لعبة الشطرنج الجزء السادس (الفصل الثاني)

**

🔞  كــــونــــتـــيــســة الدم 🔞

ماكانظنش ماكاينش لي ماتفرجش لفيلم Bathory و واحد الفيلم اخر حتى نعقل على سميتو و نذكرو لكم كايهضر على واحد المرا لاباس عليها كاتقتل البنات لي مزال فسن الشباب و كاتشرب من دمهم .. كلنا تفرجنا ليه و عجبنا ولكن لي ماعارفينش هو هداك ماكانش غير فيلم عادي من وحي الخيال بل كان مستوحى من قصة حقيقية ... قصة ايليزابيث باثوري الملقبة بكونتيسة الدم لي كانت الطبقة المرموقة و من عائلة مالكة من اصل هنغاري عاشت فالقرن السابع عشر أي ف1560م ... واخا كانت عائبتها لاباس عليها بزاف ولكن كانت عندها واحد عمتها سحارة عموما .. هاد ايليزابيث باثوري كانت ذكية بزاف و مطورة ولكن السبب الرئيسي لي خلاها تولي كونتيسة الدم هو الجمال ديالها .. بقدر ما كانت ذكية بزاف كانت زوينة بواحد المقدار كبير انذاك .. تزوجات على سن ل15 براجل محارب عندو 25 " الكونت فيرينك نيداسدي " و داها تعيش معاه فالقلعة ديالو و هاد الزواج ديالها بيه حتى هو كان عندو دور رئيسي فالتحول لي تحولاتو لسفاحة حيت فالفترة لي عاشت مع راجلها كان كايغبر بزاف الشيئ لي خلاها تحس بالقنط و بداك القنط لي كان كايجيها كانت كاتمشي عند عمتها و كاتتعلم السحر و الشعوذة و بطبيعة الحال حتى وحدة من الوصيفات ديالها دعماتها فهادشي حيت كانت سحارة حقيقية فوقاش بداو كايبانو عليها علامات السادية هي فاش راجلها كان كايعاود لها كيفاش كايقتل الاتراك و كيفاش كايقطع ريوسهم .. مع الوقت ولات كاتعمر وقتها بالتعذيب ديال الخادمات كاتجوعهم لأسابيع و ضربهم بسوط و تحرقهم و تقتلهم هادشي كان بمساعدة 3 من الخدم ديالها كانو كايعاونوها .. ديك الوصيفة و واحد الخادم وحداخر و المربية ديالها و ف1600 مات راجلها و هادشي لي زاد ازمها و خلاها تولي وحش نييت .. بعدات ولادها على القلعة باش تزيد تاخد راحتها و من مور ماوصلات للأربعينات ولات واحد الحاجة كاتقلقها و هي الجمال ديالها لي كان كايضيع بسبب التجاعيد و تكامش حاولات تحيدهم ولكن حتى حاجة مانفعاتها حتى لواحد النهار كانت واحد الخدامة كاتمشط لها راسها و قصحاتها .. عصباتها و صرفقاتها حتى رعفات و من سوء حظها تقطر الدم على يدين إيليزابيث فاش مشات تغسل يديها لاحظات بلي البلاصة لي تقطر فيها الدم ولات اكثر نظارة و داكشي لي ماداروهش مستحضرات التجميل داروه قطيرات ديال الدم .. عيطات للوصيفة ديالها باش يجيبو لها ديك الخدامة و قطعو لها الشرايين ديالها و علقوها من فوق واحد الوعاء معدني و من مور ما ماتت الخدامة دوشات بالدم ديالها بقات غادا على هاد المنوال حتى قتلات 650 بنت فقيرة فمدة 10 سنين اغلبيتهم كانو فلاحات كاطمعهم بالخدمة فالقلعة ديالها بخلصة مزيانة شي كانت كاتشرب دمو باش زعما تتحسن صحتها و شي كانت كادوش بدمو باش يدوم جمالها ولكن اجرامها مادامش بزاف حيت طمعها زاد و ولات كاطمع فدم الطبقة النبيلة حيت يسحابلها دمهم حسن من دم الفلاحات .. ولات كاتستدرجهم للقلعة باش زعما تعلمهم اصول التصرف و الحديث بلباقة فالحفلات غير كايوصلو كاتقتلهم و هادشي بالضبط لي جاب لها نهايتها حيت بنادم لاحظ بلي ختافات 25 بنت من الطبقة النبيلة و الشك تحول لقلعة ايليزابيث حتى لواحد الليلة قتاحمو الجنود القلعة ديالها لقاوها تحولات لمجزرة .. اجساد ديال شي بنات معلقين و من تحتهم وعاء و قلبو فلاكاف لقاو بنات محبوسات فزنزانات ... ف1611 وصلات المحاكمة ديالها من مور ماتعرفات هوية الضحايا ديالها دوك الخدامات لي كانو كايعاونوها تعدمو اما هي حيت لاباس عليها و طبقة نبيلة حبسوها فقلعتها بالسجتن المؤبد حتى ماتت فسن ل54

**