عبير: هههه سبحان الله يلاه خرجنا من عندك وقلة غير دكشي لي گلتي لها هو لي خلعها وصدقات بزقة لنا البنت بلا وقت
رقية : هههه لا لا رااااه بهاء الدين لي ركب فيها رعب أو سخن فيها لوجع بلا شوكة ههههه خطار هاد الولد ...
ناردين : يااااك اخالتي حتا انت معهم
رقية : سمح ليا ابنتي ولكن هدشي تيجيب ضحك ....
مريم : ولكن معندي مااا نتسالك اخالتي رقية زعمتي ولدتيها انا فاش هضر معايا بهاء الدين تخلعت حتا گالي رااااه قبلاتها مرات باااا ونااا رتاح شوية حينت عارفة خالتي كااانت فلول قابلة. ...رقية : شحال هدي ابنتي عديني بهدشي من ايامات المرحوم منين كانت مزال الواليدة الله يرحمها فالحياة ومنين عيات وليت تنمشي بلاصتها شفتي كون مكانت ناردين ولادتها ساهلة والله مااا نحط فيها يدي ولكن منين تنشوف راااس بنادم قريب او دغية طرطقات تسگية گالت بلاتي نتوكل على الله راااه متجي فين توصل سبيطار حتا تحطو فطريق وغدي غير تمرت لا هي ولا البنت ولله الحمد على كلشي ربي فكها على خير
كلشي خرج أو بقات غير الفرملية أو مريم هي تتگول لها والفرملية تتقرب لها وناردين تتحس بالألم حينت دارت لها جوج غرزات فالمهبل ديالها وشرباتها شي دوا لها والبيبي ...
مريم : يلاه نوضي على سلامتك غدا راااه غدي نعاود نرجع عندك نطل عليك أو البنت بقاي تعطيها ترضع متخافيش وتگولي متيخرج الحليب وغير الما دكشي مغديش اشبعها رآه محدها هي تتجبد أو هو تيعقاااد أو تيكتار غير عطيهم لها بزوج دبااا رآه شربت لها دوا غير خليها ناعسة حتا تفيق
مريم: منصيبش اصحبتي ونت عارفة لي كاااين يلاه تنمشي الدار نرتااااح باش نصبح تأتي فالعيادة دبا حتا البنت معايا
حفيضة : ومااال البنت حتا هي تبقااا حتا تعشااا
عبير *وشوشات لها فودنها* ادهم لي گلت ليك حتا هو كاااين مع رجاال صبري حتا تشوفيه إلا عجبك نشوف ليك معاه
مريم : واااه ولكن مرة خرى والله مااا نصيب دبا
عبير: مكاين ما حسن من هاد المرة وبقاي حتا يهرب عليك تران
مريم : هههه هارب شحال هدااا صافي خليها حتال شي مرة وديري لنا شي بلان وجمعينا بزوج هاد المرة مشاااات
عبير: مشاااات سيري الله اجيبك على خير رااااه انت لي مشيتي سيري سيري انت راااه فيك نحس والعكس هههه وقتما تتجي الفرصة تتبقاي تهربي
مريم نزلات مع دروج تتجري وعبير تتنگر عليها طلعات فطوموبيل هي والفرملية ومشاااااو او المياء مزال تدور فعينيها بحال لبوياااا....
دار الشافعي عااامرة شي دخل شي خااارج گاع جيران القدام دخلو طلو على ناردين گاع لي سااق الخبار تيطلع حتا تيگول لها على سلامتك أو تينزلو العند دار الحاج الشافعي يشربو اتاي أو الحلوة ويبارك لبهاء الدين زياااادة و يخرجو ناردين طابو لها حنوكها بالبوسان ديال جيرااان هزااات بنتها تترضع فيها حتا دخل بهاء الدين العندها وقرب منها عطاها بوسة فمها ونزل تيبوس فراس بنتو ...
ناردين : واش عبير مشات
بهاء الدين: تعشاو أو مشاو هي وجاسر وادهم أو حتا يوسف ولد رقية
جبدات من تحت راسها 200 درهم كحلة بلگريس مع ميكانيكي ماتو عليه بضحك ..
ناردين : مسكين الله يعطيه الخير هو بوحدو لي زررها فدكشي كااامل
بهاء الدين: مزال غدي تشبع زرورة منين ندير لها سبوع ان شاء الله حتا واحد معطاها شحاجة حينت عارفين غدي اكون سبوع طلعو ليك بعد عشاااك
ناردين : اااه حابتو ليا ماما نقبت شوية منو
بهاء الدين: خصك تاكلي مزيان ماشي تنقبي باش غدي تعيش هاااد البنت بنقيب
ناردين : اوا صااافي من بعد دبااا مفياااش
فااااقت شاامة وهزاتها ناردين تترضع فيها بهااء الدين تيضحك عليها مغمضة عينيها أو فمها حلاه وتتقلب على. راس البزولة غير شداتها بدات تتجبد وناردين عضة على شفايفها تتقصح حينت تتجر الحليب مزياااان بهاء الدين ناااض دخل الدوش دوش وخرح لابس غير سروال ديال سورڤيت فالگري أو من الفوق عريان ودخل البالكون وسد عليه حتا كمااا واحد جوج گاروات باااش يقاااد دماغو ناردين غير نعسات بنتها حطاتها جنبها أو تترجع بزولتها جااا بهاء الدين حط ديك الباكية الگارو فوق الكوافوز مع الولاعة أو تليفون ومشااا العندها هز ليزار غير بشوية وتشخااا فناردين جرها لعندو حتاااا ضهرها زدح صدرو وخشااا وجهو فعنقها أو تيبوس أو يديه تتسارة تتحت البيجامة تيبجغ فصدرها وهي تتغوات وهو تيضحك بعدات يديه أو دارت لعندو أو طارت على شفايفو أو تتبوس فيه حتا حسات بيه سخن أو تيصوووت عرفات بالي سيد معدب دغية بعدات ...
بهااااء الدين: صااافي هدشي لي قدرك عليه الله درتي حتا غير جبدتيني وسخنتيني وهربتي
بهاء الدين: والله كون محشمت حتاااا نفرگعها فموك بااااش تعلمي *جرها مرة خرى وخشاها فيه* مشكلة هدي كيفاش غدي نقدر نصبر انااا 40 يوم كلها هداااا رااااه العدااااب
ناردين تتسمع فيه تيخاصم موراها بحال الهبيل حتا تقطع حسو عرفاتو نعس تبسمات وغطاتو ونعسااات يلاه شد فيها نعاااس حتاااا ناااضت بنتو من جدورها غوتة وحدة كون مكاان بهاء الدين وراها تگول غير هو لي بجغها بيديه طالعة بوحاطية من صغرها رجعات تاني جبدات بزولتها وتتقلب فداك ضلام على فمها حتا لقاتو وخشااات راااس البزولة فمها وشدااتو بداات تاني بجط ..بجط..بجط تترضع ...
اليوم جديد 🌄
فاق بهاء الدين مع الفجر كيف العادة من بعد الليل كامل وهو فااايق مشافش نعااااس مع ديك البعلوكة فاق بعضامو كلهم مدگدگين عليه رمااا شوفة لقاااا ناردين ناعسة بزولتها خارجة أو بنتها حتا هي ناااعسة نعسة ملائكية تگول ماشي هي لي كااانت دايرة ريگاطة البااارح فرح بزاف وقرب البنتو تيبوس فيها أو فيديها صغيورين ناعمين والو ناعسة متحركاتش تبسم و مشااا تاني العند الملاك ديالو لي كانت باينة مهلوكة أو باين على وجها تعب ديال سهير باسها فمها بوسة خفيفة أو حط يديه على بزولتها بغا ادخلها حتا جااه فضول يعرف طعم ديال الحليب گعد فجنبها أو حط فمو على بزولتها أو تيجبد أو تيضحك غير مع راسو بحال الهبيل جاه مداق فشكل ناردين غير حسات بالحليب من صدرها تيتجر فاقت صحابها بنتها حتا صدق مول العقل براسو لي تيرضع وقف وتيضحك
ناردين *بالغوات دخلات بزولتها* ااش كانت تدير ....
بهاء الدين: والو تندوق غير الماكلة ديال بنتي تيگولو بزولة فيها طعام وبزولة فيها الما المهم انا كلت الله يخلف جبدي الخرى نشرب هههه
ناردين *منفوخة* الله يااااربي الله أش هاااد البلية تبليت بها وااااش تسطيتي شكون لي گاليك ترضع دباااا انت وليتي خووو بنتي لا لا باها وخوها أو راااجلي صدقتي ولدي لا لا *بغات تحماق وبهاء الدين تيشوف فيها وميت بضحك عليها *
ناردين : متنساش تسول الفقيه أو شوف أش غدي إگوليك فهاد الكريتة لي درتي
بهاء الدين*تيلبس فوقية* استغفر الله انا ما بيني وبين الشيخ غير كل احترام نوض دبااا نگوليه راني رضعت بزولت مرتي الفقيه واش دارت شي معصية مع لي خلقني وماا حشمتي ههههه
ناردين : وناااا شغلي اااش داك توصل بزولتي
بهاء الدين: وهي لي خاارجة تطل عليا أش ندير لها بصارحة والله العضيم الا زوينة فيها مداق فشكل حلو عليها الليل كااامل وشااامة توعواااااع بغات ترضع ههه
ناردين وقفااات مشات الطواليط قدات حاجتها بصعوبة مع مريم دارت لها الغراز مرتوها و جعات لقااات بنتها تتبكي شداتها حيدات لها ليكوش أو غسلات لها وتتبدل لها حوايجها حتا وقفات حفيضة ...
حفيضة : صباح الخير ابنتي كيف صبحتي وكيف صبحااات لآلة شامة *تتبسوس فيها*
ناردين : هاهي الليل كاااامل ونا تنرضع فيها والو نعاس اماما مشفتو معها
حفيضة : وعلاه غدي تشوفيه باقي هااه اوا لولاد ماشي ساهلين غير سيري انا غدي نكمل لها
ناردين تخشات بلاصتها وحطات لها بنتها فحجرها وحبدات بزولتها تترضع فيها
شوية دخلات رقية ونجلاء وهند*صباح النور
ناردين : صبااااح الخير
هزاتها هند تتبوس فيها
حفيضة : هكاك حطي يديك تحت راسها رآه مزال رغيوة باقي مجامعة راسها
نجلاء : يكما سهراتك
ناردين : والو مشفتش نعاس معها
رقية : ههههه غير تكبر شوية وغدي يتقاد لها نعاس...
نجلاء : هند حطي البنت وسيري غدي يمشي عليك الحال
هند شافت فساعة حطاات البنت وخرجات تتجري...
حفيضة : ديما تتبقا حتا تتزير مع الوقت ..
رقية : گالي الحاج غدي إدير سبوع راااه مشا هاد صباااح اشوف شي 3 البقرات بغا إدير دبيحة على لآلة شامة وگالي غير نبداو نوجدو أو نعرضو على ناااااس
حفيضة: هي هديك نيت بين ما ناردين توقف
نجلاء : من هنا نهار سبت ان شاء الله غدي تكون ناردين واقفة رآه عندها غير البارح واليوم وغدا لي شوية صعاب مع دوك لغراز من بعد صافي
رقية : اوا غير نبداو نعرضو على ناس الحاج تيگول بهاء الدين وناردين مداروش العرس ولكن دبا منين ولدات غدي اكون عرس ديالهم مع سبوع رااااه معول نيت على الحيحة
نجلاء : اوا الله اسخر اوا غير نمشي نزل نجيب الكتاب نبداو نقيدو ناس لي بغيناهم إحضرو على تيساع بااااش مااا نساو حد
رقية: إيه ابنتي غير جيبي الكتاب راااه العائلة كثير عائلة الحاج وعائلة المرحومة عاد نساااب عائلة نجلاء وعائلة حفيضة وعائلة رقية تبااارك الله هدشي بزااااف كثر من 3 البقرااات لي خصو إشد ..؟
ناردين : مكاين لاش بنادم ادير دكشي غير على قياسو متكتروش علينا قوة بنادم بلا فايدة
وصلات هند الفاك ومشااات عند صحباتها تيضحكو حتاااا بانت لهم واحد طوموبيل وقفاااات مطرطقة كلشي تيشوف فجهتها نزلات منها وااااحد صفريطة من عائلة غانية وتتسوط
هند : هدي عيقات علينا كل نهار تتبان بطوموبيل جديدة ...
✓ اوا هي لي جاااات معها رااااه باها عندو شركة ديال طوموبيلا ولكن مالها وقفة ههه وقلة خصرات لها طوموبيل
✓ ناري اصحبتي عينيكم خايبة هاهي سيدة خصرات لها طوموبيل
بقات تتخاصم أو تليفون فودنيها تتهضر حتال واحد شوية وقف وااحد الموتور حداها هند خرجات عينيها منين بان لها يوسف لي تيهضر معها قلبها تزير عليها
✓ اممممم شوفو داك توتوز وخا غير ميكانيكي ولكن بوگوص ههه الله يعطينا غير بحالو گااااع
هند تعصبات تتشوف فيهم من بعيد قريب منها أو تيقلب لها فطوموبيل أو هند كلها تترعد دخلات تتجري الفاك وخلات صحباتها مزال مقبلينهم أو عينيهم غير فيوسف ....
دلال : وااااش تقدات ...
يوسف وقف تيسوس فحوايجو ..
يوسف : صافي اختي غير ديماري
طلعات وديمارات طوموبيل وخرجات فرحانة
دلال: شكرا بزاف شحال عندي اخويا
يوسف : 150 درهم مع بدلت ليك واحد لبياسة أو حتا درت ليك زيت جديدة
دلال ..عطاتو 200 درهم ماشي مشكل اهم حاجة عندي هي تصاوبات
دغية صرف ورجع لها 50 درهم
دلال ؛ لا غير خليها ...
يوسف *قطعها بيديه* بغيت غير عرق كثافي
دلال *عجبها* ممكن تخلي ليا نمرتك
يوسف *بغا يركب فموتور* علاش
دلال : غير باش الا وقفات بيا طوموبيل بحال هكا نتصل بيك بلاما نبقا نقلب على ميكانيك
يوسف حرك لها راسو وعطاها لها ومشا زاف بالموتور وخلا دلال تتشوف فيه بإعجاب حتا غبر ومشات جبدات صاكها من طوموبيل وسداتها أو مشات وهي فرحانة دخلة الحصة فنفس القسم لي كاينة فيه هند ..
نجلاء : والله مبقيت عقلت واش دخلات بركات ناردين داك نهار مع العيالات ولا لا مع كثرت داك البشار تبارك الله لي دخل مبقيتش عقلت غير خليو هدي بلاما تقيدوها حتا نشوف هند إلا مزال عقلها شاد شوية ولا مفضية بحالنا *دخلات هند* اجي جاابك الله يلاه لقيتينا تالفين أو معرفينش وااش عروسة المقدم سي طااهر جااات بركات ناردين ولا لا ...
دخلات هند ديريكت البيتها طالع لها دم
ويلي مال هدي تنهضر معها وعطياني نخال اوا وخا ابنيتي ياااا هند غير بلاتي هاهي فيك حتااا تجيبك الوقت ونتفاهمو ...
حفيضة : صافي خليها ساعتو الله المهم غير نعرضو عليها وصافي وحدة مفيها باس بلاما نعزلوها من وسط جيران ...
*مكان أخر *
غفران كلها تترعد غادية جاية بحال شي حمقة
المياء : بركة راك دوختيني اصحبتي شدي لرض
غفران : نشد لرض على خدمتك زينة حتا حاجة مدرتيها مقادة غير فقصتيني فيك غير الفم بلا معنا..
المياء : لا انت باينة تتقلبي ليا على الحبس وقلة وااااش انت حمقة نهز البنت قدام عينيهم ونگول لهم عفاكم بلاتي غير شوية حتا نهز البنت نسرقها منكم 🤣 زوينة ياك
غفران : اوا منين مقداش على الحاجة لاش تتواعديني لاش
المياء : انا مزال عند وعدي ولكن خاااص بنادم يفكر رااااه 100 تخميمة وتخميمة ولا ضربها بمقص المهم راني مشيت شفت دار وعرفت منين ندخول أو نخرج أو البنت تنواعدك فأقرب فرصة غدي تجيني نقسم ليك فمي بالله حتاااا نسرقها ونجيبها ليك
غفران *فرحات* وناااا غدي نبقا نتسنااا داك نهار لي تكون بنتي بين يدي بفارغ صبر
المياء : مزيان دبا خليني نمشي العيادة مخصنيش نتعطل ونزيدك منين نخطفوها رآه ضروري خصني نهدد باها بشي 50, مليون ولا 100 گاع هههه راااه لباس عليه فاش غدي تجيه قدام حياة بنتو ...رآه من هدشي كامل انا مغدي نطلع مصورة والو حتا خدمتي غدي تمشي ليا اللهم نشد فضربة صحيحة انت تحرقي قلبهم على بنتهم ونا نتمتع بالفلوس ونبداااا حياتي فمدينة خرى بعيدة على مراااااكش هههه اجي ونت أش غدي ديري
غفران : خاصها غير تجي اول حاجة غدي نهرب من هاد المدينة جن الكحل مغدي يعرف فين كاينة أو غدي نعيش مع بنتي حياة جديدة هو عمرو مبغاني أو حتا انا حالفة لا خليت فرحتو تكمل هو وياها ههههه عرفتي أشنو المياء والله ما كرهت نشوف وجهم بزوج منين يلقااااو البنت بااااح هههه وااااو شعور وااااعر...
لمياء : هههه ااااه يلاه هاني مشيت أو غير بداي توجدي قريب غدي نجيبها ليك
خرجات لمياء خدات طاكسي ومشات العيادة
غزلان : سلام شفت هاااد لمياء مبقات گاع تتخوي دار يعلم الله أش تيضور فداك راس
غفران : ونت مالكي هاااادي داري كيف هي دارك ندخل لها ما بغيت
غزلان : عرفنا دارك ولكن هي إلا نزلتي لبواط باش تعاوني معايا على الكرا واش مبقيتيش غدي تمشي ليه ولا أشنو شفتك ولفتي رااااحة رااااه شهر بحال طرشة اليوم ولا غدا تجي مولات الكراااا دارك هي الا خرجتي ضربي تمارا كيف كانت ونا تنشوف صحتك مزيانة يعني مبقا عندك باش تعتادري
غفران : أوووف وااااخ انا غدي نزل لبواط ولكن ماشي اليوم ولا غدا باقي شوية غير المهم غدي نزل غدي نزل
غزلان : اوا امتى بسلامة
غفران : فرااااسك بالي ولا فيك الفريع بزاف حيدي بعدي من قدامي ممسالياش ليك هاد ساعة
خرجات غفرااان ديريكت لواحد البوتيك ديال دراري صغار وبدات تتقدة الحوايج أو گاع دكشي لي غدي اخصها ...
اناردين : حبيبي نوض تعشاااا اوا نوووض
بهاء الدين: ممم
ناردين : (كتلعب فشعرو) بهاء الدين نوض احبيبي تاكل شوية ورجع تنعس... جبدها عندو بيد حشاها من تحتو وحط راسو فوسط عنقها
ناردين : بهائي تعشا ورجع نعس راك مكليتي والو
بهاء الدين: بغيت ناكلك نتي... طار على شفايفها كيلتاهم وهي مسايراه محسو براسهم حتى بقات هي بدوبياس وهو غير بالبوكسر.. فيقهم بكا ديال شامة..
بهاء الدين: (حط راسو على راسها وكيهضر بصوت خافت) كنبغيك
ناردين : وانا كنموت فيك... ناض بهاء الدين وهي ناضت هكاك بدوبياس هزات ولدها وجلسات فوق الناموسية بدات كترضعو جا بهاء الدين كيبوس فعنقها...شامة شافتو وبدات كتضربو برجليها
بهاء الدين: اهياتا شاركتيني فحبيبتي وسكت ماقلت والو مي باش متخلينيش نبوس حتى لهنا سطوب راه نسا بلي انت بنتي ولوح موك من شرجم ...
ناردين : هههههه اناري باغي دابز مع بنتك
بهاء الدين: اوى هي لي بغات تاخدليا حبيبتي
ناردين : الله يخليك ليا.. ياله احبيبي راه البلاطو فيه العشا هزو تعشا ورجع نعس باش ترتاح
بهاء الدين: واخة.. ناض هزو وبدا كياكل وكيوكل ناردين حتى كملو داكشي كامل كانت شامة نعسات.. ناضت حطاتها بلاصتها ومشات باش تحك سنانها لقات بهاء حتى هو كيحكهم... كملو وخرجو
رقية : الله اجيب غير صورة الكاملة وصحة والعافية بحال بحال كيف البنات كيف دراري
حفيضة : دكشي لي كااااين
نجلاء ؛ خالتي رقية فين مشااا الحاج مع صباح بكري
رقية : مدابز تيطلع فالوراق ديال الحالة مدنية الشامة حينت عارف بهاء الدين معندوش مع طلع وهبط فالمقاطعة ....
حفيضة : اوا الله اخلي ليه باااااه
رقية : امين ..
اليوم نهار كبير عند ابطالنا مر اسبوع على ولادة الملاك ديالهم شامة صغيورة بدات ناردين كتولف روتين ديال سهير في ليل و نعاسها المخربق و رضاعة حتى هي شحال من مرة كيديها نعاس و هي كترضع لولا وجود بهاء الدين جنبها كون خنقاتها ماد ليها يد المساعدة كيشدها عليها بليل باش ناردين تنعس اطول مدة ممنكة وترجع قوتها كان بيدو بيديها و معاونين ناردين بدات تتفهم بهاء الدين أو تتعرف شخصيتو أو كتشفات بزاف ديال الحوايج غير فهاد الأسبوع لي ضهرات فحياتهم قطعة منهم بزوج بالي بهاء الدين ماشي غير زوج غيور أو رومانسي لا حتا اب حنون أو عائلتو هي أولاويتو ناردين كانت اسعد وحدة كلشي كان فجنبها أو ويقدم لها يد المساعدة على تربية بنتها وشحال من حاجة مكانتش عرفاها منهم تعلماتها ولالة رقية مهليه فيها بشهيوات مخلات رفيسة و لاحسوة بيض بلدي اي حاجة كتقوي نفيسة كتوجدها ليها...وطلعها
🥰وصل نهار الموعد 🥰
في قاعة كبيرة ديال الحفلات...مزينة بابهى حلة كلشي مقاد و زوين و متول طبالي مزينين بشكل راقي الورد و شموع سقف كلو نازل بالورد الأبيض والغوز تزيين كان روعة الخير موجود مأكولات مختلفة مغربية تقليدية و حلويات و عصائر دغاجي ديال سبوع ...طارت كبيرة مزينة بالابيض و لغوز مكتوب عليها عقيقة بهاء الدين ...بالونات بالالوان مزينة المكان...موسيقى خدامة طرب الأندلسي الحفل في بدايت ناس عمرو القاعة كلشي فرحان...بهاء الدين عرض على كاع ناس وگاع رجال الأعمال لي تيتعامل معهم و صحاب و عائلتو وجيران وگاع لي تيعرفهم كلشي كان حاضر ....واقف بهاء الدين بشخصية الجذابة لابس جبادور بسلهام و صم في لخضر و لبيض مع بلغة صفرة و تقاشر بويض ...جا كيحمق وتاه البلدي شعر مقاد كيبان بحال شي عارض أزياء واقفة برجولية و طبع الهادئ كيستقبل ضيوف و كيرحب بيهم بابتسامة... واقف على كل كبيرة و صغيرة ...اصر على انه يدير حفل عقيقة الولد و منها نيت يحتافل بناردين حيت مداروش العرس كيف كتمنى كل بنت عند بالها غير حفل سبوع مي معارفاش بلي غادي تبرز بحال لعروسات بغا يخليها ليها مفاجئة أقل حاجة بغا يفرحها بيها...بنفسو كلف فريق اعراس و افراح لي وجدو كلشي نكافة و طيرطور ميكاب ارتيست حتى من دفوع تكلف بيه بغا يكون عرس 100/100 مرة مرة كيشوف في ساعة.. كيتسنا فيها تنزل باش يشوفها كيف جات و طل عليه بطلعتها البهية
كتشوف راسها في المراية كملو ليها لمسات الأخيرة
..... تبارك الله عليك طلعتي فنة تقولي عزبة عاد غادي تزوج طاح عليك سر مشاء الله الله يحفظك
لابسة قفطان بالاخضر مايل زيتي عكس لون عينها ...شعرها مجموع من الفوق و نص بقا مطلوق مصاوب بلبابليز مزين بتاج مع الاكسسوار و مشدود بشبكة في ضوغي ديال ...مكياج عروسات كتشوف راسها في لمراية بإعجاب شحال تمنات في نفسها تكون عروسة و تفرح براسها بحال اي بنت وتطلع فالعمارية ولكن مكتابش ولكن الله عوضها حينت اليوم گاع ناس لي معها غدي اشاركوها الفرحة سبوع بنتها
ناردين شافت فعبير لي كانت شادة فشامة صغيورة لي كانت لابسة كسيوة ديال اميرات فلغوز أو أو البيض أو بابيون فشعرها
ناردين ...واش مزال ناعسة
عبير : اااااه ...مداتها ليها .....
ناردين شداتها بين يدها و باستها...
خرجات هزاها وراها عبير و هند وحفيضة و رقية ونجلاء دايرن بيها نكافات كيعشق على نبي كيف قربات باب لقاعة نكافة طلات على لمسات الأخيرة و دخلات بطلعتها البهية خطفة نظرات الحاضرين بداو عيساوة كيردو المديح و كيشطحو نكافات وراها كيصليو على نبي شادة بنتها بين يديها و داخلة دقة دقة
كيف لمحها قلبو تهز من جمالها ساحر غاادة بحال شي اميرة وتاها البلدي و زيانت بحمل شامة بين ايدها ....قربات عندو كتهدى بخطواتها تقال تلفاتو على القبلة ...وقفات قدامو و بتاسمت ليه رمقها بحب وطل على شامة صغيورة قبل راسها ... وهمس فودن ناردين
بهاء الدين : جتي كتحمقي مشاء الله نخاف يحسدوني فيك ...
بتسمات بخجل.... شكرا حتى نتا جتي زوين
بهاء الدين : كيف جاتك المفاجئة اناردين واش عجباتك .....
ناردين : اجمل مفاجئة احياتي انت حرايمي مخليتيني نشك فوالو گلتي ليا غير حفلة بسيطة غدي تكون فدار ونت موجد هدشي كامل *ضرباتو فكثفو* كدااااب طلعتي ابهاء ناري فرحانة و مخلوعة كلشي مخلط عليا القاعة زوينة بزااااااف
.... شدها من خصرها من جنب.....
بهاء الدين...متخافي والو محدي معاك
ناردين: لهلا يخطيك عليا ....
تحطات العمارية وراهم
ناردين شافتها...علاش هادي
بهاء الدين همس ليها ...باش طلعي فيها مدرناش العرس ظروف مسمحاتش لينا....مي اليوم جا الوقت لي نديرو فيه العرس و نفرحو براسنا هاد نهار نهارك احياتي
ناردين تجمع دموع في عينها.....شكرااااا على كلشي ابهاء ناري قلبي غدي يسكوت
بهاء الدين : شوو متبكيش ...
قبل خدها ناسي ناس و شكون حولهم
بهاء الدين: يلاه خاصك طلعي فوق العمارية
ناردين : وشامة كيف ندير ليها
بهاء الدين : .غادي تبقاي شداها
ناردين *دورات وجها العند العبيد * عفاك غير بشوية مزال صغيرة لا طيح
...ههه متخافيش هادي خدمتنا عارفين شنو كنديرو
مدات بنتها بهاء الدين بينما قادوها نكافات في الكلسة رجع عطاها ليها شداتها بين ايدها...و هزوها قلبها تهز من الفرحة و الخوف و توتر نظرات ناس كلشي عليها تصاور كتخاذ ليها من جيهة...بداو عيساوة بالمديح و دراري ديال لهزة كيلعب بيها بمهل و بهاء الدين سابق العمارية ببطء
ناردين كتشير بايدها بايباي لناس مقداها فرحة... ودموع فعينيها وعبير وهند كيلوحو عليها الورد...كلشي ناشط و فرحان كملات دورة العمارية خدا بهاء الدين من عندها البنت ووقفوها...تمشات معاه المنصة فين كاينة البرزة لي في نفس الفقطان لي لابسة كلس و نكافات دارين بيهم كيقادوهم
بهاء الدين : كيف جاتك ركبة
ناردين : ههه عجبااتني ركبة فيها فشي شكل كتحسي براسك طايرة السمااا كتابها عليا الله وجربتها بحال العريسات صافي مغديش يبقا فيا الحال مزال هه
بهاء الدين: قرب لودنها...ااااحح عليك و نشدك اجا مصبرني عليك 40 يوم كاملة
ناردين مدات كفها...عفاك نقشي ليا سميت بهاء وشامة هنا ..... هي لولة .....
بهاء الدين بارز حداها متبع كلشي مرة مرة يهز راس لضياف يحييهم ...غادي نبدا نغير واش نقشتي سميتي و لا سميت بنتك
ناردين ههه كتوريه بجوج بيكم عزاز هانتا شوف
بهاء الدين : مممم واخة....
فمكاان أخور كانت جالسة لمياء مراقبة الحفل أو عينيها غير على البنت أو تتسنا غير الفرصة باااش تسرقها كانت لابسة قفطان أو حاطة مكياجي ثقيل وطالقة شعرها بحال وحدة من المعزومات .....غير كملات الحنة ناردين نوضوها النگافات باش إبدلو لها وخلات بنتها عند نجلاء تبدل لها ليكوش حينت عمراتو قلقها وبدات كسراهم بالغوات
عبير : جتي زوينة جا معاك القفطان فالغوز دايرن بيها نكافات كيعشق على نبي ودخلوها أو جااا بهاء الدين تيضحك شد فيديها أو بقاو غادين وسط طبالي ديال الحضور أو هما تيتعشاو بداو ارحبو بيهم أو ضيوف حتا همااا تيباركو لهم ...
غير كملو جميع طبالي كاملين مشاو الطبلة ديالهم جاو العبيد فوق راااسهم أو سرباية تيحطو لهم العشااا فطباسل باش يتعشاو حتا همااا بهاء الدين كان هايم فيها ....
ناردين : شكراااا بزاف بهاء الدين على هاد الليلة وكنحمد الله ونشكرو لي جمعني بيك
بهاء الدين : انا لي كنحمد الله حيت لقاني بيك و ديك المكالمة لي جمعاتني بيك كون ما هي مغديش نعرفك ...كنبغيك و نموت عليك
شد وجها بين ايدو وقربها ليه كيحقق في عيونها....وناااس كلهم تيشوفو فيهم وكااين لي حسدها ....وتمنى اكون فمكانها...
بهاء الدين: فينها شامة واش نعسات
ناردين : لا رآه خليتها مع نجلاء تتبدل لها ليكوش الخانزة عمراتو
*مكان أخر*
نجلاء حطاات شامة فوق ناموسية أو مشااات البيت الخور تجيب باش تمسح لها حينت كانت معمرها حالتها مجاتش فين ترجع العندها حتا مبقاتش لقاتها بدات كيف الحمقة تتقلب ولي سولاتو عليها واش شافها تيگول لها لا بغاااات تحماق طالعة هابطة.... مع دروج
عبير: مااالكم اااش كااين ..
رقية : طلعي طلعي *جراتها*..
عبير: ماما گولي أش كاين خلعتيني
رقية : موصيبة ونزلات على راسنا يا بنتي يا عبير ماشي نجلاء طلعات تبدل لشامة حطاتها فوق ناموسية رجعات مبقات لقاتها شفتي الفضيحة
عبير: واش تضحكي معايا اماما كيفاش ملقاتهاش واش قلبتو مزيان بحال والو اكون هزها عمها جدها وهي مشافتوش غير قلبو
رقية : كلشي سولناه والو تگول الأرض تشقات وبلعات البنت ياااا ميمتي على ناردين غدي تحرق على كبدتها
حفيضة *تتنهج* امضرااااا لقيتوها ولا باقي
رقية : والو ياختي حفيضة يا خوي والو....اهئ هئ هئ
هند *تتجري * قلبت عليها التحت كامل مكاينش لها الحس هدي باينة هزها شواحد
لمياء : يلاه جري اصحبتي جري خلينا نحيدو من هنااااا
شدوها جرية وحدة أو غفراااان خاشية البنت فصدرها وتضحك
غفران : هههههه ناااااري غدي يسكت لهم القلب منين إعرفو بالي بنتهم مكيناش
لمياء : ههههه بقات فيااا غير هديك لي مشااات تجيب ليكوش ولا منعرف ههههه
غفران : ههههه تمشي تلصقو فيها 😌
لمياء : ههههه انت خطيرة والله العضيم جري جري اصحبتي حتا نبعدو من هاد لقرينة 😂
بقاو كايجريو أو تيضحكو حتى وصلو للشانطي. .سبقات لمياء هي الأولى و بقات غفران قاطعة بشويا عليها حتى حسات براسها تهزات حتى السما و تخبطات مع الأرض. .. و اللوطو اللي ضرباتها كسيرات و هربات. .لميااء تلفتات بالعرض البطيئ و لقات غفران طايحة فوسط الشانطي و الدم خارج من راسها .هي فجهة والبنت فجهة . مشات كاتجري و الدموع غطاو وجها و جلسات على ركابيها حداها و حطات راسها ف حجرها و كاتبكي و تغوت للناس باش يعيطو للاسعاف. .غفران عينيها تقلبو و كاتبان ليها غي الضبابة و لسانها ثقال و فقدات الوعي ....
تيشوف فيها من المراية وكولو تيترعد بالخوف كثر منها عرف بالي ضرب شواحد ولكن خاااف لا تكون ماااات وخرج على راسو...
مؤيد ترااااااجع و قرر يرجع إواجه المصير ديالو كانت ختو تتبكي بهستيرية وخايفة رجع البلاصة لي وقعات فيها الأكسيدون باش يتأكد حينت الحد هاد ساعة هو مزال ممستوعبش بالي ضرب شواحد وقف طوموبيل بعيد وخرج بخطوات تابتة بغاااا اشوف أش وااااقع و جوقة ديال بنادم دايرين على غفران لي كانت غارقة وسط ضاية ديال دمايات أو المياااء نازلا على رجليها وتتبكي أو صوت دكشي صغير تيبكي وهزاه واااحد سيدة أو تتهضر مع المياء ولكن لميااااء عقلها مرفوع عقلها كلو غير مع صحبتها اللي ما دوزاتش قليل هي و ياها ديما كانو ف جنب بعضياتهم ....لمياء دورات وجه صحبتها وحطات يديها على عنقها باش تشوف واش مزال عايشة ولكن مكااانش حتا امل من نجاتها ولاو غير 50 ٪ شافت حتا عيات وعطات رجليها ريح حينت كانت عارفة راسها غدي تمشي فسن وجيم أو هي لي غدي تغرق بوحدها ناااضت ومشاااات تتجري مخلية غفرااان وهاااربة ومؤيد غير واقف تيشوف من بعيد .....
كااانت شامة بين يدين واحد سيدة لقاتها تتبكي أو مرمية فالكونطوار جاب الله كانت فالكونة هي لي هزات عليها دقة ربي حفضها غفران طلقاتها من يديها بديك الخلعة زفااات بها جهة الكونطوار أو بغات تنجى بحياتها ساع جااات ديريكت مع طوموبيل هزاتها حتال سما أو فرشخاتها فالأرض مع ديك الخلعة مكانش متوقعها تخرج ليه قدامو بديك طريقة ....وصلات سيارة الإسعاف هزاتها وعطات سيدة لهم حتا بنت على اساس بالي هي بنت سيدة لي قتلوها و مشاو طايرين بيها ل كلينيك
*مكان أخر *
ناردين كانت حاسة كاينة شحاجة ماشي هي هديك كان شي طالع شي نازل أو الجو رجع مكهرب قلبها تزير عليها ..
عبير : يوسف يوسف فينو جااااسر
يوسف : رااااه لهيه *شد يديها* مالكي اعبير اش واقع
عبير: مشكلة ايوسف مشكلة شامة تخطفات ايوسف أو مكاينش لها الأثر ..بمرة
يوسف *خرج عينيه* كيفااااش تخطفات اعبير
عبير: هدشي لي كااااين شوف دباااا سير انت وجاسر وادهم قلبو عليها متعرف تكون هديك لي خطفاتها باقية غير هناااا مزال مبعداتش دغية دغية ايوسف تحرك
يوسف ديك ساعة حط العصير والحلوى من يدو ومشاااا جر نسيبو *جاسم * وادهم ومشاااو بجرااا تيقلبو عليها
مريم : اووووف ياربي قلبت والو حنا ضروري خصنا نگولوها البهاء الدين وناردين حراااام رآه بنتهم هدي لي مخطوفة
رقية : ااااش غدي نگولو لهم واش انت حمقة غدي نصبرو شوية على الله غير لقاوها
باس بين عينيها وناض وبقات ناردين راسمة ابتسامة صفرا وقلبها مزير عليها حاسا باحساس خايب ...
جاو البوليس أو بداو ناس تيهضرو معهم على دكشي لي شافو مؤيد دخل الطاموبيل أو خرج الوراق أو غادي أو دلال موراه تتبكي ..
دلال: فين غادي اخويا فين
مؤيد *دار عندها* ندير دكشي لي خاصو يدار ادلال ...
دلال *جراتو* خوياااا لا عفاك خلينا نتصلو بابا بعد ويلا دخلوك الحبس أش ندير انا
مؤيد *شد وجها بين يدو* مغدي اكون والو غير كوني هانيا الكاميرات هاهما *هزات راسها* اكيد غدي اكونو هزو رقم طوموبيل يعني إلا هربت غير غدي نزيد نغرق راسي انت غير تهناي مغدي يوقع والو حينت هما ضروري غدي إشوفو تسجيل ديال كاميرة وغدي إعرفو بالي انا كانت غدي فطريقي هما لي كانو قاطعين من بلاصة ماشي هي أو حتا زايدينها بجراااا يعني هما لي منهم لفوت ماشي انا *باس راسها* غير تهناي اختي إجراءات بسيطة غدي نديرهم ونخرج متخافيش
مشااا وخلاها تتبكي موراه هضر مع واحد البوليسي أو شد ليه لوراق ديال طوموبيل وطلعوه هو فصطافيط ومشاااو وبقااات دلال فالكونطوار گعدة وتتبكي ....
*مكان أخر *
ناردين گعدة على العافية و بهاء الدين طلع مبقا نزل كمل لها الباهية طلعات تتجري وخلات كلشي مبقاش فيها مزال لي يصبر غير طلعات لقاتهم مجموعين الفوق ونجلاء تتبكي أو مكايناش شامة معها وبهاء الدين تيغوت عليهم غير سمعات بالي بنتها تخطفات
مشات حلات الباب فين كانت بنتها ناعسة بلا متشوف حتا فبلاصة .. تركيزها كللو فبلاصة وحدة.. . مشات بخطوات متسارعة مباشرة و مع كل خطوة كيزيد خوفها كثر.. مبانتش لها كااينين حوايجها ولكن هي مكيناش بقات واقفة مشوكية.. حسات بقلبها تهز من بلاصتو.. ملقاتش شامة.. كاينة غير ضحى لي ناعسة حبسات راسها باش متسخفش غير بالسيف.. قوات راسها و فكرات بللي معندها فين تمشي.. تقدر تكون مع الحاج الشافعي هو لي هزها ممتيقاش بالي بنتها تخطفات و لكن خاصها تمسك و لو ببصيص امل صغير.. ركعات عندهم تتجري جرية وحدة.. العندهم
ناردين : (كتهدر و هي كتلتاقط انفاسها.. بصوت مقطع و كيرجف) مااااما ....مااامااا
نجلاء : اهئ هئ هئ معرفتش اناردين معرفتش مجيتش فين نمشي نجيب باش نمسح لها رجعت مبقيتش لقيتها ..
ناردين : (شنقات عليها بلا متحس.. شداتها من عنقها و لصقاتها مع الحيط و هي كتنفس بقوة و تغوت) لااااااااااا بنتي بنتي
نجلاء بقات ساكتة معندها كيفاش تهدر من غير صوت انفاسها لي كيتسمع بقوة..أو تتبكي ومقدراش تشوف فناردين لي كانت مكسورة جرها بهاء الدين وشدها بين يديه زير عليها ناردين دفعاتو و طاحت الارض و هي حاطة إيديها على عنقها كتحاول تلتاقط انفاسها.. كلشي لي فالقاعة وقف أو بدا تيسمع فالغوات الفوق أو مفاهمين أش واقع ...
بهاء الدين خلاهم ونزل عند رجال التحت لا اكونو شافو شحاجة ...
1) ليگارد : (كيهدر بصوت متقطع ) سيدي.. و الله ماعرفت.. . انا و دراري لي معايا.. كنتناوبو... شي فالباب ديال دخول أو الخرين كاينين فالباب ديال الخروج مباان لنا والو...
✓ سيدي ملقيناهاش..قلبنا گاع هنا مكاينش لي شااف شحاجة
ناردين كتبكي بحرقة و هي كتنادي "بنتي شامة ..".. تحنات عندها عبير كتحاول تسكتها و تصبرها..كانت ناردين محروقة على بنتها
بهاء الدين العافية شعلات فيه.. عروقو جبينو و إيدو خرجو.. عينيه ولاو حمرين بكثرة الغضب كينفتو النار.. محسش على راسو حتا شنق على ليگارد لي قدامو ..
بهاء الدين : كنقسم فمي بالله و طرا لبنتي ادنى حاجة.. حتا غنحفر قبرك بيدي.. لا نت لا... هااااد الحمير لي معاك (لاحو فالأرض بقوة حتا تردخ و تم خارج و هو كيمسح على راسو.. حاس براسو غينفاجر.. جاسر غير شافو خرج تبعو بسرعة.. لقاه غيطلع فسيارتو.. حتا وقفو بصوتو و هو كيناديه..
جاسر : بهاء الدين تسنا..
بهاء الدين : (ردخ الباب ديال السيارة) شنو؟!..
جاسر : فين غادي ا؟!..
بهاء الدين : (جمع إيدو على شكل قبضة و ضرب الزاج ديال السيارة حتا تشتت) معرفتش.. معرفتش.. و لكن مغنبقاش مربع إيدي..
جاسر: لي دار هادشي غيكون غير واحد من المعزومين يستحيل شي واحد اقدر ادخل..
بهاء الدين : هدشي لي محمقني مكرهتش ندخول نطحن مهم كااملين حتاااا نجبد مها هدي لي تجرأة و خطفات بنتي مني
جاسر : بهاء الدين لا حبس بلاما تهور ااه كيفاش قدرنا نساو الكاميرات اكيد غدي تكون الكاميرة فكل قنت فهااااد القاعة يلاه معايا نشوفو تسجيل ...
مشاو بزوجهم بجرا ...هبطو الكااااب التحت والعساس مرفقهم شعرو ضو أو بقاو مقابلين دوك لبلازمات كل وحدة فين شادة مع القاعة كانت كبيرة مشاو ديريكت البيت فين كانو حاطين دراري صغار أو بداو تيشوفو تسجيل من لول ..
فجهة خرى كانت لمياء كدور بحال الحمقة.. تتقلب على نجلاء تلفات لها بين الغراف غير شافتها خارجة من واحد الغرفة وهازة ليكوش عامر بغات ترميه دغية تخبات لمياء باش متشوفهاش غير بعدات مشات تتجري دخلات راسها بانت لها شامة هازة رجيلاتها وتتلعب فرحانة حينت حيدات لها دكشي لي كان مقلقها . قربات ليها بشوية و هزاتها.. حطات إيد تحت من خصرها و لاخرة تحت راسها.. خشاتها فصدرها و هي كتحاول تخليها تبقا ساكتة. بقات غادية بخطوات بطيئة حتا وصلات الباب شافت ليكارد واقفين تيتمازحو ستغلت الفرصة وخرجات عادي وهي هازة راسها السما باش متلفتش الإنتباهم ...
بهاء الدين تغرغرو عينيه كان عاجز مقدرش يمنعها تيشوف فيها هكاك وهي غادية بنتو كان الوجه ديالها واضح أو الكاميرة شادة وجها مزيان بداااا تيقربها مزيان جاسر أو تيصورها بتليفون أو خرج تسجيل باش يعطيه البوليس أو يبداو اقلبو عليها بهاء الدين حس بقلبو من الداخل كيرجف.. شاف الموتى حتا عيا.. و قتلهم بيديه.. و لكن عمرو حس بهاد الاحساس.. احساس كيقطعو من الداخل.. طفلة صغيرة.. مليها حتا ذنب.. مزال مكملات حتا شهر مقاد.. تخطف بهاد الطريقة.. تحرم من حضن مها . ملقا حتا كلمة يواسي بيها ناردين .. هو بنفسو مقادرش يتقبل هادشي.. هو بنفسو حس بضعف كبييير فداخلو.. حس بالعجز.. حاس بيديه مربوطين.. بنتو تسلبات منو و مقادر ادير والو.. انهار من الداخل ديالو.. كيانو كيتحرق..
*مكان أخر*
.. دازت ساعتين و خرج عندهم الطبيب و وجهو ما كايتفسرش. .. ناض المؤيد أو لبوليسي لي معاه مشاو عندو كايجريو
مؤيد : سربي قوليا اش وقع لبنت
الطبيب: درنا جهدنا .. و لكن الدقة اللي ف راسها كانت قوية. . غانخليوها ف الإنعاش هاد 48 ساعة و نشوفو واش كاين شي تجاوب و لا لا ... نتمناو من الله يشافيها. .و وجدو راسكم لأي نتيجة ..
شامة بعدما عقمو لها الفرمليات الجرح لي فوجها ولبسو لها حوايج جداد أو عطاوها الحليب فواحد ليبرون ديال زاج نعسات جات واحد الفرملية عطاتها مؤيد وشدها بين يديه و الدموع محبوسين فعينيه تيشوف راسو هو سباب فهدشي لي واقع أو هاد البنت غدي تيتم بسبابو معمرو مغدي اقدر اسامح راسو
*مكان أخر *
يوسف مزااال تيقلب فدوك شوااارع الكبار بالموتور ديالو حتا تتبان ليه دلال واقفة أو تتبكي فجنب طوموبيل لي كان صاوب لها مشااا العندها غير شافتو عنقاتو بجهد وبدات تتبكي بين يديه بحال شي بنيوتة صغيورة دغية بعدها وبدأ تيشوف فيها
يوسف : مالكي علاش تتبكي
دلال : اهئ اهئ اهئ عفاك يمكن ليك توصلني الشركة عند بابا خويا فمشكلة ونا خصني نعاونو خويا ضرب شي بنات بطوموبيل أو الحالة ديال واحد البنت فيهم خطيرة اهئ هئ
يوسف : وخااااا تهدني انا غدي نوصلك فينما بغيتي *تيقلب بعينيه* شوفي واااش مبانتش ليك شي وحدة هازة شي زيادة فيديها رآه شفروها لمها من سبوع.....
دلال *تتبلع فريقها * بنت صغيرة اااه شفت واحد البنت صغيرة ولكن مها هي لي ضربها خويا ولكن فعلا هديك لي كانت معها لابسة قفطان وتتجري هي وياها بحال إلا كانو فشي مناسبة سبوع عرس المهم معرفتش ولكن متنضنش تكون هي علاش تتهضر
يوسف *مصدوم * البنت فينها
دلال : ااااي يدي بشوية رااااه خداتها لونبيلونص
يوسف : طلع خليني نمشيو نشوفو
دلال : ولكن انا خصني نمشي نشوف بابا على قبال خويا
يوسف : غير طلعي انا نديك ولكن اول حاجة خصني نشوف هاد البنت
دلال *حركات راسها * وخااااا
طلعات من موراه أو مشااااوو زافين يوسف مبغااا إگول لهم والو حتا يتأكد..
*مكان أخر *
وقفو طوموبيلات نزلو منهم عائلة شافعي كاملين من بعد ما كانو فرحانين تقلبات الفرحة الحزن وغوات ونوااااح على ديك طفلة البريئة لي حتا واحد معاااارف أش واقع لها بهاء الدين وجاسم غارقين فالكوميسارية بغاااو إوصلو لمياء لي تگول الأرض تشقات وبلعاتها حتا واحد معرف عليها شحاجة مشاو العيادة فاش تتخدم وهضرو مع البنت لي تتجمع معهم بزاف حتا هما معارفين عليها والو حينت مزال جديدة غير شهر باش خدمات معهم كانت عبير جالسة جنب ناردين فوق كنابي و هي متكية على كتفها كتبكي.. حفيضة و لالة رقية بعاد عليهم شوية واقفين كيتحسرو على حالة ناردين
رقية : نجلاء سادة عليها بيتها أو تتبكي بغا يخرج عقلها مسكينة وتتلوم فراسها بقاو فيا بزوج حالتهم تتشفي وناردين خلاص صعيبة لهلا اكتبها على شي مسلم ..
رقية : ناردين بركة من لبكا ابنتي راااه غير تتعدبي فراسك غير هكاك دموع مغديش ارجعوها خصك تبقاي قوية ابنتي على قبل بنتك ورااااجلك ....انا عرفة هدشي صعيب عليك ولكن ربي كبير أو عالي وعالم دبااا ترجع شامة ابنتي راااه كلشي تيقلب عليها ..
ناردين : بغيت بنتي.. (بداو كينزلو دموعها حارين على خدودها الحمرين) جيبو ليا بنتي.. قلبي كيتقطع اخالتي عليها .. جيبو ليااااا بنتيييييي.. (غوتات على حر جهدها و تكات على صدر حفيضة و هي كتشهق بصوت عااالي.. دورات إيديها على خصر حفيضة و هي خاشية راسها فصدرها و كتنخسس...)
حفيضة معرفات راسها باش تبلات.. هي لي بغات توقف مع بنتها ولات هي لي بغات لي يوقف معها تتشوف بنتها فديك الحالة معرفات ما دير لها كانت بحال شي بنوتة صغيرة كتبكي فحضن ماماها..
. شافت فاتجاه الشرفة ضلمات الدنيا.. تنهدات فاش شافت بهاء الدين و جاسم داخلين مع الباب أو مهزينش شامة .. ناضت من جنب حفيضة بسرعة..
بهاء الدين و جاسم جاو من مركز الشرطة و معلى وجههم حتا تعبير.. على الأقل تأكدو بللي البنت مزال فمراااكش حينت دنيا كلها مقلوبة بتصاور هديك لي خطفاتها أو صورة ديال البنت ... واخا هدشي مغدي اغير حتا حاجة.. و لكن على الاقل هدي نقطة مزيانة...
دخل بهاء الدين و جلس عيان بزااااف.. نفسيا و جسديا.. ناردين تتشوف فيه و دمعة فطرف عينيها.. ما قدر اقول ليها والو.. مبغاش اخللي ليها امل من لا شيء.. هو براسو معرفش أش واقع مع بنتهم .. و لكن فنفس الوقت مبغاش ازيد حطمها كثر من امل فارغ.. تكا براسو على الحيط
ناردين : فينها البنت ابهااااااء فينها بنتي علاش جاااي بلا بها علاااااااش
ناردين تعصباااات وزفااات بواااحد الكاااس عليه جاب الله بعد راسو كون خصرات ليه وجهو كااانت بااااين عليها للإكتئاب والعصاب.
بهاء الدين: نااااااردين برررركة رااااه مااااشي غير انت لي بنتك اش بيدي ندير ومدرتوش نهااار كامل وحناااا تنجريو من قنت لقنت بلاما تزيدي علياااااااااا *زير على سنيه *
رقية : صااافي بردو سير أولدي الله يرضي عليك بدل ساعة بخرى دبااا معصبين بزوج مغديش تفاااهموو
خرج بهااااء الدين معصب أو تيصوت وناردين شداتها عبير. من يديها وطلعاتها البيت أو تتحاول تبتها حينت تتشوف ناردين صااافي غدي تحماااق ولات كلها تترعد وتتعاود الهضرة كثر من مرة ...
*مكان أخر*
يوسف ودلال تيقلبو على غفرااان فجميع سبيطارات حتا لقاوها ومشاااو طلعو لاسانسور يلاه خرجو من المصعد حتا تلقاو مع مؤيد فوجهم أو هاز فيديه البنت *شامة *
مؤيد : دلال اشنوو تديري هنااا *هز عينيه* و شكووون هداااا لي معاك دوي
يلاه بغات تهضر دلال حتا قطعها يوسف وقرب ليه وطول عنقو شاف البنت لقاها بنت ناردين فرح أو بغااا اشدها من عندو دفعوو مؤيد بيد وحدة يوسف تعصب يلاه جاي ليه وقفاتو دلال وبدات تتغوات حينت بغواتهم خلعو البنت وبدات تتبكي ...بين يدين مؤيد
يوسف *تيضحك" واااش انت حمق اشمن مها هديك رآه غير شفارة عطيني ندي البنت لمها. *مؤيد تيشوف فيه بشوف الإستهزاء*
دلال : خويا دكشي لي تيگول صحيح هدوك غير شفارات شفرو البنت من مها أو غادين هاربين حتااا خرجنا فيهم بطوموبيل
مؤيد : واش انت حمقة ولا مالكي غير ضحك عليك بزوج كلمات بغيتي نعطيه البنات باش غدا ولا بعدو تفيق مها إلا سولاتني على البنت اش نگول لها ويلا كان تيهضر بصح يعطيني دليل ولا ما يحلمش طيح بين يدو ..
ناردين كانت جالسة فالشرفة.. على الأرض.. جامعة رجليها عندها كتشوف فالسما و الدمعة فطرف عينيها.. فالداخل ديالها كتمنا يبان و لو بصيص صغيير من ضوء القمر.. قلبها كيتقطع.. معالم بحالها غير لي خالقها..
حسات بالعطش.. من الصباح متحطات قطرة الما ففمها.. مقاداش تنوض و لكن شحفة تمكنات منها.. تنهدات و وقفات.. خرجات من الشرفة و مشات فاتجاه الباب..
عبير حاضية كل حركاتها.. غير شافتها وقفات قدام الباب
مخلاتش ليه الفرصة فين تجاوبها و مشات. بقات غادة مع الممر.. بان ليها الضو ديال مكتب بهاء الدين شاعل و الباب محلول شوية.. مهتماتش للأمر و نزلات للمطبخ.. لقاتهم كلهم مجموعين و كيخمو و يتحسرو على الحالة لي ولات فيها ناردين وبهاء الدين.. غير شافو ناردين وقفو كاملين و هما كيتسناوها غير تنطق باش انفذو..
ناردين : غير سيرو جلسو.. باغا غير نشرب..
دارو كيفما قالت..وهما عينيهم غير معها حينت اول مرة اشوفوها بديك الحالة مشات هي شربات و رجعات طالعة لغرفتها.. دازت مرة اخرى من قدام المكتب.. هاد المرة سمعات صوت بهاء الدين كيهدر.. معرفاتش لاش جاها احساس بللي الموضوع كيخص شامة .. قربات بشوية و هي كتسمع لهدرتو.. حسات بتوثرو فنبرة صوتو..
بهاء الدين : يوسف.. وااااش انت متأكد
يوسف : ااااه ابهاء الدين جي عندي دباااا البنت رآه قدامي .. *قطع*
,جاسر : بهاء الدين اااش واقع شكون لي تصل بيك ..
بهاء الدين *هز تجاكيط* تصل بيا يوسف وگالي لياااا بالي لقااا شامة
جاسر*فرحان* واااااش بصح ..
ناردين نقزات من الفرحة غير خرجو لقاوها فوجهم....
ناردين : بهااااء الدين وااااش لقيتو بنتي ياااك
بهاء الدين: معرفتش اناردين يلاه غدي نمشيو ونشوفو انت غير كوني هانيااااا بنتنا غدي ترجع ...
خرج بهاء الدين هو وجاسر وناردين شداتها جرية وحدة تتبكي وتتجري كلشي مخلط عليها بحال شي هبيلة دخلات لبيتها لبسات العباية ورمات شال على رأسها ونزلات بنفس الحماس خلات كلشي موراها تيسول وتااالف مقتلاتهم محياتهم خلاتهم معلقين نزلات تتجري خافت لا اهربو عليها غير نزلات طلعات وديمارا بهاء الدين طوموبيل أو مشااا زاااااف ..
بهاء الدين غدي بسرعة كبيرة وعقلو كامل غير عند بنتو فرانة بجهد حتا تهزات ناردين من فوق الكوسان ورجعات خرج تيجري من طوموبيل غادي أو جاسر وناردين تبعينو تيقلب بعينيه على يوسف حتا تيسمع يوسف تيعيط عليه مؤيد غير شااااف بهاء الدين تصدم أو بهاء الدين كان كثر منو بلا هضرة بلا جووووج مشااا تيجري نتر البنت من يديه وعطااااها ناردين
وعطاه كروشي طيحو لرض بقاااا تيضرب فيه بجهد ويوسف أو دلال وجاسم تيحاولو إبعدوه عليه كانت دلال تتبكي وتتغوات وهي تتشوف خوها گاع وجهو رجع دمايات كاااان بهااااء الدين جاااااهل كيف عااادتو أما نااااردين فهاد اللحضة حتا حاجة متتهمها مزال من غير بنتها بغااات تحمااااق ممصدقاش بالي بنتها رجعات لها وبين يديها جبدات بزولتها أو بدات تترضع فيها شامة كانت تتبكي وتتنخصص غير شدات لبزولة سكتات وبدات تتجر فالحليب وعينيها فعين ناردين لي كانو مغرغرين بدموع تتبوس وتعنق وتشم ريحتها لي تحرمات منها نهار كامل وكانت تتگول صافي معمرها مزال مغدي تعيش هاد اللحضة مزال كان صدرها مزير أو بحال الحبة عليها غير بدات تترضع فيها بدا تيتنفس شوية ...بشوية وخفاف الألم
دلال : بركة بعد من خوياااا واش انت حمق ولا مالك......حيوان
مشااات عند خوها عنقاتو أو تتبكي كان مؤيد تيصوت أو تيشوف بهااااء الدين لي شادو يوسف أو جاسم أو بهاء الدين مكرهش فديك اللحضة اقتلو عاااااد يبرد
يوسف : خويااااا تكالمة راااه فاااهم كلشي غاااالط رااااه ماشي هو لي خطفها
بهاء الدين*بلغوات * معندك مااااا تشرح لياا ايوسف انت مفاهم والو خليك بعيد من هدشي
مؤيد تيشوف فيه وراسم إبتسامة إستفزاز عل. وجهو هدشي لي خلا بهاء الدين يزيد يصعر كان بغا ينفاجر أو يرجع ليه تاني اكمل عليه ...
ناردين : معرفتش ا مؤيد معرفتش انا من بعد ماااا تخطفات بنتي وليت تنشك. فكولشي فكولشي ...
دلال عطاتهم الغرفة ديال غفران يمشيو إشوفو سيدة لي خطفات بنتهم ناردين وجاسم مشاو بجرااا وبهاء الدين تبعهم من لووور بخطوات تابتة حينت هو متأكد بالي مؤيد هو مول الفعلة وهدشي كامل من تخطيط ديالو
حتا وقفات ناردين مصدومة منين شافت غفران من مورا زاجة كانت كلها سلوكة أو وجها شااااااحب ومغطية بيزار خضر وكاينة فغرفة الإنعاااش شافت فبهاء الدين وهو شاف فيها ....
ناردين : لا مااا يمكنش غفراااااان ...
بهاء الدين تيشوف فغفران بكل كره ...
ناردين : شفتي يعني ماشي مؤيد لي خطف بنتنا طلعات حبيبت القلب لآلة غفران *تتعوج فمها * ديالك اسي بهاء الدين *ناردين مشات جرها *
بهاء الدين: هما بزوج اناردين بزوج ...ولكن غير بلاتي الا مخليتهم اتعفنو فالحبس .
ناردين : انا حاسة بالي مؤيد معندو حتا دخل فهدشي ابهاء بلا متحطو فراسك
بهاء الدين *تيتحرق بنار الغيرة* شنوو لي خلاك تكوني متأكدة هااااه هضري سيد مزال الحد هاد ساعة تيصيفط ليك توحشتك أحبيبة خلينا نتشاوفو وتتگولي معندو حتا دخل *تيهضر وهو كارز على سنيه *
ناردين بقات غير تتشوف فيه سكتها جااا جاسر العندهم ..
جاسر : هاد الهضرة ماشي وقتها دباااا الحمد لله غير منين رجعات البنت شكون لي سرقها وكيفاش وعلاش هدشي خليوه من بعد ..
يوسف : جاسر عندو صح اهم حاجة لقينا شامة الحمد لله يلاه خليونا نمشيو باش ترتاحو هاد نهار داااز علينا صعيب بزاف
وقف مؤيد قدام بهاء الدين ...
مؤيد : قبل ما نمشي بغيت غير نگوليك وااااحد جوج كلمات بغيتي تصدقهم مرحبا مبغيتيش حياتك هديك أناااا معندي حتاااا علاقة فهدشي كاااامل وناااا مستعد نمشي معااااك عند البوليس حينت انااا مدااير حتا حاجة لي تخليني نتخباااا
بهاء الدين مگال حتا كلمة حدو شد فيد ناردين أو دااز من جنبو وخلاه ...واقف بلاكة
جاسم : شكرااا اخويااااا ...
مؤيد *دار عندو* هانية ماشي مشكل
تبسم ليه و حط يديه على كثفو ومشاااا ...
دلال كانت واقفة جنب خوها ...شافت فيوسف وتبسمات وجااا قرب لها ....
بهاء الدين كان فوسط طوموبيل هو وناردين وبنتو بين يديه تيبوس فيها وناردين شادة فيديها تتبوس وتتبكي
طلع جاسم لور وطلع يوسف وتيشوفو فيهم وهما فرحانين بزوج بنتهم بهاء الدين عطا شامة ناردين أو ديمارا طوموبيل أو مشاااااو ديريك رجعين الدار ...
غير وقفات طوموبيل قدام دار الحاج الشافعي نزلات ناردين فرحانة طلعات العندهم تتجري فرحو منين شافو شامة بين يديها وبدأت زغاااريت مالية المكان كلشي كااان فرحان بالعودة ديالها ...
بهاء الدين جا حدا باه الي كان جالس كيضحك فرحان ناشط هو ورقية مرتوو وحاضين دراري و الفرحة بغات تخرج من عينيهم ...
الحاج الشافعي : كيفاش حتا لقيتوها بعد اولدي
بهاء الدين *هز عينيه* يوسف هو لي لقاها
شافو فيه كان فرحان وهاز راسو السمااا بحال إلا دار شي انجاز عضيم..
الحاج الشافعي : الله يرضي عليك اولدي دبا كبرتي فعينيا منين وقفتي معنا فهاد المحنة دبا راك واحد منا او بحالك بحال ولادي
يوسف *مهبط راسو * هدا الواجب الحاج نتمنى نكون عند حسن ضن ديالكم ديما
الحاج الشافعي تبسم ليه وحط يديه على كثفو
يوسف عينيه غير مع هند فرحان من بعد هدشي لي دار رجع ولا عندو ولاو بصيص أمل قليل باااش يرجع مع هند ..
رجعو يضحكو مجمعين على صينية اتاي والفاكية والحلوة مشكلة ...داكشي على حقو وطريقو ...حتى تقسمو العيالات فجيه والرجال فجيها ولا هضرة غير على غفرااان والفرملية أو كيفاش كانت تتخطط لهدشي أو من شحال هدا وتفكرو نهااار لي جات مريم وجابت لميااء معها بداو تيجمعو الأحدات فعقلهم أو بدات مريم تتعاود لهم كيفاش كانت تتصر باش تمشي معها نجلاء مزال مبعدة أو تتشوف غير من بعيد وفرحانة بالعودة ديال شامة حينت كانت تتحس بدنب حتا جراتها ناردين وعنقاتها وخلاتها تطلق معهم وتنسا كلشي مكاين لاش تبقا معزولة ....
نجلاء *بصوت باكي * سمح ليا اناردين رآه لوجه لي مبقاش عندي باش نشوف فيه من بعد هدشي لي وقع انا والله.....
ناردين : شششش نسااااي انجلاء وسمح لياااا انت حينت تعصبت عليك ولكن انت ام وأكيد غدي تكوني حسيتي بنار لي كانت شاعلة فقلبي *جراتها نجلاء وعنقاتها *
عبير : بركة علينا من البكااا طااااب لنا القلب حتاااا سبوع لي سيمانة وحنا تنوجدو فيه مكملش كيف بغينا الله يستر وقلة نحس هدا لي تابعك اناردين خصك تبالي براسك
رقية : ستغفرت الله العالي العضيم اش تتگولي يهاد البنت دكشي مكتاب اهم حاجة هي شامة رجعات ...هداك هوو سبوع عندنا
حفيضة : لي بقااااا فياااا هو دكشي كامل لي خصر من فلوس مشاااا غير هكاك حتا دوك المساخيط لي عرضنا عليهم حتا واحد محط زرورة غير شافونا مگلوبين مع بنتي ناردين لقاوها من جنة وناس كالو شربو نشطو أو فرتحو بغيتها توقف لهم فركابي ان شاء الله..
ناردين : هههه ماما انت علام لي كال شحاجة الله انفعو شتي حنا غير معولين على زرورة ديالهم الله يخلف على جدها وباها الحمد لله كلشي مخلص ومبقا علينا شي دين دكشي لي صعيب ...
رقية : حتاااا دباااا لآلة حفيضة موقع والو نعاودو نديرو سبوع اكون بلدي أو غير بيناتنا اصلا الحاجة لي تتكون عليها قوة بنادم أو لعين ونفس ربي گاع ما تيسر فيها دبا محدنا مجموعين دغية نتردو شي يعجن ويترد او شي ينصب انا وحفيضة غدي نصبو المرقة ونتما بداو تردو
عبير : واش اماما منيتك بغيتي نتردو لا انا بعد عيت ...صافي بغيت غير نعس
رقية : الله امسخك لي سمعك اگول هازة الملحة على كثافك زيدو زيدو دغية نزربو عليه شفتي على فقصت هااااد نهار والله حتا يتعاود هااااد سبوع وخااا فينا الموت ديال العيا ولكن على قبل هااااد العداب لي داز علينا غدي نعاودوه ونفرحو براسنا غير بيناتنا ..
حفيضة : الله يستر عليك اختي حفيضة ويخلي ليك عبير وتفرحي بها حتا انت ويحضرني فسبوعها حتا انا نطيح ونوض فيه
عبير: هههه ياااااك شاهدين على خالتي حفيضة اوا عندك متكوني قد كلمتك رااااني عولت عليك صاااافي
حفيضة : غير عولي الله يعطيك شي وقفة ساااهلة ...*الجميع أميييييين*
ديك ساعة تحطات الگصرية وفيها دقيق الفورص او تگفضااات نجلاء ليه غسلات يديها وسمات الله وبدات تتعجن فالعجينة ديال مسمن غير كملات بدات تتقج أو دير كويرات ودفع البنات اسرحوها فوق رخاااامة كانت عبير و هند ومريم كلهم تيسمنو أو تيرميو فوق المقلة لي كانت سخونة أما لآلة حفيضة ولا رقية مدابزين مع المرقة كانوو مقصرين اشدو فهدي ويطلقو هدي وضحوكات گاع محسين بالوقت كيف داز أما جهة أخرى كانو رجال مقصرين على لبرارد ديال اتاي وحلوة طابو مصارنهم بتاي وجااهم نعااااااس گاع الهضرة گالوها بغاو غير إيمشيو انعسو ولكن ناردين كل شوية تتگولهم غير صبرو رااااه قريب وشي قريب مبان لهم غير واحد شوية طلعو جوج قصاري تريد ( رفيسة ) وحدة فطبلة رجال والخرى فطبلة العيالات كانت على حقها وطريقها بالمساخن مجموعين بالبيض البلدي ومحطوطين فوق القصرية على شكل طرونش فجناب والفوق ...والحلبة فزلايف وحدها الي بغاها ياكلها والي غاتاكلها ناردين مسكينة بزز منها ...وكل قصرية فيها 3 الفرارج بلديين ...وعامرة ديك القصرية نعماس تشهي ...فوق منها راس ثومة وجنابها طبيسلات المساخن لي بغا ازيدهم ازيدهم قدامو مع عبير حاملة ....
..ضربو ديك القصرية ديال تريد حتى خوات من غير طابلة الي فيها رجال مكالوش بزاف بحال الجيش ديال العيالات...
يلاه غدي انوضو رجال حتا شداتهم رقية بلاتي شوية مزال مكملش سبوع راااه يلاه بدينا والليل طويل مالكم على زربة
بهاء الدين وجاسم شافو فساعة لقاو 1:30 ديال الليل ..هما لي متبوعين بالخدمة غداا
بهاء الدين: الله يهديكم اشمن من سبوع فنصاصات الليل الله يجعل شي بركة خليونا نوضو نتما راااكم مسالين قبكم *يلاه ناض جاية ليه حفيضة وهي هااازة وااحد عمود ديال المهراز *
حفيضة : الا مگعدتيش لرض نزل على بوك بيه راااااس *خرجات عينيها* رجع لبلاصتك راني هضرتك معاك ...
بهاء الدين عينيه حمرين بنعاس عاد مقطوع بغااا يكمي عاااد ينعس وناردين تضحك عرفاه
بهاء الدين: عينيها كيف موكة گاع متتحشم
رجع ربع يديه أو تيشوف فيهم بملال..
دخلات حفيضة فيديها المجمر زااااند فيه شبة والحرمل أو تيطرطق شدات البنت او تدوزها من فوق منو ودخاخن شاااعلة كلشي تخنق تمااا وبدااا تيكحكح ناااض بهاء الدين زااعف مدابز معها بغاااا أشد البنت
الحاج الشافعي*غوات* بهاااااء الدين رجع لها البنت *يلاه بغااا يهضر قطعو* بهاااااااء راااني هضرت معاااك رجعها لبنت لهنا
بهاء الدين رجع مد لها بنتو أو تيخاصم شداتها حفيضة تضحك بدات تتبخر لها أو تتقرا المعودتين عليها والحاج الشافعي فرحان وتيضحك شوية دخلة رقية بصينية فيها
القتيب (داير فحال حزام تيدور عالراس فيه الهذوب تيقولو ليه قتيب بالنسبة الي معرفوهش )....وطبسيل ديال تمر معمر بلگرگاع قرعة ريحة و الكحل سواك العكر الفاسي وزلافة فيها الحنة مخوضة بالعشوب *الخزامة ريحان الورد * ...أو صنية الخرى فيه موس ديال الحسانة وفوطة أو جبانية ديال الماااا دافي
رقية : سمي الله ابنتي و ديري هاد سواكة فمك ندغيها شوي ( تتاكل غير الام ديال الزيادة لا غير ) وعطيها ليا ...دارت داكشي الي قالت ليها ...وعطاتها من تمر گبضات لها بالحنة فيديها ورجليها وحمرات لها خدودها بعكر الفاسي وشوية حطاتهم على شفايفها...هزات المرود ديال الكحل وهادشي بهاء الدين كلو كيشوف فيه مخنزر حتا دارت لها الكحل فعينيها...حتى دارت ليه الكحل فحجبانها وجات دارتو حتال لبنيوتة صغيرة شامة لها فعينيها كانت مغمضاهم حلفات لا حلاتهم ...تا دارت ليها الباروك غا من فوق ...
" باستها ...والحنة الي فصينية فرقاتها عليهم كل دارت شوية فايدها باروك وصافي وعطات شامة الجدها شدها معاه بهاء حتا حسن لها شعرها بتقاليد لي معروفة محدو هو تيحسن وهما تيزررو فيها ويزغرتو داز احسن سبوع مع تصيورات تدكارية غير كملو عطاها حفيضة حطاتها فالأرض وجمعات لها عضيماتها حتا رجعات حمرة بحال مطيشة وگمطاتها مزيان أو سرحات رجليها وبدأت تتكركبها أو تزغرت هزاتها من رجليها وخلات راسها التحت *قلباتها* غير كملات لها جميع طقوس ديال سبوع وهي فرحانة حينت فرحتهم لي بداوها كملوها سوا كان سبوع عصري ولا تقليدي المهم فرحو بصغيورة رجعاتها..لناردين خشاتها فيها غير شمات ريحة مها وصقلات ....كانت هكاك مگمطة لوات عليها ليزار مطروز بصقلي غوز بدات تتمشي بيها وتجي وتراري بيها باش تنعس بداو تينوضو بغاو يمشيو ....فحالهم
رقية : كون غير بتو معانا بحال هنا بحال لهيه فين غادين فهاد الليل لي شافكم اگول مكائن فين ولا لمانط محسوبين
جاسم : غير خليونا نمشيو الحديد كاين...
ناردين : ادهم عفااااك وصل معاك مريم رااااه طريقك هي طريقها نيت
مريم حشمانة وتتخرج عينيها فناردين
ادهم *تيلبس تجاكيط * ااااه وخاااا مرحبا
مريم *وشوشات فودنها* اااش هدشي درتي واش انت حمقة أنا غدي نمشي مع يوسف گالي غدي اوصلني حتال دار
ناردين : هههه يوسف غدي ابات هنااا معندو فين يمشي *دفعاتها* سيري مع سيد وضبري على راااسك واش غدي تبقاي تعزراي ليا هنا راااه باينة عاجبك هههههه غير رطابي وبركة من تعفار ...
مريم غادية تركب وكلها تترعد بالحشمة...
بهاء الدين خرج من الحمام لاوي عليه الفوطة وجااي فجهة ناردين
بهاء الدين "عض شنافتو وضار شاف فيها غمزها تا غمضت عينيها كضحك فهماتو شنو بغا وناضت مسكينة وخا حشمانة كتحارب فالحشمة ...ناضت وقفات قدامو وقربات لعندو كتحنحن حتى تقابلت معاه وقفات على روس صباعها باش توصل شوي لحنكو حطات ايديها على صدرو وتهزات لعندو ...مدات شنايفها لحنكو وباستو فيه ونزلات كتشوف فيه وضحك ...
ناردين : هههه دابا مزياااان ...
بهاء الدين : ماشي هاكا اناردين بغيت هكا
ناردين تضحك عليه ....
بهاء الدين "لاح الفوطة وضور ايدو ورا ضهرها ولاخرا ورا عنقها حتى تكاها فوق ناموسية وجا فوق منها غرس وجهو فعنقها باسو ليها وطلع كيبوس حتى وصل لوذنها جر ليها شحمتها وايديها فوق صدرو كضحك عرفاتو مكيقنعش ببوسة الحنك ولو مكان نفاس لي منع عليه الإحتواء كون كانت دبا بلا حوايج تحت منو ...
ناردين : اييي ههههه كتهرني ...ابهاء غير بشوية ...
طلع بفمو كيعض عضيضات خفاف تا ضار جيهة فمها شلقمو تشلقيمات خفاف ووقف عند فمها فامهم ملاصقين ونطق ...
بهاء الدين : هاحنا صابرييين اناردين ...
"دوزات ايدها على حنكو وبحركة جريئة باستو في فمو وطولات شوي ...مبغاش يبين انه مصدوم باش تزيد تزعم اكثر ..."
"تنهد وحط راسو على صدرها كيشوف فشامة وهي ناعسة فبلاصتها ناض من فوق ناردين لبس واحد لبوكسور أو رجع تخشااا فبلاصتو وجرها لعندو خشاها فيه ونعسو...
*مكان آخر*
هند *بالغوات* انت ااااش تدييير هناااا
يوسف *سد الباب بشوية* بغيييت نهضر معاك اهند هضري عفاااااك غير بشوية *جاي لها*
هند *وقفات* بقااااا بلاصتك متقربش ليااا يوسف خرج من هناااا ولا والله حتاااا ندير صبعي فودني ونغووووت
طار على فمها باسها بوسة طويلة لي خلاتها تبنج بقااااا غير تدور فعينيها مزال ممستوعباااش بالي يوسف بااااسها فمها اول قبلة لها أو اول مرة شواحد اكون قريب منها حتال هاد درجة دفعاتوو بجهد
هند *مصدومة* اشنووووو درتي واااش انت حمق ولا ماالك *تدفع فيه* خرج ايوسف خرج
يوسف : تنبغيييك عفااااك سمح ليا
دفعاتوو بجهد وسدااات الباب من داخل أو حطات راسها على لباب أو صدرها تيطلع أو ينزل أو متبسمة أو تتحسس بصبعها شفايفها بشوية أو تضحك كيف الهبيلة غير بوحدها
أما يوسف رجع البيت ديال ضيافة سد عليه أو حتا هو تيضحك على تصروف المجنون لي دار ومغامرة لي غامر كون صاق ليه الخبار بهاء الدين دخل على ختو فليل كون حيد ليه دوك شلاقم من جدر بقا بحال هكاك تيضحك حتا مشات بيه عينيه ونعس ...
*مكان آخر*
مريم : شكرا بزاااف اخويا *نزلات *
ادهم *هبط زاجة طوموبيل* ختي تسناااي
خرج من طوموبيل وقف قدامها ...
ادهم : مگلتيش ليا أشنو سميتك
مريم *تبسمات* انا مريم ونت
ادهم : متشرفين الأنسة مريم انا ادهم ...
وصديق جاااسر تتجمعنا صداقة قوية أو فنفس الوقت شريك ديالة فشركة وبلا شك انت صديقة ديال عبير وناردين ياااك
مريم : ااااه حتا حنا تتجمعنا صداقة قوية من يامات لفاااك
ادهم : عبير كانت ديما تتعاود ليا عليك اختي مريم وكنت متشوق نتعرف عليك ونا محضوض منين تحت ليا الفرصة باش نشوفك
مريم *حشمات* أشنو كانت تتعاود ليك عليا عبير....
ادهم *تيشوف فعينيها* بنت ضريفة وزوينة وحشومية *تيقرب*
مريم *تلبكات وبعدات * ههه هديك غير حمقة المهم نخليك دبا أو شكرا مرة خرى على توصيلة
ادهم : *شدها يديها* بلاتي امريم الا مكان عندك حتا مانع بغيت نمرة ديالك بغيت نتعرف عليك كثر
مريم : وخاااا قيد 06.35.*******
ادهم دخل نمرة وصونا لها ديك ساعة باش تطلع العندها نمرة ديالو ...
ادهم : شكرا مريم
مشات مريم أو بقا ادهم تيشوف فيها حتا دخلات عااااد مشاااا......
🌞 صباح الصباح .....
رقية : كمل اولدي غير فطورك عاد سير مالك زربان ...
يوسف : فطرت الواليدة الله يجعل شي بركة *باس يديها ومشات معاه حتال الباب*
رقية : اوا سير اولدي الله انقي طريقك من شوك ونا غير نسالي غدي ندوز الدار نصبن ليك الحوايج ونخمل دار يعلم الله كيف رجعاتها زبالة....
يوسف: اوا انت لي مبغيتيش تشوفي ليا العروسة تعمر ليا دار متبقاي گاع مهولة عليا
رقية : تعمر ليك دااار هديك راااه تخليها عليك وعليا عطيني تيساع عطا الله لبنات خليني مع الحاج مزيانة البنت شابعة خناات أو حتا الإحتراااام ماااا تيعرف بابها شير ليا على أي بنت نمشي من دباااا نخطبها ليك الا هااااد هند مغديش تصلح ليك اولدي تبع كلام موووك رآه انا لي معشرة معاها وتنعرفها مزيان
يوسف *تعصب* غير متتعرفيهاش الواليدة رآه وخااا هكاك قلبها بيض
رقية : لواه صفر رااني گلت ليك هي متصلحش ليك عمرني نساااا داك نهار لي خرجات فيا عينيها أو رفعات عليا صوتها كون كانت تتحشم وبنت نااااس مغديش دير هاد تصروف لمرا فمقام مها
يوسف : اش گالت ليك امي هضري
رقية : صافي نساااا اصلا هدشي ديال العيالات معندك حتا دخل فيه انت يلاه سير غدي يمشي الحال على الخدمة ....
يوسف باس راس مو وخاااارج تالف معرف واش اتبع كلام مو ولا كلام قلبو ...
🌤وما اجمل الصباح 🌹 حين يتنفس بذكر الله 🌻
🌸اصبحنا واصبح الملك لله 🌸
أيّها الصباح.. ونصحو من جديد.. يرافقنا أمل جديد.. شمس ذهبية تشرق.. بعد ظلام وسكون.. نرى زهوراً تتفتح.. نسمع العصفور يغرد.. فراشات تتراقص في الشرفة.. رائحة القهوة تنعشنا من جديد وما أجمل ابتسامة الاحبة كل صباح. فهل يا ترى!.. أيها الصباح يكتمل يومك على الأمل الذي رسمته.. هل يأتي المساء ودعواتي مستجابة!.. هل يأتي المساء وقد ابتسم كصباحي .🍃
بهاء الدين : (كيعيط) ناردين ...ناردين ؟؟
خرج من البيت كيقلب بعينيه ضرباتو ريحت القهوى لنيف وقصدها بابتسامة تكا عليها كيغازل فيها وهي حدا البوطا كتصايب القهوى
بهاء الدين : كيشم) امممم...شهادشي يا لاللة ...هابطة تتفطري مخلية البنت بغااا يخرج لها عقلها بالغوات
ناردين : ...صباح النور بعد مالك خليتها ناعسة غير ستغليت الفرصة محدك مزال ناااعس أو خليتها فجنبك سري لي جايبة ليك القهوة حينت عرفاااك ضروري لي متمص ولدك عاد يتحلو ليك العنين
بهاء الدين:(باسها فعنقها) شكون گالها ليك انا تيعجبني نمصك انت دار العندها وهوا يزرب عليها ببوسة، شمات فمو ريحت النعناع وباين فيه عاد حك سنانو وفمو بارد بورشها وباقي فيه النكهة ديال معجنون الاسنان ، بادلتو نفس القبلة و دفعاتوو ودخلات تتجري البيت لقات شامة سكتات وتتلعب برجليها غير شافتها بدأت تتضحك الخوينزة ...
*مكان آخر*
تجمعو كاملين على طبلة الفطور طويجنات صغرار مغطيين وجوج خبزات سخونين كيحرقو هادي الزبدة بلدية وهادا العسل الحر وهادا السمن الحر زيتون بجميع انواعو ..وطويجين مزال تيبخبخ يلاه تهز من فوق البوطة فيه البيض والخليع
نجلاء : الله صافي ديريه لنا رآه طياب ديالك المراكشي من دكشي رفيع لا يعلى عليه
هند تضور بعينيها تتقلب على يوسف مبانش لها ..بدات تتفطر ومرة مرة رقية تتشوف فيها ولكن والو مبغاتش دوز لها من قرجوطة من داك نهار هرب لها خطرها منها .....غير كملات فطورها تكلمات ...
رقية : الا كملتي فطورك بغيت نهضر معاك شوية...*مشات سبقاتها*
هند *بتساؤول* أشنو بغاااااات هدي مني
نجلاء : الله وعلم سيري تبعيها وغدب تعرفي يلاه نوضي متعطليش عليها
ناضت هند ومشااات دخلات العندها البيت ديال امها تزير قلبها وهي تتشوف فناموسية ..
رقية : انا عارفة بالي انت متتحملينيش ولكن أنا وخا هكاك تنحسب بحال بنتي
ربعات يديها هند مدورة وجها الجهة الأخرى
على كل حال عيطت عليه علىى واحد الموضوع بغيتك تعرفيه ولدي اليوم مع صباح گالي بالي بغااااك على سنة الله ورسوله ونا معندي ما نعطيه ولا نگلع ليه الأمر متعلق بيك ونت لي تتحسمي فالأمر الا كانت بغياااه نهضر مع الحاج اليوم والله يسهل عليكم اش گلتي ابنتي
هند *تتبكي * معرفتش اناااا تنبغيك ولكن خااايفة حينت سبق وطقت فيه وخيب تقة ديالي فيه
رقية *تبسمات وشدات فيديها* ولدي منكدبش عليك كااان حشايشي وحتا شفار وحتا تاابع ليا غير شماكرية ولكن دباااا تبدل بزاف منين عرفك بعد على گاع دوك رفايگ الخايبين لي خرجو عليه أو حتا مبقاش گاع تيكمي مشفتيهش ضعاااف ورجع لصاال الوقت لي تيحس براسو غدي يتلاح الگارو تيمشي يهز الحديد على گلبو انا وليت مرتاحة من جهتو ومكرهتش نعمر ليه دارو باش رتاح بالمعقول اوا اش گلتي ابنتي ...
هند : حتا انا تنبغيه بزااااف ولكن مستحيل يقبل انا تنعرفو مزيان هو مستحيل اخليني نتزوح بيه
رقية *عنقاتها* حتا هو تيموت عليه متفكري فوالو أنا غدي نهضر مع الحاج فهاد الموضوع او هو غدي يهضر مع ولدو اش گلتي
هند *تبسمات وحركات راسها * وااااخ اخالتي
رقية *رجعات عنقاتها وتتبوس فيها * اخليك ليا يااااا عيون خالتو ان شاء الله انت لولدي وهو ليك ...
خرجو من لبيت فرحانين حتا لقاو بهاء وناردين عاد نزلو تيفطرو شاف فيها
رقية *تخلعات* انااااا غير گلت اما عطا الله لبنات *تتهضر بصوت مقجوج*
بهاء الدين *ضرب الكرسي برجليه * الا عطاهم سيري لهم و متگولي ليا ماااا نگوليك واااش تتسمعي *خرج زاعف*
ناردين : عفااااك بلاما تقلقي منو
رقية گعدة فالكرسي وحطات راسها على طبلة تتبكي وهند مشات تتجري سدات البيت وتتبكي على حر جهدها...
رقية : اناااا ولدي راااه ندم اناردين ندم هو عرف بالي غالط وبقاااا يصلح الغلاط ديالو تيدير براسو بحال إلا هو رجل صالح متيغلطش هو براسو تكرفص عليه ومخلا ما دار فيك أو طلب منك سماحة ورجعتي ليه عادي علاش زعمة هوو يغلط أو ولدي لا اهى هئ هئ ...
ناردين *تتبوس فراسها وتتبكي معها * صااافي اخالتي مسحيها فياااا الله اخليك
حفيضة : مالكم اش وااا واقع داك العجل ديال راجلك تزادحت معاه فدروج درت صواب معاه وگلت ليه صباح الخير والله مردها فوجهي بالهيش لخور *عاد ردات البال رقية لي تتبكي
اويلي انت مالكي تتبكي ناردين مالها
ناردين : والو غير قلقها بهاء الدين بشي هضرة
حفيضة : كانت حاسة غدي اكون غير هو وجه المقرااااج لا صواب لا أداب تيطلع أو ينزل فوحدة قد مو لعنتو الله وعليه بالكلب لخور
ناردين : بركة اماما بركة ..
*مشات تتجري سمعات غوات بنتها *..
دخلات البيت لقاتو هاز البنت وتيغوت
ناردين : هاااني جاااية نطير *نترات البنت*
بهاء الدين : بنتك هي لولا ونت تتنزلي وتتنساي راااسك
مشااا البالكون تيكمي معصب وناردين گعدات فجنب ناموسية تترضع بنتها أو تتشوف فيه كيفاش كان معصب غير بوحدوو أو تينفخ دخان فالهوى أو مايت مع الگارو لي فيدو..
غير كملو رماه فالأرض وعفط عليه برجليه ومشا البلاكار تيلبس حوايجو خااارج ناردين غير رضعات بنتها حطاتها بشوية ومشات العندو وقفات وراه كان مقابل مع المراية تيقاد صدايف ديال القاميجة ..
ناردين : انا مراتك ابهاء يكما نسيتي أو أي حاجة متعلقة بحياتك رااااه تتعلق بيا حتا انا وهديك لي نهضتي فيها وخصرتي لها الخاطر راااه كثر من امي ونا مغديش نسمح ليك تعامل معها بديك طريقة ابهاء مغديش نسمح ليك وااااش تتسمع
بهاء الدين*شدها بين يديه * بلاما تعصبي ديل مي اناردين ونصدق مخلطك معها مشفتيهاش اش تتگول بغاتني نرمي ختي بين يدين داااك الكيدار تحمد الله لي مزال تيتنفس الهوى ..
ناردين : هو غلط علاش مبغيتيش تعطيه فرصة وحدة خرى
بهاء الدين*تيتكلم بعصبية * وااااش تتفهمي ولا متتفهميش الهضرة وااالو مغديش نعطيها ليه وخاااا يبقاااا غير هو ونشم بالي تيتقرب من ختي مرة خرى ولا واااقف فطريقها بربي حتا نخليه يحفر قبرو بيديه
ناردين تتشوف فيه وعينيها مغرغرين بدموع
ناردين : للأسف انت هو انت حتا حاجة متبدلات فيك داك الوحش مزال معشش فيك *تضرب فصدرو* اناني وعدواني تماما كيف قالت خالتي انت تغلط ااااه أو خاص ناااس كاملين إسامحو ليك ولكن شواااحد اخور لا مخصوش يغلط يااااك اسي بهااااء حتااا انااا راااك تكرفصتي عليااااا ومخليتي مااا درتي فيا ولكن منين دقيتي فبابي وطلبتي سماحة سمحت ليك علاش تدير بحال هكااا سيد تيبغيها علاش متعطيهش فرصة وحدة خرى وحتاااا هند تتبغيه *شاد فراسو* ااااه تتبغيه بغيتي ولا كرهتي
يلاه هز يديه بغااا يضربها مورا كفو باش يسكتها دغية دورات وجها وخباتو بين يديها بقااا هاز يديه أو تيشوف فيها بكل كره محملش يسمع ولا كلمة خرى على. ختو وخرج تيجري زااااعف ....ناردين رجعات جلسات جنب ناموسية أو تتبكي وبنتها تتشوف فيها هزاتها وخشاتها فحضنها وتتبكي حتا فشاات قلبها مسحات دموعها ونزلات ...
نجلاء : هند فينك ..
هند : هاني هنا امرات خويا *تتمسح دموعها*
نجلاء : ششش يااا حبيبة ديالي علاش دموع
هند *عنقاتها وتتبكي فحضنها* كااانت حاسة مغديش يبغي امرات خويااا كانت حاسة خالتي مكانش عليها تهضر معاه نهائيا اهئ هئ
نجلاء : ششش بركة من دموع كلشي غدي اكون كيف ما بغينتي غير خصنا نصبرو شوية
هند : مبقاش فيا لي يصبر حتا واحد مغدي يتقبل هاد زواج لا بهاء لا بابا ولا حتا نوردين انا صافي قررت نهرب معاه ولي بغا يوقع يوقع انا مستحيل نخليه يمشي لشواحدة خرى غدي نموت امرات خويا غدي نمووووت
نجلاء : بعد شر عليك متگوليش هكااا ولا حتا تفكري مجرد فكرة فالهروب واش بغيتي تقتلي الحاج بفقصتك حتال الهروب لا انت غير صبري انا تنواعدك غدي لقاو شي حال أنا غدي نهضر مع نوردين بااش يهضر مع بهاء الدين أما الحاج خليه غير الخالتي رقية غدي تقنعو اوا صافي مسح دموعك وخليك بعقلك
هند : مرااات خويا واااش تضني بالي بهاء الدين غدي يتراااجع ويخليني نتزوج يوسف
نجلاء : ااااه هو خاصو غير شوية الوقت انت عرفة بالي بهاء الدين هو لي ربااك وتيحسبك بنتو ماشي ختوو يعني حاجة عادية اخاف عليك وحتا يوسف دكشي لي دار فيك ماشي سااااهل خص يرجع ثقة ديالهم فيه باش الا عطاوك ليه إكونو هانين من جهتك هههه هما غير خايفين عليك وبغاااو إديرو ليك شااان اش باقي بغيتي شكون بحالك بغاو إشيبوه باش منين توصلي عندو احطك فعينوو ماشي تمشي عندو بلا عز إديرك جفاف بين رجلو راااه زواااج هدا ودوااام ماشي ليلة ولا جوج واش فهمتي اش بغيت نوصل ليك
ناردين مزال تتبكي وتتفكر كيفاش هو خايف على ختو باش حتا وااااحد ما يجرحها وهي گاع انواع تعديب دوزو عليها نفسيا وجسديا ومكاينش لي خاف عليها مكرهاتش كون كان حتا هي عندها خوها ولا شي اب لي إدير لها العز والقمة تدور حتا تتعيا وتتعاود ترجع لنفس نقطة قلبها تتحس بيه تيحرقها حطات البنت بلاصتها من بعد ما بدلات لها ليكوش أو رضعاتها ..
حفيضة *دخلات راسها* خرج داك الوحش الله يعطيه غبارة بالكشيفة باش سكت رقية من لبكا الكلام ديالو جرحها *تتشوف فعينين ناردين منفوخين بالبكا أو حمرين * انت مالكي يكما ضربك داك وجه البراد هضري
بهاء الدين موقف بطوموبيل حتال قدام الگراج ديال الميكانيك فين خدام يوسف مع فرانا بجهد تخلع المعلم ...
المعلم : نعام اسيدي اش حب الخاطر
بهاء الدين : فينو يوسف
المعلم : كاااين الداخل أنا غدي نعيط ليك عليه
بقاااا بهاء الدين غاادي مبعد يوسف غير شافو غير من ضهرو تخلع رجع كولو تيترعد حيد طبلية ومشا وقف فجنبو
يوسف : سي بهاء الدين گالي المعلم بغيتيني
بهاء الدين مشافش فيه حرك غير راسو باش اتبعو طلع فطوموبيل وطلع يوسف فجنبو ومشاو زافين حتا وصلو لواحد جبل عااالي عاد وقف غير الخلا والقيفار يوسف تيگول صافي جبو هنا يقتلو ويلوحو أو حتا واحد مغدي اجيب ليه الخبار نزل زااعف وشعل الگارو بين صباعو وتيكمي معصب ويوسف وراه ...
بهاء الدين *بصوت قوي* اااش گلتي لمك هاد صباااح ..
يوسف : مگلت لها والو ....*شاف فيه مخنزر *
يوسف : اااه گلت لها غير بغيت هند الا بغيتو تعطيوها ليا
بهاء الدين*ابتسامة استهزاء* مزال مبغيتيش تحشم يااااااك واش صحابك غير رجعتي بنتي صافي غدي تبدا تلعب بين رجلي ولا أشنو تيگوليك راسك
بهاء الدين تيقرب منو وهو تزيد لور حتا وصل الحافة جرو بهاااء الدين
بهاء الدين : يااااك تتشوف هاااد لبلاصة يااااك شوفها مزيااااان باش تعقل عليها
*دفع ليه راااسو أو تيشوف فدااك المرتفع شداتو دوخة غير مجرد ما نزل عينيه
يوسف : شفتو شفتو ....عفااااك لااااا
بهاء الدين *جرو العندو * مزيان من تمااا غدي لوووح موووك الا سمعت ولاو قد هكاااا درتيه لختي غدي نفيييك ونت عاااارفني مزيان اش تنسوا *يوسف تيحرك راسو* واش تتهضر مع هند ...
يوسف *تيحرك صبعو* لا لا معمرني هضرت معها من داك نهار اقسم بالله
بهاء الدين : أمنا بالله الا كانت تتبغيها كيف تتگول وهي تتبغيك انا مستحيل نوقف فطريقكم حاجة وحدة لي تتهمني هو تخليها تكون اسعد وحدة أو منبغيش نشوفها مقلقة ولا تتشكا منك وجاية العندي تتبكي حينت ديك ساعة مغديش نضمن ليك رااااسي اش غدي ندير فيك
يوسف *فرحان * لا غير كون هاني اسي بهاء وشكراااا بزاااف *عنقو * الله يخلف عليك ويخلي ليك شامة وناردين
بهاء الدين*بعدو* الخطبة ديالكم غدي تكون مورااا ماااا تكمل المتحانات ديالها يعني فالعطلة....تكمل قرايها متكملهاش دكشي تيبقا شغلكم مبقا عندي دخل ...مزال فيها
فنفس الفيلا كاينة غرفة غالب عليها الطابع الأنثوي فيعا نامونسية كبيرة فالبيج. . ناعسة فوقها غفران .... باين على وجها ملامح المرض .. بشرتها اللي ولات باهتة و صفرا و شفايفها حتى هما .. ناعسة كي الجثة و حداها الممرضة اللي مقابلها من نهار الحادتة جاب ليها مؤيد أطباء معروفين. . مي كلشي كايقول نفس الهضرة النزيف الداخلي اللي جاها فالراس و اللي تعتقات منه بأعجوبة سبب ليها ف غيبوبة اللي ما محددش امت غاتفيق و لا اشنو غايوقع ليها إلى فاقت حينت ضروري من الأعراض الجانبية ديال هاد الغيبوبة. .. خلاها ف الفيلا اللي عنده وسط المدينة و خلا معاها ممرضة مكلفة بيها و كل نهار كايجي يبات معاها و يطمن عليها..
مؤيد كان يالاه غادي لمقر شرطة حينت مزال طالع نزل فسن وجيم مع بهاء الدين مزال شك فيه بالي هو عندو شي دخل أو منين عرف بالي غفرااان خرجات من المستشفى وهو لي خرجها زاد تأكد منو بالي هو عندو علاقة بهدشي لي وقع وبغااا غفرااان تدخول الحبس ولكن مؤيد راافض ومستعد يعطي لي وراه ولي قدامو غير باش تبقا ومتدخولش الحبس بغاها تعيش وتكون عشيقة ديالو أو يتمتع بجمالها حينت مستحيل تكون مراتو متيشوفش شواحدة تقدر تملئ الفراغ لي خلات ناردين فحياتو يلاه نزل دخل الكوميسارية . حتى صونات ليه الممرضة باش تعلمو باللي غفران رآه فاقت. . رجع مكسيري للفيلا ... و دخل و لقاها مازال متكية ف بلاصتها و كاتشوف بعينيها أما لسانها ثقيل. ... قرب بالزربة و جلس على ركابيه حداها و شد ليها ف يديها. .. دارت عنده و بقات كاتشوف فيه شحال عاد قدرات تخرج شي حروف. .
غفران : .... ش...شك...شكوون. ..شكون انت ؟؟
هز راسو فيها و بقا مخرج عينيه
حيدات يديها من يديه و حاولات تقاد ف الجلسة مي ماقدراتش. . جا بغا يعاونها و دفعاتو
مؤيد : غفران واش نتي لاباس كاضرك شي حاجة
غفران : شكون انت .... و شكون غفران
مؤيد : غفران انت سميتك غفران وقعات ليك واحد الأكسيدون هدشي باش معقلتي على والو ولكن مع وقت كلشي غدي تفكريه
ناض هو وقف و خرج كايجري عيط للطبيب ... و رجع عندها البيت لقاها باقا ف نفس البلاصة .. عاود قرب حداها و جلس و هي تبعد منه و كحازات
غفران : عافاك بعد مني ... انا ماكانعرفكش
بقا مؤيد كايشوف ما عرف ما يقول لسانه تعقد ... وصل الطبيب اللي خرجو من البيت باش يفحصها. .. شويا و عاد خرج عنده
مؤيد : اش واقع ليها علاش ماعاقلة على والو
الطبيب: موسيو مؤيد هادشي كنا متوقعينو. .. هي الدقة اللي كانت عندها كانت صعيبة عاد النزيف الداخلي يعني كنا مستاعدين لأي نتيجة و الحمدلله اللي جات غي ف هاك حينت كان يمكن تفيق و هي فاقدة البصر ديالها .. يعني دابا هي رآه ماشي فقدات الذاكرة بصفة نهائية .. هي غي مؤقتة يعني تقدر تكون جالسة حتى تفكر كلشي ..
مؤيد : و شحال خسها ديال الوقت
الطبيب: ما نقدرش نحدد مي رآه ماشي شي مدة كبيرة
مؤيد : و صحتها مزيانة ياك
الطبيب : اااه .. غي تبقا متبعة دواها اللي يخليها تنعس فالليل حينت دابا غايبقا راسها يعطيها الصداع. . عاد كتبت ليها شي مقويات و فيتامينات باش ترجع صحتها حينت ضعافت بزاف ...
شكر مؤيد الطبيب و سيفط المساعد ديالو يجيب ليها الدوا .. و نزل عند الخدامات وجدو ليها أكل صحي و طلعو ليها
دخل عندها البيت لقاها جالسة و كاتشوف ف جهة الشرجم. .. قرب و جلس ف جنب الناموسية و هي تخاف و جمعات رجليها عندها
مكالمة من مجهول الجزء 12
محتوى القصة
التنقل بين الأجزاء