جبل نورسين الجزء العاشر

وصل جبل حدا المطار و حبس اللوطو و نزل منها وهو يسمع بصوت مجهد 

- جبببببل 

جبل دار لعندها و ابتاسم ليهاو مشات كطير لعندو عنقاتو و كتبتاسم بنت زعرة و عويناتها زريرقين كتحمق لاطاي عندها واعرة شعرها طويل و اشقر آية من الجمال اللي شافها ما يقدرش يحيد عينو عليها 

-Hello I miss you( مرحبا اشتقت اليك) 

جبل: me too (وانا أيضا) 

-where is Jacob? ( أين هو يعقوب) 

جبل:I dont know often will be in our company (لا اعلم غالبا سيكون في شركتنا) 

طلقات منو كتشوف فيه و تبتاسم 

-I notice that there is a change in your face( ألاحظ ان هناك تغير في وجهك) 

جبل: *ابتاسم ليها* Maybe (ممكن) 

- *كتشوف ليه فعينيه * Did you fall in love jabal ? ( هل وقعت في الحب يا جبل) *حطات يديها على فمها و شهقات* Did you find your angel? (هل وجدت ملاكك) 

جبل كيحرك ليها راسو و كيبتاسم

-This is good news, I am glad for you 

(هدا خبر جيد فرحت من اجلك)

جبل : *ضربها لوجهها غير بشوية* ما زال ما هداك الله تهدري بالدارجة 

-* كتهدر بحال صحاب جوج عام ما جيت لمغرب* عارفها عندي الدارجة معكل ما كنعرف نهدر بيها 

جبل: ما بغاتش تسرحلك 

خيبات و جهها و حركات راسها بنفي 

- فوقاش غادي نمشيو نشوفوهم 

جبل: حتى لغدا دابا خاصني نمشي نشوف يعقوب خاصني نهضر معاه جوري نتي غادي نديك لدار ترتاحي 

جوري: اووف لا بغيت نمشي نشوف يعقوب توحشتها 

جبل:* كيضحك* كن يعرفك قلتيلو توحشتها يوريك رديتيه مؤنث واش مازال ما تعلمتي تفرقي بين المؤنث و المدكر 

جوري:* حشات يديها فدراعو* امم مزال توحشت المغرب و توحشتكوم بزاف 

جبل: حتى حنا توحشناك 

جوري: اه قولي كيفاش درتي حتى تلاقيتي مع your angel(ملاكك) 

جبل: قصةطويييلة و انا مافيا اللي يهضر فمواضيعي شخصية 

جوري: امم على خاطرك ولكن بغيت نشوفها

جبل: نديك معايا لدار و شوفيها ونعيط حتى لسلمى و يعقوب يلحقوا علينا 

جوري:امم ادن عايشة معاك فدار ياكما ولات your girlfriend( صاحبتك) 

جبل:*حرك ليها راسو بنفي* My wife (زوجتي) 

جوري: No way كي وقع فهمني 

جبل: يالاه نمشيو من هنا و نعاود لك فطريق 

جوري: اوكاااي 

عند نورسين 

تصدمات واحد الصدمة ثلاثية الابعاد فاش شافت الرجل اللي عتقها من شفار أنور هو اللي غادي يقريها يا لصدفة القدر دخل الاستاد اللي كان داير نضارات سوداء و تيشورت فالاسود لاصق عليه مع سروال فالبيض

أنور:سلام عليكم * حيد نظاظر و حطهم فوق لطابل وجات عينو نيشان فعينين نورسين اللي كانت حالة فيه فمها* 

وجهها ما خافيش عليه بقا حتى هو كيشوف فيها و هي كتشوف فيه 

ربيع انتابه لهاد النظرات لي بينها و بينو و حنى على ودنيها و قال 

ربيع: اويلي تي شنو درتي لسيد كي دخل حط عينو عليك ياكما اختي سحارة ياكما لحتي شي طلامس فالعتبة على الله يتسكم سعدك راه هاد فعايل العيالات حافظهم باينة فيك درويشة و لكن الله واعلم لا ثيقة فعتيقة 

أنور حيد عينو عليها و قال

أنور: احم انا هو الاستاد اللي غادي يرافقكم طول مسيرتكم الدراسية اللي المدة ديالها عامين كتاخدو ديبلوم بامكانكم تخدموا بيه فالمغرب او خارج المغرب 

نتمنى يكون هاد العام أحسن و أفضل عام بنسبة ليكم 

كيفما كتعرفوا فالمعهد ما كتقراوش غير المايكاب و صافي غادي تقراو حتى تصميم الازياء و الموسيقى و اللغة الانجليزية و غادي يكونو عندنا بعض الانشطة نديروهم مع بعضياتنا فالتالي ديال كل شهر اللي نقدروا نخرجوا حتى برا المغرب و هادشي بطبع كيتكفل بيه المعهد 

نورسين بقات غير مصدومة وكتشوف جاها هاد المعهد زوين بزاااف عمرها حلمات اولا طاحت فبالها غادي تقرا فبحالو و ما عمرها طاحت فبالها بلي كاين بحال هاد المعهد أصلن وتساءلت شحال يقدر يكون ثمن اللي كيحط عليها جبل فشهر باش تقرا فيه 

دورات و جهها و شافت فربيع 

نورسين: شحال كيخلصوا باش يقراو هنا 

ربيع: 10000 درهم 

نورسين:هي شحال 

ربيع: مليون

نورسين حلات فمها فيه 

نورسين: واش لشهر 

ربيع: وييه لشهر بلا داكشي اللي غادي تشري و الماطريال و المايكاب اللي كتشري كيكون غالي و بلا القلومة درسم و بما اننا كنقراو حتى لموسيقى كتختاري شي آلة اللي غادي تعزفي عليها وهوما كيعلموك علاه اختي نتي غير داخلة مدرمة ما عارفاش شنو كيتسناك تي مالك منونخة بحال هاكا

نورسين : *حطات يديها على فمها* وا منونخة نيت 

ربيع:وانتي باين باباك شي حد ملعق هو اللي كيصرف عليك باينة فيك لابس عليك مادوريش مع خوك 

نورسين:*شافت فيه*واش نتا احمق ولا مسطي ولا انا اللي ماعندي زهر فين ماكان شي هبيل تالف كنبانلو انا فالبلان واش عاودولك عليا البنك شعبي 

ربيع : اختي باينة فيك بنت الخير ماشي بحال دوك المشرارات هادو كلهم اللي معانا فالقسم غير المسمومة لختها كلهم كيشوفو فالسما نتي اللي ما عرفت جيتيني بحال مضروبة بمقلة 

نورسين: اش بانلك نوض نضربك بيها نيت 

ربيع: اودي اش عندك ما ضربي الله يهديك فيك غير جوج عظومة كن كان نخافو من دجاج كاع ماريشوه تا نتي الله يهديك 

نورسين: شفتك جالس كتعاطا معايا كي المرأة كلمة مني كلمة منك 

انور كان واقف على راسها حنحن و دارت نورسين عندو ولا وجهها احمر و حنات راسها 

انور: واش كاين شي مشكل هنا 

ربيع: ياك سمعتيها من صباح و هي تعاير فيا واخا نكون خاون ليها بقرة ما تقولي هاد الهدرة جرحاتني بزاف وانا قلبي هشيش غير هاكاك ما أديتها ما والو 

نورسين شافت فيه و طرطقات فيه عينيها 😲😲 

ربيع شاف فيها و طلع ليها حجبانو كيفقصها و كمل هدرتو 

ربيع: عفاك قولها تنوض من حدايا ما كيشرفنيش نجلس حدا وحدة بحالها كتقولي انا كنتعاطا معاها بحال المراة واش هادي هدرة تقال 

انور:*حك لحيتو وشاف فيه* ماكاينش شي دخان بلاعافية اسي شنو سميتك 

ربيع: ربيع 

انور: نتا اللي بنتيلي بحال قللتي الاحترام على الانسة نورسين مايمكنش وحدة بحالها تنوض تعايرك غير هاكاك 

نورسين فرحات حيت دافع عليها و ماداهاش فهدرتو بقات غير كتشوف فيه و عينيها كيخرجوا منهم القلوبة 

نورسين: شكرا موسيو انور 

انور شاف فيها مدة و مشا وقف فالمكان المخصص ليه 

انور: غدا انشاء الله غادي نبداو نتمنا تجيبو المايكاب ديالكم و اقلام الرسم اللي غادي تحتاجوا هاد نهار تعترفت عليكم و فرحت اللي عندي قسم بحالكم *شاف فنورسين* و طريق بيناتنا مزال طويلة تهلاو فراسكم بامكانكم تخرجوا 

دار نظاظرو و خرج و كلشي تبعوا بقات غير نورسين مريشة ربيع من شعرو

ربيع: طلقي أ المسعورة طلقي باركة من التبرهيش 

نورسين: *شداتلو فشعرو كتريشوا وكتهدر* شفتك من بعيد قلت هاد دري باين زوين وولد ناس حتى قربت عندك عاد بانتلي حقيقيتك طلعتي غير غدار ندمت على نهار اللي جيت جلست حداك منين خرجتي لي و منين سلاطيتي عليا يا بوسوالف بقالك غيرالعكر شوهتيني حدا أستادي بغيتلك شوهة يا المشوه 

ربيع:*شاد فشعرو* اوا نتي اللي قلتيلي انا مراة نتي اللي جبدتيني انا غير وريتك شطارتي انا راه اللي ضحك ليا نضحك ليه و اللي ضحك عليا نهجرو ليه تمشي معايا بالمعقول نحطك تاج فوق الراس نشوفك عواجيتي نعواج معاك 

نورسين طلقات منو و مشات خرجات و تبعها كيضحك عليها 

ربيع: واصبري ونتي غادة طايرة نخرجو مجموعين اصاحبتي 

نورسين: وابعد مني و نتا لاصقلي فجلايلي واش ما فيك نفس 

ربيع: نفس فالرابوز أ حوباااي هههه 

نورسين:*ضرباتو لراسو* يعطيك حبوبة فلسان انشاء الله دابا نتا شحال فعمرك 

ربيع: عشرين عام اختي و كنقلب على المراة ما نلقاش عندك شي تيتيزة لزواج راني واقف عليها نديروا انا وياها شي عراسية و نصيفطها لدار باها

نورسين: برهوش لاخور فين كاتسكن 

ربيع:*وقف و شاف فيها* لا اختي نورسين ما ظنيتهاش فيك ياكما ناوية تجي تخطبيني من دارنا 

نورسين:*هزات الخاتم دزواج ووراتو ليه* مزوجة بسيد راجل ما عندي ماندير بلي عندي سوالف 

ربيع: امم واتي اللي ما لقات مادير تجي تبان علينا ببوركابي ديالها امم قالك سيد رجال وهو يكون قدو قد شي فليليس ما يقنعكش حتى فشوفة 

نورسين: ياااك دابا راجلي فليليس ما قلتي عيب اولد ناس انشاء الله الرحمان الرحيم يجي و تشوف الفليليس كي داير ودابا نفكرك فهضرتك يعطيك غير ضربة يصيفطك للمريخ مع نتي داير كي ريشة دغيا يطيرك 

وصلو الباب د المعهد لقاوه خاوي كلشي مشا بحالو و الدنيا كتصفر 

نورسين:*ضربات فحناكها* شفتي يا المسخوط بقيتي شادني بالهدرة حتى مشا كولشي 

ربيع: علاه ما غاديش يجي سيد راجل د راجلك يديك ولا فيك غير الهضرة ههه يالاه تهلاي أ الخوادرية غادي نمشي بحالي 

نورسين ما بنتلهاش طوموبيل د الشيفور تخلعات من انها تبقا بوحدها تفكرات نهار اللي تعرضلها الشفار و هي تعيط لربيع اللي كان عاطيها بضهر وغادي بحالو 

نورسين:ربيييييع 

دار عندها 

ربيع: شنو بغيتي 

نورسين: عفاك بقا معايا مازال ما جا الشيفور 

ربيع: اووو ماي كووود يا نتي يا صفريطة عندك شيفور 

نورسين: و مالك حكرتيني يا بو سوالف 

ربيع: واخا انا بوسوالف واها هو غادي عنداك تبعيني 

نورسين: ربيع عفاك بقا معايا الميمة 

ربيع:واجي نوقفوا لهيه على الله يبانلينا هاد الشيفور ديالك 

قطعوا الشانطي وبقا واقفين حدا واحد الدرب ربيع حول عينو لطريق وهو يبانلو واحد الحمق هاز واحد العصا قدها قداش 

ربيع: ناري قريعة 

قبط لنورسين فيديها و بدا كيجري بيها وهي ما فاهمة والو و صوت طالونها كيقرقب شافهوم داك الحمق و بقا تابعهم نورسين دورات عينيها وهو يبانلها وهي طرطق عينيها 

نورسين: ربيييع حمق 

ربيع: اودي غير جري ما دوريش وراك 

نورسين:*كتبكي * اهئ اهئ واش انا هاد نهار زهري غير فالحماق 

ربيع: وازيدي و اسكتي واللهم حماقي ولا حماقو يضربنا بديك العصا يصيفطنا كومة غير جري جري قريعة وانا اللي كنعرفوا 

بقاو كيجريو حتى وصلو لواحد الدرب ووقفوا كيستاراحوا و شادين فقلبهم و مخلوعين منو لا يمشي يلقاهوم 

ربيع: هاد الحمق ديما كيكون عندنا فدرب سميتو قريعة واديما هاز ديك العصا كيضرب بيها شحال من واحد صيفطوا كومة غير بيها 

نورسين: اهئ اهئ وا عليها نتا اللي منحوس و فيك المشكل عليها تبعنا حيت شم فيك ريحة بلادو 

ربيع: واتي نوضي نتي اللي عندك داك طالون كيدير الحيحة ما نعرف لاش كتلبسوه نتي تبارك الله زرافة و زايدة بيه فين باغا توصلي ناوية طلي علينا من الفوق 

ربيع كمل هدرتو و هز راسو و هو يبانلو قريعة واقف قدامهم بالعصا و كيضحك نورسين بدات تشهد اما واحد ربيع تخشا فضهر نورسين 

قريعة:*كيضحك*أحصلتو هههههههه

ربيع: اشداني نبقا معاك اليوم قريعة يصيفطنا لروضة ما فيهاش 

نورسين كتبكي و تشهق غادي طيح قريعة قرب ليهم وهوما كيشهدوا بجوج ليلة ليلتهم مشاو ياكلو عليهم كسكسوا قريعة كيباتسم بشر و كيشوف فيهم وهو يقول 

قريعة: وا شحال كتجريو مالكم مركبين ليكم الروايد فرجليكم ياك انا جريت عليكم دابا نوبتكم ههههه

قريعة قلب دورة و مشا كيجري و نورسين و ربيع بقاو غير مصدومين شادين فقلبهوم نورسين و ربيع خرجوا من داك درب وبقاو غير غاديين شوية بداو كيضحكوا بجهد بشكل هيستيري 

ربيع: طيرني قريعة 

نورسين: ههه ايه يا رجلة ياودي مخبي فيا انا زعما نطاكي عليك الرجولة راه بحر أولدي مابقاتش فتخراج العينين و الخواتم د اليدين و الترطيبة للشعر 

ربيع : الله عليك يا شيخة الله على اخلاقك يا محمد صلاح اللهم زدني علما سري اللي بقيت واقف مع طاسيلتك و ما خليتكش سري نيت سمع أ ربيع على ودنيك سمممع 

نورسين: واغير كنضحك معاك وااااع قالك تبعوني ناري قتلني انا بضحك داك قريعة 

بقاو كايضحكوا بهيستيرية كلما تفكرو شنو وقع ليهم وهي توقف عليهم طوموبيل ديال جبل حتى تحكوا روايضها مع الارض نزل جبل من طوموبيل و وقف عليهم كان شايفهوم من بعيد كيضحكوا حس بقلبوا كينزف دم كيفاش ملاكو توقف مع ولد ما كتعرفوا ما كيعرفها و كيضحكوا من الفوق بشكل هيستيري باينين مقربين من بعضياتهم بزاااف وهو اللي كان قلبو غادي يسكت بقوة اللي تخلع عليها و دخل كيسول عليها فالمعهد ما لقاهاش و بقا كيدور تماك كيف شي حمق و بدا كيلوم فراسو حيت هو اللي وصا الشيفور يرجع باش يمشي فعوطو 

جبل:*كيشوف فنورسين مخنززر و مكرررره * تبارك الله عليك انا صيفطتك تقراي ولا تضحكي فوسط زناقي اش هادشي كنشوف انورسين 

نورسين عاد وعات بلي راه جبل اللي واقف حداها حبسات من ضحك و شافت فيه 

نورسين: جبل 

جبل: اه هدا هو جبل ياكما ما عرفتينيش * اشار بصبعو لربيع ما كيشوفش فيه كيشوف لنورسين مباشرة فعينيها * شكون هاد ميخي 

نورسين: مالك على هاد ردة الفعل كاملة 

جبل: سولتك كنتاضر جواب ماشي سؤال 

نورسين: هادا ربيع كيقرا معايا و...

جبل: *كيصفق لبها* برافو دغيا درتي صحاب ما عندي مايتسالك علاش خرجتي من المعهد عرفتي شحال قلبت عليك عرفتي شنو هي كنت غادي نحمااااااق وانا كنقلب عليك باش فالاخر نجي و نلقاك كضحكي مع هاد خينا 

نورسين:*ناضت كتبكي * خليني غير نشرح ليك كضلمني بحال هاكا 

جبل: *كيهدر ضاغط على سنانو باش ما يغوتش عليها ما باغيش نبرة صوتو تعلا عليها و تخاف منو* طلعي أنوووورسييين لطوووموبيل 

نورسين: اهئ اهئ *كتمسح دموع بيديها * عفاااك خليني نشرح ليك علاش ما بغيتيش تيقني اهئ اهئ 

جبل ما قدرش يشوفها كاتبكي بسبابو من بعدما كانت كضحك و هو اللي قطع وعد على نفسو عمرو يبكيها واخا يوقع اللي وقع قرب ليها و شدلها وجهها بيدو 

جبل: انا ماشي ما متيقكش قلتلك طلعي لطوموبيل باش تماك غادي تشرحيلي ما غاديش نبقاو هنا كنهضروا واخا يالاه مسحي دمعوك الله يرضي على بنتي

هزات عينها فيه و ابتاسمت ليه و حتى هو ابتاسم ليها واخا كان فقمة أعصابو كي يدير ما يضعافش قدام دموعها و قدام ابتسامتها كيف يدير 

طلعات نورسين لطوموبيل و بقا جبل مع ربيع كيطلع فيه و يهبط 

جبل:*مخنزر فيه* شكون نتا 

ربيع: *حاني راسو * انا اسيدي سميتي ربيع و صحابي كيبغيو يضحكوا معايا و كيقولولي خريف و كنقرا مع بنتكم نورسين ضريفة مسكينة و الله الله يعمرها سلعة و الا بغات سيادتكم ما نبقاش نهضر معاها و ما نجيش فساحتها عمرها باقي تشوف كمارتي * فنفسوا : اصلن من نهار شفتها ما شافت الربح تفوو على خطية * 

جبل هز عينو شاف فسما عرفوا مسكين غير هبيل و شاف فنورسين عاد فهم علاش ولاو صحاب اكيد حيت عندهم نفس الشخصية بجوج بيهم اللي فقلبهم على لسانهم و نية و قلبهم بيض هاد نوع د ناس ما كيعرفوش يحسدوا و ما كيعرفوش يحقدو 

جبل: شحال فعمرك 

ربيع: عشرين عام 

جبل: شكون هي نورسين بالنسبة ليك 

ربيع: والله القسم الا بحال ختي واخا عاد تعرفنا دابا والله حتى بنت ناس الله يخليكوم لبعضياتكم 

جبل: * حرك راسو يمين شمال و عض شنايفو و دور و جهو شاف فنورسين و تفكر ضحكتها فاش كانت معاه عرفو مزال صغير و لمس صدق فعينيه و فكلامو و باينة حتى ملاكو و لفات على ربيع تنهد حيت ما يقدرش يفرقها عليه مايقدرش يحرمها من صديقها و يفرقها عليه دور و جهو و شاف فيه* واعدني بلي ديما غادي تشوف فيها على أساس انها ختك الكبيرة و عمرك تشوف فيها شي نظرة ماشي هي هاديك نبغيك اللي قرب ليها فالمدرسة تدافع عليها و تضحي بروحك على قبلها عمرك تخلى عليها فاش تكون محتاجاك انا مابغيتش نفرقها عليك حيت هي ما عمرها كانو عندها اصدقاء ما بغيتش نحرمها منهم كان بامكاني نقلك من ديك المدرسة كاملة و من البلاد كاع و لكن ما نتمناش ديري شي حاجة اللي تخيب أملي فيك خليتلك الراحة 

مشا جبل طلع فطوموبيل و قلع و شافت فيه نورسين 

نورسين:جبل 

جبل مركزة مع طريق ما كيشوفش فنورسين مازال فيه الخلعة و الرجفة فاش ما لقاهاش و شاف دنيا خاوية كيتفكر داك المشهد اللي عاش كيبغي قلبو يسكت 

نورسين: جبل واش مقلق مني شنو قالك ربيع 

جبل: ما مقلقش كنتسنا منك تجاوبيني ماشي تسوليني على ربيع 

نورسين: والله حتى فاش خرجت ما لقيت حتى واحد وبقيت كنتسنا بوحدي و ربيع مسكين بقا معايا و مونسني و شوية و هو يتبعنا واحد الحمق بقا تابعنا و حنا كنجريو ربيع قالي بلي كيضرب بواحد العصا كيصيفط الواحد الكومة شحال و حنا هاربين منو و فالتالي لحق علينا و حنا تخلعنا بزاف المهم وهو يقولنا بلي انا جريت عليكم نوبتكم تجريو عليا داكشي علاش لقيتينا كانضحكوا و الله ديك الخلعة كلها قلبنها ضحك ههه 

جبل : سمحيلي أ نورسين بزاف انا سباب المهم ما عمر هاد الخطأ اللي درت هاد نهار ما غايعاودش يتكرر 

نورسين: عادي هانتا جيتي المهم هو عشت المغامرة مع ربيع 

وقف الطوموبيل جبل حدا الفيلا ديالو و هبط حل ليها الباب و هبطات و دخلو لداخل لقات سلمى و يعقوب و جوري جالسين كانت جوري جالسة كضحك مع يعقوب و تهدر معاه بالانجليزية و يلمى فطرف جالسة كتغدد عليها و تفقص باينة فيها مكرهة 

نورسين: سلمى 

هزات سلمى راسها و ناضت عندها سلمات عليها 

سلمى: اهلن زين على سلامتك 

نورسين: الله يسلمك مالك معصبة 

جبل مشا سلم على يعقوب و جوري حتى هي عندهم واحد سلام خاص بيهم غير هوما بثلاثة و جلس جبل كيهضر معاهم و يضحك و ما كاينة غير لونكلي كتشاير 

نورسين قربات حدا ودن سلمى 

نورسين:شكون هي هاد صفريطة 

سلمى: غير خليها على الله يا ختي من صباح و انا نتفقص مالقيت حتى لمن نشكي و نبرد قلبي راه الغيرة قتلاتني ياختي شوفي كيف جالسين كيضحكوا معاها و يهدروها يا ختي راني كنموت كنموت ياختي يعقوب منين جينا وهي تبوس فيه و تعنق تقولي عاقدة عليه و الله ما ندوزها ليه بالله حتى ندموا 

نورسين: شوفي ياختي كيف كتقيس لجبل فيديه و الله حتى نوض نريشها 

سلمى: اوا و شنو ياختي راه رزقك هاداك أ زين الا داتو ليك فين تلاقاي بحالو يا المصيبة 

يعقوب هز راسو شاف فنورسين 

يعقوب: نورسين لابس عليك 

نورسين: الحمد الله اخويا يعقوب 

جوري : this is your angel ( هده هي ملاكك) 

جبل شاف فنورسين و حرك ليها راسو بالايجاب ناضت عندها جوري عنقات نورسين و كتشوف فيها و كتبتاسم نورسين ما فهماتش شنو وقع ليها 

جوري: سلام اختي 

نورسين: نتي مغربية ولا كاورية دوختوني 

جوري:*بابتسامة* لا انا بابا مغرابي و ماما لبنانية و كنا عايشين فلاميريك و كنت كنقرا مع يعقوب و جيجو 

نورسين طرطقات فيها عينيها 

نورسين: اويلي حي على جيجو شكون هو هادا 

سلمى: زعما جبل واا كدلعوا أختي

نورسين دارت عند سلمى و صغرات فيها عينيها و زيرات على يديها بالفقصة 

نورسين: سلمى تبعيني لبيتي 

نورسين تقدمات معصبة لاقصى درجة و تابعاها سلمى حتى و صلو لبيت نورسين و طرقوا عليهم الباب 

نورسين: سمعتي الكيدارة لخرى قالتلك جيجو ياك سمعتها مزيان ياك قالت جيجو 

سلمى: اه اختي وراه كدور حتى بيعقوب خاصنا نتهناو منها ما يمكنش نخليوها اللفعة ما كتبقاش فدار 

نورسين:*كتعض على ضفارها *والا بقات فيها تبقا فيا 

سمعوا دقان فالباب و هي دخل عندهم منال بعدما سمحولها دخل 

منال: لالا هبطوا تغداو 

نورسين شافت فسلمى و ابتاسموا بشر 

نورسين: منال دخلي أ حبيبة نهدر معاك دخلي 

سلمى: غادي ديري داكشي اللي غادي نقولولك بالحرف ما غادي تزيدي فيه و ما غادي تنقصي اوكي كبيدة 

منال: واخا 

بعد عدة دقائق 

نزلات نورسين و سلمى كيضحكوا و كيبتاسمو و جرو الكرسي لقاو جوري جالسة فوسط يعقوب و جبل و نورسين و سلمى جلسوا متقابلين معاهم 

سلمى:ياكما تعطلنا عليكم أحبيبي 

بعقوب: لا عادي 

سلمى:بطبيعة الحال ما غادي تديها لافالريح اللي داتني ولا فالريح اللي جابتني ما هو عندك الونيس الله يجعل الخير و البركة فالانسة جوري 

نورسين دارت كراخ بالضحك كلهم بقاو كيشوفو فيها جبل كان هاز تيليفون كيخندش فيه ما مسوقش ليهم فاش سمع نورسين كتضحك هز راسو شاف فيها و مد ليها الما 

جبل: شدي الما لاتمشي توحل ليك 

نورسين هبطات على داك الكاس دالما و حطاتو 

نورسين:سمحولي احم * حنات على ودن سلمى* الله يدوز هاد الغدا على خير و بخير 

سلمى: اليوم نتفرجوا فصفريطة نوريها تدور بيعقوب و جبل من قبيلة وانا نخطط ليها 

جابت منال طباسل و بدات كتحط لكل واحد فيهم وفاش بغات تحط لجوري طبسيل طاح و تهرس 

منال: سمحولي 

نورسين: ماكاين باس أحبيبة 

سلمى:صافي غير جمعي داك زاج وديه و حطي لجوري فالكوزينة و جيبلها لماكلة لهنا 

منال: واخا ألالة 

نورسين و سلمى كيشوفو فجوري و كيضحكوا بيناتهم ما حاملينهاش جابت منال طبسيل لجوري و حطاتولها فوق الطبلة وهوما حاضينها بعينهم ضربات جوري المعلقة اللولة و هي توحل ليهاو عينيها خرجوا وبدات تكح تكح مسكينة عينيها كانو غادي يخرجوا من بلاصتهم 

نورسين:سلمى عطيها لما 

هزات سلمى لكاس اللي حداها و عطاتولها بسرعة فاش شرباتو زادت وحلات ليها 

جبل و يعقوب تخلعوا ناضوا كيضربولها على ضهرها و هي والو ما بغاتش تحبس جبل كب ليها الما و عطاه ليها و بدا يدوز يدو على شعرها و يعقوب داير يدو من مور ضهرها و سلمى و نورسين كيمثلوا بلي بقات فيهم 

سلمى:مسكينة كيوقع ليها كتقطع فالقلب 

نورسين: ختي جوري واش شوية دابا 

جوري: كح كح شوية احم 

جبل: جو كي وقعلك 

نورسين حنات على ودن سلمى 

نورسين: سمعتيه قالها جو واش هادو باغيين يحمقوني جالسين كيدلعوا بعضياتهم عاين باين ويلي سيد راه مزوج واقيلة تفو هي تقولو جيجو هو يقولها جو الله يا ختي غادي نوض نزيدها الحرور حتى يخرجوا عينيها و نقجها عاد نرتاح

سلمى:شوفي يا ختي كي خايفين عليها انا فاش كتوحلي كيخسر عليا كاس د الما بغيتلهم الحكة و قلة ضفار 

يعقوب: جوري تنفسي مزيان دابا شوية 

جبل: كي وقعلك 

جوري: الماكلة ...

سلمى: واقيلة غير مسكينة مع كانت كتهضر معاكم و كاتكل و حلات ليها 

نورسين: مثلا 

جبل كيصغر فيهم عينو و كيشوف فيهم بتشكيك 

جبل: *شاف فجوري*قوليلي كي وقعلك كملي هدرتك مال الماكلة 

جوري: الماكلة.. 

نورسين: راه غير حبات الروز اللي غادي يكون وحلو ليها 

سلمى: مثلا 

جبل ضرب يدو مع طبلة 

جبل: سكتو كملي 

جوري: الماكلة حارة بزاف و فاش شربت الما كان مالح زاد ضرني فحلقي كح كح 

يعقوب: كيفاش الما مالح و الماكلة حارة 

جبل دور و جهو و شاف فيهم وهز راسو شاف فسقف و غمض عينو كيدير هاد الحركة فاش كيكون فقمة الاعصاب اولا فقمة سعادةو دابا براسو هو ما عارفش واش يفرح حيت عرف بلي نورسين كتغير عليه من جوري و قلبها بدا كيوقع فشباك غرامو اولا يتقلق على هادشي اللي داروه ليها تفكر بلي طبسيل اللي تهرس داروه بالعاني باش يديرولها الحار فالكوزينة و بلي الما اللي كان حدا سلمى جابتو الخدامة فاش جات يعني دارسين الخطة ديالهم مزيان بقا غير كيشوف فيهم تقادو ليه مع نورسين ما يقدرش يتقلق من بنتو و ملاكو كيشوف حتى يعيا و يبقا يضحك على تشيطين ديالها خصوصا فاش كتلاقا مع سلمى كتكملها اللي خصها 

يعقوب : اري ندوق داك الروز ديالك 

سلمى: لا ما دوقش غادي يمشي يوقعلك بحال صديقتكم جوري 

جبل: يعقوب غادي نخرجوا نتغداو برا انا وجوري و انت و منها نمشيو نقديو شغالنا 

جوري: ياك قلتي حتى لغدا 

جبل: بدلت رأيي 

سلمى: وحنا غادي تخليونا بوحدنا ما نخرجوش نتغداو معاكم 

جبل: جوري ما وافقاتهاش الماكلة ديال دار وهي ضيفة عندنا و من الواجب عليا اكرام ضيف 

نورسين: احم ولكن ضيف ما يتشرط و مول دار ما يفرط خلاوها سيدنا لولين دابا نتوما غادي تسمحوا فهاد نعمة د سيدي ربي و تخرجوا تاكلو برا ما عرفتوهوم كيطيبوا بيديهم و لا برجليهم و زايدون جوري مسكينة ما مولفاش على الغبرة د المغرب شوف مسكينة كي بيضة كتشقشق غادي توسخ برا 

يعقوب:*حط يدو على فمو وبدا يضحك* ختي نورسين جيتيني بحال ماشي هي هاديك ماشربتيش دواك واقيلة ماشي هي هادي نورسين اللي كنعرف 

نورسين: تقادا اخويا و جبل ما بغاش يشريهلي 

جبل غير كيشوف فيها و كيضحك وسلمى حتى هي بقات مصدومة من الجرأة و الزعامة اللي ولات فيها ولات مطلوقة و اجتماعية على قبل ما بقاتش كتخجل كيفما من قبل ويعقوب بقا غير مستغرب منها مشا حداها و حط يدو على راسها 

يعقوب: لا سخانة ما طالعالكش ابنت عمي بلاتي *شاف فجبل* واش كتعطيوها شي حاجة فالما البنت كانت ما كتهزش راسها من الارض شنو وقعلك اختي نورسين 

نورسين: ما وقعلي والو *شافت فجبل* دابا يعطيك خاطرك تخرج و تخلينا حنا كاناكلو روز و نتوما تمشيو تعركوها دجاج مع راسكم وتكرموا ضيفتكم العزيزة وحنا مساكن *شافت فسلمى* شفتك كتفرجي فيا عاونيني فيهوم 

سلمى: الله يخلف عليك قايمة بالواجب 

جبل بقا كيشوف فيها و كيضحك على كلماتها الطفولية و على غيرتها اللي ولا عارفها كلماتها كتطرب الادن ديالو كيحس براسو فعالم اخر فرح بزاف اللي قدر يبدل شخصيتها نحو الافضل و تولي اجتماعية و هاكا غادي يكون مهني عليها حيت الدومين اللي كتقرا ضروري خاص الواحد يكون اجتماعي ديما كيفكر فمصلاحتها و مستقبلها هو اللول و قلبو كيبغي يخرج من صدرو و يمشي لحضنها فاش كتكون كتحدث و تلعب بشعرها كيعشقها عشق جنوني

شاف جبل فيها و قال 

جبل: وجدو راسكم عشرة دقايق غادي نجي 

نورسين:*بفرحة* حتى انا و سلمى 

جبل:لا

طلع فالدروج كيبتاسم و كيضحك حيت لقا العقاب اللي غادي يعاقبها بيه على داكشي اللي دارت لجوري حاس بيها بحال شي طفلة صغيرة وهو الاب ديالها اللي خاصو يكافئها الا دارت شي حاجة زوينة و يعاقبها الا خطأت حاس بمسؤولية كبيرة إتجهاها من نهار شافها حس بلي هي اللي غادي تسلب عقلو و قلبو و بصح داكشي اللي كان ماكاينش شي حد فرحان بحال جبل فهاد اللحظات 

لبس جبل الكوستيم حيت فالحقيقة هوما ماغاديينش يتغداو هوما غاديين لحاجة اخرى تعطر و قاد شعرو مزيان و هز سوارت ديال طوموبيل وهبط عندهم وخرج هو و يعقوب و جوري وبقات سلمى و نورسين فدار كايتفقصوا 

نورسين: شفتي على بلان درتي خرج فالصو ابنتي هاهوما خرجوها معاهم و حنا نحشيو صبع 

سلمى؛*دايرة يديها على خدها و كتشوف فيها بتشكيك* واش نتي طحتي فجبل 

نورسين قبحات و جهها و ناضت كتبكي و تشهق 

سلمى: اناري تي مالك ماحنا على فالك 

نورسين: وا كنبغيه وا كنحماق على جبيلو داتو ديك صفريطة داتو بغيتلها هزة من هاد المغرب تفووو منين خرجاتلي عاود اهئ اهئ 

سلمى:*طلقاتها بتزغريتة* لوووووووولووووووي على سلامتنا منلي عتارفتي وأخييييييرا 

نورسين: اهئ اهئ ولكن هو كيقولي حنا غير أصدقاء اهئ اهئ وانا مرتو مرتو شمن صديقتو و لا الخرا طلعلي هادشي فراسي قلبي كيبغي يسكت فاش كنشوفو اختي داك الكاريزما و شخصية و حنانو و الله الا مشيت حتى خسرتو مالقاش بحالو اهئ اهئ اصلن قلبي عرف الحب بيه و ما غاديش يعرفوا بواحد اخور من غيرو اهئ اهئ كنموت عليه و هو ما حاسش بيا اهئ اهئ قلبي تقفل و ساروت عند جبل بوحدو اهئ اهئ ما عمري غادي نقدر نبغي شي حد كيفما بغيتو انا عجبني من اول نهار شفتو فالعمارة ولكن كانت معاه كاميليا درت على قلبي حجرة و قلت مايمكنش نبغيه و لكن منين عرفت بلي غير كنت غالطة و هوما ما بيناتهوم حتى حاجة فرحت قلبي حيات فيه الروح من بدا و جديد ولكن هاني عاود كنتعدب حيت غير انا بوحدي اللي كنبغيه وهو فينما نقرب منو خطوة كيبعد عليا جوج خطوات اهئ اهئ عيييت اختي عيييت 

سلمى مع كل كلمة كتنطقها كيطيحوا دموعها و كتفكر جبل كيف كان قبل ما يلقا دار اللي عايشة فيها اولا يسمع خبارها ديما حتى هو كان كيتعدب بجوج بيهم كيعانيو من ألم الحب من طرف واحد نورسين ما تقدرش تعتارف حيت جبل هو اللي خاصو يدير الخطوة الاولى لدلك جبل هو اللي داير هادشي كامل علاش ما باغيش يعتارف لحد الان سلمى براسها ما فهمت فيه والو 

سلمى عنقات نورسين جنب 

سلمى: ما تيأسيش احبيبة دابا يجي نهار اللي يقولك كيبغيك و ما عمرو غادي يخليك و تولدو انشاء الله شي جبل ولا نورسين صغار تعمروا بيهم دار ويحليو حياتكم 

نورسين هزات راسها شافت فيها كضحك و كتبتسم بحال عطاتها امل كانت محتاجة شي حد يقولها هاد الكلمات باش تطفا العافية اللي شاعلة لداخل ديالها 

نورسين: بصح اختي سلمى 

سلمى:*كتمسح دموع بعينيها* انشاء الله كلشي قريب عند الله هو اللي كيعطف القلوب و هو اللي كيحنن القلوب دعي ربي يلاقيكم بجوج فاقرب فرصة وربي ما غاديش يضيعك

سلمى:درتيلي الكآبة بهدرتك دابا بقيت غير انا و ياك شنو غادي نديروا اححح ما كرهتش ندير شي مغامرة و الله 

نورسين:حتى انا قتلني الملل فخبارك تسجلت فالمعهد د المايكاب أرتيست هه 

سلمى: وايلي سجلك جبل اكيد شكون من غيرو 

نورسين: و تلاقيت بواحد الولد سميتو ربيع وا حمق و هبيل نيت 

سلمى: شكون ربيع 

نورسين:هاد نهار تعرض لينا احمق دوزنا مغامرة رائعة ما عمري ماشفت بحال داك الولد دغيا كيدخل الخاطر و مازال صغير كنشوف فيه خويا صغير

سلمى: امم مزيان * جبدات التيليفون من جيبها*عطيني نمرتو نخرجوا معاه يفاجي علينا نيت 

نورسين: ما عنديش 

سلمى:*زدحات تيليفونها مع طبلة* تفوو ما تنفعي ماضري وا بغينا نشطوا شوية 

نورسين:والا بغيتي تنشطي ربيع هو الحل 

سلمى: اوا هانتي ما عندكش نمرتو كي نديروا نوصلو ليه زمر 

نورسين:ولكن عارفة كنيتو سميتو ربيع فنان 

سلمى: اوا هادي خطوة زوينة الالا نورسين *هزات تيليفونها كتقلب على سميتو فالفايسبوك * قلتي ولد مزال صغير وعندو شعر طويل ياك 

نورسين: اه هو لقيتيه 

سلمى:وي هانا غادي نصيفطلو انفيطاسيون على الله يقبلها 

نورسين: على الله 

سلمى دخلات لتصاورو كتقلب على تصاورو ديما محيح و كل مرة فمدينة و ديما حاضر العراسات و مكستم و ديما ضاحك عمرو كيتصور مكشر و جهو 

سلمى:وعااايش الحياة هاد ربيع نيت 

نورسين: واضارب دنيا بركلة هبيل بزاف عجباتني شخصيتو بزاف 

سلمى:شفتو ديما فالعراسات المسخوط 

نورسين: حيت كيغني فيهم ديما تصوري فاش دخلت للقسم ناض كيضرب فطبلة و ناض كيغني لي و مقطع لوراق 

سلمى: هاهو قبل الانفيطاسيون و هاهو دابا كيكتب ميساج 

نورسين : واخا شوفيه شنو غادي يقول 

سلمى:سمعي سمعي شنو كاتب {سلام أختي ما عرفتش شنو سميتك المهم عندك شي عرس سبوع ختانة عيدميلاد خوك ربيع فدمة ما تهزي الهم لحتى حاجة } 

نورسين: هههه كيقلب على رزقو حتى فالفايسبوك وا أحمق كتبيلو { انا نورسين بغيت نتلاقاك ضروري} 

داكشي اللي كتباتلو سلمى و هو يصيفط ليها 

ربيع { أالله يا ختي تابعاني حتى فالعالم الافتراضي تفرق مني و من نهار شفتك ما شفت نهار الابيض كي المشة الكحلة و باش مكملها جبتيلي قبيلة داك راجلك تبارك الله قدو قد برج ايفل طول و العرض و الارتفاع لالا اختي ما تلاقايني ما نتلاقاك عطيني شبر ديال تيساع شفتونا ضحكنا ليكم شوية بغيتو تركبوا فوق ضهرنا واااااا تفرقي مني ندمت كاع علاش حليت هاد الفايسبوك } 

سلمى: ههههه شفتي شنو كتبلك 

نورسين:بلاتي كيقول واحد المثل كل خداع كيعيش فلي كيتصنت لو غادي تكتبيلو عندنا عرس و بغينا تخدم لينا فيه و بغيت نتلاقاك باش نتفاهموا على ثمن هاداك ربيع راه واحد الطميميع انا اللي عارفاه 

سلمى: واخا 

داكشي اللي كتباتلو سلمى و هو يجاوب فالبلاصة 

ربيع{ مرحبا مرحبا اوا دابا مزيان ألالا نورسين نتلاقاو دابا ف café la villa و تما نتفاهموا وأخيرا درتي شي حاجة زوينة فحياتك }

ناضت نورسين و سلمى لبسوا و تقادو و خرجوا 

نورسين: شكون اللي غادي يوصلنا 

سلمى: فين رانج ديالك نمشيو فيها 

نورسين:ماعنديش السوارت 

سلمى: اوا صافي نشدو طاكسي و نمشيو 

خرجوا و تمشاو شوية لقاو واحد طاكسي طلبوا منو يوصلهم لبلاصة اللي غادي يتلاقاو فيها ربيع داهم ليها و دخلو لكافي لقاو ربيع جالس فطبلة الاولى كيساينهم 

ربيع:اهلن اهلن بالكليان جلسوا 

جلسات نورسين و سلمى 

ربيع: شكون الانسة اللي معاك 

نورسين: صاحبتي سلمى 

سلمى: متشرفين أسي ربيع 

ربيع: *شاف فنورسين* واش انا تكافيت معاك حتى نتي بديتي تجيبيلي صاحبتك و ما كتقادايش أختي واه اجي بعدا داك راجلك واش بوليسي ولا كوميسير وقف عليا بحال ملاك الموت وجه الله شنو كاياكل انا غير صوتو خلعني واش بصح هداك راجلك 

نورسين:*كتلعب فشعرها* رااااجلي عندك شي مشكل 

ربيع: ما نعرف فين كانو عينو فاش داك بالله منين عرفتو مزوج بهبيلة بحالك طااااح لي من عيني 

ضرباتو نورسين بساكها لراسو 

نورسين: حتى واحد ما طلب رأيك أ الكمارة د الويل 

ربيع:*شاف فسلمى* شفتك نتي ساكتة قالك الله ينجيك من ساكت الا دوا ياكما اختي زيزونة ولا صمكة 

سلمى غير كتضحك و كتشوف فيه 

سلمى: علاه نتا خليتيلي الوقت فين ندوي منين جينا ونتا لوك لوك لوك و ما كتسكتش تقول سارط كاسيطة طلبنا بعدا غير قهوة و لا عصير كيف عباد الله 

ربيع: اربي سلامة اش داني نهضر معاك نتي طلعتي اكثر من هاد صاحبتك اختي العصير لقيتو لراسي بقا غير نطلبوا ليك ولا عرفتو شنو انا اللي داير مخي فالبراهش واخا عندي عرس بليل و ما زال خاصني نوجد لو قلت لا حشومة الناس بغاوك تخدملهوم فعرسهم حشومة تخليهم اوا اللي دار راسو فنخالة كينقبو دجاج انا مشيت 

نورسين: جلس جلس براكة من البسالة جلس مازال باغيين نهضروا معاك 

ربيع: اوا فكونا خلاص شنو بغيتو منين جيتو ما قلتو حتى حاجة مفيدة كيف عباد الله 

نورسين: احم بغينا نشطوا جانا الملل وقلت ربيع هو اللي غادي يفوج علينا 

ربيع:*رد راسو اللور و ناض يضحك* شناهو علاه حتى نتوما كتعرفوا نشاط أبنات ناس 

سلمى: عالاه مالنا كي جيناك أ الخاوة ديالي 

ربيع: غزالات بقا ليكم غي الغرون 

نورسين: وادابا ما بقيناش فيك أبو سوالف 

ربيع: ما نسمحلكش تقوليلي بو سوالف انا ربيع مول البندير 

سلمى: وادابا جينا قاصدينك و المقصود الله لقانا شي حل 

ربيع: واش عاودولكم عليا شوافة سيروا أخوتي تكمشوا اش بغيتوا بشي نشاط جلسوا على قاعكم فداركم و قابلو رجالاتكم نتوما بانلي خرجوا رجليكم لشواري تشهيتلك يا بنيتي يا نورسين شي طرحة د العصا من عند داك برج ايفل د راجلك حتى يولي ضهرك رطب من كرشك يوريك نشاط بشحال كيطيح ضسرتوا ما بقيتو تحشمو 

ناضت سلمى كتبكي و تبعاتها نورسين 

نورسين: اهئ اهئ رجالتنا داتهم لينا جوري بنت الحرام بغيتلها هزة فهاد نهار 

سلمى: اهئ اهئ بنت الحرام تلوات لينا على رجالنا كي لفعة و مشاو و خلاونا خرجوها معاهم وحنا خلاونا كي شويش د الهم فدار بغينا نساو زعما و جينا عندك توري لينا شنو نديروا باش نساو 

ربيع: شكون هاد جوري عاود وصفوهالي نشوف واش كنعرفها 

نورسين: اهئ اهئ زعرة و طويلة 

سلمى:وعينيها زورق و نيفها مقاد اهئ اهئ 

نورسين: وشعرها طويل و ازعر داير كي الحرير اهئ اهئ 

سلمى: وتبارك الله عندها المؤهلات بنت الحرام خادمة صحتها اهئ اهئ 

ربيع رد راسو اللور و ناض كيموت عليهم بضحك 

ربيع: ههههههه وامي كرشي ههههه دابا من نيتكم كتبكيو حيت مشاو معاها راه خاصكم تفرحوا حيت رجالاتكم ماشي عيور واش اعباد الله بنت بهاد المواصفات كاملة بغيتوا يزكلوها لا واش من نيتكم 

نورسين: *خنزرات فيه*دابا حنا واش جينا عندك باش تفوج علينا و لا تكمل علينا يا وجه نحس 

ربيع: وا غير بغينا نضحكوا معاكم وا كتقطعوا فالقلب الا بغيتوا تنشطوا كاين واحد العرس عندي هاد الليلة الا بغيتوا تمشيو معايا وتنشطوا مزيييان و تنساو عليكم الهم د دنيا و رجلاتكم وتنساو العالم 

سلمى غير كتسمع غادي تحضر العرس وا كتبغي تنقز بالفرحة 

سلمى: حلف بالله 

ربيع: انا غادي نكون كانغني فيه المهم نتوما بامكانكم تمشيوا معايا تقادو و لبسوا تكاشطكم و الا بغيتو نقادلكم المايكاب تطلعوا من داكشي غير هو خلصو خوكم راه غير بطالي 

نورسين: هههه فكرة زوينة لهلا يخطيك علينا 

ربيع: اودي نتوما حالتكوم تشفي العدو نتوما راه اليهودي تبقاو فيه يالاه نوضو بحرا توجدوا راسكم 

نورسين: ولكن ما عندناش تكاشط 

ربيع: ماشي مشكل انا ندبر ليكم على كولشي بالحق غادي تبقاو معايا فدار باش فاش نكونو غاديين لعرس تمشيو معايا 

سلمى شافت فنورسين و حركوا ليه راسهم بالايجاب و الفرحة باينة على ملاميحهم 

ربيع: يالاه زيدو قدامي بحرا تقادو حالتكم بغيتكم تجيو تيتيزات راكم غاديين معايا زعما ما بغيتكمش تشوهوني يا المصائب 

نورسين ناضت عندو خربقاتلو فشعرو 

نورسين: شفتي نتا بالله ما كاين بحالك واخا نقلبوا بالفتيلة و القنديل 

ربيع: *شاف فيها* عارف راسي بلي انا نسخة نادرة لا أتكرر مرتين غير الواليدة الله يهديها اللي بغات تسميني ربيع كن غير سماوني نادر و تهناو 

سلمى: س٥فتك بحال تيقتي راسك 

ربيع:*شاف فيها و خيب وجهو* نتي كتبقاي ساكتة فاش كتهدري كتقولي الحاجة قد راسك عار الله لا ما سكتي

عند جبل

كان سايق طوموبيل و معاه يعقوب و جوري اللور و من موراهم واحد الرونو كبيرة عامرة بالالعاب و الهدايا و الشوكولا 

جوري: هاد نهار واااعر حيت غادي نشوفو الوليدات 

يعقوب: اه مساكن توحشتهوم بزاف 

جبل : كيبقاو فيا بزاف الله يشوف من حالهم و يخفف الالم ديالهم فوقتما كنشوفهم كاتجي فبالي صورة ديال ليلى الله يرحمها و يوسع عليها فهاد نهار 

يعقوب: الله يرحمها 

وقف الطوموبيل جبل حدا واحد الجمعية كبيرة معروفة ديال الاطفال الصغار المرضى بالسرطان كل عام كيمشيو ليها هو و يعقوب و جوري حيت جوري قرات معاهم العام الاول تصميم ساعات اليدوية كانت نشأت بيناتهم علاقة صداقة قوية و لكن من بعد قلبات تخصص و مشات كتقرا طب و تخصصات فعلاج الاورام و السرطان فبحال هاد نهار مات ليلى داكشي علاش قطع جبل وعد على نفسو كل عام فمثل هاد نهار كيجي كيزور الاطفال المرضى بسرطان و كيجيب ليهم مجموعة الهدايا و الالعاب و كيتكلف بعلاجهم هو من ناس اللي عزازين عليه الاطفال الصغار وحتى يعقوب و جوري داكشي علاش ديما كتجي للمغرب فمثل هاد نهار و كتعاود ترجع لامريكا 

دخل جبل مع يعقوب و جوري للجمعية و مشاو هدرو مع رئيسة ديالها اللي ولات عارفهم ديما كيجيو و كيفرحوا الوليدات الصغار اللي كيحماقوا على جبل حيت ولاو عارفينو بقوة اللي كيجي يشوفهوم و كيجيبلهم أغلى الهدايا 

-موسيو جبل الاطفال توحشوك و كل مرة كيسولوني عليك فرحتينا بقدومك 

جبل: حتى انا توحشتهوم كنت غادي نجي غدا و لكن ما قدرتش ما نشوفهومش 

جوري: كيف دايرة حالتهم صحية

- مانكدبش عليك كاين اللي فيهم بدا كيتعالج و بدا كيمشي السرطان من صحتو و كاين اللي حالتو تدهورات و كاين اللي تعالج 

يعقوب: نقدروا نشوفوهم 

-بطبيعة الحال تفضلو 

خرجوا من عندها و مشاو لمكان اللي فيه مجموعة الاطفال اللي مراض بسرطان شعرهم كلو طايح و حجبانهم حتى هوما و لكن الابتسامة ما عمرها فارقات و جههوم كانو كيلعبوا بكل راحة أطفال أبرياء كانو مدورين وجههوم عاطينهم بضهر كاع ما شافو شكون اللي جا عندهم حتى تحدثات الرئيسة 

- الدراري شوفو شكون اللي جا عندنا 

كلهم دارو عندهوم شافهم و ترسمات ابتسامة عريضة على ملاميحهوم البريئة و مشاو كيجريو كيبوسو فجبل و يعقوب و جوري مولفين بيهم بزاف و حتى هوما عزازين عليهم 

- عمو جبل توحشناك بزاف 

جبل كيشوف فيهم و كيبتاسم و عويناتو كيحمارو كيبغيو دموع يهبطوا من عينو فاش كيشوف كيفاش كيقاوموا المرض و ديما فرحانين رغم الالم اللي كيحسوا بيه فاش كيجي لعندهم كينسا هموم دنيا و ما فيها كيعطيوه القوة باش يعيش هوما اللي كيخليوه يتمسك بالحياة 

جبل:*عنقهم *حتى انا توحشتكوم بزاف 

- جبتيلنا الالعاب 

جبل: ما نقدرش ما نجيبهومش لاحلى واروع ما شافت عيني 

- شكرا عمو 

جبل : و موجدليكم مفاجاة اخرى 

- *كلهم دقة وحدة* شنو هي 

دخلوا عندهم بزاف ديال المهرجين ومدخلين معاهم لكادو فيديهوم و طالقين ليهم الموسيقى اللي كتعجبهم ديال الاطفال كلهم فرحوا و بقاو كيصفقوا و كينقزوا هادو هما الاطفال حاجات بساط كتفرحهم 

دوز جبل و يعقوب و جوري العشية كاملة معاهم أسعد نهار عند الاطفال هو منين كايجي جبل يشوفهم و يفرحهم و فالمقابل حتى جبل كيحس بسعادة لداخل ديالو حيت شحال ما فرحتي بنادم و دخلتي الفرحة و سرور لقلبو كتكون فرحان بضوبل ديالو و فوقتما شافهوم جبل كيتفكر ليلى كتبانلو صورتها فيهم حتى هي سرقها مرض سرطان ربما كن ما كنتش مرضات كن راه حداه دابا و فرحانة ليه نزلات دمعة من عينو فاش تفكرها ومسحها بالخف 

عند نورسين 

كانو جالسين فدار د ربيع اللي كانت جاية فحي شعبي بامتياز و لكن لداخل ديالها كبيرة و مقادة 

نورسين: اوا دارك زوينة واخا جاية فهاد درب 

ربيع: تبارك الله حجاب الله شافني ربي و ملوكو خاصني نفوسخ هاد دار لا تمشي تريب على دين مي 

سلمى: اوا لواه مالنا بنا ليك قواسات 

ربيع: اوا العين اختي معروفة كاينة و نتوما من صباح و نتوما تطلعوا وتهبطوا فداري منين جيتوا و نتوما تشوفوا فسقف و فالطلامط و فالزربية توما حدرو عينيكوم خايف غير تمشي تريب عليا ولا تحرق الله يستر و انا بوحدي ما كاين حتى اللي يوصل ليكم خباري بلي متت 

نورسين: اودي الله يطولنا فعمرك 

ربيع: شفتكوم حاطين قيعانكم لارض توما نوضو تحركوا تلبسوا تكاشطكم راه خاصنا نمشيو 

ناضت نورسين و سلمى بسرعة لبسوا تكاشط اللي جاب ليهم ربيع نورسين لبسات تكشيطة فالكحل جاتها واعرة لاصقة على لاطاي و سلمى لبسات تكشيطة فالاحمر جاتها كتحمق وحتى تكاشط كانو زوينين بزاف جاو كي شي أميرات طلقوا شعرهم و خرجوا عند ربيع 

ربيع: بشاااخ اوا هاكا نبغيكم فقصوا ليا العدو ومال وجهكم صفر كي المرقة د جنون تسناو نديرليكوم المايكاب 

نورسين: ههه دابا نتا كتعرف تدير المايكاب 

ربيع: واقيلة راني كنقرا عليه مالك حكارة مالك شوفي خدمتي وديك ساعة حكمي 

سلمى: انا نصوب راسي ما نتيقش فيك نتا تقادلي كمارتي لالا اخويا شكرا 

ربيع: لهلا انا غادي نصوب غير لنورسين اصلن شكون دوا معاك نتي كتطيري كي الزيت من المقلة تبتي شوية نتي باينة فيك طيرة 

سلمى:*دارت يديها فجنبها* شناااااااااهو واش بغيتي نقلبوها صباط هنا 

نورسين: بردي بردي على قبل العرس اللي غايدينا الله 

سلمى: اودي راني صابرة غير على قبل العرس اما والله حتى نخرج لو جهوا مرسوم فالحيط اللي وراه 

ربيع: اختي نورسين هاد سلمى باينة من تريكة راجلك 

نورسين:وادابا نوض قادلي كمارتي باش ما يمشيش علينا الحال 

ربيع جبد البواط ديالو اللي داير فيه غير الماكياج الواعر 

ربيع: اوا اجي قربي نقادلك داك الكمارة 

جلسات نورسين حداه و بدا يجبد فالمعدات ا

ديالو و بدالها بوجها دارلها بودر و الفوندوتان اللي جاو مع لون د البشرة ديالها و دارلها الكونتور و الهايلايتر و قادلها عينيها ودارلها ايلاينر خطير و خدم ليها عويناتها مزيان دارها السموكي مع عكر غرونة مغلوق و خلا ليها شعرها مطلوق و هبط ليها القصة على عينيها و جات كييييييوت بزاااااف حلات نورسين عويناتها و عطاها ربيع المراية شافت راسها هي براسها ما عارفاتش راسها بقات غير مبهورة 

نورسين:ربيع واش متأكد نت اللي درت هادشي 

ربيع:وشكون اللي دارو جنون مثلا طلعي لي رزقي 

نورسين: نتا برب الا ما كاين بحالك صدمتيني فيك بالله 

ربيع:اودي غير كنتواضعو معاكم و صافي 

جات سلمى لعندهم حيت كانت فالحمام وهي تغوت فاش شافت نورسين 

سلمى: واش هادي نتي أ نورسين أش هاد الجمال 

نورسين: اختي ربيع و ما يدير 

سلمى شافت فربيع صوبلي ختك انا 

ربيع: لواه الزمر جالسة كتنفخي عليا وكتقولي لالا انا ما تقادلي ما نقادلك بعد مني اوا جلسي دابا والله لا صوبتلك نتي ما قدرتيش الموهبة ديالي اوا خليك دابا 

سلمى:*خيبات وجهها*اصلن غادي نصوب راسي تفو 

ناضت سلمى قادات لراسها المايكاب و نورسين ما حيداتش من المراية عجبها راسها بزاااف 

نورسين: اوا هانتا كاتسالني الفلوس 

ربيع: اودي صدقة مني بلاش المهم هو يعجبك راسي 

نورسين: شفتي نتا والله ما بكاين بحالك 

ربيع: وا صبغتي فيا هاد نهار بزاف كلورادو عندك خدامة مزيان 

ناض ربيع لبيتو لبس الكوستيم و خرج عندهم و حتى سلمى سالات المايكاب ديالها حتى هي جات زوينة 

نورسين: هاي هاي على ناس و الكوستيم 

سمعوا شي طوموبيل كتطوط عليهم برا 

ربيع: يالاه أ العيالات واجدين 

سلمى: الله يا ودي 

هبطوا من عندو و لقاو 207 كتساينهم برا ركبو فيها و مشاو و ربيع محيح بالبندير لداخل 

ربيع: واهيا المعفر تعفر بشوية 

نورسين و سلمى : اهاه ياهاه 

ربيع: يا وتدور ليام و تجيبك ليا وهي جيلالي 

نورسين وسلمى: وايلي يا يلي يايلي 

ربيع: يا وداو ي حالي و يا بوعلام 

نورسين وسلمى: وتعال تعال تشوف 

ربيع: وافيك زلاج فيك رخام سمعوا سمعوا واطريق بعيدة ودات الكبيدة 

نورسين و سلمى: واهاه ياهاه 

ربيع: يا وهدا ربيع خاصو شي وحيدة واهي جيلالي 

بقاو غاديين طريق كلها محيحين ناشطين ضاربين دنيا بركلة حتى وصلو لبلاصة اللي غادي يكون فيها العرس نزلو من 207 مع ربيع 

سلمى: فين هو هاد العرس 

ربيع: فسطح 

سلمى: علاش ما غاديش يديرو فقاعة 

ربيع: لا أحبيبة فالهواء الطلق على الهواء مباشرة 

سلمى:* خيبات وجهها* غادي تكون بسطيلة و لالا 

ربيع: غادي يديروا ليك نص حولي مشوي فطبلة واش من نيتك كدوي 

نورسين كتموت بضحك 

نورسين:ههه ما تديش عليها مسكينة ما عمرها واقيلة ما حضرات لعراسات شعبية 

ربيع:*شاف فسلمى*الا كنتي باغا تنشطي زيدي قدامي و سكتي ولهيلا قالتلك بسطيلة لواه بولفاف

طلعوا فالعمارة اللي كانت فحي شعبي بامتياز و صوت ديال الموسيقى مطلوق و العيالات داخلين بتكاشطهم باينة فيهم غير المسمومة لختها ما وصلوا لسطح حتى سخفوا جلسات نورسين و سلمى فطرف و ربيع غير دخل شد البندير و حما طرح و كلشي كيعرفوا و كلشي ناض كيصفق و يصفر و كيعيطوا ربيع و كيشطحوا و حتى نورسين و سلمى ناضو كيتحدروا و يجدبوا و كيشطحوا ما مسوقينش واخا ما كيعرفوش بنادم خالقين سعادة لراسهم طلعوا فوق من القاعدة و جلسوا ركز ركز 💃💃💃💃 البنات اللي تماك ما حملوهومش سرقوا منهم الاضواء فينما كان شي راجل تماك حل فيهم فمو 

ربيع حط البندير و طلع معاهم فوق القعدة حتى هو كيشطح معاهم و كيهدر ليهوم فودنيهم 

ربيع: تبارك الله على شيخات تراكس و تسونامي اللي جبت معايا 

نورسين و سلمى كيضحكوا و كيركزوا 

ربيع: عرفتي و يشوفوكم رجلاتكم يتبراو منكم 

سلمى: مالك جالس تفكرنا فيهم تلاقهم مقصرين مع جوري فشي ريسطو باغاو يفقصونا زعما طر 

عند جبل

عينو حومر لاقصى درجة و داتو كلها كترعد و كيشوف فساعة هو و يعقوب و تيليفونات فيديهم 

يعقوب: فين غادي يكونو مشاو العشرة د الليل هادي 

جبل: وانا عرفت بالله العلي العظيم وتكون واقع لنورسين شي حاجة نتبعها * ضرب الكرسي برجلو و كيرد شعرو لور بالفقصة * مااااااااااا عرفتتتتش علااااااااش خرجوااااااا ما عرفتتتتتتش غااااااادي نحماااااق أ يعقووووب باللله الا غاااااادي نحماق 

هز سورات ديال طوموبيلتو و خرج 

يعقوب: تسناااا أ صااااحبي تسناااااا غير على ما توصلنا شي خبااار عليهم راه رجااالنا كيقلبووو عليهم 

جبل شاف فيه و نزلات دمعة من عينو 

جبل: ماااااانقدرش نبقاااااا مربع يدي و كنتفرج أ يعقوووووب ما نقدرش راه رووووحي هادييييك راااااه نفس ما قادرش نطلعوا علااااااااش كتعدبني بحاااال هااااكااااا علااااااش بغيييت نفهم غير علاااااش شنو درت ليه علاااااش عزيز عليها تعصبني مااااا عرفتش العشرة داللييييل هادي فين غادي يكون مشاو ما نعرف 

عند نورسين 

طلقوا نعيط على سالمني اوا و ناضت سلمى و نورسين كيجدبوا بسوالفهم و كلشي حال فيهم فمو 

فنفس الاثناء 

طلعوا شي شماكرية لعرس مع راكم عارفين الاعراس دالاحياء الشعبية ضروري يكونو حاضرين فيهم الشماكرية و معاهم جناوا و شي حساين فشعرهم ووجهم كلو مخسر كلشي شافهم و مشاو تكمشوا اما واحد نورسين و سلمى ما شافوهومش كاع جالسين جدب جدب واحد فيهم مشا جر نورسين من يديها و بدا يشطح معاها فاش شافت شكلو تخلعات وطلقات منو بنطرة 

نورسين: بعد مني سلمى باركة خاصنا نمشيو بحالنا 

-شنااااااهو برب حتى تكملوا معانا سهرة ليلة ولا طيح شي روح كملي شطيحك أ حوبااااي ههههه 

سلمى تكمشات فنورسين 

سلمى: كلشي جالس غير حنا يالاه نجلسوا اختي خفت 

ربيع قشعوا من بعيدكان جالس مع شي صحابوا غير شافو ناض كيطير مشا لعندو 

ربيع:بعد من البنت أ عبيقة هادوك معايا 

-سير عاود ها لهوم تشا را برب تا يكملوا شطيحهم معايا ولا هاد العرس ما غايكملش 

ربيع:*دوز يدو على شعرو* بعد منهم أ عبيقة راك كتقلب على خلا دار بوك سير فحالك ما باغيش نقربلوها انا وياك هاد نهار يالاه ق** من هنا ولا ما يعجبك حال -هاي هاي على ربيع تحلك الفم *هز جنوي ديالو *

تشا را برب اليوم نفشك *بدا كيحيد كبوط اللي لابس * اليوم أ ربييييع غادي نوري ز*** بوك ضسارة بشحال كطيح اليوم نصيفطك للقبر 

ناضو صحاب ربيع و كلشي تجوق عليهم ونورسين و سلمى ولاو كيترعدوا بالخلعة وجههم ولا صفر و دوك شماكرية كيسبوا و يعايرو ما كاين غير من السمطة لتحت نورسين و سلمى كيبكيو و يشهقوا عيطوا شي وحدين لبوليس جاو من بعد شي نص ساعة طلعوا داو ديك الكاراشطة كلها لكوميسارية العيالات بتكاشطهم و الرجال بكوستيماتهوم والحيحة نايضة فديك الكوميسارية ها اللي واقف ها اللي جالس عبيقة و ربيع هبطوهم يتجلاصاو فالحبس على الاقل يباتو ديك 

الليلة حيت بسبابهم ناض صداع و سلمى و نورسين كيرجفوا بالخلعة ولاو صووووفر بقوة الخلعة و شنايفها بويض 

سلمى:ما عمري خسرت الهدرة ولكن راه قو*** على راسنا أزغبية اليوم انا بعدا ناكل طرحة د العصا من عند يعقوب أشداني أ ميمتي لشي نشاط 

نورسين كتبكي و تشهق 

نورسين: جبل ما غاديش يعجبوا الحال من هادشي اللي درنا اهئ اهئ مشييييت فيها 

خرج واحد البوليسي لعندهم و قال 

- فين هي البنت اللي تجبد بسبابها صداع 

كلشي اللي تماك شيرو ليه لجيهة نورسين 

مشا لعندها البوليسي و جرها من يديها و دخلها لعند الكوميسير و خرج 

كان كيشوف فشي ضواسة و كيشرب قهوتو و كيكمي هز راسو شاف فيها و بقا حال فمو فيها و لكن ما بغاش يبين جلس مقاد وقال

- دخلي جلسي 

نورسين كتبكي و تشهق و دموع هابطين من عويناتها شلال و كتعض فشنيفاتها اللي ولاو حومر أكثر من الفريز تقدمات نورسين و جلسات حانية راسها 

- شنو سميتك 

هزات راسها و شافت فيه 

نورسين: نورسين 

سمع هاد الاسم و هو يتصدم 

- نتي من عائلة موسيو جبل الابراهيمي ياك

نورسين غير سمعات سمية جبل وقفلها زغب د راسها و بدات كترعد 

نورسين : اه عفااك عيطلو يجي يديني من هنا عفاك 

هز الكوميسير التيليفون بسرعة و دوز الخط ديال جبل 

- سلام موسيو جبل لقينا الانسة نورسين اللي كنتي كتقلب عليها نتمنى تلتاحق بالمركز بسرعة 

جبل غير سمع بلي لقاوها لاح التيليفون و خرج بطيرة هز الفيراري ديالو و مشا مكسيري ما دارش وراه و تبعوا يعقوب حتى هو معاه بطوموبيلتو 

عند نورسين 

- كي وقع ليك مع داك خينا 

نورسين: * كتهدر و كتنخصص بالبكا* كان باغي يشطح معايا و جا ربيع فكني منو و ضاربوا على قبلي *حطات يديها على وجهها كتبكي* اهئ اهئ كلشي وقع بسبابي عفاك طلقوا ربيع ما دار والو اهئ اهئ 

- شوووت * كحز ليها القرعة د الما * هاكي تشربي 

هبطات نورسين على ديك القرعة د الما و يديها كلها كترعد 

عند جبل 

جاي سايق بسرعة كبييييرة كان غايدير شحال من أكسيدون غير ربي حفظوا حبس الطوموبيل حدا الكوميسارية و نزل بسرعة من طوموبيل و تبعوا يعقوب داخلين مخنزريييين ما حاملينش البشر شافو ناس بتكاشطهم ما فهموش اش واقع يعقوب لمح سلمى جالسة فطرف و حامياها بكا مشا كيطير لعندها عنقها حتى هزها من الارض 

جبل مشا ديريكت حل البيرو د الكوميسير وهو يلقا ملاكو كتبكي بحرقة و جالسة من فوق الكرسي تزعزع قلبو من منظرها اللي يشفي العدا تنهد براحة فاش شافها جالسة على الاقل ما واقع ليها والو على الاقل مازال حية على الاقل مازال غادي تبقى بجنبو على الاقل ما زال غادي يشم ريحتها و يشبع عينو بشوفتها ولكن فاش انتابه لحالة اللي هي فيها تكررره بالمزياااااان و غمض عينو و دوز يدو على وجهو بالفقصة 

هز الكوميسير عينو شاف فيه و ناض عندو 

-موسيو جبل 

نورسين قلبها مشا و جا فهاد اللحظة اللي سمعات سميتو حيدات يديها غير بشوية من على وجهها و هزات عينيها بتثاقل شافت فعينيه اللي كانت شرارة كا تطاير منهم شافت فعينو واحد الشوفة ما عمرها شافتها ربما نظرة خدلان خيانة اه ملاكو خانتو فاش خرجات من الدار بلا علم ديالو و من الفوق جالسة فالكوميسارية بتكشيطتها ووجها مقاد و المايكاب اللي دايرة عاطيها جمالية خاصة شحال من واحد غادي يكون شاف فيها شحال من واحد غادي تكون عجباتو شحال من واحد غادي يكون تمنى يلمسها أكيد ماهي جات فائقة الجمال هادشي اللي كيقول عقل جبل و هادشي اللي كيفكر فيه علاش كاتبغي تعدبو علاش ديما كتدير غير الحوايج اللي كيخرجوه على طوعو علاش ؟ 

جبل بقوة الفقصة دور و جهو و حط راسو على الباب وبقا كيضربو بجهد و هز يدو دارها على شكل لكمة و ضرب بيها الباب عدة مرات حيت كن مادارش هاكا غادي يمشي يشطب بيها هاد الكوميسارية كلها

-موسيو جبل تهدن 

جبل:*كيهدر غير بشوية و ضاغط على سنانو و باقي فنفس وضعيتو* يووووسف قولي شنو وقع ليها بالحرف ما تنسا حتى حاجة واش شي حد دار ليها شي حاجة *غوت حتى قفز نورسين* هدرررر أ يوووسف هدرررر 

يوسف: الانسة نورسين لقيناها فواحد العرس فحي شعبي و كانو شي شماكرية فيه و من خلال هدرتها قالت بلي واحد فيهم كان باغي يشطح معاها و هو يجي شي حد دافع عليها و ناضو كيدابزو 

نورسين ناضت من بلاصتها ووقفات حدا جبل 

نورسين: جبل اهئ اهئ شوف فيا غير سمعني خليني نشرح ليك 

جبل ما كيشوفش لجيهتها شاف فيوسف و قال 

جبل: وريني هاد الز..* ماكملش هدرتو حيت ما كايبغيش يخسر الهدرة قدامها كيحترمها و كيعزها لدرجة كبيرة* وريني هاداك اللي دار هادشي 

يوسف : تفضل معايا 

خرج يوسف مع جبل و مشا داه لبلاصة فين كاين عبيقة 

مع ربيع كل واحد شاد فيهم قنت و جالسين طلب يوسف من الشرطي يحلو ليه الزنزانة جبل غير شاف ربيع بدات كتوضاح لو الفكرة شوي بشوي دور عينو و شاف فعبيقة جالس فالقنت حاضيهم عرفوا هو اللي بغا يشطح مع ملاكو اكيد غادي يكون لمسها اكيد غادي يكون تبسل عليها اكيد غادي يكون قال شي هضرة جرحاتها تقدم جبل بخطوات مسرعة و هز عبيقة من الكبوط اللي كان لابس وقفوا عبيقة غير شافو بدا يصرط فريقو تخلع منو دفعوا جبل على الحيط و حيد الفيستة اللي لابس و بدا يطلع كمام شوميز دقة بدقة كيلعب على اعصابو اما واحد ربيع بغا يبول فسروالو بقوة الخلعة و بقا كيهدر بصوت همس ما مسموعش 

ربيع: ميمتي اشداني ندير راسي فدوك الشيخات الله الله يا ربيع اليوم ياكلو عليك كسكسوا بتفاية الله الله يا ربيع و نتا مازال صغير مازال حتى ما تزوجتي الله الله يا ربيع هاهو غادي يسالي منو ويجي عندي ناري ميمتي مصيفطا هاد برج ايفل د رجالها مشا يخلي دار بويا اشداك اربيع اشداك 

جبل هز يدو حتى لسما و هبط على عبيقة لحنكو مكاليه مع الحيط و كيهدر معصب و عروق يدو بارزين لاقصى درجة ووجهوا ولا حمر بقوة الاعصاب وهزو يدو اليمينية لواهالو حتى تسمعات طرااق كرضهالو 

عبيقة غوت بربي اللي خلقو 

جبل: كتمد يديك أولد الق*** مالقيت على من غير على نورسين *زاد لوالو يديه و عطاه ركلة لرجليه حتى طيحوا لارض ونزل عندو شدو من شعرو حتى تأوه بالم* هادشي اللي درتلك نتمنى يديرلك العقل باش ما تعاود تقيس فحتى شي بنت ناس حمد الله اللي ما قتلتكش يا ز*** فاش تخرج دير صداقة و قبل ما تفكر تحط يديك على شي بنت ناس يا ولد الق*** شوف فهاد اليد و تفكر هدرتي مزيان 

طلق منو و مشا وقف حدا ربيع اللي كان كيشهد فنفسوا ويدعي لا يمشي يهرس لو شي يد ولا رجل 

جبل: نتا لوالديك شنوووووو قلت لق*** د مك اه شنووووووو قلت جااااااوبني 

ربيع:*كيتفتف فالهدرة* قلتيلي اسيدي نعتبر نورسين بحال ختي اسيدي وانا مادرت غير داكشي اللي قلتيلي دافعت عليها فاش شفت داك الحمار اللي هرستيلو يدو حاشاك باغي يقربلها 

جبل غمض عينو ودار يدو على شكل لكمة وعاود حلهم وشاف فيه 

جبل: آآآآآآخر مرة نشوفوك كطوف بساحة نورسين آآآآآآخر مرة تقرب ليها نحي أصل مك من الدنيا 

ربيع بدا يصرط ريقو و قال 

ربيع: مايكون غير خاطرك أسي جبل

خرج جبل من تماك و تبعوا يوسف و طلب منهم يديو عبيقة لمستشفى 

يوسف: هاد البنت مهمة فحياتك حتى لهاد درجة 

جبل: ماسوق حتى واحد فيا و فحياتي شخصية كلها يدخل سوق ك** ويشوف الجيهة اللي ضاراه 

تقدم جبل بخطوات مسرعة لقا نورسين واقفة فالكولوار كتبكي و باينة فيها مخلوعة كتساين فجبل يجي لعندها داتها كلها كترجف 

جبل:*ما كيشوفش فيها * خاصنا نمشيو 

تقدم وزاد وهي غير كتبكي قلبو كيتقطع طراف طراف فاش كيشوفها فهاد الحالة ولكن حتى هو معدور خاف عليها بزاف كان قلبو غيسكت باش فالتالي يجي يلقاها فعرس مقادة و مسمقة و دابزو عليها رجال غير مجرد كيتفكر هاد الفكرة قلبو كتشعل فيه العافية نورسين بقات تابعاه وهو غادي خطواتو كبار وهي بطالون و باغا توصلو و كتعيط بسميتو باش يدور عندها والو كتحاول تزرب بخطاويها باش تلحقو تلوات ليها رجليها و طاحت لارض وغوتات بالم دار جبل شاف فيها لقاها طايحة ماحس براسو حتى مشا عندها ووجهو صفر حط يدو على خدودها وهي كتبكي 

جبل: نورسين مالك واش كضرك رجلك دوي ما تخلعينيش عليك نورسين هدرري 

كيشوف فرجليها مخلوع عليها و هي كتبكي و تشهق كيف شي بنيتة صغيرة هز راسو شاف فوجهها اللي كان احمر بقوة البكا ضعاف و قلبو ضرو عليها هو اللي وصلها لهاد الحالة اللي هي فيها كتبكي بسبابو حيت مقلق عليها قرب ليها وحط جبهتو على جبهتها وقال 

جبل: علاش عزيز عليك تعصبيني وتقلقيني منك علاش فكل مرة كنقول غادي ديري عقلك و تكبري كتزيدي ديري زبلة اكبر من اللولة انا حرت معاك عطيني شي حل عفاك اللي نديروا معاك عطيني شي حل 

نورسين:*كتهدر بتنخصيصة د البكا* انا ما درتليك والو كظلمني 

جبل: شكون اللي دار الحار لجوري قبيلة و عطاها الماء مالح شكون اللي خرج من دار و مشا لعرس فحي شعبي فيه غير شماكرية و القطاطعية مشيتو لبلاصة ما مأمناش أنورسين دابا كن خسرو ليكم وجهكم ولا تعداو عليكم شنو ندير انورسين غير قوليلي شنو ندير باش ديري عقلك عطيني شي حل انا كلما كنحاول نخليك مراة قوية و عندها مكانة فالمجتمع كاتجي نتي و ضربي كلشي فالزيرو علاش ما فهمتش واش باغا اللي جا يضحك عليك أنورسين نتي مازال عاد قلتي بسم الله فالدنيا نتي ما عارفاش دياب اللي كاينن فيها ما عارفة والو انورسين نتي قلبك بيض وهاد دياب هادشي اللي كيبغيو كلما لقاوك نية كيستغلوك و كينهشوا لحمك كي الوحوش ماشي لي ضحك ليك راه صاحبك لا انورسين خاصك تعلمي تغربلي من حياتك ناس اللي غادي يخرجوا عليك و يديوك للهاوية 

نورسين: ولكن..

جبل:ماكاين ما ولكن انورسين مابغيت نسمع منك حتى كلمة *هز ليها رجليها و بدا يمسدها ليها باش تبرا* 

جبل: مازال كضرك 

نورسين حركات راسها بنفي و كتشوف فيه و تبكي الاحساس بدنب قتلها ما بغاتش يكون مقلق منها تفضل تموت على انو ما يبقاش يهدر معاها 

جبل وقف وقرب ليها وحط يدو تحت من راسها ويد تحت من رجليها و هزها وهي لوات يديها على عنقو كتشوف فيه كيفاش كيعاملها وهي باش كتجازيه كرهات راسها فهاد اللحظة

عند يعقوب وسلمى 

يعقوب بعد عليها 

يعقوب: شنو هادشي درتي أسلمى

سلمى:*كتحرك راسها يمين شمال* عفاك خليني غير نشرح ليك 

يعقوب: شنو غادي تشرحيلي ما فهمتكش أسلمى بالله ما فهمتك علاش كاديري فيا هادشي عطيني تفسير واش كاينة شي بنت دارهم تخرج حتى لنصاصات د الليل و تجي تقوليلي نشرحلك اولا خارجة بلا خباري ثانيا غادة لعرس فيه غير شماكرية و مقادة ولابسة يعني نتي عوالة عليه منين وليتي كديري اللي كيقولك راسك كنظن انا مابقاتلي قيمة فحياتك حد لهنا و سالينا أ سلمى 

عطاها بضهر و زير على يدو و مشا و هي تبعاتو كتجري و شدات يدو كتبوسها و كتحرك راسها يمين شمال 

سلمى: نتا ما عمرك غادي تخلى عليا ما عمرك 

ياك أيعقوب*حطات يديها على خدو* الا مشيتي والله حتى نقتل راسي اهئ اهئ كيفاش عطاك خاطرك تقول سالينا بهاد البساطة *عنقاتو بجهد* مشيت غير فوجت و نشطت اهئ اهئ والله ما كنت ناوية على هادشي و زايدون نتا اللي خرجتي و خليتيني بوحدي اهئ اهئ خرجتو مع جوري انا قتلاتني الغيرة ما قدرتش نستحمل نشوفها معاك اهئ اهئ الا كان شي حد اللي خاصو يتقلق راه هو انا منين شفتيها قلبتي وجهك عليا اهئ اهئ علاش يالاه علاش حط راسك فبلاصتي أ يعقوب اهئ اهئ مادرتهاش بالعاني كنت باغا نسا شوية العافية اللي كانت شاعلة فقلبي اهئ اهئ عفاك سمحلي و الله ما نعواد اهئ اهئ غير ما تخلاش عليا عفاك اهئ 

يعقوب دور و جهوا و شاف فيها مدة 

يعقوب: حمدي الله اسلمى اللي ما نعرفت كيف تحكمت فراسي و ما رديتلكش ضهرك رطب من كرشك نوريك نشاط الا بغيتي تنشطي طلقي الموسيقى فدار و ارا ما تركزي وا سيري غير ديري رياضة غادي تحسي براسك ناشطة ماشي تخرجي حتى لنصاصات د الليل و تقوليلي لواه نشط هاد النهار مشيتي لعرس غدا تمشي لبار و تقوليلي لواه بغيت نسا هادا ماشي عدر أسلمى ماشي عدر دابا طلعي نديك لداركم 

سلمى: واش مزال مقلق اهئ اهئ واش ما غاديش تسمحلي اهئ 

يعقوب: نهار تولي تسمعي الهدرة وتفكري فالحاجة مية مرة عاد ديريها داك ساعة غادي نسمح ليك دابا طلعي طلعي و براكة من البكا راك. طيبتي عينيك 

حل ليها الباب و طلعات و حطات راسها على زاجة د طوموبيل و يعقوب سايق و باينة فيه معصب 

عند جبل 

هاز نورسين بين أحضانو و هي كتشوف فيه بحب كبير و هو قلبو كيضرب بسرعة خصوصا فاش دارت يديها على عنقو دوك البنات اللي تماك فاش شافوهوم شداتهم الخنقة و ناض يبكيو على زهرهم العوج وصل جبل للوطو وحلها و حطها غير بشوية بحال شي حاجة غالية خايف عليها تكسر و دارليها السمطة و بغا يمشي و هي تشد فيديه

نورسين:عفاك أجبل ما ديرليش هاكا أهئ اهئ عفاك ضربني عليرني غوت عليا و لكن ما تجاهلنيش بهاد طريقة 

جبل طلق من يديها غير بشوية و مشا طلع لمكان المخصص بالسياقة و ركب دار السمطة و ديمارا و قلع 

نورسين حاطة راسها على زاجة و كتبكي بحرقة 

جبل: ما تبكيش انورسين ما تبكيش 

نورسين:*كتمسح دموعها * وا خليني نشرحلك عفاك 

جبل: ما بغيت نعرف والو و ما باغي نسمع والو ما تقولي حتى كلمة 

عم الصمت و شي ما كيهدر مع شي غير صوت شهقات نورسين اللي كتعلى فالمكان وصلو للفيلا و حط جبل اللوطو و نزل حل ليها الباب 

جبل:*مدور وجهو ما كيشوفش فيها* واش قاظة تمشاي بوحدك ولا نهزك 

نورسين غمضات عينيها و طاحت دمعة من عينيها 

نورسين : علاش نتا هاكا كتعامل معايا علاش ديما كنطلع انا اللي ما مزيانش و ما نسواش ونتا ديما الملاك الخالي من العيوب علاش نتا ضريف حتى لهاد درجة علاش واش غير انا اللي كتعامل معايا هاكا ولا مع كلشي نتا دابا معصب عليا و مزال كتحن فيا و كتعامل معايا بهاد اللطف كامل علاش أ جبل علاش *حيدات سمطة و هبطات عندو * نتا مناش مصنوع ما عمري شفت بحالك ولكن على الاقل غير هضر معايا و شوف فيا ما تعاملنيش بهاد البرود عفاك نتا ما كلفتيش راسك حتى تعرف شنو سبب اللي دفعني ندير هاكا 

جبل :*دور و جهو و مشا و قال* كنظن قادة توقفي على رجليك تصبحي على خير 

دخل جبل و خلا الباب محلول باش تبعوا بكات نورسين حتى شبعات ديما فاش كنبغيو شي حد و كيغضب علينا كتحس بحال شي حاجة ناقصك و قلبك كيضرك كتحس براسك مخنوق حتى حاجة ما كتحلالك شافت نورسين حتى عيات و مسحات دموعها و دخلات لداخل بتكشيطتها و طالونها كتعتر فجلايلها طلعات لبيتها و حيدات حوايجها و لبسات ديباردور فالبيض مع سروال فيه كارويات فالكحل و الحمر و طلقات شعرها دخلات للحمام لقات عويناتها منفوخين بالبكا غسلات و جهها مزيانة وبقات كتشوف راسها فالمراية 

نورسين: ما نقدرش نعس و هو غضبان عليا خاصني نتحرك ندير شي حاجة غادي نمشي نهضر معاه حتى نشوفوا هادشي فين غادي يوصلنا والله يا جبيلو يا بيا يا بيك نوريك الغضبة بشحال كتطيح اوووف ولكن فاش كيتعصب شحال كيجي زوين اوووف وا طحت طيحة خايبة فيه 

عند جبل 

دخل لبيتو و حيد حوايجو و بقا لابس غير شورط وما لابس والو من الفوق العضلات منشورين نعام أسي تمشا جبل حتى وصل لواحد الخزانة عندو و حل واحد القرعة دالشراب و حط واحد الكاس عادي لقاه محطوط و كب فيه الخمر و فاش بغا يشربوا تفكر الا جا شي نهار و مات وهو عارف بلي سكرة حرام شنو غادي يقول اللي خلقو ولا الا شافوه وليداتو كيسكر شنو غادي تكون ردة فعلهم واش غادي يكونو مفتاخرين بيه و باهم سكايري تنهد و حط داك الكاس فوق البيرو و تمشا حتى وصل البالكون وحط ليزيكوطر فودنو و طلق اغنية د الروك و جبد السيجار كيكميه و بقا كيتأمل وكيتفكر نورسين اللي ما يمكنش تمر ثانية و ما يفكرش فيها شاف راسو قصح معاها فالتعامل و قلقها منو و بكات بزاف بسبابو وبدا كيفكر كيفاش غادي يقدر يتصالح مع ملاكو و كيفاش يرد الابتسامة لوجهها 

فنفس الاثناء دخلات نورسين لبيتو و بدات تعيط لو والو ما كيجاوبهاش 

نورسين:جبببل اوووف فين مشا هادا 

نورسين حسات بالحرارة طالعة معاها و حلقها نشف بتعياط عليه شافت قدامها داك الكاس هزاتو هبطات عليه دقة وحدة و حطاتو 

نورسين: اححح مال هاد العصير حار اييه أسي جبل نتا شربلي العصير مع راسك وانا خليني نتفقص 

نورسين بدات كتحس براسها كيثقال عليها شدات فيه و بدات ضبابة كتجيلها حدا عينيها بدات كتحرك راسها يمين شمال 

نورسين: ويلي شنو كيوقع لي 

نورسين بدا يشد فيها الشراب بالخصوص النوع اللي عند جبل دغيا كيدوخ مجهد بزاف بدا كيبان لنورسين جوج من الحاجة شوية بدات تصفق بيديها غير هي و راسها و كتموت بضحك

نورسين: ههههههع وليت حولة شووووت هههههه غادي يسمعني الكرسي ههههه بدات كتمشا بتثاقل و شادة فالحافة د البيرو لاتمشي تطيح ومشات جلسات من فوق الكرسي د جبل و بقات كتدور راسها و كتموت بضحك 

نورسين:هههههههههه واجبييييلو وااااااا جبيلووو هههههه وااااافينك خرج عليييك الامان ههههههه 

بدات كتدور فالكرسي يمين شمال هي دايخة و زاد دوخها 

نورسين: *كتصفق بيديها* جبييييييلو و خرج ولا نقولك زمييييييرو هععععع وااااااع شوووت غادي يسمعنا جبيييلو و يجي يضربنا *كضرب فمها بيديها* شوووت سكت نتا هههه وااااا توحشتك أ جبيييلو فينك *ناضت تبكي* اهئ اهئ اهئ وخرج عفاك*ناضت و جلسات فالارض كتبكي * 

فنفس الاثناء 

جبل حيد ليزيكوطور من و دنو و بدا يسمع صوت نورسين كتعيطلو فالبيت 

جبل: صوت نورسين هادا 

ناض من داك البالكون اللي كان عندو بعيد شوية على البيت دخل عندها وهو يحل عينو بقوة الصدمة لقاها جالسة فالارض كتبكي و كتهرنن و مغمضة عويناتها 

نورسين: اهئ اهئ جبيييلو فينك اهئ اهئ 

جبل جاتو حالتها غريبة مشا كيطير حنا عندها و شدلها فدرعانها بجوج كيحرك فيها شم فيها ريحة د شراب دور وجهو لفوق البيرو لقا الكاس خاوي عرفها دارتها و سكرات 

جبل:*كيضرب ليها فوجها*نورسيييين حلي عينيك 

حلات نورسين عينيها بتثاقل و شافت فيه و بدات تضحك 

نورسين: ههههههعع جبيلو جيتي علاش خليتيني كنتسناك 

جبل: جبييلو *جلس جبل لارض و حط يدو على فمو و تفرشخ بضحك* ههه دابا انا جبيلو 

نورسين: امم اه نتا جبيلو مالها ما عجباتكش كندلعك 

جبل ماعرف لا واش يتعصب ولا واش يضحك حار معاها دوز يدو على شعرو بالفقصة و غمض عينو و شاف فسقف 

جبل: يا ربي تصبرني يااااربي 

وقف و بغا يهزها باش يغسلها و جههها باش توكاض وهي تبعد عليه 

نورسين: شوووت شنو باغي دير بعد مني ياك نتا مقلق مني هههههه سير عند ديك جوري القبيحة هههه ياك هي صاحبتك و كتضحك معاها و انا لا *عوجات شنايفها * دابا علاش قبيلة مشيتي و خليتيني بوحدي امم وانا كنغير عليك 

جبل تشوكا و تصدم من كلامها سكرة و ما دير بقا كيبتاسم و قلبو فرفر بقوة الفرحة وهو كيسمع لكلماتها جبل قرب لعندها و دوز يدو على شعرها و حط يدو على خدها وهي غير كتشوف فيه ببرائة و كضحك جبل لقا هادي فرصة باش يعرفها أحاسيسها اتجاهو و تنطق بيهم بفمها 

جبل دوز يدو على عويناتها و على شفيراتها و على نيفها حتى وصل لشفايفها و حط صبعو الكبير عليهم و كيدوزو برفق عليهم ونورسين كتشوف فيه و كتضحك و قالت 

نورسين: ههههه انا زوينة بزاااف ههه كنعجبك 

جبل: نتي أجمل و اروع ماشفت عيني 

نورسين بدات كتصفق و ردات شعرها لجنب و قربات حتى هي لعندو و حطات يديها على البطن ديالو و بدات مطلعة صبعها صغير حتى و صلات لوجهو و بالضبط للحيتو و بدات كتمرر يديها عليها و كتضحك و كتعض شنيفاتها جبل قلبو بغا يخرج من بلاصتو بهاد اللمسات اللي كدير ليه غمض عينو مستمتع بلماستها 

نورسين: *حاطة يديها على لحيتو* الا مشيتي شي نهار حتى حيدتي هاد اللحية نحرك نحير جمل هههههه 

جبل حل عينو و شاف فيها و عينيه نايمين منتشي لاقصى درجة الا كانت نورسين سكرات بالخمر جبل ولا سكران و مخدر بهاد اللمسات و بهاد الهدرة الحلوة اللي كتقول 

كملات نورسين هدرتها و حطات يديها على شفيرات عويناتو هنا جبل صافي طاح لارض ما بقاش قادر يصبر 

والعرق كيتصبب منو و قلبو غادي يخرج من صدرو 

نورسين: علاش نتا زوين حتى لهاد الدرجة 

جبل قرب ليها و حط جبهتو على جبهتها و كيتنهد وكيقول 

جبل: رحميني عفاك رحميني ما بقيتش قادر نصبر اكثر من هاكا ربي و كيرحم عفاك انورسين رحميني را قلبي غيسكت 

نورسين بعدات عليه كتشوف فيه و حشات يديها فشعرو و كتضحك 

نورسين: ههههههه ما درتلك والو انا ضريفة ههههه 

جبل: *غمض عينو *مادرتي والو غير فوقتما نشوفك قلبي كيبغي يخرج من صدري و يجي بين أحضانك ما درتي والو غير فوقتما كتبعدي عليا كنتخنق مادرتي والو غير قلبي تعلق بيك و ما عمرو بغا غيرك و ما عمرو غادي يشوف غيرك *حل غينو و تنهد* علاش كديري فيا هادشي أنورسين كن غير قدرت نعبر ليك على شنو فقلبي كيفما هو ولكن الكلام ما كيوصفش درة من حجم مشاعري اتجاهك أنورسين *قرب ليها و حط يدو على خدودها *نتي هي أجمل حاجة وقعاتلي فحياتي من نهار تزاديت عفاك واعديني عمرك تخليني *حط جبهتو علىجبهتها و نيفو على نيفها* كنبغيك أ ملاكي كنحماق عليك حتى آمنت ان داكشي اللي ضاع من عمري كان مجرد انتظار ليك 

نورسين نزلات دمعة من عينيها 

نورسين: *عوجات شنيفاتها* جبل 

جبل :*مغمض عينو و كيهدر* نعم أ روح جبل و قلبو و حياتو كلها 

نورسين: كنبغيك حتى انا غير ما تبقاش تمشي مع جوري

جبل بعد عليها و هبطات دمعة من عينو 

جبل: انا كنعشقك و ما عمري غادي نتخلى عليك لآخر نفس فيا أملاكي نتي نعمة اللي كنشكر ربي عليها صباح و عشية كنموت فنهار مية مرة فاش ما كنشوفكش اولا ما كنسمعش صوتك اولا فاش ما كنشمش ريحة عطرك معايا شنو درتي فيا و فقلبي انورسين دخلتي و ما عمرك خرجتي منو

نورسين قربات لو اكثر و بدات كتضحك 

نورسين: داك نهار كدبت عليك أجبيلو هههههه 

جبل بعد عليها وشاف فيها 

جبل: فايش 

نورسين: انا ما كنعرفش غير I love you كنعرف حتى حاجة اخرى فلونكلي ههههعع

جبل:*دوز يدو على شعرو و كيتنهد * شنو هي هاد الحاجة أملاكي شنو

نورسين:* دارت شنيفاتها على شكل بوسة 💋💋* kisse me * بوسني* ههههه

جبل غمض عينو و قربليها بابتسامة و حل عينو و دوز صبعو الكبير على شنايفها برقة و نعومة 

جبل: دابا نتي اللي كاطلبيني نبوسك ياك ههه عمري تخايلتها بالله 

نورسين: ياك انا مرتك شنو فيها هادشي من حقي هعععع

جبل بقا غير كيشوف فيها و كيضحك فشلاتو بالضحك بقا كيمرريدو على وجهها كامل و قرب ليها و داتو كترعد و العرق كيتصبب منو و كيتنهد تنهيدة مورة أختها 

جبل: شنو هي الحاجة اللي تبغي تكون عندك 

نورسين: ههههه كيعجبوني الكليبات الصغار اللي كيكونو كحول زوينين بزاااف 

جبل حرك ليها راسو بالايجاب و الابتسامة ما فارقاتش وجهو وعم الصمت لدقائق بيناتهم و عيون جبل على شنايفها و تنهد و دار يظو من مور راسها و قال 

جبل: رحميني ما بقيتش قادر انورسين مابقيتش ناوليني خمرَ شفتيك ِ قليلا أريد أن أفقد عقلي هده الليلة 

قال هاد جوج كلمات و حط شنايفو على شنيفاتها و يدو قابطة خدودها و كيتنهد قلب فمها و حتى نورسين جراتو عندها حتى هي كانت متعطشة لريقو بجوج بيهم محتاجين لمثل هاد القبلة اللي غادي ترفعهم عل العالم و غادي تخليهم فعالم خاص بيهم غير بوحدهم جبل تخدر و ترفع ما بقاش قادر يبعد على شنايفها مزال وحتى هي ما قدراتش واخا نورسين سكرانة قلبها واعي و صاحي لوات نورسين يديها على عنقو و حتى هو دار يدو من مور شعرها وكيقبلها بكل رفق اول قبلة فحياتو كانت هي هادي قطع واعد على نفسو عمرو مايقيس بنت المراة من غيرها و ها هو وفى بوعدو احساس اول قبلة احساس خاص عندو و هاد اليوم غادي يبقا راسخ فداكرتو بعد عليها حيت حس بيها تخنقات خلها ترد نفس و حط راسو على راسها حتى هو كيلهث بحال كان فمسابقة ماراطون غير صوت انفاسنهم اللي كيتسارعوا و كيتسمعوا 

جبل: نورسين كنحس بدقات قلبي غيسكتوا شنو درتي فيا أغزالي شنو 

عاود هز عينو فيه و هي مازال غير كترد نفس قربها ليها اكثر و اكثر و عاود حط شنايفو على شنايفها منتشي ما هواش فهاد العالم و نورسين مسايراها حس براسو ما بقاش قادر يصبر والا بقا معاها غادي يضطر يوصل لحاجات اخرى وهو ماباغيش فاش تفيق تقولو استاغليتيني حيت لقيتيني سكرانة بغاها تكون فكامل و عيها و هو معاها و بين احضانو بعد عليها و اخا ماساخيش بعسل شنيفاتها من بعدما تدوقهوم ما عمر شي حاجة غادي تحلا ليه ناض وهي تطيح على الارض و غمضات عينيها هبط عندها كيضرب فوجهها تخلع عليها 

جبل: نورسين مالك 

نورسين :بعد مني خليني نعس ياك خديتي داكشي اللي بغيتي هههههه 

جبل طاح لارض حداها و بقا كينوت بضحك و كيتأمل فوجهها الملائكي 

جبل: ياك نتي اللي طلبتني نبوسك 

نورسين:*مغمض عينيها* ههههه اه انا *حلات عينيها و شافت فيه* غادي نقولك واحد الاعتراف و يبقى بيناتنا شوووت ما تقولو لحتى واحد 

جبل :*داير يدو على فمو و كيضحك* شنو هو 

نورسين: شنيفاتك زوينين ما سخيتش بيهم 

ناضت و حطات شنايفها على شنايفو بسرعة و حيداتهم و دارت فيه شوفة خطيرة وقالت 

نورسين: كنبغيك 

ودورات وجهها و نعسات 

جبل قلبو تزعزع مع هاد الكلمة الدم تجمد فعروقو ما قدرش يطلع نفس و قلبو كيضرب بسرعة مجرد هاد الكلمة كتشعل فيه العافية و ما يكرهش دابا يطفي نار شوق منها و لكن ما يقدرش يستغلها و هي فهاد الحالة حاس براسو هو اسعد انسان على وجه الارض و مستعد يضحي بممتلكاتو كلها فسبيل هادالكلمة مرر يدو على شعرها 

جبل:*بابتسامة*كن يصحابلي شراب يخليني نسمع كلمة كنبغيك من فمك كن عطيتو ليك شحال هادي ههه ردتيني احمق انورسين بالله الا كنحس براسي بحال شي مراهق معاك 

😂😂😂 تشرشموا المشاعر ديالي قبل من ديالكم يالاه تلاحوا

يتبع...