أسقطته في شباكها فعذبها حتى أذاب فؤادها الجزء 20

فجيهة خراا

كانت جالسة معاهم وكتسمع لحديتهم وعنيها على التلفازة كتشوفو نازل من طيارة تا خرج من المكار نزلو دموعها كتشوف هارون كبر عضات على شفايفها وهيوكتمسح فدموعها شافت فكمال كيديوي:لا خاص يتحاكم قدام وكيل لمليك 

نرجس:زعمة يخرج براءة

كمال:غالباا ابنتي حيت عندو ملف كامل مع ادلة قوية

نرجس:وايلا تقلبات شي حاجة ضدو 

وسكتات عاد كملات:بحال هدشي كيوصل للاعدام

كمال:مامانصنش النتي ماغايكون غا لخير .نطلبو هاد الجلسة دوز تلى خير

رجعات شافت فتلفازة وهي كتقول امييين

عائـــــــــشة

كانت فصالة جالسة على اعصابها كتاكل فدفارها طليفونها مابغاش يحبس من الصووني ..كلشي كيعيط ليها صحاافة ناس لي خدامين معاها العائلة وبزااف دلميساجات كيقولولها ولدك رجع .كمام داك لبيجامة لي لابسة شنتفاتهم بسنانها .حاسة بقلبها ايوقف فاي لحضة تامن جوهرة صيفطاتها مع عصام حيت مابغاتش تسكت باغة تمشي تشوفهم تا بدات كتبكي ليهااا .جا موراها عصام وداها بغات تبقة بحدهااا مابغات تا واحد يشوفها فهاد الحالة وقفات كتمسح على قلبها وتزير عليه حاسة بيه ايوقف فاي لحضة وبداها الوجع تاني ..راه بالسيف وهو تحت هاد الضغط كاامل ماشي ساهل علييها فكرة ولدها قريب ليها كتحمقهاا افكارها مامرتبينش مشوشة خاص تفكر ولكن فين هو تفكير ماعارفاش اش ادير ..مشات لبيتهاا حلات لبلاكار جبدات شغا تلبس ..قدات شعرها ووجها وهزات مونطوها ولبسات صباطها ..وخرجات وساكها فيديها لجلاس فدار ماعندو باش يفيدهااا خاص تخرررج ولا غتحماق مافيهاش..اتخلي رجليها يديوها فين بغاااو ..غير فاتت باب لعمارة وهي تشهق فاش هجمو عليها ثحافة كيسولوو فيها ..مكملةةكريها وهوما تابعينها جمعات عليها المونطوو وسعرها مكيرو ريح فسماا مع البرد ..بلعات ريقها وهي كتحس بداك الدوخة تاني وقفات فاش بداو كيفشلو عليها رجليها تمتمات بهمس ويديها على قلبها:ماشي وقتك عفاك 

هزات راسها وهي كتسمع صوت لكلاكسوون خلا الصحافة يتفرقو كان ايدخل فيهم ..هنا مابقات كتسمع والو وهي كتشوفو نازل من طموبيل ..حاسة براسها كتحلم لدرجة بدات كترجع اللور باغة تهرب ..ماحدو كيقرب وقلبها كيبغي يوقف كتقول هنا غنفيق ماشي هوو لا مايمكنش مازال مامستعدة تشوفوو ..مزال مادارت حساب لهاد اللقااء لا مايمكنش خاص تفييق عنيها مفيكسين عليه كتحس بزمان وقف فهاد اللحضة عضات على سنانها وهي مازال راجعة باللور وهو كيقرب .. كيشوف فيها وجاي فتيجاها ورجال ديالو قايمين بالواجيب بعدو كاع الصحافة وخواو ليه طريق كيشوف فيها وحاس بطريق طويلة ..باغي غير فوقاش يوصل ليها وياخدها فحضنو واخة تغوت ضربو تسبوو لمهيم يحس بيها بين يديه ..اول مرة ايحس بواحد الرجفة فشكل فكاع جسموو وهو كيشوفها قداموو وقف اونفاص معاها كيشوف فعنيها لي شتاق ليهم بزااف..توحش يكون قريب ليها ..دابة عاد رجعات فيه الروح وهي قداامو..بغة يزيد يقرب وهي ترجع اللور كتشوف فيه بحال شي قطة متوحشة زاد قرب بغة يهز يديه وهي تهضر بصوت كلوو حقد :ماتحاااولش تقرب لييي

وتمات غادة وهو يجرها:ست سنين اعائشة هدا هو اللقاء عندك

كان عارف كلامو ماعندو تا معنى ولكن هدشي لي جاا فكلاامو 

ضارت لعندو وهي كتنتر يديه وقربات تا لوجهو هزات يديها تا لسما وكتجمع معاه بصقلة تا دار وجهو لجيهة لوخراا :هز كلابك وسير بحالك انا ماكانعرفكش وعلى اشمن ست سنين كتهضر

ضربات يديها مع بعضهم وهي كلها كترجف: عائشة لي كانت قبل داك ست سنين باااح ماتت تدفنات سمعتيني سير قلب عليها فجيهة خرا 

بقة غير مخرج فيها عنيه 

كملات كلامها وهي معلية حاجبها:كنعرف ولدي وبس 

عطاتو بالضهر وكملات طريقها حتى كتحس بخطواتو موراها غمضات عنيها وهي كتحس بقوتها بدات كتلاشة شوية بشوية تا طاح ليها ساك من كتافها شداتو قبل يطيح ووقفات كتشوف فالارض كلشي كيدور بيها غمضات عنيها وهي كتحس بيديه على خصرها حط راسها على صدرو قبل طيح..هزات يديها بوشية بغات دفعو ولكن عيانة بزاف شوية تهزات ترخات كلياا حلات عنيها بشوية شافت فيه ورجعات غيبات..غادي بيها لجيهة دطموبيل وعنيه عليها كيتامل فملاميحها واخيراا ولاتوبين يديه ..عيا باس يوصل ليهاا ومن اليوم ما اتفرقو عليها غير المووت 

يوســـــــــف الزعيم و عائـــــــشة

كان واقف حدا الشرجم وفيديه كاسو كيجغم منوو عنيه

شتيوة مجهد كطيح ولحال مضلام من غير ضو لامبات منورين لمكان على برة..تنهد ودوى وجهو شاف فيها ناعسة بهدوء...جابها من طبيب من بعد ماتأكد راها بيخير ..خاص يدوي معاها ويشرح ليها شحال من حاجة فبالوو هو دابة رجع وكلشي غيتبدل ..قرب لعندها ووقف حداها كيشوف فيها من راسها تا لشعرها ..البرهوشة ديالو كبرات ولا عندها جسم ديال انثى متكاملة فالعشرينات مابقاتش مراهقة لي كيعرفها كلشي تبدل فيها ..تنهد وتحنى شوية ودفن صبعانو وسط شعرها ماكرهش كون يقدر يمحي كاع هاد سنين من بالها كون يرجع ليها قلبها صحيح متعافي تنهد .. تاهو كانت صعيبة عليه يتفرق عليها وعلى بنتو لي ماشافهاش تطعن فقلبو قبل يطعنها فاش تبرا من بنتووو باش غير يحميها مايقتلوهااش .داك ساع غتعدب هي جوج مرات ..باغي يشرح ليها كلشي وهاد ليلة كلشي ايتوضح..ميل راسو وهو كينزل يديه لملاميحها بحاليلا كيرسمهم باطراف صبعانو توحشها وتوحش ابتسامتها وعناداها وكلشي فيها..تحنة كتر فاش وصل لشفايفها ..هو الوحيد لي جربهم وهو الوحيد لي عارف التاتير ديالهم عليه وماغايسمح لتاشي حد يقرب ليهاا ويقيسها من غييروو .كون فهاد ستي سنين تهورات وبغات دير شي علاقة من موراه ماكانش غيتسنة تاشي تانية باش يرجع وياخد روح هدا لي حاول يقرب لممتلكاتووو..قرب كتر تاااني وعنيه على شفافها يلاه تيقرب وهو يحبس فاش شافها بدات تفيق ...

حلات عنيها ورجعات شداتهم حاسة براسها كيضرها غير ستوعبات فين هي حلاتهم دغية وهي كتشوفو قريب ليها ..

بدا صدرها كيطلع ويهبط بالجهد كتشوف فعنيه لي رجعوها اللور ..يامات العداب لي دوزاتهم معاه..لبكا لي بكاتو فكل ليلة بسبابووو على ولدها..طعنات لي دطعنهااا ..كلشييي رجع ليها فهاد اللحضة.

.بدات كتشوف مع جنابها وكلها كترجف لا مايمكنش تكون معاااه ناضت جالسة وهو تقاد فالوقفة مراقبها..ماهضرات ماتكلمات نزلات من فوق النموسية كتلبس فصباطها العالي ومقاتلة مع شعرها كينزل ليها على وجها فهاد اللحضة تمنات كون قطعاتووو كلشيي مقنطهاا.. وقفات وهي كتقلب بعنيها تا شافت مونطوها مشات بخطوات مزروبين كتورك على الارض بعصبية حتى كيتسمع صوت الطالون لبسات مونطوها بالخف وهي كتخرج شعرها من تحت لمونطووو..هزات ساكها وقف ليها فطريق وهي تهز يديها بتحدير:ماتحاولش تقرب ليييي

وكملات طريقهاا باغة غا فوقاش تخرج من هاد البيت مايمكنش تبقة معاااه ماغاتستحملهاش

وتمات غادة لجيهت لباب بغات تحلو لقاتو مسدود 

بساروت تنهدات بصوت مرتاافع وهضرات وعنيها على لباب:حل لبااااب

شرب من كاسو شوية حاط اعصابو فتلاجة حيت هدشي لي خاص يكون :خلينا نهضرو

شافت فيه وهي كضرب فلباب برجليها:قلت حل لباب 

حط داك لكاس فوق طبيلة تماك وبغة يقرب وهي تهز يديها بتحدير:ماتقربش وحل هاد المرض نمشي بحالي

يوسف:خلينا. نهضرو اعائشة داك ساع ديري لي بغيتي

عائشة كتشوف فيه بتبات وكتورك على كل حرف كتنطقو:لهضرة تسالات شحال هادي مابقيت باغة نسمع منك والو .

يوسف كيشوف فيها كيف حتى طريقة نطقها للكلمات تبدلات قرب جوج خطوات لعندها:بغيت نشرح ليك اعائشة كون ماكانش داكشي فمصلاحتكم ماكنتش انمشي

علات حاجبها:ماكايهمنيش لي عطا الله عطاه يقدر كون جيتي عندي قبل من هاد الوقت من مور مامشيتي بشي يامات كان يقدر نسمع ليك ولكن دابة صافي مابقاش كيهمني داكشي لي غتقول ست سنين كافية باش نفهم لراسي بلا ماتفهمني وتشرح ليا 

قربات لعندو بهدوء:ماغانلومك ماغانقولك علاش ولا كيفاش ماغانعاتبك ما والوو بغيت جوج حوايج أسي يوسف الزعيم

وزيرات على الزعيم بطريقة رسمية بحال شي واحد غريب عليها :تبعد مني ونشوف ولدي

سكتات غير نطقاتها حسات بقلبها رفرف مع داك الكلمة لي وجعاتها فقلبها ولي تحرمات منها ..

يوسف غير كيشوف فيها فعلا كان منتاضر يشوف دموعها تبكي ولا تنهار قدامو كتسب فيه وتعاير وتدعي فيه تعاتيوو هادي هي عائشة لي كيعرف ولكن خانت توقعاتو هدي ماشي عائشة حتى شوفاتها تبدلوو 

عائشة تنهدات كتزيد تشحن راسها بالقوة ورجعات شافت فيه:حل ليا لباب نمشي بحالي ماجاياش بجوج فبيت واحد ما عندها تا معنة

فهم كلامها كتفكرو انهم مطلقين عرف انه هادي لي حداه صعب من داكشي لي كيتخايل وباش يحقق داكشي لي كان ناوي غيتعب بزاف ولكن تاهو فهاد الست سنين تعلم بزاف دلحوايج منهم الصبر ..الصبر لي ماكانش فقاموسو قبل هاد سنين كان متهور ولي عصبو خاص يعاقبو لي بغاها خاص تنفد..دابة لا كيفما صبر على بعادو على عائلتو وبلادو وعليها وعلى بنتو ست سنين قادر يصبر ويعطي خاطرو تا يرجع كلشي كيف كان وحسن

يوسف:عائشة ..

قاطعاتو:مراتك اتكون تشوشات عليك ولحال مشاا مابغيتش نفس السيناريو يتعاود حل لباب نمشي بحالي

قوس حواجبو:شكا تخربقي

دورات وجها:دابة حل لباب

مسح على راسو وقرب تا وقف اونفاص معاها وهي كتشوف فيه بتبات بادلها نفس النضرات:غتبقاي هنا امدام عائشة

ورك تاهو على داك مدام وكمل كلامو: حتى نلقاو حل وتسمعيني تا الاخير.وايلا مابغيتيش ماشي مشكل هانتي هنا تاتكوني مستعدة 

غمضات عنيها ورجعات حلاتهم:لباب غتحل وغنخرج من لهنا اوو دابة سمعتيني مابغيت نزيد تاشي دقيقة هنااا

زاد قرب ليها :ماغاتخرجيش اعائشة ماجيتش من اخر دنيا باش تمشي وماتسمعي واالو 

عائشة عضات على سنانها :ماغانسمع واالو انا صووتك لي هو صوتك وولا كيديرونجيني فتصور حالتي وانا كنشوفك قدامي .حل هاد الباب نمشيي من لهنااا 

ومشات جيهت لباب كتحاول تحلووو بالسيف عليه فكرة انها معاه فنفس لبلاصة ماقادراش تستحملها خايفة تنهار فاي لحضة قدامو وهي هدشي لي ماباغاش .زدحات فداك لباب تا ضروها يديها 

كان واقف وكيشوف فيها كيف مقاتلة مع لباب كتحرك فلبواني باغة تهرسوو معصبة ..كيشوف فشعرها على ضهرها زاد طوال وتاهو كيتحرك معاهاا ..البرهوشة ديال سبعطاش كبرات وغتمحنوو بدة كيقرب وعنيه عليها تا وقف مباشرة من مور ضهرها ماقدرش يزيد يصبر مزال دور يديه من مور خصرها وغطس راسو فعنقها تا حس بيها تبلوكات وطلعات معاها داك الرجفة لي حس بيها .جرها لعندو كتر.بدات كتحس بحرارة انفاسو على عنقها وريحة عطرو رجولية نازلة مع حلقها كتغلغل فيها نفس لباغفان..غمضات عنيها وهي كتحس بشفايفو على عنقها كيحركهم بشوية غارق فيها مرفوع وهي بين يديه رجعو ليه كاع دوك الاحاسيي زوينين لي كان كيعيشهم وهو معاها..طبع قبلة دافية طويييلة على نحرها وهمس ليها:توحشتك أعائشة

بلعات ريقها صوتو وهو هايم خلاوها تقفز حلات عنيها وهي مازال كتسمع لهمساتوو:رجعت ليك ولبنتي 

عضات على سنانها كيزيد يفكرها :بعد علياا

يوسف دورها لجيهتو بالسيف عليها محاوط خسرها :شنو بان ليك نجلسو ونهضرو بالعقل

جمعات كاع قوتها ودفعاتو تا رجع اللور جهلهااا باشمن حق يتقرب منهاا باشمن حق كيهضر ويعبر على شي حاجة سلات غوتات ليه فوجهو صافي :ماتقييييسنييييييش كنكرهك وليت كنعيييفك سمعتينيي 

شافت مع جنابها وبدات لي لقاتها حداها كتزدحها مع الارض وتهرس وتشخششخ وهو واقف ماتحركش:مااااعندكش لحق تقيسنيييييي ماتقربلييييش 

قربات تا لعندو ودفعاتو من صدرووو :حل لبااااااب حلهااا ماقدراش نستحملك معاياااااا حلهاااا

وجلسات فالارض كتلهت منزلة راسها لتحت غمضات عنيها ماباغاش تبكيي كتهضر بينها وبين راسها ماتبكيش اعائشة ماتبكيييييش مايستاهلش يشووف دموعك صافي حبسييي زيرات على مونطوها وهضرات:على قبل الولد لي ببناتنا وجامعنا حل لباب خليني نمشي بحاليييي على قبل هاد طعنة لي طعنتيني فولدي حل لباب

هزات راسها وشافت فيه كلها عرقانة وبنفس النضرة الحادة: انا وياك سالينا صافي مابقة مايتجمع علاقتنا تهرسات قلبي برد من جيهتك بزاف مابغيت منك وااالو بغيت غا ولدي ماتزيدش تحرمني منو راه ماغاغنخليكش ديرهااا مازال وما تحاولش تهددني بيه حيت غنقتلك ايوسف والله تانديرها يكفي اني صابرة لحد الساع بلا بيه ومازال كنتسنااه 

تحنة لعندها على ركابيه كيشوف حالتها كيف ولات وكيشوف فعنيها شحال ملهوفة على ولدها وما قادراش تقولو جيبلي ولدي نشوفووو لهاد الدراجة ماقدراتش طلبهااا منووو هوو .كيشوف قداموو تعب سنين عرف انه قتل داك لبنت البرهوشة لي صعييب دابة تتنازل وترجع ليه ولكن ما غيرتاح تا يرطب قلبها ويرجع فيها الرووح همس ليها:كلشي غيتصلح

هز يديه بغة يبعد ليها شعرها وهي تنزل راسها:ما تقيسنيش

جمع ااوقفة كيتنهد وخرج ساروت من جيبوو وقفات معاه تابعاه حل لباب يلاه بغات تخرج وهو يشدها من موراه خلاها كتغوت وضرب فلباب ربي لي خلقها:حححل عليااااااااااا لباب بغيت نمشي بحاااالي حل عليااااا 

طاحت فالارض ماقدراتش تزيد تصبر نزلووو دموعها حارين كتبكييي وتمتم بداكشي لي ماقدراتش تقولولو فوجهوو :بغيت ولديييي ايووسف بغيت نشووفوو .جييب لياااا ولدي

نمشيو لجيهة خراا

ناصر اصر عليه يتعشا معاهم هو ولينا من بعد يمشيو..يلاو لعشة ..لاحض انها ملي جلسات فطبلة ما هزات راسها ..

من مور لعشا جلسو فصالة كيتقهواو وعاطينهم الوقت مرحبين بيهم فغياب يوسف ملي خرج ما رجع

دينيس كانت جالسة وحداها سلمى شافت ففاتي:احم ها حبيب لقلب جا

فاتي خنزرات فيها:ماتندمينيش حيت عاودت ليك اصلا داكشي سلا

دينيس شافت فيه:صراحة كيحمق قريت هاد النهار فالصحف كلشي كيدوي عليه وعلى هاد الشهامة وزين لي عطاه الله ..يستاهل تسنايه ست سنين

قرصاتها على فخادها:سكتي

دينيس:ااي ازبل قصحتيني 

فاتي ربي لي عالم بيها وهي دتزيد تكمل كل شوية كتخنز فلينا

دينيس فهمات الفلم:اه وانا نفهم ناس كيغيرو

خنزرات فيها :دينيس غنضربك غنطيرك والله تانديرها

دينيس:صافي هاني ساكتة 

حط لكاس دلقهوة ووقف شاف فلينا:يلاه نمشيو

وقفات معاه:واخة

سلمو عليهم كاملين يلاه ايمشيو وهو يسمع كلام دينيس:تبارك الله متواتين

لينا:شكون

دينيس:نتي ويحيى

فاتي دورات وجها حاسة براسها اتبكي فاي لحضة

لينا بتاسمام:لا اولي انا ويحيى مجرد اصدقاء مابيناتنا والو

.دينيس شافت ففاتي:اه يحسابليي

لينا شافت فيحيى:يحيى راه فشكل دوقو صعيب مازال مالقة لي تناسبو

بتاسم ليها ما علق بوالو

فاتي حسات بالروح رجعات ليها ترسمات على وجها ابتسامة وشافت فيه

هز عنيه فيها عاد وهي مغوبشة تا سلام ماسلماتش عليه

فاتي قربات لعندو ومدات يديها:تصبح على خير

سلم عليها تاهو والابتسامة على وجهو:تصبحي على خيير

وخرج هو ولينا..بقات دينيس وفاتي واقفين حدا لباب:ايوا شتييي راه مابينو وبينها والو غا كتغوبشي على والو

فاتي عضات على شفايفها:كنت خايفة تكون مراتو ولا خطيبتو الحمد الله

كان راجع يهز سوارت طموبيل وسمع لحديتهم بتاسم بينو وبين نفسو:احم نسيت سوارت طموبيل

قفزو بجوج مخلوعين فاتي صافي بغات تنشق الارض وتبلعهاا

دينيس:سلمى حبيبة جيبي داك سوارت لعمووو

مشات كتجري جابتهم ومداتهم ليه باسها على خدها وخرج

فاتي مازال حالة فمها من صدمها:ويليييييي على شوهة يكون سمعني

دينيس:ماكانضنش

فاتي:الله ياربي تشوهت مع الراجل

دينيس جراتها:زيدي ماسمع والوو .ناري خاص نمشيي مخلية راجلي بوحدو

فاتي:زيدي نمشيووو

طاهرة قربات لعندهم:مال عصام ماجاش لا هو لا زاهية

بقاو كيدورو فعنيهم الزاهية مستحيل تجي من نهار وقع داكشي لعائشة ولات كتكره شي حاجة سميتها يوسف.وعصام مايدش يجي وهو عارف ختو تش داز عليها كتبقة ختو:غير شي حاجة كان خاص يقديوها

طاهرة هزات راسها باه فهمات الموضوع

فجيهة لوخرا

كانت جالسة فوق النموسية ساعة باش خرج وماولاش رجع بان ليها غا شرجم تخرج من لهنا وبس مايمكنش تنتزل ليه بسهولة 

حلات داك الشرجم ونزلات عنيها كتشوف كيف غدير تنزل

لتحت

كان شاد ليه فيديداتو وطالعين فدروج حتى كيحبس فلكولوار تحنة لعندو:عرفتي شكون هنا

هارون:ماعرفتش

يوسف بتاسم:شكون بغيتي تشوف

بقة كيفكر شوية بتاسم وهو فرحااان:كاااينة ماما لفوووق

يوسف هز راسو باه 

هارون ولا كيضحك غا بوحدووو وغوت:مااامااا مااامااا 

كانت جالسة على حافة الشرجم باش ادير رجليها فواحد لحديدات على شكل سلم وتهبط حتى كتسمع ماما قلبها مشا وجا شافت من موراها مالقات والو حطات يديها على قلبها حساب ليها غا جاب ليها الله بلعات ريقها قلبها مازال كيضرب بالجهد همسات:ولدي

غمضات عنيها وهي كتسمع تاني ماما ..صوت فشكل غريب عليها ماشي بحال صوت جوهرة .حلات عنيها:ياربي وليت كنتخايل شي حاجة ماكايناش..

بغات تكمل النزول وهي تحبس فاش سمعات ماماااا وهاد المرة وااضحة وقريبة دورات وجها بالزربة لجيهت لباب ونطقات:هاارون

بدات كتلهت:ولدي هاارون

نزلات من الشرجم كتجري للباب بدات كدق بالجهد وتغوت:ولدييييي هاروووون...هاارون

كان سابقوو وواقف فلباب كيضرب تاهو فلبااب:مامااا

عائشة ولات بحال داك المشة لي يلاه ولدات وكتهز ليها واحد من ولادها وكتولي جاهلة هكااك هي.. كتزدح فداك لباااب ماتكرهش تختارقو وتخرج لعندووو تهزو بين يديهااا:هنااااا ولديييي هنا ماااما هاارون

بداو ينزلوو دموعها حارين على خدها داك لباب غيتهرس بزديح ديالها وهي كتسمعوو كينطق ماما يزيد يتعطل غير شوية يسكت ليها لقلب

وقف حدا لباب وجبد سااروت وحل لباااب

رجعات اللور حاطة يدها على فمهاا كتسناه يدخل ودمووع شلال من عنيها..شهقاات شهقة وحدها وهي كتشوفو داخل برجيلاتو من بعد ماخلاتو مازال ماكيمشي .طلعات عنيها من رجليه تا لوجهووو غمضات عنييها ولدهاا كبببر ماقدراتش تقبلهاااا مابقاش فداك الحجم صغييور لي خاصو يرضع وتهزو بين يديها ..حلات عنيها وجلسات فالارض على ركابيها كتشوف فيه وكتبكييي ..بقة واقف كيشوف فماماه وقلبو صغيور كيضرب اه هادي ماماه لي ديما كان باغي يشوفهاا ..ماماه لي ديما كيحلم بيها ويبكي عليها بينو وبين نفسوو واخيييرا اتولي عندو ام تااهو ..حلات ليه يديهاا وهضرات بصوت باكي كيقطع فالقلب:اجييي عندي اولديي اجي باش ترجع فيا الرووووح

مشا كيجري لعندها وتلاح فحضنها عنقاتو بالجهد شوية ويدخلو فالاعماق ديالهااا طرف منها رجع ليهااا كتشم ريحتوووو وتبوس فيه فكل بلاصة وخدودو عنيه يديه راسووو ملهوفة علييها وهو شاد ليها فحوايجها ومزير حطات ليه راسها على صدرها وتمتمات بصوت باكييي:الحمد الله ياااربي 

وشدات ليه راسو بين يديه كتشوف فملاميحووو وتحقق فيه وتشوف ولدها كييف داير بتاسمات وهي متبوسو على راسوو:ماتصورش شحال فرحااانة اولديييي عاد رجعات فيااا الروح

ورجعات عنقاااتو ماساخياش بيه ..دموع مابغاوش يحبسووو بعداتو عليها شوية وهي كتحاول تمسح دموعها همسات:كتعرفني ياك انا هي ماماك عائشة عرفتينييي قوليا اولدي

هز راسو باه وهو كيبوسها على خدها ويبوس ليها فيديها:اه اماما كنعرفك وكنعرف ختي جوهرة بابا كان كيعاودلي عليكم بزاف وكيقولي غادي نرجعو ليهم..وقالي شحال كتبغيني وباغة تشوفيني نتي وختيي

زادت فلبكة وهي كتهز رايها باه:كنحمااااق عليك اولدي كنبغيك بزااف

هارون حط راسو على صدرهااا كيحس بحنان من نوع اخووور حنان ديال الام فشكل :كنبغيك امما بزااف اتبقاي ديما معايا ياك

هزات راسها باه مامتيقاش هارون صغيور هو لي كيهضر وكينطق هاد الحروف:عمريي نتفرق علييك اولدي اولدي عمرييي

هز راسو باه وراسو على صدرها ويديها فيديه مرة مرة كتبوسها

كان واقف فلباب كيشوف هاد اللقاء تاتر بزااف وهو كيشوفها فهاد الحالة رتاح نسبيا وهو كيشوف داك الفرحة فعنييها تا وجها نور وعنيها كيبريو كتشوف غا فهارون ..حتس بيها وبهاد الحرمان لي فقلبها لي يلاه تروى ..تاهو بنتو تخرم منها وعمرو شافها ولا هزها بين يديه ..مسح على راسووو كيشوف فيهم ناقصاهم غا بنتو صغيورة ديالووو لي غيعوضها على هاد شي كاامل ايرد ليها اعتبارها قدام كاااع ناس ويقول ليهم هادي بنتي من لحمي ودمييي انا باها لي غيمحي من الوجود اي واحد حاول يجرحها بكلامووو .بنتوو لي ناقصاه دابة باغي يعنقهااا ويقول ليها شحال كيبغييها كيتخايلهم مجموعين كاملين وماكايين تا مشكل كلشي هو هداك ولكن كيرجع للواقع فشكل ..

عائشة جراتو من يديه وجلسات فوق النمسية وجلساتو حداها مازال كتشوف فيه غتاكلو بعنيها مامتيقاش تجمعات مع ولدها فهاد اللحضة نسات كلشيييي مابقات عاقلة على والوو بالها وقلبها وتفكيرها كلو مع الكبيدة لي حداهااا وتاهو فرحان كيشوف غا فماماه نكق وهو مبتاسم:شحال زوييينة اماما حسن من تصاور

جمعات ليه وجهو بين يدينا وباستو بالجهد:يخليييييك لي لي اعمري وحياتي وروحي وكلشييي

هارون ماقاداهش دنيا بالفرحة:فين جوهرة بغيت نشوفها

بتاسمات:راه كااينة عند خالك عصام ها حنا نمشيو نشوفوها

دورات وجها شافتو واقف حدا لباب مسحات دموعها ووقفات كتقاد فمنطوها هزات ساكها وشداتوليه فيديداتو:يلاه اولدي نمشيو

تمات غادة بيه تا دازت محداه تسناتو يعلق ولا يدير شي حاجة ولكن خوا ليها طريق تاهي داكشي لي دارت كملات طريقها وهبطات لتحت

جبد طليفونو كان كيصوني:الوو لينا

لينا:بغيت غا نفكرك غدا عندك المحاكمة قدام وكيل المليك قلت خاص تحي نراجعو القضية

يوسف:مامساليس دابة الينا

لينا:ولكن

يوسف:بسلامة

وقطع ونزل تبعهم .....لقاها خارجة مع لباب 

خرجو لبرة ركب فطموبيل وقربها لجيهتهم هي كان ضلام وليل مومال تلقة طاكسي ومعاها هارون ركبات اللور هي وياه .حاطة ليه راسو على صدرها

طريق كاملة ويديها فيديه مرة مرة كتبوسو على راسو ولا تهز يديداتو وتبوسهم ..معنقاه وهو عاجبو لحال فحضن ماماه ديالو كيلغب ليها فيديداتها ويحطهم على وجهوو وهو مبتاسم ..هزات طليفونها وصونات ليه جاوبها:الو خويا عصام..بيخير

بتاسمات وهي كتشوف فهارون:اه هاهو معاياا

عصام:على سلامتك كو راك اطيري بالفرحة

هزات راسها باه بحاليلا كيشوفها:ماتصورش شحال فرحانة اخوياا

عصام مبتاسم:الله يدومها ياربي

عائشة:شوية وانكون عندكم باش نجيب جوهرة

عصام:وااخة ها حنا كنتسناوكم ماتعطلوش

عائشة واخة

قطعات وهي كتزيد تحر هارون لعندها:جوهرة اتفرح بزاف ملي اتشوفك

تقاد فالجلسة:تانا اماما بغيت نشوفهااا

شاف فباه لي كيسوك بصمت:بابا غادي نشووفو ختي جوهرة

يوسف شاف فيه من لمراية لي قدامو:اه اولدي

وصلها لدار

نزلو من طموبيل هارون شاد ليها فيديها..وقرل وشد تا فيد باباه فرحان بوليديه بجوج:يلاااه بغيييت نشوفها

عائشة غير مبتاسمة هاد النهار عندها بحال شي عيد وصلو للباب دقوو وحلات ليهم الخدامة لباب

دخلات هي وهارون كانو فصالة 

الزاهية غير شافتووو نزلو دموعها لا اراديا وهزاتو بين يديها كتبوس فيييه وتمتم بالحمد الله ياربي وعائشة واقفة وكتشوف فيهم وهي مبتاسمة ودموع معلقين فعينيها بعداتو عليها كتشوفو كيف كبر شافت فعائشة وبتاسمات:الحمد الله على سلامتك ابنتيييي

عائشة هزات ليها راسها باه..عصام قرب وهزوو بين يديه عنقوو وباسو على راسووو دابة عاد رتاااح :نت هو البطل لي خليتينا كنتسناو

هارون غير مبتاسم وحشمان مامولفش بهاد الاجواء كانو ديما منعازلين على الناس ..

عصام حط هارون وشاف فيوسف واقف جيهت لباب ويديه فجيابو مراقبهم من لبعيد قرب لعندو ومد ليه يديه:على سلامة

يوسف صافحو:الله يسلمك

دور وجهو كيقلب بعنيه علييها كاع مابانت ليه صافي خاص يشوف بنتو مابقاش قادر يزيد يصبر مسح على راسوو وشاف فعصام:فين هي بنتي

الزاهية شافت فيه بحقد ماحسات براسها تاكانت واقفة حداه:بلاصتك بعيدة علينا كنفضل تبقة برااا مامرحبش بيك هنااا كيحساب ليك غنساو داكشي لي درتي فبنتي الله ياخد فيك الحق كيفما حرقتي قلبها الله يحرق قلبك 

كان كيشوف فيها بكل جموود هاد الكلام ما اتر فيه والو ..لي كتهمو واقفة لهيه وكتشوف فيه بدوك شوفاتةلي كون كانو قرطاس كون تيراو فيه 

الزاهية:ومن دابة نقولك بعد من بنتييي سمعتيني ماتقربش منهاااا

عائشة شافت هارون كيف قوس حواجبو مخلووع شدات ليه فيديه وشافت فمها:ماما صاافي

الزاهية:يمكن ليك تفضل وتخرج دابة يلااااه سير بحالك

هارون نتر يديه من عائشة ومشا كيجري عند باه شد ليه فيديه:نمشي معاك ابابا

عائشة شافت فمهاا ولات كلها مترجف خايفة ولدها يتنفر منهاااا بسباب هدشي وهي يلاه شافتوو:مامااا صاااافي سكتيي

الزاهية :خاص يفهم..

قاطعاتها وهي عاضة على سنانها:صاااافي براااكة اماما الله يخليييك

الزاهية سكتات وهي كتشوف فهارون كيف مخلوع وشاد فباباه ..بتاسمات ليه:مابغيتيش تشوف ختك

هز راسو باه:بغييت اماما ولكن يبقة معانا بابا

عصام جر الزاهية معاه :هنا غنجيبها 

تم غادي بيها تا طلعو لفوق:الوليدي شهادشي درتي قدام الولد 

الزاهية:ماقدرتش نصبر وانا كنشوفو قدامي 

عصام تنهد وحل لباب ..

عصام تنهد وحل لباب ..كانت متكية فوق النموسية كتفرج فسبايستون ناضت طالسة فاش شافتو:جات ماما

هز راسو باه وهو مبتاسم

جوهرة:انا غضبانة منهاا

عصام:علاش

جوهر:حيت ليوم وصل بابا وخويا ومامشيناش شفناهم

عصام:وايلا قلت ليك راه هوما لي جاو العندك وراهم لتحت

خرجات فيه عنيها:واش خويا وبابا

هز راسو باه:اه راهم لتحت جاو تا لعندك

نزلات من فوق النموسية :واااااااااااااو 

وهبطات لعندهم بلحفة شعرها كيتسابق معاها وصلات للصالة ووقفات كتشوف فيهم من لبعيييد ..كتشوف فيه كيف واقف بطولتو وعرضووو هدا هو باباها الامير ديالها لي ديما كتحلم بيه قبل تنعس ولي كتعاود عليه لصحاباتها فالمدرسة وتقولهم عليه شي حاجة ماكايناش فتالي كيبقاو يضحكو ويقولولها كدابة ماعندكش باباك حتى كتبقة تبكيي..نطقات:باااابا

دور وجهو لجيهتها كيشوف فهاد الملاك هاد الجزء منووو بنتو حبيبتو لي حرمها منووو وحرم راسو منها لي خلاها مازال فالكرش ومشااا ..عمرها غابت من بالو ولا من تفكيروو هاهو دابة رجع ليها وغيحقق ليها كاعوداكشي لي تمناتو ومالقاتوش ..فتح ليها يديه وتحنة باغي يعنقهااا ويحس ببنتووو بين يديه..ماعطلاتوش مشات كتجري وتلاحت على صدرو لعريض جمعها كاملة بيني يديه وعنقها وهي متشبتة فيه ويديها مور عنقوو همسات ليه :بااباتيي 

هز راسو باه وبعد كيشوف فيها ويبوسها على راسها وهو مبتااسم وعنيه كيبريو بالفرحة :بابك يوسف هو هدااا

رجعات عنقاتو وهي فرحااانة كتبوس ليه فرااسو :تسنيييتك ابابا بزاااف انا فرحااانة فرحاانة

يوسف بعدها عليه تاني وجلس وهي مازالة بين يديه شد راسها بين يديه وباسها وسط عنيها بحنان وهضر وعنيه فعنيها:باباك صافي جا ابنتي عمرنا انوليو نتفارقو انبقة ديما معاك لي جاي ايكون زويين ياك ابنتي

هزات راسها باه:اه ابابا مابغيتش تولي تمشييي علياا عفاك

يوسف باس ليها يديها:ماغانمشيش ابنتي رجعت باس غمري نمشي

دورات وجها فاش تفكرات انه مازال شخص تاني بتاسمات وهي كتشوفو واقف كيلعب بصبعانو وكيشوف فيهم باغي يتعرف على ختو:هارون

هز راسو باه

نزلها يوسف باش تمشي عند خوها قربات لعندو وهي كتشوف فيه..شافت فماماها:ماما تانا عندي خويا

عائشة مبتاسمة:اه ابنتييي 

هارون بقة غير كيضحك بالفرحة عنق ختوو وتاهي عنقاتوو كيضحكو بصوت مرتافع فرحااانين كينقزو فبلاصتهم ويديهم متشابكييين الفرحة لي كيحسو بيها هاد جوج ملائكة فوق الوصف قلوبهم مازال نقية ماكايعرفوش الحقد مازال ماداقو من دنيا والو كيعرفو غير يفرحوووو من قلبهم ..معنقين بعضيااتهم كتبوسو ويبوسها على خدهااا صافي عائلتهم كملات وداك الفراغ التملئ ماماهم وباباهم حداهم اشنو خاصهم مازال اصلا هدشي لي كيعرفووو..ماعارفين والوو على داكشي لي مخبيي

كانت واقفة وكتشوف فوليداتها كتحس بروحها كترجع شوية بوشية بحاليلا كتشحن راسها بلحياة لي كانت فقداتها..صوت ضحكاتهم مسموووع كيخلي قلبها يطير بالفرحة .حاسة بقلبها صحيح مابيه والو فهاد اللحضة ..بغات تشارك معاهم داك الفرحة قربات وتحنات لعندهم عنقاتهم بجوج وهوما مازال كيضحكوو تاطاحو بتلاتة فالارض وهوما فوقهاا..بقات كضحك وهوما كيهرووها بجوجج .وهي من النووع لي كيتهر دغية ضحكات بصوت مرتاافع:ههههه صاافي ههههه صاافي

جوهرة عاجبها الحال كتشوف ماماها فرحانة:ههههه لا اماما 

كان مازال جالس فبلاصتو الابتسامة مرسومة على وجهوو ماكرهش يخليهم ديما هكا فرحانين ..شاف فساعتو ووقف

هارون غير شاف باه وقف ناض تاهو جمع الوقفة:بابا فين غادي

جوهرة كتشوف فماماها:واش غيمشيو

ناضت من الارض كتقاد فشعرها وشافت فيه:غيباتو معايا هاد ليلة

نزل عنيه لهارون:هاد ليلة مع ماماك 

هارون:ونت.

يوسف:انا عندي شي شغال غدا نتشاوفو

جوهرة :ماما قول لبابا يبات تاهو معانا عفاااك

عائشة كترجع شعرها اللور ودور فعنيها مايمكنش يدخل لدارها ويبات فيهاا :حبيبة باباك عندو شغالو المرة الجاية ان شاء الله

يوسف قرب لعند جوهرة عنيها مغرغرين بالدموع مسح ليها على وجها:المرة جاية مازال غنتشاوفو مل نهار

جوهرة:وعد

بتاسم:وعد

هزات راسها باه وباسها على خدها ووقف ومشا لجيهت لباب حل لباب وخرج ركب فطموبيلتو قبل يكسيري شعل سيجار ظيالو نتر منو نترة وساط دخان مع واحد التنهيدة من القلب ماساهلش هدشي كيف تصووور ديمارا وهو كيقول مع راسوو غيكسبهااا وغترجع ليه 

بقات مع وليداتها كتلبس لجوهارة حوايجها باش يمشيووو 

نزلات الزاهية :بنتي باتوو معانا.

عائشة:لا اماما غير خليني نمشي بغيت نبقة مع ولاظي هاد ليلة بوحدنا

هارون وجوهرة كينقزوو:ااه اه

بتاسمات ليهم وهزات ساكها:عصام يلاه وصلنا

وخرجات شادة فوليداتهااا عصام شاف فالزاهية:خليها على خاطرها

الزاهية:تانا ماقلت والو

خرج ركب فطموبيل وهي راكبة معاهم اللور ماباغاش تفارقهم ولا لحضة وصلهم لدار تا تأكد راهم بيخير عاد رجع بحالووو

باتو معاها بجوج فبيتها كل واحد من جيهة حاطين راسهم على صدرها نعسووو فحضن ماماهم ..وهي ناعسة مرتاااحة اول ليلة اتنعس وما اتحلمش بولدهااا بعيد عليها

جا نهار جديد

كانت المحكمة مقلووبة كلشي حاضر فيها تا من رجال الاعمال حاضرين باغين يعرفو الحكم كيف غيكون واخة متأكدين انه الحكم ايكون في صالح الزعيم ولكن راه لحضة تاريخية كلشي كيتسناهاا راه الزعيييم ولد الزعيم لي غيتحاكم وايوقف قدام وكيل لماليك ومجموعة من القضاة حاضرين ومحاميين ودعوة مخلطة ..قاعة المحاكمة ولات بحال شي اجتماع لاغنى رجال الاعمال ..وعلى برة جيش كبير من ناس واقفين كيتسناو ..وصحافة فكل بلاصة ..كيتسناوه يوصل..حتى كيشوفو جوج طموبيلا مرسديس كوحل تابعينها جوج خرين دالحراسة وقفو قدام باب المحكامة ...الحراسة ولات شديدة نزل الشيفور حل لباب ونزل وهو كيحد نانضرو ويشوف هاد المنضر لي قدامو ..نزلات من موراه وهي مبتاسمة بصفتها مديرة اعمالو شدات ليه فدراعوو لا طيح مع داك طالون العالي لي لابسة غادين وصحافة كتحاول تاخد منهم شي معلومة ولكن بدون فايدة..دخلو لدااخل..نزلو من طموبيل تانية ناصر وبدر وليكارد تابعينهم مانعين صحافة تقرب لجيهتهم ودخلو تاهوما لداخل...

دخل وجلس فماكنو الخاص اونفاص لوكيل ااملك وحداه المحامي الخاص بيه ..ربع ساعة ديال الانتضار حتى كيضرب لقاضي بالمطرقة ديالو كيعلن على بداية الجلسة .وقف كلشي احتراما ليه وجلسو تاني...

هنا بدات كلمة الوكيل وبين يديه الملف كامل مكمول:المتهم يوسف الزعيم ابن ناصر الزعيم ابن طاهرة علامي ..هروب من العدالة لمدة ست سنين بتهمة الخيانة للوطن وتهريب لاسلحة دولية لايسرائيل مع تكوين عصابة 

شاف فيه:هدو التهم فالحين كاينين دلائل قوية كدل على عكس التهم الموجه ليك متل المساعدة في تحقيق العدالة والايقاع بمجموعة من العصابات الاجرامية ..زائد مساعدة الدولة فكشف عن الخونة لي تم القبض عليهم مع الدليل المأكد..الاسلحة لي التهمة ديالها مازال متلبقة ليك .كيبقاو اسلحة خاصين بالدولة وفهاد الجلسة انعطيو القرار النهائي للمحامي الدفاع الكلمة تفضل

ناض المحامي وفيديه لوراق لي غيحتاج كيهضر ويشرح كلشي بطريقة محترفة واتق من قدراتووو اي كلام كينطقو كيحط دليل قدام الوكيل يأكد كلامو..تا وصل لنقطة الاسلحة والعقاب :موكلي خدا عقابو مضوبل ست سنين وهو منفي خارج لبلاد بعيد على عائلتو وبلادو ..هدا عقاب اقسى من السجن ومتفق عليه من طرف الشعب المغربي ودول خرين عربيين ..موكلي يستهال فرصة تانية حيت ضحى بزااف باش يرجع تاني لبلادو استسمح سيدي القاضي ولكن موكلي يستاهل التكريم بدل العقاب حيت بفضلو تكشفو الخونة وطاحو مجموعة من العصاباتو احم ولكم واسع النضر

رجع لبلاصتو كيشوف القضاة كيتشاورو مع الوكيل والمحاميين

شاف فيوسف لي جالس بتبات بنضرات حادين كيتسنة شغا يوقع:كون هاني اسي الزعيم كلشي فصالح ديالك 

هز راسو باه 

الوكيل لملك علن باستراحة باش يتناقشو فالقضية ..دازت ربع ساعة رجع كل واحد لبلاصتو باش يسمعو القرار النهائي

دور وجهو كيشوف فباه وخوه ..ناصر بتاسم ليه كيبين ليه انه معاه وكلشي ايدوز بيخير

الوكيل الملك:بعد التأكد من الملف والدلائل والحقائق حكمت المحكة على المتهم يوسف الزعيم بالبراءة مع غرامة مالية قدرها 70مليوم درهم مغربية 

كلشي وقف فرحان مع انه الحكم كان باين ولكن صافي تقطع الشك دابة..القاعة تقلبات كلشي كيبارك ليه ويسلمو عليييه واحد بواحد وهو واقف ومرة مرة كيبتاسم للي كيسلم عليه

قرب لعندو ناصر وعنقو:على سلامتنا

بعد وسلم عليه بدر :واخيراا

وقفو حداه فرحانين كيسلموو على رجال الاعمال لي حاضرين

قربات لعندو وهي مبتاسمة:مبروووك علينا ايوسف الحمد الله كلشي داز بيخير

شاف فيها كتافة بابتسامة وهو كيدور عنيه على القاعة عارف من عدوه من صاحبوو دابة غيرجع لعالم البزنس وملشي باغي يتقرب منووو ويدير بلاصتو بداو يجيوه عروض الشراكة من دابة ..بتاسم على هاد العالم الخبيت لي عايشين فيه..خشا يديه فجيبو وشاف فناصر:نمشيو الوليد

ناصر:نمشيو

شاف فيها:يلاه أ لينا

تبعاتو وخرجو من القاعة المحاكمة ووقفو قدام الصحافة والمحامي لي تكلف بالهصرة شرح ليهم انه كلسي داز بيهير وانه الزعيم ايرجع كيف كان وقوووى كاع..وموراها كل واحد شد طريقوو

كان جالس فالمكتب ديالو وعنيه على لبلازمة لكبيرة لي فلحيط هز تليكونونض وطفاها من بعد ماشاف المحاكمة وكيف دازت..وقف كيتمشة بخطوات تقال جنب المكتب كون تعكل غير شوية باش يرجع كان غيقنعها تكون معاه وتولي مراتو ولكن هاهو رجع دابة بتاسم عارفها شحال رايها قاصخ وماغاترجعش لواحد طعنها كتبقة انتى وكتبغي رجل حنين.يحن فيها.تنهد كلشي ايكون برضاها هي

فجيهة خرا

كانت جالسة فصالة كتشرب قهوتها وهوما حداها جالسين فالارض جوهرة جابدة كاع الكدويات لي شراو ليه فهاد الاعوام كتوريهم ليه وهو فرحان بزاف وهو كيسمع ختو كتقولو فكل عام كيديرو ليه عيد ميلاد ..

عائشة:ولدي هارون

شاف فيها:نعام اماما

بتاسمات على داك ماما:عاودلي اولدي على حياتك ف ألمانيا 

سكتات وهي تكمل:نرجس كانت كتهلا فيك

ماعرفاتش كيف دير تجبد منو لكلام

قوس حواجبو :شكوو..

قاطعو صوت الطليفون جاوبات كانت سكرتيرة:مدام عائشة كاينين شي ملفات محتاجين للتوقيع ديالك ضاروري

عائشة:تا لمن بعد خلي كلشي على جنب

سكرتيرة تنهدات:واخة امدام

وقطعات

شافت فيهم وبتاسمات هاد نهار اندوزه فدااار نوجدو لغدا بتلاتة اشنو قلتووو

ناضو كيتجاراو تابعينها للكوزينة دايرة ليهم الخاطر مخلياهم على راحتهم كيوجدو داكشي خفييف وهوما كيعاونوهاا ماعندهاش مع الخدامة فدار اصلا دارها وبنتها كانت قادة بيهم نعار كيمون شغال كبير وضار خاصها شي تخميلة عاد كتجيب وحدة تقاض ليها دااار

دوزات نهار غير مع ولادها ضاربة كلشي بركلة مابغاتش تفكر فلي جاي وفالهضرة دناس لي غتبدا من دابة لفوووق وفالشخص لي رجع وباينة ماغايتفاكش معاها وما ايخليهاش فراحتها هي عارفاه مزيان مادوزاتش معاه قليل ...وهو غير سلات المحاكمة بدا تاني كيوجد راسو للخدمة وباش يرجع لعالم البزنس ويرجع بلاصتو فسوق البورصة حاول يلهي راسو فهادشي ويخليها على راحتها اليوم مع ولادها حيت فكل دقيقة كيقولو عقلو سير عندهم وشدها بالسيف عليها وعنقها وقلها غترجعي ليا بالسيف.وكيرجع تاني ينعل شيطان باقي الوقت على هدشي

جا نهار جديد تاني

فاقت بكري دوشات وخرجات حلات لبلاكار تشوف شغا تلبس ليوم اجتماع ايكون عندها فالشركة ..واليوم كلشي ايكون خاضي ردة فعلها من الاحدات لي وقعو مؤخرا خاص تبان قوية وتبين ليهم انها ياااجبل ما يهزك ريح كيف تعودو عليها وانه بحال ليوم بحال لبارح رجوعو ما بدل والو..حلات لبلاكار بشوية باش ماتفيقهمش ..بقات واقفة شحال كتشوف ختى كتهز جوج بياسات ...كانت واحد لاجيب من القطن دافية فيها كاروات بالكحل ولبض وبودي فنفس الشكل لبساتهم ..جاتها لاجيب مزيرة على خصرها فوق ركبة طالعة تا لكريشة ولبودي بلكمام دافي ملبوس عليها لا هزات يديها تبان لكريشة ..وقفات كتقاد شعرها بوكلاتوو على طولتوو وقدات ماكياج خفيف مع طالون فرجليها عالي هزات ساكها ومونطوها قبل تخرج باستهم بجوج وخرجات على صوت الجرس حلات لباب كانت الخدامة وصات الزاهية تصيفطها ليها تبقة مع دراري:بلا مانوصيك عفاك تهلاي فيهم وايلا وقعات شي حاجة عيطيلي

الخدامة:كوني هانية

مشات لكوزينة شربات دواها وخرجات من دار ركبات فرونج ديالها نيشان للشريكة..تنهدات عاد نزلات كيف لعادة استقبلها سكريتي دخلات للشركة والابتسامة على وجها وصباح الخير على شفايفها..ركبات فالمصعد وتحل من بعد جوج دقايق خرجات على كلام جوج دلموضفات:ياختييي مازال كيحمق شووفي ياختي

الموضفة2 :ويااه مدام عائشة علم الله اش دارت معاه وكيف تصرفات معاه زعمة يرجع ليها من بعد ماطلقها

موضفة 1:تانتي راه الزعيم هدا جوج كليمات ترطاب ليه كون انا فبلاصتها نسا كلشي

موضفة2:ولكن جوهرة ماشي بنتو اصاحبتي راه القضية مشربكة عندهم

عائشة زيرات على ساك لي فيديها هدشي غير لبداية:احم

طفجوو وهوما كيشوفوها قدامهم:مدام عائشة صبح الخير

عائشة مطلعة حاجبها وهضرات بحدة خلاتهم يرجفووو غا بحدهم:الهضرة الخاوية ماعندي ماندير بيها كل واحد يلزم حدودو ويوزن كلامو المرة جاية ماغانديرش عين ميكة

حناو راسهم مالقاو مايقولو

كملات طريقها تا وصلات عند سكرتيرة:جيبيلي عفاك قهوة وتاصلي بالشركاء من دابة ساعة يكونو هنا وجدو قاعة الاجتماعات

السكريتيرة ناضت كطير تنفد لكلام ..غير دخلات جلسات فمكتبها كتسوط ..جابت ليها لقهوة ومشات تكمل خدمتها بدات كتشرب فيها وهي مركزة مع لي جاي

دازت ساعة دلمكانة

سكريتيرة:راهم كلهم وصلو من غير السي كريم المجاهد مازال معطل امدام

شافت فساعة:واخة سيري

وقفات وهزات طليفون تتاصل بيه جاوبها داك ساع:-صباح الخير

عائشة:صباح الخير احم شوية وغيبدا الاجتماع

بتاسم:انا حدا المكتب ديالك

عائشة:واخة

هزات الملف وخرجات لقاتو واقف كيتسناها مد ليها يديه سلمات عليه:تعطلنا

فتح ليها طريق دوز هي لولا عاد تبعها ودخلو لقاعة الاجتماعات ..

عائشة:كلشي كاين 

وحيدات مونطوها وعلقاتو والانضار كلها عليها بنادم ريوكو غيطيحو كان مازال واقف حداها مسح على راسوو هادي باغة تحمقو همس ليها وهو كيفتح ليها الكرسي تجلس :تفضلي

جلسات وهي مبتاسمة وجلس تاهو حداها :مرحبا بيكم اول اجتماع عندي فشريكة

بتاسمو ليها كاملين دايبين فهاد الجمال لي قدامهم 

عائشة:نبداو الاجتماع

نطق واحد:مازال واحد الشريك

شافت فيهم واحد بوحد:علاش كلشي حاضر

مسح على راسو:بعت الاسهم ديالي ودابة غيجي الشريك الجديد

كلشي شاف فيه :ماعلمتيناش

وقفات مديرونجية :هدشي ماكاينش فالاتفاق اسيدي اي تغيير كنتافقو عليه كاملين 

كلشي ناض يهضر ماعاجبهمش الحال

كريم بشك:شكون هو هاد الشريك

قبل يهضر تحلات لباب ودخل بكامل اناقتو الاسود وقميجة بيضة لايقة عليه سد لباب ووقف فبلاصتو بكل تقة وهضر بصوت رزين:انا هو شريك جديد

وشاف فيها بشوفاتو الحادين وهي مصدومة مانواتهاش وماجاتهاش للبال كااع من غير هداك لي كيشوف بهدوء داكشي لي توقعو هو لي صدق تخمينو صحيح

عائشة زادت تقادات فالوقفة ويديها على خسرها كتشوف فيه شوفات حادييين :السي الزعيم نت قديم فالحرفة وعارف انه لما تافقوش الشركاء على هدشي شراكة اتكون مرفوضة

طلعها وهبطها مزيان وعلا حاجبو ودور وجهو كييشوف فكاع رجال الاعمال لي ضايرين فيها داك ساع فهمات قصدو بلا ما يدوي زعمة مرة وحدة وسط كاع هاد رجال وبهاد اللباس فهماتها طايرة علات حاجبها بعناد وخرجات صدرها كتر وعلات راسها لفوق وطلع ليها لبودي شوية على لكريشة :شتك سكتي

جبد يديه من جيابو وقرب للعلاقة فين كاين مونطوها هزو بين يديه وقرب لعندها وحطو ليها على كتافها بحاليلا ايلبسوو ليها امام اعين البشرية وشاف فيهم شوفات مخنزرين كلشي نزل عنيه عاد نطق:بشوية عليك امدام عائشة كلشي بلعقل

عضات على سنانها وهي كتشوف فيديه لي على كتافها رجعات اللور مبعدة عليه تا جمع يديه عندو وحيدات داك المونطو وحطاتو فوق الكرسي وشافت فيه ببرود عكس داكشي لي فلداخل ديالها :السي الزعيم كاع هاد الشركاء لي كتشوفهم هناا عندهم نيشان .هاد المشروع داخلين ليه ناس جديين ماشي كنلعبو ولا رشقات لينا عليه ..مشروع لي تعبنا عليه ومازال خدامين عليه ماشي بين ليلة وضحاها تدخل وسطنا غير هكاك رشوق وصافي..تا واحد من الشركاء ماغايرضاها فكنفضل تنساحب وتخرج من قاعة الاجتماع خلينا نكملو خدمتنا وسير قابل مشاريعك وحياتك اسي الزعيم

هزات يديها لجيهت لباب زعمة لباب الحباب

كلشي كيتفرج فيهم وكيشوفو هاد تبهديلة لي بهدلاتو قدامهم كيف اتخرج عارفين الزعيم ماكاينش لي يزيد معاه ولا يناقشوو وهاهي طليقتو كتصبن فيه وكتجري عليه 

كريم كيتفرج وحاط يديه على دقنو وابتسامة خفيفة على وجهو عارف انه الزعيم دابة مصدوم من عائشة الجديدة

يوسف ميل راسو قدامها بنضرات مامفهومينش ومد يديه لخصرها وبخفة نزل ليها تريكو من على كرشها حتى صبعانو لامسو بشرة كرشها خس برجفتها تا رجعات اللور دار ليها الاحراج قدامهم ماكرهاتش تهز يديها وتجمع معاه ولكن قوات نفيها ماغاتنفاجرش قدامهم وتبان فداك الصور دبال وحدة امعصبة قدامهم ..هضرات وهي عاضة على سنانها:تفصل خرج من السرمة ديالي

علا حاجبو زعمة من نيتك

عائشة:غنعيك لسيكيرتيي

نطق :مدام عائشة العقد توقع وكنبشرك انك اتبقاي تشوفيني بزاف فاجتماعاتكم .والوجود ديالي ضاروري فهاد الاجتماع

عائشة:ولكن حنا ماموافقينش على شراكتك معاناا ولا قريتي الشروط غتفهم كلامي شراكة كتلغى فاش باقي شركاء كيرفضوو شي حاجة 

يوسف قوص حواجبو:شكون نتوما

عائشة شافت فيهم كاملين:حنا كاملين

هز راسو باه وهو كيدور على طبلة طويلة دالاجتماع ووقف على الرأس ديالها وهز ستيلو فيديه كيشوف فيهم كاملين :نسيتي واحد الحاجة

شاف فيها وكمل:قبل تلغى الشراكة كيتدار واحد التصويت هو لي كيحدد واش يتلغى ولا لا

هزات راسها باه:واخة

وشافت فيهم:لي باغي هاد الشراكة يهز يديه

تاواحد ماهز يديه بتاسمات بانتصار يلاه اتدوي وهو واحد يهز يديه شوية هز واحد اخور..زاد التالت حتى هزو كاملين يديهم بقات غير مصدومة وكتشوف فيهم 

بتاسم :ادن نكملو الاجتماع امدام عائشة

بقات غير مصدومة فهاد اللحضة كرهات كلشييي ماكرهاتش تسبهم كامليين لهاد الدراجة هو كيأتر على بنادم هدشي ماقال والووو ما بزز عليهم ما هددهم ماوالوو ..نزلات راسهاا ومازال واقفة فبلاصتها ماتسرطاتش ليها فلحضة بغات تخرج من هاد الاجتماع كاع وتخلييه يربح بيه اولا تجري عليهم كامليين ولكن تراجعات لا ماشي هاكة اعائشة هو هدشي لي باغي ..باغي يبين ضعفك وانك فاشلة بمجرد مابان فحياتك بديتي ترجعي اللور وتنازلي..جرات الكرسي وجلسات وعلى وجها واحد التخنزيرة ديال عيشة قنديشة فاش كتنقندش هزات داك الستيلو وشافت فيه مازال واقف:تفضل ولا اتبقة واقف

عرف انه لقردة كتلعب فوق راسها يكفي هدشي لي جاها منو باش غير تعرف انه فين ماكانت اتلقاه جر الكرسي وجلس

بدا واحد من شركاء كيهضر وهي ماهياش فهاد العلام ستيلو شوية وتهرسو فيديها وسنانها مزيرة عليهم خصها فوقاش يسالي هاد الاجتماع ..كان جالس حداها هو الوحيد لي ماهزش يديه واخة كان عارف انه مستحيل باقي الشركاء مايهزوش يديهم ..المهم كيبقة هو حر فراسو وماغايهزش ليه يديه ..قرب وعمر كاس دلما وحطو قدامها..شافت فيه:شكرا

وهزاتو شرباتو 

كريم بهمس:واش بيخير

هزات راسها باه بلا ماتهضر ..ودورات وجها جات عنيها فعنيه دغية قلبات وجها تانيي كتشوف فهداك لي كيدوي ويشرح ليهم..شوية بدا يوسف يدخل معاه فالشرح كيسول على التفاصيل باش يفهم مزيان علاياش داخل ..كان اجتماع عاادي غير لتأكيد الخطة من بعد ناض كل واحد باش ايمشي بحالو ..وكل واحد قبل يخرج كيوقف يقولو على سلامتك ويمشي

كانت واقفة كتهز منطوها فيديها.واخيرا سلا الاجتماع ..

بقة غير هو ماقالوش على سلامتك كتبقة صواب وصافي قرب لعندو وسط واحد جوج واقفين حداه كيشريو معاه المعرفة مد ليه يديه:على سلامتك

بقة كيشوف ليه فيديه شحال عاد صافحو:شكرا

دور وجهو شافها خارجة طافية الضو رجع شاف فيوسف:سمحولي

وتبعها

يوسف بقة واقف كيقول واش هدا من نيتوو دوز يديه على راسو ماباغيش يغلط..كيشوف فهاد الجوج غير كيهضروو 

قبل تدخل للمكتب ديالها سمعات صوتو:عائشة

شافت فيه:وي السي كريم

بتاسم على داك السي كريم ولكن بغة يخليها على خطرها:بغيتك تعطيني شوية من وقتك ونديرو وقيت ونتلاقاو بغيتك فشي حاجة

عائشة:واش شي حاجة ضرورية ندخلو للمكتب ونهضرو

هز راسو بلا:لا مابغيتش فالشريكة هضرتي بعيدة على الخدمة

عائشة:احم لاكان...

قاطعها:حنا ماشي مراهقين اعائشة كبرنا على التفلية لي قدامك ماشي بحال هدوك لي عرفتي فحياتك..بغيت نجلسو ونهضرو عادي ولي كتابت هي لي اتكون

عضات على شفايفها كتفكر:واخة نلقة الوقت ونرد عليك

هز راسو باه:غنتسناك

هزات راسها باه وهو كمل طريقو ومشا بحالوو تنهدات بصاح هاد الرجل كيبان ليها فشكل هادئ بزااف كلامو قليل وعندو علام خاص بيه شخصيتو فشكل شي لي خلا بزاف دلمجلات يهضرو عليه ويلقبوه بالجنتل مان 

شافت فسكريتيرة دايزة:مشا بحالو الزعيم

السكرتيرة:مازال

عائشة:قولو يجي عندي للمكتب

ودخلات وسدات موراها لباب بقات غادة جاية كتسناه باغة تعرف علاياش كيقلب شنو باغي منها مازال كتغلي من لدااخل ..حتى كتشوف لباب تحلات شافت فيه كيسد لباب بدون سابق اندار بخطوات خفاف كانت واقفة حداه:شنووو بغيتي منيي لاش هدشي كامل انا عارلة ماعينيكش فالمشروع عنيك فحاجة خرااا .واش مابغيتيش تفهم اني مابقيتش حاملاك اش بغيتي غير قولي 

يوسف:بغيتك نتي 

سكتات ورجعات كملات:اتبعد مني وتخرج من حياااتي سمعتيني حنا ساليناا صااافي..اولا باغي تكمل داكشي لي بديتيه هدي سنين شفتيني عايشة حياتيي ناسياااك قلتي لا مايمكنش اجي نرونها ليها تانييي

هي كتهضر وهو غير كيشوف فيها مخليها تفش قلبها ..

عائشة كتعبر بيديها:داكشي لي فبالك عمرووو ايوقع واخة نموت ايووسف ..يخيروني بين الموت وبينك نت ماغانترددش باش نختار المووت

قبل تكمل كلامها جرها لعندو من خصرها تا تضربات فيه تبلوكات وهي كتحس بيديه على جنابها كانو عريانين تريكو طلع تا لفوق ..وجها اونفاص مع وجهوو كتشوف فعنيه وكتحس بقربوو باغفان ديالو كتسارا فحلقها ..انفاسهم متخالطين ..زاد قرب وجهو من وجها شوية وينساجمو شفايفهم همس ليها:تهدني اعائشة ..ماجيتش باش نخسرك تاني 

هز راسو بلا :جيت باش نرجعك لياا وفين ما مشيت اتلقايني اعائشة ماغانعاودش نفرط فيك حتى نتجمعو تانييي فهمتي لاش جيت دابة

عائشة قلبها ولا يضرب فلمية بغات تبعد ولكن كان قوة منها :بعد عليا رخييي..

زير على خسرها:شششش 

كيشوف فيها وفملاميحها وفغوباشتها وفعنيها لي راسمة عليهم نضرة شرسة قرب وطبع قبلة على خدها ونزل عنيه لشفايفهاا تهور كتر وكتر ست سنين ما تطرأ ودارها مع شي وحدة من غيرها نسا راسووو وهو كيقرب لشفايفها حتى كتجمع قوتها ودفعاااتو مستمييييل تخليه يديرها مستحيل :ببببببعد 

رجعات اللور وهي كتلهت وتقاد فحوايجها:خرج علياااا يلاااه براا خرج

يوسف :مازال ماساليت هضرتي

عائشة:مابغيت نسمع والووو خرج

يوسف قرب لعندها كيشوف فلبسها ماهاماهش انها معصبة :ديري فبالك مرة جاية غنشوف هاد المنضر غنرون ليك اجتماعاتك هنا علمتك من دابة حيت ماغانستحملش نشوف داك النضرات ديال... راكي عارفة بلا مانترجم ليك

كيزيد يعصبها:ماااشي سوووقك سمعتيني حياتي هادي ديهاا فمراااتك وخرجني من دماغك حيت غير اتعدب راسك معايا مابقيتش عائشة البرهوشة ..وليت كنفد ماكاندويش

يوسف قرب لعندها:شكون مراتي

رجعات شعرها اللور:هدشي ماشي سوقي فيه

جرها من دراعها:دوي شكون مراتي شكا تخربقي

عائشة خرجات فيه عنيها وهي كتنتر منو:نكرتيهاا ولكن شغا نتوقع من واحد بحالك

يوسف:ماتجعرينيييش وقوليلي علاياش داوية

عائشة عطاتو بالضهر ماباغة تسمع والو:خرج من المكتب دياليييي

عصباتو وهو يدورها لجيهتوو بالسيف عليها:كندوييي معاااك ماتهلينيش نخرج عن طوعي ..كيفاش هاد القضية دمراتي 

عائشة بنفس الغوات:نررررجس مراااتك لي مشات معاك وربات ليا ولدي على هدشي داوية.

بقة غير كيشوف فيها مصدوم كيفاش وهو لي... 

مسح على راسو عرف انه ماوصلو ليها والووو رجع شاف فيها:نرجس طلقتها تاهي فنفس النهار لي مشيت فيه ومامشاتش معايا بقات هنااا

عائشة تبلوكات هدا شكا يقوول 

عائشة تبلوكات هدا شكا يقوول كيفاش ماطلقهاش 

ومامشاتش معااه وهي لي كانوفبالها راه كتربي ليها ولدها وكيقول ليها ماما هاد المابوس هو لي كان كيكنل عليها وكيخليها تفيق فكل ليلة كتبكي فكرة ولدها يحساب ليه نرجس هي ماماه كانت كتقتلهاااا ..نطقات:ك..يقاش 

قرب لعندها :بان ليا خباو عليك بزاف دلحوايج وخلاوك عايشة شي حاجة ماكايناش 

عائشة:شكون ايخبي علياا شكا تخربق انا راه..

وسكتات كتفكر مهااا عضات على سنانها ومشات جلسات فوق لكرسي شهادشي هي فيييه شنو مازال مخبين عليها كون غير طمنات ليها قلبها وريحاتهاا فهاد سنين 

يوسف بقة يقرب وهي تهمس ليه:بغيت نبقة بحدي

مابغاش يزيد مازال نساحب بهدوء وخلاها فأفكارها اي ام ماتبغيش ولدها تربيه شي وحدة من غيرها ويقول ليها ماما وهي هاد الفكرة عاشت معاها ست سنين كيفاش ماقالولها والووو كيفاش خلاوها هكاك.كل ليلة كتخايل نرجس كتقتل ليها فهارون ولا غرقاتو فلبانيو دلحمام وهو كيبكييي وكتفيق مخلوعة قلبها ايوقف ..بقات فبالها داك اللحضة فاش نرجس بغات تقتل ولدها كيفاااش ما رحموهاش وقالولها صراحة..ناضت لبسات منطوها وهزات ساكها وخرجات من شريكة ركبات فطوموبيل نيشان عند الزاهية بافة تعرف علاااش..وكاع داكشي لي مخبياه عليها ..غير وصلات نزلات وبدات كدق تا تحلات لباب ودخلات:مااامااا

الزاهية كانت فصالة:هنا ابنتي ياك لاباس 

عائشة:حرااام عليك اماما 

الزاهية:مالك ابنتي

عائشة:شفتيني شحال تعدبت على ولدي خايفاها لاتكون كضربو ولا مكرفسة عليه ..ولا يكون ميقولها ماما. لاش خبيتي عليا انه طلقهااا وبقات هناا لاااش حرام علييك

الزاهية بقات غير ساكتة

عائشة:دوي اماما مابقيتش فييك شنو مازال مخبية عليااا قوليلي

الزاهية غوتات ليها فوجهاا:ااه خبييت علييك باش ماتبقايش متسنايه ولا يمون شي امال باش ترجعي ليييه شي نهار خليتها هكاك باش تكرهيييه هو مايستاهلكش ..كنتعدب كتر منك وانا كنشوفك فديك الحالة كون كان بيدي كون خليتهم يعدمووه موتو حسن من حياتوو تكرفس علييك بزاف ونتي باقة صغييرة رزاك فشبابك وفقلبك اش بغيتي ديري بيييه يعطيه لغارااااق ماغانخليكش ترجعي ليه واخة نمووت

عائشة غير كتشوف فمها:شكوون قالك انرجع ليييه شكووون غا قوليلييي لاش كدملي شي مع شي لاش

الزاهية:ادن شنو لفرق لا قلت لك راه مشات معاه ولا مامشاتش وااالو كون قلتهالك فداك الوقت انا متأكدة كنتي اتبدلي رأيك وكي لهبيلة اتسنايه حيت عارفة شحال قلبك حنيين شبهتي لياااا عارفاك دغية كترطابيي ..صافي لي داز داز دابة وهو خاص يبعد منك

عائشة:شنو مازال خبيتي علياا قوليلي

الزاهية:والو ماكايهمش

عائشة:-ماما هضريي

الزاهية:كان جا لعندك فاش طحتي غيبوية رجع زعمة على قبلك داير فيها بطال وقبل يمشي وصا عصام باش يقولك تسنايه غيرجع ليك وانه مطلق نرجس وانه غير تقاد الامور ايرجع لييك وايشرح ليك كلشي وشي تخربيق اخوور.. كان باغي يربطك معااه وهو غاايب داكشي لاش بززت على عصام مايقول والووو وخيرتو بين السخط ورضى لا قال شي حاجة اصلا تلقايه تماك كان عايش حياتو ماشي مع وحدة ماشي مع جوج غير هاديك لي جاب معاه راه باين العربون

عائشة:صااافي اماما سكتييي

وتمات خارجة حتى كتوقفها الزاهية:نتمنى تكوني بكرامتك وتكوني بصاح محيداه من بالك وماناسياش داكشي لي دار فييك حيت نهار نسمعك رجعتي ليه غير نسايني ابنتي

عائشة شافت فيها:وشكون قالك انرجع ليه 

وخرجات من دار

ركبات فطموبيلتها كتسوط تخربقات مابقات فاهمة والوو لي عارفاه انه كلشي باغي فيها الخدمة حتى من مها لي فعواط تريحها وتريح قلبها زاد كملات عليها وخلاتها عايشة مع الكوابيس لي كيسحقو فقلبهاا ديمارات الطموبيل ودماغها خدام هدشي فوقاش ايسالي باش تهنة ..يعني دابة نرجس مارباتش ليها ولدها طلقها ومشاا تاهي تفكرات هارون فاش قاليها باباه ديما كيعاود ليه عليها ..يعني رباه بوحدو وخلاه يعرفها قبل يشوفها كيعاود ليه عليها .وكلمة ماما سمعاتها غا هي بحدها..تنهدات دماغها غينفاجر بالتفكيير تا وقفات عند فكرة وحدة .شنو تبدل دابة ملي عرفات هادشي .زعمة ترجع ليه..هزات راسها بلا:لا ماتبدل والوو اعائشة نتي تعدبتي بسبابوو حتى كرهتي كاع رجال .ست سنين دلعداب ودلمرض ماغاتعوضش 

سكتات وهي كتشوف فالطريق مزيرة على الفلون:ماتبدل والو ازعيم عمرنا نرجعو 

وقفات حدا دارها محتاجة لجليسة مع وليداتها باش يتهز ليها المورال..وقفات حدا لباب كتقلب على ساروت تنهدات وهي كتحس بالوجع فقلبها تمتمات:صافي صبر 

حلات لباب ودخلات كتقلب عليهم بعنيها حتى كتشوفهم فالصالة جالسين حدا بعضهم وكيتفرجو فتلفازة بتاسمات ليهم وهي كتحيد المونطوو وتعلقو فبلاصتو وحيدات صباطها وهمسات ليهم:وليداتي

نااضو كيتجاراو لعندها تحنات عنقاتهم بجوج وهي كتبوسهم واحد بواحد :ماماتي توحشتك

باستها على خدها:تانا ابنتي

هارون :وتا انا اماما

باستو تاهو:يخليلي وليداتي توحشوني اجيو معايا

وشاو جلسو فصالة حيت مابقاتش قادرة توقف قلبها كيوجها وشداتها الصخفة تاني:فاش كتفرجو

جوهرة:كنتفرجو فسالي اماما هو كاع ماكايعرفها

هارون:ماعرفتهاش ولكن بدات كتعجبني 

مسحات ليه على راسو:دير داكشي لي كيعجبك اولدي صافي

هز راسو باه:تغديتو

بجوج فدقة وحدة:اه اماما

بتاسمات:براافو يلاه نمشي نبدل عليا 

خلاتهم ومشات لبيتها اول حاجة دارت شربات دواها وتكات فوق النموسية بحوايجها حاطة يديها على قلبها وهمسات بحاليلا كدوي معاه:فوقاش اتولي تحمل اقلبي خاص تكون ولفتي الصدمات ماشي كل مرة تكتاشف شي حاجة توجع

بدات كتمسح عليه حتى بدا كيخفاف الوجع وتمشي منها الدوخة داز الوقت وهي على حالتها كتسترجع احدات هاد النهار عارفة شحال عنيد وماكايرتاح حتى كيحقق داكشي لي فبالو ولكن تاهي مابقاتش كيف كانت تنهدات وناضت بدلات عليها وخرجات عيطاتوللخدامة وفيديها واحد المبلغ:شكرا بزاف عدبتك معايا هاد النهار

الخدامة:لا امدام عائشة لولاد تبارك الله بعقلهم

بتاسمات:تفضلي

خدات منها لفلوس وهي فرحانة:يمكن ليك تمشي كنت بغيت نوصلك ولكن مايمكنليش نخلي دراري بحدهم 

الخدامة:لا ماشي مشكل دغية نلقة تاكسي يلاه بسلامة

لبسات عليها ومشات بحالها

ماكان فيها لي ياكل لي فيها كافيها نفسيتها تسدات من هاد النهار ..جلسات حدا وليداتها وسط منهم مدورة يديها عليهم وبدات كتفرج معاهم ماغاتقتلش راسها بالتفكير

نمشيو لجيهة خراا

نزلات من طموبيلتها الاودي ودخلات للشركة المشتاركة بينهم وببن الزعيم وامين شركة الالماس عصام وعماد اليوم مامسالينش وهي غتحصر اليوم فالشركة ونيت تعرف على الشريك الجديد لي تزاد عليهم وقفات ليهاوسكرتيرة:انسة فاتي تفضلي شريك الجديد لداخل 

هزات راسها باه ودخلات لباب ودخلات بلا ما تركز في الشخص لي واقف جيهت لحيط لي كلو زاج حيدات تجاكيط دلكوير بالخف وضارت لجيهتو:مرحبا ا ...

وسكتات مصدومة كتشوفو قدامها تمتمات:يحيى

بتاسم:صدفة زوينة هادي

ماعرفاتش كيفاش تا ترسمات ليها على وجها ابتسامة:اه 

قرب لعندها كيشوف فيها وفتوتر لي بان على وجها عويناتها زورق كيبريو تالفين وبشرتها لبيضة ولات حميرة ..مرة مرة كتبعد شعرها الاشقر مور ودنيها مد يديه ..مدات تاهي يديها لباردين وسلمات عليه حسات بداك الدفئ لي فيديه .لدرجة يديها بدات كترجف:لاباس عليك

هزات راسها باه:الحمد الله ونت

يحيى:تانا 

شافتو طول شاد فيديها تاوقلبها بدا يضرب فالمية:تفضل تجلس

يحيى فك ليها يديها:من صباح وانا جالس غا خليني

هزات راسها باه:تشرب شي حاجة

هز رايو بلا وعنيه فعنيها عاحبو داك الاخراج لي كيشوف فعنيها شوفاتها ماشي ديال وحدة مولفة برجال والعلقات 

شوفاتو طلعو ليها الحرارة ماتكرهش تهز شي حاجة وتبدا تنش بيها على راسها:اه خاص توقع شي وراق

هز راسو باه وهو مبتاسم مشات للمكتب خلات واحد المجر وجبدات شي وراق :تفضل

قرب لعندها وتحنى هز ستيلو ومضى دوك لوراق :دابة مزيان

بتاسمات ليه دايبة فهاد الابتسامة لي على وجهو رسمها خصيصا ليها :كيف دازت هاد ست سنين

يحيى:راكي عارفة ماكاين ماحسن من الحرية الحمد الله على كل حال

فاتي:الحمد الله

يحيى وهو كيشوف فيديها:ونتي اش درتي فهاد ست سنين

فهمات انه كيقلب على الخاتم:والو قريت وتخرجت وتلهيت مع الخدمة صافي

يحيى :تبارك الله لواحد هو لي يضمن مستقبالو.

هزات راسها باه :ونت ما تزوجتي ما درتي شي علاقة فهاد ست سنين زعمة ما قررتيش تستاقر

بتاسم وهو كيمسح على راسو:كنضن الجواب وصلك داك نهار وتأكدتي منو 

بحاليلا ضربها الضو صافي عايق بيها وداك نهار سمعهم اش داها كاع تفتح هاد الموضوع بدات غير كتشقلب فعنيها هاربة منوو 

يحيى:ماعنديش مع الاجنبيات مراتي بغيتها عربية ...هي لي نقدر نستاقر معاها خاص غير نرصي اوموري كيف كتشوفي يلاه دخلت شريك معاكم وهاد ضومين بعيد عليا 

هي ساكتة وكتهز راسها باه وتلعب بصبعانها 

خشا يديه فجيابو وتم غادي جيهت لباب والابتسامة على وجهو قبل يوصل للباب ونطق:ست سنين كاملة ونتي فبالي 

وحل لباب وخرج مخلي موراه قلب ايوقف وحرارة شاعلة فيها مامتيقاش داكشي لي سمعات حاسة براسها اطير بالفرحة:يااربي واش كنحلم لا كنت كنحلم غا خليني ناعسة هههههه

ضربات راسها بالخف:حمااقيت

مشات طايرة هزات طليفون عيطات لدينيس باش تعاود ليهااا

نمشيو لبلاصة خراا

دخل لدار وساك ديال النادي فيديه حطو حدا لباب وكمل طريقوو كيقلب عليها شاف فساعة عرف فين ايلقاها..بتاسم ودخل لواحد لقاعة مجهزة بداكشي ديال رياضة ..كانت فطابي غولو مخدمة اغنية اجنبية بالجهد وهكا لاطاك فالجري قرب لعندها ووقف حداها شافت فيه وهضرات وهي كتلهت:حبيبي جيتي

هز راسو باه وهو كينقص ليها من السرعة:جيييت احبي

بتاسمات:نسالي ونبوس راجلي

قوس حواجبو:هي دابة

هزات راسها بلا:لا ماشي داابة مابقاش بزااف 

زاد نقص ليها من السرعة 

غوبشات:مهدييييي زيد فالسرعة فصباح مالعبتش ودابة كنعوض

مهدي:بغييت غا نفهم حاجة وحدة شنوو فييك ما ينقص غا قوليلي

اكرام:ماشي سووقك .ماكانلعبش باش نقص كنلعب باش نحافض على الرشاقة

مهدي:حق الرب اخر يامي انولي مزوج بهيكل عضمييي لا ماكلة تبرد القلب وزايداها برياضة 

اكرام كتلهت مع الجرى:مهديي عوتاني ماتبقاش تقولي هيكل عضميي فورمتي ديال عارضات ازيااء سمعتيني

مهدي:لواه بلارج غا تسناااي لا ماوكلتش دردك اتنفخي بلهلا يطريه ليك قالك عارضة ازيااء سمعي انا مغربي عروبي فدماغي كنبغي الغلض ها ودني منك راه فزنقة كيجيوني شي عروض ديال شي طروفة ينوضو لميت من لقبر حراك واحد بحالي غاودرويش

حبسات داك طابي ونزلات عاضة على سنانها دفعاتو تا لسق مع الحيييط :جرررب وديرها وتشووف

بتاسم وهو كيقرب لشفايفها:شغا ديري اباربي غا قوليلي

اكرام:نقتلك ونقتلها

مهدي وهو كيضحك:بهاد الفورمة هههههههه

عصبها:بعد منيي

وتمات خارجة من داك القاعة تبعها كيجري :وا غا اجي نقووولك انااري

طلعات للبيت بغات تسد لباب وهو يدفعها ودخل :اجي العمر دمهدي اجييي

اكرام:بعد منييي 

ودخلات للحمام دوش بتاسم وحيد جاكيط رماه فالارض وحيد تا لبودي بقة بصدرو عريان تحنى حيد صبادرين ودخل عندها للحمام كانت كتقاد لما :غا كنضحك معاك

اكرام كتحيد فحوايجها:بعد منييي خرج خليني ندوش

قرب لعندها وجرها لعندو تا تضربات على صدرو:ندوشو بجوج ..انا راه كنحماق على شي حاجة سميتها اكرام وتا شي بنت لمراا ماتجي قدامها واخة تكون كيفما بغات تكون تا وحدة ماتحلالي من غيييرك

بقات كتشوف فيه:مهدي انا كنبغيك وخايفة تسمح فيا شي نهار حيت ماكانولدش

ضربها بالخفيف على خدها:ماتقوليش هكا عمري نسمح فيك حنا دايرين جهدنا وفوقاش ما عطانا ربي لولاد مرحبا 

اكرام:مشينا عند احسن الاطباء فالعلام ومادارو والوو ونت ضاروري اتبغي لولاد كاع صحابك بولادهم الا نت ست سنين هدي امهظي 

مهدي:لا ماعطاهمش لينا الله بلاش منهم غا نتي كافياني

وقرب وباسها على شفايفها بالخف:كنبغيك كيف ما نتي هكا بغيتك تبقاي 

هزات راسهل باه:كنبغيك بزاف امهدي 

بتاسم:تانااا

قربات وباستو على شفايفو بوسة حنينة وبعدات كتشوف فيه

مهدي صافي الاجواء لي هو فيها غا ديال الاحتواء خخخ نزل يديه للمولون ظصبور لي لابسة:هدا لاش لابساه غا قوليلي

ضحكات وهي كتحس بيه كينزلوو تا نلاها بسليب ..وشاف فسروال لي لابس:وهدا لاش تاهووو

خيدو بالخف وهي كضحك على هاد الحمق لي عطاها الله جرها تا تزدحات معاه :ودابة اجي اباربي ديالي برعيني راني مشتاق 

صرباتو تلى صدرو:منين كتجيب هاد الهضور

غطس راسو فعنقها كيبوس فيها:من قلبي 

نساجمات معاه كتحرك يديها بشوية على صدرو شدات ليه راسو بين يديها وبدات كتبوس فيه ويديه مور ضهرها كيحيد فسوتيان رماهم فالارض وزدحها تحت رشاش جاهل عليها جراتو لعندها كتر عايشين اللحضاااات الحميمية😍

نمشيو لبلاصة خراا

رجعات من المدراسة من بعد ماسلات حصصها مع تلاميدها 

دخلات وهي دتشوف وليداتها فصالة كيلعبو جوج ديال توام لي عطاها الله بنت وولد توبة وتيم وعاد بنوتة صغيرة عندها عماين..كانت معاهم المربية..قربات باستهم كاملين وجلسات معاهم شوية عاد طلعات للشمبر ديالها بدلات عليها ووقفات حدا لمراية متدهم مرطب لوجها حتى كتشوفو داخل بتاسمات وقرب لعندها باسها على خدها:كي بقيتي 

امونة:الحمد الله ونت ميف داز نهارك

محمد:بيخيير غير توحشتك

امونة:اه وانا منقول مالك جاي بكري

بتاسم وهو كيبوس ليها يديها:اه ماقدرتش نصبر وانا نجي 

بتاسم:الله يخليك لينا

محمد :وجدي راسك انخرجو شوية ونديو معانا لولاد

فرحات:بصااح

هز راسو باه

باستو على خدو:واخة حياتي

ومشات وصات المربية توجدهم وتلبس ليهم وهي كلعات لبسات عليها تاهي..مدة وكانو واجدين ركبو فطموبيل كأي عائلة سعيدة فرحانين من نهار رجعات ليه هو معاها فوق مزيان لي بغاتها كيديرها وعمرو جرحها برهن ليها انه بصاح يستاهل فرصة خرى وتتمرة حبهم عكاتهم تلاتة دلوليدات كيحمقوو

نمشيو لكوبل اخوور

كانت فلكوزينة كتوجد ليه شهيوة لي كيبغي وولدها حداها فالكوزنة كيدور ويلعب :فارس عيط لبابك يجي ياكل فالكوزينة

مشا كيجري عيط ليه شوية وتم جاي هو وياه وقف كيشوف فيها لابسة كسوة صوفية قصيرة حد لفخاد لاسقة على جسمها بالكمام مع ميني بوط صوفي ديال دار وشعرها لكحل مطلوق على ضهرها قطعاتو تا لحدا عنقها بطريقة كيووت قرب تا لعندها وعنقها من لور غاطس راسو فعنقها باسها :فيا الجوع

بتاسمات وهي كتحرك طياب:هنا حبيبة مابقاش بزاف ويطيب

باسها تاني على عنقها:بغيت حاجة خرا

سارة:ويلي احمزة لولد حدانا

حمزة:ماسوقيش ديري شي حل

ورجع اللور :دغية

ضحكات وهي كتحط الماكلة فطبسيل :نت حماقيتي اجي تاكل

قدات طبلة وجلسو كياكلوو وفارس معاهم عايشين احسن لحضات حياتهم

داز هاد نهار ووجا نهار جديد بأحدات جديدة

كانو كيفطرو وهي واقفة كتشرب فقهوتها وكتشوف فيهم:جوهرة حبيبة دغية دابة وهو جا طرونسبور 

جوهرة:وخويا اماما ماغايقراش

عائشة:تاهو ولكن خاص نقادو ليه وريقاتو ونشوفو المدرسة لي اتجي معاه

جوهرة:عفااك خليه يقرا معايا

عائشة:ان شاء الله امبيبة خاص نعرلو نيفو ديالو 

هارون:ماما انا دكي بزاف بخالك قالهالي بابا قالي تانتي كتقراي مزيان وكتجي ديما نتي لولا تا انا بحالك

باستو على خدو:يخليك لي لي

هارون:حتى خالتي لينا فاش كانت كتجي لعندنا لدار وتمفضني ماكانعدبهاش دغية كنفهم

عائشة ختافات ابتسامتها:احم شكون لينا 

هارون:ماعرفتيهاش هادي صديقة بابا كانت ديما كتكون مع بابا فدار ماكايخليونيش نسمع اش كيقولو حيت داكشي ديال لكبار وقالتلي غتولي خطيبتو وقالتلي باش نخلي هدشي سر بيني وبينها

جوهرة بدات كضحك:ههههه قلتي السر لي بينك وبينها

حط يديه على فمو:هاااء لااا

عائشة حطات داك الكاس دلقهوة:وفين هي لينا

هارون:تاهي جات معانا للمغريب اتكون مع بابا 

هزات راسها باه وهي كتسمع فصونيت طليفون عرفات راه طرونصبور :نوضي ابنتي هاهو وصل

هبطات معاها لتحت ركباتها فطرونصبور ورجعات طلعات .دخلات لدار هزات طليفونها وبدات كتخنتشف فيه تا طلعو ليها تصاور نهار المحاكمة وفاش يلاه وصل للمغرب وبزاف..عنيها كانت غا عليها هي معاه فجميع تصاور ديما مرافقاه بقات كتشوف فيها كتبان شي وحدة كلاس بزاف لباسها مكياجها كلشي .وتصويرة خاشية يديها فدراعوو وصخافة كتصور بدات كتقرا فتعاليق ديال ناس كلشي كيسول شنو علاقتو بيها ..جمعات داك طليفون عاضة على شفايفها كتفكر فالهضرة دمها فاش قالت ليها عايش حياتوو بليمارة جايب وحدة معاه ناضت واقفة كتنهد :واناااا ماالي لاش كنفكر لاااااس صافي ماشي سوقي

لقات راسها كلها كترجف الافكار كيلعبولها بدماغهاا دخلات للحمام غسلات وجها كتر من مرة كيبقة راجل والراجل ماكايصبرش شكون هي لي غيصبر عليها تايرجع اصلا مطلقييييييين عضات على سنانهااا وهي كتهمس:صااافي اعائشة صاااافي كلهم بحال بحااااال نتي اصلا محيتيه من باالك نسيتيه

خرجات من لحمام كتلهت مشات نيشان للبيت وشربات دواهاا رتاحت وهي كتحيد داكشي من بالهاااا حيت مايستاهلش قلبات على ولدها شافتو صقر ومابقاش يتسمع ليه الحس لقاتو فصالة جالس جلسات حداه شافتو ماشي هو هداك:ولدي حبيبي مالك اش واقع لييك

هارون شاف فيها بعوينات دامعين:توحشت بابا

عائشة باست ليه يديه:ولكن ماما معاك اولدي 

هز راسو بلا:بغيت بابا

عنقاتو فاش بدا كيبكي:صافي ماتبكييش عفااك

هارون مولف بباباه راه هو لي رباه وديما معاااه 

عائشة هزاتو لعندها وحطات ليه راسو على صدرها:صافي اولدي ماتبكيييش عفاك ماكنحملش نشوف دموعك

هارون:عيطي ليه يجي 

عائشة:ولدي انا معاااك باباك مشغول اولدي خليك معايا.

هارون بصوت باكي:لا بغيييت بابا

رجعات عنقاتوو :صاافي اولدييي غير ماتبكيييش

نزلو دموعها تاهي معاه كتبكييي:وصافي حبس هنا نعيط ليه

هارون:داابة 

مسحات دموعها :واخة داابة

باستو على راسو:وصاافي ماتبكيش هنا انعيط

هز راسو باه وهو كيمسح عنيه بكمامو ..هزات طليفون ماعرفاتش شمن نمرة اتعيط ليه فيها ماعندهاش نمرتو تنهظات ودوزات نمرة ديال طاهرة جاوبتها:الو بنتي

عائشة:خالتي لاكان حداك يوسف دوزيهلي

طاهرة:لا ابنتي ياك لاباس

عائشة:والو غير بغيتو طيني نمرتو عفاك

طاهرة:واخة هاني نصيفطها ليك

قطعات وهو يوصلها ميساج فيه نمرتو طابات نمرة وعيطات فيها داك ساع المهم ولدها مايبقاش كيبكي بقة كيصووني شحال وماجاوبش قطعات ورجعات تاني صونات

فجيهة لوخرا

كان فالدوش كيدوش خلاها على فراحتها من بعد داكشي لي وقع لبارح دقة بدقة حتى يرطاب قلبها غيسالي ويمشي يدوز يشوف وليداتووو وحيت عارف هارون ماغايصبرش بلا بيه

على برى..دخلات لدار وفيديها الملفات لي طلب منها سدات لباب من موراها وهي كتمشى فالشقى عجباتها بديكوراتها الرجولية وصلات للشمبر ودقات:يووسف هنا جيت

دخلات وهي كتسمع صوت رشاش عرفاتو فلحمام يلاه اتخرج وهي تسمع طليفونو كيصوني قربات وهي تلقة مكتوبة عائشة دوراتها فدماغها وهزات طليفون وخرجات وجاوبات:الو وي

عائشة تبلوكات ورجعات سمعات صوتها:شكون معايا 

عائشة:نتي لي شكون

لينا:انا لينا 

عائشة عضات على سنانها:دوزيلي يوسف

لينا بصوت شبه محلون:يوسف كيدوش لا كانت شي حاجة ضارورية نمد ليه طليفون للحمام

عائشة قطعات ليها فوجها وهي حاسة بدمها كيغليي :حقيييييييير 

هارون:واش غيجي

عائشة:غيجي اولدي غير صبر 

فجيهة لوخرا

خرج من لحمام لبس عليه عاد خرج لعندها

لينا:صباح الخير 

يوسف:-صباح الخير

لينا:الملف هاهو 

خداه من عندها :صافي يمكن ليك تمشي

لينا :نسيت شي نمرة عيطات ليك وجاوبت لا تكون شي حاجة مهمة

يوسف وعنيه على الملف ببرود:ايوا

لينا:اتلقة لابيل تماك 

خدا طليفون يشوف شكون عيط ليه حتى كيشوف سميتهاا داك ساع ملاميحو تقلبوو بقات حاضياه 

يوسف بصوت حاد:شنو قلتي ليها

لينا:والو اصلا قطعات ليا فوجهي شكون هدي

دخل لجهة ديال تسجيلات .طليفونو كيسجل المكالمات ضغط على اسمها وهو يسمع كاع المكالمة عض على ينانو وهو مخنزر فييها:شهاد تقحبين 

لينا رجعات باللور:كيفاش 

قرب لعندها وشدها من دراعها وزير عليها مصبر راسو لا يفلت فيها شي ضربة ماباغيش يغلط معاها عارفهااا وحافضها مزيان ..

لينا حاسة بيديها اتهرس:ااااي قصحتينيي

بقة غادي بيها تا وصلها جيهت لباب وقبل يحلوو نطق:عرفتي لا زدتي لعبتيلي على الميموار ارجعك منين جبتك الييينا هدشي لما صيفطتكش مفرشخة 

وحل لبااب :مانشوووفكش قدامي

خرجات كطيير زدح من موراها الباب عارف بالها فين ايكون مشااا دابة هز طليفونو وصونا ليها كان متوقع ماتجاوبش ولكن جاوباتو دغية:الو

يوسف:ياك لاباس

عائشة:هارون بغة يشوفك

يوسف:هاني جاي

وقطعات ليه فوجهو لبس تجاكيطو وهز سوارتوو ومشاا

كانت جالسة فصالة وهارون حداها جراه لعندها وكتلعب ليه فشعرو بشوية دير اي حاجة غير مايبكيش ..تنهدات عرفات انه هاد ست سنين بدلات كلشي مابقاش هارون صغيور لي باغي غا ماماه تبقة حدا ..كبر وولا متعلق بباباه كتر وصعيب تخليه يبعد عليه ويبقة معاها غا هي تنهدا وهي كتبوسو على راسو تسناتو سنين وماغاتستحملش تخصرو وهو بين يديها دابة ...تنهدات تاني كتفكر فداك المكالمة مزيان باش نيت تزيد تأكد انه واحد اناني وما يأنبهاش ضميرها من بعد ..غمضات عنيها وداك الصوت لمحلون كيتعاود بين ودنيها .ملي هي ماهامهاش لاش شي حاجة فلداخل ديالها كتغلي بمجرد ماكاتخايل وحدا خرا بين دييه..طلعاتويديها لقلبها وزيرات عليه كتمتم بينها وبين نفسها:ماتزيدش تكمل صافي تكالمااااا

سمعات الجرس عرفاتو هو

هارون:بابا هدا

هزات راسها باه وناضت تشوف شنو تلبس عليها ..حيت كانت لابسة سوميج كحلة قصية وعلى الحلم ومخدمة تدفأة كتخنق بلحوايج بزاف وزادها تا اامرض..دورات وجها وهي تقشع بينوارها من نفس توب سوميج لبساتو وجمعاتو بلحزام عليها وخرجات شعرها جمعاتو لفوق سفنجة ومشات حلات لباب ورجعات اللور باش يدخل بلا ماتشوف فوجهو ولا تعبرو غير دخل سدات من موراه لباب وسبقاتو بخطوات تابتين كتمشة للصالة ..بقة واقف مراقبها ومراقب حراكاتها وتعابير دوجها واخة يبغي يشرح ليها اش وقع ماغاتسمعلووش ..تبعها للصالة وعنيه كتسارا فالدار عجبو دوقها .هارون غير شافو مشا كيجري لعندو هزو بين يديه:بابا توحشتك بااز

باسو على راسو:تانا اولدي

هارون:مشيتي وخليتيني

يوسف:معاك ماماك اهارون

شاف الاتار دموع على وجهو عارف ولدو فاش كتجيه الحالة:شنو تافقنا الراجل ماكايبكيش 

هارون نزل راسو:ولكن توحشتك.

يوسف:لما كنتش انا راه كاينة ماماك ولبكة ماعندو تاشي معنى اولدي كنت غنجي غنشوفك 

هارون هز راسو باه

يوسف:مانبغيش هدشي يتعاود صافي 

هارون:واخة ابابا

شاف فعائشة لي واقفة ومراقباهم كتلعب بلحزام ديال بينوار بتوتر كتشوف علاقتو بودلو كيف دايرة خاص تاهي يولف بيها 

نزلو وهو كيمسح ليه على راسو:مزيان البطل 

شاف فيها وهو كيحيد التجاكيط وحطها فوق الفطوي:قهوة كحلة 

خرجات فيه عنيها:كيفاش

يوسف:كيف سمعتيي

عضات على سنانها كانت باغة تجاوبو وهي تفكر هارون 

عائشة بشوفاتها الحادين:ماشربتيهاش قبل تجي

هز راسو بلا :لا غا وجديهالي

هارون:ماما بابا كيبغيها بلا سكار 

وشد ليه فيديه:اتبقة معايا ياك ابابا ولا اتديني معاك

يوسف:ها حنا انشوفو نشربو لقهيوة دماماك ويحن الله

ساطت بالجهد قدامو ومشات للكوزينة كتجر فرجليها سيد مازال باغي يطول 

دخلات للكوزينة ووقفات كتنهد :صبرني يااربي 

وبدات كتقاد فالقهوة تشوف هدشي فين ايوصل

هو شاف فهارون:خليك فبلاصتك هاني جاي

هاروت:واخة

عقل منين مشات تا لقة لكوزينة كانت عاطياه بالضهر وساهية وعنيها على لاماشين دلقهوة كتعصر..بقة كيشوف فيها ..لبنوار شفاف وماساتر والو مع الضو مبين سوميج ملتخت ميف مرسومة على جسمها ومزيرة على خصرها ما شعرش براسو تاكان قريب ليها بزاف وبدون تردد مد يديه لشعرها لي مجموع لفوق وطلقو على طولتوو قفزات وهي دور لعندو بزربة كترجع فشعرعا اللور يلاه بغات تنطق وهو حيط صبعو على شفايفها وليد لوخرا دورها على خسرها بشوية وجرها لعندو كيشوف فيه بكل شوق نزل صبعو من شفايفها ونزل ببهم لدقنها زاد هز راسها لعندو لفوق ..بلعات ريقها من لمساتوو قرب كتر لوجها ويدي كتحرك بشوية على خصرها بحاليلا كيماصي ليها لدرجة طلعات معاها سخونية هدشي ملي جرباتو اخر مرة معاه عمر شي حد قرب ليهااا ..يوسف كيبقة راجل وهاد الانثى ديالو لي على قبلها ماجاتويديه غلى تاشي بنت لمرة. تحركو فيه رغباتو وهو كيحس بدفئ جسمها ورجفتهااا قرب وغطس راسو فنحرهاا كيستنشق ريحتها وختمها بقبلة طويلة ..دفعها شوية تا لسقها مع البوطاجي ناسي كلشي فهاد اللحضة هز عنيه لمغمضين وشاف فيها وهمس ليها وشفايفو قراب لشفايفها:شنو ندير باش تنساي

بغات تعضر وعو يقاطععا وعنيه على شفايفها :ششش

عارف تأتيرو عليها وعارف نقط ضعفها الجنسية .راه تعلمات على يديه ..رجع تاني لعنقها كيحرك شفايفو فوقو بشوية وكيهمس ليها:يوسف عمرو مع شي وحدة من غيرك 

طبع قبلة وزاد تانية:ونتي عمرك تكوني لشي حد من غيريي

عائشة بلعات ريقها حاسة بلحرارة طالعة معاها وانفاسو على غنقها كدوب فيها غا بشوية كاع قوتها تلاشات فهاد اللحضة لدرجة زيرات ليه على لكول وتنهدات بصوت مرتاافع:آآآآه

..بعد على عنقها وزاد جرها لعندوو كيزيد يكمل عليها ويزيد يجهل راسو تاهوو حيت هدشي لي كيحس بيه كيحسو معاها غير هي..اجسامهم كانو قراب بزاف لدرجة رجليها تتهزو من الارض شوية مامخليلهاش الوقت فين تفكر ولا تراجع..طل يديه لشعرها وغطس اطراف صبعانو فيه وزير عليها بشوية وشاف فشفايفها شوية بشوية كان كيبوس فشفايفهاا منزل يديه لتحت كيحل ليها فحزام لبينواار..عائشة كانت مرفووعة لعالم اخوور .عرف كيف يسيطر عليهاا عرف نقط ضعفها لي هو زرعهم فيها بيديه ..كتحس بشفايفو كيتحركو على شفايفها بواحد طريقة خلاتها ترخة وتبغي تزيد كتر وتجاوب معاه مزيرة على الكول ديالو...حتى كتحس بشي صوت فدماغها كيقولهااا عائشة شكا ديري حلات عنيها وهي مصدومة وكتقول مع راسها لا مايمكنش حسات بيه باغي ينزل ليها لبينوار وهي دفعوو وترجع اللور كتلهت عاقدة غوباشتهاااا مخنزرة لدرجة عروقها بانووو ..ولات عرقانة كتشوف فيه كارهة هاد ااوضع كااامل وكارهة تا راسها ..ماحملاتش راسها كاااااع ..صدرها كيطلع ويهبط جامعة يديها على شكل قبضة نطقات وهي كتورك على الحرووف:كيفاش تجرأتي

قاد الكول ديالو فين كانت شادة ومزير بيديهاا وشاف فيها:فهمتي دابة ولا نفهمك

زاد عصبهاا كمل كلامو وهو كيقرب لعندها:عمرك غتكرهيني وعمرك اتنسايني حيت انا ساكن ليك هنا 

وحط يديه على قلبها

وكمل:وهنا

وحط يديه على راسها..نترات ليه يديه معصبة:ماااتقيسنيييش انا..

وسكتات مالقات ماتقول ولات كلها كترجف

يوسف :ماتكدبيش على رااسك خمسة دقايق كانت كافية باش نحس بيك مازال باغاني ومازل...

قاطعاتو :صاافي سكت سكتتتت مابغيت نسمع والو.

وخرجات كتجري من الكوزينة

خرجات كتجري من الكوزينة وهو بقة واقف هدشي لي بغة يبن ليها ويوصل ليها انه هو رجل لوحيد لي ايبقة فحياتها وهي المرة لوحيدة لي فحياتو بغات ولا كرهات

دخلات للبيت وسدات علييها لباب وقفات فبلاصتهااا وبداو ينزلوو دموعهااا حتى بدات كتسهق ماكانس علييها تضعاااااف وتستسلم ليييه كانت مرفوووعة ماعرفاتش كيف وقع ليهااااا مسحات شفايفها بالجهد وهي كتهز رايها بلا ..مابغاتش هدشيييي يووقع طاحت فالارض جالسة زادت كرعاتو وكرهااات رااسهاا كتر وكتررر طلعات يدها لسعرها وزيراات بحاليلا كتعاقب راااسها ..غير كتفكر دوك الاخاسيس لي هجمو عليهااا كتزيد تبكييي ماشي هدشي لي كانت باااغة ..عضات على شفايفهاااا كتفكر فكلامووو:حقييييير كنكررررررهك 

جات فبالها المكالمة دصبااح زادت جهلااات كيستاااغلهاا ويلعب علييها وهو يلاه جاي من عند وحدة خرااا تكات على الارض كتبكييي وحاطة يديها على قلبهاا:شوووف فين وصلتييييني دليتيني قداااامو 

ناضت مابغاتش تبرد ليها غوتات على حر من جهدهااا :كنكررررررررررررررررهك

وهزات واحد ديكور دزاج وزدحاتو مع لحييط تا طاح فرااتت :كنكررررررهك

زاد كمل على مابييهااا كانت صاابرة وليوووم خرجها على طوعهااا ..تقرب منها ومن جسمهاااا بخاطرهااا ..ومطلقييين عاااد..رخسها بزااااف

فصالة

هارون مخلوع من لغوات لي كيسمع

يوسف هزو بين يديه:ماواقع والو غير ماماك كضرها الدرسة

هز راسو باه:-فين هو لبيت ديال جوهرة

دار ليه اشارة فيه ومشا دخلو ليه وشعل ليه تلفازة وخرج وسد لباب موراه...من لغوات عرف بيتهااا فين هو

دخل للبيت غير شافتو وقفات ومشات لجيهتو كضربو على صدرو وتغووووت:خررررج ليااااا من حيااااتي لاش رجعتييي لااااش ..شنو بغيتييي واش باغي تقتلنيييييي 

شدها من يديها بجوج وغوت ليها فوجهااا:-سكتييي 

بدات كتنتر منووو وتزيد فلغواات :رخييييي منيي ماكانحملش ماتقيصنيييش رخييييييي

وبدات تاني كضرب فيه ماباغااااش تحبببس:ماااعندكش الحق تقيسنييي سمعتيييين مابقييييتش مرااااتك مابقيييتش ديالك ساليييينا..سير عند لوووووخرا لاش جااي عنديييييي .رخستينييي بزاااف 

كيشوفها كيف شاااعلة وماناوياااش تحببس ماشعرش براسو تا جمع معاها بصقلة كانت اطيح كوما شدهاااش من خصرها ورجها لعندو عنقها بالسيف عليها وهضر بصوت حاااد:عمري طلقتك اعائشة نتي باقة مراااتي على ذمتييي ماشي حمق نطلقك ونمشييي ولوووخرا محرد مديرة اعمااالي جمعاني بيها الخدمة وصاااافي وفصباح جابتليي شي ورااق نتي كتعرفيني مزيااان اللعب ماعنديش معاااه داكشي طالعلييي فراااسي ساليت منو شحال هدي من قبل نعرفك...ومازااال ماخلاقش هدا لي يرخسك اعائشة انا جيييت وانصلح كلشييي 

بقات كتلهت وراسها على صدرووو عيات بالغوات تهدااات تا رجليها مابقاوش هازينها وكلامو كيتردد فودنها عمري طلقتك..باقة مراتي ....ترخات كانت غطيح هزها بين يديه وحطها فوق النموسية حالة عنيهااا مرخية رجع ليها تاني لوجع لقلبها غمضات عنييها هدشي جهاد متر زيرات على ليزااار وهمسات:ااااه كيضرني

حطات يديها على قلبهاا وزيرات 

وقف دغية كيقلب على دوة وهي كتوجع لقاه فوق لكوافوز كانت قرعة دلما تماك عمر ليها كاس ومد ليها دوة عونها شرباتو ورجعات تكات كتلهت مهدوودة وعيانة بغات تهضر وتقولو سير بحالك ولكن لسانها تقال عليها دورات وجها لجيهة لوخرا ماباغاش تشوف فيه 

سمعاتو كيهضر مع الطبيب غمضات عنيها كانت عيانة...داز الوقت حلات عنيها وهي تلقة طبيب حداها وفيديه واحد لاباراي بدا كيطرح عليها شي أسئلة وهي كتجاوب غير براسهااا..

طبيب:مايكون عندها باس خاص دوز عندي باش نديرو تخطيط دلقلب ونشوفو اش كاين دابة تشرب غير دواها وترتاح 

يوسف وصل معاه للباب ورجع ليها

غير شافتو بغات تنوض وهو يعض على سنانو ويندق بصوت حاد:تبتيييي فبلاصتك ماتخلينيش نفقد اعصابي اعائشة وغنرجعو اللور تاااني لاكنتي اتبقاي هكا كنقسم ليييك غنتسيف علييك راسي قصح من راااسك ولي درتها فبالي غتنفد بالسيف علييييك

رجعات تكات على المخدة اصلا عيانة وما بقالهاش الجهد

يوسف مسح على راسو كيشوف فحالتها:شنو فيها لا جلسنا ودويناا شغا يوقع كاااع

عائشة ببرود:ماكايهمنيش كلامك ومابقة كيهمني والوو حيت ماشي نت لي بقيتي وسط لبشار كتسمع فكلامهم لي كي السم كينزل عليااا . طلقها وخلاهاااا حيت البنت ماشي بنتووو كلشي كيسولني شكون باها ..ماغاتحسش بهدشييي كاع ..حيت نت من ديما انااني لي يحرمني من ولدي ويخليني من موراه كنشتوة مع الناس لي ماكاترحمش غنكرهو حياتي كاملة وعمري نساها ليك

يوسف:كلشي شرحتو لعصام قبل نمشيييي قلت ليه تبريت من بنتي باش مايتلوهاش ..شنو كان ايوقع فيك كون قتلوهااا فكرت فيييك وقلت راه وصلو ليك كلامي وراكي عارفة

عائشة:صافي هدشي مابقاش كيهم وماغايبدل والوو القلب مابقاش باغيك 

قرب لعندها:كضحكي عليااا ولا على راسك

عائشة شافت فيه ونطقات بصوت تابت:طلقني ايووسف

قوص حوااجبو وتحنة تا لعندها متكي بيديه فوف النموسية..كان فوقها نيشان وعنيه فعنيها:طلاق غا حيديه من بالك

وسكت وهو كيشوف فيها وكمل كلامو:انا عاد باغي نزيد ولد تالت

خلاها غا مصدومة كتشوف فيه مخرجة عنيها فيه..حط يديه فوق كرشها:باغي ولد لي نحضر علييه وهو كيكبر هنااا ..ونكون معاك نهار يتولد .سمعتيني 

ماتوقعاتش كاع هاد لكلام صدمهااا نطقات بحدة:غييير حلم .هدشي فأحلاامك عمر هدشي غيوقع ..عمرك تحلم تقرب ليااا

بتاسم كيتستفزها وشاف فجسمها وهو كيزيد يتحنة لعندها:ماتحداينيش اعائشة..ماتقوليش شي حاجة نتي ماقاداش بيهاا وايلا بغيتي دابة نبين ليك العكس وبخاطرك

جمعات عليها لبينوار وهي كتغطي صدرها :خرررج من داااري داابة 

وقف مقاد فبلاصتو:انا علمتك اعائشة وطلاق حيديه من بالك لحد الان مخليك على رااحتك ونهار يطلع لي هدشي فراس ماغايعجبكش لحال ومن دابة وجدي راسك انا باغي ولد فأقرب وقت

هز ليها يديها لعندو بالضبط فبلاصة العضة لقاها مازال باينة واخة ماواضحاش بزااف ولكن كتشااف قرب وباسها فوقها بحاليلا كيفكرها فيامات الوحم 

وتم خارج هزات راسها وغوتات:والله لااااا كانت ليييك شوف شي وحدة تولد لييييك وغنطلقووو دابة تشووف 

ماجاوبهاش كمل طريقو وخرج من لبيت هزات الخدية معصبة ولاحتها جيهت لباب:هانت غتشوووف بغيتي غا ضد واااخة راه تانا ما ساهلاش

ورجعات تكاات كتسوط ودعي فيه وتفكر شنو غدييير 

مشا سلم على ولدو ووصاه يدير عقلوو وانه غيرجع ويتهلا فماماها..لبس تجاكيط ديالو وخرج من دار ركب فطموبيل وتحرك كيفكر فهدشي ماعرفش كيف جات فبالو قضية الولد ولكن فكرة عجباتوو ..لاحملات وولا بينهم ولد فكرشها بزاف دلحوايج ايتبدلو غيكون معاها لحضة بلحضة ففترة لحمالة حتى تولد داكشي لي ماعاشتوش معاه غيعوضوو ليها كاامل غيخليها تعيش حملها وامومتها وهي مرتاااحة زاد فالسرعة وهو كيتمتم:كلشي غيتصلح وبالسيف عليك 

نرجعو عندها 

كانت مازال متكية كتفكررر منين خرج ليها هدشي عاااود مستخيل تخليه يقرب لييها لا مايمكنش هزات طليفونها ودوزات نمرة دالمحامي ديالها غير جاوبها نطقات:سمعني مزيان وجد راسك من غدا انرفع قضية طلاقيي من يوسف الزعيييم بغيتك دير كتر مافجهدك 

كملات كلامها معاه وقطعات كتحس براسها كيضرها بزااف..شافت لباب تحلات بتاسمات بالسيف عليها:اجي اولدي اجييي

قرب لعندها وطلع فوق النموسية خشاتو فحضنهااا وهمسات ليه:ماتصورش شحال كنبغيك اولدي 

بتاسم:تا انا اماما

باستو على راسوو وهي معنقااااه وكتفكر فلي جاااي ماغاتستسلمش ليييه 

يتبع...