سيدها الجزء 29 والأخير

#المغرب ..

#القهوة

مليكة : تبارك الله جاهم تصاور كيحمقو

سومية : اه الدنيا فشكل تماك ..

مليكة(حطات قعوة ليها ولسومية) :

- وانت إيمتا نفرحو بيك؟.. شافت فيها سومية مصدومة من سؤال ديالها :

- مزال الحال أخالتي مزال صغيرة وطريق قدامي طويلة

مليكة(تبسمات وكتشوف فيها) :

-زعمة مكاين حتى حاجة فطريق والو؟

سومية(حشمات) :

- لا والو علاش أخالتي؟

مليكة : والو غير هداك ذياب لي غادي جاي قدام لقهوة وكل مرة يسول عليك وانت دافعة كبير الى كان سيد باغيك أبنتي يقصد الباب الواحد الى بغا يشرب يقصد لعوينة

سومية : خليه يمشي ويجي حتى يعيا

مليكة(كتشوف فيها بشك) :

- أحيانة عليكم انتوما ياهاد الجيل عيني فيه ويخ منو عليا انا كوليها ابنتي لشي وحدة لي عمرها دوزات قدك قدها اما أنا شاب شعر راسي

سومية(سهات) :

- خليه يطلب ويزاوك مالي رخيصة

مليكة : لا مارخيصاش ولكن راه تبقاي دفعي فرزقك ايمشي بمرة راه كنشوف كولشي بعينيا نهار العرس فاش نضتي تشطحي انت وآدم كنت خايفة على ولدي صراحة لا يفوت فيه شي ضربة عرفتي كيفاش كان كيشوف فيك وفاش مشيتي بدلتي ديك الكسوة الحكام شحال زين ...

سومية(كضحك) :

- خالتي انت فمقام ماما منكدبش عليك ءه كنبغيه ولكن الانسان فاش يرفضك فاللول كتجيك فشكل ولالا؟

مليكة(حطات يديها على يد سومية وحطات الكاس من يدها) :

- سمعيني بين جوج ضروري من المشاكل وماتنسايش مسكين مداز عليه كون كنتي انت فبلاصتو او وقع ليك لي وقع ليه اتشوفي مزال فشي واحد ديري راسك فبلاصتو المهم هو راه عرف الغلط ديالو وعرف باش كيحس من جيهتك هادشي هو المهم اما لي فات راه مااات وراه ابنتي أصعب حاجة هو لغدر لهلا يوريه لا لعدو لا صديق...

سومية(تنهدات) :

- بصح أخالتي هادي عندك فيها الصح الله يدير لي فيها الخير انا دابا خدامة غير على رواية صافي 

مليكة(كضحك) :

- الى خدمتو عليها بجوج أتزيد تزيان ماتبقايش تيبسي هاد راس ولكن بشرط ماشي اتسمعي هكا تولي انت وياه دخول ولخروج بغاك داركم ابنتي عزيها تعزك خاصك تعطي قيمة لراسك ماشي يلقاها مسلكة ااا نوصلك ااا نخرجو داطشي مكاينش راه كيبسال ..

سومية : كوني هانية أخالتي من ديك الناحية أصلا بابا ماعندوش مع داك دخول وللخروج انا كا بنت مع صحاباتي اه ومرة مرة قبل لا نتحولو لهنا اما شيحاجة خرا مكايناش ...

مليكة(وقفات) :

- وهكاك نبغيك ... هزات لي طاس ديال لقهوة ورجعات لكوزينة خلات سومية شادة حنكها مبسمة كتفكر ...

^^^^

- ختي عفاك واخا الى كان ممكن واحد دقيقة ... دارت فرح المدكرة فجيب طبلية ومشات لعند السيدة لي عيطات ليها ..

فرح(مع إبتسامة على وجها) :

- وي لالة مرحبا ..

- بنسبة لهاد الكتب لي هنا واش كتكريوهم ولا من حقنا نقراوهم غير هنا؟

فرح : نوو كتاخدي كتاب من هنا عمرك قريتيه كتبدليه بواحد عندك فدار ديجا قريتيه منين كتساليه كترجعيه وكتاخدي لكتاب ديالك هكا كتستافدي انت وكتفيدي ناس أخرين ..

- هادي حاجة مزيانة دكوغ ميغسي بوكو..

فرح : العفو لالة ... عطاتها بظهر خشات يديها باش تجبد المذكرة بدا تيليفون ديالها كيسوني ... نمرة غريبة فتحات الخط وجاوبت :

- وي ألو ..

- الناس كيكولو السلام هيا لولة ..

فرح(تبسمات عرفات صوتو) :

- وعليكم السلام شكون معايا(بلعاني)

ياسين : ختي انا شافتك الواليدة فواحد العرس خدات النمرة ديالك من عند ماماك وعطاتها ليا باش نهضر معاك انا اختي ناوي لمعقول ..

فرح(كضحك) :

- كتفلى عليا دابا ياك غير لي غلط فنمرة وحافظ هاد جوج كليمات كيكولهم شوفو شيحاجة جديدة..

ياسين : هاي هاي مالفة مع راسك الناس يسونيو ليك؟

فرح (بكل ثقة فنفس) :

- بطبيعة الحال مكايقاوموش جمال صوتي ...

ياسين : الشحرورة أنت ولا أم كلثوم؟

فرح : لا حادة وعكي ...

ياسين(كيضحك) :

- فرح براكة من لملاغة عارفك عرفتيني..

فرح : ومدام عارف راسك عرفتك لاش متبعني فحماقي؟

ياسين(تنهد وسكت عاد هضر) :

- الناس لعزاز اي حاجة كيكولوها لينا كنمشيو معاهم على لخط ولا تقدري تكولي بغيت المكالمة تزيد تطوال ومنقطعش..

فرح(واخا ماشي حداها تزنكات) :

- ماكلتيش ليا منين جاتك نمرتي؟

ياسين : واايلي واش سؤال هذا دابا كيسولوه الناس كان زمان كايتسول دابا راه كولشي ساهل.. خلينا من هادشي بغيت نشوفك ..

فرح : علاش؟

ياسين : وها الاجوبة لي مكنحملش كونما كانت شيحاجة مغانكولش ليك نشوفك توحشتك الالة قداك هادي؟

فرح(كتحس بدقات قلبها كيزدحو) :

- ياسين براكة من تفلية اون بليس دو سا انت عارف راه وقت الخدمة هادي ولالا؟ أما أنت راه واحد كونجي..

ياسين : اول حاجة انا ماكلتش ليك نشوفك دابا حيت عارف فات الحال غدا إن شاء الله نهار الراحة ديالك نتغداو اونصومبل شنو بان ليك الالة انرجعك لداركم قبل المغرب قبل 6 تكوني فدار وغاي نتغداو فبلاصة عامرة ماشي خاوية وعلى رجلينا الى بغيتي بلا طوموبيل بلا والو تهنيتي بغيتي تجيبي معاك حتى شي حبل تشدي بيه يديا هانية ماعندي حتى شي إشكال ...

فرح : واش انا كلت ليك هادشي صافي غدا إن شاء يكون خير خليني دابا راه تابعاني لخدمة..

ياسين : واخا يلاه سيري حتى لدار ونعاود نسوني عليك

فرح : كيفاش علاش؟

ياسين : اه ونسيت مكنحملش كلمة كيفاش وعلاش يلاه تهلاي فراسك ... قطع عليها تيليفون حيداتو من ودنها كتشوف ساهية فيه لحال الى كيبان ليها حركات راسها بستسلام رجعات تيليفون لجيبها ورجعات لخدمتها ...

#لكلينيك

من بعدما قطع مع فرح حط تيليفون عينيه باينة فيهم فرحة كبيرة بزاااف مبسم غير بوحدو ... تدق الباب ودخل منو شاب فنفس سن ياسين .. لابس لابسة فزرق سروال وشوميز ديالو ..

- كتبان ليا فرحان هيا لي فبالك صافي تقضى ... هز فيه ياسين راسو :

- قربت مزال ولكن قربت ..

- واش نيت هادشي معقول ولا غير كتلعب بحال عوايدك؟

ياسين(خنزر فيه) :

- علاش انا إيمتا لعبد أسي عبد الصمد مزال انت كتعقل على يامات لافاك الله يهديك راه انت لي كيبان ليا مزال مادرتي عقلك...

عبد الصمد : واا أش أنكوليك ماعرفت ..

ياسين : كنحس براسي فرحان ومرتاح بزااف ماشي بحال نهار تلاقيت بماريا راه كنت عاودت ليك كنحس براسي ابا مستاعد نضحي ونحارب باش هاد البنت تكون ليا منكدبش عليك ..

عبد الصمد(هاز حاجبو) :

- أياااه أسيدي او واخا يلاه تعرفتي بيها ماكلنا عام عامين كيدرتي ليها؟

ياسين (وقف) :

- ديك عامين ولعام خليتهم ليك انت لي مقابل زهو ونشاط 4شهور قداتني وفيتاني لهيه راه ثلاتينات هادي اسي عبد الصمد انا ماشي بحالك اخويا بغيت نرجع لداري نلقاها عامرة ماشي خاوية برا بارد ولداخل بارد نولدو وليات مع لمرا لي بغينا ..

عبد الصمد(وقف) :

- وا خويا الله يكمل بيخير انا ماتسالني غير لكادو يوصلك حتى لعندك ..

ياسين(كيضحك) :

- وا إلى بغيتي..

عبد الصمد : سير وكانوالى تبعتك انبقى بلا خدمة وغادي تبليني وندخل سوق راسي ونولي حتى انا نقلب على شريكة الحياة اللهم نبعد ونبقى ليبغ ديال راسي..

ياسين (كيرد الباب وراه) :

- وسير سير اسي ليبغ سير ..سد الباب كيضحك رجع لبلاصتو كلس على لكرسي رجع براسو لور كيفكر ففرح ويضور الكرسي وإبتسامة راسمها على وجهو ..

^^^

#روسيا

- حلات عينيها بشوية كدورهم فالبيت حداها خاوي كيبان ليها بلاطو ديال الفطور محطوط كامل مكمول ... شافت فراسها كيبان ليها واحد تريكو ديال جواد هو لي لابسة ماعقلاتش إيمتا لبساتو وبا كيفاش ... تحل الباب وتم داخل بطولتو الضحيكة على وجهو شعرو راجع لور فازك يلاه خارج من دوش لابس سروال كيطمة وقبية ...

- صباح الخير لأجمل إمرأة فهاد الدنيا ..

ماريا(وجها منوراه ببتسامة) :

- صباح النور شحال الساعة ؟

جواد : الالة هادي 12 شتي شحال نعستي أنعاسة؟

ماريا(كتشبح) ؛

- علاش مافيقاينيش؟

جواد(كلس حداها هبط راسو وباسها بوسة طويلة فعنقها) :

- مابغيتش نفيق حبيبي عرفتك أتكوني عيانة (غمزها) ..

ماريا(حشمات) :

- ماتبقاش تكوليا هكا؟

جواد(كيضحك) :

- علاش أنا شنو كلت انا مزال ماكلت ومادرت حنى يلاه فالبدية حنا يلاه كلنا نبداو ..

ماريا(ناضت من حداه ومزال كتحس براسها مضرورة) .. :

- انوض ندوش ..سبقها وجاها من لور عنقها :

- واش حبيبي مزال ميحشم مني من ورا لبارح ومزال حشمان مني لعجب لي يشوفك مايكولش انت ليكنتي كتشطحي ..

ماريا(كتحاول تملص تهرب ماخلاهاش) ؛

- شفتي دابا وصافي ..

جواد(كيضحك عليها) :

- صافي أحبيبي غير كنضحك معاك(دورها عندو) انا وانت ولينا واحد مابقاتش الحشمة انا مكنحشم من حد ومخايف من حد ونبين حبي ليك قدام الناس كلها مراتي وانا حر فيها تفاهمنا انت راه ديالي وانا ديالك(دوز يديه على وجها) مكاين لاش تبقاي تحشمي مني يلاه فازي اتاخدي دوش سخون واجي تفطري راه نعستي بلا عشا وباش عجبتيني موصيا عليه وسيد معدب موجدو وجايبو صدق بقا تما حتى لصباح وجا داه ..

ماريا(عاد تفكرات لعشا) :

- ويلي نسييييت 😲

جواد(شاد فيها) :

- انت الليلة وحدة وشنو دارت فيك خلي(قاطعاتو دفعاتو وخرجات من لبيت كتجري دخلات لحمام وسدات عليها) ..وقف متبعها بالعين وكيضحك وفنفس الوقت عاجباه الحشمة لي نازلة عليها ...

داز أجمل الأيام فروسيا ماخلاوش بلاصة ومامشاوش ليها أما لياليهم كانت كلها حب وحنان أجسادهم وأرواحهم كتلاقى كل ليلة عندهم دخلة من نوع جديد واخا ماريا كانت كتألم فالأول وهادشي ضروري ولكن مع المتعة والحب لي بيناتهم كتكون فالقمة محساش ومواعياش شنو كيطرا معاها حتى كتفيق مكتبقاش عاقلة لا على خربشات يظيها ولا شنو كينطق بيه لسانها حتى كيعاود ليها مكتيقوش مكتعرفش راسها واش فعلا هيا لي كيعاود عليها ولا شي وحدة خرا ...

- جواد(معنقها دايرها بين رجليه وكيتفرجو) :

- حبيبي شنو بان ليك نزلو شي يامات لسبانيا ولا ختاري انت الدولة لي بغيتي ..

ماريا(هزات راسها فيه كتهز من طبسيل لي حداها واكول فشيبس) :

- لا سبانيا طلعات ليا فراسي كون غير رجعنا لمغرب براكة ندوزو ليام لي بقات تماك .. هادشي أصلا لي تافقنا عليه ولا نسيتي؟

جواد : نو مانسيتش غير كلت زعمة تبدلي ..

ماريا : لا غير خلينا على نفس البروكرام لي غاديين عليه بغيت نمشي لورزازات وتينغير نشوف الراشيدية والمناطق الصحراوية أصلا بلادنا راها زوينة وكاين شي بلايص اوروبا براصهم مافيهاش ..

جواد(كيهز ليها تشيبس من طبسيلها) :

- وي متافق معاك داكوغ حبيبي لي بغيتي هيا غدا نشدو طريق شنو بان ليك ..

ماريا(فرحانة) :

- أهاه صافي .. ناضت وقفات ..

- انجمع حوايجنا نوجدهم صافي ؟

جواد(غمزها) :

- بوسيني وسيري(أشر ليها لفمو) ... قربات ليه بشوية باستو فحنكو وهربات ...

جواد : مامحسوباش هادي شفتي دابا تفلية اناخودها وبضوبل .. جاوبات ماريا من البيت :

- والى قديتي غير خودها بضوبل ...(كضحك) ..

جواد : انا عارف كيفاش نخليك انت تعطيها ليا وبضوبل ...سقلات مابقاتش جاوباتو ...عرفها سكتات حشمانة كيف عوايدها تاني ...

^^^

‏قالت لي

ساقتلك ان نظرت الي انثي غيري

قلت لها

الميت لا يموت الا مره واحده

فكيف تقتلين من مات في هواكي عشقا......!!!! 

‏- قلتُ لها :

حبرٌ أنتي "دون راء"

يسكن قلمي "والميم باء"

فهل لي منكِ ياجميلةٌ عناء" همزته منقلبة قاف"*. 

احّ ـّـٌٍ❣ـٍّبّكَ وجدا💙💙

#المغرب

#الفيرما ...

فصالون شوميني شاعلة كالس الحاج شاد تيليكوموند كيتفرج ... خرجات وردة من الكوزينة هيا ومينة وردة هازة بلاطو فيه جوج تيرموسات واحد حليب بوحدو وتاني فيه حليب بلويزة .. اما مينة هازة بلاطو فيه كيك وقرعة ديال نيسكويك وطبسيل تاني فيه كرص مفند بالقمح ...

الحاج : الحكرة هادي شي ياكول كيكة زوبنة حلوة وانا كضحكو عليا بهاد الفقيقصات ...

وردة(كضحك) :

- هادوك اعمي اسمهم الكرص وراه صحيين ليك معجونين بالشعير راه مزيانين لصحتك ومافيهمش السكر ماعندك مدير بشي حلاوة ...

الحاج : حتى انت ابنتي شحال انعيشو فيها ناكلو وربي يدير لي فيها الخير ..

وردة(كلسات) :

- مابقاتش اعمي فالموت راه علينا حق ولكن راه العذاب لي كيتعدبو الانسان وهو مريض ربي عطاك الصحيحة هيا الى حافضتي عليها وتهليتي فيها كون تصنط اعمي ولا انت كتبغي جواد هو لي يقابلك باش يلاه ترد البال لصحتك ...

الحاج : لالا أبنتي حتى انتوما فيكم الكافية فين امين مزال كاعما رجع ؟..

وردة : مزال عييت معاه الشتا خيط من السما وهو ماعندو سوق

الحاج(كيضحك) :

- هذاك هو طبعو من ديما من الصغر خليه دابا تلقايه داخل ... كبات وردة الحليب بلويزة فطاس حطاتو للحاج قدامو مع الكرص لخاصين ليه الريجيم ..

وردة(كتحط ليه) :

- الحمد لله اعمي بعدا رجع فيك اللون مابقيتيش كيف كنتي الجو ديال هنا كيجي معاك ..

الحاج(شرب من كاسو) :

- أبنتي شكون لي مايكونش فوسط الطبيعة بعييد على صداع الراس وطوموبيلات ومايرتاحش الطبيعة راه نعمة من عند الله سبحانه وتعالى الحمد لله وسعداتنا بيها ...

وردة : بصح هاد الايام لي كلسنا هنا حتى انا رتاحيت والله وحتى ليليا عجبها الحال ولات عاطياها غير لنعاس ماشي بحال لهيه مكتنعس غير بالكشايف وكتخلط الليل مع النهار الليل تسهرني وصباح تصبح نااعسة هنا تبدل ليها سيستيم ..

الحاج : علاش الطبيعة هيا لمدينة لا .. تفتح الباب ودخل امين فازك ..

الحاج(على فيه عينيه) :

- هاهو جا شتي أش كلت ليك..

وردة(خايفة عليه) :

- سير بدل دغية ايضربك البرد لي فيك مايهتيك اخويا باااز ...مزادش معاها الهضرة طلع جرية وحدة لبيتو زول حوايجو دخل لدوش خدا دوش سخوون .. وخرج لبس عليه مزيان عاد هبط عندهم ..

وردة(كتشوف فيه) :

- والله حتى كتقلب على شي مرضة 

أمين(كيضحك ) :

- كتبغي تعنقدي الأمور مكاين لا مرض لا والو ..

الحاج : فين كنتي؟

أمين(هز طاس ديالو ديال لحليب مع شوكولا شرب منو وحطو) :

- شفت نيفان خرجتو شوية كيبان ليا توحش مولاه ..

الحاج(حرك راسو وافقو الرأي) :

- عرفتي شحال هذا جواد باش ناسيه عنرها كانت ليه ..

وردة(بستغراب) :

- لهاد الدرجة؟

الحاج : واااه وكثاار راه عقلو هو نيفان كيموت عليه وحتى هو كيموت على مولاه راه غير أمين لي كيخليه يركبو اما لي ركب عليه يلوحو مكايقبل من غير جواد ..

أمين (يضحك) :

- عقلتي نهار مرض شنو وقع لجواد؟

الحاج(شاف فيه) :

- مشا يحماق لينا تعصب وغير كيغوت وحتى واحد ماقادر يهضر معاه كون صابو يجيب ليه الطبيب من أي بلاد غير باش يداويه بنسبة ليه ماشي غير عود وصافي كثااار وحتى هو حنين عليه كيتعامل معاه بحال الى باه داكشي باش نيفان كيحماق على جواد ..

وردة(ساهية) :

- سبحان الله بعد المرات كتحس بالحيوان بلي كثر من الإنسان ..

الحاج : وراه ابنتي حتى هوما من دم ولحم وكيحسو ماشي غير حنا ..قاطعم سونيت ديال تيليفون امين .. هز لقاه ميساج من عند جواد قراه وشاف فيهم :

- جواد جاي غدا

وردة (بستغراب ) :

- وايلي يلاه 15 يوم باش مشاو شهل العسل كيفوت 30 يوم ..

الحاج (بشك) :

- عنداك تكون بيهم شيحاجة؟

أمين : لا موحال كان كاليا بلي ليام لوخرا يدوزوها هنا داكشي باش راجعين دابا 

الحاج : مزيان نيت روسيا راه ايقتلهم غير البرد 

أمين : السفر كيبغي الصيف ولا الربيع أما وقت الشتا كتكون طريق خايبة مع الشتا وثلج كون اجلوه حتى لربيع أيكون أحسن ..

وردة(شافت فيه ) :

- هوما كيخلدو الذكرى ديال اللقاء ديالهم بحال هاد الجو داكشي باش ...

الحاج : إيوا الله يجيبهم على خير ..خاصك تعلم دار ماريا وعلاش لا كوليهم يجيو لهنا هاد لعشية .. وسوني حتى لذياب يكولها لرشيدة ونتجمعو كاملين نتلكاو ليهم ..

أمين(خدا تيليفون من فوق الطبلة) :

- اهاه انا دابا أنعلمهم ...

^^^

#إفران

- واقفة فرح فالكوزينة شادة واحد الصينية كتمسح فيها وتعاود تمسح ساهية عقلها مامعاهاش ..

مليكة(كتقطع واحد الكيك وكتشوف فيها حاضياها)..

تنهدات فرح تنهيدة طويلة وهادشي تحت أنظار مليكة لي حطات داكشي لي فيديها وقربات منها حيدات ليها الصينية من يديها حطاتها ... عاقت فرح لراسها شافت فمليكة :

- خالتي مالك؟

مليكة : انت لي مالك أبنتي حالتك ماعجبانيش ياك لاباس ديك الصينية من صباح وانت كتمسحي فيها اش واقع؟

فرح(توترات ) :

- لا مواقع والو علاش ؟

مليكة : لا والو ماواقع والو غير من صباح وانت واقفة ساهية عقلك ماعرت فين مغيب وكتكولي ليا مكاين والو نهار لي خدمتي هنا لا انت لا كاع لبنات داراكم بحال بناتي وكلتها ليكم لي ضراها شيحاجة تعاودها ليا انا فمقام مكم بحالكم بحال ماريا وانا ماسي برانية ابنتي ..

فرح : اويلي أخالتي حتى انت راه عزيزة عليا ربي شاهد والله

مليكة : وكولي ليا اشنو واقع ... قاطعاتهم سارة لي جات خدات طلبية ديال واحد السيدة ومشات ...

فرح(تنهدات ) :

- واحد السيد طلبني لزواج ..

مليكة (بستغراب) :

- وراه مزيانة هادي أبنتي هادشي أيخليك ديري بحال هكا ..

فرح(شافت فيها) :

- ماشي هكاك ولكن انا يلاه عرفتو وخفت والله أخالتي خايفة بزااف ماعرفتش ..

مليكة (كضحك ) :

- وحتى انا أحمد ماعرفتوش تعرفنا فالخدمة طلبني لزواج شفتو راجل معقول وقبلت ..

فرح : أخالتي رجال اليوم ماسي كيف ديال هادي شحال دابا راه وليتي تخافي خاصك حتى تعرفيه مزيان ..

مليكة : أشمن تعرفي ولا ماتعرفيه تخربيق شحال من وحدة كانت معارفة مع واحد ودوزو الحرب مع بعضياتهم وكون تزوجو كون لكبير فولادهم عندو 10 سنين وفالأخر كيخليها ويمشي ولا يتزوجها ويدوز عليها العذاب كتصدم فيه بحال الى عمرها عرفاتو وكاين لي كتعرف عليه فوقت قصير وكيصدق ولد الناس مأصل ابنتي راه كل واحد علاياش تربى وكيفاش تربى صلي صلاة الإستخارة وربي يوريك الطريق .. زعمة انت هاد الولد ماعجبكش منين هو فياش خدام شحال عندو ؟؟

فرح(شافت فيها) :

- عندو 31 سنة خدام دكتور مامبلي ما والو زعمة ولد عائلة هو رتاحيت ليه مانكرش وكيعجبني منكرش واخا يلاه مدة باش تعرفنا ونهار لول كنت مكنحملوش ولكن صراحة تكال ولد الناس ..

مليكة : وابنتي علاياش كتقلبي مدام ولد الناس وتبارك الله واعي وقصدك نيسان ماشي كلس يخيك بيك الزناقي واش جا لداركم؟

فرح : لا كالها ليا لبارح فاتحني فالموضوع ..

#فلاش_باك ..

- جر ليها الكرسي كلسات حطات الساك ديالها قدامها .. كلس قبالتها أنيق يلاه مدوش ريحة الريخة ديالو مجهدة كتخدر الحواس بكل رجولة وهيبة أي وحدة تشوفو تبغيه كاين لي كتفضل الرجال ازعرين .. 

ياسين(كيشوف فيها ) :

- مالك فاش ساهية ؟

فرح(متوترة ويديها جامدين) :

- والو غير جاني لفضول نعرف فاش غادي نهضرو..

ياسين : دابا انت جيتي غير باش تعرفي شنو بغيت نكول ماشي حيت حتى انت باغية تشوفيني وتوحشتيني أيااه الالة واخا مقبولة منك وانتغداو بعدا وراها نهضرو .. شنو تاخدي؟

فرح (هزات المينو كتشوف فيه) :

- انا كيبان اناخود بلا ديال لاداند مشوي وصلاد ..

ياسين : داكوغ حتى انا أناخود بحالك لعجب دوقك بحال دوقي هادي نقطة إيجابية .. تبسمات ليه ..ودورات راسها كتشوف فالقهوة وديكور ديالها .. جا سرباي خدا طلباتهم ومشا ..

ياسين(هاز حاجب ومهبط الثاني بصوت رجولي) :

- أتبقاي دوري عينيك فالقهوة وتمنضري وهاد السيد لي قدامك مابينش ليك زعمة ؟؟ ..

فرح(شافت فيه كضحك) :

- لا غير عمري حيت لهنا داكشي باش كنشوف ديكور ديالها ..

ياسين : اااام ماعرفتش علاش حاس بلي كتهربي مني ..

فرح(بستغراب متصنع) :

- شكون أنا لا بالعكس علاش غادي نتهرب منك ..بذون سابق إنذار حط يديه على يديها لي كانو تحت يديه الدافيين جامدين ..

ياسين(بصوت تابت مهدن ومرزن) :

فرح بغيتك تكوني فرحانة وحنا بجوج ماتكوني خايفة انا ماشي غول أنوض ناكلك هنا ..

فرح : لا أنا عارف والله ..

ياسين : أنت معارفة والو والى بقيتي بحال هكا عمرك مغادي تعرفي ولا غادي تحسي ...

قاطعهم السرباي لي جاب ليهم الطلبات ديالهم ... نشاغلات فرح بالماكلة ديالها كتحاول ما أمكن عينيها متجيش فعينيه أما هو لقمة لفمو وعينيه عليها واحد الهدوء بيناتهم رهيب ... سلاو لغدا ديالهم جا سرباي خدا طباسل لي رجعو مخاويينش ... جاب ليهم حلوة ديال شوكولا .. ورجع .. هاد المرة ياسين لي هضر :

- فرح بغيت نكوليك شيحاجة وبغيتك تسمعيني ماتقطاعينيش .. هزات فيه راسها كتشوف فيه بشك :

- كنسمعك أصلا جينا لهنا باش نهضرو ..

ياسين(تنهد وتبسم ليها) :

- نهار ترسمت هنا فهاد لمدينة كنت حدودي ومزال حدودي ولكن ماكنتش كنعرف الناس بزااف دارنا كانو بعاد وكنت ساكن بوحدي منكولش ليك مدوزتش بنات كأي رجل دوزت ولكن فاأيام لكلية وفاش جيت لهنا تعرفت على ماريا مرات خوك صراحة منكدبش عجباتني وكنت بغيت نربط معاها علاقة ولكن هيا مابغاتش كانت كتشوفني صديق ...سكت حيت شاف على عينيها الصدمة ..

ياسين(ضحك) :

- تصدمتي هادشي كنعاودو ليك باش مايجيش شي نهار وتسمعيه من جهة خرى اللهم تسمعيه مني انا الصراحة راه هيا الساس ديال أي علاقة الكذوب حبالو قصيرة .. ماعلينا من بعد ما عرفت ماريا تزوجات راه ايكون فخبارك كولشي داكشي لي وقع ..

فرح(بستغراب) :

- علاش ماريا ديجا مزوجة مافهمتش؟

ياسين : علاش مافخباركش بلي كانت تزوجات بجواد وطلقو ؟

فرح(بصدمة) :

- لا مافخباريش علاش طلقو؟

ياسين : من الأحسن هيا تعاود ليك ولا خوك وزيد ماشي موضوعنا هذا 

فرح : واخا كمل ..

ياسين : من ورا هادشي مابقيتش تعرفت على حتى بنت ولا دخلات لحياتي شي بنت حتى نهار تعارفنا بديك الطريق سي فغي محملتكش فالأول جيتيني مامتحضراش وباغية غير تخاصمي وعاجبك زينك ..(قاطعاتو كضحك) :

- أنا عاجبني زييني هههههه واش كتهضر من نيتك؟

ياسين : علاش كضحكي كلت شيحاجة ماهياش وي عاجبك زينك ..

فرح : والله ماهكاك راه اكيبان ليك علاش يعجبني زيني أنجيلينا جولي مثلا الله يهديك ..

ياسين : وحسن منها بنسبة ليا انا حسااااان .. وفاش تعرفنا وتقربنا من بعضياتنا زدت تأكدت كثر بلي هادشي لي كنحس بيه ماشي تخربيق هذا إحساس زوين بزااف وجامي حسيتو من قبل ..

فرح(سكتات كتخمم فهضرتو) :

- ماعرفتش شنو نكوليك(قاطعها) :

- متكولي والو انا لي غادي نكول فرح أنا بغيتك تكملي حياتك معايا مابغيتش نضيع وقتي معاك ولا نلعب معاك وداك تخربيق ديال والو راه كبرت عليه مدام بغيتك إلا بغيتك ليا ومعايا فهمتيني ..

فرح(مصدومة) :

- كيفاش زعمة؟

ياسين(بنفاد صبر) :

- راه كلت ليك كون كنتي كتفهمي لاباس عليا وعليك ولكن انت مكتبغيش تفهمي ولا كتفهمي وكديري راسك مافهماش الالة انا نفهمك واش تقبلي تزوجي بيا تقبلي تكوني مراتي؟ ...جاتها اللقوة مابقاتش قادرة تهضر ولا تنطق بحرف واحد غير كتشوف فيه المومو دعينيها بوحدو لي كيتحرك اما رموشها مكيتحركوش حسات بيه خوا عليها سطل ديال الما بارد ماكانتش متوقعة منو ايطلبها لزواج مبايناش عليه نهائيا وحتى هيا ماكانتش مستعدة لهادشي حطها أمام الأمر الواقع ..

ياسين(كيقلب فعينيها على لجواب بانت ليه مصدومة ومترددة بزااف) :

- مالك شنو وقع شفتك سكتي كلت شيحاجة ماشي هيا هاديك؟

فرح(متوترة) :

- لا ولكن مكنتش متوقعاها مكنتش متوقعة أطلب مني زواج صراحة ...

ياسين(تبسم) :

- الخوف وتردد باين فعينيك انا مغاديش نبزز عليك شيحاجة خودي راحتك فكري مزيااان لي بغيتك تعرفي هو ماطلبتك لزواج حتى راه فعلا كنبغيك(علات عينيها فيه بصدمة خرى)كيفما كتسمعي كنبغيك يقدر يجيك هادشب هبال خصوصا تعرفنا مدة قصيرة ولكن الحب ماعندوش مدة زمنية محددة يقدر يطرق بابنا فمدة قصيرة بزااف هادشي على حساب الراحة ديالنا تجاه هداك الشخص ... أنا عاودت ليك كولشي وكلت ليك باش كنحس ودابا الكرة فالملعب ديالك انت .. انت لي أتقري وانا غادي نتقبل قرارك كيما كان إلى كان أه غادي نكون أسعد رجل على وجه الكرة الأرضية والى كان لا كوني أكيدة عمرك مغادي تشوفي وجهي قدامك مزال ..

🔙#الحاضر

- فرح : هادشي لي كاين اخالتي انا تلفت والله الى تلفت ..

مليكة : شوفي أبنتي ياسين ولد الناس الله يعمرها دار صراحة عمرنا زعمة شفنا فيه شيحاجة خايبة وقليل فين تلقاي واحد بالمركز ديالو باغي يكمل دينو وقصدك نيشان ماخيط بيك زناقي ولا قهاوي بغاك لحلال وأهم حاجة كيبغيك وشاريك وحتى انت ماشي مكتحمليهش كيعجبك ومع العشرة راه اتولي تبغيه ..

فرح : ولكن أخالتي خاصنا نديو لي كنبغيوه ولالا؟

مليكة : أيااه متافقة معاك ولكن انت طفرتيه مع لي كتبغيه ياك يلاه عاودتي ليا عليه خلاك مشا مارجع حتى دازو سينين عاد جاي يتبوحط عليك ويطلق فكدوبو أما هذا راه ماكدب ماغش جاك نيشان وعاود ليك كولشي عليه وراه من غدا يجيبها خدامة وبالمانضة ديالها وهو ماسي خايب تبارك الله على مزيناتو اي وحدة تبغيه ولكن هو ختارك انت وبغاك انت مابغا حتى وحدة من غيرك ..

فرح(تنهدات تنهيدة طويلة) :

- ماعرفتش خالتي شنو ندير؟

مليكة : انسولك وجاوبيني بصراحة واش عاجبك ؟

فرح : صراحة صراحة اه واخا مزال مكنحس براسي كنبغيه ولكن عاجبني ..

مليكة : مرتاحة معاه فاش كنتو مع بعضياتكم كنتي مرتاحة ماكنتي حاسبة بخوف ماوالو ؟

فرح : بالعكس كنت مرتاحة ..

مليكة : إيوا أبنتي عطي لراسك فرصة والى بغيتي ديرو خطوبة دابا شرطي عليه طولو الخطوبة واحد الشوية بينما عرفتيه مزيان وزدتي رتاحيتي ليه كثر باش فاش يجي زواج تكون واجدة ومتيقنة عطي لراسك فرصة ليك وليك بلاما ضيعيه من إيديك وتزربي وفالأخر أبنتي اتصدقي نادمة ...شافت فيها فرح وحركات راسها بالإيجاب ...خلاتها مليكة تفكر ومشات تكمل شغالها بقات فرح شحال وهيا واقفة كتفكر فكلام مليكة ولقات بلي عندها الصح فكاع داكشي لي كالت ليها هداك لي كانت كتبغيه وكل مرة تعطيه فرصة وكونما كلام ماريا كانت تاني اتعطيه فرصة باش يتفلى عليها من جديد وعلم الله أش كان ناوي وهذا لي قصدها نيشان وباغيها تكون حلالو ماطلب منها حتى شي حاجة خايبة مترددة تقبل ولكمال على الله هادشي لي غادي دير صافي خدات قرار اتعطي راسها فرصة وليه وتشوف شنو مخبية ليها الأيام جايا ...

سونا تيليفون مليكة .. هزاتو لقات نمرة ديال أحمد ..

- ألو أحمد ..

أحمد : وجدي راسك واحد الشوية غادي نجي باش نديك..

مليكة : اويلي فين اتديني؟

أحمد : يلاه سونا ليا أمين ماريا وجواد أيرجعو أيكونو دابا فطريق كولشي غادي يكون تما ..

مليكة : والقهوة لمن غادي نخليها؟

أحمد : سديها الى خليتي لبنات الساروت أصلا حنا مغاديش نرجعو هاد العشية داكشي باش من الاحسن علميهم يمشيو حتى لغدا إن شاء الله ..

مليكة : وفرح؟

أحمد : أمين علم كولشي حتى عائلتها مافيها باس نديوها معانا ..

مليكة : واخا انا أنعلمها ونعلم لبنات ... قطعات مع أحمد علمات لبنات ... جاب الله القهوة مكانش فيها الكليان بزااف قلبات مليكة على فرح مالقاتها بانت ليها خارجة من طواليط وفيديها تيليفون ...

فرح(شافتها جات عندها) :

- خالتي مليكة جاوبتو ..

- شكون؟

فرح : ياسين كلت ليه بلي أنا موافقة وكاليا باش نفاتح دارنا فالموضوع باش يجيب والديه ..

مليكة : مزيااان أصلا دابا خاصنا نمشيو لفيرما خوك جواد وماريا راجعين وكولنا انكونو تما ستغلي الفرصة ديال كولشي تم وكوليها ليهم وبحال والو كاع يجي حتى ياسين وهادي فرصة ضربو لحديد ماحدو سخون ..

فرح(بتردد) :

- خايفة غير مايبغيوش ..

مليكة : بالعكس الهبيلة يبغيو علاش لا حورية هيا ورشيدة تفاهمو داك نهار وحورية عجبتيها وماكرهاتكش لياسين .. مايكون الخير أبنتي دابا تشوفي ويلاه أحمد شوية ويكون هنا خاصنا نمشيو ..

فرح : واخا انا نسوني لماما نعلمها بلي انمشي معاكم باش بلاما يجيو حتى لهنا ..

خلاتها مليكة ومشات لاكيس قدات لحساب وقدات لي خاصو يتقاد خرجو لبنات من القهوة من بعدما حطو طبليات ديالهم وسلمو عليها ..

جات عندها فرح :

- حتى دارنا لقيتهم ايخرجو من دار علمو حتى خويا ذياب مع كان فالمطعم اليوم سالة أخر لمسات ديالو ..

مليكة(مبسمة) :

- مزيان أبنتي حتى انا ساليت بلاتي نلبس المونطو ديالي ونخرجو على برا نتسناو عمك ..

فرح : واخا ...

****

خرج ياسين من المطعم سدو فتح طوموبيل دخل سد الباب جبد تيليفون طلع نمرة سومية من بعد مدة عاد جاوبات :

- نعام ...

ذياب : فينك؟

سومية : انا ف وانت مالك نكون فينما بغيت نكون زوينة هادي ..

ذياب(بصرامة) :

- جاوبي بحالك بحال الناس سومية بلاما تخليني ندير معاك أسلوب ديال تاهيماجيت ..

سومية(كضحك) :

- علاش انت مزال مادرتيه معايا عند بالك أنسى نهار العرس وشنو درتي..

ذياب(كارز على سنانو) :

- بلاما تفكريني اصلا شاد راسي غير بزز من هاد لفعايل ديال زبل ديالك من داك نهار وانا كنسوني عليك وانت مكايناش فهاد العالم وبلعاني حابسة راسك باش مانشدكش عند بالك صعيب نوصل لداركم ولا راه أسهل ماياكون...

سومية : تبارك الله زيد خرج الوحش لي فيك مزال زيد مغاديش نسى ليك مدرتي فيا ديرها فبالك

ذياب : بغيتي تقنعيني بلي ماعجبكش للحال داك نهار غير زيدي نكري كونما عجبك الحال كون غوتي وفضحتيني وكلتيها لداركم ماشي أتسكتي وديري لي كلت ليك براسك محدور بلاما تبقاي تنكري قصوحية راسك مغادي تنفعنا فوالو ..

سومية(ماعجباتهاش هضرتو حيت صح) :

- ضرب راسك مع اقرب حيط(قطعات عليه) ..

ذياب (تعصب كون كانت قدامو أيخبطها ضرب بتيليفون لاحو) :

- واخا يلالة دابا نشوفو هاد قصوحية راسك واش اتنفعك دابا ... ديمارا بجهد وشد طريق للفيرما ..

#الفيوما

وصلات رشيدة ويحيى هوما لولين تبعهم احمد ومليكة وفرح عاد لحقات عليهم حورية ومحمد جايبهم ياسين ...

من بعدما فتحات مينة الباب ودخلو ..

الحاج : مرحبا مرحبا ماعندي مانسالكم عرفتو الطريق ..

أحمد(كيضحك) :

- انا بعدا حفضتها ما ..راك عارف مع المشي ولمجي كل صباح ..

الحاج : لالا انت عارف لي كاين ... دخل ياسين تبعهم كلس حدا ختو مقابل مع فرح ونظرة ديال حب على وجهو لي فرح كتحاول تفاداها حشمانة وجها حمر واخا الجو بارد على برا هيا كتحس بوجها سخون بالحشمة لي نازلة عليها هادشي ومزال مادخلو للمعقول ..

الحاج(موجه هضرتو ليحيى) :

- واحد ذياب فين هو؟ ياكما توضر ولا ماعرفش طريق ...سومية دارت راسها مامسوقاش وهيا طالقة ودنيها باش تعرف شنو كاين ..

يحيى : لالا عطيتو لادريس هيا هاديك غير مع اليوم كان أخر نهار على قبل لاديكوغاسيو ديال المطعم داكشي باش تعطل شوية تلقاه كاين هنا ..

سومية حسات بقلبها كيزدح الخلعة ركباتها من ساسها لراسها ...خايفة وفنفس الوقت فرحانة حيت غادي تشوفو توحشاتو بلا قياس خلات راسها بعيدة عليه بلعاني باش يزيد يحس بقيمتها توريه لي وراها ولعذاب لي تعدبات ديما كتاكول هيا الدق وطرف لاخور لا ..

حورية(وقفات) :

- اويلي مزال ماوجدنا والو لا حلوة لا حليب لا تمر لا والو 😨

نباتها وردة جايا من لكوزينة :

- بلاما تعدبي راسك أخالتي أمين جاب كولشي مكاين لاش تعدبي راسك وخالتي مينة لداخل كتوجد غير كلسي رتاحي ..

حورية : كيجيني الما صايب انا بيدي بحال الى شيحاجة ناقصة مليكة نوضي نشوفو واش شيحاجة ناقصة ولالا ..

وقفات حتى رشيدة :

- بلاتي انا جايا معاكم ... مشاو ب3 بيهم للكوزينة بقات فرح وسومية مع الرجال ..

سومية : فرح نخرجو شوية على برا ...نقز ياسين :

- لا غير خلي فرح الى بغيتي تمشي انت سيري ...ضارت شافت فيه ختو مبهوضة فيه .. مداهاش فيها دار عند يحيى لي لقاه كيشوف فيه وعلامات إستفهام على وجهو ..

ياسين(بكل جدية) :

- عمي يحيى بغيت نهضر معاك فواحد الموضوع الله يخليك بغيت نستغل الفرصة مدام كاين الواليد وسي أحمد والحاج ..

يحيى : اياه اولدي كنسمعك

ياسين : كيف كتعرف أنا دكتور ديال ترويض عندي داري الحمدلله وصالير لي يعيشني ويخليني نتهلا فعائلتي الحمد لله مامبلي بحتى بلية خايبة صلاتي لي مقصر فيها واحد شوية ولكن كنواعد انشد طريقها بحول الله ..

يحيى : بطبيعة الحال اولدي الصلاة هيا كلشي وكتنهي عن الفحشاء والمنكر ..

ياسين : بصح أعمي هادشي عارفو وناوي ندير بيه إن شاء الله ودابا جيت قاصدك راه الواليد عارفين ماعنديش مع الهضرة بزاف ودخول ولخروج كنجي لواحد نيشان عندي طريق وحدة وكلمة وحدة بغيت اعمي نطلب منك يد فرح الى قبلتي بيا بطبيعة الحال وقبلتو عليا جميعا ... يحيى سكت تفاجأ لا هو لا لوخرين حتى من باه سكت مانواهش يبغي يتزوج :

- ياسين ماكلتي ليا والو ومافراسي والو أولدي أكةلها ليا بعدا تكون فخباري ..

ياسين(شتف فباه وضحك) :

- الواليد انت عارفني لي كنحس بيه صعيب نكولو وحتى انا ماكلت عيب ستغليت الفرصة ديالكم مجموعين وكلتها ليكم ..

محمد (شاف فيحيى) :

- واش بان ليك اسي يحيى؟

يحيى(شاف فمحمد ورجع شاف فبنتو لي وجها ولا بحال شي صندوق ديال لفريز كون صابت الأرض تشق وتسرطها) :

- أش غادي نكوليك أسي محمد نشوفو لبنت بعدا ونسولو مها وحتى خوها ويجعل الله خير ...فديك اللحظة بدات دخل ذياب :

- أسيدي مالقاوش ماحسن من ياسين تبارك الله عليه منخافش على ختي معاه عرفتو مزيان وعرفتو اش كيسوى ..

ياسين(سلم على ذياب عنقو ورجع كلس) :

- الله يكبر بيك

ذياب : أسيادي مجموعين مجموعين حتى انا عندي منكوليكم غير هاد المرة هضرتي مع سي محمد ... شاف فيه محمد إبتسامة على وجهو وفنفس الوقت علامات إستفهام فعينيه ... سومية كطلع النفس غير بزز كالسة على أعصابها مابقاتش قادة وقفات شافو فيها :

- انمشي نشوف ماما واش نعاونها فشيحاجة ..

فرح (وقفات) :

- حتى أنا ..

يحيى : لا ابنتي غير كلسي بغيتك نسمعو جوابك بعدا وديك ساع سيري نشوفو خوك أش بغا ..رجعات كلسات فرح شادة يديها كتلعب بيهم متوترة ..

محمد : سومية جيبي ليا واحد الكاس ديال الما الله يرضي عليك .. سومية ستغلات الفرصة وهربات تحت أنظار ذياب لي كيضحك بشر رجع شاف فمحمد ..

محمد : كول أولدي كنسمعك..

ذياب : عمي انا ماعنديش مع دخول ولخروج فالهضرة أنجيك نيشان لطريق .. بغيت نطلب يد بنتك سومية لزواج ... كولشي تصدم شي كيشوف فشي ... من غير الحاج لي طلقها بضحكة زعزعات الدار :

- جاني هاد النهار غير ديال طلبان ليدين أشنو قضيتكم الله يحفظ لا يتم داخل جلال حتى هو طالب يد مينة لزواج 😂😂😂😂 الله يسخر أسيادنا شفت جواد فتح ليكم طريق ولا .. 

أحمد(كيضحك) :

- والله ماكدبتي الحاج دوماج العربي مكاينش معانا ..

ذياب(بحماس) :

- شنو كلتي اسي محمد؟

محمد(متفاجأ) :

- وا ولدي الري الأول والأخير لصاحبة الشأن انا نبغي ابنتي تكون فرحانة ومرتاحة ونسمع عليها خبار زينة..

ذياب : عمي مغاديش نشكر ليك راسي ولكن سومية غادي نديرها فعينيا ومغادي يخصها معايا حتى خير انا عارف بلي اتكونو خايفين من داكشي لي وقع شحال هادي ولكن الحمد لله انا تشافيت والي بغيتي نديك عند الطبيب لي متبع معاه وتسمع بودنيك ماعندي حتى إشكال ..

محمد : لالا أولدي عارفين لي كاين وحتى انت ماشي لخاطرك اش غادي نكوليك الي كانت البنت راضية ماعندي منكول غير الله يكمل بالخير ...

حورية(حطات صينية ديال اتاي) :

- علامن كتهضرو؟

محمد : سي ذياب باغي يخطب سومية .. حورية وقفات ودهشة على وجها ..جاتها رشيدة من لور فرحانة لهادشي لي سمعات :

- هذاك هو نهار لكبير عندي لي تولي فيه سومية مرت ولدي راه ماتلقاش معاه كرام ديال المشكيل اختي غير نعسي على جنب الراحة

حورية(مترددة) :

- عارفة لي كاين اختي ولكن ..

رشيدة : كاعما تفكري فداكشي لي داز وماعندك مناش تخافي من جيهة ذياب ..

حورية : ماشي من جهتو بالعكس انا عارفة لي كاين ولكن غير بنتي لولة مشات وتانية اتمشي..

رشيدة(ضحكات) :

- وراه كيكولو دار لبنات خالية علاش حنا بقينا مع والدينا حتى حنا راه تزوجنا ودرنا ديورنا وحتى انا ها بنتي فرح غادي تخطب ..

يحيى : وحتى نشوفو لبنت واش بغات(شاف ففرح) اش كلتي أبنتي ؟... شافت فيه فرح حشمانة اتغرق فبلاصتها ..

فرح : لي درتيها ابابا انا معاك فيها..

يحيى : ولا أبنتي راه انت لي اتزوجي ماشي أنا واش راضية بغيتي؟ سكتات فرح حدرات راسها دوراتو لجهة لوخرا وأشرات بأه ..

يحيى : وسيدي مبروووك ...خرجات وردة هازة بلاطو فيه الحلوة حطاتو وطلقات 3 ديال تزغريتات ..

الحاج : و الله يكمل بالخير دابا بقاتوغير سومية ..

محمد : حورية عيطي على بنتك(قاطعو ذياب) :

- عمي واخا تخليني قبل نهضر معاها واحد 2 دقايق عفاك الله يخليك ؟

محمد(سكت شاف حتى عيا وعطاه الموافقة ديالو) :

- واخا ولدي سير ...ناض ذياب ومشا جيهت الكوزينة عارف سومية بلعاني مارجعاتش واخا طلب منها باها تجيب ليه الما مارجعاتش جابتو بلعاني ... مع حط رجلو فكوزينة كابان ليه على برا غادية جاية دايرة صبعها فمها متوترة ضحك دخل لكوزينة اشر براسو لمينة فتح باب الكوزينة البراني حتى وقف عليها وقفات كتشوف فيه ... غوبشات مخنزرة فيه :

- لاش تابعني؟ 

ذياب(كيستفز فيها) :

- كاينى شي واحدة كتهضر بهاد الطريقة مع خطيبها حشومة..

سومية(بستغراب) :

- أشنو خطيبها أنت وقيلة بدات كاترجع ليك إنفصام فشخصيتك تاني ..

ذياب : لالا الحبيبة ديالي أنا بعقلي الحمد لله وعارف شنو كنكول .. انا وانت ولينا مخطوبين رسميا.. يلاه طلبتك من عند والديك

سومية(تخلطات عليها الصدمة والفرحة والأعصاب كولشي) :

- واش انت شوية لاباس واش اتخطب دارنا ولا أنا واش باغي تخطب وحدة مابغياكش واش انت شوية لاباس اسيدي انا مابغيتكش وغادي ندخل دابا ونكولها ليهم مكاينش شيحاجة بزز سير قلب ليك على شي وحدة تاكول ليها دماغها تزوج بيها اما انا مابغياك لا انت لا غيرك عطيني شوية ديال تيساع ..

ذياب(كضحاااك) :

- سيري دخلي شنو كاتسناي سيري كولي ليهم مابغيتوش ومنين يسولوك علاش كولي ليهم بلي باسني نهار عرس ماريا وبلي كنت دايبة بين يديه وعاجبني الحال سيري كولي ليهم بلي كنرض ليه الصرف حيتاش كلت ليه كنبغيك ورفضني شنو كتسناي ولا بلاتي أنا نكولها ليهم شنو بان ليك باش هكا نيت باباك يزوجك بيا بزز منك شنو بان ليك ..؟(غمزها) :

- سومية : كيفاش كتهددني ولا شنو؟

ذياب : لالا غير كنفكرك لا تكوني نسيتي وصافي(برودة أعصاب)..

سومية(قربان ليه وعينيها ولاو بحال شي زاجة ديال الثلج جامدة) :

- شنو بغيتي مني ياك كلتي ليا بمفك بلي ماتصلاحش ليا وبلي مزال ايجيني سيدك وياخدني وكلتي ليا نساك وبلي انت ماتصلاحش للحب شنو تبدل دابا .. وقف بزربة شد ليها وجها لين يديه بجهد مغوبش كيشوف فيها بعينين بحال ديال الصقر عاكد غوباشتو ..

ذياب(تحت سنانو) :

- تبدلو بزاااف ديال لحوايج اول أنا تبدل مابقيتش كيف لول تقدري تكوليا عليا حنار مكلخ مكنفهمش كولي لي بغيتي حيت كنت أنضيعك من يديا نقدر نكون انا كنقنع راسي بديك الهضرة لي كلت ليك ماشي كنقنعك انت ويقدر كنت كنكولها لراسي ماشي ليك أنت كولي لي بغيتي ... ولكن ديري فبالك اسومية قسما بالله عمرك لا كنتي لشي واحد غيري يا أنا يا حتى واحد كنبغيك وكنموت عليك ديريها فبالك هادي ودخليها لدماغك وادخلي دابا لعندهم بحال أي عروسة وتكولي ليهم بلي موافقة وبخاطرك وفرحانة يلاه اللهويرضي على بنتي كوني تسمعي وماتقصحيش راسك حيت قصوحية الراس مكتنفعش معايا انا يلاه ... ماخلا ليها حتى فرصة فين تفنفن ولا ترفض ولا تنطق بكلمة وحدة حدرات راسها وسبقاتو هو من وراها وعلامات النصر باينة على وجهو ...

ثلاثة ديال تزغريتات من عند مليكة تعلاو فالصالون تبعاتها رشيدة وحورية ...

سومية كالسة وكتخنزر فذياب لي فرحان عاجلو الحال مامسوقش ليها كونما دار هكا مغاديش تقبل حتى اهضر معاه اللهم يدخل من الباب ةيحطها قدام الأمر الواقع دابا يلاه رتاح وتهنا بالو ...

حورية(فرحانة) :

- هذا نهار كبير وليداتنا قررو يديرو دارهم حتى هوما الله يكمل عليهم بالخير ياربي

مليكة : أمين ياربي لعكوبة لكاااع لبنات إن شاء الله ...

رشيدة : دابا بقا غير نهضرو على الخطوبة والعرس ...

ياسين(شاف فيهم) :

- أنا وفرح غادي نديرو خطوبة هيا الأول باش ترتاح وتعرفني مزيااان هادشي علاش تافقنا ...

يحيى(بستغراب) :

- تافقتو كاع؟

ياسين : سمحليا اعمي ولكن قبل مانجي هنا هضرت مع فرح ضروري نشاورها هيا الاول مجاتش مجي نيشان ونصدق محاشم معاكم وماتكونش موافقة وشرط ديال فرح هو نديرو خطوبة هيا الأول بينما عرفاتني مزياان ورتاحت ليا كثر وديك ساع نديرو عرسنا إن شاء الله ..

رشيدة(شافت فبنتها) :

- أبنتي ديك قضية الخطوبة مكتعجبنيش الطول علاش منديروش خطوبة وعقد دقة وحدة..

فرح : ماما لا زربة على صلاح انا بغيتونعطي لراسي فرصة ولياسين باش نزيدو نتعرفو على بعضياتنا انا يلاه تعرفت عليه مدة قصيرة هادي مكنعرفش كيفاش كيفكر شخصيتو عقليتو ماشي حتى انتزوجو عااد نكتاشفو شي حوايج ماتعجبناش فبعضياتنا فهمتيني...

الحاج : البنت عندها الصح راه مشا داك زمان ديال يدخلو الراجل على المرا وهيا عمرها شافتو خليو دراري يديرو لي رناحو فيه هوما ..

يحيى : إيوا أبنتي لي درتيها حنا معاك الله يكمل بالخير...

سومية(بهمس) :

- تبارك الله الناس لي كتشاور بعضياتها ماشي واحد عند بالو حنا فالعهد الحجري...

ذياب(شاف فيها وضحكة على وجهو) :

- كلتي شيحاجة أسومية؟...شافت فيه وتبسمات :

- كلت ليك انا مابغيتش العرس ..

حورية(بستغراب) :

- وعلاش أبنتي؟

سومية : هكاك اماما انا مقادة على عرس عمارية وهيلالة نهاري انحني فيه وندير تصيورات مع العائلة ونلبس لبسة وحدة وصافي داك صداع وقاعة كبيرة وداكشي لا(شافت فذياب وعلامات النصر على وجها) شنو بان ليك اذياب الى عندك شي راي أخور كولو..

ذياب(بعدم إهتمام) :

- لا احسن حاجة هيا حفلة صغيرة بين العائلة مزيان فاش فكرتي فيها انا أصلا ماعنديش مع كترت الناس وصداع مزيانة ...خنزرات فيه عند بالها اتعصبو بالعكس عجبو الحال ...

محمد : الى كان بحال هكا مزيان انتوما حددو النهار وحنى ماعلينا غير نكولو ليكم الله يكمل بالخير ...

ذياب : أنا كنكول نخليوها هاد السيمانة الجايا اشنو بان ليكم ..

سومية(قاطعاتو) :

- اويلي(شافو فيها) زعمة سيمانة قليلة يلاه نوجدو ..

رشيدة(فرحانة ومتحمسة) :

- ابنتي ماترفدي هم انت ماعليك اتكوني واجدة وتجمعي وريقاتك حنا علينا كولشي..

حورية : لاواه اختي رشيدة حتى انا بغيت نصايب لبنتي ونقاد ليها ..

رشيدة : الالة من هنا لداك نهار راه توجدي كولشي الى على الحلوة راه باتيسريات والحلاويات عطاهم الله وحتى الى بغيتي انت تقاديها نتعاونو بيناتنا ونصايبوها ونساليوها قبل داك النهار ...اش بغيتي اخور الالة ..

حورية : ايوا اش غادي نكوليك الله يدير لي فيها الخير...

ياسين : صافي حتى حنا نديرو الخطوبة مباشرة من ورا العقد ديالكم إن شاء الله مكاين لاش نتعطلو ونأجلو والخطوبة مكتاخدش وقت بزااف ..فرح شافت فيه ماهضراتش ..

- خطوبة ديالمن؟؟ ...كولشي لي كالسين دارو لمصدر ديال صوت كان جواد وماريا واقفين معاهم امين وجلال هاز شانطات ديالهم ...بجري ناضت وردة ومينة جابو بلاكويات ديال الحليب وتمر ...ورجعو بزربة كيصليو على النبي مرحبين بيهم كولشي وقفو زولات ماريا يديها من يد جواد ومشات عندهم أول واحد ترمات بين يديه هو باها عنقاتو تكول اعوام مشافتوش عاد كملات السلام مع حورية ومليكة وباقي العائلة كذلك جواد بدا بباه ومو وباقي العائلة... خداو التمر وجغمة جغمة من الحليب والابتسامة على وجهم .. من بعد ما كلسو :

الحاج : على سلامتكم اولدي كيداز السفر فوجتو شوية؟

جواد : الحمد لله كولشي داز مزيان..

مليكة : تبارك الله أتصاور جاوكم غزاالين بصحتكم وبالمعاودة إن شاء الله..

الحاج : كاليا جلال داكشي لي درتي تبارك الله عليكم أوليداتي

أمين(بستغراب) :

- شنو واقع شنو دارو وحنا مافخبارناش؟

الحاج(مبسم) :

- بنتي الله يرضي عليها ماريا طلبات صداقها يكون مشروع لناس ديال البادية لمضررين من شتا والبرد دار ليهم مدرسة ويدخل ليهم الما وضو وكاع لي يحتاجوه يتوفر ليهم ...شاف فيها احمد وعينيهم كلهم فخر ببنتو ...

يحيى : تبارك الله اسي أحمد ربيتي وعرفتي شنو ربيتي الله يخليها ليك ..

أحمد(فرحان) :

- أمين ياربي ويخلي ليك وليداتك ...

جواد(شاف فيهم) :

- إيوا اشمن خطوبة كنتو كتهضرو عليها؟

الحاج : اسي ذياب خطب سومية من عند سي محمد ...

ماريا(الفرحة كتبري فعينيها) :

- بصح(نقزات من بلاصتها عنقات ختها) مبروك عليك أختي الله يكمل عليكم بالخير

سومية(فرحانة ولكن مابغاتش تبين لذياب لي حاضيها) :

- الله يبارك فيك أختي ...

وردة : وراه حتى فرح تخطبات خطبها ياسين شفتي كاع لي باقي بلا زواج فالعائلة غادي يتزوج بقيتي غير انت اجلال😂

جلال(خرج فيها عينيه بخوف) :

- انا لالا مابيني وبين زواج غير الخير والإحسان انا غير عفيوني .. 

الحاج : شحال قدك ماتهرب اخرتك انزوجك هههههه😂😂

جلال(وقف هربان) :

- انمشي نشوف مايتكال فالكوزينة الى بقيت معاكم اتلبسوني بشي تزويجة ...

ماريا(فرحانة) :

- مبروك عليكم الله يكمل كولشي على خير أحسن مادرتو ...شاف فجواد لقاتو مغوبش عاقدهم ..

جواد : وليتو كتخططو بلاما تشاورو..

الحاج : علاش اولدي؟

جواد : مزال الحال على فرح مزال صغيرة وباش عرفات بلي ياسين صالح ليها سمح ليا أسي محمد ولكن انا كنجي لواحد نيشان ..

ماريا(غوبشات ماعجباتهاش هضرتو) :

- علاش مالو ياسين كيف جاك ولد الناس ويكفي راه ولد عمي محمد وتربية ماما ولا نسيتي؟

جواد(شاف فيها) :

- انا هادشي عارفو ولكن مزال الحال ..(الجو تكهرب) ..

ماريا : جواد والدين البنت مزال فللحياة ومدام باها عايش مامنحق حتى واحد ياخود قرارات فبلاصتها ولالا ...

جواد : ماتنسايش بلي راها ختي... وقفات ماريا :

- واخا تجي معايا واحد الشوية بغيت نهضر معاك ... حلات باب الدار وخرجات على برا كاتسنا فيه ... وقف شاف فيهم نظراتهم كلها مابين الصدمة والقلق حدر راسو وخرج تبعها ..

جواد(بصرامة) :

- وي شنو كاين؟

ماريا(كتخنزر فيه) :

- أنت لي خاصك تكوليا شنو كاين اش هاديك الهضرة لي كنتي كتكول لداخل؟

جواد : راه سمعتيني قضية الزواج ديال فرح وياسين معاجبانيش ..

هزات عينيها فيه بستغراب جاتها ضحكة :

- واش كتهضر من نيتك علاش ياسين مالو اشمن عيب فيه؟

جواد(بصرامة) :

- راه كلمة وحدة كلتها ختي مغاديش نعطيها ليه وسدينا ..

ماريا(جعرات) :

- تبارك الله وعلاش بسلامة مالو اش دار ليك بغيت أنفهم؟

جواد : لا مسكين مدار والو غير كانت عينيه فمراتي ولا نفكر؟؟

ماريا : كاااان زمااان أما دابا راه كيبغي ختك وقصدو شريف وزايدون باها ومها لي ايقررو والبنت راه بعقلها انت يلاه تعرفتي عليها وليتي تحكم فيها عمرك مغادي تبدل انت هو انت نغزة ديال لحكام ماتحيدش ..

جواد(خنزر فيها) :

- انا لي عندي كلتو وسالينا .. قربات منو ماريا وجات عندو قاصداه تعلات عند وجهو جامعة فمها كتخنزر فيه :

- إيوا الى هكا اسي جواد حتى أنا ختي مغاديش نعطيها لخوك وها حنا متعادلين😡 ..

خنزر فيها جواد مستغرب من ردة الفعل ديالها :

- واش جاب ذياب وسومية لهضرة؟

ماريا(ربعات يديها وكلسات على الكرسي لي موراها) :

- جابهم لي جاب فرح وياسين كيفما انت ختك مابغيتيهاش لياسين واها راه بوالديها حتى انت ختي متاخودش خوك وهاحنا مفاهمين..

جواد : مافهمتش أنا علاش دايرة حالة على هاد ياسين ماخوك مكايجيك ..

ماريا(خرجات فيه عينيها) :

- بحال خويا طعنتي فأخلاقو وماما لي مربياه على يديها بحال الى طعنتي فتربية ماما ..

جواد(داير يد على خصرو ويدو كيدوزها فسعرو بنفاد صبر) :

- ياربي صبر من عندك ماتبقايش تموليني شيحاجة ماكلتهاش ماشي بسباب سي ياسين وختي تفرقي بين خويا وختك ...

ماريا(كضحك بستهزاء) :

- ياسبحان الله شوفو شكون كيهضر غير انت تزوجتي وخديتي لي كتبغي جاي دير فيها سي سيد على الناس شوف اتخلي الناس تاخود قراراتها كيف بغات يتزوج لي تزوج ويطلق لي يطلق ويخطب لي يخطب مدام عندها والديها راه هوما يقررو فبلاصتها وختك ماشي صغيرة راه عندها 24 ولا 25 هيا حرة ماهضر حتى خوها لي مربي معاها ورباها على يدو انت يلاه جيتي لا مزال صغيرة ولا كبيرة براكة من هاد تصرفات وياسين مدار ليك والو داكشي لي فبالك مكاينش ومن نهار كلت ليه لا فوجهو وهو كيحتارمني ويقدرني وزاد فاش عرفني بنت المرة لي رباتو ...جواد مجاوبهاش غير كيشوف وساكت كيخنزر ..

ماريا(وقفات) :

- راجع راسك شوية وراجع تصرفاتك حنا راه حرام نبقاو فرحانين ضروري تنكدها علينا من شي قنت ...ضربات فيه ودخلات خلاتو كيغلي وكلامها كيطلع ويهبط فيه ...

دخلات عليهم ماريا راسمة الضحكة على وجها ..

- إيوا حددتو بعد النهار ديال الخطوبة؟

ذياب : إن شاء الله من ورا سيمامة اتكون خطوبة وعقد كولشي فنهار واحد انا وسومية مابغيناش نديرو عرس كبير نهار صغير فدار مع العائلة ..

ماريا : أحسن مادرتو صداااع الراس غير ديك حيدي هاد لبسة لبسي هادي ديري هك ضحكي هك كتحسي براسك كيديرو ليك التعديب(شافت ففرح) وانت أفرح ؟

فرح : إن شاء الله من ورا مهار دسومية الى بغا الله غير انا وياسين قررنا تكون خطوبة بينما زدنا تعرفنا على بعضياتنا كثر ..

ماريا(فرحانة) :

- مزيااان الله يكمل ليكم بالخير ..

ياسين : أمين هذا الى خلانا جواد؟

ماريا : علاش مالو جواد ماديوش عليه راه طريق كاملة وهو مكلوب ومع طريق طويلة غير دوخة ديال طريق بالعكس فرحان ليكم غير يدوز هاد النهار ويرجع لطبيعتو ... دخل جواد مع الكلمة الأخرة لي كالت ملامح وجهو ممفهوماش ... جات مينة علماتهم بلي الغدا واجد ... وجدات الطبلة على حقها وطريقها كتشهي كلسو كاملين مجموعين كل واحد كيهضر فحاجة ضاحكين خالقين جو من غير جواد لي كياكل هاز حاجب ومهبط الثاني كيشوف وساكت ... سالة لغدا وطلعات ماريا لبيت لي وجدات ليها مينة لي فالأصل ديال جواد رتبات حوايجها فالماريو دخلات خدات دوش ... مع خرجات ملوية فالبينوار مداتهتش فيه بحال الى مكاينش ... لبسات حوايجها سروال دجين تريكو ديال الصوف طويل كول مونتي وبوت ديال الصوف قصير نشفات شعرها مزيان دارت مرطب لوجها وفمها هزات طاكية بحال لون التريكو فالباج دارتها هزات تيليفون خرجات وخلاتو ماعبراتوش سدات الباب وراها خلاتو حاضيها ومستغرب من تصرفاتها ... زول حوايجو بزعاف رماهم ودخل حتى هو ياخود دوش ..

- هبطات ماريا لتحت من بعدما كل واحد دخل لبيت لوجدات ليهم مينة بقاو غير لبنات بوحدهم فصالون خلطات عليهم ماريا تجمعو ب4 بيهم ...

سومية(حتى ناض ذياب خرج مع أمين وياسين وجلال عاد تطلقات فالهضرة) :

- عقلتي آخر مرة جيت لهاد الفيرما؟

ماريا(تانية رجل كالسة عليها ورجل طالقاها موسدة إيدها) :

- ههههههه عمرها تنسى ليا ديك سيمانة دوزناها صراحة ..

سومية(كتعاود ليهم) :

- كانت إقبال مكتحملش ماريا ماعقلتش شنو دارت لعود ديال ماريا حتى خلاتو جهل غير غادي وكيجري غير ربي لي جا من جيهتها ..

فرح(بستغراب) :

- وايلي كاينين ناس بهاد الحقد هذا ؟

وردة(كضحك بستهزاء) :

- وايلي حتى انت كاين ماكتر منهم عداااد إقبال غير وحدة فالمية منهم ومزال راه دارت عقلها وتراجعات...

ماريا : زعمة كانو فيها الفعايل دكات لبرة لمرجانة كنت انتلاح ونتهرس كونماشي جواد لي عتقني ..

سومية : عرفتي كيدار ليها تبارك الله عليه فاللحظة الأخيرة كون تعطل أشوية علم الله شنو غادي يوقع ..

ماريا(كضحك) :

- نتاقم من إقبال شر إنتقام ردها خدام باش يأدبها ونفس الوقت رد الاعتبار لرابحة لي كانت كتغوت عليها وماتخلي مادير ليها ..

وردة : وفاش جا طارق ولات كتغير وتشوى عليه كانت مكتحملوش سبحان مبدل الأحوال ..

ماريا(سهات) :

- كتجي تفكري فداكشي لي داز عليك كاتلقاي حياتك عبارة على كتاب طويييل دغية الايام كدوز شوف فين كنا واليوم فين ولينا ..

وردة : غير لبارح تعرفنا انا وماريا فسبانيا ولينا صحابات شحاااال دوزنا وشحال داز عليا أنا إيه وماريا كونما لقيتها فجنبي علم الله شنو طرا ليا ..

- ماريا : عرفتوالبنات نعاودها ليكم ولله ماغاتيقوني ديك ساعات فاش كنت فأسفي كنقرا وكنت ناوية باش نحرك تلكات ليا واحد المرا(كولشي عطاوها الإنتباه ديالهم) انا لي دخلت فيها صراحة ماشفتهاش عند بالي لاجئة سورية حيت كتبان بحالهم مكحلة عينيها وملامحها فشكل المهم طلبت منها السماحة تصورو اش كالت ليا؟

سومية : متكوليش ليا من صحاب سماوي؟

ماريا : اويلي لا كالت ليا ماتبقايش تفكري بزااف راه لي مكتاب ليك ومقدر غادي تشوفيه وطريق لي ناوي تمشي فيها عندك فيها الخير وعندك خيير كثير جايك فطريق وبقات شحال وهيا كتوصي فيا تكول السيدة كتعرفني مزيااان وانا كنت فديك لاسومين ناوية باش نمشي مع دراري بغيت غير كنشوف ومابقاتش بانت ليا مزال ...

فرح(بستغراب وجاها الخوف) :

- واش بصح هادشي وقع ليك خلعتيني ..

ماريا : وحق الله بحال الى شفتيها بعينيك وراه داز عليها شحاال دابا وفعلا سبحان الله داكشي لي كالت ليا وقع واخا انا داك الوقت كنكول بلي مغادي نشوف غير لي كتبو ليا الله سبحانه والله هو علام الغيوب ولكن ديك السيدة فيها شيحاجة فشكل والله عمرها ماتنسات ليا ..

وردة : عمرك عاودتيها ليا ..

ماريا : مجابتهاش الفرصة وصافي ..

سومية : بعد المرات كيوفعو ليك شي حوايج غراااب والله وصعيب شي واحد يتيقك ... 

- بقاو مجمعيين شحال حتى الحال بدا كيظلام الشتا على برا خيط من السما الثلج هبط جواد لعندهم ماريا ماهضراتوش ... بقا كيدور فدار دخل لبيت لكلاس خدا تيليكوند وكلس كيتفرج ..

وردة : واش مخاصمين؟

ماريا : لا مديريش فبالك ...

- وصل وقت العشا كولشي تجمعو كيف العادة على طبلة هضرة من هنا ولهيه اما الأمهات ديال العائلة كيخطو بيناتهم لخطوبة شنو ايديرو وشنو ايصايبو لي سمعهم يكول هوما النكافات ...جواد غير كياكول يجاوب على الأسئلة فحدود وساكت اما ماريا مندامجا مع العرسان الجداد كضحك ماعلى بالهاش نهائيا واش مقلق ولالا ...

من ورا لغدا كلسو فصالون جابت ليهم مينة وفتيحة لي كانت شحاال هذا عندهم بريق ديال القهوة بالعشوب مع طبسيل فيه انواع مشكلة ديال الحلويات ... اما وردة خدات غير الحليب حيت القهوة بالاعشاب واعرة عليها مع الحمل ...

جواد(حط طاس من يديه اوقف) :

- سمحوليا أنخليكم مع الطريق بغيت نرتاح واحد شوية ..

الحاج : سير اولدي

جواد(تبسم ليهم) :

- تصبحو على خير

الكل : تصبح على خير ...شاف فماريا شوفة مامفهوماش وطلع ... قربات حورية من ماريا وهمسات فودنيها :

- سيري تبعي راجلك حشومة تخليه بوحدو شوفي واش خصاه شيحاجة ..

ماريا(ضارت شافت فيها) :

- ماعندو مايبغي اماما كولشي حداه ..

حورية : الله يهديكم هاد بنات اليوم وتكوليك علاش راجلي شاف فبرا ..

ماريا : ماما كاينين الرجال لي واخا تشعلي ليهم صباعك شمع يشوفو على برا 

حورية : وانتي تعرفي أبنتي ... حسات ماريا بنعاس ناضت حتى هيا ستأدنات منهم وطلعات لبيتها ... فتحات الباب مشافتش فيه مشات نيشان لماريو ديالها جبدات شوميز قصيير بزااف مشبك كولو من جيهت الصدر فاللون كحل حطاتو فوق الفوطوي .. زولات حوايجها بقات غير بدوبياس وهادشي قدام عينيه لي حاضيينها مستغربين من هاد الجراة الزايدة لي فيها دخلات لحمام طرفات حاللتها ورجعات لبيت هزات داك شوميز ورجعات لحمام ... رجعات وهيا لابساه كتبان كلها عريانة تحت داك الشوميز ... كلسات قدام المرايا مشطات شعرها ورشات من البارفان الخاصة بيه .. دارت مرطب لوجها أيلاينر لعينيها وعكر فالأحمر فاااقع ... خدات مرطب برشات من للألئ المدهبة بريحة خليط من زهرة الفانيلا وشوكولا ريحة مميزة دهنات بيه يديها .. خدات زيت جونسون الخاص ديالها دارتو فأماكن النبض وأخر لمسة رشة من البارفان ديالها ...سلات ناضت زولات البينوار بقات غير بشوميز التحت لي قصير بزااف وعريان بزاااف وجات قاصدة النموسية حيدتت الغطا وتكات هزات واحد الرواية كانت بداتها فطيارة فتحات الصفحة فين خلاتها وبدات كتقرا ... جواد حاضيها بنص عين كيجس براسو ضعييف بزااف شنو كتحاول دير عمرها دارت بحال هكا وهوما فشهر العسل فرح فالداخل ديالو عند بالو بلي هادي محاولة للصلح من جيهتها ... حط الكتاب لي كان كيقرا فيه وضار عنها يلاه حط يديه عليه ضارت عندو كتشوف فيه بستغراب :

- بغيتي شيحاجة؟؟

جواد(بستغراب) :

- كيفاش واش بغيتي شيحاجة مراتي لابسة ليا ومقادة ليا وكتسوليني ..

ماريا(ضحكات) :

- لا راه وقيلة فهمتي غلاط انا الى تقاديت وتريحت ولبست راه لراسي ماشي زعمة على قبل شيحاجة يعني بلاما تعول على شيحاجة ..

جواد(غوبش) :

- راك مراتي وقيلة ومن حقي فخبارك بلي حرام لمرا ماتعطيش لراجلها حقو؟

ماريا : فخباري ولكن واش فخبارك انت بلي حرام لي كيقطع رزق الناس ويوقف فطريقهم وفوجه سعادتهم ولا مافخباركش؟

جواد(دور راسو لجهة لوخرا) :

- كولي هكاك هادشي علاش دايرة هاد الحالة(شاف فيها) :

- شنو باغية بضبط ؟

ماريا(هازة حجباتها مخرجة فيه عينيه) :

- خلي الناس تعيش كيف بغات وماتبقاش تحكم على الواحد وانت معارفوش نهار بغيتك بغيت فيك بزااف ديال الحوايج زوينين لدرجة انو نسيت كاع لحوايج الخايبة لي عيشتيني فيهم الذل والإهانة وحتى من كرامتي طيحتي بيها حبستيني وهادشي عمري دزت منو جبتي صحاباتك لدار نكولو اه مكان بيناتنا والو ولكن إحتراما ليا حيت كنت مراتك بابا لي كبرني وسهر وخدم عليا مكانش كايعاملني بحال ديك المعاملة ولكن نهار لي بغيتك نسيت هادشي ورجعت تصرفاتك لتصرفاتي معاك حيت انت موالف اناس يحتارموك يخافو منك انا كنت متمردة كلت حيت عصبتك كنتي ردة فعل على تصرفاتي فاش وليت كنبغيك نسيت داكشي كامل ولاو كيبانو ليا فيك غير الايجابيات وحيت لي كيبغي بصح كيبغيك بعيوبك ... واكن انت بهاد التصرف لي درتي اليوم بينتي ليا بحال الى كتحتاقر الناس وكتصغر منهم أناني كايهمك غير كلمتك تمشى على الناس صافي ماسولتيش راسك واش ختي فرحانة ... واش ختى أتكون باغياه لا ... ماكلتيش واش هاد الانسان اتكون فرحانة معاه ... لا أنت غير ماعجبكش وحيت مانسيتيش مهار شحال هذا كنت كانعجبو والاشكال غير إعجاب أما فرح راه كيبغيها أنت هادشي كامل ماهمكش وهادشي كيتسمى أنانية وحب الذات يعني الانسان كيبغي كلمتو هو بوحدو لي تمشي ... راجع راسك مزيان أجواد وراجع تصرفك وردة فعلك ... حطات الكتاب من يديها دارتو فوق الكوافوز جرات عليها الغطا طفات الفيوز لي حداها عطاتو بالظهر ونعسات .... بقا كيشوف فيها شحال ساهي وكلامها كيتردد فودنيها كلمة بكلمة شنو كالت واش فعلا هو تصرف بأنانية وحب الذات واش فعلا بغا كلمتو لي تمشي واش ظلم ياسين بالحكم ديالو المسبق عليه واخا مكايعرفوش عن قرب حكم عليه والى كان فعلا كيبغي ختو كيف كالت ماريا ؟؟ ... والى ختو باغية هاد الزواج وهاد الخطوبة ... كولشي التحت كان فرحان حتى ليه هو ... واخا مدة قصيرة باش تعرف على ختو مامنحقوش يتحكم فيها حيت فعلا مزال بوالديها هوما عارفين مصلاحتها تفكر كلام ماريا ليه :

- ماهضر معاها خوها لي رباها على يدو تهضر معاها انت لي يلاه تعرفتي عليها مدة قصيرة هادي ... فعلا عندها الصح ذياب أولى أنو يهضر معاها ويرفض بالعكس هو عاجبو ياسين وفرحان ....ناض جواد من حدا ماريا فتح باب البالكون وخرج ... ضرب فيه البرد ديال الليل الشتا ماسحاتش وقف دار يديه فجيابو ساهي ...

- أش درت فبلاصة مانفرح ليهم نكدتهم عليهم علاش كندير شي تصرفات مكنكونش قاصدهم علاش (دوظ يديه فشعرو تعصب وطار عليه النعاس) ...خرج من البالكون سد الباب وراه ورجع حداها قرب منها كيحقق فملامحها باين من وجها بلي نعسااات ... قرب منها وطبع قبلة على وجها ... رجع لبلاصتو جر الغطا وطفا الفيوز لي حداه ... دار يدو على جبهتو كيفكر حتى حس بعينيه تقاالو ودااه النعاس ...

يا سيدتي:

لا تهتمي في إيقاع الوقت وأسماء السنوات.

أنت امرأةٌ تبقى امرأةً.. في كل الأوقات.

سوف أحبك..

عند دخول القرن الواحد والعشرين..

وعند دخول القرن الخامس والعشرين..

وعند دخول القرن التاسع والعشرين..

و سوف أحبك..

حين تجف مياه البحر..

وتحترق الغابات ..💙

****

صبح الجو مغيم الأرض كلها فازكة بشتا لي صبات الجو على برا باارد بزاااف ... حلات ماريا عينيها بصعوبة مستحلية السخونية ديال لغطا مقدراتش تنوض دورات راسها لجهة فين ناعس جواد مالقاتوش ...زولات عليها الغطا كلسات كيبان ليها بلاطو ديال لفطور واجد ومحطوط ... ناضت مستغربة ماحساتش بمينة إيمتا دخلا لفطور ... بانت ليها واحد الورقة محطوطة فالبلاطو هزاتها فتحاتها تبسمات لا إراديا من داكشي لي مكتوب :

آن ﺳَﺄﻟﻮﻧﻲ عنكَ ﻣﻦ ﺗﻜﻮُن ﻓﻲْ ﺣﻴآتِي ؟

ﺱَ ﺃﻛﺘﻔﻲ ﺏِ ﻗﻮﻝ " ﻣُﻌﺠﺰﺓ ﻳﺘﻤَﻨﺎﻫآ آلجمّيع ﻭ أنآ ﻣَﻦ ﺣﻈِﻴﺖ بهآ " ~ { 💙 } 

كأنها إذا كانت حاضرة أضاءت شيء لا يرى ..

فإذا غابت انطفأ هذا الضوء .

فاتنتي ❤❤

- شدات الورقة عنقاتها ... مشات لجيهت الماريو وحطاتها بين احوايج .. دخلات لحمام ... من ورا ماخرجات مشطات شعرها جمعاتو لبسات حوايج سخونين وكلسات كتفطر ... شافت فساعتها وتعجبات لجواد لي مبانش ليه الحس ... ناضت جيهت السرجم زولات الرواق وطلات تحلو عينيها 100 درجة من لي شافت ... كان جواد واقف هو وياسين ماعرفاتش علاياش كيهضرو شي لي ستغربات ليه هو الضحك ديال جواد لي باين على وجهو وراحة لي باينة على ياسين رجعات بلور وردات الرواق وهيا مافهمة والو البارح كان فحال وليوم صبح فحال ... هزات داك البلاطو وخرجات من بيتها هبطات لتحت ... دخلاتو لكوزينة ...

مينة : صباح الخير لالة ماريا كيصبحتي؟

ماريا(مع إبتسامة) : 

- الحمد لله أخالتي مينة وبلا ديك لالة والله مكنحملها ولا كتعجبني عيطي ليا غير ماريا براكة ..

مينة : واخا ابنتي انا ساليت لفطور دابا انوجد طبلة ..

ماريا : خودي راااحتك انا لي فقت لولة وقيلة كولشي مزال ناعس ..

مينة : لا فاق سي جواد ويلاه شوية باش فاق حتى سي ياسين ... 

ماريا : واخا انا فصالون بينما فاق كولشي... خرجات ماريا من لكوزينة دخلات لصالون وكليات شوميني خدامة كلسات قريبة منها باش تبقى دافية ... دايرة رجل على رجل وساااهية ... تم داخل جواد وياسين فنفس الوقت مجمعين علات ماريا راسها جيهتهم كتشوف فيهم وساكتة ..

جواد(شاف فيها) :

- حبيبي صباح الخير 

ماريا : صباح الخير 

ياسين : سمحوليا أنا جاي

جواد : خود راحتك ... طلع ياسين لفوق وخلاهم بجوج ..

ماريا(كتشوف فيه بستغراب) :

- سبحان الله أش واقع لبارح ماكنتيش حاملو واليوم هاها انت ويااه ..

جواد(كلس حداها عنقها وباسها بوسة كييرة وبجهد جنب فمها) :

- كتحمقني ريحتك فخبارك ؟

ماريا : وجواد سولتك ..

جواد : شنو غادي نكوليك كيف درت وحلة تعاملت مزيان وحلت خيابيت وحلت هضرت مع ياسين شوية وتفاهمنا هادشي لي كاين شي حاجة خرا؟

ماريا : كيفاش هضرتو وتفاهمتو مافهمتش؟

جواد(كيلعب برجليه) :

- دابا انا عارف الى كلت ليك شنو كاين أيعجبك راسك ولكن ماعليش الالة لقيت كلامك كلو صح السيد مدار معايا حتى حاجة خايبة عطيتو فرصة هضرنا وسلام ...

ماريا(فرحانة) :

- هاااا شفتي كلامي ..

جواد : هاهيا بدات تاني خلينا من هادشي كيفاش زعمة ماتعطيش لحبيبك بوسة دصباح ..

ماريا : لاء مينة فكوزينة شوية ادخل لفطور وغادي يفيقو لوخرين ..

جواد : ومالنا مصاحبين راه مزوجين الالة ولا نسيتي اجي معايا كاع ابيت ونتهناو ..

ماريا(كضحك نطرات يديها من يدو) :

- وجواد الله يهديك واش تسطيتي؟

جواد : أه الالة تسطيت على لي درتي فيا لبارح ومخلياني بلا عقل الليل كامل كي بغيتيني نكون واش انت بعقلك؟؟...فاقو لوخرين وتمو هابطين واحد تابع لاخور..

ماريا(عجبها الحال) :

- كلس هاهوما فاقو ...

جواد(رجع باللور كينفخ ) :

- بفففف..

الكل : صباح الخير ..

ماريا وجواد : صباااح النور ..

رشيدة : تبارك الله شتيولة طاحت ..

ماريا : أنا ماحسيتش بيها مع العيا غير حطيت راسي نعاااست ..

رشيدة : وابنتي مع العيا ضروري اتحطي راسك على المخدة وغادي تنعسي ...جات مينة علماتهم بلي الفطور واجد ماضو كاملين جات ماريا تنوض رجعاتها يدو لحداه شافت فيه بستغراب :

- جواد : ياك فطرتي؟

ماريا : اه ولكن كاين فرق احبيبي مع بتيبان ومع المسمن والملوي سخان مع زبدة والعسل ...خطفات بوسة من شفايفو وهربات ... خلاتو كايتجنن غير بوحدو .. كلسات حدا ماماها وحدا مليكة جات وسطهم ..

حورية(قربات ليها كتهضر بشوية ) :

- بنتي إيمتا ناوية إن شاء الله تجيب لينا شي عزري ولا شي فركوسة؟

ماريا(شافت فيها) :

- اويلي أماما راه يلاه تزوجت مزال ماكملت حتى شهر .. نغزاتها مليكة من جنب لاخور ..

- انا نهار رحت هزيت ديك الليلة تعطلات عليا حق الشهر عرفت راسي حاملة ولديهم ابنتي يكبرو معاك ..

ماريا : اويلي بهاد الزربة أماما راه مابقاش داكشي ديال الوحدة تولد صغيرة كاينة لي مكتولد على 30 ولا 35 وكثر كاااع هاهيا لطيفة رأفت ولدات على 54 ..

حورية : واش اتقراني ليا راسك مع لطيفة رأفت وزايدون لطيفة راه والدة بنت قبل ومزوجاها خلينا فيك انت دابا ..

ماريا : انا مزال مكنفكرش فالولادة وخاصني ندوز الوقت مع راجلي كثر نتمتع انا وياه ماشي مع دقة اااع ااااع ريحتك خانزة بعد مني مجاتش ...

حورية (تعصبات) :

- مليكة هضري مع هاد البنت أطلع ليا سكر كاتليك نتمتع الالة ماقدكش داك تمتاع لي تمتعتو فالبرازيل خرجتو مع بعضياتكم ودوزتو ايام مع بعضياتكم وسافرتو لألمانيا ودوك جبال ولا ماعرت سميتهم وخلي فاش كنتومزوجين قبل وكتكولو ليا نتمتع زوينة هادي تاني ...

مليكة : وماتعرفي تكون ولادتك عزيزة ولا فيك البرودة حورية خاصنا نديرو ليها الوصفة ديال التمر وحب رشاد ..

حورية : عندك الصح حتى نرجع ونصايبها ليها أجي انت بعدة شربتي لفانيد ولالا؟

ماريا : ديالاش الفانيد أماما خليوني أنفطر ..

حورية : جاوبيني وفطري الفنيد ديال منع الحمل ..

ماريا(بستغراب) :

- ماشربت حتى فنيد ماشريتو ماشفتو حتى كيف داير ...

حورية(كضحك) :

- وراه بحال والو تكوني رفدتي وياااك تاخدي شيحاجة سخونة ماتعرفي أش كاين ..

ماريا(كتهز الملوي وتدهن فزبدة والعسل) :

- مكاين والو من داكشي من دقة ولحين أنهز ..

حورية : ودابا تشوفي ...ماريا ماتسوقاتش كاع لديك الهضرة فطرات وسلات وناضت هيا او وردة كيهضرو بجوج :

- ماريا : وردة واش بصح الى ماخديتش الفانيد أنحمل؟

وردة(شافت فيها) :

- أه ممكن على حساب علاش؟

ماريا : واش أه ولالا؟

وردة : وكل وحدة وهيا تقدري واخا ماتشربيه ماتحملي على عام ولا كثر كاااع كل وحدة وهرموناتها هادشي كيوضحو الطبيب وكاينة لي الى ماخداتوش تقدر تحمل من الأول واش انت ماخديتي والو ؟

ماريا : لا..

وردة : واش انت وجواد درتو علاقة ورا مامشات منك ليغيكل ؟

ماريا : أه من وراها بيوماين ومن وراها تاني بستيام ...

وردة : شنو انكوليك من الأحسن ماتخدي حتى حاجة سخونة حتى توصل نهار ليغيكل الى جات كيف العادة مزيان الى مجات وتعطلات عليك بزاااف ديري تحليلة ..

ماريا : متكوليهاش مابغيتش نحمل دابا اويلي يلاه تزوجنا ..

وردة : واش انت مريضة هادشي ديال الله وزايدون انت موخداش إحتياط ديالك ومابغيتيش تحملي وزايدون شحال وانت كتمتعي الالة مع راجلك قبل لا يكون راجلك ماشبعتيش هاد الكلام تكولو وحدة لي يلاه تعرفات على راجلها ماشي وحدة كان ديجا مزوجة بيه وطالقو وتلاقاو ودوزو مدة كيتلقاو ورحلة على قدها وهيا معاه وزيد عليها سفرية للبرازيل ولألمانيا ولجبال الألب وشهر العسل وهادشي وماتمتعتيش وباااز ليك والى جابها الله ماعندك مديري المهم نوصيك ماتاخدي والو حتى يوصل شهرها جاتك راه قبل لاتمشي ستاشري طبيب خاص هو لي أيعطيك نوع ديال الفنيد لي مزيان ويجي معاك وتبعي معاه فاش تبغي تحملي أما الى حملتي ماعندك مديري ديك الساع ...

فنفس النهار رجعات مليكة وأحمد وباقي العائلة لإفران ... حتى من الحاج رجع خوات الفيرما ورجعات كيف كانت ... بدا توجدات لعقد ذياب وخطوبة ياسين ...

- (فبيت النعاس) :

- حبيبي هاد شهر العسل مغاديش نكملوه ..

ماريا : وانت حبيبي كتشوف العقد ديال ذياب وسومية وخطوبة ياسين مايمكنش نمشيو ونخليوهم وأيامنا أحبيبي كلها شهر عسل مابقاتش على شهر واحد ...جرها من يديها وكلسها حداه ..

جواد(بصوت رجولي ) :

- بغيت نتشاور معاك فواحد الموضوع ..

ماريا(بفضول) :

- أما هو؟

جواد : شنو بان ليك ناخد دار لينا بجوج غير أنا وانت بوحدنا ونبعدو على القصر ؟

ماريا(سهااات كتفكر) ..

جواد(كيشوف ليها فعينيها) :

- فاش كتفكري؟

ماريا(هزات عينيها فيه) :

- القصر واسع وكبييير دوزتي فيها الطفولة ديالك واخا مكنتيش كتجي بزااف ليه ولكن عندو مكانة خاصة عندك تقدر تمشي وتخلي عمي بوحدو هاجر خوات ومشات يوسف حتى هو مشا يشوف مستقبالو .. وتزيد حتى أنت مجاتش أحبيبي الدنيا وزمان هذا بالعكس خاصك تستغل الوقت وتكون مع عائلتك حيت العائلة راه مكتعوضش وحتى عمي من حقو يشوف ولادو وحفايدو قدامو ...

جواد : عرفت أنا خفت غير متاخديش راحتك هنا كلت نستقلو انا وياك بعاد على هنا ..

ماريا : لالا أنا فرحانة ومرتاحة هنا بالعكس متشغلش بيا أحبيبي ...بقا كيشوف فيها مدة طويلة قرب من شفايفها وطبع بةسة كبيرة حنينة على شفايفها ... تنهدات تنهيدة طويلة تبسمات ليه وتخشات بين يديه حاطة راسها على صدرو معنقاه ...

#القهوة

فرح(وقفات على سومية لي حاطة المذكرة قدامها وكتكتب) :

- سومية تكلمي .. هزات فيها سومية راسها وبستغراب :

- لمن ؟

فرح : ذياب على برا كايتسنى فيك تمشي انت وياه تشوفو الخاتم ..

سومية : مكاليا والو وانا مامسالياش ..

فرح (كتشوف فيها بستغراب) :

- اويلي أصاحبتي أجلي الكتابة راه خطوبتك مابقا ليها والو شوفو الخاتم ورجعي ديك ساعات كتبي راهو على برا بعدا كيتسناك انا بلغتك ... خلاتها فرح ومشات نكمل خدمتها ... شافت سومية حتى عيات حطات المذكرة من يدها وستيلو وخرجات ... لقاتو واقف على طوموبيلتو داير رجل على الرجل جامع يديه لابس سروال دجين كحل مع كاط كحل وتريكو كول مونطي فالكرونة ... غير شافها تقاد فالوقة وتم جاي عندها ..

سومية : ماشي وقت الخاتم هذا عندي لخدمة ..

ذياب(جرها من يديها عنقها مامسوقش) :

- الخدمة تسنى حشومة تخلي حبيبك يتسنى ..

سومية : بلاما تفلى عليا أنت عارف هاد الخطوبة غير تفليات وانت مكمل فيها ..

ذياب(غوبش عصباتو) :

- الالة الى جاتك تفلية نفسخوها مالنا حنا عليها من نهار لفيرما وانت شداها وهازة شوكتك بلاما ضحكي على راسك وعليا انت عارفة مزيان بلي كتبغيني وبلي فرحانة لهادشي لي كيوقع كونما كنتي فرحانة داك النهار أترفضي هاد الزواج وبلاما تبرزطي راسك وتكولي هددتيني ... حيت كون بغيتي توقفيها اتوقفيها حيت مكاينش شيحاجة بزز ولكن انت سكتي وعجبك الحال براكة من هاد اللعب أه غلط وكنعتارف بيها ولكن حتى انت غلطي على الأقل عطيني الوقت .. نتحداك تكولي مكتبغينيش يلاه كوليها وكولي بلي هاد الخطوبة وزواج مبزو عليها ونقسما ليك بالله لي خلقني وخلقك حتى نفسخ هاد الزبل كامل يلاه كنتسنى ... خرج فيها عينيه كيشوف فيها بجدية كيتسناها شنو أتكول ... حدرات عينيها كتشوف فالأرض معارفة ماتكول بطبيعة الحال فرحانة وكتبغيه غير دافعة كبير عليه باش ترجع كرامتها لي ضاعت داك النهار .. قطع تفكيرها :

- وهضري يلاه ...هزات عينيها فيه مغوبشة :

- مغادي نكول والو ... تخطاتو فتحات باب الطوموبيل وركبات ... تبسم وعلامات الإنتصار على وجهو دار ورا طوموبيل ركب حداها ديمارا وزاد ...

يقولون أن الحب يبدأ بـ كلمة أو نظرة 

تلك خرافه صنعها الفاشلون 

الحب يبدأ حين تشعر المرأة بأنك رجل ..💜💜 ...

^^^^

#فدار_حورية

سومية(متوترة مخلوعة فمها ناشف معارفة مدير) :

- خايفة أختي راكباني الخلعة من ساسي لراسي..

ماريا(طلعات ليها الدم) :

- واش اتخليني نصايب ليك على خاطري ولا نلوحك من سرجم عصبتيني ..

سومية : أرخفي عليا والله حتى جاني هادشي فشيشكل ..

ماريا(كتشوف فسقف) :

- ياربي تصبرني ياربي فينك أوسيم أجي عتقني فينك ..

سومية : أه فكرتيني شنو دار وسيم؟

ماريا(رجعات كاتصايب ليها شعرها) :

- كاين دابا عند دار ثورية كاليا هضر معاهم وعجبهم وتافقو على الخطوبة والعقد وزواج فنهار واحد ..

سومية : زربان ههههه..

ماريا : ولاش ايبقى يضيع فالوقت بغاها بغاتو عارفها وعارفاه لاش داك تطوال ...

سومية : وإيمتا العرس؟

ماريا : شهر 8 فصيف ..

سومية : واووو طول بزااف ..

ماريا : يلاه يلاه يوجدو وبحال والو اتجيب دارهم لكازا باش يبقاو قراب ليها مساكن ماعندهم حد من غيرها ... وحتى من وسيم كاليا بتخبية بلي غادي يفتح محل لبات ثورية ديال البيع وشرا بحال كيف كان شحال هذا ..

سومية : وسيم ولد الناس وحتى ثورية تستاهل ...أجي إيمتا اتفتاتحي المطعم كون غير درتي نهار الافتتاح نهار راس العام مابقا ليه والو ... وتكون مزيانة كولشي غادي يجي ..

ماريا : مزال ماقررت حتى نشوف نهضر مع جواد ونشوفو ..يلاه سكتي شعرك ساليتو دابا بقا ليا وجهك والله أسومية وتحركي هاد زواج لا سالة أنا نكوليك ..

سومية(تقدات فالكلسة) :

- صافي مابقيتش انتحرك كوني هانية ... 

#على_برا

محمد : هنا أولدي الله يرضي عليك(كيوري لديدجي فين ايقاد لماتريال ديالو) ...

حورية(لمليكة) :

- ماعرفتش علاش اختي درت راسي فيك وجبنا طيابة مالي انا شنو كندير ..

مليكة(كتشوف فيها بعدم تصديق) :

- اويلي اختي واش زواج بنتك خاصك تكوني حداها بغيتي توحلي فالكوزينة وزايدون راه ماشي أخطوبة هادي راه زواااج أحورية الله يهديك الحلوة لي عليها العمدة درتيها ... ديها فصحتك شوية ..

حورية(تنهدات) :

- أتخوا عليا دار انبقا غير انا ومحمد الراس فراس ..

مليكة : ماشي غير انت حتى انا خوات عليا الدار ماريا مشات جاب الله كنسي بالخدمة فالقهوة أما كون تسطيت ... هادي هيا سنة الحياة ..

حورية : الله يرضي على ماريا كونما المطعم لي دارت وغادي نخدم معاها فيه كون تسطيت حتى انا محمد كايجي غير فالغدا ورا العصر يخرج ومايجي لدار حتى يصلي العشا فجامع ..

مليكة : والحمد لله راه بنتك هاديك وانت مها ماشي بجميل اتخدمي معاها راه من حقك الله يرضي عليها ... والحمد لله حنا قراب ليهم حدا ودنينا اجي تشوفي لي متغربين على والديهم كل وحدة فين لاحها زهرها ومكتابها ..

حورية : الحمد لله ياربي ... مناقص والو يااك كولشي وجدناه ..

مليكة : انوض نطلق شوية ديال المسكة الحرة فدار ..

حورية : راه البواطة حدا لمرايا بواطة فذهبي .. مليكة عاونات حورية فكولشي بحال الى بنتها لي أتزوج واقفة بحالها بحال حورية قدات معاها كاع داكشي لي خاص ... بدا ديدجي كيقاد فالماتريال ديالو وكيجرب الصوت مرا مرا ..

#فالبيت

سومية : واش ديدجي جا صافي؟

ماريا(كتقاد ليها فاللمسات الأخيرة) :

- جااا فاش جيت أنا تلاقيت معاه كيطلع فالمتريال ديالو هو واحد صاحبو ..

سومية : شحال بقا ويجيو ..؟

ماريا(شافت فساعتها) :

- مزال شي ساعة ونص هكاك واش خديتو دهاز كلو ؟

سومية : خالتي رشيدة مسكينة ماخلات ماشرات بلا داكشي لي شرا ذياب أما عمي حتى هو كثرر كاع ثواب لي جاوه جداد خدا ليا منهم جوج جوج جوج برعني توابات مسكين ... كولشي جابوه لا لي خاص ولا لي مخاص ..

ماريا : بصحتك وراحتك اختي لحبيبة الله يجعل ايامك كلها أفراح ومسرات ..

سومية : أميييييين ... كملات ماريا لسومية لبساتها تكشيطة فالأخضر ملكي منبتة كلها بالحجر فضوغي مع تاج وإيكسيسوارات فدوغي وصباط عالي فنفس اللون جااات فنة كتحمق ..

ماريا : عينيها كيبريو) جيتي فنة ماشاء الله عليك وكلسي ومتحركيش بينما قاديت راسي ووجدت حتى أنا راه مابقا والو ..

الحياة قد حطمتني عدة مرات، رأيت أمورًا لم أكن أريد أن أراها، عشت الحزن، الفشل، ولكن الشيء المؤكد دائمًا، أنني أنهض ...💙 

^^^

باب دار حورية مفتوح .. بداو الضياف كيجيو الحاج هو أول واحد معاه وردة فقفطان بالبلو ماغين شادة ليليا فيديها لابسة كسيوة فزرق حتى هيا ... فالباب واقف ياسين لابس شوميز بيض مع سروال فالكري وسمطة فالكحل .. كيستقبلهم هو وحورية ومحمد ... دخل أمين او الحاج لصالون لي أيكونو فيه الرجال أما وردة سولات حورية على ماريا وسومية ... نعتات ليها البيت فين كاينات وكملات إستقبال الضيوف ... وصلو لبنات لي خدامات فالقهوة وحدة بوحدة مكاينش بزااف ديال الناس عائلة حورية مكايناش وحتى عائلة بابات سومية مكاينينش كان هو الولد واحد عند والديه ...

#فالبيت

- ماريا سلات اللباس ديالها لبسات تكشيطة فالموف جاتها كتحمق مع إكسيسوارات صاك فدوغي وصباطو ...شعرها خلاتو مطلوق أما المكياج دارتو خفيف جا معاها ..

ماريا : جواد جا ولا مزال؟

وردة : مزال مجاش أيجي مع عائلة لعريس ..

ماريا : تلفت راه كالها ليا غير انا لي نسيت وليت كنسا هاد الأيام ..

وردة(كتشد فليليا لي كتنبش) :

- مالك كبرتي أبشوية عليك .. نقزات سومية مخلوعة :

- وقيلة جاو كنسمع الدقايقية ... قطعو الحس كيتسنطو لغنا لي كيسمعو فيه جاي جمعات الوقفة وردة كتجري فتحات السرجم ...ضارت عندهم مبسمة ..

- جاو جاو أجي أماريا تشوفي ..

ماريا(هازة جلايلها) :

- أنا أنهبط نشوف مباشرة ..

سومية : ياااك أختي وتخليني بوحدي ..

ماريا : أصاحبتي خليني نشزف دفوع ونشوف حبيبي وديك ساعات نرجع عندك ..خرجات هيا او وردة من لليت مخليين سومية بوحديتها ...

- لقاو حورية ومليكة هبطو حتى هوما خلطو عليهم او وقفو قدام الباب ... كيبان ليهم ذياب بكامل أناقتو بكوستار فالكحل ماشط شعرو اللور حداه رشيدة لابسة جلابة هيا وقفطانها .. يحيى بجلالة فالبيج فرح فتكشيطة فالكرونة ... عينين ماريا مشاو لشخص واحد جواد تكول مشافتوش هادي أعوام .. تبسمات ليه عينيها فيهم لمعة او فرحة كبيرة بزاااف ...غير شافها جا لعندها عنقها وباسها من لوجه قرب لودنيها وهمس بشوية :

- كتباني ليا اليوم أنت لي عروسة ماشي سومية ..

ماريا(كضحك) :

- غير حيتاش أنا مراتك أحبيبي داكشي باش ..

قاطعاتهم رشيدة لي قصدات ماريا عنقاتها وكملات سلامها الطيافر هازينهم دراري بلبسة موحدة لبنات لي مع ماريا كيصورو بايليفون وناشطين كيشطحو ... من وراها دخلو الدفوع لدار ... غناو الدقيقية واحد شوية وسالاو ... مع خرجو كولشي كيصلي على النبي وكيزغرت غير سلاو الزغاريت خدم الديدجي الموسيقى ..

كلسو العائلة فصالون الديدجي خدام وسومية لداخل بتوتر كالسة كتشطح هيا او وردة وليليا حتى دخلات عليهم ماريا وكملات لي خاص ... ناضت فرح حتى هيا حشمانة من نظرات ياسين ليها دارت لعدر باش تشوف سومية وهربات حتى دخلات عليهم ..

فرح : انتوما هنا محيحين أبوحدكم ...

ماريا(جراتها) :

- نشطحو غير بوحدنا حتى انت زيدي ديري حقك ... دخلات وسط منهم وكلسو على شطيح ... حتى جات حورية دقات عليهم وعلماتهم باش يخرجو سومية ... قبل ماتخرج سومية عطاوها كاس ديال الحليب باش تحيد منها الخلعة ... خرجاتها ماريا وفرح او وردة بصلاة على النبي وزغاريت ... العريس وقف يستقبلها والإبتسامة على وجهو فرحااان بزااف علاش لا وربي جزاه على العذاب لي داز منو على الغدر وطعنة ديال الخيانة لي تعرض ليها ربي جزاه بسومية بنت الناس وأهم حاجة كتبغيه ومغاتبيعيشو واحا بمال الدنيا ... كلسوها حداه ... مدات يدها لنقاشة وبدات كتنقش ليها يدها ختارت تنقش غير صبع واحد واخا عياو معاها بلي الحنة حلاوتها فنقش ليدين ورجلين مابغاتش ... من ورا الحنا دخلو العدولات ... كولشي فرحان ليهم ماريا واقفة معنقة يديها فرحانة وجواد مقابلها دورات راسها لجيهتو غمزها وعطاها أجمل إبتسامة ... سهات فيه فملامحو رجولية لي كتموت عليها شهامتو كتحماق على أي تفصيل متعلق بيه ... شافت فعائلتها لي مجموعة حسات بدمعة سخونة كتحرق عينيها ... شحال ديال لعذاب دوزات ... عاشت بوحدها وباها غايب عليها قرات وخدمات فنفس الوقت ... قطعات لبحر وخاطرات بحياتها كان ممكن ماتوصلش البحر غداار وشحاال غدر من واحد ولكن ربي نجاها او وصلات خدمات وتعلمات وتعرفات بصديقة لي ولات أخت بنسبة ليها تحملات مسؤولية بنت صغيرة ماشي من دمها ولحمها سمعات كلام الناس شي كال راه ام عازبة وكل واحد وسنو كال ولكن هيا ماتسوقات لحتى واحد ... وقفات فوجه وريث عرش الإبراهيمي وقبلات زواج بيه على قبل بنت صاحبتها ... تحملات الاهتنة وتكبر الغرور وتحكم السلطوية ولكن ماتنازلاتش بالعكس ... من بعد سنين من الحرمان من الأم ديالها لي كانت محتاجة ليها تحط عليها راسها وتحس بحنانها تجمعات معاها من بعد أعوام وتجمعات بختها لي هاهيا قدامها اليوم عروسة ... تعرفات بغريب لي ولا صديق وأخ حنين عليها وكيبغيها وقف معاها فوقت صعيبة وماتخلاش عليها ... (تنهدات) فين مزال تلقاي بحال هاد الصداقة ... ضحكات لعبات بكااات تلاقات بحب حياتها لي كانت حتى سميتو مكتحملاهاش تدكر قدامها ولكن الأقدار كتحط أيادي خفية قدامها تعرضات لمؤمرات من دمها ولحمها ... تعرضات لخطف تهديد ولكن هادشي غير مزاد قربها لشريك حياتها ... بزااف ديال الحوايج دازو فحياتها الفضل وكل لفضل للإنسانة لي حطاتها فهاد المدينة سويسرا المغرب هيا عمتها الله يرحمها خديجة لأنو كونما الورث لي خلات ليها مغاديش تكون اليوم هنا ... الحمد لله أنها هنا بين حبابها وصحابها عائلتها وأهم حاجة مع زوج كتموت عليه وكيموت عليها ...

- ألف مبروك الله يكمل بيخير برفاه والبنين إن شاء الله ... تعلات الزغاريت لي فيقوها مع سرحان ديالها شافت فجواد اشر ليها بمالك ... جوباتو بإيماءة من راسها بلي مكاين والو ..

- كلشي كيزغرت أخيرا ذياب وسومية مزوجين على سنة الله ورسوله ... جا وقت تركاب الخاتم ... ركب ذياب ليها الخاتم ديالها وحتى هيا هكاك ... جا وقت الحليب وتمر كااع العادات وتقاليد دوزوهم ... حورية نالفة مسكينة كأي أم هربات لكوزينة كتبكي تبعاتهت ماريا ..

- ماما الله يهديك علاش كتبكي دابا راها حداك فينما توحشتيها هانتي عندها وسومية انت عارفاها كل شوية هاهيا عندك وحتى انا مكاين لاش تبكي يالكبيدة ديالي ..(جراتها عنقاتها) ..

حورية : إيه أبنتي دار لبنات خالية كالوها ناس زمان ولكن الحمد لله غير تكونو انتوما فرحانين هاداك هو الربح عندي أنا ..

ماريا(باست ليها راسها ويديها) :

- الله يخليك لينا الحبيبة ديالي أنا ويطولينا فعمرك ياربي ..

حورية(عنقاتها) :

- أمين أبنتي الله يفرشك برضى ويغطيك برضى ياربي ...

^^^^

تعشات العائلة كلها الرجال بوحدهم ولعيالات بوحدهم ... من ورا لعشا دازت الحفلة زوينة بين العائلة خداو تصاور لذكرى وباش يخرجوهم نيييت سومية تطلقات غير كضحك أما ذياب مانزلش عينيه عليها فرحااان ... ياسين غير مقابل فرح حاضيها ويضحك غير بوحدو ... مامتيقش بلي حتى هوما من ورا يوماين أتكون خطوبتهم ... سلى النهار وجا الوقت فاش يمشيو قرات سومية وذياب يخليها هاد الليلة هنا مع عيات باش صباح تجمع حوايجها .. ويجب ورا الغدا من وراها باش يمشيو لدارهم الجديدة لي خدا ذياب تكون فاتحة خير عليهم ويكون هذا هو العش ديالهم ...

#فبيت_ماريا

- تلاحت على الفوطوي لاوحات صباطها رجعات راسها اللور ..

ماريا : نااري عييت والله مابقيتش كنحس بالعظم الصحيح ...

جواد(كيزول حوايجو) :

- وراه ضروري علاش داك الشطيح كامل شكون شطحو ... كتعرفي كتعرفي شطحي غير لراجلك واحد الشوية ..

ماريا(شافت فيه كضحك) :

- ضروري كدخل راسك حتى لوقتها احبيبي ونشطح ليك ... ماكرهتش تحيد ليا حوايجي وتلبسني وتحطني فنموسية وتغطيني ونعااااس ...

جواد(صدرو عريااان) :

- أهاه هيا لولة أحبيبي ... ماعطلهاش نهائيا زول ليها حوايجها وهيا ماكيناش فهاد العالم لبس ليها حوايج الدار حتى من وجها مسحو ليها ... هزها بالخف وحطها فنموسية وغطاها ... بالخف مشا لحمام غسل وجهو ورجع غير بسروال ديال البيجامة ولفوق عريان طلع حدها جرها لعندو عنقها وطفا الفيوز لي حداه ...

^^^^

من زواج سومية وذياب لفرح وياسين ... دازو الايام بالخف وجا نهار الخطوبة ... تقامت فدار رشيدة ... واخا غير خطوبة وتركاب الخاتم داز النهار بحالو بحال ظيال سومية بضبط ...

#فالقهوة 

مليكة : الايام دغيا كدوز شوفي غير لبارح كانت سومية هنا دابا مابقاتش كتجي كااع ..

ماريا(كتقاد القهوة الإيطالية) :

- سومية مشغولة مع الكتاب ديالها داكشي باش هاد الايام مغاتبقايش تشوفيها هنا ..

مليكة : والعجب لي ياسين خلى فرح تكمل خدمتها هنا ..

ماريا : البنت عندها شخصيتها بغات تكمل خدمتها راه خلاها وحاجة زوينة لي دار ... عرفتي هاد القهوة اش بغيت معاها ؟

مليكة : شي كيكة يااك ولا بسبوسة ؟

ماريا : ولاااااا اماما مليكة ماكرهتش واحد 4 ديال كولدين ..

مليكة(هزات حجبانها وشافت فيها بستغراب) :

- أويلي على البنت عند راسك ابنتي يلاه حطاتك طرونسبور من ليكول ؟

ماريا : علاش زعمة شنو هو المانع لي مناكلش كولدين مع القهوة وزيد عليها انا بغيت قهوة بالحليب وندوب فيها كولدن ناااري شحاال واااعر اتخايلتو دابا ماكرهتوش قدامي دابا ...بقات كتشوف فيها مليكة بستغراب مداتهاش فيها كملات شغالها ... جات فرح غير شافتها ماريا وقفات فرحانة :

- ماريا : فرح تسخري ليا عفاااك ..

فرح : اهاه واخا شنو نجيب ليك؟

ماريا : جيبي ليا 5 ديال كولدن لا 6 ديال كولدن او واحد نص لترو حليب ...عطاتها لفلوس زولات فرح الطبلية شدات عندها لفلوس وخرجات ... كلسات ماريا فرحانة وكتخايل داك كولدن ولقهوة .... مارتاحت حتا شافت فرح راجعة خطفات ليها لميكة من يديها ودخلات لكوزينة جبدات زلافة كبيرة بيديها خوات فيها داك كولدن كاملو فيضات لحليب زادت فيه القهوة وكباتو سخون على زلافة ... خلطات مزيان حتى ولا بحال سيريلاك هزات الزلافة ديالها تحت أنظار مليكة لي واقفة وكتشوف فيها بستغراب ... هبطات لتحت وكلسات بعيدة على ناس كتاكول وتبنن كتحس بواحد الإحساس ممكن يكون كثر من حبها لجواد ... بقات هكاك حتى سلات ديك الزلافة عاد رتاحت وحسات براسها بحال شي واحد كان كيغرق كان غادي يموت ورجع للحياة ... هزات ديك الزلافة وطلعات للفوق فرحانة ومرتاحة ... 

- داز نهار دغية ... جا جواد باش ياخودها سلمات على باباها ومليكة وركبات مع جواد ..

- حبيبي كيداز نهارك؟

ماريا : داز زوين وانت؟

جواد : بلا بيك داز خايب مكرهتش نكلس من هاد الخدمة ونكلس معاك غير انت ..

ماريا : هههههه حتى انا ولكن احبيبي صبر خدمتك خدمتك راه من وراك كاينين ناس بلا بيك انت ايتقطع رزقهم ..

جواد(قرصها من حنكها) :

- يخليلي لي كيفكر فناس ويقهم ..

ماريا(سكتات شافت فيه ورسمات ضحكة بريئة على وجها) :

- حبيبي نطلبك طليبة..

جواد(شاف فيها) :

- انت ماشي طلبي أمري ..

ماريا : هههه بغيتك تاخود ليا كارطونة ديال كولدن ..

جواد(هز حجبانو بستغراب) :

- كولد كتهضري على بيمو ياك؟

ماريا : أه بغيت كارطونة منو وبغيت كرطونة ديال غاني حليب بشكلاط ..

جواد : علاش أحبيبي اتاخديهم لشي جمعية؟

ماريا : ولا بغيتهم ليا أنا 😑

جواد : كتفلاي؟

ماريا : واش بان ليك وجهي ديال تفلية واش اتاخودهم ليا ولا ناخودهم لراسي ..؟

جواد : واخا واخا صافي بلاما تعصبي ..خنزرات فيه ودورات وجها ... وصلو عند واحد سوبير مارشي ... نزل جواد وخلاها فتحات الباب وتبعاتو ... دخل لبلاصة البيمويات خدا جوج كراطن كولدن وجوج ديال غاني حليب بشكلاط مع دار كتبان ليه هازة واحد السلة وكتعزل جينوفا سناك مونجيس ديال الليمون داناو وتعمر حتى تقلات عيا وديك السلة سبقاتو لاكيس هو واقف وكيشوف فيها ماملفاش ليها وماعندهاش أصلا مع سقاتة كيفاش طرا وجرا حتى باغية هادشي كامل حدر راسو ومشا لاكيس خلص كولشي وخرجو دار ديك تقدية فالكوفر وطلع لطوموبيل ... كاتبان ليه وحدة خرا فرحانة ومرتاحة ماشي هادي لي كانت شوية كتخنزر فيه وكون صابت تاكلو هو بلاصة هادشي لي تقداو ....

#عند حورية

- محمد (ساهي) : شنيولة ديال سومية كانت معمرة علينا دار بقينا غير انا وياك الراس فراس ..

حورية(شادة تيليكوموند كدور فالقانات) :

- إيوا هادي هيا سنة الحياة شكون هادي لي كتبقى مع والديها ضروري البنت تتزوج واخرتهت فدار راجلها غير تكون بيخير وعلى خير هذاك هو الأهم ...

- بدا تيليفون ديال الدار كيسوني حدا حورية هزات وجاوبت ..

- ألو ألو مليكة كيدايرة لاباس الحمد لله اختي كيداير انت وسي أحمد؟

مليكة : يلاه دخلنا من الخدمة نيت مشات ماريا مع راجلها وانا واحمد يلاه دخلنا واحد شوية هو مشا يرتاح وانا جيت نجمع معاك واحد الشوية عارفاك بوحدك بحالي ...

حورية : والله إلى كانتسنى غير ماريا إيمتا تحل المطعم ونبدا الخدمة الدار مرضاتني كثر مانا مريضة ..

مليكة : حورية سمعيني وحلي ودنيك معايا مزيااان ..

حورية(تكادات فالكلسة) :

- ياك لاباس خلعتيني..(وقف محمد وأشر ليها بلي أيمشي ينعس) ...

مليكة : ماريا وقيلة راها حاملة ..

حورية : أربي صح واش كتهضري من نيتك باش عرفتيها؟

مليكة : هانتي من صباح وهيا اشهى علاياش على داك بيمو ديال درهم غير بانت ليها فرح لصقات فيها حتى تسخرات ليها جابت ليها لحليب و6 ديال بيمويات فيضات لحليب زادت عليه القهوة وخلطات بيه دوك بيمويات عمرات واحد الزلافة كداش وهربات للقهوة لتحت حتى كملاتها عاد طلعات ... وجها كيضوي ةفرحانة بحال الى ماعرفت شنو خدات ... انا بقيت غير كنتعجب مافهمت والو ..

حورية(كضحك) :

- وراه باينة لعما بلي هذاك راه وحم غير بلاما نسبقو الاحداث نشوفو هاد الأيام زاش اتبدل فيها شيحاجة وديك ساع نحكمو ... انسوني لوردة نوصيها الى بانت ليها شيحاجة غريبة تكولها لينا ..

مليكة : صافي انا انقطع سوني ليها وصيها وعلميني بلي كاين ..

حورية : صافي بسلامة هاد الساعة .. قطعات مع مليكة وديك ساع سونات لوردة ..

- ألو خالتي حورية كيدايرة لاباس عليك؟ كولشي مزيان؟

حورية : الحمد لله وردة بغيت نوصيك أبنتي الله يرضي عليك وهادشي ماتعرفوش ماريا ..

وردة(بستغراب) :

- كولي أخالتي كوني هانية ..

حورية : الى بانت ليك شيحاجة غريبة فماريا سوني ليا علميني 

وردة : علاش أخالتي؟

حورية : بحال والو تكون حاملة مزال ماعرفناش ولكن بحال والو ..

وردة(بحال الى تفكرات شيحاجة) :

- داكشي باش داخلة محملة ومجملة بالكراطن ديال بيمو وحليب بشكلاط وكثر بيمويات..

حورية(محمسة بزااف) :

- ها لي كالت ليا مليكة وهيا كتوحم ومعارفاش راسها ... وسعدي وتفرحي بنتي حاملة انولي جدة ..

وردة : وخالتي مانتصرعوش حتى نتأكدو بعدا راه كلتها ليها داك نهار وماتيقاتنيش ..

حورية : راسها قاصح المهم ابنتي اي حاجة كوليها ليا الله يرضي عليك ويفك وحايلك على خير ياربي حتى انت ..

وردة : أمين أخالتي واخا أخالتي الله يبيتك فراحة بسلامة وسلمي على عمي بسلامة ...

^^^^^

#فبيت_نعاس..

- فاقت جواد مع 2ونص ديال الليل يشرب شعل الفيوز لي حداه ضار لجهة فين كاينة ماريا مالقاهاش ... ناض من بلاصتو بستغراب ... طل فالحمام مكايناش ... رجع لبيت لبس تريكو ديالو فتح الباب وهبط لدار لتحت الظلام كولشي ناعس كايبان ليه الضو جاي من لكوزينة تم غادي بشوية وقف كتبان ليه ماريا حاطة قدامها 3 ديال زلايف عامرين بيمو مع القهوة مخلطاهم وكتاكول فرحانة .. مافهم فيها والو هادشي راه عمرو وقع معاها يكون زعمة قربات الفترة ديال ليغيكل ... بقا كيدورها فراسو وكيفكر ...

جواد(مع راسو) :

- لا ايكون فات وقتها بحال هاد الوقت راه جاتها ... دورات راسها لجيهت الباب لقاتو واقف ..

ماريا(تخلعات شدات فقلبها) :

- اوووف خلعتيني ..

جواد : انت لي شنو كديري فهاد الوقت هنا مامالفاش ليك كتنوضي بليل تاكلي؟

ماريا : تشهيت بيمو والقهوة نضت صايبتو فيها شيحاجة؟

جواد : لا مافيها والو ولكن توجدي زلافة وحدة ماشي تلاتة ديال زلايف ... خنزرات فيه عاقد غوباشتها ..

- حضيني حتى فماكلتي حضيني فيها اصلا انا ماعندي زهر معاك ... انا انخوي ليك هاد الكوزينة كااع هزات زلايفها خرجات ضربات فيه وطلعات لبيت أخور دخلات سدات عليها ... ربعات فوق النموسية وكلسات تاكول على خاطر خاطرها فرحانة بحال الى حتى حاجة ماوقعات ... جواد مافهم والو ولات غير على سبة غير شوية كتعصب وتهز شوكتها لسما ... طلع تبعها وقف عند باب البيت كيدق عليها ..

- ماريا حلي خلينا نهضرو براكة من هاد لعب الدراري صغار ...

ماريا(كتاكول ماعندهاش سوق) :

- اه انا بنت صغيرة غير خليني والى على الباب مافتحاهش اغير سير كل نعاسك..

جواد(تعصب ضرب الحيط بيديه) :

(بصرامة) :

- ماريا بلاما يسمعونا ونفيقو الدار وبلاما تجهليني وطلعيهم فيا حلي لباب ..

ماريا : مغاديش نحلو الى بغيتي تكمل نعاسك سير كمل نعاس الباب مغاديش نحلو وغادي نعس هنا ... عصباتو وطلعاتهم فيه شاف حتى عيا ورجع لبيتو ضرب الباب حتى تهزات الدار ... سلات ماريا سيريلاك ديالك كيما سماتو هيا عاااد رتاحت وحسات بنارها طفات ..

من بعد الراحة لي حسات بيها فاش كلات سيريلاك ديالها ... هزات دوك زلايف فتحات الباب وهبطات لكوزينة لتحت حطاتهم وطلعات لبيتها حس بيها غمض عينيه مابغاش يهضر معاها مزال كيحس براسو معصب ... تكات حداه .. طلات عليها قربات منو باستو فوجهو جرات عليها الغطا ونعساات ... مافهم فيها والو تبدلات هاد اليوماين لاحظها مبدلة كليا تنهد تنهيدة طويلة وستسلم لنعاس ..

^^^^

يجب أن يكون في حياة كُل مِنا حُبا ما ، حُبا واحدا صادقا كبيرا ، لأنه دائماً ما يكون منقذا لنا عندما نُصاب باليأس ... 💙

من بعد سيمانة على لي وقع بين ماريا وجواد ...

#الشركة

جواد(معصب) :

- جلال الله يرحم جدك بدل ساعة بخرى لي فيا كافيني واصل بيا لهنا(أشر لحلقو) ..

جلال : انت هاد الأيام معاجبنيش ياك لاباس شنو واقع ..

جواد : مواقع والو غير خرج ..

جلال : واش واقعة شيحاجة بينك وبين ماريا ؟

جواد : كول شنو لي ماوقعش ..(ناض وقف مشا لجيهة السرجم داير يديه فجيابو) ...

جلال : جواد المشاكل راه ضروري منها اي أزواج كيوقع بيناتهم هادشي عادي جدا ... شاف فيه جواد كيضحك بستهزاء ..

جلال : أه اسيدي عارفك اتكوليا انت ممزوج وكتهضر على لمزوجين وراه هادي مسألة عادية أصاحبي بلاما تعقد الامور ..

جواد : انا مابقيت فاهم والو نكذب عليك السيدة تقلبات ولات غير معصبة شوية حنينة راسها قاصح كدير غير لي فراسها وخاصني غير نهضر تبدا تبكي وتغبن وكترض راسها هيا لي مظلومة ولي شافها يكول كنصوطها ... 

جلال (كيضحك) :

- وبحال والو تكون كتوحم عليك 😂 ... سكت جواد وضار عندو كيشوف فيه ... دورها فراسو مزياااان عينيه كيصغارو ويكبارو كيفكر نورمالمو خاص تجيها ليغيكل هادي 10 يام قبل ومزال لحد الآن مكاين والو وهاد التغيير وكترت بيمويات لي كتاكول شوية ولات تموت على صوصيص وتبغي داك لي فزنقة ويكون مشوية ماشي ديالي لي سناك وليغيستو لا بغات ديال الزنقة ... كل مرة مشهية حاجة الرؤيا بدات كتوضاح ليه شوية بشوية ماحس بيه جلال حتى دار بزربة هز تيليفون وسوارت وغادي جيهت الباب ..

جلال(بستغراب) :

- جواد فين غادي جواد ... مداهاش فيه خرج وخلاه عند الباب ... خرج ركب فطوموبيلتو وشد طريق لمطعم ..

^^^^

# المطعم ..

ذياب(واقف) :

ماعرفتش ليناب كنكول يكونو فالبلو غوا ولا لكرونة شنو بان ليك ؟

ماريا : لكرونة واخا كيعجبني ولكن اغلبية ديال لي كافي دايرين هاد اللون مزال لبلو غوا زوين ..

سومية : أجي ودابا الى جاو الناس ياكلو راه ايطيحو على دوك لي ناب ولا لا؟؟

ذياب : لقيت واحد الفكرة واعرة بلا هاد ليناب ولا زعتر انغلفو لي طابل توب كوير بحال الجلد واخا طيح اي حاجة عليه ممكن تمسح وتخسل عادي وماتخسر ماشي بحال لي ناب موضة ديالها فاتت ..

ماريا : عندك الصح ونقدرو زعمة نساليو قبل راس العام ؟

ذياب : وايلي هادشي حالو ساهل .. وزايدون مابقا لينا والو شي حاجة ساهلة وها المكعم واجد ..

ماريا : شكرا بزااف اذياب كونما انت ماعرفت مندير ..

ذياب : مابينتناش راه حنا نساب ولا نسيتي(عنق سومية من كتفها) ..

ماريا(كضحك) :

- النساب النساب ...حسات بالوجع فظهرها وتحت كرشها..

ماريا(مع راسها) :

- الله ياربي عاوتاني بداات .. مشا ذياب يشوف جهة لوهرا وخلاهم ..

سومية(بقلق) :

- ماريا ختي مالك ؟

ماريا : شدني لوجع بغات تجيني اووف عاوتاني كتمحني ..

سومية : أصبري أختي راه البرد هداك لي كيدير هكا ..

ماريا : وراه بسباب هاد البرد تعطلات كانت خايفة لاتكون شيحاجة حيت داز وقتها ..

سومية : كاعما تخافي أختي هيا هكا كدير .. دخل جواد بحال شي ريح من الباب .. ضارو بجوج بيهم عندو ..

ماريا : حبيبي.. ماخلاها حتى تكمل شدها من يدها جرها قدام سومية لي مافهمات والو بقات مبقلة عينيها فيهم حتى خرجو ..

ماريا(بستغراب كتنطر) :

- اويلي جواد مالك رجوع لله ياك لاباس؟

جواد(بصرامة) :

- ماتبقايش ترطاي غير بشوية .. ركبها فطوموبيل دار ليها السمطة ... كتشوف فيه بستغراب مافهمة والو حتى طلع حداها داى السمطة ديمارا وزاد ..

ماريا : جواد فين غاديين؟

جواد(شاف فيها) :

- عند طبيبة ..

ماريا : اويلي واش مريض(بخوف)..

جواد : لا انت لي مريضة ..

ماريا : مالي أنا مابيا والو ..

جواد(بحزم) :

- واخا تسكتي دابا حتى نوصلو ونعرفو شنو بيك بلاكا تبقاي تسولي بزااف راه مغانكوليك والو بغيت نتأكد من شيحاجة انعرفها وتعرفيها حتى انت ..

ماريا : وازوينة هادي والله حتى زوينة .. شافة قدامها ربعات يديها مغوبشة عصبها بهاد التصرف لي دار ..

وقفو عند العيادة ديال طبيبة نزل فتح ليها الباب نزلات بنفاخة تابعاه .. دخلو وقف عند المساعدة ديال طبيبة :

- جواد الإبراهيمي عندي رونديفو عند طبيبة الله يخليك ..

المساعدة(تبسمات ليه) :

- وي موسيو الابراهيمي تفضل دكتورة سلمى كتسناك ... شد لماريا فيديها ودخلو بجوج عند طبيبة ...

سلمى : بنجوغ موسيو جواد ..

جواد(سلم عليها) :

- مراتي ماريا ..

دكتورة(سلمات على ماريا) ..

دكتورة : مدام ممكن تفضلي معايا لداخل موسيو جواد ممكن تجي معانا حتى انت .. دخلاتهم لواحد الغرفة فيها نموسية حداها تلفازة ديال الإيكو ..

دكتورة : ماريا الى ممكن أحبيبة تهزي تريكو ديالك وتهبطيلي السروال تحت كرشك بضبط .. ماريا مفاهمة والو كتشوف فطبيبة وفجواد بستغراب ... دارت لي كالت ليها الطبيبة ومزال مفاهمة حتى حاجة .. نعساتها على نموسية ... هزات لبرودوي دارتو ليها على كرشها ..

ماريا(قفزات) :

- واو باارد ..

طبيبة(كضحك) :

- ضروري ... شعلات لا تيليفيزيو وبدات كدوز ليها على كرشها ...

طبيبة : أممم هنا كنشوفو الوالدة مزيانة ماعندها والو ... ماريا تنفسي مزياااان وحبسي النفس واخا .. دارت ماريا لي كالت ليها ومازال مافهمات والوو ..

طبيبة : فوالا هنا عندنا شيحاجة بلاتي نكبر ... فوالا هنا كيبان ليا كاين حمل ولكن مزال فالأسابيع اللولة مازال ماكتاملش ... جواد خشا راسو فوسط التلفازة مامتيقش راسو كايحس بدقات قلبو كضرب واحد الفرحة كايحس بيها عمرها ماحسها فحياتو حتى حسها هاد النهار فرحة مابحالهاش فرحة ... ماريا هزات راسها كتحاول تشوف فاش كيشوفو مزال هيا كاعما متيقة هادشي لي سمعات ... دار عندها جواد بالفرحة باس ليها راسها ..

طبيبة : لالا الحمد لله كولشي عندها مزيان من غير بعض التقلصات فعضلات الرحم وهادشي خصو الراحة ... هزات كلينيكس وعطاتو ليها تمسح كرشها ...

طبيبة : ممكن تفضلو معايا لداخل .. ناضت ماريا مسحات كرشها شد فيها جواد كيعنق فيها ويبوس ليها فيديها ..

جواد : فخبارك هادا أسعد نهار فحياتي وفخبارك دابا عاد كملات الفرحة ديالي الله يخليكم ليا ياربي ..

ماريا : أنا راه مزال مافهمت والو ..

جواد(بستغراب) :

- حبيبي شنو لي مافهمتيش ساهلة انت حاملة ..

ماريا(مصدومة كيفاش حاملة هيا داكشي لي كالو ليها على الفنيد بصح وبلي ممكن تحمل من الأول).. جرها جواد ودخلها لبيرو ديال الطبيبة ..

طبيبة : مبروك عليهم مدام ماريا خاصك الراحة التامة التقلصات لي كيجيوك يعني لوجه ايجيك كرشط ظهرك خاصك الراحة ممنوع كترت الطلوع والهبوط فدروج وجري خصوصا هاد 3 شهور الجايا ... نعاس بكري تيليفون بعديه عليك ممنوع تعصبي ونقسي من سكريات كولي الخضر الفواكه اللحوم الحمراء تكون طايبة مزيان وبنسبة للخضر ولفواكه تغسل مزيان وأحسن حتجة تغسل بالخل عاد تاكليها ... خودي الحليب فرماج دانون فيهم نسبة ديال الكالسيوم بعدي على القهوة وعلى اتاي لحليب لحليب ويكون مسوس ... الخبز يكون يا القمح يا شعير أحسن وصحيين وبعدي على ماكلت الزنقة وعلى المونادا حتى هيا...

جواد : كوني هانية من هاد النحية انا انقابلها براسي..

طبيبة : انخرج ليها فيتامينات تاخودهم وانعطيك تحاليل ديرهم وترجعها عندي إن شاء الله ..

جواد : ميغسي بوكو ..

طبيبة : الله يكمل بالخير مبروك عليك الالة .. ماريا بحال شي تمثال مكتهضرش ...مدات ليه الورقة ديال تحاليل وديال الدوا ... وخرجو بجوج ... خلص لافيزيت وهبطو معنقها فتح ليها طوموبيل دخلها دار ليها السمطة وطلع حداها ... ضار عندها لقا عينيها مغرغرين ومصدومة ..

جواد(بستغراب) :

- حبيبي مالك بنتي ليا بحال الى مافرحاناش؟

ماريا(شافت فيه كتبكي) :

- ولا ماشي مافرحاناش وراه صافي اتنفر مني صافي اتلوحني واش اتقبل بوحدة من لول تبقا عليك ريحتك خانزة بحال الماعز واش تقبل بوحدة تبقى ترد ليل ونهار وحنا يلاه مزوجين عرفتي شحال من واحد طلق مراتو بسباب الوحم ضعت انمشي نجمع حوايجي حسن ...

جواد(كيشوف فسقف وينفخ) :

- لاحول ولا قوة إلا بالله ... واش بنت ليك ولد 10 سنين ولا كي كانبان ليك انا .. جرها قابلها معاه شاد ليها فيديها ..

جواد(بحنان) :

- حبيبي انت راه روحي وغادي تكوني مامات ولادي كنبغيك كيما انت خايبة ولا زوينة واش انت حاملة بولدي ولا بنتي وكتعذبي ونلوحك واش بنت ليك مسطي هادوك لي كيطلقو بسباب الوحم كاتلقايه كامبو حماار مكايفهمش ... مسحي دموعك وبالعكس لولاد وقتما جاو مرحبا بيهم وانت اتبقاي فعينيها بحال الوردة سوا لحالتك زوينة او خايبة تفاهمنا وشوفي فيا ... هزات عينيها مدمعين فيه ..

جواد : وصافي ضحكي راكي حاملة زعمة لمن بغيتيه يشبه ليك ولا ليا ..

ماريا(كضحط وسط دموعها) :

- لينا بجوج... عنقها وسط طوموبيل ماهاموش لا لي جاي او غادي ..

جواد : وانا كنموت عليكم بجوج ..

حين أتحدث عن جمال الصُدَف 💙

سأكتفي بالصدفة التي جمعتني بكِ 

^^^^

#إفتتاح_المطعم ..

الموسيقى خدامة الناس داخلة وخارجة كيدوقو من الاطباق لي وجدات حورية نهار الافتتاح كولشي بالمجان باش يكسبو الزبائن للمحل ... ديكور زوين دافي كتحس براسك بحال الى راك فطبيعة او فحظن البادية ولكن باللمسة عصرية ... الكل حاضر ومجموع ضحكاتهم واصلة لعند الباب .. على طبلة عائلية كالسين ماريا وجواد وباقي العائلة ..

مليكة : نقصي ابنتي من كترت الحلاوة راه واعرة الله يستر على لي فكرشك وعليك راه فالحمالة خاصك تخافي من جوج ديال لحوايج الملح وسكر حيت طونسيو ديال الحمالة واعر وسكر ديال الحمالة واعر ..

ماريا : كالتها ليا طبيبة فاش خديت ليها التحاليل لي طلبات مني أنحاول ما امكن ونبزز على راسي واخا ماقداش خصوصا على بيمو جاني لوحم عليه ..

وردة : حاولي ما امكن انا فحمالتي قاطعة السكريات والملح وحتى فحمالتي دابا ..

ماريا : لالا غادي نحاول ..

أمين : الى كان ولد أنا نسميه ..

سومية والى بنت انا نسميها😂 ...

أحمد : يسميوه باه ومو الالة وحنا اش دخلنا ...

جواد (برزانة) :

- لالا أعمي حاشة انتوما الخير والبركة ..

سومية(كتشوف فيهم مبسمة) :

- إيوا ماحدنا مجموعين عندي ليكم خير زوين بزاااف ..شاف فيها ذياب بستغراب :

- يكما حتى انت ...(قاطعاتو كتضحك) :

- ولا هههههه سجلت الرواية بسميتي عقلتي نهار طلعت انا وياك لرباط على قبل دوك لوراق ديال ليصال ديالك؟ ..

ذياب : سي عقلت ..

سومية : بينما مشيتي انت وخليتيني كنتغدا ستاغليت الفرصة وسجلت الرواية فالمحافظة الفكرية وبصدفة كان واحد الأستاذ تما شاف العنوان والبداية عجباتو هو كيعرف دار لنشر .. عطيتها ليه وهاد الصباح خبرني بلي عجباتهم وبلي بدات فطباعة ديالها يعني مابقا والو وتولي فجميع المكتبات ... 

ماريا(فرحانة) :

- أحسن خبر مبروك عليك أختي ..

سومية : الله يبارك فيك الفضل كيرجع لخالتي مليكة وعمي أحمد هوما لي وراوني شنو ندير وليك اماريا شكرا اختي(ضارت عند راجلها) وليك حتى انت كونما كنتي معايا او وجهتيني وعاونتيني كون انا مزال واحلة والله ..

ذياب ( عنقها من كتفها) :

- الله يوفقك ونشوفك فاعلى المراتب .. كولشي بارك ليها ..

سومية : ومزاال عندي ليكم خبر أخور ههههه

الحاج : وطلقي كولشي دقة وحدة هههه ..

سومية : فاش كنت فالمحافظة السيد لي سجلها ليا بصدفة أستاذ مسرحي حتى هو عجباتو البداية ديال القصة فاش كنت كانتينى فيه قرا الاجزاء الأولى ديالها الفكرة عجباتو وطرحها على مخرج مغربي معرووف خدا نمرتي من المعلومات لي عطيتو وعطاها ليه ودابا كنتسنى إتصال منو بحال والو مازال مامتأكداش بلي باغي سيناريو القصة يحولو للفيلم سينيمائي ولا مسلسل قصير ..

الحاج : الله يكمل عليك بالخير أبنتي هكا يكونو المواهب ولا فالة 

محمد : الله يرضي عليك أبنتي ..

سومية : أمييين ياااربي ...

ياسين : ومنخافش عليك برافو عليك شابو من عندي ..

سومية (حشمات) :

- صافي حشمتوني ..

ماريا : والى تشهرتي وبغاو الناس يتصورو معاك شنو اديري ؟

سومية : نهرب هههههه 

ذياب : لا راه ديرها هيا منين تكون وسط ناس بزااف ومكتعرفهمش ماتكرهش الارض تحل وتسرطها ..

رشيدة : ولاواه بعدو ليا من عروستي إن شاء الله مايكون الخير ابنتي 

ذياب : ويلاه شكون بحالك 😂😂😂... كملو السهرة ديالهم فجو عائلي عامر حب حنان ومودة وإحترام عائلة بكل معنى الكلمة ... 

^^^^

فبيت نعاس لابسة شوميز طويل فالموف بااارد طالقة شعرها وريحتها بحال دراري صغار كرشها قدامها كبيرة لي شافها ايعرفها مابقا ليها والو وتولد ... هازة مذكرة وستيلو راسمة إبتسامة على وجها وكتكتب ..

حياتي ... حياتي كانها اصابها اعصار 

لا احبة لا خلان حتى الاهل بيننا امتار 

ايامي السوداء كلها اخطار !!

واحلامي الوردية استسلمت للانكسار ..

مرت ايام وايام و تغيرت الاقدار 

وبعد الدبول ادن الله لحياتي بالاخضرار

باجتماع الاحبة تبددت كل الهموم 

و بالتحام القلوب غمرنا السرور 

اليوم وجوهنا يغمرها الحبور 

و أحلامنا بالحب تلامس الغيوم

عائلتي اجتمعت بعد اعوام من الانكسار 

و بالتحامها دربي بالنور استنار 

أمي اه من ام ابنتها تركت في دنيا الاشرار

امي تركتني وفي كل يوم قلبي ينهار 

وبعودتها في سمائي ضهرت كل الاقمار 

سامحتك أمي وبحنانك هدَّمْتِ كل الاسوار 

يا احن ام واغلى ما في الاكوان 

ابي شبابك في رعايتي طار مع الاطيار 

وزوجتك امي وان لم تلدني وهي خير الاخيار 

صديقتي اخت لم تلدها لي الارحام 

فقط هي هدية وهبة من الرحمان 

انارت دربي و كانت لي خير الانام 

غريب جاء في طريقي وبه استنار

انتشلني من احزاني وبيدي اخد الى الانوار

علمني ونصحني وأخا كان لي ولا زال 

وسيم الاسم والطلة وكله اصرار...

حبيبي بوجودك تزهر الاحجار 

وبقربك تنورت كل الاقطار

حبيبي يا قطعة من قلبي ونور الابصار 

نصفي الثاني و رفيق العمر و كل الافتخار

قدري تاج رأسي وبك تختم كل الاشعار ...

حسات بيديه على كتافها بلمسات من أصابع ديال يديه كيدير ليها مساج باش ترخى ستحلاتها بزاااف .. مابغاتوش يوقف ... هبك بشوية على عنقها وفرق عليها قبلات خفيفة ... جا قدامها وشد ليها فيديها ..

- حبيبي خاصك ترتاحي هاد الايام لي بقات ليك خاصك الراحة ..

ماريا : لقيتيني ساليت .. حكات المذكرة من يديها وستيلو وناظت كتحس بنغيز فظهرها ولوجع فكرشها ومع ذلك مستحملة ومبسمة بحال الى ماواقع والو ..

جواد(مد ليها كاس ديال لحليب) :

- يلاه احبيبي شربي الحليب ديالك ودوزي ترتاحي ... بحال كل ليلة خدات من عندو كاس ديال لحليب وشرباتو هو لي مقابل ليها الماكلة ديالها وشرابها خلا لجلال الشركة وكلس يقابلها نعاسها ماكلتها كولشي لي كيخصها هو لي كيديرو حتى من دوش ديالها كيدوش ليها هو باش يوفر ليها الراحة التامة وتولد طبيعي بلا غراز بلا والو ...كيف كالت ليها الطبيبة او وصاتها ...

- شربات لحليب عطاتو الكاس وتكات فبلاصتها .. كتحس بلوجع غير مغادي وكيزيد واحد الوجع خيالي .. حط جواد الكاس ورجع عندها كيشوف وجها لونو تبدل وكتنفس بصعوبة 

جواد(بخوف) :

- حبيبي عاودك لوجع تاني ؟

ماريا : ااااممم ..

جواد(جمع الوقفة) :

- كلسي هنا صبري حاولي تنفسي احبيبي بشوية عليك واخا .. تبعات تعليمات ديالو ... اما هو مشا بالخف هز ساك جمع ليها حوايجها وحوايج البيبي لي كانو مقررين مايعرفوش شنو الجنس ديالو خداو حوايج فالغوز وفزرق .. جمع كولشي فساك ... دار عليه تجاكيط ديالو جا لعندها بدل ليها حوايجها لبسها بيجامة ديال القطن مع جلابة ودار عليها الفولار نوضها بشوية هز الساك فوق كتفو فتح الباب ونزلها كولشي ناعس خرج بلا حس من غير نفيخ ديالها لي كيتسمع وكتصوت من حر لوجع لي تجهد عليها ركبها فطوموبيل دار السلك اللور وركب حداها ... ديمارا بزربة وشد الطريق لكلينيك ... وصل نزلها .. كتحس براسها مابقاتش قادرة تحمل لوجع فوق طاقتها تلقاو ليه الفرمليا شدوها من يديها ... بن ليها ياسين خارج من واحد الشومبر عيط عليه .. جا كيجري عندو ..

جواد : ياسين ماريا جاها لوجع وقيلة صافي وقيتها هادي ..

ياسين : جبتي الملف ديالها؟

جواد : اه هاهو ..

ياسين : داكوغ تسنا انت هنا واخا انا غادي نتكلف كون هاني انا انكون معاها ..

جواد : لا حتى انا بغيت نحضر ليها ..

ياسين : بلاش انا انكون حاضر كون هاني غير تسنى اصاحبي مكاين مناش تخاف .. مشا ياسين وخلا جواد على أعصابو معارف راسة يبكي ولا يغوت غادي جاي تكول واش هو لي غادي يولد ... مرة بكلس مرة يوقف ... مدة وهو على ديك الحال كل شوية كيشوف فساعة .. دازت ساعة ونص ... تم جاي عندو ياسين بالبسة ديالو مبسم غير شافو جواد طار عندو ..

- أمضرا ماريا كيبقات ماتعدباتش يااك مزيانة وهضر أصاحبي خلاص ..

ياسين : كالم توا كولشي مزيان مراتك اسيدي بيخير وعلى خير لا هيا لا ولدك ..

جواد(حس برجليه فشلو عليه جاتو دوخة كونما يد ياسين لي شداتو كان غادي يطيح) :

- نشوف ماريا عفاك ..

ياسين : داكوغ اجي معايا غير من الاحسن ماتفيقهاش عياات بزاااف واخا الحمد لله دازت الولادة طبيعية ولكن دارت مجهود كبير خليت الفرمليات تكلفو بيها ونعسات ..

جواد : نشوفها امن برا ونطمن ماشي مشكيل .. داه ياسين لبيت فين دارو ماريا كاتبان ليه ناعسة وجها صفر باينة عليها سخفانة شعرها مغطي لوسادة ...شاف فياسين بتساؤل وخوف :

- ياك هيا مزيان مابيها والو؟

ياسين : واش انكدب عليك راه غير العيا ضروري ... مابغيتيش تشوف ولدك ..؟

جواد(شاف فيه أشر ليه براسو بأه)

ياسين : أجي معايا ... داه لواحد شومبر كبيرة فيها لي بيبي عطاه لبسة بيضة وطكية زرقة ... داه لواحد الصندوق ديال الزاج صغير ..

مفرش بمانطة بيضة وفيه بيبي صغيير يديداتو صغار وعويناتو مغمضين ...غير شافو جواد حس بقلبو تخطف ماحسش إيمتا ولا كيفاش نزلات من عينيه دمعة سخونة ..

ياسين : هز ... مد جواد بديه وهزو كيشوف فيه وفملامحو حس بواحد الفرحة كبيرة وليدو صغير بين يديه ..

ياسين : يتربى فعزكم إن شاء الله 

جواد(شاف فيه بتأتر) :

- أميييين ..

ياسين : يلاه دابا تشبع منو خاصنا نخرجو ... بشوية نزل جواد بشفايفو على جبهت ولدو باسها ... ورجع حطو بشوية بحال شي تحفة أثرية غالية خافها تهرس ... خرج مع ياسين .. لعلى برا كملو الإجراءات كلها ..

ياسين : كلتيها لدار ؟

جواد : لا مزال ..

ياسين : نخليك دابا شوبة ونرجع عندك ولا الى بغيتي سير لدار ترتاح ورجع فصباح ..

جواد : لا منخليهاش بوحدها ..

ياسين : دابا راه ناعسة غدا فصباح كون هنا ايدخلو ليها الولد وتكون حتى انت والعائلة سير انا غانقتبلها كون هاني أنا هنا ... شاف جواد حتى عيا وتبع كلام ياسين طل طلة أخيرة على ماريا ورجع لدار ... باش يكولها لعائلة كلها ويجي فصباح ...

^^^^ 

وردة(كترضع فبنتها وديان) :

- وشكون بحالك اختي انا لوكان امين يشد ليا وديان اشوية مابحالي حد ..

ماريا : أصاحبتي مكايخليني نعسو ولا نعومو ولا نبدل ليه كاليك الا الالة هو يدير ليه كولشي كاليك براكة انت هزيتيه فكرشك وتمحنتي عليه انا دابا جات نوبتي نقابلو ..

وردة(كضحك) :

- تبارك الله حتى هلال متسمعيش حسو مهدن تبارك الله ..

ماريا(كضحك) :

- على قلبي بحال نقطة ديال لعسل حبيبي صغير ..

وردة : ماحدو كايكبر وهو غير انت ماخلى منك والو ..

ماريا : وراه كالها ليا جواد كاليا مال هاد الدري فصغرو كيشبه ليا وفكبرو ليك واش بدلتيه 😂😂..

وردة : شفتي كون كان كبر من وديان اشوية كون دومونديت عليه عندك ههه

ماريا : حتى انت زلاو كيديوهم فايتينهم بأعوام ... رضعات وردة بنتها لي قفلات عامين وطلقاتها ..

ماريا : انت إيمتا ناوية تفطمي البنت راه قفلات عامين براكة ..

وردة : غاسكتي ليليا جاني الحال ساهل وديان جاتني مولفة رضاعة بزااف .. قاطعم جواد لي دخل هاز ولدو فوق عنقو لابس سلاوبيط دجين وتريكو موطارد مع حطو جاي جيهت ماريا كيتكيركب وشعرو ركب بحال لحرير كحل فوطوكوبي ماريا ماخلا منها والو شداتو طارت بيه عنقاتو خشاتو فصدرها ...

جواد : بشوية على الولد كليتيه ..

ماريا(خنزرات فيه) :

- ولدي وانا حرة فيه يالمغيار ..

هلال(كيتعكل فالهضرة) :

- مامي واس درت لأنا عام عام فكريسة ..

ماريا : لا احبيبي شكون كالها ليك؟

هلال : بابي كال مامي كنت فكريشة وحليب كنسربو كيمسي لكريسة وانا فكرية تاعك انت عام عام ...

ماريا(شافت فجواد) :

- ماحشمتيش كلتي ليه بلي انا كليتو ..

جواد(كيضحك) :

- ولدي دكي أيطلع نابغة كلت ليه بلي كنت فكرش ماماك وخرجناك وهو عند بالو كليتيه ولدي دكي خرج بحال باباه ..

ماريا : باااز شحال فيك ديال لغرور ..

وردة(وقفات) :

- أندي ليليا ليكول ونرجع انوصي المربية تدي وديان لبيتها تنعس وصلات وقيتها ..

ماريا : ماتعطليش ..

وردة : لا كوني هانية ... غير طلعات وردة لفوق جا جواد حدا ماريا جرها وخطف بوسة من فمها ..

- حبيبي توحشتك ..

ماريا : اتهبط سلوى وتحصلنا ..

جواد(كيبوس فيها ماعلى بالوش لا بدراري صغار لي حداه لا بوالو حتى حس بخطوات المربية عاد بعد ... ستأدناتهم هزات هلال او وديان داتهم لبيت الألعاب وخلات ماريا وجواد بوحدهم ...

جواد(كيشوف فماريا بكل حب) :

- كنبغيك ..

ماريا(حطات يديها على وجهو) :

- وأنا كنموت عليك ... سونا الباب قاطعم الخلوة ديالهم مشات هنية كتجري فتحات الباب وهيا دخل العائلة كلها بدون إستثناء وسيم ثورية مراتو من غير أروى لي مشات لفرنسا سياحة ... جلال كولشي العائلة حضرات ..

حورية : فين ولدي ؟

ماريا : داتو سلوى يلعب هو او وديان مايمكنش ينعسو الما لعبو ويعياو وباش يخليونا نتفرجو على خاطرنا ..

جواد : فين ذياب وياسين؟؟ نباوه من عند الباب ..

- نحن هنا ... هبط الحاج من لفوق حتى هو ..

- وتعطلتو ولالا ؟

سومية : لا أعمي المسلسل بقا ليه 5 دقايق ويبدا فين وردة؟ ... تحل الباب ودخلات وردة وأمين هاز ليليا فيديه ..

وردة : مع الوقت هو هداك .. بلاتي غير ندخل وردة لسلوى وانا معاكم .. دات وردة ليليا لسلوى ورجعات عندهم شدات بلاصتها حدا راجلها ..

سومية : يلاه خدمي دغية دغية ..

ماريا : زربانة بغيت انعرف شنو سميتيه وانا مافخباري ..

سومية : ودابا اتعرفي شوية دصبر ... شعلات ماريا التلفازة وخدمات mbc5 كولشي كالس مترقب العائلة كلها مجموعة جا بوبكر وهنية حتى هوما كلسو شي كيضحك مع شي وخالقين جو عائلي زوين بزااف دوزات ماريا نظرة على عائلتها كلها بحب عائلة جامعاها المحبة والحنان وتضامن .. حب فرح وياسين الكوبل زوين سومية وذياب باباها ومليكة ماماها ومحمد رشيدة ويحيى وسيم وثورية وردة وامين تندهات تنهيدة فرح نابعة من القلب .. دورات راسها وشافت فحبيبها وشريك حياتها لي كتحمد الله عليه نهار وليل شاف فيها بكل حب .. عينيه كيعبرو على شنو كيحس من جيهتها مد ليها يديه تقبلاتها وشابكات يديها مع يديه زرات عليها بكل حب ... قاطعاتهم صوة التلفازة والمسلسل لي بدا وبانو اول خطوط كتابتو ... :

mbc5

تقدم : سيدها

 النهاية ...