أميرة الراية السوداء الجزء الخامس

فالصباح فاق ارتوك كان ناعس عريان من الفوق وهازال ناعسة فصدرو حتى سمع التلفون ديال الشومبر جاوب 

ارتوك:: وي 

....:: باعتذر على الازعاج مسيو بس في شخص عايزك 

ارتوك:: شكون 

....:: انور ....انور سلطان بيألك بيستناك عند المسبح 

ارتوك:: 😡 واخا ....... قطع بعد عليه هازال بشوي باسها فشنايفها عاد مشا لبس عليه دغيا وهبط كان انور جالس بعيد من المسبح وبعيد على بنادم 

ارتوك:: شنو باغي 

انور:: 😏 هكا كتقابل خوك للي مشايفوش سنين هادي 

ارتوك:: انور ماجاي الا وباغي شيحاجة 

انور:: شنو خدمتك؟

ارتوك:: رجع منين جيتي (تم غادي)

انور:: ديك العاهرة عاجباك (ارتوك مع الدورة مع عطاه كروشي)

ارتوك:: هدا غير تحذير وكنضن دواو معاك وقالك ساحتنا متقربهاش ساخيا عليك خدمتك 

انور:: كضرب خوك على قبل....(قاطعو) انوااااار متخلينيش نزيد نغلط كثر الى هاد الطيران كللو حيت عينك عليها فغير نسا 

انور:: بغيت غير نفهم علاش مخللي عائلتك ومك مليوحين وانت عايش حياتك 

ارتوك:: الهضرة ماشي هنا وماشي وقتو 

انور:: وقتااااش الهضرة وقتاش سنين وانا كنقلب عليك حيت ختافيتي فمرة سنين وماما قاطعة هضرت الكل وسادة على راسها على ودك انا مكتسوقش ليا وكتقولي مترجعش الى مغتجيبش ارتوك هادشي عندك عادي 

لرتوك:: انواااار بصح مافايقش لهاد الهضرة دابا غيجي نهار للي غنجي فيه يا حي يل توصلكم جتتي مهم غنجي ودابا رجع منين جيتي ا انور ومتخللي تاكد اشوفك معايا 

انور:: شنو غتبقا نع هاديك 

ارتوك:: اه ديك البنت غتبقا معايا 

انور :: بنت ؟ هههههههههه جاتني عجب باقي معاها قول كادبة عليك 

ارتوك:: شنو كتخربق 

انور:: واش باغي امراة مزوجة؟ عندك عادي 

ارتوك::!!!!! شنو 

انور:: مسولتيش علاش تابعها ولا كتقول راني معشوق فيها 

ارتوك:: انور متلعبش معايا 

انور:: انا خووووك ا ارتوك واش وجهي باين فيه تفليا هادي راها ممزوجة وراجلها كان كيبيعها للرجال كتجيبليه لفلوس ومتهمة بجريمة قتل شهور وانا قالب عليها مغريب كللو 

ارتوك::(مصدوم) لكن هي اغتاصبوها قالت 

انور:: معرفتش للي عارف هو بللي تزوجها واحد راه مليوح فالحبس وهي غتحط رجلها فالمغرب غتجلس حداه تماك وانت استوعب بللي بنات بحال هادو مصالحينش ليك ورجع لعند مك راه ما ميتة ما حية ...... قال هادشي ضرب فيه وزاد خلاه واقف كيستوعب شنو قال كيفاش وقع هادشي وعلاش كدبات ومقالتليش الصراحة علاش مكتخليهش هو اقيصها واخا كاع رجالة دازو عليها علاش وهماتو بحبها وخلاتو اتعلق فيها كلها اسئلة دازت فراسو تاصل دغيا بواحد من صحابو للي فالمغرب وخلاه اجيب ليه معلومات عليها 

ارتوك:: دابا اوصلني كلشي عليها .... بقا كيدور واعصابو تالفين حتر رسل ليه ميساج 

📧 هازال شكري 

مكان الازدياد فاس ..... متزوجة بمصطفى أمزيان 

متهمة بقتل السيد عمار الحفيظي حيت كانت بمرافقته وقت وفاته باحد غرف فندق **** .........

كمل لقراية و جلس بتثاقل فوق الكرسي عمر شيحد قولبو هكا ودابا تشمت تشمت تشمت بقا كيعاود هاد الكلمة وناض صاخط طلع دغيا لعندها كانت ناعسة جرها من شعرها مافهمت والو حتى قفزها ناضت مخلوعة 

ارتوك:: علاااااااش علااااش اهزال ....

هازال:هءهءهء اي قصحتيني اشدرت ليك طلق من شعري كتقصحني 

ارتوك :قولي القحبة شنو لي مدرتيش علاش كدبتي اهازال (جبدها العندو من شعرها وقابل عينيها مع عينيه) علاش الكدوب قلت ليك عاوديلي علاش كدبتي عليا 

هازال:انا ماعارفاش علاش كتهضر وشنو لي درت اييي طلق شعري 

ارتوك :غنوريك لي عمرك شفتيه ماشتي والو فالتقصاح عطيتك قلبي باش تلعبي بيه الكلبة الموسخا عطيتك فرصة فين تهضري ساعا نتي دايرا كي الفعة كتلفي والضوري 

هازال:هءهءهء حرام عليك انا مفهمتش علاش كتهضر وماعارفاش اشنو درت حتا كتلومني 

ارتوك:معرفتيش هانتي غتعرفي من دابا الفوق غتعرفي مزيان(رماها فوق من ناموسية بدا كيشرك ليها حوايجها من فوق من الحمها وهيا شهقاتها ولاو متاليين معرفاتش شنو لي خلاه بحال تور الهايج معارفاش اشنو لي شعل العافيا فيه تا ولا هاكا جبد الصمطة من سروالو وبدا عليها بالضرب ولحمها عريان كتكمش علا راسها ومخبيا وجها لا تجي فيه شي دقة ما خلا تاقنت مزرقوش ليها واهاتها وغواتها ماليين الغرفة لاح الصمطا وطاح حداها وهيا بقات كتبكي حتى مابقااش قدات تهدات و فعز شهقاتها جرت ليزار عليها وتكمشت فوضعية جنين هوا بقا على وضعيتو مابقاش هضرها اولا شاف فيها خلاها وزاد بدل حوايجو خرج وزدح عليها الباب بقات على داك الوضع تا داها نعاس ضربتها الفيقة كان فات الظهر شافت الساعة كانت الربعة ديال لعشيا تحركات من بلاصتها بتتاقل مقاداش تنوض لحمها كولو كيعكرها تاجهات الحمام حيدت داك ليزار لي عليها ودخلت وسط رشاشة وهيا كتنين مكملات دوش غير بزز وكتشوف فالمرايا لي قدامها اتار تعنيفو ليها سالو دموعها بغازارا من بشاعت المنظر لوات عليها فوطة وخرجات لقاتو واقف عليها بحال عزرائيل 

ارتوك :جمعي حوايجك كولهوم من هنا 10.دقايق نلقاك وجدا 

هازال:فين غنمشيو عافاك متدينيش لشي بلاصا عافاك هنا راني فامان 

ارتوك:مغنعاودش هضرتي وماتسوليش بزاف وصوتك ماتبقايش تسمعيه ليا لا ندير ليك شي حاجة كتر من قبيلة .(طلعها وهبطها وخلاها وزاد سابقها )جبدات ماتلبس ويديها كترعد لبسات شوميز واسع باش متعكرش وسروال دجين وسبادري جمعات حوايجها ضرقات صفورية دوجها بشوية دالميكاب وهبطات وهيا محطمة لقاتو واقف فالباب دالاوطيل بانت ليه هابطا تاجه حداها جرها من معصمها وتم خارج بيها دخلها فالطاكسي طلع هداك للي خدام فالاوطيل باكاجهم للكوفر و زادت بيهوم طاكسي حطات راسها على زاج وسهات فنقطة وحدة وكتفكر كل هاد الايام لي دوزات معاه تعنيفو وغيرتو و حنيتو وغموضو كل تفصيل كيخصو جا فبالها داكشي لي دارو ليها ليوما وهيا طلع تنهيدة من الاعماق وقف بيهوم طاكسي فحي شعبي هبط وهبطات كتشوف حاواليها خلص طاكسي وتخطاها مشا نيشان لواحد الدار حلها دخل وخلاها من وراه دخلات كتشوف فالدار لي معرفاتها واش دارو ولا ديال شي حد جلست فاول فوطوي بان ليها ماقاداش تبعو اما هوا تاجه الكوزينة لي عمرها من كولشي لي غتحتاج الاكل صاوب قهوة كحلة وتفقد الدار كاملا عاد شد قهوتو وخرج عندها جلس كيشرب فقهوتو وكيهضر واخا معصب من لداخل لكن من برا كيبان هادئ ومكيشوفش جيهتها

ارتوك :غتبقاي هنا هاد ليام اي حاجا غتخصك غتلقايها فالكوزينة كولي وشربي وحمدي الله حيت خليتك حية نلقاك عتبتيها ولا حاولتي تمشي من هنا غنلقاك ونقبر مك هاني حدرتك والحساب باقي معاك......(شرب قهوتو حط طاس بزعيف وخرج وخلاها فنفس الوضعية غارقا وحيرا الحد الان مفسرش ليها علاش دار هاكا وعلاش كيتصرف معاها بهاد الطريقة مطاحتش علا بالها ان صافي تكشفات وعرف ماضيها وعرف اشكون هيا هازال).......

خرج ارتوك وهو باقي كيتغدد على شنو وقع معاه مشا للاوطيل كان محتاج ابقا بوحدو ....... هازال ناضت قلبت على بيت تماك لقاتو دخلت ليه شنطتها بدلات عليها وهزت دواها دارتو للجرح للي وصلت ليه ومشات صوبت ليها متاكل مدايقاش النعمة من لبارح حتى من العاصر ودن جلست كل دغمة بدمعة مفاهمة والو ومعارفة والو مابقاتش فاهماه حساه عندو انفصام فالشخصية ..... انور بعد محط ليه كلشي رجع لشمبر ديالو كانت حياة يالله فايقا باقا عريانة من ليلة لبارح ناضت هكاك تقدمت لعندو باستو فطرف فممو 

حياة:: صباحو 

انور:: باقا مدوشتيش 

حياة:: لأ لسه (شداتو من كول ) في فكرة جميلة (باستو) نلعب شويا ونخش نستحم مع بعض 

انور:: (شد مؤخرتها بيديه بزوج ولصقها معاه) اه علاش لا غير هو انا غدا غنسافر يعني عندنا غير ليوم 😉 

حياة:: ليه هو انا زعلتك فحاجة 

انور:: لا غير خدمتي سالات خصني نرجع وداببا (التاهم شفاها ) نبداو 

حياة:: ههههههه....... دارت ديك الضحكة العجيبة ديالهم وجراتو للسرير بدات كتفسخ ليه فحويجو بحاجة بحاجة وهو كيشوف فجسمها وكل مرة شاد حاجة وكيدوز ايدو فاماكن للي كتهيجها حتى تلاحت عليه هي كتبوس ...... كانت هي للي متحكمة لكن غير وصلو للمعقول دارها تحتو و....... دوزو نهارهم غير فلاشومبغ نهار كللو وهو كل شوي كيجرها اخدمو وابعدها وتاهي ماشي قل مننو كل شوي تجي تطلع فوقو حتى اقضيو لغراض عاد كتبرد ....... اما ارتوك فكان غير كيمشي من قنت لقنت فغرفتو مرة كيطل من البالكو مرة اتفرج كان معصب وملقا فين ابرد غدايدو ..... كمل نهار وهما على هاد الحال انو وحياة عايشين اللحظة ، انور غا كيدور ، وهازال معنقة مخدتها فبيتها وكتبكي حتى غفات .........

اما فالكتيبة فباقي الحال هو نفسو مرة مرة ارتوك كيتاصل باش اعرف الاخبار وكيطمنهم عليهم ولبنى مكرفصينها نيت كل ليلة كياخدوها وكل ليلة كتبقا تمارس معاهم حتى اصبح الصباح وتمشي تنعس حتى ولات كتكره شيحاجة سميتها ممارسة .......

دخل نهار جديد على ابطالنا انور فاق وحياة ناعسة حداه ناض دخل دوش وخرج فيقها تاهي دوشات جمعو حويجهم هبطو فطرو بزوج وخرجت معاه باش تودعو عطاها ظرف فيه فلوس خداتهم وطارت باستو 

حياة:: (عطاتو ورقة) هدا رقمي اي وقت اجيت هنا اتصل فيا وحكون عندك بالسنية 

انور:: انت غتبقاي هنا 

حياة:: طبعا ماهو شغلي هنا باخد اوضة وباعود لحتى يعجبحد فيا وياخدني لعندو 

انور:: اوكي بسلامة ...... ابتاسم ليها دار نضاضرو وركب فطاكسي نيشان للمطار وهي رجعت للاوطيل .... هازال فاقت راسها غيطرطق بكترت لبكا للي بكات ناضت صاوبت كافي وجلست كتشرب فيه حتى سمعت صوت الباب خرجت من الصالون شافتو وقفت اما هو شاف فيها غير بنص عين وزاد للبيت بدل حويجو كان جابهم هنا ومشا للاوطيل غير باش ميآديهاش بدل عليه ودخل للكوزينة صاوبليه تاهو كافي ومشا جلس فالصالون ونطق بالحاجة للي صدمتها وعاد فهمت علاش تصرف معاها هكاك

ارتوك:: من ايمتا وانت ق... 

هازال:: 

ارتوك:: شنو تصدمتي حيت عرفت علك كلشي 

هازال:: شش..شكون قالك

ارتوك:: فاااااش كيهم شكوووون فاااش (حط الكاس بالزعاف) تقت فيك مخليتهمش ايجيبوليا دوصيك انا سمعتك وتقت فكل كلمة قلتيها مكنتش كنقيصك حيت عند بالي نقية حميتك حيت قلت باقا خايففة من شنو داز عليك وخاصني نحتارمك باقا بنت نقية لكن عرفت العكس انت امراة ديال راجل اخر وكنتي ديما كتبيعي لحمك للي اسوى وللي ميسواش 

هازال:: عافاك ارتوك 

ارتوك: (ضحك باستهزاء) شنو غتمتلي راك حشمانة من هادشي خسارة والله حتى خسارة لكن مزيان مللي درتي هكا فيقتيني باش ماباقي ندير تقة فتاشي كلبة 

هازال:: انت مفاهم والو 

ارتوك:: خلينا لفهامة ليك 

هازال:: (وقفت وسدت باب الصالون بالساروت ) خصك تسمعني 

ارتوك:: بلا تبرهيش حللي لباب 

هازال:: واللهلا تحل حتى تسمعني

جلس ارتوك مكان فيه للي ابقا اتجادل معاها وهي جلست بعيد عليه ببزاف فقنت الصتلون فوق واحد الركسي دموعها بداو كيهبطو حيت صعيب عليها تعاود داكششي للي عاشت بدات كتدوي بشوي من فاش تزوجت مها ومعاملت راججل مها ليهم وكيفاش جلسها من لقرايا وغير جا مصطفى سلمها ليه غير بالفاتحة ...كيفاش سد عليها وكيفاش اغتاصبها هنا بقا حاضيها وعرف وفهم علاش قالت ليه تغتاصبات وهي صغيرة وعرف بللي قالت ليه جزء من الحقيقة لكن اهم حوايج خباتهم عليه هي حادرة راسها وكتهضر اما هو فاش سمع كيفاش تغتاصبات هز راسو فيها وكيشوف فالانسانة للي كيبغي شحال من حاجة دازت عليها وكيفاش تحرمت من ختها ومها ....وصلت للقسم المهم وهو كيفاش دخلت لعالم الدعارة والعهر وكيفاش كان كيعصيها الى رفضت كيفاش كان كيلعب بيها كيف بغا وكيفاش عيشها مدلولة رغم انه حن فيها وعزت عليه لكن مقادرش اعاود اثيق جزء مننو مثيق كل حرف خرج من فمها وجزء رافض اتيق ناض وباينا عليه اللا مبالات واخا داخلو شاعلا نيران مايمكنش تطفا ... وقف قدامها 

ارتوك:: وغتنكري انك قتالة 

هازال::(وقفت كتشوف فيه بعيونها المختالفين للي عامرين دموع ) لا لا واللهما قتلتو واللهما درت ليه شيحاجة هو طاح بوحدو ميت قلبت نبضو مكانش كان قلبو واقف هي فين هربت واللهما قتلتو 

ارتوك:: تاحاجة من هدشي مدخلت ليا لراسي بغيت نهربك لكن غدخلي للحبس اللهم تعاقبي وانت فالكتيبة احسن لك وجدي راسك غدا غرجعو 

هازال:: (شدت ايدو ) ارتوووك والله حتى اي حرف قلتو دابا الى بصح هادشي كللو داز عليا وصبرت وللي خلاني نصبر كثر انت بغيتك وربي شاهد على شنو كنقول 

ارتوك:: انت كتعرفي الله؟ انت ولفتي العهر لدرجة عمرني شفت راسك تحط على الارض .... كنت حاطك فمرتبة حتى حد محطيتو فيها لكن طحتي من عيني ومابقا عندك حتى مكانة كرهتك اهازال كرهتك ومابقيتش حامل حتى نشوف وجهك باقي ليا ليلة اخرى معاك هنا ومن بعد كمارتك منبغيهاش تبان قدامي 

هازال:: (مسحت دموعها) كيفما بغيتي (مد ايدو ليها) شنو

ارتوك:: ساروت ...... عطاتو الساروت حل لباب وخرج برا الدار اما هي فبقات كتراجع هضرتو حيت بصح شنو قال انا مسلمة غير بالفم ام عمرني حطيت جبهتي للارض مشات فلبلاصة دخلت للدوش خسلت وتوضات من جديد وضوء كبير وصغير خرجت بدلت لقت فالصالون صلاية ولبسة اكيد مالين الدار مخلينها لبستها وبقات كتصلي كتبكي وهي كتدعي باش ربي اغفر ليها كتدعي باش ربي ارحمها وافرج عليها همها .... بقات مدة طويلة وهي كتصلي عاد ناضت حيدت داكشي ومشات طيبت شيحاجات تغدات وبقات مشعلة التلفازة طتشوف فالتلفازة لكن عقلها غايب مع ارتوك .... هاد الاخير خرج برا غير باش ميضعافش وباش ميسمحش ليها حيت فكل الاحوال كدبت عليه بقا نهار كللو برا حتى الليل عاد رجع دخل للدار كان صقيل طل فالصالون ملقاهاش مشا طل فالبيت بانتليه ناعسة ومكلكمة فالايزار تنهد ورجع خرج مشا لبيتو بدل وتكا نعس ........

دخل نهار جديد فاقت هازال دخلت غسلت وتوضات صلات بعد الهضرة ديال ارتوك واعدت راسها عمرها تعاود تفرق على صلاتها حيت مابقا عندها حد من غيرو للي غتسند عليه وهو للي فينما كتلتاجأ ليه كترتاح ....كملت صلاتها ناضت جمعت الفاليز ديالها حطات حويج الكتيبة فالجيب القدامي جمعت شعرها سفنجة وخرجت كان بيت ارتوك محلول لمحاتو ناعس تقدمت بشويا بعد محيدت صندالتها قربت ليه جلست حداه بشوي قرب وجها ليه كتشم ريحتو 

هازال:: مكنتش متوقعة غيجي نهار نبغيك (تنهدت) ومكنتش متوقعة غيجي نهار للي غيخصني نخلص على شنو درت بيك صعيب نشوفك ومنقربش لك ياريت تعطلتي نهار كانو غيعدموني ...... ابتاسمت بحزن ومسحت الدمعة للي طاحت من عينها باستو فجبهتو ورجعت خرجت ردت عليه الباب عاد حل عينيه سمعها وحس بيها فاش دخلت لككن مدار حتى حركة باش اسمعها اشغتقول حس بيها وعرفها كتعاني لكن تقتو فيها تزعزعات بقا متكي على ظهرو وساهي فالصقف....هازال ناضت وجدت فطور حطاتو هي شربت غير قهوة ورجعت دخلت لبيتها .... ارتوك خرج بانليه لفطور وشاف كاسها خاوي شاف فباب بيتها وجلس شرب قهوتو مع شيحاجات وناض هو للي جمع داكشي رتب كلشي ومشا دخل عندها بلاما ادق بانتليه متكيا فطرف السرير وراسهي فالارض 🤨 

ارتوك:: اشكديري 

هازال::(شافت فيه) والو متكيا معاش غنمشيو

ارتوك:: دابا الى واجدة يالله 

هازال:: واخا ....... ناضت تحت نظراتو دارت نظاراتها الشمسية فوق راسها جرت الفاليز سبقاتو وهو دخل جر فاليز وتبعها طرق الباب لقا السيد كيتسناه مدلو ظرف و سوارت وتمو غادين حتى لراس الشاريع شدو طاكسي داهم للمطار نيشان كملو الاجراءات خلاها ارتوك مدة جوج دقايق دخل اتاصل بحمدي علمو اتلقا ليهم وخرج عندها وتمو طالعين للطيارة بعكس كيف جاو كانو جايين فرحانين وايديهم فايدين بعض لكن دابا مخليها قظامو باش متفلتش ليه ومنطقو بحتى شي حرف ... ركبو حدا بعضياتهم هي دارت الحزام وكرزت على ايدين الكرسي متكيا على الكرسي ومغمضة عينيها بقا ارتوك مقابلها عرفها خايفة مي استغرب من كبرياءها كيفاش مققالتلوش خايفة كيفاش مهضرتش ولا عاودت طلبت سماحة واخا هي للي غالطة بقا مقابلها مدة حتى شافها غتحل عينيها عاد دار قدامو كيقرا فالمجلة ........ فالكتيبة كان كلشي كيتحرك الزعيم جاي اكيد خصهم اوجدو عشاء وارتبو غرفهم والخلعة فيهم حيت كيغبر عليهم غير كيرجع كيركب فيهم الرعب كيرجع قصح من الاول ......... حمديدازو ساعات وهو كينقز من قنت القنت غير تأكد من كلشي هوهو وصا فاطمة باش تبقا مقابلا داكشي وخرج هز طوموبيل ومشا للمطار .... ارتوم وهزال وصلو كملو الاجراءات للي لداخل وخرجو تقدم عندهم حمدي غا شاف تخنزيرة ارتوك عرف الدعوة ماتعجب سكت مقال والو طلع لي فاليز وطلع اسوق حداه ارتوك واللور هازال للي متكيا راسها على الزاج ... 

ارتوك:: كين شي خبار جديدة 

حمدي:: لا سيدي كل شي زي ماتركتو مافي اي شي جديد 

ارتوك:: والرئيس 

حمدي:: كانت بيتصل منشان يطمن ماكانت ولا مهمة 

ارتوك:: اخبار الكتيبة 

حمدي:: بس كان سؤال 

ارتوك:: اما هو 

حمدي:: انت سمحت للزعماء عشان عشيقتك لبنى ...يعني 

ارتوك:(شاف فهازال للي غير سمعت سمية لبنى عينيها خرجو) اه علاش 

حمدي:: عشان هما كفو ووفو هلكوها 

ارتوك:: كتستاهل اي واحد كدب عليا غيكون مصيرو نفس الشئ 

هازال:: !!!!!!😳😨😰 ......

هازال بقات غا كتبقلل فعينيها وركبها الرعب بشنو قال ولات كتفكر واش بصح ممكن الوحها للزعماء انعسو معاها ؟ واش حتى هو غيثدق بحال مصطفى وارميها لادين حيوانات اياكلو لحمها شافت فالمراية ثغيرة للي فجنبو كان كيشوف فيها حتى هو وكانت نظرتها كلها انكسار هبطت راسها للارض وكتحاول توجد راسها لكلشي صافي هي لاحت راسها هنا ...... قبل ميوصلو للكتيبة وقفو فواحد لبلاصة هبط حمدي وارتوك خرج جاب لحويج لاحليها حوجها ودخل للقدام لبسو دغيا عاد طلع جمدي كملو طريقهم ....

وصلو للكتيبة وكان كلشي واقف جاو الزعماء سلمو عليهم 

صقر:: كيفكم 

ارتوك:: الحمد لله مزيان 

ابو محمد:: وانت يا هازال كللو تمام ؟؟ 

هازال:: الحمد لله 

صقر:: راح تكونو تعبانين لازم ترتاحو

ارتوك:: وي غندخل نرتاح فاطمة 

فاطمة:: نعام اسيدي

ارتوك:: جيبي لغدا للخيمة متعطليش ....... خلاهم غير كيشوفو وزاد مشا لخيمتو مع دخل تبعاتو هازال دار وهو اخنزر كثر من الاول

هو:: شباغا 

هازال:: واش غتبقا هكا 

ارتوك:: شنووو باغاني نضحك ليك بعد شنو درتي وبعد كدوبك 

هازال:: لكن راه عندي اعذاري ا ارتوك 

ارتوك:: ماشي مبرر داكشي امدام 😏 وكنضن معنديش حق نجلس نتحاور اناوياك بما انك امراة مزوجة 

هازال:: انا شرحت لك....(قاطعها) بلاما تجلسي تعاودي داك تخربيق ديال قبايلا وكدوبك مغنساهش لك اهزاال دابا خرجي عليا 

هازال:: كاع داكشي للي عاودتلك اعتابرتيه تخربيق لهاد الدرجة 

هو:: وكثر (قرب شدهاةمن شعرها) ثقت فك وكنت ناوي بزاااف دلحويج معاك لكن (قرب وجهو منها) مكتستاهليش مكتستاهلي حتى حاجة انت بحالك بحال لبنى للي كتلاوح بين ايدين هادو غا هي وارقها باينين وانت يالله بينتي وجهك لحقيقي وقلتلك مغنساهاشلك ...

بقات هازال غير كتشوفيه ماشي نفس النظرة للي كان كيدير فيها هاد الايام وعكس الهضرة للي كان كيقول كانت متوقعة ورا معرفتو بالموضوع مغتبقاش تعاود تشوفو وممكن اامر باش انفيوها لشي قنت لكن ماشي اجرحها هكا هي مخباتش عن قصد لكن ميمكنش تيق فواحد يالله شافتو ومكانتش حاملاه مايمكنش تعاود ليه كلشي وهي مكتعرفوش الاحداث طورو بسرعة حتى محساتش وقتاش بغاتو ووقتاش ولاو بزوج ....... مكانتش متوقعة غيقارنها بلبنى ....لبنى للي كتعطي لحمها وهي راضيا كتعطي لحمها حيت باغا تلبي احتياجات رغبتها ماشي حيت مجبرة كين فرق بينهم وهو مشافش داك الفرق وقفت كتشوفيه بعيون كلهم قوة بعدت ايدو ودفعاتو بكل قوتها 

هازال:: كنت متوقعاك تكعا وتغضب وتمحيني من حياتك لكن قلت ورا معرفتي شنو وقع معايا غتفهمني وغتعرف لمحاين للي دازو عليا بسباب داك الحيوان لكن وضنني خاب فيك بصح متستاهلش هاد الحب للي فقلبي ليك متستاهل حتى شي كلمة من شنو قلت لك وحتى شي كرام من هاد الاحساس للي كنحسسو كون اكيد غنمسح وغنخللي احاسيسي لراسي حيت بحالك قلبهم حجر مي بصح شنو كنتسنى من واحد كيغتاصب دراري صغار ماباغاش نعاود نحل الموضوع وبيناتنا ماكين والو هنا فندير خدمتي باغيني نبقا هنا غنبقا هنا ومغاديش نحاول نهرب غير هو نهار تحاول تتعدا حدود للي دايرين غنشكي بيك ومتنساش علاقتنا كتنحاصر غير فالخدمة .... خلاتو غير كيبقلل فيها خرجت وخلاعو واقف مباغيش اتيقها حيت اعتابرها كدبت عليه وتعمدت تخبي عليه خبط كاع داكشي للي فوق المكتب للي عندو تماك ومشا جلس شاد على راسو شوي جات فاطمة جابت ليه شنوياكل دخلت حطاتو هي ولبنات ومهضرتش خرجو دغيا مللي عرفوه معصب .......

هازال مشات بنفس الحالة للي خرجت بيها معصبة وعروقها خارجين لو جا شيحد عندها كون قتلاتو دخلت للخيمة وجلست حتى جابتلها حتى هي فاطمة غداها 

فاطمة: مالك واش فيك شيحاجة 

هازال:: حويج هما غا خليها على الله

فاطمة:: ارتاحيلك دابا وخللي كلشي فايد الله اختي مهم كولي لك مزيان....

خرجت فاطمة وخلاتها بدلات عليها وناضت كلات وتخشات ترتاح لا هي لا ارتوك نعسو ارتاحو من طريق ..... 

داز وقت وجا حمدي عند ارتوك بقا كيياخد الادن مللي مجاوبوش دخل بانلو ناعس هو اقرب حركو حتى حل عينيه ودار عندو 

ارتوك:: شنو؟

حمدي:: سيدي فيه اتصال من الرئيس ولازمك تروح عالمقر 

ارتوك: اوك انا دابا غنمشي 

حمدي:: محتاج شي منشان جيبولك 

ارتوك:: لا ماباغي والو ....... خرج حمدي وارتوك ناض مشا غسل وجهو باش اصحصح عاد خرج نيشان للمق دخل سد عليه وخلا الاتصال ايدوز 

الرئيس:: السلام عليكم ورحمة الله تعالى وبركاته 

ارتوك:: وعليكم السلام 

الرئيس:: هل وصلتم بخير كيف تمت مداهمتكم 

ارتوك:: شكو فهازال وشدوها وانا هربتها وحيت بقاو تابعينها مشينا برا لبلاد باش نكونو فامان اكثر 

الرئيس:: جيد جدا 

ارتوك:: (بعد تفكير) خصني نطلع للمغرب

رئيس:: لماذا؟

ارتوك:: كين هاكر خطير تماك غنحتاجوه باش نعرفو تحركات الشرطة فالمدة الجايا هدا علاش خصني نهبط 

رئيس:: اه! حسنا لكن ليس وحدك فلتذهب هازال معك 

ارتوك:: علاش ؟؟

رئيس:: نعم؟

ارتوك:: مهمة سرية لدرجة مخاص حد اعرفها علاش هي غتمشي 

رئيس:: يلزمها معرفت كل شئ لاجل انه في غلايام القادمة ستصبح هي من تسافر بمفردها لذلك افضل ان تذهب معك 

ارتوك:: واخا كين اوامر تانية 

رئيس:: لا يوجد، اردت الاطمئنان على احوالكم وكيف عدتم فقط وبما انه كل شئ جيد ساعيد الاتصال بعد رجوعك من اجل عملية جديدة 

ارتوك:: اوك........

سالا معاه وناض خرج كيفكر كيدير اخليها تبقا هنا وهو غادي فالطريق خر٠ت قدامو لبنى كانت مقاداها فاطمة وغاديا عند صقر غير بانليها وقفت قدامو 

ارتوك:: باقي متربيتيش؟ 

لبنى:: عافاك الاما رحمني راه قهروني راه كللي تفرعت مابقا ميتمع فيا وعيت 

ارتوك:: انت للي بغيتيها لراسك 

لبنى:: عافاك غير ردني عبدة عندك ومتخليهمش اقربو ليا صافي مبقيتش قادرا 

ارتوك:: للاسف نعندي مندير لك دابا طالبينك ميمكنش نحيدك ليهم سيري كملي شغلك .... خلاها وزاد لعند خلدون اما هي فمشات حادرا راسها وكتحاول تستعد لالام اخرى .......

فاقت هازال بعد ما حسات براسها رتاحت غسلت وجها صاوبت شعرها وخرجت تفقد الكاتيبة لي متغير فيها والو نفس الاشياء كتكرر تدريب وتعديب وترهيب وبنات وشباب جداد من مختلف دول دخلو تا هما الهاد الدوامة لي كاين لي بخاطرو وكاين لي مجبور عليه وزعماء عايشين فشخرة ماكولات وبنات للمتعة هازال كتشوف من هنا ومن هنا بان ليها جاي وهوا عاقد غباشتو لي ولات مكاتفارقوش ارتوك:شنو خرجك فهاد الوقيتة سيري الخيمتك غدا تابعك تدريب وعندنا اجتماع 

هازال:نتا مدخلش فيا نعس وقتما بغيت ياك انا وحدة موسخة طريقي غتكون بعيدة عليك 

ارتوك:ما حدك فهاد الكاتبة متحلميش ندخل سوق راسي لي قلتها ليك غديريها ويدك فوق راسك بلا متستافزيني ولا مغيعجبك حال 

هازال:وقت تدريب وقت الاجتماع غترقاني واجدة هادشي لي كيهمك وغنعاودها مدخلش فيا.. (ضربت فيه وزادت متلفتتش العندو هوا زير علا قبضة يدو لي العروق غيخرجو منهوم هاد المتمردة لي مقدرش يردعها واخا كاع هادشي لي طرا الا ومينكرش قلبو مازال حان ليها ومقدرش يكبت احساسو رغم الالم لي حس بيه فاش عرف ماضيها وانها مزوجة الراجل لي كون بان ليه فهاد الوقيتة يقتل الز.. بوه ومايخليهش عايش ولا يتنفس زاد الخيمتو وهوا باقي غارق فتفكير والحديث ديال خوه ليه باقي كيضور فدماغو فلحضة حن الايامهوم وانه يشوف مو وباه ولاكن ميقدش ماخاصوش يضعف وهوا عارف خدمتو كلها خاطار عيط الحمدي باش يعطيه تقرير اليومي وكل صغيرة وكبيرة دازت وهوا مكاينش بالخصوص العملية لي دارت وهوا مسافر لي كانت فاشلا وتشدو فيها شحال من واحد وكان مصيرهوم الاعدام نصرف وخلاه فوق من البيرو غارق فالخدمة .

لبنى لي دوزت يوم كباقي ايامها ديال العنف والاغتصاب كرهت الجنس ولي يجي منو حرمت صافي توبوها سيدة بغات تعتازل تقحبين ولاكن معامن ما خرجت من الخيمة تا ولات شرويطة بانت ليها هازال من بعيد تاجهت ليها وهيا كتلاوح تا وصلات وقفاتها

لبنى::هازال (دارت هازال وهيا مطلعة حاجب ومهبطا لاخر)

هازال:: كتعيطي لي انا اش بغيتي ياكما كتقلبي علا خلا عشتك فهاد ليلة (طلعاتها وهبطاتها ودارت ابتسامة استهزاء)ولا باين عليك نيت مخليا عشتك بلا منزيد عليك حالتك تشفي (دارت تمت غاديا حتى وقفتتها)

لبنى:اي حاجة قلتيها صحيحة عافاك عاونيني هنيني من هاد العداب قتليني حسن لي منهاد الحالة لي انا فيها (تحنات علا رجليها) نبوس ليك رجليك غير عاونيني راه مابقيتش قادا 

هازال:استغفر الله نوضي ماشي حتى الهاد الدرجة (وقفاتها علا رجليها ولبني دموع نزلو شلال هازال واخا كاع داكشي لي دارت ليها لبنى هاهيا غتحن )لبنى نتي فهاد البلاصة وصط هاد ناس ماشي بحال فالمحيط العادي خاصك تخدمي عقلك وتكوني قوية ماشي بتحارايميات وبسم وبالكره نن خاصك تعرفي كي ديري تخرجي راسك براسك علاش مجربتيش تخرجي تانتي التدريب وتهزي سلاح باش بيه تقدي تواجهي اي مخاوف وبيه نيت تهناي من القصاير الخاوية كوني راجل راه مغاينفعك غير راسك 

لبنى:انا مقوياش كفاية باش نشد سلاح وماقاداش علا تداريب 

هازال:وقادا علا هزان رجلين كل مرا توكضي راه نساء قوا من رجال ماشي غير بالجسم تا بالعقل 

لبنى:غنحاول شكرا بزاف وسمحيلي علا الادية لي تسببت ليك فيها غدا غنحتاجك دربيني ومغانساش خيرك نتمنى تا انا نولي بحالك 

هازال:ماكاين لاش تكوني بحالي حيت مغتقديش علا مشاكل لي عندي باراكا عليك كوني نفسك بنفسك وقوي عزيمتك راسك.

بعد هاد الحوار لي داز بيناتهوم زادت هازال الخيمتها وهيا كتمنا غدا يكون حسن من ليوم.....

داز حتى هاد النهار ودخل نهار اخر ........غنمشيو شويا عند انور للي رجع للمغرب طالع ليه الزعاف من تصرفات خوه وزيد شاغل بالو شنو واقع معاه وشنو كيدير تماك نهار جا مشا عند واليديه نيشان بات عندهم والغد مشا للمركز عند رئيس ديالو 

الرئيس:: واخيرا رجعتي علاش تعطلتي واخا امرتك تجي

انور:: انت عارفني لاش مرجعتش خويا هداك 

الرئيس:: انور متدخلش فالموضوع خوك اه مقلت والو لكن هادشي بعيد عليك وانا مامنحقي نعطيك حتى شي معلومة حيت ممنوع 

انور:: مايمكنش تبقاو مخلينو تماك وديك القتالة للي معاه هاربا

الرئيس:: هي مهارباش هي مخطوفة 

انور:: لكن؟

الرئيس:: من الاحسن تديها فخدمتك باش منستخدمش معاك القوانين ونعطيك العقوبة للي كتستاهل انا غير حيت جاني اتصال من مختصين عليك اما منزكلكش عندك يومين وغتجي ترجع لخدمتك وقضية هازال غتوقف حتى نعرفوها رجعت ....... خرج حاقد من عندو يالله حط رجلو برا المركز شاف شخص للي مكانش متوقع ابدا اتلاقاه هنا ؟....

فالكتيبة كان كلشي فاق... فرقو لفطور على الزعماء...هازال كانت كتفطر حتى دخل عليها ارتوك شافت فيه وهبطت راسها كتاكل 

ارتوك:: وجدي راسك مسافرين 

هازال:!!( حبست وشافت فيه) فين 

ارتوك:: المغرب 

هازال:: 😮😥 علااش !!! شنو واقع واش غتديني 

ارتوك:: عندنا مهمة تماك والرئيس بغاك تمشي معايا رفضت حيت ماباغيش لكن كلمتو هي للي كتمشي وجدي راسك غنقاد شي امور مع ابو محمد و صقر وغنرسليك حمدي باش نمشيو 

هازال:: شحال غنبقاو تماك 

ارتوك:: معرفتش حتى نساليو خدمتنا 

هازال:: لكن (وقفت) انت عارف مخصنيش ندخل للمغريب

ارتوك:: تاحد مغيقرب لك ارتاحي ........ شاف فيها مطولا دار وخرج مشا لفين كيتدربو شاف الوضع تماك وتحقق من كلشي عاد مشا للمقر دار اتصال مع الرئيس علمو معاش غيمشيو ورجع خرج مشا عند الزعماء كمل معاهم الاجراءات للي كانو واقفين مللي كان غايب كملهم وزاد لخيمتو جمع شنو باغي وخرج خلا حمدي اجيب هازال بقا واقف وكيفكر فشنو ممكن اوقع بقا ساهي وكيخمم حتى وقفت هازال ردات البال رعفاتو كيخمم دوزت ايدها من قدام وجهو عاد انتابه ليها 

ارتوك:: يالله نم...!!! شكون هادو 

حمدي:: هادول مجموعة جديدة من شباب ونساء 

ارتوك:: وقتاش قلتولهم ايجيبوهم 

حمدي:: صقر وابو محمد للي كان بدهم ياهم 

ارتوك:: همم .... تم غادي وهما تابعينهم بانو ليه الزعماء واقفين كيستقببو لوخرين باش اعزلو هما اللولين 

صقر:: ابو عبد الرحمان كثير مليح انك لسا هون اختار وحدة من النسوان دول 

هازال:: 😠 ارتوك مغنمشيوش؟

ابو محمد:: ارتوك؟؟؟؟

ارتوك:: غير الاسم للي داير فالباسبور وللي كنا تعاملن بيه لهيه

ابو محمد:: هو انت اتعودتي عليه لازم متنسيش ان اسنو ابو عبد الرحمان 

هازال:: همم 

ارتوك:: حنا غاديين (عينيه فهازال للي كتخنزر فلبنات للي جابو وللي عينيهم على ارتوك) مرة مرة غنتاصل نعرف شنو واقع الى احتاجيتو شيحاجة اتاصلو

صقر:: تمام

حمدي:: ان لازم روح معو يعني المجموعة دي خللو الحراس ينتبهولها 

او محمد:: متشغلش بالك احنا هنهتم بالموضوع ده طريق السلامة ...... ارتوك وقف قدام هزال باش تبعد عينيها عليهم ونيت شافت فيه وهو دير حؤكة براسو بمعنى يالله وتحركو للسيارة وهما غاديين قرب لودنها 

ارتوك:: مبقاش عندك حق تغيري عليا ..... قال هادشي وغير شافت فيه كان مخنزر صدمها حيت بصح مفكرتش فهادشي مفكرتش بللي صافي ضاع من ايديها صافي ممكن ااولي مع اي وحدة وممنحقهاش تهضر مامنحقهاش تعاتبو مشات وهي تالفا تلفها بهضرتو وخلاتها ترجع تتأكد بللي صافي ماكينش امل ارجع ليها حتى بنسبة واحد فالمئة ركبت فالسيارة غير خرجو من الكتيبة وقفو بدلو حويجهم غير هو هاد المرة هو مابقاش معاها فالطوموبيل هبط حتى بدلت عاد طلع بدل ولا حاط خطوط حمراء بيناتهم للي ميمكن تاحد فيهم اتجاوزها ...دازت مدة عاد وصلو للمطار مشا حمدي وهما دخلو خلاها وقفا ودخل للطواليطات دار اتصالو 

ارتوك:: الشاف غلسلام 

...:: السلام ارتوك لباس اشخبارك

ارتوك:: مزيان بغيت نقولك دابا غنطلع فالطيارة للمغرب

...::؟؟؟ علاش كين شي عملية 

ارتوك:: لا نجي ونهصرو دابا بغيتك تخليهم ميوقفوس هازال فالمطار لا هنا لا لهيه 

....:: واخا صافي كون هاني جيبليا نسب ديالها لحقيقي باش نبحث عليها 

ارتوك:: نجي ونشوفو هادشي دابا خصني نمشي 

...:: اوك طريق السلامة غتلقا سيارة كتسناك كيف العادة 

ارتوك:: اوك ..... قطع معاه وخرج عندها مشاو كملو الاجراءات وطلعو للطيارة بدون تاشي كلمة لا هو كيهضرها لا هي كتهضرو .... هازال باقا غارقا فافكارها وفشنو ممكن دير وكيفاش غتعيش وهي شايفاه قدامها بلاما تدوي معاه وممكن ابدا علاقة اخرى وقدامعا من الفوق تنهدت تنهيدة كبيرة انتابه ليها هو لكن شرحها على اساس خيفا ترجع ليشدوها لبوليس ........

نخليو هادو غادين فطريقهم ونرجعو عند انور للي غير شاف البنت بانو علامات الصدمة على وجهو 

انور:: بهار اشكديري هنا ؟؟؟؟

بهار:: جايا عندك 

انور:: ؟؟؟ علاش 

بهار:: على ختي هازال بغيت نعرف شنو وقع معاها وفين وصلتو فتحرياتكم 

انور:: همم باقؤ موصلنا لوالو لكن ختك خارج المغرب ماكيناش صعيب باش تتشد 

بهار::(شدت ايدو وعينيها طاحو منهم دمعة) عافاك الى لقيتوها علمني الله اخللي ليك معز عليك راه من نهار مشيتي وماما سادة عليها وقالتلك متحلوش عليا حتى تجيبوليا بنتي

انور:: ماماك اعوام وهي بعيدة عليها يالله تفكرتها 

بهار:: كان عند بالها عايشا مرتاحة وزيد قلبنا عليها لمدينة للي كنا فيها لكن هي كسنا هنا فهاد لمدينة عافاك ماما غير عرفت شنو واقع معاها مابقات لا كتاكل لكتشرب 

انور:: (حط ايدو على ايدها) ان كنحاول لكن ما بايدي والو ختك برا المغرب يعني صعيب تشوفوها ولا حنا نشدوها ماماك بقاي تقوليليها راه وصلو لشيحاجة باش تتحسن حيت عندنا فالعائلة نفس الحالة فاش كنقولولها راه غنجيبوه كتفرح وكتخرج من القوقعة للي هي عايشا فيها 

بهار:: شكرا بزاف 

انور:: انت جيتي عند شيحد هنا 

بهار:: اه جيت غير نشوفك نسولك على هازال(كتمسح دموعها) وغنمشي جابونا الخدمة هنا 

امور:: جبتي طوموبيل

بهار:: لا مكنسوقش طريق طويلة جيت غير فساتيام 

انور:: اوك اجي نوصلك فين غاديا 

بهار:: بصح غديير فيا خير طاكسي بزز باش شديتو 

انور:: اوك اجي ....... تقدم للسيارة وهي وراه ركبو وتمو غادين 

انور:: فين 

بهار:: اوطيل **** 

انور:: جالسا غي باوطيل

بهار:: وي حتى نلقا دار نكريها 

انور:: علاش شحال غتجلسي هنا 

بهار:: باقي شهورة عندي هنا عاد غنرجع 

انور:: وماماك 

بهار:: مبغاتش تجي معايا انا كل ويكاند نبقا نطلع عندها 

انور:: غدا غنشوف واحد دار حدايا الى كانو باقين باغين اكريوها غنتاصل بيك 

بهار:: بلاما نعدبك 

انور:: وليتي ظريفة فجأة شنو وقع 

بهار:: 🙄 مضريفا والو غير الوضع كيحتم نهضر هكا بما انك كتعاونني 

انور:: هممم انا معاونك غير حيت كينا فمدينا مكتعرفيهاش وبنت بوحدك هدا لاش (وصلو) ها الاوطيل 

بهار:: شكرا بزاف عندك نمرتي 

انور:: وي باقا عندي 

بهار:: اوك شكرا

انور:: شحال من مرة كتثولي شكرا فالنهار 

باهار: 😑 مكيليقش معاك صواب يخزيت على قوم .... هبطت ردخت لباب ودارت عندو خرجت لسانها وزادت دخلت للاوطيل اما انور حرك راسو يمين وشمال من هاد الخلقة وكسيرا لدارو .... 

حطت طيارة فاراضي المغرب وهبط ارتوك لي تابعاه وقلبها كيدق بجهد فرحانة حيت غتشم الهوا دبلادها لي كانت شاكة واش باقي غتشمو ‘فنفس الوقت نتابها خوف فضيع من اشنو غيوقع هنا وصلو ودوزو الاجراءات وتفاجئات لي انو تا واحد موقفها ولا منعها تلفتت شافت قدامها كان سابقها بخطا تابتة هاد السيد لي جبل مايتهدش عرفاتو هوا سباب تا موقفوهاش خرجو برا بان ليه السيد لي جاب ليه الاوطو خدا من عندو ارتوك سوارت ركب وركبات هيا حداه والصمت سيد الموقف هيا حطات راسها علا الزاج وسهات وكتفكر اش دوزات فهاد المدينة وكل فيكتيم كان طاح فيديها وتفكرات الق... دراجلها بلا متحس طاحت دمعة من عينيها على حياتها لي ضاعت هوا صايك ومرا مرا كيخطف شوفة فيها تا نطق:: مالك ياكما جاك الحنين وتفكرتي ايام الخوالي 

هازال:: مغاتفهمنيش واخا نهضر تا نعيا خليني ساكتة حسن

ارتوك:: بلا متحلمي انك تشوفي شي حد هنا راك عارفة لاش جينا هنا ماشي نزهة 

هازال:: معندي شكون نشوف غير تهنا .......قالت هاد الكلام وسكتات تا وصلو الدار لي غيستقرو فيها هاد ليام لي جالسين فالمغرب هبطو من الاوطو وطلعو فلاسانسور العمارة نقية وهادئة وصلو لابارتمون ديالو فتحها ودخل وتبعاتو 

ارتوك :: ديك البيت لي لهيه خوديها حطي حوايجك تم وديك البيت متقربيش الجيهتها الكوزينة هاهيا الحمام معندكش فالغرفة غتضطري تستخدمي الحمام لي برا 

هازال بقات كتشوفيه بحالا هاد دار ساكن فيها ديما 

هازال::دار من هادي

ارتوك:: ماسوقش ديري داكشي لي قلت ليك بلا قوت الاسئلة انا غنخرج نجيب لي غنحتاج ديري عقلك وحذرتك الغرفة ديالي خط احمر باغا شي حاجة نجيبها معيا 

هازال::لا مامحتاجاش

خرج هوا وهيا بدات كضور فدار كتكتاشف قنت بقنت شافت فالغرفة ديالو تذكرات تهديدو دارت بناقص دخلات الغرفتها حلات فاليز ديالها جبدات متلبس ورضات كاع حوايجها فالبلاكار لي كين تم بان ليها كوفر محطوط صوباتو علا الناموسية عاد دخلات الدوش رقات فيه لي برودوي لي غتحتاج دوشات باش تستراح من السفر لوات عليها فوطة تمت خارجة مع الدخلة ديالو هيا بقات كتشوف فيه اما هوا مهزش عينو وزاد نيشان الكوزينة هيا فاش شافتو هكاك زادت الغرفتها سدت عليها .

عند انور لي من بعد متفارق معاها مشا كمل خدمتو كعادتو مشا الدارهوم طل علا واليديه وطمن علا مو لي باقا حالتها هيا حالتها عاد مشا الدارو وطاحت فبالو بهار وهوا يمشي يسول علا مول دار تاجه العندو المقهى فين كيجلس ديما وقف عليه

انور:سلام 

....:وعليكم سلام 

انور:بفيت نسولك علا دار واش باقي باغي تكريه 

......:اه باقي باغيها. جلس ونتفاهمو 

انور:كاينة واحد البنت معقولة جات تخدم هنا وكتقلب وقتارحت عليها دارك 

......:مرحبا على الراس والعين الموهيم بغيت تسبيق دشهرين وتمن هو.... 

انور :صافي غنشوف معاها غدا تجي تشوف الدار الى عجباتها غتكريها (جبد من جيبو شي فلوس) هاك هادو تسبيق باش متخليها التا واحد ومن بعد فاش تافقو راه غتعطيك فلوسك 

......:الله اودي بكل فرح. 

مشا انور وهوا راشقة ليه على الاقل لقا ليها دار حداه وقريبة ليه.دخل الدارو دوش وكلا شي حاجة خفيفة تلاح فبيتو نعس مافاق غير علا صوت ريفيي كتعلن علا وقت فياقو ناض كيتكسل قضا روتينو ولبس عليه سروال دجين وتيشورت فالزرق رش ريحتو صاوب ليه قهيوتو صباحية جبد تيلي وربط معاها تيصال 

انور:الو باهار 

بهار (بصوت شبه ناعس) :الو 

انور :سمحيلي الى فيقتك ولاكن بغيتك تشوفي دار قبل منمشي الخدمتي باش الى عجباتك تبداي توجديها 

بهار :نونو انا فايقة نوجد راسي عطيني العنوان نجي نشوف 

انور:غير بشوية عليك انا غندوز من موراك

بهار:شكرا غنعدبك معايا 

انور:مكاين عداب يلاه نخليك يلاه توجدي راسك..... .قطع معاها ونزل الباركين خدا الاطو وتوجه الاوطيل وصل تما بقا شوية عاد تاصل بيها باش تهبط 5 دقايق كانت حداه ركبات 

بهار :صباح الخير 

انور:صباح النور واجدة تشوفي دار 

بهار :متشوقة 

رجع العمارة فين ساكن قالها تطلع الطبقا لي متواجدة فيها لابارتومون وزاد يقلب علا مولاها رقاه وطلعو عندها رقاوها وقفة كتسنا حل ليهوم الباب ودخلو دارت فالدار كاكلة عجباتها تافقت معاه على الثمن عطات ليه الفلوس وعطاها الساروت وخرج 

باهار:مغنساش ليك خيرك هنيتيني من دوران وتقلاب علا السكن شكرا بزاف

انور :دابا هاد شكرا مغتحيديهاش من فمك راه هضرنا البارح 

باهار :نسيت وقلتها اخر مرا ندير معاك صواب 

انور :نخليك انا باغا فاش نعاونك خليني تانرجع من خدمتي وانا معاك 

باهار:كون هاني ضروري مشات معاه حتا وصلاتو الباب بقات حالا الباب حتى تصدمات فاش شافتو كيحل الباب لي حداها....

بهار:: اشكدير تم 

انور(دار عندها):: شنو ؟؟ 

باهار:: ديالمن ديك الدار 

انور:: ديالي 

بهار:: 😳 حلف 

انور:: 😒 دخلي دخلي قضي شغالك انت مقابلاني 

بهار:: ايوا الله العن للي ميحشم شكون تسوق ليه يا وجه التيمومة (خبط الباب فوجهو ودخلت هو بقا غا كيرمش مفهمهاش كل مرة فحال معرف منين اشدها )...

بهار:: ايييه هو ساكن هنا بففف شوف هاد الدار خصها نهار غا ديال تسياق ...... حطت صاكها كفضات وبدات كدور لقات تماك جافيل ومعطر وشحال من حاجة للتنظيف جبدتهم ودارت على الدار بيت ببيت وقنت بقنت حتى عيات مفاطراش ولغدا تعطل وقتو كانت سالات اصلا ناضت طرفت حالتها هزت صاكها وخرجت هبطت مكانتش طوموبيلة دانور عرفاتو مشا للخدمة شدت طاكسي للاوطيل جمعت حويجها خلصت وخرجت رجعت للدار طلعت لي فاليز بزز عاد رجعت هبطت كان حداهم سوبر مارشي دخلت تقدات مننو كلشي للي غتحتاج ومشات للدار ستفات شنو غيدار فالتلاجة ومشات صوبت سندويش خفيف مع عصير جلست فالصالون كتفرج وكتاكل حتى غفات جالسا .......

نمشيو عند بطلتنا للي فاقت معطلة خرجت مسمعتش الحس دخلت غسلت سالات مشات الكوزينة لقات لفطور فوق الطبلة وحداه ورقة 📝 متفوتيش عتبة الباب ولا مغيعجبك حال عندي شي شغل نقضيه وديك الساعة غنرجع ..... لاحت الورقة وجلست كتفطر 

هازال:: انت سير خرج دور مع راسك وانا حبسني هنا تفو على جنس معرت لاش جايبني معاه يخ ..... بقات كتنكر وتفطر حتى سالات جمعت الدنيا وبدات طيب فلغدا .... 

اما ارتوك فصباح خرج ومشا نيشان لعند شاف دخل دارليه التحية وناض لاخر عنقو 

...:: عااش من شافك 

ارتوك:: هانا جيت باش تشوفني 

...:: شنو رجعك للهنا ماشي وقت مجيتك 

ارتوك:: عندي واحد لبلان خصني نديرو باغي ادن زيارة ضروري 

...:: !!!!!! علاش شكون عند فالحبس 

ارتوك:: راجل هازال 

.....:: طحتي فالشخص الخطا

ارتوك:: للاسف 

....:: مشرحتش لك بلانها 

ارتوك:: شرحت لكن متيقتش تنشوف ز... ديال راجلها 

...:: اوك غير سير راه غيخليوك تدخل سجن**** هاك هاد الكارط غير وريهاليهم ادخلوك وغنوصيهم عافك باغي تبرد عصابك

ارتوك:: كتفهمني اعمي ......

خرج ارتوك من تماك وهو عاقد حواجبو شحال وهو كيتسنا هاد لوقيتة زاد بطوموبيلتو حتى وصل للسجن للي فيه مصطفى دخل بلا تاشي كلمة مدير السجن دخلو جابليه قهوتو وخرج علم الحراس ايجيبو مصطفى هاد الاخير كان جالس كيسيق الطواليطات عاطينو تمارة تماك غا جا الحارس فرح حيت غيرتاح شويا تم غادي معاه وكيتسأل شكون جا يشوفو مع دخلوه حيدو ليه المينوط والمدير خرج وسدو الغرفة 

مصطفى::(كان ارتوك عاطيه بالظهر) شكون انت 

ارتوك::(دار عندو) انا قباض روحك 

مصطفى:: 😳 شنو 

ارتوك:: جلس .... جلااااس 

مصطفى:: ه...ه...هانا..هانا شكون انت 

ارتوك:: انا للي كنسول ماشي انت يا القو.... اه كتخرج مرتك تفسد هكاك ماشي راجل انت 

مصطفى:: وانت منين كتعرف مرتي 

ارتوك::(لقرودة طلعو ليه فوق راسو من ديك مرتي) مرتك عندي 

مصطفى:: بصح باقا حية مقتلوهاش فين هي دابا 

ارتوك:: كاااع هادشي حب 

مصطفى:: لا هي للي غتخرجني من هنا 

ارتوك:: وكتضن هي ممكن تخرجك من هنا 😏 كتحلم كيفاش حتى تزوجتيها 

مصطفى:: داكشي مشغلكش فيه 

ارتوك::(دفع الطبلة للي قدامو وناض شنق عليه) اشقلتي لز...بووك

مصطفى:: هاديك مر....(قبل ميكملها عطاه كروشي) 

ارتوك:: هضرت جاوب 

مصطفى:: اه انا انا غنقولك .... بدا مصطفى كيعاودليه وهو دممو كيغلي من هاد الحيوان للي قدامو وعاد تأكد من هضرت هازال وعرفها بللي عانات بصح وبللي ضغط عليها بزاف لكن هادشي ميمكنش اشفع ليها انها خبات الموضوع

مصطفى:: انا راه عجبني غا لحمها وعرفت غادي تجيبليا لفلوس اه فالاول رفضت لكن لقيتها صفقة مزيانة وانا عشت مزيان واخا كانت مكتعطينيش حققي كنعس معاها غا بزز 

ارتوك:: انت واش معند ديلمك نفس (كيعطيه فكروشيات) مخلي مرتك اقربوليها رجال اخرين دوي يا الز..... 

مصطفى:: وااا ططلق وانت اشدخلك 

ارتوك:: طلقها 

مصطفى:: هههه لا لا لا ميمكنش نطلقها تاراه هي منين كنعيش 

ارتوك:: ماباغيش تتوب 

مصطفى:: انت معندك متصور غندعيك ونقولهم جا تعدا عليا ومرتي غنلقاها فاش نخرج طوال زمان ولا قصار الى حاط عينك عليها غا نساها حيت هاديك مرتي....... ارتوك جن جنونو وطار عليه بقجة حتى عينيه خرجو وبقا كيكروشي فيه حتى ولا كللو دمايات ومابقاش كيتحرك ناض كمل عليه برجليه خبطو شحال من مرة وخرج خلاه غارق فدمو لكن توعدو بللي غيرجع ليه دخل مدير السجن وامرهم اديوه لطبيب دالسجن وبحالا تاحاجة موقعت .....

ارتوك مشا حدا لبحر جلس شحال وهو كيفكر عرف راسو غلط فشحال من حاجة ومنهم الهضرة للي خرجت كي سكين غرسها بيه بقا شحال عاد تم غادي للدار.....

هازال:: كانت وجدت لغدا ومشات جلست كتفرج حتى ايجيها جوع عاد تنوض شوي سمعت لباب تحل عرفاتو جا مي مناضتش من بلاصتها هو دخل شم ريحة الطياب مشا للكوزينة بانوليه داكشي واجد خاصو غير اتحط واستغرب طل فبيتها مكيناش جا للصالون وهي تبانليه كتفرج 

ارتوك:: باقي متغديتيش 

هازال:: باقي مفياش جوع 

ارتوك:: راه تلاتة هادي معاش فقتي 

هازال::(ناضت غاديا خاجة من صالون) الى فك جوع كول لاش كتسول عليا انا....... ممشات لبيتها وخلاتو حاير معارفش هاد الاحاسيس فين غيخرجوه باقي كاعي لكن بعد متأكد من هضرتها راه صحيحة رطاب وماغاهاش تكون كاعيا مننو مشا لبيتو بدل وجا حط لغدا بدا كياكل حتى جات هي هزت فطبسيل مشات دخلت للبيت كلات هكا كملو نهارهم كل واحد فبيت........

انور كمل خدمتو فلعشيا وجا دق شحال من مرة محلاتش جبد تلفونو تاصل بيها على شحال عاد جاوبت 

بهار:: هممم

انور:: ناعسا راه المغرب غيودن وانت ناعسا 

بهار:: راه عيت اشباغي 

انور:: دقيت علك محليتيش 

بهار:: اه (قطعت وحلت لباب كانت لابسا شرط قصير وديباردو لافوغم ديالها كلها باينا ) ساليتي خدمتك 

انور:: احم ام اه يالله جيت بغيت نسولك واش باغا شيحاجة 

بهار:: اجي دخل تشرب قهوة 

انور:: واخا (دخلو بهار مشات للكوزينة وهو جلس فالصالون حتى جات وجابت طاس دالقهوى هو وطاس ليها) ساليتي شقاك 

بهار:: وي وجبت حويجي وتقديت شيحاجة شنو ناكل ليوم حتى لغدا ونكمل تقديا 

انور:: مخداماش 

بهار:: لا باقي نهار للويكاند مغنبداو حتى الاثنين

انور:: اه مزيان ترتاحي نيت 

بهار:: باقي ماكين حتى خبار على هازال 

انور:: نو ماكينش 🤨 مهم انا غنمشي 

بهار:: خليك باقي مكملتيش قهوتك 

انور:: نمشي نرتاح ونقدي شنو عندي 

بهار:: اه واخا مرحبا فاي وقت 

انور:: ماكيجيش معاك صواب 

بهار:: ايوا لهلا اجيبك خرج دردب 

انور:: 🤨 بهااار ....

يتبع...