لعربي: شدي الواليدة لي تعاونها فاش تبداو تخملو ..تربية جمعة حادكة كانت تقيل تشكر فيها نزهة عروستك ..
حفيظة: اغبراات نزهة مع بناتها و توحشك خييك ..
لعربي: لعشية ندي هجر دارهم ...يلاه تمشي معانا؟
حفيظة: لا وليدي مراتك تبغي تاخد راحتها مع مها. ختها ..راه خوك قريب ليا غدا و نمشي ..
...مجمع هو ميمتو مرضي ميمتو ...مولف يهضر معاها و يتعاود معاها و يفوج عليها و ديما طامع فاللع يرضي عليك اولدي ..راجل الدار و من صغرو خدام بذراعو معيش ميمتو و ختو بالحلال ...حطاات ليهم الغدا وزيف فوف راسها و لابسة بيجاما بسروال و فوقاني طويل و شوفة ماتشوفهاش فلعربي و ماتهضر ماتكلم غير تتشوف ...جمعات طبلة و غسلات ماعن طلعات بيتها تتحس بلعيا وحال سخون ..دخلات طرفات مزيان و بقات بينوار حرير و حيدات زيف على راسها ..مع خرجة لقاتو تيقلب فجهتها..
هجر: تتقلب ليا فحوايجي؟؟
لعربي: غير تنشوف وصافي
هجر: صمت ..تكات بلاصتها ترتاح ...جدا حداها مد يديه يلعب فشعرها ..و تيشوف فيها و هيا تتصنط لعظامها ..
لعربي: هجر تخرجي ؟؟
هجر: ديني عالدارنا توحشت ماما ...
لعربي: ليل نجي نديك ؟
هجر: لاء
لعربي: راه مغاديش تباتي دارك قريبة !! لاش تباتي ؟
هجر: بغيت نبات مع ختي و ماما ...
لعربي: يهديك الله
..عيانة و مورال هابط مع وحم و هو تيتزايد معاها دارت جهة اخرة خلاتو تيهضر ماعقلاتش على راسها فوقاش نعساات ........مافيقها غير تلفونها تيصوني حلات عينيها لقات راسها معنقعا بيديه و رجليه ....تفكات منو تجبدات تلفون ..
الو !!
نورا: هجر !!
هجر: (جفلات) مالكي!! فين ماما
نورا: شوفي طامو طاحت هزوها صبيطار ..تتموت
...ناضت تتبكي وتنحط ..طامو عندهم عزيزة جداتهم لي طل عليهم و طيابة القريب و البعيد دوزو معاها ذكريات طفولة ..دوزو العطل عندها فالدوار .....عندها بنات جمعة خاصة تتكن ليهم محبة خااصة ..
..بقات فيه دموعها غالين عندو و هيا اغلى ..عنقها تيهدن فيها....خرجو من الدار من بعد ماخبرو حفيظة و ركبو فطموبيلة شاد طريق صبيطار لي نعتات ليهم نورا.....وصلو صبيطار كبير تما فالمدينة ....فاالباب صبيطار الداخل لقا نورا و بنتها معاها سيمو و خوالاتها..
هجر عنقات ختها تيبكيو ..و سلمات على خوالاتها و لعربي تيهضر مع سيمو تيعاود كفاش طاحت ...تا خرجات عندهم جمعة و حميدو و راجل ختها....
...كلشي تأسف و بناتها و حفيذاتها تيبكيو ....عاونههم لعربي تيجريو على الوراق ..مكاين غير رشوة من هدا لهدا ...و اسعاف مخلصة ب 2000درهم باش تهزها للرباط ..ماجات توصل 8 ليل ..تاكانت لومبيلونص مشات فيها جمعة لي تتوصي بناتها على راسهم وختهاا معاها و الباقي رجعو دار عند حميدو ..
...الصمت مخلط مع دموع ..و الدوار فساعتها تكب عليهم ..و هجر دارت فواطة تتسربي فصواني اتاي و نورا محملة بنتها لي مزالة لحيمة فظهرها مالقات كي دير لها...البنات تلفو و داخو بلا جمعة ..هجر فين ما يدخل لعربي يطل عليها يلقاها تتدمع و تبكي تجرها و دخلها بيت جمعة
لعربي: هجر براكا عليك من البكا طيبتي عينيك!! جدتك دير عملية و تبرا نشاء الله ..ومسحي عينيك ..
هجر: 😭😭😭 بقات فيا و ماشفتهاش ..
لعربي: غير دير شوية نديك حتى عندها رباط ومسحي دموعك ..
هجر: تنتخصص و تتمسح وجها..تخليني مع ختي ؟؟ عفاك
لعربي؛ (بحزن) انخليك غير هنينا من بكا ..
...خرجو من البيت و دار شي داخل شي خارج و سيمو بقاات فيه جمعة و طامو ولو كي قط مع فار ..تيدور يدور و يخرج فحميدو مايزيد غير يتعصب ..ولاخر مامقصرش من تخنزير ..
حميدو بحال ماهضرش معاه دور وجهو و شاف لعربي خارج من بيت و هجر دازت عند عيالات ناض عندو ..
...مر اياااام على طولو و مكاين حتى الحديت من غير طامو ..و لي جرات عملية هادي اسبوع و الحالة مزالة فخطر ..حميدو كل مرة طالع و خوتات جمعة طالعين هابطين من غيى جمعة لي رسمية معاها ..
لعربي دار خاطر هجر و نورا داهم شافو جمعة و طامو لي فلانعاش ..دوزو معاها نهار و جمعة غير تتبكي و بناتها تيبكيو معاها ..توحشوها و ماقدروش يسيرو امورهم بلا بيها ..
نورا لي حتى تتقول تفاجات و ترجع حضيض ..هاد الوقت لقات غير كوسطا فالتلفون مواسيها يعيط صباح و عشية و يسول و يطمن كل مرة مصيفط برهوش دارهم جايب ليها كاسكروطات ولا سقاطة ولاحليب لبنتها ولو ماتترضاش لاكن تيبرك فيهاا ..تتبكي عليه بالدموع و خايفة من جايات ...الانسان تينضج و يتعلم التفكير عن بعد من صدمات الحياة !! الحنين للسن طفولة و ايام كل همنا الملبس و الاكل و الضحك و احلام الوردية و متابعة افلام ...بعقبة من الحياة تتبدل شخصيتنا و أحلامنا تتحول كوابيس و الضحك للدموع و احلام الوردية للواقع مرير..
..لعربي لي مخدم لا نافيط مع هجر بين دارو و دارهم و صابر ليها فاش تيتزير تايجبها يدوز ليلة و صباح يجيبها و ينفق عليهم فدار مها ...حطات ليهم الغدا و نورا غير شادة حنكها و تتخمم و كوسطا من صباح تيصوني ماعندها خاطر ..تاسمعات بنتها فاقت دخلات هزاتها تتسكتها و وجدات لها رضاعة رضاعة شوية و تقياتو و جات هجر هزاتها غير ماتتصعر بنية قلبة ليكوش و تحت باطها و دارو لها مساج كرشها و تبكي تبكي ديك بنية ...
هجر تتشوف فاابنية ولات مزيرة تتبكي درجة تنين حتى سقرات : هيا نعسات ..
نورا دارت تهزها وهيا تشوف كشكوشة فمهاا ....
اويلي ابنتي !! بنتي ..
دخل لعربي مخلوع و سيمو مافهم والو و هجر ترفعات ..
لعربي هزها قيس نفس و تكي جهة جهة قلب تيسمع..تانطق مزروب ..
بنية سخفات !!!...
...وصلو الطبيب المخزن الوحيد فالمدينة ...نورا هازة بنتها شرويطة فيديها و هجر تتبكي و سيمو خايف كتر منهم...طار لعربي و نزل باش يلقى غير فرملي يشوف البنية و دور معاه....شدوها من نورا و دخلوها ليغجونس و لعربي واقف فوق راسهم ..طبيب الموتى مادخلش ليه لله ..وسخ و الشراجم مهرسين ريحة دم و خنز ...
..دخلو البنية دارو ليها الاوكسجين دخلات الوحدة بطبليتها خضرا جاية تتعوج شافت البنية و هزات عينها فلعربي ..
: بنتك ؟؟
لعربي: بنت ختي!! مالها ختي ؟؟
: (متجاوباتوش و جبدات صنطات تتعياينها و ضارت الضو فيعينها و هزات عينها فرملي) جيها ماحد بياطخ كاين ...
لعربي: مالها ختي !! مالها!!
هزهه فرملي و هيا تابعاه تيزربو ..شافت فلعربي و نطقات باسف
: دعيو وصافي !!
..دوزوها من جهة نيشان الطاح فوقاني ..ولعربي خرج عندهم ..شافت نورا دايرا جنازة و هجر كتر منها ...ماعرف مايقدم ولا يآخر ..
سيمو: فاقت ؟
لعربي: طلعوها فوق عند طبيب اطفال ..(رجع تيشوف نورا لي تتبكي عشرة العين ) ..نورا براكا البكا اختي !!
..تتبكي بالم و القلب تيتعصر ..الامومة تتحرك الا كانت القطة تتهز ولادها بسنانها اش دير هيا على لحيمة رزقها الله بيها مزال مامكملات تا شهرين ..سيمو دموعو طاحو على ختو و زهر ختو و الظروف ختو..
..مرت الساعة نزل فرملي تيجري ..
: الشريف انت خالها ياك ؟؟
لعربي: اناا اخويا ..
: فين مها و باها ؟
لعربي: (شير لنورا لي وقفات) مها لي كاينة باها مسافر
: طلعو خويا تبعوني عند الدكتور ...
..تبعوه مزروبين و داك فرملي غادي و يهضر هنا و لهيه ..تدق فالبيرو الطبيب ..
: اونطخيي
..دخلو و نورا سمعات صوت ملاك كي مشة!! قلبها تهز و تحط ...دخلو لقاوها بليكوش و ديك مولات للبسة خضرا معاها تتشربها بمعلقة ..
الطبيب: احم ..تفضلو ..
جلس لعربي و نورا و عينها غير فابنتها ..
لعربي: خير اسي الدكتور !!
الطبيب: نتمناو ...نجيك من الافان التربية الا بقات هنا فهاد طبيب تسنى التحاليل يخرجو و الدوا !! راه تزيد تهز ليكم ميكروب من صبيطار وخ تعرف تبيع قميجتك لي لابس و تداوي بنتك ..
لعربي: باش مريضة الدكتور ؟؟
طبيب: دون تحاليل مانقدرش نجزم!! لاكن مع وزنها و مؤشرات فجسمها و بنية عندها فقر الدم !!
لعربي: باش تنصحني اسي دكتور!!
طبيب: نكتب ليك الورقة ادخل ايغجونس عند الدكتور الابيض راه معروف ولاكن ..تتشد تحاليل لي يخرجو !!
لعربي: منين نشدهم ؟؟
طبيب: فرملي لي تحت يوريك ..يشفاء ..
...خلاهم دكتور وخرج ناضت نورا تتعنق بنتها. تبوس و لبساتها جوايجها و بنية سخفانة ...هزوها خارجين ..لقاو فرملي تيدور ..سولو لعربي على تحاليل كاليه بنوبة غدا عاد يخرجو ..
دور معاه لعربي تاني و عطها عينات الدم كل عينة فبرية و ..اتجهو مختبر خصوصي لي يعطيهم نتيجة فنهارها..
...جوج نهار و شموسة تتعطعط البنات جالسين فطموبيل تيرضعو ملاك و بنية غير تتبكي و تنين و نورا وجها تخطف فيه للون عينيها ذبلو و هجر راسها ايطرطق ...
سيمو: عنداك عا نشدو تحاليل طبيب يسد !!
لعربي: لا تصلت بالعيادة و كالت ليا سكخيطيخ يتسناك مع تلاتة ويلا فتنا تلاتة نتبعوها ليه الكلينيك فين تيكون ..
...تينتظرو بدقات قلبهم متسارعة و نفوسهم الحارة ..ماحاسين بجوع ولا بحرارة !! تلفون نورا بقوة تعياط كوسطا طفى ...ماساقت ليه خبار ،نعست بنية داتها عينيها نزلات تقطع شاريع عند لعربي و سيمو تشوفهم ...تاشافتهم جاين تيزربو و اوراق فاليديهم ..
نورا: جبتوهم
لعربي: وي خرجو .طلعي نمشيو طبيب ...
...كسيرا لعربي و غادي تيشوف فشوارع و تيعاود لادريسة فدماغو ..داير كتر من جهدو و خدم معاهم راجل و يديه فجيبو غير تيجبد و يخلص من تداور و تحاليل لي فايتين 1000 درهم ..وقفو قدام عمارة لي فيها الدكتور و نزلو يتسناو يباركي ...
..دخلو نيشان العيادة مجرد فكرها بمكالمة دخلاتو هو نورا والبنية عند طبيب ..سلمو و عطاوه تحاليل دار نظاظرو و شد وقتو تيقراا .....
..تنهد الدكتور و تيقرا الورقة ورقة ...وتيهز عينيه فالبنية ...
برك فلانترفون على فرملية..دخلات و طلب منها تعري البنية و حطاتها فالميزان و ناض تبعاينها الفرق هنا انه فلاه فلياان ..خلاها تلبسها ليها و عطاتها نورا ..
: احم نتما والدين البنية ؟
لعربي: هادي مها و نا خالها !! اش تما دكتور راه حنا من الصباح فالعذاب!!
: (تيهضر بتقاتل و عربية غالبة عليها فرنسية) مااعندي مانخبع عليكم ..خاصكم تكونو اليد وحدة و ديرو مجهودكم للشفاء هاد بنية ....(سكت و هضر) بنية للاسف عندها لوكيميا الامفاوية ...
نورا: !!!
لعربي: (وجهو تخطف و نفس حبسات) متأكد ؟؟ دكتور؟-
: وي لاسف بنية من ولادة تتعاني ..غيرمانتبهتوش ليها...خاصها عملية فاقرب وقت ...
لعربي: عملية !!!!!
: احم ..غادي نكتب ليك البرية تاخدها المستشفى لي فاس خاص باطفال السرطان ...
..نورا لي حالة فمها مافهمات والو ..لاكن السرطان فهمتاها و نزلت شوفة بنتها تتشوف و تهززز رااسها و تشوووف فطبيب ....تتقلبو عينيهاا و مشا راسها للور سخفات و طلقات بنت ....
..ناض عربي بخفة شد البنت و دكتور تخلع تاهو ..دخلات فرملية رشاتهها بالما و لعربي خرج ملاك لهجر و رجع خرج نورا لي فايقة ومافايقة مصدومة ..ورجع لعربي هضر مع طبيب و سولو اسئلة طبيبة بخصوص ملاك و خلص و خرجو شي عارف و شي معارفش ... ..
..بكاات و ضربات فخاذها و نتفات شعرها ..دخلو الجيران و الاخبار ذاعت فالدوار و خوالاتها طلعو ..و اخبار وصلات تاعند جمعة فالرباط لي خلات ختها مع طامو و شدات المركوب...اما حميدو صدمة واضحة فالوجهو ..
...مر الاسبوع ..الدار عامرة..داخل و الخارج ...ماعينهم نورا بنتها و لا طامو لي شي كالع هابط عندها ..ملاك بدات تاخد فالدوا و طلعوها فاس ولاو رجعوها بحكم بلايص عامرين مزال ماتخضع عملية دباا...نورا غير ساكتة و قلب تيبكي الدم كل ليلة تتهضر مع كوسطا تبكي ليه و تعاود ليه مرة يبكي معاها و مرة و يصبرها و مرة يرسم ليها احلاوم الوردية ..مابقات بغات والو غير تشفى بنيتهاا و تكبر لها..تعذبت فوحمها و ولادتها و تربيتها و تا ناضت على رجليها تسير حيااتها و اطلب حريتها !! القدر قال كلمة ديالو. .
..حميدو: بت مريضة فيهاا كونصير خااص باهاا يعرف ..
جمعة: كونصير بغيتو يضرب حليمة ولدها !! حتى الا كالو فينهم ؟؟ نكول راهم ميتين!! اخبااااار وصلااات دوار و خواتاتها فالدوااار مااتكوليش فخباارهم !
حميدو: انا بارح ليل كلوو تنذاكر مع لعربي ..كال لياا شوووفو مع باها يديها تداوا براا..
جمعة: فين براا ؟؟ فالخلاا ..
حميدو: وااش باغة تنقذي بت ؟
جمعة: طاحت و لقيناها !! كلوها لهم و شوف ..
نورا: (خرجات من بيت) نعطيك نمرة تعيط ليه؟
حميدو: عيطي ليه تي!!
نورا: لا خوياا انا تنعرفو؟؟ راه محرم عليا !! راني طالباه فدار القايد بالفراق ...
حميدو: انورا !! الا غير هاد العام لهلا يعادو علينا!! ها طامو ها نتي ها بتك !! نعيطو بوها ..
نورا: اش يدير لها؟؟
حميدو: نكولو ليه دي بت داوا فبراا !!
نورا: (سخفة تتبغي طيحها) ...غدا نجي من الجمعية عيطو ليا و نشوف ..
...السرطان ...كلمة من حروفها موت و شكلها وجع و وزنها العذاب...فين فلوس باش تداوا ؟؟ فين الصبيطار فاش تدواوا ؟ فين البُو لي يهز و يحن و يجري و يجااري....بنت فريعان شباب زوجة تم ام تم شبه مطلقة تم ام للرضيعة بسرطان ..ربي اننا لا نسألك رد القضاء ولا كن لطف فيه
...على صباح نااضت دوشات تفيق شوية !! لبسات كيطمة و نشفات شعر و طلات على ملاك لقاتها ناعسة حداها جمعة و طبايع حومر ولا يبانو فيها من مرض..تنهدات و هزات ضوسي ديال بنتها الطبي ...و خرجات متجهة للطاكسيات تاصونا تلفونها..
نورا: الو
كوسطا : نورا ! رجعي درب قبل محطة يلاه..علاش تمشي طاكسي
نورا: راه يشوفني شي احد كريم ..
كوسطا: يلعن دمو هاد واحد..تحركي الله يحفظك ...
..البارح خبراتو انه خارجة جمعية وكالها نشوفك ..رجعات درب ركبات و شدو طريق ..
كوسطا: داك فهايمي دبااك مرتاح ؟؟ كولو ها خاريج !! تنعرف درواش دايرين كروصة بيض هو تالي تتلقايه تيموت عل اولادو!! فين باها ؟؟ انا تكون ابنتي وخ تكون مهاا قحبة مقطرة مهم نقذ روح ..
نورا غير تتسمع و تنهذ ..اش تكوليه تبت تهمة على راسها تكوليه تانا طمعت ..هانا تنخلص...حبس فقهوة و دخلو جلسو و طلب ليها فطور كومبلي بسيف باش تتاكل و هو معصب تيسف كارو تاجبد فللوس مدها ليها
كوسطا: خلي هادو معاك
نورا: ولاء ..مابغيتش
كوسطا: شششددي (حطهم فيديها) بلا زواق ..عاوني بيهم دوا بنتك و الله يدير خير..
نورا: ااامين ...
كوسطا: كي درات جدتك؟
نورا: هاد سيمانا تخرج ..مات ليها نص فالعملية مسكينة ..
كوسطا: الله يشافي ..صدقات واليدة تتعرفها فايت طيبات لهم فشي عرس ..هه صدفة .
نورا: قلبي يطرطق ..
كوسطا: صبر !! الا فطرتي زيدي نشوفو جمعية ..
نورا: انا نطلع طواليط ..
حضاها طلعات فوق ..و خلص و طلع تبعها لا ينك عليها شي احد..لاكن كانت دنيا خاوية مع صباح ..تا هز عينو جهة حمامات تيشوف فيها بنظرات حنينة جاية عندو بشبح ابتسامة ..هو تيتنهد على حالها توقفات قدامو ماحسش براسو تا عنقهاا و تيبوس راااسهاا و يدخلها فطلوعو و يزير و يعااود ....
كوسطا: خااطري ضاارني علييييك بزااف ماكرهتش نهزك لانتي لا ابنتك نهربكم من هناا..
..على إثر كلماتو طاحو دموعها و هيا تتبادلو عنااق و متشبتة بيه اكتر من اي وقت كاان
...بقا واقف تينتظر برا و هيا دخلات الجمعية هازة ضوسي بنتها طبيب و قصدات السيدة لي ديما تستقبلها ..من بعد ما سلمات عليها و سولات عن احوالها دخلو فالحوار ..
: ابنتي ...راه ملفك دوزنه المحكمة واحد القاضية الله يجازيها بخير اتزرب ليك القضية و يخرج ليك الفرض باش نزيرو الراجل..
نورا: استاذة الله يجازيكم بخير ....(طاحو دموعها) استاذة انا مستعدة مانطلب لا فرض لا فلوس يجي غير يداوي بنتو
: ( حطات ستيلو من نبرة صوت و دموعها) مالها البنية ابنتيى؟؟
نورا: (تتمسح دموعها ) هيء هييء بنتي طلع عندها سرطان الدم و مالقيت فين نرد الراس ...لا فلوس للدوا لا صبيطار يشدها ..بنتي تتموت استاذة تتموت
من الصدمة السيدة بقات حالة فمها و قلبها ضرها ..كيف لا و هيا شافت ملاك و باستها ...بعض الاحياان و فالظروف القااسية لي تيتسدو الابواب فوجهك و تظلام الدنياا فوجهك ربي تيرسل ليك الناس يتألمو المك معنوياا ..ناضت عنقاتها تتواسيها و عطات تشرب و تصلت بالمتافعلات الجمعية لي تما و عطاتهم نورا الضوسي و وراق الطبيب و تحاليل..بكاو معاها و صبروها ...
: و الله ابنتي وخ يبقى فيا عرق واحد الا تنوقفو معاك تا يجيب الله شفاء وخ نعرف نشد طيارة و نمشي عند هاد عيفة الرجال يطلع بنتو خاريج يداويهاا..
نورا: هيء هييء انا بيا غير ابنتي 😭😭😭
متافعلة 1: سي باابوسيبل سامح فابنتو و مراتو مزالة هيا اصلا طفلة ..الله ياخد فيهم الحق ..
م 2: انا غادي نتكلف بالصبيطار ..ولو ينعسوها هيا و بنتها فالكلوار مهم تاخد الدوا ....مصيفطين بنت تموت فالدار ..
: راه الصحة و التعليم فالحضيض و الدولة تتساند الفساد و الاجرام باغين يطلعو جيل فاسد نصهم عاهرات و المثلين !! الوسام الملكي لي رجع يتعطي لكل من هب ودب !! شوف ابنتي نديرو معاك جهدنا و نتصلو بيه ويكون خير
نورا: الخبار تكون وصلات الا ماشي ليه لامو ! راه حنا ولاد دوار واحد و العائلة
: الله يهديه ..شوف ابنتي !! ماتقنطيش من رحمة الله ربما تكون ليك مغفرة للذنوب ربما هيا اااخر المصائب...فوضي امرك لله ...
الحوار كان طويل ..و حدة تشدها بالنصائح و المعوضة وحدة طلقها...الخبر شاع فالجمعية و كلها منين تحركات ..روح الانسانية و الحكرة المراة و الضنى حركهم...خرجات نورا عند كوسطا لي وجها حمر بالدموع ..
كوسطا: (تيدوخ ماعرف مايقول ..) نرجعك الدار ولا نديك بلاصة لي تتعجبك ..
نورا: ديني دار !! بنتي تتبكي نخاف يتزاد عليها الحال ...
كوسطا: يلاه..
..ركبو فاللوطو و شد الطريق للدار ..داز من طريق على برا حتى قربها و حطهاا ...
...رجعات نورا تجهت نيشان بنتها لقاتها ناعسة دوا تيرخيهاا...الدار ولات تتعمر كي ليل كي نهار ..داز نهار عادي وجا ليل ..من بعد ولاد حميدو كان ليلهم هاديء مقابلين تلفزة ولا منوضينها بيناتهم ولا المخير فيهم عقلو ماشي معاها..سيمو ماكرهش هو الكبير فيهم يهز مسؤولية و يساهم باش ماكان لاكن جهدو حدو هنا ..هجر لي ولات غير ساهية و لعربي ممقصرش من جهتو لا معاها لا مع عائلتها و خايف عليها و على لي فكرشها ..لان التغذية نقصات ....و يحزنو و يبكيو و يتألمو مايوصلوش العذاب الام جمعة لي جامعة كلشي ها مها طامو ها بنتها هاا بنت بنتها ..بكات الدم و بخاتو مو احر الوجع ولادها...
..مر الاسبوع مع الجري و جاري ..فعلا القاضية شدات الملف نورا و تحكمات ليها الجلسة بالنفقة ستة المليون و مجموعة فيه النفقة الزوجة و البنت و الاسبوع و لي تقل النفقة هو الملف الطبي لملاك ..الجمعية وقفات معاها الوقفة الوحدة ..
..خرجو البلاصة ملاك فالكلينيك بعد عدة وجهيات ... و اليوم نورا طلعات فاس مع صاك فيه حوايجها و ملايتها و مخذتها و حوايج بنتها ...معاها لعربي و حميدو لان جمعة مقابلة مها....بتوصية من الجمعية للكلينيك حن قلبهم بعض شيء على ملاك و مها ..نورا هازة بنتها تتشوف فالصبيطار الجديد و مجهز و الفرملياات بلبسة خاصة كلشي داير لي ماسك على وجهو ...عمرو ليها ضوسي و لعربي واقف مع البنت لي تتعمر تا جات عندها فرملية باش تديها الغرفة ..
..سلمات على باها و لعربي تيواسها و يطمنها يوميا ها هما عندها و اي حاجة تخبرهم ...بدموعها و خوفها من المجهول تابعة فرملية تا فتحات الباب ..
..ملائكة بوجوه شااحبة ..منهم لي بدون شعر ..منهم انتهك المرض روحو بقا فيه عويناتو تيشوف بيهم و فيهم لي رغم مرض تيغزو جسمو نازل تيلعب باللعبة ديالو ..و الاصعب في الامر امهاتهم لي مزروعة فيهم نفس النظرة ..نظرة خوف على فلذة الكبد ..نظرة حنان و الحب و الالم ..امهات مستعدين يهزو المرض على ولادهم ..امهااات مستعدين يعطيو باقي من العمر للاطفالهم ..امهات تيستغيتو بالله سبحانه وحده ..
..حطات ملاك و حطات حوايجها ..وعلقات ليها فرملية لافيش فالسريرها و خرجات ..هزات فيهم عويناتها الحومر و دموعها هاابطين ..
تقدمت احد امهات ..رحبات بيها و طمناتها و ساتها حتى تجمعو عليها كلهم و بدات حلقة تعارف ..
امهات يجمعهم الم واحد في مكان واحد ..في وطن خائن
..14 قصة تحكات فالغرفة الاطفال...كل الام تتحكي قصتها نورا ..14 معاناة و الام تيتحكى..امهات ممكن تتحكي قصتها لاكتر من مرة ..نهاية القصة تختم بالدعاء ..مالنا غيرك يا الله .
.وجدو العشا بيناتهم من بعد مامرو الفرمليات عطاو اطفال دوائهم دائما مع نصائح اليومية الا تخنق او طلعات حرارة او تجهد الحريق ...تعشاو مجموعين كلها ومهمتها و نورا مزال فالحظة بين الحلم و الواقع ..وقفو تيقادو حجابهم ..
: نورا ختي موضية؟؟
نورا: ااه
: توضاي ختي نصليو العشا ..راه هنا ماينفعنا غير صلاتنا و الدعاء ..لي جات من عند الله مرحبا بيها ..هادو غير ملائكة بيدين الله هو لي عطا هو لي يااخد....
دخلات توضات و دموع شلال ..خرجات تتمسح مدات ليها احدة امهاات منقبة اسدال بابتسامة البساتو و قامو الصلاة ....مخشعين لله وحده و ختموها بدعاء ...كلها حتضنت فلدة كبدهاا
....فالنومها العميق تتسمع انين و بكاء ..فتحات عينيها ..تتحاول تتاكد القات ضو قليل على احد اطفال و الام ديالو واقفة عليه و بعض امهات معاها ..ناضت عندهم ..
: فيقناك!
نورا: تتشوف وليد تينين ..حبييبي الله يشافيك
: امين ..شادو وجع ..
...متعاونين بيناتهم ..ينعس واحد يفيق لاخر ..مفيقهم الم من شدة المرض تينهك جسدهم ..تا طلع الصباح ....مشات تجهت بنتها تتبوس فيها و تحضنها ..تاسمعات صوت تجويد القرآن بصوت عذب لي ارتاحو عليه و نعسو عليه ..
🌄🌄🌄
..من نهارها تعودت على روتين ...اهم حاجة ولات ترتاح فيها هيا الصلاة ...ولات تشارك معاهم مهمات و تفيق بليل مع امهات ..مر الاسبوع و يوميا لعربي جاي عندها كل مرة شكون معاها ..اما كوسطا شد ارخص اوطيل فاس و كل مرة جاي عندها باش مالقى يعاون يعاون ..ماكلة فلوس ليكوش..
..كوسطا لي كان بلسم للجروحها و المواسي لمصائبها و الرفيق للمعاناتها ....تجربتها كبراتها عشرين عام الفوق و قرباتها من الخالق و استغفارها و دعائها قواوهاا...
نورا: الو استاذة
: الو ابنتي ! كي عاملة بخير ؟ بنية؟،
نورا: نحمد الله ..تتاخد دوا ....حمد الله
: شوف ابنتي ..راه ربطنا الاتصال بزوج ديالك و رسلنا الناس فرنسا عندو راه ماوصلنا عنوان بواحد صعوبة ...خبرناه بلي كاين !!
..بعد اسبوع ماوصلو ليه الجمعية ...وشي الناس محسنين خبروه و ملف بنتو فاليديهم وراه مرضها بدليل..تصدم و حس بشيب ناض ليه فراسو ...ماهو حي ولا ميت ..الهضرة بزاااف و كلها تيعطي رأيو ..ها خواتاتو ها حليمة ..تيقولو اعز من الابن هو ابن الابن ..الحفيذ!! لاكن حليمة تتشوف راسها ولدها لاغير..
..العروسة فاش تتروح البيت زوجية بنية صافية و حلمها تأسس عائلة و تولد ولادها و تبني مستقبلها مع شريك حياتها و تتعمل جهدها لاكن الانفس لاتتشابه انفس خبيثة انفس بعيدة عن الرحمان ، حليمة الام و العكوزة !! بااش أذاتها نورا؟؟ شنووو حيدات ليها؟ شمن الرزق حبسات عليها؟؟ شمن عيب صرفات فيها؟ شنو ذنب حفيذتها لي تتصارع المرض الخبيث ؟؟ هناك امهات تحت اقدامها الجنة و بعض اقلية امهات حضنهم جهنم ..واقعنا المر لاداعي للتغطية الشمس ببالغربال
حليمة: منين بتك مريضة تماا تعيط لك ؟ هازة عليك دعوة و حاكمين عليك بستة مليون بغاتك تدي بنتها خاريج عااد هيا رابحة !!
رضى: تحكم تا بعشرة حقهاا هدااك !! انا لي شماتة و سمحت فولادي ...ولادي نجبيهم حداياا ..
حليمة: اوا هبط جيبهم ..عطيها فيزاا كغااتوي !! جيب غير بنت بوحدها الا باغي رضااتي !!
رضى جلس على طولتو و هاز فيديه بيرغجما (فيزا ضيافة) ووراق لي غادي يحتاج من بارح هو خارج بيهم داخل بيهم خايف من حليمة تهزهم..نذم تامنفعاتو نذامة !! وصلو الخبار متل الصاعقة ..بنتو لي عمرو شافها ولا شم ريحتها و شهور مؤخراا تيطلب و يزاوك فحليمة باش يشوفو حل و هيا كارهة نورا....دخل بيتو تيجمع حوايجو يشدو طريق هاد ليلة للمغرب ...اسبوع كامل هو تيحاول يتصل بنورا لاكن ماتتجاوبش ..تصل بحميدو و خبرو بلي كاين و تكلم معاه لعربي و شرح ليه حالة ملاك و طلبو من باب الانسانية يتكلف بانتو ..
حليمة: واش اناا نبغي مضرة بتك !! راه تريكة مهاا لي ماتسواش!!
رضى: اااش دارة ليك !! (وقف تيعبر بعصبية) مراتك دارت !! مراتك فعلت !! سمح فيها!! ماتعطيهاش !! ماتصرفش عليها!! باغة وراق!! باغة خاريج ..هااا نا خرجت على راسي و علي بنتي ومرتي ..
حليمة: مرض الله!! بغيتي بتك جيبها داويها ...بت حميدو و الله لا حلات ليا !!
رضى: نزل نطلع بنتي و نشوف حل ..مابقيناش تل لبل دبا نشد طريق ..من هنا ساعتين باطو خارج ..
حليمة: الله يعطيهم طير..الله يحضر سلامة ...
..خرجات تتجمع فجوطية كما العادة ..لا دار مغرب لا فرنسا ..كلشي مرون جمعات باليزتها و دخلات كوزينة هزات لي هزات و تتحط ليه هو تيخرج يحط فالكوفر ...تا سدو الباب و شدو طريق ....حبس فالسطاسيون عمر البلان و شرا ماكلة لحليمة اما هو غير الما و عافية شاعلة فيه...شدها كرجة تا اسبانيا و ركبو باطو ..دنيا خاوية مكاينة زحاام ..
....بعد يومين 🌄🌄🌄
....من داخل دار جمعة لي ماتزيد و تعمار ..طامو لي مقابلاها ..و نورا لي خرجات بارح من كلينيك و تفرقات مع امهات طبيب بالبكاا و طلبو ليها شفاء هيا كذالك .
لعربي: ااسي حميدو !! من بعد الله سبحانه و تعالي راه الجمعية لي زيراتو و صيفطات ناس وصلو ليه فقعر دارو ..انا مافهمتش هاك جنس لي بنتو تتموت هو مكاينش هناا !!
نورا: (مربعة يديها و غير تتنهد) هادوك جمعية ندعي معاهم تا القبر اخويا ..كنت نضيع !!
...ركب طموبيلتو و تحرك ..و لعربي دخل عندهم باش يمشيو ..
لعربي: يلاه ختي نورا !!
نورا: ماما نوضي يلاه .
جمعة: دي بااك !! اناا مانشوف كمارتهم !! الله يااخذ الحق ...
نورا: مانمشيش بوحدي!!
جمعة: غوتي نزهة تمشي معاك ..
.داكشي لي كان ..مشات معاها نزهة تعاونها فملاك الا بكات ....قلعو لعربي و حداه حميدو ...
..طريق كولها وتلفونها تيصوني كوسطا مالقات كي تجاوبو ..حدها كتبات ليه مساج فين غادة و معامن ...
...وصلو و حميدو منزلش ..نزل لعرربي و نورا هازة بنتها و نزهة هازة صاك ملاك و مغوبشة كتر من نورا....لقاوهم فالباب تيتسانو حليمة بجلابة حمرا و رضى بكاسكيطة و دجين و بيل كحل ! غير ماضعاف و ذبال و حالتو حالة ماتكولش ولد فرنسا..عنقات بنتنا و دخلات نيشان جمعية و نزهة تنخمات على حليمة و ماكالها عقلهاا..رضى شافها دخلات تبعها و حليمة غير تتسرط فكية ..
...دخلات نورا مكتب عند السيدة لي مكلفة بيها ..غير شاافتها ناضت سلمات عليهاا و باست بنية ..
نورا: (يلاه جات تجلس هو يدخل عليهم رضا) ..بفف
: معاكم السيد بنتي!!
نورا: اب ملاك .
رضى: سلام الالة ..(عينيها على ملاك باغي يقرب و خايف)
: الله اولدي اش هاد حالة وصلتو ليها ؟؟ جلس ولدي جلس..
...طلبات من نزهة تخرج و سداات الباب و حليمة بذات تتبيض بيضة هنا و لهيه..
رضى : (بتررد و خوف) نورا عطيني بتي (واقف عليها ماد يديه)
تنهدات و شافت استاذة عطاتها الاشارة بعينيها للموافقة و مداتها ليه..و جلس فكرسي مقابل لنورا ..
..صغيورة و خفيفة وزن ، لونها مزاد تزير و طبيعات مال الدم مكبد فوجها و سائر جسمهاا ..هبط باسها من راسها و تيتسمع صوت بكاه فالغرفة ...تيبكي و يعاود بصوت مكتوم و شاد ليها فيديها و تيشوف فيها متل الحلم ..
..نورا ماتتشوفش جهتو و السيدة غير تتأسف ..تي تسمع الدقان فالباب و ناضت فتحات و دخلات منو السيدة بالحجااب و نظرات سمراء اللون و باينة شي حاجة :
س: مرحباا سيادة القاضية اسراء ..
ق: ترحب بيك الجنة ....وصلني خبار ان الزوج ديك سيدة لي بنتها مريضة بسرطان زوجها ادخل تراب الوطن ...
اسرااء: شدات ملف قراتو ..وعلاش عليكم هاد الظوبعة!! بنات الناس رجعو عندكم للعبة و الزواج حاجة مقدسة رجعتوها متل زواج المتعة !! شنو ذنب هاد بنت الناس لي يلاه بداتو حياتها!! عرفتي شنو هيا طفلة مع طفلة مريضة بسرطان؟؟ ولا كنتي ناوي ترهنها من موراك !!
رضى: (حاني راسو و غلط راكبو) الله يصاوب
اسراء: (تتهضر بعتاب) الله يصاوب للجميع....ملف الدعوة مر تحت يدي!! مااحشمتيش تخلي مراتك بلا نفقة! وهاد بنية لي شاد فيديك !! فين السنة و الشرع ؟؟ فين عقيقتها ؟؟ زوجتك تتشكي بالوالدتك كاين هادشي؟
رضى: حرك براسو بآه
اسراء: حق الوالدين تينتهي عند نهيار عائلتك بسببهم ..منين عندك مك جلاخة ماتزوجش ! ماضيعش بنت الناس معاك !! زوجتك ولات بنت الجمعية و حقها رحع حقنا كاملين !! اش درتي دبا؟
رضى: ندي بنتي تداوا و مراتي معايا ..ان الله غفور رحيم ..
سيدة : اش تتقولي ابنتي؟؟
نورا: انا تتهمني غير بنتي ..استاذة ! هاد سيد ظلمني!! و مكانش راجل معايا فاول مشكلة هرب و خلاني و عاد خيانة و فساد ..مهار تزادت بنتوو عيطت ليه كالي مانديش سخط مي ..
اسراء: (بصوت عالي) بنتك بإذن الله فيزتها مطبوعة و نتي معهاها ..انت اسي رضى لا اكراه فالدين ..
..دارو بيه ديك القاضية مخلاتش ليه دارت ليه من كل جوانب و سيدة جمعية معها..تاخرجو و دموع فيعينيه عطا ملاك نورا و خرجو كلهم ..نورا حلفات حليمة لا شافت ملاك ولا تهزها مداتها نزهة مشات طموبيل و بقااو واقفين رضى و نورا و لعربي و حليمة جالسة فطوبيل ..
لعربي: خويا باسبور بنت ؟؟
رضى: دبا غادي نمشي عمالة عطاوني داخل رسالة استعجالية ..
نورا: (حلات بزطام جبدات تصاور ملاك) شد ..
شدهم و غير دايخ ..بغى غير يهضر معاها ماعطاتوش وقت و ماتتشوفش فيه......
....رجعو الدار ..مع دخلة نزهة تتعاود و تسب و تعاود فحليمة ..انا نورا غير ساكتة ...على طبلة القهوة مجموعين خوالاتها و بناتتهم....هضرة تجيب هضرة ..موضوع شاغل هو نوراا ..
خالة: هااتي رجعي على ود بتتك..ماعدك ماديري
نزهة: يديرو فين يطيب ..حالتو كي شمكار ..راه ماحد امو عايشة والله لا عاشت فراحة !!
نوررا: صمت
جمعة: اناا مانكولها رجعي ولا كوعدي !!! هياا تعرف ...دارتها قلة شي اما وخ يجيب ليها فرنسا هْنْ ماتقبلش عليه..جنا عاد نزيدو ندورو بريحة حليمة ..
..كل حزب تيصوت لكلامو..رجعي !! ماترجعيش!! نورا عقلها قرب يحبس و قلبها تبكي دم ..سرح بيها عقلها لعند كوسطا لي سافر هادي تلتيام طنجة على ود كاوي رجع ..بغا طموبيل و جاب ليه كونطرا..
..خايفة و مرعوبة ...واش التاريخ يعيد نفسه؟؟ نفس الاحدات تتكرر ..خدعة زمن او مزالة تتدور فالحلقة مغلقة ..اول سمحات بسبب طمع و الوقت حالي بسبب بنتها ..شافت فيعون رضى نذم و الحزن و اللحظة لي كان مع ملاك كانت تتمناها للبنتها ..
ترجع تسمع فلي بغاها عاود بغاها !!
تسمح فلي مهتم ليها و تيغير عليها !!
تخلى على لي تيرسم الابتسامة فوجها و يحسسها بالامان ..!!!
لاكن بنتها ؟؟
..رن هاتفها و شافت نمرتو ودخلات بيت جاوباتو ..الو
كوسطا : انوراا !! وليتي تمرضى دنمي على تلفون اااو عام باش تجاوبي !!
نورا: راه دنيا عامرة ..شنو درتي فكونطرا..
كوسطا: صافي طبعت ..هههه اخيرا ..
نورا: الله يسهل عليك ..
كوسطا: اش تم؟؟
نورا: احم..جا باين ملاك و جايبنا معاه وراق !!
كوسطا: (سكت تيخمم و يعاود) صباح شفتيه !! فالجمعية؟؟
نورا: ديت بنتو يشوفهاا ..
كوسطا: ووو ررغبكك و باس ليك رااسك و نتي على بنتك و داك نشيط وطني ياك ؟؟ ترجعي ..
..خلاتهم نورا تيذاكرو ..و خرجات مشية رجليها تا فرمسيان شرات قوالب دوليبران ملاك و تمات خارجة تا ضربات فرضى .
رضى: (مد ليها يديه) سلام
نورا تصدمات و تفافات و ضرب ليها فدماغ انه حاضيها و كون تبعها كن طاحت فمشكل كبير ..خلات يديه بلاكة وردات سلام فوق نفس
سلام
رضى: كنت جالس فقهوة شفتك دايزة !! كدارت ملاك لباس؟؟
نورا: حمد الله ..
رضى: نتحركو من هنا !!
نورا: ماعندي فين نتحرك !! لاش موقفني ؟؟
رضى: احم ..انا بغيت نهضر معاك على حساب ملاك !
نورا: لي عندي راه حطيتو ليك قدام الجمعية ..الا عينيك تدي بنتك تداوا مرحبا !! بلاناتك انت و مك ماعندهم فين يكْيلو ليا ..
رضى: وانا غلطت فغيمون !! لاكن عذريني انورا مشاكل من والو تيخرجو ! انا نذمت بغيت نجمع فاميلتي صغيرة
نورا: تنذم تااتتعيا !! ماتنذمش نذامة لي نذمت انا!! فين كنتي فاش كنت تنولد فصبيطار دولة مكرفسة ؟؟ ياك فاسبوع بركت على نفسي و عيطت ليك تجي تقوم ابنتك ؟؟ خسرتي عليا جوج كلمات "السخط امي" لامك ماشي أم ؟؟ ماوالداش ماعارفاة بحق اولاد ؟؟
رضى: مربع يديه و حاني راسو تيسمع ....واش ناوية بصح طلقي مني !! راه بيناتنا بنت و يلا مشيتو فرنسا باش داوا ملاك راها فرصة باش ريكلكم بجوج ..
نورا: عرفتي كن طلعتي معايا راجل حسكة و لقيتك فجنبي !! ولو مك ماتتبغنيش وماحملانيش حالفة على خاريج لانوصلو !! تما كان عليك تقوم بنتك بتخبية كاع !! كنتي تكري ليا غير بيت و تصرف مانوصلوش انا وياك المخزن ..راه ويل ويل !! العشرة معاك و مك كي هنا كخاريج و يلعن بوووه هاد خاريج لي تيطيح الذل على بنات الناس ..ماعرفت الجوع و الفساد و النفاق و العذاب تا عندكم ...
رضى: راعي غير على ود بنتنا انورا !! من نهار مشيت مافسدت عليك ولا شفتك غيرك ..انا لي ختاريتك اناا لي بغيتك مزال باغيك ..
نورا: شتي انت !! الا طرتي غير مصاحبة براكة عليك !! اما الزواااج خليه للرجال لي ذراع و جيب ..
رضى: انا جيت الوراقي موجدهم ليكم نشاء الله تمشيو وفيزا مطبوعة ...ولاكن داك الفرض لي مجموع عليا !!
نورا: (خرجات فيه عينيها و وذنيها تيسوطو ) الفرض ؟؟ اااه نفقة ...
رضى: وي راه ستة مليون !!
نورا: هضرة حليمة هادي؟؟ غير كولي تنبقى مراتك و ام بنتك و بيناتنا العشرة ..تانا تنبغيك و باغاك ..راه صراحة هياا كلشي ..
رضى: (شاف فيه متفائل ) بصح نورا ! انا مستعد نديكم و كلها فدارها هيا تتبقى امي ونتي مراتي ..
نورا: الله اودي تاهيا بحال الواليدة ...تانا انحني راس و نربيو ديك البنية ...اوا !!؟؟
رضى: واايه ..كالت ليا تديهم فرنسا تنازل ليك على الفرض !! اصلا نورا انا مزير ماعنديش هاد ساعة ستة لي نحطها ليك
نورا: ااه !! عندك صح مهم ابنتنا تداوا ..فلوس تمشي و تجي و المحكمة هيا لي تتقرر ..
رضى: و الله تنذمت و حرقت بنتي فقلبي ...
نورا: هانت غدا تمشي طلع ليها باسبور ياك؟؟
رضى: لا غدا يكون خارج ..سيد لي تما كالي صباح جي ديه !!
نورا: هانت من هنا تلتيام عندنا موعد فالقنصلية ..نحطو الوراق و نطلع فيزا انا بنتي و ندوزو محكمة تنازل ليك على فرض !!
رضى: انا داير فيك كونفيونص باغيك وباغي ابنتي !! مهم نطبعو فيزا و فنهارنا نشدو طيارة !!
نورا: (وقفات تتشوف فيه و تخمم بردات و تلفون تيصوني) مهم انا راجعة الدار ..نتلاقاو نهار رونديفو ..
...من بعد ماجاوباات كوسطا ...فطريقها ليه تتفكر..تيقول المتل ماتمشي غير فين مكتب ليك الله ولي مكتوب على الجبين لازم ماتشوفو العين ..جاتها ضحكة غريبة تتجمع فمها بسيف لا يكولو ناس حماقت ...دازت على حومتهم بحال غادة حمام دارت من للور فالدرب مظلم الحال شاقت طموبيل تتسني ليها وهو مخرج راسو من سرجم ...تقدمت عندو و فتح ليها الباب ركبات ..
كوسطا: تعطلتي !!
نورا: دزت خديت دوا بنتي !! تحرك من هنا لا يخرج فينا شي احد ..
..تحرك بطموبيل شاد طريق لوتورت و شاعل كارو تيكمي و نفسوو تتسمع مع كارو...تاوصلو وباركا طموبيل نزلو جلسو داخل خدا هو قهوة و هيا عصيرر..
كوسطا: مكاين لا كريم لا قلاوي ..تتخرجيني على طوعي...انا بغيت نعرف مال زهري مالح معاك ؟؟ سمحتي نوب اولى كلت المكتاب و صارحتني ووكلت اامري الله و خدمت و دمرت و عشت تاانا حيااتي (شاف فيها بجدية) ربي شاهد عليا ماحلات ليا تاوحدة ..جابتها صدفة وتلاقينا لاكن كلتي ليا تنطلق او وااخدة قرار ..انا ماشي ولد حرام ولا زللال خلا نطمع فشرف الناس وخ نكون تناكل على دنمك جوانط ..
نورا: وااا كريم !! رااني عاارفة وقفتي معاياا و رااجل و نتكل عليك ..
كوسطا: بلا تقحبين!! متنحملش زواق هضرة!! وقفت معاك محيت بااغي نوقف معاك !! ومرض بنتك المني كما ألمك كن كان بيدي نداويها راني نداويها ...ولاكن منين يبان باها تبقاي دوخي عليا ؟؟ برب عالي من عندك مطار و مانذخل هاد مغرب تا نسا دنمك !! ياك سولتك مامرة ماجوج و كلت ليك انوراا !! واش باغة طلقة ولا زكارة ..
...رجعات نورا دار اول مرة متأكدة من قرارها الف فالمية ...دوزات اليلة تتفيق مع بنتها مرض بان عليها...تاصبح الصباح و هيا متبعة اخبار وراق غير بتلفون مع رضا ..تاخبرها بلي خرج الباسبور ..
..دازت اليومين نورا غير مع بنتها لي تزاد عليها الحال و تتكالميها بالدوا .. و جا نهار الموعود للموعد القنصلية ..فيقها فالصباح كوسطا تيوصي فيها و يعاود و هيا تطمنو ماعندهاش فالنيتها تخسرو ابداا ..
....خلات ملاك مع جمعة. هجر لي غير مقابلينهاا و تتبكي ..لبسات عصري و جرات حميدو قدامها و لقات رضى راه تيتسنى فالراس الدرب معاه خالتو ..حسابها فراسها مكاين لاش تصدع راسها معاه ولو يجيب تا حليمة مستعدة تحني راس على ود بنتها ..سلمو و جاو يطلعو ..
رضى: جيبي ملاك ضروري يشوفوها و يصورها فالقنصلية ..
نورا: خاص ماما تجي !!
حميدو: صافي نزل انا تجيبها و تجي ...
دداكشي لي كان ..لبسات جمعة جلابتها و هزات ملاك و صاكها ودواها ..و ركبو شادين الطريق........
.وصلو القنصلية نورا هازة بنتنا ة و رضى هاز باسبورات بتلاتة و ملف فاليدية ..عطا هداك لي فالباب الورقة رونديفو و دخلو ...
..دخلو القنصلية باب حديدي تيدور نورا عنقات بنتها باش دخل..فالباب تاتي عن بعد متر ...لقاو الامن ..حطو لي عندهم فالشبكة و مرو تحت الات لي تتسكاني سلاح ...دازت نورا و بنتها و رضا موراها بدات تصوني تا زول الصمطة ورجع داز عادي..
..نورا قلبها تيدق خايفة ماعرفات فين داخلة ..جلسو فالقاعة نتظار تا خرجات عندهم كاورية تبعوها مكتب ..استقبلتهم بدات الاجراءات ..منين بذات تقرا الملف بقات فيها البنية و شافتها و باستها..بما ان الفيزا مستعجلة للغرض انساني طلبات منهم يرجعو مع الوحدة نص يديو فيزا..
..خرجو برا منين دخلو ...جلسات فطموبيل مع مها تترضع ملاك و خالتو غير شادة تلفون و تهضر توصل اخبار....وصلات الوحدة ونص و دخلو تاني القنصلية نفس التفتيش اول..دخلو عند كاورية مدات ليهم باسبورات مطبوع فيهم فيزا و تتمنات ليهم الشفاء ....
..خرجات نورا مصدومة و مشوكية ..شدات باسبور بنتها و ديالها عندها عنقاتهم و خبرات مها لي فرحات وو خالتو غير تتشوف من غير رضا لي تيضحك...شدو طريق الرجعة اتجاه المدينتهم و فطريقها تصلت بجمعية ..حطو جمعة مع ملاك و عطات مها باسبورات و كملو طريق المحمكمة طلبات منو ينتظر فاللوطو..
الاستاذة: فالباب تنتظرهاا ...نورا ابنتي على سلامتك
نورا: وهضرنا ..على حساب مك باش تهنينا ..كولها راني طلقتها و نمشيو فرنسا تما نكملو حياتنا بيني و بينك و بنتنا..
رضى : فكر وعاود ..لقاه حل انسب نيت حليمة تجيها على قلبها...وخ ولاكن داركم مايسيقوش خبار!! .
نورا: كون هاني..ولاكن باش نصفيو خواطر ..من نهار سمحتي فيا حميدو مسلف جوج مليون على ودي وملاك راك عارف سبوع و طبيب ..حنا دبا نمشيو حشومة نخلي ابا غارق كريدي !!
رضا: ماشي مشكل نعطيها ليك ..لاكن هضرتنا تبقى هنا
نورا: دبا سير جبدها باش نتنازل و نقضيو الامور ..
رضى: وخ حبيبة ..
...خرج اتجاه بانكة اسحب جوج مليون و رجع فالساعتو ..مدهم ليها فانفلوب ..تبعو الاستاذة من طرف الجمعية يكملو الاجراءات ..نورا دفعات تدويرة من ديك فلوس لاستاذة عطاتها واحد القاضي تما..فالبلاصة مضاو على طلاق و تنازل ....خرجات تتضحك هو كذللك ..حلفات تتاخد رزق باها لي صرف و فيزا بنتها تلاوح خرا من بعد ....#طلاق_ماكر ..
...شكرات الاستاذة ..و ركبات معاهم يوصلوها للدار و خالتو عاد تضحك..مفاخبارهمش جوج مليون لي طيرات منوو ...
..وصلها الباب تافقات معاه ليل يجي دار يتفاهمو ..نازلة مبتسمة قاصدة الباب هيا ادخل هيا تتسمع باعلى صوت ..
جمعة: اااااميييييمتيييي بنييييتييي !!!
..تيقولو الشريط حيااتنا تيمر فالرمشة امام عيونا !! حنى تنتولدو !! مرة اخرة تيمر امامنا حنا ...هل يمكن ؟؟..
..ممكن نشوفو قساوة الحياة و العذابها و نخرجو الحياة ؟؟ الحياة كلمة تتعني روح و انسان و قلب و مشاعر و احلام !!! ..و لي ماخرج من الحياة ماخرج من عقايبها !
...فاثناء لي نورا تتصارع الوقت مع الفيزا لي تنقذ بنتها و فطريقها المحكمة تاخذ ورقة حريتها ..كانت ملاك تتصارع المرض ..رضيعة دو تلاتة اشهر طريحة المرض اللوكيميا !! اللوكيميا او سرطان الدم ماتيختار لا كبير ولا صغير فهو بلاء من عند رب العالمين شباب فالريعان شبابهم و اخذهم الموت من شدة المرض ..
..مع الغوتة جمعة دخلات نورا طاجة ..لقات هجر تتبكي و تغوت و جمعة هازة بنية لي تترد الدم ..طارت على بنتها هازها تتمسح ليهاا هازاها خارجة تتحرك فيهاا ...
نورا: واابنتي ! بنتي
..رضا لي سمع غوات نازل تابعها تاتصدم بمنظر قدامو و جمعة تابعها ....حامياه غوات ..ركبو على وجه السرعة لكلينيك و هيا هازة بنتها تتحرك فيها اما رضى رجع صفر بالخلعة و خالتو تتويل ..
...داخلين تيتجاراو بيهاا ....كلشي تيشوف فيهم..جات فرملية شداتها منهم و اخرى طارت تتغوت الطبيب ...حطوها فالبياص دايرين ليها اوكسجين و فرمليات قلبهم ضرهم على بنية و غوات برا و البكا ..تادخل طبيب طالع من بلوك بالبستو الخضرا...
..من الشوفة لبنية قبل مايقيصها ..شاف فيها باسف و حيد ليها الاوكسجين و حط يديه على عينيها سدهم ...
: الله يجعلها من طيور الجنة !
فرملية: اااه مااااتت
: فين عائلتها ؟
فرملية: برا ..(تتشوف فالبنية و دموع تلاقاو ليها)-
...خرج الطبيب مأسف اصعب الشعور هو انك تخبر العائلة بوفاء مريضها كيف رضيعة صغيرة ...خبرهم بالخبر لي طيح جمعة و خلا نورا تتطير و تنزل و تنتف راسهاا و تويل ..اما رضى راه تيحطهم دم من عينيه
لله ما اعطي و لله ما اخذ ..كلشي تكب على كلينيك و الخبر تنشر ..ملاك بنت نورا ماتت ...ماخرجوها من كلينيك تأكدو من الموت بسب مضاعافات للوكيمياا ..
ان لله و ان اليه راجعون ...
..الدار جمعة لي كانت هانية و مدابزة على طرف الخبز و مسخنة كتافها باولادها و همها تفكر فرحهم ..جابتها ظروف تبني الخزانة الجنازة امام دارها و تشرب من كاس الموت لحفيذتهاا...بكاات و تمرغات فالتراب و بغات تاكل حجر و تراب تجمعو عليها كلم و الموت هرساتها و طيحاتها .....عطاو ليهم البنية لي ودعاتها مها و باها و جمعة و حميدو...و مع صلاة الظهر مباشرة للذفن لي كان خاص برجال ..
..خوالاتها و عماماتها و جيرانها و البعيد و القريب جا و عزا و بكا و ترحم و طلبو من الله تلاقاها فديك الدار ..نورا لبسوها جلابة و رماو ليها شال على راسها و غير تاتنين و ختها معنقاها ..جالسة و تعد..
وااابنتي !! و اااعلامن صبرت اااربي و علامن غمضت عيني ..
...جاو الناس جمعية عزاو و بكاو معاها حاولو يتبتوها و يقربوها من الله و حطو ليها التسبيح فاليديها ..
..رجعو الرجال من الذفن و رضى وجهو لي ولا كحل و لسانو مربوط ..بنتو لي يلاه شافها اسبوع هادي و باسها و اشم ريحتها خذاها ليه الله و تحرم منهاا..مرفوع و القلب محروق ..عينيه تبقلبو على حليمة و خوالاتو ماشافهمش ...عزاية خارجين داخلين و حالة تتبكي الحجر ..
..حل المساء و الذكر الحكيم مطلوق نورا هازة كسوة بنتنا معناقاها و هجر مخلاتهاش جالسين فبيتهم تعنقها و تبكي معاها و دعي معاهاا تا جا عندها رضا باس راسها و يديها ..
نورا: (بصوت باح و مجروح) قتلتو ليا بنتي
رضى: طاح على ركابيه تيبكي..وبنتي تانا و تشويت عليهاا
نورا: الله ياخد فيكم الحق ..مابردتو تا قتلتوني ونا حية و قتلتو بنتي ..اش تكول غدا مولاك ؟؟ بنتي مرضات بسب الفقصة لي شربات مني !! و ماتت بالسخط مك
..جالس قدامها تبكي و بصوت عالي هجر ناضت واقفة فالباب ...
نورا: وقفات تتجبد ليه حوايجهاا و ليكوش و الدوا و ملايتها...تتحط ليها فحجرو ..هاشنو بقا ليا من ملاكي بسبابكم !! نوص ديه لمك باش تبرد .
نورا: بنتي عند لي خلقها ...فالجنة خالدة فيه ! ربي ماخداها تا بغاها ..كن ماقتلها مرض تقتلها مك بسمها..نووض خرج علياا ..براااااااااااااااااااا
...وقف تيمسح فدموعو و معنق حوايج ملاك ..لي باسهم و حطهم ..جات جمعة خاالتها دخلو منين سمعو غواتها ..خرج هاز جبل الهم على قبلو ..طول عمرو تيهرب من المسؤولية !! طول عمرو تيقلب على ساهلة !! طووول عمروو تيقلب على راحتو اناني !! ...
..متحان من رب العالمين كانه طاح من اعلى ناطحة سحاب..قلبو شقف من الم و راسو مقسوم من المصيبة لي صابتو ..خرج براا و مسرح عينيه تيقلب على لي خيراتو بين السخط و ضناية !! حنى راسو تيلعن راسو الف للعنة كن ختار هاد ااسخط وو نقذ بنتو ....ماعندو مايقلب كن كانت هنا كن راها تتواسيه ....يلاه محرك طموبيل يشوف تلفونو هو يوقف عليه ولد خالتو ..
: رضا !!
رضى: فين الواليدة ؟؟ شمتانة فابنتي لي ماتت ؟
: بركة فراسك اخويا ..خالتي حليمة (سكت)
رضى: !!!!
: مكاين من نخبي عليك لا خوالاتك ولا مك ماتقدر تجي ..تصلنا بيك ماتتجاوبش ..مك (سكت تاني)
رضى: لي فيا كافيني ..يا هضر يا ديكااج تانت معاهم .
: حليمة فالكوميسارية !!!!!
رضا: كْوااااا !! كوميسارية علااش ؟
: خويا !! من صباح حنا نطيرو نزلو نخرجوها بغينا نحطو ملااين ولاكن القضية حامضة و خبار عطات..
الكاغيط الجزء السادس
محتوى القصة
التنقل بين الأجزاء