و يا ويلك من ساكت لا هضر ومن ضريف لا ناض....واقف عليهم بحال ملك الموت لي جا يزهق روحهم و ميرحمهمش...عينو حمرة و لونهم غامق و نضراتو غير على هاجر لي كترعد و دموع في عنيها كتشوف فيه بي الم و خوف و سميتو كتردد في فمها.....
كيف شافو بينكو قرب و هو ينوض ما عرف دقة منين جاتو طيراتو من بلاصتو و طيحاتو كاو كيتركل و عينو مقلوبين و ودنيه كيخرج منهم دم...ضربة وحدة خلات بينكو لي غير سميتو كتخلع في الأحياء شعبية طايح مغيب عن الوعي...بحر ضربة لي عطاه تتقب ليه لمسمع ديال ودنو تا خرج منو دم وغيب في لبلاصة ما عرفوه حي و لا ميت....
هاجر ميتة بالخلعة و زادت طلقاتها في حوايجها من شافت عصام بديك الحالة و كيف ضرب بينكو تا شبحو في الارض.......
عمر غير شاف بينكو مشبوح و عصام واقف عليه ...طلعات معاه رعدة بلهلا يطريه ليه ما بان ليه غير يهرب بجلدو قبل ما يخلطو معاهم...كيف شاف دراري مصدومين و حالين فمهم في عصام كحاز لور كيف عطا رجلو لريح هارب و هي تجيه ضربة لمؤخرة ديال راسو بجهد تا ترعف من نيفو وطاح لأرض كيغوت حس براسو تشقق ليه على جوج بديك ضربة لي كانت من عصام....لي ممعولش يخليهم فحالتهم ليوم لا مقتلهمش و زهق روحهم مغاديش يرتاح ليه لبال...
مقربش لجيهت هاجر و لا تا سولها
فقط عينو لي مشات جيهة ديال صدرها لي كيبان نصو زاد سد ليه لعنين بي الغضب كثر ما هو معصب... معطاهمش فورصة فين يهربو خلطهم كاملين ...مكيفوتش كثر من ضربة وحدة...كيجيبهم طايحين لأرض و دمهم كيشرشر شي من نيفو و شي من فمو ....طاحو كامليين شي كيتلوا على شي و عصام مزال ما برد فيه لعرق لي كيزدح في راسو....
رحع عند بينكو لي كان حط يدو على هاجر ...
تحنا عندو حط ركبتو فوق صدرو و بدا كيدخل ليه في بونيات و كل ضربة كيطوش معاه دم ...كيضرب و تقول كلمة وحدة خرجها ولا تا غوت ..كلشي دارو بسكات بحال شي عاصفة صامتة دازت عليهم و قلبات ليه سفاهم على علاهم.....
مرحموش ولو لحضة ...كيعطيه و بينكو مغيب غير جسدو لي كيتنفض مع كل ضربة ..اما هاجر كيف شافت عصام بالت على راسها مسكينة وزاد خوفها كثر ...كيبان ليها عصام اخر وحش بصفة بنادم معمرها شافت هاد الجانب المتوحش من عصام لي مكيرحمش......
وقفو عدة سيارت منهم ديال بوليس....خرج راجل من سيارة سوداء خاصة غير شاف عصام و هو يمشي عندو كيجري و عنيه خارجين خايف لا يمشي يقتل شي حد بينات يديه.....
تحنا بغا يهزو من فوق دري و هي تجيه دقة تلفاتو على القبلة وخا هكاك مسكين رجع كيفك و تبعوه البوليس كيفكو.
عصام حرف واحد مخرجوج صدرو كيطلع و يهبط و عينو حمرين كيتنفس بجهد من منخارو...جروه البوليس بستين كشيفة من فوق بينكو لي ملامح وجهو مبقاوش باينين بكثرة ضرب و دم لي تصور فيه....
كيف جروه جر معاه يدين بينكو لي تجرؤو و تحطو على حاجة ديالو و ملكو ...لواهم بينات يديه تا تسماعت طرااخ ديال عضومة كيتهرسو عاد طلقو...
نفض عليه لبوليس لي كانو شادينه و دور يدو فوق شعرو .....وقف حداه زهير خايف يدير شي مصيبة ... من حس بيه جامد في بلاصتو ...قرب لحدا هاجر لي عنيها غير على عصام كتقفقف في بلاصتها و ربي لي عالم كمية رعب لي دخل معاها من شافت الحالة لي دار عصام في دراري....
قرب ليها زهير: هاجر متخافيش كلشي داز......بغا يحط يدو على دراعها يوقفها......
وهي تهز من بلاصتها بصوت لي تقب ليهم لودنين بحال رعد...
عصام: مااااااتقيييصهاااااش.....
قرب ليها وعنيه حمرين حيد تريكو لي لاصق عليه رماه ليها فوق صدرها لي كان كيبان وهزها من دراعها جارها معاه....زهير عرف ايدير فيها شي موصيبة وهو يخطف ليه هاجر و رجعها ورا ضهرو......
زهير: راك غاادي تندم ا عصام شوف البنت حالتها كيف دايرة ما تزيدش عليها.....
عصام بلا ميخرح حرف واحد شنق عليه ما خلاه فين يدور تا عطاه بروسية طيحاتو على وقفتو......جر هاجر و بكثرة الخوف رجليها فشلو وتقول واش رحمها جرها هكاك تال طونوبيل رماها لور و سد عليها لباب و مشا لجهة ديال سائق ديمارة طاير مع البرد و عينو على طريق حرف مخرجوش او شوفة هي لخرا ما شافش فيها.....
هاجر بصوت خافت مترعد: عععصااام ااانا.....
قطعات نفس بصوتو....
عصام : سكتييييييي....
تكمشات في بلاصتها و كتبكي على حالتها بصمت و طونوبيل غاديا في طريق عكس طريق الفيلا ..عرفات هادي هي لخرا ليها معاه.....
حبس طونوبيل قدام عمارة في حي راقي ...زير على فلون طونوبيل مزيان و صوت تنفسو مسموع كيسوط بحال الحنش ....
هز تليفون دور نمرة...
عصام: الو سي حميد...اه لقيتها...هي دابا معايا....لا مغديش نرجعو لفيلا غير باتو فيها تال غدا.....لا ما واقع ليها والو.....بغيتي تهضر معاها....هز عينو في لمراية كيشوف هاجر لور لي عنيها فاضحين كلشي من خوف و رعب و حزن اما هو كانت نضراتو ممفرزينش و مخنزر فيها كمل الهضرة في تليفون....متقدرش تهضر دابا غدا و نعطيك تهضر معاه...لا غير ناعسة و مبغيتش نفيقها....اوكي الله اعاون....
قطع عليه و خرج من طونوبيل حل ليها لباب و معطهاش فرصة تخرج على خطرها جرها من دراعها تا عضات فمها بجهد من غرس صباعو في يديه...
ركبو في سانسور نيشن لطابق 7 فين كاينة شقة ديالو لي مجهزة بفراش عصري كلاسيكي..حل لباب و دفعها بجهد تا طاحت بينات رجليه بكثرة ما تخلعات طلقات دموعها كتبكي بجهد....
شافتو هابط عندها و هي تقفز من بلاصتها و رجعات لور لصقات مع الحيط و صوت حبساتو....
هاجر بخوف و دموع كيهبطو: هههاننني سساكتة ووالله ما ننعاود.....شافت يدو قربات ليها وهي تغمض عينيها بجهد...واااع و لا ولا لا اهي اهئ و الله ما نعااود نخرج بلا خبااارك و لاااا لاااااا مضربنيييش هي هي مضربنيييش و الله ما نعاااود.....
حسات بيدو تحطات فوق يديها وهي طير على يديه شداتهم بجوج مزيرة عليهم و مخرجة عنيها فيه خافتو يصليها معاها بشي دقة...
هاجر تنخسيسة كطلع معاها و كتهضر بزز: و ووالله م م ممكنت معولة نتعطل و الله كنت غير غادي نشم شوي الهوا و نرجع معرفتش عقلي فين مشا تا لقيت ليل هئ هئ مضربنيش الله يخلي ليك ما عز عليك الا ضرب لا لا لاااا.....
وخا مكيدير تا شي حركة ولكن نضراتو كيخلعو و زاد صمت ديالو كيزيد يرعبها....بكثرة ضغط لي مارس عليها تلاحت عليه حطات فمها فوق فمو كتبوسو بشوي و دموع هابطين ليها و كترعد وسط منو....
من حسات بيه ما بدلهاش لقبلة عضات ليه شفاه ديالو بشوي كيف حل فمو دخلات لسانها كتقبلو بحرارة و قبلة ساخنة....
بعدات منو بشوي و خيط ريقو مزال لصق ليها بين لسانو و لسانها...جرها بجهد رجعها تحت منو و قطع الكسوة كاملة..
بقات منها سوتيان و شورط..خرجات عنيها فيه و الخوف لاعب بعقلها صعيب تقبل هادشي كامل لي وقع ...وخا تكون زلزال كيف كيقولو ولكن كتبقى انثى و اي شخص يدوز من هادشي كيتصدم و يخاف...معرفات كيف تبردو من غير انها تبوسو عقلها و مقال ليها...
حلات فمها تهضر وهو يحط صبعو على فمو و قرب ليها مزيان عينو على عنيها...
عصام: شششششش...
صرطات صوتها بنضراتو لي مكيحملو تا حنية او شفقة ....قطع ليها سوتيان وهو يخرج صدرها مبندر حدا وجهو...وهي عاضة فمها من لتحت مخلوعة....
عصام كيشوف في صدرها و رجع هز عينو فيها بصوت غليظ قاصح: قاصوك هنا....
هاجر دورات راسها بجهد : هي هئ لا و الله ما قاصني شي حد هو بغا يشدني و انا هربت و جات يدو على لكسوة قطعها ليا ....
عصام بنفس نبرة صوت: شافووووه....
هاجر ربي لي عالم بيها فهاد ساعة كلشي تخلط عليها
حطات يدها على خدو كتحاول ترطبو : عععصام عافك....تقطع صوتها و سط صراخو....
عصام: جااااوبيي شااافووووه....
هاجر دورات راسها يمين و شمال يهستيرية: لا ممم ماشفووووهش
غغ غطيتو بب بيدي ....
عصام دخل راسو بين صدرها و شبك يدو مع يديها مزير عليهم مزيان و حاطهم فوق راسها ما مخليها فيه تبعد مكاليها تحت منو مزيان...
هاجر بصوت باكي : عاااافك مم...ااااااااااااااععععع ........
رجعات راسها لور و ضفارها تغرسو في يديه مع صرخة كتصم الادن خرجات من حلقها بحر العضة لي عضها في صدرها..دموع دازو ليها و صوتها ختافا بين الحيوطة وهو مرحمهاش فين ما جا فمو كيعضها و هي كتلوا و تغوت تحت منو بربي لي خلقها تا مبقاتش قادة على الالم لي نهش جسدها و هي تصخف ليه بينات يدو..
كيف حس بجسدها ترخا هز عينو فيها و فمو عامر بدم ديالها...
شافها صخفات وهو يجمع الوقفة و هزها بينات يديه مغيبة دخل بيها نيشن لدوش ...عمر بانيو بما دافي و حطها حيد ليها حوايجها و صدرها كامل مصورين فيه سنانو ودم خارج من العضة ...
حطها في البانيو وهي عريانة و مغيبة...حيد تاهو حوايجو كاملين و تخشا من وراها...جرها عندو لصق ضهرها مع صدرو و جلسها فوق حجرو ....هز يدو حل ليها شعرها بشوي هبطو ليها مع ضهرها..حط ليها راسها فوق كتافو و خشا رساو بينات عنقها و يدو دارين على خسرها و هي مغيبة ما عارفة اش كيوقع.....
قبل متفرقة في عنقها و فين ما باسها كيخلي بلاصة حمرة بحال طابع...حط فمو على ودنها وهمس بشوي....
عصام بهمس: قتلتيني ليوم ا هاجر..
حط يدو بجوج على جناب البانيو كيشوف في لمراية لي قدامو كتبين ليه هاجر مغيبة فوق صدرو ...
نهار كامل و هو كيف الحمق ما خلا تا جيهة في رباط ما قلبش فيها مشا تا لدارهم لي دارو روينة من معرفوهاش فين كاينة....
ناض صداع و كلشي خرج كيقلب تا من البوليس خرجو يقلبو عليها و من ملقاوش ليها اثار ...دنيا دارت بيه و الهوا تقطع عليه ولا تنفسو تقيل و ربي لي علم بحالتو في داك الوقت رعب و الخوف تملكو و جميع سيناريوهات الخايبة دازت في راسو..
تغيب نصف نهار تقدر دوز ولكن نهار كامل ماشي ساهل و جميع الاحتمالات دازو بينات عنيه تا من سلا هي الاخيرة سيفط ليها البوليس يقلبو تم وكل بلايص مشبوهة قلب فيهم... حاجة وحدة لي دازت في راسو من مبانش اثار ديالها هو واقعات ليها شي حاجة....
تا من البوليس مسعدوهش و زادو صدموه من قالو ليه لقينا جثة ديال بنت مقتولة حسب الموصفات لي قلتي لينا ....
غير هاد المعلومة فشلات ليه ركابي بلي فيهم....و خلاتو يترفع من بلاصتوو و روحو خرجات و رجعات ليه....ركب في طونوبيلتو بحال الحمق و كمل كيقلاب عليها بلا عقل...
مبغاش يمشي مع البوليس يشوفو ديك الجثة لي قالو ليه عليها...خايف تكون ديال هاجر بصح...مقدرش يتقبل هادشي..لدرجة انه كيقلب في جميع القنات و دموع في عنيه كيهبطو ليه بوحدهم بلا ميحس كأنهم كيخفو عليه ضربة لي تضرب في قلبو ...
تا ربي حن من جيهتو و دوزو من ديك لبلاصة لي كانت هي كتغوت بسميتو..كيف شافها وهي وسط دراري وداك لحمار ديال بينكو كيقرب ليها خرج بحال الوحش خرج فيهم بحال تسونامي شتت زبل كامل وهي طايحة في الارض...
بكثرة صدمة وهي قدامو مقدرش يهضر ولا غير كيضرب و حرف واحد ما خرجوش....زاد جهل و لغضب عما ليه العين...نهار كامل وهو عايش في جحيم كيتحرق من جوج جوايه....
مبقاش قادر يتحكم في تصرفاتو و لا افعالو بغا يضربها بغا يغوت عليها بحر ما فجهدو..فقط يتخيل انه كون محضرش فهاد اللحضة اش ايوقع و شنو كان ايوقع ليها...هاد الفكرة لي طريق كاملة وهي كتاكلو من لداخل لدرجة صوتها مبقاش باغي يسمعو......
بلحريق لي فقلبو عضها في صدرها ربما تحس ولو شوي بي الالم و العداب لي كان عايش فيه نهار كامل...
هز لما بارد بيدو و رشو ليها على وجها بشوي تا فقزات في بلاصتها حلات عنيه و جسدها كلو مرخي..هزات راسها بشوي جيهة ديال لمراية لي قدامهم كانت كتبين كلشي ..
عصام وراها و هي وسطو متكية على صدرو...شافت صدرها لي مطبع بكثرة ما عضها تا ولاو لبلايص زورق و من لوسط حمرين ...
هبطات ليها دمعة على لحنك سخوونة.....و شفاه ديالها كيترعدو و جسدها كلو مرخي و صمت مخيم لمكان....
حطات راسها على صدرو متكية عليه و الالم كيعصف بجسدها كامل و عنيهم بجوج على لمراية كيشوفو في بعضهم بصمت...
عنيها عليه و دموع دايرين خط على حناكها و بصوت باكي قالت: ك ك كت كتبغيني..
عصام ساكت و عينو في لمراية كيشوفو بعض من خلال المرأة...عنيه مدمعني وداير بيهم لون حمر غامق و شعرو هابط على جبهتو...
هاجر بصوت فيه نبرة اخلاص لدرجة مكتصورش: اه كنبغيك بزااف ...سكتات شوي و رجعات تكلمات بنفس النبرة... تقدر تبين ليا الحب ديالك و تلبي ليا طلب ديالي....
عصام بنبرة هادئة: طلبي.....
هاجر دمعة نازلة من حنكها و عنيها كيبريو: طلقني ا عصام...
عصام قطع نفس و بقا كيشوف فيها في المرأة وهي كملات كلامها....
هاجر بألم: حررني من دمتك و خليني نرجع هاجر لي ولفت هادي لي معاك مكنعرفهاش..بغت نرجع لدارنا ا عصام.... ياك تقدر تلبي ليا هاد طلب....
عصام هبطات ليه دمعة بلا جداه و حرك راسو بشوي: واخا.......
رسمات ابتسامة باهتة على محيا وجها و تكمشات على داتها و دخلات في صدرو و خبات وجها في صدرو و هو دور يدو على خسرها و خشاها فيه بحال شي بنية صغيرة..حط فمو على جبهتها و حلق ديالو كيطلع و يهبط و عنيه مدمعين من سمع كلامها.....
هاجر: لا تزادت عندك بنت سميها بحال سميتي.....
.غمض عينو بجهد و تكلم بشوي...
عصام: ونتي اتسمي ولدك عصام....
هاجر حركات راسها وسط صدرو بالنفي: مكاينش لي ايقصني بعدك ا عصام.....
غمضات عنيها و خلات دموعها يهبطو وسط منو....باسها في راسها بشوي وزير عليها وسط منو و غمض عينو و تخيم صمت في لحمام.....و اجسادهم معانقة بعض....
إنها زوجتي الجزء التاسع
محتوى القصة
التنقل بين الأجزاء