أحدنا جاء به الحب و الآخر جاءت به دعوة بظهر الغيب ..
"اعتدت غرابتك في كل شيء تميزك حتى في طريقة حزنك صمتك المستمر تقلباتك وتغيراتك اليومية أكثر من شخصية في جسد واحد قلبك المهترىء و روحك الحزينة عقلك الأسود طريقة تفكيرك شجارك المستمر مع نفسك لا مبالاتك لكل هذه الامور الحياتية استقبالك لكل مساوئ هذا الكوكب في كل مرة كان يموت بك شيئا كان يحيا فكر جديد و عقدة جديدة ردود أفعالك الباردة عينيك الصادقة لقد صافح قلبك قلبي ذات محادثة بيننا هناك شيء ما تغلغل في روحي أثناء حديثك مراعاتك لكل ضعيف تصغيرك لكل قوي انعزالك عن هذا الكوكب تناقضاتك الجميلة تلك الحنية المغلفة بالقساوة المختبئة في أعمق جزء بداخلك كل سلبي فيك يجعلك أجمل جميل انت بكل قبح فيك.. "
- رجعات العزة ولغرور لنفس ديالو أشر براسو وحيد إيدو من إيديها لي سرعان ماحس بيها باردة وخالية بلا إيديها..بعات ماريا ريقها حسات بفمها نشف وجها ولا سخون بزاااف مكرهاتش تمشي وتحيد من هنا حسات بيد وسيم على ظهرها كيطمأنها بلي هو معاها..نطق أنور
أنور : أنا فرحان حيت لبيتي دعوة وجيتي واخيرا شفنا المودل ديالنا وجه لوجه كنتمنى ماتجمعناش غير هاد الخدمة بوحدها
ماريا : غادي نخيب ظنك حيت هادي أخر خدمة ليا
أنور(عوج فمو بستغراب) :
- وعلاش يكما شي مشروع زواج جاي فطريق؟لا إراديا شافت فجواد لي كيشوف فكاسو ديال العصير
ماريا : لا مكايناش شيحاجة بحال هكا انا ماشي موديل وعمري كنت موديل ومالقيتش راحتي فهاد الضومين غير منين طلبني وسيم هو عزيز عليا وطلباتو أوامر مقردتش نرفض ليه طلب داكشي باش
أنور : وعلى هاد الحساب خاصني نكون فخور براسي حيت عندي زهر أنا آخر واحد غادي تعاملي معاه..جاوباتو ماريا غير بإبتسامة محملاتش نظراتو ليها لي كلهم إعجاب بحال إلى كيعريها من حوايجها..هز كاس ديال المشروب ومدو ليها..أشرات براسها بمعنى لا
أنور : حشومة ترفضي دعوة ديالي انا ممالفش يترفض ليا طلب ولا متكوليش ليا بلي مكتشربيش ميمكنش...هنا صافي وصلات بجواد لحد شاف فأنور بعينيه لحادين
- كتهضر بحال إلى كتعرفها عز المعرفة..جلال شد فيد جواد منين شافو رجع راسو لور وهاد العلامة كيديرها فاش كيبغي يفرش شي حد ويبدل ليه المعالم ديال وجهو
جلال : حيت باين بلي مكتشرب أموسيو أنور داكشي باش عارف سي جواد..حط أنور كاسو وهو متبع حركات ماريا وتوتر ديالها..
وسيم : بب أجي تمشاي شوية نعرفك على واحد الصديقة قديمة سمحوليا..شدها من دراعها وبعدها عليهم
ماريا(طلقات تنهيدة طويلة) :
- اوووووف الحمد لله منين نقدتيني بغيت غير نعرف منين خرج جواد منين علاش مكلتيش ليا بلي جواد شريك رسمي مع هاد العملاق ديال أنور اوووف واش انا منحةسة انا لي نهرب منو نطيح فيه
وسيم : كالم توا غير بشوية عليك ديجا كتليك عندو شريك ولكن انا باش أنعرف بلي ايكون جواد بشحمو ولحمو وزايدون انت مالك اتبقاي تلقاي انت وياه ديما راه غير جمعات بينكم هاد الحفلة وصافي وكل واحد أيمشي فطريق
ماريا : معرفتش علاش حاسة بلي العكس صحيح وبلي هاد ليلة ايبداو المشاكل ياربي ياربي اشنو درت انا على هاد الحساب خاصني نمشي لموريتانيا ولا سينيجال باش مايلقاني حد
وسيم : وصافي حتى انت ديري بحال الى ماوقع والو ومتبينيش ليه بلي أترات فيك شوفتو يلاه تنفسي مزيان..تنفسات ماريا مزيان وبدات شوية بشوية كترتاح...صحافة كاينة وأضواء الفلاش ديال الكاميرات ماوقفوش فلحظة وقف أنور فالمنصة خدا إهتمام الحضور هضر على المجموعة ديالو وعلى شراكتو مع أكبر مساهم لي هو جواد هضر على خدمتهم مع بعضياتهم وهضر حتى على المنتوج جديد لي كانت الوجه الإعلاني ديالو هيا ماريا شكرها وعرفها على الحضور كامل..
- بعض الأضواء طفات وبدات موسيقى كلاسيكية الأغلبية توسطو القاعة باش يشطحو ماريا هازة كاسها ديال العصير ولاصقة فوسيم
ماريا : صراحة مكنرتاحش فيه نهائيا وعمري فكرت ندخل ليه غير صظفة جابتها وصافي
أنور : اممم مزيان الالة وشنو هيا المهنة ديالك الحقيقية ولي كترتاحي فيها هههه؟
ماريا : أنا أستاذة ديال الموسيقى
أنور(هز حجبانو) :
- اوووه هيا على هاد الحساب لقيت لي تعلمني الموسيقى
ماريا(ضحكات) :
- مرحبا
أنور : شحال فعمر ماريا؟
ماريا : 27سنة ونص قربت ندير 28
أنور : باقي صغيرة
ماريا : صغيرة على فم جمل كيف كيكولو
أنور(ضحك) :
- لالا بالعكس باقي صغيرة أش نكول أنا لي 33سنة انا لي شرفت
ماريا : لالا بالعكس مزال صغير
أنور(ضحك) :
- هههه ياك الالة الله يكبر بيك...بقاو على هكاك هضرة تجبد هضرة وضحك او وراه بركان قابل للإنفجار فأي وقت بحال إلى مكاينش نهائيا ماريا نساتو كاع واش حاضر أنور بهضرتو ريحها وخلاها تلقائية بحال الى كتعرفو شحال هادي..
جواد حط الكاس ديالو كيشوف فيهم تم غادي جهتهم وقف وراهم
ماريا : مابقيتش انخليه يقلقني غير بغيت نمشي وصافي..دورات راسها كيبان ليها خارج معصب..
ركب جواد طوموبيلتو ومشا بواحد السرعة مخلي العجاجة وراه مكيشوفش قدامو من كثرت الأعصاب الحل الوحيد لي كان عندو هو يخرج من الحفلة قبل ميدير شي فضيحة اللهم يبدل ساعة بوخرى..
جا أنور لعند ماريا او وسيم
وسيم : موسيو انور انعتادرو منكم جا الوقت باش نمشيو
أنور : بهاد زربة مزال الحال
ماريا : صراحة عييت وبغيت نمشي نرتاح الى ممكن؟
أنور : الى هكاك معندي منكول واخا ماسخيتش صراحة
ماريا : شكرا وسيم مشينا..سلمو على أنور وتمو خارجين حتى وقفها أنور
أنور : ماريا واش ممكن نتغداو غدا اونصومبل؟
ماريا : غدا عندي الخدمة بزااف منقدرش مرة وخرى واخا؟
أنور : واخا غير بغيت نعلمك انا عنيد وغادي نبقى تابعك حتى نتغداو هههه
ماريا : تصبح على خير
أنور : تصبحي على خير أحلام سعيدة..خرجات ماريا او وسيم بحال الى خرجات من وسط شي حفرة عاد حسات براحة غير دخلو لدار رمات ساكها وصباطها
ماريا : أخر مرة مزال نمشي لشي حفلة واخا يقتلوني اش ييني وبين حفلات أنا كنت عارفة هاد الليلة اتكون كحلة زحلة
وسيم : وشكون بحالك جوج كيضاربو عليك
ماريا : الله يرحم باك غير سكت لي فيا كافيني بغيت غير نكلع لبيتي نتلاح نعس غدا متعولش عليا نمشي لخدمة اغير خدم بلابيا
وسيم : وسيبة هادي
ماريا : باش زوين يكون الباطرون صاحبك😂😂..طلعات ماريا كتحر فرجليها دخلات نيشان لبيتها مسحات وجها من المكياج بدلات حوايج وتلاحت على نموسية غير غمضات عينيها جاتها صورتو بين عينيها حاها تبدل ولا يمكن تهيأ ليها هكاك متنكرش شحال توحشاتو مكرهاتش كون عنقاتو تشم ريحتو وتكول ليه شحال توحشاتو ولكن كايبان ليها متبدلش مزال هو هو حب تملك فدمو..بدات شوية بشوية كتغيب حتى نعسات..
إلى أحدهم : "أحتاجك" اعنيها بـِ صدق ، وَ ابكيها بـِ صمت ، أحتملها بـ وجع ، وَ أخفيها بكبرياء..!!
- الكل رجع لدار من غير جواد لي مدخل حتى لفجر المظهر ديالو كيبان واعي ولكن من الداخل كان مفوت وبزااف ليل كلو وهو كاس تابع تاني كيحاول ينسى ويبرد غدايدو فالمشروب لي شحال هادي معرف ليه طريق..رجع لدار طلع نيشان لبيتو كان جلال كيتسنا فيه شافو فديك الحالة لي معجباتوش ومحملش جواد يكون فيها بنسبة ليه جواد خط أحمر عزيز عليه كتر من حياتو خلاه حتى دخل لبيتو وتبعو لقاه مليوح على نموسية حيد ليه صباطو وتقاشرو زول ليه لافيست وغطاه وخرج..مشا لبيتو كلس على الكرسي تقابل مع سرجم كيفكر مابغاش الشاف ديالو يعيش هاد الحالة من نهار عقل على راسو خدم مع جواد وهو دافن راسو فالخدمة كيخدم ويكبر خدمتو باش يبصم إسم عائلتو فسوق ديما عاطي الأولوية لعائلة خوتو باه وحتى مو لي كانت واعرة ومتسلطة العاىلة عندو ديما فالمقام الاول أما راسو ناسيه مكيفكرش يبني عائلة مرة تبغيه ويبغيه يولد وليدات من دمو ولحمو يحل مشاكل الناس وهو مكاين لي يحل ليه مشاكيلو بنسبة ليه جواد قدوة وقليل كيعرف طيبة لي لداخل ديالو مكيبينهاش لناس طيبة الأسياد كتكون نابعة من القلب وحب الأسياد مابحالو حب حب حقيقي إذا هواك شبل الأسياد تمردي وإذا غضب إبتعدي وإذا نظر فيك تمختري وإذا أحن توهجي فشبل الأسياد في حبه مريض إذا بادلته الهوى طلب المزيد..وجواد شبل الأسياد بنسبة لجلال مكرهش يشوفو فرحان وبعائلة صغيرة ومرة كيبغيها هكا غير كيضيه فراسو..تنهد تنهيدة طويلة وناض لبلاصتو ينعس..
****
" اليوم ؛أعيد حساب الأمور : أجد أني قسوت علي نفسي ، ونسيت حقي عليها.. وعشت للناس اكثر من ما عشته لنفسي ..وتيقنت بأني قد حطمت دواخلي، مشاعري، أحاسيسي.. بحثا عن رضا الغير.. لا غير !! "
- مع نسمات البرد وشمس الربيع لي داخلة من سراجم حل عينيه كيحس بيهم تقال وراسو كيضرو دار بشوية كايبان لي طاس ديال القهوة..تبسم بجنب فمو ناض من بلاصتو بقا كالس حتى توكض شوية شاف فساعتو لي محيدة ومحطوطة حدا راسو هز كلس دالقهوة شرب منو خلى فيه شوية حيد حوايجو ودخل خدا دوش فيقو وحس براسو ولا مزيان..خرج اول حاحة دار هز حبة ديال الأسبرين من المجر شربها عاد لبس حوايجو سروال دجين مع كاط وتيشورت فالبيض ساعة رياضية فالقهوي هز تيليفونو وسوارت طوموبيل وهبط..كتبان ليه طبلة ديال الفطور واجدة غير كلس هاهو جلال هابط..
جلال : صباح النور
جواد : صباح الخير فاقو البقية؟
جلال : نزار مزال أما أنور فاق بكري وخرج يتمشى شوية أتلقاه دخل شاف تعطلتي لبارح حاول على راسك شوية عفاك
جواد : كون غير كنتي مرة كون تزوجت بيك ومتخلينيش مسخسخ هاد تسخسيخة كاملة😂
أنور : مخرجتش غير باش نجري وصاف خرجت باش نصفي دهن ديالي ونفكر مزيااان(كلس)
جواد(هز حاحب ومهبط تاني) :
- اممم شي حاجة خطيرة هادي لي مخلياك فايق بكري وخارج تجري على قبلها.
أنور(حط إيدو على كتف جواد) :
- بحال هكاك أشريكي بنت راسها قاصح وانت عارفني كيعجبني هاد النوع..جواد كان كيدهن الخبز وقف وشاف فيه مخنزر
جواد(بجدية) :
- أنور لبنات ديال هنا ماشي بحال لهيه وماشي كاع لبنات لتفلية دير عقلك راه كبرتي زعمة
أنور : شكون كاليك انا باغي نتفلى عندك الصح فواحد الحاجة هاد البنت غير وماشي لتفلية ولكن كيبان ليا دهول لقلبها صعيب بزااف خاصني شحال باش نفوز بقلبها وانا ناوي ماغدي نمشي من هنا حتى نديها معايا والى درت الحاجة فراسي اجا مايحيدها منو😉
جواد😡😡يلاه كيبرد كيعاود يشعل تاني بحال لفتيلة كيبان ليه غير ينوض يمحي هاد الضحكة من على وجهو..جاب الله أنور ناض من على طبلة وطلع لفوق..جواد كيتنفس بصعوبة شاد على لموس بجهد دخل فيه ودم هابط وهو محاسش بيه..جلال نتابه ليه بخوف :
- باغي يخرج ليا عقلي باغي ندير فيه شرع إيدي ونخسر ليه ديك سيفة لي عندو
جلال : مديهاش فيه أشاف غير تهدن
جواد(بالغوات) :
- بلاما تزيد تصعر ملتي حتى انت😡..حط إيدو فوسط الكاس ديال القهوة سخون باش طفا العافية لي شاعلة فيه ماحسش بسخونية وبيديه لي مصروبة ولوخرا لي كيحرق فيها قلب جلال تعصر عليه بقا فيه كيتعدب بوحدو
جلال : ستخدم أسلوبو أشاف حاول تكسبها ليك من جديد..شاف فيه جواد
جواد : منقدرش نبدل طبع ديالي أنا هكا داير مامضطرش نتبدل على قبل شي واحد سمعتي
جلال :سمعتك أشاف..وقف جواد ضرب لكرسي حتى طاح وخرج تبعو جلال من لور
جلال : فين غادي أشاف؟دار خنزر فيه جواد تخنزيرة ديال لقتيلة حل الباب وخرج..
ركب جواد فطوموبيلتو غادي بسرعة ماوقف حتى لجنب لبحر نزل او وقف قدامو داير إيديه فجيابو ساكت وساهي بحال الى كيتحاور هو والبحر غير بالإشارات ولا المواج عارفين لداخل ديالو باش كيحس تنهد تنيدة كبيرة بزااف..بقا واقف جهد نص ساعة حس براسو رتاح ركب فطوموبيلتو وتم راجع لدار خو سايك طاحت ليه واحد للفكرة فراسو معرفت كيفاش حتى جاتو...ضرب الفلون بيديه وتبسم بجنب فمو..
****
دخلات أروى لبيت عند ماريا كتفيق فيها والو واش بغات تفيق
ماريا(بتثاقل) :
- عفاك أروى خرجي وخليني نعس والله حتى عيانة بزااف ومافيا ليا ينوض وضربني لبرد شوفي نيوفي مسدودين
أروى : وراه نعاس ايزيدك نوضي خودي دوا
ماريا : فقت مع 6ديال صباح وخديتو ولبست تريكو دافي ورجعت نعس والله حتى عيانة غير خليني عفااك
أروى : واخا الالة أنا انوجد ليك كاس ديال الحليب بلويزة باش تفطري
ماريا(ممم)...خرجات أروى ورجعات ماريا تنعس..
من بعد الظهر فاقت ماريا حسات براسها ولات شوية لاباس دخلات لدوش دوشات بما دافي باش تحيد عليها لعرق ديال سخانة لبسات حوايج مقطنين وهبطات لتحت لقات أروى كالسة وشادة بيسي حطاه قدامها..شافتها أروى تبسمات حطات بيسي من إيديها وناضت عندها..
اروى : كيبقيتي شوية؟
ماريا(كتمسح نيوفها بكلينيكس) :
- شوية سخانة مشات وراسي حتى هو شوبة واخا مزال مخنوقة
اروى : لبارح فاش خرجتي يمكن ضربك البرد كنتي دافية وخرجتي لبرد وماكنتي لابسة والو داكشي باش
ماريا : ويااه مسوناش وسيم؟
أروى : وي سونا وكتليه راكي مريضة وناعسة..شوية سونا الباب مشات اروى فتحات لقات واحد الراجل لابس تيشورت فهوي وكاسكيط باج وهاز كارطونة فيديه مزوقة غير شافها تبسم ليها..
- عفاك مدموزيل ماريا المنصوري كاينة؟
أروى : اه كاينة شكون نكوليها؟
- غير كلميها ليا عفاك عندي ليها واحد الطرد خاصها هيا تشدو
- هو كاليا بلي غير اتشوفي شنو فيها اتعرفي شكون هو بون جوغني..دخلات ماريا وأروى مفاهمين والو بجوج بيهم..حطات ديك كارطونة على طبلة فتحات ليها سينتا حلاتها من جناب وفتحاتها كلها عينيها خرجو من بلاصتهم وترسم فيهم القلوبة تبوريشة شداتها حسات براسها مالكة دنيا ومافيها وبلي اميرة فوق الأرض وللي كاينة فأرض الأحلام علاش لا وحب حياتها قدامها بزااف ديال "ليبول" لحلوة لي كتحماق عليها..
ماريا : لا حيت حتى واحد فالحفلة مكايعرفني كنحماق على ليبول..شوية سكتات بحال إلى تفكرات شيحاجة مشى عقلها نهار كانو السين على طبلة فدار الحاج وكالت ليهم أحسن حلوة هيا ليبول وفينما دخل عليها جواد كيلقاها حاطة كرطونة حداها..
ماريا(صغرات عينيها) :
- من غير شخص واحد هو بوحدو لي عارفني كداش كنموت على هاد الحلوة ولكن لعجب والله حتى لعجب كيفاش هاد لوجيست يصدر منو هو بدات
أروى : شكون هذا؟
ماريا : جواد جواد لبارح كان فالحلفة وصدق هو شريك ديال داك أنور رمزي لي حضرنا ليه لحفلتو
أروى(بصدمة) :
- ناري متكوليهاش؟
ماريا : أياااه الالة عرفتي لبارح صبرت غير بزز والله على شوية كنت غادي نهرب رجليا مكانوش هازيني
اروى : كيفاش جاك تبدل ولالا خياب ولالا؟
ماريا(بدون تفكير) :
- بالعكس غير مزاد زيان وخلا لحية تكتار ولات عندو واحد الجاذبية خاصة واحد السحر لبارح كاع لي حاضرات محيدوش عينهم عليه واخا حتى داك أنور زوين تبارك الله ولكن سبحان الله جواد عندو واحد شاغم خاص بيه بوحدو بحال شي تمثال أغريقي منحوت نظراتو بحال صقر ونيفو منكاد بحال الى مرسوم أما سمورية ديالو يحال لون العسل وعينيه بحال لون لوز ورموشو رموشو بحال ذيل ديال طاووس أما فمو منين تحطي عينيك عليهم تمناي غير يضحك أما إلى ضحك هذاك بوحدو سحر خاص..سرحات بخيالها شوية طلعات عينها فأروى لقاتها كتشوف فيها هازة حاجب ومهبطة تاني..
ماريا(عاقت براسها ورجعات الوعي ديالها) :
- أحم مهم
أروى : احمم المهم الله الله انت راه دبتي
ماريا : أشمن دبت انا غير عطيت رأيي وصافي غير كلت
أروى : غير كلتي انت راه عينيك وشفايفك وشوفاتك وكلامك كلو كيكول بلي كتبغي جواد وكتحماقي وكتموتي عليه معرفتش علاش هاد الكبرياء وعزت النفس كلها😑
ماريا : أصلا أنا مريضة وفيا سخانة ولي فيه سخانة كيبقى غير يهترت ومكيديزهاش عليه الناس غير جيبها فم وكول..المهم عندي هو ليبول اخخ
أروى : مافيها والو متكونيش متكبرة حتى انت من داك نوع ديال البنات لي إيوا صافي والله منكبر ليه شان عادي تفكرك سيفط ليك كادو زوين اقل حاجة تشكريه واخا غير بميساج عادي
ماريا : راه ايبعر أصاحبتي ونسيتي مدار فيا؟
أروى : منسيتش انا غير كتليك سيفطي ليه مسج تشكريه مكتليكش سيري عنقيه وكوليه شبيك لبيك انا بين إيديك ومتنسايش الالة فاخيتة بلي ديك خيتي لي كرهتيه على قبلها طلعات غير نصابة وكدابة
ماريا : اه بصح ولكن أنا منسيتش بلي دخلها علينا لدار ومحتارمنيش المهم بلاما نفتح هاد الموضوع انا انسيفط ليه ميساج وندير لي عليا انا اصلا معروف عليا الشفافية وديموقراطية..هزات تيليفونها وسيفطات ميساج ليه مزال محتافظة بنمرتو عمرها فكرات تمسحها..
" شكرا بزااف على الكادو مكانش خاصك تعدب راسك على العموم شكرا نردها ليك فياعة الخير"
كالس فجردة داير رجل على رجل راد راسو لور وكيلعب بتيليفونو حداه جلال وانور ونزار كيهضرو ويضحكو وهو كاعما مسوق ليهم..سونا تيليفونو رجع راسو بشوية بان ليه ميساج فتحو بانت ليه نمرت ماريا..هز حجبانو علامة تعجب وستغراب فتح الميساج وقراه ترسمات إبتسامة على وجهو جاتو الضحكة من تعبير ديالها..تقاد فالكلسة ورد عليها بميساج أخور..
" العفو غير كلت قربات الفترة ديالك بحال كل شهر وكتفتح ليك شهية على ليبول وهنا صعيب بزااف تلقاي بحال نوعية لي كتعجبك😉" سيفط الميساج وجمع إيديه ساهي ومبسم..شاف فيه أنور بستغراب
أنور : سي جواد فين ساهي ضحكنا معاك أخويا
جواد وإلى كنتي انت هو سبب هاد الضحك حشومة فحقك أصاحبي(قصف أرض جو)
أنور : يااااك أخويا وعلاش غادي نضحكك أنا؟
جواد : هههه غير كنضحك معاك غير راشقة ليا هاد الصباح وصافي
أنور : إيوا الله يخلي هاد الايام كلها فرحة ليك
جواد : أمين..
أنور : كنفكر علاش منعرضش على ماريا لعشا؟واخا عارفها راسها قاصح..جواد بدا دمو كيفور تاني غير كيجبد ماريا على فمو
جلال(شاف فجواد ورجع شاف فأنور ونطق) :
- فخبارك بلي وردة مرات أمين صاحبت ماريا من روح لروح وكانت معاهم فدار بغيت نكول مع جواد...جواد خنزر فجلال تخنزيرة ديال الموت
انور(بصدمة):
- وايلي العجب ماكلتيهاش ليا اجواد
جواد : ماشي اي حاجة كتكال
أنور : لعجب بنت بحالها كانت قدامك ومستغليتيش الفرصة معاها والله حتى لعجب كون انا بحالك كون وا فزت بيها وتزوجت بيها ومنخليهاش تفلت من إيدي
جواد : يمكن كنت بغيت نخليها ليك ويمكن نتقاتل عليها دابا نيت أنت وزهرك(غمزو)😉
أنور : ههههه غير ديرها انا راه منافس قوي مكنستسلمش بسهولة
جواد(برودة) :
- بالعكس خاصك تخاف مني حيت انا وياها كنا تحت سقف واحد يعني عارف شنو كتبغي ولي مكتبغي شفتي باش خاصك تخاف مني..الحرب الكلامية الباردة بدات بيناتهم
أنور : هممم كولشي ممكن يتبدل مع الوقت اشريكي والادواق مكاتبقاش هيا هيا خاصك ترد بالك مزيان لهاد المسألة ومدام انا حطيت سنو وايت(بياض الثلج)فبالي مغانمشي حتى غادي نفوز بقلبها..
جلال(داخ بيناتهم) :
- ههههه مالكم انتوما قلبتوها بصح بشوية عليكم حتا غير كنضحكو..جواد كتفى بسكوت كيشوف فأنور وانور كيشوف فيه..عطاه حافز وجهد وضد حيت جواد كيموت فالعناد وفضد عمرو دهل لشي صفقة وماربحهاش ضيع ماريا مرة وحدة ولكن حالف هاد المرة ميضيعهاش كولشي بدا بالغلط تعارفهم وزواجهم وحتى طلاقهم جا الوقت باش تبدا هاد العلاقة بساس صحيح وبطريقة صحيحة..
جواد(مع راسو) :
- مغاديش نخسر أأنور مزاال مكتعرفتي أشنو كنسوا عند بالك انخليك تحط عينك عليها وانا كنتفرج ماريا ليا وغادي تبقى ليا غانخرج يا رابح ياقاتل واحد فجوج..
من يحبني إذا اقتربت منه خطوة اقترب مني خطوتين وإذا ابتعدت عنه غاضبا دنى مني مسترضيا و إذا غبت عنه رغما عني بحث عني حتى يجدني و إذا أخطأت يعاتبني ولا يفارقني و إذا أخطأت يواجهني و لا يهرب و يقبل عذري مبتسما الذي يشعر بالنقص من دوني ولو ملك كل شيء ويشتاق الي ولو كان حوله ألف حي الذي يعاملني كأنه يراني لأول مرة ويحافظ علي كأنني الوحيدة في العالم الذي لا يعترف معي بالنهايات ويحبني كل يوم مثل البدايات..
يُمكن لأي شخص أن يَختارك في توهجك, لكني أنا سأختارك حتى حين تَنطفىء , تأكد بأني وإن رأيت النور في غيرك سأختار عَتمتك.... 💙
****
- فالبيت عند نزار يلاه ايجبد بيسي ديالو حتى دخل عليه انور..
نزار : سي انور ياك لاباس؟
أنور : بغيتك فواحد الخدمة ضرورية
نزار : كنسمعك اسي أنور
أنور : بغيتك تجمع ليا معلومات على ماريا الموديل ديالنا أي حاجة عليها بغيت نعرفها صغيرة كانت أو كبيرة متفلت حتى حاجة وهاد المعلومات بغيتهم غدا يكونو عندي ولا ليوم بليل مفهوم ماضيعش الوقت بغيت كلشي عليها مفهوم؟
نزار : واخا سي أنور كون هاني..خرج أنور من عند نزار لي بدا فتحريات ديالو على ماريا من a ل z...
ماريا : تجمعو عليا دقة وحدة هذا هو انور لي درنا ليه الإعلان عارضني لعشا
أروى : ومالك شنو فيها؟
ماريا : ياختي محملتوش باينة فيه عينيه زايغين واخا هو إجتماعي وميضحك ولكن فيه شي نغزة فشكل
اروى : ياختي شحال فيك ديال شك كولي كولي وانت دايرة فيها فيلم هندي كلشي عندك انت مكيدخلو الخاطر وفيهم شي ديفو من غير حبيبك جواد اممم
ماريا : حماضيتي نوضي شوفي واش عندك ميدار
أروى(كضحك) :
- هاهيا نايضة أختي وانت الحب كيقطر ليك من العينين..يلاه اتزف عليها ماريا بالمخدة وهيا تهرب لكوزينة كضحك مدات ليها لسانها😜
****
جلال(كيشوف فجواد بشوفات فشكل)
جواد(كيقاد فصدايف قاميجتو هز عينيه شاف فجلال) :
- غير كول شنو عندك
جلال : مافهمت والو واش كلام لي كلتيه فجردة بصح؟
جواد : شنو بان ليك عمري كنت كنضحك
جلال : شنو زعمة
جواد : هاد الحرب انربحها انربحها واخا نعرف نقتل ونطيح روح عليها قسما بالله لا خليتها ليه واخا نعرف ندفنو بيدي بجوج والله لا كانت ليه
جلال : لهاد درجة؟😲
جواد(حط إيدو على كتف جلال) :
- مزااال مكتعرف شكون هو جواد الإبراهيمي عمر شي واحد مايقدر يدي شيحاجة ديالي ولا يقدر يحط عليها العين انت غير رجع لور وتفرج😉..رش من ريحتو القوية هز سوارت طوموبيل وخرج..
خارجة سومية من المدرسة كتهضر مع ماريا وتعاود ليها على الأستاذة ديال الموسيقى جديدة..حتى حسات بشيواحد حركها من كتفها..دارت بان ليها يوسف..
سومية : يلاه اختي خودي دوا ورتاحي حتى لمن بعد ونعاود نعيط ليك..قطعات مع ماريا ودارت إيديها على جنبها كتشوف فيوسف
سومية : ياك لاباس أخويا لاش تابعني؟
يوسف(كيضحك) :
- واش مابغيتيش تحيدي منك هاد تعفار هذا سبحان الله بحالك بحال ختك
سومية(خنزرات فيه) :
- ومالها ختي دابا لاش جابدها؟
يوسف : واش انت بغيتي غير دابزي ياربي سلامة منك حاولي واحد للمرة تهضري بتحضر وبأداب
سومية : بغيتي تكول دابا انا قليلة الأداب يااك؟
يوسف(شد راسو) :
- ياربي سلامة صافي الالة بسلامة كتكوليني لي مكلت جيت انهضر معاك ونسولك كيدايرة بكل اداب وبصواب بغيتي تلصقيني أش داني نهضر كاع بسلامة..بقات كتشوف فيه شوية وتبعاتو كاتعيط عليه
سومية : يوسف يوسف..وقف دار شاف فيها
يوسف : نعام أختي
سومية : سمح ليا مقصدتش راه غير الأستاذة جديدة فشكل وتعصبت سمح ليا
يوسف : ماشي مشكيل هانية تمشي تشربي قهيوة
سومية(تبسمات) :
- حليب بشكلاط أيكون حسن
يوسف : هههه حليب بشكلاط الالة..بقاو كيتمشاو بجوج حتى لواحد كافي دخلو دمونداو شنو بغاو وبقاو كيهضرو هضرة كتجبد هضرة
يوسف : شفت ماريا فالأنترنت وتلفازة تبارك الله عليها
سومية : ولكن راه مافرحاناش بداكشي كاتليا مالقاتش راحتها فيه غير حيت وسيم بزز عليها ومابغات تخصر ليه خاطرو
يوسف : فخبارك بلي خويا جواد هو شريك ديال شركة الإيطاليا لي دارت ليها الإشهار لعصير ديالها؟
سومية(بصدمة) :
- وايلي مكالتهاش ليا شكون كالها ليك
يوسف(كيضحك) :
- واش نسيتي راه خويا هداك؟
سومية : أه بصح عندك صح علم الله كيفاش أيكونو فاش تلاقاو من بعد داكشي لي داز بيناتهم
يوسف : وياااه شحال تعطي وهاد الهضرة خليها بيناتنا
سومية(والفضول قاتلها) :
- غير كول سرك فبير
يوسف : شحال تعطي بلي جواد كيبغيها
سومية : هاء منضنش أصاحبي كون كان كيبغيها بصح ميديرش داكشي لي دار هو جاب صاحبتو حتى لقلب دار وداكشي لي دوز عليها نسيتي؟
يوسف : سمعيني مزيان جواد خويا كنعرفو مزيان واخا انا كنت عايش فرنسا ولكن كان كيجي عندي وانا كنمشي عندو فاش كان فهولاندا يعني عارف كيفاش كيفكر اول حاجة مكيبينش مشاعر ديالو بسهولة هادي لولة بحكم تربية لي تربى تربى على يد جدي الله يرحمو جدي كان فريف ريفي قح كولشي كان كيدير ليه ألف حساب وكيحتارموه وكيخافو منو ناس بزااف مكاين غير سيدي سيدي واعر ومنوض الرعب فناس حيت حقاني مكيبغيش ظلم داكشي باش لي دار شي حاجة كيولي يترعد منو جواد فواحد الفترة رباه جدي علمو أسس ديالو ومبادئ ديالو ديك الوعورية لي كتشوفي رباها فيه جدي ومنين رجع لهنا لواليدة الله يرحمها ويسمح ليها زرعات فيه تكبر والحقد والغل لي كان فيها ومنين الواليد خاف عليه منها لا تخرج عليه وتردو بحالها تماما سيفطو لبرا يعني فيه خليط من هنا وهنا يعني جواد تعود على سيادة ملشي كيكول ليه سيدي وطبيعة الأسياد واعرة بزااف تمشي تقلي إحترامك غير شوية كتفوتي الخط الأحمر معاهم...ولكن باش عرفت بلي جواد كيبغي ماريا..حيت هو عمرو كان هكا قسما بالله
سومية(بستغراب) :
- كيفاش مافهمتش؟
يوسف : جواد مالف فاش كيكون فدار راه رعب نايض فدار كولشي خايف ومخلوع دار كتولي بحال دار ديال دراكولا هههههه والله الفياق فالوقت ماكلة فالوقت وياويلو وسواد ليلو شيواحد يخالف القوانين مشا مواخرا كنشوفو تبدل مابقاش كيف كان ولا يضحك مرة مرة كيتغاضى على شي حوايج ولا كيلبس الألوان منين خرج طوموبيلتو لحمرة راه تبدل كان غير كحل فزرق صافي ومكنشوفوهش ولكن هو داير بحال ظلنا ولي زاد اكد ليا هيا فاش دخل وهضر مع هاجر على زواج وكيفاش تعامل معاها راه كان بحال شي أغا تركي وحق الله داكشي باش كتليك جواد تبدل بزااف وسبب هو ماريا من نهار دخلات حياتو غيراتو
سومية : أهاه نكولو كلامك صحيح وداكشي لي كان يدير معاها؟
يوسف : خاف من دوك المشاعر لي حس بيهم من جيهتها حاول يحاربهم ولكن ختار طريق الغلط هو كان كيدير هكاك باش يبين لراسو بلي مكيبغيهاش وباش حتى هيا متبغيهش يعني العناد والكرامة والكبرياء كيجريو فدمو أما خويا حاجة سبيسيال والله قلبو فشكل واخا قاصح ولكن حنين..بقات سومية كتشوف فيه
يوسف(شاف فيها) :
- مالك؟
سومية : كتبغيه بزااف؟
يوسف : شكون جواد بطبيعة الحال علاش ماشي خويا وفاش كنكون فأي أزمة كنلقاه بجنبي هو بمتابة الأب ثاني ليا ولخويا أمين ولختي هاجر يعني هو حامي العائلة من بعد الواليد
سومية : الله يخليه ليك ومتعرف إلى كان جواد وماريا مكتابين لبعضياتهم والله مايفرق بيناتهم كائن بشري كيما بغا يكون حتى ضروف مغاديش تفرق بيناتهم واخا يتفارقو ومتعرف هاد الفراق هذا يبين قداش هوما محتاجين لبعضياتهم
يوسف : كولشي ممكن كنتمنى
سومية(جمعات كتوبها) :
- يلاه أنا خاصني نمشي تعطلت
يوسف : مزال الحال..
سومية : راك عارف بلي ماما كانت عيانة خاص نكون فدار
يوسف : اه كالتها لينا هاجر على سلامتها بعدا والله يزيد فراحتها
سومية : أمين ياربي..خرجو بجوج من القهوة وقفات سومية باش تشير لطاكسي
يوسف : كون خليتيني نوصلك؟
سومية : لالا ماشي مشكيل انمشي فطاكسي حسن
يوسف : على راحتك سومية واخا ناخود نمرتك من عند هاجر
سومية(كضحك) :
- على أساس زعمة ماخديتيهاش😉
يوسف(كيضحك) :
- صراحة خديتها ولكن مابغيتش نعيط حتى ناخود الإذن
سومية : هاي هاي على صواب واخا أسيدي ماشي مشكيل..وقف طاكسي لسومية شيرات ليوسف بيديها طلعات لطاكسي ومشات بقا متبعها بالعين حتى غبرات تبسم وطلع فطوموبيلتو ومشا حتى هو بدورو لدار..
****
حسن الكلام ، وجمال العبارات ، تسحر الناس وتأسر قلوبهم ، فالإنسان لا لحمه يؤكل ، ولا جلده يلبس ، لكن حلاوة لسانه تجذب😉
****
فوق الفوطوي متكية شادة تيليفونها كتلعب بيه مغطية بمانطة خفيفة مدفياها وأروى فجنب لاخور حتى هيا كالسة وشادة بيسي ديالها..سونا الباب مرة لولة وتانية...شافت ماريا فأروى
ماريا : مغاتحليش لباب؟
أروى : اووف حتى لقطة المهمة...دارت بوز لفيلم لي كتفرج فيه وناضت حطات بيسي ومشات لباب...فتحاتو..بقات واقفة ساهية فشخص لي قدام لباب هو كيسول على ماريا وهيا عقلها ملحوس
أروى(عاد فاقت) :
- هاه شكون؟
جواد : ماريا كاينة؟
أروى : أه كاينة شكون نكول ليها؟
جواد(تخطاها خلاها واقفة وراه) :
- ماشي مشكيل انا أنكول ليها شكون براسي..تم داخل متاجه لصالون بحال إلى دار دارو..حتى وقف على ماريا...زولات عينيها من على تيليفون بان ليها واقف بكامل أناقتو وناظاظر على عينيه بدات كترمش بعد تصديق
جواد : غير صبري مالك زربانة غير غادي نوصلو وغادي تعرفي..شافت فكلامو بلي مغاديش يكول شنو باغي رجعات كيف كانت وسكتات وصلو لجنب لبحر عين دياب بلاصة طوموبيل ديالو وهبط كيتسناها تهبط بقات كالسة حرك راسو يمين وشمال فتح الباب حيد لي سمطة وجرها من إيديها نطرات إيدها منو بزعاف كتشوف فيه مغوبشة
ماريا : عاجبك الحال جايبني بهاد الحالة لهنا؟
جواد(كيضحك) :
- علاش معرفتي يشوفوك ناس ويديرو بحالك وتولي موضة الناس خاص غير تبداي ليهم شيحاجة يتبعوك يلاه بلاما نضيعو الوقت..بقات واقفة حتى رجع جرها تاني تحت أنظار الناس دخلو لواحد القهوة كطل على البحر الهوى ديالو كيضرب فالوجه وريحتو كترض الروح..ختارو طبلة فالقنت بعيدة شوية على الأنظار غير كلسو جا عندهم سرباي حط ليهم لمونu قدامهم ومشا
جواد(هز كيقرا) :
- شنو تغداي؟
ماريا(طاوية إيديها وكتشوف فالبحر) :
- مابغيت والو
جواد(مبرد أعصابو) :
- متكدبيش عليا عارف فهاد الفترة كتكون عندك الشهية مفتوحة..دورات راسها عندو كتشوف فيه مخرحة عينيها والحمورية طلعات ليها لوجها
جواد : إيوا بيتزا فخوي دوميغ ولا طاكوس ولا بانيني ولا شوارما حيت هادو لي كنعرف كتموتي عليهم من غير صوصيص هداك بوحدو تاني..ماريا غير ساكتة وكتشوف فيه..حط القائمة من إيديها وشاف فيها بقى ساكت شحال عاد نطق
جواد : بغيت نكوليك سمحيليا على لي وقع مني أنا عارف راسي درت معاك بزااف ديال الحوايج خايبين يمكن طبعي حاد شوية وممكن يكون دمي سخون ودغية كنتعصب ويمكن طبع العناد والكبرياء لي عندي ماشي أي حاحة ممكن نشرحوها المهم هو منين نعرفو بالغلط ديالنا نعتارفو بيه
ماريا(حالة فمها فيه بصدمة) :
- جواد كيطلب سماحة والله حتى شيحاجة تم
جواد(كيضحك) :
- جاتك عجب عادي شنو فيها بغيت نبداو صفحة جديدة صفحة بيضة نعتابروها صداقة
ماريا(كتأكد) :
- واش كتهضر نيت بصح ولا غير شاد فيا انت راه نتوقع منك أي حاجة والله مافيك تقة
جواد(بجدية) :
- واش بنت ليك كنتفلى كنهضر بصح
ماريا : وشنو تبدل؟
جواد : تبدلو بزااف ديال الحوايج بزااااااف ديال الحوايج تبدلو..سكت وصغر عينيه بقات ساكتة كتسناه يكمل كلامو ولكن سكاتو بين ليها بلي مغاديش يزيد على كلامو شيحاجة..شوية بدات كرشها كتزغرت كرشها دايرة ليها الفضايح ومشوهاها
جواد(تبسم) :
- كيبان ليا نطلبو مناكلو حسن..عيط على سرباي لي جا عندهم
جواد : عفاك بغيت صلاد عادية ولكن كتر لي الحامض او بلا ديال الحوت او طاكوس مع صلاد ميغسي..مشا سرباي وشاف فماريا
ماريا : باش عرفتيني بغيت طاكوس؟
جواد : ختصاصي من عينيك باين...دورات راسها بستسلام وشافت فالبحر
جواد : كي كتحسي براسك مزيان؟
ماريا(شافت فيه) :
- من أشمن نحية بضبط؟
جواد : من داكشي لي داز ماماك إيكسيتيغا
ماريا(أشرات براسها) :
- صافا الحمد لله واخا معرفت كيفاش غادي نشرح يعني واخا مزال واحد البرود فالعلاقة ولكن كنتواصلو عادي
جواد(رجع بلور وتقابل معاها) :
- حاجة طبيعية يكون برود لي فات ماشي ساهل يتنسى بسهولة ميمكنش ترجع العلاقة حيت اصلا مكانتش بيناتكم حتى علاقة لي غادي ترجع انت فتحتي عينيك على باباك لوكان فتحتي عينيك عليها وكبرتي فالحضن ديالها لواحد الفترة ومشات وخلاتك ورجعات انكولو وي اترجع العلاقة ولكن انت من ديبار مكايناش هيا
ماريا(شافت فالبحر وفيه) :
- عندك الصح أول مرة أنتافقو فشيحاجة انا وياك المهم فهادشي هو أنا رتاحيت نفسيا من واحد الجانب هذا هو الأهم عندي
جواد : مزيان داكشي لي بغينا...سكتات لحظة وراها جاب سرباي الكوموند بداو كيتغداو وكيهضرو عادي بحال أي أصدقاء عاديين حتى هضر جواد
جواد : دومين خايب فيه دياب بزااف أي عارضة سوى عارضة أزياء ولا ديال إعلانات كتكون فريسة لدياب فهمتيني دابا
ماريا : أممم انا أصلا معنديش علاقة بهاد دومين غير وسيم معزتو خاصة عندي داكشي باش مقدرتش نرفض ليه طلب مكانش عند بالي بسباب هاد الإعلان انتلاقا معاك صدفة غريبة هادي
جواد(هز عينو فيها) :
- علاش؟
ماريا : هكاك متوقعتهاش وصافي وسيم كاليا بلي الإعلان لشركة إيطاليا
جواد : أنا خدمتي كنتعامل مع جميع شركات وفأي بلاد سوا المغرب ولا برات المغرب وأنا شريك ديال أنور بنسبة 60 فالمية هو عندو 40فالمية
ماريا : انت عندك النسبة لكبيرة كيفاش تعرفتي عليه حيت كيبان بلي ماشي غير شريك كيبان بحال إلى صاحبك
جواد(سؤالها واخا بريء ولكن حرك نار الغيرة فيه) :
- لا ماشي صاحبي هو شريك غير هو شريك قديم كان باه مشارك مع الواليد وكيعرفو مزيان داكشي باش
ماريا : واخا رجل أعمال كبير تبارك الله ولكن ضريف متواضع
جواد(ضحك بستهزاء) :
- مكنتش عارفو ضريف سبحان الله جيتي من ورايا وعرفتيها
ماريا : كيفاش زعمة؟
جواد : إيوا انت كلتي ضريف باش عرفتيه ضريف
ماريا(كتشوف فيه) :
- حيتاش فالحفلة بان ليا إجتماعي ومتواضع ومطلوق وحتى فاش هضر معايا فتيليفون ب...قاطعها وتغوبيشة على وجهو
جواد(بتساؤل) :
- إيمتا هضر معاك فتيليفون؟
ماريا(بستغراب من نبرة صوتو) :
- غير صباح
جواد(بصرامة) :
- انور بو العيالات مافيهش ثقة حسن تبعدي عليه..حطات الماكلة من إيديها وشافت فيه
ماريا(عاقدة غوباشتها) :
- عاوتاني أجواد انت مالك كتصدر احكام مسبقة على الناس وعلاش نعطيه تيساع شنو بيني وبينو وزايدون سيد مصدر منو حتى حاجة خايبة سونا يسول فيا وبس عادي جدا نوض انا نسد عليه بلا سبب وزايدون متنساش بلي الحملة الإعلانية مزال مسالات إذا أنشوفو مرة وجوج وتلاتة
جواد(محكم فأعصابو) :
- هادي هيا موشكيلتك راسك قاصح مكتسنطيش ليا أنا لي عارف نواياه كونما بانت ليه فيك مغاديش يلقى نمرتك ويسوني ليك فتيليفون مدام بيناتكم غير خدمة
ماريا(كتشوف فيه مخرجة عينيها) :
- واش انا ممنحقيش ندير صداقات ولنفرض كاع كنت عاجباه أسيدي ممنحقيش ناقصني رجل ولايد وزايدون أنا عارفة كيفاش نحافظ على راسي غير بلاما تهز أنت الهم داكشي باش جايبني لهنا باش تكوليا نعطيه تيساع زوينة هادي وزايدون انت شكون باش نتسنط ليك خويا با انت عمرك مغادي تبدل أنت هو أنت ديكتاتورية وإصدار الأوامر هادشي لي كتعرف..وقفات ودفعات لكرسي وتمات غادية ناض بالخف شدها فيديها عند الباب
جواد(بحزم) :
- ماريا مكنهضرش من فراغ بغيت ليك غير مصلاحتك هاد المرة مكنصدرش أمر كنكوليك لي واقع انا لي كنعرف أنور مزياان وعارفو لاش كيخطط مكيمشي حتى ياخود لي بغا
ماريا : هكاك كلتي على ربيع اه هداك عندك فيه الحق ولكن خليني أنا نقرر قراراتي بوحدي انا لي نقرر معامن بغيت نهضر ومعامن لي لا انا حرة أجواد ماشي مونيكة..حيدات إيدها من إيدو وهيا مزال عند الباب علات راسها كتجي عينها نيشان فعين سيدة لي كانت خدامة عندها ثورية كانت مع واحد خينة راجل طويل شوية عندو خاويات فجناب شعرو فمو زرك سنانو كيبانو مخزين من الخويات بالكارو وشراب..غير شافت فيها ديك سيدة كحلات بالعمى وغوبشات
- هادي أنت(شافت فلي معاها) هادي هيا ديك خيتي لي شوهاتني ودات ليا لخدامة..فهاد الأثناء جواد دخل بالخف يخلص باش يتبع ماريا...قرب سيد عند ماريا كيشوف فيها وجهو مكيبشرش بالخير
- نعتاذر من لالايا لالاك أنت اما انا لا يكما يحسابلك راسك أتخلعني بهاد صوت لي داير بحال صوت العياشي مول دجاج وانت ريحتك دايرة بحال تهامي مول الماعز كتعطعط سير شوف راسك فالمرايا كالس تحل فمك بحالك انا نحشم محلو وهو مخزز بحال المعكي الخريبكي ماد شلاقمك موسى عزي سيكليس سير بعدا شوف اراسك واجي هضر معايا كاليك نعتاذر..السيد الكرون طلعو ليه عينيه ولاو حمرين يلاه ايحط إيدو عليها حتى شداتو إيد جواد تقابل مع وجهو عينيه كيطير منهم دم حمرين عروق إيديه باينين وعروق راسو خرجين..
جواد(بصرامة) :
- أتحط إيدك عليه أغبر ملتك أندفنك حي..هز إيدو حتى لسما ونزل عليه بكروشية لوجه..هبط عندو وطلعو من قميجتو ورجع كروشاه تاني حتى ساس الدم من فمو دمو فار ومابقاش عارف راسو شنو كيدير عينيه تغشاو بالضبابة..
ماريا(عجبها الحال شافت فديك خيتي وجمعات كمايمها) :
- وأنت أشيخة الصمكة بغيتي تحماي جايبة ليا هاد درابكي ديالك وأجي عندي..شداتها من شعرها بردات فيها كاع الغدايد وسم مفارقوهم غير ناس شي شاد فجواد وشي شاد فماريا مكلعوهم من إيديهم حتى لا هيا لا هو خلاوهم مشمشرين دمايات...وقفات ماريا كتلهت وجواد كولو كيقطر بالعرك...شير بصبعو لاخور لي طايح
جواد(مغزز) :
- وديني وما أعبد وتفكر دير هك ولا هك قسما برب الكعبة حتى نقتلك ونشرب من دمك..جراتو ماريا من إيديه
ماريا : يلاه باركة من شوهة صافي...جراتو غير بزز طلع لطوموبيل طلعات حداه ديمارا وزاد.
****
عند أنور لي عاد خرج من دوش..تدق الباب ودخل نزار
أنور : ياك لاباس؟
نزار : داكشي باش كلفتيني
أنور : دغية دغية برافو عليك
نزار : ماريا المنصوري من مدينة أسفي خلاتها مها وهيا عندها عامين ومشات تزوجات بمحمد زيتوني عائلة زيتوني لي عندها محالات ديال ذهب ديجا مزوج وعندو ولد دكتور ياسين ولدات معاه بنت عندها 22سنة سومية ماريا بقات عايشة مع باها.....(عاود ليه كولشي عليها من لول..
أنور : كمل مالك سكتي؟
نزار(حدر راسو) :
- الغريب ولي تصدمت منو هو انو ماريا كانت مزوجة
أنور(بستغراب) :
- مزوجة ومن بعد عادي ياك كانت؟
نزار : وي كانت ولكن علاش تصدمت حيت كانت مزوجة بجواد..دار أنور عند نزار وصدمة باينة على وجهو
أنور : شنو جواد جواد؟
نزار : وي جواد كانو مزوجين فدار وحدة مدة ولكن قبل الإنتخابات طلقو كالو بلي بسباب ديك القضية ديال ديك لممثلة فاتن داكشي لي خلى ماريا تجي لهنا لكازا وتبدا حياتها من جديد ولي عرفت بلي يلاه تصالحات هيا والأم ديالها
أنور(بهتمام) :
- هادشي غريب بزااف ومكيدخلش لعقل
نزار : علاش؟
أنور : حيت كون كان زواج وماريا تزوجو على حب كانت صحافة كلها هضرات على هادشي وهضرات على عرسهم ماشي زواج سكوتي معارف بيه حد خصوصا جواد شخصية معروفة مغايدوزش زواجو هكاك شي إن تما بغيتك تزيد تسول وتسقسي وتعرف ليا شنو وقع بضبط
نزار(أشر براسو) :
- واخا سي أنور كون هاني..خرح مزار من البيت سد الباب وراه مخلي أنور فحيرة عقلو كيدي ويجيب
أنور : اياااه أسي جواد داكشي باش مابغيتيش نتقرب منها كول القضية هكاك هاه😏
****
وصل جزاد ماريا حتى لباب دار وقف بطوموبيل حيدات سمطة ويلاه أتنزل حتى وقفها بيديه
- واخا دابا نشوفو..نزلات من طوموبيل وخلاتو كيخبط أخماس فأسداس..ضرب إيديه مع الفولون دور طوموبيل وكسيرا..وصل لدار عندو بلاصة طوموبيلتو..نزل يلاه فتح الباب دخل بان ليه انور داير رجل على رجل وكيشوف فيه
- وي ماريا وي بكل فرح صراحة فرحتيني صافي واخا شنو بان ليك 7ونص مزيانة اوك الالة سيفطي ليا لادريس باش ندوز نديك اوك يلاه حتى نتلاقاو😆..شاف جيهت جواد كيبان ليه بركان طالع ومهدد فأي دقيقة باش يفيض..
قطع أنوار مع ماريا وشاف فجواد لي لبرود باين على وجهو وهو من الداخل عافية كحلة تقدر تحرق كولشي
أنور(كيطنز) :
- شفتي الأقدار كيدايرة غير لبارح كانت ماريا مراتك واليوم اتخرج معايا لعشا سبحان الله انا لي مافهمتش هو كيفاش جواد بجلالة قدرو تخلى على وحدة بحال ديك البنت بيزاغ والله..جواد غير كيتسنط ومكايجاوبش حيت مغاديش يجاوبو بفو عندو طريقة لي اتسكتو وتنعسو فسبيطار واحد سيمانة
أنور : ولكن متخافش انا هنا الجرح لي خليتي انا غادي نداويه..تنهد جواد وتبسم بجنب فمو
جواد : علاش عادي انا وياها تفارقنا وداك لي جاب ليك الخبار مجابهمش ليك هوما هادوك حيت حتا تفارقنا حبيا يعني بلا حتى مشاكل كون بغيتها غادي نخليها معايا ومايقدر لا انت لا غيرك يحيدها من إيدي وحتى دابا الى بغيتها متقدر دير حتى حاجة انت عارفني مزيان ولكن حلال عليك
أنور(مافهم والو كيحاول يقرا أفكار جواد ولكن بدون فائدة) :
- أممم مزيان
جواد : انا انطلع بيتي نرتاح أه فكرتيني بون سواغي😉..خلاه وطلع لبيتو غير دخل جواد لبيت ضرب الحيط بيديه بجهد ولات حمرة وهو محاسش دخل لدوش بحوايجو طلق عليه الما البارد هدا هو الحل لي عندو باش مايخلي عش دار شيحد مابغاش يبين لأنور نقطة ضعفو لي هيا الغيرة ويستخدمها ضدو..دق جلال الباب مافتحش ليه..دخل كيسمع صوت الما فدوش..خرج جواد كيفطر بحوايجو شاف فيه جلال ستغرب
جلال : جواد خويا يكما كاين باس؟
جواد(شنق على جلال من كول ديالو مغزز) :
- كاين كاين باس غير هداك ميخي ديال أنوار وصلاتو كاع لخبار عليا أنا وماريا ودابا عارض عليها العشا واش بغاني نقتل جد بوه الكلب ولا نصفيها لملتو
جلال(كيصرط فريقو مسكين مخلوع من جواد) :
- هانتا غير طلقني ونتفاهمو واخا غير غير تهدن
جواد(مخرج عينيه وجهو كيترعد) :
- متكولش ليا تهدن واش بغيتي نخلي دار بوك حتى انت ولاشنو
جلال : لالا انا شنو درت انا..جواد سكت وطلق منو وبعد رجع بلور دار ضرب كاع لي كان على لكوافوز هرسو فتح سرجم على جهدو او وقف كيضرب فيه البرد...دار شاف فجلال لي كيشوف فيه بخوف
جواد(بلغوات) :
- صافي مسح ديك شوفة على وجهك بحال الى غادي ناكلك
جلال(بصوت شبه مسموع) :
- وراه اتاكلني نيت
جواد(شاف فيه بتخنزيرة) :
- شنو كلتي؟
جلال(بخوف) :
- ماكلت والو اشاف كلت ليك غير شنو ادير؟
جواد(معصب) :
- هذاك لكيدار باغي يعصبني ويخرجني على طوعي باش يبان هو ضحية قدام ماريا باش تزيد تكرهني عند بالو مطور ولكن انا كتاار منو..شاف فجلال وصغر عينيه
جواد : كون كنتي انت فبلاصتي شنو غادي دير
جلال : أنا صراحة عمري تحطيت فبحال هاد الموقف ولكن كون انا بحالك ندير عكس لي كاستوقع
جواد(دار عندو كليا ربع إيديه وكيشوف فيه بتساؤل) :
- بحالاش زعمة؟
جلال : دابا انور منين عرف بلي كنتي ديجا مزوج بماريا ومنين شافك كيفاش تعاملتي معاها فالحفلة وكيفاش هضرتي عليها معاه باينة لعما بلي مزال كتهمك وانت عارف انور كيشد ضد خصوصا معاك انت أشنو باغي يدير ايوريها الوجه زوين الحنين لي كتبغيه كاع البنات كادويات خرجات يسول عليها يطمن عليها يعني البنات كيبغيو راجل يكون مغيار وقاصح ولكن حنين هشيش بحال شي بيسكوي فهمتيني ؟
جواد : لا
جلال : هانتا دابا انت...شوية سكت وشاف فيه وحدر راسو
جواد : كمل
جلال : شوف انهضر ومتقلقش مني ومدير حتى ردة فعل
جواد(طلع حاجبو كيخنزر فيه)
جلال : شفتي هاد شوفة لي كتخلعني وغادي تهرب حتى ماريا منك
- دابا مزيان يلاه هضر متخافش مغاديش تنيرفا ولكن الى بقيتي ساكت انقاد ليك عظامك يلاه هضر
جلال : انت عصبي مكتعرفش تعامل مع العيالات بصفة عامة وماريا من نوع العنيد بزااف وانت أعند منها وبضوبل هيا مكتحملش لي يأمرها بلا دليل بالعكس خاصك تكسبها وتقربها منك باش منين تبين ليها صح من الغلط تفهمك هيا عند بالها بلي انت مكتبغيهاش كيفاش بغيتيها تسنط ليك وانت وياها مابيناتكم والو بطبيعة الحال اضرب بكلمتك الحيط عكس أنور كيضحك معاها بحال شي بنيتة صغيرة وبتصرفاتو قبلات تعشا معاه شفتي دابا فين هو المشكيل..😄
جواد : ولكن انت عارف دمي سخون ومكنعرفش نتعامل بهاد طريقة وزايدون تصرفات الواحد كتبين ليه بلي كتبغيه ولالا ماشي ضروري نكولها ليها..
جلال(كلس) :
- ولكن انت بالعكس تصرفاتك مكيبينوش بلي كتبغيها نسيتي شنو دوزتي عليها واش لي كايبغي كيحبس حبيبو فجردة ولي كيبغي كيهز إيدو على حبيبو ولي كيبغي كيجيب صاحبتو لدار سمحليا ولكن هاد تصرفات ماشي ديال شي واحد كيبغي وانتوما بعقلكم ماشي ديال شد ليا نقطع ليك تنازلو شوية وانت بدل من طبعك خاصها تشوفك بلي تبدلتي تساندها تكون معاها دير حوايج كتبغيهم هيا حتى الى كانت غالطة ماشي طلق ليها لعب وترخي ليها لا ولا تأمرها وكلمة لي تكون لا جيبها وكلس انت وهيا وفهمها بلي هادي الحاجة غالطة وعطيها دلائل وبراهين فهمها غير بالمهل راه سيادنا لوالة كاليك غير بالمهل كيتكال بودنجال وكلمة زوينة راه طيعك وبعينيها مغمضين وطيعك على الحق ماشي على الغلط تفكرها مرة مرة بالورد حاجة انت كتعرفها كتبغيها لأنو داك الكبرياء والعناد مفادك لا انت لا هيا بالعكس غير خسرتيها مدام عطيتي راسك فرصة وبغيتيها ترجع ليك حاول تبدل وكون رومانسي شوية راه انت حجرة باردة والله...على فيه جواد عينو هاز حاجبو
- عمري كنت نظن نكول هاد الكلام ولكن عندك الصح فهادشي لي كلتي البيئة لي تربيت فيها خلاتني نكون بحال هكا ولكن واحد الحاجة منضمنهاش كيفاش انشوفها مع انور راه ميمكنش راه نخاف يدي تسبقني ونار الغيرة كتاكل فيا فاش كنتفكر بلي غادي تعشا هيا وياه ناري وشحال باغي نمسح ديك الضحكة على وجهو
جلال : شوف مدير والو خليه يتعشا معاها وانا انتبعهم كون هاني أنا معاك أي حاجة انوصلها ليك متخممش(غمزو)😉
جواد(بقا كيشوف فيه وتبسم) :
- ومافخباريش أصاحبي عندك مع تحريميات ومع القوافي وهادشي ديال العيالات العجب لدابا عمري شفتك مع شي وحدة
جلال(ضحك) :
- غير مجابتهاش الظروف وصافي كنكول مزال الحال
جواد : وراه بديتي تكبر أصاحبي نوض جمع راسك شوف ليك شي بنت ناس تزوج ودير ولادك محدك فهاد العمر وندير ليك عرس مطرطقك دايزو الكلام
جلال : ههههه إن شاء الله يلاه انا مشيت نتجسس على روميو لي لتحت وانت بدل خالتك وهبط بحال إلى ماوقع والو
جواد(حرك راسو بواخا)...
- هبط جلال لتحت لقى أنور شاد تيليفون ديالو كيهضر مع شي ريستو كيوصي فيهم باين ريسطو فين غادي يدي ماريا..شاف فجلال وتبسم ليه...جلال حط البيسي ديالو داير راسو خدام وهو طالق ودنيه وباش مايزيدش يعيق بيه هز تيليفون ودار راسو كيهضر مع شي واحد على أساس الخدمة حتى سمعو بتفصير كيوصي على شكلاط من نوع الفاخر من واحد المحل معروف فكازا سمعو حتى رفض شكوللا لي من نوع الكحول عطاهم سمية ديالو والعنوان...خلى جلال أنور حتى قطع ومشا لبيتو باش يوجد راسو وسنو على نفس المحل دار براسو هو نزار المساعد ديال انور وطلب منهم يبدلو ليه طلبية من نوع ديال شوكولا لي بالكحول...مع قطع دار إيديه ورا راسو وتبسم تبسيمة عريضة علامة نصر..
****
يوما ما ستتخذ الكثير من القرارات التي لا رجعة فيها ستتخلى أولا عن اولائك الذين اعتادوا السيطرة على حياتك وتعمدوا هز ثقة بنفسك مهما كانت صلة الدم التي تربطك بهم ستتخلى عن اللحاق بكل شيء لم تكن تحبه باحثا عن هويتك في إرضاء الآخرين وعن مكانك في صدارة الكثير من النقاشات التي كانت تنتهي بندب في روحك و ستتخلى عن الكثير من أسماء في قائمة الأصدقاء وستكتفي بأقل القليل منهم ستتخلى عن الكثير من ملامح الغضب وتصبح قادرا على السيطرة على صوتك العالي ستكتفي بابتسامة كحق لرد في كثير من المواقف ستصبح أقرب لنفسك أكثر من أي وقت مضى ستتخلى عن الكثير من أحلامك وسوف تستبدلها بتقبل الواقع حولك ستبدأ رحلت البحث عن من يحتاجونك في هذا الكون وستشعر بسعادة لم يسبق لك الشعور بها كل ما كنت انت سبب التغيير في حياتهم للأفضل ستصبح أﻻم الآخرين ذات معنى و ستتألم لألمهم وستصبح قادرا على ملامسة الألم الذي يخفيه البعض ستدرك أنك كنت ستستطيع أن تكون أفضل مما انت عليه اليوم لولا لم تستسلم لكلمات من تعمدوا اخافتك من التقدم و لمحاولة والفشل ستختار ان تكون كما أنت وليس كما يريدونك ان تكون يوما ما ستدرك أنه لم يعد هناك ماتخسره بعد رحيل بعض البشر و سيقتلك ألم رحيلهم ولكنك في لحظة ما ستنسلخ عن شرنقتك كانت تحتجز روحك فتحلق بهذا الكون بحثا عنهم وبحثا عن رضا الله في النهاية..
يوما ما ستتمنى لو قلت نعم بدل لا لو أنك قلت لا بدل نعم لو ضحكت أكثر لو بكيت أكثر لو أنك دافعت عن نفسك أكثر و بررت أكثر لو لم تسأل ذاك السؤال لو قلت له أو لها أحبك لو أنك قلت شيئا مختلفا لو أنك تعمقت لو أنك فعلت لو أنك لم تدخل في المحادثة لو قبلت إعتذار صديقك و احتضنته لو أتيت مبكرا خمس دقائق لو أنك إبتسمت لنفسك في المرآة أكثر لو أنك لم تلتفت لو أنك لم تنتبه و تلاحظ لو أنك ما تمنيت
يوما ما ستتمنى أن تقلب صفحات حياتك و تعبث بعجلة الأيام و تعيد الزمان إلى الوراء كي تعيدها اليك...
****
عند ماريا واقفة فبيتها كتقلب فالماريو ديالها على شنو غادي تلبس من كسوة لكسوة حتى طاح إختيارها على واحد اللبسة سروال فضفاض مع شوميز ديالو لاصقين على شكل صالوبيط بالبلو مارين والبيض حطاتو وجبدات صباط فزرق وساك فزرق وقفات قدام المرايا كتقاد راسها جمعات شعرها على شكل مشيطة مع خصلات مطلوقين دارت ليلونتي فزرق مع رموش فقط ولمسة من كلوس غوز بارد كانت واجدة كاملة مكمولة حتى دخلات عليها أروى
أروى : اوووه صافي وجدتي وراه مزال نص ساعة على العشا
ماريا : عارفاني مكنبغيش نتعطل على الواحد حشومة يجي ويلقاني مزال ماوجدت
أروى : كون كانو العيالات بحال كون واهلي يالخبار هههههه ولكن أش طرا وجرا حتى بغيتي تخرجي تعشاي معاه غير فصباح عتادرتي ليه ودابا باغية تعشاي معاه بافية تشدي زكير مع جواد بهاد طريقة ديري عقلك راه كبرتي زعمة
ماريا : مابقاتش فكبرت واش أأروى مابيني وبينو والو وكيتحكم فيا لا عطي لهدا تيساع لا هذا ماتهضريش معاه انا راه بعقلي ماشي درية صغيرة
أروى : إيوا كيكولو ماينصحك غير لي بغاك ولالا؟
ماريا : هانتي لي بغاك جواد مكيبغينيش اه طلب سماحة وتسامحنا وهو معطانيش نصيحة لا هو أمرني ومن الفوق الى لقيتك معاه نهرس ليك رجليك شنو هيا هادي ماشي أمر لي بغا ينصحك ماشي بديك طريقة ويعطيني برهان بلي سيد خايب انا سيد ماشفت منو والو ومالحكني بوالو وتعامل معايا زوين نجي نكوليه اخويا عطيني بتيساع حيت جواد كاليا نعطيك بتيساع مايمكنش أاروى نصدرو أحكام مسبقة على ناس وحنا ماعشرناهمش وماعرفناش طبعهم كيف داير فهمتيني شنو بغيت نكوليك لي بغا ينصحك كايكوليك انا غير نصحتك وانت راه اتعرفي براسك بلي خايب ومايصلاحش ليك ويخلي ليك الوقت فين تعرفي داك الشخص ويكوليك ديري اطونسيو منو ماشي يأمرك بحال الى ضارب بيك الكاغط سمحيليا
أروى : عندك الصح يمكن جواد غير مقدرش يوصلها ليك بطريقة مزيانة وصافي داكشي باش
ماريا : المهم انا انخرج نتعشا جواد خاصو يعرف بلي الواحد خاصك تجيه بالحيلة وبتفاهم انا ماشي وحدة من الخدم ديالو لي كالها نكوليه نعام اسي ونحني راس حتى انا عندي قراراتي ومن حقي نهضر معامن مابغيت وانا انعرف واش أنوار خايب ولالا وشكون كال كان خايب زمان وتبدل علاش حنا ناس هكا دايرين نحكمو على الواحد ديما من هضرت ناس علاش فينا هاد القاعدة الخايبة كنحكمو على ناس بلاما نعاشروهم المهم سدي هاد الموضوع كيف جيتك بعدا ممم؟؟
أروى : زوينة 😄
ماريا : ويلاه نهبطو لتحت اجي وسيم شفتو باقي ماجا
أروى : راه كال غادي يتعطل هاد العشية
ماريا : أه واخا..
****
أعرف تمامًا ماذا يعني الخذلان من ذلك الشخص الذي وعدك كثيرًا بأن يبقى معك دائمًا،..
أعرف ما هو الانطفاء بعد كل هذا التوهج،..
أعرف الهجران بعد كل هذا الحب،...
أعرف مرارة الكلمة بعد أن كانت ضمادًا، ..
أعرف ما معنى أن يُصبح غريبًا بعد ما كان مألوفًا..
أعرف كثيرًا."
- وصل أنور لابس كوستار فزرق بحال الى متافقين هاز فيدو كرطونة ديال شكلاط سونا فتحات ليه أروى من بعد السلام وتعارف دخل..غير شافتو ماريا وقفات مبسمة مدات ليه إيديها شدي إيدها ونزل عليها بشفايفو باسها
- بصحة وراحة العشا..خرج أنور هو وماريا سبق فتح ليها طوموبيل حتى دخلات سد الباب عاد دار لبلاصتو دار السمطة وحتى عيا دارتها عاد ديمارا وزاد..فجهة خرى مابعيدش بزاف جلال فطوموبيل كحلة صغيرة
جلال(كيهضر فتيليفون) :
- وي شاف كون هاني أنا وراه أه أه هاهوما خرجو أشاف يلاه بسلامة كون هاني مغانغفلش عليهم بسلامة..قطع مع جواد ديمارا طوموبيل وتبعهم...
فواحد الريسطو فطبلة مضوية بضو ديال الشموع صوت المعالق والفراشط وهميات وضحكات ناس كل واحد عايش لحظة ديالو لي مع حبيبو او لي مع مرتو لي مع صديقة أو عائلة جنب سرجم كانت طبلة ديال أنور وماريا كالسين مجمعين ومن محاسن الصدفة أنهم كالسين جنب سرجم جميع حركاتهم مسجلة صورة من عند جلال لي حاضيهم تحت واحد شجرة وحتى واحد مراد ليه البال نهائيا..
أنور : صراحة فاجئتيني فاش رجعتي فقرارك شنو سر؟
ماريا : والو غير حسيت براسي بيخير وقنطت أروى مابغاتش تخرج كلت علاش لا منقبلش العراضة ديالك
أنور(ضحك) :
- أحسن مدرتي صراحة نقدتيني
ماريا(بستغراب) :
- نقدتك مناش بضبط؟
أنور : أول حاجة كنت قنطان وباغي معامن نهضر يعني نقدتنيني من الملل وانقدتيني من الجلسة مع ثلاثة ديال رجال مملين حتى هوما
ماريا(كضحك) :
- شكون هادو؟
أنور : نزار المساعد ديالي او جلال المساعد ديال جواد او جواد...مع دكر سميتو تبدلو الملامح ديالها وعينيها كيبريو
أنور : كنظن كتعرفي جواد ياك بعدا..مع سؤال ديالو جا سرباي باش ياخود طلبات ديالهم تنهدات ماريا حيت جا فالوقت المناسب نقدها من هاد السؤال...من بعد ما عطاو الطلبات لسرباي..هزات ماريا كاس ديال الما شربات ورجعات لكاس لبلاصتو
أنور : كالو ليا بلي عندك شجاعة كبيرة برافو عليك
ماريا(بستغراب) :
- كيفاش؟
أنور : بنت عندها 18سنة وخاطرات بحياتها وقطعات البحر ماشي شجاعة هادي؟
ماريا : اااااه هههه وبرgاgك صحيح معندي منسالك
أنور : ماشي ديما غير ناس المهمين بنسبة ليا
ماريا : انا كنخاف غير من الله لي خلقني حاجة خرى لا الواحد مرة مرة خاصو يجرب شيحاجة مختالفة
أنور : عندك الصح زعمة ماكلتيش بلي السفر مع رجال وانت بنت يقدر يخلق ليك مشكيل معاهم
ماريا : شوف مدام البنت محتارمة راسها ومعطياش المجال لشي واحد يتبسل عليها وجامعة راسها راه حتى واحد مغادي يتبسل عليها اما الى غير حالة فمها وكيكيكي كتفرنس راه بطبيعة الحال اي واحد ايزعم عليها أو لا؟😄
أنور(ضحك) :
- معندي منسالك جوابك على نابك... تحط العشا وهوما كيهضرو مرة مرة فحاجة عادية حتى سولها أنور
أنور(كياكول) :
- زعمة انت بنت زوينة واعية مكاين حتى واحد فحياتك؟
ماريا : بالعربية واش مرتابطة لا
أنور : العجب زعمة شنو هيا هاد الموصفات العجيبة لي مالقيتيهاش فهاد الشخص لي بغيتي؟
ماريا(ضحكات) :
- ههههه موصفات غريبة لالا مكاين لا موصفات لا والو من غير الإحترام والوفاء وتقدير هادو حوايج ماشي مستحيل الوحدة تلقاهم ولالا ولكن فصراحة وليت كانشك انو ممكن يتلقاو حيت الوفاء ولا حاجة صعيبة فهاد زمان ديالنا قليل وبزااف
أنور(بستغراب) :
- علاش زعمة صعيب؟
ماريا : منين تولي تسمع راجل خان مراتو مع صاحبتها وخانها مع ختها فنظرك حاجة معقولة هادي غير كوليا باقي شي وفاء بعد المرات كتمنى كون غير تزاديتي فزمان غير هاد الزمان بعد المرات كنتمنى لو كنت فشي عروبية غير أنا والبقر والبهايم ودجاج تصبح على صياح دجاج وتمسي عليه وتخضر عينيك بالمناظر زوينة بعيد على المدينة وصداعها والمناكر ديالها
أنور : قلبك عامر أماريا
ماريا : ماشي قضية قلبي عامر ولكن هادشي بزااف الى جيت نفكر ولا نهضر فيه غير انمرض راسي ونمرضك معايا وحنى خارجين نفوجو هههه😁 إيوا معاودتيش ليا على راسك
أنور : معنديش شيحاجة سبيسيال فحياتي انا تزاديت فرباط ولكن هاجرنا بكري لإيطاليا بقيت تم وقريت تم إدارة الأعمال والهندسة الفلاحية الهندسة الفلاحية على قبل الوليد باش زعمة نعاونو صافي عندي ختي مزوجة ختي لكبيرة وعاد ختي صغيرة كتقرى هذا مكان
ماريا : همم انت بوحدك لي ولد
أنور : وي الالة انا الوحيد لي ولد
ماريا : اتكون عزيز بزااف
أنور(ضحك) :
- ههههه كالو..
من بعد الأخد والرد سلاو العشا ديالهم ختموها بكاس ديال القهوة مع بيسكوي
ماريا(شافت فساعتها) :
- خاصني نمشي هذا هو الوقت
أنور : مزال الحال
ماريا : راه قربت 9ونص وانا نورمالمو مكنبقاش حتى لهاد الوقت على برا
ماريا : يلاه...خرجو فتح ليها طوموبيل..طلعات دار دور مع العساس وطلع حداها ديمارا وشد طريق نيشان لدار او من وراه جلال...وقفها قدام باب دار...نزل بزربة فتح ليها الباب...وصلها حتى لقدام الباب
ماريا : شكرا بزااف على العشا
أنور : بالعكس انا لي خاصني نشكرك دازت ليلة زوينة بزااف ماسخيتش
ماريا : هههه يلاه تصبح على خير
أنور : وانت من أهلو تيليفون بيناتنا مغاديش تكون هادي آخر مرة
ماريا(أشرات ليها براسها) :
- إن شاء الله بسلامة..تمات داخلة فتحات باب دار وهو مزال واقف شيرات ليها بيديها...وسدات الباب عاد رجع لطوموبيل ركب ديمارا ومشا لدار..
جواد : شد قبل مانهرسو..شوية سونا تيليفونو هز بانت ليه نمرة الحاج..خدا نفس طويل عاد جواب
جواد : الو الواليد كلشي مزيان وي الحمد لله كيفاش ومالكم على هاد الزربة الدنيا مغاديش طير كوليه يصبر أنا ممساليش باش نجي كيفاش صبر بزااف يزيد يصبر مالها غادي طير تسالي إمتحاناتها بعدا ونشوفو الخطوبة الواليد غادي نسد دابا فاش نسالي الخدمة لي عندي نرجع ونديرو الخطبة وحتى العرس الى بغاو دابا انا ممساليس ومعندي فين نجي دبرو راسكم يلاه الواليد الله يعاونك تصبح على خير...قطع مع الحاج ورمى تيليفون
جلال : ياك لاباس؟
جواد : والو غير الحاج معيط على قبل خطبة هاجر المهم ماعلينا سير رتاح انت عييتي اليوم
جلال : وانت؟
جواد(بحزم) :
- جلال سير تنعس
جلال(حدر راسو) :
- واخا تصبح على خير..خرج جلال من عند جواد لي قرب لسرجم حط إيدو على الحيط وإيد فجيبو وتفكيرو غير سارح وكيفكر فماريا لي ممغادراش تفكيرو بتاتا..
مشا جيهت تيليفون ديالو درق نمرة وسونا عليها من بعد شحال عاد سمع صوتها لي تقيييل بنعاس مجرد ماسمع ألو 3مرات قطع...تنهد تنهيدة طويلة..تكا فبلاصتو داير إيدو تحت رايو وكيشوف فسقف حتى ماعقلش إيمتا داه النعاس...
****
لا تَنْدَهِشي إذَا رَفَعْتُ سَمَاعَة الهَاتِف لَيلاً
أمين : معرفتش كولشي ممكن ولكن داكشي لي داز كنكول صعيب
الحاج : خليو كولشي ليام هيا لي غادي تحكم..
****
ماريا(كتشرب فالقهوة ديالها فالبيرو ديال وسيم) :
- إيوا هذا مكان شنو بان ليك؟
وسيم : مكتحسيش بلي جواد يقدر يكون كيبغك؟
ماريا(بدات كتكح وحلات ليها) :
- كضحك عليا لا جواد كيبغيني من نيتك أوسيم وانت عارف كولشي
وسيم : معرفت حيت لوجيست لي دار معاك فشكل
ماريا : عادي غير عتاذر على لي طرا شحال هادي وصافي ماشي شيحاجة
وسيم : معرفتش ولكن واحد الحاجة كالها ليك راه عندو فيها الصح
ماريا(بستغراب) :
- شنو هيا؟
وسيم : أنور بو العيالات فعلا انا لي كنعرفو مزيان حيت انا لي فهاد المجال سنين وسنين كاع أخبار النجوم ورجال الأعمال عندي أنا من كبيرهم لصغيرهم والقضية ديال بو العيالات كاينة أنور ممخلي لا حاحة لا ملاحة أي بنت طاحت عينو عليها كيبغيها ليه ديري منو أطونسيو
ماريا(حطات كاسها) :
- هيا داكشي لي كال جواد بصح عليه ولكن راه ضريف لبارح محاولش يدير معايا حاجة خايبة ولا ضسر بالعكس تعامل معايا معاملة زوينة بزااف بحترام ورقي
ماريا : عندي خدم...مجات فين تكملها حتى هز ليها ساك وجرها من إيديها مخرجها من البيرو تحت أنظار الناس كلها..
قدام باب المجلة مبلاصي طوموبيلتو الحمرة سبق لباب فتحو ليها تصرف بحداتو خلاها مستغربة وكتشوف فيه مصدومة طلعات بجنبو وهو مشى لجهة لوخرا طلع جنبها دار سمطة شاف فيها بإبتسامة ديمارا طوموبيل وزاد...
****
#إفران
وقفات طاكسي بسومية عند القهوة نزلات خلصات من بعد مامشا طاكسي دارت إيديها على جبهتها كتشوف يمين وشمال حتى كتبان ليها طوموبيل ديال يوسف جايا بلاصة يوسف طوموبيلتو نزل منها وهو راسم ضحكة على وجهو...تم جاي جيهتها مد ليها إيديه او وجهو يسلم عليها بعدات وكتفات بسلام غير بيديها وجها ولا حمر
سومية : صباح الخير علاش جايبني على صباح عندي حصة مع ل11
يوسف : حتى ل 11 يلاه 9 هادي مزال ساعتين كلت علاش لا نفطرو بجوج
سومية(بشك) :
- صافي زعمة هادشي لي كاين؟
يوسف : علاش شنو خاصو يكون مثلا؟
سومية : كنسولك انت اما انا معارفاش
يوسف : مكاين والو غير عرضت عليك وصافي الى تنادم معاك الحال نرجعو بحالنا
سومية : شحال فيك ديال عزت النفس زيد زيد جايبني من دار بلا فطور و باغي ترجعني...دخلو لقهوة دومونداو الفطور ديالهم وكل واحد ساكت حتى نطق يوسف :
- شي خبار على ماريا لاباس عليها؟
سومية : الحمد لله غير تيليفون بغيت غير نشد العطلة ونطلب ماما وبابا نمشي عندها عمري زرت كازا
يوسف : ممم مزيان الالة فخبارك جواد كاين تم بحال والو يتلاقاو
سومية : ولا فيك زهايمر راه فايت كلتيها ليا
يوسف : اه بصح نسيت..رجع سكت مرة يشوف فيها مرة يدور راسو عند سرجم وهيا حاضياه وجهو وشوفاتو ماعجبوهاش
سومية : يوسف مالك ياك لاباس عندك شيحاجة ماتكول حاسة بيك الكلام واقف ليك فحلقك ومقادش تنطق بيه
يوسف(بلع ريقو) :
- باين عليا حتى لهاد درجة؟
سومية : وكثر كاع
يوسف(سكت مدة ورجع شاف فيها نيشان) :
- سومية بالعربية كتعجبيني
سومية(علات حجبانها وخرجات عينيها فيه) :
- كيفاش زعمة؟
يوسف : كيف المشماش ولد كتعجبو بنت بغى يعطي راسو وليها فرصة يتقربو من بعضياتهم ويتعرفو على بعضياتهم فيها شي عيب؟
سومية : مافيها حتى عيب غير مكانتش على بالي وصافي ولكن راه حنا مزال صغار
يوسف : واش كتليك غدا انجي لداركم كتليك ابنت الناس كتعجبيني كنرتاح معاك بزااف بغيت نعطيو راسنا فرصة نتعرفو على بعضياتنا مزيان ونتقربو من بعضياتنا وديك ساع ايكون خير وزايدون باش صغار انا 24 وانت 21 طالعة ف22
سومية : يوسف باش نكون صريحة معاك انا ديك.كترت الخروج ودخول كل نهار معنديش معاه باش نكونو واضحين مع بعضياتنا من الأول
يوسف : وحتى انا يلالة ماكتليك والو دابا عشت حياتي كلها فرنسا وعارف كيف نميز كل وحدة لي كتبغي دوز الوقت راه باينة وكنعرفها من شوفة لولة دابا شنو كلتي؟
سومية : معرفتش باش انجاوبك
يوسف : أه لا نسولك واش كنعجبك عزيز عليك كترتاحي معايا؟
سومية : فالأول مكنتش كنحملك بكل صراحة ولكن آخر مرة تلاقينا وكنهضرو فتيليفون عزيتي عليا وكنرتاح فالهضرة معاك
يوسف(تبسم) :
- سلامو عليكم صافي نعتابر هضرتك قبول منك
سومية(ضحكات وحدرات راسها)..جا سرباي بالفطور فطرو بجوج بضحك قرب الوقت لسومية ناض خلص او وصلها حتى لمدرسة بقا حتى دخلات عاد مشا لدار..
***
فدار عند هاجر هازة تيليفون ديالها كتهضر فالواتساب فيديو مع هشام..
هشام(طالع ليه دم) :
- معرفتش هاد خوك خارج لينا من جنب كونماشي خوك كون قسمتو
هاجر(غوبشات فيه) :
- هشااام راه خويا هداك لي كتهضر عليه وانت تقد عليه ماشتيش هو لي يقسمك غير جي وقسم جواد والله إلى كضحك عليا
هشام : وشنو بغيتيني نكوليك عاجبك هاد تمرميدة هادي انا جاي عوال على الخطبة بغيت نرجع لفرنسا نقاد أموري تماك باش منين نرجع نديرو العقد والعرس باش نقاد ليك الوراق ودابا جواد داير لينا العصا فرويضة
هاجر : كل توخيرة فيها خيرة صبر معندنا منديرو وانا ميمكنش ندير شيحاجة بلاما يحضر هو وراه مزيان ليك باش تزيد توحشني😍
هشام : كثر من هاد الوحش لي فيا راه انطرطق شي نهار بالأعصاب لي دار فيا إمتحان مدوزني منو العفو لله..سكت وشاف فيها بحب
هشام : توحشتك أحبيبة بزااف إمتا نتجمعو فدار وحدة
هاجر(حشمات) :
- نعل شيطان وكون تحشم شوية بااز
هشام : الله يعطيني اللقوة إلى مزال هضرت كنهضر مع تهامي مول نعناع انا ماشي مع خطيبتي وعلى الأقل كولي غير توحشتك حتى انا وانت تكولي دابا واش قستك لاحول ولاقوة إلا بالله صبر من عندك ياربي طاح حبي على حجرة مافيهاش المشاعر كاع
هاجر(غوبشات فيه) :
- ياااك اراس طارو واااخا إبوا سير شوف ليك شي هيفاء دلعك اما انا غير تهامي مول شيبة بسلامة انا غادية لافاك...قطعات عليه ايليفون وسدات تيليفون باش يصوني يلقاه طافي توريه تهامي بشحال كيطلع..
****
تمسّكوا بأحبتكم جيدًا، وعبّروا لهم عن حبّكم، واغفروا زلاتَهم؛ فقد ترحلون أو يرحلون يومًا وفي القلب لهم حديثٌ وشوق.
****
مزال شادين طريق وكل مرة ماريا كتشوف فجواد ومفاهمة والو فين غادي بيها الله أعلم حتى قررات تسولو
ماريا : فين غاديين عرفتي شحال من قهوة دزنا عليها؟
جواد(مبرد وعاجبو الحال فرحان) :
- كون بغيت نوقف كون وقفت فأول وحدة ولكن مغاديش نفطرو فالقهوة غير صبري
ماريا : جواد لبارح منكت الخدمة واليوم عندي خدمة كثيرة خاصني نرجع
جواد(شاف فيها) :
- خدامة فالبيترول والخدمة متوقفة عليك براكة من الكدوب معندك والو راه كالها ليا وسيم
جواد : وي جلال مزيان رتاح ليا مع راسك هاد نهار عندك عطلة..قطع تيليفون شاف جيهتها بانت ليه كتشوف فسرجم طالقة شعرها ودايرة كصة على جبهتها كابان كيوت لابسة تريكو فالكرونة مخطط مع سروال دجين كحل وصندالة ميني طالون فالكحل..أما هو كان لابس كاط قهوي مع سروال دجين شوميز مخطة فالحمر فوقها تريكو بسنسلة فالبيج وساعة رياضية فيدو..شوية خدات طوموبيل طريق لوتوروت كتشوف فالبلاكات ديال المدن الرباط سلا القنيطرة مافهمات والو..رجعات شافت فيه
ماريا(بتساؤل) :
- واش حنا مسافرين ولا فين غاديين بضبط؟
جواد : ساعة ديال المكانة وغادي تعرفي متخافيش مغاديش نخطفك ليل اتكوني فدار وناعسة فبيت غير كوني هانية
ماريا(تنهدات تنهيدة طويلة ربعات إيديها وسلمات أمرها لله)...شاف فيها جواد تبسم مد إبديه لتيليفون ديالو برونشاه مع طوموبيل وخدم الموسيقى :
لما شوفتها قلبي دق 3دقات وطبلة دخلت لعب جوا دماغي حكات...
- الأغنية خدامة وجواد كيضرب بصباعو ويصفر متبع معاها...دارت شافت فيه ماريا
ماريا : شفتك ناشط مع راسك
جواد : حسدتيني؟
ماريا : لالا بالعكس الله أودي الله يزيد فرحتك
جواد : أمين...رجعات سكتات حاطة راسها على زاج وكتشوف فطريق كملات ساعة ودخلو لعاصمة المغرب الرباط...عقدات ماريا حجبانها بستغراب وشافت فجواد
ماريا : جايبنا لرباط غير باش تفطر لا واش من نيتك؟
جواد(ضحك) :
- بالعكس خاصك تشكريني لي خديت من وقتي باش نفوج عليك نساي شوية وطلقي شوية وانت ماعييتيش من الأسئلة بحال المحقق كرومبو
ماريا : وراه من حقي نعرف ولالا؟
جواد : مفاجأة الالة والمفاجآت مكيتكالاوش واخا تسكتي شوية..ربعات إيديها وسكتات دار بيها دورة شرفية فرباط وآخر بلاصة وقف فيها فمارينا قدام لي باطو...بلاصة طوموبيل نزل تبعاتو بعينيها فتحات سمطة ونزلات حتى هيا الهوى ديال البحر كيضرب فيها ويلعب بشعرها الجو زوين بزاف وشميسة كضرب فالبحر بحال شي لألئ مضوية..جا واحد السيد لعند جواد سلم عليه وعطاه واحد الساروت ومشا
جواد : أتبقاي واقفة تما بزااف أجي معايا...شد ليها فيديها لمسة ديالو خلاتها ترعد من رجليها لراسها جاها البرد واخا الجو دافي وزوين من بعيد كانو كيبانو أجمل كوبل لي شافهم يعرفهم ميتين فبعضياتهم...تم غادي بيها لقدام واحد الباطو ما كبير ماصغير متوسط ولكن راقي فالبيض وجنابو مطليين بلون ذهبي طلع جواد هو الأول ومد لماريا إيديه جرها بدورها وطلعها..وقفات كتشوف فالمنظر الزوين طبلة محطوطة فيها طباصل كبار فيهم الحوت بالإضافة لقيمرون وكلامار وطرونشات الحامض مع الخبز ..عاد كاس طويلة فالبيض فيه وردة صفرا...وقفات ماريا قدام طبلة كتشوف فيها كيفاش مجهزة محساتش باليخت إيمتا تحرك ولا إيمتا بدا كيبعد على مارينا..نباها جواد من اللور
جواد : عجبك؟
ماريا : زوين ولكن كاين لي كيفطر بالحوت على الصباح؟
جواد : كاين حنا كلت علاش لا بيما أنو حنا على البحر ناكلو الحوت ختاريت البحر حيت عرفتك مكتخافيش منو
ماريا : ماشي مسألة خوف غير شجاعة وصافي
جواد : دابا إلى لحتك هنا تعرفي تعومي؟
ماريا(شافت فيه بستغراب) :
- حماقيتي جايبني لهنا باغي تخلعني
جواد : وياك فاش حركتي تلاحيتي يعني موالفة
ماريا : كاين فرق تماك تلاحيت رملة كانت التحت كنا قراب لبرا ماكناش وسط الما بطبيعة الحال وسط الما غارق
جواد : إيوا يلالة اليوم انعومو انا وياك وتجربي الما الغارق شنو بان ليك؟
ماريا(خرجات عينيها فيه) :
- انا وياك نعومو لالة مكنعومش انا عوم غير انت
جواد : بصح نيت انت خاصك شي لابابو فاش تعومي البحر غادي غير يصرطك
ماريا : علاش زعمة؟
جواد : شوفي انت قداش والبحر قداش
ماريا : زعمة حيت انا قصيرة ياك هادشي لي بغيتي تكول واراه العود لي تحكر هو لي يعميك..
جواد(شاد فيها مزيان) :
- المهم نفطرو بعدا واخا تسنايني أنا جاي..دخل لواحد البيت..كلسات هيا طالقة عينيها عاد شافت اليخت ولا فوسط البحر دغية عقلها مشا لنهار فاش حركات قلبها بدا كيضرب تجربة عمرها تنساها تحدات راسها وتحدات الخوف هيا لي كانت كتخاف من الما وتخاف من الغرق كتخاف تعوم...
تحدات راسها وخوفها وغامرات فوسط البحر قطعاتو لبلاد غيرربلادها لي قليل لبنات لي يديرو هكا..دورات راسها تمحي ذكرى لي جات لبالها حتى كيبان ليها جواد خارج لابس غير شورط بوحديتو صدرو عريان مبرونزي كيبري لون لي عندو المشاهير كيخسرو عليه زبابل ديال الفلوس باش يكسبو بحال هاد اللون وهو كسبو من عند الله لونو طبيعي لي شافو يكول غير رسام لي راسمو كل حاجة فبلاصتها طولات فيه شوفة بلاما تعيق لراسها..جاتو ضحكة وعجبو الحال قرر يلعب على أعصابها ويشوف ردة الفعل ديالها..
جواد(بتفاخر) :
- عجبتك نعطيك تصويرتي؟ماريا فاقت من سهوتها محملاتش راسها وكيفاش قمعها..بلعات ريقها وتبسمات ليه بتسامة صفرا..نظم ليها على طبلة ديال الفطور..حط ليها كولشي قدامها كيشوف فيها مدورة وجها عليه عرف راسو لعب ليها على الوتر الحساس
جواد : عرفتي هاد البلاصة لي حنا عليها معروفة هنا فالمغرب بلي فيها الملايين ديال الأسماك المفترسة غير الله يحفظ مع الله يستر وصافي..دورات وجها كتشوف فيه بستغراب
ماريا : واش كضحك عليا؟
جواد(شاف فيها بجدية) :
- واش باين عليا كنضحك عليك متكوليش ليا خفتي؟
ماريا(ضحكات) :
- لا علاش انخاف جايبنا لخلاوات وسط البحر مامعانا حد وكتكوليا حوت ما حوت ومابغيتينيش نخاف
جواد : مامعانا حد وهدا لي حداك مامقنعكش بوكيمون أنا فطري فطري وانت وليتي صفرا...نزل وجهو على طبسيل كياكول ويصفر ممسوقش كاع شافت ماليهاش ومصارنها كيلعبو بدات حتى هيا كتاكول
ماريا : واش دابا هاد الحوت لي كناكلو حنا ماعندوش ولاد يبكيو عليه كيبقى فيا مسكين كوراه دارهم كيتعدبو على قبلو(كتكول فيها وتاكول وتبنن)..هز عينيه فيها حرك حجبانو بعلامة تعجب منها
جواد : فخبارك الحوت لي كتاكلي فيه أسو السمك المنتقم..هزات عينها فيه وهيا عاجبها الحوت البيض البنين
ماريا(فمها وعامر) :
- كيفاش سمك منتقم؟
جواد(كيشرح ليها) :
- هاد الحوت مسميينو السمك المنتقم كلما تصيد واحد منو باقية الأسماك لي من نوعو بحال ولادو زعمة كينتاقمو لموتو يعني دابا فأي لحظة نقدرو نتعرضو لهجوم من طرف عائلتو فهمتي...ماريا نزلات إيدها بشوية وحطات دغمة من إيدها...كتشوف فيه كيفاش رجع كياكول ممسوقش
- واش من نيتك ههههه واش أعباد الله انت كالسة كتبنني فالحوت وتسولي على عائلتو باه مو وختو وباااز لوجهك كولي كولي أمو سردين كواري كاليك بقا فيها😂...جمعات فمها مخنزرة فيه..حطات لي فيديها وناضت تخطاتو تمات غادية حتى لجهة لخرى او وقفات كتشوف فالبحر..مربعة إيديها حتى بدات كتشم فريحتو القوية وكتحس بأنفاسو على عنقها بلعات ريقها وجاتها دوخة منين حسات بيديه تحطو على كتافها..
جواد(بصوت أشبه بالهمس دغدغ حواسها) :
- مخايفاش من الحوت يطلع وياكلك وانت بوحدك؟امم...ماريا كتهضر مع راسها :
- اللهم الحوت يطلع ياكلني ولا هاد الحوت لكبير لي ورايا..حاولات تبعد منو وتبدل الموضوع
ماريا : جواد حيد اخليني صافي..مخلاهاش تبعد عليه ولاو دقيقة وحدة..دورها عندو كيتفحص الملامح ديالها طلع إيديو لوجها زول خصلة من شعرها بغات دخل فمها..قرب منها بشوية ونزل براسو لجنب راسها قريب من ودنها حركة خلاتها تنفض بين إيديه وتولي بحال شي ورقة كترعد من البرد وتقدر فأي لحظة طير
جواد(بصوت شبه مسموع وبنفس سخون) :
- أنا ماجبتكش لهنا باش نخلعك بالعكس انا جايبك لهنا باش نطلب منك السماحة على البارح وباش ندوز انا وياك نهار زوين كعربون لصداقة ديالنا لي يلاه بدات بالعكس انا هنا باش نحميك ومانخلي حتى حاجة تقلقك ولا تقرب ليك انا معاك وعمري مغادي نخليك فاش تكوني معايا نساي الخوف ونساي أي حاجة تقدر تأديك حيت عمري فحياتي منخلي شيحاجة ضرك...كلامو ليها كان بمتابة البلسم لجروح الماضي لي زرعهم هو براسو فيها ودابا بكلامو كيداوي دوك الجروح لي هو كان سبب ديالهم كلامو خلاها تنسى فين هيا تنسى الوقت وزمن تنسى كولشي حاجة وحدة لي مساخياش بيها هو القرب ديالو فقلبها أمنية أنو تعنقو وتحط راسها على كتفو وهو بحال إلى قرا أفكارها مد إيديه ورا ظهرها جرها عندو وعنقها فوق صدرو العاري والبرد كيلعب بشعرها لي كيضرب فوجهو إيديها لي لا إراديا عنقوه لحظة تاريخية ولأول مرة أتجمعهم مشاعر زوينة بزاااف كل واحد فيهم كيبان حب قوي تجاه الثاني وكل واحد فيهم مكيشوفش فوجه الشخص الثاني ولكن القلوب الملتاحمة كتعبر على كولشي...ماريا تنهدات تنهيدة طويلة بحال إلى كانت هازة شي حمل على كتافها ولاحتو أما جواد لي مكرهش يبقى هكا هيا بين إيديه وهو بين إيديه العمر كلو...شوية بعدات عليه وراسها منزلاه التحت..شوية تسمع صوت مصارنها
جواد(ضحك) :
- دقايقية بداو عندك يلاه تاكلي قبل متاكليني أنا عارفك فاش كيتعماو عينيك بجوع مكتبقاي تفرقي بين البشر وبين الماكلة...ماريا جات تجاوبو ولكن غلباتها ضحكة هاد المرة...
ماريا : 😂😂😂😂..
تأكد تماماً أني أفهمك رغم الصمت ..
بل أفهمك عبر الصمت
ثم يُرسل الله إليك شخصًا❤ 💦
يُزهر ما أذبلته الأيام في قلبك
- من بعدما سلاو الغطور دحدخل جواد هو وماريا ليخت الداخل هبطو مع واحد الدروج لواحد البيت كبير شوية داك البيت فيه واحد الباب بحال البير كيتفتح ويتسد باليد ديالو كاين فأرضية ديال اليخت
ماريا(بستغراب) :
- ديالاش هادي؟
جواد : انا غادي نوريك ديالاش..حط إيدو على ديك اليد جبدها وتفتح داك الباب بان لماريا الما ديال البحر لتحت
جواد : هادي كيسهال علينا نهبطو لما ونطلعو بسهولة بلاما نتلاحو من الفوق ونعاودو نطلعو من دروج فهمتي دابا؟
ماريا : هكاك عاد فهمت دابا ولكن علاش كتكول نتلاحو انا مغاديش نعوم عرفتي من نهار حركت وعمت عمري ماعمت فالبحر
جواد : حاجة مزيانة عادي فىصة باش ترجعي تعيشي ديك المغامرة
ماريا : لا بلاش والله انا نكلس هنا وانت هبط عوم
جواد(ضحك) :
- واش خايفة؟..ماريا كتشوف فيه هيا مخايفاش من البحر ولا من العومان هيا خايفة تهبط الما معاه قربو ليها كيوترها بزااف وكيخليها ترجف بلعات ريقها وقرات تكذب عليه
ماريا(دوزات إيدها فشعرها) :
- صراحة اه انا خايفة من الما من داك الوقت وليت كنخاف من الما
جواد(صغر عينيه بشك معرفاش بلي هو خطير فقراءة الملامح توتر لي بان على ماريا وإيدها لي دوزاتها فشعرها كيدلو بلي خايفة منو هو خصوصا فاش دورات وجها ومابغاتش تشوف فعينيه) :
- واش انت خايفة من الما ولا خايفة مني أنا؟
ماريا(ضحكات بتوتر) :
- منك انت لا علاش انخاف منك عادي
جواد : وإلى كان عادي اطلعي اتلقاي واحد البوشيط خوديها ولبسي لي فيها ويلاه بينما وجد الغدا ونتغداو يلاه سيري...ماريا ماعرفات ماتكول أول حاجة عمرو شافها عريانة هادي لولة وعمر شي واحد شافها عريانة ماعرفات متكول ليه الحل الوحيد لي عندها هيا اتمشي وتكوليه مجاش قدها وتهنى مع رساتها تبسمات من هاد الفكرة أشرات ليه براسها وطلعات تبعات نعت لي عطاها حتى دخلات لواحد البيت فيه فوطوي كبير فالبيج ومخيدات صغار بانت ليها واحد البلاستيكة كحلة وفيها وريدات فذهبي فتحاتها جبدات منها بوشيطة بيضة فتحاتها كيبان ليها توب فالأزرق ملكي..فتحاتها كتلقى كسوة بلا إيدين بحرية فالأزرق ملكي مع جيلي ديالها الكسوة فوق ركبة وجيلي ديالها عند ركبة بلهدوب تبسمات حيت كانت متوقعة تلقى دو بياس مكانتش متوقعة بلي اتلقى كسوة...حسات بيديه على كرشها حركة خلاتها تنقز من بلاصتها وقلبها كيضرب بجهد يقدر يكون سمعو ولات كلها كاترعد حسات بأنفاسو سخونة على عنقها
جواد(بالهمس) :
- كيجاتك المفاجأة؟
ماريا(لسانها تسرط) :
- مم زو زوينة
جواد(بعد شوية) :
- شفتك تعطلتي كلت الى مزال مالبستي نجي نعاونك
ماريا : لالا انا انلبس ونجي غير سير سبقني...دارت كتشوف فالحيط وتهضر مع راسها
ماريا : هءا مالو واش فورماطاه شي واحد ياربي دير شي تويل هاد نهار ياربي يخرج لينا شي حوت كبير يخلينا نرجعو بلا ميجال
جواد(سمعها جاتو ضحكة دار إيديه فجيابو وتقاد فالوقفة) :
- كلتي شيحاجة؟
ماريا(دارت لقاتو مزال وراها) :
- لا ماكلت والو غير سير انا جايا
جواد : اهاه واخا...رجع خطوات لور وخرج من لبيت كيضحك..مدة وهيا فالبيت غادية جايا بالكسوة لي لبسات وجات مفصلة عليها الى كدبات عليه ايطلب منها تلبسها وايحصل كدوبها معندها مدير غير تنزل والى كدبات وكاتليه فيها دوخة هيا فايتة قطعات البحر أميال هوما حارت وماعرفات شنو تقدم ولا توخر تنهدات تنهيدة طويلة هزات شعرها لفوق على شكل ديل حصان حدرات لكسوة شوية وخرجات غادية بخطوات بطيئة كتحاول تعطل ما أمكن كلما كتزيد خطوة لقدام إيديها كيعرقو وجها كيولي بارد نبضات قلبها كيرتافعو وسنانها كيترعدو ماشي من البرد الجو دافي وشميشة سخونة ولكن متوترة من جواد من قربو زايد ليها جاهاوهادشي دقة وحدة مكانتش متوقعاه حتى كالت بعدات عليه وهاهيا دابا حداه وقريبة ليه كتر من الأول بين إيديه غير هيا وهو والبحر مابغاتش تفكر فشنو غادي يوقع خلات كلشي لوقت المهم هيا تعيش نهار بنهارو وزايدون مناش اتخاف هوما غير أصدقاء اه بصح مال دماغها مشا بعيد غير عنقها صافي راه ولاو كوبل ولا كاينة شيحاجة
ماريا(كتخاصم فراسها):
- مالك ديما عقلك ماشي لبعيد راه غير أصدقاء عادي تهدني شوية وانت تكولي غادي ياكلك..تمات هابطة بشوية فدروج مسبقة راسها كطل..هو كان متكي على رولاكس إيد تحت راسو ويد كياكل بيها البيستاج غير حس بيها ناض وبقى كالس دور راسو عندها حبة كانت فمو يلاه أيمضغها بقات هكاك عينيه تفيكساو عليها من رجليها لي بلون لحليب صباعها لي حمرين بحال لفريز طالع بعينيه لعند وجها كتبان زوينة بزاف لكسوة مفصلة عليها تفصيل برزات جمالها كلو لون الكسوة مع لون البشرة خلقو سحر ميقدرش شي واحد يقاومو...وقف جواد وعينيه مزال مبهورين بيها بلع ريقو لصعوبة..أما هيا عجبها الحال بنظرات الإعجاب لي على عينيه هزات حاجبها ليمن وتبسمات بدلع ونطقات:
- جواد يكما نعطيك تصويرتي؟😉
فيقو كلامها من سهوة ديالو حدر راسو وضحك
جواد : مكتنسايش ضروري ترجعي صرف
ماريا(ضحكات) :
- مكنبغيش نبقى مدينة لشي حد ويبقى يتسالني
جواد : نزلي وبراكة من الهضرة خلينا نعومو قبل متبرد الشمس...نزلات ولات مقابلة معاه
ماريا(بتساؤل) :
- واش مغاديش يطلع لينا الحوت راه غارق بزااف
جواد(جاتو الهيستيرية ديال الضحك) :
- لا واش من نيتك؟
ماريا : لا من كفاية كنهضر بصح وانت كضحك بااز
جواد : واش انا معاك وخايفة..جرها من إيديها لعندو دار من وراها حط إيديه على كتافها وزول ليها جيلي دقات قلبها طلعو وجاتها رعدة من جديدة جواد ناوي يصفيها ليها هاد نهار..دار تقابل معاها كيشوف فوجها شد وجها بين إيديه مركز مع عينيها
جواد : معندك مناش تخافي انت زعمة فايت قاطعة البحر
ماريا(بصوت بحال بنية صغيرة) :
- ولكن راه كنت فوسط الفلوكة ماشي مني لما..
جواد : مكاين مناش تخافي أجي معايا جرها من إيديها وقف جنب الحافة ظيال الباب الما كيبان زرق من الفوق..ماريا كتشوف فيه وتشوف فالما
ماريا : و واش بارد؟
جواد : لا سخون مع حنا جايين نديرو صونا
ماريا : جواااد
جواد : وانت لي كتسولي شي أسئلة لعفو الما ديال البحر كيف بغيتيه يكون يلاه هاكي هادو ديريهم... عطاها نظارات ديال زاج فيهم جوج تيوات باش تقدر تنفس تحت الما دارتهم قادهم ليها شداتو الضحكة على المنظر ديالها
جواد : اري يدك..شد ليها فيديها مزير عليها
جواد : غمضي عينيك..شافت فيه وغنضات عينيها...حسات بيه جرها وشهقة طلعت من فمها بالما البارد لي غمر الجسم ديالها...شدها من الخصر ديالها معنقها...فتحات عينيها بشوية على وجهو الفازك وشعرو راجع باللور قطرات من الما كيطيحو من شفارو طوالو والإبتسامة على وجهو
جواد(بتساؤل محيد النظارات من على وجهو) :
- مزيان دابا؟
- أشرات ليه ماريا براسها بمعنى أه
جواد : يلاه نحسب حتى ل3 انغطسو بجوج
ماريا : واخا...حسب جواد حتى ل3 وهيا تغطس هيا وياه عالم أخور تكون انت وشخص لي كتبغي تحت الما شاد بيديك كتشوف راسك تحت الما كتزيد تغطس وتزيد تغطس...حسات بيد جواد على ظهرها شافت فيه أشر ليها بصبعو لواحد جهة دورات راسها بان ليها صف ديال الحوت صغير غادي مكرهاتش كون كان فيديها تيليفون تصور هاد المنظر كانت الفرحة باينة فعينيها أجمل إحساس حاساه دابا وخصوصا معاها جواد كيفاش كيعوم قدامها بحال شي حوتة كيخليها وراه ويرجع يجرها من إيدها باش تقاد معاه عمق البحر عالم أخور فين يبان البر..رجع شدها من إيديها بجوج وخلاها تقابل معاه كتلعب برجليها بقات هيا وياه على داك شكل حتى حسات براسها طلعات لفوق خرجو راسهم زولات دوك نظاظر كتنفس وتنهج شعرها فازك على وجها فمها حمر والما كيقطر من شفارها...كضحك عاجبها الحال أما جواد لي كان مسحور بيها منزلش عينيه عليها كيفاش كضحك وكيفاش عاجبها الحال وصل على هضرت جلال فعلا خاص غير تعامل زوين وحنان وتكسب قلب لي كتبغي...طلعو من الما مشفو ريوسهم مزيان من الما رجعات ماريا حوايجها ورجعات عند جواد
ماريا : فيا جوع😣
جواد(كيضحك) :
- البحر راه كيجوع 5دقايق والغدا أيكون واجد كلسي...كلسات ماريا على رولاكس مجبد مقابلة مع سما صافيا والمواج ديال البحر...بقى كيشوف فيها وهو يسولها
جواد : باش كتحسي دابا؟
ماريا(تنهدات تنهيدة طويلة) :
- إحساس زوين بزااف كنحس براحة البحر كيفاجي على الواحد كتحس بكل موجة كتمشي وكتدي معاها همك
جواد : بصح مكاين ماحسن من البحر
سكتات وطولات شوفة فالبحر وهيا مبسمة مرة تغمض عينيها ومرة كتحلهم دورات راسها على غفلة لجيهتو لقاتو كيشوف فيها..جمعات حجبانها مغوبشة بستغراب ومغمضة عينيها نص غمضة من ضو شمس لي ضارب فعينيها بزااف
ماريا(بتساؤل) :
- مالك كتشوف فيا؟
جواد(هز حاجب وهبط الثاني) :
- باش عرفتيني كنشوف فيك؟
ماريا : وراه شفتك
جواد : شفتييي دابا انت لي كتشوفي فيا ومدامك كاتشوفي فيا حتى انا من حقي نشوف فيك
ماريا : كتندم لواحد علاش يسولك..ضحك جواد او وقف شاف فالبحر وشاف فيها
جواد : مزياااان ودابا بغيتك تغوتي على حر جهدك تجبديها من أعماقك من الداخل ديالك من قلبك بأعلى صوت غوتي على حر جهدك...حلات ماريا عينيها وشافت فيه بستغراب وهيا مزال هازة إيديها
جواد(حرك راسو بالإيجاب) :
- أه اااه ديري لي كتليك وغادي تشوفي نتيجة وتعرفي علاش طلبت منك هكا يلاه رجعي سدي عينيك وديري لي كلت ليك حاجة وحدة فكري فكاع لي داز عليك حلو او مر كيفما كان من صغرك حتى لهاد الوقت نسايني انا واش كاين نساي راسك فين انت حسي براسك بلي غير انت والبحر وبلي الموج جاي باش يدي كاع المشاكل ديالك لي فاتو ويعطيك صفحة جديدة ويمشي...ماريا بقات كتمعن فكل كلمة كالها فعلا سرحات بخيالها ورجعات بداكرتها لور كاع لي داز عليها خايب او زوين لي داز مع مها ومع وردة ومع جواد مع كولشي خدات نفس عميق ومن أعماق قلبها طلقات غوتة تردد الصدا ديالها فقاع البحر صدى صوت تردد شحال من مرة...قلبها كيضرب بجهد وحسات بواحد الراحة غريبة راحة عجباتها وفرحاتها قبل ماينطق جواد عاودات الكرة مرة أخرى وبصوت أعلى وأقوى حتى حسات بقرجوتها تجرحات...سكتات شوية وغوتات لمرة ثالتة عاد حسات براسها رتاحت كليا..حلات عينيها ونفس كيخرج منها نقي ومرييييح..عاد رجعات لواقع ديالها عاقت براسها دارت بشوية عند جواد لقاتو كيشوف فيها..
ماريا : مالك كتشوف فيا بحال الى طايح عليك الضيم؟
جواد : بسيف مايطيح عليا الضيم أخر نهار اناكول فيه الحوت هو اليوم
ماريا(بتساؤل) :
- علاش؟
جواد : بصوتك راه هربتي كاع الحوت من البحر كلنا ليك اغوتة وحدة انت شديتيها مابغيتيش طلقيها
ماريا(كضحك) :
- ههههه وانت لي علمتيني ولكن بيني وبينك رتاحيت بزااف والله
جواد(تبسم) :
- داكشي لي بغيت..
على طبلة ديال الغدا محطوط أصناف ديال الحوت وفواكه البحر وأغلبية غير مشويات ماريا حتى لماكلة مكتحتاجش عراضة كتعرض على راسها براسها داخلة طول عرض مرة مرة كتبادل اطراف الحديت مع جواد وفمها عامر حتى سلات ورجعات اللور..
جواد : صافي شبعتي نزيدك حاجة خرى؟
ماريا : لالا الله يجعل البراكة الحمد لله شبعت..شافت فسما بانت ليها شميسة بدات كتبرد نزلات عينها فتيليفون كيبان ليها الوقت فات
ماريا : وقيلة خاصنا نمشيو؟
جواد(مفيكسي عينيه فعينيها) :
- علاش مزال الحال صافي سخيتي؟
ماريا : ماشي هكاك ولكن من صباح وانا خارجة وايكونو سوناو عليا وتيليفون لقاوه طافي ايتخلعو
جواد(غوبش شوية وصغر عينيه بصوت رجولي).:
- شكون هوما؟😒
ماريا : بابا ماما وسيم اروى داكشي باش براكة علينا حسن نمشيو...صرط جواد ريقو بصعوبة حيت جا فبالو غير أنور مابغاش يحكى ولا يبزز عليها خلاها تاخود راحتها خصوصا هو عاد بدا يميل قلبها
جواد(تبسم) :
- واخا انا جاي...دخل لداخل غير شوية بدا الباطو كيتحرك شوية رجع جواد ولابس لبسة باش جا...بقات هيا وياه واقفين جنب الحافة البرد كيلعب ليها بشعرها وهيا سارحة بعينيها من المنظر زوين رشات ديال الما قطرو على نيفها ورموشها مكرهش فهاد الوقت يكون رسام ويرسمها ولكن عينيه خداو هاد الدور ورسمو هاد اللوحة زوينة فذاكرة ديالو عمرها تحيد ولا تنسى واخا يفوت ايام وأعوام..
****
فدار ديال جواد كالس جلال مقابل مع نزار او وسطهم طبلة ديال شطرنج كيلعبو كلما غلب واحد كيغوت ويضحك بصوت مرتفع خصوصا جلال لي كان الحظ من نصيب ديالو..
نزار(بغضب) :
- لالا غش هذا ميمكنش
جلال(كيضحااااك).:
- أشمن غش أصاحبي علاش متكولش بلي انت لي مكتعرفش تلعب حشومة حتى فهادي غلبتك همم بقيتي فيا
جلال : ياوالله لاتفاكيت معاك واش انا كتليك لعب واش انا كتليك تخاطر معايا انت لي بغيتي واخلص😁...فجنب لاخور قدام السىجم لكبير واقف نزار شاد تيليفون فيديه كيلعب بيه عاقد حجبانو وملامح الغضب وتساؤل والحيرة على وجهو كيهضر غير مع راسو من صباح كيسيفط لماريا ميساجات والو وفاش سوما تيليفون خارج الخدمة هادي 10مرة سونا او والو ولي جننو وخلا دمو يسخن هو فاش سونا لوسيم وسولو عليها كاليه.. :
- خرجات من صباح بكري
أنور : معرفتيش فين مشات؟
وسيم : إيوا الله أعلم انا مكتسولهاش فين غادة وفينا جايا لي فخباري وشافتو عينيا هو جا عندها واحد سيد ومشات معاه
أنور(ترون ليه عقلو) :
- شكون هاد السيد؟
وسيم : ولاواه أسي أنور ماشي حتى لهاد الدرجة انا ماشي بودي كارد ديالها هيا حرة انا مكنسولها لا فين نشيتي لافين جيتي المهم خرجات معاه وراه مزال مارجعت😈
أنور(كيبلع فريقو وبردة) :
- اه واخا شكرا أوسيم وسمحليا عدبتك
وسيم(بضحكة شريرة) :
- لا هانية مرحبا..
- كلام وسيم خلى عقل أنور يدي ويجيب شكون هذا لي خرجات معاه ماريا مشا عقلو لجواد بحكم حتى هو من صباح وهو غابر ولكن وسيم كيعرف جواد كون كان هو كون كاليه جواد هو كاليه واحد السيد زعمة ماريا تكون كتعرف شي واحد ومرتابطة بيه ولكن فاش سولها كاتليه لا عقلو تخربق وتعصب ومابقاش حامل يسمع نقاش وضحك هاد جوج..دار عندهم عاقد غوباشتو
أنور(بصرامة) :
- ديرو عقلكم شوية وانتوما بحال شي جوج بزاقل كيلعبو قدام باب دارهم راه شعركم شاب خاصكم الولاد...ضرب فيهم وطلع خلاهم سكتو بجوج ومتبعينو بالعين دار نزار ع جلال شاف فيه بتساؤل وجلال كذلك
جلال : مال هذا ياك لاباس؟
نزار : علمي علمك هانتا كتشوف نطلع نسولو وقيلة؟
جلال : من نيتك انت عارف أنور فاش كيكون معصب مكيبغي حد يهضر معاه منصحكش انا بعدا فبلاصتك نكلس بلاصتي ومندير والو خليه حتى يتفش على خاطر خاطرو..شاف فيه نزار وأيدو فقرارو بسكات..
سيدها الجزء 15
محتوى القصة
التنقل بين الأجزاء