يامنة الجزء 104

دازت اللبسة الثانية وبحكم انها مدارتش بزاف دلبسات بغات داكشي خفيف ضريف ويكون على حقو وطريقو ...زادت الثالثة والي هي الاخيرة البيضة بسلهام ويوسف نعمااااااس قاليك بالجلابة وتحتها جبادور وجنب كتافو كاين الخنجر الاصيل العريق ...وبلغة صفرة فرجليه الي لابسين تقاشر بيضين ...خرجتها النكافة بصلاة وسلام ولاقاتهم بزوج حتى خرجاتهم على برا وناس شي صور شي باقي يشطح وشي انساحب مشا فحالو كاين الي غير جا يبارك ويدير صواب وهادي هي حال الاعراس ....

حتى وصلات وقيتة تقطاع الحلوة ديال العرس طاغط الكبييييرة والي كانت بثلاث طبثات كبار فالابيض ومزوقة بالور ابيض وشيبي بحسب طلب مكتوب فيها الوسط احرف اسماءهم والمباركة والوسط جاو زوج عرسان صغار مشادين ....قطعو طارت ووكلها وكلاتو داز داكشي كما يجب بفرحة كبيييرة ونشطو وضحكو وفرحو ....داز العرس

الي ممكن نقولو اول مرة غايدوز بهاد الطريقة نشاط ودق والزغاريت ماشي كيف الاعراس الي فاتو بحكم هما عائلة هكا مولفين لكن ممكن نقولو يوسف فتح ليهم باب هاد نوع من الاعراس ...حتى قرب تمشي يسرى ويوسف وفؤاد عيط ليامنة باش طلع لان ياسين بغا يرضع ...

يامنة "دخلات عندو لقاتو هازو بين ايديه كيطبطب عليه باش يسكت من البكا ولاخور شدها بكية مبقا بغا يسكت " : جاااع ...

فؤاد "شاف فيها واوما ليها براسو بمعنى اه جلسات فوق ناموسية هزات تكشيطة كانت لابسة تحتها كولون بيض وضوني حط ياسين حداها ...حتى هز ليها تكشيطة كلها وحيدها ليها بقات غير بضوني وكولون نهههه " : حيديهم حسن ...

عاد هزو وعطاه ليها جبدات ثديها وعطاتو ليه عاد بدا يسكت تدريجيا تا قلبها تغرنيگ وبدا يرضع ...حك فؤاد قرفادتو وهو حاضيهم بزوج كيحمقو هاد المنضر بقا شحال كيشوف فيها عاد نطق ...

فؤاد : بقاي معاه غادي نهبط نشوف يوسف ونرجع ...

يامنة : وخا صافي ...

خشا فرجليه بانطوفة وهبط خاشي ايديه فجياب سروال هابط بتخنزيرة ديالو وكل خطوة كيعطيها حقها نازل بالقاعدة وبكل هيبة ماشاء الله عليه ...حتى وصل لقا ناس بدات كتمشي وتسلم على ام العروس الي من طرفها ولا نجود اما الحاج وبات يامنة ف وصلات وقيتة نعاس واستاذنو كيف العادة رجال زمان ميقدر على سهير ....لقا يوسف واقف مع دراري كيضحكو وتيتسنى يسرى تجي باش يركبو يوصلهم صهيب لوطيل ....

فؤاد "عيط ليه " : اجي يوسف تبعني ...

يوسف : احم وخا ....

دخل فؤاد لمكتب ومشا نيشان لمجر حلو وجبد منو ميلف صفر وعطاه ليه ...اوما ليه باش يفتحو ...

يوسف "حنحن وهز الملف وهو يفتحو لقهم وراق خاصاهم غير سنية ديال كل واحد فيهم صهيب وهو وفؤاد حتى تحلو عينيه ملي قرا محتواهم وهز فيه عينيه " : فؤاااد !!! 

فؤاد "كان متكي على راس الكرسي شير بايدو " : الي خاصو يدار شحال هادي والفرصة المزيانة هي نهار عرسك اعتابرو هدية من عندي ليك ....

كانو وراق قاسم كل واحد والاسهم ديالو فشركة يعني الشركة القابضة ديالهم تقسمات على ثلاثة. بحكم هو صاحب راس المال ومؤسسها ولوخرين صهيب ويوسف ...

فؤاد "قرب لعندو وباس راس خوه " : المرضي كيبقا مرضي نهار لول غدرتيني ( على سنية ديال زواجو تعقلو فاش ما سنا ليه تا مات يوسف جوج مرات ههه ) غدرتيني بالخير ومابغيتي ليا غير الخير تبعتي رضاة باك جيتي بيني وبينو واختاريتي الوليدين ماعليش كيبقا غير ساعة غضب مني ...تعاود الحساب من جديد وعطيتكم حقكم الي تستاهلوه دابا بثلاثة بينا مالين شركة الياس وراوية حقهم محفوض( الشركة ملك فؤاد اصلا يعني راوية والياس الى معطاهمش من حقو حيث ماشي ورثهم من باهم هو وزع الحقوق لاشخاص الي تعبو فيها ) نتا وقفتيها وحافضتي عليها ...انا رجعت رئيس مجلس معاكم …لبّيت ليك رغبتك الي بغيتي ونهار عطيتكم رسالة مشفرة مع المحامي الي هي الى رجعتو ثقتي مرة اخرى ديك ساعة نرجع وكنتو قد هاد المسؤلية ومخيبتوش ضني فيكم ...الله يرضي عليكم ...

يوسف "حادر عينيه كيعض فشفايفو حابس راسو " : قلت ليك فرحتي هي فاش ترجع معانا فشركة كيف بغيتي...ولكن كنتسمى غدرتك ومن حقك وكون مكانتش يامنة بنت ناس ؟ 

فؤاد : ديك ساعة عارف شغلي معاها جوج كلمات مني تمشي لدار باها متنساش راني الجناح الي حاميكم …كتبقى جريتي غير فالخير ملاقية جوج ناس على سنة الله خير من ملاقية جوج فالحرام اخويا ....

مخلا ليوسف ميقول عينيه غرغرو ماعرف يبكي ولا يفرح ان خوه غادي يرجع معاهم فشركة الي قسمها عليهم بثلاثة واكثرية يوسف وصهيب ورجع منصب رئيس مجلس الادارة على راسهم ميف باغين فرحو هاد الخبر غايكون على راسهم احسن ليهم من انه يوسف ياخذ المنصب انك تحس معاك خوك الكبير دراع الحامي ليك رجع معاك وغايكون على راسك افضل من تاخذ المنصب كلو وخاصة فمعزة فؤاد عندهم نهار خرج من شركة حسو براسهم تعراو ومبقا ليهم حامي وخذاو قرار باش يكبروها ويخدمو عليها باش لا قرر يرجع ليها يلقاها ما احسن وكانو عند ثقته حتى جا راسو ...

يوسف : كيفاش قسمتي هادشي ونتا كتبتيها باسمي انا وصهيب ؟ 

فؤاد : نهار كندير شي حاجة كنعرف جنابي اش فيهم ونقرا حسابي "طبطب عليه " الله يكمل عليك بالخير ...الى فررتي تمشي تسكن مستقل فدارك غانبارك ليك ...

يوسف : لا ان شاء الله جموعنا هنا لا بغا الله وبغيتي ...

فؤاد : هادي دارنا ماشي داري بيبانا مفتوحين لبعضياتنا ايوسف هادشي ميحتاج يتناقش فيه ...

يوسف "جمع فمو تا جمعو وهو يمشي بزربة لعند ضار وتلاح عليه عنقو حتى دازو دموع عينيه كيجريو ...فرح بهادشي وخصوصا غايرجع احسن من لول غايتجمعو بخوهم من جديد وترجع لمياه لمجاريها ...وعمر دم ميولي ما " : لهلا يخطيك اخويا اتاج راسنا ...

ضرب ليه فؤاد على ضهرو ضربات صحاح نيت تاتسمعو ورجع قبط ليه وجهو بين ايديه تا بارك ليه ودعا معاه يتمم ليه ربي بالخير واستاذن خرج باش يطلع لفوق عند ولدو ومرتو ...يوسف خذا الملف كيشوف فيه وتحنى سنا عليه بقا غير صهيب تايعطيه يسني ....حطو فالمجر وخرج عندهم لقا يسرى واقفة وناس مشاو بقاو غير مها وخالها ومرت خالها والعائلية وحتى يامنة هبطات مخلية ياسين مع باه ...

واقفين عند سيارة نوع رينج ديال فؤاد فالاسود مزينة بشريط والورد منتور فيها عشوائيا لاصق 

صهيب : طلع امولاي سلطان هز عينيك تشوف زين طلع هههه 

يوسف : مبغيتشااااي نهز عيني حيث غانشوف الزبل حشاك ...

صهيب : الخنز تايشوف ها الخنز...وانا ماشي حداك يعني لا هزيتي عينيك غاتلقا واحد طارو لايحين فيه زبل الكواغط ديال الحلوة خخخخخ ...

يوسف "هز عينيه لقا داكشي الي قاليه نيت " : اتفو ...

جا الياس معاه ووقف حدا صهيب ويوسف من ديك جيه تيرمش فيهم الياس طلع ركب حدا فين غايسوق صهيب وصهيب ضار جيهة لاخرا وقال ...وطلع اسي غانبقاو هنا ؟ 

يوسف : احساسي مش مطمني ياخواتي ...

صهيب : احساسك فمحلو غا خايف متخافش اخويا كلشي غايدوز مزيان متخافش عارف اختي يوسفة اول مرة ليك ...ربي معاك ...

اش تقوليكم كتعرفو الواحد من ميلقاش حداه شي حاجة قاصحة يشير بيها لناضر وكان غير وسط الربيع ...هز واحد الوردة بشوكها شير عليه بيها ..

صهيب : ااااح شير عليا بالورد ماعليش الانوثة كتحضر مرة مرة ..."حمر فيه " وتا طلع خالنا رجعو فحالنا نعسو راه مدايرين والو غا بغينا نوصلوك باقي لينا جبدة تال فاس الحبس ...

يوسف : واصبر تجي يسرى هي فين هي اويلي شفتهم دخلو ؟ 

صهيب : ركب انا غانمشي نشوفها ونجي ...

غا هو ركب يوسف ومع الياس ديجا طالع طلع صهيب بزربة سد الباب كيضحك بشر ...جا يوسف يحل الباب دار ليه صهيب طررراق من حداه دار قفل الامان الخاص بدراري صغار ...وكسيرا تا طارت العجاجة ...

يوسف : والله ثم الله تا نقتل والديكم الكلاااب ...

الياس "ضار عندو " : مبروك مدرتي امولاي سلطان زيد وسكت ...

يوسف "ضربو لقرفادتو من لور تا زوا " : ولينا گران الكلب تقوليا سكت ؟ واااافين غادين بيا ...

صهيب : فييييين غادي بيا خويا فين غادي بيا ...

يوسف "لولب عينيه كيتفكر وتفكر نهار غنا هاد الاغنية ليسرى فاش كان غادي بيها بغا ينفارد بيها باش يتفاهمو وهو يشوف فصهيب الي غمزو " : خويا العاااار لبزيزيلة الي ندمت تا رضعتها معاك ما شوف من حالي وديني عند مرتي غاتكون خافت ...

الياس : را حنا غا خوتك ماشي سفاحة ...

يوسف : السفاحة رحم منكم اخوتي ..."شنق على صهيب من لور وهو سايق تلاح عليه الياس كيفك ولاخور مضارب شاد الفولون باش متفلتش منو سيارة .." شووووف ديني عند مرتي ولا نذبح مكم 😡

جرو الياس دفعو بجهد تا تلاح عالكوسان لور ...ويوسف يتحلف عليه ولاخور دار براسو راه مخوهش ...وصهيب مبرد وهاد التبريدة تتفقص يوسف تيبغي ينطح مو ولا يشتت ليه السنان ههعع ....

يوسف "تكا راسو عالكوسان " وااايحرق اصل مكم فين غادين بيا وراه ماشي هادي هي طريق وعلاش ديتوني ويسرى فين هي ...

الياس : مرتك في الحفض والصون هانتا ها "فتح سبيكر تيليفون وهي تنطق " 

يسرى : يوسف هاني بيخير علاش كتسول عليا ...

يوسف : ياااك المرضية علاش نسول عليك ؟ واقيلة حنا عرسان عاد كملنا العرس ....

يسرى : ايوى صافي اش واقع مالك ...

يوسف : واااخا لمك واخا يميلو ليك ..."قطع عليها الياس وهو ينزل عليه يوسف لقرفادة تاني تا جا وجهو على لمجر قدام كالا غير بايديه خبطهم فوق " يلاه يلااااه ....

حيد الفيستة ولاحها وحل صدافي القداميين ...

صهيب : حط علينا الفيستة ...

يوسف : واااااااااحطوني رجعوني فحالي راه بديت تنجعر على عدو ربكم الكلاب ....ياناري ناااري ...

صهيب "شاف فيه من المرايا " : ويلييييي عاد غاتعصب تيحساب ليه تعصبتي قبااااايلا ...

الياس : ويلااااي ...عاد قاليك سيتعصب ...نغ ...

يوسف "جر الياس من الكول لور وعطاه بونية بجنب ولاخور وخا مقصح مقالش اي وهادشي علاش متافقين يبردوووو وخا يدير فيهم مدار عارفين اشنو غايدير هذا هو الاجتماع الي عقدو بزوج ومفاده نطرطقو لمرارة ليوسف وهذا نوع من انواع الانتقامات الخاصة بيهم 😹😹" : ياااالاه يحرق ليكن طاسلة الكلاب ينعل ديلمي انا ورفاقتكم الحمير ......"ضار عند صهيب وشا فيه من جنب " سمعتيني نتا اش قلت ؟

صهيب "شي بايدو مرة مرة يشوف فالياس الي تيكمد دقة ومقادرش يقول اي هههه " : شنيييي 

يوسف : ماشي راه نتا حمار يا الحمار ...

صهيب : خراااا ياخرااااااا ...اححح اممم فين غادي ابا الياس ...

يوسف "تكا لور سخف بالفقصة مقادرش يدير والو حيث سادين عليه البيبان وصهيب مقدر يزيد عليه كثر حيث غايشقلبهم " : غااااا كرفطنا لوحنا شقلبنا الموت هي هادي ...وااااااااا ديوناااي غا لدارنا مبقيت بغيت بو زواج ...

صهيب : ايييييييي

الياس : دخول الحمام فحال خروجو ابا عروب ؟ 

يوسف "عاود زواه تاني لقرفادة تا طلب شرع " : مك انا ...

الياس "شاف فصهيب بمعنى طلقنا." : راه الكارط مير تزعزت ...

صهيب : بلاتي مزال موصلناش مزيانة لملتك خاصاك عصية خاصاك ...

عنقو يوسف من لور تيشوف فيه من جنب وقال ...فين غادين بيا الكفرة بالله ...

صهيب : مرتك نكراتك ياك ...

يوسف : عن جدها وجدك وجد والديييييك وجد الحمار الي قالها ليك ويحرق حرايق حروق يماكم الكلاااااااب والعدااااااو فقصتوني راه غانخلط عدو ربكم ...

صهيب : نااااري على عبيقة شمكار تفلعص علينا ...

يوسف : تبغي نشرمل موك ؟ 

صهيب : قااود سكوت ...

بقا يعربط ويهلل وهما غاميزيدو يبردو مرة يضحكهم مرة يجمعو ضحكة يزمو حتى كشاكشو خرجات وفاضت ولا هما دارو شي حاجة تا سخف وتكا مبقاااش هضر اما صهيب ضور الفولون وخذا طريق افران فواحد البيست مسافة حتى وصل لداخل واحد البلاصة شبه غابة ...وفرانا فداك الضلام ...وقاليه ينزل 

يوسف "ضار شاف ضلام هنا وهنا ورجع شاف قدامو ونطق بهدوووء. " : وااااخايبة لمعاودة الفردة ااه فردة تقشيرة الخانزة ديالي الخانز المصنن قتلني ولاح لحمي لذياب ...

صهيب : يااا غانزل …لحمك معند دياب ميديرو بيه مصنن وشارف ميتنذغش ليهم وتا لا صرطوه بلا نديغ غايجيهم القبط ويتعصمو ...نزل نزل نجلس تانعيا ونقتلك نتا؟ ...

تحل ليه الباب وضار هز الفيستة ونزل من طوموبيل حال صدايف القميجة كلها وسمطة سروال محلولة ومدلية وشعرو مخربق وحالتو حالة تشنضل وعرف كي تشنضل وداكشي الي بغاو يوصلو ليه وصلو ليه ما وصلوه تا جعر وشاب ...عاد وقف اول حاجة مشافش قدامو مشا لصهيب كيجري قبسو وسط كرشو تا زوا ودار ايييييو وطاح لارض والياس محتال يفرتح تا هز رجلو بتقبيسة جابها ليه وسط المؤخرة تاهو عطا بكرشو لقدام ...وجا على ركابيه مكالي بيهم اما كان وجهو غيجي فتراب ...

الياس : وناااري نااااري قتلني ...

صهيب : واااااااااربيييي قتلني ...تا هذا باش كيضرب ...

يوسف : يحرق ديل دلمكم ...

ناضو من لارض كيسوسو فحوايجهم مهضروش عارفينو شربن ههههه ...

يوسف :واااش تقاودو ترجعوني لاش جايبين لخلا لاااااش يلعن بو بوكم جملة 😡😡...

بقا يسوس كلو تجرتل الضورة الي بغا يضور حتى تشعلو ضواو ديجانكتور طرق طرق طرااااق ...طار ونزل وهو يضور كامل حتى تشعلو ضواو كاملين على واحد البيت فحال الكوخ مبني بالخشب قدامو جريدة صغيرة و محابق ...ولداخل ديالو شاعلين فيه ضواو ...تابع لواحد لوطيل تما صغير …بقا غير يرمش ...مفهم والو حتى حس بايدين يسرى كمشو ليه فايديه شابكتهم ووقفت حداه لابسة تكشيطتها الي فيها سلهام دايرة القب على مشيطة الي بدلات كانت سامبل مجموعة لور بشكيل خفيف ومفيكسية بلالاك باش تبقى شوي منفوخة ....

يوسف "ضار شاف فيها " : ناري ...شكون جابك ...

يسرى "ضارت تشوف وراها كان واقف بعيد ومعاه يامنة شادة ليه فدراعو كضحك عليه كلو مجرتل " 

يوسف "شاف فين شافت بان ليه فؤاد متكي عالطموبيل مربع ايديه حاضيهم ...كان مع دراري فالفكرة وخا ترددو فلول وطلبوه مخيبش ضنهم ..." : فؤااااد ...

صهيب : عرفتي علاش اجتماع مغلق حيث كنا كنخططو كيفاش ندخلوه معانا حيث عارفو مكيبغيييش هادشي وليني تعاون معانا ...

جا يوسف يهضر حتى طرطقو الالعاب نارية وهز عينيه لفوق هو ويسرى ونفاخات كانو فالاحمر والابيض طارو لفوق وطرطقت عليهم تاهما حتى تلاح عليهم الورد المصنوع وفسما الالعاب النارية ....وكتبة فيها مبروك زواج يوسف ...

يوسف "دار ايديه على فمو ماعرف اش يقول " : وااااكواك الحق ...

يسرى : ههههههه ....

بقاو واقفين كيشوفو فالالعاب النارية كطرطق والورد كيتلاح عليهم من طرف زوج ولد وبنت لابسين يونيفورم هازين فايديهم صينية فيها الورد وفنجانين الحليب بزهر وابريق ديالهم ديال طوش الحر فالازرق وجداهم طبسيل طوس عامر بتمر معمر بعقدة اللوز منسمة بزهر ...باركو ليهم ورحلو ليهم فداك الكوخ ...وعذار يسرى هي لولة كلات تميرة وشربات رشفة من الحليب ...

يوسف"مكلاش تمرة شد البريق تكا عليه كلو 🤣 وهز صبعو كيهدد فيهم وخا تفاجئ وفرح بداكشي الي دارو ليه ويني ضروري من ردان صرف وخا على حساب شوهة خلا يسرى حالا فمها "تااااحد ميهضر ميجبدني ولا نعربط تاني عليكم ...

صهيب "دار ايدو على وجهو بخيبة امل " : رومانسية وصواب راحت في كلام فاحش 🤦🏻‍♂️

الياس : واااهيا ناااري "بصوت دنيا " 🙆🏻‍♂️...

دازت عليه او دوزوها عليه تا تفقص ويني ضروري ميبرد فيهم الغداااايد وصافي ..مشا سلم على فؤاد وشكرو وسلم على يامنة الي ودعوه دغيا باش يرجعو على حساب ياسين لا يفيق يبغي يرضع مخلينو غير مع نجود والبنات ....وصلت نوبة دراري ما سلم عليهم وشكرهم تا عطاهم دق دنيا ودين ورغم ذلك بقا يتحلف ....حتى باركو ليه ومشاو ....عاد مولاي سلطان ما حن عليه الله تا بان لون الازرق فسماء معلن على بداية شروق شمس ....

يوسف " اول مشاف الكوخ انبهر بتصميم ديالو الي جاي على المنضر الغبوي ...حنحن " : احم داكشي تاع الغابة ...دخلي مرحبا بيك ...

يسرى "مبتاسمة ماشي حيث حشمانة حيث جاب ليها ضحك كلو مبهدل هههه " : هههه بارك الله فيك ...

يوسف "يلاه غاتحط رجلها ليمنة وهو يغفلها وهزها من تحت ضهرها وهوب جابها بين ايديه ...حط رجلو ليمنى ودخلو عنقاتو ورا عنقو " : اوپااااا ..."هز عينيه فالكوخ كان كلو شموع بيضة وحمرةعلى شكل قلب صغير فلارض محطوطة وحداها الورد مرشوش فطريق كلها حتى لاخر كملو نضرة لقاو طابلة متوسطها بوكي ديال لورد. الاحمر والابيض ...وغادين شموع وهما تابعينهم حتى وصلو لباب الي كان شبه محلول حلو كامل وتحلو عينيهم كان الجو فيه شاعري بامتياز ...وريحة العطر عادية عاطية لجو شاعرية اكثر ...وما كملت الباهي هي فاش حطها وقفات وضارو جيهة سرير لقاوه مجهز كامل خاص بالعرسان ورد مرشوش وبوكيه الورد الاحمر على شكل قلب ....

يوسف : ااااااااارا برع الشيشان ...

يسرى "ضاربة طم غا تترمش وتصرط ريق " ...

شافها يوسف متوترة وقرب ليها ....عنقها بجنب حايزها ليه اكثر ...

يوسف : مالك ياكما تقلقتي ...

يسرى "حكت تحت وذنها هاد الحركة خلات عينيه يحوالو " : احم ل لا اصلا ضحكتيني هههههه عمرها متنسى ...

يوسف "حك راسو بعبط " : اتي بالله لا دوزتها ليهم يغمضو ليا عينيا ولكن يصعرو ملتي ميمكنش ميديروهاش خاص الى ما خرجو كشاكشي ميتهناو ...اجي بعدا مخاصماش نجبدو شياطين فليلتنا الاولى راه فال نحس علينا ....

يسرى : ههههه "جمعت فمها مبتاسمة وحدرات راسها ...حتى ضار تقابل معاها وقبط ايديها بزوج كيتلمس فيهم ويشوف فيها ...." احم ...

يوسف "هز ليها وجهها من ذقنها مقابلها معاه كيشوف فيها حادرة عويناتها " : شنو الي مخليك متوثرة ...

يسرى "بصوت خفيف قايلة " : يمكن ليلتي الاولى مع اول راجل يقيسني ويمكن حيث مربية على المحافضة جاتني فشكل ويمكن حيث من اليوم مغانبقاش نعس حدا ميمتي الي خليتها بوحدها دابا غاتجيني فشكل " فحال تقولي كانت على سبة دغيا طرطقات بالبكا ودموعها هبطو كيجريو ..." اهى اهى ....غانتوحشها بزاااف ....انا الي عندها وهي الي عندي 😭😭😭

يوسف : ششش حبيبتي ...معمرك غاتفرقي عليها "جرها عنقها خشاها فيه كيحك على ضهرها ممنعهاش من البكا خلاها تبكي على راحتها لانه عندها الحق وشعورها طبيعي جدا وفي حالتها غايصعاب عليها الوضع تخلي امها الي تكساب وحدها وخا هي امراة ماشي كبيرة لكن كتبقى الام وصافي ..." ششش غاتجي عندك ديما وسيري عندها ديما 

العيب والعار لا مبغيتيش اما من ناحيتي عمري نحبسك عليها لو تبغي تعيش معانا دارنا مفتوحة ليها مرحبا بيها فاي وقت دار بنتها وباب دار رمسيس مفتوح فاي وقت حتى لبراني فما بالك هي الي منا وفينا ؟ 

يسرى "بصوت مخنوق " : اهى بصح ؟

يوسف "رجع تقابل معاها وخذا وجهها بين ايديه مركز عينيه فعينيها الي كيلمعو بالدموع " : هادشي مفيهش تفلية يسرى مفيهش ضحك حيث طبيعي وبصح احبيبتي ...

يسرى "مسحت دموعها " : لهلا يخطيك عليا ...

يوسف : احم ...صافي ساليتي الفقرة لولة ندوزو لفقرة ثانية ؟ 

يسرى "مستغربة ": شنو هي ؟ 

يوسف : نمشي نبدل فدوش ومتخرجي تتشيبيني ولا صوتي يبح بتعياط ...

يسرى : ههههه "هزت كتافها " ايوى تسنى ...اصلا خاصني نبدل عييت بغيت نعس ...

يوسف : تانا عييت ...

يسرى : وبدل حتى نتا باش ترتاح ...و"قاطعها " 

يوسف : ياااااا لاو مرتاح خلينا نعياو اونسومبل ...

يسرى : هااا 😳...مفهمتش 

يوسف : نسولك سؤال وعليه تفهمي ...

يسرى"ولات حافضاه " : ياربي سلامة من اسئلتك ...قول ..

يوسف :دابا ولينا فالقمع دابا ؟ لا صافي غا سمحي لينا ابغيت غا نفهمك وصافي ولكن صافي سمحي ليا ...سيري بدلي واجي ترتاحي ...

يسرى"كمشات ليه فايدو " : يا غييير سول غير تنضحك معاك حيث عارفاك غاتسول اسئلة ماسخة ...

يوسف : اش شاش اشاوا ماسخة اش بينا بهاد البسالة اياتا ...صافي سيري بدلي واجي نرتاحو بزوج ...

يسرى : واغير سول سمح ليا اسي حقك على راسي ...فهمتك غلاط ...

يوسف : واش غادي تقولي اي ضريتيني من اول سنتيم غانبداه ولا غادي تسكتي حتى نختارق الخمسة سنتيم 🌚...

يتبع...