عشق الشيوخ الجزء 17

الجملة خرجات من فمها مرافقة لدموعها .. شحال قوات راسها ولكن غير جاو عينيها على عينيه ماقدراتش تحبس راسها ..

تأملاته بطول ... وعينيها كينزالقو مراراً على وجهه ..

غير ف اربع أيام لحيته زادت كبرات ... تحت عينيه أسود ... كان منظره اللامبالي دليل على ألمه ....

بلا ماتفكر جوج مرات كانت وصلات لعنده ... معنقاه بكل قوتها .... وكتبكي بصمت ..

ماكانتش عارفة أنها موحشاه لهاد الدرجة ... وأوصالها كيتقطعو بدونه ولحالته .. !

كانت كتكرر سميته بين شفايفها بارتجاف .. وقلبها كيزيد يدق .... كأنها باقي مامصدقاش أنها لقاتو وقريب لها ....

زادت دفنات راسها ف عضلاته ... ويديها ورا ظهره ... كيتسمع غير صوت بكاها مخلط مع عزف أنفاسه ...

سمعات غير الزفرة العميقة لي طلعات من صدره ويديه كيبعدوها برفق ..

عصام:~ نجمة ... نجمة ..!

شافت فيه وهو عاقد حواجبه ... حتى هو كان كيشوف فيها باستغراب ..

شاف خلفها .. ورجع رمقها بنظرة طويلة وباردة ...

عصام :~ شكون جابك ؟ و منين عرفتي هاد البلاصة ؟ ..

مسحات دموعها ... عضات على شفتيها وهزات كتافها ...

نجمة :~ امم واش ماغاتخلينيش ندخل ؟ (دارت وراها) نرجع بحالي؟

غمض عينيه ...وتنهد بكبت ...

زاد حل لها الباب وكحز باش تدخل ...

وقفات كاتدور عيونها على المنزل ... تماماً كيف ما كانت كاتحلم .. لكن تا حاجة ماكملات .. وقفو فنص الطريق .....

ابتسمت بدفء .. وهزات عينيها كاتشوف فيه... كان طالق شعره ... وجذعه عاري .. لابس غير الشورط بوحدو ... حافي القدمين .. و ملامحه كايبان عليهم التعب والإنهاك ...

بقات كاتشوف فيه بابتسامة ... كاتسناه يبادلها بالمثل ... ولكن خاب ظنها منين بقى كيشوف فيها بنفس الطريقة ...

اختفت بسمتها تدريجيا.... غمضات عيونها وهي كاتنهد بصوت مسموع ...

نجمة :~ شوف .. عصام ..

خلاها واقفة و دخل الداخل هز واحد القميص كان ملاوح على الاريكة و لبسو وهو كيهضر ..

عصام :~ ماباغي نعرف ولا نسمع حتى حاجة ...

لاحت هي صاكها ف الارض وتبعاتو ...

نجمة:~ عصام !! هادي انا .. نجمة .. واش ماغاتسمعش ليا حتى انا... ؟؟

بلا مايشوف فيها ... زادت وثيرة تنفسه ... ميل فمه وهمس بدون تعبير ...

عصام :~ باش عرفتي هاد البلاصة ؟

بلعات ريقها .. وزادت تأملاته على خاطرها .. كتحس بأضعاف وجعه ...

باغيا تبقى معه وبجنبه ...

سكتات لثوانٍ ... عاد طلعات حاجب واحد ودارت يدها على خصرها ...

نجمة :~ كانظن قلتي ليا على المفاجأة لا ؟ ( ابتسمت بحزن) مشيت لدارك و قلبت .. و لقيت هذا ..

جبدات من جيبها keyring لي لقات .. ووراتو ليه ..

شافت فعينيه ... كيفما كان كيرمقها هو ...

ضرها قلبها .. ونظراته لي كانو ديما حارين كتحسهم بردو .. وبقات غير النظرة الأليمة مروسمة تحت جفونه ....

قربات لعنده وتكلمات فنفس الوقت ...

نجمة :~ قلبت لك ف الوراق ولقيت اوراق الملكية و جيت هنا...

تشنج فكه ... ...دوز يديه على وجهه وهضر بملل ..

عصام :~ قلتي ل شي حد انا هنا ؟

ابتسمت بألم .. و حركات راسها بنفي ..

نجمة :~ تت ... نتا عارفني ماغانقولها لحد ..

بلا مايبان حتى تعبير على وجهه الجامد ... حرك حلقه ...

عصام : okay fine .. [ واخا .. مزيان ] يالاه نوصلك دابا ...

جا يدور باش يمشي يهز مفاتيح سيارته .. حس بيديها الباردين على جلد يديه ...

صوتها لي كان قوي قبل قليل ولا مهزوز وهامس ....

نجمة :~ عصام ... انا جيت باش نكون حداك .. نكون معك ...

قربات لعنده كتمنع دموعها ينزلو ..

تعلات على رجليها ويديها الدافين وصلو للحيته .... احتضنت وجهه بين كفوفها ... وهمسات برقة ...

نجمة:~ انا وياك تزوجنا باش نكونو ديما حدا بعضنا ... نهار نطيح نلقاك حدايا ... ونهار تطيح تلقاني حداك .. ( تنفسات بارتجاف ) تزوجنا باش نساندو بعضياتنا ... باش ديما نكون معاك ... وتكون معايا ... (قربات وجهها كثر ... وزيرات على جفونها ) ماشي باش تجي هنا بوحدك .. انا ماغانخرجش من هاد الدار حتى غانخرجو بزوج .. (هزات راسها بنفي) وماغانرجعش ... حتى الا بغيتي تبقى هنا بوحدك أنا ونتا واحد ..

خلات يد وحدة فقط على وجهه .. والأخرى زادت دفناتها وسط كفه ... ورطبات نبرة صوتها ..

نجمة:~ انا وياك بدينا بزوج ... وغانبقاو بزوج ..

تمدد صدر عصام بقوة .. وزفر نفس ساخن ..

كانت حاسة بيه ... وكتحاول توضع راسها ف مكانه وماكتقدرش ....

بلا مايرد عليها ... تغييرو ملامح وجهها ... وحتى نبرة صوتها ولات عتاب مخلط مع الاختناق ..

نجمة :~ علاش ماسولتيش فيا ؟ علاش خليتيني انحماق .. بغيتي تبعد على كلشي ولكن علاش حتى انا ؟ ....

رمشات عيونها بثقل .. كاتتسناه يهضر .. يرد عليها ... ولكن والو ...

عبثه فالكلام كله سالا ... لأول مرة تحس بعصام دخل لمرحلة جدية ف حياته ... ومابقاوش واخذ الأمور بصورة مبسطة ...

تنهد وبقا واقف .... غير ميل عينيه وشاف فيها سحب يديه من يدها .. ومشى ل غرفة النوم ... و هي تبعاتو ...

تكلم بدون تعبير ...

عصام :~ علاش جيتي ا نجمة ؟

حطات يديها على قلبها ... وردات بإصرار ...

نجمة :~ قلت لك ا عصام جيت باش نكون معاك ...

رفع حاجبه الايسر ..و نطق بحدة

عصام:~ and i don’t need you .. i don’t need anyone

[ و انا مامحتاجكش.. مامحتاج حتى واحد ..]

تجاهلت كلامه كأنه ماقال حتى حاجة .. عارفاه ماعناش اش قال .. زادت قربات ليه كثر .. هازة راسها كاتشوف فيه ... حتى دورات يديها على خصره وعنقاتو بقوة .. وتكات على كرشو ...

نجمة :~ واش ماتوحشتينيش ؟

بقى شحال .. عاد حط يديه على ظهرها ... بدون مايتفوه بكلمة وحدة ... رجعات للخلف وهي كاتشوف فيه .. هزات يديها و دارتها على لحيته و كاتدوز كفها ببطء ..

نجمة :~ انا عارفاك مقلق مني ... ( حركات راسها من اليمين لليسار ) ما غانلومكش .. انا متفهماك.. (زفرات باتجاف) ولكن راك مقلق من الشخص الغلط...

بلعات ريقها وحركات راسها بنفي ماباغياش تفكرو ... ولا تجبد ليه شي حاجة لي تعصبو ...

نجمة:~ انا ما كنت عارفة والو ا عصام .. بحالي بحالك ... عرفت منين جا جدي عندكم .. كاتظن كون كنت عارفة هادشي غانسكت ؟ (شدات يديه وحطاتها جهة قلبها) انا غير لا كذبت ف حاجة صغيرة نتا كاتحس بيا و كاتقولي كاتبان فوجهك .. كيفاش لا كنت ساكتة على سر قد هاكا ؟

بقى ساكت شحال ... عاد تنهد بكبت وغمض عينيه .. دور وجهه وقبل باطن كفها وهو كيتنفس بحرارة ...

عصام : i’m sorry .. I’m so sorry ... i thought..

[ سمحيلي ... سمحيلي بزاف .. انا حسابلي ..]

ماخلاتوش يكمل كلامه .. كانت سبقات بالكلام ...

نجمة :~ ششش ... don’t be .. [ لا تتأسف ] عارفة .. ا عصام .. عارفة ..

بلع الطعم المر لي فجوفه ... ودار يديه على ظهرها ...

عصام :~ وليت حاس بكلشي كيكذب عليا ...

ابتسمت بألم وهزات راسها بالايجاب ..

نجمة :~ عارفة ا عصام .. انا معك .. ( ضحكات بصوت مرتفع شوية ) واش بغيتي نمشي ؟

ابتسم بصعوبة ... وتنفس بصوت مسموع ...

عصام:~ لا ...

شاف ف ساعته كان فات الحال ..

دخل للدار عيان .. كل لي كان محتاجه هو دوش دافء ونوم طويل بلا تفكير ..

لكن فالحقيقة كان محتاج شيء آخر فداخله .... يمكن ابتسامة سيدرا ولا قربها ولا عسل عينيها .. !!

الشوق ليها كان كينهش داخله ...

كان باغي هاد الفترة يبعد عليها فيها ... قبل مايتصرف شي تصرف لي يندم عليه من بعد ... والا خلا لغضبه حرية التصرف غاتكون النهاية بيناتهم وفعلاقتهم ....!

أمنها على موضوع عمرو عرفو شي حد ... غير باش يرضي النظرة الفضولية ف عينيها ... وفالاخير وقالت كلشي .... واخا هكاك باغيها بجنبه .. وباغي غير يشوفها ويسمع لصوتها ...!

اربع ايام فاتت طويلة عليه ...

كان كيقلب على عصام وكيمشي للشركة باش يكون فبلاصته ويعوض غيابه .. ومايخليش الخدمة ....

كل مرة كيعيط للدار كيطمأن على أمه من عند شمس ..

وف كلامها كيبان أن سيدرا مازال معهم ... ماتبعاتش كلامه لي خرج فلحظة غضب وبلا مايشعر ..

وهادشي خلا راحة غريبة تسلل لضلوعه .... يمكن حيت حسها حتى هي متشبتة بعلاقتهم وباغيا تبقى معه حتى هي ..... ومعتارفة بغلطها .....

تنهد بتعب .... فتح زر قميصه الأول .. وفنفس اللحظة فتح باب الغرفة ..

كل لي استقبله هو الصمت والبرود ..!

شعل الضو ....

كان متوقع غايلقاها ناعسة فوق الفراش ... ولا جالسة على الأريكة وغاتهضر فأي لحظة ....

ولكن تعجب فاش لقى الغرفة خاوية وماكاينش الأثر حتى لشي حد فيها ..

توجه لحمام و مالقاهاش .. !

الصدمة بانت فوجهه .. حواسه انتفضو بعنف ... والهوا وحل فحلقه ..

غير مجرد التفكير انها مشات.. خلا طعم صدأ ففمه وخلات أحشائه تشعل فيهم العافية ..

تعاببر وجهه ولا قاتمين ..وزفيره رجع قوي اكثر من الأول .. بلا مايفكر كثر كان تليفونه فيديه وكيصوني لها ..

فتح الباب وخرج ... والهاتف باقي عند وذنيه .. كيسمع لرنين هاتفها قريب ليه ولكن ماكتجاوبش ....

قدر يعرف منين جاي ... كان منبعث من غرفة أمه ...!

غير خطوتين وكان وصل لغرفة زهرة ... مافكر ف حتى حاجة .. فتح الباب ودخل ..

دور عينيه ومابانتش ليه .. شاف ف أمه وهمس بقوة ....

هشام:~ ماكايناش سيدرا ؟ فين مشات فهاد الساعة ؟

قبل ماتجاوبو حس بشي حد وراه ... وصوتها كيتسلل لمسمعه

سيدرا:~ كنت فالكوزينة ...

حواجبه لي كانو معقودين بداو كيرجعو لطبيعتهم ... ونبضه بدا كيهدأ ...

شافت ف زهرة وشافت فيه بالزربة ...هربات عينيها ....

سيدرا:~ عاد جاية نشوف شكون كيصوني....

كانت هازة فيديها كاس د الما ... هزو من عندها ...

حس بالراحة منين تلامسو يديهم ..

حركات شفايفها بشوية باش ماتبين والو زهرة ...

سيدرا:~ على سلامتك ...

خطوة وحدة وكان قريب لها ... تحركات عضلة فخده ... ورد عليها بصوت أجش....

هشام:~ الله يسلمك ..

خلاها زادت هي اللولة وقرب عند زهرة ووجه لها كلامه..

هشام:~ كيف بقيتي ؟

حركات زهرة شفايفها ... وعينيها تغمضو بتعب ...

زهرة:~ لقيتيه؟

تنهد بصمت ... ورد البال ل سيدرا مشات للجهة الأخرى كتحاوول ماتشوفش فيه ..

هزات واحد الكينة ... مداتها ل زهرة .... وهضرت بصوت منخفض ..

سيدرا:~ صافي شربي غير هادي ... ونعسي ترتاحي ليك دابا شوية ..

قرب وحط الكاس على الكوافوز ... باس جبين زهرة ...

هشام:~ الوليدة .. !

حطات زهرة يديها على يديه وتكلمات بلهفة .....

زهرة:~ فين عصام ؟؟

بدون شعور قبل مايجاوب عيونه كانو مشاو عند سيدرا .. كانت كتحط الطبق فالصينية ....

زفر بحرارة وشاف ف زهرة ....

هشام:~ عصام ماشي صغير .. عارف شنو كايدير ..

مع حركة سيدرا ماقدرش يركز شنو جاوبت عليه زهرة ... رد لها البال باغيا تخرج ... بلاما تسنى شي شكر من عند زهرة ولا غير نظرة وحدة ...

وفاش وصلات للباب باش تخرج ..التفت ليه .. جاو عينيها على عيونه لي متربصينها ...

حس بها توترات .. وخرجات دغيا ..

بقى كيشوف فالفراغ لثوانٍ ..

شافت فيه زهرة رجعت كررت سؤالها ليه....

زهرة:~ فين ولدي ا هشام ؟

قبط يديها .. وحاول يتكلم بهدوء باش يطمأنها ...

هشام:~ عصام باقي محتاج الوقت الواليدة ... خاصنا نتفهموه و نعطيوه الوقت الكافي وهو غادي يرجع ....

عيونها تغرغرو ... و قبل ماتبدا تبكي .. زاد زير على يديها .. ومسح لها وجهها كيبتسم ...

هشام:~ راك كتبقاي مو ... شحال ما بقى غادي يرجع .. غايفهم كلشي مع الوقت .... ( زفر بكبت ) هادشي ماشي ساهل .... مانضغطوش عليه .... كلشي كيتحل غير بالعقل ....

مسح ليها الدمعة لي فلتات من عينيها ... رجع باس راسها مرة أخرى ...

هشام:~ غانمشي ندوش ونرتاح وغدا غاندوز عندك ...

اومأت ليه براسها ... ابتسم وناض غطاها ...

طفا الضو ... ومشا لغرفته باغي يلحق سيدرا باقي فايقة ....

كانت سيدرا جالسة وكتفرك فيديها بتوتر ... كتفكر واش كان عليها تسمع كلامه وترجع لدارهم ؟ لوهلة تنادم معاها الحال علاش مامشاتش .. !

ناضت كتقاد فالفراش باش تنعس قبل مايجي ... ولكن مخططها فشل .. فاش فتح الباب و دخل ...

ماعرفت واش تهضر ولا تسكت ... كملت على شغلها .. كتقاد الغطا ..

سمعات الباب تسد ... الهوا وصل ثقيل ل رئتيها فاش حسات بخطواته كيقربو لعندها .... وصوته كينساب لآذنيها ....

هشام:~ فين شمس ؟

بلاما تلتفت عندو .. زيرات على أصابعها وجاوبات بنبرة باهتة ...

سيدرا:~ مشات فحالها لدارها ...

رجعت تفكرات كلامه ليها .. مني قال ليها تبعد على زهرة ..

هادشي علاش كيسول على شمس ... لهاد الدرجة مابقاش كيثيق فيها ... حست بغصة واحلة فحلقها .. حاولا تتبث راسها قدامه ..

دارت لعندو وهزت راسها بكبرياء ..

سيدرا:~ خالتي كانت محتاجة الدوا ديالها وماقدارتش تنوض .. (تنفسات باختناق وشافت فعينيه) وحيت ماكايناش شمس داكشي علاش انا لي كنت عندها ..

تنفسات بارتعاش .. ورجعات قلبات عينيها .. كتزفر بالجهد ... وكتدعي باش دموعها مايفضحوهاش قدامه ....

خصوصا ملي زاد قرب ... كيفك ازرار قميصه ....

عقد حواجبه ...

هشام:~ مالك ؟

تنفسات بارتجاف ...

سيدرا:~ ماكاين والو ...

مشات جهة الفراش ... حلات شعرها ... وحيدات البينوار لي لابسة ..

حسات بيديه الباردين كيتحطو على بشرتها ودورها لعنده ببطئ ومازال نفس التعبير على وجهه ...

هشام:~ سيدرا !! ( قطب جبينه وأضاف بنبرة قاسية ) مالنا ؟

حيدات يديها بنترة ... وعقداتهم تحت صدرها .. كتكلم بنبرة مبحوحة ....

سيدرا:~ ما مالنا والو ... ماكاين والو ....كلشي مزيان غير انا لي كنكبر الموضوع (هزات تليفونها ولاحتو بعصبية على الفراش ... وكملات كتلهث ) شحال من مرة عيطت لك مرة ... جوج .. ولا عشرة ولا عشرين ؟ (هزات أصابعها وأشارت ناحية قلبه ) غير ميساج واحد قول ليا نتا بخير .. وكلشي مزيان ... ولكن والو .....

بلعات دموعها وابتسمت بمرارة وسخرية ...

سيدرا:~ ولكن علاش غاتقول ليا ياك ؟ حيت انا ماكنسوى عندك والو ...وحتى تكون عندك الكانة عاد تهضر معايا ...

مد يديه وشد فكتافها بلا مايهضر .. عاودت تنترات وتمدات ف بلاصتها عاطياه بظهرها ....

بقا شحال واقف كيشوف فيها ... زفر بنفاذ صبر ....ودخل للدوش ......

بعد مدة خرج ... الضو كان طافي .. والصمت مغلف الغرفة... كيسمع غير ل زفيرها .. وجسدها كينتفض بعنف ...

لاح الفوطة من يديه بغضب ... وقرب لها معصب من بكاها ومن الحالة لي وصلو لها

هشام:~ مالنا على هاد البكا ؟

توقع ماغاتجاوبوش .... يديها وصلو لوجهها مسحات دموعها ...

سيدرا:~ ما مالي والو .. (هزات كتافها وبقات على نفس الوضعية) تقدر تغيب واحد ربع ايام اخرى ماكيهمنيش ..

بحركة واحدة كان قلبها للجهة في واقف ... زير على جفونه همس باسمها ...

هشام:~ سيدرا ..

قلبات وجهها ... ونفخات شفايفها ...

سيدرا:~ ماسميتيش سيدرا هاد الساعة ..

وقبل مايتكلم .. كانت عاودت تقلبات للجهة الاخرى بعناد ..... ماباغياش تهضر ..... مرر لسانه على شفافيه و نطق بنبرة عابثة..

هشام:~ سميتك مينة ؟

حسات بالضحكة غلبات عليها ... و جمعاتها فالحين مابغاتش تبين .. ابتسم هو الآخر... ونعس جنبها ... يديه تحت راسه ..بقا مراقبها حتى غفات .....وعيونه بقاو كل مرة كيمشيو ناحيتها ...

من الوقت لي دخلات فيه وهي جالسة على الأريكة بحال شي طالبة مهذبة .. كتحرك غير عينيها بفضول ولهفة ..

لقات راسها ماعارفاش كيف تتصرف ولا حتى شنو خصها تقول فهاد الموقف ..

أطبقت على انفاسها والتزمت الصمت ...

هاد الدار لي هي فيها دابا كانت غاتكون ديالها هي وعصام .. كان دابا يقدر يتكلم مع جدها ويسرعو فقضية العرس ...

لكن فظل هاد الظروف كيبان الأمر صعيب.. وعودة عصام للقبيلة شبه مستحيلة ..!

من الوقت لي دخلات فيه وهو ساكت ... مرات قلال كتسمع غير زفيره القوي وجسده الضخم كيتحرك بين كل مكان بلا حتى هدف محدد .. حتى استقر قدام شاشة حاسوبه ...

الا كان كيستناها تمشي ف راه غالط .. واخا تجاهله المتعمد غاتحاول تبقى معاه....

لكن لي ضرها ف قلبها كثر انه ماتبادل معها حتى نظرة واحدة تكون كتشرح شوقه ... كيف هي موحشاه ...

قاست الغطا لي كان على الأريكة .. وهمسات بشرود ...

نجمة:~ عصام !

فنفس اللحظة التفت لها وعلا حواجبه بمعنى شنو ..

ابتسمت .. وأول جملة قفزات لبالها قالتها ..

نجمة:~ واش مزيان ؟

عقد حواجبه .. ورد بنبرة متصلبة وخافتة ..

عصام:~ مزيان ..

بلعات ريقها وحركات شفايفها بخفوت ...

نجمة:~ واش مقلق ؟

تنهد بكبت ... غمض عينيه وعاود فتحهم .... عاد مسح على لحيته بعصبية ...

عصام:~ مابغيتش نهضرو فهادشي ..

ميلات فمها .. وقلبها انقبض من نبرته الغاضبة ...

اكتفت انها تبتسم بدون نفس ... وعينيها مشاو لعنده مجددا ..

تأملات منظره اللامبالي .. وعينيها تغرغرو ..

بدون شعور رجعات تعيط ليه ....

نجمة:~ عصام .. !

زفر بنفاذ صبر ونبرته خرجات حادة بلا مايحس ...

عصام:~ شنو ؟

بلعات ريقها وأسبلت أهدابها بخجل ...

نجمة:~ فيا .. فيا الجوع ..

واخا الجمود لي على وجهه ....

قدرات تميز شبح الابتسامة الخفيفة لي ترسمات على شفتيه أثر كلامها ...

غير ثوانٍ نزل الحاسوب لي كان فيديه .... وناض نيشان للمطبخ ... تبعاتو بعينيها حتى اختفى عاد خلات ملامحها يترخاو .. والنظرة الأليمة لي كانت مخبياها عليه تترسم على زرقاوتيها ..

ردات راسها على الأريكة .. وشدات تليفونها ... كل مرة كتطل واش رجع ولا ..

لقات أصابعها بدون شعور كيقيدو العنوان د المنزل لي هما فيه .. باغيا تعطيه ل هشام .. كيف اتفقو بزوج ... وماتخليش عصام يغرق فداومة الحزن بوحدو ...

ضميرها ولا كيأنبها .. وعرفات بسهولة غايعرف عصام بلي هي لي عطاتو العنوان ..

لكن حتى هاد اللحظات القلال لي غاتقضيهم معاه بغاتهم ليها بوحدها .. وهو ماباغي حد يعرفو فين كاين .....

مسحات الرسالة بلا ماترسلها ... طفات تليفون ... وناضت عندو ...

من باب المطبخ كانت كتطل عليه ... ورائحة الاكل الشهية واصلة حتى لعندها .... عينيها انزالقو عليه .. مرة كيحرك شي حاجة فالمقلة ... ومرة اخرى كيحط الملعقة بالزعفة كتدل على انفعاله ....

تنهدات بحرارة وابتسمت بحزن ..!

قربات لعنده ... وحطات يديها على ظهره ...

نجمة:~ ماغاتهضرش معايا حتى أنا ؟

تفاحة ادم تحركات فحلقه ... التفت لها وهز راسه بنفي ...

عصام:~ ماشي هكاك ..

قربات عنده اكثر .. بدون شعور كانو يديها دارو على خصره ... وراسها مستقر جهة صدره ..

غمضات عينيها ... وبلعات دموعها ...

نجمة:~ كنبغيك ...

حسات بيديه على كتافها ... وزفرة حارة خرجات من حلقه ....

عصام:~ بلا بكا ...

هزات راسها بإيجاب ... وضحكات ... هظات الملعقة فيديها ...

نجمة:~ اهم..واخا .. باقي ماطاب هادشي ؟

حرك راسه بنفي ... وابتسم ..

عصام:~ مازال شوية ..

حركات كتافها بقلة حيلة ... وجمعات شفايفها ...

نجمة:~ غانجمع الصالون ...

اومأ لها وابتسم ... غير خرجات رجع التعبير الجامد يسيطر على وجهه وعلى عينيه ...

بدات كتهوي الدار ... وكتجمع بضع أوراق كانو عندو تما ماقدرات تفهم والو منهم ..

طوات الغطا لي كان على الأريكة ورتبات كلشي ... وقلبها بقا معه لداخل ..

غير سالات الترتيب ... حتى هو كان انتهى ..

حط لها الطبق على الطاولة ...وواحد ليه حتى هو... وتكلم فنفس اللحظة ...

عصام:~ اجي تاكلي باش نوصلك ..!

ردات شعرها اللور ... وشافت فيه ...

نجمة:~ الا كنتي غاترجع ...

شافته زام شفايفه بغضب ... هزات كتافها بلامبالة...

نجمة:~ صافي غانبقى .. ماغانمشيش ..

وبلا ماتخليه يجاوبها ... كانت مشات للطاولة وجلسات ....

الصمت كان مخيم على الجو بيناتهم ...!

تناولو طعام العشاء .. سالاو طبقهم تقريبا ف نفس الوقت ... يالاه بغا عصام ينوض يجمع الاطباق .. وهي تهز يدها .. وابتسمت ..

نجمة :~ غير خليهم .. أنا غانجمع هادشي .. نتا طيبتي لينا ...

هز لها راسه بدون مايناقشها ...

اتجه للحمام .. وهي ناضت كاتجمع الاطباق ... منين سالات .. جمعات الماعن كاملين باش تغسلهم ... ومرة مرة كانت كاطل عليه .... كان حط حاسوبه على الطاولة ... وكيبان مشغول معه .. ومركز تماماً ...

جمعات هي المطبخ ... ومنين سالات .. مشات جلسات على الأريكة هازة هاتفها ... وكل شوية كاتسترق النظر ناحيته بشوق ....

مابقاتش قادرة تبقى غير جالسة وكاتشوف فيه .. توحشات شقاوته ... لكلامه ومزاحه .... باغيا تجبدو بأي طريقة ومالقاتش كيفاش ... رجعات طفات هاتفها و حطاتو ..

ناضت لعنده ... قربات ببطئ ونزلات يديها على كتافو ....

شافت فالحاسوب وميلات فمها ...

نجمة ~ شنو كادير ؟

رد عليها وهو مركز ف الشاشة ...

عصام :~ خدام ..

هزات راسها باهتمام .. وحطات راسها على كتافه ...

نجمة :~ ااه .. حيت ماكاتمشيش للشركة ياك ! (عضات على شفايفها) شكرا على العشا ..

حرك راسه بلا مايجاوب .. لكن حساته ابتسم .. عوجات شفايفها .. وبقات مراقباه بصمت ..

منين هز يديه كيكتب على ل keyboard لمحات العروق لي فيديها ولاستيك د الشعر على معصمه ...

ماكانش جامع شعره كان طالقو ... مدات يديها ونطقات ببراءة ..

نجمة :~ عطيني هادي ..

حيدها من يدو ... وعطاها ليها ... خداتها وبدات كاتجمع ليه ف شعره ..

نجمة :~ ديك المرة علمتيني كيفاش نجمع شعري بحالك ... (ضحكات) وجمعتيه ليا ... (سكتات شوية وتنهدات بحنين) باش كنت معك مازال فالشركة... و دابا كاتسالها ليا ..

يديها كانو كيتحركو ف خصلات شعره ... خلاها على خاطرها ...

جمعاتو ليه تماماً بنفس الطريقة لي مولف هو يجمع بيها شعره... وطلات عليه بافتخار ...

نجمة :~ انشوف ...

هز حاجب واحد ... ونطق بتذمر وهو كيحرك عينيه...

عصام :~ ساليتي ؟

عوجات فمها .. وتلاعبت بلسانها داخل فمها ..

نجمة :~ هاه .. حيد نشوف .. والله حتى درتها بحالك .. ( ابتسمت ) گاع حسن ..

شافها كيفاش مهتمة بيه وكيفاش كاتحاول تخليه يبتسم .. وكتحاول بكل جهدها تخرجو من الوحدانية لي هو فيها ... مجرد التفكير ... خلاه يبتسم امتناناً ليها ....

جمعات يديها وحطاتهم على لحيته ...

نجمة:~ ماتوحشتينش ؟..

قرب برجليه الكرسي لي كان قدامه حتى جلسات عليه ..

هز يديها لي على خدها ... وقبل باطن كفها .. وهو مغمض عينيه ....

عصام:~ كثر من توحشتك !

ابتسمت بدفء .. وبقات كاتشوف فيه ..

نجمة:~ حتى أنا ... ماتعاودش تبعد ...

بدون شعور ..عيونها ركزو على فمه .. وهو كذلك ...

سحبات يديها .. و دارتهم على خده من جديد .. ودوزات بإبهامها عليه ... طلعات نفس عميق ... وقربات بخجل حتى نزلات شفتيها على شفتيه ...

وغمضو عيونهم بزوج ... !

كان كيستشعر أنفاسها على شفتيه ... وحرارتها ....

توحشها... توحش مذاق شفايفها .. استجابتها ... كلامها ...

غير اربع ايام بانت ليه بحال ربع سنين ....

بيد وحدة كان هزها من بلاصتها لعنده ..

وقف وباقي كيبوسها بنفس اللهفة ... كيعطيها فرصة غير فين تتنفس وكيرجع يمتالك فمها من جديد ف عاصفة مشاعر حارة ..

يديه خلف عنقها ... كيداعب فروة رأسها بأصابعه الطويلة .. كانت كتأن كل مرة من ملامسته الجريئة ليها...

حطها على الطاولة حتى دورات رجليها خلفه ... ويديها بقاو على عنقه كأنها هاديك هي وظيفتهم ...

بعد عليها كيلهث وعاود لصق شفتيه ضد بشرة خدها ..

عصام:~ توحشتك .... كنبغيك ... كنبغيك

صوتها قدر يخرج مخنوق من حر المشاعر ...

نجمة:~ ح .... حتى أنا ...

بلا ماتزيد تعتارف رجع كيبوسها بحرارة وبقوة .. كيكتشف مشاعرها بين يديه كيف كل مرة ..

كأنه كان كيتسنى غير هي تكون موافقة ..!

نزلات يدها براحة على صدره وهي كاتحس بخفقات قلبه السريعة... كأنه غادي يخرج من مكانه ..

ميل شعرها للجنب .... وشفتيه على عنقها ..... يديه كانو فنفس الوقت كيحيدو لها سترتها ... وكيلمسو كتافها ....

حسات ب سترتها طاحت فالأرض .... بلا ماتحس كانو أصابعها الدافين دخلو تحت قميصه .... ويديها كيتماوجو بين صدره والا باسها بالجهد كيرجعو لظهره ... كتزير عليه بأظافرها ..

دقائق طويلة وهو كيناولها مشاعر الحب والشغف .. عمرها عاشتهم الا معه هو .. !

رجع هزها حتى وصلو للغرفة ... ماتأملاتش ديكورها ولا كيف دايرا ... بقات كتشوف غير فوجه عصام لي قرب لها ... والعرق لي بدا يتكون على جبينه ...

قبلاته كانو كيسقطو على وجهها وكيحرقو مشاعرها المحمومة كثر ...

حيد لها التيشرت لي لابسة .... وتأمل جسدها بنهم ... ونظرة شوق ...

حط جبينه على جبينها .... وهمس ...

عصام:~ باتي هنا .. (مرر يديه من عنقها لمقدمة صدرها وحاول يسيطر على انفاسه بصعوبة ) وأنا غانبات فالبيت لاخر ...

كانت كتلهث ... حسات بيديه كيحتاضنو وجهها وكيبوسها جنب فمها ..

همسات بصوت باهت ...

نجمة:~ لا ..

عقد حواجبه بعدم فهم .... وقبل ماتخليه يرد عليها ... كانت مدات يديها وحيدات له قميصه بجرأة .... وبقات كتشوف فعينيه ...

رجعات همسات بخجل ..

نجمة:~ أنا تايقة فيك ...

حرك فمه بزفرة خشنة .... وقرب أنفاسه من فمها بلا مايلمسه ....

عصام:~ Are you sure ! You wanna do this ؟

[ واش متأكدة ؟ بغيتي ديري هادشي ؟]

ردات يديها خلف عنقه ... وهزات راسها بلهاث .....

نجمة:~ اه..كنتيق فيك ...

كلشي بدا ملي قالت جملتها ... كان عصام صبره نفذ وفقد سيطرته على مشاعره بالكامل ...

قبلاته .. ملامسته لها ..ونظراته الجريئة والصامتة .... كلهم خلاو تستسلم ليه بلا ماتفكر زوح مرات .....

حسسها كأنها أول وحدة ف حياته بصح ..!

بين كل قبلة كان كيعتارف لها .. وبين كل لمسة كيتغزل بها .. بعينيها ... بشفايفها .... وبشعرها ... لقات راسها بدون شعور متجاوبة مع أحاسيسه الجارفة ... استجابة قوية وخجولة فنفس الوقت .. كلما قرب قربات حتى هي ... وكلما حسات بيه باغيها .. مشاعرها الأنثوية كيتدغدغو بقوة ...

أول مرة غايوصلو لهاد الدرجة .. وغاتكون بيناتهم علاقة زوجية كاملة !

كانت خايفة فالأول ... لكن طوفان مشاعره خلاها تستسلم ليه بعيون مغمضين .... تخليه يكمل زواجهم .. ويمتلكها روحاً وجسداً ..

كان عارف كيفاش يتعامل معها .. مع خوفها ... مع خجلها لي بان فاللحظات لي حيد لها ملابسها .....

عصام ماشي ملك غير قلبها .. امتلكها كلها ... وخلاها غارقة فيه ....

عينيها كانو كيتفتحو ويتعاودو يتسدو بنعاس .... نفسيتها منهكة .. وأحاسيسها سالاو ..

بقات على نفس الوضعية ... وحاسة بعضلات صدره القوين عند ظهرها ... يديه تحت راسها ..... والكف الاخر كايرد بيه شعرها ورا وذنيها ... وكيمررو على بشرتها المتحرقة ........

غير ثوانٍ ... حتى حسات بأصابعه الطويلة كيزلقو على كتافها بطريقة محمومة ... وشفتيه الدافين كيرسمو طريقهم على ظهرها ...

صوته الاجش كينفذ لداخلها ...

عصام:~ good morning ..

الغطا الخفيف لي مغطين بيه زلق تحت صدرها ...

قبل ماتقلب عنده .. كان ناض شوية وتحكم فيها كثر... شفايفه تحطو جنب خدها على نفس الوضع ...

تأوهات بصوت مرتفع وردات عليه ..

نجمة:~ صباح الخير ..

تقلبات على ظهرها علات الغطا ... حتى وصلاتو لعنقها .... وغمضات عينيها .. ملي حسات بانفاسه الساخنة فوق فمها ...

عصام:~ i love u

ميل فمه بابتسامة ...

فتحات عينيها ... ودارت يديها خلف عنقه ...

نجمة:~ حتى أنا ..

تأوهات مجددا ملي تناول أنفاسها بفمه الصلب ... ويديه كيهبطو ليزار تحت عنقها ببطئ... ألهب حواسها ...

تكلم فنفس الوقت ....

عصام:~ فاش كتفكري ؟

ابتسمت .. واحمرر وجهها ... ردات بصعوبة ملي حررات فمها من قبضته ...

نجمة:~ والو .. والو ... (زيرات على جفونها) ونتا ؟

دار يديه حتى وصلو لكرشها ... وداعبها بأصابعه ... وهمس بنبرة أجش ....

عصام:~ كنفكر فيك ....

قبل ماترد عليه كان هز لها راسها .. ورجع باسها بالجهد ...

عصام:~ كنبغيك ...

حطات يديها على صدره .... وغمضات عينيها .. باغيا غير تنفارد براسها باش تتنفس على خاطرها من قربه المهلك لحواسها ..

بقاو على نفس الوضعية عينيه متربصين بها ... ويديه فوق راسها ... مخليها تغرق فنظراته لي شاعلين ....

شافت فالارض بان لها تيشرت لي كانت لابسة جيهتها .. بغات تمد يديها تهزو .. لكن عاود شد لها اصابعها بيديه ... وثبت عينيه ف عينيها ......

عصام:~ احسن نهار عشتو ف حياتي كلها ... (قرب من وجهها وزفر نفس حار) شحال وانا كنستنى هاد النهار ... النهار لي غاتولي كلك ديالي .... (تفاحة آدم تحركات بعنف فحلقه وابتسم بخفة ) من اول مرة شفتك ف بيت شمس .. وأنا كنتخيلك ..!

بلعات ريقها .. خلات اصابعها وسط كفه الضخم .. وتغرغرو عينيها من اعترافه ...

نجمة:~ كتخيلني ؟

مرر لسانه على شفتيه ... ورد بنبرة جدية ...

عصام:~ كنتخيلك بلا حوايج .... وهنا معايا .!

ضرباتو لكتافه وقبل ماتحيد يديها كان شدها وحطها جهة قلبه ... كيضحك بتحشرج ..

عصام:~ غير ضاحك ..

شتتات نظراتها ... شافت فالارض بان لها ليزار الاخر لي فيه دم عذريتها ... توردو خدودها ... لقاتو حتى هو كيشوف فنفس البلاصة .. وعينيه باقي كيعليهم نفس العاطفة المتقدة ...

عضات على شفتيها بخجل ...

مرر ابهامه على شفتها السفلية ..

عصام:~ دابا نقدر نعضك منهم إلا عاودتيها ..

لهثات بصوت مسموع وابتسامة خجولة ترسمات على وجهها ...

نجمة:~ توصلني نمشي ...

عقد حواجبه ورد باستغراب ...

عصام:~ فين غاتمشي ؟

حطات يديها جهة قلبه .. وهمسات بنبرة منخفضة ...

نجمة:~ بحالي ...

غوبش ... ورد بنفي ...

عصام:~تتت هنا غاتبقاي دابا .... ( شاف فيها ملي تفوهات بنعاس )مازال فيك النعاس؟

هزات راسها من الاعلى للأسفل وحنات عينيها ....

نجمة:~ امم شوية ...

بلا مايخلي لها الفرصة فين تفكر كان جرها لصدره .... ويديه مازال كيميشيو ويجيو على ظهرها ...

خلات يديها كيتجولو على عنقه الضخم ... ويديه هو كانو على كتافها ..

كلما حاولات تطلع الغطا على وجهها .. كيمنعها ... وقبلاته كيزلقو على وجهها بالكامل بحرارة .... وكيتأملها بشوق ولهفة ...

كيتنفس بصبر .... باغي يمتلكها مجدداً ... لكن كانت كتبان ليه مازال متعبة ... وماباغيش يضغط عليها ..

مشاعره كانت مندفعة وحارة اتجاهها ... كلما كانت معه كلما رغب بها كثر ... وبغا يديرها وسط ضلوعه ....

حيد لها الشعر لي على وجهها ... وداعب وجنتيها بسبابته ..

عصام:~ نعسي ..

زفرات نفس خافت من صدرها ... شافت فيه وتكلمات بشرود ....

نجمة:~ دابا نتا.. ولد عمتي .... (بلعات ريقها) وأنا بنت خالك ؟

مع جملتها حسات بعضلاته تصلبو تحت كفها .. وحواجبه تعقدو بشدة ..

حيد يديه من على جسدها .. وتنهد بكبت ...

بررات بتلعثم ...

نجمة:~ ما .. ماقصدتش .. والله ماقصدت .....

حتى قالت غاينوض ... لكن بقا ف بلاصته ... اكتفى انه يغمض عينيه ويبتاسم بسخرية ...

عصام:~ ولكن مانقدروش نكرو هادشي ... !

مررات لسانها على شفايفها ...ميلات عينيها .. وحطات يديها على صدره بتردد ....

نجمة:~ ع ... عصام ...

فتح عينيه .... شرد ف تفاصيلها طويلاً .. وعلا حواجبه ....

عصام:~ ااه ولد عمتك ... ونتي بنت خالي .....

بلعات الغصة لي فحلقها وعينيها دمعو ... حاسة بالموضوع كيضرو فخاطرو ....

بلل حلقه وأضاف بصوت أجش ..

عصام:~ كون كان الأمر طبيعي كون تزوجتك شحال هادي .... ( التوت شفتيه العليا بابتسامة غير مفهومة ) وكون ملي كنتي صغيرة انردك ديالي ....

ضحكات واخا الألم لي كان فصوته خلاها تبتسم .... وحطات يديها على لحيته ....

نجمة:~ وكون عجباتك شي وحدة اخرى من العائلة ؟

باس باطن كفها .. لي كان فوق فمه ....

عصام:~ لا متأكد غاتعجيبنيي غير نتي ...

حنات عينيها .. قربها لصدره كثر .. مزير عليها .... وغطاها معه .....

بقا ساكت لثوانٍ .. كيتنهد بقوة .....

همس فوق خصلات شعرها بحرارة....

عصام:~ خلينا نبعدو من هنا غير انا ونتي ... ننساو كلشي ... !

فتحات عينيها باستغراب .. وهزات راسها بعدم فهم ...

نجمة :~ لفين ؟

سكت مطولا .... وشد ذقنها بين أصابعه ..

خفض نبرة صوته ....

عصام :~ لأي بلاصة عجباتك ... لفين غانبداو حياتنا من جديد .....

بلعات ريقها ...كتحاول تستوعب شنو كيخرج من فمه ..

باغي يبعد على كلشي وحتى المواجهة مع مشكلته ماباغيش ....

ردات بنبرة مهزوزة ....

نجمة:~ ووقتاش غانرجعو ؟

عقد حواجبه ... ورد بجدية .....

عصام:~ ماغانرجعوش.. غانبداو حياتنا من جديد ... نمشيو ل شي بلاصة اخرى ..

حطات اصابعها أعلى عنقه ....

نجمة:~ وخدمتك .. الشركة ..خوتك .. ماماك ... ( غمضات عينيها وبللات حلقها بتوتر ) قصدت خالتي ..

ناضت .. نصف مستقلية .... وحطات يديها على قلبها ...

نجمة:~ غاتخلي كلشي وحياتك .... ماكيهمك والو ؟

دوز يديه على رموشها ... وابتسم ....

عصام:~ كتهميني غير نتي ....

هزات راسها بنفي ... ودات يديها وسط كفه ....

نجمة:~ الا مشينا غاتنوض الحرب مرة اخرى ...

تفكرات بعض الكلام التقطتو من عند امها فهاد ربع ايام كانت كتهضر على عمتها ملي هربات والصداع لي ناض .....

تأوهات ... وهزات راسها بإيجاب ....

نجمة:~ انا مستعدة نسمح فكلشي على ودك ... (حركات كتافها بقلة حيلة) .ولكن واليديا مانقدرش .. عمرهم ماغايسمحو ليا .....

تأمل عينيها ... وتنهد ..

ميلها لجيهته .... وباسها جنب فمها .....

عصام:~ ششش صافي .. ماتديش على هاد الكلام .... غير كنت كنهضر ..

غطات راسها بليزار .. ناض حتى هو كان لابس غير الشورط ..

توردو وجنتيها ... والدم تدفق حار فعروقها ..ملي شافت فظهره القوي ..وعضلاته كيتماوجو مع حركاته ....

التفت لها ... ومرر لسانه على فمه ...

عصام:~ نوضي ...

عقدات حواجبها باستغراب ..

نجمة:~ فين ....

عض على فمه وحاول يضحك ...

عصام:~ غاندوش لك ...

حطات يديها على قلبها بلهاث ...

نجمة:~ شنو ؟

قرب لها حتى تحنى لمستواها ... وتعمد يتكلم فوذنيها ....

عصام:~ فيها شي حاجة ؟

حركات راسها بنفي ولصقات ف الفراش ....

نجمة:~ لا لا ....

قرب منها ... زادت بعدات .. حتى وصلات للطرف ... اسبلت أهدابها ....

نجمة:~ واعفاك ... سبق نتا ... ( بخفة رجعات تمدات وابتسمت بخجل) انا مازال خصني ننعس شوية .......

قبل مايشدها كانت غطات راسها .. سمعات غير ضحكته الخشنة متبوعة بزفيره الحار .....

عصام:~ واخا هربتي منها هاد المرة ...

موضوع عصام واختفائه المفاجئ .. كانو سبب باش يخلي نفسيتها تزعزع .... والأمر لي زاد كمل عليها هو عودة وليد للعمل .. على الأقل كان من قبل معمر عليها الدار ... مونسها .. وأهم حاجة كان واقف بجنبها وكيحاول ينسيها فجميع المشاكل بكلامها وحنيته ..

حسات بالاختناق... وقررات تخرج تستنشق شوية د الهواء ...

خلات هديل عند سيدرا ... وها هي دابا واقفة أمام المستشفى .. ماقدراتش تبقى بلاما تشوفو .. كل دقيقة وهو بعيد عليها كاتخليها تحس بالاختناق... يكفيها الست سنوات لي كانت بعيدة عليه فيها .... واخا غير هاد المدة القصيرة ولفاتو بجوارها ... بغات تجي تشوفو ... على الله يخفف عليها شوية من همها ...

حاولت ترسم الابتسامة على شفايفها قبل ماتوصل لغرفة الفحص دياله ...وهي فطريقها.. جاو عيونها على شخص كانت تناساتو فهاد المدة ...

شخص كانت غافلة عليه انه موجود يوميا بجوار وليد ... وهاد الشخص كان خارج من غرفة وليد بالضبط ...

مني شافت اسراء كاتسد الغرفة ... حاولت ما أمكن .. تحافظ على هدوءها وتسيطر على غيرتها ....

فقط صور وليد كيشد فيد اسراء رجعو لبالها .. على شكل مقطع مسجل طويل ...

الغيرة لي عمرها حسات بها الا مع وليد .. رجعات النار تشعل فحواسها ....

ابتلعت ريقها .. وحاولات تتنفس بهدوء.. زادت خطوات بكل ثقة ... هي دابا زوجته .. ماغاديش تخلي طيف الماضي يسطير عليها ..

اسراء هي الأخرى .. فاش شافتها .. بادلتها بنظرات هادئة ... وعلى فمها ابتسامة .. تحركات هي الأخرى ناحيتها و التقاو فنص الطريق ...

بادرت اسراء الكلام ... والابتسامة مافارقتش فمها

إسراء:~ شمس ... لباس !

ابتسمت شمس بثقة ... وشافت فيها ...

شمس:~ الحمد الله ونتي ؟

ميلات اسراء شفاهها برقة ...

إسراء:~ الحمد الله .. ها حنا ( شافت ف الخاتم لي فيد شمس) ااه ... مبروك عليكم ... الله يكمل بالخير .. (هزات كتافها ) الله يسعدكم ببعضياتكم ...

لوهلة حسات شمس بالارتباك ... ماظناتش اتكون ردة فعلها هاكا ...

حاولات تتبسم ولكن بدون فائدة ... بزز باش قدرات تحرك شفايفها بشبه ابتسامة ونطقات ..

شمس:~ اللهم امين ... شكرا ... العقبة ليك ....

هزات لها اسراء راسها من الاعلى للاسفل ورجعات تكلمات بنبرة هادئة ..

إسراء:~ ربي عوضك ... ( بقات واقفة ) تعوضو كلشس لي فاتكم ان شاء الله ..

عقدات شمس حواجبها باستغراب .. وعينيها ضاقو ...

هزات إسراء راسها بتبرير ....

شمس:~ عارفة الموقف فشكل دابا .. واقفين كنهضرو عادي ... ( فركات يديها بتوتر وابتسمت) خصوصا انا ووليد كنا نقدرو نتخطبو ... وكنظن عارفة هادشي ...

حركات شمس عيونها بوجه خالي من اي تعبير ..

هزات حواجبها بدهشة من كلام اسراء .. حسات بيها جريئة وحاولات تحط راسها ف نفس الموقف ..

واش غاتقدر تقول هاد الكلام كون كانت ف مكان اسراء ..

رمشات عيونها بثقل .. وحسات بغصة فحلقها ...الامر كان كأن اسراء كاتتعمد تذكرها بشنو كان بينها و بين وليد..

حاولات تتنفس براحة .. وتتصرف بشكل طبيعي .. ابتسمت .. وهزات كتفيها بإحراج ..

شمس:~ ماعرفتش شنو نقول لك ولكن ....

حطت اسراء يدها على كتافها وجاوبات بهدوء ....

اسراء:~ كنت عارفة كلشي من الاول ... داكشي علاش مابغيتش نطيحو فهاد الموقف ...

هزات شمس حاجب واحد بتساؤل .. و تكلمات بفضول

شمس:~ شنو كنتي عارفة ؟

رجعات ابتسمت مرة اخرى .... ونطقات بصراحة ....

اسراء:~ كنت عارفة بلي وليد كيبغيك نتي ... وعارفة هادشي قبل ماتزوجو گاع .. ( رات راسها بأسف) فالوقت لي كنتي فيه مازال مع ياسين ......

ملامحها فقط كانو كفيلين يترجمو الصدمة لي تلقاتها .. الشيء لي خلا اسراء تضحك وتكمل على كلامها ..

اسراء:~ أنا مانقدرش نكمل مع واحد قلبه مع وحدة اخرى ...

ابتلعت شمس ريقها .. وتكلمات بصوت منخفض ..

شمس:~ و..واش هو لي قالها ليك ؟ ..

حطات إسراء يديها على قلبها ...

إسراء:~ بلي كيبغيك ؟؟

هزات شمس راسها بالايجاب بلاما تقول حتى كلمة ...

اسراء:~ امم لا ماقالش ليا نتي بالضبط ... قال ليا بلي كيبغي شي وحدة ولكن ماكتباش ليه يتزوج بها .. (هزات كتافها) ولكن انا قدرت نعرف بلي على قبلك هرب لبلاد اخرى ...

نطقات شمس بفضول مرة اخرى ..

شمس:~ وباش عرفتيني انا ؟

ابتسمت اسراء باهتمام ....

اسراء:~ ماكانتش شي حاجة صعيبة ... اي واحد يشوفكم ... يقدر يشوف شنو كاين ...

شمس ماقدرتش ترضي فضولها ... رجعات سولتها و هي مستغربة من أمرها ...

هزات حاجبها الأيسر ..

شمس:~ و علاش كتقولي ليا هاد الهضرة دابا ؟

حافضات اسراء على هدوء نبرة صوتها ..

إسراء:~ انا غير كنوضحك ليك الامر ... بما انني خدامة معاه .. (سكتات شوية واضافت بتبري ر) اذن مانبغيش نخلي شي افكار و لا تساؤولات فبالك ... (بعدات شوية من على الباب وهزات كتافها ) حتى انا مرا وعارفة باش غادي تحسي ... بغيت غير نطمئنك وصافي ....

بغات شمس تبتسم وماقدراتش .... لكنها جاوبات بثقة بلاما تردد ..

شمس:~ انا تايقة ف وليد ..

وقبل ماتكمل جملتها ... هضرت اسراء بتساؤل وضحكات ...

اسراء:~ و لكن ماتايقاش فيا ؟ ياك. ؟

ماتسناتهاش تتكلم ... وكملات على كلامها بسرعة ...

اسراء:~ هادشي علاش انا كنقول ليك هادشي ... تيقي بيا ان وليد مابقى كيعني ليا والو .. من غير كنكونو ف بلاصة وحدة فالخدمة ...

عقدات شمس حواجبها ... وشات فيها ....

شمس:~ ماخايفة ... لا منك و لا عليك .. قلت ليك انا تايقة فيه ..

هزات اسراء راسها بتفهم ... وعضات على شفايفها ....

اسراء:~ انا كنقول ليك هادشي حيت ما ف نيتي حتى حاجة خايبة ..

حطات يديها على كتفها مرة أخرى .. وهمسات بتهذيب .....

اسراء:~ نتمنى ماديريهاش مني قلة صواب ...

منين هزات شمس راسها باش تجاوبها وتحاول ترد لها الابتسامة ... تحل باب الغرفة ..

قرب لهم وليد ... بملامح غير مستفسرة ..

اسراء كانت كتسناتها تجاوب .. ومنين وقف وليد حداهم.. حيدات يديها من كتفها وهزات راسها هي الاخرى كاتشوف ف وليد لي واقف جنبهم..

نطق اسمها بتعجب. ..

وليد:~ شمس الاصيل ! ...

ابتسمت اسراء ل وليد .. و رجعات نظراتها ل شمس ..

اسراء:~ مبروك عليكم.. et bonne journée..

انساحبت من امامهم و الابتسامة مافارقتش وجهها من الوقت لي وقفت معاها ...

غير بعدات عليهم .. زفرات شمس بحرارة.. و الانزعاج لكان ظاهر على ملامح وجهها بدا كيتلاشى.. عقد وليد حاجبيه بقلق .. ونزل يديه برفق عليها ..

وليد:~ شنو قالت ليك ؟؟ ياكما قالت شي حاجة قلقاتك ؟

شمس كانت مازال مراقبة آثارها ... حتى اختفى طيفها من الممر فخطرة..

عاد قدرت تشوف فيه ... وجاوباته بابتسامة ..

نزلات يدها على يديه ..وضغطات عليها..قبل ماتاخدها وتشابكهم .

ضيقات عيونها ونطقات برقة ..

شمس:~ والو غير توحشتك ... وقلت نطل عليك .....

التوت زاوية شفتيه بإبتسامة طويلة ... وهز حاجبيه ..

وليد:~ دغيا ؟

احمر وجهها ... دورات عينيها بالزربة وهي كتأفأف بمزاح ...

شمس :~ غير ضحكت ..

شاف يمينه ويساره .. وشدها من يديها وجرها للمكتب ديالو ...

سد الباب بالساروت ودار كيشوف فيها بنهم ....

مرر لسانه على شفايفه بخفة.. وهو مركز فعيونها الفحميتين بقوة ..

وليد :~ دابا عاد غانتفاهمو ...

تنفسات بعنف .... مدات يديه وحطاتها على ياقة وزرته البيضاء ...

بقات حانية عينيها بخجل من اعترافها .... ماعرفاتش كيفاش خرج من جوفها ....

يمكن من فرط غيرتها ... ولا حيت بغات تشوف هاد النظرة خلف رموشه ... !

دار يديه على فكها ... وهز لها راسها بطرف أصابعه ..

شافت فيه وخدودها متوردين ... وابتسامة خجولة مزينة ملامح وجهها ...

مرر ابهامه على شفتها السفلى ... وضغط عليها .. وتكلم بصوت أجش من بعد ماخرج نفس حار من أعماقه ..

وليد:~ حتى أنا توحشتك .. !

احنى وجهه باش يطبق على شفاهها ... غمضات عيونها لا إراديا منين شافتو حنى وجهو .. وأنفاسه الملتهبة فوق انفها ..

قبل مايوصل .... دق باب المكتب ..

زير على جفونه وعض على شفايفه بعصبية .. نزل شفايفه على خدها وباسها بقوة وبالزربة ....

حلات شمس عينيها .. وغلباتها الضحكة ... يالاه بغات تهضر .. حط سبابته على فمها ...

حركات عينيها بتساؤل ... و رد هو بصوت شبه مسموع ..

وليد:~ ششش ....

خطى بهدوء .. و هو كيتصنت على الباب .. رجع للخلف حتى شاف الخيال من تحت الباب تحرك لليمين ... عاد تكلم ...

وليد :~ صافي مشى ..

ضحكات شمس ومشات جرات واحد الريدو وجلسات على سرير الفحص د المرضى و تكلمات ..

شمس :~ علاش ماحليتيش ؟

قرب لعندها ... ودار يديه على خصرها ....

وليد :~ هذا وقت الغدا .. كنت غانقاد غير شي وراق باش نخرج ...

جمعات شفتيها وهي كاتهز راسها من الاعلى للأسفل ... كتهرب من عينيه وكاتتفحص الغرفة بفضول كأنها عمرها دخلات لها من قبل ...

بعد عليها وجلس خلف مكتبه .... سولها وهو مازال مركز مع الاوراق ..

وليد :~ فين هديل ؟

هزات كتافها ... وابتسمت ...

شمس :~ خليتها مع سيدرا .. وجيت نشوفك ..

هز راسو و هو كيضحك ..

وليد:~ مابقيتش اديري بيها السبة و تجي تقولي ليا هديل مريضة ؟ ( ابتسم بعبث ) باش تشوفيني ؟

دفنات وجهها فيديها .. وعضات على شفايفها ....

شمس :~ لا.. لا عافاك ... بلا ماتفكرني ...

تعالت ضحكة وليد .. ! وهو مازال شاد فيها ..

وليد:~ هاه...! اعتارفي ...

نزلات من على السرير .. وناضت كادور ف الغرفة . .

شمس :~ نقدرو نبدلو الموضوع ؟.. مابغيتش نتفكر داكشي .. (مررات لسانها على شفايفها) حيت كيفركني ف شي حوايج بغيت ننساهم ...

رجع عينيه للأوراق وهو كيحرك لها راسه بالايجاب ..

وليد:~ واخا أ لالة ... ها أنا ساكت ..

بقات كاتدور ف المكتب .. حتى طاحت يديها على سماعة القلب .. هزاتها ... وشافت فيها والبسمة مرسومة على وجهها .. ووصلات زاوية من وجهها ....

لطالما كان حلمها حتى هي تقرا الطب ... قرات مزيان غير على ود ديك اللحظة لي غاتدفع لكلية الطب وتقبل .... حتى كاتصدم بقرار جدها بتوقيفها عن الدراسة ...

رجعات هاد الذكرى تتخبط ف عقلها ... وخلات ابتسامتها تختفي بدون شعور ...

نفس الحزن العميق ترسم على سوداوتيها ....

تنهدات بلا ماتحس ... ورجعات تحط السماعة فمكانها .. حتى حسات بيدين وليد التفو على خصرها ... وشاف ف السماعة حتى هو ...

وليد:~ كنتي باغا تكوني طبيبة ...

كبحات دموعها .. ابتلعت غصة واحلة ف حلقها .. ودارت عنده كاتشوف فيه ...

اصطنعت الابتسامة .. وهزات راسها من الاعلى للاسفل ..

شمس:~ باقي عاقل !

ابتسم وليد بألم وقربها ليه كثر ....

وليد:~ عاقل على كلشي... اي حاجة متعلقة بيك .. عاقل عليها ...

تنهدات بعمق .. وغمضات عينيها .. باغا تسيطر على دموعها ما امكن ...

وليد:~ كون كان بيدي ... (تنفس بعنف وحط يديه على خدها) كنت ندخلك تقراي الطب...

ضحكة مريرة فلتات من فمها وراسها كان تحرك من اليمين لليسار ..

وليد:~ ولكن !

حلات عيونها وشافت فيه باهتمام ..

وليد:~ الا بغيتي ... تقدري تدخلي تقراي التمريض .. ( ابتسم وهز كتافو ) المهم حتى هو عنده علاقة بالطب ..

اتسعو حدقات عينيها .. ورمشات بسرعة بعدم تصديق ..

ردات بإحباط وحاولت تضحك . ..

شمس :~لا لا ..مايمكنش ... فات الحال .... وكلشي فات ...

شد لها فيديها ... وهز راسه بنفي ...

وليد:~ مافات الحال ما والو !! المهم ديري شي حاجة كانت عاجباك ...

بللات حلقها .. وبدون شعور شمعة من الامل شعلات داخلها .... واخا هكاك عاودت هزات راسها بنفي ....

شمس:~ ولكن ...!

جرها شوية جهة المكتب .... حتى جلسات على الطرف وهو بقا واقف ....

تنهد و حيد الشعر لي على وجهها ..

وليد:~ ماكاين ما ولكن ...

بان غشاء شفاف خلف جفونها ... اسبلت أهدابها وهمسات باختناق ...

شمس :~ واش .. واش بصح كاتهضر ؟

ضحك ومرر يديه على خصلات شعرها الفحمية..

وليد:~ كانبان لك كانتفلا ؟

سكتات شحال ....وطلعات نفس عميق من صدرها .....

رجعات كاترمش ... وبدات كاتضحك بدون شعور ..

شمس : ~ عنيت زعما .. ( دارت يدها على فمها ) ماقادراش نتيق .. والله .... واش زعما نقدر نرجع نقرا وندير داكشي لي بغيت .....

ابتسم وليد لابتسامتها ..... وأومأ براسه ... وقبل ماترد عليه كان دفع راسها لعنده .... وصل شفاهه لشفاهها .....وباسها بطول وبرقة ..

بقات مغمضة عينيها ومشاعرها كيزيدو يدغدغو قلبها بقوة ....

حسات بجبينه على جبينها وصوته كيوصل لحواسها ....

وليد:~ خلينا نمشيو للدار ...

ثلاثة أيام أخرى مرت ... ماعرفاتش واش هاد المرة هي لي مقلقة من هشام ولا هو لي مقلق منها ...

الوضع كان غريب بالنسبة لها .... كيتبادلو غير الكلام البارد ... لكن عيونه فكل مرة كيشوف فيها كتقدر تميز أنهم شاعلين بمشاعر محمومة .. ماعندوش الغرض يفصح عليهم .. باغي يزيد يتجاهلها ... باش تعرف غلطها وتتشبت بيه هي كثر ..

شافت ف الساعة كان الوقت متأخر ... كيف مولف مؤخراً يدخل ..

بدون شعور هزات هاتفها وعيطات ل نجمة .. تسول فيها .. وتلف الوقت حتى يرجع ....

تأوهات بألم ... والهاتف بقا عند وذنيها ... كتحس بظهرها كيتحفر بالألم .. مفاصلها كلهم نفس الشيء ...

رنين واحد وكانت جاوباتها ... ابتسمت سيدرا كأنها واقفة حداها ..

حسات بصوت نجمة المتوتر خلف شاشة الهاتف .. قدرات تشعر بشي حاجة ف نبرتها .. كأنها مشغولة وباغيا غير تنهي المكالمة بسرعة ..

مافهمات والو .. مابغاتش تشدها كثر وحاولت تقنع راسها انها مشغولة بغياب عصام وداكشي لي وقع .. اكتفت انها تطمأن عليها ..

غير قطعات عليها عاودت تأوهات بألم وعضات على شفايفها بقوة .. النفس كيخرج من حلقها مخنوق وبزز ..

سندات راسها على الفراش وغمضات عينيها ...

غير دقائق وكان هشام دخل .. بقات على نفس الوضعية .... كتزفر بالجهد .....

بلا ماتشوف فيه .... حسات غير بالباب تسد وخطواته كيقربو منها ... حتى وقف قدامها ...

هشام:~ مالكي ؟

بلعات ريقها ... فتحات عينيها وشتات نظرها ...

سيدرا:~ والو ...

تراجعت على السرير حطات التليفون على الكوافوز لي قدامها ..

عقد حواجبه .. قرب حتى حسات بأنفاسه فوق وجهها .. وهز لها ذقنها ... حتى شافت فيه ....

هشام:~ اش واقع ؟

تنهدات بصوت مسموع ... وهمسات بنبرة هامسة ....

سيدرا:~ غير ضهري ضرني شوية .....

قطب جبينه .. ونظراته تغيرو .. !

خلا يديه على ذقنها .. وعقد حواجبه

هشام:~ طحتي ؟

هزات راسها بنفي .. وعينيها بقاو على عينيه ...

سيدرا:~لا لا .. كيضرني وصافي حتى فدارنا كنت هكا ....

دار يديه ف جيبه وشاف ف ساعته ... همس بهدوء ...

هشام:~ لبسي ناخذك للسبيطار ...

تمدات على الفراش ... وحركات راسها بنفي ....

سيدرا:~ لا ... عندي الدوا .. (مطات شفايفها) عندي الداو ...

طوا كمايم الشوميز لي لابس وتكلم فنفس الوقت .....

هشام:~ فين هو ؟

اشارت ليه للكوافوز ..

سيدرا:~ تما ...

مشا للدرج .... غير بعينيه ميز الدوا المتعلق بحالتها ...

مد لها الكينة وكاس د الما ... وخلا البومادا فيديه ...

هشام:~ تقلبي .. وعطيني ظهرك ....

شافت النظرة الجامدة لي على عينيه ... زيرات على فمها ....

سيدرا:~ صافي غانديرها ل راسي ...

رد بسخرية واضحة ...

هشام:~ غاتقدري ؟

علات حواجبها ونبرتها خرجات حادة ومنفعلة ....

سيدرا:~ ااه غانقدر ...

ببرود كان عطاها لها ... تقادات فالجلسة ... وكبات شوية من المرهم ...

شافت ف هشام كيشوف فيها وعلى فمه شبه ابتسامة ... فسراتها على أنها ساخرة ...

علات حواجبها بتحدي وببرود وصلات السائل البارد لظهرها ..

غير حطاتها ماتصاوبتش لها ... كان صعيب عليها توصل لموضع الألم .... حاولت وحاولت حتى تنرفزات ....

احتقن وجهها والدم تدفق حار فعروقها ..

سيدرا:~ الزمررر عاوتاني ...

بلعات ريقها وغمضات عينيها ... ملي قرب منها بثقل ... وعيونه بقاو على نفس التعبير الحار ... كيحدقو فيها بلا مايحيدهم ...

ميلات فمها ... وهمسات بصوت غير مسموع تقريباً ....

سيدرا:~ بلاش ..!

دفعات يديه ملي جلس حداها ... وماقدراتش تسيطر على لسانها ....

سيدرا:~ انا ماكنهضرش معك (جمعات شفايفها) وعارفة شنو ف بالك ... !

ابتسم ببرود ... ورد بغموض ...

هشام:~ اه داكشي لي فبالك حتى نتي مثلا ؟

قطبات جبينها وردات بحدة ....

سيدرا:~ ما فبالي والو ...

كتم ضحته العابثة .... ومرر لسانه على شفايفه بخفة ....

هشام:~ اهاه! وباش عرفتي شنو ف بالي ؟

احمر وجهها ... بغات تدفع يديه ... كان شدها لها .. وردها ورا ظهرها برقة ....

هشام:~ مالنا على هاد العناد الخاوي هاد الساعة ؟ (هز لها ذقنها بأصابع الكف الآخر) ظهرك ضارك وماقادراش تهناي .... وتجلسي بعقلك ؟

جمعات فمها ... ويلاه بغات تجاوب ... كان طلق منها ..... وطلع لها القميص لي لابسة ببطئ ..

هشام:~ كتعاندي على والو ...

حسات بكفه البارد كيدخل مع قميصها وكيوصل ل ظهرها ... كيحرق جلدها فنفس الوقت ....

مرر يديه بثقل عن عمد وكل ماكيوصل لشي بلاصة كيخلي اصابعه ....

حتى قرب لودنيها وهمس لها بصوت قوي وأجش ...

هشام:~ كيضرك هنا ؟ (ضغط فوق سلسلول ظهرها) ولا هنا .... وهنا ..!

تأوهات بألم وهزات راسها ....

سيدرا:~ ااه .. تما...

ابتسامة خافتة ترسمات على فمه .. ميل شفايفه ..

هشام:~ حيدي هادشي لي لابسة ...

دارت عنده رافعة حاجبها وكتنفس بعنف ..

سيدرا:~ مايحتاجش .....

هز حواجبه ..ضحك .. وهز البومادا ....

هشام:~ ماغانديرهاش لك فوق الحوايج ..

عقدات غوبشاتها ... وماعرفاتش علاش مقلقة واش بسبب استفزازه ليها ولا من شي حاجة اخرى ...

قلبات عينيها ... وتكلمات بقوة مزيفة ....

سيدرا:~ نقدر نعلي غير تريكو .. بلا مانحيدو ...

تأوهت بألم مجددا .. ملي حيد لها هو القميص بلا مايعطيها الفرصة فين ترفض ولا تفكر مازال .. كانت منصاعة لأوامره وشنو كيقول .. كتضعف قدامه وتمردها كيعرف كيف يسيطر عليه ..

تمدات على كرشها فوق الفراش ... وغطات نصها بليزار .... حشمانة منه حيت مخاصمين .... ومابغاتش يتصالحو فهاد الوضع ...

حسات بالسائل البارد من جديد على موضوع الألم هاد المرة .... وكفه كيمسد لها بلاصة الحريق .. وكيتعمد يزلق يديه حتى لنهاية ظهرها بثقل ...

كانت كتسمع لتنفسه المتحشرج وصعوبة الانفاس لي كيخرجو من صدره ...

كتمات أنينها ... مشاعرها كانو مخربقين .. خصوصا ملي حسات بيده الاخرى كتوصل لكرشها ...... وأصابعه لي كانو خلف ظهرها .... هبطو من عنقها وفكو لها حملات الصدر ....

همسات باعتراض واهي ....

سيدرا:~ مابغيتش ..

حيد لها شعرها لواحد الجهة ... مال عليها كثر ومرر شفايفو فعنقها بطول ....

اكتفى انه يوصل فمه لوذنيها وتكلم ....

هشام:~ ماباغياش ؟ ( هبط فمه لكتافها) مامساليش لك هاد الساعة ..

توقف نبضها ..!

بلا ماتفكر فالوجع لي شادها كانت هزات راسها ... وتقلبات شادة حمالات الصدر بيديها .. باش مايتزعزوش ....

ردات بانفعال .....

سيدرا:~ الزمر لا ؟ بحالا انا مسالية ليك .....

كانو عينيه مازال شاعلين وعاض على فمه ..

عرفاته بغا غير يرد لها الصرف على اعتراضها .. وناوي على شي حاجة اخرى ...

قرب خطوة وحدة .. تنفسات بقوة وتراجعت ف السرير ......

لكن لي نقذها هو تليفونه رن فنفس اللحظة .... جاوب وعينيه مازال عليها ... وعلى صدرها لي كينزل ويطلع بانفعال ...

بغات تسد السوتيامات .... لكن خلاتو حتى انهمك فمكالمته ابتسمت له ببراءة مصطنعة .. رجعات حيداتهم امام عيونه المتفحصة ولاحتهم على وجهه...

سيدرا:~ اهاه مامساليش ؟

ضحكات بعصبية ملي التقطهم ... وبقا شادهم فيديه .....

علات حواجبها ...

سيدرا:~ باغي تزيد تشوف مثلا ؟

قطع المكالمة ... تنهد وعض على فمه ....

هشام:~ كنشوف ... عاجبني شنو كنشوف ! وباغي نزيد نشوف ! ....

احمر وجهها من جملته ... خصوصا ملي عينيه تعمدو يشوفو ف صدرها العاري وكرشها ...

تلاعبت بعينيها بدلال ...

سيدرا:~ شنو باغي تشوف مازال ؟

جاوبها غير بنظراته الحارة ... بعدها بأنفاسه العنيفة ... وغمزها ...

هشام:~ غانجي نشوف براسي ...

عيونه كانو كيفتارسو جسمها بقوة ... بقات كاتشوف فيه وهي هازة حاجبها الأيسر .. باغيا تندمو على خصامه معها ... نظراتها عامرين بالتحدي ... كأنها باغا تنتقم منه على رفضه ليها ..

بمجرد مازاد هشام خطوة وحدة... دقات قلبها تسارعو بعنف..

هزات القميص لبساتو... وردات بانفعال

سيدرا:~ واخا تقدر تحلم انك شفتي داكشي لي باغي ...

كان وصل لعندها ... مرر يديه على ذراعها ....

هشام:~ غير معذبة راسك ولابساه ... (مرر لسانه على شفتيه وابتسم جانبيا ) واخا ماكاين مشكل تا انا عاجبني نحيد لك حوايجك ....

رجعات خطوة للخلف .. قرب لها كثر ودوز يديه على عنقها ببطئ ..

كانو باقين حمالات صدرها فيديه ... شاف فيهم .. وشاف فيها ....

هشام:~ كنت باغي نرجع نلبسهم لك ولكن دابا غانكونو مامسالينش ....

حسات باصابعه الباردة نزلو على جلدها الساخن... انخطف تنفسها .. وبقى هو نازل حتى وصل لفتحة صدرها ...

عرفات فديك اللحظة ..انها غادي تخرج خاسرة من هاد المعركة ... بغات تندمه و لكن يمكن هي لي غاتصدق نادمة ..

حركاته .. نظراته .. اي حاجة كيدير ..كتأثر فيها ...

كأنه كيروضها من جديد .. كيعرف كيفاش يلعب على اوتار قلبها ...

اصابعه الطويلة بداو كيتحكمو ف تحركاتها ... استسلمت ل لحظة...نزل فمه على عظام ترقوة ...

اخر خيوط الوعي لي بقاو عندها ... خلاوها تفكر انها مقلقة منه .. حسات بقلبها غايسكت.. غمضات عينيها وبعدات عليه ..

حطات يديها على صدره ونطقات و عينيها مازال مغضمين .. كون حلاتهم .. كانت عارفاه غادي يقدر يلمح الرغبة فعيونها ..

صوتها خرج متحشرج ..

سيدرا:~ صا..صافي .. حبس ...

مرر أنفه وانفاسه الحارة .. كيبوسها فعنقها ببطئ وكيهضر ....

هشام:~ ها شنو باغي نشوف ...

قبل ماتستوعب جملته .. كان زاد هبط يديه على فخدها .. وهمس بخشونة....

هشام:~ فتحي عينيك ....

همسات بانفاس لاهثة ...

سيدرا:~ه .. هشا ...

تجاهل كلامها عاود احتى راسه مامخليش لها الفرصة فين ترفض.. او حتى تنفس.. بغا يسكت أنينها ويبعثر إعتراضها بين فمه .

بغا فهاد اللحظة يخلي خصامهم و غضبهم من بعض فجنب ... ويطفي نار الشوق لي شاعلة ف قلبه ..

حسات بأنفاسه العنيفة ... ويديه لي كيتحكمو ف رقبتها .. كيقربها لعنده ويزيد يقبلها كلما حاولات تبعد عليه ... مامخليش لها الفرصة فين ترفض ولا تعتارض ....

لوهلة كانت حتى هي غاتنسى كلشي... لكن رجعات للخلف وهي كاتلهث..

بعدات عليه ... واخا موحشاه .. الا ان كبريائها رافض تنصاع ليه بهاد السهولة ...

شافت فيه وهي كتلهث من عنف مشاعره ... ابتلعت ريقها و هي كاتقلب على اي حاجة تلفو بيها..

سيدرا:~ جدك جدك ....

عاود باسها بقوة ... ومس شفايفها بفمه ..

هشام:~ مالو ...

بلعات ريقها وبللات حلقها ...

سيدرا:~ جدك راه تزاد عليه الحال منين ماكنتيش ..

عقد حواجبه وقبل مايقول شي حاجة .. سبقات ليه الهضرة ....

سيدرا:~ ماماك مابغاتش نقولوها .. ( تراجعت شوية وهبطات تيشرت على كرشها) كنتي مبرزط مع عصام .. ومابغيناش نزيدو نبرزطوك ...

قالت هاد الهضرة باش يقدر يبعد عليها .. وبصح كان الشيخ حالته تدهورات ...

فعلا نجحات مني شافتو بعد عليها ...

راقباته كيفاش كيلبس قميصه لي كان لاحه دقائق قبل ..

وقبل مايخرج دار شاف فيها ..

هشام:~ انا راجع ... (كمل بصوت عنيف) عندك تنعسي .....

منين خرج قدرات تنفس الصعداء ... عارفة بلي حتى هو موحشها بنفس الطريقة لي هي موحشاه .. و لكن حتى واحد فيهم مابغى يعترف ... و هي ماغاديش تكون ساهلة ليه ..

ماغاديش تخلي مشاعرها يتحكمو فيها ... حتى يصالحها هو .....

لقات الفرصة انها دير راسها ناعسة ... ديك ساعة ناضت لبسات بينوارها لي مرمي حتى هو ... ورجعت تقادات فبلاصتها ...

من بعد دقائق طوال سمعت الباب كيتفتح ... زيرت على الغطا .. وحاولت تمثل انها ناعسة ..

و لكن محاولاتها كلهم فشلو .. منين نعس حداها .. لكن هاد المرة ماقاسهاش ...ظنات انه حسبها ناعسة .. ولا غير مابغاش يقرب منها ...... حيت صافي الشوق لي داخله برد ...

وقفات خارج غرفة الشيخ اسماعيل ... ونزلات يدها على صدرها .. كاتحس بقلبها مقبوض عليها .. حالته الصحية متدهورة ....ف فمه غير اسم عصام باغي يشوفو ...

على الرغم من الغضب لي كانت كاتحسو ناحيته ..وگاع داكشي لي دار ليها .. كيبقى جدها فالأخير ...

تنهدات بعمق ..مامولفاش تشوفو فهاد الحالة... كان ديما داك الجبل لي مايهزو ريح .. الصارم و قراره لي كيمشي على كلشي ..

ولكن الشخص لي ناعس دابا فالداخل كان غير .. كان ضعيف عكس جدها لي عرفات حياتها كلها ...

من نهار طلاقها مع ياسين هو كيتهد شوية بشوية ...

بقات كاتدعي ف قرارة نفسها .. وتحركات باش تخرج تهضر مع وليد ... الوحيد لي ممكن يخرجها من هاد الحالة ..

كانت يالاه ناوية تجبد هاتفها تعيط ليه ... ولكن سبقها الرنين ...

ابتسمت قبل ماتشوف شكون ... لكن بمجرد ماشافت الاسم لي كان فالشاشة .. الإبتسامة بدات تلاشى من فمها ... ومغص حاد شدها فكرشها .....

تعجبات من ظهور اسمه على الشاشة... !

اسم ياسين و لي شحال هادي ماسمعاته وحاولت تتفاداه حتى فعقلها ... ها هو دابا كيعيط ليها وبكل وقاحة ..

من قبل طلاقهم ماسولش على بنته ... ودابا عاد كيعيط !! .. عقدات حاجبيها بغضب .. ورجعات هاتفها لجيبها ..

استمر الرنين .. حتى تقطع.. و رجع يصوني مرة اخرى ...

جبدات هاتفها بعنف .. مازال گاع داكشي لي دار لها ياسين مابغاش يتنسى لها وبقا كيحفر فقلبها بقوة ..

غمضات عيونها بصبر .. بغات تقطع وهي تحبس ..هي ماشي نفس شمس لي خلاوها تولي ... هذه شمس القوية وشمس لي مستعدة تواجه اي واحد ... و ياسين سالات منه شحال هادي ...

ابتلعت ريقها .. و بركات على زر الرد . .

وجاوبت بكل هدوء ...

شمس:~ السلام عليكم ...

تسمع صوت ياسين و كلامه كان متلعثم بعض الشيء ...كأنه ماتوقعش ردها الهادئ..

ياسين:~ امم.. و..عليكم السلام ش..شمس ... لاباس عليك ؟

ابتسامة ساخرة خرجات من فمها .. تذكرات انه ماكانش كيطرح عليها هاد السؤال ...

مررت لسانها على شفتيها وردات بنفس النبرة الهادئة..

شمس:~ الحمد لله ..

اكتفت انها تجاوبه و بلاما ترجع ليه السؤال و لا تسول على حاله ... سمعات غير صوت تنفسه .. عاد تكلم

ياسين:~و.. هديل لاباس عليها ؟

ردات بنفس الهدوء ....

شمس:~ الحمد لله ...

بقى ساكت لعدة ثوانٍ ... زفرات شمس بنفاذ صبر .. و رجعات تهضر...

شمس:~ شنو بغيتي ؟

سؤالها المباشر.. خلاه يرتابك .. كان عارف انها تبدلات... شمس لي عاش معاها ست سنوات ماشي نفس الشخص لي كيهضر معه دابا... صوتها كفيل يحسسه بقوتها ..

ياسين:~ بغيت نشوف هديل ...

خرجات من فكها ضحكة متهكمة ... ومن بعدها صوتها ..

شمس:~ لا ..

قدرات ترسم ملامح ياسين ف عقلها فهاد اللحظة ... صوته الغاضب .. خرج من الهاتف ...

ياسين:~ كيفاش لا ؟؟ ..

غمضات عينيها بصبر ....

شمس :~ لا كاتعني لا .. نترجمها لك بلغة اخرى ؟..

ضحكة د عدم تصديق .. وفقدان الصبر خرجات من فمه ..

ياسين:~ شمس .. بلا ضحك باسل .. (سكت شوية ) هديل كاتبقى بنتي ...واخا طلقنا عندي الحق نشوفها..

ضحكات للمرة الالف .. وحركات راسها يمين ويسار....

شمس:~ من وقتاش و هي بنتك ؟؟ .. عاد تفكرتيها دابا ؟ ..

ابتسامة ساخرة ترسمات على شفايفها كأنه معها وغايشوفها .. واضافت بجمود ...

شمس:~ فين كنتي شحال....هادي باش كانت بصح محتاجاك ؟ ( سكتات لثوانٍ و رجعات تكمل كلامها ) واخا .. ماغانهضرش على شحال هادي ... غير من نهار طلقنا .. عمرك سولتي فيها .. واخا حتى بالكذوب.. (رفعات حواجبها ) وكاتعيط دابا وتسول بحالا ماواقع والو .....

سمعات تنهيدة ديالو.. عارف راسه غالط من جهة هديل .. جاوب بخفوت ..

ياسين:~ هديل كتبقى بنتي ا شمس... وماعندكش الحق تمنعيها عليا ... (سمعات زفيره الحار) انا غادي نشوف بنتي وغير كنعلمك حيت بنتي غادي نشوفها بغيتي و لا لا ...

بللات حلقها باش تجاوبو لكن كان كمل بنفس الثقة ....

ياسين:~والا صعبتي الامور ممكن نرفع عليك دعوة.. و غاناخدها لك..

ميلات شفتيها متفاجئة من رده وغمضات عينيها بتفكير وكتصبر راسها فنفس الوقت ..

شمس:~ امم.. اهاه ممكن ولكن ماغاتقدرش..

خدات نفس و جاوبته قبل ما يرد عليها ..

شمس:~ انا فدارنا ...الا بغيتي تشوفها اجي عندها ...

قطعات بلاما تسنى جوابه ... ولا شنو يقول لها ...

فالوقت لي جا فيه ياسين .. كانت فبيتها .. وصات المرا لي معهم فالدار باش تعطيه هديل ... اكتفت انها توجدها ... وتسيفط ليه باش يردها فالعشية ..

مابغاتش تخرج لا تشوفو ولا تلاقى معاه ..

سمعات صوته منين دخل عند جدهم يشوفه ...ومن بعد خرج وكانت هديل معاه ...

كل دقيقة كانت كتمر عليها بحالا هازة شي جبل على قلبها ماقدراتش حتى تجلس ف أمان ... ولا تتنفس مزيان ...

كتستنى غير وقتاش توصل العشية ... الوقت ولا ثقيل ...

واخا كيبقى ياسين باها وعارفاه ماغايضرهاش .. لكن هديل كانت عندها أهم من كلشي ..!

بقات جالسة مع زهرة وعقلها كله غايب ومشوش .. جملة كتسمعها وعشرة كتسهى عليهم ..

عاودت حطات يديها على قلبها .... وتنهدات بكبت ...

شافت فيها زهرة وهي عاقدة حواجبها ...

زهرة:~ ماغايدير لها والو ..

بلعات شمس ريقها وردات بحدة ...

شمس:~ عارفة .. عارفة ... (شافت ف الساعة وحاولت تتنفس بانتظام ) باقي عاد فاتت ساعة ونص ...

دعكات جبينها .... ناضت لجهة الشرفة ... وهضرات فنفس الوقت ..

شمس:~ امتى غاتوصل العشية .. (هزات تليفونها) غانعيط ليه يردها ....

شافت فيها زهرة برقة .. وقالت بدفئ أمومي ...

زهرة:~ ياسين باها ..

ميلات شمس شفايفها وزيرات على يديها ..

شمس:~ واخا باها ماكنتيقش فيه ا ماما ...

ناضت زهرة ومدات ليها كاس د الما باش تشرب ... فنفس اللحظة سمعات صوت هديل جاي من الدخلة ديال دار ...

حطات الكاس ومشات بالزربة باش تأكد ...و غير قربات من المدخل ... الاصوات بداو يوضاحو ليها ... كان صوت هديل مخلط مع البكاء ..

هديل:~ مـامـا... ماما ..ماما

اندفعت ناحية بدون تردد ...

شمس:~ هديل .. مالكي ا ماما .؟

هديل غير شافتها تلاحت عليها ومابغاتش تطلق منها ...

تكلمات شمس بغضب وبلاما تنتابه لنبرة صوتها المرتفعة....

شمس:~ اشنو درتي ليها ؟؟ شـــنو !!!

شافت فيه .... وزيرات على هديل فحضنها ....

شمس:~ عــلاش البنت كتبكي هكـا ؟

كانت هادي أول مرة تشوف ياسين من نهار طلقو ... لكن ماكانتش ف حالة باش تراقبه وتشوفو كيف ولا ... الغضب كان عامي عينيها ...

رد عليها بنفس النبرة المنفعلة ...

ياسين:~ نسولك نتي لي اشنو درتي ليها ؟؟ بنتي و مابغاتش تبقى معايا ... (هز يديه كيرد شعره للخلف وشفتيه تصلبو) ملي خرجنا وهي كتبكي وباغا غير ماماها وعمها وليد ..

قال اسمه وهو ضاغط عليه ...

تجاهلات شمس المعنى المبطن تحت كلامه .. زيرات على هديل و هي كاتطبع قبل متتالية على راسها..

شمس:~ شش .. ها ماما .. هانا ا حبيبتي حداك ..

غير حتى تهدنات شوية وسيفطات هديل ل غرفة زهرة مع المرا لي عندهم .. .. ماباغياش تخاصم معه قدامها ......

بقاو بوحدهم .. وجهات ليه نظرات خطيرة ..

شمس:~ ماتلومينش انا الا بنتك مابغاتكش وماكانتش مولفاك .. ( دارت يديها على خصرها ... وشافت فيه بقوة ) ودير ف بالك ا الشريف شحال هادي ماشافتك .. ماغاتعقلش عليك ... نتا براسك وعلاين تنساها ....

بقا وجهه جامد .. حرك شفاهه وقبل ابتسم بسخرية ..

ياسين:~ لي صدمني هو كيفاش انا مامولفاش عليا ... وولفات وليد لي عاد بان فحياتها ودغيا ... !! ...

الابتسامة الساخرة كانت كافية باش تفهم انه كيرسل ليها معاني ... حاولت تتجاهل كلامه ..

ردات عليه بنفس البرود المستفز ...

شمس:~ باش تعرف أنه دار ليها داكشي لي ماقدرتيش ديرو ليها نتا من نهار تزادت .. داكشي لي دارو لها هو نتا مادرتيه حتى الربع ديالو..

عينيه تحركو بعنف ...

إبتسامة خبيثة طلقها .. عرفات انه غادي يقول من وراها شي سم وما كانتش غالطة ...

ياسين:~ و لا كتعرفو و مولفة عليه من شحال هادي .. !

سكتات لبضع ثوانٍ ... شافت فيه باشمئزاز وابتسمت حتى هي بخبث ...

شمس:~ الذيب كيعاود غير ما جرا ليه ... الا كان فدمك الغدر .. ( علات حواجبها وهزات راسها ) سمح ليا ا ولد عمي ... انا ماشي بحالك ... مربية وبنت الأصل ....

الدم فر من وجهه ... وشحبو ملامحه .... وبلاما تزيد معاه كلمة اخرى ... انسحبت وخلاتو واقف ...

خرجات من الحمام ... ومباشرة مشات جبدات من واحد الدولاب ... كينة د حريق الراس ... وشرباتها ... كاتحس براسها ماقادراش تهزو ..والضغط لي كيعيشوه ولا كيتزاد ....

كان وليد جالس على الفراش ومراقبها بصمت ... كيبان العياء واضح وظاهر على وجهها وعلى جسدها بأكمله ....

زيرات على روبها الحريري وعينيها شردو ف الفراغ بلا ماتحس ....

غير هزات راسها وشافت فيه ... تنهد وغمزها بعينيه بتساؤل ...

وليد :~ مالك ؟؟

ابتسمت بتعب ... حركات راسها من اليمين لليسار ... وتكلمات بنبرة هامسة ...

شمس :~ والو ..

تنهد بكبت ... وحاول يكبح غيرته لي ماعندها معنى فهاد الوقت ..

شاف فيها بقلق ... وأشار لها براسو ..

وليد :~ اجي ...

مشات حداه ..دخلات وسط الفراش ... وجرها هو ل عنده ... نزلات راسها على صدره و بدون ماتشعر تنهدات بطول ...

وليد :~ وقعات شي حاجة اليوم ؟

هزات راسها شافت فيه وحركات راسها بنفي مجدداً ...

شمس:~ تت ..

دار يديه ف خصلات شعرها ... حتى وصل أصابعه لفروة شعرها ..

وليد:~ وشنو ... ؟ مالك ! ( ضغط على شفتيه وهمس بتحشرج ) واش ياسين قالك شي حاجة منين جا ... ؟

زفرات بكبت ... مابغاتش تكبر الموضوع وتقول ليه باش اتهمها ياسين ...

ماعارفاش كيفاش غاتكون ردة فعل وليد واش بحال هشام وعصام ... لي هرسوه داك النهار ... ولا غايكون قادر يسيطر على أعصابه ويتصرف بحكمة كيف كتعرفو ... لكن مابقاتش متأكدة من اي ردة فعل موجهة نحو ياسين وكلامه المستفز ....

ردات البال لراسها انها شردات

مررات لسانها على شفايفها وحاولات تغير الموضوع بطريقة غير مباشرة ..

شمس :~ غير ... كانفكر ف عصام ..

قرب راسها لعنده ... باس جبينها قبلة مطولة .. ويديه على خصرها ...

وليد:~ غايكون بيخير ... انا عارف عصام خصو غير الوقت ..

حسات بغصة واحلة فحلقها .. حركات رموشها ...وزادت تخشات فحضن وليد كثر .....

شمس:~ تت خويا .. وأنا عارفاه محال يتقبل هاد الوضع يقدر عمره يرجع لعندنا ... كنت عارفاه ايمشي ويغبر ... عصام طبعه فشكل واخا ديما كيضحك ... ولكن ( تنهدات ... سكتات شحال ) منين كيغضب ولا كيتقلق ... كيولي واحد آخر ..

يديه لي كانو على شعرها نزلو لخصرها .... دوز يديه على ظهرها ....

وليد:~ يكون خير ..عصام غايرجع .. ولكن حتى يتقبل الموضوع ... (باس جبينها مجددا وهمس فوق بشرتها) راه واخا هاكاك بلا مانكذبو ... اي واحد كان فبلاصتو ايدير نفس ردة الفعل ...

تنهدات مرة اخرى .. ويديها بقاو على صدره .... كتشعر بنبضه القوي تحت كفها .....

شمس :~ كون غير كنت انا ... كون غير كان هشام .. كنا غانتقبلو الموضوع .. غادي نتفهمو ماما .. ولكن .....

خرجات زفير حار من صدرها .. باغيا تنفث هاد الحرقة لي بين صدرها دقة وحدة ...

قبل مايتكلم وليد ... سمعو صوت هديل جاي من الغرفة لي ولات حاليا ديالها ... كانت كاتبكي بصوت مرتفع .. الشي لي خلا شمس تنوض لعندها مفزوعة...

دخلات لغرفتها وشعلات عليها الضو ...

شمس:~ هانا ا ماما ...

شافت فيها هديل وهي ماطة شفايفها و كاتبكي ...

مدات لها يديها وهي كاتنخصص ..

هديل:~ ماما..ماما..ماما ....

هزاتها شمس ديك الساع وهديل تعلقات فيها شادة فيها بجهد ... ماعرفاتش مالها أول مرة تفيق كاتبكي لها بهاد الشكل ..

يمكن داكشي لي وقع ف الصباح أثر عليها... بقات كادور بيها ف الغرفة وهي كاطبطب على ظهرها ... لمدة لابأس بها .... حتى غفات هديل فيديها....

رجعاتها لمكانها ... وخرجات من الغرفة بصمت باش ماتفيقش ......

غير دخلات ل بيتهم .. تكلم وليد ...

وليد :~ تعطلتي ..

تنفسات بصوت مسموع ... وحيدات البينوار لي لابسة ...

شمس :~ غير هديل فاقت كاتبكي بزاف ... معرفت مالها ....

رفع حاجبه بتساؤل ... ملي قربات ...

وليد:~ رجعات تنعس ؟

هزات ذقنها بابتسامة دافئة ... ورجعات دخلات لفراشها ...

ماعقلاتش وقتاش غفات على صدر وليد ....

حتى لواحد اللحظة ... تقلبات ف مكانها.. وحطات يديها جهة وليد ... ولقات يديها جات على الوسادة ... والبرود مسيطر على الجهة فين كان ناعس ....

حلات عيونها بثقل ... ودورات وجهها ناحية الساعة ... كانت الربعة د الصباح .. عقدات حواجبها و بدات كاتعيط باسمه بصوت ناعس لا يكون ف الحمام ..

ناضت من مكانها وخرجات من البيت... بان لها ضوء خافت منبعت من غرفة هديل ... قربات على أطراف اصابعها... و حلات الباب ببطئ بفضول .....

المنظر لي كان قدامها ... دغدغ قلبها بقوة ... ابتسامة لاإرادية ترسمات على شفايفها وعينيها تغرغرو بلهفة ...

كان وليد ناعس ففراش هديل واخا صغير ..

كانت باينة النعسة معذبة ... وهديل ناعسة على صدره ... كيبان اثر الدموع باقي عالق تحت رموشها .. يمكن بكات وهو لي سمعها ....

حطات يديها على فمها واليد الاخرى على صدرها .. كتحس بقلبها كيضرب اكثر .... ووليد كيزيد يتسرب لأعماقها ...

تمنات فهاد اللحظة الزمان يوقف وتبقى غير تشوف فهاد المنظر ... مابغاتش هاد اللقطة تسالي ..

سدات الباب بنفس الهدوء ورجعات لبلاصتها ... وعقلها كيكرر نفس المشهد د وليد وهديل فعقلها مرارا وتكرارا ....

جلسات على طرف الفراش ... واذنيها كيلتاقطو صوت المياه فالحمام ..

ماعرفاتش كيفاش تتصرف من بعد ليلة البارح .... باقي ماقدرات تفهم ردة فعل هشام مزيان ...!

حاولت تحللها وماوصلات ل حتى نتيجة ....

مشا عند جده نصف ساعة تقريباً ورجع مقلق بلا ماتفهم السبب .. يمكن حالته المرضية هي لي شغلاتو ... ولا اسم عصام لي ماكيفارقش فم الشيخ اسماعيل .. خلاه يتفكر شنو دارت .. !

ميلات شفايفها وعقدات حواجبها ... وحاولت تركز عقلها مع شيء واحد ... حتى هي موحشاه غاتحاول تخلي كبريائها وخصامهم فالجنب .. وغاتنفذ داكشي لي قال لها عقلها الليلة ..

كان هاتف هشام فوق الكومود .. هزاتو وحلاتو بلا كود ... كتميل وجهها وعينيها .. كتفحص ملامحها ... كتضحك .. وفنفس الوقت كتاخذ صور لها من عنده ..

مع خروجه واللحظة لي فتح فيها الباب ..... تفافات وطاح التليفون من يديها ..

الابتسامة لي كانت على فمها تلاشات ....

حطات يديها على قلبها وشافت فيه كتلهث ..

سيدرا:~ خلعتيني ...!

غمزها وأشار للهاتف غير بعينيه ....

هشام:~ كتقلبي فيه ؟

ميلات شفايفها .. وعينيها تبعو قطرات الما لي هابطين على عنقه وصدره الضخم .. يديه القوين لي شادين المنشفة خلاوها تركز معهم كثر ماركزات ف كلامه ..

تنفسات باضطراب .... وردات بثبات ....

سيدرا:~ علاش غانقلب ؟ مايحتاجش ...

ضحك بغموض ... وبدا كينشف شعره ..

هشام:~ هادي كلها ثقة زعما ؟

جمعات شفايفها ... وردات بانفعال باش تخبي أحاسيسها ..

سيدرا:~ ماكنتيقش فيك ... (رفعات حواجبها بتحدي) اصلا ماتقدرش تخوني !!

بقا واقف لثوان ... عاد لاح المنشفة على الكرسي بثقل ... قرب منها خطوتين ... وتكلم فنفس الوقت ...

هشام:~ علاش ؟

ميلات حواجبها ..

ومع اقترابه كانو عينيها كيتوسعو شوية بشوية ... وقلبها كيدق بالجهد كيسارع أنفاسها .. زفيرها ولا ساخن ...

زاد قرب كثر .... حتى وصل يديه ل يديها .. ردهم ورا ظهرها ... متحكم ف ردود أفعالها .... وهمس بخفوت ...

هشام:~ علاش متأكدة ؟

زيرات على جفونها ... ورجعات فتحات عينيها .. كتكلم وكتهز راسها ...

سيدرا:~ حيت غاندير لكم السم نتا وياها ان شاء الله ..

ابتسم جانبياً ... وعينيه ضاقو بنظرة ماكرة ..

هشام:~ غاتمشي للحبس ...

هزات كتافها وقطبات جبينها ....

سيدرا:~ نبكي عليك فالحبس ومانشوفكش مع وحدة أخرى .... (أسبلت أهدابها وعوجات فمها بدلال ) الحاجة ديالي ماكنبغي يشركها معايا حد ..

ابتسامة كسولة بانت على تفاصيل وجهه ..

طلق من يديها ... وقربها من خصرها لعنده بقوة .. حط فمه على عنقها ... كيحس ببشرتها شاعلة تحت أنفاسه ..

تكلم بهمس ...

هشام:~ مالكي ؟ كتبعدي ؟

تنهدات بطول ... غمضات عينيها .... ويديه كانو على كتافه ... ردات بخفوت .

سيدرا:~ ج جاني الصهد ..

بلعات ريقها كتحاول تسيطر على عاطفتها قدر الإستطاعة ....وهمسات بصوت غير مسموع تقريبا ...

سيدرا:~ دابا حنا مخاصمين ؟

حيد الشعر لي على وجهها ... وبدا كيبوسها فوق بشرة خدها بطول ..... حتى كيخيليها تتلف وتبلع حروفها ..

هشام:~ لا ...

فلحظة كانت رجعات لتحت .. وهو كيطل عليها .. حسات بعينيه على وجهها بالكامل ... كيحدق فتفاصيلها وكيعريها بنظراته القوية .....

عينيه كيركزو على شفتيها بالخصوص وكيميل فمه ... فهمات شنو غاتكون ردة فعله الموالية ... كيتعمد يشوقها ...... ويمتلكها ببطئ .....

همسات باختناق قبل مايبوسها ...

سيدرا:~ دابا حنا مامخاصمينش ؟

ضحك بثقل .... وحط فمه على شفتيها .. كيتكلم بخشونة ....

هشام:~ تا لمن بعد .. دابا لا ..!

ماخلاتوش يكمل غير مس شفتيها بعدات بالزربة .. ردات بصعوبة .... وعينيها كيتغمضو ...

سيدرا:~ وغاتيق فيا مازال ؟

ضحك واسقط شفتيه على فمها بحرارة .... حتى ذابت بين يديه ..... ومشاعرها ضاعت .. عاد رد بتهكم ..

هشام:~ لا ...!!

بقات شحال كتحاول تستوعب علاش جاوبها .. غير وصل الجواب لعقلها ....

عينيها شعلو ... سيطرات على مشاعرها .... دفعاتو بقوة من صدره ... وعوجات وجهها ..

سيدرا:~ اوا صافي نوض عليا ... ملي ماغاتيقش فيا ماكاين لاش

بغات تنوض ... عاود حكمها بجسده ... وكفه زير على يديها فوق راسها ... عقد حواجبه ....

هشام:~ راه غانسلخك .. (هز لها ذقنها) صافي تايق فيك

تأوهات بآلم ... وخرجات عينيها قبل مايقرب .....

سيدرا:~ ياك عاد كنتي كتقول لا ...

شهقات ملي حسات بأصابعه فوق كرشها .. وكيمشيو لاماكن اكثر خطورة .....

سيدرا:~ يديك ... يديك باردين ..

حاول يخلي نبرته هادئة .. ....

هشام:~ عاد كان فيك الصهد ؟

شافت ففمه ... ورجعات هبطات عينيها على تفاحة ادم لي تحركات بعنف فعنقه ... دليل على نفاذ صبره ... غير محاول يشد لها الخاطر ..

ردات بعناد ...

سيدرا:~ ودابا فيا البرد ...

عض على فمه ... مال باسها جنب وذنيها ... وتكلم فنفس الوقت .....

هشام:~ ماشي مشكل الا كان فيك الصهد نهبطو الحرارة ... والا كان فيك البرد نطلعوها ..

زفرات نفس مرتجف من صدرها ... داخلها كان كيجرف تأثراً بكلامه ووقاحته ...

هزات راسها بنفي ... كتكلم بصعوبة ...

سيدرا:~ اهاه والبارح ... ملي مشيتي وسمحتي فيا ؟

ابتسم جانبياً .. رفع حواجبه بتهكم ورد باستغراب...

هشام:~ سمحت فيك ؟

خرجات عينيها ... ودلات شفايفها بامتعاض .....

سيدرا:~ اااه .... يعني ماكنتش كنهمك ياك ؟

هز راسه بقلة حيلة ... وعينيه عاودو ينزالقو على وجهها وعلى تفاصيلها .. كيتفكر امتى سمح فيها ..

قطب جبينه ..

هشام:~ ياك ماكنتيش باغيا وكتهربي بوحدك ؟

حطات يديها على صدره ... كتنفس بزز وقطبات جبينها...

سيدرا:~ اهاه ... وكان خصك تفهم .. واش باغيا ولا لا ؟

ميل شفايفه شوية .. كيبتسم من عنادها .. وكبريائها لي فوق نيفها ..

شدها من خصرها .. كيقيس جلدها العاري... وكيتعمد يشوف فيها ... ويخليها مأسورة بنظراته الحارة ...

هشام:~ البارح فات .. ( هز لها ذقنها بأصابعه) دابا باغيك ...

بعدها .... كان وصل لها مشاعرة بردة فعله ..... استسلمت لقبلته .. دورات يديها على عنقه .... ومشاعرها شاعلين كحال ذاتها كلما تقرب منها ...

ماعرفاتش كيفاش كان كينتهك مشاعرها بهاد القوة وبهاد الشغف .. وكينتزع استجابتها واخا منفخة وفبالها مخطط اخر ...

يديها تحركو على عضلات صدره .. وخلاتهم مستقرين على عنقه....

همسات بأنفاس لاهثة من بعد ماسقطو شفايفه على خدها ....

سيدرا:~ تخ... تخليني ندير واحد الحاجة ؟ (تنفسات بالجهد) نوض ودابا نرجع ؟

رجع يبوسها بقوة بلا مايجاوبها .. وسؤالها تبلع بين جدران فمه .... حتى فصل القبلة للمرة الثانية وحط جبينه على جبينها ....

هشام:~ لا ...

سيطرات على مشاعرها وحاولت تزفر بعنف ....

تكلمات بلهاث ...

سيدرا:~ وا عفاك ...

باسها جنب خدها ورد فوذنيها .....

هشام:~ راه غانسلخك ...

ضحكات بدلال من جملته ... وميلات فمها .....

سيدرا:~ ياك ! .. (تنفسات بصوت لاهث) خصني نمشي للدوش .. بالزربة ....

زفر بحرارة ..... وعارفاها باغيا تهرب مجددا .. وتخليه فنص الطريق ....

واخا مسيطر عليها ... كتوصل واحد اللحظة كتفلت من يديه ... وحرب المشاعر لي بيناتهم مابغاتش تهدا ....

حس بأسنانها على كتفه .... عضاتو بشوية وبعدات كتضحك ...

سيدرا:~ واش ماكتقصحش ؟

حط يديه على فمها ... ورد بقوة ..

هشام:~ هاد الساعة كاديري شي حاجة اخرى ...

وسعات عينيها بصدمة ... وهضرات بلا ماتحس ...

سيدرا:~ شنو؟

رفع حواجبه .... وبدا كيحيد لها قميصها ...

هشام:~ بغيتي تعرفي شنو ؟بالكلام ولا بالفعل ...

توردو خدودها .... حطات يديها على وجهها ....

سيدرا:~ لا لا ... مابغيتش نعرف....

فهمات مقصده الفاحش ...

اسبلت أهدابها ... وقبل مايعاود يشوف فيها ... كانت ضيقات عينيها ونطقات بصوت خافت ....

سيدرا:~ شوف والله خصني نمشي للحمام ....

ناض من عليها .. ونوضها من يديها حتى وقفات ....

هشام:~ زوج دقايق ..... ولا غانسلخك ...

أومأت براسها .... ومشات دغيا للدوش ....

كانت واقفة قدام المرايا ... !

كتحاول تجمع شجاعتها وجرأتها بأكملها ... حيدات ملابسها ... لوات عليها غير المنشفة .. عرفاتها فكرة غبية ... على كل حال ملابسها كان غايحيدهم بنفسه ....

عينيها كانو كيفضحو الشوق لي بداخلها حتى هي ...!

غير خطوتين وكانت فتحات باب الحمام .....

كان عاطيها بظهره ... وعينيه على تليفونه ...

دار لعندها عاقد حواجبه ... بقا مسمر ف بلاصته ... كيشوف فيها باستغراب علاش ملوية عليها المنشقة وجسدها باقي ناشف ...

همس باستغراب ...

هشام:~ شنو كنتي كاديري ؟

رفعات حواجبها ...

سيدرا:~ والو .. امم ...

قربات منه ... وحطات يديها على صدره .. شدها من خصرها ببطئ ....

وبلا ماتزيد تهضر كثر كانو أصابعها على العقدة د الفوطة وخلاتها طيح للأرض عن عمد .....

ماشافتش الابتسامة لي كانت على شفايفه ولا عينيه لي لمعو من جرأتها وردة فعلها لي ماتوقعاش ... توقع كتهرب منه .. ماباغياش .... ولا باغياه يعتذر ...... او شيء حاجة اخرى .....

اكتفت انها غمضات عينيها وزيرات على جفونها ... كتحس به كينتهك عاطفتها ... وأحاسيسها كيملكهم كلهم .....

دابا عاد فهمات الأحاسيس كلها لي كتماوج ف طيات قلبها كلما قرب منها .. غيرتها من اي انثى اخرى تكون ف حياته ....ورضى خبيث كيتسلل لقلبها كلما شافتو متأثر بها ... يمكن طول مدة زواجهم حاولت تتجاهل هاد المشاعر القوية ناحيته ......

حساتهم مجرد انجذاب عادي ماباغيش يسالي .... لكن دابا تأكدات من شيء واحد كانت كتجاهلو طول هاد المدة ..... أنها هي كتبغي هشام .....

فالصباح كانت واقفة قدام المرايا كتنشف شعرها ... كتشوف صورتها المنعكسة أمامها .. وكتغمض عينيها بصبر ..

باقي ماقادراش تصدق بعد هاد المدة طويلة عاد عرفات حقيقة مشاعرها اتجاه هشام ..!

هو لي كل مرة كيجرفها معه فدوامة مشاعر مختلفة ماكتعرفش تفسرها .... حتى احساسها اتجاه توفيق كان باهت ... ومع أول ايام زواجها بدا يتلاشى بمرة من خيالها ومن قلبها .... وكلما بغات تستحضر صورته كتجي غير صورة هشام ... من أول مرة عرفاتو حتى لليلة البارح !

أحاسيس عميقة وقوية كتداهم قلبها ... كلما كانت معه ولا بعيدة عليه ...

باغيا تعتارف له ... تخرج هادشي كله من قلبها .... ولكن عدم اعترافه هو انه كيبغيها مخليها متوترة ومعصبة بوحدها ..

حطات المنشفة بعصبية .. وقبل مادير حتى ردة فعل ..

حسات بيديه على كرشها وحكمها ....

رد شعرها لواحد الجهة وباسها ف كتافها بحرارة ...

هشام:~ صباح الخير ... !

تنفسات باضطراب .. ابتسمت ... وردات بخفوت ..

سيدرا:~ صباح النور ...

لمحات ابتسامته الثقيلة .. واللون الداكن خلف رموشه كيلمع ..

بلعات ريقها وزيرات عليها البينوار لي لابسة بدون شعور ...

تكلم بصوت اجش وماكر ..

هشام:~ ماتحيديهش حتى دابا ؟

حرك أصابعه الطويلة على عنقها البارد بحرارة .. توترات ومجددا انقبض قلبها ..

حواسها انتفضو بعنف ....

دارت لعنده وهزات وجهها المتورد بنفي ..

سيدرا:~ لا لا ...

ضيق عينيه .. وغمزها ....

هشام:~ واخا انا نتكلف ....

قبل مايوصل يديه لكتافها .. كانت حطات يديها على صدره .. وحركات راسها بسرعة ....

سيدرا:~ خصني نمشي لدارنا ..

خلا يديه على اليد لي جهة قلبه ....

عقد حواجبه باستغراب وتساؤل ....

هشام:~ علاش ؟

بلعات ريقها ... وشتات نظراتها ..

سيدرا:~ ماما مريضة شوية ...! (ارتعشت شفتها السفلية بتوتر) خصني نمشي نبقى معها واحد يوماين ...

بقاو بنفس القرب ... زفر بحرارة ..

هشام:~ نديك دابا ونردك بالليل ؟

حركات راسها ... وهمسات ....

سيدرا:~ لا .. غانبقى احسن .... ( حركات كتافها ومطات شفايفها) كاينة شمس لي تقابل خالتي دابا...

صغر عينيه .... وزفر نفس حاد من أعماق ...

هشام:~ واخا .. (باس جبينها وابتسم ) وجدي راسك باش نديك .

ابتسمت ... وأومأت له بالإيجاب ...

مرو الايام بسرعة ... وها هو اليوم غادي يكمل اسبوع وهي جنب عصام .. مافارقاتوش ولاو لحظة وحدة ... وماقالتها لحد ... احترمت رغبته أنه باغي يبقى بوحده ومبعد على عائلته ...

كانت مستلقية على فراشهم ... لابسة قميص من قمصانه.... وكاتشوف ف السقف بشرود .. وابتسامة حالمة ماكاتفارقش شفاهها ..

ماتقدرش تنكر انها اي لحظة دوزاتها معه فهاد الأيام كانت أحلى من العسل ... كل دقيقة كاتخليها تشعر بالندم على الوقت لي كان بإمكانها تعيش هادشي و كانت كاتحجج بالعرس ..

مشاعر حميمة زادت قرباتها منه بشكل غريب وقوي ....

حاولات ما أمكن تنسيه فالهم الثقيل لي هازو على اكتافه.. ومايتفكرو والو ...

لكن شحال ما بقا غايجي النهار لي خصو يواجه كلشي ... وأولهم زهرة وجدها ...

تنهدات بصوت مسموع فنفس اللحظة لي خرج عصام من الحمام ... لاوي على نصو منشفة ... ووحدة اخرى دايرها على كتافه ..

جلس على الفراش تقريباً جنبها .. كان مازال كيمسح بالفوطة .. عاد انتبه لها ...

دور وجهه وشاف فيها .. لقاها ساهية ويمكن ماراداش البال ل حتى واش خرج من الحمام ... حسات غير بأصابعه الطويلة كايدوزو ببطئ على فخدها ... الشي لي خلاها تحس برعشة تسري على سائر جسدها ..

جمعات رجليها بحركة لا ارادية ..عقدات حاجبيها ... وتكلمات بنبرة طفولية ...

نجمة:~ ايييه ...

حرك عينيه .. ورجع باش يحط يديه عليها ...

عصام:~ اشمن ايه ... (ابتسم) ريحي ..

جمعات رجليها مرة اخرى ... هبطات قميصها على فخدها ... وناضت باش تقاد ف الجلسة ... كانت مربعة رجليها ... ردات شعرها اللور ... وتأففات بصوت مسموع ..

عقد حواجبه باستغراب ...

عصام :~ مالنا ؟؟ مابغيتيش نقيسك ؟

تنفسات بعنف ...حركات راسها بنفي لكلامها ... وناضت من مكانها ...

نجمة :~ لا ... ماشي هاكاك ..

مطات شفايفها ... وملامحها تبدلو بشكل مفاجئ ....

رد لها البال وحيد المنشفة لي على كتفه بنرفزة...

عصام :~ و شنو ؟ واش ندمتي ولا اش ؟

دارت يدها على خصرها وضيقات عيونها الزرقاوين ....

نجمة:~ ندمت ؟.... علاش اندم مثلا ؟

هز كتافه .. ورد بنفس النبرة المتسائلة ..

عصام:~ حيت ماكنتيش باغا هادشي يطرا قبل العرس ...

غمضات عينيها ..زفرات بصوت مسموع وهي كاتحرك راسها ..

نجمة:~ عصام ... ! انا ما نادماش .. وعمري غاندم.. (قضمات شفتها السفلية وهمسات بخفوت) مادرنا انا وياك حتى حاجة حرام ..

ضرب يد فيد .. وابتسم بطول ..

عصام:~ هاه ! شفتي فلخر رجعتي لكلامي ..(غمزها) هادشي لي كنت كانقول لك من شحال هادي ..

رجعات حركات راسها مرة اخرى ... ومارداتش على كلامه دارت كاتجمع الغرفة بعصبية ... لي هزاتها كاتزدحها .. ولا كاتحطها بجهد ...

كاتشتم اي حاجة قدامها و هو جالس فمكانه مراقب افعالها وتحركاتها باستغراب....

قطب جبينه ...تنفس بحرارة ... وناض من مكانه اتجاهها .....

عصام:~ هادشي بزاف ...( غمض عينيه وفتحهم بصبر) نجمة ! What’s wrong with u dude ؟ [ شنو واقع لك ا صاحبي ؟ ]

لاحت اخر حاجة هزاتها ... ودارت كاتشوف فيه ...

ارتجفو حدقتيها .. ردات بنبرة باهتة ....

نجمة:~ عصام ... خصنا نرجعو ..

هز حاجبه الايسر ..

عصام:~ صافي ؟ هادشي لاش محيحة ؟ اوكاي .. (بقا وجهه جامد ... سكت شوية) لابغيتي نرجعك غانرجعك ... تسناي نلبس حوايجي .. !

مشى حل البلاكار ديالو بنرفزة

قربات منه وكملات هضرتها...

نجمة:~ لا ... قصدت انا و نتا ا عصام ...خصنا نرجعو .. (قطبات جبينها وحطات يديها على مرفقه) خصك نتا ترجع القبيلة .. هشام ديما كيسولني ... والحالة د ماماك ماشي تال ليهه ...

حيدات يديها بتردد ... وبعدات شوية . عاد كملات بخفوت ...

نجمة:~ وجدك حتى هو ....

مع جبد حوايجو ..... زدح الباب د البلاكار بالجهد... حتى قفزات من بلاصتها .. ورمشات عينيها... ابتلعت ريقها وحسات بقلبها كيضرب بعنف .. منين شافت عصام جاي معصب ...

عصام:~ هنينا ...

مررات لسانها على شفايفها .. وهضرات واخا تخلعات ...

نجمة:~ كيفاش نهنيك ؟

دار عندها و هو مخرج عينيه فيها ..

عصام:~ هنينا هي هنينـا ... مابغيتش نهضر على هادشي خليني مريح طرونكيل مع مخي...

حطات يديها على قلبها وقربات منه بتردد ....

نجمة:~ شحال قدك تهرب ا عصام ؟ شحال قدك تخبا ... واش ديما غاتبقى مبعد ...

زير على قبضة يديه ... ورد بصوت عنيف ....

عصام:~ ماشي شغلك ا نجمة...

لهثاث بعصبية .. وبلاما تزيد معه كلمة وحدة ... كانت خرجات من الغرفة وزدحات الباب بغضب حتى تسمع الصدا ديالو فالدار كاملة ..

زفر مرة اخرى ولاح الحوايج لي فيديه بعصبية ...حتى ظن بأنهم تجاوزو أمر العائلة .. والموضوع المتعلق بالرجوع ديالو ...

رجعات مرة اخرى عكرات مزاجه ... وجبدات له هادشي لي كيحاول يقصيه من تفكيره كل ليلة ..

عرفها اتكون تعصبات على آخر جملة قال كثر ما تعصبات على ردة فعله على الأمر ..

لبس ملابسه بالخف... وخرج من الغرفة .. سمع الصوت منبعث من المطبخ ..

كانت تماك كتجمع الماعن لي تجمعو ... وكاتحطهم بعصبية وتزدحهم بجهد ...

حبسات واحد اللحظة ... دارت يديها على الرخامة .. وحنات راسها ...

ماكانش عارفها شنو كادير بحكم كانت عاطياه بالظهر... وحتى شعرها مدرق عليه ..

قدر يسمع غير صوت تنفسها .. جسدها كيتحرك بعنف ..... وبعدها شهقات بصوت منخفض......

ماحساتش بيه باش دخل ... عقد هو حاجبيه بقلق .. و خطى خطوتين .. حتى قرب لها ونزل يديه بهدوء على كتفها ..

عصام:~نجمة...

هزات كتفها حتى حيد يده وخدات يديها دايراهم على وجهها ....

غير من صوتها المخنوق قدر يعرفها كاتبكي ..

نجمة:~ بعد مني ..

دورها ديك الساع ونزل يديها من على وجهها.. انفها وعيونها بزوج بيهم كانو حمرين ... شهقات .. وبقات كاتشوف فيه بعيون باكيين ..

عصام:~ مالنا ؟ لاش دابا هاد البكا ؟ واش ضروري تبكي دابا ؟

مطت شفتيها ..بقات كاتهز كتافها .. ومررات لسانها على شفتيها المتورمين ..

نجمة:~ امم.. بعد مني ..صافي ....

تنفس بغضب مكبوت .. وهز يديه كيمسح لها وجهها ..وهي كملات كاتهضر..

نجمة:~ ياك بغيتي نهنيك !وا بعد مني باش نيت تتهنى مني..

شاف فعينيها و خنزر..

عصام:~ اتسكتي لا !؟ را غانسلخ حسك داك الساع حتى لا بكيتي عندك علاش ..

سدات فمها وبقات كاتعوجو.. حبسات هي من البكا وبعد يديها وهو كيشوف فيها..

عصام:~ كنا هانيين ا صاحبي .. دوزنا سيمانة بيخير .. جيتي حتى لدابا ورونتيها .. ( تنهد بعنف) خلينا هانين ...

ماجاوبتش .. بعدات عليه وعطاتو بالظهر .. دارت راسها باغا تكمل على شغالها ...

عاود دورها مرة اخرى لعنده وشدها من كتافها بزز ..

عصان:~ شنو !! .. ماغاديش تجاوبي ؟ اتخليني كانهضر بحال الحمق ؟

استمرت بهز اكتافها .. تنترات منه وخرجات من المطبخ بلاما تجاوبه ..

وقف فالباب وبقا مراقبها ..مني قربات تدخل الغرفة تكلم بصوت مرتفع...

عصام:~هذا ما سويت عندك ؟ ماغاديش تبقاي تجاوبيني ؟

دارت شافت فيه مخنزرة ... وقلبات عينيها.. وصلات للباب فتحاته ودخلات ..

قبل ماتسدو رجعات شافت فيه ونطقات بصوت مخنوق ..

نجمة:~ بغيتي نهنيك ! هانا مهنياك .. غير بعد مني ..

سدات الباب بجهد ..

بلا مايحس .. كانت ابتسامة مرسومة على وجهه تصرفاتها الطفولية كيخيلوه ينسى مشاكله ... و يضحك بلا مايشعر.. واخا هاد الضغط كله لي عايشين فيه ...

صبر واحد زوج دقايق حتى تبرد .. عاد رجع تبعتها ...

دخل لعندها.. كانت بدلات قميصه .. ولبسات حوايجها ...

عصام:~ فين غادية ؟؟

كانت حادرة راسها كتقلب على شي حاجة فصاكها .. جاوبت بلاما تشوف فيه

نجمة:~ فحالي ..

جا حداها و حيد لها داكشي من يديها ..

عصام:~ كيفاش غادية فحالك ؟؟

هزات حاجب واحد فيه وخدات داكشي لي خدا لها بعصبية ....

نجمة:~ كيف سمعتي ... انا ماغاديش نبقى هربانة معاك ... (هزات كتافها) الا كنتي ماغاديش ترجع ...

ابتلعت حروفها منين لون وجهه بدا كيتغير من اللون العادي للون الاحمر القاتم... العروق بداو كيبرزو ف وجهه.. وتنفسه كيولي زفير حار ....

الشي لي خلاها تتراجع خطوتين للخلف..وتبلع ريقها ..

رد بغصب ....

عصام:~ انا ما راجعش لديك القبيلة د المرض..وبغيتي و لا مابغيتيش ماعندك فين تمشي بلا بيا ...

حاولت تهضر ولكن لسانها كان ثقيل عليها .. رجع هو كيكمل كلامه بنفس النبرة..

عصام:~ مابغيتيش تبقاي هنا ... اوكاي..غانمشيو غادي نمشيو لفين ساكنة ..رجلي برجليك .. ولكن بلاما تحلمي نمشي مازال لقبيلة ... ( شدها من معصمها وهز راسه كيحاول يهدأ أعصابه) هادشي كيعنيني غير انا ا نجمة .. فهمتي ؟ ماتحكريش مازال عليا ... ماباغيش هاد الساعا .....

انهى كلامه وهو كيلهث ... دوز يديه على شعره بغضب .. وخرج من بعد من الغرفة بدون مايعطيها الفرصة فين تتكلم ولا تجاوب ...

حدها سمعات صوته من برا كيوجه كلامه ليها ...

عصام:~ جمعي داكشي لي خاصك باش نمشيو ..

الطريق كلها و هوما ساكتين ... ملي ركبات دورات وجهها.. دارت السماعات ف وذنيها.. تكات على زجاج النافذة وغمضات عينيها ..

ماكانتش باغا تتكلم معه مازال كاتحس براسها وصلات للحد الاقصى .. والا تزايدو ف الهضرة بزوج هي لي غاتهرب و تخليه بوحدو .. وغايرجعو لنقطة الصفر مجدداً .....

هو الاخر ماعاودش هضر.. خلاها على راحتها ... كان محتاج اصلا دقائق اضافية باش يزيد يفكر .. و كان ممتن لهاد السكون لي كان محيط بيهم ..

غير حسات بالسيارة وقفات ..حلات عينيها وحيدات السمعات من وذنيها .. دارت تيليفون فصاكها ...

حلات الباب وبلاما تشوف فيه هضرات

نجمة:~شكرا على التوصيلة ..بسلامة ..

مني خرجات من السيارة وسدات الباب سمعات الباب تسد من الجهة الأخرى ... لقاتو خرج حتى هو ..

تقدم ناحيتها وسمعات صوت اغلاق السيارة.. عقدات حاجبيها بتساؤل..

نجمة:~ فين غادي ؟؟

كان وصل حدها ... حط يديه اسفل ظهرها و زاد بيها ..

عصام:~ داري مرونة .. ( شاف فيها و ابتسم ) i guess i’ll stay here with you ..

[ كنظن غانبقى هنا معك ] .....

جلسات على طرف الفراش .. كتشوف ف هاتفها وابتسامة رضى كتعلو وجهها ..

كتشوف رقم هشام على الشاشة وكتجاهلو عن عمد ... واخا قلبها متلهف باش يجاوب .. لكن حاولت تكبح مشاعرها بقسوة .. وحبساتهم بين قفصها الصدري ....

الليلة فاتت يوماين ...وعارفاه كيعيط لها باش توجد راسها ياخذها واخا مشا الحال .....

باغيا ترجع وفنفس الوقت ماباغياش .. حتى يعرف معنى تبعد عليه ... !

غير دقائق حتى سمعات صوته الرجولي قدام باب غرفتها مخلط مع صوت أمها .. استنتجت أنها كترحب به ...

دق قلبها بقسوة وعنف ...

تقلبات للجهة الاخرى ...تغطات بالزربة .... وحاولت تغمض عينيها قبل مايدخل ...

مع تفتح الباب توقعات أمها لي غاتسبق ... لكن صدى خطواته الثقال وصوت الباب لي تسد خلاوها تتحرك بدون شعور ... وعرفات انه هو لي معها بوحده .. !

سكت لمدة طويلة ... انفاسها كانو كيتسارعو فحلقها... عاد همس بخفوت ...

هشام:~ ناعسة ؟

زادت تغطات وتقلبات عنده .. دايرا راسها يالاه فتحات عينيها .

بلعات ريقها وهمسات بنعاس ....

سيدرا:~ آ .. آ ... شنو واقع ؟ امم (هزات تليفونها ) كنت ناعسة ..

قضم شفته السفلية ... شاف فيها بشك وقرب ...

هشام:~ مك قالتي لي عاد دخلتي تنعسي ؟

بللات حلقها ... خرجات عينيها وكملات فالكذبة ...

سيدرا:~ ااه كنت ناعسة ..!

كبت ضحكته .... كان وصل عندها وهضر ..

هشام:~ ناعسة وشاعلة الضو ؟ (رفع حاجبه) كنعرفك عزيز عليك الظلام ؟

دورات عينيها يمين وشمال ... ورجعات شافت فيه ببراءة ... كتحرك رموشها بثقل ...وكتجمع الحروف فجوفها ....

جلس على طرف الفراش ..

هشام:~ علاش ماكتجاوبيش على تليفونك ؟

مع سؤاله .... احنى وجهه ... حتى باسها جنب فمها .. وخلا وجهه قريب منها ...

ردات بخفوت....

سيدرا:~ حيت ماسمعتوش ...

حواجبه تعقدو .. ورد بنفس النبرة ...

هشام:~ هو قدامك ....

خرجات عينيها ملي بعد شوية ... وناضت جلسات ...

سيدرا:~ اوا حيت مابغيتش وصافي ...

تقادت فالجلسة وربعات يديها تحت صدرها ..

زفر بصبر وصغر عينيه ..

هشام:~ شنو كاين عاوتاني ؟ مالنا بدينا بالعناد ؟

نفخات فمها ... ورجعات مطات شفايفها ....

سيدرا:~ عقلتي الايام لي فاتو باش كنتي فالمدينة وكنت كنعيط لك وماكنتيش كاتجاوب ؟ (رفعات حواجبها) ولا ماعقلتيش ...

مسح على لحيته ... وعض على فمه ..

هشام:~ كتردي الصرف زعما ؟

ميلات شفايفها ببرود وقلبات وجهها ..

سيدرا:~ ااه .. يالاه ..

ضحك ... وشاف ف هاتفه ...

هشام:~ برهوشة .... ( ناض وغمزها بخفة ) لبسي حوايجك باش نمشيو ..

بقات جالسة ورفعات حواجبها ...

سيدرا:~ لا ..

قطب جبينه ورد ببرود ...

هشام:~ كيفاش لا ؟

تلاعبات بلسانها داخل فمها وحركات راسها بنفي ...

سيدرا:~ لا هي لا .. ماراجعاش معك ..

زفر بنفاذ صبر ... وقرب حتى شدها من معصمها ...

هشام:~ سيدرا ..!

شافت فيديه .. وردات بنفس النبرة دياله ...

سيدرا:~ بلاش ماتغوت عليا دابا .. ( قربات لطرف الفراش وجلسات .. جامعة رجليها وكتهضر فنفس الوقت ) نتا براسك لي قلتي ليا سيري لداركم ولا لا ؟ وصافي ها انا فدارنا دابا !

تنهد بكبت ... وعاد قدر يفهم ردة فعلها فاخير صباح باتت فالدار ... كانت باغيا هادشي من الاول .... وأمها ماكانتش مريضة ..

رد باستغراب ...

هشام:~ امتى قلتها لك ؟

غمضات عينيها ... وحاولت تسيطر على تنفسها ....

سيدرا:~ شوف نتا امتى قلتيها ليا ؟

دار يديه ف جيبه .... والأخرى حطها على لحيته ...

هشام:~ برهوشة فعقلك ...

لعبات برجليها فالأرض .... وضحكات باصطناع ...

سيدرا:~ لي فات ماكيتنساش ... اوا صافي ..

ربعات يديها ملي مادار تا ردة فعل ..

عضات على فمها كتشوف فيه .. وكتحاول تحلل نظرة عينيه ..

سيدرا:~ صافي بغيتي نتفارقو نتفارقو اخويا ... نتا لي قلتي ليا سيري لدراكم .... ولا لا ؟

شافت فيه مرة اخرى كتستناه يجاوبها .. لقاتو باقي واقف ... وكيشوف فيها بنفس الطريقة .. بدون اي اجابة

مانجحاتش تخليه ينفاعل ....الامر لي خلاها تتعصب هي بلاصتو .....

سيدرا:~ وحتى دابا باقي يالاه فات عشرة ايام على هادشي ... (ميلات حاجبها الأيسر ) واخا كان يوقع لي وقع ماتقولش ليا غانسيفطك لداركم .. ولكن دغيا بغيتيني نمشي ... ماكنهمكش وغير زايدة عندك .....

خلاها حتى سالات عاد حرك راسه بقلة حيلة وعدم اهتمام ..

هشام:~ نوضي لبسي حوايجك ... مشا الحال ....

سكت شوية ملي احمر وجهها بشكل واضح من تجاهله واضاف ببرود ...

هشام:~ لبسي مزيان الليل والجو بارد برا .. ( عقد حواجبه ملي بقات جالسة ) سيدرا !

عضات على فمها ... وحركات راسها ....

سيدرا:~ الا .... لا ... ماغانرجعش معك ...

سمعات زفرته العميقة وبعدها خطواته حتى وصل لعندها..

هز لها ذقنها وثبت عينيه ف عينيها وتكلم بنبرة حاسمة ..

هشام:~ غاترجعي .. وغاتنوضي تلبسي ..!

شتات نظراتها ... ونفخات شفايفها ...

سيدرا:~ لا .....

رد لها وجهها لعنده ... بإبهامه داعب ذقنها ..... وتكلم بنفس النبرة ....

هشام:~ غاترجعي .. !

زمت شفتيها بامتعاض .. وغير بغات تجاوب ... كان حيد يديه .... وهز راسه كيضحك ....

هشام:~ مولف على هبالك خمس أيام فكل شهر ..

عرفاته كيقصد لها الدورة الشهرية .. والهرمونات لي كل مرة مخربقين حالتها النفسية ....

الاحمرار زحف على خدودها .. وهزات ذقنها بكبرياء ...

سيدرا:~ اه .. علاش غانرجع معك ... اه اصلا نتا مزوج بيا بلا خاطر ... وغير بالصدفة ...

تلاعب بلسانه داخل فمه .. وكيشوفها علاين تبكي ..

تحنى على ركابيه .. وشد فيديها بيد واحدة ....

هشام :~ واخا ... (رفع لها ذقنها حتى ولاو عينيهم مقابيلن) توافقي تزوجي بيا ؟ هاد المرة بالخاطر ماشي زواج بزز !

فغرات فمها ... وزفرات نفس مرتجف من صدرها ..

عينيها برقو ماشي بالدموع هاد المرة بشعور عميق نبض داخل كيانها ...

ردات باستغراب .. وبنبرة هامسة ...

سيدرا:~ نتزوج بيك ؟

هز راسه ... وخلا إبهامه كايتسارا على ذقنها ....

هشام:~ وبخاطرك ؟

حطات يديها على فمها .. وهزات راسها بدون شعور ب لا وعاودت حركاتو ب اه ..

ابتسم من ردة فعلها ... وغمزها ..

هشام:~ جاوبي دغيا !

حركات راسها ... ووصلات يديها دارتهم ورا عنقه .. كتكلم بخفوت ..

سيدرا:~ والا قلت اه ؟

رد بصوت أجش ..

هشام:~ غانتزوج بك !

اخفت ضحكتها ... وهزات حواجبها ...

سيدرا:~ والا قلت لا ؟

ضحك من هبالها ... ورد فنفس اللحظة وبنفس النبرة ..

هشام:~ غانتزوج بك حتى هي ..!

هزات كتافها .. وميلات شفايفها باستنكار ....

سيدرا:~ وانا غانكون ماباغياش ..

شاف فيها .. وضيق عينيه ....

هشام:~ غانسخلك وغاتقولي اه بزز ...

حيدات يديها .. وعقداتهم تحت صدرها مرة اخرى ....

سيدرا :~اوا صافي لا ..

ضحك .... وبحركة وحدة كان ردها على الفراش .. ووجهه كيطل عليه ...

مرر لسانه على شفتيه وقرب وجهه ...

هشام:~ لا ؟

خرجات عينيها وهزات راسها بإيجاب ...

سيدرا:~ سمح ليا حيت انا مزوجة بشيخ قلبي .. (قلبات شفايفها) وراجلي ماكيخلينش نهضر مع البراني ..

بقا على نفس الوضعية ... عينيه كينتاقلو بين وجهها حتى كيوصلو ل فمها وعنقها ... ونفس الابتسامة مرسومة على زاوية شفتيه .....

شافت جهته وضحكات بخفوت ...

سيدرا:~ ولا عرفتي شنو نوض سير خليني تا نفكر ونرد عليك ..

هز راسه بقلة حيلة وهمس اسمها بين انفاسه ...

هشام:~ سيدرا ...

ردات بلهاث ...

سيدرا:~ نعام ؟

زير على جفونه .... وكرر كلامه ....

هشام:~ لبسي حوايجك نمشيو ..

هزات كتافها ... ويديها لي كان شادهم فوق راسها حاولت تحركهم ...

سيدرا:~ وباقي ماجاوبتك الزمر ...

علا حواجبه وضحك ...

هشام:~ يالاه كنسمع جوابك ...

غير بغات تهضر سمعو صوت خطوات نزهة مع الباب ... عدل وقفته ... وهي ناضت من الفراش دغيا .... بحالا كانت واقفة ....

فنفس اللحظة لي دخلات فيها نزهة توردو خدودها ... وتكلمات محرجة ..

سيدرا:~ امم ماما ... (تحركات خطوتين وشتات نظراتها) غانمشي .

ابتسمت لها نزهة وشافت ف هشام ...

نزهرة :~ جلس تبات اولدي ..

رد لها هشام الإبتسامة وهز راسه ...

هشام:~ مرة اخرى ان شاء الله ..

اومأت له براسها ورجعات خرجات ... بقا واقف كيشوف فسيدرا ..

قلبات شفايفها ... وابتسمت ...

سيدرا:~ صافي موافقة .. (عوجات فمها وحطات يديها على صدرها ) شفتي قلبي شحال كبير ....

رد بمكر ... وعينيه على عينيها ...

هشام:~ وهاد صدرك كبير وكيتسع لمشاكيلي ؟

ردات شعرها ورا وذنيها وناضت كتجمع فحوايجها بافتخار ....

سيدرا:~ اه ...

ضحك .. وبقا واقف ...

هشام:~ حيدي تريكو نشوف ...

حطات يديها على قلبها مجددا ... وضحكات بدون شعور من جملته ....

النهار داز عندهم طويل نوعاً ما .... نجمة ماكاتهضرش مع عصام ... وهو ماحاولش يهضر ... خلاها على راحتها ... الكلام لي جمعهم قليل.... كانت غير كاتعيط عليه باش ياكلو ... لا غير ....

تقريباً التاسعة مساءا.. كانت واقفة فالمطبخ ..

جمعات الروينة كلها .. وخرجات ...

لقات عصام مازال جالس فالصالون ... كيتفحص بعض الكتب كانو عندها فوق الطاولة باهتمام ...

غير خرجات ميل شفايفه بابتسامة ...

عصام:~ ساليتي ؟

دورات عينيها ... وحاولت تخلي وجهها بدون تعبير ....

نجمة:~ اه ...

تنهد واشار لها ...

عصام:~ اجي ...

بقات واقفة كتشوف فيه ...رجعات زفرات بارتجاف ....

نجمة :~ فيا نعاس .. تصبح على خير .. ( قربات خطوتين وهزات كتافها ) ااه وتقدر تاخذ الغطا من البيت لاخر الا جاك البرد ...

عينيه انزلقو عليها وهمس باستغراب ....

عصام:~ غاننعس هنا فالصالون ؟

مطات شفتيها ... وردات بنفس النبرة ....

نجمة:~ ياك عندك دارك ؟

تكلم بجدية .... وعينيه عليها ...

عصام:~ داري مرونة ...

بلعات ريقها .... وحطات يديها على قلبها ....

نجمة:~ ساهلة تقدر تجمعها ..

ناض وهمس بنفاذ صبر ....

عصام:~ نجمة ...

رجعات خطوتين للوراء .. ونطقات بخفوت .....

نجمة:~ ماشي شغلي !

قالت جملتها وانسحبت ...تمدات ف فراشها .. الضو طافي ف البيت غير المصباح الصغير لي جنبها لي كان شاعل ..

كانت كتسمع صوت خطواته قدام الباب .... اول شيء توقعاته هو غايمشي بحالو .. ويقدر يفكر ف كلامها ..

لكن صوت الباب لي تحل خلا ظنونها يتلاشاو .. عرفاتو باقي معها ... بلا ماتلتف عنده ... بقات كاتشوف فيه غير بنص عين ... بان لها نصل قميصه .. وبقى غير بالشورط ..

تكى على الفراش وصوت تنفسه هو لي قدرات تسمع ... حسات بيه تحرك وقرب منها شوية ..

زيرات على جفونها تدعي النوم ..

حسات غير بيديه على خصرها ... واصابعه الطويلة بدات كاتحفر حتى وصلو لبطنها ...

كانت يديه باردة الشي لي خلاها تدخل كرشها بدون شعور بشهيق عميق .....

ردة فعلها الغير مقصودة خلاتو يعرفها فايقة ... زفر بعمق ... وجرها لعنده ... دفن وجهه فعنقها .. يديه كيلعبو ف كرشها..

خرج من فمها نفس مرتجف ... ودقات قلبها تسارعو ... ماباغاش تستسلم ليه بهاد السهولة ... واخا كيسيطر عليها بقبلة واحدة ...

ابتلعت ريقها و دارت عنده ...

تكلمات بلهاث وصوتها كان منخفض ...

نجمة:~ شنو كادير .. !

غمضات عينيها ... ووجهها كان قريب لوجهه غير سنتمترات قليلة لي كانت كاتفصلهم ....

عصام:~ i want u .. مانقدرش نتفرق عليك ..

تنفسات بارتعاش ... ومررات لسانها بخفة على شفتيها ..

نجمة:~ انا...انا وياك مخاصمين ...

قرب لها هو كثر .. وخدا شفتيها بين فمه بطول مخليها تبلع كلامها .. عاد رجع بعد باش يرد عليها ..

عصام:~ واخا مخاصمين ... هادشي مامخاصمينش فيه ....

قربها لعنده وعينيهم بقاو متاصلين .... دخل يديه تحت قميصها .... وهمس بعنف ...

عصام:~ خلينا هانين .... غير أنا ونتي .. باغي غير نرتاح هاد الساعة ...

أنات بصوت مسموع ملي زادو يديه كيطلعو فظهرها .. ببطئ ... وكيشوف فعينيها عن عمد ...

عصام:~ I love you ...

ابتسمت ملي ابتسم حتى هو وأومات بالإيجاب ...

حسات بعدها بتنفسه الحار كيكتم تنفسها ومجددا كلامها ضاع بين جدران فمه ..

يديه كانو كينزالقو على جسدها مخليها تضيع .. وماتفكر والو ... من غير انه معها وكيسند ضعفه عليها ... وبجنبها كيحاول يتجاوز الحقيقة لي عرفها ...

كان كينازلها عاطفة قوية عمرها ف حياتها عرفاتها الا معه و فحضنه ....

يمكن تغضب ... تكابر ... تغوت ... ولكن معه ماكتقدرش .. كاع المشاكل ولاو كيبانو لها مجرد نقطة ف سطر خصهم يتجاوزوهم بجوج ...

بعد جولة حب طويلة ... انهكت عاطفتها وهو كذلك .....

كانت ناعسة نجمة على كتفه العاري ... ويديه كيلعبو فشعرها ... وكيعاودو يهبطو جهة شفايفها كيضغط بطول وببطئ باش ماتفيقش .....

النعاس طار عليه.. يمكن بان بحالا متجاهل الامر لكن جملة نجمة كاتردد فمسامعه .. زهرة عيانة ..مريضة..

على الرغم من غضبه منهم كاملين.. باقي ماسمح ليهم ..واخا زهرة ماشي امه البيولوجية .. عارف راسو عمره غادي ينكرها... كاتبقى امه .. المرا لي رباتو... المرا لي عمرها دارت الفرز بينه وبين ولادها لي من صلبها... غير هادشي كفيل يخليها تكون أمه ....

لكن ماقادرش يتجاوز حقيقة انهم كلهم خباو عليه... باغي غير يتقبل الموضوع .. عاد يقدر ديك الساع يرجع باش يحل كل حاجة فوقتها وبطريقة صحيحة ...اما دابا جميع المبررات غاتبان له واهية وبدون معنى ...

ماباغيش حتى يعيط ولا يسول عليهم .. حتى من هاتفه بقى طافي من داك نهار ..

ماعارفش كيفاش يتصرف ..!

زفر بكبت ..وعيونه انزلقو ناحية نجمة .. واخا كان باغي يبعد و لكن حاس براسه باقي قريب منهم ... هاد السيمانة كانت غير مهدئ لجرحه لي ماقدرش يندامل ... واخر حواره مع نجمة رجعات فتحاته ليه ...

حيد ليها راسها بشوية وحطه فوق المخدة ... تحركات من مكانها وهي مازال ناعسة.... تسناها حتى تستوات .. عاد تحرك ل الشرفة ..

كان كيدخن سيجارة تلو الاخرى... كينفث دخانها قدامه وكيراقبه كأنما همومه كيخرجو مع الدخان ..

فنفس اللحظة نجمة حلات عيونها بثقل .. لمحات عصام فالشرفة كيدخن ... و رجعو عيونها تسدو تلقائيا...

من بعد لحظات سمع رنين جاي من داخل الغرفة ... ضغط على السيجارة حتى طفاها و تحرك للداخل ...

كانت نجمة كاتحرك بانزعاج ... رنين الهاتف يمكن صدعها .. حلات عينيها مرة اخرى .. قبل ماتستوعب الامر..

حط عصام يديه على خدها باسها فوق بشرتها وهمس فادنيها ..

عصام:~ غير نعسي ...

هز التلفون وحبس ليه الصوت بلاما يقطع... شاف اسم هشام مكتوب اعلى الشاشة..

بقى قابطو و خرج ثاني للشرفة..

مع اخر رنة .. جاوب .. ودار الهاتف على اذنه بلا مايهضر..

انساب صوت هشام الهادئ من الجهة المقابلة ..

هشام:~ نجمة .. ياكما فيقتك ؟

ابتسم عصام بسخرية ... وجاوب بنفس النبرة ....

عصام:~ معيط فهاد الوقت وكتسول واش مفيقها ؟؟

قدر عصام يتخيل الصدمة على وجه هشام .. غير من نبرة صوته مني نطق باسمه باستغراب ..

هشام:~ عصــام !!! ...

ثانية فقط لي احتاج هشام باش يستوعب الامر .. نطق بزربة ...

هشام:~ فين كنتي ا صاحبي .. عييت مانقلب عليك ..

دار عصام شاف فنجمة لي ناعسة وجاوب بتهكم ..

عصام:~ ملي مالقيتينيش .. يعني انا مابغيتش نشوفك ..

زفر هشام بصوت مسموع ...

هشام:~ عصام ... سمع .. عارف بلي الموضوع ماساهلش.. ولكن ا صاحبي ماديرش هاكا ..

كان باغي عصام يقطع المكالمة ملي سكت هشام ل ثوانٍ ... لكن صوت هشام عاود وقفو

هشام:~ الواليدة من نهار مشيتي و هي كتبكي و باغة غير تشوفك .. و الشيخ شاد الفراش وكيقول غير سميتك ..

انقبض قلب عصام ... ملي تذكرات زهرة بالخصوص ...

زير على التيليفون ... باغى يغوت ويزيد يسول .. و لكن ماقدرش ...

ماقدر لا يسول و لا يقول شي حاجة اخرى .. حتى سمع هشام رجع كيهضر بصوت هادئ وفنفس الوقت كأنه صبره نفذ ..

هشام:~ رجع ا عصام .. و الا كنتي باغي تحاسبنا ... على الاقل كون حدانا و ووسطنا .. و ديك ساع دير لي بغيتي ...

سكت عصام شحال ... ورد ببرود

عصام:~ لا ...

كلمة وحدة لي قدرات تخرج من فمه ..

سمع زفير هشام مجددا ... ورده فنفس اللحظة .....

هشام:~ على الأقل اجي غير طل عليهم ورجع .. غير يرتاح بالهم من جهتك ..

سكت لثوانٍ كيتسنى الإجابة ... حتى ظنه قطع عليه .. ولكن تكلم فآخر لحظة ...

عصام:~ ماغاديش نجي ... مابقى عندي ماندير تما ...

هضر هشام بنبرة حادة ... من بعد مافقد صبره ..

هشام:~ خاصك تجي ... والا ماجيتيش انا غادي نجي نجيبك ...

ابتسامة باهتة ترسمات على فمه .. شاف جهة نجمة ..

عصام:~ واخا دابا نجي ...

و قبل مايسمع جوابه كان قطع تيليفون ...

رجع جبد سيجارة اخرى كيحرق ماتبقى من ذاته .. كأنه كيحرق وجه كله ...

رجع يفكر فكلام هشام .. وكل جملة كتنفذ لأعماقه .. وكتحفر وسط قلبه ....

لقى راسه مابقاش قادر يصبر .. تحرك للداخل ..

كانت نجمة باقة ناعسة .. نزل وجهه وقبلها بلطف ..

رنين الهاتف مابغاش يحبس ... تحركات من مكانها بعدم ارتياح ... حلات عينيها بصعوبة .. كتحس بجسدها عاري تحت الغطا .... ومكان عصام بارد ....

شافت يسارها كتأكد من ان مكانه فارغ وماكاينش فيه ...

دورات وجهها فالغرفة كانت بوحدها فيها ...

قدرات تهز راسها وتعيط باسمه

نجمة:~ عصـام!!

كان الصمت هو جوابها...

ناضت بخفة كتقلب عليه ... كانت كتلبس فالبينوار

مطت شفايفها .. ودارت اتهز هاتفها .. حتى لمحات ورقة محطوطة بعناية فوق منه ...

عقدات حاجبيها ومشات تهزها.. كانت ورقة صغيرة بيضاء .. كاتوسطها كلمات قلال بخطه ...

عينيها هبطو على حروف الورقة بعدم تصديق ...

عصام:~

‏" I need some space

‏. i love you "

[ احتاج الى بعض المساحة

احبك. ]

عاودات قرات الجملة للمرة العاشرة وعينيها كيتغرغرو بالدموع ..

توقف الكون ... وتوقف قلبها عن الخفقان ... عرفات ان عصام مشا وخلاها ...

يتبع...

عشق الشيوخ الجزء 17

محتوى القصة

التنقل بين الأجزاء