الكوبرا الجزء التاسع

قبل ساعات 

جالس وبجنبو الأم ملييكةة معنقااه وحاطا راسها على كتفووو كتدعي معااه وتوصييف كيف أي أم فهاد الدنيااا باغا تشووف ولدهاا حداها سالم غانم معمر عليها الدااار ومسخن كتافهااا ....مجمعين على طبلة حاطيين طبسيل الديسير سليمان كان مزاجو عالي ومو كثر منو فرحانة بيه 

مليييكةةة....." كتنقي في التفاح وتمد ليه "......هاكا اوليدي والله حتى تزيدك هاديي 

سليماان...... " خداها من عندها مبتاسم جنب ".....رديتيني دري صغير اميمتي...

مليكة...." تنهدات وحطات ايدها على شعرو "...في عيني غتبقى ديما ولدي صغيير لي كان كيجري حدايا وينقزز .

سليمان......" باس ليها يديها ودوا مبحوح "....كون غا بقينا صغار الواليدة احسن ليينااا ...

مليكة...." حسات بمعنى كلامو فين صاد "....الصبر اوليدي ودابا ربي يكتبها وتكون ليييك ، ربي مغيتسااكش حيت مرضي ميمتك مغاديش يخيبك...

سليمان... " هز كاس الما شربو فدقة وجمع الوقفة "....يالله بصحتك انااا خاارج ...

مليكة...." وقفات معاه ".....ورد بالك على راسك الله يرضي عليك اوليدي وحي بكري لداار....وبلاما تعصب مع شي حد راه الا ةقعات ليك شي حاجة ظهري غيتهرس من جديد اسليماان 

سليمان....." مسح جنب عينيها قبل متطيح دمووعها "....واااا مليكةة نعلي شيطان والله ايلا هاد ساعة دماغ زاگی وناشط مغاديش نتعطل ..

" باسها في حنكها وخرج وصوت دعائها في وذنيه كيترد ركب سياارتو وقصد باار معرووف في كاازا كان كيرتاد ليه هو وعثمااان مرة مررة ....في طريقو هز تليفونو ودوز ليه الخط يفكرو في أيام الخوالي ويحيي فيه الحنيين ....

سليماان ..." مركز مع السوقان وكيهضر "...وااافييين العود غاا دااوييين ...

عثمان......غاا حنا العشير غاا دار هاد الساعةةة لقيتينا عاد غنتعشاو ..

سليمان .....الله واكبر عشنا وشفنااك كيف ناس ....عرفتي اناا فين طريقي ...

عثمااان....." تخلع يسحابليه راجع الطاليان "...متقوولياش غادي مقلع بلامتقوولهااا....

سليمان ......لا لا دماغك مشى بعييد ، اسيدي انا في طريقي لبلاصتنا تاع شحال هادي توحشت نشرب تنا شي كاس بعقلووو ...

عثمان ... وايلي اعشيري سهران و معالمنيش بكري 

سليمان ..." ضحك على كلامو " سير اصحبي نتا عندك المرأة لي تحكم ما انا غا ديال راااسي ... 

عثمان ... تا بربي و هادي لي لسقت كيف الگرادة فياا تنطلقهاا نسيفطهاا لدارهم ... " قرفداتو شيماء لي كانت حداه تتعشى " اي

سليمان ... سير الخاوى ويليتي تاكل العصى .. 

كمل سليمان كلامو مع صاحبو و قطع علييه مد يديه وطلق اغنية حسني الشيرة لي نبغيهاا .. وعلى اوقع كلماتها مشى بالو وعقلو طار لعند احلام ..

《مكتوب ربي فرّق بيني و بينها و يااا و مكتوب ربي لاقا بيني و بينها و يااا

الشيرة لي نبغيها ديما يبالي خيالها و ياااا حسنو عوني يانا قطعت البحر و ياااي إي إي

من فوق جهدي نبغيك sourtout لي بيناتنا و يااا لغادي Lyon حبس وديني معاك و ياااي 》

مووسق وطريق قدامو كانت خاوية ، خدا راحتو ودار يدو في حيبو يجبد كتاب نيبرو يقاد ليه جواان يزيد يقاد بيه المزاج الهزة لي هز عينيه حس بضواو جايين مختارقينو وبشي حاجة خبطااتوو بضربة مفاجئة .. حل عينيه بصعوبة و بغا يحرك راسو مقدرش كان لأول مرة كيحس براسو عاجز و عينيه كيغيبو .. للحضة گاع الذكريات دازو ليه بحال كارط مير في عقلو تتعاود .. بقى كيحاول يخلي راسو فايق و يتعافر ولكن ختارت قواااه وفشل سااد عينيييه

جاااالسةةة في بيييتهااا هازة كاس المااا كتشرب فيييه كتبرد الخلعة لي ركبتها من وراا الكوابيس لي جاوها.....نفسها كانت كتطلع بصعووبة حاسة بضيق صدر كأنو غطرا شي حاجة خايبة ...ستعوذات من الشيطان الرجيم....وقصدات بيت لجلاس مشعلة تلفازة مونسة بيهااا كدور من اذاعة لتانية تا حاجة محلات ليهااا ... تاااا سمعات صووت تليفوونهاااا كيصووونييي 

ناضت قافزةةة بلامتحس مشات ليه رمات عينيها على شاشة لقات اسم مريم جوبات بلهفةةة 

أحلام.......الو ماالك....

مريم...." الهضرة خارجة من فمها بصعووبة بسباب الحالة لي فيها "....احلاام عتقي خاالد ...

أحلام...." فشلو عليها رجليها وخسات ببرودة في جسمها ... " ..مالو خوويا امريم هضري 

مريم........اهء اهء في الكوميساريةةة خرج فشي حد بطوموبيل وجاوه لتمااا ...

أحلام....." تخلعاات معرفات بلش تبلات "......صافي سكتي شوية نكونو عندك 

" فيقات محمد بلا حس من النعاس باش متفيقش الأم ديالها وتخلع .... قالت ليه لخبار لي نزلات عليه بحال صاعقة مبقى عرف ميقدمم ولا يأخر ...بمساعدة احلام لبس حوايجو ومشات تاهيا لبساات ومشاو لدار مريم لقاوها واقفة حدا الباب غا بانو ليها قصدتهم تجري ولد مركباه ولاخور هازاه

محمد ..." وجهو صفر وفمو نااشف" اش وااقع ابنتييي ، شكون عيط قاليك هادشي واش متأكده 

مريم ..." الدموع في عينيها " واش البوليس اعمي معاهم لمزاح....راهما لي عيطو ليا و علموني بلي خالد دار كسيدة و ضرب شي حد 

محمد ..." هنا طاح ليه الما في الركابي " ... اش كتقووولي شنو طرا لسيد ياك معندو والو باينة غتكون غا شي حاجة خفيفة 

مريم ... هء هء معرفتش اعمي معرفتش ...

محمد ...واخا زيدي قدامي نمشيو نشوفو هاد الحريرة ..." ضار لعند احلام " ... احلام دي نتي الدراري و سيري جلسي مع مك 

احلام ..." بان ليها طاكسي صغير وقفاتو " ... رجلي برجليك ا با ... مريم سيري نتي لدار حالتك ماهياش وولدك يفيق بليل يبغيك " حركات ليها راسها بالايجاب "...الا فاقت ماما متقوولي ليها والو عفااك

ركبو في طاكسي بعد مطمنو على مريم بلي طلعات و قصدو الكوميسارية طوول الطريق محمد يخبط في يديه اما احلام خاطرها ما بغى يهنى و لا نفسها طلع .. حاسة بشي حاجة خانقاها و مبغات تزوول .. طول طريقهم عقل يديهم و عقل يجيبهم ....مسافة الطريق لقليلة حسووها دازت ثقيلة ..غير وصلوو دخلوو يتجاراو يسولو وسط الكوميسارية

واحد يصيفطهم لتاني تا نعتو ليهم الشاف لي بيرمانونس ديك الليلة .. و هو في طريقو لعندو محمد خوات ليه رجلو وكان غيطيح لولا يدين بنتو لي شدووه 

احلام ..." معنقاه من دراعو و معوناه" ا بابا شد في راسك و كون قوي ان شاء الله مغيكون والوو 

محمد ..." كيتمشى و ينهج " لااا ابنتي قلبي عالمني بلي واقعة شي حاجة ماهياش ... علاش ماشي هو لي عيط واش مخليه في زناقي تال هاد الوقت ماشي ديالك هادشي اخالد... .. طبطات ليه احلام على يدو بدعوة انه كلشي غيكون هو هادا وصلو لبيرو ديال الشاف ودخلو بعد مسمعو الاسم ...

محمد ..." لقى عليه السلام " السلام عليكم ا سيدي انا اب خالد السيد ضرب شي حد يمكن 

الشاف .. اييه اسيدي تفضل جلس رتاح بعدا 

" جلس محمد في الكرسي وهو متبع كلام الشاف وباغيه غير امتى يدوي "...

محمد ... هالعار اسيدي لما قوليا اش كاين وولدي اش دار .. ومتخبي عليا والو كيفاش ولدي دار هاد الكسيدة هو من ديما كيصوگ غا بشوية ومحترم القانون

الشاف ..." بحدة نطق "... الشريف ولدك دار كسيدة متعارضنيش !! ...واشمن قانون هذا اللي محتارموو وهو سكران و ممحتارمش قوانين السير غادي ليا وسط لمدينة بنية ومشعل ليا لفاررر هذا هو الاحترام عندكممم 

محمد ..." راسو داخ و عينيه بداو يتقلبو ..نبرة الشرطي وكلامو كانو بحال صفعات ليه " س سكران ميمكنش 

- لا يمكنن ياكما نجيبو ليك تسوولو 

أحلام....." بلعات ريقها "...شنو حالة السيد لي ضربو ...

- الا كان عندو غا شوية الزهر يبقا عاايش .... الدقة لي خدا قااصحةةة بزااف غير دعيو معاه هذا في صالح ولدكم

محمد ..." شد في راسو و حس بدموعو هابطين" و فين هو ولدي اسيدي دابا 

- ولدك الشريف غيبقى مشرفنا هنا تيتحول للمحكمة، هادشي لي دار خطير ..

احلام ..." تتحك في يديها" واخا يكون خير ان شاء الله .. ممكن ليك تقولينا فين كاين داك السيد اشمن سبيطار نمشيو نشووفو حالتوو ...

محمد.....اه اولدي الله يرضي علييك ..

الشاف ... " هز الملف وقراه "...تحول لعشرين غشت ....والاسم ديالو سليمان **......

تسمع صدى صوت غواتها في الارجاااااء.. كيتسمع من ورا منطق باسموووو حسااات برووحها كتزهق وبقواها فشلات....طاحت الارض جالسة وحلفو دموعها لا دازو من صدمةةة ، مدارتش اعتبار لا للاب ديالها لا لشرطي كانت في عالم اخر وعلى فمها...

احلام .. الا الموووت هو لي مغنسمحش ليه يبعدنا اسليمان ......

فحيااتنا تنوااجهو بزااف ديال الصعووبات و العقبات و الظرووف القااسية لي تتقسم ضهرنا و توقف عائق في طريقنا و تبني بيننا و بين النااس لي كانبغييو ألف سد و سد .. .. احلام مكانش بينها و بين سليماان سدووود ..و انماا عائلتها لي كاانو ..هوما لي فاارقووهم و مزاالين مصمميين على هاد الفرااق .. خالد هاد المرة كسرها و كسر كل شعوور فيها ..ناضت وقفات و خرجات تتجري خلاات ورااها الأب ديالها تيغوت عليهاا .. بااش توقف لكن هيهااات شكوون لي يقدر يوقف عاشقة قلبها محطووط بين ناارين .. عاشقة قلبها و روحها مع حبيبها لي مرمي فالسبييطاار بسبب خوووها .. شداات طااكسي بدووونما تسناا بااهااا لكن لحسن حظوو وصل عليييها و ركب جنبها .. كلاامو لي قاال ما سمعااتووش و ماحسااتش بلي خصها تسمعو اصلا .. قررات تتجااهل اي كلمة يقوولها و تحااول تركز ..شداات طااكشي و ماعارفااش لفااين مااشوية .. تفكراات عثماان .. هزات تيليفوونها و يدييها تيترعدوو .. بااش وصلاات لسمييتو بستة و ستييين كشييفة .. اتهدات و طاباات سمييتو فالرووشيرش .. دورات النمرة لكن لا مجرييب .. فقط العلبة الصوتية لي رداات علييها .. اتصلات بشيمااء و كانت هي حلها الوحيييد فديك اللحظة ..

شيماء .. وي احلام ..

احلام .." بصوت مخنووووق" ....سس.سليماان ..سليماان اشيمااء .. فين.. فنوووو ..بغيت نمشي عندو ..

شيمااء .. تهدني احبيبتي تهدني عافااك .. شوفي هو راهومابقااش فعشرين غشت نقلوووه لكلينيك الشيخ زايد..

احلام .." كدوي بصعووبة" .. واخة ختي شكرا .." قطعات الاتصاال و وجهاات كلاامها للساائق ..لي سول على المكااان شحال من مرة " ..كلينيك الشيخ زايد عافاك سربي شوية الله يخلييك ..

الطرييق كوولها و هي مركزة على نقطة فالسرجم ديال الطاكسي .. و سولااات فرااسها علااش داايما معاارضااها ثياراات الحظ!! .. علاش فينما تتكس بيه قرييب تيبعد اميااار .. علااش هي لي يوقع ليها هادشي .. قرباات تنهاار صرييعة هاد الحذث لي هرررس قلبها كثر من المرة الاولى ..اكثر حااجة خاايفة منها هي المووت .. خايفة لا يخلييها .. ماعارفااش شنو ممكن ديير فرااسها اذاا وقعاات لييه شي حااجة .. كي وصلو للكلينييك ماحسااتش برااسها كي نزلااات ..اما الاب ديالها تلجم مالقى ميقوول و ماعرف ما يقوول املو فابنوو خاااب و المصييبة الكبييرة انو ممكن يكوون سبب فمووت انساان و المشكلة العضمى هي انه هاد الش

سيد نو سليماان .. و ياا مسااوء الصدف 😫.. 

دخلات احلام بحاال لي داابحيينو و خلاوه يتعذب .. فينما يباان ليها شي ممرض ولا ممرضة تسولوو .. 

احلام .. عينيها مغرقين بالدمووع" ..عافاك بغيت سليماان .. فين سليممااان ..

الممرض .." بقات فيه .." جي اختي سولي فالاستقباال .. 

خذااها للاستقباال و سولوو على سليماان و لي خبرووها بلي جاا فحاالة خطييرة .. اتجه معااها الممرض يرشدها على المكاان لأنها كاانت في حاالة يرثى لها .. كي شاافت انهياار مليكة لي جالسة فووق الكرسي و لايحة الشاال ديالها و صفااء لي كانت طاايحة حدااها و تتبكي .. و قلق عثمااان لي غاادي جااي فالكوولواار.. حشوو ليها الركاابي .. الجرح هاد المرة عميييق .. بعد هاد المعاناات كااملة .. اخييرا سمحاات للدمووع ينزلوو من عينيييها ... و لي ساااحو كي الويداان على خدوودها .. حساات داك الكوولواار طوييييل بزااف لدرجة ماقدااتش توصل لهندهم .. و كل خطوة كانت تتحس بييها كانها تترجعها للور مااشي كاتوصلها لعندهم .. ماوصلاات لعند ملييكة تا برد ليها الماا فالركاابي. . 

احلام .." حطات يدها على كتف مليكة " ..خ.. خالتي .. خالتي سليماان .. كي بقى سليماان ..😌

مليكة .. " طلعات فيها رااسنا بوجه شااحب و عيوون حمريين و مورمييين من كثرة البكااء .. بلعاات ريقها و هي عاقدة حوااجبها ..مداات ليها يديها و كاتحااول تشد رااسها " ..احلاام .. بنتيي.. ولدي ولدي غايضييع مني ابنتي .. ولدييي .. هءهءهءن😭😭

احلام .." نزلات على ركاابيها و شاافت فيها برجاااء" .. عاافاااك اخالتي ماتقووليش هاد الهضرة ..مستحييل ..مستحييل يمشي و يخليينا .. لاا ..مااشي بعد هادشي كاامل غايمشي و يخليني .. مستحيييل يمشي .. ماغانسمححححش لييه يمشييي .. 

مليكة.... الله ياااخد الحق فليي كاان السبااب .. قلبييي .. قلبي كاان حاااسس شي حااجة غاطرااا .. قلت ليييه رجع بكريي .. قلت ليييه ماتعطلش برااا .. مكنتش بااغاااه يخررىج .. هؤننءنء😭😭.. معنتش بااغاااه يمشييي .. " مدات يديها لأحلام" .. وكلتوو بيديي قبل ما يخرج و وصييتووو ي الباال راااسوو علااااش ..علااااششش علاااش ماباان ليييهم غيير ولديي .. علااش بااغييني يحرقوو كبدتيي علاااش .. اااااااه ياا ربييييي ..

احلاام .." حطات راسها على يدين ملييكة و تنهاارت بالبكاااء " .. عافااك صاافي .. صاافي اخالتي عافاااك ..

-في غرفة العمليات -

غرفة معقمة بااردة .. نااعس قداامهم سليماان لي كاان ماحاسسش بالدنية و شنوو طااري فييها .. الجو كاان متوثر .. نخبة من احسن الأطبااء لي فالمشفى واقفيين علييين و كيحااولو يخلييوه ينجى من هاد الحااذث ..طبيب اجنبي و طبيب مغربي كل وااحد فيهم كيحااول بااشماا يققد. لكن الحالة كانت مستعصية أكثر من الاازم .. 

الطبيب١ .. دكتور ..اشنو الحل غانخسرو المرييض ..

الطبيب الأجنبي .. الحل الوحييد هو الغيبووبة المؤقتة .. باش نقدروو نخدمو على راحتنا .. الضغط كيطلع فجأة ..ميمكنش لينا نخااطروو بييه .. 

الطبيب١ .. اذا خصنا نخبرو العائلة ديالو ..ضروري نحصلو على التوقيع ديالهم

الطبيب الأجنبي ..اوكاي .. واجب طبعا ..تفضل .. 

........ ....... .........

تقدم منها الاب ديالها و وقفها .. كانت شبه منهااارة قداام ملييكة و مقاادااش توقف على رجلييها .... 

محمد .." بقاات فيه مليكة" ..الحااجة تهدني ..

مليكة .." تنهدااات وناضت وقفات قداامو .. و بالسييف قاادروة تسلب طوولها .." ..ماعرفتش وااش غاتحس بييااا ..ولا لا ولكن ولدي هذاا ولدي .. كبدتي يالحااج ..كبدتيي 

محمد .. تهدني الله يخلييك انشااء الله غايكوون خيير .. ربي معااه. .

مليكة .." مسحات دمووعها و شافت فعثماان لي كاان التوثر ضااهر و بااين على وجهوو" .. لي داار هاد الحاالة لولدي لاازمو يتعااقب .. و أشد عقاااب .. 

عثمان .." حنحن و حرك راسو بالايجاب" .. كل وااحد غايتحااسب على افعالو ..

مليكة .. بربيييي مانسمح ليييه .. مانسمح لييه تا نشوووفو كيتعذب كيييف عذب لياا ولدييي .. 

محمد كاان وااقف و كيشووف فيها بألم ضاااهر على وجهو .. تيقن فعلياا انه مستقبل ولدو انهاار ..

احلام .." طبطبات على كتبفها و تنهدات" .. غير تهنااي اخاالتي .. رااهو محبووس. 

مليكة .." باستفهاام" ..باش عرفتي!! شكون قالها ليك!! و شكوون قال ليك حنا هنا!!

احلام ..'" بعدات عليها شوية و حناات راسها" .. ااش غاتقوول ليها!! خوويا لي ضرب حبيبي !! خوياا لي وصل ولدك للصبيطااراات!! ااش تقوول ليها خوويا سبب هادشي لي حناا فييه ..حساات بخيبة امل من جهة خووها و حشماات من ملييكة ما عرفاات ماتقوول لييها بقاات سااكتة تا سمعاات محمد نطق ووهي تغمض عينيها بألم ..

محمد .. خالد ولدي .. هو لي ضرب ولدك الحااجة ..

مليكة .."بصدمة" . كييفااااااااااش ..

في هااد اللحظة خرج الطبيب لي كاان باان على وجهوو علاماات ماتسرش .. اتجهوو لعندوو جملة .. اولهم مليكة لي لقات رايها شاادة فيدوو ..

مليكة .. ولدي ادكتوور. .ولدي كي بقى !.. شنوو عندوو ..الله يخلييك ريح قلبي .. طمنييي ..

الطبيب .."طبطب على يدها ..". .تهدني امدام الله يخليك ..مريض ديالنا تضرب دقة فرااسو ..ضرووري ندييرو ليه عملية داباا

احلام .. " بخوف .." .. ولكن دياال ااش هاد العملية .. شنوو بييه 

الطبيب .. ..لأنه عندو الدم تكبد بين المخ و الغشااء دياللو ..و هادي حاجة صعيبة و خطيرة .. و اذا بقى هكذا و فااق بييه غايولي يدير لو تهيئات و ماغايكونش متزن .. كنا بغينا نحيدووهم .. لكن المريض الضغط عندو كيطلع بزااف ياينة عليه عصبي فحيااتو العاادية داكشي علاش مكايتقبلش هادشي .. الشيء لي خلاانا نقررو انو خصوو ضرووري غيبوبة مؤقتة بااش نقدرو نديرو لو العملية .. هاد الحالة اسمها Hématome sous dural و العملية غاتتطلب وقت لاننا غاندييرو ثقووب بالابر على مستوى الرأس ديالو بااش نصفييو الدم من داك المكاان ... و دابا محتاجين المواافقة ديالكم باش نديرو العملية .. 

مليكة .." بدوون تفكيير .. اذا كاانت فصااالحوو دييرووها اولدي .. الله يخلييكي رجع ليا ولدي .. ولدييي مزاال صغيير مابغييتووش يضييع انا الى مشااا لياا ولدييي غانتبعووو. . 

الطبيب .. " طبطب عليها" .. تهدني الحااجة انشااء الله غانديرو لي فجهدنا و الكمال على الله .. دعيو معااه .. 

بعد ما خذاا المواافقة من عند مليكة و احلاام .. خلااهم و رجع يخبر الطاقم لي معااه انهم غايبااشروو فخدمتهم ..بقاات احلاام وااقفة حداا ملييكة ماتحركااتش من حداااها .. قلبها مفطووور و باالها مشغوول على سليماان .. هاد المرة اكييد ماغاتصبرش .. اذا صبرات المرة الاولى فلأنها عارفااه عايش و لكن هاد المرة اذا مشاات تا وقعات لبه شي حااجة اكييد غاتبعوو .. حال الموجوودين كووولنم مايسرش .. ها لي خاايف على صااحبوو و عشييرووو .. ها لي خاايفة على خووها ولي كاان معووض غيااب الاب ديالها .. ها لي مفطوور قلبها على ولدها .. و ها لي محروووقة من جهة حبيبها .. و هاا لي باالو عقلوو مع ولدوو لي محبووس و مصييرو و قلبوو مع السيد لي كيديير عملية خطييرة بسبب ولدو و ياا عالم غايفييق منها ساالم غاانم ولا غامووت بسببوو .. كولها و كي كانت حاالتوووو ..

آآآآآآآآه ياا همي 

جييت نشكي حاالي ...فاضو همومي وغرقو حرووفي وطاحو دمعاات 

خيالو مزاال فبالي وعلى جالو الفت القوافي وطفيت شلا شمعات ..

فوضت امري لمولايا العالي .....يجووود علي برحمتووو وينسيني في الكياات

.......

راح الليل وجا في بلاصتو الصبااح ومزال مكاينة تاشي خبار ...كلها وكيف كانت حالتو ...شي جالس شي واقف وشي لاخوور تالف ...

جالسة في الارض و هازة شالهاا عاكساااه و دموعهااا دايزين مبغاتش تكوى زوج كيات ....وممستعداش تدوق حرقة لفراق من جديد 

بقات على ديك الحال تا حسات بشي ضل غطاهااا هزت عينيها بان ليها الاب ديال احلام و هي تعقد الحداش مبغاتش تدخل نعاه فحتى شي محاسبة تاا تطمن على ولدها وتجبد دفاتر ويةصل وقت لحساب لكن شكوون خلاك محمد بقا يفكر و يفكر واش يمشي عندها ولا لا خصوصا اخر لقاء كان بيناتهم مكانش مزياان وحيت كلها كينش على كبالتو بان ليه غير ولدو قدامو ومفكر في حتى حاجة غيروو..

محمد ..." كيحك في راسو و التوتر باين على وجهوو " لالة مليكة ميكون باس عند الابن ديالك الله يزيد في راحتو و كنعتاذر ليك بالنيابة على الابن ديالي اكييد ماشي بقصدوو 

مليكة ..." جمعات الوقفة فاايض بيها الكاااس ودوات بحدة " ... كيفاش عاود اش قلتي .....اسمع الشريف الى انا ساكتة فراه ساكتة على قبل داك لي ناعس الداخل و ما عرفتو واش يعيش ولا يموت ...بلا حشمة جااي تعتاذر ليا على اش دار ولدك بهاد سهوولة ،ولدك اسيدي راه ماشي عاير و لا غوت ولا نقص من ولدي بحال لي درتي نتا نهار دقيت باب دارك .. ولدك اشريف بسبابو سليمان في السبيطارات ودايرين بيه طبة 

هء هء " بدات تغوت مبقاتش تحكمت في راسها "... دري طول و عرض رزاني فيه وخلاه كيصارع الموت يقدر في اي لحضة يخرج عندي الطبيب يقوليا البراكة في راسك ... على اشمن اعتذار تتهضر هااا 

محمد ..." لسانو تقال و معرف باش يجاوب " انا حتس بيك الالة كيف نتي مكوية على ولدك انا مكوي على لي مرمية ليا في حباسات ....وان شااء الله ميوقع لسليمان والو لي نبغيه لولدي نبغيه ليه 

مليكة ....." دورات راسها زعنة كذب على حد اخور "...اسمعني نقووليك اسي معرت شنوو....لي دار الذنب يستاهل العقوبة وانا عارفاك لاش نتا هناااا ونبعي نقووليك غير خوي راسك حيت واناا مزال غنتابعووو ونخليه يدفع تمن و كيقول المثل كما تدين تدان .. 

محمد......وعلاش الالة محشوومااش هادشي قضاء وقدر كتبها عليه الله تقي الله في سيد لي غيدخل لحباسات وعندو وليدات وغيترزى في خدمتو 

مليكة...." حطات يدها قدام وجهو موقفااه على لكلام ".....ونتا علاش متقيتيش الله نهار جيت عندك انا وكبدتي و ما خليتي عليه حشايشي ما خليتي حباااس وشمكار جميع أنواع السب و الشتم لحتيهم علينا .. وواخا ولدي من النوع القبيح حدر راسو و سرطهااا وزاد خلفة.. ولكن الله يمهل ولا يهمل هااا هو الزمان دار اسي محمد و غتشرب من نفس الكاااس و تا نتا غتسمى بات حبايسي ولكن خسارة ولدك طاح تم بسباب ولدي انااا لي مرمي في السبيطار ..." بداو ثاني دموعهااا هابطين " النتيجة كانت ولد كرشي و كبدتي ..." تقدمات احلام لي كانو دموعهااا شلال و بغات دخل " 

احلام ..." دموعهاا دايزين و صوتها تيتقطع " خ خخ خالتي. ..

مليكة ..." قاطعتها بيديها " ...حد هنا وحبسي ابنتي دي باك وزيدي خلفة مع طريق ولبقابش تصدي هناااا ....

من نهار لي عرفك ولدي فيه وهو اللور ... كنتي شؤم و حظ كحل على وجهووو .....تهان بسبابك ودخلتيه الحبس بيدك......وبفعايلك خليتيه تزوج وتغرب عليا عاام ....ودابااا جا خووك بغى يرزيني فيييه ....لااااا عطييوه تيساع انا وخواتاتو محتاجين...." مشات لعندها وضربات على صدرها " ....الا كنتي نتي عندك بااااك انا بنتي خووها هوووو باهاااااااا كتسمعي " غوتات بجهد ومشات لجهة تاتية ... ".....حسبنا الله ونعم الوكيل ..حسبية الله ونعم الوكيييل 

.. كلامهاا لي حساتو احلام بحال السم تسارا في عروقها .. حسساتها بذنب شي حاجة معندها فيها دخل ...نسحبات وخرجات برا بكات على خاطرهااا تااا سمعت صووت حداها 

عثماان ....متديش عليها اختي احلام ..معارفاش شنو كتقوول حسي بيهااا 

احلام....." مسحات دموعها بالهف "......ومالها كدبات سيدة ولدها لداخل بسباب خوويا ....اي حاجة وقعات لهاد السيد خايبة كتكون مرتبطة بيا اش هاد الزهر الكافر اعثمان علاش كتجي غير فينا انا ويااه ...

عثمان...." خاشي يديه في جيابو وكيشووف قدامو"........سليماان قوي متخافيش عليييه مغيوقع ليه والووو ...

" كيف غتجاوبو قاطعها صوت باها لي جا حجاها وجرها من ايدها "...

محمد.....يالله نمشيو نشووفو خوك مبقى عندتا جلاس هنااا حدا هاد المرا 

عثمان ..." باتفعال "....قاد فمك وعرف اش كتقووووول

احلام ..." شافت في عثمان و اعتاذرات نيابة على الاب ديالها بعينيهااا ورجعات دوات مع باها " ... ... معندي فين نمشي ا بااا هنا غنجلس تايحل سليمان عينيه ... يا الله بغى يهضر وقفاتو بيديها " ... بلااا متضهر وتزيد تغيم في الحال راه واخا دبحني مغنمشيش تا تنشوفو حال عينيه ... 

عطانو بظهرها وقصدات الباب الرئيسي ديال السبيطار تبعها عثمان و خلاو محمد في الجردة كيشوف ... قرر يخليهاا دير مبغات و خرج شد طاكسي نيشان الكوميسارية ... اما احلام بعد ما دخلات لقات بلاصة بعيد على مليكة باش ميكونش شي توتر بيناتهم هي ملمتهاش بالعكس هي حاسة بيهااا و عارفة كلامهاا قالتو النار شاعلة فيهااا ... لي ناعس في السبيطار ماشي كلب او مش و انماا كبدتها لي حملاتو تسع شهور وتعذبت علييه تا شافتو راجل ..ماشي ساهل تشوفو في ديك الحال 

بقات تدعي في خاطري وجالسة بوحدهاا تا تمات جايا شيماء تتجري لابسة جلابتهاا ودايرا شالهاا .. سلمات عليهاا و جلست حداهااا تتصبر فيهاا واخا الكلام في هاد الوضع ما عندو باش يفيد 

شيماء ..." شادة لي فيديهاا " ... احلام ختي بلا متنهاري صبري اختي و زيدي في صبرك خويا سليمان قوي ميتخافش علييه 

احلام ..." حاطة راسها على الحيط و دموعها دايزين" .ساهلة بالفم اصحبتي .....ممولفاش عليه ضعيف ديما كنشوفو قوي واقف وفارض هيبتووو ....

شيماء ... عارفة كلامي ما عندو باش يفيد ولكن دعي معاه و انا حاسة بلي غيفيق منهااا 

احلام ...كنتمنى 

تفتح باب غرفة العمليات لي جراو لناحيتو بعدما شافو طبيب متمنيين يسمعو من عندو شي خبار زوينة علييه .... تقدمات مليكة شدات لطبيب 

مليكة ..." داتها كلها تترعد " قول ليا ا دكتور ولدي كيف بقااا 

الطبيب ..." طبطب ليها على يديها" منقدر نقوليكم والو دابا العملية دازت في جو مزيان دابا غنخليوه في الغيبووبة تا يتصفى منو دم الخايب وفاش غيفيق ديك الساعة غنعرفوو شنوو كاين ... دعيو معااه والله يجيب الشفاء ..

مشا طبيب وتبعاتو احلام كتجري وقفات في طريقوو....

احلام....." بتوسل "...عفاك واش ممكن نشووفو ...

- من الاحسن لاا باش يرتاااح....

احلام......" شدات ليه في يديه "...كنترجااك غير خمس دقايق غنتسطى الا مشفتوووش 

- " بقى كيشووف فيها شحال "...اوك ولكن تسناي حتى ينزلووه لعناايةةة ...

"قاسية هي الحياة حين تصدمك بواقع مؤلم في سن مبكر"

ما طلع الصبااح حتى حسوو رووحهم غاطلع .. مواااعد زياارة المريييض ليها وقت محدد خصووصا لواحد عاد نزل للعنااية .. 

ماكانش طبعا مسموح ليهم يشووفوووه ملي نزلوه للعنااية اتجهاات ليها احلام بسرعة بااش تقدر تشوووفووو و مع ذلك.. اذاا بغاو يشووفوووه كيكوون حيط من الزااج حاجز ليهم معاااه .. الحياة في عينيها مكااانش ليها ولا طعم ولا لون .. بالها غير مع سليماان ليي طاايح كوومة قداامها و هاد الشعووور كيقطعها من الداااخل الصبر مابقاااش عندها .. الدموووع ماابغااوش ينشفوو من عينيهااا .. ماقادرااش تتخايل ان سليماان ممكن يخليها..توقعات كوولشي الا المووت هي لي تفاارقهم ..الحياة كانت ضدهم و اكييد ماغاتصبرش اذا المووت فارقااتهم .. 

حطات جبهتها على الزاااج و دموعها هوااادين .. سيوول من عينيها ..

احلام.. علاش اسليماان علاااش .. ياك قلتي ليا ماااغانكوونش غيير لييك .. علاش بااغي تحرمني منك و تحرق قلبي عليك.. ماغانبقااااش حااسة بالأمااان اسليمااان الى خليتينييي .. .. فيق عافااك انا كنت حاسة بالاماان غير حييت كنتيييي عایش .. عقلتي اول مرة تلاقيينا .. عقلتي كي خذيتي ليا حقييي عقلتي كي حميتينيي .. من داك النهاار و انا تنحسك فحال لا وااصي عليااا .. فيييق عافاااك ..ماتقتلنيش زوووج مرااات .. يكفي لي عشتوو ففرااقنا الأول ... انا .." مسحات دمووعها " .. يالله فرحت ملي رجعتي ليااااا اسليمااان .. كنت غانتحدى العالم هاد المرة على ودك ثييق بياااا .. عرفتي .. عمري تقلقت منك حتى فااش مشييتي عند عمااار و ضااربتي معاااه .. كنت فرحاانة من دااخلي حيت تتغيير. عليااا و مزاالك تتبغييني .. ولكن هاد المرة و الله تا نتقلق منك الى خليتيني .. عافر .. عافر على ودنا كامليين .. لو كااان تفييق و تشوووف النااس لي تيبغيوك كامليين هنا . صاااحبك الي مابغااش يفاارقك و يمشي لدااروو .. ماماااك لي محرووق قلبها عليييك و مقهوورة .. ختك لي ماعندها غيييرك يحمييها و يخااف عليهااا .. و انا لي نتا الحيااة بالنسبة لياا .. علاااش تدييير فينا هذااااا .. " ضربات جبهتها ضربات متتاالية فووق الزاااجة" .. معرفتش وااش انا لي نحس عليك!! انا لي كااانوخصني نكوون فبلاصتك اسليماان ..من نهاار عرفتيني و نتا فالمشاااكل تا الحااذث كان بسبااب خووياا .. سمح ليا بزااف .. دمرت حيااتك بحبي لييك .. كوون غيير مارجعتيييش .. كون غير بقيتييي تمااا مكاانش هادشي كااملو غايصرااااا .. "تنهدااات تنهيييدة من الأعماااق " .. مامااك تاتلووومني انا فلي جراا ليك اسليمااان .. و عندها الصح .. من نهااار عرفتك ما شفتي نهاار زيين .. علااش هادشي تيطرا لينا غير حنا علااش الحيااة ضدنا غير حنا .. علاااش مانعيشووش فحاا اي زووج كيبغيو بعضيااتهم و تكوون .. حياتنا زوينة .. علاش خصنا نعانيييو و نتقهرووو و نمووتو بالفقصة .. علاااش😭😭 عافاااك اسليمااان عاافر .. على ود مامااك و خواتاتك .. ماعندهم حد غيييرك على ودنا عاافر عاافاااك ماتحرمناااش منك رااه ماعندنااا غيييرك اسلييمااان انا رااضية بأي حااجة تبغيييها غيير فيييق و حل ليا عوييينااتك .. شووف فيااا و قووول ليااا احلامي كيف مواالف ..

حطات يدييها على الزااجة و انهاارت ..مامواالفااش تشووفو فديك الحالة .. غيمااات الحاالة عندها .. ماقدراتش تستوعب ان سليماان لي كيهز بنااادم غير بسمييتو يطيييح طرييع الفراااش ؟! الدنيا غدااارة .. ماكاترحم لا صغيير ولا كبييير .. و كاتجي ديما فلي مايستااهلش ..بقاات مدة على دييك الحاال حتى حساات بيد ضمااتهاا من كتفها .. 

دورات رااسها غير باانت ليها مليكة هي ترتاااح .. مكاانتش قاادرة توقف بالبكى و جاا حضن مليييكة فوقتوو .. 

احلاام .. " ضماتها كأنها بااغية تلقى فيها ريحة سليماان. ".. انا عمري بغييييت لييه الشر اخاالتي .. بغيييتو كثر من رااسي كوون طلب عمري نفديييه بييه .. نحيد من رووحي و نعطيييه ..😭😭 تمري تخليييت علييه كيف كنتو ضاانييين .. انا نهااار خليييتو كان بسبب ماما لي طااحت كووما و طااح نصها بسبيي حيت بغييت نهربةمعااه .. ماعطاانيش فرصة ديييجا واخد قرااروو .. دااكشي علاااش خليييتو يمشي فيييه .. و انا تقطعت ميييية مرة بلااصتو دااك النهاار .. طلبت من ربي الموووتوو مانااولهاااليشش.. طلبت من ربي مانعاودش نحل عيني اذا نعستوغييير بااش مانفييقش فواااقع بحاال هذاااا .. ههءهءهء....

مليكة .." بعداتها عليها شوية و مسحات ليها دموعها" .. ماتبكييش ابنتي .. سمحي ليا راك عاارفة .. كبدتي هذااا .. سمحي ليااا على كلااامي ماكنتش وااعية برووحي ااش قلت .. كبدتي مرمي بين الحيااااة و المووت ماالقيييتكم غير نتووما قداامي .. ماتبكييش ابنتي مااتبكييش .. سليمااان لو كاان وااعي غاادفع الغاالي و النفيييس بااش ميشووفش دموووعك . 

احلام .." مسحات دموعها و شاافت فيها بقهر" .. علاش اخاالتي .. علاش .. علااش مااشي من حقنا نتهنااو .. 

مليكة ..ربي لي بغااا لينا ابنتي هاادشي و هذاا قدر الله .. ربي بغاا يختاابرناا و يختبرش صبرنا .. دعييي معاااه يفييق ابنتي و يرجع لينا

احلام .." رجعات حطات راسها على الزااج و سمحاات لدمووعها ينزلوووو" .. يااااا رب ياااا رب تنجيييه يااا رب .. 

مليكة .. سيري ابنتي ترتااحي شوية ..غاتكووني عييتي .. و من البارح ما ذقتي النعمة ..

احلام .. منييين غادووز اخالتي .. 

مليكة .. غير بااش تقدي توقفي .. سيري الله يرضي عليك و رجعي غداا .. 

احلام .. " حركات راسها بنفي .. " .. لا غانمشي غير نطل على ماما .. و نبدل و نجي .. ساعة اذا كثرت.. 

مليكة .." تنهدات بقلةة حيييلة .. " .. واخة .. 

خرجات احلام تتجر فرجليها حاالتها ما تسر لا حبيب ولا عدوو .. و شداات طاكسي اتجهاات ديريكت لداارهم .. اما مليكة بقاات مع ولدها ماقاادرااش تفاارقوو ولا تبعد علييه .. قلبها محرووق الشيء لي خلااها تفرگع على احلام و تقلب عليها .. ولكن كي تكاالماات و شاافتها و هي مريحة فديك القنييتة تتدعي و تبكي .. ماقاادااش تصبر على لي جراا لسليماان قلبها حن علييها خصووصا انها هانتها و ماخلاتوووش بالعكس بقاات متشبتة بيييه و جاالسة حداااه .. 

علااش الحياة غير عادلة!!! .. و المشااكل تتقيدنا من كل صوب.. و دائما تتخلينا نستسلمو و نزييدو نقتنعو انها غير عاادلة و حنا مانقدرووش على مواجهتها .. ورااء كل ضحكة غاتضحكها ليينا غاتعطيينا الف دمعة و دمعة 

"انشلني من لهيب النار 

و ارأف بمن ترجاك

أهواااك أنا أهوااك

دهراا أنا أهوااك"

مرت اكثر من تمنية وربعين ساعة ....لي قضااتها احلام مابين الدار والسبيطار تا الخدمة هملاتهااا وباها وقفات في وجهو وصداتو اول مكيسولها ولا كيلومها لفين غادة ولا علاش ....وتاهو لقى من صالحو تمشي خوفا على ولدو لي مزال قيد الاعتقاال حتى يحل الكوبرا عينيه ، مريم حالتها حالة ملي عرفاتو كان سكراان ومقصر كيقنر من جديد امااا فاطمة بسبب حالتها الصحيةة نكانت سايقة خبااار 

اما عند عائلة سليمان كاانو لايام ماليها طعم .. الكل وااقفيين تيتسنااو بفااارغ الصبر النتييجة ديال العملية بعد ميفيقووه من للغيبووبة المؤقتة .. كل وااحد ماسك أعصاابو و كل وااحد حااس رووحو جالس فوق الجمر .. سليماان ماكاانش غير صديق بالنسبة لعثماان!! كان الأخ و كل شيء .. يمكن ماعندووش صدييق غييرو .. صديييق بالمعنى الحقيقي العمييق .. مع انوو كاان جالس تيصبر عائلتو و يصبر احلااام ولكن هو ربي لي عااال مبييه حااسة بيه غير شيمااء لي شاايفة نظرة الانكساار فعينييه و لي تيحااول يخبيييها على عيوونهم كااملييين ..

اما ملييكية فاامكاان موقفها غييير الامل الكبير لي عطااوها الأطبااء و لي زااد قوااها انها عاارفة سليماان جبل مايهزووو رييح .. روحو قوية كيف جسموو و يستحييل ينهار و يستسلم بسهوولة .. 

لي دمووعها ماساالووش ملي دخلوو عندو الأطبااء هي احلاام .. جالسة فوق الكرسي بكل هدووء دايرة الشاال ديالها و هازة القرأاااان فيدييها تاتقرة و تدعي ربي ينجيين ليها و يرجعو لأنها ماتقدرش تعييش موورااه و عارفة راسها ماغاتكملش بلا بيييه .. و الحيااة لن تستمر عكس لي تيقوولو ان الحياة تتستمر .. 

الدقاائق تمر و هووما مزاالين تيعااينووو كولهم باالهم مشغوول .. خايفيين علييه و ماقاادييينش يصبرووو ..كانو طاقم الأطبااء الي دااروو ليه العملية هوما نفسهم لي وقفو عليييه بااش يفييقووه من الغيبووبة المؤقتة بعد ما تصفى الدم من رااسو .... 

.....

- الطبيب الأول......شنوو المعموول هادشي هو لي مكناش دايرين ليه حسااب 

- الطبيب الثااني ....." تنهد ومسح لعرق من على راسو "...قليل فين كنشوةف بحال هاد الحالة...عقل المريض ماباغيش يستاجب نهائيااا 

- الطبيب الثالث.......كنظن هاكدا حنااا فاقدييين المريض بصورة غير مباشرة، من حق عائلتو تعرف 

......

الوقت لي كانو كينتضرووو الوقت لي داز بستة و ستيين كشييفة .. باانو لبهم الأطبااء خارجين ..منهم الاجاانب لي مشااو وبقى الطبيب المغربي لي كانو على تواصل معاه من الاول ..مشاو تيجرييو عندو كااملبين وقفوو علييه و كوولهم في عينيهم اسئلة و امل كبييير..

مليكة ..امضرا ! ولدي كيف بقااا .. طمنييي رييح قلبي الله يرييح قلبك 

احلام ... " بلهفة" ..دكتور واش كولشي مزيان سليمان ستجاب فاق يااك 

الطبيب .." هز يديه و حطهم بقلة حيلة" .. درنا لي علينا و أكثر ..ولكن ..

عثمان .." بعصبية ..كان بااغي يشنق علبه غيير كاانت قدامو مليكة" ..ولكن ااااشنووووو اسييي .. 

الطبيب ..المريض ما استجبش لينا و مافاقش لينا من الغيبوبة المؤقتة .. 

احلام ." مصدوومع" ..بمعنى!! 

الطبيب ....." حضر راسو وتكلم "....بمعنى انه دخل فغيبوبة دائمة ....

الواضح مريضنا كان كيعاني من مشاكل وضغووطات لي دماغو ممانش مرتاح فيهم داكشي علاش لقى راحتو في الغيبوبة المؤقتة ورفض يجي للوااقع من جديد .. 

احلام .." حطت يدها على قلبها و تتحااوول تركز معاااه و ماتركزش مع غواات و بكااء ملييكة لي كانت حدااها" .. يعني ااشنوو يعني ماغايفييقش وا شنووو!!!

الطبيب .." تنهد" ..دعيو معاه .. هادشي لي نقدر نقول ليكم .. لانه مامعروف ايمتا غايفيق ..منقدش نواعدكم ونقول بعد لسبوع ولا شهر ولا حتى عام داكشي على حسابو هو ؛! غير دعيو معاه ...نطلبو يتحسن فلقرب فرصة 

خلاهم و مشاا .. وقع كلمااتو كاانو فحاال السم علييهم كاامليين .. حتى وااحد فيهم ما قدر يستوعب كلامو ..ملبكة طااحت الارض تتبكي و تنووح على ولدها لي مابغااتو يضييع منها .. و خواتاتو كذلك مكاانوش حالهم افضل خصوصا ختو شيمااء لي مثقلةة ..اما احلام ربي وحدو لي عاالم بحاال قلبها ..كينزف من الدااخل و مالاقية لييه جهد ..بغااةت غا شي حد يوااسيها ولكن ماالقاات غير تنزل على ركاابيها و توااسي ملييكة ليي كانت شبه مغمى عليييها من هول الصدمة ...

الجرح كيمشي و كيرجع...وكل عين ﻻبد تدمع والزمان قسمة و نصيب...مرة يعطيك مرة ياخد منك...والدنيا فيها الخير وفيها الشر...كلما خديتي منها ﻻبد تدفع والكﻻم كلمة و جواب...متهدرش كتر متسمع البارح فايت والماضي عمرو مغدي يرجع ...الذكريات عندك الحق متنساهاش ولكن واجهها باش تولي عادي...وتأكد بلي تاشي حاجة ممستحييلةة الغايب لابد يجي ليه يووم ويعوود ...الحزين غيجي اوقاات وغيفرح ......والمرييض اكييد غيشفى ولصحتو يسترجع 

الغيبووبة لي دخلها سليمان خلات كاع حبابو يحسو بهزييمةةة ويذوقو مرارة الفراق ورا مسمعوو الخباار .....أم كتحس بكتافهاا خوااو ....وخواتات ولاو على حافة انهم يتيتمو من جدييد.....صدييق كيحس براسو ضااايع ومكتف الايديين ولأول مرة معارفش شنو غيدير كون كانت الصحة كتشرى كون شراهااااا ليه...واخيييراااا حبيبة حااسة برااسهاا لاشيء ....صرخةة بكاء او تنهيدة وجع مبقاتش قادة تطلعهاا.....حالتها التفسية والجسماانية يرثى لهاااا ، كانت كدوز لياليها ساجدة لله تدعيي لمالك قلبهاا اما نهارها فكانت غير كتشووف وتتألم بصمتت هربانة على عيوون الكلل هربانة من نظرات العتاب واللوم لي خايفةة تشووفهم فعينيهم ...حيييييت بسباب خووهااااا لولد لي بغاها وبغاتووو لي كااان يوقف ويغوت في وجه كل من عارضو يجي تال عند احلام ويقوووول نعام ،وواخا ،لي بغييتي وامرتي وطلبتي هو لي يكوون....

ممد على سرير ضايرين بيه اجهزة هما المتحكمين في دقات قلبو الا ضغط اي حد على الزر خطأ كتنهى حياتو بمرة ويولي كأنو عمرو كان .....هادشي مرضهاا و مغابش عن بالها ولا لحظةة تخيلات كون كانت هي مكانو شنوو كيف غتكون ردة فعلووو واش غيوقف بحالهاا في اخر الممر ويتقابل مع غرفتها حاط يدو على خدو وكيستنى كيف كانت حالتهاا ووضعهااا في تلك اللحظةة...

مسحات على شعرها حاسة بقلبها كيتعصر بجهد ومعندها ليه دواا...جرات رجلييها لطابق للاخر وبالضبط لغرفة الطبيييب ....بعد مسولات وعرفاتو في المكتب ديالو ...

دقات الباب وتسنات الاذن عاد حلاتو....شافيها دكتور مبتاسم 

- ياك لاباس تفضلي جلسي بعداا !!

احلام....." جلسات فوق الكرسي كتحرك رجليها بعصلية وكتعض على شفايفها بتوثر ".....شنووو ادكتوور تاالين غنبقااو على هاد الحال غااادييين لسيمااانةةةة ومكاين تا تطور واخا رقم ورا الفاصللةة 

- " رفع حواجبو وهبطهم مرجع ظعرو اللور وكيلعب بستييلوو "......اااخر حاجة كنت متوقعهاا هي هاادي ، كان هادا احتمال من سابع المستحيلات يجي في باليي " توجه بسؤالو ليها "...واش كتعرفي المريض عن قرب ، في حياتو اليوميةة كيف داير واش كيعيش شي مشااكل 

احلام....." بلعات ريقها وقررات تقووليه لي كاين ".......ايام صعيبة كانو كثر من زوينة في حيااتناااا ،كنبغيو بعضياااتناااااا ..." جوباتو قبل ميسول حيت قرااات شنو بغى يقوول "

- علاش لي غيوصلو حبكم لهاد لمواصل..لهاد الدرجة الحب كيعذب 

احلام....." ضحكات باستهزاء "....نسولك نتا لي طبيب ، ومنها الا لقيتيلي معاك شي دواا ليه نصحني بيه حيت سليمان كان اناني ولقى مخرج ريح بيه راسو وحصلت انا " مسحات دمعة نازلة من عينيهااا كيف لعادة بلا ميعاد ...بالحق نمشي نعتابو من ورا لباب كيف ديماا " جمعات الوقفةة "....شكرا على وقتك

خرجات من عندوو ورجعات لبﻻصتهااا لقاات كاع اهلو وحبابو مجموعين على الباب كل مرة يدخل واحد شوية ويخرج الا هي الوحيدة لي من نهار دخل الغرفة مطلاتش عليه كتشوفو ورا الزاج مماقبلاش انها تشووفو بداك الشكل مغلووب على امرووو ومستسلم للموت وفاتح ليه يديه بعد مكان درع حامي كتخرج معاه مخايفة من تاشي حد .... 

" لمحها عثمان وجا لعندهاا والاسطوانة لي كيقول كل نهار رجع قالها ليها "...

عثمان ......احلام وقفتك هناا معندها باش تنفع سيري رتاخي شوفي حالتك كيف ولات ...

احلام....." شافت فيه مخنزرة "....ونتا وقفتك هنا باش نافعةة هاااا ؟؟ لي جاي على قبلو جايا حتى انااا ولي كتكن ليه كنكنو ليه انا وبتريبل ....الا كان لهاد الدرجة وجودي قلقك غنضووبل المسااافة زوج المرات على هادي ونوقف بعييد غير كون هاني....

" عطاتو بظهرها وتمات غادا اما هو عظ على يديه معصب عاد جرا وراها جرها من يدها "

عثماان......اش كتخربقي عليا تم قلنا كلمة على قبلك ندمتينااا وليتي دغيا شااعلةةة ، وعلاش غيقلقني وجوودك 

احلام.....حييت خالد لي ضربو وحيت يمكن حشمان تشووف في وجهي حيت نتاقمتي لصااحبك ودخلتي الشخص لي وصل سليمان لما هو عليه ودخلتيه لحبس ونتا عارفو خوياا.....نبغي نقووليك هو دار الذنب ياك ولكن انا لي كنتعاقب انا لي كنتعذب على زوج جواايه 

عثمان...." شد ليها في يدها ".....سمعيني ااخلام خوي دماغك من هاد الهضرة الخاوية خووك راه كيتحاسب حيت دار علاش ونتي معندك دخل في هادشي مقلتي ليه سير سكر ولا زيد في السرعة داكشي مقدر ومكتااب اما سليمان انا واثق غينقزهااا هو سبع ومغاديش يتخلى علينااا ...

احلام...." طلعات النفس بصعووبة وخرجااتهااا "......ان شااء الله ...

عثمان ....يالله زيدي قدامي نوصلك معانا تال غدا ورجعي....

احلام....هاا لا لا غير سير انا نمشي راسي عندي شي غراض.....

" تهربات منو تا تأكدت بلي مشااو وهي ترجع وقفات لبلاصتها حاطة ايدها على الشرجم وكتشةووف كيفاش فرمشة عينن ممكن يتبدل كلشي....شحال وهي على داك الحااال وفي الاخير خانهاا راسهااا وحلات الباب ودخلات

تهربات منو تا تأكدات بلي مشااو وهي ترجع وقفاات فبلاصتهاا حاطة ايدها على الشرجم وكتشووف كيفاش فرمشة عين ممكن يتبدل كلشي ....شحال وهي على داك الحال وفي الاخير خانها راسها وحللت الباب ودخلاات 

كان ممدد فوق من سرير ابيض بدون حرااك صمت رهيب كاد يكون قاتل لولا صوت جهاز دقات القلب لي كيتسمع بشكل طفيف.... قربات منو بخطواات ثقيلة وهي كارزة على يديهااا وجامعاهم وقفات حداا رااسو وحساات بشهقة غتغفلهاا وتخرج برا لكن كتماتها لداخل وعضات على صبعهاااا باااش تسكت تأملات شكلوو مزياان اللحية لي بداات تكاثف والحوااجب الخشنةة صرامتو لي حااضرة وهادا طبع ماشي تطبع فييه .....جسمو العاري والمنقووش بوشم كان من اكثر اسباب لي تسببات في فرلقهم ....ركزات فيهم الشووفة وطوااالتهااااا سرعان مخرجات عينيهااا وسالو دمووعهااا بعدااا لمحااات اسمهاااا لي كااان واااشموووو في صدرووووووو بشكل مزخررف وبااين 

" احلاااااااام "..... 

بكات بصووت مسمووع وتحنات مقربة منو حاطة يديها على شعرو كتحسسو 

هءء هءء والا كنت لهاد درجة عزيزة عندك عللش بغيتي تموت وتخليتي متمشيش اسليماان عفاااك انااا "همسات بصوت رقيق "....

كنبغيييييييييييييييييبيك

تيت تيت تيت صوت دقاات القلب تسااارعوو وبدااو كيتصااعدو بشكل تدريجي وبطريقة غير عاديييةةة جهااز طلب اشاارات خلا ممرضاات تجمعو عليهم 

- " غدا متاجهة بيها لباب "....عفاك ممكن تخرجي براا ....

دفعاتها برا الباب وناداو على طبيب لي جاا على وجه السرعة كل هادا مر بلمح البصر قدام احلام لي موال ممستوعباهش دايرة يدييها على فمهااا حاسة بخوف بقات في الكولوار كتسنى على اعصاابهاا في حين الطبيب لداخل كاان في حييرة من امره ...

- دقاات القلب سطاابل كيف مااا كانوووو ! 

- ولكن ادكتوور انا اول مسمعت الانذار ودخل كاانوو مرتاافعيين بشكل غير عاادييي 

-" تفقدو من جديد وشخص الحالة "....مريض مزال في غيبوبة يمكن تهيأ ليكم على العموم غتبقااو هاد الليلة قدامو ومرة مرة قيدو ليا تما عدد دقات متغفلووش ...

" حركو ليه راسهم بالايجااب وخرج برا لقى احلام في وجهو اول ما حل الباب "

احلام......." شدات فيه بلاما تعقل "....مالو ادكتوور واش وقعات ليه شي حاجة عفاك ماخبيش علياا 

- متخافيش تهدني هو لاباس عليه خالتو كيف كاانت " هز رسو فيها باستفسار " واش كنتي عندو لداخل 

- احلام.....اه كنت عاد دخلت تااا بديت نسمع شي صووت من وراه جااو ممرضاات 

- مهم سيري دابا رتاحي معندك مناش تخافي تال غدا ورجعي...

" غادا كتخطي خطوة القدام وتوقف حاطة يدها على صدرها مكاناش ساخيةة تفارقوو ....خرجات من المشفى كان الليل طااح ركبات في اول طاكسي كان قدااامها محساتش بطريق تا كانت قدام الباب

دخلات لدار وبالضبط الصالون لقات باها و مريم و مهاا جالسين وكلها وفين سارخ .. هزات عينيها في محمد لقاتو كيشوف في المگانة و كيخنزر .. حيدات سباطها ولاحت صاكها و مشات باست لفاطمة راسهاا راسهااا ..

فاطمة ..." كتسائل على تأخرهاا " .. الله يرضي عليك ابنيتي .. فين بقيتي حتى لهاد الوقت 

احلام ..." باين عليها التعب و الحزن من عينيها " ... والو امي غير مع الخدمة و مبقيناش كنساليو بكري .." باست ليها يديها " .. نتي بخير ياك....

فاطمةة....حمد للع اكبيدتي 

اخلام...." طبطبات على يديهاا "...داكشي لي بغيت مهم انا غادة لبيتيي 

فاطمة ... وجلسي غير تتاكلي شوفي وجهك كي صفر 

احلام ...غير بالصحة احبيبتي عيييت بغيت غير نحط راسي نعس .. 

مشات احلام لبيتهاا منكاسرة محطمة ..تتحس بالدنيا شداها من عنقها و تتخنق فيهاا .. مكرهاتش تبقى تبكي و تغوت حتى تفش .. طاحو دموعها لي اصلا متتحسش بيهم حتى كيتمو هوادين .. وتمت داخلة الدوش قضات حاجتها و توضات وخرجات هزات صلايتها و تقابلات مع القبلة تتصلي .. في كل ركعة تتبكي و طلب الله .. كملات صلاتها ما جات فين تنوض حتى دخلت عليها مريم وجها وعينيها مكيتفسروش 

مريم ..." جلسات حداها " .. امضرا احلام كيف بقى سليمان

احلام ... " مسحات وجها بيدها " تمنيت نقوليك لباس علييه و نفرح و لكن الغالب الله ....سليمان اختي مبقيت عارفاه واش غيفيق غدا ولا بعدو ولا بعد شهر ولا يمكن مغيفيقش كاع

مريم .. ويلي على مغايفيقش .. قولي اعووذ بالله من الشيطان الرجيم ..انشااء الله غايولي حسن من الاول غير دعي معاااه .. 

احلام ....." تنهدات وشافت في الفراغ "...كلنا كندعيو معاه اختي...مو حالتها حاالة هي لي كتقطع في قلبي اكثر وحدة مكنقدش نشووف في وجههااا کنحس بتأنيب الضمير على داكشي لي دار خويا في ولدها وكتجي بين عيني ماما ....." طبطبات مريم على رجليها مواسياها حيت باين عليها الضغط والهم الكبير لي هازااه ..." 

مريم......دابا ربي يصااوب 

أحلام........يارب !!شي خبار على خالد شنو قالو مزاال لبابا 

مريم ....." حركات راسها ".... حرييرة خاالد حريييرة غير خليني سااكتة .. تصوري تا حد ما بغاا يعاوناا .. عمي كااع صحاابو و معاارفوو قاالو ليه ماعندنا ماندييرو ليه غايبقى فالحبس تا يفييق السيد ،حقا القانون المدني هادشي لي كيقوول كيضل مقيل نهار كامل حداااا الكوميساريةةة تال لعشية عاد كيرجع 

احلام .......نتي ممشيتيش شفتييه 

مريم ....ابدا ومغاداش نمشييي !! خليه يعرف غلط دياالووو 

احلام ....." رفعات حاجبها ".....ايوا وعلاش هادشي كاامل ، هناا فين خاصك توقفي معاه وتكوني بجنبو ومتخلاايش عليه واخا غلط " سكتات شحال ورجعات شافت فيها "...

بغيت نعرف حاجة امريم ومتخبيش عليا ديك الليلة لي مشى هو سكر ودار هاد الروينةةة شنو طرا بيناتكم....

مريم....." عضاات على شفايفهااا "......نقاش عادي كيف ديما وتزايدنا في الهضررة وقلت شي كلام معجبووش ...

احلام......بحالاش....؟؟

مريم......" عودات ليهااا لي وقع بالضبط "......هادشي لي كاين 

احلام....." وقفات وتقابلات معاها "......الغلط منك امريم ويمكن كون مقلتيش ليه هاكداك مكانش غيوقع هادشي كامل ..." شافت فيها بحدة "

مريم......." خرجات عينيها في احلام لي صدماتها بكلامهاا "....كيفااااااش 

احلام....كيف كتسمعي ،شنو منتظرة منو يدير ملي تقوولي ليه انا عمري بغيتك ومبززينك عليا وتخليت على لي كنت كنبغي وتزوجت بيكك....اشريييفةةة تا شي راجل في دنيا ميقبل هاد الاهانة كيفما بغات نفسووو تكووون....فين كان عقلك امريم فين ؟؟

مريم ....شنو كتلوميني دابا ااحلام وكتحمليني سباب زبايل خووك...

احلام .....هاداك لي كدوي عليه راه رااجل ماشي غا خووياااا وراه مغربي نفسو خايبةةة مشربت غا راسو انا ختو واش دار فيا عاد نتي مرتو وشرفو .... بسباب كلمة قلتيها هاهو غيدفع الثمن غالي ....واش كيتهيأ ليك عائلة سليمان غيسمحوليه الا فكرتي فيها غتكوني كتحلمي.....غير وجدي راسك تلعبي دور الاب والام لولادك اختي 

مريم........" حسات بالخوف من ورا كلامهااا وحركات راسها بنفي ".....لا لا ...ان شاء الله سليمان غيفيق ...وخالد غيخرج وغيكوون واخد درس...

احلام...." حطات ايدها على راسهااا معصبة ونطقات بالغوات ".......وهاهو كاااع فاق واش غيسمح ليييه هاااااا ؟؟ مغاديش يعقل عليه واخا يكوون خووويا كتسمعييي ...

مريم.......احلاااااااام متصعبيهاش وتعقديها من كااع القنااات طلبي الله وتفائلي خير..." وقفات غادا الباب ".......جيت لعندك وندمت كااع

خرجات مريم من عند احلاام منرفزةة كلااام هاد الاخيرة ليهاااا خلاهاااا تندم راسها على شنو قالت فديك الليلةةة وتمنى ترجع بيها الساعة اللوور وتسحب كلاامهااا

تناص الليل والنعاس غايب على بزاااف العيوون ومن بينهم عيون مريم لي غير كتقلب وكتخمم في الحالة لي وصلو ليها مقدات لا تنعس ولا يغمض ليها جفن غير بان ليهااا الضو بدا يبان وهي تنوض غسلات ولبسااات حوايجها متاجهةة لكوميساريةة

لبسات حواايجهاا متاجهةة لعند لمحامي كيف بغاات تنزل لقااات محمد تاهو ناازللل 

محمد.....فين غادا ابنتي في هاد الصباااح ؟؟

مريم.......احم غااادا نشوووف خالد اعميي 

محمد ......" مبغاش يناقشها حيت كيبقى راجلها ومن حقهااا "....لقيتيني غادي نمشي الكوميسارية تاني عند داك صاحبي لعلى وعسى 

مريم......."بانفعال"...بلاكا تعيي راسك اعمي وتشووجر تما وتمرمد كون بغى يدير شي حاجة كون دارها غادي يبقى غا يدي ويجيب فيك وكل مرة يقووليك حاجة مكايناش القانون باين وهو هاز يدو ومبغيش يعاونك

" مشات وخلاتو لقات طاكسي اول شارع ركبات فيه ودوزات رقم المحامي خبراتو يوجد ليها تصريح بزياارة حيت مشات ماشي في وقتها وداكشي لي كان وصلات المطتب ديالو وبقات ماا يقارب ساعة عاد جا وجابها معاه 

مريم....."خداتها من عندو "....شكرا بزاااف ، بغيت نسولك كاين شي تطورات في قضيتووو شي أمل نقولو ليه 

- باش منكونش كنضحك عليك....حاجة وحدة لي غتشفع ليه ويخرج منها باقل اضرار هو يفيق سيد لي مضرووب ويتنازل ليه ...

مريم....." كلام احلام ليها زار دماغها ديك ساع وزادت فقدات الأمل ، هزات وجها بحزن ونصارفااات غادا لعندو تحسسو بلي هي معاااه ....عاد الاجراءات العادية لي كتوقع في الباب دخلات وجلسات كتنتاظر خروج لعندنا لمكان الزياارات بقات شحال عاد سمعات صوت الباب تحل هزات راسها بان ليها قدامهااا....كان في حالة يرثى ليها بلاما تحس بدات كتبكي ...قرب منهاا وجلس في الكرسي مخنزر فيهااا

.........

ككل يووم قاصدة المشفى لي لوكان طريقها تتكلم تشهد على زياراتهاا ليه...انها تمشي لعندو وتحس بانها قريبة منو ولا عمل ديالهااا وروتينها نهاري...كيف العادة خدات في طريقهااا كاس القهوة من لاماشيين وقربات من غرفة سليماان....بانت ليها الأم مليكةة جالسة في الكرسي مقابلة معااه وهازة في يديها القراان كتلي عليه بعض الاياات...بقات شحال كتشووف فيههاا كيفاش كتبغي ولدهااا ومعياتهاش طريق المشفى على زيارتووو وتاهيا كانت مثل احلام عندها بصيص امل بلي غيفيق ومستحيل يبقى ناعس طول عمرو حيت سليمااان عمرووو كااان كيستسلم بسهوولة.....سالات قرائتها وقبلات المصحف وحطاتو فوق الرف بجنب ابنهاا ..بصدفة هزات راسها وهي تبان ليها احلاام وااقفة مقابلاهم....

لي كيبغي مكيتخلااش وهي فعلا كتبغييه....بحال كاع ليام وفي نفس السااعةةة كتجي ولا نهاار تغيباات....يااا خساارة حظكم قليلل " كان هادا كلامها مع نفسها قبل متشير لاحلام بلش تدخل لعندهااا ..هاد الاخيرة لي ترددات حيت كانت كتحاول تتفادى تتلاقى بيهاااا ، لكن ملي شافت اصرارهااا انظمت ليهااا وغير حطات رجليها في الغرفة حسااات باشتياق كيجتاح لدااخل ديالها ....اشتياق لاحضاان الحبيب ليي حرمهم من صووتووو وختار عالم نعازل فييه ...

مليييكةةة....." كتحاول تدوي بشوية ".....علاش مبقيتيش ترتاحي ، شووفي وجهك كيف ولا ابنتييي !!

احلام....." شافت فيهااا مفاهمةة واالو ، عند بالها بلي كانت كتختفي على اعينها لكن كانت غالطةة "....كيفاشش !!

مليكة....." بتااسمات ليها وهزاات ايديهاات كتمسح من فوق منهااا ".....كون كانت شي وحدة اكييد مكانتش غدير عليه بحاالك " مشات خدات واحد ساشي كانت حاطاها في جنب مداتها لاحلام "......هاكي ابنتي نوبي عليا انا خايفة يخونوني عيني ونصدق عامياها كثر ماهيا كحلةة...

" خدات من عندها البلاستيكة وهي كلها فضوول تعرف شنو فيها من ورا كلامهاا..، لقات مشط ومقص وفووطةةة صابون استحمام "...

احلام......اش ناوية ديري اخالتي

مليكةة......" جمعات جلايلهااا "....نتعاونو علييه ......" خدات من عندهاااا المشطةة وبدات تدوزها على لحيتو وتحسس فيهااا ومصبرة راسها باش مينزلوش دمووعهااا " ..هاني اوليدي غنقادها ليك كيف كتبغي عارفاك معزيزاش عليييك طويلة....

بقات مليكة تمشط و احلام تقطع بالمقص حتى قادوها لييه .. بداو دموع مو كيطيحو بلا متحس و احلام مخلياها على خاطرها و هزات فوطة بللاتها شوية و بدات تمسح لييه .. و تتقوي في راسها باش تا دمعة ما طيح من عينيها ولكن هيهاات ثم هيهات ملي كيوصل قلبك لي مليوح في الفراش مريض وماشي اي مرض .. مرض شبيه بالموت هزات عينيها في مليكة لقاتهاا جلسات في الارض و تبكي و تنوح 

مليكة ..." شادة في صدرهاا و دموعهاا كيف شلال " ... وفييق وليدي و نور ليا حياتي و خلي عويناتو يتسقاو بييك هء هء فيق وقوليا مالك ا مليكة دايرا هاد الحالة .. ياك ديما تتقوليا متخافيش عليا عمري غنخليك و لا نفكر هء هء هء ااه اكبيدتي حرقتيني و شويتيني ... قربت ليها احلام تواسيهاا تعانقو بجوج و عطاوهاا البكااا لعلى وعسى يلقاو ولو جزء من الراحة ... واخا هوما عارفين انو مكايناش بلا سليمان .. بقاو على ديك الحال تااا سمعوووو صوت جهااز القلب تيصووني بأعلى صوت 

تيت ....تيت ....تيت ....تيت...

سمعات صوت الباب تحل هزات راسها بان ليها قدامهااا....كان في حالة يرثى ليها بلاما تحس بدات كتبكي ...قرب منهاا وجلس في الكرسي مخنزر فيهااا

مريم.. ." مدات ايدها تمسك ايدها وهو يجمعها عندو ورمقها بنظرات حادة حسات وراهم بالخوف "......كيف داااير اخالد نتمنى تكون مزيان

خالد ..."جر الكرسي و جلس قدامهاا" ... بيخير وعايش احسن عيشة مبانتش ليك هزي راسك شووفي .. وزيدون لاش جايا ولا قولي ليا باغا تشفاي

مريم......كيفاش نتشفى اخالد واش كاينة شي وحدة تبغي لراجلها هاد البلاصةة

خالد ..."ضحك باستهزاء" معلووم كاينة ها هي قدامي جالسة

مريم.......لااا راااك غالط اسي كون كنت بغيتها ليك متلقانيش جايا نتجارا لعندك لهاد القنت هادا يقلب منها ولاخور من لهيه ...واخا نقاش لي وقع بينا كتبقى اب ولادي مغاديش نبغي ليك الشر

خالد ..." ضحك باستهزاء على كلامهاا" ههه كلامك غير جاب ليا الهرة هادشي ا لالة كان عليك تفكري فييه قبل من تخرجي ديك الهضرة من فمك ودابا مكاين لاش تجي طلي ولا تسولي 

مريم ..." بداو دموعها ينزلوو من جديد " خديتي كلامي وفهمتيه على گانتک ....اه انا فعلا كنت كنبغي شخص اخر قبل من نتزوج بييك .. ولكن راني وليت مرتك و مع العشرة دخلتي لقلبي ونسييييتو وكلامي داك نهار قلتو ضد وزكاارة حيت نتا لي كفرتيني و خليتينا نوصلو لهاد لموااصل...تقلبتي عليا هاد شهورة اخيرة وليتي اغلب وقتك خارج الدار وكتقمررر وزايدها بشراااب

خالد.......الا قمرت وسكرت وعطيتها لديعااان فهادشي باش نتناسى معاملتك الالة ...يعني العيب منك امريم ماشي مني عمرك كتتي بحال لعيالات ولا حسستيني باهميتي عندك ديما صدااع كفرتيني وكرهتيني في زواج وديما كنت كنراعي على وجه ولادناااا وفي الاخييير هانا كنخلص ولیییت قتاااال 

مريم ... " حرکات راسها بتفي "....ماماتش تتسمع هو باقي عايش و غيفيق و غتخرج من هناا .. انا مغنسمحش تبقى محبووس .."خدات يديه صحا" ..... خالد لعشرة لي بيناتنا طويلة ومغتهون غير على ولاد لحرام وانا ماشي بنت لحرام ...الايام لي عاملتيني بيهم بجفااء مستحملتهمش وقاسيت فيهم حيت ممتعوداش عليك هاكدا....داكشي علاش قلت ليك داكشي اخر مرة " شافت في الاﻻض مغبنةة "... كنتمنى تسمح ليا اخالد ....

" سكت و مرجعش جاوبهاا بقى غير كلامها كيدور في راسو باغي يتيقو..

ما هي الا ثواني حتى جا البوليسي و علمو بلي انتهات الزيارة "

خالد...." وقف وشافيها بأمر "..تهلاي في درااري والا بقيت هنا معندك علاش تبقاي تجي...

"متسناهاش تجاوب عطاها بظهرو ورجع معاه غادي بيه لمكاااانووو 

......

في مكان اخر وبالضبط مدينة ميلانو كان جالس في المكتب ديالوو و حاط رجل على رجل و يد شاد بيهااا سيگارو و اليد الثاني شاد بيهاا كاسو ينثر و يجغم و حواجبو معقودين بالو في الخدمةة المركنةةة ولي كتسنى شخص لي طول الغيبة يجي يفكهاا...كلاوس بلغ رجالو يقلبو عليه المغرب تاا يلقاو اثرو وخبارو وداكشي لي كاان ..في خضم تفكيرو قاطعو صوت الباب لي تحل ودخل من وراه .. الدراع ليمن لي كان جايب ليه الخبار لي كيتسنى .. 

كلاوس ..." تگعد و حط كاسو فوق البيرو " اش تم شي خبار ؟؟

... "واقف مربع يديه " راه وصلني اتصال اسيدي .. 

-الكوبرا في غيبوبة دار كسيدةة 

كلاوس ..." تصدم من كلامو" ... اشنوو ؟؟كيفاش حتى وقع ليه "حكى ليه كيفاش حتى وصل لديك الحالة ".. و شنو كيقول الطبيب 

-كيقول الطبيب غيبوبة دائمة و موحال واش يفيق ..

" ناض ضرب الكاس مع الحيط وبدا كيشتم بصوت مرتافع ".. فاااااااك فااااك، مالقيتي ايمتى دخل في هاد الزبل غاا دابا وقت الخدمةةة 

" هز راسو شاف في الشخص لي معاه "....غتعلم سيد لي كلفتيه اي تطور جدييد يكوووون في علمناااا 

- اوووك شاااف

صوت جهاااز القلب خلا كل من أحلام ومليكة شادین قلووبهم ومرة يشووفو فيه مرة في سليمان ...اكتظت الغرفة عليهمم صوت الجهاز جمع الممرضات عليه والطبيب لي لحسن الحظ هاد المرة كان دايز من تمااا دخل وقرب لقاهم کيبكييو ودقاات مزالين ممنتااضمينش تارة كيتصااعدوو ومرة كينززلووو ....

مليكة...." بدات تبكي " ...غيموت يااك غيسكت ليه القلب غا قوول ليا ومتكذبش 

"تقدم ناحيتها وخدا يدوو بين يديهاا "

- تهدني اميمتي بالعكس هادي حالة مبشرة بالخييير " شاف في الممرضة "...عينيكم عليه وردو لبال ...." وجه كلامو وتوجه لباب عامل اشارة لاحلام ومليكة يمشيو قدامو...." ممكن تجيو معاايا واحد الدقيييقةةة 

احلام...." عينيها كانت غير كتشووف في سليمان ومرفووعة مواعياش عليه تا زعزعهاا".....هااا اش قلتييي ؟؟

- ممكن تمشيو معايا لبيرو خاصني نتكلم معاكم

احلام......معلووم ممكن...." شدات في مليكةة مسنداها عليها وتمشاو معاه تاا لبيرو ديااالووو ....جلسو مقابلين معاه وكلهم اذان صاغيةة"

مليكةة.....اش كاين اوليدي ، انا مقلداك مقوول ليا كلشي ومتخبيييش !!

- " رجع ظهرو على كرسي وخدا ستيلو كيلعب بيه بين يديه ".....ممكن تقوولو لي نتوماا شنوو وقع لداخل من اول مخطيتو الغرفةة حتى دخلت ...؟؟

" سردو ليه لي جرا بدون ميبخلوو بشي حاجةة ولي نسات كتفكرها الاخرى حتى سالاو وهو كان كيستنتج شلةة حواايج انطلاق من كلامهم وكيبتاسم شيء لي خلااهم يتعجبووو "

احلام......علااش كضحكك ادكتوور ؟؟

- اول مرة وقع هادشي كان ملي دخلتي عندوو يمكن لبارح وكنت غيير شااك لكن دابا تأكدت 

احلام....." باستفساار معارفاهش علاش كيحووم "....ممكن توضح كثررر!! 

- موسيوو سليماان كيتفاعل مع المحيط الخارج ديالوو يعني كيشعر باي حاجةة درتوو ...ارتفاع دقات القلب هداك غير رد فعل منوو ملي حس بحالتكم ...

مليكةةة...." مكانت فاهمةةة حتى كلمةةة من شنوو كيكوون "....زيد شرح ليا عفااا ولدي داابا انا ولدي ممغيبش ولا شنووو 

- ولدك الحااحة عقلو مريح راسو براسو الاوعي ديالوو هو لي داير هادشيي حالتو شبيهةة بسبات العميق واخا سيد قرر ينعازل في عالم بعيد على صدااع والمشااكل ولكن مزاال قلبو مرتاابط بيكم لدرجةة كيحس انكم جنبوو ...

أحلام...." ظهرات ابتساامةةة كانت على وشك الانقراض على محياها "....ممكن نقوولو بأن هادا مؤشر ايجااابي وغيعطينا أمل لقدام 

- وأمل كبير داكشي علاش غااادي نطلب منكم انو كل مرة تدخل عندو وحدة عودو ليه على نهاركم ...شي حاجة قلقاتكم...شاركو معاه رووتينكم ....ولم لا عودي ليه الحاجة على راسو ملي كااان صغيير وزبايل لي كان كيديييرر ودوزهم ....وحتى نتي امدموزييل شي خرجةة كنتو فيها بزووج رجعي حكيها لييه بتفاصييل هادشي ممكن يساعدنااا 

ملييكةة...." حطات ايدها على قلبهااا ".....انا ليلة نبات حدا وليدي ونعاود ليه ملي خرجت نتوحم بيه تال داااباااا غيحل ليا عويناتووو ...

احلام......" كلامو عطاها طاقة ايجابيا وبوش للقدام وقررات دير ما في جهدهااا باش يرجع ليهم من جديد "...كون هاني ادكتوور كلامك غيتطبق....

- نتمناو لخيير للقداام ....

" خرجو من عندو مغايرين على كيف دخلووو....ملييكةةةة حساات برااسهاااا بحال ايلا بان ليها شويية ضوو وسط الظلام....اما بطلتناااا مكانتش كتقل عليييهااا.....رجعو من جدييد لمكانهممم وهما يتفااجئو بشخص كانو متوقعيييين يشووفووه وتعجبوووو بتأخر زياارتوووو ...

- علااااش تخبي عليينا علاش ؟؟ واش ماشي منحقي نعرف " شافت فيها مخنزرة "...ولكن كلشي من هاد الللفعةةةة الله يلگییها لیک

ملييييكةةة حسااات براسهاااا بحال ايلا بان ليها شويةة الضووو وسط الظلاام ....اما بطلتنا مكانتش كتقل علييهاا...رجعوو من جديد لمكانهم وهما يتفااجئوو بشخص كانو متوقعيييين يشووفووه وتعجبوووو بتأخر زياارتوووو

ايةة.....علاااش تخبي عليااا علااش ؟؟ واش ماشي من حقي نعرف ...." شافت في أحلام مخنزرة "....ولكن كلشي من هاد اللفعةةة الله يلگیها ليك ياربي...منين تسلطتي عليييناااااا وكلنا فيك الله 

عايشة...." جرات ختها قدامها دعقاتها بالهضرةة ".......مبقاش ولدي هو ولدك وولادك هما ولدي ...نسيق لخبار من البراني ومنسمعهاش من فمك....

مليكة........" بدات تعدد في سليطار "ياكما درت عرس ومسيقتكش خبار...ياكماا درت زردة ونتي اخر من يعلم....يكما انا غارقةة في الفررح ونتي مفخبااركش......اتاقاي فيا وفحالتي وجه الله ابنت بويا راه طرف من كبدتي مرمية في سبيطارات هاديك هي تعنيقة لي معنقاني جايا تعاطاي معايااا .....

ايةةة......" بغات تبدا في تنوعيرها قربات من خااالتها وحطات ايدها على كتفهاا "...كون ما غلاوتكم اخالتي منجيييوش هنااا واخا گاع داكشي كامل لي دار فيا ولدك ولكن معزتو طااغيييةة واول مسمعت لخبااار هاني جييييت نوقف في جنبووو 

" هزات كفووفهااا لسمى وشافت في احلام لي كانت متكية على الخيط وكتفرج في مسرحيةة رية وسكينة بطولة اية ومهاا ".....انا بغيت لهادااا لي كان سبابك في هاد تجبيدة بغيتو يتكوى ويتشوى في لعزيز الغالي بغييتها تجي في مووو وباااه ويتحرق عليهم كيف حرقنااا ....

" وحيت ملي كتوصل الوالديين الانساان واخا يكوون قلبو حجر كيحس وكتفيض بيه.....احلام بلاما تشعر ولا تحس واحد الجانب العنيف طلعاتو بحركةة غير متوقعة منهاا مشات لايةة وجراتها من عنقهااا ".....

احلام.....مشكلتك معاايا انااااااااا داكشي علااش واليديا عليك في تيقار...." جراتها من صدرها داتها وجابتها " ...هانا قدامك سبيني وعيريني وضربيني گاع ولكن توصل لواليديةة نشتف عليك كتسمعي....." دفعاتها على الحيط تا تسمع صووت الدفعةة تدخلات وسطهم مليكةة ملي شافت عايشةة غتلاح في احلام جرات ختهاااا شادا ليها يديها ....

" جاو فرمليات كينهيو ويهدو بلي غيخرجووهم برااااااا طلبات منهم ملييكةة سماحة وبلي مغيتكررش هادشي

مليكةة......ولاش تسطيتي اختي ، راه سبيطاار هادا ماشي تييرا باغا ضاربي خرجو لشانطي الله يعطيك معامن 

عايشةةةة...." بدات تضرب على صدرهاا ".....اياه زيديني نستاهل لي درنا كنتسماو حنا لخايبين اما الصوفاجياا لي كيعرف ولدك و لي بداات تطلع من رووندتهااا وتورينا وجههاا لحقيقي لتحاسبيهاش ، هي لي خاصها تخرج برا ومعندها مدير وسطنااا ماشيي حناااااااا 

ملييكة....." شدات في احلام وقفاتها في جنبهاا ".....هادي اولى منكم لولديي ، نرضوو ليكم الزيارة في الفرح ان شاء الله

" كيوصل واحد الوقت لي كتبغي تطرد برا حيااتك اي واحد كيكون مصدر ازعاج ليك واخا يكوون قريب منك ...ةقووف مليكة وجه ختها وصدهاا حاا بعد عناء وصبير طويل ياما راعات وقالت ختي ومني معندي كيف ندير ليها الله يهديها لكن وصلات بيا العظم وحيت صبر كيضبرر دارت لي يريح ولدهاا ويرحهاا حيت راحتو من راحتهااا 

داااز نهاار بحال لي قبل منووو التغيير لي كان انو كان فيه شوية بصيص املل انوو سليمان يقد يتحسن غادرات كل من مليكةة واحلام المصحةة من بعد مجاا عثماان وطمن بدورو على رفيق دربو ومن وراها كل واحد فييهم توجه لداارو ... حلات احلام الباب وطلعات بان ليها صقييل ومهاا مكونةة بوحدهاا في البييت ...

احلام...." حيدات سباطهااا ودخلات جلسات لكن قبل باست على راسهاا ويدها كيف وااالفتهاا "......فطوووومتتيي كييف راكي اليوووم ...؟؟ 

فاطمةة...." خاطرها كان مغير "......معندي كانةة ابنيتي ..

احلام....." قربات منها بخووف وكتفقدها بعينيها لتكوون فيها شي حاجةة "...واش عياانة ا مي ؟؟ مالك اش غير حالك ...

فاطمةة.....خووك ابنتي ...

" هنااا حسات احلام بقلبها غيسكت خرجات عينيها ودوات بتوثر خافت لتكون عرفات شنو طاري "......هاا خالد ،😨 مالو " تلهات في جميع شعرها باش متشووفش في عينيهاا "..

فاطمةةة.....عمروو طول عليا الغيبةةة وتا فاش كان كيسافر كان كيعيط ليااا ودابا هانتي جايا لشهر باش مشى ومسمعت صوتو ...

أحلام....." تنهداات هزات ايدهاا لعندهااا وستمرات في كدووبهااا .."......وراك عارفة الخدمةة امي مساهلاش تا هو يحسن عوانو...راه كان كيعيط ليا انا كيبغي يدوي معاك كتكوني ناعسةة وكيقيل يوصي عليييك

فااطمةةة...." عطاتها تليفونها "....هاكي ابنيتي انا راضية عليك لما دوزيه ليا غا نسمع صووتو ونرتااح ...قلبي مهانيش ومرتاحش جيهتوو...عمرو طول في خدمتو تال هاد المرة مخلي ديك لوليدات ولمرا ....لي حالتها ولات حالة 

احلام...." بتساؤل "...فينااهيااا واش في البيت 

فاطمة....لا مشات لدارها ابنتي هزات حوايجهاا وقالت ليا غتمشي لدااار تبقى فيهااا حسيت بيها شي حاجة مغيراها....

احلام.... " عرفات راسها قسحات معاها لكلام وزادت على ما بيها ، جمعات الوقفة وحطات تليفون في حجر مهاا "....انا غنمشي نشووفها وتا نجيي ونعيط ليك ليه..." وهي كتلبس في رجليها رجعات سولات "....بااا مكااينش....

فاطمةة.....في جامع ابنتي مشى يصلي لمغرب....

أحلام......الله يتقبل ليه مبغيتي والو اميمتي غا نمشي لعندها...

فاطمة....لا بغيت غا راحتكم وتكونو مزيانيين الله يفرحك ابنتي لما جيبيها معاك ومتخليهاش بوحدها تم...

احلام...." بتاسمات ليها "...كوني هانية غنجيبها معايا

رجعااات على طريقهاا لعند مريم لي محلات الباب تاا جهلات احلام بصوونيط ...

احلام....." لقاتها متكية فوق سداري وولادها كيلعبو حداها "....واش كنتي ناعسة مكتسمعييش ...

مريم....." بلاما تشووف فيها جوبات"......مشات بيا عيني سمحي ليا ..

احلام...." قربات حداها وجلسات مقابلة معاها ردات لبال لعينيها لي كانو منفووخين وبحال جغمةة الدم ".....ماااالك اختيي !!

- لا رد ...

احلام....." ضرها خاطرها وندمات راسها على شنو قالت ليها من اصلوو "......ربي لما سمحي ليا امريم انا والله مقاصدة نجرحك بكلامي....

مريم......لا نتي عندك الحق وانا لي غالطةة حيت بصح يمكن لولا كلامي مكانش هادشي غيطرا ..." شافت فيها "...كنت عند خالد اليوم والهضرةة لي كنتي كتقوولي ليا عودهاا هوو...واش لهاد الدرجة انا مكنسواش ااحلام....

احلام.....حاشة متقووليش هاكدا....تا واحد معندو دخل في هادشي حيت مكتب ، نتي مكنتي عارفاه غادي يسكر وهو مكان عاقل على راسو ملي كان في صايك وسليمان مكانش ضامن عمرو....يعني غير القدر لعب لعبتوو

شوووفي امريم انا حاسة بيك وبلي عانيتيه مساهلاش عليك تعرفي راجلك قمار وبحال والو يكون كيفسد عليك ونتي لي ضحيتي بحيااتك ورضختي لأمر لي تملى عليك وربطتي حياتك بيه لكن خاصك تعرفي واحد الحاجةة...نهار سنيتي على الورقة لي كتجمعك بخويا فديك سااع راك سنيتي انك تسكتي للابد....يمكن ملقيتيش في داك الوقت وحدة توقف معاك وتساندك وتوريك وتخليك تعارضييهم لقرارهم كيف درتي معايا نتي داكشي علاش حطيتي سلاح وحنيتي الراس وحكمتي على راسك تعيشي مع واحد مكتبغيهش...

مريم....." قاطعتهاا ".....كنت مكنبغيهش ولكن من بعد وباهتمام خوك ليا خصوصا انو كان داير ليا كيف الما لقليل بديت نتعلق بيه ولكن مكنتش حاسة حيت كان ديما هو لي كيجري ورايا وكنت لي بغيتها كتحضر ولي قلتها كتنفذ...مظنيتش انو غيجي يووم ويعاملني بالقاصح وميديهاش فيا ويغيب عليا بليالي ويتحجج بالخدمةة تماا عرفت قيمتووو وحسييت بيه ووليت انا نجري وراه ...ولايني طلعت حمارة ملي قلت ليه لي قلت باغا نكدها عليه ونوريه قيمتي صدق خرجت عليه..." حطات يديها على وجها وبدات تبكي "...كون كنت عارفة هادشي غيوقع بغيت ربي يرزيني ومنطق كلامي من أصلو ...ندمت اختي وبزااف حالتك خوك اليوم وشووفتو في داك البلاصة طيحات مني النص ومرضااتني ...خرج على راسو ومستقبلو

احلام...." خداتها في عنقهاا معنقااها ".......دابا يصاوب الله ااحلام..عندي امل كبير بلي يقد يخرج حيت سليمان ممكن يفيق...

مريم....." بلهفةة كانها لقات الما وسط الصحرا قااحلةة ".....واش بصح شكون قالها ليك الطبيب يااك ...

احلام...." عودات ليها شنو جرا داك نهار ولي قبل منوو "......هادشي لي وقع بالحرف وقالينا يعني هو حاس بيكم وممغيبش بصفة نهائيةة ...

مريم...." حطات ايدها على قلبها كتدعي الله "......ياربي يفيق ياربي دير لينا شي تاويل غير على قبل هاد لولاد لي مزال محتاجين باهم بجنبهم ...

احلام......." غمضات عينيها بالم ".....ياااارب 

بقاات احلام مع مريم تا هدنااتهااا وقنعاتها باش ترجع لدار مليها جلاس بووحدها ..هزو لحوايج لي بقاو مجموعين ورجعوو لقاو سي محمد ماين في دار وفاطمةة مقابلة الباب غا دخلو عاد رتاحتت ...وجدو لعشى وكلاوه وكلها مكمدةة الكية في قلبهااا معادا فاطمةة لي كانت في دار غفلوون ومعارفةة شنوو وااقع 

أنتَ تشبه المطر جداً .. تشبهه بقسوته وبهجره الطويل .. تأتي فجأه لتخلق في قلبي فرحاً وأملاً وأتفاجئ بعد قليل برحيلك .. أنتَ كالمطر تأتي بلا موعد، وترحل بلا ودااع 

......

تفتحوو ستائر الغرفة مخلين شمس فصل الربيع تحتل المكااان ..وهذا حالهم فكل يووم ....ولفو على صوت جهاز القلب لي كل مرة وكل مكيكونو في جنبوو كيبداا يصووني وهادشي كان كيعطيهم دافع قوي انهم ميملووش 

احلام كانت تارة كتظل بساعات تدوي معاه وتعاود ليه على نهارها بلا بيه كيف داز....على لايام لي فاتو شحالو كانو صعاب ...على شحال توحشاات تسمع صووتو ولغاه ويتعصب عليييها....وتارة اخرى تمسح ليه وجهو وتلعب ليه بشعرو ومرة مرة تدوز ايدها على جسمووو.....

اماااا مليكةةة قتضى بيها الحال انها تبات حداه مرتين..وتعاود ليه على طفوولتو وشغب وتبريات لي كان كيجيبهم ليها.....وصفاات ليه فرحتتها بيه ملي شداتو بين يديهااا وسبب ختياارها ليه اسم سليمااان سابع ديالو وختانتو كيف داازت ..اول يوم ليه في المدرسة وكيف تصرف.....قالت ليه شحال كانت كتبغيه وكتقلق ملي كان باه كيعاقبوو ....وبكات وهي كتحكي ليه المعانات لي حسات بيهم ملي حرگ بلا خبارهااا

وشحال كتعذب وهي كتشووفو دابا قدام عينيهاا...كانت هي وأحلام مرة وحدة تجي في صباح والاخرىى في العشييةةة مملوةش ولا عياتهم طريق بالعكس الجهد ولا عندهم جهدين ومستعديين يدييرو المستحيل غير يرجع كيف قبل وكيف كان ...

في نفس الساعةة لي كتجي فيها عندو....دخلات ضامة يدها لعندها كتمشى بزز خدات كرسي وجلسات في جنبو وحطات راسها على ايدها متكييةةة بعد ما باستهااا ...

احلام....." دمووع على طراف عينيهاا "....سمح ليا تعطلت عليك ولكن ليوم صبحت عياانةة فياا الوجع ومعندي گانه لحتى حاجة في هاد الفترة ديال شهر كنكون على سبة وباغا غير نبكي ولكن مكاينش نتا لي غتمسح ليا دمووعي...." خدات يدو وبدات تمسح عينيهاا وتنشف وفي نفس الوقت كتضحك "....عرفتي اسليماان ليووومةة شنو طرا ليا تبسل علياا مول طااكسيي ومتخافش عليا خرجت عيني فيه كيف موصيينيي..... 

ونسيت حاجة مهمة " بحماس بدات تعاود "......ماماا عونتها انا ومريم وقدرات تحرك شوويةة على رجليها بلا كرسي .وراني مبقيتش كنديها لعند عمار صافي خليتها تدير ترويض في دار وحمد لله حالتهااا كتحسن نهار على خووه ....." حسات بوجع خفيف تا تأوهات وناضت خدات صااكها جبدات حبة شرباتها بغات تحط البواطة دوا وهي تلمح ريحتوو لي جبداتهت وبدات ترش عليها وعليه .."....هادي خديتها من بيتك اخر مرة مشيت مع خالتي معرفتش علاش ولكن غير كنشمها كنحسك معايا وحدايا ..ولات عندي ادمان ميمكنش ننعس بلاما نشمها ....

" مشات جهة راسو وحطات يدها على شعرو كتمرر عليه بلطف " ....هاد راس عندك قاصح غا تاع تهراس حلفتي لحليتي عينيك..." جمعات عينيهااا " ..عرفتي شعرك طواال غدا نجييب مقص ونجي نقاد ليك لاكووب....

" رجعات لبلاصتها وحطات ايدها على حناكها "....باين ليا غنقلبهاا ليستيتيك وكوافوور بالمناسبة راني خرجت من الخدمة...." ضحكات بصووت عالي "...من نهار عرفتك وانا كاع خدامي جراو عليا تا من بريد صيفطولي انذارت وملي مجوبتهش قالولي الباب ولكن كلشي يهوون على ودك ....تمشي خدمة ويجيو عشرين ولكن الا مشيتي نتا لقدر الله لي مغتعوضش...." تغيرات نبرة صووتهاا لنبرة حزيينةةة "......

فييق اسليماااان باراكاااا وانا كنواعدك عمري نتخلى ولا نبعد منك مزاال ...." بدات تبووس يديه "....لي طلبتيها نديرها انا مستعدة نتزوج بيك واخا يعارضو كاع عائلتي غييير فيق ليااا وغتشووف " سكتات شحال ورجعات تمرر يديها على الوشم وبالضبط على سميتهااا لي ...."كنواعدك كيف درتيها تا انا غندييرهااا وملي غتفيق نتا لي غتديني وديرها ليااا ....

بقات تعاود ليه وتحكي ليه مﻻة تكون هنا شوية تصد لهيه مرة تضحك مرة تبكيي مرة تعصب عليه وهاكدا داز نهار ووصل الوقت لي خاصها تخرج فيه وكيف ديما كتلقى عثمان لي كيقابل خدمة صاحبو بنهار ومكيخليش غيابو يأثر ولا يبان اما بليل فقبل مكيتوجه لدارو كيدووز على المشفى حتى يطمن عليه عاد يمشي....

عثماان...." تلاقى بأحلاام خارجة من عندو وجها صغر وباين عليها العيا "....كييييف ولا ليوووم !!

أحلام...." تنهدات "....عادي مكاينش جديد...

عثمان.....مالك بنتي ليا ماشي هي هادييك 

احلام....." لساانها ثقيل وعينيها ذابلين .....غير لعيا وصاافي مهم انا غنخليك...

عثمان...." مد ليها سوارت طوموبيل "...سيري طلعي لطوموبيل وتسنايني انا نشووفو ونسول عليه طبيب ونجي لعندك باش نوصلك متمشيش راسك...

احلام ...." حركات راسها وخداتهم من عندو بلاما تجادلو حيت معندهاش الجهد " ....واخا

دخل عثمان عند سليماان بقى جالس حداه شوية مهبط راسو وحاط يديه على ركابيه كيشووف في الارض تا تحل الباب ودخل الدكتور الخاص بيه...

- سي عثماان مزيان لي لقيتك هنااا ؟؟

عثمان....." رفع حواااجبوو باستفسار "....ياك لاباس اش واقع 

- معندك مناش تخاف غير بغيت نقووليك شي حاجة لي انا مزال ممتأكدش منها داكشي علاش مقدرت نقوولها لا لحاجة ولا لاحلام خفتهم يفرحو وميكونوش توقعاتي صحييحةة...

عثمان......انا كنسمعك ادكتوور 

- درنا لسي سليمان بعض الفحووصاات ومنهم راديو تخطيط الموجات دماغيةة ونتائج لي عطاني كانت ايجابيةة ....بمعنى اخوور انو ذاتو بدات تشتشعر وعقلو بدا كيتقبل انو يرجع لوعي ديالوو...ويقدر في أي لحظةةة يفيق 

عثمااان....." خرج عينيه بغى يطير بالفرحة "....وهادي خبار مزيان...

- مزاال مساليت ، هادشي كلو يقدر يكون خاطئ يعني يقدر يكون العكس ويكون تنبئي ماشي في محلو داكشي علاش انا مبغيتش نعشمهم بشي حاجة وقلت نقوولها ليك غييير نتااا 

عثماان. ...." بابتساامة خفيفة "....انا متأكد بلي غيفيق ادكتوور ومغاديش يووقع العكس ...

- هادشي لي باغييين 

عثمان....." جمع الوقفة وسلم عليه "....شكرا بزااف ادكتوور ، مهم بلاما نوصييك رد بالك....

- كوون هاني .

" تنهد براحة و خرج لسياارتو لقى احلام متكية على زاج وعلاين تنعس...ركب وكسيرة بيهااا باش توصل في اسرع وقتت حيت بانت ليه ماشي على برجهااا "

صباح يوم جدييد لي فااقت فيه عائلةةة احلام على لورقة ديال فصل خالد عن العمل ديالو اكييد كلي خدمةة سواءا في القطاع العام ولا الخاص مغاديش يقبلو واحد من الموضفين دياالو ضووسيه يتوسخ....

تخطف اللون من محمد ملي وصل الظرف مالقى رااسو غير و رجلييه قايديينو لعند ولدو لي محبووس و حاالتو يعلم بيها غير لي خلقو .. 

بعد ما خذا الاذن ديال الزياارة .. جلس تيتسنااه حتى جاابوه لييه.. المينووط فاليديين و جارينو من يدو .. كيفوو كيف المجرمين و القتاالة .. تا هو تحرم من حريتووو ضد إرادتو.. تهووروو و قلة عقلوو كاانو بسبب الحبسة ديالو وسط المجرميين .. كل ما هو تيقرب و محمد قلبوو تيتعصر على حاالة ولدوو لي كاان بااين علييه التعب و الارهااقة .. ضهرو تحنا كأنوو هااز الهم جباال على كتاافوو .. لحييتووو كبراات و زاادت كبراات .. عينييه دخلو و ضاارو بالسوااد من قلة النوم و التعب .. 

محمد .. " قرب ليه" .. كي دير اولدي .. 

خالد .. " تنهد .." كي تتشووف الوالييد .. الحالة حاالة الله .. 

محمد .." زاد قرب و عنقوو .. ضرب على كتاافو كيحااول يوااسيه" .. نتا مااشي ديال هاادشي اولدي .. مااشي ديال هاادشي .. 

خاالد .. " بلع غصة فحلقو" .. كانصرفو المكتااب الواليد .. شنو قاال ليك المحاامي طمني !!

محمد .." ماعرف ما يقول لييه .." .. اا .. كولشي غايكون هو هذاك ان شااء الله .. خصوو غير يفييق .. 

خالد .. " شد راسو .." حاس بذنووب هاد السيد كيخرجوو فيا الوااليد ...دخلتوو الحبس ليدي وخليت ختي تبلى عليه وهانا كنخلص 

محمد .. هادشي مقدر و مكتوب لو كان مااشي نتا لي ضربتيييه كاان غايضربو شي وااحد انا لي مابغااش يتسرط ليا كيفااش ولدي انا يسكر كيفااش .. 

خاالد .. ل" تنهد "لحظة شيطاان 

محمد .. " كور قبضة يدو " ..هذاا بسبب الفراغ الدييني لي ماعندكش .. 

خالد .."شد رااسو حااس بصدااع خاايب فدمااغو".. باااا وااا الوااليد ماتقوولش ليا هاد الهضرة دابا .. لعااار شووف ليا شي حل .. هادشي بزااف عليا .. تقهرت همتا تقهرت .. شووف ليا شييييي حل . 

محمد .."تنهد و ضرب ليه على كتاافو " .. غير صبر و زييد فااصبر اولدي .. الله يصااوبها من عندو .. لي فجهدي غاندييرو غير تهنى .. وكاه البيبان غنرجع ندقهم 

خالد .." مسح وجهو و طلع فيه راسو" .. الى زدت هنا غانحمااق .. غانموووت ..كاتفهمني .. ماقاادش على هاد الزمر كلوو ماقاادش على تكرفييص و تااماارا ديال الحبااساات .. 

محمد .." خشا يدو فجييبو .. بغا يجبد جواب الطرد لي وصلو اليوم ولكن مقدرش .. كمش علييه يدو و بلع رييقو " .. ربي كبيير و انا غاندير لي فجهدي .. قلت ليك اولدي ماغانتخلاش عليك .. 

خالد .." تنهد" .. الواليدة كي بقات!!

محمد .. نحمدو الله .. كولشي هو هدااك خاص غير نتا .. غير صبر شوية و غاتكون معاانا من جديد .. 

خالد .." حرك راسو بالايجاب " .. واخة الوااليد .. هاحنا غانصبرو .. الله يفكها من عندو ..

- «الزيااارة انتهت ...»

الجملة لي نطقها الشرطي لي كاان وااقف على رااسو .. خذااه من يدوو من جديد و اتجه بييه للزنزاانة ديالو .. الطريق كولها و هو تيضوور و يشووف فبااه بعيوون كلها رجاااء حتى اختفى .. جلس محمد فوق الكرسي و شد فراسو .. القهرة لي حس بيييها فديك اللحظة تضاااهي أسوء ألم ممكن يحس بيه الانساان فجسمو .. 

هز راسو من جديد و خرج .. اتجه لشاارع و اول حااجة داارها خذاا تيليفوونو يطرق الأبوااب لي مزاالو ما طرقهااش .. خذا النمرة ديال وااحد من معاارفو الكبار وااخة غير من بعييد .. و اتصل بييه .. 

محمد .. وي سي عبد الكبير .. لباس عليك .. 

عبد الكبير .."وصلووه أخباار خاالد .. و عرف علاش متصل بييه " . الحمد لله اسي محمد .. 

محمد ..سي عبد الكبير .. انا قااصدك و المقصوود الله .. ولدي محبووس و محتااتج ضروري نخرجو من الحبس فهاد الاياام بكاافلة او بأي حااجة .. المهم ولدي ميبقااش مع الحبااسة .. ميمكنش هادشي لي كيطرا اكييد غايكوون شي حل .. 

عبد الكبير .." قااطع كلامو" .. شووف اسي محمد .. وصلووني خباار الابن ديالك .. 

محمد .. و تا انا داكشي علاش اتصلت بيك .. 

عبد الكبير .. الابن ديالك محبووس فقضية ماشي سااهلة و القاانوون تيقوول انه خصوو تا يفييق السيد لي تضرب عااد يتخدو الاجرائااات فحق الابن ديالك .. 

محمد .. " شد راسو" .. و في حالة مافاقش .. 

عبد الكبير .. ماعندنا الا نتسنااو .. الله معااكم .. 

محمد .." تنهد و شد رايو بيدو" .. واخة .. واخة اسي عبد الكبير .. 

قطع الاتصاال و باانت لييه غير الدرجة لي كانت حدااه .. جلس فووق منها و شد راسو بيدييه .. متأسف على الحاالة لي وصل ليها ولدوو.. حس برااسو ماعندو ما يديير يديه مرطيين و مكتفيين .. .. كحالت الدنيااا بين عينيه .. ولدو الوحيد ضااع ليه مستقبلو و هو ماعارف ما يقدم ولا ما يأخر .. خالد كان الذكر لي ربااه على القيم و المبادئ من صغرو .. و ربااه على الدين و على بزااف دالحواييج زوينين .. كان داائما حريص انو يربي ولادو على الطريقة القدييمة بااش ربااوهم بااواتهم زماان .. ولكن خرج ليه من الجنب بهاد اافعلة لي ماكانت لا على الباال ولا على الخاطر ولا حباااس ومع المجرميين ..

جااه سليماان فباالو فذييك اللحظةة و تذكر كلام مليكة لييه ديك النهار .. داك الكلام القااسي لي خلااه يفكر و يزييد يفكر.. وااش فعلا كاان غلط!! وااش برفضوو لسليماان كان غلط !! واش كاان رجل ذوو جبرووت لهاد الدرجة ..!! واش كاان قااسي على ولد النااس لي جا دخل للداار من باابها و بغاا بنتو على سنة الله و رسوله !! رجع ذكرتو للور .. تحديدا نهار دخل سليماان للحبس!! .. ظلما و عدوانا .. حس بلي كاان حقيير فديك اللحظة و بلي الأحكاام المسبقة على النااس عمرها كانت الحل .. .. و بلي لي شمت فشي حد شي نهااار غادي يدووق المرار و من نفس الكااس غايشرب ..لان الدنياا دواارة الي زيرتي علييه السمطة شي نهاار غاتدوور الاياام و يجييب فييك البزسييم ...

«قل للذي يبدي الشماتة جاهلا .. سيأتيك كأس أنت لابد شاربه »

يتبع ...