جنة: اااااا هىءهىءهىء . انننننننهنننننهنن ما مااا فين كنتي اهئ اهئ محتا جاك اما ما اهئ اهئ اهننن اهئ اهئ كنت باغاك حدايا اهئ اهنننن كان كيحساابلي (كتزير عينيها وكتشهق) كان كيحاسبلي متي اهئ اهئ كنت كنبكي اهئ على قبر مرى خرى اهئ اهئ اهئ
راضية بعدات جنة وحيدات نضاضر باش توضح فيها شوفة وكتمسحهوم بطرف شالها من دموع....... هزات راسها فاش تسمعاات زداو وردات نضاضرها غوتات غوتة تسمعات لعند محمد ليكان بعيد شوية عليهوم ....دخل كيجري تحنا لعندها كيشوف فيها مفزوع وبداو اللقطات ليشافها فيهوم كيبانو قدام عينيه
(("هز مول طاكسي عينيه فيها(عقلو عليه مزيان عندو دور مهم فقصتنا)
..... كان زعر وملامحو شهبين ..... لابس جلابة وطاكية النور نازل على وجهو زوين بززاف ومكضر باقي صغير...شرد فملامحها الحومر ودموعها ليكيهبطو على خذها........ حس على راسو فاش سمع صوت الكلاكسون هبط عينيه واستغفر الله: فين نوصلك اختي
بصوت باكي: ماعرفتش سمية الحي ولكن نوريك طريق"))
هنا فاش مات حسن وبغات تمشي لعند عبير..... كانت اول مرة يشوفها فيها وبقوة الشبه ليبينها وبين مو سها فيها وتاني لقاء كان
"((كان مزال كالس ..... حاني راسو الارض ومكلس حداه ولدو الصغير ليعمره لا يتجاوز خمس سنوات
كيباان فيه الوقار وهيبة من بعيد..... محترم راسو وحاني راسو ....وملامحو الشقراء زايداه جمال..... جمال غربي وباين انه من اصول اوروبية..... دازت ساعة وبدا كيجيه الملل والنعاس وولدو تاهوا مرة مرة كيغفى وينعس.....خرجات طبيبة واتجهات جيهتو حيث هو الوحيد ليكاين فالكولوار.... طولات فيه الشوفة تاشككاتو فراسو : شكتجيك هاذ سيدة
توتر ماعرفش شنو يقول بدا كيفرك يديه وصباعو بتوتر وعن غير قصد خرجاتلو من فمو: ختي علاش مالها؟)))
هنا فاش نعس معاها ذياب وعرفات الحقيقة وتلاقاها طايحة غارقة فدمها....كان بامكانو يديها لطبيب ويخليها تما ولكن حدسو ماخلاهش وخاطرو ماعطاتوش ..... تفكر فاش قال لطبيبة ختي..... زير على يديه فاش تفكر حالتها .... هبط راسو بانليه بوسف نزل عندها كيضرب ليها فوجها وراضية كتبكي حداه ..... تحنا لعندها وجبد من جيبو واحد كلينيكس فيه ريحة ديما معاه ..... حكوليها على نيفها تابدات تفيق..... بغا يبعد ماعاجبوش الحال ختو فذاك الوضع..... كلها دمايات وطبايع هو رجل شرقي وغيرتو على مرتو بحال غيرتو على مو وختو
ولكن قربليها فاش شافها كتشوف فيه باستغراب وتذكر فين شافتو بغا يعنقها وهي تبعد كترجف لسقات فيوسف كتبكي وتعصر : لا لا ماتقيسنيش اهئ اهئ مااتقيييسنيش اهئاهئ
نمشيو لبلاصة خرى...... فاق ذياب بكري ووصل هارون لمدرسة مكيهضروش مع بعضياتهوم.....دخل قرا تال 12 وخرج ..... بانليه صاحبو عزيز عليه كيشوف فيه باستغراب وكيعوج الهضرة عكس هارون ليكيهضر عادي مرجل من صغرو وقبيح: ماجاش باباك ولا طاطاك؟؟
هارون ابتاسم نافخ صدرو: لا غانمشي عندماما
الولد ضحك عليه: فين كاينة ماماك
هارون غوبش وجبد واحد الورقة قطعها لذياب من وراق الما وضو ديال دار القديمة ليفأكادير...كان ذياب كيرميهوم معندو ميدير بيهوم وهو قنا عليه وهزها عارف بلي غايحتاجها..... وكانت عبير قاتليه بلي مو وباه كانو ساكنين فحي واحد
جا باين صاحبو وهو مشا لقدام المدرسة كاين واحد لاكار دالكيران اتاجه ليها مصمم انه يخلي باه ويمشي يقلب على مو فأكادير....... فكرة حمقااا بالنسبة لدري فعمرو تمن سنين ..... غادي وحاشي فجيبو 200 درهم كلها صرف حيث من مصروفو ديما كيجمع الفلوس ...... فداخلو حماس كبير باغي يشوف الام ديالو ويعنقها ويبقا معاها فرحان بيها وانه غايشوفها
بقا كيشوف تلف ماعارف ميدير ....عوج شفايفو بطفولية وشدتو البكية كيبانولو ناس غادين جايين....... شاف واحد دري كبير واقف..... توجه ليه ووقف حداه : سلام....بغيت نمشي لأكادير ماعرفتش شنو ندير
هارون جبد من جيبو الفلوس ومطور جبد نص وخلا نص مد الصرف لدري ليتبسم: اجي معايا نقطعو زوج بلايص الكار شوية ويوصل
عند جعفر ليكان فدخلة دكازا.... فاق بكري اليوم الحد مكيخدمش ومقرر انه يمشي يشوف عبير حيش شحال ماشافها صونا ليها وهي تجاوبو دارو بلاصة فين يتلاقاو يفطرو فواحد القهوة
وصل لقهوة ودخل كيضور فعينيه بانتليه كالسة عاطياه بظهرها قرب ليها وغيحسات بخطواتو ضارت تبسمات وهو تحنا عندها كيضحك سلم عليها وهي عنقاتو وهمساتلو فوذنو: توحشتك بززاف
جعفر باسها فجبهتها: حتى انا احياتي
كلس قدامها وطلبو الفطور شد ليها فيديها: مالقيتي غيهاذ البلاصة
عبير غلباتها ضحكة: هههه .....هنا فين خليتك وهربت
جعفر كيضور عينيه : ايه عليك يا حطب العافية ...... خليتيني غانحماق وطفيتي عليا تيلي
عبير عوجات فمها: واماعرفتكش نتا .....عام وانا وياك كنهضرو فلخر نعرفك نتا لي دخلتي فيا بلوطو فاش كنت خارجة من طبيب وغوتي عليا
جعفر هز يديها برقة وباسها: احح عليك يا حطبي كنبغيك بززاف جيتي وبدلتيني مرة وحدة.....
عبير بخجل: علاه كيف كنتي ههه؟
جعفر : معقد مكنقربش العيالات ولا البنات.....
عبير نحنحات وهزات موس محطوط فوق طبلة ديال الكومير : وتادابا تشوف فشي وحدة نعميهومليك
ذياب كان كالس فالقهوة فالبيرو ديالو كيشوف كولشي من الكاميرات ...ساهي وعينيه مامركزينش فيها ...... شاف فالسقف وهو كيتنهد ...... فلوس حلال ؟؟؟ ولاو عندو..... خدمة مستقلة؟؟ ولات عندو مشروع ناجح؟؟؟ كاين..... مدخول صحيح وعندو
ولدو ؟؟حداه ...ختو؟؟؟معاه......... وشنو باقي شاطنو....علاش بالو ماهانيش..... علاش حاس بشي حاجة كضرو فقلبو..... حاس بفراغ فحياتو...... ومشتاق لشي حد.......
خرجات من عندو ومشات كتجري عند البنات ليمعاها: ناري على كاريزما عندو خلعني
البنت: احح ياختي راجل ونص
البنت لوخرى : جرا عليك تاني اهدى
هدى تنهدات: اه جرى عليا ولكن هانية ...... هو واول واحد كيرفضني...... هاذي عام وانا خدامة هنا وماعمرو تبسل على شيوحدة....وذاك نهار دخل عندو اوسامة "سرباي" لقاه كيصلي
طلقو ضحكة عالمية تادخل انس وخنزر فيهوم: راه ريسطوو هذااا ماشي بار دالقحاب
استغفر الله ودخل عند ذياب ..... عبير كانت كالسة هي وجعفر وحانية راسها....بعد ما سولها على علاقتها بجنة ماقدراتش تخبي عليه ..... حكات ليه كيفاش لعبو بيها واخا تنادم الحال معاهوم...هي بالطبع ماعارفاهاش نعسات مع ذياب ودارليها السم
جعفر مضور وجهو مخنزر مكيشوفش كاع فيها ....صبر تاصبر وضار عندها: شفتي خوك والله ماراجل ونتي حقودة..... حقودة لدرجة كبيرة اعبير خيبتي ضني فيك......
وقف ورما الفلوس فوق طبلة وخرج...هي وقفات مصدومة وخرجات كتجري موراه وتنادي باسمو وكتبكي صدمها: جعففر ....جعععفر غينفسرليك
ركب فلوطو وخلاها .... طاحت نوراه بكات تاشبعات وكلامو كيف شي خنجر مسموم كيتغرس فقلبها كل ماعاوداتو ....
تنهدات ووقفات كتبكي حاشية راسها بين كتافها .... وخوفها من انو يخليها كيزيد يكبر
دازو ساعات قليلة..... توقف الكار فاخر محطة وليهي اكادير ....نزل الولد ومعاه هارون..... ليكيضور فعينيه وشاد بيديه شكارتو ...الولد ربث ليه على شعرو وهارون عطاه ورقة دضو وعرف لادريس فينجات...... وشدليه طاكسي خلصو من عندو..... حيث بقا فيه وعرفو جاي عند مو .... عاودليه وتاهوا ماحكرش عليه..... هارون وقف بيه طاكسي قدام الحومة نزل وهو كيضور عينيه..... تزادو شي اصلاحات قليلة تقادو الدروبة والحيوطة مابقاوش رايبين ....... حل شكارتو وجبد منها صورة دغزلان قديمة بززاف ولكن ملامحها باينين..... مشا لعند واحد المرى تماك وقرب ليها
: خالتي واش كتعرفي هاذ البنت
المرا باينة فيها كبيرة وصعيبة ومرا حرة ودزمان شدات تصويرة كتصغر عينيها فيها: لا لا لا اولدي هاذ الماركة معدناش
المرأ بقا فيها بززاف : ماماك اولدي تزوجات وولدات وهاذي عاماين باش مشاات لصبليون "إسبانيا" قادليها راجلها الوراق ومشاو هي وبنتها
هارون حط يديه على فمو وبدا كيتنخصص : مش مشات؟؟ ما غاتعاودش ترجع.؟؟
المرا دايرة عقلها فيه بقا فيها: موحال اولدي.... حيث تا من بات راجلها "أمين" مات .... ماكاين لاش يرجعو ... "بتأسف وتأثر" واش هربان لباك
هارون ماجاوبهاش حنا راسو كيبكي بدون صوت : "حطات يديها على راسو" رجع اولدي لباك هو ليغايدوم ليك اما مك كوكانت كتبغيك..... عمرها تخليك اصلا
عطاهاب بظهر وضار كيجري ويبكي ..... وكاع الفلوس تشتوو ليه وهو مارادش الباب غيكيجري ويبكي بدون توقف ..... وعينيه مدمعين ومغطيين بدموع كل مرة يدخل فشي حد.....قلبو البريء كيضرو وحاس بحال شي واحد قتل فيه الحماس للقاء مو....والشوق كان قاتلو لشوفتها وعناقها وحضنها ....باغيها تغمرو.... الهم كبرو قبل الوقت وما أصعب انك تكون يتيم وواليديك حيين..... ذيك المرا قتلاتو بذيك "هي وبنتها" بيناتلو شحال هو رخيص عند مو........
دخل فشي دروبة خاويين..... وخرج فالرملة دالبحر والصخر ظيك البلاصة خاوية مكيقربليها حد..... وقف كبنهج ويبكي حاني راسو وكيهضر بصوت منغنغ: اهئ اهئ اهئ ما ما اهئ بغيتك ،،ما ما اهئ اهئ ماااما رجعععي اهى اهئ اهئنننن
سمع صوت الحس وضار مفزوع وحاط يديه على قلبو مخلوع ......
فكازا ..... وقف ذياب كيتكسل عيان: ساط غاندوز لدار نخرج هارون غايكون جا قبيلة من المدرسة عندو عشية خاوية
أنس تبسم: ماتخليهش يكرهك وهو صغير نقص عليه
ذياب تنهد وعينيه بداو كيبريو: راه ولدي طرف مني كبدتي وقلبي وروحي....انا علاش داير هاذشي كامل؟؟ على قبلو.... هو راه ليعندي تا عبير غايجي واحد الوقت وتزوج....... انا راه باغيه يطلع راجل.... ماشي خنثى...يبكيلي على وحدة خلاتو" غزلان" ماشي غي ام بالنسبة ليه غزلان هي ملاك عندو..... وانا مابغيتوش يتصدم فيها "شيطان" بصفة "ملاك" ، وماباغيش نلاقيهوم كاع......حاس بيه غايخليني ويبقا.....فنظرك علاش ماتزوجتش ؟؟
أنس تأثر بكلامو: على قبلو
ذياب: راك كتشوف البنات مشتتين قدامي..... مكيهمني حد من غير ولدي ....هو ليعندي ....ماباغيش نجيب عليه مرا تحكمو وضربو ..... ولدي غايبقا معايا بوحدنا تايبني حياتو
أنس تبسم: واسير راه غايكون كيتسناك
ذياب تبسم ليه ونزل....ركب فموطورو الكبير واعر ..... واخا عندو الفلوس مكيحملش الطونوبيلات ..... كيكرهوم من نهار ماتت مو بسباب طونوبيلة وهو كينفرهوم... وابار هاذشي كيعشق الحرية
كسيرا ماوقف تالقدام الدار...نزل كيصفر وركن موطورو وحل الباب .....بانتليه عبير باينة فيها مريضة كتفرج فشدى تيفي وكدمع ..... وصفرا وعينيها داخلين وباين فيها الارهاق شافت فيه داخل بوحدو مامعاهش هارون : واش خليتي هارون مع أنس............
ذياب وقف وضرب فيها تخنزييرة: كيفاااش أنس....شكتخوري!!!!!!
عبير قلبات وجها لتلفزة ماعندها خاطر: فين هارون
ذياب قرب ليها وعينيه خارجين: علاااش واش ماااجبتيهش؟؟؟؟
عبير توقفات على الحركة بلعات ريقها وتمتكات: ل ل لا ...... ا صلا انتا قلتي لي غاتجيبو؟
هارون مع ذكي حافض تاديال أنس خخخ......بعد عليها: لا مابغيتش
جنة جمعات شنايفها: وعلاااش ؟؟؟
نطق بصراحة: حيث الناس الغرباء ماخسناش نتيقو فيهوم بسرعة
جنى بدات كضحك: وانا ماشي غريبة انا بغيت نعاونك
حط يديه على راسو كيفكر : واخا
بلاصة خرى..... كانت راضية كالسة فدارها مرة مرة كتنهد واللقاء ليدازز ببنتها مزال كيتعاود قدام عينيها: سبحان الله ....كانا ديما كنشوفها فالتلفازة والجرائد تاصبحات بنتي
فدوى كتاكل حب الملوك: ايوى بعدا شيواحيد فيكوم عمل طايلة هاهي بنتك سيدة أعمال يالله تشوفي شكون بحالكي تهزنا من هاذ العيشة
محمد دخل كلس حداهوم: كيجاتك هاذ العيشة؟ امدام
فدوى بلعات ريقها وحنات راسها وهو كمل: يكما سحابليك غانطمعو فيها؟؟؟؟ ولاا غاناخذو شيحااجة؟؟؟؟؟؟ لا لا الالة هاذوك فلوسها وهي تعبات عليهوم تاوصلات للي هي فيه
فدوى خنزرات فيه وميقات بعينيها: ايوى يالحبيب راها ختك. .... مافيها باس تعاونك شويش ولا والو؟؟؟ شني هاذ الاخوة عاندكوم
راضية تنهدات: الله يهديك علينا وعلى راسك.....باقي تاماهضرناشي معاها.....اصبار غاحتى نعرفو شني وقاعلها فهاذ الخمسة وعشرين سنة ليفاتيت
دازو ساعات...... والظلام بدا كيطيح
فبلاصة خرى ..... كان كالس فدارو سمع دقان وغوت : سوارت فوق الحيط
تواني وتحل الباب.... دخل جعفر كاعي وطالع ليه دم..... كلس كيشوف يمين شمال : فين جنة
يوسف زفر كيسوط: مصيبة وقعات
جعفر هز عينيه فيه بغضب: شنوو وقع تااني؟..
يوسف بغيض: بانت عائلتها.... وعرفات بلي عندها خوها وبغا يقربليها وجاتها الحالة
جعفر بانت فعينيه الراحة: وأخيرا وقعات شيحاجة زوينة
يوسف وقف كيسوط: شفتي غيالجانب الإيجابي والجانب السلبي داننا غانبعدو عليها
جعفر تكسل فالكلسة: ماتقوليش غرتي
يوسف كلس ماعارف ميدير: تلفت...منقدرش نبعد عليها
جعفر : شوف من هاذشي كامل...فخبارك علاش مكيهضروش مع بعضياتهوم؟
يوسف باستغرااب: شكون؟
جعفر دفعو: زݣي معايا..... جنة وعبير ....مكيهضروش لمدة تمن سنين ....حيث عبير صداقتها بجنة كانت مجرد انتقام
بلا بلا بلا "عاودليه البلان ملول....خلاه حال فمو وكيتعصر ..... دبا هي كانت مصدومة من عبير وذياب وزادها آزار...مجرد فكرة انها كانت مع راجل واحد
خذات منو نمرة وكانت مبدلة حيث بدلها .... دوزاتها وبدا تيلي كيصوني
__كان أنس يالله دخل لكازا ووصل لحومة القديمة دذياب.... كيتسناه يرجع ووالو غايحمااق بالتقلاب والتسوال. ..سمع صوت الفيبرور هزو وبانتلو نمرة بادية ب 61 تبسم فعز المشاكل ليعندهوم: سي ذياب كيعرف الناس الاغنياء هاي هاي
جاوب وسمع صوتها: وي سلام
أنس باستغراب: وي شكون معايا؟
جنة شافت فهارون ونطقات بصوت منخفض: شنو سميتك
هارون ضحك : هارون
بلعات ريقها وقبل مايرجعو بيها ذكرياتها لور تكلمات: انا مع هارون ولدك راه عندي
طلع وكيسمع بصح صوت الغوات ....طلع لطاج تالث..... وكيسمع صوت فايت سامعو "صوتها الباكي"
"شهقاتها" ... "صرخاتها"
جنة كتبكي وتغوت : علاش كديرلي هاكا؟؟!!!!!
يوسف تنهد وقرب عندها: باغيك ..... أجنة باغيك ليا .....حسي بيا........ كل مرة كتكوني قدامي هاكا "لمس خذها وهي هربات وجها" كتخليني غارق فبحر الشهوة......... كاين قارب الإنقاذ
هبط يديه لشفتيها وهي حالة عينيها على وسعهوم مصدومة فيه......تكلم بصوت خافث: حسي بيا اجنة....كنبغيك كنبغيك كثر ماتخايلي
جنة ضربات ليه بديه بشجاعة منها: كتبغيييني...... الحب ماااشي مجرد شهوة الحب إحساس....الحب فيروس غايدوزليك مع دمك.... الحب ماشي هو الشهوة "بصوت عالي ونبرة حادة" بزززاف عليك الحب يااا الصالوووبار
بغا يقرب منها وبدات كضربو تاشدها وغوت: رصااااي واشرجعتتتي لحااالتك حمقة ...
يوسف وقف كيسوط بقات فيه بززاف وفنفس الوقت عيااا ولصبرو نفذ : جنة.... انا ماغانكذبش عليك باغيك كيما نتي.... باغي نقيسك و وووو و..... "ماقدرش يكمل وهو كيتخيل" انا باغيك ففراشي....ولكن فالحلال ..... تزوجي بيا....غانعيشك أميرة فداري غاتكوني ديالي بوحدي....نتي باغة ليضحك عليك بحال خو صاحبتك "باستهزاء"شنو الفرق بيني وبينو؟؟؟ ياك هو غيضحك عليك ....ياك هوا لعب بيك كيف بغا...... وجا آزار من بعد خذا ....
جنة تمتمات باستهزاء مقاطعاه : تيقتك(دارتليه حركة الݣرون): ماعنديش هاذو....عارفاك بااغي تزوجني غيباش تملكني.....عارفاك غاتكون تحديتي راسك.....بلي غانكون ديالك " وقفات كتمسح دموعها وكتمتم بسخرية" هاذيك هي ليعمرها تكون ليك.....جنة ليغاضعف وتهرب مابقاتش..... عاونتيني نتا وجعفر...كون مانتوما كون راني باقة فسبيطار الحماااق "نطقاتها بسخرية" كون راني مت ولا قتلت راسي.....عارفاك قتلتيه على قبلي .... عارفاك ماخليتيهش يقتلني.... عارفاك درتي بززاف دالحوايج على قبلي....ولكن "سالت دمعة من عينيها" منقدرش مزال..... منقدرش نزيد نتحمل... اني نشوف نظراتك وتوجيهاتك ليا...... سوى كتبغيني ولا كتشهاني ....... "شيراات ليه للباب"تفضل ماناقسينيش مشاكل فحياتي
يوسف وقف كيشوف فيها بأسف وهضرتها كيحس بيها صفعات كيتلقاهوم كلما هضرات: صافي ؟؟ هاذا حدك
جنة تمتمات تحت من سنيها: خرج ايووسف خرج ....
يوسف عطاها بظهر.... وخرج حامل ما تبقى من كبريائو ......عيا.....مل ...... مرض بالتلميحات.... ووالو مابغاتش تفهمو....يعني صافي غينساها.... القلب ليذل مولاه رمي جدبوه الكلب .....
خرج ذياب من واحد دخيلة
ذياب واخخخ من الناار ليتشعلات فداخلو......واخخخ من البركان ليحمااا فقلبو.....اما واحد العاصفة قوية هزت كيانو........ تسونامي ضرب فأحاسيسو رون ديلمهوم......وحس بشي حد هز خنجر تالسما ونزل ليه لقلبو.....لقاؤها فهاذ اللحظة خربقليه الكارط ميموار دمخو.......وجووج حرووف كايدوورووو فذمااغو و بدا كايرددهم بصوت عالي وكيرجف غيبوحدو ويترعد
-لا .. لا .. لا .. لا .. لا ..مااايمكنش لااااا
هز يديه تاهزها وضرب الحيط ليقدامو وبدا كينزل عليه بسرعة متتالية حتى يدو تجرحات ليه من القدام
ضلمها فكرهو ليها، ضلمها حتى فحبو ليها هو براسو مزال ماعارفش باش كيحس اتجاهها....حنين وشوق وندم خذلان وحزن كولشي تجمع فيه..... انتقم من الشخص الغلط....صدقات ماشي بنت شهرزاد كولشي تدمر وفشل ......، ظلللمها مللي تخلى عليها فذاك ليل وهي نصف عارية ودمائها واد تحت منها...... ظلمها من الهضرة القااسية اللي قالهالها فاللخر باش يتفارق معاها وتفضيلو لمرتو عليها....مرتو ليطلعات "قحبة" كتلعب مور ظهرو
وشحال خايبة تحس بقيمة الحاجة ليضاعت منك فاش تشوفها فيد حد اخر.....حس بالغيرة كتاكل من قلبو وجسدو شعل بنيران ملتهبة تحرق الاخضر واليابس.........وهو كيتفكر "كنبغيك أجنة" .طلع مكايسوااش، حقيير .. هو اللي عطا الفرصة لوااحد آخر يسمعها الجملة ليحرمعا منهاا .. هوووو اللي داار كوولشي بيدييه .. هو بوووحدو ماشي واحد آااخر
"ذياب كيتمتم بصوت عالي " علاااااش يااااربي علاااااش
ضررب بيدوو بقوووة مع واااحد الڤاااز كان فوق وااحد الحيط قصير تشخشخ ودااازتلو ديك اليد بالدممم .. علا يدو ثااني زااد ضربها مع الحيييط بقسووة حتى تطبببع بدمووو وفمو كيردد "أنا نادم"
.. صوتو وصل تالعند جنة ليقفزات كترجف ....أكيد عرفاااتو وعلاش ليماتعرفوش وهو مالك قلبها هاذي تمن سنين.....خوف رهبة خزلان وحدة حزن انكسار عصبية غضب حدة .....
كلهوم احاسيس تخلطو عليها تامن رجليها فشلو وهي كتسمع صوتو كيغوت ......خرجات كتجري...... اما هو غيسمع الحس تمشى من داك الكوولوااار كاايطييير .. مكايقشعش قبالتو .. باغي يقتل راسو ب نفسو .. باغي يهني البشرية من روحو و من كلشي فييه اللي وصل جنة لهاد المعاناة هادي .. بغا ينتاقم من اللي دارو فيها و اللي مداروش .. حيت أي حاجة طرات معاها، معتابر نفسو هو سبابها .. هو بوحدو اللي سباب گاااع المشاكيل فحياتها .. مع وصل لآخر داك الكولوار.....وهبط كيدردب فالدروج ....... وصل لحدا الباب ووقف قبالة الحيط كيعصر فعينيه ويضرب فالحيط بيديييه و برجلييه وضاارب تخنزيييرة بملاامحووو تشوووفها ترجففف، مرة مرة يزنند كثر من اللازم كايطلقها بغوووتة رجوولية وبنبرة حادة ومبحوحة كاتجيب الرهبة فالنفووس وتخلع الكبير لاعساك صغير........بقاا كايضرب و يعاود بيديه بسرعة والعرق نازل مع وجهو....
باغي يبرد على راسو .... ويخوي عقلو من الافكار الكثيرة ليقتحماتو ..... علاش هي كانت فسبيطار الحماق؟؟
وشكون هاءا؟؟؟؟ وشكون هاذ آزار ليتجبد شحال من مرة فكلامهوم
كيدار هارون وصل عندها؟؟؟؟؟ بززاف ظالأسئلة حمقوه مالقاليهومش جواب.......بدات يدو كتقطر بدم والحيط تفرتت، و اليد الثانية حمارتلو وتضبرات وبدات كاتجرح حتى هي
......... رجلو و ركابيه كذلك حتى هوما .. حس بالأعصاااب ديال الدنيا والدين راكبينو .. غوووت بصررررخة عااالية خارجة من أعماااقو .. مع الغوتة مع نطح داك الحيط براسو حتى تفرعلو وداز بالدم...... ضار عاطيه بظهرو حاس بالسخفة والعيااا .....كولشي تجمممع علييه دقةة وحدة......ماقادرش يزيد يفكر ...... فبالو زوج كلمات كيتعاودو ديال يوسف "كنبغيك أجنة و سبيطار دالحماق"
جنة كضور راسها فالكولوار وتمسح فخذها ليفيه خماسية ديال يوسف..... ودموعها نازلين.... كضور راسها بهستيرية وخوف ....فيروززيتيها بحر من المخاوف والهواجس والتخيلات ....مجرد فكرة ان "ذياب رجع: كتخليها تقفز وقلبها كيتراقص بين صدرها ليكيطلع وينزل بسرعة باحثا على بعض الهواء
حسات بمغص فكرشها.... الأعصاب دالمعدة هالكينها غيكتقلق كضرها كرشها...... شمات ريحة رجولية ديجا شاماها...واش تقدر تنسى عطرو؟؟؟ ولا ريحتو؟؟
تبعات الطريق ونزلات من الكولوار كتنهج حالة فمها سامحة للهواء يدخل لرئتيها.....حيث نيفها تخنق
كتسمع صوت الغوات والضرب وقلبها كيزيد يضرب بسرعة جنونية......... غشاء من الدموع مكتسي فيروزيتيها وهي واقفة قدامو ....ماقدراتش طول فيه شوفة بسباب دموعها المتهاطلة بحال المطر الغزير فوق خذوذها..... وصوت شهقاتها وتنفسها مسموع فالإقامة كاملة ليكانت خاوية من ناس ...... مراقباه بعينيها مسطنعة الشجاعة والقوة
ذياب كيطلع عينيه فيها تبلوكا....جميع الأحاسيس تخلطو عليه اشمنك يا حنين وشوق وصدمة ..... عمرو كان متخيل غايعاود يشوفها...... حس بقلبو كيزدح بين صدرو وعضلاتو تورمو عليه ماكرهش يحيد تيشورط.......مجموعة من الأحاسيس متخلطين عليه .. احسن و اغرب واحلى صدفة فحياتو هي هاذي باقي مامتيقش وهو كيشوفها قدامو واقفة كتبكي . ..... جا ياخذ ولدو ليهربليه ...... حتى كيتفاجأ بلي المراا لينقذاتو كتعرض لاعتداء منطرف "غريب" .......
طلع ينقذها وانفجرت القنبلة...... الصدمة والدهشة ليهي لقاءها ... .. ماصدق لقاها تا هي لاا و الجميل فالأمر انه سبب من الاسباب ليخلاوها تولي *حمقة...... *مختلة عقليا ......*مجنونة
، طلع الهوا مع نيفو و حس برئتيه وجعوه و تشنجو من كمية الهواء ليدخل .. بحالا شداتو البكية وإحساس الندم كياكل فيه...... .. احساس زويين بزاف ، و خايب بزااف .. بقى واقف مصمر بحال الصنم ولا شيجبل .... جبل مايل...... أسد مريض..... فهد بطيء....... أفعى غير سامة...... شيطان ملائكي
حسات بالفشلة و راسها كيضور .. فجأة هزات راسها من الارض بقوة وشجاعة متحدياه مسحات دموعها وربعات يديها .....هزات راسها ... فالرجلين و بدات طالعة معاهم ببطء بحال لا كتحفض فيه......
حست بقلبها كينفض نفيييض و كيطبل عند وذنيها ، ذاتها بردت عليها و حست بالضبابة بدات تغشي عينيها .....والضوخة
تجرآت وتكلمات بصوت عالي وبنبرة وقحة : شكون نتا؟؟؟ وشكدير هنا..... واش ماعارفش بلي القانون كيعاقب على الهجوم ؟؟؟؟
ذياب تشلل فمو ونشف.... ماقدرش باقي يزيد شيكلمة.....جمع شتات نفسوو قربليها: جنة
جنة بعدات عليه هازة صبعها بحذر وكتكلم بجدية وصرامة:واياك يزغبك الله وتزيد تقربلي..... والله تانسيفطك فين تربى
"ماتجبديش مرتي هي ماشي قحبة ليجا تحل ليه رجليها بحالك"
هااذ العبااارات غيكنتفكرهوووم كنننكرهك مليووون مرة فالتااانية و كانزييييد نحقد عليييك كتر ماحااقدة عليك.....كنزيد نكرهك كثر ماكانبغيك ........ماكرهتش نقتلك و نتهنى منك و نطفيييي النااار اللي عنديي شاااعلة فقلبي ليدمرتييه وكسرتيه لأشلاء (ضرباات على قلبها كاترمقو بنظراااات عااامرة غل وحقد اتجاهو وفيروزيتيها مرااقبينو بقوة وجرأة وعينيها فعينيه مباشرة ) .. نتااا ثعلب ماكر وذيب كذااااب .. نتاااا من أحقققر الناااس اللي عرفتتتهم فحياااتي كاااملة .....نتا اول واحد فلاليست نوااغ دياالي ..... فخبااارك عمري كنت كنضن غايجيي نهااار ونقووول ذياااب (ضربات ليه فصدرو بعنف) كانقوول أننه هو أخيييب واااحد فهاد الدنيا و ماعندو قلب ، استغلااليييي .. مكاتحسسش ....... صاالوبااار غدااااار عدييييييم الضمييييييييير (غوتااات بصوت عالي فآخر كلمة صدرها كايطلع و ينزل بقوووة وحاسة بمعدتها غاتقطع بالوجع.....وأخيرا خرجات صوتها ليكانت كاتماه سنين وخرجات الهضرة ليعمرها تسالا....حسات براحة كبيرة وهي رامقاه )
خلاها تهضر وهو سارح فالارض ويديه المدمين فجيابو..... كل ما قالت "كنكرهك" كايغزز فشفتو التحتية باغي يطرطق من لون بشرتو اللي ولات حمراء حيث هو بيض. كينفث الذخاان فالهوااء من نيفو وكيسوووط بالمعقول كل اللي شااغل بالو حاليا ..... علاش جنة دخلات لسبيطار ..... علاش جنة قالت للمجهول(يوسف) نتا قتلتيه حيث كان باغي يقتلني
شنو عانات جنة ....شنوو وقع ....شنو وشنوو وشنو ...أسئلة اكتست دماغو .. مدايهاش فيها هي للي غاطرطرق واقفة قبالتو
هضر بصوت راجف وفين نبرة جامعة كل من الندم والغضب الشوق والحنين والعصبية: عارفك مضلوومة كثر من أيييي واااحد هنااا .. داك النهار فاش ماتت الواليدة بكسيدة....كانت خارجة تخدم علينا كيف العادة..... كون ماتخلاااش عليها باااا كون راها فدارها مقابلة ولادها..... وعلاش تخلى علييها "غزز شفايفو" على قبل مرى....... كان كيحااسبلي هي ماماك....ماكنتش عارفها غيمربياك....وفالاصل ماكانش علياااا نقرب ليك عبير .....ليكانت باقة صغيرة لععبت بعقلها وخليتها تكرهك وتحقد عليك....... فاش قلتتيلي بلي بااا مات مع شهرزاد نهار بغاو يهربو.... ندممت....حسيت بغلطي...... موووت ماما كان قضاء وقدر...... كنت شيطااان.... اه شيطاان .....عرفت بلي ......نتي بوووحدك . نتي بريييئة .. بريييييييئة و محگووورة وأنا زدت حگرتتك ونقست منك بالفعلة اللي درتها (غوووت بحسرة و صدرو كايطلع و ينزل بقووة) عمممرنيييي عرفت كلمةة ندددم حتى لهااااد اللحضة هاااديي .. ناااااادم .. قلببييي كايتقططع ...... يا جنة عمرننني كنت كنفكر نبزز على شيوحدة.... حتى ليك ....فاش شفتتك ماقدرتش نمنع رااسي....
قاطعاتو بسرعة مخلية صوتها يخرج مافقلبها كبث سنين مخلياه فقلبها وأخيرا جا وقت تخرجو: باااغي تقيييسني...قستيييني....كلكووووم كنتووو باغييين تقضيو حاجتكوووووم وبرااافو نفذتي بفعلتك...... دباااا علاااش جااااي
مشاات عندو كتجري جراتو وهو مراقبها بصدمة فيه مايعطيها صقلة وحدة ولكن ماباغيش يتعنتت معاها ....... خرجاتو من باب الموبل وتكات على الباب كتنطق زوج حروف بهستيرة: خرج ....خرج.....خرج
جعفر تنفس ببطء وهو كيسمع لصوت بكاها وشهقاتها: عبير..... حنا مانليقوش لبعضنا
عبير وقفات كتمسح دموعها: واخا سمحلي
قطعات عليه وبلوكاتو من كولشي.....ومشات لبيتها تكات كتبكي ومرة مرة كتجنن وتبدا ضرب فراسها
بلاصة خرى....كان يوسف واقف فوق واحد الجرف كيشوف لبعيد ساهي ..... نسمات برد خفيفة كضرب فوجهو...... تنهد وهو مقابل الجبل ليقدامو ومبتسم باستهزااء
: حتى لايمتا غاتبقى هاكا....مذلول ..... مذلول الحب ؟؟؟ واش كتبغيها بصح ولا كيف قالت هي دايرها مجرد تحدي...... فيق أيوسف فعمرك تقريبا 36 سنة فيق هاذ لعب دراري صغار خصني ننساه....عندي خدمتي كتسناني....وانا تابع وحدة مزال كتسمع لمعزوفاات الماضي.... وعايشة على أوتار الذكريات....فيق أيوسف فيق....
يوسف بقا ساهي وكيتصنت ليها تبسم باستهزاء: شنو؟؟؟ ونتوما تيقتوه
ماماه كتبكي: راه مابقاش كيف كان شعرو طاح وضعاف وولا كيموت....وحتى من ولدك سمحات فيه شيما ..... راه عندو 12 العام
يوسف بداو يديه كيرجفو وإحساس غريب خالجو اول مرة يحس بيه.....قلبو كيدق غايخرج منصدرو ليطالع نازل .....: فوقاش هاذشي
ماماه بأمل انه يرجعليها ولولدو عارفة راسها فقداتو فاش منعاتو يدير المهنة ليباغي.... وبززو عليه يقابل الشركات دباباه..... وعاونو ازار تاجا للنغرب هو وخوه: هاذي سيمانة..... وكنت كنتاصل بيك مكتجاوبنيش...... حنا محتاجين ليك.....مشاريع باباك محتاجين ليك...ولدك محتاجليك.... وحتى خوك...باراكة من الحسد والغيرة والكره والحقد....نتوما خوت....
قاطعها بجمود مزير على يديه ليبياضو .....وكيحس بالنار شاعلة فصدرو: باش نلقاه ناعس مع مرتي فداري وفراشي..... وتجي نتي تقوليلي سمحليه هاذي اخر حاجة تديرها
سكت لتواني وٱستأنف كلامو وهو كيتذكر كلام جنة : غانشوف مع العميد ديالي .....كاين بوسط تماك مع الشرطة الأمريكية فلوس انجلس.... يمكن غانجي يلا كان باقي..... منها نيت نبعد
ماماه بفرحة كتغوت: الله يرضي عليك اولدي ....الله يرضي عليك
نرجعو عند جنة....لي بعد ما انهارت تماما.... او "رجعات لحالتها" وقفات كترجف وهي طالعة الدروج وصلات لباب دارها لقاتها محلولة... يالله غاتزدحها تاوقفها صوت شاب فمقتبل العمر: وااش ماكاتحشموش...دايرين حرب فالموبل غينتوما ليساكنين هنا؟؟؟صوت غواتكوم واصل لسطح
الشاب خرج عينيه فيها وعرفها تمتم بتوتر : غيكنضحك معاك... يكما يكما خاصاك شيحاجة؟؟؟؟
سدات عليه الباب فوسط وجهو .. مع السدةة مع تكات على الباب وكتشوف قدامها بشجاعة و بقوووة........رغم أنها كاتتظاهر ببرووود و بأنهااا مامداياهاش فرجعتو ، إلا أن قلبها كان غاينقز من صدرها وهو كيشوفو..... .. كايبغيي يتحرر من القيوود و السلااسل اللي رابطاااه بيهم ويمشي لعندو ...... .كل مرة شافتو قلبها كيضرب باغي يخرج من صدرها ويغوت باعلى صوت "ذيااب" . فهاذ السنين الطواال اللي دازو ..
..... و دييك المعاناة اللي عاشتها وليداز عليها......وحتى من الشهرة ولات كاتعرف كيفاااش تتحكم براسها و مشاعرها وأحاسيسها قلبها وعقلها ....... ولكن عينيها ودموعها والو كتحاول تقوى وتشجع راسها بانها ماغاتعاودش تعيش مزال شيمعاناة اخرى...... تفكرات هارون ومشات لكوزينة مالقاتوش....تمتمات باستهزاء: خسااارة .....خساااارة يا هارون خسااارة
دازو بعض الساعات، ....... كان ذياب فبيتو الخاص بيه وفدارو القديمة .... كيشوف فالارض وراكع لربو وكيتمتم بصوت مزين ببحة رجولية: اللهم اني وضعت فيك ثقتي وأوهبتك قدري ....فيا رب امنحني ما شئت
اللهم اجمعني مع من أحببتك.... اللهم إني أحببت أحد عبادك فٱحفضه
هز يديه ودوزها على وجهو ووقف جمع صلاية وتنهد . كايطبطب على قلبو بقوووة ليكيحسوو غايخرج من بلااصتو و يتنفس بصوووت عاالي ....وشفتيه كيردوو اسمها فكل تانية"جنة" باغيها جنبو حالياا ماكرهش لو كانت بين يديه ولكن كيهدأ راسو بقول " جنة مابقاتش بنت 17 العام جنة نضجات"
تنهد بصووت عاالي وتنفس ببطء ودقات قلبو مسموعين و همس بسمييتها بحنييين و شوق كبييير واشتياق وحزن: جننتي
حاس بالضيق فصدرو وقلبو واجعو أنفاسو غير منتظمين....، تأفأف بصوت عاالي و ناض) توحشتك بزززاف.....محتاجليك..... وكنواعدك....غانخليك أسعد وحدة فالكون....... غانخليك تسامحيني .... وترجعي تبغيني من أول وجديد
(خرج من البيت ديالو وداز لصالون فين كان أنس مع هارون ليطيبو بالمواعيض والنصائح.......تلاح فوق واحد الفوطوي كيشوف فهارون ليحنا عينيه مارك وحشمان من فعلتو ...... مرة مرة كيطلع عينيه فذياب ويرجع يهبطهوم جابليه ضحكة....
ذياب مسطنع الغضب: ايوى فينها مك تلاقيتيها
هارون شاف فيه : اه ولا
ذياب كيشوف فيه....هو عارف غزلان سافرات..... وفخبارو البلان كامل هاذشي لاش كان كيحاول يبعدو على سيرتها ومايتعلقش بيها: كيفاش شكتخور عليا
هارون كيلعب بيديه: ماما ماتلاقيتهاش مشات مع راجلها وبنتها "كمش فمو بحزن ولكن دغيا تقلبو عينيه بفرحة" ولكن تلاقيت واحد المرا زوينة بززاف بززاف بحال باربي كتشبهليها..... وقلتليها ماما لعبنا فالبارك وكلينا وداتني لدارها
ذياب تبسم وعينيه كيبريو : عجباتك
هارون خبا وجهو كيضحك ببراءة ويميء ليه بالايجاب ....أنس وذياب متعجبين فيه حيث عمرو ضحك هاكا
ذياب تنهد وعاودليه القصة من لول..... أنس بقا غيحال فمو ماردش عليه
.... حتى سولو بتساؤل: شكون هاذي وشنو سميتها
ذياب تبسم ونطق اسمها بشغف وشوف : جنة.... جنة اليوسفي
أنس نقز كيغوت تاخلعو هه: عرفتها عرفتها....هاذيك اصاحبي ولاااات سيدة أعمال هاذي عاماين.... وكاع الجرائد كيدويو عليها
ذياب بصدمة : وعلاش عمري شفت شيخبار عليها
أنس هز كتافو بمانعرف
بقا كيشوف قدامو ساهي وهز تيليفونو ...... بدا كيقلب عليها وخرجوليه مجموعة من الباجات كاتبين عليها...... وكيدويو على جمالها وأناقتها وسمعتها..... قرا بلي خوها مات وزاد تأزم.... عينيه حومر كايغلييو من التوتر وكينهج...كلما قرا كيزيد يتصدم من كمية المعاناة ليدازت منهوم "بلا الاغتصاب مافخبار حد"
إحساااس أول مرة يحسو ندم كبير وكبير بززاف .. و حجبانو مقلصيين للاسفل..... .. عينيه منكمشيين و حجبانو منقضييين، علا عينييه فأنس ليواقف .. رما الكارو من يدو و دار عاطيه بالظهر كايتمتم بنبرة مرعوووودة و قلب مجروح وباكي : جنة غاتولي ديالي...... انا ماغانبزز عليها تاحاجة ....غانخليها هي تبغيني..... هي تجي عندي ...
أنس بحماس وفنفس الوقت حزن : دونك كتبغيها...؟؟!!؟؟؟؟
ذياب تنهد وحط يدو على قلبو كطبطب عليه وكيفكر فيها بجنون: ماعرفتش....ولكن لي انا متأكد منو..... ذياب رجع باش "يصلح غلطو"
جنة.... كانت ففراشها حالة عينيها فالفراغ وغشاء من الدموع مانعها من النظر للسقف...... يديها كيرجفو وحتى من شفايفها مفتوحين مخللين الهواء يدخل لرئتيها ويسقي عطشهوم
الواضح انها كتعيش فكابوس وهي فايقة.... شنو بانليكوم نطلو على أفكارها وعقلها باش مشغول....نتعمقو فمخيلتها.... ونزيدو نوطدو علاقتنا بماضيها
داز الفلاش باك الأول وفيه شفنا مقتل آزار
داز الفلاش باك الثاني وفيه شفنا كيفاش دخلات لمصحة
وغايدوز فلاش باك التالث ما قبل الأخير ......
فلاش باك💥
كالسة فنص الغرفة "الوحش" كيف مسمياها هي........ مركنة فبلاصة الوسط وحاشية وجها بين رجليها كتمشي وتجي بحالا شيواحد كيدفع فيها ..... ماحاساش بشنو ضاير بيها.......جل أحاسيسها هوما الوحدة.... صوت أنينها مسموع وحاضنة جسدها بيديها الصغيرات.......وثغرها يردد كلمات الأغنية الونيسة لها : بيجيني إحساس وأنا لوحدي....بيقتلني ويجرحني...وأشتاق لناس راحت خلاص
هزات راسها فاش حسات بخطوات قادمة نحوها بسرعة بحال لاشي حد كيجري جيهتها قاصدها وصوت الخطوات والارتطام بالارض مسموع هزات راسها بخوف وفزع مالقات والو....سمعات نفس الصوت من موراها بحال لاشيحد كيجري اتجاها ضارت بالزربة كترجف وعينيها خارجين بالخلعة....قلبها يتراقص بين صدرها تقول كيطبل.... وفيروزيتيها كيجيو ويمشيو يشوفو هنا وهنا والخوف والهلع واضحين عليهوم ...... حركاتها كتدل على خوفها وعينيها كيضورو
سمعات صوت الحس فوق رااسها هزات راسها وبانلها آزار مقرب ليها هابط وكيشيرليها بيديه وعلى وجهو ابتسامة شريرة ....وفيديه هاز راسو ..... ركزات عينيها فيه وبانليها راسو مقطوع وهازو بيديه وأصوات كتردد فوذنيها : نيهاهاهاهاهاها
دخلات الممرضة كتجري عندها ودخلو زوج خرين موراها.... تحاماو فيها كيحيدوليها بديها وهي كاع وحها كلاتو بضفارها..... وعنقها مجروح ويديها من جيهة مرفقهوم حمرين ومجروحين حيث كيربطوليها يديها بززاف تاخلاو الايمارة .......مارتاحت تادقو ليها شوكة دمهدئ وترخا جسدها فوق الارض طايحة..... ضعافت بززاف ولات الجلدةة لاصقة على العظم بحال شي هيكل عظمي...... وملامحها باهتين كتخلع........... ثغرها تلقائيا بدا كيردد كلمات الأغنية.....حالها يبكي الحجر لا حول لها ولا قوة خائرة القوى وجسدها الضعيف شبه عاري بالكسوة ليلابسة ........ هزوها الممرضات كيتأففو طلعات ليهوم فراس
بفشوشها الزايد وغواتها.... حتى ولاو كيربطوها ويسدوليها فمها ويتهناو.... عاماين وتسع شهوور وهي هنا.... لا حنين لا رحيم....مرات قليلة ليزاروها يوسف وجعفر حيث ممنوع.... وكلما شافتهوم كتبدا تبكي وتجيها هيستيرية باغة تمشي معاهوم رافضة البقاء فمكان بحال هذا... او فغرفتها "الوحش" ....... وما أسوء الوحدة ليعاشية فيها......نهار بعد نهار كتزيد تغوص فعالمها .......
أصبحنا وأصبح الملك لله....... كان واقف فباب الشركة كيشوف فطونوبيلتها داخلة لباركينغ.... وكيهضر مع جعفر ليقاليه: تانا غينسالي شي اوبيراصون عندي هاذ السيمانة ونلحق عليك..... نقابل ليكابيني ديالي تما..... المغرب ماجانا منو غيصداع راس
يوسف تنهد: وااايه.... والله نفس النظرية ..... باغي نبعد عليها باش نساها.....ونقابل ولدي
جعفر بسخرية: ايه يوسف ولاا اب
يوسف قطع عليه فاش شافها
وقف من على طونوبيلتو وتوجه ليها كانت هازة راسها كيف العادة بفخر وكبرياء .... وكتمشى بخطوات صغيره وأنثوية.... شعرها المموج كيضرب فظهرها ....وقف قدامها وهي طلعات فيه عينيها رامقاه بقوة.... تمتمات بشجاعة: وي؟كاين شي مشكل
أستأنف كلامو مانع راسو من الاستسلام امام عينيها ليكيحس بيهوم رامقينو بصدمة..... : انا أجنة عندي ولد ومافخباريش "باستهزاء" من مرتي لولة...... سمحيلي بززاف على أي حاجة درتهاليك وقلقلتك بيها...سمحيلي على الكلام ليقتليك البارح....سمحيلي على الضرب ليضربتك....سمحيلي حيث استغليتك سمحيلي على كولشي...من اليوم غانمشي لوس اونجلس ... وحتى من حصصي كتبتهوم فسميتك اليوم غايدوز عندك المحامي ....غايعطيك عنوان عائلتك.........سمحيلي بزززاف
جنة كتشوفيه رامقاه بنظرات وملامحها مجمدين ماعرفها فرحانة ولا مقلقة..... حط يديه على يديها مزيرين عليهوم: عمرني غانساك .... غانحاول نخرج من قلبي ولكن عقلي لا
هز يديها باسها حتى حس بيها ارتعشات: انا كنبغيك....بصح كنبغيك وتحديت راسي انكي تكوني ليا...... كنت دايرك فحال شيلعبة...... ولكن كنبغيك والله تاكنبغيك اجنة.....
دخل لدار ويالله غايسدها تاسمع زييط قدام الدرب وكولشي بدا كيطل وخرجو ناس حيث كانت غتوقع كسيدة لا قدر الله......فرانات لوطو تاكانت غاتقلب ..خرجات جنة كتجري لابسة سروال توب واسع فالغوز والشيبي ومن الفوق قاميجة كحلا حاشياها فيه وساك فالغوز وسباط عالي فالأسوذ
ذياب تكسل وتبسم بلا شعور وهو مراقبها مجننة ومعصبة وشحال كتواتيها الغوباشة ....نطق بصوتو باينة فيه فرحان: صباح زين هاذا
عصبها وحرق أعصابها حساات بالقردة طلعات لسطح...... بانليها موس كبير فوق الطبلة ديال ليفخوي والخضرااا وجهاتو ليه كتمتم بحقد: بعععد مننني خرجلي من حياااتي ولا واللله تانقتلك......مكنحملكش ..... كرهتيني فيك.... صالوبار قواد زاااامل...... مكبوووت شماااتة كضحك على بنات ناس..... علاش ماقدرتييش تنتااقم من حسن ولا ولدو جيتي لعندي انا ليبنت كتستقوى علياااا .... يااا الخدااااع عديييم الضمييير ..... أحقر إنسان شفتوو فحياااتي .....وغاتكون أسوء اب فالعااالم ..... لاااعرف ولدك فعاايلك غايعاااود يهربليك ...
عرفتي علاااش هربليك بعدا؟؟؟ حيث مامديهااش فيه يا الشمكار الموسخ... يا البزناااز ....بحااالك كندفل عليهوووم عطيتك وقتتت حتى لعبتي بيا ....وفاش عرفتيني وصلت قلتي ...اجي نمشي لعند ديك الحمارة نعاود نضحك عليهاااا
"ضحكات باستهزاء بسخرية مستأنفة كلامها" لاا لااا يا حبييبي ....تبدلت ...... وتبدللت بزززاف........ كيف عطيييتك قيمة هانا خذيتها منك....معااادلة بسيطة" غمزاتو" غيحناا كنصعبووها
ذياب حاس بقلبو كيتقطع من هضرتها ليبالنسبة ليه خناجر مسمومة....... عض على فمو كايزيد يقرب عندها و يتمتم عينيه فعويناتها بنظرة متألمة من هضرتها القاسية بالنسبة لقلبو:ياااااه .. كاتكرهيني حتى لهاد الدرجة هادي؟ ولييت بالنسبة ليك مجرد شخص عادي تبخر ذاك الحب اتجاهي......
جنة ومآتلو براسها و موجهة الجنوي ليه :آاااه نتااا وحش و مكاتسواااش .. كانكره النهااااار اللي عرفتك فيه .. كانكره أي حاجة كاتعلق بييك، (سكتات شوية شادة الجنوي مزيرة عليه ......تبسمات بالجنب و شافت فعينيه الذابلين فيها) عرفتي شنو! ماكرهاش نقتلك دابا و بهاذ الموس اللي فيدي، ماكررهتش قلبك ينزففف دم قداامي وتمووت وانا كانشوووف فييييك هكااا .. بغيتك تحس باش حسيت هادي تمن سنيييين من اللي عتارفتييلي بلعبتك اللي لعبتيها ضدي .. كان قلبي ضااارني و نتا بغيتك تحس بضوووبل داك الإحسااس
اكتفى انه يسكت و كايشوف فاللرض عينييه تغشااو بالدمووع .. هضرتها قااسية بزاااف .. علا يديها الصغيرة وحطها فوق قلبو وهو عريان ......وكيحس بالجنوي كيتكو ، شاف فعينييها بنظرة متألمة .. تكلمم بصوت مقهوور:لا كنتي كاتكرهيني لهاد الدرجة .. هاكي شدي (زير بيظيه على جنوي حتى تجرح . هي بقات كاتشووف فيه) قتليني دابا و بهاد الموس هذا .. حققي أمنيتك دابا أجنة
جنة ة جبدات فيه عينييها هو بقا حاطلها الجنوي على يديها .. بغات تطلقو زيرلها على يديها و تمتم كايزعمها
-ماتخافيش .. لاكنت غانموت على يديك غانكون فرحاان حيث مت على يد جنة جنة نعيمي ...جنتي
جنة كاتجر يدها وتمتم بغضب وعصبية :وااش حمااقييتي
نطق باصرار وهي قريبة ليه مركز عينيه فملامحها كيحفضهوم:لا غي كانحققلك أمنيتك
أنثى الشيطان الجزء السابع
محتوى القصة
التنقل بين الأجزاء