ماريا طولات فيه شوفة حدرات راسها عطاتو بظهر وخرجات من عندو خرجات لباب لي كيدي لجردة بغات تبقى بوحدها تراجع راسها...كتمشى بين شجيرات وبين الغرس لي نبت وعلى بشتا لي هبطات دنيا كلها ما بثلوجات لي هبطات بلايص خضارو وبلايص مزالهم صفحة بيضة بتلوجات طوات إيديها وكاهضر غير مع راسها..
- بغيتي تعطليه علاش مكتواجهيش راسك وتكولي بلي هادشي لي درتي غير باش تعطليه مايلقاش عروسة لراسو ماشي باش تنتاقمي منو على كلمة ختي انت عارفة مزيان بلي كالها غير باش يعصبك علاش أماريا كدلي راسك لهاد درجة علاش هو دافع كبير وانت دغية كتولي متسامحة علاش لي بغاك بغيه ولي نخلك درقيه كدب عليك ومع ذلك مديتي ليه إيديك وضحكتي ليه تبعي عقلك وقلبك مسحيه بداي صفحة جديدة ومتكونيش ساهلة لناس يركبو على ضهرك كيف بغاو بغا يتزوج الله يعاونو ويسهل عليه مابقا ليك قدما فات فهاد دار وبين هاد الحيوط مسألة أيام قليلة وترجعي لدارك وحياتك ويكولو دازت من هنا داكشي باش أحسن حاجة تخرجي من هاد الدار بقيمتك وراسك مرفوع ماتخليش مشاعرك يغلبوك مشاعر لي من طرف واحد مديريش كيف كيديرو بزااف ديال البنات جمعي راسك شوية وبراكة من البهلان كتسرعي ومرات كديري حوايج بلا عقل تعلمي من أغلاطك ومديري الحاحة حتى تحسبي ليها ألف حسبة وحساب...حسات بإيد تحطات على كتفها..لقاتو آدم..
آدم(بتساؤل) :
- ياك لاباس فين مشيتي؟؟
ماريا(تنهدات) :
- والو غير قنطت وخرجت يضربني شوية ديال البرد
آدم(بشك) :
- زعمة؟
ماريا : والله العظيم مكاينة شيحاجة..
آدم : إيوا يلاه راه بغاوك..عنقها آدم ودخلو لدار رجعات حدا جماعة هوما كيهضرو فشلا حوايج وهيا مرفوعة مكرهاتش تمشي لشي قنت وتخرج من هنا ولات كتحس بنفس ديالها مضيق عليها...شوية هبط أمين..هاز ليليا غير حطها جات كتعكل تجري عند ماريا لي هزاتها طارت بيها تعنق فيها وتبوس رداتها حمرة بوسان...كلس أمين جنب وردة وهمس ليها فودنيها :
آدم : مشي مشكيل أصلا القراية معندها عمر تقدر تقرا حتى دابا إلى بغات..
ماريا(كتشوف فيه بنص عين) :
- كيفاش زعمة انت راه بنتي ليا فشيشكل هاد الليامات أغير خرج من روندتك وخوي لمزيودة أش كاين؟...لي حداهم كل واحد فاش كيهضر وهوما موضوعهم بوحدو...
آدم : كيفاش زعمة علاش مالي؟
ماريا : فينما تبان ليك البنت تبقى مقابلها لبارح كالس تحنزز فيها حتى طيحات البلاطو ديال الكيسان مسكينة جمع عينيك وخلي عليك البنت..
آدم : واش أنا لخاطري زوينة بزاااف وعويناتها ولي كيحمقني بزااف هو الحمورية ديال الحشمة لي كتعلي خدادها ماشاء الله..
ماريا : اويلي حاي لالا أنت صافي واش كتهضر بصح..
آدم : عرفتي مكرهتش نخرج معاها غير مرة وحدة نتعرف عليها كثر ومحدي هنا نجيب لواليدة ونخطبها وديك ساعات نرجع لخدمتي ونجمع وريقاتي او وراقها ونجي نديرو عقد وحفلة على قدنا وندي مراتي معايا... بقات ماريا ساكتة وكتشوف فيه مجاوباتوش عند بالها كيتفلى...
- انت عارفني مزيان منكولهاش كلنا بحال بحال زوينة هادي ولكن واش عارف بلي رابحة عندها 24سنة يعني راه كبر منك..
آدم(ممسوقش) :
- هاء بشحال عام واخا تكون حتى عامين كاع مالحضتيش مؤخران الأعلبية كيديو وحدات كبر منهم وبالأعوام هادي راه غير عام وزايدون إلى قلب دوا مكيجيش من وراه حتى كلام وانا دخلات لقلبي..
ماريا : رابحة ظريفة وبوهالية وقلبها بيض تستاهل وحق الله 😊 هاي هاي على البعلوك حتى هو كبر وبغا يتزوج ويدير وليدات...
آدم : صغير على فم جمل حتى انت وشنو درنا؟
ماريا(بستغباء) :
- فاش؟؟
آدم : كتفلاي عليا😕
ماريا : هممم حتى نفكر 🤔
آدم(بصرامة) :
- مارياااا..
ماريا(كضحك)🤭😂 :
- صافي صافي يدير الله خير انا انشوف...
الانسحاب من حياة بعض الأشخاص ، لا يعني الاستسلام ، بل غالباً يعني أنك صمدت طويلاً من أجل شيء لا يستحق..💙
****
فمطعم شاعري وعلى ضو الشموع الموسيقى كلاسيكية هادئة كلسة وردة وأمين شاد ليها فيديها وكيشوف فيها بنظرات فشكل ممفهومينش..
وردة : حبيبي مكلتيش ليا شنو سر هاد العشا هذا؟
أمين : علاش ممنحقيش نعرض على مراتي لعشا؟
وردة : لا من حقك غير...شوية سكتات وعلات عينيها فيه بزربة...
أمين : عرفتي علاش عرضت عليك باش نشكرك باش نكوليك بلي أنت أحسن حاجة طرات ليا فحياتي كلها فالوقت لي كنت ضايع بلا بيك تحديتي بزااف ديال الحوايج واخا كنتي حتى انت عاد نضتي من الغيبوبة وكان خاص انت لي يشد بيديك الحمد لله لقيتي ماريا بجنبك ومع ذلك شديتي طريق وقلبتي عليا قلبك وراك فين أنا حيت حبك حقيقي تجاهي كنت تايه معارف راسي من رجليا جيتي بحال شي نور ونورتي حياتي وطريقي رجعتيني ليك ولبناتنا ولعائلتي اليوم أوردة بغيت نكوليك بلي كنبغيك كثر متصوري انت حياتي مراتي ومامات بنتي حياتي ملك ليك انا أنعوضك على كاع لي فات انخدم ليل ونهار ونسهر على راحتك وعلى فرحة ديالك كنقسم ليك بلي عمرني مغانخلي دمعة تنزل من عينيك...وقف) وركع قدام ناس كولشي دار عندهم كيشوف هيا ممتيقاش ودمعتها هابطة دموع الفرحة والبهجة لي طرقات بابها..
أمين : ودابا قدام هاد ناس انسولك واش تقبلي تزوجي بيا؟؟طبعا الخاتم بقى عند ماريا مخبياه مرضاتش تعطيه ليا غير لهاد العشية ونرجعو ليها😁..
وردة(كضحك)..
أمين : شنو قلتي واش قابلة تكوني مراتي لحياة كلها؟؟
وردة :بطبيعة الحال قابلة...وقف أمين او وقفات معاه عنقها وخشها لعندو بين دراعو وفوسط الحضن ديالو أدافي...الناس لي تم كيصفقو وكيقولو "مبروك"...دار أمين كيشوف فيهم ويشكرهم ورجع عنق وردة وباس ليها راسها...من بعدما رجعو كلسو سولاتو وردة..
وردة : إيمتا رجعات ليك ذاكرة؟؟
أمين : هادي سيمانة دابا مشيت عند دكتور عمر من بعد الأشعة كاليا بلي ذاكرة ديالي رجعات لنشاطها القديم الحمد لله واخا مزال شي طشاش ناسيه ولكن معليش المهم راني عاقل عليه...
وردة(فرحانة) :
- الحمد لله وأخيرا الفرحة رجعات لينا...
أمين : ومزاااال أحبيبي أيامنا إن شاء الله أتكون كلها أفراح ومسرات..
وردة(تنهدات) :
- إن شاء الله...
****
- من بعد ماريا مانعسات ليليا خلاتها فبيتها وخرجات مشات نيسان لبيت وسيم دقات ودخلات عليه...لقاتو لابس بيجامة حريرية وداير واحد البانضة على راسو مصور فيها جوج عينين...
وسيم(شاد فقلبو) :
- اووف خلعتيني الويلة مالك هاجمة عليا فهاد الليل باغا تغتاصبيني...
ماريا : وراه حتى نعست ليليا عاد جيت هانتا بغيت نطلبك طليبة...
- اوووف ضروري يعصبوني...مشا لبلاصتو دار بانضة على عينيه مد إيديه لفيوز طفاه ونعس...
حسن الكلام ، وجمال العبارات ، تسحر الناس وتأسر قلوبهم ، فالإنسان لا لحمه يؤكل ، ولا جلده يلبس ، لكن حلاوة لسانه تجذب😉...
****
- صبح نهار جديد كل نهار كيصبح إلا وكيكون خازن فطياتو بزااف ديال الحوايج تقدر تكون زوينة تقدر تكون خايبة تقدر تكون كتفرح وتقدر تكون العكس أهم حاجة هو الإنسان كيفاش خاصو يتقبلها ويتعامل معاها...
- دار مقلوبة سفاها على علاها على صباح وصلو أهل طريق والديه خواتاتو والعائلة المقربة كاملة بحال أي عائلة مغربية فأي مناسبة كيحضر اهل العريس من صغير لكبير إقبال حضرات غير خالتها وراجلها صافي بنات خالتها مقدوش يحضرو على وديت كاينين على برا أما بنسبة لوردة فمعندها حتى واحد حتى من باها معارفة ليه طريق وعمرها سمعات عليه خبار لي كتكساب هو الحاج او ولاد خالتها منهم راجلها او هاجر وجواد...
- ماريا فاش كيكون صداع وهيلالة مكيجيهاش نعاس كديرونجا تكعدات من نموسيتها كتخبك فالمخدة ديالها وتعاير..زولات عليها الغطا خشات رجليها فبانطوفة ديالها دخلات لحمام غسلات وجها وسنانها وخرجات لبسات لي لقات قدامها طلات على ليليا بانت ليها مزال ناعسة هزاتها من بلاصتها وداتها لبيت وردة دخلات عليها لقاتها كتحك فعينيها..
ماريا(كتحط فليليا حدا وردة) :
- صباح الخير..
وردة : صباح النور علاش جبتيها كون أخلبتيها معاك..
ماريا : بعقلك انت ولا مكتكسابيه انا انخرج من البيت وتبقى هيا بوحدها تفيق تبقى تبكي فكرتي فيها ولا قالبك العشا ديال البارح😉همم؟؟
وردة(بحماس) :
- عرفتي شنو أمين تفكر كولشي داكشي باش عرض عليا العشا لبارح فرحتي متباع ماتشرا..
ماريا : والحمد لله على سلامتك وسلامتو دابا هيلي أتجمع العائلة ديال بصح..يلاه انا مشيت..
وردة : فين غادية؟..
ماريا : أنشوف وسيمو..
وردة : ياسبحان الله وليتو سمن على عسل..
ماريا : واخا هكاك قلبو بيض وضريف وحنين..
وردة : ماري على الحنان ياختي..مدات ليها ماريا لسانها وخرجات من عندها نيشان لبيت وسيم دقات ودخلات..مع دخلات خارج من الحمام لابس بينوار وبانطوفة ديال البينوار وداير الفوطة لشعرو..ماريا خرجات عينها فيه هيا لي بنت ومكدير لي كيديرو هو...
وسيم : اوووف واش مغانتهناش منك انت اسحت الليل..
ماريا : علاياش تافقنا لبارح هذا هو صباح الخير عندك باااز...
وسيم : بغيت غير نفهم هادي دار ولا حمام شنو هاد صداع حاس براسي بحال فموسم سيدي مولاي بن عبد الله...
ماريا(كضحك) :
- راه غير العائلة لي جات ويلاه لبس حوايجك ويلاه نمشيو نخرجو باش تصايب ليا داكشي..
وسيم(هز حاجبو) :
- اتمشي بهاد الحالة معايا أنا أنا وسيم منيب نخرج معاك هكا يو كرايزي سيري بدلي واجي عندي...
ماريا : واخا أسيدي انا انمشي نبدل دغية نلقاك واجد..خرجات ماريا من عند وسيم..تلاقات نيشان وجها فوجه جواد لي كيشوف فيها مخنزر وهاز حجبانو...جا قبالتها بلا مقدمات :
- أشنو كديري عند داك بوكصة؟..
ماريا(برودة) :
- صباح الخير..
جواد : راه سولتك..
ماريا : أول حاجة ماشي من حقك تسولني حيت ماشي شغلك وأنا حرة ندخل معامن مابغيت ونخرج معامن مابغيت انت ركز غير فالإنتخابات ديالك حسن..
جواد(شد ليها دراعها وزير عليها حتى ضرها) :
- وقيلة نسيتي بلي حنا مزوجين..
ماريا(نطرات إيدها من إيدو) :
- منسيتش وحتى انت ماتنساش بلي هاد زواج بقات ليه 12 يوم ويسالي صباحك مبروك اسي جواد...ضربات فيه وكملات طريقها لبيتها...
- خلاتو واقف كيغلي كارز على إيديه كيطرطق فيها بالأعصاب...الحاجة لي كان بستطاعتو يديرها هز إيدو وضربها مع الحيط حدر راسو وبخطوات واسعين كمل طريقو لبيتو ياخود دوش ويلبس عليه يهبط يفطر..
دخلات ماريا لبيتها كتنكر..
ماريا : زوينة هادي مونيكة عندك أنا الوقت لي بغيتيني بسم الله شوية دور فيا أسيدي هالعار عطيني غير بتيساع ياربي تسالي هاد الأيام بزربة ياربي..فتحات ماريو جبدات سروال دجين وتريكو لبساتهم مع سبرديلة خفيفة هزات ساكها دارتو على كتفها رشات ريحتها وخرجات تلاقات مع وسيم قدام باب بيتو..
وسيم : معندي منسالك دغية كتوجدي
ماريا : يلاه مشينا...
وسيم : اوكي بيبي ليتس gوو...هبطو مشادين مع بعضياتهم باغيين يخرجو يتفاداو قوت الناس التسلام يخليوه حتى من بعد..خرجو مشافهم حتى واحد...طلبات ماريا من شيفور يوصلهم ركبات هيا وسيم لور..ديمارا شيفور طوموبيل..هادشي تحت أنظار جواد لي متبعهم من سرجم الفوق حتى غابو عن الأنظار..
وسيم(داير رجل على رجل) :
- همم قولي لي دابا شنو عندك فهاد ليفينمو ولا حفلة ولا معرفت شنو..
ماريا : أمسية بحال سهرة انقدم فيها تلاميذ ديالي فلوحة موسيقية ومن بعدها اتكون عندي لوحة مع واحد من الطلاب ديالي..
وسيم(خرج عينيه) :
- اوووه يعني غادي تغني؟
ماريا : اه☺
وسيم(كيفكر) :
- همم ضونك ايكون عندك جوج دخلات وحدة فتقديم الحفلة او وحدة فاش اتغني ياك؟
ماريا : اه بضبط..
وسيم : هيا ايخصك جوج لبسات وحدة باش تقدمي وتانية باش تغني وجوج ديال ليلوك مهم انت متخميش أنا انكون معاك😃😍...
ماريا : أه راه أتكون حاضر اتكون حاضرة العائلة..
وسيم : هممم مزيان..وصلهم الشيفور أول حاجة لكافي يفطرو من بعدما دخلو وطلبو شنو بغاو ماريا او وسيم نساجمو بواحد الشكل كبير دغية وسيم بدا يعاود ليها على إنجازاتو العظيمة فتاخرات براسها حيت كالسة مع واحد بحالو حقق داتو فوقت قياسي رغم هضرة الناس عليه كيدير لي قالها ليه راسو ومكيتسوقش لبنادم نهائيا...
وسيم(كيشرب فالعصير ديالو) :
- عرفتي شنو أبكيزتي دنيا كتعلمك بزااف ديال الحوايج كتعلمك انو خاصك تفتح إيديك ليها وتقول غدا أيكون أحسن ديما خاصك تكون متفائل حيت منين كتفائل كيطراو ليك غير الحوايج زوينة وعمر تخلي شيحاجة تحبطك ودير حوايج لي ترتاح فيهم وتلقى فيهم راسك والى طحتي ترجع توقف وتقاوم وتحارب على قبل الحلم ديالك وتحققو الدنيا ممتوقفاش على شي إنسان من غير والديك طبعا وأحبابك ديال بصح خوتك وليزامي بخوش ديالك لي فعلا فعلا مهتامين ليك أما لمباقي كلام على ورق كيف كيقول المثل لي درقك بحيط درقو بخيط متخلي حتى حاجة تغلبك قوي عزيمتك وإيمانك بالله وميكون غير الخير...
ماريا : فغيمو بغافو والله وفيلسوف معا راسك ازغلولي..
وسيم(كيحرك ليها حجبانو) :
- وشنو وانت تقدي شكون بحالك😆😉..بقاو مدة على جماعة ولكن واخا هكاك ماريا بقات متحفظة من جيهتها معاودات ليه والو..سلاو الفطور ديالهم خلصات ماريا بإصرار منها ورجعو لطوموبيل وهاد المرة الوجهة للمول..من بعد دوران ختار ليها وسيم كسوة تحت ركبة فيها فتحة صغير بالكمايم ديالها كول V فدهبي أما لبسة تانية.. هاديك عليه هو مفاجأة وكادو منو ليها..دخلات تقيس وفهاد الوقت دار إتصال ديالو باش يجيبو ليه كسوة بتفاصيل لي بغا وتكون عندو فصباح مع 9 تكون واجدة حيت الحفلة أتبدا مع 2 ديال العشية...
- خرجات ماريا قدامو كتستعرض فالكسوة لي جاتها فنة تقول مفصلة ليها..عطاها وسيم الأوكي وخداوها...
وسيم : دابا انمشيو لدار ياك؟
ماريا : لا اندوز لمدرسة نشوف دراري واش خدامين على ريبيتيسيو ونرجع عندك..
وسيم : ماتعطليش عليا عندنا خدمة بزااف وخاصني نوقف عليها بيدي..
ماريا : لا مغنتعطلش...وصلها شيفور قدام المدرسة دخلات بحرا لقاعة لقات دراري كلهم تم صوت الالات كيتسمع من الباب..غير شافتها سومية جات عندها كتجري عنقاتها..
ماريا : أمضرا فين وصلتو؟؟
سومية : كولشي هو هداك..خدامين على الأغاني لي عندنا..
ماريا(تأكيد فكلامها موجه لجميع) :
- بغيتكم تعاودو وتعاودو تخدمو على (رسامي خالية) الأغنية الأساسية ضروري حيت هيا لي اتفتاتح بيها الأمسية وهيا فين خدامين فيها كاع الالات الموسيقية لي خدمنا عليهم وفيها فين اتبينو حنت إيديكم وكاع لي تعلمنا مفهوم؟؟..
- مدخلو لدار حتى ودن الظهر عاد دخلو..تلاقو مع ناس قد قد...وسيم هرب طلع وماريا وحلات طاب وجها بسلام سلم مع هذا ومع هذا حتى حسات بدوخة...ماهربات غير بالكشايف..دنيا مقلوبة لداخل بتوجاد العرس وبرا بالإنتخابات جواد غير داخل خارج واقف على الحملة ديالو بيديه..
ابتسـم ... فأنت هنآ ليوم جديد وأُتيحت لك فرصة سُلبت من غيرك ، قآوم وعِش كمآ يحلوُ لك ؛ فالحيآة جميلة رغم المصآعب والألم..
****
فالقاعة لكبيرة الخدمة على قدم وساق العرايسات كالسات على الفوتوي مريحين راسهم دايرين ماسكان على الوجه ديالهم ويديهم...او زسيم واقف هو وماريا أي حاجة جديدة كيجي يوريها لبنات فطابليت باش يختارو ويعرف مايقاد مايزيد وماينقص ماريا حتى هيا واقف معاه توش لي بانت ليها مازوينة تكولها ليه مرة تعصبو يجري عليها ويقلبوها سباط ومرة تعجبها الحاجة تفرحو ويكلس يعنق فيها وينقز...لباسي بداو كيوجدو وبقاو اروتوشات الأخيرة من تنبات العقيق وطريزات والعقاد...سهام مسكينة يلاه كتجي تكلس ترتاح حتى كتسمع سميتها وتنوض كتجري غير هازة واحد المذكرة وستيلو وتقيد وقرعة ديال العصير ديال الليمون باش يعطي الطاقة لوسيم باش يخدم...وردة وإقبال كل مرة واقفين كيجرب عليهم لبيسات باش لي واسعة تنقص ولي خاصها شيحاحة يقادوها...ديك العشية كلها خدامين حتى وصل العصر وفات عاد سلاو...عطا وسيم إستراحة لطاقم ديالو على موعد غدا باش يكملو مابداو العريسات كل وحدة مشات لبيتها ترتاح ليها شوية...بقات غير ماريا او وسيم..
- مسكينة كانت شوية أطيح كتقتلها بالخلعة حشومة عليك..
وسيم : خدمتها متقونة وعزيزة عليها وعزيزة عليا حتى أنا..
ماريا : وعلاش كتعامل معاها بحال هكاك..
وسيم : كيعجبني نشد فيها شوية وزايدون إلى كلت ليها خدمتك زوينة اتشنت ويعجبها راسها ومغاتبقاش خدامة من نيتها هادشي لي كندير فيه مزيان لمصلحتها باش تكون قوية دازو على صباع إيدي غيرها وغيرها كلهم غير يحسو بنغزة كينفشو ريشهم داكشي باش خليتها تحت جناحي تعلم مني مايفيدها لدواير زمان.. وانت اعراق سوس براكة من الفلسفة وزيدي نبالي بيك عرفتي عييت والله..
ماريا : حتى أنا والله بلاتي ترتاح ونبداو..
وسيم : نونونو أيبرد فيا دم ولكن اطط نسد الباب مايدخل علينا حد مكتبغيش شي واحد يقاطعني..ناض كيقاد فكصتو سد الباب والكلب ديالو تشيواوا تابعو من لور...
وسيم : يلاه ابب vيان إيسي..(أشر ليها قدام واحد المرايا)..جات وكلسات فداك الكرسي مقابلة مع المرايا..خلاها ومشا لواحد الباليزة كبيرة ديالو جابها جارها وحطها قدامها فتحها كانت عبارة على صالون تجميل متنقل كاع لي تحتاجي تلقايه من صبايغ وشعر زايد طويل قصير صفر كحل مكياج أشكال شومبوانات كذلك ماريا دارت إيدها على فمها شهقات..
ماريا : واووووو هادشي كلشي ديالك جايبو معاك...
وسيم(كيشوف فيها بنص عين هز إيدو ودار ليها خمسة على عينها) :
- أوووخ خمسة وخموس كيفما شفتيهم تخليهم يلاطيف لوطف..
وسيم : تحسبا لأي طارئ متعرفي العروسة ميعجبها داكشي لي دير ليها الكوافورة كنكون انا واجد كلشي فيا الحمد لله وكل إفتخار(صغر عينيه) هممم زين ديالي واجد؟؟
ماريا(تبسمات ليه) 😊:
- واجدة...
وسيم(بحماس)😉 :
- ليتس gووو بيبي...دار ليها طابلية على عنقها لبس ليgات خلط صباغة هيا لولة باش يرجع ليها شعرها لونو طبيعي الكحل... وبدا كيطبق ليها صباغة على شعرها...حتى يلاه كامل غطا ليها شعرها باش يسخن وفهاد الأثناء دار ليها ماسك لوجها مرطب باش يحيد ليها العيا باش تكون منورة فالحفلة...كلس حداها كيرتاح ويشرب فالعصير ويعاود ليها..شاف فساعتو لقا سلا الوقت اول حاجة زول ليها الماسك...عاد داها الحمام غسل ليها شعرها بواحد شومبوان خلى شعرها كيبري..رجعها لكرسي وهز من حداها واحد البوشيط فتحها كان فيها شعر طويل زايد..شاف فماريا وغمزها😉...خدا العبار وبدا كيركب ليها شعر من النص ديال شعرها...بدا غادي معاها دقة دقة حتى سالة غير سالة صايب ليها شعرها بالبلاك وشعر زايد صايبو بحال الى بوكلي...شافت راسها فمرايا كانت كتبان وحدة أخرى غير ماريا هيا زوينة وزادت جمالية وإثارة...ماسالة معاها حتى فات المغرب او فات...
وسيم(عيا) :
- وأخيرا...😥وقف وسيم كيشوف فالإنجاز لي دار فعلا إنجاز..
ماريا(متفاجأة) :
- واو تبدلت😲
وسيم(فرحان) :
- عارف أحبيبة عارف راسي شنو كنخرج من إيديا...دارت عنها وعينيها كلهم حب فتحات إيديها جايا جيهتو...نقز لقنت لبيت ودافع إيديه...
وسيم : سيري سيري بعدي لهيه مكنحملش لي يعنقني ولا يبوس فيا سيري لهيه..
ماريا(كضحك) :
- واخا عليك أزغلولي نتفاهمو من بعد ولكن بصح شكرا بزاااف هادشي غزاال..
وسيم : مكاين شكرا بين الأصدقاء يلاه يلاه بيتك خليني ناخود دوش خفيف قبل العشا فيا جوع وعلى الله مايحطةش ليا مع دوك الوحوش أنا ماكلتي قليلة منجي فين ناكول حتى نلقاهم طارو بطباسل.
ماريا(كضحك):
- الى كلاو وخلاوك انا نطيب ليك ماتشهيتي..
إلى كلاو وخلاوك أنا نطيب ليك ماتشهيتي..يلاه أنا مشيت أه وشكرا مرة خرى...تبسم ليها عربون محبة خرجات فطريقها لبيتها طلعات رابحة كتجري عندها وقفاتها...
ماريا : وصافي خلي غير يدوزو هاد الأيام حيت إلى تزادنا حتى عرسك أنت سلوكة ديال راسنا أيتقلبو..
رابحة : حلفي اختي ماريا حتى جاني عريس؟
ماريا : وحق الله حتى جاك عريس زوين وخدام مزيان وغير شافك عجبتيه وبغاك على سنة الله ورسوله ومامبلي بوالو وظريف وضحوكي والفن..
رابحة(عينيها كيبريو) :
- شكون هذا أختي ماريا؟
ماريا : حتى لمن بعد(بغات تلعب بأعصابها)..
رابحة(تنقز بحال درية صغيرة) :
- وعفاك أختي ماريا عايشك عايشك كولي ليا..
ماريا(كضحك) :
- ههههه زربانة الالة خويا آدم شافك وبغاك..
رابحة(عينيها ترسمو فيهم القلوبة وفمها دلدل)...ماريا كدوز إيديها قدام عينين رابحة..والو غيبات سرطات لسانها وتكول واش بغات تهضر...رجعات بخطوات لور معنقه إيديها شوية رجعات وبلاما تكلم حطات جوا لماريا فيديها لي بقات واقفة كتشوف فيها..ورجعات مكملة طريقها معنقة إيديها وهابطة مصدومة..ماريا دورات راسها يمين وشمال كضحك..شافت فجوا دوراتو ممكتوب فيه والو غادية لبيتها وكتفتح فيه..لقات فيه الكروت ديال دخول للحفاة لي وصات عليهم باش تعطيهم للعائلة لأنو بلا بيهم مغايدخلوش شخص لي وصاتو يجيبهم ليهم وصاتو يوصل 4 لدار عندها وحدة لباها وتانية لمليكة او حليمة وأدم..دخلات لبيتها حطات لكروت وتكات ترتاح شوية شافت فساعة كانت 8:30 قرب وقت العشا..ناضت جبدات سروال على شكل كولون فالكحل مع صباط بلا كحل وتريكو فالخضر مكتوب بالكحل مشات قدام المرايا قدات وجها عكل غوز مع قلم خضر قدات شعرها ورشات من البارفان ديالها هزات لي كارت فيديها..خرجات من البيت وتمات غادية باش تهبط...تلاقات مع وسيم خارج من بيتو مريح ومقاد وكيتمشى بنخوة غير شاقها هز حاجب وهبط تاني..
وسيم(بإعجاب) :
- واووو على باكيزتي اليوم جواد يخرجو عينيه من جدر ديالهم..😂😂
ماريا : ياك المهم عجبتك انت المباقي مكيهمنيش
وسيم : يخليك ليلي أزين ديالي الفتان...مد ليها دراعو خشات إيديها فيديها وتمو هابطين صوت توشويش خفيف بانت ليهم العائلة صغيرة لي كالسة اما ضياف جداد مكاينين..كان كالس جواد حدا باه داير رجل على رجل وكيتناقشو فأمور الخدمة والإنتخابات حتى وقفات عليهم ماريا...كاع لي فصالون وقفو عينيه عليها كولشي سكت وأهم واحد لي كلاها بعينيه هو جواد عينيه منزلوش عليها نهائيا من فمها لي معكر بطريقة مثيرة شعر لي جا معاها روعة ورجعها أكثر أنوثة وجمال كانت مبدلة بزاااف لدرجة تقدر متعرفهاش مبغاش حتى واحد يشوف فيها حتى من خوه أمين لي بدا كيصفر فاش شافها مكرهش كون ينوض يشنق عليه يسلخو مكرهش يهزها يخطفها ويعزلها على هاد العالم كلو..فيقاتو من سهوة ديالو غير هضرتهم ليها..
وردة : واووو ديما كنكوليك الشعر طويل كيجيك خطير..
أمين(كيضحك) :
- كيبان ليا كون غير تزوجت بيك انت قبل من وردة...وردة ضرباتو لكتفو..
ماريا : سكت دابا دبحك حتى انت راه خديتي زين..
إقبال : وصراحة جيتي خوخة والله..
هاجر : ماريا ديما خوخة غير دابا ولات خوخة ومشماشة وفريزة😄
ماريا : رديتوني طبسيل ديال ديسير الله يعطينا وجهكم..نقز وسيم..
وسيم(معنقها من كتفها) :
- خليو عليكم زين ديالي الفتان لا ضربوها ليا بالعين..
طارق : وهانتي يلالة شنو بغيتي..جواد لي مصغر عينيه وبركان هايج نايض فيه مكرهش ينوض يشد وسيم يقسمو على زوج مصبر راسو غير بزز..
ماريا : مهم أنا انفرق عليكم كروت دعوة عنداكم تخليوني منشورة ومتجيوش؟(شافت فالحاج)..
ماريا : عمي عنداك متحضر خصوصا أنت عارف الحضور ديالك شحال مهم بنسبة ليا..
الحاج : أنا أول واحد اتلقايني فصف حفلة بنتي ومنحضرش..عطاتهم كروت دعوة بقا ليها غير جواد..ضارت عندو ومدات ليه جوج كارطات..
ماريا : وحدة ليك او وحدة لي عزيز عليك مرابانا تبغي تجيب شي واحد معاك😉..هز حاجبو طلعها وهبطها شد لي كارت عندها بلاما يزيد هضرة..وقف وشاف فالحاج.
جواد : الحاج اما طالع لبيتي نرتاح.
الحاج : مغتعشاش؟
جواد : لا مخاصنيش راك عارف مكنقد على صداع راس تصبح على خير..دار شاف فماريا لي ماعبراتوش.
لي معبراتوش حتى بشوفة مشغولة كضحك مع البقية ممسوقاش..دار وخلاهم طالع بنخوة وعجرفة لبيتو..دخل كبزول فحوايجو ويخبطهم مع الأرض كيبرد فيهم نار الغيرة لي راكباها من ساسو لراسو...كلس علو طرف مموسية شاد راسو بيديه حاس براسو كلو كيترعد بالأعصاب عروق عنقو تنفخو وقف جبد كارو شعلو وتقابل مع سرجم كيخرج دخان من فمو وعينيه نايمين معسلين ساهي فهاد دوامة لي تحط فيها كون عندو عقل دابا مغاديش يخلي راسو يرتابط بماريا ولا يتعلق بيها ولا يبغيها ولكن البكا من ورا الميت خسارة ولي وقع وقع وإلى بغينا شي حد من أعماق قلبنا مستحيل أنو نقدرو نحيدوه من قلبنا واخا يوقع لي يوقع..
- داز العشا فجو عائلي مغربي 100فالمية خصوصا فاش كتكون شي مناسبة كتكون دار كتنغل بناس..رابحة مبانش ليها الأتر من غير هنية هيا لي تكلفات بالعشا..
من ورا العشا كل واحد طلع لبيتو ماريا لي واقفة فبيتها كتشوف فكسوتها لي معلقة مربعة بديها تنهدات تنهيدة طويلة دارت طلعات فوق نموسيتها تخشات تحط المانطة مدات إيديها لفيوز طفاتو ونعسات...
- من بعد منتصف الليل وبحال كل ليلة بخطوات هادئة تسلل لبيتها حفيان دخل وكلس بجنبها كيتلمس فخصلات شعرها المطلوق وكيدوز بظهر إيديه البشرة ديالها الحريرية الرطبة كيفاش ناعسة كيفاش رموشها مستفين خط واحد وفمها لي داير بحال حبتي كرز كيطلبو منو يلتاهمهم شي لي خلاه ينسى راسو ينسى دنيا ومافيها وبدون سابق إنذار أو تفكير هبط بشفايفو على شفايفها طبع قبلة عميقة وطويلة بحال شي غريق خرج لشط بحال شي طفل لقا حضن الأم ديالو حس بخفقات قلبو كضرب واخا متجاوباتش معاه حيت ناعسة وغايبة على الوعي ولكن بنسبة ليه هاد اللحظات بدنيا ومافيها لحظات سرية...منين حس براسو شبع من الإرتشاف عسل الفم ديالها بعد بشوية وهو قلبو كيضرب أوتار قلبو والجسد ديالو كلها كتنبض...تبسم ورجع طبع قبلة على الجبين ديالها او وقف بقى شحال على ديك الوضعية مقابلها حتى بدات كتململ عاد رجع لخطوات لور خرج رد الباب شوية وبقا واقف مقابلها شحال عاد سد الباب وراه ورجع البيتو ونعس😴..
****
لا تقل أحبّك ..
فلقد سمعتها بعدد نجوم السماء ....
إفعل ما يمليه عليك حبك ..... فنادرًا هم الصادقون !"
- صباح نهار جديد أه ضروري نقولو جديد علاش لا وحنى معارفينش شنو أيطرا فيه ممكن نتلقاو أخبار وممكن نتلاقاو مع أشخاص وممكن نتلقاو هدية وممكن وممكن داكشي باش كنكولو نهار جديد...
- ماريا لي كانت فايقة جامعة شعرها ديل حصان وماسحة وجها من أي مسحوق طبيعي عادي فاتحة واحد الباليزة صغيرة وكتجمع فيها المكياج ديالها والمتريال..حتى تفتح عليها الباب وتم داخل وسيم بحماس..
وسيم : صباح نور باكيزتي فين هيا الحيوية فين وجهك صفر بحال الى فيك بوصفير..
ماريا(كتغبن) :
- مخلوعة بزاااف اوسيم وحق الله خفت غير نكعورها من شي جيه راه أول مرة انطلع فوق لاسين والله وناس حاضرين قمان ربي العالمين عرفتي شحال من واحد ايوصل ألف واحد هدا بلا المندوب السامي او وزير الثقافة وزيد وزيد انبول فسروالي والله..
وسيم : يلاه فيت راه وصيت رابحة ياك سميتها هكا وجدات ليك واحد كاس دليمون كبير باش يعطيك شوية ديال الطاقة يلاه يلاه..
ماريا : أجي شنو درتي ليا فالكسوة؟
وسيم : انت اتسبقيني وانا انتبعك وانجيبها معايا غير يلاه...هزات ماريا الباليزة صغيرة تيليفونها او واحد صكادو وهزات الكيتار ديالها بالبوشيط دارتو فظهرها وهبطات هيا او وسيم..دخلات لكوزينة خدات الكاس ديال الليمون شرباتو دقة وحدة كانت محتاجاه باش تبرد اللهفة والخلعة لي فقلبها..
وسيم : كوني هانية بب...خرجات ماريا كتجري تصاطحات مع جواد عند الباب لابس سورفيت ديال سبور وداير الكيت فودنيه كلو كيقطر بالعرك...هزات ماريا راسها فيه طلعاتو وهبطاتو دغية دارت وراه ومشات يوصلها شيفور..دار جواد كيشوف فيها محملش البرود لي ولا فيها معرفها كدير بلعاني ولا فعلا ولات موهوبة فالبرود...
- فالمركز الثقافي جوج رجال من الأمن بالبدلة زرقاء ديالهم واقفين لافتة كبيرة مكتوبة بالأحمر..." حفلة السنة الأولى للموسيقى والغناء" واحد الصورة كبيرة عبارة عن أفيش فيه صور مجموعة تلاميذ ماريا وهيا فوق كنهوم بالإبتسامة ديالها.. وبالخط العريض مكتوب فرقة "paloma" بقيادة الأستاذة ماريا المنصوري الموعد على الساعة الثانية زوالا...المركز كان كلو زينة بالأحمر والأخضر بحال عيد العرش وصورة الملك كبيرة قدها قداش دخلو تلاميذ هوما اللولين هازين الآلات ديالهم..
هازين الآلات ديالهم وداخلين باش يتدربو شوية قبل مايبدا الحفل..وصلات ماريا هيا او سومية قد قد..خرجات سومية من طوموبيل ديال خوها ياسين لي وصلها فطريقو غير بانت ليه ماريا وهبط يسلم عليها..
سومية(مخلوعة) :
- صباح النور كيصبحتي؟
ماريا(متوترة) :
- معرفت منكول حاسة براسي مخربقة
سومية : حتى انا وحق الله الخلعة مابغاتش طلق مني مضحكاتني اماما لي مصبحة عليا بزبيب تكول غير عندي إمتحان..
ماريا(كضحك) :
- هههههه ضحكتيني أصكعة..
ياسين : صباح النور ماريا
ماريا : صباح الخير..
ياسين : كوغاج معندكم مناش تخافو ضروري من لوتخاك حيت أول مرة..
ماريا : اه بصح راه ضروري ولكن معندنا منديرو الخوف طبيعة فينا واخا تكون سنين وسنين وانت كتغني ولا كتعزف على خشبة المسرح ضروري من الخوف..
سومية : يلاه ندخلو خلاص انتعطلو على دراري..
ماريا : يلاه بسلامة ياسين..
سومية(جراها) :
- بسلامة خويا..
ياسين(تبعهم بالعين وكيشير ليهم) :
- بسلامة نشوفكم من بعد..دخلات ماريا هازة واحد البادج فعنقها هيا وسومية فيه سمياتهم دخلو للمركز الثقافي الأساتذة حاضرين والمدير وتريتور كيقادو الماكلة فالبوفي دخلات ماريا هيا وسومية للقاعة ديال تدريبات كاع تلاميذ جاو كلشي حاضر وصوت الموسيقى شي كيريgل ليكورد ديال الكيتار كل واحد وفاش ملهي غير شافو ماريا جاو عندها..
ماريا(بحماس) :
- صباح النور شباب انهضر فواحد النقطة مهمة بزاااف اليوم راه مهم لا ليا لا ليكم هاد نهار اتاخدو شواهد وغادي ينفعوكم ويزيدو بيكم القدام داكشي باش بغيتكم اليوم تكونو طوب دو طوب مفاهمين..
الكل : وييييي شاف..
ماريا(كتصفق) :
- يلاه ألي ألي كملو تدريبات حمزة أجي انا وانت..
- حمزة : داكوغ...سومية مشات مع الفرقة كتدرب او ماريا هيا وحمزة كيدربو على الأغاني لي عندهم...كلما داز الوقت كلما التوتر كيزيد والخلعة معاه...
- بداو الناس كيجيو والقاعة المخصصة للحفل بدات كتعمل الكراسا لي كان لونهم فالبوردو لورانيين بداو كيعمرو بقاو غير القداميين لي مخخصين لأهالي الطلاب والفرقة لي اتعزف ولمندوب والوزير والأساتذة والمدير...
- ماريا غادية جايا فالبيت لي مخصص لتبدال كتشوف فساعة وتسمى فوسيم..هيا كتفكر فيه حتى تفتح الباب وطل براسو..
وسيم : تراااا أنا جيت...كان هاز فيديه واحد البوشيط كبيرة فالبيض..
ماريا : الله ياربي الله مالك على هاد تعطيلة عرفتي شحال فساعة قريبة لوحدة مابقا والو..
وسيم(سد الباب) :
- مزال الخير والبركة..
ماريا : فين سهام شفتك مجبتيهاش..؟؟
وسيم : بيني وبينك عطيتها عطلة زغبية بقات فيا ههههه اليوم خرجات فالبلان قهرتها على شوية ويسكت ليها القلب ومع أنا قلبي حنين بقات فيا وعطيتها روبو..
ماريا : يلاه يلاه دغية..كلسات ماريا على كرسي مقابلة مع المرايا..وبدا وسيم خدمتو أول حاجة بدا بشعرها لي دار ليه تسريحة مختلفة خدا جيل ومصاه على شعرها من القدام حتى ولا جامد ولكن خلى ليها القدام شوية مرخوف وعاد كمل بشعرها من لور بنفس طريقة..عاد داز لمكياج ختار يتقل ليعا عينيها بلون أسود خفيف شوية مع شفار تقال مع لمسة كلوس فالموف بارد وخفيف لبسها الكسوة لي جاتها فنة مع حلقات على شكل 8 بدهبي وسباط عالي فنفس اللون..بعد عليها كيشوف فيها..
وسيم(معنق إيديه) :
- اخخخ جيتي تحفة تحفة فنية اليوم انا متأكد الأنظار كلهم أيكونو عليك...قاطعم دقان فالباب دخلات سومية لي كانت لابسة كيوة فالبيض بلا إيدين دات طابع إسباني وشعرها دايراه بوكل لمسات خفيفة من المكياج وحلقات فالغوت بحال الريش..
ماريا : أممم دابا يجي يلاه نشوفو دراري..مشاو عند دراري لقاوهم حتى هوما واجدين لباس موحد سراول فالكحل مع شوميزات بويض وبابيون فالكحل..
ماريا : دراري واجدين ياك؟؟
الكل : وي واجدين..دخل عليهم المدير..
- شباب وصل الوقت ماريا تفضلي للمنصة ها لميكرو..
ماريا(شدات الميكرو عندو) :
- داكوغ سي جلول أنا انخلط عليك دابا..أشر ليها براسو ومشا...دارت عند الدراري..
ماريا : كوغاج وكونو قدها نو ستريس نو خلعة تافقنا..أشرو ليها براسهم خلاتهم ومشات وقفات بعيدة على لاسين شوية تنفسات مزيان قرات القرآن ودعات باش ربي مايحشها هزات راسها بكل ثقة وتقدمات للمنصة...كاتبان ليها القاعة الكبيرة كلها ناس عائلتها فصفوف الأولى وناس لور المدير ومع المندوب والوزير وشي ناس أول مرة تشوفهم...
تطفى الضو فالقاعة وتسلط الضو عليها مع مزيج من دخان...
ماريا(مع إبتسامة) :
- سلامو عاليكم أول حاجة مرحبا بيكم فهاد الملتقى الثقافي بإسم مدرسة البهجة كنتشكركم على الحضور ديالكم شكرا حيت خديتو من الوقت ديالكم وجيتو تقاسمو معانا هاد الوقت لي أنا متيقنة أيدوز من أحسن الأوقات كنشكر سيد الوزير على الحضور ديالو وسي المندوب لي شرفونا بزيارة ديالهم وكذلك كنشكر الأهالي لطلابنا لي جاو يتقاسمو معانا هاد الأوقات الزوينة...
(تصفيق حار من طرف الجمهور على كلام ماريا لي كان نابع من القلب)..
ماريا : لذلك بلاما نطول عليكم أنبداو بأول فقرة لينا وأنفتاتحو هاد الأمسية بأغنية مغربية تراثية قديمة أكيد شكون لي مايعرفش مجموعتنا المشاهب أغانيها الجميلة لي قدمات وتحفاتنا بيها..أغنيتنا ليوم هيا بمتابة سنفونية واكيد أنرددوها جميع يااك أتغنيو معانا..😄..
ماريا(كتردد كلمات من الأغنية على وزن الشعر) :
- خليلي علاش تعاديني تهجرني وتخلي لي رسامي خالية غدير وشعبة وحيوط مخربة هاديك الرسامي الرسامي..سيادنا نستقبلو جميع وبحرارة فرقة paloma..بداو تصفيقات حارة فالقاعة ودراري كيخلو واحد بواحد هازين الالاتهم الموسيقية ومعاهم سومية وقفو صف واحد وحناو راسهم كعربون شكر ومحبة كل واحد وقف فالمكان المخصص ليه عم سكات والهدوء فالقاعة وتطفا الضو تسلط فقط على المنصة وعلى المجموعة..ماريا وقفات بعيد كتسناهم يبداو وعينيها لمحات شخص دخل للقاعة دورات راسها بان ليها جواد واخا الظلام ولكن ميزاتو داخل بهيبتو المعتادة نيفو فسما لابس كوستار فزرق دون الناس لي كالسين كيلفت الأنظار ليه ولكن لي لفت إنتباه ماريا كتر هو الشخص لي كان معاه ماميزاتش مزيان مع الظلام شوية ولكن لي متأكدة منو أنو لي معاه بنت...طولات شوفة فيهم حتى سمعات أنغام الموسيقى كتعزف عاد دارت وعطات إنتباها لتلاميذ ديالها هذا ماشي وقت جواد هذا وقت الخدمة دابا...بدات كتعزف الألحان خفيفة من يد طلابها لي غاديين مع نغمات الموسيقى كيتعاملو مع الالات ديالهم بحال الى ولادهم وهادشي لي علماتهم ماريا وطبقوه ماحشموهاش..
- بدات سومية هيا لولة كتغني بصوتها رقيق لي بحال الكروان..عاد تبعوها باقي الشباب..
- "" 🎻🎺🎹خليلي علاش تعاديني و تهجرني و تخلي لي رسامي خالية رسامي خالية هاذيك رسامي غابة و غدير و شعبة و حيوط باقة مخربة هاذيك رسامي رسامي خالية هاذيك رسامي ها ويهيم الوجد بيا كيف الدزيرة فيها يخلي ويملي يغرس نخلة و ينصب فدان
و يضيق الحال بيا كي انشوف نجم من سماه ساقط بعد أن كان معلي فشكلو نقطة وزنها أطنان خليلي علاش تعاديني و تهجرني و تخلي لي رسامي خالية رسامي خالية هاذيك رسامي
فكرك جبال عالية ما تباع بمال صرخة منك تخلي لبصار فيك شاخصة تعليمتك راصخة لحياة دونك موحال لكن نوارك صاطعة لحياة ماتدوم ناقصة خليلي علاش تعاديني و تهجرني و تخليلي رسامي خالية رسامي خالية هاذيك رسامي... ""🎻🎺🎹
تبسمات ماريا وشافت فسما كتشكر الله حيت تلاميد ديالها فرحوها ودارو أحسن منلي كانت متوقعة دارت وبخطوات سريعة مشات عند وسيم باش توجد راسها أما تقديم أيتكلف بيه المدير ديال المدرسة من بعد مايلقي خطاب على المدرسة ومشاطات ديالها ويعطي الوزير الكلمة ديالو حتى هو..
- همس محمد لحورية فودنيها..
محمد : عمري كنت كيحسابلي بنتي عندها بحال هاد الموهبة هادي صراحة برافو عليها..
حورية (شافت فيه) :
- كونما تلاقات بختها وعلماتها وخرجات منها هاد الموهبة هادي عمرنا نعرفو بنتنا عندها هاد الطاقة الحمد لله ببنياتي الله يخليهم ليا..رجعات راسها فين كانت كتشوف قبل كانت ورا أحمد بجوج صفوف كيبان ليها كيهضر مع مراتو..
محمد : بان لي؟
حورية : فصف القدام كنتمنى هاد النهار يدوز على خير ومنبانش ليه...
محمد(كيطمن فيها) :
- كولشي أيدوز على خير غير تهناي..
سلات الفرقة العزف والأغنية ديالها الجمهور وقف كيصفق ليهم حيت يستاهلو كانو فالمستوى المطلوب وكثر...تحناو للجمهور عربون شكر ليهم ونساحبو من القاعة هنا طلع المدير باش يلقي الكلمة ديالو...
فوسط هاد الناس كلهم هو الوحيد لي بالو ممعاهش بالو كلو معاها كيفاش كانت كتبان كيفاش بانت ليه فاش يلاه حط رجلو فالقاعة خطفات الأنفاس ديالو بهراتو بالجمال ديالها حس بحرقة كبيرة فقلبو حرقة زندات الفاخر ديالها لبارح وشعلاتها اليوم وموحال واش غادي طفا وعمرها مغاطفا مستحيل كان كالس على أعصابو عينيه على الباب باش دخل ناسي لي معاه وناسي الضيفة ديالو لي جايب ناسي كلشي غايب على هاد العالم علمو هو هيا ماريا لا غير...
- فصف الأول..
إقبال : أجي واش شفتي هاديك البنت لي دخلات مع جواد معرفت شكون هيا وفين فايتلي شايفاها؟
هاجر : يقدر أشيوحدة دخلات معاه قد قد وكلسات حداه حيت ماشفتهاش كتهضر غير دايرة رجل على رجل وكتشوف بغرور وساكتة
إقبال : معرفتش أنا عند بالي جات معاه بصح ممكن تكون اتلقات معاه عند الباب ودخلو بجوج..
وردة : أش كتوشوشو انتوما لجوج؟
هاجر : ياختي غير طالقة ودنيك من بعد ونكوليك دابا أنا كنتسنى غير ماريا إيمتا غادي طلع..
إقبال : ناري حتى انا متحمسة بزاااف والله..
وردة : ماري أعدى حاجة عندي هاد الخطابات والله.. نباهم أمين..
أمين : شششت كاع ناس سلكتة حتى ليكم أنتوما راه قلت إحترام هادي سكات..شافو فيهم وسقلو متلاوش رجعو هضرو..
#عند_ماريا..
واقفة كتشوف فالمرايا وساكتة وراها وسيم مبسم وعاجبو راسو وإنجازو والكادو ديالها..كطلع راسها من الكسوة لي كانت لاصقة عليها كلها منبتة بحجيرات صغار من الفوق بلون شفاف وليدين مطروزين ومنبتين ومن اللور عندها ديل طويل كيتفتح على جوج جوايه فلون البيج مع صباط عالي فنقري وحلقات مع كولي ديالهم أما شعرها جمعو ليها ودار ليها فرقة فجنب أما المكياج بدل ليها غير لكلوس بواحد فالبيج...
وسيم : مالك؟؟
ماريا(مبهوضة) :
- لأول مرة فحياتي غادي نلبس كسوة بحال هاد الشكل صراحة أحسن كادو أيجيني..دارت عندو وتأتر باين فوجها تمشات بشوية تجاه وسيم وعنقاتو حتى هو بدورو عنقها..وكيطبطب على ظهرها..
ماريا(بعدات عليه شوية وهيا مزال شادة فيه) :
- شكرا بزاااف..
وسيم(صغر عينيه) :
- شنو كلنا؟😑
ماريا(كضحك) :
- مكاينش كلمة شكرا بين صحاب😂
وسيم : يلاه سيري وفرشخي ليا العالم..
ماريا(متوترة) :
- اوووف بغيت شوية ديال الطاقة..
وسيم(كيفكر) :
- همممم شحال هادي فاش كنت صغير وكانت عندنا جدة الله يرحمها ونهار أيدخلوني لمدرسة كنت مخلوع بزاااف وغير كنبكي...جات عندي جدة وشدات فيدي وكاتليا ديما فاش تكون مخلوع شد فيدي وكول " تيكشبيلة تيوليولة ماقتلوني ماحيواني غير لكاس لي عطاوني الحرامي مايموتشي جاب خبارو في الكوتشي أااا لابانية كحلة وسودانية"هههههه انا كانت كتجيني ضحكة ولكن فاش جربتها طلعات بصح كتحيد ستريس والخلعة...أري إيديك..مدات ليه ماريا إيديها وبدا كيدور بيها وهيا كتردد :
" تيقشبيلة تيوليولة ماقتلوني ماحيواني اغير الكاس لي عطاوني الحرامي مايموتشي جاب خبارو في الكوتشي أاا لابانية كحلة وسودانية"😂😂😂
وسيم : كوني هانية يلاه سيري او وريهم بكيزتي علاش قادة..عنقاتو ماريا وخرجات من البيت غادية متوجهة للمنصة بكل رقي وجمال كلها كتشعل مضوية بنهار..
#على_المنصة..
المدير : ودابا كنطلب منكم تصفقو وبحرارة للأستاذة ديالنا الجميلة ماريا المنصوري وغيرافقها فالغناء والعزف التلميذ حمزة الجندي...بداو تصفيقات حارة من المتفرجين وتصفار من أمين وطارق لي وقفو كيصفرو على حر من جهدهم أما من ناحية لوخرا فكان جواد كالس على أحر من الجمر والغيرة كتاكل فيه ماكلة مابغاش المدير يكول عليها زوينة ومابغاش شي راجل يغني معاها ولا يتحك معاها تقهر ومكرهش ينوض ويهزها على كتافو ويهرب بيها بغاها تغني ليه وتعزف ليه بوحدو بحال شهريار وشهرزاد فالألف ليلة وليلة..جمع إيدو على شكل قبضة وكيتسنى طلوع ديالها بفارغ الصبر..
رجع طفا الضو فالقاعة وعم الهدوء دخل حمزة لي كان أنيق هاز كيتار فيديه كلس فبلاصتو وقاد الميكرو قدامو بقات غير ماريا لي ماكملة تانية تبعاتو ودخلات بالإطلالة ديالها كتبان بحال شي أميرة خطفات الأنظار كولشي مبهور بيها وبأناقتها والإبتسامة على وجها..وقفات قدام الميكرو لي هزاتو بين إيديها وبضحيكة بريئة شافت فالجمهور...
ماريا : شكرا بزااف مرة أخرى لتشجيعكم ولحضور ديالكم بغيت أول أغنية انفتاتح بيها الفقرة ديالي هيا هدية خاصة لواحد السيدة هيا لي علماتني أسس الموسيقى وعلماتني كيفاش نشد الكيتار كونماشي هيا مكنتش أنكون هنا هاد الإنسانة اليوم مكايناش معانا صراحة مابقيتش عرفت عليها حتى خبر وهاد الأغنية هدية ليها ولمدينتها وناسها ناس الشاون ناس الجبال ناس الكرم والضيافة وحسن الأخلاق هاد الإنسانة لي بفضلها حبباتني فهاد المنطقة واخا عمري مازرتها سمحوليا الى طولت عليكم شكرا...
(تصفيقات حارة)..
رجعات ماريا بخطوات لور دارت الأوكي براسها لحمزة لي بدات إيدو كتعزف على أوتار الكيتار بكل سلاسة وإحترافية..حدرات ماريا راسها وخدات كيتار ديالها وبكل حب وحنان صباعها كيلعبو بأوتارو وهيا عايشة حاسة براسها بوحدها فعال ديالها الخاص هيا وحمزة كانو قمة فروعة🎸🎸
- ماريا وحمزة خطفو الأنظار هيا وياه كان بيناتهم إنسجام زوين بزااف لي تكلل وغايسالي على آخر أغنية..
ماريا : جاءك الغيث إذا الغيث رمى يا زمان الوصل ب الأندلسي يا زمااااااان يا زماااان يا زمااااااااااان الوصل بالأندلسي
لما بدا منك القبول لما بدا منك القبول اخرجتوني من سجن الأسى ها ها ها ها لما بدا منك القبول لما بدا منك القبول اخرجتوني من سجن الأسى ها ها ها هيي
موسيقى
وزج بي عيني الوصول وزج بي عيني الوصول
وصرت بيك كمؤنسا ها ها ها ها وزج بي عيني الوصول وزج بي عيني الوصول
هيانا عين....
- عزفات أنامل ماريا آخر نوطات وختماتها ختام المسك..الجمهور كولشي وقف وتعلات التصفيقات حارة وتصفار كلشي عجبوه هاد الكوبل لي غنا وعزف بكل إحترافية...ماريا فرحانة بزااف شافت فحمزة وعنقاتو عناق أخوي لي مدازش مرور الكرام على جواد...من بعد هاد الفقرة جا وقت البوفي عاد وراها ايتفرقو الجوائز وشواهد..غير خرجات ماريا على برا وجا الوزير والمندوب سلمو عليها وشكروها وشهدو بأداءها زوينة بزاااف شوية جا وسيم كينقز معنقها..
وسيم : صورت كلشي كنتي فنة فنة أخخ أقلبي أخخ..جات هاجر وإقبال كيجريو عندها او وردة معنقيها وكينقزو فرحانين نباها الحاج من اللور..
الحاج : تبارك الله عليك أبنتي داز داكشي زوين بزااف..
ماريا : شكرا أعمي معرفت فين بابا؟؟..
الحاج : أيكون غير تعطل مع زحام..حسات بإحساس بلي كاين وراها شي لي خلاها تلفت وفعلا لقاتو..
جواد(بكل غرور) :
- برافو كانت الحفلة زوينة..
ماريا :شكرا..شوية بانت ليها إيد بيضة تسللات ليديه وشدات فيه طلات بشعرها الأشقر وعينيها فلون سما وضحكة غرور على وجها بكسوة فالبيض مع بانضا فشعر فالحمر وظفار طوال مطليين بلون سومو او بدلع فصوتها نطقات...
ماريا غير شافت باها ستأدنات منهم ودارتها حجة مزيانة باش تحيد من حداهم مابغاتش تخصر عليها اللحظة والفرحة لي كتحس بيها..
أحمد(عنق بنتو) :
- بنتي الله يرضي عليك كنتي فوق المستوى تبارك الله عليك..
ماريا : الله يبارك فيك ابابا..عنقات مليكة حتى هيا..
مليكة : صورت كاع الفقرة باش تبقى عندي برافو عليك أبنتي داكشي زوين..
ماريا : ربي يخليك أماما فين هو آدم..
آدم(خرج راسو من تحت إيد مليكة) :
- تراااااا..
ماريا(ضرباتو ضربة خفيفة) :
- بسم الله الرحمان الرحيم فين كنتي فين
آدم : غير هنا ولهيه صراحة داكشي مزوينش كون جبتي أشيخات بعدا كوميم..
ماريا(خرجات فيه عينيها) :
- ياااااك أجي لهما نكوليك أجي...هرب ليها كيضحك وكيجري وهيا تابعاه بحال الحماق كيتجراو ودايرين أحمد ومليكة الوسط دوخوهم...سخفها مع لابسة طالون وقفات شدات فجنبها كتسترجع أنفاسها..
آدم : صافي هذا هو جهد ياودي ياودي على شباب صافي شرفتي أشعيبية مابقا فيك جهد..
ماريا : راه غير حيت لا..
أدم : راه غير حيت لابسة طالون أبازز وجهك قاسح اغير عتارفي مابقا فيك جهد أحنينتي..
ماريا(صغرات عينيها فيه وجمعات فمها مقلقة زعمة وكتشكى) :
- ماما هضري معاه..
مليكة : انت هدا على ختك خليها عليك..
آدم(كيضحك) :
- راه غير بغيت نشد فيها شوية وصافي(عنقها) أحسن كيتاريست فالمغرب والعالم كلو الفنون ديالي تبوكيصتي.. 👩🏻🎤
ماريا(مدات شلاقمها كدلع بحال بنيتة صغيرة) :
- بصح بصح انا زوينة؟☺
آدم(دار إيدو على كتفها) :
- هل عندك شك أنك ارقى وأحلى مرأة في دنيا هل عندك شك..ماريا ضحكها بلهلا يطريه ليها جات عينها فعين جواد لي كان حاضيها منزلش عينيه عليها ولكن هيا لي سرعان ماحيدات عينها عليه فعلا لمت العائلة وحبهم ليك مكيتباع مكيتشرا ولو بكنوز دنيا كلها الى كان عندك نقص من واحد الجانب كيزيدو ليك الله فجانب أخور وهو العائلة..
- فجهة لوخرا واقفة سومية او حورية ومعاهم ياسين ومحمد..
سومية : مافهمتش علاش أماما مابغيتيش نمشيو نسلمو على عائلة ماريا ومنها نيت تعرفي على والديها
حورية(بصرامة) :
- راه واقيلة هضرت وكتليك لا هيا لا واش ناس مع بعضياتهم نجيو حنا نمشيو عندهم راه حشومة...شدات حورية فراسها وجاتها دوخة..غير ياسين لي شد فيها..
جواد : كيغزز فسنانو) أنا مخدمتكش عندي باش تكوليا والو بغيت خدمة متقونة..
جلال : غير صبر عليا أشاف شوية
جواد : واقيلة توحشتي داركم توحشتي تبقى بلا خدمة بلا ردمة مابغيتش حجج فارغة ومعنديش كلمة صبر فالقموس ديالي هاد المرة منين نعيط ليك نبغي كلمة وحدة كاين تفاهمنا..
جلال : كون هاني أشاف ولكن راه حافضة سواريها مزياااان ومجات عندك حتى عرفات علاش جات..
جواد(كيضحك بستهزاء) :
- وغادي تندم على نهار فاش جات عندي فيه لي كيلعب بالعافية كيتحرق بيها هو لول...طفا عليه تيليفون دارو فجيبو وخرج...
#عند_ماريا
هاجر : شفتيها كيف خرج ساعر..
ماريا : فين عمر خوك مكانش ساعر غير كولي ليا راه ديما مسعور الله يحضر السلامة رجليه كيضاربو مع إيديه...بقاو مجموعين كيضحكو حتى عيط عليهم المدير باش يستالمو الجوائز ديالهم..رجعو للقاعة من بعد ماعطا الوزير الكلمة ديالو بدا كيعطي الجوائز وشواهد تقديرية لتلاميذ ومعاهم ماريا لي كانت فرحانة بزاااف مقادها حتى واحد فرحة...
- ماسلات الأمسية حتى ل7 ديال العشية عاد سلات أحمد ومليكة وآدم رجعو لدار والحاج والبقية رجعو لقصر...ماريا وصلات مهدودة طلعات نيشان لبيتها ردات الباب وراها مع دارت كتبان ليها كارطونة كبيرة فالكحل ضايرة وخارج منها بوكي ديال الورد فالغوز بارد مايل لسومو وحداه واحد البوشيط صغيرة فالكحل..ستغربات مشات جيهتها هزاتها كتقلب فيها مالقات لا كارت لا والو معاها..هزات البوسيط قلباتها لقات فيها سنسلة ديال الإيد منقوش عليها أول حرف من سميتها عجباتها بزاااف حيت بسيطة وراقية عجبها الكادو واخا ماعرفاتش شكون مسيفطو ليها المهم عجبها..هزات ديك الكرطونة حطاتها على الكوافوز جنب راسها وسنسلة دارت فواحد الصندوقة ديالها أما الجائزة وشهادة حطاتها فالماريو ديالها..حيدات حوايجها علقاتهم ودخلات خدات دوش خفيف وخرجات لبسات حوايج دار تكات فبلاصتها هزات بيسي ديالها كتخربق فيه شوية حسات بعينيها تقالو بنعاس حطات البيسي من إيديها طفات الضو أو نعسات...وصل وقت العشا طلعات عندها رابحة باش تكوليها تهبط تعشا ولكن لقاتها ناعسة..هبطات وخبراتهم بلي ماريا نعسات..
جواد(بصرامة) :
- نعسات بلاما تعشا ايكون فيها جوع..
الحاج : غير خليها راه عيات اليوم داكشي باش خليها ترتاح إلى ضرها جوع راه أتفيق وتاكول..رابحة عفا بنتي حطي ليها عشاها وطلعيه ليها لبيتها تفيق وتاكول..
- جواد ولدي الله يهديك جايب وحدة وممثلة من الفوق ومعروف تاريخها تبارك الله وباغي تزوج ليها هادشي راه خرجان العقل هذا عمرها كانت فعائلتنا ولا عادتنا وتقاليدنا..
جواد(كيغوت) :
- أنا مكيهمني حتى واحد لي كيعطيني شيحاجة يشدها عندو مكايهمني لا عادات لاتقاليد ويتجرأ شي واحد ويحل فمو انا وفاتن غادي نتزوجو من ورا ماناخد طلاقي..
الحاج : ولكن عطيني سبب واحد سبب واحد لي يخليك تزوج بيها..
جواد : مغادي نبرر لحتى واحد الحاج هادي حياتي وانا حر فيها نتزوج معامن مابغيت..
الحاج : اهاه وماربا مافكرتيش فيها بغيت غير نفهم هاديك البنت مغاديش تلقى بحالها زوينة ضريفة كولشي فيها زوين..
جواد(برود) :
- إلى زوينة زوينة راسها أنا وماريا مابيناتنا والو مجرد إتفاق وانت عارف هادشي مزيان الواليد هيا مكتعني ليا حتى حاجة وزايدون انا بديت فالإجراءات ديال الطلاق عما قريب غادي يخرجو عندي معارف ديالي لي مغاديش يعطلو ليا الوراق وديك ساع كل واحد أيعيش حياتو..
الحاج(مصدوم) :
- صافي قررتي بهاد زربة متشاورتي مع حتى واحد ماوالو كدير غير لي فراسك أصلا أنت فين عمرك تشاورتي مع لي كبر منك فين كدير غير لي بغيتي وكتجي حتى الأخر وطلقها لينا فوجهنا بغيت غير نفهم زعمة طول هاد المدة هادي لي ديك البنت كسبات فيه قلوبنا انت متحركات...
أنت متحركات فيك حتى حاجة والو كاااع؟
جواد(طول فيه شوفة ودور وجهو عند سرجم) :
- لا متحرك فيا والو أنت عارفني مزيان معنديش مع الحب والمشاعر وعارف مزيان كيفاش تربيت وعلى يدمن تربيت فالوقت لي انت كنتي كتبني هاد الإمبراطورية العظيمة شكون رباني أمم شنو تزرع فيا غير البغض والحقد والأنانية..
الحاج(بيأس كيحرك راسو) :
- لاحول ولاقوة إلا بالله الله يهديك أولدي ويرض بيك لطريق دير لي عجبك أنا مابقيتش مزال غادي ندخل فأمورك...
- حدر الحاج راسو فتح الباب وتم خارج هز راسو جات عينو فعينين ماريا نيشان..
- مايحتاجش غادي نولي بيخير موالفة شكرا على الإهتمام واخا عفاك تحيد من طريق..
جواد(بحزم) :
- منين نكون كنهضر معاك جاوبيني مقاد..
ماريا(هزات حاجب وهبطات التاني) :
- بأشمن صفة شوف عفاك أنا مريضة بغيت غير نعس مافيا لي يدي ويجيب معاك فالهضرة ولا يكما حتى فمرضي مغاترحمنيش..
جواد : كتنساي بلي راك على دمتي ومن الواجب ديالك تحتارميني يمكن عند بالك طلقت ليك لعب هاد الأيام أديري لي يعجبك فيقي شوية أنا ماشي دمدومة بحال داك لي ضلي نهار ومطال وانت شادة فيه..دورات ماريا راسها فيه من بعد مكانت كتشوف فالأرض..
ماريا : لالا والله حتى كتفاجأني بزااف لحد هاد الساعة انا محتارماك ومحتارمة تفاقنا كيف خليتيها انت كيف كيقول المثل الجمل مكيشوفش حدبتو كيشوف غير حدبت خوه...خليني عفاك نطلع راه كتليك مريضة..هزات إيدها لا إراديا لكرشها وغمضات عينيها..
جواد(ملامح صرامة تحولو لملامح خوف) :
- واش محنة بزاف واش هكا كدير ليك كل مرة..؟؟
ماريا ماهضراتش حدها أشرات براسها بمعنى أه...حيد ليها الكاس من إيديها شدو بيد وحدة وإيد لوخرا شد ليها الخصر ديالها وتكاها عليه غادي بيها مطلعها لبيتها..بشوية عليها وكيحسب الخطوات خايفها لا تزيد تألم مكرهش فهاد اللحظة هادشي لي كتحس بيه يحيدو منها بأي طريقة كانت غير مايشوفهاش كتألم دخل بيها لبيتها تكاها فبلاصتها...عطاها الكاس ديال الخظامة وكيأمر فيها..
جواد : يلاه شربي هذا باش تصحي انا أنجيب ليك كمادات ديال الما سخون راه مزيان ليك نرجع نلقاك شربتي هاد الكاس ولا مغاديش يعجبك حال..
ماريا(ضحكها واخا هوما فهاد الموقف وعاد كانو كيدابزو) :
- انت الله ينجيك تطلب شيحاجة بلاما تآمر..
جواد : أنا هكا داير وعمري مغانبدل طبعي..خلاها وخرج هزات داك الكاس وبدات كتشرب شوية بشوية كتحس بيها هابط مع المعدة ديالها سخون بحال إلى دفاها...حطات الكاس من بعدما شرباتو وناضت بشوية قبل مايجي دارت فوطة صحية على قبل لا نعسات يمكن تهبط ولا شيحاجة..ورجعات لبلاصتها غير هيا تكات دخل هو هاز بوشيطات ديال سيليكون فيهم ما سخون...وصل عندها بلا عضرة زول عليها المانطة وحط ليها دوك الكمادات على كرشها وغطاها مزيان..
- الله يهديك راه غير وجع ماشي حاملة؟..سكت وتقرس من هاد الكلمة غوبش وشاف فيها مخنزر..
جواد(بحزم) :
- نلقاك فايقة ولا هابطة غادي نتفاهم معاك وانت وليتي عارفاني مزيان بلاكا نكوليك..يلاه نعسي ورتاحي تصبحي على خير..عطاها بظهر يلاه فتح الباب باش يخرج وقف ودار كيشوف فيها رجع عندها بخطوات سريعة حتى كان قدامها تحنا وتقابل معاها هيا مافهمات والو علات عينيها كترمش وتشوف فيه هز إيديه وشد وجها بين إيديه هبط بشوية وطبع بشفايفو بوسة طويلة على جبهتها بعد شوية عطاها بظهر وخرج...
هل عندك شك أنك أحلى امرأة في الدنيا وأهم امرأة في الدنيا ؟ هل عندك شك أني حين عثرت عليك ملكت مفاتيح الدنيا ؟ هل عندك شك أني حين لمست يديك تغير تكوين الدنيا ؟ هل عندك شك أن دخولك في قلبي هو أعظم يوم في التاريخ وأجمل خبر في الدنيا؟💎
****
يوم جديد🌹
لا نعلم مافي ثناياه
لكننا على يقين بخالق هذا اليوم.
صباح الثقة بالله🌹🌹🌹
****
حلات ماريا عينيها بتثاقل كترمش متكية على ظهرها وجامعة رجليها عندها دورات راسها كيبان ليها بلاطو محطوط فيها خبز وكرواصة وبريق ديال البديع فالبيض ريحت اللويزة كتخرج منو مجهدة كان فيها نيت جوع تحركات بشوية ودارت بانطوفة فرجليها ناضت لحمام هو لول بدلات وغسلات عاد خرجات فتحات الماريو ديالها جبدات تريكو وسروال ديال القطن باش يدفيها..جمعات شعرها ورجعات لنموسيتها قربات داك البلاطو ليها دارت فرماج فالخبز وكبات من الحليب وبدات كتفطر...سمعات دقان فالباب جوج دقات متابعة..
ماريا : دخل...طل الحاج براسو وبالإبتسامة ديالو لي غير كتشوفها ماريا كتحس بالفرحة..
الحاج : كيف صبحات بنتي الغالية؟
ماريا : عمي دخل انا شوية الحمد لله...دخل الحاج وسد الباب وراه جا لعندها باسها فراسها ومس وجها واش سخون ولالا..
الحاج : لالا الحمد لله مزيان..
ماريا : تفطر معايا؟
الحاج : لالا أبنتي أنا فطارت راه 10 هادي
ماريا : انا داني نعاس أول مرة توقع ليا
الحاج : العطلة هادي معندك متنوضي بكري أشنز اتصنعي وانت مريضة اللهم نعسي رتاحي..سكت الحاج وحدر عينيه ماريا كتشوف فيه بنص عين وحاسة بيه بغا يكول شيحاجة..
ماريا(بتساؤل) :
- عمي مالك واقعة شيحاجة؟
الحاج(على راسو وشاف فيها شد إيديها بين إيديه كيطبطب عليها) :
- من أول نهار شفتك فيه دخلتي لقلبي بحالك بحال بنتي هاجر عزيتي عليا بزااف نفدر نكوليك وليتي عزيزة كثر من ولدي😁 نقدر نكوليك واخا وردة بنت أخت المرحومة وكنعرفها ولكن بنسبة ليا انت أحسن كنة معرفتش ولكن حيت عفويتك وطريقتك فالهضرة وقوة شخصيتك كتفكرني فراسي لي بغيت نكوليك بلي واخا يوقع لي يوقع أتبقاي انت أحسن كنة عندي وأتبقاي بنتي بنتي أنا وعمري منخلي شي واحد يأديك واخا يكون ولدي لي من لحمي ودمي...ماريا غلبوها دموعها ونزلات دمعة سخونة من عينيها بعدات الطبلة عليها ودارت عندو عنقاتو هو بدورو عنقها وكيدوز إيديه على شعرها..حس بيها تنهدات وبعدات شوية عليه..
ماريا : حتى انت أعمي عزيز عليا بزااف بحالك بحال بابا والله عمري تلاقيت بشي واحد بحالك كنت فلول كنسمع عليك كلت أتكون شي متسلط واعر ولكن طلع العكس مديرش فبالك أعمي وانا ممقلقاش جواد من حقو يبني حياتو كيف هو بغا...شاف فيها الحاج وعقد حجبانو توتر..
الحاج : مافهمتش أبنتي؟😕
ماريا(ضحكات) :
- بلاما تخبي عليا أنا سمعت كاع داكشي لي دار بيناتكم..
الحاج(بصدمة) :
- سمعتي كاع لي كلنا؟😲
ماريا(حركات راسها بالإيجاب) :
- أيااااه..
الحاج : ولكن مبان عليك وعلى وجهك والو كايحسابلي ماسمعتي والو..
ماريا : شنو أيبان مكيهمنيش أعمي سمعني مزيان الواحد كلما كيكبر مكيبقاش يشوف وراه خاصو يزيد القدام مايبقاش مع الماضي ولا فبلاصتو وانا بيني وبينك أعمي صافي عييت نسيت راسي بزاااف وهملتها شحال وانا كندير لخاطر لكبير وصغير ونزطم على راسي ونسبق الناس لي يجي عندي مكنردهاش فوجهو جا الوقت لي نشوف مستقبلي حتى أنا ونشوف راسي أنا وجواد مغانتفاهموش سالب مع سالب مايتلقاوش هو راسو قاصح وعنيد وبزايد وكيبغي غير كلامو لي يكون وانا مكنبغيش هاد ديكتاتورية من الأحسن هكا وبغيت نكوليك واحد الحاجة ولكن واعدني وعطيني قسم بلي واخا يوقع لي يوقع متكولهاش..
الحاج : كنواعدك أبنتي..
ماريا : انا كالسة هنا غير على قبل عرس صحاباتي وخواتاتي ولكن غير يسالي العرس ونشد براتي انمشي من هاد المدينة كلها خاصني نبعد خاصني نبدا من جديد صفحة بيضة مع راسي ونشوف مستقبلي العمر غير كيجري أعمي فهمتيني؟
الحاج(تنهد) :
- فهمتك أبنتي الله يرضي عليك الله يسهل عليك وعمرك متخيبي ياربي وأي حاجة حتاجيتيها أنا موجود متنسايش بلي أنا باباك تاني...خداها فحضنو زير عليها عنقها وطبع بوسة على راسها وقف تبسم ليها او خرج..تبعات بالعين حتى خرج تنهدات وسهات كتفكر فكلام جواد لبارح يكدب عليك الكداب لي يقول متقصحاتش من هضرتو وجرحاتها وبقات كطلع فيها وتنزل ولكن ماشي هيا لي تكلس تندب وتبكي لا صافي زمان البكى مشا دابا الواحد خاصو يدير علاش يرجع مايخليش هاد المشاكل طيحو كاع ناس كيفشلو فالحب جات عليها هيا أول تجربة وأول حب فحياتها مخاصوش يحطمها بالعكس خاص يقويها الحب كيقوي مكيضعفش..
🍃عش حياتك بتوازن ولا تجعل عاطفتك تتحكم فيك .. ولا تجعل طيبة قلبك نقطة ضعفك .. بل عود نفسك على توقع كل شيء وتقبل أي وضع حتى لا تشعر بالإنكسار فليس هناك شيء يستحق ان يكسر قلبك "❤
****
- خرج طبيب لعند جواد لي واقف ولا على بالو ممسوقش هاز تيليفون ديالو كيقلب فيه حتى نباه دكتور..
- سي جواد المدام خاصها راحة تامة والعنية وخاص لي يقابلها العصبية زايدة اتخلي الجنين فخطر من الأحسن يقابلها شي واحد..
جواد(برودة) :
- اممم شكرا دكتور..
دكتور : هادو شي فيتامينات تشربهم ومن الأحسن تبعد على المشروبات الغازية والأكلات سريعة تاكل الخضروات وديسير مزيان ليها..مد ليها الورقة وخرج..جواد شاف فديم الورقة وعينيه شاعل فيهم العافية...جا عندو جلال كيجري...جواد مهضروش حدو مد ليه ديك الورقة..
جلال : جواد كالم توا كلشي أيتحل..
جواد : مابغيتش ندير شيحاجة لي ندم عليها وكاع لي خطت ليه يتضرب لي فزيرو بسباب هاد...مكملش هضرتو حيت تعصب وغادي يبدا يخصر فالهضرة جمع إيدو على شكل قبضة كيعض فيها بسنانو...رجع شاف فجلال..
- هادشي كلشي غادي يجي وقت حسابو مكنخليش الصرف يبقى عندي ضروري كنردو..تسمع صوت أنثوي كيعيط من البيت بسميتو..
جلال : هاهيا كتعيط..
جواد(ضحك) :
- غير خليها تلعب دابا كيفما بغات انمشي معاها فهبالها غير خليها..عطاه بظهر ودخل عندها..
كانت ناعسة على نموسية لابسة شوميز فالكرونة وطالقة شعرها...
فاتن(بدلع) :
- شنو كاليك طبيب أحبيبي
جواد(كلس حداها) :
- خاصك الراحة التامة ولي يقابلك داكشي باش أتجمعي حوايجك وغادي تمشي معايا للقصر..
- قسما بالرب الكعبة أفاتن وتمشي وتحلي فمك بشي كلمة لشي واحد حتى ندفنك حية وبيدي قسما بالله حتى نغبر ليك الأثر وقبرك مايعرفوه فين جا..
فاتن(مخلوعة) :
- علاش ابب شنو درت تاني؟
جواد : أنا علمتك فدار كاين جوج مناسبات والعائلة حاضرة وكولشي عارف بلي ماريا هيا مراتي لي سولك انت ضيفة تفاهمنا قسما بالله وتنطقي بحرف واحد حتى نكون دابحك بيدي..
فاتن : ولكن..
جواد(قاطعها بالغوات حتى تهزات من بلاصتها) :
- صافي هضرنا😠..
فاتن(كترعد) :
- واخا واخا أحبيبي كون هاني مغانكول والو حتى تجي وقتها...خنزر فيها تخنزيرة ديال القتيلة وخرج...أما هيا رجعات براسها اللور كضحك..
فاتن(كتهضر مع راسها بخبث) :
- هممم صراحة خاصك جائزة الأوسكار افاتن بهاد السهولة ادخلي لقصر وتربعي على عرش إمبراطورية الإبراهيمي وتولي انت الكل فالكل فير شوية من تمتيلك هانتي ايدك لقصر شوية بشوية حتى يولي كولشي ديالك هههههههه اووووه وأخيرا أجواد أتولي فيدي😈...
****
على طبلة ديال الغدا مجموعين كاملين حتى ماريا معاهم من بعدما دازها الحال شوية هبطات تنسي وجعها كانت كالسة جنب وسيم شادة الحتيت وتقرقيب ناب معاه وباقي العائلة كل واحد فاش ملهي...
نقزات أم طارق..الحاجة حفيظة.. :
- مقررتوش فينزاتمشيو من ورا العرس؟؟.
طارق : انا وإقبال كنكولو نطلعو لشمال ونمشيو لكل مدينة حتى من البوادي نزوروهم بلادنا زينا علاش نمشيو لبلادات الناس..
جاوبها الحاج :
- أه عندك الصح...تفتح الباب ودخل جواد حتى وقف عليهم كولشي شاف فيه وفضيفة لي جايا معاه الحاج غوبش وجمع إيديه أما البقية علامات الإستفهام على وجهم...
ماريا : بيتي مغاديش نلقا بحال هاد الجماعة ولا نشوف فوجهك الحبيب لي توحشتو..جواد حس بالبرودة طلعات معاه واخا كلامها عارفو كدوب ولكن كيقنع راسو بلي بصح توحشاتو مكرهش كون كان هادشي فعلا بصح..
جواد : كنت انجيب غدايا ونتغدا غير انا وياك بجوج راس فراس..
ماريا : حتى دابا أنا مقابلة معاك وراس فراس حس بلي غير انا وياك بوحدنا ونسا العالم ياك منين كنكون معاك كتنسى كولشي..
جواد(تبسم وبانو سنيناتو المستفين البويض ضحكتو لي كتأسر وتشل حركة لي قدامو كيبقى متبع غير مع شفايفو) :
- هادي عندك علاش لي كيكون مع حبيبو أش عندو ميدير بناس مزال...هزات لقمة من إيديها ومداتها ليه وهو لدورو هز لقمة من تبصيلها او وكلها هوما بجوج نساو فين كاينين حسو بريوسهم بحال إلى كيلعبو لعبة وكستحليينها خصوصا ماريا ولا مكيهمهاش حسات بلي خاصها تفقص وتنغصها على فاتن لي كانت كتحرق وتغدد فبلاصتها مقابلاهم تشوف فهادا وفهادا أما واحد المجموعة لي منها الحاج وإقبال وردة وهاجر او وسيم عاجبهم الحال كيتغداو ومبسمين أما باقية الضيوف مع كتار كل واحد والهيت لي شاد..
جواد(دايب فعيون ماريا) :
- خذوا بدمي ذات الوشاح فإنني رأيتُ بعيني في أناملها دمي أغار عليها من أبيها وأمها ومن خطوة المسواك إن دار في الفم ِ أغار على أعطافها من ثيابها إذا ألبستها فوق جسم منعم ِ
ماريا(كتشوف فالإبتسامة لي على وجهو) :
- تسمع أشواقي عندما أكون صامتة؟ إن الصمت يا #سيدي هو أقوى أسلحتي.. هل شعرت بروعة الأشياء التي أقولها عندما لا أقول شيئاً؟
جواد(قرب لقدام حتى ولات عينيه فعينيها) :
- ابتسمت وردتي
فأضاء الكون من ثناياها
بفرحة و بهجة
و النور يغمر محياها
بخدود متألقة
ببريقٍ تشع عيناها
وردة ليست ككل الورود
جمال و حسن و جود
من نسل عظيم الجدود
و بهاء يفوق الحدود
تختال فوق تلك الروابي
ملكة متوجة بين الورود
و النحل يحوم من حولها
متعطشا لشهدٍ به تجود
حسناء القد ... هيفاء
بديعة النحر ... فواحة العطر
في خيلاء البدر ... ميساء
حياك الله وردتي
إذا أشرق نور الصبح
أو حل ظلام المساء...
شوية رجع سكات على الطبلة وكولشي عكا إنتباه ديالو لجواد وماريا لي ولاو فحرب شعرية غزلية..
ماريا(هزات حاجبها وضحكات) :
- لاأحبك كشخص فقط بل أحببتك كوطن لا أريد الانتماء لغيره أحبك.. لا أدري حدود محبتي.. طباعي أعاصير.. وعواطفي سيل.. وأعرف أني متعبة ياصديقي.. وأعرف أني هوجاء.. أنني طفلة.. أحب بأعصابي، أحب بريشي.. أحب بكلي.. لا أعتدال، ولا عقل ويا ليت المشاعر ترى ليعرف كل ذي حق حقه... جواد سكت كيتمعن فتقاسيم وجها بدون شعور حطا إيدو على إيدها ودفنها فالكف ديالو.. ونطق :
- اغار عليها من ابيـــــــها وأمـــــــــــــها .. ومن خطوة المسواك ان دار في الفم اغار على اعطافــــــها من ثيابــــــــها .. اذا لبسـتها فـوق جسـم مــــــــــــــنعم واحسد اقداح تقـــــــبل ثغرهـــــــــــــــا .. اذا وضعتها موضع اللثم في الــــــفم خذوا بدمي منها فـــــــاني قتيلــــــــــها .. ولا مقصدي الا تجـود وتنـــــــــــعمي ولاتقتلوها ان ظفـــــــرتم بقتــــــــــلها .. ولكن سلوها كيف حل لها دمــــــــــي وقولا لها يامنيه النــــــــفس انــــــــني .. قتيل الهوى والعشق لو كنت تعلــمي ولا تحسبوا اني قتـــــــلت بصـــــــارم .. ولكن رمتني من رباها باسهـــــــمـي لها حكم لقمان وصــــــوره يوســــف .. ونغمـه داود وعـفه مريــــــــــــــــــــم ولي حزن يعقوب ووحـــــــشه يونس .. وآلام ايوب وحســــــــــــــــــــــره آدم ولما تلاقينا وجـــــــدت بنانــــــــــــها .. مخضبه تحكي عصـــــــــــــــاره عندم فقلت خضبت الكف بعدي أهـــــــــكذا .. يكون جزاء المسنهام المــــــــــــــتيم فقالت وابدت في الحشى لعج الجوى .. مقاله من في القول لم يـــــــــــــــتبرم وعيشك ماهذا خضاب عرفــــــــــته .. فلا تكن بالبهتان والزور متهــــــــمي ولكنني لما رايتك راحــــــــــــــــــلا .. وقد كنت كفي وزندي ومعـصــــــــــمي بكيت دما يوم النوى فمســــــــــحته .. بكفي فاحمرت بناني من دمـــــــــــــي ولو قبل مبكاها بكيت صـــــــــــبابه .. لكنت شـفيت النفس قبل التـــــــــــــندم ولكن بكت قبلي فهيج لي البـــــكاء .. بكاها فكان الفضل للمــــــــــــــــــتقدم بكيت على من زين الحسن وجهها .. وليس لها مثل بعرب واعجــــــــــــمي مدنـيه الالحاظ مكيه الحـــــــــــشى .. هلالـيه العـينين طائيه الـفــــــــــــــــم وممشوطه بالمسك قد فاح نشرها .. بثغـر كأن الدر فيه منـــــــــــــــــــــظم اشارت بطرف العين خيفه اهــلها .. اشارة محزون ولم تتكـــــــــــــــــــــلم...
سيدها الجزء 12
محتوى القصة
التنقل بين الأجزاء