جبل :*شاف فنورسين* ياك قلتلك هاد خينا ما تبقايش تمشي معاه واش ما كتفهميش العربية
نورسين: احم لا ماشي هاكاك هو اللي كيوفج عليا مسكين و الله حتى ضريف ما كاينش بحالو شفتي هاد البنات اللي كاينين هنا كلهم منفخين و عايقين و كيشوفو فسما حتى وحدة ما كتديها فيا كنبقا كي الحنش مقطوع راس
جبل دور وجهو و دوز يدو على شعرو
جبل: ياربي صبر ايوب ياربي *دور وجهو شاف فيها * واخا بقاي معاه كصديق ولكن تعاود ديرو شي زبلة بحال داك نهار والله ما نعقل عليكم بجوج وها ودني منك أنورسين
نورسين ابتاسمت ليه وقرباتلو و باستو فخدو
نورسين : شكرا جبيلو
جرات نورسين ربيع و دخلوا لمعهد اما جبل بقا غير كيشوف مصدوم و مستغرب واش هاد البنت تقزدرات حتى لهاد درجة ولكن ما يكدبش عاجباه بزاف الجرأة ديالها معاه و كتقربلو شوي بشوي ولات كتخلعوا بهاد التصرفات الجديدة اللي ولات فيها بحركة منها كتنسيه فكاع شنو دارت غمض عينو وابتاسم
جبل: شي نهار غادي تحمقيني أنورسين والله
عض على شنايفو و مشا طلع لطوموبيل و رجع راسو اللور
جبل: بلا بيك الدنيا ظلام حتى هاد الوقت اللي كتغيبي فيه عليا كنبغي نحماق *دوز يدو على وجهو * ياربي تصبرني مع نورسين و ما نطيرش عليها شي نهار الصبر تقادا
عند نورسين
ربيع ضربها لقرفادتها حتى غوتات
نورسين: اححح مالك على هاد ضربة والله حتى نمشي نعيط لبرج ايفل يوريك
ربيع:نتي ضسرتي بزااااف علاش كتحرشيه عليا اختي هو ما حاملنيش و نتي كتزيدي تكحليلي ضواسة
نورسين: بالعكس قلتلو مربي و ضريف مالك شنو بغيتي أكثر
ربيع: كي دوزتي البارح نهارك بعدا
نورسين: كي الزفت مرض جبيلو مسكين بالقلب طيرها مني خلعة
ربيع:اودي اللي يعيش مع وحدة بحالك بغيتيه يكون صحيح حمدي الله اللي غمرضلو القلب ما سكتلوش حيدي عليا خليني ندخل نقرا على راسي
نورسين: وافين غادي ماشي هي هاديك القاعة
ربيع : راه هاد نهار عندنا الموسيقى أ المنونخة واش نتي غير كتجي مدرمة ما كتقرايش استعمال الزمان
نورسين : اوووف عليها شفت البنات مدخلين فيديهم الغيتار و الكمانجة والبيانو انا ما داية والو
ربيع: نتي ديما طايحة على راسك تقولي موكلينك مخ ضبع
نورسين: ونتا شنو جبتي معاك
ربيع : البندير
نورسين: لا واش من نيتك البندير أش غادي تعلمك بيه
ربيع: ونتي مالك هادشي ما غاديش تعرفيلو نتيا اجي بعدا نعاودليك شنو وقعلي مع هاد البندير المنحوس
دخلو لقاعة و جلسوا كان القسم عامر و فيه بزاف د البنات ها اللي هاز الكامان ها لي هاز الغيتار ها لي هاز العود ها اللي هاز بيانو كلها و شنو جايب معاه نورسين اللي ما هاز والو غير كتشوف بعينيها
نورسين: اوا شنو وقعلك مع هاد البندير
ربيع: اودي واحد الشوهة نعاودها لحفار قبري يا ختي البارح مشيت لسوق لقيت واحد كيبيع لبنادر شريتو من عندو اوا فاش مشيت لدار لقيت ما فيهش الثقبة اللي كنحشي فيها صبعي فاش كنبغي نضرب قلت دابا هاد المسخوط خورني و شمتني أجي يا ربيع كن دكي و ديه لنجار يتقبو ليك اوا يالالا هزيتو بلا عكز عليا ديتو لنجار سلام عليكم و عليكم السلام قلتلو عفاك هاد البندير ما فيهش التقبة فين نحشي صبعي هاك تقبو لي شوية سيد بدا يفرنس و يشوف انا دخلني شك و نواني فمخي ما نكدبش عليك قلت مال هادا جالس كيضحك كي راس المشوط المهم قلتلو بغيتي تقبو تقبو ما بغيتيش خليه عندك حتى تقبو على خاطر خاطرك و نجي موراه صافي سيد تماك شد على كرشو و بقا يموت بضحك وانا يطلع معايا القالب عاد عرفتو بلي ولد الكلبة جالس كيصرف الهدرة فالتالي هزيت بنديري واخا ما متقوبش وجبتو صدقت مشموت
ربيع: اودي رجعت عندو لقيتو ما كاينش ولد الحرام شمتني و زاد انا بغيتلو غير دقة ولد الكلبة شمتني شمتة العدو اجي بعدا نتي البارح خليتيلي هدرتي ففمي و مشيتي كتجري كيفاش نتي مزوجة غير فالوراق
نورسين: اودي حريرتي حريرة انا ما نكدبش عليك كنحماق على جبيلو وحتى هو كيدير شي تصرفات كيبينو بلي كايبغيني ولكن فاش كنوصلو لمعقول وكانبغي نواجهو كيقولي حنا غير أصدقاء ما فهمتوش انا بالله
ربيع: واش نتي هبيلة ولا حمقة ولا بايعة عقلك كيفاش أصدقاء وا شفتي داك جبل وا كيموت عليك ما نعرف علاش كيقول ديك الهدرة الا عندو شي مشكل سوليني انا اللي شفتو كيف دار لعبيقة داك نهار حيت قاس فيك فخبارك بلي هرسلو يدو
نورسين شهقات شهقة وحدة
نورسين: اويلي على هرسلو يدو ما يمكنش جبل ضرافات ما كيآدي حتى نملة كدبتي فهادي أربيع
ربيع: اختي راه داك سيد ضريف معاك غير نتي علاه انا كنخاف منو غير هاكاك خايف شي نهار يشدني يبجغني بسبابك اشداني نهضر معاك و نضسرك من اللول اختي داك راجلك قبيح وشحال ما بقيت شي نهار غادي يسلخني فعضامي بسبابك ما نعرفت علاش عندي إحساس اجي نتي ما عندك لا واتساب لا انستغرام لا فايسبوك مقطوعة من شجرة
نورسين: شنو هوما هادو
ربيع :*ضرب حناكو بجوج بقوة الفقصة * هادو واحد نوع ديال زبدة كيدار فالخبز وكاتكليهم ما عمرك دقتيهم لداد بزاااف
نورسين: اووو حلف دابا نقول لجبل يشريهوملي
ربيع: يا ربي صبر يا ربي عرفتي شنو راجلك مرضتيه بالقلب انا غادي طيحي فيا سكر و الملحة موضي تقعدي من حدايا الميمة ها العار البزيزيلة
نورسين شداتها الهيستيرية ديال ضحك
نورسين: هههههه وانتا اللي كطنز عليا عارفاهم تطبيقات فتيليفون ما يصحابلكش راني جاية من ورا الشمس ولكن ما عنديش ما كنعرفش كيفاش نخدمهوم
ربيع : حتى نخرجوا و نصاوبليك واحد على الاقل غير الانستغرام باش تديريلي follow
نورسين : اوكي هاهي الاستادة داخلة ما نعرفت علاش باينة فيها مسيميمة
ربيع: واسدي دابا حلقك خلينا نتبعوا فخاطرنا
دخلات استادة الموسيقى اللي كانت امرأة شارفة شوية و لابسة كسيوة فالازرق حد الركبة و طالقة شعرها و دايرة نضيضرات مربعين
- اول حصة عندي معاكم كل واحد ينوض يقدم نفسو و الالة الموسيقية اللي جاب معاه باش نوريكم طريقة اللي كنشتغالو بيها مع كل واحد
نورسين حنات على ودن ربيع
نورسين: ويلي على شوهتي وانا ما عنديش الالة باش نتعلم
ربيع: اوا صافي دابا تجري عليك من القاعة حيت اللي ما جاب معاه والو كيخرج حتى يرجع الحصة اللي موراه فيدو الالة اللي غادي يلعب عليها هادا راه قانون ديال المدرسة
نورسين: كن غير شريتيلي بندير معاك
ربيع: بغيتيه بتقبة ولا بلا تقبة
نورسين دارت كراخ بضحك حتى القسم كولو دار عندها شاف فيها تقدمات عندها استادة الموسيقى ووقفات ليها على راسها
- أش هاد الحالة أ آنسة شوية د الهدوء من فضلك *كطلع فيها و تهبط* شفت يديك خاويين فين الآلة اللي غادي تلعبي عليها
نورسين كتحك فشعرها
نورسين: نسيتها أمدام
- وشنو جاية كديري هنا خرجي حتى لحصة الماجية ودخلي
نورسين: بغيت نبقا أمدام ما عندي فين نمشي وحتى راجلي مازال ما غايجي مورايا و طريق هنا خاوية
- بامكانك دخلي عند أستاد أنور لحصة ديالو و فاش يجي الوقت بامكانك تخرجي من بين القوانين اللي كاينين فهاد المعهد ما تقدريش تبقاي فحصة الموسيقى بلا آلة موسيقية
ناضت نورسين هزات صاكها و خرجات
نورسين:*كتعوجها * ما يمكنلكش تبقاي فحصة الموسيقى بلا آلة موسيقية تفوووو اش هاد القوانين د الخرا انا راجلي كيحط عليا مليون باش تجريو عليا الله ينزل عليكم اللعنة صبا صبا أصلن ديك عود ند ما حاملانيش حسيت بيها والله حتى حسيت
سمعات شي حد حنحن من موراها بقات غير مطرطقة عينيها بدورة باش كدور لقات الاستاد أنور واقف كيضحك من هدرتها
انور: نورسين كتهضري غير بوحدك واش حماقيتي
نورسين ابتاسمت ليه
نورسين: احم موسيو انور صباح الخير
أنور: صباح النور شنو كديري هنا
نورسين:والو غير جرات عليا الاستادة قالتلي ما جبتيش معاك الالة الموسيقية ديالك خرجي برا عليا
انور: داكشي علاش تقلقتي
نورسين: وادابا طريق هنا خاوية و مايصلاحليش نبقا فزنقة داك نهار تبعني احمق قالتلي ديك الاستادة ديال الموسيقى سيري عند موسيو انور دخلي للحصة ديالو
انور دار يدو فجيبو و ساهي فيها و كيضحك
انور: انا براسي ما غاديش نقري قاعتي مسدودة
نورسين:*دارت يديها فوق جبهتها * عارفة راسي منحوسة وما عندي زهر دابا شنو نبقا برا
تقدمات نورسين لامام وانور موراها كيشوف فيها كيحس براسو فرحاااان حيت واخيرا غادي يجلس معاها فشي بلاصة راس فراس من نهار شافها قلبو تعلق بيها وهو كيحمااااق على شي حاجة سميتها الفتاة السمراء المرحة الكيوت وفاش لقا نورسين متوفرين فيها هاد الشروط طاح على زنافرو فيها و بدات كتبانلو غير هي واخا عارفها مزوجة ولكن واعد نفسو بلي نورسين غادي تكون ليه يا عاجلا ام آجلا انور فيه طبيعة قبيحة و زوينة فالوقت نفسو اللي هي الا دار الحاجة فراسو ما كيمشي حتى يديرها ولكن دابا حاس براسو مقيد نورسين مزوجة ماشي باي واحد بجبل الابراهيمي وهو كيعرفوا مزيااان شكون هو وهادا هو العائق بالنسبة ليه
وصلو لبرا و انور مشا جاب طوموبيلتو اللي كانت من نوع كاط كاط فالبيض حل ليها الباب و ابتاسم ليها و طلعات دارت السمطة و مشا انور لمكان القيادة نورسين حانية راسها حشمانة منو حيت عاطياه واحد القيمة كبيرة حيت كيبقى استادها
انور: نجلسوا فهاد الكافي اللي هنا هي اللي قريبة
نورسين: واخا اللي بان ليك شكرا عدبتك معايا
انور: لا بالعكس هادا الواجب ديالي اللي ثقالت عليك خفافت عليا حنا شحال عندنا من نورسين
نورسين ردات شعرها مور ودنيها و ابتاسمت
نورسين: شكرا
حط الطوموبيل و نزل و مشا حل ليها الباب و حتى هي نزلات و دخلو الكافي
انور: نورسين شنو تبغي تشربي
نورسين: اللي كان
انور: اوا لا ها اللي ما كنبغيش
نورسين هزات راسها شافت فيه
نورسين: شنو ما كتبغيش
انور: شفتك حشمانة مني وحانية راسك انا والله ما بوعو شوفي شحال انا ضريف ههه ما تعتابرينيش أستادك اعتابريني غير صديقك واخا
نورسين : واخا هه
انور: اوا شنو تبغي تاكلي
نورسين: صراحة فطرت فدار والله شكرا
انور: ادن غادي نطلبلك على دوقي
جا عندهم السيرفور
- مرحبا بيكم شنو تبغيو تشربوا
انور:انا قهوة كحلة و الانسة جيب ليها كاس د العصير مع لكريب مع الشوكولا و صالاد فروي
- واخا اسيدي
نورسين:او أنا ناكل هادشي كامل والله انا راه عندي غير معدة ماذي خنشة هه
انور : بصحتك و راحتك عاوديلي على راسك شوية
نورسين: شنو بغيتي تعرف
انور: سمحيلي الا كنت غادي ندخل فالخصوصية ديالك الا مابغيتيش ماشي مشكل
نورسين: لا بالعكس عادي انا صراحة حياتي ماشي شي حاجة واو باش نعاود عليها انا عائلتي تخلاو عليا و لاحوني حيت كانو طراولي شي مشاكل معاهم من بعد تزوجت بجبل اللي هو راجلي دابا الحمد الله على كل حال الخير فيما اختاره الله كن ما لاحونيش عمري ما كنت نتزوج بجبل اللي هو أروع انسان وانا كنعتابروا ملاك حيت والله ما كاين بحالو وقف معايا فشحال من حاجة الله يخليه ليا
انور تعصب بزاااااف من هاد الهدرة حس بلي كاين شي رابطة قوية بيناتهم وبانلو من خلال هضرتها بلي كتبغيه بزااااف و الامل اللي كان عندو تبخر و طار يعني عمرها ما غتشوف لجيهتو واخا يدير اللي دار حيت كيبقى جبل شي حاجة كبيرة فحياتها وهادشي اللي جننوا و عصبو وجهو ولا احمر بالاعصاب كيحاول يبتاسم غير بزز وهو ربي اللي عالم بالبركان اللي عندو لداخل فصدرو
انور: *كيهدر ضاغط على سنانو* الله يدومها محبة
نورسين :*رشفات من الكاسد العصير * شكرا ونتا ما عاودتيليش على حياتك
انور: *تنهد*انا قصتي قصة طويلة ههه وشوية حزينة المهم ما كانبغيش نتفكر فشنو داز عليا غير كنمرض
نورسين: تقدر ترتاح الا عاودتلي
انور: انا ماما و بابا ماتو فاكسيدون فاش تزاديت ما عمري شفتهم تصوري عمي ومرتو هوما اللي رباوني داوني لعندهم لامريكا ما كانوش كيتعاملو معايا مزيان ما نكدبش عليك شحال من مرة خلاوني بجوع و شحال من مرة ضربوني هادشي فاش كنت صغير بطبيعة الحال من بعد هربت ليهم من الدار فاش كانت عندي ديك خمس سنين ما قدرتش نستحمل و..
هز راسو لقا نورسين جالسة كتبكي ناض عندها و حنا على ركابيه و مسحلها دموعها بصبعو الكبير
انور: شووت ما تبكيش دموعك غالية خلاوها المصريين ههه
نورسين: انا دغيا كنتأثر سمحلي
انور:*كيحرك راسو يمين و شمال * علاش نتي ضريفة بزاف أنورسين
نورسين بقات غير كتشوف فيه وهو عينو غير على عينيها ومرة مرة كيحول عينو لشنيفاتها ما كرهش يبوسها حس بواحد رغبة عجيبة
نورسين :واقيلة خاصنا نمشيو
انور ناض من الارض وقال
انور: واخا يالاه
نورسين : شكرا
هزات صاكها و هو تابعها من اللور و دقات قلبو كتسارع و كيعض فشنايفو و كيطلع فيها و يهبط حس بداتو كترجف علاش ما تكونش ملكو بوحدو خاصو يتصرف يدير شي حاجة باش تكون ليه ما كرهش يهرب بيها ومايعاودش يشوفها مع جبل الابراهيمي
وصل وحل ليها الباب طلعات نورسين و رجع لمكان القيادة طريق كاملة و هوما ساكتين حتى وصلوا لمعهد
حبس انور اللوطو و شاف فيها
انور: ممكن تعطيني نمرتك
نورسين : ولكن ما حافضهاش
انور: اوكي
نزلات نورسين و انور تبعها لقاو بلي كلشي خارج نورسين كتقلب بعينيها على السيارة د جبل ما لقاتهاش حسات بتيليفونها كيصوني هزاتو و جاوبات
نورسين: الو شكون معايا
جبل: شكون غايكون من غيري
نورسين: ههه فينك نتا دابا
جبل: هانا جاي فطريق خليك حدا الباب د المعهد و ما تهدري مع حد واخا أبنتي
نورسين: واخا
قطع جبل و مشات نورسين وقفات حدا الباب كتنتاضر جبل
انور بغا ياكل ريتو فاش سمعها كتهضر معاه طلع لطوموبيلتو و ديمارا و زاد
كان ربيع خارج كيضرب فالبندير وهي تشنق عليه نورسين من قرفادتو
ربيع: اجي نتي بعدا فين كنتي من قبيلة وانا نقلب عليك
نورسين: كنت مع موسيو انور فواحد الكافي هنا
ربيع: نتي حالتك ما عجبانيش مع داك موسيو انور مالو ديما لاصقلك فجلايلك
نورسين: عادي راه استادي زعما شنو فيها
ربيع: امم اوا الله و اعلم كلشي تعرفيه الا راس د بنادم ما تعرفيهش علاياش ناوي فخبارك حتى انا جرات عليا الاستادة ههههه
نورسين: ناري حلف
ربيع: قالتلي البندير ماشي آلة موسيقية اوا نضت ما خليتش ليها بسبان اوا و ناضت و كتبات بيا تقرير باش ما نعاودش ندخل عندها اوا لقيتيني فالادارة عاد فكيت المشكل معاها و تصالحنا
خدا من عندها تيليفون و صوبوليها ودار فيه تصويرتها ووراها كيف دير تخدموا
ربيع: يالاه تهلاي أزين هانا غادي
وقفات طوموبيل د جبل و نزل عندها لقاها حانية راسها فالتيليفون ربيع كينغزها باش تهز راسها والو تبنجات فالتيليفون
نورسين : بعد مني خليني نتفرج
جبل: نورسين شنو كديري
هزات نورسين راسها شافت فيه و ابتاسمت لو و مشات عندو
نورسين: علاش تعطلتي عليا
جبل:كنت عند مراتي ثانية عندك شي مشكل
نورسين طيحات التيليفون من يديها و طرطقات فيه عينيها
نورسين: كيفاش مراتك ثانية أجبل كيفاش
جبل: *بابتسامة * زعما شركة ما يمشيش دماغك بعيد
ربيع :خيتي نورسين
نورسين دارت عند ربيع
نورسين: هاي هاي على خيتي نورسين من فوقاش و نتا ضريف صدمتيني فيك
ربيع : احم انا من ديما ضريف معاك المهم راه غدا خاصك تجيبي شي آلة موسيقية باش تدربك عليها الاستادة
نورسين: واخا شكرا
جبل حل ليها الباب و نورسين حنات هزات تيليفونها من الارض و طلعات و طلع جبل و ديمارا و زاد و دماغو مرفوع كيفكر فالهدرة د ربيع
جبل:نورسين بغيت نسولك
نورسين:نعام
جبل : على حساب الهدرة د ربيع نتي ما حضرتيش لحصة هاد نهار
نورسين بدات تصفار و تخضار
نورسين: احم ماشي هاكاك
جبل وقف طوموبيل حتى تحكو روايضها مع الارض ودار شاف فيها و مخنزررر و العروق د يدو بارزين و كيهدر ضاغط على سنااانو باينة فيه مكره
جبل: غير من هدرتك بانلي ما دخلتيش شرحيلي شنو هادشي كديري فيه أنورسين فين كنتي و معامن كنتي هدرررري أنورسين هدررري راه صبري تقادا *ضرب فالفولون ديال طوموبيل *واش باغا تسعرينيي انورسين
نورسين خلعها و ناضت تبكي دموعها على سبة دغيا كينزلو فاش كيغوت عليها شي حد
نورسين : علاش كتغوت عليا اهئ اهئ
جبل زاد تكره و لكن حاول يبرد واخا ربي اللي عالم بيه فهاد اللحظة
جبل : هانا ما غاديش نغوت عليك يالاه غير هضري خلاص أنورسين راه قلبي غادي يسكت .
نورسين: *كتمسح دموعها و شافت فيه* برا و الباس عليك
جبل دور وجهوا جابتلو ضحكة حاول يتهدن ويتكالما
شاف فيها و ابتاسم وحيد السمطة وحط يدو مور شعرها و جرها لعندو و حط جبهتو على جبهتها و غمض عينو
جبل : رحميني أنورسين وقوليلي علاش ما دخلتيش و معامن كنتي الله يرضي على بنتي والله ما غادي نتقلق منك و ما نعاودش نرفع صوتي سمحيلي ولكن فهميني عفااااك
نورسين : كنت مع أنور
جبل غمض عينو و عاود حلهم و رجع اللور وكرز على يدو حتى تحبس فيهم الدم و رد راسو اللور و حط يدو بجوج على عنقو و عينو كتشوف فسقف ديال طوموبيل وقال بواحد صوت مخيييف و رهييييب
جبل: واقيلة بحال ماسمعتش مزيان معامن كنتي
نورسين: هانتا غير فهمني ماشي كيفما كيصحابليك
جبل بداك الحر ضرب يدو مع الزاجة ديال الطوموبيل اللي حداه حتى هرسها نورسين حطات يديها على فمها و بقات غير مصدومة و كتشوف فالسرجم اللي مهرس و فيدو اللي كتسيل بدم
نورسين: جبل يدك
جبل هز عينو اللي كانو حومر و خنزر فيها و هضر بصوت مرتفع حيت بصح داتو كتغلي بقوة الاعصااب اللي ركبات فيه بهدرتها
جبل: قلللللللتللللللك معاااااااااااااااامن كنتيييي عاااااااااودي بحااااااااال ما سمعتش مزياااااان
نورسين : اهئ اهئ خليني غير نشرحليك
جبل جرها من شعرها حتى قربها لوجهو و يدو كتشرر بدمايات ما بقا كيفصلو عليها حتى سنتيم الهوا مابقاش كيدوز بيناتهم ويدو مزيرة على شعرها بقوة حتى تأوهات بألم
نورسين: جبل اهئ اهئ كضرني فشعري
جبل عينو حماااااااارو حس بالخيااااانة و الخدلاااااان بدا كيتنهد و انفاسو قريب لانفاسها لدرجة كبيرة و قلبو كيضرب بسرعة كبيرة و تنفس ديالو ما بقاش منتاضم حاول يرخف ليها على شعرها شوي بشوي وفالتالي طلق منها و رجع لور شاد على قلبو و مغمض عينو و كيعض على شنايفو كمحاولة منو يحبس الدموع اللي تجمعوا فحافة عينو و نورسين خلعاتها حالتو و دم اللي كيشرشر من يدو و الكلام ديال طبيب كيتكرر فودنيها ما خاصوش يتعصب ولا يحزن ولا غادي نفقدوه فخطرة نورسين شدات فكتف جبل
نورسين: اهئ اهئ جبل حل عينيك اهئ اهئ عفاااااك اهئ اهئ
جبل هز يدو بتثاقل و حيد ليها يديها اللي حاطة من فوق كتفو و حل عينو شاف فيها بواحد نظرة ديال الخدلان تمنات تموت و ما تشوفش هاد نظرة من عينيه و باش زادت انبها ضميرها فاش شافت دمعة هابطة من عينو
هزات يديها باش تمسح الدمعة و هو يهز يدو بمعنى سطووووب 🤚🤚🤚
نورسين حركات راسها بنفي و دموع من عينيها نازلين شلال
نورسين: اهئ اهئ وا غير سمعني بعدا
جبل: * كيتكلم بصوت متقطع و عياان * اللي كان خاصني نسمعوا سمعتوا أنورسين سمعتوا عرفتي باش حسيت فهاد اللحظة حسيت بالخيانة أنورسين عرفتي الاحساس اللي كيشعر بيه الاب فاش كيصيفط بنتو تقرا و كيلقاها سالتة وواقفة مع دراري فراس درب *كيخبط فصدرو * نفس الاحساس كنحس بيه دابا نفس الاحساس عرفتي داك الاب فاش كيفيق بكري و يضرب تمارة باش تقرا بنتو و توصل و يشوفها فاعلى المرااتب باش فالتالي يجي و يلقاها ضاربة ليه كلشي فزيرو وهي ما مسوقاش نفس الاحساس كنحس بيه فهاد اللحظة شنو درتليك باش تجازيني هاكا غير قوليلي شنو درتليك أنورسين *رفع صوتو و ضرب يدو مع الفولون* شكوووووون هاد أنور شكووووووون هو
نورسين قفزات من بلاصتها و شافت فعينيه و قبطات فيدو و حطاتها على خدها
نورسين : عفااااك أجبل الا ما سمعني اهئ اهئ راه راه الاستادة جرات عليا من القسم حيت ما عنديش الالة الموسيقية و خرجت و لقيت الاستاد انور واقف فالباب وحتى هو كان ما مقريش حيت القاعة مسدودة وانا بقيت فيه حيت تماك دنيا خاوية واقتارح عليا نمشيو لواحد القهوة اهئ اهئ
جبل نتر يدو من يدها و زااااد تعصب دوز يدو على لحيتو بقوة الفقصة و الغدايد اللي ركبات فيه بهضرتها
جبل : *تنهد ودار خنزر فيها واحد تخنزيرة طيحات فيها نص ورفع صوتو *واااااااااااااااش كاااااااااااين شي أستااااااااااد غااااااادي يديك لشي قهوة غير هكاااااااك أ جااااااوبيني علاش كتصرفي من دماغك علااااااش فاش قاااالتلك خرجي عيطي ليا فالفون وغااااادي نجي كنطيييير عندك أنوورسين اناااااااا عيييت معاااااك و اللله العلي العظيم الا عييييت حتى لهناااااا و بااااركة لحد لهنااااا و باركة صوتك ما نسمعوش
ديمارا طوموبيل و زاد بسرعة كبييييييييييرة نورسين علاين ديرها فسروالها بقوة الخلعة و كتبكي و تشهق و مع هي كتخاف من سرعة د صافي جمدلها الما فالركابي
نورسين :عفاااااك باركة نقص من سرعة عفااااااك جبل
جبل مرفوع دماغو كيخطط لشنو غادي يدير حااس براسو مخنوق علااشملاكو طاهر ديما خاصها تعصبو علاش ملاكو ولات كتجلس فالقهاوي مع رجال ياك كتبغيه غير هو و علاش كدير عكس هدرتو علاش
نورسين حسات بدوخة و تقية غمضات عينيها و حطات يديها على كتف جبل باش يشوف فيها و عيطاتلو بصوت خافت
نورسين : جبل كنموت
على إثر هاد الجملة الاخيرة بدورة باش كيدور عندها لقاها سخفانة و حاطة يديها على فمها باغا ترد حبس الطوموبيل على جنب طريق و كيحس بداتو كترعد بالخوف عليها و بالاعصاب اللي ركبات فيه نزل بسرعة من اللوطو و مشا حل ليها الباب باش يضربها الريح و توكاض حنى على ركابيه و قبطلها فخدودها بجوج
جبل : نورسين حلي عينيك عفاااك واش نتي بخير
نورسين : *كتهدر بصوت متقطع * انا بخير
هزات نورسين يديها بتثاقل و حطاتها على لحيتو و كتشوف فعينيه و كتبكي و تنخصص كيف شي بريهيشة
جبل عزااات عليه و بقات فيه حيت قبل ما تكون حبيبتو كتبقى بنتو المدللة اللي ديما مفششها و ما كيبغيش يشوف دموعها واخا تدير اللي دارت يعاتبها و يغوت عليها ولكن ديما كيبقى هو سند وهو الحامي ديالها
نورسين : جبل عفاك اهئ اهئ والله ما قصدت فيها شي حاجة اهئ اهئ فهمني عفاك اهئ اهئ عارفني كنخاف اهئ ونتا عارف طريق خاوية اهئ عفاااك عفاااك سمحلي
حطات جبهتها على جبهتو و نيفها حدا نيفو و دموع من عينيها نازلين شلال و غمضات عينيها و قلبها كيضرها حيت ما جاوبهاش جبل ما كرهش فهاد اللحظة يخشيها ما بين ضلوعو و يقولها مسامحاك أ ملاكي ولكن شحال من مرة كدير نفس الخطأ و ديما كتدير الحاجة و زبايل اللي كيعصبوه ممكن هي مازال نية ودغيا كتيق ببنادم ولكن الا جا كل مرة يسامحها غادي تمادى فالاخطاء ديالها لدلك جبل قرر يخليها تعدب باش تحس بقيمتو جبل بقاااات فيه لدرجة كبيرة ولكن ما خاصوش يضعاف كيعتبر راسو الاب ديالها قبل ما يكون حبيبها ولدلك من الواجب ديالو يصلح عيوبها
بعد جبل راسو عليها
جبل : كنظن دابا وليتي مزيان
هزات نورسين راسها شافت فيه
نورسين : اهئ اهئ حرام عليك ما بقيتش فيك
جبل : وانا ما بقيتش فيك أ ديما هضرتي كضربيها مع الحيط بحال ما عندي قيمة أ علاش أ نورسين علاش شحال من مرة قلتلك ما ثيقي فحد شحال من مرة قلتها و هاااااد أنووور غادي ندموا على حياتو ما يمكنش أنورسين تبقاي هاكا * حنا على ركابيه و قرب ليها * نحلفلك بالله الا هاد انور ناوي على شي حاجةانا ماشي حمار بالودنين
نورسين :والله حتى كظلموا أ جبل اهئ اهئ
جبل :* دار فيها ديك شوفة ديال من نيتك * دابا انا اللي وليت قبيح وكنظلم فعباد الله ياك أنورسين مزياان والله حتى برافو عليك
نورسين :*كتمسح دموعها * ونتا باش عرفتيه بلي ما مزيانش ونتا ما عمرك حتى شفتيه
جبل :* تنهد * انا ماشي دمدومة باش يجي كلب د الخلا يبغي يلعبها عليا داك انور اللي كيبانلك ملاك منزل و زوين و ما نعرفت نتي كيف كيجيك أكبر ديفل * شيطان * على وجه الكرة الارضية و هانا غادي نقولك علاش اولا داك نهار داك الكلب اللي حاشا واش يكون بنادم عطاك الكتوب ديال المايكاب نتي بوحدك من دون ناس باش يبين ليك بلي نتي عندك قيمة و باغيك توصلي ثانيا ياك قلتي هو ما قراش وشنو كان كيدير فالمدرسة ثالثا داك لكافي باش يجبد ليك لسانك و انا متاكد مية فالمية بلي قالك عاوديلي على حياتك و نتي غادي تكوني حطيتيلو ضوسي د حياتك كامل كاين هادشي و لا ما كاينش
نورسين حركاتلو راسها بالايجاب
وقف جبل ومشا لمكان القيادة و طلع و ديمارا وحاول يخفف من سرعة ما هدرش معاها
نورسين : الله يسامح أجبل والله ما نعاود نشوف فيه ولانهضر معاه
جبل : لا غير سيري عندو نتي عيشي معاه احسن
ضرب الفولون ديال طوموبيل بجهد
نورسين : جبل عفاك
حبس اللوطو حدا الدار
جبل : نزلي
نورسين شافت فيه مدة و نزلات من اللوطو و سدات الباب و قلب الدورة و مشا مكسيري نورسين مسكينة غادي تاكل ريتها ما كتبغيش يتقلق منها كتحس براسها وحيدة وقلبها كيتقبض عليها دخلات لفيلا كتزدح ما حاملاش راسها ووجها احمر بقوة البكا حلات ليها منال الباب
منال: لالا مالك
طاحت على منال عنقاتها و بدات تبكي
نورسين:دابز معايا جبيلو اهئ اهئ حشومة عليه اهئ اهى ما درتلو والو اهئ
منال : لالا واش درتي شي حاجة حيت ما يمكنش موسيو جبل يتقلق منك غير هاكاك
نورسين : اجي نعاود ليك أجي اهئ اهئ اجي نخوي عليك قلبي اللي عامر و غادي يطرطق
جلسات منال من فوق السرير و حطات نورسين راسها على حجرها و بدات تعاودلها كاع أشنو طرا ليها فحياتها
عند جبل
وقف الطوموبيل حدا المعهد و نزل مشا لادارة
جبل : بغيبيت العنوان ديال انور
-ولكن اسي جبل راه ما يمكنش كتبقى خصوصية ديال الاساتدة
جبل : قلتلك داااااابااااا يكون عندي العنوان ديال أنور ولا ما يعجبكوم حال نهدم هاد المعهد كامل فوق راسكم ياله طلقوني ما مساليش ليكم
شاف فيه المدير بقلة حيلة و مشا هز واحد الورقة وكتبلو فيها العنوان ديال أنور و عطاهلو خدا من عندو الورقة و مشا ركب فطوموبيلتو و ديمارا و زاد بسرعة فائقة باغي غير إمتى يوصل لعندو حبس الطوموبيل حدا الفيلا ديالو وحل واحد المجر عندو فالطوموبيل كيتحل بالبصمة ديالو فاش تحل جبد منو واحد الفردي ودارو مور ضهرو فاش نزل لقا سميتو مكتوبة حدا الباب بخط جميل و زوين فواحد البلاكة فلون دهبي * أنور الوليدي * ابتاسم بشر و بدا كيدق فالباب بجهد وهو يتحل الباب
انور: جبل الابراهيمي مرحبا
جبل شاف فيه بنظرات ثاقبة
جبل : كترحب بيا امم كتعرف صواب بعدا لا وكتعرفني حتى انا أش هاد صدفة
جبل هز يدو قجو ودفعوا لداخل و زدح الباب برجلو انور تخنق بدا كيكح و كيحاول يبعد يد جبل على عنقو
انور: كح كح ط....ل....ق ط...ل..ق
جبل دفعوا و طلق منو انور بقا شاد فحلقوا كيكح
جبل جبد الفردي من مور ضهرو و حطوا على راسو و عينيه حومرر و العروق ديدو بارزين لواحد الدرجة كبيرة و كيهدر تحت سنانو
جبل : شنو هي آخر أمنياتك قبل ما تموت
انور كيشوف فيه بكل ثقة فنفس و بدا كيضحك بهيستيرية
انور : جبل الابراهيمي ولا قتال هههههه على قبل بنت هههههه قاصحة شوية
جبل عارفو باغي يستافزو بهضرتو
جبل : على قبل نورسين نولي سفاح جزار قتال شلاهبي نصاب مافيوزي أي حاجة بغيتي
انور: ما نكدبش عليك وحدة بحال نورسين تستاحق
جبل : طلعتي ولد الق *** مقطر هادشي اللي كدير فيه فعايل ز***
انور عينو حمارو وهز يدو بغا يضرب جبل وهو يلويهالو جبل من مور ضهرو ودارلو الفردي فراسو
جبل : داير فيها الاستاد ضريف الملاك و نتاااااااااا عينيييييك علييييها يا الق**
انور: الا ما ديتش نورسين حدا عينيك ما نتسماش انور
جبل : أوووو شفتك جريئ أكثر من القياس * هز جبل رجلو و بحركة سريعة منو طيحو لارض و جرو من شعرو حتى تاوه أنور بالم * غير بدا تقلب على سميتك جديدة من دابا نورسين عمرها ما تشوف فواحد بحالك و من غدا غير قلب على خدمة جديدة حيت هاديك بااح طارت كتلعب بالعافية قربتي لنورسين و اللي كيقربلها كيسني على موتو بيدو
جبل حيد الفردي على راس انور و بعد عليه
جبل : مزال نتحاسبو مزيان انا ما مساليش نوسخ يدي بدم واحد بحالك نخليك دابا تجمع حوايجك باش أ الله تردك طيارة لبلادك
انور كيحس بدمو كيغلي كيلعب لو على الوتر الحساس اللي هي خدمتو قربلو جبل و ضرب على كتفو
جبل : فاش تبغي تلعب مع شي حد خاصك تعرف نيفو ديالو الا كان احسن منك وسابقك بخطواااات فمن الاحسن ما تلعبش معاه حيت أكيد غادي تخسر
خرح جبل و زدح الباب و مشا ركب فطوموبيلتو و قلع وجبد كارو و شعلو و بدا كيكميه على الله يبرد
عند نورسين
منال : صافي اختي ما تبكيش هانتي كلشي غادي يولي مزيان عرفتي شنو نوضي لبسي شي حاجة زوينة و ديري شي ماكياج زوين و فاش يجي موسيو جبل هدري معاه و رققي فصوتك و حاولي معاه و دلعي عليه خلاوها المصريين و ديك ساعة شوفي واش يسامحك ولالا
نورسين : زعما زعما
منال :غير ثيقي بيا والا ما سامحكش اجي عندي نعطيك الخطة الثانية اللي غادي تخليه يسامحك مية فالمية واخا
نورسين عنقاتها
نورسين : شكرا أزين
منال :مابيناتناش اختي مصاب غير تصالحوا
نورسين : انشاء الله
منال : وا كوني مراة وقادة هانا مشيت نشوف شغالي نبغيك تحمريلي وجهي ولبسي من الاحسن شي حاجة مزيرة على لاطاي باش يشوفك يحوال و ديك ساعة هو اللي يولي يطلب سماحة ماشي نتي يالاه هانا مشيت
خرجات منال و نورسين ناضت حلات الماريو كتقلب على شي كسوة مزيونة تلبسها طاحت عينيها على واحد الكسيوة غير حد الفخيدات فالابيض بلاسماطي هزاتها نورسين عجبتها
نورسين : هادا هو وقتها أنورسين
لبساتها و طلقات شعرها و دارت ماسكارا و عكار فالغوز جاتها واعرة
نورسين : اويلي ياكما معيق هادشي اللي درت *ابتاسمات *امم ماشفتيش ديك زموري شنو كانت كتلبس شوية و تمشي زبطة لا هاكا مزيان أنورسين اصلن هو راجلي حلالا طيبا من هنا لفوق غادي نبقا نلبس هاكا
عند جبل
وصل لفيلا ديالو و نزل من طوموبيلتو و مشا دخل لفيلا بعدما حلاتلو منال الباب و مشا جلس فالصالون شاد على راسو حاس بيه غادي ينفاجر و قلبو كيضرو علاين يسخف رد راسو اللور و غمض عينو منال طلعات كتجري عند نورسين حلات الباب و تبهرات بجمالها الخلاب
منال :واش هادي نتي أنورسين ولا كدبت
نورسين كتشطح بكتافها
نورسين : عارفة راسي تيتيزة ولكن ماشي معيق هادشي
منال : لا احبيبة راك نتي هي هاديك جيتي فنة تبارك الله راه جا موسيو جبل يالاه سيري عندو دغيا راه بانلي فيه عيان نزلي و ديريلو مساج لراسو
نورسين :*كتصغر فيها عينيها * لا ما نقدرش هو عمرو ما شافني لابسة بحال هاكا كيبانلي نحيد هاد شرواط
منال : زيدي قدامي و سكتي
نورسين خرجات من البيت وبقات واقفة حدا الباب و هي تجرها منال
منال : زيدي قدامي
هبطات نورسين و هي مترددة جايبلها بالها بحال خارجة عريانة وصلو لسفلي و نورسين بغات تطلع و هي تخنزر فيها منال و هي ترجع لبلاصتها
منال :ديري داكشي اللي قلتلك الا بغيتي تصالحي معاه يالاه و طلقينا خلاص
منال مشات لكوزينة و نورسين تقدمات بخطوات بطيئة حتى وصلات لعند جبل اللي كان مغمض عينو كيحس براسو عيان بزاف حطات نورسين يديها من فوق راسو و ابتاسمت بشر وبدات كدلكلو راسو
جبل : نورسيييين حيدي يديك
نورسين كتبتاسم
نورسين : والا ما حيدتهومش اشنو غادي دير يالاه
جبل حل عينو و جات فعينيها ديريكت ما تيقش شنو كيشوف واش هادي نورسين ولا كدب ناض من فوق الفوتوي ووقف حداها كيطلع فيها و يهبط و كيحك عينو باس يتأكد
جبل : شنو كتحاولي ديري أنورسين
نورسين : كيف جاتني لبسة
جبل : * ابتاسم باستهزاء *واش فنظرك هاد الحالة اللي دايرة فراسك هي اللي غادي تخليني نسامحلك على أغلاطك واش فعوط ما تصلحي الخطأ ديالك كديري خطأ أكبر
جبل بقا كيشوف فيها شوية بدا كيحل الازرار د القاميجة ديالو حتى حلها كاملة و حيدها لحها فالارض و بدا كيحل السمطة د سروالو نورسين بدات كتصرط ريقها و دموع تحجروا ليها فعينيها و بدات كتبعد عليه و هو كيقرب ليها اكثر حتى حيد سروال بقا غير بشورط ديال نايك قصير غير حد الفخاض نورسين يصحابلها غادي يغتاصبها بدات كترعد و كلها كترجف و حطات يديها على عينيها و دموع نازلين من عينيها
نورسين :اهئ اهئ جبل شنو كدير
جبل قربلها و حيدلها يديها من حدا عينيها
جبل : تصوري شي نهار الا ارتاكبت شي غلط معاك ما كيتغفرش و جيت و تعريت قدامك بحال دابا واش غادي تسامحيني
نورسين حركات ليه راسها بنفي
جبل :اوا هادشي اللي درتي نتي دابا عارفة شنو هي تكوني امرأة مزوجة و تخرجي مع راجل ما كتربطك معاه حتى علاقة ماشي خوك ماشي باك ماشي جدك ماشي خالك وماشي عمك اي ماشي من المحارم ديالك هادشي أبنتي راه ما كيبغيه لا ربي ولا عبدو نهار تكوني مسؤولة فحياتك ديك ساعة غادي نسامحك خاصك تفهمي واحد الحاجة بلي أي مشكل طحتي فيه خاصك تفكري فيا انا لول انا اللي قادر نحلهوم ماشي كلب ديال الخلا بحال داك أنور دخلي هدرتي فراسك
بغا يمشي ونورسين شداتلو يدو و دار عندها و عينو حومر و نفس كيطلعوا غير بزز
نورسين : جبل اهئ اهئ عفاك ضربني و ما تقوليش هاد الهدرة انا عارفة راسي غلطت و انا كنطلب منك سماحة الله يخليك ما تعاملش معايا بهاد البرود و ما تقوليش هاد الهدرة اللي بحال السم كنترجاك أجبل اهئ
جبل دوز يدو على شعرو و عينو كتشوف فعينيها نيشان
جبل : هادا هو المشكل انا ما نقدرش نضربك نتمنى تقطع يدي قبل ما تحط على لحمك انا ماشي شماتة باش نهز يدي عليك انا ما عمري تعاملت معاك ببرود انا باغي نشوفك مسؤولة فحياتك و ماشي لي ضحك ليك فوجهك راه حبيبك خاصك تمشي فحياتك بهاد المبدأ أنورسين ماشي اللي عرا لك على نيابو راه كيضحك ليك راه يقدر يكون ديب باغي غير فوقاش ينهش لحمك انا قلبي ضعيف انورسين و الاعمار فيد الله تصوري شي نهار نموت و تبقاي بوحدك راه و الله حتى يلعبوا عليك العشرة انا باغيك توعاي انورسين
نورسين طاحت لارض و حطات يديها بجوج على وجهها و بدات تبكي و تنخصص جبل قطعاتلو فقلبو عرف راسو قصح معاها بزاف و بكاها بزاف و لكن خاصها تعلم خاصها تكون قوية ما باغي يديرها بيها حتى واحد حنى لعندها و عنقها عندو و باسلها راسها و هي زيرات عليه جبل بدا يبتاسم
جبل : *دور وجهو جنب و ابتاسم و شاف فيها * اه انا سباب جيتي زوينة بزاف
نورسين ناضت وقفات كتمسح دموعها
نورسين :امم حتى شبعتيني سبان و معيور ما خليتيلي غير اللي نسيتي
جبل وقف حتى هو و شاف فيها
جبل : انا باغيليك غير الخير أنورسين و فخبارك بلي انور قدم استقالتو
نورسين تصدمات
نورسين : كيفاش ؟
جبل : * هز عينو شاف فسقف و عاود شاف فيها * ياكما بغيتي نمشي نرغبو يرجع
نورسين : ما كرهتش
جبل دور و جهوا و عض على شنايفو باينة فيه مكره بغا يمشي و هي تشدو من يدو و بقات كتضحك و مشات تقبلات معاه و شداتلو فحنيكاتو و حطات راسها على راسو
نورسين : ههههه تضربو جايحة الكحلة كاع ما سوقيش انا ما كيهمني لا انور ولا أزمرههه انا كيهمني غير جبيلو بوحدو
ابتاسم جبل تلقائيا حاس بضحكة خارجة ليه من القلب ماشي من شنايف هز يدو و دوزها على شعرها
جبل : الله يرضي على بنتي
نورسين حلات عينيها شافت فعينيه ديريكت
نورسين: ما يمكنش نخسر ليك الخاطر فحتى حاجة حيت كتبقى أعز انسان داز فحياتي اللي عطاني قيمة و قيمة كبيرة بزاف أنور فليدهب الى الجحيم جبل الاصل و الباقي تقليد هههه
جبل بعد عليها و عينيه كيبريو بالفرحة من هدرتها علاين يطيح حس بيها كتعتارف بحبها ليه بطريقة غير مباشرة تنهد تنهيدة طوييييييلة و قلبو عااااامر باغي غير إمتى يقولها كنموت على تراب اللي كتمشي عليه أملاكي متشوق بزاااف لداك نهار أكيد غادي تقبلو و غادي يعيشوا حياة سعيدة و تولدلو شي بنيتة كتشبه ليها عض على شنايفو فاش تخايل نورسين بالكريشة و حاملة و كتوحم عليه أ الله أجمل منظر غادي يشوفو فحياتو بقا كيضحك بلا مايشعر
نورسين : كيهروك ملائكتك
جبل قرصها من خدها
جبل: علاش نتي ضريفة و كيوت حتى لهاد درجة غادي نقولك واحد السر
نورسين: شنو هو
جبل: البكا ما كايجيش معاك خليك ديما فرحانة و مبتاسمة دموعك آخر نهار نشوفهوم
نورسين:*دارت يديها تحت دقنها كتفكر زعما * ما نواعدكش أصلن حنا البنات هاكا داير فينا الله فاش كنتأثروا من شي حاجة كنبكيو
جبل بهاد الحركة الي دارت فكراتو نهار تلاقاها من قبل عشرين عام بقا ساهي فيها
🔙🔙🔙🔙 فلاش باك
جبل: طاتي واش هاديك الملاك هي نورسين
ليلى ضحكات و فاطمة حتى هي
فاطمة: اوليدي هاديك راه شيطان فسيفة ملاك ههههه
جبل: خالتو واخا نمشي نلعب معاها
فاطمة: غير سير اوليدي هاديك حبها جمامع كتحماق على دراري يلعبوا معاها طالعة زهوانية من صغر ههه
جبل: *وقف وعاود جلس* طاتي ليلى حتى هي غادي تقولي خايب وماغاديش تبغي تلعب معايا بلا ما نمشي عندها
ليلى:لا بالعكس نورسين زوينة و ضريفة غير سير عندها ما تخافش
جبل وقف و تقدم بخطى بطيئة حتى وصل لعندها
جبل: سلام
نورسين كانت جالسة مركزة مع الرسم ديالها هزات عينيها شافت فيه
نورسين : وعليكم السلام اس حب الخاطر ا سريف * نورسين كتقول لشين سين *
جبل ضحك حتى بانو الغمازات اللي عندو فوجهو
جبل: بغيت نلعب معاك
نورسين :* دارت يديها على فمها وبقات كضحك* انتا ماسي قدي باس نلعب معاك *دارت يديها على دقنها زعما كتفكر*ولكن باينة فيك ولد زوين و مؤدب يالاه ازي جلس حدايا
🔚🔚🔚🔚🔚نهاية الفلاش باك
نورسين كتمرر يدو حدا عينيه
نورسين: هيهو جبيلو فاش ساهي
جبل : فيك نتي
نورسين : انا زوينة حتى لهاد الدرجة أمم
جبل : *بابتسامة* عاجبك راسك
نورسين: ثقة فالنفس
جبل : دابا الا وليتي مايكاب أرتيست مشهورة فالعالم كيفاش غادي تصرفي فالمقابلات ديالك
نورسين :*كتقاد فشعرها و قادات الوقفة * احم طرح عليا الاسئلة وانا نجاوبك
جبل : باغا ترديني صحافي
نورسين : امم شنو فيها اجي معايا
شداتو من يدو و جلساتو من فوق الفوتوي و جلسات حداه و ردات شعرها لجنب و دارت رجل على رجل و كتشوف فالسما
نورسين : يالاه بدا
جبل دار يدو على فمو و رجع راسو لور و شداتو الهيستيرية ديال ضحك
جبل : لا تيقتي راسك أ الكسولة
نورسين: احم سمحلي ما فهمتكش ماشي انا جاية من لاميريك لمغرب باش تقولي كسولة أش هاد البسالة أسي صحافي هدر مقاد لا غادي تهدر
جبل در يدو على شكل ميكروفون و قربو لفمها و بقا كيضحك فآخر أيامو جات البرهوشة د نورسين كتلعب بيه كيفما بغات
جبل : احم سمعنا بلي نتي مرتبطة بموسيو جبل الابراهيمي واش بصح ولا غير إشاعة
نورسين: بطبيعة الحال زوج ديالي هو جبل الابراهيمي اش هاد سؤال الغبي نتا بعدا غادي نقولهم يجريو عليك ما صحافي ما تاوزة
جبل : *صرفقها لوجهها غير بشوية*لا نتي دخلتي فدور نورسين: نتا ما تصلاحش تكون صحافي
جبل : حشومة عليك كتنقصي من القدرات ديالي
نورسين : اوا هي الا طرحتي عليا شي سؤال كيحمر الوجه
جبل : منين طاح عليك لقب د جبيلو نموت و نعرف
نورسين : هههه والله الا واحد نهار كنت جالسة مابيا ماعليا وانا نقول دابا جبل الا بغينا ندلعوه باش خاصنا نعيطو ليه و هي طيح فبالي اسم جبيلو على وزن زهيرو هههه
جبل : *ناض وقف* نتي الا بقيت متبعك غادي تصيفطيني لطرونط سيس بالله
نورسين : اه حقا راه خاصني نشري شي الة موسيقية
جبل : شريتلك غيتار دابا نعلمك كيفاش تلعبي بيه
نورسين وقفات و دارت يديها على فمها
نورسين: فوقاش شريتيه
جبل دور وجهو لجنب
جبل : فاش حطيتك و مشيت راه كاين فطوموبيل
نورسين : واخا كنتي مقلق مني
جبل : شحال من مرة قلتلك انا ما عمري تقلقت منك حيت عارفك واحد البرهوشة منك ما كاين *دوز يدو على شعرها و عينو كتشوف فعينيها اللي تغرغروا بدموع * انا عارف بلي نتي انسانة طيبة و نية و قلبك بيض نتي كتصرفي بعفوية تامة انا ما عمري تقلقت منك و ما عمري فحياتي كلها غادي نتقلق منك حيت نتي بنتي والاب عمرو ما يتقلق من كبدتو ياك * كيمسحلها دمعة اللي نزلات ليها من عينيها * سمعني نقولك واحد الحاجة انا عارفك ما عشتيش شحال من حاجة فاش كنتي صغيرة لدالك كنحاول ما أمكن نخليك فرحانة والا كان باباك ما كيعاملكش مزيان اعتابريني انا هو باباك داكشي علاش ديما كنقولك اي حاجة طحتي فيها اولا اي مشكل اجي عندي انا اللول حيت من واجبي نحل مشاكلك و نوفر لك اللي بغيتي و اللي تشهات خاطرك اي حاجة بغيت تجربيها اي حاجة اجي عندي انا اللول تشاوري معايا فيها واخا و ما تبقايش تصرفي من عقلك الله يرضي على بنتي
نورسين دموع فعينيها و حركاتلو راسها بالايجاب
جبل شاف فيها و ابتاسم ليها بحب و قربها ليه
و باس ليها راسها و بقا هاكاك عدة ثواني و بعد عليها
جبل : عندي ليك مفاجأة
نورسين :*بحماس* شنو هي
جبل : واحد البنت ...
نورسين صغرات فيه عينيها ما خلاتوش حتى يكمل هدرتو
نورسين:شكون هادي عاود اللي خرجاتلي من جنب
جبل دور وجهو و شداتو ضحكة و عاود شاف فيها
جبل : خليني غير نكمل هدرتي بعدا واحد البنت خدامة عندي فالشركة السكريترة ديالي إنسانة طيبة يتيمة مسكينة و...
نورسين بدات كترعد غير هي و عظامها و كضرب رجليها مع الارض بقوة الغيرة و سنانها كيتقرقبوا بقوة الفقصة
نورسين:*هدرات بصوت مرتفع شوية *شكوووون هاد خيتي شكوووون هي
جبل بغا يزيد يلعب ليها على الاعصاب أحح شحال كيعجبوا الحال فاش كتبين غيرتها عليه كيحس بحبها الحقيقي اللي بصح نابع من القلب جبل قرب ليها رد ليها شعرها من مور و دنيها
جبل : بغيت نسترها و نتزوج بيها اش بانلك نجيب عليك ضرة
نورسين ما حسات براسها حتى بعدات عليه و حاسة بقلبها علاين يسكت وقلبها شاعلة فيه العافية
نورسين : كيفاااااااش ؟ كيفاااااااش غادي تزوج ؟واش تسطيتي ولا مالك ؟
جبل حابس ضحكة غير بزز
جبل * هز صبعانو بربعة *عندي الحق نتزوج بربعة ماشي غير جوج كاع
نورسين بقات كتشوف فيها و دارت ضفارها ففمها كتغززهم على الله تبرد
نورسين : دابا هااااادي هي المفاجأة أ
جبل قرب ليها و دار فيها شوفة خطيرة
جبل : *كيتكلم ببرودة دم * نتي ديما كتقلقيني و تفقصني و مخرجة لي العقل اللهم نضربها بشي تزويجة فاعلة تاركة باش نميك عليك شوية *غمزها*
نورسين بقات كتشوف فيه و عينيها حمارو علاين تبكي بقوة الغيرة و طارت عليه بتعنيقة و بدات تبكي و تنخصص جبل حس بقلبو فرفر و كيضرب بسرعة بحال كاين فسباق مارطون دم تجمد فعروقو داتو كلها كترجف فاش كتكون فأحضانو دار يدو من مور شعرها و ضمها ليه بقوة بحال باغي يحشيها و يخبيها ما بين ضلوعو غطس نيفو فعنقها كيستنشق عطر أنفاسها بقا حابس نفس باش يستنشق أكبر كمية ممكنة من عطرها كيحس بلي نورسين كتنطبق عليها مقولة نزار قباني
《لاعطر يضاهي عطرها ولو أعتصرت فرنسا في قنينة عطر 》 كيحس براسو طفل بين أحضان ملاكو قال جبل بلا ما يحس
جبل : كيف خلقك الله صغيرة هكذا بين دراعي وأنا من يغرق في عناقكِ ولا يود النجاة
نورسين ما سمعتش كاع أش قال غير كتبكي وتنخصص
نورسين : اهئ اهئ حرام عليك ما نعاودش نقلقك و نعصبك غير ما تزوجش بمراة أخرى
جبل سمع شنو قالت و الابتسامة شقات طريق شنيفاتو عارف حبيبتو مغيارة كيزيد يحماق عليها و يبغيها فاش كتغير عليه كيعجبو الحال فاش كتبقى دخل و تخرج فالهدرة فاش كتغير شي بعض المرات كيتعمد يخليها تغير عليه باش يتلدد بشعور تمسكها بيه كيتسطا على هاد حب التملك فيه كيحس بلي هو ديالها وبلي كلشي فيه كيخصها بوحدها
بعظات نورسين عليه و وجها حمر بالبكا و شنيفاتها حتى هوما و نيفها احمر منظرها جد مثير و كتزيد تعض فشنيفاتها كتزيد تشعل العافية اللي فقلبو و شوق اللي عندو من جيهتها جبل بقا مركز مع شنايفها و هي كتهضر و كتشوف فيه
نورسين: جبل ما جاوبتينيش اهئ اهئ واش كتهدر من نيتك *كتعض على شنايفها *
جبل : باركة أنورسين عفاك راه عييت ما بقيتش فيك رحميني حبسي داكشي اللي كديري بفمك عفاك كنترجاك
نورسين بقات كتشوف فيه و ما فاهماش كاع أش واقع بقات مستغربة من هضرتو جبل قرب ليها وجرها لعندو حتى ضربات فصدرو و طلعات عويناتها كتشوف فيه حيت هو جبل طويل خاصها سلوم باش تلحقو كتشوف فيه كيف شي قطيطة و جبل تنهد تنهيدة طوييييلة وقال بصوت همس بورش نورسين
جبل :انا ماشي حمق باش نتزوج مرأة أخرى من غيرك
هبط جبهتو لعندها و نطحها نورسين تقصحات و بدات كتحك جبهتها بيديها
جبل :*بابتسامة *هاد البنت ألا لا نورسين خدامة معايا فشركة سكريتيرة ديالي مسكينة يتيمة وهاد نهار غتزوج مع واحد الولد حتى هو خدام معايا فشركة كيبغيو بعضياتهم بزاف و قررت نتكلف ليهم بالعرس و عرضوني
نورسين بقات غير ساهية فيه واش هاد الانسان حقيقي واش قلبو بيض حتى لهاد درجة واش بصح مزال شي حد فالدنيا بحالو و بحال طيبوبتو عرفات هي شحال محظوظة حيت معاه و مرتو و كتبغيه حسات بلي ربي داك سنين د العداب كلها اللي دوزات جازها بشخص واحد اللي نساها فكلشي اللي هو # جبل الابراهيمي
جبل دوز يدو حدا عينيها حيت بانتلو ساهية فيه
جبل : فين سهيتي
نورسين :*حطات يديها على لحيتو * هل أنت إنسان حقيقي ؟
جبل : لا مزور شوفي فضهري لاتلقاي made in china
نورسين : هههه كتقولي انا حمقة على أساس نتا بعقلك
جبل : من عاشر قوما أربعين يوما صار مثلهم هادشي اللي عطا الله
نورسين : مبروك عليهم الله هادي هي المفاجأة غادي تديني معاك لعرس ياك
جبل : الولد كان ديجا خدام معاك فالمكتبة انشوف واش غادي تعرفيه يالاه فكري خدمي دماغك شوية
نورسين بقات كتفكر شوية وهو يطيح فبالها
نورسين : كمااااال وايلي ما تقولهاش
جبل كيحرك ليها راسو بالايجاب
نورسين : ولكن كي دار حتى ولا خدام معاك ما فهمتش
جبل : عادي جا دفع سيفي ديالو و تقبل المهم ما تعمريش راسك نتي بهادشي
نورسين : واشوف دنيا شحال صغيرة مرتو سميتها صوفيا ياك ولكن كانت كتخدم فالاوطيل كيفاش ولات سكريتيرة ديالك
جبل : ترقات وولات سكريتيرة عندي المهم انا دابا غادي نمشي لشركة خاصني نشوف التصاميم حيت قريب غادي نطلق الماركة جديدة سلمى راه جاية عندك فطريق
نورسين : حتى سلمى غااد ناري اليوم الحيحة ما كاين غي نشاط * بقات كتصفق بيديها كيف الهبيلة *
جبل شاف فسقف و عض على شنايفو و قرب ليها حتى ما بقا كيفصلو عليها حتى سنتيم و عينيه كيطلقو العافية دار فيها واحد الشوفة جمدات ليها الما فركابي
جبل : عرفتي وديري شي مايكاب معيق ولا تلبسي شي حاجة مزيرة والله ما تحلمي تمشي هانا هضرت معاك خليني معاك زوين
نورسين: لا راك كظلمني انا أصلن واحد البنت اللي محتشمة اصلن التبرج حرام
جبل حط صبعو الكبير على شنايفها و ضغط عليهم مزيان و مسحلها العكر
جبل : انا غير هضرت *هز صبعو كيوري لها العكر * شفتي وديري شي lipstick *عكار * معيق والله حتى نتفاهم معاك عارفك فاش كتجمعوا نتي و سلمى كتلقاو بجوج بيكم هبيلات و مسخر فيكم الله ها ودني منك واعدتيني بلي ما عمرك ديري شي حاجة اللي تقلقني
نورسين : احم كون هاني و نعس على جنب راحة
جبل : ما عرفتش علاش هاد كلمة كن هاني كنحس بلي غادي توقع موراها شي حاجة ماشي هي هاديك المهم هانا مشيت
بغا يمشي جبل وهي تشدلو نورسين فيدو وشافت فيه واحد الشوفة د البرائة بحال ديال دري صغير فاش كيدير شي حاجة وكيجي يتمسكن عليك و يرغبك باش ما تعطيهش العصا
نورسين : جبيلو بغيت نطلب منك واحد الطلب عفاك وما تردوش فوجهي
جبل بقا غير ساهي فيها و كيشوف فعويناتها و فشنيفاتها كيفاش كتحركهم وديك شوفة د البرائة و كلمة جبيلو كيفاش كتلحنها و كيفاش كتخرج من فمها كتبورشو كامل
جبل :*عينيه هايمين فيها *نعام
نورسين: عفاك واش ممكن يمشي معانا حتى ربيع الله يعطيك ما نويتي فخاطرك والله يخلي ليك مرتك زوينة ضريفة اللي هي أنا ربيع مسكين ضريف وكيعجبوه العراسات بحالي عفاك عفاك عفاك خليه يمشي معانا
جبل دوز يدو على وجهو و لحيتو و شاف فيها بقلة حيلة وقال
جبل :عيطي ليه حتى هو يمشي باش تكمل رباعتكم
نورسين طلقات منو و بدات كتضحك جبل حنا راسو و مشا لبيتو يلبس حوايجو باش يمشي لشركة ونورسين خلاص غادي طير بالفرحة حيت وافق طلعات لبيتها جبدات التيليفون و دخلات للانستغرام صيفطات لربيع ميساج
《ربييع جاوبني دغيا بغيت نهدر معاك 》
بقات هازة التيليفون كتسنا يجاوبها حتى سمعات طرن طرن ديال الاشعارات لقاتو كاتب ليها ميساج
《 أش بغيتي تاني واش ما غتفرقينيش عليك واش تابعني حتى لهنا أربي سلامة 》
قرات نورسين الميساج و بقات كتضحك و جاوباتو
《كاين واحد العرس وبغيتك تمشي معانا عفاااك يالله معانا 》
صيفط ليها ربيع
《 حجارك تشدك بعدي مني آخر مرة مشيت معاك بت ليلة كاملة فسيلون هاد المرة غادي يشدوني داعيش انا ما نقصش مشاكيل تزيديني حتى نتي 》
قرات نورسين لميساج و صيفطاتلو
《 و راه جبيلو اللي عارض عليك حتى هو غادي معانا غير يا الله تنشطنا شوية أصاحبي ما تحشمناش 》
صيفطلها ربيع ميساج
《 اوا اختي منين داك برج إيفل اللي عارض عليا نمشي أختي ما نقدرش نرفضلو حتى طلب خايف على عظامي فوقاش بعدا 》
ابتاسمت ليها منال و مشات حلات واحد المجر فيه غير سقاطة و عطات ليها تشيبسات
نورسين : امم جبل كايكل حتى هو شيبس و سقاطة د ههه بحال دراري صغار
منال ابتاسمت ليها و قالت
منال: لا أ لالا موسيو جبل ما عمرو ماشرا هادشي حتى جيتي نتي ووصا داك رجل اللي كيتقدا يبقى يشري سقاطة على قبلك
نورسين عجباها الحال بقات كتضحك و خرجات من الكوزينة و مشات جلسات و شعلات التلفازة و بقات كتفرج حتى شمات ريحة ما غريباش عليها التافت ولقات جبل واقف كيقاد فساعة ديالو فيدو و لابس كوستيم فالاسود جاه واااااعر و كيبان كلاااااس بزاف
نورسين بقات غير حالة فيه فمها هز راسو شاف فيها لقاها كتبتسم ليه غير هي و عظامها كي الهبيلة
جبل :كيهروك ملائكتك
نورسين : كترد صرف
جبل :توتو كنرد الصحيح ما عندي ماندير بالصرف خليتو ليك * غمزها و مشا وقف حداها و حيد ليها تشيبس من يديها *
نورسين وقفات و قالت بغضب
نورسين : عطيني تشيبس ديالي
جبل هزها كيقرا ليها التاريخ خايف تمشي تضرها
جبل : ما تبقايش تاكل هادشي بزاف غادي يضرك فكرشك
نورسين هزات كتافها كيف شي بنيتة صغيرة
نورسين : ولكن انا كتعجبني
جبل : شحال من حاجة واخا كتعجبنا خاصنا نبعدو عليها حيت مساوئها اكثر من محاسنها فهمتي أبنتي
نورسين : احم واخا نسولك واحد السؤال وتجاوبني بصراحة
جبل كيشوف فساعة حيت تعطل
جبل : شنو
نورسين : تصور معايا دابا الا شي نهار تخليت عليك و مشيت بحالي شنو غادي تكون ردة فعلك ؟
جبل تصدم من هاد السؤال بحال كبيتي عليه سطل د الما بارد عينو حمارو و العروق د يدو برزوا جمع يدو على شكل لكمة و هز عينو شاف فسقف و غمض عينو ماعندوش فالقاموس كلمة الفراق أبدا وفاش كتدكر قدامو دم كيتجمد فعروقو و كيتخنق نورسين بقات غير كتشوف فيه و صغرات عينيها فيه
نورين :اوا جاوبني مالك خليتيني بلاكة
جبل فتح عينو و شاف فيه واحد الشوفة ما عمرو دارها شوفة كتحمل بزاف د المعاني ربما كيقولها بعينيه عمري نتفرق عليك ربما يختار الموت ولا يعيش ثانية وحدة بعيد عليها علاش ديما كيعجبها تمشيلو لنقطة ضعافو هاد كلمة الفراق ما كيحملهاش علاش ديما ناس اللي عزاز عليه كيمشيو و يخليوه و نورسين الا مشات حتى دارتها شي نهار يقتلها و يقتل راسو من موراها جبل قرب ليها بلا ما يحس و حط يدو بتثاقل على فمها بمعنى شووت 🤫🤫🤫 و غمض عينو و قال بصوت فيه ألم عمييييق و كبيييير بزاااااف
جبل : علاش أنورسين علاش كتبقاي طرحي بحال هاد الاسئلة اللي ما عندها معنى كنترجاك آخر مرة دكري كلمة غياب او فراق او تخلي على فمك هاد الكلمات كيخنقوني و ما نقدرش نستحملهوم نتمنى الموت ألف مرة على أنني نتفارق معاك نتي منين دخلتي حياتي عاد وليت كنعرف شنو هي تضحك و تبتاسم من قلبك نتي اللي علمتيني معنى راحة نتي اللي لونتي حياتي والا كتاب شي نهار و قدر الله و مشيتي حياتي غادي تولي كلها كحلة و ظلااااام كتسوليني شنو ندير الا مشيتي أكيد غادي نحماق و نقدر نبقا غادي فزنقة و كنعيط بسميتك نقدر نكتب سميتك و نرسمك فالحيوط ديال دار كلها نقدر نمشي و نبقى نغني فالزناقي أغاني الفراق شعري غادي يكبر و لحيتي حتى هي و تحت عيني غادي يولي كلو كحل حيت اكيد النعاس ما غاديش يزورني غادي نولي كيف شي بوهالي او أحمق غادي نولي نتعاطا للمخدرات بكثرة و نسكر بكثرة و مع قلبي ضعيف شكون قال نقدر نموت كاع هادشي كامل بسبابك لدلك آخر مرة تدكري هاد الكلمة على فمك وكل حرف قلتو فكلامي راني كنعنيه عنداك يصحابليك كنتفلا *حل عينو شاف فيها لقا دموع نازلين من عينيها وابتاسم ليها * دموعك غالية أبنتي قلتلك ما توعاوديش تبكي
نورسين هزات عينيها شافت فيه وقالت بصوت همس
نورسين : نتا كتبغيني ياك ؟
جبل بحال ضرباتو بتصرفيقة فاش قلت هاد الهضرة بعد عليها و شاف فعينيها وجملة *نتا كتبغيني*كتكرر فودنو بزاااف د الخطرات ما كرهش يغوت بأعلى صوتو و يقولها اه اه اه كنبغييييك ولكن مازال ما حان الوقت باش تسمع هاد الكلمة من فمو الاعتراف ديال جبل خاص يكون عندو طقوووس خااااااصة ماشي غير أجي و قول كنبغيك بالنسبة لجبل هاد الكلمة مقدسة و ما يمكنش يحرق المفاجأة فلدلك قرر ينقد الموقف
جبل :*ابتاسم ليها بكل حب * حنا أصدقاء و اكيد عندك قيمة كبيرة فحياتي اولا
نورسين صغرات فيه عينيها و خنزرات فيه جبل دور وجهو ما بغاش يشوف فعينيها اللي كيوتروه قربات نورسين ليه و دوراتو من لحيتو لعندها حتى شاف فعينيها
جبل بقا غير مصدوم و كيشوف فيها كيحس بملاكو بحال تبدلات بزااااااف جاتو الصدمة من هدرتها بقا غير كيشوف فيها لسانو تربط كيحس بيها بحال تحولات من قطة ضريفة و كيوت الى لبوؤة شرسة اش هاد الزعامة ولات فيها شداتو ضحكة بقا غير كيضحك حتى كيبانو سنيناتو و ضربلها نيفها بحركة سريعة
جبل : أش هاد الهدرة كتقولي أنورسين
نورسين بعدات عليه و مسحات دموعها و شافت فيه و ابتاسمت ليه بانكسار نورسين كتبقى انثى واي أنثى عندها كرامتها و ما يمكنش تمرمدها فتراب
نورسين : ياك نتا اللي قلتي خاصني ندخل لمعهد تمثيل و هاد المشهد شفتو فواحد المسرحية و بغيت نقولو *كتصفق * حتى نتا طلعتي ممثل بارع ما عندي ما يسالك
جبل حاس بيها و بقلبها اللي كيتقطع ولكن ما عندو مايدير حتى هو كيتألم أضعافا مضعافة ولكن الفرق بيناتهم هو صابر و قادر يتحمل ولكن نورسين صبرها قليل بزااف (بحالكم 😂😂😂)
جبل : خاصني نمشي دابا تهلاي فراسك
مشا بحالو و نزلات دمعة من عينو و مسحها بالحلة باش كيحل الباب ضرب فسلمى واقفة فالباب
سلمى : جبلل أفين لابس عليك
جبل :*ابتسامة انكسار * حمد الله على كل حال *دار نضاضر د الشمس فعينو و خرج ركب فطوموبيلتو وديمارا و زاد *
سلمى : صافي أختي الله يرحم الواليدين باركة ما تبكي راه قلبي حتى انا طايب ما تزيدينش حتى نتي
نورسين : اهئ اهئ جبل اختي انا عارفاه كيبغيني ولكن علاش ما باغيش يقولها انا حرت معاه والله اهئ اهئ حشومة عليه اهئ اهئ
سلمى : *تنهدات * فاش تجي وقتها دابا يقولها
نورسين :*كتمسح دموع بيديها * عرفتي شحال وليت كندل راسي و كنبينلو بلي انا كنبغيه و ديما كنجبدلو الموضوع ديالي انا وياه علاين نقولو و راني كنبغيك ولكن معامن مع داك راس طارو شيبني يا ختي شيبني تفو
سلمى :*هراتها فكرشها * هاي هاي على نورسين كيف كانت و كيف ولات حتى نتي وليتي تعرفي الحب أ الماسخة هههه
نورسين : هههه ضحكتيني واخا ما فيا اللي يضحك اجي بعدا تصالحتي مع يعقوب
سلمى حركاتلها راسها بالايجاب
سلمى : اوا يا لالا داني لواحد الريسطو و تعشينا و باسلي يدي و ناض حنا على ركابيه و قالي بالغوات سمحلي ليا أحبيبتي حدا الناس و كلشي بقا كيشوف فينا اوا انا سامحتلو و ناض داني لدارنا و صافي
نورسين : ياه سعداتك أختي كن غير جبل حتى هو يتعلم من صاحبو شوية ديال ترومانسيت فقصني يا ختي فقصني ديما كيقولي حنا غير أصدقاء انا حرت معاه بالله
سلمى :* دارت كراااخ بضحك *ههههههه وامي كرشي واش تيقتيني أختي وا يعقوب البارح ولد اللدينة صيفطلي ميساج قالي الله يسامح و حتى انا قلتلو ماشي مشكل صافي و طوينا الموضوع وقالي غدا كاين واحد العرس وحتى انا غادي نمشي معاه تما نتلاقاو ههههههه والله حتى نتي علام واشفتي داك يعقوب وا حرش زيرو رومانسية ههه ولهيلا قالتليك يعلم جبل ترومانسيت وراه جبل اللي رومانسي أكثر منو نتي راك مزال ما كتعرفي فيه والو على هاد الحساب ههه ضحكتيني حق الله
نورسين :*عوجات فمها * امم قتلتيني ديما كتقولي نفس الهدرة ما شفنا منو والو
سلمى : هاويلي داكشي كامل اللي دار معاك ما شفتي منو والو ولايني راكي واحد نكارة الخير منك ما كاين
نورسين : اوووف انا جبيلو ديالي واخا يكون كيفما كان انا طنحماق عليه وحتى يعقوب ضريف مسكين و هبيل الله يخليكم لبعضياتكم
سلمى : امين اختي والله يبعد علينا الحساد و القواسة
نورسين شداتها من شعرها
نورسين : لهلا يحييك انا قواسة لحسك
سمعوا الدقان فالباب وناضت نورسين حلات الباب وهي تضحك حتى بانت ليها ضرسة د العقل و قالت بالغوات
نورسين : ربييييع
ربيع كان داير نضيضرات د شمس حيدهم و علقهم فصدرو و دوز يدو على شعرو
ربيع : الله ياختي علاه نتي ساكنة ففيلا
نورسين : *ظارت يديها فجنبها * اش بانلك
ربيع : يا المصيبة طابو لي رجلي بتقلاب مال داك راجل شاري هاد الفيلا فهاد الخلواني تفو لا طير يطير ولا حمارا يسير
نورسين : جبيلو ديالي كيبغي الهدوء و الصمت و نتا مالك
ربيع : امم غير نتي بعدا فيك الصداع د العالم كامل أربي داك راجل أش عجبو فيك لا زين لا لاطاي لا صواب لا أداب لا هدرة مسكدة لا والو
نورسين : ما حدك حاضيني و ربي عاطيني
ربيع :امم وراه عاطيك نيت للقلب ونتي ما حاسة حيدي عليا خليني ندخل
نورسين حلاتلو الباب و دخل لداخل لمح سلمى جالسة
ربيع : هاي هاي قول تجمعتوا هنايا يا جوق العيور
سلمى التافتت و ناضت عندو كطير عنقاتو
سلمى : ربيييييع
ربيع بعد عليها و كيسوس فحوايجو
ربيع : وا بعدو عليا اللي شافتني كتلصق عليا
نورسين : امم حيت نتا نجم مشهور داكشي علاش وات سير
ربيع : اجي بعدا فين هو داك برج ايفل ما بانليش الا كان انا نمشي بحالي
نورسين : اواه كتخاف منو حتى لهاد درجة هههه ما كاينش اسيدي خد راحتك
سلمى: يخاف ما يحشم
ربيع مشا جلس فوق الفوتوي و طلق يدو بجوج
ربيع :مالكم هاكا ما فيكم لا صواب لا اداب جيبو لينا غير شي كويس ديال اتاي مع غويطويات راني ضيف زعما وجاي لدارك يا نورسين اول مرة اوا تهلاي فخوك
نورسين : *كتضحك * واخا هانا نمشي نقولها لمنال
نورسين انصارفت لكوزينة و مشات سلمى جلسات حدا ربيع و بقات كتضحك ربيع شاف فيها
ربيع : اودي راكم غير مخطوبين عنداك شي نهار يمشي يقولك ناخدو راحتنا فدار و تمشي معاه ها ودني منك راني نحرك نحير جمل
سلمى : لا شحال من مرة مشيت معاه يعقوب ولد ناس عمرو نواها عوجة
ربيع :*دار فيها ديك شوفة ديال من نيتك * واشفتي رجل واخا يكون كيصلي على هيدورة سبع و فجبهتو طبعة دصلاة قدها قداش واااا ما تيقيش فيه أبنت ناس وااا ما تيقيش عاد عرفت علاش نتي و ديك المشة الكحلة صحابات حيت بجوج بيكم مكلاخات و ضبعات وااااااااا الحاجة تي فين أتاااي
خرجات نورسين من الكوزينة و مشات جلسات معاهم
نورسين : راه كيوجد أزمر مالك جاي بعجاجتك بحال عمرك دقتي النعمة
ربيع : اوا شفتكم جالسين كتسناو نقاشة ولا مالكم نوضو تكعدو تقادو كمارتكم راه عندكم العرس زعما
ربيع : كيقول واحد المثل ايلا شفتيهم رضاو علينا عرف حاجتهم فينا لو ما بان ليهم فينا كن خلاو الواد يدينا
نورسين : ياك انا صاحبتك ياك
ربيع : أرسول الله سدي داك دلقوش لله يرحم والديك ما قاد على عصا يسمعك راجلك يجي يفرشخني زهري و انا عارفو كاع ناس عندهم الزهر كيهرس الحجر الا انا سبحان الله عندي الزهر تابعني بالحجر كيهرس فيا الله ينعل بوك أزهري
سلمى :ما تخافيش انا معاك احوباااي ما تهزي الهم لحتى حاجة
انصارفت سلمى و بقات نورسين مع ربيع
ربيع :وراكم غير كتضيعوا فلوسكوم على الخاوي بالله ما عندكم حتى حاجة من المعالم الانثوية ما كيجيو معاكم لا تكاشط لا كساوي كتعدبوا راسكم على الخاوي اربي لا ما عاوديلي ا نورسين فين لقاك داك برج ايفل ياكما كنتي كتسعاي حدا شي جامع
ناضت نورسين عندو و نتفاتو من شعرو
نورسين : نتا بالله الا خاصك شي طرحة د العصا
جابت منال حطات البلاطو فيه اتاي و الغاطو ربيع شاف فيها و بقا كيضحك وحتى منال هزات راسها و شافت فيه و ابتاسمات ليه و مشات
ربيع : وا بقاي حالة فمك دابا شي نهار تطيرلك براجل هاد الخدامة
نورسين دورات شعرها من مور ودنيها
نورسين : هادوك فعايل شمايت اما انا عندي رااااجل و سيد رجال ما عمرو يشوف فشي وحدة من غيري
ربيع : اوا انا غير قلتلك نصيحة أخوية لله هاد ثقة زايدة هي اللي كتخرج على العيالات
ضرباتو لضهرو
نورسين : صافي هنينا كتبقى دخلي شك على الخاوي شرب اتاي ديالك و سكت
ربيع : اودي اللي قال الحق كيتسما أحمق راه اللي كيبغيك بصح كيبقا لاصق فطاسيلتك واخا ما يكون فيك ما يتشاف كيفما داير داك برج ايفل
نورسين : اوا الله يخليه ليا
دخلات سلمى فيديها تكاشط
سلمى : يالاه أصاحبتي راه يعقوب و جبل راه دابا و هوما جاو
ربيع : اجي بعدا ما دبروش على خوكوم نخدم هاد الليلة معاهم ندخل مصيريف
سلمى : ديرلينا غير المايكاب و ندبروا عليك
ربيع : يحفظك
جرات نورسين و طلعوا لبسوا تكاشطهم جاوهم فنين تكاشط على شكل غوب و لكن مستورين و مزيونين جاوهم مع لاطاي
نورسين : اححح اليوم طايح اكثر من نايض
سلمى : الله يخرج طرح بسلام
نورسين : اللهم امين
هبطو فالدروج و سمعوا ضحك فالكوزينة
سلمى :واش كتسمعي لي سمعت
نورسين : هاد صوت جاي من الكوزينة
دخلو لكوزينة لقاو منال جالسة كتموت بالضحك و ربيع هاز البلاطو و جالس كيضرب فيه و كيغني
ربيع :الجنس الغداااار عمررررك تكووولي ليه يااا حبيبي....
الجنس الغداااار مااال طعاااامي مااابغاااا يكررررر
خليت ليه ربي و الطعااام ...الجنس الغداااار
بناادم الحرااامي كلوووو الغدددر
ياااو واانااا صغيرة و ذنوووبي عليه
ايوااااا 💃💃💃💃💃👏👏👏👏👏👏👏
سلمى : صلى وسلام على رسوله لووووووولوووووووي
ربيع حط البلاطو من يدو
ربيع : اربي سلامة منين كتجيو نتوما واش كطلعوا من الارض و لا كتنقزوا من السما
نورسين : تبارك الله عليك أشيخة صمكة راك ناشطمع راسك
ربيع : ونتوما مالكم جيت نشط هاد ليتيمة د منال و الله حتى ضريفة احسن من طاسيلتكم
منال غير كضحك و كتبتاسم و حشمانة
سلمى : تا جمع راسك و بعد من البنت جالس تعنب عليها
ربيع : ونتي مالك
نورسين مشات عندو جراتو من القاميجة اللي كان لابس
نورسين : دوز تحرك تقاد لينا كمارتنا راه الخمسة د العشية هادي و دابا و هوما جاو باش يديونا
ربيع :والعرس راه ما كيبدا حتى لستة
نورسين شدات على راسها
نورسين : اشداني نعرض عليك شيبتيني و ما كتقاداش
ربيع : يالاه زيدو قدامي كتقطعو فالقلب جبتو الماطريال
نورسين : جبناه بقاو ناقصينا غير يديك
ربيع :*غمزها * و وهادوك هما كلشي هاي هاي على تكاشط و الدنيا و الحالة هاد العيالات كيتسيفوا بالله
خرجوا من الكوزينة و مشاو جلسو من فوق الفوتوي وبدا يقاد ليهم فوجههم دار لسلمى مايكاب غامق و نورسين دارولها خفيف بزاف هزات نورسين المرايا شافت راسها
نورسين : دابا شنو هو هادا المايكاب اللي درتي ليا
ربيع : اختي نتي قلتي راجلك قالك ما تكتريش انا ما قاد على صداع يمشي يكرضلي يدي يقولي نتا اللي درتي ليها المايكاب وانا يديداتي هوما راس مالي الا مشاو نجلس على ضس
سلمى :احح الله يعطيك صحة اودي ياربيع
ربيع : خليتلك صحة و ما يجي منها حطيلي رزقي ا لالا
سلمى جبدات من صاكها الفلوس و حطاتهوم فوق الطبلة ربيع هزهم دارهوم فجيبو
ربيع : الله يخلف على لالا مرات سيدي
سمعوا الدقان فالباب مشات منال حلات لباب وهو يدخل جبل و يعقوب نورسين و سلمى التافتو وجات عينيهم على عينين بعضياتهم جبل بقا كيتأمل نورسين و بقا واقف ما تحركش من بلاصتو و هز واحد الكاس دالما من فوق الطبلة شربو وعينو ما حيداتش عليها عكس يعقوب اللي مشا وقف على سلمى و مد ليها يدو
يعقوب : يخليلي الجمال و الاناقة * جرها لعندو و باس ليها راسها * سمحيلي
نورسين بقات كتشوف فيهم كيفاش كيهدروا و كيفاش يعقوب كيعامل سلمى بقا فيها الحال و ضرها قلبها علاش حتى هي ما تعيش مثل هاد اللحظات مع جبل بقات ساهية فيهم حتى شاف يعقوب فيها
يعقوب : هانا تاني على نورسين بصحتكم
نورسين : الله يعطيك صحة
لمح ربيع اللي جالس و حاني راسو
يعقوب: سلام
ربيع : وعليكم السلام
يعقوب: ما غاديش تعرفوني بسيد
ناض ربيع و مدلو يدو
ربيع : اكبر جوايقي فالمغرب عندك عرس ختانة سبوع صدقة ربيع فدمة ما تخممش
يعقوب ضحكاتو هدرتو و شاف فسلمى
يعقوب: منين دبرتوا على هاد جوايقي
سلمى : ههه كيقرا مع نورسين
يعقوب :*خنزر فيه * واقيلة نتا هو اللي ديتيهم داك المراة العرس
سلمى بغات تضربلو الهدرة و شداتلو يدو
سلمى : يالاه نركبو فالطوموبيل راه مشا الحال يالاه حتى نتا معانا أربيع
سلمى جرات يعقوب و تبعهوم ربيع و خرجوا اما نورسين تنهدات و ناضت هزات صاكها بدورة باش كدور لقات جبل واقف كيشوف فيها
نورسين : ما عوالش تمشي
جبل : ماشي دابا
نورسين دوزات يديها على شعرها و مشات وقفات حداه
نورسين : اوا ها اللعب ديال دراري صغار
بغات تخرج وهو يشد فيديها دارت عندو بسرعة و عينيها حومر بدموع قلبها عامر و طايب من جيهتو من داكشي اللي وقع بيناتهم و خصوصا فاش شافت يعقوب كيفاش كيعامل سلمى بقا فيها الحال حتى هي بغاتو يمدح فجمالها و يقولها جيتي زوينة وهي اصلن كلشي دارتو على قبلو
نورسين :*بصوت منغنغ بالبكا * نعاام شنو بغيتي
جبل : هاكي شربي هاد الما
نورسين : ياكما فيه سيرو د نعاس باش ما تدينيش
جبل غلباتو ضحكة عارفها مقلقة منو
جبل : كوني تسمعي الهدرة و شربي
نورسين : ما بغيتش نشربوا
جبل :وعلاش
نورسين : شكون عرف يكون فيه شي سم باش تهنا مني
جبل : كظلمني
نورسين : وعلاش نتا مصر باش نشربوا
جبل : قريت عليه القرآن باش ما تقيسكش العين خايف عليك انورسين ما دايرش فيه السم وما دايرش فيه السيرو د نعاس جيتي زوينة بزاف
جرها لعندو و هي تنزل دمعة من عينيها حط جبينو على جبينها وقال
جبل : عطايا الله جميلة وأنتِ أجملها ابتسمي فلا جميلة إلا أنتي *تنهد تنهيدة طويييييلة وقال * كيف انا لجمالكِ أصف..
وإن وصفت ..!!
فمن أين أبدأ ..وأين أقف ..؟
وماذا ستزيد لكِ كلماتي ..
إذا كنتُ من عيناكِ روعة كلماتي أستشف ..
يا ناعمة القوام ..ياصاحبة الجسد البديع
يا رقيقة الملامح ..ارحمي عاشقاً بالحبِ رضيع..
نورسين غمضات عينيها وهي كتسمع هاد الكلمات الرقيقة اللي لامسوا قلبها و كيانها و روحها كتحس براسها فرحاانة لما لا وهي حبيبها كيغازلها الانسان اللي دق قلبها ليه بدون أي مقابل كيدير معاها شي تصرفات كيخليها تعشقوا وتبغيه بلا هواها هي كتبغيه و غارقة فبحر عشقو وهو غير ما كيزيد يغرقها فيه ولات كتحس بيه أوكسيجينها اللي ما يمكنش تنفس بلا بيه والا مشا تخنق و تموت ابتاسمت نورسين و هي مغمضة عينيها و جبينها على جبينو
نورسين : كيف لصوت كائن بشري أن يستقر في القلب كأنه تفاصيل موسيقية *بعدات عليها و فتحات عينيها و شافت فعينيه مباشرة و قالت * عندما أنظر إليك أحس بأنك معجزتي الوحيدة التي أتت إلي من السماء
جبل ابتاسم ليها
جبل : طلعتي شاعرة ماشي كسولة كيفما كان كيصحابلي
نورسين: كنقرا الروايات الرومانسية بزاف و انا من محبي الشعر و حتى نتا طلعتي ماساهلش شاعر رومانسي
جبل : ماشي انا اللي اختاريت نكون شاعر الاحاسيس و المشاعر اللي كنحس بيهم هوما اللي خلاوني نكون هاكا
نورسين : شنو هوما هاد المشاعر امم
جبل جرها عندو و ضمها ليه بقوة بحال خايف عليها تهرب ليه و حشا راسو فعنقها كيستنشق عطرها
جبل : ريحتك زويييينة بزاااااف ما تبقايش ديري هاد البرفان
نورسين قلبها كيضرب بجهد غادي يوقف
نورسين:*قالت بدلع * علاش ؟؟؟ ياكما ممنوع ؟؟ امم
جبل بعد عليها و دار فيها وحد شوفة خطيييرة بزاف نورسين بقات غير ساهية فيه و فنظراتو اللي كيسطيوها و رد شعرها مور و دنيها وقال
جبل : ريحتك زوينة بزاف و تقدري تخلي بزاااف د ناس يركعوا تحت رجليك باش *وقرب حدا و دنيها و همس * ترحميهم و تحني عليهم بتعنيقة
نورسين ابتاسمت و كتحس بوجهها ولا حمر غادي يطرطق بالحمورية بقوة الحشمة و قلبها كيضرب بجهد و يديها كيعراقو و داتها كترعد بعد عليها جبل و بقا كيشوف فيها لثواني عم صمت بيناتهم حتى قاطعهم صوت ربيع اللي دخل بعجاجتو من الباب بقا كيشوف فيهم
ربيع : موسيو جبل
جبل غمض عينو و تكره اللي قطعوا من هاد اللحظة الرائعة دور وجهوا و شاف فيها و فتح عينو و دار يدو على شكل لكمة
جبل : شنو بغيتي
ربيع : *كيهدر حاني راسو * انا مابغيت والو أسيدي غير مسخر قالك سي يعقوب نتا اللي عارف طريق قالك سربيو راسكم راه تعطلنا
جبل : ها حنا جايين
نورسين نقزات ومشات حدا ربيع و قبطات فدراعو و شافت فجبل
نورسين : جبل غادي نمشي معاهم فطوموبيل
ربيع حيد يديها من دراعو و همس ليها فودنها
ربيع : نتي مالك لصقة سيري مع راجلك ما تعاوديش تقيسي فيا ما قاد على صداع مع برج ايفل
جبل قرب ليها و دار يدو فجيبو
جبل : غادي تمشي معايا
نورسين : جبل عفااااك انا بغيت نشط معاهم فطريق الا مشيت معاك غادي نبقاو غير ساكتين
جبل :* طلع حاجب و نزل لاخور* هي دابا انا معقد
ربيع : ماشي هاكاك اسيدي غير هاد نورسين ما يخفاش عليكم غير خبز ربي فطبكو ما كتعرفش تهدر مسكدة ما تديش عليها
جبل خنزر فيه
جبل : ما هدرتش معاك نتا بيني و بينها *شاف فنورسين * جاوبيني
نورسين قربات ليه اكثر و هزات يديها حطاتها على لحيتو و بقات كتلعب فيها و دارت فيه واحد الشوفة خطيرة جبل حس بقلبو غادي يوقف تنهد تنهييييدة طويلة و بقا كيسرط فريقو و قالت بهمس
نورسين : جبيلوو عفاك خليني نمشي معاهم
جبل حرك ليها راسو بالايجاب و عينيه هايمين فيها قال بلا مايحس
جبل : سيري
نورسين جرات ربيع من يدو و خرجوا جبل عاد ضربات الفيقة ضرب على جبهتو بقوة الفقصة
جبل : *غمض عينو * يا ربي اشهادشي كيوقعلي واش كتلقي عليا شي سحر وانا ما عارفش
خرج جبل مكره و معصب و ما عجبوش الحال كيفاش بلمسة منها و كلمة منها قناعاتو باش تمشي معاهم بزااف على سحر طلع فطوموبيلتو معصب و زدح الباب
عند نورسين
طلعات مع يعقوب و سلمى و ربيع فطوموبيل
سلمى : نوورسين ياي غادي تمشي معانا
ربيع : حتى قلنا غادي نتهناو منها لاصقة فينا خليتي راجل على مزيناتو يمشي بوحدو و جاي مزاحمة معانا قالتلك بغيت نشط كنبيعوا حنا البيرة هنا
نورسين ضرباتو لكتفو
نورسين : انا ما غاداش معاك غادة مع سلمى و يعقوب نتا شكون حاشاهلك
يعقوب : وباركة ما دابزو و نتوما دايرين كي شرايكات المزلوط
سلمى : ما نعرف مال جبل خارج معصب
يعقوب : حيت واقيلة لالا نورسين غادة معانا ما عجبوش الحال
ديمارا جبل و يعقوب تبعوا وخرجوا فاتجاه حفل زفاف صوفيا ❤كمال
سلمى : ويلي على شوهتنا نسينا الكادو غاديين بيدينا خاويين
نورسين : اوا اختي راجلي هو اللي دار ليهم العرس من أساسو اوا أش بغاو
سلمى :اوا حنا اللي مدايين والو
يعقوب :*حط يدو على فمو و بقا كيضحك * فكرتوني ففركوس فداك الفيلم
سلمى : ههه اه فاش قالتلو بغيت ما نلبس و ما ندي العرس
يعقوب: قالها دي ولادك هههه
ربيع :ونتوما حتى الولاد ما عندكم *حنا على ودن نورسين * تي مال هادو حامضين
نورسين :كتعايرلي فصاحبي جمع فمك
ربيع :*دار يدو على فمو*هاهو ساكت
سلمى دارت عندهم وشافت فنورسين
سلمى : عنداك غير يمشيو يتزللو علينا يا المصيبة
يعقوب: اوا يتجرأ شي حد اللي هدر يرعف
ربيع : غير تهناو نتوما ما تشوف فيكم لا موحمة لا شادة فحبل حمدو الله اللي لقيتو هاد رجال صابرين عليكم ياكما موكلينهم سبرديلات
سلمى : بزاااف على حسك لهلا يحييك
نورسين :*ريشاتو من شعرو * علاه مالنا كيجيناك زين راه فالعقل اما اللحم راه عندك البقر و الطول راه فشجر
ربيع :هاي هاي على نورسين حتى نتي وليتي تعرفي تعايري
سلمى : اللي قلب علينا يلقانا
ربيع : كنت حاكركم معدرهم قالو سم نسا سم عقرب الا ضحكوا فوجهك غني و اطرب والا حلفوا فيك غير هرب والله ما كدبوا دابا حتى الا تزللو عليكم شنو غادي يقولولكوم مثلا
يعقوب : أ داك البرهوش ما غاديش تسد حلقك
ربيع : *دار يدو على فمو * السميط اللميط
نورسين بقات كتضحك عليه
نورسين : يعقوب و جبل اللي كيعرفوا ليك
رببع : لالا واخا هاكا يعقوب نلقا معاه السلكة ارا لينا داك برج ايفل وعندك راجل خطير ما يكونش كيتعنب عليك مرة مرة
نورسين شدات فقلبها و غمزاتو
نورسين : داكشي كبير عليك أزين
ربيع : *دار يدو على دقنو كيفكر * شنو غادي يكون كيقولك زعما باينة داك برج ايفل غادي يكون عنيبة من درجة طيار داك شوفات اللي كان داير فيك قبيلة ماشي دق الله الله زعما يكون كيقولك شفتك لابسة زرق وانا نزلق ولا مال تفاح مرتاح ولا نجي ولا نشد رجلي صافي لقيتها غادي يكون كيقولك شفتك لابسة الكحل وانا نتحل لالا سمعي هادي احسن...
نورسين شداتها الهيستيرية ديال ضحك
نورسين :*شدات على جنبها * الميييمة لما سكت هههههه أ الهبيل منين كتجيب هاد الهدرة
يعقوب : أهنيونا أدوك البراهش كنحس براسي جالس فحضانة
سلمى : ههههه كلشي قاصح ولا غير تعامل
يعقوب : حتى نتي معاهم جبل تهنا وانا مصيفطكوم ليا حسدتو فهاد اللحظة
ربيع : اوووف جاني اخوتي الملل اش بانلكم نشطوكوم شوية
نورسين : سير على الله
يعقوب :*دوز يدو على شعرو * يا ربي صبر يا ربي راه العرس لهيه ماشي هنا
سلمى :نتا سوق و سكت ربيع يالاه بدا
ربيع : يالاه انا نغني و نتوما عاودو مورايا
نورسين : سير على الله
ربيع : الللله يجيب شي حبيييب
سلمى ونورسين :*كيصفقوا * الللله يجيب شي حبيب
ربيع : أ ويكوون حداااايا قريب
سلمى و نورسين : أ ويكوووون حدايا قريب
ربيع : أونعاودلوووو كل ماادااز علياااا
يعقوب : وا القوم واش ما كتقاداوش
حبس جبل اللوطو حدا واحد قاعة الافراح و حتى يعقوب اللي كان من موراه
يعقوب : واخيييرا وصلنا واخييرا غادي نتهنا منكم
سلمى : كضلمنا أحبيبي
خرجات نورسين بسرعة و مشات عند جبل اللي بقا واقف كيسيانهوم كان عاطيهم بضهر
نورسين :جببل
جبل دار عندها باينة فيه معصب و العروق د يدو بارزين
جبل :نعام
نورسين :مقلق مني
جبل مطلع حاجب و منزل لخور
جبل: ياك انا معقد علاش دابا جاية كتهضري معايا
دور وجهو مابغاش يشوف فيها حاس بدمو كيغلي
نورسين قبطاتلو فيدو و تكات على كتفو
نورسين : ياك نتا كتقولي انا باباك و ما عمري نتقلق منك وعلاش دابا معصب
جبل : فضلتي صحابك عليا انا واسيرو عندهم دابا
نورسين ناضت من على كتفو و تقابلت معاها و حطات يديها بجوج على لحيتو وهو مدور وجهو و مقلق ما عاجبو حال
نورسين :ويتي ويتي يخليلي الغضبة
جبل شاف فيها و ابتاسم بلا هواه
جبل : رديتني برهوش دابا
نورسين : *قربات حتى لودنو و قالت بصوت بورش جبل كامل * علاه دابا يصحابلك نتا كبير شفتي هاد لحية و هاد طولة و هاد صحة كاملة نتا فعيني مزال صغيركيفما كتقول انا بنتك ونتا بابا حتى انا كنعتابرك ولدي وانا ماماك *حطات شنيفاتها على خدو و طبعات عليهم قبلة و بعدات كتشوف ردة فعلو *
جبل كيحس براسو غادي يحماق داتو كلها كترعد هاد البنت غادي تخرجلو العقل كل نهار صدماه بشي حاجة وهاد البوسة نساتو فاسموا قلبو غادي يخرج من بلاصتو داتو كترعد و العرق كيتصبب منو و الحرارة طالعة معاه
خرجات سلمى و يعقوب و ربيع و مشات سلمى جرات نورسين من يديها و ربيع تابعهوم كي الهبيل يعقوب بقا واقف مع جبل اللي كان متكي على الطوموبيل و شاد فصدرو و ساهي فنقطة وحدة يعقوب شدو من كتفو
يعقوب: جبل مالك
جبل : مابقيتش قادر أيعقوب غادي نحماق بغيت نخرج من هادشي
يعقوب : هادو فعايل نورسين
جبل : *حط يدو على نيفو و غمض عينو * ريحتها أيعقوب بقات فيدي كيبانلي نجرها من يديها و نحط ليها كلشي من فوق الطبلة صبري تقادا الا بقيت هاكا غادي نموت
يعقوب : *حط يدو على كتفو * كلشي غادي يكون مزيان
لداخل عند نورسين
مشاو جلسوا من فوق الكراسى اللي مقابلين مع البرزة د العروسة و الموسيقى مطلوقة
ربيع: ويلي ميمتي على أغاني كينوضوا القلب واشحال كنكره هاد البدو د العراسات
نورسين :*كتشرب الما * زيدني عليك
سلمى : ناري معانا يعقوب و جبل كيف غادي نديروا نشطحوا الزمر غادي يحرموها علينا
ربيع: كتقطعوا فالقلب ها باش مزيان تبقى سيليباطير ما يتحكم فيك حد *دار يدو على فمو كيضحك *دابا نتوما غادي تبقاو غير جالسين بقيتو فيا تقولكم جايين لعزو ماشي لعرس غير خسرتو الفلوس على والو ها تكاشط ها المايكاب حالتكم تشفي العدا ولكن ماشيمشكل بقاو تصفقوا مرة مرة بيديكم باش نا تقنطوش ههههه
سلمى :*دارت يديها تحت حنكها *ودابا حنا اللي غايبقاو يغنيو علينا ما شطحتوا ما غنيتوا غير جيتو و تبندتو ماااشي سوقي غادي نشطح و نركز وفينما بغات توصل توصل
نورسين :انا معاك أصحيبتي
ربيع :*كيدور عينو فالقاعة لمح واحد الطبلة عامرة دراري مقابلين معاهم و باينة فيهم ناويين على شي حاجة و كيشوفوا فنورسين و سلمى و كيتغامزو بيناتهم و يضحكوا * يا ربي تخرج هاد العرس على خير و بخير *شاف فسلمى و نورسين *نوضوا تكعدوا من هاد البلاصة و نتوما حالين فمكم
نورسين : جلس قالك نوضوا والله ما نتزعزع من هنا هاد المكان موقع استراتيجي جاي اونفاص مع البرزة د العروسة خلينا هنا باش نبرككوا مزيان
ربيع : كونو تسمعوا الهدرة
سلمى: ونتا مالك نجلسوا فينما بغينا ياء نوض نتا الا بغيتي نورسين عارف شكون غادي يدير العرس
نورسين :حبيبي السابق ههه
ربيع :*ضرب على حناكو*اويلي على حبيبي السابق نتيكتقلبي على شي طرحة د العصا
نورسين: وا غير كنضحك راه ما كان بيناتنا والو كان غير مجرد إعجاب من طرفي وصافي
سلمى:يا ختي دنيا شحال صغيرة
ربيع عرف غاتنوض روينة الا بقاو جالسين تماك
ربيع : قلتلكم نوضوا من هنا شوفو هادوك العزارى اللي مقابلين معانا راه غادي تنوض بين رجلاتكم الا بقينا هنا
نورسين: اللي ساخي بعظامو يجي لجيهتنا
دخلو يعقوب و جبل لقاعة لمحوهوم فين جالسين ومشاو جروا الكراسى و جلسوا اونفاص لسلمى و نورسين
جبل :نورسين فرحانة
ربيع :وعلاه اللي ما بغات تفرح جالسة واكلة شاربة مزوجة بسيادتكم انا اللي صكع ليام
كلهم ضحكوا الا جبل اللي خنزر فيه
جبل : بغيت نعرف شكون نتا فين عائلتك على حسب هدرة نورسين نتا عايش بوحدك
ربيع تخنق من خلال هدرة جبل فكروا فعائلتو اللي ما كيحملش يسمع سميتهوم جبد عليه اوجاع كثيرة ربيع تغرغروا عينيه بدموع ناض من فوق الطبلة
ربيع:سمحولي غادي نمشي لحمام
انصارف ربيع
نورسين: جبل حرام عليك علاش هدرتي معاه بديك طريقة
جبل :شفت نتي بحال داك ربيع عندك عزيز اكثر من القياس
نورسين : وحيت ضريف و قلبو بيض بحال خويا صغير و عندي عزيز بزاف و ما كنحمل حتى حد يقلقوا
جبل ضرب الكرسي اللي كان حداه حاس بنار الغيرة كتاكل فقلبو و ما بقاش قادر اصلن قلبو طايب منين خلاتو و فضلات تمشي مع ربيع فطوموبيل يعني فاقرب فرصة تقدر تخلى عليها هادشي اللي كيقولو عقلو وقف و كيهدر معصب و كيحاول يبرد أكثر من القياس راش ما يرفعش صوتو عليها
جبل : خوووك هو اللي ولاداتو ليك ماك و باك مااا كاينش بحال خويا *ضرب داك الكرسي و خرج *
نورسين: ويلي مال هادا تعصب حتى لهاد درجة
سلمى : حتى نتي نساي *كتصفق بيديها مع الموسيقى *
بدا الجوق يطلع ريتم و بداو كيغنيو شعبي و دارو واحد الضربة ديال الركزة و الشطيح و الرديح نيييت
سلمى: ناري ياختي شدوني الهوايش نوضي نشطحوا
نورسين : يا ختي حتى انا
شافو البنات كلهم ناضو يشطحوا و قفات سلنى و جرات نورسين و بقاو كيشطحوا و يتمايلو مع ايقاعات الاغنية شوية بداو يتحيروا بشعرهم ناشطين وعاوتاتي يشطحوا بكتافهم اللي شافهم يقول غير هاربين من سبيطار د الحماق
فنفس الاثناء
خرج ربيع من الحمام و لمح دوك دراري قاصدين نورسين و سلمى غاديين عندهم
ربيع : ناري قفارت اليوم طايح أكثر من نايض
دور ربيع وجهوا لباب بانلو جبل و يعقوب داخلين
ربيع : الله يا ربي الله اش هاد الزهر عندي نهار بغينا نشطوا كيفنا كيف عباد الله غادي تقربل احسن تقربيلة فهاد العرس
عند نورسين و سلمى
وقفوا عليهم جوج عزارى طوال و صحاح واحد جر سلمى ولاخر جر نورسين
- تبارك الله عليكم
نورسين و سلمى نطروا يديهم منهم و مشاو باش يجلسوا ما فيهم اللي يجبد صداع ولكن الصداع عاد غادي يبدا حيت من زهر يعقوب و جبل قشعوهوم فاش كانو كيتبسلو عليهم مشاو كيطيروا جبل عطا لهاداك اللي كان كيشطح مع نورسين لكمارة طيحوا لارض و بقا كيركل فيه هو اصلن معصب و جابلو ربي فين يبرد غدايدو اما يعقوب شد لاخور اللي كان باغي يتبسل على سلمى ضربلو راسو مع الحيط بقات دماياتو كتسيل الموسيقى حبسات و ناس تجوقو عليهم كي النمل و كالشي كيسول شنو واقع ناضت سلمى و نورسين كيطيروا لعندهم
نورسين : * كتغوت حتى حلقها ولا مبحوح * جبببل بااااااركة باااااركة غااااادي تقتلو
جبل هز عينو شاف فيها و ما فكرش جوج خطرات جرها من يديها و خرجها من القاعة و حل الباب ديال طوموبيل و دخلها فيها و مشا هو لمكان القيادة بسرعة وسد الباب و ديمارا و قلع ما كيشوفش قدامو غادي مكسيري ونورسين حداه كتبكي
جبل على إثر هاد الجملة حبس اللوطو حتى تحكوا روايضها حدا واحد الجرف و نزل منها و هي تبعاتو كانت غتطيح بسباب داك طالون الي لابسة جبل عطاها بضهر و دار يدو فجيابو مشات وقفات حداه جات اونفاص ليه و عينيها مغرغرين بدموع
نورسين : *كتهدر بالغوات * ممكن تشرحيلي شنو هادشي الللي درتييي شرحيييييلي أجبل عفاااااك عيييييييت أجبل اهئ اهئ والله حتى عييييت و ملييت من هادشي ديالك *حسات بشنايفها نشفوا وبقات كتغزز فيهم *
جبل بقا مركز على شنايفها و قلبو كيتسارعو دقاتو
جبل : حبسييييييي أنورسين حبسيييييي عفااااااااك نتي الا عيييتي انا شنووو نقووول انا شنووووو نقول العداااااب اللي كنحس بيه ماااااكيحس بيه حتى وااااحد كنحس براسي غنتسطااااا غنحمااااااق كنموت فنهار ميات ألف مرة حياااااتي ما بقيتش كنقدر نتحكم فيهاااااا شكوووون نتيييي علاااااش دخلتي لحياتييييي شنووووو دنبي انا شنووووو دنبي كلشي فيا كيعيط بسميييتك شنووو درتي فيااااا وااااش هاد اللعنة ما بغاتش تحيد واااااااش هادشي ما غاديش يحبس لمسسسة منك كدوبني همسة منك كتخليييني نسا سميتي ما بقييييتش عارف شكووووون انا معاااااك كنسا العاااااالم أنوووووورسين حتى لامتى ربييييي غادي يرحمني و يعفو عليا من هاد العداب
نورسين بقات غير مصدومة و كتشوف فيه واش هو كان كيبغيها حتى لهاد درجة وهي ما عارفاش حسات براسها بلي أكبر غبية على وجه الكرة الارضية حطات يديها على فمها و دموع من عينيها نازلين شلال جبل قرب ليها و حط يديها على قلبو
جبل : مااا تضحكيش كنغير ماااا تلبسيش زوين حيت كنبغي نتسطا بالغيرة ماشي لخاطري ماشي لخاطري ما تكتريش من عطرك حيت ما بغيت حتى واحد يشمو من غيري انا بوحدي اللي عندي الحق فيك انا بوحدي ما تبقايش توركي على شنايفك و نتي كتهضري حيت كنحبس راسي غير بزز باش ما نتلاحش و نبوسك وفااااش كتهضري بالهمس قلبي كيبغي يوقف و لحمي كيتشوك و داتي كتبورش كااااملة وفاش كتردي شعرك لجنب كتولي مثيرة لدرجة كبييييرة غادي تقولي عليا حمق مسطي هبيل مريض اه اه انا مريض و اكبر مريض على وجه الكرة الارضية بيييييك انورسين كنحس بقلبي ثقيل علياااااا ونتي سباب نتي سباب
نورسين جاها شلال نصفي بهضرتو الكلام ما بقاتش قدات تخرجوا لسانها تربط و عقلها توقف غير قلبها اللي كيضرب بقوة ودموع كينزلو من عينيها
جبل حط يدو على خصرها و جرها لعندو و حط جبهتو على جبهتها
جبل: حبسي دموعك كيزيدو يثيروني من جيهتك كلشي فيك زوين و رائع ما نقدرش نوصفوا بالكلمات معمرك غادي تقدري تحسي بولو شوية من داكشي اللي كنحس بيه جيهتك أنورسين كل جزءمن ثانية كنتقاتل مع نفسي باش ما نقيسكش و باش ما نكتاشفش جسمك اللي كيهبلني و كيسطيني تصوري ا نورسين انا حافظ كل انش فجسمك ما كاينش نهار اللي ما نتخايلكش فيه نعاس ما كيزورنيش فاش كتكوني بعيدة عليا الليل كامل كنحلم بيك نتي لابسة فستان فالابيض و هازة بنتنا اللي باغيها تشبهك فتفاصيلك كلها نيفك خدودوك شنيفاتك شعرك اللي كان مبوكل كا نحماق عليك و كنبغيك و كنموت على تراب اللي كتمشي عليه انورسين
نورسين كاتشوف فيه و دموع من عينيها ما بغاوش يحبسو و حتى الهدرة ما بغاتش تخرج حيت بصح الصدمة كانت قوية بالنسبة ليها واخا كانت شاكة بلي كيبغيها ولكن ماشي حتى لهاد الدرجة حدرات عويناتها لارض كيف شي قطيطة جبل طلع ليها وجهها لعندو بصبعو و بقا مركز مع شنيفاتها اللي كتغزز فيهم حط يدو من مور ضهرها و جرها لعندو اكثر بقوة حتى حسات بصدرها تعصر ما بين صدرو حسوا براسهم دخلو لعالم أخور ليه فيه غير #جبل و نورسين نورسين حسات براسها ترخات و دورات يديها على عنقو و هو عينيه مركزين مع شنيفاتها اللي ولاو حومر بفعل العضان حنى لعندها و حط شفايفو على شفايفها و نورسين تخدرات فهاد اللحظة حشات يديها فشعرو و اندمجوا فاجمل و اروع قبلة جبل طلعوا منو آهات كتعبر على اشتياقو ليها كان كينين بسميتها بحروف متقطعة ما حاولش يلتاقط انفاسو بقا كيتنفس ففمها نورسين تخنقات بغات تبعد عليه وهو زاد جرها ليه مندمج و مرفوع و مخدر فاش حس بلي زير عليها بعد عليها شوي بشوي واخا مسخاش من عسل شنيفاتها حط جبينو على جبينها و عينيه مسدودين و تنهد تنهيييدة طويلة و نورسين حتى هي مغمض عينيها و كترد نفس
جبل : كلمة كنبغيييك قليلة قليييلة بزاف كن لقيت شي كلمة اكبر كن عبرت بيها على شنو فداخل ديالي
جبل نورسين الجزء 13
محتوى القصة
التنقل بين الأجزاء