وقف سيارة لي من نوع رياضي بي الاسود و باين من ملامحو العيا و رغم كل هاذا فور ما خرح من المطار شد طريق نيشن لعند عائلة مراتو و حبيبتو.....دور يدو على شعرو رجعو لور و خرج بكل شموخ و تعالي في ملامح وجهو نابضة بالرجولة و لون عنيه غامق غادي رمادي بحال شي دئب....سد صدايف ديال تجاكيط ديالو....حرك راسو كتحية من شاف سي حميد جاي عندو كيضحك ....
حميد: نهار كبير هادا اولدي من زرتينا....
عصام: الله يبارك فيك اسي حميد....
دخلو لدار و كاع لعنين ديال جيران مخرجينهم فيه وخا شافوه ما مرة ما جوج و لكن ممتيقينش هاد راجل كامل وخداه هاجر بنت العسكري...راجل كامل مكمول من ناحية كلشي لا من زين ولا لأخلاق و لا شخصية و لا دين و لا لفلوس كلشي عندو و ما بانت ليه غير زلزال ياخدها...
كلشي كيطرح هاد سؤال و مالقاو ليه جواب كون غير كانت هاجر خارجة طريق ايقولو سحرات ليه لكن كلهم عارفين هاجر شكتسوا مكترضاش و مكتسوقش لبنادم و لي مبغاهاش ما كتبزز عليه يبغيها و على حد قولها يمشي واحد يجيو مية...
وخا كانت قبيحة و فمها مبري منها لكن الحق يتقال جيران كلهم عارفينها ما كتنافق حد... شي كيقول نيتها لي جابت ليها بحال هاد راجل و شي كيقول خالتها سلوى لي جابتو ليها.....كل واحد يغني بغناه و ناسين لمكتاب....
لمكتاب لي ما منو هروب و لي مكتوبة ليك هي لي ادي و خا تكون نتا في اخر دنيا و هي في نص لخر ولا بد ربي يجمعكم في نقطة وحدة لكنتو مكتابين لبعض و هادشي علاش لبنت تجلس في دارهم معززة مكرمة ما تصاحب ما دصر عليها بنادم و ما تخلي ناس يهضرو ورا ضهرها ..
دير لعز راسها و تيقتها في ربي لي خلقنا ولي مكتاب لينا ايجي تال باب دارنا و يطلب يدي من با و نخرج من دارنا بوجهي حمر و نيفي مهزوز لسما و رضات لوالدين معايا .....
طلعو لفوق فين كاين ضياف و سي حميد غير كيضحك تقول عندو عرس وعصام كيف عادتو مخلي بسمة صغيرة على ملامحو و كيجاوب على قد سؤال ماشي تكبر و لكن هادي عادتو ...الوحيدة لي طالق معاها لسانو و كلامو هي هاجر و من غيرها مكاينش.....
كيف شافتو حليمة مشات عندو فرحانة .....
حليمة: اهلا بولدي عصام قلت محال واش اتجي....
عصام حط يدو على كتافها و باسها في راسها : عاد وصلت دابا و جيت نيشن من المطار.....
خرجات كاع العائلة كترحب بيه تقول هو العريس......
كانت جالسة مع ختها و خالتها مجموعين تا دخل ليها صوتو في ودنها كيف سهم ختارق مباشرة قلبها...رمات كل لي فيديها و خرجات بحناكها حومر و عنيها كيبريو مبتاسمة.....
وقفات وسط دار عنيها عليه و قلبها كيشطح في بلاصتو وهو واقف مع جواد قدام صالون .... كمش حجبانو من طلعات معاه ريحتها لي مكتخفاش عليه وخا تكون وسط الاف الناس....دور راسو لقاها متكية على جنب الحيط كتشوفو غير من جنب عنيها بحال شي بنت صغيرة.... بتاسم و حرك راسو تجي عندو و مع هي عارفاه مكيحشمش و يقدر يشلقمها قدام ناس ...حركات راسها بلا وعاضة شفاه ديالها تحتانية.....
هبط حاحب و هبط لخر فيها و يالله ايقلب دورة يمشي لعندها و هي تهرب من قدام عينو دخلات لكوزينة خلاتو مبلوكي و مخرج عينو في لبلاصة لي كانت فيها...
عض فمو من لداخل مزيان و رجع دخل لصالون قدام اعين لجميع كاع بنات لي من عائلة زاينة حلو فمهم فيه و متبعين ليه لعين تا جلس حدا زهير و جواد ...مفرق رجلو وحاط يد على لمخدة و يد على فخدو و ملامحو حادين...بقاو لبنات غير كيطلعو فيه و يهبطو مصدومين....تكلمات وحدة فيهم....
-اجي ماشي هادا هو داك عصام لي بان داك نهار في الفيسبوك.....
-و الله تا هو ناري قلبي كيضرب اش جا يدير هنا....
-و الله ماعرفت شنو زعمة يكون من عائلة خطيب زاينة.....
-وناري ما كفاتني صدمة ديال زهير لوزير لي جالسين قدامو زادنا هادا بصدمة خرا ناااري قلبي ما هو فأمان هاد ساعة....
وحدة وسطهم كتلعب بي شعرها و عاحبها راسها بزاف -ناري و يكون من عائلت جواد و يحضر العرس و الله تا نطيحو فيا و نخليه يهترت بسميتي....
- اودي وخا ميكونش مزوح زعمة ايشوف جيهتنا بحال هادو كيكون عاجبهم راسهم و كيديو غير لي فالمستوى ديالهم ، شي وحدة لباس عليها و قراية نعام سي تكون شي طبيبة و لا مهندسة ولا شي مشهورة اما بنات شعب قابل عليهم غير لي بحالهم و زيد هاد نوع ديال هاد عصام بزاف علينا شوفو غير كيف جالس رجال كلهم كيضحكو و يهضرو الا هو ممصوقش لهضرتهم ، عاجبو راسو بزاف....
-بالعكس انا جاني من ناس لي حدودين و معندهمش مع قوة الهضرة و باين شخصيتو قاصحة مكترحمش بازل لهادي لي واخداه ايكون كيخرح منها زيت البلدية غير من تخنزيرة .....
-وخا هكاك زين يا ختي كنموت على رجال لحرشين و عروقهم منفوخ.....
-اوا سيري هادو راه هضرة جوج يسمكها مع ملتك تاتشوفي نجوم في عز نهار اتكون مراتو مكتشوفش معاه نهار لبيض ...
-اححح واخ يشتف على ملتي كاع غير يعنقني و يقولي حبيبتي نقوليه غير ضرب مسمحاك دنيا و اخرة .....
-اودي خلينا غير نخضرو عوناتنا اما راه عارفين ديلمنا ضاربنا جفاف عاطفي غير لي شفناه نحلو فيه فمنا....
-قربات وحدة لودن زينة: ختي زاينة شكون هاد راجل لي عاد دخل دابا وجالس حدا خطيبك جواد....
زاينة:انا مكنعرفهمش مزيان كنعرف غير لكبيرة هي لي جات مع العائلة يطلبو يدي وعندها بنت باين هادا هو راجلها و صغيرة هي لي دخلات قبيلة لابسة لبيض هديك بانت لي مزال بلا زواج..هضرات بشوي....وراه ولد عمي حاط عليها العين باغي يخطبها...
-خرجات فيها عنيها: اناري واش مروان وفين كيعرفها هو....
زاينة: مكيعرفهاش غير عجباتو و بغا يطير بيها قبل الوقت وتا هي بانت لي ضريفة محال ترفضو....
بقاو كيهضرو غير بيناتهم و يدورو عنيهم لمروان و يبقاو يدورو فراسهم تا كتغلبو ضحكة...دغيا دارت الهضرة بين عائلة زاينة و كلشي دورو عنيهم لمروان لي غرق بالحشمة من شاف كلشي ولا كيشوف فيه....
تاضت مو انسانة كبيرة و قاصحة في وجها و باينة مرات زمان واعرة بزاف....جلسات حداه و كتهضر غير من لتحت لتحت صوتها ما كيسمعو حد من غير ولدها....
لالة رابحة: واش اولدي حنا جينا فرحانين بخطبة بنت عمك زاينة صدقتي نتا حطيتي عنيك على البنت و باغي طلب يديها بلا خباري.....
مروان: لا الوليدة كنت ورا ما نتعشاو انقولك شنو كاين نتي لولة و صراحة ولدك ديال زواج وياك عيتي فيا كل نهار جابدة ليا زواج وهاني حطيت عيني على لبنت وصراحة عجباتني بزااف...
لالة رابحة مخنزرة: هادشي ديال زربة اولدي معجبنيش شوف غير بنت خالتك لالة و مالي فين تبان هادي لي شتي قدامها... اييه عارفة في زين و لكن شوف غير يديها يعطيوك لخبار باين ما كتعرف تهز كاس واحد ، ادي معاك غير لخطية اولدي....
مروان ؛ وصافي الوليدة ولدك بغاها و تا نتزوج بيها و نخليها ليك بين يديك علميها طياب و لي بغيتي مهم انا خليني بعيد فشغل دار ....
لالة رابحة تنهدات بجهد: اوا غير حيت عزيز عليا اما انا ما نقبل بهاد العرايس نبغي لمرا حرة و من يديها تبان حداكتها ماشي دفار طوال و مقادين محال واش عمرها عجنات ولا دارت شي حاجة.....
بقات لالة رابحة كتهضر مبغاتش تسكت و ولدها كيحاول يسايس معاها حبو طاح على هاجر و من غيرها ما بقا باغي ولات غير لي قالت ليه مو يقول ليها اه غير باش يتفك ...
ضربو و خططو حاسبين البنت صافي ولات ديالهم و تحت من يديهم و لالة رابحة تا تنفخ و تقول غير هي لي كاينة وجالسة تشرط على ولدها ها شنو دير وها شنو مديرش وشحال تعطي في صداق و ما يديرش ليها لعرس خلي عائلتها تكلف الحاصول سبقو سليخ قبل دبيحة......
عصام بقا غير كيدور عينو و مرة مرة يهضر مع سي حميد تا تمات داخلة دافعة صدرها لقدام و كتعوج في لمشية ، عاجبها راسها تا هي....مشات نيشن جلسات وسط اسماء و الياقوت كتهضر معاهم و ضحك و كتكتافي غير بي ابتسامة لي عندها مميزة و حرف زين لي باين....
عصام طلع عينو معاها و رجع هبطهم دار ليها سكانير مزيان ...عض فمو من جنب كيقشرو و بقا غير ساكت و عينو ما كتشوف حد من غيرها وهي مرة مرة كتشوف فيه غير بنص عين و مكتعيقش باش ميحسش بيها ... اما هو طالق ليها لعب وعارفها كتختالس نضرتها فيه ..تبسم بجنب يالله ايجمع الوقفة وهو يحبس و حجبانو مكمشين هز راسو في لمرا لي شارت لهاجر تجي عندها.......
هاجر شيرات صبعها لنفسها: كتهضري عليا انا اخالتي....
لالة رابحة: اه ابنتي نتي....
جمعات هاجر الوقفة بتوتر ...دازت من جيهة ديال عصام وحيت كانو طوابل كبار كانت المساحة ديقة ...
هاجر جاتها ضحكة من شافتو مكمش حجبانو فيها بتسائل: سمح ليا ندوز.....
عصام دور راسو لجنب و عينو عليها فرق رجلو باش دوز....كيف بغات تخطي خطوة مشات ليها رجلها في لخوا وهي تزلق جات جالسة فوق حجرو .....
ولا وجها حمر و تنفسها تحبس...سرطات ريقها بصعوبة ....كتحاول تنوض وحشمانة بزاف خصوصاً كلشي كيشوف فيهم اما واحد اسماء صوت ضحكتها مسموع تال عند ودنيها العقل لي عندها طيرو ليها الوحم و خلاها بلاش عيا راجل ما يغمزها تسكت و الياقوت تقرص وهي عاد تزيد ضحك تا كتلاح فوق المخدة ....
هاجر مع زربة بغات تنوض و الخجل مخيم عليها رجعات زلقات ودخلات فيه كاملة تا طمعات صوت تأوه ديالو حدا ودنها....
هاجر صافي مبقاوش عندها ركابي لي ينوضوها و لا لوجه لي تشوف فيه باها و خوها لي حاضرين.....
عصام عرفها حشمات و هو يحط يدووعلى جنب خسرها وهضر معاها غير بشوي صوتو كتسمعو غير هيا : ششش ما وقع .....
هاجر صوتها تسرط و خرج على شكل : اممممم....
بلاما يقول والو جمع الوقفة و وقفها معاه...سلوى شافتها حشمات بزااف و مبقاتش قادة فين تعطي وجها وهي تقول....
سلوى: بنتي هاجر ماماك كتعيط عليك لتحت...دورات عنيها لرابحة لي ما عاجبها حال...شوي و ترجع تكلم ليك .....
خرجات بزربة و الوان طيف متكونين على ملامحها .....تبعها عصام من لور داير سبة بالحمام.....تبعها لدار لتحت لي خاوية ومتكونة غير من لبيوت و حمام.....
يالله بغات تسد باب بيتها وهو يدفعو....هزات راسها بسرعة فيه وهو معطهاش وقت ...جرها عندو علقها بين احضانو و يديها دايري على عنقو ...زاد خشا راسو في عنقها كيشم ريحتها بصوت مرتفع...
عصام: توحشتك بزاف الحشومية ديالي.....
هاجر هزات راسها فيه و عنيها كيبيرو و قلبها كيضرب بجهد بقات كتشوف فيه مسحورة في لون عنيه و تقاسيم وجهو لي شتاقت ليهم....
تبسم ليها و دور نيفو على راس نيفها : ما توحشتيش ولد قلبك.....
هاجر جراتو من كول القاميجة وبينات بي الافعال ماشي بي الاقول...حطات فمها فوق فمو كتمس شفاه ديالو بقوة و كل شفاه عاطياها وقت في المصان......تبسم وسط فمها من حس بلسانها كتدوزو على شفاه ديالو بحالي كدوقهم.....عض ليها لسانها بشوي وهي تحل عنيها فيه.....
عصام غمزها وهضر وسط فمها: وليتي كتعرفي تبوسي.....
جرات ليه شفاه ديالو تحتانية و دورات عليها لسانها ببطئ تا خلاتو يرتاعش بين يديها وهي ترجع ليه لغمزة و هزات حجبانها فيه جابت ليه ضحكة بزز منو....
عصام خشاها في حضنو اكثر و بعدها منو بشوي ..حط يدو على خدها : ديري فبالك مور لعشا اتمشي معايا.....
حركات راسها و تبسمات ليه : على سلامتك.....
لصقها مع الحيط هاز حجبانو فيها : هاد لكلام كان عليك تقوليه من دخلت...زاد زير عليها....علاش هربتي قبيلة من قلت ليك اجي عندي....
هاجر شافت فيه بنص عين: اهااااا كتصحابني معارفاكش بغيتي تشلقمني قدامهم نزيد نتشوه ....
عصام تبسم و كيقاد ليها زيف : علاش كتخلي هاد شعر خارج من القدام علاش ما دريش حجاب نيشن .....
هاجر: غير بغيت نغطي ديك ضربة لي فراسي غير اتبرا انولي ندير حجاب نيشن.....
عصام هز شعرها بشوي شاف ليها ضربة : مزال كضرك.....
هاجر: لا ماشي بزاف غير كتعطيني الحريق بعض المرات و صافي.....
حرك راسو وهبط عينو شد ليها يديها لي رطيطبين و صغر من يدو ... يخرح عينو بجهد: فين هو خاتم زواج ديالك....
هاجر سرطات ريقها بصعوبة: ننن نسيتو في لحمام كنت دوشت و حيدتو من يدي وهو يمشي لي من البال و الله......
عصام بقا غير كيشوف فيها مبغاش يزير عليها وهو يسكت..باسها في راسها : قادي حوايجك عاد طلعي لفوق.....
خرج خلاها تقاد حالتها وهو طلع لفوق جلس في بلاصتو.....بداو كيفرقو العشا لي متكون من اشهى المأكولات المغربية و العواصر لذيدة.....
دخلات هاجر لكوزينة كتعاون ختها و مها و سربايا كيتصخرو......تسالة لعشا و بداو كيحطو لحلوى مع الفاكية و اتاي......بقات كتسنا في الكوزينة من سمعات باها كيهضر مع عائلة لعروسة باين كيتفاهمو على العرس و صداق.......
بقات شوي كتسنى عصام يخرج باش تهبط هي وياه تا كتسمع شي حد كيعيط عليها .....
دخلات عندهم بتسائل بانت ليها نفس المرا لي قالت ليها قبيلة بغيت نهضر معاك.....
هاجر بدون فهم: بغيتيني اخالتي.....
لالة رابحة حطات يديها على بلاصة لي حداها خاوية : اجي ابنتي بغيت غير نهضر معاك......
مشات جلسات حداها وهي ما فاهمة والو...هزات راسها في عصام لقاتو كيشوف فيها و مقصح شوف حرك ليها راسو بمعنى"شنو كاين"...
هزات ليه كتافها بمعنى "معرفتش".....
بقا عصام غير كيشوف و حجبانو لوسط و طالق ودنو كيتسنى هاد لمرا شبغات من مراتو لي كل مرة طالباها.....
لالة رابحة كتهز وتهبط عنيها في هاجر: سماك الله ابنتي.....
هاجر بي ابتسامة صفرة مدخلاتش ليها رابحة لخاطرها: سميتي هاجر اخالتي.....
لالة رابحة: مزيان و شحال في عمرك.....
هاجر: 18 لعام...
لالة رابحة: تبارك الله وراكي كتباني كبر من عمرك تقول عندك 25 عام....
هاجر حمرات فيها عنيها : اوا خمسة و خميس كيف شفتيني كيف تخليني مالكي اخالتي دايرة ليا لونكيط شبغيتي عندي جالسة تقيمي فيا ونكون كاع باينة فيا تا 30 عام مالمي نتي لي كتسيري عليا باش ربيت هاد لكتاف ....
دخل مروان بيناتهم وجهو حمر كيطلب في مو غير من عنيه و كيلطف الجو مع هاجر لي دغيا تسيفات: لا راه غير لواليدة عجبتيها وبغات تعرف عليك زعمة.....
هاجر تنهدات بشوي في لخر كتبقى عائلة خاطيبت خوها : ماشي مشكل اخالتي هاني معاك فاش بغيتي تسوليني.....
لالة رابحة حركات راسها و قالت كلمة لي خلات هاجر يضرها راسها: لكلام مع باك ابنتي.....
هاجر بقات غير كتشوف ما فاهمة والو و رابحة دارت عند سي حميد...
لالة رابحة: اوا سي حميد دابا ولينا عائلة وحدة و ولدك خدا وحدة من بناتنا.....
سي حميد حط يدو فوق صدرو: الله يبارك فيك الالة رابحة عارفكم نتوما مالين دار لكبيرة ....
لالة رابحة: اوا باش ما نخبي عليك والو ولدي عندو ما يقول ليك....
سي حميد تقاد في الجلسة: الله يسمعنا خبار الخير ....
مروان حنحن بشوي و تكلم: سمع اعمي حميد انا حمدلله خدام وخا على قد الحال لكن عايش ما خصنيش و ما محتاجش عندي دار في كازا كاريها و عايش فيها وحداني وراك عارف تازوفريت كيف دايرة.....
سي حميد حرك راسو: عارف اولدي تا انا مدزتش من هادشي قليل مع العسكر.....
مروان : وعلى هادشي اعمي انا بغيت نتزوج.....
سي حميد: لي هرب لزواج هرب لطاعة اولدي الله يسهل عليك و يلقيك مع بنت ناس.....
مروان بخجل تبسم: هو صراحة لقيت بنت ناس لي نرتاح معاها و عمرات لي عنيها و بغيتها تكون في داري و ديالي و معايا عمرها تخص من شي حاجة.....
سي حميد : اوا ربي يسهل عليك اولدي ما كاين ما حسن من لحلال ....
مروان تنهد بجهد : صراحة اسي حميد انا جيت طالب راغب في يد بنتك هاجر ليا.......
كيف نطق اسم هاجر من فمو تهزو فيه جوج اعين حمرين كيف الوحش...كلشي تصدم من طلب يدين هاجر تا من سي حميد حل فمو و هاجر ضربها زلزال ديال بصح من سمعات سميتها....
كلهم دورو راسهم بخوف في الجسد لي وقف بحال البركان الهائج و نضراتو قاصحين كيترعد بكمية الغضب لي تملكو.....
هضر من تحت سنانو كيتأكد من الاسم لي سمع واش بصح : هاجر !!!
مروان بدون فهم من ردت الفعل ديالهم: اه هاج....
كيف نطق حروف الاولى ديال اسمها تلاح عليه عصام جرو من كول القامجة ضربو بروسية لراس داخ ليه فلبلاصة..... خشا يدو في وجهو وهزو تال سما و رضخو ما طبلة تا تهرسو ليها رجلين و مروان كيغوت ربي لي خلقو حاس بسنسولو تهرس ...كلشي غوت بجهد وهربو من حدا عصام مخلوعين من غير هاجر لي فشلات قدامو.....
عصام من تحت سنانو عاودو بركلة زواه و هضر بصوت كيهرس لحجر كيف الرعد: هاااديييك ديااااااالي ...عاود ركلو مجنن تا زاوطو من بلاصتو .... هديييك مرااااااتي اولد ل*حبة مراااااتي....
هبط كيعطيه في لبونيات مرحموش و في فمو غير " هديييك مراااتي " فكل ضربة كيدخلها فيه كيعاود يقولها بجهد....مبقاش كيحس بالواقع كلشي ضلام ليه بينات عينو فور ما دكر اسم هاجر و عقلو بوحدو كيرجع كلام مروان لي قال قبل " لقيت لبنت ناس ليي نرتاح معاها و عمرات لي عيني و بغيتها تكون في داري و ديالي"...
هاد لكلام كيعاود كيف الكسيطة في عقل عصام و كيزيد يسمم دات ديالو ، صعيب يتقبل ان في لبلاصة لي هو فيها كاين شخص اخر حاط عينو على مراتو و كيشوف فيها بنضرة ديال شهوة....هاد الكلمة كتقتلو من لداخل و كيزيد يدخل في مرون تا رجعو حالتو بدميات و صخف ليه بينات يديه.....محاسش بي العائلة لي كتجر فيه و هو سخونية طلعات ليه لراس كيضرب و ما عاقلش....وقفو فقط صوت امو من غوتات بجهد....
الياقوت : هااااجااااار......
كيف نطقات اسمها هز عينو في لمكان لي كانت في هاجر ...تهز قلبو تال سما وتخبط من شافها طايحة في الارض مكتحركش.....بسرعة مشا عندها كيجري مخلوع و كيقطر بي العرق و دم ديال مروان مجلخ حوايجو....
جلس على ركابيه قلبو كيضرب بجهد خشاها في حضنو و يدو فوق خدها كيضربها بشوي و الخوف تملكو عليها ... كينطق اسمها بتلعتم و كينفضها بين يدو مخلوع....
هز كاس ديال لما حط شوي على يدو ودزها على عنقها تا تكمشات وسط منو وحلات عنيها بشوي فيه دايخة.....كيف شافتو وهي تخشي راسها في صدرو كتبكي بجهد و تزيد دخل و تعلق فيه......
هاجر بصوت باكي: ديني من هنا اهئ هئ خرجني من هنا😭.....
جمع الوقفة وهي في حضنو ما هضر ما تكلم يكفي ملامح وجهو السوداوية يعطيوك الخبار...هبط نيشن لسيارتو جلس وهي في حضنو لاصقة فيه و كتبكي من قلبها....قدها معاه مزين وخشا ليها راسها في عنقو .. ديمارة طونوبيل طاير باغي غير يبعد من ديك البلاصة ..عض فمو مجهد باغي يطرطق في بلاصتو متسرطاتش ليه شي حد يخطب مراتو قدامو..
بغا يموت من كثرة الفقصة لي حاس بيها مرضاش و مبغاتش دوز ليه ديك الهضرة ديال مروان لي خلاتو يجهل و يبقى بلا عقل....
عصام... اصعب موقف تحط فيه فحياتو هو موقف شخص اخر يخطب مراتو قدام عنيه و بي الاعصاب لي تملكوه مبقاش عارف اش كيدير.. دنيا ضارت بيه وكلشي بدا كييدور قدامو.. العقل فالسماء معارفش شكون معاه ولا معامن واقف.....
هز راسو كيشوف فيها و هي كتبكي مقداش تهز فيه راسها و هو واقف قدامها صوت تنفسو الحاد هو لي كيتسمع... وهي قلبها كيضرب بجهد الخلعة و صدمة ديال لموقف اثر فيها لدرجة انها مقدراش تهز عنيها فيه..... سمعات صوت الباب تزدح وهي تهز راسها بسرعة و دموع نازلين من عنيها ..
عرفاتو خرج و خلاها.. ما هضر ما تكلم ولو حرف واحد خرجو.... بتوتر لي فيها بقات كطرطق في سباعها ما لقات راحتها لا فجلاس و لا في الوقيف... بقات هكاك و نعاس طار منها و زاد خوفها كبر من تعطل عليها عصام خافت يرجع لدارهم يدير شي موصيبة خرا.... طول ليل وهي بحال لي مقطوع لها راس ما نعسات ما شافتو.....
كيف سمعات تليفونها كيصوني طارت عليه و قلبها ايطير من بلاصتو بلا ما تشوف الاسم جاوبات بسرعة...
هاجر بتوتر: ععع عصااام ....
اسماء: بسم الله عليك احبيبة راني غير اسماء مالكي كتبكي يكما دار ليك شي حاجة....
هاجر: يا ريت اختي كون دار جابني نيشن لدار ديالو دخلني و خرج ما هضر ما تكلم ليل كلو وانا فايقة كنتسنى فيه و والو مرجعش اهي هئ خايفة غير يكون رجع لدارنا يدير شي موصيبة خرا....
اسماء: لا ما عندك علاش تخلعي راه عند البوليس ليل كامل و هو تم.....
هاجر نقزات من بلاصتها بخوف: اناااري لبوووولييييس علاااااش.....
اسماء: وغير تهدني راه ما كاين والو راه ضروري يحضر و زيد ما عندهم ما يصورو منو يدو واصلة متخافيش عليه غير هو ضرب ولد خالتي وهو بوليسي راكي عارفة شنو وقع داك نهار و زيد ضرب هاد الحمار لي خطبك راه ضروري ايعيطو ليه ياخدو الاقوال ديالو......
هاجر بتوتر و قلبها قرب يسكت: وو واش غادي يشدوه في الحبس.....
اسماء :واش من نيتك اختي راه ما غادي يشدوه ما والو غير اجراءات بسيطة وها هو خارج غير مبغاش يقولها ليك باش متخلعيش غير رتاحي ليك و سيري نعسي كيف غادي تفيقي اتلقايه قدامك ......
هاجر جلسات فوق سداري كتمسد جبهتها من كثرة صداع لي فيها: فييين نعاس اختي فهادشي لي وقع كون ما غمزاتني مك نسخف كون قتل دري بين يدو ....
اسماء : بعدا عرفتي تسخفي اما انا شفت داكشي كان ايطيح ليا الولد غير حفضني سيدي ربي و صافي و كون تشوفي شنو دار باك و خوك من خرج عصام منقولكش اما خطيبت خوك ما عرفات فين تحط وجها حشمات بزاف هي وعائلتها و يحلفو و يعاودو ما كانو عارفينك مزوجة و ماماك سولات خوك واش ما قلتيش ليها ختك صغيرة مزوجة وهو يدور فيها متسرطاتش ليه بغا ياكل راسو ....
هاجر: افففففف خويا هكدا داير مكيعاودش على عائلتو هو كيهضر غير على راسو و عائلتو مكبجبدهاش و انا كون عرفت هادشي ما نجيش كاع و زيد نسيت الخاتم مصيبة و صافي ......
اسماء: اوا راه ماشي ساهل هادشي حنا و ما عجبنا حال و تعصبنا بقا غير خويا لي مكيرضاش و دمو سخون غير الله يستر و صافي مهم رتاحي ليك و تسنايه دابا يجي عندك و متهضريش معاه فهاد الموضوع خليه غير بوحدو دابا يبرد راسو.....
قطعات عليها تليفون و هي كتسوط... بدات كتمشي منها الخلعة بكلام اسماء و صباح بدا كيطلع و شمس كطلق خيوطها.... و عنيها حمرين بكثرة ما نعساتش هاد ليلة......
دخلات لبيت نعاس هزات تيشورط بيض ديال عصام و دخلات لدوش خدات دوش خفيف و مسحات جسمها مزيان و لبسات تيشورط منو لحمها بدون ملابس داخليه.....
دخلات لفراشها و عقلها كيدور غير على عصام و الحالة لي دارها ...بقات كتفكر و بلا ما تحس نعسات و غرقات في سباتها العميق... بكثرة العيا و ديك صدمة دخلات في غيبوبه ......
كمشات حجبانها و خسرات ملامح وجها باليد لي كتحرك فوق خدها ....
هاجر بصوت تقيل غالب عليه نعاس: اممممم بغيت نعس......
ملامحو جامدة و يدو كتحرك فوق خدها و عنيو كيطلعو وبهبطو على جسدها لي نصف عاري و تريكوه لي لابسة وصل ليها نصف كرشها و نصف لتحتاني كلو عريان قدام عينو.... قرب فمو حدا ودنها وهضر بصوت خافت......
عصام: هاجر نوضي......
كيف سمعات صوتو وهي تبسم ببراءة في وسط نعاسها وبصوت ضعيف تكلمات : بوسني....
هز عينو فيها وحجبانو مكمشين وهو يتبسم بلا جداه من شاف فمها مجموع كتسناه يبوسها.....رجع لودنها كيهضر....
عصام: نوضي باركة عليك من نعاس لمغرب هادا نوضي كولي شوي و رجعي تنعسي لا بغيتي.....
دلات شافه ديالها بحال بنت صغيرة وهي تحل عنيها بشوي فيه..... دورات يديها على عنقو و جراتو لعندها خشات راسها في عنقو و انفاسها كيضربو في عنقو....
هاجر:متوحشتيش زلزالك......
تنهد بجهد و طلع بشوي نعس فوق منها و دور يدو على خسرها زاد علقها فيه كثر: بزااااااف احبيبة بزاااف ولكن......
قاطعاتو بصوت مخنوق: انا ديالك و ديالك بوحدك وما عمري نشوف من غيرك انا مرات عصام و ديال عصام و قلبي فيه عصام و كلشي فيا ديال عصام بوحدو.....
عصام زاد خشااها فيه كثر : وعمرك غادي تكوني لغيري نتي ديال عصام.. مرات عصام بن جلول و صافي.....
طبعات قبلة حارة على عنقو مع عضة خفيفة خلاتو يرجف بين يديها قربات فمها حدا ودنو و همسات بصوت تقيل : بغيت بيبي يكون بحالك......
بسرعة هز راسو فيها مبهوض في نضراتها و عنيها المعسلين و حنيكاتها لي حومر..... خدات يدو و حطاها على كرشها بابتسامة خلابة.....
هاجر : بغيتو يكبر هنا.....
تبهض فيها و بنضراتها ليه خلاتو مجنون فيها و غير بكلمات بسيطة نساتو في كلشي فقط هاجر لي بينات عنيه دابا هي لي كتبان ليه و شيء اخر تمحى تماماً كأنه عمرو كان.....
حل فمو يهضر وهي تحط صبعها على فمو سكتاتو و جراتو من كول القامجة ديالو حطات فمها على فمو بكل رقة دوزات لسناها على شفاه ديالو تحتانية.... غمض عينو وخلاها دير ما بغات.....
حلات عنيها نصف حلة لقاتو منساجم معاها في القبلة وهي تبتاسم وسط فمو و في لحظة رجعاتو تحت منها و طلعات جلسات فوق كرشو ...
خرج عينو فيها متفاجئ برغبة ضاهرة على ملامحها.... عضات فمها بجنب بخفة وهي تغمزو و هبطات بشوي جلسات فوق حجرو تا غمض عينو وساط بجهد.....
عصام بصوت تقيلغالب عليه شهوة: اش كديري ....
هاجر بصوت مبحوح وابتسامة ضاهرة علي ملامحها : انديرو ولادنا....
دور يدو على خسرها و جرها عندو نعسات فوق صدرو طبع قبلة تحت دقنها و اخرى في عنقها ...خشا يدو وسط شعرها و قابل وجهو مع وجها و انفاسهم مختالطة....
عصام: علاش كتقلبي ا هاجر.....
حطات يديها على عقاد القاميجة ديالو كتحل واحد بواحد و عنيها فيه و هو تالف بهاد الجرأة ديالها ما عمرها دارت معاه هادشي لدرجة انه تالف قدامها و تا لكلام لي يقولو حروفو تسرطو كيف كيسرط ريقو.....
طبعات قبلات متتالية فوق صدرو و طلعات تا وصلات لفمو ، كتقبل كل شفاه و عاطياها الخاطر و صواب مستمتعه بتحكمها بيه و الشهوة لاعبة على تفكيرها ، تكلمات وسط فمو و خيط ريقهم متاصل....
هاجر:نتا ديالي و انا ديالك... كيف كتبغيني كيف كنبغيك.. كيف كتشهاني كيف كنتشهاك......
بعدات منو كتحيد تريكوها و هو يوقفها في نص... جلس وهي فوق حجرو.. هبط ليها تيشورط و تكلم بصوت مبحوح غالب عليه رغبة و رغم ذالك متحكم في راسو بلا قياس.....
عصام: ماعارفاش اش كديري ا هاجر اجي كملي نعاسك تا تفيقي مزيان حسن ليك....
هاجر: اوووووف خليني بغيت نعس معاك .... زادت تعلقات فيه و كدفعو باش يتكى وتاخد راحتها كثر....
صاط بجهد ما عرف اش يدير معاها و غير كيهرب وجهو منها.. عارف قاعدتها هي هادي من كتفيق وسط نعاسها كتولي وحدة خرا مولفة غير كتهضر و صافي اما دابا ولا عندها كلشي بي الافعال صدمات عيشتوو و ما باغي يدير ليها والو تا تكون في الوعي ديالها الكامل....
عصام : صافي ا هاجر رصاي خليني معاك زوين هاد ساعة و دوزي تنعسي ......
زيرات عليه كثر باغية تبوسو بزز منو و هو كيهرب راسو منها بحال شي دري صغير .......
هاجر : وااارصااااا خليني نبووووسك.....
عصام : ماتبوسيني مانبوسك تا ترجعي لعقلك واجي ديك ساعة نتباوسو كيف بغيتي....
بزز باش بعدها منو و جمع الوقفة كيسد صدايف القاميجة ديالو ..وهي تقول واش بغات تحشم ما بقا كيبان ليها غير عصام و صافي ولات بحال شي وحدة مخدرة و المخدر مأثر عليها و مخليها تخرج كل اشتياقها ليه بدون خجل ....
جمعات الوقفة ولصقات فيه من ورا ضهرو و كتجر ليه القاميجة و بقبلات دافين كتقبلو في ضهرو و كتزيد تهبط ليه القاميجة تا حيداتها ليه كاملة وخلاتو من الفوق عريان..... كيشوف فيها من المرأة لي قدامو، صدماتو وهي كتبوسو في ضهرو ، دورات يديها على خسرو و بحركات دافين كتحركهم فوق كرشو...كتلمس عضلات كرشو لي مطراسين و واضحين و قاصحين تحت لمساتها .....
عصام تزير هو اصلا موحشها و باغيها من كل جواريحو ورغم ذالك كيقاومها وهادشي كيزيد يمرضو و يعصبو في داتو باغي و ماقادرش... كلشي يقاومو الى هاجر اكبر نقطة ضعف عندو وغير من كلامها كانت كطلعو لسابع السموات فما ادراك بكل هادشي لي كدير دابا ،،..
كان معصب و مريض بلي وقع ومعول يدير ليها محاضرة كبيرة على الخاتم لي نساتو و في الاخير كيلقى هاد كمية الاغراء لي نساتو فراسو شكون هو وخلاتو يعارض راسو غير بوحدو بحال لحمق و اخرتو مع هاجر يولي بحال كونان....
باين من وجهو ما قادرش يقاومها ولا يبعدها عليه... كلو ولا كيقطر بالعرق من كثرة الشهوة و رغبة لي دخلات في عروقو بحال لادروغ و لكن لي مخليه مقيد نفسو هو انه عارفها ماشي في الوعي ديالها.....
ساط بجهد وحط يدو فوق يديها و دار عندها باسها في جبهتها و ركز عينو مع عنيها...
عصام: ماشي هنا احبيبة اجي دخلي دوشي معايا .....
جرها لدوش لي دار في بالو ايرش عليها لما بارد باش يفيقها وهي تحبس ليه في وسط الطريق وشارت بصبعها لناموسية .....
هاجر :نمشيو لهيه.....
عصام كيحاول معاها غير بسياسية ولا طالب غير سلاك : بلاش منها احبيبة اجي معايا لدوش نغسل ليك و ديري معايا لي بغيتي.....
هاجر تعلقات فيه كتبوسو في عنقو و كتكلم : تا ناموسية زوينة نتا نعس ونا نطلع فوق منك....
هز راسو لفوق كيصوط شداه ضحكة بي كثرة الفقصة لي شداتو... دور لسانو على شفاه ديالو وهز فيها حاجب وهبط لخر كيشوف فيها وهي عاضة فمها من لتحت غمزاتو وحركات راسها كأشارة لجهة ديال ناموسية...
قرب ليها بغا يهزها لدوش وهي تخطف منو بوسة بسرعة من فمو و بعدات.....
حط يدو ورا عنقها و جرها عندو حط فمو فوق فمها كيلتاهم شفاه ديالها و كيقبلها بقوة.. دورات يديها على عنقو وزادت تعلقات فيه كثر كتقبلو كيف كيقبلها و كيمصو شفاه بعض بلدة .....
نساجم معاها في القبلة و كيحل عينو بشوي يشوف في ملامح وجها و حركات فمها ...بعد منها بسنتيمترات قلال تلتاقط انفاس ديالها و ابتسامة على ملامح وجهو ......
عصام: اجي احبيبة ما كاين لا نعاس لا حلوى هاد ليلة .....
هاجر : والكوا 😟 .....
حل فمو فيها بدون فهم مع كلمة :اااه...
هاجر ببرائة: مبغيتيش....
عصام ما فهمش لكلمة مزيان : شنو لي مبغيتش....
هاجر: تكويني.....
عصام كمش حجبانو : وعلاش.....
هاجر: باش نديرو ولادنا...
عاد سرات معاه لكلمة وهو يطلقها بضحكة بحال لحمق كيضحك من نيتو.. هز راسو لفوق و وجهو حمار و عنيه دمعو وهي كتشوف فيه و كضحك ببرائة كتولي تحماق عليه من كيولي يضحك و يحمار ليه وجهو و عنيه ينزلو بدموع بكثرة الضحك ......
عصام كيسوط بجهد فشل من كثرة ضحك هزها بينات يدو وكيهضر: اجي ابنتي لعقل لي عندي غادي طيريه ليا شي نهار كل نهار جابدة ليا كلمة جديدة .....
حطها فوق ناموسية وتكا حداها... دورها بينات يدها و جرها عندو لصق ليها ضهرها مع صدرو مزير عليها بينات يدو وخشا راسو بينات عنقها ما خلاها فين دور ولا تنوض.....
بقات غير كترمش في عنيها و عقلها بقا معاه تا ما عقلاتش على راسها و ولا شخيرها كيتسمع فدار كاملة..... بعد منها بشوي وجمع الوقفة كيسوط و كلو عرقان مشا نيشن لدوش تخشا تحت رشاشة وطلق عليه لما بارد و عروق يديه وراسو منفوخين ومرة مرة كيبتاسم غير وحدو من كيتفكر اش دارت عارفها اتفيق ما تبقا عاقلة على والو...
كانت ديما مولفة غير كتهضر في نعاسها وشحال من مرة كيبقا يسولها و هي كتجاوبو ما عمرها دارت هاد لحالة لي دارت ليوم و رجعات داك عصام لي كان معصب و شياطن كيلعبو فوق راسو الى عصام طالب غير سلاك معاها....
ضرباتها الفيقة في نصاصات ليل كيف سحت ليل.. عنيها منفوخين كتشوف في جنابها بان ليها كلشي مضلم.... هزات تليفون بانت ليها ثلاتة ديال ليل وهي تسوط بجهد....
هاجر: اففففف شهاد لخمرة خمرت وعصام مزال مجا .....
شعلات ضو خفيف حدا راسها ، لبسات سندالة وخرجات من لبيت كتحك في راسها و كتحل عنيها بزز حيت تنفخو بكثرة نعاس مدتهاش في حوايج عصام لي محطوطين حداها....
تهز قلبها تال سما وطاح بين رجليها من خرجات من البيت و سمعات الحس في لكوزينة .....ولات كترعد و قلبها قرب يسكت بالخلعة.... ولات غير كدور في راسها كترعد و كتهمس غير بينها و بين راسها.....
.هاجر: اميمتي واش نعست وخليت لباب محلول.. اميمتي ليوم يقطعوني طراف اهئ اهئ اش اندير يا ربي رجلي فشلو عليا تا باش نهرب......
فعلا فشلات ما قدارت تزيد و لا توخر وجمدات غير فبلاصتها كتشهد و اسوء تخيلات ديال القتيلة جات ليها فالبال من الافلام لي كتفرج فيهم..... تقطع ليها نفس من سمعات خطوات اقدام خارجين من لكوزينة وجايين لجهة ديال لبيت لي هي فيه.....
ما بانت ليها غير علاقة صغيرة ديال لحوايج بالحديد مقمقمة كيتعلقو فيها المنطوات..... شداتها مزيان وكلها كترعد و موت وحدة لي كاينة يا تموت هيا يا يموت هدا لي داخل لدارها..... كيف قرب ليها الخيال و دقات قلبها تسارعو والخوف متملكها غمضات عنيها بجهد و هزات لحديدة تال سما و خبطاتو مع صرخة مكتومة وصوت تهراس خلاها تهرب من بلاصتها و تعطي رجلها لريح مخلية مول الخيال كيتسارع مع الم ضربة لي عطاتو.....
في بعض الاحيان الخوف كيخلينا نديرو شي حوايج لي مكيتقبلهاش العقل لأن الخوف كيكون مأثر عليك لدرجة تصرفاتك مكيبقاوش مفهومين....
عصام خارج من لكوزينة هاز كاس ديال لحليب وحداه سندويش معمر بفروماج فرنسي ابيض معول يفيق هاجر تاكل شي حاجة حيت نهار وليل كامل وهي ناعسة ما كلات والو....راد معاها البال تا فماكلتها و كل مرة كيتبسم غير وحدو من كيتفكر اش دارت ليه و لكلام لي خرجات و الرغبة لي جتاحتها تجاهو خلاه بدون وعي فرحان....
لابس شورط قصير حد لفخاض ومن لفوق عريان داير كلاكيطة في رجليه و هاز بيد بلاطو و ليد لأخرى كيبقشش بيها تليفونو وغادي لبيت نعاس... كيف حط رجلو في لباب جاتو ضربة بجهد لراس طيحاتو على وقفتو دايخ خرج اهة متألمة من فمو مزير على سنانو و مغمض عينو بجهد....
هاجر كيف حسات بشي حد طاح زاد الخوف لعب عليها رمات لحديدة من يديها و كلها كترجف، بسرعة تخطات الجثة لي كتألم و مشات كتجري لباب وقلبها غادي يسكت،،، بكثرة توتر والخوف وحلات في حلان لباب و ما لقات غير اسم واحد لي تصرخ بيه كأنه هو المنقد الوحيد لي تحمي راسها بيه..
هاجر دموع شلال في عنيها: عصااااااام.... عصااااااام.. اهي هئ عصااااااام......
سمعات تخرشيش من وراها وهي تجمد في بلاصتها و قليها طاح لبينات رجليها معرفاتش كيف تحل لباب وخرجات كجري هاربة كأن حياتها اتوقف او كأنها عايشة في كابوس مرعب....
خرجات من العمارة ورجليها حفيانين لابسة غير تريكو عصام حد لفخاض و شعرها مطلوق وحيت ضلام مكيبان والو فقط كتجري وصوتها مقطوع و دموع شلال من عنيها...... كيف تحطات عليها يد وجراتها من وسطها صرخات بي اعلى صوتها ....
هاجر :اااااااع ولاااا ولااااااا اهي هئ وااااااااا ماما اعععع مزاال صغييرة مبغييتش نموووت اهي هئ دييو ليي بغيييتو غييير خلييوني انااااااا والله ما نشكي بيكم......
تغرسو الاصابع ديال شخص وسط شعرها وجرها بعنف دخلها في صدرو : شششششش......
قبل ما تسمع صوت طلعات معاها ريحتو لي خلات اعصابها تحطم لأشلاء وفورا طاحت مغمى عليها، و وجها صفر كان قطرة دم ما فيهاش ورجليها كلهم مجروحين بدون كلمة او حرف هزها بين يدو و ملامحو مواضحينش بدم لي مزال كيشرشر من جبهتو ونازل على اطراف وجهو مروارا بعنقو وصولاً الى صدره العاري اادي ينبض بعنف و الجو الدائر بيه اصبح اكثر قتامة و برود كأنه سفاح يعشق الدماء ........
حلات عنيها ببطء ورجعات سداتهم بي اشعة الشمس لي حرقات عيناها فور ما فتحاتهم... خرج من فمها صوت تقيل و جسدها منهك بدون قوة... شعرات بيد تحطات على جبهتها وهي تقفز بسرعة حلات عنيه في الوجه لي مائل لعندها وملامحو اكثر وضوحاً ،،،،
فور ما فرزات ملامحو الخشنة الرجولية هبطو دموع من عنيها كردة فعل اولا وبسرعة قفزات لحضنو ودورات يديها على عنقو مزيرة عليه وبدون ما تشعر لقات راسها كتبكي بصوت عالي في حضنو الدافىء والحامي ليها.....
دور يدو على ضهرها وطلع بخفة فوق ناموسية تكا حداها وهي مخشية في حضنو وبلا ميهضر فقط كتافة بعناقها الحميمي كأنه كيزرع الدفئ في اوصالها.....
في لحضة... وسط احضان بعض..... بدفئ اجسامهم.... وتلاحم اجسامهم بعد فترة طويلة يحمل كلاهمها الشوق للأخر فنتج عن ذالك رغبة جارفة لا يعلم احدهم متى بدأت لتجرفهم مع بعض الى عالم اللذة والشهوة الحارقة التي حرقت كلا اجسادهم مع بعض....
لم يتكلم ولم ينطق بحرف مثلها تماما فقط اعينهم التي اتصلت مع بعض ليقترب كلهما ...وكلهما يشعران بي انفاس االاخر تفلح تضاريس وجهه لتزيد الرغبة الى حدودها القصوى فلم يجد كلاهما سوى دمج شفاه بعضهم بلدة خدرت كل حواسهم بالعالم الخارجي و بقت فقط في عالمهم عالم "انها زوجتي".....
طلع فوق منها وفمو كيمص فمها بي اسمتاع و كل شفاه عاطيها حقها... كانت قبلاتو مجنونة او بي الاحرى مجنون عشقاً لتلك التي تتأوه تحت جسده العريض و ضهرها المتناسق مع نحولة خسره و بروز عضلات معدته بشكل اكثر وضوحاً مع جسده الاسمر الدهبي.....
فتحت عيناها ببطئ لترى جنتها الخاصة في الدنيا متكونة على شكل رجل هجم دقات قلبها لتتسارع بجنون ،،،في لمحة فقط وجدت نفسها عارية امامه بدون اي شيء يسترها ليست وكأنها خجلة من ان تجعله ينضر لجسمها الجذاب و نعومة ملمسه و بيوضة لونه ورشق خسره و وسع وسطه...
انها امرأة كاملة قادرة على ان تجعله في حالة نشوة قاتلة بدون حتى لمسه..... فقد بالنضر اليها اصبحت قطرات عرقه اكثر تزايدا و تنفسه اكثر حدة... ليتنازل امامها هائما بمعشوقته الغالية و الفريدة من نوعها ليبسط سيادتها عليها كأنه يخبر هادا الجسد انت ملكي وحدي ملك من روضك لطاعته... ملك لمن جعلك تتدوق طعم النشوة الفريدة مع مائه المقدش.......
كانت تأوهاتها تطرب مسمعه و ترضي رجولته وتجعله مستمتعاً اكثر.... وفي لحضة وجيزة لم يعد الجسد الصغير يقوى على اغرائات الجسد الضخم لتطلبه بنضراتها مترجية ان يشبع نارها المحترقة فهي تريده تريده اكثر من اي وقت الان.....
قرب ليها اكثر طلع ليها يديها فوق راسها و اجسادهم كتحاك مع بعض ..هز ليها رجل لفوق وادخل خاصته كاملاً بدون الحاجة لتريت فقد كان واضحاً كم هي مستعدة لقبول جسده الضخم داخلها وهي تتلدد بصوتها الانثوي مستمتعة بما يفعله بها منتشية لمساته وخاصته اكثر.....
انفاسهم تعالت من عذاب النشوة التي لحقت بهم معاً ....هيا كتلدد وكتقمش عنقو سخنات كتر وهو ترفع تابع قلبو معاها ونسا عقلو وبقا معاها شوية بشوية وكل شوية كيزيد من وتيرة الولوج و اعينهم متصلة ببعض ذابلين بالشهوة وناسين الوقت،،، فقط هو وهي وعالمهم الخاص ليصلو مع بعض لدروة اللذة الجنسية لتعتصر اجسام بعضهم ببعض لينتج عند دالك تأوهات صارخة من طرف الجسد الصغير لتسقط خائرة القوى ثلهت والطرف الاخرى لديه تعبير راضي .....نعس حداها في جنب كيوزع قبلاتو على عنقها و ضهرها و قلوبهم تكاد تنفجر من مكانها .....
دارت عندو وتخشات بين احظانو كدور راسها بي اريحية في صدرو و كتنفس بعمق و تسوط براحة من بعد.......
دور يدو على شعرها بحنان و لطف ضاهر: مالكي....
زادت تخشات فيه كثر و بصوت مبحوح قالت :حلمت البارح حلمة خايبة بزاااف مزال بين عنيا بحالي عشتها......
عصام بحنان باين في صوتو : باش حلمتي.....
هاجر تهز جسدها برجفة فقط من تدكرات ما وقع وهي بالنسبة ليها كان مجرد حلم وليس حقيقة...
حس بيها عصام وهو يدور يدو على خسرها وباسها برقة في راسها: ما وقع والو نساي عليك كلشي دابا و رتاحي ليك......
بقات مخشية في حضنو شوي وهي تنطق اسمو....
هاجر: عصااااااام.....
عصام ساد عينو : اممم....
هاجر: فيا جوع.......
كمش حجبانو وبعدها بشوي باسها فوق نيفها: ثلاجة خاوية ما فيها والو سيري شوفي شنو خاصك نجيبو ليك معايا هو و الفطور بعد ما ندوش.....
حركات ليه راسها و كتجبد في بلاصتها فرحانة مبقاتش كتحشم منو او تغطي تفاصيلها بالعكس ولات اكثر جرأة معاه وعارفة نقطة ضعف ديالو هو يشوفها كتكسل كيف القطة في بلاصتها وجسدها الطري ناعم و بيض كتضرب فيه شمس.....
وقف عريان قدامها منو لبوكسور و عينو كتسارة على انحاء جسدها لي زاد بان وغلاضت كثر من جناب ومن صدرها وهي عاجبها راسها مغمضة عنيها كتجبد وهو عايق بيها دايرة هادشي بلعاني كيف عادتها....
بمجرد ما عطاتو لور ديالها وهي تحرقو يدو ومنو راسو بلا ما يحس ضربها لمؤخرتها تا تهزات من بلاصتها مخلوعة وعنيها خارجين فيه ما عمرو دارها كانت هادي اول مرة وبلا ميحس غراتو بداك المنضر و يدو خدمات قبل ما يستوعب عقلو......
هو بنفسو بقا مكوانسي فبلاصتو جامد كثر منها هي.... حل فمو ورجع سدو ورجع حلو وهضر بصوت مرتبك شوي....
عصام: قصحتك؟؟!.....
شافت ارتباكو وهي دلي شفاه ديالها و دارتها ليه قد فعلتو ...دارت بجنب مكوزة كتوريه لبلاصة فين ضربها و يدو مصورة ودغيا حمارت وهي كتغنج بدلال قدامو و كتسوط على لبلاصة و بصوت حلو كتقول....
بقات كتوحوح وتعوج قدامو تا حسات بثقل ديالو فوق منها و انفاسو حدا ودنها وقال....
عصام:واش كتقلبي على توام هاد ليلة......
تكمشات تحت منو بحال لقطة وحركات راسها يمين و شمال :لا غير واحد باركة.....
عصام زاد ضغط بجسدو عليها: وشهاد البسالة ولات فيك هاد ليام......
هاجر مقدراش تشوف فيه: غير كنت كنضحك معاك و صافي.....
قرب حدا ودنها و عضها ليها بشوي مع صوت مبحوح: وليتي باسلة بزاف ازلزالتي....
هزات راسها فيه و فمها محلول قبل ما تخرج تا حرف كمشات حجبانها و رجعات حلات عنيها بجهد من شافت ضربة لي كانت مغطية تحت شعرو... بسرعة قفزات من بلاصتها وهزات ليه شعرو كتشوف ضربة لي جات في جبهتو مع بداية شعرو و منفوخة شوي داير فوقها فاصمة......
هاجر بخوف: شنو هادشي منين جاك.....
عصام هز حاجب و هبط لخر : سولي راسك.......
هاجر بدون فهم: انا علاش.....
عصام: غير داك شفار لي ضربتيه لبارح في الحلم ديالك كان سميتو عصام وهو لي كنتي اتسيفطيه لقبر قبل وقتو......
خرجات عنيها فيه بدون استعاب كلماتو وفي لمحة ولات كترجع داكرتها لحادث ديال لبارح.... بسرعة حطات يديها على فمها مع شهقة عالية.... هزات صبعها في اتجاهو.....
هاجر: نتا لي ضربتك البارح.....
عصام حرك ليها راسو : وانا لي جبتك من سخفتي ليا في يدي كنت معول نتفاهم معاك لكن من شفت حالتك سديت الموضوع .....
بقات كترمش بسرعة وهي تطلقها بواحد ضحكة تسمعات في دار كاملة... تلاحت فوق ناموسية كتركل بضحك وتشير بصبعها ليه و ترجع ضحك و دموع نازلين من عنيها و وجها ولا حمر فقط تخيل انها هي لي ضربات عصام بقدره الكامل ومنصبه شداتها ضحكة ما بغات تطلق منها....
عصام عاض فمو من جنب و مراقبها غير بنص عين و صوت ضحكتها مسموع و صوتها حنين و نغماتو تقال كيخليه بلا جداه يدور يشوف فيها وخا عيا ما يهرب عينو منها......
حط يدو على ضربة لي فراسو وبسرعة تبدلو ملامحو لبرود ......جرها من يديها لناموسية داير راسو معصب....
عصام: باركة من ضحك وااااش بغيتيني نضربك ....
هاجر ولات حمرة بكثرة ضحك نفس حبسات ليها، حاطة يد على كرشها و هازة صبعها جيهت راسو فين مضروب: ههههه ايما قلبيييي انموووت ولات عندك بولة كبيرة 😂......
هزات يديها بغات تقيص ضربة وهو يضربها ليديها مخنزر......
هاجر عبسات من ضربها في يديها: وانا فين كنت عارفاك نتا ...هادشي درتو غير باش نحمي راسي.....
عصام حط يدو على جنابو و ساط بجهد :وخا الالة ما قلت والو.......
نفض يدو ودار غادي لحمام تا حس بشي حاجة ترمات ليه فوق ضهرو دورات رجليها على خسرو و كتعض عضات خفاف في عنقو وكضحك....
هاجر: وصافي برد دابا، راه ضربة الحبيب مثل اكل الزبيب ....
عصام حل فمو يهضر وهو يحبس من عرف كان ايقولها قد راسو وهو يعض شفاه ديالو مغزف عليها بغا ينزلها وهي تجرو من شعرو بجهد تا طاح هو وياها كملات عليه الباهية ، دار عندها وجنون كيشطحو ليه فوق راسو و عنيه قاصحين فيها خشاها وسط منو كيف الفلوس و الموقف لي هي فيه شداتها ضحكة مبغاتش تسكت....
هاجر: وحق الله بغيت غير نلعب معاك ههههه
عصام مخنزر: وكضحكي....
هاجر غوبشات : بغيت غير نلعب معاك....
عصام معصب: ماعنديش لخاطر لعب ديالك هاد ساعة جلسي هنا وسكتي راه غادي نضربك متزيديش تعصبيني باركة هاد الحالة لي درتي لبارح متزيديش تصعريني.....
هاجر بقات كترمش ببرائة وتهز عنيها من تحت رموشها تشوف فيه و نطقات بصوت هامس وعنيها كيبريو :مقصدتش سمح ليا....
بمجرد ما نطقات ديك لكلمة ختافى كل الغضب و البرود لي كان فعنيه و تحولو لنضرات دافئة كأنه ماشي هو لي كان معصب دابا..... هبط عندها بشوي رجع ليها خصلات شعرها ورا ودنها و حط شفاه ديالو بدفئ فوق فمها مع قبلة دافية نطق وسط فمها...
عصام: تا انا كنت غير كنضحك معاك...
غمزها و جمع الوقفة دخل نيشن لدوش خلاها غير كترمش بوحدها....
بعد مرور يومين.... جالس عصام في صالون عصري بطابع تركي وطبلة كبيرة ديال جاج قدامو حاط فوقها بيسي ديالو كيخدم فيه و فالجوانب بعض الاوراق مركز في خدمتو مزيان داير نضرات طبية على عنيه ولابس فقط شورط قصير مع تيشورط لاصق على عضلاتو...
فور ما كيبدا الخدمة كينسا شنو داير بيه و كينسى تال الوقت و تا هاجر ملقاش معاها المشكل من ناحية صداع هي من نوع لي كدير الحاجة فسكات طبعا في شغل اما الكلام كدير ليه بوق ورغم دالك من كتشوفو خدام و مركز مع خدمتو مكتزعجوش و كتخليه اكثر يرتاح في دارو و تهلا هي بنفسها فيه و فماكلتو وراحتو......
مخشية في لكوزينة كتوجد كسكروط فضلات دير اتاي بلاصت لقهوة لي ديما مكتخطاش من يد عصام فضلات تجدد ليه مشروبو اليومي... خرجات طبسل ديال حلوى لي صوباتو الصباح بيديها مع مسيمنات و كيكة ديال شكلاط مزين بدناب و شكلاط محكوك ....قدات كلشي فوق طبلة عاد خرجات مشات نيشن لبيت نعاس هزات ملابس داخلية جداد مع فراشة خفيفة ديال توب مطرزة و مفتوحة من جناب بي الاصفر كتبين سيقانها بيضين كيشعلو،، بزربة دورات على حالتها و عطرات جسمها و كحلات عنيها بكحل عربي وخلات شعرها بلون العسلي مطلوق ورا ضهرها، دورات سنسلة على رجليها بحال لخلخال عجبها رسها مزيان عاد خرجات كتعوج و ريحتها سابقها....
كيف طلعات معاه ريحتها هز راسو لا ارادياً مبهوض في شكلها الخلاب و الساحر للعين و من نضراتو واضح اعجابو الشديد بشكلها هبط عينو لسيقانها لي كيبانو من جناب الفراشة و لخلخال لي كيبري في رجليها وهي كتمشي و تجي قدامو فرحانة.... هزات كاع لمخاد لي عندها دوراتهم في جناب فوق زربية ديال ريش ملسة و حطات لوسط طبلة قصيرة و بدات كتحط فوق منها الد الاطباق لي وجدات و طالقة اغنية ديال اليسا "مكتوبة ليك" لي كتحماق عليها و في جميع الفرص كتغنيها لعصام تا حفضها معاها.......
سحراتو بحركاتها و اهتمامها بيه بنفسها وكيف مكتخليش ريحت الماكلة فيها وقت ما دخلات طيب كتخرج نيشن تبدل حوايجها عاد تجلس حداها وخا هو عندو عادي وقابل كلشي لكن فقط من كيشوف الاهتمام لي عاطية راسها باش تسعدو كيخليه يفرح في لداخل ديالو...... جلس في لمكان لمخصص ليه متكي على مخدة و كيشوف في طبلة لي مزوقة وراسم ابتسامة على ملامحو.....
عصام:نتي لي وجدتي هادشي.....
هاجر جلسات حداه قدمات ليه كاس اتاي: اه المسمن صاوبتو البارح من كنتي مقابل شغلك ما بغيتش نصدعك و الحلوى صاوبتها صباح.....
عصام مبهوض:تبارك الله عليك الالة ماعندي ما نسالك.....
هاجر بتسمات ليه برقة : بصحتك.....
هز عينو وهبطهم فيها مزيان لاحض اختلاف كبير في طريقة كلامها وتا فجلوسها و لبسها هي ديما من كتكون معاه كتلبس ليه حوايجو وهادشي كيعجبو لكن بمقارنة مع الحوايج لي لابسة دابا فلا علاقة تا من المكياج ولات مرة مرة كتبين لون عنيها الاخضر لي كيزيد يغرق فيهم كثر....
طبعاً نضراتو مخفاوش على هاجر لي شافت طريقة كيف كيشوف فيها وهي تبتاسم بكل حنية و بصوت جميل وهادئ قالت ...
هاجر: مشهي شي حاجة نصاوبها ليك لعشا.....
عصام مكرهش ينطق "مشهيك نتي" ولكن زير راسو من شافها نهار كامل وهي واقفة في الكوزينة مبغاش يعدبها تا فالفراش كتافة فقط انه يقول: لي بغات زلزالي....
هاجر ببراءة هزات فيه عنيها : علاش كتقولي زلزال.....
عصام مسرح رجل و رجل طاويها وحاط فوقها يدو وهي جالسة وسطو و عنيها فعنيه بمجرد ما سمع سؤالها هز فيها حاجب و هبط لخر بمعنى "من نيتك كتسولي"....
هاجر فهمات قصدو : انا عارفة كانو كيقولها ليا ولكن حيت كندير علاش ولكن نتا عمري ما درت ليك شي حاجة بالعكس كنت مزيانة معاك بزاااف كاع....
عصام حط يدو على جبهتها مكمش حجبانو: فيك سخانة ابنتي ولا كتفكري غير فلي بغيتي،، عقلتي الايام لولة اش درتي فيا وبلا منهضر على مصيبة ديال ست سنين هاديك ما فيها ما تعاود و زيد داك حمار ليل لي كيضربك كل ليلة كتغريني و تخليني تا كنبدا عاد كتهربي و تنعسي وتخليني شاعل و نمشي نبرد راسي بالما بارد وزيد شعرك لي قطعتيه و بدلتي ليه لون و كلامي لي كضربيه في الحيط و الخاتم لي نسيتي تا بداو يخطبوك مني... هز حجبانو فيها.... نزيدك ولا صافي...
هاجر خرجات عنيها : اميمتي هادشي كامل و مزال.....
عصام: هادشي غير نقطة في بحر من الحوايج لي كديري فيا.... حط صبعو على خدها قرصها بحنية مع ابتسامة مزينة ملامحو... عرفتي دابا علاش كنعيط عليك زلزال ....
هاجر دلات شفاه ديالها بعدم رضا : لكنت انا زلزال نتا راه تسونامي ضرب فيا و دوز و يشيط لخير.....
عصام حط راسو على لحيط عاض فمو من جنب و كيشوف فيها بنص عين وهضر بصوت مبحوح :لا كنضربو غير ليك....
هاجر:الله ينجيني من ضربك، باركة غير شوفة كتهبط مني نص اما ضرب اترسلني لمستعجلات نيشن.....
دور يدو على خسرها وجرها عندو كثر وهضر بصوت تقيل في ودنها خلاها كلها ترتاعش بينات يديه: لكن هو بغا يضرب غير حبيبتو.....
هاجر كمشات حجبانها:وتقدر ضرب حبيبتك.....
عصام تنهد وسط عنقها وبصوت ثقيل غارق في ريحتها لي هيجاتو : مكرهتش....
هاجر خرجات فيه عنيها: والله وضربني تا نمشي بحالي و نخليك بوحدك ما عمري نرجع ليك....
عصام باسها برقة فعنقها : غير خلينا نجربو يقدر يعجبك......
هاجر حطات حنكها فوق حنكو مستمتعة بقبلاتو في عنقها و بصوت حنين حدا ودنو تكلمات: عارفة راسي معاك امان ما نخاف من والو ،وانا بين يديك دير بيا ما بغيتي تايقة فيك كثر ما تايقة في راسي....
عصام تبسم وسط عنقها: نديرو....
هاجر بدون فهم: اش انديرو؟!!..
عصام غمزها :ولادنا.....
هزات راسها كأنها كتفكر حاطة صبعها تحت دقنها وهو بقا كيشوف فيها مبتاسم و عينو كيبريو كتعجبو من كتبدا تصرف بطفولية ودلع ورغم كل هادا ملامح وجها فيهم برائة وهادي كيزيد يعجبو فيها.....
شافت فيه مزيان حلات فمها تهضر وهي تسكت و بعدات نضراتها منو... هز فيها حجبانو و حط صبعو تحت من دقنها دور وجهو ليه....
عصام :شكاين مالكي....
هاجر تقادات ف الجلسة قدامو و لقراية لي قراتها اسماء بدات كدور ليها فراس ..حنحنات بشوي وقالت: هانتا شوف اندير انا وياك اتفاق بيناتنا اش ضهر ليك....
عصام كمش حجبانو : شمن نوع ديال الاتفاق.....
هاجر: دابا هانتا انشرح ليك انا مزال صغيرة يالله عندي 18 لعام وناس قدي كيكون عندهم طموحات باغين يحققوها و يتبتو داتهم في المجتمع....
عصام حرك راسو :كملي...
هاجر: انا من ناحية الولاد معنديش مشكل نحمل تا دابا ولكن في المقابل بغيت ندير مشروع ديالي بوحدي ندخل منو لفلوس.....
عصام بسرعة تحولو نضراتو لبرود و ملامحو تجمدو: علاش انا حابس يدي عليك ولا طلبتي شي حاجة و موفرتهاش ليك الكونط لي درتو في سميتك كلو عامر وعاطيك حرية تصرفي فيه، خسري كيف بغيتي شنو لي ناقصك باش تعدبي راسك برا.....
دورات لسانها على شفاه ديالها و سرطات ريقها بصعوبة من نضراتو الحازمة.. بسرعة حطات يديها على خدمو كمحاولة دوب هاد الجليد لي طغا على ملامحو لكن فور ما لمسات البشرة ديالو دور وجهو لجهة اخرى ،ورغم رفضو الواضح وبدون سابق انذار حطات شفاه ديالها الدافئين على خدو مع قبلة رقيقة...
هاجر: انا ما قلتش ناقصني اعصام بالعكس خيرك مدفق عليا من كل جوايه ولكن نتا رجل اعمال و اسمك دايع صيتو في الدول الاوربية خدمتي على راسك من صفر باش تكبر راسك وهادشي لي خلاك اليوم ما نتا عليه ولكن انا عكسك تماماً ما درت والو فهاد الحياة باش نتبت وجودي ونوقف في جنبك كشخص اكثر مسؤولية بعمل خاص ليا بوحدي نحافض على سمعت اسمك و نخليك فخور بيا.....
جرها عندو كثر حطها فوق صدرو و يدو كتلعب فوق شعرو:سمعيني اهاجر هاد لكلام انقولو ومغاديش نعاودو مرة خرا.....
حركات راسها بي الايجاب بينما هو شبك يدو مع يديها...
عصام: ربي خلق المرأة ملكة وسخر الرجل لخدمة ديالها ربي كلفها بشيء واحد وهو حصن الفرج ديالها و اطاعة زوجها و تربية اولادها تا من طياب و مسائل الاخرى ديال دار فهديك فقط صدقة كديرها لمرأة لأنه ممفروضاش عليها،، عارف هاد الوقت لي كنعيشو فيه حاليا المرأة كتبغي تبت وجودها في المجتمع وهي معارفاش انها اصلا هي لي مربية هاد المجتمع فكفاش اتبت وهي لي ولداتو و رباتو... فهاد الوقت تحتم على المرأة تخرج تخدم كاين لي متزوجاتش وكاين لي خلصة راجلها مكفياهمش فهي كتضطر تخدم وتعاونو لكن نتي ما نقصك والو احبيبة وراجلك مانقصوش الفلوس باش تخرج مراتو تخدم برة ونتي فعيني كبيرة و فخور وراضي بيك من لأرض لسما انا لي مسخر نخدم عليك و نعيشك ملكة و مدللة تا نتدفن تحت تراب......
قلبها بدا كيضرب بجهد بكلماتو لي ختارقوها كيف سهم وخلاوها ترجف بدون ما تحس،، كلماتو لي زرعو دفئ و مشاعر غريبة في كيانها ورغم دالك حافضات على هدوءها....
هاجر: ولكن شحال من وحدة مزوجة بواحد لباس عليه وخا هكاك كتخدم ودايرة مشاريع في سميتها....
عصام: هادوك اخرتهم طلاق وكاع هادو كيكونو دايرين طرف تاني في حياتهم و مشاعرهم لبعض كتكون باردة بمعنى انهم مزوجين فقط في الاوراق كأنه عقد عمل ، ميغروكش لمضاهر و النجاح ديال شخص لأنه لو شفتي الامور من زاوية اخرى اتلقاي القاع مضلم بزاف ،انا عايش وسط هادشي و كلشي كيدوز قدام عيني وعارفو و فاهمو .... باسها بحنية في جبهتها مع نضرة دافئة.....خلي مشروعك هو راجلك و ولادك و دارك لانه هادا هو انجح و افخم و اعضم مشروع كتقنو المرأة....
إنها زوجتي الجزء 15
محتوى القصة
التنقل بين الأجزاء