السلالة المجنونة الجزء 16

الشمييسة غرباات والبرد بداا كيتحرك فالمخيم كان كل واحد مشغول بحاجة كاين لي ناعس كاين لي كياكل وكاينين لي مجمعين وياسين بارك كيقلب على مروة حتا بانت ليه رهام مشا عندها..

يتسين :رهاام..

رهام :اووه يااسين شكاادير هنا..

ياسين :مباانتش لييك مروة..

رهام هزت حاجبها :كييفاش معرفهااش فين كااينة وهي يور الgيرل فريند أمم اصلا هي متستااهلكش سيير دابا تلقاها مع شي جمااعة..

ياسين زفر :بففف رهاام بلا متندميني حيت سولتك وفوتي علك مروى..

رهام ميقت فيه :بففف واخا..مروة مروة مالها شكون هادي عاتهتهتو بها يخخخ سااحرة ليكم..

ياسين مداهاش فيها ومشا وهي ناضت كتقلب على وائل وملي ملقاتوش بداو شي افكاار كيتباادرو للدهن تاعها..

رهام :فيين مشا هاادا تااني..بفففف زعما يكون معاهاا..لا لا..نووض نقلب عليهم..

هبطات تاني كضور كي لاراف فداك لوبيرج حتا شافت مجمع تاع الدراري ومعاهم شي بنات قلال مجمعين مشات باتجاههم دغيا كطلب يكون معاهم وائل ولكن هابت ضنونها ملي ملقاتوش..وقفت وقفتها العوجة وبدات كتشوف فيهم بتعالي..

رعام :هااي gاايز..

بنت منهم باستفزاز:وعليكم السلام..

رهام قلبات عينيها :مهم اتا جيت بغيت نسولكم واش مشفتوش بب وائل..

ديك البنت بصدمة مصطنعة :نوو متقووليش معارفاهش فين ومعاامن.

رهام تخلعت :معاامن وفين..

الدري :ههه واايلي معارفااعش راه باقي مع مرزة فالواد..

رهلم :لاا مايمكنش..

البنات بداو يتغامزو عليها ويضحكو حيت دايمن كتعيق عليهم بيه وهي تدارك الموقف..

رهام :ااه قالها ليا باش نبقا معاهم مي كنت عيانة وجيت ونسيت هه بااي..

ومشات كتعيوج ومزيرة على يدبها من العصااب..

عند مروى ووائل لي بااقين قارنين تماا متحاادين مباغينش يستسلمو ويشوفو شكون غيتغلب..

مروى رخات كتافها بتعب :بففف عييت..

وايل :صاافي ستسلمي..

مرزة :لاا هي لي عمرها متكون..

وائل :ضبري رااسك..

سكتت شوية وهي ضور عندو تاني نغزاتو..وائل :شنو

مروة :شوف تالغدا ونكملو الشمس راه قربات تغرب وتلبرظ بدا كيتحرم وزيد عليها الما بدا كيدي شوف كيبدا كيهييج..

وائل :بالصح البرد علييك..

مروة :انا راه مافيا لي جدف ايديا تهرسو من الجران مع الصيد..

وايل :اووكي على رااحتك..

بدا وائل كيجدف ولكن بصعووبة مع الما بظا كيهييج وهو غير بوحدو خاثو جهد كبيير ولي اصلا بدلو فالصيد حااول وحااول ولكن الامر غادي وكيصعاب والما غاظي وكيطلع وكيجر..

وايل :شييت الماا بداا كيرجع وميجر..

مروة :نااري والواد كيكون صعيب شنو غنديرو شوف انا راه مقاداش نموت دابا معندي باش نقابل ربي..

وائل :هااظشي فكري فيه قبل..ماشي تاتبغي تموتي..

مروة :غيير حاول حيت لا ستسلمنا غيتعتابر انتحار. .

وائل بدت كيشوف فيها بشر :ااش بان ليك نلووحك بااش ميتعتاابرش انتحار..

مروة :وائل بعد لهيه شوف راه واللهتا نغوت.

وائل بدا جاي عندها:شكوون غيسمعك..

مروة :وااائل بلاا لعب بالسل..واااااع وااائل رااه غنتقلبو..

وائل :شييت مشات حتاا المجدفة..

مروة :بسبااابك شفتي لعبك البااسل..

جلس واائل كيحااول يجدف غير بوحدة ومروة بغات تعاونو زعما تدلات شوية وبدات كتجر بيدها..

وائل :مروة من نيتك..

مروة ببلاهة :ا..علااش..

وائل :تانتي فك داك العرق الهبيل تاع عائلتك..

مروة :تاارااه عاشمس قلبتني..

وائل :مروة التيار تاع لما غاظي وكيزييد..

مروة :يعن...ااااااااععععع...

كان الما هااج والواد بدا كيطلع وكيجر ومع عندهم غير مجدفة وحدة ملقاو كي ديرو من غير وائل جر عندو مروة لي ولات صفرة من الخلعة وكتبان ليهم النهااية قربات مع داك الجو والقارب كيتحرك بطريقى خيبة فوق الما الهايج.هبطو من فوق دوك الخشبات لي كيجلسو فيهم حيت مقلزات😂وجلسو فلرض مروة مخشية فوائل وشادة بيديها بجوج فتيشورت تاع وائل لي ضامها عندو وكيفكر فشي حل..حتاا تسمع صوت الما مجههد كيهبط دليل على انو كين شي شلال وائل ولا غير كيضور فراسو باش يبان ليه المنحدر تاع تلما حيت لا مشاو تقربو ليه صاافي مشااو فييهاا..

🚨فالمووغرييب..

هابط فهط هاز لي فاليز معاونو سيف وموراهم كامي حممرة بالبكا وكتنخصص. .وصلو التحت لقاو العايلة كاملة مجموعة كيتسناو فيهم...كامي دغيا مشات كتجري عند امجد تلاحت عنقاتو وكتبوس ليه فراسو ويديه وهو كيشد ليها وجهها ويعنق فيها وكيبكي...

أمجد :اابتيتي كاميليا غتمشي وتخليناا وانا كنت نشم فك ريحة العزيزة..درتي كيف مك مشات وخلاتناا ولكن شدينااك ليها نشمو ريحتها فك ساعة ربي بغاك تبعظي تاني ااهي وااش نديرو بلا بك ابنيتي الحنانة تاع الداار..

كامي "ششش اجدي عافااك تانا مسخييتش بييكم والله اااهي ااهي عنتوحشك اجييدو بزااف اااهي مبغييتش نمشي ونخلييكم. .

أمجد :لا ابنيتي المرة بلاصتها حدا راجلها فين ما مشاا تكون معااه..وحنا راه نصبرو هادي هي سنة الحياة..

كامي كتبوس ليه فراسو :سمح لياا اجدي لادرت ليك شي حاجة شي نهار..

أمجد :لا ابنيتي تي هي عويناتي سيري انا رااضي علك سيري الله يفرشك ويغطيك بالرضا...

جا حتا فهد تاهو سلم عليه وبرك أمجد يعدي علييهم وينوح وكولشي يتباكاا..أما كامي قربت تسخف بالبكا واكتر ملي مشات عند البنات تماك كملت الباهية..ولا عندهم سيدي عبد الرحمان مول المجمر فديك الداار..

كامي :اااهي منقدرش نمشي ونخلييكم البناات ااهي اللهماا نقدر حيااتي بلا بيكم واالوو تو...ماا حليت عينيا علييكم ..ك. ن..تو صحاباتي خواتاتي اااي حااجة ااهي منقدرش نتفرق علييكم..

هناظي معنقاها :اااهي غيير صبري اكامي هادي هي الحياة كاملين غنتفرقو و وااصلا دايمن غنتشاوفو فليزابيل وفين ما توحشتونا غتجيو عندناا ااهي ولا نمشيو عندكم...

بوشعيب :هادييك لاا..مشيتو تالزحيليgة بقا ليكم عاسبنيوول ااصلا وجوهكم مااشي تاع الخااريج. .يشدوكم حيت وجوهكم اتاع البزنازة. .

رتيل :متمشيش معانا غير نتا ومغيشدوناش. ..

بوشعيب :وا شهدو علييهاا...ليووم نتسااخطو. .

كامي :ااهي رااااتييييل غنتوحشك نتي كنتي هي خويا لي مولداتوش ليا ماما نتي كنتي السند تااعي اااهي..

رتيل حابسة الدموع أبزز وكتشوف فكامي لي معنقاها كانت باغا دوي ولكن سكتات وطبطبات على ضهر كامي :كنت السند تاعك ومازالة السند تاعك مي من بعد فهد...ااه ولا دار ليك شي حاجة عيطي علياا واللهتا نسا رااه من الفاميلة. ..

فهد :يااك وانا خووك زعمة..

رتيل :نتاا راك راجل هي غير ولية تبغي الأخ لي يدافع علييها..

صفاء لي هبطات و عينيها باقين منفوخين و دايرة السية بكاميليا:واناا معااكم...كاامي سيري ابنيتي حنا راه منفعووكش راه يدوم لك عااراجلك...

كامي :انا بغيت..ب..بغيت نبقا معاكم..

صفاء خبطت جنابها :هااويلي حااي بااغا تسطيني لاا؟؟

رتيل :لاا عابقااي ضفري الشيب تي وهاد المسعورات. .

صفاء :اناا بحالك كورااه طرت بيه ومشيت موحشة فكمامرنا اله يقلل حيااك. ..

كامي :والا انا رااه باغا نمشي ولكن مكرهتكمش تكونو معاياا..

صفاء :سيري باراكة مت التبوحيط نتي راه عاتعنيقة من فهد تنسيك فالحليب لي رضعتي فالصغر..

فهد شاف الساعة :كامي يالاه نوصلوو لمطار...

يالاه دارت كامي تاني كتسلم عليهم للآخر مرة تاتفرع الباب ودخل بعجاجتو لابس بيحامة مشروكة تاع الدانكي لي فشريك وبنطوفة وكيجري وكيبكي ومع رجيلاتو حولين جا مسرح قداامهم طلع راسو ملقاش كامي وهو يبدا ينوح. ..

جلول :واااهياا خيتي gرملوو مشات واهيا خيتي رجعي عاهاد المرة عانشووفك واهيا خيتي مشيتي بلاا منتوادعو وااهيا رجعي عانعنقك..

جميلة جات كتجر فيه :هاويلي على المسلسع واتاانوض باراكة من التمراغ غتوسخ الأرض. .

جلول بعيون دامعة :علااش اموووي مفيقتينيش علااش عرفتي أموي شربت 4 الكيسان تاع القهوة باش منعسش بقيت حال عينيا هووك (خرج عينيك)عاباش نسلم عليها ونوصيها على شكيليطات العام الجاي ولكن اااعععععع دااتني عيني انا دابا معنقتهااش وااهيا مشاات وخلاتني مشوg ااه يااهياا شندييرااه...

كامي جات عندو وهبطات حداه حطات يدها على راسو كتمسح دموعها :جلوولي انا باقا..

هز جلول عينيه غير شافها دوز كمو على نيفو وطار عليها عنقها :واايااحلييلووو باقااا على قبلي يااك بااش تواادعي معاايا تاتا اخيتي منقوولش لك شحاال بقيت سهران ولكن النعاس ولد الحرام دااتني عيني

فالمخيم.

كان القارب غادي بسرعو فائقة باتجاه الشلال و هوما كيزيدو بتخلعو اكتر فأكتر.. مروة تخشات فوائل باش متشوفش مشهد النهاية على عينيها.. و هوما فأوج الخوف ديالهم حسو بالقارب هدا.. حل وائل عينيه لقا القارب مشدود بصخرة من لتحت.. و تنهد بعمق حامد الله حيت نجاو من الكارثة.. الواد زگا وكيتسمع صوت تاع الما مجههد قدامهوم..مروة غير حسات بالقارب وقق و الهدوء عم المكان بدات تهز فراسها بالعرض البطيئ حتا حلت عينيها

مروة بدهشة:وااااااو الجننة..

وائل بحالها :كتشوفي لي كنشوف

مروة :لاا واش حنا باقين حيين؟؟

يالاه غيجااوبها وهو يتسمع صونيت تاع تيلي قلبت مروة جيوبها وجبدات تيليفونها لقات ياسين وهي تجاوب ولكن الخط كان كيتقطع..

مروة :الو..االووو...يااسيين كتسمعني.

وائل وسع ودنيه كيسمع.. قالت ياسين وهو يعقدهم تاني بقا كيشوف فيها وهي كتحاول تشد الخط حتا خطف ليها تيلي..

مروة غوبشت :وائل ااراا

وائل ببرود :لاا..

مروة :واائل اارااا المشقووف..

وائل :حنا جايين نستمتعو ماشي نتحتو 

عرض التيلي للحافة زعما غيلوحو اما مروة ولات كتفيبري بالخوقف حعلى مشقوفها وناضت عندو..

مروة :لاا اواائل ماديرهااش عاافااك..

وائل بشر :نتي لي ختاريتي حنا جايين هنا باش نسااو ساعا نتي شادة ليا الهضرة

مروة تلاحت عليه باغا تشدو وفلحضة مروة دفعات وائل وتلاح لوور و شدات فمها بالخلعة 

ملي بغات تشد ملقات ماتشد كان طاح فالواد ولي زاد خلعها كتر هو ملي مطلعش تماك صفاارت وخضاارت ايديها كيفيبريو.

مروة :وااائل واائل طلاااع مديرش هاكاا ناري على ااخر ياامي نولي قتاالة وااااائل عافااك...

بقات كتغوت عليه و تطل ووالو مكينش شوية تحدرت على الحافة تاع القارب ونصفها كاامل خارج كضور فراسها حتا كتشوف شي حاجة خرجات من الما وجراتها ومع الغفلة و الخلعة دغيا طاح و ولات كتغالب باش تطلع حيت الغروب هدا و الما بارد وكتدفع فيه باش تطلع اما وائل ماحيلتو للضحكة لي شاداه ولا السوفل لي قرب يكمل ليه ولا مروة لي شبعات فيه شتيف وكتهبطو للتحت بزز تاتحكم فيها وشد يديها ورا ضهراها وطلع فوق الما گلسو على ديك الضخرة المنحادرة

مروة كتكح :كووحك ااحكك ش..ه..شهاادشي فين انا..وااائل..

وائل :هههههه كيولييتي..

مروة تعصبات بالمزيان وبدات كترطا باش يفكها :طللق طللق مني..

وائل :هههههه ماالك تعصبتي دغيا

مروة بدات كتغوت :لاا هاادا ماشي ضحك وااش عرفتي كون كان هادشي بالصح علاه فين غنوصلو نولي قااتلة روح على هكاك..وااش عاارف احساسي فديك اللحضة ولا لا. غنفقدك وعمرني نشووفك وااش عارف ولالا ااا علااش كديير هكا علاش حشوومة علييك..

وائل كيحاول يهدنها :مروة سمحيليا والله ماقصدت..

مروة كضرب ليه فصدرو وصوتها مغنغن باللما : بعد مني وااش عارف راسك ااش درتي والهما نقدر نوصف ليك.. كولشي بسباابي

وائل دار يدو ورا راسها وحطو عليه وبقا ظيسكت فيها :صاافي شششش غيير سمحيلياا..

تمخشت فيه مروة مع البرد والشميسة غرباات بقاو غير خيوط اشعتها متسللين عاطين رونق للون الواد وصوت الشلال معاهم بحالة مسااند داك الجو النصف رومانسي

نروة :وائل جااني البرد..

وائل :يالااه نمشييو للضفة تااع الواد..

ضورها وراه وجابها على ضهرو وضور يديها على عنقو و تلاحو فالما عوتاني وبدا كيجدف بيديه وهي مغمضة عينيها مسترخية كتستمتع باللحضات لي جمعااتهم وصلو لضفة وبداو غاديين كيجرو فحوايجهم لي تقالو بلما وتلاحو على ضفة الواد ومروة حالة فمها فداك الشلال لي قدامهم..:واو شحاالل زويين 

كان شلال متدفق من وسط الجبال وكيكب فالوااد كان لون السما منعاكس على الشلال والواد شي لي عطا واحد المنضر راائع لي كيخليك غير مبهور فقدرة الخالق وبحال هاد المناضر الساحرة للمحبي الطبيعة لي كيتجسدو فمروة ووائل لي بقااو عير حااضين داك المنضر شوية مروة ناضت غادا على الضفة ووائل مرة عينو فها مرة فالشلال ومع الضلمة بدات كتهبط مكتبانش بزااف شوية وهي تسمع غوتتها بالجهد 

#######

فدار البارودي...

كامي بدات كتمسح دموعها :جلول انا غنمشي دير عقلك وحضي رااسك

جلول :ااا اختي گرملو وغاتمشي وتخلينا مكويين عليك وااايااهيا خييتي قليبنا كيتشوا علييك

كامي كتقاوم دموعها :جلول عاافاك ااهي رااك غير كتصعب الامر عليينا.

فهد جا عندهم :صاافي اجلول راه عارف صعيبة تفارقو ولكن راه ماشي مغتبقاوش تشوفو بعضيااتكم.. العطلة الجايا حنا عندكوم

جلول :ااا خيي فهد ولااش جيتي..اااه اخيي جيتي وديتي ليا فريدتي ااااه انا شبغيت لك..

جميلة جات حداه كتندب شداتو من يدو كتجر فيه :هااويلي على المسخووط كيجري على السيد من دارو تانوض باراكة من قلة الحياا..

جلول :واالااا هيتي گرملوو مااتمشيييش..

كامي :ااهي جلووول..

وتعانقو كيتباكاو... فهد دوز يدو على شعرو كيزفر وكل واحد متبع هاد الفلم الحزين بزز تافرقوهم تعانقو لاخر مرة مع العائلة ويدا غادين خارجين حتا وقفهم امجد..

امجد :وااتسناااو..

فهد :مالك اجدي..

امجد :تسناوني هانا جااي بااغي نعطييكم وااحد الحااجة لي عزييزة علياا بزااف وشادة واحد الركينة فقلبي حق ربي ومع توما عزااز غنعطيها ليكم بغييتكم تفكروني بيها بحال داكشي تاع الافلام ملي مگرطيطا كتبدا تفكر فگناصيون بات فخورليطو..

كامي بلهفة:واخا اجيدو.

أمجد مشا مشا كيجري زعما غبر للدقائق حتا كيبان ليهم جاي وهاز شي حاجة مي مغطية والكل بافي يعرف شنو هاز وقف قدام فهد وكامي حال فمو كيضحك تالودنيه بحالا معرسين ليه..

امجد :وليدي فهد بنيتي كاميليا هادا واحد المفاجعة انعطيها ليكم تفكروني بيها حيت عزيييزة عليا بزااف ورااه كتفكرني فواحد الشخش لي عزيز عليكم تاتوما..

كان كيهضر وعينيه كيبريو وكيعبر زعما راه بعقلو مد سدو كيجر الغطا بشوية بشوية كانت العيون مترقبااه بلهفة وكل ماهو كيطلع الغطا وعيونهم كيترسمو فيهم القلوبة وكاين عيون متسائلة ولكن هدشي كاامل تقلب للصدمة من بعد ماطاح الغطا وشافو..... 

عند مروى ووائل..

غير تسمعات غوتتها ناض وائل كيجري بلا عقل كيغوت عليها ويشوف مالها ماتنفس حتا شافها واقفة على رجليها مشا باتجاهها هي غير شافتو بدات تنقز وتغوت بفرحة..

مروة بلهفة :واائل تعاالاا تشووف

جا وائل باتجاهها حتا كيشوف جنب الما كيتوهج وعاطي واحد الضوء فالازرق والشيبي كيبري

مروة :واااو بحاال البحر لي فالمالديف..

وائل :😒ولمن نتي رااك فالمغريب..

مروة :بففف خلينا نستمتعو شووف على منضر.

وائل كان كيشوووف فيها المدة : هاد الون قريب لون عينيك..

مروة حدرت راسها :اااه وهد لون بحال ديال صفاء..

وائل :سبحاان الله...امم مروة ااش بان ليك غدا نجيو تاني لهاد البلاصة..

مروة :ااه ونوريوها ختا لاخرين يبغيو يشوفوها..

وائل :تال من بعد انا غدا باغي غير بوحدنا

مروة هزت حاجبها كتفكر :اممم وااخاا..

حدرت راسها مستمتعة بدوك الالوان لي قدامها شوية بدات مهبطة يديها بغاات تقيصهم حتا غوت عليها وائل..

وائل :مااروااة شباغا ديري...

هزت فيه راسها بعدم فهم :مالك على عاد الغوات كنت باغا غير نخشي يدي..

وائل :واش عارفة راسك شنو كنتي غديري راه هادا ماشي ما غير باكتيريا مضاءة..

مروة :واايليي..

وائل :يااودي على القارية اصلا داك الما مكينش فالمغرب..

مروة :ااه يعني هادشي مسموم..

وائل :بحاال هاكاك..

مع ضارت مروة باغا تمشي تعكلات بواحد ااحجرة وبدات راجعة لور زرب عليها وائل وشدها جرها عندو ومع مشادش التوازن تاعو رجع لور وجات فوقو..

جايا كتعوج فديك الطريق وخاايفة مع الضلام مضوية غير بالتيلي وكل مرة كتخسر سيفتها كدليل على الخوف ملي كتسمع شي حاجة هي غادا وهو تابعها حيت بجوج عندهم نفس الهدف واخيرا وصلات للشلالات خرجات كتشوف وتقلب حتاا كتشوف شي حاجة ماهياش بدات غادا كتقرب والروية كتوضاح تاتصدمات بمروة ووائل لي غير وقع ليهم عطب فرجليهم😂لكن هي فهماتها عوجة..

رهام :وااااائل..

مروة غير سمعت صوت ناضت جلسات وضارو كيشوفو هي ووايل فرهام لي طاحت عليهم كي الباطل دايرة يد على وهازة حاجبها كتستفسر..

وائل :رهاام شكاديري هنا.

رهام بدات تبكا :يااك احبيبي كتخوني ااعي محشووماش علييك..

مروة :كييفاش حبيبي..

وائل :مروة انا غنفهمك..

رهام غوتات :علااش هي غتشرح ليها.. انا لي خااصك تشرح ليا بصيفتي حبييبتك وشنو كنتي كدير مع هاادي..

جا صوت من لور :هااديك عندها سمية ولي هي مروة وقتليك تفرقي عليها..

رهام ضارت وهي تلقا ياسين :ااهاا قوولي نتي جامعاهم بجوج واحد يحامي عليك من هنا ولاخر من لهيه وااو تباارك اله عليك الالة فينما مشيني كتلوحي سممك.

مروة بعصبية مغطياها ببرود :معنديش لك وقت باش نجاوبك..

رهام :يااسييين قوول للصاحبتك تبعد من واائل ولاا مغيعجبها حاال..

وائل تحت سنانو :رهاااام..

رهام :علاش كتغوت واش ابب حنا يالاه بدينا الغولاصيون تاعنا نجي نلقااك خارج معاها..

مروة غير سمعات غولاصيون تأكدت من الامر غمضات عينيها كدليل انها ماتصوراتش تسمع هاد الخبر لي نزل عليها بحال الصاعقة وهي ليوم تاقالت بدات كتقرب من وائل هاهو صدق مصااحب..

مروة تكمدت :يااسيين يالااه..

وائل شدها من يدها :مروة تسنااي غير نشرح ليك..

مروة تنفضات منو:معندك متشرح ليا راه صاحبتك شرح ليها حيت راسها ضارها..اصلا غير كوني هانية انا قلبي معمرو واحد الشخص عممر ولد المرا مغيحيد بلاصتو من قلبي ..

كملت هضرتها وضارت جرت ياسين وبداو غادين اما وائل مكرهش يقج رهام حتا يخرجو عينيها ملي دارت ليه هاد البلان يالاه غتنطق وهو يحبسها بيدو ضرب واحد الحجرة برجلو وبدا غادي جهة الواد كيشوف فيه وكيهز مرة مرة شي حجيرة صغيرة كيلووحها اما رهام ملقات مدير من غير ترجع مع طريقها..ياسين ومروة توادعو ملي وصلو للوبيغج طلعات مروة كتفكر فهادشي ولمن فالاخير نفضات راسها من گااع الافكار واستسلماات للنوم..

●●عند البارودي..

غير تحيد الغطا كولشي حل فمو من الصدمة..

جلول :لاااا اجييدو الا دعبل..

امجد :سكووت تاا..

كامي وتخلعت :وااااااع اجدي شناوا هاادا..

امجد كيطل على دعبل :مشيش شوفي شحاال زويين جلوول شكاتقولو..

جلول :ميينيوون..

امجد :ااه ميينيوون..

كامي تكمشت ورا فهد :ااااعععع بعدووه بعدووه..حراام علك اجدي والله..

أمينة :باا حيد دااك الگدوور راه الدرية حاملة وتصدق موحمة عليه..

ميمون :ههه بالخلعة غتطرح..

جلول جمعها معاه :ماالها بقرة..وااش انا غندووم لك يخخ تعلم شوية..

أمجد ضور راسو لقا كاميليا مخلووعة من دعبل

امجد :مالك كتخصري فكمارتك انا لي مسطي باغي نعطيه ليكم اما توما ااش تفهمو فالمفاجعات واصلا منقدرش نفرط فيه كيفكرني فالمرحومة..

بوشعيب :ااه بالصح موي كانو عندها بحال دوك النويبات سبحان الله اما النويف محطوط منسووط..

منال :وييليي اشعيب شكااتقوول..

امجد :واللهما تفهمو حااجة هادا من اليوم من العائلة ولي قلقو بحالة قلقني..

هنادي :من نيتك الحااج..

امجد :انا بعدا قلت كلمتي دعبل ربيت عليه الكبدة وولا بحال طريف مني ومنقدرش نفرط فيه..

فهد :لا حول ولا قوة الا بالله.

فهد جر لي فاليز بعدما عاودو سلمو عليهم و مشاو و كامي كتنخصص و كتدير ليهم بيديها باي باي و صفاء لقاتها فرصة باش تبكي و الجو دمووع حتا خرجو و سدو الباب موراهم وعم الصمت المكان

صفاء حبسات:ياله بهايمكوم( شافت زهرة كتمسح فدموعها) اويلي امي مالك.. اش كيجيوك تا تبكي عليهم شتكوم غا على سبة

رتيل:واييه.. مالهوم كينحطو بحالا عندنا الميت

جلول مخمج:وا راكم مكتفهموش فالحووب اعععع

رتيل باستفهام:و تا اميمون اش دخلك

ميمون كيتخنن:وانا شتكوم كلكوم كتبكيو و انا نبدا تانا

صفاء:ياله تقلعو لي عندو شي حاجة يمشي ليها 

زهرة حبسات و هزات عود كراطة حداها:هاديك اايه.. بلاا ماتديري فيها محكمة فينا البرهوشة لاخرة.. و تي (رتيل) سيري قابلي راجلك باركة من الضسارة 

صفاء و رتيل شافو فبعضياتهم ببرائة و حابسسن الضحكة

زهرة:اش كتسناو.. طلعو علياااا من هناا ياالاه

بداو غاديين بالعكس راجعين اللور و هوما كيهدئو فيها بيديهم حتا وصلو للدروج و طلعو كيجريو سدو عليهم فبيت صفاء و هوما كيضحكو 

رتيل مشات تلاحت فوق الناموسية :نااري بقيت غا انا ويااك اساطة 

صفاء:بقيت غا اناااا.. نتي راك غتمشي لدار راجلك دبا.. و هنادي غدا العرس و مروة فالمخيم و كامي فالطريق لسبانيا.. الوحدانية صعيبة 

رتيل بنص عين و ضحكة شيطانية:عندك شهااب يونسك 

صفاء بصوت مرتعش:فيناوا شهاب.. رااح فالكلام الفاحش (ابتاسمات كتضرق فدكشي لي كتحس بيه) 

رتيل:مالو.. مليتي منو ولا لقيتي لي حسن منو 

صفاء باقا كتضحك:اشمن.. شتي شهاب !! صدق ماكيبغينيش 

رتيل عند بالها كتضحك هزات كتافها:ياله عرفتيها🙄

صفاء جمعات الضحكة:هاضرة من نيتي 😏

رتيل حتاهي تجمعات و رجعات كتهضر بجدية:ككيفاش عرفتيها

صفاء بلامبالاة مع ابتسامة جانبية :فاش ديت ليهم القهوة سمعتو قالها لسيف.. (كتحرك فحجبانها كتحبس البكية لي قريبة تخرج) هو اصلا تصاحب معايا غير حيت مبغاش يخسرني 

رتيل باقا مصدومة من هضرتها.. كملات:و.. و كان كيقول انه غيبغيني مع الوقت و لكن مقدرش 

رتيل بدهشة:سمعتييه قالها

صفاء:سمعت و فهمت الشي لاخر 

رتيل ضماتها عندها كتواسي فيها.. حسا بدموعها غيطيحو و بعدات منها 

صفاء:بعدي مني راك غير غتزيدي عليا 

رتيل بأسف:بكي بعدا باش تخفافي 

صفاء ضحكات هاد المرة بجهد:بحالا مكتعرفينيش(مسحات الدموع لي دازو) انا مكنبكيش على اي حاجة 

رتيل:و شهاب اي حاجة؟؟ 

صفاء:نقدر ننساه مع الوقت 

رتيل:مكنضنش

صفاء:نوضي تتگعدي براكة من الهضرة ديال المسلسلات 

رتيل باقا كتشوف بعدم تصديق لهاد الوجه البشوش لي رسماتو صفاء قدامها.. 

#######

لتحت 

بوشعيب :قوليا اولدي.. دكشي ديال دك النهار مخلق تا مشكل بيناتكم 

سيف تنهد:هدشي كيوقع عادي 

بوشعيب:انا لي نقوليك.. راه عاارف ديك الجنية متسوا متصلاح.. وقلنا ليك هدشي من لول.. و لكن قلبها بيض غير سير معاها بالخاطر و سايس معاها.. 

سيف:دكشي لي كاين اعمي

ربت ليه على كتفو:الله معاك 

سيف:ماشي لديك الدرجة راها كتعامل مزيان غير هنا يمكن قدامكوم كتبين ديك رتيل لقديمة اما هي تبدلات بزاف 

بوشعيب :هدشي لي بغينا الله يفرحكوم والله يسر ليكم

سيف:امين

هبطات صاحبة دعوتنا.. شتفها سيف و وقف:تبغي تبقاي مزال؟

رتيل:صراحة مسخيتش و لكن الا كان عندك مايدار نمشيو

سيف:الحاجة غتجي دبا و بغينا نشوفوها و حتانتي غتكون فرصة زوينة باش تشوفيها

رتيل عارفة اش كيتسناها:اا واخا انا غنلبس صباطي و ياله.

#######

عند هنادي:

باركة فوق الناموسية مفرشة قدامها تستيفة ديال الكتوبة و مركبة نضاضر ديال القراية.. هزات راسها على صوت الفيبرور ديال النيلي لي كانت حاطاه على الوضع الصامت باش حتا حد ميصدعها.. جات بغلت تقطع بعم اهتمام حتا حلات عينيها على اسم المتصل..بالخف تمدات ليه هزاتو و جاوبات

هنادي:الو وي

... :غتكوني عرفتيني

هنادي باستغباء:لا شكون نتا

.... :بفف كل مرة غنبقا نعاود.. انا امين

هنادي كتمثل:ااااه.. صافا

امين:الحمد لله.. موهيم......

هنادي (ناري ميعرفش يقول و نتي؟)

امين:موهيم انا عيطت ليك اليوم باش نسولك

هنادي:مرحبا

امين:واش متأكدة من هاد القرار لي خدينا؟ انا بالنسبة ليا مغيغير والو و لكن نتي؟

هنادي:نتا عارف غدا العرس

امين:تماما هدشي علاش عيطت ليك

هنادي :ميمكنش نبدل رأيي بين ليلة و نهار دبا فات الفوت

امين:لا باقي قدامك الوقت باش وفكري انا مبغيتش نظلمك معايا

هنادي :ففففف صبر عليا نرتب الأفكار

امين:متقطعيش انا كنتسناك خودي وقتك

هنادي:واخا اخااا.....

بعد صمت طويل

امين:اشنو جوابك

هنادي جمعات النفس:موافقة.

امين تنهد بارتياح:مزيان.. بغيت نقوليك بلي ماشي غير جيت و اختاريتك..نتي كنتي بمثابة رفيقة فالعمل و كتاب اننا نازوجو و هدشي ماغاينقصش من علاقتنا الا غيقويها و لكن فإطار الأخوة.. كوني هانية غتكوني فأمان معانا

هنادي بارتباك:علاقة اخوة.... اه واخا.. باي غنمشي نوجد حوايجي لي عندي معايا

امين:بسلامة

قطعات عليه و لاحت التيلي حداها و تنهدات بالفقصة:اويلي اشمن اخوة كيهضر عليها هدا... ضورات عينيها فالغرفة لقات راسها جمعات كلشي حاطاه البيت غيبقا خاوي حيت غتدي معاها كلشي.. بلا ماتعاود تفكر فنفس الموضوع.. كل القصة.. ورقة زواج مزيفة مغتأتر عليها فوالو على كل حال مكانتش غتقبل تتزوج شي واحد من غيرو.. تنهدات بعمق و حلات الباب ديال البيت باش تهبط تدوز وقت مع الدار حيت مبقا والو و يتفارقو

######

عند رتيل وسيف

فالطريق سااكتيين وعلى حالهم كل واحد كيفكر ماكين حتا نتيجة تلاقاو بجوج ريوسهم قاصحين تاواحد فيهم ماباغي يتنازل وصلو للفيلا تاع والدين سيف دخلو حتا كيسمعو الهضرة و الصداع شافو فبعضهم باستغراب.

رتيل :شكوون كاين فهاد ليل..

سيف :بحاالي بحالك معرفتش..

كملو طريقهم للمكان الصوت لي كيتزاد كل ما قربو وكيتوضح انو ديال مرة ومن نبرتها باينة معصبة ومعاها حتا صوت حنان وعبد الله غير دخلو وهوما يتصدمو بالحاجة عائشة جدات سيف جالسة وعاقدة حجبانها وكتغوت على عبد الله وحنان هاد الاخيرين لي كيحاولو يهدنوها..

سيف: الحاجة ايمتا جيتي..

كلهم ضارو كيشوفو فيهم وهي تنقز مكشكشة :مكاين لا سلام لا كلام نيشان لاش جيت..

سيف قرب ناحيتها :لا الحاجة راني مقصدتش.. غير جاتني عجب تجي دبا كنت حاسب غتجيو حتال من بعد ساعة من دبا

ونزل باس ليها راسها ويدها وهي مضورة وجهها غضبانة وهو يجي قدامها تاني..

سيف :مالك معفرة علينا واغير هضري معانا..الميييمة.

الحاجة :احيااني علك يالله بانت لك تقوليا الميمة..

رتيل نقزت من لور :الحااجة كيدايرة ماباغاش تموتي..

(عاضارت خنزرت فيها وهي تعيق)ا..وابغيت نقول كيدايرة مع الصحيحة..

الحاجة عائشة ميقت فيها وضارت عند سيف :وليدي سيف حبيب جداه عرفتي كنت بيييخيير حتا وصلاتني وااحد الخباار نزلت ليا الما فالركابي ياك اولدي وليتي تاخد القرار بلا شواري هادي هي معزتي عندك..

سيف :حااشا الحاجة ولكن..

عائشة :والكن ااش ختاريتي وخطبتي وتزوجتي وعرستي بلا بيا وبلا خبااري ااه..

عبد اللله :والواليدة غير سمعي راه كولشي جا بالزربة..

عائشة :لا لا نتا الهضرة معاك من بعد..ونتا اسيف محشوماش علييك..

رتيل :واادبا لي طرا طرا لاش كطولي فالموضوع

سيف ضرب فيها واحد تخنزيرة تاطمت وضار عند عائشة :والحاجة حنا عارفين راسنا غالطين ولكن دابا راه خاصك تفرحي ليا.

عائشة :متء.. شلا باش نفرح كون غير تزوجتي بشي وحدة لي نفرح ليك عليها اما طاح حبك على حجرة..

رتيل :ماالي ااش نااقصني..

عائشة :كوولشي..

رتيل :وااشهدو علييها..

سيف تحت سنانو:راااتيييل..(خفض صوتو وضار كيهضر عند الحاجة بشوية)غير سمعيني راه رتيل هي البنت لي بغيت راه واخا كتبان ليك هاكا راه غير حيت معاشرتيهاش اما راه الله يعمر لبها الدار..

الحاجة ضورت وجهها :المهم نكملو غدا انا راه جاني النعااس..

رتيل :حنوونة تصبحي على خيير عمي تانتا تصبح على خيير (تحت نيفها)وشي ناس ينعسو مايفيقو..

عائشة :ااش كتگمگمي تي تمااك..

رتيل :واالو..

وخرجات كتخبط وتنتر باس سيف راس سليمة وطلع تبع رتيل مع دخل البيت لقاها متكية شادة نص الناموسية ومشعلة التلفازة مجهدااها على الجههد دخل بلا ميشوف فيها بدل حوايجو وجا وقف ليها عند راسها وهي تهز فيه غا عينيها..

رتيل :ماالك.

سيف :تسوخري..

رتيل :الناموسية قدها قداش سير نعس لهييه.

سيف :انا عجبتني هاد البلاصة..

رتيل ناضت كتشتف :يووووف هاااهيا يخخ تريكة وحدة هو وجداه الله يعطيكم الجدام..

سيف:نقصي الصووت..و وقريها شوية 

رتيل :لاا كنتفرج..

سيف :ياغتنقصي الصوت يا طفيها..

شافت فيه بنص عين ونقصت خلاتو تاغمض وهي تزيد الصوت تاتي مدواش معاها بل اكتفا ينوض ويحيد ليها البريز ومشا خشاه فالدريسينغ للفووق فين مغتلحgش ليه ورجع للبلاصتو كان شيئا لم يكن وهي بقات عاحاضيااه حالة فمها طفا الضو وخلاها كتبقلل

هنادي هابطة بكسوتها البيضاء و شعرها المطلوق فالدروج ديال الدار و تعالات التصفيقات فالدار و الزغاريد.. و نورسين مبهورة فيها و حتاهي كتصفق فيد كوتر.. و هي فصدمتها تعكلات و طاحت على وجهها حتا شداتها ايد ديال واحد مني بدات هابطة و هو حاضيها بإعجاب قبل ماتطيح و تلاقو عينيهوم قراب من بعضهم و هو ساهي فيها..

امين بصوت باح:هنادي.. كنبغيك

هنادي بصدمتها:ححتا انا.. و عنقاتو

و لاخرين شي حشمان شي كيصفق.. فجأة تفرع عليها الباب ديال البيت

صفاء :نوضي الالة العروسة

هنادي غمات راسها :لا مييمكنش ايكون مجرد حلم

صفاء:اااااه كتحلمي بالعزوبية و ايامك هناا و دكشي.. نوضي من الگلبة 

هنادي:اش بغيتي 

صفاء:نمشيو للسبا من بعد تديري گوماج و.. اممم لاصيغ..و داك التخربيق ديال العروس انا منين غنعرفو 

هنادي :مغنمشي لتا حاجة من هدشي لي قلتي 

صفاء:اويلي منيتك 

هنادي:وا راه غير حفلة صغيرة اشمن سبا و زمر

صفاء:وا حفلة صغيرة اش جابها لل... استغفر الله نوضي حيدي العگز... شتك ماهياش من نهار تخطبتي 

هنادي ضورات راشها كتفادا نضراتها

صفاء:اجي ياكما تكون ركباتك ديك القضية.. اش كيقولو ليها.. موهيم فاش كتزوج كتقلب على بنات عمها و خواتاتها... الا كنتي غتديريها بلاش من دبااا 

هنادي:اش كتخربقي تاتيا 

صفاء:و مالك مامشوقاش لهاد العرس... ياك امين لي كنتي باغاه جا.. اش بغيتي مزال 

هنادي:من اللخر معندير تا حاجة من هدشي لي قلتي

صفاء:راه غنحرش عليك اشراق من التيليفون تقنعك... (شهقات) نااااري اشرااق مااافخبااارهااااش هدشي..

هنادي بلا مبالاة:فخباارها قلتها ليها نهار لي بعد الخطبة 

صفاء:ياكما قلتي ليها كولشي جا بالزربة.. لاتسحابك صدرتيها 

هنادي:منيتك راه بقينا الليل كامل و حنا داويين من بعد فضيحتكوم 

صفاء:ااااه.. فاش كنت انا بايتة فالخيمة برا نتي كنتي كتحتي.. بسان جوي.. وا دبا نوضي 

هنادي:لا غنوض نلبس حوايجي

جرات صفاء التيلي ديالها و ضورات النمرة لإشراق فواتساب و هي كتقرقب فرجليها مع لرض بمعنى راها كتسنى 

اشراق:العروسة فااقت بكري ليوم 

صفاء:اجي نتي قنعي لينا هااااد لالة العروس تمشي تقاد حالتها 

اشراق بغباء مصطنع:اش غيتقاد فيها.. مالها.. كاااملة مكمولة 

صفاء:وا لاا زعما دكشي.. دكشي لي كيديرو للعروس قبل الزواج

هناجي من اللور كتغمز فيها حيت اشراق هي الوحيدة لي عارفة شرط امين على هنادي 

اشراق:مالك باقا قديمة.. البنت ديما معتانية براسها اش بغات بشي صونا ولا سبا 

صفاء:توما بغيت غير نعرف اش كيضور ليكوم فداك المخ 

هنادي:صافي سمعتيها اشنو قالن يااك 

اشراق:موهيم انا غنمشي دبا عندي شي ملفات ضروري خصني نليگاليزيهوم 

صفاء:خدمتي؟؟؟ 

اشراق:غير شطاج الخدمة من بعد

هنادي :ايوا مبرووك عليك 

اشراق:تلاحو 

قطعو لابيل مع اشراق و هنادي كتشوف فصفاء بانتصار.. هاد الاخيرة لي لاحت التيلي فوق الناموسية 

صفاء:العرس فالليل ولا فالصباح

هنادي:شي شوية و يبداو الناس جايين

#######

فدار الاسماعيلي

الصداع نايض فبيت دوك الجوج 

رتيل:غنلبس هادااا

سيف:قلت لييك قصييير 

رتيل ضد فيه :و انا غنلبسو قصير 

سيف:سمعي للهضرة و حطيه بلا صداع 

دخلات ديك الشيبة العاصية بلا ماتدق:الصداع راه تسمع فالدار كاملة (و حلات عينيها فرتيل لي شادة بيديها الفوطة لي ضايرة عليها) 

سيف ضرب يديه مع الماريو كيشوف فرتيل زعما شوفي اش درتي 

رتيل:انا غنلبس هاادااا يعني هااداا

عائشة بعصبية:نتي ماتعلمتييش تسمعي هضرة راجلك 

رتيل تاهي:و نتي متعلمتيش تدقي البيبان 

سيف:رااتييل قلت لييك لباارح وقريها

عائشة:ياك بعدا شهدتي على مرتك هي لي جبدتني 

رتيل:وا نتي لي دخلتي بيني و بين راجلي 

سيف زفر بقلة حيلة :عندي حرب النسا هنايا... انا غادي وقتماا ساليتو تبعوني... رتيل لبسي داك القفطان الزرق كيجيك حسن.. الحاجة هبطي تفطري معانا 

رتيل شافت بالحاجة بعينين كيضورو و مشات لبشات القفطان الزرق و هي عااجبها الحال حيت قاليها جاك حسن و عائشة كتميق فيها و بركات فوق الناموسية كتسنا ها تخرج من الدوش لابساه باش متخالفش كلمة سيف و وقفات بنخوة و غاجيا باتجاه الباب و رتيل كتطلع و تنزل فيها من هاد الفعايل لي كتدير معاها 

هبطو تجمعو على مائدة الفطور و كلشي لابس قفاطن و عبد اللخ لابس جلابتو البيضة و سيف شوميز و سروال اسود.. 

حنان:ياله ناكلو بالزربة باش نمشيو نعاونو داركوم على التوجاد 

رتيل:ااوه راه عرام ديال العيالات و غايتسناونا نعاونوهوم 

اكرام:اشمن عرام.. راه عرس هدا خاصو العوين 

رتيل:جميلة زهرة منال صفاء سكينة كحيلة سعيدة مسعودة فريحة هدشي كاامل وميتعاونوش

اكرام:شكون هاد الاشماء لي قلتي لخرين.. شفتهوم كلهوم فيهوم السعادة 

عائشة و اخيرا ضحكات:يااه هاد السميات فكروني فواااحد النهاار....

عائشة كتفكر:اييه واحد النهار مشيت عند واحد الوالي قريب من دوار المگاليب 

رتيل:ولا سميتو دوار السعادة 

عائشة:منين جات بوه السعادة... نكمل.. و تقطع بياا الحبل و مايجي غير واحد الدريري (تصغير كلمة دري) هوكا شعرو مكركب و جار حمارة قاليا واالو اخالتي تمشي معانا للدار.. ايوا و مشيت معاه. هلو مضياافين تبارك الله.. غير هو فاش فقت توضرت ليا رزمة الحوايج و مساكن شحااال قلبو معايا عليها.. و مني ملقيتهاش مشيت و خليتها 

رتيل تحت فمها:هادو فعايل كحيلة بنت الحراام... 

عائشة:الصراحة الله يعمرها دار.. اش كيجيوكم

رتيل كتربط فالشجرة العائلية ملقاتش حل:جدات داك الدري هي خت مرت جدي (حلو كلهوم فمهوم) واا.. ريحة الشحمة فالشاقور 

عائشة:هوما نااس كوراما.. موحاال واش من فاميلتك نتي 

رتيل ياله بغات تجاوب قاطعها عبد الله: ياله وا فطرو خلاص راحنا معطلين الطناش هادي

#######

فدار البارودي

هابطة هنادي بشوية عليها فالدروج باقا ببيجامتها حتا طلات من الرؤية الزجاجية لي فالدروج.. كانت الجردة عامرة بالناس غير لكلاس و الكساوي الشيك و كل واحد كيهضر مع واحد و الهدوء يعم المكان و الهضرة خافتة.. هنادي غي شافتهوم حلات فمها و طلعات لبيتها كتجري.. سدات وراها الباب و تقابلات مع المراية كتقاد فالمسكارا حتا تفرع الباب.. كيف العادة.. دخلو جوج عجاجات وحدة لابسة قفطان عصري فالشيبي ولاخرة لابسة كسوة فالشيبي و ميخطاهاش العرا ديك المسخوطة.. اللون الموحد و دكشي

هنادي:هادوك لي لتحت اش جاو يديرو هنا

رتيل :وا را عرسك كيفاش اش جاو يديرو 

هنادي:و لكن انا قلت حفلة صغيرة شكون هادوك 

صفاء :هادوك يا ختي صحااب السي اميين.. غيير كبار الشخصيات و البيزنيس مان و البوكو حبة... 

رتيل:منها نحتافلو و منها صفاء تضبر على راسها😉

هنادي نغزاتها بالضحك:هي راه عندها سيدها شهاب (خرجات فيها رتيل عينيها و هي تبدا تضور فيهم باستفهام) 

صفاء حطات كل يد على عين و شهيق زفير شهيق زفير على وضعية يوگا :ياا ربي انا بغيت نبقا فرحانة اليوم مبغيت حد ينكدها عليا

رتيل كتنسي الموضوع:ياله يااله نهبطو خليو العروس توجد 

خرجوهوما مع الباب و دخلات زهرة و خديجة لبيتها و هوما كيضحكو

زهرة:اويلي باقا مالبستيش؟؟

هنادي:و انا ميسحابليش الناس غيجيو دبا 

زهرة هزات الكسوة لي معلقة فالباب ديالماريو و مداتها ليها 

خديجة:غتحيدي الحجاب؟ 

هنادي:لا منقدرش نحيدو قدام اي واحد اخالتي

خديجة:الله يرحم من رباك.... (ابتاسمات ليها و دخلات للدريسيتغ تبدل) ياله ازهرة نشوفو الضياف اش خاصهوم

زهرة:لا راه جميلة مكلفة بيهم 

بقات زهرة كتجمع ليها الباليزات ديالها و تزيد فيهم شي حوايج و حداها خديجة كتقاد ليها فالكتوبة لي فالأرض 

خرجات هنادي من الدريسينغ لابسة الكسوة السوداء المزوقة بوريدات فالأحمر من لتحت مع الطالون كتبان طوييلة و مقادة الحجاب ديالها خلات خديجة و زهرة مبهورين فيها 

خديجة:نتي زينة و زادك الحجاب الله يحجبك من العين 

هنادي حدرات راسها بحشمة:شكرا 

زهرة كتقاد ليها فالزيف:بلا متكتري الماكياج هكا حسن 

هنادي:ضروري ندير غا شوية 

خديجة:تي خلي البنت تدير راه نهار فرحها هادا

زهرةطلات من الشرجم:لي بغيتو... اااه الشهبة جات.. حيدو عليا خنمشي عند جميلة تقوم بالواجب😉

مشات و خلات ملامح الاستفهام على وجهوم 

خديجة:شكون هادي؟

هنادي:سميتها التايكة.. جارتنا

هبطات زهرة للكوزينة لقات جميلة ملهية مع التوجاد و جراتها عندها 

زهرة فودنها:الشهبة جات.. دكشي لي تافقنا عليه 

جميلة فرحات:هي لي متعاودش 

مشات جميلة للحردة خلات زهرة فبلاصتها.. لقات التايكة جاية و مستفين حداها ولادها و البشير و لبنى حاطة يديها على خضرها و هازة خنافرها للسما 

جميلة:مرحبا بيكم تفضلو دخلو 

مشاو الرجال لجيه و التايكة و لبنى مشاو گلسو فواحد الطبيلة قبالة لابيسين و لحقات عليهم جميلة كتعتر فجلايلها بعدما ورات الدراري بلاصة الرجال.. لابسة ققطان غوز مع شدة دالزيف ديال المراوات لي فسنها و جرات معاهت رتيل يگلسو معاهم و رتيل غي كتضور فعينيها

شهبة:ايوا قولي ليا... هاد العريس فاش خدام؟؟ 

جميلة بفخر:ايوا و بنتي هنادي خطبها واحد يا اش نقوليك.. منوو للمدير ديال السبيطار

رتيل :لا راه هو مدير 

جميلة كتشوف فالشهبة حالة فمها:اييه ايه فخباري و سبوورتيف... ماكين غير السبور السبوور.. و عندوو واااحد الحديدة... ديك لي كيقولول ليها ايركات

رتيل :وا كاتكات تي فهمي اش كتقولي 

جميلة:هاديك هاديك 

رتيل بلا مبالاة:وا اصلا تاوحدة فيهم راها رونج

الشهبة حاطة يديها على حنكها:كيدارت تا تلاقاتو 

جميلة كتضور فعينيها:ااايوا هي خدامة فالسبيطار ديالو و تعاجبو و تجاوجو اشنو بغيتي يكون متلا 

الشهبة:ايوا سعدااتهاااا براجلها.. انا بنتي صامت تا صامت و فطرات على ضبع عاطيها غير السريط و المريط و شي مايشيط (نغزاتها لبنى) 

جميلة:ايو معندها زهر معندها زهر تصبر تصبر هدشي لي كاين

لبنى باستفزاز :ايوا مانكدبوشاي... سمعنا شي خبار كتقول راه عندو بنتو

جميلة كتقلي السم:ااه عندو واحد الطفلة شهوة منها.. السمورية خداتها.. الشعر مزيناتو.. و العوينات الزوورق ماشاء الله و ضرييفة من لفوق غتواتا هي و هنادي و تديرها كي بنتها

رتيل:ايوا بعدا هنادي داتو بخيرو و بنتو بحال بنتها كية شي ناس

الشهبة كتبتسم كتهدأ الوضع و هي مبهورة فهدشي لي كتسمع و كتقرص فلبنى من تحت الطبلة (تحت فمها:شوفي لالياتك علاش قاجات و نتي ماديا ليا شمكار.. شومور) 

لبنى كتبرج على راسها :بعدا ماتزوجاات تا تسمات عليها بايرة 

رتيل:بنادم باقي قديم.. هاد مصطلح بايرة تضيموضا.. و اصلا وحدة بقرايتها و بخدمتها..(كتخمس بيديها) طبيبة اللهم لا حسد.. مغتسماش بايرة المتخلفة(جميلة شاداها من يدها كتهدن فيها و لبنى معصبة و لكن كتضور فعينيها علامات البرود و رتيل جن جنونها) تي طلقيتي عليها نوريها تقول لبنت عمي بايرة

جميلة طلقات من رتيل كتشوف فلبنى بشر:سمعنا ا لووبنى راك واقفة على الطلاق

لبنى تزنكات و تحول وجهها للأحمر بعدما كانو ملامحها باردين :ششكون قالها ليكم 

رتيل تهدنات و ترسمات ضحكة جانبية على وجهها و عي كتطالع فملامح جميلة لي فهماتها علاش ناوية :اه ويييلي الخباار راها دايعة فالحي 

لبنى بعصبية:كذووب هدشي كلو كذوب 

جميلة:حناا غاا سمعنا 

شدات فيد رتيل و ناضو من حداهم خلاو لبنى بركان و قريب ينفاجر تمنات الارض تشق و تبلعها من بعد هاد الهضرة لي عطاوها.. اش داها تقول لهنادي بايرة 

######

عند صفاء لي بعدما ضارت الجردة كاااملة كتقلب بعينيها على داك الشخص مشات عند الحاج امجد لي لقاتو مكسل فالزعلولة لي فالجردة وقفات عليه كيلموت حتا حل عينيه كي رمش بعدما كان مغمضهوم.. دفعات ليه رجليه و گلسات مربعة يديها و على وجهها علامات التضايق 

صفاء بغنج غير معتاد:جيدو

امجد:شبغيتي مامالفاش لك هاد الكلمة

صفاء دخلات ديريكت فالموضوع:ياك قلتي ليا غتعرض على شهاب 

امجد بلامبالاة و عينيه مغمضين:عراااضت عليه 

صفاء بفرح:اوااه فيناهو 

امجد مغمض عينيه:مغايجييش

صفاء بصدمة :و علااااش 

امجد زفر:واخااايت مع هاد الدرية 

صفاء:عاافااك قوليا ا امجد 

امجد قفز:هااا عاودي اش قلتي

صفاء:هيهيه.. بغيت نقول الحااج عبد المجيد...(شافتو تهدن و رجع تكا) علاش ماجاش؟؟

امجد:اعتاذر قاليا عندو شي خدمة مووهييمة 

صفاء بحزن:اه صافي واخا 

ناضت من حداه كتجر فرجليها مخلياه مشبح ناعس بالكوستيم ديالو باغي يبان سيكسي زعما.. .. كانت معولة انها تتلاقا معاه و تستفسر منو على ديك الهضرة لي سمعات و تسمع الجواب منو.. الا كان نفس الجواب غتقتانع و تبعد منو.. اما الا كان العكس ديال دكشي لي كتفكر فيه.. غيكملو حياتهوم كيف كانت عل الاقل غيبقاو مع بعضياتهم.. [كنظن عيا مني و مبقاش بغا يشوف كمارتي دكشي علاش عتاذر.. يمكن هضرتو مع سيف خلاتو يبدل رأيو و يبعد مني فمرة.. او يمكن سيف قاليه الا مرتاحش معايا نتفارقو.. مووومكيين.. اووف] طلعات للنفس و مشات باتجاه رتيل و جميلة لي واقفين مع زهرة كيضحكو 

زهرة:يااله شدي ابنت الشهبة..

رتيل:دبا لاش تافقتو تديرو هدشي كامل 

زهرة:قهراتني هي و بنتها بالهضرة.. فينما نضور.. ''بنتك بارت.. بنتك خصها تتزوج.. بنتك بايرة.. البنات صغر منها ولدو ة هي مازال تا ملقات راجل...'' يشويني فيها

رتيل:تا قبيلة قالتها 

زهرة جمعات حواجبها:و شنو قلتو ليها

جميلة كتضحك:سمعناها خل ودنيها

زهرة:عار ربي لاما قولو ليا اش قلتو😂😂

رتيل:قلت ليها بنتك طلقها راجلها و مرضااوش خليتهوم واحلين فحوايجهوم و جيت.. ليوم كاين غا الزهو بلا منصدع راسي بيهم 

صفاء :مالكوم كتضحكو ضحكونا معاكم. 

زهرة:مالك نتي معبسة ماموالفاش لك 

صفاء وسعات حناكها بيديها و ضحكاات:هااناا ضااحكة كيجيتك 

زهرة حيدات ليها يديها:بلا طنز.... (ضورات عينيها فالارجاء) لالة العروسة شتها بقات هي و عگوزتها فالبيت.. تعطلو 

جميلة:تاتيا دبا يهبطو

عند امين لي واقف مع جوج رجال و مرا من اصدقاء العمل كيهضرو 

المرا:ايوا معرفتيناش على المدام الجديدة

امين شاف فالساعة:تعطلات.. انا غنطلع عندها (حط يدو على كتف واحد و كيشوف فيهم بتلاتة) مرحبا بيكم 

ابتاسمو ليه و طلع بمشيتو المعهودة داخل للدار..لقا التحية على زهرة و جميلة و البنات لي وراوه اتجاه بيتها و طلع لعندها 

دق فالأول و من بعد ما سمع صوتها حل الباب بشوية و دخل لقا خديجة باركة فوق الناموسية و هنادي فوق الكرسي كانو كيتبادلو اطراف الحديث

خديجة استأذنات:احم.. نخليكم دابا مع بعضياتكوم

امين:لا لا خودي راحتك

خديجة:لاواه انا نيت نمشي نشوف العيالات اش خاصهوم

مشات خديجة خرجات من البيت و سدات وراها الباب..خلات امين كيتأمل فهنادي و جمال اللباس لي لابسة خلاها تبان اكتر من اناقتها المعهودة وقفات هنادي من بلاصتها:يمكن ليك تگلس

امين نفض افكارو من راسو:لا طلعت غير باش نقوليك راه شي ناس بغاو يتعرفو عليك 

هنادي:اه واخا..بدات جاية عندو وهو يتمتم بشوية

امين كيشووف فيها وقال بهمس :الاسود يليق بك..

ودينات هنادي ميلتاقطو غير ديك الجملة حناكها دغيا حمارو وهبطات راسها :شكرا

امين مفاجئ من ردها عند بالو مسمعاتوش:علااش..(بقات كتبلق فعينيها و وهو وعا براسو هضر بجهد و بدا يغطي على هضرتو) غير اسم ديك الرواية لي محطوطة تما 

ضارت لقاتها فعلا رواية سميتها الأسود يليق بك 

هنادي ارتابكات :ااه ص.صاافي غير نسا..

سبقها هو غادي قدامها هبطو و وصلو للجردة.. حتا حسات بيدو الدافئة لامسات يديها بحنية و شدات فيها.. هزات عينيها فيه لقات نفس الملامح ماتبدلوش.. اكيد هدا مجرد تمتيل.. و مشاو عند هادوك لي سولوه عليها.. وقفو حداهوم

المرا:اوووو سي امين ختاار و عرف يختار

هنادي :مرسي 

سلمات عليها هنادي و سلمات على دوك جوج الرجال غير بالسلام الشفوي.. و حتاهوما فهمو موقفها و باركو ليهم 

امين :نمشيو نرحبو بالناس لاخرين 

ابتاسمات ليهم و ضارو بداو غاديين باتجاه طبلة اخرة 

هنادي:قلنا غتكون حفلة صغيرة.. علاش هاد الناس كاملين؟ 

امين:خالتي الله يهديها بدات كتعرض..

هنادي:حتا ماما لاحضتها عرضات على صحاباتها بزاف 

امين :مفهمتش اشنوكي خططو

كملو لجولة ديالهوم على موائد الضياف كيسلمو و كيرحبو بيهم و هوما كيباركو ليهم

حطو الغدا و تغداو فأجواء عاديةجمعو الطبالي و خدمو موسيقى هاادئة و كل واحد كيتنغم معاها.. 

وصلات العشية و الحال باقي كيما هو مجرد الناس باقين كيهضرو مع بعضهم و امين و هنادي باركين فطبلة طويلة مع العائلة لي كتكون من (خديجة كوتر زهرة محمد منال بوشعيب صفاء رتيل سيف امين الصغير عماد و امجد) كيهضرو غير على امور عادية 

صفاء فودن رتيل:ناري اساطة هدشي بان ليا حامض 

رتيل:واييه ماكاينة لا كاميليا لا مروة.. و دوك راس المصايب جلول و ميمون منعرف فين غبرو 

صفاء:و الموسيقى دينمها زايدة عليا 

رتيل بابتسامتها لي كتوحي على موصيبة جديدة :نطلقو الشعبي؟ 

صفاء بادلاتها نفسها:نتي لي كتفهميني 

مشاو حدا واحد الديجي مي ماكان حتاشي واحد حدا دكشي.. ياله حطات رتيل يديها على الأزرار لي قدامها بان ليها سيف كيشوف فيها بنظرات كلها تهديد زعما تحطي يدك تندمي.. ابتسامات ليه ابتسامة صفرة و تراجعات عن قرارها 

رتيل:صفاء انا مكنعرفش لهدشي.. غنمشي.. ننن..نشروب.. حيت.. شحفت و اصلا العصير داروه زوين 

صفاء :تي مالك غير بشوية علك 

رتيل:سيري تهلاي.. خدمي و انا نتبعك متخافيش 

و مشات خلات نظرات الاستفهام فوجه صفاء لي غير مشات وركات على زر بلا مبالاة و تسمع الصفيير فليباف فالجردة كاملة و الحضور كلهوم شدو ودنيهوم على اتر دوك الدبدباات لي كيصمكو الطبل ديال الودن و هي كذلك حتا وقف عليها واحد مشاكك ضافر شعرو ضفيرات صغار و مركب نضاضر كبر من وجهو ذهبيين وقف داك صدى الصوت

هو:ااختي اااختي اش قربك لهدشي 

صفاء :هضر بشوية مالك كتنفخ و احتارم راسك الأخ 

هو:علاه نتي خليتي فيها شي احترام ونتي داخلة لبلاصة ماديالكش 

صفاء:اهااه.. و نتا هاد البلاصة ديالك؟؟

هو:ااه حاط فيها الألات ديالي 

صفاء:وانا حيدت دار كلبي بااش تحط نتا هاد الخرامز ديالك ياله تهز عليا من هنا ولا نقلب علك هاد الزمر.

هو:و شكون نتي بالسلامة لي تجري عليا

صفاء:انا بنت مول الدار يااله خرووج برااا نعلمك تهضر معايا بهاد الطريقة 

زهرة لمحمد:سييير امحمد شوف ديك الضاسرة اش كتقول ليه واقيلة كتجري عليه 

محمد:ماخلات تا قنت بلا صداع 

مشا محمد عندهوم غير شافتو صفاء و بدات فتمتيليتها:شفتي ابابا كيغوت عليا 

الديدجي:معرت شكون عاد دبا كان كيجري عليا 

محمد:صفاء اش هاد الفعايل 

صفاء :و نتا تيقتيه؟

محمد مبغاش يقمعها و ضار عندو :سمح لينا اولدس (بهمس) البنت مسطية ماتديش عليها

الديدجي تفخم الوضع و شاف فصفاء بنظرات شفقة و جا وقف فبلاصتو و محمد جر صفاء 

امجد كان كمل نعاسو فالزعلولة حتا جا وقف عليه واحد الراجل شارف بجلابة و طربوش حمر هاز دفتر فيدو

امجد حس بشي ظل وقف عليه و هو يبدا يحل عينيه بشوية و كيعاود يسدهوم حتا وضاحت ليه الرؤية و غوت:اشهد ان لاااا اله الااااا الللاااه

الشارف تاهو تخلع:انا معاك بالله و بالشرع

امجد:شكون تا و اش داخل تدير فداري

الشارف:ياك نتوما دار العرس؟؟

امجد گلس:اييه

الشارف:انا هو العدول

امجد وقف كيسلم عليه:مارحباا ماارحبا (و بدا غادي بيه اتجاه الجردة لي ديجا حطو فيها طبلة عرييضة فيها جوج فوتوي صغار موديغن فالأحمر و محاطين بزركشات بالدهبي و وسطهوم واحد ابيض عريض شوية و فالجانب الأيمن و الأيسر كاين كرسيان عاديان

حبسات الموسيقى و جا امين و هنادي كل واحد گلس ففوتوي و جا العدول برك فالفوتوي الابيض و بركات صفاء رتيل و كوتر لي هوما الشاهدين على زواجهوم

العدول:سي امين المرابط واش تقبل بالآنسة هنادي البارودي زوجة لك و ترافقها فالسراء و الضراء و تكملو العمر مع بعضياتكوم 

امين بلا ميفكر:موافق (خدا الستيلو و سنا و تعالات التصفيقات فالأرجاء) 

العدول:و نتي الآنسة هنادي البارودي واش تقبلي بالسي امين المرابط زوج ليك فالسراء و الضراء و تتعاونو على الزمان حتال اخر العمر

هنادي هزات راسها شافت الأنظار كلها موجهة ليها و مترقبة الرد ديالها و هي كتسائل فقرارة نفسها واش فعلا توافق على هاد الزواج.. لا صافي فات الوقت فؤن كان عقلها هاد الاسبوع كامل....

أمين حاط يدو علي فمو عاقد حجبانو و كيشوف فيها و يتافأف.... اما هي كتسرط زيقها و تغغمظ علي عينها... فمها ولا حمر و نيفها حمار تاهو كتحس بالسهدة طالعا معاها..... هزات الستيلو و يدها كتقفق... عاد نطقات و مخارج الحروف مزاگلين: م..م..مواف...قة

سنات بالزربة و هنا التصفيقات كانو حارين و سناو حتا البنات على الشهادة ديالهوم و جاو الناس كيباركو ليهم و المراوات كيزغرتو و هنادي فرحات من الداخل ديالها

بداو آلاات التصوير كيصورور فيهم 

خديجة:مبروك عليكم اولدي بالرفاه و البنين انشاء الله

ابتاسمو ليها علامة شكر

خديجة:وا بوس راسها 

امين:ماشي وقتو

خديجة:لاواه اوليدي ضروري

امين زفر بعدم رضا و بدا كيقرب ليها.... ضورها من جيعة أخرى بحيت الكاميرا ماتشدهمش و مايشوفهم حد.... غي قرب فمو من جبهتتها و هي كتسناه يبوسها مغمضة عينيها فالتالي هز راسو و ابتسم تحت تسفيقات الحاضرين.... حلات فمها بصدمة...لهاد الدرجة .. أما امين فعند بالو بلي عندها زايد ناقص و هبط عند مستوى ودنها و همس

امين :فيناهو الخاتم..؟؟؟

امين:فين الخاتم؟ 

هنادي فاقت من سهوتها و تفكرات :اه خليتو فالبيت الفوق 

امين:مني نبغيو نمشيو ضروري تديريه 

هنادي زفرات ليه فوجهو:نتا مكتسكتش من الأوامر 

امين شاف فيها بنص عين و ماجاوبهاش حيت مبغاش يخسر هاد النهار لي هي اصلا مكانش خصها توافق عليه

كان الليل بدا يطيح و بداو الضياف كيمشيو واحد واحد و بدات الجردة كتخوا 

وحان موعد الفراق كيف ديما البكايين هوما لولين بداو يتغبنو ولي ميتقشروش بحال صفاء ورتيل وبوشعيب قلبهم حجر قالبينها ضحك وزهرة بركت تنوح حيت غتمشي ليها بنيتها الوحيدة حيت اللخرينات ممحسوبااتش ومحمد بارك يصبر فيها..

صفاء :احمض عرس دوزتو فحياتي..

رتيل :كنتفكر عرس كامي وعادا لاا علاااقة..

صفاء تفكؤت :ويلي ويلي هااظاك بزااف..

رتيل :اودي ياامات..

بوشعيب اتا نقز من لور :امممم حيت كنتو دايرين مابغيتو كان كيسالي العرس بالمعيور من دك الشطيح تاع الشيخات لي كتديرو. 

رتيل:الله يهديك الوليد حنا راه غا كنحيدو الطاقة السلبية. 

بوشعيب:فيين ياماتي انا لاكنت بغيت نفرغ كنضربها ب100 كيلوميطر غا كنجري 

صفاء :بغيتي تقول 100ميترو 

بوشعيب:واا كيلوميطر تي ماقارياش الرياضيات

طلعات هنادي لبيتها جرات ليفاليز مراها جبدات الخاتم من لبوات ديالو لي كانت حاطاها فالمجر وسط شي كتوبة قدام و هبطات من بعدما عاونها محمد تهبطهوم.. غير وصلات للجردة تلاحت عليها زهرة تبكي :بنيتي تي الوحيدة لي كنتي مونساني.. و غتمشي دبا و تخليني وسط سبيطار ديال الحماق ماحشوماش عليك

صفاء من اللور:حاشاك

هنادي كتبكي تاهيا:تانا اماما ماسخيتش بسك و منقدرش على فراقك

زهرة بعدات منها:صبري ابنتي راه البنت بلاصتها دار راجلها.. تعاونو مع بعضياتكوم ابنتي الله يكمل عليكم بالخير و نورسين ديريها فعينيك

جا محمد تاهو كيسلم عليها و هو حابس دموعو و بصوت متقطع لأمين:بنتي امانة عندك.. راك متلقاش بحالها شوا فالآداب سوا فالتعامل.. راك كتعرفها.. ديرها فعينيك

امين ابتاسم ليه:هدشي لي غيكون اعمي غير هني بالك

من بعد ماكملو التسلام على كلشي و هي كتشوف فالبنات لي غير كيفرنسو مابكاوش معاهت و هدشي لي خلاها تسكت من لبكا.. مسحات هنادي عينيها ومشات مع أمين باتجاه الطوموبيل حل ليها الباب حتا طلعات ورجع عند خديجة ياخد نورسين لي ناعسة

امين :الواليدة اري نور

خديجة:غير خليها تبات عندي وسير مع مرتك (وغمزاتو)

امين :غير اريها راه لافاقت وملقاتنيش غتنوضها..

خديطة :واخا اولدي لي بغيتي

مداتها ليه فيديه قادها فالهزة وودعهم ومشا باتجاه طوميبيلتو سرح نورسين لور وركب مع كسيرا تحركات نور وعواجت فالنعسة شافتها هنادي فالمراية وهي ضور عندها بدات كتقاد فيها ملي كملات حطات يدها على حنيكاتها رطيطبين ومطيبزين كدوز عليهم وكتشوووف فيها

هنادي :شحاال كتباان هادئة ملي كتنعس..

امين :هادو هوما الولاد الصغار واخا يكونو كيطيرو غير كينعسو متلقايش بحال برائتهم..

هنادي تنهدات :ااه لو كنا نبقاو غير فهاد السن منعرفو لا الكدوب لا الحزن كنفرحو بابسط الاشياء وكنعسو وبالنا هااني..

امين تاهو تنهد تنهيدة كبيييرة دليل على قلبو العامر :وعلاش لي منكبروش ولكن نبقاو بنفس برائة الاطفال كوراه حنا عايشيين هاانين..

هنادي :انا كنبغي و نتا تبغي و الله كيدير لي بغا

آمين :ونعمة بالله..

عم السكون ومرة مرة كيتسمعو شي اصوات كديرهم نورسين بحال المشيشة لي طوال الحفلة كانت شبه ناعسة و هادئة اما هنادي عاحطت راسها على الزاجة ويديها النعاس وصلو للدار فيق امين هنادي وهز نورسين ملي دخلو بدا طالع امين بنورسين وهنادي تابعاه حتا وصلو لبيتها حلات ليه الباب ودخل كان بيت تاع الوليدات الصغار بجدران بالغوز فيهم رسومات تاع الاميراات وحتا الخامية نفس الشكل اما ناموسية على شكل قصر تاع اميرات ديزني بالبيض والغوز والدريسينغ كدلك وواحد القنيتة فيها الالعاب المهم كان بيت كيوووت دو طابع بنوتي وكيبين دوق نورسين الانوتي ولي كيميل للاميرات حط امين نورسين فالناموسية تاعها وبدا كيحيد ليها فالسباط حتا جات حظاه هنادي وبدا كتقاد للنور فالوسادة لي تحت راسها .

هنادي :مخااصهاش تكون طالعة هاكا باش متخنقش..عافاك مد ليا دوك الوسادات نديرهم ليها من هاد الجهة..

تفاجأ امين من هاد الاهتمام لكن دعيا رضخ للامرها وبدأ كيمد ليها وكيقاد معاها من بعد غطاها امين وباسها على راسها وخرجو بدا غادي وهي وراه فنفس الكولوار حتا وصلو للبيت امين حل الباب ودار الطريق للهنادي هي لولة ودخل موراها لقاها واقفة وغير كتشوف..

امبن :خوودي رااحتك..

هنادي :ااه واخا شكرا..ا..لي فاليز فيناهما..

امبن :ااه نسيتهم انا غنهبط نجييبهم..

هبط امين يجيب لي فاليز وهنادي بقات كدور فلبيت.. مشات جلسات فجنب تاع الناموسية كضور فعينيها تاستقرو على واحد الكاضر تاع التصويرة فوق الكوافوز لي حدا الناموسية هزاتها ويديها كيقفقفو كانت فيها صورة امين مدور يديه على خصر مرة شابة زويينة شعرها بوكلي وعويناتها زورق بحال نور وسميمرة والضحكة مرسومة على وجوههم بجوج طاحت دمعة واهية من عينيها مسحاتها دغيا وبدات كدوز يدبها على التصويرة..

هنادي :تال عاد الدرجة موتها مخلي الدمار داخلك..حرمتي لكل من ضحكتك..هو تلحد الان باقي مقدرش بنساها وانا عايشة اوهام ااه اربي وااش من دنب درت حتا نتجازا بهاكا..

باقا فدوامة افكارها حتا قاطعها صوت الباب تحل هي مع الخلعة بغات ترجع التصويرة البلاصتها لكن خرجات على السيطرة وطاحت على الارض الكادر gااع تشخشخ والتصويرة تقطعات شوية من الجنب..امين سمع صوت التهراس لاح لي فاليز ودخل بالزربة حتا كيتصدم بهنادي عينيها حمرين وواقفة كتقفقف والزاج مرمي فكل بلاصة كانت حادرة عينيها كتشوف فداكشي بصدمة 

.كانت حادرة عينيها كتشوف فداكشي بصدمة اما هو غير طاحت عينو على التصويرة gناوية طلعت ليه للراس وجا حداها تحنا كيهز فالزاج وهو مكزز على سنانو بالاعصاب..

هنادي كتفتف :ا..ا..مين س..سمح ل..يا واللهما قصدت..

امين :بلا متعتادري غير متبقايش توصلي لشي حاجة مليكش..

هنادي :انا والهما قصدت..م.عرفتش ك..يفاش تاطاحت..

امين اكتفا يهز يدو ✋باش تسكت وجمع التصويرة داها للدريسينغ وخشاها وصت حوايجو وجا جمع الزاج ومشا دخل للدوش هادشي كامل طرا وهنادي غير كتشوف والرؤية مضببة بدموعها لي على حافة عينيها ترمات فوق الناموسية جالسة والدموع كيطيحو بسلاسة بلا صوت حسات بالشمتة او الاهانة فليلة عرسها كتلقا تصويرتو هو وياها عل أقل كان يخبيها حفاظا على مشاعرها ولا..اصلا هي علاش كتبكي وهي لي لاحت راسها فالعافية هي قبلات واخا عارفاه كيبغي مرتو وخاصها ترضا بهادشي مسحات دموعها وبدات كتحل فزيفها ناضت مشات باتجاه البالكون كطل وهازة راسها للسما كتشوف فالسما لي كحلة ومزينينها النجووم شوية غمضات عينيهت مستمتعة بنسمات الهواء كتقيص وجهها بشوية كتبعت فنفسها الراحة حلات يديها وكطلع والتهبط نفسها بتوازن ولكن خسر هادشي ملي سمعات الباب تاع الدوش تحل ضورات عينيها بان ليها امين دايز لابس ملابس بيتية ومشا جهة الناموسية خرجات من البالكون وجرات فاليز تاعها ودخلات لدوش دارت روتينها قبل النعاس(مسحات مايكاب ....)لبسات بيجامة ساتان خفيفة بالبلو سيال عبارة عن سروال والفوق نص كم فيه الشبكة جمعات شعرها لور وخرجات لقاتو متكي وكيخمم مشات باتجاهو وجلسات فااجنب وحتا هو تقاد فالجلسة باغي يدوي ضارت غتدوي وهو يقاطعها ودواو فدقة.

هنادي :احمم امين انا..

امين :هنادي..

هنادي بايبتسامة باهتة :وي ماالك..

امين :انا بغيت نقول لي..

باقي مكملش هضرتو قاطعهم صوت الباب لي تحل ودخلات منو نورسين مغوبشة مشات نيشان عند امين تلاحت فحضنو كتمخشش فيه..

آمين :مال حبيبتي.

نور :باابي ااهي علاس منعستيس حدايا..

امين :راه كنت حداك غير نضت..

نور :نضتي باس تزي عند هاد الحايبة عرفتها يااك قتليك راها غتاحدك مني..

امين عنقها :لا لا تواحدة مديني انا راه كنت معاك وعرفتي راه هي لي غطاتك ولبساتك هاد البيجامة..

نور :لااا انا بعيتك تا لي تعطيني وهاد البيزامة انحيدها..

امين :راه غنتقلق منك ديري ليا خاطري..

نور كتفكر بطفولة :امم وااحا ولكن عير على قبلك..ولكن انعس معاك

امين :ا..ا..ياك نتي قلتي ليا كبرتي والكبار راه كينعسو بوحدهم..

نور ضورت راسها بالنفي :توء انا منحليكس مع هاد الساحرة بوحدك..

هنادي :انا خايبة لهاد الدرجة..

نور كتشوف فيها بطفولية :امم دابا نتي زوييينة فوزهك ياك وبالزيف بحال فولة (ودارت يدها على فمها كتفكر)ولكن غتكوني بحال ديك لي فسوندغيون..

امين :لا لا راك غير كتشوفيها هاكاك..

نور :مهم انا عنعس حدااك..

وجراتو تكاتو وتكات حداه وجرات يدو ضورتها عليها اما هنادي بقات غير كتشوف فيهم جابت ليها الضحكة ملي شبهاتها بالساحرة وفنفس الوقت كتمدح فجمالها

امين :ياله سيري لبيتك ابنتي 

نورسين:لا اباباا كنخاف من داك الوحس لي مخبي فالبلاكاغ

امين:نور دكشي مكاينش غير خرافات فالرسوم

نورسين:و لكن انا كيبان ليا الخيال ديال فالحيط ديال ماشومبغ 

امين وقف:اجي معايا نشوفو اشنو كاين 

نورسين لصقات حدا هنادي:لا مغنمسيس معاك.. عير سير سوفو و ازي بليز 

ناض امين مشا لغرفة نورسين باش يبين ليها راه ماكين والو وهنادي لقات الفرصة فين تخرج حيت بغات تخليهم على راحتهم هزات مخدة لي كانت حدا مخدة امين وخرجات و نور غير كتبلق فعويناتها اما هو دخل لغرفة نورسين و خرج عادي و دار راسو راه قلب و رجع للبيت و جنع حواجبو

امين :نووري فين هي هنادي..

نور :ديك الساحرة؟؟(بلامبالاة) راها خرجات..

امين بتساؤل :ياكما قلتي ليها شي حاجة..

نور هزات فيه عينيها بطفولية :نو بابا والله غير مسيتي وهي تهز محدة وحرزات..

امبن :بففف فين مشات هادي..نور انا جاي..

وخرج غادي فالكولوار حتا بان ليه الضو شاعل فبيت كوتر عرفها تماك مبغاش يحرجها وهو يرجع لابيتو لقا نور كتسنا فيه

امين:ياله انورسين جيبي وسادتك من بيتك و اجي نعسي 

نور:ياااااااي 

و مشات كتجري بيتها بخطى متسارعة علاش لا و هي استاطعات تاخد باباها من هنادي بسهولة.. اما امين مشا حل البلاكار ديالو جبد كويت (كوفرلي) 

عند هنادي لي كانت باقا فايقة كتشوف فالفراغ المظلم و كتفكر فهدشي لي دارت و نوعا ما بدا كينتابها الندم حتا حسات بالباب تحل و هي تغمض عينيها بزربة.. تقدم امين نحوها بخطى بطيئة حذر انه يفيقها.. حط الكوويت عليها و غطاها مزيان على البرد و تنهد و مشا لبيتو.. هاد الاخيرة لي تصدمات من رد فعلو.. بعدما كان معصب عليها جاي دبا غطاها.. ميمكنش يكون عادي هاد الراجل

###########

فالمخيم

صباح جديد طل بشميشة منورة لبيت...فاقت مروى على تخرشيش بجهد..

مروى:اديك الزرمومية شكاديري

رهام وقفات من تخرشيش للحظة:من ايمتا و نتي كدخلي ليا فدكشي لي كندير

مروى:صباحاتو الله ...راك مصدعاني ماشي موحشة فك ولا ففعايلك

خلاتها غا كتبقلل فيها ونزلات للكافيتيريا لتحت ببيجامتها مامسوقاش

ياسين لمحها جاية:صباح الخير ...اجي جلسي معانا

مروى جات و جلسات مع المجموعة لي هاد المرة كان فيها كاع لي فالمخيام تقريبا و حتا وائل لي جلسات بينو و بين ياسين ملا متشعر و تعابير مامفهومينش على وجها..باقا مقدراتش تنسى ديك الهضرة لي ضارت فالواد هادي يوماين..غيرة ولا شمتة ولا ماعرفت...قاطعات تفكيرها رهام لي نازلا ناشطة و كتشوف فيها بشر:بلاصتي هاديك احبيبة

ناضت مروى من بلاصتها ...طلات على الكرسي و عاودات جلسات:ممكتوباش فيها سميتك اذن سيري قلبي على شي قنت خرا وبلا متبقاي تلصقي 

و رجعات بنفس تعابير وجهها و كتخمم

رهام مرضاتش و بغات ترد ليها القمعة و تشوهها مع صحابها:مم..شوفي أمروة الشرف ماشي هو كلشي

هنا كلشي حل فمو بصدمة الا مروى لي مداتهاش فيها اصلا

مروى:ببساطة حيت معندكش شرف

تلاح كلشي كيضحك على رهام

بنت:باراكا ارهام راك تقمعتي بلا قياس

رهام حسات بالشمتة والسخونية كطلع نعاها اللهما تفهم راسها ومشات طلعات للبيت كتجري و هي مغطية وجهها و لاخرين كيضحكو عليها.. هي اصلا سمعتها خايبة و كتحاول تفرض راسها بأي طريقة..كملو فطورهم عادي

خرجو كلهم لبلاصة المعتادة ديال كل يوم باش يقوليهم لكوتش التحدي الجديد...بعد ديك الهضرة الخاوية دخل فصلب الموضوع

لكوتش:ليوم غيكون خاصكم تلقاو واحد المفتاح لي غيحل ليكم واحد صندوق غيكون فيه جائزة.. غتلقاو وراقي مبعثرين فالغابة وحدة كتقودكم للخرا حتا تلقاو المفتاح تاع الصندوق لي هنا..كين شي استفسار

مروى هزات يدها باغا تسول

الكوتش:لا ماكينش.. 

مروى زفرات بقلة حيلة 

الكوتش:الورقة لولة مليوحة فأرض ماشي بحال كاع الاراضي مبشورة ...مكتقربش ليها لا الشمس لا طيورة...حوايجها بالية لا كلب ينبح لا شحرورة تنوح..مهم هذا راه غا بالدارجة شي لاخر غيكون بالعربية و كينين بزاف دالمفاتيح و لكن لي غيجي لول هو لي رابح..سباق ضد السرعة

كلشا بدا كيفكر و عطاهم اشارة الانطلاقة

ب٠او غاديين كيتشاراو فالغابة و مروى شادة صبعها ففمها و كتفكر فهاد اللغز لي خاصو تفكير معمق باش يتحل و راه ماشي بالساهل و حتاوائل لي كان بحالها و لكن مسرح عينيه فالزبيعة لي حداه

وائل:لقيت لولة..ارض ماشي بحال الاراضي...هديك الارض لي مكتنبت فيها تاحاجة لي هي لي واقفين حداها دبا.

مروى:مانضنش هي هادي شوف شحال واسعة

وائل بعد تفكير"حوايجها بالية ...مكيقربوش ليها طيور...مفهمتش هادي

مروة حتا هي خزات راسها فالحقل و نقزات :فزااعة فزاااعة

سرح عينيه كيشوف حتا قشعها و مشاو باتجاهها

مروى كتضزر فعينيها:اهاه فينايا هاد الورقة

وائل:شنو كان فلخر ديال داكشي لي قال الكوتش

مروى:مممم... مكتلحقهاش الشمس

حيدات للفزاعة الطربوش و طاحت الورقة لي بدات غادة مع البرد كتطاتير

مروى بفزع:وائل شدها

الريح بدا جارها و هوما تابعينها و ماحدهوم و هوما كيقربو و هي كتبعد كتر حتا لقطاتها رهام لي كانت قريبة منهوم

مشا جيهتها وائل و نترها من يدها:متقربيش للحاجة لي ماشي ديالك اش كتديري هنا 

رهام:جايا تابعاك اوائل 

وائل:كملي اللعب مع فريقك ارهام راكم غتخسرو

رهام:راه كنغيير عليك اوائل واش مكتفهمش

مروى:تغير علك جنية أللفعة(عاقت براسها شقالت و سكتات شادة فمخا بأيديها)

وائل:شبيني و بينك تاتغيري اصلا

رهام:شفتيها و نتا تنكرني ياك

وائل:انا منكرت حد واش عمري واعدتك بشي حاجة..عمري قلت ليك حنا des amoureux ..دويت معاك مرة 

رهام و دموع محجرين فعينيها عطاتهوم بالظهر و مشات

مروى:مكانش عليك تدوي معاها بديك طريقة راكم حيبان زعما

وائل: ما بيني و بينها والو.اعيباد الله..داكشي كامل لي تقال فالواد امروى مكينش غا نسايه

مروى فرحات لكن مبيناتش:انا اصلا مكيهمنيش

و مشات معفرة و هو تابعها

وائل:قراي ديك لورقة لي فيديك بعدا

مروى:هاء..لاهيلا(حلاتها و حلات معاها عينيها بدهشة)عند شفق العذراء و غروب العقرب..الزمان ينافي اللغة...عندما تصبح الرياح معبودا

وائل:شناهوا هادشي عاوتاني

مروى بعد تفكير:هاد الكوتش مبرهش...هاد الجملة راها كينا فكونان ..كتعني شي حروف بشي لغة اللوعلم; يعني مع 8 دليل...منضنش كيقصد بيها الوقت اذن غتكون شي بلاصة عالية بزااف كيفما عقلت حيت قال الزمان ينافي اللغة

وائل:عميقة مع راسك

مروى :ايوا كتعرف شي بلاصة عالية

وائل:منضنش الجبال حيت فيهم الوقت بزاف و...فكري حتا نتي

مروى بقات كتعود فالجملة:...حين تصبح الرياح معبودا.(غوتات) ..عرفتهااا ..شي قمة ديال شي شجرة عااالية..حيت الورق ديال الشجر كيتحنى للرياح اذن كتولي معبود

وائل:شوفي ديك الشجرة قداش كتبان...هي أكبر شجرة لي كتبان لكلشي..يالاه نمشيو ليها

#####

عند دار البارودي 

الدار كاملة مجموعة فالصالون الكبير ديال الدار لي دوزوها عليه هاد الصيف 

محمد:جمعتكوم ليوومااا باش نقوليكم خبر سعيد 

جلول:الله الله الله.. مااال سعيد مسكين؟؟؟؟ 

جميل:سكت خلي السيد يكمل.. كمل راحنا نطصنطو معاك 

محمد:قررت انا و خويا بوووش........ 

فاسباانياا..

دازو يوماين على كاميليا فبلاد الغربة فهد ممخليش من جهدو مداير ليها خاطرها وأشراق معمرة عليها باش متحسش بالوحدة..كانت كامي لابسة سروال كحل مع تريكو خفيف فوق منو جاكيت كوير حيت اسبانيا بدات كتبرد وفجنبها فهد جالسين فكافي فالمول وهي كتاكل فالگلاس بنهم و كتبنن فيه من بعد ماجاو من عند الطبيبة

فهد :كراميل باراكة عليك من الگلاص راه غيضرك..

كامي بغنج :ماشي انا راه بنتك لي مشهياه..

فهد حط يدو على كرشها لي برزات وبدا كيهضر معاها :بنوتي باغا الگلاص ولا كراميلتي..

كامي :بجووج بينا..(و هي تضور عندو مخرجة عينيها) 

فهد :ماالك..

كامي :تفكرت خاصنا نشريو لبسمة الحوايج..

فهد :..داكشي باقي عليه الحاال..

كامي ناضت وبدات تجر فيه :لا واالو نووض نوض غير نشوفو راه غيعجبك الحال عرفتي ميني حويجات صغييورين قد هاكا..(وكدير حركات بيديها)

فهد :يالاه ندير ليك خاطرك قبل لا تعواجي..

شارك يدها مع يدو وطلعو للمول الفوق نيشان لليبوتيك تاع الدراري الصغار عادخلو كامي كانت غتحماق ليه تماك ولات بحال المجنونة تهز عادي وتحط لاخرا تلفت كولشي عجبها حتا مولات لاكيس كانت واقفة عليها وكتهضر معاها..

كامي شادة حناك ديك البنت كتجر فيهم :شحاال كيووت مكرهتش بنتي تجي بحالك..

البنت عاكتشوف معرفتها مالها حيت مفهماتهاش وفهد كيجر فيها وهي لاصقة ليه تم بزز تابعدها وعتادر من البنت ضار ملقاهاش بدا يقلب عليها تاصابها مخشية وصط الكسيوات تاع البنيتات الصغار..

كامي :ياااي فهد شوف عاد الصبيبيط قدااش..

فهد :شوفي حتا هادا..هزي لي بغيتي

كامي :كلهم زوينين حمقووني..

هزت شي صبيبطات ومشاو لواحد البلاصة معلقين فيها الكسيوات حطت يدها على واحد الكسوة باغا تهزها حتا حسات بشي حد شادها من الجهة لاخرا هزت راسها وهي تصدم مي دغيا تقلبات فرحة عكس الشخص الاخر لي بقا حاضيهم بصدمة وكيشوف ففهد لي عقد حجبانو..

###########

فدار البارودي

محمد:حنا بغينا نقولو ليك الحاج واحج المفاجئة 

امجد مامسوقش:ايه قول راه نسمعك.. راني نعرف الموفاجعات ديالكم

بوشعيب :دبا حنا يالااااه نويينا باقي مادرنا فالطجين مايتحرق 

صفاء بفرحة:غتجوجوني؟؟ 

محمد:داويين على امجد.. 

امجد:هارو ماعندكوم

بوشعيب:الحاج ماحاسش براس كترتي فالذنووب؟؟ 

امجد قفز و هز عكازو:شو المسخوط اش ساير ايقول.. كتعاير فيا فكمارتي واخا على مك نتلاقاو فجهنام اطفو 

بوشعيب:الاا ابا راك مفهمتينيش اش بغيت نقول 

محمد:بغا يقوليك.. اش بانليك نديرو شي عمرة نغسلو بيها عضامنا

امجد رجع گلس و هز التيليكوموند:لا غا سيرو انا باقي باغي ندير الذنوب 

بوشعيب:الحاج حضر عقلك معانا 

امجد:ماتبقاش تقوليا الحاااج راني ماحاجش 

صفاء حطات يديها على حناكها:ويلي ويلي.. وانا حياتي كلها وانا نقولك الحاج

امجد:باش تعرفي راسك مكلخة حياتك كلها و نتي ساكنة معايا فين عمرني عتبت عتبة الباب

صفاء حطات صبعها على راسها:وااهاادي ماتجيش على البال 

محمد:صافي الوليد وجد ليا وراقك نقاد ليك باسبور 

جلول:ياا حليلي دبا غنوليو نقولو ليك الحاج ديال بصح

امجد:لا الهبيل راه غنمشي غا العمرة ماشي للحج 

جلول ببلاهة:و اش غنوليو نقولو لك

امجد بثقة:عمري 😀

صفاء :لاواه لاواه لاتبداش تخرف

بوشعيب:موهيم راه فالدخول للمدرسة غنمشيو انا وياك و محمد

امجد:ماغاديش اسيادي غيؤ خليوني عليكم 

هز التيليكوموند و شعل التلفازة و تشبح 

محمد لبوشعيب:نتا غا جيب ليا الوراق تال من بعد و نقنعوه 

وصلو قدام ديك الشجرة الشاهقة و هوما هاززين راسهوم كيقلبو على النهاية ديالها لي فايقة السحاب

مروى:اهاه و منبعد

وائل:انا غنطلع

مروى:اهوهوهو😂من نيتك تسحاب راسك ماوكلي

وائل بجرأة :حكرتيني!!! 

مروى:لاا...يالاه طلع نشوفو...تخيل منلقاوهاش

وائل ضحك و بدا ميتسلق الشجرة و يحط يديه فوق الأغصان و يتجبد يبرك فغصن آخر و مرة كتأمل فيه و ديك روح المغامرة لي فيه

مروى:ولاهيلا كتبان كي شي قرد

وائل من بعيد:سمعتك.. حتا نزل و نتفاهمو

مروى:اييلاا نزلتي..هادشي كيبان ليا عالي بزاف كين احتمال انك تغمال تم و ميجيب لك حد لخبار

وائل بمياعة:واو خفت

زلقات ليه رجلو حتا غوتات مروى و شدات فمها

وائل بعدما شد التوازن:مم زعما خايفة

مروى بتوتر:لبعابع...راه بان ليا حنش

وائل:ههه كالم داون..مالك ولا جوابك على طرف لسانك

بقا طالع و مرة مرة يضرب فيه شي غصن و الغبرة كتلصق ليه فوجهو و يدو تقشفو و تحردو بقسوة اللحاف ديال الشجرة لي عمرها مئات السنين و مع ذلك مكمل..وصل للقمة ديال الشجرة بعد مشقة الأنفس مابقا كيبان والة من غير السما و الأشجار ممتدة على بعد كيلوميترات حيت الغابة كبيرة...كانت واحد الورقة من الشجر فالأصفر و كتوسطها خيوط خضراء مكمشة تارت انتباهو حلها و لقا فيها الورقة لي كيقلبو عليها..تبسم بفخر و غوت:مروى هايا لقيتها

مروى دارت يديها جنب فمها باش يتسمع صوتها:مزياان..وا يلاه نزل دابا

مزال مكملتهاش حتا طاارت الورقة لي فيدو فالهوا

واىل:مروى شديها

مروى:تا كيغندير ليها راها لفوق بزاف

بدا وائل نازل كيتعتر.. اكيد النزول سهل من الطلوع.. بالزربة وصل للأرض و بداو يشوفو فبعضياتهم فحيرة و الورقة كتطاير و غبر ليها الاتر

مروى:صراحة كنت باغا نربح الصندوق باش نعرف اش فيه

وائل:مكتابش و صافي

مروى:شغانديرو دبا

بقاو شحال كيفكرو تا بانت ليهم الورقة مزالة طيرا فالهوا تمد ليها وائل لي طويل و شدها ببساطة:ورقتنا

مروى بصدمة:كنحس براسي خسرت زهري كامل فهاد اللقطة...مرحبا بالايام التعيسة

شاف فيها وائل بنص عين و بدا كيقرا:في الرقم 84 الذي ينصدم ب 71 و تمتزج هذه الاخيرة بطعم 22 التي تندمج بدورها مع 7 لتشكل جزءا صغيرا من كلمة بجميع لغات العالمx

مروى:هاا..لا انا ماشي فهاد الدرجة من الذكاء...

وائل:x شنو يمكن تكون مثلا و بقا كيفكر...يمكن ناقص شي معطى

مروى:ميمكنش راهم عارفين راسهم شكيديرو

وائل:زعما تكون هي الرمز الذري

مروى:هاا(بقات كتفكر)..اه بصح ولكن مامتأكداش...لا راه صحيح..شوف الارقام هادو كاملين كينين فداك الطابلو لي قريناه فليسي...ولكن هاد زمر لمبجقل شدخلهم فلفيزيك...

وائل:سخن عليهم راسهم ...84... poممم..71...

مروى:lu ... و 22 هي تي... politi مغتعطينا والو

وائل رجع قرا:7 on

مروى:polution...تلوت..شي بلاصة موسخة بزااف

وائل:الحل اننا نسولو شي واحد ساكن هنا...

بعد ماكاملاش ساعة وصلو لوجهتهم لي كانت موسخة بزاااف و عامرا وراقي

مروى بتعب:فين نقدرو نلقاوها وسط هاد لخنز لي اصلا عامر وراقي

وائل:متبقايش متشائمة

مروى:راك نتا لي بارد ..كوول...(بدا العرق ديال البارودي كيخدم) اه صافي غنسميك ساريكول

وائل:من نيتك..بديتي اكتخربقي اثرات فيك الريحة..حيدي حيدي

دفعها بشوية بيدو و بدا غادي كيقلب:غادي مع وحدة متبعة صاري كول شلا

مروى:شكتبرغم تما لي بغا يقول ليا شي حاجة يقولها ليا فوجهي

وائل:لقيتو ألالة لي غي كتفرح مكديرش يديها

خصرات سيفتها و شافت فيه:قرا قرا

وائل:انتهت عقارب الساعة...و شاخت الظلمة في كهف مهجور يسكنه شخص واحد بكل سعادة

مروى:القضية فيها جنون..انا ممعاكش.كنخاف.الضلام 

وائل:لا ميمكنش غا تعالي...غنرجعو للغابة تما غيوضاح كولشي 

غادين فالطريق و كيفكرو

مروى:شي بلاصة لي مكيدخلش ليها الضو حيت شاخت الظلمة بقات بزاف

وائل:هادشي راه فاهمينو

مروى:ميمكنش سكون كهف حيت لكوتش مامكلخش لهاد الدرجة...

وائل:شي حفرة

مروى:لحفرة فيها الحشرات متضنش يديرها حتاهيا...غتكون شي حاجة لي مامعروفاش بزاف..مثلا بيت تحت الارض لداخل ديال الشجرة..ال...

وائل:اه لداخل ديال شي شجرة...لبارح كان واحد نقار كيحفر فواحد الشجرة لي كانت اصلا فيها واحد الكفرة كبيرة من لتحت

مروى:فينايا 

وائل هز عينيه:راهي 

مشاو بجرى لديك شجرة متشوقين للسؤال لي غيتعطاهم باش يلقاو المفتاح

جبدو لورقة و بداو يقراو فيها بتلهف اينا شؤال صعيب غيجي فيهم حتا تصدمو

كان مكتوب فيها:المفتاح فالفرات لي كين فالكوزينة ديال الكافيتيريا

مروى:كوااا...ضاربين مسااافااات و الساروت غا حدانا

وائل:تقوليبة سينكونط 5 ...يالاه نجيبوه يلاه

مروى مشا تفكيرها بعييد ...بسيف و هي كابرا مع شيطانات:اه نجييبووه

وائل مسمعهاش:اه؟؟

مروى:والو والو

مشاو هزو الساروت و داوه للكوتش لس كان كيتسناهم على مسافة قريبة منهوم.. وقفو عليه كينهجو و وائل وجهو عمر بالتراب و مروة ولات عرقانة والكوتش واقف ببرود

لكوتش:لا هذا ماشي هو الساروت

مروى:نكتة ياك..راها حامضة غا ارا الصندوق

لكوتش:لا هاضر من نيتي

وائل:مايمكنش التعاليم كلها تبعناها 

اكوتش:ما هاضرش من نيتي ولكن من ريتي اهاهاهاهاها(و بدا يضحك غا بوحدو و هما كيشوفو فيه بدون تعابير)مبروك عليكم ربحتو

جا يعنق فوائل لي مصدوم من هاد الكائن يلاه غيعنق مروى و هو يشدو وائل:عافاك فيناوا الصندوق

لكوتش:هاه نسيت فين حطيتو

مروى:هاهاها اتا جبدو براكة من طنز<

مشا جبدو و هما كيتسناو فشنو غيلقاو بلهفة

حلوه و ...

مروى:اشهادا

صفاء:صافي هدشي لي كنتي بغيتي تقول؟؟

محمد:هدشي لي كاين

امجد:يالاه بهايمكوم

انصارف كل واحد بشغلو وصفاء كتضور فعينيها و مشات طلعات لبيتها مابقا عندها ماتدير لتحت.. تكات فوق الناموسية كتشوف فالسقف حلات الانسطاغرام كتضور فيه حتا طلعو ليها ليميساج القدام بينها و بين شهاب و تفكرات المواجع لي مخبياهوم :دبا شهاب لي كنت كنتسنا كل نهار يعيط ليا نتلاقاو ولا نمشي عندو و نكون فرحانة.. مشا و غنبقا دبا بوحدي ظ.. كان هو املي الوحيد ينتاشلني من هاد المستنقع ديال الهبال لي فهاد الدار و لكن... بففف (بدات تنغنغ و تبكي) علاش مشيتي علاش... باقا كنعقل فاش قلتي ليا حبيية كنت غنموت بالفرحة و فاش رقصتي معايا و فاش مشينا للبحر و قلتي ليا البحر كيريح النفس. يااه بصح.. عندو الحق 

جمعات النوضة و مسحات دموعها بكمها و هزات صاكها و التيلي لاحتو فيه و هبطات كتجري

زهرة:اجي اديك الزرمومية.. فين غادا

صفاء:غنمشي للبحر

زهرة طلعاتها و نزلاتها:بهاد الجوايج؟؟

صفاء:الوليدة كتعرفيني من يامات الليسي ماكيهمونيش الحوايج

زهرة:ايه عاقلة كنتي تمشي بالبيجامة للقسم و لكن قلنا تبدلتي

صفاء:الله يهديك الوليدة دكشي كنت كنلبسو اعلى ود الكراش

زهرة:شناوا هاد الكراش ؟؟

صفاء:بيمو ديال الشكلاط... تهلاي هانا غادا

زهرة بقات غير كتبربق فعينيها و حاطة يديها على حنكها:صافي الفريخ لي كان باقي طار

##########

فدار امين

كانت نور واقفة للامين على راسو كتحرك فيه وتبوسو باش يفييق وكتلعب بيديياتها الصغيورين فوجهو وكتخصر ليه فملامحو..

نور :مااي هيروو فييق باابي باابي يالله فييق..اميين..

حل عينيه وهو يشوف فيها مغوبش زعما :وليت امين العفرييتة..

نورسين ربعت يديها ودلات شفايفها بعدم رضا :نتا سمعتي عير هاادي مسمعتيس ملي قتليك ماي هيرو مفقتيس بابي مفقتيس تاقلت امين..

امين دغيا ترسمات ابتسامة كبيرة على وجهو وجرها عندو كيعنكش ليها شعرها :نتي رااك وااحد الديبة

نور :باابي انا كنسبه لمامي يااك.

امين :اهه وبزااف عندها نفس لون عويناتك ونفس شعرك..

نور :مامي كانت زوييينة

امين :ااه ولمن بنوتي حبيبتي هي اجممل وحدة..

هزات راسها بتفاخر :اه حيت انا اين بحانسيس ولي بحانسيس كيكونو توجوغ زوييناات..

امين ناض وهزها :مابخانسيس فيها الجوع؟؟

نورة :اهه بزاااف..

امين :تسنايني هنا..

حركات راسها بايجاب دخل للدوش دار روتينو وخرج هزها فوق كتافو وبداو هابطين كيضحكو حتا شهقت نور..

امين :ماالك..

نورة:نسييت...هبطني هبطني..

امين :علااش ماالك..

نور بترجي:بلييز بابي هبطني..

دار ليها خاطرها غاهبطها وهي تمشي كتنقز للتحت وهو وراها كيعيط عليها تحضي راسها..دخلات الكوزينة كتعيط عليها بفرح..

نور :اين انتي ايتها الساااحرة الجممييلة؟ ؟

دارت عندها هنادي كضحك وهازا فيدها معلقة مضورها كانها عصات سحرية :هاا انا هنا ايتها الاميرة الصغيرة

نور دارت يدها على خصرها :نتي واعدتيني قبيلة انا لي نصايب الكيك..

هنادي :وي حبيبة ورااه كيتسنااك

نور :ياااي اتا عنصيب كيك واياكلها بابي ازي واس عتعزبو..

هنادي :ااه وبزااف..

نور :امم ولمن راه ايتوسحو ليا حوايجي..

ضارت هنادي جبدات طابلية فالغوز وفيها بابيون فالجنب بحال ديالعا غير هي نسخة صغيرة جراتها من عندها نور كضحك وعاجبها الحال قاداتها ليها هنادي وهي كضور بيها فرحانة..

هنادي :ودابا خاصك تجمعي شعرك..

نور :ااه ولكن انا مكنعرفس كانت الميمة لي كتجمعو ليا..

هناظي :وانا شكاندير هنا..

ضوراتها تاعطاتها بالضهر وبدات كتجمع ليها فشعرها بحنان ونور عاجبها الحاال قاداتو ليها شينيون مفخفخة الفوق..

هنادي :كمملت..

شدات الضحكة ملي مشات نور قدام الفران كتعوج وتشوف فراسها..

نور :امم زاني زويين هاكا..

هنادي :حيت نتي زويينة كيجي معاك كولشي..

نور :ههه قالها ليا بابيتو..اممم نبداو دابا فالكيك..

هنادي :ياالااه..

ودارت يدها✋بحال هاكا فكان رد سريع من نور لي مدات يدها تاهي تصافحو وتغامزو يبداو فالعمل جابت هنادي كورسي وطلعات فوقو نورة وبداو كيصيبو ومرة مرة وحدة تحط لاخرا كريما ولا دقيق فوجها..وهادشي كامل داز تحت نضر امين لي كان متكي على الباب وكيشوف فيهم بابتسامة بااهتة وهو معجب بهنادي وكيفاش كتعامل معاها نور لي كتندامج مع لي كيحسسها بقيمتها وكتبغي لي يبقا يمدح فيها وهنادي لقات ليها الكود ودابا فرحانة انها غتقدم لباباها شي حاجة كانت كتصيب بلهفة وكتحاول ماامكن دير مافجهدها وهنادي كتعاونها

مروى:اشهادا

وائل مزگي الشوفة فالصندوق لي تحل قدامو:على مكيبانليا 2 هاسكي

لكوتش بفخر:كلاب

مروى:بفووو فكروني يداك لبهيمة تاع صفايفو..علم الله شكيديرو دبا

وائل:مهنين بلا بيك باينة 

مروى:دويتي اساريكول(هاد الزين كامل سماتو صاريكول)

وائل:غير بقاي تهضري تخلصيه من بعد

مروى بعصبية:هادوك راه خواتاتي منسمحليكش دوي عليهم بهاد طريقة 

وائل:ولا شنو غيوقع

مروة:نقدر ندير فيك شي جريمة سكوت 

وائل برك فوق واحد الكرسي كيتسنا ردة الفعل ديالها و الكوتش كيبربق فعينيه كيتفرج فيهم:فراسكوم لي كوبل ديما كيبداو بمضاربات

مروة خبطات راسها:تفو تفكيت من جلول لقيت هاد الكائن.. نتا جديد لا؟؟ 

الكوتش متفاجئ:باش عرفتيها

مروة بمياعة:مكلخ راه كاتبين ليك فالبادج راك غير مبتدئ و زيدون هاد الأيام لي دازو كولهوم عمرني ما شفتك 

الكوتش:امممم كتفكرس و لكن هدشي كيغينفعكش 

مروة:متعرفناش عليك 

الكوتش:اه انا سميتي........ 

مروة:مابغيتش نعرف حتال من بعد

وائل:مروة مالك على هاد العياقة كاملة تواضعي شوية

مروة:شنو قلتي ؟بحالا عايرتيني.. واخا هدشي مانستاهل 

خرجات فيه عينيها و مشات كتمشا بخطوات متسارعة خارجة من المطبخ و كتشتف برجليها فأوراق القش لي كيصدرو اصوات من تحت رجليها

#########

طاح بقات كتمشا جنب البحر و داز قدامها الشريط ديال داك النهار لي كانو كيتضاربو لالما و بقاو كيلعبو.. تفكرات انه مواعدها بجولة فالجيتسكي.. بقا كتخمم حتا عليها الضيم مشات للقهوة لي موالفة تگلس فيها هي و شهاب لي مقابلة مع البحر و بركات تما ساهي بالفراغ و كتحاور الداخل ديالها واش هدشي لي كتدير فيه صحيح ولا غير كتضيع فالوقت و لكن لي عرفات انهافعلا كتبغيه.. تا وقف عليها السيرفور :سمحي لي آنسة شنو حب الخاطر؟؟ 

صفاء:التيسااع.. بغيت التساع

السيرفور:و لكن ميمكنش تگلسي بلا ماتشربي شي حاجة

صفاء ضوراتها فمخها ماهي خربانة خربانة:عندكوم الشراب؟؟ 

السيرفور:شمحيلينا و لكن هادا ماشي بار 

صفاء :امممم عندكوم الگارو

السيرفور:ماشي صاكا هادي 

صفاء كتخاطب عقلها الباطني لي كيقول ليها جربي كنعيشو غير مرة.. سيري خودي گارو و سكري باش تنساي و..... جميع الأفكار الشريرة تحطو ليها فدماغها.. حركات راسها بالنفي و حلات عينيها:دكشي حرام اصلا 

السيرفور شداتو الضحكة و دار يدو على فمو:شنو نجيب ليك؟ 

صفاء:عرفتي شنو.. جيب ليا بومس فقرعة ديال الزاج تكون خضرة بحال ديك ديال الشراب.. و كبها ليا فشي كاس ديال البيرا.

السيرفور:نجيب ليك بيرا نيشان!!

صفاء:قلت ليك راه دكشي حرام وانا كنصلي.. و مشا

جبدت شيبس من صاكها و بدات كاتمضغ و هي تفكر بيلا حياتها مقودة و تا حاجة فيها مامقادة . الاخت لا قراية لا ذكاء و ما عندها حرفة ولا هواية بحال رتيل باش تخدم و ماعندها صحابات كاانت رتيل و كاميليا دابا كل وحدة مشات لدارها و كوولشي خرا في خرا.. شوية و هي تفكر معندها زهر فهاد الحياة و تفكرات حتى خمسين درهم لي شفرها ليها عماد دااااك العام مهم خاصها تنكدها على راسها عاد ترتاح.. بدات تمضغ فواحد شيبس ماحسات بدموعها حتى جاو نازلين شلال تفكرات بلي شهاب ماتسوقش ليها :تفو تأكدت بيلا انا و النحس في علاقة حب دائمة ماتفرقنا غي الموت.. واحد البال كيقولي غا نجمع داك لحجر و نبدا نفلق فعباد الله من طرف تفو كنكره البشار كون غي كان شي تيتيز اخور يعمر عيني كتر منو و لكن هو خدا كلشي و هرب.. اعتابرتو كولشي.. استاندت عليه.. كنت مستعدة ندير على ودو المستحيل و لكن خلاني بنص الطريق و مشا.. لا لا انا لي مشيت اما هو ماقال ليا والو... و هي فدوامة تفكيرها و بكائها حسات بالضو ديال الشمس تضرق عليها 

جر الكرسي و گلس قبالتها هزات راسها بعينين مدمعين و الايلاينر هابط ليها مع عنقها و العكر وصل لحنكها و خلاصة القول.. هارلي كوين فياماتها هزات يدها و مسحات نيفها بكمها.. كون غير خرات و مادارتش هاد الفعلة 

شهاب استغرب:صفاء مالك؟؟ (مد ليها كلينيكس شداتو من عندو) 

صفاء بصوت منغنغ:عندك واحد خور (عطاها و خشاتو فجيبها :تبقا سوفونير تتفكرو بيها #الذاكا) 

صفاء:عااد تفكرتيني؟

شهاب:انا جيت لهاد القهوة حيت عارفك كتجي ليها فهاد الوقت

صفاء ببرود:اهاه؟ ؟

شهاب:بغيت نقوليك شي هضرة ضرورية

صفاء:حتا انا. و انا لي غنبدا حيت انا عارفاك شنو بغيتي تقول(وما ليها براسو) انا اسيدي غير كنت كندوز بيك الوقت و مكنبغيك ما تا لعبة

شهاب فاجئو و سنانو بداو يتكززو:صفاء واااش متأكدة من هدشي لي كتقولي

صفاء:اه.. اصلا عادي.. كان مجرد اعجاب و تحايد مع الوقت

شهاب وقف و خبط الطبلة :هادي هي هضرتك اللخرة.. (كيشوف فيها بطريقة عمرها ماشافتها فيه) واخا..

دار فيها شوفات و هو عاقد حجبانو و على ملامحو الندم.. حتا قرر انه يهضر و كان هدا جوابها

مشا و خلاها غارقة فأفكارها و طلقات العنان لدموعها ندمات على دكشي لي قالت :و لكن لا انا دبا خصني نكون فرحانة حيت قدرت انني نقول هدشي و هو باش جازاني بأنه خبط الطبلة و مشا.. ايييعع عمرني ماشفتو معصب حتا مشا ليوم هاكدا.

وقف عليها السيرفور هاز البلاطو فيديه و حطو قدامها.. صفاء كانت غير كتبكي و كتشم فكلينيكس لاتكون باقا فيه ريحتو.. و خبطات البلاطو لاحتو:اععععع اش بغيتي عندي تانتا.. هز عليا زبلك راني غاااديااا

هزات صاكها و غادية و مكمشة داك كلينيكس فيدها.. خرجات من القهوة شافت اللوطو ديال شهاب باقا واقفة.. جاها الفضول و بغات تشزف اش كيدير و لكن الزاج كان فيمي (مظلم).. بدات كتقرب بشوية و وجهها مجخلط دموع و ماكياج معرت فين واصل.. كتشوف حولها و ترجع تشوف فاللوطو و تقرب مزال

اما هو فكان حط راسو على الفولون كيهدأ فراسو حيت من الطبع ديالو هادئ و كيحاول ما أمكن مايتعصبش و لكن كانت هاد النقطة بالذات سبب فأنه يوقع ليه هاكا.. هز راسو ضار حتا كيشوفها جايا بشوية و كتضور فعينيها.. حطات عينيها على الزاج و كتهضر حيت مابان ليها والو:ناري هاد البلاصة غتاخدها بنت منغيري تفو انا حمارة

شهاب ظهرات على ثغرو ابتسامة من وسط العصاب ديالو و همس مع راسو :كنقوليك متبقايش تفكري بجهد.

صفاء ماسنعات و ماشافت والو:دبا انا راه الكرامة هي كلشي.. استجمعات النفس و مشات اما شهاب فتارت انتباهو هاد الهضرة لي قالت.. وعرف ان القضية فيها شي حاجة و كسيرا مشا اما صفاء فا غير شافت اللوطو مشات من حداها جاها شلل نصفي و هي واقفة و مخرجة عينيها حيت باينة غيكون شافها

#####

فاسباانياا.. 

فهد:و لكن كان خاصكوم تقولوها شحال هدا ماشي تقررو بيناتكوم 

اشراق :وا صافي هانتا عرفتي

فهد:ايوا قولولها للوليدة و فالصيف مني نرجعو للمغرب نقولوها للدار كاملة 

#فلاش_باك

مني كانو فالمول و تفاجئات كامي بشكون لقا 

كامي :شووشو شكديري هنا

اشراق حكت راسها بخجل :يخخخ حصلتووني

فهد :حصلناكم ماشي حصلناك

دوا الشخص لي مع اشراق :عااش من شافك اسي فهد

فهد سلم عليه دغيا وباين عليه الانزعاج واشراق كتومي ليه تال من بعد..

كامي: مجوبتينييش

اشراق :ملي كنتو عند الطبيبة وعيطتي ليا وقلتي عندك بنت بغيت نشري ليها شي حاجة ولكن خسرات ليا سيغبخييز

فهد :نتي باغا تشري ورياض لاش

رياض :هههه راه كنا باغي..

قاطعاتو اشراق كتكح وكتدير ليه بيديها من بعد :اوووححك كووحك اووف وحلت ليا

فهد :خليه يكمل شنو باغي

اشراق بفزع :لا لا دابا حنا خاصنا نحتافلو بالبنيتة ونتوما هضرو من بعد اوكي

كانت كتهضر وكتعبر بيديها تاشد ليها فهد الليمنية وبدا كيشووف فالخااتم اما هي صفارت وخضارت الدم مشا من وجهها ولات كتصرط فريقها بزز وكضور فعينيها الخلعة شاداها من صبعها الصغير طلق من يدها وضار دار ليهم بيدو يتبعوه مشات حداه كامي شداتو من يدو وبدات غادا معاه وهي معارفة والو واشراق وراهم كتندب ورياض معلابالوش غادي حداها وهي باغا تقجو

رياض :دابا لااش دايرة هاد الحالة كااملة

اشراق كتغوت ولكن بصوت مبحوح :وااش باغي تسطيني شحال من مرة كيلقانا مع بعضياتنا وكيدوزها راك ولد عمي ولكن اليوم صاافي راه زدنا فيه وعاد زيد راه شاف الخااتم

رياض تاهو كيدوي بشوية :ومن بعد ياكما دايرين شي حاجة حراام

اشراق بدات كتندب البرستيج مشا فكلام فاحش :هااويلي وحدي شتي هد الهضرة قولها لفهد يقبرك هنا تارااه واخا تشوفو زعر ولكن دمو سخوون مغربي قوووح

وطولااتها وضارت كضحك و عاد سرات معاها فكرة ان عندها خوها وهازة راسها مفتااخرة وحالة فمها عند ودنيها حيت حست بالانتصار وانو كاين علا من تعول..بدات غادا كتعوج ورياض عاحال فمو فهاد المخلوقة يالاه كانت كتبكا وتخنن عليه تاقلبت ليه المجاج بخوفها ودابا كضحك وفرحاانة بخوها ولكن شد الضحكة ملي فاتو الباب ديال المول و تسطحت مع ضهر فهد وضار عندها مخنزر دغيا جمعت الضحكة وبدات تغبن.

فهد دبا فهموني اش واقع 

رياض ببرود:خطبت ختك 

فهد:و كتقولها عاااادي

اشراق كلات ضفارها كلهوم بالخلعة و رياض مستغرب من طريقة كلام فهد.. اما هاد الاخير لي سرعان ما تحلو حجبانو و ملامحو تحولو لفرح و عنقو:قولها و نتا فرحاان.. مبروك

رياض تصدم و كيعنق تاهو:الله يبارك فيك 

و اشراق و كامي غير حالين فمهوم 

فهد:على حساب هدشي غنمشيو نتغداو مجموعين 

اشراق فرحات :اه بصح 

#باك 

رياض:فخبار الوليد و الوليدة الصيف الجاي تافقنا نديروالعرس 

فهد:مبروك عوتاني... ايمتا غترجع للمغرب 

رياض:الشهر الجاي ولا لي من بعدو على حسب الخدمة

فدار امين

كانت واقفة نور فوق الكرسي كتشوف فالكيك بفرحة وكتشم فريحتو الشهية و الكريم ديال الفخيز و فوق منهوم زا٠ت اللمسة الخاصة ٠يالها المارشميلو لي ولا لونو ذهبي و اب فوق من الكيك

نور مغمضة عينيها :امممم سحاال غيكون بنين

هنادي :طبيعة الحال وهو طلع من هاد الليديات

نور :هههه ايعزبو بابي

هنادي :بطبيعة الحال..ودابا خاصنا نحيدو الطابلية ونحطو الفطور

حيدو الطابليا وبدات هنادي كتحط الفطور على الصال امونجي..كيف ديما الحادgة تاع هنادي كتعرف دير كولشي وحاادgة ماشي بحال المخموجات لاخرين طيبات البيض وحطات الكاشير والفروماج والشكولا و.....مهم قادات الطبلة بالمزيان وحطات لي كيك لي صيبات هي ونور هاد الاخيرة لي طارت كتنقز باش تكلم باباها حتا لقاتو واقف عند الباب شداتو من يدو كتجر فيه

نور :تعالا باابي تسوف..

مشا معاها حتا وصلو للطبلة تفااجئ من داكشي ودار عندها..

امين :صيبتي هاادشي كامل بووحدك.

هنادي بفخر :ويي علاش..

امين :غير هادشي كتيير تبارك اله عليك.

وجر الكورسي جلس كيشوف فشنو وجدات وجات نور جلسات فوق رجليه وشدات وجهو بين يديياتها كتوريه..

نور :سوف ابابا هادي لييك..

امين :اممم كيك (داق منها)زوييينة شكون صيبها.

نور كضحك فرحانة :انا والساحرة الجميلة..

هنادي : ديك الساحرة متبدلش ههه..

نور :نوو نتي الساحرة الجميلة بابي ماي هيرو ولا (دارت صبعها على فمها كتفكر)ااه بحال الامير تسارل زويين بحاالك وانا البخانسيس ديال الداار

امين : بنتي كبراات ولات طيب.. (هز ليدا يديها كيبوسهم) راه يدياتك لي حلوين داكشي علاش الكيك حلوة وزويينة.

نور :دابا تاكلني ههه

امين :دابا خاصك تاكلي باش ناكلك..

نور :نتا عتوكلني..

امين :ياللاه الطيارة جاياا..

كولشي كان كيدوز على نضرات هنادي لي حاطة يدها على حنكها وسااهية كتشوف فيهم بحنان كيفاش هاد الجوج كيتعاملو مع بعضياتهم بواحد الحناان والحب امين لي ميعطيكش حتا ابتسامة متعرف تاسنانو كيدايرين وحدودي شو كيفاش كيتعامل مع بنتو فمو ماكيتسدش بالضحكة اما نور لي مشيبة العائلة كاملة لسانها طول منها كتولي بحال القطيطة مع باها..بقات حااضيااهم ومرفقها كيزلg حتا زلgمن فوق الطبلة ما توgضت حتا سخات و طاحت وحست براسها جلست مزيان وهي تفكر الساعة هزت عينيها وهي تلقا الوقت قريب..

هنادي :احمم امين راه قرب الوقت..

امين ضور راسو شاف الساعة :ااه بالصح نوري كولي خلاص خاصني نمشي..

هنادي :ولكن نور معامن غتبقا ملي غنمشيو للخدمة

امين :يااك نتي شادة روبو ليووم

هنادي عاد تفكرات وضربات جبهتها بعفوية دليل على تفكرها :ااه نسيت.. للمهم جي بكري را ليوما غيجيو عندنا العائلة

امين كيفكر :ااه بالصح نسيت هاد القضية.. حيد الفيست ديالو و تكسل.. يعني تانا واقلة مغنمشيش للخدمة..

نور عاسمعاتو وهي ضور تلاحت عليه عنقاتو :ياااي معتمسيس للحدمة وعتبقا معااياا يسسس..

امين :وياالاه كملي مااكلتك

شنو بانليكم نخلي علاقتهوم هاكا ولا نزيد شي مشاكل نخاصم نور و هنادي و امين عوتاني😈😈😈

يتبع ...