سيدها الجزء 13

عم السكون من بعد هاد الأبيات الغزلية...ماريا كتشوف فجواد محركاتش عينيها وحتى هو محيدش عينيه عليها...الحاج شد راسو كيهضر غير مع راسو..

الحاج : ياربي على أخر يامي غادي يحمقوني هاد جوج...جواد بحال الى نغزتيه وعا لشنو كان كيكول وشنو كيدير دور راسو لجهة طابلة لقا كولشي حاضيه..رجع شاف فماريا..ونطق..

- غادي تنجحي 100 فالمية...ماريا وعات مافهماتش المقصد ديالو..

ماريا : كيفاش؟؟..

جواد(كيضحك) :

- دغية كتنساي عقلتي فاش كلتيلي نعلمك بعض الأبيات الشعرية دابا لقيتك حافضة حسن مني برافو عليك..(دغية قلب طابلة ورجع هادشي بحال الى غير كان كيراجع معاها)..

ماريا(فهماتها طايرة) :

- حتى انت معندي منسالك واخا سنين هادي بينك وبين الشعر مزال حافظ..رجع الكل كياكول ومجمع مكالو والو من غير لي دايرين بيهم فتهمين البلان مزيان...فاتن من بعدما ما نار الغيرة كتاكول فيها تبسمات وشافت فوسيم..

فاتن(بغنج) :

- وسيم نهار كبير هذا فاش شفتك عقلتي على آخر جلسة دارت بيناتنا عرفتو البنات أحسن حاجة درتوها منين جبتو وسيم منيب قمة فالإبداع بضمانتي...وسيم خرجو ليه جوج كرون وأصلا محاملهاش زادت كملات...دار إيديه تحت دقن ديالو كيشوف فيها..

وسيم(كيقلي ليها سم) :

- ههههه حبيبة ديالي مكنحتاجش شيواحد يشكرني خدمتي كتشكر راسها براسها وزايدون على اشمن جلسة كتهضري واش ديك لي خرجتي فيها لمولات المكياج عقلها كلسات تدرق فالعيوب تدرق حتى وليتي بحال شي حيط ضاربين ليه المرطوب أنا بعدا بحال دوك الجلسات كنحشم حتى نتفكرهم...فاتن تبدل اللون فوجها محملاتش راسها..أما هاجر والبقية جاتهم الضحكة...ماريا ممسوقاش رجعات البرود ديالها..حتى نقزات فاتن..

(موجهة هضرتها لوردة) :

- وردة عرفتي كاينة واحد الميكاب أرتييت خطيرة كتعرفني مزيان كتصايب غير المشاهير أطلعك خطيرة إلى بغيتي انا نهضر ليك معاها..خنزرات فيها وردة هازة حاجب ومهبطة التاني..

وردة : منحتاجش ماريا أتصايب ليا هيا صاحبتي وختي غير ريحي بالك بلاما تشقي راسك...نقزات ماريا :

- وردة أصلا زوينة متحتاجش شي واحد يطلعها زوينة غير كحل فعينيها أطلع غزالة..

فاتن : هممم تبارك الله عليك هالموسيقى وحتى لمكياج سبع صنايع ورزق ضايع..

ماريا(كضحك) :

- مضايع والو أحبيبة كل حاجة بوقتها زوينة..

فاتن : واش فاست خدمتي كوافورة.؟؟

ماريا : علاش خاصني نخدم كوافورة باش نكون ميكاب أرتيست ونتقن فان المكياج هيا حتى انت كنتي كتهزي سيكان للممتلات باش درتي بلاصتك او وليتي ممثلة😉..

فاتن : لا أحبيبة حنا عائلة معروفين بالفن المخرجين هوما لي كانو كيتقاتلو عليا باش نخدم معاهم..نقز وسيم..

وسيم(كيعوج فهضرتو) :

- إيوا باااز ليك ياختي وجهك صحيح شحال كتلبسي فيه كدبي غير على الميتين أما الحيين راهم مزال عايشين ابيبي تكدبي عليا أنا وسيم هذا عارف البر وغطاه كونما شوية ديال البوتوكس ونفخ من هنا وجبد من لهيه وخرج من هنا كوراك أحبيبتي مزال كتمتلي خدامة فيلم لن أنحني لك أبدا...يلاه أتجاوبو فاتن حتى ضرب جواد إيديه مع طبلة وشاف فاتن..

جواد(بصرامة) :

- هادي طبلة ديال الماكلة ماشي انتيرفيو دايرينو فتلفازة أنت ضيفة عندنا من الأحست تاكلي وتسكتي(خرج عينيه فيها👀)..فاتن بلعات ريقها وحدرات راسها كتغلي بالفقصة...سلا الغدا لي كان كلو معاني تحت دف طلعات ماريا لبيتها تاخد قيلولة وتريح راسها مجبدة فبلاصتها وكتشوف فداك الورد لي قدامها..

- رابحة من بعد مادخلات باليزت فاتن لبيت ضياف خلاتها بوحدها فيه وخرجات بقات واقفة قدام سرجم حاطة إيدها وساهية وكتخطط...حتى سمعات الباب تسد بجهد نقزات من بلاصتها دارت كيبان ليها جواد وراها بحال شي ثور هايج عينيه حمرين وعروقو بارزين...جاها نيشان هز إيدو وقجها حتى خرجو عينيها..

جواد(تحت سنانو معصب) :

- شوفي أنكوليك جوج كلمات مغاديش نعاودهم مزال عند بالك أتلوي ليا دراعي بديك الكرش وتكولي ندير بيه مابغا لا أماما فيقي شوية راه جواد هذا قسما بالله ومزال يتعاود لي طرا على الغدا لا أنت ولا داكشي لي فكرشك ايبقى ليكم الأثر ماريا خط بالأحمر العريض ويااااك ثم وياااك تقربي لجهتها قسما بالله المعبود(مع كل كلمة كيزيد يزير عليها ودموعها هابطين) حتى أنقتلك عرفتي شنو أنقتلك أنقتلك....ولا كلو كيترعد عقلو مابقاش معاه كيزير عليها ويزير حتى صافي أتموت بيديه خرجات لسانها وعينيها بياضو عاد طلق منها كلو كيترعد وعينيه مصغرهم بحال شي واحد طار ليه عقلو وحماق فلحظة كانت أتموت فيديه...غير هو طلقها طاحت كلسات كتحاول تنفس صدرها كيطلع وكيهبط...دار جيهت طبلة هز كاس ديال الما جا قدامها وكبو ليها على وجها...مرحمهاش بنسبة ليه ماريا خط أحمر بنسبة ليه ماريا هو من حقو يدير معاها لي يدار ولكن شي حد أخور لا وألف لا ممكن توصل بيه يقتل على قبلها مكيهموش واخا عمرو وصلات بيه يقتل ولكن مع ماريا كولشي مباح بنسبة ليه...دار يخرج شوية رجع..

جواد(هاز صبعو فوجها) :

- عتابري هذا آخر إنذار مرة خرى مغاديش نهضر أفاتن..

أفاتن حسن ليك تبعدي من شري وتقايه حسن ليك...خرج وخلاها وجها حمر شادة فعنقها بشوية بشوية بدات كتوقف مدات إيديها لجيهت سرجم تعافرات معاه حتى فتحاتو تنفس شوية ديال الأكسجين حسات براسها بدات كترجع كيف كانت كلسات على نموسية ساهية وكتنفس بصعوبة تحجرو دموع فعينيها كتشوف فالأرض وساهية..

فاتن(كتغزز فسنانها) :

- واخا واخا أسي جواد أنا أنا باغي تقتلني على قبلها كاع هذا حب ليها إلما خليتها تكرهك وماتلاتش تشوف فوجهك وسميتك متحملش تسمعها مانتسماش أنا فاتن نجم😡..

****

من بعد ديك العشية ماريا متحاكاتش لا مع جواد لا مع فاتن وحتى هيا مكتبانش غير ناعسة فبيتها وسادة عليها الماكلة كطلع عندها حتى لبيت العرس مابقا ليه والو الدار مقلوبة سفاها على علاها...بدا توجاد ونهار ديال الحنة بقا ليه نهار قبل منو جا نهار الحمام...القصر كلو مبيخرات وريحة المسكة الحرة معطرة دار وطرب الأندلسي خدام تقول غير نهار العيد...فاقو البنات بكري وجدو حوايج الحمام وداو معاهم ها الورد القرنفل وريحان الشمع صابون البلدي والحنة...وردة وإقبال هاجر وماريا وسومية وشي بنات العائلة ومعاهم حتى رابحة لي شدات ليها ماريا كونجي باش حتى هيا تبان كتفتن باس فالعرس تفاتح مليكة بموضوع ديال زواجها من آدم..

#فلاش_باك

ماريا : عمي بغيت نشد لرابحة كونجي

الحاج : كونجي علاش؟؟

ماريا : رابحة جاوها الخطاب ولد ماما مليكة بغاها لزواج..

الحاج(تبسم) : 

- ياسبحان الله شوف هاد البنت والمكتاب ديالها ورزقها واخا طير وتنزل رزقك يجيك يجيك...واخا أبنتي خودي ليها كونجي وانا أنهضر مع هنية فهادشي كيف كتعرفي هيا لي مسؤولة عليها وأنكوليها تجيب شي وحدة فبلاصتها باش تعاونها..

ماريا(باست ليها راسو) :

- يعطيك الستر أعمي..

#الحاضر

- تمو خارجين البنات من الدار تابعينهم بالزغاريت والصلاة على النبي حتى وصلو لحمام ديك ساع تكلفو الكسالات بالعريسات يغسلو ويحكو ليهم مواقفينش من زغاريت قبل مايخرجوهم رشو عليهم الورد وزهر ولواوهم فيزار بيض وخرجوهم مغطيين على عينين الناس حتى لبرا تكلفو بيهم لبسوهم وقادوهم...قبل مايخرجو دورات معاهم ماريا عاد خرجو تمو راجعين على رجليهم وراجعين بزغاريت وصلاة على نبي حتى لباب دار سر والملح عليهم واحد النور طاح عليهم من عند الله سبحانه...تلقاو نيشان مع البرارد ديال أتاي من عند واحد السيد كالس بجلابة او سلهام بيض لونو سمر لابس طربوش حمر مفرش مخدة ودايرين بيه المجامر والبرارد ديال أتاي وصواني يعمر ويكب ويدفع لناس جو مغربي تقليدي 100 فالمية...صوت الضحك ديال العائلة جو مايتباع مايتشرا ولو بكنوز الدنيا كلها...كانو الرجال ديال العائلة مجموعين بوحديتهم فصالة الكبيرة والعيالات مجموعين بوحدهم حتى هوما...ديك الليلة تجمعو البنات فبيت واحد ومعاهم وسيم هو الوحيد لي راجل معاهم حتى طاقم ديال وسيم او سهام لي حامدة الله وشاكراه حيت وسيم نسيها وممحكرش عليها مستفين بحال السردين فداك البيت او وسيم كيخبر عليهم ويعاود ليهم فنكات وهوما تكركيرهم واصل لعند باب الدار...

- وسيم : إيوا منعاودش ليكم على الفرشة داك نهار بوحدو والله العظيم..

ماريا(عينيها دمعو بضحك) :

- لالا أنت والله إلى عالم ديالك بوحدو حgل سهام مسكينة متحماق معاك..

سهام : شفتي أختي شحال هازة..

وسيم(كيعيب فيها) :

- ميزان انت شحال هازة الكرادة المكردة..

ماريا : رجعتي تاني وناريي..

وسيم(كيهز فحجبانو) :

- ياختي راكي عارفاني مكنسكتش..

ماريا : نبصم عليها حتى كنت فبلاصة الحليب كانو كيرضعوك الفلفة الحارة...

وسيم : وشكون عرف يمكن ههههه😂😂😂..دوظوها ضحك وتقشاب حتى وصل وقت النعاس وفات ناض كل واحد مشا لبلاصتو...ماريا ردات الباب على وردة وإقبال لي اينعسو مجموعين ومشات لبيتها كتجر فرجليها وعينيها كيتلاصقو بنعاس دايخة مكرهات لي يهزها يديها البيت ويفرش ليها ويغطيها على شوية ادخل فالحيط فتحات باب بيتها دخلات سدات الباب عاد شعلات الضو مع دارت كيبان ليها متكي فبلاصتها وداير رجل على رجل راد إيديه ورا راسو وكيشوف فيها...

ماريا(بتساؤل) :

- أشنو كدير هنا فهاد الوقت؟

تقاد فالكلسة كيشوف فيها...

جواد : ولات تحلى ليك الكلسة مع داك نص راجل عاجبك الحال..

ماريا : وسيم ماشي نص راجل ومنين تبغي تهضر عليه هضر بحترام وعفاك راه عيانة وبغيت انتلاح نعس..

جواد : بغيت غير نفهم مناش مصنوعة انت؟

ماريا : مناش مصنوع أنت انا من سكر وانت؟

جواد : ماريا بلا طنيز..هضري نيشان..

ماريا : بنت ليك شانطي أنا عرفتي شنو دير انت مسالي نعطيك تصويرتي سير تناكر معاها حتى تشبع..

جواد(بصرامة) :

- واش دايرها بلعاني ولا شنو واش باغا تخرجي ليا عقلي من بلاصتو كنهضر معاك هضري نيشان وانت جملة مفيدة معارفة تكوليها..

ماريا(مدوخة بنعاس) :

- أكل أحمد التفاحة...جواد شد فراسو

جواد : أش كتخربقي..

ماريا : بغيتي جملة مفيدة أكل أحمد التفاحة..

جواد : عربيها حسن ولينا فمدرسة هنا..

ماريا(حتى هيا مسالية) :

- أكل : فعل ماضي مبني على الفتح الرباطي..

أحمد : فاعل مرفوع وعلامة رفعه الضمة الظاهرة الفقر والبطالة

التفاحة : مفعول به منصوب ملي كندير العطرية فالماكلة ونكونو كنطيبو كنقولو بلي نصبناها كيجيتك..مهم انا انتكا دابا ياك فاش تقرر تبغي تنوض طفي معاك الضو..تلاحت حداه تغطات ودغية غيبات خلاتو كالس كيشوف مدار حتى ردة فعل مالف كيتعصب دابا مهدن متململش قرب منها مد إيدو كيدوزها على راسها ويتأمل ملامحها قرب شوية طبع قبلة على شعرها غطاها مزيان وخرج..

****

- هي لم تحبك أنت هي أحبت الوطن التي نزعت منه

فعندما ترجع إليك تشعر أنك وطنها ..

إنه حنين غريب كحنين القارب لحضن الشط ،

كحنين المسافر لرائحة البيت ..

****

- يوم الحنة هذا يوم خاص يوم بوحدو كيكون كثر من نهار العرس بحد داتو لي فاق الصباح وفطر ولي مافطر همو الوحيد هو يتقاد ويتصايب ويشوف شنو غادي يلبس أما العريسات فاقو بكري وفطرو بالحليب باش يعطيهم الطاقة ويبلل ريقهم مايبقاوش عطشانات ومخلوعات...كاع لي فدار كيفيق على نبوري وكلشي داير إيد وحدة وكيعاون واخا كاين الخدامات وتريتور ولكن هذا حال الأسرة المغربية واخا تكون لاباس عليها كتوقف على شغالها بيديها باش كلشي يكون فرحان وعلجبو الحال...

- فبيت فين كيبدلو البنات كل واحد جاي عند ماريا تصايب ليهم المكياج تقاد وحدة وتبعها لوخرا هيا او وسيم دايرين بحال دوك لي خدامين فالموقف هيا عاكفة راسها ولابسة واحد سروال قصير مع تيشورت وحتى هو بحالها..ومع ذلك ميتين بضحك..

وسيم : الله الله أختي وجهنا وجه تمارة او وجه القهرة انا بعدا يشوفوني ناسي أيضربو بيا طر والبندير انا انا وسيم صاحب أحسن وأشهر مجلة فيك يالمغرب على أخر يامي نولي نصايب لبعلوكات شعاككهم واهاد البز مخلاو لكبارات مايكولو..

ماريا(كضحك) :

- غير دوزها بجغيمة ديال الما معندك مدير ادي غير الأجر...جات هاجر عند ماريا كتوريها جوج قفاطن..

- شنو نلبس هذا ولا هذا؟؟

ماريا : واش انت من البارح وانت كتختاري ومزال مارسيتي على والو راه كلنا ليك أصاحبتي الكاشيري غزااال..

هاجر(باستها) :

- يخليك ليلي ابب..مشات هاجر وجات سومية لي كانت بايتة معاهم..غير وقفات على ماريا جاوباتها قبل ماتسولها..

- لي فلون الحليب وشكلاط راه زوين وكواك الحق..مشات سومية وماريا مزال مدابزة مع المكياج لباقي بنات العائلة...شوية غبر وسيم وتم راجع هاز فيديه قفطان فزرق بلو مارين داكن وكلو منبت بالحجر وبسنيسلات وإيفازي..

ماريا(شدات على فمها):

- غزاااال كيف كنت كتليك بضبط لهلا يخطيك عليا وخلاص.

وسيم : راه انت لي لفن امولات القلب البيض..

ماريا : اتفرح وأيعجبها الحال بزاااف تستاهل بنت ظريفة ودرويشة.

وسيم : مول الخير كيلقى ديما الخير انا مكاينش لي مهاوشني قد لبيساتك كنتسنى غير إمتا يجي غدا او بعدو وتلبسيهم...قاطعاتهم هاجر لي رجعات كتجري..

هاجر : عرفتو شنو البرزة جات كتحمق ونقاشة راها وصلات وعرفتو شكون وصل؟

ماريا : شكون تاني؟

هاجر : شيخة طراكس

ماريا : اويلي ياك كلتو مايا هيا لي جايا..

وسيم(قاطعها) :

- واختي كاتليك هيا ماتشطحش الى بالبدلة ديال الرقص إيوا خلاتها نجات عتابو شوفي غيرو وشيخات عطا الله...

ماريا : أحسن مدرتي وسيري عند إقبال او وردة كولي ليهم بلي راه نقاشة وصلات وسيم سير عند البنات صافي براكة...هاد البجقولات انا أنتكلف بيهم...مشا وسيم مع هاجر تابعاه سهام مشا باش يتكلف بيهم وماريا بقات حاصلة تصايب لهادي وتقاد لهادي حتى سلات زغاريت لتحت مالقا يديهم..مشات ماريا لبيت لبنات طل عليهم فتحات الباب ودخلات تلفتات بقاتوواقفة كتشوف فيهم..

ماريا(غرغرو عينيها بدموع):

- ماشاء الله تبارك الله ياربي تحميكم وتنجيكم من كل عين لامة ياربي قراو القرآن الصلاة على النبي الله يحرسكم..

- وردة كانت لابسة قفطان فالبيج منبت بالحجيرات وطالقة شعرها دايرة تاج صغير خفيف وجها مافيهش نقطة ديال المكياج نور ربي نازل عليها أما إقبال لابسة قفطان موبرة منبت بصقلي فالخضر وطالقة شعرها بوكل وحتى هيا تاج صغير خفيف...هاجر حتى هيا بقفطانها فلكاشيري وسومية بقفيطين سابل فلون حليب وشكلاط.

على وسيم راسو فماريا كيندب :

- اويلي على غدايدي واش انت كاعما وجدتي حتى يروح الليل..

ماريا : راه بغيت زعمة نسوفهم عاد نمشي..نباتها وردة..

- هانتي الالة شفتينا تهنيتي ويلاه سيري أصاحبتي..

ماريا : واخا هاني مشيت..دخلات ماريا لبيتها بالخف دخلات لدوش دارت الخرقة وصابون دغية دغية خرجات نشفات شعرها بزربة طلقاتو دارت الفرقة وبوكلاتو غير شوية من التحت جاها فن لبسات قفطان فستان فلبلو مارين فيه حجيرات مدهبين مع مضمة فدهبي دارت حلقات طوال شوية مدهبين وكتفات غير بشوية ديال المكياج سابل دارت نفس نوع الخلقات او هو خاتم ولبسات صباط عالي علو واحد جات كتفتن فنة قمر..هزات تيليفونها والكاميرا ديالها لي خداتها بهاد المناسبة وخرجات من بيتها مع سدات الباب كانت وجها فوجه جواد..علات عينها فيه هيا كتشوف فيه وهو كيشوف فيها مبهورة فيه لأول مرة أتشوفز بتقليدي لابس جلابة ولمحاسن الصدف فنفس اللون لي لابسة ماريا تكول غير متافقين جلابة بزرق مخيطة بالبيض مع تقاشر بيضين وبلغة بيضة كيبان بحال شي عريس فليلتو بطولتو وتجريدتو وسموريو كيفتن ويبهر بوسامتو ورجولتو...سحر لي صاب عينيها صاب عينيه حتى هو تسحر لجمالها وبفصالتها لي كتبان فالتقليدي كتحمق كل حاجة فبلاصتها هيفاء القد ومع لون بشرتها لي بحال الكريم كتبان بحال قمر فوسط الليل..والحجر لب منبت هوما النجوم مزينين سما والقمرو...دازت من حداهم زينب زربانة جارة تكشيطها..وقفات عندهم ونبات ماريا..

زينب : بنتي ماريا الله يعطيك الستر شوفي النقاشة شنو بغات انا خاصني نشوف مع اللعابات عاد دخلو..

ماريا(عاد فاقت براسها) :

- أه اه واخا أخالتي أنا أنمشي دابا..خلاتو واقف ونزلات مع زينب هازة جلايل قفطانها وسويكاتها كيبانو بيضين..

جواد(سد راسو وكيشوف فسقف وينفخ) :

- ياربي صبر من عند ياربي..

****

- صلااااااااة وسلااااااااااام على رسول الله إلللللللى جاه الى جاه سيدنا محمد الله مععععععععاااا جاه العالي رورورورورورورورورييييييييييييييييييييييييي...تمو هابطين بإقبال او وردة وراها البنات والورد كيكبوه عليها من اللور كيصليو على نبي ويزغرتو كولشي واقف كيصور ماريا لقدام هازة الكاميرا ديالها كتصور بيها حتى وصلو لصالة لكبيرة فين أيحنيو البنات دارو برزة وحدة فلون البيج كلسو فيها بجوج مع بعضياتهم بشريبلات ديالهم بصقلي قدات ليهم النقاشة الكلسة مدو إيدياتهم كانت النقاشة ونقاشة أخرى جابتها معاها كل وحدة تكلفات بوحدة قدامهم صينية كبيرة فيها قوالب سكار او الورد والحليب والبيض والحنة ورقة وشمع...ماريا بقات واقفة هيا وهاجر والباقي كلس مقابلين الحتيت وتبركيك خصوصا المعروضات كل وحدة تفلي لوخرا هادي هاد شرتلة مكانتش عندها لوخرا تجاوبها اتلقايها غير بلاكيور حتى انت مابقيتي تفرقي بين دهب ولفالصو او هادي تكول ناري ضعافت وكل وحدة تلغي بلغاها متعرفيهم جايين لحضور ينشطو ولا يبركو هادي هيا عوايدنا فينما مشيتي...

- بداو اللعابات فتسخينات ديالهم وهوما يبداو فالمعقول حتى كدخل شيخة طراكس كلها مزرزرة دهوبات لابسة واحد القفطان لاصق عليها توسطات الصالة ومشدها حد حتى ولات كلها عروكات رجال كانو فالصالون لاخور مع العرسان لي حتى هوما بجليلبات فالبيض مطروزين عليهم السر والملح أما الحاج تبارك الله وثلاة على النبي النور عليه... دخل أحمد ومليكة وآدم ستقبلهم الحاج وجواد مليكة مشات عند العيالات غير شافتها ماريا جات كتجري عندها عنقاتها وشداتها دخلاتها لوسط شدات ليها فيديها وكلسو على شطيح هاك براك لي كالوها لعابات تجاوبهم ماريا..

- ومي لالا منتزوجشي ومي لالا منتزوجشي ومي لالا منتزوجشي وغير نبقى وحدي ومنتزوجشي وغير نبقى وحدي ومي لالا منتزوجشي..

وحبيبي جاب ليا قفطان حمصي كاليا لبسيه أه هو أه هو أه هو والعزيز على ميمتو عمرو مايتخص...

- العريسات فرحانات ونور طايح عليهم دارو حاجة خفيفة فليدين ورجلين وصاتهم النقاشة بلي المرة المزوارة لي عمرها تزوجات جوج مرات هيا تحيد ليها الحنة...او وصاتهم باش يخبيو زلافة دالحنة دالعروس حيت خايب ليها واخا البعض مكيتيقش هادشي ولكن كاين لي كايتيق زينب غير سلاو الحنة طارت بزلافة غبراتها...باش ميضور بيها حتى واحد من الحاضرين ولي شاط فالبرة دارت بيه نقاشة الباروك لبنات لي مزال بلا زواج...

عيطات زينب لماريا..

زينب : عفا بنتي اتمشي لبيت إقبال راه واحد ليزار بيض فوق نموسيتها جيبيه ليا عفا بنتي الله يعطيك الستر..

ماريا : واخا خالتي...مشات ماريا عند مليكة لي كانت شادة ليليا هزاها بواحد القفيطين فذهبي وبانضة فيها الوريدات...

ماريا(كتبوس فيها وتجبد ليها حنيكاتها) :

- أنا غادي ناكلك انا الفنون ديالي العسل وشكلاطة ديالي أنا...

ليليا(كضحك) :

- أما أما

ماريا : أه أه اناكلك أنا..ماما مليكة خلي عندك تيليفوني وهاد الكاميرا انا جايا..عطاتهم ليها وطلعات لبيت إقبال دخلات هزات ليزال ورجعات خرجات سدات الباب وراها وهيا راجعة وقفها صوت أنين من بيت ضياف..

وقفات ماريا لحظة كتأكد من الصوت لي سمعات رجعات خطوات لور وتمات غادية لمصدر منين جاي الصوت...

ماريا(بستغراب) :

- هذا بيت فاتن لعجب...دقات فالباب وفتحاتو دخلات كطل براسها كتبان ليها فاتن فوق نموسية متكية كتلوى...تمات داخلة عندها كاتشوف فيها حطات ليزار من إيديها ومشات عندها...

ماريا(بستغراب) :

- واش مريضة مالك ياك لاباس سمعتك كتنيني؟

فاتن(بصوت تقيل) :

- أه عفاك أماريا جيبي ليا واحد الفنيد راه فوق الكوافوز لهيه مع الما عفااك لوجع كيقطع فيا...

ماريا : واخا صبري...مشات ماريا جيهت الكوافوز بانت ليها كرطونة ديال دوا عزاتها فيديها وجابتها رجعات لقرعة ديال الما كبات فالكاس وجابتو ليها فتحات البكية وهزات حبة مداتها ليها دارتها فمها وعطاتها الما شرباتو...

ماريا(بستفسار) :

- واش موالفة كدير ليك هكا؟(عند بالها الدورة الشهرية)

فاتن(شافت فيها وعينيها نايمين وصوتها تقيل) :

- لا ماشي لي فبالك

ماريا : أه يحسابلي ولكن هاد الوجع ماشي عادي..

فاتن : الطبيب وصاني براحة ومنتعصبش وهاد الأعراض ضروري منهم فهاد الفترة هادي.

ماريا(مافهمات والو) :

- مافهمتش واش عندك شيحاجة؟؟

فاتن : علاش جواد مكاليك والو؟مكاليكش بلي أنا حاملة؟...ماريا سكتات مهضراتش حسات بحال الى كبيتي عليها سطل ديال الما بارد مثلج من راسها لساسها بلعات ريقها باش تبلل حلقها لي نشف..

فاتن(نزلو دموعها دورات راسها لجهة لوخرا كتبكي) :

- أنا وجواد كنا كنعرفو بعضياتنا فاش كان فهولاندا تعرفنا فواحد المعرض ديال الرسم كانت بيناتنا صداقة عادية ولكن هاد الصداقة شوية بشوية تحولات لعلاقة وقع بيناتنا سوء تفاهم وتفارقنا ولكن هادي شي شهرين هكاك رجعنا تلاقينا فسبانيا رجعات بينا ذاكرة لور وحيينا ديك العلاقة فاش رجع جواد وانا رجعت لخدمتي كتاشفت بلي أنا حاملة ولكن ولكن فاش كلتها لجواد صدمني بلي خاصني نزل لبيبي وبلي هو مامستعدش لإرتباط ولا لولاد ولكن مكانش عندي حتى حل غير نحطو قدام الأمر الواقع داكشي باش جيت وتصدمت منين عرفت بلي تزوج...دورات وجها كتشوف فماريا لي مزال على نفس الوضع غير ساكتة ومبهوضة...

فاتن(كتبكي) :

- مكنتش عارفاه بلي تزوج كون كنت عارفة مغاديش نطيح فهاد الغلط داكشي باش تعصبت وتعرض جنين ديالي للخطر وطبيب وصاني او وصا جواد براحة داكشي باش جابني لهنا وكاليا بلي انت وهو ممفاهمينش وبلي اياخد طلاق ديالو ويصلح الغلطة ديالو معايا سمحيليا أماريا سمحيليا بزاااف الغلط كلو ديال جواد أنا مامني والو مكنتش عارفة مكنتش عارفة أنا ماشي خايبة الغلط كلو ديالو هو عفاك عفاك متكوليش ليه بلي عاودت ليك يقدر يدير أي حاجة يقدر يقتلني ولا يلوحني أنا او ولدي😭😭..رجعات ماريا جوج خطوات اللور دارت هزات ليزار فيديها وخرجات...

فاتن(تبسمات إبتسامة عريضة وعلامة النصر بانت على وجها) :

- هذا هم وتحيد الله ودابا يمكن ليا نعس بكل راحة..

- ماريا لي كانت فحالة صدمة الباطن ديالها كيهضر مع راسها عمرها ظنات بلي الوقاحة توصل بجواد حتى لهاد الحد هذا كولشي ليه دوا حتى لهادشي تصدمات صدمة حياتها حبها ليه تحول لكره كبير كيفاش عطاتو نفسو يدير هكا كيفاش لهاد درجة حقير ومكيسواش هاديك الهيبة والمنظر الرجولي وصرامة وديكتاتورية تخليه يدير هكا...هابطة مع دروج كتهضر مع راسها حتى دخلات فزينب..

زينب : بنتي تعطلتي جبتي معاك ليزار؟؟

ماريا(علات راسها فيها) :

- أا؟ أه اه أخالتي هاهو..عطاتها ليزار بقات واقفة شوية داوها رجليها لباب الدار فتحاتو هادشي تحت أنظار جواد لي متبعها بالعين كيشوف فيها بستغراب حس بيها كاينة شيحاجة...خرجات على برا بعدات او وقفات مقابلة مع شجر والورد حسات براسها مخنوقة ضاقت بيها النفس ديالها مكرهاتش تكون قدام البحر تغوت على حر جهدها على وعسى تطفى النار لي شاعلة فقلبها بان ليها واحد الكرسي مشات ليه ميشان وكلسات...حادرة راسها وكتشوف فنقطة معينة حسات براسها شوية بشوية كترتاح...

ماريا(كتحرك فراسها) :

- ماريا قوي راسك هذا الفرح ديال صحاباتك خاصك تضحكي وتفرحي ليهم لوحي كولشي ورا ظهرك مديري حتى ردة فعل لي تير شبوهات مديري حتى تصر لي يخسر عليهم هاد الفرحة تصرفي بحال إلى مكاين والو...اوووووووف...وقفات كدوز إيديها فشعرها علات راسها وتمات راجعة دخلات نيشان لصالون ماتلفتاتش لا هك ولا هك..مشات حدا مليكة شداة ليليا عندها وكلسات..

مليكة : تعطلتي مال لونك صفر هكا؟

ماريا : لا والو أتسخرت لخالتي زينب ومع طالون مامالفاه علاين منطيح ونتكركب من دروج غير الخلعة وصافي..

مليكة : واش فخبارك داكشي دآدم؟؟

ماريا : أه فخباري وراه رابحة الله يعمرها دار واخا خدامة مايهمكش هادشي

مليكة : انا عندي غير ولدي يكون فرحان مع بنت الناس لي بغاها ليه قلبو هاديك هيا الدنيا ومافيها مكايهمش خدامة ولالا كيهم تربيتها وأخلاقها وانا من داكشي لي شفت غير نية وظريفة الله يتاويهم لخير..

ماريا : أمين ياربي...داز نهار الحنة زوين مع الضحك ولعب والشطيح والنشاط ماريا نسات موضوع جواد شوية تشغلات بفرحت صحاباتها خصوصا وردة لي أخيرا ربي فرحها..جا الوقت لي دخلو فيه العرسان خداو تصيورات حدا عرايساتهم...من بعد تفرق أتاي والحلوة والفاكية لوز كركاع وزيد وزيد نهار الحنة هادشي لي كيكون فيه الكاكلة مكتكون حتى لنهار العرس...مع 8ديال العشية تفرق المجمع وكل واحد مشا لدارو حيدات زينب لبنتها ولوردة الحنة لدبليج ديال النقرة حيت مزوارة عمرها تزوجات جوج مرات طلعوهم لبيت باش ينعسو ويرتاحو حيت غدا أيكون عرس إقبال او وراه أيكون عرس وردة...حيدات ماريا طالونها دارتو فيدها وصمطة وتمات طالعة حفيانة...غادية ساهية حتى خرجات فصاحب أفكارها...هزات عينها فيه كتشوف فيه شوفات ممفهومينش...قبل مينطق هو نطقات هيا..

ماريا : واش يقدرو وراق الطلاق يوجدو بعد غدا؟؟سؤال لي طاح عليه بحال البرق صغر عينيه كيشوف فيها رجع خطوة لور ورجعات ملامح البرود على وجهو..

جواد : شفتك زربانة دغية باغية تفكي؟؟

ماريا(كتهضر بتباتة) :

- وقيلة ماشي غير أنا لي باغية تفك ديجا سيفطي وراق طلاق..

جواد(بستغراب) :

- شكون كالها ليك؟

ماريا : ماشي مهم شكون كالها ليا المهم أنو رغبة مشتركة بيني وبينك أول مرة أنتافقو على حاجة وحدة منها نيت يلاه يلاه توجد تشوف حياتك وتبدا زواج حقيقي مبني على الصح وحتى أنا نشوف حياتي..

جواد(سكت العافية كتاكول فيه كيتغزز غير بوحدو) :

- على هاد الحساب كاين البديل وانا مافخباريش؟

ماريا : أنا ماشي بحالك ماشي بسهولة كنلقى البديل ولكن غادي يكون ضروري أيجي نهار لي غادي يكون...تخطاتو وتمات غادية شوية وقفات ورجعات عندو...شاف فيها كيخنزر..

ماريا : ولي غادي نأكد ليك أجواد نهار غادي يكون هاد البديل فحياتي غادي تقلب فيه حياتك 180درجة تصبح على خير...خلاتو واقف متبعها فالعين حتى سدات عليها باب بيتها...رمات صباطها وسمطة ديالها وحيدات حوايجها ودخلات لدوش فتحاتو دافي وتخشات تحتو وقفة ساهية ومخلية الما كيتكب عليها...مابغاتش تفكر ومابغاتش تخمم ولا تقرر بغات غير تخرج من هاد الدار هاد الحب هذا عشق ممنوع بنسبة ليها كلو عذاب ممكتابش ليه يبان ولا يتولد مكتاب ليه يتدفن هو قبل مايبان كلو عراقيل خلي الى تزاد...تفكرات هضرت وردة ليها أول مرة سولاتها واش فحياتها شي حد وضحكات وستهزءات من الحب ودابا هاهيا كتعيش عذابو ونارو والمرارة ديالو بحال الى كضرب فلحمك بموس حافي...مدات إيدها سدات الرشاشة خدات البينوار لبساتو وخرجات نشفات راسها لبسات حوايج نعاس طفات الضو لي حداها ونعسات حاولات باش تنعس حيت هادي هيا الحاجة الوحيدة لي غاتخليها ترتاح من قزة التفكير..

- كالس ورا المكتب ديالو طافي جميع ضواو من غير ضو القمرة لي داخل من سرجم وجهو مكيبانش من كثرت الدخان ديال السيجارة لي خارج من فمو الطفاية حداه كلها كارو يكمي واحد يطفيه ويشعل الثاني واحد ورا واحد سكوت ديالو وراه نار خامدة فأي وقت ممكن تنفاجر كلامها كيتردد فودنيه كلمة بكلمة شوفة بسوفة ضحكة بضحكة محسش كيفاش ولا إيمتا الكاس دالقهوة لي فيده تحول لأجزاء صغيرة وقطرات من دم كيطيحو من إيديه مهموش بحال الى مطرا ليه والو متألمش حيت مكاينش قد الألم لي كيحس بيه فقلبو هو لي كان ناوي من ورا هاد المناسبة أنو يتقرب ليها ويعتارف بحبو ليها ولكن الكبرياء ديالو وغرور الرجل الشرقي مايخليهش ينحني لمرة مكتبغيهش هاد الحب هذا خاصو يمحيه يحرقو الحب لي بنسبة ليه كيضعف مكيقويش وهو كلمة الضعف مكايناش فالقاموس ديالو نهائيا هز تيليفون ديالو دور نمرة جلال..

جواد(بصوت رجولي) :

- فين كاين؟

جلال : فبلاصتنا

جواد : أنا جاي عندك ..

كُن منصفاً ياسيدِي القاضي

ِ ذنبي أنا رجلُُ له ماضي

تلك التي أماماكَ الآن

كانت لذي أعز إنسانة

أحْبَبتها وهيَا أحبتنِي 

صدقاً جميعاً همي أنساتنِي

صارحتهَا وقُلتُ مولاتِي

كثيرةُُ كانت علاقاتي 

قالت :

- حبيبِي ضعِ الماضي وقبِّلني قبلني بينَ ذراعيْك أنا أنا أنا أنا الكلُ وأنا وأنا هيا الحاضر والآتي...💙

****

نهار العرس النهار الكبير البيت لكبير ولا صالون ديال التجميل ماريا فاقت بكري باش تبدا بالعروسة هيا لولة مركزة مع إقبال كتحاول تخليها طبيعية وتبرز غير لون عينيها مزيان فوق لعينين دارتو ليها كحل ودهبي كيتواتا مع لبيسات كاملين والعكر فالكرونة مع الهيلايتر والمشطة خلات وسيم هو لي يتكلف بيها...من ب روتوشات لخاصين بالعروسة تكلفو طاقم ديال وسيم بلبسة لولة ديال إقبال لي كانت فالحمر مطروزة مع مضمة مدهبة تاج والإكسيسوارات فلون دهبي منبتين بالحجر فالحمر...وقفات ماريا كتشوف فيها مبسمة..

ماريا : ماشاء الله عليك وخلاص فنة فنة..

إقبال : ربي يخليك أماريا لهلا يخطيك شكراا بزاااف والله..

ماريا : متبقايش تعاودي تشكريني راه هضرنا..جات هاجر بعجاجتها عند ماريا..

هاجر : يلاه راه نوبتي راه خاصنا شوية نكونو فالقاعة..

إقبال : ياختي وغير قولي بصحة وانت هاجمة..

ماريا : شفتيها ياختي مكتحشمش وجها صحيح..

هاجر : فنة فنة خمسة فعين لي مايصلي على نبي رورورورورورورورورورورويييييييييي...

وسيم : ياختي هداك حلوق عندك ولا زواكة تقبتي ليا طبل ديال ودنيا غير زمار دسحور..

هاجر : اووووخ بسم الله عليا..

ماريا : ويلاه زيدي زيدي...كعدات هاجر قدامها بدات كتقاد ليها وبنات العائلة أغلبية قاد ليهم وسيم...تفتح الباب ودخلات وردة هازة بنتها فيديها..

وردة : هاحنا جينا حتى حنا تصايبو لينا..

ماريا(كضحك) :

- وانا عطيوني أهاد لبخيخيشة ناكلها بوسان باركة عليا..ليليا حسات بيها كتهضر عليها كتضحك وتبين سنيناتها لابسة كسيوة فزرق فيها وريدة من جنب كتحمق...

وسيم : أنت بعدا بلاما تحلمي تحطي نقطة وحدة ديال المكياج فداك الوجه باش غدا ينزل عليك السر فعرسك...

وردة : وراه كالتها ليا ماريا الحكرة هادي يلاه انا اندي ليليا لخالتي مليكة ونرجع عندكم..دات وردة ليليا لعند مليكة باش تعرف تلبس على خاطرها...صباح كلو داز غير فتوجاد ولباس والمقادة العائلة من بعدما وجدات سبقات العروسة للقاعة لي كانت مجهزة بأحسن تجهيز فوتويات بشيبي وليناب فالبيض طويبلات بطباسل والفراش والماس فدهبي مع بوكي ديالىالورد كيتوسط الطبلة القاعة كانت قدها قداش يجري فيها الخيل..

- ماريا(كتزرب) :

- أنا او وسيم وهاجر أنمشيو مع عمي الحاج ومعانا إقبال والعريس غادي يمشي مع أمين او جواد أيكونو سبقونا باش غير نوصلو إن شاء تكون دخلة انت وهو من تماك...

وسيم : الالة انت لي كتهضري أجي قدامي يلاه سربي باش نقاد ليك..

ماريا : لالا انا عادي دغية نوجد..

وسيم(جرها) :

- راه كتليك دوزي تكلسي..أول حاجة بدا ليها وسيم بشعرها دار ليها مشيطة خفيفة وسابل وراقية مع لمسة تزيين بواحد الشريط فالأورق سموي سنسلة خفيفة فعنقها مع الحلقات ديالها...جابت ليه سهام قفطان لي كان بحال الكسوة خداتو ماريا ودخلات ورا واحد الباب لبساتو قفطان على شكل غوب فالبيج منبت بالحجر ومطروز بلوينات جاها كيحمق مع صندالة عالية فدهبي جات طوووب...وسيم لي كتفى بسروال فالكرونة مع قميجة فالكري باردة هز الكاميرا ديالو وتمو مخرجين إقبال بصلاة على نبي هاجر كانت لا تقل جمال بقفطان فالقهوي مع مضمة فدهبي أما العروسة ديال وردة كانت لابسة قفطان فالبيج ودهبي والموف جاها غزاال وجها خالي من المساحيق بحكم نهار عرسها يطيح عليها السر...وصلو قدام الباب وهيا تخرج رابحة لي مكانتش معروفة كاع شعرها مطلعاه على شكل ديال حصان وسنسلة رقيقة مدهبة فعنقها مع قفطان فلبلو غزا منبت...شافت ماريا تبهرات دارت عند وسيم لي غمزها وضحك...ركبو البنات مع إقبال والحاج فطوموبيلتو والباقي كل واحد معامن الركب أما العريس سبقهم مع جواد وأمين...شدو طريق للقاعة غير وصلو تلكاو نيشان مع عيساوة بجلالبهم البيضة والعائلة كلها واقفة قدام الباب كيضربو الرش مليكة بتكشيطها فليموني وفولارها فدهبي هازة ليليا فيديها وكتشطح بيها...هبطات النكافة من طوموبيلتها ستقبلات العروسة بصلاة على نبي تم جاي العريس طارق فكامل أناقتو..كوستار فالكحل مع جيلي وصباط كحل شد لإقلال فيديها وعينيه مانزلاتش عليها ودخلو بصلاة على نبي...ماريا وهيا داخلة حتى هيا كتردد معاهم وكتصور بتيليفونها جات عينيها فعينين جواد لي كان لا يقل أناقة بالعكس كان بحال إلى هو لي عريس فكوستار بزرق مع بروش فجنب جيب ديالو دورات راسها بالخف وتبعات الناس لي داخلين مع العروسة..

- هاهيا جات زينة البنات هاهيا جات العروسة ولات هاهيا جات لالة العروسة هاهيا حات وردة محروسة هاهيا جات لالة العروسة هاهيا جات وردة محروسة..واجيني يالكوياني..

واجيني يامحمقاني دوك العيون سالباني واجيني يالالة نار الحمرا اياسيدي بشوق كادية نار الحمرا أياسيدي بشوق كادية...مع دخول العروسات تغنات مجموعة من الأغاني خاصين بالعروسة ونكافة كتصلي على نبي والحضور كيزغرت وسيم سابقهم بالكاميرا ديالو كيصور العرسان والحضور...كولشي شد بلاصتو العروسة والعريس كلسو فالبرزة ديالهم...العائلة واخدة طوابل لي قراب من البرزة...ماريا مقابلة مع الباب وكتشوف فساعتها كتسنا فسومية تعطلات حتى كتبان ليها فاتن داخلة بتكشيطة فالكري ودهبي منبتة طالقة شعرها ودايرة واحد سلسلة فجبهتها داخلة بنخوة هزات تمرة وجغمة من الحليب بزهر غادية بكل ثقة فنفس مكتشوفش فلي حداها بانت ليها طبلة فيها هاجر او وردة وبوجها الحمر مشات كلسات حداهم...ماريا كتشوف فيها مختزرة محملاتهاش..دورات وجها وستغفرات الله ورجعات الضحكة على وجها...سكت الأوركستر حتى دخل عثمان مولين كولشي ناض كيصفق..جا سلم على وسيم من الوجه لوجه وخدا بلاصتو..

- بدات أنغام الموسيقى ولي كالس ولا واقف ويشطح..

- وهيا المعفر تعفر بشوية أهاه اهاه وهيا المعفر تعفر بشوية أهاه أهاه ودابا دور بيك ليام وتجيبك ليا وهيا جيلالي أيلي يايلي يايلي داوي حالي يابوعلام وتعالة تعالة نشوف فيك جليج فيك رخام وايلب يايلي يايلي...كولشي ناض يشطح هاجر وماريا تشادو ليدين وتوسطو القاعة مهامهم حتى واحد دخل وسطهم عثمان مولين كيغني عليهم ويشطح معاهم خالقين جاو زوين...ماحسو بسومية حتى دخلات وسطهم شدات فيهم طالقة شعرها ولابسة تكشيطة فالفجلي داكن مع مضمة ظيال دهب...مقابل معاهم طبلة فيها جواد وأمين الحاج وعصام وبات طارق وأحمد ورجال العائلة كيهضرو على شحال من حاجة من غير جواد لي حالو بوحدو عينيه مفيكسية على بنت وحدة وهيا ماريا كيفاش كتشطح وكيفاش كتمشي وتجي فوسط داك القفطان لي أياكول منها النص...

الحاج : واش سمعتيني أجواد؟؟

جواد(عاقد حجبانو) :

- نعام الحاج ماسمعتكش شنو كلتي..؟؟

الحاج : سي عبد الصمد كاليك بقاليك 3يام وتعرف نتيجة ديال الإنتخابات..

جواد : أه وي بصح سمحولي أنا جاي..خرج على برا جبد كارو شعلو ومرة مرة يدور يشوف فماريا واش مزال كتشطح زاد جعر فاش شاف إيد ماريا فيد عثمان وجارها لوسط كتشطح هنا نار شهلات فيه عينيه ولاو كيف جمر خاف يخسر هاد العرس أما ليفيه يجرها ويخليها غير حداه هو بوحدو..

- مليكة شادة ليليا كتشطح بيها حداها وردة لي مكرهاتش تنوض تشطح ولكن ماخصهاش حيت حتى هيا عروسة وحدا مليكة كاسنة رابحة لي كالسة متبتة وحشمانة..

مليكة : مرات ولدي زين وتباتة تبارك الله نوضي تشطحي..

رابحة(حشمانة) :

- لا أخالتي انا نكلس غير حداك صافي..

مليكة : الله يعطيك الرضى...آدم كل شوية يوقف عليهم ويسول مليكة وعينيه فرابحة..

آدم : الواليدة ياكما خصاك شيحاجة..

مليكة(كتشوف فيه بنص عين) :

- هممم أسير من البحوط مخاصني والو رابع مرة هادي وانت كتكولها..

آدم : الى بغيتيني عيطي ليا..

مليكة : سير أولدي سير مخاصني والو..غادي آدم ويضور يشوف فرابحة لي هيا غرقات فحوايجها مسكينة...جا الوقت لي إقبال تبدل لبسة ديالها هاد المرة دخلات بتكشيطة فالخضر بحال الحمرا غير متغيرين فلون..هاد المرة دخلو العدولات كتبو كتابهم وأخيرا ولاو زوج وزوجة زغاريت مسكتاتش إقبال الفرحة والحب باين من عينيها فلمح البصر كانت غادي تخسر حب حياتها..

ماريا(نغزات سومية) :

- فين خالتي حورية؟؟

سومية : راهيا لهيه مكتقدش على صداع بزااف مع السكر وطانسيو راكي عارفة..

ماريا : أنمشي نسلم عليها ونرجع..وهيا غادية أحمد متبعها بالعين حتى شافها فين مشات تصدم بقا غير كيشوف ومبهوض معرف باش تبلى شنو جاب حورية لهنا وعلاش ماريا كتعنق فيها وتسلم عليها بحال هكا كيفاش زعمة كتعرفها لا ميمكنش..

حورية : تبارك الله عليك أبنتي وصلاة على نبي

ماريا : توحشتك أخالتي علاش متقربيش لعندنا؟

حورية : والله أبنتي مع طانسيو وسكر مكنقدش على صداع هانتي سولي عمك محمد أنا ديما هكا..

ماريا : واخا أخالتي الى بغيتي شيحاجة كزليها ليا..

محمد : غير هيا وأنا؟

ماريا(كضحك) :

- الله أودي أنت راه الخير والبركة..أنا مشيت شوسة ونرجع عندكم..خلاتهم وتمات راجعة حتى وقفها باها..

أحمد : نسيتيني😔

ماريا(عنقاتو) :

- أنا على بابا عاوتاني تبوكيصة ديالي..

أحمد : أح عليك فين كنتي؟

ماريا : مشيت غير سلمت على مامات سومية وباباها عمي محمد وخالتي حورية ناس الله يعمرها دار حتى من بعد ونعرفك عليهم..

أحمد : تخطف دم من وجهو) إن شاء الله أبنتي يلاه سيري راه وردة كتشير ليك..خلاتو ماريا مشوش ومشات شاف جيهت حورية لي بدورها شافتو غوبش ودور وجهو رجع لبلاصتو كيهضر مع راسو..

أحمد : مابقى مايتخبى أبنتي خاصك تعرفي كولشي...

من بعد لبسة تانية جات التالتة لي كانت فصفر بدلات ماريا تكشيطها بوحدة لاصقة عليها فالكحل ودهبي وهاجر حتى هيا بدلات بقفطان ديال الموبرا فزرق ومطروز بصقلي...جا وقت العشا تجمعو أهل العروسة والعريس فطبلة وحدة والمعروضين فطبالي لوخرين.. فالأول تلقاو لناس بواحد العصير خاص مصايب من جميع الفواكه مع حلوة كلاصي...ولي ماكرو ومن بعد تحطات لونتغي لي كانت عبارة على لينيم بفغوي دوميغ(بريوات) عاد البساطل ديال الحوت...داز العشا من داكشي الرفيع او وراها ديسير لي شيحاجة أساسية...من وراها ختماتها إقبال بتكشيطة فالبيج مع منبتة بالحجر فالخضر مع إكسيسوارات بالجوهر...ماريا كانت عايشة اللحظة كضحك وراشقة ليها ناسية أي حاجة ولا كتحاول أنه تناسى...الوقت داز بزربة وجا وقت الكاتو لي قطعاتو إقبال او طارق من وراها جا الوقت فاش العرسان أيمشيو لوطيل...تفارقو مع العائلة مشاو فطوموبيلت طارق أما الحضور الأغلبية مشاو بقات غير العائلة لي حتى هوما لدورهم مشاو سومية رجعات مع باباها ومها ومليكة مشات مع أحمد وآدم والبقية رجع لدار...طلعات ماريا نيشان لبيتها ساعة كانت شي 3ديال الليل حيدات حوايجها وهيا عينيها مغمضين معقلات كاع على شنو لبسات طاحت على طولتها نعسات على واحد الجنب من كترت العيا وتخمم النعاس هو أكبر حل وأحسن دوا..

****

" ‏لا يمكنك أن تؤثر في شخص لا يهتم بك، إنه لا يراك، لا يرى كل محاولاتك تلك التي تفتعلها لتجذبه، ولا يرى كيف تحزن بعدها ولا كيف تعاقب نفسك ولا يشعر بالآف القرارات التي تتخذها بشأنه وبشأنك معه، أنت تسرف في الظهور على أرضه ولكنه لايهتم، ولا يرى. ""

- صبح جديد غير هو مختالف بنسبة لوردة وحتى ماريا حيت عرس صاحبتها وأخيرا قبل متمشي أتهنى عليها...نفس السيستيم ديال البارح ولكن هاد المرة مع وردة لي لخوف راكبها من راسها غير شادة لماريا فيديها وكترعد..

ماريا : راه وحق الله مغادي تخليني ندير شيحاجة وغير خليني أحتى نكمل ليك بعدا..

وردة : وراني خايفة خايفة أعيباد الله الخلعة شداني..

ماريا : مافهمتش علاش مخلوعة حتى سيدة مسكينة أجلات ليلتها على قبلك باش تكون معاك..

وردة : شكون هادي؟

ماريا : لا صافي البنت تلحس ليها المخ إقبال أجلات ليلة ديالها هيا وطارق حتى تسافر هيا وياه غير باش تكون واقفة معاك فهاد النهار دابا شوية تبان ليك داخلة..نقز وسيم..

وسيم : ياختي مافهمتش أنا علاش زعمة مخلوعة انت داكشي لي كيوخروه لبنات وكيخافو منو راه وا سبقتيه بسلامتك انعسي على جنب الراحة..

ماريا(تكرشخات بضحك) :

- والله حتى عبر عليك قسما بالله😂😂😂

وردة : درتوني ضحكة نتوما بجوج وراه اي وحدة فعرسها اتكون مخلوعة دابا تجربي وتكولي وردة قالت..

وسيم : علاش هيا عاد أتجرب إيوا العجب المتعجب هذا لي مزوجين مزال موخرين ولي ممزوجين مسبقين العفو العفو كولشي ولا بالمقلوب..

وردة : انت مفاهم والو أكول فهمت وصافي..تفتح عليهم الباب ودخلات سومية مدخلة واحد الحديدة متنقلة فيها 4ديال لبيسات ديال وردة..

وسيم : أجي أسليعفانة جيتي جيتي سوني على جمانة وقوليها راه سيفطت ليها واحد لإيميل طالع عليه وكاع تصاور لي فيه تفيريفييهم وسيري خلطي ليها شكلي مع العكلي راه كانعرفك كتفيقي فصباح بحال إلى مقرقبة..

سهام : واخا أسي وسيم كون هاني..😆

وسيم : وبقاي فرنسي ليا بحال داك الحولي المدبوح..

ماريا(كتحرك فراسها) :

- سهام سيري أختي سيري(شافت فوسيم بنص عين) واش انت مكتقداش؟

وسيم : بنت ليك فرماج أنا نتقادا وزوينة هادي وراه ضسرات سيدة لقات لي بغات ولات غير دور وتهضر فداك تيليفون..

ماريا(كتصايب لوردة) :

- وغير خليها عليك أنت مالك أسيدي شنو بغيتيها..

وسيم : من نهار جات وانت مضسراها وغير خليك حتى نوحل أنا فيها..تفتح الباب وطلات إقبال عليهم كتبان بسرارة والحنة فيديها..

إقبال : السلام عليكم..

ماريا(ضحكات) :

- عروستنا مرحبا وألف مرحبا..

وسيم : ياختي أنا فبلاصة راجلك نحرك نحير جمل لي مخلياه وجايا..

إقبال(كضحك) :

- عرس ختي ومنكونش خايبة حتى لتعاويدة وزايدون راه غدا صباح أنسافرو انا وياه..وينو جيتي غزاالة صراحة ماريا كاصرعي المكياج..

وسيم : راه انا لي علمتها شي رتوشات خاصين ف فن المكياج..

ماريا : لا انت الكل فالكل الله أودي..أجي إقبال شفتك كاعما وجدتي اويلي راه دغية الوقت طاير..

إقبال : راه غير جيت نسلم عليكم طارق لتحت كيتسنى يديني لصالون باش حتى انتوما ترتاحو براكة عليكم غير وردة وغادي ندي معايا حتى هاجر راه لتحت كتسنى..فخبارك عمي حشا الهضرة لبنات العائلة عليك أنت كاليهم هاديك راه مرت ولدي ماشي كوافورة جايبها ليكم لي بغات تقاد تضرب إيدها لجيبها وراه صالونات عطاهم الله غزا فيهم من عندي والله..

وسيم : الله يعطيه الستر لي مايبلى مايخسر انا راه مابقيت عرفت راسي كوافور ولا ميكاب أرتيست ولا عندي مجلة وخلطو عليا العرارم شهموني..

إقبال(كضحك) :

- وراه عمي هناكم منهم يلاه أنا مشيت باي باي..خلاتهم إقبال خرجات من البيت..

سلات ماريا لوردة المكياج وفيناتو بقات غير المشيطة تولاها وسيم...كانو غير بتلاتة بيهم فالبيت هناهم الحاج من كترت الناس مجموع عليهم مكيعرفوش يخدمو مزيان..بقات لوسيم غير جوج حجيرات نبتهم لوردة فشعرها وكانت صافي سلات جات ياقوتة صلاة على النبي..

ماريا : دابا أنت سير لورا داك الباب بينما لبستها..شاف فيها وسيم بنص عين..

وسيم : من نيتك أحبيبة أنا راه شفت العارضات غير بلبيكيني وسوتيامات..

ماريا(كتعيب فيه) :

- وهادوك راه عارضااات ماشي وردة..وسيم أشر ليها بيدو ومشا ورا الباب بينما لبسات ماريا لوردة أول تكشيطة فالبلو غوا مطروزة بالألوان كان فيها طرزات مايلين لطرزات أمازيغيين..مع حلقات فنقري والبيج جاتها اللبسة كتحمق مع تاج وصباج عالي نقري..نباها وسيم..

- واش صافي نخرج؟

ماريا : صافي غير خرج...خرج وسيم وكمل معا ماريا يقادو لةردة من هنا ومن لهيه خدا ليها وسيم تصاور بوحدها..شدات فيها ماريا فيديها حتى لفوطوي وكلسات..

ماريا : خليك معاها متخلي حد يدخل عليها

وسيم : علاش فين غادية تكاشطك كاينين هنا..

ماريا : أنمشي نلبس ليليا ونخليها عند عمي وعاد نرجع..عطاتهم بظهر حتى عيطات عليها وردة..

دارت عندها ماريا..

وردة : أجي قربي..قربات ليها ماريا بستغراب شدات فيها وردة وجراتها كلساتها حداها..

وردة(متأترة) :

- أحسن حاجة طرات ليا فحياتي هيا نهار تعرفت عليك كون عندي ختي من لحمي ودمي مغاديش دير معايا بحال هكا فخبارك أوسيم هاد البنت هادي هزاتني فالوحم ديالي فاش خرجت من خدمتي بماكلتي بشرابي وكانت حاضرة فاش ولدت وهيا أول وحدة سدات ليليا فيديها وغامرات معايا وجات معايا لمغرب وفاش وقعات ليا الكسيدة ودخلت فغيبوبة هزاتني وجابتني معاها ودارت ليا فرملية لي تقابلني وربات ليا بنتي وفقت وخليتها معاها ومشيت كنقلب على أمين من بعدما فقد داكرة ديالو هادشي غير لقليل أما الكثير ممنحقيش نكولو منحقها هيا لي تعاود عليه ودابا هاهيا واقفة معايا كنحس بحال إلى ماما لي معايا فالوقت لي بابا معارفة عليه والو فين كاين وهو معارفني واش حية ولا ميتة ربي حطها فطريقي..انت أحسن حاجة وقعات ليا فحياتي شكراا بزااف حيا كاينة معايا ومخليتينيش وسمحيليا إلى صدرات مني شيحاجة😢..

ماريا(عينيها ساحو بدموع) :

- ششش عمرك تكولي هاد الكلمة انت صاحبتي وختي لوقت لي مكان عندي فيه حتى صاحبة او أخت او أم انت فيك كولشي وندير على قبلك أي حاجة صافي هذا نهار فرحك انضحكو ولعبو واش بغيتي تخسري مكياج من صباح وانا معدبة عليه وسيم هضر معاها..شاف فوسيم لقاتو جامع إيديه ودموعو هابطة..

ماريا : اويلي واش ماحيلتي نسكتها هيا ماحيلتي ليك أنت..

وسيم(مد ليها إيديه) :

- أجي عندي أجي..ناضت عندو عنقها بجهد وباس على راسها..

وسيم : طول حياتي ماخليت بلاد أوروبا كلها زرتها ولكن لأول مرة أنفرح لهاد الخدمة وهاد السفر حيت كسبت فيها أحسن وأروع صديقة والله..

ماريا : اوووه زغلولي يخليك ليلي..يخليكم ليا بجوج..ويلاه جمعو عليا خناينكم راه ننص نهاى اللول فات والوقت غير كيجري..خلاتهم وخرجات سدات الباب وراها وقفات ورا الباب كتمسح فدموعها دارت ومشات نيشان لبيت ديالها فين كانت ليليا ناعسة...هزاتها كتلعب معاها وتفيقها حتى فاقت دخلات لدوش دوشات ليها بالخف وخرجات مشدات ليها شعرها بالمشطة الخاصة ديالها ولبساتها كسوة فالبيض فيها لاصو لور بالموف مع صبيبيط ديالو وطاكية ديالو جات كتحمق بحال الأميرات..

ماريا(كتبوس فيها) :

- ويتي ياختي على القطيطة ديالي أنا الفنة ديالي واشنو واشنو انمشيو لعرس ماما أم أم..

ليليا : أفا أفا ما ما مممممم...

ماريا : واحد الفيم لي بحال شكلاطة اناكلو أنا انااااكلو...يلاه نمشيو عند جيدو نلعبو مع جيدو يلاه يلاه كبيدة ديالي أووبلا..شدات ليها فيديها غادية بحال البطة فديك الكسوة هرجات من بيتها غادية تهبط لعند الحاج...بصدفة كيبان ليها جواد خارج من بيت فاتن عاقد غوباشتو وجهو حمر باين فيه معصب ومحامل حد..مع دار جات عينو فعين ماريا..صغر عينيه مراقبها هيا وليليا كتبان أحسن أم...طلعاتو ماريا وهبطاتو دورات وجها ورجعات كضحك مع ليليا دازت وتخطاتو حتى شد ليها فيديها..

جواد : واخا نهضرو شوية؟

ماريا(كتشوف فيديه) :

- معندنا فاش نهضرو من غير إلى وجتي وراق طلاق باش نسني عليهم يكون حسن..

جواد(بزعااف) :

- طلاق طلاق طلاق واش مكاين فمك غير هاد الكلمة..

ماريا(برود) :

- جواد أحسن حاجة بلاما نصعبو الأمور أنا كلت لي عندي..

جواد : بغيتي وراق طلاق ياك واخا الالة اتلقايهم فبيتكم دابا..ضربها بكتفو ودخل لبيتو مع دخل سمعات شيحاجة طاحت وصوت زاج تهرس..سدات عينيها وبقات واقفة شافت فليليا لي بغات تبكي..هزاتها فيديها وكملات طريقها لعد الحاج..عطاتو ليليا ورجعات كتجري فدروج دخلات لبيتها بان ليها ملف حمر فوق نموسيتها..مشات ليه نيشان هزاتو..كتقلب فيه جاها صوتو من اللور..

جواد(برودة) :

- كنتي بغيتي وراق طلاق هاهوما الالة قدامك نتقصهم غير الإمضاء ديالك...

دارت عندو كتراقب الملامح ديالو الباردة ساروت ديال الحبس ديالها بين إيديها يا تفتح عليها وتخرج ولا تبقى صابرة لذل والإهانة برودة أعصاب هزات ستيلو وبالخف سنات...جواد حس بجنوي تضرب بيه فقلبو منين شافها سنات مكانش متوقع أنو مابقاتش كتحمل فيه شعرة ولهاد الدرجة باغية غير تهنى منو...بقى ساكت مهضرش..رجعات ضارت عندو ومدات ليه الوراق..

ماريا : دابا ناقصهم غير الإمضاء ديالك ودفعهم ونوليو رسميا مطلقين..شدهم عندها وعينيه عليها مرمشش خدا ستيلو من إيدها وزير عليها حتى كان ستيلو غادي يتقسم فيديها...وهو كيشوف فيها سنا على الوراق او ولاو مطلقين خاص غير الوراق يوصلو للمحكمة..

جواد : مبروك عليك..

ماريا(ضحكات ضحكة ديال جرح) :

- أنت لي تستاهل المباركة ماشي أنا..المهم اتعطيني يوماين وغادي نخوي دار عتابرني بحالي بحال ضياف لي كاينين هنا..صغر عينيه وجرها من إيدها بقوة لعندو حتى تحط نيفها على نيفو وعينيها فوسط عينيه لي كانو فيهم واحد شوفة غريبة شوفة إنكسار شوفة ديال بحال الى شي واحد خدلك..بالخف نطرها ودفعها وخرج...غادي نيشان لبيتو فطريق هز تيليفون وضور لجلال..

جواد(بحزم) :

- دابا تكون عندي دابا...قطع ودخل للبيتو ضرب الباب حتى تهزات دار غادي جاي كيدوز إيديه فشعرو جبد كارو شعلو كيكمي بغضب وجهالة..وقف قدام السرجم دور راسو جيهت زاج كيبان ليه راسو فزاج هز إيديه حتى لسما وردخها مع سرجم حتى تهرس كاع داك زاج..ولا بحال شي وحش صاعر بحال شي ثور هايج باغي غير فيمن بنفس الغضب ديالو..

- من بعدما خرج جواد من عندها كلسات على نموسية ديالها منزلة راسها ساهية فهادشي لي هيا فيه جاها بحال الحلم بين ليلة ونهار ولات أنسة مطلقة زوينة هادي ولا فالحكايات الدنيا كتخبي لينا حوايج مكنكونوش ضانينهم أو عالمين عليهم...كون شحال هذا كاليها شي واحد بلي غادي يوقع ليها مكانتش غادي تيق ولكن تجري رياح بما لاتشتهي السفن...سهات ورجعات بيها داكرة لور أيام القراية وبضبط نهار تلاقات مع المرا ديك المرا الغريبة كلامها مزال عاقلة عليه لي مكتاب ليك اتشوفو عينيك أبنتي ويااك تفرطي وكوني مرة محزمة...ماعرفاتش علاش تفكراتها دابا زلكن هضرتها فيها حكمة فعلا براكة من البهلان واش صافي الحياة كتوقف على رجل واش صافي نصبر لذل والإهانة بإسم الحب الرسول عليه الصلاة والسلام وصى على المرأة وقال رفقا بالقوارير ميمكنش نبقى رابطة إيديا او واقفة فنقطة وحدة الحب ماشي هكا الحب متقدرش تأدي حبيبك ولا تجرحو ولا تهينو الحب مافيهش غرور مافيهش كبرياء الحب كتزطم على كرامتك وعنادك وغرورك ولو كان جواد حس بشوية من جيهتها ديال الحب مايديرش هاد الفعايل هادو...

- تنهدات او وقفات هازة راسها..دخلات لدوش خدات دوش خفيف..هزات صباطها فكارطونة وساك ديالها وخرجات رسمات ضحكة على وجها بحال إلى ماوقع والو بحال إلى ماشي هيا لي طلقات عاد دابا وحدة فبلاصتها تندب حضها حيت اترسم عليها إسم مطلقة بلا والو أما هيا بالعكس كلام الناس مكيزيد مكينقص بنسبة ليها مكاينش لي كيهز عليها القفة ولا يشري ليها دوا إلى مرضات ويسهر عند راسها مدام باها وعائلتها صغيرة كيبغيوها مكيهمهاش ولي أيهضر عليها بنسبة ليها زايد ناقص عندها لي كيهمها هو راسها وضحكتها حيت نهار أتمرض بهضرة الناس ويجيها كتئاب أيخسرو عليها كلمة وحدة مسكينة حماقت الله يرد بيها فقط كلام ناس على قولت جورج وسوف لا كيقدم ولا يأخر...وأخر حاجة تهمها هيا هضرتها بالعكس دابا أتشوف حياتها وتصنع مستقبلها براسها وأي حاجة طيحها أترميها ورا ظهرها..

فتحات الباب ودخلات عند وسيم او وردة..

ماريا : هانا جيييت..

وسيم : على سلامة كون غير بتي حسن..

ماريا : وصافي أزغلولي يلاه أسيدي دير فيا مابغيتي ولكن متكارش ليا مكياج..

وردة : وسيم بين ليها العوينات..

وسيم : أنا ليوم نتوالاها غير صبري طحتي فيدي اليوم انتاقم منك...كلسات على الكرسي وغمضات عينيها..

ماريا : يلاه أسيدي بالي..بدا ليها بالبرايمر هو الأول عاد كريم الأساس قادليها حجبانها غير مشطهم حيت باينين من عند الله عاد داز لكونتورينك برز ليها عينيها مع شفار دار ليها الهايلايت ولمسة ديال الكلوس فلون القهوي بارد بزاااف أما شعرها طلقو مع تموجات بساط جات فنة بحال العادة وراقية بزاااف...أول لبسة لبسات تكشيطة فالأخضر يديها شبكة وكلها ورد مع صباط عالي فالكحل وإكسيسوارات خفاف وراقيين مع رشة من ريحة ديالها إيفيدونس من بين روايح دايلها لي كتعجبها وكاترتاح فيها بزااف...

وردة : ياختي ياختي على الوردة ديالي تبارك الله عليك أوسيم..

ماريا(شادة فوسيم) :

- أصلا أنا لي زوينة..

وسيم(كيعيب فيها) :

- أنا لي زوينة باااز ياختي شحال فيك ديال البحوط..

ماريا(عنقاتو كضحك) :

- كيعجبني نعصبك هههه...شوية دخلات عليهم إقبال مقادة ونصايبة لابسة تكشيطة فنة فواحد اللون ماخصر مازرق منبتة بالفرشات وجامعة شعرها بمشيطة..

إقبال : تبارك الله على العروسة لالا هنا راه جوج عرايسات ماشاء الله...

طلات عليهم هاجر براسها لابسة تكشيطة فالخضر وهازة ساك فدهبي مقادة ومصايبة..

هاجر : بصحة وراحا ياختي خاصنا شي سيلفي بلات بلات...جبدات تيليفون ديالها وجات القدام مبسمة..

هاجر : يلاه تشيييييز...تصزرو تصويرة جماعية..جا الوقت فاش خاص يخرجو العروسة وبحال إقبال خرجات وردة بزغاريت وصلاة على النبي وماريا هيا الكاميرا ومن ماشي مان ديال وردة...ركبو مع الحاج غير شاف وردة عنقها وباس على راسها دخلوها فطوموبيل ركبو معاها وشدو طريق للقاعة...

- عند القاعة واقف أمين فكامل أناقتو وشياكتو هو وطارق لابسين كوستارات بحال بحال فالكحل وبابيون فنفس لون مع شوميز فالبيض أما جواد حتى هو لابس كوستار فالكحل بحالو بحالهم..

أمين : أخويا مغادي يعرفو شكون فينا لي عريس حاسديني حتى فاللبسة..

طارق(كيضحك) :

- ههههه ومالك أخويا أنا بعدا راه مزال عريس..جواد كل مرة كيشوف فساعتو..نباه أمين..

- جواد واش كتسنى شي حد؟؟

جواد : كنتسنى خوك كاليا 4 يكون هنا ودابا 4 او نص ومزال كاعما بان ليه الأثر..

أمين : راه وصلات طيارتو فصباح انت عارف يوسف ديما روطار..

جواد : نقبلها فأي وقت ولكن عرس خوه لا خاصو يكون هنا قبل من هاد النهار عيق بزاااف هو وتطلق ليه الحبل رخيت عليه ولا داير مابغى ولكن الهضرة ماشي دابا حتى لمن بعد..شوية وقف طاكسي قدامهم وخرج يوسف كيجري..

يوسف(هاز إيديه) :

- سمحوليا والله مدرتها بالعاني لبست عند نوفل وجيت مشاطش ليا الوقت باش نمشي لدار..عنقو طارق وأمين لي عنقو بجهد حيت شحال مشافو وخا كان كيهضر معاه هاد المدة فاش رجع فتيليفون..أما جواد جمعها معاه بأكبر تخنزيرة..حتى جمد ليه أدم فعروقو..

جواد : نهضرو ونتفاهمو من بعد ماشي دابا..

أمين : صافي أخويا كالم اليوم نهار عرسي مابغيت حتى واحد يكون مقلق كولشي يكون فرحان..دور راسو جواد ودار إيديه فجيابو وعطاهم بظهر أصلا هو كاعي غير مامبينش وضابط أعصابو اليوم فرح خوه العزيز وخاصو يفرح معاه وليه..

- قدام الباب ديال القاعة واقفين تريتورات وراجل بزي البلدي كيستقبلو الناس بالحليب مخاط مع زهر وشعيرات دزعفران الحر وتمر معمر بالكركاع ولوز...عاد فاش كيكلسو كيفرقو العواصر أشكال وأنواع مع كيك كلاص صغار...الأغلبية ديال ناس جاو ومزال جايين الداخل المبيخرات فكل قنت طالقين ريحة العود وأحسن بخور...

أمين : وردة تعطلات بزاااف..

طارق(كيضحك) :

- عندك غير تكون مابقاتش جايا

أمين : ماحنا على فالك أخويا انا مستريسي وزدتي كملتي ليا أنت..عنقو جواد..

جواد : أنا فبلاصتها نهرب مانتلفتش ورايا😂

أمين : حتى انت أجواد اوووف..

يوسف : وراه العريسات ضروري مايتعطلو..

جواد : كتهضر لي سمعك يكول فايت مزوج بازز..

طارق : وغير سكتو هاهوما وصلو..وقفات طوموبيل اللولة والثانية...نكافات واقفات كيتسناو العروسة غير وقفات بطوموبيل تلكاو ليها خرجات هاجر وإقبال هوما لولين عاد تبعاتهم ماريا نازلة كتمختر بكامل أناقتها ممسوقاش فاش رمقات عينيها جواد رجعات شعرها لور قدات ساكها وتكشيطها كتبان الفتحة الطويلة لي كتبين رجيلاتها...خرج وسيم سبق باش يشد وردة من الخرجة ديالها..خرجو نكافات وردة لي فعلا كانت وردة فعيني أمين لي غير شافها عينيه حوالو ومكرهش كون خطفها وداها لشي بلاصة غير هيا وهو بدر منور ماشاء الله...وقفوها نكافات قادو ليها اللبسة ديالها واخا كانت مقادة حيت وسيم بألف نكافة تبارك الله...جات نكافة الأساسية عند أمين..

- تفضل مع العروسة الله يخليك😊تمشى أمين لعند وردة لي تزنيكة طلعات معاها وقفوه معاها شد ليها فيديها وتمو داخلين بيها بصلاة على النبي...كولشي لي فالقاعة وقف وهيا داخلة بحال النوارة الموسيقى خدامة والأوركسترا ماوقفاتش بالغنا على العروسة والعريس حتى وصلوها لكلسة ديالها...من وراها ناض أمينزمن حداها..وكيف لي دار طارق حتى تم داخل من جديد مع فرقة عيساوة مدخلين الدفوع(دهاز)لوردة كولشي كيغني وزغاريت ماوقفوش كولشي فرحان...حطوه قدامها حتى تصور وشافوه ناس عاد هزوه ورجعوه...رجعات خدمات الموسيقى وهاد المرة المفاجأة فايف ستار لي كيحمقو ماريا...حمى الطرح وكولشي ناض يشطح..إقبال هاجر وماريا حتى نضمات ليهم سومية..كولشي ناشط وفرحان ماريا شداتها بتحزيمة ماوقفاتش من شطيح منها فرحانة ومنها كتبرد كاع لغدايد لي دازو عليها..همسات هاجر لإقبال:

- أصاحبتي حاجة وحدة بغيت نفهمها علاش مابغيتيش العمارية هاهيا وردة أطلع فيها وتقولي ندمت

إقبال : وماشي هكاك أصاحبتي راه عندي رهاب من العلو فهمتيني مكنقدش وحتةى طارق مسكين فاش عرفها مابغاش يطلع فالميدة داكشي باس مدرناهاش مكاينش لي مكيكره العمارية ولكن انا عندي مشكيل نفسي من العلو فهمتيني

ماريا : ماشي بضرورة العمارية بنسبة ليا انا ماشي ضرورية..

هاجر : أنا بعدا ضروري منها..

سومية : حتى أنا معنديش معاها وكاع مع دوك لي ولينا نشوفو كيطيحو كرهوني فيها هههه

هاجر : أشمن دابا راه ولات موديرن بحال الى كالسة فوق كرسي.

ماريا : ولالة حتى لعرسك وديريها

فطبلة لي جيهت الباب كالسة حورية بوحدها هاد المرة مجاش معاها محمد...غير شافها أحمد ناض من بلاصتو وجا لعندها..كلس قدامها أشافتو تبظل اللون فوجها..

أحمد : بغيت غير نفهم أش هاد تصرفات كديري علاش جايا؟أشنو بغيتي فاش عينك؟

حورية : أنا مافعيني فوالو بنتي لي عرضاتني وجيت

أحمد : دابا عاد بانت ليك بنتك وجهك قاصح وحق الله فين كنتي شحال هذا دابا عاد بنتي دابا عاجبك الحال حيت كتعامل معاك مزيان وفاش اتعرف حقيقتك أ شنو اتكولي ليها كيفاش اتكون ردة الفعل ديالها مافكرتيش فيها ديري فبالك غدا غادي نكول لبنتي كولشي كنت انهضر معاها اليوم ولكن فرح صاحبتها ولكن غدا اتعرف كولشي..حورية تبدل اللون فوجها عينيها غرغرو بدموع..

حورية : عفااك أحمد عفاك خليني أنا نكولها ليها الله يرحم ليك الوالدين

أحمد : شنو غادي يخليني نتسنط ليك فاش غادي يفيد الى كلتيها ليها انت ولا أنا فاش والو كيف كيف

حورية : أنت عارفها شحال مكتحملني والى زدتي انت هضرتي معاها اترفض تسمع ليا العار والملحة وطعام لي تشاركنا أنا عارفة ماصرفتش فيك القليل ولكن لي داز عليا من مي وبا مساهلش عليا أنا عارفة وحق الله لي كلت مايغفرش ليا سمحت فبنتي هالعار أحمد انت كتعرف بينك وبين الله سيدي ربي وكيغفر خلي البشر..

أحمد : حورية واش عارفة شنو درتي شتي كون غير سمحتي فيا أنا هانية ولكن بنتك أعيباد الله بنتك

حورية : عارفة أحمد وربي وحدو عالم بيا هانا فيا سكار الما دكيت لانسولين نمشي فيها وكناخود دوا ديال طانسيو معرفت شحال بقا ليا فعمري على الأقل الى دا ربي مول أمانة أمانتو نكون أشبعت من بنتي بعدا ندي غير سماحة ديالها😭😭...حورية دموعها غير هابطين أحمد سكت وحدر راسو ماينكرش بلي واخا هكاك بقات فيه حيت كيف كالت داز عليها العذاب الشديد مع مها وباها..تنهد تنهيدة طويلة ورجع شاف فيها

أحمد : غدا إن شاء الله مع توقيت الغدا انعيط عليها وحتى انت خاصك تكوني وهضري معاها المهم ماريا من حقها تعرف انا عمري خبيت عليها شيحاجة ومامالفش كنكدب عليها...جبد ورقة وستيلو قيد ليها العنوان..

- هادي هيا لادريسة والله يشافيك ويشافي الجميع.

حورية(كتمسح دموعها هوات ديك الةرقة دارتها فساكها) :

- أمين ياربي لهلا يخطيك أحمد...ناض من فوق طبلة ورجع لفين كان تنهدات حورية حسات بالخوف حيت مابقاو غير ساعات وتعرف بنتها الحقيقة تساؤولات بزااف فراسها كيفاش أتعامل معاها واش اتقبلها ولالا كطلب من الله تفهمها ماريا وتحاول تسمح ليها واخا مدارتش زينة معاها ولكن كتمنى قلبها يحن عليها وتحاول ترجع معاها الوقت لي ضاع وهيا بعيدة عليها..

- اللبسة تانية ديال وردة كانت فالموف داكن هيا باش كتبات العقد او ولات وأخيرا ومن بعد معانات كثيرة مرات أمين رسميا..ماريا مقادتها فرحة واقفة مع وسيم جنبها لجنبو غير دور شوية تجي عينها فعين جواد فيساع كدور وجها عليه واخا صورتو كتبقى بين عينيها وكتحس بخصة فحلقها ولكن كتحاول تنسى وتصرف عادي..

من بعد لبسة لولة لماريا جات لبسة تانية لي كانت فالموف حتى هيا او مطروزة بالورد بانت فنة كثر من الأول داز العرس زوين بزاااف لبسات فيه وردة 4 ديال اللبسات وحدة فالبيج منبتة بالحجر ورابعة بلون الباناني...كان كولشي راقي وزوين الناس مشاو فرحانين وناشطين..ماسلة الفرح حتى 4 ديال الصباح عاد سالة مع الخرجة وناس خرجين مع العروسة لي أتمشي لوطيل واقف يوسف ورا سومية لي مشافتوش حتى همس فودنيها..

يوسف : وزاينيتي البعلوكة..دارت شافت فيه مخنزرة..

سومية : مسينا على الله عاوتاني عاد تهنينا منك..

يوسف : العجب بعدا من عينيك كتباني توحشتيني داكشي باش رجعت بزربة..

سومية(كتخنزر فيه) :

- ضحكك باسل فخبارك..

يوسف : دابا تولي تحماقي على ضحكاي دابا تشوفي

سومية : سبحان من خلقك..انا مشيت ماما كتعيط عليا..يوسف تبعها بالعين كيضحك..

- طلعات وردة فطوموبيل جنب أمين هازة بنتها عندها واخا أسرات عليها ماريا تبقى معاها باش تبقى هيا وياه ولكن بحكم وردة اتمشي شي أيام هيا وأمين قرات تدي بنتها معاها حشومة قوات بزااف على ماريا..ديمارات طوموبيلت أمين او وردة كتشير ليهم بيديها..دارت هاجر عند ماريا بانت ليها كتبكي..

هاجر : اويلي مالك؟

ماريا : انتوحشهم بزااف

هاجر : وراه أيرجعو لي يسمعك يكول مغاتبقايش تشوفيهم...شافت فيها ماريا تبسمات مسحات دموعها ومشات عند باها..

ماريا : بابا أنمشي معاكم انبات عندكم حتى لغدا ونرجع بغيت نهضر معاك

أحمد : واخا أبنتي حتى انا عندي مانكول ليك..

ماريا : أنا انمشي عند الحاج نعلمو ولكن شنو اتكول ليا؟

أحمد : ماشي دابا أبنتي حتى لغدا إن شاء الله يلاه انا انتسناك فطوموبيل..غير مشات ماريا نباتو مليكة :

- شنو اتكول ليها؟

أحمد : حتى لدار ونكوليك..

" منذ مدة لم أعاتب أحدًا على شيء ، 

ولا على قلّة السؤال بي ، 

وأين ذهب ولِم َ،؟ 

أشعر باللامبالاة اتجاه بعض الأشياء ،

لهذا أنا بخير ."

****

صباح جديد ونهار جديد فاقت ماريا على ضو شميسة دافية لي داخلة ليها من سرجم ديالها فاقت مدكدكة مافيهاش عظم صحيح من بعد ليلة طويلة ديال البارح ماشي غير ليلة نهار هو وقع فيه طلاقها بسهولة متنساش شوفات لي شاف فيها جواد فاش علمات الحاج بلي أتنعس فدارهم...صعيب عليها تخرج من ديك الدار على الأقل كسبات حب الجميع من غير سيد القصر ولكن ماشي مهم صفحة وطواتها..ناضت من بلاصتها غسلات وجها وجمعات شعرها لبسات سروال دجين او تريكو وهبطات..

- ماريا : صباح النور..

حليمة : صباح الربح وراه ظهر هذا يلاه صبتيني انجمع ماعن ديال الفطور..

ماريا : أغير هزيهم أخالتي مافيا لي ياكول ياك الغدا قريب يطيب؟

حليمة : قريب يطيب أبنتي...ها باباك هابط نيت..هبط أحمد سلمات عليه ماريا وكلس تبعاتو مليكة حتى هيا..

ماريا : فين آدم؟

مليكة : آدم أيفيق ليك فهاد الوقت مكينوض حتى لعصر كاليك نعوض ليام لي كنفيق فيهم ف6 ديال صباح..

أحمد : بنتي فاش كنتي بغيتي تهضري معايا؟

ماريا(سكتات وطلقاتها فوجهو) :

- لبارح أنا وجواد طلقنا

أحمد(بستغراب) :

- طلقتو بهاد زربة؟

ماريا : وانت عارف جواد إيديه واصلة يشد طلاق فسيمانة وشحال وهو كيوجد الوراق

أحمد : ودوك الوراق وصلو لمحكة نيت ولا يديرها بيك بحال لول؟

ماريا : لالا هاد المرة بصح شفت واحد سيد خدام عندو أسمو جلال جا عندو لبارح وسمعتو كاليه هاد الملف يوصلو للمحامي باش يدفعو للمحكمة طلاق تفاقي دابا حنا مطلقين غير المحكمة اتعطي إمضاء ديالها صافي..

مليكة : ماصبت منكوليك أبنني وحق الله معرفت منكوليك الله يدير ليك لي فيها الخير ياربي ويعوضك ماحسن..

ماريا : أمين غدا إن شاء الله أنخرج من دار لعشية نمشي نجمع حوايجي..أحمد ماهضرش حط إيدو على إيدها كيواسيها..

ماريا : بابا ماكلتيش ليا فاش كنتي بغيتي تهضر معايا؟ شاف أحمد فمليكة لي بدورها شافت فيه وحدرات راسها..

ماريا(كتشوف فيهم) :

- مالكم كتشوفو فبعضياتكم ياك لاباس؟

أحمد : شوية وغادي تعرفي أبنتي..سمعو دقان فالباب مشات حليمة تحل شوية ورجعات..

حليمة : سي أحمد واحد السيدة سميتها حورية كتسول عليك

أحمد : كوليها دخل...مشات حليمة شوية تمات داخلة حورية..شافتها ماريا وقفات مستغربة..

ماريا : حالتي حورية انت هنا

حورية(متوترة ومخلوعة) :

- أه أبنتي جيت نهضر معاك شوية..

مليكة(وقفات) :

- نخليكم تهضرو بوحدكم..وقفها أحمد :

- مكاين لاش تمشي أصلا انت عارفة كولشي وانت بحال مامات ماريا من حقك تكلسي

ماريا(مفاهما والو) :

- مافهمت والو ياك لاباس شنو واقع؟

أحمد : كلسي بعدا ونهضرو أبنتي..كلسات ماريا وبقا أحمد وحورية واقفين كيشوفو فبعضياتهم وفيها أحمد دار إيديه فجيابو ودار عند سرجم..حورية قربات لماريا إيديها كيترعدو ودموعها بحال شتا هابطين..

ماريا : مالك أخالتي شنو واقع انا راه خلعتوني..

حورية(كتبكي والغصة فحلقها) :

- بنتي...حبيبتي ضو عينيا😭😭..ماريا غير كتشوف فيها..

حورية : مكنستاهلش تكون عندي بنت بحالك

ماريا : اعيباد الله شنو واقع؟نباها أحمد من اللور..

أحمد : حورية هيا ماماك أبنتي...لحظة صمت كايتسمع فيها غير شهيق ديال حورية وبكاها..ماريا ساكتة كتشوف فالفراغ وكلمة ماماك كتردد فودنيها صوت ديال طنين وصداع فراسها.

ماريا(كترمش بصعوبة) :

- كتفلاو عليا ياك؟

حورية : لا أبنتي أنا مماك مماك حورية لي هزاتك 9شهور فكرشها توحمات بيك وتعدبات حتى ولداتك..

ماريا(عقلها غايب) :

- وسمحات فيا ياك؟

حورية(حطات إيدهت على كتفها) :

- لا أبنتي سمعيني أنا أنشرح ليك

ماريا(نفضات إيديها) :

- تشرحي ليا أشنو عندك ماتشرحي ليا غير كولي ليا بنت عامين أعباد الله شنو اتشرحي ليا..

حورية(بدات كتعاود ليها من لول لأخر لي داز عليها مع باها ومها وكيفاش تزوجات بأحمد كولشي بتفصيل)..

ماريا(وقفات عينيها خارجين ودموعها هابطين بحال تبروري راجعة بلور حتى طيحات لفاز لي وراها تهرس كتغوت بصوت باح) :

- واخاااا واااخا يكون لي كون وانا مالي أنا شنو دنبي أنا أشنو درت ليك كنت صغيرة عندي عامين كنت كنبقى بوحدي لا حنين لا رحيم كنبقى بوحدي فدار كنبقى بجوع كون كون مشيت لبوطة ولا لشيحاجة خطر كون كون ماشي بابا لي هزني ورباني مابقيتش فيك الحليب ديالك ماشربتوش غير باش متبغينيش ويجيك فراقي ساهل كولي شيحاجة غير هكا علاش علاش سومية ربيتيها أحسن تربية عطيتيها حنانك وحبك لي تحرمت منهم انا ولا حيت هيا من راجل لي كتبغي ياك😢تحرمت من كلمة ماما كنت حتى انا بغيت نبقى نكول ماما شري ليا ماما ديني لمدرسة أماما غطيني أماما خايفة أماما فخبارك كنت كنعس لدبوحدي فخبارك كنت كنخاف بوحدي كنت محتاجاك تكوني جنبي ونكوليك ماما نجحت ماما ضرباتني صاحبتي فالمدرسة ولكن لا أما تحرمت من هاد الكلمة مي عايشة ولكن ميتة بنسبة ليا دوزت العذاب وكنرسم على وجهي الضحكة..

وانت وانت كاع مكاينة فهاد العالم أقل حاجة جي غير سولي عليا شوفيني واخا غير مرة شرحي ليا انت لا غبرتي نسيتي واش عندك بنت

حورية(كتشهق) :

- لا أبنتي انا كل ليلة قبل مانعس كنت كنتفكرك جيت وسولت عليك وكالو ليا رحلتو انت وباباك انا عمري نسيتك أبنتي عنري فحياتي ودليل اني جيت وسطنت هنا قريبة منك

ماريا(كتصفق وتبكي وتضحك) :

- بصح لاتيقتك حتى فات الفوت عاد سولتي عليا عرفتي أنا لاش كنت محتاجة كنت محتاجة لهادا(ترمات فالحضن ديالها) كنت محتاجة نحط راسي عليك وتحكي ليا شعري نعاود ليك أسراري تحني عليا تسمع كلمة بنتي من عندك ماكنت بغيت منك والو شفتي ولو كون مشيتي ورجعتي وكتزوريني منحاسبكش ولكن انت شنو درتي شنو درتي خليتيني ومشيتي بحال بحال شي واحد كيحيد عليه شي مرض خايب كنت بنسبة ليك جرثومة ياك ياك حشومة عليك أشنو درت ليك شنو درت ليك...دروات راسها هزات تيليفونها..وخرجات كتجري من دار تبعها باها وحورية كيعيطو والو تاحطت حورية على رجليها كتبكي بدموع..وتشهق أملها باش تسمح ليها بنتها ضااع..

****

- أنت الأمان أنت الحنان من بعد قدميك لك الجنان

- عندما تضحكين تضحك الحياة تزهر الأمال في طريقنا نحس بالأمان 

- أمي أمي أمي نبض قلب نبع الحنان..💔

****

فدار عند حورية محمد غادي جاي غادي جاي سومية مقابلاه كتشوف فيه مافهمة والو..

سومية : بابا ياك لاباس مالك وفين مشات ماما؟

على محمد فيها عينو ورجع نزلهم كيلعب برجليه متوتر...دار ساروت فالباب وتفتح وقف محمد ومشا كيجري بانت ليه داخلة وجها حمر ودموعها هابطة كتجر فرجليها مصدومة..

محمد : حورية مالك شنو وقع ؟

حورية : الصمت

محمد : أمضرا شنو كالت ليك ماتبقايش ساكتة..سومية وراهم مافهمة والو

سومية : بابا مال ماما مالكم وهضرو خلاص انا ماشي صغيرة..

حورية(غادية مصدومة وكتردد) :

- مقبلاتنيش بنتي ضيعت بنتي من إيدي بنتي مشات أمحمد مشات بنتي معمرها غادي تسمح ليا😢😭😭

سومية(بستغراب) :

- كيفاش بنتها ماما علامن كتهضر..باها مجاوبهاش تابع حورية وبنتو تابعاه ماجات حورية فين تدخل للبيتها حتى طاحت سخفات..

محمد(كيغوت) :

- جيبي ليا الما وسكر طاح ليها سكر ودوا ديال طانسيو سربي دغية...مشات سومية جابت دوا ودارت الما وسكار..هز محمد حورية داها لبيت حطها على نموسية دار ليها حبة ديال الفانيد تحت فمها وشرب ليها داك الكاس ديال الما..

سومية : بابا هالعار فهمني شنو واقع

محمد : ماريا ختك ختك من ماماك لي سمحات فيها باش تزوج بيا فهمتي دابا شنو واقع خلي حتى تفيق ماماك واش انا فيك ولا فيها

سومية(مصدومة كلسات) :

- ماريا ختي أنا ماريا ختي أنا كيفاش ختي واش واش كتفلاو ولا كيفاش

محمد : أتقطعي حسك دابا حتى تفيق ماماك واش ماشتيش حالتها تفيق وتعاود ليك كولشي سيري عيطي على خوك ياسين

سومية(الصمت حتى فيقها باها)

محمد(بجهد) :

- راه هضرت معاك سيري عيطي على ياسين كوليه يجي دابا...

****

لحظات نمر بها وتمر بنا 

لحظات تدركنا وندركها ....

قد تكون صادقه ...قد تكون كاذبه ..قد تكون جارحه ..قد تكون مؤلمه ..قد تكون حزينه ..قد تكون سعيده ..قد تكون صادمه...

ليس منا من لم يمر بهذه او تلك ...

منها ما قد يكون قدرياً ....ومنها ما قد يكون نتيجة اخطاءنا ولكنها لابد وان تترك علامات بداخلنا 

ولكن فيها ما لم نندم على اننا مرننا بها ...لانها اشعرتنا بسعاده لم نشعر بها قبلها ...ويمكن ان لا نشعر بها مرة اخرى 

الحياة لحظات ...نعيشها.

غاديين بيها رجليها ودموعها غير هابطين سخونين صدمة ورا صدمة واش هدا مكتاب ومقدر القدر كيلعب عليها يضحكها نهار ويبكيها أيام ساهية مرة تضرب فراجل مرة فمرا مرة فشجرة كل مرة فاش داوها رجليها لباب لقصر حل ليها العساس بانت ليها طوموبيلت وسيم واقفة وطوموبيل طاقم ديالو كيدخلو فتجهيزات والمعدات ديالهم راجعين غير شافها وسيم جا كيجري عندها مخلوع..

وسيم : ماريا مالك أحبيبتي شنو واقع مالك فهاد الحالة؟ علات عينيها فيه وترمات فحضن كتبكي وتشهق قلبها بغا يسكت..

وسيم : صافي ششش شنو واقع عاودي ليا؟

ماريا(معنقاه وكتردد) :

- عفاااك ديني من هنا مابغيتش نبقى هنا مزال عفااك ديني معاك الله يخليك ديني ولا اندير شيحاجة فراسي مابغيتش نبقى دقيقة مزال هنا

وسيم : واخا واخا أجي معايا..داها لطوموبيلتو حل ليها الباب ودخلها وطلع حداها..

وسيم : فين اتمشي معايا وراجلك؟

ماريا : انا وجواد طلقنا عفاك ديني من هنا كول لرابحة تجمع ليا كاع حوايجي او وراقي راهم فساكي عفاك بغيت نمشي من هنا..

وسيم(مابغاش يقجر عليها) :

- واخا بب انا جاي..هبط من طوموبيل ودخل لدار..ماريا كتمسح فدموعها وغير تفكر لي وقع ويهبطو من جديد دازت ربوع ساعة رجع وسيم هاز باليزة ماريا او ساكها حطهم فالكوفر وجا عندها..

وسيم : مغاديش تسلمي على الحاج؟

ماريا : مقاداش نشزف حتى واحد عفاك حيد من هنا بغيت نبعد من هنا😭😭😭..أشر براسو بواخا طلع لطوموبيلتو ديمارا وخرج من القصر هو وطاقم ديالو ومعاه ماريا مخلية وراها كولشي

أشتهي أن أغترب داخل مدينة خالية ؛ مدينة يسكنها نقاء وراحة 

أكون فيها لوحدي .. وعقل خالي من كل شيء !!

****

فوسط الصالون واقف جواد والحاج كالس جواد غادي جاي وشاد تيليفون فيديه..شوية بدا تيليفون ديالو كيسوني...دغية فتح الخط..

جواد : وي جلال أمضرا..شوية تغيرو ملامحو وبانت ضحكة كبيرة على وجهو..

جواد : تسنى حلاوتك..قطع معاه المكالمة وشاف فباه

الحاج : أمضرا؟

جواد : شنو فنظرك طبعا نجحت وبنسبة 90 فالمية 10 فالمية كانت على الأعضاء لوخرين..وقف الحاج عنق جواد

الحاج : مبروك عليك أولدي عارفك قدها

جواد : لهلا يخطيك الحاج...شوية تم داخل أحمد مغوبش لون وجهو مخطوف

أحمد : سلامو عليكم

الحاج : وعليكم السلام أهلا سي أحمد مرحبا كلس

أحمد : مجايش أسي الحاج باش نكلس ماريا هنا؟

الحاج : ياك كانت عندكم بايتة؟

أحمد : أه ولكن خرجات صباح مقلقة ومارجعاتش تيليفونها طافي قلبت عليها دنيا مالقيتهاش..جواد غوبش

جواد : كيفاش مالقيتيهاش فين مشات شنو وقع بضبك

أحمد(تبسم) :

- أنت بعد أسي جواد آخر واحد تسول عليها ولا يهمك أمر ديالها لي كان بيناتكم ساليتوه ياك طلاق وطلقتو علاش كتسول مزال

الحاج(غوبش مصدوم) :

- كيفاش؟ طلقتو كيفاش طلقتو وإيمتا

جواد : من الحاج وانت أسي أحمد ماشي وقت المحاضرات هادي دابا فين هيا ماريا؟

أحمد(كلس) :

- معرفتش فين خرجات وهيا مقلقة بزاااف منين منين عرفات بلي مها حداها

جواد(خرج عينيه) :

- شنو بلاتي عاود ليا بتفصيل شنو وقع

أحمد : مامات ماريا رجعات وسكنات هنا فإفران وكانت قريبة من ماريا حيت هيا مامات صاحبتها سومية لبنت لي كتقريها ماريا وانا تلاقيتها بصدفة وقررت نعاود لماريا الحقيقة ولكن حورية ماخلاتنيش بغات هيا لي تعازد لماريا كولشي ماريا فاش سمعاتها نهارت ودمرات بنتي ولات فواحد الحالة يرثى لها تصدمات وخرجات وهيا مصدومة خدات تيليفونها وخرجات طويلة سونيت عليها والو ماخليت فين قلبت كلت أتكون جات لهنا...أحمد كيعاود محس بطلة لي حداه حتى تقلبات..

جواد(كيغوت) :

- بغيت نفهم شنو بغيتو عند هاد البنت علاش أصلا تعاودو ليها واش هادي طريقة يعاودو بيها ناس هادشي قسما بالله المعبود وتوقع شيحاجة لماريا مغانرحمكم لا أنت لا هاديك مها

أحمد(وقف) :

- هاديك راه بنتي واش نسيتي راسك؟

جواد(وقف عندو وجهو) :

- مكيهمنيش تكون بنتك ولا ختك كيهم ماريا فهمتي...قاطعاتهم رابحة لي كانت مدخلة دوا للحاج..

رابحة(بخوف) :

- سي جواد ممم

جواد(بالغوات) :

- شنو كاين تاني هضري خلاص؟

رابحة : ص صباح سي وسيم طلب مني نجمع كاع حوايج ختي ماريا كولشي وراقيها او حوايجها وبالزها كولشي جمعتو ليها حيت هيا كالتها ليه وانا درت لي كالت وعطيتهم لسي وسيم وفاش كنت غادية لكوزينة بانن ليا ختي ماريا فطوموبيل معاه..

جواد : واخا سيري...هز تيليفون ديالو ودور لوسيم من بعد 3 ديال رنات جاوبو..

جواد(بلا مقدمات) :

- عطيني ماريا...سكت وسيم شوية وتسمع صوتها الباح وباين فيها قداش هيا مأثرة..

جواد : ماريا..قاطعاتو

ماريا : عفاكم عطيوني بتيساع نسى بلي كتعرف شي وحدة سميتها ماريا كيفما انا حيدتك من حياتي نساني عليك وعيش حياتك دير راسك عمرك فحياتك عرفتيني ولا شفتيني مابغيتش نشوفك مزال فحياتي عمرك توريني وجهك ولا تسمعني صوتك خليوني عليكم هالعار خليوني نعيش حياتي اسيدي انا مكنحملكش أجواد كرهتك كرهتك عطيوني تيساع عفاكم قيلوني عليكم..نزل جواد إيديه ومد تيليفون لباها خلاهم ودخل لمكتب ديالو سد عليه..

أحمد : الو بنتي فينك؟؟

ماريا : بابا انا بغيت نرتاح عفاك خليوني بوحدي انا من بعد ونسوني ليك تهلى فراسك بزاااف وسلم على عمي الحاج كوليه سمح ليا بغيت نبقى فترة بوحدي واخا؟

أحمد(ستسلم للأمر الواقع) :

- واخا أبنتي المهم هو تكوني بيخير وعلى خير..قطع معاها وحط تيليفون شاف فالحاج لي ساهي مصدوم كثر من أحمد

أحمد : كالت ليك سمح ليها بزاااف

الحاج : هيا لي خاصها تسمح ليا الله يفرحها عانات بزااف من حقها ترتاح..

أحمد(اشر ليها براسو وخرج)..

#فالمكتب

جواد شاد كارو كيكمي وكلامها كيتردد فودنيه كلمت كنكرهك مابغاتش تنسى ليها ولا تحيد.من بالو هادي هيا نفطة الصفر ونقطة النهاية بنسبة ليه كولشي سالة مابقاتش شيحاجة سميتها ماريا فحياة جواد لا دابا ولا من بعد...

مـا أجمـل أن تقول في هذا الصباح: يا خالق الراحة .. وكلتك أمري واستودعتك حمّي فبشرني بمايفتح مداخل السعادة في قلبي💙

****

جا ربيع دنيا من بعدما كانت بيضة ولات كلها خضورية كتفرح العين فينما دزتي تلقى الخضورية الورد أشكال وأنواع الفلاحة فرحانين حيت هاد الموسم شتا صبات مزيان الغلة زينة والخضرة زينة كولشي زين..

- مع 10 ديال الصباح بحال كل نهار فمجلة وسيم كولشي منوض فيه الرعب خايفين دنيا مقلوبة لا طاج الأول لا الثاني...كالس فالمكتب ديالو قدامو بيسي خدام مشغول سمع تلات دقات فالباب حيد عينيه على شاشة ورسم إبتيامة عريضة على وجهو...تفتح الباب وطلات عليه..

وسيم : هالو بكيزتي أش هاد الزين أش هاد الجمال كنفطر بيه على صباح اش هاد تعطيلة الالة نموت أنا بجوع بسبابك وزعمة المساعدة خاصها تكون هيا أول وحدة تكون هنا ولالا رخيت ليك ضسرتي أشنيولة..

ماريا(كضحك) :

- والله مدرتها بلعاني أصلا أنت مخليتينيش نعس لبارح مانعسة حتى لنصاصات ليل وخرجتي صباح سبقتيني وانا داتني عيني..كيشوف فيها بشوفات ديال احياني عليك ماريا لي كانت لابسة سروال دجين لاصق بودي فالبيض مع شوميز طويلة فالبيض والأحمر صندالة عالية وشادة شعرها كوتشوفال..

ماريا : ماعلينا أسيدي هاك هاد تصاور شوفهم هاديك خيتي ديال لبارح عدباتني العذاب شديد هاد المرة أنت تولاها أنت لي كتعرف ليها..

وسيم(شد عندها تصاور) :

- شكون نرجس هاديك كدير تاحريميات فير شركة موتو ختارتها أما أنا محملتها ماقبلتها..كلسات ماريا قبالتو دارت رجل على رجل..

ماريا : صراحة توحشت سهام معرفت كيدارت مع زواج العفريتة..

وسيم : بيني وبينك حتى انا توحشتها واخا كنت حاكر عليها ياربي تسمح ليا

ماريا(كضحك) :

- كتعتارف بعدا ههههه ولكن معندي مانسالك عرسها قمتي بيه من أ ل زيد..مخلياه كيكمل خدمتو وكالسة كدور فالمجالات لي فدامز بانت ليها المجلة ديال شهر 1 لي فات على وجه الغلاف إقبال او طارق او وردة وأمين تنهدات تنهيدة طويلة ورجعاتها لبلاصتها..

شافهت وسيم بنص عين دور كرسيه وشاف فيها..

وسيم : مدام توحشنيهم عيطي ليهم

ماريا : لا من الأحسن نبقاو هكا عاد حسيت براسي رتاحيت شوية بعد المرات البعد على الحباب كيكون أحسن حل هوما دابا بحياتهم فرحانين وهذا هو الأهم مابغيت حتى واحد يعرفني فين أنا أصلا كدبت على كولشي وكلت ليهم بلي رجعت لسبانيا..من غير بابا بطبيعة الحال لي عارفني فين أنا وبابا مغادي يكول والو هكا حسن كل واحد يعيش حياتو..

وسيم(وقف وشد ليها إيديها) :

- يلاه نفطرو نسيتيني وانا ميت بجوع

ماريا : والخدمة؟

وسيم : الخدمة أطير يلاه سربي خلاص..جرها من إيديها تحت أنضار الموظفين مستغربين..ركبو فطوموبيلت وسيم وشدو طريق لقهوة فين مالفين كيفطرو كيف ديما وهاد شهرين لي ستقرات فيهم ماريا مع وسيم فصباح معاه فالخدمة وليل فدار ساكنة معاه ومع ختو أروى..

بدا تيليفون وسيم كيسوني..

وسيم : مايخليوش الواحد يفطر على خاطرو

ماريا : غير جاوب أتكون حاجة مهمة..فتح وسيم تيليفون..

وسيم : ألو وي شنو كاين؟شنو؟ واخا صافي أنا جاي وسمعناك انا جاي..

ماريا : شنو واقع؟

وسيم : أنا كنت عارف ديك عود سبسي مغاديش تنجم راسها

ماريا : شكون؟

وسيم : نرجس شكون من غيرها سسدة ماعرت شنو مشات لبقات لكمارتها وحرقات وجها كولو حمر ودابا قاتليك نونو واش مزال تكمل

ماريا : ياك عندك تصاور لي جبت ليك؟

وسيم : هادوك راه غير ديال لبارح تصوير راه فيه غدا وبعدو وبعد بعدو شفتي على مشكيلة فاش حطاتنا الله يربي الله يلاه يلاه...ناضو من على طبلة ديال الفطور...شدو طريق لمجلة دخلو كتبان ليهم نرجس كالسة وحناكها مسلوخين حمرين..كلس وسيم كيواسيها ويدير ليها فالخاطر تكول ماشي هو لي كان غير دابا كيعاير فيها..

وسيم : حبيبة راه مع المكياج مغايبان والو كوني أكيدة

نرجس(كتغوت) :

- لا هو لا انا صافي تشوهت واش باغي تزيد تشوهني شوف ليك غير انا مستحيل نبان هكا واخا تكول لي كلتي

وسيم(جعر) :

- ولاواه زداي فيه عيقتي أش تكوني فملك الله ماريا شرابوفا ولا الأميرة ديانا وانت نيفك داير بحال ديال الرضاعة انا غير حشمت وسنيت مع السيد وانت لي مسالية فهاد الوقت اما راه منحاشيهاش ليك وزوينة هادي كبر شان لبو جعران..

نرجس(كتغوت) :

- أنا أنا بوجعران أععععععععععع...بدات هيا وياه المصارعة ضربة مني ومنك وماريا فالوسط هيا وجمانة كيفكو والمجلة كلها تجمعات عليهم جاو الأمن خرجو نرجس...او وسيم صافي ولا بحال ثور جيبها فم وكول..

وسيم : ياويلي ياويلي على غدايدي على آخر يامي تجي هاد زلمومية تشطحني على يديها ماعرفاتش شكون أنا أنا وسيم منيب اويلي ياويلي علة غدايدي تلى بيا زمانة حتى ولات برهوشة تنقز عليا بحال المعزة فراس الجبل..

ماريا دارت وشدات على فمها شداتها الضحكة...هز عينيه فيها

وسيم : لاش دايرة غير شوفي فيا وضحكي نيت...شافت ماريا فالموظفين

ماريا : سيادنا لي عندو شي خدمة يمشي ليها ماوقع والو دابا صافي...كل واحد رجع لخدمتو سدات عليهم الباب وجات عند وسيم لي معصب..

ماريا : دابا أنت لاش حارق دمك صافي مشات الله يعرضها السلامة أصلا مكنتش حاملاها معرفت علاش ختاروها...شاف فيها وسيم ودور وجهو ناضت عندو عنقاتو..

ماريا : وصافي شنو مقلقك دابا كوليا؟

وسيم : خاصني عارضة تحضر هاد نهار ولا موتو مغاديش يبقى يخدم معانا مزال

ماريا : زعمة مكاين حتى واحد كاع؟

وسيم : لا هاد الموسم ديال العروض الأغلبية دايرين ديفيلي ديالهم باش يخرجو تونضونس ديال الربيع بلدي وعصري

ماريا(سكتات) :

- صافي أسيدي خودني أنا

شاف فيها وسيم بنص عين :

- كتفلاي ياك؟

ماريا : علاش زعمة معنديش مقومات عارضة؟

وسيم : مكلتش هكاك الخايبة واونبليس انا معندي مندير بلاطاي العارضة اتبان غير مع طوموبيلات لي خرجو جداد ولي سكوتر سيتو يعني انلعبو غير على الوجه والمكياج 

ماريا : صافي مشات سيفط ليهم تصاوري إلى بغاو مرحبا غير المهم متبقاش ليا مقلق...ترسمات إبتسامة على وجه وسيم وقف وعنقها..

وسيم : يخليك ليا بكيزتي معرفت شنو كنت أندير بلابيك..

ماريا : متبقاش تكول هكاك انت لي وقفتي معايا وخرجتيني من الحال لي كنت فيها كونماشي أنت كون دخلت فإكتئاب حاد ولكن بسبابك هاني خدامة وفرحانة

وسيم : زعمة خدمتك حسن من خدمتك لولة...تفكرات ماريا نهار رجعات لإفران بلاما يشوفها حد وقدمات الإستقالة ديالها من المدرسة بلاما يعرف حتى واحد او رجعات..

ماريا : الموسيقى ديما اتبقى فدمي ولكن حتى خدمتي ديال دابا عاجباني..

وسيم(وقف) :

- ودابا أناخدو أحسن صور لأحسن وجه إعلامي فالمغرب كلو يوبي ليتس gوو بيبي...

****

يكفيك ان تملك شخصا لا يتذمر من مزاجيتك صديق رائع صداقتكم مزيج من الحب و الصداقة و تشعر دائما بوجوده حولك و كأنه غيمة أينما ذهبت يحيطك ظلها حتى لو كانت بينكما المسافات و ما ان تميل برأسك تجد كتفه بجانبك ليسندك لا يعاتبك على غيابك ولا على قلة سؤالك لأنه يعرف من تكون❤

- فبتيت فيلا كالسة لابسة بيجامة مصور فيها دباديب ودايرة بونضو لشعرها بحال لون البيجامة سومو حداها بنت فبداية العشرينات من عمرها ملامحها بريئة وزوينة...لابسة نفس بيجامة غير هيا فالغوز حاطين قدامهم عرمة ديال زريعة كيتفرجو وينقيو...

ماريا : بعد المرات كنبقى نفكر كيفاش نهار دخلت هنا كيف كنت ودابا كيف وليت سبحان الله..

أروى : ههههه ناري كنتي كتخلعي كيف كنتي وكي وليتي

ماريا : الفضل كيرجع لوسيم والله.

أروى : خويا حبيبي الله يخليها لينا مكاينش بحالو

ماريا : هضرات معاك ماماك اليوم؟

أروى : وي هضرات هيا وبابا راه ف paris

ماريا : مكيجيوش؟

أروى : فين وفين إلى جاو أصلا أنا ممافاهمش بزااف مرتابطة بخويا بزااف او وسيم كذلك فيا أنا ماماه وأنا باباه حيت بابا مكلسش معاه بزااف فاش ماتت ماماه لي هيا طاتي تزوج بماما لي هيا طاطاه دوسيم صافي ومشاو لفرنسا ستقرو تماك او وسيم رباتو عمتي وأنا منين ولداتني ماما بقينا فترة هنايا وفاش باو يرجعو لفرنسا مابغيتش وكلست مع خويا هنا قريت هنا عندي انا هنا حسن من لهيه..شوية دخل وسيم هاز 3 ديال كراطن بيتزا..

وسيم : همم كنتو شادين فيا نميمة أممم؟؟

ماريا : ههههه صراحة راحة أه..أجي شفتك فرحان وعاجبك الحال

وسيم : bien sûr يعجبني لحال حيت موتو عجبهم تصاور ديال الحبيبة ديالي ونجحتي وغدا أيتسناوك أحسن تصاور همممم

ماريا : وشتي راه عارفة راسي شحال زوينة😂😂

أروى : وعلى هاد الحساب هاد الخبار خاصها شي كادو ياك ابكيزة

ماريا : همممم شنو بان ليكم مشية لمراكش؟

أروى : يس😍

وسيم : علاش مراكش بدات نمشيو لصويرة

ماريا : لا مراكش دابا ربيع أتكون دنيا زوينة وزيد عليها أنا عمري مشيت لكيش بليبيز زغلولي..😍🙈🙊

وسيم(كيشوف فيهم بجوج كيطلبو فيه) :

- تحاميتو عليا أرباعة شلاهبية واخا يلالياتي نمشيو لمراكش علاش لا😉

نقزو بجوج بيهم عليه كيغوتو

- يس يس يس...

****

دازو 4 أيام فتصوير ديال ماريا مع ماركة موتو لسيارات ودراجات النارية...تصاورها تلونساو فليسيت وفشارع وحتى فالمجالات ولات إلى دازت من حدى شي واحد كيعرفها..

- من ورا سيمانة مشات هيا او وسيم او أروى لمراكش دوزو تما 10 أيام كلها ضحك ولعب ودوران مخلاو زناقي ماخلاو جامع الفنا الكتبية ماخلاو قنت مدازوش منو ولا تصورو فيه نسات ماريا فيهم كاع همومها وأحزانها وحسات براسها تصالحات مع داتها وبدات بداية جديدة وصفحة جديدة بيضة خالية من أي نقطة سوداء..

قبل آخر نهار عندهم فمراكش فاقو بكري وقررو يمشيو يزورو سيتي فاطمة ويزورو أوكيمدن ومولاي براهيم لبسات ماريا سروال دجين تتريكو كرونة مع طاكية فنفس اللون دارت شال منمر على عنقها فطرو هو الأول عاد شدو طريق وقفو فسيتي فاطمة تغداو فيها عاد كملو دوران مارجعو لدار حتى أدن المغرب جمعو حوايجهم باش غدا فصباح يرجعو بحالهم لكازا...

****

أحمد : مليكة ويلاه خلاص واش غادي نباتو..

مليكة : هاني جايا غير صبر..تمات جايا مليكة كتقاد زيفها هزات ساكها او وقفات قدامو..

مليكة : راه عطلني غير آدم عاد قطع تيليفون

أحمد : علاش شنو بغا شنو كال؟

مليكة : والو سول على رابحة كاليك بغا يسيفط ليا شي فلوس باش نتقداو ليها شيحاجة

أحمد : متشدي من عندو والو انا انعطيك تقداي ليها راه بحالو بحال ماريا

مليكة(تنهدات) :

- توحشتها بزااف والله

أحمد : حتى أنا هاد شهرين دازت بحال عامين راسها قاصح حلفات واش ترجع

مليكة : غير خليها حتى تبغي هيا تجي ويلاه يلاه خلاص...خرجات مليكة وأحمد طلع لطوموبيل ركبات حداه ديمارا وزاد نيشان قدام باب دار حورية..نزل هو الأول نزلات مليكة دارت بان ليها واحد الgرو خلات أحمد واقف ومشات خدات الحليب ودازت لواحد المخبزة خدات هبز وكرواصة ورجعات سوناو فالباب فتحات عليهم سومية شافت أحمد تبسمات وعنقاتو عاد عنقات مليكة..

سومية : دخلو أعمي مرحبا بيكم..دخلو لدار عطات مليكة داكشي لماريا دخلاتو لكوزينة خرج عندهم محمد ستقبلهم..

محمد : مرحبا بيكم دخلو مرحبا..تبعوه لصالة كلسو رجعات عندهم سومية..

أحمد : أمضرا كيف بقات شوية؟

محمد : أودي حنا كنكولو شوية ولكن العزيمة مابقاتش عندها باش تشافا واخا طبيب كالينا راه بإمكانها ترجع كيف كانت ولكن وهيا مابغاتش..

سومية(متأثرة) :

- ماما مابقاتش كيف كانت من نهار ختي ماريا مشات داك نهار طلع طانسيو ليها رقدات عليها إيديها وهضرتها تقيلة دابا راه كتحرك غير ليسرية اما ليمنية والو😢😢

مليكة : مابكيش أبنتي دابا ماماك ترجع بحال اللول وحسن

سومية : أخالتي ماحد ماريا مجاتش وماسمحاتش ليها عمرها ترجع كيف كانت حتى الهضرة مابقاتش كتهضر معانا غير ناعسة ومرة نحصلها تبكي لاباس لي دوا كتشربو وحق الله وليت خايفة ماما ضيع بين إيديا وانا مزال محتاجاها..

أحمد(تنهد) :

- انت أبنتي مزال دوزتي معاها سنين حياتك شنو تكول ماريا لي مدوزات معاها حتا عامين كاملة

محمد : سي أحمد إن الله غفور رحيم واش كتأمن بالله؟

أحمد : لا إله إلا الله محمد رسول الله

محمد : عليه اصلاة والسلام رسول وصى على الأم أمك ثم أمك ثم أمك ثم أبوك انا عارف اتكول ليا حورية مدارتش زينة مع بنتها متافق معاك دارت غلط وربي كيغفر خلي الإنسان وبنادم راه خطاء يمكن البيئة فاش عاشت حورية أثرات عليها فداك الوقت طيش منها ولكن قسما بالله إلى كتبغي بنتها عند بالك كنا فرحانين وكل نهار مايدوزش الى مدكرات فيه سميت ماريا..

أحمد : وعلاش اسي محمد مجاتش شافتها؟

محمد : جات جوج مرات المرة اللولة من ورا فاش مشات بشي 4سنين هكاك كانت عند ماريا يمكن 6 سنين..

أحمد(خرج عينيه) :

- كيفاش فين وإمتا؟

محمد(تنهد) :

- هادشي عمري كنت بغيت نكولو ولكن جا الوقت لي نكولو...

#فلاش_باك..

واقفة على أعصابها..

حورية : محمد مابقيتش قادة نصبر بغيت نشوف بنتي انا كيفاش قدرت نسمح فيها كون غير مت وماخليتهاش بغيت بنتي أمحمد بغيت بنتي

محمد : حورية غير تهدني انا انقلب عليها واخا انت اغير رتاحي

حورية : متكولش ليا رتاحي كتليك بغيت بنتي اتنوض دابا ديني نشوفها دابا غادي نشد طريق لأسفي نشوف بنتي نعنقها نجيبها معايا نعوضها على هاد 4سنين لي خليتها كان طيش مني كيفاش درت هكاك القطة ومكتسمح فولادها وأنا بلا حشمة بلا حيا مخلية بنتي كبدتي

محمد : واخا كلسي بعدا خودي دواك راكي حاملة اندوز لمحال نخلي دري تم ونجي نشدو طريق واخا..

حورية : متعطلش عفاك..

محمد : انا جاي دابا..

#الحاضر

أحمد : ومن بعد؟

محمد : من بعد شدينا طريق أسفي فعلا ولكن حورية كالت تدوز عند ختك هو لول ونديوها معانا باش تهدي نفوس حيت خافت لامتبغيش تخليها تشوفها..

أحمد : ولكن فاش كان عند ماريا 6 سنين خليتها عند خاي خديجة الله يرحمها مكنتش فأسفي

محمد : أنا جايك لهضرة فاش وصلنا عند ختك دقات حورية غير شافتها ختك تبدل اللون فوجها انا مزال عاقل على ملامحها وشنو كالت ليها بالحرف..

#فلاش_باك

خديجة(مغوبشة) :

- حورية أش جايا ديري هنا؟

حورية : سلام خديجة كيدايرة أختي لاباس عفاك الله يعطيك الستر بغيتك تمشي معايا عند أحمد بغيت نشوف بنتي

خديجة : دابا عاد بانت ليك بنتك نهار خليتيها ماشتيش بنتك..

محمد : الالة لي فات مات سبدة دابا بغات تشوف بنتها عرفات غلطها وجات والله وكيغفر خلي بنادم

خديجة(طلعاتو وهبطاتو) :

- هذا هو باش بدلتي خويا انا نهار اللول كتليه راه ماتليقيش ليه طماعة شوفي نكوليك خويا وااااا تزوجك وجاب لالاك وداااا بنتو معاه راهم فالخاريج دابا مشاو لفرنسا..

حورية(رجعات خطوة لور غير إيد محمد لي شداتها) :

- ككيفاش الخاريج اختي خديجة العار أحتي متكدبيش عليا نبوس ليك رجليك أختي

خديجة(خرجات فيها عينيها) :

- واش كنلعب معاك انا هنا انت بديتي حياتك بغيتيه يبقى يتسنا فيك راه جاب لالة ومولاتي وبوراقيها وداتو لفرنسا هو وماريا راهم تما مبرعين ونزيدك بنتك عند بالها بلي راه وامتي وشبعتي موت ودابا كتعيط لمرت باها ماما مهلية فيها وكاسياها ومصبطاها سمعي نكوليك عمرك تحطي رجلك هنا عندي ولا هاد المرة أنجيب ليك البوليس يلاه الله يعاون..سدات عليها الباب بقات حورية واقفة ودموعها هابطة بحال شتا مصدومة شدها واحد الوجع قاسح شدات فكرشها كتوجع محمد ماعرف باش تبلى دخلها لطوموبيل وجرا بيها لأقرب سبيطار..

#الحاضر

محمد(تنهد) :

- على شوية وكان غادي يطيح ليها لي فكرشها غير ربي جا من جهتها من وراها حورية واخا كضحك ودايرة واجبها كزوجة وأم ولكن عقلها ديما مع بنتها دور وتنهد والمرة تانية هيا فاش جات لعندك لدار وكاليها مول الحانوت بلي راه هاجرتو لبرا تما عرفات بلي خديجة أكدبات عليها حيت مول الحانوت كاليها بلي مشيتو غير دوك الأيام وفاش رحعنا لدار ختك لقيناها مسدودة وكالة لينا تزوجات ومعرفوش فين مشات..إيوا هكا تسدو البيبان فوجها حتى جينا لهنا والباقي راه كتعرفو..

أحمد بقا غير ساكت..

أحمد : معرفت منكول وحق الله انا هادشي معندي بيه علم مرة خليت بنتي لختي جاتني خدمة ومخاصش نخليها بوحدها وهيا صغيرة مابغيتش نكول شي كلمة ولكن ختي ماتت الله يرحمها ويغفر ليها

محمد : أمين غير بغيت نوصل ليك باي حورية ماهما كان راه أم يكفي العذاب نفساني لي تعدباتو خلي العذاب ديال دابا وليت خايف عليها القلب الى هز بزااف أيطرطق..

أحمد : واخا نشوفها الى سمحتي؟

محمد : أه واخا أجي معايا..خلى أحمد مليكة مع سومية لي غير كتبكي وتبع محمد فتح محمد واحد الباب فلون قهوي داكن ودخل كانت متكية دايرة شال ديالها حاطة تصويرة ماريا مكبراها وحطاها كتشوف فيها ودموعها هابطة...شاف فيه محمد خلاه معاها وخرج بقا أحمد واقف كيشوف فيها ويهضر مع راسو إيه كي كانت كيف كنتي أحورية وكي وليتي كانت زين ضحكة الى ضحكات تأسر لقلب ولكن لاسماحة لوالديها لي خرجو عليها ومارحموهاش ولا عنرهم حسوها بالمحنة ديال الوالدين..قرب لعند نموسية حسات بيه حورية دارت شافتو حاولات تقاد بيد وحدة فالكلسة وقفها أحمد بيديه..

أحمد : غير خليك مرتاحة...رصات وحدرات راسها ضعافت ومابقاتش كيف كانت بان عليها المرض بزاااف..

أحمد : كيبقيتي شوية؟

حورية(بلسان تقيل) :

- الحمد لله كنعيش كل نهار ونتسنا روحي طلع عند الله

أحمد : أستغفر الله العظيم واتوب إليه متكوليش هكاك كولي أعوذ بالله من الشيطان الرجيم..

حورية(تنهدات) :

- أشمن حياة بقات ليا وبنتي كتكرهني أحمد صافي حسن مول أمانة يدي أمانتو أصلا منستاهلش نبقى فهاد دنيا اللهم الأخيرة حسن ليا تهنى بنتي مني

أحمد : شوفي ماريا مكاينش بحال قلبها هيا لقلب الحنين ورحيم ولكريم مكتشدش فخاطرها أه فعلا هيا محروقة من جيهتك عدريها عطيها شوية ديال الوقت فاش تعرف بلي رجعتي قلبتي عليها وبلي وقع غادي تسمح ليك

حورية : محمد عاود ليك كولشي ياك؟

أحمد : اه عاود ليا كولشي

حورية : متكوليها والو خديجة كانت عزيزة عليها مابغيتهاش تكرها

أحمد : انت فهاد الحالة وكتفكري لغيرك سبحان الله

حورية : انا ماشي خايبة أحمد عمري كنت هكا قبل منتعرف عليك وقبل وقبل كنت غير ضاحكة ولاعبة واخا العذاب لي كانت كدوز عليا مي الله يرحمها ولكن قلبي كان بيض...ولكن فاش زوجوني بيك مرضت فحياتي وأعصابي وبردت فيك انت الغدايد وفبنتي وانا كنتعاقب دابا حيت مهما كان الحال هاديك بنتي(كتبكي)سمح ليا أحمد والملحة وطعام لي تشاركنا سمح ليا

أحمد(تبسم) :

- أنا مسامحك دنيا وآخرة ربي ممكتبناش لبعضياتنا انت رجعتي لراجل لي كتبغي وانا لقيت مرة لي بغيتها من أول مرة شفتها واخا معطل ولكن معليش اما الغلط لي درتي مع بنتك بنادم خطاء وربي كيسامح خلي حنا دنيا قصيرة وسعداتك أفاعل الخير ليوم هنا وغدا اللهيه اللهم نديرو الخير ونصفيو القلوب ولي عندنا معاه شي حساب نصفيوه ونصفيو القلوب وماريا غادي تسمح ليك وترجع ليك وتسمعي كلمة ماما من عندها وتوسد كتفك صحي باش ترجعي لبنتك واش حرمتيها منك فصغرها بغيتي تحرميها حتى فكبرها؟

حورية(كتبكي وتشهق) :

- ربي يخليك أحمد الله يجازيك بيخير أخويا شعلي نايضة فيه العافية بغيت انشوف بنتي مابغيت والو فهاد الدنيا..

أحمد(دمعو عينيه) :

- غادي تجي وتشوفيها وغادي تكولي أحمد كال

حورية : من فمك لباب سما ياربي ياربي

وقف أحمد خلاها ترتاح وخرج من عندها..رحع لعندهم مليكة شافتو وقفات

أحمد : يلاه مشينا

محمد : لا بلاتي تغداو معانا

أحمد : خليها نهار ترجع ماريا ونتجمعو كاملين

محمد : هداك هو نهار لكبير مهما كان حنا عائلة

أحمد : الله يسمح لينا ويسمح لجميع ياربي..خرجو من عند دار حورية رجعو لدار غير دخل أحمد كلس مع مليكة وعاود ليها

وعاود ليها لكلام ليدار بينو وبين حورية

مليكة : شنو غادي دير دابا؟

أحمد : غدا أنركب إن شاء الله لكازا انمشي نجيبها صافي براكة من هاد البعاد انفهمها كولشي ونعاود ليها كاع لي كاين ماشتيش حالتها تبكي لعدو تساست بزاااف واحد الحالة لا إله إلا الله ومهما كان راه هزاتها 9شهور فكرشها بعدابها وجاها الوحم واعر مكانتش تهز الراس عاد الولادة عذاب خور بحال الى كيحرقوك حي عارف دارت غلط مع بنتها ولكن صافي براكة من الحقد والبغض وضغينة بنادم يصفي قلبو وينسى باش يقدر يعيش

مليكة : عندك الحق مكدبتيش والله غدا إن شاء الله سير وجيبها وهضر معاها فهمها لي واقع

أحمد : إن شاء الله لهلا يحاشمنا..

****

- فقلب مدينة روما بإيطاليا وبضبط بإحدى أكبر الشركات المصدرة للفواكه fruit modena group...فقاعة الإجتماعات كولشي مجموع نخبة من رجال الأعمال الإيطاليين على طبلة طويلة مجموعين الملفات مليوحين فكل جهة قدامهم شاشة عرض كبيرة..أغلبية ديال رجال لي تم إيطاليين نسبة قليلة فيهم لي مغاربة..دخلات لاسوكريتير عطات لواحد فيهم واحد الملف وخرجات شي كيوشوش لشي...شوية تفتح الباب ودخل جلال لابس بدلة رسمية سلم على الحاضرين وكلس جنب واحد السيد باين فيه مغربي من هضرتو..

جلال : واش مزال معطل؟

- أنت عارفو بحالو بحال جواد نفس سيستيم مكايجي حتى لدقيقة الأخرة أجي واش حتى هاد المرة مجاش؟

جلال : شكون جواد انت عارف البوس أغلب الإجتماعات كنحضر ليهم غير أنا وحتى هذا ديال تجديد شراكة انحضر ليه غير أنا بيني وبينك أنزار من الأحسن مايحضرش هاد الأيام الأخيرة مضغوط ومعصب غير بوحدو ومع شكايات ومطالب ديال الناس كمل لي خاص

نزار : وصلو بعدا البوكي ديال الورد لي سيفط ليه موسيو رمزي؟

جلال(تبسم) :

- وي وصلو واخا هو معندوش مع الورد أصاحبي تعطل بزااف على الإجتماع مزال عندي غرض مهم

نزار : شوية غادي تلقاه داخل..فعلا مجا فين كمل هضرتو حتى تفتح الباب ودخل..

-(بصوت رجولي) :

- سمحوليا على تعطال كانت عندي مكالمة مهمة دابا يمكن لينا نبداو الإجتماع...بدا الإجتماع وكولشي مبهور من طريقة كلام رئيس ومالك المجموعة كيفاش كيهضر ويشرح وقفتو شوفة ديالو الغامضة الكاريزما ديالو كتخليك تافق معاه فكلامو بلاما تشعر وهاد الطريقة هيا باش كيخدم وكيربح بزااف ديال الصفقات وهاد المرة صفقة مربحة مع مجموعة الإبراهيمي الغنية على تعريف تجديد الشراكة..سناو الوراق وتمات الأمور في سلام خرجو الرؤساء وشركاء من قاعة الإجتماعات بقا غير جلال ونزار اليد اليمنى لرئيس وهو..

جلال : مبروك لينا وليكم أموسيو رمزي..

- شكرا جلال ماشفتش موسيو جواد

جلال : انت عارف بلي تزادت عليه المسؤولية داكشي باش مقدرش يجي..

- اه داكوغ...خرج جلال وبقاو غير هوما جوج..

نزار : تأمرني بشيحاجة سي أنور

أنور(بجدية) :

- خاصنا تسويق لمنتج جديد بغيتك تهضر مع كاع لي عندهم وكالات او مجالات بغيت الأحسن انزار الممتاز شيحاجة جديدة ومديراش فسوف مفهوم..

نزار : كون هاني أسي أنور..

أنور : يمكن ليك تمشي دابا..أشر ليه نزار براسو وخرج..

****

فالقهوة كالسة ماريا لابسة سروال خضر وتيشورت فالبيض مع بيرية بيضة ساعة فإيد مذهبة مع براصلي وخاتم قبالتها أروى كالسة كتلعب بكاس ديالها دشكلاط وساهية..

أروى : ماريا فاش كتفكري؟

ماريا : مم والو غير ماعرفت بابا فاش باغي يهضر معايا كاليا غدا غادي يجي وباغي يعضر معايا فحاجة مهمة شنو هيا الله أعلم

أروى : غدا ماشي بعيد أيكون بغاك غير ترجعي يمكن

ماريا : لا موحال كون بغاني نرجع غادي يكولها ليا غير فتيليفون شيحاجة كثر فاش بغاني

أروى : إيوا حتى لغدا وتعرفي

ماريا : صافي نمشيو لدار؟

أروى : واخا يلاه..

****

فدار ديال الفيرما سكاتت والهدوء من غير صوت ديال الحديد لي كيتسمع..دقات لخدامة على جواد الباب..

- سيدي قهوتك واجدة..مجاوبهاش بحال العادة منين جا لهنا نفس السيستيم شهر وهو فالفيرما الأغلبية مكيخرجش ساد عليه مكايبانش غير صوت الحديد لي كيتسمع..

من داخل البيت ديالو كالس لابس شورط كحل صدرو عريان كيحز فالحديد وكيترينة راسم تغوبيشة على وجهو الحاجة لي مبدلة فيه هو لحية لي زادت طوالت وزادتو رزانة ورجولة...

وكيتريني كلو عرقان عاقد غوباشتو ومكاينش فهاد العالم عقلو فجهة والجسد ديالو فجهة أخرى بسبب تفكير وعقلو الغايب..سونا ليه تيليفون حط لي فيديه هز تيليفون وجاوب جلال لي كان على الخط..

جواد : مبروك علينا

جلال : باش عرفتيها؟

جواد : عمري درت حاجة فراسي وماصدقات من غير حاجة وحدة

جلال : شنو هيا؟

جواد(بدل الموضوع) :

- نفس البوكي لي وصلنا وصلو لرمزي..

جلال : واخا شاف..

****

فطريق ماريا وأروى لدار وقفو قدام كارفور يتقداو شيحاجة لدار..وقفات أروى بطوموبيلتها نزلو بجوج وداخلين كيضحكو مع بعضياتهم خداو سلة ودخلو كيتقداو من بيسكوي لي بات وصلو لبلاصة ديال دانون ثلاجة كتسمع ماريا صوت ديال البكا دارت كتبان ليها وتحد البنت يكون عندها ديك 26سنة دايرة فولار وجلابة او واحد صابو فرجليها حالتها ماشي مزيانة...بقات ماريا كتشوف فيها كتقنع راسها مدخل فحد ولكن الجانب الإنساني تحرك فيها...خلات أروى ومشات عندها رسمات إبتسامة على وجها وحطات إيدها على كتفها على البنت فيها عينيها..

ماريا : مالك أختي يكما وقعات ليك شيحاجة؟

البنت(متوترة وكتشوف فجنابها):

- لا والو أختي عفاك سيري من هنا قبل متشوفك

ماريا(بستغراب) :

- شكون هادي لي غادي تشوفني؟

البنت : مولات الدار أختي الى شافتك واقفة معايا ولا كنبكي اتخرجها مني

ماريا(غوبشات) :

- علاش كاينة سيبة فالبلاد عاودي ليا مالك ماتخافيش منها معندها مدير ليك

البنت : ديما أختي ديما بحال هكا محتاقراني فينما جينا لشي بلاصة بحال هادي كتميح بيا الأرض مكفاهاش لي مدوزة عليا فدار من 7 ديال صباح وانا كنحرت حتى ل11 ديال الليل كنفوت الوقت فاش كنسالي ومع ذلك كتخرج ليا بلانات أخرين وغير الى هضرات معايا ختها ولا بنتها بصواب كتكوليهم متهضروش مع هاد الأشكال بحال بحال أختي انا الى جايا من طارو ديال الزبل

ماريا(تعصبات ديال بصح) :

- علاش اختي متخرجيش من عندها علاش غير هيا لي كاينة

البنت : فين انقلب أختي انا جايا من مكناس حتى لكازا باش نخدم ونسيفط لوالدية وفاش طنبغي نمشي لدارنا كنقول ظعمة نهرب منرجع كتعيق بيا وتشد ليا على حوايجي كاملين وتعطيني غير نص ديال الخلصة بلعاني...شوية نباها صوت كيعيط

- ثورية ثورية..

البنت : بسلامة أختي أهيا كتعيط..طارت البنت بزربة من حداها ومشات لعند لي مخدماها مرة من طبقة الراقية بزااف..بقات ماريا واقفة وكتسمع فالإهانات لي كتعاير بيهم البنت مخلات ليها غير لي نسات فار دم ديالها وطلعات ليها القردة لسطح جات عندها أروى كتشوف فيها بستغراب :

- ماريا أشنو واقع..علات فيها ماريا راسها مغوبشة خلات ليها ديك القفة ومشات لديك خيتي حتى وقفات عليها..

ماريا(كتغوت) :

- تاعت الله واش وجهك هداك ولا مسلفاه غير كولي ليا واش عند بالك ناس عبد عندك ولا

السيدة : ايوا شكون انت وشنو هاد الأسلوب لي تحت المستوى

ماريا : راه انت لي دون المستوى لي كتعاملي الناس كحشرات عندك تعايري فالبنت وتبكي فيها

السيدة : وانت مالك الخدامة ديالي هادي ماشي خدامة عندك وماشي انت لي كتخلصيها

ماريا : خدامة ماشي عبدة عندك انت هاد الطبقة الراقية كيحسابليكم راسكم جايين من سماء ولا شي كوكب أخور راه بحالكم بحال عامة الشعب ياك حتى انت كتمشي لطواليط تبولي وتحطي لي كنحطو ياكما كتحطي لويز ولياقوت والمرجان مثلا يكما كتحزقي العنبر مثلا الالة بحالك بحالنا أش تكونو فملك الله كونماشي فلوسنا فلوس شعب متوصلوش لهادشي الالة ولكن هادي لي كتشوفي فيها حسن منك كتجمع ليك خنزك وتصبنو وتغسلو وطيب ليك ماتاكلي كون كنتي vrai لالة وقادة كون كديري شغالك بيديك بقات فطوموبيل والفيلا وشيفور والجاردينيي وطباخة ومولات الميناج بقات فدهوبات والفشوش هادا بغاصلي خديتو ب3مليون انمشي فرنسا مع صحاباتي واشنو وجدتي قدام الله باش غادي تواجهيه غدا فين هوما أعمالك وأفعالك سعداتك أفاعل الخير وانت عمرك قدو قداش ولابسة ليا الميني فوق الركبة نعلت الله عليك...الناس كولشي تجمع مكاينش شي حد لي هضر حيت عندها الصح..

السيدة : واش عارفة معامن كتهضري ولا لا أنا...سداتها ماريا

ماريا : شكون ما تكوني فملك الله مكايهمنيش انتوما مالكم غير كولو ليا مالكم غير كايبان عليكم شوية ديال الفلوس كيبانو ليكم الناس لي تحتكم بحال ذبان واش نهار تموتي ايبنيو ليك قبرك بذهب مثلا بحالك بحال أي واحد دود أياكلك وتعطي منك ريحة الخنز أخرتك تراب نزلو شوية نزلو شوية وتواضعو وتعاملو بحالكم بحال أي واحد كولشي ولاد 9 ياااخ على بشار معامن عايشين باش قاريين باش باش واعيين سيري شوفي أوروبا لي كتحاولو توليو بحالهم وكتحاولو تبعوهم وتقلدوهم فلدوهم غير فمستواهم الفكري وفثقافتهم ومعاملتهم مع ناس عاد شوفو حوايج أخرين فخبارك بلي صورتك وفخبارك بلي هاد الفيديو غادي يوصل لحقوق الإنسان وحتى لكاميرات ديال هنا مسجلة فيهم كيفاش تعاملتي مع سيدة وديك ساع نشوفو المستوى أمولات المستوى...السيدة سكتات كتشوف غير فجنابها وساقلة...

يتبع...