سيدها الجزء 28

شاف فيهم جواد جامع غوباشتو كيخنزر تسمع صوت تيليفون ديالو...طماطا لكوافوز هزو لقا رسالة فالواتساب من عند ماريا عبارة على فيديو تيليشارجة ديك ساعة وفتحو كتبان ليه ماريا وردة سومية فرح بلباس الصعايدة طالقين شعرهم وسط الديسكو ..

- صباح النور حبيبي باينة فقتي دايخ معارفش راسك شنو واقع ليك واش كنتي كتحلم كيفاش وصل نهار لحنة ومدزتوش ليلة العزوبية ياااك أحبيبي بغيت غير نكوليك بلي دوزناها فبلاصتكم شفناكم عيانين محنين كلنا حشومة نخليكم ناعسين مرتاحين ونشطو حنا فبلاصتكم ...شدات تيليفون وردة بإبتسامة شيطانية على وجها :

- جواد واخا تعطي تيليفون لأمين.. مد ليه جو تيليفون بلاما يشوف فيه ... شد أمين تيليفون كتبان ليه مراتو بلاباس غريب :

- ياااك أحبيبي وليتي تخطط من ورايا بلا حشمة بلا حيا متافق انت وسي جلال جايبين صحابكم لقدام وصحاباتكم وزايدينها بشطاحات جايبينهم من حد الدنيا خاسرين عليهم الزبابل ديال لفلوس باش تزوهاو كولها ديك ساعات كولها نتجمعو كاملين ونجيبو حنا شيخات كاااع ولكن أحسن حاجة درتو نشطنا وفوجنا مع راساتنا أه بغيت غير نكوليك احبيبي بلي دوك شطاحات مشاو بلا رجعة عمرهم مغادي يرجعو مزال والى كنتي كتسول راسك كيفاش نعستو نهار كامل الله يخلف على هذا(جبدات منوم من جيبها وراتو ليه) خلاكم تنعسو نهار مزيان نيت ترتاحو شوية من ستريس ديال الخدمة غير باش هاد المرة الراجلي العايق الفايق مديرهاش بيا منين تبغي ديرها فكر وضرب ألف حساب وتفكر بلي كيدنا عظيييم ومكدارش بينا وبلي وديناتي مطلوقين كيرادارات واخا تكون فيما كنتي انا معاك ...خدات تيليفون ماريا :

- أمين واخا ترجع تيليفون لجواد؟... مد أمين تيليفون لخوه وهو كينفخ ويتفش غير بوحدو :

- ماريا : حبيبي ماتقلقش مني بحالي بحالك ياك حنا واحد بحال الى نشطي انت بحال الى نشط أنا كيف كيف غير احبيبي هاد المرة ماتبقاش تخبي عليا حيت غادي نعرف غادي نعرف اللهم نعرف من عندك انت اه بلاما تحاول تقلب عليا حيت الى نسيتي اليوم نهار ديال لحنة انكون مشغولة نتلاقاو فالعشية بيزو بون جوغني مون أموغ ....(سالة الفيديو) ... رما جواد التيليفون وناض غادي جاي فالبيت ضار شاف فجلال :

- شفتي بلاناتك كلت ليك مابغيت لا حفلة لا زبل شفتي فين وصلتيني صدقت دابا انا كداب انا اصلا مكنتش باغي هاد الويل من لول لي تبعكم انتوما ...(مكملش كلامو) ... دفع أمين :

- حيد من كدمي(دخل لحمام)..

أمين : هاد لعيالات خطاااار لي مايعرفهم خطااار

جلال : انت لي دابا راك فخطااار اما انا تهنييييت

أمين(كيخنزر فيه) :

- ديرها قد راسك وتشفى فالخر

جلال : واحد ياسين وذياب شفتهم مبانوش؟؟

أمين : ماعرفت ليهم انا دابا افحريرتي تلقاهم حتى هوما مزال مغيبين

جلال(ضربو لصدرو) :

- أنمشي نشوفهم فين هوما ... خرج جلال وبقا أمين واقف كيفكر فحريرتو أخرتها خرج لي ليها ليها ياربحة يا دبحة ...

***

‏أن تقوم بإختياري كملجأ وصدراً يحتويك،،

يعني ذلك أنك في أمان مهما كلفني الأمر ،،!!

^^^

حدا لبسين مجهزة كلسة بلدية بتوب مطروز بالموف وليموني قدام لكلسة محطوطين طبالين كيتوسطهم طيافر عامرين بالحنة البيض الورد البلدي وشمع وصنيدقات ديال النحاس السواك ولكحل ... كلسة تصايبات خصياصا لماريا لي فاقت بكري وداوها لبنات لحمام البلدي اما موات ماريا حورية ومليكة بقاو فلوطيل كيتسناوها باش يستقبلوها ... وصلات هاجر هيا وهشام جاو مع الوقت قد قد وصل عصام وزينب وحتى إقبال وطاريق لي خدا سيمانة باش يحضر للعرس ... الأهل بداو كيجيو عائلة بعائلة لي فرحان من قلبو ولي جاي غير ضد ولي جاي يبان بشنو خدا وشنو تزاد عليه ولي جاي غير يعرف سي جواد الإبراهيمي الريفي شكون هاد لعروسة لي خدا او واش بصح هيا طليقتو لي كانت عام هدا مراتو ... كل واحد وهمو اما هم العرسان فهو يتوحدو قلبا جسدا وروحا ...

فوسط حمام تقليدي عصري مجلج بزليج بيض فالحيط أما الأرض زليجها فالموطارد فوطات مطويين ومحطوطين الضواو فسقف مزينين حدا روبينيات محطوطة سطيلة ديال نحاس ... مدخلين ماريا بصلاة على النبي وجها مورد بحال شي وردة وسط جنان ... لي مكلفات بالحمام واقفات وحتى هوما معاونات بصلاة على النبي حتى من العيلات لي كانو ديجا فالحمام لا لي خارجات او لي عاد دخلو واقفين كيتفرجو والابتسامة على وجهم ومعاونين حتى هوما بصلاة على النبي(عليه الصلاة والسلام) وزغاريت... ماريا حادرة راسها وحشمانة دخلوها لدااخل ... ضارو بيها صحاباتها وختها هوما لي عمرو الما وقادو ليها لبلاصة أول حاجة داروها ليها هيا صقلة ديال اللحم لي كتكون مصنوعة من الورد البلدي مطحون ولخرقوم وشبة مطحونة ولودعة مطحونة اليزير مطحون الزعتر مطحون ولخزامة مطحونة العكر الفاسي وصابون بلدي ديال أركان ... خاطو ليها لبنات هاد الوصفات وداروها ليها لجسمها كاملو خلاوها حتى سخنات مزيان شللو ليها وبداو ليها الحكان كل وحدة باش تكلفات ليها.. من بعدا غسلو ليها شعرها بشومبوان وديميلور مع ماسك وواخر حاجة هيا باندوش ولقهوة خلطة باندوش والقهوة مزيااان ودارو ليها بيه كوماج لدات ديالها كاملة من غير لوجه ... 5 دقايق وشللو ليها هيا بايضة وزادت بياضت ونور على وجها أما لحمها ولا بحال ديال لبيبي ... من بعدما غسلوها دورو عليها بينوار وفوطة وخرجوها لبسو ليها حويجاتها بحال الأميرة دهنات يديها ورجليها بكريم خاص مصايباه هيا من بفازلين وكريم كليسوليد مع زيت كليسيرين وزيت الكوكو زيت الحامض طالك وعكر فاسي كديرو ديما لرجليها كيعطيهم بياض وحمورية خطيرة علاش لا وخاصها توجد يدياتها ورجيلاتها للحنة ... أخر حاجة دارت رشات على وجها ماء الورد ممزوج مع شوية ديال العكر الفاسي باش يعطيها نظارة للوجه ديالها .. خرجوها من الحمام بحال النوارة المفتحة كضوي بنهار ... فأوطيل بالوما كانت النكافة المعروفة رمسيس كتسنا هيا ولعيالات لي معاها فالعروسة توصل ... من بعد شحال من دقيقة وصلات طوموبيل بشيفور ديال ماريا ... نزلوها بصلاة على النبي بخروها بالمسك والعود لقماري باش يريحها ويخلي نفسيتها مزيانة ويضرد كاع الافكار السلبية من بالها دخلوها بجلابتها البيضة والبلغة ديالها وراها صحاباتها ولقدام عائلتها وعائلة جواد كولشي كيصور الكاميرا مان الخاص بمجلة وسيم دخلوها النكافات لبيت فين أتبدل اليوم ولغد ديال لعرس ... كاتسناها لبسة فالبيض مطروزة بطرز لحساب الفاسي بالخضر داكن مع عقد ديال الجوهر ... لبسوها لبيسة لي جات مواتياها مع العقد فعنقها وحلقات ديالو طلقو ليها شعرها وعطروه دارو ليها لفوال فلون اللبسة اما رجليها لبسوها شربيل فاسي كلو فصقلي اما المكياج خلاو وجها سامبل بلا والو النور والحشمة لي نازلة عليها زيناتو ... نوضوها وخرجوها بصلاة على النبي من جديد ... داوها لبلاصتها الديكور عجبها بزااف خصوصا المنظر حدا البسين واخا كاين البرد ولكن ماحساتش بيه بالحشمة لي فيها ... كلسوها فبلاصتها حطو ليها يد على مخدة بنفس توب ديال الكلسة وليد لوخرا نفس الشي ... كلسات جنبها النقاشة بإبتسامة باركات ليها ... وبدات خدمتها ... تحت أنغام الديدجي خلود لي نوضاتها دخلو لبنات بقفيطنات خفاف تجمعو حلقة كيشطحو ناشطين لحبيبتهم الغالية على قلبهم ماريا ... أما رجال فتجمعو بوحدهم فالقاعة لتحت ديال ديسكو لي تحولات لقاعة مزينة بأجمل تزيين مخصينو لرجال كيتوسطهم جواد بكامل أناقتو جلابة فالخضر متكونة من القطعة اللون بثوب رقيق ولتحت سروال فندريسي فالبيض مع شوميز بيضة ساعة رجالية فالقهوي وبلغة بالبيض ... مقاد اللحية وشعرو باين بلي خارج من دوش ريحتو معمرة لبلاصة واصلة لعند الباب واخا المبيهرة لكبيرة لي لوسط ريحتو عطات ... وسوشات رجالية ..

- جلال(موجه كلامو لذياب لي كالس جنب خوه) :

- فين غبرتي هاد الصباح فخبارك لبلان لي وقع؟

ذياب : انا ماحسيتش براسي فقت انا وياسين فبيت واحد فوق نموسية وحدة مافهمت والو ..

جلال(مات بضحك) :

- لا متكولهاش ههههه ناااري من بعد ونكوليك زعنة هاد العيالات عااالاااام والله ..

ذياب(كيضحك) :

- عاد عرفتيها على السلامة ...جواد كيلوح بتسامات من هنا وهضرة من هنا وهو آخر هامو هادشي لي كيهمو هو فوقاش يشوف ماريا وعلاش كايتسنى هاد الوقت كامل ويشوفها مافهم والو فهاد التقاليد لي مخاص يدخل حتى تسالي حنتها يتصور معاها ويخرج زوينة هادي مراتو كايتحكمو فيها ... اه مراتو من بعد 2 ساعات أتولي مراتو مدام ماريا المنصوري الإبراهيمي الريفي ..

مدي يديك للحنة يا ماريا والحنة من الجنة يا ماريا ومدي يديك للحنة يا ماريا والحنة من جنة يا ماريا ومدي يديك للحنة يا ماريا ولحنة من جنة يا ماريا ..

^ أ لالة مدي يديك مدي للحنة لا ترضي يا لعزيزة عليا الالة مدي يديك مدي للحنة لا ترضي يالعزيزة عليا..

ألالة جاو الخطاب خطبو بالحنة وتمر لحليب فصينية الالة مدي يديك مدي للحنة لا ترضي يالعزيزة عليا..

الالة بنتكم بغيناها برضاة باباها لعريس دار مزية الالة مدي يديك مدي للحنة لا ترضي يالعزيزة عليا ..

الالة بنتكم بغيناها برضاة يماها لعريس دار مزية الالة مدي يديك مدي للحنة لا ترضي يالعزيزة عليا...

- حناة ماريا على أنغام المداحات لي كيبورشو لحم خلاو مليكة او حورية يبكيو معانقين واخا وحدة ماكانتش معاها من صغر وثانية عمرات الفراغ فالكبر ولكن أهم حاجة انهم معاها فهاد النهار لكبير عندها ... سلات ليها الحنايا النقش لي كان غزاال حناة غير يديها أما رجليها كتفات بخلخال صغير ... هنا كان خاص لعريس يدخل باش يتصور مع عروستو ... خرجات حورية باش تعلم أحمد لي علم جواد ... بالفرحة كان غادي يخرج فطلبة لولة لطف الله ... خلى صاحبو وخوتو يضحكو عليه ... دخلوه النكافات عندها بصلاة على النبي وزغاريت النور طالع من وجهو واحد الهيبة واحد الحشمة ولوقار طاح عليه السر ماتختاريش بين الرجال غير هو طلعات ماريا راسها عندو عينيها كيبريو وجها حمر بالحشمة ولفرحة كولشي تخلط عليها فهاد اللحظة هادي أما هو منزلش عينيه عليها عينيه لي عامرين بكمية كبيرة من المشاعر ديال الحب والاحترام ولود كلسوه جنبها .. قادو ليه لبلاصة وقادوها هيا وعلى أنغام المداحات وصلاة على النبي عليه الصلاة والسلام ... بدا أنس السملالي مصور ديال لعرس كياخود صور للعرسان مع بعضياتهم.. بمختلف الوضعيات .. غير سالة خلاو نكافات جواد واحد الشوية مع ماريا ونوضوه باش يرجع عند الرجال ماعجبوش الحال نهائيا ... من بعد ساعتين نشفات لماريا يديها جات وردة زولات ليها الحنة بدبليج النقرة التقاليد هيا هيا مكتبدلش ... أما عند العرسان وصل العدول لي توسط بين جواد وأحمد خدا من عندهم لي كارت ديالهم ... من بعد الأسئلة لعريس وبابات لعروسة تكتب العقد او ولات ماريا رسميا مرات جواد على سنة الله ورسوله تعلات الزغاريت فلوطيل كلو ليلة مابحالها ليلة الزغاريت عند العروسة وتهاني جاينها من كل بلاصة صحاباتها فرحانين بيها بزااف مقاداهم فرحة بحال الى نهارهم .... قربات مليكة من ماريا وهمسات ليها شيحاجة فودنيها.. شافت فيها ماريا والفرحة فعينيها..

ماريا : بصح كنت خايفة لا مايحضرش والله بلاتي نعيط على سومية تديه عند بابا يجلس مع الرجال ..(عيطات على سومية لي هازة تيليفونها كتسيلفا مع لبنات سمعاتها كتعيط جات عندها)

- ماريا : سومية آدم يلاه جا راه واقف على برا ديه عند بابا صافي حيت ماما مليكة مشغولة مغاتقدش تديه ..

سومية : واخا...خرجات سومية كدور يمين وشمال بان ليها واحد الولد فايتها يشي عامين تقريبا واقف داير واحد تحسينة لشعرو لور منقوص ولفوق كثير الرطب لابس سروال دجين واحد لافيست شوميز محلولة عند الصدر او واحد العقيق بحال تسبيح هابط ليه من عنقو..

سومية(وقفات عليه) :

- سلام آدم؟؟...دار شاف فيها :

- اهاه هو هذا

سومية(تبسمات ليه) :

- انا سومية خت ماريا

- اه سي مرحبا ختي مبروك مدارت ماريا

سومية : الله يبارك فيك ومبروك عليك حتى انت راها ختنا بجوج

آدم : عندك الحق وماحشوماش أختي انا ضارب طريق باش تديوني عند الرجال زعمة شنو مكاينة حيحة شطيح رديح كيفاش زعمة؟؟

سومية(ضحكتها تسمعات بحال الرنة ديال لخلخال) :

- كاين أخويا كاين غير ياكلو لعيالات وديك ساع مكاين غير نشاط حتى شاط

آدم : وهاد العيالات ياكلو فالحنة فالعرس بزااف

سومية(قتلها بضحك بدمو لخفيف) :

- وراه عرس ماريا هذا ياكلو نهار يوماين 3يام حتى سيمانة كاع نهارها مكايتعاودش

آدم : عندك الصح أختي يلاه ديني لعند هاد الرجال واخا عارف مكاين حتى واحد فعمري انبقى شاد حناكي بحال ليتيم

سومية(كضحك مع ضارت غادية بيه لجيهت الرجال جات عينها فعينين ذياب لي كانو مفيكسيين عليها بحال شي سبع كيتسنا فالفريسة ديالو مع ذلك دارت راسها مشافتوش وكملات هضرتها مع آدم لي دغية زعم عليها وزعمات عليها) :

- مغاتبقاش مدة طويلة فغرفة التعديب غير شوية ويحلو عليك😂😂😂

آدم : إيمتا خلاص...وصلاتو سومية لفين كاين الرجال عيطات على أحمد خلاتو مع آدم لي شكرها ورجعات لعند لعيالات حتى سمعات صوت من لور عيط ليها..

ضارت لصوت لي عرفاتو طلعاتو وهبطاتو برودة :

- نعام..

ذياب : سومية كنعرفك بنت بعقلك ماشي اول مشكيل اتلقاي لبديل

سومية(بستغراب) :

- بديل على أشمن بديل كتهضر مافهمتش؟

ذياب : خينا لي كنتي معاه من دابا شوية وضحك ديالكم واصل لعند باب لوطيل..

سومية(عاد فهمات) :

-واش كيحسابليك انا او آدم هههههه لا والله حتى ضحكتيني اول حاجة واخا انا اصلا مامحتاجاش نبرر ليك حيت مابيني وبينك والو وكي كلت ليك داك نهار الحب يالك انخزنو فقلبي ونخليه يموت ومن داك نهار مابقيتي كتعني ليا والو حيدتاااااك من بالي من ظاك نهار الورقة ديالك قطعتها ورميتها وشتا صباط عليها رشاااات أما آدم راه خة ماريا وكنت كنوريه لبلاصة فين كاينين الرجال ولكن هاشي مكايعنيش بلي مغادي يكون حتى واحد فحياتي ديرها فبالك وماتبقاش غير حاضيني...عطاتو بظهر حسات بيدها تجرات من بلاصتها جرها لعندو وجها مقابل مع وجهو لي باين عليه كاش معصب من غير الاعصاب ديال فك ديالو كيتحركو ...

ذياب(بصرامة) :

- مزال ماكملت هضرتي وفاش نكون كندوي انت خاصك تسنطي ...دفعاتو ورجعات بلور .. :

- انا وانت مابقا عندنا فاش نهضرو ومكاين لاش نبقى واقفة نتسنط ليك ...عطاتو بظهر ومشات كتجري قلبها كيضرب بجهد حاسة براسها اتبكي ولكن لا حلفات عمرها تنزل شي دمعة على قبل شي واحد ... رجعات لحفلة بحال حتى حاجة ماوقعات أما هو بقا واقف معصب كيدوز يديه فشعرو غادي جاي ... حاس بالعافية شاعلة فقلبو يااك هو لي رفضها ورفض حبها ليه ياك هو لي كاليها مايصلاحش لحب واش كان كايضحك عليها ولا على راسو ... واش كيوهمها هيا ولا راسو والى كان هادشي نيت بصح علاش هاد الايام لقليلة لي مشافهاش فيها حس بشيحاجة ناقصة عندو ولفها معاه فالمطعم ولف الأسئلة ديالها ليه وكيفاش كتشوف فيه وتغمض عينيها صغار كيفاش فاش كتبقى تكتب وتحك فراسها ونهار لي ضحكاتو كثر فاش سولاتو واش عمرو دار الزبدة لشعرو تما فشلاتو بعد المرات كتبقى غييير تهضر وهو كيتسنط ليها والى جا يفكر فراه عندها نسبة كبيرة حتى برا من المرض ديالو ومزال غادي فطريق الشفاء ...هادشي كامل فكر فيه وهضر فيه مع راسو ولكن مزال لدابا ماتوصل لجواب ...

ذياب(كينفخ) :

- اووووف اي واحد كيخسر شي صديق كيفكر بهاد طريقة مكاين لاش تبقى تكبر فالموضوع ... حس بيد على كتافو ضار ..

- يحيى : ولدي لاش واقف هنا دهل لداخل ..

ذياب : واخا لواليد أنا جاي... دخل يحيى وتبعو ذياب من لور راسم على وجهو إبتسامة باردة متصنعة يخفي بيها التوتر لي داز منو يلاه شوية هذا ...

^^^^

التجاهل من أجل راحة البال ، دلالة واضحة على الذكاء العالي لدى الشخص ، وكأن الشخص يقول “ أعلم كل شيء ولكن لا أسمح لأي شيء بأن يعكر مزاجي ^^

- دخلو السرباية الماكلة لي كانت خفيفة بزااف بمناسبة ليلة الحنة كانت عبارة على سلطات فالأول وراها مقبلات خفاف وعصائر موراها تفرق أتاي منسم بزعفران الحر وحليوات خفاف كولشي كان فرحان أما لبنات كانو ضايرين بماريا ويوشوشو لبعضياتهم وميتات بضحك ...

هاجر : شفتي لمونيكة ديال شادية السم لي باين على وجها ماباين على حتى وحدة من غيرها..

ماريا(الضحكة على وجها) :

- أنا والله ماتلات كتهمني تفرح ولا تبكي شغلها هذاك المهم حبيبي ديالي بوحدي وماتشاركني فيه حتى وحدة...

وردة(غمزاتهم) :

- أجي اسي جواد تسمع مراتك أش كتكول ...

ماريا(جاتها كلمة مراتك فشكااال) :

- هاد مراتك خارجة بحال لعسل من فمك😍

وردة(بستغراب) :

- شوفو كيكتسبل ليا فعينيها

ثورية : ورااه الحب هذا أختي كيطيح عليك متكوني ضناه ولا عارفاه

أروى(كضحك) :

- هاوحدة حتى هيا كتهضر أجي أوسيم تسمع

سومية : علاش اختي يحسابليك هادو بحالنا خليني ساكتة ولكن البنات كل وحدة فيكم بغات وعطات قلبها لي يستاهلها

وردة(تنهدات) :

- بصح الى جبنا نفكرو مناش دزنا واهلييي كاعما كان يجي على بال وحدة فينا ادوزش هادشي وتعيشو وتعيش هاد نهار

ماريا : بصح شكون كال نتكفل بليليا ونتعرف بعمها ومن بعد داك لعناد وتكبر ولغرور لي كان فيه وداك لكبرياء زايد نولي نبغي ونموت عليه ويجي نهار ونكون مراتو ونهز كنيتو..

وردة : كنتي مراتو ولكن انت دابا مراتو قلبا وقااالبا(بداو كيضحكو بيناتهم ويسترجعو دكرياتهم)... سلاو الضياف الماكلة وجا وقت النشاط وشطيح رجعات ديدجي خلود وعلى أنغام (يخليك ليلي لسعد لمجرد) كولشي نايض يشطح ويغني حتى من ديدجي براسها كتغني وتشطح معاهم التيليفونات خدامين وسيلفيات خدامين نوضو ماريا وسط منهم علات رايها بان ليها جواد داخل ومعاه جلال ولبقية ...جرو خوه امين لعند مراتو شد ليها فيديها عينيهم كتضحك شادين فبعضياتهم وكيشطحو الفرحة راكباهم من ساسهم لراسهم علاش لا وهاد النهار هو تتويج وإتحاد لحبهم ...

جر أمين وردة ودخلو كيشطحو حتى هوما كاع لي شباب دخل أما آدم خلاص خاصو غير لي يحركو دخل كيشطح وسط لبنات دغية خدا بلاصتو مرة يشد لماماه مرة مع سومية لي شوفات ذياب غادي ياكلوها... سلات ليلة الحنة حتى ل2 ديال ليل ... طلعو نكافات ماريا لبيتها زولو ليها حوايجها ... بدلات ولبسات بيجامة دافية سخونة كتحس براسها عيانة مهلوكة مع خرجو تخشات تحت لغطا باش تنعس ...كتسمع فصوت دقان مقدراتش تنوض من بلاصتها غير بزز كتجر فرجليها فتحات الباب لقاتو قدامها جرها ودخلها ..

ماريا(بستغراب) :

- شنو كدير هنا؟

جواد(كيطلعها ويهبطها) :

- كيفاش زعمة سلتي ماكلتي نشوف حبيبي واش بغا شيحاجة ماوالو دابا انت مسؤولة عليا وانا مسؤول منك

ماريا(كضحك) :

- والله حتى عييت شوف عينيا كي حمرين بنعاس(قربات ليه وجها وخرجات عينيها)... بالغفلة شد وجها بين يديه وحط شفايفو على شفايفها وباسها بجهد حتى خلا شفايفها حومر ورجع لور كيضحك ..

جواد(غمزها) :

- مكاين لاحشومة لا عيب انت دابا مراتي ندير فيك مابغيت غير تاقيت فيك وجه الله وعرفت سومية شوية دق لباب اما ناخود حقي بيدي وهاد ليلة

ماريا(هازة حاجبها ومهبطة التاني) :

- اهاه هاد الليلة وشكون أيخليك أحبيبي...شاف فيها بتحدي :

- بحال الى كتحدايني لا؟؟ طلع يديه لصدايف شوميز كيحل فيهم وجاي قاصدها وهيا راجعة بلور

ماريا(بخوف) :

- أشنو كدير ؟

جواد(بنظرة جرأة) :

- لي كيديروه الناس أحبيبي كنحيد فحوايجي

ماريا : ر رجع س سير تنعس ر راه انت عيان خاصك ترتاح والله

جواد(كيضحك بستفزاز) :

- مع انت احبيبي مكاين عيا نبقا معاك حتى لغدا ماتخميش .. غادية راجعة حتى تلاحت على نموسية كتشوفيه زول شوميز عريان صدرو كيبري مطراسي شوفة فصدرو وشوفة فوجهو قلبها كيضرب بجهد كلها كاترعد حط رجل على نموسية يلاه اينزل عندها تسمع صوت دقان فالباب ...ضحك ورجع باللور كيسد فالعقاد ..

جواد : عندك الزهر أما نديرها ليك على قد فمك

ماريا : فين غادي(بلاهة) ..؟

جواد(بستغراب هاز حجبانو) :

- الى بغيتيني احبيبي نبقا نبقا اصلا خاص نبقى انا وياك مزوجين دابا بلات نجري على سومية ونرجع ليك ...عطاها بظهر تبعاتو جراتو ..

- لا ويلي حشومة مجاتش🙊

جواد(كيشوف حمورية وجها من الحشمة) :

- وعلاش راك مراتي ماشي صاحبتي

ماريا : راه عرفت خلي كولشي بقوامو عفاك أحبيبي..بقا ساكت والباب ايطيح بدقان ...

جواد(تبسم وجبد ليها حنيكاتها) :

- يخليلي لي كيحشم سيري رتاحي أحبيبي مبروك علينا أهم حاجة عندي هو انت وليتي مراتي قدام الله وقدام الناس هادشي هو لي كيهمني شيحاجة خرا مكتهمش...تهظات على راس صباعها ودارت يديها ورا عنقو وباستو بوسة كبيرة فمو ...

جواد(هاز حاجب ومهبط الثاني كيضحك) :

- وزعامة هادي لالا كيبان ليا غادي نبقى انا مغادي فين..

ماريا(كضحك جراه) :

- سير احبيبي ترتاح وخليني نرتاح حتى أنا

جواد : أصكعة دابا تندمي..الفرصة جات لبين يديك

ماريا : لالا مغاديش ندم يلاه سير ترتاح غدا هو نهارنا..

جواد(حاط صبعو على لبوانيي) :

- كنبغيك

ماريا(كتدبل فعينيها) :

- وانا كنموت عليك..

جواد(كيتجنن) :

- احح عليك شنو كديري فيا غادي تسطيني نمشي حسن قبل منرجع فكلمتي.. فتح الباب شوية وطيح سومية عليهم يلاه اتهضر وهيا تسكت فاش شافتو..مشا جواد وماريا متشير ليه..سظات الباب مع ضارت لقات سومية كتشوف فيها وضحك..

ماريا(بستغراب) ؛

- مالك مابقى حد يهضر مع راجلو؟

سومية : ومالي اختي انا كلت شيحاجة انت لي كطيري انا ماكلت والو ياختي على لحشمة اش درتو العفريتة أم؟؟

ماريا(هزات مخدة حداها رماتها عليها) :

- قليلة لحيا مكتحشميش دوزي تنعسي مغاديش نجاوبك الله يستر... خلاتها واقفة شادة لمخدة كضحك دخلات تحت فراشها تغكات حتى لراسها مغمضة عينيها صورتو مترسخة فبالها شوية بدات كضحك بصمت غير بوحدها...

ساعة سعيدة ماتباع بأموال وضوا لمكان ولفرحة تهني لبااال ومال حبيبي مالو سحر وجمال سحر وجمال...(على أنغام هاد االأغنية فيقات سومية ماريا)..

ماريا(كتقلب من هاد جيه لهاد جيه نسات شنو اليوم وشنو تابعها فهاد النهاى طويل نهارها هيا فرحتها هيا لالة سلطانة)..

سومية(كتحيد عليها لغطا) :

- أنا عمري شفت شي وحدة نهار عرسها حالفة متنوض وحالية ليها نعسة انا بعدا منعس منشوفو... حلات ماريا عين وسادة لوخرا كتشبح :

- علاش زعمة أختي غادية نحارب شحال ساعة؟

سومية : 8 هادي

ماريا(بعتاب) :

- قسما بالله الى حشومة عليك وعيب وعار 8 مفيقاني انزيد ساعة وفيقيني راه انبقى ليل كامل وانا فليقة وعلم الله معاش غادي يسالي هاد العرس..

سومية : ويلاه توجدي

ماريا : انوجد من 8 ولعرس مايبدا حتى ل8 ديال الليل واش انت شوية لاباس هالعار هالعار خليني نعس نرتاح ... جرات عليها لغطا ورجعات تنعس... سومية شافت حتى عيات وسكتات خرجات من لبيت وخلاتها ... كدور فلوطيل من طاج لطاج حتى وصلات لسطح ديال لوطيل واحد المنظر وااعر كتبان ليك السعيدية كلها قدامك ... وقفات كتشوف فداك المنظر فاتحة يديها معنقة لهوى مغمضة عينيها وكتمتع بهاد اللحظات شحال وهيا على ديك الحالة كتحس براسها كتخوي الطاقة سلبية وتستقبل الايجابية .. حلات عينيها حدرات يديها وكلسات على الحافة ديال سطح شعرها كيلعب بيه البرد كتحس براسها ماشي بوحدها بحال الى شي واحد مقابلها ... يلاه ادور تشوف شكون معاها سمعات صوت مخلوع ...

- عنداااك ... فرمشة عين كان عندها جارها لعندو حتى تخشات وسط صدرو.. مافهمات والو هادشي وقع فرمشة عين ... بعدات عليه بشوية كتشوف فيه بستغراب :

- ياك لاباس علاش درتي هكا؟

ذياب(القلق باين فعينيه) :

- أخطر حاجة تكوني فوق الحافة ودوري على غفلة كيختل توازن ديالك ولا قدر الله كطيحي)..

سومية : شنو كدير هنا؟

ذياب : نهار جينا طلعت لهنا عجبني الحال فقت اليوم بكري كلت علاش لا منطلعش حتى لقيتك مابغيتش نبرزطك بقيت بعيد..

سومية (بعدم إهتمام) :

- أمم مزيان انا سلات نوبتي نخليك ليك السطح تمتع فيه حتى انت نوبتك نهارك مبروك..شدها من يديها رجعها لعندو :

- ماشي ضروري ديري معايا هكا..

سومية : وكيفاش خاصني ندير؟

ذياب : سومية انت بعقلك زعمة خلينا صحاب كيف كنا

سومية(حيدات دراعها من يدو) :

- صعييب بزااف

ذياب : انت لي مصعباها

سومية : انت مكتفهمش وعمرك غادي تفهم ياك هضرنا وتفاهمنا وبعدت من طريقك أش بغيتي مزال واش مزال تابعاك كنطلب منك شيحاجة لا إيوا خليني عليك عفاك

ذياب : لا بغيت نرجعو كيف كنا صحاب انا محتاجك فحياتي..

سومية(كضحك) :

- أنت أناني كتشوف غير شنو باغي أنت انكونو صحاب حيت باغيني فحياتك ياك لبارح درتي ليا حالة على آدم واخا انت ماشي شغلك ودابا صحاب ذياب سير حتى تعرف شنو بغيتي وقلبك شنو بغا واجي هضر معايا نهارك مبروك ... ضارت عطاتو بظهر ماشافتش فيه حتى هبطات مع دروج خلاتو ساهي فبلاصتها كيفكر فهضرتها..

هاد المرة وسيم لي فيق ماريا بالكشايف حتى فاقت ..

وسيم : مزيان تبارك الله واش ناوية تبقاي ناعسة حتى ل2 ديال نهار راه ل10 هادي ألالة لغزالة..

ماريا(بغات تنتف راسها) :

- لا واش محرشينكم عليا..

وسيم(مداهاش فيها) :

- نوضي خلاص من الهضرة عندنا مايدار والوقت دغية كيدوز يلاه يلاه ...دورات عينيها لجيت لكوافوز كيبان ليها لبلاطو ديال لفطور كامل مكمول...ناضت بجرا من ناموسية

وسيم(كيشوف فيها بنص عين) :

- الماكلة نايضة تجري عندها درت فيك خير ولكن عنداك تولفيها راه غير هاد النهار ..

ماريا : لهلا يخطيك عليا..

- من بعد الفطور ... خدات ماريا دوش سخون لبسات كيطمة خرحات على برا لقات وسيم كيتسناها اما لبنات غابرين ... أمهاتها مشغولين مع الحلوة واقفين على السرباية باش كل حاجة تكون فبلاصتها..

جواد فبيتو معاه جلال وأمين وهشام..

- داك نهار نهاري انا وهاجر ودابا انت وماريا سبحان الله الايام غادة بزربة

أمين : ولعام جاي تلقاك لا انت لا جواد والدين..

جلال : انا حتى واحد مدكرني لعفو منكم قاطعين مني الياس

جواد(كيضحك عاطي وجهو لجلال كيقاد ليه شعرو ولحية هو لحلاق ديالو عمرو عطا وجهو ولا لشعرو لشي حد من غير جلال حيت كان حلاق سابقا قبل مايتعرف على جواد فالعشرينات من عمرو) ...

- وصاحبي راه انت لحد هاد ساعة مابينتيش لينا ولالا شباب؟

أمين : عندك الصح انا وليت كنشك فيه..

جلال(خنزر فيه) :

- خوك عود متخممش ارتاح اولدي..

أمين : لا أشباب صراحة خاصنا نزوجو جلال حشومة أصاحبي تبقا بلا مرا بلا ولاد خايبة حتى لمعاودة(غمز هشام كيضحك) ..

هشام(كيضحك) :

- كاينة واحد العروسة واحد جارة وااعرة غير هيا كبيرة فالعمر ولكن ماتخممش واخا قرعة دابا زرع ماخلى حد بلا شعر😂😂

جلال(كيخنزر فيهم) :

- غاا بلاتي نشوفو شكون أيضحك على شكون دابا تفرجو بالمزيان..كمل الخدمة ديالو ولوخرين مقشبين عليه اما جواد مرفوع كيفكر غير فحبيبت قلبو وشنو كدير دابا ..

فقاعة الأفراح الخاصة بلوطيل كان جو أخور جو ساحر الطوابل مزينين بلي ناب بلون شفاف ونجيمات ديال الثلج فنقري كتوسطهم فيزان طوال ديال لورد أما لكراسة كان لونهم فزرق التريا لكبيرة لمدلية من لفوق عاطية طابع أسطوري اما الحيط لي منقوش وعاطي الواجهة ديالو لقدام المدخل مكتوب فيه بخط عريض إسم ماريا وجواد الكلسة كانت راقية وبسيكة عبارة على فوطوي فالبيض مع مخيدات صغار فزرق... مكانوش غير لي طابل بوحدهم كاينين حتى فوطويات باش يخليو ناس على راحتهم كل واحد يكلس فين بغا طبة كبيرة عامرة بلي مادلين بشوكولا مزينين بالفريز الديكور ديال لقاعة كان أسطوري برعاية ألون الأبيض والأزرق... دروج لي جايين من لفوق لقاعة لتحت فين اتهبط لعروسة حتى هوما مزينين كلها بلورد أما بلاصة الأوركسترا هاديك بوحدها فوق منها بلازما كبيرة كد شاشة سينما عاد بلازمات لاخرين مفرقين على كاع جوايه ... طويبلات صغار فجناب مزينين بكيسان بلون زرق وسطهم شميعات صغار ضافو جمالية وسحر خاااص وهادشي كلو دوق ديال ماريا وجواد ...

^^^

فغرفة كبيرة واقف وسيم على لبنات لي جاب معاه خصيصا لماريا لي اتكلف بشعر ماريا ولي اتكلف بمكياج ديالها وعاد لي اتكلف برجليها ويديها... بداو ليها بصباع رجليها ويديها ختارت لون بيج وصبح واحد فيديها منبت بالحجر وهكاك رجليها واخا مغايبانوش وسط من صباط لي جا خصيصا على قبلها من إيطاليا فشكلو بحال صبباط سندريلا كلو منبت باالأحجار الزجاجية.. من ورا ماسلاو لبنات ليدين ورجلين جا وقت شعرها ..

وسيم(قاطع مونة البنت لمكلفة باشعر) :

- مونة من الاحسن تبدا مها ليها بوجها هو الأول عاد ندوزو لشعرها مزيان؟

مونة : داكوغ... بدات ليها مها وجها اول حاجة مرطب بعدو لبرايمر اول حاجة بدات ليها بيها هيا حجبانها رسماتهم ليها رسم خفيف كيبانو طبيعيين عاد هبطات لعبنيها اول حاحة ركبات ليها شفار حتى نشفو مزيان عاد دازت ليها لظلال لي دارتهم خفاف بزااف وراها لفونديشن ولكونسيلر الكونتورينك وراه لودر متبت لمسة من فغاجو وهايلايت وأخر لمستين هيا ماسكارا وعكر لي دارتو ليها فلون الموف داكن.. واخر حاجة المثبت... سلات مها وجات نوبة مونا لي صايبات ليها شعرها بمشيطة بسيطة وخفيفة جاتها زوينة بزااف وراقية.. وهكا ماريا واجدة انو تلبس أول لبسة ديالها..

^^^

القاعة لتحت ضوات ولضياف ستقبلات الناس داخلين وباشيك لحوايج لابسين فيديهم لانفيتاسيون لي ختارتها ماريا على دوقها بيج فغلاف على شكل نجمة ديال الثلج مكتبري... عند الباب مستقبلهم السرباي بلبسة بيضة وسلهام وطربوش فالحمر هاز كيسان ديال لحليب بزهر وتمر معمر بالكركاع والعقدة ديال اللوز وحبة من شكلاط... كولشي منباهر بديكور ديال القاعة لا لحباب ولا صحاب ... أهل العروسة ولعريش حاضرين الحاج أحمد محمد يحيى رشيدة بأبهى حلة فرحانة مقاداها فرحة لا هيا لا مليكة وحورية لي عينيها مدمعين مزال مشافت حتى بنتها العربي فرحان وناشط كيبان أنيق فالبدلة ديالو بوبكر وهنية حليمة حتى هيا كولشي حاضر كاع لحباب حاضرين ...

#الفوق

خرجات فرح من بيتها لابسة كسوة فالموف منبتة جاتها على فورمتها طالقة شعرها دايرا ليه بوكلي وشاداه بمقيبط صغير منبت مع حلقات صندالة عالية وساك سواري مناسب لسباط...مع هيا خرجات مع ياسين خرج من بيتو تلاقاو وجه لوجه شي كيشوف فشي وشي مصدوم فشي خصوصا هو بقا واقف ويدو على الباب مبنج... حشمها وخلا وجها يتزنك بشوفاتو ليها.. حدرات راسها وكملات طريقها كضحك معاق براسو حتى فاتو بشحال..

ياسين(كيلوم فراسو) :

- وصاحبي فبلاصة ما تبقا واقف هضر معاها ولايني مكلخ...ضار وتبعها..

خرجات وردة من بيتها بتكشيطة فأزرق ملكي كلها منبتة ليليا فيديها فكسوة فنفس لون تكشيط ماماها.. وقفات كتسنا فأمين لي خرج فكامل أناقتو كوستيم فالكحل شعرو مرجعو لور ريحتو سابقاه..

وردة : بلاتي احبيبي نقاد ليك... قدات ليك لكرافاط وساست ليه جناب الكوستيم باستو فحنكو وغمزاتو..

أمين : كون ارجعنا شوية ونهبطو..

وردة(كضحك) :

- يلاه من البسالة وقيلة راه تعطلنا..هز أمين ليليا او وردة حداه فنة كتضوي...

- تدق الباب فتح وسيم هاز حاجب ومهبط التاني ولكن غير شاف شكون على لباب ترسمات ابتسامة عريضة على وجهو..

ثورية : وسيم واجدة ماريا ولا مزال؟

وسيم(طلعها وهبطها من شعرها طالع لفوق كوتشوفال لتكشيطة الخزية لي لابسة) :

- الما كانت واجدة نوجدها لحبيبي..

ثورية(حشمانة) :

- لا صافي على خاطرك حتى تسالي..حدرات راسها ورجعات عند أروى لي واقفة فالكولوار كتسناها حتى هيا فتكشيطة صفرا جامعة شعرها سفنجة لفوق..

أروى(كتشوف فيها) :

- شنو كاليك؟

ثورية : قريبة تسالي..

أروى(كضحك) :

- أح عليك العفيريتة كضحكي كاليك شيحاجة حشماتك باينة..ثورية مجاوباتهاش حدرات راسها كضحك حشمانة..

جواد فبيتو على أتم إستعداد فكامل أناقتو كوستار فالبلو مارين داكن مع ساعة رجالية كلاسيكية فالكحل صباط فالأزرق راقي متميز شعرو رادو لور ريحتو لي خرجات من لبيت رجولة كتخرج منو والوسامة .. تدق الباب ... مشا بخطوات تابتة فتح الباب دخل عندو أمين وذياب وياسين لي حتى هوما مكيقلوش عليه أناقة..

أمين : سي لعريس الليلة ليلتك واجد؟

ذياب(كيضحك) :

- وهاد الاناقة كلها وماوجد أصاحبي..

جواد(كيضحك فرحان) :

- كولها ليه... دخل عليهم هشام لي ختار يلبس سروال كحل شوميز بيضة وجيلي فالكري مخطط..

هشام : اتبارك الله على نسيبي ياك ادراري كيكولو نسيبي

أمين : وغير لي كلتيه هو هداك ههه

هشام : سي لعريس خاصك تهبط لتحت باش تلكا لعروستك يلاه..

أمين(شاف فجواد) :

- واجد الى بدلتي رأيك نهربوك ماشي مشكيل..

جواد(قجو) :

- زيد براكة من لبسالة... خرجو مع جواد كيضحكو بيناتهم وهبطو لقاعة لتحت لي عمرات كاع ضياف جاو كانو حاضرين الاوركسترا الغنائية للفنان طهور حتى هيا كانت واجدة كيتسناو غير فالعروسة توجد..^^

#عند_وسيم

دخلو نكافات عندو برئاسة مونية رمسيس

وسيم(لماريا وعينيه كيبريو) :

- واجدة؟

ماريا(حشمانة) :

- واجدة...نوضوها نكافات وقفات كيفادو ليها تكشيطة لي ختارت تدخل بيها بلون البيض والأخضر مع تاج فنقري مرصع بالأحجار وصباط ملكي مع وصلات عند الباب عنقات وسيم تعنيقة كبيرة..

وسيم : يلاه فازي انا تابعك... خرجو ماريا بصلاة على نبي لقات اماهاتها بجوج واقفين سومية لي ختارت تلبس كسوة فالموف ولخضر جاتها وااعرة دايرة مشيطة صغيرة فرح او ثورية اروى وردة هازة بنيتهت كولشي كانو كيتسناوها غير شافوها بداو بصلاة على نبي وزغاريت...يلاه وصلو دخلة ديال دروج بدات الاوركسترا كتعزف " الحرم يارسول الله الأمان يا حبيب الله " " هاهيا جات زينت لبنات هاهيا جات العروسة وصلات " هبطوها النكافات شادين ليها لفوال من اللور وتكشيكة لي كانت طويلة كاع لعينين كانت عليها واماهتها كيقراو القرآن من لور ويصليو على نبي معاونين النكافات... جواد لي كان كالس فالبرزة وقف وجا قرب ادروج عينيه عليه منباهر بجمالها وطلة ديالها هبلاتو بلا قياس غير مبسم مامحكمش فالملامح ديالو... وصلوها عندو شد ليها فيديها باس ليها راسها ماصبرش ريحتها لي دايرة بحال وردة الليمون مخلط مع الفانيلا .. حمقاتو ... داها لجيهة البرزة ... وقفوها النكافات حتى قادوها عاد كلسات يديها فيديه... كتشوف فناس حشمانة ونكافات حداها كيصليو على نبي ويزغرتو ... بدات الموسيقى وبداو الناس واحد بواحد كينوض يشطح العرس مخلط شحال من طبلة فيها رجال وعيالات ... طبلة العائلة المقربة بوحدها وطبلة الناس بوحدها... مليكة وحورية واقفات وكيضربو الرش ابيديهم محمد ويحيى والحاج والعربي كالسين كيهضرو ويشوفو فالعرسان مجمعين... اما لبنات دخلو لوسط كيشطحو ويسيفطو بوسات لماريا...

جواد(همس ليها فودنيها) :

- فخبارك كيكوليا واحد الراس نخطفك ونهرب ونخلي ليهم هاد العرس

ماريا(كضحك) :

- وعلاش؟

جواد(كيتنهد) :

- ماتبقايش تهضري بحال هكا واش كيعجبك تحمقيني؟

ماريا(همسات ليه فودنو) :

- اه احبيبي بحال هكاك..

جواد(بعد عليها ضابط أعصابو) :

- طلعتي أميرة هاد الليلة😍

ماريا : وانت طلعتي أمير☺ .. سكت كيشوف فيها مبسم عينيه منزلوش عليها نهائيا...

تسمع صوت عيساوة من على برا سكتت الاوركيسترا وخرجو لبنات على برا كيصورو طوموبيلات جايبين الدفوع الخيل حتى هو دفوع ملكي ... كولشي كيتصور ... دخلو الدفوع على أنغام عيساوة .. طيافر كبااار هازين كاع لي تشهاتو النفس دهاز ماريا على حق وطريقو مشكل من كوليا روايح حتى من شوكولا لي كتحماق عليها حاضرة.. من بعدما تصور دهاز تهز وطلع لفوق لبيتها ... جات النكافة نوضات ماريا طلعاتها لفوق باش تبدل اللبسة باللبسة الثانية ...

^^^

طبلة لي كالسة فيها رشيدة وذياب وفرح ..

رشيدة(شافت فذياب لي عاقد غوباشتو وكيخنزر فطبلة ديال سومية) :

- ولدي ياك لاباس مالك؟

ذياب(شاف فيها) :

- لا والو ... ناضت سومية كتشطح هيا وثورية وأروى ومعاهم أدم كيظير شي شطيح ديال الخفاش ... ذياب مفيمسي عينيه على سومية وكسوتها ... كيشوفيها تحنات وكالت شيحاجة لأدم ضحكات خلاتهم وخرجات ...وقف ذياب كيحل فلافيست ديالو كحز كرسيه وتبعها...

رشيدة(متبعاه بالعين) :

- مالحضتيش خوك ماعرفت مالو؟

فرح(ساهية فياسين لي بورو كيتبسم ليها) :

- ماعرفتش تلقايه غير مامالفش بصداع داكشي باش...

ذياب(بصوت رجولي صارم) :

- سومية ... وقفات وضارت عندو

- نعام؟

ذياب(هاز حاحب ومهبط التاني) :

- مجاكش راسك بسلتي شوية؟

سومية(غوبشات) :

- كيفاش بسلت مافهمتش؟

ذياب(طلعها وهبطها) :

- عرس ختك زعمة ناس كيلبسو هاد اللباس لبسي تكشيطة بحالك بحال كاع الناس

سومية : ياكما راجلي وانا مافخباريش ولا خويا يمكن بابا قدامك كاليا شيحاجة عرس ختي هذا وانا حرة نلبس لي بغيت..

ذياب(كرز على فمو) :

- بلاما تعصبي جد ملتي فهاد الليلة أش كيحسابليك راسك زعمة شنو خلشية راسك فراس داك نص بلاصة بلا حشمة شنو كيحسابلك راسك..

سومية(تعصبات) :

- واش انت شغلك راه 100 مرة كلت ليك ماشي شغلك ندير مابغيت واش كتعرفني كنعرفك انت شكون انت لي تحكم فيا تحكم فراسك اما انا يتحكمو فيا والديا والله يرحم باك أخر مرة تهضر معايا فوتني عليك زوينة هادي...ضارت عطاتو بظهر تكمل طريقها جبدها بجهد لجيهة صدرو لصقها معاه خدا وجها لين يديه وبكل قوتو وكل عصب لي فيه نزل بشفايفو على شفايفها فبوسة قوية متملكة بوسة شريرة فرغ فيها كاع الاعصاب ديالو كتحس بدنيا ضارت بيها وبفمها مابقاش ديالها الدم داز ليها من فمها بسباب قسوة القبلة ديالو.. بعد عليها كينهج قلبو كيضرب ونضرة ديال الانتصار على وجهو..

ذياب(هاظ حاجب ومهبط التاني) :

- وديني وما أعبد وتقربي لظاك نص بلاصة قسما بربي لمعبود اتشوفي مني شيحاجة عمرك ماشفتيه وهاد البوسة اتكوليك انا شكون(غمزها)...عطاها بظهر يلاه ايمشي ورجع عندها ...

- ترجعي بهاد لكسوة انقطعها فوك منك انا راه هبيل ماخاسر والو نديرها حسن ليك بلا شوهة... خلاها واقفة مصدومة مافاهمة والو حاسة براسها كتحلم لي كتحس بيه فهاد اللحظة هو شفايفها لي كيضروها ويحرقوها... حدرات راسها كتشوف فحوايجها فيديها هزات يديها مسات فمها قدات شعرها لي خسر وطلعات كاتجري لفوق..

^^^

هبطو النكافات ماريا بالبسة التانية فالرمادي منبتة كلها بالحجر مع إيكسيسوارات مناسبين للبسة ... من جديد برزات حدا جواد ... العرس كان ولا فالأحلام وااعر بجميع المقاييس.. رجعات سومية لابسة قفطان فالموف ...شافت فذياب لي حاضيها داير رجل على رجل.. خنزرات فيه ودكرى ديال البةسة كدوز بين عينيها كلسات حدا ماماها كتشوف بعينيها وساكتة ...

آدم : امالكي راجعة مبدلة ديك لبسة جاتك وااعرة

سومية(عين عليه وعين على ذياب خايفة) :

- لا غير جاني البرد وكلت نبدل

آدم : اهاه الالة كولشي جا معاك

سومية(برتباك) :

- شكرا ربي يخليك... شافت فذياب لقاتو اياكلها بعينيه حرك راسو ليمن مافهمات والو... دار ليها بالحركات انو تبدل لبلاصة وتجي حدا مها من جيهت ليمن... خرج فيها عينيه وقفات بلا مجال وبدلات لبلاصة مها شافت فيها بستغراب مافهمات والو وماسولاتهاش...

من بعدما لبسات ماريا اللبسة الخضرا تفرقو ميني كاطو على الناس مع أنواع مختلفة من العواصر ... هنا ايدخل رشيد لمريني هبط وسيم تلحق بيهم من بعدما كان لفوق دوش ولبس وقاد الخالة عاد لحق عليهم ... ورا الكاطو تفرق أتاي وأشكال وانواع ديال الحلويات تبارك الله على حورية ومليكة لي نسقو كولشي ... جات نوبة العمارية لي ختارت ماريا طلع فيها بتكشيكة الحمرا هنا بدلو ليها المكياج وكلقو ليها شعرها ... الدورة ديال العمارية غنا طهور ولمريني ... كولشي ناض كيشطح ويصفق عاجبو الحال...كلسو ماريا وطلعو جواد فالميدة جلال وخوتو تجمعو عليه فرحانين بيه ولكن فرحة والديه كثاااار... جابت نكافة بلاطو نقري محطوط فيه صباط نقري كيبري مقلوم وكل طالون فيه خاتم ديال زواج ديال كل واحد فيهم خاتم ماريا لي كان هداها جواد وخاتم جواد لي ختاى يبصم عليه إسم ماريا...دارو تركاب لخاتم كيشوفو فبعضياتهم لمحبة... بحال اي عادات شرباتو لحليب وكلاتو التمر وحتى هو هكاك... طلعوها تاني تبدل وهنا جا وقت لعشا لي الاغلبية كايتسناه وجدو طوابل ... طابلة ديال العائلة بوحدها ... هبطات ماريا بالبسة فشيبي أما جواد بجلابة فنفس اللون جا كيهبل ... ايدها فيديه كيدورو على الضياف ويرحبو ليهم لحقو على العائلة وهوما لي ترأسو الطبلة... تفرقو البسطيلات ديال الحوت هوما لولين موراهم الحوالة مشويين مرفوقين بالخضرة مفورة صوتي ولي صالاد المونادا انا ديسير فكان حاضر من جميع الفواكه .... من بعد العشا لا المريني او طهور نوضوها فالعرس كولشي ماض كيشطح سومية وفرح كولشي نايض نوضو ماريا وجواد داروهم الوسط وهوما دايرين دائرة مخلبيين ليهم المساحة باش يشطحو ... أجواء زوينة لحباب كولشي مجموع وفرحان وبخاطرو... جا وقت لي ماريا تنزل بالكسوة لبيضة وتقطع لاطارط طلعوها لفوق ...

- على أنغام أغنية(المجانين) :

دخلو لاطارط لي كانت ملكية هبطان ماريا فكسوة طويييلة كلها دونتيل من لور طويلة بزاااف بحال الأميرة كتبان هازة بوكي ديال الورد فيديها ويد شادا بيها فيد جواد لي لابس كوستار فالكحل واحد الاشرافة على وجهو والابتسامة والفرحة... كولشي وقف كيتفرج وقفو قدام لاطارط عطاهم السرباي جنوي كبيرة بزاااف هيا باش قطعو الحلوة اول معلقة كانت ليها عااااد هو مسحو فمهم والابتسامة مافرقاتش وجهم ... قطع السرباي الكيك ولوخرين لي معاه كيفرقو على الناس... جا سرباي اخور هاز صندوق مفتوح فيه لي دراجي لي كانو عبارة على قريعات بحال ديال لبحر وفيهم اللوز حلوة شوكولا فرقوهم على الناس كامل ... شكحات ماريا شوية هيا وجواد ييهم فيدين بعضياتهم وعينيهم على بعضياتهم هاد نهار هو احسن نهار فحياتهم لجوج همس ليها فودنيها ؛

- مزال هاد العرس مابغاش يسالي خلاص؟؟

ماريا (كضحكك) :

- علاش بغيتيه يسالي احبيبي؟

جواد : انت عارفة علاش😉😉

ماريا : حبيبي انا اصلا عيانة داكشي باش انعس بوحدي فالبيت

جواد : لا احبيبي دخول الحمام بحال خرحو كااان شحال هادي اما دابا هضرة خرا

ماريا : انهرب(بخوف)... جرها لعندو :

- واخا تهربي لحد دنيا نقلب عليك ونلقاك مكاينش لي يستغنا روحو وانت روحي وحياتي كلها بلا بيك مكنسواش دخليها لدماغك هادي..

ماريا(زادت عنقاتو) :

- عارفة احبيبي حتى انت هكاك وكثر ...

ماريا(ناسيا راسها وكتشوف فيه)..

- جواد : عندي ليك مفاجأة

ماريا(بحماس) :

- شنو هيا؟

جواد : حتى نوصلو لفين اندوزو شهر لعسل

ليلتنا هادي مغاديش نكوليك احبيبي بلانا تعدبي راسك..

مااريا : كترجاه بعينيها) وكولي غير فين انمشيو على الأقل..

جواد(بابتسامة عريضة ) :

- روسيا

ماريا(شدات على فمها) :

- روسيا لا واش بصح؟

جواد : ياك بغيتي البرد والثلج نديوك ليها احبيبي

ماريا(طايرة بالفرح ادت عنقاتو ) :

- الله يخليك ليا احبيبي ماكرهتش نغوت نغوت

جواد : كيضحك) لا احبيبي حتى نكونو بجوج وغوتي وديري لي بغيتي(غمزها) انا فكرت حتى ليلتنا مغاتكونش هنا

ماريا(شافت فيه وللحشمة على وجها) :

- وفين؟

جواد(قرب من ودنيها ونزل بالهمس) :

- حتى لتم وتعرفي أحبيبي...

البيت الملكي او جناح العرائس وجد خصيصا لماريا وجواد ... دخلات هيا لولة لقات باليزتها محطوطة دورات عينيها فالبيت فعلا كان ملكي بمتياز النموسية كبيرة واسعة طاع لي تحتاجيه تلقايه فهاد البيت .... جواد مزال لتحت ستغلات الفرصة فتحات باليزتها هزات منها بيجامة ديال لعريسات دافية حيدات لاغوب زولاتها علقاتها دخلات لدوش غسلات وجها وزولات زوائد ديال المكياج بمزيل لمكياج سرحات شعرها مزيان ... خرجات لبسات بيجامتها دهنات يديها او وجها بمرطب رشات ريحة خفيفة وتخشات تحت لغطا ديالها ... عيانة العظم الصحيح ماعندهاش... يلاه اتغمض عينيها تفتح الباب ودخل جواد فتحات عينيها كيبان ليها واقف كشوف فيها شوفات فشيشكل محيد البابيون من عنقو فاتح صدايف لاشوميز باين صدرو لعريض وسلسلة لي ديما فعنقو.. لاح لبابيون زول الكوستيم وعلى وجهو إبتسامة فشكااال... ماريا ولات تبيض بيضة هنا وبيضة فالعش ... ماهضرش معاها ... بدا كيزول فلاشوميز وهيا غير كتشوف وساكتة بقا صدرو عريان كترمش بعينيه وتبلع فريقها ... فتح السمطة وزول سروال لاحو ... خرجو عينيها من بلاصتها هزات الغطا دارتو على عينيها ... سمعات الضحكة ديال وصوت الحمام تسد... بدات تهبط الغطا غير بشوية مبانش ليها سمعات صوت الما عرفات بلي دخل يدوش...

ماريا(كتهضر مع راسها) :

- ديري راسك ناعسة متحركيش ماتنفسيش انت كااع غيبي غيبي حسن اه نغيب ندير راسي سخفت انا كاع اه ولا نكوليه جاتني ليغيكل ياحليلي ونتهنا ... كتفكر وتخمم حتى سمعات صوتو الما تقطع هزات الفراش عليها وغمضات عينيها... خرج لاوي عليه فوطة وحاضيها جاتو الضحكة عرفها راه فايقة وكتخطط باش تبعد عليه هاد الليلة ... سروال ديال النعاس ومن الفوق بقا عريان .. حسات بنموسية هبطات عرفاتو نعس حداها ... ستغربات ماقرب ليها ما والو يكون حتى هو نعس زعمة وايلي زعمة ماقرب ليها ماوالو بدات تهبط الغطا بشوية حصلاتو متكي على يدو كيشوف فيها هاز حاجب ومهبط الثاني ...

جواد : حصلتك القوالبية دايرة فيها ناعسة ماحشمتيش؟؟

ماريا(كضحك بتوتر) :

- شكون انا لا احبيبي غير مع البرد داكشي باش

جواد : البرد اشمن برد ولكليمة خدامة البيت سخون واخا تنعسي غير بدوبياس ماتحسي بالبرد

ماريا(كضحك بحال الحمق وتشوف فيه..

جواد(بعدوبة وحنانك) :

- أجي لهنا عند حبيبك اجي... قربات منو عنقها خشاها فصدرو لي عريان حتطة يديها على عضلاتو كتحسسهم..

جواد : لهاد الدرجة خايفة مني؟

ماريا : لا مخايفاش منك غير مع أول مرة ضروري نتخلع ماشي منك من هاد الليلة بضبط

جواد(نزل عينيه كيشوف فيها) :

- ماعندك مناش تخافي انا معاك هادشي هو لي مهم عندي اننا مزوجين وفبيت واحد المباقي كيجي بوحدو اوك حبيبي(نزل باسها براس شفايفو بوسة مغرية بزااف) ...

- لي بغيتيها احبيبي هي لي غادي تكون(نزل تاني وباسها نفس البوسة خلات قلبها كيضرب بين ضلوعها ... ولات كاتحس براسها ماشي نورمال شيحاجة تحركات فيها ...من شفايفها طلع لخدودخا عويناتها ...كيبوس بوسة بشفايفو غير بحنان وحب ... مخليها هيا لي تبغي وهيا لي طالبو يزيد عنقاتو تخشات فيه كثر ولات باغياه غير يوقف كيتسمح غير تنهيدات ديالها..

ماريا(فمها نشف) :

- ج جواد براكة أحبيبي

جواد(مبغاش يوقف ترفع كثر منها واخا كاليها بلي مكيهموش ولكن راه مراتو حبيبتو شحال وهو صابر راه حلالو هاديك من حقو) :

- مممم علاش براكة احبيبي مابغيتينيش؟

ماريا(تلفات مابقات عارفة اش كتكول غير بوساتو وشنو دارو فيها) :

- لا حبيبي بغيتك غي(قاطعها)...

- شششش خلي راسك ماتفكريش فكري فحاجة وحدة اانا حبيبك وراجلك دابا حلالك كولي ديالك وملكك من حقك وانت من حقي حلالي وديالي ملكي كولشي فيا ديالك وكولشي فيك ديالي نساااي أحبيبي ترخااااي... ماجوباتوش.. كمل على بوساتو ليها يد تحت راسها ويد حاطها فوق وجها نازل بيها لعنقها مرورا بجيهت صدرها حتى تحطات فوق كرشها ... مشاعر حارة بات كطلع مايقدر يوقفها حتى واحد...(لحظة رائعة تفطعات بسبب الدقان لي على الباب).. دقة لولة تانية تالتة 3 دقات متاليات..

جواد(كيسب ويلعن) :

- شكون هاد لحمااار لي كيدق فهاد الوقت هذا نخلي عشتو ..

ماريا(كترمش قلبها كيضرب بحال الى كانت كتحلم وفاقت) ..

- شوف شكون؟؟

جواد(رجع كيبوس فيها) :

- يكون شكون مابغا خليه يبس قدام داك لباب ...رجع دقات فالباب كتر وكتر..دفعاتو شوية بيديها ..

- حبيبي شوف شكون ورجع ...زول لغطا كيعاير

- كي غانحل انا بهاد الحالة قسما بالله شكون مايكون انخلي دار عشتو ..

واقف كيشوف فسقف بعصبية كيحاول يتهدن مشا جيهت الباب فتحو بجهد مخنزر ...

- سلام سيدي ديزولي على ديرونجمو مي سي جلال أمرنا باش نوصلو ليك لعشا حتى لشومبر ديالك..

جواد(كيحاول ما أمكن يتمالك راسو) :

- واش كاين شي عشا مع 4 ديال صباح هدا عشا ولا سحور واش انا طلبت شيحاجة دي ديك لبلاطو ورجع وماتبقاش دق عليا حتى نكولها ليك..

- س سمحليا أسيدي راه سي جل(قاطعو جواد عاقد غوباشتو) ...

- راه وقيلة كلت ليك دي هاد لبلاطو ورجع فين كنتي... حدر مسكين راسو ورجع بالبلاطو ... وقف جواد كيغزز فسنانو

- نتفاهمو من بعد أجلال نتفاهمو من بعد ... دخل وردخ الباب.. رجع بزربة لعند ماريا لي عينيها حوالو بنعاس صافي ..

ماريا(بصوت مرخي) :

- شكون؟؟

جواد(جرها عندو) :

- حتى واحد أحبيبي مديريش فبالك فين كنا..؟

ماريا(بترجي) :

- شدني نعااس..

جواد(عينيه كلهم رغبة) :

- واش وقت النعاس دابا غير جهليني ونعسي مابقيتش فيك مابقاش فيك حبيبك؟؟ أمم(نزل على شفايفها كياكلهم ليها بشوية خلاها تندامج معاه وترجع تفيق من أول وجديد ... يديه كتسارا فوق كرشها وكل لمسة منو كتخليها تنفض من بلاصتها حيت حشمانة منو جاتها فشكل تحس بيديه على داتها ولكن قبولاتو خلاتها طايرة خلاتها طلب المزيد منو ... تجاوبات معاه بكل حب وحنان كدوز يديها فشعرو حراكتها لي جنناتو وخلاتو يوصل لأقصى درجة يديه مشات لصدايف بيجامتها ومع اول صدفة ايحلها الدقان فالباب من جديد ... يديه وقفات كيحس بدمو كيغلي تنفس ديالو كيطلع ويهبط... دقان تعاود وتعاود ... طاار من حداها ناوي على خزيت تهزات من بلاصتها وكلسات خايفاه يدابز حيت حالتو مكتبشرش بالخير ... يلاه فتح الباب ناوي يضرب هذا لي كيدق بان ليه أمسن واقف وجهو صفر ومخلوع ... جواد تردد منين شاف وجه خوه ..

جواد(مغوبش) :

- واش مكتعرفوش تخليو الواحد على راحتو اش كاين مالك وجهك مخطوف؟؟

أمين : الواليد سخف وطاح ضروري خاص نديوه لوبيطال ...

جواد(تخلع كيغوت) :

- وجاي كتشاور اصاحبي اش كتسنا انا جاي... شاف فراسو كيعاير..

- كيغادي ندير نجي بهاد الحالة سبقني سبق... مشا امين ورجع لبيت كيهز فحوايجو لي مليوحين كيلبسهم..

ماريا(بخوف) :

- أش واقع؟

جواد(كيلبس) :

- الواليد طاح انديوه لوبيطال دابا ... ناضت من بلاصتها

- انمشي معاك..

جواد(وقفها) :

- لا خليك هنا البرد مكاين فين تمشي انديه انا وامين وباشما كان انسوني ليك صافي..لبس حوايجو هز سوارت وتيليفون قرب ليها باسها بوسة بجهد ... ومشا سد الباب وراه بجهد ... بقات ماريا كالسة كتفكر تكات فبلاصتها تخشات تحت الغطا كتحاول ما أمكن تبقى فايقة ولكن النعاس غلب عليها... ماعرفاتش شحال الساعة ولكن التيليفون لي فيقها عينيها مغمضين هزات تيليفون جاوبات..

- الو حبيبي

ماريا(توكضات) :

- جواد امضرا؟

جواد : طونييو طاح ليه مامالفش بسهير ومع العرس والموسيقى ماتحملش الطبيب نصحو براحة التامة بحال والو انسيفطو لفيرما يرتاح

ماريا : الحمد لله على سلامتو

جواد : الله يسلمك أحبيبي يلاه رتاحي انت دابا ونعسي اوك انا غير شوية بينما سالة سيروم وغادي نجيو..

ماريا : واخا حبيبي بسلامة ... قطعات معاه حطات التيليفون بعيد على راسها كلسات كتحس بشيحاجة ماشي هيا هاديك فيها ناضت من فراشها دخلات لطواليط ومناش خافت طاحت فيه ... جاب الله عندها الاحتياط جبداتو دارتو ورجعات كتجر فرجليها لبلاصتها تخشات ففراشها هزات الغطا عليها ورجعات كملات نعاسها..

صبح صباح ملبد بالغيوم السوداء كتهدد لنهمار الأمطار جو بااارد فاقت ماريا وشيحاجة فيقاتها ... حلات عينيها كتحس بيديه على كرشها ناعس على كرشو عكرها ولوجع لي فيها غير مكايزيد يطلع ويهبط كتحس براسها بحال الى عريانة مالفة فدار كتلبس بزااف ديال الحوايج أما دابا البريستيج ديال الزواج ... حيدات يديه على كرشها وناضت غير بشوية دخلات لحمام ونفسها غامة عليها ورضان شادها ... حاولات الترد مامرة ماجوج والو مابغاش يخرج كتحس بركابيها فاشلين عليها.. غسلات وجها وحكات سنانها ... يلاه أظور لقاتو واقف كيشوف فيها ... جا لعندها والقلق باين فعينيه ...

جواد(مغوبش بقلق):

- حبيبي شنو واقع مالك؟

ماريا(مافيها لي يوقف) :

- والو أحبيبي عادي خاصني غير نشرب شيحاجة سخونة...

جواد(خايف عليها) ؛

- شنو نجيب ليك؟

ماريا : مغاديش يكون عندهم العشوب هنا بغيت كاس ديال الحليب مع القرفة والعسل ..

جواد (عنقها) :

- واخا حبيبي أجي ترتاحي... غادية ابشوية كتحس بالماس فكرشها هزها بالخف بين يديه وحطها فبلاصتها غطاها مزيان ودار ليها المخاد حداها... مشا لتيليفون وسونا ليهم التحت أمرهم باش يطلعو ليه داكشي لي بغا ... رجع لعندها تكا حداها وجرها عندو كيدوز يديه فشعرها ويبوس فخدودها بحنان واخا هادشي عادي ولكن راه كيخاف عليها من اي حاجة كيفما بغات تكون نوعها لا الحجم ديالها ... حط يديه على كرشها كيدير ليها مساج ... ترخاااات وسهاااات مستحلياها واخا لوجع هو هو ولكن ستحلات ديك الحركات لي كيدير ليها ... تدق الباب ناض بالخف فتح لقاهم جابو ليه الطلب ديالو ... شدو من عندهم ودخل كب لماريا طاس ديالها جا حداها نوضها وبدا كيشرب ليها فيه وهو كيتأمل هاد الجمال الطبيعي لي قدامو هادي مراتتو مراتو هو وبس وحتى واحد مايقدر يهضر ولا يمنع هادشي ... بقى حداها حتى شربات الكاس كولو ... زادها الكاس الثاني ضرباتو دقة وحدة حط البلاطو بلاصتو ... ورجعات تكات حداه خشات يديها ورا ظهرو وتمخشات فيه كتحاول تسخن بقات على داك الشكل معاه وهو كيدوز يديها على شعرها حتى حس بيها غفات وداها النعاس بعد عليها وفعلا داها النعاس ... بقا حداها كيشوووف فيها ... مقابلها بحالة الى بنتو لي مريضة وسهران حداها ... هاد ليلة دخلة حلفات لا هيا كملات نهائيا حتى لديورهم ... شاف جيهتها شعرها مغطي واجها كتبان بريئة بزاااف وهادشي لي مخلي جواد مامحيدش عينيه عليها ...

غفااات ماريا وستحلات النعسة نعسات على جنب واحد باش ماتحركش وتعكر السخونية ودفا ديال لغطا وديالو هو حداها ماسخاتش تنوض منها ... دازت 4 ديال السوايع بدات كتململ فبلاصتها ... وتحل عينيها غير بشوية ... مالقات حتى واحد ... تهزات غير بشوية دورات راسها كتبان ليها ورقة محطوطة فوق المخدة حداها تماطات ليها هزاتها... حلاتها لقات رسالة منو :

^ غير اتحلي عينيك اتلقايني معاك ^ تبسمات مع حطاتها تحل الباب ودخل هاز بلاطو فيديه ...عجبها الحال كيفاش مهتم بسها وجايب ليها الفطور حتى لعندها ..

جواد(بصوت رجولي) :

- حبيبي كيبقيتي شوية نديك لطبيب يشوفك؟

ماريا : لا مكاين لاش عادي اي بنت كيوقع ليها هكا فكل شهر فين مشيتي؟

جواد(حط البلاطو وجا كلس حداها باسها بوسة كبيرة فمها وشاف فيها مبسم) :

- مشيت نصايب لحبيبي لفطور

ماريا(بستغراب) :

- انت لي صايبتي لفطور؟

جواد : اهاه علاش حكرتي حبيبك عند بالك مكنعرفش نطيب الى فخبارك هذا(قاطعاتو) ...

- لي قدامك واخد جائرزة فطبخ من عند شاف عالمي كلتيها شحال من مرة احبيبي حفظتها

جواد : غير باش تكوني عارفة وصافي يلاه نوضي غسلي وجهك واجي تفطري باش نمشيو..

ماريا(شافت فيه بستغراب) :

- فين أنمشيو؟

جواد : على أساس تابعنا شهر عسل احبيبي شتك نسيتي ولكن الى مزال مريضة نأجلوها ...

ماريا : لا ماشي مشكيل شوية مابقيتش كيف لول

جواد : يلاه سيري وأجي تفطري ... باستو فحنكو ومشات لحمام غسلات وجها وفمها مشطات شعرها ورجعات ... كلسات هيا وياه على الطبلة البلاطو فيه حليب بلويزة كرواصة خبز فرماج زيت كوفيتير زبدة كشير بيض

جواد : اتشربي لحليب وتاخدي البيض وزيت والخبز ممنوع الكاشير وداكشي لاخور

ماريا(هزات حجبانها كتشوف فيه براءة) :

- وعلاش؟

جواد : هكاك احبيبي خايب ليك فهاد الفترة خودي لي ايفيدك ومن اليوم حتى تصحي ممنوع قهوة كيما كانت ولا أتاي لحليب لحليب ...

ماريا : العذاب هذا اويلي للقهوة كنموت عليها..

جواد : هضرتي كلتها ولحليب مرة مرة خوديها ومع نيسكويك شيحاجة خرا بلاما تحلمي بيها أحبيبي يلاه فازي خودي فطورك ...

ماريا(كتغبن) :

-ايوا هادشي لاخور لمن؟

جواد : ليا ماعجبكش حبيبك يفطر ... خدا من قدامها داكشي لاخور بدا كيفطر وهيا كتشوف فيه الجوع ماخلاهاش عدات بلي قدامها كتحلف عليه ... سلاو الفطور ناض هز البلاطو باش ماتهزش داكشي لي بقا ليه عارفها غير ضد فيه تاكلو..

- حبيبي شوية نرجع نلقاك جمعتي حوايجك...باسها فوجها وخرج عطا البلاطو لخدام وهبط هو لتحت ... ناضت كتجر فرجليها جبدات الباليزة بدات كتجمع فحوايجها سمعات الدقان فالباب مشات تحل لقات لبنات كامل تجمعو عليها ..

وردة : صباح الخير العفريتة شفت النور على وجهك

ماريا(حلات الباب ورجعات) :

- اه تبارك الله وجهي يضويو بيه الشارع

سومية : كيدازت ليلتك؟

ماريا : وراه فخبارك لي وقع لعمي

وردة : اه ولكن راه رجعو زعمة والو؟(كتشزف فيها بستغراب)

ماريا(كتحط حوايجها فالباليزة) :

- لا والو وزيد عليها جاتني ليغيكل هاد الصباح

وردة(بصدمة) :

- لا متكوليهاش؟

فرح : خويا مسكين تلقاه تفقص

هاجر(شافت فرح جاتها الغيرة مالفة راسها عيا ختو بوحدها) :

- خونا بجوج

فرح : راه عرفت خونا بجوج واش قلت خزيا أبوحدي

وردة(ضارت فهاجر) :

- واش وقت هادشي دابا مالك عقلك صغير.. حدرات هاجر راسها وسكتات عينيها ايغرغرو ..

فرح : اووف هاجر راه انا اختي مغاديش نديه ليك راه خوك انت قبل مني انا عاد عرفتو ولكن كيبقى خويا مكاين لاش تغيري مني.. هزات هاجر راسها فرح

- سمحيليا ماقصدت مازال ماتعودت والله

فرح : هانية ☺

ثورية : خليونا فالمفيد الله يرضي عليكم دابا فين غادية انت ؟

ماريا(شافت فيهم وكلسات) :

- شهر العسل ...

وردة : الله لفين اتمشيو ؟

ماريا : روسيا

سومية : اهيا ناري الموت ديال السم تم الثلج والبرد فين تبان إفران مالكم عليها

ماريا : انا اي حاجة فيها الثلج كنموت عليها بالعكس الفكرة عجباتني ...

وردة : بصحة وراحة حبيبتي ونوضي جمعي

ماريا : عييت بغيت انعس ... نقزات اروى :

- اويلي على النعاس.. لبنات يلاه نجمعو ليها لي بقا ... تكلفو ليها لبنات بجميع الحوايج ...

وردة : هاد الكساوي اتديهم

ماريا : ويلي لا أممم ماعرفتش لا بلاش

وردة : نوضي نوضي الما شطحتي لراجلك شكون اتشطح ليه بغيتيه يجيب لالة حكيمة تشطح ليه اش بان ليك؟

ماريا(وقفات) :

- اويلي لا صافي ديريهم ... جمعاتهم ليها حتى هوما وجدو ليها بالزها ب3 بيهم وحطووهم قدامها بقا غير هيا تلبس وهاهيا واجدة ...

لبسات مزيان عليها على قبل البرد والثلج ... خرجات من شومبر ديالها مكاين لا صباح صباح اماليه الملحة وسر عليه صباحك صباحك اللنية هاهو فوق الصينية ... هبطات التحت لقات كولشي مجموع كلسات معاهم ..

حورية : بنتي رتاحيتي كيصبحتي؟

ماريا : الحمد لله أماما(شافت فالحاج) ..

عمي كيف بقيتي؟

الحاج : الحمد لله أبنتي انا كنتسنى ااشيفور يديني لفيرما

ماريا : الله يشافيك ...

أحمد : حتى حنا أمليكة نرجعو ...

ماريا(شافت فباها) :

- علاش ابابا بقاو؟

أحمد : وابنتي انت أتسافري انت وراجلك مكاين لاش نبقى هنا الفيرما مافيها حد لي يقابل الخدامة خاصني نمشي أبنتي نعطي لناس الرزقهم

ماريا : أه عندك الصح

العربي : نرجعو جميع مكاين لاش نبقاو نتسناو ..

ماريا : لي بان ليكم... وصل جواد لعندهم وقف على باه

- الواليد الشيفور على برا كايتسناك ... ناض الحاج تسيفط معاهم وخرج هو وجواد على برا تاصل بمينة فالفيرما وصاها تقابل الحاج وتقاد الدار وتوجد ليه ماكلة صحية وتفكرو فدواه ...مشا الحاج ورجع جواد لعندهم ...

أمين :صافي مشا؟

جواد : وي مشا

أمين : واحد 3 جوغ غادي ندي وردة وليليا لفيرما نبقاو معاه تما نبدلو الجو

جواد : أحسن حاجة غادي دير ..

هاجر : حتى حنا عند طيارة أبغي دوما ...

العربي : بهاد الزربة؟

هشام : راك عارف الواليد يلاه مشينا ورجعنا على ود ماريا وجواد ماعندناش الوقت بزاااف علاش انت مغاترجعش لفرنسا أتبقى هنا؟

العربي : نوو غادي نرجع ضروري

ماريا(جاتها البكية) :

- اويلي أعمي حرام عليك

العربي : أبنتي وخدمتي كلست بزااف هنا الله يجعل البراكة

ماريا : ولفتك بزاااف وحق الله منقدرش نهليك تمشي علاش ماترجعش لهنا براكة عليك من الغربة قرب لخوك وصاحبك وحبابك تما مكاين حد

العربي(كيضحك) ؛

- والمرا الى مابغات؟

ماريا : اتبغي المرا فينما كان راجلها خاصها تكون معاه غير هضر معاها بالخاطر عفاك فكر فيها وتقدر تحل مخبازة هنا نيت علاش لا شحال من واحد باغي يخدم والله اعمي فكر فيها

العربي : واخا أبنتي غادي نفكر إن شاء الله

ياسين(كيشوف فرح) :

- هيا أسيدنا نمشيو

محمد : ياه اولدي ماريا وجواد مسافرين اللهم نرجعو اليوم نيت

عصام(موجه كلامو لإقبال) :

- حتى انت ابنتي رجعي انت وراجلك وانت واحلة فراسك

طارق : بصح أعمي

إقبال : ماما مغاديش ترجعي معايا؟

زينب : انمشي معاك أبنتي اغير حتى ديري 5شهور ونرجع بعدا تكوني شديتي

إقبال(فرحانة) :

- الحمد لله فرحتيني

سومية : ماما الى كنا انمشيو نوض نجمع حوايجي؟

حورية : اهاه وجدي راسك

جواد (موجه كلامو لماريا) :

- ماريا مشينا؟

ماريا(وقفات) :

- واخا ... سلامات على العائلة كاملة ولكن حتى لعند باها ماقدراتش تصبر كتبكي بدموع عينيها بحال الشتا

أحمد : بنتي لاش هاد الدموع انت معانا فنفس لمدينة مكالوها كاع لي تغربو على والديهم

ماريا(كتشهق وتمسح دموعها) :

- أنا هكا ابابا تهلا فراسك عفااك ومتعييش راسك واخا؟

أحمد : الله يرضي عليك ةطريق السلامة ابنتي تهلاي فراسك ...عنقات مها وكملات بكاها

حورية(كتعنق فيها وتبكي) :

- صافي الحبيبة ديالي بنيتي لكبيدة الحميقة ديالي اترجعي راه غير حدانا كيف كال باك تهلاي فراجلك وفراسك الله يتاويكم لخير ويكمل عليكم بالخير

ماريا(كتمسح فدموعها) :

- أمين ... عنقات مليكة بجهد كتبوس ليها فراسها فوجها بجهد

مليكة : بنتي الحبيبة ديالي الله يفرحك ويرضي عليك ويكمل عليك بالخير ويتبت غرسكم ياربي

ماريا : امين ياربي ... عنقات وردة ولبنات ضارت عليهم كاملين وقفات عند وسيم :

- فخبارك انت هو أحسن أخ فهاد الدنيا كنبغيك بزاااف والله وقفتي معايا وقفة كبيرة الله يخليك ليا ياربي ونشوفك عريس انت وثورية

وسيم(كيقرص ليها حناكها) :

- ديري عقلك الهبيلة انت راه ختي وصاحبتي تهلاي فراسك وبيناتنا التيليفون ...

ماريا : ضروري عند بالك اتهنا مني أبدا عمرك تحلم بيها ههههه(عنقاتو) ..

- تهلاو فبعضياتكم تهلاي فيه اثورية عنداكم تخطبو قبل مانجي هههه

ثورية : كوني هانية وعلاش حنا نقدرو نديرو شيحاجة بلا بيك ...

ماريا : وغير جربو ... جواد هلى اعصابو منين شافها دور وتبوس فوسيم هكا داير كيغير حتى من خيالو ..

جواد : مشينا؟؟

ماريا : واخا ... سلم جواد عليهم شد ليها فيديها وخرجو لبرا فين واقف الشيفور كيتسناهم ...

خدات الطيارة من المغرب لروسيا وبضبط العاصمة موسكو 5 سوايع او 55 دقيقة يعني بحال الى كلنا 6 ديال السوايع وهوما فطيارة ... الجو البرد الموت ديال البرد جبدات ماريا الصباعيات ديالها لبساتهم حسات براسها جمدات واخا هاد طون ديال الحوايج لي لابسة .... تلقا ليهم الشيفور على برا هز ليهم الشوانط حل ليهم الطوموبيل من بعد شد الطريق الدنيا بيضا بثلوجات ... شد ليها جواد فيديها وعنقها ...

ماريا : كيفاش حتى لقيتي شيفور،؟؟

جواد(كيشوف فيها بستغراب) ؛

- كتسوليني نيت بصح احبيبي واش انا صعيبة عليا الحاجة؟؟

ماريا : نو أبدا عرفتي انا فرحانة حيت انا وياك مع بعضياتنا

جواد(بلسها فوجها) :

- وانا أحبيبي كثر ...

ماريا : فين انمشيو دابا؟

جواد : أول حاجة انزلو فالأوطيل من بعد انوريك فين غادي نمشيو أيعجبك الحال ... غمضات عينيها بالفرحة حطات راسها عليه كتفرج من زاج ديال الطوموبيل على المدينة ...

- الأيام اللولة قتاصرات غير على المدينة والمعالم ديالها اول بلاصة مشاو ليها هيا الميدان الأحمر واحد الساحة مشهورة بزاااف من بعدها مشاو الكريملين كيعني القلعة مركز ديال مزسكو القديم كان هنا فيه لزااف ديال القصور الفاخرة وراقية كانت فالقديم ملك القيصر لي كان تماك ولكن دابا تحولات لمتاحف ...مشاو لمسرح البولشوي هو ءهم المعالم السياحية .... ماخلاو فين مشاو وجاو ... داها تشوف متحف هيرميتاج من وراها مسرح تاريخي لأعمال الأوبرا والباليه في مدينة سانت بطرسبرغ وآخر بلاصة هو قصر بيترهوف من وراها دارو دورة شرفية فالمدينة كلها ورجعو فحالها جواد كينعس معاها عادي كياخدها بين يديه وينعس ...الأيام دغية كتجري بالزربة غير داك نهار جاو وهاهيا سيمانة باس دازت وهوما هنا ... كيفطر كيتفرج وماريا ساهية فيه لقا فيها كيفاش مستحملها هاد الوقت كامل وهيا حارمة راسها منو بلاما تكون هيا المذنبة ....وهو صابر وسلكت وكيتعامل معاها بحال شي بنت صغيرة الدغمة يزولها ويوكلها هيا اللولة ...

- جواد حبيبي غدا إن شاء الله انمشيو لبلاصة لي كلت ليك

ماريا (بحماس) :

- فيييين😍

جواد(كيضحك)

- ماشي دابا احبيبي غادي نكوليك ولكن حتى تشوفي بعينيك وانت لي اتسوليني وغادي نجاوبك

ماريا : الالغاز هادو..

جواد : واشنو كتعرفي على حبيبك اااامم...

ماريا : هيا نجمع حوايجي ؟

جواد : أه احبيبي او وجدي ليا لافاليز ديالي انا انخرج ونرجع

ماريا : واخا حبيبي ... ناضت جمات الطبلة قدامها ططرفات الوطيل فين كانو خلات الدنيا النقية ... جبدات حوايجها كتجمعهم طاحت عينيهت على الكسيوات ديال الرقص كتشوف فيهم ها لحمرا ها زرقة والخضرا ... سهاااات شوية تبسمات وعينيها ضواو

ماريا(مع راسها) :

- عرفت شنو خاصني ندير دابا اممم ...

خرجو برات لوطيل كانت كتسناهوم طوموبيل بشيفور ... شافهم حل ليهم الباب دخل شنط لكوفر عاد ركب وشد الطريق الدنيا بيضاء مغطية بالثلج كولشي لابس عليه ومكبط ماريا لابسة سروال فالكحل مع مونطو بالفورير طكية وكاشكور وصباعيات اما جواد كاط فالكحل سروال دجين كحل تريكو فوق منو مونطو فالكحل كاشكول وطكية وصباعيات ... دور يديه وراها عنقها خاشيها فيه ...

ماريا : مغاديش تكوليا فين غاديين؟

جواد : حتى تشوفي بعينيك بلاما تشوفي فيا بدوك العينين ودوك الشوفات راه مغاديش نكول

ماريا : واااخااا غادي رندها ليك غير بلاتي ... رجعات سكتات كتسقي عينيها فالمناظر لي قبالتها دخلو فواحد المنطقة كلها اشجار متقلة بثلوج مكايبان والو طول الطريق والفضول كياكل فيها .. حتى كيبان ليها واحد المبنى كبيييير كيبان بحال شي منتجع سياحي ولا أوطيل ...ماحدهم كيقربو وهو كيكبر حتى وصلو لباب المدخل كانو بزااف ديال طوموبيلات واقفين والناس نازلين ... بلاصة الشيفور فواحد لبلاصة بعيدة عليهم شوية نزل حليهم الباب ودار فتح للكوفر نزل البالز ديالهم سبقهم لوطيل وهوما وراه ...

ماريا : علاش مابقيناش فلوطيل اللول؟

جواد(مزال معنقها ) :

- هنا ايعجبك بزاااف دابا تشوفي وتحكمي ... دخلو لقاو ترحيب كبير خداو السوارت ديالهم وطلعو لي شومبر لوطيل كان بسيط من لداخل بحال شي دار ريفية فتح جواد الباب ودخلو ... أول حاجة لاحظاتها ماريا هو البيت مافيه لا نموسية لا والو فيه حمام بيت ديال لكلاس صافي ضارت حتى عيات او والو رجعات عند جواد وعلامات الاستفهام على وجها :

- ماشفتش بيت نعاس؟

جواد(ضحك وجرها عندو) :

- هادشي علاش جبتك لهنا شفتي داك الباب لي لهيه... دورات راسها كيبان ليها واحد الباب جنب الباب ديال الحمام ..

ماريا(بتساؤل) :

- مالو؟

جواد : سيري فتحيه ... هزات راسها فيه ومشات بخطوات بطيئة حطات يدها على البوانيي وحلاتو عينيها تفتحو حلات فمها من الصدمة ودعشة لي قدام عينيها كتبان ليها كرة كبيرة زجاجية وسط منها نموسية بكوافوزات ديالها بالغطا كاملة مكمولة بالباب ديالها ... ضارت عند جواد كتشوف فيه وترجع تشزف فبيت النعاس لي جا غير بين الشجر لي ولاو بيضين بالثلج .. قرب منها جواد وعلى وجهو إبتسامة :

- كيجاك؟

ماريا(منباهرة بالبيت) :

- واااعر بزااف هذا لي صمم شيحاجة بحال هكا فنان ولكن الى نعسنا تم كولشي ايشوفنا ..

جواد : نو حتى واحد مايقدر يشوفك ولا تشوفيه هاد الشجر لي كتشوفي قدامك بحال غطا لهاد البيت والى طلعتي لفوق لقمة ديال الجبل لي انطلعو ليه إن شااء الله اتشفي هاد الأشجار لي قدامك على شكل عاطيين ..

ماريا(وفعينيها حماس) :

- أشمن شكل؟

جواد : فضولية مكتسنايش عاطيين شكل كرة قدم هادشي علاش جبتك لهنا عرفتو ايعجبك اما بنسبة لبيت تعراي ديري لي بغيتي مكاينش لي جيب ليك لخبار وبليل كتنزلي واحد ستار بحال الخاميات ديال الظار كينزل على البيت كلو او واخا تعراي(كيورك على هاد الكلمة) واخا مبان ليا انا عرا مكتحسيش بالبرد نهاىيا فيها تدفئة عالية كيجاك؟

ماريا(ضحكات ليه فوجهو) :

- عجبني بزاااف ...

جواد : شنو بان ليك نمشيو نتغداو ونطلعو لقمة ولا نبقاو غير هنا ... ماريا فكرات الى طلعات للفوق أتعيا ومغاديش يبقى ليها الجهد لي دير بيه شيحاجة ولا توجد فيه شيحاجة اه توجد مالها راه حلالها يكفي حارماه سيمانة هادي وصابر عليها ناعسين جنب بعضياتهم وكيعاملها بحال بنت الصغيرة من حقو راها مراتو وحلالو وحلالها عادي الى بادرات هيا مافيها باس اتبقى تخوف وتهرب واخا راه نهار باش فاتها حق الشهر ولكن كانت خايفة ومترددة حتى لإيمتا اديرها ولي ليها ليها واخا هادشي لي ادير عمرها كانت متوقعة راسها اديرو ولكن مافيها باس كولشي يهون قدام راجلها وحبيبها ..

جواد(حركها) :

- ماريا واقعة شيحاجة؟

ماريا(عاد وعات) :

- لا مواقع والو حبيبي خلينا هاد النهار غير هنا واخا؟

جواد : داكوغ لي بغيتي نمشيو نتغداو؟

ماريا (تبسمات ليه) :

- واخا ... شدات ليه فيديه وخرجو من لبيت للوطيل زهيا كتفكر غير كيفاش تخليه يبعد واحد 20 دقيقة من البيت باش توجد ...

من ورا لغدا دارو يد فيد وخرجو يتمشاو يستكشفو المنطقة تما روسيا عالم أخور ماشي بحال أوروبا كل دولة وعندها مميزات ديالها ..

ماريا : سبحان الله شوف الناس هنا عاجبهم الحال ولفو الثلج والبرد حنا غير شوية ديال البرد كنجمدو..

جواد : ماتنسايش بلي الناس هنا تعودو كايجبهم عادي وماشي روسيا كلها هكا راه بعض المناطق فيها مافيهاش الثلج ..

ماريا(بستغراب) :

- بصح والله مافخباري عند بالي كولشي كيف كيف

جواد(زاد خشاها فيه معنقها) :

- نو حبيبي كل مدينة وهيا وحتى درجة الحرارة بحال هنا ناقص 2 منطقة خرا ايكون ناقص 1 وكاين منطقة خرا فيها 12 راه بحال المغرب روسيا مابقاش داك الجو لي كتعرفي ولات على طول العام الجو ديالها معتدل الحرارة مريح اما فشتا كتلقاي جميع الادارات لوطيلات الشركات فيهم تدفئة كيخليو السياح ديالها مرتاحين ..

ماريا : مممم معلومة جديدة هادي

جواد(قرصها من حنكها) :

- اي حاجة بغات تعرفها حبيبي أنا موجود ... ضحكات ليه وكملو الدورة ديالهم خداو تصاور مع بعضياتهم سيفطوهم لمغرب لحباب ... ماريا من بعد هاد الضورة عياات بغات غير ترجع تاخود دوش سخون باش توجد لهاد الليلة لي غادي تكون مميزة عندهم بجوج ..

ماريا : حبيبي عييت نرجعو ... وقف جواد شاف فيها زول يديه عليه وضار من وراها ..

جواد(بإبتسامة مثيرة) :

- أهاه أحبيبي هيا لي متعاود(دار يد تحت ظهرها ولوخرا تحت رجليها وهزها) ..

ماريا(كضحك) :

- اويلي حطني الناس جواد ..

جواد : واش يحسابليك المغرب هذا هادشي عادي عندهم هنا بالعكس كيحتارموك منين يشوفوك كتعامل مراتك هكا ... ماريا عجبها الحال دايرة يديها ورا عنقو وكاتلعب برجليها بحال شي بنت صغيرة ... كل مرة يشوف ليها فوجها وفضحكة لي عليه والاشراقة لي راسمين عينيها بحال شي بنت شريتي ليها كادو ديال العيد ولقاتو فصباح حدا راسها ... رجعها للوطيل طلع بيها نيشان لفوق حطها قدام باب البيت تحت انظار الناس لي مبسمين ليهم وكيلقيو عليهم التحية عاجبهم الحال دخلات هيا وياه سد الباب من وراه شاف فيها شوفات كلهم حب جرها لعندو خداها وسط صدرو معنقها اما هيا محاوطة ظهرو بيديها ودافنة راسها بين يديه بقاو على داك الشكل حتى بعدها عليه شوية كيشوف ليها فعينيها ويدقق النظر ليهم العينين لي سلبوه وخلاو قلبو يدق ألف مرة ..

- حبيبي فرحانة مرتاحة؟

ماريا(تنهدات تنهيدة طويلة) :

- كيفاش منكونش فرحانة وانا معاك وكيفاش مغاديش نكون مرتاحة وانا معاك ...

جواد(بصوت رجولي حنين) :

- ماعرفتش كنحس بيك بحال الى خايفة مني ..

ماريا(حطات يديها على فمو) ؛

- عمرك تعاودها واش كاين لي يخاف من حبيبو مكايناش هادي نهائيا ماتخليش الوسواس يلعب ليك بعقلك

جواد : كنبغيك بزاااف

ماريا(ونظراتها كلهم حب) :

- وانا كنموت عليك وبزااف ... قرب وجهو من وجها غادي نازل بشفايفو لشفايفها حسات بيه وعرفاتو شنو غادي يدير ولكن ماشي بهاد السهولة خليه يتشوق شي ساعات ... بعدات راسها عليه بحجة انها اتاخود دوش ... تقلق وحس بواحد الاحساس فشكل راه مراتو اعباد الله مراتو لاش هاد التصرفات لاش وال بارح عاق بيها بلي فاتها ليغيكل ومزال كتصرف معاه بهاد البرود كتخليه يعنقها ولكن باش يقرب ليها كثر لا من آخر ليلة ليهم وهيا بعيدة كونما خبار باه كون هيا ملكو دابا علاش كتبعد عليه واش خوف منو ولا كيفاش تعصب لأنو راه صبر معاها وعذرها فهاد السيمانة ولكن دابا ماخلاتو حتى يقرب منها ويبوسها ... دار يديه فجيابو وعقد غوباشتو ..

جواد(بصوت بارد) :

- أنا خارج خودي راحتك التلفازة هنا مبرونشية مع لويفي الى بغيتي تفرجي وحتى لبيت فيه تلفازة مبرونشية مع لويفي انا انتعطل شوية الى شدك جوع سوني للاستقبال ..

ماريا(حسات بيه تقلق ولكن هيا متعمدة هادشي) :

- أتعطل؟

جواد(حادر راسو) :

- ماعرفتش بضبط المهم انت كولشي حداك ساعة هكاك ولا كثر انرجع ماعندك مناش تخافي ... عطاها بظهر وخرج ساد الباب وراه ..

ماريا : غير سمح ليا احبيبي خاصني ضروري ندير هكا ... شافت فساعة كانت جوايه ديك 5 اونص هيا هاديك ..

ماريا : ناخدو دوش بعدا ونكملو لباقي ... دخلات خدات دوش سخون غسلات شعرها مزيان ... دارت زيوت عطرية للحمها مع خلطة ديال لقهوة لقاتها تما ... دهنات بيها لحمها خلاها رطبة وهيا مزال فازكة رشات ريحة ديال الجسم خاصة بدوش عاد خرجات ... اول حاجة ارت طلبات الاستقبال يجيبو ليهم الماكلة مع جوايه 11 .. سدات معاهم ... ناضت لجيهم حوايجها جبدات كسوة لونها خضر صايا طويلة جيهت الخصر ديالها منبت بالأحجار مع ثوب دونتيل سوتيانات كلهم مرصعين بالأحجار وكمايم كيتلبسو من ليدين لجهة لمرفق حتى هوما دونتيل مع شاار طويييل حطاتها قدامها كتشوف فيها شافت فيديها ورجليها مزال شعرة وحدة ماناضتش ... مشات لجيهت الكوافوز لكبير قدامو مرايا طويلة كلسات خدات لي كريم ديالها دهنات راسها كلها خدات زيت جونسون لي زايدة عليه الريحة المفضلة ديالها بلاك او بويم دهنات بيها مناطق النبض عندها ...

ورا ودنيها عنقها بين صدرها منطقة النبض ديال يديها ورجليها .. خدات ريحة مخصصة لشعر رشات منها على المشطة ديالها ودوزاتها على شعرها باش تبقى ريحتو زوينة ... منين سلات من الجسد ديالها دازت لوجها زيناتو بمكياج خفيف متقيلش بزاااف من نحية عينيها اما فمها كتفات بعكر أحمر للسهرة ... لبسات ديك اللبسة لي جاتها لاصقة على لجسد ديالها فالأول ترددات ولكن من بعد كملات فتطبيقات ديالها ... لبسات حلقات طوال شوية وآخر حاجة دارت هيا رشة من العطر ديالها ... دارت قدام لمرايا كتشوف كيجات وكيجاتها اللبسة خطيرة ... مشات جيهت اتلفازة خدامتها دخلات ليوتيب كتقلب على شي فيديو لي تاخود تدريبات ديال الرقص عليه ... جبدات واحد وبدات فالبروفا ديالها شطحة هك وشطحة هك حركة هكا وحركات هكا وكملات غادية مع ءنغام الموسيقى شوية بشوية مشات كتشطح بسلاسة تكول واش سنين وهيا كدرب وهيا الرقص الشرقي عمرها دارتو ولا جات ليه ... بقات على داك الشكل مدة ساعة حتى حسات براسها بلي تمكنات من الحركات ... دابا جا الوقت باش تختار الأغنية لي أتشطح ليه عليها ... شحال وهيا كتفكر وضرب بيديها على تيليكوموند كتفكر حتى تفكرات شنو بغات طبات سمية الأغنية لي بغات حتى خرجات ليها وبدات مع اولى أنغام الأغنية :

- هزي يا نواعم بخصرك الحرير