ماشي بعيد على راوية الي فالاوطيل... لتحت فالبار كما عادتو جالس جلسة الملوك رامي يدو على الفوطوي بملابسو الكلاص و ماامحو الجدابة و ريحتو لمجهدة .. داير الرجل على الرجل و المكانة فاليد مع براسلي الجلد و منين تيهز يديه تيبان الوشام من تحت القميجة .. شاد كارو بيديه و تلفون بين يديه تيشوف تقرير راوية من منين خرجات من الكوميسارية حتى طلعات الشومبرا متبع اي صورة بتفاصيلها حك على لحيتو بشوية و بهدوء و شاف الساعة نطق بصوتو الخشن: يلاه ياا أمورة هدا كلو النعاس !
شاكر: جاتك الحالة الحبيب ؟!!معامن تتهضر؟
الناجى: حط التلفون دار عندو على عينيه نظرة خطيرة .......عجبااتني
الناجي: دار ليه بحركة اووكي ..هز الكاس شيفااز تيتنغم بيه عاض على شنايفو تيتسآل مع راسو اش جالس تيدير هنا ؟! واش على قلتهم !؟؟ وهو بين صراعو خلص خارج من البار لقاعة الاستقباال بمشيتو الرجولية اليد فالجيب ولوخرى تتمشي تجي معاه .. حتى تتبان ليه واقفة فالاستقبال لابسة كسوة صيفية موردة و الشعر المطلوق و صاك فيديها الانظار متجهين ليها ميل راسو مع مشيتها الانتوية تهز طرف شفتو بشبح ابتسامة مشى عندها وقف .. كانت عطياه بالظهر تسنى حتى سالات هضرتها قرب ليها الدورة لادور دخلات فجدار جسمي قوي
راوية: ااح اسمحلي ...نزلات تهز نظاظرها لطاحو هو مزال على وقفتو متبعها بالعين صوتها الرقيق و شعرها لتبعها وهيا حانية .. ظهرها المستقيم و الطرمة لخرجات وهيا مكوزة تاوقفات ..احم اسمحلي ماشفتكش !!
الناجي: سرط الريق......(متبع شنايفها المنفوخين تيتحركو و ريحتها لشمها و العينين المرمشين الكري و النيف المكاد و الحنوك المهزوزين احسسن من الصورة) نو بروبليم
راوية: ماتيشرفنيش نتعرف على اشكالك ولا ناقشهم ....جمعات قوتها تاتفكات منو مشات تتزرب خارجة .....وقف تيتلمس يدو لكانت شاداها قربها نيفو كايتنشق عطرها الأخاااذ مغمض عينو .. حتى عاود حلهم فيها نيشان و فمشيتها الانثوية .. بقا متبعها بعينيه فحال الصقر حتى غبرات من قدامو
#عند_هدى
منين وصلات للحسيمة ومشات لادار الي ساكنين فيها البعتة وهي ناعسة...حدها تعرفات على الكبيبات الي معاها وستفات حوايجها وضربااتها بنعسة استعدادا لغدا فين غاتبدا اول مهماتها...جاها الجو مبدل والحياة تاهي تبدلات...ماعارفاش واش غاتأقلم مع الجو ولا لا...ناضت كتعگز بانليها الحال ضلام وصداع فالصالون ...يمكن البنات جاو...مشات غسلات وجهها باش تصحصح وجا فبالها زايد الي تللقاتو الصباح...ماعرفتش هلاش غير تفكراتو تعصبات مزال ماتسرطات ليها لحد الان...قضات حاجتها وخرجات عند البنات سلمات عليهوم وحدة بوحدة وكلسات تعرف عليهوم مويان...حيت مكتعرف فيهوم تا وحدة وكل وحدة جاية من مدينة والأغلبية مبتدئات ...
💞💞💞💞💞💞💞
خرج من البيت بعدما دوش .. شعرو فازك شوية لابس شورط قصير كحل .. خيوطو هابطين لتحت و باينة ديك Men دالكالصون .. من الفوق ملابس والو غير ليزابدو كايتشايرو .. شاف فصفاء اللي كانت مكوزة كاتقاد الطاجين فوق الطبلة .. عض على شفايفو وضربها لمؤخرتها حتى قفزات وجلس
صفاء كاتحكها:اححح قصحتيني (بدات كاطلع و تهبط فيه .. عجبها شكلو قدامها كاتمنضر فدوك ليزابدو جلسات قدامو وهو غي حاضيها .. حمقاتو بقاميجتو جاتها فنة مع فورمتها جاتها قتالة) مالك كاتشوف فيا كوول هالمااكلة (دوراتلو وجهو للطبلة)
قادر تقلب للطبلة هز الخبز و بدا ياكل .. الطاجين جاه غزااال ..هي كتاكل قدامو و كادور عينيها باغا تبدا معاه الهضرة و ماعرفات باش تبدا .. حتى زعمات و نطقات
صفاء:ق قاادر
قادر كان مخشع كياكل سمع سميتو بصوتها و نبرتها المحلونة وحلاتلو بدا كاييسعل .. هي بالزربة كبات كاس دالما و عطاتولو و مشات بيدها لضهرو كادوز يدها .. هو رجعع حممر طااح على داك الكااس كوولوو عااد زفر برااحة .. مد يدو ليدها اللي فضهرو و حطها على حنكو دار شاف فيها مطلع حاجبو
قادر:اشنو باغيا اروح قادر؟
صفاء ثورثرات من نضراتو و من ديك "رووح قادر" اللي قالهالها .. بلعات ريقها و قالت كاتغبن:دابا انا فالصباح ديما كانصبح ناعسة راك عارف .. اليوم جات خالتي زوبيدة على الصباح كاتفيقني هادي ماشي موشكيل ولكن مللي خرجت من البيت لقيت كاع الماعن دإينوكس فالارض .. و عاد اللرض فااازكة قاتلي شنو ماشنو انا معفونة و جالسة فالدار مغبرة .. راك عارف البارح جيت اول حاجة درتها سيقت و الماعن راهم مايطيروش ولا؟ ..
قادر كايحك على لحيتو:مممم وراك عارفة الواليدة و طبعها
صفاء جمعات شنايفها عندها:واييه عارفاها و عارفة طبعها و لكن هادشي بزااف واش حنا ساكنين بوحدنا ولا ساكنة معاها؟ فوقما ترشقلها عليا طيرهالي تدفع الباب و دخل عندي .. وعاد بدات تعايرني كاتلمحلي راني شفارة غانسرقلها الماعن .. حيت جابتلي حتى ماعنها نحكهم .. وهاادشي كولو فالتسعود دالصباح مافطرتش حتى الفطور ساليت حتى للثلاثة
صفاء:تت لاا حتى لدويتي غاتخليك تخرج و دخل عندي .. انا دااري قاادة بييها هي و رااجلييي (بتاسماتلو) للصراحة ماكرهتش نمشيو لديك الدار اللي عندك هنا .. حتى هاديك زوينة و كبيرة .. ناقصها غي الفراش فرشها و نمشيولها انا وياك .. اش بانلك هممم (شداتلو يدو كاتلعبلو فصبيعاتو .. هو بقا كايشووف فيها كايفكر فهضرتها .. جا يدوي و هي تقاطعو) وشوف راها اصلا مكاتحملنيش .. تبغي تفارقنا عاودتاني .. عاقل ديك المرة شنو دارت .. كنتي غاتقتلني بسبابها .. عفاااك (كاترمش بعويناتها و كاتقرب بوجهها لوجهو .. هو ذوبااتو بحركااتها .. بالزربة شدها مور راسها و زيير على شعرها .. وطااح على شفاايفها ببووسةة زييرلها فيها شفايفها حتى حمااروو .. هي بعدات بشووية كاتنهج)
صفاء:مممم شنو قلتيي؟
قادر باغي غي منين يدوزلها:صافي اعمري من غدا نجيبلها الصباغ يصبغها و ناخدو الفراش للي هنا لتما .. اش بانلك همم (مشا بيدو لفخاضها كايتحسسهم و خشا وجهو فعنقها) اححح توحشتك
صفاء بتاسمات حيت غاتسكن بعيدة على عكوزتها فراحتها .. شوية جا فبالها الفلاش ديالو واقف مع ديك البنت ناضت وقفات غفلاتو كان غايطيح .. شاف فيها قارن حواجبو .. هي حطات يدها على جنابها
جات غادا للبيت كاتعوج فمشيتها و هو غي كايشوف معلي حاجبو:شمن بنت؟ (وقف غادي جيهت البيت تابعها) صفاء من نيتك؟
صفاء شافت فيه:اه من نيتي شنو غاتنكرر؟ شفتك بعيينيي هااادو اللي غياكلهم الدووود .. وهي كاتقيص فكتافك و تعوج قدامك و نتا غتاكلها بعيينيييك
قادر وقف مربع يدو حابس الضحكة اللي جاتو مللي شافها كي كادوي و معصبة باينة فيها غارت:لا ماكنتش غناكلها بعيني .. راني كليييتها😉
صفاء بدات كاتغزز فسنانها .. قربات عندو معصصبة رجعاات حممممرة .. دفعاتو بكل قوتها:كلييتيييها ياااك و كاتقوولها بوجههك حممر
قادر قلب وجهو للجهة لوخرى ضحك شوية و رجع شاف فيها بجدية:كانشوفك نتي اللي وجهك حمر دابا
صفاء فقصهاا .. قربات عندوو كاضرب و تعض و تقمشش فييه و هو بدا كايضحك و يبعدها بشووية .. هي غي كاتعض و تخرج فيه غدايدها دقبايلةة:كاتخوونيي يااك .. هاا (مشات لكتفو طيراتولو بعضة) مخليينيي هناااا فالداار و نتااا داير اللي بغييتيي برااا اهنننن اععع ليوم نقتلللك
قادر شدهاا بالزز هي كاتنترر بين يدووو شدلها يدها موور ضهرها و لصقها مع الحييط .. دار ركبتو بين فخاضها و بقا يشوف فيها هي صدرها كايطلع و ينزل .. قلب وجهو و طلقها بضحكة رجوولية:ههههههههه .. ههههههههه قوليلي دابا غرتي ولا كانتهيأ
قادر قرب بشووية بوجهو كايدور على فمها و كاينفخ على خصلات شعرها اللي طاحت على عينها:دابا نتي غي كادوي وصافي .. حكمتي عليا دغياا .. مكاتيقيش فيا اصفاء؟
صفاء قلبات وجهها مكاتشوفش فيه .. هو تنهد كايهمسلها:هاديك جات زيارة عند شي ناس هنا .. خسراتلها طموبيلتها انا كنت دايز من قدامها و قاتلي واخا تعاوني .. عاونتها و صايبتلها الطموبيل .. وفاش وقفت معاها كانت كاتشكرني و صاافيي
صفاء خرجات فيه عينها:كاتشكررك و هيي كاتلمس فكتاافك
قادر:انا اصلا مارديتش البال راها قاصتني و لا شي حاجة .. كان بالي كولو معاك نتيي (كايشوف فعينيها بنضرات يذوبو الحججر) كنت كانتفكرك و نتفكر الليلة دالبارح .. هااااح اجي نعاودووها حتى اليووم اجيي (جا يقرب لفمهاا و هي تدور وجهها)
صفاء:ممممم متأكد من هادشي اللي قلتي؟
قادر معلي حاجبو:اش بانلك ألمغيارة؟
صفاء:مامغيارااش .. شكون قالك غرت
قادر ضحك:وشهادشي هذا اللي درتيي .. دابا خلينا من هادشيي واجي لهناا (هزها بين يدو .. دغيا زرب عليها .. داخل بيها لبيت النعاس .. لاحها فوق الفراش وطلع فوقها كايبوس فيها بلهفة و هي كاتعوج بين يدوو .. هو غااطس وجهو فعنقها و فمها و صدرها كلااها و يدو كاتفك فصدايف القاامبيجة .. حتى هي طلعات يدها معاه كاتلمسو و تبووسو وتعضوو ماخلاتش حقها كااع .. دوزو ليلتهم عاامرة بقلة الحيا😂)
صباح...جديد
حلات عينيها على الصداع و الغوات دولاد خالتها .. هزات راسها بانزعاج .. عين محلولة و عين مسدودة .. شافت جيهت الساعة اللي معلقة فوسط البيت كانت 12:30 دالنهار .. تأفأفات و ناضت بتثاقل .. اليوم عندها روبو من الخدمة و نيت راه عندها الخطيبة اليوم .. ناضت خااصرة و لاحت الغطا من عليها خارجة لبراا .. شافت الدراري كايحنقزو فوق السدادر و يغوتو و يلعبو و خالتها مبانتلهاش .. مي كاتشم ريحة الشهيوات من الكوزينة .. غوتات على الدراري معصبة
ايمان:سكتوووو .. هبطو من فوق السدادر عندنا القرووودة هنااا .. ماتخليو الواحد ينعس ولا يرتااح .. قودوو خرجو لعبو فالزنقةة يلاااه (الدراري شافو فيها صقرو ومشاو واحد مور واحد خارجين لبرا .. هي خنزرات و مشات جيهت الحمام اللي جا فالباسيو .. دخلات غسلات وجهها و سنانها و قضات حاجتها .. خرجات كاتمسح وجهها بواحد الفوطة كانت معلقة فالحمام و دخلات للكوزينة عند خالتها كاتشمشم)
ايمان:مممم رييحة واااعرة أشامة (خالتها)
شامة شافت فيها:عااد فقتي .. هادي ساعة تفيق فيها شي وحدة اليوم عندها الخطيبة .. ماعرفت مالك نتي النهار و مطال نااعسة .. تجي من الخدمة تنعسي .. تاكلي وتنعسي .. رجعتي نتي و النعاس صحاااب
شامة :هالدجاج كايطيب و دابا كانقاد السفة وانزيد شي شلاضة .. الحلوة شفتي صايبتها البارح .. ويقبلو علينا هذا ماكتب الله هاد الساعة
ايمان بتاسمات:تباركالله ايوا الله يجعل البراكة .. هذا الجهد .. انا غاندخل ندوش دابا و نمشي للصالون نصايب شعري و نرجع .. قالي نزار غايكونو هنا مع ديك الربعة على حساب بعاد شوية
شامة:واخا سيري وفاش تجي الدار على حسابك نتي جمعي راني عييت مللي نضت وانا مخشية فهاد الكوزينة
ايمان خارجة من الكوزينة:مممم واااخااا .. (دخلات للحمام للمرة الثانية و شعلات السخان .. بقات كاتسنا الما يسخنلها فالروبيني و سهاات بعييد .. واخا كاتشوف راسها بعيييدة على الزواج و الولاد و المسؤوولية ولكن، جا اللي يجمعها .. حطات يدها على كرشها كاتحسسها و كاتفكر .. واش غاتكون أم مزيانة ولالا .. وحتى فالزواج واش غاتقد تحمل مسؤوليتو وتكونو زوجة مزيانة .. التصاحيبة ماشي هي الزواج .. فالمصاحبة كانت عندها شوي دالحرية ولكن مور الزواج شكوون عرف واش تبقى .. تنهدات و مشات كاتقيص الما لقاتو تصايب سلتات حوايجها ووقفات تحت الرشاش كادوش .. تخلي الايام هي اللي تبينلها واش هي مستعدة لهادشي ولا لا)
#عند_راوية
من بعد ليلة كلها تتقلب فبلاصتها و تفكر وتعاود، دوزاتها ميساجات مع بدر مزال مشهدها معاه بين عينيها .. كلمة شحال تترد فودنيها متنكرش الشوفة فيه تتجيب الهيبة .. صوتو ونضاراتو .. جذاب لاكن خطير من صحاب الصفوة ....تتحس براسها ضعيفة و هيا هاد العامين كلها تتحاول تكون القوة الداعمة لفتيات الجمعية تنصح و توعي .. عمرها قربات للصداع ولا اصتدمات .. مولات الجمعية من مالها الخاص ولو جاوها الدعم من جوايه مشبوهة لاكن تتعتذر تقضي بلي كاان ...جمالها الآسر و الخلاب كان بالنسبة ليها مثقل عليها بعض المرات و الشبهات متابعينها .. الناجي ماشي اول واحد يطمع فيها دوزات ناجيات هما كيف لا .. إمراة الجميلة، مطلقة و يتيمة الابوين لا لي يحكم لا لي يراقب شبهة لاصقة عليها .. لاكن هاد الخطرة وصلات الكوميسارية .. الاصابع اشارو ليها خرجات بالهنطقة من الجمعية دوزات اكفس ليلة فالسيلول.....لابسة بيجامة حريرية بيضة ناضت تتمايل بمشيتها الأنتوية تطل من الشرجم و تلعب بخصلات شعرها كملات على تفكير البارح ...واش تتحدى الناجي ؟؟!! واش هيا قدو اصلا؟؟باباها لكان جنبها دائما دفنانتو تحت التراب حتى من سحر حذراتها او هضرة البنت المغتصبة اكدت بلي عندو عائلة صمعتها خطيرة ...تتكره هاد النوع تتكرة كل من صحاب الاعمال و النفوذ تحسسوها بالإشمئزاز كيف لا وهي كانت مزوجة وااحد من انذلهم و احقرها متفكات منو غي بالكشايف ولو نقصو منها و كلشي هضر من مور ظهرها على انها عندها عشيق و تكبرات على النعمة لكان معيشها راجلها فيها و بغات حياة الزهو و النشاط هضرو و مخلاو مكالو لاكن شكون كان عاارف الحقيقة من غير زوجين و الله ...تنهدات و هزات قنوفتها باشمئزاز تتفكر ليلتها السوداء لغادي تفيض الكاس بينهم و تخليها طلب طلاق ولو تكون هيا الطرف الخائن الا كان صمعتها واقفة على ورقة الطلااق
🔙🔙🔙فلاش باك
راوية كما العادة لابسة ومقادة فالفيلا لكانت عايشة معاه كأي ربة بيت المغربية تتزاول مهامها غير هيا كان عندها الخدم و الحشم تتنزل تفقد الامور .. تطلع لبيتها تقرا او تنزل الجيم لتحت تمارس الرياضة هاد مدة الزواج كانت الامور عادية .. الزوج المحب و الحنون لاكن راوية كانت تتشوف شي الحوايج كاتكدب راسها او تدير عين ميكا ..علاقتهم الجنسية كان تتحس بيه ماشي عل بعضو بحال تيدير واجب بمجرد يسالي ويرجع لكلمات الحب و الغزل و الهدايا ..كانت مرة مرة تتشوف فالبيسي الخدمة فجاءة لقات السيت ويب بورنو وتكول عاادي رااجل ....كانت تتلقى فالسيارة مرة مرة العكر مسائل نسائية، كانت تتحول مشاجرة زوجية دوز مرور الكرام حتى لواحد اليلة داخل سكران معاه وحدة نكولو عاهرة ملوية عليه تادخلو عليها البيت من هول الصدمة راوية طيحت لكان فيديها
حسام: تيدوز الفردي على حنكها ملامح الشهوة عليه مع هااديك لتتمصو .....منقدرش تنهبال عليك تنموت عليك لاكن انا الحوى الا مكانش 2عيالات منحويش بخاطري ااح و باش تعرفي معزتك جبتها ليك تمصو قدامك انتي تمنظري اترتاحي
راوية: روحها من لدااخل تتقطع الصدمة كانت كبيرة تتحاول تسد عينيها و تحلهم و تكدب الحلمة لاكن والووو وحدة تتمص ليه زبلو هو مزيرها بالفردي اغتصاب نفسي .. كرامة تتمردد و حرام تيوقع قدامها ...كانت تتشك فيه لاكن صدمتها كانت تلاتية ابعااد ........
🔚🔚🔚نهاية الفلاش بااك
مسحات دمعة حارة نازلة ....و هزات شعرها لواتو ....:زامل الخلا و مكبوت ربي قواني عليه انحير فالناجي انوكل أمري لله هو ييسرلي أموري ...(دخلات الحمام تغسل...دوزات شي جوج سوايع وخرجات... لابسة بينوار ابيض قصير او فوطة على راسها مشات اتجاه بلاكار جبدات اش تللبس دوبياس و كسيوة كلاص تدندن مع راسها مشات هزات كريماتها تدهن و عقل تيدي و يجيب عزيز عليها راسها تلبس و تقاد و تماكي الاناقة و الميكاب تتقنهم مخلوقين ليها .....من بعد مكانت واجدة لبسات طلقات الشعر و تتدير اخر لمساتها و اللي هيا عطرها "لابيل في" رشات مور ودنيها و رشاتها فالهواء تستنشقها و تنزل على حوايجها تا سمعات الدقان وقفات مستغربة مطلباتش روم سيرفيس ومن الخوف لفيها تمسات بشوية طلات من التقبة فالباب بان ليها واحد من الخدم هاز شي حاجة فيديه اوتبل حلات الباب)
راوية عضات على شنايفها من الكلام :....ههه زامل كاليك تعشق من يبعتر شفتيها كلكم بحال بحال هدا يحويني مع ربعة ماشي 2....استغفر الله يارب اذا كان فيه الشر بعدو عليا قد مابعدتي السما على الارض و حتى اذا كان فيه الخير بعدو عليا ....(هزات الورد تتشوف فيه بحب ماوقفات حتال سلة زبل رماتو مشات للمراية تقاد وجها هزات صاكها و تلفونها خرجات ركبات فالسانسور حتى خرجات فالريسطو نيشان مع دخلة الباب لقات السرباي مستقبلها باالابتسامة بحال تيتسناها دخلات المطعم حس بنادم مكاينش .. من بعيد بانت ليها طبلة طويلة محطوط عليها كل انواع الاكل الفاخر هو واقف هاز فيدو وردة ...زادت فيها غرام دالتقة .. الراس هازاه الفوق و المشية تتلوى فحال شي عاارضة و بالهداوة شعرها تابعها فين ما مشات صاروخ فوق الارض ....
مع ديك الطناش دالنهار ...حلات باب الدار و دخلات .. الشعر مصاايب ساامبل .. كانت دايرة نضاضر دالشمس حيداتهم بانو الشفار اللي لصقاتهم .. كايبقاو شي سيمانة .. و الحجبان مطراسيين .. مشات نيشان لبيتها كاتنهد .. جمعات الغطا اللي طايح وقادات البيت شوية .. جبدات واحد البيسي كان عندها مخبي فالماريو و جلسات قبالتو رابطة ابيل فيديو فالسكايب .. بقات ثواني كاتسنى حتى تحل و بانت مرى أربعينية مبتاسمة
ايمان بابتسامة:فين ألواليدة .. وازينك الخارييج
الأم ضحكات:ههههه شوية و صافي .. قوليلي جاو الخطاب ولا باقي .. سمحيلنا ماقديناش نجيو ولكن راك عارفة .. صعيبة نلقاو بلاصة فالطيارة فنهاار و نتي غي البارح خبرتينا .. حتى هاد الراجل مزرووب .. ولكن خالتك تشوفهم دابا وحنا نجيو فالعرس
ايمان كاتلوي فخصلات شعرها:انشاءالله أماما .. فينو بابا بعدا؟ راهم باقي مجاو .. انا عاد جيت من الصالون
الأم:مزيان ابنتي .. راه باباك باقي ماجا فالخدمة .. مسكين كان باغي نهار الخطبة ديالك يكون كاين ولكن ماكتابش
الموهيم وجدي راسك دابا و تصوري صيفطيهوملي نشوفك كي جيتي
ايمان بابتسامة:واخا أماما يلاه باي انا نمشي نجمع شوي الدار و نوجد راسي
الام شيراتلها:بسلاامة بييزوو
ايمان:بييزوو (قطعات الاتصال و علات راسها فالبيت .. ناضت خرجات لبرات البيت .. كانت لابسة كسيوة بيتوتية خشات جنابها فالسليب و بدات الجميع .. دارت على الدار كولها .. مسحات الغبرة و قادات الزرابي .. جبدات شي ديكورات و فيزان كايخليوهم للمناسبات حطاتهم .. دخلات للكوزينة عاودتاني .. بانتلها خالتها باقي واحلة مع الطياب .. قربات عندها عنقاتها من اللور حتى قفزات خلعاتها)
شامة حاطة يدها على قلبها:اووف خلعتيينيي ..فوقاش جيتي؟
شامة:اه باقيلي غي نزوق هاد الشلاضة و نحمر الدجاج فاش يجيو راك عارفة باش يبقاو طريين .. دويتي مع مك بعدا؟
ايمان:ااه دوييت معاها و جمعت الدنيا برا .. الموهيم غانمشي نوجد راسي علاما يجيو راه مابقا والو
شامة:واخا سيري
خرجات ايمان دخلات لبيتها بدات توجد راسها .. قادات مكياج خفييف وكايثير الانتباه فنفس الوقت و جبدات واحد الفراشة خفيفة فالغوز لبساتها .. شافت الساعة كانت الجوج نييشان .. عاودات خرجات لبرا كاتشوف الصالون واش ناقص فيه شي حاجة ولا يكونو دخلو ولاد خالتها و رونوه .. دخل راجل خالتها تسالمو وهي تسمع تليفونها كايصوني .. دخلات لبيتها تشوف شكون كان نزار .. جاوبات
ايمان:فينك؟
نزار بهدوء:هاكا كاتجاوبي خطيبك ألحوب
إيمان ضحكات؛ههههه فين وصلتو
نزار دور الكيدون صايك:هاحنا قربنا نوصلو .. عيطتلك نعلمك وصافي
إيمان:اوك بب يلاه انا نقطع (قطعات و دخلات عند خالتها للكوزينة) خالتي راه مابقا والو و يوصلو سيري وجدي راسك وانا نقاد الحلوة فالطباسل و نعمر اتاي
شامة:واخا ابنتي .. سربي شوي
خرجات شامة ووجدات ايمان طباسل الطاوس كبار شي ثلاثة عمراتهم بالحلاوي دارو ثلاثة دالشكيلات فنفس الوقت كانت دارت الما يغلي فالبريق على قبل اتاي .. سالات توجاد الحلاوي و طفات على اتاي اللي طاب .. خرجات لبرا كان راجل خالتها لابس قنيديرة خفيفة .. حداه ولادو ريان و السيمو لابسين و مقادين حتى هوما .. خرجات خالتها من البيت بعدما لبسات قفيطن خفييف بلا حزام فالقهوي .. شعرها كان مقطع كاري طلقاتو مع كحول فالعينين ووعكيكر .. سمعات ايمان صوت التليفون بالزربة جاوبات
ايمان الخلعة و الثوثر بانو عليها:و وصلتو
نزار:اه راحنا لتحت
ايمان دارت عند خالتها:وصلو وصلو
خالتها و راجل خالتها ناضو
شامة:نتي دخلي لبيتك حتى نعيطولك .. و نتو جلسو هنا ماديروش الصلابة (لولادها)
الدراري بصوت واحد:وااخاا
مشاو بجوجهم يحلو وايمان دخلات لبيتها .. كادور فبلاصتها فحال شي طرومبية حتى سمعات كثرة الهضرة ووخالتها كاترحب بالضياف .. طاااحت عليها واحد الحشمة من حيث لا تدري و يديها بداو يترعدو بوحدهم .. جلسات فوق الفراش كاتعض فضفارها حتى دخلات خالتها عندها
ايمان بتوتر:و وا واخا (مشات طلات على راسها فالمراية قادات شعرها و خرجات نيشان للكوزينة .. هزات الصينية اللي كانت موجدة و خرجات بخطوات بطاء يديها كايترعدو حانية راسها .. وصلات للصالون و هو يتحبس صوت الهضرة كايشوفو فيها
الحاج احمد:تباركالله على مرات ولدي (شاف فكمال راجل خالت ايمان) غزالة مشاء الله
السعدية كاطلع و تهبط فيها جامعة فمها باينة محاملاش الوضع:مممم مابيهاش
ايمان مشات كادور عليهم واحد بالواحد حتى وصلات لنزار مداتلو كاس داتاي .. علات فيه عويناتها و هو يزعزعها بواحد الغمزة كانت غاطيح الصينية .. غي بالزز شداتها و حطات الصينية
شامة بابتسامة:بنتي سلمي على عكوزتك و شيخك
ايمان مشات
ايمان مشات عند السعدية باستلها يديها مبتاسمالها:مرحبا بييك
السعدية بابتسامة صفرة:شكرا
مشات ايمان جيهت الحاج احمد باستلو يدو حتى هو:مرحبا بيك اعمي
ح.احمد:ترحب بيك الجنة ابنتي .. اجي جلسي حدانا
ايمان جلسات قدامهم .. نزار قبالتها كايطلع و يهبط فيها عجباتو بالبلدي جات واعرة .. الحاج احمد دار شاف فكمال
ح.احمد:اذن السي كمال جينا قاصدينكم قاصدين الدار الكبيرة .. راكم عارفين جينا طالبين راغبين فيد بنتكم ليد ولدنا نزار .. اش قلتو
كمال مبتاسم بباشاشة:اش غانقولك اسي احمد انا تقريبا 3 سنين و الزيادة و ايمان ساكنة معانا حاسبها كثر من بنتي و نبغيلها اللي نبغي لولادي .. واخا انا غي راجل خالتها .. واليديها ماقدوش يجيو ولكن انا حاسبها كيف بنتي .. نشوفو رأيها هي لاقبلات مرحبا .. مانزيدكم غي الصلاة على النبي
شامة ناضت كاتزغرت مشات جابت طابلة صغيرة فيها الخواتم اللي كانو جابوهم معاهم هوما و صينية فيها التمر والحليب حطاتهم قدامهم .. قربو نزار و ايمان لبعضهم لبسو لبعضهم الخواتم .. تحت النضرات و الزغاريت ..والصلاة و السلام دخالتها .. شربو لبعضهم التمر و الحليب و جلسو قدام بعضهم .. مرة مرة نزار كايهمسلها بكليمات الغزل و هي مركات ..
(مشات شامة للكوزينة و بقاو كمال و ح.احمد كايتحدثو .. نزار و ايمان مرة مرة يلوحو كليمات لبعضياتهم حتى هو جا بكوستيم فالبلو مارين جاه غزاال وبين القلدة ديالو كثر و كثر .. السعدية كاتشوف فالركاني مخنزرة معاجبها حال و البعالك مرة مرة ينقبو من الحلوة .. حتى عيطاتليهوم شامة يتغداو وناضو مجموعين فأجواء الضحك من عند شامة و كمال اللي عندهم روح مرحة .. شاركو معاهم نزار و ح.احمد حتى هوما و السعدية مبززة على راسها الجلاس
سلاو الغدا و ناضو كملو جليستهم كايتافقو على شي تفاصيل فالعرس حتى دوا نزار
نزار:احم بغيت ندوي مع ايمان شوية واخا؟
شامة وقفات:الله يا ودي .. بنتي ايمان دخلو لبيتك دويو
ايمان وقفات:واخا يلاه
نزار عطاها الطريق هي تبعاتو و مشات جيهت بيتها .. دخلات و نزار موراها ديك الساع سد الباب وعنقها بعممق كايزير علييها .. ايمان حتى هي عنقاتو كاتشمشم فريحتو .. بقات كاتشمشم فريحة بارفانو اللي طيرااتهاا و مشات لعنقو كادوز نيفها على طوول عنقو .. حتى زيرها لييه كثر و حيد شعرها من الجهة ليمنيا دعنقها و حط فمو .. كايبوس بوسات متفرقة و يهمسلها
نزار:توحششتك اعمريي هاااح على رييحةة
ايمان حتى هي بدات تبوس عنقو:ممممم حتى نتي ريحتك كاتحممق .. ريحة الشكلااططط (دوزات لسانها على عنقو .. حتى بعدها عليه مخرج فيها عينو)
نزار مشا غادي جيهت الباب:لا لا نتييي باغاني ندير فيك شرع يدي هناا (جا يخرج و هو يرجع عندها .. زيررها عليها و زييرلها فمها مع فمو .. ببوووسةة حاااارةةة🔥🔥 خلات ايمان تترخى بين يدو .. حتى بعد و شاف فعينييها بكل حب) تهلاي فراسك و فبنيتي أعمري .. مابقا والو سيماانةة و ترجعيي حلااليي دياااليي
ايمان بتاسماتلو كاترمش فعويناتها .. هو باسها من جبهتها و شابك يديها مع يديه و خرجو لبرا .. ايمان مزنكة و نزار نص مقيم .. السعدية كاطلع و تهبط فإيمان و كاتميق .. غير شافوهوم خرجو.. حتى ناض الحاج احمد
ح.احمد:ايوا يا سيادنا نخليوكم بخيير .. نتلاقاو نهار العرس انشاءالله و نشوفو واليدين العروسة حتى هي ...العشية تعاشات يالله نوصلو مع المغرب انشاءالله...
السعدية وقفات حتى هي بابتسامة صفرة مانطقات ماتكلمات .. نزار ناض من قدام ايمان تسالمو العائلات و خرجو عائلة العريس .. ايمان عيات هاد النهار غي خرجو دخلات لبيتها قلعات الفراشة و تلاحت فوق الفرااش ...ولكن مانعسات تا عيطات لهدى لقاتها مشغولة بزاف فالمخيم مع كان اول نهار ليها ماقدراتش دوي معاها فخاطرها يالله قالتلها بالي كولشي داز مزيان وواعداتها هدى باش غير ترجع للدار مع الليل يشدو الحديت وتعاودليها ليديطاي...هكاك كان قطعات معاها وغمضات عينيها كترتاح...مع الوحم مكرهاتش تبقا غي ناعسة ....
صفاء دوزات نهارها فالدار بوحدها .. ماعتباتش عندها زوبيدة .. تسنات قادر يجي للغدا مي مجاش .. بقات جالسة بملل قبالت التلفازة اللي شاعلة قبالتها و هي كاع مداياها فيها .. شافت جيهت الساعة كانت الثمنية دالليل .. تأفأفات للمرة الساتة حتى سمعات الباب كاتحل .. شافت شكون جا كان قادر اللي داخل مسخسخ .. جا لقدامها و جلس قدامها
صفاء باستو من حنوكو:فين كنتي
قادر رد راسو اللور فوق السداري وشد التليكوموند قلب الاذاعة دالكورة كايتفرج:عييت اليوم .. كانت عندنا خدمة كثيرة .. ففففف
صفاء وقفات؛نوجدلك تاكل؟
قادر حركلها راسو بأه .. هي مشات جيهت الكوزينة و هو شاف فالتلفازة ....
خرجات صفاء من الكوزينة .. هازة طبسيل فيه الروز معمر فالفلفلة خضرة و الدجاج مزوق بجليبينات .. حطاتو فوق الطبلة و رجعات مور الما و الغراف والخبز حتى هوما حطاتهم و وقفات كاتعيط لقادر
صفاء:قادر اجي
هو ناض بتثاقل و جلس قدام الطبلة شد الخبز كياكل و هي جلسات قدامو كادلكلو كتافو
صفاء بهمس:حبيبو .. شدرتي فالدار
قادر بلع اللي ففمو:دويت مع الصباغ .. مشالها اليوم .. (خشا دغمة ففمو كاينضغ و صفاء باقا كادلكلو كتافو) مممم قوليلي بغيتي ناخذو الفراش اللي هنا ولا نبدلوه
صفاء:لا غي هذا .. راه زوين
قادر:واخا على خاطرك
هي حيدات يديها و جلسات قدامو حتى عاود نوضها:كملي اعمري جاتني الراحة بالمساج ديالك
ناضت مكملالو المساج و هو كايخشي فوجهو .. مرة مرة عينو كاتمشي للتلفازة يشوف فين وصل الماتش
كانت الساعة تشير الى حوالي التاسعة ليلا...وفديبو تابع للحاج عصمان جاي خارج على كتامة فطريق الحسيمة...الضلام والسقير كيتسمع غير صوت طياب العنب وصوت تقرقيب وخطوات سريعة ...كانو كيشارجيو السلعة الي غايتكلف بيها زايد...وهو واقف عند راسهوم كيتكيف گارو وراد البال مع الساعة...حتى عطاوه اشارة بالي كولشي واجد باش يتحرك...وصا دراري باش يخويو ديبو وهو ديمارا اللوطو وشد الطريق الحسيمة ..غادي وحاضي مع الطريق...طالق موسيقى راي كالعادة وغادي منغم مرة مرة يشعل كارو...حتى بانوليه شي بولات كيسنيو فالطريق...استغرب المرة الاولى ...نقص السرعة وغادي وكيحقق الشوفة...حتى توضحليه أنه براج دالبوليس...دخلوليه التناوي حيت المنطقة قروية ومامولفش يكون براج وحتى ايلا كان خاص يكونو جوندارم وماشي بوليس...نقص الموسيقى وزاد خفف السرعة...غادي وكيقرب والطوموبيلات الي دازو مكيحبسوهومش...عرف القضية فيها إن...وعرفهوم دايرين ليه فخ...ابتاسم بشر...وورك على الكسيراتور...غير لمحو سيارة بنفس المواصفات دارولو اشارة باش يوقف..ولكن معامن هوما...داز فالباراج بسرعة الضوء...شتت ليهوم الحزاق كامل...وطار خلا غير الغبرة...ماقدرو يقشعو والو..كانو جوج سيارات تابعة ليهوم...غير فاتهوم ضربوها بجرية لطوموبيلات ركبو وتبعوه كيجريو...
شرطي ١: ماعطاناش فرصة نشوفو شكون ..ولكن طوموبيل بنفس المواصفات ومدام هرب إذن راه فيه الدغل..
سحر: (كتغزز سنانها وتمشي وتجي فالبيرو) بففف...مايعول عليكوم حد...المهم تبعوه ووياكوم تفلتوه إيلا اقتضى الحال وكان هو كاين امر تخدمو سلاح...
شرطي: وخ شاف....
قطع معاها وبقات هي كالسة كتغزز سنانها...كانت باغا توقف على المهمة بيديها ولكن ماخلاوهاش...ماعرفاتش السبب ولكن ماقدراتش مكطيعش اوامر الكبار..عرفات راسها كتلعب مع ناس واصلين...وعندهوم يد تماك...وقررات تبع الامور من بعيد وتكتافي بتوصيات حتى تشوف شي حل لهادشي...
بدات المراوغات بين البوليس وزايد الي غادي بأقصى سرعة مفيكسي عينيه فالمرايات بجوج وطاير فطريق..قاري وحافض البلايص...وحتى الفيراجات كيعرفو قبل مايوصل ليه...جبد ليبا دارها على وجههو احتياط وضرب يديه لجهة سروالو من تحت جبد فردي صغير كان عاقدو فرجلو...عمرو غير بيد ويد سايق بيها...خرج راسو بالخف لقاهوم وراه ديريكت طالقين صفارات الانذار ديالهوم وتابعينو...عيا يراوغ فيهوم ولكن بقاو شادين معاه الخط ...هداك علاش لتاجأ لسلاح...خرج راسو ويديه بزربة نيش عليهوم وضرب كيحاول يقيس رويضة ..بمجرد ماجات فيهوم الضربة جبدو سلاحهوم...حتى هوما وبقاو مني ليك ...قدر يخرجهوم على الطريق لكن من بعد ماتقاس فدراعو جوج مرات...دغيا طوش الدم وبقا ساايگ غير بيد وحدة بأقصى سرعة...العروقات كتصب عليه...ولونو رجع حمر...الطلقات كانو من مسافة قريبة ولكن ماقدروش يشوفو وجهو قبل ماينحارفو على الطريق...وبقا غادي كيحاول بوگض راسو ويبقا شاد توازن بالطوموبيل وكيلعن فهاد الليلة الكحلة الي دازت عليه...بدات تشدو دوخة من خر الضربات والضبابة بدات طيح على عينيه...وبقا كيزيگزاگي فالطريق...وكيزيد فالسرعة حيت باقيلو غير شي 100 متر ويوصل لواحد المنعطف طريقو بيستة كتدي لواحد دار ديالو جاية غير فالخلا...حتى ختل التوازن ديالو وفقد السيطرة على اللوطو جا يفراني ولكن ضربات فواحد الفوسي وتقلبات بيه...
جاية غي كضهصص مع الطريق...ماحافضاهاش مزيان وتعطلات بزاف فالمخيم...جاية وكتلعن راسها علاش مارجعاتش معاهوم فطوموبيلتهوم وكتحلف وتعاود بالي هادي اخر مرة تبقا تدي اللوطو ديالها ...جاية وكتبرگم وتسوط غا بوحديتها...حتى كاتبان ليها شي حاجة فالطريق...بدات كتوضاح ليها الرؤية شوية بشوية...حتى ضربات فران سيك وحلات فمها فالطوموبيل الي مقلوبة قبالتها...
🎊فمكان آخر🎊
جالسة فبيتها قبالت الكمودينة دالماكياج .. كاتمسح الميكاب اللي كانت دايراه بديماكيون .. وكاتمشط شعرها و تسرحو .. كاتفكر لقائها معاه فالصباح .. و نضراتو و الحوار اللي دار بيناتهم
🔙🔙🔙🔙🔙🔙🔙🔙
مشيتها متوازنة .. الثقة فالنفس عندها زاايدة راسها الفوق و المشية تتلوى عاارضة و بالهداوة .. شعرها تابعها فين مشات صاروخ فوق الارض ....تمشات على وحدة و نص هو كل خطوة بحال تتمشي فقبلو تيك تاك تيك تااك ...ماحسش براسو تحط يديه على قلبو بتنهيدة
راوية: بونجوووغ ...
الناجي: صباح الأنواار و الوورد و الجماال ...احم تفضلي ...(جر ليها الكرسي جلسات مد ليها الوردة ابتسمت برقي ...جلس قدامها)....: مامصدقش !!
راوية: عفوااا !!
الناجي هبط راسو بتاسم ....ماشي من عادتو يعاود الهضرة جوج مرات...:تفضلي السفرة على شرفك لالة راوية
الناجي: كل الحب و كل الخير ...(سهى فعينيها رمادين)...حاس بيها امراءة ماشي عادية .. قوية من نظرتها .. اميرة من حركاتها .. ذكية من كلامها القليل و جمالها فكفة و الانوتها فكفة اخرى...فكر مرة و جوج و المية،مغاديش يضيع الفرصة ولا ياخد اكتر وقت...: انا الناجي الريفي طالب راغب الحلال من جلالتكم
راوية تشوكات...طرطقات عينيها وجمدات....تاجمعات الوقفة:....ماعنديش الوقت للمزاح انا نتمازح معاك
الناجي: وقف طاكاها بجسمو و اياكلها بعينيه: ياريت كون كنت تنمزح....طلبي اكتر حاجة معقولة فحياتي
راوية: مزاح وولا معقول..طلبك مرفوض..الحلال مااشي فحساابااتي...(طلعات و هبطات فيه)...خصوصا من امتال سيادتكم!!
راوية هزات صاكها ووتبتات الوقفة و النظرة:...جواب الصحيح..(دارت رجعات شعرها اللور بقوة لدرجة طرشو فحنكو و الريحة طلعات من نيفوو..)
الناجي زعزع الكف وجهو .....تا شدها من ذراعها بقوة مرجعها قدامو...:ظلمتني و حكمتي بلا ماتعرفيني
راوية: واقفة وقفة العداو معاه صدرها قدامو و الطرمة خارجة و رجلين كروازي.....شكون تيهضر على العدل!! نتااا ؟!! شكون جاب ليا البوليس و سد ليا الجمعية و طلب مني ليلة بالفلوس ....خيالك !
الناجي: اختل توازن رجولتو امامها....تيطلعها وويهبطها و يشم ريحتها و يديه على ذراعها لماس الاحساس زايد بااغي يزيد يغراق معاها...عطيني الفرصة نصحح و نعتدر و نرد ليك حقك
راوية: شكوون شدك ....(وراتو الطريق بعينيها).....جري رجع ليا خق البنت و صمعة جمعيتي و قاد ليا الداري لرونتي !؟
الناجي: كل كلمة بحركة من عيوني...نتي تآمري ..خلقتي تآمري است الحسن....لاكن انا من هادشي!؟؟
راوية: قبلت طون بوكي دو فلوغ و فطورك....!؟،
الناجي: طامع فكرمك !! ممكن حب
راوية: تفكاات من درااعو..هاااا هاااا هاااا ....(بضحكة دلع و انتوية خلاتو حل فمو على اخرو) ......فاقد الشيء لا يعطيه ...
الناجي سد فمو....تيرد النفس .....:عطيني نهار عرفيني فيه !!
راوية خلاتو و تمشات تتلوز قدامو....:اسمحلي المشغولة
الناجي تابعها و داير يديه فجيبو و عينيه عللى مؤخرتها و شعرها...:ممفاكش !!
راوية: هضرتي بزااف ..مادرتي والو !!
الناجي: مرحبااا...اللييييلة يكون عندك اخر اخبار !
راوية: انتظر 😉😉
الناجي: وقف شاد فقلبو.....سيوووو بيبي
🔚🔚🔚🔚🔚🔚🔚🔚🔚
قفزها من بحر افكارها التليفون اللي كايصوني طلات عليه .. كانت سميت بدر طالعالها هزاتو كاتحنحن وجاوبات بضحكة ..
راوية:الحب فين شادها
بدر:غاهنا و السلام .. نتي اللي كي دوزتي نهارك و السي العاشق ههه
راوية: موواحح عليك ابب ...قطعات ....نايضة غاتهز الكريم اللي قالها بدر تا عاودات سمعات التلفون تيصوني ...شافت نمرة و هيا تجاوب بسرعة : الووووو
المحامية: واحد السلام عليكم انيسة راوية
راوية: عليكم سلام استادة..ياك والو باس
المحامية: ههه معرفت منين نبدا!!
راوية: اكتر من هادشي لي طرا !! غير هضري!
المحامية: مهم الالة داااااكشي لطراااا كلووو!!! حسبيه كاع مطرا ....
راوية: كفاش !؟؟
المحامية: اتصل بيا محامي الناجي صاحب دعوتنا ....الولد لي غتاصب راه مقبوط و التعويض اتاخدو ...او تلفيق الشبهة ليك اتسحب و الجمعية من غدا اتحل مكاين مشكل و تقدم باعتدار
راوية: هاههااهاااا ...من بعد استادة والله بحالي بحالك..بسلامة و تصبحي. على الخير
المحامية: نتي من هلو حبيبتي ....
راوية: شادة تلفون تتلعب بيه و ابتسامة رضى على وجهها ...والله الا صدق فكلمتو ....ممم لاكن تيبقى ولد القحبة مقطر انا عاد نتيق فصحاب الفلوس هاي هاي...تصونا التلفون للمرة الثالثة شافت نمرتووو خداات نفس طوييل
..: الوووو (بكل دلع)
الناجي: وعد الحر دين عليه
راوية: وفيتي و كفيتي
الناجي: حبيبة قلبي !! دورك بالوعد !
راوية: مواعدتكش بوالو !
الناجي: (هبط على كاس ويسكي فيدو حطو) ....واعدتي املكة قلبي ...غدا صباح مع العشرة نصوني عليك تكوني واجدة ...بيزو راويتي ....(قطع بدون مايخليها تجاوب .....هز سوراتو خرج تجاه للوطو) ....
خرجات من طموبيلتها بالزربة .. حاطة يدها على نيفها بكثرة الذخاخن اللي طالعين من الطموبيل .. زادت قرباتلها كاطل واش كاين شي حد فوسطها .. قشعات زايد اللي كان مدور راسو للجهة لوخرى و كاينهج .. صوت أنفاسو كايتسمعو بالجهد .. دخلات يديها لداخل كاتزعزعوو حتى قلب عينو شاف فيها .. هي مع الضلام بزاف مشافتش وجهو
هدى:واش نتاا بخيير .. قاد تتحرك .. تعاون معايا نخرجك من هناا
زايد كايشوف غي الضبابة قدامو راسو تضرب مع الضمان .. كاينزف شوية وعاد يدو المضروبة زاادت الحرييق .. صوت هدى كايتسمعلو فحال لا هو فبير غااارق .. هي شدات باب الطموبيل باغا تحلها ولكن تعكسات .. والو عياات تضرب فييها حتى رجعات عرقانة كوولها .. كاتشوف فزايد اللي حركتو قلييلة مادواش فخطرة .. تحلها الباب بالسييييف .. طلقاتها بتنهييدة عمييقة وشرعات الباب .. دخلات راسها فوسط الطموبيل و شداتو هو شد فيها حتى هو .. و كايحاول يخرج راسو .. شحال دالتعنتييت و الجرااان وحتى هو باغي يتعاون معاها بالسييف باش خرجاتو .. طاحو بجوج فالارض هو تأوه بألم هز يدو كاترعد دارها على ذراعو و تقلب على ضهرو كاينهج .. كايشوف فالسما قبالتو
هدى تنفساات مزياان من ثقلو و من الطيحة اللي طاحو عااد وقفات و قربااتلو .. شافتلو فوجهو .. ضو القمرة ضاارب فييها .. شافت فيه باستغراب .. ديك ليبا اللي حاطها على وجهو .. حنات عندو وقاستو فكتفو غادة بيديها جيهت وجهو .. حتى حسات بيدها مشدودة بيدو اللي كاترعد و نطق بصعوبة
زايد:ع عاونيني
هدى شداتلو كتفو تنوضو:تقدر تنووض .. شوف فيا ماتغييبش داباا (ضرباتلو على حنكو بخفة .. هو حل فيها عينو كايتمتم بكلمات بالزز باش فهماتهم)
زايد علا راسو بتثاقل كايتعاون معاها .. هي شداتلو يدو .. حاوطات بيها خصرها شاداها و دورات يدها على خصرو .. غادا بيها هو كايلاوح رجليه .. فحال شي واحد سكران .. شاف فيها كايحل عينيه بالزز وكايسد فيهم
زايد همسلها بصوت شبه مسموع:نتي هي مولات الرويدة دالسوكور
هدى مافرزاتش هضرتو .. كانو وصلو للطموبيل .. حلاتها بالزربة و دخلاتو فوسطها .. سدات الباب و مشات لبلاصتها .. قاداتلو الصمطة .. علات فيه عينها .. بانلها مغمض عينيه مكايتحركش .. زعزعاتو بشوووية والو ماتحركش .. عرفاتو غايكون فقد الوعي ديالو .. تقلبات لبلاصتها بالزربة ديمارات .. جيهت الدار فين نعتلها .. وصلات بعد ربع ساعة .. دارت شافت فيه هو مكايتحركش أش جاب اللي ياخذو حتى لباب الدار .. حطات راسها على الضمان كادير أصوات فحال شي قطة كاتغبن .. عاودات شافت فيه و فيدو اللي كاتنزف بزااف بالزربة نزلات من الطموبيل .. ومشات جيهت بابو حلات عليه الباب و جراتو زعما غاتقد تهزو .. هي غا جراتو ثققل عليها طاحو هو وياها فاللرض .. جات هي لتحت و هو فوقها قرب يبزعها .. خرجات عينيها وبدات كاضرب فصدرو ودفعو حتى تقلب على ضهرو قدامها .. ووقفات كاتنهد
هدى كاتمتم:اوووف على نهار دالنمم (شداتلو يدو بجوج .. كاتجرجر فيه فالارض مابقالهاش خيار من غير هذا .. كاتجرو و كاتحااول ماتعكرلوش يدو حتى وصلو لباب الدار .. هدى رجعات كولها معنكشة و مغبرة و عامرى عروقات .. تكاتو على الباب و شافت فيها حالة فمها .. دابا شكون غايحلهالها .. هبطات عند زايد طاتقلب فجيوبو ولحسن حضها لقات مجموعة من المفاتيح فجيوبو .. بدات كاتجرب فيهم واحد بواحد .. حتى حلها واحد ودارت عند زايد مكملالو الجران .. كانت دار مفتوحة على بعضها .. خشبية كوولها .. بقات كاتمنضر فيها .. مباينش عليها كاع راها دار فشي عروبية .. كان بيت اانعاس مفتوح على الصالة الصغيرة و الكوزينة قدامهم .. جراتو حتى للناموسية و بدات كاتهز فيه بشوية بشوية .. حتى قاداتو فوق الناموسية و خرجات لطموبيلتها تجيب معداتها الطبية)
دخلات بداك الصويك الصغير و قربات لعندو .. جبدات معقم .. شاش .. لقيقط صغيور و مشرط مع كول و قطن .. شدات التريكو اللي كان لابس قطعاتولو من جيهة ذراعو .. دققات فالجرحة اللي عندو .. مكانتش غارقة بزااف .. مشات كاتقلب على شي روبيني غسلات يديها مزززيان و رجعات عندو .. هزات ليكات دارتهم فيدها .. وشدات الكول كباتو بشوووية على الجرحة و شدات المشرط وغرساتو فذراعو كاتحيد الرصاصة بشووية مثوثرة و قطرة دالعرق هابطة باااااردة على جبهتها حابسة تنفسها و كل تركيييزها صاباه على ذراعو ووالقرطاااسةة .. حتى بدات كاتشوفها خارجة .. شدات اللقاط جبدات الرصاصة باللقاط الصغير و حطاتها قدامها .. عادوات هزات القطن فزكاتو بالمعقم كاتمسح الجرحة وتعقمها .. سالات لواتها بالشاش و جبدات واحد الشوكة كاتخفف الحرارة دقاتهالو فالوريد .. وقفات كاتشوف فيه هو كايهترف و يحرك راسو يمين و شمال .. مشات جبدات بانيو غارق شوي عمراتو بما بااارديين وواحد الخرقة لقاتها قدامها و مشات عندو كاديرلو كمادات بما باردين باش ماتطلعلوش الحرارة .. الليلة كولها ووهي مكابلاه حتى أذن الفجر و هي قدامو كاتبدلو فالكمادات .. حتى غفات عينيها قدامو راسها مقابل مع راسو .. و يدها فوق صدرو العريض
🌸أصبحنا و أصبح الملك لله🌸
صباح جديد .. شمسو حاارقة .. تسللات اشعتها لعيون هدى اللي باقا ناعسة على حالها .. عنكشها ضو الشمس و بدات كاترمش بعويناتها بشووووية حتى حلاتهم بالزز .. مشابعاش نعاس .. مع حلات عينيها شافت عيون نص محلولين حاضيينها .. هي بقات غي كادور فعينيها و كاترجع السينتا اللور حتى عقلات أش وقع البارح و رجعات شافت فزيد اللي كايرمش فيها بتثاااقل .. هزات يديها تشوف الساعة كانت الستة و نص بالزربة وقفات كاتقاد فحوايجها و شعرها .. رجعات شافت فزيد اللي ناض جلس بشوووية كايحنحن .. مرة مرة كاتعكرو الجرحة اللي فيدو .. هدى قربات حطات يدها على جبهتو كاتشوف واش طلعاتلو السخانة .. والو كانت حرارتو طبيعية تنهدات و دارت كاتجمع فأدواتها اللي جبدات البارح فصاكها .. شافت بنص عين فالرصاصة اللي حيداتهالو من ذراعو هزاتها بيدها كاتشووف فيها و زيد غي حاضيها باقي مانطقش .. حتى شافها دارت عندو و مداتهالو
هدى بصوت مبحبح باقي فيها النعاس:هادي رصاصتك
زيد مد يدو خداها من عندو كايطلع و يهبط فيها .. حتى نطق بتثاقل:نتي طبيبة؟
هدى شافت فيه:اه طبيبة
زيد حركلها راسو بالايماء هي قربات لذراعو كاتشوفلو فالضمادة دوزات يدها عليها حتى هرب يدو بالزربة و شاف فيها مخنزر:بشوية
هدى:مممم اذن غاتعطيك الحريق .. (رجعات لصاكها جبدات واحد الشوكة و دارت عندو) عطيني يدك ندقلك هاد المسكن .. انا نسالي خدمتي و نرجع عندك نبدلك الضمادة وونعاود نعقملك .. حيت محتاجة تعقيم كان خاصك تكون فالسبيطار ماعرفتش لاش مابغيتيش تمشيلو و عااااد مضروب بالرصاااص .. ياكماااا (سكتات شوية كاتشوف فيه مصغرة عينيها ومعلية حاجبها .. هو شاف فيها و ضحك باستهزاؤ)
زيد:مكايعجبنيش جو السبيطارات .. واخا نعرف نحيد الرصاصة لرااسي و نداوي راسي بيدي .. مكايعجبنيش نعتب لهم ..
هدى كاتشوف فيه بشك:الموهيم حاول ماتحركش بزااف و يدك ماتحركهاش (سرحاتلو يدو كاتقاد الشوكة .. حتى حقناتهالو فالوريد .. هو كايشوف فيها بنص ابتسامة .. كانت القصيصة هبطاتلها على عويناتها عنكشاتها .. نفخات عليها حتى رجعات اللور و هو زادت ابتسامتو حتى علات فيه عينيها .. ستغربات من ديك الابتسامة حركات راسها بمعنى ماالك)
زيد قلب وجهو كايضحك:هههههه نتي هي مولات رويدة السوكور هههه
هدى خنزرات فيه و هزات صاكها:شوف احسنلك تدوي مقاد ولا مغانرجعش و غاتعفنلك الجرحة تما
زيد وقف نافخ صدرو هي كانت واصلالو حد كتافو العرااض .. هو نزل عندها براسو مقابل مع وجهها:خلعتيييني ارويدة السوكوور
هدى زفرات بعصبية و دارت غادة فحالها .. هو بقا كايضحااك عليها .. و مشا جيهت الحمام اللي كان عندو بلا باب غي واحد اللوحة فالنص كاتمشي و تجي .. هي وقفات فالباب و شافت فيه .. هضرات بصوت عالي
هدى؛عنداااك دوش ولا تقيص الجرحة بالمااا
زيد غمزها:وانا بغيت ندوش .. شبانلك تجي تعاونيني😉
هدى قلبات عينيها و خرجات شعطات الباب عليه .. هو بقا كايضحك علا واحد اليد حيد تيشرتو ووهبط على لافابو كايغسل وجهو بواحد اليد
العشرة دالصباح بيلا فاقت على صوت التيليفون...كتحك فعينيها وتجبد بلاصتها..مدات يديها لتيلي هزاتو شافت النمرة غي بنص عين...تنهدات عاد جاوبات...
راوية: صباح الخير...
الناجي: صباح الحب...الغزالة...شكلك نسيتي موعدنا...
راوية: موعد؟ على انا امتا ترندفت معاك؟
الناجي: صحصحي وهبطي هانا فالغيسيبسيون كنتسما القمر يطل...
راوية: على هاد الحساب خاصك تسنا حتى تغرب الشمس ...
الناجي: علاش نتسنا المغرب والقمر غير فوق مني؟ نزلي راني توحشتك...
راوية: (غالباها الضحكة وخ هكاك كتعفر) احمم تسنا راه القمرة باش طل خصها هي ومالونها...
الناجي: (كيحك على صدرو ويتنفخ) نتسناك أقمري...نتسناك...
قطعات عليه وناضت كتفوه دخلات نيشان للدوش استحمات وخرجات كتقاد راسها قبالة المراية بشوية عليها كتعمد تعطل...باش تخليه يتسنا أطول وقت ...شي ساعة عاد وقفات قدام المراية كتمعن فاطلالتها...كانت لبسات كسيوة حد الركبة دومي مونش فالازرق بارد وفيها وريدات مع صوندال فالاسود وصاك فالاسود...طلقات شعرها المتموج بحال شي غجرية بعكرها الاحمر ماط...ابتاسمات حيت عجبها راسها باست المراية وخرجات...هابطة كتمختر على وحدة ونص...طالونها كيقرقب وصل لمسامعو وخ عاطيها بالضهر عرفها هي دار بالعرض البطيئ فادا به شاف القمر كيتمشا على الاارض توجه لعندها نافخ صدرو والابتسامة مافارقاتوش...مدلها يديه شدات فيها وتحنا بكل جنتلمانية باسها...كان يسحابليها غاتلقاه معصب حيت تعطلات لاكن قابلها بالعكس...
الناجي: بهون انتظارك يا قمر...اش هاد الجمال يا زينة البنات...
راوية: (سلتات يديها بشوية وابتاسمات) ميغسي...
الناجي: (عطاها الطريق) تفضلي...
نزلات درجة ومشات قدامو كتمختر بينما هو دار يديه فجيبو ومشا وراها كيتنهد بحالا هاز الجبال...خرجات لبرا وضارت شافت فيه...دوخاتو بعينيها العسليين الي ضربات فيهوم الشمس وبانو كيبريو...
راوية: ممكن نعرف فين غاديين؟
الناجي: غانمشيو نكملو الوعد ديالي باش ندوزو لديالك...
ركب وهو كيضحك وماقاداه فرحة...ماعرفش اش كيوقعلو معاها وفين غايوصلو ..الي عارف هو باغيها وبقوة...
مسافة الطريق الي كانت قصيرة بالنسبة ليه حيت غير هو الي كيدوي وهي كتجاوب يا اما بايماءات ولا بضحكة معاها كلمة ولا جوج...تا لقات راسها قدام دارها...استغربات فالاول من بعد بحالا فهمات اش كاين...نزل حليها باب الوطو خرجات كتعواج سد الباب وتبعها ...كانت الباب محلولة...منين جاب الساروت وكيدار تا دخل الله وعلم...مع الدخلة كان تما راجل كبير عطاه ساروت استأذن من بعد ماشكرو الناجي وخرج...
راوية: (غي كدور فعينيها الدار تبدلات عليها باتاتها بصباغتها) ممكن نعرف اش طاري هنا؟
الناجي: (مشا كلس فوق من واحد الفوطوي ودار رجل على رجل) والو...دارك رجعات حسن من الاول واحسن...ياك انا الي خربتها؟ ايوا هاهي تقادات كيما واعدتك...ونزيدك حتى الجمعية لا عيطتي دبا غاتلقتيها خدامة بخال الاول...واكيجيتك؟
راوية: (لاحت صاكها وحيدات طالونها قدامو وشافت فيه بتحدي) ماشي راوية الي ماتعطيش الصواب لضيوفها...عطيني خمسة دقايق خود راحتك...(ابتاسمات ومشات كتشالي بشعرها يمين شمال وهو قلبو غايخرج من بلاصتو
صفاء واقفة برا .. لابسة جليليبة خفيفة .. مخيطة غي بالطريسنات و العقاد .. فالشيبي مع شال فالبيض .. مخرجة القصيصة شوية و صبيبط بويوض .. باينة فحال شي عروسة .. كاتشوف فقادر اللي واقف على شي دراري و كايعاونهم .. كايخرجو الأثاث دالدار باش يرحلو .. عيات واقفة فالشمس حتى مشات غادة جيهت الطموبيل تتسناه فيها حتى يسالي و هي تقشع زوبيدة خرجات كاطل براسها .. شافت الرحيل كايعمر فالكاميون و خارج من دار ولدها .. وعاد حتى هو هاز واحد الكارطونة غادي بيها جيهت الكاميون و هي تمشي عندو طااايرة
قادر شاف فيها .. مكانش عوال يقولها على رحيلهم دابا .. كان عوال حتى يساليو و يفرشو دويرتهم:الواليدة .. اا احم حنا غانرحلو انا و صفاء للدار اللي عندي جنب البير .. هاديك متيسعة على هادي و حسن منها
زوبيدة شافت فيها مكمشة جبهتها و قلبات عينها جيهت صفاء اللي واقفة كاتشوف فيها:ياااك أولدي .. عمرااتك عليا و سخيتي تمشي تسكن بعييد علياا هااا .. هادي مالها ماشي داار .. راها تباركالله كبيرة تكفيكم بجووج
قادر حط الكارطونة اللي كان هازها فاللرض و شاف فيها شدلها يدها:لاا ماشي قضية سخيت بيك .. غا هو صفاء مابقاتش مرتاحة هنا
زوبيدة خرجات فيه عينها:ياااك .. وكاتقولهالي بالعلاالي .. الاميرة لالة صفاء مامرتاحااش هنا .. غاتكون غا قاتليك انا درتلها و درتلها .. ماتيقهاش أولدي مادرتلهاشااي ..
قادر:لاا مقاتلي واالو عليك .. ماتشكاتلي ماقاتلي راك درتيلها .. غا هو شفتها مامرتاحاش .. و عاد الدار ماشي كبيرة بزاف .. لاولدنا عاد نبقاو حنا نرحلو! .. غانسبقو من دابا حسن
قادر بتاسملها و شاف فزوبيدة:احم .. هاحنا غاديين دابا .. واحد اليوماين و ندوز عندك
زوبيدة مجاوباتوش .. مشات فحالها كاتحلف على صفاء مناوياش تنسالها هاد الفعلة .. وقادر هز الكارطونة من الرض و مشا بيها جيهت الكاميون .. ورجع للطموبيل ركب قدام صفاء اللي كانت سبقاتو و ديمارا
#بعد_مرور_ساعات
دورات راسها كاتشوف فالدار مفرشة .. بعدما تعاونو عليها هي و ثورية صاحبتها .. قادر غي جابهم عاودو دخلو الجقلة وخرج بعدما عيطولو و خبروه بأنو زايد مابقاش بان من البارح .. مابغاش يشوش معاه صفاء حيت عارف انه بالنسبة ليها أخ .. و تقدر توقعلها شي حاجة لاصاقت الخبار .. صفاء كادور عينها فالقنات
صفاء:جات هاكا حسن ولا ناخدو التلفازة لداك القنت؟
ثورية جلسات كاتشوش على راسها من الحرارة:لا لا هاكا مزيان
صفاء جلسات حداها وتنهدات من اعمااق اعماقها:الله على راحة ياختي .. تهنييت منها .. كانت واقفالي كي الشوكة فحلقي .. و تشووفي الشوفات اللي شافت فيا مللي صاقتلنا الخباار غانرحلو من حداااها .. هيييي ناري كانت قريبة تلاح عليا تقجني تقطعلي النفس
صفاء:وانا عرفت هادشي حتى لدابا .. كنت كانحلم فصغري بحاجة طحت فحاجة .. عليها ماتقبلتش زواجي فاللول وعاد مللي بقا داخل خارج للحبس .. تما كنت كانقول غاندوز حياتي مع حبايسي حشايشي سكايري .. تجمعيلو كاع الصفات الخايبة فيه ولكن دابا للصراحة .. رجعت كانفكر هادشي اللي قلتيلي لا مل وطج انا مانقدرش نبقى بلا بيه والصفات السلبية ديالو راهم يتبدلو .. ماشي مشكيل نحاول معاه
ثورية:انشاءالله كولشي غايولي حسن .. بعدا فخبارك بعد غدا جايين فيا الخطاب
صفاء شافت فيه:شكون هادو و منين كاتعرفيه .. يالقحبة و مخبية عليا يااك غاداك النهار قلتيلي مكاين حد
ثورية:ههههه لا لا ماشي هكاك .. راه ولد عمي جا من الطاليان للمدينة .. انا البارح مشيت للحسيمة مع مي باش نسلمو عليه .. فاش رجعنا ليوم قالك عجبتو وبغا يخطب
صفاء عنقاتها:مبرووك علييك اختي .. فرحتلك بزااف والله ..
ثورية:الله يبارك فيك .. ايوا المكتاب هذا .. جا من الطاالياان و عجبتو اناا
صفاء:ومالك نتي .. غزاالة و زوينة .. راه هو المسعود بيك .. دابا غايقادلك وراقيك
ثورية:اه غايقادهم .. وعنداك ماتجيش .. راه غاتدار خطبة زوينة حيت با قال انا اللي عندو زعما .. غاتكون الخطبة بلاشين
صفاء:انشاءالله نشوف مع قادر لا خلاني نجي ضروري
ثورية:انشاءالله
فوحدة من أفخم الريسطورات فالناضور...ضوء خافت وموسيقى رومانسية مطلوقة...جو هادئ وسط ألوان زاهية...كانو گالسين فالراس شادين طبلة ...مقابل معاها وكيرمقها بنضرات حب هايم ودايب فيها بكولشي ديالها..السي ناجي مزال ماطلق من راوية النهار كولو وهو معاها وماكفاهش كاس دالقهوة مع حليوات اللي ضايفاتو بيهوم فدارها الصباح ولكن طمع فماكتر وعرض عليها وعلى راسو بيديه للعشا...أكيد قبلات لاكن كالعادة حتى شحفاتو ...
ناجي: (جبد بواطة من جيبو وناض فغفلة منها وهي حانية راسها كتاكل من طبقها ممسوقاش ليه...داز موراها بعدليها الشعر على عنقها...علات راسها ودوراتو شافت فيه زعما اش...اومأ براسو مع ابتسامة ...وهز العقد الي كان شكلو رائع مرصع بالالماس...حطولها فوق رقبتها...وهي غي حالة فمها كتشوف...زاد قرب منها شوية سدوليها وسرحو على عنقها وتحنا عندها...باسها ما بين عنقها وكتفها حتى تبورشات وماقدات تنطق بوالو...حتى قال فودنيها بهمس...)
ناجي: (دايب فهضرتها وقوة شخصيتها...تعاوط فگلستو وقال بجدية) ماقولتي عيب يا ست الحسن...(دار يدو فوق الطبلة بنفس طريقتها وقال) كنعتارف اني غلطت معاك بزاف...وحكمت عليك بلا منعرفك..للكن ماجاش هادشي من فراغ حيت الي بدات تحفر عليا هي انتي...الي خاصك تعرفي هو مدرتش هادشي كولو باش نغطي على داك القضية الي كنأكدليك بالبصمة انه ماعندي دخل فيها وضلمتيني بلا متعرفيني...التصرف ديالي كان قاصي شوية...وكان ممكن نديرو مع أي واحد ماشي بالضرورة تكوني نتي...طبعي مكنسمحش فدقتي وكنعاقب الي حاول يتحداني ولا يتاهمني ضلم...هادشي كامل فكفة...ومني شفتك وعرفتك حاجة اخرى...كنعتاذر قبل كولشي على نهار شفتك اول مرة والهضرة الي قلت عليك...وندمت عليها من بعد...ولا كنت كندير هادشي دبا فغي باش نطلب منك الصفح...(شدلها فيديها وزير عليها هي شافت فيديه فوق بديها مامنعاتوش ولا حيداتاو يدو ) الهضرة الي قتلك البارح كنت كنعنيها وعن اقتناع...بغيتك تنساي الي فات والصراع الي كان بيناتنا...وتقبلي بهاد الريفي يكون سند ليك وتكملي نعاه حياتك كيما باغيك هو تكوني ليه ومعاه وفجنبو...
راوية: (بقات مدة ساهية كدور هضرتو فراسها وعقلها سافر لبعيد رجع للماضي وفكرها بزواجها الاول ماستغرقاتش بزاف دالوقت وجاوبات) من نهار طلقت ومن بعد تجربة فاشلة كنت أنا فيها ضحية من الدرجة الاولى...تجربة نفات شخصيتي وقدراتي ك امرأة...تجربة دوقاتني المرار وجرحات قلبي ومن بعد قصحاتو...ماعمري فكرت نعاود نعطي فرصة لواحد اخر ...مامستاعداش لتجربة وحدة اخرى...عاجباني راوية ديال دبا...راوية الي مستقلة وحرة دراسها...راوية الي مامحتاجاش راجل لجنبها...راوية الي ماعندو باش يفيدها يكون راجل فحياتها...راوية الي قنعات وشبعات من جنس الرجال مستحيل تقبل منك هاد الطلب...كنتأسف السي ناجي...دقيتي الباب الغلط....
ناجي مغانقولوش تصدم...وحدة بشخصية راوية مع عقلو الناضج كان عارف مغاتوافقش بسهولة...تبسم بجنتلمانية وقال...
ناجي: إذن قبليني كصديق...أش گلتي؟
راوية: (سحبات يدها من يديه وقالت مع ابتسامة) بمجرد مانخرج معاك ونقبل منك ديكادو وعراضات وحدة تابعة وحدة الا وانا قبلتك كصديق ...شكرا بزاف على العشا...خاصني نمشي دبا...
مشات قدامو كتمختر وتبعها هو كالعادة كيتنهد...هو ماجاش وطلب منها تكون صديقتو...هدفو واضح وباين...وحدة بحال راوية مكدير شي حاجة تا كتقتانع بيها وماكتخطي خطوة حتى كضربليها الف حساب...هداك علاش قرر يبقا بجنبها تحت مسمى الصداقة ويحاول يكسب قلبها شوية بشوية...والانتى بحال الوردة كل ماسقيتيها كتزيان وتبهج وكتحلا الشوفة فيها وشحال ماكال زمان غادي تلين غادي تلين...
كولومبيا المغرب الجزء السابع
محتوى القصة
يتبع...
التنقل بين الأجزاء