رجع كيشوف اه نفس الفورمة دختو الشعر اللباس ولكن شكا دير مع يوسف
ليلى:اه ختك عائشة صدماتنا ماعرفناش لاش دارت هكاا واش نت مافراسك والو واش ماشايفش الولد ولا شنو ..جابت ولد من راجل مزوج
عصام بحاليلا تكب عليه لما باارد بقة غير واقف ومصدوم وكيشوف ففااجريدة كيلاقي لخيوط ختو كانت مع يوسف الراجل المزوج وجابت منو ولد عاد ستوعب اش كاين شاف فيهم كاملين
ليلى:واش بصاح ماكنتيش عارف
عصام بالصدمة هز اسو بلا
ليلى شافت عماد :موصيبة هادي
علي:ماقادرش تحضي تا ختك لاش نت خوها ملي ماقدرش تربي ختك كي ناس مخليها كدور على رجالات عباد الله
عصام ماحسش براسو تا شنق عليه ماقدرش يستحمل يسمع هاد الهضرة على ختو.تا هز يديه باش يضربو وهو يحبس تدخل عماد وفكهم عصام رجع اللور وهو كيمسح على راسو
فاتي قربات لعندو:عصام كاملين تصدمنا ماشي غير نت
علي بغة يهضر وهو يقاطعو عماد:على مابالي تا عصام ماعارف والو
عصام شاف فيهم:دابة باغين تحملو المسؤولية لختي ولا شنو
كلشي لقة كيشوف فيه
عصام:ختي خبات عليا شكون بات الولد ودابة عاد عرفت شكون هاد الحقير لي تجرأ وضحك عليها ولكن كنقسم ليكم هدشي ماغايدوش عل خير
عماد شدو من دراعو:كيفاش
عصام :كيف سمعتيو هو ضحك عليها خلاها حاملة من موراه
ليلى:لا يوسف مايديرهاش
عصام:حيت ولد ختك غتجي معاه ياك
ليلى:من غير هدشي راه ختك لي ماكانش عليها تقرب من راجل مزوج شوف اولدي سير بحالك دابة ماناقصين صدع كيف كتشوف علي معصب سير وحل مشاكيلك مع ختك عرف اش كاين عاد دوي
طاهرة شافت يوسف مصدوم خدات منو يوسف ومداتو لعائشة لي كانت مصدومة هي التانية شداتو وهي كتشوف فناصر كيف نطق هاد الجملة بكل برودة
طاهرة:اه هدا هو الحل متافقة مع ناصر
ناصر:اولد محتاج لمو وحنا مايمكنش نبعدوه عليها بغيتي ولدك تزوج بيها وهاهو معاك داك ساع
يوسف :هدشي لي عمرو غيكون عندي مرة وحدة هي نرجس من غيرها ماغاتكون تاشي وحدة
طاهرة:اه تا لدابة عاد ولات مراتك
يوسف تنهد بعصبية :هدشي كامل ماكايهمش.الزواج ماغانتزوجهاش واخة نعرف نقتلها
طاهرة:ادن اولد ايبقة معاها
عائشة:وانا مستحيل نقبل نتزوج بيك واخة نموت سمعتيني مايمكنش نكون مرات واحد بحالك
ناصر حط يديه على كتاف يوسف:يوسف يلاه نمشيو دابة كلشي معصب .باغي نهضر معاك راسي فراسك
يوسف خنزر فعائشة وخرج وزدح الباب تاكانت اتهرس مايقدرش يقول لباه لا
ناصر شاف فطاهرة:انخليلك طموبيل انا غنمشي معاه
هزات راسها باه وهو تبعو لقاه فطوموبيل ركب حداه ويوسف نيشان ديمارا بلا تاشي كلمة ناصر عارف انه هو نقطة ضعف ولدو مايقدرش يقولو لا وانه قبيلة كان متحكم فراسو غي محيت كاين هو وطاهرة عارف ولدو ملي كيتعصب ماكايبقاش يقشع
نرجعو عند طاهرة
الزاهية:اجي تجلسي
رجعو جلسو فالصالة
طاهرة بتاسمات:عطيه ليا
عائشة مداتو ليها هزاتو باستو على خدو وهي كتفرح بيه:تبارك الله كيحمق الله يحفضو هنا جداتك انا ياك
بقات كتبوسو وضحك معاه :شحال عندو دابة
عائشة شافت فمها
الزاهية:عندو دابة شهر ونص
طاهرة :شنو سميتوه نسيت
عائشة:هارون
طاهرة:زوينة
بقات شاداه وشافت فعائشة:بنتي اجي جلسي حدايا
عائشة جلسات حداها
طاهرة:دابة نتي باقة صغيرة وام من لفوق والمجتمع ماغايرحمكش نتي غلطتي غلط.كبير ولكن لي وقع وقع دابة ماعندنا مانديرو .تا انا عندي بناتي مانبغيهمش يتحطو فهاد الموقف وتضيع حياتهم .داكشي لي قال ناصر عندو فيه الحق خاص تزوجو
عائشة:لا اخالتي انا ماباغاهش مانقدرش نتزوج بيه نفضل نبقة هكا وتاهو ماباغيش هاد الزواج غيكون بداية للمشاكيل خليه مع مراتو وانا خليوني مع ولدي حسن ليا
قاطعاتو:عفااك اولدي راه مابقيتش قادرة على المشاكيل عيينا منهم جلس الله يرضي عليك خالتك الطاهرة مرا طيبة تاهي باغة دير معانا شي حل
عصام باس راس مو :هنا الوليدة هناا
الزاهية:وأجي جلس الله يرضي عليك
جلس .وجلسو حداه كاملين
عصام:هناهنا كنسمع
الطاهرة:شغا نقولك اولدي ختك باقة صغيرة وهو راه ولد ماعتدو باش يتضرر راه هي لي بنت ماغايرحمها تاشي حد بولد صغير..ولدي غلط فاش تقرب من بنت باقة صغيرة وهو مزوج وتا عائشة غلطات فاش تقربات من راجل مزوج ولكن دابة لي عطا الله عطاه وانا نفسي ماتطاوعنيش نخلي بنت من مورايا بولد من ولدي .
عصام:اه وشنو المعمول
طاهرة:نزوجوهم هدا هو الحل الوحيد لي كاين
عصام شاف فعائشة:ختي مامضطراش تزوج بيه باش تستر راسها حنا مامحتاجينش لهاد الزواج الولد قادين بيه وانا قاد بختي تبقة معانا فدار معززة مكرمة تاحاجة ماتنقصها لا هي لا هارون
طاهرة:اه ختك مامحتاجاش لهاد الزواج متافقة معاك ولكن فاش ايكبر اولد شغا يوقع فيه ملي غيبدا يعرف ويفهم ايلقة راسو ولد غير شرعي تولد بلا زواج نتيجة غلطة ديال واليديه ..اه حنا لكبار ماغانتضرروش ولكن هارون هو لي ايتعقد فاش ايكبر فكرو فيه تاهو راه ماشي ساهل تكبر كولد غير شرعي
كلشي بقة ساكت كيفكرو فهضرتها بصاح الوحيد لي غيعاني من هادشي هو هارون فاش غيكبر هاد الغلاط ايبقة تابعو حياتو كاملة
طاهرة:مانكونوش انانين ونفكرو غير فراسنا ونفكرو فالحوايج لي يريحونا حنا..فكرو فالولد تاهو .دابة راه صغير ماكايعرف والو ولكن راه غيكبر داك ساع عاد ايبداو المشاكيل يقدر يحقد علينا كاملين وهاد الحقد يأدي ناس خرين
سكتات وهي كتفكر ناصر هدا واحد من الاسباب يخليها تحس بهارون فاش يكبر
الزاهية تنهدات:عندك الحق اختي
الطاهرة:عائشة فكري فولدك تاهو مايعميلكش الكره عنيك ووتأدي ولدك .عصام ولدي من حقك تعصب وتكره يوسف ولكن فكر هدشي ماعندو باش يفيد شنو اتبغي تقتلو اه قتلو ولكن هو غيموت ونت اتمشي حياتك كاملة للحبس شنو غتربح اتخلي ختك ومك بوحدهم باش غتكون فدتيهم .نت باينة عليك حنين وكتبغي ختك وخايف عليها وهاز تبارك الله عائلتك ادن ماتخليش هاد المشكل يضيع عشكم فكرو فكلامي وانا انولي نفتح معاكم الموضوع
ناضت باش تمشي قربات وحطات يديها على كتاف عصام:ولدي الله يخليك لعائلتك ويخليهم ليك فكر فكلامي .يلاه انا نخليكم
ناضت معاها عائشة :انا نوصلم معاك اخالتي
ناضو سلمو عليها عائشة يلاه زادت معاها جوج خطوات وهي تشدها الدوخة دغية شدها عصام جلسها فوق الفوطوي قلب راسها حرارتها مرتافعة:عائشة واش نديك لطبيب
سارة شافت فعصام:عصام كي قالت الطاهرة الحقد ماعندو باش ينفعنا الحبس هو اخرت هدشي الله يخليك ماديرش شي حاجة ماشي هي هديك
عصام:سارة كتعرفيني مزيان
ههزات راسها باه
عصام:حق ختي غيرجع
سارة:وا عصاااام شكا تخربق
عصام:كلشي كيجي فوقتو انا ختي ماشايطاش عليا عائشة راه بنتي ماشي غير ختي واخة ماشي من نفس الدم ولكن راه تربات بين عنيا والوليد الله يرحمو خلاها امانة ليا
سكت وهو كيتفكر فاش قالت ليه ليلى خرج من دار دغية تسيفو عليه بمجرد ماوقع اول مشكل كلشي تبدل عرف ان دنيا وبنادم بحال بحال بجوج كيتبدلو
سارة:عصام ماديرش شي حاجة ندمو عليها كاملين راه غير نت لي عندنا
عصام:ماتخافيش انا ديما معاكم
سكتو فاش جات الزاهية وجلسات حداهم
فجيهة لوخرا
يوسف:الوليد انا ولدي ماغانفرطش فيه قاد بيه وقاد بكلشي ديالو وقاد حتى بمصاريفها هي غير زواج لا هديك اخر وحدة نعطيها سميتي
ناصر:هاد الغلاط درتو قبل منك هادي اعوام وندمت عليه وحتى نت اتندم .نهار ايكبر الولد وهو حاقد عليك وعلى مو ايقولك كوغا قتلتوني وماجبتونيش لهاد الدنيا .شغا تقولو داك ساع .انا راه تولدت بلا اب وكبرت وانا معقد من حياتي واش كتعرف شنو معنة تكبر ونت ولد غير شرعي
يوسف تنهد وهو كيشوف فالارض وكيسوط الدخان
ناصر:هدشي لي كنت خايف منو حياتي كاملة هانا طحت فيه ولولدي كيعاود نفس اغلاطي .واش هكا انا ربيتك قلتلك عمرك تضلم شي بنت لمرا واخة يوقع لي يوقع وديما تحمل اغلاطك .ولكن دابة نت كدير العكس نت غلطتي مع بنت باقة صغيرة ماقاداش تا براسها وجبتي منها ولد وباغي تنكرها وتاخد ليها ولدها وتخليها كتعدب ووتعيش نت بضمير مرتاح .نفرضو درتي هادشي وخديتي الولد بعدتيه على مو اه مزيان ولكن فاش غيكبر غيسول على مو وهو بنفسو ايمشي يقلب عليها داك ساع ايكرهك نت .تزوج بيها ايوسف جمع ولدك خليه يتربا وسط مو وباه
يوسف:غنمتلو عليه هادشي لي بغيتي
ناصر:تزوج بيها وماتعرف شنو يكون من لهنا لقدام
يوسف تنهد:ونرجس
ناصر:نرجس ضلمتيها بزاف هي بنت ضريفة ماتستاهلش
يوسف:عارف وايلا تزوجت بعائشة غنزيد نضلمها
ناصر:ولكن فالاخير غتفهم الوضع
يوسف:هي طلبات الطلاق وايلا بقات مصرة عليه ماغانبززش عليها تبقة معايا
ناصر:لا البنت كتبغيك ومن حقها دير اي ردة فعل مستكيل نخليك طلقها وهي ماعندها تاشي دنب خليها ترتاح وسير رجعها وداك ساع انشوفو شغا نديرو
يوسف مسح على راسو
ناصر:الغلط غلاطك ونت خاص تحمل مسؤوليتك خاص تكتب كتابك على عائشة فأقرب وقت يلاه نمشيو دابة
كانو حداالبحر ناصر مشا ركب فطوموبيل وخلا يوسف واقف ساط الدخان ورمة الكارو:هاد الزواج ايكون جحيم ليك اعائشة
زطم على الكارو ومشا ركب حدا باه ومشاو لدار
دازو يوماين
كانت خارجة من المدراسة الشمس فرعاتها فراسها وقفات كتسنة طاكسي حتى كيوقف عليها بطوموبيلتو نزل الزاج:عائشة
عائشة:جعفر
نزل لعندها:مالك واقفة فهاد الشمس.
عائشة:مالقيتش طاكسي
جعفر:سمحيلي نوصلك
عائشة:لا لا بلاش هانا غنلقاها.
جعفر:راني بحال خوك راه داز على داكشي لي وقع عام تقريبا صافي نسيت كلشي .عرفت انك ماشي من داك النوع الغلط كيوقع والمسامح كريم .نتي ماشي من السن ديالي باقة صغيرة .عتابريني خووك وصافي اش بان ليك
عائشة بقات كتشوف فيه
جعفر كيهضر بواحد الطريقة مرزنة وكيشوف فيها شوفات بريئة وصافية .لاحضات هدشي ماشي كيف كان شحال هدا شوفاتو زايغين
جعفر :وازيدي يوصلك خوك
عائشة:واخة
ركبات معاه
جعفر:كيف غادة مع لقراية
عائشة:مزيان فهاد ساع
جعفر:لا حتاجيتي شي مساعدة مرحبا الشريكة ديالي مفتوحة ليك فاي وقت ونهار تحتاجي لسطاج اجي مرحبا الموضافين ديالي يعاونوك
عائشة:شكرا لهلا يخطيك
جعفر:ان شاء الله تولي سيدة اعمال ناجحة تولي تنافسينا فعالم البورصة علاش لا
عائشة بتاسمات:ان شاء الله ولكن راه خاص الوقت وصعيب بزاف
جعفر:تاكاجة ماصعيبة انا تربيت فالخيرية وتبناوني ناس مافحالهومش قريت ودرت فيا النفس ووصلت الحمد الله كيف كتشوفي خاص غا تكون عندك الارادة
عائشة شافت فيه ماحسابليهاش هو عاش هكا حساب ليها ولد شي عائلة لاباس عليها:صراحة كنت واخدة عليك نضرة فشكل
جعفر بتاسم: كلشي كياخد عليا نضرة فشكل كيحساب ليهم تولدت ومعلقة ذهب فمي انا عشت حياة صعيبة وماكانش ساهل نوصل لهدشي يعني تانتي خاص تمشي على نفس الطريق تاحاجة ماتوقف فطريقك
وقف حدا حومتها:كيف قلت ليك عتابريني خوك ومرحبا فأي وقت
عائشة:شكرا بزاف
جبد لكارط فيزيط ديالو ومدها ليها:هانمرتي عندك لاحتاجيتي لشي حاجة فلقراية غير بغيت نعاونك تستاهلي تكوني شي حاجة مهمة فالمستقبل
خداتها:صافي ملي نحتاج لشي حاجة نعيط ليك شكراا
ونزلات وهو مشا طلعات لدار دخلات
جعفر كيسوك وهو مبتاسم:شوية بشوية اعويشتي غير بلمهل
الزاهية:على سلامة
عائشة:الله يسلمك
بدلات عليها وجلسات ترتاح..حطات ليها الزاهية تاكل
الزاهية:عيطات الطاهرة كتسول واش فكرتي ناوين يجيو بعد غدا باش يهضرو على تفاصيل العرس بحال الخطوبة
مشات عند ماماها:ماما عيطي لخالتي الزاهية قولها تجي فالوقت لي قالت ويجي تاهو معاهم هنا غندير هالو على قد فمو انوريه البرهوشة علاياش قادة.ماما قولها يجيبو الخاتم وماع داكشي لي كيتحتاج فالخطوبة بغيت داكشي يكون على حقو
ابزاهية:كيفاش راه مافاهمة والو
عائشة:دابة تفهمي اماما دابة تفهمي
جا نهار جديد
كان نازل من بيتو يلاه ايخرج وهي تعيط ليه طاهرة
طاهرة: يوسف بغيت نهضر معاك
مشا وجلس حداها شاف فيها بمعنة شنو
طاهرة:احم غدا غتكون الخطوبة
يوسف:شمن خطوبة
طاهرة:ديالك نت عائشة
يوسف دار بتسامة جانبية كيسهزأ من كلامها:الوليدة قلتو الزواج وماقلتش لا ادن بلاش هاد التخربيق دوالو
بغة ينوض هي تشد ليه فيديه:يوسف مزال كنهضرو
رجع جلس وهو كيتنهد
طاهرة شدات ليه فيديه:مافيها باس اولدي لامشينا ودرنا الخطوبة نيت نهضرو فالتفاصيل نتفاهمو على شحال من حاجة غيكون خوها ومها دوات معايا قالتلي خاص ضاروري نديرو الخطبة على عنين الناس نجيبو الخاتم وداكشي لي كيتحتاج عندها الحق اولدي حنا وباك.طلبنا الزواج خاص نكملو هدشي
يوسف :هدشي كامل من راس داك المسخة هدا تفكيرها عارفها كيف كتفكر ولكن كلشي غيجي بوقتو خليها تلعب دابة كيف بغات
وناض خرج مخلي طاهرة كتعيط ليه تنهدات وهزات الطليفون عيطات للشريكة ديالهم الخاصة بالمجوهرات طلبات خاتم دلخطوبة شافتو فالمجلة .قطعات:الله يخرج هدشي على خير ياربي
دخل لقاعة الاجتماعات وجلس فبلاصتو كانو كيناقشو شي تصاميم جداد وكيقتارحو عليه موديلات لي يقدر يتمشاو بيهم حيت يوسف اكتر واحد كيفهم فتصاميم المجوهرات عندو ميول لهاد الحرفة ورث الرسم من عند باه وهدشي خلاه يكون مصمم بارع فداكشي دلمجوهرات ..داز الوقت ختار شي تصاميم باش يديرو منهم شونتيوو يشوف كي غيجيو داك ساع يقررو..دخل للمكتب طلب قهوة وجلس كيوقع شي وراق حتى كيسمع الدقان .
يوسف:دخل
كانت وحدة من الموضفات:سي الزعيم
شاف فيها
الموضفة:الام ديالك طلبات واحد الخاتم دلخطوبة للاسف الموضيل لي طلبات تسالا حاولت نتاصل بيها نعلمها طليفونها طافي قلت نعلمك
يوسف بقة ساكت عرف الخاتم لعائشة:صافي يمكن ليك تمشي
خرجات وهو كمل الخدمة ديالو حتى سالاها وناض باش يخرج تابعو السفر لعند نرجس
خرج من المكتب يلاه ايركب فالمصعد وهو يشوف الموضفة هازة طابلو كبير فيه بزاف دلخواتم بقة حاضيها فاخر لحضة وقفها:تسناي قربي لهنا
قربات لعندو بقة كيشوف فالخواتم:هادو الدفعة اللولة
الموضفة:اه اسيدي مزال ماشافهم تاشي حد لقيتيني انديهم لغرفة التصوير ياخد ليهم المصور صور باش نديروهم فالمجلة
هز راسو باه وهو كيشوف فواحد من الخواتم كان تماك ماحسش براسو حتى هزو بين يديه بقة كيشوف فيه
الموضفة:هدا ديال الزواج الحجر ليه فيه كلهم الماس من النوع الرفيع
بتاسمات:مايمكنش مايكونش زوين ونت لي صممتيه صراحة زوين بزاف اسيدي انا متأكدة غيكون عليه الطلاب
بقة كيقلبو بين يديه وهي واقفة وكتشوف فيه طول الشوفة فالخاتم وهو كيفكر شاف فيها:جمعيه وصيفطيه للواليدة فعاوض لاخور ماتقولي ليها والو من غير ان الخاتم لي طلبات مابقاش
مهدي شاف فيه بقة ساكت عاد.دوة:كان عاودلي اش وقع قاليا صافي ماغايبقاش يجي
عماد:واش حمق حنا عارفين هو ماعندو تاشي دخل فهادشي علي غير نفاعل شوية وصافي
تنهد:صافي كمل التدريب نتا دابة نشوف شغا ندير
خرج من النادي جا غير باش يشوفو واش جا مشا نيشان لدار يرتاح باش يرجع يكمل شي خدمة تابعاه
لقا فاتي جالسة فالصالة جلس حداها:ماقريتيش اليوم ولا شنو
فاتي:قريت نص نهار
عماد:مزيان
جلسات حداهم ليلى:على سلامة
عماد:الله يسلمك
ليلى:جابك الله عرفتي سمعت بواحد المحقق قالك تاحاجة ماكاتفلت ليه خاص نمشيو نهضرو معاه كلشي كيشكرو
تنهد وهو كيمسح على راسو:ليلى راني جاي عيان وتبعاني الخدمة وروينة لكحلة ديما كنقولك غير عطي راحة لراسك انا راه ماغافلش عل هاد الموضوع براكة
ليلى تنهدات : ماغانرتاحش اعماد لابقيت جالسة راه عمري غنرتاح سمعتيني .غنرتاح حتى نشوفو بين عنيا
فاتي:بدات عوتاني فهاد الموضوع ديال عداب الضمير قلبنا طايب وكتزيد تكمل علينا عرفناك باغة تلقاي لدك والعافية شاعلة فقليك وماغترتاخي تاتشوفيه هادشي حفضناه ولكن بزاف تنكديها علينا حنا باش تلقايه راه لاكان مكتاب تلقايه راك غتلقايه مامكتابش راه واخا طيري مع طيور ماغايبانش غا هنينا
ليلى خنزرات فيها:شغا نقولك الله يعطيك فاش تخيدي .وديما كنقولك دخلي سوق راسك واش كتفهمي
عماد: اووف بداو عاود فاتي شدي فمك
فاتي حطات يديها على فمها:هاهي
سكتو كاملين
عماد:عصام مابقاش باغي يجي للنادي من بعد داكشي لي وقع
شاف فليلى: ماكانش عليك تجري عليه
ليلى:انا ماقصدتش شي حاجة راه كان خاص يمشي على ود علي لي معصب وصراحة وليت واخدة موقف منهم ماكانحملش هاد النوع لي كيدورو ب رجالات عباد الله نرجس ماتستاهلش
عماد:وعصام اش دخلو لهاد الموضوع
ليلى:ماكانلوموش اعماد عارفة ماعندو تاذنب ولكن انا مع نرجس
فاتي:اه نرجس تضلمات وكاملين تصدمنا ولكن راه خالتي طاهرة شرحات لينا اش وقع تا يوسف مادار فبها مايصلاح عائشة يلاه بنت 17 لعام وعندها ولد دار راسو فوحدة بلا دماغ .اوف صراحة ماوقف لا يحسد عليه ماعرفتش شغا دير نرجس ملي تعرفهم ناوين يخطبوها
ليلى:مسكينة كتبغيه ماغاتقبلهاش
عماد:لي دارها الله هي لي غتكون
وكملو هضرتهم
نمشيو لبلاصة خرا
كان فدار قيل ناعس سمع الجرس ودقان بقة كيتقلب فبلاصتو فتالي ناض بصدرو لعاري ولابس غا شورط شعرو مخبل وصوتو فيه بحة ديال النعاس زوينة حل لباب شافها قدامو حال عين وشاد عين
دينيس:صباح الخير
بقة كيشوف فيها دخل بلا مايجاوبها دخلات تاهي وشدات لباب ..رجع لبيتو تلاح فوق النموسية يكمل نعاسو تبعاتو :راه 3هادي ماغاتفيقش
عصام ماكايجاوبش
تنهدات ووجلسات حداه:عصاام مابغيتش داكشي لي وقع يأتر على صداقتنا عائشة صاحبتي مانكرش تصدمت فيها
قبل تكمل هضرتها دار لعندها جرها لعندو من دراعها تا طاحت فوقو:ختيي غير ضحية ديال خوك لي بعقلو ضحك عليها وباغين تلوموها دابة
عصام تنهد:عائشة ختي باقة صغيرة عندها ولد حطي راسك فبلاصتها باقة مراهقة مزال تلعب فالزنقة هي خاص لي يربيها عاد اتربي هي دري صغير واش فخبارك ماكاتعرفش تربيه كوماكانتش الواليدة معاها كون وحلات فيه .خوك مزوج وطمع فبنت صغيرة كاملين رجال وكاملين عندنا الغريزة ديالنا ولكن فاش كنبغيو نتحكمو فيها راه كنتحكمو فيها خصوصا هو مزوج فهمي كلامي
هزات راسها باه وهي متبعة الحركات ديالو
عصام رخف عليها:ماتديش عليا
دينيز مزال طايحة فوقو:ماشي موشكيل
عصام بعد شعرها على وجها:زعمة مانشربش من يديك شي قهيوة
دينيز دوباتها حراكتو على وجها وهو كيبعد شعرها وداك الابتسامة الخفيفة لي دار هزات راسها باه
عصام:شنو لي اه
دينيس بلعات ريقها:نوجد ليك الحلوة
عصام طاح بالضحك:هههههههههه
دينيز حطات راسها على صدرو وهي حشمانة عارفاه فهمها تاني غلاط
عصام مزال كيضحك:تشهيتي احلوة هههه
ضرباتو على صدروو:عصاااام
عصام :ماكاين ماحسن من الحلوة
دينيس:صاافي سكت خاصك غا السبة
عصام:عجباتك النعسة فوقي
حسات على راسها ناضت طايرة وقفات وهي كتقاد فشعرها:احم هنا نقاد ليك القهوة
دينيس ماجاوباتوش ركبات فالمصعد وخلاتو كيضحك رجع دخل هو لدار
دازو ساعات
وصلو للفيلا ديال كمال وملاك ستقبلاتهم الخدامة دخلو وجلسو فصالة شوية وهي تنزل عندهم ملاك وكمال سلمو عليهم جلسو
بقاو ساكتين ماعارفينش شغا يقولو
طاهرة:ملاك ختي حشمانة منك وبزاف
ملاك نفاجرات بحال شي عافية كانت على سبة:عندي بنت وحدة عطيتهالكم بعنيا بعمضين قلت ناصر عشرة دأعوام مادوزناش قليل شاركنا الحلوة والمرة و الطاهرة ختي وصاحبتي وعاد دراري مربين مع بعضهم وبنتي كتبغيه قلت غنتهنا من جيهتها ولكن باش يتكرفسلي على بنتي ويعذبها يمشي يخونها ويجيب ولد من وحدة خرا لا هدي مانقبلهاش بنتي ماشايطاش علينا راه ماتصوروش شنو ندير على قبلها .
شافت فيوسف لي داير رجل على رجل كيشوف فيها:صيفطتيها بحال شي حمقة بالبكة مدمرة رميتيها كي شي كلبة طلع تشوف حالتها لفوق كيف دايرة بسبابك ملي ناوي الغدر ماتزوجش بيها خليها فدار باها سمعتيني بناقص كاااع
طاهرة:ملاك ودابة المشكل وقع ماعندنا مانديرو ويوسف جاي باغي يرجع مراتو لدار ماتبدل والو وماناويش يطلقها
ملاك:لا حنا طالبين طلاق ودفعنا لوراق بنتي اتبقة هنا
يوسف وقف:احم انطلع نشوف مراتي
ملاك وقفات ليه فوجهو:ماعندك تاشي مرة هنايا
ماداهاش فيها وطلع لفوق وخلاها كتعيط ليه مشا نيشان لبيتها حل لباب ودخل لقاها فوق النموسية معنقة الخدية وكتبكي شد لباب دخل جلس حداها :نرجس
شافت فيه بعويناتها الدامعين ماقدراتش تصبر ناضت وطارت عليه عنقاتو زادت فلبكة زيرات عليه مزيان:يووووسف
حط يديه على ضهرها وخلاها على راحتها
بعدات وهي كتشوف فيه:يووسف علاش درتي فيا هكا
حط يديه على فمها:صافي ماتبكيش
نرجس:واش بصاح اتزوج بيها
بقة غير ساكت
نزلات من فوق النموسية بشعرها المخبل وبيجامتها لغوز :ياااك ايوسف غتزوج بييها وانا صافي باااح رمتيني
يوسف ناض لعندها شدها من دراعها:نرجس سمعيني شغا نقول
نرجس حطات يديها بجوج على ودنيها:الاااا ماتقوليش اتزوج بيها راه نحمااق ايوسف نحماق
مابغاتش تسمعو تنهد بعصبية شد ليها يديها و جرها لعندو:نرجس براااكة
شافت فيه هضرات بصوت شبه هامس:ماتزوجش بيها عفاك لا كان باقي ليا عندك شوية دلخاطر ماتزوجهاش ماتزيدش تحطم ليا قلبي ايوسف
هز يديه ومسح ليها دموعها وباسها على راسها :نرجس عندي ولد منها هاد الزواج ضاروري خاص يدار ولكن ..
زادت فلبكة:الاااا ايوسف لاا
يوسف:نرررجس سكتييي
سكتات وهي كتشهق
يوسف:هاد الزواج راه محدود غير على وراق وصافي على ود الولد راه تاحاجة ماغاتبدل بيني وبينك سمعتيني بلاصتك هي بلاصتك هي لاجات لدار اتكون بحال شي ديكور محطوط وصافي
رجع باسها على راسها:ماغانبزز عليك والو فكري مزيان انا علامن نسالي هدشي وغنجي موراك طبعا لا بغيتي .واي قرار بغيتيه هنا معاك
بعد عليها:انا غنمشي دابة ونتي فكري
خرج وخلاها واقفة مصدومة حطها امام الامر الواقع .نزل لتحت :يلاه نمشيو
طاهرة:هضرتي معاها
يوسف:اه دابة لقرار بين يديها
ملاك:كلشي باين غا وجد وراق الطلاق
يوسف مابغاش يجاوبها سبقهم وخرج
ملاك شافت فناصر:كنتي خايف واحد من ولادك يطلع بحالك هاربي جاب ليك واحد ضالم واناني بحال كيف كنتي
ناصر قرب لعند ملاك :ماغانديش عليك حيت بنتك هي نرجس وحيت نتي معصبة دابة ولكن بحال هاد الهضرة مانبغيش نولي نسمعها
تدخلات طاهرة:يلاه نمشيو
خرجاتو ركبو فطوموبيل نيشان للمطار تاني
ملاك شافت فكمال: كمال مابغيتش بنتي نرجع لعندهم
كمال تنهد عارف شحال بنتو كتبغي يوسف ماباغيش يضغط عليها:انصبرو املاك
ملاك جلسات :مستحيل نخليها ترجع واخة نعرف نغبرها
جا نهار جديد
فدار الزاهية
خملو الدار وسيقوها ردوها كتشعل بدلو طلامط وريدوات قادو لي خاص يتقاد وتقداو داكشي لي غيديرو للعشة فليل ..
الزاهية كانت فالكوزينة هي وسارة كيوجدو مابقة والو ويجي ليل خاص يكون كلشي واجد
عائشة دخلات لعندهم وهي هازة يوسف كتشوف شكا يوجدو :امم هدشي كيشهي
بغات تمد يديها دوق وهي ضربها الزاهية على يديها:زگاااي مابغيتيش تعاونينا ودابة كتاكلي
عائشة:ياكل فيه السم هدشي لي بقا غير نوجد ليه ماياكل بغيتها توحل ليه قبل يوصل لكرشو يلاه
مشات عيطات لبها ورجعات بقاو كيتسناوها حتى كيشوفوها جاية وولدها فيديها والابتسامة على وجها كلشي بقة كيشوف فيها سلمات وجلسات .هزات راسها وشافت فيه علات حاجبها بكل تقة فالنفس بقة غير كيشوف فيها
مشات لبيت وهو تابعها خداتو منو بلا تاشي كلمة وجلسات عطاه بالضهر كترضعو وهو واقف ..كتشوف فيه بنص عين .شافت هارون نعس قاداتو فبلاصتو وشافت فيوسف كيشوف فيها مخنزر فيها
يوسف:فرحانة وصلتي لداكشي لي باغة
عائشة:من نيتك انا اخر وحدة تفرح حيت انولي مراتك
يوسف:ماشي مراتي حيت عندي مراتي راكي عارفاها شكون نتي راك غير وحدة مسخة زايدة وصافي
عائشة:برد على راسك نزلت بيك لتحت وجيتي برجليك تخطبني اسي يوسف عيتي طير
يلاه بغة يهضر وهو يقاطعهم عصام :عائشة اتبقاي هنا ولا شنو
عائشة:هنا غادا
خرجات وخلاتهم فلبيت بجوج
عصام :شتي واخة هاد الزواج يوقع راه ماغانساش هدشي لي درتي فختي
يوسف:او من بعد
وخرج خلاه واقف
عصام:دابة نشوفو من بعد
جلسو كاملين فالصالة
الطاهرة جبدات من ساكها واحد لبواطة زوينة حلاتها ومداتها ليوسف
ناصر:كلنا عارفين علاش حنا هنا وهاد الموضوع ماخاصش نطولوه كتر من هكا هاد النهار الخطبة وزواج من دابة سيمانة هدا هو التفاقنا .بغينا نساو داكشي لي فات ونفكرو فلي جاي نتفاداو المشاكيل
ناصر شاف فعصام:ياك اولدي
عصام:لي بغات ختي انا معاها
طاهرة بتاسمات:صافي كلشي هو هداك يوسف ولدي عطي لعائشة الخاتم
يوسف تنهد ماحاملش هاد الاجواء شاف فعائشة مبتاسمة كتستافزو بداك الابتسامة مد ليها البواطة حلاتها بقة كيشوف فتعابير دوجها شاف الاعحاب باينة عحبها الخاتم بزاف لدرجة بقات ساكتة وكتشوف فيه خشاتو فصبعها نفس القياس عجبها على يديها
اكرام شهقات:ويلييي على خاتم واش عارفة شحال ساوي راه يشريها هي وعائلتها وحومتها كاملة
دينيس:زدتي فيه حق رب نوض من حداك
ناضت بدلات لبلاصة
طاهرة:عجبك
عائشة:اه بزاف
يوسف كيشوف فيديها وتاها الخاتم كلو كيلمع ويضرب فيه الضو لدرجة تعكس الشعاع ديالو فالحيط عندو هاد الخاتم عزيز صممو شحال هدا وبقة محتافض بيه من بعد قرر يدفعو للشريكة ديالهم يتباع ماعرفش علاش مابغة يعطيه لتاشي وحدة لا لمو ولا لخوتو ولا حتى لنرجس فضل يعطيه للشريكة ولا يعطيه لشي حد ودابة هاهو كيشوفو فيد عائشة ماعرفش علاش تهور وعطاه ليها
عائشة شافت فيوسف وبتاسمات:شكرا بزاااف الخاتم زوين بلا قياس
وقفات ومشات لعندو:ولكن سمحلي انا ماموافقاش على هاد الزواج
كتهضر وعنيها فعينيه ومبتاسمة حيدات الخاتم ومداتولو:فكرت لقيت الزواج مامسلكنيش
علات حاجبها كتستافزو
كلشي تصدم وحلو فمهم..يوسف بقة غير كيشوف ولا كيغلي من لداخل لعافية شعلات فيه بالاعصاب
عصام نطق:من حقك اختي
ضارت شافت فيهم:سمحولي بزاف خالتي طاهرة وعمي انا عارفة هاد الزواج ماغايجي من موراه غا الصداع والمشاكيل وانا راه عييت منهم وتانتوما ماناقصينش ماشاكيلنا تاحنا لي عمرهم غيساليو غنعدبكم معانا
عائشة شافت فيوسف كيف كيشوف فيها كيشي لي ليصانص قابل للاشتعال خاص غيشي وقيدة باش يتشعل تحنات حطات ليه لخااتم فيديه..وهربات بروحها ومشات حدا خوها عاد شافت فيه :كنضن هاد القرار مناسبك حتى نت اولالا الخاتم رجعو لماليه وغيرجعولك فلوسك عادي
يوسف وقف وهو كيغلي رما داك الخاتم فالارض وعنيه مفيكسين عليها مشا نيشان اجيهتها كيشي عجاجة وقبل يوصل ليها لقا فوجهو عصام كيشوف فيه بتحدي :كنضن كلام ختي مفهوم مابقة مايتقال
يوسف ماشافش حتى فيه مزال مفيكسي فيها مايكرهش روحها يخرجها بيديه فهاد اللحضة نطق وهو عاض على سنانو غير بوحدها لي فاهمة وعارفة قمة الغضب لي هو فيها دابة قبل دير هدشي عرفات حالتو كيف غتكون:كنقسم ليك هدشي غنخرجو منك بالاضعاف
عصام شاف فيه وهو معلي حاجبو:عيب عليك وانا فين مشيت
يوسف شاف فيه :ليام كتلاقي
عصام:نيشان ليام كتلاقي هدي عندك
يوسف رجع اللور وشاف فمو وباه داك شوفات ديال عجبكم الحال دابة
يوسف تنهد واحد التنهيد طويلة وهو كيشوف فيها كيزيد نهار على خوه يتأكد انه مع برهوشة ماساهلاش زانها كتفكر مزيان .عرف راسو دابة راه طاح فلعبتها لي مادارش ليها حساب حس براسو تكونب فهاد اللحضة ولكن تحكم فراسو ماباغيش يتهور باس اولد على راسو ومدو ليها ونساحب بهدوء عكس داكشي لي فلداخل ديالو نزل ركب فطوموبيلتو كسيرا بالجهد وفدماغو الف وعيد و عيد لعائشة جبد وشعل كارو وبدا كينتر منو هو سايك وكيتفكر داك الابتسامة لي كانت على وجها كتستافزو بيها حلف تايمسحها ويسرق ليها ضحكتها ضرب يديه مع دريكسون:واخة أبنت القحبة غا صبري
نرجعو لعندهم
اكرام:هاد عائشة لفعة مقطرة
دينيس غير حالة فمها مصدومة من هدشي لي وقع تفكرات خوها انه مستحيل يدوزها بالساهل
عائشة:خالتي سمحيلي ولكن ولدك ماناويش يحل المشاكبل بهاد الزواج بالعكس ناوي يزيد يكمل على مابيا كيحساب ليه انا لي خططت لهاد الزواج وكيهدد فيا اللهم نقد راسي من التهاوكة لي غندخل فيها
طاهرة:ياك واعدتك كلشي ايكون مزيان وتاواحد ماغايتأدة ناصر براسو تدخل وكان غيدير كتر مافجهدو باش يحميك نتي وهارون حنا ماشي دراري صغار اعائشة عارفين شكا نديرو وحاسبين حسابنا ويوسف راه ولدنا وكنعرفوه
طاهرة سكتات وهي كتنعل الشيطان:عائشة مادرتي فيها مايصلاح
غير دخلو .هو دخل ياخد.دش وهي بدلات عليها وجلسات فوق النموسية كتسناه خرج وهو لابس شورط شعرو مبلول جسمو واخة كبر فالسن مازال محافض على رشاقتو وعضلاتو تكا فوق النموسية على كرشو تنهدات وقربات لعندو كيف العادة كدير ليه اامساج بقاو ساكتين حتة نطقات:البنت باقة صغير ومتهورة اناصر ماخاصش نديو عليها
ناصر:يوسف لي دابة ايكون حاقد عليها وانا مابغتوش يزيد يحقد عليها
الطاهرة:عارفة هي بهاد التصرف زادت كبرات المشكل
ناصر تنهد
الطاهرة بقات ساكتة وهي تنطق:عائشة وااخة مراهقة قوية اناصر قبيلة شفت داك النضرة فعنيها كدل على شحال هي وحدة متمردة وراسها قاصح ماكاتنازلش بسهولة وقفات فوجهو تحداتو ماخافتش من شوفاتو .
ناصر:اه وهدشي ماشي فصالحهم بجوج
طاهرة سكتات وهي كتقول مع راسها هي بعدة عندها خوها مساندها وعائلتها واقفة معاها..تفكرات راسها كيف كانت مع ناصر بوحدها لا حنين لا رحيم نعلات شيطان ونفضات هاد الافكار من راسها وتكات حدا ناصر دار لجيهتها جرها لعندو وغمضات عنيها وهي بين أحضانو
فجيهة لوخرا
عصام هز سوارتو باش يمشي لدارو:عائشة ماتخافي من والو انا معاك فأي حاجة درتيها سمعتيني
هزات راسها بأه قرب وباسها على راسها عنقاتو:الله يخليك ليا أخويا
سلم عليهم وخرج ركب فطوموبيلتو نيشان لدار
عند عائشة
الزاهية جراتها من يديها وجلساتها فوق الصداري:واش نتي حمقة غا قوليلي علاياش كتقلبي
سارة:لا من نيتك ناري سيد ولا بحال سي عافية عنيه تبدل لونهم
عائشو بتاسمات:ديما كنقولو راه ماغانسكتلكش وكتعية طير فتالي كنديرها بيك ولكن هو غا ماكايزيد فيه خليه باش يعرف راسو معامن هو بضربة وانا بضربة وخا نعرف يقتلني ماغانسكتش ليه
الزاهية:ولاش حطيتينا فهاد الموقف قدام الناس ومخليانا طابخين دماغنا معاك
عائشة:مابغيتش نتزوج بيه شغا ندير ليه
الزاهية:يا لهبيلة زواجكم غا على الوراق مالك مكلخة فمصلاحتك تزوجي بيه ومع المدة طلبي طلاق اللهما تسماي مطلقة ولا هاد الحالة زعمة انا يحساب ليك عاجبني الحال اتزوجي بيه
عائشة :غير خليني
الزاهية :معامن اناا ياربي سيدي
شافت فسارة:شرحي ليها
سارة:عائشة سمعيني هاد الزواج كيف قالت مك غا على الوراق على ود ولدك وعلى ود الصمعة ديالك غتزوجو دوزي مدة وطلبي الطلاق راك مازال ماتحطيتيش فشي موقف لي اتوقفي على هضرتنا نهار يكتاب وتصادفي شي ولد الناس ينوي احلال ويعرفك جبتي اولد بالغلط بلا زواج شغا تقوليلو داك ساع
عائشة:بناقص منو اصلا انا ماناوياش نتزوج
سارة:راك غا مازال صغيرة نهار توصلي ل20 لفوق عاد غتحسي بالضربة غتانمي الفرصة محد باقي الحال ماتكونيش غير بوحدك الخاسرة صبري وتزوجي بيه ومن بعد طلقي منو وهانتي مهنية داك ساع عيشي حياتك كيف بغيتي ماحاس بالضربة غا لي مجربها سوليني انا .انا بلا ولد وتكرفست فحياتي تاواحد مارحمني ناس ماقالونيش فكري اعائشة صافي مرمدتيه طيحتي بيه خليتيه يخرج وهو كيعفط على جلايلو دابة رجعي لدماغك تاني فكري فمصلاحتك
عائشة وقفات:دابة مابغيت نفكر فوالو خليه يبات كيتشوة هاد الليلة ويكون خير من بعد عييت بغيت نعس
دخلات لبيتها وتكات حدا اهارون وهي كتسترجع فبالها داكشي لي وقع حلات يديها كانت شادة الخاتم لي رما فالارض فيديها
هزاتو فاش خرجو خشاتو فصبعها وهي كتشوف فيه زوين بزاف بقات كدقق فيه وفالحجر لي كيبري منو غير من الشوفة تعرفو غالي بزاف ماعرفاتش علاش ماطاوعاتهاش نفسها ترميه رجعات حيداتو وحشاتو تحت لمخدة بقات تفكر تاداتها عنيها ونعسات
دازو ساعات
كان جالس فواحد من الملاهي الليلة كيجي ليه بزاف شاد بلاصة غا بوحدو شرب كاس مور كاس تاحس براسو سكر مازال مابرداتلو حلف ومازال كيحلف لا دوزها بالساهل ناض عنيه جمرة بالسكرة والتجغام خلص وخرج ركب فطوموبيلتو نيشان للدار دخل وبخطوات تقال حتى كيتشعل الضو كانت الطاهرة فاقت وعرفاتو مازال ماجاش ماداهاش النعاس وهبطات كتسناه:تعطلتي ااودي
يوسف يصوت تقيل:جيت دابة
قربات لعندو:سكران ايوسف
يوسف ماجاوبهاش
فهاد اللحضة نزل حتى ناصر
يوسف تم طالع فالدروج وهو يحبس شاف فيهم:دابة انا لي وليت باغي هاد الزواج
نزل تا لعندهم :وماغانتهنة حتى نتزوج بيها سمعتوني
ورجع طلع نيشان للجناح ديالو دخل خدا دوش بما بارد ولبس عليه وتخشا فبلاصتو ونعس
طاهرة:ماعرفتش شنو غنديرو مع هاد الجوج تانولي نهضر مع الزاهية نشوف اش كاين
وطلعو تاهوما ينعسو
دازت هاد الليلة وجا نهار جديد
فاقت بكري وجدات راسها مشات لقرايتها دخلات للحصة وجلسات فبلاصتها شوية بدا الدرس خوات دماغها وركزات مع الاستاد كيشرح وهي كتقيد شي فكرة شافتها مهمة باش تعقل عليها ولي مافهماتهاش كتسول الاستاد يرجع يشرح ليهم .سلات الحصة اللولا قبل يخرجو جا المدير:كيف كتعرفو ادارة الاعمال ماساهلاش وخاص تكون كابابل باش تولي رجل اعمال او لا سيدة أعمال .وليهاد كل مرة كنجيبو واحد من الشخصيات فعالم البزنس الناجحة يجي يزورنا ويشاركنا وحدة من الحصص باش تستافدو منو نتوما من الخبرة ديالو تاخدو فكرة على هادا لعلام وهاد النهار جبنا ليكم واحد من أشهر رجال الاعمال ناجح فحياتو المهنية غيشارك معاكم فالحصة الموالية نتمنى تستاغلو هاد الفرصة وتستافدو منو دابة تعرفو عليه
بتاسم ليهم:بالتوفيق اولادي
وخرج
عائشة شافت فالبينت لي حداها:شكون غيكون هدا
البنت:لحالي بحالك
جمعو اداواتهم وخرجو لبرا يرتاحو علامن تبدا الحصة
مشات للكافيتيرا لي كاينة تماك خدات عصير وهي كتشربو وما منتابهاش للعنين لي مراقبينها من الفوق كان مبتاسم كملات عصيرها وصونا الجرس طلعات للحصة وجالسة فالطاولة اللولة كيف العادة باغة تعرف على هاد الرجل الاعمال دخل الاستاد شرح ليهم شي حوايج من بعد جا الوقت لي غيدخل الرجل الاعمال تصدمات وهي كتشوفو داخل سلم عليه الاستاد ورحب بيه.شا فيها وبتاسم
عائشة بهمس:جعفر
جعفر كيهضر بالفرونسي :هاد الضومين صعيب على الانسان لي احلامو محدودة وساهل على الانسان الطموح ولي باغي يوصل يعني باش توصل لهدشي لي وصلت ليه انا ووصلو ليه بزاف دناس خاص تكون نت فالاعماق ديالك باغي توصل ماتخلي تاشي حاجز يوقف فطريقك كيفما بغة يكون كاملين دزنا من مواقيف صعاب ومشاكيل كتيرة ولكن هدشي ماوقفش فطريقنا حيت احلامنا كبر من المشاكيل لي دزنا منها
عائشة حاطة يديها على حنكها وكتلعب بستيلو ومركزة معاه كتشوفو كيف كيهضر بكل تقة فالنفس والابتسامة مافارقاتش وجهو تاهي عندها احلام باغة توصل وتولي شي حاجة مهمة يولي يتضرب ليها الف حساب ماباغاش تبقة البنت البرهوشة لي مافراس مالها تادرهم عوالة على خوها وعلى مها يصرفو عليها
جعفر شرح ليهم كيف دار تا ولا رجل اعمال ناجح عطاهم الطرق لي مشا عليها باش وصل والطلاب مرة مرة كيطرحو عليه اسئلة وهو كيجاوبهم
دوز معاهم الحصة كاملة ستافدو منو وتاهو مابخلش عليهم من الخبرة ديالو عائشة كانت غا ساكتة وكتصنت وتجمع الافكار فراسها ..سلات الحصة وخرجو بحالهم كانت برة كتسنة تاني الطاكسي حتى كيوقف عليها:طلعي
بقة حاضيها حتى غبرات ديمارا الهدف ديالو يكسب التقة ديالها مزيان وينسيها فالمشكل لي وقع بيناتهم داك ساع يبدا يتقرب منها يدير داكشي لي فراسو ويمحيها من الوجود بتاسم وزاد فالسرعة
اكرام:اه نرجس مسكينة بقات فيا كتبغي يوسف وجات داك البرهوشة لعبات بيه وطيحاتو ولكن باش عجباتني نرجس مازال متشبتة بحبها ليوسف
أمين :اه بصاح
طاهرة:سمحولي نمشي لحمام
مشات خلاتهم
اكرام:عرفتي شنو هدشي فكرني فيك نت و طاهرة وبابي ..غير نت اعمو ستسلمتي دغية وخليتي طاهرة لبابي كون تشبتي بماما كي راها دابة معاك ضاروري كيجي شي شخص يتدخل بين جوج كيبغيو بعضهم
أمين:اكرام منين كتجيبي هادا لهضرو
اكرام:وا عمو غا عاودو ليا تأترت بزاف والله تمنيتكم لبعضياتكم مواتين غير دابة شفت ماما كيف كتشوف فيك بحاليلا كتسترجع داكشي لقديم
أمين بقة غير كيشوف جات طاهرة شاف فيها وهو كيقول زعمة يكون بصاح
طاهرة:يلاه نمشيو تعطلات ناصر دابة هو جا
اكرام: واخة
ناضت سلمو على أمين وخرجو ركبو فطموبيل ورجعو لدار
دازو ساعات
طاهرة لابسة جلابتها:عائشة فكرتي فداكشي ولا باقي
عائشة:مازال خليني نضورها فدماغي ونيت خليه يزيد يتشوة
االزاهية:الله يهديك المهم هنا خرجت ها هارون معاك ردي ليه لبال انمشيو للحومة لقديمة نعزيو خالتك يامنة مات ليها راجلها
عائشة:صافي واخة
الزاهية خرجات بقات غا عائشة فدار هي وهارون شعلات التلفازة وهي كتفرج فسبايستون وهارون قدامها فواحد لكريريسة كتديه وتجيبو بيها
داز الوقت وهي تسمع الدقان:اصبار
ناضت حلات لباب لقاتو واقف قدامها بلعات ريقها
شاف فيها بكل برودة دخل ومشا نيشان عند ولدو شدات لباب وبقات واقفة حاضياه هازو وكيبوسو وهو مبتاسم ماشافش لجيهتها كاع جلسات وعنيها عليهم ..
يوسف كيشوف فهارون لي نهار على خوه كيزيد يزيان ويتفتح ..عائشة عارفاه غيسالي مع ولدو غيدور ليها هي يسمعها شي هضيرات تاهي موجدة راسها وموجدة شغا تقولو ..شافتو طول مع ولدو ررجعات كتفرج ندامجات مع روسوم المحقق كونان كتفكر شكون ممكن يكون المجرم وتخطط وتفصل وتلاقي الخيوط مع كونان
شاف فيها لقاها مربعة رجليها وشادة تليكومونض ومركزة مع الرسوم بحال شي بنت صغيرة يلاه عندها 6سنين لي شافها هكا يقول ماتحركش البيضة من بلاصتها يقول برئة وماعندهاش دوك الافكار فراسها تنهد ورجع حط هارون فبلاصتو جبد شي فلوس من جيبو حطها فوق الطبلة شافت فيه قلب الدورة خرج وشد لباب بقات غير كتشوف مصدومة دخل ليها الشك فراسها هاد السكات ديالو هادا لهدوء ماريحوهاش عارفاه مستحيل يسكت ويتقبلها قالت غيحيح عليها ليوم ولكن العكس اكيد شي حاجة فراسو وهاد الحاجة هي خاص تعرفها ضرها راسها شافت فهارون:زعمة باك يكون كيوجد يقتلني مافيهاش امممم
دازو ساعات
كان فدارو سمع الدقان مشا وحل لباب :سي عماد
عماد:ايه بلحمه وشحمه
عصام:دخل
دخلو عصام قاد قهوة حطها ليه وجلس تاهو
عماد:دغية سخيتي بينا ولا شنو
عصام:لا حاشة فير صافي مابقة عندي مايدار تماك
عماد:وعلاش بسلامة.شوف اعصام الخدمة وداك المشكل ماعندهم تعلاقة وحنا عارفين نت بعيد على هدشي لحضة غضب وصافي ونت تصرعتي ودغية خرجتي ليلى داك النهار غير نفاعلت شوية ماقصداتش
كانت متكية فبيتها دوزات نهار كامل كتقلب على داك المحقق وفاش لقات فين ساكن قالولها سافر لعلى برة ورجعات وهي عيانة .. شافت شي وراق فوق الكوافوزة ناضت تلهة فيهم وتشوف شنو فيهم هزاتهم وجلسات فوق النموسية كتقلب فيهم وتفتح لبريات كينين اعلانات وكاينن وراق دلبانكة وبزاف كلهم دازت عليهم تاوصلات لبرية تفكراتها داك نهار وصلات لها حلاتها خشات يديها لقات ورقة سرحاتها فيديها شافت داكشي مكتوب بزاف رجعات لسطر لول وتقادات فالجلسة وبدات كتقرا وهي مصدومة
شافت شي وراق فوق الكوافوزة ناضت تلهة
فيهم وتشوف شنو فيهم هزاتهم وجلسات فوق النموسية كتقلب فيهم وتفتح لبريات كينين اعلانات وكاينن وراق دلبانكة وبزاف كلهم دازت عليهم تاوصلات لبرية تفكراتها داك نهار وصلات لها حلاتها خشات يديها لقات ورقة سرحاتها فيديها شافت داكشي مكتوب بزاف رجعات لسطر لول وتقادات فالجلسة وبدات كتقرا وهي مصدومة كتقرا وهي كتقول غير كنحلم قرات تا لأخر كلمة وهي مازال مامستوعبة داكشي حسات بداتها كلها تبورشات عليها وكلها كترعد رجعات قرات داكشي من لول وهي غير مبلوكية قراتها مرة وجوج تلاتة .كانت تصويرتو تماك عنيها تفيكساو عليها وكاينة صورة خرا وهو باقي صغير .بداو دموعها ينزلو حطات يديها على قلبها لي حسات بيه شوية وأيخرج من بلاصتو رجعات حطات يديها على فمها كاتمة شهقاتها ناضت والورقة فيديها ورجعات جلسات خايفة تكون غا كتحلم رجعات ناضت والدوخة شداها بقوة الصدمة نطقات بصوت كلو رجفان:عيماد عيماد فينك
حلات لباب وخرجات من لبيت كتمشة فالكولوار وعنيها على الورقة مزال كتقرا فيها وقفات حدا الدروج وهي كتقلب فالتصويرة فيديها ودموعها شلال فعنيها نزلات تا قربات توصل للتحت شافتو داخل من لباب كيغني ويلعب بسوارت فيديه شاف فيها وبتاسم:حب حياتي
وقف وهو كيشوفها كتشوف فيه وكتبكي :مالكي
هزات راسها بلا وهي مخرجة فيه عنيها
طلع لعندها حط يديه على كتافها وهو خايف عليها:ليلى مالكي
ماعرفاتش كيف غدير تنطقها بقات كتهز راسها بلا
عماد:ليلى خلعتيني شنو واقع قوليلي
ليلى بصوت مخربق باكي كتهضر وتهز راسها مع كل حرف كتنطق :تااجدين ..عصام هو هو عماد ولدي صافي..تاجدين..
ليلى ماعا فاش كيف غتقولهالو هي براسها تالفة والكلمات تلفو ليها :عصااام عصاااام أعماد
عماد:مالووو
ليلى سكتات وهي كتبكي عاد نطقات:هو تاجدين عصاااااااام هو تاجدين ...تاجدين هو عصاااام اه هو ولدنا عصام ولدنا هو تاجدين .
عماد غير كيشوف فيها مصدوم كيقول واقلة هدشي أيتر عليها:ليلى شرحيلي اش واقع كيفاش عصام هو تاجدين
مدات ليه لبرية خداها وبدا كيقرا داكشي بالصدمة جلس فالدروج ومركز مع كل حرف منطوق تماك
(أنا صلاح هاد الرسالة موجهة لولدي عصام والاب والام ديالو الحقيقيين عماد وليلى عارف اني طولت باش درت هاد الخطوة وخبيت عليكم هدشي ولكن مابغبتش نموت وهاد الذنب على رقبتي..انا صلاح كنت واحد من رجال رشاد .رشاد لي كان حاقد على عماد وصحابو .انا كنت غير كندير خدمتي حكمات الضروف نكون واحد من أفراد عصابة رشاد..كنفد داكشي لي كيقول وكنتخلص فالمقابل ..كنا ديما كنتجسسو على عماد وعائلتو وصحابو كنتسناو الفرصة فين غيبدا الانتقام ..حتى لنهار سقنا الخبار ان مرات عماد غادية لطبيب باش تولد هنا رشاد تدخل وهدد الطبيبة لي كانت اتولدها باش تعطيه اولد قبل يشوفو شي حد وتحط فبلاصتو ولد اخور دارت داكشي خدا الولد وعطاه ليا قالي غبر نت وياه تانعطيك الاشارة باش تقتلو فعلا ديتو معايا ومع كنت عايش بوحدي ووحداني فحياتي عتانيت بيه مزيان حتى ولفتو ..داز الوقت حتى كيجي رشاد وكيقوليا هاك سلاح وقتلو ماعرفتش شغا ندير حيت هو كيتيق فيا قلتلو واخة كون هاني غير سير ..خليتو خرج وطلقت تلاتة درصاصات باش زعمة يسمعهم .وهزيت الولد وديتو عند واحد المرة ورجعت شفت المشاكيل كترو وانا نهز الدري ونخوي المدينة باش عمرهم يلقاوه ويقتلوه قلت علامن تهدن الاوضاع نرجعو لواليديه لكن ماقديتش كنت اناني وقلت غنربيه بحال ولدي نخليه بعيد على المشاكيل ..سميتو عصام وعلى قببلو تزوجت باش تعاوني مراتي فالتربية مراتي لعزيزة لي رباتو بحال ولدها لقيت فيها كاع داكشي لي خسرتو فحياتي ضطريت نكذب عليها ونقولو جبتو من الخيرية مابغيتش نصارحها .كبر عصام وولا كيعرف صارحتو وقلت ليه اني غير مربيه جبتو من الخيرية ولكن تيبقة ولدي ماغايتبدل والو تقبل هو الفكرة عاش معانا كأبن ديالنا ..ودابة كبرت ومسيت بالعية والموت قربات كتبت هاد الرسالة وغنخليها لمراتي من مور موتي تعطيها لعصام والاب والام ديالو العنوان مكتوب لتحت مع السمية لكاملة ديال واليديه نتمنى تسمحولي حيت كنت اناني ولكن عصام كيبقة ولدي لي ماشي من صلبي ولكن اعز ماعندي .سمحولي)
عماد مسح على راسو وعنيه على تصويرة دعصام شاف فليلى ورجع شاف التصويرة وفرسالة
ليلى جلسات حداه وهي كتبكي شدات ليه فيديه :عماااد قلت ليييك انلقاو ولدنا يااك قلتهاالك قلت لييك ربي ماغايخيبنيش ماغايخلينيش كنتعدب قلتهالك ولا ماقلتهالكش عماااد عصام ولدنا عصام هو تاجدين
عماد:واخة واخة غنمشييو سكتات وهي كضحك بصوت مرتافع مخلط بالبكة .بقات كضحك من كل قلبها ودموعها نازلييين عماد غير كيشوف فيها حس بدمعة حارة نازلة من عنيه هاد الدمعة لي كان حابسها من اخر مرة بكا فيها هادي أعواام طوال حبسها على ود مراتو وبنتو باغي يبان قوي قدامهم تفكر عصام اه ولدو عصام هو تاجدين تفكر حراكاتو وضحكتو وكلشي ديالو حتى من الشهامة ديالو ورجولتو ولدو كبر و ولا راجل ولدو كان قريب ليهم بزااف
ليلى كتشوف فتصويرة دعيصام ناضت:يلاااه نمشيو لعندو اعمااد مابقيتش قادرة نصبر بغيت نعنقو ونشم ريحتو نعنقو نطفي هاد لعافية لي شاعلة فقلبي هادي 27 عام
عماد وقف وهو كيمح الدمعة ديالو ليلى :عماااد انا عاد غنترحع فيا الروح انا غنعييش دابة ليلى عاد اتولي تنفس أعماد
عماد عنقها وهي كتبكي باقي مصدوم ماعرف مايقول
ليلى بعدات:يلاااه نمشيو عفاك ماقاداش نصبر
جراتو من يديه وخرجو كون صابت دير جنحين وطير لعندوو
عماد وقف دوز نمرتو بقة كيصوني حتى سمع صوتو:وي سي عماد
عماد غمض عنيه ورجع حلهم هضر بصوت فيه واحد البحة تقيلة:كنسمعك أولدي كنسمعك
ليلى عضات على شفايفها كتبكي وضحك فنفس اوقت
ععصام:ياك لاباس
عماد:كلشي مزيان واش راك مازال فدار
عصام:لا راني جيت عند الواليدة دابة انتغدا عندها
عماد:صافي هنا جاي عندك
عصام حس بصوتو شي حاجة ماشي هي هديك :واخة صافي
قطع وشاف فليلى:يلاه
ركبو فطوموبيل كسيرا بالجهد ليلى كل شوية كتقولو زيد فالسرعة تا وصلو قدام لباب نزلو صونا ليه عصام طل من لبالكو:سي عماد طلع لايطاج التالت النمرة 5
عماد:واخة
ليلى بقات واقفة كتشوف فيه من لبالكون وهي مبتاسمة حتى جرها عماد:زيدي
طلعو فالدروج تا وصلو لدار .حلات ليهم سارة لباب:تفضلو
دخلو ليلى كتقلب عليه بعنيها..خرج لعندهم شاف فليلى ماعرفش شنو جاية دير عندهم واصلا من داك النهار هرب خاطرو منها باقي مانسة كيف تعاملات معاه:سي عماد مرحبا
بقاو ساكتين وكيشوفو فيه
سارة واقفة بعيد وكتشوف فيهم شافت فيد ليلى لبرية فهمات اش واقع عيطات:الزاهية الزاهية
الزاهية خرجات هي وعائشة قال ليها غيجي عماد ولكن ماقاليهاش مراتو وقفات فبلاصتها وهي كتشوف ليلى كتبكي والبرية فيديها فهمات تاهي الفلم بقات غير واقفة وكتشوف كان ضاروري يجي هاد النهار .عائشة مافاهمة والو هازة هارون وكتشوف بعنيها
عصام شاف فعماد:ياك لاباس شنو واقع
ليلى رتافع صوتها بالبكة هي كتشوف فيه ماتيقاش انها صافي واقفة حدا ولدها لي تحرمات منو هادي أعوام شحال تسنات هاد النهار
ليلى قربات لعندو :ولدي
عصام غير كيشوف علامة استفهام فوق راسو
ليلى شدات وجهو بين يديها وهي كتحقق فملاميحو قوسات حواجبها وهي كترجف :ولدي تاجدين
وعنقاتو زيرات عليه بالجهد وصوت بكاها مسموع زيرات ليه على التيشيرط :كنت انحمااااااق ماتصورش شحال تعدبت اولدي ماتصورش قلتلهم غنلقاك هنا لقيتك دابة ولدي تاجدين شحال تسنيت هاد النهار
عصام شدها من كتافها وبعدها عليه ورجع اللور شاف فعماد:مالها شكا تقول شمن تتجدين شنو واقع ليها
عماد قرب لعندو مايكرهش يعنقو بأقوى ماعندو ولكن فهم انه ماعارف والو:انا غنشرح ليك اولدي انا غنشرح ليك
ليلى قربات مازال ماشبعات منو بغات تحط يديها عليه وهو يرجع اللور عماد خدا منها لبرية:قرا ولدي هدشي ونت أتفهم
عصام شاف فمو وختو عاد بدا كيقرا كانت حاضية لملاميح دوجهو شوية شافت علامة الصدمة على وجهو عنيه خرجو فالورقة شافتو زير على الورقة شوية ويقطعها كيقرا ويعاود شاف فيهم ورجع تاني كيقرا دور وجهو وشاف فمو كيف كتبكي تاهي كمش الورقة ورماها:اشنو هاد التخربيق واش كتفلاو عليا الوليد مايمكنش يدير هكا
الزاهية قربات لعندو وهي كتبكي:أولدي هدشي راه بصاح باك الله يرحمو قبل يموت عاودلي كلشي مات خلا ليا هاد لبرية على رقبتي خبيتها خفت تسمح فميمتك وتمشي عند واليديك الحقيقين ولكن من بعد شفت انه خاص تعرف ضميري أنبني اولدي .عماد وليلى هوما واليديك أولدي
عصام رجع اللور وهو كيشوف فيهم كاملين ليلى قربات لعندو:انا ماماك ليليدى أولدي كلشي غيتصلح ياك ماتصورش شحال فرحانة عرفتي عاد رجعات فيا الروح اليوم بحاليلا عاد تزاديت كنت عايشة وصابرة غير على ودك
بغات تشد فيديه وهو يتنتر منها
عماد:عارف صعيب عليك تقبلها ولكن راه حنا واليديك 27 عام وحنا كنحاولو نلقاوك ماخلينا تابلاصة جربنا جميع الطرق وعمرنا فقدنا الامل وربي ماخيبناش وقربك لينا ..
عصام غير ساكت كيتصنت ليهم لعروق دوجهو تنفخو ماحس براسو حتة هز يوارت وتم خارج
الزاهية وليلى تبعوه
الزاهية:فين غادي اولدي
ماجاوبهاش
ليلى كتبكي:عقاك ماتمشيش خليييك رجع اولدي
حل لباب خرج وهوما مازال تابعينو كيسمع صوت بكاهم وكيطلبوه مايمشيش ضار لعندهم قرب لعند الزاهية:ماتخافيش ماعندي فين نمشي غير تخنقت الواليدة خليني نمشي نبدل ساعة بخرا
ليلى:تاجدين خلينا نهضرو عفاك انا راه مامتيقاش لقيتك
شاف فيها وخرج وشد لباب خلاها كتبكي :عماااد عنداك يمشي ومايرجعش .عنداك عاود مانوليش نشووفو دير شي حاجة خليه يجي ماغانستحملش نولي نفقدو تاني
عماد قرب وعنقها:صافي خليه على راحتو تحط أمام الامر الواقع خليه يستوعبها وداك ساع غنهضرو معاه نديرو فحص dn
ليلى هزات راسها وشافت فيه:انا متأكدة راه ولدنا
عماد باسها على راسها:تا انا عارف غير على ودو هو نحطو النقط على الحروف
ليلى:غيجي يعيش معانا ياك
عماد بتاسم:ان شاء الله
ليلى مسحات دموعها:عمااد راه ايكون كيسوك وهو معصب عيط سول فيه باش مايوقعلو والو ..لا لا لا غيجاوب هو كيسوك لا بلاش خلي بلاتي ..عماد شنو غنديرو فين غيمشي
شد ليها فيديها وباسها وصلو لدار ودخلو جلسات فصالة وهي كتهز فرجليها بتاسمات:تاجدين رجع ليااا تاجدين ولا راجل زوين بزاف ومأدب كنت كنشوفو كنقول ولدي أيكون بحالو لاحضت تاشبه لي بينكم لكن فاش تفكرت عندو عائلتو محيت هاد الفكرة من راسي الحمد الله ياربي الحمد الله .ياك مع الوقت ايولي يبغيني ويقولي الوليدة تا انا كيف كيقول لزاهية حيت انا ماماه ااحقيقة
عماد":اه وانا ايقولي اوليد
ليلى فرحانة:اااااه
تنهدات براحة وهي كتحمد الله وتشكرو
دازو ساعات
كانو مجمعين فصالة عائشة مازال مصدومة تاهي كانت عارفاه ماشي خوها ولكن مصدومة من واليديه الحقيقين عمرها خطرات ليها على البال
الزاهية قطعات طليفون وشافت فيهم وهي كتنهد:ليلى على راس ساعة كتعيط واش جا ..علم الله فين راه دابة ماكايجاوبش فطليفون ياربي ماحفضو ليا ولدي ياربي
سارة ناضت هزات طليفونها وخرجات للبالكون صونات عليه
كان جالس حدا البحر وفيديه سيجار كيكمي ماجاوب تاشي حد كيفكر وكيحاول يتسوعب هدشي .شاف فطليفونو كيصوني بسمية سارة بقة كيشوف عاد جاوب:الو
الزاهية ناضت:عفاك ابنتي نتي كيسمع ليك هضري معاه بالعقل وخليه يرجع لدار راه تشوشت عليه
سارة جمعات شعرها شفنجة وهزات بزطامها:واخة
خرجات شدات طاكسي وصلها للبلاثة فين كاين
تمشات شحال عاد وصلات شافتو جالس فوق واحد الحجرة كبيرة وموقف الطموبيل حداه تنهدات ومشات جلسات حداه:أمالنا
عصام ساط الدخان وشاف فيها وبتاسم:كطيري يلاه قطعنا
سارة:راه عصام هدا ماشي رخيص علينا خويا وعزيزي
بتاسم:العز أختي سارة
سارة:ايوا أرا شي كارو بعدة درتي ليا القطعة
عصام:عيب عليك دابة أخ يمد لختو كارو ماجاياش
سارة:اغا واحد ودعي مع ختك بالعفو وربي يسهل عليها .البلية صعيبة
عصام جبد.كارو ومدو ليها:الله يعفو عليا وعليك
سارة شعلاتو وشافت فيه:عصام انا ختك ياك .انا كنتمنة كون كنت فبلاصتك عرفتي علاش
هز راسو بمعنى علاش
سارة:مارباوكش عائلتك الحقيقين ولكن رباوك عائلة لي تهلاو فيك مزيان ماتكرفصوش عليك كبروك وقراوك تاوقفتي على رجليك ساندوك وعمرهم حسسوك انك ماشي ولدهم.انا راه تربيت بوحدي اعصام كنت كنتمنى تكون عندي عائلة لي تبغيني وتهلا فيا ونعيش بحالي بحال كاع لبنات ولكن الله غالب.ودابة ربي عطاك عأئلتك الحقيقين كانو غيموتو ويلقاوم سنين طوال وهوما يقلبو عليك وماملوش ومافقدوش الامل باش يلقاوك وفرحو بزاف فاش لقاوك نت محضوض بزاف عندك جوج عائلات كيبغبوك ماخاصش دير هاد الحالة فراسك خاص تفرح غير كيتمنة بلاصتك وأنا أولهم هي فلول كتجي صدمة ولكن خاص تقبلها كا ولا ماكا دوي
بقة كيشوف فيها :عرفتي شنو
سارة:شنو
عصام:الوحيد لي نقدر نخوي قلبي عليها هي نتي ديما كنلقاك معايا واقفة فجنبي وفجنب عائلتي
بتاسمات:انا راه خيتكم واجب عليا نوقف معاكم وتانتوما ستقبلتوني فداركم بحال وحدة منكم
عصام :الله يسهل عليك أختي نتي ماشي ديال التكرفيس وربي غيعوضك على كل ماضاع
سارة:اه بصاح ماشي ساهل ولكن هادي هي الدنيا .ليلى راه كانت أتحماق باش تلقاك
عصام تفكر ليلى لي هي مو صعيب عليه يتقبلها كأم ماعرفش علاش جاياه تقيلة على قلبو تفكر عماد وكيف عاملو وعاونو وتاق فيه واخة ماعارفوش راه ولدو عماد حلم اي واحد باش يكون باه ..تفكر فاتي ختو لي من لحمو ودمو اه ختو لبنت لي كانت قريبة ليه كيضحك معاها ويتخاصم معاها صدقات ختو تنهد:صافي كلشي دابة يتحل
سارة هدا ماكان بقاو جالسين شحال وهوما كيشوفو فالبحر ويدويو من بعد وصلها لدار ومشا باغي يبقة بوحدو ويفكر
فالجيهة لوخرا
كانت جالسة فالدروج وكتشوف فمها وباها جالسين فصالة ليلى كل شوية كتعيط تسول وعماد كيعيط ليه ماكايجاوبش..كانت مصدومة بزاف جامعة رجليها لعندها وكتشوف فيهم والدموع محجرين فعنيها فاش رجعات لدار عاودو ليها كلشي .مازال مامتيقة ان عصام خوها
عماد شاف فيها ومشا جلس حداها فدريجة:بنتي مالكي غير ساكتة
فاتي هزات كتافها:والو
عنقها:بلاصتك أتبقة كيف ما هي ماغابتبدل والو
هزات راسها باه
باسها على راسها:دابة خاص نفرحو حيت أترجع الفرحة لهاد الدار عيولي عندك خوك
فاتي هزات راسها تاني باه
عماد ناض جلس حدا ليلى
ليلى:عنداك تكون وقعات ليه شي حاجة
عماد:لا الله يتسر ماغايكون واقع والو
صونا طليفون غي شافت النمرة دالزاهية جاوبات:ألو ..ياك هو بيخير.صافي واخة..عفاك لا جا لدار ولا شي حاجة قوليلي..شكرا..بزاف
وقطعات:راه بيخير خاصو غير يفكر
عماد:اه خليه
ليلى شافت ففاتي كيف كتشوف فيهم بتاسمات ليها:بنتيي..صافي لقينا خوك
فاتي ناضت:انا ماشي بنتك
وطلعات كتجري لبيتها شدات عليها
عماد:خليها على راحتها
دازو يوماين
نتاشر خبر انه عصام هو تاجدين ليلى ماخلات لمن قالتها بالفرحة
ليلى:ملي غيرجع ولديي انديير ليه حفلة كبيرة انحتافل بولدي انخلي كلشي يعرف شكون هو تاجدين .لي كانو كيقولو عليا حماقيت ولدي ماغايرجعش غيندمو .حيت قلب الام ماكايخيبش وربي ماخيبنيش الحمد الله
الطاهرة:اووف على راحة الحمد الله ياربي
ليلى كضحك :عرفتي غندير ليه شي حاجة مادايراش واخة نعرف نجيب ليه الشيخات لي عماد كيحماق عليهم وانا كنغير عليه منهم نجيبهم ماشي مشكل
ليلى طلعاتهم لبيت كبير ديما كانت كتقولهم هدا دولدي ملي غيرجع..كبيير فيه بيت نعاس وبيت صغير دلجلاس وعاد غرفة ديال تبديل وحمام وبالكون
المصميمين كيدورو على البيت وكيقتارحو عليها افكار كيف غتفرشو وشنو غتزيد فيه وشنو غتنقص هي طلبات منهم تصميم يكون فاخر شي حاجة مادايراش بغات يعجبو لبيت مايخصو والو تافقو على كلشي غيبداو الخدمة غدا
مشاو بحالهم وهي رجعات جلسات حدا طاهرة:خاص ملي يجي يسكن معانا يكون كلشي هو هداك ياكي..اووف فوقاش يجي ونولي نشوفو معايا فدار
طاهرة:صبري كيفما صبرتي اعوام صبري هاد الايام
ليلى:هنا صابرة
بقات ساكتة وهي تضحك
طاهرة:هويلي مالكي
ليلى:ولدي كيحمق بوكوووص ناري ايولي طايح كتر من نايض هههه
طاهرة:ههههه حمقة
بقلو كيهضرو وليلى جميع مواضيعها كدخل فيهم ولدها
فجيهة لوخرا
جالسة فصالة وكتصحح شي وراق تنهدات يومان ماجاش لدار وماعارفة عليه والو مابغاتش تعيط تسول فيه واخة فالداخل ديالها باغة تعرف مالو
حطات ستيلو وجمعات لوراق مابقاش عندها الدماغ..تفكرات انه ممكن يكون مع البنت لي كيبغي وفرحان معاها وهي هنا مشوشة عليه تنهدات:وأنا ماالي يدير لي بغة شغلو هداك
يلاه اتنوض وهي تسمع لباب تحلات .حتى كتشوفو داخل بقات حاضياه شاف فيها وقرب لعندها:سلام
امونة ببرودة عكس قلبها لي غيسكت:سلام
محمد جلس حداها:بغيت نقولك شي حاجة
أمونة:اه واخة
محمد:احم انا قررت نتزوج بكوثر
امونة حسات بالدنيا ضارت بيها بالصدمة بقات غير ساكتة
محمد:كنت قلت ليك كنبغيها ومانقدش نعيش بلا بيها و الوليدة لحد الان ماباغاناش نطلقو عليها قررت نتزوج بكوثر علامن نطلق انا وياك داك ساع كل واحد ويشد طريقو صبري معايا عفاك
امونة ناضت حاسة بالخنقة تمات غادة وهو يتبعها شدها من دراعها:ماجاوبتينيش
شافت فيه بعنيها دامعين:حياتك هاديك
وتنترات منو وطلعات لبيت تلاحت فوق النموسية وبدات كتبكي بحرقة يعني صافي غيتزوج عليها ماتنكرش كان عندها واحد الامال يولي يبغيها ولكن دابة كلشي بان هو كيبغي لوخرا وقالها بفمو حداها انه مايقدش يعيش بلا بيها .سمعات لباب تحلات دفنات راسها فالخدية مابغاتوش يشوفها كتبكي وتضعف قدامو
محمد:امينة هاد سيمانة انجيب ليك الورقة توقعي عليها الموافقة ديالك
خرج وشد لباب .وهي شهقات بصوت مرتافع كانت كاتماها حاسة بالعافية شاعلة فيها تفكرات نرجس .عاد حسات بيها دابة ولكن الفرق انه يوسف متشبت بيها وماباغيش يطلقها وايتزوج بلوخرا فوق طاقتو .حطات يديها على قلبها كيضرها بزاف فلحضة فكرات تنوض وتهز راسها وتمشي لدارهم وتطلب الطلاق ولكن ماقدراتش ماراضياش ديما كتقولهم انا عايشة مزيان مع راجلي ودابة اتقولهم هدشي وماباغاش تفضح السر ديالو حيت عمرو واعدها بشي حاجة انه ايبغيها ولا شي حاجة من نهار اللول قالها كلشي مايمكنش دابة دير شي حاجة هدشي بارادتها زادت فاابكة ماخاصش تبقة هكا كتعدب ولكن ضاروري ماغادير حل لراسها
داز هاد نهار وجا نهار جديد تاني
كانت جالسة فصالة كتفرج فالجاسوسات وحاطة اولد قدامها وفيديها شي وراق كتراجع فيهم ..وسارة حداهم كتصبغ ضفارها:داك بوعو ديالك شتو قطع الحس زعمة يكون تكومن
عائشة وعنيها فتلفازة:ماعرفتش لكن هداك ماشي من النوع لي كيتكومن كوني هانية كيوجد ليا شي لعيبة انا لي عارفاه
سارة:وكتقوليها بدم بارد هكا ماخفتيش على راسك من داك تجرجيرة لي درتيلو
عائشة شافت فيها:شنو كنقولك ديما ضربة بضربة غيدير لي شي حاجة كوني هانية غنردهالو طال الزمان ولا قصار هدا هو لعب البرهوشة مع لكبار.شتي واخة يفديها فيا بالضوبل ماعنديش مشكل نفديها بضربة وحدة المهم نكون فديتها وصافي
سارة:بغيت غير نفهم واش كتحفضي ولا كتفرجي ولا كتقابلي الولد
عائشة:كلهم ههههه كنحفض وكنتفرج ومرة مرة كنطل على هاد المزعج .خليه يتبلا بالرسوم تاهو
سارة:ااامان عليك ياختي لي شافك برهوشة لي شاف دماغك يوزن بلاد
عائشة:ههههه قل أعود بربي الفلق
سارة:العفوو
عائشة:شتك كتوجدي راسك فين غتمشي
سارة:شحال ماخرجت قنطت
عائشة:هي شي سهرة هادي
سارة:تماما
عائشة:علاش فيك الدودة عطي راحة لراسك من هاد العلام المسخ
سارة:ماغاتفهمينيش اعائشة
وناضت لبيت تشوف ماتلبس هاد ليلة
فجيهة لوخرا
كان كيشرب قهوتو هو ومهدي وكيهضرو حتة كيشوفوه داخل
مهدي:عصام جا
عماد بلا مايحس وقف وضار لجيهتو شافو داخل بلباسو صبور وساك دصبور فيديه قرب لعندهم:واحد سلام عليكم
مهدي:وعليكم سلام الااداب اعمي
عصام:من زمان اعمي
شاف فعماد كيف كيشوف فيه :عيت بلجلاس قلت نجي نخدم ياك ما بلاصتي مشات
عماد بتاسم:بلاصتك مجودة كي لبارح كي ليوم
عصام:العز
جلس:واجلسو
جلسو تاهوما..هو كيتصرف عادي بحاليلا ماواقع والو ولكن داكشي لي فلداخل كيحس بيه فشكل هارب من التوتر لي كيحس بيه وهو حدا باه الحقيقي فكر تاعية لقا اانه كيبقاو واليديه وماشي لخاطرهم خاص يتشجع ويحاول يتقرب منهم فكر فأول خطوة يرجع للخدمة هدي هي البداية وشوية بشوية هاهو معاهم وباغي يدير فحص دن ا
عماد كيشوف فيه وأيموت بالفرحة:تشرب شي حاجة
عصام:اه شي حاجة باردة
عماد عيط لسيرفور جا طلب منو عاصير لولدو داك ساع جابولو
عصام كيشرب وهو ساكت
مهدي:عصام بعد غدا المبارة
عصام:فراسي خاص نخدمو مزياان
عماد:اه فاش ماكنتيش عطاها غير لراحة
عصام:هي ليوم انسرحو لعضيمات
مهدي:ولا أصاحبي خليلي باش نلعب..عارفني ماعنديش مع الحديد
عصام:امالك اصاحبي سعتاين دلماكناة فين هي رجلة
مهدي:أسكووت زعمة كتزعمني واش فراسك نت مدرب حكار ماكاتراعيش لمشاعير لبوكسور ديالك كتعطيني اتقل حاجة نهزها واش بنت ليك جون سينا فيامو راه غا مهييدوو هدا بشوية عليا
كان دايز من حداها مول الزريعة عيطاتلو جا شرات من عندو درهم دزريعة وجلسات كتاكل فيها وهي حاضية لي غادي ولي جاي...
داز الوقت شافت هارون نعس وتاهي ملات.ناضت وجرات الكروسة باش ترجع لدار تمات غادة بشوية عليها حتى كتسمع صوت شي طموبيل ماهتاماتش كملات طريقها وهي تحس بشي حركة موراها بغات دور ولكن حسات بشي حاجة على نيفها بغات تبعد ولكن زير عليها شوية ترخات وغمضات عنيها وهي ماحاسة بوالو
داز الوقت
حلات عنيها بشوية وهي كتحس براسها كيضرها شافت مع جنابها ماعرفاتش فين هي عاد تفكرات اش وقع ناضت طافجة :أويليي فين انااا
زدحها مع الحيط وقرب لعندها تاتخالطات انفاسهم قرب لودنيها وهمس ليها:كتلعبي بالعافية اعائشة ودابة غادي تخلصي كلشي
بغات تنتر منو ولكن كان قوة منها شافت فيه كتحداه:مزال كتقلب عليا راه غنصدمك فيا عوتاني خليك بعيد عليا حسن ليك
زير ليها على خسرها تا غوتات :واخة دابة نشوفو
عائشة عاضة على شفتيفها قصحها:رخي مني
زاد ضغط عليها وهو كيشوفها كتوجع:داك ليلة شفت الفرحة فعنيك نتي وخوك ونتوما ماعارفينش معامن راكم لحد الان ولكن ماشي مشكل مزال ليام طويلة فين تعرفو معامن نتوما
بعد عليها وخرج بقات غير واقفة وكتلهت حتى كتشوفو راجع وشي وراق فيديه حل واحد الورقة:هدا فحص د ن ا تبوت الابوة
عائشة بلعات ريقها كانت عارفة ان هاد الهدوء موراه شي عاصفة
يوسف:ماكانش صعيب عليا ناخد ولدي بالقوة وعمرك تولي تشوفيه ولكن لا ماشي هاكة بغيت ..
قرب لعندها وهو كيضربا بالوقة على وجها:باغي نخليك قدام عنيا نخرج منك هدشي لحضة بلحضة
هز ورقة ووراها ليها:هدي ورقة يقدر دخل خوك حياتو كاملة للحبس وانا بنفسي انوقف على هادشي من مشكيل بسيط انردو مشكيل كبير .
عائشة الا خوها وحبس :يوسف خويا بعيد على هدشي ولي فيه كافيه سمعتيني هو غير معصب وصافي خليه بعيد حسابك معايا
يوسف هز ورقة وحدا خرا:وهادي خاص توقعي عليها
خداتها وقراتها:واش حمممق مستخييل نتنازل على ولدي لاااا
يوسف وراها ورقة وحدا خرا:ادن وقعي على هادي لابغيتي ولدك وخوك يبقاو قراب ليك
خدات الورقة كتقراها شافت فيه:لا مايمكنش
هز طليفون دوز واحد النمرة:صافي دير داكشي لي قلت ليك
ناضت:كيفاش شغا يدير حبس حبس
يوسف ببرودة:بان ليا خوك هاد النهار ماغايباتش فدار غيبات كيتبرد
عائشة :مافهمتكش ليين باغي تووصل غير قولي شغا تستافد من هادشي كامل كلما كنبعد عليك انا نت كتزيد تقرب خليك مع مراتك وعائلتك لاش باغي دخلني لحياتك بالسيف
يوسف:حيت نتي دخلتيني لحياتك
عائشة:وندمت كتعرف شنو معنة ندمت اه ندمت
يوسف:فات الوقت.دابة وقعي راجل كيتسنة
شافتو مازال شاد.طليفون فاتح الخط بلعات ريقها ورجعات شعرها اللور ولات كلها كترجف مد ليها ستيلو شداتو بين يديها وهي كتشوف فبللصة فين اتوقع شافت فيه كتزيد تكرهو نهار على خووه .قربات ووقعات :عرفتي ايوسف اتكون هدي هي غلطة حياتك لي غتندم عليها
يوسف:وغتكون هدي هي بداية للطحيم لي كيتسناك
هز لوراق وخرج خلاها كتغلي جلسات وبلا ماتحس نزلو دموعها عارفاه مهما حلف راه غيوفي دابة ولات مراتو على الوراق وصل لداكشي لي باغي تنهدات ماتنكرش خوفها ولكن تاهي عندها دماغها مايمكنش تحنى ليه هكا بسهولة هو لي بغة هدشي واخة تعرف تقطع ومايحكرهاش عمرها سكتات لشي حد تعدى عليها هكا تربات وهكا غتبقا ..يوسف قطع داك الوراق خلا غير وراق الزواج .تاهو ساق لخبار ان عصام بد خالتو هدشي لي زاد منعو يدير شي حغجة ماشي هي هديك ويجبد العيب مع زلد.عماد وليلى لي اعوام وهي تسنا ولدها..ولكن ستعمل هدشي لصاليحو باش يهددها وينزل بيها لتحت ومازال كيتغدد عليها
أسقطته في شباكها فعذبها حتى أذاب فؤادها الجزء التاسع
محتوى القصة
يتبع...
التنقل بين الأجزاء