كثيير من الاحيان كناخدو قرارات في موقف لي كيكون القلم مرفوع علينا...قرارات لي يقدرو يبدلو حياتنا ....
فديك اللحظة لي شافت فيه عصام بداك شكل نسات كل ما فات طار ليها من لبال داك عصام الحنين ..عصام لي بدل من راسو باش يحاول على الاقل يفهمها...عصام لي معاملتو ليها كانت كلها مليئة بالحب و الحنية وخا ملامحو جامدة ما تعرف اش تحت راسو و قليل لكلام ..معاها حاول يتبدل باش على الاقل تفهمو..
حاول ميكونش شخص مغلق بالنسبة ليها...بغاها تفهمو و تعرف عليه و على شخصيتو و تفكير ديالو...ما طلب منها والو من غير انها متبدلش باغيها كيف هي بي سلبياتها و اجابياتها...
وهو لي تنازل و تبدل على وديتها عطا الخاطر فوق خاطرو و سكت لشحال من كلمة خرجات هانتو و جرحاتو..صبر نفسو بصغر سنها و هو لكبير مول لعقل....
مزال مخشية في احضانو و جسدها كيتهز بهزات خفاف نتيجة تخنسيس ديالها و جسدها العاري بين يدو مستسلم ومخشية فيه بحال جنين في بطن امه.....
جمع الوقفة وهي بين يدو و جسدهم كيقطر بالما و هي مستسلمة ليه و راسها مخشي بينات عنقو..حطها فوق ناموسية عريانة و طلع هو فوق منها ...
شهقات بصوت مرتافع وعضات فمها من لتحت من حسات بقبلاتو فوق كرشها....
بصوت مجروح قالت: ع ععصاااام...
طلع عندها حط تقل جسدو فوق جسدها و قرب فمو حدا فمها و عينو في عنيها و هضر بواحد نغمة خلات تبوريشة طلع معاها من صبعها صغير...
عصام:باغيا طلقي..طلااااق ا هاجر طلاااااق....
هاجر ببكاء: عضيتيني....
عصام حط يدو على جنابها فوق ناموسية و هي لوسط شعرها فازك شي لازق على عنقها و شي لاصق على صدرها و جسدها كيترقص بشكل مثير ....
هبط لفمها باسها بوسة خفيفة و قال : دواه هو نتي و من غيرك يموت..
دورات جسدها عطاتو بضهرها و خشات راسها في لمخدة و صوتها مخنوق....
هاجر :ون غير يموت ونتهنا منو و من راسي....
عصام هبط بشوي لتحت ضهرها باسها في جنب خسرها بوسة طويلة خلات جسدها كلو يرتاعش...طلع بشوي فوق ضهرها كيفرق قبلاتو عليه تا وصل لعنقها و دور شعرها لجهة الاخري...
حط تقل جسدو عليها و خشا راسو في عنقها باسها تحت ودنيها و عض بشوي شحمة ديال لودن و همس ليها بعشق....
عصام: و انا بغيتو يحيا بين يديك نتي تسقيه و نتي ترويه و نتي لي تريحيه...كيف لقلب يصخا بحبيبو لي قال من غيرو عمرو يتقاص و كيف دكر طلاق خلاه يتشوا من جوج قنات...كيف يقد عصام يعيش بلا هاجر و كيف يقدر القلب يعيش بلا زلزالو ...
كلماتو دخلو بحال بلسم مهدء لروحها المجروحة..كيف ما اتجرحش و هي شافت لي سكن قلبها نساها كيف شاف ولدو.....تجرحات كيف شافت يدو محطوطة على كرش ميار و نسات ان شعور الابوة اقوى من كلشي...
كفاش بغيتي عصام لي مجرب اليتم ...لي مجرب حياتو بلا اب...لي مجرب معانات الام بدون زوج..كفاش ميتأترش وهو كيشوف ولدو بينات عنيه.. فديك لحضة نسا راسو من الوجود و بقات غير صورة الجنين بين عينو ..ترفع فديك اللحضة و نسا كل ما داير بيه ماشي غير حبيبة قلبو....
في بعض الاحيان كيكون الحب اقوا و اكثر غيرة لي كتأتر على طريقة تفكيرنا كيف وقع لهاجر لي قلبها تحرق بالغيرة و هي كتشوفو ايدير عائلة بعيد عليه...
ختفاو دوك ملامح المتألمة من وجها و رجعو ملامح راضية بشي لي كتسمعو من كلمات لي دخلو لفرح لقلبها وبي ابتسامة هادئة و استنشاقها لي انفاسو و رائحتو رجولية لي تغلغلات ليها في دم..رخات جسدها و غمضات عنيها و فمو محلول نصف حلة....
يدو كيلمسوها بحنية في جناب كرشها و راسو مخشي في عنقها كيتنهد براحة و كيبوسها مرة مرة..تا بدات نفسو كتجهاد و المطور اصلا واقف زمان خاص غير يدخل لدارو و ميبقاش في سطح كيف عادتو.....
دور يدو حطها فوق صدرها و ورك عليه مزيان تا هضرات بصوت تقيل....
هاجر: شكااا دييير....
عصام فعلا سخن بزااف و شكلها لعاري قدامو و جسدها لمغري خلاه بزز منو تركب عليه رغبة وخا مكان معول يديرها ..لكن من جات بينات يدو مسخاش بيها و هي مستسلمة ليه وقابلة دعوتو.....
طلع كيهضر في ودنها: بغيت ندخل لداري....
هاجر : راني عايقة بيك ا دراكولا .....
عصام هز راسو بي استغراب جابت ليه ضحكة تا كيلقا لالة هاجر ناعسة و كتهضر في نعاسها....هز راسو بزز منو بدا كيضحك غير وحدو...تلاح حداها على جنبو كيشوف فيها و هي كتغنغن غير وحدها عرفها فايقة و ما فيقاش ....
قرب حدا ودنها : هاجر...
هاجر: اممممم....
عصام: فين كنتي نهار كامل......
هاجر بصوت تقيل : في لبحر....
عصام كمش حجبانو : وشكون كان معاك.....
هاجر: كنت وحدي نهار كامل....
عصام عض فمو من لداخل و يدو كتلعب في شعرها..هز خصلة حطها على فمو باسها : وعلاش مشيتي....
هاجر: باش نبكي...
عصام بقا ساكت كيشوف صدرها لي مزال فيه اثار ديال لعضان كرفصها مسكينة و بقا فبه الحال معجبوش راسو فديك الحالة لي دار ليها: علاش بكيتي....
هاجر:بغيت نحمل تا انا منك و نولد ليك توا........
عاطيها ودنو كيسمع ليها تا قطعات صوت..شاف فيها لقاها شد فيها نعاس نيت و نعسات ....حط جبهتو على جبهتها و دور يدو على خسرها خشاها بين احضانو كتبان بحال لبخوشة قدام صدرو لعريض و يديه المفتولين....و تكلم بشوي....
عصام: نتي هي بنتي قبل كلشي ...باسها في خدها....مكاين لي ياخدك مني.. سميتك تحفرات حدا سميتي تال لموت ....تنهد بجهد...انصبر ا هاجر انصبر تا تكبري ليا......
كيف لقلب يقدر يتفرق على حبيبو وهو ديما مشتاق.. مشتاق لكلامها و حلاوتها.. مشتاق لمساتها و دفئ جسدها..... عمرات ليه عينو قبل فراشو... عجباتو و بغاها من قلبو و ربي لي عالم الخوف و رعب لي شعر بيه ووهو معارف مكانها و معارف اش واقع ليها...
و كيف ما يسايرش كلامها وهي قدامو وبين دراعو بدموع في عنيها و بملامح حزينة مرسومة على وجها ..
سايرها في كلامها وخا ديك كلمة ما بغاها ما عجباتو دخلات لمسمع ديالو كيف سم لي كيتنشر بين العضام ..يكفي نهار لي دوزو جحيم بلا بيها ..فكيف يقدر يتفرق عليها مزال و هو داق مرارة البعد عليها...
قال اه ورا كلامها و بينو و بين راسو وازن كلامو و عارف اش ايدير....رزين و هادئ في شخصيتو و كلامو قليل و موزون ..ما كيهضر غير هكاك و حرف واحد لا خرجو كيوزنو و يدوزو في راسو عاد ينطقو....ما عندو مع زواق لكلام و لا لهضرة في الخاوي..بخلاصة ناس بحالو مشاو زمان.....
خيوط سما متسربة في لغرفة و مضوية لمكان و على وجها صبحات شمس ضاوية .....كمشات حجبانها وحلات عنيها بشوي...هزات يديها كتكسل...خسرات ملامحها و خرجات صوت بحال القطة...هبطات عنيها لمكان لي حسات فيه الحريق تا خرجات عنيها و بزربة جمعات الوقفة و سالفها هابط معاها تال خصرها كحل كيف ليل....
دورات راسها بي استغراب في لغرفة و عنيها كل مرة كيمشيو جهة ديال لمرأة لي قدامها كتشوف راسها لابسة تريكو طويل و واسع عليها...شمشماتو مزيان و حجبانها لوسط...
و كيف شمات ريحتو عرفاتو ديال عصام...عضات فمها من لتحت و قربات لمرأة هبطات تريكو من كهة ديال العنق بانو ليها بلايص لعضات مداوين و داير فوقهم فاصمة خفيفة ....
بعنيها حسبات شحال من عضة لي كانو تلاتة مصورين ليها.....بدا عقلها كيسترجع ما وقع البارح و شياطن بداو كيلعبو فوق راسها ..
كيف ميلعبوش و زلزال لي عمرو يتوب مرة تحن و تحشم و مرة طلق زلزالها لي يضرب بلا فران و يجمع حب و تبن.....
سمعات تحركات برا و هي تلبس صندالة ديالو لي كان حاط ليها في جنب النموسية ....
خرجات كضرب رجليها مع الارض...دورات عنيها في صالون لي كان عصري كلاسيكي بحال شكل فوطويات ولكن مدهبين و داخل فيهم الاحمر داكشي كيبان بحال ديال تواركة..كانو جوج صالونات شي داخا فشي و فجهة المقابلة كاين بيت جلاس مغريبي و قدامو بلازمة كبيرة لاصقة في لحيط .....
تبعات الحس تا لقات راسها في لكوزينة و فيها عصام منو شورط و شعرو هابط و مخليه على راحتو واقف فوق بوطاجي كيطيب و كيف شمات ريحة عرفاتو كيطيب بيض بالخليع كيف كتبغي هي...دورات عنيها لطبلة لي كانت مقابلة مع لباركو ديال لكوزينة كتبان ليها مجهزة بكل ما كتبغي كرواصو و كيك شكولا مع حلويات ديال لوز و بقلاوة بي بيسطاج و الجبن و كاس كبير ديال ليمون..
بدات كترمش بسرعة و رجعات كتشوف في ضهرو لعريض و المفتول كل جزء مفصل على الجزء الاخر داير كيت في ودنو كيهضر مع شي حد بلغة ما فهمات منها والو ما عرفاتها المانيا.و لا اسبانية.....
حس بيها كاينة معاه و غير ريحتها لي ما يقدر يغلط فيها دخلات لمنخارو و علماتو بحبيبة قلبو جات...
قطع تليفون و دار عندها نصف دورة لقاها كتشوف فيه غير شاف فيها هو دورات راسه الجهة لخرا وهازة نيفها لسما....
وقف قدامها و دور ليها و جها لعندو ولمس بي ابهامو حنكها بي مداعبة و بتاسم في وجها : صباح لخير كيف صبحتي....
هاجر رجعات بخطوة لور بعدات منو و مزال ما بغات تشوف فيه وهازة راسها : ياك قلت ليك طلقني اش مزال كندير انا هنا....
عصام كيشوف فيها و هضر بشوي: دوزي فطري بعدا تشربي دوا هو الاول و خلي الهضرة من بعد....
هاجر : لا اخويا نهضرو دابا نيت قلتي بفمك واخا ادا ديني لدارنا و كل واحد يشد طريقو ......
عصام حط نصو على بوطاجي و ربع يدو على صدرو عاض فمو من لداخل و ديك الوقفة و شوفة لي دار فيها خلات قلبها يتشش و تحل فمها و عنيها ما جمعات راسها و تبتات غير بزز.....
هاجر سرطات ريقها : سير لبس عليك شي حاجة تسترك مجاكش البرد....
عصام: دابا واش كتهضري على طلاق ولا على البرد....
هاجر هزات كتافها بجوج: كنت غالطة فيك بزاف كنتي قلتي ليا انا لي كاينة و من غيري ما كينش وغير جات مراتك الولة نسيتيني ومن حدك اخويا مزال باغيها علاش تابعني و داير ليا هاد الحالة جالس تعض فيا كيف سلوكي... دراكولا و مزال موصلكش.....
عصام هز حاجب و هبط لخر: اييييه اختي وليت لك سلوكي دابا....
هاجر ديك ختي قرصاتها و هي تورك تا هي: سلووكي لا سمعني شبهتك ليه ايمشي يدعيني و يدعي طاسيلتي...وعلاش اصلا جايبني هنا اخويا ديني لدارنا و الله ما عصا بي المدلك و لا عضان دراكولة....
عصام حرك راسو بشوي و تحرك مشا لطبلة جلس كيفطر و هي بقات كتشوف فيه ما عاودش كلمها و لا حزرها كيف مولف و زاد طلعليها دم...مشات عندو كطير ما عرفها كيف نقزات عليه و خشات راسها في عنقو و جبداتها معاه بعضة تا غمض عينو بجهد و ورك على يديه تا تنفخو عروقو وهي مجننة وو الله ما بغات طلقو هو عاض على فمو ماغوت ما تكلم ما دفعها خلاها على خاطرها....
بعدات وجها لي ولا حمر و العضة ديالها باينة في عنقو مصورة حمرة و دم بغا يخرج منها.... هزات صبعها في وجهو و عنيها خارجين.....
هاجر: عمرك تحط يديك عليا لا بصح ولاو تا بضحك ما نصورش ليك اش اندير لا عودتيها....
بقا هو تابت في بلاصتو كيشوف فداك صبع لي حاطاه قدام وجهو ..ولو كان صبع شخص اخر كون تهرس قبل ما يتجرأ يهزو في وجهو...هز فيها عنيه حومر مخنزرين و خا خلعها دايرة فيها جبهة مبغاتش تسرط ليها دوك العضات لي عضاها في صدرها.....
غير جبد لعصا وهي تفكر ديك الخبطات لي خبط بيهم دراري لبارح ضربة وحدة مفاتهاش معاهم جابهم كاو...دورات راسها يمين و شمال بجهد تال ضرب لا....
عصام دور راسو لجهة لخرا مركز مع نقطة وحدة عاض فمو من لداخل ورجع شاف فيها : جلسي فبلاصتك تفطري.....
هاجر بدا صدرها كيطلع و يهبط قدامو..جمعات الوقفة وتمات راجعة لبيت ممصوقاتش لكلامو...سمعات صوتو بحال رعد من وراها....
عصام : رجعيييييييي.....
جسدها كلو تنمل عليها وخا هكاك راسها قاصح ما يهرسوه شواقر .... دخلات لبيت يالله اتسدو وهو يدفعها هي و لباب..بلا كلمة بلا جوج هزها بين دراعو وهي كتركل ليه.....
هاجر: طلااااق ا عصااام طلاااااق متعصبنيييش انديير فيك شي حاجة لي مااتعرفها لا نتا لا انا.....
عصام بدون رد...جلس فوق كرسي و جلسها فوق حجرو مدور يدو عليها ما مخليها فين تحرك...غرس صبعانو في شعرها و خلا وجها يتفيكسا مع وجهو......
عصام بصوت تقيليين كيبين انه متحكم في راسو كثر من القياس وهاجر ستفزاتو بي المعقول: طلاق وقتو ماشي دابا ونهار يوصل وقتو انعطيه لك بلا ما طلبيه.....
هاجر بلا ما تشعر بنفسها قالت بصوت حزين و هادئ : و تسخا بيا.....
كيف خرجات هاد لحروف خلاتو يتهز من بلاصتو و عنيه وساعو كيشوف هاد الكائن الغريب و سبحان من في خلقه شؤون...كيف كتقول حاجة و من بعد تقول عكسها كتبدل بوحدها كيف زمان لغدار..
عصام تنهد بشوي حدا فمها: كاين لي يصخا بمراتو و بزلزال لي زلزل لو قلبو.....هز يديها وحطها فوق قلبو و عنيها في عينو... نتي ساكنة هنا و سميتك تحفرات هنا......
حط يدو على حنكها..ديري عقلك ا هاجر الله يرضي عليك....
هاجر مهبطة قنات فمها لتحت: علاش انا معنديش لعقل....
عصام باسها فوق نيفها: بعقلك احبيبة بعقلك و لكن دغيا كتأتري بلي دايرين بيك وهادشي خايب ليك و لصحتك قبل ما يكون خايب على ناس لي ضايرين بيك..انا راجلك و عارفك و فاهمك تا لقلتي كلام ما كيعجبش كنغمض عيني و ندوزو بحالي مكانش لكن متولفيهاش اهاجر متولفيهاش....قرصها بشوي فخدها....حيت راجلك صبرو كثيييير و كبييير و لكن نوضتو خايبة و باركة غير لخيوبية لي شفتي مني لبارح...دوز يدو على شفاه ديالها...تفاهمنا......
بقات كتشوف فيه بلا ما ترد عليه تا تبدلات نضرة ديالو من قاصحة لوحدة حنيمة و حط صباعو فوق صدرها : كيضروك....
هاجر جاتها البكية من تفكرات ما وقع البارح و حركات راسها بشوي : اه كيضروني بزااف تعديتي عليا البارح.....
شاف فيها مباتسم عرفها باغيا تعضو كيف عضها هو..باسها فوق شفاه ديالها : سنانك دياول لحليب احبيبة و لحمي قاصح عليهم.....
تنهدات بجهد و هي تشوف في طبلة بقاات كتشوف فداكشي لي موجدو غير على و ديتها تا بدات كضحك غير وحدها: ههههه منين جتيه....
عصام شاف فين كتشوف لقاه لبيض بالخليع: رسلت عليه يجيبو ليا تقضية كاملة مكان عندي والو فدار حيت مكنجيش ليها بزاف.....
دورات عنيها فدار: عندك دار زوينة و متولة علاش شريتيها...
عصام: قريبة لمطار من كنجي عيان كندوز نرتاح فيها و كنلقا الواليدة اما كتسناني هنا و لا موجدة لي كلشي.....
هاجر حركات راسها بشوي: عندك مك عزيزة بزااف....
عصام تبسم قرص ليها خدها كيضحك: مغيارة.....
هاجر عضات فمها من لتحت : من جيهت ماماك ماشي بزاف غييير شوي و صااافي باين مفششها بزاااف.....
عصام: تستاهل ماشي ساهل لي دوزاتو على قبلنا.....
دغيا رجعو كيهضرو عادي بحالي ماشي هما لي كانو كيدابزو قبيلة و اصلا هو ولفها لمرسلاتوش ل 36 فين يداوا راه مقالها حد لحد....
هاجر من نوع لي مكيخبيش في لكلام ولي كاينة فيك كتقولها في الوجه: كنلاحضها بزاف كتشكرك ديما و تهز بيك و تقول من عصام مكاينش و غير تدكر سميتك تهز راسها لسما مفتاخرة بيك و عاجبها الحال.....
عصام تبسم من جنب كيحرك كاس لقهوة في يديه و هي فوق حجرو كتفطر و دي و تجيب معاه في الهضرة: هادو هما الوالدين ديما كيهزو بولادهم قدام لبراني ولا خطاوك لوالدين مكاين لي يهز بيك و لا يقولها عليك زوينة....
هاجر : هادي عندك فيها صح عرفتي انا شحال من مرة خرجو عليا شي هضور مكنعرفهم منين خرجو ساعة خويا جواد كان ديما كيسكتهم و يهز بيها و بمقامي.....
عصام كمش حجبانو: علاش شنو كانو كيقولوو عليك.....
هاجر هزات كتافها: بزااااف لا بديت كنهضر منساليش شي كيشرق و شي كيغرب وحيت كنت ديما جايبة صداع لدار كيصحابوني من نوع ديال دوك لبنات لي خارجين على طريق...
عصام عض فمو من لداخل و حجبانو لوسط ما بغا يفارقهم: كنتي قلتي ليا شي ولد عمك جا خطبك شي يام قبل ما نجي انا.....
هاجر طلقات لسان و تسرسيب كتعطيه حكا: ايييه كتهضر على عبدلله هداك وخا نبقى انا و ياه في هاد دنيا ما نقبل بيه واحد لمدلول ما عمري شفت بحالو انا كنقوليه لا وهو كل مرة داخل ليا بجوج قوالب سكر داير ليا فيها زعمة راه دخلت من باب داركم وزيد دارنا كانو قابلين عليه حيت قالو انا صعيبة فتعامل ديالي و قبيحة و تا حد ما يقبل بيا من غيرو و تا لكتاب تزوجت انرجع في نهاري بسخونية لفم لي فيا و حيت هو حافضني قالك قابل بيا بحالي داير فيا خير بلكلب لخر .....
شافت فيه ببرائة.....دابا بيني و بنك دخنا عليك بالله وراك راجلي و متشركناش انا و ياك لقليل وغير على وجه دوك لغرزات لي درتي ليا واش انا قبيحة .....
حل فمو يهضر و هي تقاطعو....جيني لصراحة بلا كدوب واش انا قبيحة ولا لا.....
عصام جابت ليه ضحكة من دكرات لغراز ...حرك راسو : غير شوي ماشي يزاف ...
هاجر: صافي هيا انا قبيحة .....
عصام ما عرف يضحك ولا يسكت : لا غير مزال صغيرة دابا ديري عقلك ماشي قبيحة و لكن دغيا كتعصبي و من كتعصبي كتخرجي كلام ماشي فوقتو و هادشي عادي ماشي بضرورة خاصك تكوني قبيحة.....
هاجر: الله يجيب لي يقول الحق بنادم مكيعرفنيش مزيان انا راه لعسل كيتقطر شخصيا غير بنادم مكيفهمنيش و صافي.....
عصام حط يدو على طبلة و مهبط راسو كيضحك في صمت ربي بلاه و بلاه بهاجر وخا كل عيوبها و كل مرة تبان ليه حاجة كتزيد تكبار في عينو و في قلبو و كيزيد يبغيها بلا ميشعر بنفسو بحالي مكتوبة ليه فسما و منها هي ما كاين هروب .....
مهبطة راسها كتكل تا شهقات بصوت مرتفع و هزات فيه راسها وعنيها خارجين: متقووووليش وصلتيها لهتلر.....
عصام كمش حجبانو: شكون هتلر؟؟؟
هاجر كترمش بسرعة: حلييييمة واش ساقت لخبار مكنتش في دار نهار كامل....
عصام: راه هضرت مع باك لبارح قدامك يعني راه فراسهم و دابا نيت راهم في لفيلا كملي فطورك و انشدو طريق لدار......
دور عينو ليها لقاها مكوانسية وحالة فمها فيه...هز يدو قاص ليها خدها: هاجر مالكي....
قفزات من بلاصتها كتندب : انارييي ميمتي اليوم يدوز على ملتي المدلك ...اليووووم حليمة تسيفطني لقبر.. ليوووم لخرة ليا معاها....
عصام ناض كيشد فيها و هي كترطا كيف لكورة: شششش ما غادي يوقع والو.....
هاجر : اييييه راه معااارفش حليمة اش كتسوا راه تشركني انا و ياك و ما ترحمناش راه معندها علاش تحشم غير انبان ليها اطير على ملتي تشوهني قدام كلشي .....
عصام ما فهم منها والو و هي كدور في راسها مرة تقول هتلر مرة حليمة مرة المدلك ما عرف منين يشدها.....
شافها مشات كطير لبيت طل عليها لقاها كتقلب في ماريو على شي حاجة تلبسها..هز صاك صغير و قرب ليها....
عصام: هاكي هدا فيه حوايجك كاملين....
خطفتو ليه من يديه و غادة لدوش كطير: تا نتا لبس حوايجك دغيا نزيد نتعطل نلقى قبري حفراتو ليا حليمة و كتسنى مقامي يحضر ....
تحل باب لفيلا و دخل بي سيارتو بهدوء كيف العادة عندو سوقان بي القانون ماشي من نوع لي كيطير ولا كيبغي يبان ..كيمشي بالمهل و على خاطر خاطرو.....
دور عينو ليها لقاها كتعض فمها بجهد تا بدا يتنفخ و يحمار ..وقف طونوبيل و دور يدو ورا عنقها..
هاجر دلات شفاها: كنتيق فيك ولكن نتا اتشوفها جايا اتحشم و تخويا ليها طريق تجي تفرسني😢.....
عصام كمش حجبانو بدون فهم: واش ماماك....
هاجر حركات راسها بشوي بمعنى "اه"....
عصام قبلها قبلة خفيفة فوق فمها: نتي مراتي دابا وتا حد ما عندو الحق يحط عليك يدو ولا يقول عليك كلمة هي الاخيرة غير رتاحي و تنفسي مزيان متبقايش مزيرة و ماكين لي ايوصلك.....
خرجات هي وياه و يديها في يدو مخشية فيه لاصقة و كتبان قدامو قد بنتو وهو يدير منها ربعة......
كيف دخلو لقاو صالة قدامهم عامرة بالعائلة كيتعاودو من مها و ختها و باها ل ااياقوت و اسماء و سلوى و راجلها و زهير راجل اسماء...كلهم هزو راسهم فيهم ...دغيا جمعو الوقفة...سلوى و سومية و اسماء طارو كيجريو عند هاجر يعنقو فيها و يبوسو....
سلوى: الله يا بنيتي و فين كنتي خليتينا كنقلبو عليك كيف الحماق ....
اسماء: اففففف حمدلله من رجعتي مزيان كون تشوفي حالتنا البارح راه تقولي جنازة صافي كلشي كيبكي و يتغاوت و يقلب ..درنا حاالة...
سومية معنقها و كتبكي: فين بغيتي تخليني فين اهي اهئ....
هاجر تبهضات فهاد اللحضة مضناش هادشي كامل ايوقع وراها ...بدات غير كترمش في عيونها و لسانها تسرط و عصام حداها مزال يدو مشبكة مع يديها مبغاش يطلقها.....
قرب ليها باها و راجل سلوى كيسلمو عليها و الياقوت تا هي كتسول فين كانت كلشي داير بيها من غير حليمة لي ساكتة و بعيدة منها......
عصام تدخل بيناتهم: ما كاين والو غير تلفات في طريق و معرفاتش كيف ترجع الفيلا حيت مولفة ديما كتجي بطونوبيل.....
تكلمات حليمة و من صوتها باين العربون غير يا ربي سلامة: من حدها بالهتروفة الخرا معرفاش طريق لفيلا تجي لدارهم و لا تاصل ماشي تخلينا كيف الحماق نقلبو عليها.....
عصام: هي ممولفاش لخروج و الواحد من كيخاف العقل كيترفع ما كيبقا عارف اش دير.....
حليمة معصبة وحالفة مادوزها لبنتها لي مخشيا في عصام و كتشوف غير بنص عين وتا هو كيدافع عليها مبغاش يقصح الهضرة مع ام مراتو وكيف راخف مع هاجر راخف تا مع حليمة و كل وحدة كيهضر معاها على قد العقل ديالها ....
حليمة: اولدي بنتي ونشهد فيها انا و طرطقات لي لمرارة و نتا بلاك ربي بيها شفت حالتك اولدي لبارح و نتا كتقلب عليها كيف الحمق وهي علم الله فين كانت مخشية.......
عصام قصح شوفة و خبا هاجر ورا ضهرو من شاف حليمة جايا لعندها: كانت بنتك و تحت من يديك دابا ولات مراتي و ديال يدي ..انا لي حقي نسول وما من حق تا حد غيري يسولها فين كانت و علاش خرجات.......
كيف قال كلمتو سكتهم كاملين وهاجر شاداه من لور مخبيا وجها في ضهرو عارفة مها مزيان وعارفة لا مشات تا جات بين يديها اتفرسها فريس ......
حليمة قربات ليها: غير عطيني نهضر معاها مغديش نحط يدي عليها ولا نقيصها راه كبدتي هادي وهي صغيرة عندي و كبدتي مشويا عليها وما نرتاح تا نهضر معاها راس في راس و نبرد غير خاطري ......
عصام وخا ضل طلب قدامو كلمتو هي كلمتو هاجر مغديش يعطيها ليها ..و ورا ضهرو حطها وما مخلي لحليمة منين دوز ليها....
عصام: لكبدة كافية ترتاح غير بشوفة وخا تكون بعيدة اما القلب صعيب يرتاح وهي بعيدة..نتي كبدتك وهي قلبي وما يتحاسب معاها حد من غيري .....
حليمة بغات تهضر و هو ينغزها راجلها تسكت ....
حميد: ما قلتي عيب اولدي من نهار عطينها ليك ما بقات من تحت دمتنا و ولكن راك عارف الوالدين ولادهم هما كلشي ليهم....
عصام: ما قلتش العكس اسي حميد هي بنتكم ديالكم و منكم هادي ما فيها نقاش لكن ما نسمح لي يهز صوتو ولا يحط يدو عليها.....
توتر الجو من ناحية عصام خصوصا هاجر لي وراه متعلقة بيه باغيا دخل و سطو و تهرب من قدامهم حشمات بزاف تا بغات الارض تشق و تبلعها و ندمات على نهار لي خرجات فيه و خلات هاد روينة وراها...تنهدات بشوي و شافت في حليمة.....
هاجر بتوتر: نطلعو لبيتي....
خنزرات فيها حليمة واحد تخنزيرة ما يعرفها حد من غير هاجر لي مولفاها.......
هاجر كتشوف في عصام: انطلع لبيتي نهضرو و صافي غير رتاحو هنا......
مبغاش يطلق يديها تا تبسمات ليه بحالي كتهدءو عاد خلاها طلع و حليمة بغات تبعها و هي تشوف في عصام لي كان داير فيها تا هو واحد شوفة غير ديال لا الاه الا الله و معناها " متقيصيهاش"....
تبعات بنتها لفوق و لخرين دخلو لصالون كبير و معاهم عصام لي جلس و ممرتاحش جاه خوف هاجر من حليمة بزاااف على العادي وخا كيهضر مع زهير لي تكلف بدراري لي ضربهم بقا عقلو غير مع هاجر....بقاو مجموعين تا تهزو كاملين بغوتة لي تسمعات في الفيلا كاملة......
عصام شعر لحمو وقف عليه و ردد سميتها بخوف" ه ج ا ر. هااااجر'......
هاجر لي دخل ليها الخوف بين العضام من شافت نضرات حليمة ليها..نضرات لي متعرفهم غير هيا حيت مولفاهم....
دخلات هي لولة لجناح ديال عصام و بضبط في بيت نعاس...كيف دخلات من وراها حليمة سدات لباب وعنيها قاصحين في هاجر و نيشن حلات فمها و خرجات حروفها لي فيهم بزااف ميتقال لبنت كرشها لي شيباتها و حشماتها مع ناس كيف ضاير ليها هي فراس....
حليمة: ادوي ابنتي هادي هي تربيتي فييك نهاار كاامل و نتي خارجة ما فراس راجلك و لا ناسك و لا تا حنا ..خليتينا نديرو جنازتك و نتي حية ....
هاجر بعيدة منها خايفة تجيها شي دقة من شي قنت : وراه نسيت راسي معقلت تالقيت مشا الحال و الحال ضلام و تخلطوو عليا زناقي....
حليمة مخرجة عنيها و كتهضر و تقرب ليها و مكفضة جلابتها: من نتي ناسية راسك ابنتي اش تكوني حمارة و لا بقرة... من نتي تخرجي دوري كيف لبغلة و مزوجة من لفوق وهادشي ما درتيه تا من كنتي عزبة و تحت يدي و دابا جيتي كديريه فدار راجلك ما حشمتي ما رعيتي لداك راجل لي بغا يحماق بالخوف عليك و حنا لي ما هزاتنا ارض ما رفعاتنا سما واش ابنتي ما بغيتي ديري عقلك بحال لبنات....
هاجر : واش انا لي جا يقولي ديري عقلك مالي مسطية ولا شنو صافي نسيت راسي ما وقع والو وراجل لي ايتعصب راه مبرد و كاع راكي سمعتي كلامو اماما شنو بغيتي نشرح ليك مزال واش ضروري ديري ليا هاد لحالة قدام ناسي.....
حليمة كتفيبري بي الاعصاب تخلط عليها خوف على بنتها مع الغضب ديال لخريج لي خرجات بلا راجلها ..
بدوك الاعصاب طارت ليها على شعرها حيدت ليها زيف و لوات ليها شعرها على يديها تا طرطق.. هاجر بحر جرة لي دارت ليها حليمة لشعرها عضات فمها بجهد و عنيها مغمضين ما بغاتش تغوت و يسمعوها لتحت....
حليمة مخرجة عنيها: قطعييي لحس الله يحسن ليك بلا ما نشالله ليوم لي كنت انوكلو ليك يا بنت كرشي ما تعرفيه لا نتي لا انا لكن نجاك الله و جا وجه راجلك عزيز عندي ما غادي نهز عصا فوجهك و لكن نقسم فمي بالله و يوقع بحال هادشي تاني يا تنعلق يماك في ضواية لي فسطح و نبيتك بحال الحولي فليلة لعيد....
هاجر مقصحة: وصافي ا حليمة راك قصحتيني و الله العضيم اتا لحمي كلو ضارني بلا متزيدي عليا راه كنت معصبة على مراتو الاولى لي جات و حاملة و ما عجبني حال و خرجت نشم لهوا نبرد تا نسيت راسي....
حليمة خرجات عنيها و من شعر بنتها ما طلقات ديها و تجيبها كيف لورقة في يديها: و مااالو جابها علييك و لا نعس معاها من كان مزوج بيك ..ياك هي كانت مراتو و حملات بولدو قبل ما يجي يشوف كمارتك شنو بغيتيه يدير يتبرأ من ولدو باش تبقاي نتي على خاطرك و لا شنو....
هاجر كتحاول تفك راسها من يدين حليمة: انا ما قلت والو غير الغيرة حرقات قلبي و تصرفت بلا منفكر و صافي...
حليمة : وفين عمر ملتك فكرتي ..شوفي غير راجل زين رجال يا ربي... ما يتخص ما يتعاب لا من زين و لا من جيب بلاصت تشوفي عندو ولد من مرا خرا شوفي الحالة لي دار عليك و نتي خارجة كدوري ليا في نصاصة ليل ما تصوق لا مراتو و لا تا حد من غير هاجر لي في فمو جالس بيها و نايض بيها كيف لحمق كون كانت هماه مراتو الاولى راه ما يتصوق ليك ما يدير هادشي لي مدارو حد من قبلو ولا ايديرو من بعدو.....
هاجر هبطات راسها لتحت ما عرفات ما تقول تا ليعاتها حليمة بواحد لقرصة من لفخض طيراتها من بلاصتها تا طاحت على وقفتها جات ناعسة و حليمة هبطات عليها بلقريص غير بين لفخاض تا كتبغي طير جلدة في يديها...
و هاجر مزيرة على فمها و كتخرج صوت مكتوم "امممممم" و دموع في عنيها مقصحة و مزيرة على فمها باش ميخرج صوتها يسمعو عصام يصدق معايب مع مها..
حليمة والو جهلات على هاجر و كتقرص غير في الفخاد و تهضر بصوت مجهد: هااادي يا بنت كرشي باش فين ما زدتي خطوة برا بلا راجلك تفكريهم و ترجعي لبلاصتك تركني...هاد لقريص ابنتي يردو ليك لعقل لي مكتكسابيه لا نتي لا انا لي مزوجاك كنصحابك اديري لعقل و نتي عاد ما زايدة في لحماق.....
هاجر ولات حمرة و كتشد يدين حليمة لي كتقرص تا كتشد لحمة مزيان و كدورها في بلاصتها تا كتولي هاجر تهز من بلاصتها بلا صوت...
هاجر: والله يرحم لي عزيز علييك رحميني اهئ اهئ و الله ما نعااود و الله ما نخرج بلا راجلي من ليوووم.. والله ما نبقا ندير شي بسالة اهئ اععع واااع براكة برااكة قتلتيني هئ هئ....
حليمة طارت على يدين هاجر لي محطوطين على يديها عضاتها تا بغات طير لحمة بينات سنانها تجننات عليها بالمعقول: شحاااال عصييت فيك ونتي ما تحشمي ما تراعي تقولي ليوم ما نعاود و غدا نلقاك دايرة ما زبل منها ..تلاش انصبر ليييك يا بنت كرشي تلااااش...هوما ما هما عائلتك لي يسكتو ليك على هبالك ..هادو عائلت راجلك وخا تولي منهم كتبقاي غريبة عليهم و نهار يشوفو منك الحاجة الخايبة يشدوها في فمها و يدوزو بيها اتاي مع البراني تا تولي حكايتك على كل لسان و يرجعو والديك الخايبين لي ما عرفو يربيوك و لا يعلموك لكلام..ربي جاب ليك راجل لي يطيرو بيه ما حسن منك لا فزين ولا فلكلام و نتي بغيتي طيري من بلاصتك وتقوول واش تحشمي على راسك..راجل كيبقااا رااجل يا لمتروووفة ديري عقلك ولا غادي نقتلك.....
هاجر كتنفس بجهد و لكلام كثر عليها و راسها داخ و حريق بين فخضها زاد : صاافي و الله ما نعاود ندير شي حاااجة والله تا نسمع لكلامك و لكلام عصام و الله ما ندير شي حاجة خايبة غير برااكة عليا عييت امي لحمي كيضرني بزاااف......
جبدات معاها بواحد لقرصة تا خرجات هاجر عنيها بجهد و لونها زاد غماق و صوتها بزز باش خرج بلحرقة لي حسات تحت منها بالقرصة لي عطاتها مها حدا ديالها ناسية حليمة ان تم لغراز و مزالين جداد و كيف جبدات لحم بديك لقرصة تحلو..وكيف تحلو تهزات هاجر بواحد لغوتة لربي لي خلقها تا تسمعات في لفيلا كاملة.....
ناضت حليمة مصدومة كتشوف مالها وهاجر في الارض كتلوى و تنفسها جهاد....
حليمة مخلوعة: هاجر مالكي ابنتي مالكي اش وااقع....
هاجر دموع في عنيها: تمزقت امي تمزااااقت كيضرني هي هئ كيضرنيييي تحتيييي بحالي داز فيا موس حااافي اهي اهئ....
حليمة كترعد وعنيها لتحت دارت بيها دنيا فهاد اللحضة تا تفكرات لغراز وهي تخرج عنيها و ندبات حناكها بجهد: اويييري لغراااااز ......
مزال ما كملات كلامها تا تحل لباب مجهد و دخل عليهم كينهج و عنيه خارجين في هاجر لي مرمية في الارض و كتركل في بلاصتها بكثرة الحريق لي وصلات ليه و صوتها كاتماه باش ما يسمعو حد وهي ما عرفاتش ان غواتها وصل لداك لي مبغياهش يحضر وها هو قدامها كيشوفها كتلوا و دموع في عنيك .....
ما حسات الى وهي في صدرو بينات يديه مزير عليها و رعدة طلعات معاها بالخوف كثر من الحريق لي فيها بصوتو لي خلعها هي قبل من مها....
عصام مدخل هاجر في صدرو عنيه خارجين كيخلعو في حليمة لي جامدة في بلاصتها ما عرفات باش تبلات ...خرج صوتو بحال رعد في سما و كل حرف كيزيير عليه تا كيبغي يطرطق : قللللت ليييك ما تقيييصيييهااااااش..
حليمة تخلعات بي المعقول و جمدات في بلاصتها بقا عقلها غير مع لغرار لا يكونو تحلو وهي قراصاتها حدا لبلاصة وجبدات ليها لحمة باين اتكون تجرحات تاني...
ما فيقها غير صوت عصام لي زلزلها من لذاخل تا تدهشرات في بلاصتها وما عرفات اش تخرج من فمها ...
وهو عنيه حمرين كيف جمر الحامي و عاض جناب فمو كيف لغول...حط يدو على هاجر لي وجها حمر و مبتل بدموع و عنيها فيه مخسرة ملامحها و تخنسيسة كطلع معاها كيف شي بيبي بين يديه تبقى فيك...
عصام حط يدو على حنكها و عينو كيقلبو حالتها بخوف: حبيبة مالكي شنو وقع ليك كضرك شي حاجة....
حليمة قربات ليه بغات تشد هاجر تا غوت فوجها و نضراتو مزالين على وجه هاجر.....
عصام: متقييصييهاااش....
حليمة داخت و دارت بيها دنيا: اولدي بغيت غير نفهمها مكنتش معولة ن...
عصام قاطعها ببرود: هي ديالي و تحت مني و الهضرة ما تسمعها من حد غيري قلتها و عاودتها ليك حدرتك متقيصيهاش و صبع ما نلقاه محطوط عليها درت بوجه راكي مها و نتي مادرتيش بوجهي انااا لي راااجلهااااااا....
حليمة وجها ولا حمر بغات الارض تشق و تبلعها وخا هكاك كبدتها مهناتهاش: خليني غير نشوف مالها و ديك ساعة غوت تا تشبع...
حطات يديها على كتف هاجر وهو يشدها و حيدها ليها و بعد هاجر عليها و بصوت بارد كيف تلج و نضراتو مقصحة ...
عصام: ماشي دابا انسيبتي ماشي دابا.....
حس بيدين دافين تحطاو عاى فمو سكتاتو من لكلام..هبط نضراتو لجسد لي بين يدو وهي بدموعها... حطات يديها على خدو و جراتو بشوي تا قرب ودنو حدا فمها و قالت بصوت ضعيف هامس....
هاجر: ما تغوتش على ماما هي مكبرة بيك و حطاك فوق راسها و كل حرف قالتو ليا غير على وديتك انا طحت بجهد من كنت كنتغاوت معاها راك عارفني هبيلة و كنطير و من طحت غوت بجهد ..بصوت باكي..حيت لتحت كيضرني بزااف اعصام حاسة براسي مقسومة على جوج ....
هز يدو كيمسح ليها دموع : فين احبيبة كتقصحي لتحت ...حط يدو فوق ديالها قدام حليمة و الله ما حشم....هنا كيضرك....
هاجر وجها حمر وملامحها مخصرين: اااه هئ هئ كيضروني بزاااف....
باسها في راسها و خشا ليها راسها في عنقو و جمع الوقفة خارج بيها كيجري....ما تصوق لتا واحد لي واقف كيسولو اش كاين حيت ممنوع عليهم يدخلو لجناح ديالو من غيرو وخا يوقع لي وقع.....
هما واقفين كيسولو فيه اش واقع و هو كيدوز فيهم كيف تران ما جاوب تا واحد..حاط فمو في ودن هاجر كيهمس ليها بصوت فيه خوف...
عصام: متخافيش احبيبة انديك لطبيب دابا صبري ليا غير شوي.....
هاجر كتبكي بصوت ضعيف: كيقصح بزااف هي هئ كنحس بشي حاجة كتهبط معايا كتزيد ضرني كثر....
عصام: ما ايوقع والو كلشي ايكون مزيان...زاد دخل ليها راسها في عنقو...فين ما حسيتي بالحريق عضي بجهد و متخافيش....
دخل في طونوبيلتو ..رجع لكرسي بزربة لور باش يقدهم ...دخل و هي قدامو ديمارة طونوبيل غادي طاااير مع ريح و هي وسطو كتنين مقصحة و فين ما زاد عليها لحريق كتعضو بجهد من عنقو بحالي كتزحم...
مسكينة لي يشوفها يقول فيها وجع لولادة....وهو عرق و ولا حمر مخلوع عليها بزااف و العضان لي كتعضو بجهد تا كتخلي سنانها مصورين في عنقو و هو فقط كيبوسها في حنكها و في ودنها و يد كيسوق بيها و يد مدورها على خسرها مزير عليها...
شاف سروال ديالو ديال توب بيض بداو كيبانو فيه نقيطات ديال دم و هو يتزير بغا يطرطق في بلاصتو و هي كتنيت بي الم حدا ودنو بحال دري صغير عيات ما تعض فيه و تقول واش بغا لوجع يخف عليها....
فرانة بجهد قدام كلنيك و خرج بيها كيجري تلقاوه بي البياص حطها فوقو و يدو في يديها مشابكة و حالف ما يطلقها غادي معاها و عينو مزال في عنيها شافها كتفقد الوعي و كتحل عنيها بزز وهو يحط يدو على حنكها مخلوع...
عصام: نو حبيبة ما تنعسييش بقااي معايا ..هاجر..هاجر....
هو كيضربها بشوي فحنكها و هي كتحل عنيها بصعوبة تا شافت فيه مزيان و هي تبسم ليه واحد الإبتسامة حلوة كدوب لواحد....
هزات يديها بشوي حطاتها فوق يديه على خدها و هبطاتها بشوي باستو في كف يديه و هو مبهوض فيها وقلبو كيضرب بجهد بغا يخرج من بلاصتو....
رددات بصوت هامس و متقاطع بي نفس الابتسامة: ك ن ب غ ي ك...
تجمعو الحروف في دماغو كاملين بي كلمة "كنبغيك"....
كلمة لي هزاتو تا لسما و رضخاتو مع الارض خصوصا في حالتها و كيف نطقاتها سدات عنيها و فقدات الوعي في باب البلوك لي مدخلينها ليه...وهو بقا مكوانسي في بلاصتو كيف الجماد و عينو غير في لباب لي دخلوها منو و صورتها بديك الابتسامة و ديك الكلمة لي خلات قلبو يطير من بلاصتو...
حس بضبابة على عنيه و هو يهز صبعو بي استغراب حطهم على طرف عنيه و هزو كيشوف في دمعة لي هبطات من عينو.....
كيف ما تنزلش دمعة وهو محروق و كيف ما يتحرقش و حبيبتو بديك الحالة و كيف ما يتألمش وهو كيشوفها من نهار تزوجات و هيا غير لور لور و كل مرة في كلنيك ...
قلبو طاب و راسو تقسم ليه على جوج بصداع لي كيعطيه....هز يدو تا لسما و ضربها مع الحيط تا تصور دم ديال يدو في لحيط و بلا ميتصوق لحد دخل عندهم لبلوك و صدرو كيطلع و يهبط ....
غير شافوه دخل ما هضروش معاه و لا منعوه كانو عارفينه اصلا ايدخل كيف دار المرة لي فاتت و باش ميجبدوش راسهم صداع خلاوه... في الاخير كتبقى مراتو....
قرب ليها حط جبهتو فوق جبهتها و بدا كيهبط بشوي تا خبا وجهو بين شعرها كيشم ريحتها بحال شي واحد جيعان سنين و كيرتاوي بريحتها لي خدراتو و هدأتو وخلات صداع راسو يخفاف و اعصابو تهدن و قلبو يلتأم وبي اسم هاجر تسورت وقال كلمتو "عمرو يكون لشي حد من غيرك"...
وسط شعرها تنهد بصوت مرتفع و تكلم بهمس: ما عرفت نخليك و لا نحبسك...ما عرفت ضلمتك و لا ملكتك...ما عرفت مكتابي علاش خداك ونتي مزال وردة في يدين باك.. ما عرفت واش تعديت انا و لا تعداو هما...واش زربت انا و لا زربو هما.... ما بقيت عارف والو من غير حاجة وحدة من نهار شتك اول مرة بغيتك من قلبي و تمنيتك حلالي....حلالي ابنت قلبي....
إنها زوجتي الجزء العاشر (الفصل الثاني)
محتوى القصة
التنقل بين الأجزاء