عاشقة الثراء الجزء 26

كان .." جلال " .. واقف قداام الايرجونص فالكلينيك .. بالسورفيت لي كان لابس و الكلاكيطة ديال الداار ..والقلق تيستوطن جميييع خلاياااه الحيةةةة ..و الندم عشش فقلبووو .. ندم راااسو بزااف على الخلاااف لي كاان بييينو و بيينها و وصلها لهاااد الحااالة .. كان فحاالة عااالم بيييها غير الله ..تمنى كوون غييير ماقلقهاااش .. ولا قصح معاها الهضرة ..في خضم افكااروو المؤلمة لقلبووو .. انتبه للطبيبة لي خرجااات بعد ماا يقاارب نصف سااعة تتمسح وجهها بمندييل بارهاااق .. بعد يوم شااق ليها طبعا و جاتها المىفديك الحاالة حتى هي ....

- جلال .." اتجه لعندهااا " .. ياك لبااس ..اش وقع ليها ..!! هي بيخييير ..ولدي بيخييير!!؟

- الطبيبة ..شنو وقع ليها حتى جاها هاد النزيف!!؟ طاحت ولا تعصباات ..

- جلال .. "معصصصصب" .. سؤالي باااين و محدد .. " .. مرتييي اااااش طرااا لبهاااا ..

- الطبيبة .." رجعات للور .. مرتك دابا ولات لابااس .. و الجنين قدرنا ننقدووه الحمد لله ..

- جلال ...." جمع شعرو بيديه و عطاها بالضهر متنفسس الصعداااء" .. الحمد لله .. الحمد لله .." رجع ضار عندها .." .. بغيت نشوفها ..!!

- الطبيبة .. احم ..هاهوما غادي يطلعوها للغرفة ديالها و شوفها تما ..وبينما وجدووها اجيي معايا الله يخليك .. 

تنهد و عينيه على غرفة المستعجلااات لي خرجات منها الطبيبة .. تمشى معاااها ...

- الطبيبة .. جلال الهيلالي.. انا ماااشي جديدة على العائلة. . و كانعرفكم كاملين .. على حد معرفتي نتا تكثر واحد فيهم عصبي هادشي شفتو ماشي مرة ماشي زوووج .. بالنسبة للمداام .. نهار جبتيها عندي باش تطمئنو على الجنين وصيييتك انها خصها بيئة ماتكوونش مكهربةة .. " اتجهاات هي ويااه للجردة ديال الكلينيك" .. 

- جلال .. ماغانكذبش عليك انا واحد بنادم لي مكيتحكمش فالتصرفت ديالو ..تندم تا تيفوت الفووت .. ندمت حيت تجادلت معاها و تقلقات مني على شي حوايج بفف ... يخخخخ .التفااااهة .. ..دكتورة واش طبيعي تبدا تشك ..واش كاع الحوامل تيكونو مشكاكات!!؟

- الطبيبة ..." حركات راسها بالايجاب .. " طبيييعي داكشي .. فالفترة الاولى ديال الحمل .. هو مااشي كااع الحواامل كل وحدة و الوحم ديالها .. ولكن غالباا تيكونو موسوساات و قلقاانااات .. كينين لي تيجيييهم الرهااااب انه تسخااافو داك الحمل ميكملش .. كين لي تيطيهم الاكتئاب و هاد المرحلة هي ليةمابغيناااهاش توصل ليها لأنو صعييب عليها بزااف صعييب انها تكون عرضة للإكتئاب فى هاد فترتين إما فى البداية ديال الشهر الأول وحتى الثالث أو فى النهاية بداية من نهاية الشهر السابع حتاال التاسع،.. كل وحدة و كيفااش تتكون ففترتها الاولى ديال الحمل .. ولكن من بعد تترجع لطبيعتها لكن الحوامل بصفة عاامة تيولييو حساسااات بزااف .. 

- جلال .." حرك راسو بالايجاب " .. صرااحة مكنعرفش نتعامل معاها..

- الطبيبة... امم واخة .. مثلا دابا نتا قلتب مرتك تتشك فيك .. واخة اسيدي .. اهتم بيها بزااف .. رجع ليها ثقتها فنفسهااا .. باالغ فالحب و العااطفة .. شنوو فيها لا نعستييها و فيقتييها على الكلام المعسوول .. 

- جلال. ." غير تيضووور فعينيه" . 

- الطبيبة .. انا كندوي معااك دابا كأخت .. ليك و ليهااا .. ماكانبغييش نشووف بحال هاد الحاالاات لي تيجييهم اجهااض من مشااكل عاابرة و عادية .. فهااد الحاالة كيخص الرااجل حتى هو يتحمل ديك الميزااجية ديال المراا حيت هاازة ليه ولدوو فكرشهاا مااشي غير ولدها بووحدها .. خصك تعرف ان االحمل صعيييب .. شووف غير نتااا لي تتعامل معااها و مقدييتييش تتحمل فما باالك هي لي حااملة و الحساسياات تيزييدوو عندهااا .. اهتم بمرتك و كييف قلت ليييك .. ضهر ليهاا حبك و عطفك عليهااا و قدر حجم المعانات لي تتمر و مزاال غاتمر بييها فالولادة .. و تجنب دوك النزااعااات تقدر تكوون عصبية بزااف .. غاتشووف ردود افعاال مكنتيش موالفها البكاا بزااف كثر من القيااس .. غاتولي ديير درااما و تحلل اي كلمة قلتبهاا مياااة تحليل .. هادشي كلوو خصك تصبر لييه .. حيت الى بدييتو تشاادو هادشي غايأثر سلبا على صحتها و صحة الجنييين .. الحمل ماااشي سااهل اسي جلال .... 

- جلال .." شد فراسو " .. غانحااااول .. غانحااول ..

- الطبيبة .." ابتسماات لييه .. " ..المدام حطووها فالغرفة الفووق .. تقدر تمشي تشووفها .. و نصييحة مني خوود كلاامي بعين الاعتباار .. 

- جلال .." حرك راسو بالايجاب .." ..شكرا ختي ..

اتجه للغرفة ديال المى بعد ما سول عليها الفرملية لي مكلفة بييها و سولها اذاا كانت مزاالة نااعسة .. خبرااتو انها حلاات عينيها فاش كانت عندها ..فتح الباب و اتجه لعندها ..كازت نااعسة و وجهها بيض كيف الملاااك ..حمد الله و شكرو انهااا موقعاات ليها واالو هي و ولدووو ..اما كوون راااه ماعرفش شنوو غاطراا ليه بعدهم. ..مشاا حدااها و جلس هز يدهااا و بااسها .. و حيد لها الشعر على وجهها ردوو وراا وذنهاا ..و نزل همس بصووت خشن ..

- جلال ..حبيبة الگلب ناعسة !!؟ .." باسها بجنب ودنها " ..رووح الرووح ناعسة داز لخدهااا و بااسها حتى حس بيها رجفاات" ..لي عيني مكيشووفو غييرها نااعسة .." نزل لعنقها كيطع بووسات مفرقيين " العمر ديال رااجلها نااعسة .." تمخشش فعنقها و كيستنشق عبييرها" ..رووووح حبيييبها ليي رااحت من الخووف علييها نااعسة ..

- جلال ..حبيبة الگلب ناعسة !!؟ .." باسها بجنب ودنها " ..رووح الروووح ناعسة داز لخدهااا و بااسها حتى حس بيها رجفاات" ..لي عيني مكيشووفو غييرها نااعسة .." نزل لعنقها كيطع بووسات مفرقيين " العمر ديال رااجلها نااعسة .." تمخشش فعنقها و كيستنشق عبييرها" ..رووووح حبيييبها ليي رااحت من الخووف علييها ناااعسة ..ولا غير ديرة رااسها نااعسة هممم ..نووض لديلمك رااامعندييش مع الحزاارة دابا نخراو هنا عاوتااني ..

عضها فعنقها حتى قفزات و حلات عينيها شاافت فيييه و غووبشاات .. خصرات سفتها و هو ابتسم فوجهها و حط يدوو ورا عنقها..

- جلال ..خلعتيني عليك الخايبة ..

- المى ..بلعات ريقها و رجعات اللور .. شاافت فييه بلوووم .. و عينيها مدمعيين .." ..ولدي ..كان غامشيي اجلال .. بسببك هادشي وقع .. كنت غانفقد ولدييي بسبب الهضرة القااصحة ديااالك اجلال .. 

- جلاال ..", مااقاادرش يستحمل لومها لييه .. لكن ضغط على رااسو .. عض على شفتوو و قرب ليها اكثر ..جرنا من ورا عنقها و حط جبهتوو على ديالهاا .." ما وقع والو اوكي ..!! ماوقع والوو .. 

- المى .. ضربات ليه يدييه و خرجات فييه تينيها" .. لاااااا وقععععع .. ووووقاااع اجلال بزاااف .. اناااا ولدييي كااان عاينزللل و مزااال كاااع مانسييييت حرقة الأوللللل .. كنحلف ليييك اجلال و تسببتي فالاجهااااض ديال هاد البيبي. عمممممرك تحلم نشووف جهتك ولا تشوووف وجهي مرة اخرىىىى عمرك ..

- جلال .." كلااامها تغرس فقلبوو كيف الخنجر الحاااد ... خيووصا انها فينماا كيديير يدوو يقييسها تدفعوو حس بييها فحال لا نبذااتو ولا مابقااتش بااغياااه يقييسها .." .. مالك هكذاا مالك ..؟؟ اش وقع دابا .. صافي .. كالم .. لاش تتبكي ..!؟

- المى .." حطات يدها بزوج على عينيها و انهاااارت بالبكااا" .. هءههءههء ولدي .. هء ..ولدييي كااان غااايطيييح هءههء😭😭😭😭😭😭

- جلال .." جبها لعندوو و أسرهااا بين درااعوو رغم مقاوماتها الا انوو طبعا اقوى منهاا ..زير علييها حط يدوو على رااسها كيحك لينا شعرها بلطف" .. شوووووت ..موقع لييه واالو ولدنا غايعييش و غايكبر غيير رتااحي .. صاافي العمر بلا بكااا .. شووت .." تكلم فوذنها" .. شووت ..بلا بكاا .. 

- المى .." بداات تترخى .. " .. بغييت ماما عايشة .. بليز .. اتصل بيها .. بغيتها تجي عندي ..ميمكنش ليا نغاةمر بولدي مرة اخرى ..و عيط للطبيبة تشرح ليا الوضع عافاك .. هءهء .. 😭.. بغيت ماما عايشة 

- جلال .." طبطب على ضهرها و نزل راسوو حط جبهتو على جبهتها" ..الطبيبة گالت ليا ماعندنا منااش نخاافو .. خصك غير الرااحة .. غاتبقااي فالكلينيك تل غدا انشااء الله و غاتخرجي .. معندك مناش تخاافي العمر .. غير رتااحي ليا ..

- المى .. " زيرات على التيشرت ديالو بيديها" بغييت عايشة .. 

- جلال .. غانخلعووها دابا ..غدا انشاء الله على النبووري نجيبها ..

- المى .." بعدات عليه .. مسحات دمووعها و ربعات يديها .. " ..صافي .. سير نتا .. انا غانعس .. 

- جلال .." تعصصصصب من جفااائها و الطريييقة بااش تتعمد تدوي معااه ناض وقف بااش ميتعصبش ولا يطلق شي كلمة تعصبهااا .. " .. غانجيب قهوة و نرجع

خرج فيي اتجااه الكافيتيرياا من خطااوييه بااين مكشكش تجمع علييه كوولشي ولكن ماعندوو مايدير غييير يصبر و يتحمل .. خذا قهوة و خرج يكمي براا بعد ما اتصل بحيااة طمنها علييها ..عاد رجع عندها .. كانت دييجا غفاات .. غطاها مزياان و مشا خذاا كرسي جابو لقداامهااا و جلس تيشرب قهوتووو الثاانية و يشووف فيها.......

.........

في مكان ااخر .. كان وحدة الشخص في غرفة وااااسعة .. أثاثها رااقي .. لكن لي فدااخلها تيحس بدااك الأثاااث و ديك الغرفة تتكتم على نفسو .. .. جالس و ضاام جسدوو ..و الرجفة لي تتزوووروو مرة مرةة زاارتو هاد المرة بطريييقة اااعنف .. ما فااتتوو حتى خلااات ريووكووو ساالو .. و عينيييه مسلطيين على الاااشيء .. الفراااغ ..مع قوة اهتزااز الجسد ديالوو .. كان ضااامت .. من قوة الاااهااات .. و من قوووة ماا تألم سنييييين و سنييين هااادي .. مابقااش قاادر حتى ينطق اااه .. ..

دخل عندوو شخص اااخر .. و في يدييه صينية ديال الأكل .. دفعهاات ليه و شعل ليه الشاااشة الكبيييرة لي قداامو مبااشرة .. عاد خرج .. كاان شخص ااخر تيتكلم معااه عبر الشااشة .. 

- ...استاذي العزيز .. ههههه كيباان ليا مفعول الدواا ولا كيمشي بسرعة .. 

- ... هز رااسو بالسيييف و شااف فأكثر شخص تيمقتووو فحياااتو .. الشخص لي دمر ليييه حياااتو و خلاااها ظلاااام ..تاااوه بألم و نااض جلس بالسييف .. " .. حكحح .. كتت .. كتعمااد دييرهااا ..كتعمد تنقص ليا ..احح .. الدواا ..

- ..توتوتوتو .. ماعندكش الحق تتهمني ..هذا اتهاام خطييير تت تال اييمتاااا غادي تبقى على هاد الحاالة اصااحبي .." تيدعي البراءة ..

- ...." مشمئز منووو و من صووتو و. وجهوو" .. نسووولك نتااااا .. 

- .... ههههنههه كنضن انه الميت ماغاديييش يغفر للقااتل ..

- .....هززز راااسو بنفييي و هو تيتكلم بحدة" .. النهار .. احك ..كح .. النهاار لي ماتحلمش بييه .. احح .. ماتحلمش ..

- ..... هههههههههه بحال النهاااار لي متحلمش بيييه نتاااااا تخرج من داااك البييت ..

- ... هههه .. عندي .. عندييييي ايمااان غانخرج .. و كوون اكييد .. الرحمة و الغفراان لي تتهكم عليااا بييهم داباااا .. غاتولييي طلبهمممم ديك السااااعة ..

قطع علييييه و خلاااه مرمي كيحااول يلتقط انفاااسووو .. و يدعييي علييه ..

- .....حسبي الله و نعم الوكيييل .. حسبي الله و نعم الوكيييل بعدد كبر السماااء و الأرض .. ربي .. ربي هو لي غاياااخد حقييي و حق السنييين لي دوزتهم فهااد الحبس .. ..حط رايو على الجذاار و غمض عييينيييه ...

.........

صباح جديد فايت المى على دغدغات فعنقهااا .. استنشقاات العطر الرجوولي لي تتمووت عليه و خصوصا فهاد الفترة ديال الوحم .. التسمات تلقائيا و استنشقااتو اكثر و اكثر .. حسات بقبلة من شفايف رطييبييين و سخااان على عنقهااا... و القبلة تلتها قبلة اخرى .. 

- جلال ..صباح البنيتات الزوبنين .. يالله احبي صحصح .. 

- المى .." حلات عين وحدة و طلات عليه .." .. ياك قلت ليك ماتقيييسنيييش .."دفعاتو بيديها من صدروو بالجهد حتا وقف على رجليه .." 

- جلال .." حط يدوو على لحيتوو كيحك عليها بالغداايد بقى مدة ينعل فالشييطاان مابااغيش يخرج شي كلمة .. " .. و تانا طوول مااني عاايش .. و تنتنفس .." نزل عندها دار كل يد فجهة محاصرها" .. و گلب تيددق .. غانبقا نقييسك .. " دوز يدوو على شفتها .." .. و غانبووسك .." نزل ضغغغغط على شفايفها ببوووسة عميييقة .. و طلع رايو. شاف فيها .." .. ااش بان ليك ..😉

- المى .." ضرباتو لصدىوو .. ماغانسااامحكش اجلاااال واااخة طييير و تززلل مامسااامحااكش على لي درتي فيااااا ..⁦☺️⁩

- جلال... " دوز يدو على شعرها .." ..مع الوقت غاتنساي ازوينة .. صافي غا سمحي ليا هادشي جديد على حبيبك .. 

ز. 

- المى .. " تخطاات كلامو" ..عيطتي لماما!؟؟

- جلال .." حرك راسو بالايجاب" .. صيفطت لي يجيبها .. شي شوية غاتكون هنا ..

- المى .." بغات تجلس " .. حتال ايمتا غانبقا هنا!!

- جلال ..." عاونها تا ريحات و دار لها مخدة تحت ضهرها باش ترتاح "..غدا غاتخرجي ..

- المى ..امم .. اوك .. "دورات وجهها للجهة الثانية متاتشووفش فيه .. 

- جلال.... استغفر الله العضيييم و اتوووب اليه ..😡...

خرج من ااغرفة و ردخ الباب وراه .. اتجه ديرييكت للجردة ديال الكلينييك يفطر بكاارو

خرج من الغرفة و ردخ الباب وراه .. اتجه ديرييكت للجردة ديال الكلينييك يفطر بكاارو .. خذا قهوة ..بقى مدة تيكمي و يفكر فعبييير و القلبة لي قلباات علييه...حتى باانت ليه الاوطو ديالو تفتحات و خرجاات منها عايشة كتجري كاعة ما تسناات لي كارد يحلوو عليها مشات تتجري عندوو حيت كان واقف قدام الباب 

- جلال ..غير بشوية عليك الحاجة .." شد ليها فيديها" راها بيخير غير تهناي ..

- عايشة .." سلمات عليه بالوجه" ..الله يا وليدي اش طرا ليها خلعتيني ..

-جلال .. زيدي دخلي عندها ..خلعاتنا عليها ولكن راها بيخير دابا .. 

- عايشة .. يالله وصلني لعندها ..سندني ركابي فشلوو" .. 

مدات ليه يدييهااا سندها حتى وصلوو للغرفة ديال عبير .. دفعاتها و دخلاات ملهووفة مشات عندها تا هي غير شافتها نقزات فبلاصتها تصايبات و مدات ليها يديها تعااانقووو و بدااات فالبكاا بحااال كاانت محبوووسة البكااا و الشهييييق لي شهقاااتو خلااات جلاااال غا نيشووووف و حاال فمووو ديرة بحال داك الدري الصغيير لي تتخليه مو عند شي حد و غير تتجي تدييه تيبدا يتبووحط علييها... 

- عايشة ..مالك احبيبتي مال بنتي مالها .." شدات ليها وجهها بين يديها و بدات تتمسح ليها الدمووع .." ...

- المى ..ولدي .. هءهء .. ولدي كاان غايموووت اماما 😭 كوون وقعاات لييه شي حاااجة نحماااق ..

- عايشة .." ابتسماات و عنقاااتها باستها فوق راسها و يديها تيطبطبوو على ضهر المى" .. ماوقع لييه والو ابنتي .. ويلي على تحماااقي هادشي مزال كاااع ما ولدتييه و هزيتييه بين يدييك و بااقي عااد الشهر الاولل و غاتحمااقي احياااني علييك البوووحااطية ..النااس ولدووهم و مااتو و مادااروش هاد الحالة ..

- المى ... هءههءهء .. الى ولدتو و ماااات غانتبعوو ..

بقااات المى تدوي و تنخصص و جلال دير يدو على فموو متكي على الباب و مكرواازي رجليه تيتعجب فيييهاو عمرووو شاافهاهكذااافعلاا الحمل تيغير من شخصية المرأة وااخة تكوون شخصية صلبة و رااصها صخرة .. طبعا فترة الحبالة ماسااهلااش و التغيّر الجسديّ والهرمونيّ في جسم ديالها تيزيد تقلّبات المزاج عندها.. بعد ما عاوداات لبها شنوو وقع و كيفاش طاحت و فاش جابها جلال للكلينيييك و كي كاانت حالتها فاااش فاااقت ماقاالتش ليها شنو السبب ولا ذكرااات جلال نهائيا انو قلقهاا حتى سولااتها عايشة و بقات تتضور فعويناتها ..

- عايشة .. اواو شنو وصلك لهاد الحااالة يا حبيبتي ..

- المى ..اننن..👀هاا ..

- جلال .." تقاد فالوقفة .." ..اناااا الحااجة ..تنااقشنا و خاصمت علييها ..انا السبب تا وقع لي وقع ..ولكن ماغيش تعاود انشاء الله .."قاال كلاامو و هو تيشووووف ليها فعينيها مبااشرة .." 

- عايشة ... " خزرات فييه " ..ياك اجلال ياا هادشي لااش عطيتك بنتي بااش تقهرهاا لياا و تقلقها و هي هاازة ليك ولدك ولا بنتك ياااك ..

- المى .. " تمخششات فعايشة .." ولد ااماماا ولد ..

- عايشة .." طلعات فيها حاجب و نزلات لاخر" ..الناس فالنااس و المى فمشييط الرااس ..

- جلال .." شد راسو و بدا يضحك"..اوا گوولي ماتانعانيش معاها ههههه ..

- المى .." خزرات فيه" ..اييه تتعااني معاياا .. معرفتش كون تيعااني مع لاااخر .. معرفت شكووون ليييي كاان غايطييح لييه ولدووو انا ولاا نتااا ..😩

- جلال .. واقلة ولدي تا انا !؟ الى ما خفت نكذب ..!

- حياة .." جات داخلة مع الباب هازة فيدها بوكي ديال الورد و الشكلاط ضربات لكتفو و حطاتهم لبه فيدوو" .. راني دوييت معااك بغييت غا نعرررف وااش هي لي حاامله تتوحم و نتاا لي تتوحم .. الله يا ربي..

- المى .. اوا قووليها ليه الله يجيب لي يقوول الحق🥺

- جلال ..الوااليدة جيتي احتراماتي .. ديرو عليا تجمع نسوي دييروو

- عايشة .." وقفات و سلمات عليها بالوجه" .. خصهم بصبرو على بعضياتهم بزوج .." .. كي ديرة اختي حياة لبااس ..

- حياة .. الحمد لله احبيبة و نتي لبااس علييك .. وااخة علييك قلت ليك عوودي دووزي عندي حراام وااش قربتي لي من العرس ما شفنااك .. جب طلي غا على عبيير ..

- عايشة .." بخجل" .. و الله يا خيتي لا الداار عامرة عليا من عرس خولة .. خووتي ماسخاوش بالمدينه ههه مونسييني اما كون راني نضل خيطي بيطي عليكم تا تجريو عليااا ...

-المى .." مسحات دموعها و غابشاات" ..شكوون هذاا لي يستجري يجري عليييك القصر كييف ما نوودياالي دياللك و اذا بغييتي من غداااتجي تسكني معانا تا وااحد نايقدر يحل فموو ..😠

- عايشة .." زيرات على يد المى" ..يخليك ليا ابنتي ..

- حياة .." مشات عند المى حطات يدها على راسها" .. خلعتيينا علييك الحبيبتي.. رخفي على رااسك .. ماخصكش تقلقيي ..غاتقلقيي البيبي معااك .. راه تيحس بيك ..

- المى .." تتشرح ليها بيديها" .. و الله ما لخااطري اخالتي .. ضرووري يجي شي حد ينغص عليييك نهاارك وااخة تكووني بييخيير ....

قصداات كوثر ولكن جلال فهم بلي علييه الهضرة ..تنحنح و استأذن منهم ..

- جلال .. عندي غرض غانقضيه و نرجع ..راكم معاها .. ردو ليها البال ..

مشا عندها باس ليها جبهتها .. ماطولش الشووفة فعينيها و خرج طالع ليه الدم ماعاجبوو حااال ..مابغااش يجاادلها و مكاان عندو اصلا ميقوول ليها حيت كان مقتنع ان كلامها على صوااب وااخة مقصداتوووش ..اتجه ديريكت للفندق بدل علبيه و فطر فطوور خفيف .. بعدها مشاا ديريكت للاااصاال ديال السبوور غطس رااسو فالسبووور و الف حااجة شااغلة باالو مااشي غييير المى ..اماا المى دوزاات وقتها مع حمااتها و الأم ديالها كيحااولو ما امكن يسعدوووها و مايخلووهاااش تقلق .. و يضحكووها ..بقااو معااها فالفطوور و الغداا ... ديك الوقييتة كاملة مجاش جلال لكن كل شوية تيتصل بحياة و يسولها علييها حنى وصلاات العشية عااد تم جااي فدييك اللحظة استأذنوو بعد ما طلب منهم يمشييو وصلووهم لي كاارد و هو مشاا عند راسها تيشووف فيها ..

- جلال .. كي بقيتي!؟

- المى .." مربعة عينيها و تتشووف ديرييكت ماشاافتش فييه ..فاش هامك!؟ ياك النهار كلو و نتاا ..ببفف .

- جلال.."مطلع حااجبو" ..و انا اشنو!؟

- المى .. " خصرات سيفتها" ..فالخدماااا مع لالة كوثر

- جلال .." مبرد السوووق". . شكون گال ليك كنت فالخدمة!!؟ ولا مع كوثر 

-المى .." شافت جهتو .. كان لابس السورفيت و سبادري ماجاوباتوش حدها قلبات عينيها " ..

- جلال .. " جلس حداها و دار يدو من موور ضهرهاا .. باس ليها راسها" زعما ماناويااش تسمحي لينا و لا كيفاس ..و انا لي كنگوول قلبك بيض ..

- المى .. " ضحكات بالجنب" .. الاا كحاال و عمروو كان بيض ..☺

- جلال ..انا لي عارف .." جبد من جيبو بوااطة و مدها ليها ...." ..

-المى .. " شافت فيدو لي مادها ليها بنص عين" ..شنو هذا!؟

- جلال ..فتحييه و شوفي شنووو هو .." حطو ليها فحجرها" ..

خذات البواطة حلاتها و جبدات منها كوليي من الذهب و الالمااس ..على شكل قلب كلو المااس و فوق منوو تاج جاية مع خاتم الزوااج ديالها هي هاديك ..

- المى .. واوا ..🤤🤤حبييت .. بحال الخاتم ..

- جلال .." خذاااها من يدها و لبسها لينا في عنقها .قبل عنقهااا بحرارة حتى بوورشت .." ..بالصحة ..

- المى ..شاافت فييه قلبهابغاا يحن ..ولكنرايها قااصح ..عضاات على شفتها و مزرات فبه .." .. شكراا ولكن هادي " شداتها بيديها تتوريها ليه" هااادي مااغااااديييش تنسيييني انك كنتي غااتسبب فمووت ولديي ..اوووكي ..!!

- جلال.." جمع وجهوو كاامل بيدوو و حطهاا على رجاوو .. بقى تيشووف فيييها ..معصصصب ولكن ماعندوو ميديير .."شنوو دابا شنووو!!!

- المى ..تتغوت عليا!!!

- جلال .. " تنهههد و خفض صوتو" ..لا متنغوتش امدام ..

- المى..لالاااااا تاتغوااااات عليااا كاالااااه ..

- جلال .." هزز يدووو تا نزها دار راسو غااايطرشها تا توتات و حطات يدها على وجهها و هو يجرها من قرفاادتها زدحها على صدروو نزل رااسو بااسها تحت وذنهااا و همممس بخفوووت .."..شي نهااار نقتل ديلمك ..

على هاد الحاال دوزووو دووك اليومين فالكليينييك النگيير ديال المى صبااح و عشية فكل سااعة .. حتى تعوود على ديك الحاالة و بفضل حياااة و الدكتوورة عرف بلي الثلث الأول ديال الحمل تاااع المراا تيكوون صعييب بفعل التغيرات الهرمونية و عرف كذلك بلي فالثلث الثاني غادي ترجع لطبيعتها و غاترجع لراحتها و استقرارها النفسي ..داكشي علاش ولا صاابر لييهيا حيت عرف ان الوحم كل وحدة و كيف تيجيييها كين لي تيجييها صعييب .. و كين لي تيخفف عليها ..والمى تجمع عليها كولشي و اهم حااجة هي الخووف و الرهبة من فقداان الجزييين ديالها .. بعد ما قضات ديك المدة و قدرات توووقف على رجليييها نقلها جلال للقصر .. ..

- جلال .." حط الصاك ديالها فوق الكنابي ..".. تدخلي دوشي نعاونك!؟

- المى .." مكاتقوويييش معااه الهضرة تتجاوبووبالگرام .." .. نو ماشي دابا .." اتجنات للناموسية ريحات فيها و خذات تيليفوونها" 

- جلال.." حرك رايو و اتجه لعندها ريح بجنبها و خذا خصلة من شعرها بين يديه تيشوف فيها" .. مزال مانعلتي الشيطان ..

- المى .." شافت فيه " .. الله ينعلو و يخزيؤه .. ديما تنعلوو .. علاش!؟

- جلال ..تت.." دور رايوو و عض حنكووو من الدااخل عاد رجع شاف فيها" ..غاتحمقيني ولا كيفاش!! .. دوينا اعتذرنا .. جبنا الكادويات مخلينا ما درنا ليك ..اش مزال باغة لاش نافخة عليا قنانفك ..!!

- المى .." تضور في عينيها .." ..صايب ليا قهوة ..

- جلال ..نعام؟!

- المى .. صاااوب ليا قهوة ..اننن ..قهوة بالحلييب و الكاكااو و ديير فوق منها الكريم فريش اممم ..و زوقها بالكاكاوو من الفوق ..

- جلال .." ضربها لراسها" ..سااخط علييك بااك تا گلتي هاد الهضرة !! من نيتك!! " هز تيليفونو بغا يطلب من الخدامة داكشي لي بغات و هي تحيد لو تيليفون .." ..

- المى ..ر تضوور فعوينااتها" .. الااااء .. بغييتها منك نتااا..نتاا لي ااتصاايبها لياا و زيدوون ولدك لي بغااها ااش نديير ليك تتتت ..🙅

- جلال .." خذا منها تيليفونو دارو فجيبو و ناض وقف" ..تديري شي فعاايل ديال يشدك الواحد يعلقك فديك التىية و يشووف فيك تتفركلي ..⁦☺️⁩..

خرج خلاها مكرشخاااا بالضحك .. و تضوور برجليها .. طلعات فوق النمووسية و تنهداات بدلع ..

- المى ..ان ما ربييتك .. مانكوونش اناا المى لي حفااو عليها اارجاال .. 

اتجه جلاال للمطبخ طلب منهم يوجدو ليه بااش غايصاايب داكشي ..باش غايصايب الكوفي لي قالت لو ..صايبها على حقها و طريقها و بشووووية علييه .. صايب ليها الكريم فرييش و دبدر ليها الكاكاااو .. طلب منهم يعطووه حليوات ديال اللوز بما انوو شافها تتااكلهم شحال من مرة اذا عرفها متتعيفش منهم ..حطهم فطبيسيل و هز داكشي فبلاطوو اتجه ديريكت للجنااح .. .. دخل لقاها تتلعب برجليها فوق النمووسية .. حطو ليها فوق الكومود و شاف فيها ..

- جلال ..اي اواامر ثانية امدام؟؟!

- المى .." ابتسماات ليه بتعالي .. نو مخاصني والو هاد السااعة .." ناضت جلسات و خذات كاس الكوفي ديالها شربات منو و شافت فيه " .. انن زوين .. واخة قللتي الكاكاو ماعليش ..

خزر فيها و اتجه للدريسينغ .. جبد منو بذلة سوداتء مع الشووميز فالأبيش و الجيلي اسود تا هو .. خذا الصبااط لي غايلبس و لي زاكسيسوار ديال اللبسة ..(الساعة القفالات ديال الصدايف .. البرووش لي غايدير فالكوستيم .. خرج داكشي حطو فوق اانموسية و دخل للدووش .. ضربها بتدويسشة خلااا عبير تتقلب فدووك الحواايج و الف علاامة استفهاام على وجهها ..!!! خلاتو تا خرج على راحتو و ربعات يديها تتشووف فيه جااي عندها مبتسم نصف ابتساامة لاوي على نصوو فووطة و الكلوو تيقطر بالماا و شعروو ناازل على عيزيه ..باسها ففنها بشفايفو الناازگين و السخااان بالحمام. .

- المى .. خارج!؟

- جلال .." كيمسح شعروو" .. اه كينه حفلة مهمة خصني نحضر ليها ..

- المى .. ''ربعات يديها و طلعات حواجبها" اييه حفلة !! اهاه مزياان .. 

- جلال .." اتجه للمجر جبد منوو لانفيتاصيوون وراها ليها" .. هانتي الالة تأكدي ..

- المى .." خذات لانفيتاصيطيون كتشووف فيها تا تأكداات و حطاتها ليه حدا البدلة و هي ترجع اللور .." .. اوك ..

" هز حوايجو تيلبسهم قدامها ماعااجبووش الحاال و هادشي ديالها طلع لييه فالرااس غير تيكاابر معاها و صاافي ...تنهد و مشا لعندها كي كمل لبااسو و تعطاار ". .

- جلال .." جلس حداها و دوز يدو حلا خدها" .." المشكاكة ديالي ياك ما خاصااك شي حاجة!!

- المى .." حركات راسها بالنفي .." .. توتو ..

- جلال .." زير على حناكها بجغهمتا خرجو شفايفها و حتااا هليهم ببووسة " .. اح حلوةة حلوةة ..هاني مشيت .. 

- المى .." مخنزرة و ما عاجبها حال " ..ماتعطلش ..😣

- جلال .." ضحك بالجنب ..و نطحها لراسها براسو" .. واخة الالةة حااكماني المراا مانعطلووش نعاام اااس .. " كيشووف فيها و هي حاابسة الابتسااامة و عااضة على شفتهاااا التحتية .. رجع بااسها فشفتها ماساااخيييش " .. اااخخ تا نرجععع لمك غانااكلك غير بلااتي ..

باسها فجبهتها و طمنها بلي غايجيي بكري عاد خرج اتجه للجناح ديال رؤيا لي كان عطاها ديجا لانفيتاصيوون ديالها .. دق عليها البااب خرجات لابسة و مأنتكة تا هي طيح زرزوووررر من فووق الصوور .. واخة علاقتهم مابقااتش مزياانة ولكن هي تتحاول ترطب معااه ..شدات لو فداارعوو و.اتجهوو ديريكت للفندق لي فيه الحفلة ديال فهد لورينزوو ..هي ميته بالفرحة حيت ااتشووفو من جديييد اماا هو مااشي غييير بااش يشووف شنوو ااخرتها معااه ..

بعد ما مشااا ..المى بقااات مريييحة مع رااسها .. تتفكر فهاد التكذاااث الكثيييرة لي فااتو فاياام قلييلة .. من نهار دخلات كوثر لحيااتهم ..لقاات بليي كوثر هي سبب المصاايب كاملة!!!! دخلات للدووش بعد ما كملات القهوة ديالها لي شربااتها بنفس .. دوشاات و خرجاات صلاات لي عليييها كي كملاات الصلااة .. كانت متخدة قرارها .. و عاازمة علييه .. بدلات حوايجها لبسات كسودة ديال الصووف لاسقة عليها واصلة للركبة مع سبادري صايباات حاالتها و خرجاات ..

خرجاات صلاات لي عليييها كي كملاات الصلااة .. كانت متخدة قرارها .. و عاازمة علييه .. بدلات حوايجها لبسات كسودة ديال الصووف لاسقة عليها واصلة للركبة مع سبادري صايباات حاالتها و خرجاات.. اتجهاات ديريكت للجنااح الأكبر فالقصر لي هو ديال عبد العظيم ..دقات مجاوبها حد و هي دخل سداات موراها الباب ..

- المى .. " قربات ليه .." ..الحااج .. فايق !!؟

- عبد العظيم .." " فتح عينيه"عبيير!! ..فايق ابنتي . دخلي .. 

- المى .." قربات و جلسات حداه" .. لباس عليك!؟

- عبد العظيم ... ااحمد لله ابنتي .." شد ليها فيدها" .. حفيدي كيكبر؛؟؟

- المى .." ابتسمات و حطات يدها على كرشها تلقائيا..."..ام..لابااس عليه هاد السااعة ..

- عبد العظيم ..ياك ما كيعذبك!؟

- المى ...شوية وصاافي .. الحاج بغيت ندوي معاك فواحد الموضوع .. 

- عبد العظيم ..كنسمعك ابنتي ي..

- المى ..امم ..دويت انا و جلال فوااحد السووجي ..يمكن جبدتيه معااه ..و هو تقلق ..و ماعجبووش الحاال ..

- عبد العظيم ..الهضرة على الفلووس!!

- المى .." حركات راسها بالايجاب" .. اه ..على الفلوس .. و القصر ..

- عبد العضيم .." .. حط يدو فوق يدها و زير عليها" .. شوفي اعبير .. نتي بنت الهيلالي ..و ضعتي فسنيييييين و نتي عاايشة بعييييدة على واليديك .. و على عائلتك ..داكشي علااش بغيت نعطييك تعوييض على العي لي فااتو ماتمعتييش فيهم برزقك.. 

- المى .." طلعات النفس بالجهد و نزلاتها" ..الى كنتي تدوي على العيييماان لي فااتو و انا مااشي وسط عائلتي او واليديييااا كيف تتقوول .. فا كوون اكييد عمرهم ما غايرجعو .. ولا يتعووضوو .. امااا لا كنتي تدوييي على رزقي لي متمتعتش بييه .. فاهادي حاجة اخرى .. 

- عبد العظيم .." مفهمتش!!

- المى .. الحااج .. شوف ..اناا لو مكنتش مزوجة بجلال كنت غانواافث بالفرحة عليا .. تييق بييا دااباا تنقوول هاد الهضرة و الحاامض تيقططر فعييني .. مكينش لي ميبغييش قصر و الفلووس بدااك المبلغ الخيالي .. ولكن .. " حنات راسها" .. علاقتي بجلال أكبر من انها يخسرووها الماادياات .. تيق بياا انا من معرفتي بجلال تعلمت بزااف تالحواايج ..هو لي علمني نقنع .. و نخدم على الحااجة الى بغييت نوصل ليها .. هو لي حبس فياا ديك الرغبة فالإستحواذ على كوولشي ... ماشي جاا عندي و جرني تيعلمني ..لاا ..بحبوو ليا .. و لي بييينااتنا انا تعلمت بزااف تالحواايج .. و دابا فاش غانتخير بين القصر و بين علاقتنا اكييد غانختاار علاقتي معااهوحيت لي بيييييناااتنا صعييب يفهموو اي وااحد .. 

- عبد العظيم ..قصدي من ديك التصرف .. هو مصلحتك .. و بغييت نحميييك من ولادي و حفاادي .. الخوووت فاش تايتحطو قداامهم الفلووس كيولييو ذيااب .. 

- المى .. ههه و عندك شك ان جلال ماقاادرش يحميني منهم!!؟ .. جلال قاادر يحميني .. و قاادر يداافع علياا قداام مليوون وااحد معرفتي بييه اكداات ليا هادشي .. 

-عبد العظيم .. شنو لي غايخلي علاقتكم تخسر الى قبلتي!!

-, المى .. هههههه تيق بيا انا مكرهتش نواافق .. ولكن جلال ماباااش .. سو تا انا مابغيتش ..القصر .. ممكن ادا و لا بعدو كلال يزيييد نفووذو و يجييييبو ليااا .. ولكن فااش انا نقبل .. و علاقتي بجلال تتدمر .. ممكن نوصلو للطلااق ..تخايل معايا .. تطلقت انا و جلال ..و خذيت القصر .. و شي نهااار .. جات شي هزة ارضية .. زلزاال .. راب القصر .. اش غاندير .. غانولي لا انا بجلال و انا بالقصر .. داكشي علااش ..ماغاديييش نقدر نواافق .. و نتتا الحااج ماتبقااش نصر و تعقد الأموور .. عندي حل ااخر.. الى كنتي كااع مصر بزااف .. كتب القصر باسم جلال .. بحالي بحاالووو .. واخة!؟

- عبد العظيم .." بقى مدة تيشووف فيها و ابتسم " .. الله يرضي عليك ..

- المى .. " ابتسمات ليه" ..شكرا حيت فكرتي فيا ..!! شكرا حييت وااخة ماعشتش معااك .. نتا الوحييد و خالتي حيااة لي كنحس برااسي معاهم انوو انا من ااعائلة و ملغوب فيا .. شكراا .. حبت نتا لي قلبتي عليااا .. واخة ماشي نتا لي والدني .. "عينيها دمعو" ..شكرا حيت بااغي تحميني من ولادك .. شكرا على كوولشي .. وااخة مكنتش متقبلاك ..و مزال قلبي مارااضييش يساامح و ينسى .. ولكن من حقك تسمع مني شكر على هادشي لي تدير معاياا ..

- عبد العظيم .. " عينيه دمعوووو ", .. ماحدي عاايش غانحااول ندييير لي فجهدي باااش نحمييك منهم ..

- المى .." مسحاات دمعة يتييمة نزلات على خدها" .. الحاج ..المعرووف لي غادييرو فيااا هو تشووف ليا شي بووسط فالشركة نخدم فييه نتلف الوقت على ما وصل العرس .. عييت ظن الداار وليت غير جالسة و تنخمم بهاد الوحم لي جاني صعيييب .. " مابغاتش تقوول لو دخلات لاكلينيك" ..

- عبد العظيم .... انا بنااتي تيجلسو اميرات النااس تخدم علييهم ..

- المى ..انا ماشي فحال كاع بناتك الحااج ..يا تشووف ليا فين نخدم فالشركة و قريبة من جلال .يا نرجع لالتمثيل ..

- عبد العظيم .." جلاا عارف!؟ ..

- المى ..هادشي علاش بغيت ..زعما نتا تقنعو هو تيسمع كلامك ..ضغط عليه غايوافق ..

- عبد العظيم .." تنهد ..الله يسهل ..

- المى .." دلات شفتهاةة.." ..بليييز الحااج ..عافااك حاول تقنعوو ..

- عبد العظيم .. وا صاافي الله يهدييك قلنا ليك الله يسهل .. 

ابتسمات ليه و خرجات .. اتجهاات ديريكت للكوزيناا طلبات منهم داكشي لي بغات تااكل و طلعات للجناح ديالها ترتااح حتى يجيبووه ليها ...

طول الطريق جلال مكيهضرش مع رؤيا و هادشي مرضها و معاجبهاااش لأنو ماشي رؤيا الهلالي لي طيح برأس ولد عمهااا... حاولات انو تخلق معاااه جو في الطريق و هو والو كي جاااوبها غا بالگرام ... تأفأفات علو حالتها و دلات شنوفتها ... هاد الحركة شافها و ابتسم .. بقات فيه ولكن باغي يربيها و بطريقتو هوو ... ما هي الا دقائق كانوو في حفل مستر فهد لورينزوو ... بلاصا الاوطو و تم داخل هو وياها شادة ليه في دراعوو وعينيها كيقلبو على فهد ..

... في هاد اللحضات فهد دور راسو جيهت الباب فينما تيدخل شي كد تيرد ليه الباال يااك ما جلال ..حتى بانو ليه داخلين و حل فمو في رؤيا محسش براسو الا و هيا سالبة ليه عقلوو ماكاانش مواالف على الجماال المغربيي القحححح... و كيتفنن بعينيه فيها لابسة قفطان مبرة في الگرونة تقليييدي مئة بالمئة جاي لاسق عليها و مخليها شعرها الذهبي مليوح على ضهرها ...اما الميك اب كاان عربي و ثقيل موع ما خصوووصا من العيووون ..لي برز جمالهم اكثر ..

-فهد..."واقف مع الضيوف تا نطق بلا ميحس"... سندريلا ..

ابتسم بالجنب و استأذن من ضيووفو مشا قصدهم تا وقف على جلال و رؤيا لي هاد الاخير غير شافو هز حاجب و هبط خوووه ... 

-فهد .." فاتح درعانو تيعبر على سرورو" ..اوووه مرحبا مرحبااا ..ياك هكذا تتقوولو فالمغرب .. مرحبا و الف مرحبا الدار داىكم .. لايك ديس .. ههه .." مد ليه يديه .." ميستر جلال الهلالي شكرا حيت جيتي... و كيف كبرتي بيا غنكبر بيك ..

تسالمو سلام رجولي ... وشاف في رؤيا غا هزت عينيها فيه و رجعت حدرتهم هز يديها بكل جنتلمانية و باسها 

-فهد .." تيشووف مباااشرة فعيووونها" .. سينيوريتا .. مرحبا .. ... تفضلو معايا

داهم لأحسن موقع في الحفل ووصا عليهم عااد مشا يكمل السلام على ضيوفو ... فهاد الوقت رؤيا جالس حداها جلال حاضيها بنص عين و هي تتهز راسها في فهد وترجع تنزلو ...

-جلال...بس اش تم .." غمزها .." .. بانوو ليا عينيك بحال لا تيلعبوو اش كيين ابنت العميم مالك وجهك غيطرطق تا هو!؟ 

-رؤيا ... "بحالا سرفقها و قاصت حناكها لي كانوو شااعلين بالعاافية بدوون قصد .."... اا لا والو راك عارف مكيعجبونيش هاد الأجواء "الله يمسخك ابنتي😂 " 

طووول فيها جلال الشوفة تا وقف عليهم فهد هاز كااسو و السيكاار فاليد الثاانية و على شفايفوو ابتساامة عرييضة ..

-فهد ... مرحبا بيكم عندي هاد الليلة 

- جلال ..رحبتي بينا عشرين مرة اسي فهد .. غانشك فييك تتوجد لشي مصيبة !!

-فهد... هههههههنن الله يحفضنا من المصاايب ..

-جلال... ... ايوا طلقنا للفرااجة ..مگلتيش ليا علاش سيفطتي الدعوة 

-فهد ..."هز كاس و تكى على الفوطوي"... بمناسبة صداقتي معاااك ولا نسيتيييناااا

-جلال..." شاف فيه شوفات ديال ماشي عليا "... فهد لورينزو نذكرك بشكون واقف قدامك... معاك جلال الهيلالي ماشي ساهل ديرها بيه "وخبط ليك في ضهروو" اوكي فريرو ..

-فهد ... تت داكشي خرج من بالي وعلى الأقل دابا هنن ..فهاد اللحظة مكانفكرش فيه .. هادي عراضة كيف قلت ليك عربون صداقة و عربوون رجووعي لبلاد الواالدة ديالي .. " وهز يدو " دو نوت كير فراند ...

- جلال .. نتمنى ." ضحك بالجنب .." ..

- فهد .. غنستأذن منكم دابا نشووف الضيوف و اش خاص و نلقي الكلمة ..تكيد لينا كلام من بعد

... ناض تم غادي و جلال بقا كيرمقو بعينيه ... اما فهد مشا حدا البار مان تقابل مع جلال و رؤيا و جلس طلب مشروبو الخاص فمو كيدوي مع وااحد من ضيوووفوو و عينيييه على رؤياا ..حتى جاا واحد من الكاارد .. خبروو بلي كوولشي وااجد و مامن بااش يلقي الكلمة ديالو و فعلا داكشي لي كان شكر الام ديالو فالاول و اعتذر حيت مقدراتش تحضر .. و شكر جلال بصفة خااصة و رفع لييه كااسو .. عاد داز شكر الضيووف دياالو و دواا على المشرووع لب ناااوي يقييمو فالمغرب..كي كمل القاااء الكلمة ديالووو .. رف الكااس ديالو للضيوووف و اتجه لجهة البارمان لنفس المكان ديالو جلس ... وضار كيشوف في رؤيا و كيحك لحيتو و شفتو التحتانية ... غير هزات عينيها فيه هز كاسو ليهاا كاانت كوول الخطبة لي لقى و هي تتشووف فييه شوووفااات كلهم هيااام و هااادي حاااجة مااشي صعييبة على فهد بااش يعرفهااا .. ... بقا مدة و هو كيشوف فيها تا وقف عليه صاحبو 

-.... فهد اش في داك الراس من قبيلة و انا حاضيك عينيييك مانزلوووش علييها

-فهد ... "عينو عليها و كيهضر "... سوق مك رأيك عطيتيييه ديجا و انا قلت ليييك دييجا سد فمك و مااسووقكش فيييلميي ..اوا روول ..

-...." بنفاذ صبر" راك كتلعب بالنار ا فهد بالنار الا رؤيا الهلالي 

-فهد ..." ضار خنزر فيه"..ياكما كتبغيييها و انا مالرااسيييش....

- .... نتاا عاارف هادشي مكيننننش ..ولكن الضلم خيييب ..و الدرية ضغييرة ماتخصرش لييهيا رووحها بااانت ليا سااهل تعلق بييك غا من عنيهيا لي غا حااضييينك ..

- فهد .." ضحك بالجنب " ..و هذا هو المطلوووب.

- .... هذا اثم كبييير غاترتكبوو .. رد باالك الرب غايغضب عليك ..

- فهد ... سير تخشاا فشي كنييسة و عبد الله .. و خيلك عمرك دخلو في سوقي ... ولا مغنعقلش على طبول مك ... يا الله دوز مية ا *بي 

- ... ها هو غادي ... لكن حذاري هذااك ماغايرحمش طبون مك نتااا .."دار ليه حركة بيديه على وذنو و مشاا " 

جلال كان جالس و كيشرب في مشروب خالي من الكحول طبعااا هو و رؤياا وًحاضي داك البشار لي معندوووش معااهم .. المناافق على خووه تيقلبوو غا منين يبرووفيتييو .بقاا مرييح ... شوية جا عندو واحد من المعازيم يسلم عليه و نااض معاه لطبلة ديالو ... و بقات رؤيا بحدها حضااات جلال تا عطاها بالضهر و شافت في فهد لي غير كيتسنى وقتاش يستفرد بيهاا بااش يااكل دمااغهااا ... دار ليها حركة بصباعو بجوج تبعوو حط كاسو و طفا السيگار و ناض الحمام و هي تبعاتو بلاا متحس تقوول دير ليها التنويييم .. فين جات تحل الباب دخل تزدحها معاه و سورتوو ووجهو حدا وجها 

-رؤيا..." لي الله يرحمها وهو قريب ليهاا"... فهد احم مالك 

-فهد ... امممم بيخير بايبي ..... دار ليها شعرها ورا وذنها و تحنى همس ليها فيها ... جيتي زوينة بزااف 

-رؤيا... بصح ... شكرا 😍😍

-فهد ... اممم نتي ديما هكا نزل لعنقها و تيهمممس "

-رؤيا... كيفاش هكا هاخخخ ... عوجات عنقها و خلاتو كيستكشق على خااطر خاطرو تا حد ما زاربو هههه ...

-فهد ... اممم ..ريحتك زوينة بزاااف ...

باس عنقها غير بشوية 

- رؤيا .. " كدددبل فعينيها و نطقاات اسم وو بصوووت معسسسل ..' ' فهههههد ....

كي نطقات اسموو زير بيديه على خصرها ..حسها بورشات و محبساتوش بقا خاشي فمو في عنقهاا ... حتى تأوهات و شدات فيدوو زيرات عليهااا ..... وهنا عرف كيفاش يسيطر عليها و عرف كيفاش يملكها في لحضة ... هز راسو شاف في عينيها... بقا مدة كيشوف فيها تا توترات و هبط باس ليها جبهتها و هبط لنيفها تا وصل لفمها ... كيف حط فمو على فمها خرجات عينيها ولكن دغيا غمضاتهم ومبغاتش تخسر عليها اللحضة ... خرج لسانو قاس بيه الشفة ديالها وحلات فمها ودخلو يمص و يقول ما مصيييت و هي كأنها مولفة بيه دغيا اندمجات معاه ... تا سمعو الباب كيدق و دفعاتو ... 

- فهد ..دار ليها حركة بيديه شششش ... 

حل الباب وخرج وهي بقات غا كتشوف فيه المرأة مسكينة بقات تتشوف فيها و فيه و تحىر ك رااسها ودخلات تقدي حاجتها اما رؤيا مشات غسلات وجهها و عاودات المبك اب ديالها خلات راسها تتبرد عاد تخرج عند جلال ...دااكشي لي داارت عااد رجعات لبلاصتها لقات جلال كيتسناها باش يمشيو ...

-جلال..." خاشي يدييه فجياابو و تيخنزر فيها" .. فين كنتي امادموزيل ..تعطلتي 

-رؤيا ... ااه لا كنت غير في الحمام و صافي ... 

ماترددااتش هزات عينيها في فهد لي دار ليها حركة بصبعو في فموو ... بحالا كيقوليهاا مسخيتش بييك ... 

بعد ما ودع جلال الشخص لي كان واقف معااه اتجه عند فهد تسالم و تواادع معااه و داارو للقااء قرييب بينااتهم عاد مشا في طرييق العودة للقصر ...الطريق كاااملة و هي تتفكر ففهد و القبلة ديالها معان ..و تتقووول فباالها وااش تنعجبوو و لا شنو وقع حتى قبلني ..شافها جلال ساااهية و لا تحرك ساكن و هو ينطق..

- جلال ..اش تم ابنت العم .. 

- رؤيا .." قفزات" ..ها .. لا والو ..علاش !!

- جلال ..." حاط يدو على لحيتو تيحك فيها" .. اوا هاد علاش نتي لي خصك تجاوبيني عليها بنتي ليا السهرة كااااملة و نتي عينيك كيدورو دابا سااهية ليا .. اش كين

- رؤيا ..درباتها اللقوة .. زيرات على البوشيطة ديالها و شافت فيه بنص عين'' ..هاا.. امم..م مكينوااالو اخويا .

- جلال .. " مىكزفالصوكان و تيدوي" ..باش نكوون واااضح معاك ارؤيا ..داك الشووفات لي كنتوو تديييرو ..مووورقيييين ..و ميدوزوش عليا .. ولكن غانگول لك هضرة وحدة ماغانعاودهااش ..المرة اللولة فقدتي الثقة ..هاد المرة ..مانتي بنت عمي مانا ولد عمك ..لي غانديرو ماغايطيحش ليك عالبال .. تنعرف حاجة وحدة لي بغااك كيجي لداركم ماعندي مندير بدييك التاااقواااديييت مفهووووم ..

- رؤيا .." قفزات من بلاصتها و حركات راسها بالزربة .." ... هاا .. اصلا مكين والو 

- جلال .. هاا ودني منك .. هذااك خيينا مااشي ديال المعااشرة .. اول حاجة خداام مع المافيا هو شبعان عيااقة و شبعان حراام .. الى حاول يقرب لييك گووليها ليااا .. انا نتفااهم معاااه و ديري فباالك الى بغا يتقرب لييك ماشي حيت بااغييك .. لا حيت بااغي يدووز ليا و لقاك نتي دمدوومة ..

ضربااات الطم عرفاات جلال البق ميزهق .. لكن هضرتو على فهد معجباتها و مادخلاتها نهائيا لراسها .. هاذوو حنا البشر فاش تنكونو واخديين شي نضرة على شي حد و لااا فقلبنا ليه شي حااجة متنقبلووش علييه الهضرة .. كذلك رؤيا .. معجباتها الهضرة ولكن كمداتها فقلبها و سكتااات تتحااول تقنع رايها بوجهة نضرها هي و بلي عجبات فهد بصح و جلال كلامو غلط .. 

ما دوااتوما تكلمات تا وصلو للقصل كل واحد فيهم نزل بحالو للجناح ديالو . جلال قبل ميطلع ما يوصل لجناحو اتجه لعند توليب .. لقاها ناعسة و معنقة الطابلييت .. حيدها ليها من يديها و ذاف فيها لقاها معنقة تصويرة ساندي .. تنهد و حطها فوق الكموود .. غطاها و بااس ليها راسها .. جلس حداها مدة تيشووف فيهاا تتفكرو داائما فألمى غير الفرق انها هي عارفة الأم ديالها من الأول عكس المى لي ماعرفاتها تال مؤخرا .. مع ذلك مابغاهاش تربي فقلبها لساندي داك الحقد لي مربياااه عبيير لكارولينا .. ولكنالمشكل تيبقى فالام الغير مسؤووولة .. و لي متيقوولش ليها راسها حتى تجي تطل على بنتها ولا تسول فيها غير بالتيليفووون .. طفاا الضوو و خررج اتجه للجناااح ديالو .. بااان لييه الصقيييييييل و الضوو طاافي .. كي شعل الضوو لقاها لايحة كل رجل فجيه و شاادة كرشها بيديها .. ابتسم و مشا عندها غطااها و بااس على جبهتها ..

- جلال .." خذا وجهو فعنها استنشق عبيرها" .. نعستيي .. درتيها بياا اكارااميلا .. هه ..

اتجه للدريسينغ .. بدل و رجع تخشى حداها مخششها فييه و نعس ..

صبااح جديييد و يوم جدييد ...اصحاب القصر كلها و شنوو مقاابل كلهااا و شغاالو عبد العظييم خرجاتو الممرضة كيف العاادة تضوور بيه فالجردة .. اما ولادو دائما معطلؤن فالنعاس ..تتوصلهم بااردة .. 

جلال فااق كيف عادتو على النبووري و اتجه للشركة خلى المى مزال نااعسة تا هي فااقت معطلة .. كي فااقت مشات دوشاات و صلاات صلاتها عاد بدلات لبسات سورفيت و تقادات .. طلبات الفطوور كيف تشهااتو خاطرها .. لقات ميساج من جلال مكتوب فيه صباح الخير .. ابتسمات و كملات فطوورها بلا متجااوبوو .. طلعات ليه vu😂.. كملات فطوورها على خااطرها و هي تتفرج فالتيفي .. تفكراات انها غاتخدم فالشركة و اتخداات قرار ااخر ممكن يعجب جلال و ممكن ماحس بييه من القرار الأول لي اتخداات و غامراات بييه .. خذات تيليفوونعا صيفطاات ليه ميساااج فالواتسااب..

«بغيت ندير الشوبينغ ..اليوم»

جلال « غانضيفط ليكلي كارد .. دخلي لدريسينغ غاتلقاي فالكوفر كاريديت كارد ..خوديها جيبي لي خصك ».. 

ماجاوباااتوش عنقات التيليفوون و حطاااتو تفكرات خولة شحال ما دوات معاها .. اتصلات بيها و بقااو شااادين الحتيييت مووودة و قالت لها بلي قربوو يجييو ..بقات معاها حتى جاات الخداامة خبراتها بلي لي كارد كيتسناوها التحت .. لبسات المونطو ديالها و هزات نضاراتها الشمسية .. دارت الصاك ديالها فدراعها و اتجهات لعندهم ..حلو ليها الباب ركبات و ركبوو تا هوما زوج فسيارة اخرى و وااحد مع الشيفور فالسيارة ديالها اتجخو ديرييكت للموول .. دخلاات ما خلااات فين تساارات و اي حااجة تتعجب خولة خداات ليها منها مانسااتش عايشة حتى هادي هي اكبر ميزة زوينة فالمى هي انها فينما تدير الشووبينغ حتى فاش كانو فلووسها قلال عمرها تتنسى عايشة و لا خولة .. حتى جلال هاد المرة مانساتووش ..دخلات لمحل تيدير السوايع و الأكسيسووريز ديالهم الرجال .. خذاات ليه سااعة رجالية كلااس مع براسلي ديالها حيت عارفااه من الرجال المهووسيين بالسوااع .. شرااتها و اتجهات للمحلات ديال الحوامل و الملابس المحتشمة ..خذات عاباات و كولوونات مع قويمجات طوال شوية .. و اخييرا خذاات شيلان ديال الشعر .. و كل شاال مااشي مع اللبيسة ديالو ..و كل قطعة خذااتها بدقة و تناسق و خذاات الوااسع على حسات بالحمل و كذلك خذات صبيبطان من احسن و ارقى الماركاات .. و لي شراتها تتمدها للي كاارد لي غاديين معااها و لي لفتوو اتبااه النااس لي دااز تيوقف يشووف 

وقفات قدام محل ديال الوليدات الصغااار .. دخلتت بدوون تردد .. مشات ديريكت لديال الولاد .. فينما تهز شي تقيشرة ولا شي تيشرت تتبدى تضحك غير بووحدها و تحط يدها على كرشها .. خذات كااع داكشي لي محتااجة و لي بغات لي بروودوي و الشومبواانااات البيبروووناات و اللهاياات .. و كل حااجة تتااامد منها الدووبل ديال لي غاتحتاااج لماا لا و ولي عهد الهيلاليين جاي فطرييق .. اسر جلال الهيلالي بجلالة قدروو.. بقات من هنااا لهنااا حتى حسااات برااسها عيااات بالمعقوول و تشهاات كابووتشييينوو .. حيت داازت من حدا كاافي و شماات ريحتوو .. 

اتجهاات للكافي و مشا واحد من الكاارد طلب ليها شنوو بغااات .. و طلب لييهم تا هوما كيف قاالت ليهم يديروو ..جابو ليها ديالها حطوووه ليها و اتجهوو هوما للطابل المجاورة ليها بااش يبقاو قرااب منها ... كانت تتستمتع بالكابووتشيينو ديالهاااا حتى وقفوو عليهاا ثلااثة تالبناات .. وحدة منهم قرباات ليهااا طلعات فيها راسها كي قشعاتها رجعات شربات من قهوتهااا غير مهتمة ولا محركة فيها ساكن

كانت تتستمتع بالكابووتشيينو ديالهاااا حتى وقفوو عليهاا ثلااثة تالبناات .. وحدة منهم قرباات ليهااا طلعات فيها راسها كي قشعاتها رجعات شربات من قهوتهااا غير مهتمة ولا محركة فيها ساكن

- كوثر ..اووه اهلا عبير .. !!

- المى .." طلعات و نزلات فيها .." .. مدام عبير ..

- كوثر .. احم .." تحرجات قدام صحاباتها" .. اوكي .. مدام عبير الهيلالي .." قربات ليها ..", ..كيبان ليا ماحبيتيينييش بالمرة ..شووفة دياالك ليا فشي شكل ههه 

- المى .." ضحطات باستخفاف" ..علاش بالسلامة ..!! اووه سمحي ليا مشغلتش راسي بيك لدرجة اني مانحبكش ..

- كوثر .. " شافت فالأكياس لي بجنبها و جنب لي كارد .." .. كيبان ليا دايرة الشوبينغ .. 

- المى .." جاوباتها باستغراب .." بطبيعة الحال .. !! لاش غانجي للمول مثلا!!

- كوثر .. هههه ..اووه طبعاا كاتصرفي فلووس جلال طبعا ههه ..

- المى .." طلعات فيها حجبانها" .. اولا احبيبة .. سميتو مستر الهيلالي مديييرك ماشي صااحبك هو .... هادي اول حاجة ..!! ثاانيااا .. نصرف فلووس رااجلي كيف ما بغييت انا حررررة .. يكفي انوو رااجلي و انا مرتووو" و حطات يدها على كريشتها" .. و كانصرفهم على ولدوو لي تيتسنااه بفارغ الصبر ..

- كوثر .." بحال لا كبيييتيي علييها دلو ديال الماا باارد ..'' ..ح.. حاملة!!!

- المى .." ابتسماات ببرووود .." ..وي هههه .. قولي ليا مبرووك ..

- كوثر .." ربعات يديها ..مااحملااتش رااسها .. شاافت فيها بعيوون كللها غلللل " ..الزوااج من مستر الهيلالي صفقة مربحة ..ياك احبيبتي !!

- المى ..ر شربات من كاسها و ماجاوباتهاش .." .

- كوثر .. حااملة بهاد السرعة .. هههه باغة تغرقيه بالولاد مثلا !! هه .." باغية تستفزها باي طريقة .." .. ثروة على شكل رجل .. وسييم .. و ليه هيييبة فالمجتمع .. و اي وحدة تتمناااه شكوون بحاالك ..!! زعماا ما كاايضاايقكش انوو كيعرف بزااف ديال البناات بحكم العمل و مكانتو فالمجتمع. .

- المى .. " ضحكاات بعصبية واااخة حاولاات ماتبينش .." كاتحاولي تعصبيني ولا شنو احبيبة!! .. ديجا دوينااا فهااد السوووجي .. ههه ... مي انا غانجاوبك ببسااطة .. مكيهمنييش جلال شحال كيعرف من وحدة ..!! ولا انوو كوولهم تيبغيوه و تيتمنااوه .. و نزيدك معلوومة جديدة و حصرية غير ليك ..جلال طلق مرتو على ودي انااا ... حيييت حااولات ضربني !! فراسك!! هههه... هادشي لي كيهمني انوو بين هاد البنااات كاااملييين ختااارني انااا .. و خلااهم هووما ..!!

- كوثر .." بغيض .." .. مزيان مزياان .. عندك لساان حااد و تتعرفي تجاوبي على الأسئلة المنااسبة بجوااب مناسب كنحييك .. 

- المى .."وقفات و قربات ليها كثر و كثر و شافت مباشرة في عينيها" .. عينيك .. عارفة نووعهم .. ماتخليهمش يفلتوو منك هاه ولا هاااه .. حيت الجاامع لي قرييتي فييه انااا لي درت لوو الساااس .. فهمتي ازوينة .. الى بغيتييي تحااافضي على خدمتك .. حاولي مااا أمكن تبعدي عوينااتك على جلال .. حيت اللعب مااشي معايا .. ديجا حتى انك تحااولي تقربي لوو غاتلقاااي صد گد رااسك يخليييك تخشي وجهك فالترااب .. و منوو هو .. " تتدوي و الابتساامة على وجهها

- كوثر .. ههههههههههه .." ربعات يديها" ..تبغي تجربي!!! .. انا ميهمنيش نلقى صد .. لي كيهمني هو نأكد لييك انووو جلال مااشي من النوع لي ممكن يكتفي بمرا وحدااا ..

- المى .." ضحكاات بأنوووثة وااضحة" .. ههههههههههه نتحداااك تقدييي تااخدييه من حبيبتووو ..

- كوثر .. اووو هههه متأكدة و واااثقة .. " .. اوكي .. هاحنا غانشوفوو رجعي لووور و تفرجي ..

- المى .. اذا كااااانت وحدة بحالك غاتدييه .. الله يربح من عندي.. 

- كوثر .. هههنتتت كتستغنااي بسهوولة من كلاامك فالأول مضنيتكش دغيا كتستسلمي!!

- المى .. مستسلمة حيت تقتي كاااملة عاطيااها ليييه .. و مستحيييل يخذلني... و مستحيل يلقى لي تفهمو فحالي و هو عاارف هادشي مزياااان ..

-كوثر .. دابا نشوفوو .." هزات صاكها و لي كان فووق الطبلة .." .. اااه .. نسيت ما قلت ليك ..انك تكوني فرحاانة حيت مزوجة بالهيلالي مزياان .. ولكن ماتكوونيش وااثقة بزااف حيت جلال كيبغي يشووف الزين متجدد .. امم و حااجة ثاانية ..كوني مرااااا حرة و خلي التحدي تحدي .." طلعات فيها حاجبها" . ماتمشيش تتجري تقوولي لوو شو شنوو قالت لي كوثر و شنوو دارت بكال المرة لي فااتت 😉..." ضحكات باستهزااء و مشااات ولكن رجعات و الابتساامة الجانبية على وجهها... " ...دووماج ماجيتيش للحفل ديال البارح .. واخة ماعرفتش السبب ولكن بغيت نقوول ليك بلي راجلك جلال استمتع بوقتو معايا بزاااف .. ههههه 

مشاات و خلاتها وااقفة تتعض فشنووفتها من التوثر ماحملااتش اااخر جملة قااالتها كوثر عرفاات ترد على كااع هضرها الاا اللخرة .. .. تنفساات بعمق و وجهات كلامها للي كارد ..

- المى ..شفتكووم ولفتووو الجلسة .. يالله غانمشيو!!

دخلات للجنااح ديالها و الخدامات وراها حطوو المشتريات ديالها حدا النمووسية و خرجو .. حيدات صباطها و الجاكيط لي كانت لابسة و جلسات فوق النموسية .. كلام كوثر و التحدي لي دخلاتها فيييه شااغل بااالها .. بغات شي حد تتكلم معااه .. حساات بداك التحدي كأنو سر كااتم على نفسها بغاات شي كد تفضفض معااه .. شي حد تفتح ليه قلبها و مالقااتش .. لا صحااب .. ولا حد قرييب .. بحال خولة .. المشكلة ان تا خولة اقرب النااس لييها مساافرة و بعيييدة عليييها .. تنهدات و تقادات فوق النموسية مددات رجليها و دفعات دوك الأكيااس برجليها .. بقات مريحة و تتفكر حتى سمعات الدقان فالباب ..

- المى .. دخل!؟

- حياة .." دخلات بوجهها البشووش هاازة فيديها بلاطو شافتها المى و سقادات فالجلسة بغات تنوض و هي تحبسها" .. لالالالالا ماتنووضيش .. بقاي مرتاحة .." حطات ليها البلاطو حداها" 

- المى .. ..ااح طارط دالحامض 😍😍 علااش عذبتي راااسك ..!!

-حياة .. مكين تا عذااب احبيبتي .. مصاوباها بيدي .. و عارفه حتى جلال تتعجبو من يدي ..قلت نديرها ليكم بزوج....

- المى .. " ابتسمات .." .. شكرا بزااف .. وليت تنحماق على اي حااجة حاامضة .. ⁦

- حياة ..اوا كوولي ماحدها بااردة .. ههه .. المرا الحااملة لي تتعجبها الحموووضة كيقوولو انو عندها صبي .. و لي تتكوون تتبغي الحلاوة تيقوولو عندها بنية ..

-المى ..ههه ..انا حااسة انو صبي .. 

خذات فورشيط و بديت تتاااكل .. لكن التفكيير خلى وجهها يرجع كيف كاان ..ملامحها رجعات انكمشات بقلق و هادشي حسااات بيه حياة .. حيت كانت تتبتسم و دغيا جمعات الابتسامة ..

-حياة ..شنو عندك احبيبة !!

- المى" .. حطات الفورشيط و شافت فيها " .. والو .. علاش!!!

- حياة .." شدات ليها فيدها" .. هاد المدة لي عرفتك فييها .. وليت تنعرف ملامح وجهك كيف كيكوونو ملي تتقلقي!! و ملي تتفرحي ..و انا بحال مامااةك ديريها فباالك ديما .. مرات ولدي هي بنتي معنديش فرق بينك و بين جلال او رجوى ..يعني تقدري تشاركييني الحوايج لي يقلقووك .. " شاافت المى سااكتة و هي ضغط على يدها " .. التقلييقة هااادي البيبي حااس بيها ديريها فبالك و متنسايش كلام الطبيب واش عندك مشاكل مع جلال!! واش مزال تيقلقك ..

- المى... تنهدات و شافت فيها" .. احم .. ماشي جلال .. انا عندي مشكلة اكبر .. معرفتش ..

- حياة ..مدات يدها لوطه المى و لمسات خدودها بحناان" .. قولي لي شنو بيك ابنتي .. فضفضي .. 

" .. بدات تتعاود ليها على كوثر من اول لقااء ليها بييييها حتال اللقااء ديال اليوم كاااع دااكشي لب بغااات تقوولو لخولة قاالتو لحياة و فتحات ليها قلبها ..و طبعا حياة تتعرفها مزياان حيت صاحبة رجوى و عاقلة علبها كي كانت تتلغي جلال.." 

- المى ..و هادااا ما بيااا .. 

- حياااة .. هاد البرهووشة مابغااتش دييير عقلها و جلال تا هو مفهمتش لاا مزال مخليها عندو ..

-المى .. جلال شاااد معايا ضد .. انا عاارفااه باااغيني نتييق فييه واااخة كوقر خداامة عندو و قرييبة ليه .. يصحاابلوو تنشك فيييه هو .. انا رااه الشك كلوو منها هي .. و راني عاودت لبيك علاااش .. قداام جلال تتكون وحدة و موراه هضرتها تتختلف تماما ... و هادشي بااش تتعصبني ..

- حياة.. قمة الوقااحة و الحقاارة .. ماديرييش رايك برااسها نتي ااش دالك دخلي معاها فشي تحدي ابنتي .. و هذااك راجلك ديالك ...لاش غاديري معاها تحدي على ودو .

- المى ..؛" ضحكات" .. شفتي ..شفتي رااجلي .. و وحدة متحدياااني على ودو. يالله شووفي لياا الوجه القاااصح تقوول هي لي مرتو ... 

-حياة .. شوفي بااش غاتقتلييها ..خلبييك ديييما تايقة في جلال ..و معمرك تعطييها فرصة تزرع فييك الشك .. و هضرتها على الحفلة كنضن كاااملها كذووب .. حيت جلال دا معاه رؤيا بنت عمو للحفلة لو كانت شي حاجة بحال هادي كون قاالتها لبا انا عارفاها فمهاا مكيزگااش .. ولكن بااش تتأكدي و تتهنااي.. بلاتي .." جبدات تيليفونها و دورات لرؤيا .. دارت الهوتباغلوغ .." بنتي ..بغيت نسولك ..

- رؤيا .. وي طاتي .. !! 

- حياة .. البارح كان معاكم شي حد فالحفلة !!

- رؤيا وا بزااف لي كانو فالحفلة احبيبتي شكون بغيتي بالضبط!؟

- حياة .. حلي معايا دمااغك بغيت نقوول وااش شي وحدة مشاات معاك نتي و جلال الباارح!! مثلا السكريتيرة ديالو !!

- رؤيا .. لا تا وحدة .. مشيت انا وياااه و المكاانش مرتااحي اصلا .. بغا يمتااش يوسل لعند عبير .. قال لي بلي عياانة 

- حياة .. صافي حبيبتي شكرا .." قطعات معاها و شافت فالمى لي حطات يدها على حنكها" .. شفتي اش قلت ليك ..!!

- المى .. بنت الحراااام😳😟 كنت موجدة لجلال اسطواانه طوييلة عرييضة على هاد البلان ..

- حياة ..ههههههههههههههه و انا عاارفه داكشي علااش اتصلت برؤيا سولتها قبل ما يجي جلال و تفرگعي علييه .. ههههه 

- المى .. " شدات لبها يديها و شاافت فيها بعيوون كلها امتنان" .. شكرا بزاف صراحة رتاحييت بزااف فاش دويت معاك .. عاونتيني من مشكلة كنت غانخلقها مع جلال .. شكرا ... 

- حياة .. ماتشكرينيش .. شنو وضييفة الأهل غير غير يوعييو وليدااتهم .." كحازت لعندها و عنقاتها" .. نتي و جلال خصكم تحسبو روسكم واحد بااش الحيااة تمشي .. الى طلع هو نزلي نتي .. و تا هو خصو ينزل مرة مرة .. و ماشي اي حااجة تيقووها لييك راه فعلا كينة .. 

دخل عليهم جلال على غفلة لقاهاا متكية فحضن حياة ...

- جلال ... السلام عليكم .. مجموعين عند النبي!! ياك لباس ..اش تم !! " باس راس حياة .."

- المى .." طلعات راسها شافت فيه و ابتسماات" ..

- حياة .. مكين واالو اولدي .. غير صاايبت طارطة ديال الحاامض و جبت لعبير تااكل .. واخة بااقة كيف ما جبتها .. خذااتنا الهضرة و خلينا الماكلة ..

- جلال .." جلس حدا المى و شد لها يدها باسها من الداخل " .. نتي لي مصاوباها!!!

- حياة ..بهاد اليديداات .. ههههه " ناضت وقفات" انا غانقوول لهم يجيبوها ليك ..

- جلال .. " شد يدها باسها .." يخلي ليا هاد اليديدات .. ..

- حياة.. الله يرضي عليك اولدي.

خرجات حياة خلاتهم بزوج .. هي منزلة راسها حساات بالذنب حيت ضلماتو و كانت غاتنوضها معاها .. اما هي غا تيشووف فييها .. اول مرة تنزل راسها بحال لا حشمانة😂

- جلال .." حط يدو على حنكها" .. مال الزين!! 

- المى .. " طلعات فيه عينيهااا و دولت بنبرة كلها دلع" .. وووالو 🥺

- جلال .." حتى على شفاايفها ببوووسة " احح .. حامضة ههه .. 

- المى ..ههههه😁" ضحكات برقة رسها بتلقاائية جات قداام وجهو مبااشرة .. و عينيها على فمو ..."

- جلال .. " ضم وجهها بين يديه ..و شااف مبااشرة فعوينااتها لي تيسلبوووه ويغرقووه فيها و همس بصوت منخفض و مثقققل " ..توحشت ديلمك ابنت عايشة .. 

- المى ..ههههههه و توحشتيني ديلمي لااش " ضحكات بدلع و جراتو من الكول ديال الشوميز قربلتو ليها حتى ولاات نفسوو تضرب فيها .. و باستو جنب فمووو .. " ..

- جلال .. تتت .. لالالا هادي ما بووسة ما تا لعبة ..

نزل عندها سرق شفايفها فقبلة عميييييقة لي نوضااات زوبعة من المشاااعر اللااااهبة دااخلها و داخلو حتى هو .. بعد دققائق فصل القبلة بااش يسمح ليها تنفس تا هو بدا يتنفس بصوت مسمووع .. و صدرو طاالع ناازل .. 

- المى .." تتلعب فصدرو" .. سير دوش .. و بدل علييك ..و اجي عندي ليك شي حاجة ..

- جلال .." صغر فيها عينيه .." .. نلقى ملتك ناعسة نكوييك نكوييك .. بربي مانعقل عليك ..

- المى .. " ضرباتو بخفة " .. ههه‍ههه الله يمسخك

ناض اتجه للدووش دور و خرج لقاها رتبات المكان لي كان كلوو مرون بالأكياس و رتبات الطبيلة لي جابت الخادمة فيها لا طارط طلبات منها تجيب ليها تا الكلاص قادات الطبلة مزيلان .. لبس حوايجيوو و جا بالحس مو راها عنقها من كرشها تا قفزت حط شفايفا جنب ودنها ...

- جلال .. شششتتت .. هي انا ههه مالك .. " كيدوووز يدوو على كرشهاا" .. البطل ديالي كي دير ياك ما معذب ماماه!!

- المى .. ههه .." دارت عندو حطات يديها على عنقوو .." انن ..ولدي مامعذبنيش .. باباه لي معذبني😍

- جلال .." منزل راسو لعندها و معذب حيت كانت حفيان. .. جر كرسي .. جلس و جلسها على رجليه" ..بابله عاد ناوي يعذب مامااه ..مزال ما بداا هههه .." عضها فعنقها و رجع شاف فيها" ..ااش تم ..بنتي ليا مغيرة .. عاد الصباح مجاوبتيني تا على صباح الخير!!

- المى .." توجات فمها .." ..يعني قووول تقوول درتي عقلي ..نوعا ماا هههه ..

- جلال .. "نموووت على لي دير عقلو ..

-المى .."خدات من الطارطة و خشاتها ليه ففموو " ..كوول بغييت نورييك شي حاااجة ..

- فهد .. فبالك ديك الليلة ماخرجتيش من راسي .. الليل كلوو بقييت تنفكر فيك ! و هادي حاجة غريبة على لورينزو ..

- رؤيا .." نعسات على كرشها و طلعات رجليها تتلعب بيييهم و الفرحة فقلبها لعلك ترضى .. " .. امم و علااش ..

- فهد .. هاني غانبدا نتعصب ..؛! كيفاش علاش .. باااينة عجبتيني .. !!

- رؤيا .." عضات على شفتها' .. انم صرااحة حتى اناااا ..

- فهد ..اووه .. ههههه فرحت دابا ..اوكي .. ايمتا غانشووفك .. مذااق شفايفك بااقي ففمي ..

- رؤيا .." ضرباتها اللقوة و حناكها تزننننگو .. 

- فهد .. مالك سكتي .. هااالوو .. رؤيا !!سندريلا !! 

- رؤيا .. ام ..هاني .. معاك ..شوف ..عموماا انااا ماغاديش نقدر نخرج ..جلال مايخلينيش ..!!

- فند .. وااااات .. جلال!! مالو هو دير عليك حضر التجوال 

- رؤيا .. ااه .. بحال هكذااك ..من ااخر مصييبة وقعات ..ديال مىتضى مابقاااش كيتييق فياا ..

- فهد ..." زير على التيليفوون و غووت " .. كيفاااش ماكايتييييقش فيييك و هو اصلا مااال مو .. ااش هاد الق**ي ..

- رؤيا .. " طلعات حجباتها تا هي " .. و مالك تتغوت اخويا ياك لباس؟؟ مانحخااافووووش .. ولد عمييييييييي اخوووووويااا ولد عمييي مااشي غرييب كييفاش مالو ..

- فهد شووكااتو متوقعهااش تغووت قال ليه راسو غاتحتني الرااس و لكن الطبع غلااب دغيا تترجع صلبة وااخة تبغيه تا تعيا😂" .. اوه .. صوري .. انفعلت .. .. اوكي الالة . تتغوتي على لورينزو!! اوكي .. صووري .. ماغانعاودش نتصل. . حيت انا مااشي مرااهق غايبقى شااد معااك الهضرة فالتيليفوون اوكااي ..

قطع علييها و خلاااها تتبرق فعويييناااتها .. تناادم معاها الحااال حيت نطقااات ديك الهضرة و غوتااات عليه .. رمات التيليفون و جلسات حطات يديها على حناكها تتهرنن ..😫

.......

-المى ..خدات من الطارطة و خشاتها ليه ففموو " ..كوول بغييت نورييك شي حاااجة ..

... بعدما كلا و وكككلها بزز علييها .. و هي تجرو معاها للجهة لي حااطة فييها الأكيااس ديال الحوايج لي شراات من الموول .. جلساتو فوق الكنابيو بدات تتجبد تقيشرات ديال الوليدات ...

- المى .. شووف .." عينيها تيبرقوو" .. ههه شووف شحال صغااار ههه ..

- جلال .." ابتسم وخذاها من عندو خشاها فصبعو".. رجليه غاتكوون قد صبعي الصغير ههه .. 

- المى .. ههههه ..شووف ...

بدااات كتجبد الحواايج و تحط لييه كوولشي من المااركاات الغالييية و على المووضة .. صبيبطاات تريكوويات و سريولاات ..

- جلال ..ههه الله يجييبو على خيير بعدا مزال ما عرفنااه واش دري ولا درية ..

- المى .." .." خزرات فيه .." .. واش بااغي تعصبني!!!!!..

- جلال.." حبسها بيديه" .. صافي صافي ..دري .. تتشمن دري رااجل .. السبع ديال بااه هذااك تا حد ميقد يدوي ..ههه ..

- المى .." ضحكاات" .. اوا هكذاااك ..المهم ..شوف ..

جبداات ليييه كاااع داكشي لي شرااات و حطاااتو ليييه ..تتحط لييه و عينيهات تيدمعووو .. 

- جلال .." مد يدوومسح ليها دمووعها" ..تت وليتي هبيلة غا تتبكي ..هاد الدمووع ولاو يطيييحو بحاال الحجر على والو..

- المى .. ههء ..😭😭ماشي لخاطري .. وا كينزلوو بوووحدهم اجلال .." 

- جلال .." خربق ليها شعرها و نزل لندها باسها فشفاايفها " .. انشوف اش هادشي .. شريتي تا ديال البنات!! 

- المى .." مسحات دموعها و حطاات لي في يديها و جرات الكيس الكبير .. " .. تت هادي ديال توليب .. عارفاها تيعجبووها لي غوب الطواال ديال الاميرات ..

- جلال .. " ابتسم ليها و مد يدو ضم وجهها بين يديه". .شكرا حيت تتفكري فيها .. بغيتك تقربيها ليك مكرهتهاش تتعلق بيك .. و ديريها فحال بنتك راك كتشوفي الوضع مها ماتتسولش فيها و درية فهاد السن محتااجة شي حد بجنبها .. و انا راك عارفاني .. دور الأب نوديه .. ولكن دور الأم معندي كي ندير ليه ..

- المى ..احم .. انا الصرااحة باااغية نقربها بزااف ولكن .. جداها مامات ماماهااا فينما تشووفها جابة عندي تتبغي تقلبها ضدي .. و بزااف يعني درية صغييرة تدخل لبها افكاار معرفتش .. تنخااف تا نتاا ميعجبكش الحال اذا قربتها ليا بزاف!! .. معرفتش ..

- جلال .." ضربها لراسها بخفة" .. اش غانبغي كثر من مرتي و بنتي يكونو متافقات!!! .. 

- المى ..هه اوكي ..ميكون غير خاطرك اراجلي العزيييز ..اناا غانعتبرها بنتي ولكن .. حسك عيينك تتدخل بيني و بينها بعديين .. 

- جلال .." هز يديه للفووق .." ..بيناتكم ابيضااوا ضااربو بالفااس الا جنااوا ..

- المى .. على فكرة انا جبت حتا باباها . "مزات البيوااطة لي فيها السااعة و فتحاتها ليه ..امم شوو رأيك ..

- جلال .." خذاها من عندها لبسها فيديه و لبس معاها البراسلي .." ..اوديي السر فالااابس .. 

- المى ..يااا سلاااام .. ههههه وا باااز لوجهك باااز .. 

- جلال .." سرح رجليه فوق الكناابي " ..و مالي كذبت!!

- المى ..ههه لا. حااشى ..امم .. بغيت نقوول لييك شي حااجة .. هي يمكن يممممكن هاتفرحك .. 

- جلال .." تيشووف فيها .." ..لي هي ..!؟

- المى ..احم..انا قررت نولي ندير الفولار .. امم مااشي غانتحجب نييت ميي ..قررت اني نلبس مستور .. و ندير الفولار وااخة غير نلوحو على شعري ..المهم ..

- جلال ..صدماتو بقرارها ولكن عجبو الحال و فنفس الوقت مايقش واش المى ااتخلى على دبك الكمية دالحويج لي تندها و تدير الفولار .." ..متأكدة!!

- المى .." حركات راسها بالايجاب ..امم. متأكدة ..

- جلال ..شنو لي خلاك تتخدب القرار بهاد السرعة!!

- المى ..هي ما بسرعة والوو .." تتلعب بيديه" .. انا الصراحة من شحاال هادب تنفكر نتحجب..ولكن ..دابا صافي خصوصااانني قربت نولد ..و غادية كانكبر فالعمر .. بغيت نكون انا ويااك قدوة لولادنا ..كيف نتا حبستي الشرااب .. و بديتي تصلي .. حتى انا بديت نصلي و بغييت نولي نلبس مستور ..صافي. .

- جلال .." ماعرف ميقوول لبها بصح فرحااتو بزااف و نعشااات دقاات قلبوو ..ناض جلي و شد ليها يديها بزووج بااسهم من الدااخل " ..الله يخليك ليا .. نتي غاتكوني احسن ام ..حيت هذا نقي .." شير على قلبها ..

- المى ..امم..تا نتااااتكون احسن اب ..خصووصا لا حبستي الكاارو!! تا هو خاايب لصحبك و حنا غايتزاد عندنا بيبي .. اوكي ..،!!. 

- جلال ..حرك راسو بالايجاب .." منكذبش عليك تنحاول نخفف على ما نقطعو فخطرة ..صعيب شوية ولكن ماشي عليا ..هه ..

ابتسمات لبيه و ناضت حطات كل حااجة بلاصتها و رجعات عندو جلساات مورراه و حطات يديها على صدروو رجعااتو لعندها حط رايو بين رجليها بيات تتلعب فصدرو تا سمعااتو نطق ..

- جلال .. شكرا ..!!

- المى ..نزلات رايها توشوف فبه ",. علايااش!!

- جلال ..حيت تتفكري فيا فاش تتبغي تتخدي قراراتك .. كنبغي نگول ليك لبسي مستور .. مكنقدش .. مكانبغيش نضغط عليك تا فاللبااس .. ولكن دابا ملي قررتيها منك لراسك فرحتيني .. 

- المى .. ههه ماغاديش ننكر كان غرضي الاول اني نفاجأك و نفرحك ..ولكن تا بالنسبة ليا وليت تنشووف الموضووع من جهة اخرى .. " ضرباتو لصدرو بخفة .." .. مان تيصحابلي غاتشكرني على الساعة ..

- جلال .. القرار لي خديتي اهم عندي من الساعة ..

- المى .." ابتسمات و ندلات رايها باستو فشفايفوو ..

- جلال .." زيدي وحدة اخرى ...

- المى .. ههه ..هاهي. ." نزلات رااسها مرة اخرى باستوو " ..

- جلال .." شاف فيها .. توحشتك ..توحشت ن...

- المى .."عرفاتو ااش غايقوول و هي تسد ليه فموو بقبلةة " ..💋💋..

ناض جلس تيشووف فيها شوية و هو يهزها و مشاا قلبها فوق النمووسية بخفةة .. و جا فوق منهاااا ... انغمسوو بزووج فقبلااات و كيف العاادة دوبهاا بين يديييه ..غاابو عما حولهم ساافرو لعالمهم لي كيبنييوه بزووج ..

City club

كيف كل نهار بعد الخدمة تتوجه للصال ديال السبوور مع الصدييقات ديالها .. بعد ما كملات ريحات فااالكفيتيرياا هي و صديقتها ..تتعاود ليها هلى جلال و الهضرة دؤالها مع المى ...

- ...انا مفهمتش الصرااحة نتي ااشنو غرضك من هادشي كامل؟؟

- كوثر .." تسندات على الكرسي". . هههه غرضي بااين .. تسووء العلاقة و نخل انا فالنص ..🥰صااافي ...

- .... " هزاات يديها لفووق " .. صااافي .. ناري يا ختي معااك انا نهز يدي و نستسلم ..!! اش دخلك فحياة النااس !

- كوثر .. توتووو..هي لي ااش دخلها فحياااتي .. يا ختي انا ماصدقت و قلت وحدة تلاااحت ..نجي نلقى وحدة اخرى ..لاااا .. احبيبة دخلييي و ستييين دخلي .. 

- .... واش متيقة راسك!! سمحي ليا ولكن زدتي فييه !! اذا كان هو اصلا ماشاايفكش قدامو ..

- كوثر .." ضرباات الطبلة بيديها" ..شكوووون قااال ماشااايفنيييش شكووون .. حتى .. حتى اذاا كااان مشااايفنيييش هادشي بسببها هي .. خصوو يشووفني خصوو يشووفني و ماغايشووفني تا طييح هي من عييينييه ..

- ... وكيفاش غاطيح من عينيه مثلا يا ام العرييف!!

- كوثر ..." ابتسمات بمكر" .. و هادشي علاش جاية لعندك .. تكون عندي صااحبتي صحفية قد الدنياا و ماتنفعنيييش حشوومة ..

- ... " طلعات فيها حاجبها" .. اييه الالة .. شنو المطلوب مني!؟

- كوثر .. " جبدات تيليفونها و صيفطات ليها مجمووعةة من المقالااات و التصاور فالواتساب. ." .. هاهوما غايوصلوك دابا و نشرح ليك ...

صبااح يوم جديييد .. كيف العادة جلال فاق بكري و توجه لمدمتوو اماا المى بقااات ممغطة مدة موراااه وااخة فاقت .. طلبات فطورها عاد دخلات دوشات و صلااات .. خرجات فطرات. و لبست حوايجها لي كانو عبارة عن كولون اسود مع قبية طويلة و واسعة فالأحمر و مكتوبة بالاسود .. لبسات معاها سبادري اديداس فالابيض ..لبسات مونطو اسود طويل تا ستيل ديالو سبور و طويل حد الركبة .. رمات على راسها الشال بطريقة عشوائية و خلات شوية ديال شعر باين من القدام .. حطات ميك اب ديالها لي غالب عليه اللون الاحمر فالعيوون و لسقات رمووش زادووها جمال لعبووونها .. عكرات بلون ترابي مع بياض بشرتها خصوصا فالفترة الاخيرة لي كانت غير فالداار طلع الميك اب عليها كيجنن ..هزات صاكها لي كان تا هو اسود و اتجهاتللباب ..خرجات ديريكت للسياارة لي قالت ليهم يوجدووها ليها..يالله كانت غاتركب حتى وقفاتها حياة لي كانتتديير السبور..

- حياة .. بنتي !!خارجة!؟

- المى .." ابتسمات ليها"وي غادية للخدمة!!

- حياة ..باستغراب .."..اشمن خدمة !!

- المى ..هههه خدمت فالشركة .مع جلال..!!

- حياة .."طلعات فيها حجبانها " ..و جلال موافق!!

- المى .. ههه انا خذيت الاوطوغيزاسيون من الحااج ..و خليتو هو يتكلف لي بجلال هههه

- حياة ..ردي بالك .. 

- المى ..خالتي ..انا غادية نحضي راجلي !!هذااك راه باات ولدي ..و اي وحدة تقرب ليه غاتلقاني قدامها .. 

- حياة ..." قربات ليها و حطات يدها على خدها" ..هه‍ههه جا معاك الحجاب ..

- المى ..ههه ... ميغسي ...دعي معايااميجعرش عليااا جلاأل ..هنن

- حياة..هههههههههه هادالمرة وااخة يضربك ماغانتدخلشحيت نتيلي قلبتي عليها..

- المى ..ههههههه لا ميقضرش يضربني ابدااا..

ودعات حياااة و عطاتهم الأوامر باشيتحركوو.. اتجهوو ديرييكت للشركة .. و لي كانت اول مرة كاتدخل لييييها..اتجهمعاها الكاردكي ريهافالطرييق..شدو المصعد حتى طلعو للطابق لي فيه جلال .. وصلهاا للبيرو ديالو .. مكتب كوثر كان فالخارج و اكيد عرفات انه ديالها حيت مكتوبة علبه سكريتيرة المدير العام ..فتحات الباب و لقااتو خاااوي .. يالله غاترد الباب و كي طلعات راسها بانت ليها كوثر من الزاج لي تيفصلها مع البيرو ديال جلال .. واقفة وراااه كان مريح فالمكتب و هي محنية عليه تتوريه اوراق خاصة بالخدمة بااش يسنييهم ..ديك البوزيسيون بالذاااث ماحملاتهاااش المى .. خرجات من اللبيرو و اتجهات لعندهم بدون ما دق حلات الباب و دخلات .. طلعات فيها كوثر راسها و هي تبتسم بالجنب..اما جلال يصحاب لو شي حد اخر متوقعهااش هي نهائيا .. كان مخنزر يالله عواال على يخزييت كي شافها رخف ملامحو ..اما كوثر استغلات الوشع و شرووودو وحاات بدها على كتفوو ..

- المى .. " ضااااغطة على كلااامها" ..حبيييييبييي صافااااا.. 

- جلال.."بذهول ..عبير!! اش جابك .. محتاجة شي حاجة ..

- المى .." دلات شفتها" ..شنو!! مبغيتينيش نجي !! " دخلات و تمات غادية مقربة لبيه حتى وقفات قدام كوثر.."..حبيبة كوثر لبااس؟؟

- كوثر .." ابتساامه صفرة😊" .. صافا بيبي ..و نتي نتمنا تكوني بيخير. .!! 

- المى.." مدات يدها و هزات لها يدها لب حاطاهااا على جلال من معصمها بزوووج صوابع" ..غانكون مزياانة اذا بعدتي شوية على حبيبي..مثلا تجلسي هنا .." شيرات ليها للكرسي لي قدام البيرو " .. تقدي طبعا ياك احبيبة ..هاد المرة غانغمض عويناتي ..المرة الجاية راح اقلبها جريمه ههه .."دفعات ليها يدها و ضربات يد بيد ساستهم .. قالت كلامها كلووو و على وجهها ملامح ضاحكة خلاو كوثر تغدد .. خصوصا ان جلال حاضر "

- كوثر ..احم .. مستر جلال كملتي!!

- جلال .." كيشوف فعبير لي تلاسقات معاه و حطات يدها على كتفو بتملك ..جابت ليه الضحك شير بيديه على كوثر باش تنصرف" ..سيري دابااا .. 

معجباتهاش الطرييقة باش دوا معاها خصوووصا انو مشاافش فبها تا الشووفه .. كل اهتمامو منصب على ملكة قلبوو و مركز فالحجااب و لبااسها لي مغطرها كاملة و ممبينش المفاتن دبيالها بالمرة من غير التقاسيم الأنوثية ديال الخصر و الصدر .. كي خرجات كوثر لوى يديه على خصرها و جلسها فوق رجليه .. كيشووف فيهاا بحب ..

- جلال .." قبل وجنتها" الى كنتي تا تغطيتي عاد زاد جمالك أضعاااف اش نديرو !! 

- المى .." ربعات يديها بغضب طفولي .." .. هادي اش كانت تدير تمااا ..لاش كانت حااطة يدها علييك ..غيير مبغييتش نديير صداااع هنا و نفرج فيها الموضفيييين ..اما والله تا نگرد ليها يديها ..الضياارة ..يخ .. و نتااا لاااااش تخليييها تحط علييك يديهااا ..!!! "ضااربة فيه تخنزيرة من داكشي " ..😠😠

- جلال .." ضحك بخشوووونه ".. هههههههههههه .. اولا الالة محسييتش بيها واش حطات بدها على كتفي .. تانيااا كي دخلتي دوختي ديلمي فين غانبقى عاقل عليها وااش كانت واقفة تم بعداا ..!!! 

- المى .." فرحها كلااامو عرف كيفاااش يااكلها" ..اممم..

- جلال ... لاش جيتي هنا بعدا!! جديدة عليك .. عمرك درتبها واش خصاتك شي حاجة!!

- المى .." تبدل فيها اللون .. ماعرفات كي غادير تجاوبووو " .. امم .. انن😨

- جلال .." حط يدو على خدها تيدوز عليها و اليد الثاانية شاادة فخصرها" ..اش تم العمر؟؟

وجهوو كان بشووش واخة علامات الاستفهااام لي على وجهوو ولكن ولااا كيحااول ما امكن يحييد علييه ديك التغوبييشة مع المى .... و تا هي تنفسات و حاولات تهدي رايها ماتوثرش فداكشي لي بغاات تقوول لييه .. خصووا انها بغاات تكسبوو ماشي العكس لهذا اتخذات طرييق ااخر فكرة اخرى من حرووب النسااا طااحت عليها .. حطات ديها على صدرو تتلعب فيين ..

- المى .. حبيبي .. انا .. تت ..انا وليت تنتوحشك بزاف .. منقدرش منقدرش ..😟

- جلال .." طلع فيها حاجب" .. اش متقدريش ..!!

- المى ..منقدرش نبقى النهار كلو بعييدة علييك .. و تنمل النهار كااملووو معندي ميداار او .. و نتا مؤخرااا غير الخدمه الخدمة .. عييت انا ..😫

- جلال.." حط يدو على حنكها كيدوووز عليه " .. تت ماتغضبييش .. ازين ديالي ..اش غانديرو لهاد الخدمة المزيرة لي تراكمات علينا .. خصنا نخدمووو !!

- المى .." طلات شفتها" .. و انا لي حااامله و وحمييي جاااني عليييك ..ماتراعيش ليا ..!! يااااك ..

- جلال .." هههه ..اش نديرو .. شنو المعمول .. نمشي نريح حداك فالدار بحال العيالات منخدمش!!!

- المى .. " كتلعب فالقفالات ديال الشوميز" .. تت ..ويلي لا .. دابا انا فكرت .. ياااكاا و قلت مع رااسي علاااش يااكاا .. علااش متخدمنيش معاك هنا فالشركة منها نبقى قرييبة لييك و منها تا نتا تبقى قريييب من مرااااتك حبيبتك ولا مبغيتيش!؟

- جلال .." تكى على الكرسي بهدوء و شاف فيها مطلع حاجبو و حااط يديه على فمو". . هادشي لاش جاية!؟ ..باغية تخدمي!! 

- المى .." حركات رايها بالايجاب و في سااع رجعات حركاتو بنفي .. تت.. ولا بغيت نبقاا غا حدااك داكشي علااش قلت لييك نخدم .. و زيدوون شنوو فيها لا خدمت!! على الاقل نحس براسي بنادم عندو فايدة!! او ..دابا انا نهار و مطااال جالسة فالجنااح و كانشووف فالحيوووط ..عرفتؤ تخنقت غايجيني اكتئااب الحوامل .. والله تا تنتخنق فالدار ..

- جلال .. عمري وقتك ..سيري ديري سبور .. خرجي تمشااي تلاقاي مع صحابااتك .. ماشي ضروري تخدمي !!...

- المى ..الصحابةت معنديييش ..و كااع دةك لب كانو تيتهربو مني شيحال هادي و فاش تعرفت ولاو تيتقربو مني كااع كاااع صدييتهم .. .. اما بالنسبة للسبور غانبداا ندييرو ولكن خصني حتا نديسيدز مع الكوتش... 

- جلال " قاطعها مخنزر" .. شكووون هاد الكوووتش بالسلااامة!!!!

- المى .. اناري .. ثورية الحاااج .. دوبت معاها قالت لي اانبداو مي انا اجلت تال مور العرس مابقى ليه والو .. 

- جلال..واخة الالة .. نتي مافرايكش واش الهيلالباات ممنوووع عليهم يخدمو .. كيجلسو امييرااات و الرجاال تيخدمو عليهم .. 

- المى ..جلاااال .." مغددة ربعات يديها" .. متقفلهاش فوجهي ..رااك كنتي مخدم رجوى قبل متزوووج خصك غير تبغي كوولشي ممكن معااك يااك احبيبي .. ياك نتا لي كنتي تتقوول لبا تندك مفااتييح كاع الابواااو ... فين كلاامك اممم .. " تعلقاات فبيه و تتشوووف ببراااءة ..

- جلال.." باقي على حاالتوو البرووووود و الهدووووء " ..الخدمة و نتي حااملة مكيناااش اعبيير .. 

- المى .. 😟😟😟😟😟😟

- جلال .. تتت..ماديماارييييش اعبيير غانگنف ملتك ..صاافي ..دويينا ..

- المى .."دغيااا طبحااات دموووع التماااسيح"😭😭😭😭صافي بعدددد مني .."بغات ت قف و مخلاهاش حاكمها مزياان" ..و طلللق هنننن صاافي بعد مني خليني نرجع منين جييت اصلا انا عارفاااااك رعواااني و مابااغينيييش نبقى هنااا..اييه بااغي يخلاااا ليك الجووو هننن..هااااني غااادية عنداااك ترجع دوي معاااياااا .. 

-جلال.. " طلع فيه حاجبوو" .. رعواني!؟🤨🤨

- المى .." تتجبببد فيديييه" .. اييه و انا لي حماارة ديماا حاالة ليك رجلي ..😢

- جلال .." تشتت عليها بالضحك " .. 

- جلال .." تشتت عليها بالضحك " .. ههه‍ههههههههههههههه " قرب تال عند ودنيها" .. كيگوول ليك لي عدا زكو لهلا يفكوو ...

- المى ..يااااااااااك زييييدنييي هننن .."بدااات تتتجببببد و هو يشدد و واالو اثقنت التمثييل بدقة السييد يصحااب لييه بصح تتبكي و كطلع ليها الدم .." صااافي بعدد بعدد صاافي ..

-جلال .." تيحككم فيهاا" مشكليييييلة هااادي تااني وا زكاااااي الخرااا ولا نمرمقها مع مك ..وسختي ليا الحوجي بصبااكط ..زمر مضارب مع برهووشة انو ..😡

- المى .. تركناات" ..تتغوووت علياااااا!!!!!!!😨😨😨

- جلال ..استغفر الله العضييم من كل ذنب عظيييييييم. ." تنهد و ىجع رطب معاها" ..شوف ..ديك الهضرة لي فمخك مكينش منها .. 

- المى .." ربعات يديها " ..و تا انا يا نخدم معااااك يا رااسي اايبقى يضوور فراااسو و المشااكل غايبقااااو تابعيينيي ..يالله .. بغييت نخخخددددم معاااك اسيدييي انااا بغييت نحضييي راااجلي رزقيييي اعباااد الله ..

- جلال.." معرف ميديير مسكين تلف ..ضحك تا دمعوو عينيييه ..ملقى واش يضحك و لا يتقلق عليها ولا يغوت " .. للا حول ولا قوة الا بالله ..بففف ..شووفي الى قبلت انا الحاج مغيقبلش .. 

- المى .." ضمات يديها لعنقها و شافت فيه ببراءة " ..انننن ..الحااج مواافق .. خدييت من عندو الاذن قبل مانجي ندوي معااك ..اوا لا بغيتي تسولو تصل بيه😍. 

- جلال .." طلع فيها حجبانو" .. شنو زعما تتلوي ليا دراعي ولا كيفاش!!!

- المى .." حطات يدها على صدرها" ..اناااااا ..بالعمااا ..تنا راني تنتوحم علييك ولدنا غايخرج نسخة منك غا بلاتي صبر تشووف ..

- جلال ..بففف ..شا غانخدمووك دابااا ااش ..

- المى ..البيييرووو ديااالي بعداا بغيييتو قرييب من ديالك بااش عيني يبقااو عليهااا .." شاافت جهة كوثر ..

- جلال..بفف " خوي راسك منها ....

- المى ..." عوجات سيفتها" ..كي شتي راسي غا عامر بيها ..تف ..كي ديرة..شلااا عود السبسي ..

- جلال.. 🤨🤨🤨

- المى .." حطات يديها على صدىو و قربات ليه" .. دابااا امم خدمت ولا لا!!؟

- جلال .. غانشوفو فين نكوانيوك .. " غااا شاااد معاها الخااطر و صاافي اما كون مكانتش حاملة كان صيفطها بكوتبي للقصر " .شنو غاتخدمي ..شنو المهنة بعدا!؟؟

- المى .." حطات نيفها على نيفوو حماية زوجي من بنات الحرام ..😇

- جلال .. " بقا غا كيضووور في عينيه" ..ههه ..لالا هرب لييك اعبيير و شكووون غاايرضوو ..

- المى ..وا صافي دابا شوف ليا شي مكتب حدااك ..عافااك احبيبي . بااش تكوون قرييب ليا و عيني علييك😍😍 ...

- جلال" مخنزر فيها" ..ركبتييي و دلبتي رجليييك ابنتي ولكن غا بلاااتي تا تولدي .. ديك السااع غانتفااهمو .. 

- المى ..من تما لتما ربي تماا👀 اوا صيفط هاديك تشوف ليا شي بيرو .. ولا يكون حسن كاع تخوي ليا البيرو ديالها و تشوف ليها هي شي بيرو ااخر ..

- جلال .. لا غانهزووها حنا و نسرفو بيها من السرجم .." ضرب الجرس ووجات عندوو كوثر تطير .. " ..

كي شافتهم فديك الوضعية محملاااتش رااسهة.. المى مريحة فووق رجليه و معلققة فييين و هو محاوط خصرها ..و فاش شاافتها غاد زاادت الوضع حميمية و هو مسااايرها فهباالها ....

- جلال ..انسة كوثر .. شوفي المكتب لي قدام المكتب ديالك يعدلوه لعبير .. غاتبدا معانا الخدمه ..

- كوثر .." بحال لا خويتي عليها الماء طااايب" .. كك .. كيفاش !! .. ولكن ..

- المى. .شنو لي ولكن مسمعتيش جلال شنو قال احبيبة .. نعاود ليه ..بلاتي حبيبو ثانية و راجعة .." ناضت وقفات خلاتو غا تيتفررج و خاام الضحكة .." ..قال ليك راجلي حبيبي سيك جلال .. وحجدي ليا المكتب حؤو غانبدى الخدمة فالشركة ديالووو .... اوكي؟؟ 

- كوثر .. " محملاااتش رااسها وفديك اللحضة .. " ..احم ..انا تنعرف انك فاشونيستا!! و ممثلة ! شنو هاد الخدمة لي غاتقدمي للشركة ديالنا!!!

- المى .." ابتسماات لبها ببروود " .. كتقصدي ااشركة ديالنا ..انا وراجلي !! امم .. نقدر نخدم لي بغييت احبيبة ..مفرايكش بلي المى باس باغ تو!!😉😉

- كوثر .." لقات بااش ضربها.. ابتسمات بخل و ربعات يديها" .. شنو الشوااهد لي عندك يخليوك تخدمي فالشركة ؟؟

- المى .." عضات حنكها من الداااخل و زيرااات على يديها شافت فجلال لي كان غايجاوبها مي وقفاتو بعينيها .." ااه .. كااع قرايتي كانت على التمثيل ..لدرجة نقدر ندوورك على صبعي الصغيير .. ولكن لي معارفااهش نتي هو اني عندي شوااهد ديال اللغات .. مثلا الفرنسية الانجليزية الاسباانية و الألماانية .. !! هذا غير اللغات لي تنتقنهم من غييير شوااهد فحال التركية و الكورية .. ممكن تقوولي ليا نتي ..شمن لغات عندك!؟

- كوثر .." ودنيييها حمااارو و وجههااااا صفااار .. " .. 

- جلال .." حط يدو على المكتب و خزر فكوثر" .. جاوبيها!!!

- كوثر .." قلبات عينيها ماحااملاااش رااسها" .. الفرنسية و الانجليزية .. 

- المى .." ضحكات بأنوثة .. ههههههههههه .. جلال حبيبي. المستوى تالموضفين نييييل نيييل نيييل ..اولالا .. " حمرات فبها تبنيها و ابتسمات بالجنب" ..سيري ديري لب قال لبيك مستر جلال ..و متبقاايش تسولي بزاف .. 

- كوثر ..." بغات تلعب دور الضحية ..".مستر جلال ..لااحض اني كنتهااان ..مكاانبغييش نجااوب المدااام ديالك احتراما ليك ..

- جلال .." عقد فيها حواجبو .. لاحظي بلي نتي لي بديتي و هي غير جاوبااتك على اسئلتك .. 

- كوثر .. نتا عارفني كنبغي مصلحة الشركة تكووون فووق كوولشي ..

- جلال .. و انا كنبغي مصلحة مرتي تكون فوق كولشي .. كان بامكاني نجاوبك .. ولكنعارفها قادة براسها .. تقدري تنصرفي لخدمتك ..و يا ريت تنقصي من الاسئلة .. 

- المى .. لالا بلاتي .. " دارت شافت فجلال .." .. حبيبييي فيااا جوووع ..قول لها دوموندي لينا شي حااجة نااكلووها .. وقت الغدا هادي!!

- جلال .."اش بغيتي ..يالله غانخرجو ناكلو برا .. 

- المى .. نوو بغييت نااكل هنا مفياا لي يخرج .. 

- جلال ..." شاف تيليفونو تيصوني .. خذاه ناض وقف يعد عليهم شوية .." ..شوفي معاها اكوثر اش بغات .. .. 

- المى .." مبتسمة ليها بانتصار و مطلعة حجبانها" .. شوفي ابب .. جيبيييي ليا دجاج محمر .. و ..

- كوثر .." طلعات فيها حجبانها" .. واااات شنااهواا!!

- المى .. لا حول الله .. الدجاااج محمممر معرفتيش شنو هو دجاااج .. بق بق بق دجاااااج .. و الفرييت مع بيبسيي .. و جيبي لجلال بحاالي .. اوكيي!!

قبل ماتجاوبها كوثر مشات وقفات قداموجلال تتقااد لوو فالشووميييز و ماداتهاااش فيها بالمرةةةة .. خلاتها تتنفخخخ و تفششش غا بووحدها قربت تسوووط العافية من خناافرهااا بالفقصة منهم بزوووج و فينمااا تتبغيي تزيييد تبعدهم عااد مكيقربووو كثر .. قالت مع رااسها من شافتها حاطة يدها عليه غاتشعل معااااه و دير قصةةة و صدقااات غا مزاادت قربااتهم اكثر ..

اتجهاات للمكتب ديالها .. خذاات تيليفوونها و دورااات للرقم المعلوووم بدوون تردد ..

- كوثر ..داكشي لي عطيييتك بغيييتو في اقرب وقت حاولي تبحثي نتي على حواااجي اااكثر ينفعووونااا و يخليييو صوورتها زبااالة قدااام البشااار .. الله يجعلك تستعملي الفوطوشووووب مااسووقيييش و دوووبل ديال داكشي لي طلبتيييه تااخدييه كاااش ....

سدات التييفووون و جلسات تتضرب برجليها . ..

--فلاش باك--

- كوثر .. " جبدات تيليفونها و صيفطات ليها مجمووعةة من المقالااات و التصاور فالواتساب. ." .. هاهوما غايوصلوك دابا و نشرح ليك ...

- ......"بعد ما وصلوها التصاور لي صيفطات ليها"..شنو هادشي لاش بالضبط!!

- كوثر ..." رجعات اللورو ربعات يديها..هادو يا لالة تصيورات ديال عبير ..المهم الالة فديك الوقت مكانتش مع جلال ..كانت فاشونيستا ..تدير اشهار لماركات و داك تخربيق راك عارفة تيخرجو عليها اشااعااات بزاف بلي راهي مع هذا و مع هذا و مع ذااك ..ولكن كااع الخبيرااات فينما تيتطرحو في سااع تيتحذفو و هادشي لي معرفتو منين و انا جبت كووولشي بطريقتي الخااصة ..و كينين تما صور تخادو ليها فالعطل لي كانت تتستجم فيهم . ..صور فديسكوهات فالبحر ..مهم ماعلينااش دابا ..هادشي غاتزيدي عليه فيخرات كيف عادتك يا حبيبتي ..و غادي طلقي ليا الخبر للرأي العام هههه .. 

-... عند باالك الرأي العاام مساالي و غايهتم بهاد التفاااهات ..!!!

- كوثر ..ديري لي قلت ليك و ماسووقكش ..و نتي راك تتسعااي لرئاسة التحرير ديال المجلة ..ماتنساايش ... هادشي غايجيييب قرااء و مشاهديين بزااف .. سوو .. نتي تعرفي انا تنقدم ليك ترقية على طبق من ذهب.. !! زاائد الثمن لي تحدديييه نتي. . 

- ..ؤاممم واخة .. انا غانوافق غير حيت نتي صاحبتي .. ههه .. و غانبحث اكثر على المدام عبير الهيلالي .." مدات ليها كوثر نص الدفعة ديال الفلوس شداتها و عينيها تيبرررقووو .."هادشي كلو على ودك احبيبتي ..

- كوثر .." طلعات حواجبها" ..اممم على ودي .. انا لي كيهمني هو جلال يقرا عليييها لي ميعجبوووش و يخليييها انا تنعرفووو دمووو حااامي ميقبلش على راااسو ان مراتو يتكتبو عليها حوايج بحال هادشي ..هههه .. 

-- عودة من الفلاش بااك--

- كوثر .." هزات الفون طلبات داكشي لي قالت ليها المى .." واااخة اعبير .. دابا نشوووفوو شكووون غايولي يتسخر على لاخر😑 

بعد مدة خرجات المى عند كوثر و هي حاطة يديها على خصرها ..تتمشي و انووتتها الطااغية لفتات انتباه شحال من واحد دايز من جهة المكتب .. 

- المى .. فين الغدا!!!😌

- كوثر .." طلعات فيها راسها مغددة" ..شنو تتحاولي ديري اعبير ..كنضن مااشي هذا اتفاقنا !!

- المى .." حطات يدها على فمها و ضحكات بصخب" هههههههههههههه من نيتك!!! علايااش تافقنا الحبيبة!! اااممم واش من نيتك .. باغاني نقدم ليك راجلي على طبق من ذهب!! ادوي !! و محشمتيييش اراس الكبااله!!

- كوثر .. هههه اوا قووولي متيقاااش فراجلك .. 

- المى .." تكاات على المكتب ديال كوثر" .. اووووه كوكي ..تتبقاااي فيا الصراااحة هههههه .. دابا انااا متيقااش فجلال .. خير دليل انوو مكيشوووفش فييك و مغايشوووفش وحدة غيييريي .. يا حرااااام .. 

- كوثر..." ناضت وقفات" .. يا حبيبتي ماغاطولش هاد المحبة.." ربعات يديها و اتجهات لعندها" ..

-المى .." طلعات فيها حجبانها " اوا اش غانقوول ليك اختي ..الله يعطينا غا قفااك اما وجهك خليه عندك.. 

- كوثر .." فلحظة تبدلو ملامحها" .. تقدري تتجهي للمكتب ديالك امدام الهيلالي .. راه واجد .. وحتى الغدا ديالكم هاهو غايوجد دابا و نصيفطو ليكم ..

- المى ..." تلقائيا ضارت وراها ..بان ليها جلال خارج ديري يديه فجيبو رجعات ضارت شافت فيها و دوات بشوية" .. اهاه .. تتعرفي تمثلي ..اوا الااالة جيييبييي لينا الغدا بنفسك ..

- جلال .." وقف حدا المى" .. طلبي لراسك لي بغيتي تا نتي اكوثر .. تقدي تغداي فمكتبك ياذت بغيتي .. 

- كوثر .." ابتسمات ليه بلطافة .." .. واخة .. شكرا ..

- المى .." طلعات راسها و خزرات فيه .." .. يا حنين .. 

نطرات منو يدها و توجهات للمكتب ديالها تستكشف وجهها باااين علييه طاالع ليها الدم ...

نطرات منو يدها و توجهات للمكتب ديالها تستكشف وجهها باااين علييه طاالع ليها الدم ... دخلات و مشات للبيرو تتقلب فيه لي كنت الخلفية ديالو كاملها زاااج و تطل على المديينه من الفووق .. البيرو كان الديزانر ديالو عاادي و بسييط مصبووغ بالبيج و فيه بابيي بان بالأبيض و النحااسي مخلللطيين بشوية ديال الضووغي .. اما بالنسبة للمكتب فاكان بالبيييج و و الكرسي ديالو تا هو بيج و مرييح فالجلسة فيه مكتبة صغيرة و المساحة ديالو واسعة ..فيه كذلك جليسة.. كانابياات بالبيج و الضوغي و وسط منهم طبيلة تالزااج .. ..جلسات فالبييرو و و هو يدخل جلال مخنزر .. وقف عليها 

- جلال .. اش هادشي امداام هادي طريقة دوي بيها مع المدير ديالك قدام الموضفة ..؟؟

- المى .." طلعات فيه حجبانها" ..شوووف نتا شدرتي .." غلضاات صوتها تتعيب فيه طلبي ليك شي حاجة اكوثر الى بغيتي تتغدااي فالمكتب مااشي مشكل" .. الله يغصبهاا .. اتفو ..

- جلال .." صبفط عليها ستيلو اارااس" .. عدلي فمك اش هادشي ..فين المى الكلاس!!

- المى ..."خزراات فييه .." ... ديزوولي دابا كينة غا عبيير السووفاااج .. 

- جلال .. هههههه العفوو .." جلس فوق الكرسي لي قدام البيرو " .. المهم ندويو شوية فالخدمة امدام .. ماشي غاتجي نعطيوك بيرووو .. و نجلسوووك فالشركة بااش تحضي كوثر .. 

- المى .." طلعات فيه حجبانها" .. اش غانخدم ..!!

- جلال .. غاتخدمي كمترجمة .. قلتي عندك التركية الكورية و اللغات الثانية .. و حنا عندنا عملاء من هاد الجنسيات .. كين لي تنلقاو معاه مشكل فالتواصل .. اوماعندووش الفرنسية و الانجليزية ..تنضطرو نجيبو مترجم .. اوا دابا جابك الله .. هاد المدة تخدمي معانا .. 

- المى .. انممم .. واخة ..

- جلال .." مطلع فيها حجبانو" .. لاش هاد التخنزيرة و التكشيرة دابا!! حيت گلت ليها تطلب غداها!! 

- المى .. ربعات يديها و شافت فيه" .. جلال تنقوول ليك ديما تاااايقة فييك ولكن تعااملك بلباااقة مع بحاال هاد الاشخاااص تيخليهم يفهمووك غلط ..!! يوو نقص شوية عافاك على ودي ..تنحس بالديقة فااش تيبغي شي حد يقرب لييك ..!!

- جلال .." ابتسم بالجنب و مد يدو حر يدها و بااسها من الداخل" .. و انا غانزييد نگوول لييك تا وحدة ماااغانطلللع فيييها الراااس من غييرك امووت ولااادي .. دخليها فراسك مكيهمنييش انا يفهمووو غلط و لي حاولات تقرب ماغاتلووم غير راسها غير هني ليا هاد الراس القااصح .. ..

- المى .." ابتسمات بخجل و حيدات يدها من فمو" ..انن حنا فالخدمة حتارم رااسك امستر الهيلالي هذاا راه سميتوو تحرش بموظفة ههه .. 

- جلال .." حط يدو على صدرو" ..ههه واش انا تكاافيييت مع ديلمك فالداار بقاا ليا غا الخدمة ..هههه ...

بقاااو على الضحك و الهضرة حتى وصلات الوقيتة فاش غايخرجو .. توجهو للقصر لقاو العائلة كاملة مجموعين على العشااء و ليوجامعهم عبد العظيم و تيتسناو فيهم ..

-جلال .. السلام عليكم .." مشا باس راس الحاج" .. خير!! ياك لباس ...

- عبد العظيم ..." شير ليهم يريحو" ..تفضلو ..جلسو .. 

- جلال .." جر الكرسي لعبير حتى جلسات عاد جلس هو فمكانو" .. احم ..ياك لباس الحاج شفتك دير اجتماع ..

- عبد العظيم... هههه فعلا هو اجتمااع .. بمناسبة اقتراب العرس ديال حفيدي البكر .. 

- جلال .. يحفظااك الحااج ..

- عبد العظيم... المهم..سمعوني كاااملين ..بما انه العرس قرب ..و النااس غايبقااو يسولو على عائلة العرووسة و العروسة منا و فينا غابدا الفضووول من جهتهم فين كانت و علاش مخبيينها .. هادشي كلو راكم عارفينو .. اكيد ..

- حياة .. عندك الصح الحاج ..

- عبد العظيم .. داكشي علااش قررت اني غتدي ندير واحد اللقااء صحفي عندنا هنا فالقصر .. و بغيتكم كاااملين تكونو حاضرين .. 

- اشرف ..تا انا الحاج!؟

- عبد العظيم .." طلع فيه راسو" .. الى كنتي معتبر راسك ماشي من العائلة بلا ماتحضر ..

- امينة .. احم .. انا الحااج ماشااايفاااش انو هادشي لييه اهمية نهائيا .. احم ..يعني لاش نحضرو كاملين .. هي و راجلها كافين .. 

- جلال .." عض حنكو من الداخل و زير على الكاس .. دور راسو لعندها شاف فيها" .. مرااات العم نتي اصلا مامطلوبش منك تحضري ..حنا عائلة مع بعضباتنا لاش دخلي نتي راسك فكولشي .. 

- امينة .. كيفااااااااش .. 

- اشرف .. مادويش مع الواليدة بهاد الاسلوب ..

- جلال .." خزر فيه " .. زم عليا دلقووشك و لا نجي نردمو ليك .. برهوش .. 

- عبد العظيم .." علااا صوتوو ..'' .. نووووضووو ضاااربو ليا فوووق الطبلة حسن .. وااقلو مااابقى ليكم كبييير تحترموووووه😡😡 امييينة جمعي راسك نتي و ولدك .." شاف فحميد زوج امينة" .. و نتا حكم مرتك ولا غانولي نحبسها على اجتماعات العائلة ..

- حميد .." نغزها" .. سكتييينا نتي .. ماتديش عليها الحاااج .. 

- امينة .. ااايه .. ديما محگووورة انا و ولااادي .. " ناضت ضربات الطبلة و طلعات للجناح ديالها" ..

- جلال ... الحاج " تحنى لجهتو".. بانو ليا هاد الناااس ضسرو .. خصنا نرجعو لأياام زماان مدة هااادي ماوريتهم العيين الحمرة رخفت على بنادم بزاف ..

- عبد العظيم .. " كيحك لحيتو " ..ههه داكشي لي باان ليا. .. 

- جلال .."ناض وقف و ضرب يديه بزوووج فوق الطبلة .." .. اااسمعوووني مزيااان اااال الهيلالي .. ماااشي بمعنى انني وليت مشغوول علييكم شوية ولا ولييت تنديير عيين ميكاا غاطلعو ليا فوووووق الراااس توتوتو .. الي علاااا رگبتووو نحسكها لييه كبيييرااا كااان ام صغيير مفهووووم و نتوووما عااارفيين اسلووووبي كي دير فاااش كاطلللع لبا الگناوية .. غانغلط فيييكم و خصوووووصا نتا .." شير على اشرف .. .. ضرب بيديييه على الطبلة" .. كلااامي يووووصل لمرااات عمي .. حيييت بااانت ليييااا بحااال لا ولااات تتتغلط ..

جلس خلاااهم تيضووورو في عينيها و عبير فرحانة فيهم😂 .. تحناات علبه حطات راسها على كتفو و عنقاات درااااعو ..

- عبد العظيم ..كنضن سمعتو كلااامي .. و سمعتووو كلااام جلال و كيف دان مسير القصر من قبل راه بااقي مسيرو داباا .. لو كان شفت شي وااحد جدير بهاد المهمة مكنتش غانزعج جلال و نكلفو بيها حيت عندو لي يكفييه .. تقدرو تبدااو العشااء .. 

كلها نزل رااسو على طبسيييلو و تا حد فبهم مقدر ينطق و يقوول كلمة .. لانه عارفين راسهم فعلا تا حد ما جدير انه يكوون والي على داك القصر .. ولا ينضموو ..

كملوو العشاااء فجو متوثر نوعا ما من جهة العائلة اما جلال مافاايق لتا واااحد فيهم .. و عبير فرحااانة فيهم عااد زااد كبر فعينيها فااش شاافت السلطة لب فاارض فوسط الكباار و الصغاار فالعااائلة .. بعد ما كملوو العشااء وصلوو عبد العظيم للجناح ديالو و طلعو هوما لعند توليب لي مكانتش على مائدة العشااء حيت تتعشاا بكري ..لقاوها جالسة مربعة رجيلاتها فوق زريبية ديال فورير الأبيض لابسة بيجامة غوز كيووت ديال لي بتي بخانسيس كيف تتقوول ليهم .. شعرها الذهبي طاايح على وجهها مغطيي صوو و هاازة الطابليييت ديالها تتلعب فيها .. 

- المى .. هاد الطابليت غاتخرج ليها على عويناتها .. ...

- جلال ..داكشي لي كنشوف .." اتجه لعندها و هي عااايشة مع الالعاب ديالها كاااع ما حسات بيهم .. " 

- المى .. شفتب كاع ماحسات بينا ..

- جلال ....مادموزيل توليب .. " شير ليها قدام عبنيها ...

- توليب ..بابا 😍.. "ناضت عنقاتو .. "

- المى .." ريحات حداهم" حبيبة الطابليت كل سااعة مامزياناااش .. عويناتش غايضرووك .. 

- توليب ..و شنو ندير بغيت ندير شي حاجة ..

- جلال .. ديري لي دوفوار ديااك ديري شي حاجة مفيده ..

- المى ..جلال هي باااش غاتفهم شنو المفييد و شنو مااشي مفيد ..

- جلال .. اوا لقاي لبنا الحل الالة باش نحيدو هاد المشقوف .. انا عارفاني عندي كلمه ززج نحيد مو فدقة .. 

- المى .." خزرات فيه " .. بشوية اجلال .. خليني انا غانتعاامل مع الوضع بلا متدخل ..

- جلال .. واخة الالة .. و نتي .." ضرب لتوليب على نيفها بخفة" .. ديها فقرايتك ماشي كولشي لعب ..

- المى .. حبيبتي دابا غاتمشي تنعس يااك .. شربتي الحليب ديالك!؟

- توليب ..." حركات راسها بالايجاب" .. وي شربتوو ... 

- المى ..مزياان .. يالله بوسي داد و اجي نعسو ..

خذاتها من يدها و داتها لبلاصتها و جلسات حداها تتعااود ليها قصة قبل النووم حتى غفاات و بقى جلال تيشووف فيها و عاجبااه الطريقة بااش تتعااامل مع توليب .. غطاتها و ناضت لعندوو بااسها فجبهتها و اتجهو ديريكت للجناح ديالهم بعد ماا لبسو توجهو لسريرهم .. تكا و خشاها فيه 

- جلال .." كيلعب فشعرها .." .. كي جاتك الخدمة 

- المى .." ضرباتو ليدو" .. تضحك عليا شمن خدمة .. 

- جلال .. هههههه نتي الخدمة ديالك غاتخلصي عليها بالدولار .. حاضية راجلك ..

- المى ..ماتفكرنيش ديك الحقييرة بياا ولا بيها ..

- جلال .. حيدييها من بالك و نعسي .." نزل راسو باسها فشفايفها.. يالله ..

- المى ..." حطات يدها على حنكو .." تصبح على خير حبيبي ..

في مكااان اااخر بعد ايااام و هي باالها كيمشي و يجي كي غبر عليها فهد .. حتى هو عمرو رفع السمااعة و اتصل بيها .. من نهار قطع عليييها .. و هادشي لي جننها .. و خلاها تولي كي الهبييلة حاضية داك التيليفووون .. تا فاااض بييها .. هزات تيليفونها و دورااات لنمرتوو ..بقى مدة ماجاوبهاش تا كانت غاتقطع عاد جاوب

- رؤيا .. احم .. سلاام ..

- فهد .. اهلا .." مبتسم بالجنب .. " ..

- رؤيا .. فين غبرتي عليا!؟

- فهد .. عفوا!! .. علاش ااخر مرة دوينا فيها نسيتي ااش قلتي .. !!

- رؤيا .." باندفاااع" ..نساااا ..نسااا كااع هضرتي .. كاع لي قلتو نسااه انا مستعدة نشوفك و نتلاقااو .. اوكي ..!! ..

- فهد .. ههه شنو لي غير رأيك فجاة!؟

- رؤيا .. فهد .. احم .. شووف انا مااشي من البناات لي تيخبييو .. غانقوول ليييك بااش حااسة .. انا حااسة اني مستحييل نقدر نبقى هكذا بلا منشووفك و الله .. المدة القليلة لي عرفتك فيها غيرااات ليا موازيني .. بصح وليت نحس برااسي كنبغيك ..!!!

- فهد .." ابتسم بانتصاار " ..اهااا .. ايمتا غانتلاقااو!؟

- رؤيا .. نرتب اموري و نتصل بيك ..وااخة ..

- فهد .. اوكي بب .. نتسناااااك ... " ضحك بالجنب " ..على احر من الجمر ..

كملو الاتصاال ديالهم و رجع لكاااسو .. شرب كاس موور كااس و تلاح فوق النمووسية تيفكر فشنوو البلاان الجديد لي غايدير بااش يوصل لجلال و يطووور علااقتو معاااه حتىى جااات فباالو رؤيا .. فالنهااار لي كاان عارض علييهم .. جمااالها و عيووونها مافاارقوووش باالو .. خصوووصا انها من النع المفضل ديالو شهبة .. و طاي مانكاان .. فيها كوولشي ولكن خفة دمها مخليااه يزييد يفكر فيها .. 

- فهد .." خشاا راسو فالمخدة " .. هي لي طاحت ولا انا لي طحت ااش هاااد الخرااااا .. 

بعد ثلاث اياام ديال الخدمة لي ليف سماها جلال تحضي راجلها ..كانت عالقرص فينما تباان ليها كوثر تتعووج تعدلها و فينما تباان ليها غادي تقرب ليه دير راسها غاتسخف ينووض يجري ليها و تبقى كوكي تتبرق فعوينااتها و هادشي لي زاااد غاااضها كثر و اكثر ..خلاااص مع الوحم لي جااها على جلال غا لاسقة فيه و هو دير ليها خاطرها فوووق من القياااس .. ولكن داارها الحب .. تيخلييكي دير شي حواايج جامي فكرتي انك ديرهم على ود شي حد هاد المدة كاملة الى كملو الخدمة كي تترجع للدار تتحاول تربح وقت مع توليب و تقريبا كاع الوقت لي تيكوون فيه جلال خارج مع صحابو ولا جالس فالبيت تتكوون هي مع توليب بااش تتقرب منها كثر ولا تتخرجها هي و جلال تتشري ليها حوايج وداكشي لي تيعجبها .. 

اليوووم كيفف خبرهم عبد العظييم غايكوون المؤتمر الصحفي .. لي غادي يتعرفو فيه على عبيير .. .. دخلات للدريسينغ ..بعد ما دوشات و نشفات شعرها ..لبسات سروال جينز ازرق مع شوميز طويلة شوية فالابيض صنيدلة فالاحمر بحال الشال لي لايحة على راسها بإهمال .. دارت اكسيسوااراتها و خرجات تدير الميك اب ديالها حتى دخل عليها جلال .. مشا عندها باس ليها جبهتها... 

-جلال .. كملتي!؟

- المى .." ابتسمات ليه" .. ااه .. كملت ..!! واش صافي كولشي نزل ..

- جلال .. بقات غير المدام ديالي " بغا يبوسها و لقى فمها حمرر" .. دابا لي بغا يبوس اش يدير!!

- المى .." ضحكات بدلع و شدات فالكوول ديال الشووميز لي لابس" .. ممنووع البوس ههه .. 

- جلال .. زيدي قدامي .. زيدي ..

اتجهو للمكاان لي كان فييه اللقااء ..كي دخلات كولهم بداو تيشووفو فيها و تقريبا كوولهم عرفوها بما انها كانت ممثلة و معرووفة .. و هادشي لي استغربوو ليه ..كل واااحد خذا المكااان ديالو .. عبد العظيم الوسط و بجنبو المى و حداها جلال ..اما الجنب الثااني فا كين كمال .. الطبلة الثاانية فيها الرقية تاع العائلة ..عاد الطبالي اخرين فيهم الصحاافة ..

- عبد العظيم ..رصاوبو ليه الميكرو باش يتكلم" ..اولا قبل مابدا المووضووع علاش درت هاد المؤتمر ..بغيت نرحب بييكم و نشكركم على تلبية الدعوة .. اكيد .. جاكم فضول على هاد اللقااء ..و انا غانشبع فضوولكم بعد لحظات .... اليوم بغيت نعلن خبر حصري .. لي هو زواج حفيدي جلال و حفيدتي عبير .. " شد يد عبير بين يديه" .. 

- الصحفية ١..." رفعات يدها "..ممكن نعرفو شكون هي عبير .. حفيدتك قلتي ..ماسبقش لينا سمعنا هاد الاسم فعايلتكم اسيدي ..

- عبد العظيم .. فعلا هاد الاسم ماكانش فعائلتنا ولكن من الااان فصااعدااا .. هاد الاسم من اال الهيلالي .. عبير كمال الهيلالي .. بنت ولدي لي فقدناها هادي سنيييين و اليوم رجعات لينا.. 

- الصحفي ٢... فين كانت عاد السنين كاملة ..!؟ 

- عبد العظيم .. بالنسبة لكيفاةش و علاش هادو كيبقااو مووضوووع شخصييي . جداا مابغينااش ندخلوو فيييه ..كان بإمكااننا ندوزو العرس بدوون ما نحركو سااكن و الناااس غايبقى داارهم رووسهم .. ولكن كانعتابروو النااس لاخريين عايلة و بغيينا نكشفوو على هوية الزوجة ديال ولدي جلال .. لي كان السبب في اننا نرجعو بنتنا لحضننا..

-الصحفية ٣ .. ممكن سؤل للمدام عبير .. مدااام ..شفناااك في عدة اعماال فنية و كنتي وجه اعلااني لمجمووعة من الماركااات العالمية .. مطلووبة جدا و كاااع الماركاات تيتهافتو عليك .. و فجأة .. مأخىرا غبتي على السااحة الفنية و هادشي ضعر لينا من عدة مؤتمرات في مصر و لبنان محضرتيهمش مع انك كنتي من السلااقيين ما تتفلتي تا مؤتمر..وااش السبب ليه علاقة بالاسم العائلي .. اوبالزواج .. 

- المى.. احم .. هو الصرااحة مكينش فرق بين الاسم العائلي و الزواااج .. لأنهم مربووطين ببعض .. لكني تنضن انه بسبب الزوااج .." شدات فيد جلال" ..الزوج ديالي غييووور بزااف .. و هو لي رفض الخدمة ديالي .. خصووصا انها فيها اختلاط بزااف و سفر بزاف .. 

- الصحفي ٢... اما بالنسبة للحجاب .. !! هل له علاقة بالزواج ايضا " ..

- المى .. لا ابدا .. بالنسبة للحجااب فاكاان اختيااري انا و تا حد ما رغمني عليه ..

- الصحفي ٢ .. شنوو تيعني ليك اسم المى ..

- المى .. المى هو اسم مستعار عشت بيه فترة لاپأس بها من حيااتي و مزال متعلقة و متشبتة بهااد الاسم لي تيعني احياانا الظلام ادو احياانا الرووح .. و هاد المزيجين تيشكلوو نوعا ما شخصيتي ..

- الصحفية ١ .. ممكن تكلمينا اكثر عن حياتك الشخصية ..

- المى ..ااسفة ..منقدرش نتكلم فأمور خاصة. .

- جلال ..احم .. كيف تتعرفو اال الهيلالي متيدخلووش الغريب فأمورهم الشخصية .. من الاحسن ماتسولوش اسئلة خاصة .. 

.. يالله غاطرح الصحفي السؤال اااخر .. حتى سمعوو صوووت تقرقيييب الطاالووون .. كوولشي ضااار .. دخلات هاازة منااخرها للسماا و ابتسامة جانبية مغرووورة على شفايفها..لفتات انتبااع جميييع الحضووور كااع الانضاار تصببااات علييها هي بالذاات كأنها هي بووحدها لي فالقاااعة و خصووصا فاااش جلسااات و حيدات النضااضر على عيوونها .. صدماات البعض و البعض الأخر فرح لوجووودها ..

يتبع ...