شريك القرن 21 الجزء العاشر

تنهد تنهيدة خارجة من الأعمااق ودور وجهوو تقااد فگلستوو مقابل مع الحييط لي بعيد عليه بمساافة.. هبط راسوو ونطق.. 

أنير: ماكاينش.. 

فيوونا (باصرار): متأكد.. 

أنير (كيدوز يدو على جبهتوو): وااه..

هزات يدها لي كاانت باقة محطووطة على كتفو الخضر الضخم وجمعااتها عندها مع ختها وسط ركابيها كتشوف فيهم وكتحرك وتهز فرجلييها بتوتر.. عقلها خداام فلخوى.. كتفكر وماعارفااش فااش..

عم الصمت.. وملى السكاات ارجااء الدااار.. صوت دبانة كتزنزن ماكيدوورش.. 

حز فنفسها تشوفو هكااك.. بدااك اليأس.. متملكوو الشعوور بالخزي.. مولف هو لي كيقويها أكيد غيضعفها ضعفوو.. وهو الظهر علاش ولات كتتكى فاش كتميل.. 

طلعاات عينييها فيه.. كتتأمل راسو من لوور.. نزوولا مع عنقوو ودرجاات ضهروو وتقاسيمها.. لحموو كامل فلخضر.. عضلاااتو المفتولة لي زادوو برزوو عرووقها حتى وصلات للحاف وناضت وقفاات.. 

تقدماات بخطواات حتى وصلاات قداامو وتقاابلات معااه.. هز راسوو فيها من بعد ما حس بحركتهها وتمركزها قداامو وشااف فيها اش غديير.. 

هي مع گعد راسو من فووق يدوو وقااد گلستو.. ومع ضخاامتو وهو متحول دوبلها تقريبا فالحجم.. ولاات وهي واقفة يالله واصلااه وهو گاالس.. 

مع كتقرب مع كيحاول يهرب بعينييه بعيد على عينييها متفادي الشوفة فيهم.. ومع كيهربهم كتزيد عندو حتى ولاات واقفة وسط رجلييه.. 

حطاات يدها على حنكوو بعد ما دور راسوو جنب حادرو وجراتوو عندها مقابلااه معااها.. مخليا يديها على خدوو كتمررها بحناان وكتدوي.. 

فيوونا (بطفولة كتحاول تلطف الجو): أصلا عادي.. مالها لخضورية ماشي راجل؟ ههه 

أنير (داير ليها خاطرها غصب عنوو): راااجل.. 

فيونا: أصلا أنا راجوية 😹😻

أنير (غلباتوو وطلق بتاسمتو بزز): هه

فيونا (بجدية كثر): لا بصح.. عمر كان الشكل أهم من روح الانسان.. والى غيبغيك شي حد غير على قبل الكاركااس ولا لافيشوور ماعندك مادير بيه.. 

أنير (بقى كيشووف فيها على اثر الكلماات لي كتنطق.. مامتوقعش هاد الطلاقة)

فيوونا (زادت وهي كتجبد حنيكاتو): وأنا فعيني ديما غتبقى أنيري التيتيز 💚 

عينييه ضحكوو من حركاتها لحلوة ولي كلها كيوتنس وعفوية.. 

زادت كملاتها فاش حلات ليه يديها على جهدها فااتحة ليه حضنها باش يتخشى فيه.. وغم خوفو عليها لا يأذيها ولا يقصحها بشي حركة غير محسوبة ماقدرش يمنع نفسوو من أنوو يزييد سنتيماات القداام ويدوز يدوو من موور ظهرها مرمي فحضنها.. 

وبرغم أنها هي لي محتاويااه الا أنو كتبان هي لي مخشية فيه لضخامتوو.. 

معلية شوية.. معلقة يديها فعنقوو ومزيرة عليه بكل قوتها.. حاضنااه بكل جهد عندها..كتحرك يدها على راسوو وشعروو بحناان.. كانها كتمدو بالقوة كأنها باغا تحسسو بالأمان وبأنها معااه مهما كاان.. 

جامعها بيدييه حتى هو.. خاشي وجهوو فعنقها وماكارهش كون يسيعوو حضنها كامل ويقدر يتخشى فيها ويتخبى.. 

غير صووت أنفااسهم لي كيتسمع.. نبضاات قلبهم ودقااتو مالية لمكاان.. حركات صدرهم لي كيطلع وينزل نتيجة سرعة خفقان الدم وارتفاع نسبة الادرينالين من قربهم لبعضهم.. هادشي كامل خالق راحة غير طبيعية مخليااهم ينسااو راسهم ويتكولنسااو على نفس الوضعية لمدة ماشي قليلة حتى بداات كتحس بتلاشيه وسط يدييها.. وبشوية بشوية بدى كيرجع لشكلوو الطبيعي.. مع تلاشي لوونو.. دقة دقة رجع أنير كي كان وكي عهدااتو.. كي مولفااه هاد المدة كاملة.. 

كان باقي على وضعوو.. معنقها.. غير هو مع تقلص حجموو ولى راسو واصل تقريبا لكتفها.. خلى راسوو بلاصو غير زااد تكااه حاط خدوو على أعلى صدرها مثبث يدييه موور ظهرها كيف كاان.. شحاال عاد نطق..

أنير (مغمض عينه): ماعيتييش من الوگفة؟

فيوونا (طلاات عليه موقفة حركة يدها لي كانت كدووز على لحيتوو): ناء.. فيك النعاس؟

أنير (زااد طلع راسو كيتخشى فعنقها): نتي لي خاصك توركي (تنعسي).. 

فيوونا (تبورشااات من لحيتوو): هههه زگاا 😹

أنيير (هز راسوو فيها كيضحك): دوزي گبالتي ههه 

فيوونا (كتتغبن): أنيني بوحدي؟

أنير (مطلع حاجب ومنزل لاخر وحابس ضحكتو): علاه شكون موالف ينيني حداك؟

فيوونا (مخرجة قنووفتها): ليووون ☹️

أنير (ماقدرش يحبسها): هههههه دُركا كاين غا 🦁Lion دبصح الى نعس حداك مانضمنولكش 😂

فيوونا (هزاات كتافها شادة الضحكة): سوكييش 😹

أنير (مبين سنيناتو بضحيكة كتقتل): أمّا على التوت 😍 (وقف وجرها معااه من ورا عنقها) زيدي نهودوو لتحت.. 

فيوونا: ههه (تمشاات خطيواات وحبسات كتشووف فيه)

أنير (تلفت عندها): وشتا؟ 

فيوونا (بتردد.. كتدور فعينييها): ماغتلبسش؟

أنير (عاد تفكر راسو مسفح عليها ومالابس والوو لفووق.. حبس الضحكة ودار مقرب عندها): علاش مالي هكدا؟

فيوونا (رجعاات خطوة لوور بتوتر كتشتت أنظارها عليه): أنيير 😖

أنير (رجع باللور وداار غادي للبيت): هههه ريضي.. 😹

فيوونا (دارت ظهر يدييها على حناكها كتقيس فحرارتهم وهي كتتفكر فشكلوو وشكل عضلاات كرشو لمطراسيين مستفيين وحدة حدى ختها): أوووف 😰😳

تحركاات حدا الدرووج ووقفاات كتلعب بصباعها ففمها سااهية حتى قفزاات مني تفكراات البووفة لي بقاات لتحت فاش كركبااتها.. 

فيوونا: هييييييه 🙀 

يالله غتتحرك تعتق تم جااي أنير لابس غا شوورط بلاصت السرواال لي مشا بيه وسوفيطمة كحلة لاصقة علييه.. وباارزة عضلاتوو لي تحتها..

دوراات عينييها غي بريط طلاات وعااودات شافت فيه كتلعب بعينييها هنا ولهييه كتقلب على حل سريع.. 

عقد حاجبوو كيشووف اش تما حتى وصل عندها.. 

أنيير (مد ليها يدو تجي عندوو): يالله..

قربات عندو كتعض على قنوفتها ونزلوو بجووج حتى وصلوو لفين كانت طايحة وحبس أنيير..

أنيير (كيشوف فيها بنص عين): أش وصل هادي هنا؟

فيوونا: أاا.. 

عااق بشنو دارت وصوت اش سمع.. تلفت عندها محرك يدوو لخرى لي ماشي من جيهتها رادها اللوور وكيسول عااقد حوااجبوو كثر متصنع الصراامة باش يخبي ضحكتوو.. 

أنير: كُنتي دقي گبيلة.. وشتا كان خاصك؟

فيوونا (جوبااتو دغياا بثقة كثر): ااه.. كنت باغي نسولك الى عندك شي طريطموو.. كان ضارني راسي.. 

أنير (بتاسم بلهلا يطريه ليه عاض على قنووفتو لتحتانية): ودرگا مابقاش يوجعك؟

فيوونا (هزاات راسها كولوو فيه مبتاسمة بتساامة برائة حتى تغمضوو عينييها): ناااء 😇

أنير (دار قداامو كيضحك ويحرك راسو بلاحول.. دفع البوفة برجلوو حيدها من الطرييق وكملوو الدرووج): يا الحريگة 😂 

هبطاات راسها كتضحك بالتخبية عارفة راسها تفرشاات ولي عطااه الله عطاه.. 

مشااو لطااج لول فيين مولف يبقااو منشوورين.. دخلوو لوااحد من لبيووت لي تماا.. كان على شكل تلاتة فطوياات عصريين كباار دياال جووج بلايص من الجلد مغشيين بثوااب فحاال طلامط قداامهم بلازمة حتى هو معلقة وكبيرة شوية على لي برى.. تحتها ڤيطرينة منفااصة عليها من الزااج.. عكس الفرااش البلدي لي فلمرااح كان البيت مفرش بأثااث عصري.. 

من موور ما طلع الريدو شوية سامح لضو ديال الله يتسلل لداخل.. عرى دوك الفطوياات وااحد بوااحد.. مشا لفوطووي الوسطااني ولي هو أصلا من النووع دالفوطوياات لي كيتنعس عليهم.. كيوليو فحال الناموسية فاش كيتحلوو.. 

قاادوو حتى تسرح كاامل وسط دووك الفوطوياات لخريين وولاو لاصقيين عليه..

خرج من تما جااب كوڤرلي ويزوور من بيت نعااس لي حدااهم ورجع.. وهي متبعااه بعينيها من جيه لجييه..

سرح دااك الگوڤر فووق فوطوياات المبسوطيين كي الناموسية بمخاادهم وناض.. 

أنير: ماجعتيش؟

فيوونا (حركات راسها غير شوية): نوو.. 

أنير (مشا لساروت ديال ضوو بقى كيورك فيه حتى بقاة شاعلين غير بولات صغيورين فالسقف ضوهم خافت وهبط الريدوو): نولي دروكا..

زااد خلااها كتشووف فلبلاصة لي قااد شحاال عاد بتاسماات وطلعاات فوقها كتمشي على يديها وركابيها حتى وصلات لمخااد وتلااحت.. 

أما هو.. مشاا لتلاجة.. حلها خدا منها قرعة دالعصيير دياالو لي كيشرب دييما مخلط فييه گااع لفروتة والمكسراات وكرطوونة دلحلييب وعاود سد البااب.. 

حل قرعتتوو كيشرب منها مرة مرة فنفس الوقت لي جبد فييه مولينيكس كب فيها من لحلييب وشي تخربيق وخلاهم يتطحنوو راد داكشي لي استعمل لبلاصتوو.. 

مثققققل فالمشية وفحركاتو.. حتى كمل عصيروو.. حط القرعة وسط لڤابوو.. خوا لحلييب فكااس كبير وخرج من تما راجع لعندها..

هزاات راسها شوية من بعد ماحساات بيه جااي.. لقاتوو حط كلاكيطتوو وطلع فوق الكنابي على ركابيه حتى وصل حداهاا وتكا جنب مكالي بيدوو على المخدة ومااد ليها الكااس.. 

فيوونا (شدااتو من عندو): شنو هداا؟

أنير: حلييب.. 

فيوونا (كتتبنن باغا تفرز المذاق): شنو فييه؟

أنير (داار لاح تقلوو مكي على ظهروو): غي تمر.. (سكت شوية وزااد) ماعجبكش؟

فيوونا (حبسات الشريب بزز باش تجاوبو): نوو بنيين 😻

تسناهاا حتى كملاتو كاامل وخدا من عندهاا كاسها حطوو فطبيلة فلكوان بين يدين الفطوياات ورجع تكاا داير عندها جنب..

رجعاات حتى هي تكاات حاطة راسها على مخدتها.. جاية تقريبا فحالاا ناعسة على كرشها مزيدة كتفها ورجلها لقداام شوية بالادب مكالية بيها ولايحة تقلها على جنبها ويدييها لي ناعسة عليها كثر.. 

حطاات يدها حدااها وهزاات فيه عينااها لقاتوو حاظيها.. 

أنير: تتغطاي؟

فيوونا: ناء الصهد.. 

أنير: نخدم لكليمة؟

فيوونا (حركاات راسها ب اه)

أنير (مد يدييه خدمها بطيليكمووند ورجع شااف فيها مبتااسم ابتسامة شريرة) وااه.. شْفت الغش كي راه داير 😠 ماشي هكا ينعس گبالتك ليون 😒

فيوونا (باستغرااب): بااش عرفتي كي كينعس حدايا ليوون؟ 

أنير: شفتوو كي كان مخشي فيك فالسعيدية نهاار لعرس.. 

فيوونا (مبتاسمة بخجل): هو صغييور نقدر نجمعوو عندي.. ونت كي ندير ليك قدك قدااش تباارك الله هههه

أنير (بقى يشووف فيها شحاال وفضحيكتها وهي حشمانة.. كفاش كتزييد تتلبك وحل ليها يدييه وهو كيشووف فيها بحب): روااحي..

بعداات فيوونا عينييها على عينييه.. سكتاات شوية حايرة بين قلب باغي وعقل ممتانع فلخر لقات رااسها مقربة وحااطة راسها فووق لمخدة ودرااعو لي كانت ممدوة ليها.. 

غير قرباات دور يدوو لخرى من موور ظهرهاا وراسها وضمهاا لصدروو مقربها كثر.. يدييها مجموعيين بجووج على صدروو وجبهتها تقريبا واصلا للحيتوو.. أول حاجة كيحس بيها دخلات لأعمااق جهاازو التنفسي ما ان يتنفس هي ريحتها وعبير جسدها لمخلط بيه.. 

مد يدوو لشعرها.. جر منو الباندة بلطف حتي حيدها منوو طلقوو من موراها كيدوز صبااعو وسط خصلااتو حتى سرحو كاامل..

أما هي.. وسط اديق مسااحة اتساعاا فالعاالم.. ممخشة وداايبة فالريحة لي ولات غير كتشمها من على بعد متراات ومتراات كتعرف مولااها وكتعلن ليها على شكوون جااي.. ولات كتمثل ليها شخص واحد ماهما صار وشماتها فبباصة خرى..

الجمعة لي جامعها بين يدييه باعثة فنفسها نوع من الرااحة غرييبة مخلياهاا مرخية ومستسلمة ليه ولدقاات قلبها لمتجااوبة وكتدق فتنااغم مع دقااات قلبوو.. 

ثتاقلاات حركة ترمااشها وبداا كيدخلها النعااس.. 

حدر أنير وجهوو شوية عندها كيشووفها واش باقا فايقة.. لقاها سداات عويناتها وخا باقي ماشدش فيها مزياان.. 

بقى كييتأملها عن قرب للثوااني وزااد قرب وجهو شوية حتى ولى ملاسق مع وجهها تقريباا وكيتنفسوو من انفاس بعضياتهم.. ماعارفووه حلم ولا حقييقة.. ترفعوو فدااك الوضع الداافي والحميمي.. غرقوو فأحلى نومة.. مستسلميين لتعبهم ولعيا لي تملكهم خصووصا أنهم بقااو فايقيين حتى صبح لحاال وبدااات تشرق الشمس مرة خرى...

طووووط.. طووووط.. طوووط.. 📲

شااد التيليفووون على ودنييه كيصووني ويعااود.. كيتسنى يرد علييه.. زااد خطوااات لقداام لطرف الطروطوااو وهو باقي كيكومپووزي فالنمرة.. هز وجهوو راد التليفوون عند راسوو.. شااف جيهت داار أنير بتفكيير وداار لجنب فنفس لبلاصة قااصد الداار لي فجنبوو.. 

وقف كيتسنى مزاال.. واالو وتگوول واش كيجااوب.. يالله هز راسوو ناوي يعيط.. قاطعوو صوت نسوي حنيين.. 

..: راه مورك أولدي لفووگ.. 

..: من صباح وأنا نلغالوو شحفني.. (قرب عندها وباس ليها راسها) كي راكي دايرة امّا؟

راوية: الحمد لله.. الله يرضي عليك.. طلع عندو..

ومى ليها بواخا براسوو وداز من الطريق لي خلات ليه فالبااب.. مع الدخلة اللولة وقبل ما يقصد بيتوو لقااه مليووح فووق صداادر لمرااح على كرشوو.. باقي بصبااطو فرجلييه..

سيدوو (داار يدوو لي شاد بيها التيليفون على جنبو مغوبش): ولد العبد 😠

توااني معدوودة خشااه فجييبو وتقدم جييهتو جر بووه من صباطوو حتى جا فاللأرض.. 

سفياان (تردخ وناض مضعشر): دي* موووك 😡

سيدوو: هههه نووض ت*ود.. جوج سوايع وانا منشور لتحت😒

سفيان: بايتين عاسين على لحوالا يادينك مانعسنا حتال جوايه لفجر (ناض من الأرض حاقد) وشا راك باغي الخرا 😠

سيدو (تلف شاف مورااه لا يكون شي حد): ياولد ال.. را حنا فالدار ايصدقو سامعيني نطيح لهضرة 😠 نوض يالله.. 

سفيان (وقف بزز باقي داايخ بالنعااس): تفوو.. ريض ندوش 😒

سيدو (تلاح گلس): فيسع.. (سربي)

تسنااه حتى خدا دوش ولبس علييه وخرجوو.. 

سيدوو: عرفتك ماغاديش تكون بايت معاهم.. صدرك ولا؟

سفيان: وشتا؟ راه اسلام لي فرعلي راسي.. جاه النعاس كي ماكنتش معاه.. 

سيدوو (خرى بضحك): وااه.. لبارح زعما لي بقيتو فايقين.. گالي ربيع (العساس) فات من حداكم لگاكم جابدين عليه هههه

سفياان (باستنكاار): اغي داتني عيني.. 

سيدوو: اودي روح واشمن داتك عينك هههه راك كُنت حال فمك

خنزر فييه سفياان وهو كيحل فالبااب ودخل مخليه كيضحك مورااه.. حطوو سباابطهم وطلعو مع الدرووج.. 

سيدو (كيدوي بشوية): ماكاينش الحس.. يكونو عاد ناعسين؟

سفياان (طالق ودنيه وكيحرك راسو): مانعرفت.. 

سيدو: فين خليتهم؟

سفيان: فلبيوت لفوگ..

سيدو (دخلو لطااج لول): اوا رواح نلعبو لبلاي حتى يفيقوو.. 

سفياان: يالله..

بان ليه باب البيت لي محلول على غير عادتوو.. صد راجع يسدوو.. مع شد لبوانية بانو ليه تم.. حبس مافاهم والوو.. خلاهم لفوق مفرقين حتى لقااهم هنا.. لا وناعسين امتى فاقو هادو باش يهبطو هنا وهو متحول.. طااح ليه لعجب مافيقوو غا سيدوو لي عيا يعيط ليه من ماجاوبوش قرب يشووف مالو.. 

طل.. باانو ليه.. جروو وجر معااه لبااب ردها شوية.. 

سيدوو: وشتا؟ 

سفيان: مافهت والو خليتهم ل.. 

سيدو: حتى يفيق.. رواح نهزو لبلاي نهودوو لتحت.. راك عارف نعاسو.. 

سفياان: زيد.. 

ديبرونشااو دوك السلووكة ونزلووهم معااهم لصاالة لتحت بهدووء.. 

لي خلى ردة فعل سفيان تكون هكااك انو عارف قضية السحر عكس سيدوو والا را صاحبهم بجووج وكبر معاهم بجووج وعارفينو اش كيسوى ومايأذيهاش ولو كاان عندهم ادنى شك فهادشي اول واحد كان غينوض قربالة هو سيدو نيت كيما دار مع لخووه لي من دموو ولحموو..

فنفس الوقت كان فيه منصف فخدمتوو بلا عقل.. بالو مشغوول مع بعلوكتوو لي صدق مقلقها بلا موجب شرع.. مشطوون عليها حتى من ناحية لحاالة لي دوزااتها حدااه وهي ممرضنة.. أما زينب فا كانت فالداار كتقدا فييها وتجمع وتتول.. ماخلاات ما صايباات ووجداات للي جايين فلييل..

دعني أغفو بين ذراعيك..

وأتنفس لهفة أنفاسك..

دعني ولا توقظني..

سأرتمي في سكون..

وأزاول مراسيم الجنون..

قل لي بربكـ من تكون..

قد أسكرت الروح،

واستسلمت لكـ طوعا..

يالب الفؤاد.. واحساسه..

دعني بين أحضانك.. ولا توقظني 💚

#التيتيز_الأخضر🥀

لايح رجلو على رجليهاا بجوج لي ملاصقين معااه دايرهم تحت منها.. مدخل يدييه من جيهة جنبها ومسرحها مع ظهرها.. عكسها هي لي يد حاطاهاا على قلبوو ولخرى مسرحاهاا جيهة عنقوو ومعتقااه بيها.. هازة وجهها عندوو شوية.. باقيين تقريباا على نفس الوضع لي نعسوو عليه.. بكثرة ما لقااو راحتهم وسلامهم فيه ماتقلبووش حتى التقلااب.. كانهم متعطشين لدااك العنااق ومحتاجيين لساعاااات منوو.. كانهم عااد عرفوو النووم ومعنى المعنى الحقيقي لراحة..

حركة الدرااري حدى البااب خلاتوو يخصر ملامح وجهو.. كمش عينييه وبدا كيحل فيهم بزز.. وما ان بدات كدووز الثلاثة ثواني اللولة وبدا يستعقل ترسماات ضحيكة نابعة من الأعمااق على شفاافو.. بعد شوية وجهوو كيتأمل فيها بعينيين شبه مسدوديين.. دار جنب بااس يديها لي دايزة على عنقوو بشوية عااد شااف جيهة البااب.. عرفوو غيكون سفيان لي جاا.. مابغااش يتحرك باش مايفيقهاش وأصلاا ما ساخييش ينووض ولا يتفرق علييها.. 

رجع أنظاروو عليها.. حرك يدييه كيرجع خصلات الشعر لي على وجهها لوور.. كيتفحص ملامحها الساكنة كيانوو بتفاصيلها الصغيرة..

طفلتوو الشيطاانة ههه يحلف علييها وهي هكاا ماتنوض الدجاجة من فوق بيضها.. ولابصح هي راه تاخد البيض من تحتها بلا ماتحركها بتشيطيينها.. وهكااك حلييلوة وهكااك بغاهاا وتملكااتو.. ونهاار على نهاار كيزيد يتعلق بيها كثر.. خصوصا من موور تصرفها معاه وهو فأزمر حالاتوو لي هو براسوو كيكرهها.. كيفااش ماخافتش.. كفاش ماعافتووش.. كيفاش قربات منو.. قاستوو.. لا وعنقاااتو گااع.. أكيد حتى وحدة خرى فالدنيا كاملة ماغتتصرف فحاال هكا ولا غتعاملوو هكااك..

عمروو تخيل ولا خطرااتلو على الباال.. اخر حاجة كان يتوفع انوو تكون ردة فعلها هكا مني تعرف.. صدمااتو وفعلا جبل ونزااح على صدروو.. 

رتااح من الهم لي كان هااز.. وهي فحضنو وعارفة حقيقتوو ومتقبلاها.. ما عايرة الامر حتى اهمية قدام اهميتوو خلاات هااجس التخوف من انو يفقدها ويخسرها نهار تعرف سروو يتلاشى ويدووب.. بالحق ماشي لدرجة دوبااانو فيها.. 

تنفس بعمق نازل بعويناتو لمنفوخيين بنعااس فيمها لغووز وهو كيمرر صبعوو لكبير بالمقلووب على حنكها لأنوو باقي معنقها.. 

هز راسوو بهدووء من فووق لمخدة مقرب عندها ببطء حتى مابقى كيفصلوو عليها غير شي ميليمتراات وحبس للحظة متمعن فييها قبل ما يحط شفايفوو على شفاايفها طابع بوسة خفييفة عليهم.. متبعها بوساات خرين صغييورين موزعهم كل مرة على وحدة بطريقة حنينة وبريئة بعيدة على الغريزة والشهوة.. 

عكس المرة لي فااتت وماقدرش يقاوم نفسوو ولا يمنعها هاد المرة قبلها بثقة مع سبق الاصراار والترصد..

مارصى الا على احساسو بحركتها رااد راسوو لوور كي كاان.. 

وإن ابتسم ذلك الملتحي.. فسلاماا على لحيته وسلااما على قلبي.. 💚

على حلم من الاحلاام والخياال.. على قبلات أنير لي حساتهم كي الوهم مع الدووخة دالنعاااس بداات كتحل فعينيييها وهي كتتفوه وتتكسل برااحتها وسط يديييه.. هازاا يدهاا لفووق حتى تجبداات على خااطرها.. شافت فييه وهي جامعة فمها وشاادة الضحكة.. لقاتو مغمض عينييه بملامح رجولية مرتااحة.. شعروو ناازل على وجهوو.. لحيتوو مخربقة وعنييه كيباانو منفوخيين وخا باقي نااعس.. 

تگعداات حاطة مرفقها فووق لمخدة مكالية بييه.. كترااقب تقاسيم وجهوو وتفاصيلها.. قرباات يدها لشعروو كتقااد فيه حتى طلعاتوو لفووق كي مواالف.. نزلاات يدها للحيتوو كتمشطها بصبيعااتها وتلعب فيها مبتاسمة كي الحمقة بلا هوااها..

فييوونا (يدييها باقا فوجهوو): أنيير.. أنييغ.. وا أنييغ.. وااا نونّوو.. 

أنير (مع أخر كلمة طلق بتسامتوو.. بصوت غليض بنعااس): هممم.. 

فيوونا (كتلعب بلحيتو وعاجبها لحاال): فييق برااكة.. 

أنير: شحال راها الساعة؟

فيوونا: ماعرفتش.. تليفوني بقى الفووق..

جرها لعندوو حتى جا رااسها على راسو جنب.. خاشي وجهوو فشعرهاا كيتمخشش فيها.. 

أنير (كيتعگز): باقي الحاال..

فيوونا (بتسامتها واصلة حتال زداگادااگ😹): هههه معگااز..

ماجاوبهااش.. كتفى بأنو يعااود يغمض عينييه مستمتع بنسيمها.. محاوطها بيدييه بجووج من موور ظهرها وكيتفكر ملمس شفيفااتها.. وكيفاش ماقدرش يحبس.. فينما كيگول صاافي غير هادي وحتى كيبعد وكيلقى راسوو عاود قرب وطبع وحدة خرى وخرى وخرى.. قلبو كيضرب فالتسعيين.. وبكثرت ماكيدق كيحس بيه ياغيسكت يا غيخرج من بلاصتوو..

حتى هي كانت لاتقل عنه بشيء.. نفس الشعوور.. نفس التوتر الخاطف للانفااس.. ولي زااد كمل عليها اخر حلمة حلماات قبل ماتفيق.. مافهماتش اش كيوقع ليها.. لهاد الدرجة زعما اثر فيها.. 

فيوونا (بعد صمت.. بطفوولية وهي معنقااه): أنيغ.. 

أنير (بلا مايحل عينييه): هممم..

فيوونا: أنگوليك..

أنير (كيدوي فودنيها بصوت كيجيب التبوريشة): وشتا؟

فيوونا: فودنييك 🤭

أنير: گولي لي..

فيوونا (شادة الضحكة): طلقني بعداا..

أنير (فك يديه من عليها): هاراني..

هزاات راسها شوية كتشووف فجنب وجهوو لي كانت حاطة عليه وجهها.. حطاات صبعها لكبير على حنكوو وصباعها لخرين بقااو جيهت عنقوو.. قرباات ببطء مميت حتى وصلاات عندها.. قربات شفايفها بشوية كأنها غتهمس ليييه وماهي الى دقاائق حتى حطاات قنينفاتها وبااستوو بوسة بالصوووت وسط ودنيييه.. صمكاااتو وهربااات من بين يدييه..

أنير (زير على عينييه من حر شداارت): يا دينك 😣

فيوونا (ميتة بالضحك كتتحرك غير بزز باش تبعد من حدااه)

هرباات على ركابها تهبط من فووق الفوطوويات ساعاا سبقها وشدها من رجليها جرها مرجعها عندوو.. حاصرها تحت منوو بيد ويدوو لخرى باقا فودنيه من مور ما دارت على ضهرها حاصلة وغتتسطى ليه بالضحك.. 

أنير (شادااه الضحكة وهو كيشوف فيها كتفركل تحت منوو): وشتا ندير فمك؟ هاا؟

فيوونا: هههههههه (يالله كتبغي تجمعها باش تدوي وكتعاود تطلقها تاني) ههههههه 😹🤣 

حط يدوو لخرى مكالي بيها راسوو لا ينزل عليها ثقلوو كامل ويعصرها.. ضحكاتو بنت الهم.. كيشووف فيها غتحمااق.. عينييها تغمضوو ودمعوو.. 

أنير (نزل عندها شوية): راها توجعني.. 

فيونا (بتستعبط): أنبوسها باش تبرى ههه 😹

أنير: علاش فاش كتضرنا الحاجة كي كنداويوها؟ 

فيوونا (فهماتو لاش باغي يوصل): كنديرو ليها پوماداا 😹

أنير (بشر): لا كنشربو السيروو 😈 (عوج راسوو وبداا يقرب بشوية عندها)

فيوونا (دغياا حمرو خدوودها ودارت يديها بجووج على فمها كتحرك راسها بلا): هههههههه 

أنيير: ههه (زااد عوج راسوو وخشاه فعنقها كيهرها بلحيتوو وباااسها)

فيوونا: ههههههه 😹🤣 وااع صاافي ههه

صخفها عااد هز راسوو كيشووف فيها وفعويناتها لگري لي حلاتهم فييه بزز عااضة على قنوفتها التحتاانية بهياام.. قرب بااس جبهتها بهدووء.. شحاال عاد بعد مليووح على ضهروو..

أنير: مانفطروش؟

فيوونا (وقفاات هبطاات من تم): نووض.. 

خرجوو من لبيت.. طلعوو لفووق كل واحد مشى قدا حاجتوو وغسل وجهوو وهز قشااوشو لي خلى مليووحين.. عااد تموو نازلين لكوزينة.. كاانت ديك السااعة الربعة لارووب.. دخلاات عندوو لقاتوو كيحط فالفرماج والكونفتيير والشكلااط حدا الخبز لي داايرو يسخن.. 

تلفت عندها مني صدر صووت قدوومها ونطق..

أنير: حليب بارد ولاسخون؟

فيوونا (كتحك فراسها): أتاي بالزعتر 😻

أنير: ههههههههههههههههههه والله ما راك طبيعية بالرب 🤣

فيوونا (تمشاات جيهتوو): يالله عرفتيها هههه

أنير: ههه لا راني نزيد نتأكد.. 

فيوونا (وقفات حدااه وهي تضربها ريحة جيل دووش وشامبوو): بصحتوو.. أنصايبو أنا..

أنير: يعطيك الصحة.. راه البرااد الصغير.. 

وراها فين كاين وبقااو يدوروو من بلاصة لبلاصة حتى قاادو بلاطوهم وهزوو أنير وخرجوو من تم.. 

أنير (زااد شوية لقداام ودار): رواحي راه سفيان لتحت.. 

نزلوو مع الدرووج دقة دقة بشوية عليهم.. سابق هو وتابها خاشية وجهها فالتليفوون كتقلب كتقرى فميسجاات سيدوو وسباانو حيت ماجاوبااتش على لي اپيل ديالوو وميسجااتو حتى ما بقاش ليهم وهزاات راسها وهي تصدم.. 

لقاتوو قداامها حط المانيطة.. ربع يديه شااد دقنوو بوحدة فيهم وكيتسناهاا توصل.. 

فيووونا (شهقاات): هييييييه.. راس الطارو

سيدوو (ناض وقف): دين مك 😠

فيوونا (ورااتو التليفون فيديها): يالله هزيتوو (مشااا عنقااتو) أفيين هههه

سيدوو (بادلها العنااق): نتي لي فين اسْبِيرَا (صعصع يعني)

فيوونا (بعدات عليه): لاش جاي 😒

سيدوو: توحشت مُك ههه

أنيير (سلم وهو مزير عليه): احم احم.. 

سيدوو (كيوشوش ليه): بنت العم اولد العبد هههه

فيوونا (قرباات لطبلة وهي كتشوف فيه شوفة الموت): حتال داباا 😾

سفياان (شاف فساعتوو): خمرتوو.. 

أنير (شاف فيه وغمزوو): ماداتنا لغمضة حتى لفجر.. ليل كامل وهي وتزگي من لي كوشمار.. ماقدرْت تنعس حتى جيت گگبالتها.. (گلس حدااها)

فيوونا (كتشووف فيه وتشرب من كااس كبير): همم..

سيدوو: كتخونيني..

فيونا: هههه الله ينجيني منك 😹

سيدوو (كيشوف فأنير بنص عين وكيد ي معاها): خلى دار مها هههه نكرتني 😯

أنير (شير علييه بالمخدة لي كان حاط عليها يديه)

سفياان: ههه لهلا يطيح حبك على حجرة 😂

فيوونا: لهلا يطيح حبوو على خرية.. حجرة راه يهزها ويهرب بيها.. خرية كي دير ليها يتسناها حتى تكرم؟

سيدوو: عارفة رووحك جلاخة هههههه

سفيااان: 🤣🤣🤣

فيوونا: هههه نطيحوو نكذبوو 😹

ضحك أنير بهدووء وثقاالة عليهم وهو مكمل ففطورو هو وياهاا حدا لخريين لي كملوو لعبهم..

فبلاصة خرى قريبة ونفس الوقت تقريباً.. محنية كتجمع فحوايجو لمسخييين لمشتتين فالأرض.. كتنگر حدااه وهو فسااابع نوومة.. 

گلبااتها ريحت لحواالة.. 

أميرة (مغددة): أوااااعدي يانا شني هادشي.. شهااد المنضر هدا.. (كتهز كل شرويطة من قنت وتنوض تتحرك عند لخرى تهزها حتى هي) المالعووق.. نوووض.. نووض ينوضك على الشووك.. كان ناقصني غير تزيدني بهادشي كل نهاار.. مني التخمال مني التقدية.. مني العطرية.. أنا هاد الاسم غير ظالميني بيه..عمرك شفتي شي أميرة فعز الشمس كدور من عطاار لعطاار.. لا وهازة بانيوو من لفووق.. حمار الطاحوونة.. أنا كان يسموني طيطم ولا يطوو ولا حمرية نيت تجي مع حالتي .. قاال أميرة قاال 😭.. نووض السلييط نوووض.. أميرة اميرة أبي😈🤣

اسلاام (دارت ليه الشقيقة گعد راسو شوية من لمخدة حال عين وساد لخرى بزز): وا أميرة واا حبيبة الله يهدييك ماتفرعينيش.. ياك گوتلك خلي التقدية حتى نجيبها أنا..

أميرة (كتتغبن): وعلى نتا غتعرفني يانا شني خصني ☹️

اسلام (عاوط حط راسو باستلام): كونت نديك معايا.. 

أميرة (كملات جميع الشراوط من الارض): وا نوض تفطر دابا احبيبة ماتبقاشي بجووع.. 

اسلام (كيهضر بصوت غليض مغمض عينييه): أحاا.. رواحي نوضيني.. 

أميرة (عارفااه علاش كيقلب): كاحماقتي.. ههه

اسلاام (على نفس الحال): وا روااحي گولتلك.. 

أميرة: وا ستنى ندي هادو.. 🤭

تماات خارجة من البيت غادية بدااكشي لي فيدييها لصابوون.. يالله وصلات لمراح وهو يتسمع صوووت بكا وليد صغيييور ماكيتجاوزش عمروو شهوور.. كاسر دنيا معلن عن استيقااااظوو.. 

اسلاام (باستيااء): اووووف.. روااحي لولدك 😣

أميرة: وااا اسلاااام 😠

اسلاام (دار عندو يهزوو): فقت فقت.. (بدا كيحركو يسكت فييه) ولدهم ويحرمو فيك العيشة اخخ.. (طلق البكية تاني على جهدها) صافي ابابا صافي.. 

تعاشاات لعشية.. وغربااات الشمس باش تتوسط بلاصتها گمرة مضوية السما كاااملة.. 

وقفاات الطموبيل حدا البااب.. نزلاات منها بشرى والبراهش ولاد فاتي.. عااد تبعهم مصطفى حتى حيد الكونطااك على خاطروو.. داروو بيهم سيدوو وفيونا وسفياان تابعهم أنير من اللور لي كانوو گالسين حدى فندق لخرووف لي داير سفياان وإسلام ولد حومتهم.. مدورينو بالتبن والفااخر ولي غير شافوهم جاو تجمعوو عليهم..

ماجااو فين يكملوو سلامهم حتى وقفاات طموبيلة شرف (بات سيدو) ومرتوو ومهدي معاهم داخل سووق جوااه.. 

سلموو عليهم حتى هوما من غير فيونا وسيدوو لي ماحاشاوهش لحماار ولاصدو جيهتوو.. 

مصطفى (معنق فيونا): القطة ماتوحشتيش صطوف؟

فيوونا (باست ليه كف يدو لي حاط على وجهها): وعلى أنا نقدر؟ 

بشرى (ميقات فيهم ودورات وجهها بلعاني): كي تشوفيه تگلبي وجهك 😒

فيونا: هههه مغيااارة..

فاتي: رواحو ندّخلوو من لباب..

سيدو: فين راه راجلك؟ 

فااتي (جرات بعالكها وغمزاتو): شوية ويجي.. (حتى تمات غادية وعاود دارت عندوو) سيدوو.. 

سيدو (شاف جيهتها): اممم..

فاتي: دوك الصيكان يرضي عليك.. 

سيدو: صافي غي روحي..

بعد مروور ثلاث أيام.. 

كاانت الدنيا خاااوية كتصفر.. مالييها نسييم الصبااح واشعة الشمس الصااطعة.. كل ما كيتسمع فيها صووت معمعااات أضااحي العييد بالتنااوب.. كل مرة وكيصدر من دااار.. فحالا كيتراادو بيناتهم.. فحالا حاسين بلي نهايتهم قرباات.. 

حتى كيبانو ليك الرجاال الحومة راجعين من مصلى وجدة لي حدا سيدي يحي فين مولفين يصليو صلاة العييد مجموعيين.. مرسووم على وجوههم ابتسامااات.. باينة عليهم البهجة وسط فوقيااتهم لي كتختالف الوااانها.. شي هااز زربية الصلى وشي لايحها على كتفوو.. كيبان ليك غا اللحية والتيتييز مشااير جااي.. تفرقوو مني دخل كل وااحد فحاالو لداارو من موور ماا وقفوو وعاودوو باركوو لبعضيااتهم لعيد.. 

دخل مصطفى ومنصف وشرف.. تابعهم بوراي ولعزاراا بجووج.. وطلعوو مع الدرووج ديريكت لفووق وسط ريحة العووود لي حاطة بشرى فمبيخراات صغاار فكل بلاصة وصووت الطرب الاندلسي لي طاالقة على جهدوو فحدوود الداار..

دخلوو لسطح.. لقااوها باقاا كتوجد هي وفاتي وزينب فالطبلة دلفطوور بقميسااتهم.. حطين صينية دأتاااي.. بلاطوو دالحلوة دياال اللوز.. مسيمناات وصغاار وكيكة.. فگليسة مصاوبينها فوااحد القنت والقنت لاخر واقفيين فيه لحوالى مقاابلين معاهم مربوطين فقناانبهم.. 

مصطفى (دخل هو اللول): صبااح الخير.. مبروك العيد.. 

بشرى (مشات عندو باست ليه يديه وسلمات عليه): علينا وعليك الحاج.. 

تبعووها لخرين حتى هوما كيسلموو ويعاايدو ويضحكو بينااتهم.. حتى قرب مصطفى لطبلة.. 

مصطفى: وشتا هادشي؟ ماغنصوموش حتى نفطرو على لكبدة ولا؟

بشرى: ويلي يا مصطفى علاه النسيب غنخليوه بجووه؟ 

مصطفى (حيد فوقيتو): فين راها لمضى؟ 

منصف (قرب هو ولخرين لطبلة): فين فدوى؟

فاتي: باقا ناعسة.. 

منصف: مافيقتوهاش؟ 

زينب (شدات من عندوو الفوقية لي حيد)

فاتي: راك تعرفها هي والنعاس.. 

منصف: أنا لي نعرف ليها ههه

سيدوو (من موراه): ريض نمشي ليها أنا 😈

منصف (تلفت عندو وهو غادي لدروج): نتا نزل تبدل ووجد الجناوا هانا راجع ههه

نزل ديرييكت عندها لقاها مفرشخة فووق الناموسية فحاال عاادتها.. مظلمة البيت عليها ومكمشة هي وليوون فبعضيااتهم.. 

مشا طلع الريدوو وحل الشرجم يتنفس البييت ورجع ليها.. تحدر عندها وحط لحيتوو على حنكها كيرها بيهاا ويعنكشها.. 

فيوونا (مبرزطة): وااا منصف.. 😪😴 أووووف..

منصف: نوضي أماماا ههه.. 

فيونا: أصلا باقا مخاصمة معااك.. 

منصف: نوضي البعلوكة قبل مانگلب حسك هنا والعيد هدا ههه

فيونا (حلات عنيها ودورات وجهها عندو بطفولة): أنا ماشي حمارة 😾

منصف: هههه نتي ماشي حمارة يالله نوضي (بااسها فحنكها بالجهد)

فيوونا (عنقاتوو): مبروك عيدك 💚

منصف: علينا وعليك القليب.. وانووضي.. 

فيوونا (بلعاني باغا تعصبوو): واعطيني فلووس 😹

منصف: حتى تنوضي تشدي معاياا 😒

فيوونا: صافي سير.. نبدل ونتبعك.. 

منصف: تتعطلي ندبح مك بلاصة الحولي 😠

فيوونا: مادايزااج فالدبيحة هههه 😝

منصف (غادي خارج): الى غير الشيب راك نوضتيه.. 

فيوونا: هههههه 

ناضت بدلاات دغياا الشورط والسوفيطمة لي كانت لابسة بسروال دسورڤيط خفيف وبودي صميطاات x من لوور كحلين.. غسلات وجهها وتبعااتو كتجمع فشعرها.. وفالدرووج نيت لقاات سيدو طالع.. عطااوها لجرى مسابقيين ما وقفوو حتى وصلو عند مصطفى مدورينو ويتناقزو عليه بالبوساان والضحك والتفلية تحت نظراات مهدي لمقروس..

سيدو (بعد عليهم شوية هاز الجنوية كيزيد يمضي فيها شوية): رواح اصطووف نشد معاك تذبح.. 

مصطفى (جر معاه فيونا ومشي يگلس): روح شد مع باك.. مانذبح حتى يجي ولدي.. كون يفوت لي العيد بلا لي موالف ندير كل عام كون عيدت نيت فالسعيدية..

مهدي (كيگمگم ماعاجبوو حال): ماعرفت شكون ولادك حنا ولا هو.. 

مصطفى (سمعو شاف فيه بنص عين ودار): خاطيكم 😠 هضرتي ماتعاودش.. 

وگف طموبيلتوو عند بااب داروو وتم نازل.. لابس سرواال ميليطيير كولوو خزي سامبل.. خاشي فيه سوفيطمتوو البيضة العاامرة دم.. خاشي رجليه فمني بووط كحل دالميكة وموحل فيه جنويتوو.. مع ماسطيكة كحلة على الشمس.. ردخ البااب وتم غادي ديريكت عند منصف.. حل البااب لي كاان غير مردوود وتم طاالع.. 

دخلات بشرى لسطح هازة البانيواات لي مشاات جابت.. باستها فيوونا وعنقااتها واخدة من عندها داكشب من يدييها وحاطااه ليا يعمر تحت الروبينياات.. 

بشرى (تمات غادا تگلس): روحي عند فاتي گولي لها ماتنساش الكراطة.. طلعت بلا بيها.. اووف سخفت.. 

فيوونا (دارت عندها وتسناتها حتى كملاات هضرتها): واخاا..

خلات داكشي لي كانت واقفة عليه وتماات نازلة مدردبة مع الدرووج لطاابق اللول.. مع الدووورة حتى كيصدمها.. 

وساعوو عينييها مني شافتوو وبدات كترسم بتسامة على شفايفها شوية بشوية.. كتشم فريحتو لي ملاات لبلاصة لي واقفين فييها رغم الدم لي مجلخوو.. 

وقف هو محيد كاسكيطتوو من فووق راسوو.. كيقااد فشعروو بصبااعو رادوو لوور.. 

أنير (بحب): صبااح الخير.. 😍

فيوونا: نووور 😺

أنير (تحنى يسلم عليها): مبرووك عيدك.. 

فيوونا (تعلات شوية مدات ليه حنكها والحنك لاخر باستوو فيه بوسة صغيورة): وعيدك 💚

أنير (ماكفااش بجووج وعااود باسها فالحنك اللول والحنك التاااني والبوسة اللخرة قرب فحنكها حتال عند فمها وبااسها فجنبوو بلعااني وبعد مبتاسم ابتسامت شر): راهم لفوگ؟

فيوونا (تزنگات.. طلعااتها الصهدة وحشماات.. تلفها.. جاوباتو غير وهي كتحرك فراسها ب اه)

أنير (كيشووف فيها وفشنو لابسة): كولهم؟ 

فيوونا (هزات فيه راسها بزز): سي..

أنير (دوز ضهر سبابتو على دراعها ودوى بصوت هابط): ماتلبسيش عليك؟

فيوونا (بطفولية): الصهد 😰

أنير: الشمس غير غتحرگك.. (تحدر وهي كتشووف فيه حتال عند كتفها وباسها فيه بحناان) 

فيونا (دورات وجهها كتشوف فيه وفلحيتوو وه بدااك القرب حتى هز راسوو): 😳

زينب (دازت من حدااهم طالعة هازة فيدها الگرادة والقطباان): صباح الخير.. مبروك عيدكم 😊

أنير (تلفت عندها): علينا وعليك.. 

فيونا (شافت موراه لقات عمتها حتى هي تابعاها طالعة): ميمة كتتسنى السخرى.. 

أنير (سلتاات من قداامو.. ضحك عليها وكمل الدروج) 

فاتي (كتشوف فين كانو واقفين وتشوف فيها.. غمزاتها): وشتا تما؟ 

فيوونا (باستها وهرباات): الكرااطة.. 

فاتي (وقفات ودارت متبعاها): ومالك مزنگة؟ 😏 

طلعاات خلاتها بدلات لفوقااني لبسات تيشورط نص كم وتبعااتهم بالكراطة.. 

لقاات شرف دبح وسالاا ومخلي سيدوو كيسلخ فالحولي لوقت لي مهدي كيشعل فلفااخر فووق واحد لفرينة طويلة مبنية بالياجوور.. حدااهم لعيالاات كيفرقوو ففاد لحولي ويقادووهم..

وااقف مصطفى حدااه أنير ورااه حوليه فيناهو.. جروو أنير عندوو ناصلوو من القنبة حتى بعدوو على الحولي لاخر وتحنى دغيا عند رجليه هزو بالخف وردخوو مع الأرض حااكمو مزياان..

حطاان الكراطة دغياا وتسلتاات من حداهم.. مشات گلساات فالطبلة مقاابلة معااه.. حاطة مرفقها فووق الطبلة وحنكها على كفها كتتفرج فيه.. 

جا صطووف بجنويتوو لكبيرة جر للحولي راسوو.. سمى الله وكبر ودوز عليه دقة وحدة حتى شرشر دموو وخلااه كيفركل تحت أنير لي تسنااه حتى حبس ونااض كيقااد فكرااعو اللورانيين.. ربط القنبة فلحديدة حدى سيدوو ورجع للحولي وهوووب هزو علقوو حدااه وهبط عليه كيسلخ.. 

بجنوية صغيرة مقلووبة شادها بسناانو وسط فموو.. وشعروو لي هبط على وجهوو من لقداام من موور ما فزگ.. زااد عمر دم وزاادو تجلخوو حوايجوو..

ضرعاانو وكتافو العاامرين والمطراسيين كيقطروو بلعرق.. كيتحرك بكل رجوولة وبرااعة مركز فاش كيديير.. كيحرك موسوو بزربة وبلا مايجر معاه حتى حاجة كثر من لي خاص.. دغيا وصل على سيدو لي بدى قبل منوو.. واقف حدااه مصطفى حاضيه بفخر وامتناان.. شاف حتى عيا ونطق بطنز..

مصطفى (كيشوف فمهدي بنص عين): الله يرضي عليك بردتي ليا الگلب.. هادو من صباح راهم يعوجو يديهم ينفخو ويتحماو بلا فايدة.. (شاف فسيدو) شفتو السليخ كي راه يكوون؟ 

سيدو: واقيلا راني الصغير.. شوف لديك الجيه أبا صطوف..

مصطفى (ضرب لسيدو على كتفو): يرضي عليك حتى نتا..

أنير (دار عندهم كيضحك ومكمل تحياد الهيضورة فمرة.. حتى نصلها وتلفت كيقلب بعينيه عليها حتى بانت ليه دغيا دورات وجهها وعااود شاف قداامو ونطق) فدوى..

فيوونا (كتوشوش ماحملاتش راسها حصلها): اييخ.. (بصوت مسمووع) اممم..

أنير: روااحي.. 

فيوونا (ناضت قرباات حدااه) ااا..؟

أنير (شااف عندها برضى محني وحابس ضحكتوو مني لمح شنو لابسة): رديلي شعري لوور.. 

فيوونا (بقات كترمش فيه عينيها عااد خشاات يدييها مرجعة داكشي لي نازل على وجهو لوور): نجيب ليك فوطة تمسح؟

أنير (رجع كيحل لحولي فاش حيدات يدها من راسوو): وااه.. الى كاينة..

فيوونا (مشاات جراات فووطة غير من تم ورجعاات مدااتها ليه): هاهيا..

أنير (هز يديه شوية موريهم ليها): راهم عامرين.. 

بشرى (قربات عندهم البانيواات كتحيد شي من وسط شي من بعد ماكانت كتكرط فالدماياات هي وفاتي): مسحي ليه خليه يكمل يدوز لحولي عمتك خلاص.. (ومشاات)

فيوونا (تلفتاات كتشوف فيها ماعرفاتها منين خرجاات): أهياناااري.. هاني.. 

تناات لفوطة وگلساات كدوز ليه على وجهوو بشوية وهو ساارح فعينيها وشفيراتها حتى نشفاات غا لعرق بعداا وبقى غير شوية الدم المرشووش..

بعداات كتمد ليه فين يحط داكشي دالحولي حتى خوااه وداز تكى الحولي دفاتي.. جا بورااي دبحوو دغياا وعلقوو أنير.. يالله غيبدى فيه ووقفوو مصطفى.. 

مصطفى: براكة عليك.. يكملو المهدي هدااك.. روااح تاكل بولفااف.. 

أنير (بأسف وهو كيغسل فيديه): ماكرهتش والله.. راك عارفهم يكونو يستنااوني.. 

مصطفى: والله ماني طالگك حتى دوقوو..

أنير (قرب عندوو): الله أكبر.. ها راني.. 

أنير (خدا من عندوو لقطييب وهو واقف ودااق منوو): بسم الله.. 

مصطفى: گعد.. 

أنير: غير خليني.. راني نبهدل كلشي.. 

مصطفى: يتصبن.. روااح..

گلس حدااه أنير داير ليه خاطرو مرة مرة كيلووح عينوو على فيونا بلا ما يعيق كانت واقفة كتضحك على سيدوو وشادة فيه.. 

خنزر فييه مهدي ماحاملووش.. مني جا وهو حاضيهم وكيتغدد ومشى عند بورااي لي كان بداا فحوليه.. خدا من عندوو لمووس وكمل لييه.. 

أنير (جمع وقفتوو وباس لمصطفر راسوو): خليت ليكم الراحة.. (تم غادي وتفكر.. رجع عندوو) الليل فحال ديما.. 

مصطفى: راك تشوف الدار كي راها عامرة.. 

أنير: وشتا فيها؟ رواحو كاملين..

مصطفى: حشومة.. رواحو نتوما.. 

أنير: حاشا الى ماهزاتكم الأرض نهزوكم فوگ ريوسنا.. والوليدة راك عارفها عيانة ماتگدش تخرج..

مصطفى (باستسلام): ان شاء الله دروك نجيو.. 

أنير: مرحبا.. خليت ليكم الراحة.. (تم غادي)

مصطفى: الله يرضي عليك اولدي.. 

لخرجة لي خرج من السطح لقاها جايبة كاس دالعاصير لسيدو.. وقف حابسها.. 

فيوونا (بتسائل): غادي؟

أنير: وااه.. لمن داكشي؟

فيوونا (باستغرااب): سيدوو.. علاش؟

أنير (بقى يشوف فيها شحال): ماتغضبيش تاني؟

فيوونا (ضحكاات بخجل): هههه ولفتيها.. (يالله غيجاوبها تسمع صوتها)

بشرى (كتغوت): واااااا فدوى.. منصصصصصصف.. 

فيونا: هههه هاهي تفكارتني 😒 

أنير: ههه روحي قبل ماتجييك..

فيوونا: هاني غادياا ههه 

زيدت شوية وهي تردهاا يدييه لي شداات گوعها.. لبليصة لي قبل ليد.. جرها مرجعها عندوو باللور تاني يدها ومطلعها عندوو حتى باسها فيها وطلقها ونزل فحالوو مخلييها كتفرنس وتضحك على هبالوو وعلى هااد التصرفاات لي كيديير معااها ولي زادوو نغزة هاد اليومااين.. كيگلس حتى يگلس ويدير ليها شي جيسط لي يغرقها فحوايجها بالحشمة.. كمية رجوولة وفحوولة وعدااب.. غيخرج ليها عقلها وغيسطييها بهادشي دياالو.. 

فيقها من غطستها غا صووت نگيير بشرى ومنصف لي كان وصل عندها لفووق هو وزينب من بعد ماعيطاات ليه يهضر مع محمد رضا فالتليفوون.. 

وقفات تسناتو حتى جا وعنقها كيوشوشو بيناتهم.. 

فيوونا: وافينك أصاحبي.. ضبرنا عليها.. 

منصف: ههه ديري راسك ماسمعتيهاش 😂

فيوونا: بربي لا سكتاات ليك ههه دابا تشوف.. 

منصف: لينا الله ههههه.. 

بشرى (تمو جايين عندها): واااه اقشباال وزرواال 😡 هاد الحولي لي گاعد يدور عينيه هنا علامن عارو؟ 

منصف: هاحنا غنقتلوو بوه ههه 

فيوونا (حيداات من حداه مشاات ديريكت للحولي فكاات قنبتوو وجراتوو ليه حتال عندوو)

منصف (شاف فمصطفى وشار ليها براسوو): هانتا ابا صطوف لا تگول منصف ما والدش الرجاال 😌

مصطفى (بفخر): هههه راجل ونص هادييك 😍

جاعندها منصف.. تكى لحولي وخلاهاا شداتو معااه ودوزوو علييه.. حتى ماات وشداات الجنوي هي نييت كملاات تحيااد الراس وكرعينو لقداميين.. قدات ليه منين غيعلقوو وخلاتو هزوو سلخوو بنفس الطريقة لي دار ليه أنير.. وهوما واقفيين علييه من بعد ما كبو لما وسيقوو الدمياات قبل ماتتكبد حتى كمل وعطااهم الكبدة والرية والقلب والكرشة.. ومسح يديه كيشووف ففيونا بشر.. 

منصف: شحال عندك من عاام؟

فيوونا (صغراات عينييها فيه): جيني نيشااان گولي واش كتبغينيي 😒

مصف: كنبغيك بالحق نتي لي غتغسليها هاد العااام 😈

فيوونا (غمضاات عينيها كارزة عليها): ياا ربي نكوون كنحلم 😣

فاتي (يديها فالكرشى نيت): هههه ظهر الحق وزهق الباطل هههههه 😂

فيوونا (خنزراات فيها): واش أنا قدي قدك 😾؟

فاتي (ببرائة): واش أنا گوتلك غسليها 😅؟

فيوونا (عاود شاافت فمنصف وقرباات عندوو باستوو): عاارفاك كتضحك.. مبروك عيدك مرة خرى.. (داارت سالتة بشوية..) 

منصف (خلاها حتى كملات ودوى مخبي ضحكتو بجدية): فدوى.. الدوارة 😤

فيوونا (كتتغبن): وااااع واش أنا بنت؟ 😿

مصطفى (دوى من بلاصتوو): خطيها عليك.. 

منصف: والله ليوم لا فلتات ههه (جر ليها كرسي حدا السطل وگلسها)

بشرى (كتلوي فبولفااف هي ومصطفى فوق الطبلة): وااه هكاك حسن ليها.. تعلم دركا تتزوج وينفعها.. 

فيوونا (شادااها البكية): تعطلتي أميمة تعطلتي 😿😿😿 

بقاات كتشووف فيها ماعارفة منين تبدااها وريحة داكشي متختخ مجهدة وكتضرب فيهاا شدااتها البكية والغمة.. بزز باش خشاات فيها يدها كتدور فيها وتكتاشف كي غدير لداك لعجب.. كون لقاات الأرض تتشق وتسرطها.. كون عرفاات هكاا گااعما تفيق ليهم.. أما هوما دورو عليها وجههم كل واحد لجييه شاديين الضحة وعااجبهم فيها الحاال.. زينب مسكينة بوحدها لي غادة جاية حداها كتطرف وتشووف جيهتها بقاات فيها.. صبرات حتى عياات وشاافت فمنصف لي كان حاضيهم بترجي كتطلب فيه يميك.. غمض ليها عينيه كيضحك سامح ليها دير شنو بغاات عااد قدراات تجر كرسي تتقابل معاهاا حاجبة عليها لخريين.. 

زينب (كتوشوش ليها): غير شدي معايا أنا نغسلها.. 

فيوونا (بنفس نبرة الصووت مامتيقااش): ححححححلفي؟

زينب (بتأكيد): والله.. 

فيوونا (فرحاات): بالروووووجولة 😻

يتبع.. 💚