شريك القرن 21 الجزء الرابع

سكتااات شوية وهي باقا على وضعيتها ونطقاات بثقة فنفس.. 

فيوونا (بضحيكة): أنا من يليق به.. الاسود يختار سادته ياسيدي 😌

أنير (ضحك حتى بانو سنيناتو لمستفيين): أبردي على التواضع.. هههه

فيوووونا: هههه

ليووون: مييييو.. 😼

دااروو عند ليوون لي مابغغاش يسكت.. عياا يدوور حدا رجليهم مني مابدااوهاش فيه طلع فووق الطابل دونوي وگلس يغوت.. 

مشااات عندوو فيوونا هزااتوو.. كتحك ليه على راسوو.. باستوو وعادو سدوو عليه فالبيت ليخرج ويتودر ولا يهزوو شي حد.. 

رجعوو لتحت لقااو لعرووسة لبساات لبستها التانية.. بارزة هي ومنصف الوسط.. والقوم لي داير بيهم.. قلبهاها شعبي.. هالي يتحير هالي تگلب فمؤهلاتها وتوري فيهم لعباد الله.. هالي مقنت كيفيلمي فعباد الله كتر من الكميرة لي كتدوور.. مهم كلا يلغي بلغاااه..

مع الدخلة بان انير لسيدوو شير ليه بيديه باش يمشي عندوو.. وفيوونا مشات ديريكت عند بابااها باستوو وجرات بشرى لي كانت واقفة حدااه كتسولوو على شي حاجة.. شطحاات معاها شوية.. ومشات گلسااات فين لقاها أنير المرة اللولة.. 

دازت شي نص ساعة هكاااك.. گالسة ناشطة ماعليها مابيها حتى جر مهدي كرسي حداها وگلس.. 

مهدي (كيقرب شوية باش تسمعوو مع الصدااع): واش ا التووتة 😍

فيونا: هاني 😊

مهدي: واش فيك گاعدة وحدك.. 

فيونا (كتغوت باش يسمع): وااالو.. عادي.. 

يالله كملات جملتها عيطاتلها بشرى ناضت عندها.. بقى متبعلها العيين هو بشوفاات شهوانية.. 

هاادشي كاامل تحت نظراات أنيير لي مني گلس وهو حاضيها.. عكسها هي.. لي غير مرة مرة كتجرها عنيها لعندوو..

تبعات بشرى لبرا.. سيفطاتها تتسنا شي ناس عند الباب.. حتى جاو ودخلات هي وياهم دايرة معاهم الصوااب وكترحب بيهم..

ناض عندهم أنير مني شافهم.. كان علي ومرتوو لي يالله وصلوو (والديه).. سلم عليهم حتى هو وداتهم لطبلة فين يگلسوو كاملين..

مع جات دايرة تقلب على بشرى تاني.. طلقاات أغنية يااااهااه وللللد عميي 😻 جيبووو ليااا ولد عمي.. 

تلقالها سيدو جارها تشطح معااه.. بقااو محيحيين تم كيضحكوو بيناتهم.. 

حتى جا تخشا وسطهم مهدي وولاو شاديين فييها بجوووج.. كل واحد فيهم من جيه.. تزاادت عليهم مريم وبناات والدراري دالعائلة.. 

وأنير غا مقابل معاهم وكيحك فلحيتوو.. 

سالات الاغنية.. وتطلقات وراهاا وحدة خرى وهوما مابغااو يگلسوو.. شعلوو شعلة وحداا.. كيرتاحوو غير فاش كيتمو مطلعين لعروسة ولا مهبطينها..

بقاو على داك الحاال.. أنير ولا گالس على أعصابوو.. تبرمج.. ماحيتوو لساعتوو لي كل شوية يطل عليها راد البال لا يصدق فمالا يحمد عقبااه.. وماحلتوو لمهدي لفين ما يلقى شي فرصة يقرب لفيووونا لي گاعما ردات ليه لباال مع الشطييح.. 

وبحكم معرفتوو لمهدي عارف شو شكيسوى.. وماداام كيترنح ويتزرطط ويدوور بيها عرفوو لاش باغي يوصل وعلاش كيقلب.. وكون ماكاان وسط عرس وعارف راسوو لامشى حتى ناض لييه غيولي گالب العرس سفااه على علااه كون نااض خلى عشتوو.. والمشكل لكبر مايقدش يبقى حاضيه.. خاصوو ينووض يمشي..

صبر حتى عيا ونااض معصب.. غمز باه لي فهمو لاش غادي..

وقصد ديريكت سيدو جرو خرجوو معاه لباب الصالاات 

وقف كيدوي معااه وهو مزال حاضيها.. 

عاو طل على ساعتوو لقاها وصلات لحداش ونص.. مابقاش ليه بزااف..

تردد شحال من مرة.. فلخر مالقى عندوو حتى حل اخر.. 

ونطق..

أنير: عيطولي على ود شي حاجة.. نمشي نقضيها ونولي.. بلحق نخليلك واحد الأمانة ماتحيدش من حداها وماتسهاليش عليها.. 

سيدو (باستغراب): وشتاهي؟

أنير (شاف فيها.. وعاود دار عندوو): فدوى.. 

سيدوو (صدمو): ههههه واايلي ههه ماتگوليش طحت فبنت العم !! 😮

أنير (عاقد حجبانوو): فحال داكشي.. المهم راك تما.. 

عااود شااف فيها وزاد فحاالو قبل مايجاوبوو حيت عرفو غيبقى مطلعها عليه..

طلع لطموبيلتوو.. حيد لاڤيسط لاحها لور.. ديماراا وتحرك من تم.. غادي صايگ وكيفك فكرڤاطتوو وكماام الشوميز حتى حيدها.. 

ماوقف غا فلاكووط دالسعيدية فبلاصة خاوية.. مظلمة.. وبعييدة على لي نايت كلووب والبيراان لي ماكيسدووش فالصييف..

سطاسووونا.. رد كرسييه اللوور كااع وبدل حتى سرواالو.. لبس واحد واااسع..

ومااهي الا دقاائق باش سالاا.. حتى بدا كيتبدل لووونو.. للاخضر 💚

صونا تليفووونو.. شاف النمرة وجاوب.. 

أنير: ألوو.. 

سفيان: أفينك أصاحبي؟ 

أنير: كبالت لبحر.. وصَلْتْ نتا؟

سفيان: واه راني عاد داخل.. 

نجي عندك ولا؟

أنير: لا غير خليك.. ماتخليش خطيبتك وحدها وهي ما تعرف حد تما..

سفيان: لا ماجاتش ريم.. داكشي علاش تعطلت..

أنير: غير گعد مع الدراري خاطييك.. 

سفيان (خلاه على خاطرو): صافي خووو.. 

قطع وبقى يشوف فيديية لي كيتكبر كتر وكتتحول.. حااقد على وضعوو.. 

أما فالڤيلة.. فالحااال على ما هووو عليه.. حاال گاااع الافرااح المغربية.. ناااايضة.. 

كل مرة يبدلوو لزينب ويلبسوها تكشيطة فلووون.. وكوول لوون يجيها حسن من لي قبلوو.. تگولي حالفين حتى يصفيوها لمنصف لي كيتسنى غاا امتى يسالي هاد العرس ويتهنى.. 

وصلات وقيتة لعشا..

طلقوو الطرب الاندلوسي.. وكل واحد شد بلاصتوو فالطبالي.. داازو عليهم العرساان كيرحبوو بالناس بطبلة بطبلة.. من بعد مشاو لطابل روياال لي غيتعشاو فيها هوما وبات ومت منصف وخو زينب ومرتوو وفيونا وسيدو لي جراات معهاا.. 

حطووو البسطيلة دالحووت.. تبعووها الدجااج بالخضرة سوطي.. عاااد الدسيير والگلاص على شكل طارطاات.. 

من مور لعشى بشحاال دوزوو أتاااي بالنعنااع الملقم والبلاطواات دالحلوة على شكيلاتها والكيكس هادشي من البتيت فور لي داازت مع العصير فالاول دالعرس.. 

هااادشي كاامل وسيدوو ما تزعزعش من حدا فيوونا حتى دخل ليها الشك فراسها.. مابقات فاهما فيه والوو.. فنفس الوقت خلقاات الجو هي وياه كيما موالفيين..

كملات فاش تزااد عليهم سفياان وعطااوها غا لتكركيير وكل مرة فاطمة الزهرة (عمتهم) تخلي بوشرى لي شاداها من الصباح تعاونها وتجي تقرس فيهم وتنغز باش يتبتوو وينقصو شويةمن الضحك.. ولا حياة لمن تنادي كيخليوها حتى ترجع فين كانت ويبداوه تاني.. بغااو يحمقووها.. 

ووسط هادشي كامل مرة مرة فيوونا كتقلب عليه بعينيها بين النااس.. لاحظات غياابو مني مشا.. 

وصلات الخمسة دالصبااح.. 

وهبطات لعروسة بلبستها اللخرة.. تكشيطة بيضة خرى من غيير لولة.. ختارت تلبسها بلاصة لاغوووب..

دخلوو من موراها گاطووو كبير.. قطعااتو هي ومنصف.. وكلشي مجمووع عليهم.. وكلها ووكل بنتوو تحت تصفيقات كلشي.. 

فرقوووها.. حيدو الروينة دداكشي.. وتطلقاات غزااالي غزااالي.. 

فديك لوقيتة بالضبط تم راجع أنيير.. غير بالشوميز بصدفاتها اللولين محلوولين والسروال لي كان لابس.. على وجهوو علامات التعب.. 

لقاا العرس كيما خلاه..

مع الدخلة بانتليه كتشطح مع سيدوو وسفياان ومهدي.. 

ماحملش المنظر زاد حقد.. سحابليه مني مشى وهوما على نفس الحاال.. يالله جرها مهدي حدااه هو يوقف عليهم أنير.. 

كانت واقفة جنب وكتشوف فالجيهة لخرى.. 

شدها من يديها ودورها عندوو.. جات تشوف شكون جرها لقاتو هو.. بتاسمات ليه وكملت شطيحها وهو شاد ليها يديها وتابت بلاصاوو.. كيجاريها..

تحدر عندها ودوا فودنيها.. 

أنير (كيبرد فراسو): براكة عليك.. ماعيتيش؟ 

فيوووونا (تعلات شوية ودوات حتى هي فودنو): تسالي غزالي ونگلس.. ههه

بعداات وكملات الغنا مع الأغنية وهي كتتعيوج قداامو... رجع قاد وقفتوو ويدو فيديها..

فيوونا: شانو شانو.. عالي أُو تايق فراسو.. كلشي واقف جنبو.. غالي أو حد ماعجبو..

اااه كلًمني.. على راسي و عيني.. آه فينالي.. هانا لقيتو حدايا 🎶😸

رسمات على وجهوو ضحيكة وهي قداموو حاضيها وحاضي حركاتها لي كيزيدو يطيحووح فيها كتر وكتر.. 💚

اااااه أرووو أرووو.. شي داوا يبردني.. گلبي رااه كيعااااني.. حبيبييي محني.. 😍

كيسمع ويشوف فيها فحالا كيدويو علييه.. بقا داير ليها خاطرها حتى سالاات الأغنية.. شار ليها زعما براسو مشينا.. ضحكاات وزادت معااه.. ومهدي غا كيشووف.. ماحملش أنيير ولبلان لي داار.. ولاش زعنا تتعامل معاه هكااك.. هو لي ولد عمها وماكتخليهش يزعم عليها لديك الدرجة ولا كتدوي ليه فودنيه..

اما هي ماتسوقاتش گااع لبلان.. عاادي.. گلسها انير حدااه وتركناات.. مرة مرة يضحك معاها.. 

حتى سالا العرس ولبسو لزينب سلهام بيض فوق تكشيطتها وركبات هي ومنصف شادييين طريق لوطيييل.. 

مشا لي غيمشي فحااالو وخواات تقريبا الڤيلة.. بقات فيها غير عائلة لعريس ولي هوما خووت منصف وولادهم لي غيبقاو أصلا فدار باهم.. الصيف هدا منها نيت يدوزوو العطلة..

مشاو الجيراان دوجدة بما فيهم عائلة سفيان وأنير بقااو غير الدااري لي شدهم سيدوو بحكم أنو واحد ماجاش بكري ولاخر غبر وسط العرس.. ومنها نيت يتبحروو مجموعيين..

أما حتى مهدي من مور لبلان لي داارليه أنير ووقف ليه لعصا فالرويدة ماعجبوش الحال فاش بقااو.. 

خوااو الصالااات.. وبدااو الدراري لي خدامين مع الطريطوور يجمعوو فقشهم هوما والنگافاات باش يمشيو فحاالهم.. 

خرج أنير جاب سروالوو دالسيرڤيط وتيشورط من الطموبيل.. وسفيان طلع مع سيدوو عطاه يبدل باش مايبقاش مشكرف فلكلاص.. 

أما فيوناا دخلات لبيتها لقات ليوون نعس.. حيدات عليها ديك التكشيطة تاني.. لاحت عليها قفطان ولاقميص بتوب خفييييف حتى هو كحل.. مسحات وجهها من المكيااج.. وجات خارجة..

لقات أنير يالله طلع فالدروج خاشي وجهو فتليفونوو باغي يعيط لسيدوو.. 

شافت فيدييه.. ودوات.. 

فيونا: كتقلب على سيدوو؟

أنير (هز راسو فيها): وااه..

فيونا (شارت ليه بيديها): راهوا.. والى بغيتي غير تبدل ها لبيت خاوي.. 

أنير: واخاا..

فيونا (حلات ليه لباب لي كانت غتسد ومدات ليه الساروت): سدو معاك عفاك فاش تسالي.. (زادت شوية وعاودات وقفات) والطراس راه فالطاج لي فووق هدا..

أنير: وخاا.. شكراً

بتاسمات ليه وطلعاات سبقاتهم لفووق.. 

كانت فالطيراس طبلة دالزاج فالكحل مربعة قصيرة.. ودايرين بيها كراسا شوية كباار فحال لي فالقهاوي تقريبا.. وحديين بلبلاصة لي كتكالي الضهر واليدين.. ووحدين لا.. دايرين فيهم مخدااات ديال بونج باش يتگلس فووقهم.. وجيهة الحييط فيه پايااص فحاال فوطووي ديال جووج بلايص محلوول.. گلساات فووق منوو يضرب فيها البرد ديال الصباااح النقي..

وسرحات رجليها فوق واحد من الكراسة لي جراات حدااها.. معرية صيقانها وواخدة راحتها فالگلسة.. 

دخل أنير لبيتها وسد موراه لبااب.. لقاها مخلية تكشيطتها فوق الناموسية حدا ليوون.. ضحك ضحيكة جانبية ولبس سروالوو هو اللول عاد حيد الشوميز.. بانتلوو علاقة محطوطة هزها قاد فيها حوايجوو.. 

وهو كيقااد تسمع الدقاان فالبااب.. وصووت مهدي كيعيط.. 

مهدي: فدوى.. (دق.. دق.. دق) فدوى 🗣

تلفت للباب.. علق ديك العلاقة من يدوو ومشى حل الباب.. 

مع الحلة مع حل مهدي فموو.. والصدمة كااااااااااانت قوية 😯

ما فهم واالو مني شاف أنير لي حال علييه.. لا وما كثر من هكا أنوو لابس غير سروال السورڤيط بوحدوو.. وصدروو عرياان.. 

وقف حال لباب نص وكيشوف فيه بمعنا شنوو؟

تلف مهدي ماعرف باش يجاوبوو.. 

مهدي: اا.. ب.. الدراري فين هوما؟

أنير (بهدوئو المعتاد): مع سيدوو فالبيت يمكن.. 

مهدي: ونتوما؟ ماتطلعوش؟

أنير: هاحنا جايين.. 

بقا كيشوف فيه أنير حتى حشم على عراضو وزاد فحالو.. ورجع دخل هو شاد الضحكة بزز.. تعمد يخرج عندوو هكااك من موور ماسمعوو جاي عندها لبيتها.. وتعمد يخليه عند الباب باش يمشي بالوو بعيد ويوصل ليه الميساج غاا بريط.. هو لي قلب علييه والحيلة حسن من العاار.. لقاها فرصة ومناسبة وفر وختاصر عليه الطريق.. نيت مايتسماش ضرب ولد حومتوو على قبل بنت..

لبس تيشورطوو.. لقى ليوون فااق بالصووت لي صدروو وكيمشي ويجي وهو كيتكسل فوق الناموسية.. هزوو فيدييه مخرجوو معااه وسد البيييت..

مشا ديريكت لدروووج وطلع عاااجبو الحاال.. عااد رشقاات ليه.. 

دخل مع الطيراس.. لقاهاا گالسة ديك الگلسة العجيبة.. النص رجليها عريانين.. واصل ليها التووب حتال فووق ركاابييها.. ونسماات لهوى كيطيروو خصلاات شعرها لي هابطيين ليها على وجهها للووور.. زاد بخطواتوو ومشيتوو التابثة.. تلفتاات جيهتوو من حسات بيه.. 

تبسمات مني شاافت ليوون فيدييه.. 

قرب حداها وحدر يدوو حطوو ليها.. 

شدااتو من عندوو مقربااه لوجهاا.. 

فيوونا: فوووقيتي ماااامي.. وحشتينيييش أخااايب؟ أاا؟ (باستوو) وحشتينيش احبيبي؟..

غير حطو عندهاا وجر معااه جلايلها للتحت شوية غطاها.. حتى بقاا كيباان غير النص فسيقانها.. ودااز گلس حدااها فالفطوووي.. مسرح يدييه على العيبة لي مور ضهرهم ومع كبير بزااف لعجب علايااش گالسين يديه وصلاات لموور راسها بلا مايقيسوو.. 

بقى ليوون كيلعب فيديها.. شوية حيد من عندها ومشا حتال حدا أنير وتكور تكا.. 

فيونا (كشوف فليون وشوف فيه): هههه صافي نكرني..

أنير (مركز شوفتو فيها): هههه واه.. هزك الما.. 

فيونا(سكتات شوية وزادت): وزعما راه ماعندوش مع النااس..

أنير: يكون عقلني من نهار السيبر مارشي..

فيونا: ههههه كون رد البال لشنو درتي گاعما يبقى يدور جيهتك ههههه

مع ضحكااتها اللخرة تموو طالعين الدرااري بتلاتة.. اخرهم مهدي لي تابعهم مقروووس.. خصوصا مني لقاها واخدة راحتها معاااه..

جلسوو فالكراساا حداااهم.. مستمتعين بمنظر شرووق الشمس قداامهم.. 

جمعوو وضحكوو.. تلاقاو تما غا الحمااق واحد كيگوول للاخر ماعرفتييش.. 

مرة مرة فيونا كتمد يديها تدوزها على ليوون لي مخشي فأنير.. وفيما تقربليه.. عيوون انيير كيجييو عليها.. مهدي كيشووف فيهم غا بنص عيين.. كيضحك غابزو ولانگولوو بالفقصة.. خبز الداار كياكلوو لبرااني وقدااموو.. 

واحد الساعة مابقاش قادر يصبر.. تحجج بالنعااس ونااض فحالوو سااخط.. 

ماتسوقووش ليه.. كملوو جماعتهم.. كابراات فيوونا حتى عياات.. فلخر غلبها النعااس ودااتها عنييها.. رادة راسها اللور على يد أنير لي قاادوو ليها بيدوو لخرى.. باش ماتوعتش فعنقها.. 

غمز سفياان سيدوو باش يشووف ودورووه بيناتهم..

قلب عليهم الگفة وبدلوو الموضووع قصارين تماا.. وصلات السبعة.. وقف عليهم جرس الانذااار.. 

بشرى (كتنگر عليهم): باركا لوااااه.. يهبطوو ترتاحوو خلااااص.. ويلييي لي يشوفكوووم منشورين هنا كي المتشرديين مايگولش بايتين تزدحوو فعرس 😒 ومني گاع هادشي جهد فيكم كنتو تبقاو تعاونوو لتحت...

سيدوو: واااااهيانااااري.. صافي الميمة براكة عليك أحنا نازلين..

بشرى: سكت نتا البعلووك ودوز هز هاد الجنية هبطها معاك لتحت.. مالگات فين تورك (تنعس) غير هنا.. 😠

سيدوو: ساخطة عليا مي أنا نهز ديك البگرة كاملة.. 

خلاتوو فنص هضرتوو وزادت فحالها.. 

سيدوو: اوا خلي جدها منشورة هنا.. 

غمز سفيان سيدو وتمشى جيهتها..

سفيان: الا ماگديتيش عليها انا نهزها.. 

أنير (نطق قبل ما يوصل ليها): تحط عليها يدك نگردها 😠

كانو يتسناوه غا ينطق.. تكرشووو حدااه تاني.. 

حرك ليوون من فوقوو ناض.. ووقف هو خشى يد تحت رجليها ولخرى من موور ضهرها وهزها عندوو.. مقربها لصدروو.. حسات بيه هي.. مدات يدها لخرى لي ماشي من جيهتو شدااتو من عنقوو.. ولكن ماقدااتش تحل عينييها.. غالب عليها النعاااس.. 

تموو هابطين كاملين.. وليوون تابعهم.. 

دخلوو لطاج لي قبل الطيراس.. 

قبل ما توصل لبيووت.. كاين جووج صالاات وحدة فلخرى.. 

دخلو الدراري هوما اللولين.. تلاحوو كل واااحد فلحااف..

أما أنير.. تم غادي بيها لبيتها.. تفكر أنوو الى دارها.. غيخصوو يحطها ويخرج.. من سابع المستحيلات يقدر يبقى.. 

نزل راسوو شاف فيها كيتفحص وجهها.. ماسخااش بها وماشبعش من شوووفتها.. حتى كان غيزيد يكمل الطريق.. وعوج تبعهم لصالة..

دخل.. مشا ديريكت لواحد لكواان.. فين كيتلقااو جووج سدااادر (ديك الزاوية القاىمة المهم ماعرفتش كيفاش نشرحها.. قنت يمكن).. حطها فالراااس بشوية لاتفييق.. حيد يديها من على عنقوو باسها عاد حطها حداهاا.. 

قاد ليها مخدة تحت راااسها.. 

سيفط سيدوو جابلييه يزاار غطااها بيه.. (Hind El Barraqui هاهو غطاها الالة 🤣)

وجلس جنبها فالحااف لي ملاسق معااه.. ومع دووك اللحوفة واسعيين خدا راحتوو فالگلسة.. متكي ضهرو على اللحاف كامل ورجلييه هابطيين لتحت.. 

دور وجهوو جيهتها.. كيشووف فيهاا.. فملامح وجهها البريئة.. 

بنيوتة صغييورة كل مرة كتزيد تجروو ليها كتر.. ماعرفش كيفاش حتى بلاه بيها الله.. منين تسلطاات علييه.. 

امتى وصل للحالة لي هو فييها.. اش داارت ليه حتى ما بقى حامل يشووف حد مقرب ليها.. مافهم والوو فراسوو.. 

مد يديه لوجهها لي ما كانش بعيد عليه بزااف.. كيدوز عليه بضهر صبااعوو.. على حنيكاتها.. نيفها.. وفيمها.. 

كيثيرووه كااع تفاصيلها الصغااار.. 

بقى كيتسارا على وجهها شحاال بعينييه.. 

تفكر سروو.. وداكشي لي مخبي.. ضحك ضحكة جانبية بأسف.. أكييد ماغتتقبلش الأمر.. وحتى الى تقبلاتوو.. شكوون غيضمن ليه أن داك السحر غيزووول ويتحيد.. واخا يبغيييها

گااااع.. مايبغيش يربط مستقبلها معاااه ويحكم عليها انها تعاني معااه فمشكلتوو..

مابغااش يظلمها ولا يكرفسها معاااه.. 

ديموراليزاا (طاح ليه المورال) گاااع مني تفكر حريرتوو.. 

كانوو ديك ساعة الدراااري لي منشووورين حدااهم مشااو فسابع نووومة.. 

تهز واحد الشوية وقرب لجيهتها.. بعد بيدوو لخرى شعرها من على وجهها وتحنى قرب ليه.. دوز نيفوو على حنيكاتها وهو كيشم ريحتها لي مخلطة مع أنفاااسها.. قرب لجنب فمها وباسها بحناان.. بوسة بنعومتها ورقتها.. على شحال عاد بعد ورجع تقااد كي كااان..

مع لعيا.. طاحت هي طيحة وحدة مابقاتش عقلات على راسها.. 

غير تقااد أنير دور وجهوو جيهتها.. لقاا ليوون طلع حداها تخشا فيها باغي يرجع ينعس من مور ماعيا مايدوور ولقى السقيل.. ضحكاتو الطريقة لي بقا يتحكك عليها بيها.. قطييطة مخشية فقطيطة 😍

تفوه بتعب.. شابك صبااع يدييه مع يديها.. وبقى يحل عينييه فيها بتتاقل حتى دااه النعاااس..

غتگولو علاش ماداهاش للبيت وبقى حداها غنگول ليكم هو اش بينو وبينها.. وأصلا فبيت بوحدهم ومسدود عليهم أش معنيتها..

وخا ينفاتحوو حتى يعيااو كيبقاو عرب ومغاربة..

أكيد غتفهم ديريكت انهم 🔞... ماشي فحال فالصالة.. وحدااهم الدرااري.. وخا يشوفهم لي شافهم غيطيرو ينزلوو يگولوو كانو مجمعيين وداهم النعااس وكون كانت شي حاجة ماغيديروهاش قداام كلشي.. 

هادشي كامل فكر فييه ودوروو فراسوو قبل مايخطي اي خطوة.. 

دازووو ساعااات طواال.. والسقييل عااام أرجااء الڤيلة.. قليل فاش كيتسمعو صوت الخطااوي الى ناض شي حد لطواليط.. 

حتى تعاشات لعشية.. 

وناض گاع لي كاان لتحت.. بوشرى وفاطمة الزهرة ناضوو كيقادو مايااكلوو فالكوزينة أما حتى روينة غيجيبو لي يجمعهاا.. 

دخلات عندهم مريم (بنت عم فيونا).. مشات ديريكت عند عمتها (فاطمة الزهرة عنداكم نتلفكم) عنقاتها وباستها..

مريم: صباااح الخير.. فينهم الدراري؟ 

بشرى: فين بقى شي صباح 😏

فاطمة الزهرة: مانعرف.. يكونو مزال راگدين لفوگ.. 

بشرى: خمرو هادو ماشي ركدو.. 

مريم (كتقلب أصلا على السبة): هانا طالعة نفيقهم 😊

خرجات دغيااا من تم وتمااات طالعة للطاج التااني فين كاينيين..

تقلبات من بعد ما كانت عاطيااه بظهرها وعاطية بوجهها لمخاد لي ناعسة حداهم.. ومع تحرگات بزاااف.. شركات تكسيلة وتفويهة ودارت على جنبها كتحاول تحل عينيها لملاصقين.. 

بقاات شحاال كترمش فعينيها عاد ستوعباات المنظر الطبيعي لي قدامها.. 😻 

كان مميل ظهروو وراسوو محووط فوق لمخدة وهي واقفة.. مشكرف فالنعسة ومعنز.. مربع يديه ومدور وجهوو جنب لجيهتها.. 

بعيد عليها بشبر ونص فين ناعس ليوون.. 

حكااات عنيها كتتأكد من داكشي لي كتشووف.. شافت فراسها لايكون طلع ليها لعجب لي لابسة مع التگلاب وتشوهاات لقات راسها مغطية.. تنهدات بارتياااح ودارت عند لبيعة وشرية لي ناعسة حداااااها.. 💚

أول مرة تقدر تشوفو على خاطرها وراااحت راحت راحتها.. بدات من دراااعو لكبااار.. طالعة لكتافوو الضخمة.. وصولا لعنقوو ووجهوو..

بتاسمات أول مالمحاات لحيتوو.. كان مغمض عينييه وكيباان ناعس مرتااح.. حجبانو غلااض ومقادين من عند الله.. جبهتوو صغيرة.. وشعروو تخربق شوية..

عاودات هبطات لجيهت نيفوو وقنينفاتوو الغووز.. 

ترددات بزاااف.. ولكن فاخر المطاااف ماقدراتش تشد يديها لي كياكلوووها.. 

تگعداات شوية.. حطااات مرفقها على المخدة لي كانت ناعسة عليها.. وكلما كتتحرك كيعنكشها شعرها وكتردوو تاني لووور.. حتى تقاداات وولات عالية شوية عليه..

مدات يديها حتال عندو مقرباها بشوية.. وحطاتها على لحيتوو 😻

خافت يكون حس بيها حبسات تفيكسات بلاصتها حتى ماداار حتى شي ردة فعل عاد زعمات تحرك صبعها لكبير عليها.. مستمتعة بملمسها وشكلها لمقاااد.. بقاات شحال كتشوف فملامحوو.. بوكووووس بل وأكثر من دلللك تيتيييز ماشي غير ضارب على الشعا.. 

فوسط استمتاااعها بزبلتها لي كتقتااارف واعتدااىها على ممتلكات الغير.. سمعات صوت الخطااوي جاين جيهتهم.. حيدات يدها عندها دغياا وطلقات ودنيها كتتسنط باش تفرز مشية من.. بانليها داكشي مراجل.. وخا هكااك مابغاتش تغاامر.. تسناات حتى يقربو لفين كاينين.. دارت راسها كترد شعرها النازل لووور.. وكتشووف بنص عين.. غاا بانت ليها مريم لي وقفاات.. مع الدخلة دالصالات مقابلة معاها وهي ترجع يديييه فين كانت.. لااا وخداات راحتها كثر وكثر.. 

وباش تكملها وتزيد ليها فيخرات بتاسمات.. قربات عندوو حتى قربات وتحنات باستو فنيفوو بشويييية 😻 

طولات فيها حتى حسات بصدمة لخرى سالات وتكركبات فحااالها عاد بعدااات كتضحك ضحكة شر.. 😈 هدا حاال لي يتزريط على الحاجة لي تعجبها.. 

رجات بلاصتها وناضت.. هزاات ليوون.. وقلبات المخدة دارتها فاتجاه اللحاف لاخر.. عاد بداات كتقييس فيه بصبعها.. واقفة ليييه على راسو..

فيوونا (بهمس): أنيير.. أنييير.. (ضرها صبعها) أيييي قاااسح.. (بتغباان) وااا أنييير.. 😔

شداتو الضحك ودار راسو يالله فاق.. حرك مضورو جيهتها كيحل عينيه بشوية..

أنير: امممم... 

فيونا: تقاد فالنعسة ماتبقاش هكا..

أنير (ببحت صوت زايد مغلضها النعاس): وخاا.. 

دااار تكاا فبلاصتوو وحط راسوو على لمخدة لي كانت ناعسة فوقها.. حطاات ليه على صدرو ليووون وسرحات عليه داك ليزاار لي كانت مغطية بيه.. قدااتو حتال جيهت صدروو.. عاد عودات هزات مشها.. ودارت هربات من حدااه كتتمشى على صبااع رجليها.. حتى وصلات لبيتها حلاتوو ودخلات تلاحت فيه..

مني وصلات لطاج لي هوما فيه مشات جيهة الصالة دقة دقة.. الأنووثة زعما.. فرحانا تگول لقاات ربعالاف ريااال.. ماجات فيين توصل لبلاصة لي هوما فيها ولي محلووولة حتى تجمعات ديك الضحكة شوية بشوية فاش ستقرات عنيها عليهم من مور مادوراتها فلبلاصة.. جاها الشلل النصفي وشدها الكلاكاااج فملامح وجهها.. تسمقلات السيدة وهي كتشوف فيها كتلعب ليه فوجوو وكتضحك.. ومعا داير وجهو جهة فيوونا وهي مقابلة معاهاا ماكيبانش وجهو واش ناعس ولافااايق.. شوفااتها فيه.. وفاش قرباات وباستوو شعلو فيهاا العاااافية وحكو ليها على الضبرة.. غافاقت من الدعقة دارت بزربة هبطاات باغا توصلها سخوونة.. يا نلعبو كامليين يا نحرموو اللعب..

سداات عليها لباب ودخلات.. حطات ليوون على الناموسية دغيا وبداات كدوز يدها علييه باش رجع ينعس.. خربقاات بلاصتها..

وناضت كتجري لدوش.. دغياا غسلات شعرها.. دارتليه غا كوش وحدة دالشانبواان.. ودارت عليها جيييل دوووش.. 

باقاا كدوز فيييه سمعاات لخبيط فالباااب وبشرى كتنگر من برى.. 

بشرى (مغددة): حلي الباب.. (كتدق بكف يدها) حلي يا الحريگة حلي.. 

لوات عليها فوطة بشوية عليها.. وخرجاات عندها..

فيونا (عاقدة حجبانها): شكااين؟ ميمة ماالك؟ 

بشرى (دفعات الباب شوية ودخلات لداخل): فين كنتي موركة العافية الزرگة ؟ ااا؟ هضري !!

فيونا: فين غنكون ياء 😒 بلاصتي.. تي مالك.. 

شافت بوشرى فالناموسة لقات داكشي مرون وليوون مكسل وهي دور تخنزر فمريم.. 

قفزاتهم فيوونا بحدة.. وكتخرج فعنيها..

فيوونا: مااالنا شكاين؟ راه واقلة مخرجيني من الدوش وكنجمع البرد 😾 

مريم (شافت فبشرى بترجي): والله أ ميمة حتى شفتها بهاد العنين لي غيكلهم الدوود 😰

فيوونا: أنا بان ليا الدوود كيااكل بلاصة خرى ومن دابا ماتسناش حتى تمووتي.. شخلوضتي تاني ابلغة البراااح؟ ماكتوبييش؟

مريم: ااي... 

بشرى (بفقصة): هاطشدي لاش مطلعاني؟ هااا 😠

جمعي غوفالتك (شعكاكتك) عليا ونگزي من گبالتي (طيري من قدامي) خفي (سربي) 😡 

مارداااتش قدامها دارت كتتنتر.. وهبطااات.. مشات من بالها أن الهااجم يمووت شرع.. 

بشرى (دارت عند فيونا): ونتي وشتا راكي مزال ديري هنايا 😤

فيووونا (راجعة للحمام وكتنگر): اوا هادي هيا طلع تاكل لكرموووس 😒 لاش داقين على جدي؟ سدي معاك داك الباب.. وراه سيدو فاش يفيق سوليه.. (سدات لباي وعاود حلاتو) والله يعميها ليها راه ماكنجبدهاااش.. 😾

ردات لبااب موراهااا بشرى ومشااات.. أما فدوى دخلات تكمل تدواااشها وباغا تمووووت بالضحك.. 🤣😈 

شدها الحمااق.. 

أنير غير مشاات من حدااه لقى راحتوو وبتاسم حتى بانووو سنيناتوو.. 

لي ماعارفاش هي أنو نعاسو خفيف داكشي علاش كيظل يحيح باش مايسمعش حس الصدااع فالحومة.. يعني مني حطات يديها عليه فيقاتوو.. ووخا حس بلمساتها ماتزعزعش باش ماتتراجعش.. ويشوفها أش باغا ديير.. 

ستحلى يدها لي كدوز على حنكوو ودقنوو تكتتحسس زغب لحيتوو بحنااان ودفىء😍 حتى قفزات وبعداات.. ماهي الا دقايق قليلة ورجعات قربات ليه بجرئة كثر من المرة اللولة.. لا ولي زاد صدموو هو مني قربااات وباستووو فنيفوو.. 

مع قريبة.. ونفسها كتضرب فوجهوو وشعرها ونعومة شفايفها لي تحطو عليه.. شد راسوو غا بزز عليها.. وكون زاادت غير شوية كون راه جرها عندوو.. 🙈

بزز باش تحكم فراسو قدام برئتها ونعوومتها.. حتى حس بيها كتفيق فيه.. غطااتو مطاارت من حدااه.. خلاتو وخلات لييه ريحتها حاط عليها راسوو.. 

داار على كرشوو خاشي وجهوو فمخدتها حتى داه النعاااس تاني.. 

خرجات بشرى من عند فيوونا.. ودازت لعزارا دارت عليهم دورة الزماان.. زعزعاات ليهم النخااع الشوكي وماتفكوو منها حتى شافتهم غسلو وجوههم وتابعينها ياكلوو.. 

هبطوو لتحت.. تجمعوو على ماكلة العرس لي سخنات ليهم بشرى فحال حال گاع الاسر المغربية هههه.. وگلسو كيبلانييو أش يدييرو بيناتهم..

شللات حالتها مرتاحة من مور العافية لي شعلات.. وعاد بدات كتفكر ففاش فاقت وفأش وصلوو حداها.. 

جاو فبالها شي لقطات مني كان هازها مي مواضحينش.. مع كان النعاس لاعب عليها.. خصوصا نعااس لعياا ودييك الغمضة اللولة.. كيولي يجيب ليك الله راسك فحال شي سكراان.. ولا غير كتحلم.. مهم كيدخل ليك الشكلي فالعكلي 😹 

خرجاات.. لبسات سروال كحل واسع.. فحال الشكل لي فيهم خط حمر فالجنب على طولهم وديباردوور بيض لفووق.. 

گلسات حتى جبداات تاني شعرها وصاوباتوو.. جمعااتو.. عاد لبسات سبرديلة وتبعااتهم.. نزلات بشوية عليها وبقات كدزور حداهم وتنقب فالكوزينة من هنا ومن هنا.. بلا ماتسوق لحتى واحد فيهم..

تافقوو الدراري يمشيو يتبحروو.. ومني نيت راها لعشية يبقاو گالسين تما فليل يقصروو ويتبردوو.. 

ناضو الدراري سبقوو لبرى.. ومهدي هو وسيدوو دازوو يجيبو الكراسة والطبلة ديالهم لي غيدييو.. حتى جاو خارجيين وشااف فيها.. ونطق..

سيدوو: رواحي نتي.. ماتمشيش؟ 

فيونا: بالرووووجولة 😻 غتديني معاك؟

سيدو: تعرفيني نخليك؟ زيدي.. 

فيونا: الحب نتا.. تسنى نجيب مايوويا ونجي.. 

سيدوو: طييري.. 

مريم (نقزاات): وأنا؟ 

سيدو (حشم يگوليها لا): رواحي راه الطريگ..

كل وحدة طلعات جابت تخربيقها ورجعوو لتحت.. 

سبقاات مريم هي اللولة..

لقات سيدوو يالله قاد داكشي لوور دالطموبيل دطموبيلة جدوو.. وجمع الكوسانات باش يالله قدوو فيها گاع لي هزوو.. 

طارت ركبات لقداام وسدات..

خرجاات فيونا بشوية عليا كالعادة.. لي بغا يربح العاام طويل.. غير وصلا حداهم وحلات الباب.. لقات لخرى مبندة ليها تماا.. 

شافت فسيدوو لي يالله سد الكوفر وجا حال بااب من جيهتوو.. مطلعة حاجب ومهبطة لاخر بمعنى هادي مالها.. 

شافهم أنير من لمراية.. 

شاف فسفيان وبلا ما حتاج يدوي.. هبطو بجووج.. سفيان رجع گلس لوور حدى مهدي.. وقف أنير وعيط ليها.. 

أنير: فدوى.. 

شافت فيه.. وهو يشير ليها براسو باش تجي تمشي معااه..

لقاتها من الجنة والنااس.. خبطاات على بوها لبااب.. دارت نظادرها.. وزادت عندوو مخلياها تشد فالصالحيين.. 

حتى وصلات عندوو عاد ركب هو ويااها وزادوو.. 

شدوو الطريق لپلاياا (لبحر).. 

ديك الخمسة لقاتهم فييها.. ختاروو بلاصة.. قادوو طبلتهم حلوها ودوروها بمراستها فاش غيگلسوو.. وحلو فيهم فاطيهم.. وحطو حداهم التلاجة صغيورة دلبحر.. 

ركبوو براصول كبير.. مخطيهم على الشمس.. 

عااد بدااو يحيدو تيشوطارتهم واستعرضوو عضلاتهم.. 

گلسوو شوية.. جرات فيونا سيدوو لي مشى معاها حتى بدلات ورجعو.. 

لبسات مايوها ولاحت عليها الكاش ديالو ساترها ورجعوو.. 

لقاو غا مريم.. لخرين هبطو يعوموو.. حطو من يديهم اش كانو هازيين..

ضربو فيها وتبعو لخرين فحالا ماشافوهااش.. 

كيتسابقوو.. حتى وصلوو للما وبدااو يتراشوو كي دراري الصغاار ويلعبوو حتى دخلوو.. 

فيوونا ما كتعرفش تعووم.. ولانگولوو كتعووم ماداام رجلها واصلة الأرض.. ولكن فالفوندوو لا.. 

بقى يزن عليها سيدوو يزن عليها حتى دخلها معاه شادة فظهروو وكتضرب برجليها.. 

من مووور ما سالا لعرس.. وتوجهوو للأوطيل.. 

سطاسيونا طموبيلتو حدااه وهبط.. 

هز شانطتها من الكوفر ومشى حل ليها لبااب.. حطات رجليها لتحت ونزلات.. عاود سد الباب موراها وخلاها تمشات قداموو.. 

كانت الدنيا باقة خاوية بحكم الوقت لي جاو فييه.. وباينة فيهم من لبسهم أنهم عرسان..

دازو للاستقبال باش خدى الكارط دالشومبر لي ديجا حجز.. 

جا واحد من خدمة الغرف.. سبق طلع ليهم الشانطة الفووق عاد تبعوه هوما.. 

وصلوو للبيت حل وشار ليها بيديه دخلات.. 

سد من موراه وتبعها كيحل عقدة لكراڤااط..

حيدات هي السلهام من عليها.. وتلبكاات.. ماعرفات ما دير.. تجمعاات بلاصتها وجمدات.. فالوقت لي هو حيد لڤيسط ديالوو وسباطوو باش تنفس شوية.. خنقووه.. الليل كامل وهو صابر ليهم.. بقى غير بتقاشروو..

تمشا لفين محطوط حوايجهم ونطق.. 

منصف (شاف فيها): تدخلي تدوشي نتي اللولة ولا غير ندخل.. 

زينب (بخجل): ماعليش غير روح نتا.. علاما ناخد صوالحي..

منصف: وخاا.. 

هز فوطة ودخل.. 

بقات هي من موراه.. شادها بوتفتااف.. مابقاات عارفة ماديير.. جبدات شوميز دونوي ب بينوارها طوييل وطروستها.. و گلسات على أعصابها كتتسنى فيه حتى خرج لاوي على نصو التحتااتي فوطة.. مخلي صدرو لمطراسي رغم سنوو عرياان.. 

ماهزاتش فيه الشوفة.. غير بانلها خرج دخلات دغيا حيدات من حدااه.. 

خدات دووش خفيف.. لبسات وتقادات وعاودات رجعات عندوو بمكياج خفيف ولباسها لحريري.. مغلووب عن أمرها..

لقاتو واقف كيتسناها.. لابس غير سرواال.. تمشات حتال عندوو بصعوبة رجليها تقال عليها حتى وصلات قداامو.. 

تحت نضراتو لي كيتفحصوها قنت بقنت.. طرف بطرف.. زنگا زنگا ههه 

حط صبعو على كتفها وتم مهبطو مع يديها حتى وصل لاطراف صباعها.. هزهم لعند فموو وباس ضهر يديها برقة..

تجمعات عليها التبويشة والخووف وال.. مهم تخلطو لعرارم.. 

خشى يدوو أسفل ظهرها وقرب ليه بشوية حتى ولى صدرو على صدرها وتخالطوو أنفاسهم..

حتى قرب يبوسها وحس بتشنجها وتصلبها بين يديه..

بعد شوية وهمس ليها.. 

منصف: غير ترخاي ماتخافيش.. 

شافت وحنيكاتها مزنگين.. ماداام راجلها وحلالها راه منحقوو عليها هاد لحوايج فاخر المطاف مامزوجش بيها باش يحطها ديكوور.. 

وماشي هي أول ولا أخر وحدة غتتزوج زواج تقليدي.. يعني عادي فحالها فحال غيرها.. تقبلات الأمر.. ليوم ولا غدا ولا بعدو فحال فحال.. خاصو خاصو يدخل. عليها.. والا غيتْشَك انو إنّ فالموضووع.. حركات ليه راسها بواخاا وحدراتوو.. 

بتاسم هو.. باس ليها راسها.. مطول.. عاد هبط راسوو لمستوى وجهها.. وما هي الا دقائق وحط شفايفوو على شفايفها.. مقبلها بشوية..

خلاتو باسها على خاطروو.. فنفس الوقت مع ماعندهاش تجربة ماعرفاتش كي تتصرف من غير أنها تجاريه فأش كيديير..

نتاقل بقبلاتو لعنقها.. موزعهم على سائر جسمها.. وبخبرتوو قدر يخليها تنساجم معاه وعرف كيفاش يوصل لنقاط ضعفها ويخليها تستسلم لغريزتها.. عرف كيدير يقضي على الخوف لي كان متملكها بلا ماتحس.. 

ماحسو على راسهم حتى التاحمات أجسادهم.. ههه حكها 🤣

وولات مراتو شرعاا وقانوناا..

فينهوم هادوك لي گالك بقات فيهم هههه 

غتلوحو اللومة على منصف غنگول ليكم أنو ماليه حتى دنب.. هو تزوج ومن حقة هادشي لي طرى وكون اعتادرات ولا رفضات أكيد ماكانش غيجبرها على شي حاجة ماباغاهاش.. فنفس الوقت هي تصرفات بعقلانية ومامنعاتوش.. فالأخير هادشي محتوم عليه أنو يوقع.. 

غتگولو ليا تاني كون صبر عليها حتى ولفاتوو.. غنگول ليكم ماتنساوش أنو زواج تقليدي وأننا فالمغريب يعني كاين بزاف دحالات الزواج هكا.. 

ووخا هكااك ورغم لي وقع.. ماندماتش.. على الأقل لمسات فمعاملتو شوية دالحنان وراعا ليها من جميع النواحي.. ماتصرفش معاها كي شي حيوان.. التمسات خوفو أنو يضرها من خلال معاشرتو لي مادامتش بزاف.. وما ان انفضت بكرتها.. تراجع وجرها عندو عنقها وغطاها.. مابغاش يفورصي عليها.. خلاها حتى تولف..

درقات وجهها حشمانة تشوف فيه... ومن كترت لعيا والألم لي باقا كتحس بيه على مستوى نصها السفلي.. داها النعاس بين يدييه.. 

گدمها راس الطاروو.. خلاها حتى ستحلاتها وغرق بيها نست عاد قلب عليها وجهو وبان ليه يرد ليها صرف لفعايل لي كانت كدير فيه.. دورها قدامو شادها بيد وحدة مبعدها عليه وأرااك للابتزااز.. 

هي بالخلعة تكنززات ليه على يديه وولات شادا فيها بيدها هي بجووج وكون لقاات تزييد حتى رجلها كون تعلقاات فيه..

سيدوو: وشتا يا دينك دروگ؟ نطلگك؟ هااا؟ 

فيوونا (تحشو ليها الركابي وغرسات فيه ضفارها): 😰

سيدوو: اووو بشوية الهيشة.. طيريتيلي الجلدة لمك.. ههههههه

(كيحاول يتفك منهااا)

رصاااي ولا نطلگك 🤣

فيونا (كتموت): سيدووو.. ماشي لعب 😳 مممم ماا ماشي.. هنا.. نحط رجلي عالارض ودير لي عجبك.. 

سيدو: هههههه لا أنا عجبتيني داباا.. هنا فين نفديها فيك 😂 

فيونا (كتحاول تقرب ليه باش تحكمو فالشدة وخا هو راه تما بقا وخا تلصق عليه): واا الزمر هادشي ما فييهش اللعب 😾 خرجني فحالي اللخرا.. 

سيدوو: هههههه مشحال تعطيني نلوحك دركا؟

فيونا: تتعطى ليك فالعمر والصحة.. غتلوحني ونخلصك اولد العبد.. خرجني بغيت ليك شي لفعة تخرج فجدك سمها 😾

سيدوو: ههههههههه وكتدعي.. 

لاحها هبطات شربات شوية دالما وعاود طلعها.. 

فيونا (تخنقات): خرجني فحااالي 😿

سيدو: مزال تعااايري؟

فيونا: علاه كمارت بوك ماشي غا ديال المعيااار؟

تم جاي أنير خارج فحالو من مور ما دخلوو مسااافة كيضربوو بيدييهم.. بعدو بزاف وتموو راجعين.. 

دقة دقة عليهم حتى بدااو كيقربو لفين كيعومو الناس.. 

هز راسوو يشووف فين وصلوو وشحال باقي ليهم وهو يبانلو سيدوو عاود طلق فيونا وهي كتتخبط بلاصتها.. تبغي تطلع وينزلها خووفها وخلعتها للتحت.. 

كتغوت ربي لي خلقها.. الرووح باغا تزهق منها..

غطس غطسة وحدة ماطلع حتى كان حدااهم جارها معاه من دراعها مطلعا تتنفس.. وكيخنزر فسيدو لي باقي كيضحك

أنير (بغضب): مال عبد ربك 😡؟ مخور فعقلك ولا؟ 

(شاف فيها وقربها عندو) شدي فيا 😠

ماقدرش يشدها بجوج يدين حيت وقف بلاصتو وكيضرب برجلوو ويدو لخرى غير لي شادها بيها..

قربات عندوو باقا راكباها لخلعة وتعلقات فعنقو بجوج يدين كتبكي وكتحاول تتنفس أكبر كمية من الاوكسجيين..

دوز يدو من ظهرها وزيرها عندو باش يطمنها انو ما غيطلقهاش وترتاح شوية.. 

عاود شاف فسيدو شوفة دلقتيلة.. 

سيدو: هههههه وشتا أصاحبي.. غي كونت نزعق معاها.. 

أنير: مشيت تقتلها تگولي تزعق.. رواح حتى أنا نزعق معاك 😠

وصل عليهم سفيان وحبس.. 

سفيان: وشتا كاين؟ 

أنير (صاعر): دي عليا هاد خليقة الله گبل ماندير فيه يدي 😠

سيدوو (جارو سفيان): راه بنت عمي الحمق هههه 

خنزر فيه أنير وماجاوبووش.. دار عندها كحاول يعرف غا اش كديير.. خاشية وجهها فعنقوو.. وحتى دموعها ماغيقد يحس بيهم مع الما..

حاول يطبطب عليها بيدييه لي على ظهرها ويبعد غير شوية راسها عليه وردها شعرها لووور باش يبان ليه وجهها.. لقاها كتتنخصص باقا شادة فيها الخلعة خصوصا ان المرة التانية طولات.. 

أنير (ضراتو فخاطرو): اووووش.. صافي.. ماوقع والوو..

بقا كيحاول يهدأها.. وهو ضامها لصدروو.. كيفصل بيناتهم غير التووب دالكاش مايوو لي لايحااه عليه مغطي تفاصيلها.. وهو برسو مع الما.. تهز لفووق وولى واصل غير حد فخيضاتها..

حركاات يديها.. قادات بيهم شعرها للور.. ورداات وحدة عنقاتو بيها.. ولخرى بقات جامعاها عندها وحطوطة على صدرو..

عاد بان وجهها كامل.. نيفها حمر.. وشفيراتها فااازگين.. عينيها حماارو.. 

بقى كيشووف فيها وكيتسناها ترجع فيها الروووح.. كيدقق حتى فتفاصيلها.. فأكفس أحوالها وزويونة.. ملاميحها حليلوة ميلحة.. 

زاد جرها عندو مزير عليها.. وهز يديه لخرى كيمسح ليها وجهها.. 

أنير: صافي براكة عليك من لبكا.. أوووش.. ماكنعرفش عليك بكاية.. 

رجعات خشات وجهها بين عنقوو ويدها لي حاطاها على عنقو.. ومرخية معااه.. 

عااود ضرب بيدييه شي ضريباات فلما عاد حطها من مور عنقها وباس ليها راسها..

بحركاتو وهضرتو ولمساتو قدر يهديها شوية وخلاه تتطلق.. فنفس الوقت كايحاول يتحك لبرى غير بريط حتى ولاو رجليها ماكيفصلهم على الأرض غير شبر والى هبطات رجلها ووقفات غيوصل ليها الما لجيهت فمها.. ومع دالك بقى معنقها ومخليها لاصقة عليه..

بعدات تاني وجهها عليه.. كترمش فيه بعويناتها لي ضارب فيهم الشعى دالشمش لي كتغرب.. 

شعرو ولحيتو لعامرين ما.. كتافو العراض لي حاطة عليهم يديها.. وصدرو لقريب منها.. عاد ردات البااال للشدة لي شادها.. ويدو لي دايرة على خصرها.. 

بقات كدور فيهم وتدورها فراسها حتى جاو عينيها فعينيه لمفيكسيين فيها.. 

تبلوكات وماقدراتش تبعدهم.. شي حاجة شداتها.. 

ونفس الشي وقع ليه حتى هو.. حتى لقى راسو حاط جبهتو على جبهتها.. وكيتنفسوو بتتاقل.. وقبل مايصدق زابلها قدام العالم نطق.. 

أنير (بهمس): مشينا؟ 

فيونا (ماقداتش تنطق): امم 

أنير (بتاسم مبعد عليها): تّخرجي وحدك ولا نعوم بيك حتال برى؟

فيونا (زيرات عليه بلا ما تدوي.. )

أنير: هههههه ماتخافيش.. كاين لحد ههه

تكنززات عليه.. وطولات صباع رجليها لتحت لقات راسها واصلة.. طلقاات منو باش وقف.. فاات ليها لما عنقها ووصل لوجهها وهي تعاااود تتعلق فيه خايفة..

أنييير (ضرصة لعقل بانت ليه بالضحك): يههههه الخويويفة 🤣

فيوونا (كتتغبن): واباااقي 😰

أنير: ههههههه 

زاد مزاال تحرك لقداام.. عااد رجع فيها الضو مني وصل ليها الما لكتافا وطلقااااتو.. 

ومع دالك مد ليها دراعوو تشد فيه باش يجرها معااه ودغيا تخرج.. 

جدات فيه.. وماحد مستوى لبحر كينقص.. والتوب دالكاش غيلصق على لحمها وهي كتجر فيييه باش تبعدوو ومايبانش المايوو ولحمها من لحتحت.. مرگااات.. 

هي أصلا ماكتحملش تلبس المايوو بوحدوو غا باش مايتفرجووش فلحمها.. وكتزيد عليه داه التووب لي كتعقدو عليه من صدرها للتحت غير باش تتغطى وهكااك كتتشوه كل مرة كتسالي العومان وكتجي خارجة.. 

بالفقصة والتبرزييط كرزاات على يدوو بلا ماتحس.. 

شاف جيهتها بنص عين لقاها تزنگاات وماحاملاش الوضع.. لدرجة لما سالا ووصلو للرملة وهي باقا شادة فيه.. 

قااد شعروو بيدوو لخرى وتمشى هو وياها حتى قربو لطبلة عاد فاقت وطلقااتو.. 

سبقها بخطوات باش يضرگها.. 

نادت فريفرة دمريم قافزة مدات لي فوطة.. ماكانش من العاگزين حتى هو.. شدها ودار عندها.. دورها على كتافها ووشدها من القدام حتى دارت يديها وخدات من عندو طرافها وهي كتشوف فيه.. 

دار وهز تاني فوطة وحطها على راسها.. نشف ليها وجهها عاد دوزها على شعرها وخلاها ليها حتى هي وگلس..

جرات الكرسي لي حدااه كحزاتو عندو وگلسات راجعة لور شوية وكتخنزر فسيدو.. 

كان مقرب لمهدي وكييسمع ل التوسويس لي بدا يوسوس ليه قبل مايوصوو.. 

مهدي (بخبث): وشتا دابا حنا بيادق هنايا ولا؟ 

سيدو (باستفاه): علاش راك تّهضر؟ شكون بيضقك؟ 

مهدي: عاجباتك هادي دابا لي واخدة راحتها گدامنا؟ 

سيدو: مالها وشتا راها دير؟ 

مهدي: الصباح لگيتو معاها فلبيت.. دابا كيعوم معاها.. علام الله شتا كانو يديرو لداخل.. 😏

سيدو (تعصب وكيدوي بشوية باش مايسمعش سفيان): ونتا شغلك؟ شدخلك فيها؟ ياك أنا لي جابتها معايا اوا دخل سوق روحك 😡.. وحتى تولدها وربيها..

مهدي: أودي يالرجلة.. 

سيدو (شاف فيهم گانو وصلوو عندهم ودار جاوبو): نسميك راجل هاهو گبالتك هضر.. ولا نخليوه هو.. هاهي گد عليها غا هي وحل فمك.. ماشي بريوة باش تعمرني وكيما راني ولد عمها حتى نتا نفس الشي 😠

ضرب الطم تاتة لملونة وبقى غاكيضور فعينيه.. خصوصا فاش شافو كيمسح ليها ماعجبوش الحاال.. وحتى الهضرة مايقدرش يدوي حيت عارفو أش كيسوى وعارفو خاسر غيخلطوو.. وأكيد هو ماغيقدش على بطل المغرب.. گال غنجيبها فعضامي اللهم يگدم سيدو.. ساعا ماتشدش ليه وماصدقش ليه لبلان..

مابقى فراس مالوو غير يخنزر.. بقى مبوص وسطهم كي موكة.. 

حالتو حالت شوكة حمار لي لسقات فيهم.. حتى هي ضربات الطم من موور داك لفلاش وولاو وسطهم كي المنبوديين.. 

قادات فيونا الفوطة تحت يدها على الكاش مايوو وخلات لخرى فووق راسها حتى سخنات شوية من التبوريشة لي كتشد الواحد مني ياالله كيخرج من الما عاد حيداتها..

كانت ديك الساعة غربااات الشمش.. وشعلوو لبروجيكطورات لي كيضربو على الرملة كاملة باش يبقى لبحر مضويي ويبقااو ناس مفوجيين فييه.. 

نطق سيدو شداااه الضحكة.. عارف راسو غيتقمعوو شي قمعة ما دايراش.. 

سيدوو (كيشوف فيها): ماجاكش البرد.. ماتلبشيش عليك؟

شافت فيه فيونا باحتقاار ودورات عليه وجهها.. 

ناضت هزات داكشي لي كانت لابسة.. 

فيونا (لسيدو): تتبعني نحرك نحرا الجمل 😾

سيدوو: هههههه نوضي أمريم سيري معاها 😂

ناضة أنسة ملعقة تبعاتها كتخلف.. حتى ردات حوايجها غسلات وجهها وقاداتوو عاد تموو راجعيين.. 

رجعاات فيونا بلاصتها حدى أنيير وگلسات.. 

لقاوهم لبسو تيشورطاتهم.. حاطين العصير والمونادا ولي شيبس.. بيسطاش ومشتقاته وجبدوو الرامي (الكارطة لي فيها بزااف ههه ماشي ديالنا لخرى) وكيلعبوو فالساامبل..

الطرح اللول.. الطرح التاني.. وهي غير كتدور عينيها وسط منهم.. 

مرة مرة كيتلفت يشوف فيها أنيير.. 

الوقيتة لي سالا الطرح وخاص يتفرق.. دار عندها وعاود داار هز كابيتشوه من حداه وحطو على كتافها العريانين على البرد.. 

خشاات يديها فكماامو وسدااتو فوق الديباردوور (بيل سماطييي خلاتها بنت كبوور) لي كانت لابسة.. 

هادشي كامل ومريم كتتغدد.. ماهبطاتش عينيها من علييه مني رجعوو وتگوول واش دار جيهتها فحالا ماكايناش.. هادشي غير فينما لقات لفرصة كتجي منو وتدافع عليه زعما..

رد لباال ليها ولتزقزيقها وعرفها لاش باغة توصل وتعمد يعطيها مشي باش ماتزيدش تزعم كثر.. 

فيوونا: سيد.. (تفكرات) سفيان خوياا عفاك واحد لبواط دلگلاص من حدااك.. 

سيدوو: هههههههه بزة.. 

خنزرات فيه وشافت فسفيان لي كان حل الثلاجة.. 

سفيان: ديالاش بغيتي؟

فيوونا: لي كان.. الا لي مصايب بالشوكولا.. 

عطاها شبغات ورد لعجب كيما كان.. 

اما هي شدات من عندوو گلاصها.. وگلسات تاكل فيه وتعوج فلمعلقة.. ماخلاتش أنير لي راد معاها لباال يلعب فخاطروو.. كل شوية يدوور عندها.. حتى عمرات جنب فمها.. 

حاط ضهروو على الكرسي لي يالله گادوو مع حجموو..

اليد لي فيها الكارطة فوق الطبلة ولخرى حطها بينوو وبينها هي لي فجنبو كالسة بلا ما تتكى على كرسيها.. موقفا ضهرها وشابكة رجليها تحت الكرسي.. مخشية فتريكوه لي لابسها.. 

شعرها لي باقي فازگ نااازل.. كتبان كي شي درية صغيييورة.. 

كان يالله لعب نوبتوو.. بتاسم ومد يدوو كيمسح ليها بصبعوو داك الشوية لي قاسها..

حيدو من حدا فمها وكلااه.. 

سيدوو (بينو وبين سفيان): حالتو صعيبة هههههه

سفياان: واااااايه هههه راح في كلام فاحش.. (بصوت مسموع موجه الهضرة لأنير) لعب الشريف.. تورك..

يتبع ...