غير وصلو قدام السبيطار دغية بلاصة طوموبيل بهاااء الدين وطلع تيجري وبقاات ناردين غادية بشوية وحفيضة شادة فيها طلعو فالمصعد ومشاااو ديريكت الغرفة فين جاسم لقاااااو دنيااااا عااااااامرة عليه كلشي كاااين فوق راسو وممرضة تتخاصم باش إنفسو عليه شوية سيد مزال مگلوب خاصو رااااحة خاص اكونو عندو غير. غير زوج ديال ناس ولا واحد گاع كلشي خرج بقااات غير عبير وبهاااااء الدين وناردين ...
مريم : كون مشيتو مغديش تلقاوني
حفيضة : دكشي لي بان ليا شوفي حالتها راااه حتا بياضو عنيها وگلت صافي هداااا هو لوجع ديال لولادة حتا تاني طلقها الحال
مريم : ااااه رآه قريبة شوفي غير المشية ديالها ولات محاكة لوجع غدي اشدها ياااا اليوم بليل ياااا صبااااح
رقية : مسكينة ناردين الله افكها على خير
حفيضة : امين اختي رقية امين..
🍂🍂🍂
جاسم كان غير تيحرك لهم رااسو متيهضرش بزاااف وعينيه كانو حمرين وعبير شادة فيدو
بهاء الدين : يلاااااه اسبع جمع راااسك ونوض بركة عليك من راااااحة راااه. الخدمة تتسناك ادهم ولا غير تيغوت تقهر زغبي هههه
ضحك معاه جااااسم ناردين كااااانت واقفة جنب بهااااء الدين وتتشوف فجاااسم وتضحك معهم حتا تحنااات وشدات فكرشها..ومزيرة على شفايفها ومغمضة عينيها لوجع تيضربها الضهر تعوقات
ناردين : ملي شفتك مرة خرى اكيد انا مزيانة الحمد الله.. *تبسم وباس بين عينيها*
وقف وتيشوف فولادو ... كانو مغمضيين عويناااتهم و ساااكتييين...
مريم :. مبروووك ...
بهاء الدين : الله ابارك فيك امريم شكرا تيشوف فيهم بعيوون لاامعين حط صباعو على جبهة الصبي و البنات....
شوية دخلات العائلة كاملة عليهم من بعد مااا كانت حبساهم مريم دخلو لقاو بهاااء الدين هز البنت اقام الصلاة وأذن فوذنيهاا بصووت عذب حطها من بعد ما باس جبهتها وهز ... الصبي... أدن ليه حتا هو وقبل يديهم و حططهمم... كاايبتاسم لييهم... قلللبو كاااينننبض بفرحة كبييرة ... إحساااس ابوي كان حسو مع شامة و الآن كايحسو مضوبل..
رقية : مشااااااء الله الحمد لله على سلامتك خصك ابنتي ترضعيهم ...
ناردين : ااه... الله اسلمك اخالتي
نجلاء : وينو وينو زوينين اناردين الحمد لله منين غير تم الفكاك على خير
عبير: غزااااالين صااافي انا لقيت لولدي عروسة *ناردين تبسمات* مغديش نلقااا ما حسن من هاد شهدة لي ولدتي مشاااء الله غزالين
هند : عرفتي لولد غير خوياااااا صافي ههههه
حفيضة : ونت شامة خوك لولد حتا هو خوك وااااا بزاف
هند: وماااااال خويا معجبكش الآلة حفيضة
رقية : واااااا هنيونا تاني
كلهم رجعو تجمعو على كونا وتيشوفو فيهم كانو ناعسين....
مريم : أشنو غدي تسميوهم بعد
ناردين : أنا لي غدي نسميهم بهاء سماااا شامة دبا وصل دور ديالي غدي نسميهم امممم روان ورزاااان كيف جاوكم
بهاء الدين *بغضب* روااااان من نيتك اش هاد سمية رعوانية لي غدي تسمي بها ولدي
ناردين *بعصبية* صافي بركة ابهاء الدين راك عيقتي سميتي شامة دبا من حقي نسمي لي عجبني
بهاء الدين: ولدي انا لي غدي نسميه ونتي سمي البنت حينت مستحيل نسمي ولدي روان خص تكون شي سمية مرجلة وحرشة
ناردين (خنزراات فيه ) : عاااارفة تدير بحال الا هدي اول ولادة ليا ولا انت بوحدك لي والدهم وخايف عليهم
بهاء الدين : دباااا هنيناا وخلي بالك مع بنتك ؟؟
شد لها يديها وتيبوس فيهم كانو صغيورين بزاف....
بهاء الدين : مرحبا بيك ابنتي انت وخوك معانا
ناردين* تبسمات * تنتمنى من الله اخلينا ديما مجموعين ..أو حتا حاجة فهاد دنيا متفرقنا تدوز يديها على وجه بهاء الدين شد لها يديها وتيبوس فيها هبطو عينيهم لقاو سلسبيل طلقات البزولة وناعسة.. ضحكو عليها بزوج وناااض حطها حدا خوها وجااا تخشا فناردين ودخلو بزوج فقبلة طويلة حتا تتحس بروحها غدي طلع معندهاش سوفل لي عندو هو حطات راسها على صدرو وغمضات عينيها أما بهاء الدين تيدوز يديه على شعرها وعينيه على ولادو لي غارقين فنعاس بحالهم بحال امهم ..
مريم : لا لا اخالتي رقية وخااا هكاك تيكونو باينين فولة وتقسمات على جوج ..
هند : دبا امتى سبوع
رقية : نهار الأحد الا بقا العمر
عبير: مزيان نيت بين ما جاسم يخرج من سبيطار غدي يخرج نهار الخميس فصباااااح
رقية : بصح ابنتي اوا هنيا علينا عاااااد الفرحة غدي تكمل الا خرج نسيبي من سبيطار
شوية تيبكي ولدها محمد اسلام
عبير: ولدي ولدي فااااق حيدي بلاكي ندوز شوف ليك الخوينز غير سمع حس مرتو تترضع حتا هو فاق بغااا يرضع
ناردين : أودي الله يهديك اشمن مرتو هنينا متبقايش تگولي هكااا قدام بهاء الدين رااه زغب راااسو تيوقف
عبير: هدااااك رآه مزعزع ليه شررررف الا تناسب معايا ولدي رااااه لالة لبنات تمناااااه شوفو زين وزعورية وعينين زورق تگول گاوري هو مكثر ليا على ديك المغمضة ديالو
ماتو بضحك بقاو على قوافي الهضرة ولبرارد ديال اتاي شوية طلع عندهم يوسف وادهم جاهم الملل مع الحاج الشافعي والعربي وجااااو كملو دكشي لي خصهم وسط العيالات فمهم مبقاش تيتجمع من ضحك ..
غير تغداو كلشي مشاااا وتنفسات دار عليهم شوية ناردين تمشات بشوية حتا الكوزينة جبدات الحليب وطيباتو وخواتو فرداعة وهيا تسمع بكاء بنتها شامة حطات لي فإيديها وزربات فالمشية متاجهة لبيت نعاس بانت ليها كالسة فالكونة ديالها غير شافتها وهيا تحبس بكاها كانت فكونتها وكتشوف فيها بعيويناتها ملهوفة
كلسات وحطاتها على ركبتها جبدات لها رضاعة . خشاتها فمها وبدات تجبد وناردين كدوز إيديها على شعرها البني الأملس .... كانت بنتها فااتنة بالجماال بارئتها وزينها كانت لي دوز من حداه ميتهنى حتى يشبع فيها بوسان ...
ناردين تترضعها وتدوز بيديها على شعرها وتغني لها ......
أرنب يجري يلعب يأكل جزرا كي لا يتعب،🎶
باء بطة نطت نطة وقعت ضحكت منها القطة
تاء تاج فوق الراس 🎶فيه الذهب وفيه الماس🎶
ثاء ثعلب صاد دجاجة هو ماكر وقت الحاجة
جيم جمل في الصحراء🎶 مثل سفينة فوق الماء
حاء حج أسمى رغبة فيه طواف حول الكعبة
خاء خبز عند البائع لا يأكله إلا الجائع🎶
دال ديك حسن الصوت قام يؤذن فوق البيت
ذال ذئب وحش صلب لا يرهبه إلا الكلب🎶
راء رجل عرف الدين فهو صدوق وهو أمين
زين زهرة أصفر أحمر هي بعيني أحلى منظر
سين ساعة تحفظ وقتي في مدرستي أو في بيتي🎶🎵
شين شمس صنع قدير فيها الدف وفيها النور
صاد صائد ألقى الشبكة بعد قليل صاد سمكة
ضاء ضابط يحمي وطني يحفظ أمني يرعى سكني؟
طاء طفل أجمل طفل فهو نظيف حسن الشكل
ظاء ظفر نظفناه طال قليلا فقصصناه
عين عين تخش الله تشهد خيرا فيه رضاه
غين غار غار حراء فيه أنزل القرآن🎶
فاء فيل ذو أنياب وهو صديق يا أصحاب
قاف قمر فيه منال ومواقيت تهدى السائل
كاف كلب عاش جواري يحرس غنمي يحرس داري🎶
لام لحم ينمو جسمي يكسو عظمي فيه أسمى
ميم مسجد بيت الله فيه أؤدي كل صلاة
نون نهر نهر النيل فهو كريم غير بخيل🎶
هاء هرم عال القمة وبناؤه رمز للهمة.🎶
واو وجه للإنسان فيه إشراق بالإيمان🎶
ياء يد ترسم زهرة تبدع شكلاً تظهر فكراً
غير حبسات الأغنية حيدات راس رضاعة من فمها وتشوف ف ناردين و كضحك زعمة بقاي تتغني متسكتيش ناردين جابت لها ضحك نزلات تتبوس فمهاا
وناردين تتشوف فيهم وتتضحك ناعسة فوق ناموسية وحاطة يديها على كرشها
وشامة كتلعب برجيلتها المطبزين لي كتهزهم وتبقا تبوسه فيهم حفيضة وتهرها حتى كتقهقه بالضحك... كملات ليها لبسها وحطاتها فكونها وجابت ليها رداعتها لي دفاتها لها شوية وبدات تترضع فيها تاني وناردين تتشوف فيهم حتا تحل الباب دخل بهاااء الدين ..
بهاء الدين : سلام وعليكم...
حفيضة : وعليكم سلام اولدي دخول
بهاء الدين *تيشوف فناردين * خالتي حفيضة عفااااك خرجي غفران بغات تهضر مع ناردين شوية
ناردين *خرجات عينيها* هدي اااش بغاااااااات وعلاش جاي معها هضررررر
بهاء الدين *معصب* ناردين بركة سيدة جاية تهضر معاااك سمع لها دخلي اغفران
خرجات حفيضة مع شامة وبهاء الدين سد عليهم الباب ....
غفران : ناردين من حقك تكرهيني ولكن أنا اليوم جيت غير باش نبارك ليك الحمد لله على سلامتك أو بغيت حتا نطلب منك سماحة على اي حاجة درتها معاااااك من قبل انا ندمانة على كلشي عفاك سمح ليا
ناردين *شافت فيها* اش غدي نگوليك هو دكشي لي درتي ماشي قليل ولكن مدام انت تتگولي ندمانة وجيتي تطلبي سماحة وخا الآلة الله اسامح
بهاء الدين *هز عينيه* ماشي دبا احياتي حتا يكبرو وليداتنا شي عامين گاع نعطيك عاد زيدي شي واااحد تاني صااافي
ناردين *دفعاتو* غييير حلم صااافي صاااافي الله اجعل شي بركة على ربي قد غير بهدو لي عندك راااني عيت تيفيقو دقة وحدة وتينعسو فدقة وحدة أو خصك تبدل لهم فدقة وحدة أو لعب معهم بزوج دقة وحدة وشد لهم الخاااااطر بزووج لااااا بزاف عاااااد شامة ولات غير ماما لي مكلفة بها بنتي تحرمات مني مسكييييينة انا عييييييت عيييت
بهاء الدين : فكرتيني شدي هدشي خليه عندك حتا نسول فيه خايف نحطهم فشي بلاصة أو منعقل فين حطيتهم رااااااس عااامر
ناردين : ااااش هدشي بعد
بهاء الدين : من صباح ونا مشوجر بالكشيفة باش لقيت واااحد جوج بلايص وخشيت باك وموك گولي لهم إوجدو راااسهم غدي يمشيو الحج مع الحاج ورقية
*ناردين شرعات عينيها*
ناردين : واش تتهضر بصح ماما وبابا غدي يمشيو حتى هما الحج
بهاء الدين: اااش غدي ندير الحاج شحال هدا دافع وكل عام كان تيگول غدي تخرج فيه القرعة هدشي فاش كانت المرحومة مزال فالحياة ساااع مكتابش لها تعاود تمشي ليه ودبا خرجات القرعة الحاج وغدي يمشي مع رقية ومجاتش يمشيو هما أو يبقاو واليديك شفت حتا عيت وگلت نصيفطهم معهم ومن زهرهم واااحد المرا و رجلها مبقاوش بغاو يمشيو كانو غدين فنفس طيارة لي غدي يمشي فيها الواليد و رقية دغية عطيتهم الفلوس وخديت لوراق منهم و قلبتهم على سمية ديال واليديك مكتاب لهم امشيو اشوفو داك المقام
ناردين طارت عليه عنقاتو ....وتدعي معاااه
بهاء الدين : عرفتي اشناهيا الحاجة لي تتفرحني فهاد دنيا اناردين
*ناردين حركات راسها فرحانة*
بهاء الدين : هي نشوفك فرحانة انت هي كلشي فحياتي وغدي ندير مستحيل باااش نعوضك على أي حاجة انت ولادي
طلع فوقها وتيبوس وهي منساجمة معااااه حتا بدااااا تاني لغوااات فاااق داك جن ديال عصمان أو بغواتو فاقت حتا ختو وبداااااا صداااااع تهز من فوقها ومشا الكونة هزهم بزوج بحال شي قنيات من رجليهم وناردين تتغوت تتشوف ولادها مكشترين
ناردين: بهاااء الدين اااش ديك الهزاااا داير لهم غدي تفكهم من شي بلاصة واااااش انت حمق
رماهم لها فحجرها وتيغوات
ناردين : باااااز غير گبيلة لي بارك عليا نزيدو شي واااحد صافي دغية طلع ليك دم منهم هههههه انت رااااااك حمق وغير لي دار فيك راسو
جلس مقابل معها وشاااااد فراسو وناردين تترضع فيهم وتتشوف فيه وتضحك
شوية زيرات على شفايفها تتألم كان عصمان تيقسحها تيجر مزيان تتحس براس بزولتها غدي إطير عكس سلسبيل كانت تتجبد غير بشوية بقااات هكاك تتألم حتا عمر كرشو وطلق راااس البزولة وبداااا تيتفركل بيديه ورجليه رمااتو لباااه تيلعب معاااه أو ينخد فيه حتا تقيا عليه گاع داك الحليب لي شرب ناردين بدات تضحك عليه
ناردين : سرك انت لي تتنخد فيه وهو يلاه راااضع
دغية لاحو فوق ناموسية ومشا تيزرب لاح القميجة ودخل الدوش زااااعف وتيغوات وناردين تضحك عليه وتتشوف بنتها سلسبيل لي مزال تترضع بشوية عليها حتا شبعات عاد طلقاتها بوحدها هزاتها باستها وحطاتها حدا خوها بقااات حتا هي تتفركل بيديها ورجيلاتها فرحانين عمرو كريشتهم ..
...¤¤¤اليوم الساابع ¤¤¤....
حل المساء وعمرات القاعة الحفلات
بهاء الدين قرر يجمع كلشي مرة وحدة سبوع وختانة وعرض على جميع العائلة وحتا جيران القدام ديال الحومة ديالهم ....
ناردين كانت واقفة مقابلة مع المرايا فالبيت ..
رقية. : الدنيا عمرات وكاع الناس جاو يالا طلقو راسكم فينها ناردين
هند : واخا اخالتي دقيقة وها حنا معاك وقلة ناردين مزال فبيت باقي گاع منزلات
رقية. : يالا الله يرضي عليكم
خرجات من الغرفة وسدات الباب وراها جرها لعندو وطبع قبلة فمها
كان لابس كوسطار اسود المنحوت على فورمتو الضخمة ... وعيونو السود كيشوف
بهاء الدين : ( بتاسم ليها )جيتي غزااالة ... كتحمقي
ناردين : (دفعاتو ) ايه خسرتي ليا العكر
بهاء الدين : (رفع حاجبو ) ما لاحظتيش بلي كترتي من المكياج (مسح ليها فمها ) هاد الفم حمر كتر من لازم العكر غادريه هنا وانا لي من حقي نشوفو فقط ماشي العالم كامل
ناردين : ايييه زدتيه فيه اليوم السبوع ديال ولادي خصني نبان زوينة
بهاء الدين : رااااك زوينة احياتي بلا هدشي
ناردين : (خرجات عينها فيه ) دابا شنو بغيتي
بهاء الدين : (بعصبية ) بغيتك تمسح داااك زبل لي فمك رااااه والله ونزل التحت ونشوفك تاني وركتي على الحمر نقسم ليك فمي بالله حتا نبوسك قداامهم ونشوهك زوينة هدي انا تنبان ليك نص نص لي مزوقة ليا كي طعريجة وهابطة ؟ ؟
ناردين غرغرو عينيها هو ربع يديه وتيضحك عليها جرها لعندو وخشاها فحضنو وطبع قبلة فمها
بهاء الدين : وينو وينو على بنيتي تتبكي بغااات العكر صافي احبيبتي غير تخوا علينا دنيا ونديرو لبنتي نبوس أو يتمسح ونعاود نديرو تاني حنا اش خاصرين
ناردين : (ضرباتو بيدها على صدور ) انا ماشي بنتك أو ماشي وقت الضحك ديالك عصبتيني بعد من طريقي خليني ندوز كانت لابسة قفطان فلون البوردو كلو محجرة بدهبي وسندالة عالية مدهبة ..
كان اكبر سبوع قادو كلشي وكانو دايرين الوان البالونات فالزهري و الازرق الفاتح كان كلشي حاااضر و فرحان لهم كلشي لابس قفاطن وشي تكاشط شي كساوي وكأنه عرس كان جاااسم گاعد فواحد طبلة وهاااز ولدو فحجرو كان مزال عيان متيقدرش يتحرك بزاف وطبيب مانع عليه يوقف الساعات طويلة عاد خاصو يبقى يشرب دوا فالوقت
غير عدلات ناردين المكياج ديالها رجعات وقفات قدام بهاء لي غير شافها كان راااضي كل رضاا على المكياج لي خلاتوو خفيف وكتفات غير بملمع فشفايفها فنفس لون فمها شد فإيديها وحرك راسو بمعنى مشيناا .. جاوباتو بنفس طريقة وزادو خارجين متاجهين الحفل
دخلو وتيرحبو بالضيوف طبلة بطبلة وكلهم كانو تيباركو لهم مشاو جلسو مع عائلتها كان كلشي فرحان وناشط بهاء الدين جر الكرسي وجلس جنب جاسم وحط يدو على رجلو
بهاء الدين : كيف بقيتي شوية
جاسم : الحمد لله شوية بهاء هي صافي غدي نتناسبو شفت شهدة ديال بنتك زوينة المهم صافي هديك راااه مرشومة مرات ولدي متعطيها الحد
بهاء الدين *عاقد حجبانو* واش انت مخور فراسك شكون لي گاليك انا باغي نزوجها اصلا
جاسم : وااايلي اصحبي مالك غدي تخلعها
بهاء الدين: ونت مالك اصحبي طلق من الهضرة بلاما تعصبني نصدق طااحن موك هنا
جاسم : هههههه وااااغير تكالما اصحبي غير ضاحكين
بهاء الدين تيصوت وقالب وجهو تگول غدي تزوج دبااااا شوية بدات الفرقة الموسيقية ومكاين غير الأهازيج المغربية وزغااااريت وناس نايضين تيشطحو القاعة تتهز وتحط ناردين شابعة شطيح مع راسها هي والبنات بهاء الدين عينيه بغاااا احطهم قدامو بكثرت ما تيخرجهم فيها باش تجلس والو حلفات لا حطات ترمتها الأرض دخلو دقايقية وحماوها تتسكوت فرقة وتنوض فرقة كانت ليلة ولا الف ليلة بنسبة ناردين و عائلتها وناس لي كاتبغي جنبها وولادها بثلاتة لي كانو دايرين بها غير جلسات جا بهاء الدين حط الكرسي جنبها لاحظ بلي دارت العكر قرب منها وهمس فودنها
بهاء الدين : غاتمسحي داك زبل لي درتي فمك ولا غانمسحو ليك بطريقتي وقدام ناس راك فاهمه شنو (غمزها )
فهمات قصدو ومساحتو بيدها بسرعة وبدون تردد وتضحك عارفة اش دارت هو ممفاكش
بهاء الدين : (بتسم ) هاكا نبغيك امراتي العزيزة هههه
من ساعات طويلة سالا سبوع وتفرقات جوقة وكل واحد قصد دارو من بعد ما دوزو احسن سبوع فحياتهم كلاو حتا شبعو أو داو لديورهم مزال من فوق نشطو مع راسهم أو فوجو لا هضرة لا كلام غير على. سبوع ديال حفايد الحاج الشافعي حتا حد مقدر ينساه بقا متورخ فعقلهم ...
من بعد ما رجعو الدار طلع بهاء الدين ديريكت البيت لاح الڤيست وبدا كيحل فقميجة وغدي لدوش وخلا ناردين هازة ولادها تترضع فيهم حتا نعسو وحطاتهم ومشات بدات تتحيد فالقفطان ومسحات المكياج بديماكيو جبدات سوميج بيض شفافة وقصيير ولاحت عليه بينوارها لي ممدرك والوو رشات عليها ريحة وخلات شعرها على راحتو شوية خرج بهاء الدين من دوش بقات عاطياه بالظهر محسات غير بنفسو فعنقهااا وقطرات الما كتسقط على كتفها
بهاء الدين(بصوت رجولي ) حبيبتي ...
ناردين ( حسات بإيديه تسللو لفخاضها كيتلمسو فيهم .. وقلبها كيضرب بجهد حتى حسات بلحمها وقف عليها بلمستوو ) هممم ...
بهاء الدين (نزل ليها بينوار من كتفها حتى بقا عاري كيلمع ونزل كيبوس فيه بقبل متفرقة كيطلع حتى لودنها وينزل لكتفها ... طلع نفس حار وساطو فودنها حتى تهزات ) الله على ريحتك
ناردين حطات ايديها على ايديه لي فكرشها وهوا يشابكهم بزوج وورك عليه كيبين ليها مدى إشتياقووو ليهاا ... بدات ايديه كتحيد ليها بينوار حتى طاح للأرض وبدا كيدورها عندو بشوية حتى تقابلات معاه طلعها ونزلها كان نص صدرها باين وسوميج واصلة لحد فخضها وشفافة لحمها كيبان من تحتها ... عض على شفايفو وبتاسم بجنب لما شاف فعينيها لامعين وهيا كتشوف فشعرو فازك كيقطر وصدرو عاري مطراسي لاوي عليه الفوطة لتحت... شيء لي خلا صدرها يطلع وينزل بزربة باغاااه لحد الجنون .. جرها من ايديها حتى تردخات مع صدرو حط ايديه على وجهها وغرق فشفايفهاا وحتى هيا مخلاتش من جهدها دورات ايديها على عنقوو وبدات تبوس فيه ... حتى لقات راسها تهزات من الأرض ودورات رجليها على ظهروو وهوا كيزيدو يتعمقوو فقبلاتهم .. حطها على الناموسية
ناردين : بهاء الدين لاااااا *بعداتو*
بهاء الدين تگلب الجهة الخرى وشد راسو تفكر بالي مزال نافسة شد راسو عليها غير بزز دغية هربات حتا تتسمع لغوات ديال حفيضة والعربي هزات بينوار طويل من لبلاكار وخارجة تتجري تتجمع البينوار بالحزام ديالو
ناردين *بالغوات* مااالكم علاش هاد الغوات كولو
حفيضة : هضري مع باااااك گاليك مبغااش يمشي معايا الحج علاه اصلا هو داير وجهو سكايري لخور ...
العربي ماايت مع واحد جوان فيه الحشيش
العربي*خارجين ليه كشاكشو* واااش شااهدة على هاااد الخانزة الفم ديال موووك راااه هي تتجبدني عليها انا بغيت نساااه وهي تتفكرني بيه
حفيضة: على أساس انت نسيتيه الله امسخك غير لبارح لي لقيت قرعة شرااب تحت ناموسية *العربي جاي لها تخبات مورا ناردين*
ناردين *بالغوات* هنيونا رااااه ناس ناعسين بلا فضيحة علاش مبغيتيش تمشي ابابا سيد مخلص كلشي انت اش خاصر سير غسل دنوبك وطلب ربي يسمح ليك على ما دوزتي
العربي : انا مغدي فين ربي مسامح ليا وراااجلك غير ضربو الله حط ديك سبعة لبريكات كون غير عطاها ليا ندير بها مشروع بحال صاحبي المختار دااار كروصة ديال ضيطاي ولد الهم تيدخل زبابل ديال الفلوس كل نهار وغير گاعد فوق واحد كرسي ماشي بحالي أنا لي تنضرب تمارة الكحلة مع رااااجلك فديبو فالخر تنشد بحالي بحال الخدامة لي عندو وماشي حشومة عليه زعمة انا نسيبو ويلا غير نغسل دنوبي 10 درهم نمشي الحمام نخرج تنشعل سيري گولي ليه ارجع لهم وراااقيهم أو يعطيونا فلوسنا
حفيضة : مشكلة مع هاد رااااجل غدي اسكت ليا القلب ابنتي
ناردين *بعصبية* اخير كلام نگولو ليك ابابا ومغديش نعاودو غدي تمشي مع ماما وتأدي مناسك الحج بحال گاع ناس سيد خاصر عليك الفلوس باش تعالج من داك الويل الكحل فالخر رجعتي ليه تاني تنقسم ليك فمي بالله ومترجع الطريق بحال گاع ناس ياااا حتى نسااا بالي راااك باااا وغدي نكركبك مع الباب انا راااه منقصني مشاااااكيل ناس هازينك فوق رااااس أو لي بغيتيها تتوصلك أشنو باغي وهاد الحج لي انت معفر عليه رااااه كاااين غير لي بغاااك وملقاااااه ماما غير بداي تجمعي حوايجك وخليه هو اضبر راسو حينت فعلا هدشي ديالو كثير وبدا يطلع ليا فراسي
خرجات ناردين طالع لها دم لقات بهاء الدين تيكمي فالبالكون
بهاء الدين ؛ اااش واقع مالكي
ناردين : والو غير بابا مناگر مع ماما كيف العادة بحال دراري صغار ماشي شحاجة
حفيضة : كوني هانيا غدي ندعي معكم كااااملين ان شاء الله كون تشوفي شحال فرحانة الله يخلف على ولدي بهااااء الدين لي حقق ليا هاد الحلم ديالي كانت تنتمناه شحال هدااااا وتنطلب الله مااا يحرمنيش من شوفة ديال داك المقام
ناردين : بصحتك اماما الله يتقبل ليكم ودعيو مع بهاااااء الدين باش ربي يسر ليه فشركة ديالو
حفيضة : علاه شرااا شي شركة تاني
ناردين : لا اماما شرااا الأرض وبناها
حفيضة : اوا مزيان هنيا عليه غدي ندعي معاااه هو ولد ناس أو يستاهل كل خير
ناردين فرحانة جلسات جنب مها وتتلعب مع شامة حتا سمعات الغوات ديال عصمان وسلسبيل وناضت بجرا العندهم شوية جا العربي لابس فوقية بيضة وطاگية فراس بيضة مطروزة ديال لحجاج وتسبيح فيديه ماتو عليه بضحك غير تغداو ناضت رقية وحفيضة تيلبسو جلالبهم كانو بيضين وشال على راسهم والكاب فوق كثافهم أو بلاغي بيضين توادعو وتسامحو معهم دراري بداو تينزلو لهم لافاليز غير نزلو مع دروج بداااو تيزغرتو وصلاة وسلام على الحبيب مالية المكان ودموع الفرح محجربن فعينيهن طلعو فطوموبيل ومشاو وخلاو كلشي تيبكي موراهم بلأخص ناردين لي معمرها تفرقات مع امها أو عاد دبا هي لي هازة عليها شامة وخا كاينة نجلاء ولكن ماشي بحال امها مغديش تبغي تكثر على نجلاء وصلهم بهاء الدين حتى للمطار .. نزلو الباكاج و جرو ليهم بهاء الدين و هما تابعينو ... وصلو فين كايديرو إجراءات السفر و دغيا دوزوهم حينت معاهم بهاء الدين .. و خداو من عندهم ليفاليز ديالهم و بقات ليهم ساعة و تقلع الطيارة .. مشاو و جلسو فواحد الكافي حتا يتجمعو جميع الحجاج لي غادين فنفس طيارة
من بعد.ساعة الإنتضار .. دارو النداء باش المسافرين يلتاحقو و هما ينوضو تساالم معهم بهاء ومشاو بقا بهاء الدين وقف تيشوف فيهم حتا طلعو غير شوية قلعااااات طيارة ديالهم حفيضة كانت عادية وتضحك اول مرة تطلع فطيارة لا هي ولا العربي ولا رقية الا الحاج الشافعي سبق ليه حج شحال من مرة ومشا فيها هو والمرحومة كلشي كان صابر الا حفيضة غير بدات طيارة تطلع وهي تتغوات كصراااات عليهم طيارة تتبكي وتتجر فالعربي من جلابتو گاع وجهو جبداتو ليه متهناااا حتا طيارة تقدات فسما عااااد گعدات وتتقاد فولارها على راسها ولات كلها مكشترة تگول كانت تتحارب والعربي تيغوات ويسب غير من سمطة التحت تعربط عليها ولاو ناس تيگولو حشاكم حشاكم ...من بعد سوايع طويلة وصلو السعودية مشاو بيهم ديريكت لوطيل حتا رتاحو عاد خرجو تيشوفو ديك دنيا عالم اخور شداتهم القشعريرة فاش شافو الناس كيطوفو بقات رقية وحفيضة عاطينها البكا أما العربي خلاص حط راااسو على الكعبة وهيط هيط بالبكا سينتا ديال حياتو كلها دازت بين عينيه وكيفاش دوز حياتو كاملة غير فالمعصية وتكرفيص لي دوز على حفيضة وبنتو ناردين خلاص شحال من ليلة تيسكر وتيبغي يغتصبها غير تتهربها حفيضة فنصاصات ديال الليل شحال من حاجة دازت من عينيه فديك اللحضة وبقا تيبكي وتيطلب من الله يسمح ليه غير تتحط رجليك فداك المقام تتحس بقلبك غدي يسكوت شعور مستحيل ايتوصف شي حاجة ليها عضمة فشكااال ضارو حول الكعبة شي ضورات او طلبو الله ايغفر لهم صلاو وخرجو تيتمنضرو أو تيتصورو فالمساجد ها هنا ها تما منين ما دازو تتلقاي حفيضة تتصور أو تترسل ناردين تشوف كانو تصاور لي تيضربو حمقين بحالهم هما بربعة شي ما إرد العقل لشي كان باين على وجهم الفرحة وسرور ...
✴️بعد مرور خمس سنوات ✴️
ما أقسى سنوات العمر تمضى بنا مسرعة كالقطار وأحياناً بطيئة كالسلحفاة ...
فأحياناً تسعدنا ، وأحياناً ترهقنا ، وهكذا تمضى بنا الحياة ما بين سعادة وشقاء ، وحزن وفرح ، وأمل وألم ، ولقاء وفراق فما أقساها الأيام ...
دازت خمس سنوات وقعوا فيها العديد من التغيرات منهم بهااااء الدين من بعد ما رجعو الحجاج من الحج دار حفلة صغيرة وفتتح شركة ديالو لي بداااا بشوية بشوية حتا خلاها دير بلاصتها وسط شركات...اكبر شركات فمراكش. تمكن يبنيها بدون أي مساعدة ، و بمجهود شخصي و كبير، باش يقدر يخرج الموهبة ديالوا ، ويبرز شخصيتوا فعالم البزنز، بهاء الدين كان من ديما طموح ودار مجهود كبير باش فالأخير ، حقق حلمو بدكاء و دقة والجودة كدلك، كيف العادة .. الحلم كبير، و الطموح أكبر و تحقيقوا أروع ...
شكل بناية كان زجاجي كبير و كتعلاها حروف بطريقة راقية و لافتة لإسم الشركة مزخرف المنضر جميل و الراقي بامتياز للكارد كاينين فالباب ، كانو جميع الموضفين، تيديرو ما فجهدهم باش يرضيوا مديرهم، خدامين فشركة ديالو بدقة كبيرة، و كلهم عندهوم كفاءة كبيرة، و مهارات و كفائات عالية ، وباش انك تكون مجرد موضف فاحد شركات بهاء الدين هدا بحد داتو انجاز كبير،
*الجديد لي كان فالدار الشافعي هو*
العائلة كبراااات وكثرو الحفايد و الدار لي كانت كبيرة تيجري فيها الخيل بولادهم رجعات تتبان صغيرة أو بزاااااف بهاء الدين شاف حتا عيااااا وخرج عزل وخدا الفيلا كانت فجنب الفيلا ديال جاسم وهكا رجعو جيران كانت بتي الفيلا على قياسو هو أو ولادو.....
🍂غفراااان وسفيان 🍂
حياتهم تقدااات وزااادت تحسنات كثر وكثر منين شركة تمشااات مزيان أو ولا سفيان هو اليد اليمنى البهاء الدين مهبط راااسو وخاشي رااسو فأي حاجة حتا دار بلاصتو فشركة ورجع بهاء الدين تيعول عليه فكلشي حينت شم فيه ريحة ديال صفاا وبغاااا يعيش وياكول طرف ديال الخبز فالحلال فهاد المدة لي دازت تزادت عندهم بنية سماوها بيان
بهاء الدين تيحسبها بحال وحدة من بناتو ومدخلها تتقرا فمدرسة خاصة لي فيها ولادو
🍂 هند يوسف 🍂
من بعد عام يوسف مبقاش فيه لي يصبر وگال الهند تقطع الفنيد وتخرج تولد ليه حتا هي دكشي لي دارت قطعات الفنيد وحملات ولدات ليه وليد مبطبط غزاال نسخة من هند فالعوينات سماوه جنايد ودبا عندو 4 سنوات
🍂 مريم وادهم 🍂
تزاااد عندهم توميات جوج بنيات بحال نقطة العسل على قلبهم فولا وتقسمات على جوج
ضواو حياتهم سماوهم جوري ...جودي
🍂 جاسم وعبير،🍂
عبير من بعد محمد اسلام ما كبر ودخلاتو المدرسة حملات مرة خر ودبا عندها 6 شهور او دبا مقاتلة غير مع ولدها ضااااااسر مشيبهم ديما جاااايب لهم شكاوي
🍂 ناردين وبهاء الدين 🍂
فهاد الفترة كانو مدابزين غير مع ولادهم مكبرو حتا شابو ناردين تتغوات ربي لي خلقها بلأخص فالأيام الأولى جاتها قاصحة بلأخص مع شامة حتا هي صغيرة كانت نجلاء تتعاونها وتزادت عليها حتا هند عااااد شوية تهز عليها الحمل حفيضة خلات عليها بلاصتها منين مشات الحج وخلاتها منها لحريرتها ولات تطلب الله امتى ترجع .....
🍂حفيضة والعربي🍂
العربي منين زار داك المقام العضيم رجع انسان اخور صلاة ودين والعبادة تگول هزيتي رجل وحطيتي لخور ولا خدام مع الحاج الشافعي فصاغة *دهب* أو بقاو هما عايشين فدار الشافعي من بعد مااا خرج بهاء الدين و خلا لهم دار عاااد تيسعو وتمرحو مزيان فيها ..
🍂نجلاء نوردين 🍂
نجلاء مراااا عضيمة ونعمة الأم كبرو ولادها قصي ولا راااجل فعمر 17 السنة وضحى ولات فعمرها دبا 12 سنة كتفات غير بزوج تتشوف فيهم هما دنيتها وحياتها
🍂 الحاج الشافعي والالة رقية 🍂
همااا عايشين اجمل ايام فحياتهم أو هما تيشوفو حفايدهم دايرين بيهم هكااا مرااات 5 سنين من حياتهم وبزاااااف ديال الحوايج تغيرو والأجمل للأحسن ...
🌞نهار جديد 🌅🌅
ناردين ( بتاسمات ليه) صباح الخير ...
بهاء الدين( غمض عينيه وحلهم باش يتوكض .. وهوا يبوس ثديتها وطلع عندها باسها ففمها .بصوت رجولي) صباح نور الفريزة ديالي
ناردين ( ضحكات ليه ) كيف صبحتي ..
بهاء الدين( عينيه معسلين) على لي ينعس بين ايديك ميفيقش مزيان ...( رجع باس صدرها وهيا مخلياه براحتوو مغطين غير نصهم التحتاني اما لفوق مخلية ليه صدرها يدير فيه ما بغااااا حقو ) الله تنموووت انااا اعبااااد الله اش هاد الحلاوة ... .
ناردين ضحكات ليه ورجع كل شوية يبوس فمها ويرجع لصدرها حتى بدا فالمعقول بعدما داز على كل بلاصة فجسمهاا ....
كملو علاقتهم الحميمة صباحية ههه ... وتكا جنبها كينهج وهيا كذالك جرها العندو وحطات راسها على صدروو شوية دخل عليهم دكشي بحااال رعد طلع فوق ناموسية وتيشتف
محمد اسلام : عمووووو عمووو نغوووول عمووو نغوووووول
بهاء الدين *تعصب* الله ينعل زاااامل ديال بوووك عندك كرشها يااااولد لحمارة غدي تقتل ليا ولدي *طاكة بيديه على كرش ناردين لي مزال مصدومة وتتشوف فبهاء الدين*
محمد اسلام غير شاف بهاء الدين غدي انوض ليه ضربها بجرية وحدة
ناردين *بالغوات تتجر فيه* فيييين غاااادي
بهاء الدين *تيلبس سروالو* غااااادي لداااك دحش نربيه والله لا بقاااات فيه
ناردين : خلي عليك الولد وااا جااا گول ليا كيفاش قضية ولدك تاني انا ولد علاش تتهضر ابهاء الدين تكلم
بهاء الدين ضحك وهز الفوطة ودخل الدوش
خلا ناردين بغات تحماق هزات سوميج من الأرض ولبساتو ومزال تتسب وتعاير
ناردين : غير حلم والله لا كانت ليك مغديش نحمل مرة خرى واااااش تتفهم
بهاء الدين تيسمع فيها وطاالق رشاشة تيغسل شعرو بشمبان وتيضحك عااارف اش داير
خلاها كلها تترعد هزات راسها فداك البلاكار لي معمرو لها بفنيد منع الحمل زعمة هو مساندها ومبغاش مزال لولاد حلات البلاكار وبدات تتأكد منو دار لها شك بالأخص منين طاكا على كرشها وحتا هي ولات تتحس بشحاجة مبدلة فيها هاد الأيام بالأخص هاد شهرين ولات تتجيها لغيگل قليلة على الأيام الأولى گاع دوك الكراطن ديال الفنيد جبداتهم تتأكد تتلقا نفس لومبلاج ديال فنيد لي تتخود باش تقطع شك حلات الكارطونة وخرجات الفنيد لقات نفس لون الحبة لي موالفة زااادت تحققات من الإسم صغير لي مكتوب عليها لقاتو اسم اخور مختالف على اسم الفنيد لي فالكرطونة ديالو بغاااات تحماق وعرفات بالي ضحك عليها 3 شهور وهي تتشرب هاد الفنيد خرج بهاء الدين تينشف شعرو لقاها بحال عوة تتبكي غوتات وجاية ليه شدها بين يديه
ناردين *بالغوت *كدااااب كداااااب علاش ضحكتي عليااااااا لا لا يااااربي مااااا نكون حاملة تاني سير الله يخود فيك الحق
بهاء الدين مشا لبلاكار جبد حوايجو تيلبس فيهم وخلاها تتبكي وشادة فراسها ديك ساعة لبسات عبايتها وخرجات الفرمسيان جابت تيست بغات تأكد رجعات تتزرب دخلات تاني البيت وسدات عليها بهاء الدين دخل الكوزينة هضر مع الخدامة تجيب ليه القهوة ديالو صباحية دخل الصالة تلاح فوق الفوتوي وتيتفرج فالتلفازة فقناة جيو غرافيك جات الخدامة حطات ليه القهوة قدامو ومشات ...
🥀 فجهة اخرى 🥀
محمد اسلام كان فجردة غير شاف سلسبيل فالبالكون شير لها بيديه وحتا هي شيرات ليه ومشااا نقز من الحيط القصير لي فاارق بين الفيلا ديالهم مع الفيلا ديال بهاء الدين وحتا هي نزلات تتجري العندو
محمد اسلام : سنسبيل لباس عليك
سلسبيل *ابتسامة طفولية* اهلال محمد اسلام نباااااس عنييييييك سوووف سوف اشنو نسمت هاااااااد ثباااااااااح
محمد اسلام : امممممم زوين زوييين قلبي قلبي *قربي* نگوليك اش شاافت عمي نغوووول تيدير الخالتي ناندين هااااد صباح *حط يدو على عينيه *
سلسبيل *بفضول* اسنو سفتيهم تيدينوووو
محمد اسلام قرب لها وباااسها فمها وعمض عينيه وتيضحك سلسبيل براءة تتنقز بالفرحة وتضحك حتا هي فهاااااد اللحضة شاااافهم عصمان من شرجم وعقد غوباشتو نسخة مطابقة البهاء الدين فكل حركاتو مشاااا زاااااعف ...
عصمان جااا ديريكت حدا بااه مغوبش جلس بطريقة لي كان بهاء جلس بها حط رجليه حتا هو فوق طبلة ومسرح يديه فوق الفوتوي وتيشوف فتلفازة بهاء الدين حط الكاس ديال قهوة فوق طبلة وشاف فتلفازة ورجع شاااف فولدو
بهاء الدين : مااااالك *دغية ناض وطلع فوق كثفو موالف هكاااااك *
عصمان : وااالو غير سلسبيل ابابا كانت شفتها فجريدة تيبوسها محمد اسلام فمها
بهاء الدين صعر وزف بعصمان من فوق كثفو فتخو فالأرض دغية ناض عصمان موالف ديك طيحة بدأ تيحك فركبتو. شنق عليه بهاء
بهاء الدين *بالغوت* تحرك گووولي فين شفتيهم زيييد
ناردين خارجة تتغوات وهازة تيست إيجابي فيديها حتا لقات بهاء الدين صااااعر وهاااز بيد وحدة عصمان معلقو وغدي بيه ناردين تتجري تبعاااااه ...وتتغوات انزل لها ولدها
محمد اسلام: ناااااني نااااااني نغول جاااي تخبااي تخباااااااي
دخلو الغااار ديااالهم معرفاه غير ناردين
ناردين : علاش تتقلب
بهاء الدين *بالغوات* على ديك الخانزة ديال بنتك سايبة لي گعدين الكلاب تيشلقمو فيها دبا عجباااااتك ديك تربية ديالك يااااااك
ناردين *بالغوات* واااااش انت حمق تتگول على بنتك خانزة مالها اش عارفة وزايدون هي مزال صغيرة ومحمد اسلام راااه خوها الله يهديك
بهاء الدين *مخرج عينيه* واااااش زااامل داخل الداري و تيبوس فبنتي وتتگولي ليا صغيير واااش باغية تخرجي ليا عقلي هداك كان عليهم اسميوه كفاااار ماشي اسلام ولكن حتا إطيح فيدي الا مااا عاودت لمو الختانة منتسمااااش *عصمان تيضحك*
ناردين : كلشي من تحت راااااسك يااا سلوگي ولكن غير بلاتي عليك حتا يمشي هداااك لي مزيغك والله موووك حتا نحك ليك الفلفلة سودانية فدااااك الفم باش تعلم تبقا تدي الهضرة وتجيبها
عصمان دغية تعلق وطلع فكثاف باااه ومخرج لسااانو وناردين تتغدد عليه شافت فجهة الغاااار لقات سلسبيل مخبية هي ومحمد.اسلام وخايفين ضحكات لهم ناردين وطمناتهم باش ماااا اخافوش
بهاء الدين گاااع جريدة قلبها سفاها على علاها والو مكاينش لهم الحس ومشااا الفيلا عند جاسم تيردخ الباب عليهم حتا حلات عبير مزال فمها عااامر يلاه تتفطر مع جاااسم دخل
جاسم : الله يهديك ابهااااء الدين راااه معارف الولد شاااي
عبير *معصبة* هضري مع راااجلك اناردين واااه كل ساعة محلف على ولدي راااه بزاف وحاااط رااسو براس ولد فعمر ولادو وااااااااه
دخل عصمان تيجري تخبا فباااه ومخرج لسانو تغيض بهاء الدين
جاسم *شدو وجرو من ودنيه* اخيييير مرة تتسمع اخير مرة تقرب وتبوس بنت عمك هاد المرا غدي نقطع لبوك دوووش شلاقم لي زايغ بيهم ونخليهم تيترعدو بين رجليك واااش تتسمع بوسني انااااا بوس مووووك واااااااه مخلينا حناااا وغااااادي تتبوس مرتك ومزاااال حتاااا مضربنا لكم الكحل فالبيض
ناردين *شافت فساعة* لا لا باقي ساعة غير زيدو دخلو راااه دغية لبسهم حوايجهم أو زايدون ماشي غير ولادي لي معطلين راااه حتا ولد عبير أو بنات مريم عاااد ولد هند مزال حتا واحد ماااا بان وزعمة رااااه متافقين يتجمعو لوليدات كاملين عندي عاد نمشيو يلاه زيدو دخلو يلاه اسفيان زيد دخول راااه بهاء الدين كاين الداخل ..
غير شوية عمراااات الفيلا عند ناردين جاات مريم وادهم أو جابو معهم بناتهم جوري وجودي لي كانو مقادين أو حاطة لهم شوية المكياج تيبانو بحال شي مشيميشات
عاااد جات هند مع يوسف ولدهم جنايد وعبير مع جاسم جابو *جن ديالهم * محمد اسلام لي كان لابس لجابادور نعاماس وقفو جوج طوموبيلات نزل منهم الحاج ورقية وحفيضة والعربي أو طوموبيل فيها نجلاء ونوردين أو قصي وضحى الهضرة كانت كثيرة بقااااو حتا تغداااو فجريدة مجموعين مكاااااين غير تشنشيط الكبدة جابها معاه الحاااااج حتا تگلبو بالقطبان عاااد بداو تيلبسو حوايجهم هما ولادهم باش يمشيو الحفل خر سنة دراسية ..
ناردين كانت فالبيت عند بناتها كان البيت زوين وغالب عليه طابع الأنثوي كل فالغوز أو بلكار كبير فالبيض ومزوق بالغوز بيبي أو كل سرير هابط عليه شبيكة مزوقة من مخمل الملكي ونونوسااات كالسين فكل بلاصة وفكل قنت كولشي كان زوييين
والكوافوز فيه جميييع لوازم الأطفال بناتية بمتياز
ناردين كانت مدابزة مع ولادها بغااااو إديرو مكياج ثقيل وهي مبغااااتش عارفة بهاء الدين مغديش يبغي وغدي احرم عليهم المشية لبسات لبناتها بزوج *شامة وسلسبيل* كساوي ديال الأميرات وبدات تتصاوب لهم مشيطة فشعرهم أما سي عصمان هداك حالة خاصة باه لي مكلف بيه
قبل ما ناكل .. قبل ما نشرب *** لازم كلمة بسم الله.
قبل ما نقرأ .. قبل ما نكتب *** لازم كلمة بسم الله
قبل ما نلعب .. قبل ما نجري *** لازم كلمة بسم الله
بسم الله بسم الله *** أحلى كلام أتعلمناه.
حي على الصلاة
حى على الصلاه ***حى على الفلاح
فلنذكر الصلاه*** فى أول الفجر
والظهر والعصر***ثم نصلى المغرب
وبعدها العشاء***وبعدها العشاء
ونختم صلاتنا*** بالحمد والثناء
قد قامت الصلاه*** يا أخوة الايمان
الله فى علاه *** قد أمر الانسان
أن يعبد الاله *** ويطلب الاحسان.
ابعد ابعد ***ياشيطان
كل اما اسمع*** الاذان
أتوضأ وأصلى*** للرحمن
أنا مسلم صاحى*** مش كسلان
اناااااا رمز لأمة و الاسلام.......
بهاء الدين وقف ونزل راسو يحيه
شوية دخلات ناردين العندهم
ناردين قربات من عصمان وتتبوس فيه غير حطات يديها على شعرو نزلات ليه تشويكة غوبش ومشااا تيقادها من جديد فالمرايا
عصمان: ماما متتعرفيش ترصاااي خصرتي ليا تشويكتي
ناردين *بعصبية* كلشي منك ابهاء الدين كلشي منك خصرتي ليا لولد شوف على هضرة تيهضر معايا تگول انا العدوة ديالو ماشي مو الله يخليها سلعة بحالك بحالو بزوجكم روفيكس ...
بهاء الدين مفتاخر بولدو تحنا حتى نقز عصمان على كثفووووو أو مشاااااو طلعو كاملين فطوموبيلات ..
دخلو القاعة فين كانت الحفلة و لقاو حاجزين ليهم بلاصة القدام . جلسو و كايتسناو يبداو. . داز شويا ديال الوقت و بداو بتجويد ديال القرآن عاد المدير عطا كلمة و انطلق الحفل .. ناردين كانت متوترة حينت تتشوف بنادم كان كثير و.. خافت على ولادها لا يتخلعو أو يتلف لهم دكشي كامل لي كانو الليل نهار تيحفضوه كانو متشوقين لهاد نهااار . دازو بزاف ديال العروض منهم رقصات و مسرحيات و ناردين والعائلة كلها مستمتعة بدوك لوليدات والبراءة لي فيهم كان كلشي كايشوف فيهم بعينين كلها حب و هيام و عشق ... حتى وصلات الفقرة اللي فيها شامة .... تطفا الضو و بقا غي ضو قليل ضارب على خشبة المسرح و دخلو بنات صغار كلهم ف عمر شامة لابسين كسيوات فالغوز والبيض و شعرهم مطلوق ... كل واحدة خدات بلاصتها و شامة كانت ف الوسط. . كاملين منزلين ريوسهم. . لمحاتها ناردين و بدات كاتشير بيديها زعما باش تشوفها و ماتخافش بهاء الدين كايضحك منين شاف بنتو تطلقات الموسيقى و بدات اغنية و بداو كايرقصو بدات شامة تتغني الأغنية لي كانت تتغني لها ناردين وهي صغيرة...
أرنب يجري يلعب يأكل جزرا كي لا يتعب،🎶
باء بطة نطت نطة وقعت ضحكت منها القطة
تاء تاج فوق الراس 🎶فيه الذهب وفيه الماس🎶
ثاء ثعلب صاد دجاجة هو ماكر وقت الحاجة
جيم جمل في الصحراء🎶 مثل سفينة فوق الماء
حاء حج أسمى رغبة فيه طواف حول الكعبة
خاء خبز عند البائع لا يأكله إلا الجائع🎶
دال ديك حسن الصوت قام يؤذن فوق البيت
ذال ذئب وحش صلب لا يرهبه إلا الكلب🎶
راء رجل عرف الدين فهو صدوق وهو أمين
زين زهرة أصفر أحمر هي بعيني أحلى منظر
سين ساعة تحفظ وقتي في مدرستي أو في بيتي🎶🎵
شين شمس صنع قدير فيها الدف وفيها النور
صاد صائد ألقى الشبكة بعد قليل صاد سمكة
ضاء ضابط يحمي وطني يحفظ أمني يرعى سكني؟
طاء طفل أجمل طفل فهو نظيف حسن الشكل
ظاء ظفر نظفناه طال قليلا فقصصناه
عين عين تخش الله تشهد خيرا فيه رضاه
غين غار غار حراء فيه أنزل القرآن🎶
فاء فيل ذو أنياب وهو صديق يا أصحاب
قاف قمر فيه منال ومواقيت تهدى السائل
كاف كلب عاش جواري يحرس غنمي يحرس داري🎶
لام لحم ينمو جسمي يكسو عظمي فيه أسمى
ميم مسجد بيت الله فيه أؤدي كل صلاة
نون نهر نهر النيل فهو كريم غير بخيل🎶
هاء هرم عال القمة وبناؤه رمز للهمة.🎶
واو وجه للإنسان فيه إشراق بالإيمان🎶
ياء يد ترسم زهرة تبدع شكلاً تظهر فكراً
كلشي عجباتهم الأغنية و الرقصة و اندامجو معاهم و كايصفقو و البنيات حتى هما تحيد منهم التوتر و عطاو كل ما ف جهدهم. ..ناردين بلاما تشعر لقات راسها غارقة فدموع مع الحمل زاد كمل عليها خلاها تكون حساسة كثر من القياس شد بهاء الدين فيديها وباسها ومسح لها دموعها وجرها العندو حطات راسها على كثفووووو وبقات تتشوف فيهم تيدوزو واحد واحد حتا وصلات نوبة عصمان دخل بكل ثقة وقف بهااااء وتيشوف فيه أو گاع ممسوق الناس لي تيهضرو الور مضرگهم هو مستمتع أو عاجبو ولدو لقا تحية كيف قرااااه بااااااه وگال نشيد خلا گاع الحضور توقف ليه ولا هضرة غير عليه وعلى ثقة لي عندو فراسو خلاهم غير فاهين فيه وهدشي لي زاااااد رفع بهاء الدين لعالالي مفتخر بولدو عصمان اما ناردين خلاص عاطياها غير لبكاااا تمااااا فرحات بولادها بثلاتة من بعد ما دازو گاع لوليدات ...شوية دخلو كااااملين باش اختمو الحفل هااازين وردة كان عصمان واقف مع خواتاتو بزوج وكل واحد گال كلمة تتعبر على حبو أو شكرو الأم ديالو لي وجودها هو حياتنا أو كلمات دنيا كلها متتكفيش كلهم خرجوو من ورااااء ستار ومشاو عند أمهاتهم هازين وردة فيديهم ناردين عنقاتهم بثلاتة وتتبكي وكدالك عبير غفران مريم كل واااحد مشاااا عند الأم ديالو وهداها وردة كان مشهد مؤتير ...
من بعد رجعو لوليدات مرة خرى المسرح باش يتسلمو الجوائز تحفيزية باش يدخلو العام جاااي بعزيمة قوية ...
كل واااحد تيعطيوه جزائزة ديالو وطلعو العائلات بنضااام تيخدو صور تدكارية مع وليداتهم فهد.اللحضة طلعات عائلة الشافعي كلها وتصااااافو باااش يخدو صورة تدكارية مع وليداتهم ...بهاااء الدين طلع وجمع وليداتو بثلاتة ولكن سلسبيل مبغاااتش تصور حداااا بااها بغااات تصور حداااا محمد اسلام غير حسات بهاااء الدين تلهاااا شوية دغية جااابت دورة موراهم ومشااات شدات فيد محمد اسلام وتيشوفو بزوج فعدسة الكاميرة فرحانين بهاء الدين معنق ناااااااردين وحاط يديه على ولادو حتا تيشوف شواحد نااااقص تيقلب بعينيه لقااا سلسبيل شدااات الكاميرة فيه وهو مخرج عينيه تيشوف فيها لاصقة حدااا محمد اسلام مشااا لها وهربات تخبااات مورا العربي شوية موراااا حفيضة والو مزال تبعها وهي تخباااا مورااا الحاج الشافعي
سلسبيل : جدي جدي خبيني خبيني بااباا باابا
الحاج الشافعي : صاااافي خليها ابهاء الدين سيدة راااه يلاه فرحانة بالجائزة صافي الله يرضي عليك
بهاء الدين : صافي الحاج خليني نربيها رااه راسها قاصح ومتتحشمش
الحاج الشافعي : صاافي صاافي الله اساااامح اولدي
مشااا بهاء الدين مشااات تتجري سلسبيل تاني عند محمد اسلام وتضحك
ناردين جراااات بهااااااء الدين وغادية تتجري حتا بعدات عليهم
بهاء الدين *مخرج عينيه* ناااردين مالكي
ناردين *تتشوف فعينيه *_أنا حاملة....
بهاء الدين وسع عنيه كيشوف فيها
ضحك ممصدقش اش تيسمع
هزات ليه يديه وحطاتها على كرشها
بهاء الدين :_ههههه غدي نولي اب لمرة رااابعة
ناردين كتومي ليييه بالإيجاااب وهوااا تخلطووو عليييه الأحاسيس والمشاعر بعد عليها ممصدقش ورجع قرب لها و حط يدوو على كرشهااا
بهاء الدين :_دابا هنا كاين ولدي هههه شكراااا انااااردين اناااااا كااانت تنتسنى هاااد اللحضة لي تحملي فيها بفاااارغ صبر ههههه
بهااااء الدين تيشوف فيها وتيضحك شافها مبغااااتش تسكوت طار على شفايفها سكتها بقبلة طويلة قطعات نفسها حتا دفعاتو وخرجات هي وياه مشادين بليدين لقاو العائلة كلها واقفة وتتسنا فيهم إجيو باش يمشيو وخرجو كاملين من المسرح الملكي فرحانين بهاء الدين غااادي وهااااز ولدو فكثفوو وشاااد فيد ناردين وناردين شدات فيد شامة وشامة شدات فيد سلسبيل ومشاااو حتا وقفات ناردين وبعداااات وتتشوف فيهم من بعيد وهضرااااات بصوت مرتفع....
ناردين : صبرو صبروووو ..
كلشي تلفت فيها اااااا
ناردين : صبرو رآه خصنا نگولو المجهولات بسلامة قبل ما نمشيو ...
بهاء الدين *تيقلب بعينيه* شكون هاد المجهولات تاني
كلشي تيقلب بعينيه وناردين تضحك
ناردين : مجهولاتي كاينين هنا *هزات تليفون* 📱 هدو نااااس عاااشو معاااانا قصتنا كلها وتيعرفوني ويعارفوكم مزيااان
العربي : واااااش تيعرفوني حتا انا زعمة
ناردين *تبسمات* ااااه ابابا اوا ماشي عيب نمشيو بلاما نگولو لهم حتا هما بسلامة
مكالمة من مجهول الجزء 19 والأخير
محتوى القصة
التنقل بين الأجزاء