جبل نورسين الجزء 18

جبل تصدم و علامات دهشة واضحة على وجهو وربيع كيصفق و نورسين كتشطح على الايقاع د الموسيقى بطريقة مثيرة كانت عاطياه بضهر و داك الشنيشنات اللي فالحزام كيتحرك فخصرها بطريقة جميلة و ربيع جالس فالارض كيصفق 

ربيع : ايييه داه ياشيخة أ الله عليييك 

سلمى واقفة كتزغرت حداهم كانت حتى هي عاطية بضهر و كتشطح مرة مرة و نورسين كتغني بجهدو كتلعب بيديها كي الحمقة 

نورسين : و ياااااا الغرام و باااش بليتيني شووووفووو جبل و مااااداير فياااااا و يااااوليدي عيييتيني هادا الله عييتيني ياو مابقيت عارف راسي من رجليا 

جبل ابتاسم و دوز يدو على لحيتو و قال بصوت خشن 

جبل : جبل ما داير فيك والو 

ربيع غير سمع صوتو طاح لارض و شد فقلبو 

ربيع : أرسول الله الا كنتي من الجن تسليم ليك والا كنتي من الانس انا معاك بالله و بشرع 

نورسين حتى هي غير سمعات صوتو و سلمى جمدوا فبلاصتهم 

نورسين : صوت جبل هادا ولا كنتخايل 

سلمى دورات وجهها بسرعة لجيهة الباب وهي تلقا جبل متكي على الحافة د الباب و مربع يدو تقدم بخطوات بطيئة حتى وصل لحدا نورسين و طلعها و هبطها و بدا يصفق بيدو 

جبل : موهبة رائعة أ لالا نورسين هاد العامين على قدها هادشي ما تعلمتي فيها غير شطيح و رديح كنشفق عليك صراحة 

نورسين : علاش كتشفق عليا ؟ 

جبل : *هز صبعو الكبير و قال * اولا وليتي مايكاب ارتيست ثااانيا *هز صبع اللي حداه * تعلمتي اللغات *هز صبعو الوسطاني * ثالثا تعلمتي سباحة و رااابعا *هز صبعو اللي حدا الوسطاني* تعلمتي تشيااااخت هادشي اللي وليتي كتعرفي ديري ولكن نسيتيني اهم حاجة ما تعلمتيهاااش و اللي هي الدكاء سبحان الله هاد الفلوس كاااملة اللي درتي غير ما زادت ردااتك طاغية و عاجبك راسك فين باااغية توصلي بهاد التكبر وهاد الاسلوب اللي ولا عندك فيييييين أنووووورسين فييييين غادة فيييييقيييي شوية ابنتي فيييييقي *حمر فيها و خنزر مزيااان حتى تخلعات عمرو شاف فيها مثل هاد نظرات * ولا عااااااجبك رااااسك بلا قياااااس *شاف فسلمى و ربيع و خنزر فيهم وهوما يخرجوا و سدو الباب و كمل هدرتو * فيييين بااااغا توصلي لسما *ابتاسم باستهزاء * عجبك الحااال ياك تلقاي اللي يبغيك و تكبري عليه و يبقا تابعك من بلاصة لبلاصة كيعجبك تحسي براسك نتي محور الكون و كلشي كيجري موراك فييييييين هي نورسين اللي كاااانت مبوكلة شعرها و كدير نضيضرات ولباسها بسيط فيييين هي ديك نورسين فيييين هي نوووووورسين اللي كانت فاش الواحد يقولها شي حاجة يولي وجهها احمر كي ماطيشة امممم فين هي ديك نوووورسين اللي كانت اهدافها كاملة هي تصرف على واااليديها فييييين هي فيييين 

نورسين :*سالت دمعة من عينيها * مااااااتت ديك نوووورسين مااااتت 

جبل : ديك نوووورسين كاااينة لداخل ديااالك نتي اللي قتلتيها علاش وليتي بحال هاكا بغيت نفهم بغيييت نفهم واش هادشي كامل حيت قالتلك كاميليا انا مانسوا ما نصلاح و كدبات عليك ببعض تصاور وليتي كتكرهيييني حتى لهاد درجة واااش حتى لهاد درجة لعباتلك بدماااغك وااش حتى لهاد درجة واش كدبتيني انا اللي راجلك و كنبغيك اكثر من راسي ماخليت ما درتلك انورسين باش تبغيني ولو غير شوية و نتي هدمتي كلشي فثانية انوورسين هدمتي كلشي 

نورسين :نتا كداااب 

جبل دور وجهو و ابتاسم باستهزاء و دوروجهو و شاف فيها 

جبل : وليت كنهدر معاك بحال كنكب الما فرملة غادي نعتارف ليك بواحد الحاجة ابنت قلبي انا كنت عارفك علاش تفارقتي معايا قبل ما تقوليها 

نورسين : كيفاش ؟ 

جبل :*جلس من فوق السرير و جبد كارو من جيبو و شعلو و ساط دخان * كيف كنبان ليك انا أحمق ياك 

نورسين : كح كح اش كتخربق 

جبل : كاااميليا و منال *ابتاسم باستهزاء و ساط دخان * حشووومة ثيقي بيهم و الله ههه ما بغيتش نطيح من قيمتك ولكن نتي ما كتخدميش دماااغك بتاتا كنت باغي نسمع الحقيقة من فمك واخا عارفها كاملة *حرك راسو يمين شمال * يصحابلي غادي تكوني درتي عقلك ساعة نتي غير ما زدتي فتكوليخة ههه عند بالك قوية و كتفهمي واحد المثل زوين كانت كتقولو المربية ديالي *ساط دخان * القويفز د القبيلة كيديها شيخة ههه اييييااااي أنورسين لعبو عليك المية ماشي حتى لعشرة ولكن مزياان كلشي عندو حكمة كن ما وقعش هادشي ما كنتش غادي نشوف طينتك الحقيقية طحتي من عيييني بزاااف

نورسين : واش جاي لهنا باش تهيني ولا باش تبين راسك وااعر زعما 

جبل وقف و قرب ليها وقال 

جبل : نتي جرحتيني ببزاااف د الكلمات و ما عمري جاوبتك ولكن الا كنتي نتي قبيحة اش بانلك نبين ليك وجه اخور انا نقدر نقولك غير كلمة نخليها فيك كتحفر و ربما جا الوقت باش نقولها قرب حتى لودنيها و قال بهمس 

جبل : ما نلومش ماماك حيت كانت كتقيا و نتي فكرشها 

بعد عليها و لقا دموعها شلال حاول يقصح يدو باش ما يضعفاش و دور وجهو و عاود شاف فيها 

جبل :كتبكي ههه انا شنو قلتلك نهااار اللول وفري دموعك مازال تحتاجيهم ماااازال الخير لقدااام 

نورسين : خررررج عليا خررررج كل نهار كنزيد نكرهك 

جبل : ههه كتكرهيني مزيان ما بقاش كيهمني كيفما نتي قتلتي ديك نورسين حتى انا غادي نقتل واحد سميتو جبل و غادي تشوفيني بوجه أخور اش بانلك ازوينة 

جبد من جيبو اربعة د البريات و ستفهم فوق الطبلة 

جبل : هاد البريات اللي فوق طبلة مرقمين من واحد لاربعة كل برية فيها شي حاجة كتخصك 

جبد من جيبو باكية د كلينيكس و حطها حداهم 

جبل :تقدري تبكي بزاااف و نتي كتقرايهم باش تعرفي جبيلو شحال ضريف جبتلك باش تمسحي دموعك هادشي الا ما نشفوش طبعا *غمزها * من مور ما غتقرايهم غادي تلقاي بلي فات الفوت تهلاي فراسك اه و قبل مانمشي *جبد 200 درهم من جيبو و علقها ليها * كتعرفي تشطحي ههه 

عطاها بضهر و حل الباب و خرج و زدحو حتى مشا لبيت و جا

نورسين طاحت لارض كتبكي و تشهق هزات عويناتها شافت فدوك البريات اللي مستفين فوق الطبلة و قفات و مسحات دموعها و ضرباتهم طيحاتهم لارض و بقات كتشوف فيهم مدة و خرجات من البيت حاسة بدوخة و التقيا كلشي كيضرها حتى من قلبها حاسة بيه غادي يخرج من بلاصتو بقات غادة و مسندة على الحيط و كتمشا بخطوات بطيئة حتى و صلات لصالون لمحات جبل جالس و جالسة حداه جوري و حاشيين راسهم فالتيليفون تكات على الحيط.كتشوف فجبل بخيبة امل خصوصا فاش سمعات الحديث اللي دار بيناتهم 

جوري: زوينة هاد الابارطمون ناخدوها حدا البحر 

جبل : وي ختاري اللي عجباتك 

نورسين مسحات دموعها و مشات للكوزينة لقات فاطمة و ربيع و سلمى تمشات بتثاقل حتى وصلات لعند ماماها و قالت بصوت مخنوق 

نورسين : ماما 

فاطمة دارت عندها كانت كتغسل الماعن 

فاطمة : نعام ابنيتي 

عنقاتها و ناضت تبكي و حطات راسها على كتفها و كتبكي و تشهق 

فاطمة : ياو مالك أبنيتي 

نورسين : انا قبيحة ياك اهئ اهئ انا ما نسواش اهئ اهئ واش هادشي بصح 

ربيع : عاد عرفتيها ههه دوماج معطلة 

سلمى ضربات ربيع لقرافادتو 

سلمى : سكت نتا لا احبيبة نتي ما كاينش بحالك فزين و ضرافة غزاالة مشاء الله غير هو مؤخرا قصحتي مع جبل 

فاطمة بعدات عليها و حطات يديها على خدودها و ابتاسمت ليها 

فاطمة : ههه واش حماقيتي اش هاد الهدرة سايرة تقولي فيها ابنيتي علاه نسيتي الايامات فاش كنتي هازانا بسنانك و معواننا على زمان يا نتي مرضية و بنت زوييينة ما كاينش بحالك نتي هي الحنينة ديالي علاه فاش كنت نمرض شكون كان يبات معايا و فاش نقولك رجلي ضاريني شكون كان يديرلي المسااج امم و فاش درتي لابس وليتي ديري الخير فالعائلات يا وشحال خدمتي د عباد الله ربي عطاك القبول من عندو ياااابنيتي الله يرضي عليك دنيا و آخرة ولكن حاااااجة وحدة اللي خسرتلك هااادشي كامل و ضرباتولك فزيرو ديك المعاملة اللي كديري لداك الوليد مسكين كيقطع ليا فقلبي ياااو مسيكين ولييد ما كاينش بحالو يا ويضل يهتهت بيك يااا و فخبارك كان يجي ديما يسولني عليك حتى لهنا و كان يضل يعيطلي فالتيليفون يقولي كي بقات بنتي اللي هي نتي 

نورسين :*كتمسح دموعها * ك...ك....كيفاش كان كيجي ما فهمتش 

فاطمة : فاش كنتي تمشي للخدمة كيجي يسولني عليك شحال من مرة جا لعندنا لدار كان كيقولي ما تقوليهاش ليها كان خاايف عليك مسيكين حيت كنا غير ندكرولك حسو كتخنقي و تسخفي ابنيتي عوينة و صابتك 

نورسين : كيييفاش اماما كان كيجي لهنا و انا ما فراسيش حتى لدابا عاد كتقوليها ليا أماما 

سلمى : لا اختي كنا خايفين عليك و طبيب كان موصينا ما نقولو ليك حتى حاجة تقلقك حيت كان يقدر تجيك سكتة قلبية حنا كنمشيو غير بالاقوال ديال طبيب و جبل كان فراسو كلشي تقارير ديالك كانو كيوصلوه 

ربيع : و من ديما كان كيجي يسولني عليك و كنصيفطلو تصاورك كان ديما كيطلبني نصيفطهم ليه مسيكين داك برج ايفل عدبتيه تا يبقا فيا مسكين كياكل شرواط عليك اربي ما تكونيش ساحرة ليه 

ضربات يديها بجهد مع البوطاجي و شدات على راسها 

و بدات كتخنق و كتنهج جاب ليها ربيع بخاخ ربو دارولها ففمها عاد تكالمات 

فاطمة : ياو غير بشوية عليك ابنيتي 

نورسين : هو عندو...عندو ... ولد من كاميليا و كان كيعدبها ... هو ما مزيانش ...قتال ... و مجرم اهئ اهئ هو كيبان مزيان ولكن ..ولكن الا تقت بيه غادي يقتلني و يعدبني .... *كتحرك راسها يمين شمال * هو ... هو غير كيمثل اه اه هو غير كيمثل كلشي كدوب كلشي 

فاطمة : ابنيتي يهديك الله اشمن ولد واشمن مجرم 

سلمى مشات عندها عنقاتها 

سلمى: مشكلتك تقتي بشخص الغلط أنورسين كاميليا غير منافقة و كدابة هاديك الانسانة مريضة و كتعاطى لدروك غير كتكدب عليك اختارعت هادشي كامل باش تفرقك عليه واش كلنا كدبتينا و تقتي باكبر منافقة على سطح الارض

نورسين جبدات تيليفونها و يديها كلها كترعد و العرق كيتصبب منها و دخلات لانستاغرام و دورات تيليفون لجيهتهم 

نورسين : هي مااا كتكدبش هييي ما كتكدبش شووووفو تصاورها و هي حاملة شوووفوووو شوووفو اهئ اهئ و اخر تصويرة عندها فالاوبيطال و دايرة طاغ لجبل يعني كلشي فخبارو بلي عندو ولد علاااش ما بغيتوش تيقوا علاااش ها الادلة حداكم 

سلمى قالت باسف 

سلمى : ماشي كلشي كنتيقوه أنورسين ماشي لي شفناها راه حقيقة ياك كيقولك ليس كل ما يلمع دهبا يقدر يكون غير قزدير و فيه التل مثلا 

نورسين : واخا انا حمارة و غبية و ما كنفهمش و دابا اشنو هاد تصاور يالاه فهموني 

ربيع : واااااا ها العار دابا هاد نورسين ماشي تشديها تريشها على التكوليخة اللي فيها واااا عباد الله ما عارفاش واحد الحاجة كاين اسميتها بطن اصطناعي واااش ما عارفهاش شووفي كرشها واش كتبان ليك طبيعية 

نورسين كتمسح دموعها و كتكبر صورة 

ربيع : هاداك البطن كيتباع كاين فالسوق بالعرااام وا بالعرااام ياك كتفرجي للمسلسلات و الافلام ياك فاش كيجيبو ليك شي بطلة حاملة راه كايكونو دايرينو ليها يااااربي صبر مع هاد البنت ياااربي غادي طرطقي ليا مراراتي 

نورسين كتمسح دموعها و كتاكد من الصورة 

ربيع : أراي داك التيليفون نوريك الكرش اللي كتكون طبيعية اري 

مداتلو نورسين التيليفون و دخل قلب فغوغل على امراة حاملة د بصح وورها ليها 

ربيع: شوفي المراة الحاملة د بصح كيف كتكون كرشها شفتيها واري نوريك حتى البطن الاصطناعية منين كيشريوها اري فقصتني الله يعطيك طيار برهوشة د الخلا لعبات على اصل مك تفووو 

دخل ربيع لواحد السيط كيبعوهوم فيه و قلبلها التيليفون 

ربيع : شفتي احبيبة قلبي من هاد سيط كيشريوهم عباد الله كيكونو مصنوعين من سيليكون و كيكونو بالالوان على حساب نوع البشرة اللي بغيتي نتي فهمتي 

نورسين شهقات و حطات يديها على فمها و كتحرك راسها يمين شمال 

نورسين : و ك..ك ..كيفاش مصورة فالاوبيطال و دايرة طاغ لجبل بغيت نفهم بغيت نفهم *شدات على راسها * 

غااااادي نحماق حاسة براسي كيزدح 

ربيع دخل لبروفيل ديال جبل اللي دايرالو طاغ من خلالو ما لقا والو و بدا كيضحك و زدح التيليفون 

ربيع : ههههه و الله يا ختي خفت نقول ليك واحد الحاجة و طيحيلي كومة هنا و لكن غادي عمرك فكرتي دخلي لبروفيل ديال جبل اللي دايرالو طاغ 

نورسين كتحرك راسها يمين شمال 

نورسين : لا حيت راه باينة غادي يكون هو علاش غانحمق راسي 

ربيع : لا برافو عليك والله حتى برافو اوا اش غادي نقولك *شاف ففاطمة * غادي نقول لبنتك واحد الحاجة سدي ودنيك أ خالتي سدي *رجع شاف فنورسين * يااااو بصحتك تخويرة حيت كن دخلتي لبروفيل ديالو غادي تلقاي بلي هاديك الصفحة وهمية و ماشي هي صفحة الحقيقة ديال جبل يعني بصحتك القالب طلعاتو معاك حتى لطرف 

نورسين كتحرك راسها يمين شمال و تكات على الحيط و بقات ساهية فنقطة وحدة ما كتهدر ماكتكلم 

ربيع : مااافهمتش انا علاش ما كتشاوروش مااافهمتش منين شفتيهم اجي ووريني زمر انا نشرح ليك 

نورسين : *قالت بالم * ج...ج....جبل 

خرجات من الكوزينة بسرعة و خرجات لصالون كتقلب عليه مالقاتوش لا هو لا جوري وطاحت لارض و بدات كتصرفق فراسها و كتغوت بصوت مرتفع 

نورسين : مااااااااااااااااامااااااااااااااااااااا اهئ اهئ ماااااااااااامااااااااا 

خرجات فاطمة من الكوزينة مخلوعة كتمسح يديها فالفوطة وتبعها ربيع و سلمى و حتى كنزة خرجات من بيتها 

نورسين : فييييييناااهو فييين اهئ اهئ 

فاطمة طاحت لارض و عنقاتها عندها 

فاطمة : يااااو بسلم الله عليك ابنيتي غير بشوية عليك 

كنزة : نورسين اش واقع ليك 

نورسين : ماما فيناااهو فين مشااا بغيتو يشرحلي شنو كاين اهئ اهئ مايمكنش يكون كلشي كدوب فين مشاااااااااااا فيين

فاطمة : ابنيتي عييت معاه يجلس قالي غادي يسافر قالي غير جيت نعطي شي حاجة لنورسين و نمشي من هنا عييييت فيه يجلس والو حلف بحلوفو 

نورسين : اهئ اهئ فوقاش مشا ياك كان هنا 

يعقوب خرج من الحمام و بقا واقف مصدوم 

يعقوب: اش كاين 

سلمى :*كتعض فضفارها و شافت فيعقوب *فين مشا جبل 

يعقوب : سافر 

نورسين : *كتمسح دموعها بيديها كيف شي حمقة * فيييين غايسافر *وقفات حدا يعقوب و كتشوف فيه بترجي* فيين اخويا فيين 

يعقوب : اول مرة جبل يمشي بلا ما يعلم حد فين غادي 

على إثر هاد الجملة الاخيرة اللي تقالت نورسين شداتها دوخة و حسات بدنيا كدور بيها رجليها مابقاوش هازينها كانت غادي طيح كن ماشدها يعقوب سخفات هزها يعقوب و حطها فوق السداري فاطمة كتضرب على فخادها و شي لاخور بقا غير مصدوم 

فاطمة :اراااو الما اراااو 

جابو لما رشوها بيه والو ما بغاتش تفيق 

كنزة مشات كطير لبيتها جابت العطر و داروه ليها حدا نيفها عاد بدات كتحل عينيها بشوية حتى حلاتهم و بقات كتشوف فيهم واحد واحد و ردات راسها لور و غمضات عينيها و تدكرات شنو وقع و تنهدات 

سلمى :نوورسين شوية 

حلات عينيها و شافت فيهم بعينين دابلين ما هدرات ما تكلمات ناضت بتثاقل حتى وصلات لبيتها و الهدرة د ربيع كتكرر ليها فودنيها بقات حاطة راسها على الباب و غمضات عينيها و بقات ساحتة حتى طاحت لارض و بدات كتصرفق فراسها 

نورسين : كدوووووب كلشي كدوووووب اهئ اهئ 

دورات وجهها بانولها البريات اللي عطاها جبل مليوحين فالارض و بصح مرقمين من 1 الى 4 هزاتهم كلهم دقة وحدة و بقات حاطهم حدا قلبها اللي كان كيضرب بجهد حاسة براسها غاتصدم ناضت بتثاقل و جلسات من فوق السرير و ستفاتهم و هزات البرية الاولى و يديها كلها كترعد هزات البرية الاولى و حطات عليها يديها و بدات كتحلها غير بشوية وهي تبقا مصدومة لقات فيها cd جبداتو و بقات كتشوف فيه و مشات هزات البيسي ديالها شعلاتو وهي على اعصابها حشاتو فالحاسوب و تسناتو يتقرا لقات فيها فيديو كليكات عليها و دخلات بقات غير مطرطقة عينيها فشاشة بانتلها كاميليا كتهدر زاااادت فالصوت و مشات دارت الكتمان و طلقات صوت ما حدها كتسمع شنو كتقول دموعها كينزلو شلال 

كاميليا : *كتبكي * اهئ اهئ داكشي اللي قلت ليك كولو كدوب اهئ اهئ انا ... اناااا واحدة الانسانة اللي كنبغي جبل منين كنت صغيرة اهئ اهئ من نهار شفتو و هو كيعجبني لدرجة وليت مريضة بيه و عاهدت نفسي عهد وااحد هو بلي انا اللي غنديه طال زمان ولا قصار اهئ اهئ بغيتو من قلبي اهئ اهئ وانتاحرت على ودو ما مرة ما جوج اهئ اهئ وهو كان عارف هادشي اهئ اهئ و من ديما كيقولي انا ملك لانسانة اخرى حسدت البنت اللي غادي تكون معاه حسدت البنت اللي بغاها كان كيقولي راسي علاش هي وانا لا وفاش عرفت بلي تزوج بيك بغيت نحمااق اهئ اهئ لدرجة فكرت نقتلك اهئ اهئ لدرجة كن عطاوني الفردي نتيري فيك بلا رحمة و بلا شفقة ساعة من حسن الحظ كنت كانتعاطى لدروك و جبل صيفطني لمركز معالجة الادمان و الخبار وصلني وانا تماك اكيد غادي تقولي شكون اللي قالها ليا منال اللي خدامة عند جبل فدار كنت كنتواصل معاها هي اللي كانت كتجيبلي الاخبار ديالكم بتفصيل الممل ومن خلال هدرتها عرفت بلي نتوما كت...كتبغيو بعضياتكم بزااف اهئ اهئ ومن تماك قررت نكرهك فيه باي طريقة ولكن المشكل اللي كان عندي داك المركز داير بحال الحبس ما نقدرش نخرج منو حتى نتعالج كليا طاحت عليا فكرة انني نضرب راسي بالموس و نتاحر باش هاكا يديوني لاوبيطال و داكشي اللي درت ضربت يدي بالموس و كتبت سمية جبل فيدي بقوة الفقصة و من بعد داوني لاوبيطال و عيطو لجبل قالوهالو و جا لعندي لاسبانيا و.... 

نورسين دارت pause لفيديو حاسة بقلبها غايوقف و العرق كيتصبب منها بقوة الفقصة ضربات داك البيسي مع الحيط و الدموع من عينيها ما بغاوش يحبسو طاحت لارض و بدات كتحرك راسها يمين شمال و كتردد 

نورسين :مايمكنش ماااايمكنش واش لهاد درجة طلعت حماارة اهئ اهئ 

جمعات رجليها لعندها و بدات كتمشي و تجي و حشات راسها بين ركابيها و كتبكي بصوت مرتفع بحال شي برهوشة اش هادشي درتي انورسين فاش غاينفعك ندم علاش تيقتي البراني و خنتي القريب هانت عليك دموع اللي بكا حداك وكان كيترجاك باش ثيقي بيه هو ما دار حتى حاجة هو بريئ ظلمتيه أنورسين علاااش انورسين علاااش جرحتيه علاش هنتيه امام ناس علااش انورسين علاااش 

♤♤♤♤♤♤ 

لم أكن أعلم أن الثقة أجمل ما في الحب 

الثقة التي تجعلنا ننام كل ليلة ونحن ندرك أن الحب سيظل يجمعنا أننا سنستيقظ في الغد لنجد طرف الاخر 

عاشقا لنا و غارقا بنا مثلما نام وهو عاشق غارق 

أجمل ما في الحب هي تلك الثقة في أننا سنكبر معا و سنفرح معا نبكيمعا نمرض معا و نظل اوفياء حتى لو اختطفت الموت أحدنا 

♤♤♤

هزات راسها بتثاقل و بدات كتكرر 

نورسين : جبيلو انا ملاكو طاهر ما يمكنش يمشي و يخليني ياك *ناضت ووقفات حدا المراية * و هزات قرعة د العطر كانت من فوق الكوافوز و ضربات بيها المراية حتى تشخشخات 

نورسين : نتييييي خاصك تموتي انورسين *كترد شعرها لور * ههههههه شكووون انا و علاش تصرفت هاكا ههه انا ما قبيحاش حتى انا مظلومة حتى انا اه اه ههههه 

بقات كضحك بهيستيرية حتى بدات تبكي و طاحت لارض و دخلها جاج فيديها و هي ما حاساش بيه الجروح اللي فقلبها اشد الم من هاد الجروح اللي عندها فيديها سمعات دقان فالباب و كيعطو ليها 

فاطمة : بنيتي حلي الباب الله يرضي عليك 

ربيع : ويلي سمعتها سكتات ياكما تكون دارت فراسها شي مصيبة 

كنزة : نووورسين حلي الباب 

نورسين : بعدوووووووا مني مااابغيت حتى وااااحد فيكم انا بغيت جبل *كتحرك راسها يمين شمال * ج...ج..جبل لا هو سميتو جبيلو لا سميتو حبيبي غادي يسمح لي 

هزات التيليفون ديالها و دخلات لبروفيل ديالو و بدات تشوف فتصاااورو و كتبوسهم بهيستيرية 

نورسين : اناااا حمارة مااا نسواش اهئ اهئ 

هزات راسها و بانتلها البرية الثانية مليوحة حطات التيليفون و هزات البرية ثانية اللي زااادت على مابيها 

رسالة رحيل من جبل ما حدها كتقرا و ما حدا دموعها كيزيدوا ينزلوا 

جبل : هده أصعب رسالة إضطررت لكتابتها أشعر بوخزة مع كل كلمة أكتبها إنه الكلام الاخير أود لو أنني أستطيع أن أمسك يدك وأطلب منك البقاء ولكنك لا تبقى لا أعرف كيف سأتعامل مع غيابك هده المرة وانا اعرف انه ابدي حان وقت الرحيل ولم تعد الاشياء الاخيرة تجدي نفعا لا العناق الاخير ولا القبلة الاخيرة لا دفئك ولا سريرك ولا دموعك ولا ارتجافك ولا رعشات اصابعك على ضهري ولا حركة شفاهك خلف ادني ربما حان وقت ان احتضن ذاتي و امضي بعيدا 💔 

نورسين :لاااااا لاااااا لااااااا ج...ج...جبل يمكن فرسالة ثالثة غادي تكون مفاجئة احسن اه اه 

هزات الرسالة الثالثة بفرحة عندها امل انو غادي يقولها كلشي كدوب ولكن مع الاسف لقات ورقة ديال طلاق بانلها هو موقع والا وقعاتها غادي تحرر منو للابد طاحت لارض و دنيا بدات كتبانلها ضلام هزات بتثاقل الرسالة الرابعة و عندها امل بلي غاتكون فيها شي حاجة مزيانة ولكن غير ما زادت تصدمات على قبل و هاد الرسالة الرابعة فشلات ليها ركااابي ما حسات براسها حتى طاحت لارض و سخفات 

نورسين فاش قرات آخر رسالة مع الاسف ما قدراتش تستحمل طاحت على طولتها اش هاد زهر اش هاد المصائب اللي طاحوا عليها دقة وحدة ربي االي عالم شحاال تعدبات و مع الاسف زاااد عدابها فاش قرات هاد الرسالة المنحوسة الدنيا ولات كتبان ليها كحلة واش حتى هي ما غترتاحش هاد الحب مرضها و لكن الشعور بالدنب احساس قبيييح بزاااف ما كيعرف بحقو غير اللي مجربوا شحال صعيبة فاش كتبقا تلوم فراسك على شي حاجة و شحااال خايبة فاش كتحس بشمتة و الاقبح من هاد فاش كتحس بلي ضلمتي معاك شخص ما داير لا بيديه لا برجليه و كايكون هو ضحية و الاقبح من هادا انك ضلم اعز انسان على قلبك الغلط اللي ارتكبات هو ثاقت بالهدرة دناس و ماثاقتش فيه دغيا نكرات الخير نسات شحال كان كيعاملها مزيان بنادم ديما كينكر المعروف ولدلك يقولون 《خدمت الشجر فأثمر و خدمت البشر فأنكر 》 لدلك ليس كل مايلمع دهبا وليس كل من كلمنا أصبح صاحبا وليس كل من قال أحبك صار حبيبا وليس كل من صلى صار مؤمنا 

تحل الباب و دخلو عندها كاملين حيت فاطمة عندها ضوبل د سوارت ديال كل بيت دخلوا و تصدمو من هادشي اللي كيشوفو قدام عينيهم الزاج مهرس و نورسين طايحة فالارض و فيديها ورقة شاداها بيدها اللي كتنزف فلدلك الورقة اللي كانت هازة تجلخات بدم 

فاطمة طاحت على ركابيها كتندب فحناكها وتولول و شادة فقلبها و كتبكي بحرقة 

فاطمة : الله على بنييييتي الله على كبدتي الله 

يعقوب طار عندها و هزها من الارض و حطها من فوق ناموسيتها اما ربيع مشا يجيب الما من الكوزينة و سلمى و كنزة مشاو وقفوا حداها مخلوعيين عليها و كلهم كيترعدوا وجهم صفر 

سلمى : مالها اهئ اهئ واش هادشي كامل حيت عرفات الحقيقة 

جاب ربيع الما خداتو من عندو فاطمة و بدات ترشها لوجهها و تبكي على الله تفيق 

فاطمة : الله يا بنيتيييي وغير عوينة و صااابتك الله الله على بنيتي اهئ اهئ 

بدات تقبح نورسين فوجهها حتى حلات عينيها غير بشوية و قالت بصوت منخفض و الدموع كيتساقطو من عينيها 

نورسين :ج...ج..جبل 

فاطمة جلسات حداها و عنقاتها 

فاطمة : ياااو خلعتينا عليك ياااا كي وقعلك *هزات ليها يديها لقاتها كلها كتنزف ضربات فاطمة على فخدها * اويييلي اش هادشي دايرة فراسك 

مشات كنزة جابت عدة الاسعافات و و حيدات ليها زاج من يديها و بدات تنظف ليها جرحة هزات عينيها و شافت فيها باسف و حطات يديها على خدها 

كنزة : ما ديريش اختي فراسك هاد الحالة كلشي غادي يولي مزيان 

نورسين ما كتشوفش فيهم كتشوف نيشان و دموع هابطين من عينيها شلال ما كتدوي ما كتكلم ما كتسمعهمش حتى اش كيقولو ليها راسها مرفوع الكسدة كاينة و لكن عقلها و قلبها كلهم معاه 

سلمى : عفاااك اختي هدري معانا جاوبينا 

نورسين : ج...ج..جبل اهئ اهئ 

غمضات عينيها و بدات كتحس بداتها كترعد و العرق كيتصبب منها فتحات عينها و دورات راسها شافت فيعقوب و قالت بألم 

نورسين : الا كنتي كتعزني غير شوية ديني نشوفو عفااااك أيعقوب 

يعقوب هبط راسو باسف 

يعقوب : جبل مشا و محال واش يرجع 

ماحسات نورسين براسها حتى قفزات من فوق الناموسية ووقفات حداه و طاحت على رجلو 

نورسين :كنترجااااااك أيعقوب كنترجااااااك أيعقوب الا ماشفتوش والله حتى نتاحر اهئ اهئ جبل ماااشي بخير جبل محتاجني *كتحرك راسها يمين شمال *جبل الا ماشفنيش يموووت عفاااك 

يعقوب هبط لعندها ووقفها من الارض 

يعقوب : واش حماقيتي انورسين ما دليش براسك حتى لهاد درجة 

نورسين : على قبلو ندير اي حاااجة *كضرب فصدرها * انااااااااااا مانسوااااش انا اكبر مكلخة على وجه الكرة الارضية كنعتارف بيها انا مستاعدة نتعرض لاي حاجة غير يساامح ليا جبل ضلمتو معايا كلشي كااان كدوب وانا بحال تعماو ليا عينيا حسوووا بيا اهئ اهئ *طاحت لارض *انا ماااعرفتش شنو وقع ليا حتى عاملتو بديك طريقة هو ما يستاهلش انا اللي مني الغلط اهئ اهئ الا ماسمحليش نمووووت فيها والله حتى نموت ديييوني عندو الله يعطييكم ما تمنيتو 

سلمى جلسات حداها و ضماتها لعندها حسات بداتها كلها كترعد باست ليها راسها 

سلمى : تهدني عفاك اختي تهدني مالك دايرة هاد الحالة فراسك جبل غايساامح ليك علاش كتعدبي فراسك 

كتحرك راسها يمين شمال و كتبكي بحرقة و بصوت مرتفع 

نورسين : فات الوقت فاااات الوقت اهئ اهئ الله يااااااربي و فين كاااان مخبي لياااااا هادشي فيييين اربي فيييين اناااا غير عبد ضعييف ما عندو لا حول ولا قوة يااااربي علاااااش كتحملني هادشي فوق طاااقتي يااااربي شووووف من حالتي وياااربي راني كنتشوا فقلبي اهئ اهئ علااااش ضلمتوا حتى لهاد درجة علااااش *كتصرفق فراسها كي الهبيلة * يااااربي ما تعاقبنيش بهاد طريقة شنوووو دنبي انا شنوووو حتى انا لعبوا ليا بدماااغي ياااربي شووف من حالي ياربي 

فاطمة : اجي ابنيتي ياجي اهئ اهئ *هزاتها من الارض و عنقاتها * ابنيتي ندم ما عندوش فاش ينفعك دابا صحتك على قد نخاف غير توقع ليك شي حاجة اهئ اهئ و نصدقوا فكلام اخووور تهدني ابنيتي مدبرها حكيم دابا يفاجيها سيدي ربي 

نورسين : عفاااااك اماااااماااااا عفااااك قولو يديني عند جبيلو عفاااك غادي نتخوطر و الله حتى نتسطا الا ماشفتوش هو محتااااجني اناااااااا

فاطمة شافت فيعقوب 

فاطمة : ديها اوليدي تشوفو نتا غاتكون عارف فين كاين الله يرحم من رباك 

يعقوب : انا براسي ما عارفش فين مشا هو قال بلي غايسافر ولكن فين كاين بضبط انا براسي و الله ماعارف 

نورسين وقفات حدا يعقوب و هزات يدو بغات تبوسها 

نورسين : الا كنت عزيزة عليك غير شوية عيطلو قولو فين كااين 

يعقوب : اش غادي نقولك اختي على الله مايكونش طافي التيليفون حيت الا كان طافيه راه ساافر و اللي عطا الله عطاه 

جبد يعقوب التيليفون ديالو و دوز نمرتو و عيط ليه 

يعقوب : هاهو كيصوني ادن ما طافيش 

نورسين فرحات و بدات تدعي 

نورسين : ياااربي يجاوب ياااربي ما عنديش غيرك يااربي 

بدا يصوني يصوني و قطع 

يعقوب : قطع أختي ما كيجاوبش 

نورسين :عاود عيطلو عفاك اخويا 

يعقوب عاود عيط ووالو ما كيجاوبش 

يعقوب : والو اختي لا من مجيب 

نورسين :*شدات فقلبها * عنداك تكون واقعة ليه شي حاجة اهئ اهئ هو ما بقاش قادر يتحمل هو ما خاصوش يتقلق اهئ اهئ انا سباب فكلشي انااااسباب *كتريش فشعرها *الله ياخد فيا الحق اهئاهئ جبببببل اهئ اهئ انا حمارة ما عرفتش بقيمتو حتى فات الوقت. فاطمة : رجوووع الله ابنيتي تي نعلي شيطان 

يعقوب: *حط يدو على كتف نورسين * تمنيت كن كنت نقدر نعاونك ولكن ...

صونالو التيليفون هزو بسرعة لقا بلي هو اللي كياتصل نورسين حولات عينيها شافت فتيليفون وهي تبانلها سميتو عينيها بداو يبريو بالفرحة و قالت بصوت مخنوق 

نورسين :عفاك دير مكبر صوت بغيت نسمع صوتو اهئ اهئ 

يعقوب : واخا 

دوز الخط و دار مكبر صوت كيفما قالت ليه و تسمع صوت جبل 

جبل : وي يعقوب 

نورين غير سمعات صوتو حطات يديها على فمها و دموع ما بقاو بغاو يحبسو 

يعقوب : فينك نتا دابا 

جبل :علاش؟ 

يعقوب : بغيت نهدر معاك 

جبل : متأكد نتا اللي بغيتيني ولا شي حد أخور 

يعقوب : احم انا اللي بغيت نهدر معاك 

جبل :ايييياااي نورسين حداك ياك 

نورسين شهقات و حطات يديها على فمها و خطفات من يدو التيليفون و قالت بصوت متقطع و داتها كلها كترجف 

نورسين : ج..ج..جبيلو اهئ اهئ توحشتك اهئ اهئ 

جبل بقا ساكت ما قال والو 

نورسين : ج...جااوبني عفاااك ج..جااااوبني اهئ اهئ عفاك سمعني صوتك الحنين اللي ما كاينش بحالو اهئ اهئ كنترجاك اجبل ما تعاقبنيش بهاد طريقة اهئ اهئ الله يخليك شكرني ولا غازلني ولا سبني قولي اي حاجة غير عفاك خليني نشوفك بغيييت نشوفك اهئ اهئ علاين نبكي دم واش ما بقيتش فيك اللي غلب يعف أجبل عفاك قول شي حاجة ما تبقاش ساكت بغيت نقولك شحال من حاجة محتاجة نشوفك محتاجة نشم ريحتك اجبل عفاااك محتاجة لرضاك عليا أجبل عفاااك قووول شي حاااجة اهئ اهئ يعقوووب قولو يهدر علاش ساكت اهئ اهئ 

جبل :*بنبرة حزينة * شكون نتي انا كنعرف نورسين وحدة و ماتت من زمان نتي وياها ما كتشابهوش بتاتا 

نورسين : اهئ اهئ ج..ج..جبل سمعني ... اهئ اهئ 

جبل : علاااش غادي نسمع ليك انا فاش كنت محتاجك تسمعني ما عطيتينشحتى فرصة وحدة ندافع فيها على راسي عفوا نتي مشيتي و خليتيني بلا كلمة بلا جوج و انا ما عارفش حتى اش وااقع واااخا نكون عدوك ما تعامليش معايا هاكاك و لكن ماشي مشكل الناس معادن و ما كيبان لونها الحقيقي حتى كيكونو فالعافية كاين اللي كيبان مصدي و كاين اللي كيبان دهب اللي عندو لداخل و هاد نوع قليل بزاااف و مع الاسف نتي من نوع الاول بنتي على حقيقتك انورسين ثقتي بالغريب و خليتي القريب اش بانلك تجربي شوية من داكشي اللي عيشتيني فيه 

نورسين : نتاااا مريض اجبل ما تغوتش بزااف عفاك و ما تجهدش راسك اهئ اهئ 

جبل : اه مريض و مرضي ما عندو دوا مع الاسف جرحي عمييق بزاااف 

نورسين نتا كتبغيني ياااك مزال كتبغيني اهئ اهئ 

جبل : اشنو فائدة الحب بلا ثقة انورسين شنو الفائدة ديالو نخاف نبغيك ونفقدك من بدا و جديد و نرجع نتالم حمقتيني انورسين من نهار دخلتي لحياتي تقلبات ما بقيتش كنحس براسي مزيان مرضتيييني انورسين اصلن ما بقا والو و نموت انا كنحتاضر و كلشي بسبابك 

نورسين طاحت على طولتها و كضرب فوجهها بقوة و قالت باعلى صوت 

نورسين : لاااااااااااااااااااااااااااا سكت سكت اهئ اهئ 

جبل :حتى لدابا انورسين مع الاسف فات الفوت والا بغيتي صراحة ما بقيتش كنبغيك ماشي حيت نزلتي من عيني وماشي حيت ما تقتيش فيا و ماشي حيت شبعتيني اهمال توتوتو حيت قلبي اللي بغاك مات و صعيب نجيب قلب بنفس غبائو 

قال هاد الكلمات و قطع نورسين حسات بضيق تنفس و بدات تنهج جابولها البخاخ ديالها داروه ليها عاد ردات نفس و تكات على صدر ماماها و ساهية فنقطة وحدة و كتردد بفمها 

نورسين : ما يمكنش جبل ما يمكنش يموت مايمكنش اهئ اهئ 

ربيع : هو في عار الله اشمن موت 

هزات راسها شافت فيه و عينيها دبلانين هزات الرسالة الرابعة و وراتها ليهم 

نورسين :اهئ اهئ شوووووووفوووووو فهاد الرسالة من عند من من عند طبيب ديالو اهئ اهئ جبل مريييض اهئ اهئ هو ما يمكنش يمووووت نحمااااق والله حتى نحماق

سلمى : فهمونا اش وااااقع 

يعقوب : heart failur *قصور القلب *

فاطمة : اوليدي راه حنا على قد توما اش سايرين تخرفوا طيحتو ليا الما فركابي توما دويو قولو اش واقع 

يعقوب كيتكلم بالم و ساهي فنقطة وحدة قال بصوت كئييييييب و حزييين 

يعقوب : قلبو ما بقاش قادر يضخ الدم عندو خلل فشرايين و المشكل بلي هاد المرض كيقتل و جبل مصاب بيه *طاح لارضو شد على راسو بيدو * يعني جبل كيموت 

كلهم شهقو دقة وحدة و طاح عليهم ضيم كلشي تغرغرو عينو بدموع 

فاطمة : لا اوليدي راه غي غالطين توما نعلو شيطان ههه توما الولد مزال صغير مايمكنش يطرالو هادشي توما نعلو شيطان باركة ما تكدبوا علينا 

سلمى : مااايمكنش نتوما اش كتخربقوا 

نورسين : ج..جبل ما يمكنش يمووووت مااايمكنش الا وقعاتلو شي حاجة نتبعوا *وقفات و مشات جلسات حدا يعقوب * نوض ديني عندو نوووض اصلن هو غير كيضحك معانا ياك هو اصلن عزيز عليه الضحك *شافت فماماها * هاد المرض ماشي خطير كيفما كيصحاب ليكم هو غادي يتعالج اه اه مايمكنش يموت ههههه مايمكنش الموت تديه مني حنا غادي نرجعوا لبعضياتنا و نعيشوا سعداء و غادي نولدو بنيتة و هو اللي غادي يسميها غادي نكبروا مع بعضياتنا ياك اماما و ما عمري ما غادي نقلقوا مازال ما عمري ما غادي نخليه مزال اهئ اهئ هو محتاجني اناااا اناااا الي عندي دواه حتى واحد ما غايعرفلو بحالي انا نداويه حتى يوقف على رجليه 

كنزة : نورسين تهدني اختي عفاك 

نورسين : كيفااااااااااش بغيتوني نتهدن وانا كنشوف حياااااتي و روووووحي مرييييض كيفاش كيييفاش اناااااا سباااااابو انا اللي خاص يوقعلي هادشي ماشي هو جبل خاصو يعيش نعطيه قلبي الا اضطر الامر و نموت انا و يعيش هو اهئ اهئ 

فاطمة :*كتمسح دموعها *ابنيتي الاعمار بيد الله ما عرفنا شكون سابق و شكون لاحق قول اعود بالله من شيطان رجيم الا كان مكتابلو يعيش راه غايعيش والا كان مكتابلو ....

نورسين : سكتيييييي اماااامااااا سكتيييي هو غاااايعيش اهئ اهئ ما بغيت نسمع والو ما غاديش نعاود نقلقو اهئ اهئ 

وصل يعقوب ميساج هز التيليفون ديالو قراه و ردو لجيبو ووقف مسح دمعو 

يعقوب : يالاه نوضي باش نمشيو عندو

نورسين بالفرحة ناضت من الارض و كتحس بالدوخة مسحات دموعها 

نورسين : واش بصح 

يعقوب : هانا كنساينك لتحت 

نورسين : لا غانمشي معاك 

حلات الباب و خرجات بكسوتها الكحلة القصيورة و الموت د البرد فزنقة 

يعقوب : لبسي المونطو عليك 

نورسين : ماااباااغا والو عفاك دغيا عفاك 

فاطمة لحقات ليها واحد الكاب دارتو فوق كتافها 

فاطمة : لهلا يعطيه خايبة يااااربي تشافيه لمرتو ووليداتو اللي غايجيو فطريق 

نورسين لبسات الكاب و خرجات مع يعقوب غادة فدروج طايرة كانت غادي طيح خاصها غير فوقاش توصل حل ليها يعقوب الباب و دخلات و طلع هو للمكان المخصص بالقيادة ديمارا و قلع بسرعة نورسين حاطة راسها على زاجة و دموع من عينيها شلال و ووجها دبلان ما كتهدر ما كتكلم و شريط دكرياااتها معاه كيمر امام عينيها من اول لقاء بينهم 

🔙🔙🔙🔙 فلاش باك 

جبل : نوووورسين 

نورسين وقفات ما عرفات راسها باش تبلات ضربها ضو 

نورسين :*دارت بالعرض البطيئ * جابولي ودني بحالا عيطيتيليا واقيلة منين كتعرف سميتي اخويا 

جبل تقدم عندها بخطوات مسرعة حتى بقا كتفصلو عليها بضع سنتيمات كيشوف فعينيها مباشرة قلبو كيضرب فالالف ديما كيراودو احساس غريب وهي قريبة منو ديما كيقولو عقلو يديها يهربها ما يشوفها حد يبقاو فمكان فيه غير هوما بزوج هو بوحدو اللي حاس بقيمة الجوهرة نادرة اللي قدامو هو بوحدو اللي كيشوف الجمال الخفي وراء دوك النضارات و الملابس البشعة ووراء وجهها شاحب اللي ما فيه حتى قطرة ميكاب ما كدبوش اللي قالو اللي غادي يبغيك غادي يبغي روحك قبل من شكلك نورسين بقات مجمدة فبلاصتها حبس عليها الهواء مسكينة حيت تبارك الله جبل جثة ضخمة 

نورسين : ممكن نعرف علاش عيطتيلي 

جبل بقا مدة كيشوف فعينيها و فجأة حنى على ركابيه وعقدلها السيور ديال سبرديلتها مزيان وحشاهم ليها فجناب باش ما يعاودوش يتحلو 

جبل :*من مور ما سالا وقف * بقاي تربطي سيور ديال سبرديلتك مزيان خايف شي نهار طيحي وما تلقاينيش حداك 

حسات بشي حاجة تحطات فوق كتافها تخلعات قفزت من بلاصتها دارت شافت شنو هادشي لقات جبل واقف من موراها حولات عينيها لكتفها لقات واحد الملاية خفيفة فوق كتيفاتها 

نورسين :اش كاتدير هنا 

مشا جبل للقنت وشعل واحد الكارو وحطو ففمو 

جبل : * ساط الدخان *طالعة للسطح ولابسة حوايج خفاف غادي يضربك البرد 

نورسين :فخبارك وليت كنحس بيك تابعني من بلاصة لبلاصة 

جبل : علاش غادي نتبعك مثلا ؟؟؟ 

نورسين : ماعرفتش انت انسان غامض سمحلي على هاد الكلمة ولكن ما كتفهمليش 

جبل :*ابتاسم * شنو اللي ماكيتفهمش فيا

نورسين : صراحة كيفاش عندك اوطيل وعايش فهاد العمارة 

جبل :* لاح الكارو وزطم عليه * كاينين حاجات اهم من الفلوس كيخليونا نضحيو على ودهم 

جبل: *كيحل صدايف ديال القاميجة ديالو من الفوق* كنحس براسي مخنوق و قلبي كيضرني 

نورسين:*بخوف و قلق باديين على وجهها*واش ما شفتيش طبيب 

جبل:*بابتسامة مزيفة* ما كاينش العلاج لمرضي حيت هادشي كامل بسباب واحد البنت 

نورسين حسات بنغزة فقلبها و صرطات ريقها و خجلات شوية و دورات و جهها لسرجم بحال ما سمعاتش هدرتو 

جبل: كنبغي واحد البنت من عشرين عام هادي 

نورسين تشوكات فهاد اللحظة و دورات وجهها وشافت فيه 

نورسين: مافهمتش كيفاش عشرين عام 

جبل: منين كانت عندي عشر سنين 

نورسين:*شهقات و حطات يديها على فمها ماعرفات باش تجاوبو*وفين هي وواش هي ما عرفاش بهادشي 

جبل: لا و ماباغيش نقولها خفتها تبعد عليا قوليلي شي حل و عندي شي ضروف ما نعيني نقولها عيييت عيييت بالله 

🔚🔚🔚🔚🔚نهاية الفلاش باك 

نورسين ما حداها كتفكر و ما حداها كتزييد تبكي يعني من اول نهار كان كيحماق عليها هي عاد بدات تفكر هدرتو اللي كان كيقولها ديما عاد فهمات علاش كانت من ديما كتشوفو قريب ليها عاد فهمات كلامو الغامض اللي كان ديما كيقولها كنتي غبية انورسين لهاد درجة علاااش ما اكتاشفاتش حبو لكبير ليها من نهار اللول ضربات راسها مع زاجة ديال طوموبيل ما كرهاتش تقتل راسها داكشي اللي دارت في غير كتفكرو ما تكرهش تقج راسها بيديها ندمات على هدرتها ليه و كلامها الجارح و اتهاماتها و كلشي قالتو كتحس بلي ربي كيعاقبها على داكشي اللي دارت فيه بمجرد فكرة انها كتفكر انو مريض بمرض مزمن و فاي لحظة يقدر يودع كتحس بداتها كترجف كتحس بالعافية شاعلة فقلبها احساس قبيح كيقطع فيها من لداخل 《الندم على فعل خاطئ ارتكبته مسبقا أشد ألما من الفعل نفسه 》 صوت شهقاتها هي اللي كتسمع فطوموبيل

يعقوب : نورسين واش نتي بخير 

نورسين : انا مت نهار ضلمت حبيبي انا ميتة انا غير جسد بلا روح علاش قسيت عليه حتى لهاد درجة انا سباب فكلشي انا سباب فمرضو من نهار تزاديت وانا كندير غير المشاكل جبل ما كيستاهلش اهئ اهئ جبيلو ديالي عمرو كان قبيح انا اللي قبيحة هو ما عمرو كان وحش هو ما كاينش بحالو اهئ اهئ شنوووووو درتي انورسين اهئ اهئ يعقووب ياك هو باغي يشوفني ياك هو ماسافرش ياك هو نازال كيبغيني ياك اهئ اهئ 

يعقوب :انا عطاني العنوان اللي غادي نديك ليه يعني ماسافرش راه مزال فالمغرب 

نورسين :*كتمسح دموعها *هو ما يمكنش يسمح فيا هو ما يقدرش اه اه ما يقدرش يبعد على ملاااكو طاهر اصلن مايقدرش ههه ياك ا يعقوب 

يعقوب ابتاسم ليها و حرك راسو بالايجاب 

يعقوب شعل الراديو باش يكسر هاد الجو المشحون لقا اغنية 《بلا عنوان 》 وهي نورسين تشهق و غمضات عينيها حيت هاد الاغنية كتفكرها فيه ابتاسمت فعز دموعها 《 أحيانا لانقدر قيمة اللحظات الا عندما تصبح دكرى 》 😭😭😭

🔙🔙🔙فلاش باك 

جبل : *هز عينو شاف فيها و قال بصوت حنين وخافت *كن غير بيدي حيلة نخمم كل ليلة عايش بين الحيرة و الشوق يا اللي ونتي عليا بعيدة راني من بعدك مخنوق 

وقفات نورسين ودارت شافت فيه 

نورسين : واش كنتي هنا فاش كنت طالقة الاغنية 

جبل : كتعجبني هاد الاغنية وخصوصا هاد المقطع كيجيني كيعبر على حالتي 

نورسين : نتا انسان فشي شكل والله ما عمري شفت بحالك 

جبل :انا من عادتي كنسمع للموسيقى الاجنبية بزاف ولكن هاد الاغنية بضبط عبرات على حالتي بطريقة جميلة 

🔚🔚🔚 نهاية الفلاش باك 

وقف الطوموبيل يعقوب حدا واحد الفيلا 

يعقوب : جبل كاين هنا انورسين 

على إثر هاد الكلمة الاخيرة نزلات نورسين من الطوموبيل و مشات بسرعة كدق فالباب كيف شي هبيلة و كتصيح بصوت عااالي و دموع فعينيها 

نورسين :جبببببل نتاااااا هنااااااا حل عفاك جبببل اهئ اهئ بغيت نشوفك كنشم ريحتك نتااا هنا 

تحل الباب غير بشوية وهو يبانلها جبل واقف بكل هيبتو و تحت عينو كحل ربما بقوة ما كيسهر و النوم ما كيزورش عينو باينة فيه عيااان بزاااف طال الصمت بينهم للحظات غير عينيهم اللي كيتكلمو نورسين تقدمات بخطوات مسرعة طارت عليه بتعنيقة عبرات بيها على كلشي و دموع من عينيها شلال لدرجة فزكاتلو الشوميز اللي كان لابس و كتررد بصوت فيه نبرة حزن شديييد 

نورسين : توحشتك اهئ اهئ توحشت جبيلو ديالي اهئ اهئ 

ولكن الغريب فالامر جبل كان راخي يدو ما بادلهاش العناق واخا قلبو شاعلة فيه العافية كيحاول ما امكن ما يتهورش و ما يضعفاش بعد عليها بسرعة و دخل لداخل نورسين بقات غير مصدومة و كتشوف تبعاتو ولقاتو جالس فالصالة و هاز قرعة د الويسكي كيشرب منها و عينوحووومر كي جمر نورسين تقدمات عندو بخطوات مسرعة و حيداتلو القرعة د شراب من يدو و هرساتها 

نورسين : اش هااااادشي كدير اجبل اهئ اهئ 

طاحت نورسين على ركابيها و حطات يديها على خدودو و جبهتها على جبهتو و نيفها على نيفو و قالت بصوت خافت كل الم 

نورسين : واش باغي تقتل راسك اهئ اهئ 

جبل بقا ساكت لعدة ثواني و قال 

جبل :نتي اصلن قتلتيني 💔💔 ما عندي ما ندير بشفقة ديالك 

نورسين حاطة جبينها على جبينو و حاطة يديها على خدودو و نيفها على نيفو و دموع من عينيها سايلين و قالت بألم و بأسف حاسة بقلبها كيتحرق مع كل كلمة كيقولها كايزيد فعدابها و كتزيد تحس بتأنيب ضمير 

نورسين : اش ك...ك..كتقول أحبيبي انا آخر وحدة تشفق عليك لا احبيبي ان...اناا خايفة عل..على جبيلو ديالي *حطات يديها على صدرو اللي كان كيضرب بسرعة * ب..باش كتحس أحبيبي *كتمرر يديها على خدو * باش كتحس امم علاش ما كتجاوبنيش *هزات عينيها شافت فيه لقاتو ساهي فيها * ج...جبيلو عفاك قول لبنتك شي حاجة بنتك محتاجة تسمع صوتك الحنين و تشم ريحتك بنتك محتاجة تنعس فحضنك و دفيها و تقولها عندي غير نتي امم *قرباتلو و باستو فراسو و بقات حاطة شفايفها على جبينو * بنتك ما تقدرش تعيش بلا باباها اهئ اهئ ....

جبل : *قال بحزن * ولكن بنتي تخلات عليا و انا فأمس الحاجة ليها بنتي مشات و خلاتني كنبكي عليها كيف شي طفل صغير بنتي هانتني و ما خلات ما قالت فيا هاد بنتي اللي كتهدري عليها كانت كتنعتني بالوحش المريض الاحمق هاد بنتي تاقت بكلام وحدة ما كتعرفهاش اصلن و كدبات باباها اللي كيموت على تراب اللي كتمشي عليه هاد بنتي الي كدوي عليها جرحااتني بلا قياس لدرجة مابقيتش كنحس بالالم هاد بنتي اللي كتهدري عليها سمحات فيا عامين و خلات حالتي حالة هاد بنتي عدباتني بلااا قياس *بعد عليها و مرر صبعو على خدها برقة و قال * بنتي دارت فيا هادشي كامل و هي كتبغيني كيفاش وهي كتكرهني 

نورسين انهارت و طاحت لارض فخطرة و قالت 

نورسين : بنتك كدبو عليها احبيبي اهئ اهئ بنتك ماا..

جبل :شووووت سكتي انورسين البنت عمرها ما تكرهها باباها واخا يكون كيفما بغا يكون هانت عليك دموعي خليتيني و مشيتي و ديتي معاك قلبي انورسين قلبي ديتيه و دابا انا غير عايش بلا هدف عايش حيت الانتحار حرام اما كن درتو شحال هادي ما عندي ما ندير فحياة ما فيهاش نورسين القديمة اللي كانت بريئة كانت غير كتشوف فيا و يولي وجهها احمر هاديك نورسين اللي ما عمرك تسمع منها شي كلمة تجرحك بيها ديك نورسين اللي كنت كنشوف فيها بنتي قبل حبيبتي بنتي ماتت و دفنتها فتراب و حتى انا قريب نموت و نتبعها و....

نورسين : سكوووووووووووووت سكووووووووت اهئ اهئ نتاااا ما غاتموتش نتا غااااتعيش اهئ اهئ * حطات يديها على خدو * حبيبي هاد المرض ما كيقتلش خاصك غير تبقا دير كونطرول كل نهار عند طبيب و دير رياضة مزيانة و تبع نظام صحي و تبعد على الكارو و الالكول و كلشي غايكون مزيان ياك أجبيلو ياك احبيبي نتا ما غاتمشيش و تخليني اهئ اهئ اهئ عفااااك اجبل قول شي حاجة ما تعاقبنيش بهااااد طريقة اهئ اهئ 

جبل :*رجع راسو لور و تنهد * مع الاسف المرض فمراحل جد متقدمة و هادشي اللي كتقولي ما بقاش صالح انا رجعت حيت بغيت نتصالح معاك و نعيش داكشي اللي بقا فحياتي معاك و لكن مع الاسف الوضع غير مازاد تعقد اكثر من قبل بلا ما تلومي راسك هادشي مكتاب علينا اااااخ انورسين شحال كنبغيك اااااخ كن تعرفي كيف دازت عليا ديك العامين ااااخ أروحي اااخ الا متت عاد غاتعرفي بقيمتي كنحلف ليك بالله اللي خلقني و خلقك ما كاينش اللي غادي يبغيك بحالي و ماااكاينش اللي غادي يحن فيك بحالي حتى ماماك ما توصلش لمحنتي عليك واخا دوري العالم كامل ما تلقايش اللي يعشقك بحال هاد العبد اللي جالس حداك دابا هاادشي كامل وصلنا ليه بسباب قلة عقلك و ثقتك فناس علااااش انورسين قتلتي حبنا بهاد طريقة علاااش قتلتي هاد القلب شنوووو دار من غير انو بغاك اممم بغيت جواب صريح 

نورسين الهدرة اللي كيقولها كتحس بيها بحال شي خنجر مسموم كيتغرس فقلبببها الم رهيييب كتحس بيه من لداخل ديالها الم كيحرقها و كيقطع شرايين قلبها كتحس براسها مخنوووقة لدرجة دموع ما بقاوش كينزلو بقوة اللي بكات حتى دموعها خانوها ناضت من لارض و بقات كتشوف فيه مدة و جلسات من فوق حجرو و دورات رجليها على ضهرو و حطات يديها على خدو و بدات كتهدر بصوت متقطع و حزيين 

نورسين : جبل سمحلي احياتي عفاااك احبيبي ما نعاود نثيق فحتي واحد و ما نعاود نسمع لحتى واحد انا مكلخة اه و اكبر بليدة اه و انا ما نسواش و انا قبيحة اهئ اهئ انا غير نية اهئ اهئ ولكن هي وراتني الادلة ديال داكشي اللي كتقول اهئ اهئ راه راه لعبات عليا مزيان اهئ اهئ قالتلي واخا يبين بلي يبغيك راه غير كيمثل عليك اهئ اهئ و باغي غير يعدبك اهئ اهئ حط راسك فبلاصتي ..

جبل : انا كن كنت فبلاصتك ما غادي نثيق بحتى حاجة و اللي حل عليك فمو نقتلو بيدي و ما يبقاش فيا الحال انا كنت نثيق فيك اكثر من راسي كيقولو بلي واخا ما يثيقش بيك العالم كامل كاين شخص واحد اللي غادي يثيق بيك و غادي يخليك فرحان و كيقولو بلي داك.شخص نفسو هو اللي غادي يجي واحد النهار و غادي يقلقك و العالم كامل مايقدرش يسعدك بصح ما كدبوش

نورسين : جبل ما ديرش فيا هاكا عفاااك اهئ اهئ الا كنت انا قبيحة و ما نسواش نتا الحنين ديالي نتا قلبك كبير أحبيبي وغادي تسامحني عفاك اهئ اهئ واش ما بقيتيش كتبغيني اهئ اهئ كتعرف وحدة اخرى ياك ياك اجبل اهئ اهئ داكشي علاش قلبتي وجهك 

جبل : كضرني فقلبي هاد الاسئلة : علاش بغيتك؟ علاش ربي حطك فطريقي ؟ علاش نتي؟ علاش انا ؟ علاش مشيتي؟ مع الاسف ما عنديش الاجابات على اسئلتي موجوع انا بك و منك كيضرني الفراغ الكبير اللي خليتي فقلبي فاش مشيتي آديتيييني بزاف برافو عليك اجتاهدتي بزاف فالفراق ديالنا حيت كان مثالي درتي فيه مجهود كبير 

بحركة سريعة منو قلبها من فوق الفوتوي و جا من فوق منها و حنا عندها حتى بقا كتفصلو عليها بضع سنتيمات هز صبعو و دوزو على خدها برفق و كمل هدرتو 

جبل : ماشي معقول نكون انا كنبغيك و نتي كتبغيني و بيناتنا هاد الوجع كامل و هاد البكا كامل و هاد المسافة كلها عرفتي كاين اكثر من سبب باش نكرهك ولكن لا ما نقدرش نكره ملاكي طاهر ولكن قلبي كيزيد يضرني كلما تفكر ت انكي ما عطيتينيش فرصة باش نستمر فالحب ديالي ليك واخا صافي نتفارقو هادا هو انسب حل 

نتي غادي تبكي شوية و انا غادي نبكي بزااف حتى نموت *هز يديها و حطها على قلبو * هاد الفراق غادي يخلي فقلبي خرااب و دمااار كبير و كبيير بزاف غادي نزيد نمرض و منها نيت نموت دغيا ما بقا لي ما ندير فهاد الحياة تعدبت بما فيه الكفاية ما بغيت والو من دنيا من غيرك و حتى نتي ما بغيتينيش غير نموت احسن 

نورسين هزات صبعها صغير و حطاتو على شنايفو و قالت بهمس 

نورسين : باركة ما تعدب فراسك و فيا عفاك باركة من هاد الخصام و الفراق واش ما كفاتكش عامين على قدها اهئ اهئ الا كنتي نتا معدب انا كنت معدبة اكثر منك اهئ اهئ ما تكملش عليا بهدرتك عفاك حنا غادي نرجعوا احسن من اللول *هزات يدو باستها غير بشوية * غادي نرجعوا و غادي نعيشوا مع بعضياتنا اجمل الايام و انشاء الله غادي نولدوا بنيتة و ياربي تكون كيفما كتخايلها نتا سميمرة بحالي و عندها شعر مبوكل ياك احبيبي و غادي تكون اب رائع * هزات راسها و باستو حدا فمو و رجعات تكات و حطات يديها على خدو و قالت بصوت حنين شعل فجبل العافية * نتا ما كاينش بحالك فالعالم كامل نتا نسخة وحدة وانا جد جد جد محظوظة اللي حطك ربي فطريقي باركة علينا من الفراق انا عييت و الله العظيم انا متاكدة بلي غايجي نهار اللي غادي نكونو عائلة جميلة و فرمضان انا اللي غادي نوجد ليك سحورك و فطورك *كتمرر صبعها على شنيفاتو * غادي تكون نتا الامام فصلاتي و غادي تكون قابط ليا فيدي بجهد فاش غانكون غاديين للمسجد غادي نختموا القرآن مع بعضياتنا وانا غادي نختم دعاءديالي بسميتك عفاااك اجبل رحمني احبيبي انا عارفاك مقلق مني و اي قرار اتاخدتيه فحقي نستاهلو حيت انا اللي درت هادشي كامل اهئ اهئ عن غير قصد 

ناض جبل من عليه و بقا واقف كيشوف فيها مدة ناضت حتى نورسين و قفات حداه و شدات فيدو و حطاتها على خدودها 

نورسين : ما جاوبتينيش أجبل عفاك قول شي حاجة ما تبقاش ساكت هاكا انا ندمت و اي قرار اتاخدتيه انا معاك 

جبل : شكون ضمن ليا بلي ما غاديش تمشي مرة اخرى و تخليني حتى عرفتيني كنموت عاد جاية فاش كنت نقولك انا ما داير والو علاش ما ثقتيش فيا و دابا جاية باغاني انا نثيق فيك سمحيلي ولكن فاقد الشيئ لا يعطيه انتي الا ما ثقتيش فيا كتسنايني انا نثيق فيك غير قادي مخدتك و رجعي تنعسي حيت اكيد كتحلمي 

نورسين : ج..ج..جبل ما تكونش قاصح عفاك نتا ماشي هاكا اهئ اهئ نتا الحنين ديالي 

جبل : سمحيلي ولكن جبل اللي كتعرفيه مات ضرتيني بلا قياس ا نورسين و انا ما بقيتش قادر نستحمل حتى لامتى غادي ديري عقلك سحال قلتبك ابنتي مااااديري ثقة فحد شحااالمن مرة هدرت معاك فهاد الموضوع غير قوليلي شحاااال اي حاجة ممكن تعطا ليها فرصة ثانية الا خيانة الثقة انورسين 

تقدم جبل بخطوات بطيئة و فتح الباب و بقا حاني راسو نورسين بقات غير مصدومة و كتشوف كيفاش زعما كيجري عليها بطريقة غير مباشرة صرطات ريقها و تقدمات عندو بخطوات بطيئة و شافت فيه و قالت 

نورسين : علاش ما بغيتيش تعطيني فرصة ؟

هز راسو شاف فيها و عينيه حووومر 

جبل : حتى انا فاش كنت محتاجها ما عطيتيهاليش ترجيتك و طحت حدا رجليك و نتي مع الاسف ما عطيتيهاش ليا فعلاش غانعطيها ليك انا امم ماشي هاكا ضنيت الحب يكون ماشي هاكا انورسين ضحيت معاك بكلشي عطيتك كل ما كنملك انا صبرت بزااف و تقادا جهدي كنشوفك.فيك انورسين و لحد الان مازال ما متيقش داكشي اللي درتي فيا سيبتي قلبي فبير عميييق انورسين نساي شي حد سميتو جبل حسبيني انسان مرحوم حتى طلاق اللي من شحال و نتي باغياه غير غتسني على الورقة غادي تحرري مني للابد ياك هادشي اللي بغيتي غادي نعترف ليك بواحد الحاجة انا بغيتك بصدق و ربي اللي شاهد عليا و دابا الا بغيتي تمشي شيفور كيساينك فالباب مع الاسف قصة جبل نورسين انتاهت عيشي حياتك كيفما بغيتي ولكن انا ما غانكونش معاك نورسين تقدمات بخطوات بطيئة و حطات راسها على صدرو و قالت بالم 

نورسين : ماكاينش شي حد من غيرك اللي كنبغي اجبل نتا مابقيتيش باغيني واخا صافي اهئ اهئ غادي نمشي و لكن ما غانستسلمش اجبيلو ديالي ماشي بهاد.سهولة *باستو فقلبو و هزات عينيها شافت فيه بواحد شوفة بريئة ديال القطيطات 🐈🐈* نتا ما غاتموتش نتا غاتبرا و غاتشافى و انا اللي عندي دواك احبيبي تهلا فراسك 

خرجات وبقات واقفة حدا الباب كتشوف فيه و حتى هو و نظرات تختلف نورسين كتشوف فيها نظرات ديال واحد ندمان و بزااف و هو كيشوف فيها نظرات كلهم عتاب حط يدو على الباب و زدحوا فوجهها نورسين طاحت لارض و بقات كتبكي و جبل من مور الباب حط راسو على الباب و غمض عينو و سالت دمعة كتجري من عينو ما كانش باغي يقصح معاها حتى لهاد درجة و لكن خاصها تعلم الا سامحها دغيا امتى غادي دير عقلها و هي اللي جا قالها جوج كلمات تيقوا سمع صوت شهقاتها من مور الباب دور و جهو و حط جبينو على الباب و هز يدو حتى هي حطها عليه و قال بهمس 

جبل :مساامحك ابنت قلبي باباك ما يقدرش يتقلق منك باباك باغيك تكوني قوية و ماشي لي جا يديرها بيك 

على إثر هاد الكلمات الاخيرة سمع جبل صوت المطر مجهد برااا دور وجهو وجمع يدو على شكل لكمة و طلع لبيتو بتثاقل حل الباب د بيتو و دخل و زدحو و تمشا حتى وصل لبالكون اللي عندو كيطل على برا كان محلول دخل ليه و كيشوف قطرات المطر كيفاش كتهاطل بسرعة و الموت د البرد كاين و ريحة ديال تراب زوينة عاطية حط يدو على الحديدة و هبط راسو و بانتلو نورسين واقفة من تحت ديك الشتا و كلها كترعد عند بالو بلي مشات و لكن تصدم منلي شافها مزال و زاد تصدم من لي هزات راسها و شافت فيه و الشتا كطيح عليها و هي كتبكي بكل حرقة ابتاسمت ليه فعز بكاءها و قالت بصوت عااالي و دايرة يديها على فمها 

نورسين : جبيييييييلو نتاااااا ديااااالي واش كتسمعنييي انا عارفك كتشووووف فيااااا اناااااا كنبغييييييك اجبل كنبغيييييييك و بزاااااف و الا ما بغيتيش تسمحلي غاااااااادي نبقااااااا هناااااااا حتى تسمحلي غاااااادي نعيش حدااااا دارك حتى تقولي مساااامحك ابنت قلبي نتااااااا اللي خليتي قلبي ينبض نتااااا بوحدك اللي بغييتك فحيااااتي كلها اجبل و مااااعمري بغيت غيرك احبيبي اهئ اهئ جبييييييلو بغيت نرجع ليك بغيت نفيييق على صوتك بغييييت نحضنك اجبيلو تووووووحشتك اجبل توووووحشتك اهئ اهئ عفاااااااك ارحميني عفاااااااك بااااركة عفااااك أحياااتي *طاحت على ركابيها و قالت بصوت عاالي اكثر * واااااش تقبل تزوج بيااااا و نرجعو مع بعضياااتنا اهئ اهئ 

جبل ما حدها كتهدر و ما حدو كيسمع صوتها كيحس بدقات قلبو كيتسارعو اكثر و اكثر حاس بانفاسو ثقالو ما قدرش يتحمل يشوفها هاكاك هو براسو مصبر راسو غير بزز ولكن واخا يعيا يقصح قلبو بتصرفاتها كيدوب سالت دمعة من عينيه و ضرب يدو مع الحديدة و دخل و سد داك البالكون بجهد نورسين هزات عينيها شافت بلي مشا و هي تحميها غوات عاود و الشتا غير ما كتزيد تجهاد ولات كلها كتقطر 

نورسين : لاااااااااا جبل اهئ اهئ

جبل حل الماريو ديالو و مشا هز واحد الفيستة و حل الباب و خرج و هبط كيطير فالدروج حط يدو على البواني د الباب و حلوا بسرعة لقاها طايحة على ركابيها و حاشية راسها ما بين يديها و شتا كطيح عليها فاش سمعات نورسين الباب تحل هزات راسها و شافت فيه و تصدمات ابتاسمت ووقفات من الارض و كتشوف فيه و كلها كترعد مع كانت لابسة غير كسوة قصيورة ولات كتقطر جبل مشا عندها كيطير حتى وقف حداها و بقات كتشوف فيه ميلات راسها شوية و ابتاسمت ليه بحب كبييير جبل حل داك الفيستة و دارها من فوق راسهم بزوج نورسين هزات راسها شافت فيه هو كان مغمض عينو مستمتع بهاد اللحظة حل عينو و شاف فيها لقاها كتشوف فيه و هزات يديها بتثاقل حطاتها على خدو جبل دار ديك الفيستة على كتافها و دار يدو من مور خصرها و جرها ليه حتى ضربات فصدرو و هز يدو لوخرى و حطها على خدها و قرب ليها و باس عويناتها بجوج غير بشوية و حط راسو على جبهتها و ساد صمت بيناتهم لعدة ثواني حس بنورسين داتها كلها كترعد حل عينو و بعد عليها لقلها لابسة داكشي قصيور غمض عينو و تنهد و حط يدو من تحت راسها و اليد لخرى من تحت ركابيها و هزها هي بقات غير كتشوف فيه و ضحك عاجبها الحال و كتلعب برجليها كي البريهشة حطات راسها على صدرو و دورات يد على عنقو و يد كتلعب بيها فلحيتو دخل جبل لداخل و سد الباب برجلو و طلعها لفوق و حل الباب د واحد البيت و حطها 

جبل : *صرط ريقو * دوشي بما سخون باش ما تمرضيش غادي نجيبلك الحوايج و آخر مرة تلبسي هاد اللباس سمعتي 

نورسين قربات ليه و همسات فودنو 

نورسين : سمعا و طاعة جبيلو ديالي ههه 

باستو فخدو و بعدات عليه 

جبل غمض عينو و تنهد و جمع يدو على شكل لكمة و خرج و زدح الباب دخلات نورسين لدوش و حيدات حوايجها و تحشات تحت الرشاش كان سخووون و غير كتفكر المشهد كتبقا ضحك 

نورسين : تعيااا تقصح قلبك ترجع ترجع ههه 

سلات و لقات واحد الفوطة دوراتها عليها و خرجات من الدوش وبقات واقفة كتساينو 

نورسين : اووف فين مشا جبببل جببببل 

تحل الباب و دخل جبل و بقا واقف مصدوم من هاد اللوحة اللي واقفة حداه و بهاد كمية الانوثة كاملة و شعرها المبوكل بالما و فمها الاحمر المغري كيحس بشنيفاتها كيناديوه باش يسرق منهم احلى قبلة اما لون سمارها حكاية اخرى كلما كيشوفها كيبغي يحماق كيشد راسو غير بزز كيحس بالعرق كيتصبب منو و قلبو كيضرب بسرعة كبييرة غايوقف تمشا بخطوات بطيئة حتى وقف حداها و عينو على دوك قطرات د الما اللي كيهبطوا بسرعة كيبقا متبعهوم بعينو حتى كيختافيو 

نورسين حسات بيه و عرفاتو فاش كيفكر و بدات كتبتاسم 

جبل : *تنهد * شنووو بغيتي علاش كتعيطي 

نورسين : ما جبتيش ليا حوايجي 

جبل : *اشار بصبعو فوق لنا موسية * راهم حوايجك من فوق السرير 

نورسين : اوكي شكرا 

دورات وجهها و مشات هزات ظوك الحوايج اللي كاينين تماك و حسات بانفاسو فوق ضهرها و هي ترخي دوك الحوايج من يديها بقات مصدومة و قالت بهمس 

نورسين : ج..ج..جبل 

جبل : *باسها فضهرها حتى تبورشات * كنحسدهم املاكي و الله حتى كنحسدهم 

نورسين : شكون هوما ؟ ما فهمتش ؟

جبل :*مر يدو فوق ضهرها * هاد القطرات اللي على جسمك علاش هوما كيلامسوك بهاد سلاسة و هاد نعومة و انا لا

نورسين دورات وجهها و شافت فيه نيشان 

نورسين : جبيلو تسناني هنا نلبس حوايجي و نجي عندك بغيت نهدر معاك 

جبل بعد عليها و دار يدو فجيبابو وقال 

جبل : واش ما عوالش تمشي لداركم 

نورسين كانت كتبتاسم و هي تعقد غوباشتها 

نورسين : كاتكون ضريف حتى كتقباح دقة وحدة قلتلك تسناني هنا بغيت نهدر معاك 

هزات حوايجها و دخلات للحمام لبساتهم جاب ليها كابيشون ديالو جاها كبير بزاااف و مع سروال ديالو جاها واسع بزاااف بدا كيزهق ليها بقات كتشوف فالمرية و بدات تضحك على راسها 

نورسين : ههههه ناري كي جيت اوووف على شوهة علال القادوس احسن مني عرفتي شنو بناقص من هاد سروال حتى انا اشداني نبقا تحت من شي شتا على زهر عندي بغينا نديرو رومانسية وداكشي صدقت جايباها فمخي ويلي ويلي دابا غايشوفني هاكا اهئ اهئ واااع انورسين مال دينمي ديما منحوسة 

سمعات دقان فالباب 

جبل : نورسين واش ما غاديش تخرجي 

نورسين :هانا جاية 

حطات يديها على البوانيي د الباب و طلعات النفس و عاودت هبطاتو و حلات الباب غير بشوية و هي تطل غير بشوية بانلها بعيد عليها و عاطيها بضهرو خرجات على ريوس صبعانها و سدات الباب غير بشوية 

جبل : على سلامتنا فاش باغا تهدري طلقيني دغيا 

نورسين بقات مدورة وجهها و بقات كتعضعض فشنايفها 

نورسين : دور وجهك اجبل ما تشوفش فيا ها العار

جبل : صراحة ما نقدرش نحرم عويناتو من شوفتك جاو معاك حوايجي على ما اظن 

نورسين : ودابا بلا عياقة دور وجهك بغيت ندور 

جبل : اوكي 

نورسين دورات وجهها لقاتو كيشوف فيها كاع مادور وجهو ضربات رجليها مع الارض بالفقصة 

نورسين : ياك قلتلك دور وجهك

جبل قرب ليها و همس فودنيها 

جبل : مازال ما تعلمتي احبيبة ما خاصك تيقي فحد *بعد عليها و كمل هدرتو * شنو بغيتيني هانا كنسمع 

نورسين : نعس معايا 

جبل طرطق فيها عينو مزيااان حلهم على وسعهم و بقا مصدوم و دور راسو و ابتاسم و عاود.شاف فيها 

جبل :واش عارفة اش كتقولي ولالا 

نورسين ضربات بيديها على فمها و عضات على شفايفها 

نورسين : لااا و ماشي داكشي اللي كيصحاب ليك ولاااا شفتي نتا راك واحد الانسان منحرف بزاااف انا قصدت زعما نعس حدايا حيت كنخاف نبات بوحدي 

جبل : *بابتسامة *يااسبحان الله و علاش بسلامة 

نورسين :احم كنخاف نبات بوحدي 

جبل :واش بنتلك بالغرون نتي عايشة ففيلا على قدها و زعما خفتي تباتي بوحدك هنا غريبة هاد القضية 

نورسين : و ...و ...حيت تفرجت فواحد الفيلم د الخلعة قبيلة و دابا نعس حدايا عفاااك 

جبل : و الله ما متيق شكون كان كيقول نورسين غاتجي و طلب مني هاد طلب سبحان مبدل الاحوال 

نورسين : ودابا بلا ما يعجبك راسك غاتنعس حدايا و ربي كبير و الا ما بغيتيش غادي ن ...

جبل لصقها مع الحيط و حاصرها بيدو بجوج و قال بصوت حنين بورش نورسين كاااملة 

جبل : شنو غادي ديري 

نورسين تلفات بقات غير مبرققة فيه عينيها 

نورسين : ما غادي ندير والو انا اصلن ضريفة *تعالات على صبيعاتها و باستو حدا شفايفو * صافي على خاطرك الا ما بغيتيش تنعس حدايا نتبعك نعس حداك فبيتك وراك وراك و زمن طويل 

جبل بعد عليها و طلعها و هبطها و غمزها وقال 

جبل: * بابتسامة * جات معك 

عطاها بضهرو و مشا تحشا فسرير و دار يدو تحت راسو 

جبل : ما غاديش تنعسي 

نورسين بقات واقفة مصدومة ما حسات براسها حتى مشات كتطير و طلعات من فوق السرير 

نورسين : يعني وافقتي وااافقتي يااااس ياااس 

جبل : *طلع راسو شاف فيها * نزلي غادي طيحي و عنداك يصحابلك مسامحك *دور وجهو لجيهة لوخرى * 

نورسين دلات شنيفاتها و تغرغرو عينيها بدموع و نزلات و تكات حداه و جرات عليها الغطا و دورات وجهها شافت فيه مدور وجهو كتحس بقلبها شاعلة فيه العافية بدات كتحاز عندو شوي بشوي حتى قربات ليه و عنقاتو و تحشات فيه و بدات كتضحك جبل حس بيها و دور و جهو شاف فيها هزات راسها و بقات كتشوف فيها و طلقاتلو لسانها 😝😝 و حطات راسها على صدرو وقالت 

نورسين : تصبح بخير أ حبيبي طفي ضو معاك 

جبل بقا كيشوف فيها و كيضحك و كيعض على شنايفو هز يدو بتثاقل و بدا كيمررها على شعرها برفق 

نورسين : الله يرضي عليك كيعجبني الحال فاش كتلعب لي فشعري كنترخى و كنعس طنحبك بزاااف ابابا 

قالت هاد الكلمات و نعسات و خلات من موراها جبل شاعلة العافية فقلبو النعاس مازاروش بقوة الفرحة بقا مدة و هو فايق حتى سمع الفجر كيودن شعل الفيوز اللي حداه و ردها تكات فبلاصتها و قرب ليها و باسها بوسة حنينة فشفايفها و ناض توضى فالحمام و خرج طلق صلاية صلى الفجر و فاش سالا دور وجهو شاف فيها و ابتاسم و هز كفوفو لسما كيدعي معاها 🤲🤲 

جبل :يا ربي إنّك تعلم أني أحببتها فيك فاجعلها هديتي في الدنيا يا رب العالمين، يا رب إنّك تعلم أني قد صنتها من أجلك فاجعلها لي حوراً في الآخرة يا رب يا حليم، يا رب إنّك تعلم أني قد أغضضت عيني عن نساء الدنيا حفاظاً على حبها، يا ربي إنّك تعلم أني لم يخفق قلبي يوماً لغيرها فلا تحرمني منها يا عليم يا حكيم، يا رب إنّك تعلم أني قد وهبتها عمري ودنياي فارزقني منها الذرية الصالحة يا رزاق يا كريم، يا رب إنّك تعلم أني أحبها فاجعلها لي المسكن والمودة والرحمة يا رحمن يا رحيم اللهم امين

ناض و جمع صلاية و مشا تكا حداها و بقا كيشوف فيها مدة كيفاش ناعسة كيف ملاك و كتنفس بانتضام 

جبل : يوجعني الابتعاد عنك ولا أستطيع الاقتراب منك فقل لي أي الوجعين أخف ؟ 

هز يديها حطها على قلبو و نعس 

🌥🌥🌥🌥 اصبح يوم جديد 

نورسين بدات تقبح فعويناتها حتى ضربتها الفيقة بكري أ الله بدات شمس كتطلع بدات كتحك فعويناتها و كتفوه دورات وجهها لقات جبل ناعس حداها و مغمض عويناتو كيف شي طفل صغير دارت لعندو و ابتاسمت و هزات يديها حطاتها على لحيتو و بدات تقرب ليه حتى ما بقا للهوا فين يدوز حطات نيفها على نيفو و غمضات عينيها 

نورسين : احلى صباح فدنيا كلها هو هادا أ الله ياربي ما تحرمنيش من هاد نعيسة زوينة وانا بين يديك شحال توحشتها *حلات عويناتها وبقات كتشوف فيه مدة * احح ولدي نتا ولدي *باستو فنيفو و ناضت و تجبدات حتى وصلات لكوافوز و هزات تيليفونها اللي كان محطوط على الحرف و رجعات تكات و قربات ليه و شعلات الكامير و ضربات سيلفي معاه و هو ناعس و ردات التيليفون لفوق الطبلة و قربات ليه و باستو ففمو بكل حنية و بعدات كتشوف فيه * حتى انا اكبر حمارة اللي فرطت فعمري و حبيبي كن كنا مع بعضياتنا فهاد العامين كن ولدنا الولاد تفوو على زهر و لكن ما عرفنا الخير فين كاين ياك احبيبي *باستو فراسو * ياربي ما تحرمنيش منك ياربي 

قالت هاد الكلمات و عاودت تخشات فيه و نعسات من بدا و جديد 

بعد مرور اربع ساعات 

سمع جبل تيليفونو كيصوني ناض بتثاقل و هزو و هو يقطع حطو من فوق الطبلة و لكن ما لقاش نورسين حداه جلس و دوز يدو على وجهو و بدا يعيط بصوت ثقيل 

جبل :نووورسين نوووورسين *كيتفوه * فين مشات هادي عاود غادي تحمقني 

حيد عليه الغطا و ناض بتثاقل و حل الباب و هبط فدروج و كيعيط بسميتها والو ما لقاش ليها الاثر بدا كيتخلع عليها طلع لبيتو و هز تيليفون ديالو و بدا يصوني ليها و لكن كان تيليفونها تماك نيت جبل تعصب زدح تيليفون مع الارضو رد شعرو لور 

جبل : فين غاتكون مشااات 

سمع دقان فالباب هبط كيجري فدروج حل الباب و ادا به ينصدم 😲😲 

نورسين مبوكلة شعرها و طالقاه و دايرة نضارات طبية و لابسة سلوبيط ديال تجين جاها كيوووت بزاااف و حاطة شانطة د الحوايج ديالها و هازة ماكس فيديها جبل شافها و هو يتصدم و بدا كيحك عويناتو 

جبل : نورسين 

نورسين بابتسامة 

نورسين : نعااام هادي نورسين فالخدمة ديالك شوف شنو جبتلك معايا ماكس *هزات يدو * قولو سلام 

دخلات نورسين لداخل و حطات ماكس فالارض و جرات الفاليز ديالها وهزات راسها شافت فيه و ابتاسمت ليه 

نورسين : بغيتي شي ضياف ولا والو سمحلي ما جبتش معايا كرطون د الحليب ههه جبت معايا غير شانطتي و ماكس اه بعدا كيف جاك لوك ديالي زوين ياك بحال نورسين اللي شفتي اول مرة اااخ احبيبي عاد عرفت بقيمة دوك ليام نخلي شعري هاكدا احسن نتا اصلن كيعجبك هاكا ياك اجي بعدا فطرتي ولا مزال المهم انا فيا جوع غادي ندخل لكوزينة نطيب ما ناكول دابا غانعيشوا بجوج عااود ههه اراك لنشاط نااري شحال توحشت دوك ليام 

جبل بقا غير مصدوم كيشوف فيها ما عرف راسو باش تبلا 

جبل : كيفاش غاتعيشي معايا tu es folle ? *واش نتي حمقة * 

نورسين ابتاسمت ليه و قربات لو و دورات يديها على عنقو و كدير فيه شي شوفات كيطيحو فيه نص 

نورسين : اووف و شفتي دابا تعلمت للونجلي على قبلك باش نهدر معاك مشيتي دابا كتهدرلي بالفرونسي راني كانعرف فيها غير je t'aime *احبك * ههه 

جبل دور و جهو جنب و ابتاسم و عاود شاف فيها 

جبل : نتي معلمة غير كنبغيك بلغات كلها سبحان الله 

نورسين : يااس جبيلو باش نقولك كنبغيك بكاااع لغات و دابا مازال ما هداك الله علينا أ الكبيدة ديالي غادي تبقا منفوخ عليا بحال هاكا والله حتى نسمي عليك ميستر نوفيخة و الله يسامح خلاوها ماليها اللي فات مات و المسامح كريم كلشي من ديك اللفعة الحماااارة كن نشدها نقتلها بيدي الله ياخد فيها الحق هي سباااب بغيتلها الغرق بغيتلها تشتيتة انا بغيت ربي ...

جبل حط صبعو على شنايفها و قال 

جبل : شووت ما تبقايش تدعي فناس بحال هاكا ياك قلتي المسامح كريم و اللي فات مات علاش ما تطبقيهومش و تسمحي لكاميليا مثلا امم 

نورسين : شنااااااهو شنااااهو نسمحليها ياااربي تلاقيني انا وياها فشي درب ما كيخرجش ندبحها من الوريد حتى لوريد 

جبل بعد عليها و قال 

جبل : حتى انا ما نقدرش نسامحك املاكي نسيتي شنو درتي و لا نفكرك 

نورسين غززات شنايفها و هزات راسها شافت فيه و خنزراات فيه مزياان و ضربات رجليها مع الارض و ربعات يديها 

نورسين : اوا صافي بااااركة من صباح و حنا عليك حبيبة كبيدة قليب رية المعدة وانت غير ما عاجبك راسك و طااالع لراس جبل اواااا صافي تواضع معانا ياء قلنالك الله يسامح دابا غادي تبقا مطلعنا و مهبطنا على ديك الكلمة *هزات صبعها فوجهو 👉👉* نتا غاتسمح ليا با بزز يا بالخاطر و الله ما نتفاك معاك غادي نعيش معاك انا و ماكس و باليزتي انا معاك حتى للموت سميني لصقة مسكة لحم الراس ما سوقيش المهم انا بت نبت هنا حتى نشوفو شكون اللي غايربح *هزات حاجب و هبطات لاخور * 

جبل بقا كيشوف فيها مدة و بقا كيضحك و قال 

جبل : برهوشة ما غاديش ندير فيك راسي 

دور و جهو و بغا يطلع و هي تمشي كتجري و قفاتلو فطريق و طلقاتلو يديها بجوج باش تمنعوا يدوز 

نورسين : فين غادي ؟ 

جبل :*دوز يدو على لحيتو * نوورسين حيدي من طريق 

نورسين :*ربعات يديها و طلعات فيه و هبطات * غادي تمشي للخدمة ياك 

جبل : برافو كتخدمي دكائك مرة مرة 

نورسين : واشنو دابا غادي تبقا ديما تعايرني لواه مكلخة لواه غبية لواه كثيقي دغيا و رحمني اجبيلو ديالي و ما تبقاش تعامل معايا هاكا توحشت جبيلو ديالي اللي كان غير كيشوفني كيبريو عويناتو كيفرح و ما كيخلي ما يقولي فالشعر و كلام الغزل اااه توحشت داك جبيلو و الله ياك فاش جيتي من اسبانيا كنتي ضريف و جيتي عندي لدار و تعاملتي معايا زوين علاش دابا و ليتي بحال هاكا واش ما فرحانش حيت جيت لعندك بغيتيني نمشي بحالي ياك ياك اجبيلو ياك نمشي بحالي 

جبل : يااربي صبر واش خرجات من فمي سيري بحالك واش انا قلتها علاش كتزيدي الهدرة من دماغك 

نورسين :*عوجات فمها * واا علاش ما عجبك حال و غير جالس و تصوط بحال ما حاملنيش 

جبل : *ابتاسم باستهزاء * درتي واحد الخطأ فالجملة ماشي بحال ما حملنيش نتي جيتي و تطفلتي عليا فداري و باغاني نحملك حيدي من طريق خليني عليك انورسين 

نورسين تغرغروا عينيها بدموع و حماتها غوات 

نورسين : غادي نبقا معاك احب من احب و كره من كره يالاه انا مرتك و نتا *جراتو من الكول ديال القاميجة * رااااجلي سمعتي رااااجلي 

جبل طلع فيها و هبط و طلع فدروج و ابتاسم حاس براسو فرحان نااشط عليها مزيااان الخطة ديالو غادة مزياان وهاهي رجعاتلو من بدا و جديد كيقولك الحيلة احسن من العار ما كدبوش كلشي غادي كيفما خطط ليه واحسن

عند نورسين

نورسين :والله حتى نخليك تسمحلي يالاه والله حتى نحمقك حتى تولي طلب الشرع معاك نورسين بنت فاطمة و اجرك على الله 

هبطات و هزات ماكس و بدات كتمرر يديها عليه 

نورسين : شفتي شفتي شحال ولا قبيح دعشوشي لاخور #ميستر_نوفيخة 

حطاتو و دخلات للكوزينة جبدات التيليفون من جيبها و عيطات لواحد الطبيب مختص فامراض القلب 

نورسين : موسيو شرابي انا نورسين اللي جيت عندك دابا بخصوص راجلي اللي مريض بالقلب ممكن تنصحني بشنو هو نظام الغدائي اللي خاصو يتبعوا باش تولي صحتو مزيان 

- خاصو ياكل الخضر و الفواكه بزاااف و يشرب الما بكثرة والسوائل و يقلل من الملحة و من الدهنيات و يمارس الرياضة مزيانة ليه ولكن مايجهدش راسو و نتمناو ليه شفاء العاجل 

نورسين : شكرا 

قطعات و حطات التيليفون فوق البوطاجي و حلات الثلاجة و بقات واقفة حداها لقات بزاف د الفواكه فيها عوجات فمها و هزاتهم حطاتهم و بدات تقطع فيهم حتى حطاتهم من فوق واحد الطبسيل كبير 

نورسين : ولكن جبيلو كيقادهم احسن من هاكا تفوو كايعرف لكولشي داك ميستر نوفيخة ولكن كاين لانترنيت غادي نشوف كيفاش كيقادو الفواكه بطريقة رومانسية 

داكشي اللي دارت نيت دخلات ليوتيب و شافت كيفاش تستف الفواكه بطريقة زوينة خدات من عندهم افكار و طبقاتهم حتى دارتهم على شكل i love you و جات زوينة فطبسيل بدات كتنقز فرحان بالانجاز اللي دارت هزات داك طبسيل و حطاتو من فوق الطبلة و مشات عصرات الليمون و دارتو فغراف كبير مع كويسات و حطاتو من فوق الطبلة و جلسات 

نورسين : اووف ميستر نوفيخة درت هادشي كامل و هو مازال ما نزل شنو غايكون كايدير كاع هادي كلها نفخة شرب من الواد كاع *عوجات فمها و كتشوف فالطبلة* وانا جاني جوع و ما نقدرش ناكول حتى يجي * حطات راسهاعلى الطبلة * جبيييلو ما كيجاوبش 

ناضت و دخلات لكوزينة و حلات الثلاجة لقات قرعة د نوتيلا كبيرة بدات كتصفق و طلقات يديها 

نورسين : اجي عند ماماك اجي 

هزات ديك القرعة و خرجات و جلسات حدا طبلة و حلاتها و جلسات تاكول فيها فالتالي طلعات ليها فراسها و حطاتها و دخلات للكوزينة رداتها لبلاصتها و حلات الثلاجة هزات بنانة ومشات وقفات حدا لافابو غسلاتها و بدات كتقشر فيها و كتغني و تشطح بقاااعها 

نورسين :اناااا البنانة انااا وشحااال بنييينة انا انا انا انا البنانة انا و شحال لديدة انا هامهااما هام هام هامهاما هامهم *كتقشر و كتاكل * انااا الموزة الامووورة صفرا وحلوة و غندورة هااااح يعيش البنان يعيش *كتبوس فيه * تشا راه هو الكبدة داك ميستر نوفيخة مايسوا والو قدامك 

شمات شي ريحة ما غريباش عليها و بحال شي حد كيضحك من موراها دورات وجهها لقات جبل متكي على الحيط و كيموت بضحك نورسين شافتو و بقات ساهية فيه كتسطيها ضحيكة ديالو عندو ضحكة خاصة بيه غير هو بوحدو ما تقدريش تحيدي عينيك عليه ربي عاطيه جمال بوحدو خاص بيه نورسين بدات تصرط فريقها و فمها عامر بالبنان 

نورسين : ج...جبل 

جبل : *بابتسامة * فخبارك بلي شحال هادي ما ضحكت من نهار مشيتي و خليتيني *تقدم بخطوات مسرعة و حط يدو على خدها و شفايفو على راسها وقال * الله يخليلك البنان

بعد عليها و ضحك و دور وجهو و خرج وقال بهمس 

جبل : برهوشتي 

نورسين ضربات راسها بغباء 

نورسين :دابا انا كنجيه غير برهوشة لا انورسين نتي خاصك تباني حداه مراة قوية صافي براكة من تبرهيش جمعي راسك وااه 

تبعاتو و خرجات من الكوزينة لقاتو حل الباب و غادي خارج و هي تعيطلو بجهد 

نورسين :جببببل 

جبل دور وجهو شاف فيها و حرك ليها راسو بمعنى نعام 

نورسين : حراام عليك من قبيلة و انا واقفة كنصاوب ليك و نتقاتل باش ندير حاجة تعجبك و نتا غادي هاكا والله حتى حشومة هادشي اللي كدير فيه 

جبل تقدم عندها بخطوات بطيئة حتى وقف اونفاص ليها و شاف فيها واحد شوفة ديال العتاب 

جبل : باش كتحسي فهاد اللحظة ؟ 

نورسين : ضلم و حكرة و ما قدرتيش داكشي اللي كندير على قبلك 

جبل :*ابتاسم باستهزاء *احساسك و نتا كتشوف راسك كتقاتل باش ترضي هاداك شخص اللي كتبغيه و فلخر كيحني راسو و يزيد قبيح بزااف شعور الللي ما نبغيه لحتى واحد *هز صبعو لكبير و دوز بيه على خدها * هاد الاحساس خاصك ضربيه فالف باش تحسي ولو شوية من داكشي اللي عشت تهلاي فراسك 

لبس نضاضرو و عطاها بضهر و هو يسمعها كتهضر معاه 

نورسين : ما عييتيش اجبل ما عييتيش واش غادي تبقا هاكا ديما تحاسبني على كل صغيرة و كبيرة حس بيا حتى انا شوية و ماشي لخاطري واش كتفهم ماااشي لخاطري انا غلطت فحقك اه اه كنعتارف ولكن ما تناقمش مني بهاد طريقة 

جبل حيد نضاضرو و دور و جهو شاف فيها 

جبل :انااااا ما كانتقامش انورسين ماااكنتاقمش انا كنوريك اخطائك شنو هما نتي اللي كيحسابلك كنردلك صرف لااا انورسين انا ماشي احمق باش نتعامل معاك كيفما كنتي كتعاملي معايا حيت الا درت غير شوية من داكشي اللي درتيه نتي اقسم بالله حتى تمناي الموت انا كنربيك انورسين باش الا قدر الله و مت تا ديب ما يديرها بيك ...

نورسين قربات ليه و هزات يدو و باستها بحنية و شافت فيه وقالت بصوت مخنوق 

نورسين : الله يسامح عفاك 

جبل غمض عينو و عاود حلهم و ما جاوبهاش 

نورسين : الله يسامح عفاك اجبيلو اهئ اهئ *ناضت تبكي عاود 🤦‍♀️🤦‍♀️* عفاك نتا الحنين ديالي و غادي تسامحني ياك عطيني امل نتا ما مقلقش مني ياك 

جبل شاف فيها و العرق كيتصبب منو و عض على شنايفو و قال 

جبل : عمرك شفتي الاب كيتقلق من بنتو ؟ امم *هز صبعو و مسحالها دمعة اللي سالت * جاوبيني و ما تبقايش تبكي واش انا كنقولك غير جوج كلمات كتنوضي دمعي عليا واش باغا تقتليني ما كنتحملش نشوفهم

نورسين : *بفرحة * ودابا اجي تفطر أ الحنين ديالي ههه 

جبل :*دوز يدو على لحيتو * كتعطي لصباغة حكة فخبارك 

نورسين جراتو من يدو و جرات الكرسي و جلساتو و جلسات من فوق رجلو جبل بقا غير كيشوف ولات مؤخرا كتصدموا بلا قياس كيحس بقلبو كيضرب بجهد و هي قريبة ليه بزاف دورات وجهها شافت فيه و ابتاسمت بشر و نطقات 

نورسين : ياكما ما عجبكش الحال حيت جلست هنا نوض ولا نبقا ؟ 

جبل : *قرب ليها و حط نيفو على نيفها * شنو كتحاولي ديري ابنت قلبي وليتي شنيولة مع راسك 

نورسين : انا بالله الا كضلمني انا ما كاينش بحالي 

جبل حط وجهو فعنقها و بدا كيتحدث بصوت خافت حتى كتقفز من بلاصتها 

جبل : خلي شعرك مبوكل هاكا كيجيك زوين كيعجبني 

نورسين :*مغمضة عينيها * ندير اللي بغيتي احبيبي غير تكون نتا فرحان و متقلقش عفاك 

بعد عليها جبل و هي تحل عينيها و هزات يديها كتلعب فلحيتو برفق 

نورسين : طبيب قالي خاصك تاكل غير الاكل الصحي ياك و خاصك دير رياضة بزااف أ العمر واهم حاااجة ما تقلقش عفاك 

جبل : الا درتي عقلك ما عندو ما يوقعلي 

نورسين هزات طبسيل د الفواكه اللي صوبات و وراتولو فخورة بالانجاز اللي دارت 

نورسين : شوف شنو كتبت ليك فطبسيل 

جبل ابتاسم ليها 

جبل : برافو على بنتي تعلمتي ديري شي حاجة بعدا على حسب ما كيقولو عليك معيكيزة كاين هادشي ولا ما كاينش 

نورسين كتحرك راسها بنفي 

نورسين : لا كيضلموني والله انا ما كاينش بحالي فطياب 

جبل هز حاجب و هبط لاخور 

جبل : متاكدة 

نورسين : *دافعة جبهة * احم الا بغيتي اليوم نصوبلك العشا و تشوف كيف غايطلع تاكل عليه صبيعاتك 

جبل : ناكل عليه صبيعاتي واش بقوة اللدة اللي فيه ولا بالفقصة ما فهمتش ممكن توضحي اكثر

نورسين : ناري اش كدير لقميع يحسن عوان هادوك اللي خدامين معاك اه حقا شفتك مقاد ولابس قويميجة فالغرونة و مونطو كحل و نضيضرات و العطر فيين غادي ؟

جبل :غادي للخدمة عندي مشكل فهاد الفرع اللي فالمغرب 

نورسين : ياااو علاش مقاد و لابس مزيان حتى لهاد درجة امم ياكما غادي عند ديك وجه الكبالة الصفريطة لوخرى 

جبل تعصب و حمر فيها 

جبل : قلتلك ناس خط احمر علاش كتعايري و تسبي فيها شنو دارت ليك حتى لهاد درجة كتكرهيها 

نورسين :*عوجات فمها * هزاتك نفس عليها 

جبل : نوووورسين 

نورسين : كريطة هادي 

ناضت من عليه و مشات جلسات فالكرسي 

جبل : مالك؟ 

نورسين : مامالي وااالو غير زوجي قرة عيني كيدافع على واحد الانسة امام عيناي و صافي اش بانلك حتى انا نهدر على انور حداك يالاه ..

جبل جمع يدو على شكل لكمة و ضرب الطبلة بجهد 

جبل :نووووورسين آخر مرة دكري سميت داك ز.. *صرط ريقو *دااااك الانسان ما نعاودش نسمع سميتو و هاد المرة الا مشيتي عندو ولا هدرتي معاه نساي شي حد سميتو جبل 

نورسين : اهم حلاااال عليكم و حراااام علينا كيفما نتا مغيااااار حتى انا مغيااااااارة اكثر منك اللي قربات ليك و حطات يديها عليك اقسم بالله العلي العظيم حتى نكرضها لاصل مها 

جبل وقف و بقا كيشوف فيها و قال بصوت خشن و حمر فيها مزيان حتى تخلعات 

جبل : وقفي 

نورسين : ش...شنو درت 

جبل جرها من يديها حتى وقفها و ضرب صدرها فصدرو بجهد و جمع ليها يديها بجوج من مور ضهرها بيد وحدة 

جبل :وليتي تخسري الهدرة انورسين 

نورسين طرطقات فيه عينيها 

نورسين : انا لا و الله ت...

طار على شنيفاتها ما خلاهاش حتى تكمل الهدرة كيجر فيهم بعنف كأنو كيبرد الحر ديال داكشي كامل اللي دارت فيه بهاد طريقة كانت قبلة جد عنيفة لدرجة انو خنقها 

نورسين : امممم اممم 

كدفعوا و هو غير ما كيزيد يجر فشنيفاتها حتى حس بدم ففمو عاد طلق منها نورسين تغرغروا عويناتها بدموع 

نورسين : شنو كدير اهئ اهئ 

جبل طلق منها و حط يدو على خدودها و راسو على راسها و كينهج بحال كان فسباق ماراطون وقال بهمس 

جبل : فكل مرة ..فكل مرة غاتخرجي شي حاجة ماشي هي هاديك من فمك غادي تعاقبي بهاد طريقة سمعتي 

نورسين :انا اصلن ما قلت والو ...

جبل : فكل مرة غادي تجبدي انور او لا تقولي شي حاجة ما عجباتنيش غادي نجرلك هاد شنيفات الزوينن ما قدرتش نصبر انورسين ما قدرتش انا براسي فكل مرة كنلقا عدر باش نقربلك انا باغيك انورسين اكثر من اي حاجة باغيك و كنتسطا عليك ولكن افعالك الاخيرة مؤخرا قتلاتني انورسين 

نورسين : سمعني عفاك ما ...

جبد كلينيكس من جيبو كيمسح ليها جنب فمها من دم 

جبل : كيضروك احبيبة 

نورسين صغرات فيه عينيها 

نورسين :واش اعباد الله نتا عندك انفصام كل مرة شنو مرة حبيبة مرة انا ما كنتقلقش منك مرة انا ما مسامحكش وزكي معانا الله يرضي عليك

جبل : *عض على شنايفو *انا براسي ما عرفتش حداك كنضعاف ما كنعرفش اش كيوقعلي كأنكي كتلقي عليا سحر خاص بيك غير نتي كانعيا نقول ما نسامحكش ولكن غير كنشوف عينيك كندوب غير بتصرفاتك كتخليني واحد اخور كنحس بحال شي حد هو اللي كيتحكم فيا ولكن غير كنتفكر شنو درتي ما كنقدرش نسامح عيشتيني فتناقض مع راسي 

نورسين : انا معاك حتى تنسا على خااطر خاطرك و الاهم من هادا *باستو فقلبو * هاد القلب هادا اللي كنحماق عليه غادي يبرا انا متاكدة 

جبل : *حط يدو على خدودها برفق و بقا كيشوف فعويناتها مدة * علاش درتي نضاضر 

نورسين : نتا قلتي توحشتي نورسين القديمة اللي كانت كدير نضيضرات و مبوكلة شعرها لبستهم على قبلك 

جبل : حيديهم كيعجبني نبوس عويناتك و هوما كيحبسوني ما تعاوديش تلبسيهم 

نورسين حيداتهم بسرعة و غمضات عويناتها 

نورسين :هاهوما يلاه بوسهم ههه 

جبل ابتاسم ليها و باس عويناتها بجوج و حط جبينو على جبينها و قال بهمس 

جبل : ومن لا يحب عيناك مزال عن جمال الدنيا اعمى 

حنى و باسها فعنقها بوسات خفاف وقف و شاف فيها 

جبل : خاصني نمشي انورسين تهلاي فراسك 

نورسين شداتلو فيدو

نورسين : تهلا فراسك و عفاك ما تقلقش 

جبل باسلها راسها و ابتاسم ليها 

جبل : يكون خير انشاء ما غاتمشيش تشوفي ماماك البارح يعقوب عيطلي قالي بلي مشوشة عليك ماماك و باغا تهدر معاك على ما اظن 

نورسين صغرات فيه عينيها 

نورسين :بحال كتجري عليا بطريقة غير مباشرة ياكما باغي تخليني غير نمشي و تبدل الساقطة دوك الفعايل حااافضهم 

جبل :*بابتسامة * انا ماشي احمق باش نجري عليك باب داري مفتوحة للجميع 

نورسين :ياااك دابا انا وليت بحال الجميع اجبل 

جبل : الا بقيت تابعك غادي تخرجيلي العقل الله يعاون 

دار نضاراتو و خرج و بقات نورسين واقفة كضرب فالارض و تعوج فمها 

نورسين : مالو ولا بحال هاكا ميستر نوفيخة

طلعات نورسين للبيتها و هزات التيليفون ديالها لقات عدة اتصالات من ماماها و سلمى و ربيع 

نورسين : هااويلي اش واقع 

عيطات لسلمى فالتيليفون بقا يصوني يصوني حتى جاوباتها

نورسين : سلمى 

سلمى : ابنتي مالك على حالك غير كتشوفي جبل كتغبري أمدرا تصالحتو بعدا 

نورسين : انا مصالحة معاه و لكن هو مزال منفخ عليا تقول واكلة ليه الورث شحال كيشد فقلبو 

سلمى :ياك أزوينة و نتي نسيتي شنو درتي المهم انا ماشي سوقي فخبارك آخر الاخبار 

نورسين : لا 

سلمى : واايلي اه و لكن نتي اصلن ما جاوبتيش فالتيليفون باش تعرفي المهم ا لالا ختك ...

نورسين ضربات الوقفة 

نورسين: حلفي بالله هانا جاية دابا تسناوني 

يتبع...