امجد:ختاصري راه شوية و غيبدا ديابلو ديك المعزة تاع مانويلا صدقات حاملة منو
كلشي ضار شاف فيه بصدمة..اما هو فشبه صرط لسانو
امجد:كملي كملي ابنيتي منقاطعكش
مروى:من لخر..ليكول لي غندخل ليها دارو مخيم بالنسبة لدوك لي نجحو فالكونكور...و عيطو عليا نمشي معاهم...
محمد فرح:ايه ابنتي تستاهلي...
امجد:تشباااارك الله تشباارك الله...فيرجينيا و مدارتهاش..(.تلفت عند بوش.).اواللهما بقاو كيحشمو هاد لبعالك
بوشعيب جاه على گانتو:لاهيلا...كنا نقولو تي ضريفة فدوك القجحومات..ساعاك خرجتي ليها طايطاي...نيشان..اجتمااع انا بغيت نمشي للمخيم و نتلاقا مع دراري و نتعرف عليهم و نديرو صداقات و علاقات..هدرة دجوج دراهم دآخر الزمان
منال:تا شكون قال هادشي
مسعود:حنا راع فدوار السعادة لمرا مخاصهاش تخرج من الدار..عاد نتي باغيا تخرجي من المدينة ...لا لا هادشي معندناش فلفاميلة
مروة حلات الباب و تلاحت مشبحة فوق الناموسية :هاد العائلة خاص لي يسد عليها فشي كوكوت حتا تطيب مزيان...مرونة غير بوحدها...شي باغي يعرف ديابلو شدار..شي داير فيها معلم...شي داير فيها العاشق لولهان...خاص جد بوهم الرقية الشرعية ياربي السلامة..
صفاء لي كانت يالاه مدت رجلها باش تدخل و ضربات صبعها الصغير مع الباب
مروة فكرات:والو (صفاء كتسنا فالجواب و مروة ضورات عينيها) اممم الشيطانة مولات الزباايل الزرمومية المدودة المكلخة المجلجة الضاسرة و لكن اكتر حاجة المدودة
صفاء بقلة حيلة:الموهيم انا غنعطيك فكرة وااااو.. هااائلة
حتا تسمع التيلي كيصوني و جاوبو
رتيل و صفاء و مروة فدقة:محتاجاك فواحد الحاااجة
رتيل:انا لي محتاجاكوم
صفاء و مروة:و تاا حنا
رتيل :بداو نتوما
صفاء:وا راه نتي لي خاصك تبداي نتي لي معندك تا حد غيرنا
رتيل:تجمعو عندي دااابااااا فالدار
مروة:اه نيت تا انا بغيت نشوف دار نسيبي
رتيل:ياله انا غنتسناكم
قطعو لابيل
مروة:شناهي الخطة؟؟؟
صفاء:حتا نمشيو و نهضرو كاملين
مروة:الله يخرج هاد الطرح بسلام
صفاء بقات بالحوايج لي مشات بيهم الصباح و مروة بدلاتهوم بالزربة و ركبات ليلونتي فبلاصة النضاضر و مشاااو فطاكسي للدار
####فدار رتيل
سيف كان مشا خرج فالصباح بدات عندو الخدمة اليوم و رتيل ناضت حتال الطناش مالقات لا فطور لا والو و بدات تخربق كلاتو و لي بقا لاحتو حيت ماعجبهاش و مشات تعيط للبنات حتا سمعات الصونيط.. وركات على الزر باش يتحل الباب لتحت و طلعو حلات عليهم باب الدار و دهلو كيستكشفو
رتيل:باش عرفتو اينا نمرة لابارطومو؟؟
صفاء:ساهلة.. وركنا على گااع البوطونات
رتيل:شوهتونا مع الجيران الله يمسخكوم
مروة:فيناوا نسيبي
رتيل بلا مبالاة:خداام
صفاء:و مالك كتقوليها نافخة
رتيل:هااادااا هو المشكل لي عيطت ليكم عليه
صفاء و مروة خرجو عينيهم و قلشو ودنيهم:قولي
رتيل:ياله نگلسو بعدا و حتانتوما غتقولو بيا لاش جايين
صفاء تمرحات فوق واحد الفوتوي:طيبتي الغدا بعدا
رتيل:نوضي تگعدي طيبيه نتي
صفاء:صافي صافي كملي اش كنتي كتقولي
#####فالدار
زهرة:ايوا اش بانليك فهاد الهضرة
محمد:كيبانو معقولين و الله اعلم
زهرة:حتا نشوفو
#####فدار سيف
رتيل:و هو دبا مخاصم معايا على ود دمشي لي وقع
صفاء كتشوف باستفزاز و مخنزرة:و تستاهلي يطبگ مك نتي على هاد الهضرة
مروة:لا هي لي عندها الحق هي خاصها تدير لي بغات اصحبتي الحرياااااا
صفاء :وا سيدة براجلها اشمن حرية داوية عليها
رتيل:سكتو و عطيوني حل
صفاء :الحل لي غنعطيك هو تعطيه الحلوة و غتصالحو
مروة حبسات الضحكة:راك داوية مع رتيل
رتيل:و مالي كيجيتك
صفاء:نتي مرتو نتي غتعرفي كيفاش تصالحيه
رتيل:ودبا مووشكيلتكوم نتوما اشناهيا
مروة معصبة:يا ختي جيت قلت بيهم بغيت نمشي للمخيم أولوها كيف بغاو شي قاليك حرام شي قاليك غادية تكوني علاقات مع الدراري
صفاء:ايوا نتي لاش باغا تمشي مني ماباغاش تكوني علاقات مع الدراري.. ولا تبتي!!!
رتيل:دبا مخلاوكش تمشي يااك
مروة بأسى:اه
رتيل دايرة يدها على حنكها كتفكر:و ايمتا هدشي؟و شحال المدة؟
مروة:باقي 3 يام و فيه 15 يوم
رتيل:امم هادي صعييبة
صفاء:و لكن انا لقيت الحل
رتيل:متخفاش عليك اسخارة ابليس
مروة:أتحفييينااااا
صفاء:جيبو ليا مانقصي و نقوليكم
مروة طارت للتلاجة جابت ليها شي بيسكوت و العصير و حطاتهم قدامها
صفاء:دبا غنقووووول.. احم.....
مروة:هانتي دبا سرطتي.. ايوا قولي الفكرة لي جايباني من الدار عليها
رتيل :واراه حتا انا خصني نسمعها و نفذها معاكم ااايوا
صفاء:ايوا هانتي...الفوياج غيكون منطالق مع 5 دالصباح.. يعني.. جمعي حوايجك بالليل.. و حطي الواليد امام الامر الواقع. هو اكيد غيوافق و لكن واياااك تقوليها للحاج امجد ولا الوليدة حيت غايطرقو علينا الساقطات.. و غتجي حتا رتيل تبات معانا باش نقادو كلشي اش بانليك
مروة بعد تفكير:ولااهيلا فكرة مزيانة.. و لكن صعيييييب نخرج من الدار ماشتيش العساس راه رجع
رتيل:هداك خليوه عليا
و دارو هاي فايف كيضحكو ناضو طيبو الغدا في جو من الضحك و رتيل كانت نوعا ما تعلمات تقطع الخضرة.. طيبو واحد الطجين صغير و بركو يفتارسو.. شعلو التلفازة كيتفرجو.. خدمو نيتفليكس و جبدو فيلم ديال الرعب
رتيل:وييععع قطعو ليه راسو😂😂
صفاء:وا تي شوفي شحال كترو الكيتشوب باش يبان دم و لكن..معانا حناااو
مروة مخشية تحت الفراش و كتطل بنص عين:هدشي ماكيخلعش كيعيف.. تي شوفي كيفاش كيحكو ليه فجلدة وجهو
كان كلشي شبع و تراجع الا صفاء كتغمس و تبعها الموناضة:زوين مااالك
رتيل:باز ليك كتاكلي و كتشوفي فهدشي
صفاء و فمها عامر:و المعدة اش دخلها فالموضوع
رتيل:كون غير يبان فيك و نتي مصرنة
صفاء :تفرجي و سكتي
دازت ساعة و هوما كيتفرجو.. ناضو بغاو البناا يمشيو جا سيف للدار دخل كيسمع الضحك دخل عندهوم لقاهم واقفين
مروة عاودات سلمات عليهم و مشات معاهم رتيل حتال الباب
صفاء:اييه تفذرت الله يفكرني بالشهادة... ديك نيتفليكس شحال الفريكونص ديالها؟؟؟
رتيل:اويلي على المطنگة معرفتيهاش
مروة:راه بحال ابليكاسيو كتكون فالتلفازة فيها بزاف الافلام لي اغلبهوم ماكينش فيوتوب
صفاء:صافي حتا نمشيو للدار و دخليها.. بغيت غير نتفرج فرمانة و برطال شتهوم حذفوه من يوتوب
جراتها مروة:بسلامة.. و تهلاي فسيف و تصالحو
صفاء:و دوقييه الحلوة
رتيل كتندب:ويلي ميمتي ليوم الجيران يديو خباري
سدات الباب و دخلات للدار عند سيف لي كان متكي و حاط يدو على على عينيه من التعب و مشات عندو و تلاحت بجهد على سدرو
سيف حل عينيه :اش بغيتي
رتيل:و نبقاو مخاصمين
سيف:مادرتي فيها مايليق و جايا كتبحلسي
رتيل:ماقصدتش صااافي(رجع غمض عينيه و هي متكية على كرشها فوق منو و متشوف فيه و كتنغزو بصبعها فحنكو) حل عينيك.. غيير نقوليك.... صافي مغنبقاش نلبس بحال حوايج الدراري غير تهنا... مبغيتيش.. صافي
جات بغات تنوض و هو يضورها رجعها تحت منو و كيشوف فيه بعيون متعبة:تصالحنا
تلاح على فمها ببوسة طوييلة سكتاتها و خلاتها حالة عينيها على وسعهوم.. عاد بعد منها
رتيل:خنقتيني العجل
سيف ناض:غير البوسة ديال الصباح درناها دبا و ليوم نرد ليك صرف تنعسيني فالصالون
رتيل:نوض سخن غداك بعدا انا نمشي ندير القيلولة
####عند صفيفو و المرقة
صفاء:اش بانليك فشي شوبينغ هو هاداك من شحااال مابقينا خرجنا
مروة:عندك شي فلوس ولا والو
صفاء جبدات من جيبها واحد البطاقة.. على طريقة صاريكول:هاااهواااا
مروة:منين جبتيها
صفاء:عطاها ليا الوليد الصباح قاليا الا حتاجيتي شي حاجة
مروة:و راك مزهااارة
صفاء:اش قلتي ندخلو للمول لي فالطريق؟؟
مروة:علاه حنا غنمشيو على رجلينا؟؟
صفاء:وا لي معندو صحة تبكي عليه مو
'' '' 'دخلو للمول و بركو يضورو فعينيهم
مروة:اخر مرة جيت لهنا كنت انا و هنادي و اشراق خرجنا بالبيجامات.. و هنا تلاقات هنادي مع امين و وقع داك البلان
صفاء:اه بصح بقات فيا مني عرفاتو مزوج😏
مروة:دبا تنساه راه هنادي هاديك ماشي نتي
صفاء :شتي انايا نبعد من شهبوبي نتسطا هاداك راه روووح قلبي
مروة:هااهي بداات.. سكتي و اجي شوفي هاد السروال شحال واعر
رجعو صفاء و مروى للدار...و لقاوهم كلهم مجموعين على أمجد و مصدومين لي طايح الأرض و شاد قلبو
مروى:لاااا بااا الحااج
صفاء باقا مصدومة:لاا مايمكنش...(بدات كتنغز فيه)الحاج عبد المجييد
#فلاش_باك
سالا ديابلو و الحاج قال مع راسو يخرج يضربو الغربي و منها النيت يهضم الغدا..مشا داز يقلب البوسط لي قدام الدار..جبد واحد الورقة.. كانت ورقة ديال الضو لي غير شاف شحال فيها و دخل كيجري...واااا زوووووهرااا...وااا محااامد...واااا بوشعاايب...واجاتني 100درهم فالضو . ..ها فرحي ها سعدييي
ماجا فين يتجمع كولشي مخلوع حتا طاح سخف بالفرحة...و تجمعو عليه مالين الدار و هو سخفان وسطهوم
#باك
مسعودة:انا بعدا بغايت حق ختي كليتيمة
منال:توما شتكم استوطنتونا
بوشعيب:وا توما هانونيونا خنشوفو السيد مالو
مروى:باينا بلفرحة غيكمل ديك100درهم غا دوايات
صفاء:ولكن كيفاش جاتنا هاد الثمن و الحاج كيبقا شاد تلفازة تال تفوت 12 دليل...لواليد نهار كامل مبرونشي لبيسي فالضو...منال نهار كامل و هي كتشارجي مشقوفها.. الوليدة ديما العجانة و المولينيكس كيضورو...ضواو ديال جردة شاعلين نهار و ليل مع دوك 2 حلاقم ....
مروى قاطعاتها:ااو اااو صافي...شحال فك دلحسابات
كانو واحد الجوج كيشوفو فداك المنظر و كيكزو فضفارهم... تلفتات عندهم صفاء:شاكا بلي واحد فيكم مول لفعلة
جميل:تشبارك الله تشبارك الله على زين لعزارا(جلول كيضحك بحشمة تا لاگاها معاه)كضحك لمك فرحان...وااا تااا راااك شفرتي اولد الكحلوش راك شفرتي...وتا أداك لمشعكك غا تابعو و حال فمك كي ضبع
محمد:هاد الزبايل مبغاوش يتقاداو حتا كنقولو كبرتو و درتو عقلكوم
ناض محمد يرجع داكشي كيفما كان
امجد:شوفو هاد لخبار متلحگش للبيشير...اصلا من شحال و هو قاريها فيا حسيفة
زهرة:نتا مقربلها مع كولشي
صفاء:ياك دبا صافي مكين باس وا تشاو
و ميمون بقا متبعها بعينيه كيلعادة
صفاء حتا هي منزلاتش فيه عينيها:وا بقا تحنزز طفو
داز نهار عادي بحال گاع الايام
#####
ماركات الساعة التلاتة ديال الصباح..خارج واحد الظل كيتسلت من الجردة...نقز الحيط بكل صمت بلا ميفيق حد...طل وراه خايف لايكون شي حد شافو...و كمل طريقو...داز هادشي كامل تحت أنظار مروى لي بقات كتشوف فيه بتعجب من الشرجم ديال بيتها:أحياني عليك أمسيعيد فين غادي فهاد الوقت
عند مسعود لي غادي و لكلاب ينبحو وراه و هو مخايفش منهم...باغي يستكشف هاد لمدينة كيدايرا...حتا وصل لواحد الجردة باركين فيها شي شمكارة
مسعود:سوووبحاااان الله عندي واحد الطفُل قدكم بحالكم
صطيكة:الله يعفو عليه ألعميم
مسعود و هو حاط يديه ورا ضهرو بديك جلابة الباج المحرتكة:أمييين أوليدي...قوليا شكاديرو
عبدو ببلاهة:كنعجنو فلمسمن
مسعود:هيهيهيهي شحال عزيز علك تقشب...تا دوي باراكا من المزاح
الشو:تا شمن لمزاح ولا المشماش ....تا شتك باغي درتي لينا الأرالالي..ياكما نتا من صحاب لحال
صطيكةلي كان شويا ساحي:تا سكت عليه حالت بوليسي...هانتا كتشوف ألعميم...شويا ديال طاسا و لغبرة حشيش
مسعود دار يدو على فمو:ياااهيا سيحت الوعد..كتنفحو
عبدو:ايه ايه...هادييك...متدوقش؟؟
الشو نغزو باش يسكت و اما مسعود وصلات ليه الضحكة حتال ودنيه و گلس حداهم و مد يدو:كوب شوية من داك الروج ولا منعرف اش كتقولو ليه اصحاب المدينة.. و ارا واحد النترة من داكشي...
كب ليه الشو...جمع واحد نفس حتا حوالو ليه عينيه:مم هادشي كيحرق...مد مد ليا داك العصير
الشو:شراب الحااج شراب
عبدو:عمرك شتي شي حاج كيتنفح
خدا مسعود واحد الكاس و گرگرو دقا وحدا...هنا بدا كيدوخ تاع بصح...
مسعود هز راسو لسما و الضواو بداو كيبانو ليه كيلعبو فوق راسو و الشراجم ديال الديور جايين يسلمو عليه و السحاب ديال الليل فوق منو:هاي هاي هاي...حتا السحاب تعلمو يطيرو.. و كيتساراو فالليل ولايني راه ميحشموش كانو يضلو مشمشين فالنهار قلنا منهوم لراسهوم.. وصلنا لليل.. لا لا لا هدشي عااار
حتا وقفو عليهم لبوليس:هايهيداي على رجال المستقبل...نوضو جمعو الوقفة
مسعود هز فيه عينيه المقلوبين:فين بسالامة
لبوليصي:تكلاصا
مسعود:ياااه غنمشيو لسويد
لبوليسي:ايه ايه اسي حتا شرفتي و علقو ليك اللجام هدشي لي بقا ليك...نوض نوض ألشو أصلا نتا من شحال و حنا نقلبو علك
الشو:ممم تقلبو عليا.. راني غير فدارنا كون بغيتوني كون لقيتوني يا رباعة المعاگيز
البوليس:هدشي گاااااع غيخرج منك فالسيلون
الشو:زعما غتخلعني؟؟راه غير كنسني دوك الوراق و كنخرج بييخيير.. طلعني اشاف فيناهيا السطافيط
لبوليسي:غا تسنا...هزو عليا لحزاق لكوميسارية...
مسعود سكران:هااايه...غا تبعدو منا ولا نعيطو لي...
دخلوه للبيرو ديال ضابط الشرطة و كيتسنا يديرو ليه دكشي بحال الافلام لي كيتفرج فيهم امجد حتا مد ليه ورقة
الشرطي:سني على هاد الوراق
مسعود :بغيتي تقول كنانش؟؟
الشرطي مسايرو:اه هوما هادوك سني
مسعود:مكنعرفش
الشرطي:راه مغنبقاش صابر ليك سني باراكة من التمهبيل
مسعود:علاش بعدا مالي اش درت
الشرطي بنفاذ صبر خبط البيرو:وش جااااي سكران و كتسول
مسعود ببلاهة:و انا ماسكرانش !!!!
الشرطي بدا شاد فيه بهبالو:اهاه و باش كتفسر فاش خارج كتقيا من السطافيط؟؟
مسعود:واقيلا حامل
الشرطي بهدوء مصطنع:سني هذشي و خرج برا
مسعود:و فيناوما دوك لي كانو معايا ولا باغين تبيعوني لعجل
الشرطي:اااشريف هادوك را غايباتو فالسيلول حيت مولفين نتا لي عرفناها ليك اول مرة غتخرج تمشي
مسعود:وا لا حتا انا نمشي معاهم
الشرطي تكا على الكرسي:واخا كاطلبتي غير الموجود هبطوووه عليا يبرد عضييماتو
مروة تعصبت:وا راه.....(تهدنات حيت حتا حد ماغيسمع ليها) كول كول تاكل فيه السم
زهرة:الحمد لله... انا دبا نمشي نقتد الصالون لكبير.. منال مني تسالي تبعيني بالبخور و نتا اولدي فهد خرج نتا و كامي جيبو التقدية و الحلاوي و شي محبق ديال الورد نزوقو الدار شوية.. و عواد د الند نريحو بيهم الدار ورا البخور.. و نتي اديك صفيفو ضربي التجفيفة على الدروج
صفاء:اااو من السطح تا لسفلي مالني روبو؟؟
زهرة:ديري دكشي لي قلت ليه راه غير ربعة الطبقات ماشي بزاف
صفاء بطنز:لا لا ماشي بزاف.. و اصلا انا تابعاني القراية
محمد خبط الطبلة:زميي فمك و نتي كتعرفي غير لهاد الهضرة لخاسرة... سيري ضربي التجفيفة كي لالياتك
صفاء حدرات راسها:واخا
مشات دخلات للطواليت عمرات السطل بالما و كتقلب فالبلاكارات لي بالالمنيوم فالدوش على سانيكروا و بانت ليها واحد القرعة خضرة حلاتها و بغات تستكشف شناوا.. مع حطات نيفها فيها و هوما يحوالو عينيها
غيير حطات نيفها وهي تشهق شدات على عنقها وكتحس بالنفس بدات كتقال داتها كاملة ولات كترجف والزروقية بدات كطلع بشوية بشوية رجعت لوور وتمدات على الأرض ونفسها كتنقص بالتدريج...اما مروة جاية بغا تضرب تدويشة قبل ماتعمر الدار و يكتر الراواج ودارت ليها طن تمشي تشفي فصباعو مشات للطواليط لي مديرين ها التحت حتا كتصبن بصفاء مشبحة...
مروة:شو بنت العبد نعسات فالدوش...لا لا كدير اليوغا.
قربات منها كتنخصص فيها باش تفيق ووالو مكاين المجيب. .
مروى :وااهياا وااتي نوضي باراكة من لضحك الباسل..
شوية بدات كتهر فيها ملي لقاتها مدارت تاحاجة بدا الخوف كيدخل معاها نفات دوك الافكار وهي تصرفقها ووالو ديك الساعة صفارت حيت عارفة صفاءاعدا حاجة هي تقيص بيعا وجها ضورت راسها بانت ليها قرعة الروح تاع جفيل محلول وهي تخبط فخاضها وغوتت
محمد دخل كيجري جر زهرة من عليها وشداتها مروى وقاد صفاء قدامو حط راسها فوق مرفقو كيفيق فيها و ملامح الخلعة بادية عليه:كون شرباتو كون راها كتوجع ماشي سخفانة.. غتكون شمااتو و مقدرتش عليه
مروة:و من بعد راه كلنا كنشموه
سرحت افكارو لواحد العام.. طفلة بعينين زورق كتستنجد بيه ولكن كلامها ممفرزش بسباب الشهقات لي شادينها والنفس لي غادي وكيتقطع ليها و دموعها دايزين على وجهها لي غادي وكيتلون والكشكوشة بدات كتخرج ليها من فمها وداتها كتهز وتحط وغادا للبرودية و الاطباء كيركبو ليها فالاكسجين وكيسعفوها و هي عينيها تقلبو وحالتها غادا وكضهور واطرافها غادين وكيترخاو الكشكوشة غادا وكتزييد و هو كيبكي معاها ورجليه مهازينوش بالخلعة على كبدتو لي كتصارع الموت للداخل... نفض دوك الافكار ورجع للواقع حيت ماضي و فاات و هاد لمرة الخطورة ماشي لديك الدرجة و لكن لي ماتقبلش كيفاش رجع هدشي تاني...
بدا يصرفق فيها بشوية و كيرش فلما باش ميتكررش المشكل ديال الماضي لي مخاصش ضوسيه يتفتح مرة خرا... حتا فاقت حلات عينيها على جهدهوم و طلعات النفس و بركت تكحب:كح كح.. واع.. كح اش هدشي فين انا اش وقع😖
زهرة بلهجة حادة:ياك كنقوليك اي حاجة فيها الريحة قاصحة متشميهاش
شدها محمد من ايدها و طلعها و هي كتفقص فمروة لي بغات تلوح حوايجها..
زهرة:نتي لاش كتشوفي فيا... سربي هزي السطل تجفي
مروة:واخا واخا.. و مشات زهرة و خلاتها
هزات السطل و گفضات رجلييها و طلعات للسطح تبدا التجفيفة و جلول و ميمون لاعبين كاشكاش فالدار و كيغمضو فالباب ديال السطح كيطلعو مع الدروج برجليهم عامرين غيس من الجردة و كيوسخو اي بلاصة نقاتها
مروة:وااااا ولاااد اللدييناااا واا گلسوو كل واحد يمشي عند موووو و تفرقووو علياا 😡
ميمون وقف من الجرى عند وجهها:و لاش كتقلقي عليا ااا صفيفيتي
مروة:جداااااك انا ماشي صفااااء
جلول:وا ميمون هادي راه مروة
. ميمون حك شعكاكتو و هز كتافو:و انا باش غنعرف😕
جلول ضربو لبين كتافو:حاابااا فك داباا
ميمون تعصب بطفولية:وا لا لا حنا كنا لاعبين قاش قاش
جلول:ماشي سوقي تبعني الا كنتي راجل
و مشاو كيتجاراو عوتاني وسط الما
مروة:الصبر.. ياااربي يضربوها بشي زلقة
بووووووووت و تسمعات غواتتهم..
مروة:هااا دعاويا بداو يبانو.. تفو كون غير دعيت بشي مليار كون تحققات ليا.. (و كملات التجفاف) يخخ على زهر😤
######عند صفاء
كانت فأبيل فيديو مع شهاب كيهضرو
شهاب باستغراب:كيفاش قضيتك ليوم باقا متكية فالفراش و الوحدة هادي
صفاء بعفوية:شميت داك جافيل و انا نتخنق(وعات براسها) ووو درت ليهم موتة حمار حيت حقا ما حقا قاليك نضرب التجفيفة على الدار كاملة هاويلي
شهاب بتساءل: تخنقتي؟؟واش عندك من هدشي شي حساسية؟؟😲
صفاء كتضور فعينيها حيت زبلتها:لا.. غير....
شهاب:غييير شنو؟؟قولي شنو عندك
صفاء:والو غير معرت مالي هاد المرة
شهاب:راني طبيب زعما واخا ماشي الضومين ديالي هدا و لكن راني عارف هدشي... انسان عادي راه ماغيتقطعش ليه النفس حيت شمو الا اذا كان عندك شي مرض ديال التنفس ولا حساسية من شي مادة تما.. واش عندك شي حاجة مابغيتيش تقولي؟؟
صفاء و ملامحها باين عليهم الكذب:لا لا مابيناتناش و ماكين والو من هدشي.. غير انا هاد ليام ماشي تالهيه😅
شهاب تنهد كيمثل انه تيقها و لكن عارف بلي كين سر وراء هاد التضوار ديال العينين
صفاء بدلات الموضوع بابتسامة مصطنعة كتداري بيها هاد الموضوع لي مبغاتش تفكر فيه :ايوا اش كاتدير من الصباح☺
شهاب:دوزت لي غونديفو لي عندي و دبا عندي الپوز ديال الغدا
شهاب كيشوف فيها كيحاول يقرا فاش كتفكر و لكن ملقاش و تنهد و بادلها ابتسامتها المصطنعة:تهلاي فراسك و ردي البال لتصرفاتك😐
صفاء قطعات عليه بلا متجاوبو و تلاشات ابتسامتها و تكات كتشوف فالسقف :علاش مقدرتش نصارحو...و علاش كان كيدير فيا دوك النظرات يكما يكون متيقنيش...(ابتسامة واهنة،) مستحيل.. هو فميدان الطب و كيشارك بزاف فحملات طبية اكيد غايكون شك بشي حاجة😤.. و لكن عندي الصح ماخاصنيش نصارحو.. يقدر مايبقاش كيبغيني.. هدشي الا كان كيبغيني اصلا.. بفف حايد عليا هاد الأفكار دالوييل😔
تنفضات و ناضت بابتسامتها المعتادة..
كانت جالسة فغرفتها شادة تصويرة مقطعة على نصف لي فيها داك الشخص لي كدوز يديها على وجهو وكتبكي بحرقة دموعها لي هادي يوماين منشفوش كلما كتفكر كلام امها وبلي الخطاب جاين فيها كتبغي تحماق. .شنو غديير وكيفااش غتكيف مع لوضع وهي قلبها عاطية سوارتو لشخص آخر....هزات عينيها كتفكر اليوم لي خادو فيها هاد التصويرة ملي جات واحد اللجنة للجناح تاع المصابين بالسرطان وكانو دارو حفلة وتجمع الطاقم الطبي وتصورو خادت التصويرة وقطعات غير الجزء لي فيه هو كتفكرو كانو كاين معاها...غمضات عينيها بألم وبدات كتقطع فالتصويرة وقلبها كيتمزق مبتغاها هو انو تحيد اي حاجة تفكرها فداك الشخص معاها احساس عمرها تخيلاتو كيفاش تاوصلات لهاد الخالة علاش وكيفااش واينتاا معندهاش.. جواب..
لاحت راسها لور فوق الناموسية كترجع يوم غتسمع الخبر لي تمنات كون غير صماكت وعمات باش مايوصلش ليهاا الخبر لي نزل عليها بحال الصاعقة عمرها ضناتو. ..
●فلاش باااك ....
جالسة زهرة مع محمد ومترددة باغا تقول شي حاجة لاحضها محمد حيظ الكتاب لي فيدو وحط نضاضرو وضار عندها...
محمد :قولي شعندك. ..
زهرة :بنتنا جاو فيها الخطاب...
محمد :ايينا بنت...
زهرة :شحال عندك من وحدة راه عا هنادي أما الخرينات عازوافرية المهم هادا ماشي موضوعنا...
محمد :وشكون هاد سعيد الحض. ..
زهرة :داك النهار عيطات ليا واحد المرة وتلاقيتا انا وياها وهضرات معايا...الراجل سميتو امين فعمرو 35 عام خدام مزياان مدير تاع شي كلينيك وارتو على عمو ولي هضرت معايا خالتو حيت والديه ميتين وعندو اخت وحدة وراه كانو فعرس رتيل وسيف...اااه وراه عندو بنت فعمرها شي 4 سنين هاكاك حيت مراتو ماتت ملي ولدتها...
محمد كيحك فدقنو كيفكر :اممم واللهما عرفت مانقوليك. .
زهرة :انا من خلال السيدة لي دوات معايا كتبان لياا مرة مزيانة ومافيهاش الدخول والخروج والولد على معاودات عندو غير نيشان ومعقوول. ..
محمد :واش نقوول ليك على مقلني السيد مزيان ولكن البنت لي عندو...
زهرة :راه مها ميتة...
محمد :وهنادي تقبل..
زهرة :حنا مغنبزوش عليها تلقا مع السيد وتعرف عليه عجبها تبارك اله معجبهاش الله يجيب ليه بنت الناس واخا هو تبارك الله شخشية (شخصية) و لاباس عله و ولد النااس و منلقاش بحالو.. ولا قبلات راه غدير البنت كيف بنتها نتاا عارف هنادي كيف دايرة حنينة.
ابتسامات ليها زهرة ورضات عليها وخرجات خلاتها منهارة طاحت فوق الكرسي غير كتشوف...قنعات راسها بانو مغتقبلش وناضت تكات حتا كيجيها فبالها علاش لي متقبلش على قبل امين من نيتها باقا عاطية لراسها امل هبطات دمعة من عينيها وتبعوها دموع شحال حاولات تخبيهم لي محبسوش يومان...
و عطات الموافقة باش تدار الخطوبة فأسرع وقت
☆☆بااك..
هنادي :علااش اربي علاش وصلت لهاد الحاالة علااش عمرني فتحت قلبي ونهار بغيت تاتا وتمنيت لي يبغيني صدق مزوج ااهي وعندو بنت ااههي علااش شنو درت فحيااتي اربي حاافضت على هاد قلب سنيين ونهار بغيت تعطا لشخص الغلط ااهي ااش هاد المكتوب اربي حاولت نساه ولكن راه مقدرتش ااهي
حطت راسها على الناموسية كتبكي وكتشهق حالتها كتعبر على الألم لي فداخلها كيعتصر فقلبها...ألم عمرو يداوا حيت دواه عند شخص آخر والى داتو غتالم أشخاص خراين...حلات صفاء الباب و معاها رتيل لي عاد جات كيضحكو حتا تحولات ملامحهم لصدمة من منضر هنادي ...مشاو باتجاهها كيجريو جرتها صفاء لعندها كانو عينيها حمرين كيف الجمر والدموع معمرين وجهها وشفايفها كيترعدو وكلها كتهز وتحط بالتنخصيص. ..شدتها رتيل من حناكها كتقلب فيها ومخلوعة. ..
هنادي غوتات :وشكون من غيرو لي غيبكي هاد القلب ااه شكون من غييرو لي غينزل هاد الدموع ااهي ول. .ولكن أشمن دني عندو فهادشي كو. .كوولشي مني انا انا لي حماارة بغييتو وتبعتو انا لي عطيت قلبي لشخص معارفة عليه والو اناا خااينة ولي تبعت وااحد مزوج وبااني حيااتو ااهي هو عمرو عطاني تافرصة وانا غارقة فالاوهام والأحلام. ..اااهي مروى عافااك بغيت ننساه بغييت نساا كوولشي عاااافااااك اااهي واااعااونوني اله يخلييكم راني كنتحرق قلبي كيتخرااق البناات عااونوني مبقييتش قادا والله عييت صاافي تحملت فووق طاقتي...
صفاء كتبكي معاها حيت على سبة وكتمسح فدموع ختها :عافاك اهنادي لا ماسكتي نسايه نساايه كانو عمرو كاان.... عمرك تلاقيتي معااه...
هنادي :واارااني منقداارش اعبااد الله منقدااارش. ..
رتيل معنقاها :فيين مشات هنادي لي راسها فوق كولشي... مولات العقل لي كتنصحنا وعمرها مضعفات داايمن معتامدين عليها وكنتسناوها تنصحنا وتوريناا.
هنادي بحسرة :مشاات ديك هنادي😣...ااهي من نهار بغات وهي تبدل ااهي العقل ظااه هو...القلب ظااه هو... كوولشي ظااه كوولشي ااهي وخلاني كنتعدب هنا ااهي...
رتيل بقات غير كتشوف فيهم مروى دخلات و فهمات الموضوع و بقات معنقا هنادي لي ولاو دموعها شلال وصفاء لي تاهي زيديها عليهم.. داق بيها النفس وهي تجر هنادي و كتصرفق فيها بشوية فحناكها
رتيل كتغوت بعصبية و دموعها حتا هي بداو يسيلو:صاافي بارااكة. ..هاادي هي هنادي لي كانت كتنصحنا بااش عمرنا نفتحو قلوبنا لي كان هادي هي هنادي لي كانت حاضية غير راسها وصافي لي كانت نفسها فوق نيفها عممر ولد المرا مايدوزها عليها ولات تبكي على وااحد ولات مدمرة حياتها على واحد ااه صاافي بااراكة منن هااد الدراما تي مامحتاجاش واحد باش تعيشي نتي لرااسك كيف كنتي كتقولي حنا بغييتا هنادي لي كانت ماشي بحال هاكا الريح لي جات تدييك بغينا هنادي لي مكاديها فتوااحد من غير رااسها باارااكة علك اهنادي باارااكة ااهي متحطميش راسك على قبل واحد باني حياتو اصلا مكانش عاطيك فرصة عاافااك رجعي اهنادي....(ملي حسات براسها اش دارت مسحات دموعها لي مكتبغيهمش يهبطو ومشات عنقاتها حتا هي)
مروى :رتيل عندها الحق اهنادي اليومة خطوبتك علاش لي دفني رااسك...
صفاء :هو مامكتاابش لك فيها خير...ربي مجاش وبعدو علك وصدق مزوج غير هاكاك...
مروى :يمكن هادا لي غتلاقاي معاه اليوم ينسيك فيه..
هنادي كتمسح دموعها :ااهي عندكم الحق انا زدت فيه صافي..
صفاء :ديري عقلك..
مروى :متبقايش تابعة البغوو بزااف...
رتيل :قصااحي ومتبقاش هشيشة لا تييقة فالرجال. ..
هنادي :شفتكم تقمصصتو الدور مزيان تgعدو راني انا كبر منكم...
دخلات هنادي للدوش عمرات البينواغ ودارت فيه شي زيوت وبدات كتحيد فحوايجها بتعب وتلغات ديك الابتسامة لي على وجهها..تمدات فلبينواغ وغمضات عينيها كتحس براسها وسط دوامة لا خروج منها ولكن حالفة متبقا دمعة تنزل وترجع هنادي القديمة لاش غدمر حياتها على حاجة مديالهاش...
بعد ساعة كملات دوشها ولبسات بينوار و خرجات عندهوم و شعرها الطويل مسدل على كتافها.. لقاتهوم جبدو الكسوة و الحجاب و المايكاب شتتوه فوق الكوافوز
هنادي :غير زگااو حتا نهبطو نتغداو و نرجعو نصيبو هادشي راه بااقي الليل بعييد
صفاء:اهاه و ايمتا تصاوبي هاد سالف عبلة راه مايتصاوب حتا يتغفرو لينا الذنوب
هنادي:لا مغنصوبوش راه رطب اصلا غنغطيه بالحجاب خاصو غير ينشف
رتيل:بصح عندك الحق ياله نتعالجو
مروة سبقاتهوم كتجري باش يتغداو
طمن بعد ساعتين مجمعات فبيت هنادي و حطو داكشي لي غيحتاجو وبداو يقادو ليها كاملات وكل وحدة شكاادير...طلعات عندهم كامي هازا شي ساشيات حطاتهم..
كوتر :راه هي مغتاخدش منك باباك بالعكس غتجي وتولي تطيبي معاها و تعلمك و تجيبك من ليكول وتلبسو نتي وياها نفس لي غوب وتجيب لك لي كادو وتديك عند باباك لوبيطال.
مشات كل وحدة لبسات قفطان بلدي بسيط بحيث ان هادي غير خطبة هنادي بعدما لبسات تشبحات فوق الناموسية و حيدات حجابها و كتفكر فأشنو مخبي ليها القدر مورا هاد الخطبة واش صافي غتخلى على هداك لي حلمات كلشي معاه و فاللخر دكشي كلو غيتبخر.. تخليها فيد الله ربما مخبيا ليها ليام شي حاجة حسن
غادا صفاء بقفطان اسود حد الساق و معاه ليبة مشبكة و طالون و غاديا هابطة فالدروج كتعوج حتا تلاقات عينيها معاااه
رتيل لي فبيتها وحداها سيف حتاهو كيلبس
سيف:مفكركش هدشي فنهار خطبتنا؟؟
رتيل ضحكات:فكرني فنهار خطبة كاميليا فاش شافنا با فالطواليت😂
سيف:يااك مكانش ساحي
رتيل:علااه انا وياك كيفاش تزوجنا راه تفكر دكشي لي شاف و قاليك زوجوهوم
بوشعيب بحزن :اييه توما لي صادقة ليكم..ولكن نقول لك اوليدي النسا دغيا كينساو لي داز.😔
رتيل هزت حاجبها :با ماالك ياكما مع الواليدة. .
بوشعيب ميق فيها :متاا.. سيرو سيرو الله يغبرك. .ا..بغيت نقول الله يخلييكم فرحانين انا لي مكتاب عليا الكربة😖 (الحزن😂)...
وبدا غادي كيهضر مع راسو حاني راسو عكس كيف كان كيمشي رتيل عرفاتو منوضها مع منال...ضارت عند سيف وجراتو يهبطو...
●●عند صفيفوو...
حتا تلاقات عينيها معاه.. و من غيره.. ميييمووون ولد سعييدة لي كان داير الجيل لشعرو ملبدو غير بزز و لابس كوستيم و گرافاطا فيها دوارات بلوان ديال البهلوان.. اما سيدنا جلول فلبس واحد الكولون مذهب و تريكو زرق مخطط
صفاء طلعاتهم و نزلاتهوم و ميمون هايم فيها وجلول كيفرنس
صفاء بعياقة مصطنعة :مانسمحش ليك تعايريني بهاد الطريقة ولا نفصل ختي
رتيل:سيري بدلي ولا غتطلع ليك زهرة.. هاويلي لابسة خرقة ديال الماعن فرجلها هدشي لي بقا
صفاء بقات مصغرة عينيها مني شدات فسيف و بدات غادية:واخا على مك كتفقصي فيا لقيتي لي يتحكم فك بغيتي تحرميها عليا غاا نتي لي تزوجتي.. سأطزوجه و ستندمون
و مشات طلعات لبيتها تبدل لبسات قميص فالغوج فيه جواهر صغار من العنق و خلات شعرها مطلوق و مشات لبيت مروة لي لبسات قفطان فالغوز بيبي محلول من الصدر و شعرها القصير بقا مطلوق و دارت گرن صغير الوسط و نفخات لا فخونش و كانت معاها كامي لي لابسة قميص بنفسجي داكن كيبين كرشها الصغيرة بارزة...
كوولشي كان مشغوول كل وااحد بااش مشغول والروينا فالداار...طلقو البخور وعطات ريحتو الزوبينة فالدار كاملة وجات مع الصالونات لي مفرشين بالتقليدي..تسمع الصونيت مجهد فالباب..كولشي سكت وبظات غادا زهرة لابسة قفطان فالgري بزيفو مع شريبيل بالصم ودايرة دهوبات فيدياتها كتبان مرة وقادة ومتيولة وفنفس الوقت هاي كلاس غير حلت الباب وهي تبدا ترحب وتسلم دخلو خديجة و كوتر بضحكة كيسلمو على زهرة
زهرة: مرحبااااا بيكم.. اجيو دخلو
خديجة :الله يبارك فيك
دخلات ورا زهرة.. كانت لابسة جلابة شكلها قريب للقميص فالبلو غوا و زيف فالأغجونطي.. اما كوتر فكانت لابسة كسوة طوييلة فالأسود و شعرها بوكلي و شادة فيدها نورسين لي مخنزرة لابسة كسوة قصيرة فالغوز و بونضو على شكل قرن يونيكورن
زهرة تحنات عندها باستها :تبارك الله على الكتكوتة ديالنا
نورسين ضحكات:ميغسي طاطا😍
دخلاتهوم للصالون لي كان مفرش بالبوردو والبيج وزرابي ودارو مبيخرات فكل قنيتة عاطين الريحة گلسو عطاو لمنال لبوكي ديال الورد لي جابو هو و الكادوات حطوهوم فوق البودرة
منال دخلات حتاهيا كتسلم هي و جميلة و گلسو حداهم كيهضرو
عند البنات لي دخلو كلهوم كيجريو لغرفة هنادي
كامي كتشطح بشوية بحال التركيين:هاا عروستنا وجدات
نغزاتها مروة تسكت و بضحكة صفرة:وا راه غيير خطبة و باااقااا ماوافقت
هنادي تفكرات امين بغصة:يمكن الا مبقيتش شفتو يسهال عليا نساه.. ولا نقدر ندير انتقال قبل مانترسم معاهم انا مبغيتش نبقا نشوفو حياتي كاملة هو مزوج و حتا انا غنتزوج ايواا هناا نقطة و حبسنا... مالكم كتفرنسو قلت شي حاجة كتضحك
كامي:لا لا بلعما انا غنمشي نشوف فهد اش خاصو
رتيل جراتها:فهد راه مع الرجال اش غتمشي عندو تديري
كامي:وا راه باقين متجمعوش و حتا حد ماجا من غير مو و ختو مامعاهم حتا راجل
و تابعاها منال هازة العصير و القهوة و جلول و ميمون داخلين بصبابطهوم للصالون هازين الطباسل ديال الحلاوي و سعيدة و مسعودة و كحيلة هازين لي بتي فوغي لي جابو و عاد الكيكات و البطبوط و المسمن و البغرير
خديجة:لاش عذبتو راسكوم
زهرة:وايلي ماتقوليهاش راكم ضياف زعما و قريب نوليو نساب
خديجة:نشاء الله
رتيل:نوضي تلعبي مع واحد الدري قدك؟؟
نور بنظرات باردين :مابعيتش
رتيل:راك غتفاهمي معاه باينة
نور بتشكيك:فيناهو
رتيل:كاميليا ديها عند محمد امين
نور:واو سميتو بحال بابا ديني عندو
شداتها كامي من ايدها و داتها للبيت ديالو لي بارك فيه هو و عماد واخا كبر منو و كيلعبو فواحد الگايم فلبيسي و حداهم فرايحة غير كتشوف مافاهمة والو كيبان ليها غير واحد الطارو (بيسي) فيه اللوان و التشاش
كامي:جبت ليكم واحد الضيف
ضور محمد امين الكرسيو و حل فمو بدهشة:هاجي نتي عوتاااني؟؟؟
نور شهقات:اش كاتدير هنا؟؟. امين:نتي لي اش كتديري
نور بركات حدا فريحة فالناموسية:انا جاية نلعب مع صاحبتي الجديدة
كامي:لا انا بغيت نعرفك على امين
نور:كنعرفو و مبغيتش نلعب معاه.(مع فريحة) . شنو سميتك؟
فريحة بطفولية:سميتي فريحة ونتي؟؟
نور:انا نورسين.. انا هي بنت هدك لي عيتزوج 😈
محمد امين ضور الكرسي كيضحاك:اذن غتولي بنت ختي... غتولي تعيطي عليا خااالي محمد امين ه
نور:امبوووسييبل الحمال (ر)
امين شاف فيها ببرود:بعلوكة
نور تعصبات و بغات تنوض ليه ولكن شدوها عماد و فريحة و جبدو مونوبولي كيلعبو فيها كاملين و كيعلمو نورسين تلعب حيت باقا صغيرة..
####فالصالون
دخلو الرجال للصالون (محمد و بوشعيب و فهد و سيف و جميل) سلمو على كوتر و خديجة باليد اكيد و گلسو كيهضرو و البنات جاهم الملل من هضرة الكبار و لكن مافكروش يديرو شي موصيبة حيت هنادي لطاالما تسنات هاد النهار و خصوصا مع هداك لي كتبغي.. مبغاوش يخصرو الحفلة
صفاء لكوتر:نتي ممرضة فلوبيطال لي فيه شهاب ياك!
كوتر ماحاملاهاش:لا انا سكريتيرة تما
صفاء بضحكة نصر:مزيان انا من هنا ل3سنين راني معاك.. ديك الساع غنكونو وااا تزوجنا انا و شهاب😌
كوتر شافت فيها هي كتعض على شفايفها من العصب:امم كيفاش حتا غيقبل عليك؟؟😒
صفاء بضحكة عالية:هاااه (ضارو كيشوفو فيها و هي تبتاسم لبهم و كملات الهضرة) و مالو لي ميقبلش.. بنت قارية احم... زويينة.. سمعتي زوينة
كوتر:لا لا هادي كذبتي فيها ماعمر شي حد قالها فيك زوينة.. زيدون نتي باقا صغيرة علاش كتلاوحي عندو
صفاء بمياعة:و نتي اش درتي بكبرك؟؟ الموهيم انا ماشي هدشي لي جيت نهضر معاك فيه...بما ان غنوليو نساب فبلاش من هاد الكلاشات بحال هاكا
كوتر:فراسك ختك ضرف منك و حسن منك و مأدبة علك
صفاء:اري لجديد هاد الهضرة من نهار عقلت وانا كنسمعها
كوتر طلعات النفس:دبا نحيدو علينا شهاب و نتصالحو هدشي لي قصدتي ياك؟؟
صفاء بفخر:تماما
كوتر مدات يدها:ننساو شهاب و نبداو صفحة جديدة
صفاء:نتي لي نساي شهاب اما انا هداك راه خا طي بي
كوتر ضورات عينيها:اوك اوكي جلسة صلح
صفاء عنقاتها :دبا مزيان
خديجة:كوتر عيطي على خوك نشوفو فين مشا شفتو تعطل
####عند امين لي باقي بارك فاللوطو كيفكر.. واش بصح يقدر يبدا صفحة جديدة.. و هاد العروسة واش غتعامل نور مزيان! زوجات الاب ديما كيكونو ضد ولاد الزوج.. دكشي لي خايف منو يقدر يوقع.. علاش ميجربهاش بعدا تقدر تكون عند حسن ظنو.. جات فبالو صورة هنادي.. علاش زعما ماتكونش هي لي غيتزوج بيها.. لا ميمكنش هاديك دايرة حياتها بعيد و يمكن عندها شي واحد ميمكنش بنت قدها و فجمالها متلقاش شي واحد يبغيها.. سمع صوت ديال التيلي كيصوني.. قطع لابيل و نفض دوك الافكار من بالو و خرج من اللوطو.. شهيق زفير.. يدير بصيص ديال الامل بعدا..من تم طلع لطوموبيلتو وتحرك باتجاه الدار ديال هاد الخطيبة.
●●فداار الباروودي.
تجمعات العائلة كاملة فالصالون بما فيهم الدراري الصغار لي كل مرة ينوض واحد يهز حلوة
خديجة :احمم ختي زهرة فينا هي العروسة..
زهرة :ااه هاهي غتهبط. ..
دارت نغزت مروى لي كانت حالة فمها ملي عرفت ان هادي خت إمين وهاديك خالتو...
زهرة كتهضر تحت نيفها :واتي نووضي كلمي ختك..
مروى :ااه وااخاا
جمعت الوقفة دغيا وطلعت عند هنادي كلماتها وهبطات...لبسات صباط بالكحل دين فيه بخوش فالجنب وهزاات راسها رشات من ريحتها دارت شهيق زفير وحلات الباب..كانو جالسين كيهضرو المراوات فجه والرجال فجهة تاتوقفو على الهضرة ملي تسمع
صوت الكعب العالي هزو راسهم كاملين كيشوفو فيها جاية كتمختر بقفطانها طويل فالسومو مع شدة تاع الزيف الي فالأغجونطي جا مع وجهها لي دارو ليها مكياج خفييف عطاها هالة جدابة وكيووت فنفس الوقت...كوتر دغيا نغزات خديجة وحركات عينيها لجهة هنادي..هاد الأخيرة لي غير شافت كوتر تصدمت ولي زادها حيرة هي نورسين وقفت لتواني كتراجع نفسها وكتدوي فخاطرها...
هنادي :لا ميمكنش كيفااش هادشي يمكن العريس من عايلتهم بففف لا ميمكنش يااربي انا باغا نبعد عليه وهوما جايبين ليا عريس من عائلتو يااربي صبرني يااربي دير ليا لي فيها الخيير رااه مبقييتش قااداا.😣
وعات براسها انها بقات واقفة وهي تدخل سلمات عليهم ومشات جهة خديجة لي بقات تسلم وتعااود وتشكر وتبارك على جمالها أما نورسين غير شافتها كحلت بالعما يالاه بغات تبوسها هنادي وهي دفعها..
خديجة :نوور ماالك. .
نور :انا مبعيتس نبووسهاا..
خديجة جراتها عندها :حبيبتي هادي راه هي لي غتولي ماماك جديدة..
هنادي بقات غير حالة عينيها بصدمة وكتنفي الافكار لي كيجيبهم ليها راسها مشات جلسات حدا زهرة و راسها تخربق بمعنى الكلمة كيفااش هادي بنت امين وكتقوليها ماباغاش هادي تكون ماما جديدة فين مشات مامات نورسين وااش هادشي وعلاش مكينش هو..كان راسها غيتفرgع بهااد الأسئلة وأصعب الأحاسيس هي يكونو اسئلة كتاار فعقلك ملاقي ليهم جواب ولي زاد ازم الامر انو كيكونو متعلقين بحياتك ومساارها حاسة براسها وسط دوامة ماليهاش نهاية..ضرهاا راسها بالتفكير شي لي خلاها تخليها فيد اله ونشوف فين غتوصل وتصبر على خبيزتها الطيب. ..كانت خديجة باقا كتحزر فنورسين وتراضي فيها تسمع الصونيت ناض محمد يحل وهو يلقا امين تبسم ليه وبداو يتسلمو ويرحب بيه...هنادي غير سمعات صوت شي راجل عرفاتو العريس هزت راسها بتوتر شكون هادا واخيرا غتشوفو أسئلة كتاار فراسها كي غيكون واش يقدر يعجبها وتوافق واش غيكون كيجي للامين..مرتقبة على أحر من الجمر..التوتر شادها من رجليها للراسها بحال نهار الغيزيلطة تاع الباك لي كيحددو مصيرك ولكن هي فهاد اللحضة راه مصير حياتتها يديها عرااقو بالتوتر رجليها مزgاتش بالتحراك وشفايفها غزاتهم بالعضان..هبطت عينيها وهو يبان ليها حداء كحل لامع غادا وكطلع فراسها وكيزيد يتوضح ليها الشخص لي كان طوييل دو هيئة رياضية شابة لابس كوستيم فالكحل مع قميجة كحلة وكرافاط فالكحل (مكحلها على بوهم)ولكن عينيها تفيكساو ملي وصلات لوجهو..عينيها تحلو من هول الصدمة والمومو ديالهم كيطبار وهي كتشوفو قدامها نفسو سارق قلبها قدامها بشحمو ولحمو وااقف مع باها وكيسلمو عليه والجملة لي ختارقات سمعها هي هاالعريس جاا..تماك تخربقت بالمعقول فرحتها مكملاتش بسباب حيرتها معرفات متقدم ماتوخر بقات غير كتشوف فيه ومتبعاه بعينيها والأسئلة كيطرحو فعقلها ملاقياش ليهم جواب..امين لي مكانش أقل من صدمتها عمرو كان حاط فراسو أن البنت لي جايين على قبلها هي هنادي مشا باتجاهها يسلم عليها..
جا يسلم عليها اللولة و همس فودنها:ماكنتش متوقعك غتكوني نتي
خديجة:نتسناوهم يتناقشو و يهضرو راه باقين ماكيعرفوش بعضهوم مزياان
#####فالجردة
امين واقف عاطيها بالظهر داير يديه وراه
هنادي بغات تكسر حاجز الصمت لي بيناتهم:شنو قصدتي قبيلة فاش مكانش يحسابليك بلي انا هي لي غتخطبها
امين ضار عندها و بملامح خالية من التعابير:حيت انا هدشي كامل كنديرو على قبل بنتي.. مافكرتش فشكون غتكون بما انه الوليدة لي ختارتك فهي غتعرف مصلحة نورسين.(على هاد الكلمة تجمدات ملامح هنادي و هو لاحظ هدشي).. عارف بلي تقدري تعترضي و لكن الا ماوافقتيش قوليها انا ماكنبزز عليك والو.. تلاقينا خوت و غنبقاو خوت.. و حتا زواجنا غيبقا على ورق... شنو بانليك!
هنادي باقا كتستوعب فالصدمة ماقدراتش تزعزع عينيها من عينيه:واش عندك شي حاجة ساهلة انك كتقوليا اجي ربي ليا بنتي لي ماماها معرفتهاش حتا فين.. واش كيحساب ليك انا ماشي بنادم تسنعملني على قبل بنتك؟؟
امين:سمعي.. انا قلت ليك راه عندك الحق ماتوافقيش.. انا كنفضل العلاقة بيناتنا تبقا عادية.. حنا زملاء بالعمل نبقاو كذلك و لكن كتشاركنا الخدمة و الدار و نورسين
هنادي :هدشي لي كتقول فيه راه غير منطقي ميمكنش نستوعب هدشي
امين:خودي وقتك الكافي.. و بلا ماتحاولي تعقدي الامور حيت مامات نور الله يرحمها انا بغيت نعوضها على الام لي عمرها حضات بيها
هنادي بداو ملامحها كيترخاو مني فكرات فالامر بإنسانية نور غيكون عندهاخلل بسبب عدم حضور الام فحياتها ميمكنش حياتها كاملة تعيش مع باباها ضروري من العنصر النسوي فحياتها.. العاطفة ديالها خلاتها تفكر فالموضوع لي ماشي بالسهل... تفكرات انه امين غاتبقا جامعة بيناتهم غير علاقة خدمة و الدار اكيد.. هي عارفة راسها كتبغيه.. هي ماباغاش شي حاجة خرا غير انها تكون معاه.. يمكن هادا حل يقدر يكون مناسب.. كيفما كان الحال الا وقع شي مشكل او استعصى الامر عليها تطلب الطلاق و غتخرج بأقل خسائر
هنادي من بعد تفكير معمق نطقات بشجاعة و نظرات حاسمة:موافقة
امين ابتاسم ليها :مزيان و تأكدي انه ماغايخصك حتا خير معانا
ضارت غاديا باتجاه الباب حتا ستوقفاتها هضرتو :عارف بلي هدشي ماشي بالسهل و لكن غنتأقلمو مع الوضع
هنادي ابتاسمات بملامح حزينة و دخلو للدار.. و كلشي كيتسنا جوابهم
محمد:ايوا اولدي باينا قرار خرجتو
شافو فبعضياتهم و هضرو بجوج:موافقين
تعالات الزغاريد فالدار و كلشي فرحان الا هنادي لي واخا عارفة راسها بهاد المرحلة غتتقرب منو الا انها يمكن بهاد الخطوة تبعد كتر
جميل بدا يسد فودنيه من صوت جميلة لي تقب ليه الطبل جيال ودنيه امجد كيصفق
امجد:واا هيا.. وا خدمو لينا الشعبييي
كحيلة:اويلي الحاج راه غير خطبة صغيرة تاا للعرس و اراا مانشطحو انا وياك
امجد:بنااقص منو و منك
و تعالات الافراح فالدار و مشات جميلة تجيب الحليب و التمر حطاتو فوق الطبلة و حطو حداه الخواتم لي جابوهوم خديجة و امين و حداهم الورد و الما المعطر لي فالمريشة دالنحاس.. جابوهم گلسوهوم حدا بعضهوم فوق لي فوتوي لي فالجنب هزو الخواتم لي جابوهوم معاهم ركبوهم لبعضهوم على اتير التهليلات و الضحك ديال الدار و الفرحة سيدة الموقف..
زهرة:وا شربييه الحليب
هنادي :ماما هدشي راه ديال التسعينيات اش بغينا بيه
زهرة:تي نقصي من الهضرة و سربي
امين مكرهش ايمتا ينوض:لا مكنشربش الحليب
هنادي دارت ليهم بعينيها هانتوما شفتو على عينيكم
خديجة:ايوا شربها هي
امين زفر و جا بغا يهز الكاس لقاه خاوي.. هبط عينيه كيقلب حتا بانو ليه جلول موسطاشو عامر حليب و ميمون كيسكح فيه
هنادي فقصوها دوك الجوج:حتا انا مبغيتش
امجد:يااله اسيادي جيبو الدجاج راه فيا الجوع و كترو الدغميرة و الحاااار
جميلة:هي اللولة الحاج
ناضت و تبعاتها سعيدة و مسعودة يجيبو الخبز و الموناضة وعاد الدجاج محمر
صفاء كحزات حدا امجد:شتي نتا الحاج واحد البوهالي متسواش
امجد ضار خنزر فيها:وممالنا على هاد الهضور
صفاء:واا خطييتك على هاد البلاان لي درتي مانسمحش ليك
امجد :اش درت لك اناري
صفاء:معرضتيش على شهاب
امجد بدا كيفكر و خبط يديه مع بعضهوم:و انا نقوووول شكون ناااقص
صفاء:دبا عاد تفكرتيه😏
امجد:ولايلا دك الدري شحال عزيز عليا كيدخل للخاطر
صفاء:حولك عرضتي عليه😒
امجد:و حنا باش عرفنا ديك البايرة غتوافق.. راه غير خطبة صغيرة و شوفي اايه... فالعرس يجي بزز منو😤
صفاء :هاحنا غنشوفو😑
####دخلو العشا و حطوه و تجمعو فالصال امونجي و جا امجد يجري گلس حدا نورسين و هبط راسو لمستواها و بدا يهضر معاها بطفولية
نورسين باستو فحنكو و رجعات بابتسامة.. كانت كوتر كتوكل فيها و خديجة و المراوات كيهضرو و امين و هنادي كل مرة كيخطفو شوفة فبعضياتهم و يهبطو عينيهم كل واحد و العالم لي كيفكر فيه اما الطبقة قاتلهوم الملل ماعرفو مايديرو
صفاء:مااعلينا.. و لكن الرحلة ياك حتال التلاتة ديال الصباح
مروة:وا راه الحضاش هادي
رتيل :جامعة دكشي لي غيخصك؟ ؟
مروة:كلشي حاطاه تحت الناموسية
صفاء:صافي غير نتعشاو و نفضيو الأمور
كامي:و الوثائق جمعتيهم؟؟؟
مروة:هدشي كااامل درتو فهاد يوماين
صفاء:مغاتراجعيش على رأيك و تديني معااك زعما
مروة ببرود:لا
####عند امجد و نورسين
امجد:نقطع لك لحيمة؟؟
نور:ماكاناكلش اللحم
امجد:هااء و باش واقفة..(قطع ليها) كولي كولي
نور كتبعد فراسها و كتدير براسها علامة النفي
امجد:نغمسها ليك ففلفلة حارة؟؟
نور عمرها ماذاقتو و فرحات و بغات تجرب
امجد غمسها ليها مزيااان حتا ولات اللحمة حمرة و بدا غادي بيها جهة فمها:حلي الباااب على لطيارة باش تدخل
نور حلات فمها و هي كتضحك و بدات كتندغ.. و شوية بدات كتطلع معاها السخونية و بداو حركات المضغ يتبطؤو و كتفكر فهدشي لي كتاكل فيه حتا غوتات بصوتها لرقيق لي كيتقب الطبل ديال الودن:اااااااااااا باااباااااااا فمي كيحرقني
بدا كيقلب على الما بعينيه كيزرب و كانت قريبة منو هنادي هزات القرعة كباتها بزربة و رجعات الكرسي لور و مشات كتجري جهتها تشربهاا.. و نور كتنش على فمها وولات حمرة
هنادي :اشنو كليتي؟؟؟؟
نور و دموعها دايزين شيرات بصبعها لأمجد ليدار يدو بهاد الوضعية 👏 و بقا شادهم و كيضور غير فعينيه
هنادي:بفف صافي صافي شربي لما باش ماتحرقكش كتر
و رجعات لبلاصتها كتخنزر فأمجد و امين كيشوف فيها كيفاش كتعامل مع نورسين واخا هي كتقمعها و كتعايرها و لكن كتحن فيها و تأكد ان هنادي هي المرأة المناسبة
امجد شافهوم كيشوفو فيه:و اللهما درتها بلعاني
خديجة:مكاين باس
نور بقات كتشوف فيه و هي جامعة حواجبها حتا تفرگعات بالضحك و حتا هو شافها هكاك و بدا كيضحك ضربو يديهم مع بعضياتهم و كملو الماكلة
امجد:هاد الدرية عندكوم ضريفة ههههه
خديجة :اييه غي كيبان ليك
امجد:انا وياك ولينا صحاب يااك
نورسين:اه اجدو (خنزر فيها) ههه بغيت نقول بّااا
امجد:هكاك
خديجة و كوتر و امين بقاو غير كيشوفو و كيضحكو فخاطرهوم و كملو لماكلة بنفس الرتابية و مشاو رجعو گلسو فالصالون و حطو الديسير و عاد التحلية لي هي الياغورت مع البلو بيري و الفخونبواز و فزق من كل كويس المكسرات بأنواعها
محمد:شنو قلنا فالعرس؟؟
نقزات هنادي :بلاش منو غير حفلة خفيفة
زهرة:و علاش ابنتي راه تانا نبغي نفرح بك
هنادي(لاش غتخسرو الفلوس على شي حاجة معارفينش نهايتها كيغاتكون):غير خسران الفلوس انا بغيت غير حفلة صغيرة اولالا اامين؟؟
امين بلا مبالاة :لي بغيتو انا معاكم فيها
خديجة:و انا الصراحة كنت بغييت ليكم شي عراسية فاعلة تاركة و لكن مبغيتوش.. صافي و ايمتا؟؟
امين:من بعد سيمانة.
كوتر:اويلي اخويا زربتي بزاف
امين:ياك غير حفلة صغيرة علاش نبقاو نتسناو
البنات بداو يتغامزو بيناتهم فهموه بطريقة خرا 😂
محمد:ايوا معندي منقوول... لي بغيتوها حنا موجودين
كوتر:نديروه فالفيلا ديالنا ولا ديال امين ولا ديالكم؟؟
خديجة :نقصي نتي من لهضرة الزايدة خلي الكبار يهضرو
محمد:البنت عرسها كيكون فدار واليديها.. نديروه هنا من بعد يمشيو لدارهوم
امجد:بلاتي بلاتي نتا فاش خدام ولا غير لحگتو و عطيتو الدرية بلا موجب شرع اش غيوكلها!!
نغزاتو كاميليا يسكت و هو يزيد فيه:لااش تنغزيني خصني نعرف الراجل فاش خدام
امين:مدير ديال اوبيطال
امجد تصدم و رجع كون فبلاصتو:كيفما قلتو هادي هضرة الكبار انا غير نسكت .. كملو كملو
كملو النقاش ديالهوم حول الاجراءات ديال العرس و هنادي كتحاول ما امكن ماتخسرش بزاف دالفلوس حيت عارفة ان هاد الزواج غير مزيف
ضربات الطناش ديال الليل البنات سلتو بحجة النعاس اما هوما فطلعو لبيت مروة ينفذو الخطة
كامي خبطات راسها:البنات نسيت گاااع دكشي لي قلتو ليا
مروة:هانتي هداا حبل او قنبة غنتربط بيه و غتشدوه مزيااااااان حتا نهبط و تلوحو ليا الساك ديالي
كامي:و العساس غايشوفك
رتيل:لا كونو هانيين.. درت ليه منوم فالقهوة
مروة حلات دماغها كتفكر:القهوة كتفيق و المنوم كينعس كيفاش حتا غينعس الا كانت الفهوة كتفيق.. اللوووجيك؟؟
رتيل:سكتي راك غتسطاي بهاد الفهامات
ربطوها البنات من كرشها و حزمو داك الحبل الطويييل مع الماريو حيت ماكيتزعزعش و طلعات فالشرجم ياله بغات تنقز تحل الباب ديال البيت
محمد تصدم :مروة.. اش كتديري ؟؟؟
مروة ارتابكات:امم المنظر من هنا شحال زوين
محمد كيقرب منها:قووولي اش كتديري.. و هدري sérieusement
مروة حدرات راسها:بابا.. غادي نمشي للمخيم
محمد:ياك هضرنا فهاد الموضوع شحال من مرة.. و نتوما اشيطانات من بعد و نتفاهمو.. نزلي نتي من تما لاتهرسي و نصدقو واحلين فيك
مروة:هاداك راه حبس.. دبا نرجعو لموضوعنا.. اش قلتي ابابا
محمد من بعد تفكير:يكون خير.
مروة:كيفاش يكون خير راه خصني نكون قدام الجامعة من هنا لساعتين
محمد:و اش بغيتيني ندير ليك دبا كون قلتيها قبل كون شفت كيفاش نخليه يوافق دبا معندي كيندير ليك دوزي تگلسي فالدار
مروة تلاحت فيه كتعنق و تطلب:عفاك بابا ديني نتا لتما و مني ترجع حطهوم امام الامر الواقع عفااااك
محمد:وا كيسحاب ليك راسك ففيلم اقل حاجة غيدير هي يفكر يتبعك و راه امجد هاداك متهور كيدير لي جات فبالو ماغايحشمش
رتيل:راه باك زعما
مروة بدات تمسكن:صافي صافي.. انا غنتقبل حياتي البائسة نتوما ماكتحملونيش حياتي كاملة وانا كنقرا باش نفرح من بعد الباك و لكن نتوما غتزيدو تأزموني.. حرام عليكم
كامي تأترات:ولاهيلا عندها الصح مسكينة
محمد بقا كيفكر حك راسو :معاش عندكوم الانطلاق؟؟
مروة ضحكات و كتعنق فيه:مع التلاتة
محمد:سيري نعسي حتال التلاتة و نفيقك
مروة:بغيتو تقولبوني.. انا غنبقا فايقة
محمد:ففف صلفي ياله نزلو سلمو على الناس راهم غادين
نزلو البنات و بداو يسلمو صفاء سلمات على كوتر عادي لأنهم فكو المشكل لي بيناتهم
و مشا كل واحد لبيتو و الاغلبية فرحانين بهنادي الا هي المعنية بالامر دخلات لبيتها حيدات الميكاب و بدلات حويجها لبسات كسوة قصيرة تهوا بيها فداك الصهد و تكات فبيتها كتفكر..حتا قالت و اخيرا تهنات و هم و انزاح من على كتافها حتا جاها هم خور.. هي كتبغيه و ممتأكداش منهاد الشعور و غتعيش معاه فدار وحدة و غالبا غيعطيها النخال و ماغيحاشيهش ليها هي فقنت و هو فقنت المهمة ديالها انها تعوض نورسين على مها.. اه نورسين لي هي السبب فهدشي كونما رق قلبها ليها كوراها گعما تقبل من اللول.. تغطات و نعسات و هي كتنفض هاد الافكار موكلة امرها لله
مروة هزات الفاليزات ديالها لاحتهوم فالكوفر ديال اللوطو و هي كتسلت وبلا ماتشعل الضواو ديال الجردة.. تبعها محمد و ديمارا اللوطو
محمد:هدشي ماشي من عوايدي و لكن غنديرو على قبلك
مروة:ربي يخليك ليا ابابا
محمد:و لكن تحملي كااااامل مسؤوليتك انا كنقوليك
##فالدار
زهرة فالبيت ملقاتش محمد و باركة كتسنا فيه عيطات على صفاء جات عندها للبيت و بغات تعيط حتا على مروة لكن مالقاتهاش
زهرة:دبا غتقولي فيييييين محمد
صفاء :ياك هو راجلك ايوا نتي لي خاصك تعرفي
زهرة:بلا تمهبيل عارفاك عارفة
صفاء:لاوعلم.. هاي هاي على زهيرو كتقلب على راجلها.. خلاك وحدانية فهاد البرد و...
صنگعاتها:تي مال مك ماتحشمي قولي بلا ضسارة
صفاء:ماااعرت سوليه
زهرة:كون جاوبني كنت غنعيط ليك مع الجوج دالليل
صفاء بدات تضور فعينيها كتقلب على شي خطة خرا
زهرة كتقرب منها بتشكيك:و فردتك الخرا فينايا
صفاء كتبعد:وا لاش تسوليني انا انا ماعارفة وااالو
زهرة:قولي ولا واللهما تخرجي من هنا
صفاء:فففف واخا واخا غير حيدي هاد النظرات
زهرة:سربي
صفاء زربات عليها:مروة مشات للمخيم و الوليد هو لي داها
زهرة:اويلي و بلااا خباري
صفاء:شتي... اصلا الرجال كلهوم كيف كيف سلعة وحدة
زهرة :سكتي راه باك زعما
صفاء غمزاتها:با ولا راجلك؟؟
زهرة:تي شتك دودتي عليا هاد الليلة.. . هاويلي على حريرتي و اش غيقول الحااااج
صفاء:الموهيم تصبحي على خير ماشتيني ماشتك
زهرة:تنعسي ماتنوضي انشاء الله
صفاء:وا غا كتدعي و صافي و انا قبيلة غير سخفت كنتي فتسخفي حدايا بالخلعة
شيرات عليها بتيليكوموند حداها جاتها فالطرمة غادا و كتحك فيها
حط محمد مروة قدام الكلية و وقف معاها حتا قادات الوتائق و طلع معاها للكار باش يشوفها فين غتگلس.. گلسات حدا واحد مداير القب و ماكيبانش وجهو
محمد:مني توصلو عيطي عليا
مروة:معنديش روشارج
محمد:صافي دبا نسيفطو ليك.. و نعسي متبقايش فايقة
مروة:واخا
باستو فحنكو ودعاتو و هبط و خلاها.. عيطات عليها صفاء
مروة:مال مك؟؟
صفاء بهمس:وا صگعة قودتيها.. مك ساااقت الخبار
مروة كتغوت:وااا شكوون قالها ليها من غييييرك
تلفت كلشي كيشوفيها حتا من هاداك لي حداها حيد القب يشوفها و ترسمات ابتسامة على وجهو و رجع القب كيتصنت للموسيقى فالكيت.. و هي تهدن و نقصات من صوتها
مروة بهمس:نتي لي قلتيها ياك ؟؟
صفاء:و اش غندير راها هدداتني
مروة:مهيم هاهو الكار تحرك و لي فات مااااات قولي ليهم يتقبلو الواقع.. باي
و قطعات و ركبات الكاسك و نعسات گعما داتها فهداك لي گالس حداها.
#####فالفيلا
وصل محمد لقا زهرة واففة فالباب دايرة يديها على خصرها و كتخنزر
زهرة:علاش ما عاودتي ليا والو
محمد:جا دكشي بالزربة و البنت حتاهيا من حقها تخرج و تضور
زهرة:و بلا خباري انا لي مهااا
محمد:الهضرة ماشي هنا دخلي
زهرة دخلات لبيت و بركت فوق الناموسية :ياله اسيدي هانا بركت
محمد:حنا ماخليناهمش يخرجو العطلة كاملة.. كامي مشات لتركيا و رتيل راها فدار راجلها و الدراري مشاو معانا لمرزوگة و هوما راهم بركو فالدار
زهرة:اهاااه و تسييفطها مع رجال مانعرفوهوم مايعرفونا
محمد:ااا زهرة راه البنت كبرات و عارفة مصلاحتها و زعما راك نتي لي مربياها خاصك تكوني تايقة فيها
زهرة:واخا هكاك بالي مامهنينيش
محمد:ياله ننعسو راه التلاتة هادي
زهرة:شووف والللاااه و وقعات ليها شي حاجة ذنوبي عليك
محمد:وا كوني هانية راه وصيت عليها واحد المؤطر تما و فاليا غيتهلا فيها.. ضورت معاه شوية باش يرد ليها البال.
زهرة:نخافها غا لا تدير شي موصيية
محمد:هاديك رىها ماتدير والو بلا البنات غير تهناي
زهرة مشات تكات :صافي طفي وراك الضو و لكن راه غنتفاهم معاها مني تجي.. و نتا ضبر لراسك مع باك
محمد:يصبح و يفتح
######اصبح الصباح هلى غوتة امجد
امجد:هاااااااش كتقووووووووول؟؟؟
محمد:غير تهدن الحاج و نعودو ليك
امجد:واا ماتقوولش ليا الحاااج
محمد:صافي صافي غير سكت و نشرح ليك
امجد كيشالي بعكازو:اش غاااتشرح ليا اه؟؟نتا لي كنت نقوليك مرضي صدقتي طااوي على هدشي.. طييحتي كلمتيي للرض
هبطو البنات من بيتهم على اتر هاد الصداع
امجد:وا شهدو الكاافرات ولدي سيمحمد صيفط بنتو لمدينة خرا بعيدة علينا هي و جماعة ديال الرجااااال
صفاء دارت يدها على حنكها:ويلي استغفيرت الله.. ماشي عوايدك ابا
محمد تصدم من هضرتها حيت كلها تمثيل
جا امجد و يتخنن ليها فكتفها:ايييه ابنيتي جدكوم حياتو الوقت تا ولات كلمتو تطيح للرض راني مامسامحكش
أمجد رجع كيتمسكن :وانا لي بقا فيا من هادشي هو مشيتي بلا متسولني..
مروى :علاش غنسولك. .
أمجد :ااه فهمتك باغا تجيبي ليا شي هدية(بالسكون)من ديك المدينة مفاجعة. ..سيير الله يرضي علك..
مروى :الحااج تاقا الله اينا مفاجاة راه ماشين نقراو ماشي نضورو فمولاي بوعبيد الشرقي..
أمجد :اشووفي اايه لا مجبتيش ليا شي موفاجعة عابلاش مدخلي راه قسما بلي خلقني ولا مجيتيش هازة ومحملة بالمفاجعات لا حطيتي مكافشك فهاد الداار..
مروى :كتجري علياا لا؟؟
امجد :وانا قلت لي عندي ودابا دgي..
وجر تيلي معمش عينيه وقطع عليها خلاها عاكتشوف فلخر حطت تيلي فوق ديك الطبيلة صغييرة لي كتجر من الجنب وهي تشوف الكار وقف والناس كيهبطو ناضت دغيا وبدات غادا حتا تفكرات تيليفونها مع الضورة ضربت مع شي حد وجا وجهها فصدرو حيت كان طويلي عليها يالاه بغات ترجع لور بأن ليها مد ليها تيليفونها شداتو من عندو مع بغات تشكرو داز وخلاها عاكتشوف ولكن ريحتو بقات مغلغلة فنيفها وكتشوف كتفكر فلخر نفات داكشي من راسها وهبطات..كانو قدام واحد الريسطو لي كانت بسيطة وعادية مي كاالم وزوينة جات فالطبيعة. .مشات مروى جلسات فطبلة مقابلة مع الطبيعة وسااهية ونازل عليها الضيم حيت مولفة خواتاتها معمرين عليها..البنات كتجمعهم واحد العلاقة غريبة عمرهم مادارو شي حاجة مفرقين دايمن مجمعات فاي حااجة ولكن هاد العام تفرقو ودابا هي بوحدها
قدما كانت متشوقة للهاد الرحلة قد ما رجعات ندمات حيت لقات راسها غير بووحدها مكتعرف حد شدت تيلي كتشوف فتصاورها مع البنات حتا حست بشي حد واقف عليها هزت راسها وهي يبان ليها ااخر شخص توقعاتو .
مروى :نتاا ااا شكااديير هنااا.😨
●●فدار البارودي
جالس جلول فمكانو المفضل حدا حبيبو عطعوط ومعاه ميمون كيشوفو بشويية وجلول مرة مرة كيلاقيها مع ميمون دليل على انو كيفهمو وكيشرح ليه..
جلول :دابا فهمتي..؟؟
ميمون بلاهة:وااقيلة..دبا نتا باغي..
جلول سد ليه فمو :ششششش غتشوهناا..
باركين مجموعين عند الفطور كلشي كياكل في صمت الا ميمون لي كل مرة يوشوش فودن جلول فضحو.
مد يدو وجر يديها دارهم وسط كفوفو وقربها الفمو وبدا كيدفي فيهم :شكون كان كيدير لك هاد الحركة..
مروى حلت عينيها مصدومة وداكرتها كترجعها لأيام الطفولة ***** تلاتة البنات صغيورين كيلعبو فالتلج مع واحد الوليد اخر كبر منهم شوية وحدة فيهم حيدات ليgون وكتشوف فيدياتها لي ولاو حمريين بالبرد وكتحاول تسخنهم حتا وقف عليها داك الولد..
..... :ميرو مالك..
مروى :ياسين ايدي بردو عليا بزااف..
ياسين :انا ملي كيبردو ليا ايديا كتشدهم نانا هاكا(جرهم بين يديه)وكتقربهم لللفمها وكتنفخ فيهم (وبدا كيسخن فيديها وصط كفوفو بطريقة طفولية حتا رجعات ليهم شوية السخونة طلقات منو ولبسات ليgون تاعها وتلاحت عنقاتو وجراتو تاني يلعبو**...كانت حالة عينيها وكتشوف فالخوا وكتدكر هاد اللحظات حتا حسات بيد كتلوح قدامها عاد رجعات من شرودها وهزاات عينيها ببطي للدااك الشخص لي قدامها ممتيقاش بلي هو..
مروى بشفاه مرتاحفة :ي..ياااسين.
ياسين كيشوف فيها بابتسامة :هو هادا بلحمو وشحمو..
ناضت دغيا وتلاحت عليه عنقاتو وغوتات..
مروى :يااااااسييين تووحشتتااااك...
كانت عيون مترقبااهم بغضب وحيرة من قبيلة وهو حاضيهم..كان شاد ليها فيديها ودابا نايضة معنقاه كتغوت ااش من علاقة غتكون جامعاهم وشكون هادا gااع دوك الافكار طاحو فراسو ومعرف ااش يدير من غر يخلي داك القب على راسو ويكتفي بمراقبتهم.
●●عند البااروودي..
طالعة صفيفو كتمختر فالدروج حتا تلاقات مع ميمون لي عاشافها بدا يفرنس ويلبد فشعكاكتو..
صفاء :بغيت انسولك واش تا عينيك لي خارجين ولا تا لي راجع لور..
صفاء :تنتاحري،؟ لا درتها انا تجي معايا بعدا أما تي لاش..عاالي واجب هانتي غاتزوجي وواحد كتبغيه من الفوق..
ميمون :لا اسفيفتي ميخليش طناحري.
صفاء غوتت :وااا ششش. .
هنادي :المهم بلا متسناوني للغدا لاتعطلت حيت غنمشي مع امين قاليا بلي خالتي خديجة باغا شي حاجة..
صفاء :امييين 😏خاارجة مع الحيبان. .
هنادي ضحكة استهزاء :ايينا حيبان..كن عاخلا ديك المسافة بناتنا ولا هاد الحالة قدما خو قريب ليا قد ما بعييد..
صفاء :مفهمتش
هنادي :مديريش فراسك انا مشيت..
وهبطات بديك الابتسامة الواهية الكادبة على وجهها حتا خرجات من الدار وهي تمسح من فمها ودورات عينيها بنت ليها الطوموبيل تاع امين مشات طلعات حداه سلمات عليه وزااد..
عند رتيل وسيف لي طلعو للبيتهم واقف سيف لابس سروال كحل مع فيصط بنفس لون وتيشورت بيض ومقاد شعرو لور وااقف كيقاد فالمراية ورتيل واقفة حداه كتقاد ليه..
رتبل :ساايف نطلبك..
سيف :الله يسمعنا خبار الخير. .
رتيل :اييمتاا غتعطيني الطوموبيل. ..
سيف هز فيها راسو :اينا طوموبيل. .
رتيل :ياك قلتي ليا غدينا تعلمني..
سيف :حتاا نكون مسالي احبيبة دابا راني يالاه بديت للخدمة خاص شحال من حاجة نقادها. .
رتبل :أمم واخا بالاه ابب سير راك تعطلتي. .
سيف يالاه خاد بوسة الوداع وراكم عاارفين عاد الجوج باقين فاجوااهم الحميمية والفراشات كيطايرو حتا حلت مخربة الحضات الباب وبدات تحمحم..
صفاء مدايرة يدها على خصرها :اححم ااحمم صاافي باراكة gهمتونا..
رتيل :وتي شغلك سيري لخربتكم. .
صفاء :نسيبي العزيز راك معطل على خدمتك سيري سير..
سيف :مترحمي متخلي رحمة ربي تنزل..(بدا غادي)ااه تهلاي بيا فالمدام.
صفاء :مالنا غنهزو عليها لملحة راه تقربل قبيلة وتجيها قليلة..
رتيل كتسيفط ليه بوسات فالهوا وكتفقص فصفيفو :بااي بب خلي شي وحدين راه غيطرطقو. .ااحح يخليلي لي يخاف عليا..
صفاء بقات متبعة سيف تاهبط وهي تسد الباب دغيا ومشات جرت رتيل جلسو فوق الناموسية..
صفاء :عندي وااحد البلاان. .
رتيل :لا اختي عفا الله عما سلف..
صفاء :هااي هاي على ابن طليخة تبتي الأرض. .
رتيل هزت حاجبها :مالنا تاني..
صفاء :جلول قالك باغي يجيب سووكاينة من العروبية..
رتيل :ومن بعد..
صفاء :واتي راه دري كيتوفا مسكين..حنا غنعاونوه يجيبها حيت هي غضباانة وخوالها مكيعاملوهاش مزياان..
عند هنادي لي وصلات للمول كبيير لقات كوتر و خديجة كيتسناوها تما سلمات علهم و دخلو و امين دخل لماگدو لي تما
خديجة:مني نقربو نخرجو غنعيطو ليك
و مشاو.. هنادي انتابهات:خالتي نورة فين خليتوها
خديجة:مبغاتش تجي خليناها مع المربية
كوتر:هاديك راها واحد ضويسرة غير صبري.. غنوصلو فانلقاوها دارت شي موصيبة...يحسن عوانك
هنادي :لا ماشي مشكل غاتولفني مع الوقت
خديجة:اه راه غير حيت باقا ماتقبلاتش فكرة ان غتولي عندها ام
هنادي :علاش هي ماعمرها ماشافت ماماها؟؟
خديجة:لا ابنتي ماتت فاش يلاه ولدتها.. الله يرحمها واخا مكانتش قد المسؤولية بدارها و.... موهيم اجي ندخلو لهاد البوتيك
هنادي عرفات بلي كاينة شي قصة طويلة تما و مبغاتش تأنسيستي عليها تكمل و وعات بلي خديجو ماحاولاتش تتعمق فالموضوع.. و خلاتها على خاطرها و دخلات تابعاها
كوتر:هانتي اهنادي هاد البيجامة زوينة ياك
هنادي:لا لا قصيرة بزاف
كوتر و خديجة بداو يضحكو عليها
كوتر:وا راه راجلك المسطية.. خودي خودي شديها فيديك بينما لقيت شي وحدة بحالها فالحمر
هنادي:الحمر ماكيعجبنيش.. ناخدو كحل يطلع حسن
كوتر:لا راه الحمر كيجدب العين فهمتي؟؟؟ 😉😉
خديجة :تي كوني تحشمي خلي عروستنا تختار لي عجبها.. شوفي حنا مانبززو عليك والو خودي لي عجبك
هنادي :شوفو هادي زوينة و انيقة
كوتر:لا لا طويلة بزاف اجي معايا للجناح لاخر.. و جراتها من يديها غادية بيها و خديجة تابعاها
كوتر:هانتي ختاري لي عجبك من هدشي
كانو واحد الرفوف معلقين فيهم لي شوميز دونوي
هنادي تفكرات فاش كانت كتختار لكاميليا نهار عرسها هدشي و ختارت حتا لرتيل و مني جات نوبتها تلفات ماعرفات ماتاخد.. هي عارفة انها ماغاتحتاجش حتا حاجة من هدشي.. غير باش تدير الخاطر لخديجة و كوتر لي لاحظو سكوتها
خديجة:حشمتي الدرية اكوتر
هنادي ضحكات:لا غير تفكرت شي مواقف وقعو ليا هنا
كوتر:حتا نمشيو للدار و تعوديهم ليا 😊
هنادي :كوني هانية.. دبا اجي ختاري معايا شي حاجة من هدشي
كوتر:ماطلبتي غير الموجود.. بداو كيهزو و يحطو و خديجة غير متبعاهم فرايهم عارفاهم باقات صغار و باقين باغين گااع هدشي
"" "" "" "" "" "" "" "" "فالمخيم
مروة:اش كتعاود.. فين غبرتي هاد الاعوام
ياسين :كيفما كتعرفي انا واليديا مفارقين عشت غير مع جداتي و من بعد جاتني دوموند من الوليدة باش نمشي عندها لفرنسا و قبلت و جيت شي عاماين من دبا حيت جداتي ماتت الله يرحمها و قررت ندوز باك فالمغرب و فعلا هدشي لي درت و تقبلت فهاد الجامعة
مروة:مزيان بعدا شبعتي دوران هاد السنوات
ياسين بلا مبالاة:ماشي اي واحد سافر برا يعني راه كان كيضور راه بقيت بارك غير فالدار كنقرا كنحاول نتكيف مع السيستام ديال القراية ديالهم
مروة:اه بصح صعيبة شوية
ياسين:جيت حاولت نقلب عليكم و لكن نسيت العنوان ديال داركوم
مروة:شفتي الصدفة هاحنا تلاقينا
ياسين:تعقلي فاش مشينا لإفران و توضرنا انا وياك
مروة:كان معانا حتا جلول و رتيل
ياسين :احم اه..
مروة سهات كتضحك :اياام عمرها غتعاود
ياسين :علاش لا؟؟ نعاودوها انا وياك بوحدنا هنا بالمخيم
داك لي مراقبهم من بعيد و كيسمع هضرتهوم بالحرف ناض عندهوم و باقي داير يدو فجيبو
..... :سلام
مروة حلات فمها:اش كتدير نتا هنا عوتاني
...... :بحالي بحالكوم
"" "" "" "" "" "" ""فالمول
هنادي لي كانت بغات غير وحدة باش تسكتهوم و لكن كوتر بقات كتجر فيها و تزيدها تاخد ليها گااع الانواع و الاشكال
خديجة:ياله و نتوما وحلتو تما
هنادي عيات ماتجر فكوتر و واالو بقات لاصقة حتا هزات 3 فيدها و جات كتنگر
كوتر:ماما زربتينا
خديجة:اويلي نص ساعة و نتوما كتقلبو غي فالمسخ ايمتا غنكملو الشي لاخر
هنادي :اش باقي؟؟؟
خديجة :هاء... القفاطن و النگافات و..
هنادي قاطعاتها :ياك غنديرو غي حفلة خفيفة
خديجة:ايه و لكن ضروري من التحضيرات
هنادي:من الاحسن بلاش... ناخدو القفاطن و نشوفو مع التريتور و بالنسبة للماكياج غير صفاء تقادو ليا كتصرعو
خديجة بعد تفكير:ايوا لي بغيتي ابنتي... و لكن دوزي بعدا ناخدو بيجامات خراين و حوايج ديال الخروج و جلالب و شرابل
كوتر خصرات سيفتها:هااويلي على جلالب و شرابل
خديجة :و ممالك
كوتر:وا ماما دكشي راه قداام دبا ماكين غير المسخ المسخ هو لي مقصود فالعراسات.. استعقلي معايا
خديجة:اييه يا بنات ليوم.. ياله زيدو نخرجو من هنا
كوتر:عيطي على امين بعدا
فعلا عيطات عليه لقاتو كيتسناهم فالباب و هاز فيدو 3 ماك فلوري ليهم
كوتر دغيا خداتهم من عندو:اح جا فوقتو 😋
عطا هنادي ديالها هي و خديجة و خدا من يديها الساشيات ديال الحوايج مشات خديجة و كوتر طلعو للوطو و بقات هي واقفة حداه كتدخل معاه دكشي للوطو.. حطهوم فالكوفر و هوما يتحلو و بانو لي شوميز دونوي فالألواان محطوطين.. شاف فيها كيحاول يفهم و هي من قوة الحشمة بدات كتدير ليه غير اشارات بصبعها لخديجة و كوتر (زعما هوما لي خداوهم ماشي انا) ترسمات ابتسامة جانبية على وجهو سد الكوفر و دخل للوطو و طلعات هي اللور حدا كوتر لي شافتها حمرة
كوتر:مالك عوتاني؟؟
هنادي:حتال من بعد
كوتر بشوية:لا قولي دبا
هنادي بهمس:شاف دكشي لي اللور
كوتر:صافي ليوم شافهوم محطوطين المرة الجاية يشوفك نتي لي لابساهم
هنادي:مال مخك فيه غير السفالة 😳
كوتر:هاي هاي زعما كتحشمي
هنادي بغات تهضر و لكن هزات راسها و تلاقات عينيه بعينيها فالمراية و حطات يديها على عينيها و ضورات راسها كتفادا نظراتو لي عرفات انه عرفها حشمات من دك الموقف و كملات ماكلتها فصمت
امين:فين تمشيو دبا؟؟
نقزات هنادي:للداار
خديجة:اويلي ابنتي باااقي قدامنا شلااا مايدار
هنادي:الله يا خالتي صافي عيينا
كوتر:انا باقا ماعييتش دوي على راسك
خديجة:غير ياله باش ترتاحي من بعد و يبقا ليك الوق توجدي دكشي لي خاصك
هنادي زفرات:واخا لي بغيتو
صفاء لابسة جاكيت ديال الجلد كحلة و نص فشعرها ضافراه اما رتيل فلابسة كومبينيزو مشروك مطرطق عليها فالاسود كذلك باينة عليهم مشاركين فعملية اختطاف.. الا الحاج و رباعتو.. امجد لابس جلابة و طربوش حقا ما حقا معروض للعرس و جلول و ميمون لابسين الليموني و دايرين ماسك ديال انونيموز ديال 10 دراهم و دايرين فيها صعاصع و ميمون خارجة ليه شعكاكتو من اللور.. واقفين قدام واحد الشركة كيشوفو فيها كاملة بالزاج او مرايات لي كيعكسو وجاههم و ناطحين السحاب وجلول وميمون حالين فامهم..
صفاء :هادي راه ماشي سلوكية راها دوبيرمان...شور اسي أمجد
أمجد تحت سنانو :عبد المجييد..
بقاو يتناgرو كيف ديما ومشاو ضبرو على كرطونات فرشوهم و جلسو قدام الباب كيتغربااو..
#######
عند هنادي لي دخلو لواحد القيسارية كبيرة ديال الاتواب و القفاطن و الحرير
كوتر مربعة يديها و كتشوف:داك امين مالو ماهبطش معانا
خديجة كتلمس فواحد التوب:قاليك شغل العيالات هادا منكوم ليه
كوتر:ياك غير مرتو
هنادي:خليه على راحتو واش نجيبوه بزز
خديجة:عندك الحق.. اجي شوفي هدا يصلاح لشي قفيطين سامبل يتلبس فالدار ولا مع الضيافة الخفيفة
هنادي:اه و لكن نختاروه فالسومو غيكون حسن
خديجة:ياله اجيو ندخلو
########
عند رتيل لي دخلت كتضور فراسها مشات نيشان للسانسور لي كان خاوي ودارت الطابق قبل اللخر غير قدراتها و لي ليها ليها و و وبركت الدور بحالة فقيصارية رجعت تاني هبطت للطاقة آخر وبقات هاكا كتقلب وتضور حتا وصلات للخر خرجات كتقلب حتا بانت ليها السكريتيرة قاصداها ئافت وراها ملقات حتا واحد يعني موجهة ليها
السكريتيرة :كييفااش تطلعتي للهنا؟؟
رتيل :طلعوني رجليا😕
السكريتيرة :سمحيليا هنا خاص غير بالمسؤولين.
رتيل :واعرفت انا كنقلب سيف
السكريتيرة هزات حاجبها : وشكون نتي لي كتسولي وعلاش جايا
رتيل :جايا ندير الميناج. .شغلك دابا غتوريني ولا لا
عرفات انها غتبقا غير مني منك مع هاد القردة وهي تدير شغل يديها..خنزرت فيها وبدات غادا كتشوف فاللافتات لي على البيبان تاعرفاتو وهي تحل الباب ولاخرا تابعاها
رتبل :سااااااايييف..
سيف هز راسو مدهوش معرف راسو باش تبلا مسح على عينيه وكيرمش واش رتيل لي قدامو ولا عاكيحلم. .
رتيل :ماال...
السكريتيرة دخلات :احمم موسيو سيف سمحلياا على هاد الديرونجمو
سيف:لا ماشي مشكل يمكن ليك تخرجي
السكريتيرة:سمعتيه اش قال يمكن ليك تخرجي
سيف:لا معاك نتي
رتيل ضارت عندخا بالعرض البطيئ و بملامح حابسة الضحكة : و جيبي معاك جوج كيسان ديال زعزع
السكرتيرة:راه شركة هادي ماشي ريسطو امدام الاسماعيلي
سيف:يمكن ليك تجيبيه من الكافي لي برا؟؟
السكرتيرة طلعات النفس:واخا اموسيو
رتيل مربعة يديها:صافي صافي مبقيتش باغا
و خرجات و سدات الباب موراها و خلاهم بوحدهم
#####
عند المگاليب ديالنا
امجد:ا غلبتكوم
صفاء:تا اش هدشي شتك باغي تسوسنا
امجد :الاا مامعاناش ربحتكوم ياك اميمون
ميمون مافاهم والو:اه اه امجد هو لي غلب.. ااا... عبد المجيد
امجد:يرضي علك
صفاء:وا راه اصلا هدشي كامل تخربيق اويلي واش يمكن نلعبو حجرة ورقة مقص بتلاتة امبوووسيييبل
امجد:وا يمكن يمكن
جلول:الحاج عندو الصح نتي اش كتعرفي
صفاء :ويلي تلاقيت مع الخراجات.. لاعبين الافيشات بتلاتة و هو داير ورقة وانا دايرة نقص و جلول داير حجرة يعني جلول لي ربح تابعاه انا عاد نتا
ميمون:اه بصح جلول صاحبي هو الرابح
جلول ضور عينيه مع ابتسامة غبية و فرحااان
#######
بركات رتيل فالكرسي لي مقابل مع سيف و كتشوف فيه كيخدم فلبيسي ديالو و مركز مع الخدمة
سيف :حيت عارفك تي وديك الجنية لا تلاقيتو مكدوزوش النهار على خير.
رتيل ابتسام صفرة :هههه لا متخاافش يالاه بااي
قربات منو و عطاتو بوسة فحنكو و مشات كتدير ليه باي باي و هو كيشوف فيها بتشكيك و رجع كمل خدمتو
هبطات كتشوف فديك السيكريتيرة باستفزاز.. طلعات فالسانسور و هي واقفة حدا واحد الراجل شارف مني طلع و هو كيدفل فواحد الشرويطة و هي عايفة كتسنا غير ايمتا توصل لوجهتها
و سلمات عليه بلابيز و مروة كتطلع و تنزل فيها.. وائل شاف نظراتها و كنل مع رهام
وائل:كيدايرة؟؟
رهام:صافا و نتا.. باين ليا غيدوز وااعر هاد المخيم
مروة:باينة من اول نهار الله يدوز هاج الفاكونص على خير
رهام:ماسمعتكش؟ ؟
وائل:غير خليها يمكن ديرونجيناها حيت كانت گالسة مع.. الرفييق او معرفتش اش بيناتهوم
رهام:اوكي اجي ننوضو نبعدو منهوم
و جراتو من يدو قدام عينين مروة لي متبعاهم بالعين و كتشوف فيهم بعصبية مكرهاتش تلاح على ديك رهام
ياسين:و رهام فين كتعرفيها حتاهي؟؟
مروة بلا مبالاة:باها صديق العائلة و كان دار افلاس و عاونو الحاج امجد و هي نكارة الخير خارجة ليا فعودي غننتفها
ياسين:كالما كالما راه مافجهدها ماتدير و نتي لاش معصبة راسك معاها مادارت ليك والو
مروة:تا شوف اش كتدير مع وائا و كتقول ليا مكتدير والو
ياسين تكا على الكرسي:امم القضية فيها الغيرة؟؟
مروة بضخكة صفرة:لا لا اشمن غيرة تانتا غي عصباتني و صافي
ياسين كيشوف فيها بتشكيك :فطري بعدا عاد هضري راه قربنا من لوبيرج لي غنبركو فيه
مروة دفعات فطورها و جبدات كانيت كوكا من الساك و بركات تشرب و هي حاضياهم
ياسين:منيتك كوكا على الصباح
مروة:ماكيهمش غير خليني
📣📣نداء الى اعضاء المجموعة المرجو الاجتماع قرب الحافلة للإنطلاق نحو وجهتنا
ناضت مروة ركبات الكاسك ديالها و غاديا بمحاداة ياسين لي كيشوفها كيفاش معصبة و فهم الوضع خلاها على خاطرها.. طلعو للحافلة كل واحد شد بلاصتو لي جا فيها و لقات رهام گالسة فبلاصتها حدا وائل دازت من حداها هزات صاكها و مشات گلسات فبلاصة رهام حتا وقفات عليها
رهام:احم احم هادي بلاصتي
مروة شافت فيها باستحقار:ياكما مكتوب فيها اسميتك
رهام قلبات عينيها:بحال هاكاك
مروة :اااه بصااح.. مي مبانتليش هنا pute مكتوبة
رهام:اكيد حيت سميتي رهام
مروة ضورات عينيها حيت عرفاتها مفهماتش اش كتعني pute عذراتها و هزات صاكها:ميشرفنيش نگلس فبلاصة وحدة بحالك
و ناضت خلات رهام كتفقص و كتشوف لي حداها كتضحك
رهام :مالنا؟؟
البنت:مسمعتيهاش شنو قالت
رهام:pute و شنو هادي
البنت:العيلقة و الشيكي و ماعارفاش هادي.. من الاحسن بلا متعرفيها
رهام شافت بلا مبالاة جبدات گوگل طرونزلايت و كتباتها و حطات يديها على فمها و غوتات حتا سمعها كلشي :الباااارووديي غندمك
مروة ضحكات و هزات التيلي كتصور فيها كتغوت و كتفقص
وائل:مالك درتي ليها هاكا؟؟
مروة:ضرباتك النفس عليها؟؟
وائل:يمكن هاد العطلة عاداوك خواتاتك بهبالهوم
مروة:ماكيهمكش غير خليني علييك
وائل:تقاداو ليك معامن تصاحبي بقا ليك غير بحال دك النوع
مروة ضارت عندو بالعرض البطيئ و قطعات الفيديو :بحالا قلتي شي حاجة؟؟
وائل:اه
مروة:غندير راسي مسمعتكش و لكن كنحذرك انك تعاود هاد الهضرة
وائل كيشوف ليها بنظرات فقصوها:امم هاهي اليام جاية و غنشوفو
مروة ضارت و زاجت الصوت فالكاسك باش متسمعوش و هي راها كتفكر فأشنو لتشوف متلا فهاد الايام الجاية
######
فالشركة
هبطات رتيل لايطاج اللخر ضورات عينيها فالارجاء حيت الطوموبيلات مستفين.. بانت ليها ديال سيف و جاية بنطرات شريرة كتضور الساروة فيديها.. طلعات للوطو.. هزات راسها بان ليها واحد الراجل كيطل عليها من ورا الزاج.. خلعها فاللول و لكن مبيناتش.. هبطات شوية من الزاج
... :شكون نتي الالة؟؟
رتيل:وا انا لي خصني نسولك
.. :انا لعساس ديال هاج الباركينغ
رتيل:متشرفين و من بعد
العساس:خرجي من اللوطو
رتيل:شناوا و علاش بالسلامة؟؟.
العساس:ماشي ديالك.. ديال سي سيف
رتيل:وا راه انا مرااات سيف
ديمارات اللوطو و مشات و خلاتو بلا متزيد معاه كلمة
خرجات لقاتهم واقفين كيتسناوها.. طلع جلول و ميمون اللور و امجد و صفاء بقاو يضاربو شكون يجي القدام.. قفلات عليهم رتيل الباب اوتوماتيك و ومات ليهم براسها يطلعو اللور
مشا امجد بالزربة حل الباب اللوراني و دفع ميمون و گلس الوسط و صفاء تعجنات مع الباب
بداو الطريق ديالهم حتا نقز امجد للقدام مع هو مسلوت دغيا تمخشش و تلاح حداها
رتيل خبطات الفولون:واا دير عقلك الحااج
امجد:وا نديير السمطة.. العقل اش بغيت بيه
صفاء :و سد بيها حتا على فمك سكتنا شوية
جلول:ميموون بعد مني زاحمتيني و انا خصني نوصل زويين باش تطيح فيا
رتيل:وا تطيح فبير مايلقاو مايجمعو فيك
ميمون ملا صق مع جلول و المساحة لي بينو و بين صفاء كبييرة :صفيفييتي.. الزحام تشديني قدامك
صفاء :شد شبر التيساع و بعدو مني انا معاكم بالله و بالشرع.. الحااج مخليني مع الرجال اللور و نتا بركتي القدام ماحشمتيش
امجد:ابحال خوتك غير صبري... خدمي لينا نتي هايت الراضي
رتيل:شناوا هدا؟؟
امجد:ديك الاداعة ديال الموصيقى
صفاء:ايت غاديو سميتها
امجد:ايه هاديك هاديك خدميها
خدماتها ليه و برك يشطح معاها
رتيل:دبا فين غنمشيو
صفاء:سولي جلول
جلول خبط راسو:ناري معقلتش في جا دوارهم
صفاء:اويلي على ماعاقلش و لاش جايبنا؟؟
جلول:وا بلاتي نتفكر
رتيل وقفات اللوطو و ضارت عندو:غاتفكر داابااا ولا نمشي نرد الزمر لمولاها
جلول:الحااج..داك الدوار لي دااتني ليه مي باش نتفوسخ اش سميتو
امجد:اييه داك الدوار لي فيه السادات... دوار سيدي الفراقشي
رتيل ديمارات و كملو الطريق و امجد كيشطح و ميمون غا كيضهسس و داك الماسك خنقو
ميمون:جلول... نحيد هاد الكمّامة؟؟
جلول:سميتو ماسك.. حيدو ولكن نوصلو رجعو.. باش ميعرفونا (بدا يدير حركات قتالية) دكشي ديال لاكازا ديال بابيل
ميمون مافاهم والو حيدو و نعس
صفاء تكات على الزاج:الرتيلة حلي الشرجم راه غنتخنقو
رتيل حلاتهوم كاملين حتا قفز ميمون لي كان ناعس
جلول:تا فعار الله
ميمون عينيه مقلوبين و كيفرنس:هدشي زيين.. فكرني فالكابوس ديال العجاج لي كتديرو صفيفو لشعرها
صفاء بلا مبالاة:سوشوار
امجد:ااي بووسي اي گو.. طاكي طاكي روومبااا
رتيل:تا فعار الله
صفاء:رتيل كسييرييي
رتيل شافت الطريق خاوية و هس تورك ماجات غير فواحد الدودان عاالي تهزات اللوطو و تحطات
ميمون:ميمتي مصاارني كنت غنتقياهم
صفاء:بقا بعيد عليا بعداااا
رتيل نقصات فالسرعة و غاديين طرونكييل
####عند سيف..
شاف شحال فالساعة لقا بلي هدا هو الوقت ديال الخروج حيت كيخدم غير نص نهار سد البيسي وناض لبس الفيست تاعو وهز تيليفونو دور راسو كيقلب على الكونطاكط مالقاهش قال مع راسو يمكن يكون فحيبو حتا يهبط و يجبدو..خرج وهبط للتحت لباركينغ بدا كيقلب فجيوبو ملقاهمش
مبغاش يتيق الافكار لي كيجيوه فراسو :بففف فين نسييتهم. .
جا عندو العساس :سلام سي سيف
سيف :ااه با عبد الله لاباس عليك..
العساس :الحمد الله اولدي قوليا مالك تالف و كتقلب..
سيف :الطوموبيل مكيناش. .
العساس : واحد البنت قاتليا بلي مرتك وانا فخباري بلي يالاه تزوجتي و خليتها تاخدها
سيف غمض عينيه كأنه مباغيش يتيق الشك لي تأكد قدامو :بفف اه غير نسيت. ..يالاه نخليك..
العساس :الله يوفقك..
مشا سيف شد طاكسي يوصلو لاباغطومون تاعهم وراسو غيبقا كيزدح علاش زعما تكون جات على ود لوطو و علاش بغاتها. . وصل بدا كيقلب عليها
مشا جلس فالصالة حتا تفكر يمكن تكون باقا فدارهم كيف خلاها جبد تيليفونو دور نمرة بوشعيب مكيجاوبش وهو يعيط لمحمد دغيا جاوبو
سيف :ألو عمي محمد
محمد :سلام اولدي لاباس عليك
سيف :الحمد الله بغيت نسولك. .
محمد :مرحبا
سيف : رتيل عندكم فالدار؟؟
محمد :لاا ماكايناش ياك مكاين باس
سيف ناض شاد على راسو :شيييييت فيييين غاتكوون مشات هاادي تااني..
محمد :اولدي تاحنا راه ملقيناش صفاء وميمون وجلول واالواليد
سيف :صافي هانا جاي دبا
قطع محمد أما سيف بقا عاكيضور تم وكيفكر فين مشاو ومعاهم أمجد يعني شي حاجة كاينة تم هبط دغيا شد طاكسي تاني لعند البارودي
#######
عند هادوك لي ماكيتسمتوش
وصلو للدوار وقفو اللوطو
جلول:مغانعمروش الكوابس؟؟
رتيل:تا علاش داوي؟؟
جلول:باش غنخطفوها ؟؟
امجد هز جلابتو جبد منها مقلة ديال البغرير و مدلك من قبو.. صفاء جبدات الهراوة لي تحت الكوسان :ها سلاحي
جلول:اهيا راهيا دارهوم
امجد:تا مالهم دايرين وتاق؟؟
جلول دمعو عينيه:زعما تكون ماتت
ميمون فاق:اشكون مات
امجد:سكتو سكتو واش كاين شي موت فيها الشعبي
صفاء:تزوجات المسخوطة
جلول:لاااا ميمكنش (و بدأ يبكي و ميمون ياله فايق كيعنق فيه)
صفاء معنقة جلول :صاافي اصحبي ترجل معانا..
جلول :وااهيا خيتي صفاء سكااينة مشاات واااااع شندير بلا بيها...
أمجد متاتر :شحاال كيبقا فيا هاد الطفل معندوو زهر
صفاء :بففف ضربين كعطة باش نلقاوها غتزوج والهما بلان
رتيل :لا لا مغنرجعوش بيدينا خاوين
صفاء :ضروري يالاه اجلول..
جلول :ولاكانت كتبغيه..انا صافي غنرجع
صفاء :لا اجلول حنا غنبقاو ومغنرجعو تتكون معانا..
جلول :وكيغنديرو. .
أمجد جبد المدلك :بحاال سلمان خان..
رتيل :وياللااه..
و سدو البنات جاكيطاتهم و الدراري دارو الماسك و امجد غادي داير يجو ورا ضهرو مامسوقش.. مشا دخل للوتاق و جلول و ميمون دخلو لبيت الخزين ناويين على خزيت و صفاء و رتيل كيقلبي فالبيوتة عليها
فالمخيم:
وصلو لوبيرج خرج كل واحد كيستكشف و كل واحد فيدو ساروت فيه رقم الغرفة ديالو.. هزو كل واحد صاكو و طالعين و لي خدامين تما كيرحبو بيهم
طلعات مروة للغرفة ديالها.. كانت كبيرة بصباغة زيتية و ارضية خشبية.. 2 ناموسيات صغار بالكوافوزات ديالهم و بلاكار عريض من الخشب الاسود.. فالجنب كاين فوتوي فالأبيض عاطي رونق سامبل.. فالجانب الآخر كاين شوميني فوق منو لوحات مرسومة .. حطات صاكها فالبلاكار و الصاك ادو لاحتو فوق الناموسية... و كتطل من الاطلالة الزجاجية لي وراها بالكو.. منظر الجبال الخضراء و الاشجار واخا الصيف و لكن الخضورة طاغية على المكان.. حتا تحل عليها الباب
مروة ضارت:اش داخلة نتي تديري هنا
رهام:واقيلة كاينة 2 ناموسيات غتنعسي فيهم بجوج
مروة:لااا مستحييل تكوني نتي لي غتبقاي معايا
رهام حلات الجانب التاني من البلاكار و حطات صاكها:كييبااان ليا هاد العطلة غتكون مفشكلة معااااك... موهيم انا غندخل ندوش
مروة زفرات:يخخخخ ندمت علاش جيت
حتا سمعات التيلي كيصوني هزاتو بنفرة :الوو.
كامي:الووو وصلتي؟؟
مروة:اه (تلاحت فوق الناموسية)
كامي:مالك معصبة؟؟
مروة:لهلا يوريك
كامي :هانتي انا دبا كنتغدا مع فهد.. مني نوصل للدار نعيط ليك و عاودي ليا كلشي
مروة:اه حتا انا غنهبط نحنجر و ننعس و من بعد نعيط ليك راني عيانة
كامي :صافي باي
هبطات مروة للريسطو لي لتحت لقاتهم مجموعين كيغنيو ناشطين خدات غداها و بركات بعيد عليهم حتا وقف عليها ياسين
#######
عند العصابة ديالنا
رتيل و صفاء كيقلبو فالصالونات ديال العيالات و يضورو حدا الطيابات و ملقاوش ليها الاتر حتا شافتهم واحد المرا.
المرا:سلام ابنيتي اش موضر ليكم
رتيل:واالوو غير كنضورو عجباتنا الدويرة
المرا:سمحيلي ابنيتي نسولك.. معرفتكومش؟؟
صفاء:حنا من هل العرييس
المرا:انا مو و معرفتكومش
رتيل:من هل العريسة.. (بدات تعوج فالهضرة) جينا من لافخونص و ختي مكتعرفشي تصقم الهضرة بالدارجة ديالكوم
المرا:مكاين باس.. مرحباا بيكم
صفاء جرات رتيل:ترحب بك الجنة
و مشاو و خلاوها حتا فجأة تقطع الضو فالبيوتة حيت معندهومش الشراجم ولاو ضلمة
صفاء:مايكون غي داك المصفوگ تاع جلول لي خربق شي سلك
رتيل:ياله نستغلو الفرصة و نقلبو عليها.. غاديين قالمرح لي معندوش السقف حتا بان ليهم جلول خارج كيجري و تابعو ميمون لي مدعوق بالماسك
جلول:ياله نقلبو عليها ما حد الضواو طفيناهم
صفاء:سير دخل للقبة لي تم
مشا دخل كيجري و رتيل و صفاء دخلو لواحد البيت معزول بوحدو و كيتسمع صوت بنت كتبكي
###
عند امجد لي دخل فالوتاق عند الرجال و داخل بالنخوة و گلس وسط واحد الجماعة و هاز خنافرو للسما
راجل:اشرييف.. نتا من هل العريس ولا العروس
امجد بضحكة متعجرفة:اانااا هو بات العرووس
الراجل :لاتمازحشااي معانا اسي الحاج راهو باها
امجد بتخنزيرة:هاداك عمهاا اسيدي
الراجل:ماايمكنش نهار خطبناها هدشي لي قالنا
امجد:كداااب...سلييماااان..اجي اليهوودي
سليمان جاي بشوية عليه:كاين مانقضيو
امجد كيهضر بحال حمادي:اجي يا الكديديب يا الشلااهبي..سوكاينااة بنتك؟؟
سليمان مبغاش يتفرش قدام نسابو:اش هاد الهضرة اسيدي شكون نتاا.
امجد:انا بوهااا
سليمان:بوها مااات الله يرحمو راه تفرتت فقبرو
الراجل :و لكن نتا قلتي لينا راك بوها
سليمان كيضور فعينيه:غلطت
الراجل :هدشي ماكيغلطوشاي فيه الناس
سليمان:اسمح لينا اسيدي
الراجل:بدينا بالكدوب
امجد تسل من حداهم خلاهم مضاربين و مشا يقلب على فرقتو
جلول جاي كيجري خارج هاز شي حاجة
جلول:هاااهي واا لقيتها لقيتها
امجد:وا هاداك راه الفقيييه
جلول حطو:هاااو... مشتوش مع الضلمة
الفقيه قصير و رقييق و ملوي فواحد الجلابة كبيرة عليه كيبان بحال سنفور
وكلات أمرها لله وناضت معاه.. وقفو قدام واحد السفرة طويلة فيها الحوت بأنواعو و المشروبات كذلك وجالسين عليها اكتر الطلبة لي جايين مجمعين كيضحكو و كيغنيو ولكن دغيا سكتوا ملي شافو ياسين ومروة. وائل كان جالس معليه مابيه غير شافهم سكتوا وعينيهم مستقرين فنقطة وحدة تاهو ضار حتا كيتصدم بدوك الزوج وعينيه تفيكساو غير فيديهم المشابكين. .
......... :اوووووه على سي ياسين.😉
ياسين خبطو بدعابة :جمع عينيك اصحبي.
بنت:مغتعرفناش. .
ياسين دار يدو على كتف مروى :مروى البارودي بيست فراند كنعرفها قدييم
......... :اول مرة كديرها مقادة فحياتك. .جايب لينا التيييتيز
ياسين خنزر فيه :صاافي جمع راسك اصحبي. .
وايل غير سمع بيست فراند وهو يبتسم باستهزاء وكيفكر حتا رجع من شرودو ملي تجر الكورسي لي حداه طلع عينو كانت مروة واقفة وياسين جر ليها الكورسي جلسات وهي مبتسمة لياسين هاد الأخير لي خربق ليها شعرها وجلس حداها من الجهة لاخرا رهام هبطات كتضحك و شعرها خلاتو مطلوق فازگ بغات تجدب ليها الانظار زعما
.... :شفتي ارهام يالاااه هابطة ياسين بدلك
رهام رغات تبرد على راسها:اش بيني و بينو حتا يبدلني
.... :اممم غير بلا متبقاي تنفي عارفين دكشي لي فبالك
رهام:تخربيق..و مكيهمنيش مروة بيان جوي
بنت:غير سكتي على البنت راه كلاشاتك فالكار بلا متحاولي تباني قدامنا
مروة:غير خليوها كتبغي تدير فيها كاينة على ضهري هاهي السام قدامنا و غتوريك كلشي
وائل شاف فيها بابتسامة جانبية حيت عاودات نفس الهضرة لي قالها ليها
.بداو ياكلو فجو مرح والضحك إلا رهام لي بانت ليها مروة خدات ليها بلاصتها بين اصدقائها حيت انساجمات معاهم.. و وائل لي عاقدهم ومرة مرة كيشوف فمروة بنص عين لي ممدايهاش فيه غير مع ياسين وكتعرف على الطلبة لاخرين وهو يميل حدا ودنها
وائل بهمس :بوون كونتينياسيون..
مروة ضورات عندو وجهها بعدم فهم :علاش؟؟
وائل دار ليها حركة بعينو لياسين و ضور وجهو ومروى بقات عكتشوف فيه مافاهمة والو ولكن تناسات الأمر وضارت كتكمل فماكلتها وكتهضر مع لاخرين.
مروة :اححم نخليكم دابا..
ياسين :علاش جلسي معانا مزال
وائل:صافي قالت ليكم بغات تطلع مالكم كتأنسيستيو
بداو يتغامزو بيناتهم حيت علامات التضايق واضحين على وائل
عتادرات منهم وناضت طلعات للبيتها تلاحت فوق الناموسية عيانة و نعسات
☆☆☆☆☆☆
فجريدة كاالم جالسة كاميليا وحاطة ضهرها على شجرة وفهد متكي وحاط راسو على فخضها كتلعب ليه بشعرو وكتاكل فالگلاس
كامي :عرفتي باش حلمت البارح
فهد :عاودي ليا..
هزات معلقة خشاتها ففمها وبدات كدوي وعينيها كيبريو :حلمت بلي كنا فجريدة تاع واحد الدار وانا جالسة فواحد الارجوحة وقدامي بنيتة عندها شي تلت سنين هاكاك..كان لون شعرها بحاالك وعويناتها غيير ديالك ياك شوية وهي تبدا تضحك مني شافت شي حد وكنتي نتا لي جاي عنقتينا وعيطتي ليها باسم بسمة'
فهد ناض جلس :اممم زعما تكوني حاملة ببنت
كامي بفرحة :يمكن عرفتي تكون عندنا بنيتة و نسميوها بهاد السمية.. .نتا باغي تكون عندنا بنت؟؟
فهد :لي جابها الله غير تكوني نتي بخير وحتى لبيبي.
كامي :متشوقة بزااف ايمتا نهزو بين يدي..
فهد:قريب انشاء الله باقي غير 5 شهر
كامي:اه 😍
فهد مد ليها يدو:ياله نمشيو راه تحرك البرد
كامي شدات فيه و ناضت و مشاو للدار لي غير وصلو ليها لقاوها مقربلة بالصداع و الروينة و شي يشرق شي يغرب
########
فدوار سيدي الفراقشي
صفاء خشات الهراوا فضهرها دفاعا عن النفس الا وقعات شي حاجة و خرجات تسلت لاصقة مع الحيط.. بانو ليها مجمعين على الفقيه و الطيابة كتشمشم ليه فنص بصلة
اب العريس:اشكون ضربك اسي الفقيه
الفقيه كيهتهت:ماشتوش...كنت بارك تا جا واحد الدري هزني فالضلمة حطني قدام واحد الراجل باينة متافق معاهم كنت داوي معاه حتا جاتني واحد الدقة دوختني
[فهاد اللحظات دايزين جلول و سكينة و ميمون و رتيل و امجد لاصقين مع الحيط كيتسلتو موراهم و صفاء نقابلة معاهم كتسناهم يمشيو باش حتاهي تسلت بلا متهضر شي واحد]
مرا :بانو ليا بنات غريبات على الدوار كانو كيقلبو فالبيوتة
سليمان :جا واحد الراجل قبيلة قالينا هو باات سكينة
الفقيه:اويلي نكرك؟ ؟
اب العريس:اشمن باها راه غير عمها. الشلاهبي لاخر الطفلة راه يتيمة
الفقيه:وا نوضو قلبو عليهم معرت اش ناويين يديرو
المرا:راااهياا وحدة منهووم
صفاء شافت وراها لقاتهم نييت كيشيرو عليها.. خرجات الهراوا من ضهرها وومات لأمجد باش يهرب هو و رباعتو..رتيل مبغاتش تمشي و تخليها و لكن جرها جلول و مشاو
صفاء كتشالي بالهراوا :اشوفو رااني فاايتة فالحباسات والللااااه و يقرب مني شي واحد تانشلضو بحال ديك البصلة لي فيديك اخالتي الطيابة
تراجعو اللور خايفين من رد فعلها.. الفقيه:واش خفتو منها.. وا سليمان تا سير حيد ليها الزرواطة
صفاء:راانيي دويت... يتحرك شي واحد يندم
سليمان:وا الحااج تا راه تفوت فيا شي دقة
صفاء :نتا اكبة الشيب ماحشمتيش مزوج الدرية بلا شوارها و باغي تغصبها فشبابها
سليمان:ماشي سوووقك
صفاء:وا راه هرباااات وا دوزو العرس بشي عروس غيرها
اب العريس:تي اش سايرا تقولي
صفاء:كيف كاتسمعو
حتا حسات بشي واحد شدها من اللور مامخليهاش تتحرك
شكون هدا لي شدها و كيفاش غتفك منو؟؟ و الدار اش غتكون ردة فعلهوم ؟؟
السلالة المجنونة الجزء 14
محتوى القصة
التنقل بين الأجزاء