نور خرجات عينيها من هاد المعلومات لي قاليها وهيا متأكدة تاحد معارف هادشي من غير اللي رباتها الله يرحمها فقط ولات كتفتف فالهدرة:وووو كككييفاااش عررفتييي هادشي ممميمكنش..
فؤاد:نور جاوبيني ومن بعد نفهمك كوليش
نور"حسات بالسخفة ناضت وقفات وحيدات لفوق ديال سورفيت بقات غير بضوني فالكري مزير عليها وصدرها معصور وسط منو ونص صدرها باااين بيض كيشعل..
فؤاد خرج عينيه فهاد الإغراء لي قدامو وتفيكسا مع صدرها لي حمقو هيا مرداتش ليه البال كل همها تعرف شنو كاين خرجو من سهوتو غير كلامها..
نور:انا قبل واحد ربع شهور كنت سافرت لكازا عند ختي لي تربيت معاها ولكن جرات عليا من تما خرجت ودرت حادث ونهار فقت لقيت راسي فمستشفى هنا فاسفي ملي سولت طبيب لي تكلف بحالتي قالي راكي ربع شهور ونتي فغيبوبة وبلي فقدت ذاكرة اخر ربع شهور من حياتي عاقلة غير فاش مشيت عند ختي وجرات عليا من بعد معاقلة على والو خرجت من سبيطار لعند صاحبتي لي انا ساكنة معاها دبا وخدمت مع فهد لي تعرفت عليه قبل شهر دبا كان لقاني سخفانة فالزنقة وهو هزني وهكا تعرفت عليه حتا خدمت هادشي لي وقع فهاد الشهور...
فؤاد تيسمع وهو ممصدقش هادشي لي سمع كيفاش ربع شهور وهيا مغيبة ودبا هيا ختافات من عندهم غير 3شهور دبا وشهر الأول كانت كالسة معاهم علاش بالضبط تنسات ليها غير ربع شهور لي فيهم عرفات اسيل وعصام وجات عند عائلة سلطان ياك هيا تخطفات كيفاش هادشي عقلو غيحماق بقا ساكت كيفكر ملقا حتا جواب لهادشي حس راسو تزير بزااف وناض من تما نشيان لكوزينة يشرب....
بعد شوية رجع وهو كيمسح على راسو معارفش منين يبدا
نور:عفاك شرح ليا انا قتليك دبا كلشي
فؤاد كلس مقابل معاها:معرفتش ممنين نبدأ ليك هادشي كلو غريب بزاف ولكن غنشرح ليك كولشي وتسنطي ليا مزياان
نتي ملي خرجتي من عند ختك مدرتي حتا حادث
نتي طلاقيتي بواحدة سميتها اسيل ذاتك معاها لقصر ديالها هيا وخوها عصام دوزتي معاهم غير شي اسبوع وسافرتو لأكادير لعند قصر عائلة سلطان... بدا كيعاود ليها كولشي من الأول حتا الأخر وهيا كتسمع ليه بصدمة حتا كمل كلامو كاامل
فؤاد:هادي هيا الحقيقة ولكن اكيد هادشي لي قالو ليك ديال الحادث غير كذوب شي خطة من المجهول لي خطفك...
نور مخرجة عينيها دموع هبطو من عينيها ناضت وقفات :ممميمكنش هااادشي كلووو وقع وانا معاااقلاش "سكتات شوية" علاش لي نتا متكونش كضحك عليا بهاد الهدرة؟؟
فؤاد ناض تقابل معاها:كنت عارف غتقولي هاد الهدرة"خشا يدو فجيبو وجبد تلفون دخل لصور" هاكي شوفي..
شدات تلفون بيدها لي كيترعدو وهنا تحلو عينيها على حدهم وقلبها كيزدح يزدح كانت صور ليها مع اسيل وعصام...
فؤاد فهاد الهدرة لخرة حاول ميشوفش فيها مقدش يقول ليها راني ضربتك..
فؤاد:نور فهميني انا غلطت حيت متيقتكش ولكن راه صعيب على شي حد يتيق داكشي انا ندمت ولكن حتا فات الفوت "حط يدو على حنكها" نتي ملي تخطفتي بقيت انا بلا عقل مخليت فين قلبت
نور"بعدات منو رجعان لور" دبا شنو ندير انا باش نتفكر اش وقع ليا شنووو
فؤاد تفكر كلام سارة:نور واش كتيقي فلبنت لي نتي ساكنة معاها؟؟
نور:اه هاديك راه بحال ختي
فؤاد:منصحكش تيقي فيها سمعتها صباح قالت شي كلام فتلفون خلاني نشك بلي كدير ليك شي حاجة"قال ليها فؤاد شنو سمع وهيا مصدومة...
نور:لا لا ساارة اكيد فهمتي غلط
فؤاد:متأكد بلي كدير شي حاجة واش مكتعطيك حتا شي دوا ولا شي حاجة فالماكلة مكتحسي بتا حاجة غريبة؟؟
نور سكتات كتفكر حتا طاح فبالها العصير لي كتشرب يوميا:لاااا ميمكنش
فؤاد:شنو تفكرني؟؟
نور:كككتعطيني عصير كل ليلة وكتقلق إلى مشربتوش 😱😱بلاتي لبارح مشربتوش وبديت كنحلم بناس غراب وفاخر الحلم شفتك نتا
فقصر سلطان أزار خارج من بيتو باش ينزل لتحت ياله دار مع الممر حتا كيشوف جوج خدامات فيدهم سلات ديال حوايج مسخين ووحدة فيهم هازة قميجة بيضة كتشوف فيها وكتهدر هيا وصاحبتها..
.... شوفي هاد القميجة فيها لعكر
... ديالمن هادي؟؟
ديال ميسيو رضوان لعجب هو متيخرجش ومكتجي عندو حتا وحدة منين غيجيه لعكر؟؟
أزار بسرعة مشا عندهم حتا وقف عليهم وهو يخطف القميجة من يد وحدة فيهم وفعلا لقا ليطراس ديال العكر جمع حواجبو بتسائل منين جاه هادشي!!
دوا بصوت قوي:ديالمن هادي؟؟
... ديال ميسيو رضوان اسيدي
أزار كمشها فيدو ولاحها وهو يقلب طريق لبيت رضوان..
مشا تيدق مكاينش جواب.. دور لبواني متحلش ليه الباب زاد فغوباشتو..
وهو يرجع لحق على الخدامات آمرهم يجيبو ليه ضوبل سوارت بيت رضوان فدقايق قليلة جابو ليه السوار مشا رجع لبيت رضوان وهو عقلو كيدي ويجيب حلو دخل كان متوقع يكون ناعس وساد عليه ولكن ستغرب ملي ملقاهش فغرفتو اذن علاش ساادها..
كالسة فصالون مقابلة مع تلفازة جسمها حاضر ولكن لعقل غايب لي شافها يقول متبعة مع الفيلم لابسة بيجامة بشورط قصير خفيفة وجامعة شعرها كعكة مهملة... فيقها من سهوتها صوت سارة...
سارة:نور!! نتي هنا ممشيتيش لخدمة؟؟
نور هزات فيها عينيها تتشوف فيها شوفة فشكااال وكلام فؤاد كيدور ليها فراسها كتسائل مع راسها واش فعلا سارة وحدة غدارة واش ممكن تبغي تأذيني ياك هيا عشرة ديال صغر. لهاد الدرجة الإنسان ممكن يطعنك فظهرك وينسا صداقة بسهولة!!...
مشات سارة وبقات نور متبعة ليها العين حتا غبرات نزلات دمعة من عينيها... بسرعة مسحتها خايفة بزاااف تصدم فصاحبتها ويطلع شك فؤاد فمحلو... وجعات عينيها لتلفازة وهيا كطلب من الله تكون سارة بريئة ومتكونش غدارة كيف غدروها لي من لحمها ودمها...
عند اسيل كالسة فبيت رضوان كتشوف لجبهة الحيط طالع ليها الدم مقلقة وهو حداها...
رضوان:اسيل مبغيتكش تقلقي عليا صافي سمحي ليا يمكن زدت فيه مخصنيش نبزز عليك شي حاجة واكن حتا نتي فهميني ياك حنا كنبغو بعضياتنا اذن عادي تكمل علاقتنا
اسيل دارت عندو مقلقة:رضوان انا كنبغيك بزااف والى انا رفضت داكشي لي نتا باغي هادشي ماشي معنيتو راه مكنبغيكش لا بالعكس كنموت فيك ولكن بغيت حتا نتزوجو
رضوان :خلينا نتزوجو ليوم قبل غدا؟؟
اسيل:ناضت وقفات كتحاول متشوفش فيه:اووه ارضوان مبغيتيش تفهمني مبغيت نتزوجو حتا نخرجو من هاد لبلاد مبغيتش نبدأ حياتنا زوجية فهاد لمدينة لي خدات ليا واليديا فهمني عفااك..
رضوان ؛ناض وقف شدها من خصرها كيبتاسم وعينو فعينيها ونطق بصوت خفيييف وهادئ:فخبارك كنشوف فعينيك كنحس براسي كنغرق وسط منهم هايجين كثر من هيجان البحر...
غير دخل الحمام هيا مشات لفيسط ديالو كتقلب فيها على تلفون ملقاتوش لاحتها بغضب وهيا كتفكر اش ممكن دير باش تخليهم يشكو فيه طاحت عليها فكرة وهيا دوز تجري لكوافوز
كتقلب فيه بسرعة وكتلفت جيهت لحمام حتا لقات شنو بغات كانت ريحة قرعة ديالها صغيرة خشاتها ليه فجيب وكلسات فوق الفوتاي... خرج رضوان كيشوف فيها ويبتاسم وناضت هيا هزات الفيست تلبسها ليها...
رضوان:هه نتي الحبيبة ديما معايا فقلبي وعقلي وروحي ماشي ضروري خاص شي حاجة ملموسة تفكرني فيك
اسيل:وصافي دير ليا خاطري احياتي... تلاحت عنقاتو وعاودات نفس لقطة ديال القبلة فوق قميجتو وتطراسة العكر...
توادعات معاه وهيا على أمل شي شي حد يلاحض داك العكر فوق قميجتو وكتمنا يكون عصام ويشوف ديك ريحة لي هو عااارف مزياان بلي هاديك هيا الريحة المفضلة لاسيل واللي مستحيل تستغنا عليها لدرجة هو لي ولا كيجيبها ليها كل مرة....
كالس فجردة ساهي كيفكر فرضوان حس بشي حاجة من جيهتو فشكال خصوصا مور مشاف داك لعكر فالقاميجة...كيتفكر هدرت عصام ملي مشا عندو لقصر وعاود ليه شنو شاف...
عصام خاص تعرف بلي حنا مخاص تكون عندنا تقة فحتا واحد كيفما كان وهاد قضية لعكر فقميجتو اكيد موراها شي حاجة ياك هو متيخرجش معندوش علاقات وهو عندو إعاقة ومكانش كيخرج من غرفتو لمدة ثلات سنوات ادن خاصك ديرو حتا هو فلائحة المشكوك فيهم...
فيقو من سهوتو غير رضوان لي كيعيط ليه من بعيد جاي فإتجاعو بكرسيه المتحرك.. بقا أزار كيشوووف فيييه مزيااان كيبان ليه شخص عادي هو عمرو جا على بالو انه يشك فيه شي نهار ولكن هاد الوقت مبقات تيقة فحد.....
رضوان :امم كنت مور لقصر قريب لمستودع كندوور شوية واش كنتي باغيني على شي حاجة؟؟
أزار كيشوف فيه ياله بغا يجاوبو وهو يحرك رضوان راسو شوية وبانت طبعة حمرة جيهت كول ديال قميجة... هنا أزار جمع غوباشتو وشكو زاد كثر من لول ميمكنش هادشي كلو يكون صدفة وهو قالو كنت مور لقصر!!! حس بالقضية ماشي حتا لهيه وقرر يتبع احساسو....
أزار:كنت باغي غير نقوليك اخر اخبار على لبنات.. حرك رضوان حواجبو بمعنا دوي...
حنا أ رضوان قلبنا حتا عينا مكاينش ليهم الأثر هذا لي داهم ذكي بزاااف ويدو وااصلة حنا عشنا حياتنا كلها بلا بيهم... وخا منكرش بلي من كنت صغير بغيت حلم ليا ولكن الدنيا فرقتنا فالصغر وحتا فالكبر يعني حنا ممكتابش لينا نتجمعو..
رضوان هاد كلام لخر خلاه يزير على يديه مكرهش ينوض يقتلو دبا وميسمعوش يقول كنت نبغي حلم...
آزار كمل كلامو وعينو فعينين رضوان لي مكيبان عليه واااالو... . حنا قررنا نحبسو تقلاب صافي 3 شهور دبا مكاينش ليهم خبر كيف شفتي فؤاد مشا برا المغرب يكمل بروجي ديالو وانا هملت خدمتي وحياتي غنساحب من هادشي درنا لي علينا😔
رضوان حس بالفرحة شوية وتزهق ليه الضحكة وتحكم فراسو... :امم غنوقلك اخويا عندك الحق كون غتلقاوهم كون لقيتهم شحال هادي هذا لي خطفهم غبرهم ونتوما ممولفينش عليهم صافي كملو حياتكم عادي والحاج والحاجة غيولفو مع الوقت...
أزار ناض طبطب على كتف رضوان وزاد تحرك من تما وهو حاس براسو شوي وينفاجر شكو فرضوان زاد كثر وكثر وخصوصا ملي جربو بهاد لكلام...
رضوان لي بقا كيضحك تيقول مع راسو انسحابكم جا فوقتو غنقدر نخرج لبنات برا المغرب بلا مشاكل. ههه... ياله غيحرك كرسي ديالو حتا سمع صوت تلفون هزو يشوف المتصل شكون ولكن كطلع ليه نمرة بريفي.. تجاهلها خلاه يصوني حتا قطع ياله سكت وهو يعاود يصوني.... هاد المرة رضوان جاوب على الاتصال....بلا ميقول حتا كلمة كيسمع فقط...
.... اوووه ميسيو رضواان سلطااان حصلتي بين يدي صدقتي كتلعب على كلشي ولكن أنا لا لعبتك قريبة تسالي امم مجاش معاك الكرسي المتحرك رجيلاتك حسن بكثييير هههه
رضوان غير كيسمع فقط حس بقلبو ذقاتو كيتسارعو مقدرش يعرف الصوت كان مبدل كيتسمع بشكل غريب مخلاش ليه المتصل فرصة فين يدوي وقطع...
تملكو الخوف من هاد المكالمة المجهولة. نفس لعبة لي دار لبنات كتعاود معاه ياترى شكون ممكن يكون وشكون لي قدر يكشفو!!!
عند نور لي كالسة قدام مائدة الغداء اللي كتفتح الشهية وحداها سارة كتقطع الخبز... وجدات ليها دجاج محمر وطبسيل شلاضة وعصير الليمون... كل وحدة حداها كاسها
سارة:كيجيتك اصحيبتي نصلح نكون مولات دار،... 😁😁
نور:هههه تصلاااحي علاش لا ازين الله يعطيك على قد نيتك ياربي كيف كديري ليا الله يجيب لي دير ليك الحبيبة مكتر تهليتي فيا 😊
سارة عوجات فمها حيت عارفة لي كتمنا لصاحبتها مكتمناهش لراسها وحلات ليها دغمة فمها بدأت تكح.... نور هزات كأس العصير لي قدامها بغا تشربو ليها غير شافتو سارة وبعداتو بزربة وهزات كاسها شربات منو حتا دازت ليها دغمة..
نور بقات غير كتشوف لبلان لي دارت ليها بقاو يتغداو وكل شوية سارة تقول ليها كملي كاسك... ونور كتقولها حتا تسالي الماكلة
سالاو ناضت سارة تجمع طبلة هيا ونور حتا بقا داك كأس العصير محطوط...
دازت نور لبيتها هازة كاسها وكالسة تشوف فيه وكتسنا سارة تخرج...
فراس درب واقف بسيارتو هو ولكارد ديالو كيتسنا يشوف سارة خارجة باش يتصرف... ملي وصل نور وهو كالس تما مقنطش.. كيتسنا على ناار شوية لمح سارة خارجة من دار غير شافها غبرات هو ينزل هو ولي معاه متجهين لدار نور...
سمعات دقان وهزات الكأس زادت كتجري حلات الباب لقات فؤاد فوجها....
نور:هاك هاك الكأس سربي
شد منها الكأس دار عطاه لكارد لي معاه لي موصيه اش يدير لآخر شدو وداز نيشان لسيارة يقضي الغراض...
فؤاد جا يدور وجهو يهدر معاها لقاها سدات الباب فوجهو... جمع حواجبو من هاد فريفرة. وهو يدق عوتاني.. حتا حلات.. بلا ميتسناها تهدر دفعها على الباب شوية وزاد دخل... خلاها غا حالة فمها فيه... سدات الباب وتبعاتو..
نور:اااشريف اااه وااش سماك الله ولد عمي
فؤاد كيدور عينو على الدار سمعها وهو يتلفت عندها... بدا فيها الشوفة من صبع رجليها اللي مصبغين بالأسود شحال تشهاهم غير ديال الماكلة... تم طالع بعينيه مع صويكاتها البيضيييين لغلوضين وعريانين حتا وصل لفخيضاتها لي مزينهم داك نص شورط لي لابسة... طلع بعينو لخصرها النحيف وصدرها اللي تشها يتخشا وسطو ويغمض عينيه وهو كيسمع لدقات قلبها... ولشفايفها لي مشتاق يتروى منهم شفايف لي عمرو مذاق بحالهم... ولعينيها لي كيخليوه اسييير ليها.. حس براسو سخن
فؤاد شاف فيها وطاحت عليه فكرة تقدم عندها بخطوات تقيلة وعينو فعينيها وحتا هيا متزعزعاتش بقات واقفة حتا وصل قدامها فاصل بيناتهم بعض سنتيمترات فقط...
مد يدو حتا دورها على خصرها وجرها عندوو... هيا خرجات عينيها فيه بهاد الحركة..
فؤاد:نوور نتي نسيتي حتا شنو كنت انا بنسبة ليك قبل حشومة عليك
نور:شششكتقصد؟؟
فؤاد ساط ليها على وجها بشوية حتا تبورشات وقلبها زاد كيسرع فدقاتو.. :صراحة حاجة مؤسفة بزاااف تنساي نوع علاقة لي جمعاتنا😔
نور:شنوو كيفاش ولكن نتا مقلتي ليا والو
فؤاد دار على وجهو بتسامة ساااحرة خلاها تبقا ساااهية فييه ياله غتهضر وهو يقاطعها ملي حط فمو على فمها خلاها مصدومة كاع خفتها مشااات فهاد اللحظة حسات بإحساااس فشكاال عليها وفنفس الوقت ماشي غريبة عليها هاد اللقطة حسات بهاد الموقف كأنها فايت دازت منو...
فؤاد ماشي قل منها حاس براسو فعالم اااخر زاد زيرها معاه حتا تأوعاه فمو كأنها عطاتو إشارة يباشر فتقبيلها بكل اتقان كيرتاوي من الشفة الفوق مكيسخاش وينزل لوخرة...
هيا مستسلمة كليا عقلها راافض ولكن قلبها مخليها مقادرة دير حتا حركة كتقلب فأعماااقها على هاد اللقطة فين فايت وقعات ليها عقلها كيحاول يرجع ليها ذكرى لي تنسات ليها.... وهيا كتزير على رأسها ومصرة توصل لهاد الاحساس لي حساتو فين وقع قبل وكيفاش... بكثرة الضغط لي دارت على دماغها فقدات توازنها... اللشئ اللي خلا فؤاد يفصل القبلة ويشدها مزيان لاطيح وهيا سدات عينيها بألم لي فراسها...
فؤاد:نووور مممالك مممالك شنو وقع ليك؟؟؟؟
هزها بين يدو حتا حطها فوق سداري وهيا شادة فراسها لي كيعطيها ألم قوي... ااااه راااسي راااسي كيضرنيي بزاااف..
فؤاد:واااش عندك شي دوا كتشربيه على قبل رااسك
نور:اااه فصاااك عفااك سربي رااسي غيطرطق اااه
مشا فؤاد بزربة كيقلب على صاكها حتا لقاه جبد منو دوا قرااه عرف بلي هو لي بغات جاب ليها كأس ديال الماء عطاها حبة منها ودوزاتو بالماء...
بقاو دموعها كينزلو وهو متأسف على حالتها حس براسو هو المذنب فهاد شي لي وقع دبا معرفش علاش ضرها راسها على غفلة..
فقصر سلطان رضوان فبيتو فالغرفة السرية كيراقب كميرات بيتو شكون دخل بان ليه بلي أزار لي دخل ولكن مكاينة حتا حاجة لفتات انتباهو ولكن مور ديك المكالمة حس بالخطر كيحوم علييه
خرج رضوان من بيتو مشال للمصعد حتا نزل لتحت سول لخدامات على أزار خبروه بلي فجردة ومشا متاجه عندو...
عصام هو وأزار فجردة كل واحد تيفكر فهاد بلان جديد لي خرج ليهم...
عصام:هاهو جاي
دورو عينهم ليه وهو جاي بكرسيه المتحرك كيبتاسم ليهم من بعيد وهو حاس بالأمان من جيهتهم وصل حداهم تبادلو أطراف الحديت شوييية
شاف عصام فآزار وغمزو بسرعة..
عصام:سمحولي نمشي لحمام... ستأدن منهم وناض وأزار مطول الحديث مع رضوان...
عصام تاجه نيشان لبيت رضوان حتا وصل ودخل ليه وهو كيدور عينو فالغرفة مشا لبيرو لي تما كيحل لمجورة ويقلب معرفش علاش كيقلب المهم تيقلب وصافي دار على لمجورة كلهم بدون فائدة ملقا حتا حاجة كثير الشبهات مشا كلس فوق الفوتاي وهو معصب ولاو باغين غير حاجة بسيطة لي تخليهم يشدو راس الخيط ضرب بقبضة يدو على الفوتاي حس بشي حاجة قاصحة ضربها بيدو...
حول عينو يشوف شنو كيلقا لافيست ديال رضوان هزها بفضول كيقلب فيها حتا خشا يدو فجيب وجبد العطر منو.... شاف فيه بصدمة قربو لنيفو شمو وهو ينوض وااقف من شدة الصدمة قلبو زدح بالجهد وهو كيتمتم بسميت اسيييل ه هذاا ععععططررر اااااسيييللل....
عصام فلحضة عضلاتو تشنجو عروقو بانو شرار فعينيه لي ولاو حمرين والعطر بين يدو كارز عليه بقوة وهو كيردد عطر اسيييل عارف بلي هذا عطرها المفضل وهو لنفسو كان يجيبو ليها ادن هذا دليل على أن رضوان عندو بد فهادشي وكيلعب موراهم... رجع العطر لبلاصتو وهو مساخيش يطلق منو.. دور عينيه على الغرفة كلها بحقد وخرج بحال البرق حتا لباب مسدوش.. نازل جاهل ناوي على خزيت داز من حدا لمياء مردش ليها البال كل همو يشد رضوان يفرشخو... خلعها المنضر ذيالو وكيفاش وجهو حمر مكيبشرش بالخير... بقات غير كتشوف مفهمات والو....
خرج لجردة متاجه لعندهم وكيشوف فرضوان نيييشان كيف ضاحك حتا قرب ليهم وهو يوقف... كيفكر ويعاود لقا بلي إلى تسرع دبا كلشي غيضيع كلشي خصو يتحكم فراسو ويراقبوه حتا يوصلهم لبلاصة لي فيها اسيل...
رضوان كيجمع مع أزار حتا دور راسو بااان ليه عصام واقف كيشوف فيهم.... مااالك واقف تما اجي هنا😊
عصام كرز على يدو وتحرك لعندهم وهو حاس بنار فلداخل ديالو مدواش خدو وقف ودار إشارة لآزار يتبعو... وداكشي لي كان ناض أزار مشا عندو ورضوان جمع حراجبو مفهمش اش واقع دخلو شك شافهم محركي لجيهة سيارتهم وهو يزيد بكرسيه المتحرك داخل لقصر...
ركبو فسيارة وعصام كيتنفس بالجهد صدرو طالع نازل
ازار:مااالك دوبي واش لقيتي شي حاجة؟؟؟
عصام كيورك على الكلمات بعصبية::هووو هووو ليسى لعب بينااا كاااملييين وانااا متأكد
ازار: كيييفاااش واااش متأكد
عصام:ااااه متتتأكد انا لقيت فجاكيط ديااالو عطر ديال اسيل هذاك العطررر كنت كنشريه ليها بيدي أحسن عطر بالنسبة ليها مكتبدلووش وانا متأكد بلي اسيل لي كتحارل توصل لينا بلي رضوان هو مول لفعلة هدشي ماشي صدفة جوج مرات قميييجتو مطبوع فيها لعكر ودبا ريييحة هدشي كلو غتكون دارتو باش توصل لينا بلي راه معاااه اسيييل ذكية.مكتستسلمش...
أزار خرج عينيه بصدمة حاس بدلتو سخنااات زفر بصوت قوي وجا داير ينزل من سيارة حتا شدو عصاام..... فييين غااادي اصااحبي داكشي لي نتا باغي ددير كنت انا لول غنديرو مخصوش يعرف بلي حنا شكينا فيه....
دار مكبر الصوت بقاو كيتسنطو لآخر الأخبار بلي نور لقاها وشنو وقع ليها... وحتا هوما عاودو ليه شنو لقاو... قطع عليهم خلاهم مدهوشين من هاد الخبر...
عصام :شنو غنديرو دبا!!!
ازار:غنلقا مراقبو خصنا ضروري نعرفو شنو كاين
عصام:فؤاد خاص غير يخرجو تحاليل لي دار للعصير وديك ساعة نشوفو بلان ديك القح**شكون لي موصيها على نور..😡😡😡
عند اسيل مخشية فدوش تحت الرشاشة والماء داافئ كيتكب عليها حاطة يدها على الحيط وكتفكر فهاد المصيبة عرفاتو حمق ماشي طبيعي خايفة لميلاحضوش العلامات لي دارت خايفة لبصح يخرجها من المغرب ويجيب ختها حداها وديك الساعة فيكون شدها من اليد لي كضرها... تفكرات نور وعصام وسالو دموعها مخلطين مع الماء كتبكي وتشهق حاسة بالخنقة عيااات متمثل عليييه وهيا مكرهاتش تقتلو....بقات على ديك الوضعية حتا تنفسات شوية....
فندينة أسفي فؤاد فسيارة ديالو وواحد من رجالو راكب حداه كيتسنا الأوامر... فؤاد شاد بين يدو تحليل مفتحهاش... دق عليه فجاجة راجل كبير شوية بلا ميشوف فيه فؤاد هبط زاج ومد ليه التحليل... خذاها الراجل اللي لابس طابلية بيضة مع نظارات الشوف جبهت صدرو معلقة بطاقة مكتوب فيها دكتور سعيد...
بعد مدة قليلة مد ليه الدكتور تحليل... ميسيو فؤاد تحاليل كتبين بليي كاين واحد دوا خطير فالعصر
فؤاد دار عندو بشوية وقلبو كيضرب خاف ليكون شي سم ولا شيحاجة لي تخلي محبوبتو ضبع منو::شنوووو نطق ديالاش هاد الدوا...
دكتور:هاد الدوا كيخلي الخلايا الدماغية ناااعسين بمعنى إلى كان الشخص فاقد الذاكرة محدو كياخد هاد الدوا والذاكرة كتزيد تفقد مكيخليش دماغ يخدم وعندو اعراض سلبية لي الي بقات كتعاطا لهاد الدوا مدة طويلة غيجيها مرض الزهايمر تتولى تنسا على كلشي حيت كيف قتليك كيقتل خلايا دماغية...
فؤاد تصدم زير على يديه بقوة ودار جيعت الكارد لي حداه ونطق بغضب.. :😡😡هااااديييك القحححح**ليوووم تكوون فأكادييير فبلاصتنا متعطوهاش لا تأكل ولا تشرب متعرررفش راسها فين كاينة وتلفونه يكون عندي😡😡
حرك ليه الكارد راسو وخرج من سيارة ينفد الأوامر...
جبد شيك مدو من شرجم لدكتور وكسيرا بسرعة...
نور فالملهى كالسة فكرسي فمكتب فهد وشادة راسها وكتخمم فهاد لبلان لي عرفات
فهد:ماالك حالك معجبنيش؟؟
نور هزات فيه عينيها ببطئ :اودي حتا أنا ماعاجبنيش حالي غير خليها على الله
فهد:شنو واقع ليك عاودي ليا "قرب وحط يدو على شعرها بحنان" ياله عاودي شنو واقع ليك
نور كانت على سبة بزربة دموعها نزلو على خدها.. ترمات على صدرو كتبكي وتعاود وهو مفهمش مالها حدو كيسكت فيها...
نور:هئ هئ هئ تتتخيل الهد كنت عايشة فكدبة كلشي غدرني افهد حتا من صاحبتي طلعات بنت القحب**مكتسواش علاش كلشي لي عرفت كيغدرني😭😭😭
فهد:نور مالك شوشتيني عليك شكون غدرك شكووون؟؟
تحل عليهم الباب بزربة كان فؤاد لي دخل وهو جااهل ملامحو حاادين شافهم فداك الوضع نار زاادت شعلات فقلبوو..
هزو فيه رأسهم بجوج لمح نور لي كتبكي ومشا طاير عندها نطرها من فهد حتا ضربات فصدرو:ممماااالك شكووون بكاااك شكووون
فهد بقا مستغرب وجامعرحجبانو مفهمش اش قرب نور لفؤاد..
خلا دموعها زادو نزلو ملي أكد ليها غدر صديقتها ولي كانت بحال ختها.. تحركات بلا حتا كلمة دموعها لي كيسيلو فقط...
عند رضوان لي فغرفتو حاس بشي حاجة غريبة واقعة بين عصام وأزار هنا قرر يدخل لغرفتو يشوف كميرات لي داير... دخل تما كيشوف كميرات مبان ليه حتا حاجة فشكل داز لكميرة لي فبيتو غير شافها وهو ينوض واقف مفزوووع كيشوف عصام فاش دخل وكيقلب لبيت حتا للحظة لي جبد عطر اسيل... خرج من ديك الغرفة بسرعة مشا نيشان لفيست ديالو جبد منو داك العطر شاف فيه وعيونو فيهم الشر هزو حتا لفوق وزدح بي مع الأرض... قاطعو صوت تلفون برقم مجهول...
هزو جاوب بغضب:شنوووو بغييتي😡
مجهول:دبا هدرتي بغيت فلوووس كثييير ولا كلشي غيعرف حقيقتك
رضوان:سييير تقووود دير لي عجبك فاتتت الفوووت "قطع عليه وخرج من بيتو على رجليه كيتسلت حتا داز مور القصر من واحد الشرجم فهاد اللحظة عصام وأزار مكانوش تما كانو فقصر عصام... خرج رضوان على برا مشا نيشان لسيارتو ركب فيها وعفط بسرعة مخلي بلاصت روايض محكوكين...
وصل حدا فيلا فين كاينة اسيل لقا لحراسة كيف خلاها وكلاب تما حارسين... دخل وكلشي حادر راسو..
داخل جاهل كل شوية يخربق شعرو كان سقيييل تما كيدور عينو تما ملقا فكوزينة وصالون مبانتش ليه طلع نيشان لبيتها...
كانت كالسة شادة مذكرة ديالها لابسة كسوة صيفية ديال الدار وطالقة شعرها كتفكر شنو تكتب.. حتا تحل لباب وتزح مع الحيط ناضت قافزة كتشوف فيه كيف واقف فالباب وجهو مكيبشرش بالخير وثدرو كيطلع وينزل قلبها زدح بسرعة والخوف تملكها بقات جامدة بلاصتها معرفات مدير...
عند عصام وأزار كالسين فالمكتبركيهططو حتا قطعهم صوت تلفون أزار... هزو ةطلع ليه نمرة بريفي.. ناض واقف كيشوف فيها حتا جاوب... بقا ساكت..
مجهول:أزااار أزااار شخبارك كاين شي خبار على حلم اممم
ازار:دوييي اول القح***فين هيا فييين
مجهول:اوووه اووو تهدنرماي انا للمجهول لي كتقلبو عليه إلى كنتي باغي تعرفها فين كاينة وتعرف شكون مور هادشي كاين شرط امم شنو باليك؟؟
ازار:شنووو بغيتي دويي😡😡
مجهول:غيجي عندكم دبا محامي عندو شي وراق توقعتهم ليا ويعطيك جوا فيه معلومات كاااملبن لي بغيتي والصور شنو قلتي؟؟
أزار جهل ولا غير كيفوت:وخااا وخااا سيفطووو دبا وبربي وطلع كاذب حتا نقتلك
مجهول قطع عليه وبقا أزار غير كيغوت ويشتت
بعد مدة عشرة دقايق كانو حدا لباب لتحت كيتسناو هاد المحامي يجي... حتا كيلمحوه داخل بسيارتو هوما صبرهم تقااادا ليهم.. كان راجل فاواخر أربعين جاي جيهتهم مع ملف كبير فيدو...
عصام :جبد بزربة لوراق...
بتاسم ليهم وجبد لوراق كيعطيهم ليهم...
شدهم آزار كيقرا فيهم وكيزيد صدمة على صدمة هز راسو فعصام..
عصام:شنوو كاين شنوو فيهم
ازار:غنقتلووو غنقتلووو
عصام:وااا درييي شكووون
ازار:اسسسسسد كيلعب علينا بغا تنازل على القصر ومبلغ مااالي كبيير مقابل بلاصة اسيل.. 😡😡
عصام:ولد الق***
أزار هز يتيلو وسنا على لوراق كل همو اسيل مهامو واااالو... كملهم وهو يشوف فالمحامي
فتح أزار الجوا وقلبو كيزدح بالجهد كيلقا صور شدهوم يشوفهم وهنا زاد تصدم من رضوان كان فصورة خارج من لقصر على رجليه وطالع لسيارة.. وصور اخرين حدا فيلا لي فيها اسيل...
جبد ورقة صغيرة قرأها :هاني وفيت بوعدي فعاد الفيلا كنضن كاينة اسيل حيت درت لي عليا وشكرا مسبقا على القصر 😊
كانت واقفة موراه حاطة يدها على فمها بصدمة وكتحرك راسها بلا لا بهيستيرية.. محسات حتا مشات كتجري وهو كان عاطيها بالظهر دفعاتو بكل قوتها من ظهرو حتا جا مكركب مع الدرج وهيا لفوق كتشوف فيه كيفاش كيتضرب من درجة لدرجة وكتغوووت بآعلي صوتها... وتبكي...
بقات كدور راسها يمين وشمال معارفك مدير لي عارفاه هو خصها تخرج من هنا. نزلا بسرعة مع الدروج تخطاتو هو لي طايح ودم نازل من راسو وفمو وتلفو مليوح...
مسا طايرة لتلفون هزاتو وهيا كلها كترجف وجعرها لاسق عليها وكلها حمرة.. كتبات نمرت عصام وهيدها كيترعدو... دارتو عند ودنيها وقلبها كيضرب...
والو مجاوبش خرجات تقلب فنوامر حتا لقات نمورت أزار دوزات نمرتو ودموع محبسوش كل مرة تلفت لرضوان لي طايح...
جاوب أزار وهو كيسب سحابلو رضوان لي صونا...
اسيل:هئ هئ عععتقوووني عتقوووني اننناااا يمكن قتلتووو
رضوان شاف فيها وهوويتبسم جنب وبسرعة غير ملامحو ببرود تقول ماشي هذا لي عاد كان جاااهل:ههه اسيل صعيب يدخلو عرفتي شحال ديال حراس وكلاب برا اممم راه غيموتو غير برا غير تهتاي "نزل يدو معردراعها بشوية وهيا كتنطر حتا حط يدو بين فخاضها وهو يقرصها بالجهد...
حتا غوتات...
وهو كيضحك بحال شي حمق متمتع بغواتها...
فزنقة قريب من الفيلا كاينين سيارات كثييير سوداء فيها رجال صحاااح كيخلعو كل واحد فيهم مسلح مزياااان وعصام وازار واقفين عجابو رجالهم بجوج كانو كثر من 20 سيارة عامرة بلي كارد.. عطاهم عصام الإشارة والكل... تطابق يهجمو على الحراس لي قدام الفيلا نعرفو باش تبلاو.... بدا إطلاق النار كثييير وكلاب كيغوتو كيهجمو عليهم كاين لي تضرب من رجال عصام وازار بقاو كيتستاو حتا تحيس اطباق نار...
رضوان سمع صوت السلاح بدا يفوت مضربش ليهم حساب بلي غيجيبو رجالهم كان متوقع غيجو غير هوما بجوج
اسيل كضحك:شتييي هاهوما جاو غيهنوني منك المريض
رضوان:سكتييييي سكتييييي"جرها من يدها ونزل بيها لتحت مقابل مع باب الفيلا كيتسنا فيهم.. جرها قدامو ظهرها ملاسق مع صدرو وشادها كارز غليها بمرفقو جيهت عنقها وهيا كتنطر... مد يدو بجيب وجبد جنوية ماااضية كتلمع....
هيا غير شافهتا شهقات وزاد خوفها اكثر من اللول...
كيشوف باي الفيلا كيزدح وضربات رصاص فيه باش يتحل... وهو ملاصق راسو مع عنقها كيشم فيه بطريقة غريبة...
واخيرا تفرع الباب ودخل منو عصام وازار وبعض الحراااس... هنا كان لقاء بعد ثلات شهور... قلوب تهزت فهاد اللحظة والشهقات تعالاو فالمكان..
كتشوف فيهم بجوج وكتبكي بصوت مرتااافع وكتردد سمياتهم على فمها...
رضوان كيشوف فيهم وكيسمع سمياتهم على فمها بغا يحماااق... رضوان :سكتيييي سكتيييي "شاف فيهم" صااافي رصلتو ليااا اممم ولكن متحلمووووش غتدووها معاااكم حيااا مستحييييل نخلييي ليكم روووحي
رضوان مبقاش قادر يزيد يسمع هاد لكلام غوت فرجها :سكتتتتتتيييييي
هز يدو لي فيها الجنوي حتا لفوووق وغرسووو ليها فكرشها وخرجو وغرسو فكرشو. وهو مزال شاد فيها نزلو بجوجهم للأرض طاحت دمعة من عينو... ونزال شاد فيها طاح فوق منها وهيا حالة عينيها ودموع كيسيلو...
كيدوي بصوت بقطع :نن موو توو بببجووووج نتتي. روووحي بغيييتك مننن قلبيي... مال لجنب طاح حداها حيد لموس من كرشو وفوت غوتة ترددات فالمكاااان وهو يشد يدها بسرعة حطها على جنوي وحط يدو فوقها وعصام وازار عاد فاقو من صدمة وغوتو بزوووج..
شاف فيها ونطق نعطيك قلبي ونقتلك ومنشوفكش مع واحد آخر.. هزو حتا لفوق وغرسو ليها جيهت قلبها حتا تهزات وتحطات خرجو منها وغرسو فقلبو ودموعو نازلين....
فكلينيك كالس كل من أزار وعصام ونور وفؤاد... كل واحد ساكت وكيشوف... أزار لي حالتو حالة محيدش من قدام عينيه صورة حبيبت قلبو وهيا كتطعن...
عصام لي مقهووور يدو ملوين بالفاصمة لي لقاها قدامو كيشخشخها... فؤاد حدا نور كيواسي فيها وهيا عينيها منشفوش من دموع...
عصام:علاش عاود وقع ليها هكا ياك من يومين دبا جبناها كانت مضروبة ونقدتوها وعلاش وقع ليها نزيف...
دكتور:الأنسة حالتها كانت خطيييرة بزااف فقدات دم كثير وربي وقف معاها هيا من الحالات النادرة لي عندهم القلب فالجانب الأيمن كون كان قلبها فليسر كون أكيد مستحيل تعيش حيت سكين تغرس بطريقة قوية كون قلبها تما كان غيختارقو...
وشخص لي جبتو معاها مكانش بحالها للآسف قلب ديالو فلجيهة ليسرى داكشي علاش مقدرناش نعتقووه 😔
الكل حدر عينو معرفوش واش يحزنو ولا يفرحو حيت رضوان مات هو تعداا حدودو كان غيقتلها وهو بنفسو قتل راسو وهو مور عدابهم ولكن كيفما كان الحال كيبقا انسان بقا فيهم مبغااوش نيهايتو تكون هكا...
أزار رجع بأفكار ليومين قبل نهار الحادث بالظبط ملي شاف شنو وقع قدام عينو كان غيحماق صدمة خلاتو جااامد بدوون حركة كيشوف فيها كيف غارقة فدمها هيا ورضوان وضربة جيهت قلبها بقا مسمر بلاصتو.. عصام لي مشا كيجري لعندها وكيغوت على أزار لي كيسمع صوت بعيييد وثقيييل... طاح على ركااابيه وعينو عليها وعلى عصام لي ةيغوت على رجالو جاو هزوهم بسرعة وعصام كينوض فأزار لي كيردد فقط بكلمة ماتت.... هز عصام بدو حتا لفوق ونزل عليه بجهدو كااامل لوجهو كان خاصو يدير هكا عرفو تصدم عرف بلي عقلو وقف فهاد اللحظة... تصرف ديالو كان صحيح هاد الصقلة خلاتو يستعقل وناض جاااهل كيغوت بسميتها....
فيقو من سهوتو صوت الباب لي تحل هز راسو بسرع كيشوف فالممرضين جارينها فبياص ديالها مغطية بيزار بيض وسيروم فيدها مغمضة عينيها وجامعين ليها شعرها مغطينو... ناض بسرعة لعندها وتبعوه لوخرين كيشوف فيها كيف غايبة على الوعي ديالها وجها صفر فمها مفيهش اللون.. تحت عينيها فيه شوية زروقية وجنب فمها مضروب... الكل تاسف لحالتها لي كتبين شحاال تعدبات...
دازت يومين اخرى واسيل مزال مفاقت كلشي العائلة واقفة حدا الباب كيتسناو بفارغ الصبر بعدما دكتور خبرهم بلي ستاجبات وحلات عينيها خاصو غير يعاود يكشف عليها ويتأكد بلي مغتعاودش دخل لشي غيبوبة....
الكل على اعصابو ولجدة والحاج غير كيبكيو....
اخيرا تحل باب الغرفة خرج طبيب مبتسم عندهم.. دور عينو عليهم كاملين:الحمد لله على سلامتها وسلامتكم الأنسة فاقت وكلشي عندها مزيان ولكن...
ازار:شنووو لي ولكن كمممل..
دكتور:رآها مكتستاجبش لكلام داخلة فصدمة رافضة تنطق كتسمع وتشوف ولكن مكتجاوبش هادشي لي داز عليها على حساب مقلتو ليا كانت مخطوفة... خصكم تردو ليها البال وتحاولو تخرجها من هاد الصدمة... كنتمنا ليها الشفاء دبا تقدرو دخلوو..
كمل كلامو وهوما دخلو لعندها متلهفين بشوفتها... كانت متكية فسرير حالة عينيها كتشوف فسقف كترمش مرة مرة سمعات أصوات الأقدام مكلفاتش راسها دور بقات على وضعتها...
الحاج والجدة وصلو حداها كيشوف فيها بشوق كبيير ودموعهم نازلة على خدودهم المجعدة...
جدة:بنتتيي😭😭حبيبتي نوارة ديالنا اهئ هئ هئ
الحاج:نزل قبل جبينها حلم بنتي لحمد لله لي رجعتي لينا "هز يدها قبلها وطاحو دموعو على يدها... دورات راسها عندهم بشوية وجها ذااابل عيونها، عامرين بدموع... زرقتهم اللي من ديما كانت كتلمع دابة باااهتة... نزلات دمعة من عينيها وهيا كتشوف فيهم كيف كيبكيو.. حاسة براسها باغة تهدر يسمعو صوتها ولكن مقادراش صوتها مقجوج... فقط دموعها لي دايزين...
دورات عينيها على باقي أفراد العائلة واحد واحد.. حتا جات عينيها فعينين نوور اللي كتشوف فييها وتبكي.... هنا زادو دموعها كينزلو بغزاارة... مدات يدها لجهة نوور.. باش تجي عندها.. نور فهمتها وجات كتجري حتا لحداها بقات كتشوف فيها وكتردد مع فمها كلمة ختي وكتشهق بالبكا...
حدرات نور لمستواها وكلمة ختي محيداتش من فمها كتعنق. فيها وكتبكي ولوخرا معنقاها ودموع نازلين...
الكل تأثر بهاد ليقاء الكل خانوه دموعو حتا من فؤاد وازار دمعتهم سالت... عصام دموعو خارجين ويضحك وكيحمد الله حيت تلم شمل ختو وصديقتو وحبيبتو وكلشي...
أزار شافها كيق معذبة ماقدر تنطق بحتا حرف حدر راسو وخرج من تما وهو قلبو كيضرو حاااس برووووحو كتخنق...
الكل سلم عليها وكلسو حداها كيحاولو يضحكو ويواسيوها وهيا كتشوف فيهم مرة مرة يخونها دموعها... كتقلب بيناتهم مبانش ليها أزار ملي خرج مبقا جا عندها..
جا طبيب يفحصها ويعطيها مهدئ باش تنعس وترتاح على قبل الجرح... وداكشي لي كان الكل خرج وخلاها تنعس...
داز نهار وجا ليل كلشي مشا لقصر عصام لي رحب بيهم بعدما أسد ستولا على القصر بعدما خداو حرايجهم منو وسمية سلطان تحيدات منو...
الكل فرحان برجوع لبنات ونور كتحاول تأقلم مع هاد الجو العائلي لي فقداتو من زمااان
فكلينيك متكية اسيل كتشوف فجرجم لي محلول شوية ونسيم خفيف كيضرب على وجها..
تحل باب الغرفة دخل منو بخطوات تالتة وقلبو كيضرب بجهد بحال إلى أول مرا غيلتاقي ليها... وفعلا راه اول مرة غيشوفها بصفة حلم عشقووو جات عينو نيشان عليها ككيفرساهية فشرجم... محساتش بيه.. تقدم بخطوات قلال لجيهتها وهو ينطق بصوت خفيييق وحنين
.... حلم
تلفتات لعندو كتشوف فيه حسات بقلبها كيضرب تلبكات.. عينيها فعينو ضارب فيهم ضوء القمر...
قرب ناحيتها بشوية... وكلس فكرسي حداها.. وهيا غير متبعاه بعينيها...
ازار:حمد الله علا سلامتك خفنا عليك بزاف
حركات ليه راسها بمعنى شكرا...
حدر غينو بيدها وهو يشدها بين يدو... هزها قربها من فمو وهو يستنشق ريحتها وطبع قبلة خفيييفة على يدها..
لسيل غمضات عينيها معارفاش باش حسات احساس فشكااال....
دورات راسها لجبعة الشرجم وكتفكر اهانتو ليها فكل مرة كان شافها وهيا تخطف يدها منو بسرعة...
شاف فيها بستغراب بهاد نطرة لي دارت هز فيها عينو لقاها كتشوف فشرجم وجامعة يدها عندها.. حس بنغصة فقلبو وهو كيتفكر شحال من مرة هانها وقلل منها... ونعتها ببنت البيان غلط فيها بزااف حكم عليها غير من المظهر...
ازار:حلللم اناا كنعتادر
اسيل هزات يدها بمعنى سطوب وشافت فيه مخنزرة وحركات عينيها جيت الباب بمعنى خرج من هنا..... عاوديت دورات وجها لشرجم...
شاف حتا عيا وفضل ينساخب حيت هيا ماشي فوضع ديال نيقاش اللهم يخرج ويخلي كلامو لمن بعد.. خرج وهو معاجبو حال سد لباب... ومشااا
هيا رجعات دورات عينيها لجيهة الباب ونزلات دمعة من عينيها كتشوف بلي دموعها ولاو على سبة واش هادي هيا اسيل ديال شحال هادي!! هاد الدنيا كسرتها بما فيه الكفاية حطماتهااا..
حطات يدها جيت صدرها ليسر وليد لوخرة على كرشها وهيا كتفكر الإحساس لي حسات بيه فلحظة لي تطعنات احساس..فعلا إحساس صعيييب عمرها توقعات انها تعيييشهياي عااارفة بلي عندها قلب فليم من زمااااان اكيد راه غتحس بيه ولكن متوقعاتش ترجع تحل عينيها بعدما سداتهم...
غمضات عينيها بجهد وبدأت تبكي وتفكر فواليديها وسيناريو حياتها كلو داز من قدامها..
بقات هكاك حتا غفااات.
بعد ساعة تقريبا تحل باب غرفتها ودخل منو شخص لابس الأسود كولو وماسك على وجهو كيشوووف فيها مزيااان كيف ناااعسة...
قرب حتا لحداها
..... عند باالك دبا نجيتي من لموووت
راكي غاالطة دبا عاد بدا لعبي معاك ودم لي ساال مغيمشي مع لما اسيييل..
عطاها بضهرو ونساحب من ديك لغرفة وكلينيكس كااامل..
فقصر عصام الكل مجموع وصوت ضحكتهم واصل حتا لبرا.... لقصر مزين بطريقة رائعة وراقية كلو ورود لي عطات رائحة خطيييرة فيه... أضواء جردة شاعلين والخدم غادين جاين جيهت جردة فيدهم اطباق بكل مالذ وطاب... الكل مجموع فكلسة متكونة من فتويات قريبة من لبيسين.... كل واحد شاد بلاصة ودايرين بلاصة لحلم وأريج بيناتهم...
حلم لي كانت متسطحة شوية على حساب الفتحات مخصهاش تكلس نيشان وحداها اريج شادة يدها مرة مرة تقبل ليها يدها وراسها واسيل كتبسم ليها وتمد يدها لشعر ختها تلعب فيه...
الكل فرحان من قلبو والحاج والجدة ضحكة مفارقاتش فمهم كيفاش غيحزنو وهوما كيشوف جوج وريدات حداهم رجعو لهم بعد سنييين من غيااااب.. كيحمدو الله ويشكروه لي بقاو عايشين حتا لهاد اللحظة وحفايدهم معاهم... وخا الغصة ديال ولدهم وبناتهم سباب المشاكل ولكن يستاهلو لحبس هو بلاصتهم...
أزار شاد واحد القنت جنب الآب ديالو وعينو على أسيل لي ملي جات مكتلاقيش عينها بعينو... تنهد بتعب عارف طبعها كيف داير وعارف بلي صعيييب يراضيها ولكن على قبلها يصبر لكلشي...
ناض عصام نغز نور باش تنوض تخليه يكلس حدا اسيل وهيا تهز عليه حواجبها وقربات لودنو:شووف اخويا ياك انا كنعرفك من شحااال هادي وخا معاقلاش عليك ولكن غير دور تقود مغنوضش من حدا ختي"بعدات من ودنو وهيا تبتاسم فوجهو بتسامة بريييئة...
عصام حتا هو مسالي ليها جرها من حنكها حتا حط فمو على ودنها:وحيت كنعرفك غتنوضي تهزي ترمتك من هاد القنت خليني حدا حبي" قرصها من دراعها حتا ناضت مخنزرة وكتنطر خلات ليه لبلاصة...
هادشي كلو و داز قدام عينين فؤاد لي لبولة لحمرة بدأت كتشعل ليييه شاف فنور وبصدفة جات عينيها فعينيه وهو يضربها ليها بتخنزيييرة حتا بقات غا كتعجب وهيا ضربهالو بتخنزيرة معطلاتوش. وقلبات وجها....
عصام قرب حدا اسيل حط راسها على رجليه وهيا شدات ليه يديه كتشوف فيه وشبه بتسامة على فمها...
اسيل غمضات عينيها حطات يدو على فمها قبلتها... نزلات دمعة هاربة من جنب عينيها...
اسيل مسحات دمعتها بطرف صبها بغات تمشي من تما لبيتها وتكون بوووحدها حاسة براسها مباغة تشوف حد كالسة تما بزز شافت فعصام بغات تهدر تقولو بغيت نمشي لبيتي ولكن مقدراتش صوت مكيخرجش ليها... هو كيشوف فيها كيحاول يفهم شنو بغات... مدات يدها لجيبو قاست تلفون دارت ليه إشارة باش يعطيه ليها...
عطاها تلفون وكتبت ليه بغيت نطلع لبيتي.. ناض ديك الساعة وهزها بين يدو بحذر خلاهم كيشوف فيه وهو غادي بيها... خشات راسها فصدرو مبقاش تلفتات موراها...
أزار كالس على اعصابو كيشوف كيفاش منساااجمة مع عصام وهو مكطلع فيه حتا عينيها.. ناض حتا هو بنفضة من تما خلا بأه متبعو بعينيه....
دخل أزار داخل القصر متاجه لبيت لي ولا ديالو... من حسن حضو كان فنفس الجناااح لي فيه بيت اسيل... داز من حدا بيتها لي كان محلول شوية... قرب ليه بشوية كيطل عليهم...
عصام تكاها فوق سريرها وتخشا حتا هو كيلعب فشعرها وكيهدر معاها وهيا مكدبر حتا ردة فعل...
زير على يدو وهو يدوز لبيتو معصب شاااعلة فيه العااافيه...
اسيل شدات تلفون عصام باغا تكتب ومترددة..فالأخير هزاتو كتكتب.... شنو و وقع ليه"قصدات رضوان مقراتش تكتب سميتو...
عصام قرأ شنو كتبت وجمع حواجبو وهو راد لبال لكلامو بعد موصاهم طبيب ميجبدوش ليها حس رضوان حتا تخرج من صدمتها لي خالاتها تفقد النطق...
.... نعسي رتاحي متشغليش بالك بحتا حاجة ناض من حداهازقاد ليها لغطا وباس على رأسها ونساحب من حزتها وهو متهرب من الجواب...
خلاها تما وحدها وهيا عرفاتو كيتهرب منها...
فطريقو لبيتو لمحها غادة عاطياه بالظهر.. جامعة شعرها لفوق مع كسيوة خفيفة تبسم بحب وهو يمشي بسرعة نورها حتا شدها من يدها غفلها داها نيشان لبيتو كانت نيت قريبة ليه... هيا معرفات باش تبلات حتا كتشوفو قدامها محاصرها بيديه ملسقها معا باب الغرفة...
لمياء: واش نتا حمق اش كدييير
عصام كيشوف فيها عينو فعينها وقرييب ليها:أااه حمق ونتي لي محمقاني"نزل براسو لعنقها" ستنشق ريحتها حتا خلاها تبوورش من هاد الحركة لي دار وغمضات عينيها...
هز راسو من عنقها كيشوف فيها كيف مغمضة عينيها وهو يتبسم بجنب وزاد قرب ليها حتا تلاسقو شفايفهم هاد الحركة بالضبط خلات قلبها يلعب ركادة لدرجة حس بيه...
كيهدر بشوية وفمو على فمها:هملنا علاقتنا فهاد الفترة ولكن دبا كلشي غيتقاد....
حلات فيه عينيها نيشان وحركات شفايفها لي لامسو شفايفوو...
كنبغيك...
هاد الكلمة كانت كفييلة باش تخليه ينقض على شفايفها الصغار الرطبين كيقبل فيها كل شفة عاطيها حقها... حتا هيا مجاوبة معاه كدير كيف كيدير... مدات يدها لعنقو.. جراتو لعندها كثر.. حلات فمها مخلية ليه المجال فين يلعب بلسانو كيف بغا...
الكل دخل لغرفتو يستاعد لنوم...
نور دخلات لبيتها لي غتحماق عليه قداش كبييير ومزين بالوان لي كيحمقوها... كانت ياله خارجة من دوش لاوية عليها فوطة وشعرها مخلياه فازك وطايح على كتافها وكدندن وتغني وترمتها هازة مهاز قلبي
واقف مسند على الباب كيشوف فيها ملي ياله خرجات كتغني وتحرك كولها جامع يدو عندو مراقب كل حرك كدير وهيا مزااال مردات ليه البال.... شافها جبدات ملابس داخلية ديالها ناوية تحيد لفوطة.. وهو يخرج عينو وتقاد فالوقفة ونهض فيها بصوتو المدعدع..... نوووور
قفزات فبلاصتها ودارت جيهت الصوت مخرجة عينيها وقلبها كيزدح بجهد حطات يدها على قلبها كتنهج... :اووووف اولد القح***خلعتيني تفوووو...
هو غاسمع شنو قالت وهو يزيد عندها بسرعة وشدها من يدها..... :ااااشش هااااد كلام ديال بيران😡😡
فؤاد دفعها حتا لسقها مع الحيط وجمع ليها يدها بجوج بيد وحدة و لسقهم مع الحيط....حط يدو على خصرهاركيورك حتا تاوهات:شووفي ممستاعدش نبقا لعب مع لقط ولفار هنا غتسمغي شنو كنقوووليك ونسمعك خرجتي شي كلمةرخااسرة بربي حتااا نورييك قباااحتيي وتجمعييي شوييية 😡😡
نور:شوف ابنادم ياكمة شتى راسك بستيني داك نهار وقليلي كتجمعنا علاقة انا راه معاقلاش لا عليك ولا على حتا حد ومتبقاش دوور بساحتي مكنعرفكش نتا ولد عمي فقط😡😡
فواد:هذا هو كلااامك😡وخااا عيني علييك نشوووفك درتي عكس كلامي وذبك ساااعة لينا كلام ااااخر... طلق منها وتحرك جيهت لباب... وهيا كتشوف فيه من لور وتحك يديها خلاهم حمرييين
تفوو وخااا على طب***مك ازا***تحكم فيا اوا دبا نوريك شكنسوا...
نص ليل وهيا مزاال فايقة كتشوف فنقطة وحدة مقداتش تنعس بلا مهدئات لي كانو يعطوها فكلينيك... فيما جات تغمض عينيها كتجي قدامها صورتها ملي تطعنات هيا ورضوان.. وتحل عينيها مفزوووعة...
بدأت كتحاول تحرك من فراشها وحدها كتعافر باش تنوض لفتحة كتعطيها لحريق حلقها نشف خصها تشرب ولما محداهاش...
كتحرك ببطئ فتحة لي فكرشها مزال مبرات كتعطيها لحريق... ناضت شادة فجناب سرير كانت لابسة تحت ديال شوميز ساتان فالكحل.. والفاصمة مزال على صدرها وكرشها... تمشات حتا لجنب الحيط شدات فيه كتمشا ببطئ...
حتا خرجات من الغرفة كان غير ضوء خفيييف لي مضوي داك الممر...
بقات شادة فالحيط حتا وصلات لدروج كتهبط درجة درجة ومخصرة ملامحها من الآلم لي كتحسو...
وقفات فاخر درجة كتنهج حاسة بدوخة.... حطات يدها على كرشها وهيا تهزها عامرة بالدم...
راسها كيدور عليها فورصات على رأسها... جات راجعة باللور..حتا طاحت كالسة صدرات أنيين كتألم والفتحات بجوج حاسة فيهم بلحريييق وشي ودم سايل معا صدرها وكرشها...
كان كالس فالجردة كيتكيف حتا سالة وجا داخل يمشي لبيتو حتا لمحها مع دخلة كالسة فالدروج خرج عينو فينا ومشا.كيجري عندها مخلوع وعينو كيتفحصوها...
أزار:حلللم حلللمم لاااش تحركتي من بلاصتك لاااش... شافها مهزاتش فيه راسها وكلها فاشلة وهو ينزل لمستواها حتا هزها بحذر بين يدو مشافش دم لي فيها...
تم طالع بيها لغرفته وهيا مرخية حتا وصل حطها فسريرها.... هبط عينو لتيشورط لي كان لابس فالبيض لقاه كلو دم...
تصعق وهو يشوف فيها... :حلللم حلللم فيقي... والو مكتردش عليه كتحل عينيها وتسدهم بقا كيحك فشعرو بعصبية معرفش اش يدير... هز ليها شوميز من لتحت يشوف بلاصة الفتحة وهو يزيد تخلع ملي شافها كلها دم... هزها بسرعة ونزل كيجري وهيا كيف ريشة بين يدو... ركب فسيارتو ونطالق نيشان لكلينيك...
دخل كيجري ويغوت لطبيب حتا جاو عندو ببياص حطها فيه وهو جاااهل قلبو غيخرج من بلاصتو.. تابعهم حتا دخلوها لبلوك...
بقا كيمشي ويجي ويغوت غيحماق إلى طرات ليها شي حاجة... بكثرة الحرارة لي حاس بيها نطر تيشورت لي عامر بدمها بقا عريان من الفرق عضلاتو بااارزين والوشم مزين صدرو بطريقة رائعة عضلاتو مطراااسين
ساعة وهو علس اعصابو كلشي لي داز من حداه كيحاول يتجنبو خافو من حتلتو...
خرج طبيب وهو يطير عليييه... :شنوووو بيها قوووليا علاااش. تعطلاوو لداهل😡😡
أزار طلق منو ومشا كلس فكرسي كيتنهد عاد رتاح كان خايف ليخسرها... مخلاوهش يدخل عندها ومشا طاير لقصر يبدل ويجيب ليها حوايجها...
غير خرج هو ومبقا عندها حتا حد فالغرفة.. تحل باب عليها بشوية دخل منو شخص بلباسو الأسود هاز فيدو ابرة... كيلعب بيها من يد ليد.. قرب حتا لحداها كيشوووق فيها من راسها لرجليها وابتسامة خبيتة على وجهو....
هز ديك الحقنة وهو يخويها فسيروم لي معلقين ليها فيدها... خواها كاملة فيه... وهرج من الغرفة بحال إلى عمرو كان....
عادت لتنتقم الجزء العاشر
محتوى القصة
التنقل بين الأجزاء