حبيبي الأصم الجزء 352

رتاج : شوف كيف كيمثل علينا البراااءة .. والله مكككتحشششم... راه مغادوزهاش علينا بهاد الاستعباط ديالك غير تهنى 

اسبرو : واش واكلين شي حاجة من غير الخبز !!!! 

اريج : سسسكت سككككت 

اسلرو : غااافهمو(قطعاتو) 

لامار : سسسسكككت 

اسبرو : ودابا غاا(قاطعاتو)

رتاج : سسسككككت 

اسبرو : ( دار يدو على فمو مربع رجليه ) هاااهوووو ساااااكت ... 

لبتنات قلبو عليه راسهم تاجات وحدة مبتسمة وقفات عليهم شادة تيليفونها 

-مااااامتيقااااش راسي ...انا فااان كبييييرة دياااالك .... ممكن سيييلفي ?!!!! الى مكنتش نديرونججيكم 

اسبرو : نو مرحبا ... 

ابتسم ليا وقربات كلسات حداه وتصورات سيلفي وناضت مشات ...و لوخرين شافوها زعمو ولاو دايرين الصف ... والمنادجر ديالو شاف داك المنضر قرب باش ينضمهم والبنات ناضو مقلقين موقفين شوكتهم وقفو حدا رجالهم كان عدنان سالا مع المجلة وواقف مع اسد ويونس وسفيان ... 

سلا مع المعجبين ديالو الصور وكيدير لخاطر لكولشي .. والتفت كيقلب عليهم لقاهم ناضو مافهمش مالهم كاااع دايرين هاد الحالة كااااملة ... وناض عندهم بارك لعدنان ووقف كيحاول يهضر معاهم كل وحدة فين هازة شوكتها عليه دايرين كي لبنات الصغار وهوما ببراهشهم ياحسرة ... وعدنان جر خوتو يوريهم شي حوايج ....هو ينفرررد بيهم كان مخنوق حدا لوخرين مكيقد لايضحك لا يهضر فخاطرو .... 

اسلرو : داااابا ( ضرب بالكااس على طبلة) داباااا انا تفهمووووني مالكم 

اريج : مامالناش .... غير نتا لي كتعرررف تراوغ وتنكر !!! اوا تاحنا مامالناش وماعرفينكش اصلا علاش كادوي 

اسبرو : اوا الله يخلييييها قااااعدة ..... غااانطلع عند حياة ولا قماقكم نشم فيها غاريحة ختها ...

رتاج : ( ضارت عندو بزربة ) واش شوووية لاباااااس نتا !!!! 

لامار : الى مسسسطي شوف ليك شي بسي بلا متسطييينا معاك الله يرحم بها الوالدين 

اسبرو : !!!!! توما مالكم واش شي كاميرا كاشي هادي 

اريج : لا هذاااا باليا صصصبببع مخخخشي ... تشم فيها ريحة ختها بحالا ختها كاتهمك ومسوق ليها 

اسبرو : وهاااحنا تاني على الضلم ... فين شفتني نتي مسوق ولا مامسوق ... 

لامار : لهلا يششووفنااا كترررر .. شفنااا مايكفيينا ...ومايقطع حسنا 

اسبرو : تشوفو العماااا كتر مااامضهصسين ....فهموني علاش كاتهضرو الخراااا 

رتاج : نتا البنت مرة نخلها مرة قول بغيتي تشم ريحتها ... تشششم الكاربون ان شاء الله.. 

اسبرو : اش نخلت انا يهديكم الله راه كنت خدام وممنوع عليا نطلع تانسالي .... 

اريج : على اساس معندكش تيليفوووون !!!! 

اسبرو : وي مهضرتش معاها وهي راها عارفة علاش مادويتهاش هاد تلت سنين وحلفت مانهضر تانرجع بشكل لي انا بغيييت ونمشي لعندها برجلي بلا تيليفووون ... هي قولولي على هادشي منفخييين !!! ههههه برب تااامسطييين .... غاتهناو انا ماشي بحال مساعركم انا قلبي هشششييييييش مكنقدر نبكي حد ...

اريج : اووه يانا على هشييييش على داك افعلة لي درتي ليها قدام عينيها راه مساااعيييرنا عمرهم داروهالنا .... 

اسبرو : ياك المررررضية !!!!!!! مامشاش نتي تجلا لكندا لا برية لا تيليفون خلاك كي عروسة المنحوس مانتي مطلقة مانتي عرووووس !! ونتي مامشاااش لجزيرة وخلا مك مع مااادم لايجوز ركبات فجدمنا السعر كاملين !!!!! ( شاف عند رتاج ) ونتي بلااا منهههضر فين عمرو كان معاك اصلا ...

عند شيماء 

طلعات لفوق دايرة فكل درررجة عاااام بقوة ماساااااهية شادة فشباك د الدروج بيديها ودموع كيتساقطو رقااااق من عويناتها ..... ورجعات كلسات فداك درجة وبقات مدددددة ودموع نازليييين وهي غير بوضيعة وحدة كتشوف فالفراغ ... وضورات راسها لعندهم وهوما يبانلوها البنات دايرين صف كيطلبو منو السيلفي وهو ضاحك وعاطيهم الخاطر ... ترسمات على فمها ابتساااامة باااااهتة .. معرفات تفرح لهادشي لي وصل ليه وحقق حلمو ... ولا تحزن على حبها الطفولي لي ضاع من بين يديها بسبب كلام خرج فساعة غضب مساتلو بيه رجولتو ... بدات كتمسح دموووعها وتبت فراسها يلاه بغات تنوض وهي تمد ليها واحد اليد فيها كلينيكس .... طلعات راسها فيه بانليها واحد الشاب ضاحك ليها وتاهو غير فلاج ديال اسبرو ... ماد ليها كلينكس .. شداتو عليه ووقفات متوترة كتلعب بعينييها 

- واش نتي بيخير ???? تاخدي شي كاس دالما !!!! 

شيماء : لا لا ... انا بييخييررر ...ش .. شكرا ..

زادت بزززربة ماباغا تهضر مع حد ومحملاتش يشوفها شي حد كتبكي وهو بقا غير متبعها ورجع عند صحابو .... ومشات دخلات لبيرو دعدنان بحالا كانو كيجريو عليها لكلاب وطلعات حياة راسها فيهاا ورقية كانت منعسة عندها لؤي وكتزهد عليه وتراري وهو كيتشدو عينيه اما لعصابة لي مكاينعسو مكيشوفوه جامعاهم قسسم فواحد القنيتة متوسطاهم كايلعبو وسارة كتبدل لبنتها ليكوش كانت تاهي لتحت حاضرة لافتتاح وطلعات تبدل لبنتها ... ابتسمات ليهم ومشات كلسات حدا ختها .. وحياة شافت فيها وشافت عينيها حووومررر وهي ملي سمعات داك الغواااات برااا وطلات شافت الى اسبرو جا .... غير شافت ختها بداك الدمووووع حابساهم وممححمرررررة باينة فيها واصلة بيها للعضم ... وهي تنووووض ونوضاتها من يديها يخرجو يهضرو برا .... خرجو للكلوار ووقفاتها 

حياة : اش واقع !!!! ( علات ليها وجهها ) هو لي بكاك ولا شنو ! 

شيماء : هه !!!! بكااااني رااااسي اختي .... ماهو مدار والو ...انا لي ماعزيتهاش باش تعزني .... 

حياة : قمعك ولا شنو !!!!! 

شيماء : هههههه ..... ( كتضحك ضحكات منكسرين ) قمعني !!!! على هو عقلني بعدا بقا غايقممعني ...... 

حياة : ( مغددة عليه ) كنت عاااارفها تفووووو .... مادويييييش معاااه صافي ... عطيه تيقار يجيك سيد سيدووو ... مايبكيليا حد ختي انا ( كتمسحليها دموعها) 

شيماء : ( بنظرة انكسار ) وملي كنتي عارفها ... علاش اختي تعلقيني بأمل فااااارغ مم !!!! علاش تخليني نصايب راسب ونفرح !!!!!

*لتحت ..

رتاج : راه قلنا ليك سسسكت لي قلتيها ماتشششفعش لييييك دابا غير زم ...

اسبرو : والله مافهمت .... كنتو مزياااانييين ضاحكين ناشطين غاتاتقلبتو راسكم كي النيميريك .... والموصيبة معارف تاشنو داير

اريج : هاااحنا اسيدي ( ربعات يديها ) ماملناش ومامقليقينش حنا كاااع صافي !!!!.نسانا حناااا ..... اوا اخويا ملي قمعتي لبنت ...وماباغيهاش ....وتلت سنيييين ونتا ناكرها .... علاش دابا كتقول نشم غاريحتها مم !!!!! 

اسبرو : ونتي سوووووقك !!!! 

اريج : ( شافت عند لامار مغددددة ) دابا هادا ماضربيييييهش ببااااالة 

لامار : اشوووف عندي ...شفتي طير تاتعيا غاااتنزززززل غير تهناااا ...والطيور على اشكاااااالها تقع ... بلا مضيع ليها الوقت ولراسك ولينا تاحنا ....نززززل دغيا وديرلنا شي عراسية توحشنا نشششطحو 

اسبرو : ( علا يدو ) صاااافي سالاو لييييك ولا ابتهال دوووزتي ليا انا !!!!!! نتي بلاصة داك لامار فلاور كون غافحتي مقر دموقع زواج وتعارف وشي قاعة الافراح حسن وديري بلاكة فييهااا مع لااامااارررر مغايبقاش التبواااار ولاقي كللا واحد بوحدة ...پااااطرونة فيما يرضي الله

لامار : والله معاااك منتفاااااك ....معنديش انا لي يبقااا فرااااادي ...كلا وفررردتووو 

اسبرو : اوا عرفتي شنو الالة مرات سيدي غاديري فيا وااحد الخيييررر ... عندي واحد المجر ماشكيت عليك عاااامر تقاشر بلا فراديهم ....ربي مادوزي لاسقييهم هوما بعدا وشوفي معايا انا راه ديما محشم بتقشيييرة فالازرق وتقشيرة فالاخضضررر كي الروطالة

رتاج : اااسبرو خليينا من الطنز الله يرحم ياك ...( دوات بجدية ) شنو دارتليك كاع هاد ابنت 

اسبرو : واااابيني وبينها اعبااااد الله ... 

لامار : ياااااك !! حنا كنتي كتعرف مصارنا اش فيهم..... وانتاا ياالحرااااايمي ولله ماتعاود شنو تحت رااااسك ...طلعتي مكككتسواااااش

اسبرو : واا وحححق جغيي( حبساتو اريج ) 

اريج : عاااايقين مكتشربووووش غاقلب باش تحلف 

اسبرو : ( شاف فيها ) اااه واااها ... ( رجع كيكمل هضرتو ) وحق جغيمة دليصاااانص مامخبع عليكم شي حاجة مزال نديرو گليسة ونهضرو ماشي وقت هادشي دابا ... وزايدون انا معندي تامشكل ..غير شي مسائل كان عندي فيهم الشك بغيت نتيقن منهم .... وكان لابد من الوقت يبينهم ليا من بعد ونعاود لييييكم ......( كيشوف معاهم محمرين فيه حيت هوما مكيعرفوش منبعد حط ليهم ضوسي كامل ولا سكت ) دابا مالكم مالكم !!! علاش هازين الهم ... والله تاااااكوولشي صافا ..مانجرجر حد غير تهناو خليونا نعقلو على هاد ليلة... غانمشي عندها ونحلو امورنا ومريضنا ماعندو باس .... صافي تهنيتو !!!! نسالي هاد تلتيام شغالي هنا ونمشي عندها .... 

اريج : واش هدا باغي يسطييني ولا شنوو ..... فيييين غتمشي الخراااا فييين 

اسبرز : لقرطااخنااا ... لامريييييكاااا 

رتاج : شفتي الطططنز .... على هاديك لي كاانت كالسة حداااك دابا دادا غنوووو.... 

اسبرو : ( قرب ليها راسو ) شنااهوااا 

لامار : واش باغي تفليييبينا نتاا !!!!! مضرورب بفردي خاوي !!!! ... شيماء عند زكو وهو قالك غايمشي ليها لامريكا 

اسبرو : شنووووو واااش جاااات !!!!!! ( كيشوف مع الحضور ويقلب ) واااااايلي .... 

لامار : ( ضرباتو بالبوشيت داريج ) على اولد الحرااام لي جات قاتليك صاافا وقلتيلهااا بيخير اختي ....هاااايك مراااات باااااااك 

اسبرو : ( غير ساكت كيبلق بيعينيه معاهم ) ككيفاش !!!!!! ... و واش .... واش لي جات قبييلة وماتصوراتش .... واااالااااااا لاااا 

اريج : ( كتشوف فيهم ورجعات شافت فيه) تقووووليا معقلتيييهاااااش غااانعوووووجك .....يلاه تقاد داك المؤخرة عندك .....

يتبع...