عاشقة الثراء الجزء 18

-جلال .." ناض وقف و و جر منها الساروت خشاها فجيبو " .. ختارتني انا .. يالله نوضو فرتكو عليا هاد الجوقة .." جرها من خصرها لاسقها عليه خلاها مصدووومة غير تتشوف .. اما ساندي جاتها اللقوة عينيها خرجوو .. 

- المى .." بغات تفك منو و هو عاد ما زايد متمسك بيها اكثر .... دوات بشوية باش يسمعها غير هو ..." .. حيد اويلي اش كدير واش تصطيتي باااغي تشوهنااا

- جلال .." بهمس ساااحر" .. الى كنت انا لي فلقلب ميمكنش واحد اخر يدي سوارتو ..

حسات باللقوة ضرباتها فديك اللحضة .. خصوووصا و هو عينو فعينها .. و نضرتو كانت فشي شكل .. فكرات فحاجة وحدة واااش هو نيت تيدوي بصح ولا هادي نوع جديد من دعاباتو البايخة!!

- ساندي .." ناضت وقفات و قربات ليهم و الصدمة على وجهها باينة" .. جلال واش تتفلا؟؟

- جلال .." حىك راسو بنفي " .. لا ..كندوي بصح .. عبير غاتزوج بيا انا .. 

- ساندي .. هههه جلااااال .. فحال وااالو نسيييتي رااك مزوج .. بيا!!! انا مرتك ميمكنش تدير فيا عادشي اجلال هههه ميمكنش .. سمحو ليا نضحك ههههههههههه لا بصح غايصحاب ليهم كدوي من نيتك ..!!! مقنع جدا صراحة ..

- جلال .." خرج فيها عينيه" .. ساندي .. مرانيش نضحك ..!! ماموالفش معاكم البساط باش نبسط دروك!!

- امينة .." وقفات من بلاصتها " ..نتااا اكيييد تصطييييتي .. اااش هاد الهضرة .. بنتي اااانااااا سااااندي .. تجيييب عليها ضرة!!!! و شكوووون هاد بن...

- جلال .." قبل ماتكمل هضرتها زير على يد المى شابكها بيدو .. و خزر فيها " .. ويااااك تكمليييها .. غاتدفنييي حية اميينه ..

- عبد العظيم .. السكااااات .. 

-امينة .." مشات عند عبد العضيم" ..الحاااج عاااجبك هادشي لي تيقووول .. كيفاااش تجرأ يقووول هاد الهضرة !!!

- عبد العظيم .. جلال هو انسب واحد ليها .. دوا معايا و ماتجرأ تا خذا الموافقة من عندي .. 

-امينة ..كيفاااش!!!

- جلال .. كيف كتسمعي .. و كيف تتسمعو كاااملين .." شاف فيهم كاملين ز ضور عليهم بصبعو" .. هادي مرتي .. من اليوم هاتحسب عليا .. و شي واحد يگول ليك رااسو يدوي معاها ولا يقلل منها بنص كلمة يحسب ربي ماخلقوش .. و كيف ما بغا يكون اه 

- ساندي .. جلال .." قربات ليه و يدينا بداو يترعدو" .. جلال ماديرهاش ..

- عبد العظيم .. اصريت انك تكوني حاضرة اساندي بااش تعرفي و تتقبلي الواقع قدامي ..غاتجيك صعيبة فالأول ..لكن هادشي فمصلحة عبير ..

- ساندي .. واااتموووت عبييير انا مااالي و مااالها .. باااان ليك غااا رااجلي اجديي!!! 

- عبد العظيم ..رااجلك هو لي جا عندي و طلب مني المى للزواج ..و الشرع عاطيع اربعة .. و نتي ماشي اول وحدة راجلها غايتزوج عليها .. مزال عندنا حساااب طويل انا وياك اساندي .. و لي كنتي تديرييه ماغاديش نغفل عليه ..

- ساندي .." حنات راسها و الدموع فعينيها" .. هذااا مااشي موضووعنا الحااج ..

- عبد العظيم .. هذا موضووعي انا ..

- جلال .." كيشوف فيها بنص عين .." ..الحاج ... من بعد خليها تمشي لبيتها ..

طلعات ساندي تتجري لبيتها بلا ماتسنى تا حد يسمح ليها .. مارضااتش ان المى تدي منها جلال بعد هادشي كلو .. و مارضااتش انو يحطووها امام الأمر الواقع اما المى مزااالة تحت تأثير الصدمة .. هزات عينيها لجلال لقاتو عاقد حواجبو .. فاش سمعات بااه غايدوي و هيدور راسها شافت فيه ..

- سليمان..الحاج هاد القرار لي اتخدتي ممكن ينوض الفتنة بين حفادك .. و هاد التمييز لي وليتي تدير بيناتهم ميرضي لا ربي ولا عبدو ..كاملين كانو فكفة تال نهار جات و قلبات ليهم الموازين ..

- اشرف .." ناض وقف قدام جلال و بااينة عليه طاالع ليه الدم خزر فيه و وجه لو صبعو" .. انااا ختي مااشي جفاف بااش تدير ليها هاد الحالة قدام العائلة كاملة .. و مااشي ناقصة يد ولا رجل بااش تزوج عليها .. دييير فبااالك غاتددددم ...

- جلال .." فلحضة طلع ليهودم لودنيييه .. جرو من قرفادتو فاش دان غادي و دوا ليه فودو" .. شكووون كتتهدد لاشمكار لي حطك؟؟؟

- اشرف .. طللللق مني ..

بغا يدفع جلال صدق هو لي دافعو حتى كان غايجي على وجهو لو كان ما شد التوازن ديالو ..

- وليد .." كان سااكت و ماباغيش يتدخل لكن شاف الوضع كيتعقد و ملامح عبير تيتبدلو" .. الحاج .. هاد القراري ماشي فصالح تا واحد فيهم ..

- جلال .." دوز لسانو على شفتو بعصبية و وجه لو صبعو بتحذير" .. نتا متدخلش .. تا حد فيكم ميتدخل .. مفتووووم .. عبير غاتولي مرتي بعد ايام .. مانبغييي نسمع منكم تا كلمة من غير مبرووك ..

- المى.. " بغات تعترض و تحيد لو يدها من يديه .." ..ولكن 

-جلال.."هز يدو دار راسو غايطرشهاااا بحركة ماشافها حد غيرها و نطق بهمسسسسس" .. سيري لبييتك ولا غانفرگع لملتك وجهك.. تا كلمةةمانبغي نسمعها .. يالله .. " شير ليها بيديه .. خزرات فيه و طلعات فحالها عاضة على حنكها من الداخل بعصبية .. امينة و اشرف تا هوما طلعو بدوون استأذان ديريكت لعند ساندي .. اما رجع شاف فوليد ..

- جلال .. " كيحك لحيتو " .. كيفاش قضيتك نتا .. مايشرفكش نسبنا ولا كيفاش!!

- وليد .." بتردد" .. احم ...حاشى .. انا لي كيهمني عبير ماتعانيش و بهاد الزواج نتا عارف مناش غاتعاني بلا مانقول لبك ..

- جلال .." ضرب ليه على كتفو" ..ماتهزش همها .." غمزو" .. بين هادو كاملين انا لي كنعرف ليها .. ماشي عاد غانعرفها ..

-عبد العظيم .. القرار خرج ماشي غير من عند جلال .. من عندي اولا .... جلال اكثر واحد غايعوض عبير و غادي يحافض علبها .. 

- حميد .." دار يدو علي جبهتو" .. و بنتي انا اش مصيرها من هاد اللعب ديالكم!!!

- جلال .. نتا عارف طبيعة العلاقة .. فين عمري كنت مزوج ببنتك .. فبن عمري كنت تنشوفها اصلا !! .. بنتك طلاقها غايوصلها و كيمة تلاقينا خوت نتفارقو خوت و نبينا عليه السلام من اللول هادشي ماخصوش يكون ..

- حياة .. فكرتي فبنتك؟؟

- رؤيا .." كانت جااالسة تتشووف فيه رؤيا و ماعاجيهاش هادشي .." .. علااش هو تيفكر فشي حد من غير راسو!!!

- عبد العظيم ..رؤيا .. حتارمي خووك ..

- رؤيا .. جدي .. سمح ليا غانهضر .. و انا تنحتارمو كثر من اي واحد هنااا. !! و انا مااا معاااه ما مع سااندي .. حيت عارفاااهم تا واحد ماعمرو بغا لاخر .. ونتوما سباب فهاادشي .. ولكن بهاد الطريقة راه جرحها !! و هاديك راه ختيي ..

- جلال .. دخلي سوق راسك نتي ..

من شووفة وحدة شاافها فيها جلال ..حنات راسها و مشات تتجري لبيتها .. حيت عارفاه اش يقدر يدير .. اما هو ضور راسو لحياة ..

- جلال .. بنتي الوليدة غاتبقى عايشة كيف ما ديما زواجي من عبير ماهايغير والو .. لي كيهمني انا هو عبير ماتكون لحد غيري .. ديروها فبالكم .. 

ناض هز سوارتو و الباكية تالكارو و خرج للجردة خلاهم كاع تيشووفو .. تا حد ما بقى قدر يدوي معاه ولا يقول لو كلمة زايدة .. اما هو جبد الكارو ديالو كيكمي و الابتسامة بدات تتشق طريقها لشفتو .حتى وقف عليه مراد ..

- مراد .."جبد تا هو كارو باغي يكمي" .. صراحة برافو عليك .. فينما بانت شي حاجة عليها القيمه .. كطير بيها..

- جلال .."شاف فيه بنفور و رجع ضور وجهو " ..غبر عليا كمارتك ...

- مراد .. " كيحك لحيتو .. زوينة .. و لا طاي .." عض على شفتو" .. صااروخ .. صراحة .. بغيت غا نعرف واش نتا ماكاتردعش!؟

- جلال ..." شاف فيه .." و جرو من قرفادتو غفلو ضربو بروصية لنيفو" .. هادي على الهضرة عليييها .حيت تحسباات عليااا اولد العبد و انا مااااشي زاامل لي تشووف ليا فمرتي .." عطاه روصية اخرى" .. و هادي على التزووميل لي مابغاش يحيد منك .. ...

رماه للأرض .. طلع و نزل فيه و رجع للقصر ..طلع ديريكت للجناح ديالو .. اما مراد ناض بانت ليه فازة فازة فدامو هزها و سرف بيها .. خذا تيليفونو و اتصل بمرتضى ... 

- مراد .. داها ولد الق***

- مرتضى..."بصدمة" .. كيفاش؟؟ كي دار ليها؟؟

- مراد .. راك عارف اساليبو .. مكيعاودش الهضرة زوج تالخطرات .. و لي قالها خصعا تنفض .." كيغزز سنانو بالفقصة" .. ماغاتبقاااش فيه ..

- مرتضى .." تعصصصصب" .. يااا ولد الق** كووون ما سديتيش تيليفووونك كنت غانورييك ااش دييير .. ولكن نتااااا .. ديييما نتسرررع ..

- مراد .. واصافي اصاحبي ..ماتكملش عليا كانت عيني فييها .. 

- مرتضى... كيعرف كيفاش يلعب لعبو .. و على اي اساس يلعب .. ولكن الخطة الجاية غاتصدمو .. 

- مراد .. شمن خطة !!!

- مرتضى .." ضحك بالجنب و شرب كاسو" .. ههههه تا تجي و ندويو عليها .. خصك تجي في أقرب وقت ممكن .. هادشي متيتسنااش بزاف...و انا منقدرش ننزل للمغرب ..

- مراد ..امم ..واخة .. تهلا. .

قطع الاتصال مع مراد و ضحك ضحكة من قلبو .. على الخطة لي ناوي عليها ..ماشي يلعبها على جلال وحدو .. على جلال و مراد فنفس الوقت .. و الغباء ديال مراد هو لي سهل عليه ....

اما بالنسبة لجلال فا قبل ما يدخل للجناج ديالو اتجه لبيت توليب .. كانت جالسة تدير لي دوفوار ديالها و مامسوقاش للعالم .. هي هكذا الكاراكتير ديالها من صغرها تال دابا فاش ولات عندها سبع سنوات ..تتجي من المدرسة و تتخشى فالبيت ديالها .. يا كتلعب فالتابليت ديالها ..!! يا كدير تمارينها .. أو تتمرن على البالي .. و لي تتاخد فيه دروس من عند اشهر المدربين .... 

- جلال .. ندخل؟؟؟

- توليب .." حطات القلم ديالها و ضارت عندو مبتسمة" ..ماي هييرو😍

- جلال .." لتح ليها دراعاتو" .. اجي لعندي الغزالة ديالي ..

- توليب .." نقزات عليه تا هزها.. باسها و رجع نزلها".. توحشتك داد ..

- جلال .. " عنكش ليها شعرها " .. اش كديري ؟

- توليب .. كندير لي دوفواغ..

- جلال .. امم .. علاش متتنزليش لتحت!! ماشي مزيان هادشي لي تديري ..

- توليب .. " عضات على شفتها بطفولية" .. بغيت نبقى بوحدي .. 

- جلال.." بصرامة" .. ولكن الماكلة غاتولي تاكليها التحت .. تفاهمنا ..؟؟

- توليب .." حنات راسها" .. اوكي داد ..

- جلال .. امم .. عارفة نتي واش المى كينة هنا؟!

- توليب .. شكون المى!؟ لا بخانسيس!

- جلال .." حرج راسو بالايجاب .." .. امم 

- توليب ... بصح ايمتاةجااات😍 توحشتهااا بزااف ..

- جلال ... راك دفنتي راسك هنا ابنت جلال .. شي سيمانة و هي هنا ..

- توليب ..هييييء

-جلاا ..." بغات تمشي تجري للباب و هو يهزها و حطها فوق النموسية " .. فين ماشية ابنتي الله يهديك!! تال غدا و سيري شوفيها .. 

- توليب .. اوكي داد.. غاتكون نعساااات .. ههه ..

- جلال .." باسها فجبهتها" .. يالله الغزالة ديال باباها وقت النعاس مابقات وقت قراية دابا ..

- توليب .. اووكي .. بوونويي .. 

باسها و خرج سد عليها الباب تالبيت عاد اتجه للجناح ديالو .. تلاح فوق الكانابي و كيحرك رجليه كيف دماغو تيتحرك فديك اللحظة... مقسوم على زوج .. بين ساندي .. لي حس براسو خصر معاها بزاف .. و بين المى لي قربات تكون ديالو .. هي من ديما ديالو واخة بعيدة عليه .. لكن هاد المىة غير كاع لي فاات .. هاد المرة بالشرع و القانون و قدام ااكل و هادي ابسط حاجة يديرها باش يكفر على لي دار معاها من علاقات محرمة .. و من ظلم ظلمها بكلامو .. و من نظرة ماهيااش خذاتها من عند اي واحد ..

قبل قليل .. في مقهى جنب البحر كيف ما دارت خولة مع علي بعد ما قدرات تقنع عايشة انها غاتمشي لعيد ميلاد صاحبتها و غاترجع بكري هادشي كلو بسبب الزياار الي مزيرااها باش ماتبقاش داخلة خارجة مع علي... .. يالله جلسات فالطابل ديالها و توقف عليها وحدة وجهها مألوف ..

-ثورية...ماتقوليش ليا معقلتبش عليا .. يا ختي دزتي عليا فالباب و تخطيتيني

-خولة .."مصغرة فيها عينيها" .. نتي!!!! .. 

-ثورية .. ههههههههههه ويلي يا صاحبتي انا ثورية ...

-خولة... "سلمات عليها بالوجه" ... ههههه ناري غبرا هادي يا ختي ..ريحيي ..

- ثورية ..كي ديرة !! و كيف ديرة المى .. !! يا ختي تنشوف افلامها .. تنتعجب ..عندها قوة خطيييرة على تخطي الااامها ..

- خولة ..اوا شنو غادير تدفن راسها ..

- ثورية .. كنت خليت ليها نمرتي و ماتاصلاتش بيا .

- خولة .. راك عارفة لي طرا لبها ماشي ساهل فين غاتكون عاقلة على النمرة فين حاطاها ..

- ثورية .. ويي بصح ..مااشي ساعل عليها .. حاملة و مخطووفة و ديك المرضة لي دازت عليها صعيييبة ..و البيبي لي طاح لبها هذا غير مشاكل اخرى ماعارفاهاش ..فغييمون ماشي اي وحدة تقدر تستحمل داكشي ..برافو عليها لي قدرات مزال توقف .

- خولة... " ابتسمات " .. هادشي لي قلتي دابا غير شوية من بزاااااف ديال مشاكل المى .. 

- ثورية ..يا ختي .بغيت غير نعرف اخبارها لكن والو ..فينها هي دابا .. عطيني رقمها مدام تلاقيت معاك ..

- خولة .. هههه علاه ماشي طلعات من عائلة الهيلالي .. 

- ثورية .." بصدمه .." ..شكون الهيلالي!! .. هااااكاااك .. لتقوليش ليا طلعات ختو دصاحبها!!!!

- خولة .." تكرشخات بالضحك" .. ههههههههههه لالا بنت عمو الحمد لله كون طلعات ختو مصيبة فشكل هادي ..

- ثورية ..'' تتحسبها بدماغها" .. ولكن كيفاش!! ياك هي ختك؟؟؟

- خولة ..اه ختي .. ولكن ماما كانت مربياها .. هوما واليديها البيولوجيين. .و عاد لقااوها و داوها لعندهم للقصر

- ثورية .. ااااه ..اوا هنية عليها لي شافتهم و مشات عندهم .. تيعاودو على داك القصر كلوووو خبايااا ..يا ختي كيقوولو دير فحال تاع قصص الأساطير .. 

.- خولة ..وايه .. قولي ليا داك النطع ديال خوك!! فينو .. 

- ثورية ... يا ختييييي ماتسولينيش عليه .. حيت حتى سميير ماعارفووش فينو ..و اصلا من داك النهار فاش هرب و خلاه ..ماتلاش حامل سيرتو ..هنانا من وجهووو ..صراحة سمير ماسي فحالو .. ولكن كيدير لي قال ليه ..مكيقدرش يرفض ليه طلب .. 

- خولة .. كون كون غا مات و هنى البشرية من وجهو .. يخخخ ..

- ثورية .. ههههههههههه ...المهم غبر علينا كمارتو من حياتنا ... تا انا هادي شهرين باش رجعت للمغرب .. 

- خولة .. علاش فين مشيتي!!!

- ثورية .." حنات راسها" .. بابا فاش عرف داكشي لي وقع .. دخل فأزمه .. و هزيناه لفرنسا ديريكت .. كانت خالتو صعيبة .. و ديناه يتعالج تما .. باقي تيتعالج و خليت دابا سمير هو لي مقابلوو..و هو لي اصر عليا نرجع .. على ود القراية لي ضيعت هاد العامين ..و تا الشركة هنا بقات يعني خصني نوقف على كولشي بيدي..

- خولة .. اااه ..الله يشافيه .. عطيني رقمك باش نتواصلو ...!

- ثورية .." كتبي عندك.... ملات عليها الرقم .." اتصلي بياا تا نتي ماديريش فحال ختك هههء ..

-خولة .. ههه لا ماتخافيش .. اصلا قرب عرسي انا و علي ... و بغيتك تكوني حاضرة بيان سوغ. .

-ثورية .. وايلي هههه اوا مبرووووك. .فرحت ليكم بزاااف

- خولة .. الله يبارك فييك العقوبه ليك ..

- ثورية .. امييييييييييين .. اجي بغيت نسولك .. تعقلي نهار اتصل بالهيلالي و جا .. كان معاه علي و واحد اخر .. تعقلي عليه!! داك الكوسطو قدو قد البغل!!

- خولة .. هههه محسن .. ايه مالو!!

- ثورية .. اش بغا يكون مالو ..غا سولتك عليه !! عندك نمرتو!!

- خولة .. ههههههههههه نمرتو بغيتي علي يحسن ليا بلا مااا .. اش بغات دير عندي نمرتو ..

- ثورية .." مابغاتش تبين .. لوات شفتها فاش بان ليها عالي جاي عندهم .. و فاش شافها و حقق فملامحهااا و عرفها ضرب مياةوحظاش فجبهتو تا ناضت وقفات .." .. احم ..يالله نخليك دابا ..نتشاوفوو من بعد .." ابتسمات لعلي و تخطاتو ...

- خولة .." خزرات فيه" .. ناري مالك ما گنفوورك خلعتي درية ..

- علي .." جر الكرسي بعصبية و جلس حط يدو على ركبتو و شد بيها فلحيتو" ..هاد خيتي من ايمنتا و نتي تتلاقاي بيها ..

- خولة .. من الآن فصاعدا ابب .. تا راني عاد دابا شفتها بالصدفة .. مسكينه كانت ففرنسا مع باها مريض .. .. 

- علي .. باستفسار ..''.. مقال ليك والو على الكلب ديال خوها ؟؟

- خولة .. سولتها قالت ليا غابر .. و تاوداك خووه لاخر محلف فيه حيت هرب و خلاه ..

- علي .. اممم .. 

- خولة .." تتلعب بخصلة من شعرها بدلع" .. دابا انا قدرت بزز نسلك من ماما .. و نجي نتلاقااا بيك و نتا روطاار ربع ساااعة فاللخر ندويو عليهم .. امم ..

- علي .." طلع فيها حاجبو .." .. انا ماعرفت راسي خاطب ولا مصاحب مع مراهقة فالاعدادي ..انا ديك مك خرجات ليا الگرون .. هاااودني غانتفرگع عليكم كاملين ..

- خولة .." ضرباتو بخفة لدراعو .." .. قنبوله نتا .. 

- علي .." كيشوف فجنابو .." اجي نبدلو البلاصة .." جرها لاتيراس .. لي جات فيها جلسة مقنته بالفوتويات .. ريح و جرها لعندو خشاها فحضنو" .. عندك شهر باش تقنعي مك ولا راك عارفه اش غاندير

- خولة ... هههههه اش فجهدك مدير كااع هههه

- علي .." عضها فودنها" .. تجربي!!؟

- خولة .. ههههههههههه لا بلاااش .. 

- علي .." .. حط يدو على جنابها كيدغدغها و هي تتلوا بين يديه " ..حق الرب لا غايجيبو لينا البوليس .. يا منحرفه ..

- خولة .. هههه تفو عليك .. كين شي منحرف قدك ..هههه

- علي .."زير على يديها " تفو عليا!؟

- خولة .. ههههههههههه لا عليااااا .. و الله الى عليا طلق ..

- علي .." طلق منها" .. خولة .. صافي ندويو بصح .. دوي مع مك .. شحال هادي ما ..

- خولة .." شمال هادي ما ااش؟؟؟؟مالك سكتي!

- علي .." جرها لعندو من الطول تالمونطو لي كانت لابسة .." من نعار شفتك عريانه قدامي و انا كنحلم بالنهار لي تكوني ليا و نقدر نقيسك و نشبعو منك 😉

- خولة .. شكون هو لي غاتشبعو مني!!

- علي .." حط يدو على راسو" .. تا تكبري و تعرفيه .. 

- خولة ... " خزرات فيه" ..دابا بنت ليك برهوشة!! كيفاش تا تكبري ...؟؟

- علي .. لا حاشة واش برهوشة ... نتي راه البراهش فهايمية عليك...

- خولة.. ياااك اسيدي .. واااخة اوا شوووووكرااااا ...

-علي .." جرها من القب لعندو" .. اري بوسة ..!!

- خولة .. " مزنفرة" .. هانعطييك بونية👊👊

- علي ..ههه .." سرق ن فمها بوسة و عضها فشفتها التحتية " .. غا ديال المااكلة الخوينزة ...

- خولة .. اييي ..قصحتيني ..

-علي ..وايلي على قصحتي .. علاه تي تقصحتي شفتي شي تقصاااح .. التقصاااح خليه لليلتوو .. غاتاكلي ماكلات .. خليتي سااكت احمبااك تقلبي عليا المواجع ..😌

- خولة .." بقات غا تتشوف فيه .." .. الله يستر ..زيد زيد وصلني ..

كيف العادة .. خولة و علي هادي مني هادي منك هي هبيلة و كثر منها صاايگ هبالها .. 

صبااح جديد كوولها و فين نعس .. شي نعس على الشوووك .. شي نعس مرتااح حبت فرگع الرماانة .. و كحلة العفطة نعسات مشكودرة من كثرة التفكير ..

فاقت ديريكت للدوس قضلت حاجتها و غسلات سنيناتها و كمارتها و مشات لبسات سورفيت .. طلبات قهوة جاتهااا تااال عندها و هي مزااالة راسها يلف و يدووور .. كتفكر فشحال من حاجة .. التصرف لي دار جلال كيعبر على. شجاعتو و عبر ابها كثر على انو اذا بغاها قدام النااس مكين لي ه يوقف فوجهو و هادي حاجة خلاتها تبتسم تلقائيا .. ولكن الحاجة لي ضرااها فراسها هي دوك الكوابيس لي من نهار دخلات للقصر حبسو ..هزات الفلوس و تيليفون حاتهم فجيبها و خرجات من جناحها كانت الدنيا تتصفر .. باينه كولشي ناعس .. خرجات للباركينغ و جا ااكارد لعندها تيجري عرفها غاتخرج .. حل ليها الباب تاللاوطو الكبيرة شاف فيها شنو لابسة عرفها غاتقودها عند جلال لا شافها هكذا ..لأن السورفين كانت بشورط قصير ماشي بسروال .. عطاتو العنوان فين غاديها ... وصلها و نزل حل ليها الباب .. 

- المى .. تسناني هنا ...

طلعات تتجري للمبنى لي كانت معتادة تجي ليه قبل سنين هادي.. للعيادة ديال الطبيبة النفسية ديالها ..دخلات لقاتها مزال ما جات .. جلسات فالاستقبال تتسناها تا دخلات .. ابتسمات ليها و دخلاتها معاها ..بدات معاها الحصة.. و عاودات ليها كااع لي وقع ليها من هادي عامين .. تاال دخولها للقصر و تحبسو عليها الكوابيس ... 

- الطبيبة .. غالبا العقل ديالك كانتيفكر انك ممكن تكوني بنت قصر .. و بنت ناس لباس عليهم .. الشيء لي خلاك تحلمي بديك الكوابيس لي كانو تيجيوك .. القلب تيعطي دبدبات للعقل ديال الانسان .. لانه نتي فاش تتكوني متمنية شي حاجة بزاااف كاتولي هاااجس عندك .. و بااغيااها بزاف .. تتولي تحلمي بيها من كثرة ما تتفكري فيها .. داكشي علاش كانو كيراودوك دوك الأحاسيس .. و بمجرد ما وصلتي للي تتحلمي بيه .. و اقنعتي بيه قدرتي انك تتخلصي من دوك الكوابيس .. 

- المى ..زعما!؟

- الطبيبة .." ابتسمات ليها" .. منضنش بلي ليها تفسير اخر .. احم .. و بالنسبة للعائلة ديالك الجديدة قدرتي انك تتأقلمي معاهم؟

- المى .. لا .. مقدرتش و ماعنديش ديك الفكرة انني اصلا نتقبلهم .. ماعندي ماندير بيهن ..انا بااغية منهم حاجة وحدة ..راك عارفاها ..

- الطبيبة .. هاداا موضوووع بووحدو .. و خصنا ليه جلسات طوييلة ..

- المى ..و احسن حااجة ماتكوونش دابا ادكتوورة لأني بصح ماعارفااش كيفاش غانتقبل الأمر .. خصوصا مع الوالدة ديالي .. مستحيل نتقبلها .. جانب مني باغي يوقف و يواجهها و يسولها كيفاش!! و علاش !! و كيداارت قدرااات تتخلى على لحمه حمرة و ترميها!! كيفاش و القطوط تيهزو ولادهم بفمهم و كيااكلووهم اذا خاافو عليهم بااش يخبييوهم فدااخلهم .. كيفاش هي قدرات!! انا فاش كنت حاملة.. كنت .. كنت كنقووول هو لي غايغير ليا حيااتي و واااخة مااشي شرعي كنت تنتسنااه بفاارغ الصبر لكن ربي داه قبل مانفرح بيه .." نزلتت دمعة حااارة على خدها في ساع مسحاتهاا" و الجانب الثاني مني .." طلعات فيها عينيها لي كانو حمريين " مابااغي يعرف عليها تاةحااجة .. باااغياااها ماتبقااااش مانشووفهااش مرة اخرى .. لدرجة نتمناااها تموووت .. تموووت قبل مانشوووفها من كثرة ما هاااادة فقلبي و كارهاااهاااا ..

- الطبيبة .. و فنظرك هذا حل!!؟ حل انك تهربي من واقعك .. ولا الحل هو تواجهيه .. انا كيباان ليا خااصك تنساي الجانب الأول تحيديه من تفكيرك .. و تخليك فالجانب الأول حيت هو لي غاتعرفي بيه الحقيقة و تواجهي مصيرك و حياتك و حتى ماضي والديك..

- المى .. " تنهدات" .. بصح!!؟ معرفتش .. حياتي كنحس بيها تتخربق فوق ما كنتفكر هادشي .. 

- الطبيبة ..اذا واجهتي مشاكلك عرفي راسك غاترتاحي .. غاتقدري ترتاحي ديك الساعة ..

- المى .. كيف قلتي هادشي خصو وقت طويييل باش نقدر نقتنع بكلامك ..ههه نتي عارفاني كنقتنع غير بهضرتك و كانتيق غير فيك .. ولكن دابا باغيااك فموضوع ااخر .."تتفرك يديها بتوثر" ..

- الطبيبة .." لاحذات حىكتها و ناضت من البيرو ديالها جلسات فالكرسي لي قدام عبير" .. عاودي ليا .. خودي راحتك !!

-المى .. " عضات على شفتها.." .. هاد العائلة لي تننتمي ليها انا عندهم قانون صارم .. هو ان البنت خصها تتزوج بولد عمها.. و اذا متزوجاتش بولد عمها .. تتولي تابعة لراجلها .. و ماتاتعاودش دخل للقصر .. ولا يشوفوها ..

- الطبيبة .. قوانين العثمانيين هادو!!ولا الصعايدة ديال مصر!؟ شكون بااقي كيدير هكذا..

-المى ..اه هكذا قانون العائلة ..المهم افاش جدي خيرني .. قبل مانقدر نختار واحد منهم ناض جلال .. لي ديجا قلت ليك كنت معاه ..

- الطبيبة .. بابات البيبي ..!؟

- المى .. اايه .. هو. ... هو قال لهم بلي باغي يتزوج بياا .. و بطريقة تحدا ليها العائلة كاملة ..

- الطبيبة ...على حد علمي هو مزوج!؟ و عندو بنيتة كيف ما قلتي لي !؟

- المى .. اه و هادي هي المشكلة... مزال ما عرفتشنو غاندير ..هو صدمني و اضطريت اني نبان موافقة .. 

- الطبيبة .. احم .. و نتي شنو حاسة من الداخل؛؟ موافقة ولا لا!؟

- المى .." تنهدات و طلعات فيها راسها"..انو يوقف قدام العائلة .. و يقول هادي ديالي انا و ماغانسمح لحتى واحد ياخدها من غيري .. هي ختارتني انااا .. كلامو خلاني نحس بالرضى. . خلاني نتخطى بزااااف تالحوايج لكن هادشي ماكافيش .. 

- الطبيبة .. شنو لب مكافيش!؟

- المى .. نضرة الناس ليا !؟ كي غاتكون!؟ 

- الطبيبة.. كلام الناس عمرو كان يهمك ..!!

- المى ..ههه قصدي ناس القصر .. تجريح .. مؤامرات .. كلام ورا ضهري ..نمسات فوجهي هادشي كلووو كانعيشو دابا وبلاااا مانتزوج بيه و اذاا تزوجت بيه اااش غايطرا .. غانولي فنضرهم الحفيدة الغير الشرعية و خطافة رجل بنتهم ..

- الطبيبة .." حطات يدها على يد المى و ابتسمات لبها" .. بعيدا عن كوني طبيبتك ... و كاااصديقة .." حطات يدها على قلب المى" .. تبعيه .. تبعي قلبك. .واخة كاع الناس تشوفك غلط .. تبعي قلبك لأول مرة و ماتحسبيش كولشي بالورق و القلم ..

- المى .. عمري ننسى كلامو .." حنات راسهت بخيبة امل" .. خيبلي ضني فيه. .

- الطبيبة .. على حسب ما عاودتيلي ..هو غاينسيك .. كوني اكيدة لكن اذا عطيتي لراسك فرصة .. الى كنتو تتبغيو بعض .. نتي سامحي ..و هو يسامح .. ماتنسايش تا نتي شنو درتي فيه شلا فعايل ههه ..

- المى ..زعما فنظرك نوافق!؟

- الطبيبة ..الى كان نابع من داخلك!!

- المى .. " تكات على الكرسي مدة و وقفات .." .. شكرا دكتورة .. تخليك دابا ..

- الطبيبة .. مرحبا .. " صافحاتها بابتسامتها المعهودة 

فهاد الوقت جلال فاق تحمم توضى و صلى صلاتو لي ماعاودش قطعها .. نزل للفطور .. باس لحياة راسها و بانت ليه توليب جالسة ابتسم ليها و عنكش لها شعرها مبانتش ليه المى .. ريح حدا توليب و..فتح تيليفونو وصلو فيساع فوكال من الكارد لي معاها و خبرو فيها بكاع تحركاتهم.. دور راسو مابانتش لبه ساندي حتى هي كانت غا مها تتخنزر فيه ..😑😂و شكوون فاق ليك من النعاس الالة مينه .. فكر فطورو براااحة راحتو عاد رجعوطلع للجناح ديالو .. صيفط وبا صوفيا قال لها تكلم ليه ساندي ..داكشي لي كان ..

ما هي الا دقائق و دخلات للجناح ديالو لقاتو جالس مشبح فوق الفوتوي .. و كيكمي الكارو ديالو .. شافها و هو يطفيه .. شير ليها تجي تريح ..

-ساندي ..دخلات لعندو" .. قالو ليا طلبتيني ..!! 

- جلال ..احم... زيدي ريحي ..

- ساندي .." جلسات قدامو .." .. هاني ..

- جلال ..." شير ليها تريح حداه" .. اجي هنا .. 

تعجبات من طلبو .. و هي لي كانت فينما تقرب ليه يصدها .. من كثرة ما نافر منها .. ابتسمات و مشات ريحات حداه .. حطات يديها بين ريجليها بعد ما ضامتهم و شافت فيه. .

- جلال .. " نزل راسو مكيشوفش فيها ..كيجمع لحيتو بيديه و يعاود يطلقها" ..ساندي انا عارف راسي غالط معاك يمكن ... خربقت ليك حياتك يمكن تا مابقيتي عارفة فاش تشدي .. هكذا دير انا.. بغيتك بغيتك ..مابغيتكش مبغيتكش .. ولكن غلطت معاك فشي حوايج تتبقاي مرتي ..مكانش عليا نتعامل معاك بديك الطريقة ولكن ااش غادير هكذا دير انا .. و ماغاديش نتبدل .. و نتي بنادمه مزيانه .. و ميمكنش ليا نخليك ضيعي ..راك بنت عمي ..ولكن القلب مابغاكش .. ماعندي كيندير 

- ساندي .." ابتسمات بالجنب " .. بعد ااش ..!!؟ صافي .. تا قررتي تزوج .. صافي غاتزوج بيها عاد جاي تقول ليا هاد الهضرة اجلال !!!

- جلال .. ساندي انا

مكانبغيكش .. و عمري بغيتك .. ماباغيش نكمل حياتي و انا كنشلض فيك كل نهار .. هذا اثم غايتحسب عليا و نتي هكذا ما مرتي ما تا وزة !!

- ساندي ...تا انا عمري بغيتك و مكانبغييكش .. ولكن .. انت كنت باغية نعطي لعلاقتنا فرصة .. !! ولكن نتا غاتزوج بييها .. كنت تتخووني معاااها و داابا غاتجيبها عليا ضرة ..

- جلال .." تنهد .." .. راك ماعارفه والو .. كينين شي حوايج نتي باقة ما فاهماهم ..

- ساندي .." ربعات يديها" .. شنو!! غاتقول ليا!! بلي كتبغيها!! هههه نضحك !! ههه مستحيل اجلال. . نتا وااحد اناني .. متتبغي حد من غير راسك .. متتراعيش لناس لاخرين .. عندك مبدأ واحد فالحياة ..تنا و من بعدك الطوفان ..

- جلال ..بلا ماتخوري الوقت ..خلبني مزيان ..

- ساندي ..شووف اجلال .." تقادات فالجلسة و شافت فيه" اه انا مكنبغيييكش و كنقوولها بأعلى صووت ااه ولا عمري بغييتك .. و كنت تنبغي واحد ااخر قبل منك و هو لي حضى بيااا .. و بقلبي .. ولكن انا غلطت و الانسااان بطبعو خطاااء .. شكوون نتا لي ماتسامحش .. انا حاولت ماشي مرة ماشي زوووج .. حاولت نتقبل الزوااج .. حاولت نخلي بيناتنا علاقة .. ااه حاولت نعس معااك غانقوولها بوجهي حمر حيت نتااا رااجلي ..حاولت و قلت يمكن بهاد الطريقة غاتبغييييني .. و غاتقدر تخليني نبغيييك !! ولكن ..ولكن مالقيت منك غير الصد .. الصد .. وااش عارف نتا باااش تتحس المرااا و هي تتلوووح راسها على رجل و تتقووول ليه بغييتك بغييت نعس معاااك و هو تيرفضها ..تنحس بالاهانة اجلال .. الاهااانه و كانننعاود مرة اخرى .. بلا مانمل ولا نكل حيت بغييييت تكون بيني و بينك علاقة .. بغيييتك تخليني نبغيييك .. بغيت نكن ليك ولو شوية تالمشاااعر فقلبي .. تخايل معايا وحدة فسني .. شنو غاتكون محتاجة!! من غير حضن .. قبلة كل صباح !! شنو غاتكون محتاجة كثر من واحد يوقف معاها و يحن عليها و يخليها تبغييه ولكن نتا ماعادينيش فرصة اجلال لو كااان عطيتيني هادشي لي باااغية كنت غانبغييييك .. .. علاش!! علااااش اجلال وااش انا خايبة لهاد الدرجة!! يا اخي حتى بنتي ماتانتقربش منها كثر ما تنتقرب ليك .،.😭😭 و نتااا في كل مرة تتقوول ليا سييير قودي مابااغيكش .. كل مرة تتذكرني انك مالقيتييينيش بنت فليلة زواجنا ..

- جلال .. هادشي عمرو كان عائق لعلاقتنا .. لي ضرني اساااندي و نتي عارفه مزيااااااااان هو كلامك ليا ديك الليلة بااقي محفوور فدماااغي علمتي على جلال اساااندي و هادشي واخة ندير عليه عين ميكاا تا نعياا .. كانرجع نتفكرو ..

- ساندي .." حطات يديها على عينيها" .. وا قلت ليييك غلطت .. انا .. كنت كنبغييه .. ههءهءهءه😟 كنت .. كنت اجلال ..

- جلال .. كنتي ولا باااقة ماعنديش مشكل .. هذاك قلبك و حطي فيه لي بغيتي .. انا لي بغيت نقول ليك هو .. انا قررت نطلقك .. و دويت مع الحاج فهادشي ..

- ساندي .." طاحت عليها هضرتو بحال السم " .. كيفااااش .. كيفاش تطلقني واش كدوي بصح!! اويلي اجلال.. ااااش غانقووول للنااس طلقت؛؛!!! ههءهءه لا اجلال هادي ماديرهاش ..؛! غانعيش حياااتي كاااملة بووحدي اجلال .. لا ميمكنش...

- جلال .." شاف فيها بصدمة''.. كنت متوقع غادوي على توليب!!! .. الناااس اسااندي !! خوووفك من كلام الناااس كبر من خوفك على بنتك ووباش غاتحس!!!!

- ساااندي .. بنتي .. ههههههههههه علاااش نتااااا راعيتي لبنتي!!! علاش نتاااا قلتي بنتك غادي تجرح ولا غاتعقد من طلاقنا!!!! علااااش خصني نفكر فكوولشي من غييير رااااسي علاااش ...؟؟؟ عااافاااك اجلال ماديرهاااش .. مااادبهاش و طلقني .. ماتخلينيييش هكذااا اجلال بوووحدي نتا عااارفني مكنعرفش نتصرف .. عارفني كيف ديرة .. و انا عااارفاااك كنت ديما وااقف فضهري وااخة ماتتبينش .. ماديرهاااش اجلال ههءهءهء😭😭 !!!

جرها لععندو عنقها ما عرفش علاش .. لكن حس براسو قسى عليها بزااف .. مؤخرا فاش جلس مع راسو و رااجع نفسو .. لقى بلي خربق ليها حياتها تا تلفات مابقااتش عارفه فاش تشد .. ..هز ليها راسها بعد ما شبعات بكاا و تنخصيص على صدرو...و شد ليها وجهها بين يديه و جبرها انها تشووف فعينيه ..

- ساندي .. " حركات راسها بنفي .. " .. ماتخلينيش .. عافاك .. 

يالله كان بااغي ينطق .. يالله كان باااغي يقوول ليها ماغانقدرش نبقى معاك .. لكن غاتلقايني بجنبك كولد عمك كخوك كصديق .. كان باغي يقول ليها قلبو مالكته وحدة لكن داكشي كلوو تبخر فاش دخلات علبهم المى .. طلعات و نزلات فيهم كلامو و الوضع لي كانو فيه خلاها تخربق من الدااخل .. تقرصات خصوصا انها جات مع اللقطة لي عنق فيها جلال ساندي ديريكت .. لسانها تربط .. حدها نطقات بنفور ..كي شافت ساندي زادت كحازت لعند جلال و تخشات فيه فاش شافتها و ابتسمات ليها بمكر و الدموع مزالين في عينيها ..

- المى .. مزيان لي راكم بزووج .. جيت ندوي معاك اجلال .. انا ماموافقاش على هاد الزواج .. مابااغاش نتزوج بيك و نتا ااااخر واحد نفكر نتزوج بيه ..انا عندي نختار أي واحد منهم .. لا ماشي اي واحد .. أنا غانمشي عند الحاااج داااابا و نقووول ليه يزوجني بمرااد .. أصلا نتااا شكون تشاااور معااك .. شكووون دااها فيييك .. شكووون قااال ليييك باااغية نتزوج بييييك ولا بااغية هاد الزوااج انا مستحييل نتزوج بييييك 

نطقاات كلامها بمرارة.. مرارة ملي شافتو .. ااه هي مرتو و من حقها يعنقها .. من حقها يطبطب عليها.. من حقووو يبووسها و يهديييها .. لكن بعييييد عليها هي .. لأن قلبها مابقاااش قادر يتحمل .. و فديييك اللحظة بالذااات تحطم و تحول لأشلاء ..تا هو صدماتو بمعنى الكلمة عرفها فهمات كووولشي بالمقلوووب و اجاا ميصلح ليها الدمااغ .. دخلات عندهم بدوون موجب شرع ..طاحت عليهم كي البرق لكن ماشي غير هو لي تصدم .. تا هب تصدمااات و من أعمااق أعمااقها .. بعد ما خلصات الحصة ديالهااا مع الطبيبة .. اتجهات ديريكت للقصر .. بغات تخبرو بلي موافقة على زواجها منو .. من اعمااق قلبها بغاتو و بغات هاد الزواج ..لكن حالفة تا تخرج منو ديك الكلمة لي قتلها بيها و خرج منها المى لي كانت تتخبيها على عيون الكل ..طلعات عندو و في نيتها تعطي فرصة لهاد الزواج وااخة يكون مزوج .. و اذا بها تتفاجأ بهاد المنضر!!! حسات راسها غاطييح في أي لحضة .. تمناات الأرض تنشق و تبلعها ولا تحط فموقف فحال هذا ..!!!

- المى .." غللفاات وجهها مرة ثانية بقنااع القوة و ربعات يديها تتشوف فيه بنظرة لو كانت قرطاس كانت تقتلهم بزوج ". .مالكم تتشوفو فيا ." ضربات بشعرها" .. عمركم شفتو الزين ؟؟ " ابتسمات بالجنب و شافت فساندي" قنعي راجلك الغزالة يبعد عليا .. و ملي نتا و يااها تتباغااو لاش دير ليا الفارس المغوار !!!

- جلال .." طلق من ساندي و ناض وقف .. كلامها ضربو للأعماق .. هو من جهة تيحاول يفضي علاقتو بساندي على ودها هي بااش مادخلش ضرة على وحدة اخرى .. باش يتفرغ ليها هي و كيف ما كنقولو يكون غير ليها .. و من جهة هي لي دخلات اصلا قبل ماتشوفهم مقرروة تسممو بكلامها طبعااا ..خسر عليها كلمة وحدة .. كان باغي يعطيها طرحة تالعصى .. لكن قدام ساندي ميقدرش تا يغوت عليها بااش ميحرجها قرب ليها و دااا معاهااا بالحس".. غاااتمشيييي لبيتك قبل مانرعف ملة مك على هاد الهضرة 

خسر عليها كلمة وحدة .. كان باغي يعطيها طرحة تالعصى .. لكن قدام ساندي ميقدرش تا يغوت عليها بااش ميحرجها قرب ليها و دااا معاهااا بالحس".. غاااتمشيييي لبيتك قبل مانرعف ملة مك على هاد الهضرة ..

خزرات فيه و عينيها تيخرجو شرااار ..ضربات كتفو و خرجات تتجري .. ماغاتلاقى غير مع وليد جاي من السبور ..شاف فيها باستغراب و شاف فالجناح تاع جلال .. ..بغات تخطااه هو يشد لها فيدها

- وليد.. شكنتي تديري هنا؟!

- المى .." كدوي بالسيف عليها .." .. عافاك خليني نمشي للبيتي عافاك اوليد ..

- وليد .." زير عليها " ..بتي عندو ولا كيفاش!؟

- المى ...طلعات فيه عينيها مخنزرة" ..شهااد الهضرة!؟ عارف راسك ااش تتقول و لا لا!!!! هذا حال وحدة بايتة عند شي واحد!؟

- وليد .." طلع و نزل فيها و طلق منها" .. اوا. و مالك!!!" .. 

- المى .." عضات شفتها بنفاذ صبر" .. وااالو اوليييد .. بغيت غير نرتااح حاسة براسي عيانه ..

- وليد .." ربع يديه و شير ليها تمشي لبيتها" .. يالله خود راحتك ..

كملات طريقها للجناح ديالها .. كانت مغززفة و معصبة .. ضربات بالباب و تبعااتو ديكور كان محطوط حدااه هزلتو و خبطات بيه و ماغاتبااان لبها غير الطبلة ديال الماكلة .. و مع نيت هي تا الزااج .. هزات كرسي خبطااتها و غووووتاااات بحر جهدها و دفعاتها و الزاج تيطير من هنا و من الهيه كانت تتنفس بعصبية و نفسها ممنتضمش ..غمضات عينيها و حطات عليهم يديها .. مشات ربحات فوق الفوتوي و مزالة على نفس الوضعية .. مارضاااتش و لو لقاات الأرض تنشق و تبلعها لأنها فعلا كانت فموقف حرك ..

#المى .. 

داخلة علبه هو ومرتو ..شنووو كنتي باغية تلقاي... ااااخ يا ربي و انا لي جاية ناوية نقووول ليه مواافقة بوجهي حمر .. هههه لا و الزويينه كون قاابلني بقمعة ..! من نييييتك المى .. من نيتك باااغية تزوجي براجل مزوج .. و ديري الضحك فراسك .. ااااخ فيين عقلك فييين خليتييه .. بعد المرات كاتغابااااي .. لا لا كلووو كووووم و العوووجةوكيف كاانت تتشوووف فيااا كوووم ثاااني .. ااااااعععع.." دفعات الفازة برجليها " ...

اما جلال .. يا ويلي من جلال .. ضور بشووفة وحدة فساندي ..

- جلال .. نوضي لبيتك ..يالله ..

- ساندي .." بغات دير فيها واعرة و قربات ليه" .. شفتي هادي هي لي باااغيها تكون مرتك اجلال!؟ بغات دور على كاااع ولاد العائلة .. ماكفيتيهاش نتا و بغات تدووور على مراد .." حطات يدها على صدرو" .. علاش مصر تزوج بيها هاي جات و قالت لك ماباغاكش ..!!

-جلال ..."شاف فيها بحدة قبط لها على معصمها زير عليها حتى تاوهات" ... غادووري تقودي عليا من هنا .. والا نقسم فمي بالرب تا وجهك غاتصور فداك الحيطة.. و نيمع ال***لي گالها ليك تعاودي دوي فيها لسانك نجبدو نعلقو ليك فودنيك .. سمعتي ولا مسمعتيييش. .

دفعها للور بقات غا تتشوف .. غا من هضرة عليها و شووف كي تقلب عليها .. دورات وجهها و خرجات بلا ماتجاوبو... اتجهات ديربكت لاجناح ديالها لكن فجانب من نفسها فرحاانه تن المى شافتهم فديك الوضعية و هادشي من صالحها هي .. 

- ساندي .. " جبدات كارو و بريكة منوجيبها دارتو ففمها" ..مزاال لي جااي احلى تسناااي عليااا .. ههههههههههه

- حياة .." كانت وراها ربعات يديها و تقدمات لعندها" ..ياك لباس تدوي مع راسك!!!

-ساندي.."قفزات حيدات الكارو من فمها و حطات يدها على صدرها .." ..اححي ... خالتي ..ههه .. 

- حياة ..."طلعات فيها حاجب و نزلت لاخر " شكون هادي لي تسما عليك !! لمن تتنبري!؟

- ساندي .." تتحك جنابها" .. اا .. احم .. تا حد اخالتي ..

- حياة ... امم سمعتك بودني .. هي وذني تيكذبو!!على العموم .. حاولي تقطعي داك الزبل .. نعار و مطال و نتي تفي .. جلال و كيكميش قد لب تتكمي نتي ..و حاولي طلي على ديك البنت خطرة خطرة!! راك أم يا حصرة ولا نسيتي ..

- ساندي... احم ..راه اخالتي ..

- حياة .." وقفاتهت بنفور" .. هضرتك الخاوية معندي مندير بيها انا لي تنعرفو المرااا لي عندها الدراري تتفرغ لبها و تخصص وقيتة فااش تهتم بيهم و تربيهم .. و نت شنو تديري بااش تليقي تكوني ام لديك البنية؟؟ هادك البنت رباات راسها برااسها بعد المرات تنحس بيها فحال لا يتيمة .. متتعرفيها كلات ولا شربات ولا نعسات و لا تغطات .. اااش هاد الاهماال لي وصلتي ليييه اسااندي ..

- ساندي .. راه غير متنساليش اخالتي اما نجلس معاها النهار كاامل ..

- حياة .." طلعات حجبانها معجبة فيها" .. علاه ابنتي شنو تديري نهار و مطال و نتي ناشرة رجليك نتي و داك خووك .. !!!شنو تديري من غير تدوري بجلايل عبير .. من نهار جات و نتي واقفة لها عالقرس ..!! يصحابلك ماراداش الباال ولا مكنشووفش!!! كنشووف و كنعرف شنو كيطرااا فهاد القصر كااامل ..و الحااج ماعاجبيتوش فعايلك .. و داكشي لي كنتي تديري من مور راجلك .. كااااع خبارك وصلووه .. و داكشي علاش أصر انو يزوج جلال لعبير حيت نتي مامناسباش ليه ..

عطاتها و الضهر و مشات خلاتها واقفة بحال بلاكة تالسطوب .. لاحت ليها دوك زوج كلمات لي مزادووو جعروووها ..و دخلات لبيتها مغددة .. فالوقت لب كانت حياة غادية فيه لعند جلال تعرف منو شنو واقع .. كان هو خارجة حيد عليه القبية لي كان لابس و بقى بالسروال و شااافتو قاااصد بيت عبير .. ضرباتها بجرية وقفات قدامو ..

- حياة .. اويلي حي .. جلال تا فين غدي هكذا صاعر !!!

-جلال .. " غمض عينيه و عاود فتحهم" .. الوليييدة حيدي من قداامي الله يرحم بااك .. خليني عليك هاد الساعه .

- حياة .." شدات لو فدراعو" .. اويلي قووول ليا غاا شبااغي دير .. حالتك ماااشي ديال نخليك ..

- جلال .. اااش غاندير .. غانهرس ليييها ديك الراااس القاااصح. ... غاخليي دااار عشتها .. حيدي الوليييدة الله يحفضك ..

-حياة .." مشات جهة الباب و دارت عليه يديها بزوج" .. اوالله لا دخلتي و نتا فديك الحاالة . واش شفتي راسك غا شووفه فيك تخلع ...

-جلال... لو كانت تتخلع لبااس عليها بالحق باللرب يااتااانخليها تشووفني و تخلع .. هادشي مكنتش باغي نوصل ليه بالحق ماغاتردع تا نهرس لمها راسها ..

- حياة .. و فنضرك هذا هو الحل تا مااالك كولشي عندك بالعنف ماالك

جراتو من يدو بعدو على الباب تالبيت و هو غا ينفخ و يصوووط عرووقو خرجوو و عرووق عينيه كثر مزير على عصاابو غا بالسييف قدامومو .. اما كون وصل لشي مااصل من بعد ماغايصرووهش ..

- حياة. . يجي اولدي نعل الشيطان .. و قول ليا مالك معاها .. اش دارت ليك تا جعرتي هكذا ..

-جلال ..گوولي اش مدارتش .. انا نجي نگادها من هنااا .. تعواااجها من هنااا .. راك شفتي على عينيك الواليدة وگفت قدام الحااج بنهار و وگفت قدام العائلة كاملين لحتها فوجاهم .. گلق ليهم هاد الويلة ديالي و محسوبه عليا جينا نديرو المزياان معوساندي قبل لا نطلقها و هي دخل ..

لالة المى كانت تتصنط و من سمعات حس حياة و جلال و هي حااطة وذنيها على الباب .. مع ديك نديرو المزيان مع سااندي هي فتحات الباب مخنزرة و دمها كيفووور ضارت عندها حياة مصدوومه ..

- المى .. ياااحبيبي .. ديييير معاااها المزيااان فالتعناق و ماح مااح و ماااتخلينييش اجلال عافاك و التحلوبيين ديال بناات ال ..ااااغععع .. ماتعااودش تجييي حداا باااب بيييتي فهمتييي ..

ضربات بالباب و خلاتهم تيشووفو فبعضياتهم حياة جاها الضحك فديك اللحظة اما هو شاف فحياة بديك النظرة ديال شفتي اش قلت ليك راسها خصو يتهرس تا هي فهماتو زيرات على يديه ووحلفات لا طلقات.. 

-جلال ...حيدي الوااليدة الله يحفضك ..حيدييي .. 

- حياة.. ايماا ايماا ...اولله تا تمشي تبدل ساااعه بخرة و انا غاندوي معاها ..

- جلال..." الدخاان قرب يخرج ليه من ودنيه .." .. شفتي احيااة فاش نهرس لملتها راسها ديك الساعة دخلي داويه ليهاااا ..

- جلال..." الدخاان قرب يخرج ليه من ودنيه .." .. شفتي احيااة فاش نهرس لملتها راسها ديك الساعة دخلي داويه ليهاااا ..

- حياة .. هالعاار اولدي عافااك دابا تكسر كلمتي ماسااوية عندك اناا واالو يااااك اجلال ياااااك ...

- جلال .." تنهد بعصبية و شاف فيها'' .. كلامك على الراس و العين و الحنينة ولكن هاد راس الطنغ الى ماتهرسش ليها ديك الراس غاتزييييد تدلي رجليها ..

- حياة .. اويلي اجلال وااش تسطيتي واش نتا الدرية باغي تزوج بيها صحة على كولشي و تجي تشوفك مع مرتك راه مغيعجبهاش الحال واخة تكون هي غالطة فديك الاحساس لي حسااتو ... 

-جلال .." حط يدو وحدة على جنبو و الثانية على جبهتو كيحكها بعصبية و ينفخ و يصووط".. واخة الواليدة وااخة .." جا يمشي" .. طلقي اكياة الله يرحم بااك طلقي .. 

- حياة .." نطلق و حق ربي و مشيتي ليها ما نتاا ولدي مانا مك .. 

- جلال .."فاش طلقات منو عض حنكو من الداخل بالسيييف باااش مامشاش ليها .. يالله كان غادي فحالو حتى رجع وقف قدام حياة" .. غا على ودك اما بربي بقلت فيها ..نشوفو هاد قصوحية الراس فين غاتوصلها ..نوريها تختار مراد .. 

- حياة .. ههههههههههه قوول نتا على هادشي جااعر احياااني ..

مجاوبهااش ..مشا و خلا عجاجتو وراه الله يحضر السلامة كون دخل ليها كون رضها عجينه ..

- حياة..." شدات فراسها" الله يهديكم و خلااص ..طبختو ليا راسي...

كاااع داكشي لي قال جلال سمعاتو و داز على ودنيها 😂طريقة هضرتو جابت ليها القفقاافة .. كانت جالسة و التوثر مخربقها .. مازاالة ماعارفاش كيفاش غاتعامل مع الوضع كيفاش غادير فينما دخل عندو تبان ليها ساندي جالسة عندو 😑 و نو كيوااسي فيها .. ماساهلاااش الوحدة منا تزوج رجل مزوج و عندو بنت .. و الطامة الكبرة انها غاتعيش معاهم فنفس المكان و هادي حاجة مخليااها منرفزة اولا حت غاتولي تشوفهم بزووج و هي رايدااه ليها وحدها..و ثانيا من نضرات النااس لي فداخل داك القصر .. خايفة يشوفوووها بنضرة خايبة كاخطاافة رجال .. و هي اصلا ماموافقاش على هاد الزوااج كون ما الطبيبة لي جملاتو فنظرها .. واخة فقرااارة نفسها ميته عليه .. لكن فضرووف احسن من هادي ... كانت سااارحة حتى سمعات الباب ديال الجناح تاعها كيتدق .. 

-المى .." ناضت وقفات" ..شكووون ..

- حياة .. هادي انا اعبير. .خالتك حياة ..

- المى .. " رجعات ريحات " دخلي ..

- حياة .." دخلات سدات الباب موراها و اتجهات لعندها". . انا قلت نجي نشوف مرات ولدي و نجلس معاها شوية الى سمحات ليا ..

- المى .." ابتسمات ليها" .. مرحبا بيك .. اجي جلسي .. غير هي ديك مرات ولدي بلاش منها عافاك ..

- حياة .." جلسات حداها .." ..عارفاك غاتكوني مخربقة فعقلك .. داكشي علاش جيت عندك نريحك نوعا ما الى قدرت..

-المى. ..." تنهدات" .. مخربقة بزااف .. الموقف لي انا محطوطة فييه صعييب بزاف. ..

- حياة ... " حركات ليها راسها بالايجاب" .. عاارفة .. عارفة مزيان اش تتقولي. .شوفي ابنتي .. اول حاجة غانقولها ليك بعيدا على حالة اصلا .. هي ان جلال بصح حسيتو باغيك .. فزواجو بمرتو الاولى مكانش مهتم .. قال لو جدو غاتزوج ببنت عمك تزوجها و صافي سالات الحفلة .. ماكانت تا حااجة مميزة .. لا هو فرحان ولا هي فرحانة .. لكن دابا ..انا حاسااه باغييك .. من طريقتو فالهضرة باان لي فرحان وااخة معصصصب و لكن معصب من كلامك .. فاش قلتي ليه غاتختاري واحد اخر غيرو .. من نضرة عيينو باان لي بصح محتاج هاد الزواج .. ااه جلال عصبي .. يدو سابقاه !! .. بزاف تالمرات مكيعرفش يتعامل مع العيالات و الى تعصب اجااا ما طفااه .. لكن قلبو نقي و حنين .. لو كان تشوفي كيفاش تيتعامل مع ختو غاتفهميني .. حنين لأبعد الحدود واخة مكيبينش ..خصك غير تسمعي كلامو و تسايسيه .. عرفتي رجوى فاش كانت تتعاندو كان تيعطيها قتلة تالكلاب ... لكن بمجرد ما طاوعاتو و ولات لي قال لها تقول لو ايه .. ولات على قلبو كي العسل .. مكيرفضش لها طاب .. لدرجة هو زوجها بيدو من لي باغيااه واخة ماشي من العائلة وقف معاها تا دخلات لدار راجلها ..

- المى .. " تأففات و دورات وجهها" .. نتي غير جاية تمدحي ليا فولدك اخالتي .. انا ماشي هي ختو رجوى .. انا وااخد تحدي يعاندني بهاد الزوااج و صاافي..

- حياة .." قربات لها و شدات فيدها" ..تت ..غير كيبان ليك ..واش لي واخدها عناد كيف تتقولي غايتعصب لهاد الدرجة !! شفتي و تبداااي تحني عليه و الاه تا يشد ليك الخاطر 

- المى .." طبطبعات على يد حياة" .. خاالتي ولدك مكيرضااش ..مكيبغييش شي حد يوقف فوجهو داكشي علاش تعصب .. و زيدووون.. انا وضعي مختلف .. ماغايشدش لياخاطر واخة نكون تنمووت انا عارفة .. 

- حياة .. جربي نتي شدي لو الخاطر.. انا عارفاكم كنتو تتعرفو بعضياتكم من قبل .. ولكن معرفتش طبيعة العلاقة لي كانت بيناتكم حيت هنا ديما تتبانو ليا تتخنزرو فبعضياتكم .. ولكن جربي نتي شدي لو الخاطر و غاتشوفي .. زائد انا قلت لك كنعرف ولدي مزيااان و هو بااغي هاد الزواج...

- المى .. حايرة بزااف اخالتي و الله ..مخربقة ..

- حايت .." شدات لها يدها لعندها و طبطبات عليها" .. نتي ماشي حايرة .. نتي خايفة .. كونك غاتزوجي راجل تزوج و عندو بنت .. هادي حاجة خالعاك .. و خصوصا انك غاتعيشي مع ضرتك فنفس المكان و هادي تا وحدة ماغاتبغيها .. احساس خايب .. لكن فكري و حطي بين عينيك .. ان جلال فارق بيتو معاها.. و من زمان ماتجمعو .. يعني اذا تزوجك غاتكوني نتي الكل فالكل .. خصوصا انهم مكيبغييوش بعض ..وجامعاهم غا ديك البنية .. 

- المى .. " صعرات فيها عبنها".. فارقين الفراش!!! و كيفاش انا شفتهم بزووج فبيتو!!

- حياة .." ابتسمات ليها" .. هه و هادشي علاش نوضتي هاد الروينه كاملة حيت شفتيهم فبيتو .. الالة هو بااغي يقنعها بالطلاق بطريقة زعمااا ختامها مسك ..مابغاش بقصح معاها الهضرة .. و زيدون ديري فبالك وااخة يكوون لي كان هي بااااقة مرتو و نتي خصك تفرحي حيت ختارك عليها ..

- المى .." عضات على شفتها" .. و ديييك بااقة مرتو لي فاقصة ليا مرارتي مااارضيييتش ندخل على ضرة 

- حياة .." شدات رايها" .. اللهم طولك يا روووح ..هانتي قلتيها دخلي على ضرة ماااشي دخل عليييك ضرة يا هاد البنت تي مالك مصعبااها على راسك راني عارفاااك تتبغييه و ميتة عليه و هو كثر منك راه ولدي و انا عارفاه سمعييي كلامي راه لي فااتك بليلة فااتك بحييلة ماشي ديمة نتي مطيورىة .. يعطييكم حرييق البوولة طبختو ليا راااسي .. نوضي جيبي ليا كينة تالرااسو نوووضي .. 

- المى .." شافت فيها باستغراب لانها دخلاتها دخلة وحدة مجهدة 😂 لكن عجباتها على الاقل وجهها مبشوور و مبينش عليها الدغل .." .. ههه واخة ..

مشات المى جابت لها كينة ديال الراس عطاتها لها شرباتها و بقات تتشووف فيها .. كيفاش هاد السيدة مو ديال داك الجغل لي مطوفها هادي سنين ..سيدة خمسينية ديرة الحجاب .. و جمالها جد عاااادي و طبيييعي محافضة عليه وااخة كبر السن .. خذات من عندها الكااس و هي مبتسمة حطاتو فوق الطبلة ..

- حياة ..اجي نسولك و لاديريهاش مني قلة صوااب راني بحال ماماك!!

- المى .." ابتسمات لها" .. سولي..

- حياة .. كاتكمي!؟

- المى .. ههههههههههه لا مكنكمي مكانشرب ..

- حياة ..اااه فرحتيني .. الحمد لله ..الحااصول .. عرفتي اش غانقوول ليك ديري دابا .. من هادشي كلمل .. غاتنووضي تصلي صلاة الاستخاارة و لي فيها الخير ربي غايجيبها ليك ..

- المى .." حنات راسها بلا متجاوبها" ..

- حياة ..ياكما تا ناي متتصليش!؟

- المى. ..." حركات راسها بالايجاب .." .. اه. .

- حياة .." شدات فراسها" ..الله يا ربي لي درتو مع المتعووس نعاودوو مع خاايبة الرجااا🤦

ختارت حياة انها ماضغطش عليها و مدخلش الموضيع فبعضها .. لكن قررات انها دوي معاها على الصلاة فيوم ثاني تكوون فيه اليز .. باش متحسسهاش انها باغية تمارس عليها نوع من السلطة .. خلاتها على رتحتها و حاولتت تقنعها غير انها تساااير جلال واخة هي لي فيها ما هنلااها ساايراتها و خلاص اما لي فراسها فراسها. . بعد ما خرجات حياة من عندها و واعداتها انها تزورها فالقريب حيت هوما عندهم داك القصر كي شي مجمع سكني😂 ..كلها و شاد دارو ..اتجهات ديريكت للبيسين نصلات حوايجها و بقات بدو بياس ..تلاحت فالبيسين تبرد ناار الغضب لي فييها ..

....

بعد مرور حوالي ساعتين .. بعد ما كلات السباحة ديالها طلبات غداها لبيتها تغدات و كانت جالسة فالتيراس ديال الجناح تاعها .. حتى سمعات الباب تحل .. دورات رايها بان ليها كحل العفطة ديال جلال ضرب الباب و دخل مخنزر ..ضورتوالكرسي تتلعب بيه .. كانت لابسة بيجامة شورط و ديباردور ساتاان رطيطبين .. طلعات فيه راسها لقاتو عاقد غوباشتو ..

- المى ..مالنا!!!لاش جاي !!

- جلال ...جاي نكويك عندك شي مانع!؟ 

- المى .." ناضت وقفات " ... واش مناويش تعطيني تييقاار واااش مباانش لك بلي عيقتي !!

- جلال .." جبد من جيبو تيليفونو".. بلا مانخرج اك كماارتك فداك الحيط ..هاكي شوفي هذا و زمي عليا دلقوشك " مد ليها التيليفون كان عبد العضيم تيدوي و يقوول ان عبير لجلال فقط و هو لي غايتيق فيه انو يحافض عليها و يكون بيييتا و يكون ليها السند و الضهر.و كلامو كان موجه لمراد"..

- المى .. و اللهي انك غلطاان الحااج ههه ..للأسف ..

- جلال .." خذامنها التيليفون بنطرة و خشاه فجيبو .." كلام الحاج مكيطيحش للأرض. . يالله كوني ..

- المى. . انا غانعطيك واحد الحل زوين لينا بزوج .. مدام طلب جدي مكيترفضش .. غانتزوجو .. واخة انا موافقة .. لكن غانبقاو عادي ماشي كيف زوج مزوجين .. لا تقرب ليا لا نقرب ليك .. تبقى بعيد عليا تماما واخة نكونو فنفس البيت .. تكون عندك حريتك و تكون عندي حريتي .. يعني الا بغيتي شي وحدة و بغيتي تزوج بيها يكفي انك تعلمني باش انا نطلب الطلاق من جدي و نخلي ليك المجال .. هذا هو شرطي .. 

- جلال .." عض على حنكو من الداخل هضرتها قصحااتو و مكرهش يضرب لبها راسها بالحيط لكن مابينش .. حدو تبسم بالجنب و نطق كلامو بعصبية " .. توتوتو .. انا ندير ما بغيت .. عندي الحرية الكاااملة .. ولكن نتي .. ألااالة غاتكوني مرتي غصب او بالخاطر غااتحمليييي منييي و تولديييي ولااادي اناا ماااشي وااحد .. لااا و ماااشي زووج .. ماغانحسبهممممش ليييك .. غاتولدييييهم كثااار نتيييي كاتفهميييي .... ديلمك عيقتي بزاااف وليتي تتشرطي و تآمري .. بالرب المعبووود اعبييير و مالزمتي تردعتيييي ياالملتك عينيك نجبدهم غانعلقك فالدخلة تالقصر ابنت كمال .. منسيتش ليك ولدي لي كون كاان دابا عاايش كووون راه كيكبر فحجر باه ... و ديك الساع تفكري ذكرياتك على خاطر خاطرك .....

كي سمعات كلمة ولدي منو قفزات من بلاصتها على ذكرى واحد الفترة تألمات فيها و خرجات منها غير بالسيف .. حتى هو حس انو حك على الدبرة .. غمض عينيه كيلعن فراسو و اسعتغفر الله من كلامو لي مكيحسبش ليه حسااب تا كيخرج ..ولكن هي لي جابتها في راسها و حطات راسها فالنخالة .. لوكان مكانتش طماعة و عينيها مايملاها الا التراب مكانتش غاتوصل للحاالة لي راهي فيها..يمكن مكانتش ااتلاقى بيه اصلا ولا تعرفو هادشي لي جاها فباالها فديك اللحظة..

- المى ..كاديرها بلعاني ..."صفقات بالجهد" ..برااافو .. كاتقدر تدمرني بكلمة وحدة كانحاول جاااهدة ليل و نهااار ننسااها .. شكرا بزاااف ..

- جلال .. " ماابااغيش يبين ليها انو تألم لألمها ..." نتي درتيها لراسك .. لدرجة ولات اي كلمة كاتخلي اثر سلبي عليك من كثرة ذكرياتك المخريين اعبيير ..

- المى .." جلسات على الكنابي كاتحاول تهدي راسها" ..انا ميمكنش ليا نتزوج بيك اجلال..صافي الله يخليك بعد عليا .. عييت بغيت نرتاح شوية يالله لقيت عائلتي .. و قلت غانعيش دابا بخييير فخييرهم ووحد ميتجمل عليااا.. ولكن انك تكون منهم فاهادي حاجة لي ماشي مزيانة ليا .. و ان جدي يقرر زواااجك مني هااادي حاجة قهراتني .. ميمكنش ليا نتزوج بيك .. ذكرياتنا بزوووج ماشي زوينين .. و مايليقوش يكونو بين زوج مزوجين ..ضحكت عليك و ضحكتي عليااا. ...يعني انا وياك متصافيين فخداع بعضنا ..

- جلال .." جلس قدامها" .. توتو ماضحكتيش عليا .. خلييتك ضحكي عليا و تكملي الدور ديالك مع الكلاب لي ضحكوو عليييك .. ولكن تطعنيني فضهري و تقيسي بنتي هادي كفراتني عليك و حمدي الله لي مقتلتكش .. حيت شفعات ليك غير التضحية اللخرة لي درتي على ود توليب و مخلبتيهااش بوحدها وااخة مكاتجي والو قدام غدرك و واااخة ضيعتي ليااا فيييها ولدييي .. " تبسم بالجنب و نزل راسو كيحكو بعصبية " .. كانت عندك مكانه عمر شي بنت الق** حلمات بيها ..ولكن " شاف فيها بعيون الصقر" .. بتقحبينك ضيعتيها .. 

- المى .." حطات يديها على جبهتها" .. انا مطااالبة منك حتى مكااانة و ماتنساااش انك تا نتا كذبتي عليا .. و صدمتيني بزااف .. مكانش عليك تخبي عليا بلي توليب بنتك .. مكانش عليك تخبي عليا واش راك مزوج ..

- جلال .. " حط دراعو على ركبتو و سنانو كيعضة فاللحم ديال فمو من الداخل " .. معمرك سولتيني شكون توليب .. علاش غانجي نگول لك شكون هي ..." ناض و هز الباكية تالكارو ديالو " .. من هادشي كامل ..عرسك غايكون كيف تمنيتيه.. غايجي منضم الاعراس تال عندك و نتي ختاري ما بغيتي .. " شاف فيها باستهزاء باغي يستفزها" ..و ختاري أغلى حااجة .. عارفك تتوفاي على الغلا ..

- المى .." وقفات قابلاتو'' .. لي جا عندي غانجري عليه .. كاتفهم .. و ماغانشوف لا منظم اعراس لا زمر...

- جلال .." هز كتافو غير مهتم" .. امم واخة انا غاندير كولشي على ذوقي ..اوكي بيبي. " ضربها بصبعو لنيفها" ..

- المى .. انا ميمكنش نتزوج بيك .. ميمكنش نكوون ضرة .. كاتفهم ماغانكووونش ضرة على وحدة ثانية ..

- جلال .." ببرود أعصاب .." ..غاتكوني ضرة .. غاتدخلي ضرة اعببير ..و لي بغييتو انا هو لي غايكون 

خرج و خلاها بحال سرفقتيها .. قلبها كان كيتقطع لأشلاء .. جلسات و عينيها عامرين دموع لكن كيف العادة ماغاتسمح لحتى دمعة انها تنزل .. خلاتهم حبيسي جفونها .. صدرها كيطلع و ينزل بعصبية .. اكثر حاجة ممكن تجرح المرا هي ان الانسان لي وهباتو قلبها فيوم من الأيام طعنها و عطها أكبر كف فحياتها .. و صدق مزوج قبل منها ااه تا هي عطااتو كف و كفووف هوما لكن كانت مجبوورة ..فاش قررات انها تنسحب لواو لها يدها تا حااجة مكانت بخاطرها .. .. خانتها دمعة وحيدة نزلات بالخف مسحاتها و مشات على عينيها .. لكن هيهااات هيهااات الدموع نزلو دمعة مور دمعة و كل دمعة كدوووز على خدها فحال لاسيد كتحرقو .. 

- المى .." تتحاول تمسح دموعها" .. خءههء .. لالا ماشي دابا .."كتكبت شهقاتها لكن كيزيدو يتمردو و يعلاو ..هزات ديكور كان قدامها شيرات بيه على الباب لي خرج منو جلال" .. علااااش كاديييير فيااا هكذااا علاااش 😭😭...

حطات راسها على الكنابي و غمضات عينيها .. كانت كاتكس بالناار شاعلة فيها .. ماحيلتها لنااار الغيرة و لا نااار عنادها و قصوحية راسها و كبريائها لي يستحيل تتنازل عليه .. لكن نار الغيرة كانت أقوى ...

كلامو ليها قبل ميجرحها كيجرحو و كل حرف كان متعمد يقوولو ليها بااش ينزل ليها مناخرها .. شد فراسو من الهضرة لي قال و مكااانش بااغي يقووولها لكن و هو تيشووفها واقفة فقداامو و كضربو بهضرتهت االبااابخة بحاال ماباغاااكش و ديك الهضرة لي كتمرضوو و تخليه ينساااا راااسو و اااش كيقووول .. حس بيها تألماات و لعن راااسو ستميااات مرة على المها .. لكن ماعندو ميدير .. غير انو يضربها بسلاااحها ..

تحرك للاصال ديال الجناح ديالو بملمح قاااتمة و خطييرة لي قرب ليه يسووط فيه .. مشا ديريكت لشوال الرمل بعد ما لبس الليگات و حيد عليه الحوايج لي كان لابس لبس سوفيطمة و شورط .. خرج فيها كااع اعصااب لي فيه .. كمل الاونطريما ديالو و خرج للجناح تاعو دوش بما باارد و وجهو بااقي متهجم و ودنيييه طاابخيين بقى ليه شوية و ينفجر .. توضاا قبل ميخرج من الدووش و خرج لاوي عليه الفوطة .. مشا للبلاكار ديالو لبس بوكسر و لبسعليه فوقية فالكحل .. خذا السجادة ديالو و صلى لي عليه .. من النهار لي دوات معاه حياة و لقائو مع احمد الشاب لي سمعو كيقرى فالقرآن نهار مشا للمسجد .... كمل صلاتو و اتصل بعلي .. دار معاه يتلاقاو فالريسطو ديال الاوطيل .. 

اما المى .. تكمشات التيراس ديال الجناح ديالها حساات برااسها ذااقت من الهوى مره .. بعد ما داقت يومين حلويين .. كأن لي فاات غيير لباارح .. جلال ضربها في مقتل .. فالوقت لي كانت تتنااسا جروووحهاا و تتحااول جااهدة تلملمهم .. هو ماساتوعبش ضرووفها .. و ماراعااش ليها .. نزلو دمووعها على ذكرى داك الجنين لي ما اكتملش و ماكملاتش فرحتها بيه .. داك لي كاان رجااها من الدنياا فديك اللحضة حتى هو مشا و خلاها .. تجمع عليييها كووولشي .. حياتها لي مرونة من ساسها لراسها .. قلبها لي ممرتاحش .. عيوونها لي مشتاااقة تبكي .. و تبكي لأقصى درجة و هي عااد ما تتحبسهم فييها .. نزلات دمعو وحييييدة من عيووونها لكن بالخف مسحاتها فاش شافت جلال خارج من باب القصر و طلع ليها راسو نزل النضاضر في ساع مسحات عيوونها و دورات وجهها لكن لمح فعيوونها نااار و حرقة .. و هو لي فيق جروووحهااا .. عض على شفتو التحتية و اتجه لسياارتو قبل ما يلقى راسو راااجع ليها و يعصرهااا فحضنوو كيف تمنى فديك اللحظة .. 

الطرييق كاملة و هو سااايق بأقصى سرعة لدرجة و عااض على سنانو بالأعصااب و كل شوية يدفل من السرجم و لي جا قداامو يسب و يلعن فييه من حرقة لي شااف فعيوون عبير .. حس براسو متناقض غا مع راسو مابغاش يقلقها و يجرحها و فنفس الوقت بااغي ينزل ليها رااسها و تولي تسمع الهضرة ..

وقف الاوطو ديالو فالباركيزغ ديال الاوطيل .. خلا ليهم الاوطو و اتجه للريسطو فين دير مع علي لقاه مريح و شاد التيليفون و الكارو فيديه .. شير للسيرفور وصاه على قهوة كحلة 

- جلال .. " تلاح على الفوتوي " ... 

- علي .." حط تيليفونو" .. افين .. 

- جلال ..كين شي جديد؛!

- علي ... هههه نتا لي بين عليه كندك الجديد وجهك مكيبشرش بالخير ..!!

- جلال .. خليها عالله .." جبد كارو من جيبو .." .. مقودة عليا الفريخ لي بقى غايطير مع هاد العائلة ديال ال***

- علي .." شير للسيرفور" .. خصك شي كاس باش تقاد المزاج نتا ..

- جلال .." ضرب ليه يدو برجليه" .. ماخصنيش .. عفى عليا الله ..

- علي ..." شاف فيه بديك الشوفة ديال .. واش من نيتك!؟" .. ما فهمت تا قل** .. كيفاش !!؟ نتا !! نتا نيت عفى عليك الله ههههههههههه .. 

- جلال .. " طلع فيه حاجبو" .. كيفاش انا نيت !! ياكما مكتوبة على جبهتي كافر !!

- علي .." حابس الضحكة" .. ههه لا غير كنتي تدير فعايلهم .. سبحاان الله .. تل راااني كنت شااك فيييك كنتي صحة سلام .. شارب محشش حاوي و شوية قطعتي هادشي كامل تكونش انضميتي لصفوف معسكرات داعش !!

- جلال .." خزر فيه و خذا قهوتو من عند السيرفور ". راه غانجاااوهد ف***مك ..

- علي .. ههههههههههه .. يا صااحبي بااينة عليك معصب من خطر الموت لي مصورة فوجهك .. السلامات .. شنو كين .. باينة عاوتاني مع عبير!!

-جلال .." جبد السيغار ديالو تيكمي " ..ايه .. معاها .. قالك اسيدي بغات تختار سيهم مراد .. و انا عطيتها زعما لعلك ترضى .. خليتها تدمع ..ماحاملش راسي دابا ..

- علي .. ههه دابا نتا ماشي محامش راسك حيت ختارت مراد .. !! محاملش راسك حيت خليتيها تدمع!!!

- جلال .." كينفخ و ماجاوبووش .." ..

- علي .. حالتك صعييبة السااط .. ااش غانقوول ليك .. ديك الدرية مكانش عندي معاها بالحق دارت معايا المزيان عرفتها نقية من الدااخل " ضربو لصدرو بخفه".. ماتفرطش فيها ..غير كاتفشش عليك .. ماتبقااش ديما قامعها .. دير للما منين يدوز .. عارفك نتا و الجنس اللطيف ماكاتجيوش ..

- جلال .." كيحك لحيتو .." .. لا نتا لي خبرة تبارك الله ..

- علي .. كندوي معاك بصح .. خولة قالت ليا ليوكين .. يدك السيدة تكابر تا تعيا تتوفا عليك .. خصها غير الخاطر .. 

- جلال .." كيحك فراسو" .. اودي شكوون باقي عندو شي خااطر ...

- علي .. هنا فين بقاات ..

- جلال ... مانعرف كي غاندير لاگيها مع مها .. غدا دير مع كرولينا .. و مخااري مع عبير .. تفووو على ياامي معااهم تفووو .. 

- علي .. ههههههه السلااك .. زعما ماتشربش ليك شي كاس!!!

- جلال ..'' خزر فيه" ..غانگنف مك .. 

- علي .." شرب كاسو" .. هههههههه خطر الموت .. 

عش صباحك على انك شخص سعيد ..افرح ولا تفكر بالواقع المر ..اصنع من الصباح غيمة رضى تحوطك و تنسيك كل شيء يوجعك ..هادي ني العباارة لي فاقت عليها المى .. كيف حلات عينيها و دخلات للانستغرام ..حطات تيليفونها كيف عادتهاا و ناضت... تتكسل في فراشها الملكي و نيفها مهزوز...نزلات من من الفراش و اتجهات نيشان الحمام خدات دووش خيفيف و قضات حاجتها و خرجات لاوية عليها فوطة... تقدمات جيهت الدريسينغ ختارت لبسة اليوم ... "ما هي كل نهار بلبسة وهادشي كولو فداء لاانسطاغرام و سناب شات"...

حطات حوايجها فوق فراشها و دهنات لحمها بالكريمات من أغلى و شهر الماركااات لي كيخليو لحمها ديما رطب ... لبسات دوبياس فالأسود عاد لبسات حوايجهاا لي كانو عبارة عن ...سروال لاسق عليها فالگري .. و الفوق ميني تيشرت مبين ليها البوط ديال تال هو لاسق عليها و بالكول مع طالون فالأسود ..مشات قبالت المراية ...نشفات شعرهاا وسرحاتو سامبل بالبياسطرا و زادت اكستينشن طوال منطبقين على لون شعرها الغجري ... يا الله بدات في وجها تسمعات الباب تحل ... ضارت غير بشوية عليها و بكبرياء كأنها عارفة شكون لي دخل 

-المى..."هزات حاجب و نزلات لاخر وعقدات الحضاش"... صبحنا على الله و ملايكتو ... ياك لباس 

-جلال... تا هو كثر منها خطر الموت شخلاها علي" ..فمك غنهرسو غنهرسو... سربي راسك خارجين... ..

قبل متجاوبو على خرج و زدح عليها الباب ..

-المى..." رمات البانسو لي كان فيديها" .. ڤولگيغ تفوو ...كل شوية خصك تجي تفكرني براسك ؤخ ..

نعلات الشيطان و رجعات هزات البانسو.. تتكمل في وجها و گاع ما همها ولا دارت اعتبار لداك الشحط لي قاليها كنتسناك... كملات ميكابها و طلبات الكافي ديالهاا في الحين وصلتها ... جلسات فوق الفوطوي ودارت رجل على رجل كأنها تتقدم برنامج رضوى الشربيني لي خارجة على عباد الله ... خدات قهوتها وتترشف منها على خاطر خاطرهاا... اما واحد الصگع ملي لاح ليها جوج كلمات و هبط كيتسناها و كيحبط على باب الاوطو ديالو... ضور عينيو حتى بانت ليه هابطة بشوية عليها و تتمختر هزة المونطو ديالها فيديها... مشات نيشان لعندو ووقفات عليه ...

-المى... " خنافرها دؤما الفووق .." فين غاديين 

-جلال..."داير نضاضرو و كيشوف قدامو"... طلعي 

-المى..."دارت يديها على خصرها ودوات"... قبل مانحط راجلي في الاوطو ديالك غتقوليا فين غنمشيو .. ماشي غا لي قال ليا طلعي غانطلع ..

-جلال... "دار فيها واحد التخنزيرة كون كانت قرطاس كوراكم تتبكيو علىيها"... فراسك كلمتي مكنعاودهاش جوج مرات قلت لأصل ديلمك طلعي هي طلعي و لا نخرج وجهك نخمجو 😡 ... 

تأفأفات و ضارت ركبات حداه في ساع ديمارا لاطووو و غادي مكسيري الوجهة لي غيمشيو ليهاا 

-المى ... "لي فيها و خاااطرها ما هنااها دوات بزعاافة "ودابا مغتقولش ليا فين غادي بيا 

-جلال... اول حاجة الشريفة لكنة هضرتك غتقاديها فاش تكوني تتدوي معايا من هنا للقدام...و ثاني حاجة فاش توصلي غتعرفي... و ثالت حاجة تزيدي تهضري نكركرب بووك من الباب ...

غززات ا سنانها و استسلمات المكتاب لي عطى الله .. كلام علي مشا في داكشي .. هو سبحان الله من عند الاه غا كيشووف فيها تتستفزو😄😂.

... ما هي الا دقائق ديال طريق حتى كانو قدام واحد ريسطوو رااقي من النوع لي تيعجبهت... نزل جلال هو اللول وهي بقات راكبة مامسوقاااش تا تحنا لجهتها مزنفر

-جلال.... الشريفة غنباتو هناا تحركي هبطي 

-المى.. " كتأفف و تنفخ و تصوووط" ..... بشوية مالك تتغوت ..!

-جلال ..." ضرب على الاوطوب قبضة يدو تا قفزات" واش تهبطي ولا نجي نهبطك بطريقتي واكيد مغتعجبكش... 

تمااا هابطااات و ماقاالتش گجج ..لكن كانت تتدعي عليه في سرهاا... دخلوو الريسطوو كان سابقها زربات تا وصلات لو لانها تتكره تكون مع شي حد و يسبقها .. كانو تيباانو كوبل موااتي كل واحد فيهم هاز راسو فجيه و بهادشي لفتو انتبااه العديد من الناس لي كانو جالسين فالريسطو ..

.. يالله دخلو لاجهة الثانية حتى كتسعق بشكون تتشوف قدامها ... دغياا وجها ولا حمر وبانت فيها بلي مكرهاتش تتلاح عليها لو لا الخوف من سخط الله .. و لو مكاانتش كبر منها و تتسماا مهااا .. متيقااتش بلي هاهي قدامها .. و بكل وقاااحة ...

.. يالله دخلو لاجهة الثانية حتى كتسعق بشكون تتشوف قدامها ... دغياا وجها ولا حمر وبانت فيها بلي مكرهاتش تتلاح عليها لو لا الخوف من سخط الله .. و لو مكاانتش كبر منها و تتسماا مهااا .. متيقااتش بلي هاهي قدامها .. و بكل وقاااحة ...

.

-المى..."ضارت شارفت في جلال "ياك لباس ا جلال لاش جايبني لعند هاد السيدة ل؟؟ .. " رجعات باللور" .. هادي خطة جديدة لتدميري!!! .. 

-جلال ..."جرهاا من يدها و تقدمو لعندها بينما الاخيرة عينيها دايزين دموع"... زيدي بلا كترة الهضرة و حضري عقلك هاديك راها مك لي ولداتك و من حقكم بجوج تجلسو و تهضرو... 

ماعطاهاش فرصة تجاوب ولا تفكر كيف العادة ديما كيحطها امام الأمر الواقع بدوون ميتشااور معاها و هادي حاااجة مامواافقااش علييها هي واااخة يكوون غرضو شرييف ..كيف وقفو قدامها تقدمات عندهم هي الاخرى و يديها ضااار انهم تيترعدو .. عينيها ساايلين بالدمووع هي برااسها ماعارفااش وااش من الفرحة و لا خوف من رد فعل عبير ..

-كارولينا ..."دموع في عينيها و تتفرك فيهم مدات يديها بغات تعنقها .. تشم ريتها ..بغاتتقربها و تحس بيها فحضنها ..حتى تتفاجأ بالصد .. دفعات ليها يديها و بعداات عليها ."...هء هء عبيير.. حبيبتي ..بنتي توحشتك 

-المى ..."ضحكااات باستهزاء "... هااا نعم مسمعتش مزيان بحالا سمعتك قلتي بنتي ... ههههههههههه ..

-جلال..."جرها من خصرها وجلسها في الكرسي و جلس حداها حاط يدو على ركبتو و كيشووف فيها من التحت .."... عبير لي غنقوليك هوو انو هذه حقيقتك و ميمكنش ليك تنكريها و تغطي الشمس بالغربال تعياي ماتنطري و تحطي غشاا على عبنيك تتبقى هاد السيدة .." شير لكراولين" .. هي مك .. و هي لي جابتك لهاد الدنيا ..انا غانخليكم تدويو مع بعضياتكم .. 

ناض و خلاااها غمز لكروولينا لي جلسات تا هي بدورها قدامها .. اما المى فاكانت غير تتشوف في كرولينا و تتخنزر فيها و هي غير حادرة راسها و تتبكي عارفة راسها الغلط راكبها من ساسها لراسها ...و ماقدااتش تا تعاود تهز عينيها فعبير ..

-المى.." بقات تتشوف فيها و ضرب بصبيعاتها على الطبلة مدة عاد نطقات .." ... عندي سؤال محيرني...

- كرولينا .." طلعات فيها راسها و شافت فيها بعيوونها المدمعة" ..

- المى ..كيفااش جاتك ااجرأة تعاودي تلاقااي بياا و تشوفيني!! 

- كرولينا .." خذات محرمه من صاكها و مسحات بيها دموعها" .. شحاال تسنييت و تمنييت فدي اللحظة لي تجمعني بيك من جديد ..

- المى .." ضربات فوق الطبلة بعصبية و شاافت فيها بعيوونها لي كيف عيوون الصقر .." بما انك انت بنت الجاه و الباه و عائلة اجنبية گااااع ..علاش تخليتي عليا 

- كرولينا .." ضمات يديها بزووج و شافت فألمى برجاااء" ... انا متخليتش عليك ... ملي حملت باباك تخلى عليا ... شنوو غانديير و انا صغيييرة .. وعائلتؤ ملي عرفوو هادشي مقبلووش لأنو افريقي .. ونهار لي جا فاش غنولدك خداوك مني و معرفتش ليين دااوك .. 

-المى..."ضحكات لأعلى صووتها "... لا واش كطنزي اختشي ههههه... لا ولهيلا قالت خداوك مني..."ضربات فرق الطبلة و مهمهاش ناس لي دارو كيشوفوو فيها "... شوفي غنقوليك واحد الكلمة ...من وحدة حساات بطعم الأمومة فشهووورها الاولى ..و فنفس ضرووفك لكن عمروو كان احتماال اني نخلييه فباالي .. عمر الام تتخلى على كبدتها الا بموافقتها هي ... كان فيكيي تهربي و نتي هزاني في كرشك مدامك قادرة انك تهزي راسك و تهزيني... الحيوانات و مكيتخلاوش على ولادهم جايا دابا تتقولي ليا بنتي...من اين لك هذا لا والواعرة هي انك مكلفتيش راسك تقلبي عليا و لا تسولي فين انا وواش واكلة وواش شاربة وواش مغطية..."حسات بدموع بغاو ياخذو طريقهم لكن دغيا سرطات ريقها وكملات كلامها"... نتي من اللخر أكبر أنانية ..انانية عشتي حياتك و تزوجتي بواحد اصغر منك باش تجددي شبابك و عملتي ماركتك عالمية هههه ..كاكلفتييش راسك بحتى ثانية من تفكي فيا ... لا والله غريبة الناس وجايا تقوليا بنتي ... هاد الحق مبقاش عنذك من زمان امداام كارووولينا ..ماعمروو كان عندك اصلا ..

ماخلاتش ليها الفرصة دافع على رااسها حيت ضرباتها بكلامها للأعمااق كااع كلامها كان بصح .. كان فيها تهرب ببنتها و هي فكرشها .. لكن لفاين!!! و لعند من !!! عقل الصغر مكيفكرش كيف العقلةديال دابا .. لو كانت طاااحت فهاد المووقف دابا كانت غاتخلي كولشي وراها و تهرب ببنتها .. ماضت وقفات و خلات كارولين غير تتشوف و الدمووع من عبنيها سياالة ..

- المى .... اااه اخر كلامي ليك منعاودش نشوف وجهك قدامي حيت مغيعجبكش الحال و كيف كين عقوق الوالدين .. ديري فباااك تا عقووق الأبناء كين ...و نتي عمرك أحسنتي ليا .. نتي تخليتي عليااااا و خليتي نااس غرااب يهزووني و يدييرووخيير فيااا .. نتي خليتي نااس تنعتني ببنتي الحراام حتى اقرب نااس ليا .. بااش من حق دابااا نتي رااجعة لباا بااش !!! .. 

هزات صاكها و مشات عطاتها بالضهر و خلات كارولين غتسطى بالبكى لأنها فعلا خسرات بنتها و خسرات حتى حق انها تسمع ماما من فمها...كيف خرجات المى مع الباب وقفات وهزات راسها السماء و حطات يديها علو قلبها لي حساتو كيحرقها كي شافها جلال خرج من الاوطو ووقف قدامها ..... توجهات نيشان لسيارة .. و بدوون ماتشووف فيه نطقاات بصووتها مرععد .. 

- المى .. ديني للقصر .. ب.. بغيت نبقى بووحدي ...

عرف الجرح كبر و زاااد وسااع .. جمع عليها كوولشي و تيتسنااها غير ايمتا تفرگع .. .. كسيرا باقصى سرعة .. ماجربش يدوي معاها ولا يجبد ليها السيجي .. اكتفى بالصمت و سماااع صوت نفسها الغير منتضم وودقاات قلبها لي كانو كيدقوو بعنف قاااتل ... حدو جر يدها لعندو شاابكها بيدووو ضغط عليها تا حس بيها حتى هي زيرات عليه و ماحاولاتش نهاااائيا تفك يدها من قبضتو ... خلاتها بين يديه حتى سمعاتو نطق بصوت عميييق بعد ما حط يدها على فمو طبع عليها قبلة طوويييييلة و حنييينة تذوب القلوووب ..

-جلاال ... لا تحزني فالحزن في عينيكِ أشد أعدائي ..

- المى ..!!!!!!!😦😦😦

-جلاال ... لا تحزني فالحزن في عينيكِ أشد أعدائي ..

- المى ..!!!!!!!😦😦😦 ها ..؟؟ ههه سمعت غلط أكيد .. لا تهتم ..

- جلال..." رجع باس يدها مرة أخرى و شاف فيها بجنب عينو " .. مسمعتيش غلط ..!!

- المى .." ابتسمات بالجنب بلا ماتشوف فيه" .. انت اااكثر وااحد كيخليني حزينه على فكرة .. فكل مرة و فينما بان ليك شي جرح تتحك على ضبرتو ....

- جلال .."زير على يدها تا حسها غاتقسم و مشاف حتى ملامح الم على وجهها " غلط .. انا كخليك تواجهي الحقيقة .. باش ترتاحي من بعد ..

- المى ." كتحاول تفك يديها من يدو" ..فك يدي .. حقيقتي غانواجهها لراسي .. مامحتاجاااش منك مسااعدة و مامحتاااجاااش منك توريني حقيقتي حيت عارفاها مزيان ..

- جلال .." طلق منها بنطرة" .. راه گلت ليك قد ما بقيت درگومك نهرسوو .. 

- المى .." ضحكات بالجنب" .. دوك زوج كلمات منين جبتيهم!! تت ماشي ديالك!!

- جلال .." طلق من يدها" ..وجهك ديال غا التعنيف .. 

- المى .. ديني للقصر .. و ماتبقاش تقول بحال ديك الهضرة .. متتجيش معاك .. نبغي نسمعها ااه .. من عند وااحد حساس و نحس بييه و بكلامو .. ماشي من عند وااحد يقوول كلام و يدييير كلام ااخر .. 

ماعاودش نطق .. لانو اذا دوا .. يا غايدوي بيديييه يييااا غايبداا عليها بالهضرة ديال ديما لي كاتهرسها .. و هو فديك اللحظة ماباغيش يكمل عليييها لا بقى من لقاء كاروليتا .. مسااافة الطرييق كاااملة و هوما ساااكتين .. كيتسمعو زوج اصوااات .. صوت نفسها الغير منتضم .. و صوت نفسو المعصصصصب من كلامها و برووودها .. 

كي وصلو للقصر نزلات تتجري .. ماتسنااتوش و ماشافتش فييه اصلا .. حدها زادت خلفة و عينيعا بدااا كيبااان عليهم التعب ..مااشي التعب ديال العيااا .. لا تعب الحزن القابع في قلبها .. تعب السنين لي مضت بدوون أم و فلحظة ضهرات الأم .. تعب الحياة لي قساات عليها و مزاالها تتقسى و هي غا تتجمع فقلبها و تتسكت و تغلف قلبها بجدار حديدي .. تعب من عائلتها .. من رااسها منو هووو ..دخلات لجناحها و ضربات بالباب حتى تزعزع .. نزلات عليه تتنهههج .. و الدموووع بدااو ينزلوو بوووحدهم سخااان تيحرقووو حنيكااتها ..خااات شهيييق و زفييير حساات برووحها مخنوووقة .. حيدات ديكشي لي كانت لابسة بقات غير بدو بياااس مابغااتش تا حاااجة تكون على لحمها و هي نفسها مكتوووووم .. مامسحااتش دموووعها ولا حولات تحبسهم .. خلاااتهم هوما و شهقاااتها الحاارقة لييي كووون سمعهم اي وااحد يقطعووو لو قلبووو.. انهاارت بمعنى الكلمة .. كانت في حالة يرثى لها .. شوفة كرولييينا بعد ما عرفااتها بلي مهاا خلااتها تأزم و كاااع عقد الصغر طلعووو فجأة .. حبساات رااسها قداام جلال بالسيييف .. صوووت كرووولينا كاان كيف قصف عااالي كيلاااحق مساامعها ..صرحاااات فجأة بأااااااااااااااااااااه عااااالية كتعبر على الحرررررقة ليي فقلبهااااا .. 

- المى ..علااااااااش .. علاااش انااا كيطرااا لياااا هادشي .. علاااش انااا ديييما خصني نتحمممممل .. علاااش خصنييييي نفوووت على اي شيء كأن شيء لم يكن .. علاااااااش خصنييييي نساااامحكم .. علاااااش خصنيييي نساااامح و ننسى .. علااااش ... علااااش تتشوووف فياااا فحااال لااا مداااارت واالو .. علاااااااش .. عندهااا الجرأة تجيييي و تشوووف فيااااا .. كيييفاااش قدرااااااات كيفااااش ..اااااااععععع ..

هزات اول حاااجة باانت ليها قداامها سرفااات بيها على المراااية و هي وااقفة تترعععد قداامها .. وصلات لقمة الانهيااار .. وجهها كان فحاال صفحة شديييدة الشحوووب ..صفاارت و بيييض فمها .. هذا غييير اللوحة الفنية لي لوجهها من المكيااج المخلط بالدمووع ..

- المى .. علاااش اربي ععلاااش خصني نصبر على هادشي كااامل ياااربي انااا تقهرت و قفاااض بيااا حااالي ماابقى حاااالي .. قلبييي غايطرطق قد مااا بقيييت ياااربي خليييني نعيييش هااانية ولو غييير نهااار واااحد عيييت هءههءه عييييييت اااااااه .. 

تلاحت فوق النموووسية و كاااع احذااث هاد النهاار داازو قداام عينيها .. من جلال و كلامو ليها .. و من كاروليين و شووفتها .. لي مكانتش حااسبة ليها حسااب ..😫 

سمعات الباب تيدق هزات راسها بصعوووبة و جاوباات بصوت مبحوووووح ..

- المى .. ش..شكووووون ..

- فردوش .. هادي انااا بيبي .. 

- المى .." بغوااات" .. مااااابغسيييت نشوووف تاااا حد بغييييت نبقىىىى بووووحديييي .. 

- وليد .." كان معاها و هاز فيدو ولدو فهد و كي سمع صوتها بااينة فيها كانت تتبكي ..مد الولد لفردوش و مشاا للباب كيضرب عليه بيديه بقلق" .. عبير .. مالك . اش عندك!!!

- المى .. وااااخلييييونييي بوووحدييي البااااشااار مااابغيييت نشوووف تااا حد اذا ماااشفتووونيش خااارجة من هاااد البييييت حتى حد ميجيييي عنديييي تاااااا حد سمعتووووووو 

صوتها كان خارج مقططططع و مهمااا حاولات تغلضوو و تبيينو عاد عااد مكيزيييد يهشاااش .. وليد كان فييه ميهرس ديك الباب و يشووفةمالها بالسييف لكن رجع لور و قرر يخليها بوحدها لانو كان متأكد ان شي حاجة گغوف لي موصلاها لهاد الحلة .. داكشي علاش رجع للور و شير لفردوس تبعو .. امااا عبيير حطات رايها على المخدة و جسمها كلوووو تيرجججفو الدموووع فعينيها شلال ..

- المى .. سييرو .. خليوني بووحدي .. كيف كنت دييما بوووحدي .. خلبييونييي و شحااال كنت مىتاااحة قبل لا نعرفكم كاااملييييين .. خليونييي بوووحدي .. 

هذا اااخر كلاام نطقاات بييه قبل ما تسد عينيها و تغفى و الدموووع نازلين من عيوونهاااا ...

يتبع ...