شريك القرن 21 الجزء السادس

حركاات راسها بالايجااب ضاحكة.. حتى نزل شعرها مغطي ليها وجهها.. وحاجب عليه رُأيتها..

ميل راسو كيطل عليها.. راسم على شفافوو ابتسامت رضا وانتصااار.. علاش لا وهو قدر يدوب جبل الجليد لي كان بناتهم.. وقدر يكسبها نسبيا..

مد يديه عندها.. مبعد الخصلات لي طاحوو على عنيها ورادهم من موور ودنها بحركة بطيئة..

بااقين على نفس الحال.. تمو نازلين لخرين.. تكركيرهم وااصل لراس الدرب..

ما إن وصلوو عندهم ناضت فيوونا فحالها مستأدنة منهم..

فيونا (جمعاات الوقفة): المهم.. الله يشافيك..

ريم (قاطعاتها): خليك معانا..

فيونا (تلفتات عندها): خاصني ضروري نمشي.. خليت الدار عامرة..

(عاودات شافا فأنير) الى عاودات طلعات السخان عيط لمنصف ونشوفو شنو نديرو..

أنير: لهلا يخطيك..

فيونا: بلا جميل..

بتاسمات ليه بتسامتها البريئة تاني.. ضارت دارت لسفيان بايباي.. ومشاات..

خلاتهم مدورينو تاني بيناتهم..

ريم: إوا بعدا هادي حتى الى طحتي على زنافرك كاين علاش.. ماشي بحال ديك موكة.. ماعرت لاش جاتها عوجة عليا هكااك لا هي لا لي قبلها..

سفيان: ههههه واه گوليه..

أنير: هههه تسنايها غا حتى توصل لدارهم..

سفياان وريم: هههههه

دفعات لبااب فيونا.. يالله بغاات تطلع وهي تسمع الصدااع فريسطوو..

كملاات طريقها.. عرفات بلي غيكونو الناس مشااو وبقات غا تريكتها تما.. بدلات عليها عاد رجعااات عندهم..

مع الدخلة لقاات منصف طالق لي بااط ديال لبيتزاات وكتعاونوو فاطمة الزهراء وزينب يعمرهم..

وقريب ليهم.. طوابل مسرحيين.. گالس فيهم مصطفى وبشرى وبوراي راجل فاتي.. وبعالكها كاسرين الدنيا حدااهم..

تحنات عند ليوون لي مشا عندها كيجري مني دخلات.. هزااتو.. وهزاات معاه راسها فمنصف لي دواا..

منصف: فدييوة.. كنتي ناعسة؟

فيوونا (قربات جيهتو): لا كنت عند أنير..

بشرى (سمعاتهم ودارت): سيفطتك تشوفي لي يلغالو (يعيط ليه).. صدقتي لا نتي لا هو..

فيونا (تلفتات عندها): سيفطت ليه أيمن أ ميمّة فاللول.. ساعا البعلوك ما تدي منوو لا حق لا باطل..

فاطمة الزهراء: قيلي لي ولدي(بعدي ليا منو)..

فيوونا (شافت فيها بنص عين ودورات وجهها كتكمل هضرتها): صدقت غادية أنا نيت.. لقيتوو كيفوور بالسخانة..

منصف: كي بقى؟ شوية دابا؟

فيونا (دات عندوو): ماعرت.. خليت معاه سفيان وواحد الصف.. البنت 😒

بشرى: هو لي ماباغيش يگلس حدا ميمتو.. راسو قاصح..

مصطفى: هو أدرى بمصلاحتوو.. دخلي سوق راسك يا هاد لمرى..

دخلات فيونا حدااهم.. كتنقب من الكروڤيط والكلاماار ولفرومااج لي كيصابوة بيه بيد.. وليد لخرى فيها ليون..

مسح منصف يدوو وداار عندها.. شد ليها حناكها بجووج وباسها فوااحد فيهم..

منصف: جاك الجووع أبابا؟

فيوونا: اممم..

منصف: هاهوما قربوو..

فاتي (قرباات حداهم): باراكا من لخنات (لفشوش)..

فيوونا: غرتي غرتي الشعيبية والله حتى غرتي.. 🤣

منصف (ضحك وحيد من حداهم رجع حدا زينب)

فاتي (كتوشوش): باز.. مگهومة.. عندي هادشي ايمزلع (غامشتت) فالدار.. ههه

فيونا: ههههه داكشي لاش حلتفي حتى ديتيه تركي هههه

فاتي: ووشتا.. نديه مروكي يشرف جدي بلا وقت..

فيونا: ههههه واسيري حدااه كون راه ضرو راسو مع ميمة.. مع كيتدوي بالزربة.. تلقايه كلمة يفهمها وعشرة لا..

فاتي: خليه هههه ياك أنا كنفهم لوغتهم.. اوا يخرا النار..

فيوونا: هههه الشر..

قرب منصف كيوري زينب أش تديير.. وهي كتسمع ليه وكتطبق.. طريقة معاملتو ليها خلاتها ترتاح.. وتتصرف على طبيعتها معاه.. وبراحة..

أما أنير.. فمن موور گااع هادشي لي داااز.. ومن موور الجو لي خلقو لييه دوك الجوووج دالضحك والتقشااب.. مشاو فحالهم فاش بدا يظلام لحال.. باش يوصل سفيان ريم لدارهم بكري.. وباش حتى هو يمشي لخدمتوو لي فلييل..

خلااو أنير رجع لتفكييروو.. ماقادرش يحيدها من بالوو مزااال..

حطوو عشااهم.. وتجمعوو عليه.. كل مرة يطلق شي حد شي كارتة لي تخليهم يتشتتو عليها بالضحك.. كل مرة يدوييو اونگلي باش يفهمهم حتى بوراي.. وتدييهم لهضرة حتى ينساو ويلقاو راسهم قالبينها دارجة.. وهو مجاريهم حتى يهلكووه ويحيح تاني..

خالقيين السعاادة.. حتى نتاصف الليل.. عاد طلعوو نتاشروو.. كلا شد بيت نعس فييه..

صبح صباااح أخر من صباحاات الصييف الحااارة.. حيت فوجدة كيما كيعرفوو ناسها.. ديما الجو زايد نغزة لا فالصييف لا فالشتا.. يعني ماشي حتى كيتوسط النهاار عاد كيصهد الحاال.. كيبدا داكشي مجهد من أولو وغاادي وكيتزاااد..

فاقوو بكري.. كيجمعوو داكشي لي جابوو معاهم باش يرجعوو لسعيدية..

لبساات فاتي بنتها وخلات أيمن يلبس راسوو حدى بااه.. حتى سالااات وهبطات عند مصطفى وبشرى لي كانو يتسناوهم لتحت فوق طبلة لفطوور..

كانوو حاطيينو فالصال امونجي فالكوزينة..

گلسوو حتى فطروو مجموعيين وناضوو جمعوو الوقفة.. طلعوو باسوو فيوونا.. عيااو يفيقوو فيها وما قدااتش..

سلموو على زينب وهبطاات معاهم لتحت.. حتى شدوو الطريق.. مشى معاهم منصف يوصل مو وباه باش مايترزطووش مع ولاد ختوو ويرجع..

وطلعاات زينب تكمل فطوورها على خاطرهااا..

دازت ساعة على خروجهم..

طلع ليوون حدا فيوونا.. كيحك راسوو مع وجهها ويلحس.. ويقيسها بيدييه.. عنكشها.. عيات تبعد فيه.. كيخلييها حتى تزگا ويعااود يرجع كيصدر أصوااات.. فلخر ستسلماات ليه وحلااات عينييها معمشين.. كتمسحهم بظهر يديها.. وجراتو عندها.. كتعصر فيييه وتنعكشوو وتلعب معااه..

جاات تليفونها طلاات علييه وعاوداات لاحتوو.. وناضت غسلات وجهها وسنيناتها وهبطاات لتحت..

دخلاات الكووزينة لقاات لخرى كتغسل لماعن ومخلية ليها فطوورها فووق الطبلة..

جرااات كرسي وگلسات بلا ماتعيرها أي اهتمام..

سالااات زينب داكشي لي فيديها.. ودارت كترمش فعينييها ماعارفاش ردة فعل فيوونا تجاهها ولا رأيها فزوااج باهاا.. أول مرة غتتواجه هي وياهاا.. المرات لي قبل وخا كانو كيشوفوو بعضياتهم ولكن وسط الناااس.. گول فحالا يالله غيتلقاو الراس فالراس..

فالمقاابل.. گالسة فيوونا مطلعة حجبانها لسما.. حادرة عينيها وكتاكل منفخة..

زينب (نطقات مترددة): سميتك فدوى ياك..

علات فيها فيونا عينيها مخنزرة.. شافت فيها وعاودات هبطاتهم مكملة أش كانت كدير..

فهماتها أش عنات بردة فعلها ووصلها الميساج وخا كان بطريقة غير مباشرة.. خلاتها على خاطرها ومابغاتش تضغط عليها.. أكيد مع الوقت واحتاكهم اليومي مع بعضياتهم غيخليها تعتاد على وجودها فحياتهم وما تعتابراش دخيلة عليهم..

خرجات من تم.. دخلات لبيتها وخلاتها.. قاداات فراشهم وخواات حوايجها من الشانطاات وگلسات تقاد فيهم فلبلاكااار..

أما أنيير.. فاا نااض قبل التسعووود.. دوش.. ورغم الصهدة لي باقا فييه.. لبس حوايجوو.. هز سوارتوو وتليفوونو.. وهبط هز طموبيلتوو ديييركت لكلوووب..

دخل.. لقى كلشي على حاالوو.. غادي بالروتييين العااادي لي كيكوون عليه على طوول العاام..

طلع لبيروو ديالوو.. وگلس فييه..

مااهيا الى دقاائق معدوودة.. وتدق بابوو..

أنير (بلا ما يهز راسوو): دخل..

تحل لبااب.. دخل شخص تكون عندوو ديك سبعو وتلاتين عاام.. ببنية قوية ورياضية..

هز راسوو أنير من لورااق لي خاشي راسوو كيشووف اش فيهم..

وما ان لمحوو ناض عندوو..

كان المدرب ديالوو.. غير عرف بلي كاين.. جا عندوو دغيا قبل ما يسلت ليه تاني..

يوسف (كاعي): مابقيناش نشدوك أ Shreek.. 😠

أنير: ههه أني غير من هادي لهادي..

يوسف (تم داخل هو وياه لجيهت الفطوياات): مابقى والو البطولة الصاحبي.. زير..

أنير: راك عارف وشتا كنسوى مانشقاش (مانحتاجش) نگولك..

يوسف: عارف.. بالحق ماتستهينش بلي غتلعب معاهم.. ماتنساج بلي البطولة عالمية..

أنير (ناض غادي لجيهة فين حاط الماكينة دالقهوة فالبيروو بثقاالة): ماناسيش.. ماتخافش.. قهوة؟

يوسف: وااه.. دزت هادي يوماين لداار مالگيتكش..

أنير: كونت فالسعيدية.. معرس..

يوسف: بالصحة والراحة.. إوا.. كان شي جديد؟ داركم لباس؟

رجع حدااه.. حط ليه الطلس ديالوو قداامو.. وهو بقى شاد قهوتوو فيدو كيشرب فيها..

أنير: الحمد لله.. راهم بحال ديما.. نتا مالين الدار؟

يوسف: الحمد لله.. عايشين ههه..

بقاو كيدوييو.. من موضووع الموضووع.. حتى سالااو وخوااو كيسانهم.. عاد ناضوو هبطوو لصاال لتحت.. لبلاصة فين كيطريني من بعد ما بدل حوايجوو هو ويااه.. وبدااو فالاستعداداات..

نرجعوو عند زينب لي من موور ما سالاات داكشي لي فيدييها.. رجعاات تاني لكوزينة.. كتقلب فالتلاجة وفلماعن باش تصاايب لغدا..

كانت فيوونا ناضت وجمعاات البلاصة فين كلات.. وكتغسل يدها من موور مادوزات معاها كاسها وطبسيلها..

وقفات زينب حايرة.. ماعارفاش بلاصة الماعن.. وحتى كانت غتسولها وتراجعاات.. الوقت لي فيونا خرجات فحالها هازا فيدها ليوون لي كان كيفطر حداها..

جبداات التليفوون من جيبها.. طلعاات فالدرووج وهي كتكتب فالنمرة.. غا كملاتها ودوزاات الأبيييل.. كتتسنى فيه يجاوبها😈

طييييط 📲 طيييط 📲 طييييط 📲..

منصف: ألوو..

فيوونا: أبابااا..

منصف: صباااح الخير حبيبي.. يالله فقتي..

فيوونا (كتتفوه): شوية.. يالله فطرت..

منصف: ياكمااا.. ؟

فيوونا: عاااطياها التيسااع.. 😒

منصف: عاارف بنتي أنا زوينة.. ههه

فيونا: هند عليك الخير والرباااح..

منصف: هههه شكديري؟

فيونا: واالوو.. فين وصلتي؟

منصف: بني دراار.. قربت..

فيوونا: شووف..

منصف (قاطعها): السوووشي 🍱؟

فيونا: بالرجوووولة 😻

منصف: ههههه عرفتك.. دايرة كي شي موحمة.. تلاحي..

فيوونا: هههه كنبغييك أنا..

منصف: هههه وأنا..

قطعاات معااه كتضحك ضحكة شر..

مخلية زنوبة كتقلب وتعااود مضاربة مع دااك لغدا باغا تصايبو وتجتاهد باش تحس براس فداار راجلها.. خصوصا مني عرفات أنها ماغتتحرمش من شحال من حاجة وأنو مخاوفها ماكانوش فمحلهم بداات كتتقبل أنها تزوجاات.. وباغا تعوض دوك الأيام لي دوزاتهم غيير بكا ونحيط على زهرها قبل ماتعرف منصف كي دااير..

بلعااني دارتها ليها.. خلاتها كتصايب فيه وعيطات لباهاا يجيب معااه الغداا من برا باش تضرب ليها كلشي فالزيروو.. وتخليها تتمحن على والوو..

حيت لحد الأن باقا ما متقبلاش أن تزاحمها وحدة خرى فيه وفحياتها.. والتهدينة لي كانت مهدنة فالحنة والعرس غير باش مايدييوش الناس خباارهم.. وتحشمهم قداام لي يسوى ولي ما يسوااش..

هي مولفة أنها تكوون محط اهتماامو.. الا جينا نشوفوو الخطأ ما غنلقااوش أنو مية فلمية فيها.. هو لي مولفها هكااك.. من نهار تزاادت وهي مركز حياتوو..

فا أكيد ما غتجيش بين ليلة ونهار وتقدمو ليها فطبق من ذهب.. زيادة على هادشي أن راسها كيگوليها ماداام قبلات بواحد كبيير عليها و.. و.. و.. أكيد غتكون غيير على طامعة فيه ولا علام الله أش وراها..

المهم من اللخر ماداخلاش ليهل لراسها.. وطبيعي لأنها تغير منها وتحاول تطججها..

الى حكمتي من بعييد.. غيجيك هادشي لي كتدير حشومة وعيب ولكن الا كنتي بلاصتها أكيد غدير فحالها ولا كثر.. حيت تصرفاتها ماهوما الا نتيجة الحر لي كتحس بيه.. الغيرة ماساهلااش ولي يگول لعصيدة باردة نگوليه اجي دير فيها يدييك..

سدات الباب دالبيت عليها.. تكاات فووق الناموسية على كرشها.. جرات المجر ديال الطابل دوونوي.. جبداات منوو أجووندا والتيشوورط دأنير حطاتو قداامها..

هزاات ستيلوو وبداات كتخطط فيه وهي كتعصر فراسها وكتحاول تتفكر وتحط قدامها گااع التفاصييل المرتابطة بأنير.. أكييد مانساتش أش شافت وأكيد ماغاتتفاكش مع الموضووع حتى تفهم وتلقى جوااب لگاع أسئلتها..

عمرااات الورقة ودارت لصفحة لخرى.. كتخطط.. تكتب حتى تعيا وتضرب على كلشي وتعااودو من اللول تاني..

من موور مدة.. دور السارووت فالبااب.. حلوو وتم طالع فالدرووج.. معنكش مع داكشي لي هااز ومتقل بييه..

داز لطااج اللول.. ديريكة للكوزينة..

تلفتاات عندوو زينب مني دخل.. تبسماات ليه.. قرب عندها باسها فحنكهاا عااد حط داكشي من يدييه..

منصف (شاف فالطاجين): علاش عذبتي راسك.. جبت لغدا من الزنقة..

زينب: ماعليش.. ماتعدبت ما والو.. 😅

منصف: كتاكلي السوشي؟

زينب: واه..

منصف: اوا أجي قبل ما يبرد..

جراات الكرسي لي حدااه..

منصف (بالجهد): فيوووووونا..

تلفتاات زينب عندوو باستغرااب بطريقة لا ارادية.. ما فاهمة واالو..

ماعاقش براسو اش گال.. جاتوو عادية.. لا وعاودها مرة خرى كيأكد عليها..

مافهم شوفاتها حتى تمات جاية الحريگة كتعربط..

فيوونا (حاقدة): وااااا منصف وااا صاحبي 😾 دييك السمية لاااااا 😒

منصف (عاد فهم.. سقل كيدور عينيه): 😶 نسيييت..

فيونا: زگي معاياا 😭

منصف: گلسي تخشي فوجهك المشة گلسي هههه

تخشاات حدااه.. جراات لبلاستيكة خداات وحدة من لبواطاات..

نقز ليوون فوق الطبلة حدااها.. كيتسناها تحلها وهو كيدوز فلسلنو على فموو..

بداات كتهز لغطى بشوية.. قرب ليوون كيشمشم.. حتى قربات تتحل ورجع سدها منصف بلعاني.. طلع فيه راسو.. ورجع شاف فلبواطة.. عاودات تاني.. دار ليها نفس القضية.. ناض ليون من تم وجا وقف وسطهم.. كيتسناها تاني تطلق لفراجة ههه..

كتشووف فيه بنص عيين.. بداات كتقاد.. يالله مد يدوو منصف ضربوو ليوون فيها كيحيدها ليه..

تهزوو عليه كامليين بالضحك.. 😹

سرحاات ماكلتهاا.. ماتسناهااش تمد ليه.. دغيا خشى وجهو قبل منها كياكل..

منصف: الحاجة لي ماتشبه لمولاهاا حراام.. هههه

فيوونا (جراتوو باستو وهو كيتجاار معاها باش يرجع لدااك السووشي): ولدي هذا ههه 😻

جبد منصف لزينب لي حشمانة.. حط ليها قداامها.. عاد جبد ماكلتوو.. وبدااو يتغدااو.. مرة مرة يجبد فيهم ويضحك معاهم.. داروه بيناتهم.. وحدة كتشوف وتلاحظ علاقاهم كي دايرة وكتحلل شخصية بنتوو من جيه..

ولخرى كتشوف فيها غا من لتحت لتحت وكتهندس فيها من الجيهة لخرى..

وردووه كي القرد وسطهم..

كتاكل وتتبنن وتتلدد وتصدر أصواات.. نساتهم واش حداهاا..

حط منصف يدوو على فموو باش ماتتطلقش ضحكتوو..

كملات اخر حبة.. طلعاات راسها باش تزييد.. وهو يطلقهاا..

فيوونا (كترمش ببرائة): مابقاش؟

منصف: هههههه راهو فينوو.. زيدييك..

مازادتش فيوونا معااه الهضرة.. جراتوو قدامها ودخلات فيه طوول وعرض كتفرنس..

حل قرعة صغيرة خواها على وجهوو.. هز فوطة دارها على كتافوو.. هز طرف منها بيدوو ومسح بيها داك الما لي مفزگوو..

جات وقفات عليه وحدة من لبناات لي خداميين تما.. هازة دوسي فيديها..

البنت: موسيوو أنير.. عفاك تقدر تشوف ليا هاد لوراق..

أنير (شاف فيها ودار): حطيهم ليا فالبيرو حتى نبدل..

البنت: وخا موسيوو..

خلاهاا وزاد.. مشا ديرييكت دخل دوش.. خرج بفوطتوو حتى لبس وتقااد عاد رجع دخل للبيروو..

خشا راسوو وسط ديك الروينة والتخربيق لي تجمع وتكركم عليه هاد الأياام كاملة لي مابقاش دااز.. ساااااعاات وساعاات عاد سالااه وناض من تم كيخشي يدوو فشعروو ويردوو لوور..

راسوو غيطرطق.. من السخااخن.. لونطريما.. لخدمة.. عياا.. تكسل.. وخرج فحاالو..

كاانت وصلات التسعوود.. كلشي مشى.. بقى غيير السكيريطي..

ركب فطموبيلتوو ورجع فحاالو لدااار..

من مووور ما تغدااو وسالاااو.. جمعوو كراطن السوشي.. مخليين داك الطاجيين تما مصمر مادارووش جيهتوو..

فيوونا (تجبداات كتتكسل): أنمشي نيني..

منصف (قرب باس ليها راسها): سيري أحبيبة..

شافت فيوونا ف زوينب بنص عين لقاتها مقابلاهم.. عنقاتوو تعلقاات فيه..

فيونا: شكرا على 😜😋

منصف: ههه مو كريشة..

باستوو وطلعاات لبيت..

أما هو.. فقرب عند زينب.. شد يدها وكيدوي معاها.. قرب لطاجيين جارها معااه حتى وقفوو حداه وعرااه.. هز الفورشيطة من فوق البوطاجي فين كان واقف ودااق..

منصف: هممممم.. بنيين الله يعطييك الصحة..

زينب (بتاسماات عجبها الحال مني شكر طيابها) بصحتك.. ههه

شحال وهو كيشوف فيها.. باس ليها يدييها فالوقت لي كيقرى فعينيها نظراات رضا..

تلاحت فوق الناموسية.. مكمشة فرجليها.. كتدي وتجييب.. حتى غلبها النعااس.. خلاها تشرك عشياا وليل.. كانت فقيلوولة صدقاات فغيبووبة..

مافااقت منها حتى أدن لعشا..

ناضت عينيها منفوخيين.. خااسرة.. لاحت عليها كبيتشوو على البرد دلييل ونزلات هي وليوون لتحت..

حلاات بااب الداار.. وگلساات فالدريجاات لي حدااه.. تتنفس الشوية وتحيد القنطة والدييق لي كتحس بيه.. ضارها خاطرها ومزيرة.. كتحس راسها فبحاال شي دواامة ولا بركة دالغييس.. كلما حااولات تخرج رجلييها منهاا عااد ما كتزييد تغرق وسطها كثر..

مافيقها غيير جسم كبيير وقف قداامها.. درگ عليها الظو دالبولاات..

هزاات عنيها بملل.. لقات أنير كيشووف فيها.. خاشي يديه فجيبوو..

فيوونا: كي بقيتي؟

أنير (بتااسم): حگلك جيتي طليتي عليا..

فيووونا: شفت طموبيلتك ماكايناش گلت غتكوون خارج..

أنيير (گلس حداهاا): كنت خداام..

فيووونا (دورات وجهها عندوو وحطاات يدها على راسوو): بهاد الحالة؟

أنير: هههه ماتخافيش مابقى فيا والو.. يالله كونت نطريني..

فيوونا (جمعات يديها عندها ودارت): تكايس على راسك..

أنير (زادت ابتسامتوو): ونتي شگالسة ديري هنا..

فيونا: كيضرب فيا البرد..

أنير: قنطتي؟

فيونا: بزااااف 😪

جبد تليفونوو من جيبووو بشوية.. خربق فيه بلا ما يجاوبها وحطوو فوق ودنوو..

أنير: ألوو.. واه الحمد لله لاباس، نتا كي راك داير.. كلشي بيخير.. فدوى أهيا معاياا.. (تلفتاات عندو بالزربة مني سمعاات سميتها) غناخدها شوية.. هههه واه صافي خاطيك.. (دار شاف فيها) راها فعيني 😻

حط تليفونوو فوق الطبلة وداار شاف فزينب لي حاطة راسها فووق دراعوو.. فوق النموسية.. شاعلين التلفازة كيتفرجو فيها هي وياه وكيلعب ليها فشعرهاا..

شافت فيه من مور ما سالا هضرتوو..

زينب: مالك؟

منصف (جر ليها نيفها): والوو.. غير فيونا خرجاات..

زينب: بصحتها وراحتها..

منصف: الله يعطيك الصحة.. اوا فين كنا؟

زينب: كُنتْ كتعاود ليا..

منصف: ههه مانسيتيش؟

زينب: ههه لاء..

منصف: فين كنا؟ ههه.. أه فاش يالله وصلت ل..

نرجعوو عند فيوونا لب هبطاات راسها مع أخر كلمة گااال.. قطع أنير وهو كيشووف فيها وناض وقف ماد ليها يدييه..

شداات فيها حتى وقفات وتم غادي لطموبيل سابقها.. حتى قرب يوصل وتلفت عندها.. لقاهاا باقا واقفة بلاصتها.. حرك ليها راسوو بمالك..

فيووونا (بتردد): ضروري من الطموبيل؟

أنير (تم راجع خاشي يديه فجيابوو): أكيد لا.. (وقف حداها) مشينا؟

فيوونا: يالله..

تحركاات هي ويااه.. غاديين وساكتيين..

فيوونا (دارت عندو): فاش خداام؟ كتبيع لحشيش؟

أنير (ضحك حتى بانو ضروسوو): هههه علاش زعما؟

فيونا (دارت قدامها): كتمشي وتجي وقتما بغيتي..

أنيير: مثلا.. ههههه مدرب ديال لفري فايت فواحد لكلووب.. وكنوجد لبطولة العاالم داكشي علاش مكنمشيش بزاف.. (مابغاش يگوليها ديالوو)

فيوونا: اه.. امتى؟

أنير: من موور جوج سيماناات..

فيوونا: كوغااج..

أنير: مغسي.. ونتي..

فيووونا: مالي أنا؟

أنير: فين وصلتي فلقرايا؟

فيوونا: هانا غادية.. من موور الباك قريت عام ف L ecole supérieur des arts traditionnel (المدرسة العليا للفنون التقليدية) ديال artisanat..

وكنقلب دابا فين نكملوو هناا فوجدة..

أنير: واايلي مزال مالگيتي..

فيوونا: نااااء باقي.. عارف مع العرس دمنصف.. تدهيينا..

أنير: وااه.. شُفت..

فيوونا: صافي..

أنير: دوميين زوين.. (صونا تليفونوو.. جبدوو شاف شكوون وجاوب) ألوو.. (شاف ففيونا) راني مع فدوى.. كنتمشااو.. واه.. رواح الى بغيتي رانا مزالين خارجين.. تلگانا ف *** (قطع)

فيونا: سفياان؟

أنير: وااه..

زادوو شحاال كيهضروو ويزيدوو يتعارفوو كثر عاد وصلوو لبلاصة لي گال لسفيااان ودخل هو وياهاا..

مشا لطبلة بعيدة شوية على البشر وگلس.. أصلا الكافي كاملة ما كانتش عامرة بزاف..الضوو نااقص والجووو كااالم.. طالقين موسيقى بشكل هادىء..

جا السرباي وقف عليهم..

السرباي: فحال ديما..

أنير: وشتا.. لباس..

السرباي: الحمد لله بارك الله فيك..

أنير: النوااغ و.. (شاف فيوونا) شنوو تاخدي؟

(هزاات كتافها بطفووليه) ههههه (عاود دار عند لاخر) جيب ليها كريب بالشوكولا وجي دورونج.. (مشا خلاهم بجووج)

أنير: اواا..

فيوونا (حطاات يدييها تحت حنكها متكية على الطبلة): اواا اوا..

أنير (جر ليها يدها من تحت حنكها): حيدي يدييك..

فيوونا (تكاات على دراعها لي فوق الطبلة): فيا دودوو..

أنير (كيبعد ليها شعرها من على وجهها): وييينوو هههه..

فيوونا: ههههه

أنيير: نوضي باش يجييب ليك شوكوولا..

فيوونا (دغياا هزات راسها)

أنير: هههه هبيلة 😍

فيوونا (بقلق): شوية يااك متأكد.. مابقاتش السخانة..

أنير (قرب عندها): رواحي شوفي بروحك.. (براسك)

حطاات فيوونا يدها فراسوو وكترمش فييه عوينااتها.. وهو عاجبوو لحاال..

داازت بيدها لحنكوو وبلا ماتحس نزلات للحيتوو.. ساهية فييه وداايب فيها..

سفياان (قفزهم): وشتاا أ الخونة.. بتذاكروو من ورايا؟

أنير: يا دينك 😡

فيوونا: 😳

سفيان: وشا كنتو ديروو؟

أنير: كنفرقوو السلام فبقاع العالم حتى هبطي من السما الله يگطعك 😠

فيوونا (سلمات عليه): هههه لباس علييك..

سفياان: الحمد لله.. (مد يدو لأنير)

أنير: حسابك هو اللخر..

سفيان: ههه.. (عيط لسيرڤور جا عندوو) كاپوتشينوو فحاال ديماا..

مشا فحاالو وقلبووها ضحك بيناتهم.. جات الدموووند دياالهم وبقااو عاصريين عليها حتاال دييك لحدااش وشي حاجة وناضوو تهزوو فحاالهم..

وصلوو قداام داار فيوونا ووقفوو..

سفياان (كيأكد عليها): رواحي غداا.. عندااك تنساي.. أصلا تخافي نربحك هههه

فيوونا: لوااه هههه

سفياان: عرفيتي شنو يجيك مليح؟ (جبد تيليفونوو ومدوو ليها) نمرتك..

فيوونا (كتبلتها لييه وردات ليه مشقوفوو): هههه..

سفياان (بقى واقف): بيناتنا واتساب..

أنير (كيصدرو): يالله غبر.. يالله يالله ترگد (تنعس) راه قرباات الطناش..

سفيان (فهموو اش قصد): هاا هو غادي 😒

دااار لباابهم ودخل..

فيونا: هههه مسطي..

أنيير: هههه.. (بقى كيشووف فيها.. حتى تحرجاات وبداات كتقاد گورميط فيديها باش تتلهى) مشاات شوية؟ (القنطة)

فيوونا: اهمه.. شكرا..

أنير (كيضحك معاها): مابيناتناش.. ههه

فيوونا (عقداات حجبانها بطفولية): ماتبقااش تجر ليا نيفي..

أنير: ههههه كبرتي عليها؟

فيوونا: سي 😾

أنير: ههه لا باقاا بنيوتة صغيورة..

فيونا (خرجاات ليه لسانها شوية كتتفلى)

أنير (قرب وشدها من حنيكاتها): ههههه طلعي فحالك گبل مانصدق..

قبل ما يكملها هرباات وخلاتو واقف يضحك..

حتى سداات الباب عاد داار حتى هو دخل فحاالو يرتااح..

زينب (بحزن): الصراحة ماكانش عليها ديير هكااك..

منصف (كيلعب فوجهها) اوا لمن غتگوليها..

زينب (سكتاات شوية عااد زادت): زعما مافكرتيش وشتا يسرى الى ولات قلبات عليها عاود؟

منصف (بتاسم): فنظرك فيونا يقدر يقلبها عليا شي حد؟ ههه حنا كثر من أب وبنتوو.. علاقتنا عمق..

زينب: الله يخليك ليها ويخليها لييك ❤

منصف (قرب باسها فشنيفاتها): ويخليك ليا..

زينب (بابتسامة): أميين..

منصف: كضحكي لمك ههه عجبااتك قضية البوول..

زينب: ههههه

قرب عندها كيهرها فعنقها.. سطاااها بالضحك.. ماحبس غا مع صووت البااب كيتحل.. ناضوو خرجوو من تم ودخلوو كيوجدوو فطابلة لعشا.. طلعاات فيوونا هازة فيدييها ليوون لي كان كيتسنى فيها حدى لبااب من موور مادخلاتوو وسداات عليه وخرجات مع أنير..

أما أنييروو.. مع الحلة دالبااب دووز لاپيييل..

سفياان: دغيا توحْشْتني؟

أنير: واخاا تكوون ساحر ليا 😒

سفيان: ههههه

أنير: ساخي علييك عمرك 😠

سفيان: وشا كاين تاني؟

أنير: سيفطلي النمرة 😑

سفياان: هههه گولها من اللول..

أنير: فاهم لفيلم وكتتجبد عليا..

سفيان: كتعتارف دُركا ولا؟

أنير: جوج دقايق تكون عندي أدونكي ولا نجي لجدك..

سفيان: هههه (قطع علييه) ههه لا لاا واللهيلا جااب الربحة 🤣

شاد التليفوون فيدوو.. طالع لفووق من موور ماسالا الهضرة معااه.. لاحوو فوق الناموسية وحيد تيشوورطة ديالوو تبعها ليه عااد تكى هو منشوووور حدااهم..

وصلوو مساج.. حلو مبتاسم.. دخل عندوو نمرتها.. يالله جا يحطوو وصلوو ميسااج اخر..

رجع يشووفو وهي تزييد تعرااض ابتسااامتوو..

كانت تصويرتوو هو وفيوونا فالعرس فاش كان شااد فيها كيشطح هو وياااها 😍.. ووحدة خرى وهو كيهضر فودنيها.. غفلهم سفيان وسيدوو وشدووهم..

شحاال وهو كيحقق فيهم ويدوز يدوو على وجهها مزومي علييه.. بقى هكااك حتى غفى قبل ماتوصل ساعتوو ويشوف حالتوو لي غتقلب علييه المواجييع تاني..

داارت يدييها على عنق منصف..

فيووونا (بلغواات): عشيري 😻

منصف (دور يدو من موور ضهرها): الدايعة ههه فين كنتي؟

فيوونا: مع أنير وسفياان..

منصف: عرفت.. فين داوك؟

فيوونا: كنا گالسيين ف***

منصف: بصحتك أكبيدة.. (باسها)

زينب (عجبووها): كياكل القط كلشي ياك؟

فيوونا (جمعات الضحكة ومشات تگلس): سميتو ليوون..

شافوو فيها بجووج شادين الضحكة حيت أول مرة تدوي معاها.. ومشااو گلسوو حداها فوق الطابلة..

منصف: أه كياكل أي حاجة..

فيووونا (حطاات حدااها طبصيلوو وعيطات لييه): ليوون.. ليووون.. بااابي.. أجي..

جا كيجري طلع لكرسي عااد لفووق.. حلاات زينب الطاجيين لي بقى من الصبااح وسخنووه.. خلاتها فيوونا حتى بداات تاكل هي ومنصف عااد هزاات لليوون قدااموو ودااقت غير شوية بفرشيطة وكتدور فعينييها..

شاافت حتى عياات ولعب مافيهش الضحك.. مع داكشي بنيين دخلات معااهم فييه طوول وعرض..

سالااو عشااهم في سلااام.. كلااو الديسير وخرجوو لبرى فلمرااح شدوو فيلم وگلسوو كيتفرجوو فيه مجمووعين..

ماكملااتش فيه حتى نص ساعة صحيحة.. هزاات مشها ونااضت خواات ليهم لجو.. دوشاات وتلاحت فحالها فووق الناموسية بپينواارها..

تبعها ليوون لي يالله نشفااتو ورداات ليه صمطتوو.. طلع حتاال حدا وجهها وتكمش.. جرااتو كدوز يدييها علييه.. على شحاال عاد نعلاات الشيطان.. ناضت لبسات شورط وسوفيطمة ورجعاات عنقاااتو ونعساات..

متكي على ظهروو.. حاطة حنكها على دراعوو لي حاال حدااه.. ومتكية على كرشها مغطي النص فيها غيير ليزار لي مليووح علييهم..

فاقت هي اللولة.. لقااتو قداامها.. أول حاجة جاات عليها عينييها هي شيبااتو لمزينيين شعر وجهوو.. طلقاات ضحيكة بشووية ومداات يدييها كتدوزها علييها متذكرة تفاصييل الليلة لي دوزوو 😍

مستحييييل تعطييه خمسين عاام.. لا حجما.. لا شكلا ولا مضمووونا.. فعلاا عسى أن تكرهوو شيئا وهو خير لكم..

بصح يالله بداات كتعرفووو ولكن فكل مرة كتلقى راسها حاسة بلي من شحاااال وهو معاهاا.. وأهم حااجة أنها رتاااحت ل اش كتعيش معااه ومرة على مرة شخصيتوو كتزييد تجبدها لييه وتطيحها فيييه..

فيقااتو بلمسااتها.. وقبل ما يحل عينييه دور وجهوو باس يدها لي كانت محطووطة علييه..

منصف (بصووت غالب عليه النعااس): صبااح التووت..

زينب: صبااح النوور هههه

منصف (كيبووس كتفها العرياان حدااه): رتاحيتي شوية؟

زينب (كتورييه بيدييها): شويييكوكة..

منصف (دار راسوو غيعض صباعها): نااااكلك..

زينب: هههه.. قاديتيني..

منصف: علاه أنا درت شي حاجة مزال..

زينب: ههه خليني نوض نصايب لفطوور..

منصف: بغيت لفطوور لاخر أنا 😈

زينب: هههه وااامنصف.. ههه زگاا ههه

نااازل مع الدرووج.. جبد تاني تيليفونوو.. وعيييط..

: ...

أنييير (شاف فيه وردوو على ودنوو): ألوووو..

فيووونا: اممم..

أنير: نووضي النعاسة..

فيووونا (باقي شااد فيها النعااس): فيين غنووض؟

أنير: تمشي معاياا..

فيوونا: فيين أ أنيير؟

مع گالت سميتوو عقداات حجبانها وبعداات التليفوون كتحل فييه عنييها بزز ما فهمااتش كيفاش حتى معيط ليها ومنين جاب نمرتها.. نسااات سفياان..

أنيير: ألووو...

فيوونا: وي هاني معااك..

أنير: سربي راني لتحت..

فيووونا: أ..

قطع قبل ماتجااوبوو باش ماتلقااش ليه شي سبة..

تلاحت على ظهرها.. داايخة بالنعااس.. كتستوعب.. فلخر ضحكاات وناضت لبساات دغياا وهبطاات لتحت.. دخلات لكوزينة.. لقالتهم گالسيين فووق الطبلة.. تحناات على منصف بااستو فحنكووو بالجهد..

منصف: لقلييب 😍

فيوونا: صبااح النووغ..

منصف (دار كيشووف فيها): فين بالسلامة؟

فيوونا (هزاات الفرمااج كتعطييه لليوون): عيطلي أنير ماعرفت فين بغاني نمشي معاه..

منصف: گلسي فطري بعدا..

فيوونا: لا راه لتحت كيتسنى..

منصف: اوا سيري وماتبقايش بلاش.. خودي شي حاجة كولييها.. (سكت شوية وزاد) باقي عندك فلووس؟

فيوونا (حركاات راسها): اهمه.. هانا مشييت..

خرجاات ديرييكت لدرووج.. نزلات عندوو بااقة مبجقلة بالنعااس.. لقاتوو واقف على الطموبييل كيتسنى فيها..

وصلاات عندوو.. تحنى باسها فحنيكاتها بجووج..

أنيير: صبااح الفرييز 😍

فيوونا: ههه 😇

أنيير: باقي فيك النعااس.. ههه عينيك مبلعين.. (مسدودين)

فيوونا: نضت بزز.. فين غاديين؟

أنيير: خاصني نتسوق.. ههه

فيوونا (هزاات فيه عينييها): باغي تخلي داربوو شي حد تاني؟ 🙄

أنيير: ههههه طلعي طلعي..

ركباااات وشد حتى هو بلاصتوو وزاادو..

فيوونا (دارت عندوو): منيين غتتقضى؟

أنير (بلا مايشوف فيها): شي سيپرمارشي..

فيوونا: شنو باغي تاخد؟

أنير: الخضرة.. ليقامة.. خااص كلشي.. الكوزينة خواات..

فيونا: ولاش السيپرمارشي؟ نمشييو لشي سووق..

أنير: واخاا..

قلب الطرييق وطلع لسووق لبغلاديش.. سطاسيوونا وهبطوو بجووجهم.. دار يدوو من موور ظهروو وزيدعا قداامو.. ودخلوو وسط الزحاام رااد معاهاا لباال.. كل مرة يوقفوو عند وااحد.. هي تعزل من جاجة وهو من حااجة.. ومرة يعزل ليهم لي كيبييع نيت.. وكل مرة يوقفوو على قبل حااجة.. سالااو من الخضرة وداازو للحووت.. يالله غيوقفوو عندوو تموو جايين واحد جووج كمامر.. مع يدوو عامريين بجووج وماعندوو كي يديير ليها.. تحنى لودنييها..

أنير: شدي فياا..

وقف ومد ليها درااعوو.. باقاا كتقلب باش تفهم ماالوو وهوما يدووزو العولاماا من حدااها باغيين ياكلووها بعينييهم.. خنزر فييهم أنيير وزاادت تخشاات فييه هي معنقة يدييه..

وقفوو فين باغيين وبااقي متبعهم بعينييه ختى غبروو عاد داار قدااموو..

أنيير (شافيها وهي لاصقة فيه وتقلبات تغوبيشتو لضحكة): هههه وشتا نديرو؟

فيوونا (هزاات كتافها): لي عجبك..

أنير: كتاكلي الحوت فالفران؟

فيوونا: نااء

أنير: اوا نديو لي غنقليو..

فيونا: أوكي..

خدا شبغا وسالاا ورجعوو لطمووبيل حطوو كلشي فالكووفر ومشااو تاني لسووق الفلااح.. دخلوو مع زنااقيه لكثيرة الديقة.. لمغطية من حر الشمس لمگرملة وبدااو كدوورو بيين لحواانت لي فييه ويااخدو گااع لي خااص.. من بزاار وتحمييرة وكاموون وسكينجبيير وتومة وزعتر و.. مهم خلااو غير لي نسااو.. قاديين غرااض ورااد معااها لباال.. فينما تبان ليه شي حاجة ولا يقرب حداها شي حد يجرها عندوو.. أما لي كيشووفو فيهاا خلاااص كيبغي يحيد ليهم عينييهم من بلاصتهم..

كملوو التقدية الأسااسية وداازو لدااكشي التانوي من بيسطااش وگرگااع والتخربيق لاخر لمعرووف بسلعة الشماال.. غادي كيشووق أش قداامو وهو يتفكر..

أنيير: روااحي!! فطرتي بعدا؟

فيوونا: نااء.. بااقي..

أنير: وساكتة 😠 زيدي زيدي..

رجعوو عااوتااني حطوو سخرتهم مع داكشي اللول وزاادو.. ماوقف غيير حدى قهوة..

فيوونا (كتشووف فييه كيحل السمطة دالطموبييل): ضرووري نبقاو هنا؟

أنير: علاش؟ ماعجباتك لبلاصة؟

فيوونا: نوو غير ماعنديش مع لي كافي بزااف..

أنير (حل لبااب): هاني جاي..

هبط ودخل.. خلاها غيير كتشووف فييه.. ماداازش بزااف حتى كيباان ليها راجع هااز جووج كيسان متوسطيين فالحجم.. كاغطووني مغطيين فحاال دماكدوو.. واحد فييه قهوة كحلة لييه ولاخر شوكوولا بلحلييب.. جامعااهم واحد اللعيبة هازهم بجووج غيير منها وبيد وحدة..

وليد لخرى عاز بيها بوااطة صغييرة فييها لفووري نوااغ (كيكة كحلة دالشكلاط)..

حتى قرب وحلات لييه لبااب.. دفعوو بركبتوو وگلس بلاصتوو.. مد لييها الكيكة هي لولة.. ترسموو فعينييها لقلووبة مني شافتها..

فيوونا (هزات راسها فيه): بااش عرفتيها كتعجبني؟ 😻

أنير (كيطنز): عارفك أي شوكلاط يجي بسم الله.. ههه

فيوونا: ههههه 😝

أنير (مد ليها كاسها): ههه غير بقااي تخرجي فدااك اللسان حتى ناكلوو..

يتبع ...

شريك القرن 21 الجزء السادس

محتوى القصة

التنقل بين الأجزاء