تحل السانسور طلعات فيه ايشا وتسد بابو وهي حااضيااهاا بعيون القطة كلهم غضب تتحس بلحمهاا شوك عليها وخنقة رهيبة جااتها انفوا شاافتو تاايضحك مع غيرها تلفتاات ليوسف وهزاات حجباانها
جوديا : مجااااوبتنيييش شكون هذي ؟؟!!
قرب منها بخطوات مهيبيلة معلي حااجبو وشبح الابتسامة على وجهو ، ماركزش فكلامها اصلا بل مركزش فنظراتها النارية ليه بقدما عيونو مركزيين فقط عليها .. بخطوات مهييلة مسحورة ومفتووونة بيها بلع ريقوو ودك لابتسامة تاتبري فعيونو وتمتم باسمها بين شفايفووو
يوسف : جووديا
قالها لها بصوت هادئ وحنين مخليها هاايمة فعيوونو مسحورة بلمسة يدو اللي اقتاحمت خصرها وتمرردااات على جنابها وبدون خجل للمكان اللي هما فيه جبددددها عندو بخفة حتى شهقاات داايرة يديييها على صدررو وهي تتبلع ريقها
.
.
كان بشموخ تايطل عليهم وبمكر كبيييير تايشوفيهم هاز راسو بغرور جامع قبضة يدو بغل كبيير ويدو الثاانية حاطها على الجدار الزجاجي اللي منو تاايطل عليهم وهو واقف بتعالي ، تبسم بمكر منين سمع صوت الكعب تاعهاا واستنشق ررائحتهاا بعدها تلفت لها داااير يدو وراه
ياسين : مزياااان اعائشة انا وبهررتيييني (رجع عطااها بالظهر تايطل عليهم ) شفتيهم كييف عاايشيين حياتهم بعدما دمروا ليا حيااتي؟؟؟!
هززات راسها وقربات حداه تطل عليهم حتى هي
عائشة : غاادي ناخدو حقك منهم (شاافت فيه ) انا معك اياسين (رجعات شاافت فيهم ) وعد مني غادي نندمووه ونكرهوه فحياتو حتى يبكي دم بلاصة الدموع
زيير على يدييه تيهزز فراسو وشافيهاا .. عائشة وياسين عشرة عمر ، منين ياسين ولا من رجال الروبيو داه معاه لدارو ووسط عائلتوو بل ردو فرد من عائلتو كانت عائشة بنت الروبيو ساعتها فعمر العشر سنين ، كبرراااات وحلات عينيها عليه كانت وحيدة ويتيمة الأم كان ياسين لها صديق واخ على الأقل فنظرو هو !!
قدررات تدخل لقلبو وتلينو مع أنو من نهار الحادث قسحو وسد عليه بالف قفل عائشة دخلات ليه لدرجة حكى لها على لضارو فقلبو على انتقاامو وثأررو رغم صغر سنها ساعتهاا استوعباات كل كلمة دخليها لدماغهاا وفكل ثانية مرات فحيااتها واعدت نفسها تكون نصفو الثاني فلعبتو
مع مرور السنيين ومع مرور الأايام دك الولف والشفقة تحولو لحب كبييير فقلبها مغلفااه ببقناع قاسي مخبياه على فارس احلامها الاقسى هي اكتر وحده عارفااه ساد قلبو عارفاه معندووش فقاموسو شي حاجة اسمها الحب ادن علاش غادي تبين حب هو من طرف واحد سواء ليوم أو غدا !!
قبل عامين مات روبيو بمرض السرطان اكييد لدار شي حاجة زوينة ولا خااايبة تاييحصدها فالدنيا قبل لاخرة
حسات باليتم من جديد والوحدة وسرعان ما اختفااو بمجرد ما دخل للبلاد فورما ساق خبر موت روبيو
تيقولوو فاقد الشيء لايعطيه وهو كسر هد المقولة تايحن فيها فعز قسااوتو .. فقلب كلو كره وبغض كاينه نقطة بيضة فحيااتو اسمها عايشة .. حب صادق من طرفو احترام كبيير وخوف عليها كبر السؤال هو نوع هد الحب ؟؟!!
.
.
رجعااات شاافت فيه تتبتسم بعدها مسدات جينهاا بدون ماتحييد عيونها عليه
هزز راسو تااايقاد النضااضر الكحلين لداير لحد الساعة عمرو تجرأ يحيدهم قداامها ، شي حاجة داخلو تااتمنعوو آخر وحدة يخليها تشوف عيبو والنقص لعندو هي عائشة
ياسين : اووكي (رجع تايطل عليهم ) خلييهم يضحكوو شوية من بعد غادي يتصدمو
ختمهااا بابتسامة ماكرة مبادلاه ايااها وبحننية دوزات يديها على كتفو هامسة فادنو قبل ماتمشي مخلياه متبعها بعينو
عائشة : انا معااااك
.
.
تبعها بعيينو غاادية وتنهد بألم تيتمتم بين شفايفووو
ياسين : مااعندكش أمل معيا (بحواجب منقضة ) انا تانتفس لحد الآن غير باش ناخد حقي نهار ناخدو غاتنتهي حياتي اللي انتهت سنين هادي
دخلاات للغرفة تاااعهاا ، بعدها سدات لبااب وتكاات علييه بظهررها تايبقا فيها راسها كتر ما تيبقا فبها ياسين ، هو على الأقل واضح مع نفسوو باني طرريقو عكسها هي اللي بانيااها موازاة مع خطواتوو هو قتل قلبوو وقسحوو وهي تتحاول تقتلوو وتقسحو وتجاارييه وفلعبة الحب هدي خسررات حتى شخصها وشخصيتها والمشكل العويص أنو هادشي عاجبها ومرتاحة فيه
بلعااات ريقها وخدات الصاك لبين يديها تتحلو ، جبداات منو واحت القرعة صغيييرة وكباتها فيدها .. تكبو فيدييها حبات تاع الدوا على شكل فيل وباللون الأزرق .. هدا أجود واغلى أنواع المخدرات تاايتسما بالفيل الأزرق ، انفووا تتاكلو تاطير من هد الدنيا وتحلق فعالم الاحلام ولهلوساات ، ماشي اي واحد ممكن يتاجر فيه أو حتى يستعملو .. عائشة بحكم أنها بنت روبيو سهاالت عليها القضية وبكلمة وحدة تيوصل عندها حتى للمغرب مع انو الفيل الأزرق منتشر فإسرائيل البرازيل وحتى كولمبيا كل حبة تتباع بملايين الدولارات فصعييب تلقا هد النوع من المخدرات فالمغرب ..
.
.
.
خرجااااات لساانها ولاحت الصااك من يديها محتفظة فقط بالقرعة فيديها دارت حبة فووق لسانها وهي تذوب فوسطو فدك الثانية وهي تصرطها ، دقييقة كانت كافية تخليها تاضحك بهستيررية و بدات ترقص البالي وبصووت مجهد قالت ..
عائشة : قلت لك تنعررف للباليه وضحكتي عليا اياسين .. شووف ( علات قداامهاا من على الأرض ووركاات بصباعها ) مهممممم شفتيييي (مغمضة عينيها وتااتشطح ) ..
.
.
جبددها عندو من خصررها بنظرة لعووبة عاض على شفاايفو جوديا من رجفتها دارت يديها على خصررو وسكتات تاتحاول تخفض من دقات قلبها ياللي ارتفعو وسرعان ما تمرردوا معلنيين على بداية حرب دامية بين العقل والقلب .. كان تيشووفيها بتيه كيف كل مرة بنظرة من عيونها الزرقاء تتغرقو فبحر غامق من العشق فحال شي تعويدة ولا شي لعنة يستحيل يتخلص منها واخا يجيب سحررة العالم
يوسف : ويغار الجمال من جمالك (تبسم ) ندمت حنت جبت هد اللبسة (بجرأة تايشوفيها ) علاش منكونش بلاصتها ؟؟ انا أولى !!
بلعات ريقها برجفة ناسية هد المدعوة ايشا بل ناسية حتى شكون هي !!!
جبد شريط من جييبو وهي تنزل حواجبها باستفسار بعدها حلات فمها بعدم فهم منين غطا ليها عينيها بيه
جوديا : يوسف (برجفة ) اشنوو تاااديير؟؟
عقدو من اللور وتحدر خااشي وجهو فعنقها حاط يدو على خصرها .. برعشة غريببة انتفضت منو بعدها بلعات ريقها
جوديا : يووووو سسف
غمض عينيه وباسها فعنقها بعدها زاد بيها وهو شاادها
يوسف : ثيقي فيا
امثتلت لطلبو وزادت معاه مخررجهاا والشريط على عينيها
فالمغرب
الدنيا تاضور بيها وهي جالسة على ركبتهاا حاطة يديها بزوج على راسها اللي عامر دم ، انفوا حل عينو شافها وحل باب الطووموبيل وهو تيعرج الظاهر انو رجلو حتى هي متضرررة يد فوق كرشوو اللي عامرة دم ويد فوق جبهتو ومرات ينزززلها يمسح الدم لفنييفو
شاافيهاا عااطياه بالظهر ومزال جالسة ونطق
أرجد : وااااش نتي بخيير؟؟؟؟
سدااات عينيها ورجععات حلاتهم طنيين قوي فراسها تيتسمع مخليها مزيرة بيدها على راسها وبعنف نفاات بيه قااايلة
ملاك : احح رااسي ت تاايحرقني
عض على فمو بألم .. طبعاا المو ماشي أقل منها وهو يجلس على ركبتو حداها
ارجد : قلت ليك سيييري
مسحات الدم من جببهتها وحيدات زاجة صغييرة من يديها
ملاك : ضمييري ميسمحلييش
لووهلة فعز الموو تبسم بسخرية علاش بنت محمد غاييكوون عندها الضمير ؟؟
طبعا لا والف لا .. عارف أنها ماشي بنتوو البيولوجية ولكن لولد حسن من اللي ربا غير ففترة مراقبتو لهم لاحظ انسجاامها مع محمد بالذي. مااتيفلت حتى ويكاند باش يخرجها ويوومييا يوصلها للييسي واخا كاين تخنسبوغ من هدشي عرف وتأكد انو محمد تاايبغيها ويخاف عليها وكيفماا حررمو من الناس لتايبغي حتى هو غايحررمو من ولادوو بداية بيوسف لبدلييه الدوا ونهاية بملاك لدخل راسو بزز لحيااتها ويا عالم اش مخطط ليها
بلعات رييقها فوق الألم احتلاات الصدمة تقاسيم وجهها
ملاك : عللااش؟؟؟
لعنات راسها بينها وبين نفسها كفااش رااكبة معاه وماانتبهااتش انوو ساااق وخرج بها من المجال الحضري ، استأنفات كلامها بدعر
ملاك : على أساس غاديين للكلينيك؟؟؟
انهزماات قوااه وفقد حتى ارادتو فانوو يتكلم معاها أطول مدة ممكنة ، تسطح على ظهرو وطلق يديه وضور راسو عندها ...
أرجد : عااااودي ليا عليك
غمضات عينيها وحلاتهم مرة مرة تااتجييها دك الضبابة على عينيها ومن العيا والدقة لكلات نعسات تاهي على ظهرها حداه
ملاك : ماتنهضرررش مع الغرباء على حياتي ( سكتات شحال) وااش غانبقااو هنا راااك تنززززف؟؟
أرجد : نتسنااو دوز شي طموبيل ويشوفونا
ملاك : تتهضر عادي راك تاااتنزف
أرجد : ( غمض عينيه ) مااشي شي حاجة مواالف (حل عينيه ) اوا الالة ملاك (سكت تااينهج مع ذلك عنناادو فانو يكسبها غالبو ) شحااال فعمرررك
شااافت فيه تتمسح جبهتها بعدها مسحات يديها من الدم فالبلوزة
ملاك : عندي 17 لعام
ضور راسو عندها وتبسم باصطناع
أرجد : تتباني كبر من عمرك
شاافت فيه شحاال وقلبات وجهها ، هي ماشي مكلخة لدرجة ماتفهمش انو تيحااول يخلق حوار معها ويتقرب منها ، بينما أرجد زير على سنييه بغل .. عارف انو كاين واحد فطررييقو أسمو صلاح ولازم يحيدو ويتهنا منو ..
أرجد : انا فعمري 30 عام ولكن محسيييتتش بيها (سكت لوهلة ) قديييت عمري كلو من إصلاحية لاصلاحية ومين فت18 كملت حيااتي من حبس لحبس (تلفت ليها ) يلا خمس السنين باش خرجت منو وشفت الدنيا اللي اخر مرة شفتها كان عمري 10 سنين
جزييرة ميكونوس جزيرة المناظر الخلابة ياللي تاتفتح نفسك على الحياة وبخيووط شمسها الذهبية تااتزييرنها ليك
ياسين طلع لأعلى طبقة فالشالي حااط يدو على نصف الجدار الزجاجي متببعهم بعينوو خارجين !!!
يوسف شاد جوديا من خصررها وشبح الابتسامة على وجهو .. فالدرج الخاص بالجزيرة ناازلة هي موازاة مع خطواتو ياللي مسيريينها ، بلعااات رييقها بعنف منين هززها بين بدو وبرجفة حطات يديها على صدرو
جوديا : يوسف !!
تبسم بجنون مخلي غمازتو بارزة فخدو وقرب منها وجهو
يوسف : العمر والقلب والروح ( تبسم ) والعشق تاع يوسف
ردات زغبة متمردة ورا ودنها ياللي تتحس بهم سخنو بزاف كون تقييسهم داابا يحررقوها ماشي بعيييد !!
وهي منغلقة فافكاررها هدي ، شهقاات منين بااسها بقوة فعنقها حتى تسمع صدى قبلتو من بعدها صدى ضحكتو الرنانة عجباتو هد اللعبة يديرر فيها لعجبوو وهي غير داااررية بحكم انو مغطي لها عينيها ، خرجت لسانها تدوزو على شفايفها وهو يتنهد وبصوت خافت قال
يوسف : وكوون تعرفي شحال حسدت هد اللسان
مزال مستوعبااتش كلاامو بل ماافهمااتوش من الأصل شهقاات بصوت مرتفع منين حساات بيه حطها
جوديا : ي يوسف
شد فييدييها وجمعهم بزوج مقرربهم لفمو وبرقة باسهم بتناوب من ليمنة لليسرا
يوسف : تحييديييه نقطع لك يديك ونلوحاا للحوت يتغداا بها
زماات شفاايفها ونزلت يدييهاا ، كفاااش كان حنين غا داابا وتقلب عليها ممصدققااش حاسة بالخنقة والرجفة الرهبة والخوف منووو تمكنو منها يلا تاااتولفو تايديير شي حاجة تااتخليها تنفرو ، شاااف صدرها تيتهز ويتحط بعنف وهو يلين صووتو وجررها من فروة راسها وباسهاا من جبينهاا
يوسف : امييررتي الصغيورة مااتخاافييش (بوسة فالعنق ) انا يوسف ... غيير يوسف ... يوسف ليقتل ويتقتل على ودك (سكت شحال ) تيييقي فيا اعمري (دار جبينو على جبينها ) ماااتببكييش ششش سمحيليا ماانعاوودش والله
جوديا : حييد هء ليا هددشيي هء هء
هزات يدييهاا تحيد الشريط وهو يحيددها لها وداها لفمو تاايبووسها ورمق صاحب القاارب بغضب كان سايق ومرة مرة يتلفت عندهم
يوسف : ششش مااتبكييش تنوااعدك هدشي ميتتعاوودش ششش ..
كور وجهها بين يدو وبصبعو تيمسح دمووعها عارف انو ففترة علاجها وبفعل الأدوية لتيعطيييهاا غاترجع تعاني نفسيا بحدة عااارف انو الدواا فيداايتو غادي يكتر لها من الهلوسات وغادي يبين لها السراب الوهم حقيقة والعكس صحيح ولهدشي خااص يبقا قريب منها هذا لاش خااصو يهدئ من روعو من عصبيتوو وعشقوو
بالله عليهم كفاش تيطلبو من عاشق ينقص من عشقو ناسين انو دك العشق هو حيااتو اذا نقص اانتهت حياتو شكوون فينا يوافق تنتهي حيااتو؟؟؟
فبلاصة خرا ..
غمض عينيه تايطلع النفس بزز بعدها عض فشفايفو كابت شعورو بالضعف فهد الحالة وهو فهد الوضع وفحضرة بنت الشخص ياللي هو فالأصل السبب فاللي وقع لو ولمزال تيوقع لو .. شافتو ملاك سكت وهي تلفت عندو .. ماخافتش منو منين قاليها فايت مدوز الحبس شعور غريب امتلكها امكن حساات بالوحدة فكلامو والضعف اللي هي فالأصل تتعااني منهم !!
بتردد فتحات فمها
ملاك : متتعررفنيش وعاودتتي ليا هادشي علاش ؟؟؟
ارجد : ماعرررررفتش (حل عيينيه ) نتي آخر وحدة نعاود لها
بدون اهتمام لاخر كلام قالت ركز فكلامها لول وظلامو عينيه شاف فالشمس ياللي بدات تغرب وتنهد باسى لدقايق كثيرة طغى سكوتو قبل مايكسروا قايل ..
كانت فعمري 10 سنين الأب دياالي كان تيبيع الحشيش (بنظرة كره ) سكايري حشاايشي منين حليت عيني وانا نكرهو بسبب شنو كان مدوز على الأم ديالي (سكت شحال ) واحت النهار دخلوا علينا لبوليس للدار تيقلبوو على الحشيش كيف كل مرة تيعطيوه عامين ويخرج من الحبس (تنهد وسكت )منين دخلوا قلبو تاعيااو ملقاوش علاش جاايين .. بداو يضرربوه يضربوه يضربوووه
كرررها شحال من مرة بألم تيبقا باااه خايب كان ولا زووين مغادييش يعجببو الحال يشوفو تايتضرب .. استأنف كلامو بعد برهة من الصمت القاتم المحيطة بيه فقط نظرتها الشفقانة عليه
ارجد : ضربوووه بوحشية حتى مات فيدييهم قداامنا .. شفتهم انا وما ، شفنا كلشي هدك البوليسي لكان تيضرب راس الواليد مع الحيط حتى قتلوا جبد فردي علينا ..
هزز رااسو بعدها زير على الجرح فكرشو اللي بدا ينزف كثر
ارجد : حتى اناا هدشي لكان يحساابلي .. جروو لبعييد تيهضرو بيناتهم سمعتوو تيقولييه خاص يخليني حي باش يسلكو رأسهم ولا يمشو فيها .. صغيير ولكن فهمت أنهم غاديين يلصقو فيا لدارو.. ماابكييتش لا مابكييتش و أناا تنشووف دم والدياا فالأرض قسحت قلبي وهزيت لفردي وضربتوو (بنظرة غاضبة ) ضربتوو ومندمتش ندمان حنت مضربتش صاااحبو (ظلامو عينيه ) هدا ثار غاايبقا معلق فرقبتي حتى لموووتي
.
.
كاانت متبعاا كلامو برجفة بقا فييها بزاف وحسات انو الألم لعاشت منين عرفات انها غير بنت زنة وغير مررربية متيسااوي والو قدام المو صعييييب بزاف تشوف والديك تيتقلواا والأصعب من هدشي كولو تكون نتا مكبل ومقاادرش تعاوونهم ... نزلات حااجببها متعاطفة معاه ومع قصتو وقالت
ملاك : وشنو وقع من بعد ؟؟ تشديييتي حنت قتلتي لبوليسي؟؟؟
شااافيها بنظرة ميتة وصورتها بانلييه محمد بدالها ظلامو عينيه وفقد قووتو وانهااار كليا واستسلم وهو تيردد بين شفايفو
ارجد : غاااندم مك غ ا دممك
شاافتو سخف وهي تخرج عينيها بصدمة اللي سرعان ما تحوولات الاستغراب منين وقفات سياارة من نوع مرسيديس كحلة ونزلوو منها ربعة تاع الوحوووش عفوا بوديكاردات قدهم قد السخط ونازليين على ركبتهم عندو والخوف باين فوجههم
معنقها عندو بعنف وكأنو خايفهاا تهرب كفاش غاتهررب منو وهي وسط البحر ؟؟ فين اللوجييك؟؟؟ اكيد فمهب الريح هو وعقلوا علاش منهار عشقها بقا عندو شي منطق؟؟
كاانت جووديا سااكتة فحضنو تتنفس بزز حاسة بالخنقة بدييك الشدة والرهبة الهلع منو من دك التقلب أما من قربوا هذا و الظلام المحيط بها وكأنو الموت البطيء ، بلعاات ريقها فور ما حساات بالقاارب وقف وتمتمات بين شفايفها
جوديا : صافي وصلنا؟؟؟ حييد ليا هدشي
نزلات حااجبها منين حساات بيه بعد منها شوي وهي تحل فمها بصدمة منين حسات بيه هازها غوتات بخفوت .. لمشكل ماشي فانو هزها المشكل فالطريقة باش هزها ، حط يديه بزوج تحت باطها وهزها فحاال كييف تاتهز التربية وهو تايضحك .. بعدما نزل من القارب وغمز مولاه يمشي دكشي لكاان مشاا ضارب الضورة راجع فحاالو وحطهاا يوسف وجاا من وراها ، هزات جوديا يديها تحيد الشريط وهي تململ رأسها برجفة انفوا خشا وجهو فعنقهاا تيحك لحيتو معاه ويدو بزوج فخصرها
يوسف وهو مغمض عينيه : كاانبغيييك
طلع يدو من خصرها وحل لها الشريط حلات عينييها ببطىء وضورراتهم يمين وشمال تاتشووف فين هما ،
.
.
كاان المكان عبارة عن شلالات كثيرة ، جبال وأشجار كثيييفة وفوسط جبل تيبان بيت فخم فالااعلى وهي فعز صدمتها صدمها ببوسة فالعنق جااامع لها يدييها لقداام
يوسف : ( شااف فالجبل ) شتي دارنا فييين
تبسم منين حس برجفتها
جوديا : كفااش
يوسف : قلت لك غادي نبعدك على أي واحد يفكر يقيسك ولا حتى يتجرأ يتعجب بك ولا يشوفيك .. (تبسم ) من ليوم هذا هو عالمنا (ضورها عندو ) هدي دارنا وحيااتنا هنا (ضور عينيه فالارجاء ) نبنيييو حياة خاصة بينا بعيدة على أي واحد يفكر يفارررقنا (تبسم ) ماايمكنش شي حد يقيسك ولا حتى يشم طيييفك كيف مخبيييك فقلبي غانخببييك هنا
بعدات منو زوج خطوات راجعة لور برجفة
جوديا : ولكن انا ماااموافقااش
قرب منها بخطواات مهيبيلة وبقبضة تملكية زير صدرها مع صدروو حاط يدو على خصررها حتى تاوهات متوجعة فالحروق
كان جاالس فالمكتب تاعو وهو داير يدو تحت فكو ، الهالات السوداء محيطة بعيونوو هد لأيام الأخيرة داازت عليه خاايبة وبززاف ، من يوسف لمرضو لهذا لهدو لتيهددووه .. زوج تاع الناس تيعرفوه ومستهدفينو وهو معارفهمش حييروه وشطنو بالو ، واحد تيهددو باانو يفضحو بلي خدا الرشوة وكل شهر يبتزو وواحد ظهر فحيااتو من العدم باغي ينتقم لوهلة شد راااسو بين يدو هد المشاكل نهار على نهار تيترااكمو عليه فين غايعطي الراس !!
.
.
ضور عيينو للفيكس منين سمعو تيرن هز السماعة ودارها على ادنو غير سمع الرد ووقف بخوف
حط السماعة وهز الكوستار من فوق كرسيه لبسو وخرج تيجري ، فتح الباب دالللوطو دخل وكسيرا طاير
مسافة الطريييق لقاتو قدام مستشفى خاص سطاسيوني فلباركيكنغ ونزل تيجري واتجه داخل للمستشفى مشا ديريكت للممرضة فليغجونس
محمد وهو تيرجف : بنتي بنتي جات لهنا اتصلتووا بيا
الممرضة : الاسم ليخليك
محمد : ملاك ملاك العراقي
هززات راسها تتطاابي فالبيسي
الممرضة : لجناح 6 فليتاج الثاني الغرفة 2 اسيدي
مشاا ناحية سانسوغ انفوا كملات كلامها تفتح ليه الباب ودخل ضغط على الزر وتسد لباب وطلع للفوق
تيمسد جبهتو ويديييه تاايترعدو عقلوا غير مع الاتصال لجاه تيقولو لو بنتك دارت حادث كفاش وعلاش وامتا مافكرش وخرج تيجري .. تحل باب السانسوغ وخرج تيسرع فخطاويييه وتيضور عينيه انفوا لمح الجناح دخل ليه مسح على دقنوو تلف وهو تايضور عينيه فدك دوتوار حتى لمح الغرفة 2 مشا ناحيتها تايزرب وقبل ماايحط يدو على لبواني ضور عينو جنب الغرفة 2 فالغرفة 1 كان قددامها زوج بوديكارد نزل حاجبو باستغراب بعدها بدون مبالاة حل الغرفة ودخل
.
.
كانت متكية على السرير دايرة يديها على رااسهاا ومضوورين عليها لفاصمة وديرة سبارادرا لعنقها ، كانت مغممضة عيينييها تااتفكر فهدشي لوقع قبل مااتحل عينيها برجفة منين تحل لباب ، غيير شاافتو بلعات ريقها
ملاك : بابا
قررب منها الخوف مالي وجهو
محمد : ملاك بنتي اش وقع لك (قرب جلس جنبها وشد فيديها ) وااش مقسحة فهميييني اش وقع
ملاك : مماليش ابابا هاني قدامك متخاافش
دوز يديه على شعرها والخوف باقي مسيطر عليه
محمد : شكوون قااسك؟؟؟ شكون دار فيك هد الحالة شكون
تحل الباب ودخل أرجد لابس لبسة تاع المستشفى وجار معه السيروم ، تبدلاات نظرتو واختفاات ابساامتو فور ما جاات عينو فعييوون محمد هد الأخير لتيشوفييه باستغراب وهو تيطلع وينزل فيه قال
محمد : شكووون نتا؟؟؟ (شاف فملاك ) شكوون هذا
هز رااسو بعجرفة وبغل وحقد كبير زير على فكو بالع الغصة فحلقو واخييررا تلاقااو بعد هذ السنين
اكتفى يجااااوبو باابتسامة مزييفة مغلفة بنظرة باااردة ومييتة متأكدة لو كانت نظرتوو رصاص كانت غاتجيب مصرع محمد على الاكييد ، وهو تايشووفيه معنقها خداه بالو لعائلتو اللي تحرم منها خداتو دكريااتو للعداب لدوز فالسجن لعدة محاولات قتل تعرض لهم ، تفكر دك الألم لكان يحس بيه دك الشعوور باليتم والوحدة وهو تييعاقب على جرااائم تلفقاات ليه تفكر العنف والتعذيب وسط لاصلاحية بصفة فالحلق شاف فمحمد متوعدوو ضوبل عداابوو وكيف ما محمد من سنين دمررو حتى هو غايدمررو ويدمر عائلتو ، لوهلة شاف فملاك بشر متيهمووش ادا كان عندها دخل او حتى أنها ماشي بنتو اللي تاايهمو انو شااف الخوف عليها فعييوون محمد
تراجع مغادر الغررفة ساد لباب ورااه ، شااف فالبودييكارد جنبو كانو حارسين غررفتو اللي جنب غررفتها وأشار ليه يجي عندو ... تقدم عندو لبوديكارد منزل راسو باحترام بينما ارجد عطاه السيروم شدو عليه وبصوت قاسي قال
ارجد : الفوون
جبد البوديكارد تلفون من جيب لكووستار الدخلاني وعطاه ليه ، خداه من عندو سجل رقم ودارو على ودنو تايتسنا الرد على اتصالوو ، دقايق قليلة تستقبلات المكالمة
ارجد : دوك التصاور يوصلو محمد العراقي لمكتبو ونسخة عليهم رسلهاا ليا دابا
متنسااش الجواب قطع عليه ودخل لوواتساب كان وصلو مساج فيه تصااور .. تبسم بانتصار وهو تيشوووف فصلاح تيااخد الفلوس من عند راجل كبير فالعمر ..
ارجد : خلييينا نشووفو العراقي اش غايدير لعرفك نتا تتهددو
رجع تاني تيقلب فتصاور خرريين وهو يبتسم فور ما شاف صورة أخرى لصلاح مع ياسين ..
تقلب ففراشوو خااشي راسو فالمخاد وهو ناعس على كرشوو لابس غير شوورط بيض وعرريان من الفوق .. كمش وجهو منين سمع تلفون تييصوني حدا رااسو مد يدو جبدو من تحت المخدة وجلالة بعيون ناايمة
انفوا سمعات هد الكلاام هززات راسها وسرعان ما طلقات يدو ، بلع رييقو وتلفت فيها منزل حاجببو
يوسف : اميرتي علاش ووقفتي (مدليها يديه ) يالاااه
رجعت زوج خطوات لور وبنظرة جامدة عمروو شافها فعينيها نفات برراسها ومشاات تتجري ناحية الحااشية فدك الطلعة ، خرج يوسف عينيه بصدمة وتبعها بدون وعي .. انفوا لاحت راسها لقفهاا بيد من خصررها وتلاح معاها شاد فجدع شجرة .. شدااات فيه بخوف وهي تتنهج ولوهلة فطنات برااسها وشاافت راسها معلقة فيه وهو معلق فجدع شجرة فدك الطلعة وغير بيد إلى طلقها يطيحوو بزوج ..
يوسف : ناااويااااا تموووتي وتخليييني (برجفة ) مااتحلمييشش منخللييييكشش
نزلات دمعة من عينيها ولصقاات فيه
جوديا : مطلقنييييش عفاك هء هء
عض على شفايفو وزير يدييه لتحردات مع دك الجدع لخارج
يوسف : شددي فيا مزيااان ... ضوري رجليك عليا
هززات رااسها تترجف
جوديا : هء هء و ووااخاا
ضوورات رجليها على خصررو ويديها على عنقوو شادة فيه شدة لعما فالظلمة ، زفر يوسف بعمق وغمض عينيه تايجمع النفس ويتعلق طلق من دك الجدع وشد فالحجر اللي خااااررج وبدا يطلع جوديا غير شااافتو تحرك وهي تلصق فيه تتبكي وترعد وتغووت
جوديا : لااا لالا هء غاتقتللنا هء
غوت حتى باانو عروق جبهتوو
يوسف : دااابا عاااد بانليك تموووتي
رجع تيطلع وهي تغووت تترجف
جوديا : هء ء واالا ايوسف عفااك ء ء
يوسف : بديني وماتسكتي حتى نطلق يدي (بصوت عالي ) سددددي فمك
رجع تيطلع ويزير على شفايفو بسناانو عروق نواظروو بانو وهو تيطلع وهي مثقلة عليه بدييك اللصقة اللي دايرا ليه
غمضاات عينيها تتبكي وخشات وجها فصدررو تترجف بعدها حلاات عينيهاا ونزلاتهم لتحت ، تيبان لها غيير الحجر وبعيييد لفات تطااحو تيتشتتوو ماافيهااش ماافطنات على راسها حتى شافتوو حط يدييه فالسطح تاع دك الطلعة
عض يوسف على شفاااييفوو قبل ماييزير على فكو ويطلع
انفوا طلعو فكات رجليهاا وطااحت على ظهررها تتنفس بالجهد ، انفواا طلقات منو يوسف تكاا على ظهررو مكروازي رجليه تايينهج .. هدا هو المعنى الحقيقي تاع ساعة فالجحييم غير دابا كانت حيااتهم فكفة عفريت ، ناضت جوديا تتررجف بعدها ناض يوسف تيمسح جبيينو وتااايشووفيها بجممود ، بلعات رييقها بخوف كببير وقربات منو عنقااتو
جوديا : هء هء يوسف
شدهاا من كثاافها وبعدها عليه ، ببرود كبببير فنظرتو زاح عيوونو عليها وعطاها بالظهر بلما يقول كلمة
تبعاتو غادي فاتجااه جسر هو الفارق بينهم وبين دك المنزل وهي تمسح دموعها وتبعاتو تتجرري
جوديا : يوسف تسنااا (بصوت عالي ) يووووووووسف
تلفت لها بعيون غاضبة وحواجب منقضة
يوسف : شنووووو شنوووو (غووت حتى بانو عروق نواظرو ) وااااش لهد الدرجة راك تكررهيييني؟؟؟؟؟ لهد الدرجة ناااويا تتتهنااي مني؟؟؟
هزز راسوو وشاف لبعيييد
يوسف : سيبوون غانديير لعليياا ( تبسم باسى ) غانعاوونك حتى تهناااي من دك الخبث والوسسخ لسااكنك (غوت ) وغانغببر كمااارررتي تهنااااي
بقاا صوت غوواتو تيتردد فالارجااء بينما جوديا تتنفي برااسها وتبكي غيير عطااهااا بالظهر تبعااتو تتجرري وشدات فيدييه
يوسف : هء هء يوسف هء يوسف عفاك
نطر يديه من يديها وربعهم
يوسف : تتبغييني؟؟؟؟
مسسحات دموعها وسكتات شحال هي برأسها معارفاش هدشي لعاااارفة انو قلبها ضررها وهو تيواعدها غايخرج من حيااتها بمجررد ماافكرات فهدشي قلبها ضرب بعنف وقبل متجااوبوو تبسم بزز
يوسف : فهممممت
عطاها بالظهر وتمشاا داير يديه بزوج فالقنب اللي فجنااب الجسر وبدا يخطي خطواتو ، شاافيها بنص عين بقا واقفة فبلاصتها وقصح قلبواا وهز راااسو بغررور ، مااابقا عندو تااحل من غير هذا باش تعالج خاصها هي براااسها ترفض دك الصديق الوهمي وتخررجو من حيااتها ومن بالها بالدرجة لأولى وبااش هدشي يكون خاصهاا تتأكد انوو دك الصوت هو السبب فبعد الناس لتيبغييوها
ميلاات شفايفها علاين تبكي حااضياه غادي وممسوقش لها وصل لنص فدك الجسر وتلفت لها بصوت قاسي
شااافتوو مكمل طرييقو مدايهاش فيها وهي تبدا تبكي ولفات تكون مصدر اهتمام عندوو بات غيير تشوفو خايف عليها ، لوهلة حدرات رااسها تتنخصص فحال شي تربية صغيرة الظاهر انو يوسف خسر لها التربية ، تلفت لها يوسف مزال مخطاات تاخطوووة وهو يهضررر بصوت عالي باش تسمعوو حنت ووصل للطرف
يوسف : واااااش ناااوية تباااااتي تمااااك؟؟؟
جوديا بصوت عالي : هء راااااني خااااااااايفة
يوسف : منيين نقززززتي اماووكلي مكنتيييش خااااايفة؟؟
شاافت فيه تترعد وهو بعيد عليها جهد العشرة ميتررو هي فالطرف المعاكس وهي تغمض عينيها وخطاات خطواتها تتزرب ، تبسم متبعها غير شاافها تتزرب حتى تايتململ معها الجسر وهو يغووت
يوسف : ماااااتجرريش البرهووووشة
قفزاات منين سمعااتو وبطئات خطواتها ودموعها دااييزيين ولفات يوسف الحنين ولفات تسمع كلاموو الرنان .. هد ضوبل فاص متيعجببهااش فيه ، شهقاات بصوت مسمووع وهي تاااتفكر فكلللامو زعما صافي مل منها بهد السرعة؟؟؟ عااارفة راسها باردة القلب ويمكن قاسية ونرجسية ولكن لتيبغيك ررااااه تيبغيييك بصفاتك الزووينة والخاايبة وإلى تخلى عليها فهدشي تايعني انو متيبغيهااش كيف تاييقول .. عضاات على شفايفها ونفضات هد لأفكار منين حطاات رجلها فالأرض كانت وصلات .. وقفاات قدامو وهزات راسها فيه
.
.
تتشوفيه شووووفة تليين القلب ، شووفة بريئة وحنينة وكأنها تاتستعطفوو بها .. يوسف بلع ريقو وهو تيشوفيها وااصلة لسه عند صدررو تتببان كيف النملة قدام صدررو العريض .. اللعنة على دك النظرة ياللي اسررااتو لوو مافطن بتعويدتها كون لقى مصررعوو وعنقها وخشااها فصدررو غير بسبب هد النظرة لجاابت ليه التمام
.
.
عطااها بالظهر هارب منها وهي تميل شفايفها قريبة تبكي ، عضاات على شفايفها وتبعااتو تتخبط رجليها مع الأرض شافيها بنص عين وهز حااجبوو
يوسف : غااااااابشوية علييييك عنداااك تطررررطقي
مشااات تتجرري ووقفاات عليه كان جبد السارووت من جيبو تااايحل فالباب وهي تربع يدييييهاا
يوسف : ياااك هااادشي لبيتي؟؟ همم اوا هاني بعدت منك
جوديا : الى هكدا لاش جايبني لهنا؟؟؟ باشمن حق مخليينني معاك؟؟؟
حل لباب ودخل وتلفت لها هاز حااجبوو
يوسف : باااش نعالجك (سكت شحاال ) وهنا بلاصة آمنة ولا ولفتي تتخطفي؟؟؟؟
خنزرات فيه تااطلع النفس وتنزلها كون كانووا عيوونها قرطاس كااانت تقتللوا بيهم
جوديا : إذن تفلييتي عليا؟؟؟؟؟ جاايبني غير باش تعالجني؟؟ ( غووتات ) اناااااااااا مااااشي هبيييييلة ماااشي هبيييييلة تتتسمع ماشي هبيلة
عطااها بالظهر وطلع فالدررج تيضوور عينيه فارجااء المنزل مخليييها وراه تتبخ الدم والفوار خاارج من ودنيهاا غير طلع لفوق وهي تهز رجليها تاضرربها مع الحيط
جوديا : اتععع كداب كداااب كداااب
سكتات تاتنهج ومشاا بالها مع ايشااا : عليها اتععع كداب غدااار كداب لقيتييها سبة (دفعات لباب سداتو ) ماشي انا لتبدلني بمونيييكة والله منخليييك لك الصفريطة
سكتات تاتنهج باستغراب وحطات يديها على فمها
جوديا : لا لااا ماايمكننش نغيير لااا
ضورات عينيها فالدار ، كانت خشبية عبارة على غرفة المعيشة جاات اونفاس مع الباب اللي فجنببو المطبخ المجهز بمعدات عصرية ... وغرفة الجلوس فالجنب لآخر بفووطويات موف جااو على حائط زجاجي من وراه تاتبان الحدييقة ومسببح مربع ومتوسط بعض الشيء .. راق لها المنزل ودخلات للكوزينة تتبسم وتحك كررشها غير دك الطييحة والطللعة منها جاابت لها الجوووع
.
.
فبلاصة خررا
قدام الشالي وااقف بغرورر هاز رااسو وهو مربع يدوو بحواجب منقضة داازت ساعتين باش خرجو وماازال ماجااوو لوهلة ندم علاش مرااقبهمش زعما يكون يوسف عااق بيه ؟؟ لا مايمكنش يوسف واحد غبي وزاد فغبائوو بسبب الحب هزز رااسو موافق على هد الكلام ..قبل ميشوفيها بنص عين فور ما سمع خطوواتها القرراب منوو ، تنهدات تتشوووف لبعييد وتبسماات مراقبة الناس فالشاطئ شي تيلعب شي تيضحك بصاررح العبارة تتغمررهم السعادة اللي مفتقدااها هي
عائشة : الحياة زوييينة اياسين فنفس الوقت خييطها قصير خاص نعرفو نمشيو فوقو باش ماااايتقطعش بينا
ياسين : الحياة ظالمة اعائشة واذا مكنتييش سبع ياكلوك الضبووعة
نفااات برأسها وربعات يديييها
عائشة : تيقوولو انو اذا مشيتي فطريق الانتقام تيخص تحفر زوج قببور واحد لعدووك ( تنهدااات ) وواحد لك
قااض نظاظررو وتلفت عنددها
ياسين : غاتخليييني فنص الطريق اعائشة؟ ؟؟
عائشة : نموووت ومااااندييرهااش
.
.
حط رااسوو على الحيط وغمض عينيه والما نازل عليه ، جمع قبضة يدو وهو تيتفكرر ياسين عندو الزهر حاليا علاجها من اولوويااتوو والا كان غادي يقتلوا فور ما شافوا فالاوطييل !!
هز يدوو تيحيد الشعر لنزل على عيونو والما نازل علييه ، إذا ياسين تيلعب بذييلو وغير من التحت فحتى هو غاادي يرد دقتوو بالمثل
سد الرشاش وهز فوطة ضووررها على خصرو وخرج
حل الباب تاع الدووش تيضور عينيه فارجااء الغرفة حتى هو أول مرة يدخل لهد المنزل الوكيل العقاري تكلف بكلشي حتى بشنوو يخصهم من أكل ولبااس !!
كان هذفو يخلي ياسين متأكد انو يوسف معاارفوش نازل فنفس الاووطييل ، يلا غادي يمشي للدريسنغ وهو ينزل حااجبو منين سمع غووااتها ومشا تيجري بفوطتو حتى انو ملبسش عليه
نزل فالدروج تيجرري ودخل المطبخ للي جاي منوو صوتها وهي تتغوووت ذاك الخوف كامل تحووول لصدمة منين شاااف الكلية تطيير فالسماا وجوديا تتنقز وتغوووت
بدون مباالاة لكلامها شير للأرض فين كانوا محطووطين بلاستييكات فيهم كل ما غايحتاجوه من أكل وشافيهاا كانت علاين تبكي منين مداهاش فيها منين قالت ليه محرروقة
يوسف : برهووووشة
عطااها بالظهر وخرج فحااالاتو وهي تزيير على يديها
جوديا : دك المووووونييكة لبدلاااتوو عليا
طلعات السنسلة تاع المونطو وجلساات تتفرك فصبباعها وهو جالس حداها ، بعدما سمح لها الطبيب بالخروج جاب لها محمد ماتلبس وجلس فالسرير متبعها شي حاجة تتجرو لهد المدعو ارجد دك النظرة الملتهبة ماغريباش عليه ابدا شنوو معناها فين شاافها الله واعلم
كان شعرها الاسود مطلوق مضورة على راسها لفاصمة باررتباك رجعات شعرها ياللي كان عند كتافها لورا ظهرها وتلفتات لوراها وبعيوونها الفيرووزية تتشووف ببراءة ناحية غرفتوو على أمل تشوفوو ، ماالقاتووش كانوا فقط دوك الوحوش الآدمية على قولها واااقفين قدام غرفتو استغربت من ردة فعلها هدي علاش هي اصلا بات تشوفوو قبل ماتمشي على أساس شكررتييه املاك؟؟
كاانت هادي آخر كلمة قالت بينها وبين نفسها قبل ماتشووف قداامها وبيديها تعنق محمد
.
.
داخل غررفتو واقف تايطل عليهم من الشباك دالنافدة انفوا شاافها تلفتات ناحية غرفتووا سدوو وتخباا غير تلفتات قدااامها رجع تايطل عليهم وفعيوونو ناار كبييرة مغادي تهمد إلا بالانتقام !!
عالم الجريمة والمافيات معروف بالعالم الدموي عالم القسووة والموت ياللي فسن صغيير دخل ليه تظلم فصغررو وعانى المرارر فكبررو دوز طفولتو كلها فالاصلاحية ومين كمل 18 صييفطووه يكمل الحكم فالسجن الحكم لكان مؤبد وبفضل معارفو اللي دار فالسجن ولا محدد
فعمر 23 سنة تعرض لمحاولة القتل .. عارف ومتاكد انو محمد مول الفعلة مااكفاهش انو رماه للحبس حاول يقتلوا !!
ساعتها ارجد فقد كليا دك النسبة لقليلة من البراءة لعندوو بعدما صفااها لهدك لجاا يقتلوا التجأ لمفيوزي كبيير كان معهم فالسجن .. كان دخوولو للسجن عبارة عن عطلة سياحية بالنسبة ليه يخرج وقتنا عجببو تايدير اموروو داخل السجن حتى من لبنات تايجيبووهم ليه حتى لعندو !!
كان دك المافيوزي هو الخيط الرفيع بينو وبين حرييتوو تعارف عليه ولا من رجالو الصغاار داخل السجن أي واحد ضدهم ارجد يقتلوا حتى من الحاارس تاع السجن تكلف بقتلوا حتى كسب الثقة وولات عندو الكلمة ونهار لمفيوزي خرج خرج معاه ارجد اللي كان محكوم مؤبد
ولكن للأسف هدك الولد البريء لدخل قبل سنين ماشي نفسوو الشخص لخرج ماشي نفسو
.
.
ارجد لأن ماشي الولد لتيببكي ويطلب يعفيو عليه ، ارجد دبا تيخلي الناس تطلب العفو منو .. قاسي القلب بارد المشااعر اناني كبييير عندو نفسو نفسوو نفسو قبل كلشي انتهازي وغدار لدرجة انو قتل المافيوزي لخرجو من الحبس وخدا بلاصتوو ..
كمل كلاامو وعطاها بالظهر تينهج ، صعييب بزاف تحس بالنقص قدام الناس والااصعب من ذلك أنك متقدررش تعوض دك النقص، عض على شفاايفو ونزلات دمعة من عينوو بعجرفة مسحهااا بصبعوو قبل ماتوصل لخدو ويدوو الثانية داايرها على خصررو قبل مااييحل فموو بصدمة منين تلاحت عليه معنقاااه من ظهرو وخاشية رأسها بين كتااافو تتبكي
عائشة : هء عفاااك اياسين هء إلا أنا عممررررك تفكر اني نشفق عليك عء متببعدنيييش عليك هء عفاااك والله حتى شفتهااا منين كنت صغييرة هءوالله
تلفت ليها منزل حااجببو ودفعهااا هاد المرة بلما يغبي عييبو قال
ياسين : كفااااش؟؟؟
عائشة : هء كل ليلة تنجي لبيتك هء وكل ليلة حبي لك تايكبببر فقلبي أضعاف مااااتيهمنيييش نتا هء كييف تاتشووف راسك لتيهمني هي نظرتي ليك هء نتااا النور لفحيااتي اياسين ( شافت فيه بضعف )تاااانبغييك اياسين وربي شااهد حتى من كل قلبي تاااانبغيييك
فبلاصة خراا
داااير رجلو على الحيط كيف العادة تيبيع لولاد للليسي هز حااجببو منين شاافو جاي ناحييتوو هو يجبد سيجارة من ورا ودنييه وجبد قدااحة من جيب سروال تاايشعل فيه حتى وقف عليه
صلاح : وااااافين ابا جوواد (بتهكم ) لعيبة تاني؟؟
كان داير يدو على خصرو وليد الثانية سلم بها عليه
جواد : صيفطنني ياسين
صلاح : لفللوووووس (تيلعب بصباعوو ) لماااني اعشيري
جواد : ولكن معنددييييش .. ياسين قالي
قااطعووو تييحك نييفوو بعدها نفت الدخان من نيفو
صلاح : تبقااا فالقلب (مد ليه حبة نصهاا حمر نصها بيض ) آخر مكااين فالسووق
حك جوواد نيفو وتبسم وقبطهاا من عندو
عفط على الكارو بعدما لاحوو وهو متبعو غادي وبحوااجب منقضة زفر الهوااا من انفواا وجبد تلفونو من جييبوو
صلاح : منين غااانعررررف لك انااا فيييين هما اياسيين منين بفففف
صوونا على نمررتهاا ودار التلفون على ودنوو كاان تاايصونيي شوية طفاا وولات تشدو غير لبواات فوكاال
.
.
.
كان واااقف فدك الطلعة برا المنزل بالضبط فالحديقة الخاصة بيه وهو لاابس شوورط بيض مع تيشوورط بيض نصكم باقي شعرو فاززك وشفاارو ملصقين مع بعضهم بالما
يوسف : حتى نتا انتهت لعبتك اسي صلاح ، غااادي نوريكم اخرة اللعب معاااياا غير تسنااووو
ووقف وجمع ضحكتوو تايشووفيها تاطل عليه وهي مربعة يديها دخل للدار وسد لباب ومشاا للصالون فين وااقفة كانت تطل عليه من النافذة وتفطح فوق الفوطووي وهز البيسي ، جلساات جودياا متبعااه هز خدية دارها تحتتو بلما يعبرررها وهي تحنحن
يوسف : عندك معدة ولا بيرر؟؟ غير نسااعة هدي كليييتي ( وراها بصباعوو) تلاااته تاع البيتزاات
شااافت فيه مارااضياااش
جوديا : رااااه ماشي حجم عائلي واصلا غييير بوونج محسيتش بها امتا سالاات
هز فيها عيونو وضحك بسخررية ورجع نزل عيونو للبيسي حتى دمعو عينيها وتمتمااات بصوت رااجف باسموو
جودياا : يووووسف
شاافيها مقندنش
يوسف : لا يوسف لا حماان بعددي مني
سد لبيسي ولاحوو ونااض غادي فاتجاه المطبخ هارب منها من صووتها الرنان فادنو من سحرهاا على قلبوا وانفاسها اللي سجنات كياانو نزلات راسها تترعد وتبكي غير دخل لمطبخ نااضت تتزرب لبيسي هزااتو جلست فبلاصتوو ودارتو على ركبتها حلااتو لقاتو بلباس وورد وهي تزير على شفاايفها
جوديا : امممم بااااينه تاظل مجمع مع دك ختنا هدشي لاش مسوووررتوو
كااان تايطل عليها من المطبخ ويضحك عض على شفايفو عاجباه هد لعبة الفار والقط
يوسف : لباس وورد هو نتي البرهووشة
تبسم ورجع للمطببخ ...حطاات هي لبيسي ونااضت غاادياا عندو دخلت للمطبخ كان وااقف حدا الرخامة فوقها دووايات بزااف ، جبد حبة من قرعة وهز كأس تاااع الما عوال يديهم لها حتى شاافها دخلات كيف العجااجة
يوسف : هاااكي شرربي الدواااا تاعك
جوديا : همممم هدا الدوا تاع الهباال عقت بيك ناوي تسطيينيي باش يخلا لك الجوو مع مونيكا تاع عاشورا بتلك
يوسف : وااوو تصفيقات لدكائك .. ومالي فيه؟؟ مزوجك وماافحبااريش؟؟ لاش لبيت ندير علاقة ناخد ادنك
شددها من فكهااا لاح لها الحبة
يوسف : سررطي ( غوت) قلت لك سرطي
نفاات برأسها وهو يحبس لها النفس من نيفهااا حتى سررطات بزز منها
يوسف وهو تيضحك : داااباااا مزياااان ليرضي عليك ( جمع ضحكتوو ) البرهوووووشة
خرج من للمطببخ خلاااها تاااتغلي رجع لبلااصتووو وهز لبيسي تيضحك غير حط البيسي فوق ركبتوو جات جلسات حدااه مربعة يديييها
جوديا : مليييييييت اناااا مليييييت
يوسف : ربعة تاع الحييوط ضاايرين بيك ختااارري القاااصح فيهم وصططحي راسك معااه
شافت فيه قربات تبببكيي
جوديا : ياااك؟؟؟؟
يوسف : شووفي إلى مليييتي شعللي تفرجي فتوم وجييري (خنزر ) برهووووشة
دار رجل فوق رجل وهي حدااه تتدعي على هد المدعوة ايشاا كون كانت حدااهاا كون نتفااتها ماااافيهااش
جوديا : عطيييني تلفون نتكونكطاااا
جبد تااعو من جيب الشورط وعطاه لها وهي تهز حااجبها
جوديا : بيييييييت تلفووووووني
يوسف : فحال تاااتغوووتي؟؟؟
دبلات عينيها وهضررات بشوى : يوسف عاافااك تلفوووني
تبسم بتهكم ولاح لها تلفونو فوق ركبتها
يوسف : كاين غاهدااا عجبك الحال شديييه معجبكش الحاال سووقك هدااااك
زداات حجباانهاا قريب تنفاجر وخداتوو من عندووو .. شاافتو بلا باس وورد ودمعوو عينيهااا تفكرات منين كانو فدك الغرفة كان داير اسمها ...حيدييها ادن حيديها حتى من قلبوا ؟؟؟
بعدات منوو وجلساات اونفاس ليه ودخلات للفيسبوك .. دخلات لايميل تاعها ولباس وورد وهي تمشي تااتقلب على لكونفغساسيون بينها وبينوو طلع لها اونلاين وهي تشوووفيه تاضحك وررسلات ليه مساج
.
.
كااان خدام تيقراا مقالات منى دكاترة كبار فالطب النفسي على الحاالة تاعها وصل ليه مسااجهاا ودخللييه تبسم
كانت راسلا ليه " cccc "
يوسف تكتب : " cq??"
جوديا قرات مسااجو غوبشاات وهي تكتب : "nsitini?? "
ضحك وجااوبها " fin tan3rfk ana b3da "
جوديا : " ana hiya hadik limat liha rajlha , tfkrtini?? "
يوسف : " mmmm wmn b3d"
جوديا : " nta 3ndk Xi rolation?? "
تبسم وشاافييهاا بشر حتى هي شاافت فيه وضحكاات تتسنااه يجااوب ..رجع حدر عينيه تايكتب
يوسف : "se mrtabbt "
جوديا :" hhh 3aNdha Xi 18ans wla 19ans yk "
يوسف : " No .. hobbit kbbira ..18??? Hhhh bahooooooccha "
قرراات المساج وخننررات فيه خلاتو بلاكة وديكونطات لاحت ليه تلفون وناااضت للكووزينه تتجدب برجليها وضربها مع لأرض مخليااه تااايضحك عليه
يوسف : الحبيييبة ديااالي ههه
دخلات للكووزينة وضرربات يديها مع الرخاامة هزات موس وهزات بطاطا من شبكة تاع الخضرة فوق الرخامة وبدات تنقي فيهاا
شعلات على المقلة اللي اصلا كانت فوق افرن وهي كتب الزيت ..وبدات تنقي بطاطا .. دارررتها دائراات ولاحتها بعدما سخننات الزيت
جوديا : كوووون طااحت فيدي دك خلاع الجاووش كنت غانخشي لها راسها فهد المقلة
كان وراها مربع يدوو تيسمع لها ويضحك بدات تطيب بطااطاا ووجووديا تتهز بالموس وتاكلها سخوونة .. قرب يوسف للمقلة طل لقا الزيت تاتقلا رااسها وجودياا تتمدغ
هز حاجببو : اوا رمي
خنزراااات فيه ومسحات فمها من الزيت
جوديا : غيييير وحدة من الزوج تمشي من قدامي ولا نخوووي عليك مقلة تاع الزيت راااااني هببيلة وندييررها
يوسف : منين تتاكلي بطاطا من فوق المقلة هبييلة وبالوراااق
شااافيها شحاااال بعدها قلب عينوو وعطااها بالظهر وهو جامع قبضة يدوو وهاز راسو بقسوة بابتسامة مريرة شاافت فيها وهززات راسها بفهم بعدما عطااها بالظهر رجعات حدررات راسها تاتشهق دك الألم ياللي بين ضلووعهاا نهش قلبها نهش وشحاال صعييب تتلقى الرفض من الشخص اللي تااتبغي !!
مسح دقنو وعض شفاايفوو قبل مايمشي ناحية لبوفي لعندوو فالغرفة .. هز قنينة تاع النبيذ الأحمر وكب فالكااس .. هز ليه الراس شربوو كاامل وغمض عييينو صدررو تايطلع وينزززل
الحقد الكراهية والرغبة في الانتقاام كلها مشاعر تتولد فقلبنا بمجرد مانخسرروا شي حاجة بسبب شي شخص لكن السؤال هو فين يااترى غايووصلنا دك الألم فطرريق الاانتقام ؟؟
.
.
داار يدييه فجيييبو وعائشة وراه تاتسنااا جوواب هو براسو معارفووش ..التيه ، الحيرة كاين غا التيه فنظرة عينوو شي حاجة دااخلو رافضة تنصااع لها وشي فداخلوا ثااني مانعاه يرفضهاا
هو براسو معارفش نوع المشاعر لتيكن لها من غير أنها بعد انتقامو هي حياتوو عائلتو دك الأمان والسكينة لفتقد فحيااتو .. عم الصمت لدقايق كثييرة بقلوب شريييدة ومتشررردة حتى كسروا بصووتوو القاسي وهو مربع يدوو وبكل برود قال
ياسين : اذا كنتيي تتبغييني فهدشي متهمنييش
نزلات دمعة من عينيها انفوا سكت وهو يستأنف كلاامو
ياسين : طريقي مرسوم باين وواضح .. هذفي فهد الحياة نااخد بثأري
قاطعاااتو : نااخدوووووه
ياسين : خلييييينني نكمل ( تنهد وعض على شفاايفو ) من سنين انا خسرت راسي .. خسرت مع عيني ياسين الي يضحك وينشط ويعيش الحياة .. حيااتي دمراات ومابقا يهمني والو من غير الانتقام .. خلي بلاااصتك زوينة اعاءشة متحااوليش تخررجي رأسك من قلبي بسبب مشاعر تافهة مصيرها لفشل بل مكيينااش فرصة للمحااولة باش تفشل !!
حتى هد اللعبة لدخلتتك ليها غانخررجك منها .. لحب اللي تتقلبي عليه مكينش عندي ( هز راسو ) فااااقد الشيء لا يعطييه اعائشة ماااتحلمييش واداا وقع وحلمتي فيقي من احلااامك
عضااات على شفتها تتبكي وحدراات راسها تلفت لها وبان شبح الحزن والندم على وجهو بيدوو تااايعدب قلبوا لكن هدفووو فهد الحياااة الثأر وممستعدش تكون عندو نقطة ضعف ولا حتى مشاعر صااافية ومقددسة ممستعدش يكون نسخة ثانية على يوسف يموت ومايوليييش
رجعااات زوج خطووات اللور تتشووفيه عااااطييها بالظهر حدررات راااسها ومسحات دمعتها عاطياااه بالظهر حتى هي
عائشة : وااااخااا (سكتات شحال ) عندك الحق فكل كلمة قلتيي ( تبسمات بمرارة) ولكن اللي معندكش الحق فيه انك تخررجني من هد اللعبة ( شاافت لبعيد ) من الأول خطتنا ندخل لحيااتو كمريضة نفسانية وهدشي لغايكوون .. نخليييك ترتاح
حطاات يديها على لبواني وقبل مااااتحل الباب تلفتات ليه
عائشة : دييير راااسك ماااقلت لك والو
ياسين : علاش شنوو قللتي؟؟؟
هززات رأسها والغصة فحلقها .. ندمااات حتى مل الندم من ندمها من يوم يومها كرامتها وكبريائها فوق أي حاجة فهد الكون وبزلة لساان مرمداتهم تحت رجلييه
خررجاات وسدداات الباب وراها وبااان الغضب فوجها حكات انفهاا بغل واتجهت لغرفتها بسرررعة خااصهاا ضروري تتكالما والا مغاايوووقع خيير
.
.
.
فوور ما خرجااات وسداات لباب حط يدو على قلبووا وكأنو تايهدنوا ويطبطب عليه هز راااسو للفوق ووتنهد بألم مستعد يزيل هد القلب لغادي يردوو ضعيف يديررها ومايحنش !!
جبد تلفونو من جيييبو وسجل رقم ودارو على ودنوو ثواني وجااوبوا
ياسين : عرررفتييي شي حااجة؟؟؟
كاان ماااازال فبلاصتوو اللي متحييد منها حتى ورا الستة ويتأكد انو ولاد الليسي خرررجووا سمع الفون تيصووني غير شااف نمررتوا زفر باستنكااار وجااوب
صلاح : ووووي ياسين ( سكت ) صووونييت لها ومجااووبتش
ياسين : طييير نزل عرف ليا فين هماااااا
صلاح : عشييررري واش مخبيهم فجيبي اناا؟؟؟ تااء منييين غانعرررف لك انااا
قطع الخط وركل الحييط برجلووا بغل وهو مزيير على سنااانو ... بصح ياسين مني خسر عينوو مالقاش لييووقف معاه سواء ماديا ولا معنويااا ... لكن من حين إلى آخر كان تيجي يزورو عمو جاايب معاه ولدوو الصغيير !!
كان دك الولد هو صلاح ... رغم انو ياسين مكاانش بااه راجل بااعو بالفللوس لكن أقلها كان عندو دك العم لتيحن فيه مرة مرة ... بصح العين بصيرة واليد القصيرة كان تييعاونوو ماديا وماشي معنويا تيحسسو انو عندو أهل وسند
منين ياسين ولا مع روبيو بعدما قتل باه ومرتو بدم بارد داازت عامين وتفكر عموو مشاا يزوورو أقل شي يشكرروا على وقفتوا معاه لقااااه ماات وخلا وراه دك الولد الصغير اللي تربا فكنف ياسين معقول غايخرج مهندس أو طبيب؟؟
دووزات يديييها على شعرها وهي جااالسة جنببها وتبسمات باصطناع رغم لاسى لرااها فيه ..
صلاح : كنتي قلتي لي هو بسي واحت الولد عشيري محتاج ليه برب قلت تعطيني عنوانو
ملاك : معندييش مساكنش معناااا (نزلات حااجبها ) امتا دوييت لك انا على خوويا؟؟؟ حد علمي عمري دووييت عليه
صلاح : هااا ءء يلا ملاك نخلييك تيعييطوو ليا
قطع الخط وحطاات التلفون جنبها وهي هاازة حجباانها تاتفكر متأكدة كل التأكيد أنها عمرها دواات على يوسف معاه يوسف اللي متتربطهااش بيه حتى صلة بسبب بعدو عليهم كفاش عرف هدشي؟؟؟
سمعاات الفون تايصووني ثاني وهي تهزو وجااااوبت بدون ماتشوف شكوون
ملاك : وي صلاح
كاان قدام لبيسين جالس فالرولكس وهو لابس سروال تجين بيض طااويه من رجلييه مخلي صدرو الحدييدي عريان مبين دك الوشم لفيه على شكل ثعباان !!
ومضور الفاصمة على كررشوو داير رجل فوق رجل والفون فودنو جااوبهاا بصوت بااح بارد كيف الثلج
تبسم وغمز وحدة كانت خارجة من المسبح بدوبياس وجلسات حداا رجلووا
ارجد : حتى حاجة مااصعييبة عليا
فبلاصة خرا
وصل الليل .. كانت جاالسة فوق الساالا مونجي تتشطح بيدييها وهو فالصالون مفررش سجادة و تيصلي .. عضات على شفاييفها تاضحك عقلها قاليها خسرري ليه الصلاة بدات تشطح فوق الطبلة
جوديا : وهااااووهااو ومانصحااب جااوي يداااوي (تضرب فالطبلة ) ووهااوهاووو ومن صحاب الموت تااابعاااني وهااووهاووو وهيااشيطاان لاش خارج من الجماعة
شاافتوو سلم وهي تنقز من فوق الطبلة تتشوووفيه .. هز مصحف وربع وفتحوو حااني رااسو تيقراا بينو وبين نفسوو حلات عينيها بصدمة وحكات عينيها
جوديا : ياااربي نكون تانحلم فين يوسف تفورماطاا (زاادت زوج خطووات ) من التشلقيم للقرآن (غوتات ) يووووسف
هز عينوو خنزر فيها ورجع تيقرا القرآن بصوت خافت وهي تجلس فالفوطووي دايرة يدييها على ركابيها
جوديا : واااش موووضي؟؟؟ ررراه عيب تهز القرآن بلا وضو
طلع فيها عينيه بدك النظرة تاع واش منيتك وهي ضحك بغباء
سد المصحف وحطوو جنببو .. وشاافيهاا تينعل فالشيطان لكن كلامها الاخيير جنننو حتى جاوبها بعصبية
يوسف : شفتيني ***ويتك باش نتوضا لووضوو الكبير؟ ؟؟ تاننديير علاااش بعدااا ( ناض فاتجاااه المطبخ ) زوويينة هدي
تقلبات فبلاصتها للمرة المئة تنظن !! عقل يديها وعقل يجييبها مراهاش قادرة تتخيل أنها واافقت تتلاقى بارجد باش من مناسبة عرض عليها لكافي؟؟ وعلاش هي اصلا وافقات؟؟
نااضت على ظهررها وتربعات فوق الناموسية تتزفر بندم شاافت الكاس حدا راسها خااوي وهي تهززو وناضت ، كانت لابسة فستان بييتي بالوردي تاع النوم بالوردي وهازا شعررها الأسود كوت شوفال خلات لباب محلول ونزلت فالدرروج فاتجااه المطبخ .. يلاه غادي تدخل ثار انتباههاا محمد وهو عااطيها بالظهر وجالس فالصالون شاافت فالساعة اللي فالحيط كانت الوحدة تاع الليل وهي تنزل حاجبها باستغراب موالف يكون فالخدمة وفحالة اذا مكانش تيكون ناعس !!
حكات عنقها بتوتر وقربات منو
ملاك : بااابا
تلفت لها كانت واقفة عليه وهي بتعجب تتشووفييه جالس فالصالة وفيديه المسدس تاعو مموالفاش ليه يجببد سلاح الخدمة ولا حتى يوريه لهم دائما تيخبييه فبلاصة عارفها غير هو لا غييير
محمد : مجاانييش النعاس وكنت تنظف السلاح ( شافيها ) سيري نعسي وارتاحي مشا الحال .. قارية غدا؟ ؟؟
هززاات راسها وتفكرراات موعدددها مع هد المدعو ارجد الي ماعارفاش حتى كفااش وافقت على عراضتوو وبلعاات ريقها وكأنو غايعييق بها
ملاك : اااه قااارياا
محمد : تصببحي على خير
شاافيها بصرامة قصدو من نظرتوو تمشي وتخليه ودكشي لكان دخلات للمطبخ عمرات الما وطللعات لبيتها فحين محمد تبعها بعيوونو حتى طلعات وعض على شفايفو بعصبية وجبد الدخييرة لعندوو فسلاحو تيحسب فيها وبالو مشاا مع آخر كلام جمعوو معااه
#فلاش_باك .. قبل ساعتين
تقلب ففراشوو تاايسمع صوت شهقااتها وهي تتبكي !!
دائما تيديروها لولاد ويتتكدمو فيها والدييهم هذا حالهم منهاار عرفت بمرض يوسف .. تتسنااه حتى ينعس وتفش قلبها فالبكاا ظنا منها انو متيسمعهااش !!
سكتتات منين سمعت صوت تلفون تاعو تيصووني هزو محمد وكمش حواجبو مين شاف نمرة بريفي كيف العادة عارف واحد فيهم ولكن هد المرة شكون تيصوني ليه؟؟
وااش للي تيهددوو بالرشوة ولا اللي تيهددوو بانتقام هو براسوو معارفش سببو ، نااض من بلاصتو وتلفت ليها .. لبس البينوار تاعو وهز الفون جاوب وخرج ساد معاه الباب مخليهاا وراه متبعااه بعيووونها وتتمسح دموعها !!
.
.
سد الباب ودار الفون على ادنو بدون ماايتكلم حتى سمع صوووت شي واحد تايصفر بعدها سمع ضحكة وكأنها ضحكة مجنون ولا مريض نفسي
ارجد : ماايمكنش ننعس بلاما نسمع صووووتك هدا بحد ذااتوو الموت البطيء ، شحال صعيب تكون تكره شي وااحد لدرجة يولي هو نفسو السكينة اللي تاايقلب عليها بالك!!!
هز محمد رااسو وهو ناازل فالدرروج غير من نبرة صوتو اللي متأكد انو ديجاا سمعو عرفو انو ماشي نفس الشخص اللي تايبتزوا !!
محمد : (بتهكم ) فرحت منيين عررفت عندي عليك تأثير !!
ارجد : نتاا أحقر واحد شفتووو فهد الدنيا
نزل لتتحت ودخل الصالون وجلس داااير رجل فوق رجل
محمد : رأيك فيا خليييه عندك ، آخر همي
أرجد : بصح قرييب نولي اول هموومك ... غاادي ندمرك فالحيااة مغااديش نقتلك لا غااانخلييك تمنى الموت وماااتلقاهش بداية بولدك ونهاية ببنتك غادي نخليييك تحدر راسك ومايبقاش عندك الوجه باش طلعوا كبرياائك هذا غادي نعفط عليه بسباطي بلما يرف ليا جفن ... ماغادي نهنا ولا يرتاااح ليا بال حتى نخلي ايامك أسود من سواد حياتك
محمد : كملتي؟؟؟
قطع عليه الخط ولاح الفون زير على فكوو بعصبية وكاع دك البرروود تحووول لغضب كبير وخوف أكبر تم تم ناض للمطبخ ومد يديه فوق البلاكارات جبد سلاحو
#نهاية_لفلاش_باك
حط السلاح تاعو فوق الطابل و عض على شفاايفو بعصبية مشاكل الدنيا والدين مجمووعين فوق رااسوو وكترة الأعداء مستهدفين ولادوو مستعد يحاربهم كلهم يموت ومابخليش ولادو يتأدااو
.
.
مكان آخر
دار راسو اللي تايعطيييه الصداع بين يدووو .. نفسو ضااقت عليه منين بلع دك الحبة للي عطااه صلاح ، شد كرشو وناض تاايجرري غادي للحماام حل الباب وتحنا على لاساش تيرد لفجوفوو بعدها هز رااسوو وتكاا على الحيط تينهج .. شد صدروو اللي بدا يضيق عليه والدم اختفى من وجهوو ولا زرق داه بالو لقبل عامين للنهار ياللي كان سبب دمارو هو الثاني .. داه بالو لدكشي لوقع دك النهاار وخلاه يتبدل الف دررجة !!
#قبل__سنتين
من يوم يومو انطوائي بزاف ومعززيزش عليه التجمعات لفيهاا كترة لبشارر هدا لاش رجع قبل الكل من دك حفل الزفاف المشؤوم .. دخل بخطوات مهييلة وغادي فاتجاه غرفتوو لفت انتباهوو ظل تاع شي واحد فالغرفة وهو ينزل حااجبوو باستغراب قبل ميتجه للمطبخ !!!
حل فمو بصدمة وعيونو مشاو نيشاان للووشاام اللي فظهرو وهو تيلبس الشوميزز .. بلع جواد ريقو بصدمة ونزل عيونو لجوديا اللي كانت عارية تماما والدم بين رجليهاا وحوايجها المقطعييين مليوحين حدا رجليهاا
كفاش غادي يتصرف وهو فسن 16 لسنة؟؟
لخوف الرعب الصدمة اختاالجوه قيدووه وسجنوه وبدعر كبير خلاووه رااجع بخطواااات للوراء مغاااادر بلما يدير الحس تماما كيف دخل بلما يدير الحس بعدما شاف وجه الوحش على قولوا واللي هو سبب ادمانوو .. بااش ينسى دك الوجه ودكشي لشاااف وعمرو قدر يبووح بيه تبلا واختاار طريق المخدرات
#الزمن_الحالي
نزلات دمعة من عينيه اللي ولاات حمرة وجهوو زراق وشفااايفو بياضوو شد صدروو من جهة اليسار اللي بداا يعطيه الحريق وتقبلوا عينيه بقا يبان غير لبياض والكشكووشة خارجة من فمووو
مهووس جوديا الجزء السابع
محتوى القصة
التنقل بين الأجزاء