثوتر
رافائيل:داكشي لقال لك سام سمع جوج كلمات ما عندي تلات ليهم ولا عندي صبر لك فابيان دابا يكون عندي ولا راك عارف اشنو نقدر ندير لكم
العجوز:بخوف حفيدي ما عارفش واش ولدك هداك
رافائيل:هز ايديه تجاه العجوز بدا العجوز كيتدفع تجاه رافا سمعني ا با جدي حفيدك في عداد الأموات دابا طلع غير ك***ك وصل عندو العجوز لبسرعة شدو من عنقو و العجوز كيتالم دابا هضر بصري راه قليل
كانو الذئاب كيشوفو فيهم بخوف وحتى حد ما قدر يقرب ل رافائيل حيت عارفين أي واحد يقرب يتهلك فالبلاصة
راماه الأرض بزربا هو كيدور وراه حاسس اه الإحساس تاعو قوي فابيان كاين تما بدات دقات قلبو كتزاد بسرعة اكتر من سرعة القطار
شاف العجوز الاتجاه لشاف فيه
العجوز:حفيدي ما عارفوش ولدك غير لقاه
رافائيل ما كانش عندو الوقت لكلام العجوز حيت حس أن فابيان ف خطر كبير طار بسرعة فائقة خلى غير الريح في بلاصتو لدرجة حتى حد ما شاف ظلو كان أسرع منهم الق مرة شرعة رمشة العين
-فابيان كان كيتمشى بقلب طفل صغير فرحان بالهروب تاعو ما كانش منتبه و كيفاش غادي ينتبه وهو غير بشري أن واحد من الذئاب المنعزلة على القطيع مراقبو من ورا أوراق الأشجار كيتسنى غير الفرصة فاش ينقذ عليه
وقف فابيان من بعد ما حس بحركة ورا الأشجار بقلب خايف كلو كيترعد
فابيان:ش..شكوون هذا انت عمو سام
كان لا صوت حتى الحركة توقفات بدا الخوف كيدخل ليه اكتر خصوصا من ظهر قدامو ذئب كبير بانياب بارزة كتقطر
فابيان:شوف صاحبي انا راه ضيف عندكم قالها بخوف وكل حرف كيترعد فيه
ذئب ما قال اي كلمة سوى أنو بدا كيستعد يهجم فابيان دار بزربا و بدا كيجري وهو كيغوت و الذئب تابعو تعكل بسبب حجرة و جا طايح للأرض شاف وراه الذئب نقز فالهوا
فابيان:رااااااااااااااافائيل قالها بصوت عالي وهو كيحمي على وجهو
حتى كيسمع صوت أنين و شي حاجة طاحت للأرض بجهد فتح عينيه و قلبو مازال دقاتو متسارعة شاف في ذاتو ما فيه حتى خدشة هز عينيه القدام كيبان ليه باباه قدامو عطيه بالظهر و هاز ايديه لكان فيها الذئب لرجع شخص كان رافائيل كيخنق فيه غير بيد وحدة حتى ختفى الذئب دار لعند فابيان كان احساس جميل يشوف فابيان قدامو كان خايف اه خايف ما يعاودش يشوفو كان كيحس بتأنيب الظمير واخا ما كان كيبين لكن ديما متاهم راسو أنو هو السبب كون كانت عند فابيان القوة ما يوقع ليه والو تحنى الأرض و عينيه فيها بريق و دمعة قطعة منو قدامو توحشتها توحش يتخاصم معه يلعب معه ماشي غير ولدو لا كتر راه صاحبو خوه هو العائلة لما كانت عندو مد ايديه تجاه فابيان لكان جامد بلا أي حركة
رافائيل:فابيان ولدي حبيبي توحشتك ا روح باباه قالها وهو كيمد ايديه تجاهو
فابيان:بعد لور ما تقيصنيييش
تسمر رافائيل ف بلاصتو بصدمة من ردة فعل فابيان
رافائيل:ولدي هذا انا رافا ما تخافش شوف انا حداك ما غادي يوقع لك والو وانا معك شوف انا رافا صاحبك
فابيان:بصوت عالي و دموع بعدددد مني انا مااااشي ولدك قالها و تفجر بالدموع هىء هىء مااااشي ولدك بسبابك انا وقع ليا هذشي كلشي
رافائيل شاف فيه بصدمة كيفاش هذا كارهو اه كارهو كيحس بقوة الكره لفي قلبو تجاهو ركز على افكارو يشوف اشنو السبب كاع ليخليه يكرهو وهو لكيموت عليه من قرا الأفكار و أحداث الماضي شاف فيه باستغراب
رافائيل:ماشي انا واش انت كاع ما عارف باباك كيفاش واحد شيطان يتجسد بيا تقولب فيه هاااا كيفاش انا كنت طول الوقت كنقلب عليك بحال الهبيل كنت غادي نحماق باش لقاك وغير نشم ريحتك دابا مانعني حتى نشدك نعنقك شوف فيا شووووف انا راه باباك انا رافا باباك الحقيقي لعمر يخلي شي حد ياديك
فابيان:بعصبية أنا ماشي حمق انا نقدر نميزك من بين ألف واحد هى هىء حراااام عليك شوف فين حطيتني كنت غادي نموت بسبابك كل مرة هذى هىء بعد مني ما تلمسنيش
رافائيل:شد فيه بعصبية و عيون لامعة من الغضب و الحزن مااااااشي انا راك ما كتعرف تميز والو
فابيان:لا انت كنعرفك كنعرف نميز ريحتك غير كنت شرير دابا جاي تمثل عليا الملاك و طللللق مني راك كتوجعني
رافائيل:شاف و في ايديه لشاداه طلقو بأسى نوض نمشيو عند ماماك
فابيان:سبحان الله ياك ماما شريرة و علمات بينا أننا ماشي بشرين و
رافائيل:قااطعو صافي سكت ما تزيدش كلمة أخرى نوض نديك عند ماماك من بعد نشوفو هذشي
فابيان:واخا بالحق بعد مني ما تقيصنيش وقف بعصبية غادي نمشي عند ماما نقول ليها كلشي و نهديها معيا ما غاديش نبقاو معك ساعة زايدة
رافائيل:واخا زيد قالها بأسى و حرقة في حنجرتو ماشي هكدا كان كيتسنى يوقع اللقاء أكيد شي حد لعب بعقلو كون كان شخص آخر كام تصرف معه بعنف لكن هذا ولدو و طفل صغير غادي غير يازم الوضع اكتر دابا خاصو يرجعو لدار بعدا يكون بأمان و من بعد يرجع عند هذا الكلب تاع سام يتفاهم معه ما غاديش يدوزها ليه شد في يد فابيان بزز و ختفى هو وياه من عالم المستذبين
---كان كريست و كارلوس و يارا جالسين جنب افرا لناعسة و ما غاديش تفيق إلى ما فيقها رافائيل حتى ظهر قدامهم رافائيل و فابيان غير شافوه كريست و كارلوس نقزو بفرحة
كريست:فابيان ولدي انت لباس تحنى هزو و هو فرحان بيه
فابيان:خالو توحشششتك قالها وهو كيشد فشعرو لرجع قصير اويلي فين شعرك ههههه رجعتي زوين هكدا كيهضر وهو كيعنق فيه شاف ف كارلوس عمو كارلوس توحشتك ترمى عليه بتعناق اووووه توحشتكم أنتما لباس
كارلوس:لباس بخير وانت توحشناك توحشنا ضسارة تاعك ما وقع لك والو ياك فين كنتي بعدا
فابيان:شاف في رافائيل لكان كيراقبهم بمرارة سول رافا هو عارف كلشي
شافو في رافائيل لكان تعابير وجهو باينة عليها الغضب و الحزن كان وجهو في حالة بروز عروق الغضب و نياب كتخرج و يعاود يرجعها عاد عينيه كتتحول للابيض كليا لكن كيحاول يرجع عادي
كريست:اشنو واقع
فابيان:فين ماما و شكون هذي قالها وهو كيشوف ف يارا
حتى كلشي سكت بسبب غوتة من رافائيل بسببها تهرس اي حاجة فيها جاج نوافد مرايات تلفازة مصابيح... غوت و هز ايديه خبط بيها الحيط لقدامو حتى دخلات ايديه وسط الحيط
كلشي سكت بخوف ما قدرش يتكلم عارفين انو رافا ف حالة غضب كبير
أما رافائيل كان كيحس بدقات قلبو متسارعة لدرجة رجع كيشوف دقات من قميجتو للابس دار لعندهم طار من الأرض مباشرة هز فابيان بلا أي كلمة في حالة دهول الجميع حطو قدام افرا لناعسة حط ايديه عليها
رافائيل:بصوت غليض وهو حاط ايديه على رأسها فيقي قالها و ختفى من قدامهم
فتحات افرا عينيها و كيبان ليها فابيان واقف قدامها غمضات عينيها و عودات فتحاتها ربما كتحلم لكن كان مازال واقف بابتسامتو لشبه رافائيل مدات ايديها تلمسو ربما يكون سراب حتى شد ليها ايديها و باسها
افرا:فااابيان نقزات بفرحة ولدي انت هذا قلبها كيضرب بالفرحة انت اولدي عنقاتو و هو ترمى عليها كيعنق ويبكي شافت في كريست و كارلوس و يارا
افرا:شوووفو ولدي ولدي جا هىء هىء ااااه ولدي توحشتك شدات وجهو بين ايديها و هي كتبوس فيه
فابيان:ماميتة الغزالة توحشتك حتى انا هىء هىء بقيت صابر غير على ودك
افرا:بابتسامة فين هو رافائيل هههه أكيد هو لجابك ياك
كارلوس:هيه حترم باباك اش هذا الاسلوب قالها بغضب والله حتى نضربك حتى تلصق حقير حيت ما خلى فين قلب عليك
افرا:بصدمة اشنو واقع هنا اشنو فاتني فين هو رافائيل اشنو واقع كريست عفاك اشنو واقع
كريست:والله اختي ما عرفنا غير تهدني دابا راك حاملة جلس جنبها سمعي رافا جابو كان شكلو مخيف حطو و غبر
افرا:كتشوف جنابها عاد نتبهات للحيط و الزاج لطايح شافت في فابيان فين هو باباك
فابيان لا رد غير نظرات كره
افرا:بعصبية هضر فين هو بابااااااك فين رافائيل اشنو واقع هىء هىء ياك ما واقع ليه والو ياك شدات في قلبها ياك ما دار مقايدة ترجع انت عندنا و يتشد بلاصتك هىء هىء الله على رافا حبيبي
فابيان:داك حبيبك راه هو لكان ساد عليا و قال ليا انتي شريرة بلغتي علينا أننا ماشي بشريين و هربتي
افرا كريست كارلوس:اشنووووو
فابيان:هاهاها تصدمتو ياك داك رافا راه عندو جوج وجوه هو شيطان كنكرهوووو غادي. ..
قبل ما يكمل كلامو شد واحد طرشة للحنك من عند افرا
افرا:سسسكت اشنو كتقول هذاك باباك عارف اشنو دار على ودك
فابيان:اشنو دار سد عليا ف حفرة مظلمة كليت لحم جيفة خاد القوى تاعي هداك راه ولدني غير باش ياخد القوى تاعي شاف ف كرشها ههه اه و دابا حاملة انتي غير وسيلة يحملك و يسرق ولادك حتى ياخد القوى منهم و يرجعهم لك
افرا:سسسسكت صافي غسلو لك عقلك ياله جات بغات ضربو تاني حتى شد ليها كارلوس ايديها
كارلوس:نوض تهز علينا لبيتك لما فيه خير ف باباه اش نتسناو منك و نزيدك هذاك أعظم شخص ماشي نقول لك هذا الهضرة حيت انت ولدو لا انا راه هو لرباني ف صغري قبل ما تكون أمك او انت خاف عليا من نمرض لقاه جنبي ليل كلو من نجوع يوكلني سمعتي كيخاف عليا كتر من راسو هذا غير انا ماشي ولدو عاد اش غادي يدير على ودك انت لمن صلبو دابااا تهز غبر وجهك
فابيان:شاف فيهم علاش ما كتصدقونيش رآه هو عندو جوج وجوه راه
افرا:سكتتتت سير بيتك
وقف بعصبية و ضرب ف يارا
فابيان:حيدي عليا حتى انتي منين جيتي لينا قالها و تاجه لبيتو بغضب
افرا:شي حد يشرح ليا اشنو واقع هىء هىء اشنو واقع
كريست:هو صغير أكيد شي حد من الاشرار نتحل شخصية رافائيل ولعبها مزيان هو صعيب يصدق حيت هو يمكن كان الوقت كلو كيشوف رافا المزور
افرا:ولكن رافائيل عمرو يدير شي حاجة يادينا هىء هىء فين هو رافائيل دابا
كارلوس:أكيد مشى يصفي الحساب معهم تصرف تاعو باين انو تخاصم مع فابيان كان فاكتر حالة الغضب تاعو
افرا:عفاكم جيبو ليا رافا هىء هىء
كريست:ما عارفين للاسف فين كاين ما عندنا غير نجلسو نتسناو حتى يرجع
***عند رافائيل ظهر ف نفس العالم المستذبين كان لابس مونطو فالكحل تحتو تيشورت كحل حتى هو عاد سروال كحل سيد ناوي يكحلها حتى شكلو كان مرعب كان تما جد سام جالس هو و القطيع تاعو لغير شاف شكل رافائيل عرف أن صافي هذي نهاية بدا غير كيقفقف طار رافائيل لعندو هزو بزوج صبعان طار بيه حتى وقف على شجرة
رافائيل:عندك جوج كلمات ختار فيهم ليناسبك فين حفيدك ولا نحرق جدكم لآخر ذئب كاين فأي منطقة قالها بعيون بيضا كلها و وجه كلو عروق نيف كحل بحال جناب عينيه و كمل ما تفكرش هضر
العجوز:ع.ع.عفاااك ما دير لينا والو سام شوية و يجي بينك معه عفاك. انا..انا عارف سيد القلعة ما كيظلمش
رافائيل:انا دابا ماشي سيد القلعة انا الأب الغول قالها و طلقو من بين صبعانو
العجوز:لالالا هىء هىء لاااااااا طاح للارض مباشرة وسط العشيرة تاعو لكانت غير كتشوف و كتستنى دور تاعها
طار رافائيل فالسما و المونطو تاعو كيتهز مع البرد و شعرو حتى هو و جا جالس للأرض حاط ركبة الأرض و ركبة هازها قوة الجلسة تاعو تهز الشجر بحال طيراتو عاصفة غمض عينيه و حط ايديه على الأرض بحال لكيقيس نبض التراب لكن هو كان متبع آثار سام المستذءب كان كيحس بيه بعيد بعيد جاي كيسمع دقات قلبو تنفس تاعو دم لكيتمشى ف عروقو قطرات العرق لكتمشى ف وجهو فتح عينيه لمازال بيضة كلها مباشرة نقز نقول ليكم طاير ولا جاري المهم كان صاروخ
جراو المستذءبين ل زعيم تاعهم اخيرا كيتفحصوه واش مازال عايش
المستذءب:خرج علينا حفيد الزعيم قلت لكم هذاك ولد الغول أكيد ما غاديش يسكت
المستذءب2:يارب يقتل غير سام و يبعد منا حنا ما درنا والو
المستذءب3:هزو بعدا الزعيم لعند العجوز تعالجو إلى باقي فالحياة
كان سام جالس تحت شجرة مغمض عينيه براحة و هو كيسمع صوت النهار حتى بدا كيشم ريحة قريبة ليه بزاف مألوفة فايت شامها غير فتح عينيه ترعب من لشاف قدامو مباشرة عينيه على عينو شكون غيرو رافائيل نقز بخوف
رافائيل:مالك شوفتي مالك الموت بتسم بسخرية ههه واخا راه نيت كاين معيا دابا نيت شاف تجاه آخر كان خاوي هاهو هاز ستيلو و ورقة كيتسنى يشطب على اسمك ههههه
سام:ا..اناا
رافائيل:مالك تتفتف عليا انا انا كمل هضرتك عندك الجرأة تاخد ولدي من الشيطان و ما عندك الجرأة تهضر اوووووه اوووووه ساااام دوز ايديه على ركبت سام بحركة دائرية حركة الأفعى السامة التشلل من الحركة
سام:لااا لااا هىء هىء انا راه حافظت على ولدك حاول يتحرك لكن والو
رافائيل:ههه وانا غادي نحافظ على جثثك وعد مني نعلقها قدام البوابة باش تبقى عبرة لأي واحد يقرب لولاد سلالة سيد القلعة خليتك تمشي من حطيتي عينيك على مراتي لكن بغيتي اكتر دابا فين هذا الحقير لآخر لما قادرش يواجهني مصيفط ضعفاء
سام:هىء هىء ما كنعرفووووش واعدني بالقوة و أني تبقى ليا افرا من بعد الخادم تاعو قال ليا ناخد ولدك هىء هىء نحافظ عليه حيت قلب ناقي ما ينفعش
رافائيل:شاف فيه حيت كمل قراءة افكارو كنتو بغيتو القوة تاعو ياك كون كانت عند فابيان القوة كنتو خديتوها و قتلتوه لكن ما كنتوش عارفين أني خديت ليه القوى تاعو أغبياء خسرتو الوقت كلو على والو
سام:هىء هىء عفاك سمح ليا سمح ليا
رافائيل:اووووه علاش كتبكي الرجال ما كيبكيوش اه رجال دابا انت بعتي روحك لشيطان و غادي تموت و جثتك تتعلق مدى الحياة هذشي كلشي علاش غير علاش اشنو ربحتى والو هز ايديه تجاه جبهتو و كمل أرى نشوف معدل القوى لعطاك شيطانك
بد سام كيحس بداتو كتمص وهو كيتقلص
سام:لاااا لااا سمح ليا
رافائيل:انا ماشي الله حتى نسامحك قالها و حط ايديه على جبهتو كيف حطها رجع سام اش من سام جثة سام كارمة بحال القديد بحال المحنط و عينيه خارجة و هو كيغوت باينة من الجثة الرعب لعاشو في لحظاتو الأخيرة
رافائيل:تستاهل وقف و طلق غوتة قوية هزات كل المكان سمعها الكل وقف و وقفات معه الجثة ماشي مازال حي لا غير بفضل قوة رافائيل ظهر عند العشيرة لكانت كتعالج العجوز غير شافوه مع جثة أكيد باينة تاع سام تقولو تاع الفرعون خافو و ترعبو
رافائيل:هذا يتعلق قدام البوابة و تكتبو عليه من يتحدى الغول و يقترب لسلالة سيد القلعة يحصل له اكتر من هذا قالها و رمى عليهم الجيفة و ختفى أكيد غادي يمشي يقلب على هذا الحقير تاع الشيطان لدخل فابيان للعبة من عرف أن فابيان مازال عايش بفضل ما كانت عندو القوى فرح حيت خداها ليه واكيد مازال ما غاديش يرجعها ليه حتى يوصل لشيطان دابا نوبة أليس أكيد هي لحطات الكتاب و غادي يقطع ليها ايديها
ظهر رافائيل ف الشقة تاعو كانت افرا و خوها و كارلوس جالسين كيتسناوه غير شافوه جرات عندو افرا بفرحة عنقاتو عنقها ليه بقوة وهو كيلعب فشعرها
رافائيل:كيكرهني كيكرهني قالها بأسى و حزن
افرا:مستحيل يكرهك ا حبيبي انت راك أعظم أب ما يبقاش فيك الحال أكيد الاشرار لعبو بعقلو وهو ولد صغير هو راه كيبغيك راك عارف راه متعلق بيك كتر مني
كارلوس:اه ا صاحبي غير عطيه الوقت فاش يبرد و يفهم كلشي
رافائيل:اوووووف ما تحملتش نظرات الكره تاعو ليا شد يد افرا و جلس و جلستها جنبو شاف ف كريست و كمل خاصنا نمشيو عند ديك الكلبة
كريست:قصدك أليس تنهد بعمق انا سبب ياك انا لدخلتها حياتنا لكن كيفاش ما حسيناش أنها من خدام الشيطان
كارلوس:يمكن دايرة شي تعويذة
رافائيل:غادي ندم مها واخا تكون خطيبتك ولا جداك هي لعبات معيا غادي نوريها لعب
كريست:ما بقيتش كنبغيها واصلا واخا نبغيها اي واحد يقرب لكم نعاونك فيه
رافائيل:الأول خاصنا نمشيو عند جوزيف نجيبو ريحانة ضرب على كتاف كارلوس ما نسيتكش وقتك دابا خصوصا أن ولدي رجع و في دار و مرتاح وقتك دابا ترتاح
شافو فيها بتلاتة زعما من نيتك كتهضري ابنت العبد دارت ليهم ضحكة غبية
رافائيل:انتي شدي الأرض و جلسي لا نهرس لك رجلاتك
كارلوس:زعما اربي في نظركم هذي غادي تشد الأرض و تجلس خاص لقابلها هي و ولادها
افرا:ويلي غير تهناو😬😬
رافائيل:من نسمعك الحبيبة تاعي كتقولي هذا الجملة الشهيرة تاعك نعرف وراها كارثة شاف ف كريست و كمل انت قابل ختك لا لقاوها هذا المرة ف جزيرة الوقواق
افرا:بغضب زدتو فيه والله
رافائيل:يخلي لي الزعول لكن انا عارفك قالها وهو كيلعب ف شعرها كيشعككها تحنى باسها مووووح و شاف ف كريست خلي عينيك عليها دار عند كارلوس ياله نجيبو ريحانة قالها وهو كيغمز افرا و ختفى
افرا:زدتو فيه بزاف كاع
كريست:هههه أجي واحد جو مازال كاع ما جا و ليل هذا
افرا:اه عاد يارا نهار كلو حزينة مسكينة ما عرفت واش غادي يسمح ليها ولا لا
كريست:حتى هو زاد فيه هاهي كاع وراتو البوابة باش غادي يفتحها ب ز**
افرا:وا باز ا خويا ما كتحشمش
كريست:علاش نحشم ياك ختي
افرا:نوض تكعد من جنبي قالتها وهي كضربو بمخدة
ترمى عليها بلطف و بدا كيهر فيها وهي كضحك و كتحاول تفلت حتى توقف من الحركة وهو كيشم كيف كتعرفو هو عندو حاسة الشم و السمع اقوى من العادية
افرا:اشنو مالك
كريست:ريحة دخان و شي حاجة معطرة بحال بخور
افرا:ياك ما العمارة كتحرق نوضو نهربو
كريست:لا ماشي حريق الذكية كون حريق كنا سمعنا الإنذار
-في مكان آخر تحديدا ف شقة سوزي كانت دنيا كلها دخاخن و ريحة عود القماري كانت وحدة قدامها سوزي شاعلة غير شمع و دايرة دائرة سداسية كل طرف منها فيه شمعة و قدامها مجمر صغير
الشوافة:عندك الصح كاينة طاقة كبيرة هنا كبيرة كبييييرة امممممم قالتها وهي كتقلب عينيها
سوزي:ياك اختي الشوافة جيرانا ماشي بشريين
الشوافة:انا كنشوف ضو ضو كبير قريب يوصل لك ضو غير حداك قريب قريب بزاف وبدات كتغوت و كدير أصوات بحال صوت القطط
سوزي:بخوف اشنو اشنوو بدات كترعد
**وقف كريست من جنب افرا
كريست:غادي نمشي نشوف اشنو واقع كاينين اصوت مشكل وهذا الوقت ف ليل لعجب
افرا:لا بقى معيا
كريست:دغية رجع الهبيلة قالها و ختفى
الشوافة:امممممم هاهو جاي جاي سعدك مدي ايديك ليه هاهو قريب فرحك (كتهضر وهي ميتة بالضحك فاعماقها على غباء سوزي وهي جالسة تنصب عليها كيف بغات)
سوزي:بفرحة و مادة ايديها فينو فينو
الشوافة:ظهر و بان عليك الامااااان هاااااح
كيف قالتها ظهر كريست وسطهم
كريست:اشنو واقع هنا
الشوافة:وااااااااااعععع بسم الله الرحمن الرحيم جنننن نقزات بخوف و ترمى المجمر فالأرض عامر فاخر شاعل
سوزي:واااااع لا تودينا لا نوديك شنقات على شوافة بخوف غبريه غبريه
بداو كيتجراو للباب و الجمر شعل ف الزربية و شعلات العافية
سيد القلعة الجزء التاسع
محتوى القصة
التنقل بين الأجزاء