ولاو يصرطو الريق بثلاثة ...ماشي خوفا منو وانما احتراما ليه مبغاوش يطيحو فهاد الموقف ...احتارمهم تاهو وعطاهم الحرية باش يدير يوسف ما بغا فعرسو وينشطو مافيها باس ...وهو ميدخلش لانهم ولاو رجال مبقاو ديال يتحكم فيهم شي حد انما كيبقى الاحترام ...فؤاد من النوع الي كيبغي الكالم ومكيبغيش داك نوع من العراسات الي فيه دق والغنا ...
فؤاد "كشكوشتو بغات تخرج مع هاد الثلاثة وخاصة راس الحربة الي جا قدامو مقدر يرجع مقدر يزيد مقدر ..." : صهييييييييييب 😡...
صهيب : احم ي يوووسف ندير راسي ميت ؟
الياس : وانا ماشي معاكم ...
يوسف "ضار خنزر فيه " : ياااك المرضي ؟
صهيب "ضار جيهة فؤاد وحنحن " : نعام خويا ...
فؤاد "ضرب باب طوموبيل تا قفزو بتلاتة ...وتم غادي " : تبعوني لمكتب ...ومشا سبقهم ...
على هما عاودوها من وراه ؟ الخوف من صغر جاري فيهم وخا يكبرو ويشرفو فؤاد هو فؤاد ههه ( انا كبرت انا ولاد عمي وولاد خويا وباقي كنخافو من خويا فؤاد نيت هههه ) ....
تصافو بتلاتة تابعو واحد تابع لاخور ...ودخلو تبعوه المكتب ...لقاوه كيمشي ويجي داير ايديه على نصو ...لابس قميجة گري وسروال گري مغلوق كيتسمع صوت صباطو قراف قراف قراف بديك العصبية ولاو يصرطو هههه ...غا هما دخلو ...
فؤاد "ضار مخنزر فيهم وديك تخنزيرة تطيح نص تقولي غايتيري فيا وسط راس " : ش ك ووووووون جاب هادو ؟؟"كيشير بصبعو جيهة شرجم جردة فين كاينين هادوك خدامين كيقادو فالماترييل لعشية " ....
صهيب "حدر راسو كيغزز فشفايفو ويحك فيهم دوز على قرفاتو من لور وهز راسو مشافش فيه كيضهر وعينيه لتحت " : احم خويا انا غانقوليك شنو كاين وديك ساعة الي بغيتي ديرو ...انا عيطت ليهم اه انا الي عيطت ولكن تافقت معاه يجي غا دراري الي معاه وغير قلال ويخدمو بعيد غير شي ساعتين ولا تلاتة ويمشيو ...
بلا منحلف ليك اخويا معندي لاش نكذب وانا قد هاكا ...وتا دابا غادي نمشي ونقوليه باش يمشيو الى مبغاش يحيدهم ... انا متافق معاه ومخلصو على اساس وحدهم ....
فؤاد "قرب لعندو تا قرب وضرب عليه على كتفو ضربات تا مشا صهيب وجا ... " : الاحترام احترام والهضرة هضرة ...مساليتش ليك باش نتفاهم معاك على ديك الهضرة ديال داك النهار ...داك الضحك بيناتكم بيناتكم لكن ضحك الباسل قدامي وعليا معندي مندير بيه قدامي الاحترام ورايا الاحترام ....
صهيب : اكيد خويا غير ضحكت وصافي ...سمح ليا على داك النهار ....
فؤاد "نفخ فحال ثور كيجمع نفس ويطلقها باش يحاول يصبر ويهضر معاه مقاد لانه تعصب من المنضر الي شاف قدامو وخا مولف ببنات عريانات قدامو وشايف ماكثر فروسيا لكن الاحترام فدارهم واجب غايحشم قدام راسو وقدام باه وقدام مرتو وخوتو وعيالاتهم ...حك لحيتو طلق نفس طويلة " :
الاحترام خاص يكون قدام واليديك وقدام خوتك الي كبر منك ...انا مغاديش نمنعكم من شي حاجة كيما كانت قلتها وعاودتها نتوما كبرتو ولات عندكم مسؤلية بيت ومراة مبقيتوش محتاجين نحضيكم ونرد البال ليكم ....
صهيب "حادر راسو مدواش مهزش فيه العين " ...
فؤاد : شوف كيف دير لهادوك ..
صهيب "هز فيه عينيه " : ايه واخا ...
فؤاد : انا الي عليا درتو نتا بعقلك مبقيت نمد ايدي لا عليك ولا على خوتك راك كبير وبدارك وقريب دير ولادك حشومة نهزها عليك ...
خرج من عندو حادر راسو ومزنگ هههه داك الوجه عندو على سبة كثر من الفجلة ...لقاهم واقفين فالجردة يوسف مربع ايديه طالع ليه دم حايف نهارو يخسر الى تعصب فؤاد ولا وقع شي مشكيل ...والياس واقف تاهو كيغزز فضفارو ...حتى لحق عليهم ووقف ...
يوسف : واش لعينك ولا لراس ...
صهيب : عطاها ل**** تمشي تق*** لا ؟
يوسف : عطيني اخبزي ...
الياس : اش درتي ؟
صهيب "هز راسو كيقلب تا قشع هادوك الي جاب بعاد والي وصاهم باش يخدمو فجيهة منعازلة وخا مغايكونش بنادم بزاف فقط العائلة لا ديال يسرى لا ديالهم وبعض من الاصحاب والجيران ...يعني بنادم حدو قدو داكشي خفيف ...مشا لعندو نيشان وهضر معاه وتافق معاه باش يحيدهم احتراما ليهم هما كلهم كيحشمو من باهم وخوهم وخا فلول تردد بحكم هاد المغني الشبعي الي معروف ميمكنش ميخدمش بلا المغنية رئيسية الي معاه " : غادي تخدم غير سويعات قلال ...
في هاد اللحضة جا لداخل ديال الفيلا رجال الطلبة الي غايحضرو لغذا ويقراو ما تيسر من ذكر الحكيم ومعاهم الحاج الي عيط ليه فؤاد وخاا يسرى وولدو ...والحاج اب فؤاد ومصطفى اب يامنة ومعاهم الفرملي الي غايقوم بطهارة ياسين ...
دخلو دراري كاملين جلسو فالصالون ...وفؤاد ...حتى
فؤاد "وقف استاذن منهم وخرج من صالون وطلع نيشان البيت عند يامنة والي باقي مغاتمشي لصالون مع البنات عند يسرى باش تصايب شعرها وتقاد والي سمح ليها فؤاد بحكم نهار ديالها السبوع وديال ولدها ماعليش تفرح براسها وتبقى ذكرى بشرط متكترش ويكون داكشي خفيف ...لقاها شادة ياسين فحضنها كترضع فيه وعينيها مغرغرين " : يامنة رضع مزيان ؟
فؤاد "هز سروال شوي تا تحنى عندها ثاني ركابيه شاف فيها ومسح ليها دميعاتها وقبط ليها فايدها " : هادشي الي عطا الله اغزالي ...نكملو ليه العقيقة وهو صغير حسن ميكبر…طهارة زيادة زينة يتنقى باش يكبر يولي راجل وهاكا غانديرو مع خوتو ...
يامنة : وااخا ولكن متخليهش يقصحو ويبكي بزاف انا غانبقا غير هنا ...
فؤاد : ولابد من البكا ولابد من تقصاح ...عطيه ليا وسيري فين خاصك تمشي معندك لاش تبقاي هنا كاينين غير رجال سيري باش متعطليش ...
يامنة : قالت ليا ماما نجود نجبد ليه من حليبي بهادي "واحد شفاطة " ونديرو فرضاعة الى بكا بزاف عطيه يرضعو ...هاهي هنا ...
فؤاد "قرب باس ليها راسها " : البكا مزيان ليه يربي فيه سوفل يخليه يتعلم صبر...
يامنة : اهى.. من دااابا باقي صغيييور يلاه عندو سيمانة ...
فؤاد "مقوس حجبانو معاها حاضي تفاصيلها ...تا حط صبعو على فمو قبل مينطق " : من دابا،، حاجة صغر زينة بنادم كيتبازا على شحال من حاجة ...ماعليش خليها وهاهو معايا ...
دقات عليهم نجود حتى حنحن باش دخل لقاتها هازاه تتسناه يتگرع باش تعطيه ليه يهبطو ...
نجود : متنسايش ديري شي زيف من زيوفة دراسك ولا شي حاجة من حوايجك ...باش يشم فيها ريحتك ويسكت شوية ...
نجود : صاك فيه ليكوش وداكشي حيث الي بغا يطهرو بغا ليكوش باش يطهرو فوقها ...
يامنة : اااه كلشي فصاك ...ناضت وقفات باستو وهو بين ايدين فؤاد وعينيها كيزلقو منهم دموع تا غفلها فؤاد وباسها فحنكها بجهد قدام نجود ...
فؤاد " ماعرف واش هي الي تزادت وياسين الي ولدها ولا شكون فيهم دري صغير هههه " : تربية ولدات تربية ...
نزلات هي ونجود لحقو على البنات سارة وراوية باش يمشيو مجموعات عند الكوافورة الي غاتقاد ليسرى والي قررات باش متكترش لبسات وحدة باش دخل بيها ويهزوها فالعمارية وثانية والاخيرة الي اختارتها باش تكون تكشيطة بيضة بالسلهام بيض ...اما فؤاد قبط الولد بين ايديه كمشو لعندو شوي ونزل بيه لصالون فين جالس الفرملي ومعاه المساعد فوسط صالون مخلين ليهم مساحة من بعد ما قراو طلبة خذاو فترة ريثما يطهرو الولد فجيهة لاخرا من صالون ...وقف عليهم ودخلو حطو الفرملي ...
الفرملي : ولدي خاص من يشدو ليا بين ايديه ويقابلو معايا ...الولد الي غايعاوني غايعاوني فطهارة ...شدو نتا ...
فؤاد "ههه اول مرة ميقدرش وهو مطير ستين راس وقاتل البشار وولدو جاه شلل الكبدة صعيبة ...حنحن وضار شاف ف ايلاف عينيه مشاو ليه.." : ايلاف اجي شدو نتا ...
فؤاد "ضار شاف فيه بواحد نضرة حيث اصلا فؤاد مرضاش وصهيب فقصو حطو فموقف مابغاهش هههه ...صهيب خشا راسو وسط كتافو حيث فهمو وهو حشمو وصهيب متيحشمش 😹😹😹" ...
ناض ايلاف وخذا من عند فؤاد ياسين وجلس فوق طابلة كيف شرح ليه الفرملي ربع وحط ياسين قدامو كان ناعس بعدا مبدئيا حيدو ليه سريويل ولكوشة وشد الفرملي كوشة جديدة دارها تحت منو فحال بغا يخرق ليه وخلاها محلولة ...مسح ليه مزيان بلانجيت جاب الله باقي ممخصرش ....
صهيب : ياسين غايكره ايلاف طول حياتو وخا محاسش غايعاودو ليه ياخذ عليه نضرة خاطئة 😂😂😂....
يوسف : ههههههههههههههههه نضرة شمتيني يا قبلة فاهيتة ...
خوا عليه بيطادين مزيان ومسح بيه وعاود خوا تا عقم ليه ذكر ديالو ...وهو يدو بصباع ايديه هذا 👍🏻 بزوج وبقا يضغط عليه فحال كيفسخ فشي لوزة هههه غير لتقريب ...تا بدا يحرك ملامح وجهو ويخسرهم حيث كيضغط عليه بزاف ...بقا
كيكررر فالعملية تا بدا يتگبع ليه وايلاف شادو كيطبطب عليه ...عاود خوا بيطادين ثاني وايديه فيهم قفازات طبية معقمة ..وخذا المقص عاود فسخ ثاني وهو يشد واحد نوع من المقوصة غير كيشد بيه جلدة كيثبث وعاود نفس شيء لجيهة لاخرى وبقا هاكاك غا هو دار طراااق ولاخور خسر وجهو وطلقها بزگية تا قفزو الي تما
يوسف : اااااح باقي نتفكر نهار طهروني ولاد العبد ضهروني كبير ...داك الفرملي راه فين هو "شاف فواحد راجل كان ممرض سابق وتقاعد كبر ويوسف باقي تيشوف فيه بنضرة اخس ههه " اتنشوفو تنبغي نعضو وسط راس ...
الياس : علاش ههههههه غدرك ...
يوسف : ولد العبد قولبني قاليا شوف حمامة راه لفوق وطير ليا الحمامة الي لتحت منسمح ليه شمتة الخيانة ولا شمتة الحمامة ...عينيا حوالو فاش ضرب ديك ضربة ديال المقص ...
بقا معاه هو كاسر دنيا بغواتو وفؤاد خرج لجردة عطا تيساع كاع لا يتعصب ويرجع لتشربينو والى فات تا طلع ليه دم يدخل يهزو ليخم ويطلع هو وياه ومخصو بصداع راس ...داكشي باش صبر راسو وخرج لجردة ...الكبدة صعيبة وهي هادي ...اما يامنة ملي دخلت وهي عينيها مغرغرين الكوافورة كتصاوب ليها وهي محاساسش كتسنى فيه يعيط ليها باش يقوليها كلشيداز مزيان ....
الحاج "ضار شاف فخوه" : هاحنا عشنا وشفنا تا طهرنا حفيدنا وتممنا العهد الي بيناتنا ...
مصطفى : هههه ايييه كون ما نتا تفكرتي كنت ناسي ويني خيرنا مغايديه غيرنا باقي نعقل عامين هادي فين كنا واشنو ولينا ...لو ما كتاب الله كانت على ذمة واحد الي فعلا ماشي من نصيبها ونصيبها من دمها ولحمها ...
الحاج : ماعرفنا المكتاب تاني شنو هو ال
خويا العزيز ...ماعرفتي توارث القضية وهاد صغير ياخذ بنت عمو ...
مصطفى : هنا حدنا لا كبر منو لواليديه وكلشي بالمكتاب ...
الحاج : ونعم بالله ...نجيك لصراحة مدام وصلنا لهادشي ...نهار بغيت يامنة بنتك لولدي عرفتها غاتبدل فيه بزاف بغيتو يتزوج باش يحس بالمسؤولية ويدير بحساب راسو ودارو ...واختاريت ليه يامنة حيث العاهد وحيث هي صبارة وطبعها عكس طبعو قاصح ومكيعقل على حد شوف فين كان وفين ولا وهاهي صبرات ليه ومكاين الي يصبر ليه غيرها ...
مصطفى : الحمد لله والله يجيبنا فصواب ...تانا بغيتها غاتستر ومعطيتها تا عرفتها لمن غاتعطى الله يتاويهم بالخير ومبارك متزاد ...
الحاج : مبارك علينا بجوج راه حفيدنا هذا هههه ...
من بعد ما سالا ليه الخياطة عقمها ليه ولبسو كوشة جديدة وهو حلف لا بغا يسكت خلاوه غير بالكوشة وجهو زرق بالبكا ...تا عيطو لفؤاد الي دخل وجهو تاهو خاسر كتر من ولدو هههه..
فؤاد : ص صافي ؟
ايلاف "ناض هازو بين ايديه محاول عليه عطاه ليه بشوي ...خذا من عندو ياسين الي وجهو مجيف بالبكا كاسر دنيا وحلف لا هو يسكت ...تايقولها ليه راسو هههه باسو فعنقو وحنكو ويطبطب عليه تا قرب لوذنو قرا عليه اية الكرسي وهو غادي بيه تا حطو فالكونة ديالو وخذا الحليب الي عطاتو يامنة باش يرضعو ...وحط حداه زيف شعرها باش يشمو ويحس فحالا حداه مو ....
ايلاف "شاف فصاحبو جاب ليه الفوغيغ بمنضر وجهو قرب حداه ونطق بروسية باش يفهمو غير هما بجوج " : ههههههههههههههههههههههه وجك (وجهك ) فحال وجه هادوك الي كانو بموسكو كيتسناو اخرتهم على ايدك 🤣🤣🤣....
فؤاد "خنزر فيه وحك لحيتو ورجع شاف فولدو الي باقي مسكتش هههه " : نوض نتا ودراري شوفو شنو خاص وحطو لغذا لناس ..."رفع صوته مخنزر ورافع حاجب مكيشوفش فيه " طلقناا دغيااا ....
كيف دازت اجواء التحناك دازت اجواء الحسانة وخا لم تذكر لكن معروف الحسانة شنو فيها ودازت اجواء الطهارة تفرق الغذا ورجعو طلبة قراو تاني تا كل مشا فحالو وناس بدات كتستاعد لمساء والي حل تقريبا ...يوسف مشاو معاه رباعته باش يوجد راسو ....
حتى وصلات الوقيتة ...جات يامنة هي والبنات مغطية راسها ولابسة جلابة دخلات من جيهة لاخرا باش ميشوفها حد وطلعات كتحاول تزرب مكتجريش وكون مكانت نافسة كون طارت ههههه ...طلعات لبيت وحلات الباب كتقلب عليه بعينيها تا بان ليها محطوط فالكونة ونااااعس من بعد ما خبرها فؤاد فتيليفون عاد رتاحت شوي اما كون جات بشعرها مشعكك ...
يامنة "قربات ليه وجلسات حداه حطات ايدها على راسو لقاتو سخوون وهي تغوبش حتى حسات بيه جلس حداها وجرها خشاها فيه مطلع ليها راسها باش تشرف فيه ...
فؤاد : غاتكون معاك الوليدة وكاين انا جبت ليه دوا الي عطاه ( كيعطيو بومادا كل مكتبدلي ليه الكوش كذهني ليه بيها ورشاشة ديال دوا الحمر ومن احسن تبعدي من الما باش متخمجش ليه جرحة وتنشفي ليه بزاف محتال تكمل سيمانة تا يبرى ...معلومة للافادة❤️)....
يامنة : واخا غادي نديرها ليه ..."بقا شحال كيشوف فيها تا جمع حجبانو ودوز بصبعو على شفايفها وعينيها ...وهي تبتاسم بخجل " مكترتش منو والله ...خليني بيه عفااك ...
فؤاد : وريني شعرك ؟
كحزات من حداه وناضت وهي تحيد زيف ووراتو شعرها كان مجموع بكعكة مهملة ومنفوخة من لفوق وجناب مبوكليين ومفيكسيين بلالاك وشعرها البني جاتها غزااالة والگصة جنب وميكاب خفيف خوخي ...
فؤاد "ناض وقف كان عريان غير ببوكسر ...حيث كان كيوجد ما يلبس باش يحضر لخوه حتى يدخل هو وعروسته يبارك ليه ويطلع ينعس حدا ولدو يخليهم على راحتهم ينشطو ...قرب ليها وباس جبهتها وحط جبهتو على جبهتها ..." : ماعليش فرحي براسك نهارك هذا نتي ولدك ...الله يرضي عليك ...
ابتاسمت ليه ورجعت ليه البوسة تاهي ...خلاها ومشا لدريسينغ ديالو ومشات معاه اختارت ليه شنو يلبس كان كومبلي قميجة كحلة وفيستة وشروال گري وگرافاط گري ...حطتها ليه ودخل لدوش غسل حالتو وخرج يلبسهم وهي مشات وجدات تكشيطتها وحطتها فوق الناموسية وهو دخل يلبس وهي مشات تا طرفت حالتها وغسلات لتحت نضفاتو وطهراتو عاد خرجات لبستها ....
لبس هو تاهو وتقاد وخرج كيعقد فصدافي الي دار ديال كمايم القميجة كانو فضيين فيهم حرف Y خذاهم خصيصا بحرف الاول من اسم ولدو ياسين ...قاد گرافاط ورخفها شوي وزير سمطة ديال لحزام وخشا قميجة من لور ...كمل وخرج هز راسو حتى وقف وتصعق من لوحة الي قدامو ...
بتكشيطتها البيج المرصعة بالاحجار النحاسية وليسطراس مرشوش فيها كلها بفصالتها الكلوش وصدر الي بان فيها واقف بحكم منفوخ بالحليب وفورمتها الغنوجة ...دايرة حزام نحاسي واقفة حادرة راسها كتقاد فجلايلها لابسة بلغة بيج موبرا عالية شوية من الي خرجو جداد ....جات تهز راسها تالقاتو قدامها خشا ايدو ورا ضهرها وملصقها عليه ...هبط لحنكها باسها فيه مستنشق ريحتها ومستنشقة ريحتو ..
فؤاد : ماشاء الله وعليك وماشاء الله الي صور خلقتو وكملها فوجهك وعطاك زين على الصبر الحنين ...يخليك ليا اغزالي مولات داري وريي وشواري وعمارة داري الي منفرط فيها حتى يدي مول الامانة اماتو وتجي خباري ..."وعنقها تعنيقة حارة في صمت كيتسمع غير صوت انفاسهم وتشحريجة صدر ياسين الي بح بالبكا تاهو قاليك حاضر نعماس "...
ناس تجمعات فالجردة الي مزينة بطوابال مزينين والناس جاو العائلة والاصحاب والي وزملاء العمل لكلا العروسين يسرى ويوسف وفكل طابلة مزينة بالشريط فلون الفضي مضور عليهم والوسط محطوط فاز وطباسل حداهم ليفورشيط والمعالق وشربيتات كل سربيتة فيها احرف اسماء العروسين YY عندهم نفس الحرف ...ناس جالسة شي يتبوزا على شي منهم الي لباس عليهم ومنهم الي ناس متواضعين طبقات كاينين ...ماشي كثار داكشي خفيف ...هبطت يامنة ومعاها فؤاد هاز فايدو كونة فيها ياسين مزال ناعس مغوبش مغطينو تا استقرو فطابلة منعازلة شوي فيها راوية وسارة وايلاف وصهيب والياس ونجود الي مرة مرة تنوض توقف على شغل ...وزينة بدفينتها الموف وزيف كحل....مكحلة العينين خضرين فحال يامنة .....
حتى سمعو صوت الكلاكصون والزغاريت ...وناضو كاملين الا فؤاد ويامنة توخرو بحكم كتمشى بشوي حتى وصلو عند الباب ديال جردة فين واقفة طموبيل الي خرجت منها يسرى بتكشيطة مسكية كلها مرصعة وتاج صغير ورا النفخة الي ف شعرها دايرة مشيطة نافخة القدام ولور مخلياه على راحتو مبوكلي كحللل وميكاب ترابي بالكونتور وعكر بوردو ...ويوسف بكومبلي كحل وقميجة بيضة فيها باپيون كحلة موقف شعرو ومرتب لحيتو كيبان طياااح ...وحداها ثلاثة نگافات كيصليو عالنبي حتى وقفو عليهم كاملين ...
لالة العروسة معانا بهاد الليلة ..زغرتو عليها البناااات ...مبروك عليك يا مولاااااي السلطااااان ..."هز يوسف راسو ورجعو مبغاش يشوف فالياس وصهيب ههههه "
صهيب : اربي نغزو يشوف فيا قوليه راني ادمعت هو الي صدقت ليه ولد العبد شهاني نطلع انا وسرسور فالعمارية 😿...قوليه والله تراني تاثرت ...
مبرووك عليك اهاد العروساااااا....زغرتو عليها البنات ..."طلقو زغاريت كاملين ويسرى جلسوها فالعمارية ربعاات فيها وحداها دراري الي غايهزوها بلباس تقليدي موحد ..." ..الاااااا الا جاه الى جاه سيدنا محمد الله مع الجاه العالي...واحد اللحضة حتى هزوها وبدا ...الف هنية وهنية الالة العروسة فالعمارية يا لالة ...سيادي المصابح ضوات ..الله اسيدي ولالة العروسة برزات الله الالة ...الف هنية وهنية يالالة ...بقاو هازينها والاغنية خدامة وهي تشير بايديها ويوسف تابعها ومبتاسم حشمان نعماس حتى داوها بزغاريت والغنا تا وقفوها عند البرزة ديالها ...وهي تجي نوبة سيدي يوسف...بداو ثاني شوي بشوي تاهزوه بجهد على غفلة شوي ويجيهم مشبح ...
الياس : ارسووول الله ...
صهيب : الحفيض الله ...
عاد تبت بلاصته كانت روحو غاتخرج ولا فات تا طاح اش جا ميسكت هادوك من ضحك ...هزوه تاهو مربع وركابيه عند فمو هههه ...كيشير ...داز من حدا دراري شير ليهم ولصق حداه صهيب ...هز يوسف راسو تيضحك وايدو مشات لوحه صهيب خمجو ليه بعدو من ساحة تيفرنس 😹😹😹😹
صهيب : الله ياموك لا بقات فيك ...
رجع حداه حلف لا هو يتفرق عليه حتى سالاو ليه وجاو يعيط لباه باش يجي قدامو كيف دارت ام يسرى جات قدامها تا تصورت معاها عيطو لحاج باه ولا نجود ...جا الحاج كيضحك فرحان تاهو مانتك بجلابة بيضة بتحتي ديالها وطاقية بيضة ...تصور قدامو وباس ليه يوسف ايدو وراسو ...حتى كملو وحطوه طلع لبلاصتو حدا يسرى ...ورجعو ناس لبلاصتهم ...حتى بدا نشاط ...نعماس وبداو البنات يشطحو
شي باغي يبان قدام فؤاد وحدة تلوز حداه ويامنة حاضياها مبقاتش داتها فولدها تا حازها فؤاد عنقها وباسها فراسها كيشوف فياسين ويهضر ليها فوذنيها عاد تنفست خههخخ...شوي حتى ناض لعند خوه سلم عليه وبارك ليه ...
فؤاد : الله يكمل عليك بالخير اخويا المرضي الله يضري عليك تستاهل كل خير ...
يوسف : لهلا يخطيك عليا ابويا الثاني ويخليك تاج فوق راسنا ...سلم عليه ومشا حتى يقرب يمشي لوطيل عاد يتوادع معاه خذا ياسين فالكونة وداه طلعو حداه فالبيت غا هو ناض وهو ينوض صهيب والياس الي عيطات ليه نجوى كتبلغو بالي جات باش يجي يدخلها ...خلاه ومشا اما صهيب مشا عند يوسف الي عيط ليه ...
يوسف "فوذن صهيب " : علاش با محمد كاين ياك غايوصلني لوطيل ؟
صهيب : انا قلت ليه لا ...
يوسف : علاش اولد لحرام ؟
صهيب "هز فيه عينيه وشاف فيه بشر " : انااا الي ناوي نوصلك لوطيل انا والياس ...
يوسف "خرج عينه ورجعهم خرجهم ورجعهم " : جوووج مكنثيقش فيهم نتا وداك الياس سلوم كهرباء الصيانة ...
حتى بداو عبيدات رمى الي جابوهم كيغنيو ...
الشواية فوق جمر ...الشواية فوق جمر ...ياوسردين فوق جمر ...ياوسردين فوق جمر ."مشا صهيب مخليه كيتحلف ههه " وسيدي يوسف فوسط البحر ..
يامنة الجزء 102
محتوى القصة
التنقل بين الأجزاء