هزها من الارض و حط راسو على جبهتها و هي ناعسة غايبة على العالم الخارجي
جبل :*بابتسامة* علاش كديري لبابا البسالة علاش كتخرجيني على طوعي ما عمري ما تقلقت و ما عمري غادي نتقلق من بنتي حبيبتي و ملاكي هاد نهار اسعد نهار فحياتي اول قبلة ليا كانت معاك و هاد شرف ليا أ غزالي*حط نيفو عل نيفها* اخخخ عقبة نديروا حاجة اخرى باش نجيبوا شي بنيتة كتشبه ليك انشاء الله *شاف فسقف و تنهد* حمدتك يا ربي و شكرتك اللي خليتيني نعيش هاد اللحظة فحياتي حاس بدعواتي كتستاجب الحمد الله يا ربي اللي بديتي تحنن و تعطف قلبها باش تبغيني *رجع حط نيفو علي نيفها وهي ناعسة تنهد و قال * حبيبتي يا الله أسعدها بكل ما هو جميل من عندك، اللهم اكتب لها السعادة الدائمة، وابتسامة لا تغيب، وقلباً لا يحزن، اللهم ارزقني حبها ورضاها. اللهم أمين
عنقها عندو و خرج داها لبيتها باش منين تفيق ماتحس بحتى شي حاجة غطاها و حط شنايفو على راسها لمدة عدة دقائق وهو مغمض عينيه
جبل: تصبحي بخير احبيبتي احلام سعيدة ربي أوصيك بها خيرا فو الله ما أحببت ولن أحب أحدا مثل ما أحببتها
غطاها مزيان و خرج ووصا منال تقابلها عيط ليعقوب لقا تيليفونو طافي و مشا لبيس حوايجو و خرج من الفيلا ديالو وهز طوموبيلتو و ديمارا و زاد هز التيليفون عيط لجوري
جوري: hello jijo * مرحبا جيجو *
جبل: جو مزال فايقة
جوري: اه مزال فايقة ونتا لاش معيط عليا فهاد الوقت ياكما جاي عندي كنعرفك سمعت صوت ديال طوموبيل
جبل: ياس جاي عندك يعقوب طافي تيليفونو مدابز مع سلمى تلقاه دابا مقصر كيضرب القرعة و لا ناض يدابز
جوري:*حطات يديها على فمها* نو واي جايكوب دابز مع سلمى علاش شنو وقع
جبل: هانا غادي نجي عندك و نشرحلك كلشي
جوري: ما عرفتش علاش حاسة بصوتك بحال فرحان
جبل:*بابتسامة * بحال داكشي باي
جبل حبس اللوطو حدا العمارة اللي ساكنة فيها جوري واخدة ابارطمون صغيرة و متيولة فحي راقي كلما كتجي للمغرب كتبقى فيها هبط جبل و مشا طلع فالاسانسور حتى وصل لدارها و دق حلاتلو الباب و طارت عليه بتعنيقة
جوري: Welcome to Jeju * مرحبا بك جيجو *
جبل: شكرا
جوري: تفضل
دخل جبل و سدات جوري الباب و مشا جلس فوق الفوتوي و جلسات حداه
جوري: تشرب شي حاجة
جبل: ما جايش نشرب جاي نخوي قلبي عليك
جوري: أووو هي شي حاجة ما دايراش هدر هدر
جبل: كيفما كتعرفي انا كنبغي نورسين منين كانت عندي عشر سنين واخا مزال ما عتارفتش ليها بحبي الكبيرليها حتى هي تأكدت بلي كتبغيني بزاف و هاد نهار اعتارفت ليها
جوري: واااااااااااو وأخيرااااااااا *كتصفق* وافقت ياك و اكيد وقعت بيناتكم شي حاجة هدر هدر اصلن باينة وقعات شي حاجة باينة فوحهك فرحان بزاااف
جبل دور وجهوا كيضحك و عاود شاف فيها
جبل: الفرحة باينة فوجهي حتى لهاد درجة
جوري:واكثر كاع و دابا هضر فهمني اش واقع خلاص
جبل: هنا المشكل هي ما كانتش صاحية يعني كانت سكرانة واعتارفات ليا و حتى انا اعتارفت ليها
جوري: واراه غادي تفيق فصباح غادي تعقل على كلشي اجي بعداHave you kissed her?*واش بستيها*
جبل: هي سكرات و تقربنا من بعضياتنا ولكن انا مابغيتهاش تعقل على هادشي اللي وقع
جوري: كي درتي ليها ما يمكنش و زايدون خاصك تعتارف ليها باركة عليك من هادشي والله كتعدب راسك و صافي او أصاحبي عشرين عام الله يخلف و يجعل الباركة قولها i love you وهنينا وهني شعب
جبل: ما عمري ما بغيت الاعتراف ديالي يكون هاكا بغيت نعتارف ليها فاسبانيا بغيت يكون الاعتراف بحبي ليها مميز كحبي ليها قريب نعتارف ليها انا براسي ما بقيتش صابر و اللي ليها ليها
جوري : هههه ام غادي تديها لاسبانيا باش تقولها
Te amo mi amor( احبك حبيبتي) نتا افكارك
بوحدهم واخا نعيا نفكر ما غاديش طيح فبالي شنو كيدور عندك فراسك وشنو ناوي دير باش تنسا هادشي اللي وقع
جبل: الحل كاين حتى حاجة ما صعيبة يالاه نخليك دابا خاصني نمشي
جوري: اه حقا و يعقوب ما عندك عليه حتى خبار علاش طافي تيليفونو
جبل: مشا سكر و رجع لدار نعس
جوري: مسكين حتى هو كيبقا فيا ما يستاهلش
جبل: اودي كاع اللي كيحب من قلبو خاصوا يدوز من صراط حتى حاجة ماساهلة بحال هاد المشاكل هوما اللي كيعطيو طعم خاص للعلاقات اللي حنا فيها شنو قيمة سعادة الا ما كانش الحزن و شنو هي قيمة الحياة الا ما كانوش المشاكل ضروري خاصك تعدب باش فاش توصل لداك شخص تعرف بقيمتو المهم شكرا بزاف حيت سمعتيليا كان ضروري خاصني نشارك فرحتي مع شي حد و غير نتي و يعقوب اللي كنتيق فيكم
وقف و بغا يخرج و هي تشدلو جوري فيدو
جوري:*كتشوف فيه و الدموع تحجروا فعينيها* سعدات نورسين و سلمى لي عندهم اشخاص بحالكم اهئ اهئ انا شخص واحد اللي بغيتوا مشا و خلاني
جبل حط يدو على خدها
جبل: سمعني مزيان اجوري حتى نتي دابا يرزقك الله بشي راجل ولد ناس انا عارف داكشي اللي دوزتي و عارف كلشي دعي لو بالرحمة و دعي ربي يرزقك ولد ناس عارفها قاصحة و لكن ربي بغاه حتى حاجة ما كتدوم لينا هادا قانون الاهي معروف ثيقي بيا ربي ما ناسيكش حيت نتي بنت ما كاينش بحالك يالاه مسحي دموعك منقدرش نمشي و نخليك كتبكي
جوري كتمسح دموعها بيديها
جوري:شكرا
خرج جبل من عندها و دارلها باي باي بيدو و هبط طلع فطوموبيلتو و ديمارا و كيتفكر القبلة اللي خدا من عتد نورسين و كيفاش طلباتها منو حط يدو على فمو و ابتاسم و صورتها ما فرقاتش خيالو و لو لحظة
جبل: شنو درتي فيا انورسين غير قوليلي شنو درتي
🌤🌤🌤🌤 أصبح يوم جديد
عند نورسين
حسات بشي حاجة كتلحس ليها فوجهها بقات كضرب بيديها و كتقبح فوجهها عاودت تقلبات على جنب لاخور ما بغاتش تفيق عاود حسات بداكشي تابعها و كيلحس ليها فوجهها ناضت قافزة تشوف شنو هادشي اللي خلاها ما تكملش نعاسها براحةخصوصا انها كتحس براسها غادي ينفجر حلات عينيها و هي تصدم من داكشي اللي شافت فوق منها كان كليب صغيور كنيش فلون الاسود من ديما كتحلم يكون عندها ولكن ماماها و باباها حلفوا عليها باليمين لدخل لدار كتحك عينيها باش تاكد راه كلب هاداك جا عندها الكلب بقا كيلحس فيها و كيهز رجيلاتو بحال باغي يسلم عليها نورسين بقات غير حالة فيه فمها و كتزيد تحك عينيها طلع عندها الكلب لحجرها و بقا حاط راسوعلى صدرها كانيش ضريف بزااااف
نورسين:*كتبوس فيه*شكون اللي جابك لعندي شكون اكيد جبيلو *حطات يديها على فمها* وهو باش عرف كيعجبني الكانيش اللي كيكون كحل ياكما جات غيرصدفة واش زعما جابو ليا ياك كان مقلق مني *شدات فراسها*اححح راسي كيزدح
حسات بالتقية حطات الكلب و مشات للحمام ردات داكشي كامل لي فمعدتها و راسها كيعطيها الحريق و كتحاول تفكر ليلية د البارح
نورسين:أي أراسي شنو وقعلي انا البارح مال راسي كيعطيني هادالحريق كامل *كتحل عينيها و تعاود تسدهم* اوووف
ناضت ضربات تحميمة فاعلة تاركة عاد خفاف عليها الحريق و ما بقاش كيعطيها راسها الصداع ولبسات سروال ديال العسكر مع تيشورت أسود و زادت عليها جاكيطة دجلد و دارت شعرها على شكل كعكة وخرجات هزات الكانيش و باستو و عنقاتو
نورسين: احححح على جبيلو واش داك سيد كيقرا لي أفكاري ولا كيفاش *شافت فساعة* ويلي ويلي تعطلت خاصني نمشي للمعهد
هزات نورسين واحد الصاكادو و جبدات التيليفون اللي جبلها جبل و دارتو فشكارتها
نورسين: ما نعرف علاش ديما لايحة تيليفوني كاين اللي باغيه و ما لاقيه ما خاصكيش تنفخي على نعمة اللي عطاك سيدي ربي بلاتي بلاتي سلمى ما نعرف شنو وقع ليها مع يعقوب خاصني نمشي عندها لدار *شافت فالكليب ديالها*يالاه نهبطوا عند جبيلو توحشتو
هبطات فدروج حتى وصلات لسفلي لقات جبل جالس كيقرا جورنال كيشوف اخبار البورصة و داير نضيضراتو و جاي كيوت بزاف وكيشرب قهوتو كيفما العادة
نورسين:*كتحك فشعرها* وانا ديما كنفيق بكري غير هاد نهار ضرني راسي ما عرفتش علاش شنوواقع لي كان عاطيني الحريق بزاف حتى دوشت عاد درت لابس
جبل كيشوف فيها و كيبتسم
جبل:زعما ما عرفتيش علاش ضرك راسك
نورسين: لا
جبل دور و جهو و شداتو الهيستيرية ديال ضحك و عاود شاف فيها
جبل:حاولي تفكري و نتي غاتعرفي علاش ضرك راسك
نورسين: *كتشوف فيه باستغراب *علاش كتضحك عليا
وقف جبل و ناض عندها وجا اونفاص ليها و داير يدو فجيابو
جبل: سيادتكم بايتة فعرس كتدردك و تشطح و صداع د الموسيقى اكيد هو اللي غادي يكون ضرك فراسك اولا ألالا نورسين
نورسين ضربات راسها بغباء و حنات عينيها حشمانة منو
نورسين: مازال مقلق مني
جبل:ما عرفتش انا براسي و الله ما عرفت اجي تفطري بعدا
نورسين: *هزات الكانيش وراتوليه* واش هادا ديالي
جبل حرك ليها راسو بنفي
جبل: شكون قالهاليك
خدا من عندها الكانيش نورسين طرطقات فيه عينيها 😲😲😲😲
نورسين:هاء كيفاش عاود لقيتو فبيتي ماشي سوقي هاداك ديالي و انا كنحماق على لكانيشات عفاك عطيهلي
جبل: حتى تبقاي تسمعي لهدرتي و ما تخرجيش بلا خباري و ديك ساعة نعطيهلك يالاه فطري دابا راك تعطلتي على المعهد
نورسين ضربات رجليها مع الارض بالفقصة و دلات شنيفاتها و مشات جلسات كتاكل بنطرة و كتشوف فالكانيش اللي عندو و كتهرنن غير هي و عظامها
نورسين: عطيهلي عفاك
جبل:وادابا كملي ماكلتك و يحن الله
نورسين كاتاكل و كتشوف فالكانيش اللي هاز عندو كيلعب معاه
نورسين: وشحال عندك ضريف داك الكانيش كيحمق و قبيلة مد يدو كيسلم عليا
جبل:*بابتسامة* ماسولكش على كي بقيتي و اش خبارك و كي دار راجلك ووليداتك
نورسين كتشوف فيه مصغرة عينيها و مقلقة زعما
نورسين: جالس كتطنز عليا دابا
مشا حداها و شعكك ليها شعرها
جبل: برهوشة يالاه نوضي باش نديك راك تعطلتي و الكانيش راه ديالك مي خاصك تعطيه شي اسم
نورسين: انا كنعرف فسمية الكلاب غير روكي ولوكاس و طوم كنت كنقول لماما بغيت نربي كانيش كتبقا تغوت و تقولي ربيت حتى راسك بقا ليك غير الكلاب *دمعو عينيها* توحشتها بزاف و الله
جبل: *كيمرر يدو على شعرها*كنواعدك غادي ترجعي تشوفيها و انا عمري خلفت بوعدي ياك يالاه نوضي باش نمشيو
نورسين:*كتمسح دموع بعينيها* ودابا شنو نسميه
جبل:سميه العربي و نوضي راه مشا عليك الحال
حط جبل الكانيش فواحد الدويرة ديالو دايرها فجردة و مشا خرج و تبعاتو نورسين من اللور حل ليها الباب و طلعات دارت السمطة و طلع هو و ديمارا و زاد فطريق المعهد
نورسين:علمتينا بكري السوقان و اللونغلي
جبل: حتى تكوني كتجلسي بحالك بحال عبادالله فدار باش نعلمك البارح كنت عوال نجي نلقاك باش نبداو الدروس ساعةنتي كنت محيحةمع راسك فالعرس و مكملاها فالكوميسارية
نورسين: *دورات وجهها لزاجة كتشوف طريق* قمعتيني
جبل كيضحك و دور و جهوا شاف فيها و هو يتفكر الليلة دالبارح
🔙🔙
نورسين:* دارت شنيفاتها على شكل بوسة 💋💋* kisse me * بوسني* ههههه
جبل غمض عينو و قربليها بابتسامة و حل عينو و دوز صبعو الكبير على شنايفها برقة و نعومة
جبل طاح لارض حداها و بقا كينوت بضحك و كيتأمل فوجهها الملائكي
جبل: ياك نتي اللي طلبتني نبوسك
نورسين:*مغمض عينيها* ههههه اه انا *حلات عينيها و شافت فيه* غادي نقولك واحد الاعتراف و يبقى بيناتنا شوووت ما تقولو لحتى واحد
جبل :*داير يدو على فمو و كيضحك* شنو هو
نورسين: شنيفاتك زوينين ما سخيتش بيهم
ناضت و حطات شنايفها على شنايفو بسرعة و حيداتهم و دارت فيه شوفة خطيرة وقالت
نورسين: كنبغيك
🔚🔚🔚 عودة
حاط يدو على فمو و كيضحك حتى كيدمعوا عينو فاش كيتفكر كيفاش كانت كتطلبوا يبوسها و كيفاش طاحت عليها داك الجرأة كاملة بفعل الشراب
نورسين دورات وجهها شافت فيه
نورسين: مالك كضحك ضحكني معاك
جبل:والو غير تفكرت واحد الحاجة زوينة وقعات فحياتي
نورسين :*بتشكيك* امم زعما ما كضحكش عليا حيت شفتك هاد نهار غيرجالس تشوف فيا و تضحك قلت ياكما درت شي حاجةوانا ما عارفاش
جبل: لا نتي ما درتي والو اش عندك ما ديري
نورسين: بغيت نسولك
جبل:مرحبا تفضلي
نورسين: البارح فاش رجعنا من الكوميسارية شنووقع ما بقيتيش عاقلة
جبل: انا مشيت لبيتي نعس و حتى نتي مشيتي لبيتك نعستي حتى صبح الصباح عاد فقتي دابا
نورسين:*كتشوف فيه بتشكيك* متأكد
جبل: وادابا رديتينا دراري صغار أنورسين
حبس اللوطو حدا المعهد
جبل: قراي مزيان و ماتبقايش تابعة داك ربيع هانا هدرت معاك
نورسين:*كتحيد الصمطة باش تنزل* والله حتى ضريف ما نعرفت مالك معاه
جبل:*خنزر فيها* علاه شكون اللي داك البارح لداك العرس فيه غير شماكرية كن وقعاتلك شي حاجة دابا *تنهد* ماباغيش نتفكر يالاه نزلي راك تعطلتي
نورسين نزلت وهو يعيطليها جبل
جبل :نورسين
التافتت عندو
نورسين: نعام
جبل: تيليفونك معاك ما نبغيش نعاود الهدرة اوكي
نورسين: اه معايا شكرا
جبل لبس نضاراتو د الشمس و دار ليها باي باي و بقا كيتسناها فالباب حتى دخلات عاد قلع هو و مشادخلات نورسين كتقلب على القاعة ديالها حتى لقاتها دخلات لقات مزال ماجا البروف و مازال القاعة خاوية لمحات ربيع متكي عل الحيط و داير القب على راسو د الكيطمة و مغمض عينو ديما كيجي هو اللول ابتاسمت و مشات وقفات حداه هراتو فكرشو وهو يقفز ربيع
ربيع: أرسول الله صبحنا على الله و ملوكو ما صبحنا على نورسين مشرطة الحناك
تقاد فالجلسة و ناض مشا جلس فطاولة وحدة أخرى
نورسين عوجات كمارتها و مشات تبعاتو
نورسين: مالك كتبعد عليا شنو درت ليك
ربيع: لالا اختي ما درتيلي والو غير وجهك داير كي المشة الكحلة ديما خارجة عليا من نهار شفتك ما شفت نهار الابيض ها حجر العافية تفرقي عليا راه خايف راجلك يفرشخني وانا ما عندي حتى صحة
نورسين :علاه شنو دارلك راجلي
ربيع: قولي شنو مادارش علاه ماشي البارح هرس لعبيقة يديه قدام عيني اللي غايكلهوم دود و دود نوعان و انا كنت غادي نبول فسروالي بالخلعة جا وقف عليا حجب عليا الهوا قاليا نعاود نلقاك كطوف بساحة نورسين نحي أصل مك من دنيا اختي وانا خفت ما قاد على مشاكل و صداع داك برج ايفل د راجلك شي نهر يدبحني بسبابك نوضي من حدايا أ المصيبة نوضي لا يمشي يشوفنا داك صعصع فاي لحظة يقدر يبان داير كي جن بسم الله الرحمن الرحيم دكرنا سمن و العسل
نورسين كتموت عليه بالضحكة
نورسين:هههه جبيلو والله حتى ضريف غير كتظلموا بالله
ربيع: اه اختي ضريف معاك نتي اللي مرتو اما واحد صكع ليام بحالي اللي زهر ديما عاطيني بطرمتو و كيحزق عليا شي نهار غادي يشدني يقسمني ها عار الله بغيت نطرح عليك واحد السؤال و ما تفهمينيش غلط
نورسين:نعام
ربيع:دابا هو تبارك الله داك طول و العرض و الارتفاع و نتي كي القطيطة صغيورة و مكمشة كيفاش كديروا لداكشي اللي كيوقع بيناتكم شي نهار يقتلك يا المسخوطة
نورسين: اينا شي
ربيع: اويلي اميمتي معامن انا مالك مطنكة بحال هاكا مالك داكشي اللي كيوقع بين راجل و مرتو كل ليلة
نورسين دايرة فيها مكلخة ما كتفهمش
نورسين: ما فهمتش ما كنديروا والو
ربيع: اودي دارلي انا اللي تابعك فهبالك ومن نيتي كنسولك
نورسين:وافهمني بغيت نفهم
ربيع: احم كنقصد مراجعة دروس و قراءة الادكار و الادعية عرفتي نتي شي نهار تقتلي داك راجل بقوة الفقصة كيبقا فيا
نورسين: *خيبات وجهها* حنا اصلن ما مزوجينش زواج حقيقي
ربيع:*طرطق فيها عينيه 😲😲* هي لاعبين عروسة و عريس
فنفس الاثناء دخلو التلامد و البروف حتى هو أنور اللي عينو مشات ديريكت لعند نورسين كيقلب عليها
ربيع:واسدي حلقك و تبعي خليني نقرا على راسي و على وليداتي اللي مازال ما جاو ماشي كنخلص مليون لشهر باش تفرعيلي مخي قراي الا غادي تقراي شهمتيني ما نعرف شنو درت فحياتي باش تلاقيت بيك
أنور:سلام عليكم نتمنى يكون نهاركم رائع بحالكم و نبداو أول درس اللي خاصكوم تعرفوه اللي هو الفوندايشن و كيفاش نختارو النوعية اللي كتناسب البشرة و ما كتضرش بيها و كيفاش نختارو اللون المناسب لبشرة
نورسين هزات صبعها
أنور:تفضلي
نورسين: بصح كاين بزاف اللي كتلاقهم كايديروا فوندايشن بعيد بزاف على اللو ن د البشرة ديالهم و الاكثر من هادا الا بقا عنقهم باين وودنيهم كيبقا يبان لون بشرتهم الحقيقي و كيجيو كي الكوكوت
القسم كولو تهز بضحك و حتى أنور اللي ما قدرش يحبس ضحكتو
أنور: وي عندك الحق تبارك الله عليك سميتك نورسين ياك
نورسين حركات راسها بالايجاب و مشا حداها انور
انور: فآخر الحصة بغيت نهدر معاك الا ما كانش غندك مشكل
نورسين:*بابتسامة* بالعكس أ استاد على راس و العين
أنور ابتاسم ليها و مشا كمل شرح ديالو
انور: باش نختارو الفوندايشان خاصنا نعرفوا جوج د الحوايج واش الجودة ديالو مزيانة أو واش لون مناسب للبشرة ديالنا داكشي علاش * جبد واحد لبواطة كبيرة فيها الالوان كلهم ديال الفوندايشن * كل واحد يتفضل يختار اللون د البشرة ديالو نشوفكم واش تقدرو تميزو بيناتهم
عند جبل
غادي مكسيري حتى وصل لفيلا ديلل يعقوب نزل من طوموبيل دخل بعدما حلاتلو الخدامة الباب طلع لعندو لبيتو لقا القراعي د الشراب مليوحين و يعقوب ناعس على كرشو فوق ناموسيوتو و روايح د شراب قالبة لبيت و مطيح عليه الريدويات و السراجم مسدودين جبل بقا فيه حيت هو اللي عرف صاحبو باش كيحس فهاد لحظة مشا طلع الريدويات عليه و حل السراجم و مشا وقف عليه كيفيقوا
جبل: يعقوب نوض أ صاحبي
يعقوب دور وجهو وشاف فيه حال عين وساد لخرى
يعقوب: سلمى اخويا بغيت سلمى
دوز جبل يدو على وجهو بالفقصة
جبل: نوض تقعد اشمن سلمى ولا رقية غسل حالتك و توكاض واش غادي تبقا هاكا أصاحبي نوض بعدا و نهدروا هانا كنساينك لتحت فالصالون خمس دقايق تكون عندي لتحت
هبط جبل لسفلي و ناض يعقوب كيغسل وجهو و قاد حالتو باينة فوجهو عيان و مانعسش وعينو حومر و منفوخين هبط عندو لتحت كان لابس غير شورط و من الفوق ما لابس والو تزدح حدا جبل
يعقوب:مالك جاي عندي على بو نبير خليني غير تا نفيق بعدا أصاحبي * كيتفوه *
جبل: اش هاد الحالة ا يعقوب واش حماقيتي ليلة كاملة و نتا تسكر شنو زعما شراب هو اللي غادي يفك المشكل اولا شراب هو اللي غادي ينسيك فسلمى كتكدب على راسك أ يعقوب
يعقوب: ما قدرتش نستحمل ما قدرتش عرفتي شنوهي تخلي حبيبتك و ترجع و ما تلقاهاش فدار باش فالتالي تكون جالسة فعرس و ماشي اي عرس فيه غير القطاطعية و الشماكرية عرفتي شنو هي قلبي كان غادي يسكت فاش ما شفتهاش ما بقاتش كتسمع لهدرتي شحال من مرة قلتلها عمرك تخرجي بلا خباري وهاهي كدير غير اللي قالها راسها هدرتي زعما ما عندها قيمة
جبل: غادي نسولك سؤال صريح و كنتاضر تجاوبني بصراحة
يعقوب: شنو
جبل: تقدر تعيش بلا سلمى
يعقوب: لا
جبل: غادي نقولك واحد الحاجة خاصك تعدر سلمى حيت حتى هي غارت عليك من جوري و العيالات فاش كيغيروا ما كيبقاوش يفكروا كيبغيوا يديروا اي حاجة باش ينساو الا كنتي نتا فاش كتغير كتنوض كتغوت عليها و تضرب داك شخص اللي غرت منو فراه البنات كيعجبهم يشدو العكس و يديروا الحاجة اللي ما عاجبكاش هدا هو سلاحهم باش يعصبوك ما عندك مادير دارت سلمى خطأ و تعاقبت عليه راه تلاقاها غير جالسة و تبكي فبيتها نتو ما ماشي د الفراق أ صاحبي سلمى ما غاديش تلقا بحالها حافظ عليها الله يرحم الواليدين هاديك ختي و نتا خويا داكشي علاش غادي ترجع تطلب منها سماحة بسيف عليك
يعقوب: واش حماقيتي شكون اللي خاصو يعتادر انا ولا هي
جبل: هادو هما العيالات هوما واخا يغلطوا نتا خاصك تطلب سماحة ووسع خاطرك معاها راه عمرك تلقا بحالها
*وقف وغمزو* نعول عليك أصاحبي
يعقوب: اودي اصلن مانقدرش نبعد عليها شوف غيرنهار كنت غانحماق
جبل: يالاه تهلا خاصني نمشي نجيب نورسين
يعقوب: اه ونتا شنو درتي مع ملاكك الطاهر ههه
جبل: خاصني نهار باش نعاود ليك يالاه تهلا
سالات الحصة و نورسين عجبها الحال من تعامل ديالو و كيفاش كتستافد فالحصص و كيفاش أنور كيوصلهم المعلومات و كيعطيهوم نصائح اللي غادي تعاونهوم فالمسار المهني ديالهم
انور: هادو غادي يعلموك كلشي بغيتك تكوني انتي الاولى عندي فالقسم و بغيتك تبغي هاد دومين من قلبك باش تقدري تعطي فيه نتمنى هاد الكتوبة يعاونوك
نورسين: *خدات الكتوبةمن عندو * شكرا بزاف موسيو انور على الكتوبة انشاء الله غادي ندير اللي فجهدي باش نجي انا لولة وانا هاد الدومين كنبغيه من صغر و عاد كتاب نقرا عليه شكرا على مجهوداتك معانا موسيو انور
انور: حظ سعيد
مد ليها يدو باش يسلم عليها و حتى هي مداتلو يديها وبان لو الخاتم د الزواج تشوكا تصدم وجميع علامات الاستغراب بانت على وجهو و العروق ديال يدو تزيرو عليه و عينو بقات غير كتشوف فداك الخاتم ما حيدش عينو عليه نورسين حيدات يديها و قالت
ربيع: امم زعما هاد الاستاد ضريف معاك غير نتي و كيعطيك الكتوبة القضية فيها ان و اخواتها
نورسين: شوف الله يرحم باك بعد مني كتدخلي شك غير انا و عظامي
ربيع: اودي اللي قال الحق كيتسمى احمق ما عالينا قوليلي بعدا كيفاش قضيتك نتي مزوجة غير زواج مزور زعما عمرو قاصك داك برج ايفل و اللله ما فهمت
نورسين: اييه عمرو قاسني
نورسين وقفات فبلاصتها و طرطقات عينيها حيت رجعات ليها الداكرة ديال البارح تفكرات غير فاش قالتلو Kiss me و تفكرات البوسة قلبها مشا و جا فهاد اللحظة و داتها بدات ترعد ضربات عل حناكها و مشات كتجري خرجات من المعهد لقات جبل موقف الطوموبيل و متكي عليها كيتسناها برا نورسين شافتو و هي يجمد ليها الما فركابي ما بقاتش قادرة تزيد دوزات يديها على شعرها ويديها كيترعدو و حطاتهم على شنايفها
نورسين:اويلي كيفاش وقع هادشي اويلي وحدي يا نورسين شنو وقعلي البارح اميمتي يا نورسين واش انا بصح بستو ولا غير كنتخايل *كتندب فحناكها* لالا خاصني نعرف شنو وقع البارح غادي نحماق
مشات وقفات بتثاقل حدا جبل هز عينو شاف فيها
جبل: كسولة كيدوزتي ثاني نهار عندك فالمعهد
نورسين حانية راسها و كترعد غير هي و عظامها و كترد شعرها من مور ودنيها جبل عرفها تفكرات ولكن ضارب حسابو مزيان
جبل: نورسين مالك
نورسين هزات عينيهاشافت فيه
نورسين: *تنهدات* شنو وقع بيناتنا البارح
جبل :*باستغراب* علايش كتهدري البارح تخاصمنا و رجعنا من الكوميسارية و رديتيك لدار و مشيتي لبيتك تنعسي * قبط فدرعانها بجوج*واش عندك شي مشكل
نورسين كتصغر فيه عينيها و كتحاول تكدب راسها و تيقو يصحابلها داكشي غير حلم جبل ما يمكنش يكدب عليها اكيد غير غادي تكون تخالطلها الواقع مع الحلم فاش كانت ناعسة قدرات تقنع راسها بلي ولات كتحلم بيه حيت كتبغيه
جبل: واش نديك لعند طبيب
نورسين: لا انا مزيانة بغيت نمشي عند سلمى لدارهم ضروري نهدر معاها
جبل: واخا
حل ليها الباب طلعات و طلع حتى هو و ديمارا و زاد نورسين حاطة راسها على زاجة وساهية و صورة ديال القبلة ديالها معاه ما بغاتش تزول من المخيلة ديالها حاسة بلي بصح عاشتها حاسة بلي لمسات شنايفو قلبها حاس بيها و لكن العقل ما باغيش يدخلها ليه حيت اكيد غادي تكون كتخايل اكيد ما يمكنش يكون بيناتهم هادشي دوزات يديها على شعرها و تنهدات
جبل: نورسين مالك
قادات الجلسة
نورسين: اودي مشاكل صافي
جبل لمحها هازة شي كتوبة فيديها ضرو راسو و بغا يعرف منين جابتهم
جبل: ممكن نسولك
نورسين: نعام
جبل: علاش تعطلتي فالخروج كلشي خرج و بقيتي نتي تالية
نورسين: لا غير حيت البروف عطاني هاد الكتوبة اللي فيدي و صافي
جبل:*كيحك لحيتو* واش الكتوبة عطاهم ليك غير نتي ولا القسم كامل
نورسين: لا غير انا
جبل بدا يعض عل شنايفو جاتو هاد القضية فشي شكل علاش غادي يعطيها الكتوبة من دون عباد الله
جبل: واحد الحاجة كنت باغي نقولها ليك و نسيت
نورسين: الله يسمعنا خبار الخير
جبل:العسا س اللي كان قال لباك بلي شافك معايا بوضعية حرجة دخل لحبس
نورسين حاطة يديها على فمها
نورسين : كي وقع لو و من فوقاش هادشي
جبل:حصل بنتو عندها ولد بلا زواج يعني ابن زنا و هو مارضاش و قتلها
نورسين: الله اكبر بقا فيا واخا هو سبابي حتى خرجت من حضن عائلتي ولكن هاهو كيخلص
جبل: وهاد نهار كاين العرس دختك كنزة
نورسين غير سمعات سميتها و هي تبدا ترعد و العرق كيتصبب منها و كتدوز يديها على شعرها و عويناتها تجمعوا فيهم دموع دورات وجهها لسرجم و رجعولها دوك دكريات القبيحة مع ختها من صغرها و هي كتعايرها ماعمرها حسات بلي عندها اخت اللي تكون فجنبها واللي تساندها و اللي تعاود ليها على شنو ضارها و لا اللي تضحك معاها الا حتاجتها عمرها ما حسات بلي كلمة اختي عندها معنى فحياتها مسحات دمعة اللي نزلات من عينيها حيت واخا هاكاك فرحات ليها عارفها شحال كتبغي علي خطيبها عارفاها كتحماق عليه و من بين الاسباب اللي كانت كتخليها تزيد تكره نورسين هي انها كانت بمثابة عائق بالنسبة ليها العادات و التقاليد د عائلة الاب ديالها زادو كبروا افجوة اللي بيناتهم
جبل: نورسين
نورسين دارت شافت فيها و عينيها حومر
نورسين: مبروك عليها فرحت ليها
جبل: نورسين بغيت تشوفي عائلتك نديك عندهم
نورسين كتحرك راسها بنفي
نورسين:ما بغيتش العائلة اللي تخلا عليك و تلوحك لزنقة كيف شي حاجة بالية سالت صلاحية ديالها الحيوان و كيهز ولادو بسنانو و ما كيتخلاش عليهم و من فوق هادشي كامل ظلموني أجبل ظلموني اهئ اهئ واصلن هوما من ديما ظالميني هوما ما عمرهم حنوا فيا عرفتي بابا كان باغي يقطع ليا شحال من مرة شعري يردو كيف دري شحال من مرة كيجي لعندي فاش كنت صغيرة كيقولي علاش نتي ماشي ولد شحال من مرة عطاني دقة د العصا حيت فاش كنا صغار كان كيسكر و كيوخل ماما عصا و هي مسكينة كتسكت خايفة تسمى مراة مطلقة اهئ اهئ عمري شفت نهار الابيض فديك العائلة اهئ اهئ ديما نكير المعيار و ختي يا حسرة ديما كتسمعني خل ودني و تقولي نتي ما زويناش كانو معقديني اجبل عييت و صبرت و تحملت تصور كنت كندعي ربي يهزني عندو شحال من مرة بقوة داكشي اللي كيديروا ليا كنت نتمنى الموت و ما نبقاش معاهم انا ما عمرها كانت عندي شخصية ضعيفة هوما اللي ردوني هاكا هوما اللي كانو حاكريني حتى ردوني بحال هاكا ماما بوحدها اللي كانت كتحن فيا فديك دار و بابا حتى خدمت و بديت ندخل المصروف لدار عاد تحسنات علاقتنا شوي بشوي و لكن ماشي علاقة مثالية اهئ اهئ انا ما عرفت دنيا و الحياة حتى تعرفت عليكم نتوما هوما عائلتي اللي خليتوني نشوف الحياة بلون اخر بديت كنسترجع شخصيتي الحقيقية القوية و المرحة اللي همها كلو هو تنشط و تنسا الهم ونتا بالاخص أجبل كنشكرك من اعماق قلبي على كلشي نتا دخلتي لحياتي و عطيتيني نور اللي كنت محتاجاه عطيتيني شي حوايج عمري ضنيت غادي يكونو عندي وريتيني شي حوايج اللي ما عمري كنت نتوقع نشوفهم قد ما هدرت ما عمري نوفيك حقك
جبل فرانة بجهد و عروق يدو ولا بارزين و عينو حمارو هادشي كامل دازت فيه ملاكو ما عمرو توقع هادشي غادي تكون عاشتو لدرجة انها تمنى الموت كن ربي استاجب ليها ما قادرش يتخيل بشاعة الموقف علاش كرهوها فحياتها شنو درتلهم ملاكو شنو دنبها الا ربي ما عطاش الولاد لباها شنو دنبها الا كان ربي خلقها بجمال عادي و لكن هو كيشوفها اروع و اجمل بنات الكون شنو دنبها غمض عينو و تكا راسو لور
جبل : غير هبطي نتي عندي شي حساب خاصني نفضيه استمتعي بوقتك و نساي داكشي كلو اللي عشتيه من نهار جبتك معايا قلتلك حسي براسك بحال تزاديتي من جديد و ما عمرك ما تفكري الماضي تصوري معايا كن رجعات سندريلا من مور الحداء ديالها واش كانت غادي تولي اميرة كن دارت وراها وشافت صباطها واش غادي تزوج بالملك و تعيش فقصر فكري فهادشي اللي قلتلك مزيان و فهمي شنو بغيت نوصلك*مد يدو جرلها حنكها و كيحاول يبتاسم واخا قلبو ما عالم به غير الله* يالاه ابنتي الكسولة مسحي دموعك و سلمي على سلمى بزاف فاش غادي نجي غادي نهدر معاها واخا
نورسين:واخا
هبطات نورسين و دورات وجهها نورسين شافت فيلا قدها قد الخلا يعني هادي هي دار فين عايشة سلمى استغربات بزاااف السؤال اللي ديما كيحيرها هو علاش سلمى كانت خدامة معاها فالمكتبة منين هي لابس عليها حتى لهاد درجة حركات راسها يمين و شمال و دخلات دقات فالباب جبل بقا حاضيها حتى حلات ليها الخدامة الباب وهو يديماري الطوموبيل و عينو حومر باينة فيه مكره لاقصى درجة كيسوق بسرعة عالية و كلام نورسين و هي كتبكي و شنو دوزو عليها كيتعاود فودنيه
جبل: غادي ندم اصل مكم واحد واحد على كل دمعة خليتوها تنزل من عينيها جا وقتكم * زير على الفولون ديال طوموبيل* غادي تخلصوا بضوبل الا ما نردلكم حياتكم جحيم ما نتسماش انا جبل
حبس الطوموبيل حدا واحد قاعة الافراح دار نظاظر و كاسيكطتو باش مايتعرفش و نزل من اللوطو لقا فاطمة ام نورسين هي اللي واقفة فالباب كترحب بناس وجهها دابل و باينة فيها ما كتنعسش ما هي بنتها بعيدة عليها كبدتها اللي كانت تحن فيها و تحيد الحاجة من عندها تعطيهالها حول جبل عينو لقا دقايقية واقفين فالباب و ناس داخلين خارجين بانلو بلي عائلتهم كبيرة بزاف وهو هادشي اللي باغي ابتاسم بشر و تم داخل غير بشوية حتى دخل لصال جلس و لمح التلفاز كبار ديال المصور وهو يجبد التيليفون ابتاسم بشر و ناض عند المصور
جبل:ممكن نعرف شكون اللي مسؤول على الكاميرا
-راه هو أخويا
جبل: شكرا
جبل تمشى بخطوات ثابتة وحط التيليفون ديالو فوق لطابل هداك اللي مكلف بالكاميرا هز عينو شاف فيه
- فاش نقدر نعاونك
جبد جبل برية فيها قتة د الفلوس صحاح فوق الطبلة و حنا هدرلو فودنو باش يسمعوا
جبل: عشرة د المليون ديالك حلال عليك بغيتك تبرونشي التيليفون مع التلفازة باش نوضح شي حوايج
هاداك خينا غير سمع عشرة د المليون بدا يصرط ريقو
-واخا موافق هانا غادي نبرونشيه
جبل: توتوتو ماشي دابا حتى دخل العروسة و العريس بغيت نرحب بيهم بطريقتي
- واخا أسيدي
جلس جبل حداه فالكرسي والصوت ديال الموسيقى زعجوا و ضروا فمخو ما كيحملش مثل هاد الاجواء صابر غير بزز
بعد عدةدقائق
دخلات العروسة اللي هي كنزة اخت نورسين باينة فيها غادي طير بالفرحة واخيرا تحقق حلمها و اخيرا غادي تدي فارس احلامها علي اللي كتحماق عليه من ديما كانت كتمنى تعيش هاد اللحظة اللي تحققات ليها حتى خرجات ختها من دار كانت مهزوزة فالعمارية و كتشير بيديها لابسة تكشيطة فالبيض و حداها علي لابس جابدور فالبيض و مبتسم و فرحان و فاطمة مسكينة جالسة فالكرسي و كتبتاسم غيربزز كتفكر فنورسين حتى هي تمناتها تكون حاضرة مع ختها و تكون فجنبهم ولكن القدر عندو كلام اخور نزلات كنزة من العمارية و زغاريت مالية المكان
جبل:برونشيه دابا
داكشي اللي دار برونشا التيليفون مع التلفازة و هو يبان الفيديو اللي غادي يكشف كل واحد تماك على حقيقتو الحضور اللي كانو تماك كلهم التافتو لتلفازة الكبيرة اللي كان فيها الفيديو ديال علي العريس فالمكتب مع ابنة المدير ديالو جالسة فوق حجرو و كيقبلو بعضياتهم و كتفتح الصدايف ديال الشوميز ديالو كيخون كنزة عاين باين كلشي اللي تماك شهق و تصدم وطرطقوا عينيهم كيحولو نضرهم كيشوفو فعلي نضرة اشمئزاز و قرف من هادشي اللي كيدير الموسيقى حبسات و فاطمة ناضت من الكرسي و دموع كيطيحو من عينيها شلال ما تيقاتش هادشي اللي كتشوفو بعينيها كنزة وعلي كانو عاطينهم بالضهر مازال ما شايفين اش واقع محمد كان برا مع شي رجال فاش سمع الصوت تقطع دخل لداخل جا مع داك المشهد اللي فالتلفازة نيشان ما تيقش ما صدقش نسيبو اللي كان كيشوفوا اطيب خلق الله ما كيهزش عينومن الارض يكون كايخون بنتو بقا غير حال عينو فالتلفازة و علامات صدمة على وجهو كنزة بغات تدور تشوف اش كاين فالتلفازة و هي تمشي عندها مها ما خلاتهاش دور
كنزة: ماما اش واقع مال الموسيقى حبسات و ناس كلهم كيشوفو فينا
علي:خالتي واش كاين شي مشكل
محمد تقدم بخطوات مسرعة و رفع يدو حتى لسما و نزل على علي بتصرفيقة دايزها الكلام من داكشي رفيع كنزة حطات يديها على فمها و شهقات بقوة الصدمة
كنزة دارت بسرعة لتلفازة لقات المشهد اللي تمنات تموت قبل ما تشوفو راجلها كيبوس فوحدة اخرى فقلب البيرو ديالو تشوكات تصدمات جميع الكلمات المعبرة على الصدمة كتوصف حالتها فهاد اللحظة واش بصح هادشي اللي كتشوف عينيها اكيد كاين شي خطأ فالموضوع كتحرك راسها يمين شمال واش هادا هو الشخص اللي كانت كتمنى تعيش ما بقا فحياتها معاه واش هادا هو الشخص اللي كانت كتمنى غير فوقاش تشوفو باش تعنقو و تشم ريحتو واش هادا هو الشخص اللي كانت ما كتنعسش باش غيرتسمع صوتو واش هادا هو الشخص اللي عطاتو تيقتها اكيد ماشي هو دورات وجهها شداتها دوخة بدات كتشوف جوج جوج من الحاجة كانت غادي تطيح كن ما شداتهاش فاطمة
فاطمة عنقاتها
فاطمة: عفاك أبنتي اهئ اهئ ما ديريش فبالك
علي غير حاني راسو هو براسو تصدم ما توقعش غادي يتشوه بهاد الطريقة و نهار عرسو يا حسرة هو اصلن ما هاماه لا كنزة وا لا هوم يحزنون هو باغي غير شي وحدة اللي تخدملو فدار تنقيلو و تصبنلو حوايجو توجدلو الغدا وفاش يبغي يمارس غريزتو الجنسية يلقا معامن و خصوصا كنزة اللي عندها تبارك الله صدر و طرمة كان كيشوف فيها هاد شي فقط نقطة رجوع لسطر و ما كانش كا يحمل نورسين حيت هي سبب فتأخير زواجو من كنزة و نهار صيفط تصاورها مع جبل لكنزة قرروا يجريو عليها من دار باش يتزوج دغيا بكنزة كنزة الهبيلة كان عاميها الحب ديالو و كانت كتشوفو غير هو لدرجة فضلت ختها عليه و قررات تعاونو باش يجريو عليها من دار و لكن منين العساس شكم بيها و شافها مع جبل استاغلو كلشي لضدها فهاد اللحظة كنزة كتشوف فعلي باشمئزاز و بحزن كبير و قالت
كنزة: شنو درتليك أ علي اهئ اهئ *كتضرب فصدرو بقوة * شنو درتليك باش دير فيا هادشي أهئ اهئ
طاحت كنزة لارض كتندب فحناكها و كتريش شعرها كيف شي هبيلة و كتبكي بحرقة و كتردد
كنزة: علي ما يمكنش يخوني
فاطمة حنات عندها و عنقاتها عطاوها الما و ريحة و دارولها سوارت فيديها و والو بدات كتفركل ليهم فالارض و كتغوت بربي اللي خلقها بحال قاسها الحماق فاطمة حتى هي مسكينة قلبها كيتوجع على بنتها و ناس و العائلة كيتغامزوا عليهم و يشمتوا فيهم بحال كانو منتاضرين هاد اللحظة ما كاين غير المحسادات و المغيرات كلهم كانو حاسدينها عليه وهاهوما دابا كيشوفوها طايحة فالارض و راجلها خانها كيتشافاو فيها مزياااان
الاب محمد زاد عطا لعلي طرشة لحنكو لاخور
محمد: *كيهدر بالغوات* شفتي فين و صلتي بنتي حااااشاااا واش تكون رااااااجل حاااااااشاااااا واش تكون راجل ياااااا شماتة كاتخون بنتي فقلب الخدمة برااااااا خرج علينااااا من هناااااا خرررج
جبل كان دايرنظاظر وكيتفرج فهاد المسرحية اللي كان مستمتع بيها و كيشوف قدرة الله سبحانه و تعالى الا كانو هوما اتاهموا نورسين بلي كتزني صدق نسيبهم كيخون مرتو اللي كان عاقد عليها مع بنت المدير ديالو و بالدليل من الفوق و الا كانو شوهوا نورسين فعمارة فهاهو ربي شوهوم فعرس قدو قد سخط و مازال ما سالش الانتقام ديالو ابتاسم بشر و حيد الكاسكيط اللي كان لابس مع نظاظر و حطهوم فوق الطبلة و ناض وقف اونفاص لمحمد حدا وجهو
محمد غير سمع هدرتو و شافو بحال شاف ملاك الموت بدا كلو كيترعد
محمد: نتاااا اش جابك لهنا خرررج عليا من هنااااا خرج
فاطمة شافتو و تصدمات ما كرهاتش تمشي تسولوا على نورسين و لكن مع الاسف ما تقدرش
جبل :*بدا كيصفق بيدو و كيغوت*براااااافو علييييك و الله حتى برافو اكثر شخص فحياتي شفتو كيمثل دور راجل المسلم الشريف اللي داخل سوق راسو ما كيظلم حد ولكن ما خفي اعظم
دخلات خديجة من الباب حيت كان مصيفطليها ميساج باش تلحق عليه
خديجة: محمد
كلشي التافت ليها و كيشوف فيها و ناس اللي تماك كلهم بقاو مصدومين من هادشي اللي وقع فهاد العرس المنحوس التافت عندها محمد و تلعرق بدا كيتصبب منو و جمع يدو على شكل لكمة بالفقصة
خديجة:*كتهدر بالغوات و تبكي*اهئ اهئ اهئ محمد الله ياخد فيك الحق الله ياخد فيك الحق * مشات شنقات عليه* كادب عليا و نتا مزوج و عندك جوج بنااات مزوج عليا الله يااااخد فيك الحق واااااشهدوا فيه اعباد الله وااااشهدوا خاااااليني حاملة و كنتوحم و جاي لعند هاد مرتو اهئ اهئ
فاطمة سمعات هاد الخبر زادت تصدمات طاحت على طولتها حدا بنتها غيبات اما محمد بقا ساهي فنقطة وحدة
جبل لبس نظاظرو و شاف فيهم واحد واحد و حنا على ودن محمد و قال
جبل: نتا اللي جبدتيني نتوما اللي أديتو روحي و هانتوما كتخلصوا قلتلك نورسين خط احمرقلتلك قتلني أديني ضربني و لكن هي ما تقيسهاش و ما تأديهاش و لكنمع الاسف أديتوها بزاف من صغرها و هي كتعدب وها هو جا الوقت اللي خلصتو فيه كاملين دقة وحدة *ضربلو على كتفو* نتمنى تكون عجباتكم الصدمة شرب كاس د العصير باش تبرد ليك شوية هاد الفقصة ظلمتي نورسين بزاااف ولكن هانتا كتخلص
حتى نتا طلعتي ماساهلش أ الحاج
قال هاد الكلمات اللي وقعوا على قلب محمد كيف السم اللي كيناتشر بسرعة قلبو ضرو و حط يدو على قلبو شداتو كريز و حتى هو سخفكلشي ناض كيعيط على الامبيلونس داك العرس تقلب لجنازة ما بقاش عرس
ديمارا جبل اللوطو و حاس براسو فرحان حمل ثقيل و زال عليه كان مواعد نفسو بلي غادي يشوههوم بضوبل و هاهو وفا بوعدو واخا حاس بتأنيب ضمير من جيهة فاطمة
عند نورسين
حلات ليها الخدامة
- شكون نتي أ لالا
- نورسين: انا صديقة سلمى عفاك واش كاينة
-- كاينة ا لالا تفضلي
دخلات نورسين لداخل لقات سارة جالسة كتلون فالصالون
نورسين: سارة
هزات سارة راسها شافت فيها و هزات كتوباتها و خنزرات فيها و مشات طلعات كتجري لبيتها نورسين مسكينة ما فهماتش مالها بقات غير كتشوف
نورسين:مال سارة
- اختي منين تزوج موسيو جبل و هي هاكا اختي واقيلة كتغير عليه من مرتو ههههه هاكا ولات مع كولشي ما كتحمل حد
نورسين غلباتها ضحكة و شافت فالخدامة
نورسين: وشكون هو هاد موسيو جبل
-اختي هدرتنا تبقا هنا هو صديق هاد العائلة و صاحب يعقوب و كيجي لهنا مرة مرة مع يعقوب اختي غزال ما تختاري من رجال غير هو الزين و طولة و الفلوس و الادب و الصواب و الحشمة يا ختي صدموني فاش سقت الخبار بلي تزوج سمعت غير سلمى قالتها لمها و باها
نورسين تعصبات و شافت فيها
نورسين: وريني بيت سلمى و نتي شحال فيك د الهدرة
- *حنات رلسها * واخا أ لالا
طلعات و راتو ليها و دخلات عندها لقاتها معنقة واحد الدبظوب كبيييير و جالسة كتبكي و تاكل شكلاط
نورسين ضربات على فخادها
نورسين: بسم الله الرحمان الرحيم سلمى مالك على هاد الحالة
تقدمات و مشات جلسات حداها هزات سلمى راسها و عطاتها دقة لضهرها
سلمى: واااااع اهئ اهئ وا نتوما سبابي باش تدابز معايا يعقوب اشداني نمشي معاكم لا نتي لا داك الحيماري د ربيع اهئ اهئ خرجتو عليا خرجتو عليا الله ياخد فيكم الحق
جرات نورسين من شعرها كتريش فيها و تبكي كتبرد فيها الفقايص
نورسين: ما عندك ما ديري صبري دابا يرجع يهدر معاك مالك
سلمى: لواه الخرا اهئ اهئ من البارح ما سمعت صوتو اهئ اهئ غادي نحماق و تصوري هاظ نهار هو نهار اللي تعرفنا فيه على بعضياتنا اهئ اهئ وا ها حنا مدابزين اهئ اهئ كنحس براسي مخنوقة
نورسين: سلمى عاوديلي كيفاش تلاقيتي نتي و يعقوب
سلمى بقات كتضحك و ساهية فنقطة وحدة
و دارت شافت فنورسين
سلمى: انا و يعقوب قصتنا فشكل غزالة بزاف دار بزاف على قبلي اححح على بيبو ديالي
نورسين: عاوديلي راه ختك ناقصة حنان
سلمى: نتي ها عار ربي لا ماسكتي معاك جبل فدار بطولو و قامتو و بغيتي الحنان شفتي جبل راه هو الحنان اون بيرصون
نورسين:الله الله على جبيلو ديالي فخبارك شرا ليا كليب صغيور
سلمى: وينو اودي جبل يبرعك كادويات ما تهزي الهم لحتى حاجة
نورسين: فخبارك سارة مقلقة عليا
سلمى: ههه غير الغيرة هاديك راه عند بالها ديتيليها جبل ما تديش عليها حيت كان مفششها بزاف و دابا عند بالها غادي تاخدي بلاصتها
نورسين: وادابا هدريلي على يعقوب شوية و كيفاش حتى تلاقيتو
سلمى تكات على ناموسية و بقات تفرنس
سلمى:اححح بيبو ناري فاش فكرتيني فايام الزمن الجميل ههه
🔙🔙🔙 فلاش باك
في إحدى أكبر الثانويات المرموقة فالمغرب كانت سلمى كيتراوح عمرها فثمانية عشر سنة خارجة من القسم ديالها لابسة سروال تجينز مع قاميجة فلون الاسود و دايرة نظيظرات و جامعة شعرها كو دشوفال خرجات ووقفات حدا الباب د اليسي كتساين صديقتها المقربة لمياء تخرج حتى هي حيت كانت فقسم اخور هزات سلمى يديها كتشوف فساعة
سلمى: اووف تعطلات
فنفس الاثناء خرج واحد الولد كيقرا معاها من ناس العايقين شوية سميتو حسام ديما لاصق فيها باش تصحاب معاه
حسام: مال زين واقف بوحدو
سلمى: اوووف صبحنا على الله ما صبحنا على كمارتك واش نتا ما فيك نفس بعد مني ما تبقاش تقرب ساحتي تفرق عليا
حسام: *كيدوز يدو على تشويكة اللي عندو فشعرو* واش دابا هاد الجمال كامل ما عجبكش
سلمى: وايلي واش كاين شي حد زوين بعداهنا نتا وجهك داير كي ضبع ما تشوف فيه لله سير قلب ستة تسعودولا نجي نتفك من ديك شعكاكة اللي مزيغاك
حسام:*شدها من دراعها*وا قويصحة مع راسك
سلمى نترات منو يديها
سلمى: وا دخل سوق راسك نكون قويصحة ولا سويهلة نتا اش حشا كرموستك فشريط اش حرق شطاتك اش مشا ليك اش دخل حمارك لاسبوع الفرس
حسام: وا الله يرحم الواليدين دابا علاش كما بغاش نديروا انا وياك علاقة صداقة
سلمى: وا مابغيتش اعباد الله واش بزز تفو
حسام:*قرب ليها اكثر ووقف اونفاص لوجهها* كتعجبني اسلمى كنحماق عليك ديريلي شي حل
سلمى: ويلييييك على صباح نتا غير واحد طماع منك ما كاين باغيني نتصاحب معاك باش نوريك فالفروض بنتليك حمارة بالودنين *دارت يديها فجنبها* أ والله لا كانت ليك أ وليدي ياحسام
فنفس الاثناء نزل واحد الشاب من واحد المرسيديس فلون الاسود طويل و صحيح و عندو العضلات كان لالس نظارات سوداء و ربما كان حاضيهم من البعيد سد الباب ديال طوموبيل و تمشى فالاتجاه اللي واقفة فيها سلمى مع حسام
سلمى حسات بشي واحد جاي لجيهتهم هي غير شافتو داخت بقوة الجمال اللي عاطيه سيدي ربي مع هي أصلن شوية زهوانية و تموت فتيتيز كتولي تحماق على شخص اللي شافتو غير من نظرة الاولى غمضات عينيها فاش وصلاتها ريحتو و ضرباتها لنيفها وصل عندهم داك الشاب ووقف على راسهم وحط يدو على ضهر حسام بدورة باش كيدورعطاه ضربة لكمارتو خلاه منشور فطريق و حيد نضاضرو علقهوم فصدرو سلمى بقات غيركتشوف و شهقات حطات يديها على فمها بقوة الصدمة
سلمى:*تكمشات فالحيط* شكون نتا وعلاش ضربتيه
بغا حسام ينوض من الارض وهو يحط داك شاب رجلو على صدر حسام و بركلو على صدرو بجهد باش ما يقدرش يوقف
سلمى:*ناضت كتبكي* اهئ اهئ بعد منو
بغات تحني عند حسام باش تعاونو و هي تسمع صوت ديالو اللي زعزها من لداخل
- تقربيلو والله حتى نعطيك ضربة نجبدك حداه يالاه زكاي و رجعي لبلاصتك
داكشي اللي دارت سلمى تكمشات فالحيط و حيد رجلو على صدر حسام و شدو من شعرو حتى تاوه بالم
- تعاود تضسار عليها ولا تقربليها يا ولد ق*** غادي نوريك يعقوب شنو كيسوا الا ما نشطب بيك هاد الليسي مانتسماش انا يعقوب هادشي الا ما قتلتكش يالاه نوض تحرك لداركم برهوش لاخور مازال ما كتعرف حتى تهز سروالك جاي باغي تصاحب يالاه ق***
ناض حسام من الارض كيلهث و مشا غير بشوية ما هدر معاه ما تكلم اصلن خاف على عظامو وهو تبارك الله عطاه ضربة تلفوا على القبلة
يعقوب بدا ينفض يدو و هزعينو وشاف فسلمى و بدا كيبتاسم ليها و حرك راسو جنب كيبتاسم ليها حيت عرفها تخلعات منو بزاف
يعقوب: حبيبة علاش كتبكي امم بغيتي نتقلق منك *جبد ليها مشوار من جيبو و عطاه ليها *
سلمى غير سمعات حبيبة من فمو و هي تطرطق فيه عينيها
سلمى: اويلي على حبيبة شكون نتا اخويا هنيتيني من حسام الله يجازيك بخير ولكن شفتك بحال طمعتي فيا ا الشريف انا ما ديالش داك تصاحيب الله يعاونا و يعاونك
بغات تمشي سلمى وهو يشدها من يديها
يعقوب: ما عندكش مع تصاحيب ولكن اكيد غادي يكون عندك مع الحلال و اللي يدق باب دار و ما يدخلش من شرجم اولا أسلومتي
نطرات سلمى يديها منو
سلمى: شكون نتا وشكون عرفك بسميتي
يعقوب: انا عاشق
سلمى: هههه لا بلاتي خليني نضحك ههههه اويلي علاه فين عرفتيني باش تكون كتبغيني اويلي على عاشق هادي واقيلة شي سطاج جديد فتعناب سير اولدي شرب دواك راك ماشي نورمال
يعقوب: الحمد الله ما كنشرب بو دوا غيركنشوفك كنبرا من عند الله وقلبي كيفرح و ينشط
سلمى: جديدة عاود هادي سير اولدي فحالك والله الا قالك غير كنشوفك كنبرا ياكما عاودولك عليا دوليبران
يعقوب: نتي بانلي ماشي ديال العشق و الغرام سمعيني انا باغي نجي نخطبك على سنة الله و رسوله و هاد نهار غادي نجيو لداركم انا وجدي و جداتي و خويا قوليلي لماماك توجد دجاج هههه يالا تهلاي أ حبيبتي
لبس نظاظرو و مشا لطوموبيل كيضحك و بقا جالس حاضيها
سلمى ضربات رجليها بالفقصة
سلمى: منين سلاط عليا هاد المصيبة عاود واقيلة غير كيتفلا وانا دايرة فيه راسي
تمشات سلمى و يعقوب تابعها غير بشوية بطوموبيل باش ما تحسش بيه ديما غير كيجي للمغرب كيبقى حاضيها ما هو كان كيبغيها منين كانت عندو 12 العام كيحماق عليها و ومن صغرو قرر بلي سلمى غادي تكون هي ملكة قلبو و زوجتو المستقبلية حسات سلمى بشي طوموبيل تابعاها عارفاتها ديالو غمضات عينيها و دارت هزات واحد الحجرة بغات تضربلو الطوموبيل
سلمى: شكون نتا وا بعد مني انا ما بغا زواج عطيني شبر ديال تيساع والله حتى نشقفلك هاد الحديدة اللي فرحان بيها
يعقوب هبط زاجة و بدا كيهدر بالغوات
يعقوب: أ والله لا تفرقت عليك بالله حتى نتزوج بيك واخا نعرف نبقا جالس حدا بابا داركم العمر كولو و نزيديك أحبيبتي الا مشيتي حتى ضربتي طوموبيلتي بديك الحجرة اللي فيديك و الله حتى تخلصي الخسائر من جيبك غير حطيها من يديك
سلمى: وما تقوليش حبيبتي بعد مني وااا بعد مني ولا والله حتى نجمع عليك امة سيدنا محمد
ضربات ديك الحجرة مع الارض و مشات لدارهم و هو تابعها من اللور حتى وصلات دخلات طالع ليها دم مها شافتها ما عاجبهاش الحال كانت جالسة مع باباها فالصالة
سعيدة :*ام سلمى* ما نعرف مال سلمى ماعجبهاش الحال
عدنان: *اب سلمى* سيري شوفي مالها واقيلة غير مع السطريس ديال الامتحانات قربو راكي عارفها
ناضت سعيدة بتثاقل كانت حاملة بسارة ديك ساعة و قريب شهرها طلعات فدروج بتثاقل و مشات دقات على بيت سلمى
سعيدة: سلمى مالك
ناضت سلمى حلات ليها الباب و عينيها مغرغرين بدموع غير شافت مها عنقاتها
سلمى: ماما اهئ اهئ
سعيدة طايحتلها الما فالركابي
سعيدة: ويلي مالك سلمى واش عندك شي حاجة دوي هدري معايا
سلمى: اهئ اهئ واحد الولد ما كنعرف حتى سميتو وقف عليا قالي غادي نجي نخطبك هاد نهار من عند واليديك وقالي قولي لمامك توجد دجاج * حطات يديها على وجهها كتبكي*اهئ اهئ
سعيدة بقات كتشوف فيها مصدومة شوية و بدات تضحك
سعيدة:هههههه ودابا نتي علاش كتبكي ههه بغيت غير نفهم شكون بحالك ربي طيح عليك راجل من سما وياك باغي الحلال ما قلكش حقا ما حقا اجي حتى نتعارفو و يبدا يخيط بيك الدروب و القهاوي و الزناقي هادا جا ديريكت هههه والله حتى فرحت ليك اجي نعنقك ابنتي اجي
هزات سلمى راسها شافت فيها
سلمى: لا واش من نيتك كتهدري ا ماما
سعيدة: بنتلك كنضحك و مالك الا كان ولد ناسو بخدمتو و دارو و طوموبيلتو شنو بغيتي اكثر سيري تزوجي و خليني مع زوجي قرة عيني بوحدنا نشبع غير رومانسية
سلمى:و هاديك البجغوطة اللي غادي تزاد نسيتيها ما تحلميش بزاف
سعيدة:واداكشي علاش حتى انا بغيتك تزوجي باش نبقا نجيبهالك و تخليني انا و باباك راس فراس
سلمى: والله اماما الا راكي هبيلة مقطعة لوراق
سعيدة: *عنقاتها جنب و باستلها راسها * والله ابنتي الا كنقول هاكا غير باش ما نبكيش ما تيقتش بلي بنتي صغيرة الكتكوتة عمارة داري غادي يجيو فيها الخطاب كبرتي ا بنتي دغيا اييه يا ليام كطير
سلمى : اوا ما سولتينيش انا بعدا واش موافقة ولالا
سعيدة:حناما غادي نبززوا عليك حتى حاجة واخا باباك محال واش يقبلو المهم اكيد غادي يشرط عليه تكملي قرايتك هادشي فحالة ما وافقتي بعدا
سلمى:وا ما بغيتوش ا ماما
سعيدة: شوفيه بعدا و نتي قرري واش غادي تبغيه ولالا راه الله سبحانه و تعالى اللي كيعطف القلوب و كيقربهم لبعضياتهم تقدري دابا ترفضيه ولكن فاش غادي تشوفيه من بعد غادي يقدر يعجبك الا كان مكتابلك يالاه هانا مشيت نوجد لعشا
عدنان: انا بنتي مازال صغيرة على زواج ما زال حتى ماشدات الباك و فرحت بيها ما غاديش نعطيهالو
سعيدة: عدنان نعل شيطان نشوفوه بعدا و نحكموا
عدنان: انا بنتي باغيها تقرا و توصل انا لنتي بغيت نشوفها مهندسة انشاء الله ماشي جالسة فدار و نقابلة الولاد عمري ما تخايلتها هاكا
سعيدة: والا خلاها تكمل قرايتها و كان ولد ناس
عدنان: الالا انا بنت وحدة اللي عندي و ما عاطيهاشسالات الهدرة
سعيدة: اوا راه غادي يجيو هاد نهار نقولولهم لا
عدنان: الا جاو يتعشاو و يقصدو بلادهم انا قلت اللي عندي
قال هاد الكلمات و طلع لبيتو
سعيدة :*كتندب حناكها* ياربي دير الخير يا ربي
وصلات تسعود داليل طلعات سعيدة عند سلمى لقاتها جالسة طالقة الموسيقى و كتصبغ ضفارها ما مسوقاش
سعيدة: اويلي يا هاد البنت اش كديري
سلمى: كنصبغ ضفاري اماما ما كتشوفيش
سعيدة:نوضي تلبسي حوايجك ناس غادي يجيو دابا حشومة هادشي اللي كدير اسلمى والله حتى حشومة بتك من جيه ونتي من جيه اش هادشي باغيين تفقصوني غادي نطيح هاد البنت بسباب فقايصكوم
سلمى: برا و الباس عليك ا ماما صافي غير سيري انا غادي نلبس و نهبط
سعيدة: اوا عنداك راني عارفك باغا غير تسكنيني
سلمى: ا لا ا ماما وا غير سيري والله حتى نوجد راسي و نجي
هبطات سعيدة لسفلي و سمعات دقان فالباب عرفات الخطاب هادو اللي جاو مشات حلات الباب لقات ياسمين و عبد المالك هوما اللي لقدام و من موراهم يعقوب كيضحك حيت و اخيرا غادي يحقق الحلم اللي من صغرو وهو كيحلم بيها غادي يتزوج بسلمى وكان واقف حداه جبل كيشوف فصاحبو كيف فرحان تمنا حتى هو يجي نهار اللي يخطب ملاكو تنهد و ربت على كتف يعقوب اللي كان غادي يطير بالفرحة
جبل: يكون خير انشاء الله
يعقوب: شكرا ا صاحبي
دخلات ياسمين و عبد المالك سلموا على سعيدة و دخل يعقوب من موراهم باس لسعيدة يديها و حاني راسو حشمان
سعيدة: من هاد الحشمة الي فيك بانلي نتا هو خطيب الغفلة
يعقوب: بحال داكشي ههه
سعيدة: مرحبا بيكم تفضلوا غادي نعيط على راجل يجي يشوفكم
دخلو و جلسوا فالصالون و يعقوب كيترعد غير هو و عظامو و العرق كيتصبب منو حتى قالو عبد المالك
عبد المالك:تهدن اولدي غيرخطوبة عادية
ياسمين: اللي شافك كترعد بحال هاكدا يقول نتا العروسة
كلهم كيحركو ليه راسهم بالايجاب نزل عدنان سلم عليهم و جلس
عدنان:مرحبا بيكم
عبد المالك: ترحب بيكم الجنة
عدنان:ممكن نعرف شكون اللي غادي يخطب بنتي
يعقوب هز صبعو بحال جالس فقسم كلهم ضحكوا عليه حيت بانلهم متوتر بزاف
يعقوب: انا أ عمي اللي غادي نخطب بنتكم و بغيت نتزوج بيها على سنة الله و رسوله
عدنان : سمحلي اولدي نسولك الله يرضي عليك
يعقوب :تفضل اعمي
عدنان: فين كاتخدم و شنو كدير فحياتك
يعقوب: احم انا قريت تصميم ساعات اليدوية و عندي شركة انا و موسيو جبل الابراهيمي
عدنان غير سمع سمية * جبل الابراهيمي*وهو يتصدم ودور وجهو شاف فجبل اللي كان جالس حاضي تحركات ديال الاب د سلمى
عدنان: نتا هو اللي كلشي كيهدر على نجاحات اللي حققتي فهاد الاونة الاخيرة تبارك الله عليك انا من اشد المعجبين بيك ا سي جبل
جبل :*بابتسامة* شكرا ولكن بحال خرجتي على الموضوع شوية
ياسمين: فين هي سلمى بغينا نشوفوها
سعيدة:واخا هاهي دابا تجي
هبطات سلمى بتثاقل مقادة و مسمقة ولابسة كسيوة فالاحمر حد الركبة و مقادة شعرها ودايرة مكياج خفيف جا مع وجهها بزاف سلمات عليهم و يعقوب بقا غير حال فمو فيها مداتلو يديها و هو بقا غير كيشوف فعينيها اللي سطاوه داولو العقل سلمى حسات بالاحرج شوية جبل كان جالس حداه ضربو لكتفو بشوية عاد توكاض و مد يدو سلم عليها ومشات جلسات جبل حنا لو على ودنو
جبل: توكاض أ صاحبي و فيق معانا مالك غير حال فمك
يعقوب: واخيرا اجبل و اخيرا غادي نخطب سلمى
قاطعهوم صوت عدنان
عدنان: يعقوب اولدي نتا بانلي فيك انسان مربي و مخلق و ما غاديش نلقاو بحالك ولكن سلمى مزال صغيرة ما نقدرش نزوجها وهي مزال فعمرها 18 العام مازال خاصها تكمل قرايتها
يعقوب بدا كيتعصب ووجهوا بدا كيحمار و العروق يدو بداو كيبرزو فيدو بقوة الاعصاب
يعقوب: كيفاش اعمي
عدنان :كيفما كتسمع ما نقدرش نعطيك البنت
عبد المالك:ولكن يعقوب غادي يخليها تكمل قرايتها و ما يخصها معاه حتى خير هو باغي غير يخطبها اما الزواج ما زال ما غادي يكون حتى تكمل قرايتها
عدنان: حتى حنا ما مزروبينش يخليها حتى تكمل قرايتها و ديك ساعة يجي يخطبها الا بغاتو صافي ما بغاتوش الله يعاون العونات
يعقوب: ولكن ..
عدنان: ما كاين ما ولكن صافي انا قلت هدرتي الله يجعل شي بركة
يعقوب صافي تعصب مزيااان وقف و مشاحدا سلمى و حنا على ركابيه و قبط فيدها
يعقوب: سلمى عفاك قولي شي حاجة راه الا ما خطبتكش و ما عرفتكش ملكي والله حتى نحماق عفاك أ سلمى قولي لواليديك بلي انا كنبغيك عفاك نتي غادي يسمعوا منك
سلمى بقات غير مصدومة و كتشوف فيه ما توقعاتش غادي توصل بيه الجرأة حتى لهاد درجة
يعقوب: سلمى انا كنبغيك ا سلمى منين كانت عندي 12 العام و انا كنحلم بهاد نهار ما تخليش باباك يفرقني عليك عفاك نبوس يديك و رجليك الا ما وافقي عفاك
ناض عندو عدنان
عدنان: اش كدير بعد من البنت
عبد المالك و ياسمين و جبل ناضو عندوا
عبد المالك: نوض اولدي الله يرضي عليك نعاودو نرجعوا مرة اخرى
جبل بقا فيه بزاف مشا لعندو و شظوا من كتافو كيحاول يوقفوا و هو يعقوب ولاو فيه عشرة و دموع تحجروا فعينيه
جبل: يعقوب صافي باركة
يعقوب لصق لصقة وحدة فسلمى و وعنقها فخصرها بيديه و هو جالس على الارض و حط راسو على صدرها
يعقوب: ما تفرقونيش عليها كنترجاكم عفاكم راه ما بقيتش صابر
سلمى ناضت كتبكي و باها تعصب
عدنان: بعد من البنت واش نعطيوهاليك بسيف
سعيدة ماماها غير كتشوف و تبكي بقا فيها يعقوب بزاف
يعقوب وقف و مشا طاح لباها على رجليه
يعقوب: ندير لي بغيتي غير زوجني بسلمى
كلهم تصدموا من الحالة اللي وصل ليها يعقوب بقاو غير كيشوفو فيه ما عرفو ما يقولو
سعيدة:عدنان باركة نوض اولدي من الارض الله يرضي عليك انا غادي نلقالك الحل
وقف يعقوب ومشا عند سعيدة باس ليها راسها و يديها
يعقوب: عفاك هدري معاهم عفاك
سعيدة: الا وافقات سلمى غادي نعطيوهالك والا ما وافقاتش نساها عليك دابا قدامك غادي نسولها الا بغات حلال عليك والا مابغاتش نساها عليك
مشات سعيدة وقفات حدا سلمى اللي كانت كتبكي و تشهق ما عرفات راسها باش تبلات
سعيدة: بنتي واش نتي موافقة تزوجي بيعقوب ولالا
سلمى بقات كتشوف فيعقوب مدة من زمن شافت كيفاش تمسك بيها و ما تخلاش عليها واخا باها رفضوا لمسات صدق فعينيه و جملة * انا كنبغيك منين كانت عندي 12 العام ما حيدتش ليها من بالها *
بقات كتشوف فيه كيفاش كيبكي على ودها و الحالة الي دار على قبلها حركات راسها بالايجاب و قالت
سلمى:*كتمسح دموعها * غادي نعطيه فرصة
🔚🔚🔚🔚 نهاية الفلاش باك
سمعوا دقان فالباب ناضت سلمى حلات لباب
- لالا راه جا موسيو جبل و بغا يشوفك
سلمى:واخا
سدات الباب و دخلات عند نورسين اللي كانت متكية على المخدة كتضحك
سلمى: نتي مالك كتفرنسي غير نتي و عظامك كي راس المشوط
نورسين: سعداتك بيعقوب طلع رومانسي ياختي غير ما كتبانش فيه صدمتيني صراحة
سلمى:*تنهدات* اييه بيبو ديالي ما ساهلش ولكن حتى جبل ضريف و حنين هو شخصيتو راه احسن من يعقوب واخا هاكك ؤعقوب عصبي ولكن جبل شوية عليه ولكن يعقوب حبيب قلبي هبيل كنموت عليه توحشتو
نورسين: اخخ على جبيلو ديالي توحشتو حتى انا قالي خاصني نصوني ليه فاش نبغي نمشي
سلمى:و راه كاين لتحت دوزي تهبطي عند راجلك ونتي جالسة تضحكي هنايا تقولي كنشطحو لقرود
ناضت نورسين و هبطات مع سلمى لسفلي لقاو جبل جالس فالصالون و معنق سارة اللي كتبكي و تشهق و حاشية راسها فعنقو و هو كيدوز يديها على شعرها
سلمى شافتها و هي تشهق
سلمى: ويلي مالها سرسورة مالك
جبل: ههه انا براسي ما عرفتش سمعاتني جيت هبطات عندي و عنقاتني و بقات كتبكي واش نتوما درتولها شي حاجة
دارت عندهم سارة و شافت فنورسين و شيرات ليها بصبعها
سارة: هاديك هي اللي قلقاتني اهئ اهئ علاش تزوجتي بيها اهئ اهئ هي خايبة دابا غادي تبقا تشريلها اللي بغات وانا نكب الما على كرشي
نورسين و سلمى و جبل دارو كراخ بضحك على هدرتها صدماتهوم
جبل:*عنقها * لا احبيبة ديال عمو حتى واحد ما غادي يدي بلاصتك حتى نورسين
سلمى: *بغات تفقصها*اه ا سارة راه شرالها طوموبيل و كيجيبلها شكلاط و شرالها نونوس كبيييير بحال هاظوك اللي كيعجبوك صافي ما بقاش كيبغيك
سارة زادت ناضت كتبكي و كتعلق فجبل
سارة :اهئ اهئ اهئ ديك نورسين خطافة رجال من اول نهار ما بغيتهاش هاهي داتلي عمو جبل اهئ اهئ
جبل: سارة اش هاد الهدرة راه غير سلمى كتضحك معاك بغات تبكيك نتي بلاصتك فقلبي بوحدها أ الفنكوشة ديالي واش كاين شي حد ما كيبغيش بنتو
سارة: *كتمسح ظموع بيديها * ولكن دابا هي ولات مراتك غادي تبقا معاها غير هي وما غاديش تبقا تجي عندي
جبل: شكون قالهالك هانا دابا معاك ومسحي دموعك الله يرضي على بنتي * باسلها راسها *
نورسين غمزات سلمى و مشات جلسات حدا جبل وحطات يديها على ضهرو جبل شافها وهو يتصدم عرفها ناوية على شي حاجة حطات نورسين يديها على لحية د جبل و بدات تلعب فيها و كتبتاسم
سارة: *كتخنزر فيها * بعدي من عمو جبل علاش كتقيسي فيه
نورسين: هاء راجلي هادا سوقك
نورسين دوزات يديها على عنق جبل كتهرو هو غمض عينو و بدا كيبتاسم من تصروفاتها بدا وجهو كيحمار و العرق كيتصبب منو مشاتلو لنقطة ضعفو اللي هي العنق ديالو
جبل:*مغمض عينيه و كيهدر* رصاي أ نورسين رصاي
نورسين حيدات يديها على عنقو و حطاتها على شعرو و كتفقص سارة كتطلع ليها حجبانها وبدات تمرر يديها على شعرو و جبل ربي اللي عالم بيه المسخوطة د نورسين ما عرفاش شنو كدير فجبل فهاد اللحظة هي عند بالها غير كتلعب ولكن جبل كيتنهد تنهيدة مور ختها
سارة: مالك كديري هاد تصرفات عرفناك مزوجة بعمو جبل
نورسين: اوا صافي دابا ولا ديالي بوحدي ندير اللي بغيت
سارة :ولكن نتي غير جالسة كتلعبي ليه فشعرو انا نقدر نبوسو يالاه و نتي ما تقدريش
حنات سارة و باستو فخدو
نورسين: شنو زعما كتحدايني ولا كيفاش
سارة كتفقصها
سارة: اه كنتحداك
جبل جابولو ضحكة
جبل: باركة ما تدابزوا
جبل حط سارة من فوق السداري ونورسين بغات تبوسو فخدو كتحدي لسارة و هو يدور جبل وجهو جات البوسة ففمو نيشان 💋💋💋
جبل نورسين الجزء 11
محتوى القصة
التنقل بين الأجزاء