فؤاد مزال على وضعيتو بلا حتا تعبير متعرف اشنو تحت راسو كيشوف فيها...وهيا كتحاول تقرا ملامحو ولكن مخرجات بحتا نتيجة سكوتو معحبهاش حدو ناض من فوق الكرسي ودفعو برجليه حتا طاح الأرض ونور قفزات خلعها شكلو اللي ولا حمر وعظلاتو تشنجو طلعات فيه عينيها وهيا مرعوبة من الداخل....
ياله غتهضر حتا كتلقا راسها مزدوحة مع الحيط وقاجها بيدو...مجات تستوعب حتا نزل عليها بطرشة شرك ليها لوجه ونيف وفم حتا طار دم من نيفها اللي نزف بقوة الطرشة ....
عقلها مقادرش يستوعب هاد ردة الفعل متوقعاتهاش بمرة توقعات ردة فعل تكون مختااااالفة كليا على هادشي...
فؤاد بصوت معصب كيورك على الكلمات وهو مزال قاجها"شننوووو كيسحاب ليك نتيييي أناااا غبييي غنتييق هاد التفاااهات!!
نور كتحاول تحيد ليه يديه من عنقها حاسة بروحها غتزهق الأكسيحين كتحسو تحبس عليها وجها بدا ياخد اللون الأحمر مائل للأزرق ولات تحل وتسد فعينيها ايدها فشلو مبقاتش قادرة دافع على راسها وهو عاد مزايد كيورك عليها كيتلدد بهاد اللحظة .....
فؤاد دمو كيغلي...شافها غتغيب وهو يطلق منها تا طاحت للأرض على طولها كتشهق وتحاول تاخد أكبر كمية من الهواء كتستنشق بعمق كبير ودموع دايزين وشادة فعنقها اللي طراسة بالزرق...
بقا واقف كيشوف فيها ببرود بحال الى مدار والو خلاها حتا تنفسات رجعات روحها شوية وهو يهبط لمستواها ونطرها من دراعها حتا غوتات بالألم
نور:هئ هئ حرااام عليك دير ليا هكا 😭😭
فؤاد:تستاهلي كثر باغا دمري عائلة كلها بكدوبك!!من الأول كنت متأكد موراك شي حاجة صدقتي جايبة كااااع المعلومات صحيحة باش ملي ثمتلي يكون كلشي صحيح "دفعها حتا طاحت وكمل كلامو"ولكن معايا انا لا هدشي ميدوزش عليا عائلة سلطان اشرف منك نتي 😡 شكون مسيفطك دوي😠😠
نور:دارت يدها بجوج على وجها"والله والله مكنكدب عليك علاش متيقتينيش حيت كتشوفهم غير فالوجه زوين ياك هئ هئ ولكن هادي هيا الحقيقة😭
فؤاد صعراتو لفار غيخرجو من ودنيه تيكره لكدوب وخصوصا عائلتو خط حمر بطبيعة الحال يكدبها مستحيل عقلو يتقبل هدشي وبلي عمو ومراتو وعمتو دارو هدشي مستحيل يصدق"هيا كطلب منو يصدقها وتحلف ليه زادت صعراتو مبغاتش تنازل على كلامها...
نزل حتا وقفها وجمع يدو على شكل بونية وعطاها ليها لكرش حتا غوتات بحر الألم ونزلات شادة فكرشها اللي كتحسها كتقطع نفس حبسها فيها....
فؤاد "بوجه حمر عينين طغات عليهم الحمورية ديال العصاب فأي لحظة يقدر يقتلها"دوي دباااااا ااااه ياله قولي بلي كلامك بالصح ولا صافي كدوبك تحدو القح**
فؤاد:مزال زايدة فيييه😠😠😠مزيااااان "نزل جرها من شعرها وهيا كتغوت وشادة من يديه وهو غادي مرمدها مع الأرض بحال شي زبالة ممراعيش لمشاعرها ولا راهيا مجرد انثى اللي مغتقدرش تستحمل هاد العذاب والضرب.....
باقي مجرجرها وهيا تبكي وطلبو يحبس حتا وصل بيها لدوش ولاحها فالبانيو وطلق عليها الماء بااارد قاد البروكرام ديال الماء حتا ردو بحال ثلج كيتخوا عليها وحابسها بيدو باش متنوضش دموعها سالاو ستسلمات شكون هيا حتا تكون عندها كااع هاد قوة الصبر باركا عليها الصبر اللي صبرات وهيا صغييييرة فعمر الزهور تزيد العذاب حتا دبا ومن نفس العائلة!واش هذا كلو حظ فاشل عندها واش ميمكنش تعيش هانية!!
هو مزال كيشوف فيها محسش ولو بذرة ديال العطف كل همو يربيها على الكلام اللي قالت اللي بنسبة ليه هو باااطل كلام فارغ ممنوش بغات دمر صمعة عائلة سلطان
نور اللسان اللي يطلب مبقاش قادر يتحرك العينين اللي يبكيو نشفو القلب اللي يحس ولي كان فيه بريق من الأمل قتلو طفاه فمرة😔.... مبقاتش كتحرك غمضات عينيها وستسلمات للعذاب جسمها جمد عليها مبقاتش تحس ببرودة الماء اللي ردو فدرجة عااالية من البرودة ......
بقا مراقبها حتا شافها جمدات مكتحركش وهو يطفي الماء بكل برود بحال الى مدار والو وخرج عاطيها بالظهر مخليها تما كيف شي وردة ذااابلة
خرج من دارو ملامحو عااادين شاف فالكارد ديالو عطاه إشارة..جا كيجري عندو وحدر راسو يتسنط لأوامر سيدو
فؤاد:غطلع لفوق لحمام غتلقا وحدة تما تكلف بيها ديها المستشفى ولا لي عجبك مفهوم...
الكارد حدر راسو بإحترام وطلع ينفد اش تقال ليه....
اسيل:عصام مشفتيش نور!!
عصام:لا تلقايها مخشية فشي قنت علاش شنو بغيتيها !!
اسيل:"كلسات حداه رجل على رجل"كنت بغيت نخرجها لمول تاخد حوايج حيت لي عندها قلال
عصام:بسخرية"وليتي حنينة 😏
اسيل:"كتشوف لبعيد"زمان اللي خلاني نكون قاصحة "شافت فيه بجدية"كنتي قلتي ليا سيفطي لي يدير يدير بحث على نور!!
عصام:ناض وقف عاطيها بالظهر "امم سيفط معلومات عندها هوما نفسهم لي قالت لينا حياتها عادية
نور:ناضت وقفات"قلتها ليك ابيبي نتا لي باغي دير فيها محقق كرمبو😏 انا الشخص اللي قتليك جبدو ليا مقدرتيش توصل ليه !
عصام :كتسناي مني نجيب ليك معلومات على شبح !!!راه هذاك X مجهوول معندنا حتا راس الخيط باش نبظا نقلب عليه وااالو
اسيل:بنرفزة"اوووف صافي عرفت ولكن اكيد غيجي شي نهار اللي غيدير شي غلط وغيتكشف شكون هو😏
عصام دار عندها بزربة:متحلميش ا اسيييل هو ذكي مغيخلي موراه حتا ذليل...نسايه دبا شنو درتي فالشخص اللي فالغرفة؟
لمياء باقا غير كتشوف فيه كيفاش كيهضر فهمات باللي شافهم قبيلة:شوووف ممميمشيش باالك بعيد هو هو اللي تقرب مني انا مبغيتش
عصام:هاااء وعلاش كتفسري ليا كنضن هادشي كيخصك انا غير جاتني فشكل تكون وحدة عاد كانت كترومانسا فقلب دارهم ودبا كتبكي "طلع ونزل فيها بشمئزاز"الى بغيتي ديري شي حاحة فمن احسن شوفي شي بلاصة مستورة ولا عندك عادي يشوفك حتا باك"بسخرية"😏وشنو نتوقع انا منكوخا مكنتش متوقع يطلع منك هادشي😏😏 طلق لها هاد الكلمات وزاد فحالو مفيقها غير خبطة ديال الباب
لمياء عقلها مقادرش يستوعب شنو قال :دبا هو قال عليا هدشي كيسحابليه بيني وبين داك الحقير شي حاحة😢هئ هئ علاش لا لا خاااصو يعرف الحقيقة هو أكيد.مشافش كلشي "ولات كتهضر بهستيريا"اه اه هو مشافش كلشي اانا غنمشي نوضح ليه كلشي اه خخخصو يعرر ششنوش كاين غادة بزربة غتخرج مع باب بيتها حتا وقفات فجأة كتفكر....
لمياء:😡"كتهضر معا راسها"شكووون يكوون بسلامة حتا نشرح ليه الى كان هو على سبا خليييه كلهم بحال بحال مخلاليش الفرصة حتا فين غنشرح ليه 😲وعلاش غنشرح ليه من الأساس"مشات كلسات فوق ناموسية كتزعزع رجلها حتا وقفات"اوووف صافي مكيهمنيش يفهمها كيف بغا اوووف لمياء صافي نتي مكيهمكش تهدني تهدني.....
كيتمشاو فالجردة كيبانو كوبل زوين مشابكين يديهم وكيتبادلو الحديث مبيناتهم مع بعض من الغزل والقبلات اللي كتجي من طرف اسد واسيل كتسايرو ببتسامة مصطنعة...
عصام فغرفة اسيل كيمشي ويجي:اسيييل هادشي غريب هيا مكتعرف حتا حد فهاد لمدينة ميمكنش تغبر غير هكاك فجأة من صباح مكيناش وشوفي دبا نص الليل هذا وهيا مليهاش الأثر
اسيل:صافي وقف باراكا درتي ليا الدوخة كلف شي حد يقلب عليها حتا انا مشوشة عليها ولكن تابعني نمشي لديك الغرفة داكشي علاش تكلف نتا وقلب عليها على مكنضن تلقاها غير مشات سهرانة فشي بلاصة راك عارفها طاير ليها
عصام ممقتانعش بهاد الهدرة نور عزيزة عليه بزاف كتجيه انسانة طيبة عفوية بزااف ولكن ماشي من عوايدها تمشي تسهر وحدها :امم صافي سيري نتي محد ازار خارج
واقفة قدام الغرفة المقصودة مغتهنا حتا تعرف شكون هو هاد الشخص اللي فيها واللي عمرهم دواو عليه...طرقات فالباب بشوية مسمعات حتا شي رد وهيا تمد يدها لبواني دوراتو ودخلات بشوية.... كيف العادة الغرفة مظلمة وصوت الموسيقى الكلاسيكية الهادئة ....
مكيبان لها والو من غير السواد دورات عينيها ليمين ديالها بان لها ضوء خفييييف ياله غتخطي خطوة حنا تشعل الضوء فالغرفو وحبسات الموسيقى....كان فالكرسي المتحرك ديالو عاطيها بالظهر...شافتو بتاسمات نصف بتسامة...
....الشخص باقي عاطي بظهرو:كنضن مسمعتيش شنو قتليك البارح!!
اسيل:شنو علاقتك بعائلة سلطان وعلاش نتا هنا بوحدك ؟؟
رضوان:"شاف فيها شوفة طويلة ودور وجهو لجيهة لوخرا
ونطق بستهزاء:😏انا خو اسد خطيبك للأسف...
اسيل"جمعات حواجبها بصدمة"ككيفاش ولكن...
رضوان قاطعها"أكيد مغيكونش قالها ليك 😏حيت أنا خوه غير شرعي "سكت شوية ونطق"يعني انا ولد عماد من مرا اخرى بطريقة غير شرعية كنت نتيجة غلطة وكيف كتشوفي وقعات لي حادثة وانا صغير وضطرات الأم ديالي تعطيني لعماد😏
اسيل مصدومة حيت عمر اسد جبد انه عندو اخ اخر : كنتأسف بزااف نتمنا منكونش حرجتك 😔ولكن علاش مكتكونش لتحت
رضوان "شاف فبها وتنهد تنهيدة خارجة من القلب ونطق بصوت مزير"عماد ممتقبلنيش ولدو انا هنا غير حيت الحاج زير على عماد وكان شرطو اني منبانش بمرة قدامو وقدام العالم 😔وحتا انا متقبل الفكرة حيت واحد بحالي عاجز "غمض عينيه بجهد"معندو باش يفيد
اسيل حسات بنغزة فقلبها بقا فيها عطفات عليه اشنو توقع هيا من عماد داك قاصي القلب ولدو ومحنش فيه حشنان منو حيت عندو اعاقة زادت كرهاتو ...قربات منو بشوية كتشوف فيه بحنان حطات يدها على يدو..بقا كيشوف فيها مستغرب:متقولش بحال هكا نتا باينة قلبك بيض وهادشي اللي وقع ليك مكتوب من عند الله متبقاش تحكر راسك
رضوان "حيد يدو منها ودوا بعصبية"متعطفيش عليا انا مباغيش العطف ديال حتا حد اللي ولدوني وملقيتش فيهم الخير عاد لقاه فيك نتي اللي ممتقربيني بحتا صلة!!!
اسيل "زادت قربات منو"لا متقولش هكا مكنعطفش عليك ولا حكرتك.. ولكن عزيتي عليا"سكتات شوية كتشوف ليه فعينيه "عطيني فرصة نكون صديقتك !!
رضوان "شاف فيها بستغراب"مممتأكدة من هادشي؟؟واسد اللى عرف اكيد مغيبغيش؟
اسيل:اسد معندوش دخل فيا كون هاني...مدات ليه يدها"شنو قلتي دبا اصدقاء😊
رضوان بستسلام"اممم متافق"صافح يدها
اسيل بتاسمات ليه من قلبها حساتو تا هو تأدا من هاد العائلة ومن نفس الشخص اللي أداها "هبطات يدها لساعة وشافت فيه:غادي نخليك دبا من بعد ونجي عندك اووك
غادة بشوية عليها دايزة خارجة من داك الجناح....حتا كتجرها شي يد وتلصقها مع الحيط..شهقات ياله غتغوت تحطات ليها يد قوية على فمها كتشوف فالشخص اللي قدامها عاقد حواجبو ملامحو حرشين كيفتنو بالزين...
أزار"شكديري هنا قتليك متوصليش ديك الغرفة ودرتي الي فراسك😠
اسيل بغات تجاوبو وهو ساد ليها فمها طلعات يدها حطاتها على صدرو العاري باش دفعو....حتا كتحس بشي حاجة فلحم صدرو فشكل بحال شي وشم مخلي ليطراس محفور ياله غتهبط عينيها لصدرو...
دخل عصام واسيل لعندها فعلا بقات فيهم بزااف وكيتوعدو بالعذاب لهادا اللي دار ليها هكا كيتسناو بفارغ الصبر تقول ليهم شنو وقع معاها...
فجيهة اخرى فمكان مهجور وسط مستودع كيتسمع الغوات صوت انثوي كطلب النجدة ....وصدا صوتها كيتردد فالمكان
....اهئ اهئ فكووني شكوون نتوووما وااااش معرفتونيش انا شكووون اااه فكووووني "كانت كلها دم تعرضات للضرب وصعقات كهربائية"سمعات خطوات كيقربو منها وزادت فوثيرة البكاء "هئ هئ عفاكم باراكا عيييت من العصاا نعطيكم اللي بغيتو غير باراكا😭😭😭
الشخص تقدم عندها بلا ميهدر حدو جبد سكوتش كبير لسقو ليها على فمها وخلاها تبكي وتجبد....
فحافة الجرف كالس فوق سطح سيارتو الفخمة كاين واحد الهدوووء غريييب صوت الرياح فقط والسماء السوداء مزينة بنجومها لللي كيلمعو...شاد فيدو كأس من النبيد كيجغم منو ومرة مرة كيحرك راسو يمين وشمال كأنه كيحاول يسوس شي حاجة من بالو ...وفعلا حاول وحاول ومقدرش فكل ثانية كتجي صوة نور بين عينيه وهيا كتبكي...وطلب فيه يحبس...
غمض عينيه بالجهد ولاح الكاس من يدو وغوت على حر جهدو:خرجييييييي من باااالي خرجييييي ماااشييي فؤاد الللي غيتيق وحدة فحااالك اصلا كلكم عاااهرات كللللكم ااااااه
رجع نعس على ظهرو ورجعات بيه الذاكرة لهادي سنتين.....
نسرين:كتبكي لاوية عليها ليزار شادة ليه فرجليه:هئ هئ فؤاااد عفاااك سمحليا أنا ممقصدتش هادشي عفاااك هئ😭😭
فؤاد كيحاول يسوسها من رجليه وهو فقمة الغضب ديالو تخدل وتصدم صدمة خاااايبة :طلقيييي منييي متقيييسينيش بييدك موسخييين""" مد يدو حتا جرها من شعرها بالجهد وطلعها حتا تقابلات معا وجهو دموعها دايزين"
خسااارة ضيعت هاد المدة مع وحدة بحالك "طلع ونزل فيها بستهزاء"نتي مجرد وحدة رخيييصة ..كنحيييك تقنتي دور الشريفة العفيفة
فؤاد:ولكن انا مبقيتش كنبغيك كرهتك"دفل ليها على وجها"مقااامك هو هذا الحاجة الوحيدة اللي مغنديرش مغنحطش يدي عليك كفاية هادشي اللي فيك دبا ...حركها شويا حتا دفعها طاحت حدا الشخص اللي فرشخو فؤاد عصا ملي لقاهم متلبسين فوضعية حرجة 😔
كانت نسرين هيا الحب ديال فؤاد كانت محتجبة بنت عادية فقيرة بغاها من قلبو عمرو خسر ليها...ولكن هيا دخلاتو على طمع كتستاغل حبو ليها وهو تايق فيها وهيا طلعات مجرد عاهرة فقط...من تما فؤاد ولا واحد اخر شخصيتو ولات صعيبة قليل الثقة ولا داير البنات مجرد وسيلة لتفريغ شهواتو فقط.....تخدل من محبوبتو العاهرة...
كارد:مستشفى****ولكن دبا مكيناش بوحدها معاها اسيدي ضيوف اللي عندكم فالقصر حسب المعلومات .معاها اسيل وعصام
فؤاد:امم ملي يمشيو تاصل بيا (قطع)
خشا يدو فجيابو وبقا كيشوف قدامو وكيفكر فالهدرة ديالها...نفض راسو من كلامها وقال مع راسو اكيد شي خطة من شي عدو بحكم عائلة سلطان عندهم منافسين كيحاولو يطيحو صمعتهم للأرض...ولكن اللي تعجب ليه مدام شي حد مسيفطها كيفاش حتا قدرات توصل لأسيل ؟؟طاح ليه شوية الشك فراسو بلي كاينة شي حاجة نااقصة فهادشي وهصو يعرف شنو واقع وخا مستبعد انا عمو يكون مور داكشي ....قرر يبقا الموضوع بينو وبين نفسو وحتا خوه ميقولو والو...
ظلام الليل صديق صامت يسمعك و لا يجيب ،صارحه و تٱكد أنه لن يخونك..🖤🖤
اسيل فجردة ديال المستشفى كل مرة كتنهد طلع ليها كلشي فراسها وزادت شطناتها حالت نور خايفة ليكون المجهول عندو يد فهادشي خصوصا نور مكتعرف حد فهاد المدينة وماشي محاولة اغتصاب اذن هذا اللي دار ليها هكا شكون هو!!
تلفتات جيهت عصام اللي داير رجل على رجل وكيشوف قدامو نطقات بصوت مخلط بالعصبية:عصام نتا غتبقا هنا؟
اسيل:قبل يعميني غنكرضو ماشي اسيل اللي دار بيها😏سو نخليك دبا اه راه غندي طموبيل الى فاقت ديك ختنا عيط ليا باااي
مشات خارجة كتمايل بخصرها باغا غار تمشي لشي قنت تعزل فيه محاملة واللو ركبات وهيا ديماري وتحركات بسرعة خدمات جيبي اس على شي بار زوين من نوع مختالف يكون هادئ.....شوية ديال الةقت وصلات..يكتات سيارة هبطات عينيها للباسها واش مناسب لقات راسها لابسة كسوة كحلة ماشي ديال السهرات ولكن جاتها واعرة بتاسمات بغرور وخرجات من سيارتها وعطات سوارت لكارد ....
داخلة مكتشوف فحتا حد باغا غير دخل تكوانا مع شي كويس وكارو ترد بيه مزاجها تلقا ليه موضف فالطريق داها بلاصة vip هادئة دايرة بفطويات من الجلد وطبلة صغيرة فوق منها سطل اسود فيه ثلاتة قراعي ديال اجود.انواع المشروبات ....وفجنبو كاينة علبة السجائر من نوع الرفيع وحداها مكسرات باش تقطع....
مشات كلسات بتعب ولكن ولكن أنوثثها طاغية عطات اشارة لموضف ينساحب من حداها....ومشا...
تكات راسها على الفوطوي بملل بقات كتشوف فالصقف وكتسمع للموسيقى الهادئة كتحاول ترخي راسها وترجع احدات لي وقعو منهار جات وعلى رأسهم هاد المجهول اللي مرض ليها راااسها....
ناضت تقادات فالكلسة ومدات ايها لمشروب خوات منو فالكاس وداتو لفمها المنفوخ كتجغم مرة مرة وطقطق بظقرها فوق طبلة....باقا على حالها حتا كيقاطع خلوتها الموضف اللي دخل عندها حادر راسو...
هزات فيه اسيل طرف عينها بمعنى شنو كاين حتا جاي مبرزطني...هبطات عينيها ليديه كيبان ليها هاز علبة مربعة صغير فالأسود.. هزات حواجبها وعطاتو اشارة يتقدم عندها ....
لاحت ديك الورقة وهبطات عينيها للعلبة كتلقا هاتف اسود هزاتو شعلاتو كطلع ليها صورتها فشاشة ..شوية وهيا طلع ليها صورة اخرى اللي خلاتها تزيد تصدم كانت هيا وعصام والأب ديالو الله يرحمو ....وفوسط القصر اللي فالدار البيضاء...زادت تأكدات انا هاد الشخص ممعاهش اللعب ويدو وااااصلة....
دخلات بلاصت الفيديوات بفضول تعرف شنو كاين ودخلات لأول فيديو خدماتو وكتزيد تحل فمها بصدمة وقلبها كيخفق....
فيديت ديال عماد وعائشة وكبيرة ملي كانو فالمكتب فاش وصلهم تهديد.اسيل وفاش كبيرة فكرات عماد.بكلي يعني بين يديها دليل بالصوت وا الصورة تبسمات بخبت من هاد الكنز اللي بين يدها ....فجأة جمعات الضحكة وبدا زايد يدخل معاها كدوي بصوت شبه مسموع:كيفاش قدر يوصل لقصر سلطان 😲شنووو زعما غيكون حدايا لا لا ميمكنش زعما شي حد فالقصر اكيد غيكون عندو جواسيس فالقصر هوما اللي ركبو الكميرات فالمكتب ...كتحاول تقنع راسها وخا شاااكة بزااف
مشات دازت للفيديو الثاني مع خدماتو مع طلعات ليها شاشة سوداء فيها كتابة بالأييض :كلشي على قبلك باش تعرفي شحال مهووس بيك وكنعاونك ومتأكد هاد الفيديو غيعجبك بزاااف وهذا غيكون مصير اللي حاول يهرب من انتقامك😈.....ستغربات من هاد الكلمات شنو كيعنيو!!!...تسنات شوية حتا خدم الفيديو محدها كتفرح وهيا كتصدم بخطورة هاد المجهول..
كانت كبيرة بعدما حاولات تهرب خارحة من القصر بلا متهز والو من غير وراقها كاملين المهمين باغا تمشي نيشان لمطار وتسافر لشي دولة تغبر فيها ....ياله خرجات من باب القصر حتا وقفات عليه سيارة سوداء وخطفاتها.....
مكلسينها فكرسي فمستودع قديييم عرضوها بزاف انواع العذاب بلا ميرحموها حتا لماكلة كيعطوها غير الخبز بااايت والماء مكتشوفش الضوء غير الظلام نفس العذاب الى داز على حلم وأريج وهيا كتغوت معارفة حتا شكون هادو كيدخلو عندها ليكارد ملثمين ......
اسيل بقات كتفرج حتا حطات التيليفون من يدها ورجعات راسها لور وكلسااات كضحك يهستيريا حسات براسها تلذذات من هاد الفيديو بزاااف حسات بالمتعة وهيا كتشوفها كتعدب لأول مرة كتعجب بهاد الشخص المريض بالنسبة ليها ولكن هيا معارفاش فين يمكن يوصل الشخص المهوس يقدر يقتلك على انك تكوني لشخص اخر فهذا غير تمهيد ليها نهار دير شي خطوة اللي تخليه غاااضب ديك ساعة غيبان حقيقة المهوس تمنا لو عمرها عرفاتو ....هيا لحد الأن مستاهنة بيه وكتحس براسها هيا الأقوى....
وصلاتها رسالة فنفس تلفون برقم مجهول ...
فرحتك من فرحتي وانتقامك من انتقامي كولشي بيدك دبا انا معاك فكل خطوة والمهلة اللي عطيتك قريب غادي نساليها الى متصرفتيش فأقرب وقت وغنحرمك من فرصة كشف الحقيقة بيدك خلي تلفون عندك نهار غتلقاي الفيدوات تمسحو منو عرفي الوقت سالة ....ذمت لكي مهوووس
جمعات حواجبها من هاد الرسالة اللي فيها أوامر وأعدا شيئ عندها هو يعطيها شي حد أوامر تأفأفات بغضب وجمعات داكشي وناضت من تما بثقة وهازا راسها لسماء وعيونها كيضويو كيلمعو اللي دازت من حداه كتخليه يبقا هااايم فعينيها....ياله غتهبط من الدروج تزيد فحالها حتا كتقابل مع أزار اللي كيف العادة مغوبش طلعات فيه عينيها بصدمة وشك وحتا هو كيشوف فيها شوفة ممفسراش بشبه بتسااامة خفيييفة...طلعها ونزلها وتخطاها وزاد...
خلاها واقفة كتسائل على وجودو وبالظبط فهاد المكان واش هادشي كلو صدفة بدات تشك فشي حوايج من بينهم واش يقدر يكون هو المجهول!!!ولكن ستبعداتو من راسها حيت المجهول كيبغيها ولكن هذا فيما شافتو كيقلبوها صباط نساحبات من تما نيشان لمستشفى على أمل تلقى عصام باش توريه شنو وصلها....
وصلات لمستشفى كتقلب عليه ملقاتوش وحتا نور مزال مفاقت :فين غيكون مشا هذا!!!
بقات ساكتة مدة كتشوف غير فالسقف وكلشي اللي وقع ليها كيدوز قدام عينيها...ونزلات دمعة قهر متسللة فوق خدها..لمحها عصام ومد يدو مسحها وزاد قرب منها....
عصام:علاش دموع انور !!ممولفكش هكا متكونيش ضعيفة قوي راسك ماشي من أول طيحة غتستاسلمي الحياة مكتبغيش هكا...
نور قاسها فالوثر الحساس اللي هو ضعف فعلا هيا كانت ضعيفة وكتخبي ضعفها وجرحها ورا ضحكها اللي شافها ميقولش هادي هازة هموم كثيرة وجروووح عمييقة لكن دبا !!
تالهاد الدرجة ولا كيبان عليها الضعف ؟؟...دورات عينيها لعصام..وشافت من موراه اسيل اللي واقفة بعيد هيا واسد حاسة براسها وحيدة بزاااف كتشوف ولد العدو ديالها معاها فغرفة وحدة...
مكرهاتش تعتارف لعصام بكولشي ولكن مبقاش عندها الثقة كيفاش ولد عمها ومتيقهاش وهو لي وصلها لهاد الحالة وعاد غيتيقها واحد اخر....
نفضات هاد الفكرة من راسها خصها تزيد تصبر كثر من اللول دبا عندها واحد الأمل قليييل انه ختها ماماتتش وخصهها تصبر على قبل هادشي ومتخليش لفرصة لشي حد يزيد يأديها كثر من هاكا الى كانت يد وحدة مكتصفقش ولكن راها كتصرفق تقدر بوحدها تكمل متعول على حتا حد همها دبا هو تعرف اشمن مدينة تحطات ختها مبقاش همها الإنتقام قد اللي هامها تلقا ختها الوحيدة....
نور:شكون قال لقو***تاع بوك انا ضعيفة ههه نوض حيد من حدايا ونتا درتي ليا فيها دراما هنايا اخخخ على بشار 😏
عصام :"بقا مخرج عينيه فهاد المخلوقة اللي ياله كانت فشكل ولات فشكل "سريي سريي القح**انا اللي من لبارح مكروازي هنايا على قبلك."تقلق زعما جغ نايض"....
نور شداتو من يدو :عصااام هه غير كنضحك معاك اجي عندي "حلات ليه دراعها باش يعنقها...
بقا عصام كيشوف ليها فعينيها ميخفاش عليه هو هاد الشوفات مخبية بزاااف مور ضحكتها المزيفة وكيفاش لا حتا ميعيقش بيها وهو سينين عايش مع اسيل عندها نفس النظرة كتبين القوة ولكن عينيها كيبينو العكس ..بتاسم ليها وخشاها فحضنو واسيل واسد.كيشوفو فيهم...
تقدمات عندهم اسيل :احححم نووور
نور حيدات من حضن عصام وشافت فيها...
اسيل:على سلامتك خلعتينا عليك ....هبطات لمستواها وعنقاتها وحتا نور بادلاتها العناق وهيا كتحس احساس فشكل واحد راحة حسات بيها غريييبة وسخاتش طلق من اسيل غير بزز
اسد:على سلامتك انور
تبسمات ليه نور بزز :الله يسلمك شكرا
عصام:ياله ازوينة جمعي الوقفة راه طبيب قال تقدري تخرجي من هنا
نور غير قالها هاد الكلام جمعات ضحكتها تفكرات صاحب دعوتها اللي كارهاه لأقصى درجة زيرلت على ليزار وشافت فيه :وخا مزيان انا نيت مكنحملش السبيطار😔
داخل قصر سلطان عماد فالمكتب ديالو كيمشي ويجي مثوتر وتلفون فيدو كيصوني لختو ولكن طافي طلع ليه دم غبر ليها الاثر سول حتا فالمطار عرف أمها مخرجاتش من المغرب ....
عماااد:اااه فين ممشيتي فين وخليانة حنا هنا د"هز يدو حتا لسما وضرب بيه جيهت باب الكتب "ياااربي شغندييير شغاااااندير صاااافي انا غندمر كلشي غيتكشف كلشيييي 😠😠😠"باقي كيغوت حتا كيسمع صوت موراه اللي خلاه يوقف على الحركة ويبقا مكوانسي...
عماد :هااا لا لا والو غير معصب بوحدي وصاافي شنو جيتي دير هنا اولدي ياكمة عندك شي مشكل؟
أزار ببتسامة جنب"😏أنا خااالي من المشاكل أو تقدر تقول مكنخليش لشي مشكل الفرصة فين يوصلني...وشفتك لبارح ماشي على طبيعتك وشفت عمتي كبيرة غابرة وحتا مراتك لقيتها كتبكي قلت نجي نشوف شنو واقع !
عماد:ههه لاااا مواقع والوو كبيرة اتكون غيير سافرات وووعائشة راك عارف ضروري من خلافات بيني وبيينها
أزار:شاف فيه شوفة حارة حتا خلات عماد يسرط ريقو من ديما كيحس برعب من ولاد خوه أزار وفؤاد وخا هو عمهم ولكن عندهم واحد الهيبة فشكااال:متأكد معندك حتا حاجة بغيتي تقولها ليا !!
عماد "برتباك"لا لا اولدي انا بيخير بلا متشطن عليا 😊
أزار زير على يدو وجمع حجبانو وزاد عاطيه بظهرو بلا ميجاوبو...عماظ عاظ رخا نفسوساط بعصبية ....
أزار غادي غادي خارج من لقصر كلو ولا حمر بالعصاب....ركب فسياتو وتكا راسو على الكوسان غمض عينيه كيتفكر شنو وقع هادي 5 سنين.....
كان أزار غادي لعند عمو يدي ليه شي ملف بخصوص الخدمة حتا وصل لحدا المكتب ديالو وسمع الشئ اللي صدمو صدمة العمر ....
عماد :عائشة ماشي كل مرة يتنادم معاك الحال تجي تفرعي ليا أنا راسي اللي فات فات لعبة لعبناها بثلانة مكاين لاش ديري فيها دبا بلي ندمتي
كانت هادي صدمة لأزار اللي عرف بلي حلم حياتو اللي كان يبغيها ملي مزاااال صغيرة كان ديما كيقول حلم أزار لدرجة بعد موتها مخلا فين كتب سميتها طبعها فوق صدرو بقا كيبغيها وخا هيا ميتة..خواو بيه رجليه بعد الصدمة اللي تعرض ليها مقدرش يوقف خاس براسو فسل دبا محبوبتو الصغيرة حيا !!كييفاشش هادشي عمو عندو إيد فالأمر قدر يوهمهم بلي محبوبتو ماتت وهاد السر فضل يحتافض بيه لنفسو حتا خوه مقالو والو....
ضرب راسو ضربات خفاف مع الكوسان ملي تفكر هادشي ونطق مبين سنانو "غتندمو على حياتكم حق حلم مغيضيييعش غنسا صيلة لي بناتنا 😠😠
لَوْ كَانَ لِي قلبانْ، لعِشتُ بواحدِ و أفرطتُ قَلْبَاآ في هَواكيِ يُعَذَبُ، لَكْنّ لي قلباآ تَمَلَكَهُ الهوىَ، لا العيشُ يحْلُو لهٌ ولا الموتُّ يَقّربُ•
داز اسبوع باش خرجات نور من المستشفى ملي رجعات معاهم للقصر مخرجات من بيتها مشافتش فؤاد من غيرو هو اللي كيتسلل كل ليلة يشوفها وكيرجع يندم علاش شافها...
ناعسة فوق سريرها وحاطة راسها على رجليه وهو كيلعب ليها بخصلات شعرها..
اسيل:معجباتنيش هاد الغبرة ديال المجهول أكيد موراها شي حاجة !!
عصام:كلشي متوقع منو ..اممم انا بعدا بديت كنغير 😏
اسيل:وعلاش ؟؟
عصام:شتك كل ليلة كتمشي عن رضوان للغرفة وتبقاي تما حتا لصباح ياكمة ناويا تبدلي اسد بيه 😂
اسيل:ههه رضواان صراحة كيبقا فيا انسان طيب بزاف وهادئ ولفت نبقا نمشي عندو متأثر من جيهت داك الشيطان ديال عيماد اللي مكيسولش فيه 😏
عصام:اممم دبا يتقاد كلشي مبقاش بزاف...
اسيل:انا بدا صبري ينفد لظابا عماد منفدش داكشي اللي قلنا ليه كيبان ليا مسيفط ليه داك الفيديو باش يعرف بلي مكنضحكش😏
عصام:ههه الى شاف الفيديو غينتاحر ولكن حنا ماشي غراضنا يمةت بسهولة خصو يتفصح قدام كولشي وهاديك أكبر ضربة غتجيه 😏
اسيل"ناضت وقفات اممم حنا أنا داكشي لي بغيت
عصام:شنو غاديري ملي يتعرف كلشي؟
اسيل:نعرف ختي فين ولي غيوريها ليا هو داك المجهول مداك عارف كلشي الا وغيعرف ختي فين كاينة ...نخليك دبا غنمشي عند اسد باي بيبي
مشات كتمايل محاملاش تمشي عندو ولكن عيقات عليه...غادة نيشان لبيتو ...دخلات بلا مدق كتعيط بسميتو مجاوبها حد...
اسيل :فين غيكون هاد الغبي يخ اخر يامي نبدا انا نقلب عليه 😏
خرجات من بيتو غادة متاجهة لمكتب ديالو...ياله غتمد يدها تحل بواني حتا كتلقا الباب مفتوح شوية وكتسمع صوت الهدرة ممفرزاش بزاف ...جمعات حجبانها بفضول وطلات بشوية ...كتستارق السمع....
ياسين:نتا راك اسد سلطان اي حاجة غتقولها لعماد غبنفدها ليك متنساش انه مفضلك على ولدو لي من لحمو ودمو
اسد:هههه أكيد غيفضلني عليه وخا انا ماشي ولدو من صلبو ولكن هو لي ختار يتبناني كيف كتشوف أنا لي واقف على خدمتو كاملة وكون مكنتش أنا ميمكنش يعول على ولدو اللي عاجز ومنفي فدبك الغرفة ههههههه😈😈
اسيل بصدمة عمرها عرفات بلي اسد ولد عماد بالتبني بلا متحس نطقات حتا تلفتو ليها بجوج
اسيل:كييييفااش نتا ماشي ولدو !!
اسد ناض من فوق الكرسي مدهشر :ءءءء أسيييل ششنو كديري هنا
اسيل:غادة وكتقرب عندو:واش هادشي لي سمعت بالصح !
اسد:برتباك"شنننو سمعتي شنو؟
اسيل:نتا ولد عماد بتبني !!
اسد:برتياح:شد ليها يدها قبلهم ونطق بصوت حزين مسطنع:اه احياتي للأسف أنا ولدو بالبني فقط
اسيل:علاش وكيفاش مقلتيلي والو؟؟
ااسد غمز لياسين باش ينساحب ومشا فحالو ...
اسد:اجي كلسي نعاود ليك اووك ""مشاو وكلسو"" دبا عماد كان عند بالو مكيولدش هو وعائشة وقررو من بعد يتبناو شي ولد وكنت انا ومن عائشة حملات بلمياء وهنا كتاشفو بلي هوما كيولدو والمشكل تحل ...صافي .
اسيل:هزات فيه حواجبها"اوا وشكون الولد اللي قلتو عندو ؟؟
اسد"بنرفزة:امممم من بعظ مدة تعرف بلي عندو ولد معا وحدة وقال مع بالو مغيوقعش حمل حيت مكيولدش وصدقات حملات ومسيفطات ليه الولد حتا ولات عندو 23 سنة ملي وقعات ليه الحدثة ولكن هو ممتقبلوش حيت عندو اعاقة والحاح اللي رض عليه يبقا معانا ههه معندو لاش يبان قدامنا ....
نساي عليك احبيبة هدشي هانتي عرفتي كلشي
اسيل:فين هو ولد عماد ؟
اسد"علاش كتسولي مكيهمش أنا دبا معاك شي حد اخخخر نسايه مفهووم
ومات ليه اسيل بواخة وهيا داهلها غينفاجر بالعصاب منو كيفاش تيهضر على رضوان بحال هكا زادت كرهاتو بلا قياااس
اسيل "غنمشي دبا من بعظ ونشوفك
اسد:ياله جيتي
اسيل صافي ضرني راسي من أحسن نمشي رتاح 😊......خرجات أسيل من عندو وهيا طالع ليها الخز فراسها ياله وصلات لنص لممر حتا كيجيها تصال
مجهول:القطيطة كتنسا بزربة امم وخا انا مفكرك كتاشفتي بلي اسد غير متبني ياك ههه شفتك غادة وكتكتاشفي اسرار عائلة سلطان ولكن غتجي حتا ليا انا ومغتقدريش ههه حيت ببساطة حتا نبغي انا عاد ممكن نبان حسبيني بحال شي طيف ديما حداك ولكن معمية ليك البصير عليه
اسيل:الى ساليتي قطع
مجهول"بغضب"بقات ايااام معدووودة فقط وقصيييرة راقبي تلفون نهار يمشيو الفيدوات نهاى غتهزي يدك على الانتقام بمرة وديك ساع غيكون خيار يا إما انا ولا أنا ولا الموت مكاينش غيرو نفهووم ازوينة "مخلاش ليها حتا فين تجاوبو حتا قطع عليها خلاها غتموت بالفقصة ...
نطقات بعصبية:نفضل الموت على اني نكون ليك ولكن مزال محتاجة بيك نتا لي غتوصلني اختي الغبي 😈😈
عادت لتنتقم الجزء الخامس
محتوى القصة
التنقل بين الأجزاء