كل بنت عايشة في دار باها ولا بد يجي نهار لي تخرج منها برفقة شريك حياتها و تعيش فدار راجلها...راجلها لي ايولي هو عائلتها و المسؤول عليها..هو لي ايولي الاب و الاخ و الصديق و الحبيب و الزوج...كلشي مجموع فيه ......
في غرفتها حادرة راسها و حشمانة بزاف... خدودها حمرين غادي يطرطقو بدم و لكوافورة معاها حاطة ليها طاس قدام رجليها كتغسلهم ليها من لحنة بالماء مخلط بالما ورد و نعناع و هو جالس قدامها و عنيه عليها حاضي كل تحركاتها.....
كلشي في سطح فرحانين لعرس هاجر كيشطحو و يزغرتو في فرحها و هما بوحدهم لي لتحت.....
نكافة كتطوي زيف لي مسحات بيه لحنة: هانتي اختي هاد زيف خبيه تا لسبعيام ديالك و غسليه بيديك و عنداك يجي فشي يدين شي حد راه شحال من وحدة سحرو ليها فيه....
هاجر حركات غير راسها بي " اه " بالحشمة مقدرات تخرج تا حرف و هو قدامها مفرق رجليه و مشبك صباعو لوسط ساكت بحالي مكينش....
هزات نكافة داك طاس و كلشي خرجاتو لعند حليمة برا و نكافة تانية قربات لهاجر ....
-نوضي اختي خاصك تحيدي هاد لبسة و تلبسي لبيضة لي اتخرجي بيها.....
هاجر خرجات فيها عنيها: ولكن ممم ملبساااش من لتحت...
هاجر مسكينة تزنكات كتشوف في عصام لي نحنح و كيشوف في نكافة....
عصام: غير خرجي اتحيدو راسها ....
خرجات نكافة و سدات وراها لباب خلاتها منها لعصام ..وهاجر مسكينة كتشطح في بلاصتها و قلبها كيضرب بجهد عاضة فمها من لتحت و غير كدور في عنيها مقدراتش تهز عنيها في عصام لي وقف عليها....
تحدر عندها بشوي شد ليها يديها و وقفها معاه كيشوف في عنيها....حط يدو على خدها كأنه كيطمأنها بهاد لحركة....
بلا ما يهضر كيف عادتو بدا كيحيد ليها لمجوهرات لي فعنقها بشوي و هي كيف صنم جاتها لقوة مقدرات دير والو ....حادرة عنيها و هو كيحيد تا حيدهم ليها كاملين عاد حسات براحة حيت كانو متقلين عليها و كيقرصوها في لحمها......
دورها بشوي عطاتو بضهرها مهبطة راسها و يدو في سمطة كيحاول يحيدها ليها و فمو قريب لودنها لدرجة انفاسو كيدغدغوها.....حيد ليها سمطة و رماها فوق ناموسية و هي مزال جامدة في بلاصتها مغمضة عنيها و عاضة فمها من لتحت ......
حسات بأصابعو طويلة و دافئة كيحيدو خصلات شعرها من ورا ضهرها و دورو كامل قدامها.....
عنقها ولا معري قدام عنيه ...حط يدو بهدوء على كتافها وهبط راسو بشوي حط شفاه ديالو على عنقها مغمض عينو.....
كيف حسات بشفاه ديالو على عنقها زيرات على عنيها و قلبها كيضرب بجهد ولات كلها سخونة و حمرة و شي حاجة كتلعب ليها في معدتها.....
بعد منها بشوي و حط صباعو على عنقها و هبط بشوي على طول يديها تا قرب لأصابعها و شبك يدو مع يديها بقوة و دور يدو الاخرى على خسرها ... قربها ليه كثر مزير عليها بجهد ...خشا راسو في عنقها كيشم ريحتها بهدوء
هاجر حسات بيدو كيطلعو ليها لقفطان على رجليها تصدمات و جاتها لخلعة: امممم هئ لا...
عصام طلع فمو حدا ودنها بهمس: ششششش....
تجمدات في بلاصتها و دمعة على طرف عنيها مخلوعة...طلع ليها لقفطان بشوي حيدو ليها ...رماه فوق ناموسية بقات غير بدوني بيض هو وشورط ديالو قصير كيبين كاع فخاضها لي بيضين و دوني مزير عليها و نص في صدرها كيبان....
حطات يديها بجوح على صدرها وهو واقف وراها....دورها عندو بشوي و عينو كيتسراو على جميع انحاء جسدها....وهي مهبطة راسها و شعرها مخبي وجها......
حط يدو فوق من يديها لي محطوطة على صدرها يحيدها ليها و هي تزيد تزير على راسها....
هاجر: هئ لااااا عااافك لاااا...
عصام كيرد عليها غير بشوي: شوفي فيا ا هاجر.....
هاجر حركات راسها بي "لا"...
حط صبعو تحت من دقنها وهز ليها وجها .عينيها تقابلو مع عنيه ....و يدو على عنقها تحت من ودنها و صبعو لكبير كيطلع و يهبط بشوي على خدها
عصام بصوت حنين : متخافيش مني....
حيد ليها يديها بشوي من فوق صدرها و هي مزال متصلبة لخوف لي اول مرة كتشعر بيها لعب على اعصابها لدرجة كبيرة...مكرهاتش تهرب من قدامو لكن رجلين لي يهربو فاشلين عليها.....
عصام حس بيها و هو يبعد منها عطاها بضهرو و شار بصبعو لطبلة لي فيها لماكلة كانو دخلوها ليهم باش يتغداو: سيري تاكلي.....
هاجر باغية غير تهرب من قدامو غير قاليها سيري تاكلي بزبرة طارت دارت زيف كبير غطات بيه صدرها و جنابها بقاو غير رجلين لي كيبانو بلقين كيبريو بالبيوضة ...جلسات فوق لكرسي مقدراتش كاع على شوا لي محطوط هزات غير لعاصير لي كان كتشربو غير باش تلهي راسها...كاع طيارة و جبهة لي فيها كاتجي لقدامو كيتقادة ليها كلشي و كتولي بحال شي سطل بلا تقرقيب...
عصام بقا عاطيها بضهرو معاودش شاف فيها...بدا كيحيد في جبادور ديالو بقا عريان من لفوق و هاجر حالة فمها في ضهرو لعريض و لمنحوت كل عضلة مفلصة في بلاصتها....ولات كترمش بزربة و كتشرب في لعاصير غير شافتو كيحيد سروالو وهي تشتت كلشي لي ففمها مخرجة عنيها....
عصام دور راسو ليها: مالكي....
هاجر بزربة هزات كلينكس كتمسح فمها: كح كح كح لا والو غير وحلات ليا و صافي...
هبطات عنيها لتحت معوداتش شافت جيهتو و هو كليبس حوايجو لي مكونة من بدلة سوداء راقية و انيقة في شكلها ....دور يدو على شعرو رجعو لور و هز ساعتو كيلبسها بشوي عاد دار عندها لقاها ما كلات والو...بشا جلس قدامها مكمش حجبانو...
عصام: علاش مكلتيش...
هاجر حادرة راسها : معنيدش شهية لوالو انشرب غير عاصير و صافي....
قرب يدو لمس حنكها بشوي و هز ليها راسها كيشوف في عنيها: صافا !!!!
حركات راسها بي اه و بقات ساكتة تا دقو عليهم نكافات دخلو يبدلو ليها لبسة لبيضة لي اتخرج بيها ....
عاودو ليها مشطة جديدة جمعو ليها شعرها على شكل شفنجة مرخوفة وخلاو بعض لخصلات متحررين على جبهتها ... لبسوها قفطان ابيض مدهب مشبك من جهة ديال لكتاف و مزير من جيهت لخسر و مطلوق تال لتحت بسمطة مدهبة ديالو .. دارو معاه كولي ديال دهب من لي جاب ليها عصام بالاخضر مع حلقات ديالو مكثروش ليها لمكياج و خلاوها اكثر طبيعية ....لبسات صندالة كتماشة مع لون لقفطان جات غزالة كتحمق بقا عصام غير كيشوف فيها بلا تا كلمة من عينو باين كلشي .....
شدها من يديها و خرج هو وياها قدام لعائلة لي هبطو لتحت و طلعو معها تال لفوق بزغاريت فرحانين ليها و كاين لي شاد دموعو غير بزز منهم سلوى و حليمة لي غير كتخبا من قدام بنتها و تبكي تفرغ حرقة لي فقلبها....و عصام بقا بعيد واقف حداه خوها جواد ....
وخا هاجر فيها صداع لكن داك صداع هو لي كيحليها و مخلي بلاصتها كبيرة و عزيزة فدار...شكون لي يشد ضد مع حليمة و خا تاكل لعصا تبردها و تبشي تجلس حداها كضحك بحالي ما وقع والو ....
شكون لي يدخل على باها تعاود معاه و تشد هيا و ياه نكات نهار كامل تفوج عليه و ضحكو و تفكرو في ياماتو ...
شكون لي من غيرها لي كتحامي عليه وخا هو راجل هي مرجلة كثر منو ولي قرب جيهتو تخلي دار بوه دايرة سبع ولي قرب لخوها تاكلو....
شكون لي يصوني عليك كل نهار يسول عليك و يتفكرك فكلشي ونتا ملهي بي امور لخدمة و بعيد على عائلتك من غيرها هي....
شكون لي يشد معاك ضد و ضلو تعايرو بعضياتكم ولكن نهار تحتاجيها تلقايها قدامك و دير لي فجهدها على ودك و شحال من مرة دخلات خيط بيض بينك و بين راجلك من غيرها هي...
شكون لي يديرك بحال صاحبتو و يعطيك معزة ما عطاها لتا حد من غيرك و تقول قدام كلشي انا بنت خالتي...
...من غيرها هي هاجر....
هاجر لي لبنت الواعرة و القبيحة في لعائلة لكن مع كل هادشي كدخل لقلب و تحط بلاصتها لي كتكون كبيرة....كلهم تفكرو لحضاتهم معاها و هما كيشطحو معاها و يفرحو معاها في نهارها...تا حد ما توقع ان شي نهار اتزوح و تبشي عند راجلها و تخليهم بحالي مقطوع ليهم راسو ....
دخلو سي حميد بزز يشط مع بنتو شدات ليه في يديها كتشطح بشوي معاه تا دموع بداو كيهبطو ليها بقوة و شفاه ديالها كترجف.....
عنقات باها بجهد كتبكي في صمت وتا باها ما قدر يحبس دموعو و بكا بحرقة على كبدتو ما قدرش يصبر و هو لي رباها بينات يدو و فششها و كبرها.....مكاينش في لحضور لي مبكاش فهاد لحضة و عصام غير كيشوف فيها بحنية بدوك دموع لي كيشوف و كل دمعة كتهبط من عنيها كيواعد نفسو وعووود كثيرة خالجو نفسو تجاها هي لي ولات مراتو و تحت دمتو .....
وهي في حضن باها كتبكي و ديدجي خدم اغنية لي زادت حرقاتها في قلبها و تمنات يرجع الوقت لور ترفض كلشي و تبقا في دارها حدا باها و مها...
كِلّك قسى إنتي.. مني خَذِت بنتي
كلك قسى إنتي.. مني سرقت بنتي
بيعدِتها عن بيها.. وبيعدتني عن جَنتي
...
حرمتا أعز الناس.. بيّا اللي خدّا باس
يوم اللي كانت بنت.. الله يرِزقك بِنت
تَتِنسَرق منّْك.. وتدوق نفس الكاس
إنتبه على بنتي
أخذتا من قلبي لقلبك .. إن شالله بِتنوِرلَك دربك
ما تنسى بيا الي رباها .. الي كبرلا شأنا وعلاها
متنسى الحضن الي غفاها .. ماتنسى الحضن الي غفاها
فيقها باحساس
...
حرمتا أغلى الناس.. بيّا اللي خدّا باس
يوم اللي كانت بنت.. الله يرِزقك بِنت
تَتِنسَرق منّْك.. وتدوق نفس الكاس
إنتبه على بنتي
يا صُهري الي بَعدتا عَنّا .. سمحلي عِدَّك واحِد مِنّا
وتِبقى جِيبا عَبَيت أهلا .. العَتبِه تِندَهلا يا أهلا
إنتَ صِرِت إبَّيتي إبني .. عيني بقلب العين بتبني
روء عْلَيها ولا تعَزِّبني .. روء عْلَيها ولا تعَزِّبني
وعاملها باخلاص
حرمتا أغلى الناس.. بيّـا اللي خدّا باس
يوم اللي كانت بنت.. الله يرِزقك بِنت
تَتِنسَرق منّْك.. وتدوق نفس الكاس
إنتبه على بنتي
إنتبه على بنتي.....
كلمات الاغنية خلاوها تبكي و تعنق باها بحرقة.... هبطات راسها باست يدين باها بقوة و حطاتهم على حناكها مغمضة عنيها...باسها باها في راسها كيدعي معاها و يرضي عليا فالدنيا و الاخرة...
شاف في عصام لي قرب ليه و عينو على هاجر لي اتسخف بالبكا....
سي حميد خدا يد بنتو و حط يديها في يد راجلها عصام : تهلا فيها اولدي راه هي لعزيزة ديال دار تهلا فيها و متبكيهاش و صبر عليها.....
عصام حط يدو على كثف سي حميد: بنتك ولات مراتي اسي حميد انحطها في عيني و فوق راسي و كما عاشت في دار باها اتعيش في دارها مغادي يخصها تا خير معايا....
سي حميد مسكين ما قدرش يصبر و بعد من حداهم تخبا ورا لحيط.. جلس على لكرسي شاد راسو جاتو قاصحة بزاف ....
تودعات مع لعائلة كاملة و هبطها خوها جواد لي لصقات فيه ما بغات تفارقو تا بكاتو وخا كان شاد راسو كثر من لقياس لكن هبطو ليه بلا ميحس.....باس ليها راسها و ركبها في طونوبيل ...سلم على عصام و وصاه على هاجر مزيان .....
ركب عصام حدا هاجر شد ليها يزيها كيمسح ليها دموع بشوي...كيف تحركات طونوبيل دورات راسها لجاج طونوبيل لقات كلشي كيودعها و هي كل مرة كتبعد حاطة يديها على جاجة و دموع دايرين خط على حناكها.....
دورها عندو عصام بشوي دخلها في حضنو مزير عليها خلاها تبكي على خاطرها....
وصلو لفيلا خرجات بشوي من طونوبيل و عصام مدور يدو على خسرها خرجات عندهم لاقة الياقوت هي و اسماء و العائلة كاملة مجموعة رحبو بيها ترحيب كبير فرحانين بيها ....
دخلوها بزغاريت و صلاة على النبي و لالة الياقوت كتعرفها بالعائلة وناس لي قراب ليهم وهاجر غير كتحرك راسها و ترد سلام......
فرقو لحليب و تمر مع الفاكية شادين معاها الحديث ...كانو غير لعيالات بوحدهم تا دخل عصام لي كان برا مع رجال ...حرك راسو لمو جات عندو هضر ليها فودنها...وهي تحرك ليه راسها مزادتش معاه الهضرة.....
قربات لعند هاجر وقفاتها و داتها تال عند عصام لي كان واقف حدا دروج..... جمع حجبانو لوسط من شاف وجها صفر و نيفها حمر هو و عنيها....
حط يدو بجوج على خدها و هز وجها لعندو كيشوف في عنيها....دوز صبعة لكبير بشوي على عنيها و هي مسكينة بقوة البكا لي بكات مبقاش عندها القوة لي تزيد تهضر و لا تزيد خطوة وحدة.....
دور يدو تحت من رجليها و هزها قدامهم مزير عليها مقربها لجيهة قلبو بحال شي بنية صغيرة.....حسات بالدفئ ديالو وهي تخشي راسها في عنقو مغمضة عنيها....
زاد زير عليها و طلعها بشوي معاه متصوق لتا حد لي ... تفكيرو كلو غير على لي بينات يدو حاليا.....دخل لجناح ديالو لخاص و سد لباب برجلو ....
حطها فوق ناموسية وعطاها كاس لما ...شافها مرخية وهو يشربها بيدو و صبعو كيلعب في حنكها....
عصام : هاجر مالكي...
هاجر كتهضر بزز: والو بغيت غير نعس راسي كيضرني بزااف....
عصام: حيدي حوايجك بعدا و دخلي دوشي و شرب دوا عاد نعسي اوكي...
هاجر حركات راسها: لا غير خليني و الله حاسة براسي فاشلة بزاف بغيت غير نعس نرتاح....
عصام بقا كيشوف فيها ...حل لمجر ديالو خدا منو كينا ديال راس شربها ليها .....جلس حداها مكاليها بصدرو و كيحيد ليها لمجوهرات و لقفطان ديالها بشوي...حيد عليها كلشي عاد تنفسات و تنهدات بجهد بحالي كانت مقجوجة...
حل ليها شعرها و سرحو وراه ضهرها بشويو هي غير ساكتة متكية عليه و عنيها كيتلصقو بنعاس و لكينة لي شربات بدات كتعطي مفعولها ......
هزها بشوي حطها فوق ناموسية صاوب ليها راسها فوق لمخدة مكالي يدو على ناموسية و هي وسط منو كيشوف فيها لمدة طويلة وهي كتشوف فيه بنص عين....هبط راسو بشوي باسها في جبهتها ...
كيف حط فمو على جبهتها غمضات عنيها بشوي بدفئ ديالو كيف غمضات عنيها نعسات...
هز راسو لقاها ناعسة ...تبسم بشوي كيشوف ملامح وجها لجميلة...غطاها لحد خسرها و دخل لدوش فزك فوطة بلما دافي .... خرج عندها مسح ليها وجها بشوي من المكياج حيدو ليها كامل....
بعد منها و دخل لبيت تبدال حيد عليه حوايجو لبس شورط كحل مع تيشورط بيض مخطط بي الاسود....
بشا تكا حداها حط ليها راسها على دراعو مقابل معاها و هي كتشخر بشوي ناعسة نيت....جبدها اكثر عندو رجليها داخلين بينات رجليه ...دخل وجهو بينات عنقها كيشم ريحتها براحة ...
حس بواحد لهدوء و راحة معمرو حسها مع شي حد من غيرها......
عصام تنهد بشوي و غمض عينو و فمو حدا ودنها نطق بمشاعر متملكة من اعماق قلبو: نتي ديالي.....
عالم جديد و يوم جديد...حياة جديدة بالنسبة لهاجر لي مكتعرف على زواج او الحياة زوجية غير الخير و الاحسان عمرها فكرت بحال لبنات انها شي نهار خاصها تزوج و دير دارها...
او عمر والديها علموها و قراوها كيفاش كتعامل الزوجة مع زوجها...ببساطة في مجتمعنا عدنا ديك العادة ديال الحشمة و العار و الام مكتدويش مع بنتها في هاد الامور.....
ناعسة بعمق وغافلة للعالم لي هي فيه و دخلات فيه بدون ما ما تشعر بيه ...حسات ببعض قطرات الماء كيقطرو على وجها....حلات عنيها بشوي كيبان ليها وجه مضبب قدامها..
عودات سداتهم مغمضة عنيها و كتكسل في بلاصتها غافلة انها لابسة كلشي قصير و نصها كلو عريان...سمعات صوت قريب ليها....
عصام جالس حداها و شعرو مزال فازك عاد خرج من دوش كيشوف فيها كفاش كتكسل بحال دري صغير مبتاسم عن غير عادتو : صباح لخير نعستي مزيان....
جمعات حجبانها لوسط مخسرة ملامحها عاد عاقت فين هي..قفزات من بلاصتها بجهد و بلاما تشعر جبدات رجليها بجهد ضربات عصام لكرشو ركاتو من فوق ناموسية......
هاجر حالة فمها و مخرجة عنيها جاها فقدان داكرة: ف ففف فففين اااناااا هئ فييين ممماماا....
عصام وقف بشوي قرب ليها حط يدو على شعرها و هي مكمشة على راسها مخلوعة جبذها بشوي عندو عنقها من شافها مخلوعة و غير كدور في عنيها
عصام: بسم الله عليك غير فقتي دايخة.....كيحاول يهدءها بشوي...
هاجر قلبها كيضرب بجهد و فمها كيرجف..كيف حسات بيدو ملتفين على الجسد ديالها و صوتو حدا ودنها..غمضات عنيها بجهد كاارزة على سنانها دفعاتو بجهد
هاجر: متقيييصنيييييش.....
عصام بقا غير كيشوف فيها مبهوض و هي كتفتف في بلاصتها غير شافت راسها عريانة و هي تغطي لحمها بزربة بيزار و دموع بداو كيهبطو ليها بحال شلال و جسدها كلو كيرجف....
عصام تنهد بشوي ما فهمش شنو واقع ليها..عاود قرب ليها كيشوف فيها و هي مهبطة راسها :ما وقع والو حيدت ليك غير حوايجك باش تنعسي مزيان تا حاجة من داكشي لي فراسك وقع......
بقات ملوية على راسها مكتشوفش فيه و مجوباتوش...حط يدو بشوي على دراعها و هي تقفز من بلاصتها مخلوعة و زادت رجعات لور كتبعد منو....
عصام بغا يشدها من يديها خافها طيح ..قبل ما تحط يدو على يديها نطقات بصوت باكي...
هاجر كتبكي بحال دري صغير حاسة بضعف : الله يخليك متقيصنييش ندييير لييك لي بغيييتي غير داكشي لا هئ هئ عااافك متقيصنيييش....
عصام بصوت حنين كيحاول يزرع فيها الامان: ولكن حنا متزوجين وهادشي ضروري بين ناس لمتزوجين ا هاجر و مع المدة اتولفي هادشي....
هاجر حركات راسها بزربة كترجف: لاااا هئ منقدرررش من كتقيييصني كتجيني لخنقة و كنحس براااسي انموووت اععهئهئ مبغييتش هااادشي رجعنييي عند باااا الله يرحم باااك هئ هئ.....
عصام يدو بقات معلقة في لهوا فوق من يديها كيف سمع كلامها...جمع يدو على شكل بونية مزير عليها...جمع لوقفة و دخل بيت تبدال بلا ميهضر معاها او يجاوبها....
بقات في بلاصتها كتبكي غير وحدها تملكها شعور الفزع و الخوف لدرحة ان جسدها كلو كيرجف...معمر وقع ليها هادشي لكن فور ما فاقت و شافت راسها في مكان غير مكان دارهم و مع ناس غير عائلتها حسات بقلبها بغا يخرج من بلاصتو مبقات حاملة تا حاجة من غير تبشي لدارهم تا لكلام لي خرجاتو ما ضربات ليه حسبة.....
خرج عصام من بيت تبدال لابس سروال توب كحل و قميجة بيضة مخشية في سروال
..وقف عليها كيشوف فيها....جلس فجنب ناموسة و عطاها بضهرو مفرق رجليه و شابك يدو لوسط....نصراتو ممفهومينش و الفك ديالو مزير.....
عصام كيف عادتو دخل في صلب الموضوع نيشن بلا زواق : نتي وليتي مراتي و خاصك تفهمي هادشي و دخليه راسك بلاصتك حدا راجلك و فدار راجلك ..مغادي نقيصك ما انقرب ليك كيف واعدتك نهار لول تا تبغي نتي ....
كيف سالة هضرتو جمع الوقفة خرج من لبيت و الجناح ديالو كامل خلاها بوحدها كتبكي بحرقة و عاضة في لمخدة بجهد باش متسمعش صوتها....
مدخلة وجها في لمخدة كتنخصص حسات بيدين كيلعبو في شعرها و هي تهز راسها بزربة ...بانت ليها اسماء و هي تقاد في لجلسة و وجها حمر و دموع مزال في عنيها....
اسماء مبتاسمة جالسة في قنت ناموسية غير شافتها جلسات و هي تنطق بزربة...
اسماء: لا لا حبيبة غير بقاي متكية عارفة الواحد من كيدوز من هادشي مكيبقاش قاد كاع يجلس ولا يتمشى....
هاجر بدون فهم: كفاش....
اسماء غير كضحك...حطات يديها بجوج على خدها و باستها في راسها : الله يرضي عليك و الله يسعدك في حياتك و يجيب ليك الله شي درية صالحة لي تعمر عليك يا رب ...
هاجر فهمات قصدها وهي تحدر عنيها و بقات ساكتة و اسماء حداها مبتاسمة: شوفي اختي هاجر عارفك مزال صغيرة و ضريفة و حشومية لكن دريني بحال ختك و اي حاجة بغيتي تهضري فيها انا معاك و تا خويا وخا كتشوفيه سكوتي بزاف لكن و الله ما تلقاي بحالو و اليام توريك طبعو كيف داير...
هاجر حركات راسها بشوي : واخا....
اسماء:ههههه ناااري على الحشومية ديالنا راه عادي هادشي بين راجل و مراتو و ضروري ما تقصحي في نهار الاول لكن دغيا اتولفي نشالله....لكنتي قادة تنوضي دخلي دوشي و لبسي شي قفطان بيض و بقاي غير في بيتك بلا متقوي عليك في لمشي اتجي عائلتك تال عندك تشوفك....
هاجو هزات راسها بزربة: ايجييو عائلتي...
اسماء: معلوم امرت خوايا لغزالة راه ولينا عائلة وحدة دابا ..هاني انبشي دابا نخليك تقادي راسك و ماما شوي و اتجي تشوفك قالك ما دخل عندك تا دخل بفطورها ههههه تفطري نتي و ياها و عصام خرج يقضي غير شي شغل بزربة و يرجع....
خرجات اسماء و خلاتها بوحدها في لبيت كدور في عنيها...ناضت بزربة بشات جهة ديال شوانط ديالها هزات منهم لا تروس ديالها و ملابس داخلية مع جوهرة بيضة و بلغة بيضة مع زيف....
دخلات لدوش لقات بانيو عامر بالماء سخون و فيه لورد و ريحت لياسمينة عاطية
..هبطات عنيها بشوي و حناكها دغيا عمرو بدم و ولاو حمريين عاضة فمها من لتحت ..عرفاتو عصام لي وجدو ليها
...تنهدات بجهد و دخلات في لبانيو ترخات فيه مزيان عاد دخلات تحت من رشاشة غسلات حالتها بزربة.....جاها كلشي عادي حيت مولفة هادشي عند دار خالتها لي مجهزة بنفس لحوايج لي فدوش هنا.....
نقات بلاصتها مزيان و رجعات كلشي لاتروس ديالها و لبسات حوايجها في لحمام خوفاً تلاقا مع عصام و خا قالت ليها اسماء خرج متاقتش.....هزات كريم دوزاتو على وجها و قدات مكياج خفيف و خا مكتعرفش تصاوبو لكن حاولات بداكشي خفيف لي يواتيها و ميجيش معيق بزااف و يخلي ملامحها بينين و طبيعين...
بغات تعكس راسها و هي طيح ليها فلخوا ..بشات هزات شال طويل بيض و دارتو على شكل حجاب مغطي عنقها كيبان ليها غير لوجه...وخا تا حد ما قال ليها ديريه غير من راسها كتكمل.....
خرجات لابسة كلشي بيض كأي عروسة طايح عليها سر و بينها زوينة كثر من لقياس....بقات كدور في لبيت كتستكشف فيه تا بان لها بيت تبدال عامر بحوايجو و كاين جهة اخرى كبيرة و واسعة كبر من جهة عصام فيها حوايج لعيالات و جهة اخرى خاوية...قربات لحوايج كتقلبهم لقاتهم كلهم مزالين جداد و على قدها و كلهم كسيوات راقين في لبس ديال محجبات بي اكسيسورات ديالهم ...
جرات باليزتها كتخويها و تعمر لبيترين لي خاوية...كلشي كديرو من راسها و زيد ما لقات ما دير...ساهية في شغلها تا سمعات صوت حليمة ...خرجات عندها كتجري...غير شافتها و هي طير عليها بتعنيقة مزيرة عليها كتبكي تا بكات معاها حليمة و بقاو معانقين كيتبكاو ....
لالة الياقوت واقفة حداهم لابسة قفطان طويل و غير كضحك مرحبة بيهم كثر من لقياس: هادي هي دنيا اختي سلوى لبنت شحال ما بقات ايجي نهار لي تبشي عند راجلها....
حليمة كتمسح دموعها و تخنسيسة كطلع معاها كتحبس ليها لكلام و هاجر غير معلقة فيها لي يشوفهم ميقولوش هادو هما لي نهار و مطال و هما كيدابزو و يتعايرو....
حليمة: صبرت فكلشي تا من بشات سومية صبرت لكن تال هادي ما قدرتش يا ختي بلاصتها خلاتها قداش في دار .....
خرجات خلاتهم بوحدهم يهضرو على خاطرهم ما سولات لا على صباح لا على والو ..عندها حترام كبير لولدها و كيف هازها عصام فوق راسو ...هزاه تا هي فوق راسها و كلمتو متهبطتش لرض و غير من عنيه كتعرف اش باغي ...و خصوصيات ولدها مكتقربش ليهم و بحال صباح ديال مراتو متجرأش تسول عليه.....
هاجر لاصقة في مها: دييني معاااك ا حليمة متخلييينيش هنا لعااار....
حليمة : الله يا بنتي راه دارك هي هادي اما دار باك ولات غريبة عليك صبري ابنتي دابا تولفي راه كلنا دايزين منها....
سومية كدور راسها في لبيت: واااو على بيت كيف داير كنحس بيك بحال شي اميرة في قصر سيدي عصام ههههه...
سلوى جلسات حدا هاجر من شافت وجها صفر: مالكي الحبيبة واش مقصحة درتو داكشي ولا لخلعة مزال شداك....
هاجر كدور في راسها و دموع كيهبطو كاع لوعارة لي فيها تحدو منها : مااا نقدرش خااايفة بزاااف انموووت من كيقيصني كنتخنق.....
حليمة:.اعودو باالله ا بنتي شهاد لهضرة كتخرجي من فمك....
شي بقا كيشوف فشي مكنوش كيصحابو انها اتعقل على داكشي كامل و خا كان في عمرها غير 15 لعام مزال لخوف متملكها و غير من رجفة ديال جسدها واضح كمية الخوف لي فيها....
سلوى غمضات عنيها و تنهدات بشوي...دخلات هاجر في صدرها و كتطبطب على ضهرها بشوي تا تنهدات عاد هضرات...
سلوى: سمعي ا بنتي صاحبتك ما تزوجاتش بي بنادم هداك حيوان وحش لي دار فيها ديك الحالة و كون عاشت كون حماقت لكن ربي بغاها عندو و داها في ليلة فرحها....زيد راجلها كان شوي مزنزن في عقلو من صبح بيها و مشافش دم تجنن عليها كيصحابها ضحكات عليه و طلعات ماشي بنت و هو يغتصبها مسكينة و جات فيك نتي ابنتي دخلي عندها و تشوفيها بديك لحالة عامرة بدمها و شابعة موت .....نساااي عليك ا بنتي هادشي راه داز عليه 4 سنين واش اتبقاي عايشة فيه..دعي لصاحبتك بي رحمة و حيدي ديك تصويرة لي بقات بين عنيك الله يرضي عليك...عصام ماااشي بحااالو راه ولد ناااس و ميقدرش يأديك....
هاجر كدور في راسها : منقدرررش ا خالتي في لول من كان كيقرب ليا ما كنتش كنخاف لهاد درجة لكن البارح حلمت بيها وهي فوق ناموسية عريانة و بدمها ميتة و هداك كيغتاصب فيها.....
كلشي بقاو غير كيشوفو فيها و خا دواها لطبيب و تبعات معاه و قالت اتنسى لكن باين لخوف من عنيها.....
سومية : شغادي نقولك اختي حسن ليك هضري مع راجلك و قولي ليه كلشي ياك تا نتي كتقولي ليا متخبيش على كمال اوا حسن هضري مع عصام و هو ايفهمك.....
حليمة : نوضي بعدا غسلي وجهك و قاديه نهبطو عند ناس لتحت ايكونو كيتسناونا و الله يخليك ابنتي نساي عليك ما داز ....
حيدات زيف رخفات على راسها و غسلات وجها بما بارد تا حسات براحة ...عودات قدات لمكياج و دارت زيفها ...خرجات عندهم حادرة راس....شدات فيها عمتها و خرجو من ليبت هبطو لتحت...لقات صالونات عامرين بالعائلة....تبسمات من شافت باها سلمات عليه و جلسات بين خوتها جواد و ايوب دغيا رسمات البسمة في وجها كضحك معاهم...
هزات عنيها جات نيشن في عصام لي جالس قبالتها داير رجل فوق رجل و حاط يدو على جنب صداري و يد لأخرى فوق رجلو.....غير شافتو و هي تهبط عنيها بزربة و جمعات الوقفة تحركات بشوي لعندو....
عصام شافها جايا عندو و كانت بلاصة حداه خاوية و حداها نيت كاين راجل ختو....تحرك بشوي جلس حداه و خلا بلاصتو ليها.....جلسات حداه ملاصقة معات ....دور يدو ورا ضهرها محطهاش على كتفها بقات يدو فوق لمخدة مجموعة على شكل بونية......كانو قراب لبعضياتهم بزاف لدرجة دقات قلبهم كيتسمع......
هاجر هزات عنيها بشوي كتشوف فيه ...حس بيها كتشوف فيه و هو يدور راسو لعندها...كيف دور راسو هبطات عنيها بزربة......حسات بيه كيقرب ليها بشوي
عصام همس ليها حدا ودنها: مالكي.....
هاجر بهمس مكيتسمعش: سمح ليا.....
دور راسو كامل لعندها و هي باغيا تغرق في حوايجها ...مرضش عليها هاد لمرة و كتفا غير بالفعل كيف عادتو....هبط يدو بشوي على ضهرها تا لخسرها دور يدو عليها و جبدها عندو كثر و عاود هبط لودنيها بشوي....
عصام: متعودهاش.....
هزات فيه عنيها لقاتو كيشوف فيها..رمشات بشوي و هضرات بصوت طفولي لي فراسها ميحيدو ليها حد...
هاجر بنضرات بريئة بحال جرو : لكن مزال خايفة ....
عصام عاض فمو من لتحت هاز حجبانو فيها كيكون عقلو غادي مع لخط تا كتخرج ليه بشي حاجة كتقلب ليه طريق كامل...شاف فيها تا عيا و هو يردد كلمة فيها بزاف ديال لمعاني.....
جالسة في صالون متبتة كيف اي عروسة في نهارها الاول كتعرف على عائلة راجلها و حداها حليمة و عمتها سلوى هي و ختها اما رجال خرجو خلاو العيالات على خاطرهم....
كلشي كيشوف في هاجر لي هي محور الحدث ليوم....وهي جالسة عادي دايرة رجل فوق رجل كتهضر مع خالتها و ضحك عادي نسات كاع لبكا لي بكاتو هاد صباح.....
لالة الياقوت جلسات حدا هاجر كضحك و فرحانة: اوا العروسة ديالنا امتا تورينا حنات يديك.....
هاجر هزات فيها حجبانها بدون فهم و هي تكلم اسماء بزربة....
هاجر شافت في سلوى و رجعات شافت فيهم: اييه على راسي و عيني و لكن انا لي عارفة سبعيام ديال لعروسة يديها مكتحطهم في شغل....
لالة الياقوت : ماشي مشكل ابنتي دار ولات ديالك دابا....
هاجر هزات راسها و بقات ساكتة و حليمة غير كدور في عنيها قربات حدا بنتها كتهضر ليها في ودنها غير بشوي....
حليمة: عندااك يزغبك الله و ديري شي كارثة راني حافضك ديريهم في مقام عائلتك و في بلاصت مك و لي طلبوها على راس و العين....
هاجر شافت فيها مصغرة عنيها: لا عاملتهم بحالي كنعامل عائلتي راه نهار لول ايسيفطوني عندكم بي براتي زايد عليها الطلاق الثلات....
حليمة من تحت سنانها: سكتي فمك لاحسو جرو واش متشديش طريق نهار واحد منعاودش نوصيك ها ودني منك نعرف عليك شي حاجة.... خلي احترام بينك و بينهم و سمعي لهضرة و بلا متعكسي....
هاجر هزات كتافها متصوقاتش كاع لكلام مها....بقاو تال لعشية عاد بداو ناس كيخرجو و كيودعو هاجر لي بزز باش تحكمات في راسها و مبكاتش قدام باها و خوتها......
اسماء جالسة هي وياها في صالون : وينووو صافي متبكييش راه دغيا اتولفي..طلعي احبيبة لبيتك ترتاحي بانو ليا عينك ولاو حمرين ..غمزاتها كضحك...باين منعستيش لبارح مزيان...
هاجر كتمسد عنقها بتعب: عندك صح لبارح تعدبت بزااف......
اسماء حابسة ضحكة: عادي هادشي و دغيا غادي تولفي و يولي يعجبك....
هاجر : لكان غير لولف ضروري منو غير هو من كتوني فداركم كتكوني مرتاحة عكس دابا ......
اسماء غلباتها ضحكة: اوا فداركم كتكوني بنت اما دابا راكي وليتي مرا و عليك واجبات خاصك ديريهم و زيد خويا باين صعيب ياك....
هاجر: لا لا اختي لكدوب حرام عصام ضريف معايا و حنين بزاف و لكانت شي حاجة خرا الله و اعلم....
هاجر كتهضر في جيه و اسماء كتهضر في جيه و تا حد ما فاهم لخر ...اسماء كدوي على ليلة دخلة و هاجر كدوي على لفراش و البيت لي تبدل عليها و تعدبات في نعاس في بلاصة خرا غير دارهم.....
اسماء غير شادة في هاجر دغيا دخلات ليها لقلبها و عزات عندها بزاف و خصوصا هاكر صغيرة كتحس بيها بحال ختها صغيرة و خا هاجر شادة حدودها كثر من لقياس و ما كتبين لبنادم على لي لداخل ديالها لكن سبحان الله عطيها قبول مع ناس مكاينش لي معزاتش عندو و بغاها .....
اسماء كتشوف في ساعة : افففف شديتك بالهضرة تا نسينا راسنا طلعي رتاحي ليك شوية بما نحطو لعشا و هبطي.....
هاجر: عيانة اختي بزاف ما فيا لي اتعشا انطلع نشرب شي كينة ديال راس و نعس.....
تمات طالعة في دروج بشوي وهي توقفها لالة الياقوت ....
الياقوت: بنتي مغديش تعشاي معانا و لا تسناي غير راجلك شوي و ايدخل .....
هاجر: مكرهتش اخالتي و لكن حاسة بالعيا بزاف و رجلي كيضروني....
الياقوت كضحك : الله على ولدي ما قد يصبر ..طلعي رتاحي ليك شوية و متنسايش غدا تبيني ليا حنات يديك ....
كملات طريقها نيشن لبيتها...هزات بزربة بيجامة طويلة بالبينوار ديالها واصلة تال ركبة بالغوز بارد...دخلات دوش طرفات حالتها و لبسات عليها كلشي و غطات شعرها مزيان تا حاجة ما كتبان فيها مغطية من راسها تال ساسها.....خرجات رجعات حوايج لبلاصتهم لي كانت لابسة ....دورات عنيها في لبيت ما لقات ما دير و هي تخرج الباركو كان كبير و واسع و فيه كراسة بطبلة ديالو...
طلات بشوي من سمعات صوت ديال طونوبيل غير شافت عصام هابط و هي طير من بلاصتها رجعات لبيتها طفات كاع ضواو و تخشات في فراشها لوات عليها يزار كامل بحال لحنش و قنتات في جيهتها مكتحركش و قلبها كيضرب بجهد مغمضة عنيها.....
بقات مدة طويلة و هي في بلاصتها كدور في عنيها و قلبها كيضرب مع عقارب ساعة ..تك..تك..تك....
سمعات لباب تحل و هي تغمض عنيها دارت راسها ناعسة...حسات بخطواتو في لبيت و هي مكمشة في بلاصتها تا حسات بيه وقف عليها و بقا واقف مدة طويلة تا تزيرات عاد بعد من حداها......حلات عين وحدة كطل بتخبية بان ليها دخل بيت تبدال هز حوايجو ..غير شافتو خارج و هي دير موتة حمار تاني كتلعب معاه قشقاش......
تنهدات بجهد من دخل سمعاتو كيدوش و ساد عليه لباب....
هاجر: افففف يا ربي و شهاد لحالة دايرة فراسي نفس ما بقاتش كطلع ليا و هاد زيف زاد تا هو خنقني يخخخ...
شافت لما محطوط بعيد منها و هي توقف بشوي على سباع رجليها... هزات كاس كتشرب منو بشوي... تجمدات في بلاصتها من تحل لباب ديال دوش و خرج عصام لابس بوكسور و من لفوق عريان هاز فوطة كيمسح بيها شعرو ...غير شافتو و هي تشهق بجهد و طيحات لكاس من يديها....
عصام هبط حاجب و مطلع لخر و خلاها هكاك مجوبهاش و هي حسات يالخنقة كتكل بزز منها ....
عصام: جمعي حوايجك غدا غادي نسافرو....
هاجر كتشوف في طبسيلها حلفات لا عودات شافت فيه: منقدرش نسافر بقا ليا غير يومين نرجع لقراية....
عصام: مغادشي نتعطلو بزاف غير شي يام قليلة و نرجعو ....
هاجر طاح عليها لعكس من سما هاد ليلة: عندي لباك ا خويا و اي حصة خاصني نحضر فيها و نستافد منها لقراية هي لولة ام سفر دابا يجي وقتو....
عصام عاقد حجبانو غادي معاها غير بشوي: انا عندي خدمة و منقدرش نخليك بوحدك هنا ...انديك معايا و نرجعو بزربة....
هاجر : لا غير خليني هنا و سير لخدمتك تا تساليها على خاطرك و رجع انا مغديش نهرب و لكن قرايتي منغيب فيها تا حصة......
عصام حرك راسو بشوي و بقا ساكت كيشوف فيها....
هاجر: صافي شبعت يمكن ليا نبشي نعس....
خلاتو في بلاصتو و دخلات لبيت غسلات فمها و عودات جمعات راسها عكساتو و بشات دخلات في بلاصتها طفات ضو من جيهتها و تكات عاطياه بضهر و غير كضور في عنيها لي يسمع كلامها تقول كتجي هي لولة في لقسم و نهار يعرف عصام مصائبها في لمدرسة و نقاط ديالها يتيري فيها لقرطاس.....
بقوة تفكير نعسات حالة فمها و كتشخر بشوي.....
وقف عليها حاط صبعو على خدها كيحركو بشوي و عينو مكيشوفو تا حد من غيرها....باسها في جبهتها و غطاها مزيان و خرج من لبيت نيشن لمكتب ديالو ....
صبح صباح جديد مغاير بالنسبة لهاجر لي تبدل عليها كلشي....داخلة لكوزينة على صباح و معاها لالة ياقوت.....
لالة ياقوت كتعمر اتاي: و الله يا لحبيبة ثا كنت كنعرفك كتفيقي بكري كنت معولة انا لي نصاوب لفطور تهبطو تلقاوه واجد....
هاجر مكفدة على يديها و كتصاوب لمسمن: ماشي مشكل اخالتي لي سبق فينا لول يدير شغل.....
لياقوت: اوا الله يرضي عليك ابنتي ....
هاجر عاطيها بضهر دورات عنيها و ضحكات بي استهزاء عارفة لياقوت مناش مصنوعة .... كتصحابها شي بابا عجينة...ساعة معرفينش هادي راها لعافية لكحلة و تخاف منها و لحد الان كتعامل معاهم مزيان و نهار يضورو بيها اتسيف عليها خايب و بزااف....
لابسة بيجامة شيبية قصيرة شوي على قدها و دايرة شال عاكسة بيه كيف عادتها و خلات طراف ديالو نازيلن مع جنابها و شعرها من لقدام كيبان....دربانها الفيقة بكري و من هبطات بانت ليها الياقوت في لكوزينة حشمات تخليها بوحدها و دخلات معاها تعاونها تالصقات فيها العجينة....
اصلا هاحر بدراعها و حادكة تبارك الله تعلمات لكلشي و كتلقى راحتها في طياب و مكتشدش العكس فيه.....
طيبات كلشي حطاتو في طبسيل ودارت معاهم حرشة برايب كتجي بحال لبسبوسة كتصقيها بعصير ليمون حلو قطعاتها طرف صغار في طبسيل و بدات كتحط في طبلة لي متوسطة لفيلا.....
خرجات من لكوزينة هازة طبسيل ديال مسمن و عصام هابط من دروج لابس حوايج لخدمة...تلقاو في طريق...عقد حجبانو كيشوف فيها ..قرب عندها بشوي باسها في جبهتها و هي حادرة راسها و حناكها مطبزين ايطرطقو....
عصام حط يدو هلى حنكها : صباح لخير...
هاجر كتشوف فيه بشوي مقدراتش تسولو فين كان حيت من فاقت مكانش حداها و باين منعسش حداها:،صباح لخير....
عصام خدا منها طبسيل هزو بيد و يد لأخرى دورها على خسرها جرها عندو كثر و غادي بيها لطبلة ديال لفطور: نعستي مزيان....
هاجر حركات راسها بي " اه"....حط طبسيل فوق طبلة .. جلس في بلاصتو المعتادة و جلس هاجر حداه.....
لالة الياقوت كتكب ليهم اتاي: تبارك الله تواتيتو الله يخليكم لبعض....
عصام : امين ...دور عينو عاقد حجبانو...فين هي اسماء...
لياقوت:بشات مع راجلها مع لفجر حيت ما بقا والو تسالة لعطلة و يدخل ولدها خاصها تقابل دارها و تشوف شنو ايخصها...
عصام حرك راسو و بقا غير كيشرب قهوتو ساكت كيف عادتو و هو مولف كيفطر غير بكاس قهوة كحلة مكيكلش....شافتو هاجر محطش يدو في لماكلة و هي تمد يديها هزات ملوية دهناتها بالعسل حطاتها قدامو......هز عينو فيها كيشوفها اش كدير ....هزات ليه كاس ديال قهوة بعداتو من حداه و حطات ليه بلاصتو كاس اتاي....
هاجر كتهضر و مكتشوفش جيهتو:قلتي غادي تسافر خاصك تاكل مزيان قهوى مغديش تعطيك لجهد....
عصام دور لسانو بشوي على شفاه ديالو ...حط يدو على يديها تحت من طبلة...بغات تبعد يديها و هو يزير عليها و شبك صبعانو مع صباعها مورك عليها و اليد لخرا كياكل بيها عادي غير هي لي جميع الوان ترسمو ليها فوجها....
عصام: لوليدة غادي نسافر شي يمات خاصني ضروري نبشي نشوف شركة نقدر نتعطل شي سيمنة هكاك و هاجر اتبقى معاك حيت تبعاها لمدرسة...
لياقوت:وخا ولدي الله يعاونك و هي راه فدارها....
عصام: مهم الخدمات ايجيو هاد لعشية...
لياقوو بتسائل: شمن خدمات اولدي....
عصام: لي ايتكلفو بكلشي نتوما غير رتاحو....
لياقوت: ولكن اولدي راه غير انا و مراتك لي انكونو في دار و راك عارفني معزيزش عليا قوة ناس في داري و مكنتيقش في لبراني....
عصام شاف ف هاجر: شنو بان ليك...
هاجر هزات كتافها: معنديش مشكل....
مسح فمو و جمع لوقفة توادع مع مو و جر معاه هاجر تال لباب و هي كتشوف فيه بنص عين....
عصام دورها عندو حط يدو بجوج على كتافها و هبط راسو بشوي عندها عينو مع عنيها: مزال مبغيتيش تبشي معايا....
هاجر دورات راسها : لا مغديش نخلي قرايتي....
عصام قرب ليها حط يدو على خدها باسها في جبهتها و طولها . هي بلا متوعي بنفسها غمضات عنيها و شدات في قاميجتو مزيرة عليه....
عصام هز ليها راسها لعندو كيشوف في عيونها مبغيش يخليها و يبشي و هما عاد تزوجتو و لكن الخدمة مزيراه بزاف..تنهد بشوي وحط جبهتو على جبهتها و انفاسو كضرب في وجها و كيهضر بشوي.....
عصام: تهلاي فراسك و لي حتاجيتيه عيطي عليا غادي نحاول نرجع بزربة و بلا متنعسي في بيتك حيت كبير و خاوي عليك اتخافي تبقاي فيه وحدك فليل .. كاين بيت حدا ديال لواليدة نعسي فيه تا نرجع....عاود باسها في راسها و ضرب دورة خارج و هو يوقف جامد في بلاصتو...
دور عينو ليها لقاها شاداه من قاميجة ديالو مزيرة عليه بحالي خيفاه ميرجعش....و محساش بنفسها ان دموع هبطو ليها على شكل خط على خدها قدام عنيه....
عصام بقا مكوانسي في بلاصتو كيشوف فيها ما عرف ما يدير....تنهد بجهد و حط يدو بدفئ و حنية حيد ليها يديها لي شادة قاميجتو ..حطها على فمو باسها بشوي و قرب عندها كثر هبط راسو بشوي لعندها حط فمو على فمها ...باسها بشوي مغمض عينو ...متعمقش كثر كانت قبلة بريئة بزاف ...بعد منها مباشرة خرج ركب في طونوبيلتو و زاد خلاها جامدة في بلاصتها و قلبها كيضرب بجهد
بعد مرور ثلات ايام....جالسة في بيتها لي تحولات ليه كيف طلبها عصام و خا هي مولفة تنعس بوحدها في دارهم لكن الجناح ديال عصام جا في جنب ديال الفيلا و كلو مفتوح على لور ديال الفيلا و كبير بزاف بحال شي دار و اي واحد اينعس فيه بوحدو ايجيه خوف ..
لدا فضلات تبقى في لبيت لي حدا لالة الياقوت شافت تليفونها كيصوني وهي تصوط بجهد من شافت سميتو طالعة ...
من سافر و هو كيصوني عليها و هي مكتجاوبوش و عارفاه ميقدرش يسول مو حيت اتعيق بشي حاحة كاينة....
قربات لكتوباتها كتقلب فيهم بشوي و تشوف شنو عندها غدا
.ساهية في شغلها تا دخلات عندها الياقوت بلا مدق في لباب..
الياقوت: اوا الالة هاجر ما كاين غدا اليوم شفتك من فطرتي طلعتي لبيتك و ما عودتي خرجتي...
هاجر: ياك نضت بكري كيف طلبتي مني وجدت لفطور كيف حبيتي و خملت كيما بغيتي شنو انزيد اخر راني عيت بزااف....
الياقوت: اوا ا بنتي راه العروسة هي هادي و دار كبيرة بزاف واش تبغيني انا بكبري نوض نجمع و نطيب راه ما بقا عندي جهد لهادشي...
هاجر متحكمة في راسها كثر من لقياس: و علاش ما وافقتيش على دوك الخدامة لي جاب ولدك من حدك عارفة الفيلا كبيرا و خاصها شقا بزااف...
الياقوت: اوا لي مكتعرفيهش ابنتي هو كانو عندي الخدمات من كانت مرت ولدي لولة و لكن دارو ليا المشاكل بزاف و انا ما بقيت قادة على صداعهم هادشي علاش ما بقيت كندخل غريب عندي هنا و كندير كلشي بوحدي و مرة في سيمنة كيجيو صحاب الميناج يخملو الفيلا لكن محدك نتي هنا و تبارك الله بدراعك و مزال صغيرة قلت نتي تكلفي بكلشي راكي مولات دار زعمة.....
هاجر تنهدات ما بغات تخرج عيب : و الله اخالتي تا عيت غير وجدي ليك شي حاجة خفيفة تاكليها راه ما بقا عندي جهد نزيد شي حاجة خرا راه من صباح و انا واقفة و مزال تابعني شلا تمارين نخرجهم و غدا عندي لمدرسة....
الياقوت كتشوف فيها و دايرة يد فوق يد: اوا من هكا ندوزوها الالة انا بعدا كنت قدك كنت والدة عصام نركبو فضهري و نصبن بيه و نعجن شلا خبز و نطيب بيه و نخمل دار و عمري شكيت ماشي بحالكم ابنات اليوم....
هاجر بينها و بين راسها: اوا صافي بقا ليا غير لولاد تا ديك جوج حيوطة لي كنتي كتخملي فيهم هو هاد لفيلا تجمع دارنا و دار جيرانة....
الياقوت هازة حجبانها: اش كتقولي تم....
هاجر من تحت سنانها: والو اخالتي هاني هابطة نطيب ليك ما تاكلي ....
خرجات الياقوت هازة فراشة ديالها من لقدام و هابطة لتحت بشوي ... مقادة حالتها بدهوبات مهلية فراسها و كتلبس غير لبس لواعر و الفاخر و ما كاين غير تواب ديال لحرير بلجوهر و الحاجة مخيطة ليها خصيصا..عاجبها راسها و زاد ولدها مسخن ليها كتافها كثر من لقياس....
لبسات هاجر بنطوفتها و هبطات كتجر فرجليها معصبة و باغية غير معامن و بزز باش كتشد فمها متخرجش شي كلمة لعيب...
...يومين و الياقوت كدور بيها هزي هادي و حطي هادي ..مسحي هادي و خملي هادي..تا سخفاتها مزيان و داوزاتها عليها و خا هكاك ربي عطاها واحد صبر في شكل مولف غير لي جبدها كتنوض عليه نحل و كيف تهدنات مع الياقوت لي بدات كدور بيها و باغية تعرف حنة يديها و غير ساكتة ليها كدير الحاجة و هي ساكتة مكتهضر ما كتكلم......
تخشات في لكوزينة لي كبيرة بزااف مدورة بي بلكارات و الوسط كاين بوطاجي بي رخام الاسود....حلات تلاجة كتقلب فيها يان ليها لحم و هي تجبدو دخلات اليوتيوب كتقلب تا بانت ليها طريقة ديال شواء لحم في لكوكوط...جرباتو كيف مبين ليها في لفيديو مع خضرة في لكسكاس
هاحر: اافففف نتاا لي بقييتي ليا تاني لي دارتو مك تكملو ليا نتا يخخخخ..
طفات تليفونها و رجعاتو لجيبها معصبة ما عحبها حال ....
وجد لغدا صوباتو في طبسيل مفرش بالخص و دورات عليه لخضرة مع عصير ليمون ..حطات كلشي فطبلة و جلسات كتاكل هي و الياقوت في صمت و الياقوت غير كطلع فيها و تهبط و تا هي ساكتة ......
صبح يوم جديد .....فايقة و عنيها مزال كيتلصقو بنعاس تخشات في لكوزينة كتوجد لفطور دارت لما يطيب و جبدات لمسمن لي كانت مصوباه و مطيباه نص طيبة حاطاه في تلاجة ...مع كيكة بشكلاط و لحلوى لي كانت موجودة...عمرات اتاي مع قهوة مخلطة...حطات كلشي في طبلة ديال لكوزينة عاد طلعات لفوق دغيا دخلات لدوش نقات حالتها مزيان و لبسات حوايج ديال لخريج..سروال سليم بيض مع تريكو اسود لاصق عليها و مخشي في سروال و فوقو طبلية دارت زيف عكساتو كيف مولفة مع سبرديلة بيضة..دارت غير كريم ديال شمس لوجها ....
صونا ليها تليفون و هي تبان ليها حليمة...جوباتها تم نيت....
حليمة: الو بنتي فقتي ولا مزال راكي داخلة مع 8 عنداك تبقاي ناعسة تال 11 ديال صباح كيف مولفة ....
هاجر: من نيتك ا لوليدة كتهضري راني من 6 و انا فايقة...
حليمة: تبارك الله هي وليتي كتصلي لفجر....
هاجر: وراه ديك لعقروشة لي عايشة معاها هي لي دايرة فيا هاد لحالة قالك نوض مع صباح نوجد لفطور وخا نكون كنقرا اودي خليني ساكتة راه طالع ليا شي دم خاصني غير معامن....
حليمة: صباح هدا بردي الله يرضي عليك راه كاملين كندوزو من هادشي و زيد نتي لي مبغيتيش تسافري مع راجلك دنوب عليك ابنتي كون راكي دابا حداه كدوري كيف بغيتي و زيد حماتك الله يعمر ليها دار خاصك غير تعرفي تعاملي معاها....
هاجر: ياك قلتي مترديش عليها الهضرة و متجوبيهاش و لي قالت ليك ديريه اوا درت معاها هادشي كامل و هي غير زايدة فيه واش كاين شي عروسة كدخل لكوزينة و الحنة مزال مبشات من يديها امي شمن زواج هدا....
حليمة: و كاين شي عروسة كتخلي راجلها يسافر بوحدو و هي تجلس مع مو من غيرك العافية لكحلة ياك درتيها راسك اوا قدي بيها....
هاجر: لوليدة نخليك راها تاني كتعيط عليا باين عاد فاقت من نعاس نشوف اش من مصيبة تخرجها ليا تاني....
حليمة: الله يرضي عليك ابنتي لما ديري فين يدوز لما و غير حاولي معاها راه كلشي كيتصلح و يفوت و بلا ديك قصوحية راس انا مزاااوكة فيك....
هاجر تنهدات بجهد: وخا الوليدة ....
حليمة: عرفتي و نسمعك خرجتي معاها لعيب والله تا نسخط عليك دنيا و اخيرة....
صاطت بجهد و قطعات على مها مزيرة بزاف و ما عاجبها حال...طلات على جهة الاتصال لقاتو عامر بي ابيل ديال عصام رجعات طفاتو و هزات شكارتها هبطات لتحت.....
الياقوت هزات فيها عنيها و هبطاتهم: اتبشي لمدرسة بهاد لبسة....
هاجر حركات راسها و جلسات كتفطر بقات الياقوت غير كتشوف فيها
الياقوت: سمعي ابنتي ولدي مكيعجبوش هاد لبس وراه خدا ليك شلا حوايج ديال لحجاب و مستورين حسن من هاد سراول لي كيطرطقو على لحم.....
هاجر حطات لكاس من فمها : انولف الحاجة كوني هانية بشوي بشوي انولي نلبس كيف بغا ولدك حبيبك عصام....
الياقوت: مسكين ولدي ما كينعس ما كيشوفو بغا غير امتا يسالي خدمتو و يجي يشوف ميمتو ....
هاجر هزات حاجب و مهبطة لخر و هي تجمع لوقفة :بشا عليا الحال يالله نوصل...
الياقوت : غير جلسي انوصلك انا بطونوبيل هضر معايا و لدي لبارح نبقا نديك مع صباح و من تكوني راجعة ايتلقى ليك شيفور يجيبك و نوصيك راكي وليتي مرات راجل ابنتي الواحد هو يشد عنيه و يدخل صوق راسو راكي مبقيتيش ديال راسك ....
هاجر عاقدة حجبانها: الحاجة راني عارفة حدودي قبل ما نتزوج و حمدلله مربية وعارفة راسي.....
الياقوت حركات راسها و جمعات الوقفة ركبات هي وهاجر في طونوبيل حل ليهم لعساس لباب نيشن ليسي و الياقوت غير كتوصي فيها...و هاجر عارفة عصام لي وصاها عليها و هادشي لي زاد طلع ليها دم ....كيف وصلات قدام ليسي خرجات بزربة و دخلات لمدرسة معوداتش شافت في لياقوت.....
الصبر و سكات لي ماشي من عادت هاجر عمرها صبرات على لي كيجبدها و لي قلب عليها كتعطيه علاش يدور ..وخا هادشي كامل مزال ساكتة على الياقوت بسباب كلام مها لي نهار و ليل و هي كتهضر معاها في تليفون و اكثر حاجة كيخافو منها لولاد هو سخط لولدين عليهم ...و حليمة لي مخلات لهاجر فين تخرج عنيها من قالت ليها " نسخط عليك دنيا و اخيرة لا خرجتي لعيب مع ناسك"...
بسباب هاد لكلمة صبرات و جمعات فمها و لوعارية ديالها و كتغمض عنيها و ترطب راسها شوي و دير ما قالت ليها الياقوت .......
دازو يومين كيف خوتهم من لمدرسة لدار وخا ولد لمدير كيدور بيها على ديك دمغة لي عطاتو ما قدر عليها حيت الاعصاب لي كديرهم فيها الياقوت كتجي تخرجهم في لمدرسة و فين ما يدور بيه تعطيه قتلة لعصا تا كترجعو جفاف .....
جالسة في طاولتها كيف لعادة حاطة كتوباتها قدامها و وراها صحابها لي متكونين من جوج دراري توام عزيزة عليهم بزاف و عشيرة ديالهم نيت....
ساجد: جا معاك زواج العفريتة وخا ما قلتي لينا والو...
هاجر: راني بحالي بحالكم كلشي داز بزربة و تا باش نعلمكم في لكروب داو ليا لفيس و صافي تلهيت و نسيت كلشي و تا لعرس مكنتش انديرو راه غير داروه مفاجئة و صافي....
سجد: نساي عليا زواج دابا و شوفي كيف اديري مع هاد الاستاد تاني.....
هاجر: غير خليها على الله و صافي و لكن ايحل عليا فمو انوضها معاه ....
ساجد: عندك لباك المسخوطة و فيزيك لمعامل ديالو سبعة راه يشد معاك ضد هنا بقيتي....
هاجر: على زين قرايتو ..شافتو داخل...ها هو دخل انشوفو اش ايصنع معايا تاني....
تقدات في لجلسة حاطة يديها تحت حناكها كتشوف جيهة ديال صبورة ...
حط الاستاد لي سميتو منعم كتوباتو فوق لبيرو و هز عينو فيها شاف صبعها لي فيه خاتم زواج بقا كيشوف فيها مزيان نحنح بشوي و بشا تال عندها حط يدو بجوج على الطبلة ديالها مخنزر فيها....
هاجر: كفاش شكون عطاني الحق هاد القسم كنقرا فيه و حقي فيه كثر من الحق ديالك...
منعم مخنزر: واقيلة نسيتي الحالة لي درتي قبل العطلة نتي حاليا ممسموحش ليك دخلي تقراي عندي في القسم تا دوزي من مجلس تأديبي و تكتبي اعتدار ليا و تجيبي معاك والي امرك يشوفو ديك نقط زينة لي كتجبيبي و شغب ديالك عاد نشوف واش نقبلك او لا....
هاجر من تحت سنانها: انا ما درت والو نتا لي ديما كتجبدني و معندكش حق تخرجني من القسم .....
منعم تبسم من جنب: اوكي الالة ندوزو هادشي صاوبتي فرض منزلي لي عطيتك....
هاجر كتشوف في دراري بتسائل: مفراسيش و زيد كانو عندي شي ضروف خاصة خلاوني منتواصلش مع ولاد قسمي هادشي علاش معرفتش انك عطيتيهم فرض منزلي....
منعم: اممم مكانش عندك وقت الالة هاجر....ورك على سنانو ضرب طبلة بجهد تا قفزات من بلاصتها مخلوعة... لفرض معندكش ليه وقت و زواااج عندك ليييه وقت اااه....شاف فيها مخنزر و عروق جبهتو خارجين.... مبروك عليك زواج و منها نيت نوضي خرجي عليا من هنا و عمرك تعاودي دخلي عندي تا تجيبي ولي الامر ديالك ياللله خرجييييي.....
هاجر جمعات الوقفة معصبة:وااش نتا حمق و لا مالك شكوون نتا باش تغوت عليا و القسم انبقى فيه بغيتي و لا كرهتي و لا معجبك حال دير نتيقال...
جلسات في بلاصتها كتسوط من نيفها كلها و لات كترعد عاضة فمها من لتحت....
منعيم زادت عصباتو جرها هي و طاويلتها وكلشي كيتغاوت مخلوع....هز ليها كتوباتها و شكارتها رماهم من لباب و لكشاكش خارجة من فمو...
شدها من درعها خاشي صباعو فيها و هي كتغوت مقصحة و كضربو في يديه يطلقها....خرجها من لقسم و دفعها بجهد تا طاحت....
منعيم: لا مندمتكش و جيتي طلبي و تزاوكي فيا راني ماشي منعيم صبرت ليك بزااف و اليوم اتخلصي مزياااان.....
سد عليها الباب خلاها كترعد في بلاصتها معصبة...هزات شكارتها و كتوباتها و شياطن كيلعبو فوق راسها...درات نيشن بشات عند المدير غير شافها و هو يجمع الوقفة مخنزر و قبل ما تحل فمها حبسها.....
المدير: نتي مفصولة من الدرسة و بصفة نهائية....
خلاها مكوانسية في بلاصتها فمها محلول و عنيها خارجين .. دخل لبيرو ديالو سد عليه....
خرجات برا و عنيها مضببين جلسات فوق طيطور و شكارتها مليوحة قدامها كتشوف فيها و دموع سخان كيهبطو على خدها ....و غصة في حلقها خانقاها...مكتشوف تا حاجة قدامها تا حسات بشي حد جلس حداها و حط يدو على ضهرها كيطبطب عليها...
دورات عنيها و هي تبتاسم بزز منها: كونان.....
كونان لحمق لي ديما حوايجو مسخين و ايامو كلها قدام لمدرسة من نهار شاف هاجر و هو تابعها و كيعيط عليها غير مراتي وخا هي فلول شدات فيه غير بضحك و لقاتو قراي وخا حمق مزال شاد و بزاف ناس كيوقولو كثرة القراية هي لي حمقاتو و شي كيقول وكلوه شي حاجة خرجات ليه على راس كل واحد و شنو كيقول مهم هاجر كانت ديما ترسل ليه لفروض من القسم و هو يخرجهم ليها كانت ديما جايبة نقطة غير على ضهرو و مع ليام ولفاتو و عزاز عندها بزاف و كتحس بيه و خا حمق داير عقلو كثر من بزاف ناس و كيعاود ليها شي حوايج لي كيفتحو ليها عقلها و يزيدو يعلموها شحال من حاجة....
كونان كيقيص حناكها لي كينزلو منهم دموع و حاط طرف تريكوه في فمو كيمضغو : مالكي كتبكي....
هاجر حركات راسها يمين و شمال: جراو عليا و بقيت بلا قراية....
كونان كيحرك راسو و كيضحك: مزيانة فيك نتي لي تزوجتي و خليتيني ااانا لي راااجلك...
هاجر تنهدات بشوي هزات شكارتها و تمات غادة وهو وراها شاد طرف من طبليتها و تباعها كيعض في حوايجو و كلو كيتفتف....
هاجر دارت عندو: كونان سير لداركم شمس عليك و خاصك تشرب دواك....
كونان: لااا كتكدبي عليا اتبشي عند راجلك و تخليني.....
قبل ما ترد عليه وقفات عليها طونوبيل..تنهدات بجهد من شافت شيفور عرفاتو كيبقى غير حدا لمدرسة كيتسنها....ركبات و خلات كونان كيبكي و كيضرب طونوبيل و كيقول لشيفور رجع ليا مراتي.....
تحركات طونوبيل و هي ساكتة معندهاش لخاطر لتا حد و تا كونان لي عزيز عليها و ديما كتعطيه لخاطر بحال دري صغير ما داتهاش فيه وهي معصبة بحال شي قنبلة موقوتة تقدر تخرج فيه كلشي و هو مدار والو ....
وصلات لفيلا نيشن طلعات لبيتها سدات لباب بشوي عاد هزات شكارة و ضرباتها مع لحيط معصبة ...كل لي قدامها شتتاتهم كاتمة صوتها ... رجعات لبيت كلو مقلوب و صدرها كيطلع و يهبط و تنفسها متسارع....
دخلات عليها الياقوت مخنزرة و كتشوف في لبيت لي حالتو حالة و هاجر لي وجها حمر: معامن كنتي....
هاجر: كفاش معامن كنت راه كنت في لمدرسة....
الياقوت: دوك تحرميات ديال لبنات ما عندي ما ندير بيهم يا اتقولي ليا شكون داك دري لي كانتي معاه يا ماغدي يعجبك حال....
هاجر تنهدات بجهد: هداك غير حمق كنعرفو كيدخل و يخرج في الهضرة و سيري سولي عليه كاع راه غير حمق و لي شافها كيقوليها مراتي....
الياقوت:سمعي شنو انقول ليك نتي لمرا تانية ديال ولدي و ما بغيت نجبد صداع تاني و حنا عاد تهنينا من صداع لولة فحسن ليك شدي رجليك شوي انا ميصحابش ليا نتي فريفرة بحال هكا....
هاجر مبقاش عندها لخاطر لتا حاجة: سمعي نتي شنو انقول ليك عندااك تصحابيني جايا خدااامة عندك و تحطيني تحت رجليك صبرت ليك و بزاااف ..انا كنهبط راس و نتي كتزيدي طلعي فوقو فيين باغيا توصلي ....
الياقوت: اييه دابا عاد بينتي وجهك لحقيقي تا تزوحتي بولدي....
هاجر عنيها ولاو حمرييين: لااا هادا هو لوجه لي نتي باغيا تشوفيه تخطيتي حدودك معايا في شقا قلت ما كاين بزاف وخا هادشي ما كنت كنديرو تا فدارنا لي دايرين بحسابي و بمقامي و حاطيني فوق راسهم في لخر نجي و لمن لي يحني لي راس و يرجعني خدامة عندو ...و دير ليا قوانين بحال لميناج...نهار سبت تخمال و نهار جمعة نطيب ليك كسكسو نتي و صحابتك و نتسخر عليكم بحال لخادمة و كل نهار نفيق مع 6 صباح نوجد كلشي عاد تهبطي نتي كيف الملكة و تزيدي تنفخي ما عاجبك حال شنو باغيا عندييييي نتييي شنووووووو....
الياقوت معصبة: عقلي اش خرجتي من فمك لا موصلتهاش لولدي و نرجعك منين جيتي راني ماشي ياقوت....خرجات كتجر في جلايلها....
هاجر : لا وصلتي لودنك عضيها و ولدك من غدا يجي يعطيني براتي....زدحات لباب كتنهج واصلة ليها لعضم و مبقات حاملة تا حاجة.....
وصل ليل لبسات بيجامتها و هبطات لكوزينة دارت غير مطيشة و لبيض كلات منهم شوي و غطات شي لخر لياقوت مكان فيها لي يطيب......
هزات لكاس ديال لما كتشرب تا دخلات عليها الياقوت عاقدة حجبانها لوسط و غير كتخنزر و هاجر كثر منها ...لياقوت شافت مطيشة و لبيض و هي ضحك بي استهزاء ...
الياقوت: تبارك الله على العروسة هادي هي حنة يديك و لا بقا غير تخراج لعنين و حلان لفم....
هاجر مرضاتش عليها بقات ساكتة.... و خرجات نيشن طلعات لبيتها خلات لياقوت كطلع و تهبط فيها.....
و كتغوت من وراها باش تسمعها: اوا انا لي غالطة مزوجاك ولدي سيد رجال لي اي وحدة تمناه كنت كنصحابك ضريفة و داخلة سوق راسك ساعة انا مدخلة موصيبة كحلة لداري....
هاجر كطل عليها من لفوق ولات كلمة منها و كلمة من الياقوت و لي بغا يربح لعام طويل: قولي بغيتي لي تكرفسي عليها و ديريها تحت صباطك اما بنات ناس بزااف عليهم يرضاو بهاد تبهديلة و لكنتي نتي مدوزة هادشي و بقات حرقة فيك مدوزيهش على بنات ناس راني سكت ليك و بزااف و لا معجبك حال قفدي جلايلك و وريني حنة يديك نشوفو الحداكة ديالك لي كل مرة كتسمعيني كسيطة ديالها.....
زدحات لباب و خلات الياقوت كتكل في جلايلها.....
صبح صباح في بيتها كطوي حوايجها لي شتاتهم لبارح كاملين...تحل عليها لباب و هي عاطياه بضهرها....قبل ما دور راسها تشوف شكون طلعات ريحتو مع منخارها...قلبها ولا كيزدح بجهد بدون سبب....دارت كلها عندو و عنيها جاو مع عنيه هو كيشوف فيها و هي كتشوف فيه.....قرب لعندها كثر و حجبانو معقودين و يديه في جيبو.....
عصام: مالكي مكتجاوبيش....
هزات كتافها بجوج و عنيها في عنيه: ما بغيتش....
عصام بهدوء و نضراتو غامضين : معامن كنتي واقفة لبارح....
هاجر هزات عنيها فيه: ياك قالت ليك مك شكون....
عصام شدها من فكها مزير عليها : هادشي علاش ما بغيتيش تسافري معايا .. من نتي كتبغي واحد اخر علاش قبلتي تزوجي بيا....
هاجر حطات يديها فوق يديه كتقمشو و هو مورك بجهد قصحها و كطلع و تهبط : طلق منييي ا زبل طلااااق شبااغي عنديييي .....
عصام زاد و رك عليها وقربها ليه كثر صدرها على صدرو و عنيه حمرين مخرجهم فيها و كيهضر من تحت سنانو: شنوو باغي عندك...زدحها مع الحيط بجهد و حط يدو بجوج على الحيط و هي وسط منو مخرجة عنيها كثر منو و صدرها كيطلع و يهبط .....داير فيك تيقة و مسافر و مخليك على راحتك تعاملت معاك راجل و نتي مرجعاني شماتة و كضحكي عليا ورا ضهري ا هاجر.....
هاجر : شكتخربق نتاا و بعد عليا لهيه متقييصنييييش....
عصام ضرب يدو مع الحيط تا تجمدات في بلاصتها خلعها: سكتييييييي ....كيتنفس من منخارو و عروق جبهتو منفوخين....بعد منها كيسوط و كيرخف من لقرفاط لي قجاه...حل صدايف لولين كيسوط بجهد...دور يدو على شعرو و غمض عينو مزير عليهم و ضحك بجنب بي استهزاء على راسو و رجع شاف فيها. هادشي علاش فين ما كنقرب ليك كتهربي و انا حمار كنقول غير مزال صغيرة و خايفة خليها تولفني شوي و نتي شبعانة في بلاصة خرا دايراني ضحكة و طريق.....خنزر فيها كثر.... مغديش نحط عليك يدي جمعي حوايجكو وبراتك اتوصلك.......
بقات في بلاصتها مكوانسية و فمها محلول كترمش بزربة...عطاها بضهر خارج و هي تنقز عليه جراتو من لقميجة دفعاتو بجهد فوق ناموسية و تلاحت عليه جلسات فوق كرشو......خرج عينو فيها معصب و قبل ما ينوض خشات راسها بين عنقو... عضاتو بجهد مغددة و هو مغمض عينو كارز على سنانو مقصح....خشا يدو في شعرها لي كان مطلوق على طولتو ....جرها بجهد معصب...خرجاتو عن طوعو بلا جداه....بغا يغوت عليها و هو يتفاجئ بدموعها هابطين على حنكها....
غمض عينو بجهد كيسوط هز راسو بغا يوقف ... مع جلس زلقات و جلسات فوق حجرو ..من تحت سنانو:نووووضييييي....
دموع دايرين شلال على وجها دورات يديها على خسرو مزيرة عليه بحال شي بنت صغيرة و وجها دفناتو في صدرو و صوت شهقات ديالها مسموع و فين ما جا فمها كتعض كاع صدرو طرساتو و هو صابر ليها ما بغيش يفوت فيها شي دقة خايبة ......
عصام بنفاد صبر: هاااجر...
هاجر لي فيها ممهنيها: نتا ممزيانش....
حط ضهرو على ناموسية كيسوط حط يدو على عينو و هي كتبكي لاصقة مبغياش طلقو....
حط يدو على خسرها و طلعها عندو كثر..خشات وجها في عنقو ..دور يدو بلا جداه على خسرها خشاها فيه كثر كيبوسها بشوي في عنقها...
عصام: شنو اندير معاك ا هاجر شنوووو لي قلتي كنبشي معاك فيه مخليك على خاطرك شنو بغيتي كثر من هكا...
هاجر كتبكي في عنقو و كتهضر بصوت باكي: انا عمري عرفت شي حد قبل منك ولا بغيت شي حد نتا هو اول واحد في حياتي و ضريتيني بزاف بديك الهضرة هئ هئ بغيت نبشي عند باااااا ...
ربما اعجاب او عشق او ربما اكثر من دالك بكثييير...شخصية متناقضة مع نفسها و كتومة مكتخرج لتا حد شنو كاين في قلبها و اهم الخصائل فيها ان قلبها ابيض مكتحقدش و دغيا كتنسى و كتكمل نهارها كأنه ما وقع والو.....
وخا صداع كامل لي نوضاتو مع الياقوت و عطاتها خو كلامها ... و مع دالك غمضات عنيها و هبطات وجدات لعشا و خلات منو للياقوت و خا غير بيض و مطيشة لكن لي وجداتو و كلاتو خلات منو لحماتها....
شخصيتها بسيطة و معقدة في ان واحد تقدر ليوم تفهمها و غدا متفهماش ..تقدر ليوم تلقاها انسانة نشيطة مرحة ضحوكية و غدا تلقاها غضبانة و سادة عليها في بيتها مكتكلم مع حد...كل نهار و كفاش كتكون كأي بنت عادية معندهاش طموح كبير و تا لقراية ممدخلاهاش لراسها و مع دالك كتبشي تقرا لانها فقط باغيا تفرح والديها و من جراو عليها بلا مدافع على راسها حسات بالحكرة و نفس تقطعات عليها..بغات تهضر بغات تغوت لكن مقداتش و خلات دموع يخففو عليها...
ما حيرتها لقراية و منعم لي لاصق فيها و داير ليها لعصا في رويضة ...ما حيرتها لياقوت لي فدار و لا عصام لي في ليلة و ضحاها و لا راجلها و مسؤول عليها...
كان تقريبا لمغرب و الحال ضلام فقط اضواء الفيلا لي كينورو لمكان....دخل بشوي بسيارتو كلشي عندو بسكات كيف عادتو مكيعلم تا حد بحضور ديالو .....
تحرك بي خفة ورجولة طاغية في تقاسيم وجهو خاشي يديها في جيبو ...دور عينو على صالونات ما بان ليه تاحد و هو يتم طالع في دروج بلا حس...مكمش حجبانو و غادي نيشن جيهة ديال بيت هاجر و هو يسمع صوت الالم ديالو لتحت خارجة من لكوزينة و كتهضر في تليفون...
من كلامها عرفها كتهضر مع ختو....زاد كمش حجبانو كثر من سمع كلامها على هاجر و هي عاطياه بضهر مكتشوفوش....
اسماء من تليفون: وصافي ا ماما خلي عليك لبنت راه مزال صغيرة و معارفة والو و باين راه كانت لمفشة عند والديها و مكتعرف شغل....
الياقوت: لالا منكدبش على الله شغل كطير فيه حادكة و مكلتها بنينة غير هو فمها سخووون و كطلق منو غير سم....
اسماء: ا ماما راني عارفاك تا نتي اتكوني جبدتيها و لا دوزتيها عليها مسكينة و الله تا حرام عليك كون غير داها خويا معاه..
قطعاتها الياقوت مخرجة عنيها : يعطيك لغمة نشالله جمعي راسك و عرفي معامن كدوي راني مك اما ردان الهضرة ندوزو ليها حيت ولفتو مع مراتو اللولة اما من تقول نبشي لمدرسة و مدخلش لقسمها و تبقا شادة لحديت مع دري قدام ليسي ما دايرة بوجه راجلها لا وااالو....
عصام مزير على سنانو و فك ديالو تصلب ....جمع يدو على شكل قبضة باغي يطرطق من لداخل و مو كتهضر و هي مجايبة دنيا خبار انه كاين .....
فقط انه سمع ديك الهضرة دخلات ليه بحال سم في ودنو و عقلو بدا كيستنتج غير وحدو و شك تغلغل ليه في اعماقو......
دخل ننيشن عندها و بزز باش متحكم في راسو ...فقط انها تجاوبو بديك طريقة كأنها ما دايرة والو و بلا حشمة خلا دمو يغلي من لداخل...كلمة وحدة لي خرج و هو معصب مبغيش يدير فيها يدو و ماشي من رجولتو يحط يدو على مرأة ....
تم خارج و هو كيغلي تا لقا راسو مرمي فوق ناموسية و هي فوق منو كتعض و تقمش مجننة وهو كيسوط من منخارو شاد راسو كثر من لقياس...
فور ما شاف دموعها تلاشا كل غضبو بقاو كيبانو ليه غير عنيها لمدمعين و صوت شهقاتها و شعرها الاسود كسواد ليل مستسرل على ضهرها و بعض لخصلات محطوطين فوق وجها و هي معنقاه و مزيرة عليه كتبكي في عنقو ...تنهد بشوي ما بقا عارف ما يدير معاها كيحاول يحط عقلو مع سنها باش يفهمها لكن كدير شي تصرفات لي هو بنفسو مكيفهمهش....
حط يدو على خسرها و طلعها عندو كثر..خشات وجها في عنقو ..دور يدو بلا جداه على خسرها خشاها فيه كثر كيبوسها بشوي في عنقها...
عصام: شنو اندير معاك ا هاجر شنوووو لي قلتي كنبشي معاك فيه مخليك على خاطرك شنو بغيتي كثر من هكا...
هاجر كتبكي في عنقو و كتهضر بصوت باكي: انا عمري عرفت شي حد قبل منك ولا بغيت شي حد نتا هو اول واحد في حياتي و ضريتيني بزاف بديك الهضرة هئ هئ بغيت نبشي عند باااااا ...
هز ليها راسها كيشوف في عنيها و هي كتجر معاه باغيا غير تخبي وجها في صدرو ميشوفش دموعها...
عصام حط يدو بجوج على حناكها: لا لا هاجر شوفي فيا...رجع عاود هز ليها راسها و قربها ليه كثر حط جبهتو على جبهتها و انفاسو كضرب وجها بهمس نطق بشوي....
عصام:انا اول واحد..
.
هاجر حركات راسها بشوي و عينيها في عنيه ....
غمض عينو و تنهد بجهد من اعماق قلبو ....حط فمو بشوي على جبهتها قبلها قبلة حنينة و وهبط بشوي لعنيها باسهم ليهم و هي مكوانسية في حضنو....
بلا ميتكلم هزها بين يدو خرجها من لبيت نيشن لجناح ديالو و بيتهم لخاص...
بقات مخشية فيه تا وصلو لحناح ...حطها بشوي فوق ناموسية كتشوف فيه و هو واقف عليها..حيد تجاكيط بشوي رماها فوق الفوطوي و دوز يدو بجوح على وجهو و هي غير متبعة ليه لعين غير شافتو حيد تجاكيط و هي تسرط ريقها و هزات فيها عنيها....
هاجر : بغيت نبشي عند بااا....هز فيها حجبانو بجوج..و هي كملات هضرتها... و رسل ليا براتي...
جمعات الوقفة تخطاتو بغات تخرج و هو يجرها بجهد من يديها : فين غادة....
هاجر مخنزرة كثر منو: انبشي نجمع حوايجي ..ياك بفمك قلتي جميعي حوايجك و براتك اتوصلك .....
عصام جرها من يدها: جلسي نهضر معاك بعدا ما عندك فين تمشي....
هاجر : لا اخويا عندي فين نمشي... انمشي لدار با لي قابلة هبالي و عارفة مقامي....
عصام هز حاحب و هبط لخر كيشوف فيها : و انا.....
هاجر: و نتا سير تزوج ولا دبر راسك عندك تصحابني انلصق فيك و نبكي عليك قبيلة غير كنت مخنوقة و جيتي نتا قدامي و صافي..
عصام جلسها بزز فوق فوطوي كيحاول يهضر معاها على قد عقلها: اوكي هانتي بشيتي شنو اتقولي لوالديك من اترجعي لداركم....
هاجر: انقول ليهم متفاهمناش و كل واحد يشد طريقو ياك مقصتيني ما والو و بيناتنا غير تيقار ادا تلقينا خوت نتفارقو خوت....
عصام عاض فمو من لداخل: مغديش نطلقك...بغات تهضر و هو يحط صبعو على فمها....شششش منعاودش نسمع هاد لهضرة....
هاجر: نتا لي بغيتي هادشي انا ما قلت ليك والو عطيتيني وقت راني كنحاول نتعرف عليك نتا لي غابر سيمانة و جاي مهجم عليا .....
عصام: كل حاجة و عندها سبب و نتي مكتجاوبيش كاع في تليفون شنو بغيتيني نفهم من هادشي....
هاجر لسان تسرح ليها مع عصام: لي اتفهمو اني وحدة حشومية بزاف مع ناس جداد خاصني تا نولفهم عاد نهضر معاهم.....
عصام: امتا اتولفيني و نتي مكتعطيني تا فرصة نقرب ليك ...انا راجلك ا هاجر خاصك تفهمي هادشي عطيتك وعد و مغديش نخلفو و لكن بالمقابل انا تزوحت حيت باغي مرا تشاركني حياتي و فراشي ماشي وحدة نبقا انا و ياها نهار كامل بحال هاكا....
هاجر هبطات عنيها و لات حمرة : نتا نهار لول واعدتيني و قبلتي عليا هاكا.....
عصام: اه قبلت عليك هكا و لكن في لمقابل كنت متوقع تا نتي تعطيني فرصة منبقاش غير وحدي خدام و انا معارفش شنو في قلبك و باش كتحسي.....
هاجر بقات ساكتة مرداتش عليه او بي الاحرى معرفاتش باش تجاوبو فقط فضلات صمت هو افضل خيار... و هو بقا كيشوف فيها و بزز منو عاود سولها للمرة تانية....
عصام: عندك شي حد في قلبك.....
حركات ليه راسها بي "لا".....
عصام: ادا معامن كنتي قدام ليسي...
هاجر: غير واحد حمق كنعرفو 3 سنين هادي شافني خارجة و جا كيهضر معايا تا وقف علينا الشيفور و صافي....
جلس حداها و دور يدو على خصرها هزها و جلسها فوق رجليه و كيشوف فيها بنضرات ممفهومينش: عاودي ليا شنو واقع.....
هزات فيه عنيها و هو كيحضرها بعنيه بمعنى متخبي والو.....
مخشية في لكوزينة هي و لياقوت كيوجدو لعشا ....هاجر ملهية بشغل لي فيديها بحالي ما واقع والو و لياقوت غير حاضياها .....
هاجر دورات عنيها: بلااا متشوفي فيا هكاك راني ما قلت ليه والو.....
لياقوت: ومالو خرج هكاك كينهج و عروقو خارجين و انا معرفاش اصلا واش كاين تا هبط بحال ثور اش درتي ليه....
هاجر: ما درت ليه والو ...سكتات ما عطات راس لخيط لياقوت لي لفضول ايقتلها عيات ما دور بي هاحر ساعة لقاتها شادة لسانها عندها ما كتخرج والو.....
شافوه تعطل بزاف و هما يحطو لعشا غير بيناتهم وحدة تخنزر في لخرا بحال لقط مع لفار ....
لياقوت: يكما قلتي ليه طلقني....
هاجر :مالي حمقة نطلب طلاق...
الياقوت: الله على ولدي مسكين سعدو عوج في زواج ما صدقات لمرا لولة وها تانية...شافت في هاجر كطلع و تهبط ساكتة...
هاجر كتكل و تشوف فيها: اوا ما عرفنا لمشكل فلعريسات و لا ..ردات عليها نفس شوفة هزات فيها عنيها و هبطاتهم.....
حمعات الوقفة بلا متزيد معاها الهضرة جمعات طبلة غسلات لماعن و صوبات بلاطو فيه لعشا ديال عصام..خلاتو مغطي وطلعات لفوق نيشن لبيت لي كانت فيه مبشاتش لجناح ديالو.....
بدلات حوايجها لكسوة خفيفة بسميطات حد لفخاض..دفرات شعرها و دهنات وجها بكريم ليلي..نيشن دخلات في لفراش كيف حطات راسها نعسات....
حلات عينيها بشوي دايخة بنعاس من حسات بشي حد دخل عندها لبيت....
هاجر بصوت تقيل: عصام....
تحنا عندها بشوي باسها في جبهتها: فيقتك....
هاجر: لا غير نعاسي خفيف دغيا كنفيق...شافت في ساعة لقاتها ثلاتة ديال ليل...فين تعطلتي...
عصام: كان عندي ما يدار غير رجعي تنعسي....
هاجر كتحك في عنيها: بلاتي نسخن ليك لعشا....
عصام:ما بغيتش غير نعسي....
هاجر خرجات رجليها كتلبس بنطوفة: من جيتي ماليتي والو انسخنو بزربة و نطلعو ليك.....
وقفات غادة بشوي بحكم البيت مضلم و غير ضو خفيف لي كيدخل من شرجم....حطات يديها على لباني ديال لباب و هي تحس بيدو دافئة تحطات فوق يديها...و تنفسو الساخن كيتضرب على عنقها ..و ضهرها لاصق مع صدرو..قريب ليها بزاف.....حسات بيدو كطلع لبيجامة من جناب و هي تحط يديها بزربة حبساتو...
هاجر قلبها كيدرب بجهد : هئ عععع عصصصااام لللاللااااا ععععففففااا....
عصام قاطعها بشوي حدا ودنها: ششششش...
حيد ليها يديها و طلع بشوي تا وصل لخسرها كيحرك يدو بشوي فوق كرشها بواحد لحنية كبيرة خلا جسدها كلو يترعد و اهات خرجاتهم بدون شعور.....
خشا وجها في عنقها كيقبلها بحرارة و هي كتشهق بجهد تبوريشة طلعات معاها و معدتها تزيرات عليها كثر ...احاسيس تملكوها في شكل عمرها حسات بيهم ...رجليها فشلو عليها مبقاش قادة توقف عليهم...رددات بشوي بصوت هامس
هاجر:عصاااااام.....
خاشي راسو في عنقها ناسي راسو ..كيف نطقات اسمو بديك طريقة....دورها بجهد عندو مكاليها مع الحيط ... صدرو كيطلع و يهبط و صوت تنفسو حاد ...هزها و دور ليها رجليها على خسرو ...كيف هزها دورات يديها على عنقو خايفة طيح.....دور دراعو على خسرها و ليد لخرا حطها على حنكها و جبهتو على جبتها كيستنشق انفاسها بلدة .....
حرك صبعو بحنان على خدها و خرج ما فقلبو ليها و ليها بوحدها: نتيييي ديااالي بوحدييييي مراااتيييي.....
حط شفاه ديالو بشوي فوق شفاه ديالها و تكلم وسط فمها قبل ما ياخد شفاه ديالها وسط قبلة قوية و عميقة و حارة: كنبغيييك......
إنها زوجتي الجزء الرابع
محتوى القصة
التنقل بين الأجزاء