نور:ناضت وقفت وحطت يدها على جنابها معوجة"ويييلي سحابلي غير بحالي
عصام:سيررري فحااالك راه غنوريك 😠(قاطعاتو نور:)
نور:اااش غتوريني اثااامل راه شحاال هادي قتليك الحمار وعندو 😂😂"هيا دور هربات ليه من البيت خلاتو غير تيضحك ويسب فيها"
خرجات نور كضحك عليه وغادة خارجة من داك الجناح حتا بدات ضحكتها كتلاشى شوية بشوية حتا ولات كتشوف شوفات كلها حقد وشرارة عينيها تحولو واحد الشكل ياربي السلامة وصافي...
فؤاد كان راجع لبيتو حتا تلاقا بنور وهو يبطئ مشيتو كيشوف فيها شوفات جامدين عكسها هيا اللي كتعطيه القرطاس بعينيها...دازت من حداه وقلبات عينيها لجيهة اخرى خلاتو متبعها بعينو حتا غبرااات....
هبطات لقصر لتحت بانو ليها الخدامات كيوجدو فطابلة الفطور تخطاتهم وزادت لجردة مشات نيشان حدا لبيسين كلسات بشوية عليها وحيدات صنيديلتها وخشات رجيلاتها فالماء وكلسات تمنضر فخيورات ربي كتبان سااهية ولكن هيا راه كتخطط كيدير تا تعرف اشمن مدينة حطو ليها ختها ميمكنش توصل لي بغات بوحدها خصها شي حد يعاونها ...
داخل لبيتها كيتسلل بحال شي شفار..وعلى وجهو بتسامة خبيتة وهو كيسمع صوت الماء فالدوش...كلس فوق سريرها الناعم داير ايدو موراه متكي عليهم وعينو متربصة باب الدوش كيتسنا فريستو ايمتا تخرج....
خارجة من دوش بفوطة قصييرة جسمها كيشعل بالبيوضة.. وشعرها الأسود مطلوق كيقطر بالماء وكتنشف فيه بفوطة قصير وحادرة راسها منتابهاتش لشخص اللي كيطلع وينزل فيها بشهوة...غادة بشوية عليها كدندن بأغنية حتا تقابلات مع المرايا...هزات راسها فلمرايا وعاود نزلاتو شويا حتا تكوانسات بلاصتها ممتأكداش من داكشي اللي شافت ....
عصام خرج من غرفتو متاجه لغرفة اسيل حتا كيبانلو ياسين خارج من بيتها كيضحك ويقاد فكول قميجتو...جمع حجبانو بغضب وزير على يديه حتا تبرزو عروقها وقلب اتجاه لبيتها بلا مايشعر....بلا مياخد الإذن حل الباب بجهالة...
لقاها مزال بفوطتها حاطة يدها على الكوافوز كتنهج....سمعات صوت الباب تحل وهيا دور بالزربة سخاب ليها ياسين رجع ناويا على خزيت حتا كتلقا عصام واقف وجهو حمر كيطلع وينزل فيها بنظرة خلاتها ترتابك...
لميا"زيرات على فوطتها وشعرها طايح على كتفها دوات بتمتمة"عععصام!!!
عصام:زاد قربها منو كيدوي بلا ميشعر"علاش طلعتي هكا!!كنت راسم ليك صورة فمخيلتي مختالفة مضنيتكش تكوني بهاد المستوى...
"زاد لسقها معاه حتا ولات نفسو سخونة كضرب فيها "واش عارفة شحال وانا كنفكر فيك شحال بغيتك ليا وحدي!!ولكن شنو نتي عاييشة ليا معا راسك معا "بعدها عليه ومزال شادها من دراعها كيطلع وينزل فيها بعينيه"وها الدليل...
لمياء بقات غير حالة عينيها ممصدقاش هاد الكلام.اللي سمعات مقدرات تنطق بحتا كلمة....
عصام بقا كيشوف فيها كيف ساهية فيه هبط عينو لفمها الصغيور الحمر حالاه شوية بالصدمة...بدون سابق انذار شدها من دقنها ونقض عليها بقبلة شرسة عصبية حتا شهقات وسط فمو وحيد منها وعطاها بالظهر وزاد شااعل...
خرج وزدح باب الغرفة حتا قفزت ورجعت لوعيها وطاحت كالسة للأرض صدرها طالع نازل...بدات كضحك وعينيها كيدوزو بدموع كضحك بفرح ممصدقاش شنو سمعات كيفاش حتا عتارف ليها هكا إذن هو حاطها فبالو كتعجبو😍حطات يدها على فمها كتفكر القبلة حسات بدغدغة فكرشها كمشات حواجبها من هاد الإحساس المغاير اللي عمرها حسات بيه....كيفاش عصام اللي هيا كتحماق عليه من زمان من أول مرا كتشوف صورو فالمجلات وكتشوفو فمؤتمرات وديما متبعا اخبارو فالسر...حتا هو معجب بيها وبغاها ليه!!!مقدراتش تيق هادشي عمرها توقعات هادشي......
اسيل:مااالك عصام شنو وااقع حتا معصب هكا؟؟
عصام كيجي ويمشي فبيت اسيل مرة مرة يحك شعرو بعصبية:كنت غاالط غاالط فيهاا😠😠
اسيل:واااوقف بااش نفهم وشكون هادي لي غالط فيها؟؟؟
عصام:لمياااء
اسيل:😲اويلي متقوليش مزال داير بالك معاها؟؟
عصام:وقف"وشنو كيسحابليك انا كنتفلا راني باغيها من شحال هادي وكنكتاشف ان السيدة عااايشة ليا قصة حب مع داك الزا**ديال يااسيين 😠😠
اسيل:اااي بلانك صعيب ازين سحابلي غير كنتي كتفلا ملي كنتي ضل مقابل تصاورها😏غير تهدن شوبة واش متأكد بلي راهم مع بعضهم؟؟
رضوان:واش بالصح بالعكس أزار ضريف يمكن درتي ليه شي حاجة؟؟
اسيل:صافي خلينا منو جيت بغيتك فشي حاجة كنتمنا تسمعني😊
رضوان:تفضلي شنو عندك؟
اسيل:بجدية"خاصك تخرج من هاد الغرفة شحال قدك تبقا هكا ؟؟
رضوان"جمع حواجبو"اسيل من احسن سيري فحالك😡
اسيل"شدات ليه يديه"رضواان سمعني نتا ماشي مجبور تبقا فهاد الغرفة بحال شي واحد منبود خصك تخىج ويعرفك.كلشي ماشي نتا لي جيتي بوحدك راه هو سبب باش نتا جيتي لهاد دنيا خااصك تتحدا نفسك وتخرج تشوف دنيا وتتحداهم كاملين وتبين ليهم انك ماشي انسان عااجز فكر فكلامي بليييز انا مبغيتكش تبقا غير هنا..
ياله جا يهضر وهيا تقطعو حطات صبعها على فمها"شوووو متقول والو دبا انا غنمشي نخليك وفكر فكلامي ملي تاخد قرارك نمرتي عندك وأنا غنوقف معاك فكل خطوة ..."هبطات باست ليه جبهتو وحتا هو هز يدها وقبلها وشاف فيها بملامح خالية من أي تعبير ونساحبات من عندو خلاتو كيفكر فكلامها...
خرجات اسيل مرتاحة حيت قالت ليه شنو بغات مبغاتوش يعيش حياتو كلها فهاد الغرفة بين ربعة الحيوط عز عليها بزااف بطيبوبتو والهدوء ديالو انسلن بعيييد على المشاكل....
تعاشات لعشيا ونور شادة واحد القنت فالجردة شعرها كيديه الريح ويجيبو كتلعب فالربيع وطالقة المزيكا فتلفون عايشة لحظة...حتا كتحبس الموسيقى وكطلع ليها ميساج...هزات تلفون بستغراب شكون غيسيفط ليها وهيا نمرتها جديدة مكاينة عند حد ...حلات رسالة كتلقا رقم مجهول مطالع والو...زاادت قوسات حجبانها كتردد فكلمات اللي فالرسالة بستغراب ودقات قلبها كيتزادو...
لاَتَجْعَلْ أعْدائَك يَنعَمُونَ بالرّاحَة و سعَادَة...لاَ ترْحمْ اَحدْ ..
إنْتهَتْ لُعْبَتَهُم وَبدَأَتْ لُعْبَتناَ...
ناضت وقفات مخلوعة وتلفون بين يدها كترعد....
نور مشات كتجري شادة تلفون فيدها باغا غير فوقاش توصل لبيتها وسد عليها وتعاود تقرا شنو وصلها...طالعة مع دروج بالزربة مع الدورة اللي غدور مع الممر تزدحات معا شي حد حتا كانت غطيح لوكان مشدهاش....هزات راسها فيه بزربة كان فؤاد...كيشوف فيها كيف كتنهج وكيحس بدقات قلبها على صدرو كيف مجهدين....
نور شافت فيه وهيا دفعو من صدرو حتا طلقها...وهيا تكمل على جراها لبيتها خلاتو متبع ليها لعين مفهمش مالها...
سدات عليها بيتها كتقرا وتعاود فديك الرسالة حماقت بالتفكير عيات تحلل كلماتها وكتخرج بنفس النتيجة ان الرسالة كتوحي للإنتقام...عقلها غينفاجر...
كتمشي وتجي فالبيت وتحك ايدها مع بعض:شكون هذا! شكون من غيري أنا اللي عارف هادشي ..."وقفات فبلاصتها لا مستحيل يكون فؤاد هو متيقنيش وعطاني قتلة ديال الكلاب وغيجي دبا يدير هاد اللعبة لا لا هادشي مكيدخلش لعقل اووووف الله ياربي شهادشي 😔😔
بقات هاكاك فبيتها كل ساعة طل على تلفون عقلها غير تيدور دوك الكلمات وكتشك فؤاد وشوية تقول لا ماشي هو....حتا انها رفضات تنزل تعشا....
اسيل فالجردة مع اسد مسندة عليه راسها وكالسين مرة مرة كيهضرو...حتا كيصوني تلفون اسد...
حبيبة سمحي ليا نمشي نجاوب😊
مشا بعد عليها وهيا بقات مرجعة راسها لور كتشوف فالسما كتحسب نجوم حتا قاطعها صوت رسالة فتلفون تقادات فالكلسة تشوف شنو فيها... وكيف توقعات كانت رسالة من مجهول ....
غتمشي لبيتك غتلقاي واحد القرصة أذن تقدميها هدية لعماد 😈😈
قرات الرسالة وعينيها لمعو بالفرح شافت فاسد ملاهي مع تلفون وناضت من تما بخطوات مسرعة....حتا وصلات لغرفتها ...دخلات كتقلب على شنو وصلها حتا كتلمح جوا كبير فوق كوافوز فوق منو ورقة صغيرة سوداء مكتوبة بالأبيض...
" أَتظنّين أن ظَلام اللَيل قَد يُخيفُني ، فَ والله أنني أقاوِم قوة أكبر مِن هذا العالَم كُله ..! قوة هوسِي بك"
قرات الكلمات بملل جاوها ثقاااال على قلبها....
هزات الجوا حلاتو.. كتلقا صورة كبيرة وهيا مربوطة وجها فيه دم وصورة اخرى وهي مركبين ليها خيوطة ضوء...بتاسمات بحقد وهيا تهز جوا وخرجات نيشان لبيت عصام....
عصام شاد بيسي.. هز فيها عينو :مكتعرفيش دقي؟؟
اسيل:شووو هنينا من صداع واجي بغيتك
عصام:فوتيني دبا خدام
اسيل:صافي واش حتا ونتا هنا غتخدم ياك خليتي لي مكلف ليك صافي نسا
عصام:وصلني واحد إميل خصني ضروري نشوفو
اسيل:مدات ليه جوا هاك شوف هذا ههه
خداه من عندها شافو...عصام: قلبات عليها ههه
اسيل:ياله ابيبي نوض دير خدمتك حطو فبيت عماد دبا خصو يشوفو باش يعرف بلي مكنضحكوش معاه
عصام:منين جبتي هدشي ؟
اسيل:مجبت والو داك المجهول لي حطو ليا فبيتي
عصام:😲فبيتك كاع هدشي فشكااال ياكمة شي جني هذا
اسيل:باراكا من تفليا هذا اخرتو عندو جواسيس من الخدم فهاد الدار ونبصم ليك عليها
عصام:اممم ياله اري شي بوسة باش نمشي 😉
اسيل:هههه تستاهل كثر احبي
عصام:😍اححح هيا دبا...
خرج عصام من بيتو كيدور عينو فالأرجاء ليكون شي حد تما من حسن حضو مكان حد.كيدور تما...وصل لبيت عماد مد ودنو يحاول يسمع واش مزال فايقين مسمع والو وهو يهبط خشا الجوا من تحت لباب وطار من تما....
أزار:دفع فؤاد وناض وقف "مغتفهمنييييش حيت محاااسش بيااا "نزل حدا وجهو ونطق بصوت مرعب"حللللم محفوووورة هنااا"كيضرب على قلبو"ماااشي غيير فوووق اللحم تء تء محفووورة وسط قلبي وفدماغي وفروحي وفمنامي وفواقعي فيييما مشيييت كاينة أنااا مريييض مريييض مهوووس بشي حاجة سمييتها حلم 😡 وكللللشي غندييروو على قبلها هيا..
فؤاد بقا كيتسنط لخوه بلا ميجاوبو عارفو مقسح من جيهت حلم حبيبتو ولكن معندو ميدير ليه بنسبة لبه راها ميتة كون صاب يقدر يحيها ويجيبها ليه بيدو وميشوفوش فهاد الحالة لدرجة ولا كيقول شي كلام غريب مقدرش يفهمو
زاد أزار غادي فحالو كيتمايل مأثر عليه المشروب..تلفت لفؤاد اللي جا نايض يمشي معاه وهو يهز عليه صبعو بتقااالة :متبعنيش غنمشي راااااسي
فؤاد ملقا ميقول من غير يخليه على خاطرو وصا شيفور يتبعو من بعيد حتا يوصل لقصر....
أزار فسيارتو مكسيري مرة مرة كيتمايل فطريق وكيرجع يركز...حتا وصل لقصر وهبط من سيارتو كيحل صدايف قميجتو...وكيتمشا بشوية....
اسيل فبيتها مجاهاش النعاس قررات تهبط دور فالجردة شوية...لابسة شوميز قصير حريري قصير لاحت علبها بينوار و وخرجات من بيتها كتمشا بشوية عليها.....محدها كتقرب لدروج وهيا كتسمع صوت شي حد كيتمشا ويوقف وكلام ممسموعش بزاف زادت كتمشا بزربة تشوف شكون حتا كتلقا أزار قدامها كيبان ماشي طبيعي عينيه حمرين وتخنزيرة مكتحيدش...صدرو العريض كيبان سيكسي وشوية العرق فصدرو...وقفات كتشوف فيه من لفوق لتحت وهو مزال مردش ليها البال.....
بقا حتا وصل قدامها كيشوف رجيلات بيضين مصبغين بالحمر وهو طالع بعينيه حتا لفخاضها...وهيا واقفة كتشوف فيه متبعة معاه الشوفة..حتا ستقرو عينيه مع عينيها وضربو الضو فظيك اللحظة حس بمشاعرو تهزاات وقلبو ضرب ضربة وحدة "زدف" اسيل ماشي قل منو كتشوف فعينيه بثقة فظاخلها باغا تنساحب من تما وتهبط عينيها ولكن شي حاجة قوية منعاتها مقدراتش تزعزع من تما كاينة حرب بين عقلها وقلبها...
أزار مزال عينو فعينيها زاد برجليه شوية حتا لسق منها كيتفس بجهد...كيتبادلو نظرات بلا حتا حركة واحد كيشوف فلاخر...مد يدو السخووونة ليدها الباردة ختا تبورش من هاد اللمسة حط يدها نيشان على قلبو اللي محفورة فيه سميتها
...هبطات عينيها بتتاقل لفين محطوطة يدها..وكترجع تشوف ليه فعينيه وتعاود تشوف فيديها معرفاتش علاش مقدراتش تحير يدها من صدرو حاولات ومقدراتش شي حاجة قوية كتجرها ليه شي حاجة قوا منها.....واخييرا قدرات تزيح صبا يدها على صدرو كتحس بلحم محفور...فيكسات عينيها على شنو مكتوب فصدرو وتهجاتو بدون شعور وبصوت مسموع وثقيل كأنها مخدرة وهو متبع حركات وجها بلهفة وكيستقر نظرو على عينيها اللي كيسلبو
أسيل :ح ل م "عاودات قراتها كاملة"حلم"ضرباتها كيف شي صاعقة قلبها زدح بالجهد بحال الى كيصارع شي هيجان قوي ..هزات عينيها فبه بصدمة وتعاود تشوف فصدرو وتشوف فيه....حتا مد يدو بجوج بغفلة وشدها من راسها وجرها لعندو...فمو معا فمها وهيا صدمة خلاتها مفيكسية حالة عينيها بلا حتا حركة ..
أزار قلبو كيضرب بالجهد مشاعر قوية حاس بيها رغبة كبيرة ...بلا شعور باشر فتقبيلها بحال شي ملهوف مشتاق مهووس..كل الكلمات مكيعبروش على شنو حاس...هؤا مكدير تا حركة كتحس بعقلها تقيييل مقادرش يستوعب اللقطات كتستوعبهم ببطئ...فصل القبلة بيناتهم وقرب حتا لودنها ونطق بصوت مهووس وكلو غرااام :حللم نتتي هناا نتي روحي نتي بين يدي نتي ليا أنا ليك
اسيل نزلو عليها الكلمات بحال الثلج عقلها كيدور الهدرة بزربة كييفاش حلم شنو كيعني هادشي هو كشفني شنو هادشي ميمكنش كيفاش روحو...غمضات عينيها بجهد وحلاتهم ودفعاتو على حر جهدها...حتا كان غيطيح مكانش شاد توازنو بمرة ...هزات يدها ختا لسما ونزلات عليه بصقلة لحنك...وكدير براسها لا لا لا مستحيل وكتمشي بلور حتا دارت كتجري لبيتها ....وخلاتو كيشوف فيها بدا كيستوعب شنو دار...
دخلات لبيتها كتشوف فنقطة وحدة مكترمش عينيها بالصدمة مشات نيشان لبالكون كلسات فالأرض والبرد كيتسلل بين خصلات شعرها...
جامعة رجليها عندها بيديها وكتحاول تستوعب هادشي لي وقع ولي شافت بدات كتسائل بصوت مسموع بطريقة غريبة :كيفاااش هادشي شنو كايعني هادشي واااش غيكون هو داك المجهول!!!..."بدات كتحرك راسها بلا بزربة" لا لا ميمكنش هادشي ولكن علاش....
"ناضت وقفات كتمشي وتجي كتقلب على شي حاجة بطريقة هستييرية حتا لقاتها كانت علبة سجائر...هزات واحد وشعلاتو كتكمي"ولكن علاش كاتب سمميتي فقلبو !!واش قاصدني انا ولا غير تشابه فالأسماء ....
ااه اااه مستحيل يكون هو المجهول وهادشي غير تشابه فالاسماء واصلا ميمكنش يكون هو المجهول حيت انا بالنسبة ليه ولعائلتو انا ميتة...ميمكنش يعرفوني مبغيتهمش يعرفوني دبا...."دخلات تقابلات مع المرايا كتشوف فيها وتهضر"هو غير مشروب اللي لعب عليه وتشابهت ليه أكيييد هادشي لي كاين غير تشابه وحتا لكلام لي قال غير بلا وعي...." نطرات نطرة طويلة وحبسات دخان مدة قليلة وهيا تخرجو من نيفها بطريقة محترفة "صافي اسيل تهدني هدشي غير صدفة....
أزار فغرفتو.."بعدما خدا دوش بارد يصحصح" ناعس على كرشو وشاد نص فسرير بجسمو القوي عظلات مخدومين مطراسين...مغطي نصو بليزار والفوق عريان ..كيبان مبرررد وهادئ عكس قبيلة....
كيشوف فواحد اللعبة ديال المغناطيس كتمشي وتجي بلا توقف...مركز معاها وتينطق بفمو :تيك توك تيك توك تيك توك"""كانو هادو كلماتو فقط متقدرش تعرف شنو فراسو !!! الشئ اللي وقع قبيلة مشغلش ليه بالو....دار نعس على ظهرو مد ايدو لصدرو كيدوز ابهام ديالو بشوية على حروف العشق ديالو بشوييية كأنه خايف يخصر جمالية الاسم...بتاسم شبه ابتسامة ونطق بصوت شبه مسموع ."حُلْمْ" وهو يغمض عينو كيحاول انه ينعس....
🌺🌺🌺صباح جديد 🌺🌺🌺
فغرفة من غرف القصر....هئ هئ هئ شتييي ولا لا شوووف مزيااان شوووف😭😭😭"واقفة عليه كتبكي بهيستيرية وهو كالس شاد راسو بيديه بجوج وكيتحسر على راسو وعلى ختو اللي معدبة وكاينة بين يدين مكيعرفوهمش"
عماد:"كيدوي بصوت كيرجف وهو مزال على وضعيتو"صااافي صااافي سكتيي مناقسنيش بكاااك😢
عائيشة"كلسات فالارض دموع محبسوش وشادة تصاور كبيرة بين يدها"الله ياربي الله ليوم هيا وغدا انا سمعتتييي نوبة غتجي فيا انا 😢😭😭ياك قتليك راه ممعاهمش اللعب قلتها ليك هئ هئ
عائشة:هزات فيه عينيها بحقد ومشات عندو على ركابيها بسرعة وشدات ليه من يديه"ديييير داكشي لي قالو ديييرو هئ هئ مبغيتش نموت نفضل نتشوه قدام العالم ومنموتش معدبة 😢شفتي ختك ياااك شفتيها حاولات تهرب وهذا كان مصيرها أنا مبغيتش هكا مبغيتش😘😭😭
عائشة ناضت وقفات وجها حمر تقابلات معاه"شنووو قلتي شمن مستور دوي شمن مستتووو اعماد كلشي تفضح تفضح اعماااد اللي دار هكا متصعاب عليه حتا حاجة..."بتهديد"شوف فياااا الى نتا مخايفش على روحك فأنا خايفة على راسي وحياة بنتي ناشي بعيد يرزيوني فيها داكشي علاش انا غنعتارف بكلشي اللهم الحبس ولا نموت مقتولا هئ هئ
عماد:شدها من وجها "ممميمكنش هادشي نتي مغاديري وااالو انا غنتصرف سمعتي انا 😡😡😡"دفعها حتا طاحت وهو خرج من الغرفة صاعر وهيا كتبكي وتعاود....
نور اللي صابحة على تلفون بات فيدها فينا ضرباتها الفيقة تدخل تقرا ميساج....كالسة تقرا وتعاود نرا ضحك مرا تكشر :دبا انا كاينشي حد غيعاوني مدام غيعاوني الى ومتيقني اوووف ولكن شكون هو ومنين عرف ياربي غير يعاود يسيفط شي حاجة ياربي 😣😣
...محسات غير وهيا خرجات فشي حاجة حتا طاح تلفون من يدها...شهقات وهزات راسها لقاتو ياسين شادها من خصرها لاسقة معاه وهو كيشوف فيها مبتاسم ...
ياسين:صباح زين هدا ازين 😉
نور:ههه منين جاه زين وانا بحال الى خرحت فحيط مالك اخويا على هدشي كامل "كتمس ليه صدرو بيديها"
ياسين"علاش مالو؟؟
نور:هانتة شوف كيف قاسح"مزال كتقيس وتورك وتهضر ممسوقاش لشدة اللي شادها اللي شافهم يفهم غلط...وفعلا داكشي اللي وقع فؤاد كان هابط تاهو حتا كيشوف قدامو تلفون طايح حدر هزو مع غيطلع راسو كيشوف نور وياسين كيف قراب من بعضياتهم كتبان ليه كتلعب ليه فصدرو وهو شادها ملسقها معاه وكيضحك معاها
...زاد جمع حواحبو من المنظر زير على يديه حتا حس بتلفون اللي نساه...نزل عينو ليه شعلو كيلقا صورتها عرفو ديالها....ياله كان غيلوحو من يدو يشتتو حتا ضربات ليه طن يشوف شفيه ربما يلقا هاد العدو اللي مسيفطها وسط منهم تحرك لواحد دهبلة درق عليهم ....
دخل تيقلب فالمكالمات ملقا والو حتا شي تصال...وتصاور ملقا والو غير تصاورها ...ودخل بلاصة مساجات تيلقا ميساج مفيه لا سمية لا رقم دخل ليه بفضول حتا كيكمش حجبانو من الشئ اللي قرا ...
لاَتَجْعَلْ أعْدائَك يَنعَمُونَ بالرّاحَة و سعَادَة...لاَ ترْحمْ اَحدْ ..
إنْتهَتْ لُعْبَتَهُم وَبدَأَتْ لُعْبَتناَ...
ترسخو ليه هاد الكلمات فدماغو بقوة مركز ليهم وهو يخشي تلفون فجيبو وتحرك من تما...
نور نسات تلفون لي طاح ونزلات مع ياسين لتحت...لقات داكشي اللي بغات الجماعة والضحك جاها على الكانة نسات الميساج وميجي منو ...فؤاد مكلفش راسو يتلفت جيهتهم بمرة هوما شادين كراسا حدا بعضهم كيتسناو البقية يتجمعو على الفطور...كلشي نزل بقا كرسي واحد اللي خاوي...
الحاج:ولدي اسد فين اسيل؟؟
اسد:معرفتش الحاج يمكن شوية وتجي
الجدة:سير اولدي شوفها لتكون مريضة...بتاسم ليها اسد وناض من الكرسي غيطلع يشوفها...ياله هز راسو يتمشا حتا كيتصدم وكيحل فمو من اللي شافو نطق :شنووو هادشي!!
الكل تلفت لأسد كيف مصدوم وكيشوف فجبهة وحدة تبعو ليه العين فين كيشوف وكلشي كانت على وجهو علامة الصدمة من غير جوج ناس اللي تصدمو من وجودو ومن وجود اسيل معاه ولكن تلاوها ببتسامة خفيفة كانو أزار وفؤاد اللي شافو فبعضياتهم وسافو ...فأسيل اللي جايا هيا ورضوان خرجو من سانسور "بحكم ميقدرش يهبط مع دروج وحتا الجدة والحاج مكيقدوش على دروج.."
لسيل جايا كتشوف فيهم بثقة وعينيها مفيكسين على عماد اللي هو اصلا على اعصابو وزادتو هاد الصدمة ...متبعة ملامحو كيف كيتغيرو وكيف وجهو غادي وكيتزير ...رضوان كيدور عينيه عليهم كاملينفلحضة ندم علاش تبع كلامها ونزل يتواجه معا باه ويبان للعلن مببقاش محبوس...وقف الكرسي دبالو فنص الطريق اسيل نتابهات ليها وقفات تا هيا شافت فيه بمعنا مالك!شار ليها بعينيه ليهم كيف مصدومين...فهمات قصدو ومسات شدات ليه فيدبه كأنها كتعطيه القوة باش يحيد حاجز الخوف اللي متغلب عليه ويواجه كلشي قربات تالودنيه وكلشي متبع معاهم بصدمة :متجيش حتا لنص وتوقف نتا انسان من حقك تعيش ماشي تحبس بين ربعة لحيوط مفهوم!!أنا معاك 😊
رضوان حس براسو ستمد منها القوة هز يدو ختا شد يدها وقبل ليها يدهاةأمام الجميع حتا زادو تحلو الأفواه من هادشي لي قدامهم مفهموش كيفاش وقع هادشي زايمتا عرفاتو وشافتو ووووو...بزاف اسئلة كتطرح فعقولهم..
بتاسمات ليه اسيل وتلفتات عندهم كتمشى بخطى تاباة وهو تابعها بكرسيه المتحرك حتا وقفات قدام اسد اللي ولا شرار فعينيه...
شافت فأسد"ونتا علاش حاقد عليه علاش بغيتيه يبقا منفي فديك الغرفة؟؟؟واش غيحشم بيك؟؟؟"طلعات ونزلات فيه ببرود "هو على الأقل ولدو من لحمو ودمو ولكن نتا ؟؟علاش محشموش بيك حتا نتا غير متبنيك اولا؟
اسد صعر من كلامها اللي جاه كيف السم بلا سعور هز يدو حتا لفوق غينزل عليها حتا كيحس بقبضة قوية شدات ليه يديه حتا حس بيها غتقسم ...دزر عينو ليدو يشوف شكون كيحس بألم فضيييع...
كان عصام وأزار شادين ليه من يديه اللي حاول يصرفق بيها اسيل كيبانو بحال شي اسود مفترسة فأي لحظة يقضيو عليك شكلهم كان مخيييف ملامحهم مرعبة بشدة...كيحاول يفك يدو من قبضتهم مقدرش.....
عصام الدم كيغلي فيه شاف فأزار بمعنى طلق منو...وأزار بعظ نظرة طويلة طلق منو وحتا عصام...نطق عصام بتهديد ...مغدوزش على خير 😠
اسيل كتشوف فيهم بثلاتة كيف طيشوفو فبعضهم شي باغي بفتارس شي وكسرات هاد الجو بكلامها...
موجها نضرها لاسد ..كنتي باغي ضربني؟؟؟واش قلت شي حاجة غلط قلت غير الحقيقة عمري عرفتك اناني حتا ليوم ياخسااارة 😏...مشات من قظامو خلاتو كيشوف فيها وهو كيسب راسو علاش تسرع...
تقابلات مع الحاج:الحاج نتا اللي اسريتي ان عماد يجيب رضوان وحتا دبا هو من حقو يعيش كأي واحد فينا حرام الحاج يبقى منفي وهو معندو حتت ذنب فهادسي كلو ماشي خو سباب حتا جا لهاد دنيا ولكن ولدك اللي غلط وماشي هو اللي ختار يكون مقعد ولكن الضروف حكمات فمتحكموش عليه حتا نتوما بالوحدة😔
الحاج بتاسم ليها وقرب عنقها بالجهد:كنحيك ابنتي وانا معاك فكل كلمة حتا انا مبغيتش هدشي ولكن ملقيت ليهم جهد ابنتي......وجه كلامو لعماد "من اليوم رضوان غيكون معانا فأي بلاصة هو ولدك وتحمل مسؤوليت اخطائك مفهوووم ...عماد اعصابو شوي وينفاجرو خلا باه تا سالة كلامو ونساحب من تما بحال الرعد...
الحاج"مشا عند رصوان اللي كيشوف فيهم واحد واحد وحاس بفرحة من كلام جدو وزادت عزات عليه اسيل بدفاع دبالها عليه ..:ولدي مرحبا بيك وسط منا وسمحلينا بزاف نتا كنتي كترفض ملي كنقوليك اجب عندنا... والحمد لله بسباب بنتي اسيل نتا بيناتنا
رضوان؛😊قبل ليه يدو"شكرا الحاج كنتمنا الأمور تصلح.."حول عينو لاسيل"اسيل انسانة طيبة بزااف كون مكانت هيا مكنتش نقدر نخرج من تما 😔
ازار تقدم عندهم ضرب على كتف رضوان"على السلامة اصحبي
رضوان :ههه الله يسلمك كلشي على اسيل اصحبي مكينش بحالها
اسد واقف كيغزز فسنانو وهو كيسمع المدح على خطيبتو اسيل اللي كدير فيه شيشوفات كون كانو قرطاس كون مات شاف كيف كتشوف فيه وفضل ينساحب من تما...
نور:😍😍اشهدشي ياربي هذا كلو كاين هنا ومشتوش "الكل تلفت ليها ملي سمعوها ..مشات كتجري لعند رضوان اللي كيشوف فيها بستغراب جابت ليه الضحكة:مدات ليه يدها"أنا نووور 😁
رضوان:بتاسم ليها "انا رضوان
نور :عرفت دبا نتا ولد داك عماد نسيب اسيل ههه ولاهيلا كيولد زين راك بكوس مع راسك خثك غير الرجيلات 😉
رضوان كان مبتاسم حتا جمع بتسامتو من اخر كلمة قالت شافت الكل شاف فيها وعصام خزر فيها وهيا تبدا تجمع الضحكة شوية بشوية ونساحبات من تما لبيتها...
فؤاد متبع ليها العين حتا طلعات كيف البرق كتجري فدروج...مشا رحب برضوان وتبعها
اما ياسين تبع صاحبو اسد وعائشة سلمات سلام بارد معندهاش مشكل مع رضوان ولكن المشكل لكبير هو اللي مخليها معندها خاطر لوالو وطلعات تبعات راجلها...
اسيل مشات وقفات بعيد كتشوف فيهم كيهدرو مع رضوان حيات براحة ملي شافتو وسط منهم والبعض متقبلو والبعض لا...تنهدات ملي تفكرات تصرف اسد اللي متوقعاتوش يوصل بيه الحقد لهاد الدرجة تمنات كون كانت فضرف اخر مكانتش دوزها ليه هكاك ولكن دبا ميمكنش تنساحب خصها تحاول تكالما وتكمل على البرود ديالها....
نور فبيتها كلو روناتو كتلقب وتعاود على تلفون بغات تجهل عليه :اوووووف فين هو داك مشقوف زام***فييين ياربي شهادشي اويلي اش جاني حتا معقلت فين هو ...مشات تهز فلمخاد وليزار هز وتلوح وتقلب والو واش لقات حتا سمعات صوت موراها..
فؤاد:"هاز تلفون فيدو كيدور فيه ومتكي على الحيط محساتش بيه ملي دخل"واش هذا😏
نور تلفتات ليه غاشافت تلفون فيدو مشات تجري تاخدو ليه..
فؤاد :غمض عينو وحلهم كيشوف راسو مكيقدرش يتحكم فأعصابو معاها وعارفها فمها حامي غتبقا تيقتلها وهو يطلق منها وخرج فحالاتو قبل يدير فيها يديه خلاها تسب وتعاود...
دخل غسل وجهو كيشوف فالمرايا بعصبية حتا كيتقطع الضوء ضور وجهو بستغراب مكيبان ليه والو ياله جا يدو يمشي فحالو حتا كيحس بشي حد شدو بقوة من لور متبتو لدرجة مقدرش يتحرك وشي حاجة باردة على عنقو
اسد كيتعافر :شكوووون ...مجاوبو حد بغا يفلت راسو مقدش محدو طيتحرك وشي حاحة كتغؤس ليه فعنقو كيسمع صوت النفس فقط....فجأة ححس بوخزة فيديه حتا غوت بالالم وطاح الارض شاد فيديه...وشعل ضو مكان تا شي حد...
فغرفة بيضاء مجهزة بأجهزة طبية ناعس فسرير مدد يديه بلا حتا حركة مكيحسش بيها كأنها ماشي منو حال...عنقو مدورة عليه الفاصمة...حال عينو فالسقف وجملة وحدة كتردد فعقلو <<قرصة أذن من مهووس>>
كيفكر فهادشي لي وقع رجعات بيه الذاكرة نهار لقا فالباب <<مهووس أسيل>>
ونفس الكلمة تكتبات فالمراية وشكون لي دار ليه هكا وعلاش بالضبط فنهار اللي حاول يضرب فيه اسيل....عقلو خدام كيفكر ويحلل مخرج بحتا نتيجة....سمع صوت الباب ودور عينو...
ياسين:كيبقيتي ؟؟
اسد:كيف كتشوف
ياسين:شكون غيكون دار هادشي واش شاك فشي حد؟؟
اسد:امم شاك فواحد ممتأكدش...عيط ليا لطبيب دبا
ياسين مبغاش يزيد يسولو...نساحب يعيط لطبيب......
طبيب:ميسو اسد على سلامتك 😊
اسد:واش ايدي غتبقا هكا؟؟وشنو لي وقع ليا فيدي؟؟
طبيب:كيهدر وهو كيحرك ليه صباع يدو "امم إيديك ولات هكاك بسباب سائل تغرس ليك فعروق يدك كيخلي الإيد مشلولة واحد الكدة مع ألم فضيع ولكن حنا حبسنا ليك الآلم وبنسبة للحركة درنا ليك برا باش تبطل مفعول السائل اللول يعني واحد نص ساعة غترجع عادي...جا غادي ..وتفكر شي حاجة."اه ميسيو اسد نسيت كون مجابك صاحبك فالوقت كانت يدك غتبقا مشلولة حياتك كاملة....
اسد خرج فيه عينيه بصدمة...ونساحب طبيب...
ياسن :هدشي مكيطمنش خاصنا نتحركو
اسد:اكييد مغدوزش غير هكا غنعرف شكوون وغيندم على حياتو😡
فغرفتها ناعسة على صدر عصام وهو كيدوز يدو على شعرها بحنان وهيا معنقاه بجوج يدين:حقييير كيفاش قدر يتجرأ يدير هادشي 😡😡
اسيل :شووو صافي عصام نسا خليك منو مزال غندمو بجريقتي غير كون هاني
عصام:غييير على قبللك فهمتي...اسيل هزات فيه راسها وتبسمات ليه .
عصام:كلشي تصدم ملي شافوك مع رضوان مكانتش طيح على البال
اسيل:اممم كلشي بان على وجهم ...سكتات شوية "عصام ملاحضتيش واحد الحاجة!!!
عصام:شنوو غنلاحظ!!
اسيل:فاش اسد بغا يضربني حتا داك أزار شد ليه يدو
وشوفاتو كانو فشكل مفهمتش علاش حبس ليه يدو !!
عصام:اممم حتا انا فكرت فيها جاتني غريبة يمكن حيت بسبابك رضوان نزل وعلى مبان ليا هو ورضوان متفاهمين يعني تصرف عادي...ياله نوضي ونتي ولفتي النعسة لي شافنا هكا يفهمنا غلط😁
اسيل:هههه لي بغا يشوف يشوف مهزاش ليهم الهم..انا غنوض دبا نمشي نشوف عمي عماد ههههه مسكين من بعد جوج صدمات اللي تلقاهم 😈...
ناضت وقفات كتبسم بشر وعصام كيشوف فيها كيف بسرعة تبدلو ملامحها...
شافت فيه اسيل وغمزاتو وزادت كتمشا بخطوات كلها انوثة وتقة....غادة وعلى وجها نصف بتيسامة كلها خبث...نزلات لتحت سولات الخظامات على عماد خبروها راه فتلمكتب وتاجهات نيشان لتما...وقفات قدام المكتب..فجأة بدلات ملامحها لبرائة وسبلات عينيها بحال شي طفلة صغيرة دقات فالباب بشوية ....حتا سمعات صوت من الداخل ودخلات كتمشا بشوية وكدور عينيها من تحت لتحت ...
عماد كالس فكرسي ديالو حداه كاس القهوة كيبان ماشي طبيعي..غير لمح اسيل كمش حجبانو بمعنى راه معصب منها ..هيا داخلة كتشوف فيه ببرائة...شاف فيها واقفة ونطق بصوت ضعيف:كلسي ...
اسيل صهدة طلعات معاها من هاد النبرة اللي دوا معاها بيها... شويا وطلق عليه سمها تحكمات فراسها وسطانعات البرود ومحافضة على شبه بتسامة :اممم سمحلي عمي مغنقولش ليك سمح ليا حيت لي درت أنا خصو يدار من شحال هادي سوا كيخصني ولا لا كتبقا مسألة انسانية "ناضت وقفات تكات بيدها بجوج على المكتب وحولات نظراتها كتشوف فيه بحدة وكيلمعو بالانتقام "
وخصك تعرف بلي انا وخا غنكون مستقبلا مرات ولدك فهدشي مكيعنيش أني غنكون عبد مأمور عندك ولا عند شي حد أخور ....ستاقمات فالوقفة بتقة وهو حال فمو كيشوف فالجرأة ديالها وكيفاش تبدلات ... وأنا كندير اللي قالها ليا راسي 😊خليت ليك الراحة دبا ...
عطاتو بالظهر وزادت كتعوج وكتبتاسم 😈😈
خلاتو جاهل ومبهوض فيها كيف تسيفات بسرعة وكيفاشو كتهضر....
كتمشا فالممر بالكعب العالي كتصدر بيه طقطقات كتشوف فظفارها ممسوقاش لداك لي خلات فالمكتب حال فمو...هزات عينيها نيشان فأزار اللي واقف متكي على الحيط مربع يديه وكيشوف فيها من التحت لفوق...هزات فيه عينيها طلعاتو ونزلاتو وتمشات لعندو وهو متبع معاها خطواتها حتا وقفات مقابلة معاه شاف فيها بمعنا شنو كاين
اسيل:شنو قضيتك نتا!!!
ازار مزال على وضعيتو "شنو!!!
اسيل:اممم بغيت نقوليك ملي نتا مقادش على شراب متبقاش دور بيه😏باش متبقاش تغلط فالناس وتقرب لشي حاجة ماشي من ممتلكاتك😏
أزار:خصك نتي تعرفي بلي اي حاجة قستها كتولي من ممتلكاتي ..
اسيل:كيفاش زعما!!!
أزار شاف فساعة يدو وهز فيها عينو بتبات وقرب حتا لحدا ودنها:خسارة بغيت نشرح ليك ولكن معنديش الوقت...
زاد وخلاها غير حالة فمها ممصدقاش انه قمعها دارت بالعرض البطيئ لجهة منين مشا زيرات على سنانها بعصبية وتحركات من تما نازلة لتحت...حتا سمعات صوت رسالة فتلفون هزاتو بعصبية تقرا شنو فيها...
"""بَدَأت اللّعِب صدّقني فلْتَعلمْ من أنا...لاَ أعرِف الرّحْمَة أو الشّفَقة...""
غدا فليل فالمخزن مور القصر غتعرفي شريكك فالإنتقام...
قلبها خفق من هاد الرسالة كيفاش شريكها فالانتقام ولكن بزربة حيدات داكشي من بالها ممسالياش هيا لتفاهات ومغاديش تفكر تمشي لحتا بلاصة...خشاتو فجيبها ونزلات...
اسد ياله داخل مع ياسين يدو ولا يقدر يحركها وعنقو فيه فاصمة صغيرة كتبان ليه اسيل كالسة فصالون شادة تلفون...تمشا لعندها حنحن...هزات فيه عينيها حتا قشعات فاصمة فعنقو وهيا تنزل عينيها لتلفون بدون مبالات خلاتو واقف كيشوف فيها باغي يهدر ويعتادر على محاولة ضربو ليها
اسد:اسييل!!..مجاوباتوش ....قرب حداها وكلس عاود نطق سميتها مكاينش رد ...طفات تلفون وناضت من تما بحال الى مكالس حداها حتا حد خلاتو غيتفقص...
اسد ضرب يدو مع الفوطوي وناض عاض على سنانو من قوة العصاب..داز طاير كيتمشا بزربة طالع مع دروج متاجه لبيتو...حتا لمح عصام جاي مع نور معنقها بيد وكيضحك معاها...شاف فيه اسد شوفة حااادة ومشا قاصدو نيشان ..تقابل معاه كيشوف فيه شوفات حارين...
عصام تا هو وقف كيشوف فيه بغضب ونور كدور عينيها عليهم عرفات القضية حامضة...
اسد:😡😡😡مغاااديش ندوزها ليك تماديتي بلا قياس وتجرأتي بزااااف😠😠
عصام:كنضن نتا اللي تماديتي وكيف قتليك مغندوزهاليكش كلشي إلا أسيل منقبلش تمد يدك عليها وهاد مدرت ليك والو على قبلها فقط ولكن كون جات عليا انا كون ندمتك😠 كمل كلامو وتخطاه..خلا اسد تيفكر فهاد الهدرة كان كيضن بلي عصام مول الفعلة عقلو غيهبل بشكون ممكن يكون متسرطش ليه شنو وقع ليه
نور:كتمشا مع عصام "وليني صدق واااحد ولد القح***مقطر كون غير عطيتي لزا***بوه علاش يدور
نور:ولايني طلعتي واحد الزلايلي منك مكان اولد الق***سير تقو**معرت لاش معمرة معاك حتا أنا تفو يخليها سلعة😏😏زادت تنطر غير بوحدها مخليا حال فمو فيها على سبان اللي عطاتو...
نور غادة تسب غير هكاك بوحدها حتا كيفيبري تلفون فجيبها قلبها تهز وتحط كيتسمع "زدف زدف"هبطات عينيها بالعرض البطيئ لجيبها مدات يدها بشوية جبداتو حلات رسالة كتمعن فكلامات الرسالة...
بعد الرسالة اللي وصلات لنور مشات لبيتها طايرة كتقرا وتعاود وتسائل شكون هاد شريكها فالانتقام وشكون عندو علم بالموضوع بغات غير ايمتا يدوز نهار ويوصل نهار تاني...
فجردة كانت سااهية كتزعلل كتبان هادئة ومهمومة حاسة بالنقص بزااف من جيهت واليديها اللي هاملينها مكيسولو شنو بيها ولا والو كتشوف مها تالفة وديما عينيها حمرين وباها ديما معصب ومشغول حتا حبيب القلب اللي يملي عليها الفراغ فاهم كلشي بالغلاط تنهدات بالجهد وكلسات مستقيمة...
دورات راسها لور كتلمح عصام واقف بعيد كيشوف فيها...رجعات شافت قدامها قلبها غيطير من بلاصتو..كتعاود ترجع تشوف فيه كتلقاه مزال كيشوف فيه...رجعات شعرها جنب ومقررة تنوض عندو تشرح ليه كلشي....تنفسات بعمق وقلبها كيزدح ناضت تمشي....دارت بعض الخطوات حتا كتلمح ياسين جاي عندها مبتاسم ليها داز من حدا عصام ...
وقفات بلاصتها كتشوف فيه وتشوف فعصام لي متبعهم بجوج...لعنات النهار اللي شافت كمارتو تعصبات بالمزيان دبا غيزيد عصام.يتأكد بلي بيناتهم شي حاجة..حدرات راسها ناويا ترجع من طريق اخرى ولكن ياسين كان سبق وقرا افكارها وبتاسم بخبت...بخطوة كبيرة منو كان قدامها..
هزات فيه راسها مكمشة حجبانها فيه..رجعات جوج خطوات لور عينيها كيدورو بين عصام اللي على وضعيتو مراقب كلشي وبين ياسين اللي كيشوف فيها من الفوق لتحت ومبتاسم...
لمياء :غييير بقاا تحللم هيا لي متكونش ليييك "هزات فيه حاجبها"وأنا اصلا كنبغي واحد.اخخر يعني مستحيل نكون ليييك 😏
ياسين تبسم ليها وجرها من يدها حتا دورها جيهت عصام ضهرها لاسق معاه كيبان معنقها ...دور يدو على كرشها عينو نيشان فعصام...لمياء كون صابت الأرض تشق وتنزل ليها كتشوف فعصام وتهبط عينيها ليد ياسين....
نزل حتا لحدا ودنيها بحال الى غيقبلها وعينيه فعصام...لغزالة كنضن هاد الواحد اللي قلبك بغاه هو لي نفسو كيشوف فيه امممم ...شنو بان ليك.دبا واش مزال غيفكر فيك؟؟مزال عندك.معاه فرصة!!
لمياء تكوانسات بلاصتها مخرجة عينيها عرفاتو شحال خبيييت وحقييير حطات يدها على يدو وغرسات ظفارها بقوة فيديه حتا سال دمو وطلق منها..دارت عندو حتا تقابلات معاه ..وهو كيشوف فيديه كيف غرسات فيه ظفارها...هزات يدها حتا لسما أمام أعين عصام ونزلات عليه لحنك...ونطقات وهيا فقمة العصاب...
لمياء:نتاااا لييي معندكش معايا فرصة أما هو عندو معااايا بزاااف...طلعات ونزلات فيه بحتقار....:أحقر منك عمري شفت😏....عطاتو بالظهر وزادت كتمشا بعصبية جيهت عصام مقررة تسالي كلشيى ليوم...
ياسين عروقو برزو وجهو كتاسحو اللون الأحمر عينيه تسيفو كيبان كيخلع وهو كيشوف فيها وكيتحلف عليها فخاطرو وكيشوف فعصام اللي كيشوف فيه بستهزاء...زاد شعل من هاد الشوفة ونطق بصوت غليض:غتندمي على كلششششي😠😠
فمكتب كالس عماد كيكمي وكيشوف لبعيد عيا يفكر اش يدير وشي طريقة يخرج بيها راسو ملقاش...عقلو معا ختو لي غتكون دبا كتشوف العداب..كيفكر فالقوة ديال هاد الناس اللي قدرو يوصلو لسرهم لي تكتم هادي سينين...
سمع طرقات فالباب..شاف جيهتو بملل محامل يشوف حد ...تحل لباب شاف شكون وهو يبتاسم ليه بتسامة دابلة...
اسد داخل بجسمو الرياضي جامع شعرو الفوق وهاز ملف ازرق فيديه:الواليد"مشا كلس فالكرسي"مالك غابر!!
عماد:هبط عينيه لعنقد اسد وهو بجمع حواجبو بتسائل"مالك فعنقك؟؟
اسد:هاد الموضوع كيخصني أنا الواليد كنتمنا مدخلش...
عماد بقا كيشوف فيه ملقا ميقول ليه وهو يسكت...
اسد خارج شاد بين يدو الملف وهو مبتاسم مرة مرة ينزل عينو للملف يشوف فيه...نازل مع دروج القصر باش يخرج حتا كيشوف رضوان كالس فكرسيه جنب الشرجم شاد كتاب مركز معاه كيقراه...حتا كيوقف عليه اسد بتخنزيرة ودافع صدرو للقدام..
رضوان هز عينو بشوية فأسد اللي كيشوف فيه شوفات ديال نشدك نقتلك..سد الكتاب وبقا كيشوف فيه عادي...
رضوان مجاوبوش حدو شاف فيه حتا كمل كلامو وهو يهبط عينو لكتابو كيقرا فيه بلا ميعير اهتمام ل أسد اللي نافخ ريشو....
اسد"شاف ردة فعلو وهو يكرز على سنانو بغضب ياله جا سهز يدو يعطيه كروشي لوجه حتا حبسو صوت انتوي موراه...
اسيل:شنو كدير!!!
اسد "تلفت لعندها وهو يدور عند رضوان لقاه كيشوف فاسيل ببتسامة طيبة...أسيل تمشات حتا لعند رضوان :واش بيخير؟؟
رضوان"شاف فاسد ورجع عينو ليها :امم لباس
اسد بقا واقف كيشوف فيهم ويشوف فيهاةكيف مبتاسمة لرضوان ممسوقاش ليه هو وفضل ينساحب من تما بمرة.....
****فواحد الوقت من ليل فغرفة نور اللي ملي طلعات ليها مبقات نزلات عشاها جاها حتا لعندها كتفكر وتحلل غير فهاد اللقاء ديال غدا عقل كيقولها سيري وعقل ايقولهل متمشيش ختيفة من هادشي بزاااف...
اسيل اللي تاهيا ماشي قل منها غير هيا مخايقاش ولكن جاها هادشي غريب وتافه شكون غيبغي ينتاقم وغيكون شريكها فالانتقام بغات تمشي ومبغاتش ولكن عندها فضول وخايفة فضولها يوصلها لشي حاجة صعيييبة....
صباح جديد احدات جديدة...
كالسة فبيتها شعرها الاسود مطلوق جامعة رجليها عندها و تحت عينيها مايل لزرق بقلة النوم ليل كلو وهيا تبكي ومكاين لي حاس بيها...كل شوية كطلع ليها شهقة ديال البكا وهيا كتفكر شنو وقع ليها معاه عصام البارح....
واقف شاد كارو فيديه كيكمي بشوية عليه وكيشوف فيها وهيا جايا عندو بزربة باينة فيها معصبة...
لمياء:عصام بغيت نهضر معاك!!
عصام:اممم مرحبا شخصك؟؟
لمياء:ماشي هنا واش وخا تجي معايا لبيتي؟؟
عصام هز فيها حاجب وشبه بتسامة على فمو:امم سمحيلي نتي انسانة مرتابطة ميمكليش نجي معاك لبيتك ماشي من اخلاقي😏
لمياء حسات بقمعة ولكن سرطاتها :عصام خصك تعرف بلي انا وياسين.."مخلاهاش تكمل هدرتها وقاطعها..
عصام:لمياء انا ماشي كرضع صبعي مفهوم شفت كلشي قببلة كنضن عندك مشاكل معاه فماتكونيش رخيصة حتا لهاد الدرجة وتجي عندي انا باشتيري غيرتو وتصبحو علاقتكم على ضهري...سكت شويا وهيا تعقد ليها لسان:اه نسيت شي لي قلتو لبارح نسايه غير كلام وصافي وحاولي تكبري عقلك شدي فجيهة وحدة😏😏....
محدها كتفكر الشئ اللي دار بيناتهم البارح وهيا كتزيد تبكي وتأزم متوقعاتوش يكون هكاك معطاهاش حتا فرصة فين تقول شنو عندها...ناضت من فراشها كتمسح دموعها مقررة متشوفش فيه مزال كلام بيناتهم سالة ومتجيش عينيها فعينيه بمرة .....
داز نهار عادي عند كل واحد من غير دوك جوجات اللي وصلاتهم نفس الرسالة....نور قررات انها تمشي لمستودع لي مور القصر ولي ليها ليها ....
عكس اسيل اللي قررات متمشي لحتا بلاصة.....فمنتصف الليل نور كالسة وتشوف فالساعة وتفيبري غير بوحدها مرة تنوض مرة تكلس والخوف مسيطر عليها...كتنوض حتا طل من بالكون وتعاود ترجع وتشوف فتلفون وتقرا الرسالة...ياله كتجي تخطي برا الغرفة وترجع عوتاني تغزل بالخلعة...بقات شهيق زفير زعمي انور نتي قوية اكيد هادي خطوة مناسبة ليك تربحي شي حد يعاونك انور زيدي زعمي...بقات تزعم فراسها حتا خرجات من البيت ...
كتسلت نمشا بشوية لايحة عليا سلهام طويل بالقب مدرقة بيه....محدها كتقرب من الدروج وقلبها كيلعب للركادة.....
***
اسيل كالسة فللبالكون شادة كارو كتكمي وكتحاول تنسا قضية الرسالة ولكن كتعاود ترجع تفكر فيها...بقات كتكمي ولكن بدون نتيجة منسات والو ناضت واعفة من تما...بقات كدور البلان فراسها مدة حتا هرجات بقرار تمشي تشوف مخاسرة والو...لاحت عليها غير بينوار خفيف وهرجات من بيتها عادي ممسوقة لحد كان السقيل نازلة من دروج تلفون فيدها كتلعب بيه ومرا مرا تجبد رسالة تقراها بتمعن وترجع تكمل طريقها....
عند نور لللي غادة ومعنقة راسها بيدها مزيرة على تلفون وخايفة من ظلام..كل شوية تلفت موراها وتعاود تزعم وتزيد خطوات لقدام...بقات تقلب بعينيها حتا تمشات مساافة طويييلة باش توصل مور القصر.....بقات غادة حتا لمحات واحد باب ديال الحديد كانو تما مصابح مضوين المكان...زادو دقات قلبها فالارتفاع ..كملات مشيتها حتا قدام الباب بقات كتشوف فيه وهيا تغمض عينيها مدات يدها ودفعات الباب حتا تحل....غير دخلات وشعل الضوء....
بقات كدور عينيها فالمكان كان خالي فيه غير شي حوايج قدام...دارت جوح خطوات للداخل تشوف شنو غتلقا...حتا كيقفزها صوت موراها....دارت بسرعة بفعل الخلعة غير شافت شكون قدامها وهيا تصدم ورجعات بلور وبقات مخرجة عينيها وقلبها تيضرب يضرب حاسة برجليها مهازينهاش....
اسيل الماء جمد ليها فالركابي ومشات كتجري وهيا قلبها غيسكت بالخلعة كتمنا ميكون دار ليه والو مبغاتش توقع ليه شي حاجة بسبابها...طالعة كتجري مع دروج مكرهاتش طير وتوصل عندو غير وصلات للممر وهيا تجري وتحاول مديرش الحس وصلات لغرفتو حلاتها بجهالة...دخلات كدور عينيها فالغرفة عليه بسرعة ..حتا لمحات الكرسي ديالو طايح فجيهة مقلوب...مشات كتجري نيشان لتما غير وقفات كيبان لها رضوان طايح مور كورسيه ودم فعنقو وفالارض ومغمض عينيه مكيتحركش...
حسات بالدنيا وقفات ديك اللحظة شهقات سهقة وحدة عينيعا بسرعة دارو غشاء ديال دموع كتشوف فيه وتحرك راسها يمين زوشمال بمعنا لا وكتردد كلمات متقاطعة بميمكنش😢😢😢😢
واقفة مصدومة ممصدقاش بلي غيكون رضوان مات متقدرش تقبلها..كدور عينيها على دم لي معمر ليه عنقو وبعض القطرات فالارض...قربات لبه بشوية نزلات على ركابيها كتشوف فيه كيف مغمض عينيه...نزلات دمعة من عينيها حطات يدها على فمها كتحبس شهقاتها....قلبها كيزدح بالجهد زاادت قربات حتا لوجهو
... :رضوان😢فففيق عفاااك هئ هئ "مدات يدها لشعرو"فيق كلشي بسبابي أنا تأديتي بسبابي فييق😭...ياله غتنوض تشوف شنو دير حتا كيبان ليها كيكمش حجبانو بألم..قربات ليه وهيا دموع مخلطين معا ضحكة...رررضواان نننتا حي ياااك هئ "هزات ليه راسو فوق فخضها وكتمسح ليه على وجهو وشعرو وهو كيستاعد يحل عينيه ببطئ....
رضوان حل عينو بشوييية وكيسدها وكيعاود يحلها..كينين بصوت خفييف....
اسيل:تنفسات بعمق:رضوان انا معاك فييق عفاك
"حل عينيه كيشوف فيها صدر انين ديال الآلم ونطق بصوت خفيف"اسييل
اسيل"بهلع":انا معاك باش كنحس!!
رضوان :عاونيني نكلس...هزات اسيل راسو من فوق فخضها وعاوناتو حتا كلس....مد يديه لعنقو كيقيس فيه بشوية واسيل مراقباه بقلق ....
فؤاد"اممم نقدر أنا نسولك هاد السؤال!! اش جابك لهنا؟؟؟
نور:كدور عينيها فالمكان كتفكر اش غتقوليه خافت تقوليه واش حتا نتا جايباك رسالة ولكن خايفة يكون غير جا صدفة... ..اممم انا غيير جيت نشوف شنو كاين هنا صافي 😊
فؤاد كيشوف فيها بشك وخصوصا ملي عينيها مزاكينش فقنت واحد غير كيدورو"جيتي تشوفي شنو كاين هنا وفهاد الليل!!!
نور:جات بغات تخطاه "ياله حيد من طريقي خليني نمشي نعس "جات تخطاه وهو يشدها من معصمها...
فؤاد"عيني عليك فيما كنتي ودليل هاني أنا معاك دبا
نور "شافت فيه شوفة ديال الموت "وزادت تخطاتو باغا تخرج من تما وكدور عينيها فالمكان وتنكر وتقول تفو على زهر أكيد هو لي خصر كلشي والشخص اللي شريكي فالانتقام شافو وغبر يخخخ شحال منحوووس
قربات تدخل للقصر طالع ليها زمر فراسها ياله غتحط رجلها فالقصر كيوصلها مساج على غفلة نقزات من بلاصتها بالخلعة وهزات تلفون بزربة وفتحات رسالة...
"لَمْ يَحن اللقاء".....
قرات هاد الرسالة وهيا تهز تلفون حتا لسما وخبطاتو مع الأرض حتا تشتت كلو :اوووووه زمممر كلشي كيحاول يضحك عليا كلشيييي شكون هذا اللي كيدير ليا هكا الله ينتاقم منو😡😡مبقيت بغييييت والو ياااربي من غير لقا ختي فقط غير لقاها صافي ودبا اللي كيدير ليا هكا يدو فيه معندو ميصور مني 😠😠بردات غدايدها وطلعات تنطر لبيتها....
فغرفة من غرف القصر ضوء خفيف اللي شاعل كالس فكرسي كيدور بيه بدون توقف...مسرح يدو على جناب الكرسي ويد شاد بيها صورة صغيرة ومرجع راسو لور وكيردد كلمات فمو بشوية وكل حرف كيعطيه وقتو....
اسيل خارجة من غرفة رضوان بعدما عقمات ليه جرحو وعطاتو مسكن وبقات عند راسو حتا نعس....كتمشا بشوية عليها وكدور عنقها يمين وشمال حاسة بتعب كبييير...مبقاتش قادرة تحمل قوة التفكير فهاد المهوس...وصلات بيه لمحاولة القتل!مقال بلي مهوس إلا وراه فعلا مهوس....سمعات صوت فتلفون هزاتو عارفة شكون فتحات رسالة وقفات حتا قراتها...
اذا أخـذت عنـي صـورة سـيئة فقـد تسـرعت
لأن لـدي الأسـوء منـها...
اسيل:حقيييير عااارفاك مكتسواش😡😡
طفات تلفون بمرة ودارتو فجيب بينوار وكملات طريقها بشوية عليها.....شوية وقفات على غفلة عقلها بدا كيوسوس ليها وقررات تقلب طريق وترضي فضولها....قلبات طريق لجيهة اخرى وهيا كدورفعيونها الزرقين تشوف شكون كاين....حتا كتوصل قدام غرفة بابها كبير...
من حسن حظها كان الباب غير مردود ممسدوش بتاسمات جنب..وزادت قربات براسها طل مكيبان ليها والو وزعمات شوية ودفعات الباب وداخلة تسلت بشوي الغرفة مفيها حد تنفسات براحة وقفات كدور على الغرفة كيف مرتبة بطريقة رجولية 100% عوجات فمها وتحركات لجيهة كوافوز كدوز عليه بطرف صبعانها بشوية...حتا وقفات قدام مرايا كتشوف فيها انعكاس صورتها...حتا كتلمح صورة كبيرة كتبان ليها من المرايا ودارت كتشوف فيها...كات هو نفسو صاحب الغرفة مرسوم بطريقة احترافية وتخنزيرتو المعهودة مكتحيدش....
تمشات عندها بشوية كتشوف فيها مزيان محدها كتعمق الشوفة فيها كيرجعو ليها بعض الاحدات من الماضي الآليم ديالها.....
حلم:نتا هو البطل ديالي أنا وخا غنرجعو لدارنا غنبقا نعيط ليك صافي عنداك تنساني تنسا حلم😊😊
أزار:ههه لا عمري مغنساك وغادي نجيو عندكم نتي راكي حلم ازار ومن غيرها مكاينش"قرب وعنقها وحتا هيا بادلاتو العناق...كانو بجوجهم صغار من صغرهم كلشي كيقول ليهم حلم ازار .....
ازار"مكيهمنيش كوني معامن ما بغيتي أنا كنعيش نهار بنهارو فمغنفكرش فغدا ولا فشي حد اخور 😏وأنا جيت لقيتك هنا سو سالات الهدرة
اسيل:شووووف غطلق مني ولا غتندم 😠😠
ازار متبع حركات فمها المنفوخ وهيا كتهضر بطريقة عصبية ....ميل راسو بشوية علييه وهيا مزال كتهدد فيه باش يطلق مسامعش لكلامها بمرة ....
بغفلة منها نقض على فمها بقبلة شرسة حتا غوتات ليه فمو...عينيها محلولين بالصدمة وكتحاول تفك يديها وتبغي تحرك راسها ولكن بدون فائدة عرف كيفاش يحكمها ولكن مستسلماتش...باقي فعز قبلتو حتا شهقات😲 ليه اسيل فمو من صوت لي سمعات فجنبهم....وقفات على الحركة عكس ازار ...
دورات عينيها لمصدر الصوت شهقااات شهقة وحدة ممصدقاش شنو كتشوف قدامها...معرفاتش منين جاتها القوة حتا دفعات أزار بجهدها كلو...
أزار شاف فيها ودوز لسانو على فمو بشوية..وشاف كيف مصدومة وكتشوف جيهت الباب حرك بؤبؤ عينو بشوية لفين كتشوف وهو يبتاسم جنب...وهو يرجع شعرو لور ودار تقابل مع الشخص لي قدام الباب كلو كينهج عروقو تنفخو بالعصاب كيبان بحال شي ثور حايج...شاف ليه ازار نيشان فعينيه لعين بالعين ودار فيه نظرة استهزاء...
اسيل واقفة كتشوف فيه وتعاود تشوف ف أزار سرطات ريقها بثوتر لعنات نهغر لي فكرات تدخل ليه لبيتو كلشي خطتها تضربات فالزيرو...
أزار::كيدوي ببرود كيشوف فأسد لي طايح كيمسح فدمو:شوفيا نتا زدتي فيه مهجم علي لبيتي ...مقلت والو ولكن باش تحاول تمد عليا يدك فأنا منعطيكش فرصة ...والى كنتي نتا خاطب قحبة شنو ندير ليك أنا!!!"شااف فيها كيف حلات فمها من كلامو وكمل ببرود"نتا لقيتيها فبيتي أنا !!ماشي أنا لي مشيت عندها مفهووم !!!دبا نوض وهز معاك قحبة ديالك ممساليش ليكم...سكت شوية ونطق وهو كيشوف فيها بستفزاز:اخرتك.ديتي بنت البيران مستواك "دور عينو لأسد"مستواك طايح بزااف اولد عماد😏
مردوش البال لواحد العينين اللي مراقبينهم وكيتوعدو بالشر لكل واحد منهم. .
طلق كلامو اللي بحال السم وهو يتليها ببتسامة مع غمزة لأسيل اللي مزال كتحاول تصدق هادشي لي سمعات متوقعاتوش يكون حقي حتا لهاد الدرجة ...حولات عينيها لأسد اللي ياله وقف من حر الدقة...شافت فيه كيف كيشوف فيها متخنزيرة وكيتحلف عليها بعينيه ...
ورجعات عينيها لأزار اللي مراقبها...بتاسمات ليه بتسامة خفيييفة ونزلات دمعة على خدها بلا متحس بيها وعطاتهم بالظهر بجوج وخرجات من تما....
شاف أسد فأزار وهز صبعو بتهديد :غتندم على كلشي😡"وخرج من تما"
ازار قاستو دمعتها ونظرتها العميقة فقلبو حس بالندم من ديك الهدرة ولكن حاول يمحي هاد الاحساس من قلبو وهو كيتفكر أول نهار شافها ....فالبار فكازا فاش كانت سهرانة وكترقص على انغام الموسيقى الاوروبية بطريقة مثيرة وكل أعين الرجال كانت متلهفة عليها.....كيف شاف عينيها أول مرة فكراتو فصغيرتو حلم اللي كان ومزال الحد الان كيعشقها...ولكن مكيتمنهاش تكون بحال هكا.. تفكر أول مرة يلمسها كان نفسو النهار اللي شافها كترقص فيه غابت على الوعي بين يديه ونطق بكلمة::أجي دي عليا هاد الوسخ....
اسد كالس فغرفتو لي كلها مرونة مرايا مهرسة روايح مشتتين فراش كلو مليوح فالأرض..شاد راسو بين يديه وكينهج بين عينيه غير لقطة فاش شاف أسيل وأزار قرااب بزااف كتجمعهم قبلة...غنض عينيه بالجهد كيحاول يمحي صورة من بين عينيه ولكن بدون فائدة....
أسيل ركبات فسيارتها كتسوق بسرعة باغا فوقاش تخرج من هاد القصر المشؤوم بالنسبة ليها....تلفتات لافتة لي مكتوب عليها قصر سلطان تقززات من هاد الإسم تقززات انها كتنتامي لعائلة سلطان كرهات علاش تولدات من أساسو واش باش تعيش هاد العداب!!!!
شحال قد الواحد يصبر ويبان ديما قوي!!!حنا بشر عندنا أحاسيس كنفرحو فالفرح ونحزنو ملي كضيق علينا أسيل فرحتها كانت غتكون لو نتاقمات منهم....حتا شخص اللي كان عاشق ليها من صغرها نعتها بنعت حقييير"قحبة بنت البار""...
تبسمات جنب كيفاش كتوقعو يولي وهو كبر وسط منهم....غادة ومعرفاش فين غتمشي مبغات تشوف حتا واحد بغات تختالي بنفسها... الحظ مكانش فصفها مكانش خاص أسد يشوف هادشي ماشي حيت بغاتو!!لا ولكن باش تقدر تبقا وسط منهم وتحضر ليهم وهوما كيتفضحو...
وقفات سيارتها فمكان خالي من البشر والظلام طاغي على المكان...نزلات والريح القوي كيطير ليها شعرها مزال الحد.الأن صامتة منطقاتش حدها الدمعة اللي نزلات فاش شافت فأزار....هزات راسها لفوق كتشوف فسماء...كتسائل مع راسها ...مدام ملي كانو صغار كان كيقولها حلم أزار وبلي عمرو ينساها ولا يقدر ينسا عينيها !!كيفاش دبا مقدرش يتعرف عليها غير من عيونها لي مكاينش بحالهم غيقدر يميزها بلي محبوبتو الصغيرة....واش حتا لهاد الدرجة تغيرات!!!
قربات لحافة الجرف...ملامحها مكيعبرو على والو طالقة يدها البرد القوي غادي وكيتزاد...شوية تسمع صوت الرعد مجهد خلاها تهز راسها لسما وتغمض عيننيها وتغوت بأعلى صوت عندها...صرخة خااارجة من اعمااااق قلبها كتحاول تخرج معاها كاااع أحزانها وذكرياتها الأليمة كتغوت بدون توقف وقطرات الشتاء كتصب عليها شوية بشوية بحال الى كتعاونها باش طفي الحرقة لي فقلبها وتبرد عليها شوية...صافي للصبر حدود خزنات فقلبها بما فيه الكفاية الإنسان من طبعو ضعيف كيعمر الكاس كيفيض هكا وقع ليها خبات وخبات وخبات جات نقطة فيضات الكاس....
طاحت على ركابيها كتنهج والشتا ولات خيط من السماء نفس الجو نهار كانت وحيدة نفسو الجو لي تمدات ليها فيه إيد المساعدة نهار تخلا عليها عمها...وهاهيا دبا بوحدها...
اسيل:لا غير سير نتا أنا غنمشي راسي "حلات الباب غتهبط"اه نسيت اخر مرا تفكر تبعني خليك بعيد على حياتي😊....
نزلات من طموبيل وبقا ياسين متبع ليها العين بطريقة غرييييبة حتا ركبات وكسيرا زاد فحالو...
اسيل فسيارتها كتشوف قدامها تفكرات رسالة وهزات تلفون تعاود تقراها مزيان...بدات كتمعن فكلمات الرسالة حتا قلبها كيزدح ودم سخن ليها فجسمها كلو ولات فيه حرارة غير طبيعية بفعل الخلعة....خرجات بسرعة من صفحة الرسائل ومشات طل على بلاصة الفيدوات واش غتلقاهم ولا مشاو كتمنا ميكونوش مشاو حيت هو حدرها نهار غتلقا فيديوات مكاينيتش فهيا غتهز يدها على الانتقام وهو اللي غيتصرف وهكا غتحرم من لذة الانتقام بنفسها ...زائد الخيار الاخر يا أنا ولا الموت.....
عادت لتنتقم الجزء السادس
محتوى القصة
التنقل بين الأجزاء