كالسة ساهية كتلعب برجليها حتى سمعات الدقان قفزات من بلاصتها كتجري لباب فتحاتو لقاتو جلال جراتو من إيدو دخل وطلات براسها كتشوف فزنقة واش تابعو شي واحد ولا شافو شي واحد..سدات الباب بساروت...خباتو فجيبها وتبعات جلال لي بقا واقف كيشوف فيها مافاهم والو...
جلال(عاقد غوباشتو مافاهم والو)..:
- ياك لاباس شفتك ماشي حتى لتما؟
ماريا : بلاتي صبر...شدات تيليفونها طفاتو وفتحاتو كامل لاكارط بوحدها ولباتري وكارت ميموار كولشي حطاتهم...مرابانا يكون داير ليها شي ابليكاسيو ديال تجسس...بقى متبعها بالغين شنو كدير حتى سالات وشافت فيه..
ماريا : جلال انا واخا مكنعرفكش مزيان ولكن كنتيق فيك انت اليد ليمنى لجواد انت بحال خوه وكثر يااك هو ديما كيعاود عليك وتايق فيك ياك
ماريا : عطيني العهد هادشي لي نكوليك مايسيق ليه لخبار حتى واحد
جلال(زادت شوشاتو كتر):
- وغير هضري راه شوشتيني مالك؟
ماريا : ولا عطيني العهد هو لول..
جلال : الالة كنعطيك العهد هضري خلاص..
ماريا : شوف انا تخطفت..
جلال(بعينسن مامتيقاش) :
- تخطفتي واش كتهضري من نيتك
ماريا : واش هدشي فنظرك كيضحكو فيه الناس قسنا بالله حتى تخطفت سمعني فخبارك الكارطونة لي جاتني فاش كنت عند وسيم فيها كشكول؟
جلال : اه كالها ليا جواد ولكن كاليا يقدر تغالطات ليهم لادريس
ماريا : لا فاش جينا دخلت لكوزينة كنلقى نفاخة فجردة مكتوبة فيها مرحبا برجوعك أميرتي الغالية عند بالي بلي جواد ولكن كاليا بلي هو ماسيفط والو...دوزناها فاش فتحت الكافي جاتني نفس الكارطونة لي فيها الكاشكول ومعاه رسالة انا مافهمت والو وحرقت ديك الكارطونة...ونهار لي عرض عليا حواد الزواج تاصل بيا واحد للشخص وكاليا مانفرحش بزااف من الخوف مابقيتش عاقلة على شنو كال ليا المهم عرفت من كلامو بلي مراقبني فالأول كلت هادشي اتخربيق وشي واحد باغي يلعب معايا..ولكن اليوم فاش خليتيني ومشيتي افكرت واحد الغرض خاصني نقضيه فاش خرجت تلاقيت بواحد البنيتة صغيرة عطاتني وردة فاش شميتها جاتني غريبة وزدت شميتها من تم مابقيت عقلت على والو..جلال تشوكا غوبش وكلس..
- دارو ليك مخدر من نوع القاصح..كملي..
ماريا : فقت لقيت راسي فواحد القاعة بحال سنيما كبيرة.....عاودات ليه كولشي لي وقع بتفصيل الممل..
جلال : دابا هاد جارك لي هنا هو لي خطفك؟واش أماريا متأكدة راه هادشي لي كتكولي راه واعر بزاااف ولينا فالمكسيك حنا على هاد الحساب😡
ماريا : أه جاني عندو إنفصام فشخصية حتى من عائلتو ماعارفين عليه والو بنسبة ليهم هو ذياب ولكن هو كاليا سميتو الثعلب..جلال وقف بصدمة
- أش كلتي عاودي عاودي الثعلب؟واش متأكدة؟
ماريا : أه متأكدة
جلال : هاد القضية مشابكة مع بعضياتها الى كان هذاك لي فبالي حنا كنتعاملو مع إنسان خطير...الثعلب راه معروف فأوروبا كيتاجر فلممنوعات..
ماريا(مخلوعة) :
- واش الكوكايين ولحشيش؟
جلال : الكوكايين والحشيش ماشي بوحدهم من الممنوعات كاين بزااف فتجارة الممنوعة الثعلب كيتاجر فالأدوية كيهرب ويدخل خارج لبلاد وداخل لبلاد كيدخل السلعة من جبال وغير لبلايص الواعرة لي ميكونوش فيها البوليس ومايتعرضش لتفتيش عرفتي شحال وهوما كيقلبو عليه البوليس المشكيل هو كيعرف كاع الريوس لكبار الى مشا حتى طاح ايشهد على كولشي...ولكن هذا راه مريض خاصو لحبس اش هاد تخربيق
ماريا : اه مريض حيت اليوم جاني فشكل ونهار شفتو مع ختو كيبان شكل أخور..
جلال : وصفيه ليا هاد زمر كيداير؟
ماريا : طويل سمر وعندو الشعر طويل شوية وداير 3 ديال الخواتم فيديه..
جلال : هو هو هداك خاصنا نكولوها لجواد ضروري هادشي راه مكيتخباش..
ماريا : لا لا عفاااك لا انت ماشفتيش اش نو دار راه عاودت ليك شنو شاد عليه جواد ليوم دار اكسيدون صغيرة وبسبابو الى مشى حتى عرفت تقدر حياتو تمشي فيها..
جلال : واش انت هبيلة غير اجي وقتل جواد انت موااال مكتعرفي على جواد يمكن والو...الى فخبارك بلي جواد دوز تجنيد شحاال هادا وكان يمكن ليه يولي ضابط ممتاز ولكن هو مابغاش يدخل لمخزن ختار التجارة ويقابل الشركات ديال باه البوليس كاع صحابو الى مشا حتى قرب ليه راه حفر قبرو بيدو..
ماريا(كتحك فعنقها) :
- لا واخا هكاك لا انا خايفة عليه جلال نسيت حاجة خرا كاليا بلي هو زارع رجال خدامين عند جواد وكيوصلو ليه لكبيرة وصغيرة وقراب ليه...شاف فيها جلال بصدمة ورجع كلس شاد راسو بين يديه...
ماريا : أنا جاتني واحد للفكرة على بالي سمعها ودورها فدماغك مزياااان ورد عليا لخبار حيت ماعندنا من غيرها...شاف فيها جلال ورجع وقف دار يديه فجيابو كيشوف فيها بجدية :
- هضري انا كنسمعك...
نكتشف في النّهاية أن البوح ليس سهلاً للمقرّبين كما يصوّره الآخرون، بل صعب جدا، والبوح للغرباء متعة وراحة وأمان، لأن كل ما ستقوله سيذهب معهم حيث يذهبون، ولن يفهموا سوى ماتريد، سيقفون بجانبك، سيدعمونك، يضحكون ويبكون معك، لأنهم لايعرفون أحدا من الحكاية كلّها إلا أنت.
#الليالي_البيضاء
دوستويفسكي..
****
جلال : شحال عطاك ديال الوقت وتجاوبيه؟
ماريا : ساعتين
جلال : من هضرتك راه ايكون عارفني كاين عندك ونزيدك مدام عارفك اش كديري وشنو كتكولي ايكون داير الكاميرات فالقهوة مافكرتيش فيها هادي
ماريا(كتفكر) :
- أيااااه عندك الصح كاعما فكرة فيها ولايتي مكلخة أنا..
جلال : مايمكنش لينا نقلبو القهوة حتى الى لقينا لكاميرات منقدوش نحيدوهم يقدر يدير غيرهم هاد السيد معندوش حدود
ماريا : مكلتيش ليا البلان لي كتليك كيجاك؟؟...شاف فيها جلال وسكت كيحك فلحيتو داير يديه على جنابو غادي جاي..
- ماريا راه هذا هو الحل أجلال اشنو اتمشي تكولها لجواد اشنو اول حاجة ايدير يجي ليه يعطيه قتلة ديال لعصا يعيط على لبةليس مثلا هاهو عيط عليهم انت بفمك كلتي شحال هوما كيقلبو عليه حتى وجهو معارفينوش كيداير نزيدك يقلبو فسجل ديالو ايلقاوه نقي باه معروف بالبيع ديال توابات ناس شادين تيقارهم من أطيب خلق الله حتى دوك لي عارفين شكون هو الثعلب وكيتعاملو معاه والله مغادي يشهدو فيه ايكولو ليك مكنعرفوهش مغادي يدي منو لاحق لا باطل ايهلكو عصا وفالاخر منين يتطلق بلي مداير والو ديك ساع ايتوالة جواد وانا بجوج بينا سمحليا اجلال انا منقدرش نغامر تكول ليا لي كلتي..
جلال(كيشوف فيها) :
- كتبغيه لهاد درجة؟...شافت فيه وتنهدات رجعات بلور وكلسات..
- كلمة كنبغيك قليلة فحقو كنبغيه بزااف معاه كنحس بالأمان وبواحد الراحة واحد للانسان شارك معاك أحلامك كيحميك فكل ساعة كيكون معاك بحال شي مشة كتحمي ولادها جواد راه ماشي غير كنبغيك وغادي نتزوجو صافي شيحاجة كتاااار حتى شي واحد مايقدر يعرفها ولا يحس بيها غير انا وهو واخا توصل بيا نموت انا منترددش وميتأداش هو أصلا انا حياتي بلا بيه ماعندهاش قيمة راه منقدرش أجلال نعيش بلا بيه عرفتي شنو هيا منقدرش نعيش بلا بيه راه تمشي حتى توقع ليه شيحاجة راه نموت قسما بالله نموت😭😭(كتبكي وتنخصص)...كلس جلال حداها كيدوز على ظهرها ويسكت فيها..
- حتى انا بحالك وكثر جواد ماشي غير باطرون راه خويا هداك راه نعطيه لحمي ومنترددش جمعني من زنقة دار ليا قيمة وعاطيني أحسن بوسط داير ليا كولشي فيدي ومأمني على كلشي اي حاجة كيعاودها ليا فيها خويا صاحبي با مي فيه كولشي يفكر شي واحد يأديه والله حتى ندبحو ونشرب من دمو ونمشي على مو لحبس مايهمنيش..
ماريا(كتمسح دموعها) :
- حتى انت عزيز عليه بزااف وكيقدرك بلاصتك كبيرة عندو..
جلال : عرفتي شنو الفكرة ديالك مزيانة ولكن كيفاش اطبقيها بلاما يعرف جواد كيفاش غادي ديري؟
ماريا : والله ماعرفت كنفكر مزال شنو انكوليك وشنو غادي ندير...سكت جلال كيفكر تفكر شيحاجة وشاف فيها :
ماريا : باش هو مايبغيش ونجبدو صداع ياااك فهمتك دابا فهمتك ولله الى ماعندي مانسالك..
جلال : انت بغيتيه يبعد عليك واحد المدة قصيرة وهذا هو الحل راه مكاين حتى شي حل أخور من غير هذا هادشي لي بان ليا..
ماريا : وانت شنو غادي دير؟
جلال : انا وليت كنشك فكولشي منكدبش عليك أجي نسولك أول مرة طلبك جواد لزواج فاش تافقتي انت وياه فين كنتو شكون كان معاكم؟
ماريا(كتفكر) :
- داني لفيرما باش يهضر تما على راحتو مكان حتى شي واحد من غير لمرا لي مقابلة ليه دار تماك..
جلال : صافي انت خرجك هاد السوق حاجة وحدة ماتعاودي لحتى واحد شيحاجة وكابلي لسانك فاش تكوني فللقهوة مع البنات تصرفي عادي ديري بحال الى راه وصل لداكشي لي بغى فهمتيني مابغيناهش يشك فوالو...اول حاجة اتاخدي تيليفون يكون صغير ديري فيه نمرة جديدة باش نبقاو انا وانت على اتصال والى فرضا سونا وكاليك اشنو كنتي كديري معايا كوليه بلي كتعرفيني قبل منو وقبل من جواد صديق ديال صغر ورحلت لشي بلاصة وعاد تلاقينا من جديد المهم ختارعي شيحاجة وصافي
ماريا : واخا وهادشي جا مع عرس هاجر تخربقت وحق الله
جلال : كولشي كيتحل غير بالعقل انا خاصني نمشي فتحي تيليفونك وماتنسايش تكولي ليه لي كتليك وغدا فصباح خودي تيليفون وسيم جديدة ردي بالك مزيااان اماريا هاد السيد راه مطاااور وضارب حسابو مزياااان فهمتيني
ماريا : فهمتك
جلال : نوصيك ماتبينيش ليه بلي هايفة منو ايلقى نقطة ضعفك ويستخدمها ضك واصلا هو داكشي لي كيدير دابا وفاش تكوني فللفيلا حضي راسك مزياان دابا راه مابقات ثقة حتى فلخدم ماتعرف شكون معاك ولا ضدك الناس لي مديتي ليهم يديك عضوها وغدروك عرفتي ونعرف شكون كيلعب ورا ظهر جواد قسما بالله لا رحمتو ..يلاه بسلامة أنا مشيت..وصلاتو حتى لباب دار..
ماريا : بسلامة وشكرا بزااف حتى عاودت ليك عاد رتاحيت..
جلال(إبتسامة على وجهو) :
- انت وجواد واحد كيما انا خوه راه خوك حتى انت تقدري تعولي عليا فاي حاجة يلاه بسلامة..
ماريا : طفا لراسو انبقى مقابلاه انا 24 ساعة على 24 ولا
ذياب : شنو كان كيدير جلال عندك؟
ماريا : وانت مالك واش ادخل فالكبيرة وصغيرة ياكما يحسابليك خايفة منك غير سكت ليك ادير فيا مابغيتي
ذياب(بصوت بارد) :
- اخر مرة تهضري معايا بهاد طريقة وجاوبي بحالك بحال ناس شنو كان كيدير عندك جلال؟
ماريا : لالا عيقتي تابعني فينما مشيت يكما كتبعني حتى فاش كندخل لبيتي ونمسي لحمام قسما بالله ونلقى شي كاميرا فبيتي ولا فالحمام مغادي تهمني حتى حاجة خرا زايد ناقص قسما بالله حتى نديكلاري بيك ونعطيك مواصفاتك لبوليس وديك ساعات نشوفو شنو غادي دير...
ذياب : بديتي كتعصبيني ماتبقايش تكولي شيحاجة انت ماشي كدها ومتقديش ديريها وغير تهناي مكاينة لا كاميرا لا زبل صافي ودابا جاوبي كنتسنى...
ماريا : جلال كنعرفو قبل منك وقبل من جواد رتاحيتي
ذياب : كضحكي عليا عند بالك كنرضع صباعي ولا جيني نيشان اماريا لعب دراري صغار انا مولاه
ماريا : تيق الى بغيتي مابغيتيش شغلك هذاك جلال كنعرفو منين كان جار عمتي خديجة الله يرحمها راه كتعرفها تبارك الله كاع تبركيك كاين عندك والى بغيتي تسول سول وانت تعرف...
ذياب : أياااه وعلاش عمركم تلاقيتو يلاه؟
ماريا : هو كان رحل ديك ساع حيت مكان عندو حتى واحد كانو مربينو شي ناس ماتو وهو رحل ماتلاقينا حتى لمؤخرا هو او وسيم عزاز عليا وكنتعاودو فأي حاجة خصوصا جلال منين كنت صغيرة كنا بجوج هذا مكان مغاديش تمنع عليا ناس لي كنبغي ديرها فراسك...سكت حسات بيها تيقها..
ذياب : دابا شنو كلنا شنو قررتي وصلاتك خبار حبيب لقلب هادشي غير شوية أش بان ليك؟
ماريا : واش بغيتيني غير نتفرق على جواد واخا اسيدي انا موافقة ولكن قسما بالله العلي العظيم أ ذياب كنحلف ليك بالله والله كبير كبر مني ومنك وتمشي حتى دير ليه شيحاجة ولا تمس شعرة وحدة منو ولا تأديه كنقسم ليك بالله حتى نقتلك ونديرها وندخل عليك لحبس ونفوتو لهيه الى جواد مابقاش فحياتي ماعندي ماا نخسر انا نكولها ديرها فبالك قسما بالله حتى نقتلك انا علمتك وديرها فبالك هذاااك حبيبي او ولدي عرفتي شنو هيا ولدي ولدي أنا ولي قاس شعرة وحدة منو موتو حسن من حياتو...(قطعات عليه تيليفون وخبطاتو)...كلها كارعد كتحس براسها كلها باردة تعصبات مابقات عندها خاطر لا لعرس لا لوالو ولكن خاصها تبين بلي كولشي طبيعي وهو هذاك...خرجات على برا...وكلسات كتشم فالهوى كتحس براسها مخنوقة بغاات غير تغوت وتخرج داكشي لي كتحس بيه..
- غير بشوية عليك اماريا كةلشي ايكون بيخير وعلى خير مغادي يوقع والو خاصك تكوني قوية دوزتي شحال ديال لمشاكيل وكتفوتيهم اتجي حتى لهنا وترخاي خاصك تكوني لالة ومولاتي...بصح أستغفر الله العظيم وأتوب إليه ياربي تعاوني وتوقف معايا ياربي ماتخلاش عليا ماعندي غيرك ياسيدي ربي انت كتشوف كولشي ومطالع على كولشي ياااربي تعكيني صبر والقوة ياربي...
****
سأكتب حروف لا يفهمها إلا أنا.
وستتجمع ككلمات يحتار الجميع بمعناها.
منهم من سيقول إنها أحبت وتتألم من فقد حبيبها.
ومنهم من سيقول. لا إنها تعانى من غدر الأصدقاء.
ومنهم من سيقول .لا إنهم الأهل أعز الأحباب .
ومنهم من سيقول. لا وألف لا إنها مجرد كلمات تدونها وسيظلوا يتساءلون .ويتعجبون وينصحون.
دون أن يعلموا إنها أحرف من ألم تجمعت ككلمات.
تحلق هنا وهناك .حتى تصل لعنان السماء ....
حقيقة الأشخاص حولنا لا يعلمها إلا الله ..
- لذلك قل دائمــاَ : اللهم دلّـني على من أراد
بي خيراً ودلــه علي واصرفني عن من
أراد بي شراً...
****
نعسات ماريا قبل مايجي باها ولا مليكة مافيها لي يهضر مع حتى واحد داكشي لي فيها كافيها اللهم تنعس وترتاح باش تعرف كيفاش تفكر وتصرف..
#فبلاصة_أخرى..
جلال : شوف اتبدل ليا كاع لكاميرات لي فشركة لا لي هنا ولا لي عندنا على برا بغيت حراس جداد يكونو خبرة ماشي بحال دوك رعاوين لي حاطين تم وطلق ليا ودنيك مزياان الشادة والفادة توصلني سمعتيني...
- واخا سي جلال كون هاني..
جلال : صافي غير سير...غير خرج سيد كلس كيفكر ويخمم شكون هادو لي حاطهم ذياب وكيتجسسو عليهم وكيعطيوهت الأخبار واحد بواحد خاصو يبدا من لفيرما غدا ايركب ويهضر مع سيدة ويشوف شنو اتكول ليه حيت مايمكنش يدخلو من راسهم لفيلا ويركبو كاميرات بلاما يشوفهم حد مايتقبلهاش لعقل هادي...فيقو الدقان فالباب...ناض فتح لقى نزار
نزار : وياااه مكدبتيش فخبارك أنور مشا لألمانيا حيد ليها باه الشركة وكاع لوراق والمشاريع لي كانو بين إيديه بقا فيا صراحة ولكن هو دارها راسو
جلال : وانت جيتيني عاجبك الحال بحال الى بغيتيها فيه؟
نزار : لالا واخا هكاك راه شحال وانا خدام معاه ولكن لي دار ذنب يستاهل لعقوبة هو لي داها فالخوى الخاوي حتى غرق..
جلال : شغلو هذاك كل واحد الله يعاونو..انا بغيت نعس نرتاح الى بغيتي تبات هنا بات كاين بيت على يدك ليسر...والى مابغيتيش ماتنساش تسد الباب معاك يلاه تصبح على خير..
نزار : كيبتن ليا انبات معاك هاد الليلة يلاه تصبح على خير كاعما تشوش عليا لي لقيتها فلكوزينة غادي ناكلها..
العربي : مامالها والو ولكن دوزاتها عليا حتى هيا الله يسمح ليها صبرنا غير على لوليدات اما لمرة لي ماتحتارمك ماتقدرك راه ماشي مرة هاديك انت كتعامل بالحسنة وبما يرضي الله وبنادم باغي يجبد الصداع على والو ويرض ليك اللومة انت الحمد لله لي تهدات اما نمشي لدار العجزة حسن ليا
ماريا : ماتكولش هكاك أعمي شكون لي يقدر مايبغيكش
العربي : الله يكبر بيك ابنتي يلاه رجعي لخدمتك انا كنت دايز وكلت نطل عليك وراه مزال كنتسالك مجية عندي لدار
ماريا : ضروري أعمي كون هاني...عنقاتو...خلاها ركب طوموبيلتو مشا...وهيا دخلات لقهوة...صبحات على لبنات ودخلات لكوزينة بدات خدمتها كتوجد الكيك بينما دخلو لكليان...تفكرات تيليفون...عيطات على ندى كتبان ليها بنت ضريفة...
ماريا : ندى انعطيك لفلوس وسيري عند مول تيليفونات خودي ليا تيليفون عادي وكارطة جديدة اوك ودوزي عند مول المحالات ديال الحلويات كلو يقاد ليك الكرطونة فبابيي كادو وادوزي لابو كولو يخرج ليك فوطو ديال قهوة طاس بريق اي حاجة متعلقة بقهوة يديرها ليك فكادر وحتى هيا فبابيي كادو ديريهم فنفس الكرطونة أتجي واتعطيها ليا وكوليا ليا هاد الكادو اختي ماريا على قبل القهوة تفاهمنا...ندى اكتشوف فيها مافهمات والو...
ماريا : ندى واش فهمتيني شنو كلت ليك؟
ندى : اه فهمتك الله الله...ماريا بقات كتشوف فيها كتهضر بحال تركيين..
ماريا : هانتي انخرجو انعطيك افلوس انكوليك خاصك تقداي المقادير ديال الكيك منين تجيبي لي كلت ليك دوزي لحانوت خودي داكشي ديال الكيك وجيبيه حتى هو صافي..
ندى : تمام...
ماريا(مافهمات والو) :
- ندى واش كتفرجي فالأفلام تركية..
ندى : إيفيت كنحماق عليهم وليت كنتعلم نهضر بحالهم..
ماريا : وانا نكول يلاه سيري باش ترجعي دغية صافي...خرجات ندى وماريا...هزات ساكها خدات منهم لفلوس عطاتهم لندى..ورجعات تكمل خدمتها..
وقفات طوموبيل بجلال فالفيرما ديال جواد قدام دارو...نزل من طوموبيلتو...كان عندو دوبل ساروت..فتح الدار..ودخل كولشي نقي ومرتب هو هداك...حط تيليفونو ونظاظرو ...وبدا يدور الكوزينة الحمام المراح صالون كيشوف فسقف ويصغر عينيه مرابانا تبان ليه شيحاجة...يلاه اينزل رايو حتى كتبان ليه وباحد البولة صغيرة بزاااف لي محققش مزيان متبانش ليه...جاب كرسي وطلع فوق منو حتى قرب لسقف...عاد وضاحت ليه لي شافها يكول بولة صغيرة ولكن هادي نوع من انواع الكميرات كيكونو بزااف فلفيلات وشقق الراقية...كيديروهم الناس على وديت السرقة يشوفو لي داخل ولي خارج وكيكونو حتى فليبوتيك...يمكن ليك تشوف سكون داخل لدارك ولا محالك غير من تيليفون...شدها جلال وجرها بجهد نطرها وحيد معاها حتى سلوكة ديالها...نزل ودارها فجيبو 100 فالمية شي واحد دخل هنا ديك لمرة ودارها هنا ولكن باش عرفو جواد ايمشي لفيرما داك نهار ا وجدو كولشي كيفاش هادشي لي خاصو يعرفو ضروري ولي خاصو يعرف شكون فتح ليهم دار...هز سوارت وتيليفونو ونظاظرو...يلاه ايخرج حتى دخلات الخدامة لي مقابلة دار..
- سي جلال لباس ععليك شفت دار محلولة عند بالي واش سيدي جواد
جلال : لا أمي مينة هذا انا جيت على شي وراق كان مخليهم جواد هنا جيت نديهم..
مينة : ايوا مزيان اولدي كيساير انت لاباس عليك سيدي جواد لاباس عليه ومالين دار
مينة : الحمد لله اولدي لي عندو صحيحتو يحمد الله ويشكرو..
جلال : مي مينة بغيتك نسولك
مينة : ايااه اوليدي سول
جلال : كنتي فاش جواد جا هو واحد لبنت لهنا؟
مينة(كتحاول تفكر) :
- اياااااه كنت بحال الغد ايجيو كنت درت الميناج لدار او وجدت الماكلة درتها فثلاجة
جلال : قبل ماسجيو مجاش شي واحد غريب دخل لفيلا يكون دخل من سرجم ولا نقز من شي بلاصة(هو عارف بلي حتى واحد مغايحل سرجم بغى يشوف اش تحت راسها)..مينة سقلات الما برد ليها فركابي ولون وجها تخطف قلبها كيضرب وفمها نشف..
جلال(بجدية) :
- مي مينة سولتك؟
مينة(كتمتم) :
- هاه الا الا أولدي انا ماشفت والو وماسمعت والو اولدي والله اولدي ماشفت شيحاجة انا ماشي مسطية ندخل شي واحد لدار سي جواد اولدي لا...😨
جلال : غاا بشوية عليك امي مينة واش انا كلت ليك دخلتي شي واحد ولا درتي ولا شفتي انا غير سولتك واش ماستي حتى واحد كيدور على لفيلا كيف كتعرفي الدار ماساكن فيها حد قليل فين كايجيو ماليها وشفارة كثار عطا الله لي مكايخاف الله ويدو خفيفة..
مينة(كتسرط ريقها بصعوبة) :
- اولدي الله يسترنا من ولاد لحرام
جلال : أمين ياربي...يلاه تهلاي فراسك وسلمي على سي عبد السلام..خليت ليك الراحة ماتنسايش تسدي الباب معاك الوقت خيابت وحتى انت رضي لبال..
مينة : واخا اسي جلال طريق سلامة...طلع جلال لطوموبيلتو وهو متأكد 100فالمية بلي مينة فراسها لعجبنة وهيا مولات الفعلة مافيهاش ولكن يتأكد بعدا من شي حوايج وديك ساع يشوف شنو غادي يدير الى كانت مي مينة هيا لي فتحات ليهم الباب شكول لي كاليهم بلي جواد غادي داك نهار لفيرما او هو وماريا...مافخبار حتى واحد من غير جواد وهو بفمو كالها ليه ضرو راسو خاصو يعرف اش كيوقع ورا ضهرو..
جلال(كيضرب فالفولون بالغدايد لي فيه...ديمارا طوموبيل وشد طريق لإفران..
****
رجعات ندى ومدات الساشي لماريا دارت لي كالت ليها بالحرف..
جواد : خرجي كنتسناك...تهز قلبها من بلاصتو لاحت طبلية وخرجات كتجري لقاتو وقف مسند على طوموبيل كيتسناها...مداتها لا فناس لا فحتى واحد تلاحت بين إيديه عنقاتو كتشم ريحتو..
ماريا(بلهفة) :
- توحشتك توحشتك بزااف...بعدا كتمس فوجهو وتقلب فيه بحال شي أم رجع ليها ولدها من لحرب..
- مافيك والو يااك ماوقع ليك حتى حاجة
جواد(كيضحك) :
- حبيبي راه ماوقع ليا والو كون يحسابلي اديري هكا كون دخلت فشي شجرة شحال هادي..دارت يديها على فمو سكتاتو :
- الله ينجيك الله يحفظك ويخليك ليا ياربي توقع ليك شيحاجة والله حتى نحماق..
جواد : الله يخليك ليا أشمسي بلاتي..(فتح الباب جبد بوكي ديال الورد فالحمر وبواطة ديال لي بول بشكلاط لي كتحماق عليهم ماريا) أشافتهم بغات تسطى وتحماق..
ماريا : ناااري ليبول لهلا يخطيك عليا(باستو فوجهو)
جواد(بجدية) :
- أتكايسي خلينا هانيين..
ماريا(كضحك) :
- صافي واخا...
جواد(كيلعب بشعرها) :
- توحشتك بزاااف مكرهتش نخطفك ونهرب بيك..ماريا ديك ساع جا فبالها ذياب...شافت لجواد فعينيه شوفاتو ليها باين فيهم كداش هو كيبغيها..
ماريا : حبيبي بغيت نهضر معاك ضروري
جواد(بجدية) :
- كنسمعك ياك لاباس؟
ماريا : لا والو باس عرفتي شنو دابا عندي لخدمة ياك خليت لكيك فالفران تقدر تجي عندي فالعشية مع ديك الخمسة هكاك
ماريا : يااااربي دير شي تاويل ديال الخير...رجعات تكمل خدمتها القهوة كان عليها إقبال بزااف من عند العيالات صباح وعشية وحتى من لبنات لي كيقراو كياخدو البلاصة لي فيها الكتوبة وكيكلسو يقراو تم...خرجات ماريا خدات لهاجر لمشبك لي بغات ورجعات كل شوية كتشوف فساعة وخايفة توصل الخمسة...دخلات وردة جارة البوسيت ديال ليليا..
ماريا : واخا...جرات ماريا لبوسيت دخلاتها لكوزينة حدا مليكة هزات ساكها وتيليفونها وسوارت ديال القهوة وخرجات ...مع حطات رجليها على برا وقف جواد بطوموبيلتو...نزل بكل هيبتو ورجولتو كيفتح فالافيست زولها لاحها لكرسي لور وبقا غير بشوميز محلول من عند الصدر بانت ليها واحد السنسلة طويلة دايرها...جاي عندها وضحكة على وجهو...ماريا سهات فيه حلات فمها حتى بدى يشير ليها عاد وعات على راسها..
- حبيبي نبقاو هنا ولانمشيو لشي بلاصة؟
ماريا : اجي كاينة واحد جردة هنا
جواد : جردة نكلسو فجردة؟
ماريا : واشنو فيها تماك اناخد راحتي يلاه..جراتو من إيدو وتبعها..
- الجردة كانت غير قريبة مع وصلها جرها جواد وقفات مقابلة معاه..
ماريا : وحتى انا كتليك هادي حياتي وانا حرة فيها ندير فيها مابغيت انا وياك مزال مابيناتناش حتى خطوبة رسمية عند بالي غادي تفهمني وتكون فجنبي ساعة غير كانتخيل..
جواد(كيغوت) :
- واش باغية تسطيني ولا مالك راه خرجان لعقل هذا داك نهار كتكولي حلمي ندير قهوة وبلي الموديل مكنحملوش غير ماقديتش نردها فوجه وسيم ودابا جايا ليا بهضرة واش كنبان ليك مونيكو حداك صافي غير طيرنا ليك نفاخات وطلعنا ليك لسما تكولي هذا درتو فجيبي نلعب عليه كيما بغيت...ماريا كنبغيك أه وكنموت عليك ونعطي حياتي على قبلك وماعرفت شنو ندير ولكن حتى لكرامتي حدك تما فهمتي كلمة لي عندي راني كلتها سالينا ختاري يا أنا ياهاد الويل لكحل لي بغيتي...ماكرهاتش تعنقو وتكوليه احبيبي هادشي راه كدوب مامنو والو ولكن تافقات هيا وجلال هادشي راه فمصلاحتو ماعندها مدير
ماريا : حتى انا كتليك لي كاين لي كيبغيني هو لي يوقف معايا اما لي ايبغي يتحكم فيا ويدير فيها سي سيد هو لفوق والمرة لتحت مكاين لاش نزيد معاه مكايتسماش حب هذيك عبودية وانا ماعبدة ديال حتى شي واحد...جواد كيحس براسو فهاد الساعة ايدير شي جريمة ماشي ماريا لي كيبغي لي قدامو مايمكنش كتكول شي حوايج مافيهش نهائيا جرحاتو لأقصى درجة سكت ولا كولو كيترعد ويغزز فسنانو..رجعة خطوة لور هو يديه بجوج..
جواد(كيحك فنيفو وكيهضر برودة وهو لداخل ديالو معالم بيه غير الله) :
- حتى هذا كلام الالة منين قررتي ماعندي منكول مبروك عليك...فتح صدفة ديال شوميز كيحس براسو مخنوق واخا هيا مفتوحة زاد فتحها عطاها بظهر وتم غادي..
ماريا : جواد تسنا..يلاه اتبعو ضار وقفها بيديه..
جواد(بصرامة) :
- حسن ليك تبقاي تم مابغيتش نهضر مزال غير انجرحك وتسمعي مني شي هضرة مابغيتيش تسمعيها حسن اه فاش تكوني غادية لخدمتك الجديدة حسن تحيدي داك الخاتم من يديك حيت مايصلاحش ليك...خلاها ومشا..كيبان ليها غادي حتى طلع فطوموبيلتو ديمارا بجهد ومشا...رجعات بلور وكلسات على لكرسي لي قريب ليها...
ماريا(جاتها لبكية) :
- اووووف اووووف...تعصبات من هاد الموقف لي تحطات فيه..
- الله ياخود فيك الحق أدياب ياااربي انا بغيت ليه زلقة فالحمام ياربي ويكبو عليه سطل ديال الما سخون يصلقوه ويتهرس من ظهرو ماينوضش ياربي...
- واش كتهضري بوحدك...؟ ضارت لقاتو جلال..
ماريا : قفرتها أجلال قفرتها صافي مشيت فيها مشيييت..
جلال : شكون عرف هادشي لي كنحاول نعرف ولكن الخدامة لي مقابلة تما فاش سولتهت يمكا دخل شي واحد لتما بدات تفافة ودخل وتخرج فالهضرة ولات غير مخلوعة...
ماريا : تكون هيا؟
جلال : مانضلمو حد تقد تكون هيا ولكن واخا كانت شكون هذا لي علم ذياب بلي انت وجواد اتمشيو لتم وانا كالها ليا نهار قبل وكنت غير انا وياه...
ماريا : يكون شي واحد فشركة؟
جلال : لا مكناش فشركة كنا فدار
ماريا : ودار كاين هاجر امين وردة وعمي والخدامة نااري يكونو شي واحد من الخدامة مايمكنش زعمة هنية ولا بوبكر اويلي مايمكنش نتيق راه الحماق هذا الى كان واحد فيهم هادشي ولا كيسطي كنحس براسي بحال الى كاينة فشي فيلم ديال لجواسيس ولا ديال لاديستي(المخابرات)..
جلال : وعاد مرات باك خدمات معاك قبل كتكون أفدار باش تحيدي شك فاش دخلي قلبي مزيان واش تبان ليك بحال هادي واخا انا مستبعد انو يديرها مزال تيليفونك راه مراقبو حاجة باينة اي تصال جاك طلع عندو داكشي باش درنا تيليفون جديد الى هو مطور حنا كتااار منو..
جلال : صبري مدة قصيرة وكولشي يفوت ديري فبالك بلي اتكوني معاه حياتك كاملة ضروري من المشاكل وضروري لواحد دوز عليه فحياتو ولكن فالاخر كينول لي فبالو غير بصبر وبالحب وساس الصحيح هكا باش كل واحد كيعرف مكانت التاني عندو انت عرفتي مكانتك عند جواد ودابا جات نوبتو يعرف مكانتو عندك الالة فاش نكون معاه انسوني عليك بتخبية وتسمعي صوتو صافي😉
عبد السلام : وتي مالي أش درت مالي مدرت والو وزايدون مالي غير انا بوحدي رزق حابو لينا الله انا فيا كوليستيرول خاصني دوا ديالو ودوا ديال سكر المصاريف كثيرة أمينة وانا مابقيتش قاد وغير يدك انت بوحدك شافنا الله
مينة : حنا لي ماكلناهاش لسي جواد كون كلناها ليه مغاديش يخلينا وكوراه قام بالواجيب ولكن حنا عضينا ليد ديالو الى ساق لخبار انمشيو نشوفو فين نسكنو..
عبد السلام : ماعندو منين يسيق لخبار هوما كالو لينا بغاو يشوفو سي جواد ياكما داخل فداكشي ديال لحشيش والغبرة وخاصهم يراقبوه هدا مكان انت لي منوضة مندبة وزايدون حنا مالنا كاينين أحنا لي كالوها لينا درناها وصافي الله يرحم بوك خليني نتكا شوية نرتاح ماتصدعينيش ولا انهز جلابتي ماتعرفيني فين زدت وها صداع الراس...خلاها شادة راسها ودخل لبيت ينعس..
فدار حورية :
- سومية : علاش اختي ماجيتيش اليوم شحال تسنات فيك هاجر او وسيم كولشي تسناك..
ماريا(ماعندها خاطر) :
- انا يلاه فتحت القهوة مايظي لهنا مايدي لهيه لي عليه العمدة درتو معاها وقفت معاها عند نكافة وتريتور والأوركيستر مابقى والو..
سومية(بلاتي نسد الباب لا تجي ماما وتسمعني..ناضت سدات لباب ورجعات)..
سومية(ربعات رجليها وتقابلات مع ختها) :
- انا ووويوسف كنتلاقاو
ماريا(بشك) :
- واش يوسف خو جواد؟
سومية : أه اختي هو شحال هادي كنتلاقاو وكنبغيو بعضياتنا
ماريا : أياااه ومن وراها شنو علاش مايتقدمش لداركم؟
سومية : ماما لمحت ليها كاتليك انا مزال صغيرة وانا راه عندي 22عام بقات ليا سيمانة ونقفلها ونطلع ف23 اما الى كلتها ليها علم الله اشنو ادير ليا..
ماريا : واش انت متيقنة بلي كيبغيك؟
سومية : اه علاش؟
ماريا : ماعرفتش ولكن كيجيني يوسف ماشي بحال خوتو كايجيني طايش ومكيتحملش المسؤولية وغير منعازل مايجمع ماوالو مايجي حتى لنصاصات ليل وفصباح يصبح خامر...هادشي لي شفتو فاش كنت معاهم..
سومية : كاليا بلي كيمشي لشركة ديال خوه كيخدم فيها وكتليه الى بغاني يكون راسو براسو ويتحمل المسؤولية..
ماريا : شوفي اختي انا نبغي ليك غير لخير نوصيك ماتزربيش انت مزال يلاه بديتي مغاديش نكوليك صغيرة باذما تقلقي ولكن يلاه بديتي فمرحلة النضوج ماتبغيهش بزااف مابغيتكش تصدمي ولا شيحاجة ماعرفتش انا عمري قربت منو يقدر نكون انا غالطة وتكوني انت كتعرفيه حسن مني مهم انت عطي شوية ديال الوقت وزنيه فيه واش فعلا يستاهلك وباغيك ولالا وانا ديما هنا وقتما حتاجيتي تهضري ولا تخوي قلبك انا معاك..
سومية(عنقاتها) :
- لهلا يخطيك عليا أختي الحمد لله لي عندي ختي نشكي عليها همي...دار لبوانيي ديال الباب..ودخلات حورية :
- هاي هاي مجمعين بلا بيا فيمن شادين نميمة..
ماريا : لقيتينى كنهضرو على هاجر وعلى لعرس..
حورية : لعكوبة ليك أبنتي
ماريا(تنهدات وحنات راسها) :
- أميييين..
حورية(شكات كاينة شيحاجة) :
- بنتي مالك معاجبانيش منين دخلتي وانت ساكتة تعشينا وانت ساكتة وساهية واش تخاصمتي مع جواد؟
سومية : ختي هادشي راه مافيهش الضحك الله يعطيك الستر..
ماريا : بنت ليك كنضحك أنا
حورية : من غدا اتبقاي معانا ماترجعيش لديك دار مغاديش يهنا ليا بالي انبقى مشوشة لالا نعلمو البوليس..
ماريا : ماما واش دابا انا عاودت ليك باش ديري هكا عفاك متندمينيش واش بغيتي جواد يمشي فيها الى علمنا لبوليس..راه كتليك شنو غادي ندير وزيد عليها جلال معايا ومعاوني ماعندك مناش تخافي عند بالك انسكت ليه مخاصنيش نبين ليه نقطة ضعفي بالعكس خاصني نبين ليه بلي مخايفاش منو..
حورية : تمشي معاك ختك تبقى معاك هكا نتهنى شوية ابنتي متكوليش ليا غير هكا راه مغاديش تمشي من هنا انا كلتها ليك ولا نكولها لباك
ماريا : نااااري وا ماما مكفاكش هادشي لي أنا فيه...حرام عليك
حورية : دي معاك ختك اماريا كتليك لي عندي بغيتيني نسكت ديها معا
ماريا : واخا اماما انديها معايا ولكن عفاك اماما الله يرحم بيها الوالدين حتى واحد مايعرف لا ياسين لا عمي محمد راه الى مشات هضرتنا خرجات مشيت فيها انا بعدا..
حورية(عنقاتها) :
- برات الباس عليك أبنتي الله ينجيك..صافي مغادي يكون الخير إن شاء الله..
ماريا(تنهدات ورتاحت فاش عنقاتها مها)...شكون فينا مكيرتاح غير بين إيدين مو خصوصا فاش كتعاودي ليها وكتنصحك كتحسب براحة نفسية غريبة بزاااف..
جلال : هاك خود اتعاونك..على راسو فيه وملامحو باين فيه بلي كيدير هادشي بزز منو..شد الطاس دالقهوة شربو من مرة لولة وتانية عقلو ساهي مامعاهش..
جلال : واش داير هاد الحالة غير حيت بغات ترجع لخدمتها...شاف فيه جواد :
- وانت باش عرفتيها؟
جلال : غير مشيتي دزت من تم بانت ليا فجردة كالسة..
جواد : ماشي قضية خدمتها قضية الهضرة لي كالت فضلاتني على داك زبل ديالها انجهل اجلال أنجهل ولا ندير شيحاجة فراسي وفيها ونتهناو بجوج...
جلال : جواد ماتعرف أشنو وقع ياكما محتاجة لفلوس ولا شيحاجة
جواد : واش انت باغي تسطيني ولا كتبوهل عليا اشمن فلوس ولا نبك القهوة درناها ليها زيد عليها داكشي لي خلات ليها عمتها اشمن فلوس راه كتليك ندير فيها شيحاجة وفراسي هادشي لي بان ليا
جلال : الله يهديك واش حماقيتي
جواد : على أساس انا دابا بعقلي هاديك البنت اتحمقني اتسيفطني لبويا عومار مافيهاش اعباد الله راه خرجان لعقل هذا راه انولي نصرب بالحجر أنا معاها كل مرة كتشد فجيه عندها إنفصام فشخصية يمكن جميع الحلول درناهم معاها مشينا لحد دنيا ماخلينا مادرنا ودابا هادشي كامل بغات ترجع راه هادشي مايتقبلوش لعقل متكولش ليا..
جلال(سكت ورجع شاف فيها) :
- شوف نعس دابا ورتاح وغدا يحن الله يدوز بعدا غير هاد اليوماين ونشوفو شنو نديرو نلقاو شي حل
جواد(برودة) :
- مابقى حتى حل اجلال الهضرة لي سمعت ليوم سالينا كل واحد يشد طريق منين ختارت داك طريق داك الخاتم اتحيدو من صبعها حسن كيبان ليا كنس العيالات بحال بحال هاد القلب بوه انحيد جدو من جدر...
جلال : انت دابا غير معصب كولشي كيتحل بالعقل ماشي من ورا هاد المشاكل كاملة سالينا دير عقلك..
جواد : هيا لي بغات جلال لي كيبغي مكيجرحش لاخور مكيقدش اصلا يجرحو ماريا جرحاتني ليوم بزاااف كاع لي كان كيوقع بيناتنا مكانش كيأديني ولكن اليوم زادت فيه بززاف وانت عارفني كرامتي هنا(أش لنيفو)..جاتني كنبغيها كون شي واحد اخور أنرعف مو..
جلال : نعس دابا واخا رتاح...(ناض جلال زول لي كاس دالقهوة وحيدلو صباطو بنسبة ليه هادشي ماشي خدمة ولا عبودية هذا خوه شحاال كان جواد يحيد ليه تقاشرو لموسخين وحوايجو فاش كان جلال كيشرب يعطيه حياتو ومايترددش لحظة وحدة..)..
- يلاه طلع لفوق
جواد : اهاء بلاش خليني غير هنا
جلال : جواد ساعف معايا الله يعطيك ستر..أجي شد فيه حتى وقفو دار ليه بانطوفة فرجليه ويدو على عنقو وطلعو لفوق فتح الباب دالبيت برجليه دخلوه حطو فوق نموسية غطاه وطفى ضو وخرج..
جلال : هادشي بزاااف خاصني نلقى حل من حقو يعرف ضروري يعرف..
****
#فالقصر
فبيت يوسف الباب مردود غير شوية واقف عند سرجم داير يدو فجيبو ويد شاد بيها تيليفون كيهضر :
- إيمتا بضبط جايا خاصني نعرف...لالا حبيبة ماعندك مديري غير تشدي لوطيل غدا وبعدو العرس عند ختي ضروري نكون حاضر...واش انت مسطية تجي شنو انكول لواليد ولخوتي صاحبتي جايا من فرنسا تكلس معايا راه واخا حنا عائلة كبيرة ومعروفة أه ولكن الواليد وخويا لكبير عندهم تقاليد هوما تقاليد ماشي بحالنا فرنسا فهمتيني...اتجي ترتاحي فلوطيل مع راساتك وانا نجي عند حبيبتي لكازا كاينة لفيلا ديال خويا تماك ناخدو راحتنا انا وياك...حتى انا توحشتك بزاااف أعمري كنتسنى غير إيمتا نشوفك....اوكي حبيبة صافي سيري ترتاحي je t'aime...bonne nuit حبيبة...قطع تيليفون فرحان وكيضحك...
وردة : حبيبي براكة عليك من داك بيسي اتعمي عينيك...شاف فيها حك عينيه وسد البيسي..
أمين : عندك صح كترت مكنشوف فيه كنحس بعينيا نشفو من لما..
وردة : أمين مابغيتش ندخل ولكن خوك معاجبنيش وحيت ماشي غير خوك ولد خالتي حتى انا كلت نعلمك
أمين(بستفهام) :
- شكون فيهم؟
وردة : يوسف
أمين : علاش مالو ؟
وردة : فاش كنت فالكوزينة وانا راجعة الباب ديالو كان محلول سمعتو كيهضر مع شي وحدة كاليها حبيبة علاما سمعت جايا من فرنسا ودار معاها يفوت العرس ويمشي عندها لكازا كاليها بلي لفيلا دجواد خاوية وغادي ياخدو راحتهم..وانا ماشي مرة ماجوج كنشوفز مع سومية خت ماريا ديك لبنت راه ماشي ديال تفلية..
أمين : يوسف خويا وكنعرفو ماشي ديال زواج راه البرد كيصوت ليه فودنيه مزال مغادي يتحمل المسؤولية خارج من جنب واخا يبان ليك سكوتي راه كيضرب من تحت دف كوليها لماريا تكولها لسومية باش لبنت ماتصدمش مع الوقت وانا انهضر معاه مزيااان راه رخيت ليه كيكلوه عظامو الى بغا انكولها لجواد هو لي كيعرف ليه وكيترعد منو..
وردة : الله يهديه تفلية على لبنات راه خايبة يلاه أحبيبي طفي ضو ويلاه تنعس..طفى أمين ضو سرح دراعو جر وردة لعندو خشها فيه ونعسها فالحضن ديالو بحال ديما...
****
فبيت ذياب بيت لي كيعكس شخصيتو هادئ ودافي ورياضي لي يدخل لهاد لبيت ميكولش مولاه الشر كيقطر ليه من عينيه...متكي داير رجل على رجل فرحان والإبتسامة على وجهو...سونا ليه تيليفون هزو بلاما يشوف شكون جاوب سمع صوت لي متاصل تبدلو ملامح ديالو..(بصوت بارد وصارم) :
- كتليك ماتبقاش تسوني ليا كلتها ولالا؟؟...سمعني مزيان انعاود الهضرة واخا عادتي مكنعاودهاش جوج دالمرات داك جواد ديالك مكايهمنيش مكنعرفوش أساسا سمعتيني لي كيهمني هو ماريا لي درتها فيدي ولات لعبة بين يديا انت الما غبرتيش ومابقيتيش كتوريني كمارتك ونسمع صوتك عارفني مزيان أشنو غادي ندير ليك ياك عارف ؟بلاما نفكرك خليني زوين معاك يلاه وماتنساش تشرب لحليب قبل ماتنعس...قطع تيليفون لاحو وهز الكاسك لي حداه دارو فودنيه خدم موسيقى كالم رجع راسو لور تبسم وغمض عينيه مرتااااح...
****
وإذا مر العمر دون أن نلتقي
فتذكر أننا هنا قد إلتقينا
فوق تلك الأوراق
تذكر أننا هنا قد غرقنا
فى بحر من الأشواق
فإذا مر العمر دون أن نلتقي
فاعلم أن أرواحنا هنا قد التقت
فى عالم الكلمات و الحروف 💙💕
قد تظن انك على هامش الحياة بينما انت شمس تشرق بقلب احدهم ولأجلك يبتسم 💚💙..
****
حورية(كتفطر هيا وماريا ومحمد) :
- سومية جمعتي حوايج الحمام ولحوايج لي أتدي معاك عند ختك..
سومية(من البيت) :
- جمعت كولشي اماما اتهناي عارفاني مكنساش..
حورية : وحيت عارفاك داكشي باش كنسولك
ماريا : ياسين واش مكايجيش لدار ماشفتوش لبارح؟
محمد : ياسين أبنتي فدارو راه بدارو من شحال هادي قبل مانجيو حنا هنا غير دابا تحول لدار كبر ومتيسعة ومشمشة على ليكان فيها..
ماريا : بصح اعمي بصح انا لي عقلي مامعاياش نسيت بلي كان هنا قبل منكم
محمد : انتوما صغار وليتو تنساو وشنو نحولو حنا لي كبرنا..
حورية : هاد الجيل كولشي ولا كينسى كالو لينا حنا ماتعرفو والو..
ماريا : رجال ايكونو فصالة لوخرا دايرين ليهم المسمعين والأمداح النبوية ايكونو بوحدهم حنا بوحدنا غير المسمعين مغايبداو حتى يسالي شطيح ورديح مع العروسة فالحنة باش يكون ختامها مسك كيف كيكولو..
ماريا(خافتها تفضحها والحاجة الى سمعوها كثر من 3 ناس مشات).. :
- واخا اما كوني هانية نسونيو ليك ونديرو معاك حتى أبيل فيديو اماميتي رتاحيتي نمشيو دابا؟
حورية : وهكاك يلاه ابنتي سيرو باش ماتعطلوش على هاجر...
ماريا : يلاه بسلامة بسلامة عمي حتى نتلاقاو
محمد : بسلامة بنتي...خرجات ماريا وسومية من دار..خطاو بتي طاكسي نيشان لدار...دخلو مشات ماريا لبيتها تجمع حوايج الحمام وسومية بقات مع مليكة على برا..
ماريا(خرجات هازة ساكها والماعن ديال الحمام..) :
- ماريا : ماما انا وسومية اندوزو نيشان لظار تما اصلا حوايجنا كاينين عند وسيم تسالي سبقينا راكي عارفة خالتي زينب مرات عم هاجر مغاتوصل حتى ليوم ومغايكون حتى واحد لي يوقف عليهم وهاجر ماعندها لي يكون معاها..
مليكة : عندها باها وخوتها الله يخليهم ليها ماترفدي هم ابنتي انا قربت نسالي وانسبقكم
ماريا : وحتى ماما راه اتجي تكون معاك وتلكاو نيت للعابات..
مليكة : وصافي بلاما تبقاي توصيني هادشي هضرنا فيه وتافنا على كولشي غير سيري انت
ماريا : ههههه واخا يلاه بسلامة
سومية : بسلامة خالتي
مليكة : بصحة مسلقا
مارياو سومية : الله يعطيك صحة يلاه بسلامة...خرجو هوما يطركو هاجر يديوها لحمام ويرجعو قبل لا يوصلو ناس حباب العروسة ولعريس..
بحال أي عروسة مغربية نهار الحنة ديالها كتكون فرحانة وحشمانة كولشي مخلط عليها هكا كانت هاجر تالفة ونور وسر طايحين عليها...خرجوها من دار بصلاة على نبي العائلة حاضرة نصهم مكتعرفهمش ماريا قليل لي شافتو شي مرات أما الاغلبية مكتعرفهمش عمات هاجر وبنات عماتها غير لمشيكة على ختها او مرات ولاد عم باها وعيالاتهم وبناتهم عائلة كبيرة عمر ماريا مكانت عارفة بلي عائلة جواد اتكون كبيرة بهاد شكل...نص دالبنات مشاو ونص لا كالو ليهم الحمام البلدي كيخافو منو كيخافو لا يمرضو تكول كيعومو فرخام أخرتها راه كيخرج منهم لوسخ كالتها ماريا لوردة...
- دخلو ماريا او وردة وثورية وأروى وسومية بهاجر لحمام بتقاليد المغربية الأصيلة الورد وريحان والقرنفل والخزامة...وشمع دارو بيها وغطاوها باش مايشوفها حد ولا يقيسها تزغرت وتكول مازغرتات غسلو ليها وفركوها ماخلاوهاش تمس ولا تهز شيحاجة خرجوها بقفطان بيض وسلهامو وهوما يصليو على نبي...رجعهم أمين لدار...طوموبيلات واقفين وناس داخلين غير الحنة وشي كيتفايش على شي...وردة وماريا وسومية دايرين بحال درع ديال الحماية ماخلاو حد يشوف لعروسة ولا يقيسها دخلوها من الباب لوراني لبيت نيشان...
ماريا : ناريا شحال ديال ناس عمري كنت كنعرف بلي عندك عماتك انا كلت عندك غير عمك عصام..
هاجر(كتنش على وجها) :
- هادو خوت بابا غير من باه حيت جدي كان واخد 3 ديال لعيالات لولة ماولدش معاها وتانية ولد معاها بابا وعمي إيوا بغا لبنات طبيب كال لجدي بلي جداتي ماتقدش تزيد مزال وهو يزيد تالتة ولد معاها 5 ديال لبنات كيجيو غير فالمناسبات باش يبانو بدهوبات ديالهم ويبانو ببناتهم شحال ماعيوا يدورو على بابا زعمة على قبل خوتي...(ماريا طلعات ودنيها كتسنط) :
- علاش بناتهم شفتهم كبارات
هاجر : شفتي انت غير هند وهدى بنات عمتي نعيمة او ولاد عمتي كريمة اما شادية ودلال وروقية ودنيا ومنال مزال مجاو بحال والو من هنا لشوية يجيو..
هاجر : تقادة ديالنا هكاك المهم مزال فالعشرينات وحدة لي عندها 32 شادية اما لوخرينات مزال...غير حضي خويا هاد ليلة راه كيموتو عليه فينما تلاقينا فشي مناسبة كيضربو لمعاني...(ماريا العافية شعلات وشواط طلع دخان خارج ليها من نيفها)..
- كلتي كيموتو عليه ياك
هاجر(كتحكها بلعاني) :
- بزااااف دابا تشوفي...نقزات سومية :
- ولكن كون بغاهم مايعرض زواج على ختي ماريا حسن منهم ومايلقاش ماحسن منهم
هاجر : بصح عندك صح هوما مع كل وحدة فاش خدامة وحدة طبيبة ولخرا عندها كابيني ديالها طبيبة نفسية او لخرا يمكن مهندسة لوخرينات ماعرفتش بضبط كيموتو على الاناقة وداكشي ديال لعرا ولمزير ويبينو النفاتن ديالهم خصوصا عندهم شي فورمات واهيا ناري..
ماريا(طلعات ليها جنية).:
- اصلا دكتور تازي معروف بتجميل تلقايهم كاملات دازو عندو..
هاجر : الله أعلم المهم ززينات
ماريا : هاجر ختي سكتي حسن ولا اليوم مكاينة حنة عندك انا نكوليك
وردة : كوليها تبعد عليه راه مايسواش ومامنو والو...فخبارك لبارح كنت دايزة حدى بيتو كنيمعو كيهضر مع صاحبتو جايا من فرنسا ودار معاها ورا لعرس يمشي عندها لكازا وكاليها بلي لفيلا دجواد خاوية وغادي ياخدو راحتهم حتى من امين كاليا نكوليك بعديها عليه راه هذاك باغي ايتفلى مامنو والو..
ماريا : والله حتى حسيت لحمار لاخور والله حتى نوريه غير بلاتي وهيا لي مابغيتيهاش تعرف خاصها تعرف تشوف شنو دير تلاهي راسها شي صونطر ولا نجيبها عندي لقهوة تخدم معايا نشوف شنو ندير معاها بغا يتفلى عليها لقاها نية ومامدوزاش ابلاتي والله ومايعطيها تيساع حتى نوصلوها لكبار حنا كاع..
وردة : انا علمتك باش تشوفي شغلك
ماريا : كوني هانية خرجك سوق دابا دابا تشوفي أبلاتي..
- معارفش اش كيضور فراسك ولكن اجي معايا...مشا لديريسينغ فين داير لبيسات لي جاب معاه لبنات لي ايلبسو فالحنة وفالعرس...جبد لبيسة سرزال فالغوز مع فيست ديالو على شكل قفطان ولكن بسروال..لافيست مطروزة كلها من ليدين ومن ليزيبول مع حزام مخدوم فنفس اللون..وصباط حتى هو سومو..
وسيم : سيري لبسي واجي تقاد ليك مها..
ماريا : بلاش انا انقاد لراسي
وسيم : راه هضرت معاك😑..
ماريا : واخا واخا صافي...مشات ماريا لبلاصت تبدال لبسات لبيسة لي عطاها جاتها فنة بزااف...لبسات صباط معاها ولات كتبان انيقة بحال عارضات الازياء..خرجات عند وسيم دار شافها طلعها وهبطها..
ماريا : كيجيتك؟
وسيم : جاك فن هاد الموديل عمرك لبستيه كون البستيه غدا فالعرس طراساك كاملة...(يلاه اتكوليه لا رجعات وبدلات رأيها) :
- ماريا صافي وجد ليا بحالو نلبسو غدا بلاصة تكشيطي..يلاه صايب ليا دغية باش نمشي..كلسات مقابلة مع لمرايا...بدات ليها مها بوجها مركب وبيبي كريم كيت وجها تصلا عندها بيبي فيس...دارت ليها لون سومو على هينيها ركبات ليها شفار صافي وريسيل بلا ايلاينر عكر فلون شفايفها مع فغاجو وشوية ديال هايلايتر...اما شعرها جمعاتو ليها بمشيطة صغيرة ودارت ليها إيكسيسوار بسيط تبتات بيه المشطة ركبات ليها ظفار وصبغاتهم ليهم فسومو...
- هاهوما جاااو...تسالمو مع بعضياتهم...إقبال طلعات عند هاجر وماريا تشغلات مع نقاشة لي دخلات...الناس الأغلبية جاو الصالات عمرو بالعيلات ورجال كايتلقى ليهم الحاج وخوه...شوية دخل العربي معاه مراتو كتبانزمرة باردة شوية هو لي مبشور وضاحك...وصلات طوموبيل ديال لعريس دخل هشام العيلات بداو يصليو على نبي تبارك الله كيبان شهوة منو بالجبادور البيج ولبلغة ضحكة على وجهو ونزلات عليه واحد الحشمة والوقار...دخل عند رجال وجات لوقت لي تهبط فيه هاجر...سبقات وردة هازة ليليا فيديها...جات وقفات حدا ماريا..
- فين مشا أمين مبانش ليا؟
وردة : كتقلبي على أمين ولا على جواد شكون فيهم؟
ماريا : كتندمينا علاش كنسولوك أمين مبانش ليا
وردة : 5دقايق وغادي يجي تعطل مع واحد لكليان..حتى جواد مبانش ليا لا هو لا جلال..
ماريا : ماعرفتش والله..
وردة : نساي ها هاجر هابطة...هزو عينيهم فيها جات تبارك الله غزالة شعرها مطلوق مهزوز من لقدام ومن لتحت مبوكلي غليض...مع تاج صغير فذهبي وحجيرات فالخضر قفطان خضر منبت ومخيط بصم...بلغة على شكل صندالة عالية...وراها ثورية فقفيطين خفيف بسومو او أروى بقفطان ماريا فالموف...خرجو لعيالات وعمات هاجر...كيصورو بنيليفونات ولكاميرات كولشي كيصلي على نبي وكاميرا مان هابط معاها دقة دقة كيصور فيها...حتى دخلات لصالة كلساتها النقاشة فبلاصتها...كتقاد ليها محطوط قدامها سكر ولورد الزهر وريحة ولبخور...
وردة(نغزات ماريا).. :
- شزفي شكون داخل؟؟دورات راسها كيبان ليها جواد...تفيكساو عينيها عليه كيبان بحال شي أمير ولاةشي سلطان جليليبة فالكرونة خفيفة مع سروال قندريسي فالبيض وشوميز بيضة فاتح ليها عنقها وبلغة فالبيض داير فيديه ساعة فالكحل راض شعرو لور باين يلاه حسن ريحة روايح كيعطيو منو مع طولتو وصدرو لعريض والهيبة ديالو جا كيهبل...من عندو مشات عينيها نيشان لبنت لي داخلة وشادة ليه فدراعو طويلة شعرها كحل ورموضها طوال بيضة كل حاجة عندها فبلاصتها لابسة قفطان عصري بزااف بلا كمايم هابط من جيهت العنق الفرقة ديال صدرها باينة ومفتوح من رجلين فجنب كاع رجليها عريانين صباط عالي بزااف وبوشيط فيديها وروايحها كيدوخو ناس..
وردة(كتشوف فيها وتشوف فجواد) :
- شفتي خيتي لي معاه
ماريا(كتغزز فسنانها) :
- شفتها شكون هاديك؟
وردة : وهاديك الالة هيا شادية مهندسة ديكور لاباس عليها كدير شوبينغ ديالها غير فباريس..ودوك لي وراها منال مولات لكحل ختها طبيبة جراحة...ولوخرا ديك زعرة ايوا هاديك هيا دلال طبيبة نفسية و هاد...(قاطعاتها ماريا) :
- براكة براكة تكهمت شبعت صافي كولي ليا هادوك بنات عمامات جواد وهنينة ومالهم على دوك المكياجات وداك لعرا كامل وزايدون لاش دوك لقفاطن مزيرين جاييين لحنة ولا سهرة..
وردة : هوما هكاك دايرات اش كالت ليك هاجر كبيلات فيهم الفياش وبوخ...دازو من حداهم ماعبروهمش حتى من جواد دار راسو ماشافش ماريا..لي حلات فمها وخرجات عينيها...
ماريا(شافت فوردة وأشرات بصبعها ليه) :
- واش شفتيه كيفاش نخلني ياك دار راسو مشتفنيش شفتي ولا ماشتيش؟
وردة : شفتو ياختي واش مخاصمين ولا؟
ماريا : اه مخاصمين من بعد ونعاود ليك اوردة دابا راه جنية بدات كطلع ليا لسطح(شدات فمها لي بدا كيعواج بالأعصاب)..
وردة : نعلي شيطان اويلي ماقادين على شوهة وانا عارفااااك..
ماريا : مكاين بو شوهة انا عادية بيخير بيخير..بان ليها وسيم هابط غمزاتو على قبل لي وصاتو عليه...حرك راسو ودخل لعند رجال..جات هنية كتجري عند ماريا :
- ختي ماريا شطاحات وصلو
ماريا : دخليهم أهنية لصالون الله يعطيك ستر..
وردة : انت اتبقاي واقفة بحال لمخزني
ماريا : واش بان ليك اجي فين هيا سومية؟
وردة : خليتها معاهم..ياكما مزال لفوق كتقاد؟
ماريا : انا جايا...طلعات ماريا زربانة لفوق...تحت أنظار جواد لي حاضيها غير بنص عين شافها كيفاش جات بحال شي أميرة ولكن بغات ضد وبغات دير لي عجبها هيا حرة حتى هو ايدير لي بغا ومابقاش ايحزرها ولا يتبعها حياتك هاديك تشرق ولا تغرب ماهموش...
- طلعات ماريا كتقلب على سومية...مالقاتهاش دازت من حدا بيت يوسف سمعات صوتها..حطات ودنيها على لباب كتسمع هضرتهم..
يوسف : أشنو فيها مافيها والو احبيبة انا كنبغيك وانت كتبغيني عادي الى بستك وزايدون جيتي فنة ليومة
سومية : يوسف بلاما تحاول كنبغيك اه ولكن باش دير معايا هاد لبسالات لا زعمة حنا فداركم..فتحات ماريا لباب بجهد دارو بجوح شافو فيها..
ماريا(كلها كتغلي) :
- كتليك عكي تيساع لختي كلتها ولالا؟
سومية : ختي..(سكتاتها) :
- انت سدي فمك ومانسمعش حسك وانت هضرت معاك يااك ولكن وقيلة بغيتي نكبروها نكبروها هانية عندي اما ماعندي مانخسر نعبك دابا نكول لعمي ولدك صغير كايتسنا صاحبتو لي جايا من فرنسا ومن ورا لعرس ايمشي لكازا ومن تم لفيلا ديال خوه يحيح فيها شنو بان ليك؟..دارت سومية شافت فيوسف مصدومة قلبها كيضرب كلها كترعد حاسة براسها كتحلم..
- كالتها ليا ختي وماتيقتهاش عند بالي تبدلتي وليتي واحد أخور ولكن انت هو انت ندمت على نهار فاش عرفتك فيه نساني ونسا نمرتي وخطي ساحتي عمري نبقا نشوف وجهك مزال..ضربات فيه وخرجات..
- دابا لاش كتبكي واش غير هو لي راجل فهاد دنيا باقي صغيرة ولمستقبل قدامك ومزال يجي سيد سيدو يتمناك نعلي شيطان انا هدا والله مانخسر عليه دمعة وحدة ديري عقلك..
سومية : انا نية بزااف دغية تيقتو كلت راه تبدل ومابقاش كيف كان كنت غالطة اختي نستاهل يطرا ليا هكا
ماريا : اسيري عاودي راسك ديري ليا ديال دوك لبنات لي بحيو يبكيو فالفيسبوك تبكي وتهرنن ديريها فبالك لا انت لا دوك لبنات كوليها لصحاباتك او وحدة تكولها لوخرا يكون فبالك بلي كيدخل لطواليط غير فالخر ديال سيمانة كيكلس بحال شي ضفداع بحالو بحال جميع البشر عند بالك مكاينش بحالو كتلقايه كيضارب ويتعصر مع ديك لكيكة لي كيخرج ويدخل معها فالحرب العالمية الثالثة عند بالك بطل خارق ولا تتخيلي بلي كيحط كيكة على شكل قلوب ملونة راه لونها ايكون على حساب لي كلاه ويدوز لوقت تعيط ليه مو يا خانز ريحة خنزتي دار بطبيعة الحال غتجبدك نتي وتقوليه شكون هادي لي غاتديك يا لخراي أصلا هو شخصيتو ضعيفة ماشي كيف كيبان قدامك ومنين كيدوز لوقت كيخرج مهبط راسو بحال النعامة وظهرو مكعبب بحال الجمل ورجليه تنملو من كترت لكلاس ويجي ويدخل الفيسبوك من بعد ما غسل يديه بالصابون طاوس وزادو الريحة حيت الصابون ماقدش يحيد ديك ريحة من كترت ماهية قاسحة هدا إلى غسل يديه أصلا ويلقاك انت كتسناي فيه ويبدا يتعفر عليك ويدير فيها الرجل الخارق سومبير مان ويجرحك ونتي من نيتك كتأتري وتبكي وتصدعي لينا راسنا بدوك المنشورات ديال لحب والخيانة وتسولينا كيفاش تنسايه 😒من نيتك ديرو عقلكم شوية وعطيو قيمة راسكم شحفتيني وشحفتوني وانا اصلا معصبة وزدتوني لي خاص...سومية تكرشخات بضحك من بعد البكا رجعات كضحك..
سومية : كتسالي معايا وحق الله لهلا يخطيك عليا أختي..
- ياك كلتي ليا بلي سي جواد خطب ختي ماريا ومالو لاصقة فيه ديك لمشيكة ديال شادية شفتيها مابغاتش طلقو كااع حتى كاليها راه خاص يدخل عند رجال اما لوخرينات كالو ليها ماتعرفيش يييخ ختي ماريا فين تبان قدامهم تبارك الله وهو مخليها او واقف مع ديك خيتي عصبني
ماريا : حتى انا أمرات خويا هاي هاي أش هاد زين كامل
رابحة : عويناتك اختي ماريا الله يكبر بيك..
ماريا : هنية امضرا لماكلة فين وصلات عطي لسربايا لي طاغت كلاصي والعصير باش يفرقوه الضياف كاملين راه وصلو وراها تفرق أتاي الحلوة وأتاي وعاد الماكلة صافي نعول عليك وثقي على طيابة وكوليها تهور فطباصل ماتحطش داكشي قليلة ولباقي ديرو فميكات وديه لدارها ياكلو ناس ويشبعو ومايحلوش فمهم علينا وديك ساعات تدي حتى طناجر هانية...
هنية : كوني هانية اختي ماريا واقفة على كولشي وحتى ختي مليكة وختي حورية مامخلينش من جهدهم كل شوية كيكلو عليها..
ماريا : مزيااان أنا مشيت..رابحة دوزي كلسي مع العيالات هنية تسالي اجي ماتبقايش غارقة فكوزينة راه سرباية وسربايات ايديرو الواجب صافي
هنية : واخا ختي
ماريا : أنا مشيت..خرجات ماريا ودخلات لصالة عمرات وكولشي كيشوف فيها خصوصا بنات عمات هاجر بغاو ياكلوها ويتهامسو شكون هيا..كلسات حدا لبنات وحدا هاجر...دارت رحل على رجل هازة حاحبها ومعفرة..نقزات نعيمة عمت هاجر :
- بنتي شكون هاد البنت عمري شفتها؟؟..
هاجر(مادة رجلها لنقاشة) :
- هادي أعمتي ماريا بنت خو عمي العربي عرفتيه وصاحبت مرات خويا وردة وخطيبة خويا جواد...نعيمة وحلات ليها لوخرينات ضارو كيخنزرو فيها..نقزات شادية :
شادية : كولشي ممكن😊😉..قاطعهم صوت الاعابات لي بداو كيغنيو وهيا ماريا تسكت...قربات لودن وردة :
- قسما بالله غير جاتني حنة هاجر انوض نشتف عليها ونحيد ليها دوك زغيبات لي هيا فرحانة بيهم قسما بالله..
وردة : تهدني اسكتي انا كتااار منك كون تشوفي ختها صغيرة لفعة فاش طلعتي دخل أمين طارت عليه بالبوسان لحناك ياربي تصبرني ياربي وانا اصلا معصبة انبرد فيها جنوني ومع هاديك مجاتنيش اسكتي
ماريا : درتي تيست؟
وردة : والله حتى نسيت مع تلهيت مع هاجر نسيت راه مزال لفوق غدا انديرو..ناضت دلال وجات عندها كتعوج فمشيتها... :
سيدها الجزء 22
محتوى القصة
التنقل بين الأجزاء