حيد عمر التريكو ديالو و لاحو فوق الناموسية معصب و دار كيستعرض العضلات ديالو و هز وحد القرعة ديال الما و حطها في فمو كيشربها ....و لالة العروسة باقا غير واقفة قدام الباب ...و ضامة يديها لعندها و دور غير في عويناتها و قلبها مزال كيضرب تقولي كانت تجري ....هو مداهاش في حتى الوجود ديالها هو كيشرب تفكر غير الزمر لي كانو يشوفو فيه و كيضحكو و هو يخبط قرعة الماا مع لرض ...حتى قفزت حليمة و هي غير تشوف فيه و واقفة و كتبان من عويناتها مخلوعة
الحاج طالع من الدروج و هاز جلابيتو تلاقا في طريقو حكيمة لي نازلة تجريي فرحانة باست ليه يدو و دازت و عاد شاف كلثوم نازلة بشوية عليها و دقة دقة و كتشوف فيه
الحاج وقف و كمش حجبانو : واتيي دخل ااه
كلثوم نازلة عندو : ايه دخلتهم اسي الحاج
الحاج هز عكازو عليها : و تي قوليه بسربي دغيا ينزل السروال
كلثوم : وايليي ا الحاج تنتا عدوك عماا راه عمر مبغياهاش اشمن سروال غادي يخرج ليك
الحاج : حيدي حيدي انا نورييه انا فنطلع البوه
كلثوم : هانااا الحاج ... طلع الحاج يشتف على الدروج
في البيت ....عمر مدارش شاف فجيهتها كاع واش كينة و لا مكيناش جا غاديي للدوش ...هو يسمع الباب غيتهرس عليه ...حليمة طارت من قدام الباب و تمشات راجعة اللور تشوف في الباب و تشوف فيه
الحاج محيح براا بالخبيييط : وتاااا خرج لياااا السروااال دغيااا
عمر دار عاقدهم في الباب غير شوفتو تخلع و دار للناموسية ديالو فيها شي شراوط بيضين على شكل سروال مشا ليه جمعو في يدو ...حليمة غير حاضية معاه بعينيها و واقفة في بلاصتهل ما تحني ما تدني باركا الحشمة و الخلعة لي فيها ...شافتو جاي جيهة الباب تساخرت اللور
عمر حل لباب على الجدو و عطاه السروال و هو مطلع التخنزيرة : ها سروالك خودوو
الحاج شدو يقلب فيه و طلع فيه عينو : واش نتا ساير ضحك عليا
عمر رفع فيه حاجب : نتا بززتي على الزواج و لكن مغتبززش عليا حاجة اخرى ...لاح هاد الكلام لي فحال السم و دار فحال يكمل طريقو للدوش ...و لالة حليمة تبعاتو بعينيها و كتاكل في صباع يديها باين و واضح لعما بلي مبغاهاش
الحاج متبعو بعينيه غيجيب ليه السكار دار عند حليمة : ميبقاش فيك الحال ابنيتي (طلعت فيه مسكينة وجهها و كلها حمرة مطيشة و تحرك ليه راسها بلا) جليسي رتاحي ليك ابنيتي ....و حول عينو للعمر لي دخل للدوش ممسوقش ... وهو يسد الباب ديل لبيت بشوية و طلق حلقوو : وااااا تهاميييي وااااا تهااااامييييي اويلي وايلي باغي يشوه درية في دواار ويضحك ناس عليا حكا ما حكا كنة الحاج مخرجش ليها سروال والله لا كانت البوه باغي يقتلني هاد سلكوط
حليمة تمشات بشوية وهي حانية راسها و الحزن على وجهها متبرزت كي لعريسات مطلعت فعماريا كي المبرزات ...هي تحمد ربي و تشكروو إيه حيت ياربي حتى قبل بيها شي حد و تجوج بيها و ليني تهي مكرهتش تكون فحال لبنات ....مشات على الحافة دالناموسية و وجلست في الطرف مسكينة و ضامة يديها و حانية راسها ...أما السي عمر فهو داخل للدوش تحت الرشاش و الما كيتكب على عضلاتو هو مطلع راسو للسما و مغمض عينو كيبرد بهاد الطريقة أعصابو
الحاج على برا واقف معاه التهامي القلدة عاطي للحاج صبعو ...و الحاج شاد موس و دوزو على الصبع ...يحسابليكم تقصح تهامي و تقول واقف كي الجدع متحرك فيه والو ...خرج الدم ديالو مسح بييه الحاج السروال
التهاميي ملقي ليه صبعو : زيدك الحاج
الحاج يقاد في سروال : لا باركااا زيد قدامييي زيييد
جالسة حليمة غير تحسب في صبيعاتها مسكينة ...حتى خرج السي عمر من الدوش ديالو ....لاوي غير فوطة و الدخان من العضلات ديالو خارج و شعرو رادو اللور و كيتمشى ...هي سمعت تقرقيب ...
ناضت وقفت قافزة ماتهزش فيه العين ....داز عليها فحال البرد مكلفش راسو يدور وجهو للعندها و كيخرج بين سنانو الهدرة : مانسمعش حسك ...طلعت في عينيها مجبداهم و ترجع بشوية بللور حتى من النفس قطعاتها ...و كتبعها معاه عينيها ....غادي للغرفة دريسينغ ديالو
أما لتحت فنايضة القايمة و ضريب الطباليي ...وهازين السروال فوق ريوسهم فرحانين بدم التهامي ....حكيمة تشالي بيدها و جيلالي هو لي هازو و الناس يصفقو و عبدة الرمى يضربو ....الحاج واقف داير يدو وراه و يشوف يخنزر طيرها ليه حفيدو ...و كلثوم تهيا واقفة و دور تشوف اللور مشطونة من جيهة عروستها و حفيدها
و عيالات الدوار و العزبات و واقفات يشوفو و دايرين يديهم على خدادهم
عويشة : ورااه باينة حليمة باقا عزبة
فضيلة : بصح نيت شكون كان يديها فيهااا
فتيحة دارت عندهم : راه دات راس السوق خليني ساكتا....قد خواتاتها يقولو هاد الهدرة قد بنات الدوار يقولوها كولشي شاهد وعارف عفت حليمة شكون كان يرضى يكون معاها و لا حتى يشوف فيها
في البيت ديال سيدي عمار ...خرج من الدريسينغ لابس شورط و و مطلع غوباشتو في جيهتها مكيشوفش فيها و مشا للناموسية ديالو ...تشبح على كرشو و جمع التخنزيرة و غمض عينو ...بقات حليمة واقفة ضامة يديها كتشوف فيه ناعس و حالة عينيها و دور فيهم في داك البيت تحلف عليها ميسمعش حسها ...بقات مجمدة تما ....فاش دازت شي نص ساعة هاكاك تطفا الضو ديال البيت اوطوماتكيا ...واراك الفيلم ديال الخليع عند لالة حليمة مطرطقة عينيها في داك للضلام و طلع النفس و تنزلها و يتسمع غير صوت نفس ديالها و تدوي بشوااااية باش ميتسمعش : غ غيكون غير تقطع الضو و لا تحركت لبولة ...شافتو تقلب و هي تهز يديها حطتها على فمها و حتى من رجليها دروها بالوقيف و النفس بدات تقطع ليها شوية ....بدات تمشى على صباعها و دور تشوف فيه و غادا للجيهة ديال الشرجم خطوة خطوة حتى وصلت و كدور تشوف فيه و دارت حيدت الخامية نحاتها ...و بقات فاس افاس مع الشرجم بدات كدفع فيه والو مكيتحلش و هي تبان ليها بلاصة فين تحط صبعها ...حطات صبعها وهو يبدا شرجم يتحل ويطلع قفزت حليمة وحيدت صباعها دغيا وهي مخرجة عينيها ومشات كتجري مخلوعة لجيهت لحيط باش تبعد على شرجم وكتحاول متسمعش خطواتها
حليمة مجبدة عينيها و تهدر بشوية : اويلي خلعني غير قستو تحل ناااري كون فاق دابا سي عمااار منبقاش نقرب لهادشي ...دارت من وراه كان ناعس و هي عاد بدات كتشم الهوى كانت تحس براسها تخنقت... و دارت كتمشى بشوية لكنبة جلست تجمعت و هي كتشوف فيه و مرتحاتش مزيان ناضت تاني وقفت في البلاصة لي خلاها واقفة فيها و هو ناعس و كتافو عراض.... بقات واقفة كتشوف فيه فحال ملاك الموت و مترعة عليه الشرجم
أصبحنا و اصبح الملك لله
في البيت ديال عمر ....ناعس على ضهرو و مخنزر و مغمض عينو و شوية الريح باردة كدور عليه زائد اصوات جايا من برا ...حل عينو و مع النعاس ...غير مزيد رابط الغباشة ناض جلس فوق الناموسية بشوية نايض خاسر ...دور عينو على البيت مبان ليه حد بان ليه غير الشرجم محلول
عمر كيورك على الهضرة : شكون حل داك الزمرر ...ناض من الناموسية مبودر و كيدوز يدو على شعرو و كيخسر في الهضرة و طالعة ليه القنديشة كيتمشى حتى خرج فشي رجل ...نزل عينو كيلقى لالة حليمة ....ناعسة في لرض و متكية على الحيط و لايحة كل رجل في جيه مولفة لرض تهيا و طالقة يديها و وناعسة و طايحين ليها الشفار اسطناعيين
عمر نيت جاتو على الكانة و صوتو مجهد : وااااش نتييي حمقة لااااش ناعسة ليااا انا هنايا (حليمة ناضت قافزة دغيا حلات عينيها باقي حتى معقلت على راسها ناضت جمعت الوقفة تشوف فييه كيف معصب و مخرج فيها عينو ) قلبييي على شي قنت اخرى فين تنعسيي و شكون حل داااك زمر ....و شير ليها للشرجم ...هي ناضت مطرطقة فيه عينيها و خدودها غالبينها قدامو و قصيرة و قلبها يضرب يضرب و جامعة يديها عندها و دوك الشفار يتنسلو قدامو : كيي شتيي أنايا ك ك كنتخنق ب ب بليييل
عمر كيشوفها كتنسل قدامو و كتزيد تعصبو : مالك تمتمي عليا تما سيري سديي عليا الزمر
حليمة مزال غير تشوف فيه و تحرك ليه في راسها : و و وو اخا ....خلاها تما و دار كينكر على الصباح و لي جات قدام رجلو كيضرب مها ...حليمة ولات خفيفة مشات تجري سدات الشرجم و كترعد
و تشوف في الشرجم مخلوعة بدات تقرب و تبعد صبعها من الشرجم و دور من وراها محيلتها للخلعة ديالها مع راجلها ما حيلتها خلعتها مع الشرجم ...حطات صبعها هو يتحرك باش يتسد و هي تهربو دغيا و دارت فحالاتها راجعة لبليستها
ياو من بعد هاد ليلة دالعرس و النشاط و الماكل ....ماخواو حتى صبح الحال حيت من بعد السروال كانت زردة اخرى ....و في الصباح دارو ليهم الفطور و كاع الضياف داو معاهم خنيشة فيها الحلوة و وسط منها لويزة ديال الدهب باش كلشي يبقا مفكر عرس حفيد شيخ القبايل ...و ناض الشطيح و الرديح و جا ستاتي ختم ليهم البلان ...الدريات تفقصو حتى عياو و ناضو يشطحو يبردو غضادهم حتى من خواتاتها جلسو تعياو و ناضو طلقو السالف على رزقهم...و كلثوم تبسم و تصفق و رافدة الهم للولدها و مرتو في البيت ... حتى طلع الصباح و الضياف صبحو في خيامهم
في خيمة الجيلالي ... حكيمة واقفة تما منعست موالو توجدو في الفطور في الدجاج و المسمن في الكفف و مزيدة بناتها يعاونوها يطيبو للفطور للختهم مصبحة عروسة
فتيحة كتقاد في الحلوة : ميي راني عييت فيا النعااس
حكيمة تحزم في الكفف و ناضت تحير عليها : تييي اش ساريااا تقولييي تيي شكون يعاونييي نديو للدرية عروسة مصبحة نمشي نطلب من العديان
فضيلة تهيا تكادد : واااه امي راه لباس عليهم غطمع فينا حنا نجيبو ليها الفطور
حكيمة دارت تخبط فيها و تنفض : سكيتي الله يغرق ليك شقف و زيدي قداميي ....عويشة جات تجري للكوزينة سخفانة و تنهج : ميي راه جارتنا خديجة جايا هي و بناتها جوج و جايبات الكفف
حكيمة ناضت وقفت و مكفضة : اي عليها فين عمرها عاونتنا و لا عطاتنا حتى سكيكرة سمعاتنا تناسبنا مع الحاج و هي تجي تبعصص هنايا
عويشة : دابا اش نقول ليها و كان امي ؟
في القصر دسيد الشيخ ... هاكا على الصباح موجدين الطابلة في الماكلة و الشراب الخير شايط و دريات يوجدو و يتخابرو على العروسة جديدة ...تمشات لالة كلثوم كتنخوى بالكاندورة : امدرا فين وصلتوو ا دريات ؟ صربيو دابا يعودو يجيونا الناس
الدريات : واخاا الالة كلثوم ...كلثوم طلعت راسها للفوق العالم الله يالعرسان الجداد
في البيت ديال سي عمر ... باقا جالسة حليمة باز لي عنقها مدرها و هي حاديا مع الباب ديال الدوش لي دخل من السي عمر ...غير خرج ناضت وقفت تانا كتحس فحالا المشهد كيتكرر ... عمر مخرج فيها غير عينو مجوج بزز و زايداها كل الساعة تقفز عليه و تبقا الطل عليه و عينيها غابرين مع الغلض ....داز منفخ عليها باش يدوز يلبس يخرج فحالو قبل ما يزيد ينفاجر راه فيما يدوز عليها تعصبو ....حليمة غير تجر معاه عينيها فينما داز متقرب ليه موالو كيبان ليها معصب
من بعد شي ربع ساعة تقريبا ....نازل عمر من الدروج لباس سبورتيف و كيبية فوق راسو و مزير على القبضة ديال يدو
الحاج يستنا فيه تحت الدروج بعكازك : اتا فين غادييي رجع عد مرتك متخاليهاش وحدها
عمر مزال زايد نازل : طلع عندها نتا ....و ضرب فيه و زاد مخليهم موراه
الحاج غيكفكف : شتييييه للباباه شتيييه اش ساير يقول ليا
كلثوم جات تهدن في الحاج : خليه ا الحاج على خاطرو انا طالعة عد حليمة نشوفها
في البيت دعمر ... حليمة عاد بدات تطلع النفس و تنزلها عادي تا خرج ويلي تخاف منوو في المااا تبان فيه صعيييب ...عاد ناضت تحل في المضمة و هزات التكشيطة تحيد فيها ...و هي تسمع الباب تحل و هي ترجع دغيا تلبس التكشطة و تشكرفت مبغاتش تنزل ليها و لصقت ليها مع الزواهك و كانت غتشرم ودنيها
كلثوم داخلة عندها : حبسي حبسي دابا غتشرميي ودنك
حليمة وسط تكشيطة خرجات عينيها و الفرحة دخلت للقلبها : مييي كلثوم هاديي نتييااياا متخيليش شحال فرحت و نايا نسمع في صوتك ...جات كلثوم تعاون فيها تحيد ليها و تدوي : حيديه غير بشوية هوكايا (حتى حيدت ليها التكشيطة بزز لقاتها تشوف فيها و ترمش و هي تبدا كلثوم تدوي و تجبد في حجبانها ) المهيييم ها ناس جاييين خواتاتك و موك و ياك لا سولوك على شي حاجة عنداك تقوليلهم مدرنا والو لي سولك قوليليه داز مزيان صافي
كلثوم تجبد فيها عينها : دابا سيري دوشي و غسلي شعرك و جلسي فوق ناموسيتك تتجي ميمتك و وياااك و تقولي ليها مدرتو والو
حليمة : و و وخا مييي كلثوم
كلثوم : سيري حطي حوايجك انا غنسيفط ليك وحدة من دريات تعمر ليك البانيو (الجاكوزي )
خرج عمر من القصر ...محامل يشوف وجه حد شتي راسو و محاملوش خارج ...هاز التليفون ديالو آيفون كيشوف فيه ديزابيل و لي مساج و مشا للطموبيل ديالو ...كين غير صباح الخير سي عمار ...تفضل اسي عمر ...هو مكيجاوب حد و مامسوق للحد
تقاد الجاكوزي للالة حليمة في الدوش و عمروه ليها بالما دافي ...دخلات هي هازا غير الفوطة ديالها و تجبد في عينيها تشوف في جنابها و تشوف في الحمام بالرخام قداش كبييير و زين و باالكريي و كين فيه الرشاش معزول ومدور بالجاج و جاكوزي بالكري دارت عندها الخديدمة سعيدة و كتهضر و تبزق في فمها : لالة هاهو البانيو عامر بغيتي شي حاجة اخرى
سعيدة طلع فيها و تنزل تحلفي هي مولات الدار : مرحبا الالة خدامتك الالة ...و دارت تمشى فحالها و تحسدها على زهرها ...حليمة خلاتها تمشات و حيدت حوايجها بشوية و جلست في لرض مدخلتش لبانيو وبدات تهز لما بيديها من البانيو وتدوز على لحمها عيات تقلب بعينيها على شي طاسة في حمام والو ملقتهاش قالت يمكن نساو معطاوهاش و كتشد صابون لي قدامها وترغوي فيه و دوزو على لحمها هادشي على حساب عرفها مسكينة
دخلت حكيمة و جارتها خديجة و دريات من موراها هازين الكفف للباب الخارجي دالقصر الكبير ....جات دخلتهم مع خرجت سي عمر بطموبيل ... الجاج فلو مقشعو والو غير دريات لي موراهم يتناغزو ....كانت لالة كلثوم تسنا فيهم على برا و تبسم ليهم ترحب بيهم
سلات حليمة تدواشها بزز و خرجات من الحمام مجموعة تحت الفوطة و طل على سيقانها لي مافيهم الزغبة فرحانة و تمشات بشوية عليها للفاليزتها لي باقين مستفوش ليها حوايجها مشات تقلب على حوايجها من الملابس داخلية للملابس الخارجية و كلشي بطاي ربعة إيكس إيييل ....بدات تلبس و حاديا مع الباب و تزرب لبست كيلوطها و ستياناتها و جبدورها بالبيض زين اما حتى راسها مقاستوش بلعاني بلما حيت فيه البروشينغ مبغاتش تخسرو
حليمة تمشط في شعرها قدام المرايا : ياربي متلققش مني مي كلثوم مبغيتش نفزك شعري (هما يدقو عليها في البيت ديالها دارت للباب ) شكووووون ؟
سعيدة من ورا الباب : هانا لالة بغات تشوفك لالة حكيمة
حكيمة تبسم و هازا الكفة ديالها و حانية راسها : لالة و لالك بنت رسول الله ....تحل عليهم الباب
حليمة خرجات عينيها بالفرحة و تلاحت على حكيمة عنقتها مابين فيها لا ليلة دخلة لا ستة حمص ...سعيدة دارت حيدت من تماا
اما لالة خديجة و بناتها جوج و خواتات حليمة ثلاتة جالسين في طابلة لالة كلثوم و باين فيهم الجوع شافو الكراواصة و المالفاي و الحلاوي و بداو غير يخشيو في فمهم و لالة كلثوم جالسة و خاطرها مامهنياها عينيها غير الفوق
كلثوم تبسم : مرحبا بييكم
خديجة : ربيي يخليك الالة اناا لي كنت نوكل حليمة و نكسيها ....فضيلة و فوتيحة و عويشة كانو ياكلو غير سمعوها و هي توحل ليهم في دقة وحدة و لاو يتجاراو يجيبو ليهم الما
في البيت ديال عمر ....جالسة حكيمة فوق الناموسية دسيدي عمار و حازمة راسها بسبنية و دور عينيها على البيت و دور معاها حتى حليمة راسها و الكفة حدا رجليها
حكيمة : و مالكي غتلقايه ساهل راه حفييد الشيخ هاداك يلاه نودي نخلطو على خواتاتك لتحت و عكوزتك يتسناونا
في القصر للتحت ....جالسات فضيلة و فتيحة و عويشة و يتفرجو في السلوكية لي تجري قدامهم و بناتها يأيدوها في ريهم ...أما لالة كلثوم فغير جالسة و تشوف فيهم و تبسم و عقلها ماهوش معاهم حتى طلعت عينيها و بانت ليها حليمة نازلة هي و ميمتها ضاحكين و فرحانين عاد ارتاحت دارت خديجة فرحانة و ناضت وقفت : بنيتي حليمة يويويويويويو شو كي صابحة بنيتي منورة تبارك الله ...حليمة نزلت كتشوف فيها باستغراب هاد سيدة مكانتش تعطيهم حتى شربت الما و لالة حكيمة غير مغطية فمها و تخرج عينيها في لالة خديجة لي ولات هي ميمت حليمة قدام كلثوم...طلبات منهم كلثوم يتفضلو يجلسو و ياكلو .... خواتات حليمة مطلعوش فيها ولا طلعو جاب الله وجيبة الماكلة غادي يدخلو فيها طولو عرض ولاو هما و بنات خديجة يتنافسو و حكيمة توكل في حليمة و توصيها و خديجة تبخت راس كلتوم بالهضرة ...حتى سلات الزيارة ديالهم و مامشات حكيمة حتى وصات بنتها على دارها و راجلها عاد تهنات عليها و هما واقفين في الجردة ...و خديجة و بناتها واهليي سبقوهم برا
فضيلة كتشوف في حليمة : لاش متسكنيناش معاك ا حليمة
حليمة طلعت فيها عينيها و حجبانها : ءءءء؟
حكيمة تشوف في فضيلة و قرصتها : تي تسطيتييي لاا ؟ تقزدريي على ناس ختك زيديي قدامي لاباغا تزيدي
فضيلة تقصحت و تبعد : ايي اميي
عويشة : ماقالت عيب أميي
حكيمة : زيدووو قداميي وليتو تحلمو و تفكوو دوزي بخير ابنيتي الله يكمل ليك بالخير ... جراتهم قدامها و بقات واقفة حليمة تشوف فيهم و جامعة يديها عندها و علاين تبكي بقاو فيها في قلبها دابا خاصها تعيش مع ناسها و هي دور بشوية عليها حانية راسها و قليبها كيضرها على خواتاتها و ميمتها مجات فين الدخل حتى جات عندها كلثوم
كلثوم و تكحيلة في العينين و الدهوبات في اليدين : صافي مشاو
حليمة كطلع عليها غير تحت عينيها و تحرك في راسها : اااه ا مي كلثوم
كلثوم : دابا سيري طلعي دابا و بدلي ليك و ارتاحي راه راجلك علاين يجي من الخدمة باش يتغدا هو و باك الحاج يلاه
حليمة طلعت فيها راسها عينيها تحلوو : واخااا ا مي كلثوم ....معاوداتش معاها الهضرة دغيا مشات تمشا و طلعت في الدروج طالعة للفوق و كلثوم كملت المشية ديالها تتنخوى في اتجاه الكوزينة ....و حليمة طلعت دغيا دغيا تسمع للهدرة للبيت السي عمر ...دخلت دغيت تنهج لبيتها و مشات لفليزتها و دهازها تبدل كيف قالت ليها لالة كلثوم نزلت تشوف و تخير اهم حاجة حويجها يكونو بالبيض حيت مزالا عروسة جديدة هزت قميص بالبيض دغيا دغيا نسلت حوايجها و لبست القميص و قاداتو مزيان جمعت شعرها حيت تحشم طلقو قدام الحاج نزلت جمعت فاليزتها و بغات طرفها في بلاستها ...و هي كتمشى خارجة حتى قشعت غرفة الملابس
حليمة : ديالاش هاد البيت لي بلا باب ...تمشات بشوية غادا جيهة للبيت و مجبدة عينيها نيت مكينش سيدي عمار تشوف البيت على خطارها
دخلت حليمة لداك البيت لي كان مقاد و عصري ...و كل حاجة في بلاصتها ها الساعات في بلايسهم ها الكاسكيطات مستفين بالانواع و الملابس الرجالية معلقين و مقادين بطريقة انيقة و الريحة دسي عمر غير دايعة في هاد البيت ...دخلت حليمة فاتحة فمها و تمشى فوق الرخام الرمادي ...و الدور في عينيها و تشوف و تستكشف
حليمة : هادشيي زيين تهو ديال سيدي عمااار (دارت للحويج لي معلقين و هي تعقد الغوباشة ) هادوك مالهم مامطويينش ... تمشات ليهم و جبدت وحد من العلاقات هي مامولفاش تشوف الحوايج هكا و باش تعرفو الحداكة كفدت يديها و نزلت على للحويج من الراس تال الراس ...كين غير طوي و تقادد كاع العلالق خواتهم و تستف لتحت و تقادد و العلاقات تطرفهم تبارك الله عليها يرضي عليها جمعت كلشي ...عاد ناضت فرحانة
حليمة : صافي كملتهم ...ودارت تمشا ويد تقاد في القميص و يد تقاد في الشعر ديالها
لتحت كان جالس سي الحاج على الطبلة و شاد عكازو و يشوف في الشيهوات لي في الطبلة و جات جلست حداه كلثوم ....الحاج دار يشوف في وحد الفرشة في لرض و ينعت بحجبانو : تي علاش منجلسووش لهيه
كلثوم كتشوف في الخدامة : حطي هنايا هاد الجلسة الحاج راه لامود ... و دورات عينيها للحاج
الحاج جالس في كرسي : و هاد لامود راه يضرنييي في ضهريي انااا
كلثوم تبسمت و هي كتشوف في الدروج : ها حلييمة نازلة
الحاج يشوف فيها و يضحك : ههه تبارك الله على مرت حفيدي ....نازلة حليمة تبسم ليهم و جامعة يديها عندها و مشات دغيا باست يد الحاج غير هربها ليها و جلست حداه ....عاد دخل عليهم سبع البرمبة ديك الحداش لي عاقدها ممفارقاهش كيتمشى للعندهم للطبلة و كيتبودر عليهم ...حول عينو لمرتو حليمة لي غير شافتو ناضت وقفت دغيا ....هو يزفر محول عينو عليها ماحملش يشوفها ...الحاج مطلع فيه غير القنت ديال عينو هو غير يشوفيه اش ساير يدير
كلثوم : جلس اولدي جلس ...حليمة غير تبسم تحت نيفها و تشوف فيه ....جلس بالنفخة تماا و يسوط مخنزر محاملهاش و هي وقفت فوق راسو و تشوف فيه
كلثوم تشوف فيها : حليمة جلسي...حليمة جلست حداه و هي تشوف فيه باغا ترضيه مسكينة
عمر مخنزر : ففففففف ....و مد يدو بغا يهز كاس ديال الما و هي تنوض من حداه فحال العجاج هزاتو ليه وحطاتو قديمو هو يكحزو بيدو بنفرة و على شوية مايطيحو و خدا الكاس لي من لهيه ...حليمة رجعت جلست و كتشوف فيه ومطلعة حجبانها عرفاتو رافض يشد من عندها و هو كيشرب في الكاس ديالو
الحاج شاف الستون و اصلا كان حاضيه : لااش مالووو الكاس لي عطاتو ليك حليمة
عمر حيد الكاس و كيهضر بحدة بلاما يدور عندو : الحاااج قلب عليااا
الحاج هو يصعر : اناااا نقلب عليييك انااا و ميشدش من عد مرتوو ....عمر دور عينو مخنزر فيهم و حول عينو للحليمة لي غير شافت شوفتو خشات وجهها في لرض
الحاج فقصو : شووو كيدير يشوف فيها ...كلثوم تدوي من لتحت : صافيي الحاج تا صافي ....عمر حول عينو للطبلة الحاج كيبقا جدو معندو ميدير ليه ...حليمة لي نزلت راسها للرض
الحاج دار عندها : كولي ابنيتي كولي مديهاااا في حد ...حليمة طلعت فيه راسها و حاولت تضحك ليه مسيكنة ...و عمر كيكل بنكهة الاعصاب هو كيتخيل غير هاد الكثلة مرتو هو ....كلاو و هما غير يشوفو في بعضهم عندك عمر لي مهز عينو في حد و الحاج مقابل معاه ....حتى سالا و ناض فحالو للبيتو بلا كلمة بلا جوج
كلثوم تنغز في حليمة و تدوي : نوضي تبعي راجلك
حليمة طلعت فيها عينيها : ءءء؟ و و واخا ...و باين من صوتها خايفة الطلع عندو ..دارت تمشى بشوية و هي ترعد و ناري شحال الطريق طوالت عليها و هي غادا ترعد حتى وصلت للبيت دخلت تدور في عينيها مع الدخلة سمعاتو كيخسر في الهضرة و هي تعض في شفايفها و بغات تدور تخرج فحالها ....و هو يخرج معصب و مكشكش عليها و مخنزر و عينو فييها : شكووون ليي قرب ليااا لزمر واش نتيي ؟
حليمة غير مجبدة عينيها فيه معرفت تجاوب باه و لا لا : ش ش ششنوهو ؟
عمر واقف معصب و الهضرة مخرجها بين سنانو : أجييي لهناااا ... ناريي قلبها هادي هي ساكتة المسكوتة بدات تمشا عندو بشوية و عينيها لي يشوفو فيه و حناكها قد ما هما عراض قدما هما حومر ...حتى وصلت قدامو اصلا هو طالعة ليه وهو يشد مها من دراعها و خشا فيها صباعو حتى نزلت حجبانها حيت قصحها نيت و جرها مع صحيح لداخل للدريسينغ تبارك الله دريسينغ مطويي على حقو وطريقو
عمر كيشوف فيها : شكووون دار هاد زمر
حليمة مقصحة من جيهة دراعها و تشوف قدامها : أ أ ن ناا ش شفتو مرون و انا نطويه
عمر رفع حاجبو فيها : شناااهوااا ؟
حليمة تهضر بشواية و تشوف فيه : أ أنا ل لي طويتوو
عمر هو ينفضها قدامو : واااش عند موووك شي عقل و لامالك (حليمة غير جمعت يديها و تشوف فيه و الخلعة شداها من صباع رجليها تقولي غياكلها هو مكرهش يخرج فيها جنونو الكركاس ديالها كيعصبو و كيهضر تحت سنانو ) آخر مرة تقربي لشي حاجة هنااا كتخصنيي و لاا
عمر بعصبية : غبريي من قدامييي ....حليمة معاودتش معاه الهضرة مشات دغيا مدارتش من وراها دغيا خرجت و حالة عينيها تلهت و كتمشى بزربة : مييي كلثوووم مييي كلثوووم ...كانت كلثوم كتعطي الهضرة للدريات و هي تسمع الصوت ديال حليمة مع الدورة كتبان ليها درية جايا تجري عندها ووجها مخطوف من وراها
كلثوم : داباااا سمعيني و حليي ودنييك لبارح دوزنا سروال بدم تهاميي (حليمة تحرك راسها بأيه ) دابا نستناو عمر يخرج و نطلعو نشوفو دوك شوميز دونوي لي شريت لييك لي يجي معاك و يجي قدك باش تلبسيه ليوما في ليل
في واحد المكتب خاص بالجماعات القروية ....جالس السي الحاج في البيرو و شاد العكاز ديالو و محوطين بيه عيطة رجالة صحاح و قدامو النصارة جوج رجال و بنت قرطاسة الوسط ....يحساب ليكم الحاج الداها فيها جالس و يشوف فيهم و هما يدويو بالفرانسوية و و سعيدحداه شاد الماستر يترجم ليه (واحد مم رجالو )
سعيد : وااا اسي لحاج راه قالت ليك و بغاو يشريو لرض لي حدا البحر بغاو يستتمرو فيها
الحاج : قوليها منبعوش حنا لرض و زيد عليها مالحة متنبت والو
سعيد دار عدها : ويتي ويتي ويتي ويتي ...التهامي حال فمو في النصرانية بدات تاني دوي ويتي ويتي (كندير ليكم لي كيسمع الحاج 😂) ....الحاج يسمع غتوتويت
سعيد دار عدو : قالك هما عارفين هادشي بغاو يديرو مصنع الملح تما
الحاج بدا يطلع ليه السكار : و يتزاحمو معايا اناااا
سعيد : عفاك الحاج
الحاج دار عندو : و مالك نتااا ؟
سعيد : راه ماشي انا هي لي قالتها انا ترجمت ليها
النصرانية : الهااااج (دار عندها ) ويتي ويتي
الحاج دار عندو : تي هاد الكافرة بالله اش تقول
سعيد : تطلب فيك ا سي الحاج
الحاج : قولها مابيعش هي مابيعش
في القصر ديال الشيخ ....و في البيت ديال السي عمر ....جالسة لالة كلثوم فوق الفوطوي دالبيت و دايرا رجل فوق رجل و حاطة حداها فاليزا عامرة بلي غوب و الملابس الكثيرة بالحجم الكبير ... و تعطي الحليمة تقيس عطاتها واحد غوز مستور شوية حد الركبة و بسميطات خرجات عند كلثوم ...اش غنقوليك درية غليضة ماشي ديال هادشي رجليها و فخاضها غلاض بزاف و متقبين فيهم ترهلات و رجليها صغيورين منعرف كيف قادين يهزو داك اللحم كولو ....و طلقت الشعر ديالها و حانية راسها تبسم حشمانة قدام عكوزتها ... كلثوم كتشوفيها هو المعري كثار من المغطي ايه و لكن درية راه بزاف قالت مع راسها راه راجل غيشوفها ناعسة حداه هوكا غيدور ليها (خالتي كتدوي على واحد ممدوزش و اول مرة ليه ماشي واحد شابع دريات )
حليمة بحشمة : كيف جانيي ا خالتيي
كلثوم تبسمت ليها : زوين لبسي دابا بينوارك و خلطي عليا لتحت نتفرجو شوية بينما جاو و منها نيت نقوليك اش ديري يالاه ....لبسات بينوار طويل ديال بيجامة ديال دريريات و حزماتو من الفوق و بغات تجمع شعرها و هي تحبسها كلثوم : شعرك زين لاش غتجمعييه
حليمة : حشومة نبقا طالقاه قدام با الحاج
كلثوم : هههه لا راك متعرفيش الحاج راه كابر مع نصارة من عهد للاستعمار و عقلو متفتح عكوزتي الله يرحمها كانت مديرش سبنية و انا في صغري كنت نلبس سروال قطيفة و توب و ندور بيهم و ميدويش معايا بلعكس ابنيتي لبسي و عيشيي و عمر الحاج ميدخل فيك و لا يشوفيك شوفة ناقصة دابا خلي شعرك مطلوق و يلاه نزلو....حليمة دارت بكلامها وخا حشمانة طلق شعرها ...و مشات مع عكوزتها
في نواحي دكالة في وحد البنية بعيدة و كبيرة شادة ارض على قدها فيها باركينغ و العساسة و فيها الطبقات طويلة مكتوب عليها المكتب و مختبر الفلاحي خدمين فيه عمال و مهندسين و موضفين كثار ... و في أعلى هاد البناية كان المكتب الضخم ديال سي عمر اليعقوبي ...جالس زين السمية فوق الكرسي و متكي عليه و كيهضر في تليفون ديال الشخصي مع صحابو لي في برااا ...و هو كيهضر بالفرونسي و عاقد الحداش و كيبان فيه مهموم
سي عمر بالفرنسية : مغاديش نقدر نجي هاد الصيف عندي خدمة بزاف ...و هز راسو للفوق و هو مغمض عينو و طلع يدو و حط صباعو بين عينو كيتنهد
ياو ها ليل جا و جاا بخيرو ...العشاوات يتحطوو فوق الطابلة غير المحمر و المجمر و الحاج عطينو صوبة ريجيم عينو على الدجاج و قدامو صوبة ....و جالسة حداه كلثوم و مجلسة حداها حليمة ملوية في بينوار عريض تنغز فيها
حليمة : واخا ا ميي ...و دارت تشوف فيه ...دخل عمر مغبر كاع شي ملامح في وجهو كيتمشى للطبلة
كلثوم تبسمت : جيتي اولديي جلس جلس
حليمة كتشوف فيه مكيدورش لجيهتها و رغمة دالك تبسم مسكينة تعطيه غير شوفة
الحاج كيشوف فيه و فحالا باغي يجبدو : أممم جلس ....جلس عمر و شاف فيهم وبدا كياكل مكالمي مكيهضرش ... كطل عليه بعينها عليه ...حتى دوزو ديك العشيوة
كلثوم مالت عند حليمة و تدوي بشوية : نوضيي سبقييه يدخل يلقاك تما و حيدي البينوار لا تنساي ...معاودتش معاها الهدرة قلبها بدا يضرب ناضت جمعت الوقفة و ضامة يدها طلع الحاج عينو
الحاج : بنيتي جلسي تاكليي مكليتي والو ...حليمة قفزت وحشمت و حنات راسها
عمر مامسوق للوالو ناض فحالو ماشاف في حد و زاد
كلثوم حاديا معاه : لا الحاج راها شبعت ...و دارت تغمز في حليمة باش طلع التبعو ...حليمة دارت تطلع النفس و تنزلها و متوترو و غادا تابعاه و كتشوف فيه و ربي لي عالم بيها
عمر دخل نيشان حيد تي شورت ديالو لاحها فوق الناموسية و مشا ديريكت للحمام ديالو و دخل بلاما يشوف من موراه ...عاد دخلات هي كطل تما ...و تمشى جنب و شافت تيشرت ديالو بغات تمشي دغيا طرفها و لكن تفكراتو فاش تحلف عليها و هي ترجع فحالها دورات راسها للباب كتسمع الرشاش تطلق ...و هي ترجع بللور و حيدت البينوار ديالها و حشمانة ممولفاش طرفت البينوار ديالها و مشات جلست فوق الناموسية في القنت و طلقت رجلها تما و قلبها كيضرب و كتلعب شعرها بيدها ...و تحاول تبسم و قلبها غادي يسكت و طلع النفس و تنزلها... بعد شوية خرج السي عمر من الدوش لاوي فوطة على النصو و مع الخرجة لقاها تشوف فيه و تضحك و تحشم ...عقد حجبانو و هو كيشوفها بديك الحالة و خنزر فيها فحالا عيفاتو و هو يقلب عليها و وجههو و هو مبين ليها بلي معجباتوش ....هجرت الضحكة مسكينة حيت شافت النضرة ديالو و هي تجمع راسها و جمعت رجليها عندها و حنات راسها راه حتى هي بنادم و كتحس و شافت النظرة ديالو ....مشا هو لبس شورط كيحاول ما يشوفش في جيهتها ...غير خرج بغات تحاول تبسم ليه غير تجدبو غير شوية و لكن والو جا و نعس على ضهرو ...و عاض على الفم ديالو و كيتنفخ و كيتفش و شد جهاز التحكم ديال تلفازة و شعل لبلازما لي قدامو ....و ربع يدو كيتفرج فوق النفس في فيلم اكشن متجاهل هاديك لي حداه لي ملصقينها فيه
حليمة مكتدويش معاه و لكن كتشوف فيه و تبغي تضحك ليه و بغات تقرب للعندو ناضت شوية و هي تزعزع الناموسية ...و هو يزفر قدامها و طفا الزمر و دار عطاها بضهرو نعس ...في ديك اللحظة كتسمع فحال التحطم ديال القلب ديالها ...أي انثى مغاديش تبغي راجلها يتجاهلها فحالا ماشي بنت لي ناعسة حداه ...و هي كتشوف فيه رجعت بلاستها و عينيها عمرو بالدموع و نزلت راسها و بدلت وجهها و بدات كل دمعة يا دمعة كتنزل من عينها ...و سادة على فمها باش متخرجش الشهقة ...و لكن مقدتش ناضت بشوية رغمة دالك الناموسية ترفعت معاها ... عمر مغمض عينو و مخنزر و فاس ناضت تحركت بيه الناموسية و هو يزفر ....و هي مشات تجري للحمام تكمل بكاها تما باش متصدعوش
دخلت للحمام و سداتو بشوية و بدات تبكيي و و تشهق و تبرد في دموعها حيت هما لي عندها و هي كتحس بانوثتها تجرحت هي عارفة راسها خايبة و كلشي كيقولها ليها ...و ليني قالت زهرها تسكم معرفتش ان غير ديك النظرة من رجلها غادي تقصحها كثر من هضرت الناس ...بكات بكات حتى بردت و دارت تشوف راسها في المرايا كيف غليضة و فخاضها كبار هي معجبهاش راسها وعافتو و دموعها على الخدود ديالها : كون كنت أنا راجل مكنتش غناخد مرة فحالي مسكييين شو اش عدوو واش انا مرة كيخدوهاا النااس شو لحمي كيداير لاش بزوني عليه كون راه هو واخد مرة زوينة فحال خوتاتي مغياخدنيش هاكا ديرا ...نزلت راسها مسكينة تكمل بكاها وبدات تخنق شوية من نيفها و مبغاتش تخرج لعندو لا تفيقو بقات جالسة تما و كتبكي
صبح الحال و طلعت الشمش على الدنيا تبرق ...فاق السي عمار كيف العادة ديالو غير مخنزر و كيف السبع يتاوب ناض وقف كيتمشى و يحل في عينو مدار من موراه موالو نيشان للحمام ...وقف و بدا يحرك في الباني ديال الباب مبغاش يتحل هو يبداا يطلع فيه و ينزل
عمر : مال موو هاد الباب تانيي ....و بدا يحل فيه والو ...حليمة ناعسة لداخل باز لي ماتشيرات جالسة في الكرسي ديال الطواليط و متكية جنب بداك شوميز غير سمعت الباب يتحل و هي تنوض قافزة مع صوتو
حليمة : ه ه هانا ا سيدي عمااار انا لي هناااا
عمر غير سمع صوتها قولي ساحرين ليه زاد غوباشة على غوباشة : اشش كديرييي نتييي تماااا ....و ضرب الباب بيدو ...و هي ناضت دغيا زلقت و شدات راسها و خايفة و تجري و كلها كتزعزع عاد حلات عليه الباب و كتشوف فيه
عمر مخنزر : حيديييي من قداميي ...دغيا دغيا خرجت من قدامو كتجري هو دخل للحمام ....و هي مشات دغيا و تجمعت في بينوارها ما غسلت وجهها لا والو ياربي غير تخرج من تما و تمسح في وجهها من الدموع و تجمع شعرها باش تنزل فحالها
كلثوم نايضة بكري كتمشى بشوية عليها و عندها تليفون كتهضر فيه اوديو مع صحاباتها حتى بانت ليها مرت ولدها نازلة عندها تجري و مخرجة عينيها ما باين فيها لا دخلة لا والو
كلثوم تبسمت ليها و تشوف فيها : صباح الخير العروسة ديالنا
حليمة تقرب منها و تبسم : صباح النور امي كلثوم
كلثوم تغمز فيها : ايوا ابنيتي كيف داز داكشي
حليمة شدات البكية عندها و حركت ليها راسها بلا : م م موقع والو امي كلثوم
حليمة خنزرت : هاويليي و لبستي ليه داكشي و موقع والووو (حليمة تحرك ليها في راسها بلاا ) هاويليي دري تسطااا شوفي ابنيتي دابا رجعي طلعي عندو بينما وجد الفطور
حليمة تلاحت عليها شدات منها و خرجات عينيها : لا لا أمي كلتوم عفاااك خليني نمشييي معاك
كلثوم : لااا بنتي نتي عروسة جديدة سيري طلعي لبيتك
حليمة تطلب و تزاوك : عافاااااك ا مي كلتوم لاما خلينييي معاك نمشي للكوزينة ن ن نيت ن نصايب انااا للفطور للسي عمااار و البا الحاج
كلثوم حطات يد على يد : أممم بغيتي تصايبي للعمر يلاه أجيي معايا ...حليمة لصقت فيها ....مشاو للكوزينة كانو دريات تما كثار ....و الكوزينة كبيرة و زينة و فيها غير الماعن الزينين و الماكنات المطورين ... دخلت لالة كلثوم للتما وقفو الدريات جاو يسلمو عليها يبوسو ليها يديها و دخلت حتى حليمة هازا عينيها تشوف مكانش يحساب ليها الكوزيتة قد هكاك ...وقفو تما
كلثوم : دريات عاونو لالكم حليمة تقاد و تصايب لفطور لسي عمر حليمة هاهما للبنات غيعاونوك ...كانو يطلعو فيها و يهبطو تحلفي عليها ضرتهم
حليمة دورت راسها عند كلتوم : لا والله ما يحطو يديهم فشي حاجة انااا غنصايب كلشي غير خليي دريات ا خالتيي انا غنقاااد كلشييي و نصايبو ...كلثوم جبدت فيها عينيها هاويلي هادي واش تسطات ...
كلثوم دارت يد على يد : أ لاا نتي غطيبي غير فطور ديال راجلك الدريات بي غيديرو شي لاخر
حليمة ولات تقابح معاها و مجبدة عينيها : لا امي انا لي بغيت نطيب الفطور كولووو (و دارت عند دريات ) صافيي غير سيرو تجلسو انااا لي غندير كلشي
كلثوم تشوف فيها تجبد في عينيها : هي نخلصوك نتي و نجريو على دريات تي كوني تسمعي و لا منعودش نخليك دخلي لهنا راه والله تا نديرها ولا شغديري نتي كاع زيدي قدامي
حليمة دارت عندها و تدوي : لا لا صافي صافي امي كلثوم انا نطيب غير المسمن للبا الحاج و سي عماار
كلثوم : اسمو عمر ماشي عماار واخا و متكتريش زيت وزبدة بزاااف على قبل للحاج ونتوما عاونوها متخليوهاش بوحدها ....الدريات قالوليها : واخاا الالة كلثوم ...و حليمة ضامة يديها عندها و كتشوف فيها فرحانة ... خرجات لالة كلثوم و خلات حليمة معاهم دارت عندهم : ههه والله ا دريات متقربو لحاجة انا غندير كلشي غير هو دكيك و الطحين فينهو ....جابوه ليها و هما يشوفو فيها غلاو ليها الما دارت الطحين و الدكيك و السميدة و كفدت و بدات تعجن و لي حطات يديها تقلق عليها...و بدات تصايب في المسمن شوية دخلت في البغرير و دازت لكيكة و تعمر في اتاي و تدير في الخبز الحاصول درية حادكة مخلات مادارت حتى فاش كانو دريات يديو الطابلة كانت لاصقة فيهم و غير يحطو في الطبلة تقاد الطباسل على كانتها ...كاع الخدامات كيشوفو فيها مخنزرات و يتداكرو عليها ....جا الحاج يتمشى و جايا معاه كلثوم من بعد ما شرباتو الدوا
الحاج جاي و يضحك و يشوف في حليمة واقفة كتسناه و كضحك : تبارك الله على مرت ولدي منورة ليا الطابلة (حول عينو قشع المسمن هو يكمش وجهو ) هاد المسمن ديال حلييمة هاااا عرفتوو من الشوفة ... حليمة حشمت و ضحكت فرحانة
كلتوم هزت حاجبها : هااااي عليك الحاج كنتي تاكل من ورايا ....جلسو في الطبلة دارو بيها و بداو ياكلو بشوية حتى هبط سيد الرجال عمر يتمشى لجيهة الطبلة
الحاج مطلع فيه غير عينو ليمن عارفو داسر و منفخ و طالع للسما
جلس عمر مخنزر حول عينو للطبلة معندوش مع هاد تخربيق التقليدي بانت ليه كيكة ..يلاه هز يدو باش ياخد منها
كلثوم حاضياه و تبسم : هاديك صايبتها حليمة ...حليمة تبسمت و حشمت عمر طلع فيها عينو و خنزر و ضرب الطبسيل قدامها و دار يكب ليه قهوة باغي يبين ليها بلي مباغيهاش ...حليمة اصلا منزلة راسها حيدت غير الضحكة و بان فيها الحزن و كلثوم تهي حيدت الضحكة تشوف فيه
هو ينقز الحاج يشوف فيه : ماااالك تضرب علينااا في الطباسل نوووض نوووض من طابلتيي لي ميكلش ماكلت عيالااااات الدار ميجلسش في طبلتي نوووض
عمر تهو كيتهز غير على فتيلة : هااااهو ناااايض ندمتونييي لاش رجعت كااااع ....و ناض مشاا و كلثوم قلبها مهزوز معاه و حليمة السلاح لي بغات تخدمو تعوض بيه الزين لي معدهاش هاهو رفضو و على شوية كان يضربو عليها وجهها و الحاج يغوت : شو شووو يرد في الهضرة زعما فاش رجعتي قديتي لينا الفايدة و لهلا يوكلووو ليييك مايبقاش فيك ابنيتيي الحااال انااا ناكل هادشييي
كلثوم حيدات عينيها و دارت عندووو : لااااا لااا و تقول ا الحاج غتكوفر ليا دابااا
حليمة بغات تنوض حيت ضرها قليبها و منزلة راسها كتحس بالسم داخل معاها فين بان الاحساس ديال بنات الدوار فاش كانو يضحكو عليها تهيا بغات تكون مزوجة كي العيالات وليني باين ليها غيير ضالميين سي عماار بيها
مكلات ماداقتو حتى قالت ليها كلثوم تمشي لبيتها ...عاد ناضت حانية راسها تمشا بشوية و هضرة تديها و هضرة تجيبها و غير شادة على دموعها
الحاج هاز عكاز و باقي يعير : دابااا نوريه الباباه
كلثوم تشوف فيه : راه قلت ليك الحاج مغيبغيهاش
الحاج دار عندها : لاش مالها درية زينة مالها لي ميبغهاش
كلثوم تفهم فيه : راني مقلتش لعكس و ليني نتا عارف عمر كيف داير و كيف عاش
الحاج : لباباه عاش بفلوسييي ....كلثوم هزت يدها عليه مغتزيد معاه كلمة ....عندك حليمة لي طلعت الفوق و جلست في القنت دناموسية و تزير على يديها و ترد لومة لراسها و تبكي حالتها ماشي حالة عروسة هي كتحس براسها بزز عليه : هيء هيء خاصنييي نموووت انااا هيء هيء هيء انااا لي هوكا دايرا لاش غيبقا هيء هيء يشوفني هيء هيء و يتفكر فيا مرتو هيء هيء خلاتها عويشة مشافو فيا حتى شياطة دوار عاد هادا ....نزلت على يديها و عطاتها للبكا هادا جهدها ....مع ديك العشية هبطت حليمة غاسلة وجهها و هبطت تتغدا مع لالة كلثوم حيت رجال ليوما مكيكونوش ...لي جلستها حداها و زيرتها تعاود ليها على شنو وقع ليها معاه بليل ...حليمة نزلت عينيها و بدات تعاود ليها على اشنو وقع بينها و بين راجلها
كلثوم : ديري عقلك واش كين شي راجل ميبغيش مرا عريانة حداه دابا نوضي و ديما على وجهك تبسيمة و البشارة يلاه ...حليمة واخا قليبها ممطمنهاش دارت خاطر كلثوم و حركت ليها راسها بآه.....بدات معاها تاني تزوقها و تلبسها و تقادها و تعريها و تشاور مع صحاباتها لي شنو يبغيو الرجال و عشاتها بكري و جلستها في ناموسية و تحلفت عليها متنزلش تايجي ... حليمة جالسة تشوف في راسها هو الشومبز زوين و بالحمر و ليني راه لحمها خارج مكفح فيه و ليني المكياج عجبها في راسها و عجبها زينها اكيد غتعجب سي عمر ... داز الوقت بغات تشعل تلفازة معرفتش حتى بدا يتحل عليها الباب و اراك القليبها بدا يشطح الركزة ....و هي تبسم كيف وصاتها عكوزتها و تلعب بشعرها و تسيفط ليه نظرة في الهواء ....تحل الباب عليها
دخل عمر غير عاقد ديك الغوباشة قشعها نيشان جالسة و تشوف فيه و تبسم و تحشم غير المعنى ديال هادشي عصبو هو يجمع العصرة ديدو و كيقرب ليها و مكشكش عليها مافيهاش غيعطي للمها
عمر كيزيد يقرب منها : شنو باغا ديري ؟ (هجرات الضحكة و طلعت فيه عينيها و تشوف فيه و تنزل عينيها هو وقف قدامها ) شنو كديري بهاد الحركات زعمة باغا تغريني و بهاد الجسم هادا ؟ ....حليمة تما صافي نزلت راسها للارض و بدات تنزل الدموع قدامو كل دمعة يا دمعة ...كان غيزيد فيه غير دموعها لي وقفوه و خلاها و زاد للحمام ديالو عينو ماتشوف عينيها ...و هي عطاتها للبكاوات من وراه عيات تقرم على فمها و لكن خرجت الشهقات هي عارفة هادشي و مغيجيش معاها تلبس هادشي هاهو خرجها ليها نيشان ...تحنات شوية على الناموسية و توسدت يدها ليمين تبكي و مغمضة عينيها ...حتى حسات بيه خرج من الحمام و هي تقطع الحس و دموعها غير مازيدين هابطين ...هو تكا حداها بلاما يدور لجيهتها طالعة ليه اصلا غمض عينو ممسوقش ليها ...و هي غير مزايدا تبكيي شوية بدات كتخنق من نيفها بسباب البكا و بدات كتقلب بشوية على الناموسية لي ردتها فحال لمواج كيفاية جيهتها مايلة بيها و كتحرك بيه كيزفر كتوقف هي و خايفة و كدور تشوف فيه بدوك العينين الدامعين و بدات كتحرك تاني بشوية باش دور هو يغوت حتى قفزت و عينو مغمضين : ريحييي ....معاودتهاش معاه خبطة وحدة طاحت عليها
ياو صبح الحال على الصباح فاقت لالة حليمة بكري شوية ناضت شافتو ناعس على كرشو عريان ناضت بدلت حويجها لبست كسيوة مدينية كيف وراتها عكوزتها و جمعت شعرها و هابطت للتحت العالم بيها غير ربي كتشوف في لرض مع الهبطة شافت لالة كلثوم تمشا عندها
لالة كلثوم تبسم : امدرا الالة العريسات اش درتيي ...و هي تمشي تنقز عليها و عنقتها و بدات تبكيي و تشهق و تشكي
حليمة : هيء هيء م م مبغانييش هيء هيء ا ميي نبغانيش
كلثوم مخنزرة و غنقاها : هاااويليي ميمكنش
حليمة حيدت منها و تبكي و تشهق : و و والله ما كدبت عليك ا مي كلثوم هيء هييء
كلثوم دارت يدها على فمها و تشوف فيها : اويلي مسحي مسحي دموعك و اجي
كلثوم عنقتها : شش صافي باركا من البكا هاحنا غنشوفو هادشي كيف غنديرو ليه ....دخلتها معاها للبيتها تهو زين كان لتحت غزال و مقاد على حقو طريقو ...دخلتها تما جلسو في الناموسية ديال لالة كلثوم و جلست تمسح ليها دموعها
كلثوم ج : صافي ا بنيتي رانيييي عارفاه صعيب خرج غير باه و جدو تهما كانو يديرو ليك القوق
حليمة كتطلب فيها بعينيها : شنو غنديير دابااا ؟
كلثوم : بخصوص الطياب لقضية محلوولة عمر عزيزة عليه واحد للحلوة كنطيبها يكالها و يقولي للله يخليك الوليدة
حليمة شنقت ليها على يدها : انا نديرها لييه
كلثوم : واخا تبتي بعدا ندور هادشي في راسي راه مبغاش يدخل ليا العقل
وصلت وقيتة الفطور ...عمر مشا بلا فطور باش بلاما ييقا يعيش داك الزمر كل صباح ....نزل نيشان ممسوق الحد حدو علم كلثوم بلي مغاديش يجي
كلثوم تشوف فيه : و فطورك اوليدي ....مشا خرج بلاما يجاوبها ...و حليمة في الكوزينة مكفدة يديها و مخرجة عينيها و موسخة حالتها تعجن في العجينة باش تجيب الحلوة لي كيبغيها مزيانة و حسن كاع كتعطي كل ما عندها باز لكتافها لي مطاحوش ...الخدامات يوجدو و حاضيين معاها
كلثوم جلست حدا الحاج في طبلة : فففف غيعيني هاد الدري
الحاج ياكل ويدوي : غيقتلنيي انا و ليني و الله لا بقات في باباه
كلثوم : الحاج شرب الدوا ...و دورات راسها تفكر غير في درية لي تزرب و تقاد باش تعجبو الحلوة الغالب الله هادا زهرها ... كاع لي قالت الله يعطينا زهر الخايبة ماتمناش ليها شي زهر فحال هادا ...قادت الحلوة و صيبتها و هي تطلب ربي و ترغب تعجبو غير الحلوة هادا همها مسكينة
كلثوم جالسة في الصالة جلست الملوك ...و تاكل في لآكاجو في واحد الطاسة جاج هاي ...جات عندها حليمة تجري و كلها دكيك و فرحانة غطير : ساااالييت امي كلثوم
كلثوم ناضت تقادت في الجلسة بشوية و تبسمت و هزات حاجبها : صيبتيها ايوا مزيان سيري دابا تقادي ليك انا غادي نعيط على عمر دابا يحضر ياكل اش طيبتي
حليمة كتطلع النفس و تنزلها و ضامة يدها و الضحكة من القنت حتال لقنت : بصح ا ميي غاديي تعجبوو ياكيي
كلثوم تبسمت : انااا عارفة وليديي مزيان سيري بدليي ليك ....حليمة دارت فرحانة كتمشى ... و كلثوم جبدت التليفون آيفون و صغرت فيه عينيها و تقلب فيه على نمرة ولدها حتى لقاتها و حطاتها في الودن ديالها و تسناه يصوني
في المكتب الفلاحي ...كان السي عمر لابس طابلية بيضة مفتوحة و يلاه خرج من المختبر كيتمشى و هو يصوني ليه تليفون ديالو لقا كلثوم حطو في ودنو كيجاوبها : الوو الوليدة
كلثوم تبسم : وليدي حنيني كي دير
عمر واخيرا ضحك و غير نص ضحكة : لاباس
كلثوم : وليدي مالك الصباح خرجتي بلا فطوور ؟
عمر زفر و حيد الضحكة و دور وجهو لهيه : مكين والو ؟ القهوة لي غنشربها تما غادي نشربها هنا فحال فحال
عمر خنزر : متقوليش هاكا مزال تعيشي معايا كثر و كثر
كلثوم : انشاءالله دابا عافا وليدي بغيتك تجي تجلس معايا شوية لا جات على خاطرك بغيت غير نشبع منك الغربة خداتك مني و دابا الخدمة
عمر كيفكر في هادشي : انا غادي نشوف مهيم شوية نكوون عندك
كلثوم تبسمت : ايوا وليدي ربي يفرشك و يغطييك بالرضا
في الخيمة دجيلالي ....عويشة جالسة و تنقي الزرع : سعدااات حليمة باينة عايشة بخير في داك القصر هوكاك
فضيلة كتشطب : ويييه حتى هي مطلت علينا مجات تزور ماتقول هادوك خواتاتي نجيبهم يزوروني
فتيحة تغسل في الماعن : خايفة زعمة ناخدو ليها الراجل
عويشة طلقات الزرع : راه سمعت بااا كيقول غادي يرجعوها للهنا و غادي يسيفطني اناا في بلاصتها و متخافوش مانساكمش مغنديرش فحال حليمة
فضيلة : و نوضييي كون بغاو يبدلوها كون قبل العرس تبعي با راه غير كيخرف
فتيحة : شفتو انا حرمت ندير الغاسول للشعري و لا نحزم كرشي باش متخرجش ليا الكرش غنبقا هاكا تااانخياب و ندي زينهم
فضيلة : زييينهم دااااتوو حليمة
في القصر دسيد الشيخ ....جالسة لالة كلثوم و لالة حليمة كيقادو في اتاي و القهوة و حطات الحلوة لي كيبغي سيدهم باش تكون واجدة ....دخل هو بطموبيل ديالو للجردة القصر و بلاصاها في بلاصتها ....طلعو بيبانها للسما و عاد خرج منها السي المهندس الكونطاك في اليد و النضاضر دشمش في العين و داخل يتبودر تما
كانو يقادو و يحطو في الطبلة و حليمة لابسة كسيوة زينة و دايرا ليها كلثوم المكياج ...طلعت عينيها كيبان ليها دخل ...وحد القلب عندها فينما تشوفو يشهد و تبسم ...كلثوم مشات عندو تبسم : هههه مرحبا بيك اوليديي اجي نيت كنت كنتسناك ....مشات عندو سلمات عليه حتى هو تبسم و رد عليها طلع عينو شاف في مرتو تقول ساحرين ليه عليها مايحمل فيها الشعرة دغيا دور وجهو و عقدهم
كلثوم : شوف اولدي الحلوة لي كتعجبك هي لي كينة فوق الطبلة
عمر هز حجبانو في الطبلة و ضحك نص ضحكة و جلس في الكرسي كيف السبع ....كلثوم واقفة و غمزت حليمة
عمر كيشوف في الحلوة : أندوق ؟
كلثوم : دوق دوق اوليدي كلشي ديالك ...جلست حداه و حليمة حتى هي جلست قدامو و حاضياه ....عمر هز لولة داقها و هز حجبانو عجباتو و دار عند كلثوم : ممم درتيها حسن من المرات لي فاتو ....ناريي منعاودش ليكم على قلب حلومة كيفرفر حشمت و نزلت راسها
كلثوم جبدات حجبانها و ضحكت : بصاااح بصحتك و راحتك ...عمر دار كياكل ليه بشوية بشوية و عجباتو الحلوة دخل فيها طول و عرض ...و حليمة غير تشوف فيه و تبسم ...و كلثوم تحول عينو بينها و بينو
عمر : واااو (دار عند كلثوم ) درتيها زوينة بزاف الله يعطيك الصحة
كلثوم كتشوف فيه : لااا لا ا عمر ماشي انا لي صيبتو صيباتو مرتك ...
عمر غير سمعها فحال سمع قبات عمرو ... حليمة نزلت راسها و عيات تحبس الضحيكة و لكن وسعتها قدامو و حشمانة ....هو مرضاش ناض وقف دغيا مخرج عينو في كلثوم لي جالسة
عمر : علااش مقلتيهااااش ليااا ....حليمة جمعت الضحكة و طلعات عينها كتشوف فيه و هاد دريرية واخا غليوضة كتبان فيها بريئة بزاف
كلثوم جبدات عينيها فيه و هي جالسة : علاش شنو فيها ياك عجباتك الحلوة ....معرف باش يجاوبها غير مخنزر فيها و مزير على القبضة ديالو و زير على سنانو : لغلاط ديالي انا لي جيت هنا....و دار فحالو غادي يطرطق ...كلثوم تبسمت و هزات حجبانها و دارت عند حليمة لي لقاتها تاني خشات وجهها في لرض و شاداها البكية و هي تقفزها من بلاصتها
كلثوم : تي نوووضيي متبقايش كل الساعة تبكي تما
حليمة بقفزة طلعت فيها راسها : م ماكنبكيش أ ميي كلثوم واللهيلا
كلثوم تبسمت ليها : دابا كلا الحلوة لي صنعت يدك ياك هادا هو المهيم كلا وتبننها و عرف بلي بنينة
حليمة طلعت فيها حجبانها : كون عرفني انا لي صوبتها مكانش يدوقها
كلثوم تبسمت و رجعت اللور : ههه وليني كلاها شوفي ابنيتي الرجال لا منفعش معاهم الخاطر كنخدمو معاهم الحيلة هاهو كلاها بلهلا يطريه ليه (حليمة عاد حلات ليها الهضرة و دورتها في راسها و ضحكت ) هاكا نبغيك تبسمي دابا ندوزو المهيم (حليمة كتشوف فيها و طالقة معاها ودنيها معاها ) يقد يكون شافك و عجبتيه وليني مرداش يقرب ليك حيت ولدي عمر كيمشي غير بالعكس و ليني مخصناش نبقاو جالسات نتفرجو فيه بعد الخطرات مزيانة المرة دير هي المبادرة
حليمة حركات ليها راسها : مافهمتش اميي مزيان
كلثوم تدوي و الدهب التشاير في يديها : وااا حليي معايا ودنييك الله يرضي علييك
حليمة هزات يديها حطاتها على فمها و مخرجة عينها في كلثوم : اويلي ا ميي منقدش
كلثوم جبدات حجبانها فيها : ايه و تبقاي هوكااا معاااه اوو ؟
حليمة حيدت يدها من فمها و كلها ولات حمرة مطيشة : و كييف غنديير ليها
كلثوم : اويلي على كيف غادي ديري ليها بوسيه هوكا عاديي من فمو
حليمة شهقت و دارت يدها على فمها : اويلييي من فمووو لااااا نحشم
كلثوم : تيي حيديي عليا هاد الحشمة و توكضي مالكي ساريا ديري شي حاجة حراام ووو؟ راه راجلك هاداك لا مابستيه نتي شكون غتبوسو غتبقاي هوكا كل صباح تبكي عاجبك للحال....حليمة نزلت راسها للرض و مسيكينة ربي لي عالم بيها غير تفكير في هادشي كيجيها حشومة
في وحد لرض من لراضي الحاج لي مكتحدش من الشوفة العين تبارك الله فيها الطول و العرض ....واقف الحاج يلاه خرج من طوموبيل و دايرو يدو من وراه و يشوف في الماكن و الناس خدامة في ارضو و حداه الجيلالي بات حليمة واقفة يتبلحس عليه : الله ياودي اسي الحاااج تا هو كلشي
الحاج يشوف في لرض و يدوي : اسيدي ختار لرض لي عجباتك و دخل ليها نتا نسيبي و الحاج كيتهلا في نسابو....جيلالي حل عينو حتى جبدها و نزل على يد الحاج بالبوسان ....الحاج المختار جبدها من عندو بزز
الحاج : كي ديرا مرتك و الدريات
الجيلاليي ناض : كلشييي كيسلم علييك الحاج و كيقولو نتا لي كين و ماكين ماحسن
الحاج ضحك : يسلم عليهم الخير
الجيلالي : ووو سيدي عماار لباس عليه ....الحاج جمع الضحكة و عقد تخنزيرة خليو ليه غير الفقصة لي فيها هو لاش يجبدوه ليه
بدات كلثوم تصايب لحليمة و تقادد ليها و تقرا عليها صبحية كين غير ديري ليه و ديري ياو سمعي واش ديري عطي لولديه ا باباه ...و درية تحت يديها عاطياها وجهها و تسمع و طالقة ودنيها معاها و عطاتها العكر الحمر باش تعاودو فاش يجي ....تاقدتها تاني وزوقتها و هاد المرة لبستها كسيوة عريضة شوية و انيقة ديال المدينة و طلقت ليها شعرها ....وصلت لعشية جا الحاج مشات تجري خليمة باست ليه يدو ضحك و جمعها هي و مرت ولدو كلثوم دورهم بيه و جلسو في الجلسة يشربو اتاي و ياكلو المسمن و الحلوة لي صيبتها حليمة و الحاج شاد الهضرة مع حليمة و يضحكو ما تهنا حتى جابها للعندو.. حتى وصل ليل ....و كلثوم غمزت حليمة باش تنوض للبيتها باش يلاه توجد للتسخينات
حليمة حركت ليها راسها بأيه و دارت عند الحاج : انا نمشي ابا الحاج شوية و نعود نزل عدكم
الحاج كيشرب في اتاي : سيري ابنيتي سيري....ناضت حليمة جامعة الوقفة و دارت تمشاا
كلثوم دارت عند الحاج : شربتي دواك الحاج
الحاج : تي ايناا دوااا ؟
كلثوم دارت يديها على حنكها : ياولي ا الحاج نسيتي دواك ؟
الحاج قفزها : اش نسيت اش نسييت داك طبيب شربني الفرماسيان كلو اووو فحالا غير انااا لي مرييييض
كلثوم : رجوع الله الحاااج خاصك تشرب دواك و تكملو و توليي لاباس
الحاج : انا لاباس
كلثوم جبدت فيه عينيها : نوض نجيب ليك دواك لي مشربتيش....و ناضت من حداه وهو بقا ايشوف فيها غيشرب تاني الدوا على قلبو
حليمة دخلت لبيتها و قلبها كيضرب ....و يديها كيتفتفو شدات العكر و مشان للمرايا و مطرطقة عينيها و تعاود فوق من شلاقمها و سدات العكر و مشات دغيا دغيا جلست فوق الفوطوي ماشي فوق الناموسية تسنط للقلبها لي كيضرب و عينيها مجبدين و بدات دوي : شنو واش نجي هوكا و نبوسو هادشي لي قالت مي كلثوم راني مخلوعة ياربيي تعاونيي ....و تاكل في صبعات يديها ...دازت القسم لولة القسمين لولة و هي جالسة و مخلوعة راسها في لرض ماشي ساهل هادشي لي قالو ليها تدير ....جلست حتى عيات حتى بدا يتحل لباب ....هزات راسها و قلبها قفز من بلاصتو وغير مزايد يضرب وخلعة شدتها ....دخل عمر مطلع الغوباشة عارفها كينة مع دخلة بانت ليه كتشوف فيه و جالسة فوق الفوطوي و وجهها مخطوف مدهاش فيها قلب وجهو وعينو ....كيتمشى حط التليفون ديالو تما و بدا كيحيد في ساعة رجالية و منزل راسو ....حليمة كتشوف فيه و صدرها كيطلع و ينزل و تسرط في الريق و مخلوعة ...موحالش تقدر ديرها ...و هو كيبان ليها بين عينيها كيتمشى غير عاقد الحداش ميشوف فيها ما يديها فيها حيد السرفيط ديالو رماها تما
حليمة بقات مخلوعة حتى مسكينة بغات تسخف و هي تنوض واقفة وكتشوف فيه ناوية عليها مافيهاش ...خدات نفس و قوات راسها و شجعاتو و بدات تمشا عندو بشوية بشوية غير قربت ليه هو يطلع فيها راسو نيشان بداك الوجه العابس ....حليمة هاديك هي موتها كانت غترجع و ليني قالت لي ليها ليها ....و بدات تجري عندو و تشتف في لرض و طالقة يديها و جامعة فمها و مخرجة عينها ....عمر مافهم حتى وزة غير هاد خيتي جايا هاجمة عليه وثور و هيا ربي ...و هي تحط يديها على عضلات دراعو و تعلات جامعة فمها باغا تبوسو هو شد ليها من دراعها بجوج خاشي فيهم صباعو و مبعد راسو عليها و مخنزر فيها حتى عروقو خرجو ولاو فحالا كيتعابزوو
عمر : اش كديري نتي واش حماقيتي ...و مع صحيح مصعصع دفعها دغيا مع رجعات اللور مع رفع يدو للسما و جمعها معاها بتصميكة قاصحة الحنك حتى تسمعت و تطرسات في الحنك ديالها ....شدات من حنكها و عينيها غرغرو بالدموع و هي كتشوف فيه و الشفاه ديالها لتحتانية كتقفقف قدامو
عمر محمر فيها عينوو و مخسر سيفتو : شنووووو كنتييي باغااا ديرييي لااا هادشيييي بزاااف ....ضرب فيها و زاااد خارج ...هي شافتو خرج و دارت تبعاتو شادة من حنكها و حابسة البكية و تابعاه (في العروبية يقدر الراجل يضرب مرتو قدام وليداتو عادي و الدريات كيكبرو على هاد الاساس تحت واحد المثل ديال ضرب الحبيب زي أكل الزبيب خاصة لي مكيكونوش قاريات )
هابط هو مع الدروج مكشكش غادي يطرطق ناوي ينفاجر مافيهاش و حليمة شادة من حنكها و دموعها نازلين مع خدها وكتغبن بصمت مسكينة حيت قصحها و تابعاه من موراه
الحاج يلاه شرب دواه و كلثوم واقفة عليه حتى نزل عمر محيح عليهم
عمر كيتمشى عندهم و كيشوف فيهم : هاد الزمرررر هو لي مابغيييتش انااا سمحت ليكم ديرووو كلشيي و مهضرتش و لكن حتى للهنا لاااا ....حليمة جات وقفات في جنبو و قلبها كيضرب و شادة حنكها كتبكي و منزلة عينيها لرض
كلثوم تشوف في حليمة و دور عينها تشوف عمر : شنو اوليدي وقع
عمر كيهضر مزير على سنانو : آخر مرة نشوفهاا في بيتيي(حليمة هزات فيه عينيها و خرجاتهم هادي هي لخرة ليها ) حطوها في أي بلاصة ياك خديتوها خليوها عندكم انا منلقاهاش في بيتيي...و دار زاد مع الطريق مخلي من وراه كلشي مصدوم ...كلثوم مفهمت والو الحاج على داك الباب ....مع الخرجة ديالو مع الباب حليمة طاحت على ركابيها و طلقت البكية و طلقت يديها و صباعو مطراسيين في حنكهاا
الحاج ناض جمع الوقفة و جمع جلايلو : مااااال الحماااار بووووه يتهدد عليناااا و يغوت و يجرييي على مرتوووو كين شي حد يدييير هوكا بالسلكوووط لاخر ....كلثوم مشات عند حليمة تجري تنوض فيها : تي اش درتيييي ا المسخوطة
حليمة تبكيي و تشهق : والله ماااادرت هئ هئ حاجة امييي درت غا داكشي ليي قلتييي لياااا هيء هيء
الحاج جبد عكازوو : اليوماااا الحمار بوه يخرج من ديييك الخدمة لي فرحااااان بيهاااااا طالع فوق ريوسنااا بنتييي لا تبكيييش لا تبكيييييش انفرجك فيه غنخليه يزاوك
كلثوم دارت عندو : تهدن الحاج غيطلع ليك السكار (و من حد حليمة تبكي و الحاج يغوت و كلثوم ما حيلتها ليه ما حيلتها للحليمة و هي دور عند حليمة ) صافييي سكتييي تي من حدك تبكي و هو يغوت نوضيي نوضييي ا الحاااج راه خاصنااا نعرفو اش غنديرووو منبقاوش غير نغوتووو راه تهديد منافعش معاه تعالا جلس و نفكرو تعاليي ابنيتي و مسحيي ديك الدمووع ....ناضت حليمة تبكي و تشهق و رجعت يدها على حنكها حيت ضربة حرقتها ... و للحاج غادي و يتقفز فحال دجاج و يدور يغوت حتى جلسو و تهدنو و بردو ...حليمة تنخسس و غير تشوف في لرض كتحس براسها مشات ليوم و لا غدا غيرجعوها للدار باها اش داها هي تقرب لييه تفرش ليها غير في لرض حداه ....و الحاج شاد واحد العكاز و يهوني و يتحلف ....و كلثوم دايرا يدها على حنكها و دارت تشوف في حليمة
كلثوم تنهدت : معرت اش غنديرو دابا دري مابغاهاش
الحاج دار عندها : لاااش ميبغيهاش لاااش ؟
كلثوم دارت : وااا سمحليا الحاج و دري جاي من عند نصرانيات تا عرفهم كي ديرات وااا حليمة واخا نديرو ليها عملية تجميل متولي تشبه ليهم ....حليمة غير كتسمع و الطلع عينيها فيها ايه راه نيت عندها الصح و مالها غتنكر هادشي
الحاج : اش شنو هي هادي عميلة جمييلة و لا منعرف كي قلتي ليها
كلثوم : عملية تجميلية الحاج تجميلية كيديروها الناس باش يرجعو زوينين كي دارت باطما
الحاج رفع حاجبو : تي العربيي باطمة (باقي مع ناس الغيوان )
كلثوم : ولااا الحاج و دنيا بنتو ولا منعرف اش كتجيه
الحاج : و فين كدار هادي تجملية مااال بنت باطمة حسن من بنتيي حليمة ....حليمة غي تشوف بالعما لا قشبلت شي حاجة
كلثوم طاحت عليها طن في بالها : كين تازي اسي الحاج وااااحد دكتووور تباركالله
الحاج : وهاد تازيي فين كين ؟
كلثوم : في دار بايضا كيعاودو عليه يرجع الدجاجة طاووس و البغل عود
الحاج جمع غوباشتوو : أمممم دروك غدا مع الصبحية نمشيو عدوو نوري البووه شناهيا يجريي عليها و يبغي في النصرانيات عليها
كلثوم دارت عند حليمة و تبسمت ليها : يلااه ضحكيي هاحنا نديوك عند تازيي و تعودي تعجبيه
حليمة كتشوف فيها و لا طراس في حنكها : كيف غنديرو ليها اميي
كلثوم قشعت الضربة و هي تخرج عينيها و هضرت بشوية : ضربك ؟
حليمة شدات من حنكها و جمعت حجبانها و حركت ليها راسها : اه صرفقني الفوق
كلثوم تنغز فيها : بقاي شادا من حنكك لا يعود يشوفها الحاج و يدير شي حاجة فايت ضاربني المرحوم الله يرحمو و هز عليه مكحلة (حليمة حركت ليها براسها لاا زعمة مغتقولهاش ) نوضي ليوما تنعسي حدايا باش غدا نفيقو بكريي
حليمة قالتها بشوية : و سيدي عماار فين غيبات....و سمعها الحاج و هو يبدا : يبااات في جهناام الكحلة بلعاصييي لاخر ولينييي دابا نورييه دابا نوريييه لي لوح مرتو هوكا في لرض و الله لا بقااات في باباه الحمار بوه خلاني كل ساعة نقفز في ولدي في القبر
كلثوم : الله يرحمو الحاج نوض ترتاح غدوا نايضين بكري و تعود تعيا لينا في طريق
حليمة دارت تشوف في الباب و مسكينة غير تنيهد و مغطية حنكها على الحاج
ناضت حليمة هي وكلثوم لبيتهم ...و خلاو الحاج حلف ماينوض ينعس غير مخرج عينو و يرد للقلبو داكشي لي وقع قدامو معجبوووش راه باقيي متزادش هادا لي يعير كناين الحاج قدامو ولا ينهصرهم هو جرا عليها من بيتو طاي طاي والله لا كانت ليه ...اما في البيت دكلثوم الناموسية متيسعة ناعسة فيها كلثوم و حليمة و تعاود كلثوم على هادي عملية تجميل و حليمة تسول مخرجة عينيها مافخبارهاش هادشي كين ...و اصلا كيف غيكون في خبارها و هي عمرها عتبت برا دوارهم
ياو ها الصباح جا و قبل مطلع الشمش للسما....عمر مكينش كاع من البارح مكينش ليه الاثار ...أما سيدهم الحاج ناض و ناضت لالة كلثوم و حليمة ... جلسو فطرو بالميلفوي و الكرواسا ...و كلثوم لبست جلابة ديال المليفة مطروزة نص كم حد الدراع و الدهب و الشال غير حاطاه فوق راسها و طلعت عند حليمة زيرتها تلبس كسوة ديال المدينة فحال دريات معندها ما دير بجلالب ...لبستها كسوة طويلة و تهيا الدهب في الودنين في العنق و في اليدين ...و دارت ليها المكياج و جمعت ليها شعر ودارت ليها نضاضر في العينين...و نزلو خرجو برا القصر و حليمة حشمانة شادة من يد كلثوم ... جات اسيادي كاط كاط كحلة طالعة سايقها التهامي طلع الحاج القدام واخا عندو الشيفور هو مولف القدام هادي هي الكبرانية عندو ....و طلعت حليمة و كلثوم اللور يخرشو بالدهوبات ديالهم
حليمة تسول في كلثوم بشوية : مي جا سي عماار
كلثوم : لا طليت على بيتو مكينش مزال ما جا دابا نسايه عليك شوفي راه غاديين لدار بايضا مدينة هوك كبيييرااا و فيها قوت الطروقات و حتى طريق الروت تتعجبني يانا فيها شي قهيوات زينين كنستراحو فيهم
حليمة تبسمت ليها : كنسمع بي دار بيضا بزاف فايت نازل ليها با ... ايوا هي هاديك اسيادي طرقو طريق لوطوروتو و والوجهة هي كازا ... غادا الكاط كاط وسط الطريق و حليمة تشوف في الشرجم فرحانة شوية نعست شوية فيقوها تستاراح في باحة الاستراحة دخلو جلسو خداو براد اتاي و السندويشات و لي حطات عليها حليمة صبعها في القهوة كتجيها ...و هي مرة ديال الزمان ضرب و تقيس ...مجا فين الضهر يجي حتى كانو في كازا دخلو كيف ديرا تما دنيا هاكا فيها الرواج و كثرة الديور و دازو على العمارات ...و حليمة غير حالة فمها ....دازو لوحد القهوة ديال الشوى ضربو ليهم الكفتة و الكوطليط و الكبد كاع دوك القشيوشات و عاد الموناضا و حليمة فرحانة تاكل و دور في جنابها ....شوية ناضو جمعو لوقفة و مشاو للعيادة ديال الدكتور التازي اشهر طبيب تجميلي بالمغرب و من لا يعرفه ...عندو غير الاجهزة الواعرة الفريع اختصاصو تجمييل ...نزل الحاج من الكاط كاط بجلابتو و عكازو و نضاضر ديال الشمش في عينو ...و نزلو من موراه لالة كلثوم و حليمة ...كلثوم تهيا ديرا نضاضر هي وحليمة لي شانقة على اليد ديال كلثوم و تدور تشوف في الناس كثيرة و الطموبيلات غير الفريع تما ....دخل الحاج يتمشى هاز خنافرو للسما ... لبارح بليل منعسش غير جالس و يتاصل بدوك شخصيات لكبار لي يعرفهم على قبل التازي متنساوش راه هو لي انتاخبو عليه يحكم في القبايل ديال دكالة ....دخل يتمشا و من موراه كلثوم و حليمة ....غير دخل لعيادة عينو قشعت وحدة مطراسيا الحجبان بالكحل و جالسة كتخلع وقف و استهدفها بالمباشر : عاد عرفت لاش دارو هاد عميلة جميلة (و دار عند كلثوم ) بنتناا زينة ...كلثوم تبسمت ليه و حليمة حشمت زعمة تضحك ... السيدة لي جالسة مافهمت والو علاش يشوفو فيها ...دخل الحاج نيشان غادي البيرو كانت سكريتيرة جالسة شافتو و ابتاسمت : وي مسيو
الحاج حط ليها لا كارط ناسيونال ديالو : جاي عند سي تازيي ...غير قرات اسمو السيدة موسينها عليه طلعات فيه راسها و خرجات عينيها : ااه اه تفضل ا سيدي ... تقدماتهم هي دغيا لبيرو و حلات الباب على المكتب : دكتور مسيو المختار اليعقوبي هنا ... كان تازي جالس مع وحد الممرضة ...ناض بشوية كيبتاسم ..و دخل الحاج و عيالات ولادو من موراه
التازي : مرحبا مرحبا بسي الحاج زارتنا البركة
الحاج يتبسم : سلام اسي اتازي الله يودي ترحب بيك الجنة
التازي : تفضل تفضل (و طلع عينو في الفرملية باش ضايف الناس التازي راه كيكسب الكليان الملعق )....جلسو قدامو في كراسة فوطوي ديال الجلد و جالس الحاج و جلست كلثوم و جلست حداها حليمة غير طل بعويناتها
تازي : مارحبا بسياد دكالة عندنا
الحاج و حيد النضاضر دغيا كان غيعور راسو : الله يبارك فيك اسي تازي لا جيتي لتما مرحبا
تازي : لهلا يخطيك اش حب الخاطر
الحاج هو يطلع غوباشتو : عنديي واحد حفيدي جوجتوو هاد دريرية (و نعت بصبعو للحليمة ) و معجباتوش باغي فحال النصارة (شكون قال هادشي ) دابا تعت الله هاد درية ميبغيوهاش الناااس دخلت علييك بالله واش هادي خيبة و نتا اسي تازي تشوف بعينك و نقلدك
التازي شاف فيها و هي تخشا في كلثوم كتحشم بزاف تاهيا وحيدت دوك نضاضر لي كانت دايراهم تبسم ليها التازي: لا بلعكس زوينة غير هي خاصها شوية تنقص
كلثوم ضحكت و نضاضر فوق الراس : من بعد كلام السي الحاج هادشي لاش جيبينها عدك مبغيناهاش تبقا هوكا
التازي هز حجبانو كيهضر : طبعا اكيد دابا العلم تقدم بزاف و بمكن ليها تولي كيف بغات هي و غنديرو ليها في الاوليات تحاليل حيت بان ليا هاد الغلض ديالها ماشي طبيعي (الحاج مصغر عينيه داير براسو فاهم ) يقدر يكون خلل في ليزورمون او مرض السمنة المفرطة او بزاف ديال العوامل عاد يمكن لينا نديرو ليها الشفط ديال دهون و نحيدو ترهلات
كلثوم /حليمة /الحاج : ؟؟؟؟؟؟؟؟ ....غير كيشوفو فيه بلعما لا فهمو كلمة من داكشي لي قال حدك كلثوم لي فهمت شنوهيا سمنة
الحاج هز يدو : دير لي بغيتي اسي تازي مهيم هاد دريرية ترجع كيف بغات هي و عكوزتها
التازي شبك يدو و كيهضر بجدية : اكييد غيطلب الامر مدة طويلة شوية و خصها ضروري دير سبور
الحاج : نديروووه ليها فين نلقوه ؟
التازي :شنوهوا
الحاج : هادا اسبرووو ...كلثوم طلعت غير عينها في الحاج
التازي : اااه هههه في لاصال ديال الرياضة
الحاج : نديرووه
التازي دار عند حليمة كيشوف فيها و صغر عينو : نيفك عوج شوية واش مكيشكلش ليك مشكل في تنفس يعني كتنفسي عادي
حليمة كتشوف فيه و ترمش : انا ؟ عادييي اسي طبيب
التازي : لا واش مكيخنقكش ؟
حليمة تحرك في راسها بلا : لااا لاا
كلثوم تفكرت شي حاجة : لا اسي طبيب راه قالت ليا انها فاش كتبكي كتخنق و مكتقدش طلع النفس ياكيي؟
حليمة شافت في كلثوم : اااه هاديك حتى كنبكي ولا كيتسدو عليا البيبان ولا شي حاجة
التازيي : ادن عندك مشكل ؟
حليمة شافت فيه : لا لاا معندي حتى مشكل الحمدالله
التازي دار عند الحاج : غنديرو تحاليل و نشوفو هادشي
الحاج : دير كلشيييي لي في جهدك ا سي تازيي بغيت نوريييه نوريييه
كلثوم : صافي الحااج
التازي : داباا ممكن نهضر مع حليمة بوحدنا باش نعرف شنو خاصها ....حليمة قفزت و خرجات عينيها متقدش تبقى بوحدها
الحاج جمع الوقفة : واخا يلاه اكلثوم
حليمة شدات من كلثوم تهضر بشوية : غتخلينييي بوحديي اميي
كلثوم : جلسي تبتي الطبيب هادا يلاه ... حليمة جلست و هما ناضو و هي متبعاهم بعينيها تا خرجو
التازي : لالة حليمة دابا نهضرو
دارت عندو مخرجة فيه عينيها و طلع فيه و تنزل ....دخلت الممرضة من الباب و جابت التصاور و ستفتهم قدام حليمة
التازي : دابا غتختاري الطاي لي بغيتي و لي عجباتك ...حليمة نزلت عينيها كيبانو ليها غير الصدورا و المؤخرات و هي تحشم و حطات يدها على فمها و تشوف فيه و تويل في خاطرها
التازي : اختاريي
حليمة دوات بشوية : اش غنختار ؟ قلت للحيا ؟ ...التازي نزل حجبانو فيها : لا لالة هادشي راه علم و خاصك تختاري باش تشوفي كيف غتولي
حليمة كتشوف فيه و طلعت عينيها في الممرضة لي غمزها تازي تعاونها
الحاج على برا هاز عكاز و كيدوي مع كلثوم : دابايا قال سي تازي وقت طوييل و هادا لاصال متبقاوش غاديين جايين غنكري ليكم هنااا تتولي درية كيف بغات و غيبقا معاكم التهاميي و الكات كات تديكم و تجيبكم
كلثوم جبدات عينيها : و عمر ؟
الحاج : هاداك غير خليييه لياااا هانااا غادييي لييه لباباه المهيم سمعتي تازي اش قال هادا عيلم و لي قالها ديريها ليها
كلثوم : عليك امااان الحاج
الحاج : يلاه نعودوو ندخلو عدها لا حليمة دهشر ولا شي حاجة
كلثوم : هاني معاك الحاج
🏺🏺🏺بعد مرور 30 يوما 🏺🏺🏺.....
في القصر ديسيد الشيخ ....و في الصالة جالس الحاج و شاد العكاز في يدو و رافع خنافرو و في جنبو جالس حفيدو ...هو وياه الراس في الراس من نهار تقطعت خبارو على مو جايا لشهر و معرفهاش فين صادة و تامن نمرة بدلتها
عمر مطلع الغوباشة و مكشكش : داباااا قولياااا فين هيااا انااا غنمشييي لعندها و غادي نهضر معاها
الحاج شيبة عاصية كثر منو : الاا موك مبغاش تشوفك قلقتيهااا من نهار جريتي على درية و حلفتي عليها مدخلش لبيتك
عمر كيشوف فيه : مندمتش عليها احسن تمشي فحالها حيت مبغيتش نشوفها مرة خرى فهمتي ودابا خاصك تعطينيي وراق الطلاق باش نسني عليهم
الحاج دار عندهم : واااا والله لا شميتيهم و وراق طلاك هاهما عندي في قبي
عمر اصلا معصب و كيزيد يكمل علييه نفر و مخرج العروقة ديال عينو : ففففف غتحمقنيي نتاااا دابا عطنييي غير نمرة الوليدة و لا فين مشااات انا غنرجعهاااااا
الحاج يطرطق فيه عينو : واااا لااا عصبتييييهااا اناا لي غادي نمشيي عدها نسياس معاها تنردهااا و نتاااا (هز عليه صبعو ) مسخوووط الوليدين
عمر مخنزر فيه و كيهضر مكشكش : الحاااج بلامااا تمرضنييي غادي نمشي معاك نجيبوها
الحاج هز عليه عكاز : وا والله ما تحط رجلي مع رجلك ا المسخوووط ربيناك و كبرناك و جوجناك و صعصعتيي علينااا
عمر خرج عروقو من عنقو : بلاااما تصعرنييي ا الحاج شكوون شكاااا عليك باغي نتزوج
الحاج : متستهلهاش غنجوجهاااا لسيد سيدك و غدا تجيب خبارها
عمر مخرج فيه عينو : الله يسهل عليها هي نييت دابا لا عطيتيني وراق طلاق نسني عليهم
الحاج : أ والله لا شديتيهم و موك راه غادي نرجعها و عليااا بليمين و تعصبها لا باقي شفتيها مرة اخرى ....و ناض الحاج بعكازو يتمشى خارج مخلي من موراه عمر ركبوه الجنون و غير تينفخ و يتفش بداك الصدر عندو غادي يطرطق و يدور و يسوط محامل حد ضرب الطابلة برجلو حتى تزعزت من بلاصتها
و الحاج خرج داير يدو من وراه و يتمشى فحالا كينقب و جمع غوباشتو و المعيارة لي جات في فمو يسيفطها للحفيدو كرازااااه ....وقف تما و الخدامة يجيو يبوسو ليه يدو رفع راسو و بدا يطوح : وااااااااا مسعووود وااااا مسعوووود ....مسعوود كي جدع جاي يجريي عند الحاج
الحاج : وجدتي ليا الكات الكات
مسعوود : كلشي موجود اسي الحاج
الحاج : ايه مزيان وو و عيط لعياشي يدير عينو مع داك المسخوط ديال حفيدي لا يعود يتبعنيي عيني ماتشوف عينو
في كازا ....و في واحد الباطيمة غير ديال الناس الهاي ...و بالظبط في وحد البرطما عريضة سفلية ...متيسعة و مقادة على حقها و طريقها و الزربية مفرشة يالالة و الرخام غير في لرض تشوفي فيه وجهك ....جالسة لالة كلثوم في الصالون المغربي و دايرا رجل فوق رجل و تشوف في التليفون مبعداه على وجهها و مصغرة عينيها تشوف في تليفون
في وحد البيت كبير و فيه ناموسية كبيرة و الشرجم مفتوح و كاين كوافوز فيها شلا مكياج بالشكال و النوااع ...و قدامو كرسي بالبيض جالسة فوق منها بنت شعرها طوييل شي شوية كحل و مكريبي متموج و طايتها مقادة كيف الحوتة خصرها مجموع و مشدود و لابسة بيجامة نص كم حد الفخض ...و كتشعل بالبيوضة ...و تشوف في المرايا بعينيها كبار مكحلين و الضحكة في الفم معكر حمر ...و نيف مقادد تقولي بمسطارة ...الحاصول هادي هي لالة حليمة ضعافت و زيانت و ولات تبان حسن من خواتتها حروفها كحلين حتى تفشت من داك الغلض عاد بانو ... درية زينة فحالها فحال خواتتها غير الغلض لي كان مغطي عليها ... دارو ليها الشفط و الرياض وقادو ليها نيفها لعوج باش تعود تنفس مزيان و علمتها لالة كلثوم كيف تمشا و داتها للصالونات الكبار خسرت عليها فلوس باش غير تعلم كيف دير المكياج ... و كيف تلبس و تأنق ...من بعد ضعفها كاع لبسها للطاي 38 و ما احلاها من طاي
حليمة طلقت ودنيها وسمعت عكوزتها كتغوت عليها جمعت الضحكة قدام المرايا و ناضت دغيا تمشا حفيانة و تجري خفيفة
حليمة و تجبد في عينيها : هااانااا اميي كلثووم بغيتيني
كلثوم تشوف فيها و تدوي : تي من الصباح و انا نعيط ليك فين كنتي واش تاني قدام المرايا راه والله تنحيدهم ليك غادي تقاسي ولا يركبك شي جن
حليمة جلست دغيا في القنت ديال الصداري : هاني هاني امي غير متحيديهمش
كلثوم تفطحت و جلست : فين تليفونك ؟
حليمة ضحكت ليها و هزات يديها خشاتها في صدرها الواقف الباين و جبدت من وسطو التليفون آيفون : هاهو أ ميي ؟
كلثوم دارت يدها على خدها : أويلييي على درية تي مالك خاشياه في عبونك خايفاه يتخون
حليمة غير تبسم و تضحك واخا تغير الشكل وليني قلبها و نيتها عمرهم يتبدلو : لااا اميي خفتو يتودر ليا اللهما يبقا هنايا كنبغي مرة مرة نتصور بيييه
كلثوم : أممممم و سمعييي دابا الحاج غيجي دابا شوية باش يرجعنا للدكالة
حليمة فرحت و عينيها وساعو : بااا الحاج غيجيي شحااال مشناه نسمعو غير صوتو في تليفوون
كلثوم جبدات حجبانها تدوي : يلاه جهدك تنوضي تجمعي حويجك باش نرجعو للدوار كاع مكياجك و شراوطك يلاه و لبسي سندالة في رجلك لا تطلع معاك البرودة
حليمة ناضت دغيا جمعت الوقفة : صافي أ ميي انا نمشي نجمعهم و نجمع ليك تا حويجك
كلثوم رجعت عينها للتليفون: راه غتجمعهم درية
حليمة جبدات عينيها : غير خليها انا نجمعهم
كلثوم طلعت فيها عينيها فقصتها : تييي مالكي فقصتنييي غتحيدي من قدامي ولا نشوي ليك دوك سيكان تي ديك دريرية لاش ديرينها و عاطينها للفلوس باش تجمعي نتي الحويج
حليمة : صافي اميي انا نمشي نجمع غير حويجي
كلثوم : غتفقصني هاد درية ... حليمة مشات كطير لبيتها و غير حاضية زينها و طايتها و حتى لباسها ولا ديال المدينة ...مشات دخلت لبيتها تخير شنو تلبس و منها نيت تجمع حويجها
ضربات جوج فحال هاكاك ... جا الحاج للبرطمة ...دخل بعكازو يضحك جات عندو كلثوم باست لشيخها يدو و تضحك
الحاج يتبسم : و تي القصر خوااا بلامولاتوو
كلثوم تبسم : عامر بيك اسي الحاج كي ديرا صحيحتك
الحاج : الحمدالله ابنيتي فين بنيتي حليمة ...كلثوم دارت تعيط و هي تبان ليها حليمة خارجة بكسوة طويلة و الشعر مطلوق و النضاضر فوق الراس و سنيسلة رقيقة ديال الدهب و لابسة سباط طالون بالكحل ديال دان و كتمشى عند الحاج و جامعة يديها و تضحك و طلع فيه عينيها و تنزل حشمانة و تمشا عندو ...الحاج دار يشوف فيها يحسابلكم عرفها غير يشوف فيها معرفها لا شكون لا بنت من ؟ ...حتى جات عندو و تحنات باست ليه يدو و جمعها يطبطب على ضهرها
الحاج : الله يرضي عليك ابنتي (تالمن بعد و يسول شكون هادي دار عند كلثوم ) تي فين بنتي حليمة ....حليمة كانت حشمانة و هي طلع فيه عينيها مصدومة و شافت في كلثوم
كلثوم تبسمت ليه : هههه ياولي الحاج تا راه هي هاديي لي قدامك
الحاج رجع دار عندها و خرج عينو و رجع شاف في كلثوم : هاويلييي تي سايرا ضحكيي ووو؟
كلثوم : اويلي الحاج على نضحك راه هيا حليمة
حليمة تبسمت و تدوي و لسانها ثقيل : اه اباا الحاج هي انا
الحاج دار عندها دورة وحدة : هاوييي ؟ (و بدا يضحك ) هاكاوا هلى بنيتييي ها فرحيي ها سعديي كي وليتييي تبارك الله و الله داك المكناسي خطااار
كلثوم تبسم : تازيي ا الحاج
الحاج يشوف في حليمة : تازي و لا مكناسي ياك غا ولد لبلاد دابا لي هااامنيي هي بنتي حليمة كي رجعت ....حليمة غير تبسم و تحشم قدامو
كلثوم : راه قاليها تازي بلي هي زينة كان خاصها تضعاف شوية و تهلا في راسها و في صحتها و هانتا تشوف قدامك
الحاج : ايه ايه نشووووف و نفكر في داك العمى لي عندك والله مااا يستاهلها درية زينة مايستهلهاااش تستاهل سيد سيدوو ....حليمة قلبها يفرفر و الضحكة من الودن حتى لودن و تشوف في الحاج و كلثوم
كلثوم جامعة يديها و تبسم : هادا هو حقوو
الحاج دار عدها محيح : حقوو يتفشش علييييه ميستهلهاااش ميستهلهاش انا غنزوجها لحسن منو
كلتوم دارت يدها على خدها :اويلي الحاج رجوع الله
(حليمة هجرت الضحكة كتشوف في الحاج و تحول عينها لكلثوم )
الحاج كيشوف في كلتوم : دابا يلاه زيدو نطرقو طريق قبل ما يضلم الحاال و مانولي نشوف والو في ليل (فحالا هو لي كيسوق )
دخل التهامي و مسعود يهزو لي فاليز و الحوايج ديالهم ...و الحاج غادي خارج يتمشى و هاز عكاز و يدوي و من موراه كلثوم و حليمة
الحاج باقي غير يهتهت : مايستهلهاش داك الداسر مامربيش نجوجهاااا بسيد سيدو
حليمة غير قالها خرجت عينها حتى خرجتهم و قليبها يضرب و دارت شنقت على دراع كلثوم
كلثوم تهيا مخرجة عينيها : اويلي ا الحاج اش ساير تقول راه درية مجوجة
الحاج : ممربيش مربيتووش مزيان ....حليمة تطلب في كلثوم بعينيها و تعيوج بطاي ديالها زينة
حليمة : صافي صافي سيدي عمر عمر...طلعو في الطموبيل غادين و الحاج يعاود و يدوي و يشكر في حليمة و يهضرو دازو على طريق لوطوروت ....و غادين في الطريق يوقفو في الاستراحة ياكلو و يهضرو و الحاج فرحان مرت ولدو زينة حداه ...مع جوايه المغرب دخلو للدكالة ....داخلين بالطموبيلات يتمشاو في الطريق العادية تا دخلو للدوار ...منها يوصلو للقصر ... تحل الباب على برا و دخلو الطموبيلات وقفو في فم للقصر و خرجو ......خرجات لالة حليمة وحدة اخرى ...شعرها يطير و قلبها يضرب غادي يوقف ...خرجو شي خدامات باش يدخلو لي فاليز ديالهم و قشعو حليمة ...و تقولي عرفوها هي غير يطلعو فيها و ينزلو شكون هادي لي جات للقصر كتبان فيها بنت المدينة و هي غير بنت جيلالي السبيطي ....دخلات للقصر و شادة من كلثوم طالقة عينيها و تمشا و تشوف... اهم حاجة دابا هي انها عارفة راسها زوينة و كتشوف في المرايا و كتقول انا هي أنا ....دخلت وجدو للالة حليمة بيت اخر يقادوه للخدمات و يصيبوه و يدويو
الخدامة 3 : ياختيي زوييينة شفتي غير لاطاي لي عندها و وجهها كيف المرايا كيبري
الخدامة 1: تكون زعمة من عائلة الحاج
الخدامة 2 كتستف الحوايج ديالها : يا ختي شوف ليك على الحويج لي عندها هااااي يا ختيي
الخدامة 4 تقلب في عينيها و الحسد كيقطر منها : ماشيي شي زيين تنتوما زدتوو فيه لي سمعكم يقول غير منار في سامحيني ....حتى دخلات عندهم حليمة هازا ساكها و كتحيد في النضاضر من فوق شعرها : دريات غير سيروو انا غادي نقاد حويجيي راسيي ...دخلت من وراها كلثوم كتشوف فيها و تنزل في حنكها و تشوف فيها و تغزز في سنانها : كملو ادريات شغلكم و تيي اجيي معايا ...جرتها معاها خرجتها و حليمة غير تشوف فيها و مجرورة معاها
كلثوم خرجتها من البيت : متكونيش خفيفة
حليمة : هانيي اميي معاك
ياو ليل يا ليييل و انا عمري لييل و انا حبيبي مجاني رقاد ....دخلت الطموبيل ديال سبع البرومبا دار بسرعة بلاصها تما في جردة طلعو البيبان دطموبيل للسما و خرج بسرعة عاقدهم و مخنزر كيتمشى بزربة و خلا البيبان ينزلو اوطماتيك ... و دخل بسرعة للقصر كيغوت و صوتو مجهد : الولييداا الولييداااا
كلثوم كانت جالسة مع الحاج في الطبلة و الخدامات كيحطو الشهيوات فوق الطبلة ...حتى دخل عليهم عمر ...كلثوم شافتو و قلبت وجهها لجيهة الحاج
عمر مشى عندها و نزل جلس و شد من يدها : الوليدة واش لهاد درجة مقلقة منيي
كلثوم تحيد في يديها : حيد بعد منيي معنديش انا لولاد لي يجريو على عيالاتهم
الحاج ينقب و يدوي : بعد من مووك متعصبهاش
عمر مهدن كيهضر غمض عينو و رجع حلها و تنهد : الوليدة دابا حلينا السيجي و دابا اهم حاجة رجعتي
الحاج : اممم ردها سيجو توصل ليها بل سيجو لاخر
عمر حول فيه غير عينو و رجع شاف في مو : الوليدة
كلثوم دارت تشوف فيه و منفخة : صافي نوض جلس تعشا و راه مزال قلبي مقبوض من جيهة دريرية
ناض وقف و تبسم زين الضحكة و باسها فوق راسها و دار مشا جلس في كرسي في بلاصتو يشوف في كلثوم و يضحك جاه ميساج في للتليفون هو ينزل راسو وخرج تليفونو يقرا الميساج
كلثوم تبسمت ليه و دارت تشوف في الحاج و حولت عينيها : زهرااااة وااا زهراااا اة جييي حطيي لسيدك الطبسيل ... ودارت كتشوف ...كانت لالة حليمة جايا مغطية من راسها لرجليها و دايرة للثام على فمها و عينيها مكحلين مطرطقاهم في عمر و قلبها كيضرب و يديها كتقفقف هازا الطبسيل و كتمشى ...الحاج طلع عينو فيها كيشوف فيها و كلثوم مخرجة عينيها
و حاضية معاها : حطي حطي ازهرة ... عمر رجع التليفون لجيبو و طلع عينو كتبان ليه يد كتحط في الطبسيل كترعد و هو ينزل حجبانو و طلع عينو ...كانت حليمة مطرطقة فيه عينيها زوينين مكحلين غير شافتو و هي تنزلهم دغيا كتلعب بيهم و غتموت ...عمر شاف فيها و نزل حجبانو باستغراب على شكون هاد المنقبة
عمر بنبرة قوية : شكون هادي؟ ....قفزو كامليين تمن الحاج ....هو ينوض الحاج يغوت : مااااالك تخلع فييينااا مااالك ؟
عمر كيشوف في الحاج و هز حاجبو : شنو واقع انا غير سولت على شكون هادي ....حليمة ضامة يديها ترعد و تشوف بعينيها في كلثوم ...
زهر الخايبة الجزء الثالث
محتوى القصة
التنقل بين الأجزاء