شريك القرن 21 الجزء الخامس

أنير (مامسوقش): ريض 😠 (بلاتي)..

رجع يلعب وعنيه عليها.. شتتات ليه تركيزوو والسيدة كتاااكل ماهيااش فهاد العالم.. 

بقى حاضيها حتى صدق خاسر من موور ماربحهم فالجووج المرات لي قبل.. 

دورووه بيناتهم كيضحكوو معااه.. ويمعنييو.. 

سيدوو: عطييها أسفيان شي گلاص واحد اخر يرضي عليك.. ههههه

سفيااان: ههههه أواااه يكثر الخيرك افدوى.. ههه تاكلي؟ 

فدوى (من نيتها): مالكم؟ أش كاين؟ 🤨

سيدو: والو هههه تلعبي؟ 

فيونا: فرق 😒

فرق ليها معاااهم.. وبقاو عاصرين.. مستمتعيين بداك الجووو والمنظر لي گالسيين فييه.. ساااعة كتجر ختها.. ما حاسييينش بالوقت.. 

بينهم واحد السيد لي نسى راسوو.. عيا يغمز فييه سفياااه والووو لا هو كيشووف فيه ولا هو قريب ليه باش يقدر ينغزوو يفيق على راسوو.. 

حتى قرب ينتاصف الليييل.. وبداات القاضية تحمااااض.. هز تليفوونو وصونا عليييه.. 

جبدوو من جيبوو طل عليه.. طلعاات ليه نمرة سفيااان.. شاف فييه.. شار ليه براسوو شنوو..

شد سفيان تليفونوو وسيفط ليه ميساج فيه:

" ⏰ "

قراه أنير وفهموو مشات عينييه ديريكت ليها.. لقاهاا لحداش وخمسين دقيقة.. فحالا سرفقتييه.. نسااا.. سدوو وهز راسوو.. 

أنير: نخليكم أنا.. خاص نمشي.. 

قبل ما يجاوبووه ناض وقف حط داكشي من يدييه.. وداار مشا.. 

خلاهم غا واحد كيشووف فلاخر.. ما فاهميين فييه واالوو.. يالله كان صحة سلااام.. أش جااه حتى تهز هاد الهزة هكاا.. 

ماقدش سفياان ينووض يتبعوو.. باش مايعيقش.. بقا معااهم.. 

سيدو (باستفهاام): مالوو وشتا بيه؟ ياكما سارية شي حاجة؟

سفيان (باستنكاار): بحالي بحالك.. مانيش عارف.. 

سيدوو: نشووف مالوو.. 

جا يوقف وحبسوو..

سفياان: غي خليه.. وخا تبعو مايگولكش..

سيدوو: .. (بقى غيشووف)

بقاات غاكتشووف.. دورات عينييها بلاصتوو بانوولها ورااق طموبيلتوو طايحيين حدا الكرسي.. 

داارت تشووفو لقااتو بع. بمسااافة.. عاودات داارت جيهتهم.. هزااتهم وناااضت تابعاااه.. 

سفياان: فدوى.. 

مادارتش عندوو وما قدش يوقفها.. مازاعمش عليها لدييك الدرجة..

تحركات كتزطم فدييك الرملة.. ومه ناشفة الرجل لي تحط تهبط ليها تحتها.. ومه كتتحرك بالزربة.. ربات لي مووولي.. تبعاااتو وكتعيط ليه من بعييد.. 

فيووونا: أنييييييير.. أنيييييييييييييييير 🗣

على شحاال عاد سمعها وداار كيشووف فيها وكشووف فمگانتوو شحال وصلااات الساااعة.. 

وقف وخاا واقف على أعصااابو.. من جيييها سروو لي خباااه شحاال من عااام ومن جييها هي لي أكييد الى زااد خطوة ومادارش بوجهها غتگلب علييه گلبت العدوو.. خصووصا أنو عارف نفسها عزييزة علييها وما گال حتى تطلقاات معااه.. 

تسناها حتى وصلاات عندوو.. ووقفات كتلهت.. 

بقى كيشوف فيها عاقد حجبانو فنفس الوقت مبتاسم شوية..

أنير : وشتا؟ 

فيووونا: نسيييت.. اه ه.. ورااقيك 😯😪 (سخفااات)

أنييير (خداهم من عندها): وأنا لي حسااابني باغية تسلمي عليا.. هههه

فيونا: شد بعدا هادوو لا تصدق فشي خطية.. هه 

ختمات هضرتها بضحيكة.. 

حط يدييه على حنكها.. وتحنى عندها باسها فالحنك لاخر.. 

الحطة لي حط عليها يدييه.. بان ليها واحد لبلاصة فدراعوو بداات كتمييل لخضووورية.. 

تصدماات تگوول لبنت ضربتيها بمقلة.. ما استوعبات حتى كان بعد وعطاها بضهروو غادي مكمل طريقو ماحدوو باقي بشكلوو.. 

جاب ليها الله بلي غا تختيلات ولا تهيء ليها.. عوداات عيطاات علييه.. 

فيونا: أنيييير.. (دار عندها) شكرا على گبيلة..

كمش وجهوو.. مغمض عينيه كيضح معااها.. 

شافت فيه ودغيااا ضرباات على يدييه وتأكداات من صحة داااكشس لي شااافت 😯

هز صبااعوو شار ليها بيهم بمعنى بسلامة وزاااد فحاالووو.. مخليها هي مفيييكسية تماا.. دارت بيها الارض تحتها ودااخت بيها الدنيا..

ماعرفات تزيد عندو ولا ترجع.. تسمراات بلاصتها فحالاا راشيين عليها فليطووكس.. مافيقها غير صووت سيدو لي قرب عندهاا.. 

سيدوو (مخلوووع): مالك؟ وشتا كاين؟

فدوى: أاا... واالوو.. 😰 أش غيكوون.. 

دار يدوو على عنقها وتمشى هو وياهاا كيحاول يفهم منها علاش مصدوومة.. للحظة تفكرات شداار ليها وتنتراات منو.. 

فيونا: كتنسيني.. سير ولا نگلب خويا.. والله ما نساها ليك.. صبر عليا غا حتى نوصلو عند منصف 😾

سيدوو: هههههه من نيتك.. ياك كونا نضحكوو.. 

فيوونا: الى ضحكتي هانا غنهجرو ليك.. 😒

رجعوو بلاصتهم متناسيين الأمر وكملوو على قصارتهم.. عكسها هي لي وخا مشاركاهم اش كيديروو.. عقلها ما معاهاااش كتربط الأحداات وترجع بذاكرتها لنهاار الجردة.. 

گاع الأصابع كيشييرو على أنوو نفس الشخص.. 

الريحة.. غياابو نهار العرس.. نوضتوو ددابة فنفس التوقييت تقريباا.. وأخييرا اللووون.. 

السيد يالله عام فالبحر يعني مايمكنش تكون قاستو ولا وسخاتو شي حاجة وهو حداها مانااض لحتى بلاصة..

ووخا هكااك هادشي ما كاافيش باش توااجهو بييه.. 

ضرها راسها.. وفضووولها غيقتلها.. كيفاش وعلاش وشداكشي ومناااش وومن امتى.. 

عيااو الدرااري وراسها ما عياا.. ناضوو جمعوو داكشي لي جابوو معااهم باش يمشيو فحاالهم.. وهنا لقااو مشكل فالطرونسبوور.. 

بعد ساعاات طويلة دالنعاااس.. ضرباتها لفيقة من أثار الضوو لي ضارب فوجهها ولي يالله ردات ليه الباال.. لعيا لي كان فيها ماخلاهاش تحس بييه حتى شبعات نعااس.. حلا عينيها بتثاقل.. لقات راسها بين يديه..الشخص لي بين ليلة ونهار ولات منوو ومحسوبة عليه.. باقة مامتيقاش أنها مابقاتش ديال راسها وحتى هي غتولي عندها دارها ومسؤووليات.. ماشي ماباغاش الفكرة.. أكيد حتى هي عارفة أنو غيوصل نهااار وجي ولد الناس لي غتكمل معاه حياتها وتستقر ولكن كانت مستبعداها.. وماش ضمن أولوياتها.. لكن كالعاادة.. للقدر رأي اخر لا يشبه أحلامنا.. 

بقاات شحاال كترمش فيه عينييها وتشوف فيه.. كشوف فالشخص لي سميتها ولات مرتابطة بسميتوو.. مستسلمة لقدرها.. وراضية بمشيئة الله.. 

تسللات من حدااه بشوية ووقفات.. جارة معاها ليزاار لي كانو مغطين بيه.. 

دارت تشوف واش تجر كامل وهبط للأرض.. وهو يبان ليها داك المنظر لي من قربها ليه ما رداتش ليه لباال.. رجات كتجري وتولول من لحشووومية ومن داكشي لي شافت HD.. غطاتوو بدات كدور فعينيها وكتقلب على باش تتفك وتطير من حدااه قبل ما يفيق وتصدق فشوهة كبر وهي أصلا أجا ماينسيها فشنو طرى بيناتهم.. ماعارفة فين تصد بوجهها.. بانت ليها فوطة فالأرض فحال الكنز المدفوون.. مدااات يديها بستة وستين كشيفة ليها حتى جراتها.. تغطاات بيها وطارت لطواليط فارعها تحتها بالوجع ولحريق.. دوشات دغيا.. طلات عليه من لبااب.. لقاتو باقي ناعس.. خرجات ملوية فلبينوار كتتسلت.. حتى هزات حوايجها ورجعاات لبساتهم على خاطرها وقدات راسها.. عاد خرجات مرتاحة.. 

لقاتو فاق لبس حوايجو دلتحت.. وواقف كيدوي فلمان ليبغ(الفيكس) مع خدمة الغرف باش يوجدو ليهم لفطوور.. 

رد لبال لخروجها.. دار عندها.. كمل هضرتو دغيا وقطع.. 

منصف: صباح الخير.. 

زينب (مهبطة راسها للارض من الحشمة): صباح الخير.. نوجد ليك الدوش.. 

منصف: ماعليش غير خليك.. 

مشا هز داكشي لي خاصوو وغادي داخل.. 

مشات هي لداك لفراش.. 

منصف (تلفت عندها): بلا ماتبرزطي راسك مع داكشي.. خليهم حتى يجيو ليه..

حطااتهم من يدها ودخل هو دوش وخرج لابس سروال جينز وتيشورط.. حس الكرش ما كاينش.. هاز شهرو لفووق لمخلط بشيبااات ما زايدينوو الا جمااال وتبوگيصة.. 

لقاها كتسد شانطتها لي ردات فيها داكشي لي كانت جابدة.. 

وجامعة ليه حتى حوايجو ومقاداهم.. 

هز سوارتوو وتليفونوو من فوق الطابل دو نوي ودار عندها.. 

منصف (بابتسامة): مشينا؟ 

حركات راسها بلا ماتشوف فيه وتسناتو حتى زاد قدامها.. هزات صاكها الصغير وتبعاتوو.. لقاتو حدى الباب.. مد ليها يدييه.. بقات شحال كتشوف فيها مترددة عاد شدات فيه.. 

رد موراه لبااب ونزلوو لتحت.. لريسطو لي كاينة.. 

تبعهم السيرڤور لطبلة لي وجد ليهم.. 

وقف منصف.. طلق يديها وجر ليها كرسي حتى گلسات وگلس حداها..

بداااو ماكلتهم لي ماعرفت نگوول ليكم عليها فطووور ولا غدا فصمت وهدووء.. حتى سلاوها على خاطرهم وهزووها من قدامهم وجابوليهم قهوة..

هز كاسوو شرب منوو بكل نخوة ورجولة ونطق وهو كيشووف فيها.. 

منصف: سمعي أزينب.. أنا عارف بلي غيكون جاك كلشي على غفلة وبزربة.. ويمكن لحد الان باقة ما ستوعبتيش الموضوع.. ولكن من لحوايج لي عارفة عليا اني عندي بنيتة.. وكيما مانبغيش لي يتفلى ليا عليها.. حتى أنا مانبغيش نتفلى على بنات الناس ولا نضرهم.. داكشي علاش جيت من لباب وطلبتك على سنة الله ورسوله.. وخا ماكنعرفكش مي معرفتي بخوك كفيلة تبين ليا اخلاقك وكي غتكوني تربيتي.. كان مشكل واحد وهو فارق السن لي بيناتنا.. وهو نيت لي خلاني أصريت على محمد ريضا باش ما يبززش عليك وخلي ليك حرية الاختيار ومدام وافقتي كنظن ما عندكش مشكل.. 

مع هاد الجملة اللخرة.. كرزات على يديها لي شاداهم قدامها تحت الطبلة وكتشوف فيهم.. حز فيها الأمر مني صدق السيد مفكر ليها على خوها لي ماهماتوش.. وخا هكاك ماهانتش عليها خاطرها تحشم بيه وتحطوو بوجهوو.. كتفت بالصمت كتسمع لهضرتوو..

منصف (كمل بهدووء): لي نبغيك تتأكدي منو أني غنديرك فووق راسي.. اي حاجة خصاتك وأي حاجة بغيتيها ماتحشميش مني وأي حاجة ضراتك أكيد غتضرني حتى أنا.. مانبغيكش تخبي عليا.. علاقتنا تبنى على الصدق والصراحة.. وفحالك فحال فدوى نبغي نكون صاحبك وخوك قبل من راجلك ويعني تتطلقي معايا وتاخدي راحتك وأنا كنأكد ليك أنو ماغنفرقش بيناتكم ونديركم فكفة وحدة.. كان عندي بنت وولاو عندي جوج.. 

(مد يدوو ليديها.. طلعها فوق الطبلة وشاد فيها) وليتي محسوبة عليا ومني نتمنى مايخيبش ظنك فيا.. 

مع الوقت أكيد غتعرفيني كثر وأنا نفس الشي.. 

(سكت شوية وفحالا تفكر شي حاجة) 

وبخصووص قرايتك.. أكيد ماغتكوني تعدبتي هاد السنين وتعافرتي شحال من عاام الا وعندك هدف راسماه قدامك.. مانبغيش نهدمو أنا بين ليلة ونهار وأكيد ماغاديش نهرس گاع داكشي لي بنيتي.. 

(هزات فيه راسها مصدومة)

عندك الحرية تكملي ما بديتي وتحققي أحلامك وما عليا غير ندعمك ونشجعك ونوقف معاك حتى توصلي.. أكيد غيكوون فخر ليا.. 

يعني ماعنديش مشكيل فهاد الموضوع.. 

قضية وحدة لي غنلقاو فيها صعوبة.. أنا مرتي اللولة طليانية.. كنت تجوجت بيها فاش مشيت لتما.. وتما فين رزقنا ربي بفدوى.. ولكن طراو ظرووف لي خلاونا نتفارقو ونهز بنتي وندخل بيها فحالي.. ربيتها بوحدي ومن نهار عقلات عرفاتني غير أنا.. متعلقة بيا لدرجة كبيرة.. وغتحتاج وقت كثير باش تتقبل فكرة يشاركها فيا شخص أخر.. نتمنى تصبري ليها شوية وتتحملي على وجهي.. ووخا تبان ليك أفعالها شريرة.. قلبها بيض وزوين خاصك غير تعرفي تكسبيها وتتعاملي معاها.. 

فرحات زينب وطمناتها هضرتوو.. وتحلو الشريجمات دالأمل لي كانت سداات بخصووص مستقبلها.. على الأقل ماصدق بالسوء لي تخايلات.. وعلى الأقل طاحت فانسان واعي.. 

حمدات الله وشكراتو.. الوقت لي سكت هو وكيتسناها تجاوبو على موضوع فيونا.. 

بقى كيشوف فيها حادرة راسها.. مبتاسمة نصف باتسامة وعاود دوى.. 

منصف: شنو زعما دابا.. مانسمعش صوتك؟ 

زينب (بخجل): ماعرفت مانگول؟ 

منصف: هههه متافقين؟

زينب: متافقين.. 

منصف: الى بغيتي تگولي شي حاجة أنا كنسمعك.. 

زينب (دورات راسها بلا)

منصف (جر ليها حنكها): ههه كملي قهوتك باش نمشيو..

بقاااو گالسيين تما.. مرة مرة كيلوح ليها شي جملة ويضحك معاها بااش تاخد عليه كتر وترتااح معااه.. 

حتى سالااو وناضو فحالهم.. خرج شاد ليها فيديها حتى ركبها بلاصتها وداار حتى هو طلع..

حاولات تسكت حتى تعيا فاللخر شافت فيه ونطقاات.. 

زينب: وصوالحنا؟

منصف: راهم فالكوفر.. هبطوهم گبيلة..

شدوو طريقهم وزااادو.. 

كان خااص يمشي مع سيدو واحد فيهم.. حيت اللور هاز فيه لباگاج.. عامر.. حتى يوصلو لداار ويرجع اللخرين.. 

هزوو داكشي وطلعووه لكورنيش لفووق حدا طموبيل ووقفوو كيفكرو كي يديروو ليها..

المشكل مايقدش يخلي لبنات مع سفيان لايصدقو مبسلين عليهم ونايض الصداع.. ومايقدرش يخلي مريم مع الدراري بجوج فداك الليل.. خوافة.. وما يقدرش يصيفط مهدي يدي الحوايج ويرجع.. غيقلب ليه الطموبيييل فالطرييق.. ههه اوا فكها يا من وحلتيها.. 

شاف حتى عيا وضحى بفيونا.. على الأقل عارف راسو أش مخلي.. 

جر عويد دالند معاه وزاااد..

وحتى طابوو رجليهن فيوونا وولات طالبة الشرع.. غاد باش بان ليها داير.. مشات بالزربة.. مع وقف مع حلات وتخشات لقداام.. دايرة قب الكابيتشو لي لابسة فوق راسها.. وطلعات الزااج مكمشة فيه.. 

تموو جاين الدراري بالشوية عليهم وركبووو لعوور.. عاد زااد سيدوو فحالو راجع للڤيلة.. 

سطاسيوونا ودخلوو.. تموو طالعين لفووق.. سمعوو الهضرة كثيرة فالصالة.. 

دازو لدوش غسلوو رجليهم ودخلوو عندهم..

كانوو گالسيين كاملين..

وسطهم منصف وزينب.. حاطيين ليهم لحليب والتمر والحلوى.. وحاطين حدااهم سينية ديال أتااي.. 

سمعاات صوتوو من برى وتابعة سيدوو باغا غير امتى يحيد من قدامها باش تمشي تتلاح علييه.. وياااريتو مااا حيد.. 

طلعاات عنيها.. كتبان ليها زينب گالسة حداه.. لابسة سروال جينز وتيشورط بيض.. لايحة فوقهم عباية فالسومة خفيفة وحلوة مطروزة وعندها حزام عاقدااه فوقها.. ومادة ليه يديها شادها وحاطها فوق رجلوو.. ماحملاتش المنظر.. ماعيطيش ليها.. وحتى هي مابغاتش تبرزطوو حتى يسالي ويتفكرها.. وهكاك ماحشاهاش ليها باش تجي تتصدم بيه دابا هو وياها فهاد الوضعية.. لاوكيضحكو مامسوقينش ماكلف راسو حتى يسول لاش مزال ماجاات..

تسمرات فبلاصتها.. لاحظ دخولها مصطفى هو لول وعيط ليها قبل ما يدورو لخرى على اثر الصدااع لي داارو.. 

مشات عندووو.. گلسها حدااه منعنقها فحالا حس بيها وفهمها.. تخشات فيه حتى هي وبقات كتدور فعينييها بصمت.. 

مصطفى (كيحاول يشتت انتباهها): نتاعمن هاد الكابيتشو لي لابسة.. عمرني شفتو عند شي حد فالدراري.. 

فيوونا: ديال انيير.. 

مصطفى: وشنو كيدير عندك؟ 

فيونا: وايلي اصطوف نموت بلبرد؟

مصطفى: هههه اممم الاستغلال هدا..

فيووونا (هزاات كتافها): هو لي بغا ههه 

مصطفى: ههههه احياني عليك.. 

لاحظ وجودها منصف ودوا..

منصف (عيط ليها): فدوى.. 

فيوونا (دارت عندو بالعرض البطيء)

منصف: ماغاتجيش عند بابا؟ 

فيووونا (شافت فيديهم وناضت): غنطلع ندوش.. تصبحو على خيير.. 

بااست مصطافى فحنكوو وطلعات فحااالها..

دخلات البيت.. سداتو من موراها وهبطات معاه هي ودموووعها.. 

ضرها قلبها.. وحسات بالحگرة وبلي فعلا بقات بوحدها وما بقى ليها حد فهاد الدنيا.. عنقاات رجليها وبقاات تما..

جا عندها ليووون.. حط طرافو القداميين عليها وبقى واقف على اللورانين.. كيطل عليها.. هزاات فيه راسها وضحكاات.. جرااوو عندها باستوو وعنقاتوو كتدوي معااه وناضت.. حطاتو وحطات حدااه الكابيتشو.. ومشات تدوش.. رجعاات لبيت لبسات دغيا شورط وسوفيطما.. وتلاحت حداااهم على ضهرها.. بشعرها فازگ.. 

دارت عند ليوون.. جراتوو وقربات عندوو.. 

طلعاات معاهاا ريحة انيير دييريكت لنيف.. بتاسماات وزادت خشاات وجهها فتريكووه وفليوون حتى داها النعاااس.. 

على ذكر أنييير.. مني طلع من عندهم من لبحر.. تخشى دغيا فطموبيلتوو وتحرك من تما حاااقد وما حاملش راسوو.. ماحدوو كيبعد وهو كيتحول حتى ولى وحش.. كالعااادة..

شدها طرييق ديرييكت لوجدة منييَر (كيصوگ بالسرعة كبيرة).. وصل لداار.. كانت ديك الساعة وصلات الوحدة.. 

رد لبال لا يكون شي حد.. عاد نزل فحالوو.. دخل.. لاح سوارتوو وطلع ديريكت لدوش.. حيد لعيا.. ونزل گلس لتحت.. مكالي راسو بيدو.. وكيفكر فهاد الزمر لي هو فيه.. ماحملش راسو يضطر ينوض ويخليهم..

أما واحد منصف عرفها تقلقاات من ردة الفعل لي دارت.. مع انو ماقصدش كان ملاهي فالهضرة مع بشرى.. 

وأصلا هو مني دخل سول عليها فينها.. عرفها مع الدراري.. حتى كان غيعيط ليها وجراتو مو دخلاتو وسط النااس وتلاهى.. 

مهم فكو ديك الجماعة.. وتفرقوو.. كل واحد فين صد..

دااز داك الليل منغص على كل واحد فيهم.. 

صبح الحااال.. فاق منصف هو اللول.. وزينب بين يديه.. معنقها.. بتاسم وهو كيشوف فيها ناعسة.. باسها بوسة خفيفة وناض بشوية باش مايفيقهااش.. 

غسل وجهو وخرج بسروالوو وتيشورطوو دالنعاس.. جار فرجليه كلاكيطة.. 

دخل عند فيونا للبيت.. لقاها مكورة فوق الناموسية بالعرض هي وليوون..

مشا گلس حداها وتكا مكالي بمرفقوو.. 

مد يديه كيدوزها على وجهها كيفيق فيها.. 

منصف: فديييوة.. كبيدة.. الحب.. نونّوو ديال پاپي.. 

فيونا: اممممن.. 

منصف: وافيق الساااط.. ههه

خلات فيه عين وحدة بزز.. 

فيونا (بتتاقل): عريس الغفلة.. 😒

منصف (تفرگع بالضحك): هههههه مك.. 

فيونا: أش فكرك فيا؟

منصف: الناس كيتفكرو لي ناسينوو.. 

فيونا: اممم.. (دارت كتتكسل) الله يجعلي نتيق..

منصف: هههههه شنو داباا.. ماتوحشتيش بابا؟ 

فيونا: بابا ولا عندو لي يتوحشو ونساه فيا.. 

منصف: لواااه.. ينعل جد بوه هدا لي ينساك.. (جرها عندوو هي ومشها عنقها) أنت الأصل والباقي تقليد.. (باس ليها راسها) هههههه

فيونا: صبغني 🙁

منصف: والله احبيبة ما كاينة صباغة.. 

فيونا (هزات فيه راسها بطفولية): كتگول ليها حتى هي حبيبة ياك؟ 

منصف (زاد وتيرة ضحكو من مور ماسمعها شگالت): هههههههه لا باقي ما وصلنا لداك السطااج..

فيوونا: اوا نااء ماتگوليهاش..

منصف: هههه 

بااقي كيضحك.. حتى كيحس بشي حاجة فازگة فتيشورطوو.. هز ليها راسها وهو يلقاها كتبكيييي.. 

منصف: هاء.. لا القليب لا.. لا أحبيبة.. عنديلمي أنا لي نبكي هاد لعوينات.. شوووت.. (مسحليها وجهها لي كتحاول تخبي) الدمووع لا..

عاود عنقها كيدوز يديه على ضهرها وراسها ويسكت فيها ويحزر حتى فشات قلبها وسكتااات.. نوضها غسل ليها وجهها ومسحوو وخرجها معاه.. 

هبطوو لتحت گااع.. عند بشرى ومصطفى لي گالسين على طبلة لفطوور.. 

مصطفى شاد الجورناال وبشرى كتكب فاتااي وكتنگر عليهم باش يهبطو يتجمعوو ليها.. 

دخل معنقها جنب وكيضحك معاها.. حتى وصل وسط الصالة وتماات جاياا زينب لابسة قفطين خفيف وسامبل.. وقف وتلفت منصف يشوف شكون داخل وهو يلقاها هي.. دار عندها باقي معنق فيوونا ومدورها معااه.. حتى وصلات عندهم حشمانة ومكتافية بابتسامة خفيفة.. شافت فيها فيونا عاقدة حجبانها وجامعة فمها.. وهو ينطق منصف موجه هضرتو لزينب.. 

منصف (كيحاول يخلق جو بيناتهم): صباح الخير.. كنتو تعرفتو على سميات بعضياتكم قبل ولكن ماشي مشكل نعاود نعرفكم..

هادي زينب.. وهادي فدوى.. مرتي اللولة ههه (زاد عنقها عندوو)

ضحكات ليها زينب وقربات سلمات عليها.. الوقت لي فدوى غير مدات ليها حناكها ببرودة وماحاملاهاااش..

جرهم معااه بجووج گلسوو وراد البال لتصرفاتوو كثر لايصدق مبكيها بشي تصرف.. 

تم داخل سيدوو وهي تتفكر.. قرباات الودنيه ووشوشات ليه ورجعات اللور.. 

منصف (حمر فيه طالع ليه الدم): امااالك نتا سخا عليك عمرك ولا كيفاش؟

سيدوو (مصدوم وباقي شاد فيه النعاس): وشتا؟ مااالي؟ سمو (شنو) درت؟ 

منصف: غنوض نعلق بوك فالسطح باش ترجع ليك الذاكرة 😡

اسماعيل ((بات سيدو) تم داخل): وشتا دار ليك بوه باش تعلقو.. 

منصف: مزيان مني جيتي باش تشهد على ولدك 😠

اسماعيل: وشتا كاين تاني؟ 

منصف: قدو قدها يغرقها؟ ياكما شفتيها عزري الدوار تقتي وسحابليك نيت دري.. راه عندي غا بنت أاا الشريف 😠 

اسماعيل (دارت عند سيدو): راك بعقل زعما؟ 

سيدو: من نيتكم؟ راه غير كُنا نضّحكو.. ههه

فيونا (نقزات): تهجرو.. كون ما أنير كون شربت لبحر كامل 😾

مصطفى (حيد الجرنال بالشوية ودوى): بعد من ختك 😠 مابقيتش نسمعك درتي ليها شي حاجة.. 

هزات فيونا لي كانت حدااه يديه باستها.. عنقها وباس ليها راسها.. 

مصطفى: الله يرضي عليك.. 

هبطووو لخريين لي عاد فااقو.. وكملو داك لفطوور فالضحك فحاال ديما..

سالاااو وناضو.. شي بدا يشقى.. وشي طلع يجمع حوايجوو باش يرجعوو لوجدة.. 

لبسات فيونا تجين وتيشورط وسبرديلتها.. خرجاات تخربيقها حدا البيت.. 

خرج سيدوو من البيت لابس توني دياالو.. وجا وقف حداها..

هزات راسها فيه وهي باقا محدورة عند شانطتها.. وعاودات نزلاتوو.. 

فيونا: ماغاديش نتا؟

سيدو: لا لاعب ماتش..

فيونا: بفف غتخليني بوحدي 😾

سيدو: غير روحي.. شوية وتلگايني حداك..

فيونا: احيااني.. الى ما شداتك شي وحدة تاني 😒

سيدو: ههههههه 🤫

فيونا (وقفاات كتدور فعينيها ونطقات بشر): أجي نلعبوو.. 😈

سيدو: روحي خطيني انا معاك بالله وبالشرع..

فيونا (شداتو بيديها بجووج وكتجر فيه): وا أجي غا نگوول ليك هههه

سيدو: وشتا طلگينا.. 

فيوونا: انشوفو غا وااش شي طوول نيت ولا غاا فارع لينا راسنا.. 

سيدو: ولينا بز 😒

فيونا: مالك معقد.. (دارت راسها تقلقات) صافي بناقص گاع يضحك معاكم الواحد.. (جرات حوايجها وتمات غادية)

سيدوو: صافي رواحي يالله.. 

فيونا (ضحكات ضحكة نصر ورجعات 😈)

فيوونا (وقفات قدامو كتشرح ليه): هانت غنتبت يدي لفوووق ونتا خاصك تنقز نشوفو واش راسك يوصل ليها ويقيسها.. فهمتي.. 

سيدو: واه زيدي..

وقفات مقادة وهزاات يديها تقاداات.. سايرها حتى هو وتقاد حتى تقااد ونقز.. لوقيتة لي ترفع هو من الأرض.. هزات رجليها جمعاتها معاه بنص حتى تخبط مع الأرض.. وهربات من حداه كتموووت بالضحك.. 

فيونا: ههههههههههههههههه 🤣

سيدو (شاد ضهروو): الله ينعل جد بووك الكلب وجد بو لي يتيقك 😡

فيونا: هههههه نوريك أنا التغراق بشحال كيطيح.. 

تم نايض ليها سيدوو وهي تدردب مع الدرووج خلاتو منشوور تما..

هبطوو بگااجهم.. قادوه تاني فالطموبيلات.. ركبات فيونا حدى منصف.. وركبات معاهم زينب اللور وزادو هوما اللولين عاد تبعهم مصطفى وبشرى.. وموراهم فاطمة الزهرة هي وراجلها وولادها.. لي دازت لدارها هي اللولة مني وصلوو لوجدة رصات أمورها عاد لحقات عليهم.. 

طلعوو لداار كيصليو ويسلموو على الزينب لي أول مرة تجي ليها.. وطلعوها لبيتها لي كان مقااد ومصاوب باش بدلااات ووجدات راسها للگصعة دفطوور (لفور دلعروسة) لي غيجيبو ليها عائلتها.. ولي كان خاصو يجي النهار لي قبل ولكن اجلوه حتى يجيها فداارها حسن..

فحال ديمااا خرجات بشرى هي ومصطفى خداو بلاطوات ديال الحلوة وشي تخربيق والعواصر باش يحطوهم لناس لي جاين.. ورجعات لبسات وغير دارت شافت واش كل حاجة فبلاصتها حيت أصلا كلشي مقاد ومجمووع..

أنير فديك لوقيتة كان يالله فاق.. برزطو نيت صداع الطموبلاتهم وصداعهم وهوما كيهبطو ويدخلو لدااار.. 

ناض مبجقل ودارووو راسوو.. خاسر فيه النعااس ومغير.. وهوما عاد ما زايدين فلغواات.. كون ماعرفهم هوما وعارفهم دار العرس كون راه قلب الدنيا سفاها على علاهاا..

مشا ديريكت للمكينة خدمها بعينييه مغمضين عاد رجع غسل وجوو مزيان حتى صحصح شوية.. عاد خدا قهوتوو الكحلة وكلس شربها.. 

وخا هكااك.. حس براسووو ماشي هو هداك.. راسو غيتفرگع عليه وداتو كيحس بيها سخووونة.. ومرخي.. 

هز تيليفونوو وهبط لسفلي وخدم لكليمة لعل وعسى يكون هادشي غير من الجوو ومن الصهد لي كاااين..

وصلوو طريكة لعروسة.. حطو طموبيلتهم بعااد وتمو جايين بالعرفة والرگادة.. بنات عمامها وعماتها وبنات خوالاتها.. عاد خوها مرتوو.. لابسين لقمايس ولقفاطن وقليل فيهم لي لابسين لبلايز.. أصلا هوما كاملين بيهم كانو غير عشرة بمحمد رضا وجوج رجال خرين.. ستقبلووهم ودخلوهم هازين فيدهم ما لذ وطااب.. 

گلسو الرجال هاد المرة بوحدهم.. والبنات ولعيالات بقاو قصارين بوحدهم.. وسطهم زينب متبتة.. وفيونا لي صافي طلع ليها هاد الصدااع والهرااج فراسها.. 

دوراات عينييها فيهم وناضت فحالها كتقلب على فاطمة الزهرة.. 

فيووونا (كتعيط ليها): فااااتي 🗣.. فاااتي..

فاطمة الزهرا: أفدييوة (جاوباتها من الكوزينة) اراني هنا.. رواحي..

دخلات عندها لقاتها واقفة كتصايب فأتاي.. وكتشوف جيهت الباب.. غير شافتها شارت ليها براسها بمعنى مالك..

فيونا: ملييت.. 

فاطمة الزهرا: صبري مابقاليهم والوو ويمشيو.. 

بشرى: ويلي هّضرو بشوية.. دابا يّسمعوكم.. 

فاطمة الزهرا: الله يهديك اماما.. صوت الموسيقى مجّهدة.. 

فيونا (مع فاتي): فين ولادك؟ 

فاطمة الزهرا: راهم لفوگ.. لصقتهم فباهم يشدهم..

يالله بغات تجاوبها.. قاطعاتها بشرى.. 

بشرى: روحي گولي لشي حد من لعزارا يعيطو لأنير.. نسيتوو.. 

فيونا: وخاا..

ناضت هبطاات لتحت.. لقات ولد فاتي نيت تكون عندو ديك طناش لعاام.. ولكن محسووب على الخطووط الجوية.. كيطيير مع الطيور.. دوات راسها لا يبان ليها شي خيار اخر واالو.. غا البراهش تم.. غيجاوبها شي حد فيهم شي جواب ناقص غتصدق ملصقاه مع لحيط اللهم فبرهوشهم.. 

فيونا (كتعيط): أيمممن.. أيمن.. وراس الطبل.. 

مع الكلمة اللخرة عاد دار عندها.. دارت ليه أجي بيديها.. غوبش وهز كتاف وبغا يدوور.. وهي تغوت.. 

فيونا: أجي لمك لهنا 😾

تم جاي عندها بزو كيخبط رجليه فالأرض ومنفخ.. 

أيمن: سمو تاني؟

فيونا: لا ضربني نتا حسن.. 

أيمن: 😠

فيوونا: سير لدار أنير.. عرفتيها؟ (بقا يشوف فيها وهي تجرو عندها دوراتو حتى تقابل معاها) رااهيا فين كتشوف فيك 😼 گول ليه راه كتعيط ليه جداك.. 

أيمن (دار عندها بمكر): شحال تعطيني؟ 

فيوونا (دفعاتو بشوية لقدام): عشرين ميطرو دالتيساع 😾 غتمشي تتسخر ولا نعيط ليك على فاتي..

أيمن: شوف كي راها دايرا 😠

فيوونا: راه غننن.. 

طار من حداها كيجري.. ودخلات هي ردات لباب.. وقفات تشوف من الداخل من الشقة لي بقاات.. 

دق أيمن على أنير.. حل ليه مگلووب بلا مايگول ليه حتى كلمة.. خلاه حتى سالا.. سول علاش بغاتوو فاش عرف على قبل داكشي لي دايرين گالو شكرا، مرة خرا ان شاء الله .

سد ودخل فحالوو خلاه واقف مسمر.. 

رجع البعلووك ما راضييش بشنو دار ليه.. ترعاات لباب تسناتو حتى وصل عندها.. 

ايمن: داك بنادم ديالك راه قمعني وماخلالييش 😠

فيوونا: غزاا فيك.. 😒

خنزر فيها ومشى رجع كااعي يلعب.. 

خلاتلوو لباب محلولة لا بغا يطلع و دخلات فحاالها كتحسب فدوك الدروج ساهية..

تماات طالعة.. وكتدورها فراسها.. اوو كيفاش قمعوو؟ وأنييير!! يالله كان صحة سلام لبارح.. مالوو اش بدلوو؟ 

قرابات لفووق.. ولا نگولوو وصلاات.. بقالها غير شي دريجاات.. وعاود نزلات.. بگنيديرتها لي لابسة.. واصلة لكوعها (رجليها لتحت).. وشعوراتها لي طالقة.. مكتافية غيير بماسكرة وميك اب خفيف وسنيسلة دايرة بعنقها.. 

قطعاات الشانطي.. وصلات عندوو ودقاات.. على شحال عااد حل.. 

فيوونا (هزات فيه راسها): ماا... ؟!

باقا ما كملاتهاش.. شافها هي.. خلى ليها الباب محلوول ودخل.. 

دخلات موراااه وسدات لبااب.. 

لقاتو رجع تلاح فين كان منشوور.. وجهوو مبدل.. 

فيونا (شافت فيه باستغراب): ماالك؟ 

أنير (بصوت تقيل): غير من الجو..

فيوونا (دارت كتشوف فجنابها): ما جاكش البرد؟ 

أنير: لاا.. 

قربات حدااه بخووف.. لاحت شعرها لوور.. تحنات عندوو وحطاات يديها على جبهتوو وعنقوو.. كتقلب حرااارتو.. 

هاز فيها عينوو هو كيشوف فيها.. ومتبع حركتها.. مستسلم.. مالاقي جهد.. 

فيوونا: طااايب 🙀 طالعة ليك السخانة..

أنير: عاادي.. دابا تهبط..

فيوونا: أويلي.. واش تسطيتي 😾 باغي تموت.. 

أنير (بتاسم كيشوف فيها): ماتخافيش.. مايسرالي والوو.. 

فيوونا: عندك ما زهر؟ 

أنير: فالتلاجة.. لفوگ..

خلاتو منشوور تم وطلعاات كتجري لفووق مخلووعة.. 

حلات التلاجة هزات منها شنو بغات.. خدات طراف دالثلج من لفريگو دارتهم فغراف.. وهزات طاسة صغيرة عمراتها ما.. 

قلباات فلمجروورة تما لقاات غير السرابت.. هزات لبلاطوو نزلاتوو.. حطااتهم حدااه ووقفات كتنهج.. 

فيوونا: خا... اوووف.. خاصني فوطة.. صغييورة.. 

أنير: فبيت النعاس لفووگ.. 

خلاتوو تاني وطلعاات.. هاد المرة لبيتوو فالطااج التاني.. 

بدات رحلة البحث.. حلات لبلاكاار.. ضرباتها ريحتوو لنيف.. وقفاات حتى شماتها.. عااد تفكريت لاش جاية.. 

دورات عينيها تما مابانولهاااش.. دازت لمجورة جراتهم واحد بواحد.. عاد طاحت فالفوطات..

خداات جوج صغاار وجات خارجة.. حتى تفكرات ورجعات هزات مخدتوو من فوق الناموسية.. ويزاار وهبطاات عندو كتجري تاني..

لقاتو كيما خلاتوو.. وقفاات حداااه.. حطات داكشي لكبير حدا رجلييه.. ومشات لبلاطوو لي خلات فوق الحاف لاخر حدااه.. زادت عليه الفوطاات.. 

عااد رجعاات لمخدة هزااتها.. ومشات لعند راسوو قبل ما تقيسوو.. حس بيها وحل عنيه بشوية.. قاداات لمخدة ودوراااتو قدااتو حتى حط راسوو فوقها.. معليااه شوية.. 

طلعاات رجليه حتى هي فوق السدااادر.. وهو معاونها.. 

جات حدااه.. كحااز شوية خلى ليها فين تگلس جنبو.. 

جرات عندها داك لعجب لي هبطاات كولووو.. 

شداات فيطة صغيرة فزگاتها فدااك الما.. عصراتها.. سرحاتها ودارت فيها طراف دالثلج.. تناتها.. حلات ديك القرعة دالما زهر.. قربااتها فوق طاسة الما.. وكباتها فوقها.. باش حتى الى تكب كتر من لقياس ما يوسخش الطلامط والزربية.. 

حتى عمرات مزيااان عاد حطات القرعة.. وقادات ليه الفوطة فووق راسوو.. 

حس ببروديتها وخسر وجهوو..

فيونا (تبعاتو فحركتوو): غير صبر ليها شوية باش يفوتك الحال..

هزات طيليكوموند دالكليمة نقصاااتها علييه.. ورجعاات دارت عندوو.. كتقلب داكشي لي فجبهتوو.. وتبدلوو ليه مني يسخن.. ومرة مرة كتقيييس عنقوو ووجهو بظهر يدييها.. تشوفوو واش برد ولا مزاال.. وهو كيحل عينوو فيها كل مرة.. بزز ويسقي عينو بشووفتها.. 

فيونا (بحزن): يكون ضربك البرد لبارح؟ ولا كليتي شي حاجة ضراتك؟

أنيير (بتاسم بزز ونطق بصوت ثقيل وهو كيشوف فيها): في الحقيقة نحن نمرض مما يأكلنا لا مما نأكله..

هزاات الفوطة لخرى حتى هي فزگاتها وحطاتها على عنقوو.. جنب وشداها.. 

فيوونا: أنا كنسمع الى بغيتي تعاود.. تقدر ترتاح الى خرجتي شنو عندك.. 

أنير (شد يدها لي على عنقوو وباس كفها بدفىء): رتاحييت.. 

بورشاتها سخونية فموو.. أصلا بورشها الموقف كلوو.. وكلمتوو.. تلفاتها.. مانفعاتها غير لفيطة عاودات فزگاتها وردااتها عليه.. متهربة ومتحاشية نظرااتوو لي متتبعينها..

دازت نص ساعة على نفس الحاال.. 

بدلات بلاصتها لجيهة لخرى من عنقوو.. وحطات تاني يدها على وجهو كتقلب فيه.. 

حرارتوو نزلات شوية شي لي ريحوو وخلاه يغفى.. خلات يدها على خدوو كتحركها بشوية.. وكتشوف فتفاصيل وجهوو.. بقى فيها.. شفاتها حالتوو.. 

كالات وجهها بيدها وبقاات مقابلة معااه.. كتشوف فيه.. وباقا كدوز صبعها على لحيتوو ومسطاشوو ودقنوو.. 

هو من حر الصهدة لي فيه ومع مهلووك.. مافرزش واش داكشي بصح ولا غيير كيتخايل.. ماتحركش.. بقى مغمض عينييه.. 

خدات فيوونا راحتها كتساري صباعها فوجهوو.. عاجبها شكلوو وهو كيبان كي لبيبي.. رغم ضخامة جمسو.. 

ماقفزها غير صووت الصونيط دالباب.. تسلتاات من حدااه بشوية.. ومشات حلات.. لقااات سفيااان عاطيها بالظهر وواحد البنت من معااه.. 

سفيان (دار عند لباب وتفاجأ لشوفتها): ههههه واشا الخاواا؟ 

فيونا (زادت حلات لبااب وبتاسمات ليه): صاڤا؟ ههه 

دخل ودخلات موراه البنت.. سدات لباب وتسناتهم يزيدو قدامها.. ساعا بقااو واقفين.. 

سفيان (للبنت): هادي هي فدوى لي گُلت لك عليها.. 

(لفيوونا) وهادي ريم.. 

ريم(مدات ليها يديها): متشرفين.. 😊

فيوونا: متشرفين..

سفياان: فينوو أنير؟ 

فيوونا: لدااخل.. 

سبقووها وتمشاو حتال عندوو.. 

لقااوه كيرمش فعينييه بزز.. متكي فين خلاتوو.. وقفوو حدااه كيشوفوو اش طاري ليه..

سفيان: أمااالك؟ 

أنير: وشتا بانلك؟ 

سفيان: أنووض من التبوحيط هههه.. 

ريم (قربات عند أنير): السخانة ولا؟ ياكما من الحمان (الصهد) دلبحر؟ (قاستو فوجهو وعنقوو كتقلب) دنوبي هادو مني مشيتو بلا بيا..

فيوونا (كتشوف فيها بنص عين وتخنزر.. ما حملاتهااش تقرب ليه ولاتقيسو)

أنير (كيشووف فردة فعلها): ماتما والوو.. غير فقت خاسر..

ريم: هبلت؟ حرارتك راها طالعة.. كطنطن.. 

يالله غيعاود يدوي أنير قاطعاتو ودارت عند سفيان.. وهي غادية لصاگها.. هازة منو ستيلو وأجوندا.. 

ريم (كتكتب): شوف.. جيبلو هادو من الفرماسيان.. گولو يعطيك ديال خمسمية گرام ماشي مية.. شي لاخر راه غيعرفو راسو.. 

خدا من عندها سفيان الورقة ومشا خارج.. دارت لأنير تاني.. 

ريم: كليت شي حاجة بعدا؟ ماتگوليش عاد فقت؟ 

أنير: راك تشوفي فيها.. 

ريم: القهوة كحلة تاني على الريق؟ 

أنير: ههه مني عارفاها لاش كتسولي.. 

ريم: الله ينعلها قاعدة فيك.. ستنى نجيب شي سلاطة من برا تاكلها باش تشرب دواك.. 

واقفة فيونا بعيد شوية.. كتحلل وتناقش وتلاحظ اش كيطرى باش تفهم.. مع الكلمة اللخرة قاطعاتها.. 

فيونا (طلعاتها وهبطاتها كتخنزر): غا خليك.. غنصاوبها ليك فالدار.. 

شافت فيها ريم وعاودات شافت فيه.. لقاتوو متبعها حتى مشات طلعاات..

ريم (كتطنز عليك): نوض على سلامتك ههه وأنا لي ماتقتش سفيان فاش گالهالي..

أنير: ضرب بيا الطر ولد لحرام.. واللهلا بقات فجدو.. 

ريم: ههههه 

طلعاات لحريگة كتتغدد لفووق.. ماعرفات منين تسلطات عليها تاني هاد السكوليطة.. لا ودايرة فيها الدكتور فيل.. 

جبداات ماطيشة ولخص.. الطون.. المانگ.. الخيار.. 

گرداات شوية المعدنوس..

داارت كلشي فواحد البول ولا طااسة.. زادت عليه المايونيز.. مليحة وبزيرة.. وزيت العود.. وخلطاات كلشي.. وحطااتو فطبسيل.. 

فيوونا (كدوور وتنگر): عااد بان ليك 😾 ماعرت فين كنتشي فاش كان كيغلي ديال بصح 😒 زمر.. 

رجعاات تاني لتلاجة.. هزات عصير داليموون.. زادت عليه فروتة وطحنااتو كلشي بلا سكاار.. وخوااتو فكااس كبير..

قاداات كلشي فبلاطوو.. حشمات تخلي دووك لمااعن.. 

وقفاات حتى غسلاتهم دغيا.. 

عاد هبطاات داكشي وهبطاات.. متيول ومقااد.. هازة معاهاا حتى ثلج أخر بلاصة لي داب.. 

أنير: كي راها خالتي؟ لباس؟ 

ريم: راها شاخضة عليك (كاعية عليك).. ماكاترگبش (ماكتطلش) عليها.. ديما تنگر وتگولي نتي لي خالتو ماشي أنا مني كيشوفك كثر مني.. 

ضحك ضحكة رجولية بزز.. على اثرها وصلات فيوونا.. 

لقاتها جارة طبلة صغيرة مقرباها حدااه وگالسة عليها حدااه..

قلباات عينيها وتقدماات جيهتوو.. 

فيووونا: تقدري عفاك تبعدي شوية.. (ضحكات ليها ضحكة صفرة بزز ودغيا جمعاتها)

كحزاات ريم شادة ضحكتها.. وخلااتها حطات لبلاطوو حتى وقفات عليه تقااد فالگلسة..

رجعاات گلسات حداه فين كانت قبل.. حاطة قداامو داكشي لي صايبات ليه.. كتتسنى يبدا.. 

فيووونا: ماغتاكلش؟ 

أنير: ماتوكلينيش؟ 

ريم (ضحكاات وحشمات ناضت كتقلب فصاكها على تليفوون باش تعيط على سفيان)

فيوونا (طلعاات حاجبها فييه كتشووف)

أنيير: مابغيتييش؟

أنير: .. (دور راسو كيقلب).. ريي.. 

قبل ما يكملها خشات ليه الفورشيطة ففموو.. سدااتو ليه.. شداااتو الضحكة.. وكلا داكشي لي عطااتوو..

أنير: امم.. يعطيك الصحة.. 

فيوونا: بصحتك.. 

تسناها حتى مداات ليه تاني.. كتحاول تهز ليه من كلشي.. كل مرة يگولها براكة.. وكل مرة تزيدوو مزال.. 

دخل سفيان هاز الدوا ودانوون.. 

غير شافهم بدا يضحك عليه..

سفيان: هههه لگيت علامن تتبوحط.. 

ريم (شدات من عندو لبلاستيكة وغمزاتو): هههه خليه عليك.. 

مشات جيهتو باش كتشرح ليه كل دوا ديالاش وباغا تعطيه يشربو غير بلعاني.. 

وداكشي لي بغات وصلات ليه.. خداتو من عندها فيونا وقاداتو وشرباتو ليه هي نيت.. 

سفيان: حنا ماندوقووش السلاطة؟ 

فيونا: راه باقي منها لفوق فالكوزينة.. 

سفيان: رواحي اريم حطيلي.. 

جرها معاه باش يخليو أنير معاها على خاطرو واخا هو أصلا كياخد راحتوو وما كيتسوقش..

حطات يدها عليه كتقيس حرارتوو تاني..

مقربة عندوو.. هو مركز فيها الشوفة.. وهي كتشتت نظرها عليه.. وقفاات حتى رجع تكى وردات ليه الفوطاات فوق راسوو.. ولخرى فوق عنقوو شادااها بيدها.. 

مانزلش عينو عليها.. على شحااال عاد نطق.. 

أنير (بهدوء): عدبتك معايا..

فيوونا: عذابك راحة.. ماتگولش هكاك خيرك سابق.. 

أنير: هي باقي ما وليناش صحاب.. 

فيوونا (عقدات حجبانها): علااش؟ 

أنيير: الصحاب مابيناتهمش الخير.. ولا لا؟ 

فيوونا: سي.. ههه

أنير: داري ديما مفتوحة ليك وقتما قنطتي ولا حتاجيتي شي حاجة رواحي..

يتبع ...