⚡العشية جات و هوما جالسين فالقصر، جنة كاتغدد بووحدها على شنو وقع و عدن حتى هو مغدد حيت واعد عبير مايخليش موسى يقييصها، حس براسو تكلخ حيت خلاها فالقصر هو من هادشي كامل مباغيش يفركع الرمانة و يقول اش كاين .. خايف لا تدمر العائلة .. يعني لا نطق سمية اكرام غايبغي موسى يلقاها ولا لقاها اكييد غاتنطق سمية يوسف و هو هادشي اللي مابغاش، مابغاش صورة يوسف تدمر فعينين العائلة .. مابغاش تنوض العداوة بين موسى و يوسف .. مينا تكرهو و جنة تكرهو .. زيادة على مرضو .. هادو عوامل خلاوه يلجم فمو و يسكت .. مانطقش خايف من تدمر استقرار عائلتو .. عدنان قرب لعندو كايوشوشو بصوت خافت
عدنان بهدوء:متأكد من هادشي .. راه يقدر يقتل البنت اصاحبي
عدن تأفأف:وشنو غانديير .. خاصو يعرف الحقيقة باش مايأذيهاش ولكن شنو غانقولو .. خوك حرض وحدة باش دير فيه ديك الحالة، راه غاتنوض بيناتهم حرب لاصاق الخبار موسى، و حتى جنة .. تقدر تمشي فييها .. مساخيش بعمرها
عدنان حك على جبهتو بتنهيدة:بفففف، خاص موسى يدير عقلو .. اكيد راه تجنن البارح من حالة مصطفى و كانضن كان عارفها هنا فالقصر غا ميك عليها
ايمي وقفات معاها:كانضن غاتعطل .. راه كاين بزااف دالوراق خاص يوجدو
جنة:كاتعرفي عدن وعدنان ولا مكاتعرفيهمش؟
ايمي:كاااااانعرفهم ههه ..
_على برا_
موسى قالب وجهو محاملش الوضعية، عدن مدلو الورقة دالعقد دالزواج اللي وصلاتو عاد دابا .. شدها من عندو كايقرا فيها و صاط بفمو بعصبية، يوسف طبطبلو على كتفو
يوسف:كان خاصك تفكر فهادشي قبل مادير اللي درتي .. دابا وقع
موسى خنزر فيه و شاف فعدن:دابا نتا غي قولي علاش كاتحميها و نتا عارف شنو دااارت همممم؟
عدن ببرود:وقع وسكتني
يوسف:شنو دايرة البنت؟
موسى شاف فيه نضراتو كايغلييو بالعصبية .. تمتم بحققد:هييي اللي وصلات مصطفى لديك الحااالة
يوسف بصدمة:ك كي كيفاش؟ ل لقيتووها؟؟ (شاف فعدن سحابلو اكرام)
عدن حمر فييه:شششش .. نتا ماشفتيش خوك شنو كان كايدير فالبناات؟ شفتيي داك العجججججب ولا لاا؟
موسى بعصبية:هي ماعندهااش الحقق تآذييه ألواالييد .. واش وصلااتو لغيبووبة و باغيينيي نشوفها و نستقبلها فداارنا كأن شيئا لم يكن (يوسف كايشوف باستغراب مامقشبل حتى لعبة .. شاف فعدنان اللي ومألو بمن بعد)
عدن تنهد:اصلا انا تكلخت حيت جبتها لهنا
دخلات عليهم جنة:كولشي واجد؟
موسى شاف فيها و علا الورقة:ها هي ، ولكن كانوااعدكم بسباب هاد الزواااج راها غاتشوف الجحيييم من عندييي (جبد ستيلو من جيبو ووقع بالنترة و مد الورقة لجنة) خوديلها توقع .. وفااش ترجع على ذمتيي حد مغايتدخل فيينااا
جنة شدات من عندو الورقة:عارفة كي غانتصرف انا (خداتلو حتى الستيلو و مشات جيهت البيت اللي فيه عبير، عدن متبعها بعينيه حتى غبرات، هي غي مشات دخلات من الباب كوثر بباليزتها غي قشعات ايمي لاحت الباليزة و مشات عندها كاتجري تعنقها .. فاجأتها و مع حد مشافها .. ماعرفو شنو تسلط)
ايمي بصدمة:هاوييلي شكون نتييي؟؟
كوثر بصوت بااكي:ماما توحششتكك
عدنان قرب عندهم:كوثرر؟؟
كوثر بعدات من حضن ايمي الداافي اللي لقات فيه الحنان اللي مفتاقدااه .. شافت فعدنان و تلاحت عليه حتى هو معنقااه:دااادييي توحششتتك
عدنان باس على راسها مستغرب:حبيبتي الصغييورة .. ماقلتيلناش جايا اليووم؟؟
أيهم داخل من الباب:حتانا كنت ناعس مابيا ماعليا حتى صوناتلي قاتلي زيد للمغريب
ايمي بتاسمات مشات جيهتو تسلم عليه:على سلامتكم اولديي (سلمات عليه و رجعات عند عدنان .. جرات من عندو كوثر و عنقاتها بقووة) براكة عليك نتاا .. هااح على البنوتة ديالي توحشتتهاا
موسى مشا من حداهم سااخط .. طالع لبييتو .. اما عدن فجلس فوق الفوطوي دالجلد بالو مشغوول و تبلوكا فهاد اللحضة، ايهم ضحك:غا ضاحك ألخاوا هههه
مينا تزنكات حانية راسها:مرحبا بيك
يوسف خنزر فيها:بييمن كاترحبي؟
مينا خنزرات حتى هي:بعد منييي أزمرر اوووف على لصقة
يوسف بهمس:غانوريك بعد مني ولصقة حتى نكونو وحدناا
مينا خنزرت فيه و قلبات وجهها
_جنة دخلات على عبير ثاني . كانت كاتحل عينيها بالثقاالة .. هي جلسات جنبها كتدوز يدها على شعرها و قالت بحنان_
جنة:بنتي فقتيي؟؟
عبير كاتنيين:ممممم
جنة عينيها دمعات:الله يكون معاك احبيبتي، اوووف (مدتتلها العقد والستيلو) هاكي وقعي هنا .. كانواعدك مغانخليهش يقيصك ولو غيي بنبييشة
عبير بصوت ثقييل:ماامااا
جنة بحزن:حسبيني ماماك ابنتي .. هاكي وقعي (قاداتلها الستيلو فيدها، وقابلات معاها العقد .. هي غي حركات يدها شرطات فداك العقد بعشوائية .. و هي تطوي جنة الورقة كادوز بيدها على حنيكاتها) مغايعاودش يآذيك كانوااعدك، هي عاوداات رمشات بعينيها بالثقاالة و تسدولها العينين بلا ماتحس نعسات ثاني
💔سافاش💔
جالس فوق الفوطوي الاحمر اللي عندو فالصالون، شاد كارو بين صباعو كايتكيف منو و فوق الطبلة كاين مجموعة من البوينتات دالكارو مكميين و القراعي دالشراب، عينييه حمرييين محلولين بحدة، ليلة كاااملة مانعس ولا شاافو .. كايفكر غا فيها و كيفاش مشات و خلاتو، قلبو حاس بييه فحالا محطوطة عليه شي جممممرة .. ضاارو بزاااف ببعدهم على بعضهم، مدة طوييلة و هو كايشوف غي فالارض و كايسف من داك الكارو .. و ينفث ذخانو فالهوى .. حتى قشع صباط طالون مقمقم فالحمر قبالت عينو، طلع عينو مع دوك الرجلين الطوال العريانين و الممشوقين .. حتى لوجهها و عينيها و شوفاتها اللي ستافزوه .. كانت دايرة فيه ابتسامة مستفزة بالنسبة لييه، كايشوف فيها هي السبااب باش مشات كوثر .. هو نفث الدخان على وجهها و ميل جنب فمو بابتسامة جانبية
سافاش دار شاف فيها بابتسامة مصطنعة:وانا كانشمائز منك (هي غوبشات باستغراب .. هو حط داك الكاارو على فخضضها العااري و زيييير علييه حتى غوتات و حطات يدها على يدو، اما هو فقرب و همس فوذنها بحقد) قااااوديي عليياااا، بسباابك هي مشااات .. و حتى داك خوك قوليلو اللي فجهدو يدييرو مخاايفش منو .. مقابل حتى زفتة منوو، كمااارتك مانعااودش نشووفهاا فهمتييييي (حيد يدو بالكارو منها .. هي كاتشوف فرجلها و تبكيي .. وقفات كاتنخصص وتمسح وجهها .. دارت شافت فيه و غوتات)
آنا:غاااتنداااام .. كانواااعدك غاتندم .. (خرجات فحالها من عندو كاتجري .. اما هو فشاف قبالتو مخنزر و رد راسو اللور كايتمتم):كنت شاك فيك ولكن دابا تأكدت .. غاندمكم كاااملييييين و نرجعها لعنديي .. كوثرر مكاانها الاصليي معااايااا بوحديييييي، بوووحدييي
🌸 بعد يوم طويل و هي فغرفتها 🌸
ماخرجاتش بعد الضربة اللي عطاتهالو، جاها الملل بالجلاس فالبيت و حتى الجوع داير خدمتو .. كل خطرة تسمع صوت فشكل من كرشها .. وقفات مخسرة سيفتها كاتمتم:والله حتى نخرج، مالو غايقطعلي راسي؟ .. كاااع اذا دار شي حاجة غايسبني .. انا مريضة خااصني ناااكل .. هذا ضلللم نتحبس فهاد البييت هئ هئ .. اصلااا لا تجرأ و مد يدو عليا نديرلو موتة حمارة 😈 هااااح نخرج نعمر الكريييشة 😍 (مشات جيهت الباب حلاتو كاطل و دور عينيها على الصالون، مكان حد .. مشات على رووس صبيعات رجيلاتها حتى لباب بيتو كاتصنط .. عياات تصنط وماسمعات حتى شي حس .. حلات الباب بشووووووية و طلات غي بعينيها فالبيت مكان حد .. علات حاجبها باستغراب و مشات جيهت الدوش كان الباب محلول و باينة حد مكاين .. دارت يدها على حنكها كاتمتم) خارج وانا حابسة راسي فالبييييت .. هااااح ارا برررع (خرجات كاتحنقز للكوزينة .. ولكن عينيها خرجو و بلعاات رييقها حالة فمها عل الآخر من الشي اللي شافتو، كانت بيتزاا كااملة محطوطة فوق البوطاجي .. قرباتلها كاتبلع فريقها) ياكما ناوي يسممني حيت فقستليه بيضاتو؟ نااااري (حنات كاتشمشم فالبيتزا .. كانت فيها رييحة كااتشهي .. شافت وريقة مربعة صغيرة فالحمر منزلة قدام البيتزا .. هزاتها كاتقرا شنو فيها) *كولي تاكلي فيه جغدييييد هانا حاسبلك هادي ثااالث مرة كاتجرإي على مصنع وليداتك .. راه لا خصرلو الطاكتيل بالضرابي اللي عطيتيه نتي اللي غاتخسري حيت نتي اللي كاتقضي على وليداتنا شوية بشوية* (هي حلات فمها علآخر) لا لا هذا حماااق هههههه قالك وليداتي لواه نمييي ولكن كايفكر فيا، احححححح البيتزا و ما ادراك ما البييتزا .. عشقييي😍 (مدات يدها كتاكل و هي واقفة .. كاتخشي طرف مور طرف و تبنن .. كان المذااق هااايل، سلاتها و هي دور للثلاجة جبدات كانيطة دكوكة صغيرة و نزلاات علييها دقققة وحدة .. حتى سالاتها عينيها كايدمعوو، تكرعااات تكريعة خاارجة من الاعمااق و مشات خارجة من الكوزينة .. هازة فيدها كانيطة ثانية دكوكة، جلسات فوق الفوطوي دالصالون و دارت رجل على رجل كاتقلب فالاذاعات بملل .. حتى وقفات فبي ان سبور .. خرجات عينيها مللي شافت الكلاسيكو خدام .. (بارسا vs مدريد) ربعات رجليها كاتفرج بحمااس .. النييت كان يللاااه بدااا
⚡نورس⚡
جالس قبالت داك سليم كايضرب بصباعو على المكتب قدامو و يعض على سنانو، سليم جبد واحد الورقة فوسط واحد الملف و مدهالو:نتيجة البصمات خرجات، مولاتهم وحدة سميتها "رنا الشافعي" اه و متورطة فقضية قدييمة .. للمفاجأة هي اللي ضربات نورسين كنتو نتا وياها على علاقة .. هي اللي ضرباتها بالطموبيل
نورس خرج فيه عينيه بصدمة:ك ك كييفاااش؟؟ هاد ديييك ماشي قالو الفران دطموبيلتها تقطع و ماقداتش تتحكم فطموبيلتها و تحسبات الحادثة بقتل غير عمد؟
نورس دوز بعينو السكانير على ديك الورقة و عض على شفتو التحتية بقوووة .. حاس بحاجة ماشي هي هاديك، اكيدة حادثة نورسين كانت مدبرة من هاد رنا .. يعني موتها كان عن عمد، يعني حتى نورسين ديالنا حياتها فخطر .. و تقدر تنجح فقتلها فحال اللي قبل منها .. شاف فسليم بعصببية مغزز سنانو:خاص نعرف بلاصتها، فييينها .. و فين كاتسكن .. بغييت كوولشي علييها ..
سليم ومألو:ممممم واخا ولكن نقدر نعرف علاش؟
نورس عينييه حمااارو بعصبية:تطااولااات على اشخااص كايخصووني و خااص اللي يربيييهاااا
🌸مينا، كوثر، ايمي، جنة، غزل🌸
جالسين فالجردة د القصر .. كايشمو شوية دالهوى .. مع الضلام اللي طاح الجو زوين بزاااف، الشباب مشاو كل واحد يقضي شغلو .. جنة وقفات كاتكسل شافت فالبنات كاتفوه
جنة:انا غانمشيي نشوف عدن .. بانلي ماشي هو هداك
ايمي باست كوثر بعممق و ناضت حتى هي:حتانا فيا النعاس .. كبيدتي غدا ندوزو النهار كوولو مع بعضنا .. سمحيلي عيانة بزااف
كوثر باستها حتى هي مبتاسمة:لا اماما هانية هههه حتى حنا غانعسو واحد الشوية .. غي ندويو شوية و ندردشو انا و البنات
كوثر:تت لاا .. هو تركي .. كان جاري فالعمارة اللي كنت ساكنة فيها، من زماان كنت كانشوفو برات المشفى اللي كنت كانتدرب فيها، حتى تصدمت بيه ولا جارنا .. ايوا وقعو بزااف دالحاجات خلاونا نتقاربو من بعض، ولكن هو رتابط بوحدة اخرى و و فآخر لقاء لينا .. قالي محاملش يشوفني .. قالي غا شافق عليا وانا تحليت و سحابلي كايحس جيهتي بشي حاجة، قلل مني بزاااف .. هئ هئ .. قاليي سييريي فحاالك مانعاودش نشوف وجهك هئ هئ
مينا عنقاتها بتأثر:ماديريش في بالك احبيبتي .. دابا هانتي جيتي و غاتلقاي سييد سيدو اكييد .. شكون يكون فملك الله باش يقولك هاد الهضرة، ماتديهاش فولاد القحاااب راهم كثااار
كوثر:ماااشي ولد القحبة هئ هئ ماتسبييهش قدااامي .. هو ك كان ظريف و و كان كاينقذني و يعاوني دييماا .. كان هو المنقذ دياالي .. كان كايحميينيي هئ هئ كان كايحسسني بالامان و فنفس الوقت كايحسسني بأحاسيس متضاربة .. بغييتو بالزز منيييي ولكن هو دوحدة اخرى
مينا تنهدات:فففف ماعرفت مانقولك، عاارفة صعيبة ولكن حاولي تنساايه راك جيتي للمغرب دابا، هكاا حسن باش ماتعذبيش و نتي قدامو
كوثر ومأتلها:ممم كانحاول ولكن مستحيل ننسااه بين ليلة و نهاار، حتى ايهم قالي فحال اللي قلتييلي .. ننساااه، كاندعي لله نقدر ننسااه
مينا:غاتنسايه انشاء الله .. دابا برااكةة من البكا و التنخطيط يمشي زامل يجيو عشرة، اجي نطلعو .. نباتو مع بعضنا اليوم فحال ايامات زماان هههه
يوسف جالس جنب غزل .. كايشوف فرجلها، كان حمرا شوية و من الوضعية اللي هوما فيها باينة طاحت و يوسف كايعاونها، هو شدلها رجلها و طرطقهااالها بشووية حتى غوتات ولصقات فييه كادمع .. اما هو فبتاسم
يوسف:دابا غاتولي مزياان
غزل بنبرة محلونة:شكرا والله .. دابا قادة نحركها (بتاسمات حتى سمعات صوت كوثر فاش هتفات بسميت مينا، علات عينها هي و يوسف دقة وحدة، هو شاف فيها معلي حاجبو اما غزل فقلبات عينيها .. و هي مخنزرة فيهم)
مينا:شكاديييرو
يوسف:مينا سيري تنعسي
كوثر جات عندهم:مينا اجيي اصاحبتي
غزل:يوسف عفاك عاوني نمشي لبيتي
مينا خرجات فيهم عينيها:لااا سيري بووحدك
يوسف بحدة:مييينااا
مينا بعصبية:شنوو مااالك؟ ماتمشييش معااها و ماتقييصهااش و ماتدوييش معااها ☹
يوسف وقف مقابل معاها:سيري تنعسييي
مينا:غانمشي ننعسس ولكن سمع مني هاد الكليمات قببل، حسنلك ماتبقااش تدخل فياا فهمتيي .. ماتبقااش تقولي سيري واجي حيت مغانسمعلكش (ضربات فيه بكتفها و مشات كاتجري لبيتها، تبعاتها كوثر كاتجري موراها .. اما يوسف فشاف فغزل مخنزر)
يوسف:سيري لبيتك حتى نتي (مشا فحالو من قدامها .. مخلي غزل كاتشوف باستغراب و بشك للشي اللي كايطرا بين هاد الجوج)
يوسف دخل لبيتو شاد على قلبو .. حاس بنغزة فيه، تكا برااسو على البااب مززييير على قلبوو و تزززنك ولا حممر:اااااخ (مشا بالسييف للكمودينة اللي جنب فراشو حل المجر اللي فيها و جبد الدوا اللي عطاه عدن، هز واحد الكينة دارها ففمو و شرب معاها الماا كايتنهد، مدة ماشي قصييرة عااد رجع لحاالتو الطبييعية .. تكا على فراشو بحوايجو العاديين و تمتم بين سنانو) ماشي بسهولة غاتفكي مني اميينا .. ميينا ديالتي بووحدي، عن قرييب غاتكونيي كوولك دياالي و حد مايشركني فييك (بتاسم و جبد البزطام ديالو من جيبو حلو كايتأمل فصورتها) غزاليي نتي ملكييي .. غيوورتيي الستيتوة ههه .. ولكن رجعت صرفي، نوريك بعد مني ولصقة والتفرعيين كي داير (خنزر وغمض عينو ينعس)
جنة ناعسة بين احضان عدن، هو مزير عليها و تنهد بعمق
عدن بهدوء همس:لدابا غانقولك اكبر خطأ درناه .. هو اننا زوجناهالو، راه البنت مغاتستاحملش
جنة تنهدات و زيرات عليه:ماقصدتش نقارن ولكن .. زعما قلت يقد يبغيها، ماعرفتي تكون هادي بدايتهم مع بعض
عدن:مستحييل هادشي اللي كاتقولي انا اللي عارف اش واقع
جنة:وشنو واقع
عدن غمض عينو: (الصمت)
جنة تنهدات كاتشوف فتفاصيل وجهو .. حتى هي غمضات عينيها ولكن مانعساتش .. كاتفكر فشنو دارت وواش زواج عبير من موسى حل لييها .. زيادة على هضرة كوولشي اللي عاد دخلات معاها، كولها كايقولها خاص حتى نشوفو ردة فعلها ولكن هي دارت اللي فراسها .. نعسات و هي كاتمنى تخرج العاقبة على خير و تقدر تحمي عبير من موسى مايعاودش يآذيها
⚡فغرفة عبير⚡
ناعسة بهدووء، النهار كولو دازلها نعاس فنعاس مسكينة مقاداش حتى تحل عينيها .. تحل باب بيتها و دخل خيالو الاسود للغرفة، مدة و هو واقف كايشوف فيها كي ناعسة فوق الفراش .. بقا تما حاضيها مووودة حتى تمتم بهمس:هادي البداية، غي ترجعي صحتك فحال الاول .. غانعاود ندمرها امراتي العزيزة هه (ضحك باستهزاء ومشا طالع لفوق .. داز فالاول على بيت كاتي، كانت ناااعسة .. قلب طريقو و مشا لبيتو دخل نييشان للدوش .. وقف تحت الرشاش طالق عليه الما دااافي و كايتفكر فأحداث البارحة بين عيينو، هو فصمييمو و فأعمااقو .. عزاات علييه و مبغاش لراسو انه يدير ديك الحالة فبنت كيفما كان نوعها، ولكن فنفس الوقت .. حاس بنشوة و طععم انتقاامو و انتصاارو علييها .. حاس برااسو داار الصصصح و خاصو يستامر على نفس المنواال)
_____فمكان آخر_____
جالس فسيارتو بهددووء مخييف .. كايشوف فواحد الطرييق عامرة شوية، قبالتو مور البابوش كايبيع فواحد الكروووسة، جبد صورة كانت عندو فالمجر دالطموبيل و حقق فيها الشوفة كانت دنورسين (الميتة) كانت مبتاسمة فيها، باقي عاقل ان هادي هي آخر صورة صورهالها
نورسين بتاسمات و نزلات من الطموبيل، غادا غاتقطع الشانطي تمشي لعند مول البابوش .. نورس بتاسم حاضيها .. حتى تمحات ابتسامتو من ديك الطمووبييل اللي ردخاااااتها مع السمااا فرمشةةة عيين حتى تشعطات فاللرض بالدمايات كايسيلو قدامها
🔚🔚
نورس بصوت عالي:نورسييين (بدا كاينهج كايشوف فالبلاصة اللي كانت طاحت فيها، دمعة اشتياق طاحت من عيينو.. تكا براسو على الكيدون كايتمتم):غانلقاااك وندمكك .. غانقتلك بييييديييي (علا راسو و ديمارا بسرعةة .. حاس راسو باغي يمشي للدار .. باغي يشوف نورسين .. باغي يعنقها و يشم ريحتها، وصل و نزل من طموبيلتو مخنزر .. مشا نييشان للسانسور طالع لفوق و التنهييدة مكاتفارقووش، وصل لشقتو .. دار كلمة السر ديالو و دخل، مع الدخلة مع تكوااانساااا من نورسين و الحااالة اللي هي فييها خلعاااتتوو)
نورسين واقفة مفركة رجليها و كتنقز فبلاصتها متحمسة و كاتغووت والدنيا مرووونة قداامها .. الكانيطات ملاوحين و المخااد مقطعين بسباب الحماس غاكاترضخ فيهم ..
نورس فاق من صدمتو على صوت تصفيرتها .. مشا عندها مخنزر غوت حتى شافت فيه مخلووعة:شنو واقع هنااا؟؟؟؟
نورسين:ناااري ميي فوقاش جيتيي
نورس هز الطليكموند طفا التلفازة، نورسين خرجات فيه عينيها:لا لا لااا علااش طفييتييها والكلااسييكو شعل النمممم شععل عفاااك شعلللل عفااااك😭
نورس بجدية:نتي شنو درتي قبايلة؟
نورسين شافت فيه مغطية وجهها بيديها:درت اللي كان خااصو يدااار .. هئ هئ عفاااااك بليييز، الله يعطيك مكاتمنى شعللل التلفاازة .. عطيني التليكوموونددد (طارتلو على يدو تاخذولو ولكن هو بعد يدو .. فاش بعدها هي تلوات بيها رجلها ماحسات براسها غي طايحة على كمارتها) اااي هئ هئ .. افميييي
نورس حنا عندها بذعر:اجي .. وقفيي و نتيي كاتقزقزي بووحددك .. (وقفها كايشوف فوجهها .. حقق ففمها اللي بدا كاييدسيل بالدم، هو خنزر فيها) شفتي شنو درتي ألخراااا
نورسين :شعلي الكلاسيييكووو😭
نورس:لاااا .. عقابا ليك على اش درتي فالصباااح .. مغانشعلهااااش
نورس حقق الشوفة فيها كايبلع ريقو، شاف فشفايفها كي كايتحركو .. حط يدو على ديك الضمادة اللي عليهم .. حيدها بشوووية بطريقة ماتقصحهاااش و بتاسم:جلسي مثبتة غانجيب البومادة
نورسين دلات ديك الشنافة:اوووف و الكلاسييكووو (شافت فالتليكومند قدامها .. هزاتو بالزربة و شعلات التلفازة و خبات التليكومند) ياااربي يتكلخ وومايطفيهاش من التلفازة و لا النيميريك (ركزات فاللعب، كانو بنفس النتيجة باقيين فيها
نورس خرج من بيتو بالبومادة:اجي لهنا (نورسين مداتهاش فيه .. هو ضحك بهدوء و مشا عندها، جلس جنبها و شاف فذراعها .. حلها خيوط ذراع الكسوة و طلعهوملها الفوووق، حيدلها الضمادة اللي فيها و هي مركزة كل التركييز فاللعب ..دارلها البومادة بلمسة خفيييفة خايف لايوعتها)
نورسين بحماس:شوووط لصاحبك انمييييي
نورس ضحك و حنا لفخضها كايعليلها كسوتها، علاها و ضهر فخضها الملوي فالبيندا، فسخها و بدا كايديرلها البومادة حتى هي .. سلالها فخضها و دورلها البيندة .. علا عينو لفمها وقربلها بشوووية، حط يدو على فمهاا بشوووية حتى شافت فيه باستغراب .. هو تحسس الكوية دديك البلاصة و دوز عليها بالبوماد:غاتبراي احبيبة
نورسين قلبها حاسة بيه كايتقلص:ب بعدد
نورس حرك راسو بلا و قرب بشووووية و حط شفايفو على شفتها الفوقية مجبدها بين سنانو .. هي تأوهات بألم و شافت فيه مخنزرة
نورسين وقفات:هترتيييي؟؟
نورس بعينين معسلين:توحشتك
نورسين دفعاتو و مشات جيهت بيها:لا لا نتااا فشكااال (سدات عليها الباب و تكات عليه .. هو حضاها حتى دخلات وتبسم بخفة .. حط يدو على شفايفو و تمتم):ولايني حلاااوة زااايدة هههه (شاف فالماتش كان تسالا .. تلاح على الفوطوي و تنهد) برهوشتي شحاال بنيينة
🌸صباح جديد، ليوم جديد🌸
جالسة فمكتب مضوي و ألوانو مبهجة .. ولكن قلبها كححل و فيه عااصفة هوجااء مكاتخليش مجال لأي رقعة فرح لحيااتها .. سمعات صوت تليفونها كايصوني .. تأففات و جاوبات و هي عاارفة شكون مصونيلها
المتصل:اش درتي .. كانضن خاصك تتصرفي .. كثر من يوماين و نتي تم
اكرام تأفأفات:شنو غانديير .. حتى هو مللي جيت مجا للشركة،
المتصل:واش هو غايوريك شنو غاديري، خاصك تنتاااقمي اذن واخا تعرفي هاد الانتقام يبدا بخدمتو و شركتو ديريه
اكرام علات حاجبها كاتفكر:مممممم الشركة و الخدمة .. البارفام الجدييدة، ريحتها مدايرااش
المتصل:شبانلك تولي داايرة و يتسمى مقلد هههه
اكرام بتاسمات بشر:معااك فهادشي .. اوكي غانشوف كي ندييرلها
المتصل:يلاه ديري خدمتك و فاش تجيك اي فرصة لتدمييرو ولا قتلو .. ستخدمييها .. عائلة عدن العوماري مخاصهاش تدوم بزاااف
اكرام بخبث:اكيييد مغادوومش اكيييد😈
🔮فمكان آخر🔮
ناااعس بعمق، ملامحو باينة منزعجة .. كايقلص عينيه و جبهتو كاتكمش باينة كايحلم بشي حاجة
____________________
نورسين لابسة كسوة طويلة بيضا .. شعرها كايديه الريح و ابتسامة حزينة على فمها مع شعرها اللي كايطيرو الريح و الدموع فعينيها: خالفتي وعدك معايا
نورس واقف قبالتها هو كذلك شعرو كايديه الريح و لابس سروال وتيشرت ابيض:مخالفتش وانما الحب طرق بابي من جدييد
نورس قرب عندها و حط يدو على حنكها .. حنكها ولا كايششع بضو ابيض .. هو بتاسم بهدوء:قتاحمات قلبي بلا موعد، جات فحال عاصفة شتوية فليلة صحححوة .. ماقديتش نحبس راسي عليها .. رغم انني حااولت و حاولت
نورسين بتاسمات:كاندعي معاكم يكملكم بالخير نتا وياها، ولكن قوى شريرة تابعاكم فين ما مشيتو .. خاصك تقضي علييها، هاديك القوى هي اللي قضات عليا انا
نورس تبدلو ملامحو للعصبية:رناااا الشاافعييي
نورسين تبدلو ملامحها للخوف:خاااصها تبعد علييكم .. خااصك تكمل حيااتك فرحاان .. هي متحلفة تحيدهاا من حيااتك .. خااصك تحميييييهاااااا
(مع كلمتها الاخيييرة .. نزلل ضوووء قوييي و سااطع فالاابيض، خلا نورس يغمض عينوو بقووووووة .. حتى سمع همس فوذنو بصوتها) روحها معلقة، خااص تكون محميية
___________________
_نوووورسييييين_
غووت بسمييتها بكلل جههدو و هو كاينهج و يشوف قبالتو فصورتها، حاط يدو على قلبو اللي كايضرب بسرعة لاا مثيييل لها و ناض طاااير خرج من بيتو لبيت نورسينتو، وقف كايزفر براااحة مللي بانتلو نااعسة نعسة غرييبة عجيبة، كل رجلي فجيه و كل يد فجييه و الشعر مشعكك ووجهها ماايل للقنت دالفراش حالة فمها ونااعسة بعمق، هو بتاسم على منظرها اللطيييف و قرب لعندها بشوووية .. حنا لمستوى وجهها كايتأمل فيها وقرب لفمها المحلول بصم بوسة خفيييفة و بعد كايتأمل فييها، مشا لحنكها حط نيفو كايدوزو عليها بشووووية و بحنااان و يتمتم بهمس:غانحمييك .. غانفدييك برووحي و حيااتي، لا وقعاتلك شي حاااجة غانموووت ونتبعك .. مستحييل نزييد نعييشمن بعدك .. مانقدرش نستحمل الدنيا لاماكنتيش فيها .. غاتكون خاايبة .. كحلة و مضلمة .. كانبغييك بزاااف (بعد وشاف فنعستها العجيبة و همس) غانستاغل كل دقيقة كانعيشوها انا ويااك .. مستحييل نعاود نضيععك .. نتي روووحي (وقف كايقاد حوايجو و خرج من بيتها مخليها على حاالها، دخل لبيتو كايسمع صوت تليفونو، مشا هزو كان تحت مخدتو .. كان رقم غرييب متاصلو .. جاوب بهدوء)
نورس:وي شكون معايا؟
⚡فالقصر⚡
بالضبط على الطبلة دالفطور اللي بدات كاتخوا، جالسين غي كوثر و مينا و ايمي و جنة .. اما البقية كل واحد فين شادها
نورس كايتفكر .. حتى طاحت لبالو ختو .. هي مولات هاد الهضرة و الصعلوك و الصعلوكة من الصغر .. بتاسم ابتسامة واااسعة و قال بهدوء:يا ترى هل صعلوكتي اتت للمغرب؟
كوثر طلقات الضحكة:ههههههه نعم لقد اتت و اشتاقت لككك كثيييراااا
نورس بابتسامة:هانا جااي يالصعلووكة .. غانجيي و نقج مك على هاد الغييبة هادي، توحشتك يالبقرة
كوثر:ههه حتانا توحشتك احياتي، واجي تتغدا ووتتعشى معانا و جيب التيتيزة ديالك قاتلي ماما عليها و بغييت نشووفها
نورس:غانجي انا و فاارتي و سمعيي هااه .. بربييي و ديريلها شي حاجة دوك الاختبارات دياولك نقجك
كوثر ضحكات:واراني غي كانشوف وااش كايبغيوك و يغيرو عليك ولالا
نورس:يلاه تلاحي دابا .. هانا قتلك شكاين (تقطع الخط و شافت كوثر فيهم)
كوثر بحماس:جاييين
ايمي بتاسمات:احححح توحشتووو
جنة:كان خاص نديرولك حفيلة ألدكتورة ديالنا ولكن هانتي كاتشوفي الاجوااء دالقصر
جنة:حتى نتي تديها على داك المكجط .. انا موو و كانقولك خرجي .. راه البنات لتحت .. سيري دوي معاهم فوجي شوية
كاتي بتاسمات:واخا هههه
جنة وقفات:نخليك دابا و فالغدا هبطي تغداي معانا صافي؟
كاتي ومأتلها براسها:واخاا
جنة بتاسمات و خرجات من عندها هابطة لعند عبير
🌸🌸🌸🌸🌸🌸
بالحدييث على عبورة .. كانت يلاه حلات عينيها نيشاان .. كاتشوف فالسقوف دالغرفة بحززن و ملامح متألمة .. حاسة بالفشلة و مقاداش تتحرك، غمضات عينيها اللي تجمعو فيهم الدمووع و بداو كاينزلو دمعة مور لوخرى بقهررة و حكرةة، تمتمات بهمس:عييييت يا سيدي ربييي .. ياااربيي خوذ رووحيي .. ياااربيي بغييت نرتااح هئ هئ .. بغييت نرتاااااح (تفتحات باب الغرفة و دخلات جنة ببطئ و صوت كعبها كايتسمع ايقاعو فكاع البيت، جلساات قدامها بهدووء و شدات يدها .. كاتشوف فوجهها العامر دمووع)
جنة بحزن:بنتي فقتي؟
عبير بشهقة:هئ هى بغييت نمشيي بحاالييي
جنة:ولكن..
قاطعاتها عبير:عفاك بغيت نمشي بلا مايعرف ولدك بلااصتي هئ هئ عفااك الله يعطييك مكاتمنااي
جنة عضات شفتها التحتية بقووة و حزن .. دابا عاد عرفات ان قرارها غلط فغلط و ضلماتها، اكييد تقدر تنهاار لا عرفات بزوااجها من مووسى .. هي دوزات يدها بحنان على وجهها كاتمسحلها الدموع و همسات:مانقدرش، نتي غاتبقاي معانا و كانواعدك موسى مغايقيصك بواالو
عبير شافت فيها بحدة و دفعاتلها يدها .. غوتاات:مااابغيييتش نبقى هناااااا .. هئ هئ خاااصنييي نمشييييي بحااااليييي، بغييييت نمشييييي هئ هئ .. بعدووو منييي .. لا نتي ولا ولدك ولا ايي وااحد من هاااد العاائلة هئ هننننن .. مابغيييتش نبقى هنااااااا😭😭😭😭😭
جنة حطات يدها على يد عبير باغا تهدنها .. عبير ولات كاتنطرر و تدفعها و تغوووت رييحتو اللي لصقاات فجسممها معيفااها من رااسها، عاااد تجلس فنفس البلاصة معااه و هي عاارفة فأي فرررصة يقد يتهججم علييها ثاانيي .. عيات تنطرر و تغوووت حتى تحل الباب بقوة و دخخل صاحب دعوتها فحال العجااجة مخنزررر:اشششش وااقع هنااااا؟
عبير شافت فيه صقلات بخوف .. قلبها حاسة بيه غايخرج بقوة الرعب اللي مركبو فيها .. لدرجة درجة حرارة جسمها نخافضات و جات بلااصتها البروودة، تكمشات على بعضها و غطات وجهها بيدييها كاتبكيي بالححس .. هو شاف فجنة اللي وقفات قبالتو مغطيااها وراها وقال بهدوء:الواليدة، تقدي تخرجي ندوي معاها شوية و نتفاهمو؟
جنة:لا مخارجاش نتا اللي خرج .. مكاتشووفش حالتها كي مييتة بالخووف مننككك
موسى تحولو ملامحو للغضب فنفس الوقت مبتاسم فوجه جنة:الواالييدة .. مراااتييي باغي ندوييي معااها غاتمنعييينيييي؟؟
عبير حسات بسطلل باارد مثلللج تكككب علييها .. زاادت بروودة فوق بروودتها و تمتماات بهلع:ك ك ك ك ك كييفاش م مرتتتك!!!!
🔮 خارج من شقتها اللي خدا سوارتها من عند الكونسييرج، بين يدو قميجةة حريرية فالبيض .. كان دايرها عند نيفو كايستنشق ريحتها اللي توحشها، تمنى لو يرجع داك النهار اللي جرحها فيه .. اكيد مكانش غايقولها اللي قالو .. مكانتش غاتمشي فمرة .. مكانتش غاتخلييه، هو اصلا مغايخليهاش، هو ماشي من النوع اللي كايتخلا على حاجة كايبغييها .. خصووصا لكان شخص ..رقييق و جمييل وبرييء فحال كوثر، دخل لشقتو والتليفون بين يدو .. حطو على وذنو
سافاش بهدوء:متأكد حد مغايعرف بلاصتو تما؟
الشخص:اه متأكد اصاحبي .. واش عارفني غناخذ جاد لبلاصة معروفة، راني اكثر واحد عارفك بيمن ضااير
سافاش تنهد:قرييب غانتوااجه معااه و ثاار عائلتيي غاناخذوو .. ولااو الفلووس سبب باش تقتل عاائلة مكونة من ثلاثة دالافرااد، كانأكدلك الخطأ اللي دار .. هو انه خلاني انااااا عايش
الشخص:عاارفك شدييد و غاتجييبو لتحت رجلييك
سافاش بتاسم بخبث و جلس فوق الفوطوي الحمر اللي عندو داير رجل فوق رجل:متأكد راه معارفنييش مزيااان و معارفش لاش كانخطط .. متأكد من بزاااف دالحوايج علييه .. الموهيم دابا غانقطع أطه
تقلبات على كرشها خااشية وجهها فالمخدة دايرة النعسة دأهل الكهف، دخل عليها نورس مبتاسم فيدو بلاطو بفطور مشكل، حط البلاطو فوق طبيلةة صغيورة فالوسط دالبيت ومشا جيهتها .. جلس جنبها وحط يدو نيييشان على مؤخرتها كايدوزها بهدووووء هي ماتململااتش باقا على حالتها، هو عض على شفتو التحتية حاس بالسخوونية شدات فييه خصوصا مع اثارتها .. كانت عندها مؤخرة دووبل اكس ال .. داكشييي عاامرر و مزيييرة ماشي مرخخخية .. عجبو التلمااس فييها، طلع بيدو مع ضهرها حتى لشعرها كايحيدو من قدام وجهها، هبط لعندها بشووووية علييه .. كل حركة كايديرها بكلل بطئ .. حط يدو الداافية على وجهها و بشرتها الرطبة فحال ديال البيبي الصغاار
بتاسم و همسلها: مقادرش نزيد نصبر علييك .. خاص نضمنك بين يدي دييما (دوز يدو على شفايفها الحميمريين و هبط بشوووية كايدوي بصوت عالي) نورسين .. نووور .. نورسيين، نور حياتي .. فييقيي (نورسين تقلبات للجنب عاطياه بالضهر كاتنضع بفمها)
نورسين:اممممم جيب ايطرو دالحلييب
نورس باستغراب:حلييب؟
نورسين كاتنضع؛و سليييم . . اييي بشوويةة
نورس حط يدوو على كتفها كايزعزعها/نورسين .. نورسيين فيقيي!!
نورس وقف كايطل عليها هي ناااعسة، هو هبط بشوووية و بهدوووء لعنقها، غمض عيينو كايشم فرييحتها ومشا لجيهت شعرها طاالع لوذننها بنفسو اللي كايبوورش .. رسم ابتسامة خبيثة على فيمتو و غوت بصووت عالي:نورسيييييييييييين
نورس خنزر فيها هي مشات كااطيير للدووش كااضحك، حتى هو ضحك مللي سدات الباب و مشا خارج من البيت:البرهوشة غاتحمقنييي هههه (وقف لبرهة مفكر كوثر و موعدهم غوتلها بصوت تسمعو) وسربيي رااسك رااحنا معرووضيييين اليووووم (ماسمعش منهاا جواب .. خرج من عندها و مشا هز كيطارو كايلعب عليه بلحن اغنيتهم هو وياها و يذنذنها)
عبير بصدمة:ك ك ك ك كييفاااش مرااتككك
جنة بلعات ريقها بثوثر:ل ل للص للصرااحة
موسى قاطعها و قال بنبرة خبيثة؛مافخباركش انا وياك تزوجنا البااارح .. صافي راك وليتي مراااتييي هه (عبير تكوانسات كاتشوف فيه .. لدرجة حتى التنفس ماقدراتش تتنفس من صدمتها، هو كايشوف فيها بدوك النضرات اللي كايخلعوها .. شاف فجنة و غمزها) كانواعدك مغانديرلها واالو، غي غاندويو و صافي
جنة بتردد:ولكن..
موسى:راني حلفتلك (جنة ومأتلو وشافت فعبير اللي باقا على حالتها .. مامستوعباش شنو سمعات، دارت غاتمسي جيهت الباب و هي تشدها يد عبيير من يدها بقوة و حركات راسها بلاااا)
موسى عض على شفتو التحتية بقوة .. شاف فجنة اللي بغات تشدها جرها من يدها بالزربة مشا بيها جيهت الباب، خرجها و سد عليهم الباب و سورتها .. هنا عبيير تزااد معاها الزاايد .. وقفاات رغم الالم اللي حاااسة بييه تحتها و مشاات كااطيير لقنت الغرفةة كاترعد و تحرك راسها بلااا:ماتقربلييش .. ماتقربليييش ااعععععععع غانقتلاااااك بعد منيي حرااام عليييك .. نتااا وحشششش هئ هئ
موسى كايشوف فيها ببرود .. كايتسمع صوت الدقان فالباب من جنة ولكن هو معارهاش اهتمام .. بقا حاضي عبير كي كاتغوت و ترعد و لاصقة فالحييط، عررقاات و رجعاات حمممرا و كاتعصصر بغوااتها حتى مابقالهاش الجهد و الركاابي فشلوولها بالخلعة اللي مركبها فيها .. غي بمجرد وقوفو قباالتها، جلساات على الارض كاتشوف فالزليج قبالتها .. هو بتاسم وصفق بيدو مع بعضهم كايضحك:واااو لا لا لا برااافوو عليييك .. تستااهليي الاووسكاار على هااد التمثيييل (عبير شافت فيه بصدمة)
(عبير شافت فيه بصدمة) سحابلك هاد المسرحية اللي درتي و هادشي اللي درتو فييك انا بالمجمل غاايبردني علييك و يخليني نتغاضى على شنو درتي و نقوول لااا راها كاتعذب مسكيينة .. خااصنييي ننسى شنوو دااارت؟ سحابلك روح خويا عندي عزييزة لهااد الدرجة؟
عبيير:واش متأكد عندك قلب تمااا .. هئ هئ .. رانيييي ماقتلتوووش .. نتاا اللي كل دقييقة كاتقتلنييي
موسى ضحك:ههههههههههههه .. هنااا طيرتيينييي صراااحة .. ماقتلتيييهش؟ غي بغييتيي تقتليييه ياااك .. انا نتسنااا حتى نشووف رووحو طلعاات للسماااا و مابقاش كايتنفس عااد غانقول الله على رااحة دابا نقدر ننتااقم؟ لاااااءح ازيين .. انا من النوعية اللي كاتضرب الحدييد ماحدو سخوون .. و نتيييي شحال ما بقييتيي غاتمووتي على يديي، سمعييني دابا مزياان و حللي معااياا وذنييك، وايااااك تحااولي تهربييي ولا تخاالفيي هضررتي .. واايااااك تحاولي تششكيي لمي ولا لبااا هه حتى هذا ماعرفتش شنو دايرالو باش حن علييييك .. ولا تعللي صوتك على حد من عااائلتيي فحال دابا جالسة تغوتيي على ميي، ووااايااك نشووفك مع دااك الزاامل دياالك اللي كاتلاقاو فالقهاوي و الزناايق و تعاانقو، سحابلك مثيق دابا انك مأثرة حيت انا غتاصبتك؟ هه اصلا متأكد من متعوووويييدة .. غايكون داك صحييبك شاابع فيك *وى (عبير قلبها كايطلع و ينزل و هي كاتسمع فيه كي كايدوي بطريقة ستافزاتها) نتي داابا .. رجعتي مرتيي .. يعني مللكييي، يعني راك العبدة ديالي ألغزالة .. ديري عقلك معايا
عبير مدارت حتى تعبير فوجهها، شافت فيه بشوفات كايذوبوو الحجر من بلاصتهم لشدة براائتهم ولكن هو مشافش ديك البرااءة .. كايشوف فيها غيي نضرة المجرمة و نضرة الموسخة .. حنات راسها للارض محاملاش تزيد تشوف فيه .. اما هو فحنى عندها و تقابل بوجهو مع وجهها .. علالها راسها بيدو حتى تخطفات من يدو و كحزات عليه بذعر:فهمتيني؟ لاماتنفذش هادشي .. راس صحيبك غايوصلك ملوي فبابيي كادو
عبير تمتمات بخوف:س سعييد
موسى خنزر فييها و مشا بيدو نيييشان لفمهاا خشاا يدو و جبد لساانها كايجبدو، هي فاجئها ماعرفاات بااش تبلاات .. اما هو زييرلها على لسانها بين يدو و قالها بعينين خاارجيين:العبدة ديالي مكاتقولش سميت راجل اخر على فمهااااا
عبير حركاتلو راسها بوااخا بخووف هو بتاسم و طلق من لسانها كايمسح يدو فحوايجها .. هي كاتنطر منو خايفة من كل لمسة ولو تكوون خفييفة منو:مزياااان .. من اليووم ولي تقوليلي سيدي موسى، (وقف كايشوف فيها بنظرة دونية و مشا جيهت الباب اللي جنة باقا كادق فيه، حلو و خرج عندها مبتاسم هي تنهدات براحة كاطل لداخل)
موسى زيير على قبضة يدو وحنا راسو:مادرتش داكشي من فرااغ سمعيي شنو دارت وحكميي
جنة:شنوو مداارت ماديرش فيها هاد الحاالة .. دابا سير خليني ندخل نشووفها راك مركب فيها الرعببب
موسى صاط بفمو بعصبية:هانا غاادي ولكن مللي تعرفيها شنو داارت .. ماتقوليلييش علااش ماقلتيليي واالو (مشا من قدامها هي خنزرات فيه و دخلات عند عبير اللي باقا على حالها فالارض .. مشات عندها بالزربة و حنات قدامها كادوز يدها على شعرها)
عبير شافت فيها .. بغات تقولها اه دارلي وباقي كايديرلي و غايدييرلي .. ولكن تفكرات تحذيراتو وتهديدو ليها بخوها .. حنات راسها للارض بحزن و هي عاارفة بل متأكدة مغايحميها حد منو من غيير رااسها، حتى جنة كاتبقى فالاخير مو و غاتوقف جنبو هو:م مدار و والو
جنة بتاسمات:مزيان، نوضي نعاونك تتكاي فبلاصتك
عبير ناضت معاها كاتمشى بشووية و جنة غادة واخداها لبلاصتها، حطاتها و بعدات كاترد شعرها اللور:الله يشافيك ابنتي .. غانعيط للممرضة تشوف واش تديرلك شي حاجة ولا تعطيك شي دوا
عبير ومأتلها:واخا اخالتو
جنة بتاسماتلها بحنان و مشات خرجات فحالها .. مخلية عبير سااهية ومعارفة مادير ولات الفكرة دالمووت.. اهون ليها من فكرة البقااء مع المدعو بموسى .. بصفتها مراااتو .. تقتل رااسها و ماتكونش مرتو ويلعب فيها كي بغااا
مينا خارجة من بيتها لابسة الحوايج دالخروج، تيشرت فالخضر قصير من التحت مبينلها البووط .. و سروال دجين واسع شوية مع كونفيرص بيضة .. و شعرها طالقاه كيفما عادتها .. غي هاد المرة زايدة ملمع شفاه على شفايفها الحمريييين
مينا فالتليفون:دابا شنو مكاينش اليوم ياك؟
مروى من الجهة الاخرى:وي راه قلتلك شنو كاين، حتى لغدا و نمشيو
مينا تأفأفتت:زعما بدلت عليا ووجدت راسي .. ههه ماشي موشكيل اصلا الدار غاتعمر اليوم
مروى بايماء:وي حوبايي .. حتانا غادة مع ماما لديك الجمعية د حقوق المرقة، ناااري ثاني دوك التجمعات دالنسا و خييش بييش و العيااقة بفوووو
مينا بتاسمات:هاانية حتى نتي عيقي عليييهم و ديري كثر منهم ههنه
مينا:بااي (قطعات و دخلات للصالون اللي موالفين يجلسو فيه العائلة، قشعات داك ايهم شاد الستون مع فدوى .. و كوثر متكية كاتشوف فالسقوف و باينة فيها مهموومة، اما المدام ايمي فشادة مجلة كاتقرا فيها .. هوايتها رجعات هي هادي)
مينا:سلاام
ايهم شاف فيها:اووو التيتيزة ديالي جاات (طلق من فدوى اللي كانت فحجرو) بلاتي نشوف مرتي و نجي عندك
مينا تزنكات كاتشوف فيه، هي مامولفاش معاه .. و هو مطلووق .. كانت كادوي معاه غي مرة مرة فالفايس ولا الواتساب .. و غيي على قبل كوثر، هو قرب وقف قبالتها و جرلها حنيكاتها:ناااري على التزنييكة .. كاتحشمي احبيبة؟
مينا ردات راسها اللور شادة وجهها بين يديها:احمم .. ههه كي داير لاباس
كوثر قلبات عينيها:خطي عليك البنت .. دابا يجي خوها يجمعها معاك بشي تسرفيقة راه تقيصو فعيينو و ماتقيصلوش مينا
ايهم:اووو داك يوسف غانتفاهم معااه .. فاش نتزوجو يولي هو اللي يجي يشوفك من عائلتك كوولها .. راه نسيبي العزييز
مينا ضحكات:ههههه نتا حمق شوية هههه
ايهم غمزها:هادي اللي كنت كانقلب عليييها
مينا باستغراب:شنو هي؟
ايهم طول يدو و قاصلها غمازة فحنكها بانت من ضحكتها:هاد الغمازة الزويونة
مينا زاادت تزنكات كثر من اللول و حدرات عينيها:هههه شكراا
صوت من وراها:حيد يدك
مينا غا سمعات صوتو دارت بالزربة شافت فيه، هو طلعها و هبطها بنضرة حاادة و رجع شاف فأيهم معلي فيه حاجبو:شكون قالك غانقبل نزوجهالك؟
ايهم بتاسم:واخويا تعامل معايا .. راه عندك ختك تيتيزة
مينا تزيرات كادور فعينيها، اما هو فومألو و شاف فيها:بعدا نسولها هي، قابلة تزوجيي احبيبة خوها؟
مينا بلعات ريقها .. كاتشوف فوجهو .. هو كايبتاسملها و كايشوف فييها ديك الشووفة د تجرإي و دوييي .. هي رمشات بعينيها بهدوء و شافت فأيهم و بتاسمات بلطافة:احمم .. اصلا ايهم غي ضاحك اش جابنا لشي زوااج (مشات جلسات جنب كوثر .. مشا ايهم جلس جنبها .. هناا السي يوسف بتاسم ابتساامة واااسعععة .. ديك الابتساامة دالعصبية عرفتووها، بتاسم و مشا جلس قبالتهم داير رجل على رجل و ربع يديه كايشوف فيها كي مبتاسمة بثوثر و كاتعلي فيه عينيها بنظرة خاطفة و تعاود تدورهم .. هو كان كايشوف فملامح وجهها حتى زااد عبس مللي قشع داك اللمعان فشفاايفها، ركز فيهم بنضراات ختاارقووهم كايحقق واش عكر ولا ماشي عكر .. حتى حس بالفوطوي مال بيه و يدين تحطو على فخضو، هو شاف فاليدين .. كانو يدين غزل .. اللي كادوز يديها بلمسات ماشي عفوويين وانما مستقصديين، يوسف خننر فيها معلي حاجبو هي مبتاسمالو .. شاف بنص عين فمينا .. كانت مطرطقة عينيها فييهم، هو بتاسم و حاوط غزل بيديه من كتوفها)
يوسف:زيانيتي ليوما ولا غيي جابلي الله
غزل بعينين كايشعو:بصااااح😍
يوسف ومألها:اه و بزااف .. ياك امييينا (شاف فييها مبتاسم و ضااغط بسنانو عللى سميتها .. هي بتاسمات و حطات يدها على يد ايهم اللي جنبها و قالت بابتسامة مستفزة حتى هي)
مينا:اه .. جاات غزااالة .. ياك أأيهم
ايهم بتاسم بعفوية و شاف فغزل طلع فيها وونزل و عوج فمو:مممم مابيهاش (دار بسرعة شاف فكوثر .. اما غزل فخنزرات فيه مزيااان .. فنفس الوقت نضراتها لييه غرااب و هو كايشوف فيها بعدم مبالاة)
مينا جرات يدها بهدووء من يد ايهم ووقفات:غانمشي نشوف صاحبتي عبير
يوسف طلعها و هبطها بعينيه و فنفس الوقت كايحاااول يضبط اعصاابو .. لا يطرطق علييها قداامهم و يجرجرهاا للبيييت داااباا يفرشخها نيييت .. عرفتو على افكاار تجمعولو فبالو .. غي الله يستر هاد النهار و صاافي، حضاها حتى مشات و غبرات من قدامو .. عاد ناض من جنبهم خارج للجردة و جبد كاارو يكمييه على الله يكالمييه شوييية، حيت لا بقى على هاد الحالة راه غاايهرسها)
🚗 توقفات طموبيلت نورس قبالت القصر، على الساعة 13:40 دقيقة 🚗
نزل نورس هو اللول بسروال جينز غامق و تيشرت كحل لاااصق عليه مع كويرة فيدو فالزيتي و سبرديلة فالزيتي و ديك الرييييحة ناااري الذوباااان، شاف جيهت نورسين كانت مربعة يديها بعناد مباغاش تنزل هو مشا جيهتها حل عليها الباب و نزلها بالزز منهها .. كانت بكسيوة حد الركبة فالزرق فيها مربعات ملونين و صباط طالون فالاصفر على حسب شي مربعات فداك اللون .. شعرها جامعاه كوت شوفال و دايرة ميكب خفيييف و لكن مكثرة فالعكر على حسب حيدات الضمادة زعما باغا تحيد اثر الكوية اللي دارلها
نورسين تأفأفات:و شغانقولهم على هاد الزفت ففمي راه اللي يشوفها يقول غا شي عضة .. يضنووو فينا السوووووء
نورس حقق فيها الشوفة:اااه على هكا معمرالي هاد الفم بالعكر (حط ابهمو على شفايفها .. دوزو بلطف عليهم و حطو ففمو مصو) للصراحة .. مكرهتش نغززهوملك بعضيضة دالعاداااو
نورسين دفعاتو:حمااار
نورس علا يدو بتهديد هي غطات وجهها:غانجمعها مع ممك
نورسين معوجة فمها:صافي زييد ندخلو .. و شووف هاااه .. ديك بنت عمك الزعرا خطيها علييك .. نتا دور دور و تعنقهااا
نورس حاوطها من خصرها زيير عليها و خشا وجهو فشعرها:نفهم هادي غيرة؟
نورسين درجة الغليان اللي فراسها بدات كاتصاعد، شوية بشوية كاتعلا و تعلا و تعلا وتعلا .. حتى تصاابت بالتصحر اللي هو ركلة من رجلييها لكوثر اللي باقا طايحة فوق نورس، كوثر تكوانسات مسكينة من الركلة .. اما نورس فكان كايضحك على هبال ختو .. فاش شافها كي تكوانسات .. شاف فنورسين مكمش جبهتو، هي نزلات ساااخطة لشعرها نيييشاان جبدااتها منووو و طلعااتها كاديلها راسها و تردووو
نورس وقف كايحاول يفك كوثر من يد نورسين:نورسييييين، طلقي منهاااا
نورسين كاديلها راسها و تردو بالغداايد و تقرص فييها .. شافت فيه مخرجة عينيهااا:كاداافع على حبيبة القلللب ياااااك .. (شافت فكوثر) يالحمااارة بنتلك انا محببببق باش تعنقييه و تبوووسيه .. يالpوووطااااااا شنووو داااباااااا نقرطلك هاد العنق هاااااه؟
نورس جرهاا بالزز و فك كوثر من قبضتتها .. هزها ملصقهااا فييه و مزيير علييها .. اما هي فكاتنطرر و تعلي يدييها و رجلييها باغا تمشي عند كوثر اللي شداتها البكية .. شادة راسها و جنبها، مالين القصر جاو كايطلو شنو يكون واقع مع الخدم حتى هوما .. ونورسين فحااال المسعوورة باغا غيي تلااح على كووثر، نورس علا يدو لعنقها .. ضغط على وااحد البلااصة عندها تمم ثاانية مكاملاش كانت تكاالماات و صقلات كاتنهج و عينيها على كوثررر
نورس همسلها:هاديك ختي، تهدني غي ختي هاديك
نورسين دورات راسها بشووووية شافت فيها و رجعات شافت فكوثر و هي تسخف بين يديه .. لقفها بالزز هازها بين يدييه
كوثر شافت فيها و شدات فمها:لااا حتى حد .. غانمشي نشوف ديك المسعووورة (مشات كاتجري مخلية جنة و ايمي كايشوفو فبعضهم و يتغاامزو)
جنة:ساااافااااش
ايمي؛شووفلك السليعفاانة هههه (مشاو داخلين وراهم)
اما نورس فمنزل نورسين فوق فراشو .. فالبيت الخاص بيه فالقصر، قدامو كوثر اللي طلعات عندو
كوثر منفخة:هااك هاد الريحة تفيقها
نورس شدها من عندها و قربها لنورسين كايشممهالها:ماتديهاش عليها .. راها غيير غاارت
كوثر:مسعووورة هادي مسعوورة .. من اليوم غانعيطلها المسعوورة
نورس ضحك:ههههه و هي باش غاتعرفك ختي و نتي كاتبوسي و تعنقي و حبيبي و عمري و حيااتيي
كوثر قلبات عينيها:واتوحشت خويا شنو غانديير 🤨
نورس بتاسم كايدوز الريحة على نيف نورسين .. هي بدات كاتكمش ملامحها و تحل عينيها بالزز منها، شافت فيه كاترمشش بعويناتها .. كاتشوف غي الضبابة قباالتها، سدات عينيها و عاودات حلاتهم و هي تقشع حتى كوثر اللي معاه خنزرات فيها و شافت فنورس:متأكد هادي ختك؟
نورس غلباتو الضحكة من الحمقة اللي عطاه الله:قتليك مغيارة ياك؟
نورسين ناضت جلسات مخنزرة:مامغيااارااش
كوثر:امممم باااينة عليها بغيتي طيريلي الجلدة دشعري
نورسين علات فيها عينيها منفخة؛وانتي طرتي عليه .. باش غانعرفك ختو .. هاااء (وقفات كاتقاد كسوتها) اصلا حتى نورس كايدير فحالي و كثر عااقل ياااك
اصلا حتى نورس كايدير فحالي و كثر عااقل ياااك (شافت فيه كاتمعنيلو على غيث)
هو خنزر فيها و جرها:زيدي يا موصيبتي زيدي
نورسين بتاسمات لكوثر بخجل:سمحيلي هههه
كوثر بتاسمات حتى هي و قربات عنقاتها:هاانية يالمسعورة
نورسين بعدات منها مخنرة:اشنوو؟
نورس:أغي كاضحك .. تهدنو ألبنات .. اجيو نزلو لتحت
نورسين:ممممم .. يلاه (مشاو هابطين، نورسين لصقات على نورس من جيه .. و كوثر من جيه)
كوثر:خوياا .. كي طلاقيتي معاها
نورس:مع المسعورة؟
نورسين زطماتلوو على رجلو:حناااك انا
نورس ضحك:سميتها نورسين
كوثر حلات فمها:فحالل خطيبتك اللولةةة
نورس بتاسملها بهدووء اما نورسين فخنزرات فيها:احمم .. وي .. طلاقينا بطريقة مفشكلة ههه من بعد و نعاودلك هادشي دالبنات
كوثر:اوكي
مشاو جيهت الجردة فين كانو مجموعين العائلة بدراري صغار (نعمان و حسام و فدوى) بالكبار حتى عدن و عدنان معاهم .. خدمو غي نص نهار
فدوى جات كاتجري عند نورس تعلقات فيه:خوويااا
نورسين قلبات عينيها:ياادي النييلة على زفت مزفت مع هاادووو
كوثر:ماتعارفناش بطريقة زوينة هههه انا كوثرر خت نورس عندي 25 عام و نتيي
نورسين بابتسامة:انا نورسين .. عندي 22 عام .. ماشي صاحبتو ولا خاطيبتو غي بلا ماتسوليني على طبيعة علاقتنا .. حيت انا براسي معارفاش ههههه
كوثر بتاسمات:باينة فيكم عن قريب غاتخطبو
نورسين ميقت بوجهها:مستحييل انا مع هدااك .. وييييع
كوثر بتاسمات:اجي اجي نتغدااو هههه (مشاو جلسو على الطبلة دالغدا الطويييلة، جا موسى حتى هو جلس معاهم .. مخنزر فكاتي اللي حتى هي نزلات)
كوثر بالانجليزية:مبروك سمعت تزوجتي هههه
موسى شاف فيها ببروود .. اما كاتي فشافت باستغراب:ممم زوجوني واليديا
كوثر:خاصنا شي حفلة ياكو هههه
عدن:حتى يكون دايرها زينة و نديرولو الحفلة
موسى تأفأف كايشوف فطبسيلو:افففف .. الواليد شبانلك نكشفو المستور؟
عدن خنزر فيه:كول و سكت حيت لا كشفت المستور نتاااا براااااسك مغاتحملش كر.. (سكت فآخر كلمة) استغفر الله العلي العظيم ..
موسى قلب عينو، جاو فنورسين اللي غي مبلقة عينيها:اه نتي بعدا فكرتي فالعرض اللي قلتلك؟
نورسين شافت فيه:معايا؟
موسى:اه معاك
نورس جا ينطق و هي تقاطعو نورسين:اه فكرت .. و انا (شافت فنورس اللي مخنزر فيها .. بتاسمات بشر و قالت بهدوء) انا موافقة
نورس هبط يدو من على الطبلة حطها على فخضها و زييير .. جات يدو على البلاصة اللي حرقها منها .. هي تزيرات و حطات يدها على يدو، دارت شافت فيه و خنزرت:بعدد يدك
نورسين بتاسمات:اكيد انشاء الله (حنات راسها مزييرة من التزييرة اللي دايرلها .. حتى صونا تليفونو عاد طلق منها و ناض كايشوف شكون متاصل بيه)
نورس مشا لبعييد كايدوي:وي سلييم .. لقيتي شي حاجى؟
سليم:اه المعلومات غايوصلوك دابا شوية .. فالواتساب .. فيهم كولشي عليها
نورس مخنزر:واخااا (تقطع الخط .. نورس بقا مدة واقف كايتسنى فالمعلومات .. حتى وصلوه فبي دي اف .. دخلهم قراهم بنظرة خااطفة .. قشع العنوان و مشا عندهم تكا على الكرسي دنورسين زيير على كتوفها و قال بصوت عالي يسمعوه كولهم) غانمشي نقضي شي شغاال .. ها هي نورسين معاكم حتى نرجع موراها
نورسين شافت فيه بالزربة .. هو خنزر فيها و مشا
ايمي:مشا بلا مياكل والو
جنة:واقيلا شي حاجة مهمة جاتو
نورسين مخنزرة .. حتى تفكرات تليفونها .. بتاسمات:احم .. انا غانمشي نجيب واحد السخرة و نرجع
نورس دخل للدار اللي طلعاتلو فعنوان ديك المدعوة برنا، مشا بخطوات بطااء كايدور عينو باستغراب .. حيت لقا الباب غي مردودة ماشي مسدودة .. مشا لوسط الدار و هو يتكوانسا من الشي اللي كايشوف، كانت الداار عامرة بتصااورو من اول ظهور ليه فعالم الفن .. حتى لآخر صورة ليه مع نورسين، و زاااد تكوانسا مللي قشع دارها الي كانت فيها، كاميرات المراقبة مصورين فشاشات متعددة قدامو
نورس بريبة:شكووون هاد القحبة هادي
حقق فدوك الكاميرات .. و هو مغدد .. اكيييد تجرأت و دخلات كثر من مرة لعندها، صاط بفمو بعصبية ومشا كايكمل البحث ديالو عليها، حتى وقفو صوت تليفون فيكس داز من قدامو .. رجعلو بهدووء كايشوف فيه ..تقطع الخط و عاود كايصوني .. زيير على قبضة يدو و هز الفيكس دارو فوذنو
الصوت (رنا):باغاك نتاااا .. انا كانبغييك .. لااا كانحماااق على الهوى اللي كاتنفسووو .. كانموت على ثرااب رجلييك
نورس بحدة:وانا شدخلني؟ احاسيسك هادوك
رنا بهستيرية:كووون متأكد لماكنتييش ليااا .. عمرك تكون لمخلووقة اخرى فهمتيييي، كيفما قتلت اللي قبلها نقتل حتى هادي و اي وحدة تجرأت و بغاات تاخذذذك لياا .. نتا دياالي نوورسييي بووحدييي بوووووحدييييي
نورس:نتي حمقة .. نتي للي كوني متأكدة لا تجرأتي و قربتيلها ثااني، خاصك غي تشهديي على رووحك .. اصلاا راه حالفها فييييك ولا شديت دينمك بربي مايفكك مني فكاااك
رنا بخبث:ماتخاافش غانقربلهاا ودابا نييييييت
نورس:كيفاش؟
رنا:ههههه شوف فالشاشات اللي موراك (هو دار كايدور عينو على الشاشات حتى قشع نورسين و ايهم و كوثر .. دخلو لدارها) انا حاضياها .. غيي غاتخرج من تم .. رصااصة غاتختارق جمجمتها و نشووفو داك الساع واش غاتجرررأ و ترتابط بوحدة اخرى من غيريي (طيييط طيييط طيييط)
تقطع الخط موقف معاااه قلب نوورس اللي كايشوف فالشااشة قباالتو .. مزاادش فكرر جوج مراات .. مشا طاااير لبرا راكب فطمووبييلتو و صااايك بسسرعة خاارقة .. كايدعي من الله ماتخرررجش ابدا من دييك الداااار .. حياااتو متعلقة بخرووجها و بعدمووو
الثأر العنيف الجزء 17
محتوى القصة
التنقل بين الأجزاء