شريك القرن 21 الجزء 13

قفزهاا وگاعما تسنااتها گااع منوو خصووصا من بعد الشبر دالتيسااع لي ولا عاطييها من صبااحية ربي ولي ماعارفااش علاش من أصلوو.. نورمالموو هي لي مبعدة ومنخلاااه هو لاش غيقلب وجهوو يااك كان كيتعامل معاهاا فحاال لي مواالف وخا قدام الزمرة لخرى 😒 شغير خاالو.. فينما تغفلها عينييها وتشووف فيه كيقلب هو وياها نظرهم بعييد على بعضيااتهم دقة وحدة.. 

سااست قطراات لماا لي جااو علييها عافدة حجباانها وهازة فيه عينييها بعتااب.. 

هز افووطة وشااف فييها.. لفااها مغووبشة وهو يدوز يدوو على وجهها معنكشها ومفزگها وداار عاطيها بالظهر كيضحك ويمسح فشعروو..

ربطاات بتساامتها صحة ومسحاات تيليفوونها مع وقفة لخريين ونگييير ريييم عليهم باش يتحركوو فحالهم من تم ماداام ماعاامت مزفتااات.. وبالفعل داكشي لي دااروو.. صاگتهم الطريق ديريكت لوطيييل.. دخلوو دوشوو كامليين وهبطوو هوما وصيكاانهم وحوايجهم.. ومن بعد ما رصى يوسف وأنير أموور البطوولة لي غيكوون نصف النهائي لي تأهل لييه فدولة أخرة برى لمغريب دازوو ردوو الطموبيلة لي كاريين ولتاحقوو بمطاار الداخلة باش يلحقوو بالطياارة لي هزااتهم وحطااتهم ديييريكت فالراشدية باش يتوجهوو لمرزووگة حيت صعااب عليهم يمشييو ليها بشي طرونسبوور أخر (احم احم طيارة من الداخلة لراشدية ماكيناااش 😹 غاطنكدب هههه).. ثلاتة وعشرين سااعة أجا ماغيوصلهم غيشرفوو فالطرييق هههه

مهم مع هوما معولين قلبووو وسولوو وزططو راسهم.. غا وصلوو مشاو ديرييكت هزوو الطموبييل الرباااعية الدفع من لوكااسيوو وشدوو طريق مرزووگة بلا ما يتوقفوو.. 

تزامن وصولها مع ساعاات اللولة دياال الليل باستغرااقهم فترة مهمة فالطراااجي لي ضربوو.. بكثرة ما كل مرة يبدلوو فالطروونسبووور.. 

دخلوو مع ديك الوحدة ونص لأوطييل عياااانيين مهدوودين ومهلوووكين.. دازوو گامليين لريسطوو يشوفوو ما ياكلوو وخا خداو كلااو دوزوها نقيب فالطريق مادار ليهم وااالو.. إلا أنير لي خدا ساروتوو وطلع ديريكت لشوونبر ديااالو مبرزط مع اخضرااارو والتحول لي ولى هااد الفترة مزاااگل.. كل مرة يجييه فوقت مع تأخير ملحوووض على الساعة لي تعود علييها طواال سنواااتو مع لعنتوو الملعوونة..

حل الباااب.. لايح الباگطااج ديالوو باهماال.. لايح تقلوولوو فوق الناموسية بثعب.. عياا.. جسديااا ونفسياا.. ومالقى حتى لوقت لي يرد فيه نفسوو ويرتااح.. جااوه متابعين.. من لكووومبا لتقلاااب علييها لخلعتوو على حالتها.. ناعس لييلتها گالس وصابح على هم أخر.. كملوووها وجملووها بدييك التبحيييرة وضريبهم الطرقاان على گلبهم وخا ماتسخسخووش بزااف مي المهم لعياا تجمع.. باقي كيفصل ويخيط تدق الباااب.. هز راسوو بصعووبة فييه من موور ماتأكد فعلا بلي الصووت جااي من عندوو ماشي من الغرف لي حدااه وعاود ردوو لووور.. ما لييه جهد يشوووف حتى وااحد فييهم باغي غا امتى يغمض عينييه ويغيب.. 

سكت متسني لي عند لبااب يعيا ويمشي فحاالوو لكن تعااود تدق البااب مرة خرى باصراار.. 

شاف حتى عيى گاال غيكوون غا سفياان.. ياالله غيهضر تسمع صووتها من برى.. 

فيوونا (بصووت شبه مسمووع): أنيير..

تنهد من أعمااقو ونااض على وعدوو وسعدوو حل عليييها باش يلقاهاا واقفة قداامو هازة بلاطوو صغيير حاطة ليه فييه حقوو من لعشا لي حبسااتهم حتى حيدااتو ليه عااد خلاتهم كلااوه.. 

ترسماات على ملامحوو أثاار ابتساامة عرف كيفااش يخفييها وخلى ليها منيين دووز تدخل فكل الأحواال ماغيخلييهاش فالبااب رااه فيوونا هادي.. نزلات عينييها لي كانو كيتفحصووه بقلق وبنوع من الغضب على الموضووع لي مابغااش يفاااارق دمااغها.. غا نزااح على لبااب دخلاات كتأنب فيه.. 

فيوونا: غتنعس بلا عشا.. 

أنير (سد البااب من بعد ماتخطااتوو): مارانيش جيعاان.. 

فيونا (تلفتاات عندوو كتشووف فيه بمعنى من نيتك): أش كليتي من لغدا لداباا؟ (يالله غيهضر صدااتو) بزز منك 😾 

أنير (تم جاي حدااه): وااه ألالة.. وخاا.. 

گلس أنير حدا لبلاطوو لي حطاات ليه باغي يدير ليها خااطرها لوقت لي جمعاات هي يديها قدامها بتوتر كتتسناه يخشي فوجهوو.. حتى كان غيبدا وعاود هز راسوو فيها..

أنير: ماتگُعديش؟ (ماتگلسيش)

فيونا: نخلييك ترتااح ونمشي حتى أنا ننعس.. 

أنير (دفع داكشي لي قداامو شوية مبعدوو): حتى أنا مانيش واكل.. 

تنهداات بعدم حيلة وگلساات مقاابلة معااه.. بتاسم وراسوو محنى كيقااد داكشي لي قداامو وبداا كيتعشى.. مرة مرة يمد ليها لفمها تاكل معااه بزز منها حتى سلااه مع تضخم أطراافو لتحتاانية واخضراارها.. شوية بشوية حتى كمل تحولوو.. مابقااوش مع بعضيااتهم بزااف.. غير على ما كمل وكل وااحد فيهم دااز ينعس.. مافااق حتااال ديك الطناااش ونص دالصبااااح عاد فااقت رييم كدوور علييهم وااحد بوااحد وتفييق.. ماناضوو ليها غا بزز وعلى شحااال تاني عااد

تجمعوو ليهاا لتحت على لبيسيين ديال لوطييل لي دايريين من مورااه صواار عااالية كتسمح بضهووور الكتباان الرملية.. بعييد شوية على لي رولاكس طلبوو منهم يفرشو ليهم من الزراابي لي كيتخدموو باليد ولمعرووفة بيهم المنطقة.. فووقهم نييت تحط ليهم فطوورهم.. براااد دأتااي صحرااوي بامتيااز.. الزييت والجبن وعسل.. و.. و.. كل ماهو طبيعي.. 

وسط لمخااد لي دوروو ليهم بدييك لگليسة.. تكسلوو حتى عيااو ماليهم لعگز وراخييهم النعااس لي كثروو منوو.. فطروو بتقاالة واستمتااع وفجوو شبه صاامت حتى كسروو يوسف كيتسااىل على فين غيمشييو.. بعد نقاااش ونوع من التخطييط ناضوو شي كيوگض شي طلعوو وجدوو راسهم عاااد عاودوو تلاقااو لتحت حدى الطموبيل.. ركب يوسف حدى أنير لقداام نظرا لكبر حجمهم بجووج ولبناات حدا سفياان وسيدوو.. وكاانت الوجهة هي الاسواااق لي عندهم تماا.. قلبوو عليهم ب gps حتى وصلوو لبلااصة وهبطوو كيدوورو ويتعرفوو على المنطقة كثر واستكشفوها.. جاالوو وداارو ولقااو ترحييب كبير من ناسها.. خدااه من لحويجاات لي جدبووهم وخصوووصا الثمر لي كاان فأشكاالو وأنوااعو.. وغييروو..

من موور ماخفااو رجلييهم رجعوو لطموبييل وطلعوو لمتحف المغرب الوطني للسيارااات..

ترجلوو مجموعيين حدا بعضيااتهم ودخلوو باش يتدهلوو من منظر وكم الطموبيلاات القديمة الهاىل لي لقااو..

كلشي كااان عاادي.. وغادي بشكل طبيعيي حتى حطوو رجلييهم وصلوو هنا.. 

سرحوو بيه رجلييه من شدة اعجابوو لي غاادي للهوس بهااد النووع دلحدييد.. وبعد عليهم شوية زاايد للقداام كيقلب فكل وحدة بعينييه عن بعد وباهتماام ملحووظ مأخوود بهااد التحف الأثرية فنظروو.. ورااه لخرين كيتحركوو فجيهة وحدة مجمعيين على كل حاجة وامتى كانت وتصايباات حتى لفت انتبااه ريم وحدة من الطموبيلاات لبعيدة وتدهشاات حيت عند أنير ختها فالكوليكسوو ديالو دالطموبيلات الصغاار دلحدييد ببياان كيتحلوو ولي كاان كل مرة كيجييب ليه علي منهم فاش كان صغيير.. كان كيحافظ عليهم ويخبيهم حتى جمع عدد كبير منهم وباقيين عندوو لحد الأن فوااحد الڤيطرينة من كثرت ماعزااز علييه.. 

بلا ماتحس لقاات راسها حدااه كتجر فييه وتوريها لييه بحماااس.. 

وفيوونا لي تبعاتها بعينيها من باانت ليها غادية كتتغدد فبلاصتها.. كيبانو ليها غيير كيضحكو ويدوييو من بعييد.. علاش ماعرفااتش لي عارفة أن الفرحة باادية عليهم.. عينييها غيااكلوو ريم لي باقاات خاشية يدييها فدرااع أنير بعفوية.. ماهي بنت خاالتو ومولفة معااه هكااك وأي واحد كنگونو مطلوقين عليه ماكنحسبوش تصرفاتنا معااه كتكون غاالبة عليها الطلاااقة ولكن لمن غتگولها.. لغيرة عماات ليها البصيرة.. جنوونها لي خداميين هاد السااعة أما لعقل فنرفزتها غطاات علييه..

داار أنيير جيهتهم باغي يعيط لييها هي بالداات من دوونهم يوريها وي.. ولكن صدااتو نظرااتها.. خنزرات فييه تخنزيره دالمووت وقلباات عينييها قدامها بضييق.. مافهم والوو دور عينييه بلاصتهم بصدمة كيكوول مع طنطوون دراسوو وااايلي هادي ماالها.. وحتى رجع شااف گدااموو ونتابه لشدة لي شادااه بنت خاالتوو.. عاود شااف ففيوونا عااقد حجباانو كيدورها فراسوو.. أوو زعما..؟ مااعرت.. حك لحيتوو شبة مبتااسم محرك هو وريم جيهة حدييدات خريين وكيفكر.. سااهي حتى وصلوو عليهم.. كيضحكوو الا صاحبة دعوتوو كالبة وجهها تاني وحركااتها متشنجيين.. يالله غتهز فييه راسهاا وهو طلق يدييه على عنق رييم لي مزاال واقفة حدااه وداار كيدوي معااهم ماعلى بالووش.. كيتصنع التلقاائة وهو رااد معاهاا لباال غا برييط.. دقاايق وجراات سيدوو وبعداات نافرة من المنظر.. حبس ضحكتوو وكملوو جولتهم حتى نتهى بيهم المطااف فطموبيلتهم تااني..

كانت تعاشاات لعشية.. دايزوو ديرييكت قلبوو على قنت فيين تغدااو وهو رااد معاهاا لباال ولايح معاهاا عينييه بلاما يعيق.. شك وكيحااول يتأكد وااش شكوو فمحلوو ولا غيير جااب ليه الله..

ساايگ.. يد فالڤلوون ولخرى على الشرجم.. كيطلع فلمراياا عينييه مرة مرة يشووف فيها.. كانت گالسة هي وسيدوو من مورااه.. هو جيهة البااب وهي حدااه عااد ريم وسفياان الجيهة لخرى.. 

كانت حااطة راسها على كتفوو حادرااه وسااهية كتلعب بواحد السنسلة فجيب الشوورط ديالو.. 

وصلوو لأوطييل بدلوو.. هزوو قشهم فمرة خلصوو لي عليهم وهبطوو دخلوو لصحراا لدااخل وسط الكتبااان الرمليية.. ديييريكت لبلاصة الجماال 🐫🐫🐫

ترجلوو.. وتوجهوو عندهم مسلميين على النااس لي مكلفيين بيهم كيضحكو معااهم وكيجبدوهم فالهضرة بلعااني باش يسمعوو هضرتهم لمغاايرة لغاادية لمراكشية.. وسط جمااعتهم تافقوو معااهم باش يركبووهم ويجولوو بيهم على ضهوور الجمل وداكشي لي كااين.. 

طلع يوويف هو لوول كيقااد گلستوو وتبعووه لخريين.. 

سيدوو (شااف ففيوونا): فدوى.. 

فيوونا (بلا ما تشووف جيهتوو كتحااول تقيس الجمل وتدوز علييه يديها بلاخووف): اممم..

سيدو: دروك يعضك ههه

فيوونا: الى ما عض حسك نتا أنا ماعندو مايدير ليا 🙄

سيدو: أنا مارانيش نختش فيه ههه (نقيس ونخربق فيه) 

فيوونا (دارت عندو بنظرت شر): جرب قلز ليه غا من بلاصتك.. 😼

سيدوو (باستغراب من شنو كتگول): هبلتي ولا؟

فيوونا (رجعات تلفتاات قدامها كتستفزوو): خوااف..

سيدوو (كيديرها ليها على گد فمها): هاراني 🖕

فيوونا (باستهزااء): من نيتك كتفاكييه (fucking) تا قلزلييه تقليزة مغربية هههه

سيدو (بدل حركة يديه): هاهي ديل مك.. (كيشووف فالجمل لي غيير حاضييه بعينييه وماتحركش من بلاصتوو) شتا داارلي؟

فيوونا (بمكر): قيسوو فزنطييطو.. 

سيدو (بعدم فهم مافاهمش): وشتا زنطيطوو؟

فيوونا (بعدم صبر خايفاه يعيق بيها): دِيلوو البعر..

سيدو (دوز يدوو على لبلاصة لي گاالت ليه نيت): وشعندو لبعل تاع بوه مايدير 😠 مال بوك مالك؟

فيونا (شافت فأنير لي كان بقى هو اللخر مع الراجل جااي ودفعااتوو مبعدااه): صافي سيير غا فحاالك.. وااعر نتاا.. 😏 

بغات غا تتهنى منوو قبل مايوقف عليهم انير ويفهمها طايرة فالسماا.. هادشي كاامل كاان حدا الجمل لي غتركب فييه من موورااه فيين غيطلع سيدوو.. حيد من حدااها ومداات يدييها كتحااول تقااد الشاال لي خدااو بااش يديروو بيه لعماامة فووق ريووسهم.. يالله حطااتو عليها تجرب واش تعرف لييه.. سمعاات صوت بااين فيه لكبر جااي من موراهاا.. 

الصحراوي (بالعربية وبلكنة غالبة عليها الشلحة): أبلاتي نگادها لييك أنا.. 

فيوونا (غا سمعاات صوتو دارت جيهتوو مبتاسمة): أهااه وخا.. 

مداات ليه الزيف وتحناات شوية باش ياخد راحتوو وهو كيصايب ليها الشاال.. لوااه ودوروو وعااود حتى كمل مخلي ليها طرف ديروو على وجهها على الشمس والرملة.. وعااود توجه ليها بالهضرة فرحان بالانجاز لي داار وتقافتوو.. أصلوو ولبلاصة لي كبر فيها..

الصحراوي: وها هي شدة صحراوية على حقها وطريقها 😊

فيوونا (عاجبها لحاال والطريقة باش كبر بيها وقااد ليها رغم كبر سنوو): شكراا 😻 يشرفني نديرها..

قداات وقفتها وتحناات باست ليه يديه وراسوو بعفوية وعن طيبة قلب ناسية لي داير بييها وأنير بعد ماوصل لجمل ساارح بعينييه عليها.. على حركااتها وحنيكااتها وعوينااتها لي كيتسدوو فاش كتبدا تضحك.. شادوو تواضعها وعفويتها لي كيتزيد تباان مع كل موقف كتتحط فيه وكيصادف حظووورو..

ركبوو فالقافلة لي كانت واجدة كتتسناهم.. تقاادو فالگلسة شادين مزياان فالسرج لي علييه.. ونطاالقوو بيهم وسط الكتبااان والأمواااج الرملية الذهبية اللون.. لي عااكسة أشعة الشمس لي الضاااربة فيها...

مدة وهوماا مسافيين بدووك السفن الحية.. وسط ضحك ونشااط وحماااق.. كيصوروو فڤيديواات بالسلفي ستيك.. وياخدو دي فوطوو مرة مجموعيين ومرة لبعضياااتهم.. قمة الاستمتاااع.. سالى بيهم المطاااف قداام الغروووب الپانورامي الصحراااوي.. گلسو الجمااال باش نزلوو من فووق ظهورهم.. لي خفييف رااه سبق جمع وگفتو دغياا.. ولي رحيلوو تقيل راه حالتوو معروفة.. 

دوراات رجليها بجووج لجيهة وحدة بشوية علييها.. وهبطااتهم حتاال الأرض.. مع غتحطهم مع دواات وجهها غا ساهية لليمن ديالها بلاصة الجمااا لي وراها.. جات ديييريكت مع ريم كتترطاا غتنزل مع تخبل ليها السرج علاش كانت حاطة مكافشها مع رجاييها نيت مع مسبقة غا رجل وحدة وماشاادة بيها التوازن.. سفياان كان يالله غيهبط حتى هو ماستدركش الوضع.. أقرب واحد يعتق الموقف كااان أنيير.. 

باش توضااح الصورة كثر.. فالجمل لول كان فييه سيدوو.. من موراه فيونا.. بعدها أنيير.. عاد ريم وسفياان وفاللخر يووسف.. گايد بيهم الراجل لي صايب لفيوونا عماامتها شااد أول جمل فالقافلة.. 

كانت غتدور وهي تستوعب ورداات عينييها عليهم وهو شااقمها قبل ماتجي مزدووحة فالأرض.. سبحان الله فاش كتكون فاهم الموضووع غلط گااع الموااقف ولا بلعووجية گاع السناريوااات والمشاهد لي كتطرى گدامك كتدعم الفيلم لي ناسج سيناريووه فبالك باش تأكدوو ليك.. 

بلقااتهم فيهم باستغرااب حالة معاهم فمها من الديكوور والمشهد وهو شاادها بيدييه جنب وهي من الخلعة والدعقة شداات فيه شدة لعمى فالظلمة.. شداات فيه ماهي معلقة ماهي شانقة.. ماحاساش بشنو طرى فدقييقة.. 

أما الحريييگة راه داازت عندها الدقييقة بالسلوو موشن.. البطىء الشدييد.. وكأنها سااعة.. ماجا فين يهز فيها أنير راسوو حتى تحولااات نظرااتها لتخنزييرة.. طلعاات ونزلات فيه هي وياااها ودوراات وجهها قالبااه متاجهة جيهة سيدوو لي كان واقف كيقاااد شعروو وحوايجوو لي تعنكشوو.. 

خلاتو كيرمش فعينييه ماعارف يطلق الزمرة ولا يضحك على ردة فعلها لي كتدل أنها كون شدااتو كوون غززاتو بسناانها.. 

مستحيييل يكوونو هادووك شوفاات وحدة مقلقة.. وهي شوية تنحروو.. 

وگفاات ريم فحالها شاكرااه.. شدها سفياان كيطمن علييها وتبع هو لخرى بعينييه وهي كتشتف حتى وصلاات عند ولد عمها شداات فدراعوو وجراتوو شوية غيير قرييييب فين واقفين رجاال لمنطقة لي معااهم.. 

هز يدوو كيحك فراسوو بتفكيير.. كيخمم.. تاني موقف هدا ونفس طريقة تعاملها وتصرفها تجااهو وبرغم من أنها ماكتهضرش شوفاتها وملامح وجهها كافيين باش يعبروو ويعكسوو انزعااجها وحقدها على الوضعية.. 

ماحسااات فيوونا براسها غير وهي مربعة رجليها گالسة فالأرض مقااابلة مع منظر الغروووب حتى تبعها سيدوو كيشووف فيها متعجب من حاالها.. 

سيدو: وشا بيك؟ (مالك)

فيونا (كانها راجعة من سهوتها): همم.. ؟

سيدو (عقد حجبانو): ماعجبتينيش؟

فيونا (ماباغاش تبين): مالي كي جيتك؟ توتووووزة 😝

سيدو (بشوفة زايغة): هو من ناحية توتوزة راك توتووزة أبنت العم 😍😜

فيونا (شداتها الضحكة وضرباتو لكتفو بالجهد): الله يمسخ حسك الزندييق هههه 

سيدو: راك تعّرفي الى عاودتك وشا يسرا فيك 😠

فيونا (طلقااتها وهي كتقاد رجليها لجيهة وحدة.. خاطة راسها على كتفوو): هههه عارفاك ماديرهاش.. 

سيدو: عارفاني نبغيك عليها راك تتجبدي عليا 😏 

فيونا: أهياناري ههه صافي براكة أنا لي كنعرفك وغنتيق شوهتينا.. 

فوسط انشغالهم بثرثرتهم وفسهوه مننهم.. كانت عنيين متربصة بيهم.. حاضيااهم من قرييب وكتقرب بدهااء ومكر.. يااااومعروووفة على الجمااال 😹🤣 الى درتي فيهم شي حاجة والله لا نساوها لييك وخا يدوز عليها لي دااز.. مايهدااو لا يرتاح ليهم باال حتى يفديو دقتهم ويردووها.. وفعلا دااكشي لي كاان.. ووخا دارو حتى عيااو وضربو مسااافة ومشااو وجاااو مانسااش ليه أش داار وبدا كيقرب لييه بشوية بالشوية حتى وصل لعندو وبغى ينزل عليه براسوو..

أنييير (من بعيد محدرهم بصوتوو): أء أءء أءء.. 

على اثر صوتوو هزات راسها دغيا وهي ترد لباال للخياال وداكشي جاي جيهتو.. دغيا جراتو مهربااه مافاهم والوو والزمر تااابعو.. دور وجهوو عااد سراات معااه وجمع دغيا وقفتوو مبعد هاارب عليه.. مخليها هي بلاصتها كتتمرغ فالأرض بالضحك.. غيسكت ليها القلب.. كتشووف فالجمل كيتنتر من بلاصتوو باش يتبعوو ماكيشدووه غيير لحباال لي رابطيينو بين خوتوو.. وهو مضهشر ماجا فين يستوعب ويرجع لحسها كان وصل ليها أنير مد ليها يدييه وقفها.. خايف عليها تجي فيها شي دقة.. 

سيدووو (مغدد باغي يوصل ليها): ياااا دينك 😡 هادشي لاش راك تگوليلي صبعلو..

أنير (كلاه بيد باش مايوصلش ليها وبقى شادها بلخرى): ههههه وشتا خاصك؟

فيونا (مكاليا بيد أنير لي شاداها كتسووس حوايجها من الرملة وكتطل عليه): هههههه ياك ماعندو مايدير ههههههه وااع.. 

سيدوو (حاس بالشمتة): بلاااك أصاحبي 😠 بلاااك (حيد)

أنير (كيجمع ضحكتو بزز): وشتا هي بلاك.. هاني بلاكيت گاع وشتا ديرلها؟ 

فيونا (بطفوولية): غيدبحني نااااااني (ناري) هههههه 

يالله غيزيد عندها سيدوو قرباات كثر لأنير وهي باقة شاادة فيدوو حتى ولات لاصقة تقريبا فييه باش تتحمى بيه.. أما هو زادت هضرتها فحدة ضحكتوو حتى هز راسوو رادوو لور كيكركر جارها عندوو مخبيها وهو ضامها فحضنوو فحيين الرجاال جدوو الابل ديالهم بعدووه.. 

حساات بيدوو لخرى تحطات على ضهرها معنقها بيها وهي تهز راسها فييه كتجمع فضحيكتها شوية بشوية وهي كتشووف فتفااحة أدم البارزة فعنقوو.. ولحيتوو لي بادية من حداها وكتطلع.. 😻 جمعاات فمها محافظة على ابتسامتها وعينيها الهاايمة بقرب هاد التفاصييل.. كابحة فرحتها بهاد الفرصة والموقف لي وصلها لبين يدييها.. خصوصاا أنها موحشة تقرب لييه بعد الفجوة لي تخلقاات بيناتهم وخلات تصرفاتهم تتقيد شوية وتنقص منها ديك الحميمية لي عهدووها مع بعضيااتهم..

نقلات يدها لخرى لحدا ختها فووق صدروو الوااسع وعضلاتوو الضخمة شي لي خلاه يحاصرها حتى بدراعوو لي بقاات وهو على حالوو كيضحك صااد سيدوو بكتفوو.. 

رجوليتوو فالتصرف والتعامل.. كريزمتوو الطااغية.. قربو الصااخب فالوقت لي ماتوقعااتش نساهاا فغداايدها.. كأنها ماشي هي لي عااد قتلاتوو سبعة المراات فدمااغها وهي كتشوف فييه بهدووء.. عجيييب أمرها.. وأمر تأثيروو عليها وعلى موودها.. 

مشاات مع شفيرااتو الطواال لي ضاميين بعضهم اثر قهقهااتو المتعااالية.. متحسسة نبضاات قلبوو ونفسو لي كتطلع وتنزل.. 

سيدوو (كيتحلف من مور أنير): والله غيلا وريت موك.. 

فيونا (رجعها لأرض الواقع ههه وقبل ما تدوي قاطعها أنير)

أنير (شاف فييه): والله وتقربلها حت نكَّردك.. هههه 

فيونا (شافت فيه بحب ورجعاات شافت فسيدوو): 😝

سفياان (جر سيدو من بعد ماكان واقف كيتفرج حداهم هو وريم ويوسف): هههه بسعلي من عشيرتي (بعد ليا) ههههه

سيدو: راكو تتحامااو 😠 ماشي نتوما لي راها دير فيكم لفعايل.. 

سفيان: ماشفت وااالو ههه روااح روااح هاديك راها هبيلة.. دير فيها راسك ولا؟ 😂

جروو بعدوو من حدااهم وتبعووه لخرين مافاهميش أش طرى من غيير أنها جهلاتو.. 

حتى بعدوو عاد رجع نظراات ليها كيشووف فيها كتل من مورااه جامعة قنينفااتها وحنااكها بارزيين كثر من كثرت ما ماقادااش تجمع ابتساامتها هههه.. 

بهيام فيها وفشرها وتشيطينها هضر بصوت قادريين يسمعووه هوما بجووج.. 

أنيير: شتا دؤتي ليه؟ ههههه

فيونا (طلعات فيه راسها كتتمسكن): أنا؟ واااااااالو 😇😊

أنير: ههه لوكان مانيش نعّرفك نتيقك هههه

فيوونا (هزاات كتافها كتفرنس)

أنير (غمض عينييه كيشد راسوو على حلاوتها وحا يديه طالقها): روحي من گبالتي گبل مان.. (عض على قنوفتو لتحتانية)

رجعاات لوور بشوية كتضحك ودارت زايدة بجووج خطواات قبل مايتبعها ويمشييو عند لخرين.. 

حظروو لدااك لغروووب.. حمورية السما المخلط بأشعة الشمس المنساحبة قبل ما تتوحد لون السماا ويبدا يغمااق لونها بشوية بشوية.. 

مدة مهمة من الوقت وماطويلاش فنفس الوقت ورجعوو ركبوو الجماال راجعين تقريباا لبلاصة لي نطالقو منها.. قاصديين لبلاصة لي معولين يقضييو فيها ليلتهم..

خداو صكدواتهم الصغاار فقط من الكوفر دالطموبيل بعد ماترجلو منها وتوجهوو لواحد الباااحة كبيييرة.. صحراا بالحق الناس لي مهتميين بديك لبلاصة ساكنيين فيها باش كيستقبلوو السيااح والناس لي كيرتدوو ليها مهيئينها ومقادينها بشكل خيااالي.. 

من غيير لخيااام لكبااار لي ناصبيين ومبااعدين بيناااتهم فجووج صفوووفة مقابلييين.. فالوسط.. حافرين حفرة متوسطة دايريين فينا لخشب والحطب باش شاعليين النااار لي داعميين بقناادل صغاار دالزااج مفرقينهم فكل بلاصة.. معليين جناب ديك الحفرة شوية باش ماتوصلش شراارة العافية لزربية لي مدورييين بيها.. فووق دووك الزرابي حاطيين مخااد وطبالي قصاار دالعوود عاااديين.. ومن بساااطتهم عاطيين واحد الرونق والسحر خطيير لبلاصة.. 

تغرموو من المنضر ما ان قربو لييه وزادوو برگگوه عن قرب وبوضووح.. 

ستقبلاتهم ناس بملحفااات وضراعياات.. وكيهضروو بالعربية نييت ولكن بلهجة مختالفة وجدييدة على مساامعهم... 

🧕🏾: أهلا وسهلا كبالا بالشبيبة (أهلا وسهلا كبيرة بالشبااب) مرحبتي بيكم يا وني اشنبتكم ياك سالمين (مرحبا بيكم كيدايرين ياك لباس) طرحو وصترحو ولا تبگاو واگفين الخيمة خيمتكم (گلسوو ورتاحو ماتبقاوش واقفين الداار داركم زعما💚)

كاانت مرى متقدمة شوية فلعمر خاطباتهم باللهجة الحسااانية.. رحبااات بيهم هي ومجمووعة من الناس لخرين لي كانو من موراها..

گلسووهم ومدو ليهم قدااح لي هوما جريرات كبار من عوود العرعاار فحال الزلايف فيهم زريك وهو مشروووب خااص بصحراوة كيستقبلو بييه النااس والضيف فاش كيدخل عندهم 😻

تعرفوو عليهم.. وعرفوو من خلاال هضرتهم معااهم أنهم رحل من القبائل الصحراوية لي فلعيوون ماشي من الراشدية غير مستقرين فالمنطقة داكشي لاش لهجتهم هكااك مختالفة على لي سمعوو قبل.. 

بعد ما ولادنا دوااو ليهم حتى على شماالهم الشرقي لي كينتاميو لييه.. جمعوو شوية على فتقافاتهم لمغاايرة ووخا لقااو شوية الصعووبة ففهم بعضياتهم الا أن كانت بادية عليهم فرحة كبيرة بسمااع لكنة جديدة وبعييدة على لي متعوديين.. على داك الحاال حتى طااح الظلااام.. وخدااات العافية والقنااادل لي فالأرض دوورها بااش تضوي على لبلاصة..

قتارحوو عليهم دوك الناس يلبسوو من لباسهم التقليدي حتى هوماا ويجربووه بيدما وجدوو ل السهرة لي غتكوون ديك الليلة.. وداكشي لي كاان.. دخلوو للخيمة بدلوو من غير ريم وفيوونا لي زادوو لملحفة فوق السروال والتيشورط لي لابسين.. ونفس الوقيتة رجعات عندهم لمرى لي هضراات معاهم فلول عطاتهم من حلييب الناقة شربووووه مكبرة بيهم ومبينة على كرمهم وجووودهم.. وزينااات ليهم شعرهم بواحد الضفيرة اصطنااعية فيها لعقيييق كتداار فووق الشعر مازادهم رونقها الا جمااال وانووثة كيسميوها الضفرة..

تمو جايين لعزارا بدراعياات فلبيض والزرق.. كيتمختروو عاجبهم راسهم وشنوو مرتاديين.. قربوو عند لبناات وعنيين أنير على فيوونا لي غير تلفتاات جيهتهم باش تشوف.. ومن بعد ما جات عينيها عليه طلعاات حتى استقروو فعينييه لي كيدققو فيها.. حالة مغنطيسية مكهربة ههه خلات نظراتهم مشدوودة ببعضها حتى وصل حدااها وبقا مهبط راسوو غارق فشوفاتها لي ماسلمش منهم بدوورو.. ماقدرووش يقاوموو بعضياتهم.. أحاسيسهم كانت كبر منهم.. كبر من أنهم يتحكموو فيها ولا يكبحووها.. قاطع هياامهم صوت راجل قرب عنهم كيناديهم يتعشااو موور ماطااب لحم الجمل لي طيبو ليهم وكبدتوو لي تشوااات.. 

تزامن هادشي مع وصول واحد السيدة غليضة سميييمرة وقفاات على لمرى لي معااهم.. 

🧕🏾2: السلام والرحمة يا وني شكيفك ياك لباس شطاري فيك ياك لباس شحال تركة وشحال الطافلات ياك بخير شحال الوالدة والوالد ياك مطاري شي ياك حد مواجعو شي يااك بيخييير؟

🧕🏾1 (لي استقبلاتهم): بخير حامدين مولانا ما طاري باس.. اشنبتك انتي ياك لاباس شحال الاهل وشحال لمعايل ياك بخير ياك ماطاري باس اوا على سلامة مرحبتي.. 

🧕🏾2: هااااانيا الحمد لله كلشي بخير ماشاء الله.. شنبتك شحالك شحال رجلك وشحال الطفل وشحال الطفلة ياك لباس ياك الا فالخير وشنبتك انت زاد ياك ما وجعك شي ياك موطاري باس؟

🧕🏾1: بخير الحمد لله كولشي بخير تبارك الله شطاري عندك و شمال مول خيمتك و شحال لمعايل وطفيلات ياك لاباس ياك الا لخير وشنبتك انتي زاد... مرحبا وسهلا على سلامة

هوما كيهضروو وفيونا حالة فيهم فمها.. تتبع وحدة حتى تسالي وتعااود ترجع لخرى شدااتها الضحكة بابتسامة وفنفس الوقت عجبووها لأقصى درجة ماكرهاتهمش مايساليوش.. 

أنير (حاضي تعابير وجهها): شتا.. هههه أول مرة تعرفي سلامهم.. 

فيونا (تلفتاات جيهتوو سنينااتها كيبانو وحركات ليه راسها باه)

أنير: ههه عجبوك؟

فيونا: جوينين 😻😹

سفيان (قاطعهم🗣️): SHREEK 

أنير (دار عندوو مكلم ليه): اممم..

سفيان (تابع الرااجل هو ولخرين): رواااحو.. 

دخلوو لخيمة من لخيااام.. تجمعوو فگلسة كبيرة تعشااو فجو من الترحييب وحسن الضيااف وكرم وجوود أهل الصحراا.. عااد رجعوو لبرى.. 

گلسوو فالأرض فووق لمخااد والزراابي فين لقاوهم محضرين لسهرة رقص الگدرة.. الوقت كلوو وفيونا لاصقة جيهة أنير باش مايفديهاش فيها سيدوو لي أصلا هز عليها خنافروو وكعاا.. 

ربعوو رجليهم فدييك الأرض بينوو وبينها أنير نيت ويووسف.. ومع السقيل وقلت مايداار وكان باقي فاش غيطبلوو وشغيحتاجوو كيتقااد.. تحدراات القداام مكاليا بركابيها كتطل علييه وكتعيط بتوشوييش.. 

فيونا (كتتمايع فالهضرة وتطول فيها باش تفقصو): سيدي محمد.. سيدي محمد.. سيدي محمممممد.. أجي تشرب بوول البعيير 🤭

أنير (كان كيشووف فيها بنص عين كيتسناها شغدير حتى نطقات ونفر): ههههههه

سيدوو (شاف فيها شوفت المووت): تسعيني لهيه (سيري بعدي مني لهييه) نتي مصالحاش.. خليدار مها دبرلي اعلا المناتيف هاد ربانية يادينها (الله يخليها سلعة كتقلب ليا غير على المشاكيل هاد الزمرة كي دايرة)

طلعاتلييه الزعف دور وجهوو حااقد لقداموو ومع دوورة مع خيير ربي دااايز.. الدعقة أغوووتي.. ماعرف راسوو باش تبلى ولا شنوو يديير كن غير أنوو يتبعها بعينييه جاية كتتحرك بملحفتها.. وسموريتها حلييلوة.. من النووع لي مهلي فراسو مفايض أنووثة.. باينة فوجهها بلي باقة صغيرة تكوون عندها ديك سطااش لعاام هكااك ولكن رغم صغر سنها مطااااارفة وهااازة ماهااز گلبي من هم لحم.. مهم لبعلووكة مأهلاااتها سابقاهاا خلاتو حاال فيها فموو وتابعها بعينييه.. 

سيدوو (نسى شواقع فيه): أمااا.. وشا هااد الخير كولوو 😍 فييين راني؟ 

تلفت أنير يشوف علاش دااوي مبتااسم.. ومع الشوفة اللولة بقى كيهندس حتى هو تلقاائياا.. أكيد ماهو رااجل فحاالو فحال غييرو وأقل الايماان يتمنظر فخلق ربي.. كيحقق مزاال زعزعوو صوووتها لمغدد.. 

فيوونا (بفقصة وبلا ماتغوت): أنييييييييييير 😾😣

أنير (قاطعات سهوتو وشاف فيها كأنو ماداير والو): وااسمو؟ (اشنو)

فيوونا (مغوووبشة وجاامعة فمها بغضب): don't (عنات بيها ماتشوفش فنفس الوقت مابغااش تكمل الجملة باش ماتعيقش ولي فيها مامهنيها)

أنير (بيستعبط.. دار راسوو مافاهمش): ?what (شنو)

فيووونا (خرجاات لييه قنووفتها شادااه لبكية من غيرتها)

أنير (حط جبهتوو على كفوو حادر راسوو): خاطيييني..

عاد رجعاات فيها شوية الرووح ورضا غرووورها.. جمعاات قنووفتها وجمعات معاها ضحكتها حابساها.. عاجبها لحاال فاش جمع راسوو وعينييه وداار عندها.. حطاات حنكها على كتفوو كتشووف فيه وهو على حاالو كيطل عليها وعلى تبعلييكها.. 

تعالااات أصوااات الأهازيج والموسيقى لي تطلقاات.. الشي لي يرجعهم للي كيحيطهم.. هزو راسهم كيشوفو.. لقااو ناس اخرين تزاادو فدييك الگلسة.. تجمع تقريبا كلشي وبدااااات السهرة.. سهرة صحرااوية بامتياااز.. ومع العافيا والخلوى ودااك الجوو.. الطبل لي كيدق.. تزااد رونق لليلة وزاادت تميزاات.. خصوصا أنهم أول مرة كيكتاشفوو هاد الطابع المعيشي..

ناضوو نسا ورجلاال كيتماايلوو على اثر دووك النغماات.. كيرقصوو رقص الرگدة بطلاقة وتمرس.. فرحانيين وخالقيين السعاادة.. ناشطيين ومستمتعيين.. أماام مرئى ضيووفهم.. ماااادازش بزااف دالوقت حتى جرووهم نوضووهم حتى هوما يشاركوهم شطييحهم.. هادشي كامل وسي أنير حاظيها غا هي.. وكأنوو ماحدااه ولا فجنبوو حتى حد غييرها.. وقفوو كيتحركوو محاولين يجارييو حركاات الرحل الصحراويين ويقلدووهم.. وهو مخلييها قداامو وعلى مقربة شديدة منوو لايقيصها شي حد وهي كي الشكيلييطة وبدييك لعويناات والشوفاات البريئة كتشد الراايح والجااي.. عينوو علييها مافارقوهااش.. عكسها هي لي بالها مع البعلووكة لي دازت من قداامهم ولي حساات بيها فحالا دارت أنير فراااسها.. دوور وتشووف فيه.. تشطح وتحرك فنصها وحاضيااه.. بلعااني كتخلي لملحفة تتفاوت على شعرها وهي كتشطح باش يباان مطلووق ومسبسب زعمااا.. تلوي فعينيها وتسبل فيها كتتسنى غير امتى يلمح حظوورها.. 

تبرزطاات فيونا ورغم أنوو كتشوف فيه مامسوق لحد غيرها الا ان حركاات الخريوة زعجووها.. وانزعاجها باان تعنكيشها مع لملحفة لي لابسة لدرجة انها هبطااتها من فووق راسها وحيداات حتى الضفرة لي دايرة.. دوزاات صبااعها فشعرها جارااه لوور من مقدمة راسهاا رادااه جنب وهزاات راسها فيها تاني.. 

أنير (قرب حدا ودنيها): شتا فيك؟ راها توّجعك شي حاجة؟

فيوونا (دوراات عينييها هناا ولهيه وجوباتوو): تحرك لبرد لا؟

أنير: بردتي؟

فيونا (حركات ليه راسها ب اه): خفييفة هادي مادارت ليا والوو.. 

أنير (حط يدوو على كوعها جارها معاه): روااحي..

تبعااتو ومزاال شااد فيها كيتخطاو دوك الناس ويحيد من وسطهم.. طلعات هي عينيها فهااديك لي كانو عينيها عليهم.. خنزراات فيها فيونا بغروور ونفخة كأنها باغا توصل ليها لميسااج غا بشوفاتها عاد دارت قدامها.. 

غا خرجوو لتيسااع وهو يوقف كيفكر.. حتى كان غيدخل لخيمة فين حاطين سكدواتهم وتراجع.. نزل يدوو حتال مرفقها دور قبضتوو عليه بالمقلووب وتحرك تاني بالتجااه الطموبييل.. 

ماكانش بعيدة بزااف.. وضوو تيليفونوو كان كافي يوضح ليهم الرؤية حتى يوصلو ليها.. حل لكوفر هو لول.. لقى الشانطات معرميين.. 

أنيير: مارااه يباان والوو.. (عاود سدوو) رواحي نگّعدوو فيها وتدفااي... (خلاها زادت قداامو وحل ليها لبااب دلوور.. وقف تسناها حتى طلعااات وطلع گلس حداهاا رجل لدااخل ورجل مخلييها مدلية من الطوموبيل لبرى) نبلع حتى هدا؟ 

فيونا (يالله كتقااد گلستها): نوو غير خليه.. داافي هنا.. 

أنير: Okeey.. 

لاح تقلوو على الكوساان لي مورااه متكي باللور ووخاد راحتوو فگلستووو وشااف فيها.. 

كانت كتجر فالتووب لي علييها حتى حيدااتو وطوااتو حطاتوو فووق الطرسي لي قدامها.. صونا عليهم سفياان لي لاحظ غياابهم فتليفونوو كيسول فينهم.. علموو ببلاصتهم وقطع هاز فيها عينييه.. كانت حطاات راسها فحالوو على الكرسي.. وكتتسناه يسالي.. غير قطع حركات ليه راسها زعما شكوون.. 

أنير: سفيان.. 

فيوونا: مالوو؟

أنير: غير راه يسول.. مابنالوش.. 

فيونا (حركات مومو دعينيها جنب وعاودات رداتو عليه): اممم

أنير (شااف فيدييه لي حس بيها تفشكلاات تاني شي لي خلاها حتى هي تبعو فين كيشوف)

فيونا (لاحظاات أن يدوو بدات تحول وهي تنطق بضحيكة محااولة تلطف الجوو): غيطلع التيفووو؟ ههه

أنيير (هز راسوو فيها شادااه الضحكة): أوااااه يادينك ههه

هزاات فيه راسها لقاتوو كيحقق فيها وفحركاتها..

وأخييراا من موور داكشي كامل لي طرى قدر ينفارد بيييها ويبقاا معاها الراس فالرااس.. جااو الأحداات متاابعين.. من العيد لمجيتو المفاجأة لداخلة لكومبا لسبيطاار.. لراشدية لوصولهم لمرزووگة.. تتابعوو.. ومع مجموعيين ماكيتفارقوو غا وقيتة النعاس ماكانش كيشبع حتى من شووفتها.. وأصلااا أصلا يالله سيد بدا كيطرد الأروااح الشرييرة لي كانت مسيطرة عليه ومفهمااه الأموور بعووجية.. 

ويالله بدا يترااجع على قراروو بأنوو يبعد عليها.. 

على حاالهم متكيين وهوما گالسيين وسط الطموبييل.. مابيناتهمش مسافة كبيرة.. 

رجعوو لعينيين بعضهم.. ولسهوتهم لمتباادلة فيها لي قاطهووها فالسهرة گبيلة.. 

هي كتشووف فيه وهو كيتحول قداامها وملامح وجهوو كتاخد كتتبدل نوعاا ما.. وهو كيشوووف رااسو فعينييها.. كأنهم مراياا كيعكسوو صورتوو.. كيشوف نفسوو فيهم و كيحااول يتأكد من نووع الشووفة لي كتشوفوو بيها.. وحتاال أخر لحظة فتحولوو مانقص ولو جزء من الدرة من البرييقهم ولا تبدلاات.. كأنوو موقع والوو وكأنها كتشووف فيه وهو على طبيعتووو وفكامل وسااامتوو.. 

أنيير (خدى نفس طويل وهضر مم قلبوو): الوحيدة لي نحس معاها بلي مارانيش وحش.. 

فيوونا (مع السقيل والسكات ومع فحال هاد الأوقات كتتباطء الحركة من كثر ماماكتحسش بلي داير بيك كأنك مامعنيش بيه وكأنك وكأنو الدنيا كلها واقفة احتراما للحظة): علاش نتا وحش؟

أنير (بباتسامة استهزاء على حقيقة الأمر): ماراكيش تشوفي؟

فيونا (قربات سنتيمات بلا ماتحس بحركة طفولية وغنج): ناااء..

أنير: هههه أگليع حناك وكي راني متوحشك..

فيوونا (جمعاات فمها وحبسات ضحتها مبعدة عليه عينيها وكابحة توترها رغم أنوو حمراار حنيكاتها فضحهاا)

نسى أنوو متحول ونسى وعدوو أنو مايعاودش يدييرها مرة خرى.. نسى حتى فين هوماا.. حاجة وحدة لي حااس بيها ولي غتخرجوو عن طووعو فكل مرة كتكوون قدااموو هي قلبو لي بلاصتوو مابقااتش سايعااه وكون الأمر رجع لييه كان غيخرج ويمشي عندهاا..

زااد قلص المساافة بلا هوااه وقرب غيسطييوه تفاصيلها لي مهما حقق فيهم ماكيشبعش.. وقنينفاتها لغووز لي أدمن ملامستهم بشفاافوو..

يالله گعد راسوو غييتحدر عنها وهي تاابتة على وضعها تشنجاات حركتهاا.. كتحس بأنفاسوو كيزيدو حدة كلما زااد جيهتها.. تسمع صووت سفياان كيقرب.. ماكيغوتش مي هضرتوو مفرووزة.. 

سفياان: SHREK.. وااأنيير 🗣️ 

جن جنووون الجنووون لي فالطنطووون دراسووو.. وجبتي الربحة أباا سفيااان.. حكيتي على الضبرة هههه.. 

خرج مطعطع حاااااقد.. صاااااعر.. ومع ملامحوو الخاسرة والضلعة لي كتتزاد فيه فالحجم كيخلع.. باقي گاعماا وقف سفياان شنق عليه لاخر هازوو شوية من الأرض لعندوو.. بااش غادي باش داير.. 

أنير (كشاكشوو غيخرجوو): ياا عبد ربك ماتخطيوش علييكم ك*ري؟ 

سفياان (تصدم ماعرف باش تبلى.. حط يدوو الجيهة لي شادو منها كيحاول يفك راسوو): وشا؟ رجووع الله!

أنير: دين مك تخليو الواحد يعرف الله.. (طلقو مفقوص بالشوية لا يتعطب وداار كيخبط الأرض)

سفياان (حل بااب دالقداام جيهة لخرى من غير بلاصة الشيفوور وگلس داير عند فيوونا ملامح وجهوو ممحية): وشتا فييه؟ شتا كاااين؟

فيوونا (خرجاات ليه قنووفتها هازة كتافها بلا ماتحدت صووت)

سفياان (كيحاول يفهم): راكم مدابوين.. 

فيونا (حركات راسها بلا كتجاوبو غير بالاشارة)

سفياان (مصغر عينيه): تزيزنتي؟ ياكماا..؟ 

فيوونا (خنزرات فيه): لوااه السفرجل.. نعيط ليه؟ 

سفيان (غوبش): ينعلوو هداا لي يفكر ليكم..

فيووونا (كطنز علييه): وااااااو كثر خييرك.. بلاتس نتأثر ههه 

سفيان (من مور ماكان داار قداامو شاف فيها جنب ومد ليها يديه): 😒 تيليفونك؟ 

فيوونا: علااه زمرك فينو؟ 

سفيان: رااه عند الحكومة..

فيونا (بعدم فهم غوبشات يعني شنوو)

سفيان: بقى عند ريم.. طلگي.. 

فيوونا (ماركزااتش مع الهضرة وعطاتو ليه) 

سفيان (مدو ليها وهو حاكموو): الكوود؟

فيونا (حطات بصمة صبعها حتى تحل)

رجع أنير حداهاا قالب وجهوو.. مقلق.. ووجه لبلى مامسوقش.. 

بقى كيقلب فالطراكاات دالموسيقى لي فالتليفوون حتى وصل دياال الرااي.. كيقلب من وحدة لوحدة.. گاعما مسوق للبركاان لي مورااه.. 

شاافت فيونا فأنيير وداارت قاداات لگلسة حتى حساات براسوو تحط فووق فخااضها.. تكاا عندها متوسد رجلييها.. مغمض عينييه ومخلي رجليه خارجين من لبااب.. بقاات مكوانسية.. يديها مهزوزين ماتوقعاتووش زعماا يديرها.. ثواااني وهبطاات يد على شعروو ولخرى مالقاات غير أنها تحطها تحت دقنوو.. مبعداهاا شوية.. 

وساع تغرها بشبه ابتسامة لا ارادية وغلغلات صبيعاتها وسط خصلاتوو بشويييية.. كتمررهم على فروت راسوو بهدووء وحناان.. وهو مغمض عينييه.. ستحلاااها وعجبو الحاال.. كيحس براسو مرتااح.. كأنو مافالدنيا هم ولا غم.. فحال شي دري صغير بعيد على المشاكيل ومافاهمش حتى شدااير بييه.. ترخى لدرجة جااه النعاااس ولكن شكون غيسخى بفحاال هاد اللحظاات؟ يعطي عمروو على قبل نهار ولا جووج معاها هكاا..

ستقر اختياار سفياان على أغنية.. زگاا من لقلييب وبداات.. 

🎶🎵و تزعزع خاطري فنص الليل.. و رحت الشوار اللي بيا.. أسيادي كيفاش تميل.. سحرت عقلي و عينيا..

كي وصلتلها سمعت القدام و حلات الباب عليا وحلات الباااب علياااا..

و نتقت الدابلة و قالت نعام

نص الليل واش جابك لياااااا.. 

اعذريني جابني الغرام و عند حين تبسمت ليا.. 

مع الجملة اللخرة حل عينييه دابليين هزهم فييها.. لقاهاا كتشووف فييه حتى هي على نفس وضعها.. هز يدييا عند وجهها وقااس حنكها بضهر يدييه نييت وبقى كيكغيسييها يعني كيحركها علييه بهياام.. حشمها وميلاات حنكها جيهة يدوو لي على وجهها وهوما كيسمعوو مزاال لكلماات الأغنية لي كانت مقصوودة نوعا ماا.. ماحاسينش بسفياان لي غير طلقها بثوااني ونسااحب مخليهم بوحدهم.. 

🎶بايت سهران ماجاني النوم.. حتى الحال زاد عليا

ما يصبرني عليك سلام.. نبغيك عزي تكوني حدايا... نبغيك عزي تكوني حدايا..

🎵🎶و ياك نبغيك و الكدب حرام و في كسبي غير نتياا.. في كسبي غير نتياااااااااا..

بدل بلاصة يدوو.. هاد المرة خشاهاا بين ضهرها والكوسااان خاشي معاهاا وجهوو فكرشها مخبييه فيها.. فحالا هي ماقدهااش الفرشاات لي كيلعبوو وسطها زادها نفسوو السخونة.. فشلها وشللها ومابقاات عارفة فين تخبي نبضاااات القلبها لي كيزدحوو على جهدهم.. الشووهة الشووهة.. ولكن فنفس الوقت غمرها الاحساس بانتماؤوو ليها 😻 

بقاات كتدوز فصبعها على جنب وجهوو لخضر لي بقى بااين.. الشوية من حجباانو وحدى عينييه.. سااهية فهاد اللعنة لي مقيدااه ورابطااه على شحال من حاجة.. وتأثرو بيها لي كتلمس من خلال هضرتوو على الموضووع.. كيحز فنفسها عجزها قدااموو وأنوو مافيديها مادير لييه.. ماكرهاتش كون كانت شي وسيلة تخلصوو منها ولا شي طريقة تقدر هي تعاونوو بيها.. ماكرهات تضر هي بلاصتوو ولا تشوفوو موجووع هكااا.. 

بيين يدييها.. وفحضنها وهو نااعس فسابع نوومة من بعد ماداتو عينييه وسرح عجوول لاخرة من النعيم لي حس بيه وهو كيشم ريحتها وملامسها.. وعلى غفلة منها بدى كيرجع شوية بشوية لشكلوو الادمي.. الغرييب فالأمر أنو بااقي الحاال وباااقي الليل والظلام..

رداات راسها لوور وتنهداات عيااانة.. 

حل عينييه وگلس كيتكسل ويعااود حااس بعظااموو مهدوديين.. تلفت مورااه ومد يدوو لقرعة دالماا قريبة لييه.. 

خرج بعد شوية.. كب على يديه غسلهم هوما اللولين عااد تبعهم وجهوو.. سد القرعاا ورجع رادها بلاصتها.. نصل من فووق منو ديك الدراعية لي لابس ولي كاان متيسع فييها ومن غيير شي شريگاات خفااف ماطرى فيها واالو.. 

بقى غير بصوفيطما لفووق.. حط وااحد لعييبة من جيهتوو.. سد البااب وداار لجيهة لخرى دالطموبيل فين گاالسة.. ضمها من على كتافها جامعها عندوو حتى سرح رجلييها باتجااه لبااب وحااول يدخل غا بشوية حتى تكاهاا بلا مايفيقها.. قاد ليها راسها فووق اللعيبة لي حط وكاانت فحال لمخيدة ودوز يدييه على وجهها مبعد الشعر علييه باش ما يبرزطهااش.. ساعاا هو لي غيبرزطها نييت.. تحدر تاني يدييه لي مكالي بيها حتى دفع الشعر لي على عنقها بنييفو وبااسها فييه بشفاافوو ولحيتوو لفاازگيين..

أنيير (بصوت غليض باين فيه النعااس): أححح.. ناكلك 😍

يتبع.. 👊