أسقطته في شباكها فعذبها حتى أذاب فؤادها الجزء 13

عائشة شافت فالساعة 1 ونص دليل ..مافاهمة والو اش جابو ليها فهاد ليل مخلي مراتو وجاي

عائشة ناضت لعندو:هارون راه نعس

يوسف جرها لعندو:مزيان ملي نعس

بلعات ريقها:علاش

قرب لعندها:باش نتفاهمو على داكشي دقبيلة

عائشة رجعات اللور:فهاد الليل 

جرها من خصرها:ومالو الليل

عائشة كتشوف فعنيه جاي لشي،حاجة خرا،ماشي باش يحاسبها:راني شرحت ليك اش وقع ..نت،ماباغيش زواجنا يتعرف عليها قلت ليه داكشي

يوسف كيبعد شعرها اللور ومراقب شفايفها وهي كتدوي قربها ليه كتر: وانا شرحت ليه انه لا رجع لهاد الدار .غيخرج منها نيشان للقبر..ونتي غتبعيه لا شفتك تاني معاه ولا،كتدوي عليه..ودابة خلينا من هدشي

بغة يقرب لشفايفها وهي دفعو وترجع اللور:شنو باغي مني بالضبط..باغي تجي عندي تاخد داكشي لي باغي وحتى لشي نهار نفيق نلقاك مطلقني وتلوحني هدشي لي باغي دير ..ولكن لا ايوسف تانا باغة ندير داري بحالك تماما ونضمن مستقبالي .واسامة،ولد الناس وخالتي طاهرة رتاحت ليه ادن غادي نفكر فهاد الموضوع بجدية ..اصلا يستاهل نفكر فيه 

شهقات فاش حسات بشعرها غيتقطع بين يديه وغمضات عنيها من الوجع حسات بأنفاسو على وجها حلات عنيها فاش سمعات صوتو لي بحال شي رعدة،كتدوي:نتي مازال مابغيتي توبي ياك مازال ماتعلمتي .ومازال ماسخيتي باللعب معايا داك نهار شفتي الموت وهاد المرة اتشوفي،جهنم لما تبتيش ودرتي عقلك اعائشة ..راكي جربتي .ايوا بلا ماتزيدي تجربي العقاب ديالي حيت غنعدبك مزيااان

عائشة هضرات بصوت متقطع بالوجع:ماسووقكش

زدحها مع الحيط وورك،ليها على عنقها بالجهد وهضر على سنانو:هاد،ماسوقكش هي لي غتخرج علييك ..ماحدك مراتي ماتجبدي تا زامل على فمك حيت كنقسم ليك،غتشوفي شي حاجة لي غتندمي .وزواج من غيري عمرك تحلمي،بييه واخة نعرف ندفنك اعائشة،.

تخنقات وهو كيزيد غا يزير عليها ضربات ليه على يديه والو

حتى كيسمعو صوتها من،مورهم:يوووسف رخيي منهااا

يوسف بصوت مرتااافع:نتييي مادخليش بيني وبينها ..

طاهرة كتحاول تجرو:رااااك اتقتلهااا رخييييي

والو نزلو دموعها وبدات كتبكييي:ماتخلينيش ندعي فيييك ايووسف 

يوسف غير سمع صوتها لباكي رخة من عائشة لي طاحت فالارض كتكح وتحاول تنفس

طاهرة تحنات لعندها وشداتها:عائشة،بنتي تنفسي مزيان

شافت فيووسف:،اش بغيتي تقتل البنت واش باغي تيتم ولدك فمووو ..قوول راك باغيها لاش داير هاد الحالة

يوسف ضرب مع الحيط بيديييه:شحااال من مرة كنقولكم ماسوووقكمش لاش كدخلو فشي حاجة بعاد عليها..ونتي لا ماشديتيش الطريق معايا انخليك تشديها بااسيف علييك

وخرج من البيت كيشي عجاجة يلاه اينزل فدروج وهو يسمع صوتها:يووسف فين غادي اش وااقع

ماجاوبهاش. كمل طريقو ركب فطوموبيلتو ،كسيرا بالجهد

نرجس دخلات عند عائشة،بقات غير مصدومة كتشوف وجها كيف ولا..ضرباتها لفيقة،مالقاتوش حداها هبطات تقلب عليه وهي تشوفو خارج من بيتها كيشي عجاجة مابقات فاهمة والو ..لاش كيدير هدشي كامل..سمعات هارون،كيبكي،مشات هزاتو وبدات كتسكتو وعنيها على عائشة،افكار كتديها وافكار كتجيبها

طاهرة عوناتها باش تكا فوق النموسية :جيت ندعي فيه ولكن راه ولدي شغا نقولو الله يهديه ويردو لدماغو..صافي هاني معاك

عائشة جرات عليها لغطة:صافي اخالتي بغيت نعس

طاهرة تنهدات:ماتفقصيش راسك ابنتي

ماجاوباتهاش

طاهرة:نرجس هارون ايبقة معاك هاد ليلة

عائشة:لا ولدي ايبقة معايا عطيه لي

مداتو ليها وخرجو وخلاوها

خشاتو حداها وبدات كترضعو وهي معنقاه نزلو دموعها :ايلا ماخلييتكش تعتارف بيا مراتك قدام كلشي راني ماشي عائشة

فجيهة لوخرا

كان سايق،بالجهد حاس براسو كيغلي هضرتها كتستافزو بزاف كيعية يتحكم فراسو ومايمدش يديه ولكن ماكايقدرش حتى مو الطاهرة زايدة ليها فيه ضرب يديه مع دريكسون:كون غير يدخلو سوق راسهم

حبس حدا الفيلة ديالو دخل وطلع نيشان للبيت ..شاف فراسو لابس سروال دلكيطمة،وتيشيرط ديال دارتنهد ..ودخل للحمام دوش ولبس عليه وخرج للبالكون كيكمي حاجة وحدة،لي،مامخلياهش يتهور ويدير فيها شي موصيبة. هي كلامها نهار ضربها بالقرطاس ..مسح على راسو وهو كيسوط الدخان بالجهد هاد البنت راسها قاصح بزاف وفعايلها كبر منها ولكن عندها واحد القلب صغيور وبيض ..تنهد وهو كيشعل الكارو التاني :بيا ولا بيك اعائشة

فبلاصة بعيدة.. قبل بسعتاين

دخلات دوشات من الدورة الشهرية هي من النوع لي كتدوز ليها يوماين وكدوش فنهار تالت (بحالي خخ)ناضت ونزلات للكوزينة،قدات الويزة باش تكالميها وتخليها تنعس نعاس طاير ليها..جلسات فالصالة وشعلات التلفازة،كتقلب فالقنوات تنهدات يوماين ماباتش فدار من،داك نهار ما ولات شافتو ..ماتنكرش خافت عليه خصوصا وانه ماعندها تاشي خبار عليه ولكن ماتقدرش تعيط ليه ولا تسول فيه حيت ماشي من حقها هو مامعتابرهاش مراتو وفقلبو وحدة خرا علاش اتزيد تبين ليه انها كتبغيه بالعكس خاص تنساه..تنهدات وهي كتشرب من كاسها حتى كتشوف الباب تحلات 

وقفات فاش شافتو داخل كيميل ماحساتش براسها تا كانت حداه شدات ليه فيديه:محمد ماالك اش واقع

دفعها:ماتقيصينييييييش كلوو بسباابك نتييي 

كانت غطيح وهي تشد فالحيط...شمات فيه ريحة دشراب عرفاتو سكران..قرب لعندها وجرها من دراعها:واش مابغيتووش تفهموو اني كنبغيها وباغي نتزوج بيهاا لاش واقفين لي فطريقي

تنترات منو:شكا دير رخي منيي..انا اش دخلني فيك

محمد:نتيي لي كتعمري الوليد والوليدة علياا باش مايخليونييش نتزوج بيها ياكي كلشي من تحت راااسك 

امونة:واش حماقيتي اخر حاجة ندير هي هادي وانا باغة،نطلق منك اليوم قبل من غدااا لاماكانش فخبارك

ماجات فين تكمل هضرتها حتى،جمع معاها بصقلة تا طاحت فالارض :سكتيييييي مانسمعش حسسسك كتمتلي عليا البرائة خليتيي الوليد يتبرى مني لا طلقتك او تزوجت علييك..والدياا سخطو علياا بسبااابك باش مانتزوجش بلمرة لي كنبغي ..عرفتي شنو انا غنقتلك ونتهنة منك

شدها من دراعها وجرها لعندو زادها ضربة للوجه تاني حتى طاحت 

امونة حسات بالدوخة بقوة الضربة..محمد جهل حتى مابقاش عارف شكا يدير ..

امونة غير شافتو جاي ليها وهي تنوض هاربة طلعات فالدروج وهو تابعها يلاه اتسد لباب وهو يدفعها برجليه

امونة هزات طليفونها:غنعييط لخويا يجيي دابة يوقفك عند حدك عمر شي حد مد علياا يديه اشماااتة ..والله تانمرمدك ونخليك،جفاااف تحت رجلييي..بابا لي بابا عمرو دارهااا .كضربني على ود وحدة،مسخة سمحات فيك وخانتك وفتالي رجعات كضحك عليك بجوج هضرات ..هنا غنوريييك والله تاندمك ونوريك عائلة الزعيم شكا يسواو..انا لي هبيلة دايرة راسي فيك ومازال جالسة معاك فنفس الدار..متبعة قلبي لي خرج علياا ولكن من اليوم غنزطم عليييه

يلاه ادوز النمرة وهي تشوف الطليفون طاير فالسما وتزدح فالارض وتشخشخ ..بقات غير حالة فمها..شافت فيه وهي مصدومة:اشنو درتيي

محمد:هنا غنوريك انا شكا نسوة كتعنايلي بخوتك وباك يااك..كتفكريني انك بنت الزعيم ولكن هاد ليلة غنحدهوم ليك وانا لي غنزل ليك الراس التحت

شافتو كيقرب ليها وعنيه جمرة بالاعصاب و السكرة واصل تا لتالي.

رجعات اللور فاش شافتو كيحيد السمطة:محمد شغا ديير

حيد السمطة ولواها على يديه 

بغات تهضر وهو ينزل عليها بضربة تا شافت النجوم حدا عنيها شوميز لي لابسة خفيفة بزاف..

محمد ماهتمش لدموعها لي نزلو وكيف توجعات الغضب عما ليه عنييه زادها ضربة،خرا كتر من لولا حتى سمع ااصرخة ديالها:نتييي سبااااب نتيييي

امونة طلعات فوق النموسية،وهي كتبكيي :محمد ببعد راك،ماعارفش راسك شكا ديير

رما السمطة من يديه كيحس براسو مازال كيغلي مازال مابرد..حيد التيشارط وهو كيقرب ليها:غتندمي بزااف

جرات عليها اللحاف وهي كتبكي:شغاااا ديير محمد بعد مني ماتقربليش راك ماشي هو هداك محمممد

نتر من عليها اللحاف وجرها لعندو مامسوقش ليها وهي كترجاااه يبعد عليها شهقات فاش قطع ليها سوميج من فوق لحمها تا تقصحات ورماها فالارض وزدحها فوق النموسية بقات كضربو على صدرو وتقمش فيه ودفعو باش يبعد ولكن والوو جمع معاها بصقلة تا ترخات ونزل كيبوس فيها بكل همجية وهي كتبكي وتحاول دفعو ولكن كان قوة منها....حسات بيه كياكل فلحمها بسنانو ..جردها من اي حاجة لابساها بكل وحشية،وبلا رحمة ماحتارمش انوتثها ولا حبها ليه.ولا انها باقة بنت مامجربة والوو من هدشي..غتاصبها بكل وحشية وطعنها فقلبها ونهش ليها جسمها كيبرد فيه الغضب ديالوو..وسلب منها العدرية ديالها بطريقة،مسخة ..ما فكها من بين يديه حتى حس براسو ترخة بعد عليها وحط راسو الى المخدة وغمض عنيه ونعس جايب لكاو..امونة كانت محطمة كليا مصدومة ومقهورة ودموع نازلين من عنيها مابقاتش عندها طاقة لي يغوت ولا يهضر ولا يبكي بغات تنوض ماتبقاش حداه حيت حاسة براسها اتموت .ولكن ماقدراتش تنوض ..عضات على شفايفها ونزلات من فوق النموسية وجلسات فالارض بمشقة الانفس لوات عليها ليزار وتكات على الحيط كتبكي بحرقة وعنيها على نقاطي ددم لي فوق النموسية وشافت فيه عمرها تخايلات يقد شي نهار يدير فيها هكا..حطات راسها بين رجليها وهي كتحس بااسخفة غمضات عنيها لي عامرين دموع وترخات ونعسات بين شهقاتها

جا نهار جديد

حل عنيه كيحس براسو كيضرو بزاف غيطرطق ..دور وجهو وهو يشوفها جالسة فالارض جامعة رجليها عندها وناعسة،ناض طافج وهو كيشوف حالتها كيف دايرة ونموسية فيها الدم ..مسح على راسو وهو كيتفكر داكشي لي وقع رجع شاف فيها وهو مصدوم:انا شنو درت ياربي

بغة يفيقها ولكن شغا يقولها وكيف غيواجها ..دخل نيشان للحمام طلق عليه لما بارد وهو مازال مامتيقش انه هو لي دار هدشي كيفاش طاوعاتو نفسو يضربها ويغتاصبها ..خرج من الحمام لبس عليه باغي غير فوقاش يهرب من الدار كيحس براسو ايتخنق

شاف فيها مازالة على نفس الوضع ..قرب لعندها وتحنة وهمس ليها:سمحيليي

وناض خرج ركب فطوموبيلتو وهو كيتفكر اش وقع لبارح ..دوز،معاها يوماين سافرو ولبارح رجعو وداها عند مو وباه باش يقولهم انه صافي غيتزوج بيها ولكن هوما رفضو ودارو ليه فضيحة كيفاش يسمح فوحدة بحال امونة على قبل وحدة غدارة..خيروه بينها وبين ااسخط ديالهم قدامها .وانهم غينساو انه عندهم ولد سميتو محمد لا تزوج بيها..خرجو من دار وهو كيغلي طريق كاملة،وهي كتبكي وتقولو مراتك هي سباب هي لي حرشاتهم عليه..وهي لي واقفة ليهم فطريق ..مشاو لدار ديالها لي شاري لها ..معصب بزاف وكملات عليه هي بهضرتها حتى بقة غير كيشرب وهي كتعمر ليه فالكيسان وتبكي وتهرنن عليه تا تشارجة مزيان عرفات كيف تلعب ليه بأعصابو ..من موراها مشا لدار ووقع لي وقع

محمد زاد فالسرعة:شهااااد الموصيييبة 

وقف حدا دارها دخل وحل لباب حيت سوارت عندو سد لباي موراه وهو يوقف فاش سمعها كتهضر مع شي حد:ههههه كون تشوف كيف ولا شرويطة وانا كنعمر ليه فااكيسان وهو كيشرب وزدت ليه شي فانيدات تا ولا بحال شي تور متلت عليه بلبكة وعمرت ليه راسو مزيان عليها وعلى واليديه..كيقولولي فوجهي هي حسن مني ومانوصلش لتراب درجليها ..غيكون دابة دار فيها شي موصيبة باش يتالمو يلعيو معايا..

هداك لي ثعاها بقة كيضحك:ههههه نتي خطاار..عنداك يمشي يقتلها

بتاسمات:يقتلها وانا مالي..اصلا ماعنديش الغراض بيه عندي لغراض بفلوسو احبي ..كيشريلي لي بغيت وشاريلي هاد دار وغيكتبهالي بسميتي علامن يطلقها ونسكنو فالفيلة وناخدها تاهي وداير لي طوموبيل وكيبغيني من الفوق وباغي يتزوج بيا واخة ضحكت عليه ومازالة كنضحك عليه..اش بغيت كتر ..هههه

محمد واقف مصدووم حاس براسو غاكيحلم وهضرتها كتردد فدماغوو ماحسش براسو تا كان،حداها جرها من شعرها وبدا كيضرب فيها وهداك لي معاها غير شافو هرب وخلاها..محمد جهل كتر وكتر شبع فيها صقل تا ولا وجها كلو دمايات ..وشعرها كلو تقطع فيديه..مرمدها مزيان..دفعها تا طاحت فالارض:القحبة كتبقة قحبة،وعمر الشان يطلع ليها..مزيان ملي وقع هدشي حيت كنت انخسر احسن حاجة وقعات فحياتي المووسخة

نزل تا لعندها وهي طاحية فاللرض ماقاداتش تنوض جرها لعندو من شعرها وجرها وخرجها من دار ودفعها تاطاحت:مانوليييييش نشووف وجهك سيري بلاصتك،مع الوسخ بحاالك

فالجيهة لوخراا

خرجات من دوش وحالتها مزال كيفما هي ملي فاقت وتفكرات اش دار ليها وهي كتبكي ..حطمها كون غير طلقها ومايديرش فيها هاد الحالة لبسات عليها وهي كتبكي ..جمعات حوايجها فالشانطة وعيطات للخدامة تهبطها دارتها فالطوموبيل مستحييل تبقة معااه .هبطات وخرجات من دار وهي مدمرة كلياا ..عمرها تمنات تخرج هكا من دار الراجل لي كتبغي ..بقات واقفة شحال حدا الطوموبيل متكية عليها بيديها وكتبكي على زهرها فين طيحهاا..علات راسها فاش شافت طوموبيلتو مسحات دموعها وحلات لباب وركبات يلاه اديماري وهو يحل لباب وجرها من يديها:فين غادة

تنترات منو :مااتقييسش فياااااا الحيوااان وليت كنعيف تا شوفة فيك ..انا صافي غنسالي هدشي وغنمشي بحالي وكنطلب من ربي عمري نعاود نشوف وجهك 

بغات تولي تركب وهو يشدها:سمحيليي راه ماعرفتش كيف وقع داكشي انا براسي مصدوم والله..هي عرفات تلعب علياااا ستغلاتني وانا معصب ...

قاطعاتو:ماباغة،نسمع واااالووو نت احقر. راجل شفتو فحياتيي..شوف بلا ماتخاف ماغانقول لخوتي والو حيت ماتستاهلش يوسخو يديهم فيك..حيت نت اصلا مسخ خليك عايش فالوسخ ديااالك ماتستاهلنييش وماتستااهلش كاع ليام لي ضيعتهم معاااك الله ياخد فيك الحق

ماقدراتش تصبر وبدات كتبكي بحرقة كملات هضرتها بصوت باكي:عمري نسمح لييك امحمد كانت بلاصتك فقلبي كبيرة وزعزعتيها بأحقر حاجة ..كنت كنطلب من ربي يبعد عليك داك البنت ويرطب قلبك من جيتتي ودابة كنطلب غيير مانوليش نشووفك..الله يعطيك الغرااق نت ويااها 

وركبات فالطوموبيل كتبكي ماقدراتش دور الساروت حيت عنيها دامعين حطات راسها على دريكسون وكملات بكاها

محمد،مسح على راسو وهو كيشوف فيها كيحس بقلبو كيتقطع ..خايف لايكون بصاح خسرها :اميينة عطيني فرصة وحدة وكنوااعدك غنعوضك على كلشي وغنسيك فكاع هدشي لي وقع وعمري نأديك سمحييلي الله يخليك

زدحات باب الطوموبيل وديمارات ماباغاش تسمع ليه..طريق كاملة وهي كتبكي شحال من مرة وقفات الطوموبيل حيت كانت ادخل فشي حد..وصلات لدارهم مسحات دموعها وبقات جالسة شحال فالطوموبيل ماعارفاش اش غتقولهم ..تنهدات المهم ماترجعش لديك دار..شافت. وجها فلمراية قادات الفون دو تان على جنب شفايفها باش ماتبانش الضربة ..وطلعات لكول دشوميز لي لابسة الى عنقها باش مايبانوش الضرابي..وحلات الطوموبيل وخرجات دخلات للدار تلاقات الخدامة:دخلي عفاك الشانطة راها فالطوموبيل وطلعيها للبيت

وكملات طريقها غير بشوية حيت جسمها كلو كيدرها

شافتهم مجمعين فصالة من باد مافطرو:سلام

كلشي شاف فيها

طاهرة:ماالك ابنتي

امونة تنهدات عاد نطقات:ماما انا ومحمد انطلقو وعفااكم ماتسولونييش مافيا لي يهضر

ومشات وخلاتهم مصدومين

ناصر ناض ايتبعها وهي تشدو:غير خليها

ناصر:كيفاش انخليها ماشتيش حالتها كيف دايرة بلبكا

طاهرة:نخليوها دابة على خاطرها علامن تبرد ونهضرو معاها..راه ضاروري من المشاكيل بين المزوجين

ناصر:على الله يكون مشكل بسيط حيت..

قاطعاتو:ناصر مانكبروش الموضوع

امونة يلاه ادخل لبيتها وهي تلاقة عائشة خارجة من لبيت

عائشة بتاسمات:ختي امونة لاباس عليك

امونة هزات راسها راسها باه

عائشة شافت شي ضرابي على عنقها وشهقات:امييينة مالكي

امونة طلعات لكول على عنقها ونزلو دموعها:وااالو 

عائشة:لا شوفي عنقك وحالتك كيف دايرة

امونة:قلت ليك واااالو بعدي مني

عائشة بقات غير مصدومة

امونة مسحات دموعها:عائشة خلي هدشي بيناتنا عفاك

عائشة:ولكن

قاطعاتها:عفاك

عائشة:واخة

امونة دخلات لبيتها وشدات لباب حطات يديها على فمها كاتمة شهقاتها جلسات فالارض وهي كتبكي وكلها كترجف

عائشة بقات واقفة شحال عاد كملات طريقها هبطات التحت وجلسات حدا الطاهرة:خالتي

طاهرة:نعام ابنتي

عائشة:غنمشي عند ماما توحشتها وندي معايا هارون

طاهرة:صافي ابنتي سيري شيفور يوصلك

عائشة:واخة نمشي نوجد راسي انا وهاروون

وطلعات كتجري 

طاهرة:كتبقة فيا هاد البنت اناصر 

شافت فيه:كيفما خفتي على امونة منين شتيها قبيلة،كتبكي خاص تخاف على عائشة حيت تاهي وحدة منا..وخاص دير ليها شي حل

ناصر تنهد:انا راه حاسبها بنتي مايحتاجش تفكريني ويوسف راه ولدي وعارفو مزيان وكيف ما قلت ليك انا غنتكلف بيه خاص غا الوقت

طاهرة:كنتيق فيك اناصر

فجيهة لوخرا

كمل قهوتو وسيجار ديالو وناض خلص وخرج ركب فطوموبيلتو خاص يدوز لدار عاد يمشي للشريكة

وصل يلاه اينزل وهو يشوفها خارجة من دار وهارون فيديها والخدامة هازة رولاكس ديال طوموبيل لخاصة بدراري صغار

نزل ومشا لعندها:فين غادة

هضرات معاه ببرودة وهي كتشوف بعيد عليه:عند ماما

يوسف شاف فالخدامة:ديري داك رولاكس عندي فطوموبيل

وشاف فعائشة:انا غنوصلك

عائشة:غير بلاش كاين الشيفور

جرها من دراعها نيشان للطوموبيل حل ليها لباب ركبات وخدا منها هارون وسد عليها لباب وحط هارون فبلاصتو وركب تاهو وكسيرا لدار الزاهية..وكاينة،وحدة كانت مراقباهم من لبالكون زيرات على لحديدات فاش سمعات هضرتها:بقاي كتفرجي فيهم تا تاخدو ليك وتخليك 

نرجس شافت فيها:اكرام مابغيتش نسمع بحال هاد الهضرة

اكرام:كتهربي من الحقيقة

نرجس دخلات. وخلاتها واقفة 

فالطريق

كانو ساكتين ..عائشة،كتشوف فالطريق وهو سايك ومركز على سوكان..شاف فيها :علاش ماعيطتيش تقوليلي راكي غادة عند،مك

عائشة بنفس البرود:قلتها لخالتي

عضات على شفايفها كاتمة بتسامتها فاش ضرب على دريكسون:مزوجة بيها ولا بيا

بقات ساكتة عارفة لا زادت كلمة،وحدة يقدر يلوحها من طوموبيل

يوسف شاف فيها:كيبانلي ماغاتشديش معايا الطريق

شافت فيه:غير قوليا لبارح كنتي اتخنقني وبغيتي نصبح كنعيط ليك هكا عادي كيف درتي لييها ..كنتي اتقتلني لتاني مرة ايوسف مابقيتش فاهماك شنو بغيتي مني بالضبط

يوسف شاف فيها:وتالتة اتموتي دياال بصاح لما درتيش عقلك

عائشة رجعات شافت فالجيهة لوخرا:من الاحسن نبقة ساكتة 

وصلو حدا دار يلاه اتنزل وهو يجرها من يديها لعندو ..كانو قراب بزاف بلعات ريقها فاش باسها على راسها ونزل بشوية،وباسها على عنقها فين كاين واحد لاطراس صغيرة دصبعانو فاش بغة يخنقها بعد وشاف فيها:غنجي موراك صوني عليا صافي

هزات راسها بااه وهي مافاهمة والو

نزلات وهزات هارون بقة،واقف تا دخلات للدار..عاد مشا

طلعات لدار وهارون فيديها كتفكر فيوسف لي مابقات كتفهم فيه تاشي حاجة .دقات وحلات ليها سارة لباب غير شافتها غوتات وعنقاتها:توحشتك ادوييييبة زيدي زيدي

عائشة:وانا كتر مننننك

دخلو وسدات لباب موراها

سارة:فين هاد لغبور ابنتي ..اريلي هارون لحبيب دخالتو

وهزاتو وبدات كتبوس فيه:كيزيد غا يزيان ..كي بقيتي نتي لاباس

عائشة:الحمد الله ونتي

سارة:تانا بيخيير

عائشة:فين ماما

سارة:خرجات غي لسوق دابة وهي جات

عائشة:مزيان ..ونتي شكا تعاودي فين غابرة

سارة:انا غا دار لا خروج لا دخول..نتي لي،كي دايرة مع عائلة الزعيم

عائشة تنهدات؛شلا ما يتعاود

سارة:هاااا حي هدشي عندك مشوق ..عاودي عاودي هنا كنسمع

عائشة:وحلفي ماتقولي لماما وعصام والو

سارة:اييه هدشي فيه لحلفوف..والله مانقول شي حاجة غا دوي

عائشة:واخة..سمعي انبدالك من نهار لحفلة حتى لهاد الصباح

سارة:صافي غا طلقينا خلاص

نبدلو لبلاصة،علامن تعاود ليها😁

دخل لدار لقة الطاهرة فصالة قرب وباس ليها راسها

طاهرة:ولدي بدر جلس حدا ميمتك مابقيتش نشوفك

جلس حداها وهو مبتاسم:هنا الوليدة

شدات ليه فيديه:وليتي غابر بزاف كتخرج قبل نفيقو وكترجع فاش كنعسو مالك اولدي هدي كلها خدمة زعمة

بدر:اه غا مع الخدمة وصافي

طاهرة:كتكدب على مك لي ولداتك..الخدمة مامحتاجاش هدشي كامل لي كدير خوك وناصر دايرين جهدهم،كلشي هو هداك

بدر سكت هاد الموضوع مافيه لي يدوي عليه

طاهرة حطات يديها على وجهو وهضرات بحنان:شوفاتك اولدي تبدلو وليت كنشوف فيهم واحد الحزن كيضرني قبل يضرك ..كلامك قلال بزاف..ومابقيتيش تجمع معانا خصك غا فوقاش تخرج من دار .بدر غير قلي اش كاين واش شي حد قلقك..واش يوسف دار ليك،شي،حاجة قلقاتك راك عارفو كيف داير ماكايتحكمش فأعصابو من صغرو ولكن قلبو حنين

حنا راسو فاش جبدات ليه يوسف..يوسف خدا ليه لبنت لي كيبغي ..لي ولا كيشوفها معاه ديما..تنهد على هاد الافكار هو ماعندو تاشي دخل:لا تا حاجة من هدشي ماكاينة يوسف يأدي راسو وما يأدينيش..غير مع الخدمة ماكاين ما يدار اللهما نقابل الخدمة

وختم هضرتو بابتسامة 

طاهرة:ونت اتبقة مقابل غير لخدمة ماغاتزوج ماغادير ولادك

بدر:عوتاني الزواج الواليدة 

طاهرة:اه ماباغاكش تبقة هكا دافن حياتك فالخدمة..الزوجة اولدي اتعاونك فحياتك وتعمر ليك وقتك ،وتخفف عليك وتهنيك اولدي..

بدر يلاه ايدوي وهو يسمع صوتها:وماشي اي زوجة،اخالتي بدر يستاهل لالات لبنات .وانا لقيت ليه واحد البنت لي تستاهلو

بدر شاف فيها وكملات هضرتها وهي كتجلس حداه:واخة بعدتي عليا ومابقيناش قراب كيف كنا انا مازال كنفكر فيك 

طاهرة:شكون هاد البنت

نرجس جبدات طليفونها:هاهي

وعطاتها الطليفون.. طاهرة:غزالة كتحمق شوف ابدر

قلبات ليه الطليفون شاف فيها زوينة بزاف ولكن شغا يدير بالزين ايلا ماكنتش هي الي ساكنة قلبو

طاهرة:شكون هاد البنت وبنت من

نرجس:هادي راه كتقرا معايا فلافاك الله يعمرها دار باها بزنس مان وعائلة محتارمة صراحة تجي مع بدر ..وايلا بغيتو من غدا ندوي معاها

طاهرة:صافي دوي معاها ابنتي

بدر غير كيشوف فيهم كيخططو ويفصلو يحدهم

نرجس بفرحة:صاااافي غدا نهضر معاها توجد راسها

ناض :ماكاين لا زواج لا والو .ملي انبغي نتزوج راه ماغانتسناكيش نتي تختاري ليا..

ومشة وخلاهم

طاهرة تنهدات:نموت ونعرف ولدي مالو

نرجس:تا انا

خرج وهو نادم حيت جا لدار..كيعية يهرب منها وكيرجع يتلاقة معاها..كون غير ماجاش لدار وماسمعش داك الهضرة...كيفاش باغة تختار ليه هي البنت لي ايتزوج بيها..كتزيد غير تكمل عليه..وطاهرة لي مابغاتش هاد الفكرة تحيد ليها من الدماغ..وماغا ترتاح حتى دير لي فراسها..وهو هدشي لي ماباغيش..زواج والاستقرار بعاد عليه بزاف

ركب فطوموبيلتو فتيجاه دارو هدي يوماين ما مشة لعندها 

وقف،حدا دار ونزل دخل ..ستقبلاتو بابتسامتها..وباستو على خدو:علئ سلامة

بتاسم:الله يسلمك

جلسو فصالة ..بقة كيشوف فيها كيحس براسو ضالمها معاه بهاد الزواج السري .ماعاطيهاش وقت كاع..كيجي،غير فاش كيبغي يرتاح كتنسيه فداكشي لي شاغل بالو وعمرها عكرات مزاجو ولا صدعات ليه راسو بلخوة لخاوي بحال كاع الجنس اللطيف..ديما مبتاسمة ليه ولي قالها كتنفد ..عمرو جلس معاها وهضرو وسولها على اشنو ناقصها وشنو ضارها..تنهد خاص هدشي يسالي ماشي يداوي راسو على حساب. وحدة ماعندها تاشي ذنب

زينب حمارو حنيكاتها حيت طول الشوفة فيها:بدر مالك

هز راسو بلا:والو كي غادة مع لقراية

زينب :الحمد الله كلشي مزيان شكرا

هز راسو باه

زينب:نحط ليك شي حاجة تاكلها

بدر:لا بلاش

ورجع راسو اللور وهو كيفكر غمض عنيه وسرح فأفكارو ..وهي مراقباه والابتسامة على وجها وكتقول مع راسها خسراتو هدي لي تزوجات بغيرو وخسرات هاد الانسان لي كيبغيها..قربات لعندو:بدر واش راسك كيضرك

حل حنيه وشاف فيها شحال عاد نطق:من دابة شي يامات غتمشي تعيشي معايا فالدار مع عائلتي

تصدمات ما عرفات ماتقول عائلتو عمرو هضر عليهم

بدر حط يديه على يديها:علمي عائلتك يوجدو راسهم باش غنجيب عائلتي وانجي نخطبك

زادت تصدمات هدا شكا يقول

بدر كمل كلامو:باغييني نتزوج وندير داري وندير ولادي..صراحة،هدشي كنت ماسحو من دماغي..ولكن الهضرة ماغاتسالاش لامادرتش ليهم خاطرهم .. ونيت لقيت عندهم صراحة خاص نبدا حياة جديدة..وانا ماغانلقاش حسن منك لي تكون مراتي قدام العلام وتكون ام ولادي ..لاكنت انتزوج فا نتي لي غتكون مراتي

زينب عنيها دمعو مامتيقاش هدشي لي كيقول حاسة براسها غا كتحلم..شوية بشوية دموعها كيزيدو

قربها لعندو :بغيتك غير تصبري على هاد القلب لي كيعاندني ..واش تقدي تصبري ازينب

عنقاتو وهي كتبكي:نصبر ابدر نصبر 

عنقها تاهو بقاو شحال وهو يبعد عليها:لاش لبكة

ضحكات وسط،دموعها:فرحانة ابدر بزااف..كنت خايفة،شي نهار تجي تقولي صافي رجعي لداركم وطلقني واخة هدشي تافقنا عليه..ولكن ربي ماخيبنيش وانا كنواعد اتلقاني ديما فجنبك

خدا ليها يديها وباسها:عارف علا هدشي بغيتك تكوني مراتي 

حطات راسها علئ صدرو:وايلا واليديك مابغاونيش ..انا وعائلتي على قد الحال

بتاسم وهو كيبوس ليها راسها:واليديا اخر همهم هدشي الفقر ماشي عيب..وانا متأكد اتعجبيهم

شافت فيه وهي مبتاسمة:لهلا يحرمني منك

باسها بالخف على شفايفها:خاص نمشي وملي نعيط ليك وجدي راسك نتي وعائلتك

هزات راسها باه وناض مشا خلاها اطير بالفرحة

نرجعو عند عويشة الدويبة

سارة،حالة فمها ومصدومة:كاااع هدشي وقع ..يجرح ويدواي..هاد يوسف العيشة معاه ممتعة صراحة..ضربة بكوية احم اقلبي عطيني شي واحد بحالو ياسيدي ربي

عائشة ضرباتها:سكتييي واش انا عاودت لك باش تقوليلي اش بان لك ولا توحوحيلي هنايا

سارة:هههههه شغا يبانلي..واضحة زي الشمس فعز النهار يا مزة..سيد طايح على طولتو

عائشة:زعمة مايكونش باغي غا داكشي ونهار نطلع ليه فراس يكركبني

سارة:دابة بغيت نعرف غا واحد الحاجة نتي واش كتبغيه

عائشة دورات وجها:لا

سارة:يا لكدوب المهم ماعلينا حالتك صعيبة..هو يقد يكون حلاتلو النعسة معاك ابب حيت رجال ماتعرفيش شنو متحت راسهم واش حب ولا غا نزوة..انا ياما دوزت رجال كانو كيحماقو علياا كانقول سيد مايقدش يعيش بلا بيا ولكن غير كيدوز الوقت كيغبر..ولكن يوسف ماضنيتوش مهاد النوع كون بغة الزهو ماغايتزوجش يبقة كل مرة مع وحدة..اووف ماعرفتش..ولكن بااينة سيد طاايح ونتي بوحدك لي قادرة تخليه مايعيش بلا بيك خصوصا وانك مراتو اي حاجة درتيها معاه حلاااالووووون 

عائشة:من نيتك فوقاش ما بغاني نترخة ليه لا اختي

سارة:ولا نتي عاود كوني تقيلة خليه يتشهة غا من لبعيد وفوقاش ما بغة ياكل الحلوة نتي بعدي ..حتى يوصل للحقيقة عاد دوقيه .. يبقة،هكا حتى يتعلق بيك..والراجل ايلا تعلق بيك متبقة والو تشدي قلبو 

عائشة تنهدات:وايلا صدقت انا لي متعلقة بيه وطار لي قليبي شغا ندير

سارة:عويشة دويبة،ديرها وتقد بيها كيفما طيحتيه وخليتيه يتزوك بيك ..ويكرهك ويرجع ينزل للارض وينعس معاك ويببغي كتر راك تقدري على قلبووو كنتيق فيك

عائشة:انا بغيتو يخلي كاع ناس يعرفوني مراتو ..وينزل كواريه للارض مايبقاش تايق فراسو بلا قياس

سارة:هههههه هانا على عويشتي شتي نتي راه انا نتعلم منك

عائشة بلعات ريقها:دابة هو من بعد داكشي قالي ولا باغي كتر وانا راه سخفني داك نهار وهو كيقولي هداك ماشي نعاسي..وزيد انا ماكانعرف ندير والو 

سارة بغات طيح بالضحك:ههههههه اربييي هاد البنت هبيلة 

عائشة:لاش الضحك راه عمري جربت وهو ماعرفت اش باغي كتر من داكشي شوفي كيف ردلي عنقي لحمي كامل مزوق .وزايدون تقبة وحدة راه خشاه فيها ولا بغاني نزيد ليه تقابي خرين

سارة شدات فكرشها كضحك:هههههههه صافي ازبل صاافي..هههههه وا كرشيي..عييب الموصيبة توري داك ليطااش لشي حد كلشي ايسيق ليك لخبار نعستي معاه ههههه هههههه اووف كرشي

عائشة:حق الرب لا زدتي فيه انا لي حمارة كنتشاور معاك 

بغات تنوض وهي تشدها:هههههه صافي جلسي جلسي نتي راك موصيبة

عائشة :وا دوي

سارة:معدورة ياختي..شغا يتسنة من وحدة ضل مقابلة سبايستون ..الراجل باغي كوجااك..باغي تجلسي على الكرسي..تلعبوو فالدوش بالباندوش..يزغرت لييك 

عائشة:كيفاش شكا تخربقي

سارة:هههههه سمعي دابة نتي احبيبة مزوجة وبولادك ياك..ايوا فعواط تفرجي فسبايستون تفرجي فالشاشة الزرقاء

عائشة:زدتيي فيه والله كضحكي عليااا

سارة:والله تا داوية بصااح

عائشة:شمن كوجاك ولا كرسي..وشنو هي هاد شاشة الزرقاء

سارة:البورنوو ابب 

عائشة كتفكر:بورنو بورنوو فايتة سامعة بيه 

سارة:هنا غنوريه ليك شخصيا اري طليفونك اري

خدات الطليفون خنتشات فيه ودورات ليها شاشة..عائشة حلات فمها كتشوف داك شاشة الزرقاء باش عامرة:اوييييييييييييلي شهادشي حيدييي عليا ..ويلي ويلي

سارة غتموت بالضحك من شكلها كيف ولا :هههههههههههه شنو بغيت ليك اعائشة غتقتليني بالضحك..صبري صبري نوريك كوجاك

وراتها واحد لفيديو خاص بكوجااك:هانتي اعويشة الزعيم اش باغي..تي راه باغي تدلعي ليه المعلم ههههههه بقات فتقابي هههههه اكرشيي

عائشة ولات ملونة فجميع الالوان وهي كتشوف،داك العجب

سارة:هنا نوريك الكوورسي

وراتها فيديو اخر فوضعية مختالفة على لوخرا:شووفي ابنتيي خاص تكوني مولفة برياضة دسكوااات وشطيحة ديال تويركين (twirking) اتصرعيها لا كنتي كتعرفي لهاد الجوج هههههه

عائشة ولات حمرة شوية،وتنفاجر:صااافي حبسي عليا هاد المسخ

سارة جايها النشاط عليها:ههههههه نوريك غا كيف خاص يزغرت لييك وصافي

قلباتلها طليفون:شووووفي هههههه هدي راه توصلك للمريخ ..وماتنساايش توحوييح توحويييح تجيبيه ليه تمام هههه

عائشة غمضات عنيها كتولول:وييييلي ويلي شهااد المسخ لا مايمكنش يكون باغي هدشي

وخدات ليها الطليفون :واش من،نيييتك هدشي انديرو انا لا لا مابقيتش باغة هدشي 

سارة:ههههههه الزعيم باغي هدشي ابب ..

عائشة،غير كتفكر داكشي سخانة كتشدها بلعات ريقها:الله ياربي

سارة:راه راجلك حلالك من،بعد ايولي يجيك عادي ونتي تقوليلو اجي كويني

عائشة:واخة يحلم بيها بالالوان عمري نقولهاالو هدشي لي بقة

سارة:غا كتقولي دابة تجيني خبارك..والله تا تفيقيه من نعاسو ملي تشدك هاديك لي ماكاتعلمش

عائشة:لوااه النبك

سكتو فاش سمعو لباب كتحل كانت الزاهية ناضت كتجري لعندها وعنقاتها:ماماااتي توحششششتك بزاف

الزاهية:تا اناا ابنتييي

عائشة:ماتصوريش شحال ..دخلي دخلي

وتحنات عنقات،مريم:مرياااامتي توحشتك

مريم:تا ناااا بزاف

عائشة:عرفتي لقيت شي قنوات دروسووم ما فيهمش الاشهار ملي تجي لعندي نقصرو انا وياك تا لصبااح

مريم:حلفييي

عائشة:والله..بالحق فالويكاند ماتكونيش قارية

سارة:ايييه لي باغة تشد الراجل 

عائشة ماجاوباتهاش

الزاهية:وا هزو معايا

هزات معاها التقدية وجلسو فالصالة كيهضرو والزاهية كتسولها على الاحوال وفيديها هارون لي توحشاتو بزاف

الزاهية:ايوا كي دايرة معاهم

عائشة:كلشي معايا مزيان الا داك،اكرام لي ماباغاش تدخل سوق راسها كلشي كتعلق عليه وشكامة وتوصال الهضرة ..خاصها غا الفرصة وانا صابرة ماباغاش نجبد الصداع

سارة:عطي لمها علاياش كتقلب باش عمرها تولي تحل فمها

الزاهية:لا ابنتي ماناقصة صدع ماتديهاش فيها خليها تموت بسمها 

سارة:بحال هادوك ماكايموتوش ازاهية

الزاهية:وا صافي اسارة 

سارة:هنا ساكتة

الزاهية:شغا نديرو للغدة

عائشة:شي حااجة زوييينة 

الزاهية :اندير ليك الدجاج فالفران كيف كيعجبك

عائشة:ااااه اماماااا مع داك شرمولة الحارة لي كديري

الزاهية مدات هارون لسارة :هي لولا ابنتي نمشي للكوزينة بحرا يوجد

ناضت مشات للكوزينة..عائشة بغات تبعها وهي تشدها سارة من يديها:اجي شوفي هاد الفيديو هههههه

عائشة تنترات منها ومشات:بعدي مني

سارة:هههههههه علااام هاد البنت

دخلو للكوزينة عاونو الزاهية فتوجاد وكيهضرو ويعاودو لبعضياتهم

نخرجو لبرة شوية 

كان سايك حتى كتدخل فيه طوموبيل من الجنب ..وقف الطوموبيل ونزل طافج: واش ماكاتشووفش

نزل تاهو من الطوموبيل :سمحليي عفاك ليل كامل وانا سهران وباقي مانعست راك عارف سموحة اخويا ..انا غنتكلف بالاصلاح

عصام تنهد:هانيا اخويا ماشي مشكل غير رد البال راه الروح هادي

بتاسم ليه:معاك جعفر متوكل 

ومد ليه يديت..عصام سلم عليه:مشرفين وانا عصام

جعفر'عرفتك نت هو تاج دين انا صديق العائلة ديالك

عصام:مزيان

جعفر:صدفة زوينة،واخة كونا غنموتو فيها المهم كتاب وتلاقيت بيك .

وشاف فالطموبيل:انا غنتكلف بالاصلاح كيف قلت

عصام:لا ما يحتاجش الحمد الله غا ملي خرجات طريفة وراك صديق العائلة عيب عليك

جعفر بتاسم:ادن القهوة على حسابي ماتقولش لا

عصام شاف فالساعة :صافي واخة نمشيو نتقهواو .نعيط بعدة لديباناك يديوها تصلح

جعفر:واخة كنعرف ومدين يصلموها دغية علامن نساليو قهوتنا يكون كلشي هو هداك

عصام:مرحبا

ريكلو الامور. ومشاو يتقهواو

عند عائشة

جلسو يتغداو وهو يصوني ليها الطليفون..شافت المتصل وصرطات الماكلة وجاوبات:الو

وصلها صوتو الرجولي هاد المرة فيه الهدوء وبحة زوينة:فينك مازالة عند مك

عائشة:اه باقة

يوسف:هنا غندوز موراك

عائشة:عاد كنتغداو خلي بلاتي شوية باقي ما سخيت بماما

كانت كتسناه ينفاجر فوجها ويقولها نلقاك لتحت ولكن صدمها:واخة فالعشية ندوز عندك

عائشة بتاسمات:صافي واخة

يوسف:بسلامة

عائشة بسلامة

وقطعات وهي كتحس بقلبها كيضرب

سارة:امممم هدشي زين

عائشة شافت فيها:شنا هوا

سارة:الماكلة غا الماكلة هههه

وكملو ماكلتهم 

داز الوقت 

كانو جالسين فصالة مازال كيهضرو فجديد والقديم ما عياوش

حتى كيسوني ليها الطليفون تاني جاوبات:الوو..صافي واخة..بسلامة

وقطعات:راه فالطريق

الزاهية:ايوا نوضي وجدي راسك ابنتي

ناضت هزات داكشي ديالها ولبسات عليها وقدات هارون وصونا ليها قالها راه لتحت سلمات عليهم باش تمشي

سارة غمزاتها:ماتنسايش داكشي لي قلت ليك

عائشة:بعدي مني

وخرجات وهي كتسمع ضحكتها..هبطات لتحت ..نزل فاش شافها خدا منها يوسف باسو على راسو وشاف فيها:رتاحيتي

هزات راسها باه:اه كنت موحشاهم

وحل طوموبيل حط هارون .وركبو تاهوما

كانت ساكتة وكتشوف فالطريق وكتفكر فداكشي دسارة ..حتى كتشوف الطريق ماشي ديال الدار .شافت فيه:فين غادين

يوسف:هارون ايكون قنط من دار .نديوه فين يتلاهة ويلعب

بتاسمات:بصااح

هز راسو باه

شافت فهارون:هاروني باباك ايديك تلعب

وكملو طريقهم حتى كيوصلو لواحد المجمع كبير فيه مطاعم بزاف 

نزلو ..وهارون هازو على دراعو..عائشة كتمشة مداه وتي حالة فمها بلاسة زوينة،وفيها العاب ديال دراري صغار وماينين مهرجين كيلعبو مع دراري صغار ..شافت فيوسف:بلاصة زوييينة بزااااف عجباتني

قالتها بخال شي بنية صغيرة جبتيها لمدينة الالعاب..بحاليلا جابها هي باش تلعب

وقفات حدا وامد اللعبة:هااادي هادي زوينة بغيت نلعب فيها

شاف فيها:من نيتك 

حسات على راسها:زعمة هارون يلعب فيها 

جا عندهم لي مقابل اللعبة:مرحبا بيكم اسيدي

عائشة:ولدي ايلعب هنا ياك في السن ديالو

هز راسو باه:اه انحطوه فوحدة على قدو عطيه ليا اسيدي

مدو ليه ونزلو فواحد لعيبة بحال الحصان دار ليه الحزام باش مايطيحش وبقات كدور بيه..عائشة،بحاليلا هي لي راكبة كتضحك ليه وتصفق بيديها ..وهارون عاجبو لحال جبدات الطليفون كتصورو باش تبسة عندها دكرى..سلات اللعبة وتزات هارون كضحك معاه:شتي شحاال زويينة اجي اماما اجي

يوسف كان غير ورقف وكيتفرج فيهم كتبان زوينة وهي فرحانة وبريئة بزاف

عائشة شافت فيه وهي كضحك:شتيه شحال كان فرحان

هز راسو باه

شافت لعبة خرا ومشات:هدييك تاهي زويينة

هو خلص وتبعها ...داز ليهم الوقت غا فالالعاب مع هارون عائشة نسات راسها من لعبة للعبة..حتى عيى هارون:صافي عييتي يلات نمشيو عند باباك

كان اونفاص معاهم واحد المطعم دخلات وجلسات حداه:صافي عية هههههه 

شافت فالساعة وشهقات:10ونص تدشي كاامل ويلي ما حسيتش بالوقت ..

شافت فالالعاب:خساارة مالعبت تاشي لعبة

يوسف:واش قدك قدهم

عائشة:علاش مادايرينش دلكبااار

يوسف:واش نتي ماناوياش تكبري وديري عقلك 

عائشة:صافي ماغانلعبش...فيا الجوع

دار ااشارة للسيرفور طلبو اش اياكلو..شوية جاب ليهم داكشي لي بغاو بداو كياكلو حتى كيصوني طليفونو:الوو..لاباس..لا غنتعطل غير نعسي..بسلامة

عائشة شافت فيه:يلاه نمشيو بلا ماتعطل عليها

يوسف:كنقول ليك ديما ثادنليش فشي حاجة بعيدة،عليها

عائشة:مراتك كتسول فيك لاش اتعطل عليها

يوسف بصوت حاد:عائششششة

بلعات ريقها:وااخة 

وكملو ماكلتهم..من بعد ناضو باش يمشيو بحالهم ركبو فالطوموبيل ..مسافة الطريق وكانو حدا الدار

نزلو ودخلو كان سقيل كلشي ناعس

طلعو للبيت :انا غنعسو

هز راسو بلا :غا خليه انا غنعسو

هزات راسها باه وهي كتشوف حوايجها تقية عليها:واخة راه دغية اينعس حيت عيان..ملي ينعس حطو فبلاصتو تماك

يلاه اتمشي وهي توقف قربات ليه وتعلات على ريوس صبعانها با توصل ليه وباستو على م

حنكو:شكرا فرحتي هارون

بقة غير كيشوف فيها

وهي حلات لبلاكار جبدات بيجامة عبارة عن تيشيرط طويل فالغوز ومرسوم فالوسط ديالو دبدوب..وهزات فوطة ودخلات للحمام دوش من التقية دهارون ومن اللعب لي لعبات فالمجمع..بتاسمات وهي كتفكر هارون شحال كان فرحان..شوية جا فبلاها داكشي لي وراتها سارة بلعات ريقها فاش حسات بسخونية طالعة معاها دغية،نفضات دوك الافكار من راسها..تنهدات كون يبقة،معاها ديما،هكا علاش لي ماتبغيش تكمل حياتها اي ومدة تبغي راجل بحالو طبعا يحن فيها ويبغيها..وبات ولدها من لفوق تبغي ولدها يعيش مع مو وبات بلا طلاق.. ولكن لا،ماتبدلش وبقة هكاك متعجرف وقاسي وخاصو غا سبة راه ماتبغيهاش لراسها تبقة مع واحد كيعاملها تنهدات تاني وكملات التدواش نشفات داتها بالفوطة ولبسات تيشيرط حتياطا بالي تخرج وتلقاه قدامها..خرجات من الحمام وتنهدات براحة فاش مالقاتوش ..شافت هارون فبلاصتو ناعس ..بتاسمات ماغايفيق تا لصباح من لعية لي عياه وقفات قدام لمراية كتنشف فشعرها وسهات حتى كتسمع صوتو:لبورنو اعائشة

طاحت ليها الفوطة من يديها ودارت شافت فيه مصدومة هاز طليفونها فيديه..بلعات ريقها

كان واقف فباب لبالكون كيكمي سيجار ديالو وطليفون فيديه كيشوف فيه:بقالك غا لبورنو

بلعات ريقها وزيرات على تيشيرط من شدة الاحىاج حنات راسها مالقات ماتقول

يوسف نتر اخر نترة ورما لكارو وقرب لعندها جرها من خسرها وقرب ليها طليفون لوجها:شهادشي 

هي غير ساكتة حتى كتأوه فاش زير ليها على خسرها باش تهضر:دوييييي هدشي فاش كتقيلي خايدة كتفرجي فلقحاااب..

دورها لجييهتو بالجهد حتى تضربات فيه :علاياش كتقلبيي باغة شهاد الوسخ لي كتدخلي راسك فييه..

هز ليها راسها تا كات عنيها فعنيه:دوووي 

نزلو دموعها:انا...

وسكتات تمنات الارض تبلعهاا

يوسف تنهد عارفها ماشي ديال هدشي:شكون ورااك هدشي 

هزات راسها بلا وهي كتبكي

غوت ليها فوجها:شكووون هضري نسمع 

قفزات ونطقات بلا ماتشعر:ساارة ..سارة..والله حتى اول مرة

وسكتات وكملات بكاها

تنهد ورخف ليها على خسرها:وعلاش 

حنات راسها:والو

يوسف هز ليها راسها:قلت علاش

عائشة كتشهق ماحاملاش هاد الوضع لي هي فيه :هكاك بغاتني نشوفو حيت انا مزوجة هدشي لاش

قوس حواجبو:زعمة تعلمي

هزات راسها باه 

يوسف بقة شحال كيشوف فيها:نتي مامحتاجاش لهدشي بغيتك تبقاي كيفما نتي هاد التخربيق ماكايهز فيا تشعرة ايلا ماكنتش انا باغيك ..

عضات على شفايفها كتحاول تحبس دموعها

يوسف:كنقسم ليك ونولي نلقة هدشي عندك تنهرسو فوق راسك وماعمرك تولي تعتبي دار مك .باش عمرك تلاقاي هاد سارة..سمعتيني

هزات راسها باه ..قربها ليه كتر وتحنا كيمسح ليها فدموعها :عمرك تبدلي خليك هكا

شافت فيه من صوتو لي ولا حنين فجأة وكمل كلامو وعنيه فعنيها:حاجة وحدة ديري عقلك

زاد جرها لعندو شكلها وهي حشمانة وسامتة جدبو وشفايفها لي عاضة عليهم وكيرجفو خلااوه بلا مايشعر يطبع قبلة طويلة حتى كيحس بيها بعدات وعطاتو بالضهر كترجف خافت فاش تفكرات داكشي ولكن شي حاجة فالداخل ديالها كتدووب

يوسف كان من وراها كيشوف فيها كيف مزيرة على تيشيرط وشعرها كويل نازل على ضهرها كينقط بلما ..وتشيرط مبينوفخاضها لعريانين ما خس براسو تا جا وراها وخشا يدو من تحت يديها محاوط كرشها ومع قصيورة عليه منزل راسو وحااني عنقو باش يتقابل معاها وهي كانت حانية راسها بالحشمة وهزات يديها كتلعب بصباع يدياتها الصيغورين من التوتر وكتحس بانفاسو سخان فوق 

وجهها ودقات قلبها كيتسارعو حنيكاتها توردو وحسات بالسخونية طالعة معاها من صبع رجليها الصغير حط نيفو فوق شعرها كيستنشق ريحتوو لي كتجدبو هز يدو حتى رجع ليها شعرها وراء وذنيها 

ودور شعرها بجنب نزل و مدد لسانو لوذنيها مص بيها الشحيمة دوذنيها حتى ارتاعشات

ورجع نازل مع عنقها حاط شفايفو فوق عنقها الطويل

وجمال العنق فطولتو اللامع بلاما يحركهم غير كيشم فريحتها ولحيتو كانت كدقها و كتخبع عنقها فحال هاكداك 

ويديه كيلعبو فوق كرشها سلل يدو وشبك صباعو مع صباعها مني بدا كيمص فعنقها تمسكات بصباعو متاثرة بحركاتو لي خلاوها ترخة وتنسى راسها لدرجة ولات كتزيد تزير على يديه طلق من يدها وطلع كفوفو من فخاضها كيتحسس لحمها 

حتى لصدرها وهو يجمع عليه يدو 

وعصرو بين يدو حتى فزك ليها التيشورط بالحليب لي خرج منو مع كترضع 

وصدرها عامر بالحليب قلبها عندو بجهد حتى طار شعرها 

وغطا وجهها ساط فوسط وجهها سوطة وحدة طيرات شعرها شدها من شعرها 

غارس ظفارو بكل حنية ورقة خبير فالتعامل مع الانثى وطريقة اغواءها بدا يلعب لها فجلدة دشعرها

وحط شنايفو فوق شنايفها باش يبدا يلتاهم فيهم دقة دقة واليد التالية وراء ظهرها قرباتها ليه حتى تلاصقات مع جسمو

ويد يعصر فطريمتها بين يدو بكل دائري وببطء فحالا كيدير مساج شيء لي خباها تزيد ترخالو بين يدو واخا مكتجاوبش ولكن مرخية بين يدو

ملي حس براسو ديمارا وسخن هزها كيف الريشة بين يدوو و لاحها فوق السرير بشوية وبطريقة رومانسية خلات خلبها يطير فسما وبلا ملتحس شداتو من لكول وجراتو لعندها جا فوق منها وطلع لها يدها فوق جمعهم بيدو هابط لصدرها كيبوسو من فوق التيشوورط قبل ميدير يدو تحتو

ويتسلولها ومع ملابساش سوتيانات تحتو حيت تترضع كانت الوضعية سااهلة هبط يكمل داكشي لي خلاه هارون فالرضيع

واخا الحليب كيخرج وقتما ضغط على صدرها 

خلا جسمها كلو طبايع

هابط لسرتها مروراا بفخيضااتها

قبل ميفتح بين رجليها ويتخشاا بيناتهم وبدا يبوس ليها فوسط فخيداتهتا الحميمرين الرطييطبين ونقيين 

خلاها كتطلع نفس بزز بالنشوة لي وصلات ليها حس بيها مقدراش تزيد تصبر واخا الحشمة غالبة ولكننن متقدرش تزيد تخبي..داز الوقت وهو مازال ماناوي يرحمها من التسخينات عرف كيفاش يخليها ترجف من شدة الشهوة ..وغير بشوية كيتعامل معاها باغي يعلمها على يديه ماشي كيف شافت فداك الموقع ..ماشعراتش براسها حتى حسات بيه داخل كامل زيرات ليه على كتافو تا قمشاتو وبدون شعور منها خرجات داك ااح مخلطة بالرغبة خلاتو يجعر عليها هكاا بغاها تكون معاه عفوية ..عضات شفايفها بالجهد فاش حسات بيه لداخل كيتحرك كيدخل ويخرج رفعها لعلام تانيي لي ولات كتعشقو فهاد اللحضة ..حلات عنيها بشوية فاش حساب بالقبلة دبالو على راسها وداكشي لداخل كيتخوة ..تنهدات بصوت مسموع جابتو معاه قد قد ..خرجو بشوية وتكا حداها جرها لعندو حطات راسها على صدرو ..

سمعاتو كيشعل لكارو شافت فيه:يووسف هارون ماخاصوش يشم ريحة دلكارو

طفاه ..بقات كتفكر:يوسف شغا ندير فقرايتي بغيت نقرا مانتحرمنيش منها

يوسف:غنبدلك المدرسة وضوصي ديالك غنقلوه ليها رتاحيتي دتبة

بتاسمات:اه اهم خاجة لقراية

شهقات فاش شقلبها وجابها تاني تحتو:خلينا دابة فالمهم

بتاسمات ودورات يديها مور عنقو وجراتو كتبوس فيه وهو كيحرك يديه فوق جسمها

حتى كيقفزو بجووج فاش تحلات لباب علييهم

يوسف غير شافها جر عليه لغطة هو وياها

هي خرحات بالزربة من البيت مصدومة من داكشي لي شافت سمعات صوتها:خالتي طاهرة ياك لاباس

طاهرة شافت فيها وبلعات ريقها:لا والو غير طليت على عائشة

نرجس:اه..شفت طوموبيل ديوسف..وباقي ماطلع للبيت قلت نشوف مالو

طاهرة:راه مع ناصى كيهضرو دابة يجي

نرجس:واخة نطلع للبيت نتسناه

ومشات

طاهرة بقات غير واقفة دارت شافت فالبيت وقربات ليه:يووسف

لداخل

كانت حالتها حالة ملوية عليها ليزار وكضرب فوجها على هاد الموقف لي تحطات فيه .نزلو دموعها وهي مازال كضرب فوجها:الله اربي صافي تشوووهت ويلي كون مت ومانطيحش فهاد الموقف...ناري لا ويلي ويلي على شوهتي

كان كيلبس تيشيرط ديالو شافت فيه دمو بارد بحاليلا ما وقع والو :واااش من نيتك اتخرج لعندهااا بوجهك حمر

رجعات ضربات فوجها:ويييلي على خالتي اتكرهنييي مانقدش نولي نشوف فوجها

تحنة لعندها وشد ليها يديها بجوج لي كضربهم فوجها:برااكة شهاد المرض كديريي شوفي وجهك كي رديتيه

عائشة كتهز راسها بلا:لااا راه شوهتي شوووهة وعندي فالبيت من الفوووق اتقول انا لي جريتك لعندي

انا غنمشي بحالي مايمكنش نبقة هنا ونولي نشوف لها فعنيها

نزلو دموعها وهي كتفكر فاش تحلات لباب والمنضر لي شافتهم فيه ..غمضات عنيها:لااا ياسيدي ربيي

جرها من يديها لعندو:انا راه راجلك ماشي الزلال ديالك باش اديري هاد الفضيحة وكلشي عارف هدشي..وغير حبسي عليا هاد المرض

ورخة منها فاش سمع مو كتعيط للمرة التانية

عائشة :ااه مراااتك غا فاش كتبغيني فحاجتك مراتك غا بين ربعة دلحيووط ..راه تا واحد ماعارفني مراتك..مراتك هي نرجيس قدام الناس..ماتبقاش تقولي مراتي الله يرحم والديك

يلاه ايجاوبها وهو يسمع الدقان تنهد وخرج لعندها وسد موراه لباب

يوسف بجدية:مالك ياك لاباس اشنو بغيتي

طاهرة:من نيتك شداكشي شفت 

يوسف:نتي لي واش من نيتك واقلة بديتي تحماقي الواليدة

طاهرة:نت لي اتحمقني ياك قلتي البنت ماحاملهاش وتزوجتي بيها بالسيف ..اش جابك لبيتها..اش داك المنضر شفت بعيني....بعد من البنت خلي هدشي يدوز على خير حتى طلقها وكل واحد يشد طريقو

يوسف مسح على راسو:بغيت غا نفهم الواليدة واش ماعندك شغال من غيري انا..ماعندك راجل تمشي تقابليه وتحضيه.بنت ليك غا انا فهاد الليل..اش دخلك فنبغيها مانبغيهاش نطلقها مانطلقهاش شغلي هداك..هديك لي لداخل مراتي مات ولدي لي شفتي راه عادي.راجل ناعس مع مراتو ..وايلا بقيتي كتجسسي عليا فكل ليلة..راه نفس المنضر لي عاد شفتي دابة وماعجبكش اتبقاي تشوفيه فكل ليلة غا لما بغيتيش تحشمي وماتبقايش دخلي فشي حاجة ماسوقكش فيها

طاهرة حلات فمها مصدومة هدا شكا يقول متبقاش يحشم:لا لا نت طيرتي لبلاكة ..فعواط تخرج عندي حشمان خارج كتزيد فيه وزايدها بتخسار الهضرة هدي هي مك استغفر الله العضيم

يوسف:شمن تخسار الهضرة مازال ماخلاقش هدا لي يخسر ليك الهضرة الواليدة..غير فهمتك بالطريقة لي اتفهمي بيها 

طاهرة:ايوا انا ما،انخليكش تضحك على البنت من بعد تسيف عليها..لا كنتي ناوي تعدبها غا طلقها وبعد منها 

يوسف:هدشي شغلي انا

طاهرة:اتبقة معاها هكاا تا تحمل عوتاني ونعاودو نفس الفلم ومايعجبكش لحال 

يوسف:قلت ليك شغلي هداك

طاهرة:لا شغليييي حيت نت مافيك تيقة

تنهد:اتبقاي هكا حتى انهزها ونخرج انا وياها من هاد دار داك ساع قلبي عليها

طاهرة:ماغانخليييكش ديرها وتستفرد بيها لبنت باقة صغيرة

يلاه ايهضر وهو يسمع صوتو :انا لي غنغبرها عليك ايوسف وعمرك تولي تحلم تشوفها لابقيتي هكا

دار وشاف فباه ونطق بعناد:ها حنا انشوفو

وحل لباب وهضر:وجدي راسك انمشيو من هاد الدار

عائشة كانت دافنة راسها تحت لمخدة:كيفاش

يوسف بحدة:كييف سمعتي تهزييي

عائشة هزات راسها وشافت جيهت لباب مافاهمة والو..كتشوف غا لباب محلولة شوية،وكتسمع صوتهم

طاهرة شافت فناصر:هاد الولد مابقاش يحشم كاع .وباقيتش فاهماه.دابة غير قولي شنو باغي بالضبط

يوسف عطاها بالضهر ودفع لباب:هنا انوريك اش باغي

ودخل وسد لباب موراه كانت مازالة فوف النموسية وليزار داير عليها:شنو كتسنااي نوضي 

عائشة ناضت جالسة:فهمني اش واقع فين انمشيو

يوسف زدح برجليه على الارض:تهزييييي 

قفزات ونزلات من فوف النموسية:حتى تقولي فين انمشييو وعلاش

قرب لعندها وجرها من دراعها:غتزيدي كلمة وحدة انخدم يدي اعائشة،ماتزيديش تعصبي دلمييي فهاد ليل

ودفعها:تحركييي

رجعات اللور مافاهمة والو بغات دخل للحمام:فين غادة

عائشة:ندوش

يوسف:شمن تدواش لبسي وزيدي قدامي

بغات تهضر وهو يقاطعها:يلاااه

حلات لبلاكار جبدات شي تواشي ودخلات للحمام:انلبس ونخرج

لبسات بالخف وجمعات شعرها شفنجة وخرجات

يوسف:هزي هارون وتبعيني

خرج وهي هزات هارون كتشوف هاد ليلة كيف تقلبات عاد وهوما عايشين في العسل ودابة شوية وغينفاجر فوجها خرجات من البيت لقاتهم فوجها بلعات ريقها وزيرات على هارون وهي منزلة ماقادراش تشوف فيهم

طاهرة:يووسف ماعندك فين تمشي ياك قلتي عمرك تخرج من هاد الداار 

يوسف:نتي كتعرفيني مزيان اعدة حاجة عندي شي واحد يتدخل فحياتي وعارفة كوكان شي واحد من غيرك شنو ممكن ندير فيه..انا كندير لي فرااسي بلا ماتحاولي تمشيني كيف بغيتي

وشاف فعائشة:يلاه

طاهرة قربات عند عائشة:ماعندها فين تمشي لبنت بنتنا ونت من نهار اللول قلتي ماحاملهاش ادن غتبقة معاناا..وتانت ماعندك فين تمشي

يوسف ماداهاش فيها شاف فعائشة:زيدي قدامي

طاهرة شافت فيها:عائشة

عائشة حنات راسها ووقفات مور طاهرة:ماعندي فين نمشي معاك ايوسف 

طاهرة شافت فيه وبتاسمات:سمعتي

يوسف ولا كيغلي مسح على راسو بعصبية ويلاه ايمشي لعندها وهو يشدو ناصر..بحدة:يوووسف

يوسف شاف فيه:قلت انخرجو من هاد الدار هي انخرجو حيت لا ماوقعش هدشي انقلب هاد دار كاملة 

ناصر:اجي معايا

يوسف تنتر منو:هدشي كامل لي كيوقع هي لي اتخلصوو

وشاف فيها :نتي مازال انتحاسب معاك وراكي كتعرفيني اعائشة 

مابغاتش تشوف فيه منزلة راسها ومخلياه كيهضر..شي لي خلاه يزيد يتعصب..ضرب اقرب فاز كان حداه تا تزدح فالارض :هدشي والله لا داز ليك بيخير اعائشة كنقسم لييك

ناصر:وانا كنقسم ليك ايوسف لا مديتي يديك عليها اتشوف وجهي التاني اترجعني ناصر لقديم وغتندم ..وهاد الدار عمرك تولي تعتب ليها جرب وديرهاا وغتفرج بعنيك ..انا فاش كنقصح قلبي راه ولدي مانبقاش عاقل عليه ولورقة ديالك بيدي انقطعها

يوسف كان غير كيشوف فيه ما قدر يقول والو ..هاداك راه باه وكتر من باه كاع مايقدرش يخسرو..تنهد بعصبية وحنى راسو بلا تاشي كلمة

ناصر:تبعني

تبعو للمكتب ديالو وسد لباب

ناصر عمر،جوج كيسان ومد. واحد ليه:جلس

يوسف هبط على الكاس فدقة:مرتاح هكا

ورجع عمر كاس

ناصر جغم شوية وشاف فيه:باغيها

يوسف مسح على راسو وقرب للشرجم شعل كارو 

ناصر قرب لحداه :جاوبني

فالجيهة لوخرا

بقات غير واقفة وهارون فيديها ماقادراش تشوف فيها 

طاهرة:اجي

ودخلو للبيت وشدات لباب

عائشة حطات هارون فبلاصتو ووقفات وهي شابكة صبعانها كتلعب بيهم من التوتر

طاهرة:عائشة نتي بحال بنتي وباغة مصلاحتك...يوسف واخة ولدي وطرف مني كيبقة راجل..وكاع رجال مافيهم تيقة سمعتيني..نتي دابة سلمتيه راسك وعلم الله شحال من مرة

عائشة نزلو دموعها:ماشي بزاف اخالتي والله..هادي تانية من مرة وصاافي ماكنت باغة هدشي يوقع ولكن..

وسكتات ماقدراتش تكمل

طاهرة قربات لعندها حطات يديها على كتافها:فاهماك ابنتي والله..ولكن خايفة من ولدي ..خايفاك تزيدي تعلقي بيه فتالي يسمح فيك ويطلقك ويخليك كتعدبي..غتجي فيك غير نتي ..كلشي داز على عنيك وكيف ماكانش باغيك ..خاص يعتارف بيك انك مراتو ويقبل بيك ويقولها بفمو داك ساع العيب والعار لا وليت تدخلت فيكم....صراحة ماكنتش باغاك طيحي فهاد الموقف..لانتي عاجبك هدشي ومقتانعة بيه كنقسم ليك عمري ندخل تاني واخة نشوفو كيقتلك

طاهرة شافتها غير ساكتة تنهدات وتمات خارجة وهي تسمع صوتها:لا اخالتي مابغيتش

طاهرة شافت فيها:انا غنوقف معاك ابنتي تا يعتارف بيك ولا يتنازل ويطلقك 

عائشة هزات راسها باه ودموع فعنيها

طاهرة قربات لعندها:ماتخافيش ماكانضنش ايبغي يطلقك

عائشة مسحات دموعها:لا ماشي هكا

طاهرة:راني مرة وغنفهمك..مايمكنش يدير هدشي كامل معاك ويتنازل وينعس معاك وهو ماحاملكش..ولدي لا كره شي حاجة راه مستحيل يقرب ليها واخة يموت..غير هو راسو قاصح

عائشة هزات راسها باه

طاهرة:مايكون غا الخير غير نتي سمعي لكلامي

عائشة: واخة اخالتي 

طاهرة بتاسمات داك الابتسامة شيطانية:خليه يحماق شوية ..ويعرف انه تاحاجة ما ساهلة 

عائشة بادلاتها الابتسامة

طاهرة شافت فيها ودوك طبايع لي طالعين مع عنقها:عائشة هدشي راه عيب يشوفوه الناس ابنتي ومن الاحسن ماتبقايش تخليه يدير فعنقك بحال هكا 

عائشة تزنكات حطات يديها على عنقها ووجها ولا حمر بالاحراج

طاهرة:قوليلي كتشربي شي دوة دمنع الحمل

عائشة زادت تزنكات بلعات ريقها:لا

طاهرة مابغاتش تزيد تحرجها:المهم مازال نهضرو فهدشي..رتاحي دابة

وخرجات وخلاتها

عائشة تنهدات:اوووف على ليلة

وناضت دخلات للحمام دوش عليها وهي كتفكر فهدشي لي وقع وفالهضرة دطاهرة..عندها الحق غتجي فيها هي اما هو راه عايش حياتو اللهوما هكا ولا تبقة تبكي من بعد بالندامة..خرجات من لحمام لبسات عليها وتحشات فبلاصتها وغمضات عنيها وتنهدات فاش جاو بين عنيها دوك اللحضات لي عاشتها معاه قبل مايوقع هدشي وتحصلهم طاهرة..حلات عنيها:صاااافي اعويشة نعسي

ولكن والو نعاس طاير من عنيها ..ناضت ك

جالسة كتفكر

فجيهة لوخرا

خرجو من المكتب

ناصر:فين غادي

يوسف:غنعس

ناصر هز راسو باه ويوسف طلع للجناح ديالو

طلع للجناح ديالو حل للباب ودخل لقاها ناعسة..مشة نيشان للحمام دوش ولبس عليه وخرج...بغة ينعس ولكن نعاس طاير من عنيه..تنهد وخرج ل لاتيراس يضربو لهوة..كيشوف فالبحر لي اونفاص معاه كحل بالضلمة..وداك ريح بارد كيضرب فصدرو لعريض..حط يديه على لحديدات وهو كيشوف لبعيد والهضرة دباه كدور فدماغو ..ملي كان صغير وهو كيحتارم باه وهو قدوتو ومنو تعلم بزاف دلحوايج 

وماباغيش يغلط معاه..ولكن هو ماكايحملش شي حد يفرض عليه شي حاجة.. تفكرها هي كيف قلبات وجها عليه قبيلة بحاليلا ماشي هي لي كانت فحضنو قبيلة..دوز يديه على شعرو كيحس يراسو كيغلي وباش يبرد خاص يدير داكشي لي فراسو وهي مازال باغي يتحاسب معاها..بغة يشعل كارو وهو يدير بناقص..يكفي لعافية لي شاعلة فصدرو عاد يزيد لكارو..تنهد وهو كيفكر باغي شي حل لي يرضيه هو قبل كلشي..حس بيها موراه عنقاتو من ضهرو:حياتي جيتي

وباستو حدا عنقو:تعطلتي بقيت كنتسناك تا داني النعاس..فين كنتي

يوسف:كنت مشغول وصافي

تقابلات معاه وحطات يديها مور عنقو :اتكون عيان

هز راسو باه وهو كيشوف فيها:ماتصوريش شحال

بتاسمات وتعلات باستو على شفايفو غير بشوية ورجعات اللور:اجي ترتاح..خاص تنعس

بغات تمشي وهو يجرها تا تضربات فيه حطات يديها على صدرو وبتاسمات:مالك

قرب لشفايفها :ماماليش

وقبل تهضر دخل معاها فقبلة خلاتها تنساجم معاه تكات على لحديدات وجراتو لعندها كتر كتبوس فيه ويديها كتحرك على صدرو بشوية .بعد عليها شوية وهمسات ليه :توحشتك

ورجعات باستو بالخف على شفايفو وبعدات فاش جرها ودخلها للبيت

لتحت واونفاص معاهم كانت واقفة وكلها كترجف رجعات اللور وبعدات شعرها على وجها وعنيها مازال على لا تيراس فين كانو واخة دخلو للجناح مازال صورتهم بجوج قدامها..حطات يديها على صدرها حاسة بالعافية شاعلة فيه..دخلات للبيت وهي كتغلي دوزات يديها على شعرها وزيرات عليه بالجهد تا تقصحات ندمات حيت خرجات للبالكون تشم لهوة..ندمات قد شعر راسها كوغا ماشافتش داكشي ...بلعات ريقها فاش حسات بدموعها اينزلو هزات راسها بلا:لا ماتبكييش اعائشة ماتبكيييش..ماكايناش غير نتي فحياتو عندو مراتو قبل منك لي ديما كيعايرك بيها وكيفضلها عليييك

مابغاتش تبرد ليها .وكتقاوم دموعها دورات عنيها على لبيت حاسة براسها مخنوقة وسعات لكوول وهي كتنفس بصوت مسموع ماحساتش براسها تا غوتات بالجهد:صااااااافي اعائشة راها مرااتو صااافي برااكة

تسمع صوت بكة هارون لي ناض مخلوع من صوتها

عائشة ماداتهاش فيه دخلات للحمام وحلات الروبيني غسلات وجها بلما باارد كترش وتعاود ..شافت فلمراية ..كلها كترجف ولون دوجها تخطف وعنيها حوومر :نرجس مراتو قبل منك فهميها ..داكشي عاادي 

تنهدات بالجهد وخرجات وجلسات هزات هارون وبدات كترضعو وهي كتديه وتجيبو بين يديها حتى نعس حطاتو فبلاصتو وتكات فبلاصتها لوات عليها ليزاو وهي كتحس بحال العافية فصدرها خصوصا فاش كيتخايلهم دابة مع بعضهم ..غمضات عنيها والو واش جاها النعاس وداكشي كيحرقها فلداخل ديالها..تنهدات وناضت بقات غادة جاية فالبيت كي شي حمقة ..حلات لمجر وجبدات واحد دوة خدات تلاتة دلحبات وشرباتهم وتكات فبلاصتها هدا هو الحل باش تنعس..شوية بشوية تا داتها عنيها ونعسات

جا نهار جديد

حل لباب ودخل:الواليدة

طلات عليه من الكوزينة:مرحبا اولدي كي صبحتي

قرب وباس ليها راسها:الحمد الله ونتي

الزاهية :بيخسر اولدي جلس هنا نحط لفطور

عصام:لا انفطر انا ومهدي راه كيتسناني لتحت..بغيت غير نقولك وجدي لي شي غديوة زوينة انجي موراها ..تعرفت على واحد خونا الله يعمرها سلعة ماعندوش عائلتو وشحال ماكلة لماكلة ددار ايوا عرضت عليه عندي

الزاهية:مافيها باس اولدي

جبد ليها شي فلوس ومدها ليها:هانتي تقداي ..وقادي داكشي متيول صافي

الزاهية:واخة اولدي

عصام:يلاه نتشاوفو 

وخرج..ركب مع مهدي وتحركو..دوز نمرتو:الو خويا جعفر كي صبحتي

جعفر:الحمد الله .الله يحفضك 

عصام:ايوا عنداك تنسة ليوم لغدا عندي

جعفر:راك فبالي وشكرا حيت تفكرتيني

عصام:اهانية دابة راه ولينا خوت

جعفر:يحفضك 

عصام:يلات تانتشاوفو

وقطع 

عصام:فين انمشيو

مهدي:شي مجلة عيطاتلي قالك اسيدي انكون الوجه الاعلاني ديال واحد الماركة دلحوايج .

عصام:اياااه هدشي عندك مجهد

مهدي:اودي بيني وبين هادشي غا سلام عليكم

عصام:تانت جرب دير لبووز

مهدي:ههه ونطلع فطوندووس

عصام:يتووب عليك

مهدي:ايوا يلاه نشوفو لبلان

مشاو لواحد سوسيطي ..نزلو ودخلو ستقبلاتهم وحدة:مرحبا اسيدي راهم فقاعة الاجتماع

مهدي:واخة

فقاعة الاجتماع

كانو مجموعين شافت فالساعة:دازت نص سااعة ومازال ما بغة يوصل ..كتعرفني ماعنديش مع لي يخليني نبقة نتسنة

شاف فيها وهو كيمدغ لمسكة:مالك اصاحبتي مزروبة راه تسعود هادي بشوية على سيد باقي الحال

تنهدات:على الله مايكونش كيف بغيتو وتشوف شغا ندير فيك

غمزها:فين عمر حبيبك زيكو ماجابهاش لاسقة جو سوي سيييغ ايعجبك وهو لي لايق للماركة والازياء ديالك

دورات وجها:ماتبقاش تدوي بالفرنسي الله يخليك كتعنفجها..اجي بعدة شنو سميتو هاد خونا

يلاه ايجاوبها وهي تحل لباب:مادموزيل اكرام راه وصل

اكرام:خليه يدخل

ورجعات باللور بلكرسي حتى كتشوفو داخل ويديه فجيابو حلات فمها بالصدمة..تاهو وقف مصدوم فاش شافها

اكرام:هدا نت

شافت فزيكو:ماتقوليش هدا هو لي غيكون لمودل دلازياء ديالي

زيكو وقف :اه هو علاه مالو

وشاف فمهدي:على مزينااتو تفضل اموسيو تجلس

مهدي دار بتسامة جانبية:شي كاس دلما للانيسة قبل طيح

زيكو شاف فاكرام وهمس ليها:شتي السيد كيفكر فيك 

شاف فااسيكريتيرا:جري جيبي لما

اكرام كتشوفهم كيف كيرحبو بيه وفرحانين بيه جلس اونفاص معاها والابتسامة على وجهو 

زيكو خدا لما من سيكريتيرة ومدو ليها تشربو وبدا كينش عليها بالورقة:الله على حبيبتي عاد ونتي بيخير شوية وجهك تلون غا عوينة هادي

مهدي:دوز ليها النمرة دبابي ديالها راه تولي بيخير

اكرام خرجات فيه عنيها:نت سكت 

زيكو نغزها:احم اكرااام..سمحلنا اموسيو ..اكرام ترفع ليها الضغط

مهدي:ماشي مشكل

اكرام ناضت:زيكوو تبعنيييي دابة

وناضت كتشالي بيديها تبعها

اكرام:هدااااك مانبغيش نشوفو قدامي سمعتيني اخر واحد يلبس ليا تصاميم دياالي شوف شي واحد ااخر

زيكو حط يديه على خسرو:يا ويلي على باربيي..قلبت وبحت فكاع لي مودل هدا هو لي عجبني ولي يصلاح زوين وبوكوص ورياضي وبطل العالم فالبووكس ..لوخرين رااه مجلطين ماكايناش شي مجلة مادارتهومش حنا بغينا الجديد احبيبتي ومهدي هو لي مناسب ..بغيتي ولا كرهتي

هزات راسها بلا ماباغاش تقتانع:لااااا مابغيتوش

زيكو طرطق المسكة:علاش احبيبتي عطيني شي سبب اش دار ليك

بلعات ريقها ماتقدش تقولو حيت ايبقة يضحك عليها:وااالو مادرلي والو انا ماعجبنيش

زيكو:من نيتك ولا عورة ماكاتشوفيش سيد طولة والقلدة وشهامة ..خلاص عليا من لبهلان وزيدي قدامي خلينا سيد كيتسنة 

اكرام:زيييكو ماتعصبنيييش

زيكو نفخ المسكة وطرطقها:وا تي زيدي ..مهدي هو لي غنديرو

وجرها ورجعو لقاعة الاجتماعات ..جلسو فبلايصهم

زيكو شاف فعصام:مرحبا بولد مسيو عماد نورتي لمكان 

عصام كيشوف فيك كيف كيتحلون ومبنت:شكرا

زيكو شاف فمهدي:ومرحبا ببطل لعالم ديالنا ..اش تشربو بعدا شي حاجة باردة ياك حيت بنتولي سخاان

مهدي وعصام خنزرو فيه

زيكو:لا زعمة لحرارة برة،

عصام:مابغينا والو

زيكو:لي حبيتو المهم ندخلو فالموضوع..كيف كتشوفو حبيبتي اكرام مصممة مشهورة فلبلاد وخارج لبلاد..دابة دارت اول مرة تصاميم رجالية بغات شي وجه جديد ومشهور..لي يكون مودل لهاد التصاميم وانا مالقيتش ماحسن منك تبارك الله تبوكيصة ولفسورية داكشي لي بغينا ..وفرحنا حيت لبيتي الطلب وجيتي المهم ها التصاميم لي غتلبس 

وقرب ليه لبي سي:شوف راه داكشي معتبر حبيبتي اكرام كتخرج من يديها العجب

مهدي كيتفرج فتصاور ..كانو ازياء كلاس كوستيمات وازياء صبور ..عجبوه بزاف ..رجع لبيسي اللور وشاف فاكرام:زوينين مابيهمش ولكن ماشي مشكل دابة راحنا ولينا معربة ماردهالكش فوجهك

اكرام خرجات فيه عنيها:كيفاش مابيهمش

زيكو:احم صافي ا اكرام الناس راه ادواق..مسيو مهدي مرحبا بيك معانا دابة نقدرو نوقعو لعقد

اكرام:بلاااتي 

زيكو:اكرام رتاحي نتي

وجبد العقد ومدو لمهدي:قرا عاد وقع

مهدي قرا داكشي لي مكتوب والمبلغ لي ايتخلص بيه وكلشي بتاسم ووقع وشاف فايكرام:نقدر نمشي دابة عندي شي شغال 

اكرام خنزرات فيه وتمتمات:لجهنام انشاء الله

زيكو نغزها:احم وي مسيو يمكن ليك تفصل وهاد سيمانة ايبدا التصوير غير فنهار واند ماشي بزاف كيف شفتي فالعق..غنوليو نتاصلو بيك

مهدي وقف:مادموزيل ايكرام بغيتك واحد دقيقة

خرج وتبعاتو :اش بغيتي الهيماجي 

مهدي:سكتي يا القطة ونتي غا كاطيري دابة راه بيناتنا الخدمة وانا لي انهز ليك دوك تصاميم لبوهل ديالك صراحة ماعطاوكش ولكن ندير فيك الخير

اكرام:من نيتك سير قرا المجلات وسوشيل ميديا شكا يقولو على تصاميمي ..عرفتي شغا دير انا انلغي هاد العقد وسير بحالك

مهدي هز راسو بلا:لا انا فاش كنوقع ماكانرجعش ..المهم نتشاوفو

ومشا وخلاها كتغلي

خرج من المبنى وركبو فالطوموبيل:مالك معاها

مهدي وهو كيديماري:خاص لي يربيها ويا صاحبي شحال كطير

عصام:وزعرة كيف بغيتيها

مهدي بتاسم:داكشي لي مصبرني 

وكملو طريق

فجيهة لوخرا

ليلى:وشنو قالك

عماد:قالي ايجيبها ويجي هو وياها ..ماباغيش يرجع وهي ماكايناش فالدار..مافيها باس نعطيوها وقت

ليلى تنهدات:واخة

عماد:اش بان لي نسافرو هاد اليوماين نبدلو الجو علامن تقاد الامور

بتاسمات ماتقدش تقول ليه لا:واخة علاش لا

باسها على خدها :انا غنحجز لينا اليوم وجدي راسك

هزات راسها باه وناضت طلعات البيت توجد شوانط

نبدلو لبلاصة.. فدار الزعيم

كانت حدا لمراية كتشوف فوجها كيف شاحب بلبكة والغمة تنهدات وهي كتلوي شال على عنقها وقدات ماكياج خفيف..وحلات لباب ونزلات لتحت..لقاتهم كيفطرو:صباح الخير

وجلسات

طاهرة:كي صبحتي ابنتي

امونة كتشرب من قهوتها:الحمد الله اماما

ناصر:وليتي دابة مزيان

هزات راسها باه:اه ابابا

وسكتو

دينيس:لبارح جا محمد و..

قاطعاتها:دينيس ماتجبديهش لياا عفاك

طاهرة:صافي ادينيس سكتي

يوسف جلس هو ونرجس لي غطير بالفرحة بداو كيفطرو بصمت

هز راسو مابانتش ليه شاف فطاهرة:فين هي

طاهرة ببرود:مازال مافاقت

يوسف بنفس البرود:شيفور ايديها باش تشوف مدراسة الجديدة

طاهرة:واخة ..دينيس طلعي فيقيها 

دينيس:واخة

وناضت طلعات لعندها دقات وحلات لباب على صوت هارون كيبكي عقلو خرج بالبكة

دينيس:عاائشة فيقي اصاحبتي شوفي هارون كيف كيبكي

هزات هارون كتسكتو وقربات لعندها:عائشة شيفور ايديك باش تشوفي لمدراسة،جديدة فيقي اصاحبتي

والو واش تحركات..زعزعاتها نفس شي بدات كتخاف..جرات عليها لغطة وزعزعاتها بااجهد:عاااائشة فيقي ماتخلعينيش..عائشة

نزلو دموعها وحلات لباب ونزلات لعندهم :ماامااا عائشة ماعرفت مالهااا ماكاتحركش اماماا

كلشي ناض مخلووع

الطاهرة:اويلي مالها

دورات وجها لقاتو طلع فلمح البصر تبعوه كيجريو

تحنا لعندها كيضرب ليها على وجها:عااائشة فيقي..عائشة 

هزلها راسها لعندو كيقيس ليها النبض..مدات ليه طاهرة لما رشو ليها على وجها وضرب ليها تاني على وجها..حلات عنيها بشوية ورجعات غمضاتهم

يوسف كيبعد ليها شعرها على وجها:عائشة واش كتسمعيني 

هزات راسها باه..هزها وجلسها وهو كيمسح ليها وجها:باش كتحسي

رجعات حلات عنيها مافاهمة والو يلاه اتهضر وهي تحط يديها على فمها..عرفها باغة ترد عونها وقفات..تنترات منو ودخلات للحمام كترد داكشي لي فكرشها غسلات وجها وخرجات كتحس بالدنيا كدور بيها وقفات شادة فالحيط كلشي كيشوف فيها ومخلوع حتى كترخة وقبل طيح شدها وهزها

طاهرة وهي كتبكي:انديوها لطبيب

خرجها كيجري بيها وركبها فطوموبيل ومعاه طاهرة،نيشان للطبيب

فالطبيب

دخلوها نيشان للمستعجلات

كان واقف اونفاص مع لباب ومتكي على الحيط وعنيه على لباب لي ملي دخلو ما ولاو خرجو تنهد:تعطلوو

طاهرة كتمشي وتجي قدامو :ياربي ما يوقع ليها والو

قربات لعندو:يووسف ياك ما اايوقع ليها والو 

شاف فيها ورحع شاف فلباب:مايمكنش توقع ليها شي حاجة

تنهدات:باقة صغيرة مسكينة ياربي ماكون معاها

قرب للباب وضربو بيديه:هادوو مالهم تعطلووو

طاهرة:ايكونو معاهااا 

مسح على راسو وهو كيشوف ناصر جاي ومعاه دينيس وامونة

امونة:ماما عرفتو شي حاجة

طاهرة:مازال ماخرجو

امونة:مايكون غا الخير ياربي

ووقفو كيتسناو 

شوية خرج طبيب 

يوسف :شنو واقع

الطبيب:راها بيخير درنا ليها غسل الماعدة ودابة راها كترتاح مازالة تحت تأتير الدوة

يوسف:شمن دوة 

الطبيب:خدات واحد الدوة المفعول ديالو قوي .هي خدات كامية كبيرة شي لخلاها تفقد الوعي ويرتافع ضغطها بزاف وتضرر الماعيدة 

طاهرة نزلو دموعها :الله على بنتي باقة صغيرة على هادشي

يوسف حل لباب ودخل وخلاهم..بقة واقف بعيد وكيشوف فيها كيف ناعسة فوق البياص وسيرو معلق فيديها ووجها شاحب قرب لعندها ووقف..مازال مادخلاتلو لدماغو انها بغات تنتاحر..لهاد الدرجة ووصلات بيها..وهي لي داك النهار كانت متشبتة بالحياة

نزل اطراف صبعانو على حنيكاتها وبدا كيحركهم بشوية وتنهد وهمس غير بشوية:علاش اعائشة ..عمرك اديري عقلك..وعمرك اتفهميني.

وحل لباب وخرج وخلاهم كيشوفو فيه

دخلو شافوها وتطمنو عليها..من بعد مشاو بقات معاها غير طاهرة

داز الوقت

حلات عنيها بشوية شافت الطاهرة قدامها نطقات بصوت تقيل:خالتي

طاهرة قربات ليها:كي بقيتي

عائشة:الحمد الله..شنو واقع لاش انا هنا

طاهرة تنهدات:عائشة زعمة راكي كبيرة وكتفهمي ..هدشي لي درتي غالط ابنتي الانتحار راه ماشي حل.ربي مايبغيش هدشي لي درتي..كو كان حل كون درتو انا لولا شحال هدا

عائشة مافاهمة والو:كيفاش انتحار اخالتي .هدشي راه ماكاينش

طاهرة:ودوة لي شربتي كان ايقتلك ديالاش

عائشة بلعات ريقها ماكاتقدش تهضر بزاف:لا ماشي هكا ماكنتش قاصدة نتاخر كنقسسسم ليك ومانقدش نديرها.انا غير ماجانيش النعاس وشربتو..خديت تلاتة دلحبات ماحسابليش ايوقع هدشي والله اخالتي ماكنت باغة نتاحر تيقي بياا

وبدات كتبكي

طاهرة شدات ليها فيديها:صافي تقت بيك ابنتي غير ماتبكيش .صافي..حنا خفنا عليك بزاف وطبيب قالنا داكشي مشا بالنا للانتحار..ماكانش عليك تشربيه بداك الكمية كون وقعات ليك شي حاجة

عائشة:ماحسابليش والله

طاهرة:صافي ما وقع باس ماشي مشكل رتاحي دابة

عائشة سكتات من لبكة

طاهرة:عائشة خلي هدشي هكا ماتشرحي لتاشي حد خصوصا لناصر ويوسف خليه يحس بتأنيب الضمير شوية..وناصر خليه لياا ..صافي

عائشة هزات راسها باه

طاهرة:انمشي عند طبيب ونرجع رتاحي

ومشات..وهي بقات فبلاصتها مازال راسها كيضرها والدوخة شاداها..غمضات عنيها حتى كتحس بلباب كتحل..دورات وجها شافتو كيسد لباب قرب لعندها وهي دور وجها لجيهة لوخرا

يوسف:شنو هدشي درتي

عائشة ماجاوباتوش

تحنة لعندها:دوي ..بغيتي تموتي وتخلي ولدك موراك..اخر مرة كنتي باغة تعيشي ودابة كتنتاحري

كانت غير ساكتة وكتفكر فالهصرة دطاهرة..نزلات جوج دميعات وشافت فيه:حييت عييت منك ومن هدشي لي كدير فيا..غير مدوز بيا الوقت وكترجع لمراتك ..انا ماعنديش مشكل معاها ولكن ماديرش فيا هكا..ملي ماباغيش تعتارف بيا صافي طلقني وخليني بكرامتي..نشوف تا انا حياتي ..دابة وليت كنشوف الموت حسن ليا 

وسكتات ودورات وجها..وهو غير كيشوف فيها ماحس براسو تا تحنة لعندها وزير ليها على يديها:كنقسم ليك اعائشة وتولي تعاوديها نمرضك فحياتك كتر وكتر..راه الموت وماغاتبعدكش عليا سمعتيني

عائشة:ااي قصحتيني

بعد عليها:نتي اتبقاي ديما هكا مبرهشة عمرك اتكبري ولا غتبدلي..ديما كنقولك ديري عقلك وبزاف دلحوايح ايتبدلو

عائشة:ماشي سووقك فياا سمعتيني ملي ماعاجباكش طلقنييي ..سمعتيني طلقنييي

يوسف زاد تعصب تحنة لعندها وشدها من شعرها وجرها لعندو كيهضر على سنانو:عمررك تحلمي بيها سمعتيني عمررك..وجربي عاودي قولي وتشوفي شغا ندير فيك..انخليك تبقاي حياتك كاملة فهاد الطبيب مرمية 

سمع صوتها من موراه:رخيي منها واش حماقيتي 

كان معاها ناصر..دفعها وتقاد فالوقفة:ماتلعبييش معايا اعائشة 

وخرج وخلاهم 

طاهرة:شفتيي ولدك شكا يديير عمرو غيتبدل ماغايرتاح تا يقتلهاا ناصر ايما ادير شي حل ولا انديرو اناا..لبنت بغات تنتاخر وهو جاي كيكمل عليها

تنهد وخرج هز طليفونو ودوز شي نمرة:وجدو الفيرمة لي علا لبحر وسيفط لي شيفور لطبيب

وقطع ورجع دخل لعندهم:وجدو راسكم انمشيو من لهنا

طاهرة:فين

ناصر:لي بلاصة لي ما ايلقاهاش فيها يوسف

طاهرة بتاسمات بانتصار

جا الشيفور

ركبات :خالتي كوغا مشيتو معايا

طاهرة:من الاحسن نبقاو حيت فاش ايجي ايدير روينة ابنتي

عائشة هزات راسها باه

طاهرة قربات وهمسات ليها:راه ماغايطولش هاد لفراق كوني هانية من غدا تلقايه عندك..ووجدي شروطك وطلباتك من دابة..طلبي لغلا هههه

عائشة بتاسمات وهزات راسها باه 

طاهرة:يلاه بسلامة

ومشا بيها شيفور

ناصر:يلاه نخلصو طبيبب ونمشيو

دخلو وخلصو فالاستقبالات..حتى كيشوفوه جاي..ما دواش معاهم

ناصر:يوسف

يوسف شاف فيه

ناصر:ماغاديش تلقاها

يوسف علا حاجبو بمعنى كيفاش

ناصر:عائشة ديتها من لهنا لواحد لبلاصة كنعرفها غير انا وصيفطت هارون لعندها

يوسف دار داك الابتسامة جانبية:كيفاش 

ناصر :كيف سمعتي..لبارح هضرنا فهدشي وقسمت ليك انك لا مديتي يديك عليها عمرك تحلم بيها..راه تا انا كنوفي بالوعد ديالي..عطيتك فرصة تفكر 

يوسف قوس حواجبو وهضر وهو مغدد:عائشة غترجع لعندي ومعاها ولدي لما رجعتيهاش نت انرجعها بطريقتي

ناصر:واقلة مازال ماكاتعرفني انا باك وكبر منك وسبق منك فهاد لدنيا..لادرت شي حاجة فراسي راه صعيب تحيدها..وعائشة لا مارجعتهاش انا بيدي راه عمرك تلقاها

يوسف جمع يديه على شكل لكمة كون ماكانش باه كان غيبرد فيه كاع اعصابو ..دور يديه وضربها مع اقرب حيط قدامو حتى سال الدم وشاف فباه وهو كيغلي:علاش كدخلو فشي حاجة ماسوقكمش فيها علااااااش..

وخرج كيشي عجاجة من سبيطار لي لقاه حداه كيدفعو حتى كيطيح فالارض..ركب فالطموبيل وكسيرا بالجهد وفنفس الوقت كيهضر فطليفون:بغيتكم تجبدوها واخة متحت الارض ..قبل تغرب الشمي بغيتها تكون عنظي

وقكع وبدا كيضرب فالدريكسون:علااااش اعائشة علاااش...غنقتلك عاد اترتاااحي

نرجعو عندهم

ناصر:يلاه نمشيو

خرجو وركبو فالطموبيل نيشان للدار..دوزو نهارهم كيتسناو شغا يوقع ويوسف مارجعش كاع لدار

عند عائشة

كانت متكية مازال كتحس بالعية هارون قدامها ناعس ..كتفكر يوسف شغا يكون كيدير دابة:ماسوقيش يطركق كااع يمشي عند مراتو

وتحنات بااست هارون على خدو:ياك احبيبي نبقة انا وياك بحدنا حسن مايكون معانا ومكرفس علينا

جابت ليها لخدامة تاكل:نتي قديمة فهاد الفيرمة

الخدامة:اه هدي اعوام ماجاو ليها من قبل تولد لالة طاهرة..جاو ليها مرة ..جلسو فيها شي يامات وماولاوش رجعو ليها

عائشة:علاش

الخدامة:كان وقع شي مشكل ومدام الطاهرة مابقاتش بغات تجي ليها..ايوا وبقات هكا مقابلاها انا وراجلي وشي خدامات

عائشة:مزيان

ومشات وخلاتها تاكل...شبعات ورجعات التكات راسها تقيل بالنعاس دغية نعسات

داز الوقت

طاهرة:ناصر صوني شوف فين هو لايمشي يدير شي فضيحة 

ناصر:ماعندو مايدير دابة يرجع

طاهرة:ليل هدا بديت نخاف

ناصر:ماتخافيش دابة يجي

تنهدات 

دازت هاد ليلة وجا نهار جديد

فاق على صوت الطليفون:شنو لقيتوها...

رما طليفون فاش سمع داكشي لي ماعجبوش..لبارح نهار كامل وليل كامل وهوما كيقلبو ومالقاو والو..هز سوارتو وخرج ركب فطوموبيل نيشان للدار..دخل:فين هو الوليد

الخدامة:فالمكتب

دخل عندو لقا معاه الطاهرة

ناصر:جيتي فوقتك

يوسف ماهضرش بقة واقف

ناصر:مالقيتيهاش ياك..ايوا راك عمرك تلقاها

يوسف غير ساكت

ناصر:هاد لوراق خاص تشوفهم ..ديال طلاق ديالكم عائشة سنات بقيتي غير نت 

يوسف دوز يديه على شعرو:لاش باغي توصل

ناصر:لبارح دويت معاك بالعقل ونت راسك قاصح والبنت امانة عندنا ماحدك مازال مامعتارفش بيها راه ماعندك تاشي حق عليها..نهار تردها مراتك ديال بصاح دير لي بغيتي مراتك هديك..المهم لوراق هاهوما حتى ايلا ماسنيتيش انا غنكمل هاد الطلاق بطريقتي ..

يوسف بتاسم بسخرية تهد كتجي حتى لباه وكيحبس ويتسلاولو تمنى كون كان شي حد براني يقتلو بلا مايحس نطق ببرودة:فين هي

ناصر:راني دويت ..نت غتقولي دابة اشنو قررتي كلشي بين يديك ..حيت من مور طلاق انصيفطها تكمل قرايتها برة..وانا بيدي غنزوجها بالراجل لي يستاهلها ..دابة جاوبني بغتيها مراتك قدام ناس ولا طلاق وتنساها وعمرك تشوفها

طاهرة كتفرج ومتسنة شغا يقول

يوسف بقة ساكت شحال عاد نطق:مازال ماخلاقش هدا لي غيتزوجها من غيري

ناصر:ادن

يوسف كيشوف ليه فعنيه:تكون مراتي

ناصر بتاسم وقطع داك لوراق:دابة مزيان

يوسف:فين هي

طاهرة:لا مازال 

شاف فيها وكملاات:عندها شروط 

يوسف:شنا هوما

طاهرة:تا نشوف معاها ونتشاور معاها وغنرد عليك واي حاجة بغاتها غتنفد

يوسف وهو خارج:مابغيتش هدشي يطوال

وخرج وسد لباب

طاهرة بقات كضحك فرحانة

ناصر:رتاحيتي

طاهرة وهي كدوز شي نمرة:بزااف بزااف...الو سمعيني وجدي شروطك وما ترحميهش ..هههه اه..ولي بغيتيها غتنفد..قطعي وفكري وردي عليا

وقطعات

اش كضنو اصعب شرط اتضربو بيه عائشة نشوف الخيال ديالكم فين واصل