جبل نورسين الجزء 15 (الفصل الثاني)

اولا الفصل الاول كان غير فلاش باك عقلتو على الجزء الاول فاش كان واقف حدا شجرة يعني داكشي كامل كان غير كيتفكروا اي داكشي وقع ف 2017 وعاد غادي ندخلوا فالفصل الثاني ل 2019

تقديم

غابت شمسك عن سمائي يا حبيبي، فأصبح الكون كله ظلاماً دامساً، أصبح الكون كله من دون أي ألوان، وملامح، وأصوات، لم يعد سوى صدى صوتك يرن في أذني، لم أعد أرى سوى صورة وجهك الحبيب، لم أعد أتذكر إلّا صورة وجهك، ونظرات عينيك عند الوداع. كنا معاً دائماً نتقاسم الأفراح والأحزان، كنا دائماً نحاول أن نسرق من أيامنا لحظات جميلة، نحاول أن تكون هذه اللحظات طويلة، نحاول أن نحقق سعادة وحباً دائمين، حاولنا دائماً أن نبقى معاً لآخر العمر، لكن لم يخطر ببالنا أنّ اللقاء لا يدوم، وأنّ القضاء والقدر هو سيد الموقف، وأنّه ليس بيدنا حيلة أمام تصاريف القدر وتقلباته 💘

2019 

عينين أكثر حدة و أقوى و أشرس كتبان ولات ناضجة على سابق طالقة شعرها اللي زاد طوال أكثرمن قبل كيتطاير مع الريح حيت كانت سايقة طوموبيل من نوع 

بورش فالاسود دايرة كاسكيط فشعرها و مايكاب خفيف لوجهها لابسة صوفيطة دسماطي فالغري طالعة على سرة مع سروال د العسكرو سباط ديال طالون فالمارون ملصقة ضفار طوال فالغوز فيديها و دايرة ساعة نسائية من ماركة غالية بزاااف و طالقة الاغنية ديال حاتم عمور و مجهدة ليهاااا كتبتاسم و كتلعب بشعرها كيف الحمقة 

🎵🎵🎵🎵 

قلبك يمشي لحالو، مبقاش قلبي ديالو

تعلم من لي جرالو، ملي كان معاك

ياما ليا عليك قالو، ماتيقت أنا والو

واليوم بانت فعالو، بغيت غير ننساك

ماشي غير حبيبي كنتي، دنيا بعينيا كنتي

كتر من روحي و حياتي، تعز عليا

ماشي غير حبيبي كنتي، دنيا بعينيا كنتي

كتر من روحي و حياتي، تعز عليا

قلبك يمشي لحالو، مبقاش قلبي ديالو

تعلم من لي جرالو، ملي كان معاك

ياما ليا عليك قالو، ماتيقت أنا والو

واليوم بانت فعالو، بغيت غير ننساك

للي رخصني يرخاص، عليا و غنقولها ليك فاص

من هذا الحب أنا خلاص، منو ساليت

كمل فطريقك سير، معندي بيك ماندير

تحملتك انا كتير، راني ملّيت

🎶🎶🎶🎶🎶

كتغني بجهد و كضحك بهيستيرية و كتصفق بيديها 

《 اللي رخصنييي يرخااااص علياااا و غنقولهااا ليك فااااص من هااااد الحب أنااااا خلاص منوووو سالييت كممممل فطريييقك سير معندي بيييك ما ندير تحملتك انا كثيييير راني مليت 》 

وقفات الطوموبيل فجنب هزات قرعة د الما كانت حداها و هبطات عليها و سداتها وبدات كتنش بيديها على عينيها ربما باغا تحبس واحد الدمعة اللي كانت باغا تنزل كتقاوم باش ما تبكيش ولكن علاش غادي تبكي كلما سمعات كلمات هاد الاغنية اكيد غتكون كتفكرها فشي حدث داز عليها فالماضي يمكن يكون فراق أكثر شخص كانت كتحماق عليه ربما فراق شخص كان كيسوى عندها دنيا و ما فيها شخص كلما شافتو فالتلفاز او صورو على الانستغرام او لقائاتو فاليوتيب كتنوض تبكي ربما هاد الشخص اللي كتبكي عليه هو اللي كلما شافت شي كوبل دايز كيفكرها بيه ربما هاد الشخص اللي كتبكي عليه هو اللي كلما شافت شي شخص بنفس مواصفاتو كيصحابلها رجع عندها و كتمشي كطير عندو وفاش كيدور وجهو كتلقاه ماشي هو كتبغي تخوطر بالبكا عاااامين دازت و خبارو كتشوفها غير فمواقع التواصل الاجتماعي حقق نجاحات باااهرة فالعالم و كلشي كيدوي عليه و على قصة نجاح اصغر رجال الاعمال اللي تشهر بتصميماتو لساعات اليدوية اللي كتقدر قيمتها بالملايين و الملايير تمنات كن كان كلشي كدوب تمنات كن كان فراقو مجرد كابوس و غايدوز توحشات صوتو وكلامو الحنين توحشات خوفو عليها توحشات تعامولو معاها توحشات فاش كان يقولها 《نتي بنتي 》 توحشات فاش كان يرضي عليها ولكن دغيا مسحات دموعها فاش تفكرات شي حوايج اللي كيخليوها حاقدة عليه واخا حاولت تكرهو ما قدراتش قلبها كيتقطع فاش كتشوف شي شخص عندو لحية كثيفة بحالو كتفكرها بيه فاش كتشوف شي شخص بنفس طولتو و تجريدتو اولا بنفس لون عويناتو كتحس بقلبها غادي يخرج من بلاصتو شدات على صدرها حيت حسات بروحها غادي تخرج و نفس كطلعوا بصعوبة حلات المجر اللي كان حداها و جبدات بخاخ الربو (الضيقة)ودارتو ففمها عاد حسات براسها ولات مزيان رداتو لمجر و تكات براسها على الفولون ديال طوموبيل

كلما كتفكروا كتمرض و كتحس بأنفاسها ثقالو و كتخنق هاد السنتين تبدلات فيها بزاف د الحوايج منها انها مرضت بمرض الربو يمكن يكون الحب كيدير هاكا فالواحد ؟ تنهدات بصعوبة و شدات فقلبها وقالت《 علاش ما قدرتش نكرهك علاااش نتا سبابي فعدابي الله ياخد فيك الحق😭😭😭》 هزات التيليفون ديالها اللي كان من نوع أيفون ماكس آخر ما خرج ودخلات لانستغرام و كتبت فالبحث ( كاميليا بنيس ) دخلات لبروفيل ديالها و هوما يبانولها تصاورها و هي حاملة و آخر تصاور عندها فالمستشفى فاش كانت كتولد كاتبة عليهم ( محتاجة لدعائكم اليوم غادي نهز ولدي بين يدي وباباه فرحان بيه بزاف) ودايرة طاغ# لجبل الابراهيمي كلما كتشوف هاد التصاور كتبغي روحها تزهق كلما كتشوف هاد التصاور كتزيد تحقد عليه اكثر و اكثر 

لاحظت بلي طالعة فعام تقريبا كاميليا ما بقات كتحط حتى حاجة فالانستغرام ديالها ديما كتدخل تشوف واش كاين شي جديد والو لاحت تيليفونها فالكرسي اللي حداها و دوزات يديها على شعرها بقوة الفقصة و الغدايد 《 أكيد غادي يكون فرحان هو و ياها وجالسين كيربيو فولدهم وانا جالسة هنا كنتفقص علاش اسيدي ربي علاش انا اللي يوقع ليا هادشي اهئ اهئ😭😭😭》 جبدات كلينيكس ومسحات بيه دموعها اللي كيتساقطوا وهزات المراية وشافت فراسها وقالت بجهد 《 نتي قوية حتى وااااااحد ما كيستااااهل نزل عليه دموع حتى واااااحد اعمليلو بلوك بلوك بلوك خلاتها رضوى شربيني 》 نزلات زاجة ديال طوموبيل باش تنفس حيت تخنقات وقفات حداها واحد الطوموبيل داسيا فالكحل و نزلات زاجة ديالها و هي تسمع شي حد كيتزلل عليها 

- مال شكيليطة مقلقة 

هزات راسها شافت فسقف ديال طوموبيل و غمضات عينيها ربما هاد الحركة اكتسباتها منو لا شعوريا رغم انها عاشت معاه مدة قليلة الا وانها خدات من عندو بعض تصرفات اللي كان كيدير فاش كيتعصب وهدا ان دل على شيء كيدل على تأثير الكبير اللي خلاه فحياتها

هبطات راسها و تنهدات ودورات وجهها شافت فيه وابتاسمت ليه و عطاتو الصبع 🖕🖕 وقالتلو بجهد 《fuck you》 و عفطات على الكسيراتور خلات غير العجاجة من موراها حتى وصلات لحدا واحد الكافي عاد حبسات الطوموبيل هزات مونطوها من الكرسي الخلفي حيت الجو بارد بازف حيدات داك الكاسكيط اللي دايرة من فوق راسها ولاحتو فالكرسي اللي حداها و قدات شعرها فالمراية ولبسات واحد الطريبيش ديال الصوف فالكحل جاها كيووت بزاااف نزلات من الطوموبيل وسدات الباب طايتها ولااااات وااااااعرة بزااااف الكرش داخلة و ليهونش خرجوا بطبيعة الحال ماهي دارت سكوات و داخلة لاكبر نادي د الرقص و دالسباحة تبدلات فحياتها شحال من حاجة دخلات لمحل د القهوة ووقفات طلبات منهم يصوبولها كابوتشينو باش تديه معاها فطريقها وبقات واقفة كتساين قهوتها حتى توجد وهي تسمع شي أصوات من موراها وبالضبط واحد جوج بنات جالسين كيهدروا على شي حد 

البنت 1:ياااا ختي على تيييتييز شوفي شوفي شنو كااااتبين هنا جااااا يا ختي للمغرب والله حتى جا 

البنت2:شكوون هو 

البنت 1 :*وراتها صورتو فالتيليفون * هادا يا ختي اكبر مصمم ديال الساعات اليدوية عندو واحد الكاريزما خطيييييرة كيقولو بلي عايش فاسبانيا و شحال هادي ما جا للمغرب 

البنت2: وااايلي وا ختي كيحمق تشهاي تحطيه غير ديكور تمنظري فيه 

البنت1: احححح يا ختي ساعة ربي كيعطي الفول غير اللي ما عندو ضراس كيقولو بلي حبيبتو سمحات فيه انا بغيتلهاالعما من هاد المنبر 

البنت2: اويييلي هاد التبوكيصة كاملة تسمح فيها انا تشهيت غير يخدمني عندو باش نشوفو صباح و عشية و ليل متأكدة أختي بلي هادا مغربي 

البنت 1: وسمييتو غريبة شوية ما كايناش فالمغرب بزااف بحال لبنانية ولا سورية عرفتي هداك اللي كان كيمثل فمسلسل الهيبة اللي كانو كيديروه فرمضان شنو سميتو 

البنت2: واقيلة تَيْمْ حَسَنْ

البنت1: ولا ماشي سميتو الحقيقة بغيت سمية اللي كان جاي بيها فالمسلسل 

البنت 2: سميتو على طرف لساني بلاتي بلاتي * دارت يديها على راسها كتفكر* صباري نتفكر 

فنفس الاثناء وجدات الكابوتشينو ديالها و جابوهالها و خلصات كانت كتسمع الحديث اللي كيدور بين هاد جوج بنات اللي فرعولها راسها بالهدرة بدورة باش كدور سمعات 

البنت 2: اه اه سميتو جبل 

البنت1: ايييه هو هداك جبل الابراهيمي

طاح الكأس من يديها وبدات كلها كترعد كانت غادي تطيح كن ماشداتها وحدة فدوك البنات 

-ختي واش نتي بخيير عطييييوها الما سربيييو 

جابولها الما و شرباتو و بدات كلها كترعد و ناس تجوقات عليها وجلسوها فوق الكرسي و كتحس براسها كتخنق ونفس ما بقاتش كتقد تطلعها وسمية 《جبل الابراهيمي》 كتكرر فودنيها و العرق بدا كيتصبب منها وحطات يديها على قلبها اللي كيضرب بجهد 

حطات واحد البنت يديها على كتفها 

- واش أختي انتي بخير ياك نتي هي نورسين أكبر خبيرة مايكاب فالمغرب 

هزات راسها و شافت فيها و حركات ليها راسها بالايجاب و ناضت شدات فراسها حيت كتحس بدنيا كدوخ بيها وفأي لحظة تقدر تطيح دوك ناس كلهم رجعوا لبلاصتهم فاش شافوها ولات بخير بقاو معاها غير دوك جوج بنات 

- واش ممكن نتصوروا معاك اختي كتعجني خدمتك كنشوفك كيفاش كتطلعي لعرايسات اللي كتحطي تصاورهم فالانستغرام ديالك صراحة تبارك الله عليك مبدعة مشاء الله 

نورسين ماشافتش حتى فيها خرجات من تماك راسها مرفوع وكلها كترعد حلات الباب ديال طموبيلتها و ديمارات و زادت كتحس بصدرها تزير عليها و شدات فعنقها و بدات كتنهج حلات المجر الللي فطوموبيل و جبدات منو البخاخ و صاطتو ففمها ويديها كلها كترعد رداتو للمجر و حيدات داك الطريبيش و لاحتو و بدات كتدوز يديها على شعرها و كتردد 

نورسين: مااايمكنش اهئ اهئ علاااااش رجعتي علاااش *كضرب فالفولون ديال طوموبيل بيديها ومسحات دموعها* آآآخر مرة أنورسين تنزلي عليه شي دمعة آخر مرة جبل اناااااا نسيتو جبل ماضي وفااااات انورسين خلييييك قووووية خلييييك قوووية يرجع ولا يجلس وانا مالي اصلن انا كرهت شي حاجة سميتها رجاااال الله يلاقيها ليهم كاملين تفووووو جنس قصييييف كللهم غداااارة ماااافيهم ثقة من بابا وجبد لهيه 

وقفات الطوموبيل ديالها حدا واحد العمااارة وااااعرة من ارقى العمارات اللي كاينين فهاد البلاصة نزلات و زدحات الباب واحد الزدحة حتى مشات الطوموبيل و جات دخلات للعمارة و كتشم شي ريحة ما غريباش عليها ريحة عارفها مزيان مغلغلة ليها فاعماقها و كيف دير تنسا ريحتو تقدر تنسا كلشي الا ريحتو ولكن هو شنو غادي يجي يدير فهاد العمارة وهي مازال ما متأكدة بلي واش كاين فالمغرب ولا ما كاينش ساست هاد الافكار من راسها حيت حسات براسها بدات غير كتخرف و كتخايل بركات على الاسانسور و دخلات تسد وهي دير رقم طابق اللي باغا تفتح وهي تخرج كتقرقب بطالونها اللي مالي المكان بصداعو دقات فالباب ديال واحد الابارطمون و عاودات دقات والو ما جاوبها حد حشات يديها فجيب ديال المونطو و حلاتها وهي تصدم و طرطقات عينيها على وسعهم😲😲😲

فمكان آخر 

واقف واحد الشخص بكامل أناقتو لابس كوستيم فلون الاسود مع حداء فنفس اللون باين من مارك غالية بزاااف حل الصدايف د القاميجة ديالو حيت حاس براسو مخنوق بزاااف بان صدرو الفولادي اللي كيملؤوه شعيرات خفاااف عاطينو جمالية خاصة و من القاميجة اللي غادي طرطق على داتو كتبين شحال كيمتالك عضلااات فووولادية و على ما يبدو ان عضلاتو ولاو أقوى من قبل ولكن علاش وجهو شاحب و دبلان عينيه كيبينو بلي عياااان بزاااف و الغريب فالامر انه كلما كيوقف حدا شجرة ليلك كيتفكر شريط حياتو معاها من نهار تلاقاها حتى لنهار تفارق معاها مدكر كل حدث وقع بحال مادازتش عليه عامين تقريبا بل أكثر من هدا كيحماروا عينو و عضلات صدرو كيتشنجوا و العرق كيبدا يتصبب منو و قلبو كيبدا ينبض بسرعة كبيييرة كلما وقف حدا هاد شجرة اكيييد كتفكروا فحبيبتو او #ملاكو طاهر اللي تعدب بزااااااااااف وهو بعيد عليها 

علااااش هو اللي يصرا ليه هادشي شنو دنبو الا كان بغاها بكل حب شنو دنبو الا بغاها اكثر من نفسو و هي فاقرب فرصة تخلات عليه ربما كان طيب أكثر من لازم ربما ما عرفش كيفاش يتعامل معاها ربما هي ما بغاتوش من اللول ربما ما كانش خاصو يبغي إنسانة بحالها مستهترة و عنيدة و كثيق بأي كلام تقال ليها ياك شحال من مرة قالها ما تثيقش ببنادم و لكن بدات بيه هو لول نيت شحال قاصحة تحس براسك تضلمتي و تآديتي من طرف أشخاص كننتي ديما كتمنى تشوفهم سعداء و فرحانين علاش ديما ضربة كتجينا من القريب علاش ديما فالحب ضروري خاص شي حد يتألم والعجيب فالامر ان شخص اللي كيدمر هو داك شخص اللي كيعطي بزاااف د الحوايج و كيضحي ببزااف د الحوايج و هو اللي كايكون كايحب بصدق 

♤♤♤♤♤♤♤♤♤ 

كل شخص لديه قصة حزن بداخله 

شخص : عانى من أشخاص أحبهم أو مازال يعاني 

شخص: تعب من التضحية دون نتائج 

شخص:يبكي كل يوم عن أشخاص رحلوا من الدنيا 

شخص:يعاني من الغربة حتى و هو بين أهله و أصدقائه 

وشخص يعمل من أجل إسعاد الآخرين و ناسيا لنفسه وأشخاص يقرؤون هدا الكلام ليجدوا أنفسهم في بعض السطور هي الدنيا و لهذا سميت دنيا فقط خد نفسا عميقا وقل الحمد لله فالقادم أفضل بإذن الله 

♤♤♤♤♤♤♤♤♤ 

كان هاز فيديه كأس فيه أغلى أنواع الخمور و كيتأمل فديك شجرة اللي ولات كتبان ليه بمثابة لعنة كلما شافها كيتفكراول نهار تلاقاها بفستانها الابيض و شعرها المبوكل اللي كان كيطيروا ريح مازال عاقل حتى على الريحة اللي كانت دايرة مازال عاقل حتى على الكلام اللي قالتلو اشمن عشق هدا اللي يخليك تعدب اكثر من عشرين عام ابتاسم باستهزاء و دوز يدو على لحيتو اللي ولات كثيفة أكثر من قبل زادت عطاتو وسامة خطيرة و كيتساءل كيف غاتكون حالتها شحال من حاجة غادي تكون تبدلات فيها واش كانت كتاكل وكتشرب اولا لا واش تكون نساتو ولا مزال كتبغيه و كتحماق عليه واش تكون مزال عاقلة على أيامها الحلوة معاه ولالا حاس براسو غادي يحماق من كثرة تفكير فيها تنهد وهو يسمع واحد الصوت من موراه كيعيطلو 

يعقوب: جبل 

دار لعندو و ابتاسملو و قرب ليه يعقوب و تعانقو حيت شحال هادي ماشافو بعضياتهم تقريبا شي شهر 

يعقوب : على سلامتك 

جبل: مبروك عليك 

يعقوب: الله يبارك فيك كي بقيتي نتا 

جبل: *تنهد* راك عارف حالتي ما نحتاجش نقولك 

يعقوب:*حط يدو على كتفو* كلشي دابا يتقاد مع الوقت 

جبل:*ابتاسم باستهزاء و دار يدو فجيبو* صحيح ان المياه كتعود لمجاريها فمعظم الاحيان ولكن ما كتكونش ديما صالحة لشرب 

يعقوب: بحال قصحتي قلبك 

جبل:*هز عينو و شاف فسما و غمضهم * القلب اللي كتكون فيه هي ما عمرو يقصاح و لكن اللي نقدر نقول بلي نورسين عطاتني درس قوي بزاااف عمري نساه *حط يدو على كتف يعقوب* انا حرت معاها اقسم بالله العلي العظيم الا حرت خليتها تعيش حياتها تقريبا عامين وانا مبعد عليها ولكن قلبي ربي اللي كان عالم بيه ربي اللي عارف شنو العداب اللي عشتو *دوز يدو على لحيتو * عامين وهي عايشة حياتها بطول و بالعرض ربما كنت انا خانقها حتى هي كانت كتسنى اقرب فرصة باش تسمح فيا كتخلى بسهولة انا الحاجة اللي استنتجتها هي ما كانتش كتبغيني من اللول حيت اللي كيبغي ديال بصح ما كيتخلاش واخا ما عرفت شنو يوقع ولكن هانا رجعت على ودها وغادي نخليها تعرف شنو دارت فيا عامين وانا معدب وهي ما جايبة لدنيا خبار غادي نخليها تندم على كل حرف قالتو وعاد غادي يبدا لعب ديال بصح الا رخفت ليها سمطة جا الوقت فين خاصني نزيرها 

يعقوب: حتى هي كانت كتعدب راك عارف كلشي ما نحتاجش نقولك 

جبل: هي سباب ديال هادشي كامل هي اللي كتعدب فراسها و كتعدب فيا وهادشي كامل دارتو قلة عقلها * دوز يدو على وجهو* يا ربي تصبرني معاها 

يعقوب:ودابا شنو عوال دير 

جبل:* ابتاسم* بغيت نلعب مع ملاكي شوية 

يعقوب: واش حماقيتي 

جبل:من نهار مشات وانا حمق ماشي شي حاجة جديدة *حط يدو على كتف يعقوب* كي بقات المدام

يعقوب:واخييرا درنا العقد ما تصورش شحال فرحان وقريب العرس *خيب وجهو* واخا كنا عوالين نديروا عرس جماعي ولكن ما كتابش 

جبل:*رشف من الكأس د شراب اللي كان فيدو * وشكون قالك ما غاديش نديروه المهم نتا ديروا دابا مع سلمى اصلن راكم طولتوا بزااف بسبابي 

يعقوب: كلشي يهون على ودك أ العشير 

جبل ابتاسم ليه و هبط على داك الكاس اللي كان فيدو 

يعقوب: حتى لامتى غادي تساليو هادشي و ترجعوا لبعضياتكم 

جبل:*بابتسامة* ربما هاد نهار ربما بعدو ربما من دابا شهر ربما من دابا عام شكون عارف 

يعقوب: جبل شنو كيدور عندك فراسك 

جبل :*غمزو ودار صبعو فراسو* شفتي هاد راس كيدور فيه شلاااا حوايج 

يعقوب: صراحة وليت خايف على نورسين منك 

جبل: *ابتاسم باستهزاء* خاصك تخاف من نورسين اما انا غير مظلوم انا غير واحد الانسان اللي تجرح اكثر من القياس ربما كنت ضريف اكثرمن الازم ربما ضحيت بشحال من حاجة باش نشوفها فرحانة *تنهد* هي واحد الانسانة اللي ما كتقدرش اللي كييغيها و كيحماق عليها انا كنت معتابرها بنتي كنت كنقولها انا باباك اللي ضرك ضرني و اللي فرحك يفرحني 

يعقوب: واهي طلعات واحد مسخوطة الواليدين دغيا لاحتك لدار العجزة ههههه 

جبل: نتا اللي جا معاك ضحك شنو غادي دير هاد نهار ؟ 

يعقوب: معروضين انا وسلمى 

جبل : عندمن ؟ 

يعقوب: *غمزو* عند نسيبتك

عند نورسين

بقات مطرطقة عينيها دخلات و زدحات الباب حتى قفز ربيع من بلاصتو و شد على قلبو كان جالس من فوق الفوتوي كيتفرج فالتلفازة جلسات حداه وضرباتو لراسو 

نورسين: ياك أ الكيدار خاليني كندق فالباب كيف الهبيلة و انت جالس كتفرج 

ربيع حط التيليكوموند و دار عندها 

ربيع: اوا يا ختي و نتي حرام واش بغيتي تفهمي راسك منين دقيتي و ما جاوبتكش لاش داخلة عندي ندمت حتى عطيتيك ضوبل د سوارت تفرقي مني ها العار واش فاش ما كتلقاي ماديري تجي تفرعيلي مخي حتى قلنا درتي عقلك ولكن مرة مرة كيهربلك ريزو 

نورسين عطاتو واحد الدقة لرجلو حتى مشا وجا 

نورسين: انا اللي دايرة راسي فبرهوش بحالك 

ربيع: اوا اختي اش داك تجي عندي جلسي فدارك ياك انا غير برهوش اوا بعدي مني 

نورسين: اوا انا بغيت نجي نشوفك حيت نتا خويا صغير أ العمر هههه 

ربيع: اختي واش جمعتنا كرش وحدة واش مراضع معاك الله يبعد بلايا على بلاك انا ما خو حد غير عطيني شبر ديال تيساع انا عائلتي وسامح فيهم 

نورسين خربقاتلو شعرو 

نورسين: مازال ما هداك الله تصالح معاهم حرام عليك 

ربيع:ونتي مالك دخلي سوق راسك يا على بنادمة كي دايرة كان طالعلي المورال جيتي نتي و هبطتيه تفو 

نورسين دورات وجهها وبدات كتشم نفس الريحة اللي شماتها فالباب ديال العمارة احساسها ما يمكنش يغلط كتشم ريحتو بصح هو كان هنا ما يمكنش تنسا ريحتو اللي كتعرفها اكثر ما كتعرف ريحتها وكيف غادي دير تنساها وهي آخر حاجة شماتها قبل ما تفارق معاه 

🔙🔙🔙🔙 فلاش باك 

دار ومشا رش العطر ديالو و هي تهزو وبقات تشم فيه ورشات منو دارتو فحوايجها بقات تشمشم فيه 

جبل: شنو كديري 

نورسين: كنرش عطرك باش نتدكرك ونتا غايب 

جبل: ماشي هاكاك كيدار العطر 

هزو ورشو على حوايجو و قرب ليها و عنقها عندو بقوة وقال 

جبل:*بابتسامة* هاكا كيدار خاصني نمشي دابا 

بعد عليها و مسحلها الدمعة من عينيها 

جبل: تهلاي فراسك على قبلي عفاك 

نورسين باستو فخدو و حطات يديها على خدودو 

نورسين: كنبغيييك 

جبل: وانا أكثر 

🔚🔚🔚🔚 نهاية الفلاش باك 

نورسين بقات ساهية فنقطة وحدة و سالت دمعة من عينيها و هي تمسحها بالخف ولكن سؤال اللي كيطرح نفسو هو شنو غادي يجي يدير فدار ديال ربيع دورات وجهها وهي تبدا كتقرب لعند ربيع و عينيها فعينيه حتى شنقاتو من الكول د القاميجة اللي كان لابس 

ربيع: اش كديري يا هاد الهيشة *كيفك يديها من قاميجتو* تي طلقي مني مالك واش ما شارباش دواك 

نورسين : شكون اللي كان هنا 

ربيع: ماكان حد كنت غير انا و الجواد 

نورسين:*بالغوات* ماااااااتكدبش علياااااا شكووون اللي كاااان هنا 

ربيع قفز من بلاصتو و تكمش 

ربيع: ولايني راكي واحد المسعورة منك مااا كاين 

نورسين: وااااا جااااوب أ الحيماااري راه باينة فيك كتكدب كنشم ريييحتو كنشم رييييحتو هو كااااان هنا 

ربيع: قل اعود بالله من شيطان رجيم اويلي اينا ريحة ديالمن ياكما مسكونة يا المصيبة وليتي تشمي ريحة جنون كيعاودو على واحد راقي كاين فبركان مجهد نقولها لخالتي فاطمة و نديوك يفوسخك 

نورسين كتقاد فشعرها و كتطلع نفس و كتعاود تهبطو و غمضات عينيها 

نورسين: تهدني انورسين تهدني شهيق زفير تهدني ربيييييع كنهدر من نيتي راني أصلن مكشكة ما تزيدنيش حتى نتا قلتلك كنشم ريحتو كاينة هنا جبل كاااان هنا *قبطات فراسها* قل الحقيقة أربيع 

ربيع بقا كيشوف فيها مدة و بدا يضحك 

ربيع: دابا داخلت عليك بوجه الله أش غادي يجي يدير عندي داك بو لحية 

نورسين خنزرات فيه و هو يتكمش 

ربيع: مالي كدبت ياك عندو لحية 

نورسين: ربييييع 

ربيع : واش اعباد الله يصحابلك غير داك برج ايفل اللي كيدير العطر تي مالك مكلخة 

نورسين:ريحتو ما تخفاش عليا * تغرغروا عينيهابدموع* ريحتو عارفاها و حافظاها أكثر من روايحي شفتي ريحتو واخا تكون فوسط ألف نوع ديال العطور نشمها نعرفها 

ربيع: هي وليتي سلوكي 

هزات المخدة ضرباتو بيها و ريشاتو من شعرو 

ربيع: صافي أزمر هانا غادي نقولك كان هنا واحد الراجل بغاني نخدم لعرسو يمكن يكونو كيديرو نفس العطر انا اش عرفني 

نورسين كتشوف فيه بشك و بعدات عليه 

نورسين: اوا الله يجعلني نثيق 

ربيع: واش هبيلة اش غادي يجي يكجدر عندي انا داك برج ايفل فكري شوية بعقلك ابنتي الله يرضي عليك 

نورسين على إثر هاد الكلمة الاخيرة قلبها مشا وجا هو اللي كان كيقولها 《بنتي》 هو اللي كان ديما كيرضي عليها علاش كلشي كيفكرها فيه علاش حاسة براسها كتخنق اصعب حاجة فالفراق هوما دكريات اللي كيبقاو يزوروك و كيفكروك فشخص اللي باغيا تنسايه 

حسات بانفاسها تسارعوا و بحال بدات كتخنق شدات فصدرها و بدات كتنهج و عينيها كيتقلبوا بحال باغا تسخف ربيع تخلع مشا كيطير حل واحد المجر جبدو منو بخاخ الربو حيت ديما كيكون عندو احتياط لهاد الحالة دارولها بسرعة ففمها عاد ردات نفس و حطات راسها على صدر ربيع و بدات كتبكي و تشهق حالتها تشفي العدا 

ربيع: يا المصيبة غير بشوية عليك غادي تمشي تموتيلي فيدي عاد غايجي داك بو لحية يكددني و ينشرني 

نورسين: اهئ اهئ توحشتوا اربيع توحشتوا اهئ اهئ 

ربيع : وياك نتي اللي سمحت فيه ايخ منو وعيني فيه 

نورسين: ماشي لخاطري راه عندو ولد من مراة اخرى أربيع اهئ اهئ عرفتي شنو هو عندو ولد و مخبي عليا اهئ اهئ و من فوق هادشي طلع مجرم اهئ اهئ كلشي كان كدوب اربيع اهئ اهئ اللي ضرني فخاطري هو اني ثقت بيه ثقة عميا وهو ثبت ليا بلي بصح انا عميا تصور معايا بلي صدق مزوج و مطلق و عندو ولد و باغيها طيحوا بزز ومن فوق هادشي كيعدبها اهئ اهئ وقال ليها بلي انا ضحية جديدة يعني حتى انا كان ناوي يتكرفص عليا بنتلو مقطوعة من شجرة بغا يدير فيا ما بغا اهئ اهئ و صدق عندو فردي اربيع راني لحد الان ما متيقاش بلي كنت عايشة مع راجل عندو الفرادى 

ربيع: او من بعد زعما الفردي هو دليل انه مجرم خطير راه ضروري خاصو يكون عندو راه جبل ماشي اي واحد و انا متاكد بلي الفردي ديالو غادي يكون مرخص راه اي واحد بثرائو و بشهرة ديالو خاصو يخاف على راسو راه اكيد غادي يكونو عندو اعداء وخاصو باش يحمي راسو نورسين: وعلاش كان هاز الفردي على انور شنو دارلو مسكين و علاش جرا عليه من خدمتو 

ربيع بعد عليها 

ربيع: شفتي نتي غادي طيحي فيا سكر و الملحة و الابزار و الكامون و التحميرة و العطرية كلها واش من نيتك مزال كدافعي على داك وجه الكبالة د أنور واش باغا تحمقيني انا من جيهتي كن غير قتلو و تهنا منو و الله ما كرهتو كن تيرا فيه جابلو تمام باش يهنينا عرفتي شنو شحفتيني غادي نوض نصوب شي كاس د القهوة 

نورسين: صوبلي معاك عفاك 

ربيع وقف و ركلها 

ربيع: واش خدام عند باك نوضي تصوبي قهوتك بيديك مزيان تبارك الله فعوط ما تنوضي نتي نيت جالسة تسخري فيا انا الله ينزل عليك اللعنة صبا صبا دابا ولا قد القب قد سطل 

نورسين ناضت وصرفقاتو 

نورسين: الله ينزلها عليك نتا نيت يا الكيلابي 

ربيع: هاي هاي تحل ليك الفم أ البومة 

نورسين: احتارم شوية ختك الكبيرة 

ربيع ركلها لرجليها

ربيع: وما ختيش و ما ختيش منين جاتك ختي الله يخوي ليك العينين 

نورسين:والله يحشلك الركابي 

ربيع: سيري فحالك دابا غادي نبقاو نتعاطاو هنا بحال جالسين ف الحمام 

نورسين : صافي غير جلس انا غادي نصوب ليا و ليك 

ربيع: اوا ديريها من صباح 

مشا ربيع يتفرج و مشات نورسين كتوجد القهوة لربيع و هي كتشربها مخلطة داكشي علاش دارت الحليب يفيض و بقات مقابلاه و ساهية فنقطة وحدة و كتفكر هدرتو اللي كان قالهالها فاش تخلاو عليها عائلتها 

🔙🔙🔙 فلاش باك 

جبل: نتي دنبك انكي ملاك طاهر في وسط عالم فيه الوحوش *عينيه ولاو حومر و دمعو شوية ما كيقدرش يشوفها كتبكي وما يتقطعش قلبو عينيه كيبداو يدمعوا لا شعوريا * ما عليهش ما يبقاش فيك الحال الا منع الله عليك شي حاجة حيت كن عرفتي كيفاش الله سبحانه كيدبر و كيسير الامور ديالك لذاب قلبك في محبته حنا غير بشر ضعيف خاصنا نتفاءلو بالقضاء اللي اختارو لينا الله تبارك و تعالى واخا يكون خارج الرغبة ديالنا *كيعض على شنايفو وهز عينو شاف فالسقف كمحاولة منو انو يحبس الدمعة ولكن دمعة مع الاسف خانتوو هبطات كتجري هبط عينو و شاف مباشرة في قلب عينيها و كمل وقال بصوت منغنغ بالبكا * ولكن ربي كبير غادي يرزقك سعادة كني أكيدة انني غادي نسهر على سعادتك تقدري تعاتبريني خوك صاحبك باباك عمك انا اعتابريني عائلتك كاملة انا غادي نحميك من هادالوحوش ديال دنيا كلها ولكن كنطلبك ونترجاك 🙏🙏 ما تبقايش تعاتبي نفسك على دنب ما ارتاكبتيهش من أساسو هاد اللحظات الاليمة اللي كتعيشي فحياتك كيفما جات غادي تمشي خاصك تعرفي أنه وراء كل غيم كثيف كاين المطر ووراء كل فشل كاين نجاح عظيم خاصكي ثيقي بالله فإن السقوط لا يليق بكي خاصك تكوني قوية خاصك تعلمي تقاومي الدنيا ماشي من اول ضربة تستسلمي خاصك تكوني قوية فالضعف لم يخلق لكي

🔚🔚🔚🔚🔚 نهاية الفلاش باك 

حطات راسها على الحيط و كتبكي و تشهق 

نورسين: ما متيقاش بلي قدرتي دير فيا هادشي كامل علاش أجبل علاش؟ 

جا عندها ربيع كيجري حيت سمع الحليب كيفيض و هي جالسة كتبكي و تشهق مشا طفا على البوطة و مسح البوطاجي و كينكر 

ربيع:انا نييت هبيل اللي قلتلك صوبي القهوة بناقص زديتينا غير فالتمارة 

كب لقهوة فالكيسان و دورو جهو شاف فيها 

ربيع: واش نتي غير جالسة و تهرنطي كي الحمار 

نورسين خنزرات فيه 

نورسين: بزاف عليك يا كبير الحمير 

ربيع: واش غير جالسة و تبكي عندي واحد الفكرة اش بانلك نجبد السمطة و نعطيك دقة د العصا منها انا نبرد جنوني فيك و منها حتى نتي تبكيهم حلال أش بانلك

نورسين هزات كاسها د القهوة و خرجات و تبعها 

ربيع:واش نتي ما عوالاش تمشي لدارك جالسة كدوري ليا هنا عاودولك عندي اوطيل 

نورسين : ماشي جيت حيت انا مشتاقة فيك بلا ما يعجبك راسك و يصحابلك بلي راك واعر راه ماما عارضة عليك اليوم تاكل معانا كسكسو 

ربيع: *رشف من القهوة* واش هاد ماماك مقلوبة على راسها اكثر منك هاد نهار ماشي جمعة 

نورسين: ولا أ زمر ماما بغات دير كسكسو حيت سلمى و يعقوب ضربوا الكاغيط البارح و ماما بغات تفرح بيهم 

ربيع: وايلي صافي ضربوا الكحل فالبيض 

نورسين: صافي البارح طرقوا المسمار 

ربيع: اوا مزيان الله يكمل ليهم بخير اوا و خالتي فاطمة مالقات باش تفرح بيهم غير بكسكسوا الناس كيفرحوا ببسطيلة بدجاج 

نورسين: * هبطات على كاسها د القهوة* وانا ماشي سوقي اجي بعدا كتعرف تقرا الفنجان هاك قراها قولي شنو شفتي فيه هههه 

عطاتو الكاس و شدو ربيع و بدا كيشوف فيه ناض جاب نضاضرو و جلس 

ربيع: احم احم اش ماشي نقولك أ الحبيبة د قلبي فنجااانک اختي کیبین طرییییقک۔طویلة بزااااف ولکن غتواجهي صعوباااات فحیاتک بزااااف ودییک نقطة سوداء الغامقة هذاااک راه فاارس الاحلام جاي من ارض بعیییدة بزااااف غدي یبغییک بطریقة جنونیة مي حتی غتکونو تکرهو بعضیاتکم فاللول و هذااک غیتحول لحب شفتي دوک الخطوطة موجین راهم العدو غدي اوقفو لیکم فسعدکم وغادي اخطفوووک مي غیقلب علیییك غیلقااااک وفااااش غیجي لدارکم اخطبک دییییک ساعة نیییت موک غتفایقک من نعاس وغتکولییک نوضي غسلي داااک الكاس۔ فاش شربتي القهوة وبراكة عليك من الحماق ديال التواركة *حط الكاس فوق الطبلة* 

نورسين شدات كرشها و تفرشخات بضحك 

ربيع: ها عار الله واش هاربة ليهم من صبيطارد الحماق حيت هاد صباح قريت فالجريدة بلي شي وحدة عندها نفس مواصافاتك راه هاربة ليهم نيت ما تكونيش نتي زعما 

نورسين: نوض تكعد تلبس حوايجك أ زمر باش نمشيو 

ربيع:مالي بنتلك عريان تسناي نلبس جاكيطتي وانا معاك 

نورسين: هانا كنتسناك لتحت 

ربيع: يالاه تلاحي احسن حاجة غادي ديري 

هبطات نورسين بتثاقل لتحت و طلعات فطوموبيلتها و بقات كتسنى ربيع ينزل حتى بانلها جاي و هي تبقا تبتاسم بغا ربيع يحل الباب ديال طوموبيل ساعة ما بغاش يتحل ليه وهو يبدا يدق عليها فزاجة باش تحل 

هبطات نورسين زاجة غير بشوية و هي تغمزوا 

نورسين: الله يسهل أشريف 

ربيع حيد صبرديلتو و شير بيها عليها 

ربيع: رديتيني سعاي أ الحيمارية يا الكيدارة يا وجه البومة ياطلابة ديال بصح و بنية 

نورسين بقات كتموت بضحك و حلات ليه الباب 

نورسين: طلعي طلعي أربيعة ما يبقاش فيك الحال 

طلع ربيع و زدح الباب و قجها 

ربيع: شحااال من مرة قلتلك ما تعيطيليش ربيييعة 

نورسين كتحيد يديه من على عنقها 

نورسين: طلق طلق واش باغي تقتلني كح كح 

ربيع رجع لبلاصتو و قاد شعرو 

ربيع: علاه انا كرهت نيت تهناو من خليقتك ديماري خلاص نمشيو بحالنا لدار 

ديمارات نورسين و زادت 

ربيع:مازال داك وجه الكبالة د أنور تابعك 

نورسين حركاتلو راسها بالايجاب 

ربيع: مازال ما بغا يتفرق معاك 

نورسين: مازال 

ربيع: واخا عارفك مزوجة 

نورسين: *بالغوات * اناااا ماااااا مزوجة بحد 

ربيع: واش هبلتي ولا حماقيتي راك مزال على دمة جبل 

نورسين: انا رفعت دعوة ديال الطلاق 

ربيع: ولكن جبل ...

نورسين: انا ماشي سوقي فيه انا رفعت دعوة الطلاق ما فهمتش علاش ترفضات داك جبل عندو معارف فكل بلاصة تفوو على زهر 

ربيع: العجب ما عمري ماشافت دعوة ديال الطلاق كترفض هي داك جبل يدو واصلة نيت 

نورسين: ما فهمتش انا كنقولو سالينا وهو كيقولي انا ماغانتقلقش منك و غادي نرجع عندك و اللي قربلك نحروا *ضربات الفولون بيديها* كيلصق كي المسكة 

ربيع : واحمدي الله أفتيتيحة اللي لقيتيه قابل عليك و ما باغيش يطلق منك راه الا تفارقتو بقيييتي بايرة ما غايقبل عليك حتى واحد مع نتي وليتي واحد شاطة ماطة منك ما كاين 

نورسين: *كتلعب فشعرها و شافت فيه * كاااااين اللي غادي يقبل عليا كن تشوف عروض د زواج اللي كيجيوني تبقا غير حال فمك ما تنساش راني وليت اكبر ما يكب ارتيست فالمغرب كثر عليا طلب *غمزاتو * 

ربيع: عاجبك راسك 

نورسين: bien sûr غادي يعجبني راسي غادي تعجبني نتا مثلا 

ربيع: *دور وجهو و غوت بجهد* شوووووفي قداااامك 

تسمعاااات طراخ حتى مشات طوموبيل و جات كانو وصلو حدا دار نورسين بقات غير مصدومة و كتشوف قدامها 

ربيع:*كيضرب ففخاضو*وااااااش باغا تقتلينا يا مسخوطة الواليدين دعيتك لله 

نورسين: وااااشوف طوموبيلا اللي قسنا يا المصيبة وا فيراري أ زمر فيراري 

ربيع: نتي اللي قصيتها انا ما قست حد انا جالس فبلاصتي ودابا دوزي تهبطي نشوفو شكون ضربتي 

نورسين: اخويا ما قادة على غرامة 

ربيع:* قجها* دوزي تهبطي شمن غرامة عندنا شيخات هنا دوزي تهبطي يا البلا الكحل يا الكارثة اللي سلط عليا سيدي ربي

نزلات نورسين و تبعها ربيع 

ربيع: سيري شوفي شكون قسنا 

نورسين: لالا أخويا خليني غير هنا اصلن ما نزل حد ادن طوموبيل خاوية ومن هنا نستنتج انه خاصنا نهربوا قبل ما نحصلو 

بغات تهرب وهو يشدها ربيع من قرفادتها و هو يتحل الباب ديال اللوطو اللي ضربوا و هو ينزل منها واحد الشخص اللي كيعرفوه مزيااان بقاو غير مصدومين بجوج و مطرطقين عينيهم فيه😲😲😲مشات نورسين كتطير لعندو وكتلهث و شادة فقلبها بالخلعة 

نورسين : يعقووووب *هزات كفوفها كتشوف فسما 🤲🤲🤲* الحمد الله يا ربي الحمد الله 

يعقوب: نتوما اللي ضربتو طوموبيل 

ربيع: الله يرحملك الواليدين ما تجمعش هي اللي ضربات الطومبيل 

نورسين: *خنزرات فربيع* شوف و الله ما درتها بالعاني كان هاد الكيدار اللي كتشوف قدامك ملاهيني بالهدرة حتى ضربتها سمحلي الميمة 

يعقوب: *كيحك فشعرو* الطوموبيل ماشي ديالي صراحة 

نورسين:اه بصح نتا كاع ما عندك فيراري واصلن ماشي نتا اللي كنتي سايقها *كطل من السرجم باش يبانلها شكون ساعة زاج فومي ما كيبين والو* ديالمن هاد الطوموبيل 

كان واحد الشخص لداخل كيسمع لحديث اللي دار بيناتهم و قلبو كيتهز مع كل كلمة كيسمعها من فمها توحش صوتها بزااااااااااااف حس بقلبو كيضرب بجهد و يدو كتعراق توحش ديك نبرة الطفولية اللي فصوتها كيحس بلي صوتها عبارة عن موسيقى كتطرب الادن ديالو ااااه شحااال عانى من فراقها توحشهاااا بزااااف توحش يسمع اسمو من فمها عض على شنايفو و ضهرات الابتسامة على فمو فاش تفكر اسم دلع اللي كانت كتناديه بيه 《جبيلو》 شحال ولا كيعشق اسمو بفضلها هي اااااه كيحس بقلبو شاعلة فيه العافية ااااه شحال توحش يشوف عويناتها اللي كيحمقوه وشحال توحش لمسات يديها اللي كيخدروه توحشها بزاااااف بزااااف لدرجة لجنون لدرجة انو كيهرب لنوم باش يلقاها فاحلامو عشقو ليها فااات القياس فااااات الهوس لدرجة انو ولا مرييض بيها حط راسو على الفولون و حط يدو على قلبو اللي كيحس بيه غادي يخرج من بلاصتو كيحس بلي قلبو فرحان قال بهمس و ضهرات الابتسامة على ملاميحو 

جبل: ملاكي طاهر

سمع شي صوت ديال التيليفون كيزنزن هز راسو و هو يشوف التيليفون ديال يعقوب نساه من فوق الكرسي هزو لقا سلمى اللي كتاصل ابتاسم وحس بلي ربي استاجب لدعائو وأخيرا غادي يشوفها حل الباب و نزل وهو يطفا التيليفون زدح الباب بدورة باش كيدور كتجي عينو فعينيها نيشاااااان 

يعقوب:اوا هاهو مول طوموبيل شفتوه بنفسكم 

نورسين حلات عينيها على وسعهم و حتى ربيع😲😲😲😲😲 كتحس نورسين بحال كتحلم و دنيا كتدوخ بيها ما متيقاش هادشي اللي كتشوفو عينيها واش هادا جبل ولا كدبات طلعاتو و هبطاتو رجع جداااااااب ووسيم أكثر من القيااااس لحيتو زادت كبرت شوية و عضلاتو زادو أضعاف أكثر من اللول و شعرو مقادو و خصوصا انو كان لابس كيطمة فالكحل لاصقة على صحتو مع سبرديلة جاي وااااااعر بزااااف نورسين توحشاااااتو بزاااااف ولكن ما توقعاتش انو غادي يرجع بهاد الوسامة كلها بقات غير كتصرط فريقها و دموع كيهبطوا من عينيها بلا ما تحس ما كرهاتش طير عليه بتعنيقة كيفما كانت كدير قبل من عامين دابا ولكن مع الاسف ما تقدرش حسات بقلبها كيضرها بزاااف و انفاسها تسارعوا تقدر تطيح فأي لحظة 

جبل بدورو بقا كيشوف فيها طلعها و هبطها بعينيه ما كرهش الوقت يتوقف و يبقا يشوف فملاكو طاهر عروق يدو برزو و عضلاتو تشنجو زير على يدو وغمض عينو و دور وجهو باش ما يضعافش تنهد وتمشا بخطوات موزونة حتى وقف حدا يعقوب و حطلو التيليفون فيدو 

جبل: سلمى عيطات ليك تهلا فيها راه بنات ناس ولاو قلال فهاد زمان و كلمة الفراق ولات ساهلة بنسبة ليهم فاي لحظة تقدر تسوسك بحال شي زبل 

دور وجهو و هو يسمع نورسين كتشهق حاس بقلبو كينغزو و كيحرقو بغا يمشي بحالو و لكن ماقدرش ما حس براسو حتى وقف أونفاص ليها وهز ليها راسها و بقا كيشوف فعويناتها و رموشها اللي ولاو فازكين بدموع حول عينو تلقائيا لشفايفها اللي ولاو حومر ما حس براسو حتى حط صبعو على شنيفاتها وبقا كيدوزو برفق نورسين حدرات عينيها ما كتقول حتى كلمة تزيزنات جبل قرب ليها و طلع ليها سنسلة د المونطو بجهد حتى هزات راسها شافت فيه و شهقات ابتاسم ليها و بدا كيسد صدايف د المونطو حتى هوما غير بشوية كيحاول يستغل الوقت شحال ما قدر باش يبقا معاها بالاضافة الى ان نورسين كانت لابسة غير سوفيطمة فالغري طالعة على سرة و كانت خالية المونطو محلول كرشها كانت تقريبا كلها كتبان داكشي علاش دار هاد التصرف 😉😉😉 قرب حتى لحدا ودنيها و همس ليها بصوت مخيف حتى حسات بداتها كترجف حسات بصوتو ولا خشن اكثر من اللول 

جبل: مزال بكاية كيفما خليتك كيفما لقيتك زعما هاد العامين ما بدلات فيك والو من غير انكي وليتي كتلبسي العرا عشتي حياتك كيفما بغيتي الحاجة اللي غادي نصحك بيها وفري دموعك الله يرضي على بنتي شكون عرف تقدري تحتاجيهم من بعد 

بعد عليها و مسح ليها دموعها بصبعو الكبير غير بشوية وقال 

جبل:Don't cry, my angel, your tears will burn me ( لا تبكي يا ملاكي فدموعك تحرقني ) 

نورسين خنزرات فيه و صرطات ريقها و طلعات نفس و عاودت هبطاتو و قالت بصوت متقطع و منغنغ بالبكا 

نورسين: As for me, your presence suffocates me ( أما أنا فوجودك يخنقني ) 

جبل بعد عليها و شاف فيها داك شوفة ديال اهاه دور وجهو لجنب و ابتاسم باستهزاء و غمزها و دار و مشا طلع فطوموبيلتو و ديمارا و زاد بسرعة خلا من موراه غير العجاجة وهي تطيح فالارض وشدات على قلبها و نفس بدات تطلعو بصعوبة و بدات كتنهج وبداو عينيها كيتقلبو يعقوب هبط عندها و عنقها عندو و بدا يغوت على ربيع 

يعقوب: جييييييب ليهااااااا البخاااااخ ديااااالها سررربي 

مشا ربيع كيجري حل طوموبيل و جبد من المجر البخاخ ديالها و مشا كيطير حطو ليها ففمها عاد ولات فيها روح و بدا كيحل ليها صدايف د المونطو من الفوق باش ما تخنقش أكثر نورسين حطات راسها على كتف يعقوب و كتبكي و تشهق 

يعقوب: شوية دابا أختي 

نورسين:اهئ اهئ علاش رجع علااااش اهئ اهئ 

يعقوب: دابا غير تهدني و ارتاحي و ما تخممي فحتى حاجة صحتك اولى ليك 

نورسين: اهئ اهئ غير قولي علاش جا عفااك علاش جا حتى لهنا اهئ اهئ واش باغي يحمقني 

ربيع:اودي نتي راك حمقة خلوق و ترابي باغا تطيحي الباطل على سيد 

يعقوب: هو رجع للمغرب على قبل العرس ديالي انا و سلمى و عندو الخدمة فالمغرب بزاف واحد الفرع هنا عندنا فيه مشكل داكشي علاش جا يراقبو حتى هو وانا قبيلة مشيت عندو لدارو و تخسراتلي طوموبيل و اقتارح عليا يجيبني بطوموبيلتو حيت هو اصلن غادي يجيب جوري من المطار 

نورسين غير سمعات جوري وهي يضربها ضو و بدات كلها كترعد و حسات بقلبها شاعلة فيه العافية صرطات ريقها و هدرات بصعوبة 

نورسين: مشا يجيب شكون ؟

يعقوب : جوري حيت راكي عارفة العرس قريب و حتى هي مسكينة عيطت ليها ما دوزناش القليل حيت كتبقا ختنا 

نورسين:*ابتاسمت باستهزاء* امم اختكم اوا الله يدومها محبة *ضربات راسها بغباء* نسيت ما باركت ليك مبروك عليك نتا و سلمى برفاه و البنين انشاء الله 

يعقوب: اللهم ا مين اختي الله يبارك فيك 

ربيع مد لنورسين يدو 

ربيع: اوا نوضي تكعدي من لارض و باركة من تبوحيط 

قبطات نورسين فيدو و ناضت كتنفض حوايجها و عينيها حومر و دموع كينزلو بلا هواها 

يعقوب: مسحي اختي دموعك واش تبغي خالتي فاطمة تشوفك بهاد الحالة 

ربيع :اختي يحسن عواااانك مع داك بولحية ولا كيخلع أربي سلامة جاي بعجاجتو اختي عادرك من حقك تسخفي انا غير شفتو وقفلي زغب د راسي 

يعقوب خنزر فيه 

يعقوب: ما تزيدش تكمل على البنت حتى نتا وباركة ما تهدر على صاحبي خايب ولا نجي نزدحلك راسك مع داك الحيط اللي وراك 

ربيع:*خيب وجهو*هزاتك نفس على عشيرك 

يعقوب: والا ما هزاتنيش عليه النفس غير نمشي نموت 

دخلو للعمارة اللي كانت أقل ما يقال عنها روعة غير من دخلة دالباب باينة جد جد راقية بداو طالعين فدروج وهي توقف ليهم نورسين و بدات تشمشم بنيفها 

نورسين:ريحتها و الله حتى ريحتها 

ربيع: ها عار الله نتي مالك هاد نهار مع روايح 

طلعات كتجري فدروج و هوما تابعينها كي الحماق حتى وصلات لدار و بدات كتدق بجهد فالباب ربيع حتى هو غوت و شاف فيها 

ربيع:نااااااري و الله حتى ريحتها

نورسين هزات يديها بجوج و ضرب فيديها ربيع

نورسين: ياك شميتيها ياك ههههه 

يعقوب:فهموني ها العار واش انا نيفي مريض اش كتشموا نتوما 

ربيع عنق نورسين جنب 

ربيع: غادي نقولك واحد اللعيبة شفتي ماماك رجولة والله ما كرهت نعنقها و نبقا نبوس فيها من هنا حتى لصباح

نورسين: اوا شنو يصحابلك ماما ساهلة 

يعقوب: فهموني اش كتشموا ها العار 

نورسين: ريحة كسكسوا بتفاية 

ربيع: الله شحال تيسطيني 

يعقوب: بالله الا تلاقيتو وانا هبيل اللي داير راسي فيكم 

تحل الباب وهي تخرج عندهم سلمى نورسين بقات غير مصدومة كتشوف فيها

نورسين:من فوقاش و نتي هنا 

سلمى:من صباح و انا كانتسناك جيت عندك قالتلي خالتي راك فدارك البارح ما بتيش هنا اوا وبقيت كنعاونها *دورات وجهها شافت ربيع* اوووو ربيع توحشتك 

بغات سلمى تعنقو و هو يجي قدامها يعقوب 

يعقوب:راكي وليتي مرة راجل اش قلنا سلام على رجال ممنوع 

سلمى بقات كتلعب فشعرها و كتضحك 

سلمى: تا تغير ابيبي 

يعقوب قرب ليها و باسها فراسها 

يعقوب: bien sûr كنغير على الحيبان ديالي 

بقاو كيشوفو فبعضياتهم لثواني و يعقوب قرب لفم سلمى بغا يبوسها و هوما يغوتو نورسين و ربيع دقة وحدة 

ربيع: حبببببس اش كدير 

نورسين دارت يديها على عينيها 

نورسين: وااااااع اش هاد المنكر حيدو عليا خليوني ندخل 

دخلات نورسين و تبعاتها سلمى ضرباتها لراسها 

سلمى: نسيتي ياماتك أ الماسخة باغا تحرميها عليا 

نورسين بقات كتشوف فيها مدة و تغرغروا عينيها بدموع وسرحات بيها داكرتها للماضي واول قبلة ليها معاه 

🔙🔙🔙🔙فلاش باك 

جبل: حبسي دموعك كيزيدو يثيروني من جيهتك كلشي فيك زوين و رائع ما نقدرش نوصفوا بالكلمات معمرك غادي تقدري تحسي بولو شوية من داكشي اللي كنحس بيه جيهتك أنورسين كل جزءمن ثانية كنتقاتل مع نفسي باش ما نقيسكش و باش ما نكتاشفش جسمك اللي كيهبلني و كيسطيني تصوري ا نورسين انا حافظ كل انش فجسمك ما كاينش نهار اللي ما نتخايلكش فيه نعاس ما كيزورنيش فاش كتكوني بعيدة عليا الليل كامل كنحلم بيك نتي لابسة فستان فالابيض و هازة بنتنا اللي باغيها تشبهك فتفاصيلك كلها نيفك خدودوك شنيفاتك شعرك اللي كان مبوكل كا نحماق عليك و كنبغيك و كنموت على تراب اللي كتمشي عليه انورسين 

نورسين كاتشوف فيه و دموع من عينيها ما بغاوش يحبسو و حتى الهدرة ما بغاتش تخرج حيت بصح الصدمة كانت قوية بالنسبة ليها واخا كانت شاكة بلي كيبغيها ولكن ماشي حتى لهاد الدرجة حدرات عويناتها لارض كيف شي قطيطة جبل طلع ليها وجهها لعندو بصبعو و بقا مركز مع شنيفاتها اللي كتغزز فيهم حط يدو من مور ضهرها و جرها لعندو اكثر بقوة حتى حسات بصدرها تعصر ما بين صدرو حسوا براسهم دخلو لعالم أخور ليه فيه غير #جبل و نورسين نورسين حسات براسها ترخات و دورات يديها على عنقو و هو عينيه مركزين مع شنيفاتها اللي ولاو حومر بفعل العضان حنى لعندها و حط شفايفو على شفايفها و نورسين تخدرات فهاد اللحظة حشات يديها فشعرو و اندمجوا فاجمل و اروع قبلة جبل طلعوا منو آهات كتعبر على اشتياقو ليها كان كينين بسميتها بحروف متقطعة ما حاولش يلتاقط انفاسو بقا كيتنفس ففمها نورسين تخنقات بغات تبعد عليه وهو زاد جرها ليه مندمج و مرفوع و مخدر فاش حس بلي زير عليها بعد عليها شوي بشوي واخا مسخاش من عسل شنيفاتها حط جبينو على جبينها و عينيه مسدودين و تنهد تنهيييدة طويلة و نورسين حتى هي مغمضة عينيها و كترد نفس 

جبل : كلمة كنبغيييك قليلة قليييلة بزاف كن لقيت شي كلمة اكبر كن عبرت بيها على شنو فداخل ديالي

🔚🔚🔚 رجوع 

غمضات نورسين عينيها و مشات كتجري دخلات لبيتها و زدحات الباب و تكات عليه و دموع من عينيها نازلين شلال و مشات وقفات حدا المراية ديالها وهزات دبدوب اللي كان جاب ليها جبل مازال محتافضة بيه الا كانت كتكرهوا و باغا تنساه علاش مازال محتافضة بالاشياء اللي قدمها ليها ؟حقا عجيب أمر هدا البنت بقات كتشوف فداك دبدوب ديالها و تفكرات بلي رجع و بلي عاد تلاقاتو ما عمرها ما توقعات لقائهم غادي يكون بداك شكل كلماتو مازال كتسمعهم فودنيها شحال قدها تخبي اشتياقها ليه شحال قدها تخبي ضروري غادي تفضح شحال ما قصحت قلبها كتبان فعينيها شحال محتاجة تعنقوا و كيفما قالها جبل غادي يبقا ديما حاجة مميزة دازت فحياتها

مسحات دموعها ومشات لبسات واحد البيجامة قصيرة فالاسود غير حد الركبة ونص كم حيت واخا كاين البرد دار سخونة حلات الباب و خرجات دخلات للكوزينة لقات ماماها جالسة مجمعة مع ربيع و سلمى 

نورسين: ماما 

فاطمة هزات راسها شافت فيها 

فاطمة: يااااا و على سلاااامة لالا نورسين 

مشات وقفات حداها و ضربتها ليها بقرصة فاعلة تاركة حتى تأوهات بالم 

نورسين: احححح اماما على قرصات عندك تقولي يديك مسمومين 

ربيع كيزغرت 

ربيع: لووووولوي بغيتها ليها هاكاك اخالتي عطيها و زيديها برديلي جنوني فيها عندك ديك البنت ما كتحشم ما كترمش 

نورسين: يخوي ليك جناب و ضراس 

فاطمة زادتها دقة لضهرها 

فاطمة: يا والله يحفضلي وليدي مسكين ما تبقايشاي تدعي فرويبيع راه تا هو ولدي 

نورسين: وانا جايباني من الخيرية 

ربيع: بحال والو شوفي خالتي فاطمة زين و تباتة و رزانة ماكتشبهيلها فحتى حاجة 

فاطمة كتضحك 

فاطمة: يا وهاد المجحومة شبهات لباها لا زين لا مجي بكري 

نورسين ضربات رجليها مع الارض بالفقصة 

نورسين: ماما اش هاد الهدرة عمروك عليا 

فاطمة: ما عمرني عليك حد راكي بنت كرشي و عارفاك من صباح و انا نعيطلك فالكورطابال باش تجاوبيني تخلعت عليك 

نورسين:وا طفالي التيليفون اماما وعلاش كنتي كتعيطيلي 

فاطمة: يا وباش تجيبي لبن فيديك ولكن راه وليدي يعقوب مشا يجيبو ليا الله يغطيه و يفرشو برضى والله يخلي ليه سلمى و الله يواتيهم و الله يعطيهم شي درية صالحة 

سلمى:امين أ خالتي لهلا يخطيك 

فاطمة شافت فربيع 

فاطمة :ونتا ما ناويش تفرحنا بشي عراسية 

نورسين :ههههع شكون تقبل على ربيعة اماما لا زين لا مجي بكري 

ربيع: قبل ما دكري سميتي شللي فمك بسمن و العسل أ حبيبة راه انا كيطلبوني برغيب باش نتزوج بيهم و ما بغيتش *دوز يدو على شعرو* انا اللي ما باغيش نتزوج 

نورسين:هي نتا منهم أ الكيدار 

ربيع: شكون هما ؟ 

نورسين: يعتي نتا gay *مثلي* 

مشا كيطير عندها و عطاها بواحد الركلة فرجليها و شعكك ليها شعرها اما سلمى جالسة كتموت بضحك عليهم 

فاطمة: توما هنيونا 

نورسين: هههههه كيفاش تبغي يكون فارس أحلامك 

ربيع: خالتي فاطمة شهدي على بنتك راني غادي نضربها حتى تشوف نجوم فعز نهار 

نورسين: ماما بعدا ما تخليكش تقيس فيا 

فاطمة: لي عساك اوليدي حبيبي غير عطيها نتا بحال خوها تضربها و ما تخلي اللي يضربها 

ربيع: سمعتي 

نورسين دارت يديها على شكل ميكروفون و قرباتو لحدا فمو 

نورسين:ودابا قولي لينا أربيعة كيف بغيتي يكون راجلك 

سلمى: ههههه ومي كرشي مع هو عندو سوالف جات معاه ربيعة 

ربيع: حتى نتي رداتك فصفها يا البغلة 

سلمى: انا بغلة يا ثور اوا بلاتي يجي يعقوب و تشوف البغال علايش قادين 

ربيع: حاشا انا كبير البغال ها العار عنداك تمشي تقوليهالو حنا غير ضاحكين ما فيا اللي يخسر على فمي زبالة د الفلوس حيت انا متاكد غادي يفرشخولي من مور ما تقوليهالو 

نورسين: وادابا قولي لينا كيف بغيتي فارس أحلامك أربيعة 

ربيع: احم اولا كنشكر كم حيت طرحتوا عليا هاد السؤال من دون عباد الله الله يعطيكم الخير و ثانيا انا فارس احلامي بغيتو يكون زوين و طويل و خدام و لابس عليه و اهم حاجة تكون عندو لحية و يدير ليا كلشي بغيتو اختي 

نورسين: احم ممكن توضحينا اكثر عفاك 

ربيع: يدير كولشي شنو ما فهمتيش فيها زعما يطيب ليا و يخمل دار و يقابل اولادنا 

نورسين: امم هادربيعة طلعات ماسهلاش اجي ما بغيتيهش يحمل فبلاصتك ههههه 

سلمى: ههههه واسكتو ها العار الميمة 

فاطمة:جيل قيمش ما يحشم ما يريمش 

ربيع: ما كرهتش صراحة ولكن ما يمكنش هادشي اللي دار سيدي ربي 

نورسين: وشحال تبغي فصدقاك 

ربيع:جوج جوج من الحاجة و مليار و دفوع فطيارة 

سلمى : دفوع فطيارة ما جاني حتى انا ههههه

سمعوا دقان فالباب و مشات نورسين حلات لقات يعقوب و قابط فيدو سارة 

نورسين:الفنكوشة نتي هنا 

سارة: ياااه نورسين * طلقات يديها و عنقاتها* كي بقيتي مزيان توحشتك 

نورسين: حتى انا توحشتك 

يعقوب: هانا ندخل لبن لداخل 

نورسين:واخا شكرا 

انصارف يعقوب و بقات غير نورسين و سارة 

نورسين: اوا اش كتعاودي يا سرسورة 

سارة: والو يا ختي غير القراية قهرونا بالامتحانات 

نورسين: وا كلشي دابا يفوت المهم خاصك تقراي باش تضمني مستقبلك و تسافري فينما بغيتي و تشري اللي بغيتي ياك و ما عمرك تخلي حلمك راجل سمعتيني خدمي بدراعك باش تكوني نتي الحلم ديال كل راجل 

سارة: * عوجات فمها*وعلاش اختي ما نخليش حلمي راجل الا كان بحال عمو جبل مرحبا بيه من دابا 

نورسين طرطقات فيها عينيها على وسعهم 

نورسين:احم علاش زعما ؟ 

سارة: حيت ما كاينش بحالو هو واحد الراجل اللي حنين بزاااااف و ضريف و كيبغي الخير لناس اكثر من راسو و كيجيبلي ديما شكلاط و كان ديما كيصاوبلي ضفيرة و الاهم من هادشي كااااامل زوين و عندو لحية زوينة كيعجبني لعب فيها رطيطبة و غزالة بحالو و خلاصة القول اللي ما عرفو خسروا اهئ اهئ ولكن شحال هادي ما جا للمغرب اهئ اهئ علاش مشا لاسبانيا و مارجعش اهئ اهئ نتي سباب واقيلة 😭😭😭😭😭 من نهار دخلتي لحياتو و هو مسكين لور لور 😭😭😭😭 توحشتوا بزاااااف 😭😭😭 

سارة بهدرتها جبدات على نورسين اوجاع كثيييييييرة اللي كتحاول ما امكن تنساهم ولكن مع الاسف ديما كتجي شي حاجة كتعاود تفكرها فيه واخا هي ما ناسايهش كتحاول تناسى ولكن اش هاد زهر ديما كيجي شي حد يفكرها بيه بحال ربي كيعدبها ما بقاتش قادرة حتى هي كتعدب بضوبل راه جبل كان باباها قبل من حبيبها كان يفهمها شنو باغا غير من شوفة العين هو اللي كان كيعاونها هو اللي دار فيها خير كبييييير عمرها تنساع هو اللي نقدها من زنقة و عطاها قيمة عطاها شي حوايج عمرها كانت تحلم توصل ليهم حتى فالمنام طاحت لارض و بدات تبكي و تشهق و عنقات سارة عندها و جلسوا يبكيو بجوج بيهم على شخص واحد اللي هو #جبل 

خرجوا كلهم من الكوزينة حيت سمعهوم كيبكيو فاطمة ضربات على فخاضها 

فاطمة: اويلي اش كاين لاش سايرين تباكاو سكتوا ما حنا على فالكم 

ربيع: لالا هاد هاد نورسين واقيلة مشيرة ولا فيها سواكن ويلي غير جالسة و تبكي و بزاف 

نورسين هزات راسها شافت فماماها و مسحات دموعها و مشات عندها سلمى نوضاتها من الارض وعنقاتها سلمى هي اللي حاسة بيها و عارفة شنو مخبية فقلبها 

سلمى: عفااااك باركة باااااركة اجي تغسلي وجهك اجي 

مشات حتى ماماها لعندها جراتها لعندها و عنقاتها 

فاطمة: الله على بنيتي الله يا و ما بغاش يتنسالك ياك ابنيتي خلا في قلبك جرح يا و خلا في قلبك كية ما تبراش يا و من بعدو ماشفتي فرح يا و اللي ما جربشي ما يدراش الله الله على بنيتي يا و بسبابو مرضاتلي كبدتي ما بغيتشاااي ندعي فيه عرفتي علاش 

نورسين حركات راسها بنفي و فاطمة قربات ليها و ضرباتها ليها بقرصة فاعلة تاركة 

فاطمة: حيت خاصني ندعيك فيك نتي يا بنت كرشي دوي يا المنونخة واش كاين شي حد يسمح فداك راجل على مزيناتو طولة و تجريدة كي نخلة و من فوق هادشي كامل مشهور و يبان فالتلفزيون أدوي يا الضبعة واش نتي طايحة على راسك 

كلهم دارو كراخ بضحك الا نورسين اللي ما عجاتهاش القمعة اللي دارت ليها ماماها

كلهم دارو كراخ بضحك الا نورسين اللي ما عجاتهاش القمعة اللي دارت ليها ماماها 

نورسين:*كتهدر بالغوات* كلكم كاتقولو انا اللي غالطة اهئ اهئ وما شفتوهش هو اش داااااير أصلن ديما كترميو لومة على البنت حراااام هادشي ما يبغيه لا ربي ولا عبدو 

يعقوب:نورسين راكي فاهمة الموضوع غلط من اساسو 

نورسين:*خنزرات فيه* اناااااا فاهمة كلشي صحيح وشحال من مرة قلتلكم موضوع جبل ما باغاش نهدر فيه 

شدات نورسين فصدرها و كتطلع نفس بصعوبة مشا ربيع كيجري جابولها البخاخ ديالها دارولها ففمها 

سلمى عنقاتها عندها 

سلمى: صافي بعدوا منها واش باغيين تقتلو البنت عاد ترتاحو اجي غسلي وجهك اختي 

داتها سلمى غسلات ليها وجهها و نورسين حطات راسها على كتف سلمى كتحس براسها فشلانة و الدموع نازلين من عينيها 

نورسين: انا ما درت لو والو حرام عليه انا بغيتو بقلبي هو اللي طلع ما يسواش اهئ اهئ بسبابو مرضت فصحتي كرهني فالحب و ما يجي من جيهتو 

سلمى: غير رتاحي دابا و نسايه عليك 

نورسين هزات راسها وهي تطرطق عينيها فاش تفكرات بلي مشا يجب جوري من المطار 

نورسين: فخبارك بلي راه هنا اهئ اهئ و تلاقيت بيه اهئ اهئ 

سلمى: قالهالي يعقوب 

نورسين: فخبارك بلي مشا يجيب جوري من المطار غادي تكون زيانت ياك 

سلمى:*كضحك* وهو صراحة ولات قرطااااسة زادت تيتزات اكثر من قبل 

نورسين مسحات دموعها و ردات شعرها للور و قالت بكل ثقة فنفس 

نورسين: الا كانت هي قرطاسة انا قنبولة 

سمعوا شي صداع برا خرجوا من الحمام و مشاو يشوفوا شكون وهي نورسين تحل عينيها على وسعهم 😲😲😲😲😲 وضربات ففخاضها 

نورسين: لا ما يمكنش 

غادي فالطريق بسرعة خيالية كلما تفكر شنو كانت لابسة كيبغي يحماق كيبغي يتسطا يعني منين خلاها وهي كتلبس غير المقزب شحال من واحد غادي يكون شاف فيها ؟شحال من واحد غادي يكون تشهاها ؟شحال من واحد غادي يكون بغها ؟اكيد ما هي كيف شي كتاب مفتوح داكشي اللي كيبغيو رجال كولو تجمع فيها الجمال الضرافة البراءة كلشي ضرب يدو مع الفولون كيحس بروحو غادي تزهق كلما فكر فيها و فهدرتها اللي ما بغااتش تزول من راسو (As for me, your presence suffocates me (وجودك يخنقني) ضرب على الفولون بيدو 

جبل:وليت كنخنقك أنورسين الماء القاطع انا *دوز يدو على لحيتو بقوة الفقايص* واخا أبنت قلبي واخا ما طلبتي غير الموجود عاد غادي نوريك شنو هو الاختناق ياربي غادي نحماق و يا ربي راه علاين نخرج و نضرب راسي مع الحيوط هاد البنت راه باغا تخردلني رديتيني احمق وحق لا اله الا الله الا وليت اكبر حمق 

وقف الطوموبيل ديالو و هز البوكي د الورد اللي كان فالمقعد الخلفي و نزل بقا واقف حدا المطار حتى بانت ليه جوري خارجة و فيديها الحقائب ديالها شافتو و ابتاسمت ليه و طلق جبل ليها درعانو بجوج و مشات كطير لعندو و عنقاتو و جبل دار يدو على شعرها و بقا كيضحك و هي تبعد عليه و دارت فيه واحد شوفة خطيرة و محلونة و بقات كترمش بعويناتها و دارت يديها على شكل قلب و قالت 

جوري: I love you bb (احبك)

جبل طلع راسو شاف فسما و ابتاسم و عاود هبط راسو و شاف فيها و غمزها و عطاها البوكي د الورداللي كان فيديه و قال 

جبل: i love you too( وانا احبك ايضا ) 

دور دراعو على عنقها جنب و بقاو غاديين حتى وصلو للطموبيل و حل ليها الباب و دخلات و مشا حتى هو لمكان السياقة و قرب ليها و قاد ليها السمطة و رجع لبلاصتو و تكا راسو اللور و طلق يدو و شداتها جوري اللي كانت حتى هي دايرة نفس الحركة بقاو كيشوفو فبعضياتهم مدة و بداو كيضحكوا بجهد 

جبل: جينا كوبل زوين 

جوري:هههه والله حتى كنت مشهية نعيش شي مغامرة بحال هاكا نتمنى ما تعرف حتى حاجة 

جبل:*غمزها* ما تخافيش ضربي كلشي عليا 

جوري: متحمسة بزاااف و الله 

جبل:*بابتسامة* ولكن انا ماشي شغلي الا ريشاتك 

جوري:على ودك كلشي يهون 

جبل:*ديمارا طوموبيل* اللهم يسر

عند نورسين 

سلمى: ويلي شكون هادو 

نورسين:*كتصرط ريقها* هاديك خالتي رابحة و هاداك ولدها و هاديك بنتها يامنة 

سلمى: كيبانو ضرييفيين 

نورسين شافت فيها و ابتاسمت ابتاسمة صفراء 

نورسين: دابا تشوفي ضرافة ديالهم 

فاطمة معنقة رابحة و تبوس فيها 

فاطمة: ياااااا و مرحبا بختي و بنت بويا و مي توحشتك معزتك فقلبي ربي اللي عالم بيها 

رابحة: ياوكن تشوفي يانا 

طلقات منها و عنقها المعطي 

المعطي: خالتي فطوش يا ولابس عليك توحشناك شحال هادي ما شفناك 

فاطمة:ياو تبارك الله تبارك الله على وليدي يا و توحشتي خالتك 

المعطي حادر راسو و كيفرنس كي الراس المشوط 

يامنة حتى هي طارت عليها بتعنيقة 

فاطمة:يا و تبارك الله على يامنة بنيتي حتى نتي كبرتي و زيانيتي تبارك الله 

يامنة بعدات عليها و كتشوف فيها و كضحك 

يامنة: بقا خاصني غير العريس أخالتي 

فاطمة:دابا يجي ابنيتي ما تفقديش الياس (الامل)

رابحة كتشوف فيعقوب و ربيع 

رابحة: يا وشكون هاد ناس 

فاطمة : هاداك يعقوب و هاداك ربيع بحال وليداتي الله يحفظهم ليا 

رابحة: يا و تبااااارك الله زينين ياااا واحد ينسيك فلاخر تبارك تبارك الله ياو عندكم المليح فهاد المدينة 

يامنة هزات راسها شافت فيهم و عينيها بداو كيلمعوا علاين طير عليهم 

يامنة:*كتنغز رابحة * مي سوليهم واش مزوجين عفااااك أ مي 

رابحة: واتي طلقي من جلايلي أناري يا و بلاتي نسخنوا غير بلاصتنا أ بعدا 

المعطي: *حادر راسو و حشمان* خااالتي فطوش يا و فين هي نورة حتى هي توحشناها 

رابحة : ياااا و فرحي وسعدي بوليدي يا و كيدير صواب و كيسول على بنت خالتو 

خرجات عندهم نورسين و سلمى 

نورسين:خالتي 

التافتو عندها و مشات نورسين سلمات على رابحة 

رابحة: ياااا و فين غبورك يابنيتي ياااا و مابقيتي تباني يانوارة ديال الدار 

نورسين:*ابتاسمت ليها * غير مع الخدمة *شافت فيامنة اللي كانت كتطلع فيها و تهبط و كتشوفها كيفاش لابسة و كيفاش كتهدر كتغير منها بزاف * يامنة لابس عليك 

يامنة: الحمد الله 

نورسين: *شافت فالمعطي اللي كانو ريوكو سايلين كيطلع فيهاو يهبط مع كانت لابسة غير بيجامة قصيرة * المعطي لابس عليك 

المعطي:*كيهدر* ياااا و تبدلتي عليا أبنت خالتي يا ونتي نورة نيت و لا غير دايرين لينا كاميرا خفية يا وما كنتيش هاكا يا و زيانيتي و بياضيتي تبارك الله 

فاطمة:دخلوا لصالون ما تبقاوش واقفين 

المعطي:يا و حتى نورة دخل معانا 

نورسين:*ابتسامة صفراء*غيردخلوا دابا نجي 

ربيع و يعقوب غادي يطرطقوا بضحك غيركانو حابسينها 

ربيع مشا جر نورسين من دراعها 

ربيع: واش نتوما كلكم هارب ليكم الريزو و طاسيلة عندكم ههههههه 

يعقوب: ياااا و نورة ياااا و زيانيتي ههههههههه 

سلمى شادة على كرشها و كتموت بضحك 

سلمى: سالا معايا المعطي ههه طيرني ولد العبد قالك دايرين ليه كاميرا خفية مساليين ليه حنا ما لقينا ما نديروا ههه 

نورسين كتخنزر فيهم 

نورسين:نتوما اللي جا معاكم الضحك من دابا و هو يقولي نورة يا على مرض كيداير 

ربيع: ياااا و مالك سمية زينة ههههه 

فاطمة : يا و باركة ما تضحكوا على تريكتي نورسين سيري لبسي شي حاجة طويلة الله يرضي على بنتي 

نورسين:علاش 

فاطمة: يا و ماشفتيش داك المعطي ريوكو سايلين كي الكلب جالس بلا حشمة بلاحيا كيطلع فيك و يهبط 

نورسين: راه عندو مرتو علاش ماجبوهاش معاهم 

فاطمة: وانا سوقي فيهم المهم نتي سيري لبسي عليك و عيطي على كنزة تجي باش نتغداو 

نورسين:واخا 

مشات نورسين دخلات لبيتها لبسات عليهاواحد البينوار طويل فالاسود جا معاها كيحمق و طلقات شعرها و ضربات تكحيلة لعويناتها و دارت ماسكارا و عكار خفيف 

وبقات واقفة حدا المراية كتمشط شعرها و تفكرات نهار اللي تلاقات رابحة مع جبل بقات كتضحك بلا هواها 

🔙🔙🔙🔙🔙 فلاش باك 

المعطي: مي وامي وااامي 

رابحة:نعام اوليدي 

المعطي: ماشي هادا هو مراد داك زوين اللي كيبغي سحر فداك المسلسل اللي كيديروه فدوزيام 

ضرباتو عاود رابحة لقرفادتو 

رابحة: ياك كنقولك بوهالي هادا راه كمال اللي يضل يهتهت بنديرة 

المعطي: والا امي كمال كيبغي منار محال واش يكون هو اصلن كمال مات الله يرحمو 

مشات رابحة وقفات عليه 

رابحة: سلام الله ا وليدي 

جبل: وعليكم السلام 

مشات نورسين كطير وقفات حداهم 

نورسين: خالتي يالاه نطلعو غادي تكونو عيتو بطريق 

رابحة: بغيت نسولك اوليدي وما تديرهاش مني قلة صواب 

جبل:*حابس الضحكة* مرحبا ا الحاجة سولي 

رابحة: واش نتا جاي من لالمان 

المعطي: ولا امي انا قلت غادي يكون جاي من سامحيني اللي فدوزيام 

نورسين :*كضرب رجليها فالارض بالفقصة* خالتي دوزي تشوفي ختك غادي تكون توحشاتك 

رابحة:*شافت فنورسين * سكتي خليني نهدر مع كمال ما تقاطعيناشاي الا توحشاتني ختي تهبط تشوفني دابا ما مسالياشاي ليها قولي اوليدي مزوج ولا داويين فيك 

جبل: ههه لا ا الحاجة 

رابحة: دوز عندنا لدوار نزوجك ببنتي راه حادكة تبارك الله و بوهالية اكثر من هاد المعيطي واخا تجيب عليها ربعة ضرات خرين ماتقولك والو اوا اش قلتي نضربوا الكحل فالبيض 

🔙🔙🔙🔙 رجوع

لاحت نورسين ديك المشطة من فوق الكوافوز و جمعات شعرها على شكل كعكة و خرجات دخلات لبيت د كنزة اللي كان حداها دقات فالباب و دخلات لقات كنزة متكية فوق السرير و دايرة الكيت فودنيها و كتشوف فالسقف نورسين دخلات عندها و جلسات حداها 

كنزة حيدات الكيت من ودنيها و ابتاسمت ليها 

كنزة:ختي 

نورسين تكات حداها فناموسية و عنقاتها جنب 

نورسين: كي بقيتي أحبيبة شوية 

كنزة حطات راسها على صدر نورسين 

كنزة: ما بقيت عارفة والو حتى حالتي ما عرفتش واش مزيانة و لا لا 

نورسين: مزال ما نسيتيه 

كنزة: مازال اختي *تغرغرو عينيها بدموع * ما قديتش ولكن واخا هاكاك كرهتو أختي كرهتو الله ياخد فيه الحق 

نورسين: *تنهدات * كلشي دابا يفوت حتى حاجة ما كدوم دابا تلقاي شخص اللي يقدرك و يعرف قيمتك اما هاداك ما يستاهلكش غير غدار 

كنزة بعدات عليها و شافت فيها 

كنزة :ونتي توحشتيه 

نورسين: ما نكدبش عليك كنتوحشوا فنهار ألف مرة مازال ما قدرت نساه 

كنزة:وشنو كديري فاش كتوحشيه 

نورسين:حتى حاجة كنحاول نصبر راسي و نقول أنا قوية و نقدر نكرهوا و نحيدوا من بالي 

كنزة:و حتى لامتى غادي تبقاي هاكا 

نورسين: غنبقا ديما نقول هاكا حتى نساه *ضرباتها فنيفها *حتى حاجة مامستحيلة خاصنا غير صبر و ندعيو ربي يفاجيها علينا *تنهدات*نوضي باش نتغداو راه جات خالتي رابحة و المعطي و يامنة 

كنزة: لا ما تقوليهاش 

نورسين: و الله حتى جاو يالاه لبسي حوايجك و خرجي هاحنا كنساينوك *باستليها راسها و خرجات* 

مشات نورسين جلسات فصالون 

فاطمة: فين هي كنزة 

نورسين: هاهي دابا تجي 

رابحة: فطوش يا و شكون هاد الخير اللي عندك فدار 

فاطمة: اينا خير 

رابحة:دوك جوج عزارى اللي جالسين تماك صلى على نبي فنين مزوجين بعدا ولالا 

سلمى وقفات ليها و بدات تكح هزات كاس د الما و شرباتو و حنات على ودن نورسين 

سلمى:الحمد الله اختي بعدا اللي درت العقد لا يمشيو يديو ليا راجل 

نورسين: وا حضي اختي رزقك راه هادوك دايرين كي زواق غفل طارت عينيك هههههه 

فاطمة:هاداك وليدي يعقوب عاد ضرب الكاغيط و راها مراتو هي سلمى 

رابحة: الله يسخر ليهم و يكمل ليهم بخير يا و هداك بو سوالف اللي حداه 

كلهم دارو كراخ بضحك الا ربيع اللي بقا كيخنزر فيهم 

فاطمة: هاداك وليدي صغير الله يحفضو سميتو ربيع مازال ما مزوج 

يامنة كضحك و كتنغز ماماها 

يامنة: مي هادي هي الهوتة (الهمزة ) عافاك امي هدري معاه عفاك حتى انا عجبني 

رابحة: تي زكاي و جلسي لارض تبتي و رزني و خلي الكبار يدويو *شافت فربيع * ياونتا أوليدي اش كدير فحياتك 

ربيع: انا فنان و ما يكاب أرتيست أشريفة 

يامنة: مي راه كيرسم قالك هو فنان و ثانية ما عرفتش شنو كتعني 

رابحة: امم هي نتا بحال شعيبية طلال 

سلمى : وناري ميمتي كرشي ههههههع 

ربيع: اشمن شعيبة و شمن رقية انا كنضرب البندير فالعراسات 

رابحة:يا و زعما نتا مغني يا و ماعمرك ما بنتي فدوزيام 

ربيع: يا ربي تصبرني انا كنغني غير فالعراسات داكشيد العيوط 

رابحة:هاي هاي هي نتا بحال الحاجة الحمداوية 

ربيع:*كيندب فحناكو و شاف فيها * واش داك شي اللي خلاتو ليا بنت ختك تكمليه ليا نتي شكوى الله هادا اللي داعي فيا مادارش وراه 

فاطمة انصارفت للكوزينة باش توجد الغدا 

رابحة: ونتا تبارك الله زين طولة كاينة تجريدة كاينة البيوضية كاينة و الخدمة راك خدام بعرق كتافك اوليدي داير بحال الثلاجة ناقصاك غير المرا 

ربيع:وما باغيش نتزوج ا عباد الله 

نورسين: علاه مالك ديرنا شي عراسية بغينا نفرحوا بيك *شافت فسلمى و غمزاتها ودارت شافت فرابحة* خالتي خيرنا ما يديه غيرنا اش بانلك نزوجوا يامنة لربيع 

المعطي: نورة تبارك الله عليك زيانيتي ووليتي تهدري معانا يا و توحشنا صوتك

نورسين: *حنات على ودن سلمى* كيبان ليا نوض نعطي لهاد المرض شي ضربة تلفوا على القبلة عصبني تفو غير حاضيني 

رابحة:الله يرضي عليك ابنيتي علاه هو فين يلقا بحال يامنة زين و الحداكة و الطولة و تجريدة يا و غير بوهالية و مسخر فيها سيدي ربي يا واخا يتزوج عليها يا و الله ما تقولو حتى حاجة 

ربيع: ها نتي قلتيها ا شريفة بنتك غير بوهالية و انا ما ناقصش حماق عندي اللي يكفيني و لكن الا بغات نقولها شنو دير باش نتزوج نقولها 

رابحة : يا و قولها أوليدي 

ربيع : احم بسم الله *بدا يضرب فطبلة و كيغني * يا وديري ليه و ديري لا ما عرفتيش ديري هزي حوايجك و سيري يا وديري ليه فالفاخر يبات عليكي داخل لا ما عرفتيش ديري هزي حوايجك و سيري يا وديري ليه و ديري لا ما عرفتيش ديري هزي حوايجك و سيري يا و ديري ليه في لحبق يبات يدور كي الحمق لا ما عرفتيش ديري هزي حوايجك و سيري يا وديري ليه فشيبة يقولك ع الحبيبة يا وديري ليه و ديري لا ما عرفتيش ديري هزي حوايج و سيري 💃💃💃💃 

يامنة:*حنات على ودن رابحة* مي بان ليا هادا غير هبيل 

رابحة: يا و داكشي اللي بان ليا حتى انا 

دخلات كنزة و سلمات عليهم و مشات لكوزينة تعاون ماماها 

سارة: اوووف مالك أعمو ربيع جالس فارع لينا راسنا مالك وليتي شيخة 

يعقوب: هههه عبرتي عليه 

ربيع:سارة زعما نتي صاحبتي اشهاد الهدرة كتقولي زعما نتي كتقدري الفنان 

حطات ليهم كنزة الكصعة د كسكوا بتفاية و المعالق و جابت فاطمة الكيسان فيهم لبن 

فاطمة شافت فنورسين 

فاطمة: نتي دايرة فيديك الحنة شفتك غير جالسة ما كتعاوني فوالو 

نورسين: وصافي اماما و الله حتى عيانة بالله 

تجمعوا كلهم على الطبلة و هزات نورسين الكاس د اللبن باش تشرب منو هي تقول رابحة 

رابحة: نورة يا و حشومة عليك خاصك ضروري تعاوني ماماك زعما نتي راك لحقتي لزواج و خاصك تعلمي شقا د الدار 

المعطي: بعدوا من نويويرة ديالنا تبارك الله عليها حادكة 

يعقوب حنا على ودن سلمى

يعقوب: شفت هاد المعطي حاط عينو على نورسين من صباح وهو جالس عليها نويويرة نااااري و يسيق ليه جبل الخبار يردلو ضهرو رطب من كرشو 

سلمى: ههههه بعدا داك المعطي غير يشوف جبل يبول فسروالو بالخلعة 

يعقوب: والله ما كدبتي 

نورسين :*شافت فخالتها * لالا اخالتي انا غادي ندير خدامة ما فيا اللي يتعلم شقا ديال الدار 

رابحة: لالا يا بنيتي اش بغيتي بشي خدامات شغالك تعلمي ديريه بيديك 

نورسين: اصلن هاد الرجل اللي غادي يديني باش نخدم لو فدار ما عندي ما ندير بيه 

رابحة: اجي بعدا واحد الراجل كنت شفتو معاك من شحال هادي عندو لحية و طويل و زين كيشبه لداك مراد اللي كيجي فسامحيني يا و سبحان الله اللي شاف فيه ما يسخاش يحيد عينو عليه 

نورسين وحلات ليها بقات غير كتكح كبات ليها سارة الما و عطاتو ليها هبطات عليه نورسين و حطات الكاس 

فاطمة: رابحة كولو ما تحشموش 

رابحة: يا وشفتكم كاع ما جاوبتوني 

صونات لسارة طابليط ديالها و هي تنوض كطير تشوف شكون اللي كيعيط ليها و هي طلع ليها (عمو جبل 😍😍😍) وهي تبدا كتنقز و لقاتو كيعيط ليها ابيل فيديو مشات سارة جلسات حدا نورسين و دوزات لابيل وهو يبان جبل جالس فالارض حدا جوري و مدور يدو على عنقها 

سارة:عموووووووو جببببببل توحشتك 

نورسين دورات و جهها وهي تشوفو شهقات و طاح ليها الكاس د اللبن من يديها 

يتبع...