فمحل كبير و معروف للأزياء التقليدية بمدينة الناظور🌸
جالسة راوية .. دايرة رجل على رجل .. بكسوة حد الركبة فالاسود .. ثوبها حريري لاصق علييها و الشعر الفحمي .. مثل سوااد الليل .. كايلمع و مسبسب على ضهرها .. خذيوذاتها منفوخين مطيبزيين كل مرة كاتعوجهم لجيه و كاتلعب بجليها .. كاتزعزعها يمين شمااال .. كل مرة كاتسلت عنقها و كتفها من قبلات الناجي .. اللي جالس لاصق معاها .. محاوطها بيديها على خصرها و فمو مرة مرة يخشيه فوسط عنقها ولا كتوفها ببوسة كاتبوورشها
راوية شافت فيه بنضرات القطة المألوفة و ملامحها الانثوية و ابتسامتها الجذابة:بييبيي .. ختاار معاايا بليييز
راوية بنبرة غنج:النااجي .. قولي الحمراا ولا الخضراا
الناجي:خوديهم بجوووج لا عجبووك
راوية بتاسمات:ولكن هوما نفس الموديل .. بغيت اللباسي اللي نلبس فعرسي يكونو مختالفين ووحدة حسن من لوخرى
الناجي همسلها فوذنيها:ممممم عروستي ناخذلها أحسن لبسة بأحسن تصمييم من احسن مصمم .. نوضي انا نوصيلك على شنو بغيتي يجيبوهالك من فرنسا .. احسن دار ازياء من تما
راوية:ولكنن .. انا بغيت لباسي تقليدية .. راه عرسنا هذاا
راوية وقفات .. بانت الكسوة مطراسية مع ليهونش .. الناجي عض على شفتو التحتية بحرر الشهوة و قرب لفمها خدا بوسة خفييفة .. راوية بعدات بالزربة حشمانة من موظفة كانت معاهم طوول الجلسة ديالهم .. هي مولات المحل .. شافت فيها مزنكة .. هي كاتشوف فيهم عادي
راوية:احمم .. التصاميم شفتهم دابا .. من بعد و نرجعو نختارو
الموظفة بلباقة:انشاءالله امدام
راوية بتاسماتلها و دارت شافت فالناجي عطاها يديه .. خشات يديها فوسطهم و مشاو مع بعض .. هو شادلها يدها و محاوطها من خصرها فحالا خايفها تهرب .. و هي غادة بخطواتها الموزونة و الانثوية .. قوامها الممشوق و شعرها كايضرب مع ضهررها .. مخلي الناجي فرحاان بكثلة الانوثة و الاثاارة اللي عندو .. و متبااهي بيها فحال شي جوهرة نفييسة و ثمييينة .. عمرو يلقا فحالها
فالعشية .. تقريبا جوايه العاصر .. علات راسها غايطرطقلها بالحريق، كانت بوحدها فوسط الفراش .. ناضت كاتنهد و تكسل بعدما لوات عليها ليزار بيض .. دخلات للحمام نييشان للدووش .. دوشات على خااطرها و بشوووية علييها .. خرجات مزنكة و حمييمرة و ببينوار قصييصر فالبيض .. وقفات قدام الماريو كاتختار شنو تلبس .. جبدات بيجامة قصيرة بيل سميطات ببوط قصير و شورط قصييصر حد الفخاض و دوبياس قهويين .. مع كسوة طويلة على حسب ناوية تخرج من البيت .. لبسات الدوبياس و البيل و الشورط .. بقات لكريشة معريالها .. طلات عليها فمراية لاصقة فالماريو، كانت بدات كاتنفخ شوية .. بتاسمات بخفة كاتشوف فيها و دوز يديها عليها .. تكسلات بشوووية عليها و لبسات ديك الكسوة .. شدات السشوار كاتنشف شعرهاا .. حتى سالات على خاطرها .. جمعاتو كوت شوفال و شافت فالمراية ثاني .. دارت كحل خفيفة فعينيها مع ماسكارا ووعكيكر .. دارت للماريو كاتقلب فيه .. هزات واحد البواطة ملوية ببابيي كادو فالغوز و خرجات من البيت كاتمشى بالتعفيرة و هازة راسها لفووق .. شافت فالصالون كانت السعدية جاالسة كاتمخض اللبن غادير منو الزبدة .. هي حنحنات و جلسات مقابلة معاها .. حطات البواطة قدامها السعدية طلعاتها و هبطاتها مخنزرة، اما هي فبلعات ريقها و عاودات حنحنات
ايمان:احممم .. خالتي كي صبحتي؟
السعدية شافت فيها غا بنص عين:الساااهل اذن و لالة مولاتي عااد عندها الصبااح
ايمان قلبات عينيها معاجبها حال:احممم .. بغيت ندويو .. نقدو نصفيو الخواطر و نعيشو هانيين هاد الفترة اللي نجلسوها هنا .. بلا مانوضو ثاني مشاكل فحال البارح!!
السعدية شافت فيها كاتميق:غا قوليلي واش هذا وجهك ولا قفاك ابنتي .. حااملة بلا زوااج؟؟
ايمان عضات على شفتها التحتية بقووة و شافت فيها بجدية:الغلط كايوقع اخالتي و هاحنا تزوجنا انا و نزار .. الولد غايخلق و يكبر بيناتنا .. يعني مكاين حتى حاجة اللي تخلي المشاكيل تكثر ولا كان على الشقا انا واجدة نتفاهمو و نقسمو كولشي و نتعلم الشقا دهنا علاما توجدلنا الدار انا و نزار .. اشقلتي؟؟
السعدية:وااشلاا .. بوجهك حمر و بلا حشمة كاتقولي الغلط كايوقع؟ .. انا شقايا قادة عليه مانحتاجكش تعاونيني .. الحمد لله عنديي بنتيي و بنات خواتاتيي كايجيو عندي
السعدية:ايوا ابنتي شغانقولك انا، نتي وولدي تاافقتو و بينليي رانا مساوية عندو والو .. حتى الراي ديالي ماخدااهش .. جا نيشان قالك غانتزوج .. الموهيم كيفما قلتي نحاولو نتفاداو هاد المشاكيل ولكن من دابا نقوولهالك و بصرييح العباارة .. انا مراضياش علييك .. حيت تطاولتي عليا بزااف .. مهرسة الطبلة و مخسرة الهضرة .. ماحتارمتي مراعيتيي .. ماقلتي هادي مرى كبيرة و مت راجلي من الفووق .. يعني تحسبيني فحال يماك
ايمان تنهدات:سمحيلي اخالتي على داكشي دالبارح ولكن انا مريضة بالاعصاب .. لا تعصبت مكانعرفش راسي شكاندير .. كانواعدك داك التصرف دالبارح مايتعاودش .. اش قلتي؟
السعدية:عرفتي شنو!! انا غانسامحك غا على قبل حفيدي اللي فكرشك اما نتيي راه قتلك شنو كاين
ايمان وقفات مبتاسمة .. قربات عندها و حنات ليدها هزاتها باستها و دارت للبواطة هزاتها و مداتلهالها؛غا رضاي علياا و كانواعدك غانكون فحال بنتك و كثر اش قلتي؟ ها كادو كانعتاذر منك بيه .. شريتولك فاش كنت كانتقضى لجهازي
السعدية عوجات فمها:امممم نشوفو مع الايامات (شدات داك الكادو بالزربة كاتشوف فيه و تقلبو بين يديها) .. دابا بعدي خليني نوض نصلي العاصر (ناضت و حطات القرعة داللبن فوق الطبلة هازة معاها الكادو .. شافت فيها بنص عين) الغدا فالكوزينة واجد .. سخني و كولي (مشات من قدامها .. خلاتها كاتشوف بابتسامة .. هي مرا ظريفة خاصها غالسياسة و الحزارة شوية و ترطااب .. و دابا ايمان غاتجيبها غااا بشوية دالحزارة و التفاهم)
الساعة 22:00 ليلا .. حطات الطيارة القادمة من مدريد فمطار الحسيمة .. خرجو يحيى و سحر .. يحيى هاز هيثم راسو عند كتفو نااعس .. و سحر دافعة الباكااج .. حتى وصلو لبرات المطار طبعا بعدما دارو الاجراءات اللازمة لقدومهم للمغرب .. شدو طاكسي كورصة من باب المطار .. وصلهم لدارهم .. نزل يحيى كايتنهد .. من زماان ماعتب لهنا .. مدة عماين و الزيادة .. شاف فسحر مبتاسمالو .. خدات من عندو هيثم و هو هز الشوانط طالعين لفوق للشقة فين ساكنين .. سحر وقفات قدام الباب جبدات الساروت كاتحل الباب، دفعاتو و دخلو لداخل .. هي حطات الدري ينعس فبيتو اللي كانت موجداهلو .. الدار كانت مشقلبة عضات على شفايفها و خرجات كاتهز فالشراوط و تقاد اللي جات قدامها.. يحيى حيد الجاكيط اللي كان لابس و دور راسو فالدار مبتاسم:ماتبدلاتش
سحر جلسات كاتستارح حتى هي قلعات الفيسط اللي كانت لابسة .. و دارت رجل على رجل:ماكنتش كانلقى الوقت حتى نجمعها
يحيى جلس جنبها و حاوطها بيديه من كتوفها كايبوس فعنقها:من اليوم غاتفرغيلي انا وولدنا .. نزيدولو فنيكيشة ختو يااكيي
سحر بتاسمات و عنقااتو محاوطاه من خصرو:ممممم نزيدو فنيكييشات هوما .. حتانا مشهية نعييشو حياة زوينة طبيعية بعيدة على السطريس و الخصامات (تنهدات) غدا غانقدم استقالتي و نتهنااو
يحيى ضحك بضحكة رجولية و هزها بين يدو:اجي نخدمو على المشروع دالفنيكيشة من دابا اش بانلك همم (عضلها على وذنها بخفةة)
سحر طلقات قهقهة عاليةة كاتهرب وذنها:هههههه ويليي يحيى ههههخخ راه عييت فالطيارة .. غانعسو داباا
يحيى دخل بيها لبيت النعاس حطها و تحط فوقها بجسمو و مكالي بيديه لاتهربلو:مممم غانعسوو و نعسوو مزيااان .. اجي لمك باقي موحشك وحش دعام و نص .. بردنا غا نص عام
سحر ضحكات بغنج و تعلات لفمو باستو بخفة و بعدات مبتاسمة .. عاطيااه الاشاارة دالبدية .. حتى هو ماعطلهااش فالحين شقملها فممها بوساان و يدييه كايحيدولها فالحوييجات حتى هي خدامة تفسخلو صدايف قاميجتو .. و اراك للبوساان .. قبلات فرنسيية مع عضاان و قمييش .. اييه غايطيرو وحش عام و نص اليوم
فاقت الصباااح مع الفجر ...دوشات و نشفات شعرهاا و مرتاحة البال اخيرا لقات ملاذ الراحة النفسية بين عائلتها الصغيرة ...تتلبس حوايجها الرسمية ..تفاق يحيى مقلوب النعاس ...
سحر: ماتشغلش بالك ...العشية نكون عندكم ...(هبطات عندو باستو و عنقهاا...مشات عند ولدها باستو و عنقاتو ....لبسات صباطها و جاكيطة هزات ملفها و الصاك و خرجات ....نزلات امام العمارة شدات طاكسي تجاه المطار .........خلصات نزلات تهز للوطو ديالها...ديماراتها تواني تتسخن ...حركات الروايض و خلصات الباركينج ...شدات الطريق......تتشوف فالملف اللي تيحتوي على التقرير....غادة تترجعو فدماغهاا...منين حطات رجلها فكتامة و هيا تتبحت سريا و تجمع المعلومات...قرار استقالتها كما قلت و سبقت ماشي بسبب عائلتها الصغيرة او خوفها من الكتاميين..لاكن حصلات على النتيجة ان ولو تفني حياتها هنا لن يتغير شيء....كتامة عاصمة الحشيش الميرجوانا ..عندها البارونات متل عائلة عصمان لي شاريين سكوت الامن المغربي و الاسباني و الشرطة البحرية و الجمارك ان طريق الحدود مشرية بحيت تيخرج فالنهار 600 كيلو فالنهار دالحشيش و الطريق الاسرع هيا المراكب البحرية تصل لاوروبا فدقائق...فالبارونات مبقاوش طاغيين غي بالفلوس بل مدخلين معاهم رجال الدولة من الوزن التقيل لي تيدوزو الحشيش بمنتهى البساطة غايتهم الربح...كتامة الحالية غير كتامة الستينات و التمانينات لكانت الوجهة للسياح الاجانب و صحاب الهيبي ...كتامة اليوم هيا *كولومبيا المغرب* الزراعة امتدت لحدود فاس و الشاون و الريف و طورات مأمنين بشكل خرافي، بحيت ممنوع الصحافة ويلا شمو ريحتهم تيكونو حفرو قبرهم...لهدا سحر عرفات راسها نقطة فبحر اسود .. الباروناات .. ان مانشاهد على التلفاز من مسرحيات القبض على المهربين فهوما فقط اتفقيات وطنية بين الامن و البارونات ....خلاصة القول كما كتبت بالحرف الواحد سحر ...قطع على الشعب الخبز و الحشيش تنوض الحرب....ختمت التقرير بتحياتها للسيد مدير الامن الحموشي..................وصلات لمركز الامن غادة تتلقي التحية ...دخلات لبيروها جمعات اي ملف سري او غير سري و جمعات لبستها و سلاحهاا...مشات لمكتب المدير...قدمات الاستقالة و عطات التحية ...خارجة خلات زملائها فحاالة صدمة كبييرة من الاستقالة....مع الخرجة استنشقت الهواء اخير رجعات مواطنة حرة و حيدات التقليد عليهاا .. بتاسمماتت مرتااحة .. سمعات تليفونها كايصوني هزاتو كانت راوية متاصلة بيها
سحر واقفة كاتسنى فطاكسي:أحبيبتي
راوية بنبرة فرحة:كبيدة .. كي دايرة صافا؟
سحر ومأتلها كاتشير لطاكسي .. وقفلها و ركبات فيه:وي بخير و نتي .. شخباارك .. غابرة (قالت للطاكسي فين ياخذها)
راوية ضحكات بخفة:ههههه انا كانوجد لعرسي
سحر:اووو .. عرس .. مبروك احبيبتي
راوية:الله يبارك فيك اعمري .. نتي غاتجي ضروري ماتقوليليش خدامة ولا شي حاجة .. مباغاش اعذار
سحر ضحكات حتى تجبدو عويناتها:ماتخافيش .. اكييد غانجي هههه .. اصلا مابقاتش خدمة انا ستاقلت
راوية:او مايكوود واش بصح؟؟
سحر:هههه وي .. عييت اصاحبتي من المشاكيل .. هذا احسن حلل .. و انا و يحيى رجعنا .. صافي جا الوقت نعيش حياتي على خير حتانا
راوية:فرحتيني معاك والله .. الخنيفيس ولدك كبر؟
سحر:ههههه اه دابا نصيفطلك تصاورو هههه كبر و كبر الشعر
راوية:غانتسناك .. دابا غانقطع غاديين عند الطريطور فكازا
سحر:اووو كازا .. اذن غايكون عرس اسطووري هذا
راوية ضحكات:نهار العرس و نشوفو هههه بطاقة الدعوة غاتوصلك عن قريب ..
سحر:وخ احبي بسلامة
راوية:باي باي (مع اخر كلمة مع وقف الطاكسي بيها .. هي نزلات منو بعدما خلصاتو .. دازت لواحد السوبر مارشي قدام الدار .. شرات شي لعيبات للفطور و طلعات للدار فرحانة و حاسة بحمل انزاح على قلبها)
خرجات من البيت من بعد مدوزات ساعتاين وهو واقف كيتسناها فالكولورا غادي جاي..مرة يكمي مرة يغني مرة يدوي فالتيلي تا كان غايدخل يشقفليها داك المراية...مع الدورة خرجات...لابسة جليليبة فالكغونة وطالقة شعرها..دايرة شال على عنقها رابطاه وصبيبيط عالي فنفس اللون...هازة بوشيطة ومقادة وجها بمكياج خفيف..كان غايغوت ساعة فاش شافها داخ...مشا عندها كيصفر...
الزاهية: (كتملس على شعرها بحنان) عايطلي يما الحبيبة دقلبي...
هدى : (تفكرات مها ودمعو عينيها...بقات مدة كتشوف ساقلة..حس بيها زايد وعرف موقفها يالله بغا يهضر وهي تنطقها غير بشوية وشنايفها كيترعدو) لهلا يخطيك أ يما...(شافت فزايد الي فرحان غمزها وزيرليها على يدها )
الزاهية طلقاتها بتزغريتة تا صمكاتليهوم الودنين...عاد خلاتها دازت سلمات على العائلة كاملة...حتى وصلات عند ايمان...حطات داك الصينية لنزار حيت مقدراتش تصبر وطارت عليها عنقاتها..كتنقز...
نزار غلباتو الضحكة...يالله كانو مخاريين ودبا هازالها الهم وكتمامد ليها..ماجاوبهاش...بقا شاد الصينية بيد واليد لوخرا جر ايمان من هدى حيت دارت فضيحة بالغوات والفرحة...
نزار: زگاي...خلي الناس يشربو الحليب...
ضحكو كاملين على هبالهوم وعطاهوم هو الحليب والتمر..رحبو بيهوم ودخلو كاملين حيت كانو موجدين غدا جامع العائلة كولها... جلسو مجموعين فالمراح .. و الحاج عصمان شاد عكازو كايشوف فالجماعة و مبتاسملهم بخفة .. البنات تجمعو فقنت كايقرقبو الناب .. ايمان و هدى كل شوية يسولو بعضهم سؤال على حياتهم و كيفاش دازو الامور، زايد كذلك مع الناجي و الدراري شادين الحديث مع الحاج عصمان
الزاهية بابتسامة:لا لا ابنتي غي جلس .. كولشي واجد دابا غي غانزلو الغدا و صافي
هدى جلسات مبتاسمة:وخ أيما
زايد قرب همسلها:تباركالله على ختي
هدى خنزرات فيه و قلبات عينيها كاتشوف فالبنات
🌸دازت ديك العشية فجو عائلي فدار الحاج عصمان🌸
اما عند سحر .. فهي موجدة عشيوة رومانسية ليها هي و يحيى .. غاتحتافل باستقالتها .. جالسة قبالت المراية كاتدير ماسكارا .. كثفات رموشها و طلعاتهم .. وقفات كاتنفض فشعرها مطلوق .. مشات طلات على هيثم كان كايلعب فبيتو .. هي طلات على الطبلة واجدة و كولشي هو هداك .. خرج يحيى من الدوش بفوطة على نصو .. هي مشات عندو عطاتو حويجات كانت موجداهوملو فوق الفراش
يحيى شدهم من عندها مبتاسم:عمري
سحر باستو فحنكو؛حياتي
يحيى دار كايمسح فشعرو و يلبس عليه:شبانلك نعاودو شهر العسل
سحر ضحكات:ههههه حنا معروضين لعرس صاحبتي من هنا سيمانة كانضن
يحيى لبس .. مشا عندها واقف مقابل معاها .. حاوطها من خصرها:مممم نمشيو نعرسو و ناخذو شهر عسل .. خلي هيثم مع ماماك شبانلك؟ بغيت ننفاردو
سحر:ونخليوه بوحدو
يحيى:و غانرجعو الأيام الخوالي .. ايامات زواجنا اللوالة .. النيت نجيو و الفنيكيشة فكرشك
سحر ضحكات و جراتو من يدو لبرا:ههههه زيد دابا نتعشاو ..
يحيى حاوطها من كتوفها و خرجو للصالون لبرا .. عيطات سحر لهيثم اللي جا كايجري .. جلساتو فوق حجرها كاتوكلو و توكل يحيى اللي بدا كايتعاند مع هيثم و يتفشش عليها توكلو .. رجعو عندها جوج دراري
🌸نهار جديد🌸
.. دخل قادر للبيت عند صفاء .. كانت كاتوجد راسها يخرجو .. معروضين عند الناجي .. هو مشا ليها سرقلها بوسة من فمها و دخل للدوش يدوش .. هي بتاسمات و كملات لبيسها .. هاد المرة ماشي جلابة انما لبسة زوينة و محتارمة ..كانت شراتها مللي كانو فالناظور
.
.
.
.
زايد كايمشط لحيتو الخفيفة قبالت المراية و كايشوف فهدى بنص عين .. كانت كادير مكياج خفيف .. سلات هدى و دارت شافت فزايد
هدى:انا ساليت
زايد شاف فيها طلعها و هبطها:والموووت معااك .. احححح انا اللي مزوج
هدى:ههههه وازيد دغيا غانتعطلو
زايد قرب عندها شدلها يدها و مشاو خارجين .. كل مرة يلوحلها كلمة كاترجعها مزنكة بقوة الفقصة .. ركبو فالطموبيل و ديمارا .. غاديين على طول الطريق.. خرجو من كتاامة جيهت الناظور
راوية كادور تشوف حواليها فالطبلة .. موجدة و مشكلة بأشهى الاطباق من صنع يديها .. شافت فواحد الخدامة قدامها:كولشي واجد كولشي مزيان .. (شافت فراسها كانت لابسة فراشة خفيفة فالشيبي جاتها غزااالة) لبسي هو هداك .. خاص غي يجيو الضياف ههه
الناجي نازل من الفوق كايصفر:حبيبة .. كولشي واجد (باسها من فمها و دار خدا فريتة كياكلها) ممممم هادشي كايشهي
راوية بابتسامة:فاش تذوق قولي كي جاك طيابي
الناجي طلعها و هبطها بعينيه عاض على شفايفو:احححح غايكوونو فحاالك .. مكايتشبعش منوو ههه (تسمع صوت الصونيط فالباب .. مشات الخدامة تحل .. هو وقف و قرب عندها) متشوق للنهار اللي نشوفك بالفستان الابيض
الناجي زيير على خصرها بين يدوو كايتحسس خصرها و مشاو جيهت الباب دالفيلا:يلاه اعمري (وصلو .. بانولو ضيوفو جاو فخطرة)
زايد و قادر و نزار اللي عرضو حتى هو .. مشاو يتساالمو
هدى شافت ايمان تلاحت عليها ثاني معنقاها و تبووس و ايماان كذذلك
ايمان بفرحة:هدى حبييبتييي
هدى معنقاااهاا مزييرة علييها:كبييدتيي
ايماان بعدات كاتشوف فيها:ناري شكون كان يقول غانتزوجو بولاد العم (عاودو تعانقووو بقووة)
صفاء كتتسالم مع راوية:كي بقيتي احبيبتي .. كي جاك الوحم هههه
صفاء بتنهيدة:راسي كايدور ياختيي هههه (شافو فهدى و ايمان اللي ماطلقوش من بعضهم)
زايد قرب عند هدى؛لا دابا غانبدا نغير ثاني
هدى شافت فيه كاضحك:ههههه توحشتها واخا طلاقينا غي البارح ولكن ماطيرناش الشوق هههه
نزار جا حاوط ايمان من خصرها كايضحك:مرات خويا لابااس .. دابا شنو نقولك مرات خويا ولا نسيبتيي
هدى مزنكةة:ههههخ اللي بغيتي اخويا نزار
الناجي:زيدو ندخلو .. راه كولشي واجد كانتسناوكم غير نتوماا
صفاء:مممم ريحة كاتشهيي
قادر حاوطها من كتوفها:حبيبتي شنو مشهية نشريلك؟؟
صفاء:هادشي اللي مطيب هنا ههههه
الناجي مبتاسم:انا اللي مزوج فيكم .. مرتي مبرعاني شهيوات من جميع الانواع ههه (شاف فراوية مطلعها و مهبطها بعينيها هي تزنكات كاضحك)
راوية:هههه زيدو تغداو مرحبا بيكم
نزار جر الكرسي لإيمان:نتي اللولة ألوريدة ديالي
ايمان:لهلا يخطيك عليا
زايد جر الكرسي و جلس و شاف فهدى:زيدي جلسي
هدى قلبات عينيها و جلسات مفقوصة هو عمر واحد الطبسيل قدامو و عطاهلها كايهمسلها:هاكي كولي باش تزيدي تربي الطرف
هدى تزنكات و خنزرات فيه هو ضحك و علا عينو فالناجي
زايد:عمي! اش تما .. هاد العراضة ديالاش
الناجي جلس بعدما جلس راوية و شاف فيه معلي حاجب:علاه خاص مناسبة باش نعرض ولاد خوتي؟
زليد ضحك:ههههه واشفتك جمعتينا كولنا قلت فشكاااال
الناجي ضحك و شارلو بيدو .. كان كل شخص منزلة قدامو بطاقة ذهبية اللون كاتبري:هديك جزء من السبب اللي عرضتكم ليه ههه
زايد هزها كايشقلبها فيدو .. حلها و طل كايشوف شنو فيها، كانت بطاقة دعوة لحفل زفاف .. علا عينو فالناجي و بتاسم:اووو يعني العرس غاديرو (شاف الموعد المحدد) من هنا سيمانة .. مزياان و فكازا
الناجي غمزو:غاندير لمرتي عرس اسطوري هههه
هدى حلات البطاقة:زوينة بزااف
راوية بتاسمات:يشرفني تحضرو كولكم
صفاء:طبعا غانجيو هههه
ايمان كاتنقب من طبسيلها:مممم هادشي بنين
هوما شافو فيها و ضحكو بخفة
الناجي:بعدا حتى ناكلو و ندويو فهادشي
زايد:واقولو بسمالله هههه (بداو ياكلو مجموعين .. فجو مرح و نشيط .. من زايد .. قادر كل شوية يسول صفاء شنو باغا تاكل و هي ماكلتها قليلة .. قلبها كايطلع دغيا .. اما نزار فغي كايمد لإيمان تاكل .. و الناجي كل شوية يهمس لراوية بكلمات الغزل على الاكل اللي جا بصح مايتشبعش منو)
⚡بعد مرور أسبوع⚡
...من قاعة حفلات باكبر اوتيل فمدينة الدار البيضاء...دازو لايااام و هما واقفين على قدم و ساق اوامر من النااجي بإقامة العرس الاسطووري لمحبوبته رااوية...العرس المسير من احسن ممول للاعراس .. خمس نجوم من بعد ماختارت راوية بين عدة طلعات للعرس، ختارت على العرس الاميرة و النكاافة البرستيج تتخدم غير الملك...الناجي كان فرحان بمحبوبتو و هيا تتجهز لليلة العمر بالدقة الرااقية ...الناجي طلب ليها الازياء المغربية من احسن دار للازيااء بباريس و الفستان الابيض من Dior جاها قبل مع المصصمة لغادي تلبسها مع الاكسوارات من البوكي دالورد لحذاء العروس والتاج اما الميكاب ختارت جويل ....البيبي الدول و اللباس الداخلى كلو من الحرير ختارت ماركة reberto cavali و العطور من cucci ....جهزات نفسهاا من A_Z من احسن الماركات دللت نفسها اخر دلال و اميرها معاها فكل خطوة ماسك يديها و الابتسامة السااحرة على محياه ففمو امرك روايتي ..الكل جااهز و الامور مسيرة كماا يجب .....ليلة قبل العرس من جناجها الملكي فاقت مبتسمة بعد ليلة كلها حب مع الناجي تفكرااتها عضت على شنايفهااا بغنج ...اليوم هو اليوم المووعووود و المميمون .....الاوتيل كلو مأجر لعائلة النااجي ...صفاء و قادر و زايد و هدى و ايمان و نزار هم اول المدعوين طبعا و الناس الكبار شي جا شي مجاش ...سحر ايضا لبات طلبها و جات ...صالون التجميل لهو فرع جويل فالمغرب فانتظارها له...لبسات جلابة بيضة جوهرة وبلغة بيضا بالبرشمان و صاكها الباربوري ..لقات السيدات بأربعة فانتظارهاا لابسين البلدي ...عرس راوية فرحو ليه الجميع كان جائزتهم للفرح من بعد معاناتهم ....السيدات الجميلات خلقو الجو بيناتهم و ربطاتهم الصداقة و سحر انسجمت معاهم ....سخرية القدر صديقتها تزوج من العائلة لي عامين تتطاردهاا لا غادي تحظر عرسهم ...رماووو اي حاجة اتنغص ليلتهم و رسمو الابتساامة النابعة من القلب هبطو مجموعين لقاو السيارة الكبيرة فانتظارهم خصصها النااجي ليهم......مسافة الطريق ...كانو بانتظارهم بصينية التمر والحليب و الابتسامة ...كانت الخدمة من اكبر المحترفات الصونا و المانكير و البديكير و الشعر و التجميل راوية كانت جويل نفسها مكلفة بيهاا ...مع الساعة سابعة مساااءاا كانو واجدين...الابتسامة متتحبسش تغيرو 180 درجة طلعو متل المشاهير سحر طخوو سيكسي بالشعر الاسود لي كان مموج مع ميكاب رهيب بين عيونها السود و صفاء الكتكوتة لي كل مرة تدخل الحمام تقيا و ترجع يكملو ليها ...عملات البالياج لشعرهاا لون اشقر و شنيفاتها الكرز عطاوها جمالية حطو عليهم للون الاحمر و دارو ليها المشكة بالتاج الصغير و العيون بارزة بالوان مخملية و ايمان لي كل المرة تطلب تااكل من الوحم ..طلعات بومباا دارت لميش و مكيااج بدل ملامحهاا .....اما الدكتورة بقات حالة فمها فراسهاا طلعات متل عارضات و مشاهير خدمو ليها العيون و توجات بالتاج محجر لزادها جمالية ...اما العروس فكااانت قمر بنفسو .. منتهى الروعة جمال عيونها لي الشوفة منها ذوب و الشفاه المخملية باللون الوردي بالتاج مرصع بلالحجار ....شكرات جويل خدات معاها سيلفي و البنات كدالك ...خرجو طايرين بالفرحة كل وحدة لحبييبها فقلبها تتخايل ردة فعلو فاش يشوفها ....طلعو رجوعاا للاوتيل ...دخلو الجنااح الملكي للعروس لقاو النكافة فلانتظاار مع بناتها و الباسي لغادي تلبس و البنات كدالك تلبسهم لان راوية متقبلش صحباتها يكونو اقل اناقة منها ....بداو تجهيزااتهمم
***العرس الاسطوري***
....مع بداية السلم .. الدرجات مزوقين بالورد الابيض و الشموع البيضاء برائحة اليااسمين ...المنظر رهيب فااكتشافو ...كل درجة مزينة على اخرة لغاية الدخلة للقاعة للكلها انواار خاافتة و شمووع. عاطية روونق للاضااءة فلاش كبير ضار فالدخلة و الارض مزوق بإطار فيهم اول احرف اسماء العرسان و الموسيقى الغربية العتيقة المطلوقة ....الطبالي مرتبين و مزوقين بالورد و الشموع و الواني الفضية و الكيسان مزوقة بالسينتا البيضاا ..الورد الابيض فكل الارجااء و سقف القاعة مضوي متل الدموع الناازلة ...السرباية لابسين لبسة موحدة، مرتبين و الوقفة التابتة ....جلسة العروسة كانت على الشكل كوكيااجة كلها احجار و صالون الجلسة باللون الفضي .....بوفي الاكل مفتوح من المملحات و الفواكه المكسرة و لي سواغي المشكلين الحلوين و المشروبات المنعشة ....العائلة بالذات بالدخول لابسين ارقى اللباسي و السرباية معاهم خطوة خطوة كلها و بلاصتو ....هيتم لابس الكوستيم بالبابيون تيجري و يحيى حااضيه ...و الرجال الكتاميين نزار و قادر و زايد كانو فابهى حلة رجولية لابسين من roberto cavali على حساب الناجي الكوستيمات واحد احسن من لاخر بالون الاسود مزينين بالاكسوارات و السوايع الغالية و معطرين احسن العطور ...مخصص ليهم الناجي تحت الطلب بار صغير فيه المشروبات الكحولية العالية الذوق من ديك البلاصة ماتحركو فانتظار زوجاتهم...الناجي كان لابس كوستار مختلف عليهم باللون الازرق و مرازي الشعر لي واخد ليه اللون البيض كان مصصف من امهر المصففين كان العريس وسيم بامتيااز ..كل مرة يسرح عينيه والبلوتوت فوذنيه اكيد المكان تحت الحمااية ...القاعة منظرها متل فيلم رومانسي من فيلم اميرات ديزني ...الفرحة باينة فعينيه بالنسبة ليه عاد يتزوج و يذوق الشهد مع المحبوبة.......
.....دقت الطبوول و دقت الاجرااس دالفرح ....بوووم بووم العرووس دااخلة ...الاضاءة كان محترفة و المصورين محترفين ....مع زهيج النكاافة و الصلاة و السلام على النبي ....داااخلة الاميرة راوية بالتكشيطة البيضا مع تاجها و لاكسوارات دالذهب االابيض و صحابااتها من موراهاا...كان فاخر درجة الناجي واقف متوتر فانتظارها مع وقفة الجنتل مان...درجة درجة توصلاتها النكافة عندو ...ذاااب من جمالهاا .. عروستو ولا اجمل قبل يديهاا و جابو العمارية يركبوها هو واقف مع اميرتو تاجلسوهاا ...وهزوها هو القدام جاي هما موراها مع اغنية الف هنية و هنية يالالة لي مغنيها طهور بدات المرااسم العرس المغربي ...الاضااءة تتلعب بالاوان و الحضور تيصفقو و البنات عينيهم معاها تيصفقو و يرشو عليها الورد ...و افواه مفتوحة فيهم من الصدمة جمالهم ساااحر كولهم بدون استثناء ...
قادر: ابن عمي ...واواااو صفاء ديالي هاديكك
نزار: تيفك الكرافطة من الصهدة ...اتحمق جدي ...
زايد: سد فمو شاف فيهم...فوقاش يساليو هاد الموسم الابيض ...
قادر: اناا غادي عندها ..صافي هدا الجهد
زايد: رجع ابن عمي ..لليل طويل و الروج قليل...
.....لبسة ورا لبسة و البنات تيبدلو معاها ...و فالجناج تيتفرجو فلاعادة كي طلعو ...و تكرشخو بالضحك على رجالهم وفاللحظة للدخلو...المدعوين قدمو ليهم اشهى المأكولات بسطيلة الحوت و الحوالة مشويين و الدسير المزوق و لاكلاص .....جات ساعة الزفة ...ورواية تتلبسها المصممة الايطالية و تقاد ليهاا طلعاات روعة ففستان الزفااف و البنات لدرجة دمعو من جمالها ...المفاجاأة ان راوية كانت مدومندية للباس الوصيفات للبنات فاللون الزهري فلاغوب اميرات ...شكل واحد لبساتهم المصصمة طلعو روعة...
....شادة الورد فيديهاا متل اميرة و خاتم الزواج دالالماز تيربي فيدسها و الوصيفات من مورااها ...تا طلعو اخر درجة ....تصفاو الوصيفات هما الولين سحر و هدى و ايماان و صفاء ...مع الدخلة طلقو الموسيقى دسلين ديون تتتتيتانيك و مع البنيات الباليه باالباس البيض مركبين جوانح من الاملاك تيرقصو ...و ولد سحر عطاوه السلة تيرمي الورد ...الوصيفات داخلين وحدة وحدة و مبتسمين...و العروسة من وراهم تتمشى بشوية ...فاخر المنصة كانو الرجال مصافين و الناجي لابس الكوستيم ابيض...و يد على يد فانتظارهاا...المشهد كان من تصميم المصصمة الايطالية ...الوصيفات كل وحدة طار عليها راجلهاا....و اميرة شدها اميرها من خصرهاا و مقبل شفتيهاا ...طلقو ليهم موسيقى السلوو ...والناجي شد محبوبة قلبو تيرقصو معنقهاا تيقبل فكتفهاا ويرجع يشوف فيهاا
الناجي:أحلي عروس ...عمري لابق ليها لابيض
راوية: الله لا يحرمني منك عيشتني احسن يوم فحياتي (قبلاتو فمو) تنبغيك الناجي
الناجي تنهظ: كنت مستعد ندفع كل ما املك و نسمع منك هاد الكلمة طالعة من قلبك و نشوف هاد الابتسامة ...رجع عنقهااا و نازل فيها كلمات الغزل...
نزار: عمري ااح عليك ...طلعتي قرطاسة ...
ايمان: ههه تانت الزين ...ولدك هبلني
نزار: انا هبلتني نتي...تنحمد الله لي جمعنا اناا ويااك ..كنت خايف تخوي بياا ...هاد ولدي هو ثمرة حبنا ادكتورة قلبي 😘😘
ايمان: حبيبي انت ...الله يدومهاا ايامنا الفرح ...
نزار: ااامين الحب ...
قادر: تعقد ليه اللسان و غير حال فمو...
صفاء: قاادر ...مالك ساكت
قادر: ءاا ...نتي طبيعية تتعجبينيي دبا ..حمقتني تنحماق عليك....اصفاء نتي لي عندي فقلبي من نهار شفتك وانا باغيك حلالي و مراتي و حبيبتي ...
صفاء: تانا تنبغيك ..متحاسبنيش على لي داز اقادر ماشي خاطري
زايد: زاد لصقها معاه هما تيرقصو...حسيتي بزبي ايهبل بااغي نحويك بمكيااجك بااغي لليلة نحملك بشي بنية تتشبه ليك
هدى: زاااايد ....اتشوهني
زايد: بعد خصرو عليها و عنقهاا....تعطلتي عليااااا بزااف عاد جيتي ....عرفت الحب تاعرفتك ..تنموت عليك اختي
هدى؛ و الله مااختك
زايد: ههههههههه نتي حبيبتي فاش نحويك ..نخرجو تولي ختي و مي و صاحبتي و كلشي...انتي لي نقذتي حياتي و عطيتها المعنى ...لوفيو بيبي
هدى: لوفيوو تووو اعمري
سحر: بيبووو توحشتك
يحيى: انا كتر....جيتني عروسة ارفيقة دربي te quiero
سحر: هههه اوسي بب ...الله يخليك ليا
يحيى: ديماا معاك مع ولادنا ...تنتسنى البشارة الحب
سحر: هههه الله يفرحنا ابيي....بغيت نكول هاد العالم انا عندي احسن رااجل فالعالم ....
يحيى: قبلهاا بلهفة ...تنبغيك فرحان محيت رجعتي لياا..(تاشدو ولدو من سروالة ..قطع عليهم الرقصة).اوووو بابي ...عمقهم وقفو تيشوفو التنائيات عايشين الحب تحت اضاء قليلة رووومانسية..تا تشعل الضو ...مدخلين اكبر تارت باللون الابيض مزوقة بالورد....و طلقو موسيقى الدبكة اللبنانية .......ناجي معنق راوية من خصرها واقفين امام لا طاارط البيضا و السرباي لاباس البيض مد ليهم سيف البرستيج باش يقطعوو ....حط يدو عل يد عروستوو و نزلو بالسيف من اول الطبقة حتى اخر طبقة تحت التفيقات الحضور و تصفيرات الرجال و الألعاب النارية كايتسمعوو من برا.... مد ليهم السيف وكلها ووكلاتو و طار عليها بوسة تيبرد نقطة العافية شاعلة فيه....دازت ليلة ااعمر احسن منها مكاين .. عرس اسطوري بكل ماللكلمة من معنى .. ختموه براوية اللي لاحت البوكي دالورد لشي بنات باقيين بلا زواج .. جا فيد وحدة .. كاع الثنائيات شالو فبعضياتهم بحب و عشق .. دوزو تحديات و مشاكيل ولكن .. حبهم اقوى من كولشي، ابتسامتهم و فرحتهم كانت حاااضرة فنهاية الزفاف .. كل واحد خدا جناح خااص فالاوتيل .. يديرو ليلة العمر و ما احلاها لييلة مع حبهم الكبير لبعضهم
كولومبيا المغرب الجزء 11 والأخير
محتوى القصة
التنقل بين الأجزاء