فمكان بعيدددد على نعمة .. بعيد على عذابها .. بعيد على خوفها .. فمكان آخر .. فين كاينة عائلة نعمة .. دارهم .. ماليها جو كئيب، الحزن و الصمت هوما اللي كايدورو فالأرجاء .. الزوهرة، كوثر و سكينة و ولادها جالسين مجموعين على كاس دأتاي اللي مدايزلهمش .. التنهيدات كايتسمعو كثار و كل وحدة من النساء فين ساهية .. كايفكرو فشخص واحد "نعمة"
تنهدات الزوهرة بحسرة للمرة المليون كاتمتم:شوفي أبنتي مع البوليسي واش لقاوها .. راني قلبي واكلني عليها
كوثر هزات تليفونها كاتشوف فيه بعينين مطفيتين .. قلبات على رقم الكوميسير فتحي اللي بقالها من اللي اختفت أختها كاتسولو على الجديد فاختفائها .. صونات عليه دايرة السپيكر، بعدما رن فترة قصيرة تفتح الخط
الكوميسير:السلام عليكم
كوثر:عليكم السلام كوميسير فتحي واش كاين شي جديد فقضية ختي نعمة؟
الكوميسير تنهد و قال بحيرة:صراحة أختي كيفما سبقلي قلتلك .. ختك غبرات فخطرة .. شاكين فأنها ماشي مخطوفة و إنما هاربة، و هادشي غير من خلال الحوايج و الفلوس و الوراق اللي خدات معاها .. يعني هي اللي ختارت تمشي .. كانشك واش تكون مخطوفة ولا لا .. غاتكون واقيلا غي فشي بلاصة مخبية فحال اللي كانت فالدار عندكم شهر و الزيادة ماخرجات، ختارت البعد باش تتخبى مزيان .. حيت حالتها فآخر مرة شفتها مللي شافت داك اللي شفرها مضروب بموس .. غاتكون تخلعات و مشات هربات
الزوهرة حطات يدها على قلبها:لاا أسي الكوميسير أنا مامطمناش .. بنتي راها فشي محنة .. مستحيييييل واش كاتسمعني .. مستحيل نثيق أنها هي اللي هربات و مخليانا مهولين عليها .. أكيد كانت تلقى وسيلة و تخبرنا بأنها بخير .. كانت غاتلقى كي تدوي و تطمنا عليها
كوثر:واخا الموهيم أي جديد خبرنا بيه و ديرو فاحتمالكم أنها تقدر تكون مخطوفة و يكون قتلها .. ماتصرفوش باستهانة .. هادي روح بنادم ماشي لعبة أسي الكوميسير (قطعات عليه حاسة براسها سخون و ذماغها مسوطي .. عضات على شفتها التحتية بقوة و شافت فمها اللي تكات على صدر بنتها الكبيرة سكينة كاتبكي و تتحسر على بنتها اللي ضاعت منها بلا ماتعرفلها طريق)
🔶 في تلك الغرفة المقفلة 🔶
نعمة مقابلة مع الأفعى السوداء، عينيها خارجين فيها و قلبها غايسكت من الرعب .. إلا أنها تموت على إثر لدغة أفعى! .. هادي اللي عمرها فكرات فيها، تراجعات للوراء بخوف صدرها كايطلع و ينزل برعب .. طلعات فوق الفراش مكونة فالقنت ديالو و عينيها على اللفعة ... سرطات ريقها بقوة كاتشوف فيها .. عينيها دمعو .. بقات شحااااال حاضياها و هي موقفة راسها و كاتخرج لسانها و تدخلو و تصدر داك الفحيح ديالها المخيف .. فلحضة قفزات .. أول مبانتلها الأفعى تحركااات و جايا جيهت الفراش .. قلبها بدا كايدق يدق يدق و عينيها تجبدو فيها بخوف و رعب و هلع .. بغات تغوت و تهرب و تدق فالباب ولكن عارفة هاد القاتل مافقلبو رحمة، مغايعتقهاش .. مغايعاونهاش .. شحال ما غوتات ولا بكات، هو اصلا داك الشخص اللي باغي يقتلها و اللي حاقد عليها لسبب هي معارفاهش لحد الآن، واش حيت تزوجات برياض على طمع و عاق بيها؟ واش حيت تزوجات بسعودي فحال ديك اللي سبقاتها و هو عندو مشكلة بهاد الشأن .. على ذكر اللي سبقاتها .. زعما غاتكون ماتت!! صافي جا دور تموت هي؟؟ وقفات فوق الفراش كاتغوت غوتات صغار من هلعها .. خايفة تغوت بصوت عالي و تنقز عليها اللفعة اللي اختفات تحت الفراش .. ماعرفات فين مصفية و معرفات منين غاطلعلها .. بقات كاتغزل بوحدها .. و البولة شداتها .. بغات نبولتها تطرطق من الحسرة اللي تحسراتها، عضات على شفايفها كاتزير على فخاضها مع بعضهم .. شدات على حجرها بعينين عامرين دموع .. شدات راسها بيديها كاتشوف فجنابها حتى قفزاااات كاتغوووت لربييي اللي خلقها و نقزااات من فوووق الفررراااش أوووول ماحسااات بجلد الأفعى تحسس معاااها .. مشات كاطير لواحد القنت مكونة على بعضها، حاسة بالسخونية بين فخاضها من البولة اللي خرجاتلها بلا هواها .. حنات هزات المخدة اللي وقفات عليها باش تطل على الڤيترينة .. تقابلات مع اللفعة مرة أخرى .. بانتلها جايا عندها كاطيير .. هييي غووووتاااات بكووووول جهدها معلية يديها بزووووج و نزلاااات عليها بدييييك المخددةةةة نييييشان لرااااسها .. حتى بدات اللفعة تفرطط بزنطيييطها ....
نعمة كاتنهج .. صدرها كايطلع و ينزل و عينييها على زنطيط اللفعة اللي كاتحررك بقوووة .. الدموع غيي نازلين ورا بعضهم كايقطرو من عيينيييها .. بقات مدة كاتفكر شنو غادير و واش غاتبقى نهارها كامل على هاد الحالة .. دورات عينيها يمييين و شمال كاتقلب لا تلقى شي آلة حادة تقطع لمها الجذورة هاد اللفعة و لكن مالقاتش .. التنخصيصة و الترعيدة خلاتها باغا تسخف .. بعد مدة من الوقوف على ديك الحال .. ديك اللفعة ترخات مابقاتش كاتفركل فحال قبايلة .. جاتها فكرة لذماغها و قررات تستخدمها و تشوف واش تنفعها، صطمات على قنت من المخدة و هي مزالا شادة القنت لاخر .. و بالزربة صطمات على القنت لاخر و وقفات مقادة على ديك المخدة .. موووودة و هي واقفة عااادية حتى علااااااااات واحد الرجلللل و نزلااااات بيييها على ديك المخدة .. مرة و زوووج و ثثلااااثة و ربعة .. بقات كاتشتف تشتف تشتف تشتف حتى تهدااات و نفسها بغااا يتقطع .. شافت فالأرض جيهت زنطيطها بانتلها مكاتحركش .. بعدات من قدااامها خاايفة و طلعات ثاني فوق الفراش كاطل عليها خايفاها تهجم عليها .. ولكن ماتحركاتش فخطرة .. عضات على شفتها شحاااال مربعة رجليها فوق الفراش .. و بقات هاكاك حاضية فيها .. عيات و تهدات .. حطات يدها على حنكها و بقات هكاك ماتحركات ماتململات ما وقفات، حتى بدااات كاترخى و بدا كايجيها النعاس على ديك الحالة و بعد ديك التجرتيلة اللي تجرتلاتها .. نعساااات بلا ماتفكر فشنو تدير من بعد واش تقلب على القنبلة ولا تخاف من اللفعة لا تعاود تنوضلها، شنو لمكانتش ماتت؟؟ مافكرااات فواالو من غير تعبها و نعساااااات بلاا ولا حركة زيادة
#يوم_جديد
بعد داك النهار الكارثي .. حلات عينييها و هي نااااعسة على جنبها فوق الفراش، غي حلاتهم لقاتو بلباسو الأسود الكااامل قبالتها و قريييبلها .. نظراااتو سوداااء مخييييييفة غياكلوووها .. ملامح وجهو مغطيين بوشاح أسود باينين فيه غي العينين .. أول ماقشعات نظراااتو .. قفزااات متراااجعة للوراااء و تمتمات بنبرة راجفة
-ش ش شك أنننننن
المجرم القاتل بنبرة جدية مخيييفة هامسة ماشي عالية:علاش قتلتيييها باغا تموووتي ولا شنو (قال هضرتو مشير للأفعى اللي المخدة محيدة من فوق راسها و كان الدماء معمر الأرضية .. شهقات بخووف متراجعة بذاتها للوراء و تمتمات بنبرة خائفة و بصوت بريييء خافت)
-غ غ غاااتقتلني دابا؟ غاتهنيني؟؟
القاتل عينييه زادو فحدتهم حتى دمعو عيون نعمة من خوفها و من ديك الشرارة اللي كايطلقوها عينيه .. شرارة مخيفة خلات كل خلية من جسدها ترجف بقوووة، قرب جيهتها ببطئ بهاالتو المخيفة و هي كلما قرب كاتبعد و تررجف .. حتى حبسها فقنت السرير .. حط صدرو عند صدرها و ضغغغط بيه بقوة حتى توجعات كاتشوف فيه بخضرة مقلتيها برعب .. رععععب كبييير .. ماشي مجرد خوف عادي .. هي دابا مقااابلة مباشرة مع داك الوحش عديم قلب .. قتل شحال من وااحد .. عااد القتلة اللي دار لريااض .. شهقات بطريقة كاتقطع فالقلب مغمضة عينيها من قربو الكبيير ليها و مبعدة راسها من قدام راسو .. مقداتش تشوف فيه، عينيه حسسوها بأنها ضعيييفة قدامو .. حسات أنها فريسة سهلة لأسد ضخخخم و كبييير غياكلها كيفما بغا .. بقات مدة علىى ديك الحال مغمضة عينيها حتى سمعات داك الهمس الرجولي، ماشي داك الصوت المركب .. صوتو الأصلي .. بطريقةة خشنة .. حرشة
-مغانهنيكش (عضات على شفتها التحتية أول ما سمعات همسو و شنو قال و الطريقة اللي دوا بيها، زااد زير على صدرها بصدرو مكمل على هضرتو) غانعاقبك .. فعوض مانقتلك أنا .. أعمالك اللي غايكونو سبب فموتك
نعمة بصوت خافت:ر رحمني ع عفاك ر رحمني
-اممممم .. الرحمة اللي ماتحلميش بيها
نعمة حلات عينيها ببطئ حتى تقابلو مع عينيه .. طولات فيه الشوفة بعينيها الغارقين بالدموع .. تمتمات بنبرة هامسة باغا تشجع راسها أكثر .. لعلى و عسى تنفذ بجلدها:علاش أنا؟
تبسم بنبرة مستهزئة:نقصتلك نهار من المهلة اللي بقاتلك فالبحث على القنبلة (حط أناملو على خذها تحسسو ببطئ كايشوف فعويناتها الخوفانين حتى تنترات منو برعب) بقاتلك ربعة و عشرين ساعة .. من هنا لغدا لقيتيها مزيان .. مالقيتيهاش باي باي نعمة محمودي
رجع بجسدو للوراء ووقف بهدوء .. تمشى جيهت ديك الأفعى الميتة .. هزها بين يديه و شاف جيهت نعمة بنظرة حادة .. مانطقش بحتى حرف مزال و خرج من ديك الغرفة سادها بإحكام، خلاها كاتشوف جيهت الباب و تغزز فسنانها بقوووة .. تنفسات بقوةة كاتحك على عنقها بهستييرية .. صرطات ريقها كاتشتت نظرها فالأرجاء و تشوف جيهت الأرض المتناثر فيها بعض من دماء الأفعى .. جمعات وقفتها كاتغزز سنيها تمشات و رجعات على طول الغرفة
تمشات و رجعات على طول الغرفة .. عاودات تمشات و رجعااات حتى وقفات جنب الباب كاتشووووف فيه بنظرة ثااااقبة، ماحسااات براسها غيي مندااافعة جييييهتو كاتضربب فيييييه بالجهد و تغوووووووووت بأعلى صوت عندهااااااا
-ااااااااااأااااااعععععععععععععع .. حللللللللللل علياااااااااا حلللللللل حاااااااالللل مااااابغيتش نمووووووت .. حلللللللللل البااااااااب اهئ اهئ حللللللللللللل .. آااااااه اهئ اهئ (طاحت على طول الباب منزلقة و كاتنخصص .. صدرها كايطلع و ينزل وخصلات شعرها لصقو على بشرتها المتعرقة .. ولات كاتبكي بطريقة هستييريةة و تجذب و تضرب فالبااب .. حسات بأنها مابقاتش خاصها تزيد تقاوم مزاال .. شنو غاتقاوم شنو؟ تقاوم هاد اللعبة باش تطيح فلعبة أقسى و أصعب من هادي .. صرطات ريقها حاسة بالشحفة ناضت بشوووية باغا تجمع شعرها .. شافت فجنابها و هي كاتلوي شعرها .. عنكشها .. تمشات ببطئ جيهت الفراش .. تكورات فيه ضامة نفسها .. بقات كاتهزهز بجسمها بطريقة كاتقطع فالقلب .. عايشة فواحد الحالة من الخوف ماتمناهاش لعدوك .. عايشة بواحد الغمة كبيييرة فقلبها مخلياها تحس بأنها خاصها تستسلم .. علاش غاتقاوم؟ مكاينش سبب مقنع! باش ترجع لعائلتها؟ هي متأكدة أنها ماتقدرش تقاوم الأسبوع كامل .. علات يدها ليسرية .. طولااات فيها الشوفة خصوصا فخنصرها اللي ملوي بديك الضمادة الملونة بلون الدماء الجاف، حيداتها بصباعها ببطئ كاطل على جرحها تتأكد منو حتى شهقات .. صبعها كان معضوض و مغزز مزياان .. المنطقة اللي فيها الظفر مأكولة كاااملة .. ناضت جالسة فوق الفراش كاتشوف فداك الصبع بنظرات حارييين جامدييين .. ماحسات براسها غي واقفة كاتضرب فالفراش و الحيوووط و الباااب حتى دازت فوق داك الدم دالأفعى .. زلقها حتى طااااحت للأرض .. مع الطيحة بداات كاتمرغ فييييها و تبكي و تجذب و تنتف فشعرها داخلة فحالة جنوووون .. ناضت جالسة كاتنهج و بدات كاتضرب فديك الأرض بيديييها بقوووة .. تضرب و تعاود و تنهج .. صدرها مقبوووط و قلبها مزيييير .. ضربات فواحد البلاصةة فالأرضية بقبضة يدها حتى ثقبات ديك البلاصة .. شافت فيها بحواجب مشروكين و رجعات شافت فقبضة يدها كاتنهج، واش هي ثقبات الأرض بهاد اليد هادي؟ استغربات أكثر .. زادت ضربات فداك المحيط د ديك الضربة .. كانت طبقة عادية فالأرضية غي خشب هشيييش .. وقفات كاتشوف فديك البلاصة باستغراب حتى بانتلها فحال واحد الحديدة فجنب بعيد مخبي مع الباب .. مشات جيهتها كاتجري .. جرات ديك الحدييييدة جارة معاها جزء من الأرضية بسهولة حيت كانت خفيفة .. طلعاتها كاتبسم ابتسامة غير مصدقة .. كاتفكر أنها تكون لقات مخرج من هاد الجحيم، زعما هذا مخرج من هاد البلاصة؟ .. لقات دروج كايهبطو لسرداب كاين لتحت .. نزلات فيهم كاتجري و كاتدور فعينيها فالأرجاء و تجبد فشعرها حااايرة .. لقات واحد الطريق طوييييلة فحال كولوار .. فحالا كاينة طبقة ثانية من هاد الدار .. مشات كاطير فداك الكولوار و كاتشوف مع جنابها بحذر .. لقات واحد الدورة .. دارت معاها حتى توقفات فجأة و شهقات شهقة مسموعة فالأرجاء من داكشي اللي لقات تما، العاااافية معمرة الأرض فحالا مجامر شاااعليين و فنهاااااية الطريييق كانت ديك القنبلة الموعودة .. منزلةة فوق واحد الخدية سوداء و صوت تكتيكها كايتسمع عالي فوذنين نعمة، تراجعات خطوات للوراء شادة على قلبها .. حتى فجأة قفزات مللي سمعات شعطة قووووية من ورائها .. دارت تشوف شنو كاين و هي تلقى باب حديدي كبير تسد و خلاها غي هي و ديك الأرضية اللي دايرة كي الجمر و القنبلة و داك الصوت المرعب كايتسمع عالي فالأرجاء "تيك .. تيك .. تيك .. تيك"
نعمة بنبرة صوت عالية و عيون عامرين دموع:لا ماديرش فيا هكااا عفااااك .. ماشي هاد الموتة هادي عفااااااك
صدى صوتها تسمع عاااالي موازاة مع صوت ارتطامها فالأرضية، فشلات و مابقاتش قادة على الوقوف فهاد المكان المخيف المغلق و ديك القنبلة اللي لاعبة على أعصابها لعب و حارقاهم حرق
دازو عدة ساعات و هي فهاد السرداب المخيف و الخانق، ديك الأرضية كولها عامرة بالعافية .. نار .. فحال الفاخر اللي كايكون زاااااااند ..مكتسح مساحة من الغرفة .. مساحة بسيطةة ماشي أرضية الغرفة كاملة، غي ديك المساحة اللي كاتوصل للقنبلة .. يعني لا بغات توصلها خاصها تدوز من فوق داك الجمر و العافية .. و لادازت من فوقها رجلها تتشوط و تذوبلها .. تكات على الأرضية العادية كاتشوف فالسقوف .. و الضلمة اللي مكتاسحة المكان .. غي العافية اللي دايرة شرارة خفيييفة دالضو .. حطات يدها على قلبها كاطبطب عليه باغاه تهدنو .. فترة لا بأس بيها حتى بدات تسمع تغرغير معدتها الخاوية .. نهار بلا ماكلة بلا شراب .. حسات بالجووووع .. الدوووخة و الضبابة بدات كاتغشيلها على عينيها .. تأفأفات بنبرة خافتة متحسرة على أياماتها الخوالي، أيامات الملل أيامات الفايسبوك و الواتساب و التسركيل فمواقع التواصل بلا هدف معين .. تفكرات أول مرة شافت رياض .. تفكرات نظراتو ليها .. تفكرات إصرار ماماها ليها باش تتزوج بيه .. تبسمات ابتسامة مستهزئة على الدنيا فين تلات بيها .. شافت جيهت القنبلة اللي صوتها كايرن فوذنيها باستمرار .. ناضت بشووووية عليها حاسة بروحها فاااشلة .. تمشااات بخطوات مبعثرة جيهت ديك القنبلة .. وقفات على حافة ديك المنطقة العامرة عافية .. كاتشوف فداك اللهيب كايطرطق مرة مرة، صرطات ريقها أنفاسها مخنوووقة فصدرها .. غمضااات عينيها بقووووة كاتمتم بنبرة هامسة
-غانقاوم .. غانواجهو .. غانكون أقوى منو (تفكرات عيونو السوداء القاتمة .. تقاسيم وجهها انقضو كاتغزز سنيناتها) غانخليه يتفاجئ بقدرات هاد النعمة اللي شفت فعينيه إستهانة بقدراتها .. نعمة قوية و غاتخليه يغير نظرتو ليها، اصلا ماعندي مانخسر (تبسمات ابتسامة خفيفة بشفايفها الشاحتتين و أقدمت بخطوة نحو هشيم الناااار)
حلااات فمها بووووجع مزيييرة على قبضة يدها ليمنية .. أما ليسرية فهي كاضرهااا مكان الأصبع المبثور، وجهها ولاااا حمررر من الألم اللي حاسة بيه .. و عينيييها مزيييراااااهم مع بعضهم بقوة .. الدمووووع كاينزلولها من كل عيييين .. زادت الرجل الثااانية و هي تشهق بقوووة صدرها كااايطلع و ينزل بقوة .. حلات عينيييها الحمراوتين مباشرة جيهت القنبلة و بدات كاتخطوي جيهتها حاسة بروووحها كاتحرق ماشي غي رجليها
قلبها بغا يوقف عن الخفقااان .. عينيها كايفرفرو بالدموع .. دمعة مور ختها .. وصلاات أخييييرا قدام القنبلة .. هزات ديك الخدية بين يديها و دارت راجعة فحالها من فوق العافية .. كاتنهج و تشهق .. حاسة بالعافية شوطاااااتلها رجيلاتها مزيااااان
حطات المخدة فالأرض ببطئ شديييييد و طااحت قدااامها كاتبكي بصوت عالي و تشهق .. رجليها ماشي غي ضارينها و صافي .. طلات عليهم بزوجهم كانو حوووومر متورمييين .. تنفخوووولها و تلفطو .. بداو يسيلو بالقيييح، عضات على شفايفها كاتكتم الصرخة القوووووية اللي باغا تغوتهااااا .. عيات تنهج و صدرها طالع ناااازل بقوووة .. عينييها دامعين .. حتى ماقداتش تزيد تسكت .. غوتااااااااااااات بأعلى صووووووووووووووت عندها و طاحت على الأرض شادة على قبضاات يديييها كاتخبط و تعاااااود، كاتبرد حرررررر الحريييييق اللي بغا يقتلها .. عرااااقت و عينيها تنفخووو بالدموووع .. القنبلة كاتكتك عند وذنيها شافت فيها بعينيين خااارجييين و غوتاااااات بصووووت عااالي .. غوووتاااات و عاودااات كاتشووووف فالقنبلة بعينييين خارجييييين، ناضت جالسة حاطة يديها على قلبها و تبسمات ابتسامة واااااسعة كاتمتم بصوت عااالي
-جبااااان .. جبااااان نتااااا جبااااااااااان .. عمررررررررك تكوووون رااااجل ولاااا بنااااااااادم .. هادييي مااااشي رجووووولة .. نتاااااااا معقد .. نتاااااا وحشششششششش .. أنا تزوووجت نبني حيااااتي مع رااااجلي كانبغيييييه .. أناااااا ماطمااااعااااش .. أنا بغيييت ننقذ عااائلتي من الفقققر .. انا بغيت نعيش عيشة زوينة أنا و واااااااليديااا و خووووتي .. ماقبلت بزواجي منو حتى كتب الدار على سمية ميييي و بغا يدير لخووويا مشروووع هو و ختييي .. ماقبلت بييه حتى بغا ياخذ واليديا للحج .. ماقبلت بيه حتى تأكدت أن حياة عائلتي غاتكوووون حسن من حيااااتي .. كللللب نتاااااااا .. حيوااااان .. مافقلبكش الرحمةةة .. قتاااال و مجررررم، علاااش كاتخبى ورااا هاد العذاااب اللي كاتعذبوووولي .. عاجبك الحاااال يااااك .. فرحااااااااان (غوتات كاتنهج و تبكي .. غااااضبة .. معصبة و مغلغلة .. وصلات لآااااخرها .. شافت جيهت القنبلة اللي باقا كاتكتك .. غززات سنانها بقوووة كاتشوف فالسوايع العشر اللي بقاو فيها .. بقاولها عشرة دالساعات .. يا غاتموت مفرگعة يا غتنجى و تنقذ راسها)
بانولها فالقنبلة جوج سلوكة .. فلون واحد .. اللون الأحمر، ماعرفاتش شمن واحد خاصو يتقطع باش تحبسها .. عيات ماتشوف فيها و تشوف فالسويعات النازلين .. من عشرة لتسعة و من تسعة لثمانية و من ثمانية لسبعة و ستة و خمسة و أربعة .. ساعات كثار دازو و هي كاتسول راسها شمن واحد غاتقطعو باش تحبس القنبلة؟ شمن واحد غاتنقذ راسها من خلالو! ماعرفاتش .. بغات تزعم و تقطع أي واحد جا قدامها و يا ربحة يا ذبحة، ولكن خافت .. خافت تموت و هي بهاد الحالة .. فهاد البلاصة بذنوب كثيييرة دارتهم فحياتها .. بدات كاترجف تحت عينيها زراااق .. ولات حالتها مكاتشافش .. قلبها طااايب و رجليها عاطيينها الحريق بزاف ولكن صاااابرة، صابرة على خنصرها و على رجليها و على كولشي فيها .. هزات واحد الملقط كان جنب القنبلة .. طولاااات فيه الشوفة .. غمضااات عينيها بقوة كاتقرا فالقرآن فسرها .. حطات صباعها على السلوكة بزوج كاتحسسهم .. صرطات ريقها كاطلع نفس طويييييل و تمتمات بنبرة خافتة خفيفة
-أشهد أن لا إله إلا الله و أشهد أن محمد رسول الله
تبسمات ابتسامة خفييييفة و حطات الملقط على خيط من الخيوط بلا ماتحل عينيها .. يديها كايرجفو و ذاتها ككل كاترجف .. قطرات العرق كايتصببو من جبييينها .. غززات على سنانها بقوووة و قطعات الخيط بحزم .. مع القطعة مع سمعاااات صووووت عااااالي فوذنيييييها قفزها .. حلات عينيها على وسعهم كادورهم فالأرجاء .. غي حلاتهم لقات داك الباب الضخم اللي تسد تحل .. و رجليه الطوااال واقفين قبالت عينيها بيدين معقودين و نظرات ثاقبة .. شافت فالقنبلة بعيون جاحضة .. كانت وقفات تكتيك .. ساكتة .. حطات يدها عند قلبها كاتبسم و تنهج .. أنفاسها عاليين كايتسمعو فالأرجاء .. سمعات وقع خطواتو كايقربولها .. علات فيه عينيها .. مع علاتهم مع حسات بالجلدة دشعرها تجراااااات بقوووووة و بقا مجرجرها فالأرض و هو غادي بخطوااااات قوييية ذااات جبرووووت خطييير، خطواااتو كايتسمع صداااها فالكولوااار الطويييل قدامهم .. نعمة بدات كاتفركل برجليييها اللي ضااارينها و تغووووووت بنبرة صوووووت عاااااالية .. قلبها بغااا يسكت كاتغوت و تهسهس
-لاااا لااااا لاااااا نقذنييييي رحمنييييييي .. عفاااااااااككككك .. الله يعطيييك مكاتمنىىىىى أااااي اهئ اهئ آاااااااااي (فلحضة حسات براسها تهزااات بيديه بزوج فحال شي مونيكة خفييييفة و تلااااااااااحت على الأرض بقووووة .. شعطها حتى حسات بسلسول ضهرها ضربها فيه الضو .. شداتو بيدييها بعينين مغمضييين و فمهااااا محلووول .. شافت فيه كاتنهج و ملامحها بااااااكية .. بقات مطولة فيه الشوفة و هو مخرج فيه عينيها فحال قباض الرواح بعينين حمرييييين .. حنا عندها بجسدو مزير على خصلااات شعرها .. نظراااتو جاوها مبدلييين .. مخييفين أكثثثر و شيطااانييين أكثثثر و غضبااانين أكثر)
تمتم بنبرة صووووت عاااالية .. نبرة مركبة .. ماشي ديك الهامسة الرجولية (مللي كايدوي بصوت عالي صوتو كايكون مركب، ولكن مللي كايكون صوتو هامس كايكون داوي بصوت اصلي) .. قال بصوت عااالي:أنا جبااااان .. ماااشييي رااااجل .. نتيييي ماطماااعاش هااااا .. نتييي راااك عقربة خاااصني ننحر دينمك من الوريييد للوريييد (دووووز يدييييييه على عنقها خاااانقققققها بقووووتوووو الكبيييرة حتىىى حماااارت و زرااااقت و عيينيها خرجو يديييها و رجلييييها كايفركلوووو .. قلبها قريييييب يسكت و أنفااااسها كاتقطع .. مدااات يدييها لوجهووو كاتهبطلو داك الوشاااح اللي عند وجهو و تقاااشح معاااااه .. ماحساااات غي بيديه رخفو عليها .. مع الرخفة مع نتراااتلو داك اللي مغطييي بيييييه وجهووووووو .. شهقاااااااات بصوووووت عاااالي كاتكح و تتنفس بقووووة و عينيييها مخرجييين فيييه و فوجهو .. تفاصييييل وجهو .. المخييييفة .. المرررعبة .. المشوووووهة بالكاااااامللل، خلااااااااتها تتكوااانسا بلااصتها مخرجة فيه عينيها .. حتى ماحسااات غي ببونية نزلات عليييها للعينيييييين مباشررررة .. لدرجة فقدات وعيها و وجهها مااال للجيهة الثاااانية بلا ولا حركة زيادة)
-انننننننن .. أ ءءء آاااي .. اننننن افففففف (كاتحل عويناتها بالزز .. حاسة بكاامل أرجاء جسمها مدگدگين، عضامها مزيرييين و وجهها كذلك .. رجلييها كاينبضو حارقيينها أكثر .. شافت يمين و شمال بمقلتيها .. بانلتها الأرضية قبالتها .. كانت قررييييبة لها .. مربوطة بواحد الكوربة من خصرها و رجليها و يديها .. مهزوزة من الأرض بشوي جسدها كايتهاوى و يمشي و يجي مرخييي .. ولكن الشي اللي خلاها تشهق مفزوعة هي كمية الشموووع اللي شاعلين تحتها كايعطيوها اللهبة و السخونية لجسدها اللي كان عااااري من أي قطعة ملابس .. ملابسة والو .. عريااانة بالكااامل .. تحركات بشوي باغا تجر يديها ولكن حساااتهم مزيرين بزوج مربوطين ورا ضهرها .. قلبها ولا كايخفق برعب و خوف .. صرطات الريق بالزز .. الضلام فالأرجاء مخيف و حتى الأجواء و موسيقى مرعبة كاترن فوذنيها خلاتها كاترجف و تنين بوجع .. دقائق سمعات صوت وقع أقدامو .. وسعات عينيها كاتقلب علييه .. حتى قشعات رجليه و قفو قبالت دوك الشموع و كايشوف فيها بعينيه المخيفتين .. بنظرة خلاتها تتمنى المووووت .. جسدها سرات فيه شرارة و رعشة خوف كبيير .. أول مشافتو تفكرات ملامح وجهو المشوهة بالكااامل .. جبهتو حناكو فمو .. كولشي فيه ذااايب و محرووق .. تحركات بشووية باغا تتفك و تمتمات بنبرة خائفة
-ر رحمنيي
شاف فيها بنظرة عامرة شر و غللل .. قرب لعندها أكثر .. جبد يديه اللي كانو ورا ضهرها .. قشعات فيهم عصا طويييلة و رقيقة .. طرطق عنقو ببطئ متوجه عندها خطوة بخطوة .. قلب الدورة عليه بشووووي حتى جا لوراها .. هي بقات كاتدور فعينيها مكاتشوفوش شكااايصنع .. حتى فجأة غووووتاااااات صرخةةةة خاااارجةةة من أعمااااقهاااااااا و شهقااااااااات واااااحد الشههههقة فحالا دخلااااتهااااا الموووووووت، شفايفها بداو كايترعدو و جسدها أكثر حاسة بقاع رجلييها ساااال بالدم من ديك الشحطة القوووية اللي عطاهالها ليها مباشرة
نعمة بصوت كايقطع فالقلب:اهيييئ ب براااكة اهئ ق قتلني ه هنينييي اهئ ب براااااااكةةةةةةةةة آاااااي اهئ اهئ ءااااااايييييييي
غوتاات بصووووت أعلى أول مزادهااا شحطةةةة أخرى و أخرى و أخرى .. وااابل من الشحطات كاينزلو على رجليها المحروقتين .. اللحم كانت رطبة متقيحة و بالشحييط ولات مدميييية كاتقطررر
قلبها بغا يسكت كايترعد .. كاتبكي بصوت عالي و تشهق بطريقة كاتقطع فالقلب و لكن هاد القاتل هذا ماااعندووش القلب باش تبقى فيه و تقطعلو فقلبو الميت .. دار بشوي من ورااااها حتى جا لقبالتها .. شاف فيها بعينيه الحادتين هي كانت مغمضة عينيها بقوة كاترجف و تبكي بخوف ..
قال بنبرة عالية حادة:عجبك الحال مللي شفتيه؟ رتاحيتي مللي حيدتي هذااا (شار بيدو للوشاح اللي عند وجهو مخرج فيها عينيه .. هي بقات مرخييية على حالتها مجاوباتوش .. هو جرررلها وجهها مزيييرلها على ذقنهاااا و قال بنبرة صوووت مخييييفة) كنت غاندييييرلك شهرااين مهلة و كنتي تقدي تنقذي راسك بمجهووودك الشخصييي، ولكن داابا .. فتحتي بيبان الجحييم مللي شفتي هااد الوجه هذاااا .. غاتموووتي اليوم .. موووووووتك على يدي .. على هاد اليديين هاااادو
فجأة عينييها تضربووووو بكروووشيييية قااااصحة خلااات جسدها يتهاااوى فوووق دوك الشمعاااات .. يلاه بغات تستوعب و تحل عينييها و هو يعطيها كروووشية أخرى لعييين اخرى .. زيرلها على شعرها بقبضتووو القاااااسية مهبطلها وجهها لتحت حسات فحالا عضامها غاينفصلو على ذاتها .. راااسها منزلووو لتحت و العافية دالشمع طااالعة شااااعلة قريبة تحرقلها وجهها .. بدات كاتنين و تغوووت بصوووت عااااالي خووووفها كبر تزاااد ماحسات غي بدقة أخرىى للوجه خلاااات جسمها يتهااوى أكثر و هو تراجع خطوات للوراء و بلا حتى كلمة خرج فحالو .. خلاها كاتبكي بحرقة .. دوزات داك النهار و ديك الليلة فالبكا و كاتمنى لو تموت و يسكتلها قلبها و تتهنى من هاد العذاب الكبير هذا
〽️ نهار جديد 〽️
الشميعات ذابو طافيين .. الضلمة طاغية على الأرجاء .. الهدوووووء هو اللي مسموع فالأرجاء .. فجأة تحل باب الغرفة و دخل بخطواتو الرجولية .. تمعن فيها كايطلعها و ينزلها بعينيه .. دار كايقلب فالأرجاء بانلو بوطون قريب ليه .. ضغط عليه و ربع يديه حاضيها بجسدها المتراخي نازلة بدوك القنبات لتحت حتى استقرات فالأرض و قرب عندها بنظرات فارغة .. هزها بين يديه بشوووية و مشا خارج بيها من ديك الغرفة بخطواتو الرجولية و نظراتو الفارغة مازالت هي هي
حلات عينيها بالزز منها كاترعد ضامة جسمها بقوة و كاتشوف فجنابها .. كانت بحوايجها .. حوايج سخان شوية ماشي دوك القدام ديالها .. و البررررد داخل مع عضامها، برد ماشي عادي .. شافت فجنابها و هي تبانلها ثلااجة .. دوك الثلاجات الكباار كايكونو على شكل خزييين ولا غرف و معلقين تما اللحم ديال البقر و الحوالة .. بدات كاتشهق من بردها و عضامها حساتهم جمدو و خااافت من منظر اللحم اللي معلق قدام عينيها .. تمشات على يديها و رجليها كاتحبو جيهت باب غرفة ديك الثلاجة كاتضرب فيها و تمتم بنبرة مرعووودة .. سنانها كايتقرقبو من البرد و خصلات من شعرها جمدوووو
-ع عتقني ع عتقني .. خ خرجني م من ه هنااااا أمممممممم آااااا اهئ (ضربات داك الباب بضربات متتالية .. ضربات خفااااف و ضعاااف .. حتى شوية بشوية بدات كاتجهد دقانها و تعلي فصوتها) حااااال علياااااااا حاااااااااااللللللل اهئنننننننننننننننن
(طراااااااااااق)
مع ضربة قوووية ضربااتها للباب .. مع صوووت عااالي سمعاااتو فوذنييها .. مع تدفع داك الباب و دخل بعض من الضوء لداخل الثلاجة .. شافت حواليها بعدم تصدييق .. قلبها ولا كايضرب يضرب يضرب .. ذاتها زاادت رجفتها و عيوونها تحلو على آااخرهم .. زاادت ضربات داك الباب كثر دافعاااه حتى تحل بالكاااامل .. وقفات بعدم تصديق غير مكثرتة للوجع اللي عطاتها رجلها .. تمشات كاتعرج ببطئ خارجة من تم .. كاتدور عينيها برهبة حواليها .. بغات تستكشف المكان .. البرد متمكن منها و عينيها دامعين .. كاتخطي خطوة بالزز بسباب رجلييها اللي ضارينها .. كاتقلب على الباب ولا أي مخرج خيفانة لا يخرجلها صاحب دعوتها من شي قنت .. وقفات فواحد الكولوار طويييل و فآاااخرو كاين واحد الباب مسدود .. غادة شادة فالحيط معكزة عليه .. كاتخلف بشوي حويطة بحويطة حتى وصلات لداك الباب .. دارت وراها كاتشوف بترقب و بأنفاس مرعوودة .. حطات يدها على الپوانيي ببطئ دافعة الباب حتى تفاجآت منو تفتح و بان ضوء النهار قبالتها ضرب فعينيها حتى عماها .. حلات ديك الباب بلهفة كبييرة و خرجااات كاااتجريي بكل سرعة عندها بلااا ماتشوف وراها ولا تتلفت .. ولا حتى تحس بوجع رجليييها اللي خلفو أثر الدماااء وراها فكل خطوة خطاااتها
-تحررت تحررت هههههه انا حرة دابا حرة حرة .. مغانشوفش مورايا مغانشوووفش هههههه حرة حرةةةة .. الله على ضو النهار .. الله شحال زوييييين .. الله على ريييحة الحرية .. الله
كاتجرييييي بأسررررع ما عنندها و تتكلم بطرييقة مستمرة بهستيييربة .. كاتجريي فديك الغااابة الكبيييييييرة و الواااسعة و المخيفة .. ولكن كيفما كانت .. مغاتكوونش فحال داك المكان الأكثر إخافة، ماتأكداتش منو .. دار ولا خزييين ولا شنو .. أهم حاجة خرجااات منو و هاااربة ناافذة بجلدها .. رجليييها فكل خطوة خطااتها كاتنزل منهم شحال ديال الدممم .. هلكاتهم و عگراتهم ولكن مداياهاش فيهم و الألم اللي جاي منهم، أهم حاجة عندها حااليا هي أنها هربات و نجات برووووحها .. عيااات بالجرا و تهدات .. الجوع .. العطش .. الهلكة اللي مهلوكاها .. وجهها مخسر ملامحو مباينينش .. شعرها مشربك و مكعلل كاامل .. دوك الحوايج اللي لابسة كبااار عليها باينة فيهم رجاالية .. مرة مرة كايعكلها السروال ولكن رغم كل شيء هي كاتجري .. مابغاتش تستسلم فآاااخر أمل بقالها فهاد الدنيا .. لا استسلمات راه غايلقاها و يذبحها ولا يحرقها و لا يقتلها شي قتلة حد مايتمنااها .. مدة نصف سااعة كاتجري ديك الجرية دبالزز .. ركابيها غادية و يخوييو بيها .. شحاال من مرة طاحت و شحال تجرحات فذراعها و يديها و ركابيها .. ولكن مداياها فحتى حاجة حاليا .. لا جروح و لا ألم .. هاد الألم مكايسوى وااالو مع داك اللي عاشتو فالأسبوعين اللي مرو عليها فداك الجحيم الأسود .. بعد طوول طرييق و كثرة الجرا .. أخيييرا قشعات طرييق سيااار قبالتها .. مشات كاطييير جيهتو بقلبها كايزدح و عينيها مدمعين و فمها مشقووق من الجروح .. دوك الجروح زادو تفتحو من الإبتسامة اللي تبسماتها أول مشااافت سيااارة جااااية من الجيهة لاخرى دالطريق .. مشات كاااطير للشاانطي وقفات فوووسطو حالة يديها على وسعهم و حلات يديها بزووووج مغمضة عينيها كاتسنى .. يا غايدوز فيها .. يا غاينقذها و يعاونها .. سمعات صوووت كلاكسون طوييييل و تكحااااااط الروااايد عجلات السيااارة مع الأرض .. حتى فرانات السيااارة على بوييييينت غاتضربها .. حلات عينيها كاتنهج و تسترجع أنفاسها بصعوووبة و تمتمات بنبرة لاهثة
نزلات صاحبة السيارة من مكانها بحواجب معقودين كاتمتم باستغراب:اش طاااري شكون نتي اويلي؟!!!! .. بسم الله الرحمان الرحيم قل أعوذ برب الفلق .. ختي واش نتي إنس؟؟
نعمة قربات عندها كاتحرك راسها بالإيجاب .. عينيها كايلولبو فالأرجاء بخوف:أ أه أه أنا إنس .. عفاك عاونيني راه باغي يقتلني واحد المجرم .. ش ش شوفي شنو دار فيااا .. شوووفي
البنت شافت فيها بنظرة خوف كادور فراسها:اااممم أ انا، س سمحيلي .. و ولكن قلبي ما مرتااحش .. منقدرش نخاطر .. سمحيلي (رجعات لطموبيلتها كاتجري .. خلات نعمة كاتشوف فيها بقلب كاينبض بخوووف كبيير .. طاحت على ركابيها شادة على فمها كاتبكي بكية مخلطة بشهيييق طوييييل .. شدات على قلبها كاتنخصص و تشوف فالسيارة غادة .. ديمارات بيها صاحبة الطموبيل و مشااااات مابقاش حسها باين .. نعمة جلسات على مؤخرتها مادة رجليها القدام و بقات كاتشوف فيهم سايلين بالدم .. شافت فصباعها و لحمها كاامل زرق مطبع .. غمضات عينييها بقووووة كاتنهج و بقات مكوانسية بلاصتها .. لا بغا يجي هو يهزها يجي .. رجليها مابقاتش قادة توقف عليهم مزال و الفشلة شداتها خصوصا مللي شافت المنطقة خاوية و مللي مشات ديك السيارة مارجعات دازت حتى وحدة أخرى)
🔶 فداك الوكر المضلم و المخيف .. خارج من ديك الغرفة الباردة .. الثلاجة عاقد حواجبو بنظرة مخيييفة .. دور عينيه فالأرجاء غادي جيهت الباب الرئيسية .. بانتلو مفتوحة عينيه زااادو خرجو .. دار ورااااه و رجع شاف جيهت الباااب مغوت بنبرة صوووت عااالية
-كيييييييفااااااش هربااااااااااات اععععععععععععع غانقتللللللهااااااااااااا (هز واحد المقدة كبييييييرة كاتخلع .. باينة فيها مااااضية و مشا كايطير خارج لبرا و ركب فسيارة دفع رباعية .. عاد جا بيها مكانتش مللي خرجات نعمة .. ديمارا بأقصى سرعة عندو خلا غي العجاااجة وراااااه)
نعمة بقات بلاصتها مدة طويييييييلة .. تكات على الأرض مرخيييية .. صافي عرفات راسها مكاينش مهرب من هاد البلاصة .. بقات على حااالها كاتشوف فالسماء و الطيوووور كايطيرو .. تبسمات ابتسامة خفيييفة كاتدندن
-أش جا يدير جابو الغرام فنصاصة الليل .. اش جا يدير جا باغي يقتلني فنصاصة الليل، أش باغي يدير .. يحرقني و يذبحني و مايخلي فيا عظم صحيح ههههههه هادي آاااخرتك أنعمة هااادي آخرتك .. أكييد غايكون عرفك هربتي و دابا كايقلب عليك ههههه .. حتى حد مارحمني و حتى شي حد مقال يعاوني .. صافي نتسناه يجي يقتلني .. أش غانستافد من الهروب هه هي موت وحدة اللي كاينة كيفما كتابت مرحبا بيها
دورات راسها للجنب مغمضة عينيها حتى سمعات حس سيارة جااااية بسرررررعةةةة من داك الطريق .. زيرااااات عينيها كثثثثر كاتبكي حتىى فرااانات السيااااااااارة قدامها مبااشرة .. تكمشات على بعضها أول ما سمعات الباب تحل .. تمتمات بنبرة خائفة
-صافي .. قتلني .. مخايفاش منك .. قتلنييييييييي (حلات عينيييها بقووووووة كاتشوف جيهت السياااااارة بعينييين خارجين .. زااادو تجبدووو و خرجو عينيها خصوصا مللي قشعاتو بصح هو بشحمو و لحمو و المقدة فيدو و كايشوف فيها بنظرة ثااااقبة .. ناويلها على نية نيييت) ق قتلني ب بديك المقدة
شافت فيه بخووف .. كانت متوقعاه يكون هو ولكن فداخلها كانت كاتطلب من الله يكون شي حد آااااخر و يعتقها .. و لكن غييي بانلها هو بدات ترجف من بدا و جديد .. مقلتيها عمرو بالدموووع و تراجعات بجسدها شوية اللور كاتطلعو و تنزلو بعينيها
تمتم بنبرة قاااسية:تجرأتي تهربي أول مالقيتي الغفلة؟؟
جمعات وقفتها بالزز متراجعة اللور .. خطوة و زوج و ثلاثة و صدرها كايطلع و ينزل برهبة .. أه كانت كاتسناه يجي؟ ولكن ماشي بمقدة فيدو و يصفيهالها فهاد القرينة الكحلة .. عضات على شفتها التحتية كاتزيد تتراجع للوراء .. حتى شافتو مقرب عندها .. خطوة بخطوة هي تكوانسات بلاصتها مغمضة عينييييها بقوووة كاتسناااه يقطعلها الراس ولا يجبدلها مصارنها و لا ولا ولا.... تزيرااااات مزيرة قبضاااات يدييييها .. ماحساااات غييي بصووووووووووت خبيييييييييط سمعاااااتو مع صووووت كلاكصوووون طوييييل .. حلات عينيييها برعب كاتشوف شنو طاااري .. بانلها داك القاااتل مليوح جيهت الغااابة و طااايح على وجهووو و سياااارة أخرى سوداااء بالكاااامل مبانلهاش وجه السااائق فيييها و لكن لونها كان لون سيارة ديك اللي كانت وقفاتلها قبايلة .. السيارة غاااادة مبعدة عليها .. شافت يمين و يسار كاترجف و ترعد .. عاودات شافت فداك المجرم .. شافت جيهت المقدة اللي كان غايضربها بيها طايحة فالارض قدامها .. حنات هزاتها و تمشاات جيهتو كااااتجري و تغوووت بصوووت عااالي
-وااااااااااااااااااااااااااااع
يلاااه غاتنزل بيها عليه و هي تحرك راسها بلااا و لاحتها لبعيييييد كاتمتم بنفس متقطع و تنهج
-لا لا لا أ أنا مم م ماشي ق قتااالة (صرطات ريقها بالزز و قربات عندو خايفة لا ينوض ليها .. عينيها على السبرديلة اللي لابس .. قلعاتهالو بشوووية و رادة معاه البااال خشات فيها رجليييها بالزز .. حاساهم طااااايبين .. ماعقداتهاش .. دارت جيهت الطموبيل اللي جا بيها ليها تمشات ليها كاتجري .. ركبات كاتشوف فالڤولون و الڤيتاس و الكسيراتور و كولشي تالفة .. عمرها صاااگت شي طموبيل .. داارتها فيدين الله .. دورات الساروت اللي بقا فالطموبيل و صطمات على الكسيراتو بشووووية كاتحرك الفولون .. زادت بيها و وقفات حتى تنخضاات بلاصتها
زادت بيها و وقفات حتى تنخضاات بلاصتها .. غوتااات خايفة كاتشوف فجنااابها .. بقات مضاربة معاها بشوووية حتى حركاتها و مشاااات بيها فالطريييق المعاكسة بلا ماتشوف وراها .. لاصقة فالڤولون و عينيها على الطرييق مباشرة .. بسرعة متوسطة .. غادة و كاتشهق و تبكي مامثيقاش أنها هاربة دابا .. غادة فطريييق بعييييدة غاتهرب منو لآخر الدنيا و شوف واش تنفعها .. جوج ساااعات دالطرييييق غادة غي من جوايه الغابة .. حتى بداو كايبانولها الديور و البنايات قراب .. خرجات عينيها فالبلاكة اللي فالدخلة .. كانت وصلات لمدينة القنيطرة .. عضات على شفتها التحتية كاتحرك راسها بعدم تصديق .. من طنجة لقنيطرة .. بقات صايگة فالطريييق معارفاااش فين تصفي أول ماشافت الطموبيلات كثرو و مابقاتش قادة تتحكم بديك السيارة دارت مع واحد الشارع ماعرفاتش سميتو .. وقفات بالطموبيل كاتشوف فجنابها و تقلب فالأرجاء لا تلقى شي فلوس .. عيات تقلب حتى لقات واحد البزطام رجولي، حلاتو لقات بزاااف دالفلوس ماحسباتهمش الأهم أن الزرقات كثار و معاهم كاينين ليكارط بونكير بأسماء عديييدة و لناس كثار، مكايناش سمية محددة و كل كارط مكتوب فيها الكود ديالها فواحد الملاحضة صغييرة قدامها .. نزلات من الطموبيل مبتاسمة و البزطام بين صباعها .. دازت لواحد الحانوت كان فداك الشارع .. غي وقفات قدامو تخلع مول الحانوت و غوت بنبرة عالية
-شكاديري عندي هنا ألحمقة .. سيري سيري أتجريلي على الكليان
نعمة حركات راسها بلا كاتصرك فريقها:ل لا لا ماحمقاش واللهيما حمقة اهئ اهئ .. أنا بغيت غي ناكل عفاك فيا الجووع اهئ
مول الحانوت شاف فحالتها ماتعجبش و الكدمات اللي فوجهها:شكون دار فيك هاد الحالة؟؟
نعمة بصوت رقييق و ضعيييف: تقدر تعطيني ناكل عفاك (جبدات واحد ال200 درهم) هاك عطيني أي حاجة كاتنكل عندك
مول الحانوت ومألها براسو و دار كايجمعلها فأي حاجة جات قدامو .. أول مشاف الفلوس سكت مابقاش سولها .. جمعلها جوج ميكات .. ضرب الحساب لقا أنه نسالها واحد جوج دراهم .. زادها بيمو دجوج دراهم و خدا الميتين درهم .. هي هزات دوك الميكات و رجعات للطموبيل .. دخلات و سداتها عليها بإحكام ..جبدات كتاكل و تعتق روحها .. كان دارلها حتى الما و العصير .. بدات تاكل و تشرب حتى عمرااات كرشها مزيااااان .. عاد تنهدات كاتحك فذاتها اللي توسخات بزاااف .. مشات كادور فالأرجاء بالطموبيل كاتقلب لا تلقى شي حمام ولا دوش .. حتى بانلها واحد الدوش فواحد الدرب شويةة شعبي .. حبسات الطموبيل بعدما قفلاتها بإحكام و مشات دخلات لداخل كاتدور فراسها .. لقات ديك اللي مقابلة الدوش قبالتها نيشان .. اول مادخلات نعمة و هي كاتشوف فيها بريبة .. مشات نعمة عندها خايفة كاتمتم بنبرة مهتزة
-خ خالتي ك كاين شي بيت خاوي
-بعدا عندك الفلوس ولا جايا تدوشي فااابور
نعمة حركات راسها بالإيجاب و مداتلها زرقالاف أخرى:أه عندي أنا بغيت ندوش حيت توسخت بزاف .. عفاك ماتقوليليش لا
المرأة طلعاتها و نزلاتها بعينيها .. جاتها خايفة و وجهها معرض للتعنيف و باينة حتى نفسيتها متضررة .. ومأتلها براسها:و عندك ماتلبسي ورا الدوش؟
نعمة حركات راسها بلا:ل لا
المرأة بتنهيدة:افففف دخلي دخلي بعدا .. دوشي و مللي تخرجي تلقايني جبتلك شي حاجة من داري تستري بيها
نعمة ومآتلها براسها:واخا .. ندخل دابا؟
المرأة ومآتلها:دخلي و حتى تكوني خارجة عاد خلصيني
نعمة تبسماتلها .. سنيناتها رجعو تقريبا كوحل من الغييس و الثراب الي دوزات فيهم تقريبا سيمانة .. مشات كاتقلب فالبيوت لقات واحد .. حيدات حوايجها و البزطام خباتو فوسطهم .. مشات مباشرة تحت الرشاش و طلقات الما باااارد على لحمها .. بقا نازل عليها بشوووووية عاد بداو كايبانو القليل من ملامحها .. رغم الكدمات و الزروقية و الجروح إلا أن برائتها غالبة و الوسخ كان مغطي نسبة كبيرة منها .. بدات كاتبكي و تنخصص و تحك فلحمها بهستيريا أول ماتفكرات فين كانت و شنو طرالها .. صبعها و رجليييها .. طايبين بيها .. جاتها البكية و التنخصيصة و الحگرة .. حتى سمعات فحال الدقان فالباب .. تكمشات على بعضها خااايفة حتى تحل الباب بشوووية و طلات عليها ديك المرأة .. نعمة غطات صدرها و توتوها بيديها كاتشوف فيها برعب و هي دخلات عندها بشوووية مدخلالها الشمبوان و الكيس و الصابون .. حطاتهوملها و تمتمات بنبرة خافتة
-بنيتي تبغيني ندوشليك (كاتدوي و تشوف فكدماتها و جسمها المتورم بالكامل .. نعمة شافت فيها و تمعنااات فوجهها و عينيها .. بانتلها بصورة ماماها شهقات شهقة كاتقطع فالقلب و تلاااحت عليها عنقااتها كاتبكييي بصووووت عاااالي تسمع فكااامل الأرجاء و كتمتملها بنبرة حزززن بكاااء)
-اهئ اهئ .. م ماااامااااااا اهئ اهئ .. ب بغا يقتلني كنت غانموووت ما مرة مازووج اهئ اهئ ع عشت أياااام كووووحل اهئ اهئننننن اييييي .. ف فلت منوووو بالزز .. د دابا مامثيقاااش أنني هربت مامثيقاااش .. اهئ اهئ 😭😭😭😭
المرأة حاوطاتها بيديها كاطبطب عليها و تشوف فجروحها بشفقة .. نعمة مابقاتش قادة توقف على رجيلاتها مابقاتش حاسة بيهم فخطرة .. ثقلاات على المرأة حتى قربو يطيحو بزوج للأرض .. غي تعاونات معاها و جلسات و جلساتها فحضنها كاتدوز يديها على كتافها و تواسيها
-ششششش صافي أبنيتي صافي .. نتي دابا فبلاصة آمنة
نعمة كاتزييير عينيها و تتنخصص:ك ك كااان غايقتلني .. ل لقيت الغفلة و هربت و و جا ورايا ح حتى دخلات فيه شي طموبيل .. الله معايا و شاف من حالي ياك اهئ اهئ .. ش شوفي شوفي (وراتلها الصبع المبثور و الجروح اللي ماليين جسدها و حتى قاع رجليها اللي كانت حالتهم حالة و المرى مسكينة بدات تبكي معاها بقات فيها الشابة الصغيرة .. بريئة و زوينة ماتستاهلش هاد العذاب .. واخا مفاهماش شكون هداك و شنو طرا .. إلا أنها عاملاتها فحال بنتها .. عنقاتها و طبطبات عليها و واساتها .. دوشاااتلها و حكاتلها الوسخ ولكن رادة البال حيت لحمها طااايب .. مسالاتلها حتى بغات نعمة تسخف من الشهيق .. المرى كادوشلها و هي كاتبكي و تشكيلها .. السيمانة اللي دوزاتها فداك القبر و الغرفة اللي تحبسات فيها .. و الأفعى السوداء و القنبلة .. حتى ديك الغرفة اللي عامرة بالشمع و كي عطاها لقاع رجليها .. كولشي عاوداتولها و تسكت كاتسهى حتى كاتعاود تبكي ثاني و تتفكر شي حاجة و تقولها، المسكينة عاشت أكفس عذاب تقدر تعيشو شي وحدة فهاد الدنيا و رغم كولشي بقات عايشة .. قاوماات .. و نجات بجلدها .. أول مسالاتلها المراة خرجات جابتلها پينوار و فوطة صغيرة لواتها فيهم و خرجاتها لبرا و نعمة خرجات معاها الحوايج اللي كانت لابسة على حسب فيهم الفلوس .. نيت كانت موجدالها حوايج ديك المرى .. واخا فاش لبساتهوملها جاوها كبار إلا أنهم نقيين و مريحين .. نعمة سكتات شوية من البكا و تكات فوسط غرفة خاصة بديك المرأة .. نعسات شوية ترتاح .. و تنسى شوية دوك الأيام الكحلة)
🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶🔶
ضنات أنها لا نعسات شي نص ساعة غاترتاح من التفكير فداك الجحيم، ولكن من أول ماغمضات عينيها و هي كاتحلم بكوابيس .. كابوس تابع خوه .. جسدها كل شوية كايتنفض .. جاتها السخاانة و الحمى .. مفاقت حتى بغااات تمووووت غي بداك الكابوس .. شافت حواليها بخووف كان الضلام مخيم على الأرجاء و مكانتش ناعسة فداك البيت الصغير دالدوش .. هذا بيت آخر واسع كثر و ناعسة فوق فراش قاصح شوية .. شافت فالأرجاء بخوف .. يلاه بغات تنوض و هي تتوجع من رجليها .. طلات عليهم بانولها ملويين بضمادات بويض نقيين .. شافت فيديها و هي تقشع حتى داك الصبيع مضمد .. رجعات تكات بلاصتها .. حسات بالسكيينة فقلبها مللي تكات و شافت كي جروحها مضمدين و معقمين .. فحالا تطمنات انها ولات بخير و أن الخطر زاال عليها .. مدة ربع ساعة من اللي فاقت و هي فبلاصتها ماتزحزحاتش .. غي دموعها سايلين و صوتها مكتوم .. كاتبكي بصمت .. و كاتحمد الله على لطفو و رحمتو ليها .. بدات كاتخطط كي دير تنفذ بجلدها و تهرب لآااخر الدنيا منو .. مايعرفها حد فين صفات .. و هي فطور تخطيطها و تفكيرها .. تحل الباب دالبيت بشوووية و طلو جوج ريوس كايتهامسو
دوك الجوج شافو فبعضياتهم مبتاسمين و تقدمو عندها بشووية .. شعلات وحدة فيهم الضو .. كانت هي المراة اللي عاوناتها و معاها شابة تكون كبيرة على نعمة شوية و غليوضة
نعمة أول مشافتهم زادت رتاحت، وجاههم بشوشة .. تقدمات عندها المرأة أولا .. اسمها سميرة و بنتها خديجة
خديجة جات عندها كاضحك:ههههه الله ياوديي ياختي و كنتي ناعسة ماشي فهاد العااالام جا خوويا و هزك هاكا بين يديه جابك من الدوش و نتي مكمشة فيه .. عرفتي گاع بنات الدرب غاارو .. خويا غزاال كايهبل و كولهم مزعوطات فيه ههههه
نعمة تبسمات محرجة:واقيلا زعجتكم .. أنا غي نرتاح شوية و نمشي بحالي .. حاسة برجلي ضاريني بزاف على داكشي ماقديتش نوقف و نخرج عندكم
سميرة جلسات جنبها:لا أبنيتي حشومة هاد اا
لهضرة .. راه بنتي فرملية هي اللي عالجاتلك رجليك و قاداتهوملك هي و داك الصبيع مسكين
نعمة شافت فصبعها و بحسرة أردفت:الحمد لله اللي جات غي فصبع ماشي فيد كاملة
خديجة بتسائل:ايوى اختي انا جاني الفضول .. كي طرالك و جرالك .. لحمك و كولشي فين مرزي .. شكون هاد ليهودي اللي دار فيك هاد الحالة .. أكيد ماعندو قلب
نعمة تنهدات تنهيدة خارجة من قلبببها و قالت بحسرة:هه أنا اللي درتها لراسي و تزوجت بواحد على طمع .. انا اللي قلبت عليها
سميرة بتسائل:كيفاش طرالك أبنيتي واش راجلك دار فيك هاد الحالة؟
نعمة حركات راسها بلا:لا .. راجلي قتلو و أنا بغا يوصلني ليه
خديجة متشوقة:أويلي كي طرا .. دوي كي الناس و نتي كاتنقطي علينا الكلام
سميرة قرصاااتها حتى قفزات:كوني تحشمي .. البنت مسكينة راها مأزمة فنفسيتها واش كاضنيها مساالية فحالك باش تعاودلك شنو جرالها .. (شافت فنعمة بابتسامة) ماشي مشكل أبنتي أهم حاجة راحتك .. نتي بقاي متكية انا نجيبلك تتعشاي و رجعي نعسي ثاني .. حتى تولي بخيير و عاوديلنا
نعمة حركات راسها بالنفي كاتمتم: لا لا انا نقدر نعاودلكم .. غي داكشي مللي كانتفكرو ك كاتجيني البكية و خاطري كايهرب .. (تنفسااات بعمق حاطة يدها على قلبها) عشت أكفس أيام حياتي أنا .. عمرني كنت نتخايل أنني غايطرالي داكشي .. حياتي تقلبات مية و ثمانين درجة .. نهار عرسي من رياض .. راجل سعودي شافني فالخطوبة د بنت عمتي و.......
بقات كاتعاودلهم شنو طرا من الأول .. كي تزوجات و ليلة عرسها كي دازت .. خوفها و رعبها من شنو طرا و البوليس اللي تعاملات معاهم، الشهر اللي دوزاتو مخبية غي فالدار و مللي تشجعات و خرجات كيفاش بان قدامها .. و مللي أصرات انها تتحداه فاش تشفرلها التليفون شنو طرا و فديك الليلة تخطفات و فين حلات عينيها .. گاااع شنو طرالها بقات كاتعاودولهم من طاق طاق حتى للسلام عليكم .. مرة توقفها تنخصيصة .. مرة شهقة .. مرة كاتحبس و تسسسسهى كاتفكر داك الجحيم و وجهو كي كان مشوه .. كاتمشيييي حتى كاتحركها خديجة و سميرة اللي بداو يبكيو معاها .. بقات فيهم البنت كي دايرة كي النوارة و دوزات داكشي .. لو كانت وحدة منهم متأكدات مكانوش غايقاومو و كانو يقدو يموتو قبل مايخرجو حتى من داك القبر .. عاااااد الشي لاخر .. هكاك دوزو ديك الليلة حتى ضرها نعمة الجوع مزيان .. ناضت سميرة جابتولهم كلاو بثلاثة بيهم مجموعات .. و نيت هوما اللي كانو فالدار .. الراجل د الدار هو أخ خديجة و ولد سميرة هو اللي حامل مسؤوليتهم عندو گراج تحت الدار كاريه .. أما الأب فهو مات زمان و خلا سميرة مقاتلة مع الزمان كاتكبر وليداتها حتى كبرو و كل واحد فين خدم و بقاو معاونين بيناتهم .. هادشي اللي عاوداتو سميرة لنعمة مللي ناضت خديجة تمشي لخدمتها حيت عندها مناوبة ليلية .. بقاو غي هوما بزوجات كايتعاودو حتى غلبهم النعاس و نعسووو ناسيين الدنيا و مافيها
☀ صباح يوم جديد☀
ضربات الشمييسة الساطعة فعيون نعمة اللي كانت نااعسة بعمق .. الظاهر أنها ماحلماتش بحتى كابوس .. هذا ظاهر من ابتسامتها البريئة اللي كانت مبتاسماها و هي مسرحة عجول لاخرة .. حسات بالإطمئنان و الراحة من بعدما فلتات من يدين داك المجرم، حلات عينيها على صوت هضرة رجولية .. بقات مقلشة وذنيها كاتصنط و قلبها كايضرب بالزربة .. خافت من داك الصوت .. ناضت بشوووية عليها چالسة كاتصنط كثر و تشوف فالبيت و الأرجاء .. ذاكرتها فحالا تفلاشات .. فحالا نسات فيناهيا .. مشات كاتخلف خلفات صغااار جيهت باب البيت .. حلاتو و خرجات غي راسها كاطل فيناهيا .. بانلها صالون متوسط الحجم على قد الحال و جالسين سميرة و شاب آخر معاها كايدويو بصوت خافت شوية .. نعمة بقات كاتشوف فيهم حتى تنهدات براحة و تبسمات .. عاد تأكدات أنها بعدات على داك المجرم و على ديك البلاصة .. كانت ضانة أنها غي كاتحلم .. حلات الباب كثر و خرجات كاتعرج عندهم بشووية و تحنحن
-ا احم .. ص صباح الخيير
سميرة دارت شافت فيها و تبسمات:أهلاا بنتي نعمة .. صباح النور .. أجي تفطري أجي
نعمة تبسمات ابتسامة واسعة و مشات جيهت المطربة .. جلسات جنب سميرة جات قبالت ولدها اللي كان حاضيها من أول خطوة خطاتها للصالون، شافت جيهتو على غفلة .. أول ماتقابلو عينيهم تبسملها بهدووء و زاح نظرو عليها
نعمة تحنحنات كاتمتم بخفوت:أنا صراحة أخالتي سميرة .. ماكرهتش نهاجر .. ب بغيت نمشي لأبعد بلاصة على المغرب .. مابغيتوش يلقاني مزال
الشاب شاف فيها بتسائل:بغيتي تحرگي؟
نعمة شافت فيه .. مكاتطولش فيه الشوفة .. زاحت بعينيها للجنب كاتحنحن:اممم أه .. بغيت
الشاب تبسم:نقدر ندبرلك فين ولكن خاصك اللعاقة
نعمة بقات كاتفكر موودة .. ساكتة و كاتقول منين غانضبر الفلوس حتى تبسمات و شافت فيه:أه عندي .. و واحد الطموبيل نقدر نبيعها و فلوسها نحرگ بيهم .. أنا ماكرهتش ندير هوية مزورة و نمشي حيت مباغاش نتعرف و بغيت نتحرك بسمية أخرى غير سميتي، فهمتيني؟
بقا كايشوووف فيها شحال و يحك على حاجبو حتى قال على غفلة قفزها:نضبرلييك اللي يقادلك وراق مزورين .. و عارف واحد خونا كان دار فحالك زمان حيت البوليس كانو باغيين يشدوه، زور الوراق و مشا من هنا لسبانيا و من سبانيا شد بلاد اخرى مابقيتش دويت معاه .. الموهيم نتي تمشي من هنا لاسبانيا فالباطو وغير توصلي تما تقدري تحركي كيفما بغيتي فأوروبا وتمشي لأي دولة أوربية بلا حتى مشاكل، حيت تقدري تركبي غير فالتران والباس ما تيدققوش فيه يلا طحتي فشي نقطة مراقبة و تفتيش ..راه فينما بغيتي تمشي غاتمشي غااا هو الفلوس خاصك كثيرة
نعمة بقات متبعة كلامو بتركيز حتى قال آخر كلمة و قالت بلهفة:د د دابا ن نتا غاتعاوني بصح ياك مكاضحكش معايا ؟؟
-أوااايلي على نضحك أختي .. معاك عمر و من لا يعرفه .. أنا راني معروووف فالدروبة هنا اللي حتاج شي لعبة فحال هكا نضبرلو فيها .. غا هو الفلوس نبغيهم ناضيين
نعمة تبسمات بفرحة .. واش لهاد الدرجة هي عندها الزهر و الله سبحانه و تعالى واقف معاها باش طاحت فهاد الناس هادو بالضبط .. بكاو معاها و واساوها و شاركو معاها الطعام و ولدهم يعاونها تهرب لبعييد .. وسعات ابتسامتها كثر و دمعة يتييمة سالتلها من واحد العين .. سهااات كاتفكر فهادشي حتى قفزاتها سميرة
-كولي دابا كولي و نتي كاتفكري فهادشي على الصباح .. بعدا رتاحي و چلسي حد مايقولك علاش
نعمة شافت فيها مبتاسمة و قالت بعد صمت طوييل:أنا أخالتي بغيت غي نتفك .. باغا غي نهرب و مغانعاودش نرجع لهنا ثاني .. المغرب عمرني نعتبلو .. غي مايوصلنيش داك المجرم
عمر بهدوء:ايوا اختي لا بغيتي تسالي أمورك فأقرب وقت خاصك تعطيني الفلوس و نشوف معاك
نعمة شافت فيه بتسائل:غاتخرج دابا؟ عفاك عندي شي كارط بونكير بغيت نشوف شحال فيها دالفلوس و الطموبيل حتى هي .. طل عليها و خوذها لشي حد معرفة يشريها و دوك الفلوس قضي بيهم الغراض
عمر ومألها براسو:واخا أختي .. نتي كولي و شوفي لا عند الخوادرية ماتلبسي و أجي نمشيو نشوفو هادشي هذا و نحلوه
نعمة ومآتلو براسها:واخا
سميرة:أويلي حاي و نتي رجليك ضارينك
نعمة شافت فيها بحزم:ماشي مشكل .. الحريق درجلي مساوي واالو مقارنة مع الحريق اللي عندي فوسط قلبي و روووحي .. بغيت نرتاح .. بغيت نعيش هانية .. بغيت نهرب و نبعد، بغيت مانعاودش نعيش العذاب اللي عشتو .. بغيت نولي بخير
سميرة تنهدات بحرقة على حالة هاد البلارة قدامها .. خايفة من خيالها غي كاتبين أنها شجاعة .. فاش كادوي كاتبغي تبين أنها قوية ولكن نبرتها كاتخرج مهزوزة منغنغة و خايفة .. باغا غي تلقى فين تهرب و تغبر .. بعدما فطرو .. سميرة عطاتها جلابية ديال خديجة هي و شال لبساتهم نعمة و هزات البزطام اللي كان بقا عند سميرة خباتولها هو و مفاتح الطموبيل .. خرجات هي و عمر و تكات عليه بيدها حيت رجليها بداو كايعطيوها الحريق و الصداع .. مشات معاه للطموبيل هي اللولة منعتالو فين خلاتها .. مشاولها نيشان لقاوها بلاصتها كيفما بقات .. عمر غيي شافها صفر مبهووض و قال بعدم تصدييق
نعمة فرحات:أجي نشوفو واش بوراقها (حلاتها و دخلات كاتقلب فالجوايه و فوق الطابلو و ورا المراية .. غي هبطاتها طاحو شي وراق منها .. هزاتهم كاتقلبهم كانو بصح وراق الطموبيل .. نعمة ضحكاات بفرحة مامثيقاش هادشي اللي كايطرى معاها .. عمر جبد تليفونو يدوي مع شي ناس باش يشريو من عندو الحديدة و ركبو بزوج غاديين لأقرب گيشي .. مشات نعمة كاتيري فيهم غي بكارط وحدة .. لقات فيها 3 دالمليون .. بقات كاتيري حتى تسالاو الفلوس من عندهم .. كانت جبدات تقرييا 5000 درهم .. مشاو لگيشي آخر نفس العملية حتى جبدات الثلاثة كاملين و دارو ثاني بالكارط الثانية و الثالثة و الرابعة و الخامسة .. كل وحدة و شحال فيها .. وحدة خمسة و لوخرى ربعة ولوخرى مليون و لوخرى خمسالاف درهم .. الموهيم گاع الفلوس اللي فدوك ليكارط جبدوهم حتى عياو النهار كامل و هوما كايدورو .. حتى صونا واحد من صحاب عمر عليه على حسب الطموبيل .. خداو الطريق جبدة لعندو .. تفاهمو معاه على 35 مليون تباعت الطموبيل و رجعو للدار تقريبا بخمسين مليون .. و من داك النهار بدا عمر فالإجراءات لنعمة بهوية مزورة و پاسپور و ڤيزا و كووولشي اللي تحتاجو .. عندو معارف صحااح أي حاجة بغاتها لقاتها عندو .. عاشت معاهم أيام كثار .. تعافات تقريبا من رجليها .. شرات حويجات و تعاونات معاهم حتى مع المصروف حتى خرجااتلها أمانتها و أخييييرا جا اليوم اللي تقدر تهرب فييه .. و تنفذ بجلدها صحيييح قبل مايلقاها داك المجرم .. القتال .. كولشي دارتوو و هي باقا ماطمنات عائلتها عليها .. مابغاتش تخاطر حاليااا حتى تبغي تسافر عاد تقولهالهم و تغبر فخطرة
نهار جديد .. من بدايتو آذان صلاة الفجر كايذوي فالمكان .. عويناتها الخضرين محلولين .. مانعسات ولا شافتو من ثوثرها .. كل شوية كاتقلب لجيه .. مرة شمال و مرة يمين .. حاسة بقلبها كايضرب بسسسرعة و يعاود .. شافت جيهت الكومود اللي جنب الفراش فين ناعسة، ولات هي و خديجة متشاركات نفس الغرفة .. مدات يدها للوثائق اللي وجدولها فالليلة الماضية .. هزاتهم كاتقرا فلاكارط ناسيونال اللي فيها صورتها الشخصية ولكن السمية مبدلة على سميتها هي .. الهوية مزورة و هادشي اللي موثرها و مخوفها .. خايفة لا يشدوها و يعيقو بيها أنها ماشي صاحبة الهوية .. ناضت من بلاصتها كاتحك على رقبتها و تتأفأف بنبرة خافتة .. راسها عطاها الصداع من كثرة التفكير .. استاعذات بالله العلي العظيم و مشات جيهت الحمام اللي جا خارج الغرفة .. توضات و رجعات للغرفة .. لبسات عباية و شال و فرشات الصلاية تصلي و تناجي ربها يعاونها و يسهل طريقها .. من الفجر حتى دازو ساعات و هي كاتصلي و تدعي من قلبها .. بحرقة و بخوف باغا تنجى بحياتها .. ناضت كاتقلع الشال و العباية و خرجات من البيت جيهت الكوزينة مباشرة، بدات كاتوجد الفطور .. هزات السميدة كاترشها بالما و الزيت و الخميرة دالحلوة البيضاء كاتصايب حريشة .. دارتها فالبوطة و دارت كاتدير اومليط بالبيض و تخربق تما كاتضيع الوقت علاما يفيقو .. عمر هو أول واحد خرج من بيتو على ريحة الماكلة .. غي قشعها كاتدور فالكوزينة من شبر لشبر و تقاد هادي و هادي تبسم ابتسامة خفيفة كايتمتم بنبرة خافتة
-صباح الخير
نعمة غي سمعاتو قفزات .. كانت مخشششعة كااتدندن بخفوت و تحرك الأومليط حتى سمعات صوتو .. دارت بشوووية . شافت فيه كاترمش بعينيها بشوووية و رجعات عطاتو بضهرها كاتمتم:جابك الله .. خويا عمر عفاك جيب الباگيط من المخبازة انا نصاوب أتاي
عمر تبسملها:واخا أختي ..
نعمة تبسماتلو بهدوء و حنات عينيها للمقلة طافية عليها البوطة .. مشات لبريق أتاي عمراتو بالما و شعلات عليه العافية خلاتو يتبخ و بدات تخرج و تنزل فوق الطبلة فالصالون .. جمعات حتى الزبدة و الشكلاط و الكونفيتير و الفرماج، الحرشة اللي طابت و حتى الأومليط غطاتو باش مايبردش دغيا .. رجعات للكوزينة كاتلقم أتاي و هي تدخل عليها سميرة كاتعقد زيف حياتي على شعرها و تمتم
-صباح الخير يالنوارة
نعمة شافت فيها مبتاسمة:صباح النووور
سميرة قربات كاضحك:صبحتي نااشطة هههه
نعمة تنهدات بحرقة:مانعستش أصلاا .. خايفة لانحصل و نتكشف و ندوز اللي بقالي فهاد العمر فالحبس
سميرة حطات يدها على كتف نعمة كاتطبطب عليها:ماتفكريش بزااف أبنتي .. ديريها بيد الله و توكلي عليه
نعمة تنهدات:و نعم بالله .. مصاب مايطرا والو
سميرة بابتسامة:ايوا قوليلي شنو درتيلنا؟
نعمة بابتسامة:حريشة و أومليط .. بغيت ندير ماكثر مي مالقيتش المقادير .. كانت شهوتي فواحد الكيكة شفتها فيوتيوب البارح .. ولكن خسارة .. نتي عارفة مانقدرش نخرج حاليا حتى نتفك
سميرة بابتسامة:الله يفك وحايلك يالحنينة .. (باستها فحنوكها) ديريها فيد الله و ماتقنطيش .. ماتنسايش الصبر مفتاح الفرج .. هادو غي اختبارات من الله عز و جل .. كايختابر عبادو بيهم
نعمة بهدووء:هااحنا صاابرين أخاالتي غي الله يستر و صافي .. توحشت واليديا .. توحشت ماما و دارنا، غانمشي بلا مانشوفهم
سميرة تنهدات:فااهماك و حاسة بيك .. دابا يجي شي نهار اللي تطلاقايهم .. دابا نتي خاصك تنفذي بحياتك .. هادي أهم حاجة
نعمة تنهدات بحرقة: داكشي اللي كاين
عمر داخل من الباب:هالباااگيط جااا .. سخووون عاد خرج
نعمة تبسمات: و أتاااي وجد (طفات عليه و شافت فسميرة) يلاه نفطرو دابا .. و نعيشو هاد اللحضة .. يعلم الله واش نعاودو نطلاقاو مزال ولا لا
سميرة تبسمات:يلاه أبنتي انا نجيب الما و نلحقك نتي خوذي أتاي و الكيسان
نعمة ومآتلها براسها و هزات الصينية دأتاي .. خرجات من الكوزينة .. خلات الخالة سميرة كاتدعي معاها ربي ينور طريقها
بعدما فطرو فجو حميمي عائلي بيناتهم .. سميرة حاسبة نعمة فحال بنتها و عمر كذلك حسبها فحال ختو و عاونها و وقف معاها وقفة رجال .. حتى خديجة فاقت تفطر معاهم .. حيت غاينوضو دابا يشدو الطريق لطنجة .. تافقو باش يمشيو لطنجة مباشرة و من طنجة غاتشد الباطو اللي قطعو فيه باش توصل لإسبانيا نيييشان و من مور اسبانيا خططو باش تشد طران و غاتمشي مباشرة لفرانسا، هذا المخطط اللي تافقو عليه .. ناضت تلبس عليها و حاسة بالغمة فقلبها .. ولفاااات معاهم الجلاس .. حسباتهم فحال عائلتها .. حوايجها ديجا جامعاهم .. هزات كاع اللي تحتاج .. و لبسات الخمار اللي ولات كاتخرج غي بيه تحت الخمار كانت بلباس آخر علاما يوصلو غاتحيد هادشي باش السفر يدوز بخير و مايكونوش شكوك .. وجهها مابقاتش كاتحمل يشوفولها شي حد من غير العينين اللي كايبانو فيها
هزات تليفوناتها بهدوء .. تليفون عادي نوكيا بيل و معاه سامسونغ آخر موديل .. طولات الشوفة فداك نوكيا، تبسمات ابتسامة حزييينة و زيرااات عليه .. جرات الڤاليز ديالها خارجة من الغرفة و صاك صغير معلقاه فيها .. لقات سميرة و خديجة كايشوفو فييها بحزن مساخياتش بيها .. هي قربااات عنقاتهم كاتبوسهم و تتسالم معاااهم بحرااارة و حتى هوما كايبوسو و يعنقو مساخياتش بيها .. ماخرجات فحالها حتى بغات تمووت بالبكا خارجة هي و عمر اللي غايوصلها لفين بغات .. أول ماوصلات لباب الزنقة علات راسها فالشرجم لفوق كاتشير بيديها ليهم .. كانو كايطلو عليها .. دوزو أيامات زوينين .. احتواوها و كانو عائلة ليها .. وقفو معاها فالحزة و واساوها على جرااحها اللي بداو يبراو .. رجليها كاتمشى عليهم مزيان بلا مايوجعوها و لكن أكييد أثر الحريق بقااا فيهم .. حتى خنصرها المسكين واخا الجلدة بدات تغطي على الجرح إلا أنه باين مقطوع .. خصوصا أن بلاصة الضفر كاملة كاملة مكايناش لحد للحد ديالو مقطوع .. ركبات فطموبيل مرسيدس قديمة ديال عمر .. نطالق بيها بهدوء بعدما حطو الڤاليز فالكوفر .. هي تكات على الباب بشوووية و شافت جيهتو كاتمتم بنبرة شاااكرة
-شكراا بزاف أخويا عمر .. نتا أكثر وااحد عاونتيني .. لاماكنتيش نتا .. كنت باقا كاندور على شكون يعاوني
عمر صايگ كايدوي و يشير بيدو:الله يا ودي .. راك فحال خديجة .. هانية الموهيم هو تعتقي راسك و تسلكي من هنا .. حتى انا لا كنت لقيت الفرصة كنت ندير فحالك .. غا الفلوس ملاقيش
نعمة تنهدات بحرقة:هادشي اللي عطا الله ..
عمر بتسائل:بعدا عندك سميت البنت اللي غاتجلسي معاها حافضاه ياك !!
نعمة ومآتلو براسها:اممم "أودري"
عمر:هاديك راها معرفة قديييمة و ظرريييفة تعاونك حتى توقفي على رجليك .. من زمان و حنا كاندويو تعارفنا غي فالفايسبوك هههه كنا متافقين تجي لهنا نتزوجو باش تديرلي الوراق و نعلق حتانا
نعمة بابتسامة:الله يوفقك يا ربي
عمر تبسم:آميين احم .. الموهيم هي غاتجلسي معاها ففرانسا و حنا نطمنو عليك النيت
نعمة تبسمات كاتمتم بنبرة مرعودة:خايفة أخويا عمر لا يعيقو بيا؟
عمر:لا لا ماتخافيش .. السيد اللي كايصاوبهم معللللم .. و اصلا فالميناء دابا الدنيا كاتكون عامرة بالمسافرين كايدوز كولشي ساهل، احم .. شبانلك نوقف هنا فالجنب تدوي مع داركم
نعمة ومآتلو براسها:داكشي اللي كنت غانقولك
عمر حركلها راسو بالإيجاب و وقف جنب الطريق .. جنب واحد السووق عااامر بالناس .. نعمة هزات نوكيا بيل مطووولة فيه الشوفة .. حتى تنهدات بصوت مسموع و دارت رقم ماماها كاتصوني عليها .. مدة و التليفون كايصوني و يعاود .. حتى كايقطع و كايعاااود يصوني ثاني .. حتى فقدات الأمل من جواب الأم ديالها .. دارت نمرة خوها اللي حافضاها صووونا فترة حتى تفتح الخط .. مع تفتح مع هتفات نعمة بفرحة
-خ خ خووويا
سمعات صوتو بنبرة خافتة حزينة:نعمة! هادي نتي؟
نعمة حركات راسها بالإيجاب فحالا كايشوف فيها و قالت بنبرة مرعودة:أه انا اخويا .. كي دايرين لاباس عليكم .. توحشتكم بزاااف أخوويا بزاااااف .. ماما كي دايرة؟ صونيت عليها و مكاتجاوبنيش واش نتا فالدار معاها؟
أصبحت الضحية القادمة الجزء الرابع
محتوى القصة
التنقل بين الأجزاء