حبيبي الأصم الجزء 350

هزات قسم قصصها قالبة شفايفها لتحت وطلعات كتلتخ رجليها مقندشة غضبانة زعما ... واسد متبع ليها العين مطلع حاجبو وشاد قهوتو فديو ..وهوما بقاو مجمعين تاقرب وقت الافتتاح وكولا مشا يقاد حالتو مغير حياة وسفيان لي ديجا واجدين كانو لابسين ورقية واحمد تاهوما وشدو طريق لبلاصة الافتتاح .... اما اريج طلعات تبدل لولادها ويونس تاهو طلع يقاد حالتو ... شيماء باقا مدابزة مع شعرها كتصابوو والضحيكة على فمهااا تووحشااتو باقا مامتيقاش غاتشوفو خصوصي ملي شافت فالانسطا حط قبيييلة صورة فاش يلاه طلع فطائرة كاتب انو ماشي لبلد الام .... 

ولامار واسد دخلو لجناحهم .... ولامار دخلات ديريكت لبيت ديال قسم لقاتها مربعة على سريرها وقالبة شفايفها قبح من لامار الى غضبات .. ومشا قربات عندها 

لامار : مااال زيييين ديالي 

قسم : ماماااالييييس ( دوات ببنبرة مرتفعة قالبة عينيها لجنب)

لامار : علاش كتغوتي ?! 

قسم : ببببدي مني ..( كتشير بيديها ) .. انا بغيييييت نكلا لتهت وتي جليتي عليا 

لامار : حيت ابنتي حنا كنهضرو و نتي كاتقراي عند راسنا ماحنا غانركزو مانتي غاتركزي .....ماشي ادب هدا!!!! وشي كلمات كتنطقيهم عوجين فيهم شوية دالحشوووومة .... مجااااتش ... والقراية مكتكونش وسط الصدااااع ... يلاه نوووضي نلبس ليك غانمشيو عند عمو عدنان 

قسم : ( بعناد ) ماااابيييييتس 

لامار : قساااااام ماااااتعصبينيش وماااتغوتييييش ....

يلاه كيهضرو هو يدخل اسد لي كان كيتسمع ليه كولشي ووما لامار تخرج مشاات عند جود .... وشد لباب وقسم شافتو شد لباب ومخنزر فيها قلبها بدا يضرب كتخاف منو .... وقرب عنها 

اسد : اش كاااااين !!!!! ....

قسم : ( غير ساكتة )

قرب عنها هوو يجججبد ليها ودنها تاغوتاااات 

اسد : رااااااه قسسسماااا بالله ونسمعك مزااااال كاتهضري مع ماماك بداك الطريييييقة حتا نحححبسك هنا عمرك تشوووفي الشممممس ....

قسم : ( كتتتبكي وشادة معاه يديها ) للااا ابابا لللاا لااا 

اسد : شششششششش قطعي ححححسك ... قطعيه مانسمعووووش .... هضرات معاك قالت ليك طلعي .... غاتقولي ليهااا داكوووغ ماما وغااطلعي بلا داك النفييييض والججميل والغضبة قدام لافاااامي ... حملااااتك وولداتك باش فلخر تجي نتي وتززعفي علييييها هااااا ...!!!!!! 

قسم : هئ هئ ش شاااافي ا ابابا و والله ( كتهضر وتنخصص وترعد بالخوف ) معاااودس مااااعاااودس

اسد : لا غاااا عااااودي ...... ( طلقها تاتنفضات على سرير ) اااخررر مرة غانسمعك كدوي معاها بداك طريقة راه ماشي مكضررربكش غاتنوضي تقللي احترااااامك .... اااااخر مررررة نسمع كتغوتي على شي حد كبر منك... غاتهضر معاك غاتقوليلها داكوووغ مامااا .... العناااااد والعكس وداك الغنان مانشوفوووش مرة اخخخرى ولا بالله تااااانعلقك .... باغا تخرجي ليا من جنب ولا ششنووو !!!!!! 

قسم : ( كتررعد و كتخبا بين مخادها ) م ممااعاودس منعاااوس ابابا والله معااووود 

اسد : يللااااه تكمشي فبلاصتك مكاين خرووووج باش نووري لمك تعلي عليها يدييك .....

خرج وشد عليها لباب وهي كتبكي لداخل ولامار خارجة من دوش مخرجة جود فيديييها غسلات ليه ....

لامار : ماااال قسم بكيتيها عاوتااااني ???? غاتمشي بعينيها منفوووخيييين حشووومة عليك

اسد : معندها فين تمشي خلليييها تما تاتربا .... الفشوووش دوالو .... داك الضساااارة ماشي معايا

خلاها وزاد لديسينغ جات تحل عليها لباب لقاتو سووورتها 

قسم : م مااااماااا .... مااااامااا 

لامار تنهدات وحطات جود ومشات لعندو لقاتو كيحيد تيشوووررت 

لامار : سير حل على لبنت متخلعهاش 

اسد : خلييييهاا اش غايوقع ليها راه الفشوش هوما لي خرجو عليها .... والعكككس والغناااان شييبااااتنا على صغرها ملي غاتكبر اش دير! ...صافي دوزي لهيه ميييييكي عليهااا دابا نحححل ...

لامار بقات غير كتشوف عارفا غايمشي يححل عليها ديما كيحبسها هاكاك ... ومشات هزات جود حطاتو على واحد الكرسي فدريسينغ كتلبس ليه .... واسد لبس سروال كري وطريكو بالعنق كحل لاااااسق على بنيتو الجسدية لي غير مزادت تضخماااات ودرعانووو ديما معليييين مكيقدرش يهبطهم مفورميين ..... وجيلي ملفوق زادت بينات الهيئة... ورككب سعتو وصباط سبور بسيور .... وخرج لبيت عند قسم فتح عليها وهي تنننقزز عليه كتتتبككي ولات فاازكة بدموع وشعرها كاع تنتف 

قسم : ھئ هئ هئ هئ والله ماعاااووود اباباااا والله معااووود هئ عئ هئ هئ ديييجووولي پاپااااا والله ماعاااود والله والله ....

اسد: ( كيمسح ليها دمووع ) ششششش ..... فاش كااانغلطو مع شي واحد اش كنديرو ? مممم

قسم : هئ هئ ..كنطلبو شماحة 

اسد :يلااه هي دابا .....

مشاات كتججري لدريسينغ دخلات لقات لامار لبسات لجود وكتدوز فعلاقات شنو تلبس وهي تلاح عليها عنقاتتها غير من رجليها داكشي ماوصلات ... ولامار هبطات عندها ....

لامار : هههه صاااافي احبيبببتي صااافي ... صافي سككككتي 

قسم : د ...ديجوووللي مااما .. و والله معااااوووود 

لامار : صااافي ( كتمسح ليها دموعها ) ولاكن اااخخخررر مرة تعكسي وتغووتي بججهد

قسم : ( كتحرك رايها بآه وكلها كتخصص وتخشات فحضنها ولامار عنقاتها ودوات قسم بصوت مبحوح بالبكااا والكيااااتة وشنيفاتها مقلبوووين) ل لااافيووووو مااااامي 

لامار : خليييييلي لااافيووو ديااااالي( باستها ) لافيوو توووو حببية ديالي ....وصافي باركا من البكا .... واش ضررربك بابا ????? 

قسم: ( كتشكي عليها وتوريها ودنيها كيف دار ليها ولات حححمرة ) هئ هئ دااالي هاااااااكااااا باااازهد

لامار : ( باستها ليها ) هههههه بااااااازهد ههههه 

اسد : ( مربع يدو على جنب الحيط كيتفرج فيهم) كتحححرشيها عليا يااااك اشنيولة ها ?? 

قسم تخشات فلامار كشوف فيه غير من تحت لتحت 

لامار : بعد ليا من ببببنتي 

اسد : شووفي هي كيف مخبياك .. ونتي كتزززعفي عليها .....

قسم : (زيرات عليها ) معاااودش 

اسد : واااابووووسيها يلاه ..... 

قسم : ( بااااستها من حننكها ) 

اسد : ( كقرب عندهم ) تعيشي نتي نهار بلا مااامااااك تعيشيييه لي كالسة تزعفي وتعلي فيديك انا ومكنزعفش عليها 

قسم : ( زادت عنقاتها وكضور راسها بلاااا) 

اسد : ( هبط على ركبتو لعندهم وعنقهم بجوج وباسهم بجوج ) يلاااه اجي عندي نتتصااااالحوو 

قسم غير كتشوووف فيه ولاسقة فلامارر 

اسد : اااجججي ! ... اه ولا تانتي خصك تاني شي كادو ولا شنو عهههه الشبه شبهتيييها تباركالله فكولشي ....وتزعفي عليها من لفووق ... 

لامار : ههههه بعد من البنت صغييييرة 

اسد : خليييها ترباااا ....تزعفي ليا انا على مراتي باغاني نررررعفك .... اااججججي عندي

قسم : ( بأمل وبراءة ) وتخااليني نمسي عند عمو عادنان

اسد: مممممم مزال ماعررررفتش .... على حساب شحال من بوسة غاتعطي لبابا ....

قسم : ( حلات صاباعها بعشرة ) عااااسلة 

اسد : مممم كتترررر 

قشم : زووووز عاسلااااات ...

اسد : هههه جوج عشراااات ..... يللاه اججججي عندي ( تلاحححت عندو ووقف هازها كتبوووس فيه بجججهد طيبااااتوووو وهو حال عين وشاد العين لي تحت الحنك فين كتبوووسو )

اسد : صافي صااااافي ههههه صاااافي راه ماماك ومكتبوووسنيش قد هاكا عهههه 

قسم : ( زيرات على لبوسة فححنكووو وشافت عندو ) نممممسي دابااااا 

اسد : وتواعدني عمرني نشووف هاد التتتصررررف !!!!!! وعمرك تنفضي على شي واحد كبر منك ولا تعلي عليه صصووووتك 

قسم : بخوووووومي

اسد : مممم ودابا واخا .... صافي تصااالحنا !!! 

قسم : ( بضحكة ودموع باقي فعينيها ) تشااالحناااا .... ( عنقاتو ) لاللفيييو دادي ووو ماااامي .... 

اسد : فين ضربت كتكوتتي هانيا ها ( كيبرد ليها فودنها تاكيضربها وترجع تبقا فيه ..وخرجها من درينسغ بتجاه بيتها ) انا لي غانلبس لبنتي ليووومااااا ... 

لامار بدات تقلب فالعلاقات ضااااحكة ... كتعجبها عللاقتو بولااادو ... وطلات على الفرعون لاخور شافتو قاطع الحححس لقاتو شاااد طابليط كييلعب مكاين غير الطمووبيلات والسباقات بحالا معايشش معاهم... جبدات سروال فالزيتي ... وكبيبيط فالزيتي وفوقهم مونطو كلاااااص فالبيج و صباط عالي بيج ... وبوشيت بين زيتي والبيج فيها حجيرات .. وجود كان لابس سروال ديال دجين وقبية كحلة وصباطرين طالعة كحلة .... وطلعات شعرها ديل حصاان مع حلاقااات فالزيتي طوااااالين وكثفات غير رموشها مع مرطب شفاه فلون شفايفها مكتكترش كاع .... واكسيسوارات خفاف غير سويعة رقيقة وخاتم .... وهزات جود دخلات على اسد لقاتو لبس ليها وكيصايب ليها الكاشكول كعرف يلبس ليها حسن من لامار ههه.... كانت لابسة كسيوة فالكرونة ديال الصووووف وليبا كحلة ولبوط كوحل و مونطو كحل من الفووق وكاشكووول كحل وطريبيش ديالو فوق شعرها لي بقا مطلووووق مسبسب ...وهي ملهية فطابليطها ...شاف عند لامار بانتليه تاهي هي هاديك اصلا ولات كتقتلوووو باناااقتها وبسااااطتها فاللبس وكولشي محترم مكديريش شي حاجة مععععيقة ولات حاااافضاااه وحافضا دوقو اابساطة والرقي ....جر قسم فيد وهاز جود وهي مضاربة غير مع طالووونها ... يلاه ماشين فالكلوار وشيماء كانت هابطة ....شافتهم ووقفات مبتسمة .. جات زويييييينة بزاااااف خصوصي ملي دارت مكيااااج ... ايلاينر ماسكرااا و ايشادو فالموووف والاسود.. مع عكر مارون مااط ....لابسة سروال ديال دجييين ومونطو قصييررر دالكاشمير مشدود بحزاام فالكري وليبوط طالعين فالكري وهازة صاك طويل وكاشكول فعنقها بحكم الجو كان بارد على برا كيعريو غير فالدااارر حيت سخووونة ...... ومبوكليا شعرها من لتحت طاالقااااه جااات وااعرة وكيوووووت ... 

لامار : وهاااا شيمااااء تاهي واجدة ههه ... اريج ويونس مشاو !!! .

شيماء : وي يلاه هبطو دابا عاد ( كطل لتحت )باقين لتحت واقلة

زادو هبطو لتحت متاجهين لطموبيل لقاو يونس واريج باقين مضاربين مع ولادهم كيركبوهم لور فالكراسي ديالهم والشتاء كتنقققط ....كانت اريج بسروال بيج كلااااص بالفيست ديالو ستيلها لاتيني ..وفوقها فيرووور كحل وصباط عااالي كككحل ودايرة طريبيش كلاسيكي فالكحل .... ويونس تاهو بسروال دجين وبودي كحل ومونطو فالازرق ... ركبات شيماء مع جود وقسم لور .. وزااادو متجهييين لمكان لافتتاح .... لمتحف the possible dream نسبة لنهار كان كييخطط ليه وكان عارف انو غايموت وكان مسمي المخطط the impossible dream وجا اسد مسح ليه حروف im .. هاكاك سماه ومن تحت عاد العنوان الرئيسي للمتحف وتخصصو ... كانو الغرااااق ديال الحديييد تما وغير ماتريكولات ديال مصر و الدول العربية والحيحة دالصحافة كوشي باقيي كيتسنى برا والمتحف باقي مشدود بالشريط الاحمر وحداه الحرااااس .... نزلو لكارد هوما لوووولا كينضضمو طريق لابسين كوسميتات كوحل ومونطويات ونضاضر كول واخا ليل كيتعمدو يديرهم باش مايعيق بيهم حد فيمن كيشوفو ...وغير البووكوووص والقلدة على خوه .... اسد شاف طموبيل دعدنان دونك راه لداخل كاين ... نزلووو والصحافة كتصور من بعيييد مور الباريات لي دايرين ... هازين كاميراتهم لفوق كيصورو ... نزلو واسد حل مضلة شادها مكيبغيش الكارد يشدها ليه ... هاز جود فيد ودار مضل عليه وعلى لامار لي فيديها قسم ... ويونس تاهو نزل شاد مضل ديالو عليه وعلى ولادو لي كل واحد فيهم هاز واحد وشيماء عندها مضل ديالها وتاجهو بالهبة ديالهم لباب الخخلفي بانتليهم طموبيل دسفيان واحمد تما ودخلو طلعو ديركت لبيرويااات لفووووق ودخلو لبيرو دعدنان ... لي كان كبييييرررر المكتب تاهو لا يقل كبرا وموراه تصاور ديالهم كاااملين وفيه صالوووون كالسين تما مجموعين شافهم وابتسم ليهم وقف كيتسلم عليهم ترحابا بيهم ورتااج ضحكااات وناضت باتجاههم .... ولوخرين كانو كالسين مهاودين ومعاهم تاسارة وماجدة ( بنتها عام وشهراين )...اما عمران مسافر ...عدنان كان فكاملو اناقتو الكلااااسيية .... بكوستااار فالمااارون و شال معقود فعنقو مطلوق تحت الكوستار كتبان غير الطوية فعنقو ومونطو ملفووق فالبييج ....ومقاد شعرو لور ولحيتو فيها زغيبات ديال الشيييييب خفاف .... عكس اسد لي مشابش دغيا كل واحد والدم ديالو فيه غير زغيبات خفاااااف فشعرو وصافي ....اما يونس بدا كيبان فيه من دابا خفيف ....سفيان كان واقف فشرجم مدلي يدو فيها الكارو بعيد عليهم ...ورتاج وقفات سلمات عليهم كانت بكسيوة دالموبرة طويلة فايتة شوية الركابي و ليبووط عااالين وفوقها فيفرووور ... وطالقة شعرها الزعيعر لي منعها تقطعو وطوااااال واصل لخصرها لججنب .. ورحبات بيهم .... هزات جود لعندها هو يطلق لوؤي الحلووووق ...كان لابس كوستيييم وداير بابيون حمرة وشعرو قوووووي بحال عدناااان وهابط على عينيه مطويلينو ليه ... شافها هزات جود وغااررر فعمرو دبا عمين يلاه تلت ايام باش كملها وكانو دايرين ليه لانفيغيسيغ فكندا ....

عدنان : ( هزو عندو ) مااااالنا على هاد الغيييرة نتا ماااالنا ...

لووؤي : ( كيبكب ويمسح دموعو ) مااااماااا ... مممماااما 

رتاج : ططططلق مني شوووويية طلق راه باباك ...شوف جود كيف مكايبكيش على ماماااه ..

قسم مشات كطير عند سفيان 

سفيان : مااااتقربيش ماتقربيش صبري نلوح واحد الحاااجة ....

طفا الكارو ولاحو وجبد من جيبو حلوة دارها ففمو عاد هزها عندو ....

كلسو كاملين فصالون مجمعييين واسد شاد عندو لؤي سكت شوووية كيلعب معااه .... طالع مغياااااااارررر بحال طبع عدنان فوطو كوبي مكايححححملش والديه يهزو واحد اخور ..عدنان كيهز جود بتخابيعة عليه .... وسفيان هاز قسم كايوريها من الزاااج ...

فمكان اخر ....

نزل من الطائرة الخاصة ديال الرووكان ... غير ضرب فيه الهوا ديال المطارر والريييح والشتاء الخفيفة لي كتصب .... شعرو كلو رجع لووور بريح ... وواحد موراه حل ليه المضل دايرها عليه وهو كيلعب بحجبانوو ويشوف هنا وهنا توووحش هاد الجوو وهاد الريحة دتراب الوطن .... لابس سبادرين كحلة وسروال فيه لي كاااغوو بين الكري والاسود وقصير شووية... وشوميز فالكحل وفوقها جيلي مشدودة بالصدايف فنفس الستيل دسروال ومطلع لشوميز كمامها طاويهم وفيديه ساااعة دالجلد وشوية د تويشياااات ... صدر عريييض ومفتوول ... ووقفتو متججردة وراسو معلي لفوق ... خاشي واحد اليد فجيب ويد الاخرى شاد بيها مونطو كحل لاحو غير على كتفووو شادو ....لحية زعيعرة خفيفة مرشوشة على وجهوو ومقاااادة .... حيد نضاضرو لي كانو كحلين ومدورين هوما يبانو عينيه الزوووعر... داير واحد الحلقة كحلة فودن ليسرية.... و وما لهاداك لي شاد ليه المضل بابتساامة شدها عليه وزاااد بشششوية داخل للمطار لداخل فين كاينين المسافرين ... ولاكن الممرر ديال الطائرات الخاصة بوحدو تاهو خاص .... ولوخرين تابعينو جارين الباكاج ديالو ....يلاه غايخرج لبرا وهوماا يتلاحوووو صحااافة تاخلعوووووه بالكم الهائل بقا غير واقف مصدووووم ... حيت كولشي شاف فالانسطا بلي راه جاي والمعحبين كيغوتووو بجججججههد وجاااو الكارد شدو فيه كيحاولو يدوزوه ولوخرين كينضموهم وهو كيشوف فيهم غير من بعيد ويحييهم بيييدووو ... والمنادجر ديالو موررراه مصاب يتفاك غير من لاتصالات ديال البرامج لي عرفاتو جاااي خصها تكون السباقة لاستضافتو لا من التلفزة ولا من الاذاعة فالمنابر ديالهم خصوصا انها لمرة لولا لي غايرجع للمغرب من بعد الشهرة ....يلاه تشعل ليه تيليفون للمنادجر وانهاااالوووو ماباغاش يسكت تييل ...والمعجبين هازين تصاورو وتصاور الفرقة لي كيكون معاها وكيغوتو ويصفرووو بجججههههدد كاايتسمع غير الغوااااات و اسم ( اايييس دي ايييس دي اييييس دي ) وهو داير غير ديك الضحيكة الخفيفة لي كتتتتفشششششلهم كيتدااافعووو غير يقربو ليه باش يتشد ليهم فسليفي .... والكارد مدوزينووو بززز مهربينوو وكيلعدو بيدييهم وصحافة كتصورررر .... تاررركب فطموووبيل وهوما كيديرو طريق باش يدوزو وسط داك الجوقة... كانت هاااامرر فالبني كتسنااه وركب حداه الماندجر ديالو لور 

منادجر : ( بالكوري ) اووووووووف شكوووون قاليهم راااك جااي فهاد الوقيتة 

اسبرو : (مضور راسو لزاج ونطق بثقالة ) الانسطاكرام 

منادجر: ياك كنقوليك متبوووسطييش بالتووقيت امتى جاي راه غايهجمو ....اش جاب مايخرجنا منهنا دابا اوووف 

ماداهاش فهضرتو كايشوف من زاج فيهم ومبتسم كايدير ليهم بايباي بيدو وساااااااهي ..... عندو شهرة كبيرة فكوريا ولاكن فرح بيها بزااااف ملي لقاها حتى فالمغرب وناس بلادو استقبلووه وكيسمع الدارجة ... واخا من المستحيل يمشي لعندهم حيت بزاااااف معندوش كيف يدير .... وابتسم فاش تفكر نهار كان يقولل للبنات شي نهار غانضررررربكم بالاوسكاااار ديالي ... حاس براسو فرررحان توووحشهم وتوحش المغرب وكولشي واخا معندوش عائلة هناا ونسب ...الى ان نسب الاسماعيلي ولا نسبو وكيحسهم هوما عائلتو ....بسيف باش قدرو يتحركو بطموبيل وسط نااااس ... عاد مشاااووو وخلاو القنوات على اليوتوب كلها مطلية بخبر وصلو لدار البيضاء والصور لي التقاطو مباشرة .....وهو فطريقو لمكان الافتتاح .. لامار كتصوني عليه حط تيل وابتسم بمعنى خلييني نفاجأها حسن .....

يتبع...