**ناعسة وجدان مشبحة رجل ويد مليوحين ويد خاشياها في صدرها حالة فمها وريوكها دايزين ,,بدا تيلي ديالها كيصوني حيدات يديها من صدرها وهزات مخدة حطاتها على راسها تخشات تحتها ,,والو حلف لا قطع عصبها وهي تبدا تقلب عليه بيديها حتى لقاتو خشاتو تحتها وجاوبات;الو(بصوت حاقد)
جهاد;ههه اناري واش باقا ناعسة؟زعما راه عندك الامتحان ياحسرة ,,قلت ماغتنعسيش من الخلعة
هي;اش من امتحان كتدوي عليه؟
جهاد;ديال الوطني,,هه واش من كتنعسي كتفلاشاي ولا شنووو راه هه سبعة ديال الصباح قلت ات
قاطعاتو;وايييلي (لاحت لغطا ووقفات)السبعة؟
جهاد;على سلامتك ههه
وجدان غادة كتجري للدوش;قطع قطع اويييلي (قطعات عليه ودخلات مدردكة للدوش غسلات وججها وحكات سنانها وخرجات كتجري للماريو لبسات كولون كحل طالع وبيل صميطات غري ميني بوط و سباط طالون كحل هزات داكشي لي غتحتاج كالكيلاطريس و داكشي هزات لاكارط و لكونفوكاسيون و نزلات كتجري في الدروج لقات باها فايق كيتسناها;صباح الخير
باستو وكتقاد ساكها في كتافها;حمد الله نخليك دابا راني انتعطل
نبيل;اوك ,,حظ موفق (مد ليها قرعة صغيرة حمرا)هاهي قهوتك هنا ,,هه باش تفيقي
خداتها من عندو ;لهلا يخطيك (وخركات كتجري ركبات في لوطو وكسيراو لدار زينب شادة كتاب كتراجع و كتشرب في القهوة وقفو حدا دار زينب ركبات)السلام
ماهزاتش راسها فيها بقات حانياه كتراجع;صباح الخير
زينب;وجدان س
قاطعاتها;حتى نخرجو ,,ونهضرو ماش دابا
زينب;انا عارفة بلي غلطت سمحيلي ولكن ولله ماكنت عارفة بلي بغيتي تسافري,,كان بابا مريض (بهمس)وماعرفت كيف ندير ,,كان خاصني
هزات راسها فيها باستهزاء;باقا زايدة فيه ازينب باقا؟يلا كنتي اتكدبي علي ,,بلا ماتجاوبيني خير ,,حيت غي غتخسريني ونتي عارفاني
زينب;و
وجدان;يلا ماكانتيش اتقولي الصراحة سديه بليييز
زينب (الصمت)
هزات فيها عينيها بسخرية و حنات راسها كتراجع اما زينب تسمقلات ماقداتش تزيد تكدب عليها وماقداتش تخبرها الحقيقة هي بين نارين دابا ,,خوها وصديقة طفولتها ,,واحد فيهوم اتخسرو يلا فضلات لاخر هادشي لاش لتازمات الصمت ,,وصلو المدرسة لي غيدوزو فيها كان باقي الباب مسدوس والثلاميد وحتى واليديهوم معاهوم ,,نزلو وبقاو واقفين شوية حدا الباب وجدان شادة الكتاب كتراجع وزينب مقابلة معاها بحزن عارفاها كتدير هكا باش تفاداها حتى وقف عليهوم انور و حاثم لي حاني راسو حشمان;السلام
زينب ;السلام
انور;هه الناس جاتهوم المراجعة حتى نهار الامتحان ههه
هزات فيه راسها وضرباتو بكتاب:;الله ينعل انخسر الهضرة ثاني خليني مزيانة
انور;ههه ماكتجيش معاك
حاثم شاف فيها;السلام
تنهدات;السلام صافا علليكى؟
بحزن;صافا سمح
قاطعاتو;نسيت داك الموضوع يله ندخلو راه تحل الباب
انور ;ههه فخبارك جيت معاك؟عنداك تقلبي الفيستة ؟
وجدان;انقلب موك لا مابعدتيش مني فهاد الساعة
انور;قلبتي وجهك ها؟صافي هادي هي العشرة ؟
وجدان;شوف ها راه غنضرب مك
انور;هه حقا ماقلتش ليك؟
وجدان;شنو؟
انور;هه ديك النهار عرض علي جمال الغدا انا وزينب(شاف جهة ديال زينب لي حنات راسها وبتاسم)ايوا الالة قالي شنو بغيتي عندها قلت ليه بغيتها ,,قالي انا راه بحال خوها ,,يلا كنتي اتفلا عليها ,,خليها ,,قلت ليه نو بغيتها الزواج ,,قالي من نساليو اكزام نمشي نخطبها هه هه دابا مورا الامتحان انمشي نخطب زينب ,,ماعرفت عدمن نخطبها دابا واش من واليديها ,,ولا من عندك ولا من عند جمال خلعني هه
وجدان شافت في زينب لي غرقات في حوايجها ;ههه ايوا مبروك امتى ناوية تقوليها لي ؟
زينب هزات فيها عينيها;و
انور;هه كنتي خاصنا غي نتي الجو كان كئيب بزااف والله ,,ريسطو ممل ,,كيعجبوني بلاناتك ههه
وجدان بسخرية;هههه الناس ولاو يتخطبو ,,كون زدت شوية كون تزوجتو هه
انور;يله المصيبة تابعاني تابعاني (شاف في حاتم لي واقف وراهوم)كتسنى العراضة؟
حاثم شاف في وجدان بحزن وتنهد تبعهوم دخلو كل واحد شد بلاصتو وجدان جات في الطاولة الثانية من جهة ديال الباب و حاثم الطاولة الالى حدا السبورة و انور جا في الطاولة الاخرى من جهة المكتب ,,جبد الحجابات بدا كيقاد فيهوم اما وجدان جبدات الكالكيل و سيتلووات وداكشي دخلو الاساتيد كانو جوج قالو ليهوم يحطو سيكانهوم حدا السبورة ويطفيو تيلي هادشي لي دارت طفات تيلي ودارتو في ساكها وحطاتو حدا السبورة داز خمسة الدقايق وبداو كيفرقو الاوراق وجدان بدات كتشهد وقاع الادعية قراتهوم ,,ولات مؤمنة عطاوها ورقة الاسئلة والتحرير وورقة الوسخ خضرا بقات كتقرا الاسئلة هوما اللولين بعدا بدات جاها في المتاناول بعدا جهاد دار المزيان بدات بالموجات الضوؤية خدامة معاهوم حتى حسات بدقة الراس هزات راسها كتدور حتى لقات انور كيشوف فيها و يغمزها باش تهز الورقة دورات عينيها يمين شمال لقات الاساتيد كيتحتو تحنات بشوية هزاتها كان مكتوب فيها;عتقي خوك راني واحل مافهمت تا وزة
شافت فيه مسح وجهه بيديه زعما راه ماقشبل والو بدات كتضحك عليه غمزاتو ودارت ليه بيديها تسنى
خشات الورقة تحت القماطر وبدات كتخرج كل شوية كيبدا يصفر عليها انور وهي كتقول ليه تسنى قاعمة خلاها في خاطرها وصلات النص و سالات ليها ورقة ديال الوسخ عمراتها طلبات من الاستاد يعطيها ورقة اخرى عطاها ليها وبقات كتدور في عينيها حتى بان ليها الاساتيد رجعو كيجمعو جمعات ديك ورقة الوسخ بشوية كمشاتها بلا متعيق وهي تلوحها لانور شدها بالزربة وبدا كيحل فيها لقاها مبلوكية من جوج وجوه فرح وعينيه خرجو حيت الورقة ديالو بكل روح رياضة كتصفر كاتب فيها غي السمية والكنية والرقم التسلسلي شاف الورقة بحال يلا شاف الفرج نزل على الورقة ماناضش اما وجدان بقات كتكمل التخراج دقات الساعة ,,وجمعو الوراق هزات وجدان ساكها خشات فيه اتاويشها وخرجات تبعها انور;احح الامتحان كان ساهل
خنزرات فيه;الله يمسخك
انور لاح يديه على كتفها;الرجولة هه بقيت اكنكتب هه
خشات يديها في الساك جبدات تيلي وكتضحك;هه ضحكتيني من لحتي ديك الورقة
انور;وراه خوك مقشبل والو,,قاع داكشي لي بريباريت مالقيت منه والو ,,
سبقها وجدان لوطو وهي ركبات حداه انور و زينب ركبو في لوطو ديال انور اما فهد ركب في لوطو ديالو وكسيراو
فهد راكب في لوطو ديالو تابع سيارة ديال جاد وكيخمم من قالت ليه مغتبقاش تلاقا معاه ,,واخا ماقالتهاش بطريقة مباشرة ولكن المعنى كان واضح ماعقلش حتى بدا كيغوت ويعرعر عليها ,,حس بحال يلا ايفقد خته لمرة الثانية مابقاش غيشوفها مزال,,وثاني هاد جهاد لي بان على غفلة وكريم لي ماغيخليهاش ,,تلف ماعرف مايدير ,,اكيد اتنوض شي حرب وحرب كبيرة ووجدان ثاني اتكون ضحية ,,زير على لفولون وهو كيتعود تاحجة ماتقيسها ,,واخا يوقع لي وقع ,,سمع تيلي كيصوني جبدو لقاه كريم تنهد وهو يجاوبو;وي كريم
بقاو مجمعين شوية و زينب كل مرة تطل على تيليفونها كتلقاه كيصوني كتقطع ,,سالاو وجا الوقت باش يرجعو المدرسة بحكم عندهوم الانجليزية ,,نزلات وجدان من لوطو وتوادعات مع جهاد ومشا بحالو الكلينيك,,اما فهد غيدخل معاهوم بحكم عندو حراسة ,,رجعو الاقسام ديالهوم وكملو الامتحان الانجليزية ماكانتش عندهوم مشكيل فيها لحقاش كلهم كيطيرو فيها ,,سالاو وتوجهو لديورهوم ,,وهكا دازت تلث أيام غي الامتحانات جهاد فين ما لقا شي وقت كيجي عندها وديما كيتاصل بيها,,وفهد ,,مراقبهوم من بعيد ,,زينب ولات كتفادا وجدان,,حيت متقدش تكدب عليها و في الوقت نفسه ماتقدش تعاود ليها واخا كتعدب وكتبكي في الليل ,,ولكن ماعندها ماتدير ,,كلشي لمصلاحة وجدان,,كريم بغا يبقا بعيد هاد الايام عليها واخا كيتعدب مي بغا يخليها تركزفي قرايتها حتى يسالي الامتحان ,,ديما كيسول عليها فهد,,كيقول ليه غي دوينا ومشات,,وحتى زينب,,لي ولات كتكلم معاه ناقص تأزم بزااف ولات حالتو حالة,,واليوم اخر نهار ديال الامتحان خارجة وجدان هي وانور مسرحين بالضحك من بعد ثلاث السوايع ديال العلوم لي دوزوها غي نقلة وضحك
انور;ههه بقات في هاديك لي بقات كتطلب وتزاوك لي ماكيعرفش ينقل اش داه لشي نقييل ,,يخلي لي الماستر هه (ضربها في كتفها)العز ,,ماعرفتيش شنو درتي,,دابا ضمنت الباك هه وغنضربها بتزويجة ,,ماكين غي (شاف فيها)باقا صغيرة حتى تكربي ونقول ليك (ضرب على صدرو)واااع انا جايك ازينب (شافها خارجة من الكلاص)شفتي الحب ,,اجبدتها وهي تخرج
وجدان;ههه زملتي زملتي اساط
انور;انا لي دري وماكنخصرش الهضرة ولكن مقبولة منك ,,غاعايري دابا ههههه انا انمشي نتعنب ونجي
وجدان;عارف راسك بعدا عنيبة
انور;اه انا عنيبة كنتعنب على الحب ديالي ,,يله دوري المائة وغبري ليك واحد ساعة ولا ساعتين ,,خليني نعيش شوية
وجدان;روح تقود شكون داها فيك
انور;مانديش عليك,,انمشي نبوس ونجي هه
وجدان;سير تقود يا الزامل المكبوت ,,الخشاي ,,تفووو
انور دار ليها باي ومشا كيجري لعند زينب عنقها وزادو
وجدان;الله يلكيها ليك ههه
ترن ترن
جبدات تيلي وباقا كتضحك;الو جهاد
جهاد;هي الاومور دازت سانك ساينك ؟
وجدان;ههه سي كلشي داز مزيان ,,
جهاد;هي نوجدو الكادو ,,من دابا ؟
وجدان;مم شنو اتجيب لي ؟
جهاد;ههه يلا قلت ليك كيفاش ايبقا كادو؟هه حمقة ,,باقا في المدرسة نجي نجيبك؟
وجدان;ياك قلتي لي عندك عملية ,,انا في الصباح قلت الشيفور يجي لي
هزات حاجبها كان كريم لي واقف قدامها لابس سروال ديال دجين وبيل نص كم حمر و سبرديلة كحلة داير يديه في جيابو وكيشوف فيها هاز حاجب ومنزل لاخر ,,اما هي دارت تيلي في ساكها وتمات غادية;مغتدويش معيا؟
ماجاوباتوش تخطاتو وتمات غادية بسرعة حتى وقفها;وجدان
مهزاتش فيه راسها;كتعرفني اخويا باش توقفني؟(نترات يديها وتمات غادية حتى تبعها كيجري شدها من دراعها ودورها لعندو)
كريم بحزن;صافي نسيتيني مابقيتيش عارفاني؟لهاد الدرجة اوجدان لهاد الدرجة؟واخدة في قلبك من جهتي ؟
وجدان;شكون نت اصلا لي ناخد في قلبي من جهتهو,,؟شنو كتعني لي ,,؟سمح لي ماكنعرفثكش
نترات يديها بجهد;اه ماكيعني لي والووو ايوا بسع مني
تمات غادة وهو يشدها ثاني;علاش ؟علاش ؟كتديري هكا؟ عارف راسي غالط معاك؟ وقلت شي هضرة ماكانش خاصني ,,نقولها ,,ندمت واحق الله حتى ندمت (حط يديه على حناكها)بلز سمحي لي وخلينا نرجعو كيف كنا
نترات منه;شوف نقول ليك (اشارت ليه بصبعها)ماكينة تاشي حاجة سميتها حنا ,,,,ساليييييييينا ,,,(ضربات يديها)سي فيني ,,اخر مرة تبقا تعرض لي ولا ماغيعجبك حال ,,(بصوت حاد )سااااااا لييييييينا (كتنطق كل حرف بوحدو وكتورك عليه)
تمات غادة وهو يشدها وزير عليها;شنو كتدير طلق مني ؟
تم غادي بيها جهة ديال لوطو;نتييييي لي ساليتي انا لا (حل لوطو وخشاها)
جات تحل لباب طلع بسرعة وسدو اتوماتيكومون شافت فيه بحقد;كتصحاب هادشي غايبدل شي حاجة ها؟
ضرب يديه مع لفولون ;سكتيييي سكتييييييي ,,نتي ماعارفاش شنو سرا لي من مشيتي ,,,,عرفت الزامل بوويا غالط ولكن راني (ضرب في صدرو بجهد)كنبغييييييك اوجداااان ,,كنبغييييك,,,ماستحملتش نشوفك مع شي حد واخا يكون فهد ,,واخا يكون معرت تاراجل غيري مامنحقو يقيسك ولا يمسك ,,نتي ديالي,,انا بقا في الحال ,في عوض تجي عندي وترماي في حضني ,,تعنقيني وتبكي ,,مشيتي رميتي عند فهد ,,انا شنو ماشي راجل,,ها؟شنووووو؟
وجدان تنهدات;داك الموضوع سديناه ,,انا مابقيتش بغيت ندوي فيه (حطات يديها على البواني)حل لي هاد الزمر خليني نزل
ضرب يديه مع الفولون;علاش وليتي هكا علاااااش ,,؟(دار لعندها بغا يمس وجهها وهي تبعدو زير على يديه بجهد ودوا تحت سنانو)لهاد الدرجة ,,,لهاد الدرجة؟وليتي ماحاملانيش؟
شافت فيه;اه وكثر,,,كثرررر بزاااااف ,,,مابقيتش حاملة لا نشوفك ولا حتى نسمع سميتك,,مابغيتش نرجع ليك اجمال,,ماغنرجعش ليك,,ونت مايمكنش لي تبزز علي شي حاجة انا ماباغاهاش ,,بلز(بصوت هادي وتعب)حل لي الباب خليني نزل
كريم ضرب يديه مع الزاج;ماغتمشي فين ,,علاش ويليتي قاسية هكا,,شوفي كيفاش كتهضري ببرود,,,انا شاعلة في العافية ونتي (تنهد)نتي عندك عادي ,,(مد يديه بغا يمسك يديها وهي تبعدها)علاش اوجدان علاش؟فين هي وجدان لي كانت كتبغيني,,تجي تلاح علي,,تعنقني,,فين هي وجدان لي على اي حاجة تبكي وتضحك,,(بعينين دامعة)فين هي وجدان الحنينة ,,انا غلطت كنعتارف ومستاعد ندير اي حاجة على قبالك,,اي حاجة (بحماس تقاد في البركة وشاف فيها)ها الامتحان سالا ,,كنا دايرين نجي نخطبك ,,ونتزوجو ,,من دابا نمشي نطلب يديك ونتزوجو,,نمشيو البلاد لي بغيتي,,عافاك(بترجي)سمحيلي
بقات ساكتة شحال هزات وجهها وهي تبدا تضحك بهيستيرية و عينيها مدمعين ,,كتضحك وتبكي بحرقة;هههههههههههههه هههههههههه (شافت فيه)من نيتك؟هههههه بغيت نقصد ههههه لا زعما واش هههه داوي بصح هههههه؟هههه نكتة والله
كريم;قلت شي حاجة كتضحك؟
وجدان;ههه كلامك كله هه ضحك (جمعات فمها وشافت فيه)واش كتضحك عليييي ولا شنووووووووو؟واش انا بنت ليك لعبة بين يديك ؟تدير في مابغيتي,,,تسبني وتعايرني وتطلب السماحة ونرجع ليك ,,من نيتك اولد العبد؟(تنهدات وخدات نفس غمضات عينيها وحلاتهوم فيه)شوف نقول ليك,,انا مابغيت منك والو,,بغيت حاجة وحدة (جمعات يديها بزوج )التيقار ,,بغيت التيقار صافي ماكنطلب منك والو ,,,وصلت معاك لواحد الدرجة لي وصلات لي هنا (حطات يديها في عنقها)سمح لي ولكن ,,انا مابقيتش باغاك ,,مابقيتش باغاك
بقات ساكتة شحال كتحاول تفكر ,,كتحاول تجمع افكارها وترتبه,,ماكانتش دايرة في بالها غتلاقاه ,,جاها بصدفة صدمها ,,ماكنتش متوقعة تلاقاه ,,قالت مهما غبر هاد المدة إلا وعطاني التقار ,,,ولكن هاهو تاني بان ,,كيترجى فيها كيف ديما ,,كيديرها وكيطلب فيها ,,ترجع ليه وكيدير ماكثر ,,هدا هو حاله ,,كتشفع ليه على حاجة ,,وكيدير الضوبل ديالها ,,كيطلع سطاج اخر ,,مابقاتش قادة ,,على صدمة اخرى قلبها كيتعدب ,,كيحرقها ,,بكتشوف فيه كينتاظر جوابها على أحر من الجمر ,,ولكن ولكن تنهدات واش تسمع لعقلها وتبعد منه ولا تسمع لقلبها لي جاب ليها غي الدل والالم لا ماخاصهاش تضعاف هاد المرة ,,ماخاصهاش ترجع تاني تحت السباط خدات نفس عميق كتحاول تحيد بيه توترها ,,لي راودها ;سمع (بصوت منخفض)انا لي عندي قلته,,قول لي شحال من مرة جرحتيني فيها,,شحال من مرة هنتيني في كرامتي,,شحال من مرة كتنقص مني ,وكتضربني,,وسامحتك ,,خنتيني وسامحتك,,كتحكم في كتدخل في كلشي,,على اي حاجة كتغضب وتدير حالة ,,خاصني نكون عبدة تعيط لي وقتما بغيتي نجي,,الجوج ديال الليل ,,ونجي عندك,,(شافت فيه)اي حاجة كتطلبها مني عمرني رديتها فيك,,دايراك ,,ولا كننننت(وركات عليها)دايراك,,هو كلشي,,,بغيتك ,,من قلبي (ضربات في صدرها)وهوبتك كلشي,,وكنت مستعدة نوهبك اي حاجة,,ونت ؟(شاف فيه بعينين مدمعين)شنو درتي؟شنو عطيتني؟
هز راسو فيها كانو عينيه مكسيين بالدموع;عطيتك روحي و قلبي وكلشي فيا انا اوجدان كنبغيك,,كنموت عليك,,,ماتخلايش علي عافاك
وجدان;الحب اجمال ,,ماكافيش,مكافيش ,,سمح لي
قرب حداها;حبي لي كافي وموفي ,,,انا مستعاد ندير اي حاجة,,غي ولي لي تاني وسامحيني
كريم بعد بصدمة وحط راسو على الفلون;فهميني ,,فهميني (هز فيها راسو كانو دموعو نازلين)عافاك غي فرصة اخر فرصة هانتي غي جربيني ,,عطيني غا فرصة
بحزن;نت لي فهمني الله يخليك,,فهمني,,انا (حركات راسها بنفي وعينيها مغرغرين)مانقدش ,,,حسب شحال من فرصة عطيتك,,غي حسب ,,شحال من اخر مرة قلتي,,انا مابقيتش كنتيق فيك اجمال,,مابقيتش ,,وعمرني مزال ,,مابقيتش انقد نرجع كيف ماكنت معاك,,مابقيتش نقد نأمنك علي ,,على اسراري,,,,نت بأفعالك و هضرتك قتلتي كلشي زوين في علاقتنا ,,مابقا فيها مايتصلح ,,,مابقا فيها اميتصلح اجمال
كريم عض على قنانفو ووجهو مزنك ;لهاد الدرجة وليتي كتكرهيني؟ماب(سكت)مابقيتيش حاملاني؟
وجدان تنهدات;انا ماكنكرهثكش ,,ولكن ,,انا في نفس الوقت مابقيتش باغياك,,عافاك بلا ماتبزز علي ,,انا خديت قراري,,مغنتراجعش عليه,,(بهمس)كنتمنى تقبلو
مسح على وجهه;نتقبلو؟واش باغا تحمقيني ولا شنوووووووووووو؟علااااااش ماتنسايش لي فاااااااات ونبداو صفحة جديييييييدة مستعاد نديييير اي حاجة ,,,,لي بغيتيييييها ,,,,نجي لداركوم علاااااش مقصحة قلبك,,,انا باغيك وحتى نتي باغياني ,,,,عينيك كيقولوها ,,,باغياني كثر من باغياك (نزل عينيه ليديها لي كتلعب فيهوم)شوووفي كلك كتفيبري ,,,كترعدييي,,,,لااااااش مكبرة الموضوع ؟خلينا نوليو كيف كناااا,,,تولي حبيبتي تاني,,ومراتي,,وام ولادي ,,,نديرو دارنا ,,ها نتي ساليتي الامتحان,,ياك بغيتي تديري الفنون الجميلة ,,انمشيو الايطاليا ,,كينين بزااف ديال الرسامين ,,وحتى حتى هداك ادوارد ميندوزا لي كيعجبك ,,كاين تما ,,ندخلك احسن المعاهد ,,ياك باغا تولي رسامة ,,,انا مستاعد نحقق ليك حلمك,,,,مستاعد ,,نشري ليك معهد ,,يلا بغيتيه ,,غا ولي لي
وجدان;احلامي انا قادة نحققهوم براسي,,(شافت فيه)تشري لي معهد؟منين جاك؟اصلا انا عمري سولتك ,,منين جاتك هاد لوطو؟ولا لفيلا؟ولا الطوموبيلات لي عندك فيها ؟
كريم;دابا لاش كتدوري في الهضرة؟انا انا
وجدان ;شفتي؟ماعندكش جواب ,,ولكن انا عندي جواب وجوابي واااااااااااضح بزاااااااف ,,,غي لا بغيتي تعامى عليه,,جوابي هو لا ,,
كريم;دابا على قبال الفيلا ديارة هك,,انا عندي شركة ورتها من الوليد ,,عمرني مشيت ليها ولكن مخلي فيها ناس ثقة ,,را باك ممكن يعرفها ,,الفيلالي للازياء
وجدان;انا ماكيهمنيش فلوسك ,,,,ماخصنيش بيهم,,كتهمني راحتي وراحتي هي نبعد عليك ,,هدا مكان
شاف فيها بانكسار وعينيه جغمة ديال الدم ,,وباكين;هدا اخر كلام عندك؟
حنات راسها شحال ,,حابسة دموعها في طرف عينيها;اه
كريم;شوفي في وقوليها لي,,شوفي,,اوجدان وقوليها لي ,,في عيني ,,,هزي راسك في (حط يديه في فكها وهزو ليها)قوليها دابا
حنات عينيها لتحت وكتعض في قنانفها تنهدات وشافت فيه;اه اخر قرار عندي ,,خليني (بهمس)نمشي الله (بعد نفس)يخليك
حيد يديه عليها فاشلين تصعق مامصدقش لي سمع ماشعر غي ضغط على الزر باش تحل ليها الباب بقات باركة شحال وهي كتشوف فيه كيبعد بيل من على وجهه ,,عينيها كانو مليانين دموع بغات تعنقو ,,بغات تخشا فيه,,ولكن الحاجة لي تكسرات عمرها ترجع هو كسرها ,,كسرها بزااف ,,زيرات على ساكها ,,ونزلات ,اما هو بقا كيبعد على بيل ديالو وكيرجع هضرتها حرف حرف عيونو دايزين بالدموع ,,مابغاوش يتحبسو,,حط راسو على الفولون وبدا كيضرب فيه ويبكي ,,كيشهق ,,;علااااااش ,,,علااااش اهئ اهئ كنبغييييييييييك ,,,اهئ اهئ
**اما وجدان من نزلات من لوطو وهي كتبكي ,,حاطة يديها على فمها وكتبكي,,مابغاتش تقول ليه ديك الهضرة تمنات تموت وماتقولهاش ,كتبغيه كتموت عليه ,,كتحماق عليه,,ولكن هو جرحها ,,جرحها بزااف ,وهاد لمرة غير ,,غير هاد لمرة تعدا الحدود ,,بزااااف ,,ماتقدش تسامحو بالسهولة ,,ماتقدش ,,,بقات غادة في الطريق وكتبكي ,,مامسوقاش لبنادم لي كيشوف فيها ,,ولا تاحد ,,ماعرفاتش فين غادة ,,,من غير تهرب ,,وتزرب في المشية ,,,بحال يلا كتنتاقم من راسها ولا باغا تفرغ ,,,بقات شي ساعة وهي غادة عينيها ولاو منفوخين وحمرين مسدودين ووجها حمر ,,حمر بزااف ,, ,عيات من المشي رجليها ضروها بسباب الطالون بان ليها طاكسي ,,شيرات ركبات فيه ومشات
****
فلترحل
نحن حرف زائغ عن سطره ,,أترك الاسباب والعدر الغبي
ليس يعنيني عتاب يرحل,,ليس يجدي حين تفنى روحنا
,,ان عرفنا عدرنا ام نجهل ,ليس يجدي حين نبكي موتنا
ان عرفنا كيف كنا نقتل ,,قد نويت البعد فلتدهب إدا
هادئا في صمت دمعي ترحل ,,مر بالقلب السارع نبضة
وانظر الدكرى كيف تدبل,,,,تدبل الدكرى ادا لم يرويها ,,,
دفء وصل من حبيب يهطل ,,مر في قلبي وخد منه الهوى
ان يمت حب فأولى يحمل,,ليس في قلبي رفات يحتوي
ليس روحي للبقايا تحمل ,,لا تعر للدمع بالا وارحل
لا يهم الدمع أو ما أفعل,,مند ان صرت الهوى في عالمي
وانتظاري في نصل تيكل ,,كان طعم النظرة الاول راحلا وكان الغدر فيك الاول,,مثل محكوم بإعدام جزع,,ليس يدري أي يوم يقتل
مند ان احببتني لم تفعل,,كادب في عدب قول ترفل
,,جئتني كيف بعد حين ترحل ,,ألف جرح في فؤادي يجعل
,,,,,قد نويت البعد فلتدهب إدا
,,,,,لن يضر القلب عدر يرحل
****
بارك في البار وبالضبط في الكنطوار حاط قرعة ديال الشراب قدامو شادها بيديه عينيه شلال وحمرين مرة مرة كيدوز دراعو بعنف على نيفو كيمسحو ;مشات مشات علاش (هز قرعة ثاني كيقرقر فيها ماحطها حتى صفاها ليها مسح فمه وهز يديه بتتاقل )ارا قرعة خرا
وقف عليه النادل;سي جمال,,راك كترتي بزاااف
كريم دار صبعو في فمه;ششششث مابغيت نسمع والو (حرك يديه في الهواء)سير سير جيب شي قرعة
النادل حرك راسو يمين وشمال وهو كيشوف كريم متكي على الكنطوار كاو ماقادش يهز راسو ومشا
كريم;علاش اوجدان علاش انا كنبغيك ,,وحق الله حتى كنبغيك ونتي نتي خليتيني تخليتي علي علاش اوجدان (سمع صووت الهاتف كيرن خشا يديه في تجاكيط وجبدو لقاه فهد)الووو
كريم :اووووو سي فهد هدا (شاف في النادل لي حط ليه القرعة)اشنو حب الخاطر ؟
فهد;فينك تاني ؟
كريم;فيني؟ممم انا كندور طاير فوق السحاب ,,,انا فرحاااااان بزاااااف عرفتي علاش (هز القرعة شرب منها)حيت وجدان تخلات علي ,,انا فرحاااااااان (حط القرعة وبدا كيبكي)انا خلاتني قالت لي عمرها ترجع لي ,,قالت لي صالينا انا طلبتها ورغبتها ,,,عرفتي ؟بغيت غي نقيسها ماخلاتنيش ,,ولا كتشمائز مني ,,كتكرهني افهد ,,انا تدمرت صافي ,,انا فرحااااان ,,,فرحان بزاااف كلشي سالا اوووووووو (دور وجهو جهة ديال المغني كان طالق اغنية (شيب اوف يو كتعني قطعة منك)ام إن لاف ويد شيب اوف يو ,وي بوش لايك ماغنادو ,,اثوغ ماي هورت فولين تو ,,ام إن لاف ويد يور يو بادي (ناض هاز القرعة )اووووو
ماجاوبوش بقا هاز القرعة و تيلي في ودنيه وكيشطح و كيغني
******وجدان جالسة في المكتب ديال جهاد في الكلينيك كتبكي وتنخصص
جهاد مد ليها كلينيكس ;باراكة عليك من البكا شوفي كيف رديتي عاينيك
وجدان;اهئ هئ اهئ كيف بغيتي ندير اهئ اهئ مانقدش هو كان كيبكي وكيترجا في باش نرجع عليه,,,وانا (خشات وجهها في يديها)اهئ اهئ مانقدش مانقدش
جهاد ناض من لبيرو ديالو ومشا برك حداها حيد ليها يديها من وجهها وشدهوم ليها تنهد وهو كيشوفها كتشهق وتنخصص ماحملش يشوفها فداك المنظر وخا حبه ليها كيعدبو و ولكن دموعها كيحرقوه وكيشوطوه,,عارف بلي حبه من طرف واحد هي من الاول خبراتو بكلشي ولكن هو لي كان باني امل,,مايقدش يلومها لا رجعات لحبيبها مايقدش واخا ماعرت شنو يسرا ليه منين ايشوفها معاه فكرة بحال هادي بحال هادي كتقتلو ولكن الحب كيف كيقولو تضحية وهو مستاعد يضحي في سبيل سعادتها ,,هدا هو الحب النقي ,,زير على يديها وهي منزلة راسها لتحت;واش باقا كتبغيه؟
حركات راسها بايجاب بسرعة ,,تنهد وهو حاس بغصة في قلبه ضحك على راسو وشاف فيها;ايوا رجعي ليه ,,نتي كتبغيه وعلى هادشي لي عاودتي لي باينة كيبغيك,,وجدان الانسان كيغلط,,راه ماشي ملاك ,,يمكن هو مقصدش يقول ليك ديك الهضرة ,,وهانتي قلتي مشا حتى الاوكرانيا على قبالك,,,ماشي اي واحد كيدير (خدا نفس وزفر)هادشي على قبال شي وحدة ماشي اي واحد ايسافر لاخر الدنيا باش يقلب على وحدة و سويرتي مايلقاهاش
كتبكي;اهئ اهئ جهاد هو راه راه جرحني بزاااف مانقدش نسامح ليه بالسهولة واخا قاع رجعت ليه (هزات فيه عينيها حمرين)مايمكنش نرجعو كيف كنا انا تيقتي فيه تهرسات ,,والحاجة لا تهرسات عمرها تصلح
جهاد;شكون قاليك عمرها تصلح ,,الحب كيصلح كلشي ,,نتي كاتبغيه وهو كيبغيه والوقت كيداوي الجروح عطيه فرصة ,,ولكن بشوروطك ,,هاد المرة ماتناقليش على حقك ,,باش مايلعبش بيك تاني ,,عطي لراسكوم فرصة يمكن هو نادم هاد المرة
حيدات يديها وسط يديه وناضت تحت انظارو وقفات قدام شرجم كبير كيطل على الجردة ديال المستشفى ربعات يديها;ماشي بهاد السهولة اجهاد ,,,ماشي بهاد السهولة (دارت عندو)واش تقد تسامح لحبيبتك ,,؟
تعجب من سؤالها ;انا حالتي ماشي هي حالتك ,,انا هي باعتني على قبال الفلوس,,نتي عكس ,,هو باقي شاريك,,
تنهدات;من دار داكشي راه بحال باعني,,(عطاتو بالظهر)يمكن مافهمتينيش اجهاد,,,كينين شي حوايج مايمكنش يتنساو بسهولة ,,ولا يتصلحو ,,القلب لا تهرس مايمكنش يرجع كيف كان ,,وقاع لا رجع كيبقاو لاطراس جروح عمرهوم يتنساو ,,هو ديما كيدير هكا ,,وكيطلب السماحة ,,ولكن ماكتدوزش مدة حتى كيدير كثر منها,,انا مانقدش نتيق فيه ثاني,,حيت عارفاه ,,ايخليها تبرد يومين وغيرجع لطبيعتو,,(دارت عندو)غيرجع لحقيقتو ,,لي فيه شي حاجة ,,عمرو يقد يحيدها,,الطبع كيغلب على التطبع ,,اجهاد,,عمرو يتبدل عمرو ,,وانا مامستعداش نتجرح ثاني ,,حيت (سكتات)هاد المرة انمشي فيها بخطرة مانقدش نريسكي
ناض عندها وقف جنبها ;وشنو ناوية تديري هو اكيد ماغيخليكش ,,ونتي باقا كتبغيه ,,,شنو المعمول؟
شافت فيه;ماعرفتش ,,والله ماعرفت ,,
دار يديه في جيابو وشاف في الجردة;خلي الاومور هكا ,,حتى نشوفو مع الوقت شنو ايسرا,,يلا كنتي قادة تعيشي بلا بيه,,كملي حياتك,,ويلا نو,,فراه نتي غترجعي ليه بلا هواك (دار عندها وحط صبعو في صدرها)حيت هدا ماغيخليكش هانية ,,ماغيخليكش ترتاحي,,وهدا ماكيسمعش العقل متمرد كيدير غي لي فراسو,,نتمنى يكون خير ,,في كلتا الحالتين
وجدان حركات راسها باه;نشاء الله
جهاد;يله نوصلك داابا راه طاح الظلام ,,ايكون باباك مخلوع عليك
وجدان;واخا يله
جهاد;نطرقو شي سناك ناكلو فيه ومن تم نمشيو صافي؟
وجدان;ماعنديش نفس
جهاد;نتي باغا تقتلي راسك,,كتفطري بقهوة و باينة ماواكلة والو زيدي قدامي بلا كثرة الهضرة (بغات تدوي ماخلاهاش شدها من يديها مشا بيها جهة المكتب هز ساكها دارو مدو ليها هز تجاكيط ديالو و سوارت لوطو وتيلي وخرج شدها ثاني من يديها وخرجو قاع الاعين عليهوم,,وبالخصوص المعجبات ديالو ,,ماكرهوش يتلاحو على وجدان ,,وأكثرية حيت مايقدوش ينافسوها ,,جمالا ,,وعاد حنيكاتها لي حمرين وفمها لي حمار ونيوفها بالبكا حانية راسها ماقاداش تهزو حيت حسات بلي كيلشي مراقبها ,,هزات عينيها في جهاد ,,لي غادي قاعمة مسوق ,,ماعرفاتش كيفاش في مدة قليلة رتاحت ليه و صبحات كتأمنو على اسرارها ,يمكن حيت هو كيسمعها من الاول حتى الاخير ,,ولا نصائحو لي كيريحوها ولا حيت طبيب ,,ماعرفاتش علاش ,,مي هو دابا ولا من ناس المقربين ليها ماتقدش تفرط فيه,,,من الناس لي تقد تيق فيهوم ,,ركبو في لوطو و عفطو )
فهد شاد كريم وخارج بيه من البار وهو كيغني كاو رجليه ماقادينش يهزوه ;عطاك ربي بلاصة في قلبي مهما ديري وقليل فيا ,,انا عشقتك وحملت عدابي ,,نبغيك بزاف بسيف علي ونتي لي خايدك القلب ونتي لي سقست عليك العين كلشي في يا لامور عجب
فهد كيبغي يدخلو لوطو وهو باغي يبقا في الشاريع وكيغوت كيغني ;نزعف انا ومتزعفيش نتيا منبغيش نشوفك غيضانة افون تو نتيا ولية اووو عطاك قلبي بلاصه في قلبي اووو
لاحو في لوطوومشا كيجري ركب قبل ماينزل ليه سورت لبيبان وديمارا لوطو;عاجباك الحال
فهد;حماق هاد السيد (ديمارا لوطو وزاد وكريم ناشر رجليه فوق الكابو ولايح راسو لور كيغني وفهد كيسوق مرة مرة كيتللفت ليه كيتحسر على الحالة لي هو فيها وصلو الفيلا ديالو ,,نزل فهد هو اللول وحل ليه لباب ونزلو تاني كيغني وكيدندن لاحو فوق الفوتوي قادو فوق الفوتوي وهو حلف لا بغا يتقاد ليه ,,مانعسو ابزز ولا كله عرقان وكيقطر لاح تجاكيط ديالو ومشا اغرفة ديال سينيما هز قرعة وكاس ديال الشراب وجا برك مقابل معاه حط القرعة وخوا شوية في الكاس وبدا كيشرب مقابلو
*****وصلو الفيلا ديال وجدان وقف لوطو حدا بابهم تلفت عندها لقاها حاطة راسها على الزاج وناعسة تنهد وهو كيحقق في ملاميحها الجميلة و ضؤ القمر مضوي يمكن جمالها كينافس ضؤ القمر قرب حداها وهو كيحقق في عويناتها ونيفها و شعرها لي مليوح بطريقة جميلة عليها;شنو درتي في اوجدان شنو,,انا عارفك كتبغيه,,,كنتعدب بزاف كنحلف ليك,,عارف بلي خاصني نبعد ونخليك,,ولكن منقدش منقدش ,,يكفي ,,كل نهار نشوفك ,,ونسمع صووتك,,و ابتسامتك,,و شقاوتك,,يكفي نكون قريب منك,,ونشم ريحتك,,,,يكفي نكون صديقك ,,وتعاودي لي كلشي ,,نوقف معاك,,و نساندك ,,واخا كيجرحني الامر (مد يديه نحوها كيلمس شعرها)ولكن من نشوفك مبتاسمة وفرحانة هادي هي الدنيا ومافيها ,,(قرب حداها وطبع قبلة في راسها وطولها بزااااف حتى نزلات دمعة من عينيه بعد وكيمسح دمعتو وكيشوف فيها كلَاكسونا حله ليه الباب دخل ووقف لوطو في باركينغ نزل ومشا جيهتها وحل عليها الباب بشوية باش ماتطيحش حيد ليها السمطة وهزها بين دراعو هي احسات براسها مهزوزة حاوطات يديها على عنقو وتخشات فيه بقا غادي بيها وماكرهش الطريق تزيد تطوال ,,قلبه كيخبط يخبط ايخرج من بلاصتو لبنت لي كيبغي في حضنو حاس بروحو اتخرج والله ,,بحال العطشان كيشوف الماء وماقدش يوصل ليه,,دخل بيها الدار لقا حنان باركة كتلعب بتيلي و نبيل بارك في الصالة كيقرا كتاب,,نبيل شافو لاح الكتاب وناض بسرعة خايف;مالها شنو سرا ليها؟
جهاد خنزر في حنان لي مهزاتش الراس وشاف فيه نبيل;لا والو,,غا كانت معايا ,,من كنا جايين نعسات ,,مابغيتش نفيقها
جهاد عاود شاف في حنان تنهد وتبع نبيل لي طالع مع الدروج دخل الغرفة ديالها ,,حيد نبيل الغطا بعدو ليه حطها في فراشها وقاد ليها راسها بشوية و حيد ليها لبالغين غطاها وبقا كيشوف فيها شوية وناض في اتجاه نبيل لي مراقبو مع ابتسامة;شكرا
جهاد;اه اوك (دار شاف فيها طفا عليها الضؤ وسد الباب ونزل)
نبيل;برك شوية
جهاد ;لا خاصني نمشي غدا نرتاح عندي عملية على الصباح ,,
نبيل;اووك راحتك هي اللولة ,,
جهاد ;يله نخليك دابا
نبيل;نشوفك من بعد
جهاد حرك راسو وشاف في حنان وخرج ,,كيفكر مع راسو واش هادي ام ولا شنوو ,,بنتها داخلة هكاك ماعرفاتها مغمى عليها لا والو ماشافتش جهتها ولا حركات ساكن ,,لعن الامومة لكانت فحال هكا ,,ركب في السيارة ديالو وهو كيسب ويلعن كون ماكانت مها كن قجها ,,واخا هو من النوع المسالم ,,إلا وتصرفها استافزو حس بكل ,,كلمة قالتها وجدان ,,وعرف علاش مقداتش تسامح كريم,,حيت السمع ماشي بحال يلا شاف الحاجة بعينيه ,,شاف كلشي,,دابا عاد عرف علاش ماتقدش تسمح ليه حيت حك على الضبرة و الضبرة خايبة وملتاهبة ومعفنة بزااااف ,,تفكر من تخشات في حضنو ,,حط يديه على صدرو كيتحصس البلاصة لي كانت حاطة راسها عليها سرعان ماحيد ديك الفكرة ,,ورجع كبت مشاعيرو تاني كسيرا لوطو وزاد
***دازت عشريام على ابطالنا اه عشريام بالكمال والتمام ,,وجدان ليل ونهار عاطيها غي البكا ,,ديما جهاد معاها وكيقنعها ترجع ليه وهي كتمتانع واخا في صميمها باغا ,,ولا جهاد تقريبا ماكيفارقهاش ,,إلا مالاكنت شي حاجة ضرورية,,اما سي كريم هداك ولا ماكيصحاش بمرة ,,كيفيق كيشرب حتى يكاوي ويتلاح ويعاود يفيق يدير المثل كل نهار حالته كتدهور ,,تحت عينيه كحالو ولحيته تربات همل راسو ,,زينب وفهد ماخلاو مادارو معاه هو والو ,,هضرتهوم كيدخلها من جهة ويخرجها من جهة ,,ليوم هو يوم اعلان النتائج كلشي متوتر ومخلوع منهوم وجدان واخا خدمات وليك صبحان الله كتجيك نهار التعلاق واحد الخلعة ,,هه مانعاودش عليها ,,واقفة قدام الماريو كتخمم جبدات بيل كم بالموطارد مفخفخ مع شورط قصير ديال دجين وكونفيرس مشات لمراية كتشوف وجهها لي ولا صفر دارت ماكياج خفيف درقات بيه صفورية ديال وجهها مع عكر خوخي قادات شعرها جات توتة ههه هزات ساك كحل طويل وخرجات كتجري في الدروج تلاقات مع باباه شافها بتاسم;هه ماتخافيش كلشي ايدوز مزيان بشوية عليك
وجدان;اووف مخلوعة
نبيل;هه انا متأكد بلي كلشي مزيان هه
وجدان;كنتمنى اووف (ومشات كتجري اما نبيل بقا مراقبها ومبتاسم ركبات في لوطو والخلعة راكباها من صبعها الصغيرديال رجليها كتاكل ظفارها وقفو قدام دار زينب لقاتها كتساينها كيف العادة واخا واخدة منها موقف إلا واخا هكاك ماكتفاداهاش عكس زينب لي ولات كتفاداها هاد ليام بزاف ركبات ;السلام
وجدان:هاي صافا
زينب;مخلوعة اووف
وجدان;سكتي ماتزيديش علي حابسة البولة غا بزز ناري ناري اووف
زينب ;كلشي ايدوز مزيان ,,ياك درتي لي عليك ايوا احنا انشوفو ,,انا لي مكحلاها اوووف
وجدان;شش شش خليني نركز اووف اووف
وقفو قدام المدرسة نزلات زينب هي الاولى تبعاتها وجدان الدنيا عامرة وبنادم كله مجمع الجقلة وباقي معلقو النتائج وجدان غادة جاية;ناري ناري هادي تعطلو ياك قالو الخمسة ايعلقو هادي راه الخمسة وقصماين
زينب;ناري دوختيني تي هداي في اللخر انقاك مخورة كلشي تهدني
انور وقف عليهم وجهه حتى هو صفر;علقو ؟
وجدان;سكتني الله يرحم باك
انور;هادي راه مسألة حياة او موت لا مانجحتش مشيت فيه خليني عليك
عرفتي الوليد شنو قال لي يلا سقطت ؟باي باي الزواج باي باي الطوموبيل باي باي تسافيرة ديال الميريكان باي باي كارت كيشي ضعت ضعت
زينب;واناري سكتو
,,,كلشي ايدوز مزيان
دارت وجدان جهة ديال الصوت لقاتو جهاد لي جا لابس سروال ديال دجين كحل مع قميجة نص كم بيضة خاشيها فيه و سبادري كحلة;جيتي؟
جهاد;ماقديتش نصبر تعيطي لي ,,هادشي علاش جيت هه حسيت براسي انا لي مدوز الباك
انور;الخلعة طلقي مني ناري قودتها
وجدان;سكتنا الله ينعل الزامل بوك فهاد النهار (عضات على فمها وشافت في جهة ديال جهاد لي مصدوم و مخرج عينيه )سمح لي
جهاد ضحك;كتوقع كتوقع ههه
انور;الله ينعلها سلعة كتحشمي الله يمسعك
وجدان مشات ليه;را غانننن (وهي تسكت )واناري كيعلقو
دار انور بسرعة;واللاهيلة
زينب;احم احم قوادت
جهاد;تهدنو كلشي ايكون على مايرام
انور;واناري ماكيبان والو انا انمشي نشوف
وجدان;تسنى اولد الكلبة
جهاد شدها;انا انمشي نشوف ليك شوفي الدنيا كيف عامرة ونتي (شاف الشورت )انا انمشي نشوف ليك ولصاحبتك غي وقفي هنا
حركات راسها بايجاب و كتاكل في ظفارها اما جهاد حيد يديه مشا تخشا حدا بنادم ها لي سخف هالي كينقز هالي كيبكي ويغوت مهم الربالة
زينب;ناري تعطل
وجدان;اه اها تعطل ياكما سقطت ومافخباريش ناري نسخف ليكوم هنا
,,السلام
دورات وجدان راسها لقات فهد لي واقف لابس سروال ديال التوب باج وبيل نص كم مارو وراه كريم لابس شورت ديال دجين و بيل غري داير نضاضر على عينيه كحلين مادواش وحتى هي عتابراتو فحال يلا ماكينش شافت في فهد;هاي
فهد;امدرا
وجدان;باقا ماعرفتش ,,مشا جهاد يشوف لي
كريم اسمع سمية ديال دري وهو يقندش كرز على يديه وكيتنفس بجهد
عض على قنانفو وكيشوف في الشورت لي مدرق غي المؤخرة رجليها كلهم باينين وفخادها وعاد الماكياج لي دايرة قاعمة باينة فيها كانت كتعدب ولا تبكي ,,يمكن تكون نساتو كيف قالت ,,كرز على قنانفو حتى خرج الدم كيشوف فيها غادة جاية وكتاكل في ظفارها حتى سمعات انور كيغوت وكيضحك;وااااع نجحت نجحت وااااع هههه (مشا كيجري عند زينب تلاح عليها عنقها وكيدور بيها)نجحت نجحت وااااااع ههههه
كريم ولا كينهج صوت انفاسو ولاو كيتسمعو دار عندو فهد;ماتندمنيش حيت جبتك فهمتي؟
كريم مسح على شعرو بغضب و زفر
زينب;ها هو جهاد جا
كلشي دار جهتو بالخصوص كريم لي كيطلعو من الفوق لتحت ,,ماكرهش يمشي يتلاح عليه ,,بالخصوص من شافو قدو في العمر و عاد زوين ,,يعني كيتعد منافس ليه ,,كيشوف فيه كيشوف في وجدان بغا يقجو شاف فيه فهد;يا ربييي تدوز هاد النهار بيخير
وجدان شافتو هي وزينب مشاو عندو كيجريو ;شنو واقع شنو سرا ,,سقطت ياك ,,انا كنت عارفاها ,,كحلتها ,,ياك وادوي ازبي مالك ساكت
هو تصدم لمرة اللولة وخرج عينيه في الاخير وهو يبتاسم وحط يديه على راسها ;هه فرحانة
وجدان;واع بزااف كنشرك هه
كريم عينيه خرجووووو ومشاو لعندهوم حيد نظاظرو بصدمة وهو كيشوف في وجدان في حضن واحد اخر وفرحانة كتضحك زينب وفهد دارو لعند كريم كيشوفو شنو ايدور وكيسناو ردة فعلو دوز لسانو في فمه وتم غادي وهو يحبسو فهد;كريم ماتهورش ثاني ,,خلي هاد النهار يدوز مزيان الله يرحم الواليدين
جهاد;هه كتوقع كتوقع ,,ايوا ليوم الالة لعراضة وعلى حسابك
وجدان;والكادو فين هو بعدا
جها;هههه مكتنسايش كادوك موجود الالة ههه
فهد;السلام (شاف في وجدان وبتاسم)مبروك الالة هه
وجدان شافت جهة ديال كريم لي كون كانو عينيه قرطاس كون غربلوها هي وجهاد بتاسمات بتوتر;اه اه الله يبارك فيك
كريم طلع جهاد من الفوق ولتحت دار عندها;مبروك
وجدان بلعات ريقها وحركات راسها بايجاب
جهاد شاف في كريم لي كيخنزر عرف القضية حامضة وبلي هو جمال لي كتحكي عليه نزل عينيه لوجدان لي كتلعب بصباعها ,,باينة متوترة كتشوف في كريم وفي فهد وفي جهاد ,,تلفات كريم بقا كيحقق فيها مزيان كيطلعها من لتحت لفوق دار عند جهاد هز حاجبو ومد ليه يديه;انا جمال (دور عينيه لوجدان وعاود شاف فيه)استاد وجدان
فواز;كنا بغينا نطمنو عليك,,سيري دابا فرحي الدار الليل وندويو
وجدان;اووك باي بوس الدراري وخالتي حسناء
سماح ;مبلغ يله ندويو في الليل باي
وجدان ;باي (وقطعات )
زينب;احم فواز
حركات راسها بايجاب وشافت في جهاد;نمشيو؟
جهاد حرك راسو بايجاب;اوك يله
وجدان;نخليكوم دابا من بعد نهضرو (شافت في زينب)غادة ؟
زينب هزات عينيها في كريم لي كيمسح في وجهه;احم انبقا شوية اسيري
وجدان;اوك لي بغيتي
جهاد;خليت ليكوم الراحة (شاف في وجدان)يله (سبقها هي هزات عينيها في كريم لي كان كيشوف فيها حناكو كيتنفخو و صدرو كيتهز كان كيشوف فيها بحسرة وانكسار نزلات عينيها بأسف وتبعات جهاد ركبو في لوطو وزادو)
فهد تنفس;اووف
كريم;هدا باش بدلاتني؟(شاف في فهد و زينب)كتعرفوه ياكو؟كنتو عارفينو ياك؟انا في دار غفلون
كريم;مههه خدام مع باها؟نتي كنتي عارفة ياااااااك؟كنسولكوم فين هي وجدان كتقولو لي ماشفناهاش ونتوما عارفييييين
فهد;مابغاتناش نقولو ليك حاجة ,,وزيدون ,,كون كانت شي حاجة بيناتهوم انقولوها ليك ,,هو غا صديقها و صافي ,,مابيناتهوم والو ازبي ,,,ومزيان من مادرتيش شي حاجة ,,ماكون خسرتي الضواسة ثاني,,
كريم;اه اه عندك الحق ,,كان علي نحك ليه وجهه مع الارض وهي نهز ديلمها ,,اه ,,(بدا كيمشي ويجي)كتعنق فيه ,,فرحانة ,,,(شد في شعرو)ياربي ياربي
فهد حط يديه على كتافو;دابا العصبية ماعندها ماتدير ليك يلا بغيتي ترجعها ,,خاصك تعرف كيفاش تصرف ,,العنف ماعندو باش يفيدك ,غادي اتزيد تخصرها كثر
كانت قدامو واحد الكارطونة طوعها ;شنووووو ندير شنووووووو؟
فهد قرب منه وشاف في زينب;بغيتيها ترجع ؟
كريم ;كتضحكو على ديلمي؟
زينب;ايوا خدم عقلك
انور تخشا بيناتهوم;شنو, اتديرو ؟
ضرباتو زينب;نت اسكت
**** جهاد كيسوق شاف في وجدان;هداك وهو جمال ياك ؟
وجدان حركات راسها باه;اه هو
جهاد;باينة فيه كيبغيك بزاااف,,شوية كان ايتلاح علي ,,
وجدان;ديما هكاك ,,
جهاد;مابانش ليك ,,خاصكت تنساي الماضي وترجعو لبعضياتكوم؟شوفي هاد ليام كيف وليتي ,,عاطياها غي البكا ,,حتى باباك سولني قالي مالك؟
حركات راسها باه وحلات لوطو نزلات دخلات للفيلا ديالهوم هو بقا واقف مقابلها حتى غبرات عاد رجع مارشاريال وضرب دورة وزاد ,,اما هي دخلات لدار لقات نبيل واقف في الجردة كيبتاسم شافتو مشات تلاحت عليه;واااع نجحت جبت سطاش ونص هههه واااع
بادلها لعناق ;هه لبارح سقت الخبار
وجدان;وياك مقلتيهاش لي خليتيني مخلوعة؟
نبيل;هه بغيت نشوفك ,,شنو غتديري ههه وحتا انا باقي في وعدي الكادو ديالك واجد (شد يديها)اجي معايا
وجدان;ههه ارا برع ههه
نبيل;حمقة ههههه
شدها من يديها وتم غادي بيها جهة ديال باركينغ دخلو ووقف قدامها;مستعدة؟
وجدان:وطلقنا لفراجة خلاص
حيد من قدامها ;ههه هاهي
هي شافت فين نعت وهي تحل فمها كانت فيراري اخر موديل ,,باللون الاحمر و الاسود مشات حداها كتجري;ديالي هادي؟
نبيل حرك راسو باه;اه ديالك ههه
وجدان كتنقز;هههه واااااع زوينة زوينة
نبيل;ههه مزيان من عجباتك دابا خاصك تدخلي تدوزي البيرمي باش تركبي عليها اما دابا ممنوعة عليك
وجدان بحزن ;انبقا نتسنى حتى ناخد بيرمي مايمكنش نركب عليها دابا ؟
نبيل حرك راسو بنفي;لا ,,تشدي لبيرمي واراك ماتدوري بيها ,,وزيدون راه غي شهر وتاخديه انا شفت ليك مدرسة ديال تعليم السياقة وقيدتك فيها من غدا يمكن ليك تبداي ههه
وجدان;حلف حلف (مشات عندو كتجري)واااع هه نت احسن اب والله (باستو )سموت فيك
نبيل;انا كنفرح غا منكنشوفك ضاحكة ههه اي حاجة تهون قدامك
وجدان;عافاك ادورة فيها بلللز بلللز بلزز
نبيل;هه واخا يله زيدي قدامي
وجدان:وييي فيراري الله الله
نبيل حل لباب تهز دخلات وجدان وهو برك في بلاصة ديال السياقة بقات اكتدور وتشوف تقيس هادي وتقيس هادي مامصدقاش اما هو كيديماري وكيضحك على هبالها ديماراها وهي تسمع ففف وخرجو بقات اكتصفق وتغوت بالفرحة
****
كريم بارك في الصالة قدامو فهد و زينب;هاد البلان مابانش لي
كريم;نتوما اتخرجو علي السيدة مابقاتش باغاني ,,مابقاتش ,,حتى باغا تشوفني ,,وانا نزيد ندل راسي ليها
فهد ناض ;دبر الكرك عنداك في الليل نلقاك كتسكر و خناينك دايزين تاني والله يا ديلمك حتى نخليك منشور انا قلتها ليك
زينب;كريم ,,واش باغيها ولا لا؟
كريم هز راسو فيها;واش كتضحكو علي,,كنموووووت فيها ,,وبغيتها ترجع لي بأي طريقة ,,ولكن هي مابقاتش باغاني ,كون تشوفو كيفاش دوات معايا اخر مرة ,,,مابقاتش تشوف جهتي راكوم شفتو قبيلة شنو سرا قاعمة عبراتني
خداه من عنده وكيحقق فيه;مم زوين هدا عجبني (مدو ليه)هكا جمعو لي
البائع;واخا اسي العلوي (خداه من عندو ومشا اما جهاد بقا كيشوف في الصغة حتى طاحت عينيه على واحد الخاتم ديال الماز بقا اكيشوف فيه بإعجاب ,,ماعرفش علاش طاحت في بالو وجدان ,,وهو كيلبسو ليها ,,وهي فرحانة ,,عاجبها ,,تنهد وهو كيحيد هاد الفكرة من بالو جا البائع,,خدا من عندو البراسلي وتم خارج شارد في مخيلتو حتى دخل فشي حد;سمح لي ما(هز عينيه )فهد ؟(شاف في كريم لي كيخنزر فيه)مسيو جمال .؟زينب؟
كريم اسمع الهضرة وهو يقندش جمع يديه على شكل قبضة وجهه بدا كيتلون من ابيض لحمر لموف ,,وعينيه فلتو بغا يمشي ليه وهو يشدو فهد;شنو بان ليك نبركو فشي كافي نيت بغيت نتكلم معاك
كريم;انبركو عليه زيد تقود قدامي
فهد بهمس;سكتنا (شاف في جهاد )شنو قلتي اكيد لا ماكنش عندك شي مانع ,,
جهاد تنهد وهو كيشوف جهة ديال كريم لي كيكيط في سنانو بحال يلا كيمضي فيهوم;اوك علاش لا ؟
فهد;اوك كينة واحد الكافي هنا قريبة نيت
جهاد;اوك
***
وجدان باركة في المرجوحة كتلعب فيها رجليها كيداعبو الازهار وكتبتاسم فرحانة حتى حسات بشي حد دفعها جات طيحة حتى تحردات في رجليها ويديها هزات راسها بصدمة :مالك ؟علاش طيحتيني ؟
محمود بغضب;علاش نتي لي كتاخدي كلشي؟اي حاجة طلبتها انا مكناخدهاش وفي المقابل اي حاجة واخة قاعمة طلبتيها نتي كتجيك,,,المزرعة كتمشي ليها وقتما بغيتي ,,ولات ديالك,,وقتما رشقات ليك كتسافري برا ,,دابا الفيراري ,,كتلحوني على الوليد باش تاخدي كلشي؟
هزات عينيها في بصدمة و حاولات تنوض ولكن جرحة لي في ركبتها كتضرها عكزات على يديها لي مجروحين بألم وناضت ,,شافت فيه بعيون استفسارية مافاهمة والو ,,بحال يلا ماكانتش كتسمعو الصدمة اثرات فيها ,,ولا معرت مامصدقاش هادشي لي سمعات دابا ,,,كتكدب ودنيها ,,وكتكدب صورتو دابا لي واقف كينهج ووجه حمر وكيشوف فيها بحقد;محمود ,,انا مدرت والو,,علاش؟علاش كتقول هاد الهضرة ؟
محمود;مادرتي والوووو؟ماغتدوزيهاش علي ,,بداك التبوهيل ديالك فهمتي سيري ديريه مع شي حد اخر انا قاعمة ياكل معايا و
,,,شنو كاين؟
دورو وججهوم بزوج بصدمة كان سي نبيل لي خارج شاف جهة ديال وجدان لي كان وجهها حمر ويديها سايلين وركبتها محرودة مشا عندها كيجري ;شنو واقع (شاف في محمود)شنو درتي ليها؟
محمود;راه هي لي طاحت ,,فين قصتها انا ؟
نبيل شاف في وجدان;واش هو لي طيحك دوييي؟
وجدان مسحات دموعها ;لا انا لي طحت بوحدي
شافيها بعدم تصديق وشاف جهة ديال محمود;حسابي معاك منبعد ,,(شد في دراع وجدان)اجي معايا نشوف هادشي
وجدان شدات فيه وغادة كتعرج برجليها هزات عينيها في محمود شافت فيه بانكسار ومشات مع نبيل
جهاد حط يديه على الطبلة ;دابا بغيتوني نصالح وجدان مع (شاف في كريم)جمال؟
فهد;تماما ,,نتوما هاد المدة وليتو قراب من بعضياتكوم واكيد هي كتيق فيك بزااف ,,,نت غي قول ليها جي هاد العنوان ,,و صافي وخلي كلشي علينا
رجع راسو لور كيخمم وعاود نزلو;انا منقدش
كريم شاف فيه بجد;وعلاش ياكما كتبغيها ؟غنقول ليك جوج كلمات وجدان ديالي وغتبقى ديما ديالي ,,انا مابغيتش ندير شي حاجة باش مانزيدش نخسرها مزاال ومصبر راسي وبارك حداك ,,يلا كانت شي فكرة في بالك,,غا محيها حيت هي عمرها اتكون شي حد من غيري غي رتاح
جهاد بقا ساكت كيشوف فيه ,,كيفاش كيهدد فيه هكاك مباشرة اه هو كيبغيها واخا حب من طرف واحد ولكن هو على الاقل ماكيستعملش الخداع ولا التهديد ولا الكدوب ,,عكس كريم لي كيعرف غي طريقة وحدة هي العنف والكدب ,,وصلات بيه الدرجة يدخلو معاهوم جهاد تنهد وهو كيراقب اعين كريم لي كانو كيفتارسوه بحال شي نسر ولا صقر;شوف اسي جمال ,,,كنظن بلي راك عارف وجدان كثر مني,,هي ماكتحملش لي كدب عليها ,,وراك عرفتيها ,,انا منقدش نكدب عليها,,بغيتوني نساعدكوم ,,اه ماشي على قبال هضرتك دابا ,,ولا تهديدك ,,كيدخل لي من ودن وكيخرج من ودن ,,,رجالة الحمد الله ,,,,ولكن سعادة ديال وجدان ,,كتهمني,,هي كلما كانت مجروحة منك ,,ولكن في الاخير كتبغيك,,,الليل كامل كتدوزو غي بكا,,واخا مقصحة قلبها قدامك ولا في غيابك ,,كتبقى غي تعدب ,,واخا مكتستاهلش حبها ليك,,ولكن في الاخير قلبها ليك,,انا انساعدكم,,ولكن الكدوب لا ,,مانقدش نكدب عليها ,,شوفو شي طريقة اخرا انا معاكم ,,سي نو خرجوني من هاد المعماعة
كريم كرز على يديه ونطق من تحت سنانو;كتبغيها؟
جهاد هز راسو فيه بصدمة ماكانش متوقعو يسولو هاد السؤال فيقاتو غي الطبلة لي تضربات;وااااااش كتبغيها ؟
فهد ;باراك من الشوهة ,,شوف كلشي كيشوف فينا (شاف في جهاد)واش تقد تساعدنا؟
جهاد;كيف قلت انا كتهمني سعادة ديال وجدان ,,ويلا كانت سعادتها معاه فراني معاكوم ,,انا اندوي معاها وغنقنعها ,,تجي لديك بلاصة ,,ولكن انقول ليها الصراحة وديك الساعة القرار كيرجع ليها واش غتجي ولا نو ,,
فهد;ماقلتي عيب ,,
جهاد ناض;اوك نخليكوم دابا خاصني نمشي
فهد حرك راسو باه;اوك
جهاد شاف في كريم لي كيترعد وزاد خرج
كريم دار شاف في فهد;كيبغيها ,,,,,كيبغيها افهد ,,,
فهد;الله يهديك ,,باش عرفتي كون كان كيبغيها قاعما يقبل يساعدنا
كريم;انا ماشي كامبو,,,ماشفتيش كيفاش كان كيشوف فيها قبيلة ,,ودابا خايف لايخسرها ,,علاش مجاوبنيش من سولتو ,,,
فهد;راه صدمتيه,,كلنا صدمتينا
كريم;كيبغيها (ضرب يديه مع الطابلة)انا مأكد كيبغيه
نبيل دار ليها صبارادرة على ركبتها ;احنا سالينا
وجدان حركات راسها بايجاب;شكرا
نبيل حط يديه على خدها;باقا مابغيتيش تقولي لي شنو سرا ؟واش محمود لي طيحك؟سمعتو كان كيغوت عليك
حركات راسها بايجاب وزادت مافيها لي يدوي معاه بقات غادة كتعرج وتخمم فهادشي ,,مصيبة من بعد مصيبة حتى من خوها لي من لحمها و دمها تقلب عليها ضحكات بسخرية وهي خارجة من باب ديال الفيلا ,,كان جهاد متكي على الكابو هز عينيه فيها لقاها جاية كتعرج تخطف ومشا عندها كيجري;مالك شنو واقع؟
وجدان;;والو غي طحت وصافي
جهاد;زيدي نديك المستشفى نشوف مالها شوفي كيف ماقاداش توقفي على رجليك
وجدان;راه قلت ليك ماوقع والو (تنهدات )ماتزيدش فيه
هز عينيه فيها;شنو وقع ,,بغيت الصراحة اوجدان ,,وجهك ماباينش فيه طحتي ,,دويييي
وجدان;ماشي شي حاجة ,,غي خويا محمود هو لي طيحني ,,حيت كناخد ليه ممتلكاتو,,هدا علاش
جهاد;واش حماقتي ,,واش لاخرا مكسلة وهو لاحك غدا يدير فيك شي مصيبة ,,اتبقاي ساكتة حتى توقع ليك شي حاجة ولا كيفاش ,,حيدي خليني نمشي نوقفو على حدو
وجدان;يلا كنت عزيزة عليك ,,انا اصلا مابقاش لي بزااف ,,انسافر الايطاليا ولا فرنسا باش نكمل قرايتي اخليه يدير ولا يقول لي بغا مابقاش كيهمني (تنهدات)شنو بغيتيني؟
جهاد ;طلع لديلمي الدم صافي ,,
وجدان بابتسامة;شفتك وليتي كتخصر الهضرة حتى نت ههه
جهاد;كتضحكي
وجدان;شنو ندير ههه كثرة الهم كتضحك ,,ههه
جهاد تنهد;يلا قرب ليك هاد المرة قوليها لي ,,تفووى(دفل في الارض)كون ماكان خوك وهاديك مك (تنهد)زيدي ركبي زيدي
وجدان;فين غادي بي
جهاد ;اي قرينة انبقا هنا اندخل ليه انهرس ديلمو ,,
وجدان حركات راسها شد فيها من دراعها ودخلها لوطو هو بقا واقف شوية كيتحكم في راسو تنهد ومشا ركب حداها وزاد بسرعة شافت فيه وجدان;كون عرفتك اتدير هكا قاعمة نعاود ليك
خشا يديه في جيبو وجبد بواطة حلها جبد منها البراسلي خدا يديها وركبو ليها;هدا كادو ديال النجاح ديالك نتمنى يعجبك
وجدان شافت فيه بابتسامة عجبها التصميم ديالو والبساطة ديالو بان جميل في معصمها هزات عينيها فيه;ههه زوين بزاااف كيحمق ,,بلا قياس شكرا (وحطات يديها عليه)شكرا بزاااااااف
جهاد بابتسامة حزينة;فرحت حيت عجبك
وجدان;سي زوين بزااااف والله حمقني
جهاد;ههه مزيان هادشي لي بغيت (تنهد)بغيت ندوي معاك وكنتمنى تسمعيني وكيف قلت ليك انا معاك فأي قرار تاخديه
وجدان بخوف ;شنو كاين ؟
تنهد;قبيلة من كنت جاي عندك تلاقيت بفهد و زينب و(كرز على يديه)جمال ,,بغا يرجع ليك و طلبوني نساعدهم,,كانو بغاوني نديك واحد ريسطو باش تعشاي معايا ولكن تم اتلقاي جمال,,انا مابغيتش نكدب عليك ولا شي حاجة قلت القرار كيرجع ليك هو نادم وكاري ريسطو على قدو باش يعتادر منك ويطلب منك السماحة ,,بغا يدير ليك مفاجأة ,,هو كيبغيك يمكن الطريقة لي كيعبر بيها على حبه غالطة ,,ولكن ماكيهمش ,,(شاف ليها في عينيها بحزن)حتى عينيك كيقولو نفس الشيء غي كتسمعي سميتو عينيك كيبداو يبريو ,,قلتي لي اتنسايه ولكن قبيلة في المدرسة مابانش لي ,,عينيك كيدورو وكيمشيو جهتو وحتى هو عينيه كانو غي فيك,,وهادشي كيدل على جوج حوايج هما كيتبغيو بعضياتكوم ومتقدوش تبعدو,,,نتي كتكمليه وهو كيكملك ,,انا واخا في الاول مكنتش بغيت نتدخل ,,ولكن سعادتك كتهمني ,,ونتي سعادتك ديما جمال وغتبقا ديما جمال ,,وكنظن حتى هو ,,عطي لراسكم ,,فرصة سمعي ليه ,,وخليه يشرح ليك,,يمكن تغيري قرارك ,,ويمكن لا ,,سيري عندو سمعي ليه ,,وسمعي شنو بغا يقول,,,انا ماطلبش منك ترجعي ليه,,ولكن انا بغيتك تسمعي ليه ,,باش تاخدي قرار نهائي ,,,بلا ضغط بلا غضب ,,و
قاطعاتو عطاتو بالظهر وكارزة على يديها;طلب مني اي حاجة إلا هادي اجهاد
حط يديه على حناكها وكيلمس فيهوم بصبعو لكبير مع ابتسامة حزينة;هادشي لي بغيت نعرف من ورا ماتسمعي ليه,,,خ
حيدات ليه يديه من حناكها وبعدات عليه;مانقدش اجهاد,,مبقيتش حاملة نشوف فيه ,,انا تلفانة ,,مابقيتش عارفة قراراتي ,,كلشي ترون علي ,,,,,(قربات حداه وشدات ليه يديه)انا مابقيتش عارفة شنو ندير ,,كنحس بلي الناس لي قراب لي واحد بواحد كيطيحو بحال شي شطرنج ,,واحد واحد كيموتو ,,مابقيتش قادة مزال ,,(خدات يديه وحطاتها فوق صدرها)شفتيه كيف كيضرب بجهد,,فوق طاقتي ,,هادشي فوق طاقتي ,,مابقيتش قادة نعس ,,كيضرني وكيصدعني دقاتو,,(حيدات يديه وشداتها ليه)جهاد ,,,نت راك شفتي وعرفتي كلشي ,,,واش يلا فقدتي الثقة فشي حد يمكن ترجع كيف كانت؟واخا نسامحو واخا نعطيه الفرصة (زيرات علي يديه وهزات كتافها )تاحاجة ماتغير (طلقات يديه وحطات يديها في صدرها)تاحجة ماغتبرد لي العافية لي شاعلة في ,,تاحاجة ماغتحيد لي شكوكي (هزات عينيها فيه لي كانو مراقبينها )تاحجة مغتبدل نظرة الشك في ,,تاحجة مغتقتل الصمت ,,تاحجة ماغتداوي جروحي ,,تاحجة اجهاد ,,,مقصحة ,,مقصحة بزااااااااااااف,,واش هضرتو يمكن ليها تشفع ليه تبريراتو ؟تاهما؟(تنهدات)داكشي غير كافي ,,,ماشي كافي ,,جهاد(خدات نفس)مانقدش ,,,الكلام سطر والمعنى بحر ,,بحر اجهاد بحر وغارق ,,ماعندوش الحد ,,وعواصيفو مجهدين ومواجو كباااار ماتقدش تسبح فيه ,,ماتقدش ,,يلا بغيتي تدخل اتبقا ديما خايف لا يلوحك ولا يديرك في كرشو ماتقدش تحرك ولا تعوم بخاطرك ,,ماتقدش تعيش فيه براحة ,,والبحر لي غيدير ليك هكا خليه ,,ماعندك ماتدير بيه ,,
جهاد;كيتسمى هروب اوجدان ,,نتي كتهربي ,,
وجدان غمضات عينيها بأسى نطقات بصوت خفيف;لا ,,انا مليت ,,مليت من مبررات ولا اعدار ,,مليت نعطي فرص لوحدين ماكيستاحقوهاش ,,مليت نربط حياتي مع وحدين يدو فكل دقيقة يطعنوني ,مليت نتمسك بشي يد تقد تطلقني ونطيح ,,مانقدش نغامر مزال ,,يلا كان هادشي في نظرك هروب ,,اه انا كنهرب ,,كنهرب من الدنيا لي عطاتني الخايب مغلف بالزوين ,,مابقيتش مزال ,,خليني هربانة حسن
شدها من دراعها;قوليها ليه في وجهه تحرري من هاد العبئ لي هازة ,,قولي ليه هادشي لي كتحسي بيه ,,يمكن ترتاحي ,,فرغي داكشي في وجهه ,,ماتخافيش وماتدهشيش ,,يمكن ,,ديك ساعة ,,ترتاحي ,,الهروب عمرو كان حل ,,حيت المشاكيل حدك ونتي كتهربي منها وهي عاد كتكبر وكيبقاو تابعينيك,,,واجهيه ,,وقولي ليه هادشي في وجهه ,,نتي اصلا باقا مامقتانعاش بهضرتك عينيك كيدور ماقاداش تواجهيني انا ,,ماقاداش تواجهي نفسك ,,كيفاش اتواجهيه من بعد,,هادو غي مشاكيل صغار ,,كيفاش تواجهي الدنيا والحياة اوجدان ,,ليوم جمال ,,غدا خوك بعد غدا مك اتبقاي اتهربي؟خوفانة ,,كلشي ايركب عليك ,,كلشي ايبغي يستاغلك,,حيت نتي كتبيني ليهوم شخصيتك الضعيفة ,,خاصك تقواي وتواجهي الحاجة بقوة ,,ماتخافيش ,,وانا ديما معاك عمر يدي تخلى يديك ,,سيري وعينيك مغمضين ,,,ماتخافيش تطيحي انا معاك خطوة خطوة ,,فهمتي
وجدان حركات راسها بعينين دامعين وبدون سابق اندار تلاحت عليه عنقاتو;شكرا ماعرفتش كيفاش نشكرا ,,الوقت لي كلشي ولا ظلام (دفنات وجهها في صدرو)بنتي نت ,,شنو درت اهئ باش لاقيتك,,,انا محظوظة بزاااااف
غمض عينيه و زير على يديه صدرو بدا كيهتز ويتحط ,,كتزير على ظهرو بصباعها الصغيورين ووجهها دافناه في صدرو العريض لي كيطلع صعودا ونزولا ,,بسرعة هز يديه بشوية وهو كيسرح فيهم حتى في ظهرها هز راسو الفوق كيشوف النجوم المتلألئة في السماء كيتنهد بسرعة كيتحرق ويتعدب عظامو كيتهرسو وسط حضنها ,,ماكرهش يزير عليها ويدفن وجهه في شعرها ,,يستنشق ريحتها ولكن ماشي من حقه ماشي من حقه ,,كيشوف في السماء بحال يلا كيستنجد ,,كيطلبها تحررو من عدابو ,,واخا هو لي ختارو بكامل إرادتو ولكن القلب ماكيشاورش ,,ماكيشاورش ,,حس بيها كترخي عليه وكتبعد بشوية بشوية وصوت بكاها كينقص حتى هو رخا منها وهو كيحقق في وجهها الملائكي وجنتين حمرويتين ونيف حمر كتعض في فمها ,,بحشمة ,,ومنزلة عينيها الارض ماقاداش تعليهوم فيه ولا تشوف فيه ,,حشمات تنهد وهو كيحس بروحو اتخرج عندو ,,ماكيناش الشك هاد البنت حد ما هو صابر وهي كتسلبو منه,,ماباغيش يتهور ماباغيش يخسرها هادشي لي كيقول ليه راسو وهو كيحط يديه في دقنها كيعلي وجهها ناحيتو باغي يروي عطش عينيه من بئر عينيها ,,,صافيين و كيبريو نطق بضعف كيحس بأنفاسو كيحرقوه;شنو قررتي ؟
هزات عينيها فيه وخدات نفس عميق حتى صدرها تهز وبان بين كتيفاتها ;انمشي خاصني نوضع حد لهادشي يمكن (تنهدات)يمكن نرتاح من بعد ,,فين قاليك نتلاقاه ؟
عطاها بالظهر وهو كيحاول يكتم المه ,,اه هو لي قال ليها سيري عنده ولكن علاش هادشي كيعدبو علاش حط يديه على صدرو;الله ينعلك الله ينعلك
جهاد;اوك (وتوجه لوطو ديالو هي بقات واقفة وراه لوهلة خدات نفس عميق وتبعاتو)
**كريم بارك في طابلة ديال ريسطو لي خاوي كاريه كامل غي ليههم بزوج الارضية كلها ورد واضواء خافتة غالب عليها اللون الباج والاحمر ,,لابس سروال ديال دجين و قميجة بيضة خاشيها في السروال و فيست باج مقفدها وسباط باج شعرو رادو لور مع خط في الجنب ,,ساعة اخر ماكين و خاتم كبير ديال النقرا ,,ريحتو عاطية منين ومنين,,كيشوف في الساعة وكيترعد;الطناش ماغتجيش باينة ولد الكلبة كدب علينا
ترن ترن جبد تيلي ديالو وجاوب ;وييي (ناض)باقا ,,راه قلت ليك شنووو كاين ,,,باينة ماجاياش ,,راه ولد القحبة كيبغيها ,,وت ماتخورش الهضرة انا مأكد انشد ديلمو انطحنو ايتس(وقف لوهلة ماقادش يتكلم كياخد نفس شحال ويخرجها ,,ريحتها ,,اه ريحتها ,,,كيسمع خطوات بطاء كيتقدمو بلا مايدور عارفهوم ديالها ,,هي حبيبتو ديالو ,,دار بشوية وهو باقي شاد تيلي في يديه بانت ليه وجدان داخلة مع المطعم باقا بنفس ملابس الصباح شورت قصير و بيل كوم موطارد و كونفيرس ركبتها محرودة و مديورة ليها فاصمة ,,كتلعب بصبيعاتها بتوتر ماقاداش تهز راسو فيه ماسمعش الهضرة لي يقول فهد في الهاتف كل ماكيسمع ,,غي خطوات وجدان و دقات قلبه لي غيخرج من صدرو,,بدا كينزل يديه من ودنيه بشوية وهو باقي في صدمة مامصدقهاش جات كيرمش عينيه بسرعة بحال يلا كيتأكد ,,دار تيلي في جيبو ;وجدااااان؟
وتم غادي عندها بشوية حتى وصل عندها حط يديه في حنكها بابتسامة;جيتي؟
بعدات جوج خطوات اللور ;اه جيت ولكن ماشي حيت سامحتك ,,(شافت طابلة لي مزوقة عاد بدات كتدور عينيها في المكان الورد منداثر في كل بلاصة والاضواء جميلة و خافتة صوت المسيقى الهادئة ديال جورج ميشيل اغنية كارليس ويسبيرس كان الجؤ رومانسي بامتياز خلاها تدقق في المكان وحتى في كريم لي كان مغير بزااف يمكن زاد زيان وزاد وسام ,,لحيتو مقادها وشعرو مصففه بطريقة رجولية و جميلة ,,حسات بقلبها كيدق بسرعة ,,وانفاسها كتصارع ,,وهي عينيها كياكلوه ,,مقداتش تزيح نظرها عليه ,,واخا كتبغي عينيها كيمشيو ليه بوحدهوم ,,عطاتو بالظهر ومغمضة عينيها وكتلعن قلبها لي جاب ليها الدل ,,لي اكيشوفو كيبقا يدق ,,ليه وعينيها لي كيمشيو لجهتو بوحدهوم ,,جهاد عندو الحق ,,خافت تضعاف قدامو ,,خافت نظراته ليها يضعفوها كيف ديما ,,كلما كتبغي تبان قوية كتفشل ,,هي ضعييييييفة بزاااااف قدامو ,,بزااااف ,,حسات بأنفاس سخونة كتضرب في عنقها وصبعان طالعين مع دراعها زيرات يديه لعند صدرها وبعدات;شنو كتدير؟
شدها من دراعها ودورها لعندو;نتي لي شنو كتديري,,,مقصحة قلبك,,جهتي,,صباح كتعنقي فهداك قدامي,, شنو اوجدان شنو؟تالين انبقاو على هاد الحال تالين؟(طلق من دراعها وحط يديه في خدودها وكيشوف فيها بحب)توحشتك,,توحشت ديك وجدان ,,وجدان لحنينة ,,وكتسامح ,,وجدان,لي قلبها بيض ,,(بهمس)توحشتك بزاااااف بلا قياس والله (قرب لعندها وحط نيفو على شعرها وغمض عينيه )ممم هاد الريحة ,,,تقطعت منها ,,توحشتها(باس ليها راسها بحب ,,بعد عليها وحل عينيه بشوية هي كانت باقة ضامة يديها لصدرها ومغمضة عينيها كتنفس بسرعة)علاش مقصحة راسك خلينا نوليو ثاني,,بغيتك ترجعي لي اوجدان ,,تكوني جنبي كيف عاهدتك,,نتخشا فيك وتلمسي لي شعري ,,توحشت لمساتك,,توحشت صوتك ونتي كتغني لي,,توحشت نسمع منك كلمة نبغيك,,محروم منك اوجدان تحرمت منك,,عاقبتيني بأقسى طريقة اوجدان ,,اقسى طريقة ,,خلينا نوليه ثاني ,,(بهمس)عافاك ,,عيت
كانو كلماتو هاديين وناعمين ماتنكرش بلي اثرو فيها بعض الشيء حلات عينيها فيه ببطئ كانو عينيها دامعين بعدات شوية وهي كتشوف في يديه باقا ممدودة جهة خدودها لي تزنكو عطاتو بالظهر;مانقدش (دارت عندو بسرعة)مانقدش اجمال,,داكشي كبر مني,,نت ماعرفش هادشي لي كنمر منه,,كنتعدب اجمال,,وجودك في حياتي كيعدبني كثر من بعادك ,,انا كنبغيييييك ,,,اه كنبغييييييييك وبزاااااااف,,,ولكن انا وياك مختالفين ,,فكلشي,,,انا تخدعت فيك,,,نت خدعتيني اجمال ,,الحاجة لا تهرسات عمرها تصلح اجمال عمرها تصلح
جا عندها كيجري وشدها من دراعها ,,;شوفي في (هزات عينيها فيه كانو عينيه حمرين و دامعين)انا مستعد نصلح كلشي ,,مستاعد نصلح اي حاجة ,,,نبداو صفحة جديدة اوجدان ,,علاش كتحرقيني,,ياك قلتي كتبغيني ,,خلينا نرجعو لبعضنا (نزلات دمعة من عينيه)مابقيتش قاد اوجدان كنحلف ليك واقف قدامك غا بزز
بعدات عليه;مستاعد ترجع تيقتي فيك لي مشات,,مستاعد تصلح قلبي ,,لي جرحتي ,,(حضر راسو)ماتقدش ياك ؟حتى انا منقدش ماتطلبش مني شي حاجة فوق طاقتي,,انا اصلا وقفتي قدامك و نشوف فيك ,,تطلبات مني كل قوتي,,كل ما كنشوف في عينيك ,,كنشوف غي الكدوب ,,والخداع,,اه يمكن كتبغيني (بهمس)يمكن,,ولا انا مابغيتش حب كيف هدا ,,,مابغيتوش ماخصنيش بيه,,حب لي غا بسمية,,,انا بغيت واحد نأمن بيه,,يتمسك بي (طلقات يديها نحوو)ويمشي ,,مانخافش شي نهار يطلق يدي,,مانخافش يطعني,,مانخافش يغدرني اجمال,,للاسف نت درتي هادشي كامل,,درتي هادشي كامل اجمال,,غدرتيني وطعنتيني,,كيفاش بغيتيني نتمسك فيك ثاني,,كيفاش تطلب مني هادشي,,كتعدب؟حتى انا كنتعدب؟تجرحتي؟متكونش فحالي جرحي غارق عليك؟كتبغيني؟ماتكونش فحالي بغيتك بصدق وعمري كدبت عليك ولا طعنتك,,شنو الحاجة لي كتحس بيها وماحسيتش بيها,,علاقتي معاك عطاتني غي الالم كثر من السعادة ,,كل يوم مشكيل,,كل يوم كنخاف ,,كل يوم كنفكر كل يوم كنشك,,بعد المرات مكنعرفكش ,,,كتبدل ,,كتسيف ,,كيفاش بغيتيني نرجع ليك اجمال ؟كيفاش كتطلب مني هادشي اجمال,,لي كيبغيك كيخاف عليك,,,لي كيبغيك,,ماكيجرحكش ,,كيكون عارف شنو كيفرحك وشنو كيقلقك,,,كيكون عارف قاع تفاصيلك,,(هزات كتافها)انا مكنعرف عليك والوو,,واخا هكاك عمرني درت شي حاجة غالطة ,,تعيط لي في الليل كنسلت ونجي عندك ,,شحال من مرة كتفقد السيطرة على راسك وكتقرب مني,,شحال من مرة بغيتي تغتاصبني اجمال,,يمكن انا عندي يد في هادشي,,يمكن انا لي كنخرج على طوعك,,يمكن,,,,وهكاك عمرني تشكيت منك ولا قلت لا ,,كتبغي تبوسني بزز مني ,,وعمرني قلت لا ,,كنخليك,,نعستي معايا جوج المرات ,,ونت عارف مكنتش باغا ,,,اه ضعافيت من بعد وخليتك,,ولكن الداخل ديالي مكانش راضي,,وهكاك عمرني منعتك,,كتحكم في الصغيرة والكبيرة,,وعمرني قلت لا,,,عطيتك كلشي ,,قلبي كلشي اجمال ,,شنو شنو درتي ,,في أول فرصة كتجيك,,كتلوح كلشي وراك وكتعطيني بالظهر,,كنتي بغيتي تغتاصبني في الصبيطار طلبتي السماحة وسامحتك,,مشيت الامريكا من تم اوكرانيا تبعتيني عشنا أيام زوينة من بعد طلبتي مني نتفارقو ,,ماخليت شنو درت باش طلبتك ,,قلتي لي شنو انا نبغي وحدة فحالك برهوشة انا كنت اكنمثل,,باقا عاقلة على قاع هضرتك,,من شفت حياتي وقديت نزيد بلا بيك القدام واخا كنت نتعدب ,,ولكن كوميم ,,بنتي تاني في حياتي وقلتي رجعي لي,,رجعت ليك الغد ليه انعرف بلي غدرتيني ,,(بسخرية )سامحتك,,حيت كنت كنبغيك,,من بعد وليتي مبدل,,بعيد ,,هضرتك ولات فيها معاني بزااف ,,عينيك ,,مبدلين ,,,كل يوم مخرج بلان في شكل,,يومين ونت مسافر ,,خدمة ,,شنو؟اجمال,,في الاخير سبيتيني بأكثر هضرة كنكرهها ,,,كون زينب لي قالتها لي ,,مانعقلش عليها,,اي واحد في بلاصتك ,,ماشي نت,,اصلا كلشي دابا ولا كيخدم مصلاحتو,,كلشي كيشوف راسو,,شكون الضحية من هادشي كامل ,,انا انا اجمال,,انا لي عطيت تقتي لوحدين مايستاهلوهاش ,,عطيت قلبي واحد مايستاهلوش,,,ولكن صافي (مسحات دمعة قبل ماتنزل وهزات عينيها فيه كانو عينيه دايزين بالدموع وكيعض في قنانفو لي ولاو ساردين)كلشي ايتبدل ديك وجدان,,لي كنتو كتعرفو ماغتبقاش ,,لي دار الغلط ,,مغنبقاش نسامح بسهولة القلب لي غايجيب لي الدل ماعندي ماندير بيه ,,واخا يكون خويا ولد مي وبا ,,مابقيتش انتخدع بكلام حد ولا بدموعو ,,حيت بقيتهوم دم ,,وماعقلتوش علي,,,(تنهدات)حتا لهنا وسطوب صافي (بهمس)صافي (وحنات راسها)
بقا كيشوف فيها وججه ولا حمر وعينيه دامعين وحمرين عض علا قنانفو بأسى وبدا كيمشي جهتها ببطئ كيحس برجليه مابقاوش هازينو ,,مد يديه بشوية جهتها وشد ليها يديها كانت مرخية ليه ,,مخلياه ,,حتى انفاسها رجعو كيف كانو عتادلو,,كيلمس في اطراف اصابعها بصبعو وكيشوف فيها بعينين باكين;ماتديريهاش,,,عارف راسي غلطت ,,مستاعد نتبدل ,,مستاعد ندير اي حاجة,,تاحجة مابقات عندها طعم,,بلا بيك,,حياتي ولات كحلة وجدان,,,رحميني ,,عفاك
وجدان;رحمتيني ,,من كنت كنطلب فيك,,ها؟(هزات عينيها فيه)رحمتيني من كنت كنبكي ونت شاد لي شعري وكتضربني؟رحمتيني من زوقتي لي وجههي ؟رحمتيني من كنتي كتسب في؟حتى تكون نت رحمتيني عاد نرحمك,,فاقد الشئ لايعطيه اجمال
زير على يديه;نعطيك حياتي,,مستاعد نبدل كلشي,,نصلح كلشي ,,عطيني غا فرصة ,,جربيني بيها,,,يلا درت غي حاجة بسيطة ديري لي بغيتي مانمنعكش ,,غي فرصة جربيني بيها ,,ماعندك شنو تخسري
هزات عينيها فيه;اه عندي من خسر ,,انخسر وقتي معاك,,,وكراماتي للمرة الالف,,,وقلبي ,,ثاني,,(نثرات يديها)مامستعداش نتصدم ثاني,,سمحلي
كريم حط يديه على حناكها وكيبكي;علاش ,,وليتي باردة حتى لهاد الدرجة
وجدان;الوقت لي بغاتني هك,,؟ونت السباب
كريم;كنترجاك ,,مستاعد نزل (نزل على ركابيه وهز راسو فيه)نترجاك ,,غا رجعي لي,,حياتي بلا بيك ,,ظلام,,(شد في يديها وهو باقي نازل على ركابيه)فرصة وحدة
نزلات عينيها فيه كتشوف فيه بارك على ركابيه كيترجاها محسات غي بدموعها نازلين ,,ويديها كيرجفو حركات راسها ;مانقدش عافاك اهئ اهئ ماتديرش في هكا
ناد على رجليه وكيبكي;نتي لي ماتديريش في هكا ,,كنترجاك ,,اهئ اهئ (حط يديه على خدها وجبهتو على جبهتها)ماتديريش في هكا,,اتقتليني اوجدان اهئ اهئ كنطلبك
لعبة القدر الجزء 15
محتوى القصة
التنقل بين الأجزاء